lky_reg/43-LUK.usfm

\id LUK
\ide UTF-8
\h Luka
\toc1 Luka
\toc2 Luka
\toc3 luk
\mt Luka
\c 1
\cl Ebwayit 1
\p
\v 1 Omijani Tofilo, Egerio ohothing holwa asang hathuk afuhon dihiji ohothai,
\v 2 Ening ohothai asang hune tho ohothing hatehu isong afuhon, tho omiru hechaharik asang bokolong afuhon. Etienio ohothing hulia homok efahitha ho Ojok.
\v 3 Nang tha ahuan tho hindang etiena nang asang hegerio karik hethalimio ohothing hulia bokolong. Di egigilo nang ijan oyu dang do nang digerio do thai, oyijoni Tofilo, onyanyahitha hobi ha arami hune.
\v 4 Ehandio nang ahani ditek ithai ijan asang hanya ethalimie ithai tho isong obisi.
\p
\v 5 Do omiru hedefetherek hobu Herodia amiji no Judea, owon inya ofadiri lo Ojude ofure lonyong Zakaria. Inyo la emomohe no ofadirihio helongoi ara Abijah. Inyong ha afure nanyong Alisabetha oisuni tha amokok no Aaron.
\v 6 Atehu Ojok isong ara ha awang hebot, acha obang isong kuong ohipale da asang hathuk Ojok esuhuna.
\v 7 Ti awang isong ho owon ha akalifinok, acha kaang Alisabetha oisu akalifinok, ikoti inyong ho othulo lonyong emaruoi bebe.
\p
\v 8 Inya ofaning lobo ibu Zakaria igema iring fadiri di templo di Yerusalem do omiru le emomohe nanyong nafet na di gema.
\v 9 Di thifotho orindina hosong, ofadiri anyimu inyong tho omorik di den da templo na lamolo di mudio angenge nethahabuyo.
\v 10 Ajara omiru edwongi donyong dimudio angenge nethahabuyo, ibu ohothing holwa omojo thelengua ha atemplo.
\v 11 Thia ara Anjelohen lefahu lamolo aleyo donyong. Owetha Anjelohen do oyirik le ngethi la altari la angenge nethahabuyo.
\v 12 Ajara Zakaria atehu anjelohen, ehihira eterio abangi bebe.
\v 13 Ti ara anjelohen ajo donyong, "Zakaria, hebang! Nemojorik ie ne, aning Ojok aning neviyo ie. Thene afure nahoi Alisabetha othamana de oitho dohoi. Ongida ie ifurak inyong Yoanne.
\v 14 Imuno ie de bebe, karik omuno de dang ohothing homok holwa da aisuna nanyong.
\v 15 Omijo de Ojok inyong ara lo obolo. Ongida inyong awang ho omatha obalu karik ahari ho ohobuok. Isak inyong de Ohoile Lodwa akolon juk kaang inyong ho oisuni.
\v 16 Iwiwilak inyong anyakwarit ho Israile di thawejo eyatha eterie ethairio Lamolo Ojok losong ikoti.
\v 17 Olo de oitho lohoi ahithemi no Lamolo dihuhumio oihoi lonyong oko dihoile honyonh iring nanya ho prophete Elija na. Isak de ahathingie ho omonyehio eruhon akalifinok ho okalifinok hasong ikoti. Isak de ohothing holwa ha awang obang Ojok di suka tha ahongon karik dibangi inyong iring nehandio ohothing hobis. Ihandio inyong hune disahina ohothing eruhon ethilayo na ainduna na Lamolo."
\p
\v 18 Thia ara Zakaria ajo do anjelohen, "Emaruo nang bebe, karik athulo hindang dang emaruo bebe. Angai eruhok nang ijan asang hechama ie ofuhi de diri?"
\v 19 Thia ara anjelohen ajo donyong, "Nang Gabruele! Awetha nang dihithemi ho Ojok! I fahuni nang di nyahina ie arami hayu da ainyong dena nalo ifuhon dohoi.
\v 20 Ainyong nanyahi nang dohoi diri ofuk dena do omiru lowak Ojok, ti awang ie iruk arami hundang. Thene isak dena Ojok ie awangan nachama many ofaning lo oyisunerek oitho lohoi!"
\v 21 Zakaria di chama ho anjelohen ditha atemplo, ohothing dingua ho di thilayo inyong diyinduna dinguai. Ofalangai anyo isuka inyong ditha atemplo omiru lohodo ahani.
\v 22 Ajara ajingu dinguai, awang inyong ochihi dichama dosong. Acha awang inyong ochama, eyiyicho tha ahinang tha nanyong dinyahina ainyong ofuk donyong. Thia atehi isong ijan atehu inyong aning nabo tho Ojok omiru lonyong dithua.
\v 23 Ajara omiru lo Zakaria digema ara ofadiri di templo athuho, ediaharu Yerusalem alo dihang honyong.
\p
\v 24 Omiru homok di holu, ara afure nayong Elisabetha emoho, ti kaang holo dinguai da ahathing oyefathik miet.
\v 25 Ajo donyong halefeng, "Esarak nang Lamolo emoho. Ahani, amiehunu inyong nang eyaru omuta hohothing tho nang adi!"
\p
\v 26 Ajara Elisabetha awon ho oyefathik indee hemoho, ara Ojok efahu angelo Gabruele da abore na Nazarethe da amiji no Galilee.
\v 27 Olo dia chama de eitho na awang otek obusuha nelongoi ara Maria. Ethafithahini di mutha ho othulo le longoi ara Yosefo, onyakuarit lo hobu Davide. Etho na awang ibot ofure lonyong Maria.
\v 28 Ajo anjelo donyong, "Korukaa! Owon Lamolo hohoi kari azuk anyahina aijii nayong dohoi!"
\v 29 Ti awang Maria ho omuno di ninguna nayong emandaa nanyong. Afalanga ainyong igigilo anjelohen the arami tho hune..
\v 30 Thia ara anjelohen ajo donyong, "Hebang, Maria, acha efothu ie eruhon tho Ojok!
\v 31 Imoho ie de ara ie ithamana oitho, ongida ie ifurak inyong ara Yesu.
\v 32 Obolo de inyong bebe karik ilongoi inyong de ara olonyi lo Ojok lotho hide bebe. Isak de Lamolo Ojok inyong ara ohobu do ohothing honyong iring naya ohohonyi lonyong Davide.
\v 33 Indefetho inyong anyakuarit ho Yacobo iring ara amanya. Idafetho inyong iring amanya!".
\p
\v 34 Thia maria ajo da anjelohen, "Angai ofuk hune, awang atek obusuha?"
\p
\v 35 Ara anjelohen etharang, "Oindu de Ohoile Lolibo dohoi ara okolon no Ojok emuhok ie. Thene okalifonit leisu ie odwa de, karik elongoi inyong de ara olonyi lo Ojok.
\v 36 Karik ithaningie do huna. Athulo nathai Alisabetha emoho oitho lobusuha, juk emaruo inyong bebe. Karik juk igilo ohothing awang inyong ochihi athamana aduri, azuk emoho inyong na owon ho oyefathik indee.
\v 37 Acha inhandio Ojok aning nawak inyong!"
\p
\v 38 Thia ara Maria ajo, "Oiji bokolong, Nang angacha no Lamolo, idehi asang hechama ie do nang thofuho!" Thia anjelohen ediaharu inyong.
\p
\v 39 Kuak di holu ho hua, adotho Maria alo do odonge lo Judea, do abore nahito nesukarik Zakaria.
\v 40 Ajinga dithua honyong emandayo afure nayong Alisabita.
\v 41 Kuak dithaninguna na Alisabita emandayo no Maria inyong, adutha okalifonit dihohe ho Alisabeta. Kuak ara Ohoile Lolibo ethaithak Alisabeta di imamajo Ojok.
\v 42 Elango thafalanga bebe do Maria, "Ethalik ie Ojok ie bebe nakalaru ethalik na angoruo hamok, kari athuk inyong ethalik okalifonit leisu ie de!
\v 43 Angai olibo inyong do hoi ahathingi na Lamolo hindang, aindu do nang!
\v 44 Da aninguna hindang emandayo nahoi nang, okalifonit lo thohohe honang adutha di muno ainduna nahoi!
\v 45 Ilik ie ahuan acha iruk ie ijan asang hanyahi ie Lamolo ofuni de iring habisi.
\p
\v 46 Thia Maria ethahuyo Ojok thajaran: "Oo, angai ethahuyo nang Lamolo!
\q2
\v 47 Amuno nang Ojok bebe, Inyong ithaluaho nang.
\q
\v 48 Nang angacha nanyong nati, ti kaang inyong okuoro nang. Tha ahanana ahithemi, ohothing ara amanya ojori athuk Ojok ethalihio nang.
\q2
\v 49 Ojori ahani acha asang habolo hehandio Ojok loko bebe, do nang. Ofure lonyong olibo!
\q
\v 50 Ihandio tha amiehunu tho oper do oper lothifok to isong ho obang inyong.
\q
\v 51 Inyahi do ohothing ijan oko inyong bebe. Othurio isong howoni hethadara di thajia hosong.
\q
\v 52 Ethawejo ohobusik thedefetho ohothing, karik ethahuyo ohothing hokorie.
\q
\v 53 Esarak asang hanyie hayu do ohothing holeng ahure, karik angarari ohobara kuong esahina isong aning nabo.
\q
\v 54 Alwahio Israile, ohothing hegema donyong. Inya berien anyahi inyong do ohohonyihio hohothai ijan omiehunu inyong isong de.
\q
\v 55 Orasa inyong ha arami hua dosong ehandio inyong tha amiehuni d Abramu karik anyakuarit tho nyong."
\p
\v 56 Esuka Maria ha Alisabeta oyefathik awunihoii. Thia anyaha dihang honyong.
\p
\v 57 Ajara omiru achihi da Alisabita dizamana okalifonit lonyong, azamanu oitho.
\v 58 Ahathing hanyiha honyong karik ahathing hanyo aningi angai oyu Lamolo donyong, amunoi aboithe ha Alisabita.
\p
\v 59 Do ofaning ezatisethe do holu, asuduha ohothing dithahuyo abongio no oitho. Di wonen ho ofure lomonye ara Zakaria, awahi esahina do oitho ofure lia dang.
\v 60 Ti ara ahathingi ajo, "Awang, ongida ofure lonyong owon ara Yoanne!".
\v 61 Dia ajori donyong, "Ti Yoanne ikara ofure lo ohothing hothai!".
\v 62 Thia ethahuilithahini tha ahinasik tha hasong do omonye, donyong dinyahina ofure loni owak inyong di sahini do olonyi.
\v 63 Thene aizak injan theyanu donyong omuorong digerierek. Ajara esahini inyong lobo, egerok dia, "Ofure lonyong Yoanne." Afalanga ohothing hothia bokolong!
\v 64 Thia achama Zakaria ikoti, ara inyong eterio ethahuyo Ojok.
\v 65 Abang ahathing hesuka koko aning nehandio Ojok. Anyahinin ohothing holwa asang hafuk ara arami azuroro do odonge lo Judea.
\v 66 Arasa ohothing haningu arami hune egigilo isong. Ajori, "Ifalanga ohoi ainyong egema oindu de oitho lia ihandio ara labolo!" Tha asang bokolong hafuk, otek isong bebe ijan alwahio de Ojok inyong tho oihoi tho loko.
\p
\v 67 Diholu ha aisuna no oitho lo Zakaria, edefetho Ohoile Lolibo Zakaria achama arami huna tho Ojok:
\q
\v 68 "Ithahuye Lamolo, Ojok lemojo ohothai ohothing ho Israile, acha oindu inyong dihohina ohothai, ohothing honyong, ija.
\q
\v 69 Ifahunu inyong do ohothai othulo lobo lo oko bebe di thaluahuna ohothai, lobo lo nyakuarit ho ongacha lonyong hobu Davide.
\q
\v 70 Inya berien esak Ojok lobo lo prophetas honyong di chama ijaan ihandio inyong hua.
\q2
\v 71 Lethaluhani lo oko lia, olwahu ohothai tho omerok ho ohothai, kari ithaluahu ohothai tho ho oko ho oman ohothai.
\q
\v 72 Ihandio inyong ahani acha omiehunu ingyong ohohonyihio hohothai karik igigilo inyong emora na libo nanyong,
\q
\v 73 epitha nepithak inyong do ohohonyi lohothai Abramu.
\q
\v 74 Epithak Ojok diluahio ohothai tha akolon no omerok hohothai, karik digemarik ohothai donyong kuong abangi,
\q
\v 75 holibo karik aihothik hobis dimanya hohothai.
\q
\v 76 Thia ara Zakaria ajo huna do oitho lonyong loti: "Oitho hindang, ilongoi ie de are opropheta lo Ojok lo tho hide. Ilo ie de ahithemi no Lamolo di huhumio ohothing dithilayo ainduna nanyong.
\q
\v 77 Inyahi ie de ohothing ijan omiehi isong Ojok karik oluahu the ethagemitha heyatha hasong.
\q
\v 78 Omiehi ohothai de Ojok acha oyu inyong karik omiehunu ohothai. Karik acha tha ahani, lethaluahani lia, lojak oholong letoru, oindu do hothai tho hide di luahio ohothai.
\q
\v 79 Oulo de arami hanyong do ohothing hesuka do ohoile leriok karik di bangan ha ayee. Ithaithak inyong de ohothai de sukarik tha amuno.
\p
\v 80 Di miru, abolo oitho loti lo Zakaria karik Alisabita karik awon ho ohoile lo oko. Thia esuka da amaji nazuhi ediaharu orasa inyong esuka dia de eterio nanyong etitoyo sool do ohothing ho Ojok, Israile.
\c 2
\cl Ebwayit 2
\p
\v 1 Do omiru hule efahak Cesari Agustus arami tho mahazak ijan ohothing bokolong hedefetho oroma ongida igerohini di manini no ohothing bokolong.
\v 2 Eteri ne ofuk do omiru hedefetherek Quirino amiji no Syria.
\v 3 Ohozing fodok ongida ofuoi dibotok hawon ahangithek hasong dia di tha giero.
\v 4 Ara Yosefo alo da abore na ahang nasong, ho Maria nathuhi ethafithahina donyong karik imoho. Acha Yosefo onyakuarit lo hobu Davide, ediaharai abore no Nazareth do ahap no Galilea avuoi da ahap no Judea, da abore no Bethlehem, natehi da ara abore nahito no Davide.
\v 5 Olo Yosefo dia di thagero di manini no ohothing bokolong.
\v 6 Ajara isong eduong di Bethlehem, awang amaji nesukarik da amaji nesukatherek othohomonok.
\v 7 Dia avuoi isuka da amaji na aferorik echangi tha harie. Do song dia aindu omiru ho othomone do Maria ara inyong azamana do ohethemoni lonyong, oitho. Emumuhok tha abongo tha nabuor karik ethaferik di tha aroko nayierek echangi.
\p
\v 8 Do oharie le, owon inya ohoyohok heririyo akero hasong di mandak diker ho Bethlehem.
\v 9 Kuak ahani aleyo anjelohen lo Lamolo Ojok do song. Afang amaji nesukarik isong ne bokolong, ithaithahina abolori no Lamolo. Dini abang isong.
\v 10 Ti anjelohen ajo dosong, "Hebangatha! Aindu nang dinyahina dothai arami hayu, heyanu ayiji do ohothing bokolong karik isak ithai bokolong amuno!
\v 11 Ahana, da abore nahito no Davide, aisuni okalifonit loluahu de ithai theyatha hathai! Inyong Omasaya, Lamolo.
\v 12 Ahana de itek ithai inyong: Di Bethlehem irumak ithai okalifonit lemuthuria tha abongo tha nati karik esahini ditha aroko nethanyerek echangi".
\v 13 Kuak ahani abuluk na bolo no anjelohen tho hide aleyo emorihune ha anjelohen homok hulo. Isong bokolong ethahuyo Ojok, ajori,
\p
\v 14 "Oyu anjelohen bokolong hotho hide ithahuye Ojok! Ara oyu emora awon ditha ahap do ohothing hoyu do Ojok!".
\p
\v 15 Di holu he diaharu na anjelohen isong anyahari di hide, ajo ohoyohok dosong omonyie, "Ongida ohothai ivuo thenene di Bethlehem di tihio aning nayu bebe nathuk afuhon ne, nayahi ohothai Lamolo nene!
\v 16 Thia avuoi kuak ajara athuhi arumahina amaji nesukarik Maria karik Yosefo, atehuni okalifonit oferi damaji nethanyerek echangi.
\v 17 Ajara athuhi atehuna inyong, anyahini do ohothing bokolong arami hanyahini isong ho oitho lia.
\v 18 Afalanga ohothing bokolong arami hanyahi isong ohoyohok.
\v 19 Ti ibu Maria orasa egigilo asang bokolong hathuk inyong ananinguna karik iyuna isong dee.
\v 20 Ara ohoyohok anyaha di mandak da akero hasong. Arasai achama angai Ojok lobolo karik ethuye inyong da asang hatehu karik aningu isong, acha ofuk asang bokolong iring nanyahinerek anjelohen isong.
\p
\v 21 Do ofaning ezatisethe diholu ha aisuna no oitho, abongie inyong esarahini donyong ofure Yesu. Ofure lia lonyahi onyahi anjelohen isong disahina inyong, juuk kaang hemohoji.
\p
\v 22 Ajara operok howahi helalayo hulo eduongi, iring najo omanyitha ho Muse, Adotho ho Maria ho Yosefo avuoi di Yerusalem disarahina oitho losong do Lamolo.
\v 23 Igero do omanyit lo Lamolo, "Oduri bokolong hechahi aisuna hobusuha thesarahini orobokang dodua do lamolo".
\v 24 Ojo dang omanyit lo Lamolo ahathingie ho oitho lohethehi aisuna lobusuha zesorok iring esoriza "Ayorohochio arehai kuya amaam arehai".
\v 25 Do omiru hule owon inya omuaruani di Yerusalem ofure lonyong Simeon. Ehandio asang hethamunoyo Ojok karik obang omanyitha ho Ojok. Ithilayo inya inyong Ojok di fahuna lethaluahani di thamunoyo ohothing ho Israile ara Ohoile Lolibo inyamaitho inyong.
\v 26 Anyahi inya Ohoile Lolibo ijan otehu inyong de Lamolo lojori Masaya kaang inyong oyee.
\v 27 Ajara Yosefo karik Maria eyanu okalifonit losong, Yesu di templo di gema asang hawak Ojok iring omanyit, ohoile eyaru Simeon di jingara di fuata no templo.
\v 28 Thia adohu Yesu dihinasik honyong etahuyo Ojok, ajo,
\p
\v 29 Lamolo ezuk ie esahina nang efongon di eruk nang ayee iring nayu iring nachama ie.
\q1
\v 30 Atehu nang inyong lefahu ie di luahuna ohothing ze yaza hasong,
\q2
\v 31 lehuhumio ie dihiji ho ohothing bokolong.
\q1
\v 32 Isuka de ara afangan nanyahi hadiri do Ogentiles, karik iyanu de ahujon do ohothing ho Israile.
\p
\v 33 Afalanga lomonye ho Yesu ha ahathingi da arami ha aningu isong tho nyong. Thia Simeon ethalihak isong, karik ajo da nahathingi ho Yesu, Maria,
\v 34 "Oteha tihudi arami hachama nang: Azuk Ojok ajatan tha ahuan tho no okalifonit lia, Israile holwa ovuoi de adi tho Ojok. Isuka de inyong iring ethamijani no ethihit do ohothing, karik ohothing holwa idari de arami hanyong.
\v 35 Tho hune, egigilitha ho ohothing holwa de owoni iring haleyori. Ochuk de odemi ohoile lohoi.
\v 36 Owon inya dang di hilongoni ha templo nabo apropheta nelongoi ara Ann amaruani bebe. Omonye lonyong Phanual la amukok najori Asher. Amuthaye tho oyingathik chofaa thia ara othulo lonyong ayee.
\v 37 Diput dia esuka oyingathi athomone tisess la aranguan ara aharathani/alikicho. Igematho inyong di templo karik omojo Ojok ohariee karik ofaniing. Idaritha anyo na angiriang ibu inyong omojo.
\v 38 Do omiru hule dang, Anna aindu dosong eterio esahina humo do Ojok do okalifonit. Thia achama tho Yesu do ohothing holwa howak Ojok di thaluahuna Yerusalem.
\v 39 Ajara ho Yosefo ho Maria athuk ehandio asang bokolong hawak omanyitha ho Lamolo tho song, anyahari di bore hosong, Nazareth, da amiji no Galilea.
\p
\v 40 Di bolori ho oitho di hide, ako inyong karik owon ho olofioro, ara Ojok amuno honyong bebe.
\p
\v 41 Tho oyingathik ovuo ha nahathingi ho Yesu di Yerusalem di muno ofaning la langan.
\v 42 Di ajara Yesu awon ho oyingathik tomon lerehaii, avuoi di Yerusalem dimuno ofaning lohito iring nafet na.
\v 43 Ajara operok bokolong azuho, ara ha ahathingi eterio anyahuna dihang, ti Yesu apuak di holu di Yerusalem. Awang ha ahathingi ho otek ijan inyong lo horasa dia.
\v 44 Ojori ngona inyong lalo ho ohothing homok ho daha hosong. Di holu ha adaha no ofaning bokolong eterie ethithifeyo inyong da ahathing hothohong karik omotehio.
\v 45 Ajara awang ho orumahini inyong, anyahari di Yerusalem di thifeyo inyong.
\v 46 Di holu ho operok awunihoii, arumahini inyong di fuata na atemplo, owoni dihiji ho ohothalimok ha amojo no Ojude. Lethaningio ethamio nasong ibu inyong ififiyo isong.
\v 47 Ohothing bokolong honingu arami hachama inyong ofalangai atehan nanyong karik otharangitha ho ofiatha ho ehethalimok do nyong.
\v 48 Ajara ha ahathingi atehu inyong, afalangai bebe. Ara ahathingi nanyong ajo donyong, "Oitho hindang, anyo ihandio ie ahani do hoi? Limonye ho nang hethabuho abangi dithifeyo ho ohoi ie!"
\v 49 Ajo do song, "Anyo nethifeyo ithai nang? Awang ithai itek ijan ongida nang ajingak da aning nehandio lalamonye?"
\v 50 Ti kabong ho otehi ainyong ojo ochame lia do song.
\v 51 Thia anyahu hosong di Nazareth karik arasa inyong ethaningio arami hasong. Ara ahathing arasa igigilo bebe asang hune bokolong.
\p
\v 52 Divuan ho oyingathik, orasa Yesu abolori ho olofioro karik abolo inring lohodo. Arasa Ojok ho ohothing eruhon inyong iring nalwa.
\c 3
\cl Ebwayit 3
\p
\v 1 Ajara Tiberio Cesari athuk edefetho empire no Roma tho oyingathik tomon na miett, Pontiano Pilato idefetho amiji no Judea, ibu Herod Antipas idefetho amiji no Galilea, olai lonyong Pilipo idefetho ahap no Iturea karik Trachonitis, Karik Lysanio inyong idefetha ahap no Abilene.
\v 2 Do omiru hule, ibu Annas karik Caiaphas owoni ara ofadirihio di Yerusalem, achama Ojok do lolonyi ho Zakaria Yoanne ibu inyong isuka didak dithua afara.
\v 3 Ibu Yoanne owara thal amaji diker ho owor lo Yordan. Orasa anyahina do ohothing, "Ara iwak ithai ijan omiehi Ojok eyatha hathai, ongida itha iwaha; thia nang epatisio ithai!"
\v 4 Igerok opropheta Isaiah arami huna di hilien inya berien: "Di tha ofara, ilolongo de othulo lobo bebe: Ihuhumiethe oihoi lo Lamolo, ihuhumiethe oihoi lobis do nyong
\q1
\v 5 Adiali bokolong ithafuthahini de, kari ethatharijohini odongiok ha athuri bokolong; Oihothik hokukudo ethabisahini, Karik oihothik ha achudomi ajori nyuleee.
\q1
\v 6 Thia atehu ohothing bokolong oihothik ho ithaluahierek Ojok ohothing."
\p
\v 7 Yoanne ajo da emomohe no ohothing hovuni di fothuna apatisimo tho nyong, "Ithai ohothing he monyo iring amunok ha ahieri! Kaang lobo imimingio itha ijan ofaning lobo oindu muai Ojok ithagemio ohothing bokolong heyau, achamai? Hegigilothi ijan iburaru ithai thonyong!
\v 8 Iyanethe ahayo hayu thehandio asang hanyahi ijan ethuk itha diri edehina esukaiza heyatha! Awang ithai iterio ajan dothai homonyie, "Ohoi anyakuarit ha Abramu!' Acha anyahi nang dothai ijan iyaru Ojok juk omorik hulia awoni ara anyakuarit ha Abramu!
\v 9 Ohololi lowon esahini di mukoko ho oyandik, da ara araa ohiani lawang iyanu ahayoo hayu ayefuni adi achohohini ditha ahimang."
\p
\v 10 Thia ara ohothing homok di tha elulung efiyo inyong, "Yaa ainyong ihandio ohoi?"
\p
\v 11 Inyong ezarang isong, "Ara owon lobo thothai ha abongojin arehai, israk aboithe do othulo lobo lawak ha aning nenyangarik. Ara owon lobo thothai ha angiriang olware, ongida ie isarak nabo do homok ha awang howon hanabo."
\p
\v 12 Homok oheduduhak ho omusoro afuni dang do Yoanne. Efiye inyong, "Ohetienani, ongida ohoi ihandio ainyong?
\p
\v 13 Ajo dosong, "Heduhio arodiahio tho ohothing iring hakalaru tha nyahi ithai emiri lo Roma di duhuna."
\p
\v 14 Ara oloseger homok efiyo inyong, Ara ohoi? Ongida ohoi ihandio ainyong? Ajo dosong, "Heringahina ohothing disahina ithia aobiahio thethabangi isong, karik hejo ijan ehandio lobo aning namonyo ijaa! Ifonga ha arobiahio hehora ie."
\p
\v 15 Eterio ohothing egigilo ijan Omasaya laidek ainduna, ara homok hosong eterio egigilo ara Yoanne inyong Omasaya.
\v 16 Ti ara Yoanne etharang do song, "Ike, Ikara nang. Obolo bebe Omasaya tho nang. Obolo bebe awang achohi dihoyo ahamuha hanyong! Ara nang lepabtisio ie, ehumio nang tha ahari. Ti ara Omasaya laindu, ipabtisio inyong ithai tho Ohoile Lodua karik ahimang.
\v 17 Owon efuhit dihinang honyong, dibuayere ohima hoyu tah afifit hamonyo. Okanak inyong de ohima iring nayu di tha akoro ti amudio afifit thahimang nawang ho odunya.
\p
\v 18 Tho oihothi holwa iring hulia, ewiwilak Yoanne ohothing diwaha anyahuni do ohothing, tha arasa tha nanyong dinyahina isong arami hafuni tho Ojok.
\v 19 Ara inyong dang anyahi ohobu Herodia amonyori na amuthayo nanyong afure no olai, ibu olai homijo, karik dihandio honyong asang aria hamonyo.
\v 20 Thia ara esarak olosenger honyo thefithak Yoanne dithua, ohipale lobo lomonyo bebe.
\p
\v 21 Ti kaang hehienohini, ibu ohothing aria ipabtisie, epabtisie Yesu dang. Ajara diholu, ibu inyong omojo, anga ehide.
\v 22 Thia ara Ohoile Lodua, lorijoro iring ayoro, aindu dihap awahi do Yesu. Karik achama to Yesu tho hide, ajo, "Ie oitho hindang, lamuno nang bebe. Amuno nang hohoi bebe!"
\p
\v 23 Ajara Yesu eterio egam nanyong no Ojok, inyong abolo oingathi kuya athomone awunihoii. Inyong lolonyi ho Yosefo (iring negigilorik). Yosefo lolonyi ho Heli.
\v 24 Heli lolonyi ho Matthat. Matthat lolonyi ho Levi. Levi lolonyi ho Melchi. Melchi lolonyi ho Jannai. Jannai lolonyi ho Yosefo.
\p
\v 25 Yosefo lolonyi ho Mattathias. Mattathias lolonyi ho Amos. Amos lolonyi ho Nahum. Nahum lolonyi ho Elis. Elis lolonyi ho Naggai.
\v 26 Naggai lolonyi ho Maath. Maath lolonyi ho Mattathias. Mattathias lolonyi ho Semein. Semein lolonyi ho Josech. Josech lolonyi ho Joda.
\p
\v 27 Joda lolonyi ho Joanan. Joanan lolonyi ho Rhesa. Rhesa lolonyi ho Zerubbabel. Zerubbabel lolonyi ho Shealtiel. Shealtiel lolonyi ho Neri.
\v 28 Neri lolonyi ho Melchi. Melchi lolonyi ho Addi. Addi lolonyi ho Cosam. Cosam lolonyi ho Elmadam. Elmadam lolonyi ho Er.
\p
\v 29 Er lolonyi ho Joshua. Joshua lolonyi ho Eliezer. Eliezer lolonyi ho Jorim. Jorim lolonyi ho Matthat. Matthat lolonyi ho Levi.
\v 30 Levi lolonyi ho Simeon. Simeon lolonyi ho Judah. Juda lolonyi ho Yosefo. Yosefo lolonyi ho Jonam. Jonam lolonyi ho Eliakim.
\p
\v 31 Eliakim lolonyi ho Melea. Melea lolonyi ho Menna Menna lolonyi ho mattatha. Mattatha lolonyi ho Nathan. natha lolonyi ho Davide.
\v 32 Davide lolonyi ho Jesse. Jesse lolonyi ho Obed. Obed lolonyi ho Boaz. Boaz lolonyi ho Salmon. Salmon lolonyi ho Nahshon.
\p
\v 33 Nahshon lolonyi ho Amminadab. Amminadab lolonyi ho Admin. Admin lolonyi ho Arni. Arni lolonyi ho Hezron. Hezron lolonyi ho Perez. Perez lolonyi ho Judah.
\v 34 Judah lolonyi ho Yacobo. Yacobo lolonyi ho Isaac. Isaac lolonyi ho Abramu. Abramu lolonyi ho Terah. Terah lolonyi ho Nahor.
\p
\v 35 Nahor lolonyi ho Serug. Serug lolonyi ho Reu. Reu lolonyi ho Peleg. Peleg lolonyi ho Eber. Eber lolonyi hoShelah.
\v 36 Shelah lolonyi ho Cainan. Cainan lolonyi ho Arphaxad. Arphaxad lolonyi ho Shem. Shem lolonyi ho Noah. Noah lolonyi ho Lamech.
\p
\v 37 Lamech lolonyi ho Methuselah. Methuselah lolonyi ho Enoch. Enoch lolonyi ho Jared. Jared lolonyi ho Mahalalel. Mahalalel lolonyi ho Cainan.
\v 38 Cainan lolonyi ho Enos. Enos lolonyi ho Seth. Seth lolonyi ho Adam. Adam lolonyi ho Ojok, othulo loyeu Ojok.
\c 4
\cl Ebwayit 4
\p
\v 1 Thia Yesu, efut ho Ohoile Lolibo, ediaharu owor lo Jodan, ara Ohoile Lolibo eyaru inyong ditho afara.
\v 2 Ethadahayo inyong Ohoile Lolibo ditha afara operork athomone aranguann. Ibu inyong dia, orasa sitan athemio inyong. Do omiru bokolong howondere Yesu ditha afara kaang honyo aning nabo, dia ajara operok athomone aranguann athuba, aleng inyong ahure bebe.
\v 3 Thia ara sitan ajo do Yesu, "Ara ie diri olonyi lo Ojok, onyahi omorik hulia di ngalu ara amugathi dinyo ie!"
\p
\v 4 Yesu etharang, Awang, awang ehandio hua, acha igero di waragat ho Ojok, "Owak ohothing ha kalaru angiriang di suka."
\p
\v 5 Thia ara sitan eyaru Yesu dihu ho odonge anyahi inyong amisihi ha ahap.
\v 6 Thia ajo do Yesu, "Esak ie ahafithik hune bokolong di defetho, alibori nasong karik abara hathia. Athuk ojok esahina do nang,
\v 7 thene ehandio nang ai aning nawak ehandierek. Ara imojo/imamajo/ithahuyo nang, esak nang didefetho isong bokolong!"
\p
\v 8 Ti ara Yesu etharang, "Awang, awang nang amojo ie, acha egero di maninihio ho Ojok, 'Ongida ie imojo do Lamolo Ojok lohoi hamaring. Inyong hamaring igema ie!'"
\p
\v 9 Thia ara sitan Yesu di Yerusalem. Ethawonik inyong da maji nahodong na atemplo ajo donyong, "Ara ie diri olonyi lo Ojok, awai dihap thene.
\v 10 Awang ie heriafa dena, acha igero di maniniat ho Ojok, 'Onyahi de Ojok anjelohen honyong dizihio asang hamonyo tho hoi.'
\q1
\v 11 Karik ojo odohuni ie de dihide di hinasik hosong dipuaharu hohoi, da awang ie iriafa. awang ahejek hahoi othin juk omoruong.
\p
\v 12 Ti ara Yesu etharag, Awang, awang nang ehandio hua, acha igero di maniniat ho Ojok: 'Hekemio Lamolo Ojok lohoi'."
\p
\v 13 Thia ajara sitan athuk ethemio no Yesu tho oihothik aria, ediaharu inyong many omiru hothoholu.
\p
\v 14 Diholu ho hune, Yesu ediaharu ofara anyaha da amiji nati no Galilea. Ethabolorok inyong Ohoile Lolibo. Da ahap nya bokolong, ethaningu ohothing arami ho Yesu anyahini inyong do homok.
\v 15 Etienio ohothing di synagogue hosong ara ising bokolong achama inyong bebe the tienio tha nanyong.
\p
\v 16 Ajra Yesu alo di Nazareth, abore nabolororik inyong. Lahat alo di synagogue, iring nafet inhadiezere inyong na. Adotho thahide di herio aning nabo tha zazamanihiet ho Ojok.
\v 17 Ohegemani la a synagogue ethafothok donyong ahilien nawon ha ochamitha hathuk opropheta Isaiah egerohina inya berien. Yesu alahanyi ofiel arumak amaji negerorik arami hune:
\q1
\v 18 "Ohoile lo Lamolo owon dthua honang. Azuk anyimuna nang dinyahina arami ho Ojok hayu do ohothing helachang/hawang hobara. Athuk efahuna nang didi dnyahi ijan olahahini de ohothing hefitha, Karik dinyahi ohongodok ijan omijo isong de ikoti. Aburak nang de ohothing ho miiche.
\q2
\v 19 Ifahu inyong nang dini dinyahina ijan omiru hulo he handierek ohothing iring nayu.
\p
\v 20 Thia aduhuthok ahilien enyahak do ohegemani, awoni dihap. Ohothing bokolong di synagogue amijie donyong iring nako.
\v 21 Ajo dosong, "Ahanana arami ho Ojok hune athuhoi iring neningunerek ithai inyong.
\p
\v 22 Ohothing dia bokolong aninguni ainyong ojo inyong afalangai donyong, karik afalangai da achama nanyong iring nayu. Ti ara homok hosong ajo, "Oitho lia do ti lolonyi ho Yosefo, okara inyong?"
\p
\v 23 Ajo dosong, "Diri homok thozia iyane de donang arami hajo elafioro, 'Akim, ithaije ahuan nahoi!' Ijo ithai de, 'Ihandie dini da abore nahoi efalangitha hanya ihandio ie di Capernaum!'"
\v 24 Thia ajo, "Obis diri ijan ohothing hotho abore no propheta idari arami hanyong.
\v 25 Ti igigilothi huna: Owon inya aharathak/alikichojin olware di Israile do omiru ho propheta Elijah, ajara ahure aindu ditha ahap bokolong ibu ohuju awang hosaa do oyingathik ha awunihoii ho oyefathik indee.
\v 26 Ti kaang Ojok ifahak Elijah di luahio aherathak/alikichojin ho Oisraile hua. Ojok efaharu inyong da abore no Zarephath diker ha abore nahito no Sidon, diluahio aherathak ha awang owon ara he Oisraile.
\v 27 Owoni dia dang Oisraile aria ha atalulu di Israile do omiru ho opropheta Elisha. Ti kaang Elisha ithaijok lobo thosong. Ethaijok Naaman hama, othulo la awang owon ara lo Ojude tho Syria."
\v 28 Ajara ohothing bokolong di synagogue aningi inyong di chama ahani, engerji bebe.
\v 29 Adothoi bokolong thahide achohoroi inyong thatha abore nahito adi. Eyarai inyong dihu ho odonge thelenguai ha abore nahito di suluna inyong thohu ho odonge doye inyong.
\v 30 Ti ara inyong adaha dee tho lehiji hosong alo adi.
\p
\v 31 Ofani lobo alo ho lefahat honyong dihap di Capernaum, abore nahito do amiji no Galilea. Inya lahat, etienio ohothing di synagogue.
\v 32 Arasai ohothing afalanga de etienio nanyong, achama kuong abangi.
\v 33 Ofaning lee, owon othulo lobo di synagogue ledefetho sitan. Elolongo thulo li bebe,
\v 34 "Ie Yesu, tho Nazareth! Awang ohoi ositani iwon ha aning nabo dihandio hohoi. Eindu ie ditohoi ohoi? Atek nang ie nganyong. Ie lolibo bebe tho Ojok!"
\p
\v 35 Yesu ethauhio sitan, ajo, "Owuha karik iyindu adi tho nyong!" Achok amirok inyong dihap da aboro dihiji ho ohothing aindu thothonyong adi kuong eriavuna inyong.
\p
\v 36 Ohithing bokolong ditha a synagogue afalangai bebe. Achamai omonyie da ahuandek hasong, "Ochama tha akolon, karik arami hanyong owoni ha akolon nahito! Juk sitan obang inyong avuni adi thotho ohothing ara owak isong divuna adi!"
\v 37 Karik da amasik bokolong ditha ahap, orasa ohothing ochama asang he handio Yesu.
\p
\v 38 Thia ara Yesu ediaharu a synagogue alo dihang ho Simone. Nahamoni ho Simone omuai okokolo ibu ahuan onok bebe. Ohothing homok howon dia efiye Yesu dithaijohina inyong.
\v 39 Dia adumo dihide honyong anyahi adiha thedehi inyong. Kuak ara inyong aayu! Inyong adotho thahide esak dosong angiriang.
\p
\v 40 Dilumon ho oholong ofaning lee, eyanu ohithng aria do Yesu omotehio karik ohothing hosong homuai ha dihathihien hamahama. Esak ahinasik hanyong dosong ara inyong ethaijok isong.
\v 41 Eringak dang inyong ositani diyinduna thotho ohothing holwa adi. Di diahari ho ositani ohothing, elolongoi do Yesu, "Ie lo lolony ho Ojok!" Ti anyahi ositani hule diwangan anyahina arami hanyong do ohothing acha otehi isong ijan inyong Omasaya.
\p
\v 42 Inya moithe thamoithe berien Yesu ediaharu ahang nyia alo da amaji na awang ohothing isuka dia di mojo. elulungi no ohothing athifeyo inyong, ajara arumahini inyong arasai achama ijan ongida inyong awang hediaharu isong.
\v 43 Ti ajo dosong, "Ongida nang dang anyahi do ohothing bokolong ha aboto hahitua hamok arami angai oindu Ojok idafetho ohothing abokabok acha isong arami hune hefahunerek nang dihandio."
\p
\v 44 Thene arasa inyong etitoyo di synagogue da abotok halwa da amiji no Judea.
\c 5
\cl Ebwayit 5
\p
\v 1 Ofaning lobo ibu ohothing olihak Yesu ibu isong ithaningio inyo ditienio arami ho Ojok, owetha inyong diker ha afafada no Gennesart.
\v 2 Atehu ahibo arehai he epeda diker ha afafada. Athuk ohepedak ediaharu ahiboni hasong ibu isong ilalayo abuaiyo hasong.
\v 3 Yesu echurok ditha ahibo etharehe na ahibojit; ahibo ne no Simone. Yesu efiyo Simone disulahina ahibo adi zeker edula olamare tibai. Yesu awoni ditha ahibo arasa etienio elulung thia.
\v 4 Ajara inyong atzuk etienio isong, ajo do Simone, "Iyaru ahibo da ame nawudo ara ie echohok abuai ditha ahari didevuna ohom."
\p
\v 5 Simone etharang, othulo lohito, egema ohoi bebe oharie, kaang ohoi indevu lobo ohome. Ti achohok nang abuai ikoti, acha ie inyahi nang."
\v 6 Dia Simone ho ohothing honyong amirohini abuaiyo edevuni ohom aria iterierek abuaiyo hasong avuvutho.
\v 7 Aiche do ohoyapohok hosong homok do ahibo nabo di vuna diluahio isong. Dia avuni ethafuthahini ahiboni arehai tho ohom oidehari ahibojit adioro.
\v 8 Di tehuna ahani, abuahari Simone Petro di hejek ho Yesu ajo, "Ie idehi nang, acha nang othulo leyatha, Lamolo."
\v 9 Ochama hune acha atehuna nanyong ohom aria hedefu isong. Ohothing bokolong howon honyong afalangai, haba Ypanne, lolonyi ho Zebbedee, arehai ho yapoho ho Simone aboithe.
\v 10 Ti Yesu ajo do Simone, "Hebang tho ofaning la ahanana idefetho ie ohom, ti tha ahanana adhithemi idefetho ie de ohothing helefahat hungang."
\v 11 Dia ajara obusuha athuk eyanu ahibo diker ha ahari, ediaharai egema na ayapoho karik asang bokolong avuoi ho Yesu.
\p
\v 12 Ibu Yesu howon da abore nabo koko, owon dia othulo lobo lomuai ha adiha na amuhunyong nelongoi ara atalulu. Ajara inyong atehu Yesu, aradaru dihap da aboro dihithemi honyong karik amojo donyong, Lamolo, ie ithaijok nang, acha ie ichohi di thaijohina nang ara iwak ie!"
\p
\v 13 Thia Yesu anithok ahinang nanyong athin inyong. Inyong ajo, "Awak nang ethaijo ie, ethaijok nang ie thenene!" Kuak ara othulo aayu. Awang ho owon ha atalulu!
\p
\v 14 Thia ara Yesu anyahi ing, "Henyahi do ohothing aaiji nahoi kuak. Di hithemi, ilo do ofadiri di Yerusalem ie inyahi ahuan nahoi donyong do otihio inyong ie do otek ijan awang ie hewon ha atalulu. Karik iyaru dang do ofadiri esoritha hanyahi Muse ijan ainyong isorio ohothing hayiji tha adiha na atalulu.
\v 15 Ti aning ohothing holwa angai angai ithaijik Yesu othulo lia. Esak elulung nahito ainduna do Yesu dithanin gio etienio nanyong karik dithaijok isong tha adihathihien hasong.
\v 16 Ti olo inyong adi thosong da amaji hamaring di mojo.
\p
\v 17 Ofaning lobo ibu Yesu itienio, ohothing homok tho ebuait no Opharisee ho woni koko. Homok hosong hote omanyitha ho Ojude. Ovuni tha amisihi halwa tha amiji no Galilea karik dang tho Yerusalem karik abotok di hap ho Judea. Do omiru lee, Lamolo esahhi Yesu akolon dithaijo ohothing.
\v 18 Ibu Yesu dia, eyanu ohothing holwa donyong othulo lathuk ahejek ayohoji. Iyane inyong the angerep owahi eyanu inyong dithua dithaferihina dihithemi ho Yesu.
\v 19 Ti awang isong ho ochihi diyanu inyong acha obolo elulung no ohothing dithua, dia avuoi didohitha hothohide dihide athua. Thia ahiethuni ohujithing dojingarik. Ethachurohini othulo tha angerep tha nanyong tha la amiji nathulo dihiji he elulung esahini inyong dihap dihithemi ho Yesu.
\v 20 Ajara Yesu atek ijan otek isong ijan oko inyong dithaijo othulo lia, ajo donyong, "Omote, amiehi nang eyatha hahoi!"
\p
\v 21 Ohothing ho oyinik ethalimio omanyitha ho Ojude karik homok ho opharisee eterie achama da ahuandek hasong, "Ethadara othulo lia karik amorio Ojok thajaran! Itek ohothai bokolong awang lobo othulo inyong Ojok aboithe lomiehi eyatha!"
\p
\v 22 Otek Yesu ainyong igigilo isong. Dia ajo dosong, "Hefifiyethe ahuandek hathai aning nachama nang! Otehiethe naa.
\v 23 Ilik dijara, ' amiehini eyatha hahoi' acha awang lobo lotehu dia diri kuya kabong amiehini othulo lia. Ti awang helik dichama ijan, 'Odothoi tha hide karik iodahai' acha otehu ohothing kuak dia ethayijohini inyong kuya awang.
\v 24 Dini ethaijok nang othulo lo ditek ithai ijan athuk Ojok esahina do nang, olonyo lo Othulo akolon dimiehina eyatha ho ohothing hothohop." Thia ajo do othulo layee ahejek, "Dohoi ajo nang, 'odothoi tha hide, iduhu ofiel lohoi, ilo dihang!'"
\v 25 Kuak ara othulo aayu! Adotho tha hide dihithemi hosong bokolong. Eduhu ofiel loferoretherek inyong, alo dihang, ithahuyo Ojok.
\p
\v 26 Ohothing bokolong howon afalangai! Ethahuye Ojok karik awang otehi angai ofuk hune. Arasai ajaran, "Etehu ohoi asang habolo bebe ahanana!"
\p
\v 27 Thia ara Yesu ediaharu amaji atehu othulo lara Levi le duduhio omusoro do emiri lo Roma. Lowoni da athua nafunerek ohothing di duma donyong omusoro iring nawak emiri. Aio Yesu donyong, "Iwong ho nang ie iwon are lefahat hindang!"
\v 28 Levi ediaharu egema nanyong alo ho Yesu.
\p
\v 29 Di holu, Levi ehuhumio anyari nahito dihang honyong do Yesu ho helefahat honyong. Owon dia elulung nabolo no oheduduhak ho omusoro karik homok dinyo hosong.
\v 30 Ohothing homok howon de ebuait no Pharisee ho homok hosong hetienio omanyitha ho Ojude, echakua do helefahat ho Yesu, ojori, "Henyethe ho oheduduhak ho omusoro hohomok heyau bebe.
\p
\v 31 Thia Yesu ajo dosong, "Ohothing homuai isong otek ijan owak isong oiboni, ikara hojo awang isong omuai.
\v 32 Iring ahani, kaang nang aindu tho hide di longo hojo awang isong owon he yatha di funa donang. Tha nekela, aindu nang di longo hotek ijan eyau isong, di loitho tho omanyitha hosong heyatha di funa do nang."
\p
\v 33 Hobolo ho Ojude hulo ajori do Yesu, "Holefahat ho Yoanne le baptisio awang onyie angiriang bebe amojoi, ara dang holefahat ho opharisee ehandie ahani dang. Ti holefahat hohoi orasai anyo karik amatha! Anyo nawang isong ida angiriang iring no homok?"
\p
\v 34 Yesu etharangio, Awang ie inyahi do omote lo ohomuthani thawang honyo ibu inyong horasa hosong, inyahi ie? Awang, awang lobo lehandio nyia.
\v 35 Ti ofani lobo iyarai ohomuthani adi tho omotehio honyong. Thia do omiru hule, awang isong onyo angiriang.
\v 36 Thia ara Yesu esarak arijori hamok di thaithahina ainyong ojo inyong: Ajo, "Awang ohothing orithu abongo tha abongo angejuk dirifierek abongo angoroi. Ara ihandie ahani, ithorohojie abongo angejuk tharicho tha nanyong karik awang abongo angejuk orijoro ha abongo angoroi.
\v 37 Karing awng lobo lesak obalu ongejuk ditha obde ongoroi di kanio. Ara ihandio lobo ahanyia, ofuada obade acha awang ho onitho ara obalu ongejuk leyafutha. Thia ara obade ethorohoja, ara dang obalu ethorohoja acha oruas de didak..
\v 38 Tha nekela, obalu ongejuk the sarahini di tha obade ongejuk.
\v 39 Ikoti, ohothing hamatha obalu ongoroi tititi (olodong) omunoi honyong. Awang howahi amatha obalu ongejuk acha ojori, ' obalu ongoroi oyu!'"
\c 6
\cl Ebwayit 6
\p
\v 1 Olahat lobo, ibu Yesu ho helefahat honyong odaha tholo mandak ho hima, eduhio holefahat honyong awurie ahosi ho ohima. Afofoye tha hinasik do oduthune the engaahi adi anyi ohima.
\v 2 Opharisee homok hengengelio isong ajori dosong, Hegemathi; Awang omanyit lohoi iruhok ohoi digema tho ofaning lo dominica!".
\p
\v 3 Yesu etharangio opharisee, "Diri ezuk ithai eherio ainyong igero da arami ho Ojok da asang hehandio hobu Davide do omiru holengarik inyong ahure ho ohothing honyong!
\v 4 Iring netek ithai, ajinga Davide di ad athua nadua efiyo angiriang. Esak ofadiri angiriang nesahini dihithemi ho Ojok. Do omanyitha ho Muse homok azuk Ojok ajaran ijan ofadirihio hama ohorihini dinyo amugathi nyia. Ti juk owon ijan Davide ho ohothing honyong awang owoni ara ofadirihio, anyo amugathi nabo, karik esak nabo do ohothing howon honyong.
\v 5 Yesu dang ajo dosong, Iring ahani, olonyi lothulo owon ha akolon di handio ainyong nayu do ohothing dihandio do ofaning lo sabato!"
\p
\v 6 Do sabbato loboling, ibu Yesu itienio ohothing di synagogue owon othulo dia loyee ahinang nengiethi.
\v 7 Othulo le tienio omanyitha ho Ojude karik opharisee ho won dia ingengelie Yesu koko. Owahi atehuna ara ithaijok inyong othulo lia thia ara isong edufunerek inyong da awangan nathifotho omanyitha ha awanga negema tho Sabbato.
\v 8 Ti otek Yesu ainyong igigilo isong isong. Dia ajo do othulo lo oyee ahinang, "Iwong owethai hini dihithemi ho ohothing bokolong!" Dia adotho othulo lia tha hide aweitha dia.
\v 9 Thia Yesu ajo dosong, "Efiyo nang ithai hune: Onyahi Omanyitha honya isarak Ojok do Musa ohothing dihandio asang hayu tho Sabbato, dia di handio asang ha monyo? Di thaluahuna esujon tho Sabbato kuya di tohio adi?"
\v 10 Kaang lobo letharangio, dia amijo diker dosong bokolong thia ajo do othulo lia, "Onithok ahinang nayee ne!" Othulo lia ehandio ahanyia, ara ahinang nayong aayu fodok ikoti.
\v 11 Ti ara ofadirihio engereji bebe, karik achamai omonyie ainyong ihandio isong didefunere Yesu.
\p
\v 12 Ofaning lobo diholu ho hua, alo Yesu di dongiok di mojo. Amojo do Ojok ohariee dia.
\v 13 Inya moithe elongo holfahat honyong bokolong difuna donyong koko. Thosong anyimu ohothing tomon lorehai helongo inyong ara ohothifok.
\v 14 Ohothing hulo isong: Simone, lesak inyong ofure, Petro, Andrea, lolia ho Petro loti; Yacobo karik olai lonyong loti Yoanne; Pilipo; Bortholomeo;
\v 15 Mathia, ofure lonyong lobo Levi; Tomasio; Yacobo lobo, lolonyi ha Alfeyo; Simone lo zealot,
\v 16 Juda lolonyi ho othulo lekela lelongoi Yacobo; karik Juda Scariot, lethanyangak Yesu diholu.
\v 17 Aindu Yesu tho dongiok ho helefahat honyong awitha dihidiefo. Dia owon elulung nabolo no ohothifok homyong. Owon dang inya elulung no ohothing hofuni tho Yerusalem karaik tha amisihi hamok ha ahap no Judea karik theker ha aharia diker ha abotok hahitua ho Tyre karik Sidon.
\v 18 Ovuni di thanigio etienio no Yesu isong karik dithaijo tho odihitha hosong. Inyong ethaijo dang ohothing hethathachanio ositani.
\v 19 Ohothing bokolong he emomohe awahi athinio inoyng, acha inyong lethaijo ohotnignbokolong tho akolon tha nanyong.
\p
\v 20 Thia amijo do helefahat honyong ajo, "Oyu dothai bebe ho ilochang, acha Ojok ledefetho ithai.
\q
\v 21 Oyu do thai ho leng ahure dene, acha isak ithai de Ojok asang bokolong he wak ithai. Oyu dothai ho othariha dene, acha isak ithai Ojok ahienda tha amuno ofaning lobo.
\q
\v 22 Oyu ara oman ithai ohothing homok, ara hedari ithai, aea imomorie ithai ajori ithai ositani acha athifotho nathai nang, olonyi lo othulo.
\p
\v 23 Ara hune hafuk, omunoithi, oduthathi dihide ha ahap acha imuno ithai bebe! Isak ithai de Ojok esorit nabolo dihide! Hekuoti ijoan ohohonyihio hosong asang hajak ahani do opropheta hen ho Ojok berien!
\q
\v 24 Ti angai omonyo de dothai ohobarak; athuk abara nathai esahina dothai asang hewak ithai hesuka nayu.
\q
\v 25 Angai de omonyo inyong dothai hegigilo ijan iwon ithai ha asang bokolong hewak thai thenene; Irumak ithai de ijan awang asang hune ochihik ethafongio ithai. Angai de omonyo inyong dothai homuno dene; diholu ithariha ithai de karikithai awang imuno.
\q
\v 26 Angai de omonyo inyong ara ojo ohothing bokolong asang hayu dothai. Iring ahanyia inya, ojeta ohohonyihio hosong asang hayu do obusuha hojo the epalan isong oprohetas ho Ojok.
\p
\v 27 "Ti ajo nang huna dothai abok abok hethaningio do hachama nang: Omunoi ometononi lohoi, ikara omotehio hamaring! Ihandiie asang hayu do ohothing ho oman ie.
\v 28 Ifiye Ojok disahina elihan do ohothing helama ie! Omojoi tho ohothibg he handio ie iring namonyo!
\v 29 Ara imomorio ie lobo anang ie dichahani, iloithok ahomong donang ie ehahani nabo dang. Ara owak lobo eyaru abongo nahoi notho mukok, inyong dang theyaru no tho suhe.
\v 30 Isak aning nabo do othothin bokolong hefiyo ie. Ara ifiyo lobo ie disahina inyong sang hawon ara hahoi, hefiyo inyong dinyahunu.
\v 31 Dia tho oyihoi tho loni iwak ie ohothing ihandie dohoi, inyong oihoi le dang lehandierek ie dosong.
\v 32 Ara imuno ie ti ohothing ho omuno ie, hejo ngona ithahabuyo ie Ojok thowua, ach juk oheiyak dang omunoi ohothing homuno isong.
\v 33 Ara ihandio ie asang hayu do othing hehandio dang asang hayu dohoi, hejo ngona isorio ie Ojok thehandio ahani, acha juk oheiyak ahani ihandie.
\v 34 Ara isak ie arobiyahio kuya atito ti do henyahak ie de diholu, iwak ie de ijan isorio ie Ojok da aning nehandio ie! Juk oheiyak isarahin dang do homok heiyau, acha owahi isong ijan odumahini isong diholu.
\v 35 Zanabo, omunothi omerok hothai! Isahina dosong, karik hewahatha isong diduma diholu! Thia isak ithai de Ojok esorit nabolo. Ithai iwon are aduri ho Ojok lo tho hide, acha oyu Ojok juk do ohothing ha owang ojo humo kari hela sitan.
\v 36 Thene ongida ithai igema tha amiehunu do ohothing homok, iring ne handiere loimonye lo tho hide tha amuno do ohothing.
\v 37 He momorio ohothing bebe da awang ie Ojok imomorio iring bebe. He ngochio ohothing iring na monyo, Thia awang ie de ongochie iring na monyo. Omiehunu ohothing de eyatha hathuk isong ehandio, thia omiehunu ie de Ojok.
\v 38 Isak asang hayu do homok, thia isak ie de Ojok asang hayu. Ojahitha de iring nesahinerek inyong ie ohima, arujak di kati karik eniningio okati difuthi beee, idotharik homok dihap! Igigilothi angai incgocho ie kuya ithalihio ie homok inyong de dang ongochierek kuya ithalihierek ie!"
\p
\v 39 Ara inyong ikoti esarak do helefahat honyong Ochame loko lo: "Othulo longodo ongida awang orihoitho othulo lobo longodo. Ara orihoitho, opuaharu isong arehai ditha ame naudo!
\v 40 Awang lefahat obolo tho ohetienani lonyong. Ti ara lathuhi ethatienio iring nayu, awon inyong iring ohetienani lonyong. Iring na ongida ithai iwon iring nang.
\v 41 Anyo itehu thai epalitha ho homok ibu ithai awang itehu epalitha hothai homonyie? Orijo iring di tehuna ahanyarathi nati bebe dihonyek ho othulo lobo ibu ie awang hetehu ahanyarathi nahito di honyek hohoi.
\v 42 Ara ihandio ie ahani ikara ie ladiri! Iduhu ahithemi ahanyarathi nahito tho honyek hohoi kaang ie iduhu ahanyarathi nati tho honyek ho othulo lobo. Inyong ethawejo eyauna thahuan ara ie iwon atehan no ohoile di luahio homok da awangan neyauna.
\v 43 Otek ohothing bokolong ijan ohiani lo oyu ahuan awang ahayo hanyong omonyo karik ohiani lo monyo awang ahayo hanyong oyu.
\v 44 Ohothing bokolong otehi anyahina ainyong opechen lo ohiani lia tha amijo da ahayo hanyong. Iring, othim lo ohua awang he yanu.... karik amiang ija awang heyanu ahayo ho ovino. Ahani ilik di tehan angai ojak othulo lia dithua tha amijo da asang he handio othulo lia.
\v 45 Ohothing hoyu ihandie asang hayu hanyahi ijan igigiloi egigilitha hoyu, karik ohothing homonyo ihandie asang hamonyo hanyahi ijan igigloi ogigilitha ho monyo. Ochama ohothing karik ehandie iring negigilorik isong di luhuna hosong."
\p
\v 46 Yesu ajo do ohothing, "Anyo ilongo ithai 'Lamolo' ibu ithai awang hebang juk arami hachama nang?
\v 47 Anyahi nang dothai angai ojahithi ohothing hovunu do nang, etaningie etienio hindang, kari abangi isong.
\v 48 Isong iring othulo lo bohio ahap iring naudo diduhorik athua nanyong. Ongida otek ijan athua owetha dihide ahuilirik. Thia own inya ahari hangeru iring nako emuluhak athua. Ti awang ahari ho osulu athua, acha oduhini athua dihide ho ohuilirik loko.
\v 49 Ti ohothing homok hethaningio etienio hindang awang ho obangi. Isong iring othulo loduho athua dihide aboro kuong abohohina dihap iring naudo. Ajara owor efut bebe, ara athua apuaharu kuak ethorohoja fodok.",
\c 7
\cl Ebwayit 7
\p
\v 1 Diholu hengohina no Yesu achama do ohothing, alo da abore no Capernaum.
\p
\v 2 Da abore nyia owon logala lohito ho oho nagalafak ho Ruma lowon ho ongacha namuno inyong bebe. Omuai angacha ne bebe onyiharik di yee.
\v 3 Ajara logala lia aningu ijan owon Yesu, efahak ohobolok homok ho Ojuda do Yesu di fiyo inyong diyinduna dithaijo ongacha lonyong.
\v 4 Ajara avuni do Yesu, efiyee inyong bebe diluahio ongacha no logala. Ajori, "Obis ara ihandio ie hune donyong,
\v 5 acha omuno inyong ohothing hohoi karik aduho asynagogue do hoi.
\p
\v 6 Thia ara Yesu eterio aden dihang ho lohito logala hosong. Ajara inyong anyiha dia, lohito lo ogala efahu omorot honyong homok dijan do Yesu ahana: "Lamolo, hethachanio ahuan nahoi bebe ikoti, acha awang ayu bebe difothuna ie dihang honang. Inyong ngigilo nang ijan awang ayu diyinduna dohoi thahuan tho hindang.
\v 7 Ti ethaijok ie ongacha hindang ara ichama ie ochame aboithee.
\v 8 Atek nang ijan ichihi ie ehandio ne acha nang othulo lobang ochamitha ho othulo hindang lohito, karik awon nang dang ho olosenger tholohop ho nang hobang ochamitha hundang. Ara nang lajo do lobo losong, 'ilo!, alo, karik ara ajo nang do lobo, 'Iwong!, aindu. Ara nang lajo do ongacha hindang, ihandie, 'huna!, ehandio inyong."
\p
\v 9 Ajara Yesu aningu aning nachama lohito lo ogala lia, afalanga donyong. Thia eloitho da elulung nawon honyong ajo, "Anyahi nang do thai kaang nang arumak lobo lo Israile lethairio arami hundang iring neruhorik Ogentile lo!"
\v 10 Ajara ohothning hovuni tho hong ho ocenturion anyahu dihang, arumahini ongacha do ahuan nayu ikoti.
\p
\v 11 Kuak di holu honyia, Yesu alo da abore no Nain. Holefahat honyong ha elulung nabolo avuoi honyong.
\v 12 Di iyinduna no Yesu diker ha ahuthuk na abore, atehu elulung nabolo naindu tha tha abore, odohoroi othulo lohethek iyee. Ahathingi aharathani/alikicho, inyong oitho lonyong aboithe. Inyong dihiji emomohe, hovuo dinuhahina oitho lonyong.
\v 13 Ajara Lamolo atehu inyong, amiehunu inyong bebe ajo donyong, "Hekor!"
\v 14 Thia aindu koko dosong athin epedit nethferihinerek ohoyani. Ohothing hodhoro aweithai dingding. Ajo, "Othulo loti, ajo nang dohoi odothoi tha hide!"
\v 15 Othulo awoni thahide eterio achama! Thia Yesu eyaru inyong thahide da ahathingi.
\p
\v 16 Ahathing bokolong awang otehi ainyong ojori. Ethahuye Ojok ajori da ahuandek hasong, "Athuk opropheta lobolo ainduna dihiji ho ohothai!" karik, "Azuk Ojok ainduna dingengelio ohothing honyong!"
\v 17 Thia arami hehandio Yesu hune azuroroi dihap ho Judea bokolong karik da amisihi hanyiha.
\p
\v 18 Ohothifok ho Joanne lepabtisio onyahi inyong arami hune.
\v 19 Dia ara Yoanne elongu holefahat honyong anyahi isong divuan do Lamolo difiyo: Inyong ie lonya onyahi Ojok lo, dia ithilayo ohoi lobo hama?"
\p
\v 20 Ajara ohothing hule arehai avuni do Yesu, ajori, Yoanne lepatisio ifahu ohoi difyo ie, 'Ie lonya ochama ijan oindu dena lo, dia ithilayo ohoi loboling hama?'".
\p
\v 21 Do omiru hule ibu Yesu ithaijo ohothing holwa tha adihazihien hamahama, karik tho ohoile homonyo. Ethaijok dang ohothing hongodo olware eterie amijo.
\v 22 Dia etharangio ohothing arehai hule, "Inyahai ara ie inyahi do Yoanne ainyong itehu ithai karik iningu ithai: Ohothing honya ongodo hamijo hulia. Ohothing honya opala hadaha iring nayu. Ohothing howon ho odihitha haiji. Ohothing honya ayee hesahini amanya ikoti ara arami halibo helolongohini do ohothing ha awang abakan.
\v 23 Karik onyahi donyong, "Ithalihak de Ojok lobo la awang ithawejo eruhon do nang acha inyong lengere da asang hehandio nang."
\p
\v 24 Ajara ohothing hefahu Yoanne hulo athuk anyahara, Yesu eterio achama Yoanne de emomohe no ohothing. Ajo, "Ainyong ivuo ithai ditihio ditha ofara? atandi lonyama lewahaizo ahomua?
\v 25 Ti ainyong ivuo ithai dinguai ditihio? Othulo leyovo abongoitho ha awang oyu? Otihiethe, Hule heyovo abongoito halibo karik howon ha asang bokolong hayu iring dihang ho ohobusik.
\v 26 Thene ainyong ivuo ithai dinguai ditihio? Opropheta? Aaa! Ti anyahi nang ithai ijan okalaru Yoanne opropheta hetek ithai.
\v 27 Inyong lonya igerio oprophetas inya berien: Otihethe, Nang lefehak lefahat hinding ahihtemi nahoi. Ihuhumio de ohothing da ainduna nahoi.'
\v 28 Anyahi nang ie ijan tho ohothing bokolong honya omanya, awang lobo lokalaru Yoanne tha abolori. Ti, onyimu Ojok juk ha awang abolori haruk inyong didefetho ho obolo tho Yoanne".
\v 29 Ajara ohothing ho oheduduhak ho omusoro, aning arami hacahama Yesu, eruhi ijan angocho isong Ojok iring nabis, de ebaptisio no Yoanne isong.
\v 30 Ti opharisees karik hotek omanyitha ho Ojude kaang Yoanne ibaptisio isong karik edari aning nawak Ojok isong dihandio.
\v 31 Thia Yesu ajo dang, "Ainyong ohothing hulo isoka itha dia do omiru lia ojak? Anyahi nang dothai:
\v 32 Ithai iring akailifinok habal di fuata. Elongoi ahuandek hasong, ajori, "Ehutha ohoi asakile disur ithai, ti kaang ithai isur! Thia ara ohoi idolo oyendok homonyo hayee, ti kaang ithai ikor!"
\v 33 Iring nyia, aindu Yoanne do thia awang onyo anyari nanyo ohothing bokolong dia amatha obalu lematha ithai, itha ida inyong ithai ijo, 'Ositan ledefetho inyong!'
\v 34 Ti ajara olonyi lo othulo aindu dothai anyio angirian ha ahari hamatha ohothing bokolong, ithai dang ida inyong ajori, o'Otihatha! Onyo othulo lo angiriang bebe harik omatha obalu bebe, karik isuka ho ohothing he duduhio omusoro karik heyau!'
\v 35 Ti Ohikima lo Ojok obis tho ohothing hothivotho inyong.
\p
\v 36 Ofaning lobo ara othulo lobo lara Simone elongo Yesu dinyo angiriang honyong. Dia alo Yesu dihang ho othulo lia awoni di Terefeja dinyo.
\v 37 Owon dang da abore nahito nya athulo nabo natek ohothing holwa ijan amuak. Ajara aning ijan Yesu lonyo dihang ho opharisee, alo dia, ejaru ho ohudng lefut ha elethang namumu.
\v 38 Ibu Yesu onyo, awetha athulo ne tholohurong honyong di hejek. Ibu inyong ikor, ara ehio hanyong edothi dihejek ho Yesu. Inyong arasa afeyo ahejek hanyong tho ohofir tho honyong, karik ejujura isong karik eyelio isong tho elethang tha namumu.
\v 39 Ajara opharisee lelongunu Yesu lo atehu ainyong ihandio inyong, egigilo, "Ara othulo lia diri opropheta, iruk inyong itehan ngai athulo ne diri nethithinio inyong ne, karik athulo najahitha angai inyong ne, ijan inyong aheyani."
\p
\v 40 Di tharangi, Yesu ajo donyong, Simone, owon aning nawak nang anyahina ie." Ara inyong etharang, "Letienani, ainyong ne?"
\p
\v 41 Yesu anyahi donyong oyele lo: "Adainaru ohothing arehai arobiahio ho othulo lobo lethadainio arobiahio do ohothing. Lobo losong iruk iduma inyong aquilingquiling amiyaha miett, ara lobo kodien aduma athomone miett aquilingquiling.
\v 42 Kaang lobo thosong oduma amari nayong, thia ara othulo le tha ayiji isong tha wang ho oduma aning nabo. Loni tho ohothing hulia arehai omuno lomonye ha arobiahio bebe?
\p
\v 43 Simone etharangio, "Egigilo nang ijan othulo lowon ha arobiahio halwari omuno inyong bebe." Yesu ajo donyong, Ibis ie."
\v 44 Thia eloitho da athulo na ajo do Simone, "Igigiloi asang hehandio athulo na! Dijinguna ho nang dihang hohoi, kaang ie ihandio aning neruk ie ihandio iring ohelongoni di fothunerek othohomonok. Kaang ie isak nang ahari di lalayerek ahejeha hundang, ti azuk athulo na elalayo ahejeha hundang the ehio tha hanyong efufusio tho ohofir tho honyong!
\v 45 Kaang ie imandayo nang the ejujura, ti tho omiru heduongori nang dini kaang inyong ithawejo ejujura na ahejek hunda!
\v 46 Kaang ie iyelio ahu hindang the elethang tho no Olive, ti athuk inyong eyelio ahejeha hundang tha elethang tha anmumu.
\v 47 Dia anyahi nang ie ijan athuhi inyong amiehina the eyatha hanyong halwa karik inyong namuno inyong nang bebe. Ti athulo lo ojo ijan owon inyong he eyatha tibai, karik athuhi inyong amiehina, omuno nang tibai."
\v 48 Thene ajo da athulo na, ""Athuhi ie amiehina the eyatha hahoi."
\p
\v 49 Thia ara ohothing honyo honyong ajo da ahuandek hasong, "Ngai inyong othulo lojo omiehi inyong eyatha lia?"
\p
\v 50 Ti Yesu ajo da athulo, "Acha eruk ie do nang, athuk Ojok aluahuna ie. Ara oyu ara Ojok esahi ie emora diden hohoi!"
\c 8
\cl Ebwayit 8
\p
\v 1 Didolu ho hune, Ara Yesu ho helefahat honyong avuoi thala aboto hahitua halwa karik amisihi. Di vuan hosong, iwaha Yesu do ohothing, arami hayu hojo onyahi Ojok ahuan nayong iring ohobu.
\v 2 Odahai hosong dng angoruo hamok halwa hathuk inyong ethaijo tho achohi karik odihathihien. Isong ho Maria tha amiji no Magdala, na angararik inyong tho nyong ohoile ho sitan chofaa,
\v 3 Joanna, nafure ho Chuza, lefahat lo hobu Herodi Antipas, Susanna karik hamok halwa. Isarie amali hason haok di luahierek Yesu ho ohothifok honyong.
\p
\v 4 Ofaning lobo elulung nabolo bebe nasuduha, acha ohothing hodaha di tihio Yesu tha abotok hamok. Thia anyahi do song oyele loo.
\v 5 "Alo othulo lobo dimana honyong didulio ohinyomo ohima. Diyeyo honyong isong da aboro, ohinyomo homo aduoni dihiji ho oihoi lo oko. Thia ara ohothing erereyo, karik ara ahuen anyo isong.
\v 6 Ara homok ohinyomo aduoni dihide ho ahuilirik nawon ha aboro hamutha bebe. Thene, ajara ohinyomo abuli, ayohojoroi acha awang ehoyo.
\v 7 Ohinyomo homok aduoni da abore hawon ho ohonde hehua. Ohinyomo ho oihua abuluni bokolong ho ohinyomo ho ohima, erudie isong awang ho obolororik
\v 8 Ti ara homok ohinyomo ho ohima aduoni da aboro hamuyak, abolori iring nayu many eyanu ohimyomo hohima holwari. "Ajara azuk achama asang hune, Yesu elong isong, "Ongida ithai bokolong igigilo dee asang heningu ithai nang achama!"
\p
\v 9 Thne ara ohothifok ho Yesu efiyo inyong dinayahina ojo ochamitha hulia angai.
\v 10 Ara inyong ajo, "Athuhi esahina do thai atehan na asang hedima hanyahi angai de idafatho Ojok iring ohobu. Ti achama nang do ohothing bokolong the thafelejenga, da ara juk omijio isong, awang ho otehuni, karik juk isong oningu, awang isong de ho otek.'
\v 11 Dene, oyele lo owon ahana: Ohinyomotho owetha dimaji ha arami ho Ojok.
\v 12 Ohinyomothi loduo do oihoi lo odaharik onyahi ainyong nawon ara ohothing haningu arami ho Ojok, ti ajara diholu ara sitan aindu eyaru isong adi tho hosi harik othajia hosong. Thahani, awang heruhi karik awang isong ithaluahunu.
\v 13 Ohinyomo hoduo do omorik onyahi ainyong nawon ara ohothing haningu arami ho Ojok tha amuno, ti awang isong ho owon ho ohade hohodo dihap. Thahani, iruk isong tho omiru tholomutha. Kuak ajara asang hamoyo afuk dosong, ethawejie eruk do arami ho Ojok.
\v 14 Ohinyomo hodou dihiji ho oyandik hehua onyahi ainyong ofuk ara ohothing haningu arami ho Ojok, ti thene divuan hosong hamanya edehini asang iring egigilitha, abara karik amuno nesuka ne dirudio arami ho Ojok da amanya nasong. Thahani, awang obolori tho ohoile tho lolibo.
\v 15 Ti ohinyomo hodou da aboro hamuyak onyahi ainyong ofuk ara ohothing haningu arami ho Ojok evothuni tha abangan karik othajia ho olibo. Orasai dibangi karik diruhon arami ho Ojok, thia eyane ahayo ho ohoile lolibo.
\p
\v 16 Azuhon nethawuleyo ahimang, awng ohothing homuhok ha akati kuya esahini tholohop ha eferit, thanabo, isarahini dihide ho osuhuni da ara othulo lobo lojina dithua atehu tha afangan thananyong.
\v 17 Inyong ne ijan ofaning lobo asang hedima muai ithaliehina. Karik asang ha awang otehi do omiru lia obuthohini ofaning lobo.
\v 18 Dini ithaningiethe tuhudi da asang ha anyahi nang ithai, acha isak Ojok ohothing heruk hadiri hanyong ditehan halwa. Ti isak de Ojok ha awang iruk hadiri hanyong thawang hotek juk hamutha hajo isong ngona otek isong."
\p
\v 19 Ofaning lobo aindu nahathingi ho Yesu ho olarok honyong ditihio inyong, ti awang heduongi koko donyong acha olihak inyong emomohe nabolo bebe dahang nesukarik inyong.
\v 20 Thene ara lobo othulo anyahi inyong, "Nehathingi karik holilai howetha dinguai, owahi atihio ie."
\v 21 Ti inyong etharang dosong, "Ohothing honing arami ho Ojok karik abangi isong oyu donang iring nanahathingi karik halalai."
\p
\v 22 Do ofaning lobo Yesu echurok ditha ahibo ho ohothifok honyong. Ajo dosong, "Awak nang ohothai thodanga thele ha afafada." Thene eterie ekuroro thele ha afafada.
\v 23 Ti dikuroror hosong, ajothoro Yesu. Thene ara olotutu loko aindu difafada. Aindek ahibo evuthan ha ahari, isong hodi monyori.
\v 24 Ohothifok ho Yesu avuni ezadochie inyong thahide. Ajori donyong "Ohetienani lohito! Ohetienani lohito! Ohothai hevuo di yee!" Adotho inyong thahide anyahi ahomua karik ahari hadothoitho diwetha ara isong awetha dingding. Adularu asang bokolong.
\v 25 Thene ajo dosong, "Anyo omutha eruhon nathai ahani?" Abang ohothifok honyong karik afalangai tha aning nafuk ne. Arasai acham dosong homonyie, "Angai lia, leringak juk ahomua karik ahari, ara isong abangi inyong?"
\p
\v 26 Arasa Yesu ho ohothifok honyong ekuroro avuni da ahap nesukarik ohothing ho Gerasene, do oyirik lothele ha afafada na amiji no Galilea.
\v 27 Diholu ha echuruna no Yesu thatha ahibo di hap, aruanga ho othulo lobo tho bore la amiji nyia. Owon othulo lia ha achohi. Omiru lohodo kaang othulo lia iyofo abongo karik isuka dinguai. Isuka da alomi hanuhierek ohothing.
\v 28 Ajara inyong atehu Yesu, aferi ahomong dihap ekor bebe dihithemi honyong, karik elolongo bebe, "Ainyong iwak ie thonang, Yesu, olonyi lo Ojok lo thohide?. Amojo nang ie, hethagemio nang!"
\v 29 Ochama othulo lia ahani acha hethek Yesu ingatere ohoile lo sitan adi thonyong. Juk athuhi athorihina ahinasik ha ahejek ho othulo lia tha eririk ibu ohothing iririyo inyong, oberok aria omutio ohoile lo sitan tha akolon. Thene ara othulo lia abongio eririhi esarak ohoile lo sitan inyong aden da amasok ha awang ohothing isukarik.
\p
\v 30 Thene Yesu eviyo inyong, "Ofure lohoi ngai" Etharangio, "Ofure hindang esihajin." Ojo ahani acha azuk achohi aria ajingahina donyong.
\v 31 Arasa achi emamanio Yesu da awangan isarahina isong tha awang hovuo da amaji naudo nethagemiere Ojok achohi.
\v 32 Owon inya obore le ekaha dihide odonge lonyiha. Ara achohi amojo Yesu disahina isong dijingara ditha ekaha, ara inyong eruhok isong.
\v 33 Thene ara achohi edehini othulo lia ajingari ditha ekaha, ara obore lekaha angeruni dihap ha athur nahodo afafada awororo isong.
\v 34 Ajara ohothing heyohoitho ekaha atehu aning nafuk, angierori adi! Anyahini aning natehu isong do ohothing hotho bore karik hothomisihi.
\v 35 Thene ara ohothing avuo ditihio ainyong nafuk. Ajara avuni da amaji owondere Yesu, atehuni othulo longerorik achohi adi lo owoni dihejek ho Yesu, ithaningio donyong. Atehuni inyong eyofo abongoitho, karik ahu nanyong anyahu iring nayu ikoti, abangi isong.
\v 36 Othulo latehu ainyong nafuk enyanyahak do ohothing hohethek eduongon angai ithaijok Yesu othulo lethachanio achohi.
\v 37 Thene ara ohothing holwa ha ahap nalihak Gerasenes di dehina aame nasong acha obang isong bebe. Thene ara Yesu ho ohothifok honyong echurohini ditha ahibo anyahari thele ha afafada.
\p
\v 38 Kaang isong hovuo, ara othulo lazuk achohi ediaharu lo amojo Yesu da awangan idiaharu inyong ajo, "Ie, isak nang thoilo hohoi!" Ti thanabo, Yesu asulak inyong adi tha ajaran,
\v 39 "Awang, ilo diholu dihang hohoi karik ie inyahi do ohothing buaya ihandio Ojok dohoi!" Dia ara othulo lia alo adi anyahi ohothing ditha abore fodok baya ihandio Yesu donyong.
\p
\v 40 Thia ara Yesu ho ohothifok honyong anyahari tholo fafada di Capernaum. Emomohe no ohothing nethilayo inyong dia, efothuni inyong ara nayu.
\v 41 Dia othulo lo jori Jairo, lobo la asynagogue, aindu koko do Yesu adula dihejek honyong. Efiyo Yesu diyinduna dihang honyong,
\v 42 acha eitho aboithe netho nanyong oyingathik tomon lorehai namuai bebe owak inyong Yesu dithaijo inyong. Ti daden nayong honyong, erudunu emomohe bebe diker ho Yesu.
\p
\v 43 Dia ditha emomohe owon athulo narasa amuai oyingathil tomon lorehai owoo ahotho. Azuk engohina arobiahio hanyong bokolong di dumarik opothohio diluahio inyong, ti awang lobo thosong lethaijok inyong.
\v 44 Aindu tholohurong ho Yesu athin ohuthuk la abongo nanyong. Kuak ara awojon nanyong awetha.
\v 45 Yesu ajo, "Ngai othing nang?" Dijaran ho ohothing hozeker ho Yesu ajara kaang isong othin inyong, ajo Petro, "Ohetienani lohito, olwari ohothing diker hohoi erudune dohoi, dia athin de lobo thosong ie!"
\p
\v 46 Ti Yesu ajo, "Atek nang athin nang lobo tha atehan, acha alo akolon tho nang adi dithaijo othulo lia."
\v 47 Karik ajara athulo ne atek ijan awang inyong idimunu, aindu hehihira do nyong adumo dihap da aboror dihithemi honyong. Ibu ohothing homok ithaningio, anyahi Yesu anyo nathin inyong inyong karik aayu inyong kuak.
\v 48 Ara Yesu ajo donyong, "Amote hindand nangoruo, acha iruk ie ijan achihi nang ethaijo ie, eyu ie thene. Thene ilo oihoi lohoi, emora no Ojok the wana hohoi."
\p
\v 49 Ibu inyong dichama honyong, aindu othulo tho hong ho Jairus ajo do Jairus "Azk eitho nahoi ayee. Thene hezazachanio ohetienani ikoti!"
\p
\v 50 Ti ajara Yesu aning ahani, ajo do Jairus, "Hebang, iruho donang ara inyong esuka ikoti."
\v 51 Ajara inyong eduong dinguai, kaang Yesu ohorik lobo diden dithuaa honyong, harihari Petro, Yoanne karik Yacobo, karik ahathingi ho omonye la eitho.
\v 52 Ohothing hekor dia bebe dinyahina ijan awang isong omuno bebe da ayee ne eitho. Ti Yesu ajo dosong, "Ithawejethe ekoron! Kaang inyong oyee! Inyong nadiferi!"
\v 53 Ara ohothing ahienda donyong, acha otehi ijan azuk eitho na ayee.
\v 54 Ti ara Yesu edep ahinang nayong elongo inyong, ajo, "Akalifonit, odothoi tha hide!"
\v 55 Kuak ara ohoile lonyong anyahu dihuan honyong ara inyong adotho thahide. Yesu anyahi isong disahina donyong aning nabo dinyo.
\v 56 Ara ha ahathingi afalanga, ti Yesu anyahik isong da awangan anyahina lobo othulo aning nafuk.
\c 9
\cl Ebwayit 9
\p
\v 1 Thia ara Yesu elongo aboithe ohothifok honyong tomon lorehai esarak dosong awonen ha akolon karik dingatere achohi opecheni hamahama karik ethaijo na ahathing tha adihathihien.
\v 2 Efaharu isong adii dithaijo ohothing karik ditienio isong angai olo de Ojok inyahina ahuan nanyong iring ohobu.
\v 3 Kaang inyong ho olo, ajo dosong, "Heyatik aning nabo hothai da adaha nathai. Heyatik othelek lo daharik kuya obade lo daharik dia angiriang dia arobiahio.
\v 4 Da athua nejinga ithai dia, isukathi da athua nia many ithai ediaharu amaji nyia.
\v 5 Da abore na awang ohothing eruhu ithai, herasathi esuka dia. Ara ithai hediaharu abore nyia, obahuna aboro tho hejek hothai. Ihandiethe ahani iring eringio do song dedara nasong ithai."
\v 6 Thene ara holefahat ho Yesu avuoi, adahia thala amisihi halwa. Da ameji navuarik isong, achamai do ohothing arami hayu tho Ojok karik ethaije ohothing homuai.
\p
\v 7 Herod, ohedefani la amiji no Galilea, aning ainyong nafuk. Engere bebe, acha aning ohothing homok ajaran ijan anyahu di suka ikoti Yoanne le baptisio.
\v 8 Ara homok ohothing ajori ijan aleyo propheta Elijah ikoti karik homok ikoti ajo lobo tho oprophetas honya oberien lanyahu di suka ikoti.
\v 9 Ti Herod ajo, "Awang ove acha abongu nanang ahu nanyong adi. Angai othulo lia lezaning ahani lia?" Arasa aziveyo oihothik ho otihiere inyong Yesu.
\p
\v 10 Ajara helefahat anyahu tha adahathihien hasong, anyahini do Yesu asang bokolong hehandio isong. Thnene eyaru isong orobokang divuan isong hamaring hosong da abore no Bethsaida.
\v 11 Ti ajara emomohe aning dingai olo Yesu, aziforoi inyong diang. Efothu isong achama dosong angai de onyahi Ojok ahuan nanyong iring ohobu, karik ara inyong ethaijo howak ijan ithaijie isong.
\v 12 Dia ara zazari difaning, ara helefahat avuni donyong ajori, ".. ifahak emomohe no ohothing hulia adi do ovuoi da amisihi hanyiha karik amandak di rumahina aning angiriang karik amesok hesukarik, acha ohothing ho dinguai da amaji na awang ohothing"
\p
\v 13 Ti ajo dosong, "Ongida ithai isak dosong aning nanyie!" Etharangi, "Iwon ohothai ha amugathi miett hatikhatik karik ohom arehai hotik. Awang ohoi hevuo inyangunu angiriang nachihi do ohothing hulia bokolong!"
\p
\v 14 Ochama isong ahani acha owoni ohothing esiha miett dia. Thene ara Yesu ajo do helefahat, "Onyahina ohothing thowoni thahap ara elulungir ho ohothing athomone miett da elulung aboithe."
\v 15 Dia ara holefahat ehandio ahanyia ara ohothing awoni dihap.
\v 16 Thene eduhu amugathi miett ho ohom arehai. Amijo dihide ethahuyo Ojok dosong. Thene abuanyo isong ara hatik esarak isong do helefahat di buayo do ohothing.
\v 17 Ara isong bokolong anyo efongi. Thene ara holefahat ezuzuhunu angiriang nafithoro okatino ton lorehaii!
\p
\v 18 Ofaning lobo ibu Yesu omojo hamaring, avuni holefahat honyong donyong efiyo isong, "Ngai ojo elulung ne inyong naang?
\p
\v 19 Etharangie, "Ojo ohothing homok ie Yoanne le baptisio, ti ara homok ajo ie opropheta Elijah, ara homok ajo ikoti ie lo homok oprophetas honya oberien lo nyahu di manya ikoti."
\p
\v 20 Efiyo isong, "Ara ithai, ijo ithai nang ngai? Petro etharangio, "Ie omasaya, loindu tho Ojok."
\p
\v 21 Thene ara Yesu anyahi do song za nako bebe ijan ongida isong awang ho onyahi do lobo kabong.
\v 22 Thene ajo "Nang, olonyi lo othulo lethagemie de omiru holwa: Idari nang de ohobolok, ohobusik ho ofadirihio karik ohethalimok ho omanyitha ho Ojude karik thia atohori nang. Thene, ofaning ethaunihie diholu, nang anyahu de dimanya."
\v 23 Thene ajo dosong bokolong, "Ara owon lobo thothai lowak azivoitho nang iring lefahat hindang, ie tha awang ihandio aning nayu dohoi dihandio. Thanabo, juui ongida ie imuno ethagemitha, juk di sahina amanya nahoi adi.
\v 24 Ongida ie ihandio ahanyia, acha ohothing howak edefetho amanya nasong dosong, ethalithohini fodok adi, ti ohothing hesak amanya nasong adi ethaluahuni de ara amanya.
\v 25 Ainyong aiji nanyong ara iwon ie ha asang bokolong hothohop ajara diholu ie ithalithok, jia hibu ie ithalithok ahuan nahoi holefeng?
\v 26 Ara do ohothing heda arami hundang karik heda ijan isong hundang, Nang, olonyi lo Othulo arisa nang dang dijaran ijan isong hundang ara nang lanyahu dihobie honang karik dihobie ha lalamonye karik la anjelohen.
\v 27 Ti anyahinang ithai hadiri huna: homok hothai howetha dine ne awang ho oyethai many ithai atehuna Ojok anyahina ahuan nanyong iring ohobu!"
\p
\v 28 Di holu ho operok tisess diholu ha achama no Yesu ochamitha hulia, eyaru honyong Petro, Yoanne karik Yacobo, alo dihide ho odonge di mojo dia.
\v 29 Ibu inyong dimojo, eloitho ahomong nanyong ara abongoitho hanyong abuori bebe enuahai iring ahila.
\v 30 Kuak ahani, awon oprophetas arehaii honya berien achamai ho Yesu; isong ho Muse karik Elijah.
\v 31 Oleyori da amaji nenuaha, karik achamai ho Yesu arami ha aden nanyong, nengohunu de di Yerusalem.
\v 32 Petro karik holefahat homok howon honyong hulo hodi muziza. Ajara adothoi thahide, atehunu ohobie lo Yesu; atehuni dang ohothing arehai hulo owethai honyong.
\v 33 Diterio ho Muse karik Elijah ediaharu Yesu, ajo Petro dosong, "Ohetienani, oyu do ohothai diwonen dini! Ongida ohothai iduho athuahio aunihoii, oboithe dohoi, aboithe do Muse, karik aboithe do Elijah!" Ti diri awang inyong hotek ainyong ochama inyong.
\v 34 Dichama honyong asang hune, aindu eramuk emuhok isong. Abang holefahat dimuhohina ne eramuk isong.
\v 35 Achama omurut lo Ojok dosong thatha eramuk, ajo, "Oitho hindang lia, lazuk nang anyimuna, izaningieze donyong!"
\v 36 Ajara omurut azuk engohina achama, ara helefahat aunihoii hulo atehu Yesu hamaring dia. Awang ho oachamai karik omiru lohodo kaang onyahini lobo othulo aning natehu isong.
\p
\v 37 Ofaning lobo, ibu isong azuk echuruna thodonge, emomohe nabolo aruanga ho Yesu.
\v 38 Kuak ahani ara othulo thatha eemomohe elongo bebe, "Ohetienani, efiyo nang ie, ihandie aning nabo diluahuna oitho hindang! Inyong oitho hindang le aboithe awang lobo.
\v 39 Edefetho inyong kuak ohoile lomonyo esak inyong aramaitho ibu inyong ilolongo. Isak inyong ehihira iring namonyo ibu okoputot oindu tho lo huzuk. Kaang hedehinerek oitho hindang karik ara nafuk iriavu inyong iring namonyong bebe.
\v 40 Efiyo nang ho helefahat hohoi dinyahina ohoile lomonyong thoindu adi thonyong, ti kaang isog hehandio inyong!"
\p
\v 41 Ditharangio, Yesu ajo, "Oper lo ohothing lo awang heruhi egigilo nahoi omonyo! Omiru baya esuka nang hothai kaang ithai iruk? Thene ajo do lomonye ho oitho, "Iyanu oitho lohoi do nang didi!"
\v 42 Diyanu hosong oitho lia donyong, amirok achok oitho dihap da aboro, ethahihirio inyong bebe. Yesu ethawejo ohoile lomonyo ethaijok oitho. Thene enyahak inyong do omonye lonyong.
\v 43 Thene ohothing bokolong howon dia afalangai da oklon no Ojok. Ibu isong bokolong difalanga da asang hako hehandio Yesu, ajo do helefahat honyong,
\v 44 "Ithaningiethe tuhudik da aning nalo nang inyahina ithai: Nang olonyi lo Othulo, lovuoi de kuak ithafothohina do omerok."
\v 45 Ti awng helefahat hotek ainyong ojo ochame lia. Ezuhio Ojok isong di tehan inyong, da awang isong ainyong ojo inyong, karik obang isong efiyo inyong aning nachama inyong ne.
\p
\v 46 Omiru homok diholu eterio helefahat elafere isong omonyie do ngai dihiji hosong lobolo bebe.
\v 47 Ti atek Yesu ainyong igigilo isong, thene eyanu akalifonit nati awetha diker honyong.
\v 48 Ajo dosong, "Ara efothu lobo akalifonit iring na thionang, orijo iring nefothunerek inyong nang. Karik ara ifothu lobo nang, orijo iring nefothunerek inyong Ojok, le fahu nang. Igigilothi ijan homok dihiji hothai ha awang obolo bebe isong howak Ojok di bolori bebe."
\p
\v 49 Etharangio Yoanne Yesu, "Ohetienani lotito, etehu ohoi othulo lo ongatezere achohi tho ohothing tho ofure tho lohoi. Dini enyahi ohoi inyong dithawejo, acha awang inyong othifoitho ie iring la elulung nahothai."
\v 50 Ti Yesu ajo, "Hethwejethe inyong dihandio ahanyia! Ara awang lobo ihandio aning na awang omonyo do thai, thene aning nehandio inyong nyia oluahu ithai!"
\p
\v 51 Ajar anyiha do ofaning lenyaharik Ojok inyong dihide, Yesu ajo olo inyong di Yerusalem.
\v 52 Efahak helefahat homok divuan ahithemi nanyong, ara isong ajingak ditha amiji dihap ho Samaria dihuhumierek aden nayong dia.
\v 53 Ti awang Osamaritan heruhok Yesu diyinduna dimiji hosong acha inyong lolo di Yerusalem.
\v 54 Ajara arehaii ho helefahat honyong, Yacobo karik Yoanne, aningu ahani, ajori, "Lamolo, iwak ie ohoi di fiyo Ojok difahuna ahimang thohide dimudio ohothing hulo?"
\v 55 Ti Yesu eloitho dosong anyahi iring nako dosong ijan ipal isong dijaran ahani.
\v 56 Then vauoi da amiji nekela.
\p
\v 57 Di daha ho Yesu ho holefahat honyong dihoi, ajo lobo donyong, "Alo nang hohoi da amaji nederek ie!"
\p
\v 58 Yesu etharang, Owon ongayoho ha amasok haudo da aboro hesukarik isong, karik ahuen owoni ha abuayo, ti nang olonyi lo Othulo, awang owon ha ahang naferorik!"
\v 59 Yesu anyahi othulo lekela, "Othifunu nang!" Ti ara othulo le ajo, "Lamolo, idehi nang thelo dihang ahithemi dinuhahina lalamonye ara laye."
\p
\v 60 Ti Yesu ajo donyong,"Idehi ohoyaak thonuhak hayee; ti ilo onyahi ohothing da amasok bokolong ijan aindek Ojok anyahina ahuan nanyong iring ohobu!"
\p
\v 61 Ara lobo hama ajo, Lamolo, aindu nang awon iring lefahat lohoi, ti ahithemi idehi nang thelo dihang dijan ithai hulia do ohothing hundang."
\p
\v 62 Yesu ajo donyong, "Othulo lobo leterio aromo na amana nanyong karik amijo diholu honyong awang hegema do Ojok ara ledefetho asang bokolong iring ohobu."
\c 10
\cl Ebwayit 10
\p
\v 1 Diholu honyia, ara Lamolo Yesu anyimu homok ohothing athomone chofaa divuan di titoyo. Ihuhumio di fahahina isong arek arek divuan ahithemi nayong da abotok bokolong karik amiji nawak inyong aderek.
\v 2 Ajo dosong, "Obolo engongocho, ti omuzari ohengemak. Dini omojothi do Lamolo le engongocho karik ifiyethe inyong di ifahuna ohegemak di ngongocho.
\v 3 Ivuatha thenene, ti igigilothi ijan nang lefaharu ithai dingua di nyahina arami hundang do ohothing howak atohoro ithai adi. Ijahitha ithai de iring okero hotik dihiji ho owoho.
\v 4 Heyati hothai arobiahio hamok. Heyatik obade la adaha. Heyatik ahamoha hamok daha iwon ithai hosong. Hewethathi di mandayo ohothing dihoi.
\v 5 Ara ithai hejinga di hang, ahithemi ijaratha do ohothing hule, 'Ara oyu Ojok esarak ithai hatha ahang ne emora!'
\v 6 Ara owak ohothing ha ahang emora no Ojok orumahini de emora nesak ithai do song. Ara idari ohothing hesuka dia emora no Ojok, emora nesak ithia anyahu dothai.
\v 7 Isukathi da ahang nyia many ie ediaharu amiji. Hewathizazi tha ahang da ahang nabo. Onyiethe karik ithai imaza aning nesak isong ithai, acha ohegemani ifozu aduma ne egema nayong.
\v 8 Ara ithai hejingak diza abore ara ohothing hothia efotuni ithai iring nayu, onyietha anyatha bokolong hesak isong dothai.
\v 9 Ithaijethe ohothing hothia homuai. Onyahina dosong, 'aindek Ojok edefetho ahap bokolong iring ohobu.'
\v 10 Ti ara ijinga ithai abore na awang ohothing honyong ifotzu ithai iring nayu, ifuatha do oyihothik honyong hohitua ithai ijo,
\v 11 Da ara amonyori dothai, ivuvusu ohoi aboro hedep dihejek ohoi adi didiaharu hohoi abore nathai. Ti otehatha huna; aindek Ojok edefetho asang bokolong iring ohobu.
\v 12 Anyahi nang ithai ijan do ofaning lo thoholu ara Ojok langocho ohothing bokolong, ethagemie ohothing ha amiji nyai nakalaru no ohothing homonyo bebe honyia isuka berienda abore nahito no Sodom!
\v 13 Angai de omonyo inyong dotha ho ohothing hesuka da abore nahito no Cherazon karik Bethsaida, acha ida itha ewaha! Ara asang hako hehandio nang dothai ehandie do abotok hanya oberien ho Tyre karik Sidon, iruhi ohothing homonyo hesuka dia inyahina berien inyahina ijan epal isong bebe de eyatha tha awoni dihap ha abongojin ha azariha afurahini ahinuarang di hosi.
\v 14 Dia do ofaning lothoholu ara Ojok langocho ohothing bokolong, ithagemio ithai de bebe tho ohothing homonyo bebe honya isuka di Tyre karik Sidon acha kaang isong iwaha karik eruhi do nang juk etehu ithai nang dihandio asang habolo!
\v 15 Awon nang dang ha aning nabo di chama dothai ohothing hesuka di bore ho Capernaum. Igigilo ithai ijan imamajie ithai de di hide? Tha naboling, iyane ithai de dihap da ameji no ohoyak!"
\v 16 Ajo Yesu do helefahat, "Othulo lezaningio da arami hahoi ithaningio do nang, karik othulo leda arami hahoi ida nang. Karik othulo leda nang ida Ojok, lefahu nang."
\p
\v 17 Ohothing athomone chofaa honyimu Yesu avuoi ehandie iring nanyahik inyong dosong. Ajara anyahuni, amunoi bebe. Ajori, "Lamolo, juk achohi obangi ohoi ara ohoi heringak isong didiaharu ohothing!"
\p
\v 18 Etharang, Ibu ithai didak dihandio hua, atehu nang sitan opuahunu tho hide kuak kuak iring ahila nabahio!
\v 19 Ithaningietha! asthuk nang esahina ithai akolon dithangalafio ositani. Awang isong heriavu ithai. Athuk nang esahina ithai akolon nakalaru no ometononi lohothai, Sitan. Awang aning nabo neriavu ithai bokolong.
\v 20 Ti iring nemonorik ithai ijan ithaningio sitan ithai, omunothi bebe ijan ofuretho hothai athuhi egerohina dihide."
\p
\v 21 Dene, Yesu lodi muno bebe tho Ohoile lo Olibo. Ajo, "Lamonye, ie Lamolo la asang bokolong dihide karik dihap. Ojo ngona ohothing homok ilafioro isong bebe acha athuk isong ehera iring nayu. Ti ethahuyo nang ie ijan ethihok ie isong ditehan asang huna. Kolumbo/kombuo, ethuk ie anyahinado ohothing heruk hadiri hahoi kuak iring neruhorik akalifinok hatik. Aa, Lamonye, ehandio ie nyia acha oyu dohoi dihandio ahani."
\v 22 Ara Yesu dang ajo do helefahat, "Ojok, lala Monye, esarak asang bokolong do nang. Lalamonye ti inyong otek nang, oitho lonyong. Di fonihina, nang hama, olonyi, diri otek ngai Lamonye-- dijan, nang hama karik ohothing hanyimu nang dinyahina inyong diri otek inyong."
\v 23 Thene ajara holefahat ara honyong hamaring, eloitho dosong ajo, "Athuk Ojok esahina ithai esorit nabolo disahina ithai atehuna asang hazuk nang ehandio!
\v 24 Awak nang ithai atehan ijan oprophetas olware karik ohobusik homanya inya berien owahi atehuna asang hengengelio ithai nang dihandio, ti kaang otehuni, acha kaang asang hune hofuk inya. Owahi aninguna asang hethabuho ithai ethaningio nang dichama, ti kaang nang ethaithak asang do omiru le."
\p
\v 25 Ofaning lobo ibu Yesu itienio ohothing, ohetienani lobo lo omanyitha ho Ojude owon dia. Awak akemio Yesu thefiyo arami hakoli bebe. Dia adotho thahide efiyo, "Ohetienani, ainyong ehandio nang disuka ho Ojok many fur?".
\p
\v 26 Ajo Yesu donyong, "Ethuk ie eherio aning negerok Muse do omanyitha hesak inyong Ojok. Ainyong ojo omanyit?"
\p
\v 27 Ara othulo etharangio, "Omunoi Lamolo Ojok lohoi tho othaji tholohoi fodok, tho ohoile tholohoi fodok, tha akolon tha nahoi fodok karik tha eluhu tha nahoi fodok. Karik omunoi ahathing hanyiha dohoi iring nemunorik ie ahuan nahoi."
\p
\v 28 Yesu etharangio, "Ethuk ie etharanggoi iring nabi. Ara ihandio ie ahani, isuka ie ho Ojok many fur."
\v 29 Ti owak othulo arumahina oihoi loyu ledefethere inyong ohothing homok. Dia ajo do Yesu. Ajo do Yesu, "Honi ohothing honyiha do nang ha amuno nang?"
\p
\v 30 Yesu etharangio, "Ofaning inyalobo alo othulo lobo lo Ojude do oihoi tho Yerusalem di Jericho. Inyong didaha, avuni ohoholak homok dithangalafio inyong. Eyarai di abongoitho bokolong karik asang bokolong hawon honyong, abahie inyong diyee. Thene ediaharai inyong.
\v 31 Dia alo dang ofadiri lo Ojude oihoi le. Ajara atehu othulo le, iring kodien diluahio, alo olefeng tholo oirik lobo lo oihoi.
\v 32 Ahani dang aindu lo levi legema di templo ho Ojok, da amaji nyia atehu othulo lia. Ti ara lia dang alo adi tholo oirik lobo loihoi.
\v 33 Thene ara othulo tha ahap no Samaria aindu oihoi le da amaji naferorik ohtulo le. Ajara atehu othulo le, amiehuni inyong.
\v 34 Alo koko donyong enonohi asongosik the elethang tho no olive karik avine dithalihio isong. Athorik asongosik tha abongo. Thene ethadohok ohtulo lia dihide ha ahumar nanyong eyaru da ahotel eririyo inyong dia.
\v 35 Inya moithe adumak do lomonye ha athua aquilikquilik arehai ajo, 'Irirye othulo lia. Ara ethuk ie ha kalaru huna diririyerek inyong, aindu nang iduma ie ara nang lanyahu.'"
\v 36 Thene Yesu ajo, "Atehu ohothing aunihoii othulo lathuk ohoholak abahio. Loni thosong lonyahi ijan inyong lonyiha do othulo lia?"
\p
\v 37 Ohetienani lo omanyit etharangio, "Othulo lomiehunu inyong lo." Ajo Yeso donyong, Aa, thene ilo ie ihandio ahani do ohothing bokolong hechihi ie aluahio."
\p
\v 38 Ibu ho Yesu ho helefahat honyong orasa adaha, ajingahini da amiji nabo diker ho Yerusalem. Ethalongo athulo nabo nara Martha isong divuna dihang honyong.
\v 39 Ahani nanyong nati ofure lonyong Maria, nawoni diker ha ahejek ho Yesu. Nadithaningio ainyong itienio inyong.
\v 40 Ti Martha nadizabuho amara angiriang. Alo do Yesu ajo, "Lamolo, awang ie igilu ijan athuk nanahani edehi nang hamaring dihuhumio asang bokolong?.. onyahi donyong ijan ongida inyong oluahio nang!"
\p
\v 41 Ti Lamolo etharangio, "Martha, Martha, ie newak bebe asang halwa.
\v 42 Ti aning nakol bebe inyong ethaningio arami hetienio nang. Athuk maria anyimuna nayau bebe. Elihan nefothu inyong the ehandio ahani awang heyarai tho nyong."
\c 11
\cl Ebwayit 11
\p
\v 1 Ofaning lobo Yesu lomojo da amaji nabo. Ajara athuk amojo, ara lobo lo helefahat ajo donyong, "Lamolo, itienie ohoi ainyong ijo ohoi ara ohoi hemojo, iring netieniere Yoanne helfahat honyong!"
\p
\v 2 Ajo doaong, "Ara ithai hemojo ijaratha asang ahana: 'Lamonye, ara oyu ara ohting ethaduario ofure lohoi iring lo lodua. Idefethe ohothing kuak da amasik bokolong.
\q
\v 3 Esarak ohoi operok bokolong angiriang newak ohoi.
\q
\v 4 Omiehik ohoi za asang hamonyo hehandio ohoi, iring nemiehinere ohoi ohothing da asang hehandio isong dohoi hamonyo. Oluaha ohoi da awangan neyana ara ohoi hakemie."
\p
\v 5 Thene ajo dosong, "Ara ojori alo lobo thothai dihang ho omote dihij oharie. Ara ojori ie iwetha dinguai ie ilongo inyong, 'Lalamote, isak nang amugathi aunihoii!
\v 6 Omote hindang loboling lodaha leduong dihang honang, ti awang nang awon ha angiriang disahina inyong!
\v 7 Ara ojori inyong etharangio ie thothua honyong, 'Hethachianio nang! Athuhi ehienohina oihiet karik athuk ahathing bokolong averi. Awang nang achi didotho disahina ie aning nabo!'
\v 8 Anyahi nang dohoi, juk awang inyong owak adotho disahina ie angiriang juk ie omote lonyong. Ti ara irasa ie efiyo inyong, odotho de inyong disahina aning newak ie.
\v 9 Dini anyahi nang ithai huna. Orasathi efiyo Ojok da aning newak ithai. Orasathi athifeyo ainyong owak inyong ara inyong de anyahi dothai. Orasathi amojo kuak do Ojok, iring othulo lobo lobabahio diyihiet, ara inyong de angahi oihoi dothai difothuna aning nemojo ithai.
\v 10 Igigilothi ijan othulo lefiyo ifothu dena karik othulo lothifeyo orumak, karik othulo lobahio diyihet ongaa oihiet donyong.
\v 11 Ara owon lobo thothai lefiyo inyong olonyi ohome dinyo, diri awang ie isak inyong amunu nahieri tho ohome, isak ie?
\v 12 Karik ara ifiyo ahatelchiong, awang ie diri isak inyong ohothoni za ahatelchiong, isak ie?
\v 13 Juk ithai ohothing heyau, itek ithai angai isahini asang hayu da akalifinok hathai. Dia okalaru do Omonye lothai dihide disahina Ohoile Lodua dotha ara ifiyo ithai inyong disahina ithai."
\p
\v 14 Ofaning lobo owon inya othulo lobo dia la awng ho chama, acha achok nedefetho inyong. Ajara Yesu angararik achok, ara othulo eterio achama. Afalanga ohothing howon dia bokolong.
\v 15 Ti ara homok hosong ajo, "Beelzebub lia, ohobu lo achohi, lesarak othulo lia angaterek achohi!"
\v 16 Ara homok ohothing dia efiye inyong dihandio asang hakoli.
\p
\v 17 Ti otek ainyong igigilo isong. Thia ajo dosong, "Ara ithangalafio ohothing ha ahap aboithe ahuandek hasong, ithorohoja de ahap nasong. Ara awang ohothing ha ahang aboithe hethairio da ahuandek hasong, opuaharu de ahang nasong hamahama.
\v 18 Iring ahani, ara ithangalafa sitan ha achohio hanyong ahuandek hasong, edefetho nanyong isong awang orasa iring nahodo! Ajo nang ahani acha ijo ithai nang langararik achohi tha akolon tha na ohedefani la achohi!
\v 19 Dini, ara diri sitan isak nang dingatethere achohi, ya owoni ara hadiri dang do helefahat hothai hongatere achohi adi tha akolon tho no sitan? Atek nang awang! Dini onyahik isong ijan epal ithai.
\v 20 Ti iring nawonarik inyong ijan tho akolon tho no Ojok angetethere nang achohi adi, Anyahi nang ijan eterio Ojok edefetho ithai."
\v 21 Arasa Yesu achama, "Ara iririyo othulo loko lowon ha asang haremorik aria ahang nanyong, awang othulo lochohi ahoholio atito dihang honyong.
\v 22 Ti ara owon othulo lobo loko thonyong dithangalafio othulo lia abahio inyong, iyaru asang haemorik hethakolio othulo lia. Thene iyaru inyong tho hong ho othulo lia asang bokolong hawak inyong.
\v 23 Othulo la awang isiyo nang ongare hindang lia, karik othulo la awak iyanu ohothning do nang isak isong avuan adi tho nang."
\v 24 Then Yesu ajo huna: "Omiru homok ara ohoile lomonyo ledehi othulo, olo iwara koko da amaji nawang ohothing ithithifeyo aluaha. Ara awang orumak nabo, ajo da ahuan nanyong, 'Anyaha nang do othulo lonya esuakatherek nang lo!'
\v 25 Dini anyaha diholu arumak othulo le iring ahang nathuhi afeyo ehuhumahini iring nayu, ti hesuka ijia.
\v 26 Thene ara ohoile lomonyo alo eyanu homok ohoile homonyo chofaa hokalaru inyong tha monyori. Ara isong bokolong ajinga ditha ho othulo lia eterie esuka dia. Dini, Juk omonyo inyia omanyitha ho othulo lia, akalaru bebe."
\p
\v 27 Ajara Yesu athuk ajaran ahani, athulo nabo nethaningio elongo inyong bebe, "Ithaliha Ojokk ahuan na athulo naisu ie karik nethanahio ie tho ohii tho honyong!"
\p
\v 28 Thene etharangio, "Ithalihio de dang Ojok bebe ohothing hethaningio arami eruhi!"
\p
\v 29 Di vuna ho ohothing aria dithuna ha emomohe diker ho Yesu, ajo dosong, "Ohothing ho omiru lia owoni ara sitani. Holwari hothai owahi nang dihandio asang hako dinyahina ijan aindu nangOjok. Ti aning nanyahi nerumak ithai de aning nako iring nafuk do Jonah.
\v 30 Iring aning nako nehandio Ojok do Jonah inya berien dinyahina do othothing ho Nineveh, dini ihandio de Ojok aning nako do Olonyi lo Othulo nanyahi dothai ho ohothing ho omiru lia.
\v 31 Inya berien adaha ahabu no Sheba tha amaji na alama di thaningio olofereho ho Solomon. Dene owon dini othulo lobo lokalaru Solomon, ti kaang ithai diri ithaningio da aning nachama nang. Dini, do omiru ara Ojok langocho ohothing bokolong, owetha de ahabu nyai dia angochio iring namonyo ohothing ho omiru lia.
\v 32 Ohothing hesuka da abore noberien nahito no Nineveh eloithio tho omanyitha hosong heyatha de etitoyo no Jonah dosong. Karik donang ne, lobolo bebe tho Jonah, laindu etitoyo dothai, ti kaang ithai heloitho tho omanyitha hothai heyatha. Dini, do omiru ara Ojok langochio ohothing bokolong, ohothing hesuka di Nineveh berien owethai dia angochie ohothing ho omiru lia iring namonyo."
\p
\v 33 "Ohothing hethualohi ahimang awang imuhohini inyong, kuya esahini tholohop ha akati. Thanabo, isarahini diwejit ha ahimang do otehuni ohothing hojinga dithua afangan.
\v 34 Ahonde hahoi isong afangan na ahuan nahoi. Ara oyu ahonde hahoi, thene ara ahuan nahoi efut ha afangan. Ara, thanabo omuai, thene ahuan nahoi efut ara omudie.
\v 35 Thene, omijethek tuhudik ijan afangan nothohai ikara omudie.
\v 36 Ara ifut ahuan nahoi bokolong ara afangan awang amaji nabo neriok, ifut de ahuan nahoi bokolong iring afangan iring afangan na erie nesak ie atehuna asang bokolong thelerr."
\p
\v 37 Ajara Yesu athuk achama asang hua, ara opharisee elongongo inyong dinyo amgiriang honyong. Dini alo Yesu dihang ho opharisee awoni di ragga dinyo.
\v 38 Afalanga opharisee da awangan no Yesu elalayo ahinang kaang inyong honyo.
\v 39 Lamolo Yesu ajo donyong, "Ithai opharisees ilalayo enguai no obithiha ha ahari hoha angiriang kaang ithai inyo, ti dithuahio hothai iwudo bebe karik ihandio ithai asang hamonyo bebe.
\v 40 Ithai ohothing hebuyang! Diri itek ithai ijan ihuhumio Ojok enguai ha athua!
\v 41 Digigilo ijan awang asang hanyierek olibori, omiehunethe ohothing karik ithai isak aning nothothua hobithi do olikijojin/aharathak, thene ara athua karik enguai nathai alibo.
\p
\v 42 Ti angai de omonyo inyong dothai ho opharisee! Isahina dee do Ojok hamok tha asang hewon ithai hosong, ho obotk hewon ithai hosong di mandak. Ti thene awang ithai imuno Ojok kuya ihandio tha nabis do ohothing homok. Ongida ithai imuno Ojok karik ithai ihandio ohothing iring nayu difonihina de esahina do Ojok.
\v 43 Angai de omonyo inyong dothai ho opharisees, acha iwak ithai awoni do kitihio hobolo bebe di synagogue, karik iwak ithai ohothing dimandayo ithai tha abangi da amasok hethanyangierek atito.
\v 44 Angai de omonyo inyong bebe dothai, acha iwon ithai iring alame ha awang oleyo, hadaha ohothing dolohide hosong kuong atehan hawoni ara ha awang olibori."
\p
\v 45 Lobo losong lowon ara ohetienani lo omanyitha ho Ojude etharangio, "Ohetienani, tha achama ahani ie lemomorio ohoi dang!"
\v 46 Ajo Yesu, "Angai de omonyo inyong bebe dotha hethalimio omanyitha ho Ojude! Idohok ithai atito hauk do ohothing, ti awang ithai ihandio juk aning nati diluahierek ohothing didohorik!
\v 47 Angai de omonyo inyong bebe dothai, ach iduho ithai athuahio dinyahina aleme ho oprphetas, ti holihohonyi otoho isong.
\v 48 Dini ara ithai heduho athuahio hua, ithai henyahi ijan imuno ithai aning nehandio holethe hohonyi ditohio hosong oprophetas.
\v 49 Dini Ojok, lelafioro bebe, azuk ajan, 'Efaharu nang de oprophetas karik helefahat dinyamaitho ohothing hundang. Ti ithagemie isong de bebe karik otohori de homok hosong.'
\v 50 Tho hune, ohothing holwa ho omiru lia owoni de he eyau natohierek isong oprophetas ho Ojok de eteri nayeyerek ahap,
\v 51 Iterio tho omiru lo otohorik Abele tholai tholonyong arasa do ofaning lo tohorik opropheta Zakariak di templo dihiji ha altari ha amaji nadua. Aa, ohothing ho manya do omiru lia iyauni tha atohio tha nasong oprophetas hule!
\v 52 Omonyo bebe de dothai ohothing hethalimio omanyitha ho Ojude, acha kaang ithai isak ohothing ditehan hadiri ho Ojok! Oruang iring eyaru tihai ongat la athua. Kaang ithai tha ahuandek ivuo dithua, karik ithai ithihio homok ohothing dijingara.
\p
\v 53 Ajara Yesu engohi achama asang hune, ediaharu amene. Thene ohtulo letienio omanyitha ho Ojude karik opharisees ehandio Yesu iring namonyo. Eterie efifiyo inyong bebe asang aria.
\v 54 Arasai ethilayo inyong dicahama aning nabo namonyo didefunerek isong inyong.
\c 12
\cl Ebwayit 12
\p
\v 1 dene, asuduha esihaji theleker ho Yesu. Olwari bebe direreyerek isong ahuandek hasong. Ti ajo ahithemi do helefahat honyong, "Omijethe tuhudi tek ithai ijahithai iring opharisees hojahitha ho Ojok dihithemi ho ohothing, ti ehandie asang ho sitan dame nedima. Iring nesahinerek omundo ahifa adotho, asang hehandio isong hamonyo isak homok awangan nehandio asang hayu iring isong.
\v 2 Awang ohothing ho orasa edimie eyatha hasong iring nedimierek isong ne. Ofaning lobo isak Ojok ohothing bokolong ditehan asan hedimio ohothing hune.
\v 3 Asang bokolong hechama ithai ditha omudie, oning ohothing homok di fangan. Juk aning nemonga ie dithua hohoi ofaning lobo owon ara no ohothing bokolong ojahitherik nelolongoi thohide ha athua."
\v 4 "Omotehio hundang, ithaningiethe iring nayu! Hebangatha ohothing; ochihi isong di tohoro ithai, ti awang ihandie aning nabo dothai diholu honyia!
\v 5 Ti eringio nang ithai do oning leruk ithai ibangan diri. Obangatha Ojok, acha awang hochi ethayeyo ithai ti, ochohok inyong dang isong di ferno diholu! Aa, inyong diri leruk ithai ibangi!
\v 6 Igigilothi osparrows. Awang isong ho oko bebe inyong nenyangai isong tha aquilikquilik arehai ti kaang Ojok okuoro juk aboithe losong!
\v 7 Otek Ojok juk ohovir buaya howon dihu hohoi. Hebangatha, acha iko ithai bebe tho sparrows.
\v 8 Anyahi nang itha dang, ijan ara onyahi ohothing homok ijan isong helefahat hundang, thene nang, olonyi lo Othulo, ajo isong ohothifok do anjelohen ho Ojok.
\v 9 Ti ara onyahini homok ijan ikara isong ohothifok hundang, thene nang anyahi do anjwlohen ho Ojok ikara isong ohothifok hundang.
\v 10 Anyahi dothai dang ijan ara ochama ohothing asang hamonyo donang, olonyi lo Othulo, omiehi de isong Ojok thohune. Ti ara ochama ohothing asang hamonyo do Ohoile Lodua, Awang Ojok omiehi isong thohune.
\v 11 Dini ara iyanu ohothing ie di synagogue dihithemi ho hobolo he eklesia karik homok ohothing hedefetho amiji difyo, hegigilo ijan angai de etharangio ithai isong karik ainyong de ichama ie,
\v 12 acha onyahi ie de Ohoile Lodua do omiru hule aning nechama ie."
\p
\v 13 Thene ara lobo othulo dihiji he emomohe ajo do Yesu, "Ohetienani, onyahi lalai thebuaya atito halalamonye honang!"
\p
\v 14 Ti Yesu etharangio inyong, "othulolo, kaang lobo isak thewona ara ohongothoni ditheferio arami ho ohothing ha atito!"
\v 15 Thene ajo da emomohe bokolong, "Omijiethe tuhudi da audori! Ahuan lo othulo awng hetharijie da atito hawon othulo hosong."
\v 16 Thene anyahi dosong ethamijani na: "Amana no othulo lobo lobara awon ha anyari nalwa.
\v 17 Dini egigilo olefeng, 'awang nang atek ainyong ehandio nang, acha awang nang awon ha akoro nahito dikanahinere amat hundang bokolong!'
\v 18 Thene egigilo olefeng, 'atek nang ainyong ehandio nang! Awurio nang akoro no ohima naduho nahito! Thene nang akanak ohima bokolong karik asang hamok da akoro nahito angejuk.
\v 19 Thene nang ajo donang holefeng, "Dini awon nang ha asang aria dikoro heyaru oingathik holwa. Dini elik amanya. Anyo nang karik nang amatha karik nang amuno!'"
\v 20 Ti ara Ojok ajo donyong, 'Ie othulo lebuyang! Iyee ie ahanana thaharie! Thene ara asang hekanio olefeng awoni ara ho othulo lobo lekela, ikara ie!'"
\v 21 Thene ara Yesu ethachuhok ethamijani ne tha ajaran, "Ahani de owon do ohothing hokanio asang da ahuandek hasong, ti ha awang homijo da asang hayu hawak Ojok."
\p
\v 22 Thene Yesu ajo do ohothifok honyong, "Dini awak nang anyahina ithai ahana: Hegigilothi bebe da asang hewak ithai dimanaya. Hegigilothi dia iwon ithai de ha angiriang nanyie kuya abongojin halwa diyofo.
\v 23 Esu nahoi okalaru angiriang nenyo itha karik ahuan nahoi okalaru abongojin heyofoitho ie.
\v 24 Egigilothi ahuen: Awang idulie ohinyomo, karik awang hengongochie amat. Awang howoni ha amesok haferorik kuya athuahio di kaniere amat. Ti isong isong Ojok angiriang. Ikalaru ithai ahuen tha ayiji.
\v 25 Awang lobo thothai lofonik esu da amanya nanyong digigilorik inyong bebe!
\v 26 Dini ithai hawang hehandio aning nabo juk namutha hulo, hegeigilothi aning nabo hama.
\v 27 Igigilothi oihoi lobolorori eyaburitha. Awang igemai dirumahinerek arobihio karik awang isong ihuhumio abongojin hasong hamonyie. Ti anyahi nang dothai juk ohobu Solomon, lonya isuka berien, eyofo abongojin halibo, kaang iyoforik iring hamok heyaburitha hua.
\v 28 Isak Ojok alibori do oyandik juk isong obolo omiru lo osuk. Thene ayefie isong achohohini ditha ahimang. Ti iko ithai do Ojok bebe, ingengelio inyong ithai de bebe nakalaru na ayandik. Anyo ithairio ithai inyong iring namutha?
\v 29 Hethifeyo aning nenyo ie karik nematha ie, karik herasa egigilo asang hua.
\v 30 Ohothing ha awang otek Ojok isong igigilo asang hua. Ti otek Lemonye lotho hide asang hewak ie.
\v 31 Thanabo, isak ara aning nako dimanya hohoi diruho Ojok ledefetho ie. Thene ara inyong dang esarak ie asang bokolong hewak ie.
\v 32 Dini ongida ithai awang hebang hatik huna. Lemonye lo tho hide owak isahina ithai aiji nanya ihandio inyong ara inyong ledefetho asang bokolong fodokfodok.
\v 33 Dini ne ithanyangiethe asang hewon ithai hosong. Isahina araobiahio do ohothing ha awang owon iring hewon ithai hosong. Iduhuna okanit la arobiahio la awang ithorohoja, inyong, akanio na atito dihide da amaji na awang isong olitho. Dia, awang ohoholani loindu koko dihoholio inyong karik awang ohoyoro honyo inyong.
\v 34 Aning nekanak ie, inyong negigilo ie bebe karik ie ingohi omiru hohoi dia.
\p
\v 35 Juui ongida ie ihuhumio ahuan de egema no Ojok, iring ohothing hathuk eyofohina abongojin hegem arasai enuahio ahimang ohariee.
\v 36 Ithilayethe anyahuna hindang, iring ongachani hethilayo anyahuna no hohitua hosong tho ofaning la amutha. Ithilaye dingayo oihiet donyong ara leduong abahio oihiet.
\v 37 Ara omijo ongachani hule ara inyong lanyahu, esorio de inyong isong. Anyahi nang ithai huna: Iyofok inyong abongo dihorierek, anyahi isong diwoni dihap, karik ahorio dosong anyari.
\v 38 Juk oindu dihiji ha aharie ha amoithe, ara orumak ijan homijo ongachani ehuhumie da ainduna nanyong, omuno de inyong hosong bebe.
\v 39 Ti ongida ithai dang igigilo huna: Ara otek lomonye ha ahang omiru loni oindu ohoholani, orasa de inyong esuka thahide karik awang inyong ohorik ohoholani di wuroro ditha ahang.
\v 40 Dini ihuhumiethe ahuandek, acha nang, olonyi lo Othulo loindu do omiru la awang ie itek ijan nang laindu."
\p
\v 41 Petro efiyo, "Lamolo, isak ie ithamijani ne dohoi hamaring dia do ohothing homok hama dang?"
\p
\v 42 Lamolo etharangio, "Achama nang hune do ohothing bokolong hothifotho arami karik ongacha helafioro. legema asang bokolong dihang ho lohito lonyong. Isak inyong lohito lonyong didefetho ongachani homok dirumahina angiriang nasosng do omiru loyu.
\v 43 Ara ihandio ongacha egema nyia ara lohito lonyong lanyahu, isorio inyong lohito lonyong.
\v 44 Anyahi nang ie: Isak de lohito ongacha le didefetho asang bokolong hanyong.
\v 45 Ti ara ojo ongacha lobolo lia da ahuan nanyong,'Lohito hindang awang thene omiru lobolo,' eterio abahio ongachani homok hulo, angoruo karik obusuha. Eterio anyo angiriang aria karik ebotho.
\v 46 Ara ihandio ahani, ara lohito lonyong lanyahu do omiru la awang inyong otek ijan loindu. Thene ithagemio inyong dena iring namonyo karik esak inyong da amaji no ohothing ha awang ohorio inyong iring nayu.
\v 47 Ongacha lotek ainyong owak lohito lonyong ti awang ihuhumio digema ahanyia, ithagemie iring namonyo.
\v 48 Ti ongachani bokolong ha awang otek ainyong owak lohito losong thosong, karik ehandie aning nepal, orumahini ethagemio namutha. Halwa owahi tho ohothing hathuhi isarahina halwa. Juk halwa dang owahi tho ohothing hathuhi esahina iring halwa."
\p
\v 49 "Aindu nang tho hide dithaliborio ithai iring nethaliborierek ahimang abindang. Ara oyu athuk ne eterio.
\v 50 Aindek nang aden thala abaptisimo nethagemio nabolo. Arasa nang de amiehunu many ethagemio hindang athuho.
\v 51 Egigilo ithai ijan tha ainduna tho hindang dihap isuka de ohothing aboithe thamuno? Awang! Ongida nang anyahi dothai, thanaboling, ibua de ohothing.
\v 52 Acha ohothing homok ha ahang nabo iruhi do nang ara homok awang iruk nang, ibuabuai de. Ohothing aunihoii da ahang aboithe ha awang iruk nang ithafereye arehai heruk nang.
\v 53 Ethafereyo omonye olonyi, kuya olonyi ethafereyo omonye. Nangoruo ethafereyo angaring nanyong, kuya nagoruo ethafereyo ahathingi. Nangoruo ethafereyo afure no olonyi, kuya afure lo olonyi ethafereyo ahamurani."
\p
\v 54 Ajo de emomohe dang, "Ara ithai hetehu eramuk neriok odohu dizari, Ithai kuak ijo, 'Nalo isan!' afuk ahanyia.
\v 55 Ara ahomua nawam tholohurong, ithai ijo, 'Onok de ofaning la ahanane bebe!' ibis ithai.
\v 56 Ithai ohothing ha awang ara hadiri! The engengelio eramuho karik ahomua, echohik ithai angocho ainyong nafuk ditha ahap. Anyo na awang ithai ingocho ainyong nehandio Ojok do omiru lowon lia?
\v 57 Ithai abok abok ihandio ainyong nayu dohoi dihandio, hewon ithai ho omiru dihandierek nyia!
\v 58 Ongida ithai ithaferek asang ho othulo letharubok ie ijia kaang ithai iduong da amaji nagochierek. Ara iringak ie aden do ohongothoni, kuya ojo de ohongothoni epal ie esarak ie do ogalathanani lotha amaji nagocherek. Thene ara ogalathanani ehienok ie dithua.
\v 59 Anyahi nang dohoi ara ie lehienohini dithua, awang ie hejingu dinguai, many ie aduma asang bokolong hajo ohongothoni odumai."
\c 13
\cl Ebwayit 13
\p
\v 1 Do omiru le, anyahi ohothing homok Yesu Ogalilea homok hotoho olosenger di Yerusalem. Pilato, ohedefeni lo Ruma onyahi olosenger do tohoro isong do omiru lesorierek isong esoritha di Templo.
\v 2 Yesu etharangio do isong, "Igigilo ithai ijaran ofuk nyia do ohothing hotho Galilea acha obolo eyatha hasong tho ho Galilea bokolong?
\v 3 Anyahi nang dothai okara arami hatohorik isong hua! Ti igigilothi ijan ithagemio ithai de Ojok iring nyia ara awng ithai heloitho tho oisukatha heyatha hothai.
\v 4 Kuya ara ohothing tomon natisess hoyee da abuaharu na athua nahodo di Sloam dingua no Yerusalem? Igigilo ithai ijan ofuk ahanyia dosong acha obolo eyatha hosong tho ho ohothing hotho Yerusalem?
\v 5 Anyahi nang dothai ikara tha ahani. Ti thanabo, ongida ithai itek ijan ithegemio ithai de dang Ojok ara awang ithai iloitho tho esuketha heyau!"
\p
\v 6 Thene ara Yesu anyahi dosong oyele lo: Edulio othulo ohiani la ahayo di mana honyong. Do oyinga aindu idiaru ahayo, ti awang hamok ahayo dia.
\v 7 Thene ajo do ohekiani, "Omije do ohiani lo! Ethabuho nang engengelio ahayo hanyong oingathik bokolong avuoi oingathik aunihoii, ti kaang nang arumahinerek ahayo. Oyefak dihap! Ithabuho inyong esuka da aboro hayu ijaa.
\p
\v 8 Ti ara ohekiani etharangio, 'Lohito, idehik thesukai oinga lobo aboithe. Abohio nang de eker nanyong dibuhohinerek aboro hayu.
\v 9 Ara owon ha ahayo oinga loindu, ohothai idehi inyong di bolori! Ti ara awang iyanu ahayo hamok, thene ichohi ie diyefahina inyong dihap'"
\p
\v 10 Do ofaning lobo lo Ojue leyomon, Yesu lo di itienio di synagogue nabo.
\v 11 Owon iyna athulo nabo dia nathuk ohoile lomonyo ethapalayo oingathik tomon natisess. Owon he egudu; awang owetha thahide iring nabis.
\v 12 Ajara Yesu atehu inyong, elongu inyong thoindu donyong. Ajo donyong, "Nangoruo, nang lalo ithaijo ie tha adiha ne!"
\v 13 Esak ahinang nanyong donyong. Kuak adotho thahide eterio ethahuyo Ojok!
\p
\v 14 Ti lobolo la asynagogue engere honyong acha ethaijo Yesu inyong tho ofaning tha le eyom no Ojude. Dini ajo do ohothing, "Owon operok indee do olahat hohorik omanyitha hohothai ohothing digema. Ara iwak ie ethaijo no ohothing, operok hule diyinduna di synagogue dithaijo isong." Heindu do oeprok hohoi heyom!"
\p
\v 15 Thene ara Lamolo etharang donyong, "Ie karik ohothing hohoi ha elesia awang ihandie hadiri! Itha abok abok igema ithai dang do ofaning leyom omiru homok! Awang ithai ihoyo ohisumuthi lothai kuya ahumar diyaru inyong tha amaji nanyierek da amaji na ahari?
\v 16 Athulo na na Ajude, anyakuarit na Abramu! Ti esak inyong sitan apala oingathi tomon natisess, athuk athorihina inyong! Diri iruk ithai imuno ijan oyu donang dihina inyong adi tho sitan, juk nang ehandio tho ofaning tha le eyom!
\v 17 Ajara athuk achama ahani, anyo ariri omerok honyong omonyie. Ti ohothing homok amunoi bebe da asang hako hehandio inyong.
\p
\v 18 Thene ajo, "Angai enyanyahio nang ainyong owon ara Ojok lethaithak ahuan iring ohobu? Anyahi nang ithai angai de ojak.
\v 19 Ojahitha iring ohinyomothi loti bebe ledula othulo dimana honyong. Abolo many eduongon ara lohito, iring ohiani. Abolo bebe many ahuen aduho athuahio hasong da atandak hanyong."
\p
\v 20 Thene ikoti ajo, "Anyahi nang ithai da nabo angai de ojak ara Ojok lanyahi ahuan nanyong iring ohobu.
\v 21 Ojahitha iring omundo tibai heharuhi athulo ha okiloho athomone arehai na miett ha ahifa. Omundo tibai hulia isahini emuak adotho diyavutha."
\p
\v 22 Yesu arasa adaha adi Yerusalem. Awetha da abotok ha amisihi bokolong hothihoi ditienio ohothing.
\v 23 Lobo efiyo inyong, "Lamolo, ithaluahu de Ojok ohothing homutha ti?" Yesu etharangio,
\v 24 "Ihandiethe iring nako dijingara tho oihoi tho lo loti. Anyahi nang dothai ijan ohothing holua okemie de ajingara tho oihothi tho holuari, ti awang de isong orumak.
\v 25 Ojak Ojok lomonye ha athua. Operok homok ehienok oihiet. Thene ara homok hothai awetha dinuai eterie ebabahio oihiet. Ithai ijo, 'Lamolo, ongaye oihiet do ohoi!' Ti ithafonyo inyong de, 'Awang, awang nang angayo, acha awang nang atek ithai, karik awang nang atek thongai ivunu ithai!'
\p
\v 26 Thene ithai ijo, ekuoro ie ijan ohothai inyo anyari aboithe, karik ie itienio ohoi diyihothik ha abotok hahoi!'
\p
\v 27 Ti ara inyong ajo, 'Anyahi nang ithai ikoti, awang nang atek ithai, karik awang nang atek ithai thongai! Ivuatha adi thene!'"
\v 28 Thene ara Yesu arasa tha ajaran, "Itehu ithai de Abramu ho Isako ho Yacobo olamarai. Oprophetas bokolong honya omanya inya berien owoni dang dia, ara Ojok edafetho asang bokolong iring ohobu. Ti ithai de dinguai, dikoron karik di honya ohala!
\v 29 Di fonihina, ohothing holwa ha awang owon ara Ojude owoni de dithua. Owon muai homok hovuni tha ahap notho hithemi, thomoithe, thohorong, karik thothari. Onyie karik omathai amunoi ijan Ojok ledefetho asang bokolong.
\v 30 Egigilothi huna: Ohothing homok ha awang ohu do omiru lia obolori muai, karik homok hojak hobolo omiru lia, omuthari muai bebe."
\p
\v 31 Do ofaning lee, avuni opharisees homok ajori do Yesu, "Idehi amaji nee, acha owak ohedefani la ahap Herode Antipas atohoro ie!"
\p
\v 32 Etharangio isong, "Onyahi ongayo Herod lee arami huna tho nang: 'Ithaningie, nang langaterek achohi karik nehandio asang hako ahanana, karik arasa nang de ehandio ahithemi omiru losuk. Diholu honya, nengohi egema hindang.
\v 33 Ti arasa nang ha adaha hindang di Yerusalem do operok hovuni, acha awang hoyu ditohoro opropheta da ame na awang owon ara Yerusalem.
\v 34 Oh, ohothing ho Yerusalem! Etoho ithai oprophetas honya oberien, karik ithai itoho homok, hefahu Ojok dothai, tha amirio omorik dosong. Omiru holwa awak nang asuduhuna ithai amaji aboithe dimuhuna ithai tha asang hamonyo iring nasuduhunere ahohorong aduring hanyong diwaa honyong. Ti awang itha iwang nang dihandio ahani.
\v 35 Dini omijethe! Awang Ojok holuahio ithai, ohothing ho Yerusalem. Anyahi ithai dang huna: Ajinga nang da abore nathai nahito operok aboithe. Diholu honya, aang ithai hetehu nang many omiru ara nang lanyahu, ara ithai hetehu nang, 'Ithalihak Ojok hindang othulo lia loindu ha akolon no Ojok!'"
\c 14
\cl Ebwayit 14
\p
\v 1 Inya ofaning lobo, lojori leyom, alo Yesu dinyo dihang ho lobo lo opharisien lobolo, hodingengelio inyo dee.
\v 2 Dia dihithemi ho Yesu owon othulo lomuai ha adiha nezaijio ahinang ha aheju bebe.
\v 3 Yesu efiyo ohothing hotek omanyitha ho Ojude bebe karik opharisien howon honyong, "Ohorik omanyit ethaijo ohothing do ofaning leyom dia awang?"
\v 4 Kaang hethafonye. Dini Yesu esarak ahinang nanyonb do othulo lia ethaijok inyong. Thene anyahi inyong diden.
\v 5 Karik ajo do homok dia, "Ara opuaharu oitho lohoi kuya ohisumuthi ditha otiti do ofaning leyom, awang ie kuak ifihu inyong dinguai?"
\v 6 Ikoti, awang isong ochihi etharangio inyong.
\p
\v 7 Atek Yesu ijan ohothing helongune da anyari onyimie amasok ha awoniarik ohothing hohitua. Thene esak itititha huna dosong:
\v 8 "Ara ilongo lobo othulo lobo thothai da amuno na amutha, hewoniaratha da amaji nawoniarik ohothing hohitua. Kuya owon de othulo lobo thohoi lelonguni da amuno ne.
\v 9 Ara othulo le laindu, othulo lelongu ithai bokolong arehai aindu dohoi ajo, 'Idehi othulo lia okara newoniarik ie lia! Thene ie ilo iyaru okara lo ohothing homutha, ara ariri anyo ie.
\v 10 Thanaboling, ara ilongoi ie da anyari nablo, ilo owoni do okara lo ohothing ha awang obolo. Thene are othulo lelongu ohothing bokolong laindu, ojo de dohoi, 'Omote, iwong owoni do akora loyu!' Thene ohothing bokolong honyo hohoi atehi ijan ithahuyo inyong ie.
\v 11 Acha ithamutharak dena Ojok ohothing hethahuyo ahuandek hasong, karik ethadohok dihide ohothing hethamuthario ahuandek hasong."
\p
\v 12 Yesu ajo do opharisees lelongu inyong da anyari, "Ara ilongu ie ohothingda anyari nafaning kuya na atharai, hethalongo omorot hohoi ti, ahathing hothohong kuya ohothing honyiha hobara, acha odumai de dohoi the ethalongo ie da anyari.
\v 13 Thanabo, ara isak ie ofaning lobolo, ilongu ohothing helochang, ohothing horietha, ohothing hopala kuya ohothing hongodo.
\v 14 Awang hualia ho odum ie de. Ti ithalihak ie Ojok ahuan! Odumak de ie da ebuhuna no ohothing ho obis."
\p
\v 15 Lobo lonyo honyong aning arami hachama inyong. Ajo do Yesu, "Athuk Ojok diri ethalihio ohothing bokolong honyo de ofaning lohito dimunorik ijan eterio Ojok edefetho ahap bokolong!"
\p
\v 16 Yesu etharangio donyong, "Omiru lobo ara othulo ehuhumio amuno nabolo. Ethalongu ohothing holwari divuna.
\v 17 Ajara ofaning aindu la amuno, efahak ongacha lonyong dinyahi ohothing hethalonguni, 'Ivuna acha asang bokolong awoni!'
\p
\v 18 Ti ajara ongacha athuk ehandio ahani, ohothing bokolong hethalongu inyong eterie achama anyo na awang isong ovuni abok abok. Othulo lechak ongacha lolo ongacha donyong aja, 'Hethek nang enyanguna amana, ongida nang alo dia di tihio inyong. Onyahi do othulo lohoi lohito tho omeihi nang da awangan hindang ainduna!'
\p
\v 19 Ara lobo ajo, "Hethek nang enyanguna ohisum tomon, nang lalo ditihio isong. Onyahi do othulo lohoi lohito tho omiehi nang da awangan hindang ainduna!'
\p
\v 20 Ara lobo othulo ajo, 'Hethek nang imuthayo, awang nang hachihi ainduna.'
\p
\v 21 Dini ara ongacha anyaha do othulo lonyong lohito anyahi asang hachama ohothing abok abok. Engere lonye ha ahang ajo do ongacha lonyong, ilo didak kuak dihoi karik da amasok hasuduharik ohothing ha abore nahito karik orumak holechangak karik ha awang owetha ara nayu karik opalak karik karik ongodok, iyanu isong dihang dini!'
\p
\v 22 Athuhon no ongacha anden ehandio ahani, anyahu diholu ajo, 'Lohito, athuk nang ehandio aning nenyahik ie nang dihandio, ti howon amaji do ohothing holwa.'
\p
\v 23 Dini ara othulo lohito lonyong ajo donyong, 'Ilo dinguai ha abore nahito. Othifeye ohothing diyihoi lohito, othifeye dang do oihothik hotik hotho mandak. Onyahi iring nako isong divuna dihang honang. Awak inyong divuthan ho ohothing!
\v 24 Harihari anyahi nang ahani, ohothing honya ethalongu nang ahithemi awang honyie ofaning lia acha idari avuna."
\p
\v 25 Elulung nahito no ohothing odahai ho Yesu. Eloitho do ohothing ajo do song,
\v 26 "Ara oindu lobo donang lo omuno omonye ha ahathingi karik afure karik akalifinok karik olarok karik ahanerok nakalaru amuno nanyong do nang, awang inyong owon ara lefahat hindang. Ongida inyong omuno nang nakalaru namunorik inyong esu nanyong!
\v 27 Othulo la awang odohoro akuruce nanyong karik othulo la awang obang nang awang inyong owon ara lefahat hindang.
\v 28 Ara owak lobo thothai aduho athua nahodo dihide, awang ie iwoni dihap ditihio buaya arobiahio iyau? Thene ie de hathi itek ara iwon ie ha arobiahio dingohinere.
\v 29 Omonyo, ara iduho ie dimukok ie awang ingohi athua nahodo, othulo lotehu obalarik ie.
\v 30 Ojri de, 'Eterio othulo lo aduho na athua nahodo dihide, ti kaang inyong ingohi!'
\v 31 Kuya, ara owak ohobu efahahina olosenger honyong dithangalafio ohobu lobo, owoni inyong de diri ahithemi dihap do ohothing hesisingio inyong. Otihie de kuya olosenger honyong, ha ara esihajin tomon ija, obahie olosenger ho ohobu lobo le, hara esihajin athomone arehaii.
\v 32 Ara ojo awang olosenger izatturio olosenger homok hule, ifahak de lefahat do ohobu kaang olosenger honyihari. Onyahi de do lefahat dijan do ohobu, 'Ongida nang ehandio aisong asang diwon ohothai he emora?'
\v 33 Dini, iring ahani, ara awang lobo lothai otek ahithemi ijan iwak ie edehina asang hewon ie hosong, awang ie iwon ara lefahat hindang."
\v 34 Yesu dang ajo, "Ithai iring abalang, nako bebe. Ti ara awang abalang odua ochihi ehuhumunu di duaran ikoti?
\v 35 Ara awang abalang ojo yem, awang oyu juk da aboro dia do obur la aharanya. Ara ohothing achohoro inyong adi. Ithaningiethe ithai bokolong da arami ha anyahi nang ithai!"
\c 15
\cl Ebwayit 15
\p
\v 1 Thene, oheduduhak ho omusoro karik ohothing homok hajori hawang idehi eyatha orasai avuna do Yesu dithaningio inyong etienio.
\v 2 Ara opharisien karik ohethalimuk ho omanyitha ho Ojude ezezenai, ajori, "Iruhu othulo lia oheyak karik anyo hosong." Igigiloi ijan Yesu lethabocho ahuan nanyong the ehandio ahani.
\p
\v 3 Dini ara Yesu anyahi dosong hako huna:
\v 4 Ara kodien lobo thothai amiyaha arehai ha akero ara aboithe alizo. Diri idehi ie de akero athomone sahall na sahall hamaring ie ilo ithifeyo nalitho nyia many arumahina.
\v 5 Ara erumak ie, idohunu ie digele tha amuno di hang.
\v 6 Ara ie leindu di hang, ie ilongo omort hohoi bokolong ho honyiha ie ijo dosong: 'Omunothi honang, acha arumak aker hindang nanya olitho na!'
\v 7 Anyahi nang ithai ijan, thoihoi tholia, owon muai amuno nabolo dihide da anyahuna no oheyani aboithe the eyatha hanyong tho ohothing holwa hegigilo ijan obis isong awang igigiloi ijan awang isong owak ewaha.
\p
\v 8 Kuya, ara owon athulo nyia ha aquilikquilik ha asilvahio tomon hako bebe ethalithok, Diri ithaulok inyong de ahimang afeyo ahap athifeyo dee many inyong arumahina.
\v 9 Ara narumak, ilongo inyong deo omorot honyong ha hanyiha aboithe ajo dosong, "Omunothi honang bebe, acha arumak nang aquilikquilik nanya ethalithok nang na!'
\v 10 Anyahi nang dothai do oihoi lo orijoro, owon amuno nabolo dihiji ho anjelohen ho Ojok tho oheyani aboithe lewaha eyatha hanyong."
\p
\v 11 Thene ara Yesu arasa ajo, "Owon inya othulo lobo ho oduri arehai.
\v 12 Ofaning lobo oitho lonyong loti ajo do omonye, 'Monye, isarak nang hundang tha atito hahoi ha aindu nang iyaru ara ie leyee.' Dini ara omonye ebuayo atito hanyong do oduri honyong arehai.
\v 13 Operok tibai diholu, ezuzuhak aboithe olonyi loti asang hanyong alo da ahap nalama bebe. Dia da ahap nyia ethalithok arobiahio hanyong tho oihoi tha la awang oyu, amanya nelamuak.
\v 14 Athuhon nanyong engohina arobiahio hanyong, aindu ahure nabolo da ahap nyia bokolong. Kuang awang inyong howon ha aning nabo nesukarik.
\v 15 Dini alo do othulo lesuka da ahap nyia efiyo ara igema inyong donyong tha aduma. Dini ara othulo lia efahak inyong dimana honyong dithanyo ekaha.
\v 16 Kuak ahani aleng ahure inyong bebe diwaharik honyong anyo tho ohudong lomodoro lonyierek ekaha, ti kaang lobo isak inyong aning nabo.
\v 17 Diholu eterio igigilo iring nayu angai ithothorohojak inyong ahuan nanyong ajo donyong holefeng: 'Ohegemak ha lalamonye bokolong onyie anayari hanayohu ibu nang ayee hini kuong anyari nanyie!
\v 18 Dini ediaharu nang amena nang anyaha da lalamonye. Alo nang ijan donyong, "Monye, athuk nang eyauna do Ojok karik dohoi.
\v 19 Awang nang ayu dilongo ijan loilonyi; ithajingak nang digema dohoi iring ongachani hohoi hulia."'
\v 20 Dini ediaharu amenyia eterio anyahara diholu dihang ho omonye. Ti holama inyong bebe tho hong, atehu inyong omonye amiehunu inyong bebe. Angero do olomyi emohu inyong ejujura inyong dichaha.
\v 21 Ara olonyi ajo donyong, 'Monye, athuk nang eyauna do Ojok karik dohoi. Awang nang ayu dilongo ara oitho lohoi.'
\p
\v 22 Ti ara omonye ajo do ongachani honyong; 'Ilo kuak eyanetha abongo hindang nalibo bebe nyia ithai ithayofok da lalalonyi. Ithajofohina dang abindang dihifalai honyong ha ahamuha di hejek!
\v 23 Ithai iyanu ataguok nathuhi ethafirio nyia do ofaning lohito otohorotho, dinyo ohothai karik ohothai imuno!
\v 24 Ongida ohothai imuno acha ojak oitho hindang lo othulo layee, ti amijo dene ikoti! Ojak othulo lalitho inya, ti arumahini inyong!' Dini ara isong eterio imuno.
\p
\v 25 Ibu hune ofuhi, olonyi lahong lo lodi mama digeme. Athuhon nanyong egema ajara anyiha dihang, aning ohothing hodibala ahadori.
\v 26 Ethalongu lobo tho ongachani efiyo ainyong nafuk.
\v 27 Ajo ongacha donyong, 'Anyahu loilai. Anyahi lemonye ohoi di tohoro ataguok nafir bebe na dimunorik acha anyahu loilai iring nayu kuong adiha.'
\p
\v 28 Ti engere olia lahong awang howak ajingara ditha ahang. Dini aindu omonye dinguai dimamajo inyong dijingara dithua.
\v 29 Ti etharangio do omonye, 'Ithaningie! Oingathik hulia bokolong egema nang dohoi bebe iring ongacha. Ehandio nang asang hewak ie ongida nang ehandio. Ti kaang ie isak nang juk ahine nohomutha dinyo desahinere nang ofaning lohito ho omorot hundang.
\v 30 Ti dene oitho lohoi lia lanyahu dihang, athuhon nengohina arobiahio hahoi da amuahi, ie inyahi do ongachani hohoi di tohoro ataguok nathuk ohothai ethafirio dimunori!'
\p
\v 31 Ti ara omonye ajo donyong, 'Oitho hindang, ie juui honang, asang bokolong hundang ara hahoi.
\v 32 Ti oyu dohothai di thahuyo karik di muno, acha ojahitha ayee loilai anyahu ddisuka ikoti! Ojahitha lalitho arumahini dene'"
\c 16
\cl Ebwayit16
\p
\v 1 Ara Yesu dang ajo do helefahat honyong, "Nanya owon othulo lobara lowon ho othulo ledafetho ahang nanyong. Ofaning lobo anyahini ohobarani lo ijan othulo lesak inyong didafetho asang hanyong hune awang idafetho iring nayu many inyong esahina ohobarani ethalicho atito hanyong.
\v 2 Dini elongo ehedefani lo donyong ajo, 'Omonyo bebe aning nehandio ie ne! Egerok donang dihap asang hethabuho ie ehandio, acha awang ie iwon ara ledefetho atito hundang!'
\p
\v 3 Thene ara ohedefani ajo donyong holefeng, 'Alo othulo hindang lohito ingaterek nang thw edefetho na atito hanyong, ongida nang egigilo ainyong alo nang ihandio. Awang nang ako bebe dibohio amesok haudo, karik awon nang ha ariri dimomojo arobiahio.
\v 4 Atek nang ainyong alo nang ihandio diyaru ohothing nang dihangithek hosong esahini nang anyari ara nang lathuhi angatere the egema hindang nedefetho asang bokolong!'
\p
\v 5 Dini efiyo abok abok ohothning ho owon ha amari ho othulo lohito lonyong, 'Efiyo ohethemoni, buaya atito heduma ie do othulo hindang lohito?'
\v 6 Ara othulo lia etharabgio, Olitari esiha aunihoii ha elethang no olive.' Ara ohedefani la atito ho lohito ajo donyong, 'Iyaru amanini na dumarik, owoni thahap, okalunye kuak ara olitari esiha aboithe ha amiaha miet!'
\p
\v 7 Ajo do othulo lobo, 'Buaya amari nahoi?' Ara othulo lia etharang, 'Esiha aboithe no okatino ho ohima, 'Iyaru amanini nedumarik ie, ie ikalunyak ara okatino amiaha tisess!'
\p
\v 8 Ajara lohito lonyong aningu ainyong ihandio ohedefani la atito hanyong lia amuno awangan no ledefetho latito hanyong lia anyahina ha diri da ehandio nanyong thahongon. Hadiri ojo egemai tha ahongon ditha ahap ne ohothing ha awang obang Ojok do ohothing hobang Ojok.
\v 9 Dini anyahi nang ithai hune: Ithagemaethe arobiahio hewon ithai hosong dihap diluahierek homok do owoni ara omotehio hothai. Thene ara ithai heyee, efothuni isong ithai da ahang ne manyarik ithai fur.
\p
\v 10 Ohothing hedefetho tha nayu asang hamutha edefethe de dang ara nayu asang habolo. Ohothing ha awang ojo hadiri do oihoi ledefetherek isong asang hamutha awang de dang ojori hadiri do oihoi ledefetherek isong asang habolo.
\v 11 Dini ara awang ie idefetho ara nayu arobiahio hewon ie hosong ibu ie dihap, angai de iruhi ie didefetho abarathihien ho ohoile?
\v 12 Kara ara kaang ie idefetho asang ho ohothing tha nayu, ngai isak ie asang hahoi didefetho?
\p
\v 13 Awang ongacha ochihi egeme do hohitua honyong arehai do omiru aboithe. Ara othemio, oman de inyong lobo thosong amuno loboling, kuya ithaningio lobo zosong alau loboling. Iring ne, awang ie isak esuka nahoi digema do Ojok ara isak ie esuka nahoi dilimio arobiahio karik atito hamok hewon ie hosong."
\p
\v 14 Ajara opharisien howon dia aningu Yesu ijaran ahune, ethanyie ariri donyong acha omuno isong elilimio na arobiahio.
\v 15 Ti ara yesu ajo dosong, "Iwak ithai homok ohting digigilo ijaran ithai hothing hobis, ti otek Ojok othajia hothai bokolong. Okanahina dihosi hothai ijaran asang halwa hethahuyo ohothing ijaran obolori, ingengelio Ojok ara ha awang oiji.
\v 16 Omanitha hesarak Ojok do Muse karik honya igerio opropheta ethakuache many ainduna no Yoanne lebaptisio. Many thia ethabuho nang etitoyo ijan aindek Ojok ethaithahina ahuan nanyong. Iruk ohothing holwa arami hua karik hefiyo Ojok di idefetho esuka nasong.
\v 17 Omanyitha ho Ojok bokolong, juk ha awa okoli, orasai amanya tha aehide ha ahap.
\p
\v 18 Othulo lobo leda athulo nanyong amuzayo nabo iyau eyani elamuak, karik othulo lobo lo omuzayo athulo nathuk othulo lonyong edara iyau dang eyau ne elamuak."
\p
\v 19 Ara Yesu ajo dang, "Nanya owon othulo lobo lobara leyofothio abongojin hali karik abongiha. Juui isak ofaning la anyari lo obolo.
\v 20 Karik operok dang ethawonihini ohechanani lelongoi ara Lazaru dihuthuk ho oihiet la ahang nanyong. Ahuan no Lazaru isuka ara asongosik.
\v 21 Oleng ahur bebe do owaharik inyong anyo angiriang nedodotha thohuthuk ho ohobu. Halwari bebe, dizamonyorohina fodok avuni ongohe edalai asongosik hanyong.
\v 22 Diholu ara ohechanani lo ayee. Thene eyaru ha anjelohen do ohohonyi lonyong Abramu. Ayee dang ohobarani, ara ahuan nanyong anuhahini.
\v 23 Da amaji no ohoyaak, ohobarani lethagemie iring namonyo. Amijo dihide atehu Abramu olamarai ha Lazaru owoni koko da Abramu.
\v 24 Dini ara ohobarani elolongo, 'Monye Abramu, Nang le taban bebe ditha ahimang na! Omiehunu nang olai, ifahu Lazaru dini dituhi ohifalai lonyong ditha ahari azinok dingadiep honang dithalihio!'
\p
\v 25 Ti ara Abramu etharang, 'Oitho, igigiloi nanya isukarik ie dihap imuno ie inya ha asang hayu. Ti omiehunu inya Lazaru. Dene inyong lamuno dini, ibu ie ithagemie.
\v 26 Di fonihina dohune, athuk Ojok esahina amaji naudo dihiji hohoi karik ohoi. Da ara owak ohothing avuan thene da amaji nathai, awang ho ochihini. Difonihina, awang lobo lochihi adanguna thozai thia da amaji nahoi dang.'
\p
\v 27 Thene ara ohobarani ajo, 'Ara ahani, Monye Abramu, efiyo nang ie difahahina Lazaru dihang ha lalamonye.
\v 28 Awon nang ho olarok homok miett hesuka dia. Onyahi inyong diringio isong da awang isong ovuni da amaji na dang, nethagemierek ohoi bebe na!'
\p
\v 29 Ti ara Abramu etharangio, Awang, awang nang ehandio ahani acha otek lolelai aning nanya igerio Musa karik oprophetas inya berien. Ongida isong obangi arami hegerio isong!'
\p
\v 30 Ti ara ohobarani etharangio, awang monye Abramu, awang nyia ochihi! Ti ara onyaha lobo tho ohoyaak dosong acahama dosong iring nako bebe eloithoi tho omanyitha hosong heyatha hule.'
\p
\v 31 Abramu ajo donyong, 'Awang! Ara awang ithaningie arami hegerio Musa karik oprohetat, juk lobo ibuhu tho ohoyaak alo dichama hosong iring nako, awang isong hethaningio diloithorik tho omanyitha hosong heyatha hule."'
\c 17
\cl Ebwayit 17
\p
\v 1 Ajo Yesu d'ohoifahak honyong, "Awang hopwak, owoni mwai asang hesarak ohothai eyauna, ti amonyo de d'othulo loindu eyauna tholonyong!
\v 2 Ira nya iyiji ara othorihini omorwong dimurut honyong amirohini dith'ahari, thainduna thananyong isarahina lobo thohotik hulya eboso.
\v 3 Omijethe ahwandek hathai tuhudi. Ara iyau loilai, iringye inyong. Ara aburunu, omehi inyong.
\v 4 Ara eyau hohoi enyahitha cofa d'ofaning, anyahu dohoi enyahitha cofa, ajo, 'Aburunu nang,' omehi inyong!"
\p
\v 5 Ara ohoifahak ajori d'Ohobu, "ofonik eruk nahoi."
\p
\v 6 Ara Ohobu ajo, "Ara dwo iwon ithai h'ohinyomothi h'ohiyani l'ahayo, ira ithai ijaran d'obiyongi lo, 'Iye thoruthuni edulahini dith'ahari nahitto,' ira iruhon arami hathai.
\v 7 Ti loni thothai lowon h'ohoigyemani diromo dia diyohoitho akero ojo donyong ara lathuk ainduna tho mana, 'Iwong kwak owoni dinya?'
\v 8 Awang ojo ngona donyong, 'Ihuhumahina nang aning nabo nanye karik athorik erohit n'abongo alwahu nang lwai athuhorik hindang anyari hamatha. Diholu, ara iye hathi inyo ara iye imatha'?
\v 9 Awang hofurak ohoigyemani ahinywarang, anyo ehandyo asang haridihini inyong thoihandye, ihandyo?
\v 10 Juk dwo ahani, iye dang, ara ethuk iye ehandyo aning neringahini thoihandye, ocahi dohoi dijan, "Ohoi ohoigyemak homonyo. Ethuk ohoi egyema aning nanyahini ohoi thoihandye.'"
\p
\v 11 Owoni omiru homok honderek inyong di Yerusalem, olo thoyihori lothehiji ho Samaria karik Galilee.
\v 12 Ajingahina nanyong ditha h'amiji nabo ahani, arwangarik inyong ohothing homwai h'atalulu. Awethi olamarai thonyong.
\v 13 Elolongoi bebe, ajori, "Yesu, Hobu, omehi ohoi!".
\p
\v 14 Atehuna nanyong isong, ajo dosong, "Ifwatha ara ithai ithaithak ahwandek hathai da Fadiri. Afwan nasong alibori ahwandek hasong.
\v 15 Atehan nolobo thotomon hijan alibo inyong, anyahu, omurut dihide dithaboloryo Ojok.
\v 16 Aindu do Yesu, arigongo dihejek ho Yesu, afurak inyong ahinywarang. Inyong lo tho Samaria.
\v 17 Yesu ajo, "Ikara ithai tomon ilibo? Hojang sahal?
\v 18 Awang othulo loleyo dithaboloryo Ojok arahari othulo loindu ainduna.
\v 19 Ajo d'othulo lya, "Odothoi, ilo, athuk eruk nahoi ethaliboryo iye tuhudi."
\p
\v 20 Ofaning lo efiyo ofarisee Yesu, "Kanu ngona oindu de ohobye l'Ojok?" Yesu etharang isong ajo, "Awang ohobye l'Ojok hoindu ara iririye.
\v 21 Awang ojori, 'Ohobye lo lohoi! dia ohobye lo le! Inyong na, 'Omijye, ohobye l'Ojok lohiji hothai."
\p
\v 22 Ajo d'ohothifok honyong, "Operok hofuni hoifunerek ithai iwahan atehan lobo th'operok h'Olonyi l'Othulo ti awang ithai ifunu itehuna.
\v 23 Diya afuni ijan dothai, 'Omijyethe diya! omijyethe dini! Ti hoifwatha dindak dia hoingerotho diput hosong.,
\v 24 Anyo, iring nenwaharik ahila bebe ara nemedek thoyirik lobo lahide, ahani de dang oindu Olonyi l'Othulo ijahitha d'ofaning lonyong.
\v 25 Ti ithathacana de ahithemi karik ida de inyong oper lya.
\v 26 Iring nanya ofuhorik inyong d'operok ho Noah na, ofuni de dang ijahitha ahani d'operok h'Olonyi l'Othulo.
\v 27 Do omiru hule anye nya anyari, amathai, amuthai, ethamutheye, lwai d'ofaning lojingarik Noah di roko, ara owor l'ahap fodok aindu, adiloro isong fodok adi.
\v 28 Ahani nya dang ofuhi d'operok ho Lot - onyo ohothing anyari, omathai, inyangai, ithanyangye, oromoi karik aduhoi.
\v 29 Ti anden nya no Lot adi tho Sodom, assa ahimang karik ahethauloni hanyong thohide amudak isong fodok adi.
\v 30 Diholu, ahanya de dang ofuni ithalyehina Olonyi l'Othulo.
\v 31 D'ofaning le, hoihorihina othulo lothohide athwa thoicuru hijan olo inyong iduhuna atitto hanyong thothwa; aang de dang ohorihini othulo lothomana thoinyahu dihang.
\v 32 Hoikwothi nafure ho Lot.
\v 33 Lowak ethahoruna athulo nanyong, ithalithok de inyong, ti lethalithok esu nanyong ithalwahu de inyong.
\v 34 Anyahi nang ithai, d'oharie le, ofuni de ohothing arehai iferi d'ejothit aboithe. Ofuni de iyaru aboithe adi, ara aboithe apwak.
\v 35 Owoni mwai angorwo arehai hereyo amaji aboithe. Ofuni de iyaru aboithe, ara aboithe apwak.
\v 36 (Awang) Ara isong efiyo inyong, "Dingai, Hobu?" Ara inyong ajo, "Amaji nawonderek ahwan, owoni de dang atharuha diya, Osuduhunai dang amaji aboithe."
\p
\v 37 Isong efiyo inyong, "Dingai, Hobu?" Ajo dosong, "Amaji nawoderek ahwan, diya de dang osuduha atharuha amaji aboithe."
\c 18
\cl Ebwayit 18
\p
\v 1 Yesu enyanyahak isong th'arijori angai omojo isong juui, karik tek isong thaang hotaluho,
\v 2 Ajo, "D'abore naboling nahito owon nya ohokanyani l'arami laang obang ohothing juk Ojo
\v 3 Owon nya aharathani d'abore nahitto, nadaha donyong koko koko; aindu ofaning lo ajo donyong, "Olwaha nang d'arami h'oyalu h'ongare hindang.'
\p
\v 4 Eyaru omiru aang howak alwahyo aharathani ne. Ti orii tiibai ahani, aindu ijaran d'ahwan nanyong, 'Juk dwo awang nang abang Ojok karik othulo,
\v 5 anyo ti ithathacyanio nang aharathani ne th'adaha company juui; alwahyo nang de inyong daang nang ithathacyanio.'"
\v 6 Thiya ara Ohobu ajo, "Ithaningye ainyong ojo ohokanyani l'arami hepal.
\v 7 Aaang de dang Ojok hoiyanu d'ohothing hathuk inyong anyimuna hoikor donyong oharie, ofaning? Aang de oindu ithakarahina isong?
\v 8 Anyahi nang ithai, iyanu de abisan n'oyano dosong kwak. Juk ahani, ara Olonyi l'Othulo laindu, oindu de irimahina eruk dihap?"
\p
\v 9 Inyong enyanyahyo enyanyahi nerijaru th'ohothing thohoithahuyo ahwandek hijan isong bebe th'ohothing homok.
\v 10 Ajo, "Afwo ohothing homok arehai di Tempolo cimojo - lobo lo l'Ofarise loboling lo ohoiduduhani l'enyahwo h'ogalla.
\v 11 Awetha Ofarise amojo ahana thahwan thananyong, 'Ojok, ajo nang dohoi ihum; awang nang ajahitha ohothing homok - ohohorok h'ohothing, ohothing hoipal d'asang fodok oilerujok, dia iring ohoiduduhani l'enyahwo lo.
\v 12 Awang nang anyo anyari operok arehai ditha operok cofa, ahorik nang adi oker l'enyahwo harimak nang.'
\p
\v 13 Ti ara oheduduhani l'enyahwo awetha olamara ahibu inyong odumo ahonde adihap, ahibu inyong onduhyo asuhe nanyong, ajo,'Ojok, omehi nang, ohoiyauni.'
\v 14 Ajo nang dothai, alo othulo lo ara lolibo dihang thol'Ofarise lo, anyo, loithahuyo ahwan, olauni de, lolau ahwan nanyong, ithahuye de."
\p
\v 15 Iyaitho nya ohothing dang okalifinok h'akalifinok hasong d'othinyo inyong isong. Atehuna n'ohothifok ahani, eringye isong.
\v 16 Ti Yesu elongo isong donyong, ajo, "Idehina okalifinok h'akalifinok thoifunu donang, hoilwothik isong. Anyo, ohobye l'Ojok losong.
\v 17 Diri ajo nang dothai othulo laang hoifothu ohobye l'Ojok iring okalifonit awang ojinga pat diya.
\p
\v 18 Ohoindefani l'ahap lobo efiyo inyong ajo, "Ohoityenani loyyu, ainyong owak ehandyo nang dirimahina esu naang ecuhit?"
\p
\v 19 Yesu ajo donyong, "Anyo ilongo iye nang ara loyyu? Awang lobo loyyu arahari Ojok hama.
\v 20 Itek iye efahitha - hoileru, hoitoho, hoihoholyo, hoidwala, ithahabuye lemonye karik nehathingi,"
\p
\v 21 Ara ohoindefani l'ahap ajo, "Asang hune fodok athifoitho nang ge thelatwat honang."
\p
\v 22 Ethaninguna no Yesu ocame lonyong, ajo donyong, "Aning aboithe naang thohoi. Ithanyangak asang fodok hawon dohoi ara iye ihohorik d'ohoicyanak, irimak iye de abara dihide - karik iwong, othifunu nang."
\p
\v 23 Ethaninguna n'othulo lya ahani, athariha bebe, anyo, obara bebe.
\v 24 Atehuna no Yesu amiehunu nanyong, ejorya, ajo, "Angai de oko ajingara n'ohobarak d'ohobye l'Ojok?"
\v 25 Ilik de fon d'akonikoni dijingara tholohuthuk h'ohoruhet th'ohobarak dijingara d'ohobye l'Ojok."
\p
\v 26 Ara ohothing hethaningu ajori, "Ara ahani ngai de loco hethalwahuna?"
\p
\v 27 Yesu etharang, "Asang haang oco othulo ehandyo, oco Ojok."
\p
\v 28 Ara Petro ajo, "Omijye, ethuk ohoi edehina asang fodok hahoi ara ohoi ithifunu iye."
\p
\v 29 Yesu ajo donyong, "Diri, ajo nang dohoi awang de othulo ledehi ahang, dia afure, dia olarok, dia omonye h'ahathingi dia akalifinok h'okalifinok th'ofure thol'ohobye l'Ojok,
\v 30 laang de ifothu dihap dine karik d'ahap naindu, esu nawang ecuhit."
\p
\v 31 Athuhon no Yesu asuduhuna ohothifok tomon larehai ara honyong, ajo dosong,"Otihatha, ohothai hefwo di Yerusalem. 'Asang fodok h'Olonyi l'Othulo hathuk ohocorok egero, hafwoi ihandyo.
\v 32 Anyo, inyong lofwoi ithafothohina d'ohothing hoikela th'Ojudei, ithafoyongyo, ithajuyo ahu karik amicye ahamilak dihwan honyong.
\v 33 Athuhon nafodohyo, otohori de inyong. D'ofaning oithaunihoi ibuhu de thoye.
\v 34 Kabong hothenuni asang hune, anyo idima arami hune thosong, kabong hothenuni arami hadwo ocamai huna.
\p
\v 35 Nya thiya, anyahara nya no Yesu di Jeriko, orimak ongodoni lobo owoni diker h'oyihoi dimomojo.
\v 36 ethaninguna elulung n'ohothing olo tholo pogo honyong, efiyo ainyong nya nafuk d'amaji nya.
\v 37 Anyahini donyong hijan Yesu lo Nazareth lobongoro thele.
\v 38 Ara ongodoni lya ekor ahibu inyong ilolongo bebe hijan, "Yesu, Olonyi lo Davide, omehi nang!"
\v 39 Ohothing hodaha ahithemi n'elulung eringyo inyong; anyahini inyong thodularu ohwai. Ti elolongo hathi bebe, "Olonyi lo Davide, omehi nang!"
\p
\v 40 Yesu awetha amaji aboithe, anyahi ongodoni thoiyanai donyong. Anyihara n'ongodoni donyong, efiyo Yesu inyong,
\v 41 "Ainyong iwak iye ehandyo nang dohoi?" Inyong etharang, "Hobu, awak nang atehuna."
\p
\v 42 Ara Yesu ajo donyong, "Omijye! Athuk eruk nahoi iye ethalihyo.
\v 43 Kwak ahani atehu ongodoni, athiforo inyong ahibu imamajo Ojok. Atehuna nasong ahani, ethahuyo ohothing fodok Ojok.
\c 19
\cl Ebwayit 19
\p
\v 1 Ajinga nya Yesu alo tholo Jeriko.
\v 2 Owon nya othulo lara Zakeyo. Inyong lo nya ohoiduduhani lahong l'enyahwo h'ogalla; obara bebe.
\v 3 Owak nya atehuna Yesu ti awang inyong lo ocohi atehuna tholohide h'elulung, anyo, inyong lo nya othulo losuk bebe.
\v 4 Dine, angero tholohithemi h'ohothing, adohok dihide h'ohiyani lelongoi ara sikamore d'oyihoi londerek Yesu ditehunerek inyong.
\v 5 Edwongon no Yesu d'amaji nya, amijo dihide h'ohiyani ajo donyong, "Zakeyo, icuru dihap kwak; ahanana alo nang dihang hohoi."
\v 6 Zakeyo ecuru kwak dihap, efothu inyong th'amuno.
\v 7 Atehuna nasong ahani, ewiwinya ohothing, ajori, "Athuk anden atihyo ohoiyauni."
\v 8 Zakeyo awetha th'ahide ajo d'Ohobu, "Omijye, Hobu, ebwanyo nang attitto hundang thehiji nang esarak d'ohoicanak; ara atumyo nang lobo othulo, enyahak nang de attitto hune donyong opero arangwan."
\p
\v 9 Ajo Yesu donyong, "Ahanana athuk alwahio ainduna d'ahang na, aca inyong lo dang olonyi l'Abramo.
\v 10 Anyo, oindu Olonyi l'Othulo dithifeyo karik dilwahyo ohothing halitho."
\p
\v 11 Ethaningyo n'ohothing asang hune, alo inyong lo ahithemi dinyahina arami th'arijori, anyo, oyindek nya inyong di Yesrusalem, karik isong hulo egigilo hijan ngona ohobye lothohide lalo ileyori thenene.
\v 12 Inyong ajo hathi, "Alo othulo lobo lobolo d'amiji nalama difothuna ohobye lonyong kark dinyahuna.
\v 13 Elongu ohoigyemak honyong tomon, esarak dosong ebarithi hanyong, ajo dosong, 'Ithagyemayethek ebarithi huna lwai nang anyahuna."
\p
\v 14 Ti ongicarik inyong ohothing honyong asulahini diput honyong elulung n'ohothing najo, 'Awang ohoi iwak othulo lo thoindafaithe ohoi.'
\v 15 Anyahuna nanyong aindu ijahitha ahanana: efothuna nanyong ohobye, aindu iringahina ohoigyemak honyong thoifunu donyong, anyahini donyong baya ebarithi orimak isong d'ethagyemayo ebarithi hanyong.
\p
\v 16 Ohoithemoni aindu donyong ajo, 'Hobu, arimak nang enhahwo tomon dihide hahanya isarak iye donang huna.'
\p
\v 17 Ara ohoboloni ajo donyong, 'Egyema iye tuhudi, ohoigyemani loyyu. Anyo, egyema iye Ara nayyu d'asang hattik, indafaitho iye de abothok tomon.'
\p
\v 18 Oitharehe aindu, ajo, 'Dihide hebarithi hanya isarak iye donang huna, arimak nang hamok miyet.'
\p
\v 19 Lahong Ajo donyong, 'Indafaithe abotok miyet.'
\p
\v 20 Loboling oithaunihoi lo aindu, ajo, 'Hobu, enyahwo hanya hohoi huna, huna, athorik nang th'abongo, nang akanak,
\v 21 anyo, abang nang iye, iye othulo loiririk bebe. Ileng iye eyaitho asang halifa, iye dang ingongocyo amat hakabkng iye iromo.'
\p
\v 22 Lahong ajo donyong, 'Akanyo nang iye de th'ocamitha thohohoi, iye ohoigyemani omonyoroni. Itek iye hijan aririk nang, aleng nang h'asang halifa nang engongocyo dimandak holifa.
\v 23 Anyo nya hathi naang iye isarak enyahwo hundang dikoro dara anyahuna hindang era nang induna irimahina ayothoi?'
\v 24 Ara ohoboloni d'ohothing howetha diya koko, 'Iduhuna enyahwo hune adi thonyong, ara ithai isarak dalara enyahwo hanyong tomon le.'
\p
\v 25 Ara ohothing ajo donyong,'Hobu, aca owoni enyahwo d'onde le tomon.'
\p
\v 26 'Ajo nang dothai, d'othulo lowon haning nabo ofonihini de halwa donyong, ara laang aning nabo thonyong, juk tiibai ne iduhunu de adi thonyong.
\v 27 Ti omerok hundang hulya, ohothing haang owak nang endafaitho isong, iyanethe otohoro isong dihithemi honang dini.'"
\p
\v 28 Athuhon nanyong acama arami hune, alo ahithemi lwai di Yerusalem.
\p
\v 29 Ainduna nya nayong indehai di Bethfage karik Bethani, d'adonge nelongoi ara Olifet, efahat arehai th'ohothifok honyong
\v 30 ajo, "Otehatha d'amiji nya. Ajingara de nathai diya, irimak ithai de ecang nakabong odahari. Ohouna ara ithai iyanu donang.
\v 31 Ara ifiyo ithai lobo, 'Anyo ilahyo ithai inyong?' ijaratha, 'Ohobu owak inyong.'"
\v 32 Ohothifok hoifaharai arimahini ecang nya iring nanyahinerek isongYesu.
\p
\v 33 Dihoyo hosong ecang, efiyo holomonye hecang, 'Anyo ihoyo ithai inyong?
\p
\v 34 Ara isong ajo, "Owak Ohobu inyong."
\v 35 Ara isong eyanu do Yesu. Athayofohini ecang abongoitho dihurong ara Yesu adohok.
\v 36 Afwan nasong, isong hulo afecyo abongoitho hasong diyihoi.
\p
\v 37 Divuna hosong do oihoi lo oindu thodonge ho Olives, eterio elulung no ohothifok honyong amuno ethahuye Ojok bebe da asang hahitua hatehu isong Yesu ehandio.
\q
\v 38 Ojori asang hajo, "Ojok thethelihak ohobu lohoi loindu ha akolon no Ojok!" "Emora thewona dihiji ho Ojok lotho hide ho ohothing honyong!" "Ohothing bokolong thethehuye Ojok!"
\p
\v 39 Opharisien homok howon ditha emomohe ajori donyong, "Ohetienani, onyahi do ohothifok hohoi dithawejo achama asang hune!"
\p
\v 40 Etharangio, "Anyahi nang ie huna: ara odularu ohothing hulia, omorik tha ahuandek tha hasong ilolongoi di thahuyo nang!"
\p
\v 41 Ajara Yesu aindu koko di Yerusalem atehu abore nahito, ekor ohothing honyong.
\v 42 Ajo, "Awak nang kodien ongida ithai ohothing hulia iwon ha emora no Ojok. Ti dene awang ithai he itek inyong.
\v 43 Ofuni de operok hothai, operok hofunerek ithai omerok ikamyerek ekolye ithai, erimuni dothai thoyihothik fodok.
\v 44 Ofuni de ibahahina ithai karik okalifinok hothai dihap fodok. Awang ofuni de idehina omorwong dihide homorwong, anyo, kabong ithai itimu awahan n'Ojok alwahuna ithai."
\p
\v 45 Ara Yesu ajinga di Tempolo afodohyo ohoithanyangak,
\v 46 ajo dosong, "Igero, 'Athwa hjndang owon ara namojo,' ti Othulo ithai esarahina ara athwa n'ohoholak."
\p
\v 47 Ityenio nya Yesu juui di Tempolo. Ohoithamojok hohithwa, ohoigerok karik hahong h'ohothing awahi otohoro inyong,
\v 48 Ti kaang orumahini oyihoi lobo lotohorik isonb Yesu, anyo, ohothing fodok owahi nya ethaningyo inyong bebe.
\c 20
\cl Ebwayit 20
\p
\v 1 Awon nya ara ofaning aboithe, orimak ahibu Yesu ityenio kadik inyanyahyo evanjelio, afuni donyong ohoithamojok hohitwa, ohoigerok karik ohobolok.
\v 2 Ajori donyong, "Onyahi dohoi, ngai isarak iye akolon dihandyo asang hune? Dia ngai isarak iye acohina ehandyo ahani?"
\p
\v 3 Etharang ajo dosong, "Efiyo de dang nang ithai ofiet. Onyahina nang,
\v 4 Baptisimo no Yoanne. Thohide dia th'ohothing oindu?"
\p
\v 5 Egigiloi th'ahwandek thahasong, ajori, "Ara ejo, 'Thohide, ' ojo de 'Anyo aang ithai iruk donyong?'
\v 6 Ti ara ejo, 'Th'ohothing,' omirye de ohothai ohothing fodok anyo iruk isong hulo Yoanne ara ohocoroni."
\v 7 Isong hulo etharangyo ajori aang isong otek thongai oindu.
\p
\v 8 Yesu ajo dosong, 'Awang nang ithai dang anyahi thongai arimak nang akolon n'ehandyerek nang asang hune."
\p
\v 9 Anyahi dosong arami hune th'arijori, "Edula othulo ohiyani l'ahayo, ethadumak d'ohoromok h'ahayo hune, alo isuka d'amiji nabo orii lohodo.
\v 10 D'omiru hotek inyong hoyyu, efahak ohoigyemani lonyong d'ohoromok h'ahayo disarahini donyong ahayo. Ara ohoromok h'ahayo abahyo ohifak lya, angararik inyong kwong aning nabo thohinang.
\v 11 Inyong efahak ohoigyemani lobo koti, ara lya dang abahye, angararik kwong aning nabo thohinang.
\v 12 Asulak oithaunihoi, ara lya dang aromi, amiroroi dingwai.
\v 13 Atihyo no lomonye amana ahani, ajo,"Ainyong de ehandyo nang? Asulak nang de oitho hindang lamuno nang. Kode obangi de inyong'
\p
\v 14 Atehuna ti n'ohoromok h'ahayo inyong, acamai dihiji hosong, ajori, 'Inyong lya ohoruthani lo. Hatohoro inyong, dowon abara n'ahayo ara nahothai.'
\v 15 Ara ohoromok h'ahayo amiroroi oitho lo adi thomana, atohori inyong. Ainyong ngona de ihandyo lomonye h'amana dosong?
\v 16 Oindu de itohoro ohoromok h'amana n'ahayo, esarak amana d'ohothing homok." Ethaninguna nasong ahani, ajori, "Lamolo, ikara doti ahani!"
\p
\v 17 Yesu engengelyo isong ahani, ajo, "Ainyong ngona ojo arami hegero huna: 'Awon omorwong lathuk ohoduhok edara ara lasihothe?
\v 18 Othulo lopuaharu dihide h'omorwong le owuwuro de fodok. Ti lodohi inyong dihide honyong, orasaha de."
\p
\v 19 Th'orii le, awahi ohoigerok karik ohoithamojok hohitwa atohoro inyong d'omiru hule, anyo, otehi isong igigiricye th'ocame thal'arijori thole. Obang ti isong ohothing.
\v 20 Isong engengelyo inyong tuhudi, efahak ohethaningok hoidima, ahibu isong ithaleyo ahwandek iring ohobisak. Owahi arimahina ainyong ocama inyong dindefuni, ethafothohini inyong d'ohoindefak h'ahap.
\v 21 Isong hulo efiyo inyong, ajori, "Ohoityenani, etek ohoi icama iye ara iye ityenio tuhudi. Awang othulo locohi eloyicyo ocamitha hohoi. Icama iye dang tuhudi arami hadiri h'oyihoi l'Ojok.
\v 22 Obis dia awang dohoi diduma Cesari?"
\p
\v 23 Ti otek Yesu ohongon nasong, ajo dosong,
\v 24 "Ithaithahina nang ebindang n'enyahwo ne. Nangai arijori karik ofure lothiya lo?" Ajori, "Ho Cesari."
\p
\v 25 Yesu ajo dosong, "Bwaa, isarahina hoyi do Cesari, asang ho Cesari, d'Ojok, asang h'Ojok."
\v 26 Kabong horimahini arami hamonyo ditha ocame lonyong dihithemi h'ohothing. Afalanga ohethaningok etharangio nanyong nalibo, adularai dingding.
\p
\v 27 Afuna n'Osadusi, elulung n'ohothing haang hoiruk d'ebuhuna, do Yesu,
\v 28 efiye inyong, ajori, "Ohoityenani, igerok Musa dohoi hijan ara oye olai l'othulo edyaharu afure kwong oitho dia aitho, othulo lya thoisukarik afure n'olai, ayisok olai aduri dia oduri.
\v 29 Owoni nya olarok cofa. Amuthayo ohoithemoni afure, aye kwong oitho,
\v 30 Oitharehe dang ahani.
\v 31 Oithaunihoi esukarik afure n'olai, aye dang kwong oitho, lwai d'oithacofe, loye dang kwong oitho.
\v 32 Thiya athulo ne dang aindu iye.
\v 33 D'ofaning l'ebuhuna, ara afure nangai oindu athulo ne iwonan? Anyo, esukarik dang inyong olai oithacofe ara afure?"
\p
\v 34 Yesu ajo dosong, "Olonyirok h'ahap omuthayo karik ithamuthahini.
\v 35 Ti d'ohothing hofuni ibuhuna awang afuna amuthayo dia ethamuthahina.
\v 36 Aang dang hofuni iye. Afuni irijoro h'anjelohio karik awoni ara olonyirok h'Ojok, awoni ara olonyirok h'ebuhuna.
\v 37 Ti ethabuhuni ohoyak, juk Musa, ethaithak dimaji h'oduyaru lowulo, dingai ilongo inyong Ohobu Ojok l'Abramo, Ojok lo Isako karik Ojok lo Yakobo.
\v 38 Thone, ikara inyong Ojok l'ohoyak, ti l'ohoiswok, anyo, isu ohothing fodok ditha honyong."
\p
\v 39 Homok ohoigerok etharang, "Ohoityenani, etharang iye tuhudi."
\v 40 Diya awang hocohi dosong difiyo inyong efietha halwa.
\p
\v 41 Yesu ajo dosong, "Angai ojo isong hijan Kristo oitho lo Davide?
\v 42 Anyo, ojo Davide th'ahwan dith'Amanini n'Oyendok, Ajo Ohobu d'Ohobu hindang, Owoni dinget ho nang,
\q
\v 43 lwai nang esarahina omerok hohoi tholohop h'ahejek hahoi.'
\v 44 Inyong na, ilongo Davide Kristo 'Hobu', angai hathi owon inyong olonyi lo Davide?"
\p
\v 45 Ahibu ohothing fodok ithaningyo, ajo d'ohothifok honyong,
\v 46 "Omijethe ohoigerok tuhudik howak eyofoitho abongoitho ahodorak, homuno oimandaitha h'ayolingyo nahwan dimasok henyanga karik ethanyangyo, okani hohitwa di Synagogs karik amasok h'amuno.
\v 47 Odilyo dang isong ahangithek h'aharathak karik dithalyehina ahwandek, ithamoje omojitha hohodo. Ohothing hojahitha ahani idari de isong namonyo bebe."
\c 21
\cl Ebwayit 21
\p
\v 1 Yesu amijo adihide atehu ohobarak omirye esorithi dikoro.
\v 2 atehu aharathani necan omirok ebilat h'enyahwo arehai, inyong ajo,
\v 3 "Diri diri ajo nang dothai aharathani ehecanani ne, esoryo akalak ohothing fodok hesarak.
\v 4 Isarak ohobarak th'abara thanasong. Ahibu aharathani isarak th'aning nesworik inyong."
\p
\v 5-6 Acama nohomok thosong arami ha Tempolo, angai okerye inyong ara nalibo th'omorik karik asang thah'ehumarik, ajo, "Iring d'asang hetehu ithai hune, operok hofuni haangarik omorwong lesuka dihide h'omorwong, laang de osulahini dihap."
\v 7 Isong efiyo inyong ajori, "Ohoityenani, kanu de ofuk arami hune? Ainyong de ithaithat hijan asang hune hafwo ifuhon?"
\v 8 Yesu etharang, "Omijethe tuhudi tek lobo ethatumyo ithai. Ofuni de holwa ajori th'ofure tholo hindang, 'Inyong nang lya' karik anyiha omiru.' Hoithifothik isong.
\v 9 Ara ithai hethaningu arami h'ofere karik ethethena n'elulung, hoibangatha angalafitha/oferia ibu ohothing ithangalafyo ahwandek, hebangatha bebe. Ti aang de ecuhit ofuk kwak thenene."
\p
\v 10 Thiya ajo dosong, "Ongalafarik de amiji amiji, ohobye angalafarik ohobye.
\v 11 Owon de arithirithi nahitto. D'amasok halwa owoni de ahure karik adihathik. Ofuk de asang h'ethabangyo karik ethaithitha hahitwa tho hide.
\v 12 Ti dihithemi h'afuhon n'asang hune, ofuni de ibahyo karik ethathacanie ithai; ithafothohini de ithai d'ohoindefak ha Synagoga karik h'amasok hefitharik ohothing; Iyarai ithai de dihithemi h'ohobwore karik ohoindefak h'ahap th'ofure tholo hindang.
\v 13 Oindu de iwonan ara oyihoi lefunu ithai inyahinerek isong arami hundang.
\v 14 Iring na, ihuhumyethek athaja hothai arabo daangan n'ekayo ahwandek kabong omiru hofuni,
\v 15 anyo, esarak nang ithai de ocamitha kark olofioro haang omerok hothai ofuni icohina aremorik dia etharisayo.
\v 16 Ti ofuni ithai de omonye h'athingye, olarok, ohothing karik ahathing herwanga ithai hosong kark omorot iyithahina d'omerok karik ofuni de isong itohoro homok thothai.
\v 17 Ofuni ithai de imanan th'ofure tholo hindang.
\v 18 Ti juk ohofiti aboithe lothohu hothai awang oindu ilitho.
\v 19 Th'angongyo thanathai irumak ithai de ohoilehio hothai.
\p
\v 20 "Ara ithai hetehu elulung n'ohoremok ikoli Yerusalem, otihatha hijan anyiha etharohoja.
\v 21 D'omiru hule, ohothing hotho Judea thoingero di dongiok, howon dihiji h'abore thoifwa adi, howon dimiji thaang hojingak dibore.
\v 22 Anyo, omiru hule h'arofuna, d'ofunerek arami hathuk egero iwondere ara hadiri.
\v 23 Omonyo de bebe dothai hemoho karik hethanahyo d'operok hule! anyo, oindu de eyambaritha nahitto dihap karik engere d'ohothing.
\v 24 Ofuni mwai icuho th'odemi, ofuni mwai indefaru difitha dith'amisok, ofuni mwai ohothing hoikela th'Ojudei ireyo Yerusalem lwai orii h'ohothing hoikela th'Ojudei afuna iwonan diri.
\p
\v 25 Ofuni mwai ethaithitha ileyori d'oholong, d'oyefa, d'ohilyefi karik dihap. Ofuni mwai amisok imwai karik ibangi, anyo, th'efwoitho than'ahari nahitto h'epongatho nasong.
\v 26 Ofuni mwai ohohing imabuhoitho th'abangi karik th'asang thahafuni ifuna dihap. Anyo, oindu de akolon n'ahide ihihira.
\v 27 Th'omiru hule, ofuni mwai itehuna Olonyi l'Othulo oindu dith'adiko th'akolon karik abolori nahitto.
\v 28 Anyo, ara asang hune hafuk, odothothik th'ahide ara ithai idohok ahosi adihide, anyo, ayindek shohina nathai.
\p
\v 29 Yesu enyanyahak dosong oyele l'erijaru, "Idoro ohiyani l'ahayo, karik omijye d'oyandik fodok.
\v 30 Ara abene habunyu, ethuk iye olefeng aitek hijan aindek ohiribo.
\v 31 Karik dang ara ithai hetek asang hune afuhitha, etek ithai dang hijan aindek ohobye l'Ojok.
\v 32 Diri, diri, ajo nang dothai, awang de oper lya obongoro, ara kabong arami hune hofuk.
\v 33 Ahide karik ahap ofwoi de adi, ti ocamitha hundang owethi dimaji.
\p
\v 34 "Ti omijyethe ahwandek hathai tuhudi, daang othaja hothai ithathacana th'amatha karik ebotho karik ehaya n'esu. Tek ofaning le, afuni ithasahuna iye han'amolohe na.
\v 35 Anyo, oindu de ijahitha ahani d'ohothing homanya dihap fodok.
\v 36 Ti hoithabuyangathik. Omojothi diko ithai difuna ikaruna asang hafunu de ifuhon, karik difuna iwetha dihithemi h'Olonyi l'Othulo."
\p
\v 37 D'operok fodok hoityenierek inyong di Tempolo, karik th'aharie alo isuka di donge h'Olif,
\v 38 Afuni ohothing fodok th'amoithe berien dithanjngyo inyong di Tempolo.
\c 22
\cl Ebwayit 22
\p
\v 1 Th'orii lya, anyiha ofaning l'amuno l'anyari angejuk, nelongoi ara Passofer (alangitha thele).
\v 2 Elafereji th'orii lya ohoithamojok hohithwa karik ohoigero, angai kodyen otohori Yesu, ti obang isong hulo ohothjng.
\p
\v 3 Orimak ajingak Sitan do Juda Iskariot, lobo aboithe th'ohoifahak tomon larehai hulo.
\v 4 Alo Juda d'ohoithamojok hohitwa karik hahong h'ohoremok dicama angai ngona ithafothok inyong Yesu dosong.
\v 5 Amuno ohobolok hulya bebe, eruhohini dang disarahina inyong enyahwo.
\v 6 Eruhu dang Juda, athifeyo oyihoi lesarahinerek inyong Yesu dosong olamarai th'elulung n'ohothing.
\p
\v 7 Edwong ofaning l'anyari angejuk, ofaning l'ongocyerek oker l'ehuma no Passofer.
\v 8 Yesu asulak Petro karik Yoanne, anyahi isong, "Ifwatha ihuhumahini dohothai anyari no Passofer, defwo inyo."
\p
\v 9 Isong efiyo inyong, "Dingai iwak iye hijan ifwo ohoi ihuhumyo?"
\p
\v 10 Inyong etharang isong, "Ithaningotho, ara ithai hethuk ajingara dith'abore nahitto, orwangarik ithai de othulo leyaitho ehulo n'ahari hamathai. Othifothik inyong d'ahang najingarik inyong.
\v 11 Ijaratha do lomonye h'ahang, 'Ojo Ohoityenani dohoi, "Najang athwa n'othohomonok nalo nang iwoniarik h'ohothifok hundang dinyerek anyari no Passofer?"
\v 12 Olo de ithai inyahi athwa nalat nathuk ehuhuma. Ifwatha ihuhumahina amaji nya."
\v 13 Ara ho Petro karik Yoanne afwo. Ofwoi irimahina asang fodok iring hathuk inyong ajan dosong. Isong hulo ehuhumyo anyari no Passofer.
\p
\v 14 Edwongon n'omiru, awoni Yesu h'ohoifahak honyong.
\v 15 Ajo dosong. "Awak nang bebe anyo anyari no Passofer hothai dihithemi hethathacana hindang.
\v 16 Ajo nang dothai, awang nang alo inyo ikoti, lwai arami hune afuna iwonan ara hadiri ditha h'ohobye l'Ojok."
\v 17 Yesu eduhu oihutye, athuhon nanyong afurahina ahinywarang, ajo, "Iyathik lo, ongarathi.
\v 18 Anyo, ajo nang dothai, awang nang aindu imatha obalu lya ikoti lwai ohobye l'Ojok ainduna."
\v 19 Eduhu elolonge n'anyari, athuhon nanyong afurahina ahinywarang, apinyo esarak dosong ajo, "Ahwan hindang na, nesarahini de adi doithai. Ihandyethe ahani diyihinerek ithai thonang."
\v 20 Eduhu dang oihutye l'obalu diholu h'anyari n'athari ajo, "Oihutye lo l'emora angejuk dith'ahotho hindang, nabuhohini de thoithai.
\v 21 Ti, omijyethe tuhudi! Othulo lethanyangak nang de lo, lowon dihiji hohothai lya.
\v 22 Anyo, Olonyi l'Othulo lolo dithathacana iring nawonderek arami. Ti, omonyo de bebe d'othulo lethanyangak inyong de lo!"
\v 23 Ethanjnguna ahani, obocori ohothifok ho Yesu elafere dihiji hosong amonye. Efifiai hijan ngai de ngona thosong lehandyo arami hune lya.
\p
\v 24 Thiya dang aboco ethethena adotho dihiji hosong. Owahi atehan ngai dihiji hosong obolo bebe.
\v 25 Ajo dosong, "Ohobwore h'ohothing hekela th'Ojudei hahong hosong, karik ohothing hoindafaitho hoilongo ara ohothing hoihandyo ara nayyu d'ohothing hosong.
\v 26 Ti thaang hoiwona dihiji hohothai ahani. Kombwo lobolo bebe dihiji hothai thoiwona iring oitho lotti bebe; ara lojo oko inyong bebe, thoiwona ara ohoigyemani l'ohothing.
\v 27 Anyo, lobolo bebe re lowoni dimaji h'anyari dia loigyema? Awang hara lowoni dimaji h'anyari? Ti, esuka nang dihiji hothai iring ohoigyemani.
\v 28 Ithai ohothing hesuka honang do omiru h'ethemitha hundang.
\v 29 Esarak nang dothai ohobye, iring nesarahinerek Lalamonye ohobye donang,
\v 30 ijan dinye ithai honang dihobye honang, karik difunu ithai iwoni dikani dikanyerek amukoko tomon larehai ho Israele.
\p
\v 31 Simone, Simone, omijye tuhudi, Sitan lefiyo iye diloicyerek iye iring ohima.
\v 32 Ti athuk nang amojo thoiye. daang eruk nahoi okar. Athuhon nahoi anyahuna, ithakolye holoilai."
\p
\v 33 Petro ajo donyong, "Hobu, ethuthuna nang anden hohoi difitha dia diye."
\p
\v 34 Yesu etharang, "Anyahi hang iye, Petro, awang ohohorong oindu isir ofaning lya, diholu harisa nahoi nang operok aunihoi hijan itek iye nang."
\p
\v 35 Yesu ajo dosong, "Asulahina hindang nya ithai kwong obade, oputi l'anyari, dia ahamuha, ecan ithai nya aning nabo Isong etharang, "Awang!"
\p
\v 36 Ajo dosong, "Ti thenene ne, lowon h'obade karik dang lowon h'oputi l'anyari, theyaru honyong. Laang howon h'odemi, thoithanyangak ahilyen enyangunerek odemi aboithe.
\v 37 Ajo nang dothai, aning negero dihap thonang, oindu de iwonan ara nadiri. 'Eduhuni inyong ara othulo laang ara l'oyano.' Aning nathuhi anyahina thonang, nehandye.
\p
\v 38 Ara isong ajo, "Hobu, otiha! odemio hulo arehai." Ajo dosong, "Ocohini?"
\p
\v 39 Diholu h'anyari n'athari, Yesu alo, iring nayeng na, d'Odonge lo Olifs, ara ohothifok athiforo inyong.
\v 40 Edwong nasong diya ajo dosong, "Omojothi daang ithai ijingak dith'ethemit."
\v 41 Diya, alo adi thosong olamarai tiibai, aringongo dihap amojo, ajo,
\v 42 "Monye, ara iwak iye, iyaru oihutye lya adi thonang. Ti ikara aning nawak nang, newak iye, thoihandye."
\v 43 Thiya anjelo thohide aleyo dithakolyo inyong.
\v 44 Dihide h'emalanga nanyong, amojo diri th'awahan; abuhunu emoe nanyong, edoitha dihap iring ahotho.
\v 45 Adotho nanyong thomojo honyong, aindu d'ohothifok; orimak isong ojotho amoru hathariha.
\v 46 Efiyo isong, "Anyo hoiferi ithai? Odothothi ara ithai imojo, daang ithai ijingak ditha h'ethemit."
\p
\v 47 Hocama inyong lo d'ohothifok honyong, edwong elulung n'ohothing, othifunu Juda, lobo th'ohoifahak tomon l'arehai hulo. Aindu iyindehai dimandayo Yesu,
\v 48 ti Yesu ajo donyong, "Juda, ithanyangak iye Olonyi L'Othulo th'emanda?"
\p
\v 49 Engengelio n'ohothing hoitheker ho Yesu ahani, ajori, "Hobu, ingalafa ohoi th'odemi?"
\v 50 Lobo thosong esalu ehiok nenget n'ohoigyemani l'ohoithamojoni lohitto.
\p
\v 51 Yesu ajo, "Acohi!" Yesu athin ehiok ne. Ehiok anyahak dimaji.
\v 52 Yesu ajo d'ohoithamojok hohittwa, hohong ho'oitharemok hotho Tempolo karik ohobolok h'ofuni donyong ara omerok, "D'ohoholani ifunu ithai th'odemio karik oinduhi?
\v 53 Operok olwarai ohothai ara oboithe di Templo, kabong ithai nang ihan angai. Ti omiru hothai hulya, omiru h'ohoindefani l'omudwe."
\p
\v 54 Endafaitho isong hulo Yesu, eyarai inyong dihang h'ohoithamojok hohittwa. Iyarai Yesu, ahibu Petro othiforo karik ingengelaru isong olamarai.
\v 55 Athuk ohothing th'orii le ethaulohina ahimang dihiji h'afwata, awoniari amaji aboithe, Petro dihiji hosong.
\v 56 Atehu n'ehegyemani ahodwothi Petro owoni dipogo ahimang, ajo donyong "Othulo lya, owon nya dang honyong!"
\p
\v 57 Petro arisa, ajo, "Athulo na aang nang atek inyong."
\p
\v 58 Omiru tiibai ahani, lobo atehu Petro, ajo, diholu lobo othulo atehu Petro ajo, "Iye dang lobo losing." Petro ajo, "Othulo lo, ikara nang."
\p
\v 59 Omiru tiibai koti ahani, enginyo lobo othulo ajaran, "Diri othulo lya nya dang honyong. Inyong lo lo Galilea.
\p
\v 60 Petro ajo, "Othulo lo, awang nang atek ainyong icama iye!" Kwak ahani ohohorong esir.
\v 61 Eloyitho nanyong, Ohobu amijo do Petro. Petro eyu ocame l'Ohobu, dijaran nya donyong, "Dihithemi h'esir n'ohohorong ahanana irisa iye nang de operok aunihoi.
\v 62 Petro alo ikor dindak imonyoroi.
\p
\v 63 Ohothing heririyo Yesu ethafoyongye karik abahye inyong.
\v 64 Emuhohini ahonde hanyong efiye inyong hijan, "Onyahi! ngai lobak iye lya?"
\v 65 Ajori asang hamok hamonyo do Yesu, Othulo Lodwa.
\p
\v 66 Abengan n'amoithe, asuduha ohobolok, ohoithamojok hohittwa karik ohoigerok. Eyarai inyong d'asuduhe n'ohobolok,
\v 67 karik ajori, "Ara iye Kristo, onyahi dohoi!" Ti ajo dosong, "Ara anyahi nang ithai, aang ithai de iruk,
\nb
\v 68 karik ara efiyo nang ithai, aang ithai de itharangyo.
\v 69 Ti th'ahanana, Olonyi l'Othulo lolo iwoni dinget h'Ojok."
\p
\v 70 Ajori isong fodok, "Ara ahani, ijo iye iye Olonyi lo Ojok?" Yesu ajo dosong "Aa, ithai ijo."
\p
\v 71 Isong ajori, "Ainyong hoiwaharik ohoi ohothing hotihak? Ethuk ohoi amonye ethaninguna thohuthuk honyong."
\c 23
\cl Ebwayit 23
\p
\v 1 Elulung n'ohoremok adotho, eyaru Yesu do Pilato.
\v 2 Ara ohothing h'elulung ne hulya aculuyo ethasahyo Yesu do Pilato, ajori, "Irumak ohoi othulo lo, owak ekalyo amiji nahothai, olwo ohothing aduma enyahwo do Cesare karik ojo ngonyena inyong Kristo, Ohobu."
\p
\v 3 Pilato efiyo inyong, "Iye ohobu lo Ojudei" Yesu etharang inyong, ajo, "Aa, iye ijo ahani."
\p
\v 4 Pilato ajo d'ohoithamojok hohittwa karik d'elulung, "Kabong nang arimak epal nabo d'othulo lo."
\p
\v 5 Ti inginyo isong ethasahyo Yesu; ajori, "Owak ethangerejo elulung, ityenio athwa no Judea, oculuyo tho Galilea lwai d'amaji ne."
\v 6 Ethaninguna no Pilato arami hune, efiyo ara Yesu lo Galilea.
\v 7 Arimahina hijan inyong lo lo Galilea, l'amiji n'Erode, asulak Yesu d'Erode, lowon th'orii le di Yerusalem.
\p
\v 8 Atehuna n'Erode Yesu, amuno bebe. Aleng esuka kabong hotehu Yesu. Ethaningu asang olwarai h'ehandyo Yesu, karik owak dang atehan egyemathik h'afalangai h'ehandyo inyong.
\v 9 Aleng Erode efifiyo Yesu th'ocamitha olwarai. Kabong Yesu itharuhyo inyong kwong,
\v 10 owaharik kodyen ohoithamojok hohittwa karik ohoigerok ethariboyerek inyong.
\v 11 Erode karik ohoremok honyong ethabuyangye Yesu. Ethayofohini inyong abongoitho aliborok, ithanyahahini do Pilato.
\v 12 Th'orii le, anyahak elamorot n'Erode ho Pilato (ongica isong hulo nya dihithemi h'arami hune).
\p
\v 13 Pilato asuduhunu ohoithamojok hohittwa, ohoindefak h'ahap karik elulung n'ohothing,
\v 14 ajo dosong, "Eyanu ithai othulo lo dithasahahina donang, ara othulo lomonyo, ti edoryo nang, diholu h'efio inyong, kabong ihandyo arami h'epal hejo ithai hune.
\v 15 Awang, juk Erode, orimak aning nabo donyong, anyo, enyahunu inyong donang, karik, idoro, awang aning nehandyo inyong nacohi donyong aye.
\v 16 Asaryo nang de inyong, nang aburak.
\v 17  \f + \ft Awang.  \f*
\v 18 Ti, isong elolongo ara aboithe, ajori, "Otohoro othulo lya, ara ithai iburak d'ohoi Barnaba,"
\v 19 Barabba nya othulo lefithahini th'obafu thal'atohoro n'othulo dith'abore nahitto.
\v 20 Pilato acama dosong ikoti, owaharik aburahinerek Yesu.
\v 21 Isong ikoti eluluo, ajori, "Obehohina inyong, obehohina inyong di kruce.
\v 22 Pilato ajo dosong operohothi oithaunihoi, "Anyo, ainyong namonyo nehandyo othulo lya? Awang nang arimak aning nehandyo inyong nacohi donyong diye. Iring na, asaryo nang de karik nang aburak inyong."
\v 23 Inginyo isong hulo hijan Yesu thotohori th'abehohina di kruce. Atelu omutto hosong Pilato.
\v 24 Pilato eruhu ehandyo aning nawak isong.
\v 25 Pilato aburak Barabba, ethafothok dosong Yesu thobehohini di kruce iring owak isong.
\p
\v 26 Eyaru nasong inyong adi, endefuni Simone lo Cyrene hibu inyong oindu thath'amiji, akorohini akruce digele honyong, eringahina inyong thothiforo Yesu ahibu inyong odohoro akruce.
\p
\v 27 Othiforo nya elulung nahitto n'ohothing karik angorwo hekor hahathariha Yesu.
\v 28 Eloitho nanyong dosong Yesu ajo, "Aduri ho Yerusalem, hoikorotho nang, ikorotho ahwandek hathai h'okalifinok hothai.
\v 29 Idorotho, operok hofuni, hofuni isong ijararik, 'Ahathing haang oyiso, ahohiya hakabong hoimoho karik asuhena hakabong hoithanahyo thomunoi.'
\q
\v 30 Ofuni mwai iculuyo ajaran d'odongiok, 'Opwahathi dihide hohoi,' karik d'adongiok, 'Imuhohina ohoi.'
\v 31 Anyo, ara ihandyo isong asang hune holi ohiyani, ainyong de ihandye ara ohiyani layoho?
\p
\v 32 Owoni nya ohothing homok hoipal arehai heyarai honyong ditohoro.
\p
\v 33 Edwongon nya nasong d'amaji nelongoi ara Golgotha, najo 'Akululungi h'ohothing,' abehohini inyong h'ohoipalak arehai hulo di kruce, lobo dinget, lobao dihotong.
\v 34 Yesu ajo, "Monye, omehi isong. Awang otehi ainyong ihandyo isong." Arwasai omorik dibwayerek abongoitho hanyong.
\p
\v 35 Ohothing awetha dingengelyo honyong, ahibu ohoidefak h'amiji ithafoyongyo inyong, ajori, "Ethalwahu homok. Thothalwahu dang ahwan nanyong, ara inyong Kristo l'Ojok, Othulo lanyimuni."
\p
\v 36 Ara dang ohoremok ahendaitho inyong, afwoi iyindehai donyong, esarahini donyong asang hamok hadwa hamathai,
\v 37 ajori, "Ara iye ohobu l'Ojudei, ithalwahu ahwan nahoi."
\v 38 Owon nya ethaithit nabo tholohide honyong, "Ohobu l'Ojufei lo."
\p
\v 39 Lobo l'ohoipalak lobeho honyong di kruce, emomoryo inyong th'ajaran, "Ikara iye Kristo? ithalwahu ahwan nahoi karik ohoi."
\p
\v 40 Ti lobo eringyo inyong ajo, "Aang iye ibang Ojok, ikara iye dang lethathacanie iring inyong?
\v 41 Obis d'ohothai dihathacana, ohothai hosarye thehandyo thanahothai asang hepal. Ti othulo lo kabong hoihandyo arami hamonyo."
\v 42 Thiya ajo do, "Yesu, hoikworo nang, ara iye lejinga dihobye hohoi."
\p
\v 43 Yesu ajo donyong, "Diri diri, ajo nang dohoi, ahanana iye honang di paradiso."
\p
\v 44 Orii le adathari, lwai aharie eriohon.
\v 45 aritha abongo emuhet na Tempolo thehiji.
\v 46 Ekor nanyong bebe, Yesu ajo, "Monye, dihas hohoi esarak nang ohoile hindang." Athuhon nanyong ajaran ahani, aye.
\p
\v 47 Atehuna n'ohoremoni ohoiririani arami hafuk hune, ethaboloryo Ojok, ajo "Diri othulo lya diri ohobisani."
\v 48 Atehuna n'elulung n'ohothing ainyong ehandye, anyahari ahibu isong obahyo asuhena.
\v 49 Ohothing hotek Yesu karik angorwo hathiforo inyong hara tho Galilea, awetha olamarai, engengelye asang hawon.
\p
\v 50 Otiha, owon nya othulo lobo loilongoi ara Yosefo lo Arimathea, abore n'Ojudei. Inyong lo l'elulung n'ohobolok.
\v 51 Inyong lo othulo lobis karik loyyu. Kaang inyong iruk arami dia ainyong ihandyo ohobolok. Inyong lo tho Judea, abore n' Arimathea. Othifeyo inyong lo nya ohobye l'Ojk.
\v 52 Yosefo alo do Pilato difiyo ahwan no Yesu dinuhahina. Pilato ahorik inyong theyaru.
\v 53 Ethacuru dihap, emumuhok th'abongotho thahalibo karik hajon, ethaferik dith'ahilame naboha dith'amorwong, nakabong onuhahinerek othulo lobo.
\v 54 Ofaning le nya lehuhumyerek ofaning oithacode, lonya aindek.
\v 55 Angorwo hafuni ho Yesu tho Galilea athiforoi, atehuni ahilame karik angai ithaferihini ahwan nanyong.
\v 56 Isong huna anyahu, ehuhumye opeceni h'elethang. D'operohothi oithacofe, ayiriji, iring najarik efahit.
\c 24
\cl Ebwayit 24
\p
\v 1 Nya th'amoithe berien d'ofaning ohoithemoni d'operok cofa, afuni angorwo dihilame, eyanai hosong opeceni h'elethang hongwo kudarr.
\v 2 Ofuni irimahina omorwong athuhi eyafulanguna adi thohide h'ahilame.
\v 3 Ajingari isong dithwa, ti kabong orimahini ahwan n'Ohobu Yesu.
\v 4 Dihide haangan nasong atehan ainyong nawon, kwak ahani afuni ohothing arehai hoiyofo abongotho hawulo owethi diker hangorwo.
\v 5 Abangi n'angorwo hune bebe, adumoi ahosi hasong adihap, ajori d'angorwo, "Anyo ithifeyo ithai ohoiswok dihiji h'ohoyak?
\v 6 Awang inyong lo thene; athuhi ethadothuna! Hoikwothi ainyong onyahi inyong dothai, orii inyong di Galilea,
\v 7 najarik inyong hijan Olonyi l'Othulo lofwoi ithafothohina d'ohoiyak di behohina di kruce; d'operohothi oithaunihoi ebuhu thoye."
\v 8 Eyu angorwo ocamitha hulya;
\v 9 anyahuna nasong thohilame dinyahini arami hune d'ohoifahak tomon loboithe hulo karik d'ohothing homok olwarai.
\v 10 Th'orii lya, Maria Madalina, Joanna, Maria nahathingi ho Yakobo karik angorwo hamok anyahini Arami hune d'ohoifahak.
\v 11 Ti olauni ohoifahak arami hune, awang hoiruhi arami hacama angorwo hune.
\v 12 Ti, Petro adotho, angero dihilame. Edwong nanyong diya, adula, elunghureyo, atehu abongoitho hamaring. Petro alo dihang honyong, eyoitho karik afalanga, ainyong ngona afuk.
\p
\v 13 Orimak ofaning le isong d'oyihoi lolo d'Emmaus, abore naindek di Yerusalem.
\v 14 Ofwoi oyihoi le ahibu isong ocacamaru arami fodok hohithek ifuhon hune.
\v 15 Dihide hafwan nasong h'ofere karik efifiyo aisong arami hafuk, aindu Yesu alo hosong.
\v 16 ti awang otehi ijan Yesu lya.
\v 17 Yesu ajo dosong, "Ainyong icama ithai, ithai arehai diyihoi?" Awethi diya ara hoijoria.
\p
\v 18 Lobo losong, lelongoi ara Cleopas, ethrang inyong, "Iye aboithe othulo tho Yerusalem laang otek asang hathuk afuhon diya operok hulya?"
\p
\v 19 Yesu ajo dosong, "Aisong asang hune?" Ara isong etharang inyong, "Asang hafuk do Yesu, othulo lo Nazareth, lonya owon ara ohocoroni, loko dihandyo karik d'ocamitha dihithemi h'Ojok karik ohothing fodok.
\nb
\v 20 karik angai ithafothok inyong ohoithamojok hohittwa karik ohoindefak hohoi ara lotohori karik ara lobehohini di kruce.
\v 21 Ti iyuhi ohoi nya hijan inyong de oindu ithalwahuna Israele. Aa, karik dihide hohune fodok, eyaru th'orii lya operok aunihoi. ge asang hune afuhon.
\v 22 Ethafangio dang angorwo h'elulung nahoi othaja hohoi, owoni dwo dihilame ge thanadwo amoithe berien.
\v 23 ti awangan nasong arimahina ahwan nanyong, afuni anyahini ohoi hijan atehu isong anjelohio, honyahi isong hijan omijo Yesu.
\v 24 Ohothing homok howon hohoi dihilame, acamai gwo ainyong ojo angorwo. Ti kaang hotehuni inyong"
\p
\v 25 Yesu ajo dosong, "Anyonde, ohothing ohonangak hulo karik hoilik othaja hosong bii diruhon ainyong ocama ohocorok.
\v 26 Awang nya ocohi do Kristo dithathacana dijingahinerek dith'ahujon nanyong?"
\v 27 Oculuyo tho Musa karik tholo ohocorok fodok, anyahi Yesu arami fodok hanyong hawon dith'amaninihio hadwa.
\p
\v 28 Aindehi nasong d'amiji nanya ofwarik na, ehandyo Yesu ahwan iring loholo ahithemi.
\v 29 ti eringahini inyong ajori, "Isukai hohoi, alo oholong ilumon." Yesu alo isuka hosong.
\v 30 Thiya, awoni nanyong hosong dinyari, eduhu anyari nepupuho, ajohok, apinyo, esarak dosong.
\v 31 Thiya, anga ahonde hasong karik atehi hijan lya inyong. Alitho adi thosong liaa.
\v 32 Ajori amonye, "Kabong othaji lohothai oulo tholothwa, omiru hocamrik inyong d'ohothai diyihoi karik angahi d'ohothai amaninihio hadwa?"
\v 33 Th'orii le, adothoi anyahari di Yerusalem. Diya arimahini ohoifahak tomon loboithe hulo osuduhai h'ohothing homok
\v 34 ajori, "Ebuhu Ohobu diri. Aleyo do Simone."
\v 35 Anyahini isong d'asuduhe ne asang hafuk dosong diyihoi karik angai ithaithahini Yesu dosong th'apinyo than'anyari nepupuho.
\p
\v 36 Dihide henyanyaha nasong arami hune, awetha Yesu dihiji hosong ajo dosong, "Elik n'ahwandek thoiwona hothai."
\v 37 Ti abang asuduhe ne bebe karik ajahi ohothing hatehuni ohoile.
\v 38 Yesu ajo dosong, "Anyo ifalanga ithai? Anyo ififyo ithai ahwandek hathai bebe dithaja hothai?
\v 39 Idorotho ahas h'ahejek hundang. Nang lya th'ahwan. Ingengelatha karik othinotho nang. Awang ohoile owon h'ahiringo karik ohot, iring nawonderek nang hosong ne."
\v 40 Athuhon na acama ahani, ethaithak dosong ahas h'ahejek hanyong.
\v 41 Th'amuno karik th'afalanga thanabolo bebe, kabong idwongi diruhon. Oboco dosong ara afalanga. Yesu ajo dosong, Iwon ithai h'aning nabo nanye?"
\v 42 Esarahini donyong ohome lamuda,
\v 43 eduhu, anyo dihithemi hosong.
\p
\v 44 Ajo dosong, "Hawon nang nya hothai, anyahi nang ithai hijan asang fodok hegero d'oyano ho Musa, ohocorok karik oyendok, ofuni mwai ifuhon."
\v 45 Thiya angahi ahosi hasong dothenuni arami h'amaninihio hadwa.
\v 46 Ajo dosong, "igero: ocohi do Yesu Kristo dithathacana, ebuhu thoye d'ofaning oithaunihoi.
\v 47 Aburunu karik amehina n'eyatha thonyahini dihap fodok lwai di Yerusalem th'ofure tholonyong.
\v 48 Ithai ohotihak h'arami hune.
\v 49 Idorotho, nang lasulak dothai aning nathuk Lalamonye anyahina. Ti isukathik dith'abore nahitto lwai ocohina ithai ethayofo th'akolo thanaindu thohide."
\p
\v 50 Yesu eyaru isong dindak lwai koko di Bethani. Adanyak ahas hanyong adihide, aborohi isong.
\v 51 Athuhon naborohina isong, edyaharu isong, eyarai inyong dihide.
\v 52 Thiya ohoifahak amojoi donyong; Anyahuni di Yerusalem th'amuno thanabolo,
\v 53 karik adahai juui di Tempolo dithamunoyo Ojok.