lky_reg/41-MAT.usfm

\id MAT
\ide UTF-8
\h Matteo
\toc1 Matteo
\toc2 Matteo
\toc3 mat
\mt Matteo
\c 1
\cl Ebwayit 1
\p
\v 1 Amanini na n’amukok nafuhunerek Yesu Kristo, lolonyi ho Davide, lolonyi h’Abramo.
\p
\v 2 Abramo nya lomonye ho Isako, Isako lomonye ho Yakobo, Yakobo lomonye ho Juhah, karik olarok honyong.
\p
\v 3 Judah nya lomonye ho Perez karik Zerah tho Tamar, Perez lomonye ho Hezron, Hezron lomonye ho Ram.
\p
\v 4 Ram lomonye ho Amminabad, Amminabad lomonye ho Nahshon, karik Nahshon lomonye ho Salmon.
\p
\v 5 Salmon lomonye ho Boaz tho Raham, Boaz lomonye ho Obed tho Ruth, Obed lomonye ho Jesse.
\p
\v 6 Jesse nya lomonye h’ohobu Davide. Davide nya lomonye ho Solomone tho Uriah.
\p
\v 7 Solomone nya lomonye ho Rehoboam, Rehoboam lomonye ho Abijah, Abijah lomonye ho Aza.
\p
\v 8 Aza nya lomonye ho Johoshaphat, Johoshaphat lomonye ho Joram, karik Joram nya lohohony ho Uzziah.
\p
\v 9 Uzziah nya lomonye ho Jotham, Jotham lomonye ho Ahaz, Ahaz lomonye ho Hezekiah.
\p
\v 10 Hezekiah nya lomonye ho Manassek, Manasseh lomonye ho Amon, Amon lomonye ho Josiah.
\p
\v 11 Josiah nya lohohonyi ho Jechoniah karik olarok d’omiru h’eyaru nasong di Babylonia.
\p
\v 12 Diholu h’eyaru nasong di Babylonia, Jechoniah nya lomonye ho Sheahtiel, Sheahtiel nya lohohonyi ho Zerubabbel.
\p
\v 13 Zerubabbel nya lomonye ho Abiud, Abiud nya lomonye ho Eliakim, karik Eliakin nya lomonye ho Azor.
\p
\v 14 Azor nya lomonye ho Zadok, Zadok lomonye ho Achim, Achim lomonye ho Eliud.
\p
\v 15 Eliud nya lomonye ho Eleazar, Eleazar lomonye ho Mattham, Mattham lomonye ho Yakobo.
\p
\v 16 Yakobo nya lomonye ho Yosefo, londe ho Maria, nayisu Yesu, loilongoi ara Kristo.
\p
\v 17 Inyong na, owoni nyana operi tomon larangwan (14) th’Abramo do Davide, karik tomon larangwan (14) tho Davide tok d’esuka nasong di Babilonia, karik tomon larangwan (14) th’esuka nasong di Babilonia tok do Kristo.
\p
\v 18 Ahana inyana ofuk ayisuna no Yesu Kristo; ethafithahini nya Maria do Yosefo, ti, dihithemi h’amutha nasong, arimahini Maria h’ahohye th’Ohoile tho Lodwa.
\v 19 Yosefo nyana othulo lobis, ti, aang nya owak ethajuhina Maria ahu, th’anyahina arami hune dindak. Thiya, awak inyong lo edara amutha ho Maria ohwai dee.
\v 20 Dihide hegigilo nanyong arami hune, aindu anjelo l’Ohobu donyong ditha etharika, ajyo donyong, “Yosefo, onyakwarit lo Davide, hoibang endafaitho Maria ara afure nahoi, anyo, owejik inyong na oitho th’adwaran thon’Ohoile Lodwa.
\v 21 Owon de hoitho leindu iye ilongo ara Yesu – anyo, oindu de ithalwahuna ohothing honyong th’eyatha hasong.”
\v 22 Ofuhi arami hune theene, dofunerek asang hanya athuk Ohobu ajaran thol’ohocoroni iwonan ara hadiri,
\v 23 “Oindu de athulo abothor imoho, karik awon h’olonyi, karik afuni de ilongo inyong ara Emmanuele” najo, “Ojok hohothai”.
\v 24 Thene, ahenyuna no Yosefo, amuthayo Maria, iring nanyahinerek inyong anjelo thoihandye.
\v 25 Ti, kabong orwangarik inyong dihithemi h’athamana nanyong olonyi. Thiya elongo ofure lonyong Yesu.
\c 2
\cl Ebwayit 2
\p
\v 1 Oyisuni nya Yesu di bore ho Bethlehem di Judea, d’omiru howonderek Erode ara ohobu. Kwak ahani, afuni ohothing homok hoiyeyena ohilyefi tholo moithe di Yerusalem,
\v 2 karik efiye, “D’amaji nani othamanai oitho, lowon de ara ohobu lo’Ojudei lo? Etehu ohoi ohilyep lonyong ainduna nanyong dihide tholo moithe, karik ifunu ohoi di mojo donyong.”
\v 3 Ethaninguna n’Ohobu Erode arami hune, engere bebe, iring dang nengerejarik ohothing fodok di Yerusalem.
\v 4 Ethalongo Erode d’amaji aboithe ho fadiri hohittwak karik ohoityenak h’oyalu, efiyo isong, “Dingai de ofuni iyisuna Kristo?”
\v 5 “Di bore ho Bethlehem, di Judea,” isong etharangyo. Isong hune arami hegeryo ohocoroni:
\q
\v 6 “Bethlehem di hap ho Judah, ikara iye natti th’abottok ho Judah hethadiryo; aca, oindu de thohoi lahong, loindu iyohoitho ohothing hndang Israele.’”
\p
\v 7 Thiya, Erode elongo othohomonok hofuni tholo moithe d’oputet laang onyahini dindak karik dirimahina thosong tuhudik omiru holyeyororik ohilyep.
\v 8 Thiya, asulak isong di Bethlehem ajyo, “Ifwatha karik othifeyethek oitho tuhudik; ara erimak ithai inyong, awak nang atehan, dallo nang dang di mojo dihithemi honyong.”
\v 9 Afwoi, dihiji h’oyihoi, atehuni ohilyep lodwo otehu isong oindu tholo moithe lo.
\v 10 Atehuna nasong ohilyep, amunoi nya bebe tholohide amuno! Alo ohilyep ahithemi nasong tok awetha tholohide h’amaji nayisunerek oitho na.
\v 11 Othohomonok hulo ajingari dihang. Atehuna nasong oitho hahathing nanyong, Maria, afwoi, arigongoi dihap karik amojyoi donyong. Eduhye isong hulo dindak esoritha hasong h’ayel, alothogong karik ahamurwe, ethafothohini donyong.
\v 12 Thiya, anyahari isong di miji hosong th’oyihoi tholoboling, anyo, anyahi isong Ojok thaang honyahai d’Erode.
\p
\v 13 Athuhon nasong afwan, aleyo anjelo l’Ohobu ditha etharika do Yosefo, ajyo, “Othifeyo de Erode oitho ara lottohori. Odothoi, iduhu oitho karik ahathingi, engerotho dd Egypto, lwai nang anyahina iye thoidehi amaji nya ara iye inyahu.”
\v 14 Yosefo adotho, eduhu oitho hahathingi, alo th’aharie di Egypto.
\v 15 Esuka diya lwai aye n’Erode. Ihandye nya ahanya, dofuni arami hanya athuk Ohobu acama thol’ohocoroni ara hadiri, “Elongo nang oitho hindang adi Th’Egypto.”
\p
\v 16 Atehan n’Erode hijan athuk inyong othohomonok hofuni tholo moithe eitum, engere bebe. Efahak ahuthuk hijan okalifinok ho Bethlehem karik h’amasok haindek, hara oyingathik arehai, thottohori ehandye arami hune iring arami h’ethairu inyong th’othohomonok honyahi inyong omiru holeyororik ohilyep.
\v 17 Th’oyihoi tholoya awoni ara hacama ohocoroni Jeremiah ara hadiri,
\q
\v 18 “Oilongit lethaninguni di Ramah, oilolonge l’ekor nadwa, Racael nekor oduring honyong, Ida ebobowa, Anyo, athuhi ayetha.”
\p
\v 19 Diholu h’aye n’Erode, aleyo anjelo l’Ohobu ditha h’etharika do Yosefo di Egypto.
\v 20 ajyo, “Iduhu okalifonik karik ahathingi, ilo dihap ho Israele, anyo, ohothing honya owahi attohoro oitho hulo athuhi ayetha.”
\v 21 Yosefo adotho, eduhu oitho karik ahathingi anyaha di Israele.
\v 22 Ti, ethairuna no Yosefo hijan aruthak Arkelaus omonye Erode, ara ohobu lo Judea, abang anden diya. Anyahini inyong koti ditha etharika, alo hathi d’amiji natti no Galilea.
\v 23 aduho ahang di Nazareth. Ahani ne, awoni arami hanya acama ohocorok ara hadiri, “Ofuni de ilongo inyong ara Nazarene.”
\c 3
\cl Ebwayit 3
\p
\v 1 Th’omiru hule aindu Yoanne Batista di terere ho Judea, aculuyo anyahina ohothing ehandio n’arami hayyu hahabis.
\v 2 “Iloithothik adi th’eyatha hathai,” ajyo inyong, “anyo, aindek ohobye lothohide.”
\v 3 Yoanne nya othulo locama ohocoroni Isaya, najararik inyong, “Othulo lobo lelolongo di terere, ‘Ihuhumyethek oyihoi d’Ohobu; ihuhumahina oyihoi ara lobis d’odaharik inyong.’”
\p
\v 4 Abongoitho ho Yoanne nya hehuhumuni th’ohofir h’akonikoni, iyofoitho erohit amuhunyong di mukok, larik anyari nanyong nya ebeye karik aiso narimahini caa dith’ofara.
\v 5 Afuni ohothing donyong tho Yerusalem, th’amiji fodok no Judea karik th’amiji fodok naindek d’owor lo Jordano.
\v 6 Ewaha ohothing eyatha hasong, abuhohini isong Batisimo ditha h’owor lo Jordano.
\v 7 Atehuna no Yoanne Ofarisei karik Osadducihio afuna donyong do Batisimo, ajyo dosong, “Ithai amunuok – ngai ojyo ocohi dothai dikarahina asario nalo Ojok ithai isulahina ne?
\v 8 Ihandyethek asang hethaithak hijan ethuk ithai eloitho adi th’eyatha hathai.
\v 9 Karik hoigigilothik hijan ocohi dothai dikarahina asario th’ajaran thanthai Abramo, ohohonyi lothai. Anyahi nang ithai hijan ocohi d’Ojok diduhuna omorik hulo eloicyo ara anyakwarya h’Abramo!
\v 10 Otholu leririyo ayefyo n’oyandik th’ohade. Ohiyani laang ongida ahayo, oyefahini de dihap, amirohini d’ahimang.
\v 11 Abuhok nang ithai batisimo th’ahari, dithaithahina hijan eburunu ithai d’eyatha ahathai, ti, loindu diholu honang le, oindu de ibuhohina Batisimo th’Ohoile tho Lodwa karik ahimang. Obolo inyong thonang, karik aang dang ocohi donang dihoyo ahamuha hanyong.
\v 12 Owon inyong lo hattitto hanyong hekisyerek ohima. oindu ingongothohina ohima honyong di koro, ti, oindu de idwehina engayohi ditha h’ahimang naang odunya.”
\p
\v 13 Th’orii le edwong Yesu di Galilea, oindu do Yoanne dibuhohina inyong Batisim d’owor lo Jordano.
\v 14 Ti, Yoanne athemyo esarahina Yesu thoiloicye ahu nanyong, “Aca, iye kodien esarak nang Batisimo, Yoanne ajyo, “Ara iye ikoti iindu donang?”
\v 15 Ti, Yesu etharangyo, “Thoiwona ahani th’orii lya,” Aca th’oyihoi tholya, ehandyo de asang fodok hawak Ojok.” Yoanne eruhok arami hune.
\v 16 Athuhon no Yesu efothuna Batisimo, aindu kwak adi thath’ahari. Thiya, angai paradise donyong karik atehu Ohoile l’Ojok oindu dihap iring ayoro h’afangan donyong.
\v 17 Thiya, oilolonge ajyo tho hide, “oitho hindang lo holefeng loko, amuno nang thonyong.”
\c 4
\cl Ebwayit 4
\p
\v 1 Thiya Ohoile ethadiraru Yesu di terere di thema tho Sitan.
\v 2 Diholu operok karik ohariethik athomone arangwan kwong anyari, aleng ahure Yesu.
\v 3 Thiya Sitan aindu donyong ajyo, “Ara iye olonyi l’Ojok, iloicye omorik hulo ara anyari.”
\p
\v 4 Ti, Yesu etharangyo, “Ojyo amanini, ‘Aang ohothing isu th’anyari hamaring, ti, owahi dang ocamitha thohuthuk h’ Ojok.”
\p
\v 5 Thiya Sitan eyaru Yesu di Yerusalem, abore nadwa, alo isarahina inyong dihide h’otek la Tempolo,
\v 6 karik ajyo donyong, “Ara iye olonyi l’Ojok, omirok ahwan nahoi dihap, anyo, ojyo amanini, ‘Ifahak de Ojok anjelohio honyong dohoi tho iye; indefuni de iye dihide th’ahas thahasong, tek, juk ahejek hahoi, omorik eryafuni.’”
\p
\v 7 Yesu etharangyo, “Ti, ojyo ikoti amanini, “Hoithemyo Ohobu, Ojok lohoi.’”
\p
\v 8 Thiya Sitan eyaru Yesu dihide h’odonge lohodo bebe, ethaithak donyong ohobyehio h’ahap dith’abolori bukulung nasong.’”
\v 9 “Asang hune fodok esarak nang de dohoi,” ajyo Sitan, “Ara irigong iye dihap ara iye imojo donang.”
\p
\v 10 Thiya Yesu etharangyo inyong, “Ilo adi, Sitan! Ojyo amanini, “Omojyo d’Ohobu, Ojok lohoi, karik ara iye igyema donyong hamaring.’”
\p
\v 11 Thiya Sitan edyaharu Yesu. Ara anjelohio afuni, alwahye inyong.
\p
\v 12 Ethaninguna nya no Yesu hijan Yoanne lefithahini ara lefithahini, alo adi di Galilea.
\v 13 Edyeharu Nazarete, alo isuka di Kapernaum, abore naindek d’ajor no Galilea di hap ho Zebulun karik Naphtali.
\v 14 Ofuk ahani, dofuni arami hanya ojyo ohocoroni Isaya huna ifuna ara hadiri.
\q
\v 15 “Ahap na Zebulun karik ahap na Naphtali, d’oyihoi lolo di hari, d’oyirik lobo lo Jordano, Galilea, ahap n’ohothing hoikela th Ojudei!
\q
\v 16 Otehu de ohothing hoisuka di mudwe afangan nabolo, d’ohothing hoisuka d’ahap karik obibile l’aye, odotho de afangan.’”
\p
\v 17 Th’omiru hule, aculuyo Yesu etyenio ocame lonyong: “Iloithothik adi th’eyatha hathai, anyo, aindek ohobye lothohide!”
\v 18 Adaha nya nanyong di fohor h’Ajor no Galilea, atehu Yesu olarok arehai ohoirerehak h’ohom, Simone, loilongoi ara Petro, karik olai Andrea, diyapoha ohom dith’ajor th’abwuoi.
\v 19 Yesu ajyo dosong, “othifunethek nang diwon ithai ara ohoyapoyak h’ohothing.”
\v 20 Yelek ahani, edyaharai abwoino hasong, afwoi honyong.
\v 21 Alo indehai ahani, atehu olarok homok arehai, Yakobo karik Yoanne, olonyirok ho Zebedeo. Owoni nya di rook hosong ho omonye losong Zebedeo, dihuhumahina abwoino hasong, Yesu ilongo isong,
\v 22 karik kwak ahani, edyaharai aroko karik omonye losong, karik dang afwoi honyong.
\p
\v 23 Alo Yesu athwa no Galile fodok dityenio ditha h’asynagohio dityenio Asayo Angejuho h’Ohobye, karik dithalihyo ohothing howoni h’opeceni h’adihathik olwarai.
\v 24 Athuroro asayo hanyong ditha h’amiji fodok no Syria, hathi iyanai nya donyong ohothing hodiha, ethathacyanai th’opeceni h’adihathik, haye arabokang karik h’ahahe, Yesu ethalihyo isong fodok.
\v 25 Elulung nahittok n’ohothing athiforo inyong tho Galilea, d’abothok tomon, tho Yerusalem, Judea karik d’ahap d’oyirik lobo lo Jordano.
\c 5
\cl Ebwayit 5
\p
\v 1 Atehu Yesu elulung n’ohothing, adok dihide h’odonge, diya, awoni dihap. Ohoifahak honyong asuduha diker honyong,
\v 2 karik aculuyo etyenio isong:
\q
\v 3 Ohothing, hotek hijan ican isong di hoile thomunoi; ohobye lothohide losong!
\q
\v 4 Ohothing hothariha thomunoi; oindu de Ojok isong iyoboyo.
\q
\v 5 Ohothing hoilamuha thomunoi; ofuni de ifothuna aning nathuk isong Ojok eruhohina.
\q
\v 6 Ohothing hobolo awahan nasong ehandyo aning nawak Ojok thomunoi; oindu de Ojok ithafongohina isong kwek kwek!
\q
\v 7 Ohothing homiehi ohothing homok thomunoi; oindu de isong Ojok imiehina!
\q
\v 8 Ohothing holibori ditha h’othaji thomunoi; ofuni de itehuna Ojok!
\q
\v 9 Ohothing hoigyema d’elihan n’ahap thomunoi; oindu de Ojok ilongo isong okalifinok honyong!
\q
\v 10 Ohothing hoithgyemye th’arami thahawak Ojok thomunoi; ohobye lothohide losong.
\p
\v 11 Ithai homorye, ethagyemye, emangye karik adwalai asang hamonyong thoithai omunothi; anyo ithai ohothifok hundang.
\v 12 Omunothik, efongatha, aca, akanyama nabolo bebe nakanahini dihide ara nathai. Ahani nyana ithagyemye ohocorok homanya dihithemi hothai.
\p
\v 13 “Iwon ithai ara ahipere n’asuduhe bukulung n’othulo. Ti, ara alitho elahipere, aang oyihoi lesarahinerek inyong thoiwona ara ahipere ikoti. Aang aca nanyong, ocohoroi karik ohothing erereyo.
\v 14 “Ijahitha ithai afangan d’ahap fodok. Abore naduhoi dihide h’adonge, aang idimunu.
\v 15 Aang othulo lethaulok ahiryai, edimak tholohop h’aning nabo; kombwo, ithahi dihide h’ethawojit ara naleyo, enwaha d’ohothing fodok hothohong.
\v 16 Iring ahani ne dang, afangan nahoi, thowuloi dihithemi h’ohothing. Dotehuni asang hayyu hehandyo iye karik emamajye Lemonye lothohide.
\p
\v 17 “Hoigigilothik hijan aindu nang ditharohojyo oyano ho Musa karik etyenitha h’ohocorok. Aang nang aindu, diyaru isong adi, ti, disarahina etyenitha hasong thoiwona ara hadiri.
\v 18 “Iring nawonderek ahide karik ahap, aang aning nabo neduhuni adi, juk natti bebe, th’oyalu – teng ecuhit n’asang bukulung.
\v 19 “Inyong na, lomesyo juk efahit natty, etyenio homok thoihandye ahanya, orasa de diholu d’ohobye lotho paradise. Kombwo, loithaningyo oyalu, etyenio homok thoihandye ahanya, obolo de d’ohobye lo paradiso.
\v 20 Anyahi nang ithai do hathi, icohi ithai de dijingahina ditha ohobye lo paradiso, ara iruk ithai okalak ohotyenak h’oyalu karik Ofarisei di handyo ainyong owak Ojok.
\p
\v 21 “Ethaningu ithai hijan anyahini nya ohothing berien, ‘Hoittoho; lottoho, ifiye de inyong dihithemi h’oyalu,
\v 22 Ti, thene, anyahi nang ithai, lo ingere h’olai, iyarai de dihithemi h’oyalu, lelongo olai, “Aang-aning-neyijorik- iye,” iyanai de dihithemi h’elulung n’ohobolok, karik loilongo olai ara ohonangani laang aca, owon de habangi nafwarik d’ahimang no inferno.
\v 23 Inyong na, ara iwon iye h’esorio newak iye esarahina d’Ojok, ara iye iyuu hijan iwon iye h’aning namonyong holelai,
\v 24 idyaharu dodo esorio nahoi dihide h’alatari, ara iye ilo dimora ho lelai, thiya ara iye inyahu dithafothohina esorio nahoi d’Ojok.
\v 25 Ara ilongo iye lobo dihithemi h’oyalu, ihuhumahina arami di hang howoni omiru, cobong ithai ifwo dihithemi h’oyalu. Ara ithai hefwo dihithemi h’oyalu, ithafothok iye de d’ohokanyani, lethafothok de iye do polis karik efithahini iye.
\v 26 Ifitha iye de diya anyahi nang iye, tok iye aduma amillim n’omorit lohoi.
\p
\v 27 “Ethuk iye ethairuna hijan ojyori nya, “Hoiferorik athulo nolobo.’
\v 28 Ti, thene, anyahi nang iye, lomijyo d’athulo nangorwo awak eyaru inyong ara nayong, eyau honyong dithaji honyong.
\v 29 Inyong na, ara isarak iye ahonyek nenget eyauna, ikolowothu ara iye icohoro adi! Oyyu dohoi dingodo, th’amirohina iye bukulung dith’ahimang.
\v 30 Ara isarak iye ahinang nenget eyauna, obongu ara iye icohoro inyong adi! Oyyu dohoi diwonan h’ahinang aboithe, th’awonan hohoi h’ahwan bukulung dith’ahimang.
\v 31 “Ajyori nya dang, ‘longaterek afure adi, thoisarak inyong amanini n’egero n’apeha.
\v 32 Ti, anyahi nang iye thenene, ara ongaterek othulo loboling afure th’arami thahaang ara adaha h’ohothing homok, iyau de othulo lya eyau naferi h’othulo loikela th’onde, ara omutha inyong na ikoti; karik dang othulo lomuthayo inyong lo dang eyau esuka h’afure nekela th’athulo nanyong.
\p
\v 33 Ethuk iye dang ethaninguna hijan anyahini ohothing nya berien, ‘Hoida dia hoitharohojyo arami dia asnag hethuk iye eruhuna. Ti, ihandye d’Ohobu asang hethuk iye epitha di handyo.’
\v 34 Ti, anyahi nang iye thenene, hoipitha, ara iye leruhok ehandyo aning naboling. Hoipitha tho paradiso, aca inyong na, okara l’Ojok.
\v 35 ikara dang th’ahap, aca inyong na, amaji nayiryarik ahejek; ikara dang tho Yerusalem, aca inyong na abore n’Ohobu lohittok.
\v 36 Hoipitha dang th’ahu thanahoi, anyo, aang ocohi dohoi di sarahina juk ohofitti oboithe awonan ara obong dia omoli.
\v 37 Ijara ija “Aa’ dia “A a” – aning naboling nejyo iye, oindu th’Omonyoroni Lo.
\p
\v 38 “Ethuk iye ethaninguna hijan ojyori nyana, ‘Ahonyek h’ahonyek, ohalai h’oholai.’
\v 39 Ti, anyahi nanng dohoi thenene, hoirofu othulo lehandyo dohoi ara namonyong. Ara onang iye othulo lobo ecahani n’enget, isarak dang thonanga iye ecahani n’ehotong.
\v 40 Karik dang, ara iyaru othulo loboling iye dihithemi h’oyalu th’abongo thanahoi nothosuhe, theyaru dang th’abongo thanahoi nauk nahathero na.
\v 41 Karik ara iringak iye ohoremok adohoro attitto hasong d’amaji nalam, indohok amaji nalama ne.
\v 42 Ara ifiyo othulo loboling aning nabo thohoi, isarak donyong aning ne. Ara owak lobo attoboro aning nabo thohoi, isarak thotoboro.
\p
\v 43 “Ethuk iye ethaninguna hijan ajyori, ‘omunoi holoimotte, omunoi omerok hohoi.’
\v 44 Ti, thene anyahi nang iye: omunoi omerok hohoi ara iye imojyo th’ohothing thoho ithathacianio iye.
\v 45 Diwon ithai ara okalifinok h’Omonye lothai di paradiso. Aca, isarak inyong oholong lonyong thowuloi d’ohothing homonyong karik hoyyu see, karik isarak ohuju d’ohothing hoihandyo ara nayyu karik hoihandyo ara namonyong.
\v 46 Anyo ira iye Ojok isoryo, ara imuno iye ti ohothing homuno iye? Ihandyo dang ohothing ohoiduduhak h’enyahwo h’elulung ahanya!
\v 47 Karik ara icama iye ti d’omorot hohoi, ojyo ehandyo iye aning nabo iring nayeng na? Juk ohothing haang otek Ojok, ihandye ahani!
\v 48 Iye thobisa tiorr – iring nabisarik Leemonye lotho paradiso tiorrr.
\c 6
\cl Ebwayit 6
\p
\v 1 Omijye tuhudik d’aangan ehandyo asang h’ohoile karik h’elajok hahoi dihithemi h’elulung, hijan d’otehu ohothing ainyong ihandyo iye, efufurye iye. Ara ihandyo iye asang hune ahani dihithemi h’ohothing, aang iye de irimak esorio the Lemonye lowon dihide.
\v 2 Inyong na, ara isarak iye aning nabo d’othulo lomojo, hoithaboloryo esarahina nahoi ne, iring nehandyerek odwalak d’amasok h’amojo n’elulung karik d’oyihothik hohittwak. Ihandye ahani dimamajyo isong ohothing. Anyahi nang dohoi diri, athuhi aduma odwalak hulya arabo.
\v 3 Ti, ara elwahyo iye ohomjoni lya, olwahye inyong th’oyihoi thalaang juk omorot hoindek dohoi oteharik hijan ehandyo iye aning nabo.
\v 4 Ahani ne, awoni de ara arami hedima. Dara, Lemonye hamaring, lengengelu iye ehandyo aning nedima, isarak iye de esorio.
\p
\v 5 “Ara iye lemojyo, hoijahitha odwalak! Omunoi awetha thahide dith’athwahio h’elulung hamojorik karik dikeri h’oyihothik hohittwak, dotehu ohothing isong bukulung. Anyahi nang iye diri athuhi efothuna esorio nasong fodok.
\v 6 Ti, ara iye lemojo, ilo dithwa hohoi, ihyenok oyihet, ara iye imojyo de Lemonye, laang iye itehu. Lemonye, lotehu iye ehandyo aning nabo nedima lya, de isarak iye esorio.
\v 7 Ara iye lemojyo, hoimojyo th’ocamitha olwarai thahaang olwahu, iring nehandyerek ohothing haang otehi Ojok, hijan ithaningyo de ojohi hosong omojitha hohodo.
\v 8 Hoijahitha isong. Athuk Leemonye atehan ainyong iwak iye dihithemi hohoi efiyo inyong.
\p
\v 9 Ahana kodien ira iye imojyo: Omonye lohoi lowon dihide: ofure lohoi lodwa thohujo;
\q
\v 10 Ohobye lohoi thoindu; awahan nahoi thoihandye dihap, iring nehandyerek inyong dihide.
\q
\v 11 Isarak ohoi ahanana anyari newak ohoi.
\q
\v 12 Ofithok ohoi eyatha hahoi, iring nefithohinerek ohoi homok eyatha hehandyo isong dohoi;
\q
\v 13 Heyaru ohoi d’ekemitha hako, karik ikau ohoi th’Omonyoroni lo.
\v 14 Ara imiehi iye homok eyatha hehandyo isong dohoi; omiehi iye de dang Leemonye lowon dihide.
\v 15 Ti, ara aang iye imiehi homok, aang de dang Leemonye homiehi eyatha hethuk iye eyauna.
\p
\v 16 Ara idwa iye, hoitharingyo ahomong iring odwalak. Ithalicye oyaitha hosong, dotehuni isong ara ohothing hodwa, anye tiibai. Anyahi nang iye diri, athuho aduma nasong.
\v 17 Ara kabong iye inyo, imujulai ara iye ikwaracyo ohofir.
\v 18 daang homok otek hijan iye ledwa – araharik Leemonye, laang otehunu de otek. Leemonye lotehu ainyong nedima ihandyo iye, inyong de isarak iye esorio.
\p
\v 19 “Ohoikaniethek ebarithi dihwandek hothai dihap dine, hanyo ethur karik alodokya, hawuryo ara ohoholak ahoholyo.
\v 20 Kombwo okaniethek ebarithi ara hathai di paradiso, amaji naangarik ethur karik alodokya, karik amaji naang ocohi ohoholak auryo karik ahoholyo.
\v 21 Aca, owon de othaji lohoi d’amaji nawonderek ebarithi hahoi.
\v 22 “Ojahitha ahonde ahirya nawulo d’ahwan. Ara oyiji ahonde hahoi, ifut de ahwan nahoi th’afangan.
\v 23 Ti, ara aang ahonde hahoi oyiji, owon de ahwan nahoi dimudwe. Inyong na, ara owon afangan nothohwan hohoi ara omudwe, angai de ngona owon amonyori n’omudwe!
\v 24 Awang othulo locohi awonan ara ongaca l’ohoindefak karik hahong arehai; oman de lobo; eruk lobo; ithaningyo de arami holobo, amesyo holobo. Aang ocohi dohoi digyema d’Ojok karik d’enyahwo.
\v 25 Inyong nanyahi nang iye thaang hoihayai th’anyari karik th’amatha disuorik dia th’abongo d’ahwan nahoi. Ara ikara ahani, aang diri ayiji n’esu okalu anyari? Karik aang ayiji nahwan okalu abongo?
\v 26 Idoro ahwen: aang oromoi, aang ingognoye akanahini amat dikoro; ti, omijo Lethemonye lothohide dosong. Aang ithai ikalu ahwen th’ayiji?
\v 27 Ocohi lobo thothai amanya tiibai furr, thehaya thananyong?
\v 28 “Karik, ainyong ihaya ithai d’abongoitho? Otiha, angai obolo athuya h’afara: Aang hoigyemai karik aang hoihuhumye abongoitha d’ahwandek hasong.
\v 29 Ti, anyahi nang ithai hijan juk ohobu Solomone aang nya howon hebarithi h’abongoitho halibori iring aboithe n’athuya huna.
\v 30 Ojok ithayofyo amiyang notho fara – amiyang nawon dini ahanana karik nalo adi moithe. Nethawuloye di hyali. Aang de inyong diri oindu ithayofyo ithai? Angai berien omutha eruhon nahoi!
\v 31 Iring na, hoiculuyo ehaya: ‘Thongai de oindu anyari hindang? dia emathitha hundang? (Asang hune juui hehayaitho opangano.) Otek Lethemonye lothohide hijan iwak ithai asang hune bukulung.
\v 32 Kombwo, ihayathik tholohide hasang bukulung th’ohobye thol’Ojok karik ainyong de iwak ithai, isarak ithai de asang hune bukulung.
\v 33 Inyong na, hoihayathik arami h’omoithe. Owon de h’arami hanyong hehayai. Aang osiru difonio ethathacianitha h’ofaning.
\v 34 Dini hegigilozi ijan ainyong nafuk dena dozai ofaning loindu, iwon izai de ha asing hewak izai. Dini hegigilozi ahizemi no omiru."
\c 7
\cl Ebwayit 7
\p
\v 1 Hoikanyo homok, daang iye Ojok okannyo.
\v 2 Aca oindu iye de Ojok ikanyo, th’oyihoi thele ikanyerek iye homok. Oindu de ikanyo iye th’oyihothik thoh’ekanyerek iye homok.
\v 3 Anyo hathi imijyo iye d’ahujithing noth’ohonyek hoilelai, ahibu iye aang hoimijyo tuhudik d’ahujithing nahittok noth’ohonyek hohoi?
\v 4 Angai oko ohu nahoi di jaran do lelai, “Pwanga, iduhu ahujithing th’ohonyek honang, ahibu ye iwonon h’ahithoi dihonyek hohoi?
\v 5 odwalani lo, iduhu dodo ahithoi th’onyek hohoi, ara iye hathi iduhu ahujithing th’ohonyek holelai.
\v 6 “Hoisarak aning nadwa d’ongohe – iloithoi de dihonya hohoi. Hoicohok onyahwo hohoi holibo dihithemi h’ekaaha – erereye de th’ahejek.
\p
\v 7 “Ifiye, difothu iye, othifeye, dirimak iye, ibabahye, dongai oyihet dohoi.
\v 8 Aca othulo lefiyo, ifothu de; lothifeyo, orimak de; onga de oyihet d’ohothing hoibabahyo;
\v 9 Isarak lobo thothai, howoni ara omonyehio hulo, d’olonyi lonyong omorwong, ara ifiyo olonyi anyari?
\v 10 Dia isarak iye amunu ara ifiyo iye ohome? Dia angai ojak amonyori nahoi. itek iye angai isarak iye asang hayyu d’okalifinok hohoi.
\v 11 Angai de aang okalu esarahina n’Omonye lothai lothohide disarahina asang hayyu d’ohothing hoifiyo inyong!
\v 12 Ihandye dohomok ainyong iwak iye isong thoihandye dohoi; arami hune hajyo oyalu lo Musa karik loityenierek ohocorok.
\p
\v 13 “Ojingai th’oyihet tholo iruhusi; oyihet d’inferno iyakalang, oyihoi lolo diya ilik; karik olwari ohothing hodaha thole.
\v 14 Ti, oyihet lofwarik d’esu, iruhusi karik oko oyihoi lolo donyong; karik omutha ohothing horimak inyong.
\p
\v 15 Omijye tuhuudik ohocorok hoikela th’ohocorok hadiri; ofuni dohoi tholo dang iring okero, ti, tholothwa, isong hulo diri owoho.
\v 16 Itek ithai de isong th’aning thana ihandyo isong. Ofarathik hedwedweye, aang hongidari ahayo karik aang obiyongo ongida abiyongo.
\v 17 Ohiyani loyyu, ongida ahayo hayyu, ara ohiyani lomonyong edoyo ahayo hamonyong.
\v 18 Aang ohiyani locohi edoyo ohayo hamonyong karik aang ohiyani lomonyong locohi angidari ahayo hayyu.
\v 19 Karik, ohiyani laang idoyo ahayo hayyu, oyefahini dihap, amirohini dith’ahimang.
\v 20 Inyong na, itek ithai de ohocorok th’asang thah’ehandyo isong.
\v 21 Ikara ohothing fodok oilongo na: “Hobu, Hobu” de ojingak d’ohobye lothohide, arahari ohothing hoinhandyo aning nawak lalamonye lthohide, isong thoihandye.
\v 22 Ara Ofaning l’Akanyo laindu, ojyoi de holwa donang, ‘Hobu, Hobu! Ditha h’ofure lohoi, ecama ohoi efahi nahoi th’ofure tholohoi ingaterek ohoi ajohi karik acuhi karik th’ofure tholohoi ehandyo ohoi asang olwarai hafalangai!’
\v 23 Thiya, ajyo nang de dosong, ‘Aang nang nya atek ithai, ifwatha adi thonang, ohothing omonyorok!’
\p
\v 24 “Inyong na, othulo loitharuhu ocamitha hundang hulo eruk isong. Ojahitha othulo loilofioro, loduho athwa nanyong dihide hamorwong.
\v 25 Ohuju asa, owori angetha karik ahomwa awam difidihyo athwa ne. Ti, kabong athwa opwaharu, anyo, aduho hidihe h’amorwong.
\v 26 Ti, othulo lowon h’ocamitha hundang hulo, ti, aang hoiruhu ojahitha onyalubathi loduho ahtwa nayong dihide h’akujo.
\v 27 Ara ohuju asa, owori anger karik ara ohomwa awam, athwa apwaharu. Karik, ainyong apwaharu nanya ithabangyo ahanya nya.”
\p
\v 28 Athuhon no Yesu acama arami hune, afalanga elulung oyihoi loityenierek inyong.
\v 29 Aang nya ojahitha ohityenak h’oyalu; kombwo etyenio th’akolon.
\c 8
\cl Ebwayit 8
\p
\v 1 “Ecuruna nya no Yesu th’odonge, elululng nahittok n’ohothing, athiforo inyong.
\v 2 Thiya, othulo laleng adihari adiha namonyong n’amuhunyong aindu donyong, arigongo dihap dihithemi honyong, “Lahong, ara iwak iye, ocohi dohoi dithaliboruna nang.”
\p
\v 3 Yesu anithok ahinang nayong, athin inyong, “Awak nang,” inyong etharang. “Oliboro.” Thenene ne, elik amuhunyong n’othulo lodiha.
\v 4 Thiya Yesu ajyo donyong, “Ithaningye, hoinyahi d’othulo loboling, ti, ilo gwo do fadiri thoidorye iye. Thiya, dotehi ohothing fodok hijan alibo othulo lonya adiha hadiha n’amuhunyong lo, ehandyo inyong lo ehuma nanya onyahi Musa na.”
\p
\v 5 Ajingara nya no Yesu di Kapernaum, arwangai h’ohoigyemani lo Roma, efiyo thonyong alwaha.
\v 6 “Lohong, ohoigyemani hindang lodiha dihang dijothit, aang odaha, ithathaciana bebe.”
\p
\v 7 “Aindu nang de isarahina inyong thoyijyo,” Yesu ajyo.
\p
\v 8 “Ikara ahani, lahong,” etharang ohoigyemani lo Roma. “Aang ocohi donang hijan iindu iye dihang honang. Ifahak ainyong thoihandye, oyyu de ohoigyemani hindang.
\v 9 Nang dang othulo loindafaitho ohoigyemak hohittwak; karik owoni dang ohoremok hoindafaitho nang. Ajyo nang d’aboithe, ‘Ilo!’; alo; nang ajyo ikoti doloboling, ‘Iwong!’ aindu; karik nang anyahi d’ongaca hindang, ‘Igyemai aning na!’ aang hoigyema aning ne.”
\p
\v 10 Ethaninguna n Yesu arami hune, afalanga ajyo d’ohothing hothiforo inyong, “Anyahi nang ithai, kabong nang arimahinerek othulo d’Israele heruhon najahitha na.”
\v 11 Anyahi nang ithai tuhudik, ofuni de ohothing olwarai tholo moithe karik tholo thari awoniari dihap h’Abramo, Isako karik Yakobo d’amuno d’Ohobye lothohide.
\v 12 Ti, hoira iwonan ditha h’Ohobye, omiroroi de adi ditha h’omudwe, amaji nafwarik isong de ikororik karik erocye ohala.”
\v 13 Thiya, Yesu ajyo d’ohoigyemati l’ogalla ho Roma lya, “Ilo di hang; arami heru iye hune, ihandye de dohoi.” Ara ongaca lodiha lo ayyu th’omiru hule.
\p
\v 14 Yesu nya alo dihang ho Petro. Diya, atehu nahamoni ho Petro odiha hethor n’ahu di jothit’.
\v 15 Yesu athin ahinang nayong, ethor n’ahu edehi inyong karik alo ifothuna Yesu ara othohomononi.
\v 16 Edwongon n’athari, eyanu ohothing do Yesu ohothing olwarai howoni h’ohoilehio homonyong. Yesu angararik adi ohoilehio omonyorok hulya th’ocame oboithe karik ethalihak ohothing bukulung honya odiha hulo.
\v 17 Ihandyo ahani dofuni arami hanya ajyo ohocoroni Isaya huna ifuna ara hadiri, “Eyaru inyong thahwan adihathik hahothai karik eduhu adi adihathik hahothai.”
\p
\v 18 Atehan no Yesu hijan inyong lodihiji h’elulung n’ohothing, anyahi ohothifok honyong thoifwa d’oyirik lobo l’ajor.
\v 19 Ohoityenani l’oyalu aindu donyong. Ajyo, “Ohoityenani, awak nang athiforo iye d’amaji nenderek iye.”
\p
\v 20 Yesu etharang inyong, “Owoni owoho karik ahwen h’athwahio, ti, aang Olonyi l’Othulo owon h’amaji naferorik ara inyong ayiri.”
\p
\v 21 Othulo lobo, lonya owon ara ohothifoni, ajyo, “Lohong, nang dodo thoilo di nuhahina lalamonye.”
\p
\v 22 “Othifunu nang,” Yesu etharang, “Idehi ohoyak thomuhak ohoyak hosong.”
\p
\v 23 Zene ara Yesu echurok diza ahibo nanyong ara ohozifok honyong aziforo inyong.
\v 24 Yesu ecurok di roko, alo h’ohothifok honyong.
\v 25 Kwak ahani, ahomwa nako awam di jor, oindeharik aroko alafuho karik adyoro. Ti, orimak Yesu dijothoro. Ofwoi ohothifok, ethahenye inyong. Ajyori, “Olwaha ohoi Hobu, eindek ohoi aye.”
\p
\v 26 “Anyo ibang ithai ahani,” Yesu etharang, “Anyo omutha eruhon nathai ahani!” Yesu adotho, anyahi ahomwa thowethai karik ahari hepongaitho thowethe. Ahari nya adularu nding nding.
\p
\v 27 Afalanga ohthing. “Lojahihitha angai othulo lo?” ajyori isong, “Juk ahomwa karik epongaitha n’ahari ethairye arami hanyong!”
\p
\v 28 Ajara nya Yesu aindu d’oyirik lobo l’ajor, arwangarik inyong lo ohothing arehai hofuni thath’alomi h’anuhyerek. Owoni nya ohothing hulo h’ohoilehio homonyong dithosong. Ingereji nya ara homonyong. Aang nya othulo lolo thol’oyihoi loindek dosong.
\v 29 Irahi ingereji kwak, “Ainyong iwak ithai dohoi, iye Olonyi l’Ojok? Indu iye dibahyo ohoi kabong omiru hofuni?”
\p
\v 30 Ikara olamarai thene owon nya amaji nethanyerek abathaha.
\v 31 Ahani ne, ohoilehio homonyong amojyoi do Yesu, “Ara ilo iye ingararik ohoi adi, osulak ohoi ditha elulung n’abathaha nya.”
\p
\v 32 “Ifwatha,” Yesu anyahi isong; isong hulo afwo, afwoi ijingahina dth’abathaha. Elulung n’abathaha ne angero adiwor d’oyirik l’adonge ditha h’ajor, amathi diya.
\v 33 Ara ohoyohok h’abathaha hulo angerori di bore, enyanyahye diya arami hafuk d’ohothing howoni h’ohoilehio homonyong.
\v 34 Ohothing hotho bore afwoi dindak di kuboitherek Yesu; atehuna nasong inyong, omojyo inyong thoidehi ahap nasong.
\c 9
\cl Ebwayit 9
\p
\v 1 Ecurok Yesu di roko, abongoro ehiji n’ajor di bore honyong,
\v 2 d’amaji neyanerek ohothing donyong othulo laye arakang. Atehuna no Yesu eruhon nara abaya owon dosong, ajyo d’othulo lodiha lo, “Okolo, oitho hindang, “Ahohini eyatha hahoi.”
\p
\v 3 Thiya, ajyori ohoityenak h’oyalu homok dihwandek hosong, “Othulo lo locama karik lomoryo aning nadwa.”
\v 4 Yesu agilu ainyong igiglo isong, ajyo, “Anyo igigilo ithai asang hamonyong hajak ahani hune?
\v 5 Ilik dijan, “Ahohini eyatha,” dia dijan, “Odothoi karik odahai’?
\v 6 Ithaithak nang de ithai, ara ahani, hijan owon Olonyi l’Othulo h’akolon dihohina eyatha dihap.” Dine ne, ajyo d’othulo laye arobokang lo, “Odothoi thahide, odohu ejothit nahoi, ilo di hang!”
\v 7 Adotho otholu laye arakang lo, alo dihang.
\v 8 Atehuna n’ohothing ahani ne, abangi, efufurye Ojok. disarahina akolon najak ahani d’ohothing.
\v 9 Yesu edihi amaji nya; ajara alo, ahithemi, atehu ohiduduhani l’enyahwa th’ohothing, ilongoi ara Mateo, owoni dimaji h’egyema nanyong. Ajyo donyong, “Othifunu nang.”Mateo adotho th’ahide, athiforo inyong.
\p
\v 10 Awonan nya no Yesu h’anyari di hang ho Mateo, afuni ohoiduduhak h’enyahwo karik ohothing homok hangaterek thoilulung, awoniari ho Yesu karik ohothifok honyong dinyari.
\v 11 Otehuni Ofarisi homok asuduha dinyari ne, efiye ohothifok ho Yesu, “Anyo onyo ohoityenani lothai h’ohothing hojahitha ahani?
\p
\v 12 Ethaningu isong Yesu, etharang, “Aang ohothing hoyiji owak opotho l’ayiji n’ahwan; ti, owahi ohothing hodiha opotho l’ayiji n’ahwan.”
\v 13 Ifwatha othifeyethek ainyong ojyo amanini negero,”Ehandio n’ayiji awak nang, ikara ehuma n’ecangi,’ Aang nang aindu dilongo ohothing homuno abangi, aindu nang d’ohothing hathuhi acohoro.”
\p
\v 14 Thiya ohothifok ho Yoanne afuni difiyo Yesu, ajyori, “Anyo, nara ohoi h’Ofarisi idwa ara ohoi inyo tiibai, ahibu ohothifok hohoi aang hoidwa karik aang onye tiibai kwong?
\p
\v 15 Yesu etharang isong ajyo, “Iwak ithai ohothing hofuni di mutha thaang homunoi ahibu isong h’ohomuthani? Ikara ahani. ti, owon de ofaning lofuni iyarik homuthani adi thosong. Ofuni de idwa, anye tiibai ofaning le.
\v 16 Aang othulo lorifyo abongo angoroi th’akerbuse angejuk, anyo akerebuse angejuk irunga karik afonik amaji nathulo notho bongo ne.
\v 17 Aang dang othulo lobuhok abalu ongejeuk ditha olofengo ongoroi. obulahta olofengo lya obalu obuhoro dihap. Kombwo, obalu ongejuk, thobuhohini ditha h’olofengo ongejuk. Disukai ara nayyu obalu ongejuk karik olofengo ongejuk.
\p
\v 18 Dihide ho Yesu acama ahani, aindu ohoigyemani l’Ojudei donyong, arigongo dihithemi honyong, ajyo, “Aye aitho hindang thenene; iwong ilo ithahi ahas hahoi dihide honyong, isu de.”
\v 19 Yesu adotho athiforo inyong. Ara ohothifok afwoi diput honyong.
\p
\v 20 Athulo naleng ethathaciana abuhyo ahotho oyingathik tomon larehai aindu tholohurong ho Yesu, athin ohuthuk l’abongo nanyong.
\v 21 Inyong na ajyo dithaji honyong, “Ara juk athin nang abongo nanyong, ayyu nang de.”
\p
\v 22 Yesu amijyo tholohurong atehu inyong, ajyo, “Ithakolo, aitho hindang, esarak iye eruhon tholiboro.”Th’omiru hule, ayyu athulo.”
\v 23 Thiya, Yesu ajinga dihang h’ohoigyemani. Atehuna nayong ohobalak h’oyendok h’athariha, ohothing adotho fodok.
\v 24 inyong ajyo, “Ifwatha dingwai ithai bukulung!” Kaang aitho ne hoye – nadiferi ija!” Thiya isong fodok ahendaitho donyong.
\v 25 Ti, athuhon n’ohothing afwan dingwai, Yesu ajinga ditha h’aitho, endep ahinang nanyong, ara aitho ne adotho dihide.
\v 26 Assayo h’arami hune athurohunu d’oker l’aminji nya fodok.
\p
\v 27 Yesu edehi amaji nya; Aden nanyong ahithemi, ongodok arehai athiforo inyong. “Omiehi ohoi, lolonyi ho Davide,”isong hulo ekor..
\p
\v 28 Ajingara no Yesu dithwa, ongodok arehai hulo afwoi donyong, Yesu efiyo isong, “Iruk ithai hijan ocohi nang hethalihyo ithai?” Isong iruhi, “Aa, Lahong.”
\p
\v 29 Thiya, Yesu athin ahonde hasong ajyo, “Thofuho iring neruhorik ithai!”
\v 30 ahonde hasong anyahak ara habilbo dimaji, Yesu acama dosong ara nako, “Hoinyahini arami hune d’othulo loboling kwong!”
\v 31 Ti, afwoi, afurohini assayo ho Yesu d’amasok fodok h’amiji nya.
\p
\v 32 Afwan nya n’ohothing, eyanu ohothing homok do Yesu othulo laang ocama, anyo, owon inyong h’ohoile lomonyong.
\v 33 Ti, angararik nya n’ohoile lomonyong adi, aculuyo othulo le acama. Afalanga ohothing, ajyori, “Kabong ohoi ithehunerek aning najahitha ahani d’Israele!”
\p
\v 34 Ti, Ofarisei ajyori, “Ohobu l’ohoilehio homonyong isarak Yesu akolon nangaterek ohoilehio homonyong.”
\p
\v 35 Yesu nya alo idodororo abothok karik amisok. Etyenio di Sinagogues, enyanyahak Assayo Hayyu Angjuho h’Ohobye, ethalihyo karik ethayijyo ohothing th’adihathik h’opeceni olwarai.
\v 36 Atehuna nanyong elulung n’ohthing, efut othaji lonyong th’amiehunu n’ohothing, anyo, ehayai karik aang alwahio thosong, ajahithi akero haang ohoyohoni.
\v 37 Ahani ne, ajyo d’ohoifahak, “Olat amana, ti, omuthari ohoingongothok.
\v 38 Omojothik do lomonye h’amana, dosulak ohoigyemak hohothai dingongocyo di amana honyong.
\c 10
\cl Ebwayit 10
\p
\v 1 Yesu elongu ohothifok honyong tomon larehai, esarak isong akolon nangaterek ohoilehio homonyori adi karik nethalihyerek opeceni h’adiha.
\v 2 Thene ofuretho h’ohoifahak ho Yesu hulo hulohoi: oithaboithe Simone (loilongo inyong dang, ara Petro) karik Andrea olai lonyong, Yakobo lolonyi ho Zebedeo karik Yoanne olai lonyong.
\v 3 Filippo karik Bartolomeo; Tomaso karik Mateo, ohoiduduhani l’adumathik, Yakobo, lolonyi ho Alfeyo; karik Taddeo;
\v 4 Simone Ozelot, karik Juda Iskariote, lonya ithanyangak Yesu lo.
\p
\v 5 Ohoifahak tomon larehai hulya, honya osulak Yesu, anyahi isong ajyo, “ hoifwatha d’ahap n’ohothing hoikela th’Ojudei karik hoijingara d’abore nabo no Samaria.
\v 6 Kombwo, ifwatha d’okero hathuk alitho, di hang ho Israele;
\v 7 Kombwo, iring ifwo ithai, ityeniethek ara ithai ijyo, “Aindek Ohobye lothohide!”
\v 8 Ithalihyethek ohodihak, inyahunethek ohoyak disu, ithalihyethek ohodihak h’attalulu h’amuhunyong, karik ongaterethek ohoilehio homonyong. Efothu ithai kwong aduma, isarahina dang kwong aduma.
\v 9 Hoidahathik h’ayel, ebindang abong karik anaporong dirohitha hothai.
\v 10 Hoidaha h’olofengo l’ohomojok ara ilo iye d’amiji nabo; heyaru abongo naboling nothosude, ahamuha dia othelek. Ohoigyemak thoisarahini aning nawak isong.
\v 11 Ara eindu iye di bore dia dimiji, ottahithe othulo loyyo ara iye isuka honyong lwai iye anyahara.
\v 12 Ara ejinga iye dihang, imandaye inyong.
\v 13 Ara oyyu ahang ne oindu de elik donyong. Ti, ara aang hoyyu, onyaha de elik dohoi.
\v 14 Iring d’ohothing naang ifothu ithai dia aang ithairye arami hathai, ara ithai hefwo adi th’ahang dia abore nya, ibabahuna atuur adi tho hamuha hothai.
\v 15 Anyahi nang dothai, d’ofaning lakanyo n’arami, oindu de Ojok imiehina ohothoing ho Sodomo karik ho Gomorrah thoh’ohothing h’abore dia amiji nya.
\p
\v 16 “Ithaningyethek, nang lasulak ithai iring akero ditha elulung n’owoho. Ohongotho iring amunuok, ara ithai ilamuha iring aworohocio.
\v 17 Omijethek tuhudik, owoni mwai ohothing hoindafaitho ithai, eyarai ithai dithawejyo, afodohye ithai di Sinagogues.
\v 18 Ofuni de ithai indafaitho karik ethawejye dihithemi ohoidefak h’ahap karik h’ohobusi h’ohothing thonang, dinyahina assayo hadiri dosong karik d’ohothing hoikela th’Ojudei.
\v 19 Ara heyanu iye dithaewjyo, hoithathacianio ahwan ditehan ainyong de ifwo ithai icama.
\v 20 aca arami hefwo ithai icama hune, ofuni de isarahina ithai orii le.
\v 21 Isarak de olai olai thottohori; ara omonye esarak olonyi thottohori. Odothoi de okalifinok d’omonye karik ahathingie, esarahini isong thottohori.
\v 22 Omani ithai de ohothing bukulung th’ofure tholohindang. Ti, logoterek ithai lwai dicuhit, ithalwahunu de.
\v 23 Ara ithalodohye ithai d’abore na, ingerotho d’abore naboling; aca anyahi nang ithai diridiri, aang ithai de ifwo athan’abottok ho Israele, kabong Olonyi l’Othulo athuk ainduna.
\p
\v 24 “Aang oitho leyeyena lokalu ohoityenani lonyong. Aang ongaca lobolo thoh’oindefani longyong.
\v 25 Inyong na, ira ohoiyeyenani efongon awonan ara ohoityenani lonyong, ongaca, ara ohoindefani lonyong. Ara lahong l’ahang lelongoi ara Beelzebul, ilongoi de dang ohothing h’ahang ne th’ofuretho thohomonyong okalak!
\v 26 “Inyong na, hoibangatha othulo. Aning nemuho thenene, ofuni de ibuthohina; karik aning nedima, ofuni de ithalyehina. Aning naang otehi, ofuni de isarahina thotehi.
\v 27 Arami hanyahi nang ithai ditha h’omudwe hune, owak inyoryo ithai anyahina th’afaning, karik aning nethairu ithai hamaring, owak ilolongok ithai thohide h’efithe n’athwa.
\v 28 Hoibang ohothing hoithayeyo ahwan, ti, aangi ocohini ethayeyo ohoile; kombwo obangatha Ojok, locohi etharohojyo ahwan karik ohoile ditha h’ahimang.
\v 29 Aca enyahwo tiibai, ocohini ithai enyangunerek ohokumok h’ohuju arehai, ti, aang ohokumokthi juk aboithe lodou dihap kwong eruhohina no Lemonye.
\v 30 Iring dohoi, juk ohofir hothohu hohoi hulya, athuhi ehera bukulung.
\v 31 Inyong na, hoibangatha; okalu ayiji nahoi aboithe n’ohokumok olwarai.
\v 32 Othulo lonyahi dihithemi h’ohothing hijan inyong hindang, anyahi nang de dang ahani dihithemi ha Lalamonye dihide.
\v 33 Ti, ara orisa nang lobo dihithemi h’ohothing, arisa nang de inyong dihithemi ha Lalamonye lothodihide.
\p
\v 34 Hoijaratha aindu nang diyanu elik dihap. Ikara. Aaindu nang diyanu odemi loromyerek.
\v 35 Aindu nang dithacuhonini olonyirok h’omonye. ahanerok h’ahathingie, afuretho h’olonyirok h’ahamurak,
\b
\v 36 omerok hohoi homonyori bebe, isong de ohothing h’ahang nathai.
\v 37 “Ohothing homuno omonye dia ahathingi okalak nang, aang ocohi dosong diwonan ara ohothifok hundang; ohothing homuno olonyi dia angering okalak nang, aang ocohi dosong diwonan ara ohothifok hundang.
\v 38 Ohothing haang odohoro akruce nasong athiforoi nang, aang osiruni awonnan ara ohothifok hundang.
\v 39 Ohothing hothemyo arimahina esu nasong, ithalithohini de inyong; ti, ohothing hoithalithok esu nasong thonang, orimahini de esu nasong.
\p
\v 40 “Othulo loifothu ithai tuhudik, ifothu nang tuhudik; loifothu nang tuhudik, ifothu le lonya osulu nang lo tuhudik.
\v 41 Othulo loifothu ohocoroni th’ofure, lothol’ohocoroni, ifothu de esorio n’ohocoroni; loifothu othulo lobis, th’ofure tholo’othulo lobis, ifothu de dang esorio n’othulo lobis.
\v 42 Loisarak do lobo thohottik hulo ahari hamathai helik, th’ofure tholo’ohothifoni, diri ajyo nang dothai, aang de kwong ithalithok esorio nanyong.”
\c 11
\cl Ebwayit 11
\p
\v 1 Aindu nya iwonan, athuhon no Yesu anyanyahina ohothifok honyong tomon larehai hulo esarithi, edyaharu amaji nya, alo dityenio dibothok hosong.
\v 2 Ethaninguna no Yoanne Batista, dimaji h’efitha, asang hehandyo Kristo, asulak ohothifok honyong donyong.
\v 3 “Inyahina ohoi,” ajyo isong hulo donyong, “Inyong iye lya lojyori loindu de lo, dia ithifeyo ohoi loboling?”
\p
\v 4 Yesu etharangyo, ajyo dosong, “Ifwatha dinyahina Yoanne ainyong ethairu ithai karik ainyong etehu ithai.
\v 5 atehuni ongodok, adahai opalak gwo, hodiha adihathik hengari, alibori, ethaningu othuhok, enyahunai ohoyak d’esu karik enyanyahahini Assayo Angejuho d’ohoicyanak.
\v 6 Othulo laang iboso thonang, thomunoi”
\p
\v 7 Omiru hafwarik ohothifok ho Yoanne adi, acama Yesu d’elulungi h’ohothing thonyong: “Afwan nyana nathai ditere, ainyong inya iwak ithai atehuna? Amiyang ewothol newahatho ahomwa?
\v 8 Ti, ainyong nya ifwo ithai ingengelyo? Othulo lotodo abongoitho hajon? Ohothing hoiyofo ahani, amanyai d’ahangithek h’ohobusi.
\v 9 Inyahina nang ainyong ifwo ithai itihyo diya? Ohocoroni? Aa do, ti, etehu ithai okalak ohocoroni.
\v 10 Aca inyong lya lonya egerohini amanini, ‘Ottiha, nang lasulak ohifak hindang dihithemi hohoi, lolo ihuhumyo oyihoi lohoi dihithemi hohoi.’
\v 11 Anyahi nang dothai diri hijan th’ohothing hoisu angorwo awang lobolo hto Yoanne Batista. Ti, lotti ditha Ohobye lothohide, obolo tho Yoanne.
\v 12 Hara th’omiru hoityenerek Yoanne Batista ocame lonyong lwai hongorna, ethathacianie Ohobye lothohide th’eribo, karik dang athemyo ohoiribok endefuna inyong na.
\v 13 Hara th’omiru ho Yoanne, ithabuho ohocorok karik oyano acama arami h’Ohobye;
\v 14 karik ara iwak ithai eruhon arami hasong, hajyo Yoanne inyong Elija, lonya athuhi acorohina ainduna nanyong.
\v 15 Ithaningie hathi, ara iwon ithai h’eyoha!
\v 16 “Thene, d’ainyong de ngona etharijyo nang ohothing h’ofaning lo? Ojahithi okalifinok howoni dimaji h’enyanga karik ethanyangio: ilolongo elulung nabo, elulung nabo, omurut dihide,
\v 17 hijara, ‘Ehutha ohoi afakile dothai, ithai aang hoisur; ohoi ikor, ithai aang hoithangeryo ehiyo.’
\b
\v 18 Aca oindu nya Yoanne, ikara dinyo angiryang karik dimatha obalu. Ara ohothing bukulung ajyori, “Owon h’ohoilehio homnyori ditha honyong.”
\v 19 Ajara nya Olonyi l’Othulo aindu, anyo, amatha: ara isong hulo ajyori, “Idorotho othulo lo; onyo karik amatha bebe, awon ara omotte l’ohoiduduhak h’enyahwo karik omotte l’ohoholak. Ara olofiyoro h’Ojok ethaithahini, ti, ara hobis, th’asang thahafuk.”
\p
\v 20 Ahani ne, ohothing honya th’abottok hehandyerek Yesu asang hafalangai huna, kabong hoiloyithoi adi th’eyatha hasong, aburunai; thiya Yesu eringyo isong,
\v 21 Etharinyak nya Yesu dosong, “Aang de bai omonyong dohoi, Koransin karik Betsaida, doisukaitha hothai homonyong hulya.” Ara nya ehandye asang hamonyong ahani di Tyre karik di Sidone, cuna ohothing hothiya athuk aburunu: iyofoi alyenyi karik afurai ahinwarang dihosi.
\v 22 Oindu de ilahan do Tyre karik Sidone thothai, d’ofaning lofunerek ikanyerek arami hothohide.
\v 23 Iring tholohoi, Kapernaum, ijyo iye odohohini iye de dihide diri? Ara nya ehandye asang hune hahittwak di Sidone, iring nehandyerek dohoi, ira arami hua irahan lwai hongorna?
\v 24 Ti, ajyo nang dothai, ilak de iwonan dihap ho Sodomo thonoi, d’ofaning lokanyerek arami.
\p
\v 25 D’orii le ajyo Yesu, “Amojyo nang iye, Monye, Ohobu l’ahide karik l’ahap, anyo idimaitho iye asang hune th’ohothing hoilofioro karik hotehi abisan, ara iye inyahi d’ohothing hokabong iyeyena, iring okalifinok.
\v 26 Aa do, Monye, aca omu nya dihithemi hohoi.
\v 27 Athuk Lalamonye esarahina nang asang bukulung. Aang lotek Olonyi arahari Omonye; aang lotek Omonye arahari Olonyi karik arahari ohothing honyimu inyong dithalyehina inyong dosong.
\v 28 “Ithai bukulung ohothing hoithathaciana adohoitho asang hawuk, ifuna donang. Esarak nang de ithai ayiri.
\v 29 Iduhuna adi aning nedingo ithai, ara ithai iyeyena thonang, arayo, ayyu nang karik ilik nang othaji; irimak ithai de ayiri n’ohoilehio hothai.
\v 30 Aca ilik ethathaciana nesarak nang de dothai karik iyelehe de awuhan nesarak nang de dothai.”
\c 12
\cl Ebwayit 12
\p
\v 1 D’orii nya le, alo Yesu d’Odomonika, abongoro thal’ amandak h’ohima. Oleng nya ahure ohothifok honyong, akweye ewa h’ohima, anye.
\v 2 Ti, atehuna n’Ofarisei arami hune, ajyori do Yesu, “Idoro, ihandyo ohothifok hohoi asang haang obis dihandyo d’ofaning l’Ojok.”
\p
\v 3 Yesu ajyo dosong, “Bai ithai hehena ainyong ihandyo Davide karik ohothing hoigyema honyong ahibu isong ahure oleng?”
\v 4 Alo dithwa h’Ojok onyo anyari nehumarik naang ocohi donyong karik ohothithing hoigyema honyong anyo dithwa h’Ojok.
\v 5 Kabong ithai ihena oyihothik h’abisan, hojyo d’ofaning l’Ojok etharohojyo ohoigyemak d’ofaning l’Ojok, ti, kaang hoiyauni.
\v 6 ti, ajyo nang dothai owon lobo dine loikau athwa n’Ojok.
\v 7 Ongida izai igigilo asing ho Ojok diza amaninihio: 'Awang egema za amiehunu do ohozing, ikara esorio no Ojok ti.' Ara itek izai ainyong ojo inyong, awang izai iruk ingocho ohozifok hundang ara namonyo, ha kaang ihandio aning namonyo.
\v 8 Nang Olonyi lo Ozulo, awon nang ha akolon dinyahina ohozing aning nehandio isong do ofaning le ezaleji."
\p
\v 9 Yesu edyaharu amaji nya, alo di Sinagogue.
\v 10 Otihatha, owon inya na othlo laye ahinang nayong. Ofarisei efiyo Yesu, ajyori, “Obis re ethalihyo othulo lodiha d’Ofaning l’Ojok?” Owahi arimahina oyihoi lojararik isong eyau Yesu.
\p
\v 11 Yesu ajyo dosong, “Ngai thothai iduhunu, ara apwaharu oker lonyong aboithe ditha agulume d’ofaning l’Ojok, aang hethahoru oker lonyong lya?
\v 12 Ara thanathai, awang ayiji n’othulo okalu ayiji n’oker!?” Oyyu do ti, ehandyo aning nayyu d’ofaning l’Ojok.
\v 13 Thiya Yesu ajyo d’othulo laye ahinang lya, “Odongok ahinang nahoi. Othulo lya adongok ahinang nanyong; ahinang anyahak dimamji honyong, ajahihterek nanya hoyyu ingyong na.
\v 14 Ofarisei afwo dindak dittahitha oyihoi lottidunerek attohorik inyong.
\p
\v 15 Atehan no Yesu ainyong owahi Ofarisei ehandyo donyong, edyaharu amaji nanya, alo adi. Athiforo ohothing holwari inyong lo; inyong ethalihyo isong bukulung.
\v 16 Inyong lo anyahi homok thosong thaang honyahi amaji mawonderek inyong.
\v 17 Ihandyo ahanya dofuni arami hanya onyahi Ojok thol’ohocoroni Isaia, iwonan ara hadiri:
\q
\v 18 “Ohoigyemani hindang lo, lathuk nang anyimuna, inyong lamuno nang karik lamuno nang ditha honyong. Asulak nang de Ohoile hindang donyong, doindu ilolongohina akanyo hindang amisok.
\q
\v 19 Aang de inyong oindu ilafere dia ithethena karik acama bebe diyihothik.
\q
\v 20 Aang de oindu ikilyo amiyang nakulo dia ithadunyo ahiryai nawulo, Inginyo de lwai inyong ateluna dirimahina abisan,
\q
\v 21 karik ditha honyong, ofuni de ohothing isarahina eyihina nasong.”
\p
\v 22 Thiya ohothing homok eyanu do Yesu othulo longodo karik athauho, anyo, owon ditha honyong ohoile lomonyong. Yesu ethalihyo inyong: inyong lo acama karik atehu.
\v 23 Afalanga elulungir h’ohothing bukulung d’asang hehandyo Yesu hune, ajyori, “Ocohi donyong diwonan ara Olonyi lo Davide?”
\p
\v 24 Ethaninguna n’Ofarisei arami hune, isong etharangyo, “Ongatterek inyong lo ohoilehio homonyori adi, anyo, Beelzebul, ohobu losong isarak inyong akolon.”
\p
\v 25 Atek Yesu ainyong igigilo isong, ajyo dosong, “Amiji nebwayo ahwan nanyong ditha elulungir heriborik nabo, aang omanyai orii hohodo. Karik abore nebwabwa th’oyihethik dia th’ahangithek, eriborik nabo, opwaharai de dihap.
\v 26 Inyong na, ara ongaterek Sitan Sitan, orwang iring ijan ohobye lo Sitan ipwaharu; orwang iring ajaran athuhi inyong ebwabwayo ara elulungir hafwo de ipwaharu kwak adi!
\v 27 Ijyo ithai angaterek nang ohoilehio homonyori anyo esarak nang Beelzebul akolon nanyong dihandyo ahani. Oyyu, ngai isarak ohothifok hothai akolon dingaterek isong adi? Aning nehandyo ohothifok hothai, onyahi hijan ipal ithai!
\v 28 A a, ikara Beelzebul, ti, Ohoile l’Ojok isarak nang akolon dingaterek ohoilehio homonyori adi, nethaithak hijan athuk Ohobye l’Ojok ainduna dothai.
\v 29 “Awang othulo locohi awuryo athwa n’othulo loko, eyaru attitto hanyong adi, ara kabong dodo hothoryo othulo loko lya, arujyo hathi athwa nanyong.
\v 30 “Othulo loida nang, ongica honang diri; laang olwahyo nang disuduhyo, lodi sasahacyo nang.
\v 31 Karik nang thonyahi ithai hijan, ocohi dimiehina ohothing d’eyau dia aning namonyong najyo isong, ti, lehandyo aning namonyong d’Ohoile Lodwa, aang de omiehini.
\v 32 Locama aning namonyong d’Olonyi l’Othulo, ocohi dimiehina; ti, locama aning namonyong d’Ohoile Lodwa, aang de omiehini - thenene dia mak.
\v 33 “Diwonan h’ahayocong nayyu, owak iwon iye h’ohiyani loyyu ahwan nanyong; ara iwon iye h’ohiyani lomonyong, iwon iye de dang h’ahayocong namonyong. Otehi ohiyani th’ahayocong than’edoyo inyong.
\v 34 Ithai amukok n’amunuok – angai icama ithai asang hayyu, ahibu ithai imonyong? Aca ocama ahuthuk asang hefut dithaji.
\v 35 Iyanu othulo loyyu asang hayyu thathah’akoro n’asang hayyu; ara othulo lomonyong, eyanu asang hamonyong thathah’akoro n’asang hamonyori.
\v 36 Ocohi dothai ditehan tuhudik hijan d’Ofaning l’Akanyo, ofuni de iwahan th’ohothing abok abok thonyahi arami hamonyori hacama isong.
\v 37 Ocamitha hothai ofuni ithai de ikanyerek – difuna inyahinerek dia ibis iye dia epal iye.
\p
\v 38 Thiya, ohoityenak homok h’oyalu karik Ofarisei homok acama dihide, “Ohoityenani, “isong ajyori, “iwak ohoi iye atehuna ihandyo asang hafalangai.”
\p
\v 39 “Angai omonyori karik angai aang ohothing howoni ara h’Ojok d’ofaning lo!” Ajyo Yesu th’afalanga, “Ifiyo ithai nang aning nafalangai? A a! Aning aboithe nafalangai nesarahini dothai, inyong aning nafalanga n’ohocoroni Jonah.
\v 40 Iring nanya isukarik Jonah ditha h’ohome operok aunihoi karik oharyethik aunihoi, oindu de dang Olonyi l’Othulo isuka dithah’audori n’ahap, operok aunihoi karik oharyethik aunihoi.
\v 41 D’Ofaning l’Akanyo, ofuni de ohothing ho Niniveh iwetha ajyori epal ithai, anyo, eloitho isong adi th’eyatha hasong, ethaningye ettittoyo no Jonah; karik nang anyahi ithai hijan dini, owon aning nabo nakalu Jonah.
\v 42 D’Ofaning l’Akanyo, oindu de Ahabu no Sheba iwetha thahide ajyo epal ithai, anyo, alo inyong na thomiji honyong dithaningyo etyenio n’olofioro n’Ohobu Solomone; karik nang anyahi ithai hijan dini, owon aning nabo nakalu Hobu Solomone!
\v 43 Ara ohoile lomonyong lalo adi th’othulo, olo d’amiji nayoho dithifeyo amaji nayiryarik. Ara aang orimak nabo,
\v 44 ojyo d’ahwan nanyong, ‘Anyaha nang de dihang honang.’ Thiya, anyaha, arimak athwa nanyong aang othulo thiya karik ara nafiya karik ehuhuma tuhudik..
\v 45 Thiya, alo dindak diyanu ohoilehio cofa hokalak inyong thamonyori, afuni iska diya. Thiya, ajara asang fodok athuho, etharohoja othulo lya fodok okalak nanya thoculwe. Asang de hune hafuni ifuhon d’ohothing omonyorok h’ofaning lahanana.”
\p
\v 46 Hocama Yesu h’ohothing ahani, edwong ahathingi h’olarok. Awethi dingwai, owahi acama honyong.
\v 47 Loboling th’ohothing ajyo donyong, “Idoro, nehathingi karik holoilai howetha dindak, owahi acama hohoi.”
\p
\v 48 Yesu etharangyo, “Ngai nanahathingi? Hongai halalalai?
\v 49 Thiya anithok ahinang nayong d’ohothifok honyong, ajyo, “Idorotho! Nanahathingi karik olarok hundang hulo!
\v 50 Loihandyo aning nawak Lalamonye lothohide, inyong lalalai, nanahani karik nanahathingi.”
\c 13
\cl Ebwayit 13
\p
\v 1 Ofaning le, edehi Yesu ahang, alo dipogo h’ajor; awoni diya dityenio.
\v 2 Esarak nya elulung nahittok n’ohothing nasuduha diker honyong, inyong aden ditha h’aroko, awoni diya, ahibu ohothing owetha difohor h’ajor.
\v 3 Ocama nya inyong lo th’etharijitha, dinyahinerek asang olwarai. “Owon nya othulo lolo diyeyo ohinyomo h’ohima.
\v 4 Ayeyo nanyong ohinyomo dimana, adowuni homok diyihoi, ara ahwen afuni, alutharai isong adi.
\v 5 Homok adowuni dihide h’ahap nalwari omorik diya ahibu aboro omuthari. Ara ohinyomo kwak amuda, anyo, aangi aboro hafwo adihap bebe.
\v 6 Ti, ainduna nya n’oholong, amudai ohima hottik hobulu; karik kabong ohade hojinga dihap tuhudik, abocori ayohoji kwak.
\v 7 Homok ohinyomo adwuni ditha h’ehwa habolori, aromye amat habulu hune.
\v 8 Ti, homok ohinyomo adowuni d’aboro hayyu, ara ohima angidari ara hoyyu; arimak homok ebetheha h’ohima, hulo esihe athomone inde, homok esihe athomone aunihoi.
\v 9 Yesu engohi ocame lonyong, “Ithaningyethek, do ti, ara iwon ithai h’eyoha.”
\p
\v 10 Thiya ohothifok afuni do Yesu efiye inyong, “Anyo icama iye d’ohothing th’etharijitha?”
\p
\v 11 Yesu etharangyo, “Atehan n’arami hedima h’Ohobye lothohide, athuhi esarahina dothai, ti ikara dosong.
\v 12 Aca, othulo lowon haning nabo, donyong de isarahini nabo, dowon haning nakalak nawon donyong; ti, othulo laang aning nabo thonyong, juk tiibai nawon honyong ne, iduhuni de adi thonyong.
\v 13 Arami hesarak nang acama dosong th’etharijitha, anyo, omijyo isong hulo, ti, aang otehuni, karik ethayirgye, ti, aang ithaninguni karik aang otehi tuhudik.
\p
\v 14 Inyong na, acorio no Isaya, ocohi dosong thurubuk: ‘Ithayirye, ethayirye de ohothing hulya, ti, aang otehi tuhudik; omijyo isong, omijye, ti, aang otehuni,
\q
\v 15 Anyo, othehoi ahosi hasong, athuhi aduneyo eyoha hasong, athuhi emuthahina ahonde hasong. Ara ikara ahani, irahi ahonde hasong itehuna, irahi eyoha hasong ithaninguna karik irahi ahosi hasong itehan tuhud karik ira isong iloitho donang, ojyo Ojok, karik nang isong ithalihyo.’
\v 16 Iring dothai, angai de berien ileng ithai! Otehuni ahonde hathai, eyoha hathai ithaninguni.
\v 17 Anyahi nang ithai tuhudik, ohocorok karik ohothing h’Ojok holwari, awahi atehuna ainyong itehu ithai, ti, aang ocohi isong atehuna; karik awahi ethaninguna, ti, aang ocohi isong ethaninguna.
\v 18 Ithanignyethek, hoi, ainyong ojyo etharije n’ohoyeni l‘ohinyomo.
\v 19 Ohothing hoithairu ocame l’Ohobye, ti, aang otehi tuhudik, isong hojahitha ohinyomo hodowuni dihiji h’oyihoi. Ara Omonyoroni Lo aindu ilutharu ohinyomo adi.
\v 20 Ohinyomo hodohi d’amaji nakek ara omorik, awetha dimaji h’ohothing hoifothu ocame th’amuno, ara hethaningyo.
\v 21 Ti, aang odiyoroi ara nawudo dihap ditha hosong; awang homanyai omiru holwa. Inyong na, ara ethagyemio dia ethathaciana naindu th’arami thoh’ocame tholo ithaningu isong, abocori attaluho.
\v 22 Ohinyomo hadou ditha ehwa owetha d’ohothing hoithaningyo ocame, ti, ehaya n’amanya nothohop karik amuno n’enyahwo akoryo ocame; iring ohiyani, aang ithadoyo ahayo.
\v 23 Ara ohinyomo hodohi d’ahap nayyu awetha d’ohothing hoithaningu karik atehi tuhudik ocame: idoye ahayo, homok hosong olwarai iring esihe athomone inde karik homok esihe othomone aunihoi.”
\p
\v 24 Yesu anyahi isong aryamara naboling: “Ojahitha Ohobye lothohide ahana. Ayehi othulo ohinyomo hoyyu di mana honyong.
\v 25 D’oharie nya lobo, aindu omerohothononi ahibu ohothing athuk ajothoro, ayehi ohanger h’athanyan ditha ohima, alo adi.
\v 26 Abolori n’ohima, ewa hasong aleyori, athanyan dang ethalyehi ahwandek.
\v 27 Ohoigyemak h’ohoromoni, ajyori donyong, “Lahong, ohinyomo nya hoyyu iyehi iye dimana hohoi; thongai oindu amiyang n’athanyan ne?’
\p
\v 28 ‘Omerohothononi nya lobo ihandyo arami hune,’ inyong etharangyo. ‘Iwak iye ohoi thoifwai orucye amiyang nya adi?’ isong efiyo inyong.
\p
\v 29 “A a,” inyong etharang, ‘anyo, dirucyo hothai, tek ithai iryafu aruthuna h’ohima.
\v 30 Ohima karik athanyan hune thoboloro tok dingongocio. Aindu nang de inyahina ohoingongothok thorucye amiyang dodo adi, athoryo ara ahosi; edwehini adi. Thiya ithai hathi ingongocyo ohima, ara ithai isarak di koro honang.’”
\p
\v 31 Yesu anyahi aryamara nabo dosong: “Ojahitha Ohobye lothohide ahana. Eduhu othulo ohangercong lotti bebe, edulak dimana honyong.
\v 32 Omutha ohongercong lya diri bebe, ti, ara labolo, okalak de oyani bukulung th’abolori. Oindu de iwonan ara ohiyani lofunerek ahwen iduhorik athwahio hasong dithandak honyong.
\v 33 Yesu anyahi isong ikoti aryamara naboling: “Ojahitha Ohobye lothohide ahana. Owon nya athulo neduhu omundo, eharuhi h’ahifa ethemithi athomone arangwan tok eyafutha ara narijoro see.
\p
\v 34 Ocama nya Yesu th’aryamarihio, dinyahinerek asang halwari d’elulungir h’ohothing; aang nya ira icama dosong kwong aryamarihio.
\v 35 Ihandyo ahanya, dofuni arami h’ohocoroni iwonan ara hadiri: “Acama nang de aryamarihio, ara nang lacama dosong. Anyahi nang de isong asang haang otehi, gee thoyeyo ahap.”
\p
\v 36 Edehina no Yesu elulung n’ohothing, ajinga dithwa, afuni ohothifok honyong ajyori donyong, “Inyahi ohoi ainyong aryamari n’athanyan amiyang dith’amana.”
\p
\v 37 Yesu, etharangyo, “Othulo loyehi ohinyomothi loyyu, inyong Olonyi l’Othulo;
\v 38 Amana inyong ahap; ohinyomothi loyyu, inyong othulo lowon ara l’Ohobye; athanyan isong ohothing howon ara h’Omonyoroni Lo;
\v 39 Omerohothononi loyehi athanyan, inyong Sitan; engongocio inyong ecuhit n’oper; ohoingongothok, isong anjelohio;
\v 40 Iring aworye karik aswahahini athanyan, ahani de dang ofuk dicuhit h’oper:
\v 41 osulak de Olonyi l’Othulo anjelohio disuduhyo adi th’Ohobye osang hoisarak ohothing eyauna karik isong fodok hoisarak ohothing ehandyo asang hamonyori,
\v 42 karik amirok isong dith’ahimang, amaji nawon de diya ekoron karik erocio n’ohala.
\v 43 Thiya, owuloi de ohothing h’Ojok iring oholong dith’Ohobye l’Omonye losong. Lowon h’eyoha, thoithairye!
\p
\v 44 Ojahitha Ohobye lothohide ahana. Afuk d’othulo loboling dirimahina abara dith’amana karik amuhak ikoti; thiya ne, awahu ethanyangahina asang hanyong fodok thamuno, ara inyong anyaha dinyanguna amana nya.
\v 45 Karik dang, ojahitha Ohobye lothohide ahana. Owon othulo lothifeyo onyahuthong lolibo, ako,
\v 46 arimahina nanyong aboithe lokalak th’alibori karik th’akolon, alo, alo ithanyangahina asang hanyong fodok, enyangu onyahuthong lya.
\p
\v 47 “Karik dang ojahitha Ohobye lothohide ahana. Omirok ohoyapohak abwoi dith’ajor, endefuni opeceni fodok h’ohom.
\v 48 Efuthan nabwoi, efihuni difohor; ara isong awoniari dibwayo ohom: ohom hoyyu hulo, esarahini dimuthuhi, ara homonyori acohoroi adi.
\v 49 Oindu de ijahitha ahani dicuhit h’oper; ofuni de anjelohio ifwan dindak disuduhyo ohothing homonyori thoh’oyyu,
\v 50 karik afuni de imirohina isong dith’ahimang, nafunerek isong ikor, erocye ohala.
\p
\v 51 “Itek ithai tuhudik asang hune?” Yesu efiyo isong. “Aa,” isong etharangyo.
\p
\v 52 Ahani ne, inyong etharangyo, “Onyahi asang huna hathi ahana: ohoityenani l’oyalu, loindu iinduna ara ohothifoni ditha h’Ohobye lothohide, oindu ijahitha lomonye h’ahang loiduhu asang angejuho karik angoro adi tho koro honyong.
\v 53 Athuho no Yesu enyanyahahina isong aryamarihio, edyaharu amaji nya,
\p
\v 54 alo d’abore n’ahang nanyong. Etyenio di Sinagogue, ara ohothing hethairu inyong afalanga. “Thongai orimak inyong elofioro najak ahani?” isong efiyo. “Ara asang hafalangai hanyong?
\v 55 ikara inyong olonyi l’ohosathani lahyek? Ikara Maria ahathingi nayong? Karik ikara Yakobo, Yosefo, Simone karik Juda olarok honyong?
\v 56 Aang ara dini isuka ahanerok hanyong? Dingai orimak asang hune fodok?”
\v 57 Ahani ne, edari isong inyong. Yesu ajyo dosong, “Obangi ohocoroni d’amasok bukulung, arahari dibore h’ahang nanyong karik ahang nasong.
\v 58 Anyo, aang owoni heruhon; kabong inyong lo dang ihandyo asang hafalangai olwarai diya.
\c 14
\cl Ebwayit 14
\p
\v 1 D’omiru hule, ethairu nya Erode, ohoindefani lo Galilea, assayo ho Yesu.
\v 2 Ajyo d’ohoigyemak honyong, “Inyong lya Yoanne Batista; ebuhu th’oye.” “Inyong nawon inyong h’akolon nehandyerek asang hafalangai.”
\p
\v 3 Aca endafaitho nya Erode Yoanne karik efithak inyong, th’arami thoho Erodias, afure n’olai. Fillipo.
\v 4 Anyahi nya Yoanne Batista Erode hijan, “Aang obis dohoi diruthahina nafure holoilai Fillipo, Erodias!”
\v 5 Awak nya Erode attohoro inyong, ti, obang nya Ojudei, anyo, dosong, inyong nya lo ohocoroni.
\p
\v 6 D’amuno n’ofaning lothamanarik Erode, esur nangaring h’Erodias dihithemi h’elulung n’ohothing. Amuno nya Erode, eruhok donyong,
\v 7 “Epitha nang, esarak nang iye de aning nefiyo iye thonang!”
\v 8 Th’alwahio than’ahathingi, efiyo nangaring h’Erodias inyong, “Isarak nang dini, thenene ditafu ahu no Yoanne Batista!”
\v 9 Adiha othaji l’ohobu, ti, anyo, athauk inyong eruhohina dihithemi h’ohothing, efahak hijan aning nawak inyong thesarahini donyong.
\v 10 Ahani ne, abonguni ahu no Yoanne Batista dimaji h’efitha.
\v 11 Eyanai ahu ditafu, ethafothohini dan’anagring h’Erodias; inyong na eyahak ahathingi.
\v 12 Ohothifok ho Yoanne afuni iyaru ahwan no Yoanne afwoi inuhahina. Thiya, afwoi inyahina Yesu.
\p
\v 13 13 Ethaninguna no Yesu assayo h’aye no Yoanne, edyaharu amaji nya th’aroko, alo th’ahwan d’amaji nanyong hamaring.
\v 14 Yesu adohu adi tho roko; atehuna nanyong elulung nahittok n’ohothing, amiehunu, ethalihyo hodiha thosong.
\v 15 Nya th’athari, afuni ohothifok honyong donyong, ajyori, “Aang oholong karik olama amaji ne. Ohothing thoifwa dith’amisok dinyangahina ahwandek anyari.”
\p
\v 16 “Aang ofwoi,” Yesu etharangyo. “Ithai th’ahwandek, isarahina isong aning nabo dinyo!”
\p
\v 17 “Asang fodok hewon ohoi hosong hini, elolongitha h’angiryang miyet karik ohom arehai,” isong etharangyo.
\p
\v 18 “Iyanethek hoi isong donang hini,” Yesu ajyo.
\v 19 Inyong anyahi ohothing thowoni dihap dihide h’amiyang. Eduhu elolongitha miyet h’angiryang huna karik ohom arehai hulo; amijyo dihide, afurak Ojok ahinwarang; epipinyo elolongitha h’angiryang, esarak d’ohothifok honyong; ara ohothifok esarak isong d’ohothing.
\v 20 Efong ohothing bukulung ara nacohi. Thiya, ohothifok ethafuthak okatino tomon larehai th’afithono than’anyari.
\v 21 Arahi nya ohothing, aang hoiherye angorwo karik okalifinok h’akalifinok, 5,000.
\p
\v 22 Thiya Yesu ethacurok ohothifok honyong di roko, thoifwa ahithemi d’oyirik lobo l’ajor, ahibu inyong leru asulak ohothing thoifwa adi.
\v 23 Athuhon nanyong asulahina ohothing adi, alo dihide h’odonge hamaring di mojyo. Edwongon n’athari, orimak Yesu hamaring;
\v 24 d’orii lya, aroko olamarai dith’ajor, ahibu ahamwoitho n’ahari inyong igugungyo, anyo, owam nya ahomwa nahittok ado inyong.
\v 25 Dihiji h’omiru aunihoi karik inde h’amoithe berien, aindu Yesu d’ohothifok honyong, ahibu inyong oduha th’ahide than’ahari.
\v 26 Atehuna nasong inyong adaha dihide h’ahari, abangi. “Ohoile re!” ajyori isong, karik erwahai th’abangi.
\p
\v 27 Yesu acama dosong kwak. “Ithakolotho,” ajyo inyong. “Nang lya. Hoibangatha!”
\p
\v 28 Thiya Petro elolongo, “Hobu, ara iye lya diri, inyahi nang thoindu dindak dohoi th’ahide than’ahari.”
\p
\v 29 “Iwong!” etharangyo Yesu. Ahani ne, Petro aculuyo adaha ahide n’ahari do Yesu.
\v 30 Ti, eisuna nanyong ahomwa nako, abang, abocyo adiyoro dith’ahari. “Ithalwahu nang, Hobu!” inyong lo ekor.
\p
\v 31 D’orii lya, Yesu kwak ewawar, ethahoru endefuna ahinang nanyong, ajyo, “Ya, angai beriena omutha eruhon nahoi! Angai iririhitha iye diruhon?”
\p
\v 32 Ara isong arehai ecurok di roko. Ara ahomwa awetha.
\v 33 Thiya, ohothifok ditha h’aroko, amojyoi do Yesu.“Diri, iye Olonyi l’Ojok!” isong eliliha.
\p
\v 34 Isong alangitha ajor, afwoi d’ahap no Gennesaret,
\v 35 amaji nateharik Yesu. Ahani ne, asulahini isong d’ohothing hodiha dith’amiji, eyanai isong do Yesu.
\v 36 Isong hulo amojyoi inyong thohorik ohodihak thothino juk eker ti n’abongo nanyong; ara ohodihak hathin, ayiji.
\c 15
\cl Ebwayit 15
\p
\v 1 Thiya Ofarisei homok karik ohoityenak h’oyalu afuni tho Yerusalem do Yesu, efiye inyong,
\v 2 “Anyo theene bai, naang ohothifok hohoi othifoitho etyenio nefothuni th’ohohonyo hohothai? Aang ofiniai tuhudik dihithemi h’anyari!”
\p
\v 3 Yesu etharangyo, “Anyo aang ithai ithifoitho efahit n’Ojok, ara ithai ithifoitho etyenio nathai hamonye?
\v 4 Aca ojyo Ojok, ‘Obanga lemonye karik nehathingi, karik ‘Lofyethak omonye dia ahathingi, awak ithayehini inyong.
\v 5 Ti, ityenio ithai hijan ara owon othulo h’aning nacohi inyong alwahyerek omonye karik ahathingi, ti, ajyo, ‘Owon na ara n’Ojok!’
\v 6 aang inyong lo ithahabuyo omonye lonyong. Th’oyihoi tholya aang inyong lo othifoitho efahit n’Ojok, dithifoitherek etyenio nathai hamonye.
\v 7 Ithai odwalak! Angai nya obis Isaia dicoryo thoithai!
\q
\v 8 ‘Ohothing hulo, ojyo Ojok, ithahuye nang th’ocamitha thohosong, ti, olama othaji losong diri thonang.
\q
\v 9 Awang ohwadu aning nabo dosong dimojyo donang, anyo, ityenio isong hulo oyihothik hoisukarik othulo, iring oyano hundang!’”
\p
\v 10 Thiya Yesu elongo elulung n’ohothing donyong, ajyo dosong, “Ithaningyethek ara ithai itek tuhudik!
\v 11 Ikara aning nalo tholohuthuk h’othulo inyong isarak inyong alibori dimojyo, ti, aning naindu tholohuthuk ithabocyo inyong.”
\p
\v 12 Thiya ohothifok honyong afuni donyong, ajyori, “Aang iye itek deene hijan odihari arami hecama iye d’Ofarisei?”
\p
\v 13 “Ofuni de iruthuna adi, ohiyani lakabong Lalamonye idulak dihide,” Yesu etharangyo.
\v 14 Hoithathacianio ahwan nahoi thosong! Isong hulo ohoityenak ongodok h’ongodok; ara othulo aboithe longodo ithaicyo ongodoni lobo oyihoi, opwaharu isong arehai fodok dicundom.”
\p
\v 15 Petro acama omurut dihide, “Inyanyaha d’ohoi ocame lya.”
\p
\v 16 Yesu ajyo dosong, “kaang ithai ilofioro tuhudik, tholohide hohomok.
\v 17 Aang ithai itek tuhudik? Aning nalo tholohuthuk h’othulo, dihohye honyong olo, alo inden adi thohwa honyong.
\v 18 Ti, asang hafuni tholohuthuk, thothaji ofuni; isong hune asang hesarak othulo ebothan dimojyo.
\v 19 Aca thothaji honyong ofuni igigilitha hamonyong, heyaru inyong dittohyo, aferorik athulo n’othulo karik oyihothik h’eleru homok olwarai.
\v 20 Ti, dinyo kwong afiniya, iring ojyori isong ithai thoihandye – aang ithabocyo othulo.
\p
\v 21 Yesu edehi amaji nya alo d’ahap naindek d’abothok, Tyre karik Sidon.
\v 22 Athulo no Kanaanite namanya d’ahap nya, aindu donyong. “Lolonyi ho Davide!” inyong na ekor bebe. “Omiehi nang, Lahong! Owon nanangaring h’ohoile lomonyong; odiha ara namonyong.”
\p
\v 23 Kabong Yesu hojyo donyong juk ocame aboithe. Ohothifok honyong afuni donyong, amojyoi inyong, “Ongararik inyong na adi! Nadithifoitho ahibu inyong ithathahomyo ohothai!”
\p
\v 24 Thiya Yesu etharangyo, “Osuluni nang nya ti, d’akero halitho h’ohothing ho Israele.”
\p
\v 25 th’arami thohune, aindu athulo ne, apwaharu di hejek honyong. “Olwaha nang, Lahong!” inyong na ajyo.
\p
\v 26 Yesu etharangyo, “Aang obis diduhuna anyari n’akalifinok, amirohini d’ongohe.”
\p
\v 27 “Arami hadiri hune, Lahong;” inyong na etharangyo; “ti, juk ongohe, onye th’anyari nafithoro nadow th’amaji nanyerek holomonye h’ahang.”
\p
\v 28 Yesu etharangyo inyong na, “Iye athulo n’eruhon nabolo! Aning newak iye, ihandye de dohoi.” D’orii le, ayyu angering nanyong.
\p
\v 29 Yesu edehi amaji nya, alo thal’ajor no Galilea. Adohitha adonge, alo iwoni.
\v 30 Elulungir hahittwak h’ohothing, afuni donyong, iyanai hosong: ongurak, ongodok, ohoryethak, othuhok karik ohothing olwarai hodiha, hoithaferik isong indehai dihejek ho Yesu; ara inyong ethayijyo isong.
\v 31 Afalanga ohothing, atehuna nasong: othuhok, ocama; ohoryethak, ebuha; ohopalak, adaha ibisai; ongodok atehuni; karik isong ethahuyo Ojok lo Israele.
\p
\v 32 Yesu elongu ohothifok honyong donyong, ajyo, “Odiha nang othaji d’ohothing hulo, anyo, esukai honang operok aunihoi kwong anyari. Aang nang awak asulahina isong adi, kwong ithanyo isong, anyo, tek apwaharai h’ahure diyihoi, difwan dimiji hosong.”
\p
\v 33 Ohothifok efiyo inyong, “Thongai de orimahini anyari nacohi ethanyerek diterere elulung ne?”
\p
\v 34 “Baya elolongitha h’amuhuyut owoni dothai?” Yesu efiyo. “Cofa,” isong etharangyo. “Karik ohom hottik tiibai.”
\v 35 Yesu anyahi isong thowoni dihap.
\v 36 Thiya, Yesu eduhu amuhuyuthi cofa h’anyari hune karik ohom, afurak Ojok ahinwarang, apinyo, esarak isong d’ohothifok, ara ohothifok esarak isong d’ohothing.
\v 37 Anyo isong fodok anyari ara isong efong. Ara ohothifok ethafuthak akatino cofa h’anyari nafithoro.
\v 38 Ohifalai l’ohothing hanyo nya anyari 4,000, aang angorwo h’okalifinok thiya.
\v 39 Thiya Yesu athurok ohothing adi, ecurok di roko, alo dihap ho Magadan.
\c 16
\cl Ebwayit 16
\p
\v 1 Homok Ofarisei h’Osadducihio hofuni do Yesu hulo awahi alohuna Yesu; Isong hulo efiyo inyong thoihandye aning nabo nafalangai dosong, dithaithahina hijan inyong lo th’Ojok.
\v 2 Ti, Yesu etharangyo, “Ara oholong lalum, ijyo ithai, ‘Ohoi hoifwo iwonan h’ahap nayyu, anyo, adorya ahide.’
\v 3 Th’amoithe berien, ithai ijyo, ‘Owak ohuju asan, anyo, odorya ahide ahibu inyong odik ara neriok.’ Ocohi dothai ditehan angai olo ahap ijahitha th’amijyo dihide, ti, aang ocohi dothai dinyahina ethaithitha h’omiru!”
\v 4 Angai omonyori karik aang owoni ara h’Ojok, ohothing h’ofaning lo!” Ifiyo ithai nang aning nafalangai? Awang! Aning aboithe nafalangai nesarahini de dothai, inyong aning nafalangai no Jonah. Yesu edyaharu isong. Alo adi.
\p
\v 5 Alangitha n’ohothifok d’oyirik lobo l’ajor, akworoi eyaru h’anyari.
\v 6 Yesu ajyo dosong, “Omijyethek tuhudik, isukathik olamarai th’omundo h’Ofarisei karik h’Osadducihio.”
\p
\v 7 Ohothifok aculuyo enyanyaha arami hune dihji hosong, “Ocama inyong ahani, anyo, kaang ohothai iyanu h’anyari.”
\p
\v 8 Otek Yesu ainyong dwo ocama isong, efiyo isong, “Anyo ithafero ithai dihiji hothai awangan n’anyari? Angai berien na omutha eruhon nawon dothai!
\v 9 Kabong ithai itek tuhudik? Aang ithai iyu epipinyahina hindang elolongitha h’angiryang miyet d’ohothing 5,000? Baya akatino ithafuthak ithai?
\v 10 Karik ara elolongitha h’angiryang cofa d’ohothing 4,000.
\v 11 Angai aang ithai itek tuhudik aangan hindang acama arami h’anyari? Isukathik olamarai th’omundo h’Ofarisei karik h’Osadducihio!”
\v 12 Thiya ohothifok atehi tuhudik hijan aang inyong ocama dosong arami h’omundo hoihuhumyerek anyari, ti, th’etyenio n’ Ofarisei karik n’Osadducihio.
\p
\v 13 Yesu alo d’ahap naindek d’abore no Caesarea Filippi, amaji nefiyerek inyong ohothifok honyong, “Ngai ojyori ohothing Olonyi l’Othulo lya?”
\p
\v 14 “Ojyori homok Yoanne Batista,” isong etharangyo. “Homok ajyori Elija; ara homok ikoti ajyori Jeremia dia lobo th’ohocorok.”
\p
\v 15 “Ara ithai?” inyong efityo isong, “Ithai ijyo nang, ngai?”
\p
\v 16 Petro etharangyo, “Iye Kristo, Olonyi l’Ojok lomijyo.”
\p
\v 17 “Oyyu dohoi, Simone, lolonyi ho Yoanne,” Yesu etharangyo. Aca aangi arami hadiri hune ofuni th’othulo, ti, isarahini dohoi gwo thalala Monye lowon dihide.
\v 18 Inyong na, anyahi nang dohoi, Petro: iye amorwong; dihide h’asihothe n’amorwong na, aduhok nang de ekklesia hindang, naang de juk oyihethik ho Inferno otelu.
\v 19 Esarak nang de dohoi ongaitha h’Ohobye lothohide. dara aning nelwo iye dihap, olwoi de dang dihide; nehohi iye dihap, ohohini de dang dihide.”
\v 20 Thiya Yesu efahak ohothifok honyong thaang onyahi dolobo othulo hijan inyong Kristo.
\p
\v 21 Th’orii le adihithemi, aculuyo Yesu acama oleyoroi d’ohothifok honyong, “Owak alo nang di Yerusalem di thahthaciana th’ohobolok, ofadirihio hohittwak karik ohoityenak h’oyalu. Ithayeye nang de, ti, diholu h’operok aunihoi, ofuni nang de ithadothuna disu.”
\p
\v 22 Petro eyaru Yesu arakang diringyo inyong. “Ojok thaang ohorik paat, Hobu!” ajyo Petro.
\p
\v 23 Yesu eloyitho ihurongoi, ajyo do Petro, “Ilo adi thonang, Sitan! Iye ohibose diyihoi honang, anyo, aang ocamitha hohoi donang hulya ofuni th’Ojok, ti, th’elathulo.”
\v 24 Thiya Yesu ajyo d’ohothifok honyong, “Ara owak othulo lobo ainduna honang, thokworo ahwan nanyong, thoiduhu akruce nanyong, athifunu nang.
\v 25 Lowak ethalwahuna esu nanyong, ithalithok de, loithalithok esu nanyong thonang, orimak de esu nanyong.
\v 26 Orimahini de diri ohothing aning nabo, ara orimahini ahap fodok, ti, ethalithohini esu nasong?
\v 27 Aca aindek Olonyi l’Othulo ainduna d’abolori n’Omonye lonyong h’anjelohio honyong; oindu de disoryo ohothing abok abok, ngai thoigyematha thohonyong.
\v 28 Anyahi nang ithai, owoni homok haang de oye, ara kaang Olonyi l”Othulo hoindu ara Ohobu."
\c 17
\cl Ebwayit 17
\p
\v 1 Diholu h’operok inde, eyaru Yesu honyong: Petro karik olarok, Yakobo karik Yoanne dihu h’odonge lohodo, isong diya hamaring.
\v 2 Amijyo nasong adihide, atehuni isong eloyitho oindu do Yesu: awulo ahomong nanyong iring oholong karik abongoitho hanyong abwori pang pang pang.
\v 3 Thiya, ohothifok aunihoi hulo atehuni Musa karik Elija ocamai ho Yesu.
\v 4 Ahani ne, Petro acama omurut dihide, “Hobu, angai berien na oyyu inyong dohoi diwonan dini! Ara iwak iye, aduhok nang de amorokohio aunihoi dini: aboithe dohoi, aboithe do Musa karik aboithe d’Elija.”
\p
\v 5 Ahibu inyong hocama, aindu adiko nawulo dihide hosong, ara oilongit thath’adiko ajyo, “Olonyi hindang olefeng lo loko, ditha honyong amuno nang ithaningyethek donyong!”
\p
\v 6 Ethaninguna n’ohothifok omurut lya, abangi isong hulo, apwaharai ahomongithek adihap.
\v 7 Yesu aindu dosong, athin isong. “Odothothik th’ahide.” inyong ajyo. “Hoibangatha!”
\v 8 Thiya, isong hulo amijyo dihide. Kaang isong hulo otehu othulo loboling, arahari, ti, Yesu.
\p
\v 9 Ecuruna nasong th’odonge, Yesu anyahi dosong, “ Hoinyahina ethalyehina nethuk ithai attehuna ne, took, Olonyi l’Othulo afuna ethadothuna th’oye.”
\p
\v 10 Thiya, ohothifok efiyo Yesu, “Anyo ojyori ohoityenak h’oyalu hijan, Elija de icak ainduna ahithemi?”
\p
\v 11 “Elija diri laindu ahithemi,” Yesu etharangyo, “karik, orimak de asang fodok athuhi ehuhuma.
\v 12 Ti, anyahi nang ithai, athuk Elijah ainduna berien. Aang ohothing hotek; eduhuni inyong ara othulo thene iring owak isong. Ahani de dang ofuni ihandyo d’Olonyi l’Othulo.”
\v 13 Thiya, ohothifok atehi tuhudik hijan ocama Yesu dosong arami ho Yoanne Batista.
\p
\v 14 Anyahuna nasong d’eluluung n’ohothing, aindu othulo lobo do Yesu, arigongo dihithemi honyong,
\v 15 ajyo, “Lahong, omiehi olonyi hindang! Omwai inyong lo h’ahahe. Ara nerimu, omirok inyong dith’ahimang dia ahari.
\v 16 Eyanu nanag inyong d’ohothifok hohoi dithayijyo, ti, kabong hoithayijuni inyong.
\p
\v 17 Yesu etharangyo, “Angai iwon ithai ara ohothing haang iruhi karik ohothing hoipal! Omiru baya iwak ithai esuka nang hothai? Iyanethek oitho le donang dini.
\v 18 Yesu esarak efahit d’ohoile lomonyong, alo adi thotha hoitho; th’orii le, ayyu oitho.
\p
\v 19 Thiya, ohothifok afuni do Yesu hamaring, efiye inyong, “Anyo aang ohoi ingatterek ohoile lomonyong adi?”
\p
\v 20 Yesu etharangyo, “Anyo omutha nya eruhon nathai.” Anyahi nang dothai hijan, ara iwon tihai heruhon nabolo iring ohinyomothi l’ohiyani lohittok, ocohi dothai dijaran d’adonge ne, “Ilo thene, ilo di! Alo. Ira ithai ihandyo asang bukulung!”
\v 21  \f + \ft Amaninihio angoro hako bebe, aang owoni h’ekelit 21, 
\fqa Ti, opecen l’ohoile lomonyong lya, aang olo adi arahari th’amojo karik anyari tiibai.  \f*
\p
\v 22 Afuna n’ohothifok bukulung di Galilea, Yesu ajyo dosong, “Aindehi ethafothohina adi n’Olonyi l’Othulo d’ohothing.
\v 23 hofuni inyong ittohoro; ti, diholu h’operok aunihoi, ofuni de inyong idohuna disu.
\p
\v 24 Afuna no Yesu karik ohothifok honyong di Kapernaum, afuni do Petro ohoiduduhak h’aduma n’Atemplo, efiye Petro, “Oduma ohoityenani lothai aduma n’Atemplo?”
\p
\v 25 “Ahani do ti,” Petro etharangyo. Ajingara no Petro dithwa, ecak Yesu acama omurut dihide, “Simone, ainyong egigilo nahoi? Ngai oduma adumathik h’ohobwore h’ahap na? Ohothing h’amiji dia ohodahak?”
\p
\v 26 “Ohodahak,” Petro etharangyo. “Oyyu hoi do,” Yesu etharangyo, “onyahi hijan, awang ohothing h’amiji oduma.
\v 27 Ti, awang ohothai iwak amoryo ohothing hulya. Inyong na, ilo di jor, ilo omirok ogodo dith’ahari. Ifihu ohome ohoithemoni lendefu iye; dihuthuk honyong, irimak iye de anyahuthong ebindang nacohi aduma hindang n’adumit n’Atemplo karik nathai. Iyaru inyong, ara iye iduma isong adumit nahothai.
\c 18
\cl Ebwayit 18
\p
\v 1 D’orii le, afuni ohothifok do Yesu, efiye, “Ngai lobolo bebe d’Ohobye lothohide?”
\p
\v 2 Yesu elongu okalifonit lotti, esarak dihithemi hosong.
\v 3 Ajyo dosong, “Diri, diri ajyo nang dothai, ara kabong ithai iloitho iring okalifinok hotti, aang ithai ifwo d’Ohobye lothohide.
\v 4 Othulo lobolo bebe d’Ohobye lothohide, inyong othulo lolau ahwan nanyong, aindu ijahitherek okalifonik.
\v 5 Othulo loifothu loboling othulo iring oitho lotti ahana lo th’ofure tholo hindang, ifothu nang.
\v 6 Loisarak okalifinok hottik hoiruk nang, thoiyau, ocohi kodien dithorihina dimurut honyong omorwong lohittok, amirohini thodyoro dith’ahari.
\p
\v 7 Angai de omonyori arami d’ahap hijaran owoni de asang hesarak ohothing ethalithohina eruhon nasong! Ofuni de asang hune ifuhon ti, oindu de imonyori bebe d’othulo loihandyo isong!
\v 8 Ara isarak ahinang dia aheju nahoi iye ethalithohina eruhon nahoi, obongu adi, ara iye icohoro! Oyyu dohoi dijingara d’esu kwong ahinang dia aheju, th’awonan h’ahas karik ahejek bukulung, amirohini iye dith’ahimang namanya mak.
\v 9 Karik ara isarak iye ahonyek aboithe ethalithohina eruhon nahoi, ikolouthu ara iye icohoro adi! Oyyu dohoi dijingahina desu h’ahonyek aboithe, th’awonan h’ahonde arehai, amirohini iye dith’ahimang namanya mak.
\v 10 Ottihatha tuhudik, hoilauna lobo th’okalifinok hottik hulya. Anjelohio hosong dihide, anyahi nang dothai, ingengelye Lalamonye dihide.
\v 11  \f + \ft Awang  \f*
\v 12 Ainyong igigilo ithai ihandyo othulo, lowon h’akero 100, ara olitho aboithe? Idehi athomne sahal nasahal huna onyo dimukok h’odonge, attaharu aboithe nalitho na.
\v 13 Ara larimak inyong, anyahi nang iye, omuno bebe th’aker thanalitho ne, tholohide thahakaang olitho huna.
\v 14 Ahani de dang ihandyo lethe Monye lothohide; aang owak oboithe thohottik hulya tholithoi.
\p
\v 15 Ara eyau loilai dohoi, ilo donyong, ara iye inyahi donyong epal nanyong. Ti, ihandyethek ithai honyong hamaring. Ara ithanignyo eruhu arami hahoi, ehandyo iye nayyu dinyahuna inyong dohoi.
\v 16 Ti, ara aang ithairyo dohoi, ilongu ohothing arehai karik honyong, dofuni ohothing arehai hulya ingengelahina attihanini ainsong arami hawon, iring najararik amanini.
\v 17 Ara aang owak ethairyo dang dosong, inyahi arami hune bukulung d’ekklesia. Ara aang ithairyo d’ekklesia, isukathik honyong iring othulo laang iruk d’Ojok dia ohoiduduhani l’adumathik h’aduma.
\v 18 Karik inyong nanyahi nang dothai fodok: aning nelwo ithai dihap, olwaoi de dang dihide; nehorik ithai dihap, iruhohini de dang dihide.
\v 19 Karik anyahi nang ithai: ara iruk ithai, ithai arehai, dihap aning nemojyo ithai, ihandyo de dothai lala Monye lothohide dothai.
\v 20 Aca ara ofuni arehai dia aunihoi amaji aboithe th’ofure tholohindang, diya awon nang hosong.”
\p
\v 21 Thiya, Petro aindu do Yesu, efiyo, “Hobu, ara orasa lalai eyauna donang, omiru baya owak amiehi nang inyong, omiru cofa?”
\p
\v 22 “A a, ikara omiru cofa,” Yesu etharangyo, “ti, omiru athomone cofa enyahitha cofa.
\v 23 anyo, ahani ojahitha Ohobye lothohide. Owon nya ohobu lowak atehan angai igyema ohoigyemak h’ebarithi hanyong.
\v 24 Oculuyo elonguna aboithe thosong lowon h’ojinehio 1,000,000 (amillion aboithe).
\v 25 Aang ohoigyemani owon h’enyahwo hacohi adumarik ahoros; d’ahani ne, efahak ohobu inyong thoithanyangahini ara ongaca, athulo nanyong, okalifinok karik akalifinok hanyong, karik asang bukulung hanyong, didumarik ahoros nanyong.
\v 26 Ohoigyemani apwaharu th’ahungitho dihithemi h’ohobu, ajyo, “Lahong hindang, ongongok ethilauna tiibai,” inyong lo amojyo, ‘aduma nang iye de asang bukulung!’
\v 27 Adihari arami hune d’ohobu, aburunu thonyong, amiehi inyong ahoros, edehi inyong thoilo.
\v 28 Thiya, othulo lya alo adi d’ohoigyemani hosong loboling, lowon honyong h’ahoros n’enyahwo tiibai ahani. Endafaitho onde lya, akoryo inyong omurut. ‘Odumak nang enyahwo hundang!’ inyong ajyo.
\p
\v 29 Ohoigyemani honyong lya apwaharu dihap, amojyo inyong, ‘Ongongok ethilauna tiibai,” inyong lo amojyo, ‘Aduma nang iye de!’
\v 30 Ti, eda; kombwo, esara inyong thoifithahini dithwa, lwai inyong aduma ahoros. Atehuna n’ohoigyemak homok hulo arami hune afuhon, ejyoryai isong hulo bebe, afwo d’ohobu, anyahini inyong asang bukulung hehandyo onde lya d’ohoigyemani hosong.
\v 31 Ahani ne, elongu ohobu ohoigyemani lya dithwa. ‘Iye ongaca, laang aca!’ inyong ajyo.
\p
\v 32 ‘Amiehi nang iye enyahwo fodok hundang hawon dohoi, anyo, emojyo iye nang thomiehi iye.
\v 33 Ira iye imiehina ohoigyemani hohoi lya, iring namiehinerek nang iye.
\v 34 Engere ohobu bebe; asulak ohoigyemani lonyong lya thosarye, alo ifitha dithwa, took aduma ahoros nanyong bukulung.”
\v 35 Yesu engohi ocame, “Ahani de oindu lala Monye ihandyo dothai abok abok, arahari, ara imiehi ithai lethelai th’othaji hothai.”
\c 19
\cl Ebwayit 19
\p
\v 1 Aindu iwonan ahana, engohina no Yesu acama arami hune, edyaharu Galilea alo d’ahap no Judea, d’oyirik lobo l’Owor lo Jordano.
\v 2 Athifoforoi inyong elulungir hahittwak h’ohothing; Yesu ethalihyo karik ethayijyo isong diya.
\p
\v 3 Homok Ofarisei afuni donyong, athemye alohyo inyong thajaran, “Ohorik oyalu lohothai othulo, thoidehi afure, iring owak inyong?”
\p
\v 4 Yesu etharangyo, “Kabong ithai ihera amanini nadwa najyo hijan diculwe ayeyo Ohoyani lobusuha karik nangorwo?
\v 5 Karik Ojok ajyo, ‘Th’ahu thone, idehi de othulo omonye karik ahathingi, athuna h’afure; ara de arehai awoni ara aboithe?’
\v 6 Ahani ne, aang isong arahi arehai, ti, aboithe. Awang othulo lethapehyo, do, aning nathuk Ojok enuthahina amaji aboithe.”
\p
\v 7 Ofarisei efiyo inyong, “Anyo, hathi, isarak Musa oyalu lohorik othulo thoisarak afure amanini n’apeha, angararik inyong na adi?”
\p
\v 8 Yesu etharangyo, “Isarak ithai nya Musa amanini napeha han’ethefure, anyo, oko etyenio ithai.” Ti, ikara nya ahani d’omiru h’ayeyo.
\v 9 Anyahi nang ithai, hathi, hijan othulo lopeha h’afure nanyong th’arami thahamok arahari h’eleru, iyau aferi h’afure n’othulo lobo, ara omuthayo athulo naboling.”
\p
\v 10 Ohothifok honyong ajyori donyong, “Ara ahani hoi, ojahitha dihiji h’onde karik afure, oyyu awangan amuthayo.”
\p
\v 11 Yesu etharangyo, “Awang etyenio ne olo h’ohothing bukulung, arahari ohothing hathuk Ojok esarahina dosong.
\v 12 Olwari ahosi hesarak ohothing dia ahathing aangan n’amuthayo: homok, anyo, ahani nya oyisuni isong; homok, ohothing isarak isong esuka ahani; karik ara homok aang homuthayo th’arami thoh’Ohobye lothohide. Loiruhu etyenio ne thoihandye ahani.”
\p
\v 13 Ohothing homok eyanu okalifinok hakalifino do Yesu, dithahina ahas hanyong dihide hosong, amojyo thosong, ti, ohothifok eringyo ohothing hulya.
\v 14 Yesu ajyo, “Okalinok karik akalifinok thoifunu donang; hoithawejyethek isong, anyo, Ohobye lothohide losong hojak ahani hulya.
\v 15 Inyong lo ethahi ahas dihide hosong, alo adi.
\p
\v 16 Aindu nya othulo lobo do Yesu, ajyo “Ohoityenani,” inyong efiyo, “Ainyong aning nayyu, owak ehandyo nang, dirimahinerek esu namanya mak?”
\p
\v 17 “Anyo ifiyo iye nang, ainyong nayyu?” etharangyo Yesu. “Owon aboithe ti, loyyu. Othifoithe efahitha, ara iwak iye ajingahina dith’esu.”
\p
\v 18 “Aisong efahitha?” inyong efiyo. Yesu etharangyo, “Hoittoho, hoiferorik athulo dia othulo lanabo, hoihoholyo, hoimangyo,
\v 19 obanga lemonye karik nehathingi, omunoi othulo dia athulo naindek dohoi iring nemunorik iye ahwan nahoi.”
\p
\v 20 “Athifoitho nang efahitha hune bukulung,” ottwathi lya etharangyo. “Ara ainyong owak ehandyo nang?”
\p
\v 21 Yesu ajyo donyong, “Ara iwak iye abisan, ilo ithanyangak asang hahoi, ara iye isarak enyahwo d’ohoicanak; iwon iye de hebarithi dihide; thiya, iwong, othifunu nang.”
\v 22 Ethaninguna n’ottwathi lya ahani, alo adi ara lejorya, anyo, obara inyong lo bebe.
\p
\v 23 Yesu ajyo hathi d’ohothifok honyong, “Anyahi nang ithai hathi tuhudik, oko de bebe d’ohothing hosom dijingahina d’Ohobye lothohide.
\v 24 Enyoryo nang ikoti, “Oko de d’othulo lobara ajingara ditha Ohobye l’Ojok th’ajingara n’ababut tholothwa hoiruhet l’ohiyani.
\p
\v 25 Ethaninguna n’ohothifok honyong arami hune, afalangai. “Ara ahani, ngai ocohi ethalwahunu?” isong efiyo.
\p
\v 26 Yesu amijyo dosong gwo, etharangyo isong, “D’othulo, awang arami hune ocohini awonan. Ti, d’Ojok, awang aning naang ocohi awonan.”
\p
\v 27 Thiya, Petro acama, “Ottihatha,” inyong ajyo, “Ethuk ohoi edehi asang bukulung ara ohoi ithiforo iye. Ainyong de hofithoro dohoi?”
\p
\v 28 Yesu ajyo dosong, “Ocohi dothai ditehan tuhudik hijan ara de Olonyo l’Othulo lawoni d’okara lonyong labolori ditha Oper Ongejuk, thiya, ifuni ithai de ohothifok hundang tomon h’arehai hulya iwoni di kani, dindafaitho amukoko tomon larehai ho Israele.”
\v 29 Karik othulo dia athulo nedehi ahangithek, olarok, ahanerok, omonye, ahathingie, okalifinok, akalifinok dia amandak thonang, oindu de ifothuna alif enyahitha olwarai karik ofuni de isarahina donyong esu nanmanya mak.
\v 30 Ti, holwari hofuni de ahithemi, onyahuni de diholu, ara honyahu diholu, afuni ahithemi.
\c 20
\cl Ebwayit 20
\p
\v 1 Ojahitha Ohobye lothohide ahana. Owon nya othulo loiwan berien diyanu ohothing digyema dimana honyong.
\v 2 Eruhi esarahina isong aduma nacohi, enyahwothi ebindang neyelehe ne aboithe d’ofaning; inyong lo asulak isong di mana honyong.
\v 3 Inyong ataharu ikoti ohoigyemak amiru hosahal, arimak homok owejethe kwong egyema,
\v 4 anyahi isong, ‘Ifwatha digyema dimana; aduma nang de ithai ara nayyu.’
\v 5 Isong afwo. Thiya, th’omiru tomon larehai karik omiru aunihoi, ehandyo dang ahani.
\v 6 D’orii miyet, alo irimahina ohothing homok owejetho ija. Aang egyema. “Anyo itharohojyo ithai ofaning kwong ehandyo aning nabo?” inyong efiyo isong.
\p
\v 7 “Aang othulo lesarak ohoi egyema,” isong ethrangyo. ‘Oyyu, ifwatha dang digyema dimana honang,’ inyong anyahi isong.
\v 8 Edwong n’athari, elongu lomonye h’amana ohotihani l’ohogyemak, ‘Ilongu ohoigyemak; oculuye aduma isong th’ohothing thoh’ofuni aholu hulo, ara iye ingohi th’ohothing thoicak afuna.’
\p
\v 9 Ohothing hoculuyo egyema d’omiru miyet, esarahinin othulo aboithe anyahuthong adenario aboithe.
\v 10 Afuna n’ohothing hoicak egyema efothuna aduma nasong ahithemi, ojyori ifothu isong de ngona enyahwo olwarai.
\v 11 Efothuni aduma nasong, aculuye ewiwinya d’ohotihani l’egyema.
\v 12 Ohothing homajarai digyema aholu, egyemai orii aboithe ti.’ isong hulo ajyori. “ahibu ohothai igyema ofaning taak ditha h’oholong lonok rang rang - ara iye iduma ohoi hosong see.’
\p
\v 13 "Ithaningye, omotte,’ lomonye h’egyema etharangyo aboithe thosong, ‘Kaang nang ithai attumyo. Aca eruhu ithai egyema n’ofaning aboithe th’ adenario aboithe.
\v 14 Thoone ne, ifothuna aduma nathai, ara ithai ifwo dihang. Nang lalo isarahina d’othulo lamajyo nang aholu lo, aduma nanyong, iring nathuk nang esarahinerek nathai.
\v 15 Dia aang obis donang dihandyo aning iring awak nang? Dia ihain iye, anyo nang lahoryo ara nayyu?’
\v 16 Ahani ne, owon de oiholuhani ara ohithemoni, ara ohoithemoni ara oiholuhani.”
\p
\v 17 Anden no Yesu di Yerusalem, eyaru honyong ohothifok tomon larehai hulo, ofwoi ahibu inyong ocacamaru hosong hama hama.
\v 18 “Ithaningyethe,” inyong anyahi dosong. “Ohothai hoifwo di Yerusalem, d’amaji nafwarik isarahinerek adi Olonyi l’Othulo do fadirihio hohittwak karik ohoityenak h’oyalu. Ithapalye de inyong ara lottohori
\v 19 karik, thiya, ethafothohini inyong d’ohothing hoikela th’Ojudei, hofuni de ithafitangyo inyong, afodohye karik abehohini inyong di kruce; ti, diholu h’operok aunihoi, ofuni de ithadothuna inyong disu.”
\p
\v 20 Thiya, athulo no Zebedeo aindu donyong holonyirok arehai; adulai donyong karik efiye donyong alwaha.
\p
\v 21 “Ainyong, iwak iye,”Yesu efiyo inyong na. Inyong etharangyo, “Iruhok donang, hijan ofuni de olonyirok hundang hulo arehai iwoni, lobo dinget karik loboling dihothong hohoi, ara iye leindu ara Ohobu.”
\p
\v 22 “Awang iye itek ainyong ifiyo iye, “ Yesu etharangyo olonyirok. “Ocohi de dothai amatha ogludyet l’ethathaciana laindek nang de amatha lya?” “Icohi ohoi,” isong etharangyo.
\p
\v 23 “Imathu ithai de diri th’ogludyet hindang, “Yesu anyahi isong, “Ti, ikara nang anyimu ngai de isuka dinget dia dihotong. Amasok hune hathuk lala Monye ehuhumahina d’ohothing hawoni isong ara hosong.”
\v 24 Ethaninguna n’ohothifok hulo arami hune, engereji d’ohothifok areahai hulo. Yesu alongu isong bukulung, ajyo.
\v 25 “Itek ithai hijan owoni opaganihio h’akolon dihide hosong karik owoni ohoindefak h’akolon fodok nendafaitherek.
\v 26 Ti, ikara ahani de olo iwonan dihiji hothai. Ara owon lobo dihiji hothai lowak owonan ara lohittok, owak inyong thoiwona ara ohoigyemani lohomok hulo fodok;
\v 27 karik ara owak lobo thothai awonan ahithemi, owak inyong thoiwona ara ongaca lothai bukulung
\v 28 iring Olonyi l’Othulo, laang oindu hijan owak igyemai thonyong; ti, digyema karik disarahina esu nanyong dilwahunerek ohothing holwa.
\p
\v 29 Edyaharu no Yesu h’ohothifok honyong Jeriko, athifunu elulung nahittok n’ohothing.
\v 30 Ethaninguna n’ongodok arehai honya owoni dipogo h’oyiho, hijan Yesu lolo thol’oyihoi le, aculuye elolongo, “Lolonyi ho Davide! Omiehi ohoi, lahong!
\v 31 Elulung n’ohothing eringyo isong, anyahini isong thodularu. Ti, isong hulo elolongo omurut dihide, “Lolonyi ho Davide! Omiehi ohoi, lahong!
\p
\v 32 Yesu awetha karik elongo isong. “Ainyong iwak ithai nang thoihandye dothai?” inyong efiyo isong.
\p
\v 33 “Lahong,” isong etharangyo “Iwak ohoi iye thoisarak ohoi atehuna nahoi.”
\v 34 Amiehi Yesu isong karik athin ahonde hasong; ara ahonde hasong acohi atehuna. Isong athiforo inyong.
\c 21
\cl Ebwayit 21
\p
\v 1 Aindehi nya nanyong h’ohothifok honyong di Yerusalem karik Bethphage, d’Adonge n’Olives, asulak Yesu thiya,
\v 2 ajyo dosong, “Ifwatha d’amiji nothohithemi nya, irimak ithai de ababut notho miji othora diya, angaring honyong. Ohouna ara ithai iyanu isong donang.
\v 3 Ara ojyo othulo lobo aning nabo th’arami thohune, ijaratha, “Owak ti Ohobu isong,’ osulu de kwak othulo le isong hothai.”
\p
\v 4 Ofuhi arami hune, th’ocamitha h’ohocoroni, hojyo,
\q
\v 5 “Inyahi nang angering no Zion, Otiha, Ohobu lohoi loindu dohoi! Olau ahwan dihide h’ababut – nohomutha, angering n’ababut.’”
\p
\v 6 Ohothifok afwoi ihandyo ainyong onyahi isong Yesu thoihandye.
\v 7 eyanu isong ababut h’angaring, esarahini abongoitho dihide hosong, ara Yesu awoni dihide h’abongoitho.
\v 8 Ohothing holwa h’elulungir afecye abongoitho hasong diyihoi, homok ekocyo athandak h’oyandit karik osohot afecye diyihoi.
\v 9 Thiya, elulungir h’ohothing, hafwo ahithemi karik aholu no Yesu, elolongoi bebe, “Hosanna do Lolonyi lo Davide! Loindu th’ofure thol’Ohobu thomunoi! Hosanna tholohide h’ahide!”
\p
\v 10 Ajingara no Yesu ditha ho Yerusalem, akek abore ara ocame lojyo, “Ngai inyong lya?” ohothing efiyo.
\p
\v 11 “Ohocoroni Yesu lya, tho Nazaret di Galilea,” elulung etharangyo.”
\p
\v 12 Yesu ajinga dith’Atemplo, angaterek ohoinyangak karik ohoithanyangak adi tho Templo. Alafuhyo obeleha hoiloicyerek enyahwo karik hethanyangyerek ayorohoco,
\v 13 Ajyo dosong, “Igero dith’amaninihio, hijan ajyo Ojok, ‘Ofuni de ilongo Atemplo hindang ara athwa n’amojo.’ ti, ethuk ithai eduhuna ara amaji nedimarik ohoholak.”
\p
\v 14 Afuni ongodok karik opalak donyong di Templo; ara inyong ethalihyo isong.
\v 15 Ti, atehuna no fadirihio hohitwak karik ohoigerok h’oyalu asang hafalangai hehandyo inyong, karik ethaninguna nasong elolongo n’okalifinok dith’Atemplo hijan, “Hosanna d’Olonyi lo Davide!’ engerej.
\p
\v 16 Isong ajyori donyong, “Ithaningu iye, ainyong ojyori isong? Yesu ajyo dosong,“Aa, ethaningu nang,” Ti, kabong ithai ihenu thath’amanini nadwa? “Ethuk ithai ehuhumuna thohuthuhye h’okalifinok hottik karik hohonaha emamajyo nabis’?”
\p
\v 17 Yesu edyaharu isong alo adi tho bore, alo di Bethani esuka diya oharie aboithe.
\p
\v 18 Dinyahara honyong di bore nya thamoithe berien, aleng ahure Yesu.
\v 19 Atehu inyong ohiyani, longida ahayo dipogo h’oyihoi, alo donyong, ti, aang orimak aning nabo dihide honyong arahari abene.
\p
\v 20 Ahani ne, inyong ajyo d’ohiyani lya, “Aang iye kwong hoithadoyo ahayo!” Ara ohiyani lya aboco ayohoji Atehuni ohothifok arami hune, afalangai. “Angai oboco ohiyani lya ayohoji kwak ahani?” isong efiyo.
\p
\v 21 Yesu etharangyo isong, “Anyahi nang ithai, ara iruk ithai, ara ithai aang hoirirhitha, ihandyo ithai de ainyong ehandyo nang d’ohiyani le, ti, ijyo ithai de dang d’odonge lo, “Iye thoiyarai dihide karik dihap dith’ahari nahittok,’ ehandye de.
\v 22 Aning nefiyo ithai ditha hamojo, ahibu ithai iruk, ifothu ithai de.”
\p
\v 23 Yesu anyaha di Templo; dihide h’etyenio nanyong, ofadirihio hohitwat karik ohobolok afuni donyong, efiye, “Th’akolon thanani ihandyo iye asang hune? Ngai isarak iye akolon ne?”
\p
\v 24 Yesu etharangyo, ajyo dosong, “Efiyo nang ithai efiet aboithe; ara etharangyo ithai nang, anyahi nang de ithai ainyong nawon ara hindang dihandyo asang hune.
\v 25 Thongai oindu akolon no Batisimo no Yoanne Batista? Thohide dia th’ohothing?” Abocori isong hulo aculuyo elafere dihiji hosong. “Ainyong de ijyo ohothai? Ara etharangyo, ‘Th’Ojok,’Ojyo de dohothai, ‘Anyo naang ithai nya iruk Yoanne?’
\v 26 Ti, ara ejyo th’ohothing, ‘Th’ohothing, ebang, ainyong de ofuni ohothing ihandyo, anyo, otek isong hulo hijan Yoanne Batista ohocoroni.”
\v 27 Ara isong hulo etharangyo Yesu, “Aang ohoi itek.” Ara inyong ajyo dosong, “Aang nang dang ithai anyahi.”Thanani akolon ehandyo nang asang hune.”
\v 28 Thenene, ainyong igigilo ithai? Owon nya othulo lowon h’olonyirok arehai.
\p
\v 29 Alo inyong lo da lahong, ajyo donyong, ‘Lalalonyi, ilo digyema dimana ahanana.’ Aang nang awak aden,’ Inyong lo ajyo. Ti, diholu, eloicyo ahu nanyong, alo.
\p
\v 30 Thiya omonye alo d’olonyi loboling lo, anyahi dang ahani. ‘Aa, lahong,’ inyong etharangyo, ti, kabong olo. Loni th’arehai ehandyo aning nawak omonye?”
\v 31 “Olonyi lahong ihandyo aning nawak omonye,” isong etharangyo. Ahani ne Yesu ajyo dosong, “Anyahi nang ithai: ohoiduduhak h’adumathik karik amwahi ofwo de d’Ohobye l’Ojok, ahithemi nathai.”
\v 32 Aca oindu Yoanne Batista dinyahina ithai oyihoi lobis dinderek, ithai aang eruk donyong; ti, ohoiduduhak h’adumathik karik amwahi eruhi donyyong. Karik juk ethehu ithai ahani, kabong ithai iloicyo ahosi hathai, ara ithai iruk inyong.
\p
\v 33 “Ithaningyethek d’aryamara naboling,” Yesu ajyo. “Owon inya omonye l’ahap loboling, loihuhumyo amana n’ahayo h’obalu, aduhok esisihet n’obalu, ekolok thoilyethe karik aduhok oilyethe lekeyerek. Thiya ebwahi amana d’ohoithanyangak, alo dipoco.
\v 34 Edwongon n’orii loingongocyerek ahayo h’obalu, asulak ongacani honyong d’ohoithanyangak disarahina inyong oyirik lonyong l’engongocio.
\v 35 Ara ohoithanyangak endefuni ongaciani, abahye aboithe, ottohori lobo ara loboling lo amirye th’omorik.
\v 36 Ara othulo lya asulak ongaciani homok, olwarai th’ohoithemok, ara dang ohoithanyangak ehanndye ahani dang dosong.
\v 37 Thiya, dicuhit, asulak othulo lya olonyi lonyong dosong. “Atek nang tuhudik, obangi de isong lalalonyi,” othulo lya ajyo.
\p
\v 38 Ti, atehuna n’ohoithanyangak olonyi l’othulo lya, ajyori th’ahwandek thahasong. ‘Olonyi lya lolomonye h’ahap. Ifuna, hattohoro inyong. deyaru attitto hanyong.’
\v 39 Isong hulo endefuni inyong. Acohoroi adi thomana, attohori inyong sdi.
\v 40 “Thene, ara lomonye h’amana oindu, ainyong de oindu ihandyo d’ohoikiyak dia ohoithanyangak?” Yesu efiyo.
\p
\v 41 “Aang inyong opwak attohoro ohothing omonyorok hulya!” isong ajyori, “karik, esarak amana d’ohoithanyangak homok, hofuni isarahina inyong oyirik lonyong l’engongocio dimiru.”
\p
\v 42 Jesu ajyo dosong, “Kabong ithai ihena ainyong ojyo amanini nadwa?‘ Omorwong lathuk ohoduhok acohoro ara lamonyong, eloitho ara omorwong loyyu bebe, okalak omorik bukulung. Ehandyo Ohobu ahani; Angai berien na olibo dingengela'?
\v 43 “Karik anyahi nang dang dothai,” Yesu afonik. “Iduhuni de Ohobye l’Ojok adi thothai, esarahini d’ohothing hoithadoyo ahayo.”
\v 44  \f + \ft Awang.  \f*
\v 45 Ethaninguni, atehi ofadirihio hohittwak karik Ofarisei hijan isong ocama aryamarihio ho Yesu,
\v 46 inyong na, isong athemyo endafaitho inyong. Ti, obangi elulungir h’ohothing hoiruk hijan Yesu ohocoroni.
\c 22
\cl Ebwayit 22
\p
\v 1 Yesu ikoti acama d’ohothing th’aryamarihio, ajyo,
\v 2 “Ojahitha Ohobye lothohide ohobu loboling, lonya ehuhumyo amuno n’amutha n’olonyi. “Owon inya ohobu lehuhumyo amuno n’amutha n’olonyi.
\v 3 Asulak ohoigyemak honyong dinyahina ohothing hoilongoi thoifunu di muno, ti, edari afuna.
\v 4 Otihyo ahani, aslulak ohogyemak homok dinyahini ohothing hoilongoi thoifunu: ‘Amuno hindang athuho thenene; angotho ohisim karik othagwohi. Athuho asang bukulung. Ifuna d’amuno n’amutha!”’
\v 5 Ti, aang ohothing hoilongoi oyip; ngadi olefeng igigilo egyema nanyong: lo dimana honyong, loni dimaji honyong h’ethanyangio,
\v 6 ahibu homok indafaitho, abahye karik attohori ohoigyemak.
\v 7 Engere ohobu bebe; asulak ohoremok honyong, attohori ohottohok hulya karik edwehini abore nasong dihap.
\v 8 Thiya, elongo ohoigyemak honyong, ajyo dosong, ‘Athuho ehuhumio n’amuno n’amutha hindang, ti, aang ocohi d’ohothing hoilongoi difuna imuno.’
\v 9 ‘Ifwatha thenene diyihothik dilongunu ohothing olwarai iring irimak ithai.’
\v 10 Thiya ohoigyemak afwoi diyihothik, esusuduhunai ohothing fodok horimak isong, hoyyu karik homonyong; ethafuthahini athwa nahittok namutha top th’ohothing.
\v 11 Ohobu ajinga dithwa didoryo ohothing hoilongoi, atehu othulo laang iyofo abolongo n’amutha.
\v 12 ‘Omotte, angai indu iye dine kwong eyofo abongo n’amutha?’ ohobu efiyo inyong. Ti, othulo lya adularu.
\v 13 Thiya ohobu anyahi ohoigyemak honyong, ‘Othoratha inyong ahinang karik aheju, ara ithai imirok inyong dindak ditha h’omudwe. Olo de ikor karik erocyo ohala dya,’
\v 14 Yesu engohi ocame lonyong, “Elongoi olwarai, anyimuni tiibai.”
\p
\v 15 Ofarisei ehuhumyo ahwandek dilohuna Yesu th’efietha.
\v 16 Thiya asulahini ohothifok homok hosong karik ohothing h’elulung no Erode, “Ohoityenani, “ajyori isong, ‘Itek ohoi hijan inyahi iye arami hadiri. Ityenio iye arami hadiri h’ainyong owak Ojok d’ohothing, kwong abangi ainyong igigilo homok, anyo, aang iye ittwo oisukaitha h’othulo lobo.’
\v 17 Inyahi ohoi hoi. Ainyong igigilo Iye? Obis dohoi diduma adumetha do Caesare dia awang?”
\p
\v 18 Otek ti Yesu ainyong namonyong owahi isong ehandyo, ajyo, “Anyo iwak ithai nang athemyo, ithai odwalak! 19 Itaithahina nang anyahuthong ebindang ne!” Thiya Isong hulo eyanu donyong anyahuthong ebindang ne,
\v 19 Yesu ajyo dosong, “Hangai arijori karik ofure lo?
\v 20 “Ho Caesare,” isong etharangyo. Ahani ne, Yesu etharangyo isong,
\p
\v 21 “Oyyu hoi, isarahina do Caesare, asang ho Caesare, ara d’Ojok ithai isarak, asang h’Ojok.”
\v 22 Ethaninguna nasong ahani, afalangai, afwoi adi.
\p
\v 23 D’ofaning le, afuni Osadducihio homok do Yesu anyahini inyong puhek hijana aang de ohothing hoibuhuni th’oye.
\v 24 “Ohoityenani,” isong ajyori, “Ojyo Musa ara othulo laang okalifinok oye, oruthak olai aharathani, doyisu okalifinok hofuni itehan ara h’ohoyani.
\v 25 Thenene, owoni nya olarok cofa hoisukarik afure n’olai losong, ohoyani. Amutha olai lahong h’aharathani, ti, aye kwong ayisuna okalifonit, edehi aharathani d’olai.
\v 26 Arami hune ikoti afuhi d’olai oitharehe, oithaunihoi karik dicuhit, d’osong cofa.
\v 27 Diholu hosong bukulung, ara athulo nangorwo ne dang aye.
\v 28 Iring na, ofaning lofunerek ohothing de idothorik disu, ara nafure hongai oindu inyong na iwonan, inyong na nathuk isong amuthayo bukulung na.”
\p
\v 29 Yesu etharangyo, ajyo dosong, “Angai beriena ipal ithai! anyo, aang ithai itek Amanini nadwa dia akolon n’Ojok.
\v 30 Aca ara ohoyak hadotho disu, ofuni de ijahitha anjelohio dihide, amaji naang amutha thiya.
\v 31 Iring d’ohoyak hofuni de idotho disu: Kabong ithai ihena ainyong onyahi ithai Ojok? Ojyo inyong lo,
\v 32 “Nang Ojok l’Abramo, Ojok lo Isako karik Ojok lo Yakobo.” Inyong lo Ojok l’ohoswok ikara l’ohoyak.”
\v 33 Ethaninguna n’elulungir ahani, afalangai etyenio nanyong.
\p
\v 34 Ethaninguna n’Ofarisei hijan athuk Yesu ethasingahina Osadducihio, afuni amaji aboithe,
\v 35 ara lobo thosong, ohoityeniani l’oyalu, athemyo endefuna Yesu th’efiiet.
\v 36 “Ohoityenani,” inyong efiyo, “Nani efahit nabolo bebe ditha hoyalu?”
\p
\v 37 Yesu etharangyo, “’Omunoi Ohobu, Ojok lohoi th’othaji tholohoi fodok, th’ohoile tholohoi fodok karik th’ahu thanahoi bukulung.’
\v 38 Efahit nabolo karik ako bebe inyong na.
\v 39 Efahit etharehe nako bebe, inyong na ahana: ’Omunoi othulo dia athulo naindek dohoi, iring nemunorik iye ahwan nahoi.’
\v 40 Oyano bukulung ho Musa karik h’ohocorok, oduhoi dihide h’efahitha huna arehai.”
\p
\v 41 Asuduha n’Ofarisei amaji aboithe, Yesu efiyo isong,
\v 42 “Ainyong igigilo ithai tho ‘Kristo?’’ Lolonyi hongai inyong?” Isong hulo ajyo donyong, “Lolonyi ho Davide.”
\p
\v 43 Yesu ajyo dosong, “Angai hathi ilongo inyong Davide ditha Ohoile ara Ohobu, ajyo,
\q
\v 44 “Ojyo Ohobu d’Ohobu hindang, “Owoni dinget honang, lwai nang esarahina omerok hohoi tholohop h’ahejek hahoi.”
\v 45 Ara ilongo Davide Kristo‘Hobu,’angai oco Kristo awonan ara olonyi lo Davide?”
\v 46 Awang nya othulo locohi esarahina Yesu etharangio nabo; th’ofaning le adi hithemi, aang nya othulo locohi efiyo inyong efietha halwa.
\c 23
\cl Ebwayit 23
\p
\v 1 Thiya Yesu acama d’elulungir h’ohothing karik d’ohothifok honyong.
\v 2 “Ohoityenak h’oyalu karik Ofarisei, isong ohoinyanyahak h’oyalu lo Musa.
\v 3 Owak iruhu ithai, ithai ithifoitho arami hanyahi isong ithai; hoitmiruna asang hehandyo isong, anyo, aang isong hulo othifoitho asang hetyenio isong.
\v 4 Othoryo isong hulo attitto hauk dihurongithek h’ohothing haang ocohi adohoro, isong ti aang hothinok juk ohifalai dingarahina ohothing hodohoitho.
\v 5 Ihandyo isong hulo asang hasong fodok, dotehuni isong. Idorotho ekelitha hegiyeuni tha amanini nadwa, isong eyofoithe dihomongithe karik digeleni hosong.
\v 6 Idorotho dang, angai ohodori akerebusehio hasong hefificyerek abongoitho dihwandek!’
\v 7 Omunoi amasok halibo d’operok h’amuno karik anyimye okani hathero di Sinagogues.
\v 8 Omunoi bebe ara hemandaye th’abangi dimasok h’enyanga, h’ethanyangio karik ara lelongoi “Ohoityenani,” anyo, ithai bukulung h’ahang aboithe nawon “h’Ohoityeniani aboithe.”
\v 9 Ithai thaang hoilongoi othulo loboling dihap ara ‘Omonye,’ anyo iwon ithai h’Omonye aboithe dihide.
\v 10 “Aang dang irahi ilongo ithai ara ‘Lahong’, anyo, lahong lothai loboithe inyong Kristo.
\v 11 Aboithe lobolo bebe dihiji hothai, thoiwona ara ohoigyemani lothai.
\v 12 Loithaboloryo ahwan, othalauni de; ara loithalau ahwan, ithabolorye de.
\p
\v 13 “Omonyong de do ti, dothai, ohoityenak h’oyalu karik Ofarisei! Ithai odwalak! Ehyenok ithat oyihet l’Ohobye lothohide dihithemi h’ohothing; aang ithai ijinga diya karik aang ithai ihorik ohothing homok hothemyo ajingara diya.
\v 14  \f + \ft Awang.  \f*
\v 15 “Amiehunu ne do de ti, dothai, ohoityenak h’oyalu karik Ofarisei! Ithai odwalak! Idaha ithai ahide n’ahariak hahittwak ara ithai ilangithai amisok bukulung diloithuna othulo aboithe; ara erimak ithai aboithe, ihandyo ithai inyong ara locohi anden di himang operok arehai, iring ithai!
\p
\v 16 “Angai omonyong dothai, ohoithaithak ongodok! Ityenio ithai, ‘Ara lepitha th’Atemplo, aang epitha nanyong othoryo inyong, ti, ara ipitha lobo th’ayel di Templo, othoryo inyong epitha ne.
\v 17 Ongodok honanga! Ainyong oko bebe, ayel dia Atemplo nesarak ayel adwaran?
\v 18 Ityenio ithai dang, “Ara ipitha lobo th’altare, aang epitha hothoryo inyong, ti, ara ipitha lobo th’esorio thonoth’altare, othoryo inyong epitha ne.
\v 19 Angai ingodo ithai, aang ithai itek! Nani oko thanani, esorio dia altare nesarak esorio adwaran?
\v 20 Inyong nara, ara othulo lepitha th’altari, inyong lepitha thonyong karik thesoritha thahawoni dihide honyong;
\v 21 karik ara ipitha othulo th’Atemplo, inyong lepitha thonyong karik th’Ojok lomanya dith’Atemplo;
\v 22 Karik ara ipitha othulo lobo, loipitha th’okara thol’Ojok karik thonyong tholowoni dihide honyong.
\p
\v 23 “Angai de odiha dothai, ohoityenak h’oyalu karik Ofarisei! Ithai odwalak! Isarak ithai ethatomone n’amiyang nangwo kudarr, asang halibo hedwongoi, asang hamok hangwo kudarr karik asang hamok hayyu bebe, ti, ida ithai athifoitho etyenio nadiri n’oyalu, abisan, amiehina karik eladiri. Owak iyeyena ithai ehandyo ithai asang hune, ara ithai aang hoidehi hamok adi.
\v 24 Ohoithathaithak ongodok! Ipapahyo ithai ohojongathi th’obalu lothai, ara ithai idiloro agodigodi!
\p
\v 25 “Angai de omonyong dothai, ohoityenak h’oyalu karik Ofarisei! Ithai odwalak! Ilalayo ithai oiwohit, oibithi karik attafu tholondak, ahibu tholothwa ithai idehi ifuthi ara asang herimak ithai th’eribo karik hewak ithai dihwandek hathai ti.”
\v 26 “Ofarisei ongodok! Ithai odwalak! Ilalatha oiwohit, oibithi karik attafu tholothwa, dolibori dang tholondak.
\p
\v 27 “Angai de omonyong dothai, ohoityenak h’oyalu karik Ofarisei! Ithai odwalak! Ithai alame abongi, hatehuni tholondak ara aliborok, ti, tholothwa bee hohot karik ahwandek hamuyak.
\v 28 Iring ahani ne dang, tholondak ileyo iye ara loyyu, ti, tholothwa ifut iye thadwala karik theyatha.
\p
\v 29 “Angai beriena de omonyong dothai, ohoityenak h’oyalu karik Ofarisei! Ithai odwalak! Ihuhumyo ithai alame h’ohocorok ara ekikiricyo alame h’ohothing hamanya amanya nayyu;
\v 30 karik ara ithai ijyo, ara nya ira ithai imanya d’orii lonya h’ohohonyo hothai lo, aang ithai ira ihandyo asang hanya ehandyo isong, iring attohoro nasong ohocorok.
\v 31 Iring na, eruhok ithai diri hijan attohori ohohonyo hothai ohocorok.
\v 32 Ifwatha ahithemi hathi hoi, dingohina aning nanya aculuyo holethe hohonyi!
\v 33 Ithai oduring haduring h’amunuok karik amunuok, angai de ikaru ithai amiro dith’ahimang?
\v 34 Karik inyong na, anyahi nang ithai hijan asulak nang de ithai ohocorok, ohothing hoilofioro karik ohoityenak; ifuni ithai de ittohoro homok hosong, homok abihohini dikruce, homok afodohye di Sinangogues karik angaterek th’obore di bore.
\v 35 Diholu h’ehandio ahani ne, oindu de asario nattohoro n’ohothing hokabong ihandyo aning namonyong dihide hothai, th’attohoro n’Abele lokabong ihandyo aning namonyong d’attohoro no lolonyi ho Zakaria lo Berakiah loittohok ithai dihiji Atemplo karik altare.
\v 36 Anyahi nang ithai diri: oindu de asario n’attohoro nabolo ahani ne, ipwaharu dihide h’ohothing h’ofaning lahanana!
\p
\v 37 “Yerusalem, Yerusalem! Iye nettoho ohocorok ara iye imiryo th’omorik ohoifahak hathuk Ojok asulahina dohoi! Operok baya awak nang iye thosuduhu disuhe okalifinok hohoi bukulung, iring nasuduhyerek ahohorong angarok tholohop h’ewa hanyong, ti, aang iye nya iwak!
\v 38 Karik ahani ne, ofuni de idehina, ara Atemplo nahoi esuka ija.
\v 39 Th’ahanana adihithemi, anyahi nang ithai, aang ithai ifunu nang itehuna ikoti, lwai ithai ajyaran, “Loindu th’ofure thol’Ohobu, thomunoi.’”
\c 24
\cl Ebwayit 24
\p
\v 1 Yesu edyaharu Atemplo, alo adi. Afuni ohothifok honyong ithayuhina inyong arami h’athwahio h’Atemplo haduhoi.
\v 2 Yesu etharangyo, ajyo dosong, “Aang ithai itehu asang hune fodok? Anyahi nang dothai diri, aang de idehini omorwong lobo dihide holobo, aang lobo de laang omiro dihap,”
\p
\v 3 Awoniara nya no Yesu th’ahap di donge h’Olifs, afuni ohothifok honyong honyong donyong ajyori, “Inyahi ohoi, kanu de ofuni asang hune ifuhon karik inyong de oindu ithaithahina ainduna nahoi karik ecuhit n’oper?”
\p
\v 4 Yesu etharangyo, ajyo dosong, “Omijyethek tuhudik, tek ithadiraru lobo othulo ithai dipalan.
\v 5 Aca ofuni de holwa th’ofure tholo hindang. Ofuni de ijaran, “Ang Kristo,” afuni ithaitharu ohothing d’oyihoi lepal.
\v 6 Ifunu ithai de ithaninguna oikoitha h’aremi karik assayo h’aremi olamarai, ti, hoitaluhothik, aang asang hune opwak afuhon, aang onyahi hijan athuk ecuhit n’ahap ainduna.
\v 7 Oremorik de amisok ahwandek, ohobyehio aremorik ohobyehio karik owoni de ahure karik arithirithihio d’amasok bukulung.
\v 8 Ojahitha asang hune bukulung adihari n’othomone l’oitho, laitho.
\v 9 “Thiya, ofuni ithai de indefuna, ethafothohini thosarye karik attohori ithai. Omani ithai de amisok bukulung thonang.
\v 10 Th’orii le ofuni de holwa edehina eruho nasong, ofuni de ithanyangyo karik angicarik ahwandek.
\v 11 Thiya, ofuni de ohocorok hoikela ileyori karik attumye ohothing holwa.
\v 12 Esarahunu de n’amonyori mwai nya doindu, ara amuno n’ohothing holwa alo ilihan.
\v 13 Ti, lowetha dindak lwai dicuhit, ithalwahunu de.
\v 14 Karik ofuni de ityenio Assayo Angejuho h’Ohbye dihap bukulung dinyahinerek amisok fodok; thiya, oindu de ecuhit iinduna.
\p
\v 15 “Itehu ithai de ‘Abangi Namonyong bebe’ nacama ohocoroni Daniele. Oindu de iwetha d’amaji nadwa.”
\v 16 Thiya, owak ongerori ohothing hotho Judea di dongiok.
\v 17 Othulo lowon dihide h’efithe n’athwa nanyong, thaang igigiloi ecuruna dihap diinduna iduduhyo attitto hanyong diyaru dithwa.
\v 18 Othulo lowon dimana, thaang honyahu di hang diyaru abongo n’ahathero.
\v 19 Angai de oindu imonyori operok hule d’angorwo hemoho karik d’ahathingie hethanahyo!
\v 20 Omojyithik d’Ojok ithai thaang ofunu ingetha th’Ohomio dia d’Ofaning lo Dominika!”
\v 21 Aca ethathaciana th’orii le oindu de imonyori okalu ethathaciana nanya nakaang howonderek thoculwe h’ahap, teng ofaning lahanan.
\v 22 Ara kabong nya oprok hule ofuni ithasuhyo, aang nya othulo loira thalwahunu. Ti, th’arami th’arami thoh’ohothing honyimuni, ofuni de ithasuhyo oeprok hule. Arahari ara afuni ithasuhyo omiru hule, inyong de naindu aning nabo aangan iwonan iring inyong.
\v 23 Thiya, ara indu othulo lobo ijaran dothai, “Omijye, Kristo lo dini!’ Dia, “Otiha, inyong lo lad’ahtwahio hotholothwa, hoiruk inyong.
\v 24 Aca ofuni de ho Kristo karik ohocorok hoikela ileyori; ofuni de ihandyo asang hafalangai hahittwak dithadwalyerek juk ohothing honyimuni h’Ojok, ara ocohi.
\v 25 Otihatha, athuk nang ithai anyahina arami hune kabong omiru ofuni.
\v 26 Inyong na, ara ojyori dohoi, ‘Otiha, Inyong lo diterere!’ hoilo diterere!’ Dia ara ojyori isong, ‘Otiha, inyong lo loditha athwahio hotholothwa huna!’ Hoiruk inyong.
\v 27 Aca oindu de Olonyi l’Othulo iinduna irng ahila nenwahyo edoo fodok, thomoithe thoittorit di lumet h’oholong.
\v 28 Amaji nawonderek ahwan naye, diya osuduha de atharuha.
\p
\v 29 Kwak diholu h’ethathacianitha h’operok hule, oindu de oholong irioriohunu, oyefa aang ofang, ohilyefi apwahaitho thohide karik ara asuduhetha h’akolon hothohide angaterek adi thoyihothik hoigyemarik isong.
\v 30 Thiya, ethamijani l’Olonyi l’Othulo aindu ileyori didoo; ara ohothing hothop fodok afuni ikoron, atehuna nasong Olonyi l’Othulo oindu dihide h’adikolo h’ahide th’akolon karik abolori nahittok.
\v 31 Oindu de amo nahittok ikor karik ara aindu isulahina ohothai anjelohio honyong d’okangir h’ahap arangwan, karik ofuni de isuduhyo ohothing honyimuni th’ecuhit n’ahap aboithe danabo.
\p
\v 32 Ohiyani lohittok longida ahayo, thoityenie ithai, etyenio. Ara athandak hanyong haliji, aculuye esaryo abene, etek ithai hijan aindek Ohiribo.
\v 33 Ahani de dang, ara ithai hetehu asang hune fodok, itek ithai de hijan anyihari omiru; eririye aculuyo eririyo.
\v 34 Hoikwothik hijan ofuni de asang hune ifuhon dihithemi athuhon n’ohothing hulya fodok afuna aye.
\v 35 Ofwoi de ahide karik ahap adi, ti, owetha de ocame hindang.
\v 36 Aang othulo lotek kanu de oindu ofaning dia omiru hule dia anjelohio dia Olonyi, aang otehi omiru, Omonye hamaring otek.
\v 37 Oindu de ainduna n’Olonyi l’Othulo ijahitha ainyong ofuk d’orii lo Noah.
\v 38 Dihithemi h’omiru h’ahari hadilyo hune afuna, anye, amathai karik amuthai ohothing lwai d’orii loicurohinerek Noah di roko;
\v 39 dihide ahani ne, aang ohothing hotek ainyong nalo ifuhon, lwai ahari afuna afiyarai isong fodok adi. Ahani de oindu iwonan, ara Olonyi l’Othulo laindu.
\v 40 D’omiru hule ofuni de ohothing arehai igyema di mana: ofuni de iyaru aboithe, edehini aboithe;
\v 41 Ofuni de angorwo iwonan dihirye, ofuni de iyaru aboithe adi, ara aboithe edehini diholu;
\v 42 “Omijyethek tuhudik, hoi, anyo, aang ithai itek tuhudik kanu de oindu Ohobu.
\v 43 Ara otek lomonye h’ahang omiru hoindunerek ohoholani diwuryo ahang nanyong, itek iye tuhudik hijan isuka inyong lo de thahide tek ohoholani aindu iwuryo ahang nayong.
\v 44 Inyong na, ihuhumye dang ahwan, anyo, oindu de Olonyi l’Othulo d’omiru haang iye itek ainduna nanyong.
\p
\v 45 “Ngai, hathi de, ohoigyemani loiruk karik elofioro lya? Inyong lo othulo lathuk lahong lonyong esarahina thoindafaithe ohoigyemak honyong, disarak dosong anyari nasong d’omiru hocohi.
\v 46 Angai de omuno ohoigyemani lya, ara orimak lahong lonyong inyong ihandyo asang hune, ara inyong laindu di hang!
\v 47 Diri, anyahi nang ithai, isarak de lahong inyong thoindafaithe attitto hanyong fodok.
\v 48 Ti, ara inyong ohoigyemani lomonyong, oindu de inyahina ahwan nanyong hijan aang de lahong onyahu dihang diholu h’omiru holwa.
\v 49 oindu de obocoro abahyo ohoigyemak honyong, anyo anyari karik amatha h’ohoibothok.
\v 50 Thiya, oindu de lahong l’ohoigyemani lya iinduna ofaning lobo, laang ohoigyemani otek hijan inyong de loindu; th’omiru hule aang inyong lo otek.
\v 51 Oindu de inyong lahong ibobongyo, eringak inyong thongaru oyetha omonyorok odwalak. Diya, oindu de ikor erocyo ohala.
\c 25
\cl Ebwayit 25
\p
\v 1 D’orii le, oindu de ohobye lotho hide ijahitha ahana ahodwo hamok tomon, heyaru arie h’ahimang ne thauleye th’omudwe orii l’etharama, afwoi d’ohoitharamani.
\v 2 Th’ahodwo hune fodok tomon, obafuni miyet. Ara miyet ahong.
\v 3 Anyo, afwan n’ahodwo habafuni hune, eyaru arie hawang owulo di maji h’etharam.
\v 4 Ahibu ahodwo ahongok huna iyaru arie hacohi karik hawulo.
\v 5 Orii lya, akarahi ohoitharamani. Ara ahodwo emuthitha, ajothoroi.
\v 6 Dihiji h’oharie, edwong oililye karik ocame, “Ohoitharamani leedwong! Ifuna di fothuna inyong.
\p
\v 7 Ahodwo tomon huna kwak ahenyuni; ethauleye arie hasong.
\v 8 Ahodwo habafuni efiyo th’ahodwo ahongok huna arie hamok haulo.
\p
\v 9 Ara ahodwo ahongok huna ajyori, “Awang arie hahoi ocohini. Ifwatha inyangahina ahwandek arie hacohi karik haulo.'
\v 10 Hofwo ahodwo abami hune dinyangunu arie haulo ahani, ahibu ahoitharamani edwong.
\p
\v 11 Th’orii lya, emoraru ahodwo miyet ahongok huna karik ohoitharamani. Afwoi di mutha; ehienoroi oyihiet.
\p
\v 12 Orii tiibai ahani, edwongi ahodwo miyet abami huna, efiye ohoitharamani th’ongahi isong oyihiet.
\v 13 “A a! Awang nang ithai atek,” ohoitharamani etharangak isong.
\p
\v 14 Yesu engohi ocame lonyong lya th’ajaran, “Omijethek tuhidik! Awang ithai itek ofaning dia omiru.” Orijoro ohobye lothohide iring othulo lolo d’amiji nabo dipoco. Ilongu esarak d’ohogyemak honyong ebarithi hanyong.
\v 15 Isarak do lobo ebarithi miyet; ara d’etharehe esarak areha; ara d’ethaunihoi esarak aboithe. Ifothu aboithe th’ohegyemak hulya ara hacohi donyong, ara ohoithagyemani alo di poco.
\v 16 Ara ohegyemani lefothu ebarithi miyet, eyaru hanyong huna di thayocyo, arimak hamok miyet dihide hohune.
\v 17 Lefothu ebarithi arehai lo dang alo ihandyo ahani. Arimak ebarithi hamok arehai dihide h’arehai huna.
\v 18 Ohegyemani lefothu ebarit aboithe lo, alo inuhania aboithe nanyong na dihap.
\v 19 Diholu h’operok holwa, anyahu ohoithagyemani tho poco, efiyo ohegyemak honyong tho nyahi ainyong ehandyo isong.
\v 20 Eyanu ohegyemani lefothu ebarithi miyet lo hahamok diya miyet. Ajyo,
\p
\v 21 Lahong lonyong ajyo donyong, “Egyema iye tuhudik, ohoigyemani loyyu eruhu iye arami! Eruhu iye ara iye iiyinik egyema asang hattik. Esarak nang iye de thoindafaithe asang hahitwak. Iwon olenga ohobye hindang.
\p
\v 22 "Ohoigyemani dang lefothu ebarithi arehai th’ohoithagyemani lonyong lo, anyahi lahong lonyong, ajyo, Lahong hindang, esarak iye do nang ebarithi arehai. Idoro, arimak nang hamok dihide hohwa arehai.’
\p
\v 23 "Ohoithagyemani ajyo donyong, Egyema iye tuhudik, ohoigyemani loyyu eruhu arami! Eruhu iye ara iye iiyinik egyema asang hattik. Esarak nang iye de thendafaithe asang hahitwak. Iwon olenga ohobye hindang.
\p
\v 24 Ohoigyema lefothu ebarit aboithe lo aindu, ajyo, “Lahong hindang, atek nang iye othulo leririk bebe. Ingongoco iye dith’amana nakabong iye iromo ara iye iyehi ohinyomo diya.
\v 25 Abang nang. Inyong nalo nang inuhahina ebarit nahoi aboithe na dihap. Ibe ebarit nahoi.’
\p
\v 26 Ara ohoithagyemani etharang inyong ajyo donyong, “Iye ohegyemani omonyoroni karik ofathani. Itek iye hijan engongoco nang dith’amana nakabong nang aromo, nang ayehi ohinyomo diya.
\v 27 Ira iye nya isarahina ebarithi hundang hune d’ohoindefak h’akoni h’ebarithi; dara nya kodien anyahuna hindang era nang irumahina ayothoi.
\v 28 Hajak ahani hune, iduhuna ebarit aboithe ne adi thonyong, ara ithai isarak do lara ebarithi hanyong tomon lya.
\v 29 D’ othulo lowon h’ebarithi olwarai, ofonihini de halwa donyong. Ara d’othulo lomutha ebarithi hanyong, juk tiibai hune eduhuni de adi thonyong.
\v 30 Omirohina ohoigyemani lofyaha dignwai dimudwe, amaji n’ekor herocio n’ohala.
\p
\v 31 Ara mwai Olonyi l’Othulo laindu th’abolori h’anjelohio honyong, oindu de iwoni dikara honyong h’abolori.
\v 32 Ofuni mwai ohothing h’amisok isuduha dihithemi honyong, ekelyo ohothing, iring nekelyerek ohoyohoni akero dinget, anyimot dihotong.
\v 33 Ikelak mwai akero dinget honyong, anyimot dihotong honyong.
\v 34 Oindu de Ohobu ijaran d’ohothing hotho inget honyong, “Ifuna, ithai hathuk Lalamonye aboroyo, Iyatik ohobye lonya ehuhumahini ithai thoculwe h’ahap.
\v 35 Aleng nang nya ahure, ara ithai isarak nang anyari. Nang ebotho ahibothit, ara ithai iasarak nang ahari h’amathai. Alo nang nya di misok, awang amaji tho nang, ara ithai ilongu nang dithwa.
\v 36 Adaha nang nya iluluyai, ara ithai nang ithayofyo. Adiha nang, nang efitha nya, ara ithai ifunu nang ittihyo, ara ithai imijyo di put honang.’
\p
\v 37 Ohothing hobis afuni ijaran donyong, “Hobu, kanu nya, itehu ohoi iye h’ahure, ara ohoi iyeisarak iye anyari, h’ahibothit, ohoi isarak iye ahari hamathai?
\v 38 Kanu nya iwon iye ara othohomononi, ohoi iye isarak amaji; kanu nya idaha iye iluluyai ohoi iye ithayofyo?
\v 39 Kanu nya idiha iye, iye ifitha, ara ohoi ifwo iye idoryo karik ara ohoi imijyo diput hohoi?’
\p
\v 40 Ara Ohobu aindu itharang isong, ajyo, “Diri, anyahi nang dothai, aning nehandyo ithai d’aboithe lotti th’olarok hundang hulya, donang ihandyo ithai.”
\v 41 Ohobu aindu ijaran d’ohothing hotho ihotong, “Ifwatha adi thonang, ithai hathuhi ecyenahina, ditha h’ahimang namanya mak, nanya athuhi ehuhumahina do Sitan ho anjelohyo honyong,
\v 42 Anyo, aleng nang nya ahure, kabong ithai nang isarak anyari, nang ebotho ahibothit, kabong ithai nang isarak ahari h’amathai.
\v 43 Alo nang nya di poco, kabong ithai nang ilongu di hang; nang adaha iluluyai, kabong ithai nang ithayofyo; nang adiha karik nang efitha, kabong ithai nang ifwo idoryo karik kabong ithai nang ifwo idoryo karik imijyo diput honang.’
\p
\v 44 Isong dang afuni itharang ajyori, “Hobu, kanu nya, itehu ohoi iye h’ahure, h’ahibothit, kwong amaji, iluluyai, h’adiha akrik difitha, ara ohoi awang iye ilwahyo?”
\p
\v 45 Ohobu aindu itharang isong ajyo, “Diri ajo nang dothai, aning nakabong ithai ihandyo d’aboithe do lotti th’olarok hundang hulya, kabong ithai ihandyo do nang.’
\v 46 Ofwo de ohothing hulya d’abahio namanya mak; ara ohobisak afwo d’esu namanya mak.”
\c 26
\cl Ebwayit 26
\p
\v 1 Aindu nya iwonan, engohina no Yesu ocamitha lonyong, ajyo, “D’ohothifok honyong,
\v 2 “Itek ithai hijan diholu h’operok arehai owon de ofaning l’amuno; ofaning le lofunere de ibehohinere Olonyi l’Othulo di kruce.”
\p
\v 3 Ohoithamojok hohitwa karik ohobolok h’ohothing asuduhai di hang h’ohoithamojoni lohitto, Kaifas.
\v 4 Owak isong hulo th’ahap th’ahap ijan otohori Yesu.
\v 5 Otehi hijan are otoho isong Yesu d’ofaning l’amuno, ingere de ohothing etharohoje esuka.”
\p
\v 6 Ofaning le orimak Yesu di Bethani, dihang ho Simone l’atalulu,
\v 7 di nyari, aindu athulo nabo h’ehulo n’elethang, abuhok di hu ho Yesu.
\v 8 Atehuna n’ohothifok ho Yesu arami hune, engereji, ajori, “aisong arami hetharohojerek elethang ne ija ahani?
\v 9 Irahi ilwahyere ohoicanak.”
\p
\v 10 Yesu, dihide atehan arami hune ajo dosong, “Ainyong nathai nad’athulo ne? Ehandyo aning nalibo bebe do nang.
\v 11 Ithai h’ohoicanak imanya; awang de isuka hothai fuur.
\v 12 Abuhohina elethang di hu honang, orijoro iring n’anuhio hindang.
\v 13 Diri anyahi nang ithai, amaji nepurarri evanjelyo ne di hap, iihi de ohothing aning nehandyo athulo ne do nang.
\p
\v 14 Loboling th’ohothifok honyong, lelongoi ara Yuda Iskariot, alo d’ohoithamojok hohitwa,
\v 15 ajo dosong, “Ainyong isarak ithai nang ara ethafothok nang dothai Yesu?” Esarak isong hulo enyahwo othomona aunihoi arakang.
\v 16 D’orii le, othifeyo Yuda oyihoi lethanyangahinerek inyong Yesu.
\p
\v 17 D’ofaning ohoithemoni l’anyari n’ofaning l’amuno, afuni ohothifok ho Yesu ajori donyong, “Dingai de efwo inyo anyari n’ofaning l’amuno?”
\p
\v 18 Ajo dosong, “Ifwatha di bore d’othulo lodiya; ijaratha donyong ojo “Ohoithayeyenani’’ “Aindek omiru hundang; alo nang inyo ofaning l’amuno h’ohothifok hundang di hang hohoi.”
\v 19 Ehandyo ohothifok iring nanyahinere isong Yesu, ehuhumye anyari n’ofaning l’amuno.
\p
\v 20 Edwongon n’athari owoni Yesu h’ohothifok honyong tomon h’arehai di nyari ofaning l’amuno.
\v 21 Dihide h’anyari, ajo Yesu, “Diri diri ajo nang dothai lobo thothai lolo nang ithanyangahina.” 2
\p
\v 22 Adiha n’othaja hosong bebe, bebe, diri. Atangahini efifiyo ahwandek ajori abok abok do Yesu, “Ikara do ti nang, Hobu?”
\p
\v 23 Yesu etharang, “Lesarak ahinang nanyong honang dibithi lya, inyong de lya lethanyangak nang lo.”
\v 24 Olo de Olonyi l’Othulo, iring nathuhi egeryere thonyong. Ti, omonyo de d’othulo lethanyangyo Olonyi l’Othulo lya! Ira nya iyiji ara kabong nya kodyen hoiyisun inyongi.
\p
\v 25 Yuda, lethanyangak de Yesu lo ajo, “Nang re Ohoithayeyenani?” Yesu ajo donyong, “Ethuk iye olefeng ajan.”
\p
\v 26 Dihide anyari nasong, eduhu Yesu angiryang, oboroyo, apinyo. Esarak dosong, ajo, “Ibethina, onyethe. Ahwan hindang ne.”
\v 27 Eduhu oihutye, ajyo ihum, esarak dosong, ajyo, “Omathathi, ithai fodok.
\v 28 ahotho hindang ne n’emora angejuk, nabuhohini de th’ohothing olwarai, dihohinere eyatha.
\v 29 Ti, ajyo nang dothai, awang nang h’amatha th’ahayo h’ohiyani lya, lwai d’ofaning lefunere imathari dang di hobye ha Lalamonye.”
\p
\v 30 Athuhon nasong edolo oyele, ajinguni dindak afwoi di donge h’Olif.
\v 31 Diya, Yesu ajo dosong, “Engero ithai de fodok adi tho nang th’aharye. Anyo athuk egero, “Abak nang de ohoyohoni, ara akero athuroro.’
\v 32 Ti, diholu ethadothuna honang, alo nang de ahithemi hothai di Galilea.”
\p
\v 33 Peter ajo do Yesu, “Juk ongero ohothing fodok thohoi, awang nang edehi iye.”
\p
\v 34 Yesu ajo do Petro, “Anyahi nang iye arami hadiri, do oteng l’amoithe, kabong ohohorong hoisir, irisa iye nang de operok aunihoi.”
\p
\v 35 Petro ajo do Yesu, “Juk owon ara aye do nang, awang nang iye arisa.” Ohothifok ho Yesu fodok ajori ahani.
\p
\v 36 Yesu alo d’amaji nelongoi ara Gethsemane, ajo d’ohothifok honyong, “Owoniyara dini nang lahalo di mojo.”
\v 37 Yesu eyaru honyong Petro h’oduring arahai ho Zebedeyo; othaji lo Yesu aboco adihari th’ethathaciana.
\v 38 Ajyo d’ohothifok honyong, “Odiha ethathaciana n’othaji hindang lwai diiye. Ithilauna dini. Iririyethe ainyong naindu.”
\v 39 Ehuthohina no Yesu tiibai ahani, apwaharu ahomong adihap, amojyo, “Lalamonye, ara ocohi kodien, iyaru ethathacana ne adi thonang. Ti, ikara iring awak nang. Aning newak iye thoihandye.”
\v 40 Yesu anyahu d’ohothifok hong. Orimak athuhi ajothoro; ajo do Petro, “Anyo ti, awang ocohi dothai ethilahina honang juk orii tiibai?
\v 41 Omijethe tuhudik ahibu ithai imojyo tek ithai ethadwalye. Atek nang, oko ohoile, ahibu ahwan ilik.”
\v 42 Yesu anyaha di mojyo. Ajyo, “Lalamonye, ara owon oyihoi lekarahinerek awangan hindang ethathaciana, aning newak iye th’ehandye.”
\v 43 Anyahu koti. Oindu irimahina ohothifok honyong d’ajoo.
\v 44 Anden adi edyaharu isong koti, alo di mojyo operohothi oithaunihoi. Enyoryo Yesu Ocame lonyong.
\v 45 Aindu ajyo d’ohothifok honyong, “Ithai hodiferi h’ayiri? Idorotho, Anyiha orii, Olonyi l’Othulo lofwoi ithanyangahina d’ohoiyak.
\v 46 Odothothik. Hafatha. Aindek ohoithanyangani hindang.”
\p
\v 47 Kabong Yesu ingohi ocame, edwong Yuda Iskariot, oithatomone h’areha l’ohothifok, edwong. Oindu h’elulung nahittok n’ohothing th’ohoithamojok hohitwak karik hahong h’ohothing. Ofuni h’odemio karik oinduhi.
\v 48 Anyahi othulo lolo ithanyangahina Yesu lo elulung angai olo inyong ithaithahina Yesu dosong hijan, “Othulo le mandayo nang, inyong lya. Indefuna inyong.”
\v 49 Kwak, aindu do Yesu, ajyo, “Tekka, ohoithayeyenani!” Emandayo inyong.
\p
\v 50 Yesu ajyo donyong, “Omotte, ihandye aning newak iye.” Aindu elulung. Endafaitho Yesu.
\v 51 Diya, lobo th’ohothifok ho Yesu, ahethu odemi esalu ehiyok n’ohoigyemani l’ohoithamojoni lohittok.
\v 52 52 Yesu ajyo donyong, “Inyahak odemi di maji honyong. Ohothing hoilademi, oyethi de th’odemi.’
\v 53 Igigilo iye awang nang hoira ilongo Lalamonye; era isulahina nang elulungir h‘anjelohio tholohide ho tomon h’arehai?
\v 54 Angai ira arami h’adwa hathuk egero ifuna iwonan?”
\v 55 D’orii le Yesu ajyo d’elulung n’ohothing, “Ifunu ithai h’oinduhi h’odemyo dindafaitho nang iring ohoholani? Nang hothai di Tempolo dithayeyenio, anyo nawang ithai nang indafaitho?
\v 56 Ti, owon arami hune d’ofuni arami h’ohocorok ileyori.”
\p
\v 57 Athuhon nasong endefuna Yesu, eyarai inyong do Kaifas, ohoithamojoni lohittok. Diya, orimak ohoigerok h’ohobolok disuduha.
\v 58 Diyaru Yesu do Kaifas, othiforo Petro ahibu inyong ingengekaru isong olamarai.
\v 59 Othifeyo th’orii le ohoithamojok hohitwak karik asuduhe nahittok n’ohobolok arami hepal ditohyere Yesu.
\v 60 Awang h’orimahini, juk ithemyo iye angai. Diholu h’arami hune fodok afuni homok ohothing arehai, ajyori othulo lya,
\v 61 ‘Ocohi do nang disuluyahahini athwa n’Ojok, ara nang aduho, nang ethaiweji d’operok aunihoi.”
\p
\v 62 Ohoithamojoni lohittok adotho, ajyo do nyong, “Awang etharangio nahoi? Anyo ocama isong arami hamonyong hune tho iye?”
\v 63 Odularu Yesu. Ohoithamojoni lohittok ajyo donyong, “Anyahi nang dohoi th’ofure thol’Ojok lesu, inyahi ohoi, iye Kristo, Olonyi l’Ojok?”
\p
\v 64 Yesu etharang inyong, “Ethuk iye ajaran iye olefeng. Ti, anyahi nang dohoi, th’orii lya adihithemi, itehu iye de Olonyi l’Othulo owoni dinget h’akolon, aindu dihide h’adikolo hotho hide.”
\p
\v 65 Ohoithamojoni lohittok ariit alyenyi hotho hwan hanyong, ajyo, “Athuk acama arami h’amonyong heda Ojok, ajyo, “Ara asang hamonyo hajak angai iwak ithai. Idorotho, ethairu ithai arami hamonyong d’Ojok.
\v 66 Ainyong igigilo ithai?” Isong etharangi ajyori, “Ocohi h’aye.”
\v 67 Isong hulo amico ahamilak di homong ho Yesu, anangye inyong. Ajyori,
\v 68 “Onyahi sede ohoi, iye Kristo. Ngai lobak iye lya?”
\p
\v 69 Omiru hulya orimak Petro owoni di fwata, ahodwothi negyema diya efiyo inyong, “Iye do nya ho Yesu di Galilea.”
\p
\v 70 Arisa Petro dihithemi h’ohothing fodok, ajyo, “Awang nang atek ainyong icama iye.”
\p
\v 71 Anden nanyong dingwai dihuthuk oyihyet, ahodwothi nabo negyema atehu inyong, ajyo d’ohothing fodok howon diya, “Owon nya onde lya d’ohothifok ho Yesu la Nazaret.”
\p
\v 72 Petro arisa koti th’epit, “Awang nang etek othulo lya.”
\p
\v 73 Omiru tiibai ahani afuni ohothing hoindek diya koko, ajyori do Petro, “Diri iye lobo th’ohothifok ho Yesu. Oleyo th’ocame lohoi.”
\p
\v 74 Aboco Petro aculuyo afecyo th’epithahina ahwan th’epit. Kwak ahani ohohorong esir.
\p
\v 75 Eyuna no Petro ocame lo Yesu donyong, lojyo. “Dihithemi h’esir n’ohohorong, irisa iye nang de operok aunihoi.” Alo dindak, diyambaritha ekor.
\c 27
\cl Ebwayit 27
\p
\v 1 Abengan n’amoithe, ohoithamojok karik ohobolok, awahi hijan Yesu thottohori.
\v 2 Endafaithe, athorye, eyarai Yesu do lahong l’ahap, Ponsyo Pilato.
\p
\v 3 Atehuna no Juda, lethanyangyo de Yesu lo, hijan Yesu lofwoi ittohoro, enyaharu enyahwo henyangunerek inyong Yesu hune d’ohoithamojok hohittwak h’ohobolok h’ohothing.
\v 4 Ajyo Juda, “eyau nang disarahina othulo lokabong hoiyau thottohori. Isong hulo ajyori, “Awang oho thiya; otiha arami hahoi holefeng.”
\v 5 Juda Skariot arwasaru enyahwo hune dith’Atempolo; alo ittoloro.
\v 6 Ohoithamojok hahong h’ohobolok h’ohothing ajyori, “Aang h’eyarai enyahwo h’ahotho di Tempolo.”
\v 7 Isong hulo ajyori, inyangunerethe enyahwo hune amaji na nuhyerek ohodahak.
\v 8 Inyong nelongori amaji nya lwai hongorna ara “amaji n’ahotho.”
\v 9 D’ofuni arami h’ohocororni Jeremiya iwonan ara hadiri, “Eduhuni enyahwo hethanyangerek inyong ohothing ho Israele,
\v 10 esarahini di mana h’ohoyani l’amoco, iring nathuhorik nang ohobu anyahinerek.
\p
\v 11 Yesu awoitha dihithemi ho lahong l’ahap, efiyo inyong, “Iye Ohobu l’Ojudei?” Yesu etharang inyong, “Ejyo iye.”
\p
\v 12 Pilato anyaha di hang; ethalongo Yesu. “Iye Ohobu l’Ojudei?”Pilato efiyo Yesu.
\v 13 Yesu etharang Pilato, “Thohoi oindu oifiet lya, dia ohothing homok onyahi iye hijan nang ngai?”
\v 14 Pilato etharang Yesu, “Hibu nang ti l’Ojudei? Ohothing hohoi indefu, eyanai iye donang. Ehandyo iye ti ainyong.
\v 15 Yesu ajyo, “Ohobye hindang ikara lothohop. Ara ohobye hindang lothohop, irahi nang ohothifok hundang ikauna th’endafaitho n’ohobolok h’Ojudei. A a, ohobye hindang ikara lothohop thene!”
\v 16 Pilato efiyo Yesu, “Hibu diri iye Ohobu?” Yesu ethanrang, “Ejyo iye nang Ohobu. Aisuni nang; nang aindu dihap th’arami thohune: dicama arami hadiri. Le ithaningyo arami hadiri, ithaningyo nang.
\v 17 “Aisong arami hadirir?” Pilato efiyo Yesu. Pilato anyaha dindak, ajyo d’ohothing, awang nang arimak arami h’ethayeyere Yesu.
\v 18 Otek Pilato hijan owahi Ojudei atohoro Yesu th’ahaini.
\p
\v 19 Asulu nafure ho Pilato ocame d’othulo lonyong, ahibu inyong owoni dihide h’okara lokanyere arami, ocame lojyo, “Hoihandyo arami hamonyong d’othulo lobis lya. Kabong nang ajoothoro ohariee th’etharikahio thahanyong.”
\p
\v 20 Ohoithamojok hohittwak anyahini d’ohothing thoifiye Pilato thohohi Barabas, attohori Yesu.
\v 21 Lahong l’ahap efiyo isong, “Loni th’arehai iwak ithai ahohi nang?” Ara ohothing ajyori, “Barabas.”
\p
\v 22 Pilato ajyo dosong, “Angai ehan nang Yesu?” Ohothing ajyori, “Obehok Yesu di kruce.”
\p
\v 23 Pilato ajyo dosong, “Anyo, ainyong obafu odyahu?” Ekori, euluhoi, eluluo ohothing, “Obehok Yesu di kruce.”
\p
\v 24 Atehuna no Pilato aang aning nacohi honyong ehandyo, engengelyo owahi ohothing etharohojo, elongu ahari afiniya dihithemi h’elulung n’ohothing, ajyo, “Aang ocohi do nang di ngouna ahotho n’othulo lobis lo. Ottihyethe ithai amonye.”
\p
\v 25 Ohothing fodok ajyori, “Ahotho nanyong thoiwona dohoi h’oduring hohoi.”
\v 26 Pilato ahohi Barabas dosong; ethafodohyo Yesu, ahorik isong thoifwa obehok inyong di kruce.
\p
\v 27 Ohoremok hoiririyo lahong l’ahap eyaru Yesu d’abore nahittok n’eririyerek ahap nasuduharik ohoremok fodok.
\v 28 Ahoye inyong, ethayofohini ahilyen anaborong.
\v 29 Ehuhumye ehithang n’oihwa abehohini di hu ho Yesu, ahibu inyong indafetho othelek th’enget. Ohoremok hulya arigongo dihithemi honyong, ethalubangye inyong ajyori, “Koruk do ohobu l’Ojudei.”
\v 30 Ohoremok amico ahamilak di hwan ho Yesu, ahoruni othelek adi tho hinang honyong, abahi Yesu di hu.
\v 31 Athuhon nasong ethalubangyo Yesu, ahouni ahilyen anaporong ne adi tho hwan honyong, enyahahini ahilyen no Yesu di hwa honyong, eyarai inyong dibehohina di kruce.
\p
\v 32 Afuna nasong dindak, arimahini othulo lo Cyrene, loilongoi ara Simone; eringahini inyong anden hosong dingarahina Yesu adohoro akruce.
\v 33 Edwongi di Golgotha, amaji “n’ahosi h’ohothing.”
\v 34 Diya, esarahini inyong thomathai emathitha hadwa iring odengela. Ethem ahani, eda Yesu amatha.
\v 35 Athuhon nasong abehohina Yesu di kruce, ahorai alyenyi hanyong th’arwasa thon’omorik;
\v 36 Awoniyari ohoremok hulya, dikeyo inyong.
\v 37 Di hu h’akruce, abehohini diya ocame lojyo, “Yesu, Ohobu l’Ojudei.”
\v 38 Obehohini nya di kruce ohoholak arehai ho Yesu, oboithe dinget, loboling di hotong.
\v 39 Ohothing hofwo thole, eniningyo ahosi, amorye inyong,
\v 40 ajyori, “Iye lonya ijyo, isuluyahak iye de Atempolo ara iye ithawejik d’operok aunihoi, ithahoru do ahwan nahoi! Arai iye olonyi l’Ojok, icuru thohide h’akruce!”
\p
\v 41 Ofaning le dang, ethafoyongyo inyong ohoithamojok hohittwak, ohoigerok karik ohobolok ajyori,
\v 42 “Ithalwahu homok, aang h’oco alwahuna ahwan nayong. Inyong Ohobu Lo Israele; Inyong thoicuru tho hide h’akruce di ruk ohoi donyong.
\v 43 Obolo eruk nanyong d’Ojok; Ojok thethalwahu ara owak ethalwahuna inyong, Atha ojyo inyong, “Nang Olonyi l’Ojok.”
\v 44 Ara ohoholak hobehohini honyong di krue hulo dang amorye inyong ahani.
\p
\v 45 D’omiru inde h’ofaning, aindu omudwe di hap fodok lwai d’omiru sahal h’ofaning.
\v 46 Th’orii le, elululuo Yesu bebe, ajyo, “Eli, Eli, lama sabaktani? ojyo ocame lya: “Ojok hindang, Ojok hindang, anyo idyaharu iye nang?”
\p
\v 47 Ohothing howetha diya indehai hoithairu ajyori, “Elija ilongo.”
\p
\v 48 Lobo aboithe thosong kwak eduhu abahandi n’ohimai etuhi ditha h’obalu olodong, esarak di huthuk ho Yesu; tho mathai;
\v 49 Ohothing holwa ajyori, “Idehina onde lya hamaring. H’edoryethe ara oindu Elija ethalwahuna inyong.”
\v 50 Yesu koti ekor bebe, ara ohoile lonyong adutharu.
\p
\v 51 Th’orii lya, alyenyi fodok hotho Tempolo, arithai hara thohide lwai di hap. Ehihira ahap, omorik abobora.
\v 52 Anga alame, ara ohothing h’Ojok honya ajoothoro, ahenyuni th’ajoo.
\v 53 Ofuni tho lame, diholu h’ebuhuna nanyong, ajingari d’abore nadwa, aleyori d’ohothifok olwarai.
\v 54 Atehuna na lahong l’ohoiriryak ho Yesu karik ohothing homok, arithirithi h’asang fodok hawon, abangi ajyori, “Onde lya diri Olonyi l’Ojok.”
\v 55 Owethi, engengelye olamarai angorwo hanya othiforo Yesu tho Galilea difwan ilwahyo diya.
\v 56 Dith’angorwo hwa owoni nya: Maria Madalina, Maria nahathingi ho James karik Yosefo karik ahathingi n’oduring ho Zebedeyo.
\p
\v 57 Ajara nya awon ara athari, aindu ohobarani lobo th’amiji n’Arimathea, ilongoi ara Yosefo, ohothifoni lo Yesu.
\v 58 Yosefo l’Arimathea alo do Pilato difiyo ahwan no Yesu. Pilato anyahi ahwan no Yesu thoisarahini do Yosefo.
\v 59 Yosefo eyaru ahwan no Yesu emuhok th’alyenyi angejuho aliborok.
\v 60 Alo ithaferihina dith’ahilame angejuk nanya ikefak inyong dith’amorwong. Asulak amorwong nahittok dihuthuk h’ahilame, alo adi.
\v 61 Orimak Maria Madalina ho Maria naboling owoniyari diker h’ahilame.
\p
\v 62 Nya moithe awon ara ofaning lehuhumyo n’ofaning l’amuno. Asuduha ohoithamojok hohittwak, Ofarisei ho Pilato.
\v 63 Ajyori, “Lahong, ojahitha ojyo nya ohodwalani* le homijo, ‘Diholu operok aunihoi ebuhu nang de th’oye.’
\v 64 Otiha hijan ahilame thoikeye tuhudik. Ara ike ahani, ofuni de ohothifok honyong, ahoholarai inyong ajyori d’ohothing, “Ebuhu th’ohoyak.” Omonyong de adwala etharehe, okalak ehethemoni.”
\p
\v 65 Pilato ajyo dosong, “Iyathik ohoikyani. Ifwatha; Ikeyethek ahilame tuhudik iring itek ithai.”
\v 66 Afwoi isong hulo, afwoi isarahina ahilame th’ekeye tuhudik, amorwong thoithothorohini dihide, ara ohoikyani eririyo.
\c 28
\cl Ebwayit 28
\p
\v 1 Thene, diholu h’Ofaning Oithacofe, afwo ho Maria Madalina ho Maria naboling di tihyo ahilame no Yesu.
\v 2 D’omiru hule edwong arithirithi, aindu honyong tho hide anjelo l’Ohobu, eyafulangu amorwong adi tho hide h’ahilame no Yesu, awoni dihide h’amorwong.
\v 3 Oleyo anjelo lya iring emedek n’ahila, abongoitho hanyong abongi iring eriri.
\v 4 Ehihira ohoikyak h’ahilame th’abangi, ojahitherek ohoyak.
\v 5 Anjelo acama d’angorwo hune, ajyo dosong, “Hoibangatha. Atek nang. Yesu ithifeyo ithai, lonya athuhi abehohina di kruce.
\v 6 Aang thene; ti, ebuhu iring nanya ojyarik inyong. Ifuna idorotho amaji nanya ithaferihinerek Hobu na.
\v 7 Ifwatha kwak di nyahina ohothifok honyong, ‘Athuk ebuhuna th’ohoyak. Otihyethe, athuk anden ahithemi nathai di Galilea... Diya, ifwo ithai de itehuna inyong. ‘Idorotho, athuk nang ithai anyahina.”
\p
\v 8 Angorwo hune kwak edyaharu ahilame th’abangi h’amuno, angerori di nyahina ohothifok ho Yesu.
\v 9 Diya, arwangarik isong Yesu, ajyo dosong, “Emanda!” Afuni angorwo, endafaithe Yesu thohejek amojyoi donyong.
\v 10 Yesu ajyo do song, “Hoibangatha. Inyahina halalalai thoifwa di Galilea. Ofwoi de itehuna nang diya.”
\p
\v 11 Afwan n’angorwo, ohoikyak h’ahilame no Yesu afwoi dang di bore dinyahina ohoithamojok hohittwak arami angejuho hawon th’orii le.
\v 12 Athuhon n’ohoithamojok h’ohobolok acama arami hune, eduhuni enyahwo adumahini d’ohoikyak h’ahilame no Yesu.
\v 13 Anyahini isong hulo ohoikyak, “Ijaratha, d’ohothing homok, afuni ohothifok ho Yesu ahoholarai ahwan nanyong ahibu ohoi ethuk ajoothoro.'
\v 14 Ara iwas arami hune do lahong lahap, inyahi ohoi de inyong th’aang hoihandye arami hamonyong dothai.”
\v 15 Eruhuni ohoikyak, efothuni enyahwo iring nathuhi isong anyahina. ethathurohini arami hune d’Ojudei karik di hap fodok lwai hangorna.
\p
\v 16 Ti, afwoi ohothifok ho Yesu di Galilea, d’odonge lonya onyahi Yesu isong thoifwa diya lo.
\v 17 Atehuna nasong Yesu, amojyoi donyong. Kabong ti homok hoiruk arami hune tuhudik.
\v 18 Yesu aindu, acama dosong, ajyo, “Abolori fodok athuhi esarahina do nang dihide karik di hap.
\v 19 Ifwatha orimahina ohothifok h’amisok fodok. Ethandefahini isong Abatisimo th’ofure thol’Omonye, thol’Olonyi karik thol’Ohoile Lodwa.
\v 20 Ityeniethek isong thoiruho asang fodok hathuk nang ithai anyahina. Otihatha, awon nang de hothai juui, lwai dicuhit h’ahap.”