\id REV
\ide UTF-8
\h Ezaliehina
\toc1 Ezaliehina
\toc2 Ezaliehina
\toc3 rev
\mt Ezaliehina
\c 1
\cl Ebwayit 1
\p
\v 1 Ethalyehina na no Yesu Kristo nesarak Ojok donyong dithaithahina ohoigyemak honyong ainyong de nafuk kwak. Isarak inyong thotehi thasulahina anjelo lonyong d’ohoigyemani lonyong Yoanne.
\v 2 loiruhu anyahina ocame l’Ojok, Yesu Kristo karik asang fodok hatehu inyong.
\v 3 Othulo lehena ecorit ne omurut dihide, ohothing hoithanigyo ocamitha hothatha ecorit ne karik ohothing hoiruk ainyong negero ditha h’ecorit ne, thomunoi.
\p
\v 4 Yoanne, d’ekklesiahio cofa hotho Asia: Alwahio thoiwona dothai, elik n’ahap, tholowon, tholonya owon karik tholoindu de, th’ohoilehio cofa hothohithemi h’okara lonyong,
\v 5 tho Yesu Kristo, ohoiruhoni lotihak, ohoithemoni th’ohoyak karik th’ohoindefani l’ohobwore h’ahap. Donyong lomuno ohothai, ahohi eyatha hahothai th’ahotho thananyong.
\v 6 athuk ehuhumahina ohothai ara ohobye, ho fadiri, ara h’Ojok karik Omonye lonyong, abolori karik okolon thowoni donyong mak Amen.
\q
\v 7 Otiha, inyong de loindu dith’adikolo. otehuni de inyong ahonde fodok haharom inyong. Ikori de amukoko hothohop bukulung thonyong. Aa. Amen.
\p
\v 8 “Nang Alpha karik Omega,” Ojyo Ohobu Ojok, “inyong lowon, inyong lonya owon karik inyong de loindu, Lamolo.”
\p
\v 9 Nang, Yoanne – loithelai, longara hothai ethathaciana, ohoboye karik angongio nadihani hawon ditha ho Yesu, awon nang nya d’ofifi, loilongoi ara Patmos di nyahina ocame l’Ojok karik Yesu.
\v 10 Awon nang nya ditha h’Ohoile d’ofaning l’Ohobu. Ethaningu nang tholohurong honang omurut lohwat iring l’amo.
\v 11 Ojyo, “Igerok ainyong itehu iye dith’amanini, ara iye isulak d’ekklesiahio cofa: Ephesus, Smyrna, Pergamum, Thyatira, Sardis karik Laodicea.
\v 12 Nang eloyitho dingengelyo longai omut locama donang lya. Diloyitho honang, atehu nang ethawejitha ayeli cofa h’ahimang.
\v 13 Dihiji hosong ihyelaru nabo olonyi l’othulo, loiyofoitho abongo nahodo lwai dihejek, athora disuhe th’efithek ayel.
\v 14 Obwori nya ahu karik ohofir iring awaro – obwori iring ofalanga h’ohuju – ahonde hanyong ajahitha ongadiep l’ahimang.
\v 15 Ojahitha nya ahejek hanyong ebindang anadwor neresa dia namuda, karik omurut lonyong nya ahwat iring ahari olwarai hangetha.
\v 16 Owon h’ohilyefi cofa dinget karik odemi lofi oyirihi arehai oindu tholo huthuk honyong. Owulo nya ohomong nanyong iring oholong lonok bebe.
\v 17 Atehuna hindang inyong, nang apwaharu dihejek honyong iring othulo lathuk aye. Ethahi ahinang nanyong nenget dihide honang, ajyo, “Hoibang, Nang lothohithemi Nang lothoholu.
\v 18 karik lomanya. Aye nya nang, ti, idoro, amanya nang, nang amanya mak! Awon nang h’ongaitha h’aye karik ho Hades.
\v 19 Inyong na, Igerok dihap asang hethuk iye atehuna, aning nawon karik aning naindu de ifuhon diholu hone.
\v 20 Iring ainyong ojyori ohilyefi cofa hetehu iye thinget honang karik ethawejitha ayeli cofa h’ahimang: Ohilyefi cofa isong anjelohio cofa; Ethawejitha ayeli h’ahimang isong ekklesiahio cofa.
\c 2
\cl Ebwayit 2
\p
\v 1 ”Igerok d’anjelo l’ekklesia no Ephesus: “Ocamitha holo indafaitho ohilyefi cofa dinget honyong d’ethawejitha ayeli cofa h’ahimang.
\v 2 “Atek nang egyemathik hathai, egyema nathai nako, angongio nathai nadihuni, aang ithai ingongu omonyorok, ti, ethemyo ithai ohothing hojyori isong ohifak, ti, ikara, karik irimak ithai isong ara hoikela..
\v 3 Ithai hengongyo th’adihari, ithai hengongyo th’ofure tholohindang, karik kabong ithai ahwandek odouni.
\v 4 Ti, awon nang haning namonyong dothai, edehina nathai diholu amuno ehethemoni.
\v 5 Hoikwothik hathi thongai ethuk ithai apwaharu. Oburunethek, ara ithai ihandyo asang hehandyo ithai ahithemi. Ara eburunu ithai, aindu nang de dothai, nang eyaru adi ethawejit n’ahimang nathai tho maji honyong.
\v 6 Ti, iwon ithai h’arami huna: Ida ithai fodok fodok egyemathik h’ohothing ho Nikolatan, head nang dang fodok fodok.
\v 7 Lowon h’ehiyok, thethairye ainyong ocama Ohoile d’ekklesiahio. Dolotelu esarak ahorik nang de thonye thohiyani l’esu lowon ara paradiso n’Ojok.”
\p
\v 8 “D’anjelo l’ekklesia no Smyrna, igerok: “Ocamitha holowon ara ohoithemoni karik lothoicuhit, inyong lonya aye, ebuhu ikoti:
\v 9 “Atek nang ethathacianitha karik ecan nahoi, ti, ebara iye. Atek nang omoritha h’ohothing hojyori isong Ojudei, ikara isong. Isong hulo a Sinagogue no Sitan.
\v 10 Hoibang anden ethathaciana nahoi. Otiha! ainden amonyori asulahina homok thothai difitha dithwa, dithemyerek ithai; ithathaciana ithai de ditha h’operok tomon. Iwona ara ohoiruhoni took diye; esarak nang iye de alohuluk n’esu.
\v 11 Lowon h’ehiyok thoithairye, thethairye ainyong ojyo Ohoile d’ekklesiahio. Lotelu, aang de iryafa th’aye etharehe.’”
\p
\v 12 “D’anjelo l’ekklesia no Pergamum, igerok: ‘Ocamitha ho lowon h’odemi lohittok, lofi oyirihi arehai:
\v 13 “Atek nang dingai isuka iye. Amaji nya nawonderek okara lo Sitan. ti indafaitho iye ofure hinndang ririik. Atek nang kaang iye ida eruk nahoi donang, juk d’operok ho Antipas, othulo lotihak arami hundang, ohoiruhoni hindang, lonya otohori dihiji hothai, diya isuka Sitan.
\v 14 Ti, awon nang hasang tiibai heda nang dohoi: owoni diya ohothing hoindafaitho etyenio no Balaam rot rot, lonya ityenio Balak dimirohina omorwong l’eboso dihithemi h’olonyirok ho Israele, donye anyari nehumarik d’ajohi karik arwanga n’obusuha h’angorwo nepal.
\v 15 Ahani dang, owoni diya ohothing hoindafaitho etyenio no Nikolatans.
\v 16 Oburunu do ti! Ara aang iye iburunu, aindu nang de kwak dohoi. Arem nang de hosong th’odemi tholotho huthuk honang.
\v 17 Lowon h’ehiyok, thoithairye ainyong ojyo Ohoile d’ekklesiahio. Do lotelu, esarak nang de amana nedima, esarak nang de omorwong obong, karik ofure ongejuk loigero dihide h’omorwong, ofure laang othulo lotek, arahari inyong loifothu.
\p
\v 18 “D’anjelo l’ekklesia no Thyatira, igerok: ‘Oacamitha hulo h’Olonyi l’Ojok, lowon h’ahonde hajak ongadyefa h’ahimang karik ahejek iring ebindang anadwor neresa:
\v 19 “Atek nang egyemathik, amuno, eruhon, adodoro karik adihahina n’angongio nahoi. Atek nang hijan okalu egyema nohoithek ehethemoni.
\v 20 Ti, awon nang hasang hamonori hahoi, huna: Ingongu iye athulo nangorwo Jezebel, nelongo ahwan ara ahacoroni, Th’etyenio thananyong ithadwalyo ohoigyemak hundang thorwangai h’angorwo dia hobusuha th’epalan karik karik anye anyari nehumarik d’ajohi.
\v 21 Esarak nang donyong omiru diburun, ti, aang owak aburunu d’epal narwanga n; angorwo h’obusuha.
\v 22 Otiha! Amirok nang de inyong d’ejothit n’adiha, ara ohothing hoiyau honyong ditha ethathaciana nahittok, ara ngona oburunai th’egyematha thahanyong thahamonyori.
\v 23 Abak nang de okalifinok honyong diye; otehi de ekklesiahio bukulung hijan nang attahitha, nang arimak egigilitha karik othaja. Esarak nang de dothai abok abok th’egyemitha thahathai.
\v 24 Ti, dothai fodok di Thyatira, d’laang indafaitho etyenio ne, aang otek asang hajyori hothohop ho Sitan hune – dothai ajyo nang ahana, ‘Aang nang awak afonihina ethathaciana nathai.’
\v 25 Juk ajahitha angai, omijye tuhudik, ara iye isuka th’akolon, lwai nang ainduna.
\v 26 Lotelu karik ehandyo egyemathik hundang, ahorik nang de donyong akolon dindafaitho amisok.
\q
\v 27 ‘Indafaitho de isong th’ahinang thanako iring ebindang; oboryo karik ebebeyehyo isong iring amothing n’amotong.’
\v 28 Iring nathuk nang efothunerek tha Lalamonye, esarak nang de dang donyong ohilyep l’amoithe berien.
\v 29 Lowon h’ehiyok, thoithairye ainyong ojyo Ohoile d’ekklesiahio.”
\c 3
\cl Ebwayit 3
\p
\v 1 “D’anjelo l’ekklesia no Sardis, igerok: ‘Ocamitha honyong loindafaitho ohoilehio cofa h’Ojok karik ohilyefi cofa, “Atek nang egyemathik hahoi. Iwon iye h’ofure lojyo imijyo iye, ti, eye iye.
\v 2 Odothoi thahide ara iye ithakolyo aning nohofithoro, ti, aindek aye, anyo, kabong nang arimak egyemathik hohoi hathuho dihithemi h’Ojok hindang.
\v 3 Hoikworo, do ti, aning nethuk iye efothuna karik ethairuna. Iruho arami hanyong, ara iye iburun. Ti, ara aang iye ihenyu, aindu nang de iring ohoholani; aang iye de itek omiru honi aindu nang iindehai dohoi.
\v 4 Ti, iwon iye h’ofuretho tiibai di Sardis hokabong ithabocyo abongoitho hasong; ofuni de idaha honang ara hoiyofo abongoitho abongi, aca, osiruni isong.
\v 5 Oindu de lotelu ithayofo th’abongoitho abongi; aang nang aindu ifufusuna ofure lonyong thath’Amanini n’Esu; aindu nang de anyahi ofure lonyong da Lalamonye, dihithemi h’anjelohio honyong.
\v 6 Lowon h’ehiyok, thoithairye ainyong ocama ohoilehio d’ekklesiahio.’”
\p
\v 7 “D’anjelo l’ekklesia no Philedelphia, igerok: ‘Ocamitha holodwa karik ladiri – indafaitho inyong lo ongaitha ho Davide; ongayo inyong lo, aang othulo lehyenok, inyong ehyenok, aang othulo longayo.
\p
\v 8 “’Atek nang egyematha hahoi. Idoro, athuk nang esarahina dihithemi hohoi oyihet longa, laang othulo locohi ehenohina. Atek nang hijan iwon iye hakolon namutha, ti, eruhu iye ocame hindang; aang nang eda ofure lohoi.
\v 9 Otiha! Esarak nang de ohothing ha Sinagogue no Sitan, ohothing hoilongo ahwandek ara Ojudei, ti, ikara Ojudei, odwalak, thofunu, arigongo dihap dihithemi h’ahejek hohoi, karik atehi hijan amuno nang iye.
\v 10 Anyo ethuk iye endafaitho efahi hindang thadihhahina angongyo; aindu nang de dang iduhuna iye adi, d’omiru h’athemio naindu d’ahap fodok, d’ohothing hoisuka dihap.
\v 11 Nang laindu kwa. Indafaithe aning nawon hohoi rot, tek lobo aindu iyaru alohuluk nahoi;
\v 12 Aindu nang de isarahina othulo lotelu thoiwona ara oholothi la Templo n’Ojok hindang. Aang inyong oindu inden adi thothonyong, karik aindu nang de igerohina dihide honyong, ofure l’Ojok hindang, ofure l’abore n’Ojok hindang (Yerusalem angejuk, naindu dihap thohide th’Ojok hindang) ofure hindang ongejuk.
\v 13 Lowon h’ehiyok, thoithairye ainyong ocama ohoilehio d’ekklesiahio.’”
\p
\v 14 “D’anjelo l’ekklesia no Laodicea, igerok: ‘Ocamitha h’Amen, othulo lenihini ahwan donyong, karik othulo ladiri latihak, ohoindefani l’ayeyo n’Ojok.
\v 15 “Atek nang egyemathik hahoi, karik hijan aang iye ilik dia inok. awak nang iye kodien thonoha dia theliha!
\v 16 Inyong na, anyo, aang iye inok dia aang iye ilik - Aindek nang iye aseuna adi thohuthuk honang.
\v 17 Aca ijyo iye, Abara nang, awon nang hasang olwarai; aang nang awak aning nabo. Ti, aang iye itek hijan iyanga iye bebe, imyehunu iye, ican iye, ingodo iye karik idaha iye iluluyai.
\v 18 Ithaningye d’alwahio hindang: Inyangu thonang ayel nathuk amuda, dibara iye, iyofoithe abongoitho abongi tuhudik, dimuhyerek iye ahwan, hoithaithak ajwuon nahu didaha iluluyai; ithalihye ahonde, ditehu iye.
\v 19 Asaryo nang, nang ethaithak oyihoi lobis d’othulo lamuno nang. Inyong na, hoibala karik ara iye iburunu.
\v 20 Idoro, nang lawetha dipogo h’oyihet, ahibu nang ebabahyo. Ara ethaningu lobo omurut hindang angayo oyihet, nang ajinga de dihang ara ohoi inyong honyong karik inyong honang.
\v 21 Ahorik nang de dang lotelu lo awoni honang dihap, dihide h’okara hindang, iring dang nathuk nang ateluna, nang awoni ha Lalamonye dihide h’okara lonyong.
\v 22 Lowon h’ehiyok, thoithairye ainyong ojyo Ohoile d’ekklesiahio.”
\c 4
\cl Ebwayit 4
\p
\v 1 Diholu hasang hune, atehu nang oyihet onga diparadiso. Omurut lecyak nang ethaninguna, ocama donang iring amo, ojyo, “Iindu dihide dini, daindu nang iye ithaithahina ainyong d nafuk dihilu hasang hune.”
\v 2 Kwak ahani awon nang ditha Ohoile, nang atehu diya okara ethawejihini dihide, hothulo lobo owoni diya.
\v 3 Lonya owoni diya lo oyaa iring jasper? karik kamilian? Owon nya ethaurak diker h’okara. Oyaa nya ethaurak iring emerald?
\v 4 Diker h’okara, owoni nya okani athomone arehai larangwan; dihide h’okani hulya owoniari nya ohobolok, hoyofo obongoitho abongi, h’alohuluhi ayeli dihosi hosong.
\v 5 Thokara, imedehitha nya ahila, apeyo. Dihithemi hokara, omuda nya arie cofa hawulo; arie hawulo hua nya, ohoilehio cofa h’Ojok.
\v 6 Dihithemi h’okara owon nya ahari nahittok n’engengelit, nayaa iring omorwong lengengeluni thele honyong. Dihiji karik diker h’okara owoni nya asang arangwan hayeuni hamijyo, bee h’ahonde, tholo homong karik tholo hurong.
\v 7 Asang hayeuni namijyo: ehethemoni, oyaa iring oume, etharehe na, atagwok, ethaunihoi, owon h’ahomong iring othulo, karik etharangwane, ojahitha okobu lowa,
\v 8 Asang arangwan hayeuni hune, owon aboithe nasong h’ewa inde, bee h’ahonde dihide karik tholohop. Ohariee karik ofaniing, aang oweth dijaran, “Odwa, odwo, odwa, Ohobu Ojok Lamolo, lonya owon, lowon, theene, karik loiindu de.”
\p
\v 9 Ara asang hamijyo hayeuni hune, hethaboloryo, hethahuye karik afurahini ahinnwarang do lowoni dikara, amanya mak lya,
\v 10 orimak ahibu ohobolok athomone arehai larangwan hulo apwaharu dihithemi ho lowoni di kara, amojyo inyong lomanya mak lo. Ethahini alohuluhi hasong dihithemi hokara, ajyori,
\q
\v 11 “Isiru iye, Ohobu karik Ojok lohoi, difothuna abolori, ethahuio, karik akolon, aca eyeu iye asang bukulung karik thawahan thanahoi, awoni karik ayeuni isong.”
\c 5
\cl Ebwayit 5
\p
\v 1 Thiya, atehu nang dinget holowoni dikara amanini naduhutho dihomong karik diholu, ara naba thebahitha cofa h’ethaithitha h’eruhon.
\v 2 Atehu nang anjelo loko onyahi th’omurut tholohwat, “Ngai osiru dingayo amanini naduhutho karik oboryo ebahitha h’ethaithitha h’eruhonina?”
\v 3 Aang lobo thohide, thohop dia tholohop hah’ahap locohi angayo dia ehenio amanini naduhutho.
\v 4 Ekor nang bebe, anyo, kaang orimahini othulo locohi angayo dia ehenio amanini naduhutho.
\v 5 Ti, lobo th’ohobolok ajyo donang, “Hoikor, Idoro! Athuk Oume l’amukok no Juda, Ohode lo Davide, ateluna. Ocohi donyong dingayo amanini naduhutho karik ebahitha hethaithitha cofa heruhuna.”
\v 6 Atehu nang oker owetha dihiji h’amaji n’okara karik ditha asang arangwan hamijyo hayeuni hune karik ditha ohobolok. Omijyo, ajahitha lathuhi ottohoro. Owon h; omwaraha cofa karik ahonde cofa, hawoni ara ohoilehio cofa h’Ojok hosuluni dihap fodok.
\v 7 Alo, alo iduhuna amanini naduhutho thoinget holowoni di kara.
\v 8 Eduhuna nanyong amanini naduhutho, asang arangwan hayeuni hamijyo huna karik ohobolok athomone arehai larangwan apwaharai dihap dihithemi h’oker. Isong bukulung abok abok, owoni haning nabahye didolorik oyendok karik atafu ayel angenge n’amorwong bee diya, hawoni ara omojitha h’ohothing hodwa h’Ojok.
\v 9 Isong edolo oyele ongejuk, “Osiru dohoi diduhuna amanini naduhutho karik dingayo ebahitha hethaithitha h’eruhon. Aca athuhi iye nya angocyo; th’ahotho thanahoi, enyangu iye nya ohothing ara h’Ojok th’amukoko, th’ahuthuhye, th’ohothing karik amiji.
\q
\v 10 Ehuhumak iye isong ara ohobye karik ara ho fadiri digyema d’Ojok lohothai karik ofuni de indafaitho dihap.
\p
\v 11 Thiya, nang engengelyo; nagng ethairu oilolonge l’anjelohio olwarai hoikolyo okara, asang hayeuni hamijo karik ohobolok. Ohifala hosong bukulung nya alif tomon h’alif tomon karik alif tomon h’alif tomon.
\v 12 Ajyori isong thoilolonge tholohwat, “Osiru Oker, lathuhi angocyo, difothuna akolon, abara, elofioro, athuthulya, ethahabuyo, abolori karik efufurio.”
\p
\v 13 Ethaningu nang asang fodok hayeuni hawoni dihide, dihap karik tholohop h’ahap, dihide h’ahari nahittok – asang hawoni ditha hosong – ojyori, “Do Lowoni dikara karik d’Oker, efufurio, ethahabuyo, abolori karik endafaitho, thoiwona mak.”
\p
\v 14 Asang arangwan hamijo, hayeuni, ajyori, “Amen.” Ohobolok apwaharu dihap, amojyo donyong.
\c 6
\cl Ebwayit 6
\p
\v 1 Engengelyo nang orii lobucyereo Oker ebahit n’amanini aboithe thocofa; nang ethaningu anging aboithe th’asang hamijo arangwa hayeuni thoilolonge tholobahyo iring ahila, “Iwong!”
\v 2 Nang engengelu, owon nya diya agodigodi abong. Nang atehu othulo longetha th’agodigodi, indafaitho atang. Esarahini nya inyong alohuluk. Oindu nya iring othulo lathuk ateluna diteluna.
\p
\v 3 Angayo n’Oker ebahit n’amanini etharehe, ethaningu nang aning etharehe namijo nayeuni, ajaran, “Iwong!”
\v 4 Thiya, agodigodi etharehe aindu dindak – adoran nanyong nawulo iring ahimang - ahorihini d’othulo longetha thonyong theyaru elik adi thohop, dongocyo ohothing honyong ohothing homok.
\p
\v 5 Angayo n’Oker ebahit n’amanini ethaunihoi, ethairu nang aning nayeuni ara namijo ethaunihoi, ajaran, “Iwong!”Nang atehu agodigodi aomoli karik othulo longetha thonyong indafaitho dihinang honyong ethemit n’auhan.
\v 6 Nang ethaningu oling lojak oilolonge lasang arangwang hayeuni ara hamijo, ojyo, “Athemit oboithe n’odyeri, th’ojine aboithe; ara ethemitha aunihio h’osingo, th’ojine aboithe. Ti, hoiryafu elethang karik obalu.”
\p
\v 7 Angayo n’Oker ebahit n’amanini etharngwane, ethairu nang oilolonge oitharangwane l’asang hayeuni ara hamijo, ojyo, “Iwong!”
\v 8 Nang atehu agodigodi naborya. Ilongoi othulo longetha thonyong Aye, ahibu (Hades?) othifoitho inyong. Esarahini dosong ¼ n’akolon n’endafaitho n’ahap, attohio th’odemi, th’ahure karik ecangi h’afara h’ahap.
\p
\v 9 Ajara Oker angayo ebahit n’amanini ethamiyethi, atehu nang tholohop h’awanghat nehumarik ohoilehio h’ohothing hatohori th’ocame thol’Ojok karik anyahina dindak ocame loindafaitho isong lya.
\v 10 Ikori isong, omurut dihide, “Omiru baya, Ohoindefani l’ohothing bukulung, lodwa, ladiri, kanu de ikanyo iye ohothing homanya dihap karik kanu de irofu iye ahaotho nahoi?”
\v 11 Thiya esarahini isong abok abok abongo abong, anyahini isong thoihtilaw omiru tiibai lwai ohoigyemak karik olarok hosong hatohori, iring nathuhorik isong atohoro, lwai isong athuba.
\p
\v 12 Tiya, Oker angayo ebahit n’amanini ethainde. Engengelyo nang, owon nya diya arithirithi n’ahap. Eriok nya oholong iring abongo eefufusyerek karik Oyefa ado iring ahotho.
\v 13 Ohilyefi hotho hide adouna dihap iring nethadohinerek ohiyani ahayo hanyong hokabong hongidari, ara ahomwa nako nabwanio.
\v 14 Ahide alitho, iring amanini naduhutho, ethothororo karik alithororo. Odongiok karik afifina, ethahuthohini adi thomasok hosong.
\v 15 Thiya, ohobwore h’ahap, ohothing hahong, hahong h’ohoremok, ohobarak, ohothing howoni h’akolon nendafaitho ohothing karik ahap, karik ohothing homok iring ongaciani, karik ohothing hoisuka iring owahi isong, edimai nya dilomi ditha omorik h’odongiok.
\v 16 Ajyori isong d’odongiok karik d’omorik, “Opwahunethek dihide hohoi! Idimahina ohoi adi thohomong hono le, lowoni di kara karik th’engere n’Oker.
\v 17 Aca, athuk ofaning l’engere nasong ainduna. Ngai ocohi awetha hosong?”
\c 7
\cl Ebwayit 7
\p
\v 1 Diholu h’arami hune, atehu nang anjelohio arangwan owethi d’ekeri arangwan h’ahap, ahibu isong indafaitho rotrot opeceni arangwan h’ahap, daang ahomwa nawam dihap, d’ahari nahittok dia d’ohiyani lowon.
\v 2 Atehu nang anjelo loboling oindu tholo moithe. owon h’ebahit n’amanini n’Ojok lomijo. Ekor inyong lo omurut dihide d’anjelohio arangwan honya ohorihini thoiryafu ahap karik ahari nahittok.
\v 3 “Hoiryafu ahap, ahari nahittok dia oyandik, lwai ohoi esarahina dihomong h’ohoigyemak h’Ojok lohoi, ebahit n’amanini.”
\v 4 Ethaningu nang ohifalai l’ohothing honya abahye: 144,000 n’ohothing honya abahye th’amukoko bukulung ho Israele.
\q
\v 5 Abahye nya ohothing alif tomon larehai th’amukok no Juda, alif tomon larehai th’amukok no Reuben, alif tomon larehai th’amukok no Gad,
\q
\v 6 alif tomon larehai th’amukok no Asher, alif tomon larehai th’amukok noNaphtali, alif tomon larehai th’amukok no Manasseh,
\q
\v 7 alif tomon larehai th’amukok no Simeon, alif tomon larehai th’amukok no Levi, alif tomon larehai th’amukok no Isaachar,
\q
\v 8 alif tomon larehai th’amukok no Zebulun, alif tomon larehai th’amukok no Yosefo, karik alif tomon larehai th’amukok no Banjemino
\p
\v 9 Diholu hasang hune, atehu nang nya elulung n’ohothing naang othulo leheru – ohothing abok abok tho: misok, mukoko, ohothing, karik ahuthuhye – owethi dihithemi h’okara karik h’Oker. Iyofoi nya abongoitho abongi, hibu isong indafaitho dihas hosong athandak h’osohot,
\v 10 Ahibu isong ikor omutto dihide, “Ethalwahio, owon ara n’Ojok lohoi, lowoni di kara karik owon ara n’Oker.
\p
\v 11 Anjelohio fodok owethi diker h’okara, ohobolok, karik asang arangwan hayeuni ara hamijo, apwaharai th’ahomongithe dihithemi h’okara. Amojyo d’Ojok.
\v 12 hijan, “Amen! Emamajio, abolori, elofioro, afurahina n’ahinwarang, ethahabuyo, h’athuthulya thoiwona d’Ojok lohothai mak! Amen!”
\p
\v 13 Thiya lobo th’ohobolok efiyo nang, “Hongai hulya, hoithayofo th’abongoitha abongi hulya, karik thongai ofuni isong?
\v 14 Nang ajyo donyong, “Lahong, itek iye,” inyong ajyo donang, “Isong hulya ohothing hathuk afuna thatha ethathaciana nahittok. Athuhi elalayo abongoitho hasong karik ecilye ara abongi. th’ahotho thon’Oker.
\q
\v 15 Th’ahu thona, isong hodihithemi h’okara l’Ojok. Isong amojo donyong th’afaning karik th’aharie di Templo honyong. Orethak de lowoni di kara amoroko nanyong dimohohina isong.
\q
\v 16 Aang ahure isong oindu ilengan, karik juk ahibothiit aang isong ofuni ibotho. Aang oholong dia anohong najahitha angai oindu isong iborihina dihap.
\q
\v 17 Aca Oker l’ethehiji h’okara de iyohoitho isong; oindu de iyohoitho isong d’ologugudut l’ahari, karik oindu de Ojok ifyeuna ehiyok thohode hosong.
\c 8
\cl Ebwayit 8
\p
\v 1 Anagayo nya n’anjelo ebahit n’amanini ethacofe, awon nya adularu dihiji h’omiru di paradiso.
\v 2 Thiya nang atehu anjelohio cofa owethi dihithemi h’Ojok, ethafothohini dosong amoni cofa.
\p
\v 3 Anjelo lobo, lendafaitho atafu ayelithi n’alothogong, aindu, awetha dipogo h’awanghat namojorik. Isarahini nya donyong alothogong ara nalwa, domojorik inyong omojitha h’ohothing h’Ojok hodwa dihide h’awanghat nalothogo ayelithi namojorik dihithemi h’okara.
\v 4 Afuro n’alothogong – thomojitha thoh’ohothing h’Ojok hodwa – adotho dihide dihithemi h’Ojok tho hinang h’anjelo.
\v 5 Anjelo eduhu atafu n’alothogong ethafuthak th’ahimang than’eduhuni tho wanghat h’ehuma. Thiya, acohok inyong adihap dihap; awoni nya diya ethasahitha h’emedek, h’ethir, apeyo n’ahide karik arithirithi n’ahap.
\p
\v 6 Ara nya anjelohio cofa howoni h’amoni cofa, arai ahutha.
\p
\v 7 Ara anjelo ohoithemoni ahutha amo nanyong; awon nya emamaja h’ahimang neharwo h’ahotho. Amirohini nya adihap dihap, 1/3 amuda, 1/3 n’oyandik amuda, karik ara amiyang ethaja fodok ediya.
\p
\v 8 Ara anjelo oitharehe ahutha amo nanyong, ara aning nabo najahitha odonge lohittok awulo ara ahimang, amirohini ditha h’ahari nahittok. Ara 1/3 n’ahari nahittok, awon ara ahotho.
\v 9 Ara i/3 n’asang hayeuni ara hamijo dith’ahari nahittok, ayethi; karik ara 1/3 n’arokoni etharohojai.
\p
\v 10 Ara anjelo oithaunihoi ahutha amo nanyong, ara ohilyep lohittok lo adou thohide, awulo iring ahirya n’ahimang, dihide 1/3 n’owori karik ologuguduthi h’ahari
\v 11 Ofure l’ohilyep lya lara Ohithurwothi. Ara 1/3 n’ahari awon ara ohithurwo, ara ohothing holwa ayetha th’ahari heloitho ara hadwa.
\p
\v 12 Ara anjelo oitharangwane ahutha amo nanyong, ara 1/3 n’oholong, n’oyefa karik n’ohilyefi abahai. Ara 1/3 nasong eloitho ara amoli, 1/3 n’ofaning karik n’aharie, awoni kwong afangan.
\p
\v 13 Engengelu nang, nang atehu okobu, owa tholohosi, ahibu inyong ilolongo omurut dihide, “Ara afuro, ara afuro, ara afur, d’ohothing hoisuka dihap, anyo, th’afwada than’amoni aunihoi hafithoro, haindek anjelohio aunihoi ahutha.”
\c 9
\cl Ebwayit 9
\p
\v 1 Thiya anjelo oithamiyethe ahutha amo nanyong, nang atehu ohilyep lonya oduo thohide dihap lo. Athuhi nya esarahina d’ohilyep ongayit l’amaji natti natehunerek obibile l’afangan dith’agulume nathulo amukok.
\v 2 Inyong angayo afirik n’agulume nathulo amukok; ara afuro aindu adi thal’afirik ne, iring afuro naindu thathah’emudet nahittok. Eloithoi oholong karik aloiri ara heriok th’afuro naindu tho firik h’ agulume nathulo amukok.
\v 3 Thath’afuro aindu ama dihap, esarahini isong akolon iring n’othoni hothohp.
\v 4 Athuhi nya anyahina isong thaang hoitharohojye ayani dia ohiyani loli, ti, arahari ohothing haang ethamijani n’ebahit n’amanini n’Ojok thohomongithek hosong.
\v 5 Kabong ohorihini dosong eruhohina di tohoro ohothing hule, ti, ahorihini isong eruhohina n’ethagyemio nasong oyefathik miyet. Ojahitha de emalanga nasong n’adihari n’angorio n’ohithoni, ara langor othulo.
\v 6 D’omiru hule, othifeyo de ohothing aye, ti, aang orimahini inyong. Owahi de isong aye bebe, ti, awangi de orimahini aye.
\v 7 Ajahitha nya ama agodigodiho hathuhi ehuhumyo d’aremi. Dihosi hosong owoni nya asang hamok hayaa iring alohuluhi ayeli, karik hayaa iring ahomongithe h’ohothing.
\v 8 Owoni nya h’ohofir hajahitha h’angorwo, karik ohala hosong ajahitha ohala h’oumeho.
\v 9 Owoni isong nya hemuhetha h’asuhe hayaa iring emuhetha h’asude ebilat, ara ekor n’ewa hasong ajahitha ekor nasang hefihoitho agodigodihio ara hangetha dimaji h’aremi.
\v 10 Owoni h’alisara hawoni h’outha hongryerek iring othoni. Dilisara hosong owoni h’akolo diryafyo ohothing oyefathik miyet.
\v 11 Owoni iring ohobu tholohide hosong, anjelo l’angulume nathulo amukok. Ofure lonyong th’ahuthuk thono Hebrei Abaddon karik th’ahuthuk thon’Ogriki Apollyon.
\p
\v 12 Afiethahina ehethemoni, athuho. Idoro! Diholu h’etharohoja ne, opeceni arehai h’akaran hofuni.
\p
\v 13 Anjelo oithainde ahutha amo nanyong; nang ethairu oilolonge loindu th’omwaraha h’awanghat namojorik ayelithi nawon dihithemi h’Ojok.
\v 14 ojyo d’anjelo oithainde lowon h’amo, “Ohohi anjelohio arangwan honya efithahini ditha h’Owor Lohittok Euphrates.”
\v 15 Ehuhumyo nya anjelohio arangwan hule ahwandek, orii hule, ofaning le, Oyefa le, oyinga le ara haburahini dittohoro 1/3 n’ohothing.
\v 16 Ohifala h’ohoremok haonya thohurongithek h’agodigodihio nya 200,000,000. Ethaningu nang ohifalai lya.
\v 17 Oyihoi lya lengengeluna agodigodihio karik ohothing hongetha thosong. Emuhetha h’asuhe hasong nya adori ara ahimang, iriohi awoni ara ehwilirik karik abuletho iring sulfur. Ahosi h’agodgodihio ehelarai ahosi h’oumeho, ahibu ahimang, afuro karik sulfur odaha tholohuthuhye hosong.
\v 18 Attohori nya 1/3 n’ohothing th’adihathik thohuna: ahimang. afuro karik sulfur hafuni thohuthuhie hosong.
\v 19 Aca owon nya akolon n’agodigodihio dihuthuhie karik dilisara hosong – aca ojahithi nya alisara hasong amunuok, owoni h’ahosi hahonyahinerek isong asongosik d’ohothing
\v 20 Ohothing fodok honya apwahi, isong ohothing honya kabong adihathik hune hottohok, ohothing hokabong oburunu th’egyemathik hotho ahas hasong, ohothing hokabong ithawejyo amojo d’ohoilehio homonyong karik ajohi h’ayeli, ebindang abong, anaporong karik omorwong – asang haang otehu, ithaningu dia odaha.
\v 21 Kabong dang oburunai d’attohyo nasong ohothing homok, adaha d’oiboniak, arwanga n’obusuha h’angorwo nepal dia ahoholio nasong.
\c 10
\cl Ebwayit 10
\p
\v 1 Thiya nang atehu anjelo loboling loko loindu dihap thohide. Ithayofo nya th’adiko, awon inya ethaurak tholohide h’ahu nanyong. Ojahitha nya ahomong nanyong oholong, ara ahejeha hanyong ajahitha asihothihio h’ahimanga.
\v 2 Indafaitho nya amanini naduhutho, nanya athuhi angayo dihinang honyong. Easarak aheju nanyong nenget dihide h’ahari nahittok, ara aheju no ihothong dihap.
\v 3 Thiya ekor thomurut tholohwat iring oume. Ekor nanyong, ara ahilahio acama th’oilolongitha thohosong cofa.
\v 4 Acama n’ahilahio, aindek nang egero, ti, ethaningu nang omurut thohide, ojyo, “Obaha th’ebahit than’amanini ainyong ojyori ahilahio cofa. Hoigerok dihap.”
\v 5 Thiya anjelo latehu nang owetha dihide h’ahari nahittok karik dihap, adok ahinang nanyong nenget dihide.
\v 6 Epitha tholomanya mak, tholoyeu ahide karik asang fodok hawon ditha honyong, tholoyeu ahap karik asang fodok hawon ditha honyong, tholoyeu ahari nahittok karik asang fodok hawon ditha honyong, ara anjelo ajyo, “Awang aning nalo ikarahina.
\v 7 Ti, ara anjelo oithacofe laindu ihutha amo nanyong, oindu de amysterio n’Ojok ithuhohunu, iring nathuk inyong anyahinerek asayo angejuho d’ohocorok ohoigyemak honyong.”
\v 8 Omurut lethaningu nang dihide, acama donang ikoti, “Ilo iyaru amanini naduhutho nathuk anga nawon dihinang h’anjelo lowetha dihide h’ahari nahittok karik dihap.”
\v 9 Thiya nang alo d’anjelo, Nang anyahi inyong thoisarak nang amanini naduhutho natty. Ajyo donang, “Iyaru amanini naduhutho, ara iye inyo. Isarak de ahohe nahoi thodwara, ti, dihuthuk hohoi, olo de iyili iring aiso.”
\v 10 Iduhu nang amanini natti naduhutho thohinang h’anjelo, nang anyaru. Ayil dihuthuk honang iring aiso, ti, athuhon hindang anyo, adwa ahohye hindang.
\v 11 Thiya othulo lobo ajyo donang, “Owah icoryo iye ikoti th’ohothing, th’amisok, th’ahuthuhye karik th’ohobwore thoholwa.”
\c 11
\cl Ebwayit 11
\p
\v 1 Esarahini nang nya apadongothi dithemyerek ahodori karik asuhon, anyahini nang, “Odothoi karik othemye Atemplo n’Ojok karik awanghat namojorik karik ara iye iheryo ohothing homojo diya.
\v 2 Ti, hoithemyo apar nothodak h’Atemplo, aca athuhi nya esarahina d’ohothing hoikela th’Ojudei, iryeryehini de abore nadwa d’oyefathik athomone arangwan larehai.
\v 3 Esarak nang de akolon d’ohothing arehai hotehak nang acoryo iyofoi oputino d’operok 1,260.”
\v 4 Ohotihak hundang hulya isong oyandik arehai h’olif, ewejitha arehai h’arye, hawetha dihithemi h’Ohobu l’ahap.
\v 5 Ara lowak eryafuna isong, oindu ahimang thohuthuhye hosong, adiliro omerok hosong. Lowak eryafuna isong, ottohori de isong thoyihoi tholya.
\v 6 Owoni ohotihak hulya h’akolon nehenohinerek isong ahde, daang ahide nasa d’operok h’ocoryerek isong. Owoni h’akolon neloyicyerek isong ahari ara ahotho, owoni h’akolon nabahyerek isong ahap th’adihathik iring owak isong.
\v 7 Ara hathuhi anyahina arami hasong, oindu de oicang thath’angulume nathulo amukok diremorik isong. Oindu de iteluna, attoho isong.
\v 8 Ofuni de ahwandek hasong ijyotho diyihoi h’abore nahittok (Nelongooi ara Sodom karik Egypto) amaji nanya obehohinerek Ohobu di kruce.
\v 9 D’operok aunihoi ho tiibai, homok ohothing th’ohothing, th’amukok karik th’ahuthuk, afuni engengelyo ahwandek hasong. Aang de ofuni ihorihina isong thonuhahini.
\v 10 Ofuni de ohothing homanya dihap imuno karik abalai thosong. Ofuni de dang ithangara esoritha thosong, anyo, ohocorok hulya arehai ethagyemye ohothing homanya dihap.
\v 11 Ti, diholu h’operok aunihoi ho tiibai, oindu de aloyiri th’Ojok ijingahina ditha hosong, awethi th’ahejek thahasong. Oindu de abangi nahittok idohina d’ohothing hotehu isong.
\v 12 Thiya ofuni de ithairuna omurut lohwat thohide ojyo dosong, “Ifuna dihide dini!” Thiya isong afuni ifwan dihide ditha hadiko ahibu omerok hosong ingengelyo.
\v 13 Th’orii le, oindu de arithirithi nahap iwonan, ara 1/10 loyirik l’abore atuyama. Ofuni de ittohoro ohothing alif cofa ditha h’ arithirithi, ara hoburunu afunni ibangi, esarahini abolori d’Ojok dihide.
\p
\v 14 Afietha etharehe alang. Idoro! Afietha ethaunihoi naindu kwak.
\p
\v 15 Thiya anjelo oithacofe ahutha amo nanyong, omutto hohwat acama dihide karik ajyori, “Athuk ohobye l’ahap eloyitho ara ohobye l’Ohobu lohothai karik lo Kristo lonyong, loindu de indafaitho mak.”
\p
\v 16 Thiya ohobolok athomone arehai larangwan, howni dikani hosong dihithemi h’Ojok apwaharu ahomongithek hasong adihap, amojoi Ojok.
\v 17 Ajyori, “Ifurak ohoi iye ahinwarang, iye Ohobu, Ojok, Lamolo, lowon karik lonya owon, anyo, ethuk iye eyaru akolon nahoi ara iye iculuyo endafaitho.
\q
\v 18 Ethangerejye nya amisok, ti, athuk engere nahoi ainduna. Athuk orii ainduna lokanyerek ohoyak; aca ethuk iye esoryo ohocorok ohoigyemak hohoi, ohothing h’Ojok hodwa, ohothing hobang ofure lohoi, obami karik ohothing hoko. Aindu orii lethorohojerek iye ohothing hoithorohojyo ahap.”
\p
\v 19 Thiya, angaye nya Atemplo n’Ojok nothohide, atehuni aroko n’eruhon nanyong ditha Atemplo nayong. Awoni nya: emedehitha n’ahide, ahila, ethir, apeyo n’ahila, arithirithi n’ahap karik ahide n’ofalanga.
\c 12
\cl Ebwayit 12
\p
\v 1 Otehunu nya ethamijani nahittok dihide: Athulo nangorwo imuho th’oholong, oyefa tholohop h’ahejek hanyong karik alohuluk n’ohilyefi tomon larehai dihu honyong.
\v 2 Imoho nya inyong, ekor dithomone karik emalang athamana n’oitho.
\v 3 Thiya, atehunu nya ethamijani nabo dihide: Otiha! Owon nya oicang odoru layaa caa, lowon h’ahosi cofa karik omwaraha tomon, karik awoni nya halohuluhi cofa dihu honyong.
\v 4 Ofeyo nya alisang nanyong 1/3 n’ohilyefi hotho hide arwasak adihap dihap. Oicang layaa caa lya awetha dihiithemi h’athulo naindek athamana na; dara athuhon nanyong athamana ahani, inyong adiloro oitho lonyong.
\v 5 Ayisu inyong na nya oitho lobusuha loindu de indafaitho amisok th’ahinang ebindang. Afuni nya ikofaru oitho lonyong d’Ojok, ethswonik dikara honyong.
\v 6 Athulo nangorwo na, angero dihidyefo, d’amaji nathuk Ojok ehuhumahina donyong, amijye donyong operok 1,260.
\p
\v 7 D’orii lya, awon nya ofere dihide. Mikaile h’anjelohio honyong ethariboyo oicang layaa caa lya; ara oicang layaa caa lya h’anjelohio honyong etharuhyo.
\v 8 Ti, aang nya oco d’oicang layaa caa lya diteluna Mikaile. Ahani ne, aang nya amaji thohide donyong ho anjelohio honyong.
\v 9 Oicang loyaa caa lya, amunu ahaboloni, nelongoi ara Omonyoroni dia Sitan, lethadwalyo ahap fodok, amirohini dihap ho anjelohio honyong bukulung.
\v 10 Thiya nang ethairu omurut lohwat dihide,”Thene athuk ethalwahio, akolon, ohobye l’Ojok lohothai karik aindafaitho n’ahap no Kristo, ainduna. Aca ohoimangani l’olarok hohothai, lodwala thosong dihithemi h’Ojok th’afaning karikth’aharie, athuhi amirohina dihap.
\q
\v 11 Atelu isong inyong th’ahotho th’Oker karik th’ocame tholonyahinerek atihanina arami hadiri h’Ojok, aca kabong isong hulo omuno esu nasong juk lwai diye.
\q
\v 12 Th’ahani ne, omunothik, iye ahide karik ohothing fodok hoisuka ditha hosong. Ti, ara afuro dihap karik dihide h’ahari nahittok, anyo, athuk omonyoroni anden dihap dothai! Efong engere kwek kwek karik otek afithoro Omiru donyong tiibai.
\p
\v 13 Athuhon oicang loyaa caa lya atehan hijan amirohini inyong dihap, athiforo athulo nanya athamanu oitho lobusuha na.
\v 14 Ti, esarahini td’athulo ne ewa arehai h’okobu lohittok dowarik inyong d’amaji nathuhi ehuhumahina inyong ditha h’ohidyefo. Amaji nya nyana nafwarik inyong indafaitherek th’oriihio olamarai th’amunu.
\v 15 Amunu amithu ahari thohuthuk honyong iring owor, dowororo inyong adi.
\v 16 Ti, ahap alwahu athulo ne. Ahap angayo ahuthuk nanyong, adiloro owor lonya obuhyo oicang loyaa caa lo thohuthuk honyonng.
\v 17 Thiya oicang loyaa caa lya engere; alo iremorik ongerenyihio fodok h’athulo ne, ohothing hoiruk efahitha h’Ojok karik hoindafaitho arami hadiri ho Yesu. m
\v 18 Thiya, oicang loyaa caa lya nya awetha dihide akujo, dihuthuk h’ahari nahittok.
\c 13
\cl Ebwayit 13
\p
\v 1 Ajara diya, nang atehu oicang ojingu thath’ahari nahittok. Owon h’omwaraha tomon karik ahosi ccofa. Dihide h’omwaraha owoni alohuluhi tomon; dihide h’ahu aboithe, owon h’afure lomoryo asang hadwa.
\v 2 Oicang latehu nang lya ojahitha ohwaru. Ojahitha ahejek hanyo hoibou loisuka d’amaji nelik, ara ahuthuk nanyong ajahitha n’oume. Ara oicang loyaa caa esarak donyong akolon, okara karik akolon nendafaitho nanyong.
\v 3 Ojahitha owon ahu aboithe n’oicang hasongosong nethayeyo, ti, athuhi ethalihyo asongosong nya. Ofalanga ahap fodok, hothiforo inyong.
\v 4 Amojo isong dang d’oicang loyaa caa lo, aca athuk esarahina akolon nanyong nendafaitho d’oibou. Isong dang amojo d’oibou ahibu isong ithabuho ajan, “Ngai ojahitha oibou?” karik,“Ngai ocohi eriborik inyong?”
\v 5 Esarahini oicang ahuthuk nacama ocamitha h’ethadara karik omoritha h’asang hadwa. Ahorihini inyong thoithethemye akolon n’endafaitho d’oyefathik athomone arangwan larehai.
\v 6 Ara oicang abucyo ahuthuk dimoryo Ojok, ofure, atabernakola nanyong karik ohothing hoisuka dihide.
\v 7 Ahorihini oicang th’oremo h’ohothing h’Ojok hodwa, dingaterek isong. Esarahini dang inyong akolon nendafaitherek amukoko, ohothing, ahuthuk nacamai karik amiji.
\v 8 Ohothing bukulung hoisuka dihap, omojoi de donyong, hokaang ofure igero ditha hamanini nesu, n’Oker lonya ongocye thoculwe h’ahap.
\v 9 Lowon h’ehiyok thoithairye.
\q
\v 10 Ara eyarai othulo lobo difitha, thoilo difitha. Ara owak ottohori othulo lobo thodemi, thotohori thodemi. Oilonge lo l’angongyo nadiha karik eruhon n’ohothing hodwa h’Ojok.
\p
\v 11 Thia nang atehu akadum nabo odohu thohop. Owon ho omuaraha arehai hotik dihu honyong iring nawonderek ho oker. Ti ochama iring namonyo iring ohinyang.
\v 12 Idefetho ohothing tha akolon dihandierek asang hawak akadum nahithemi. Iringak ohothing hesuka dihap di thahabuyo akadum nahithemi, inyong akadum naidek ayee ti nazuk asongosik elihan.
\p
\v 11 Thiya nang atehu oicang loboling oindu thohop. Owon h’omwaraha arehai iring oker; acama iring oicang loyaa caa.
\v 12 Ethethemyo akolon n’endafaitho n’oicang ohoithemoni hibu inyong owon; esarak ahap h’ohothing homanya diya thomojoi doicang ohoithemoni, lathuk asongosong naang hoilik elihan lo.
\v 13 Ehandyo asang hafalangai hako bebe. Ngonyena, esarak dang ahimang thoindu dihap thohide dihithemi h’ohothing.
\v 14 Th’ethamijanitha, esarahini donyong akolon dimaji hoicang, ethatumyo ohothing hoisukai dihap, anyahi isong thoihuhumak dihide arijori n’oicang, lonya oromi th’odemi, ti, homojyo nya.
\v 15 Ahorihini nya inyong thoihuthak aloyiri d’arijori n’oicang, doindu arijori icama, esarak ohothing head amojo thottohori.
\v 16 Eringak dang ohothing fodok, hoko karik haang oko, hobara karik hoican, hoisuka iring owak isong karik ongacani, thongothohini ohoforo d’ahinang n’enget dia dihomong.
\v 17 Ako nya bebe d’othulo loinyanga dia loithanyangyo, ara aang arijori n’oicang thonyong; ainyong bai? Ohifalai lowetha dimaji h’ofure lonyong.
\v 18 Ilongo ne elofioro. Ara lotek arami ho moithe, thothemye ainyong ayiji n’oicang. Aca inyong ohifalai l’eheryerek othulo. Ohifalai lo, inyong lo 666.
\c 14
\cl Ebwayit 14
\p
\v 1 Amijo nang, nang atehu Oker owetha dihide h’odonge lo Zion. Honyong nyana, owoni ohothing 144,000 howoni h’ofure lonyong karik h’ofure l’Omonye lonyong igero dihomongithek hosong.
\v 2 Nang ethaningu omurut thohide ikor iring ahari halwari karik ahwathi iring apiya n’ahila. Ekor nanya ethaningu nang na dang ajahitha n’ethafedehi h’ohoidolok.
\v 3 Ara isong edolo oyele ongejuk dihithemii h’okara, dihithemi h’ecanngi arangwan hayeuni ara hamijyo karik dihithemi h’ohobolok. Aang inyana othulo locohi eyeyena oyele, araharik ohothing 144,000 honya athuhi eyanu thohop.
\v 4 Isong hulya ohothing hokabong ithabocyo ahwandek hasong th’angorwo, esukai isong hulo olamarai ara oliborok th’arwanga h’angorwo. Isong hulya hothifoitho Oker d’amaji nanderek inyong. Ohothing hulya honya enyanguni th’ohothing homok iring ahayo ehethemok d’Ojok karik d’Oker.
\v 5 Awang nya adwala narimahini dihuthuk hosong; aang isong ithamonyorye.
\p
\v 6 Nang atehu anjelo lobo, lowon h’evanjelio no mak owa dinyahina dimisok, dimukoko, d’ahuthuhye karik d’ohothing.
\v 7 Inyong elongo th’omurut tholohwat, “Obangatha Ojok ara ithai isarak inyong abolori. Aca athuk omiru h’akemio afuna. Omojothik donyong. Omojothik donyong loyeu ahide, ahap, ahari nahittok karik ologuguduhi h’ahari.”
\p
\v 8 Anjelo lobo – anjelo oitharehe –lothifunu, ajyo, “Apwaharu, apwaharu Babylonia nahittok, ngai iwuwulak amisok amatha obalu nawahan inyong nepal.”
\p
\v 9 Anjelo lobo – anjelo oithaunihoi – lothifunu, ajyo thomurut tholohwat, “Ara omojo lobo d’oicang karik d’arijori nanyong karik efothu ethaithit dihomong dia dihinang honyong,
\v 10 oindu de dang imathuna obalu l’engere n’Ojok. Obalu lonya athuhi abuhohina kaang hoidulo ditha hoihutye l’engere nanyong. Othulo lomatha inyong, oindu de ithathaciana th’ahimang karik ahari hehohonya dihithemi h’anjelohio h’Ojok karik dihithemi h’Oker.
\v 11 Ohothing homojo d’oicang karik othulo loifothu ethaithit th’ofure tholonyong, odok afuro th’ethathaciana nasong dihide mak karik dang aang ajoo th’afaning karik th’aharie thosong.
\v 12 oilonge lo l’akolon nangongio n’ohothing hodwa h’Ojok, ohothing hoindafaitho efahitha h’Ojok karik eruhon nasong do Yesu.
\p
\v 13 Ethaningu nang omurut thohide, ojyo, “Igerok arami huna: Ohothing hoye ditha Ohobu, thomunoi.” “Aa,” ojyo Ohoile, “D’oyiriji th’egyemathik hasong, aca othiforo de isong egyemathik hasong.”
\p
\v 14 Owon nya adiko abong. Lobo lojahitha olonyi l’othulo owoni dihide honyong. Owon inyong nya h’alohuluk ayel dihu karik odemi longerierek amiyang lofi dihinang honyong.
\v 15 Thiya, anjelo lobo aindu tho Templo, elongo th’omurut tholohwat lowoni ditha h’adiko lya: “Iduhu ademi lohoi, ara iye iculuyo engongocyo. Aca acohini omiru h’engongocio, anyo, angida engongocio n’ahap.”
\v 16 Ara lowoni ditha h’adiko lo ethalorik ahap odemi lengongocyerek; ara ahap engongotho.
\p
\v 17 Ara anjelo lobo ainndu tho Templo thohide; owon dang h’odemi loingongocyerek lofi.
\v 18 Lobo anjelo koti aindu th’awanghat n’alotongong, owon h’akolon nendafaitherek ahimang. Elongo th’omurut tholohwat othulo lowon h’odemi loingnongocyerek lofi, “Iduhu odemi lohoi lofi, ara iye ideyerek ahayo h’obalu l’ahap.”
\v 19 Ara anjelo ethalorik odemi d’ahap, engongocyo ahayo h’obalu l’ahap. Amirok asuduhe n’ahayo h’obalu ne ditha h’engere n’Ojok.
\v 20 Ara amoyit n’ahayo h’obalu erereye dindak h’abore, ara ahotho abuhoitho thonyong lwai d’efithet n’agodigodi, 1,600 (stadia?)
\c 15
\cl Ebwayit 15
\p
\v 1 Thiya, nang atehu ethaithit nabo dihide, nahittok, aliboroni. Owoni nya diya anjelohio cofa karik adihathik cofa. Thosong, oindu de engere n’Ojok ithuba.
\p
\v 2 Nang atehu aning nayaa iring ahari nahittok n’engengelit neharwo h’ahimang. Owethi nya iindehai d’ahari nahittok, ohothing honya atelu oicang, arijori nanyong karik ohifalai lowetha dimaji h’ofure lonyong; indafaithe nya isong athafedehi hesarak Ojok dosong.
\v 3 Idoloi nya isong oyele lo Musa, ohoigyemani l’Ojok karik edoloi oyele l’Oker: “Obolori, alibori nya bebe egyemathik hahoi, Hobu, Ojok, Lamolo. Obisi, awoni nya ara hadiri oyihothik hohoi, Hobu l’amisok.
\q
\v 4 Ngai de laang iye obang, Hobu, karik aang ithaboloryo ofure lohoi? Aca iye hamaring ledwa, Ofuni de amisok fodok imojo dihithemi hohoi, anyo, athuhi ethalyehina egyemathik hahoi habis.”
\p
\v 5 Diholu h’asang hune, engengelu nang Atemplo n’atabernakulo n’atihahina onga dihide.
\v 6 Ara nya anjelohio cofa hoindafaitho adihathik cofa hulo ajinguni adi tho Templo. Iyofoi isong hulo nya abongoitho halibo, athorai thosuhena hosong thokerebusehio thah’abongo hottik oyeli.
\v 7 Aboithe th’asang hayeuni ara hamijo, esarahini d’anjelohio cofa atafuna cofa bee h’engere n’Ojok, lomanya mak.
\v 8 Efut nya Atemplo top ara afuro th’abolori n’Ojok karik th’akolon nanyong. Aang nya othulo locohi ajingara ditha honyong, tok adihathik cofa h’anjelohio cofa engahunu.
\c 16
\cl Ebwayit 16
\p
\v 1 Ethaningu nang omurut lohwat ilongo tho Templo, ajyo d’anjelohio cofa, “Ifwatha, ara ithai ibuhok dihap atafuna cofa h’engere n’Ojok.”
\p
\v 2 Ara anjelo ohoithemoni alo, abuhok atafu nanyong dihap; ara adihathik hamonyong, hadiha afuni d’ohothing howni h’ethaithitha h’oicang, ohothing homjo d’arijori nanyong.
\p
\v 3 Ara anjelo oithharehe abuhok atafu nanyong dith’ahari nahittok. Eloyitho ara ahotho, iring ahotho n’othulo lathuk aye. Ara asang hamijo dihap fodok ayethi
\p
\v 4 Ara anjelo oithaunihoi abuhok atafu nanyong ditha owori karik awori h’ahari, eloyithoi ara ahotho.
\v 5 Nang ethaningu anjelo l’ahariak, ojyo, “Ibis iye, iye lowon, iye lonya owon, iye Aboithe Lodwa – anyo, ethuk iye akanyo asang hune.
\q
\v 6 Anyo athuhi isong abuhohina adi ahotho n’ohothing hodwa karik n’ohocorok h’Ojok, ethuk iye easarahina isong thomahtai ahotho, anyo, osiru dosong.”
\p
\v 7 Ethairu nang awanghat etharangyo, “Aa, Hobu, Ojok, Lamolo, okanyitha hohoi, owoni ara hadiri karik obisi.”
\p
\v 8 Ara anjelo oitharangwane abuhok atafu nanyong ditha oholong, ahorohini to omudye ohothing th’ahimang.
\v 9 Amudyo isong anohong namonyong bebe; omorye ofure l’Ojok, lowon h’akolon dihide h’adihathik huna. Kabong isong oburunu karik kabong isarahini inyong abolori.
\p
\v 10 Thiya anjelo oithamiyethi abuhok atafu nanyong dihide h’okara l’oicang, ara omudwe emuhok ohobye. Isong anyahalyo ongadyefa hosong th’adihari.
\v 11 Amoryo isong Ojok l’ahide th’adiha karik th’asongosik thahasong; karik hohoida aburunu th’egyemathik thahasong.
\p
\v 12 Ara anjelo oithainde abuhok atafu nanyong ditha h’owor lohittok, Euphrates. Ahari ayohojoro dihuhumyerek oyihoi d’ohobusi hofuni de tholo moithe.
\v 13 Nang atehu ohoilehio hoibot aunihoi, hojahitha adwadwak, ofuni thohuthk hoicang loithathalik ayaa, karik lobo th’ohocorok haang ara hadiri.
\v 14 Aca isong hulo ohoilehio ho sitan hoihandyo ethaithitha hafalangai. Ofwoi nya isong d’ohobusi h’ahap fodok disuduhyo isong amaji aboithe dingalafa d’ofaning lohittok l’Ojok Lamolo.
\v 15 (“Idoro! Nang laindu de iring ohoholani, loiriryo ahibu inyong omijo, loindafaitho abongoitho tuhudik tek inyong adaha iluluyai, daang otehuni omiru h’ajwuon n’ahosi, thomunoi.”)
\p
\v 16 Iyanu isong isong amaji aboithe d’amaji nelongo Ohoibrei ara Armageddon.
\p
\v 17 Thiya, anjelo oithacofe abuhok atafu nanyong dith’aloiri. Thiya omurut lohwat aindu tho Templo, karik th’okara, ajyo, “Athuhi ehandyo!”
\v 18 Awoni nya ongadyefa h’ahimang nawulo, ethirr, apeyo n’ahila karik arithirithi namonyong - arithirithi n’ahap nakalu nabo nathuk afuhon ge ohothing awonan dihap; abolo nya nabo arithirithi nahap iring na!
\v 19 Ebwa nya abore nahittok aunihoi, ara abottok h’amisok apwaharu. Thiya Ojok eyuu Babylonia nahittok, esarak d’abore nya oihutye bee h’obalu, loihuhumunu th’engere nanyong nethalongojyo.
\v 20 Ahap nafithoro dihiji h’ahari karik odongiok alithoi.
\v 21 Ara ofalanga h’ohuju, houk bebe, afuni dihap thohide, dihide h’ohothing, ohothing afecye Ojok d’adiha n’ofalanga h’ohuju, nanya omonyong bebe.
\c 17
\cl Ebwayit 17
\p
\v 1 Aboithe th’anjelohio cofa, lonya indafaitho atafu ethacofe lo, aindu ajyo donang, “Iwong, ethaithak nang iye de edara n’amwak nahittok nawoni dihide h’ahari halwa,
\v 2 inyong nanya athuk ohobusi h’ahap esukarik th’epal. Th’obalu tholoisukarik inyong th’epal, ebotho ohothing hothohop narithin.
\v 3 Thiya, anjelo eyaru nang adi ditha h’Ohoile ditha oduyaru; nang atehu athulo nangorwo owoni dihide hoicang odoru loifut ara ofuretho h’amoro. Owon nya oicang lya h’ahosi cofa karik omwaraha tomon.
\v 4 Iyofo nya athulo ne abongo anaporong karik adoru, ethaliborye th’ayel, th’omorik thoholibo karik th’onyahwo. Indafaitho nya inyong na th’ahinang oihutye oyel, bee h’asang hamonyori karik hebot heleru nanyong.
\v 5 Dihomong honyong igero ofure: amisterio, “Babylonia nahittok, ahathingi n’amwahi karik n’asang abomonyorok hothohop.”
\p
\v 6 Atehu nang athulo ne ara nebotho th’ahotho thon’ohothing hodwa h’Ojok karik omartirehio ho Yesu. Atehuna hindang inyong, afalanga nang bebe.
\v 7 Anjelo ajyo donang, “Anyo ifalanga iye? Enyanyahak nang de iye amysterio n’athulo ne karik oicang loiyaitho inyong lya; oicang lowon h’ahosi cofa h’omwaraha tomon.
\v 8 Oicang letehu iye lya, owon nya; awang ti thenene, karik aindek ainduna thath’agulume naang amukok. Thiya oindu de inden dithorohojyo. Ohothing homanya dihap, ohothing hokabong ofuretho hosong igero dith’amanini n’esu gee thorimahina h’ahap, ofuni de italuho ara hatehu oicang, anyo, owon nya, awang thenene, ti, oindu de.
\v 9 Ithayuhi ne ahu nawon h’olofioro, Ahosi cofa, isong adongiok cofa hawoniarik athulo ne hune.
\v 10 Owoni dang ohobusi cofa. Apwaharu ohobusi miyet, owon aboithe, karik kabong lobo hoindu; ara laindu, oindu de isuka orii tiibai.
\v 11 Oicang lonya owon, oicang laang, ti, inyong lo ohobu oithatisethe. Owon inyong lo ara locofa karik lolo d’etharohoja nanyong.
\v 12 Omwaraha tomon hoitehu iye hulya, isong ohobusi tomon hokabong hoifothu ohobye, ti, ifothuni de akolon iring ohobusi d’orii aboithe, amaji aboithe hoicang.
\v 13 Isong hulo h’ahu aboithe, eesarahini akolon karik endafaitho nasong ahap d’oicang.
\v 14 Oremorik de isong Oker. Ti, obak de isong Oker, anyo, inyong lo, Ohobu l’ohobusi. Ohothing howon honyong, ilongoi ara ahinyomo karik ohoiruhok.”
\v 15 Ara anjelo ajyo donang, “Ahari hetehu iye hune, isong amaji nawonierik amwak: ohothing, elulung n’ohothing, amisok karik ahuthuhye.
\v 16 Omwaraha tomon hoitehu iye hulya, isong karik oicang, ofuni de imanan amwak. Ofuni de isarahina inyong thoisurithai, ahohini inyong iluluyai; ofuni de idiloro ahiringo nanyong, amudye inyong th’ahimang fodok adi.
\v 17 Aca athuk Ojok esarahina dithaja hosong thoihandye asang hawak inyong. Theruhohina thanasong esarahina akolon dindafaitherek oicang lwai ocamitha h’Ojok ehandyo.
\v 18 Athulo netehu iye ne, inyong abore nahittok nawon h’akolon nendafaitherek ohobusi h’ahap.
\c 18
\cl Ebwayit 18
\p
\v 1 Diholu h’asang hune, atehu nang anjelo loboling oindu dihap thohide. Owon h’akolon n’endafaitho nahittok, karik ahap ethaulo th’abolori thananyong.
\v 2 Ekor thomurut tholobolo hijan, “Apwaharu, apwaharu Babylonia nahittok! Esuka ara amaji nesukarik ohoilehio homonyong, efithet n’ohoile loibot, efithet n’ahwenyi nebot karik efithet necang nebot karik nedari.
\q
\v 3 Athuhi amisok bukulung ebotho obalu lawahan eleru nanyong. Athuhi ohobusi eyauna esuka honyong n’eleru. Abarai ohoithanyangak karik ohoinyangak hothohop th’akolon thanamuno nanyong esuka nahwan.”
\q
\v 4 Thiya, nang aningu omurut loboling thohide ojyo, “Ifuna adi thonyong, ohothing hundang, daang ithai ingara ditha eyatha hanyong karik daang ithai irimak nabo th’adihathik hanyong.
\q
\v 5 Ethuha eyatha hanyong othinuni ahide; eyuu Ojok egyemathik hanyonng amonyorok;
\q
\v 6 odumahina inyong adi, iring nathuk inyong adumahinerek homok adi; odumahina inyong operok arehai d’eyatha hanyong. ditha h’oihutye lekukuryo inyong, ikukuryethe aduma nanyong operok arehai
\q
\v 7 Iring ithaboloryo inyong ahwan nanyong karik awa ditha habara, ithathacianiethek inyong th’abahio karik athariha. Aca, ojyo inyong dithaji honyong, “Ethawonihini nang iring ahabu; ikara nang aharathani karik aang nang de atehu ekor.’
\q
\v 8 Iring na, ofuni de adihathik hanyong ifuna: aye, ekor karik ahure. Oindu de inyong ahimang ingohina, aca oko Ohobu Ojok karik inyong lo ohokanyani lonyong na.”
\b
\v 9 Ohobusi h’ahap heyau eleru honyong aang hoipapahunai, ofuni de ikor karik iwuluhoi ara hatehuni afuro n’ahimang namudyo inyong adi.
\v 10 Ofuni de iwetha olamarai, obangi n’ethagyemio nanyong, ajyori, “Ara afuro, ara afuro d’abore nahittok, Babylonia, abore akoloni! Aca d’orii aboithe, edwong abahio nahoi.”
\p
\v 11 Ekori karik atharihai ohoithanyangak karik ohoinyangak hothohop, anyo, aang othulo loinyanga attitto hasong –
\v 12 ayel, ebindang abong neyelehe, omorik hoko, onyahwo, abongo narere, anaporong, naborya karik adoru, opeceni fodok h’ahithoi nangwo kudarr, attitto hehuhumuni th’ohala h’othome, th’ahiyek, ebindang anaporong, ebindang nako, amotong karik orojo hoikongerek,
\v 13 aboro hekongyerek karik hadwanye d’agorom, ahayo haswahyo ahuthuk, alothogong, angenge n’aborwong, amiyang karik abene hangwa kudarr, obalu, elethang, ahifa henyundi, ahifa henatha angiryang nasong, ahisuum, akero, agodigodihio, asang hethothorye dia hefihoithe helengaitherek attitto karik ahwandek h’ohoilehio h’ohothing.
\v 14 Ahayocong newak iye th’akolon thanahoi fodok, athuk aden fodok adi thohoi. Awa ditha habara fodok karik abolori nahoi, athuhi alitho, aang hoinyahi arimahini d’amaji nabo ikoti.
\v 15 Ohoithanyangak karik ohoinyangak hattitto hune karik abarai thonyong, ofuni de iwetha olamarai thonyong na, th’abangi than’ethagyemio, than’ekor karik th’ewuluhoitho thananyong th’ahwathan thon’omurut.
\v 16 Ofuni de ijaran, “Ara afuro, ara afuro d’abore nahittok, nethayofo th’abongo thanarere, anaprong, adoru karik ethaliboro th’ayel, ofaho karik anyahwo hako bebe!
\q
\v 17 Ditha orii aboithe ahani, etharohoja abara ne bukulung adi.” Lahong l’aroko, ohoithanyangani l’amanini n’aroko, ohoigyemak di roko karik ohothing fodok horimak esu nasong th’ahari nahittok, awethi olamarai
\v 18 Ekori, atehuna nasong afuro n’amoda nanyong. Isong ajyori, “Nani abore najahitha abore nahittok?”
\v 19 Afurahini atur dihosi hosong, ekori, eluluwoi, atharihai, “Ara afuro, ara afuro d’abore nahittok, nawonderek ohothing bukulung howoni ha arokoni d’ahari nahittok abarai th’asama thananyong. Aca, d’orii aboithe ti, etharohoja inyong na fodok fodok karik akar.”
\q
\v 20 “Omunothik thonyong, ahide, ithai ohothing hodwa, ohoifahak karik ohocorok, aca athuk Ojok eyanu akanyo nanyong dihide honyong!”
\p
\v 21 Ara anjelo lohittok eduhu omorwong, lohittok iring lereyerek, amirok dith’ahari nahittok, ajyo, “Thoyihoi tholo, Babylonia, abore nahittok, ofuni de imirohina dihap th’eribo, aang ofuni itehunerek inyong koti.
\q
\v 22 Ethaninguna nehandyo ohobahak h’athafedek karik ohoidolok, ohohuthak h’afakile karik ohohuthak h’amo, aang hofuni ithaninguna koti ditha hohoi. Aang hofuni ithaninguna ekor nahirie ditha hohoi.
\q
\v 23 Aang afangan n’ahiriyai oindu iwulo ditha hohoi ikoti. Omutto h’ohomuthani karik h’athulo namuthaye ofuni ithayiruna ditha hohoi, aca awoni nya ohoithanyangak karik ohoinyangak hohoi ara olonyirok h’ahap ara amisok nya ethadwalye thoiboniak thohohoi.
\q
\v 24 Ditha honyong arimahini ahotho n’ohocorok karik n’ohothing hodwa h’Ojok karik ahotho n’ohothing bukulung honya athuhi attohoro dihap.”
\c 19
\cl Ebwayit 19
\p
\v 1 Diholu hasang hune, ethaningu nang aning nabo idolo thomurut tholohwat iring l’ohothing holwari dihide ilolongo hijan, “Halleluia! Ethalwahuna, abolori karik akolon, owon ara n’Ojok lohothai.
\q2
\v 2 Akanyo nanyong owon ara nadiri karik nabis. aca athuk angoco arami h’amwak nahittok, nathuk ethaboco ahap th’eleru thananyong. Athuk arofuna ahotho n’ohoigyemak honyong thohinang honyong na.
\p
\v 3 Edoloi operohothi oitharehe, “Halleluia! Afuro adotho thonyong mak.”
\p
\v 4 Ohobolok athomone areha larangwan hulo karik asang arangwan hayeuni ara hamijo huna, apwaharai dihap, amojoi Ojok, lowoni dihide h’okara. Isong ajyori, “Amen! Halleluia.”
\p
\v 5 Thiya, omurut ekorunu thokara, ajyo, “Ithahuyethek Ojok lohothai. ithai ohoigyemak honyong fodok, ithai, hoibang inyong, ithai arehai dang, haang oko karik hoko.”
\p
\v 6 Thiya, nang ethairu oilolong iring l’ohothing olwarai, iring ahamwaitho n’ahari olwarai, iring emedehitha n’ahila, ajyori, “Halleluia! Aca Ohobu, loindafatho ahap, Ojok lohothai, Lamolo.”
\q
\v 7 Hamunothik, habalathik thamuno karik hesarahina donyong abolori! Aca athuk amuno n’amutha n’Oker ainduna karik athulo nanyong ehuhumyo ahwan nanyong arabo.
\q
\v 8 Ahorihini inyong na thoithayofye th’abongoitho thaharere, hawilang karik aliborok” (Aca abongo narere inyong abisan n’ohothing h’Ojok hodwa).
\p
\v 9 Ara anjelo ajyo donang, “Igerok arami huna: Ohothing hoilongoi d’amuno n’amutha n’Oker, thomunoi.” Inyong lo ajyo ikoti donang, “Ocamitha hulya hadiri h’Ojok.”
\v 10 Nang apwaharu dihap dihejek honyong, nang amojo inyong, ti, ajyo donang, “Hoihandyo ahani! Nang ohoigyemani hohoi karik olarok hohoi hoiruhi karik endafaithe arami ho Yesu. Omojyo Ojok, aca eruhohina karik endafaitho n’arami ho Yesu, inyong ohoile l’acorio.
\p
\v 11 Thiya, nang atehu ahide onga; nang atehu diya agodigodi abong. Lodaha dihide honyong lo, ilongoi inyong ara ohoiruhoni ladiri. Okanyo inyong lo karik arem th’abisa.”
\v 12 Ojahi ahonde hanyong owulyewulye h’ahimang karik owoni dihu honyong alohuluhi olwarai. Owon h’ofure legero dihide honyong, lara inyong, ikara othulo loboling, otek olefeng.
\v 13 Iyofoitho inyong lo abongo nanya etuhini ditha hah’ohotho, ara ofure lonyong elongoi ara Ocame l’Ojok.
\v 14 Elulung n’ohoremok h’ahide, hothifoitho dihide h’agodigodihio abongi inyong, loiyofo abongo narere, abong karik nalibo.
\v 15 Thohuthuk honyong, odaha odemi lohittok, lofi, lobahyerek inyong dihap amisok; oindu de indafaitho isong th’ahinang ebindang. Oreyo inyong lo amoco h’engere n’Ojok Lamolo.
\v 16 Owon hofure legero dibongo karik dithora honyong: “Lahong lalahong karik Ohobu l’ohobusi.”
\p
\v 17 Nang atehu anjelo owetha ditha h’oholong. Inyong lo, elongo thomurut tholohwat ahwen bukulung hawaitha tholohu, “Ifuna, osuduhathik amaji aboithe d’amuno nahittok n’Ojok.
\v 18 Ifuna onyethek ahiringo n’ohobusi, nahahong h’ohoremok, n’ohothing hoko, ahiringo n’agodigodihio karik n’ohothing hodaha thosng, ahiringo n’ohothing bukulung, hoisuka iring owak isong, karik n’ongacani, n’ohothing haang oko karik hoko.”
\p
\v 19 Nang atehu oicang karik ohobusi h’ahap helulungir h’ohoremok hosong. Osuduha isong nya diremorik, lonya odaha th’agodigodi karik helulung n’ohoremok honyong.
\v 20 Endefuni nya oicang h’ohocoroni laang owon ara ladiri lehandyo ethaithitha dihithemi honyong. Thethaithitha thohune, ethadwalyo nya ohothing hathuk efothuna ohoforo h’oicang karik ohothing honya amojyo arijori nanyong. Amirohini nya isong arehai ditha h’ajor nawulo ara ahimang.
\v 21 Homok hosong attohori nya th’odemi tholohittok loindu thohuthuk holodaha th’agadigadi. Anyo ahwen fodok ahirngo nasong naye nya.
\c 20
\cl Ebwayit 20
\p
\v 1 Thiya nang atehu anjelo oindu dihap thohide. Owon inyong lo h’ongayit l’agulume naang amukok karik owon heririk nahittok dihinang honyong.
\v 2 Endefu oicang loyaa caa lo, amunu nemarwo, ohoile omonyoroni dia Sitan. Efithahini inyong oyingathik esihe aboithe.
\v 3 Amirohini ditha h’agulume naang amukok. Ehyenok karik aduniehi tholohu honyong. Ihandye nya ahanya, tek ethadwalyo ikoti, tok oyingathik esihe aboithe engahunu. Engohunu n’oyingathik hulya, inyong toburahini diholu h’omiru tiibai
\p
\v 4 Thiya nang atehu okani. Ohothing honya owoniari dihide hosong nya ohothing hesarahini akolon nakanyo n’arami. Atehu nang dang ohoilehio h’ohothing honya abongye ahosi d’eruhon thanasong do Yesu karik ocame l’Ojok. Kabong isong omojyo d’oicang karik arijori nanyong; edari efothuna ohoforoi dihomong karik dihinang hosong. Esuji karik awoniari dikara ho Yesu oyingathik esihe aboithe.
\v 5 Kabong ohothing homok honya aye ofuni ibuhuna, lwai oyingathik esihe aboithe engohunu. Ebuhuna ehethemoni ne.
\v 6 Othulo lowon ditha hebuhuna ethaboithe, thomunoi karik thodwara! Tholohide arami hune, aang aye etharehe owon h’akolon. Ofuni de iwonan ara ho fadiri h’Ojok karik ho Kristo; ofuni de isuka honyong oyingathik esihe aboithe.
\p
\v 7 Ara oyingathik esihe aboithe hengohun, ofuni de iburahina Sitan thoifitha honyong.
\v 8 Oindu de inden dithadwalyo amisok ditha h’oyirihi arangwan h’ahap – Gog karik Magog – diyanu isong amaji aboithe d’aremi. Ofuni de ilwari iring akujo h’ahari nahittok.
\v 9 Afwoi d’amaji nahittok narii see n’ahap; amaji nehuhumye ara nesukarik ohothing h’Ojok hodwa – abore namunoi. Ti, aindu ahimang dihap thohide, adiloro isong.
\v 10 Sitan lethadwalyo isong, amirohini ditha hajor n’ahimang nawulo ara ahimang, amaji nanya omirohinerek oicang karik ohocoroni lonya aang owon ara ohocorni ladiri. Ithagyemye de isong th’afaning karik th’aharie, mak.
\p
\v 11 Thiya nang atehu okara obong, holobo othulo lowoni dihide honyong. Angerori ahap karik ahide adi thohithemi honyong. Ti, awang inya amaji nangerorik isong.
\v 12 Atehu nang ohoyak – hokoli karik haang okoli – owethi dihithemi h’okara; angaye nya amaninihio. Thiya, angaye nya amanini nabo – amanini n’esu. Ohoyak nya akanye arami hasong, th’arami thahegero ditha hamaninihio, iring th’egyemitha thahasong.
\v 13 Ahari nahittok aburak ohoyak honya owoni ditha honyong.
\v 14 Aye karik amuno, alengan, nya amirohini ditha h’ajor n’ahimang nawulo. Aye ne etharehe – ajor n’ahimang.
\v 15 Ara kabong nya orimahini ofure lolobo igero ditha h’amanini n’esu, athuhi amirohina inyong ditha h’ajor n’ahimang.
\c 21
\cl Ebwayit 21
\p
\v 1 Thiya nang atehu ahide karik ahap angejuho, ara ahide karik ahap ehethemok hathuhi afwan adi; ara ahari nahittok alitho thiya.
\v 2 Nang atehu abore nadwa, Yerusalem angejuk, naindu adi dihap th’ahide n’Ojok, nehuhuma iring ahodwothi nethaliborye d’onde.
\v 3 Ethaningu nang omurut lohittok loindu th’okara, ajyo, “Otiha! Amaji nesukarik Ojok, owon h’ohothing; oindu de isika hosong. Ofuni de iwonan ara ohothing karik Ojok th’ahwan aindu iwonan hosong; aindu iwonan ara Ojok losong.
\v 4 Oindu de ifyeuna ehiyo thohonde hosong; aang aye, athariha, ekor dia adihari hofuni iwonan diya. Athuhi asang hanya hua afwan adi.
\v 5 Lonya owoni di kara lo ajyo, “Idoro! Ayeyo nang asang bukulung ara angejuho.” Inyong ajyo, “Igerok arami huna dihap, anyo, olwahuni ocamitha hulo karik owoni ara hadiri.”
\v 6 Inyong ajyo donang, “Athuho asang huna! Nang Alpha karik Omega, aculwe karik ecuhit. Doloibotho ahibothit, esarak nang de isong ahari hoija th’ologugudut l’ahari h’esu.
\v 7 Oindu de ohoteluni iruthahina asang hune ara hanyong. Nang aindu iwonan ara Ojok lonyong, ara inyong aindu iwonan ara olonyi hindang.
\v 8 Ti, ara d’obangak, ohothing haang iruhi, ohothing hoidari, ohottohok, oilerujok, oibwana, ohothing hoiruhi d’ajohi karik odwalak bukulung, amaji nasong de ajor nawulo ara ahimang. Aye nya de etharehe.
\p
\v 9 Lobo th’anjelohio cofa hulo aindu donang, inyong lowon h’atafuna cofa hefut bee h’adihathik cofa eholuha, ajyo donang, “Iwong dini, ethaithak nang iye de ahodwothi namuthaye de na, afure n’Oker.”
\v 10 Thiya eyaru nang adi ditha Ohoile d’odonge lohittok, ohodorani, ethaithak nang abore nadwa, Yerusalem, oindu dihap thohide th’Ojok.
\v 11 Owon Yerusalem h’abolori n’Ojok karik awulo nanyong ajahitha ofaho oyeli karik iring omorik hotehunerek thele.
\v 12 Owon h’agorom n’oyihethik tomon larehai, karik anjelohio hoisuka diyihethik tomon larehai. Dihide h’oyihethik igeroi ofuretho h’amukoko tomon larehai h’olonyirok ho Israele.
\v 13 Tholo moithe arahi nya oyihethik hohittwak aunihoi, thololumi h’oholong aunihoi, tholowor aunihoi karik tholohide aunihoi.
\v 14 Owon nya agorom n’abore hasihothik tomon lareha; dihide hosong, owoni nya ofuretho tomon larehai h’ohoifahak tomon larehai h’Oker.
\v 15 Locama honang lya owon h’ebindang ethemit ayelithi nathemyerek abore, oyihethik hohittwak karik agorom.
\v 16 Othema nya abore oyirihi arangwan horijoro. Othemyo nya inyong abore th’ethemit ebindang, stadia esihe tomon larehai th’ahodori.
\v 17 Athemyo dang agorom, aindu 144 cm th’erosi, th’athemio thon’othulo (karik dang n’anjelo).
\v 18 Oduhoi nya agorom th’eduhit thana ilongoi ara “Jasper” ara abore aduhoi th’ayel tororo karik eduhet nengelunerek thele (glass).
\v 19 Ethaliborye nya asihothihio h’abore th’omorik thohoko: Jasper nya ohoithemoni, Sapphire oitharehe, agate oitharehe, emerald oitharangwane,
\v 20 onyx, oithamiyete, Camelian oithainde, chrysolite oithacofe, beryl oithatisathe, topax oithasahale, Chrysosprase oithatomone, Jachinth oithatomone loboithe, omethyst oithatomone larehai.
\v 21 Oyihethik tomon larehai hulya nya, ihuhumuni nya aboithe th’onyahuthong lobolo ayiji nanyong. ihuhumuni nya oyihothik h’abore fodok th’ayel, iring eduhet natehuni thele.
\v 22 Kabong nang atehu atemplo di bore, aca, Ohobu Ojok Lamolo karik Oker, owoni ara Atemplo nanyong.
\v 23 Aang nya abore owak oholong dia oyefa diwulo dihide honyong, anyo, abolori n’Ojok owulo dihide honyong, karik Oker awon ara ahiriyai nawulo.
\v 24 Odaha de amisok th’afangan than’abore. Iyanu de ohobusi abolori nasong ditha honyong.
\v 25 aang de ihyenie oiyihethik honyong th’afaning karik aang de dang aharie thiya.
\v 26 Iyanai de abolori karik ethahabuyo n’amisok dtha honyong.
\v 27 ti, aang de aning nebot dia othulo loidairi, ohodwalani lojingak ditha honyong, araharik ohothing hoigero ofuretho hosong dith’amanini n’esu n’Oker.
\c 22
\cl Ebwayit 22
\p
\v 1 Thiya anjelo ethaithak nang owor l’ahari h’esu, halibo tholohide halibori. Ongetti th’okara l’Ojok karik l’Oker.
\v 2 tholoihiji h’oyihoi lohittok l’abore. D’oyirihi arehai h’owor, owon ohiyani l’esu abok abok, ithadoye opeceni h’ahayo tomon larehai d’oyefa. Abene h’ohiyani ara hethalihyerek amisok.
\v 3 Aang afecio holo iwonan. Okara l’Ojok karik l’Oker lolo iwonan de di bore; ohoigyemak honyong hofwo ingyema donyong.
\v 4 Otehu de isong ahomong nayong, ara ofure lonyong egero dihomongithe hosong.
\v 5 Aang aharie holo iwonan diya karik aang ohothing hofwo iwahan afangan n’ahiryai nawulo dia afangan n’oholong, anyo, Ohobu Ojok lolo inwaha dosong. Isong hafwo indafaitho ahap mak.
\p
\v 6 Anjelo ajyo donang, “Ocamitha hulya, owoni hayiji karik owoni ara hadiri. Ohobu, Ojok l’ohoilehio karik l’ohocorok, asulak anjelo lonyong dithaithahina ohoigyemak honyong ainyong de nafuk kwak.”
\v 7 “Otiha! Nang laindu kwak. Othulo loiruk ocamitha h’acorio h’amanini na, thomunoi.”
\p
\v 8 Nang, Yoanne, inyong lethairu atehu arami huna. Ethairuna karik atehuna hindang isong, apwaharu nang dihap dimojo dihejek h’anjelo lonya ithaicyo nang asang hune lo.
\v 9 Ajyo donang, “Hoihandyo ahani. Nang ohoigyemani hohoi, h’olarok hohoi, ohocorok karik ohothing hoiruk ocamitha h’amanini na. Omojyoi Ojok!”
\p
\v 10 Thiya ajyo donang, “Hoihyenok ocamitha h’ocorio h’amanini na, anyo, anyihari omiru.
\v 11 Othulo laang obis, thaang howethai ehandyo awangan n’abisan. Othulo lamuyak ehandyo amuyahi, thaang howethai ehandyo amuyahi. Lobis thaang howethai ehandyo abisan. Lodwa, thaang howethai awonan ara lodwa.”
\p
\v 12 “Otiha! Nang laindu kwak lya. Esorio hindang nawon honang, didumarik othulo iring egyemathik hanyong.
\v 13 Nang Alpha karik Omega, ohoithemoni karik oicuhit, aculwe karik ecuhit.
\v 14 Ohothing hoilalayo abongoitho donyerek isong th’ohiyani l’esu karik dojingarik dith’abore tholoyihethik, thomunoi.
\v 15 Ongohe hodindak, oiboniok, oilerujok, ohottohok, ohomojok d’ajohi, karik ohothing bukulung homuno anyobio, adwala karik emangio.
\p
\v 16 Nang, Yesu, asulak anjelo hindang dinyahina dothai arami hune ara h’ekklesiahio. Nang ohade karik ongerenyi lo Davide, ohilyep l’amoithe berien lowulo.”
\p
\v 17 Ohoile karik Ahodwothi nawahi amuthayo ajyori, “Iwong” Loithaningu thoijara, “Iwong” Loibotho ahibothit, inyong thoindu, ara owak inyong, thoindu hamaring dimatha ahari h’esu.”
\p
\v 18 Anyahi nang d’othulo loithairyo ocamitha h’acorio n’amanini ne. Ara loiduhu dihwan honyong ocamitha th’amanini n’acorio ne, Ara ofonik lobo dosong, ofonik de dang Ojok adihathik hegero ditha hamanini ne.
\v 19 Ara iduhu lobo adi th’ocamitha h’amanini n’acorio na, iduhu de Ojok oyirik lonnyong adi ditha h’ohiyani l’esu karik ditha abore nadwa hegero ditha h’amanini ne.
\p
\v 20 Lonyahi arami hune ajyo, “Aa! Nang laindu kwak.” Amen, Iwong, Hobu, Yesu!
\p
\v 21 Alwahio n’Ohobu Yesu, thoiwona hothai bukulung. Amen.