\id 2TI
\ide UTF-8
\h 2 Timoteo
\toc1 2 Timoteo
\toc2 2 Timoteo
\toc3 2ti
\mt 2 Timoteo
\c 1
\cl Ebwayit 1
\p
\v 1 Paulo, ohifak lo Kristo Yesu, thawahn thon’Ojok, iting nacorohinerek esu nswon ditha ho Kristo Tesu.
\p
\v 2 Do Timoteo, oitho lomunoi: alwahio, amehina karik elik th’Ojok Omonye karik Kristo Yesu, Ohobu lohothai.
\p
\v 3 Afurak nang ahinwarang d’Ojok, legyema nang donyong gee thohohonyo, thothaji thololibo, iring eyuhi nang thohoi ditha omojitha hundang th’afaning karik th’aharie.
\v 4 Iring eyuhi nang ehio hathai, awak nang atehuna ithai defong nang th’amuno.
\v 5 Ethayuhini nang eruhon nahoi nadiri, nemanya iye ahithemi dihohe hanehahanyi Lois karik nehathingi Eunice, karik atek nang tuhudik, amanya dang ditha hohoi.
\v 6 Th’ahu than’arami hune, ethayuhi nang iye thoithaulok esorio n’Ojok nawon ditha hohoi thethahina ahas hundang dihide hohoi,
\v 7 Anyo, kaang Ojok isarak ohothai ohoile labangi, ti, akolon, amuno karik karik esuka ibisai.
\v 8 Inyong na, ahu nahoi thaang hojwuo, dinyahina Ohobu lohothai, ikara dang thonang, Paulo, ohoifithani lonyong. Kombwo, ongarathik ethathaciana th’evanjelio iring d’akolon n/Ojok,
\v 9 Lelongo ohothaithai thoilongit tholodwa. Ihandyo ahanya, ikara th’egyemathik thahahothai, ti, igyema th’egyema thanawak inyong karik thalwahio. Thenesarak inyong ohothai, ditha ho Kristo Yesu, dihithemi haculuyo n’omiru.
\v 10 Ti, thenene ne, athuhi ethalyehina ethalwahuna n’Ojok th’aleyori thon’ohoithalwahani lohothai, Kristo Yesu, latelu aye karik eyanu esu karik aangan n’aye d’afangan tholo evanjelio.
\v 11 Anyo bai ahani, aca athuhi nya nang anyimuna ara ohocamani, ohofak karik ohoityenani.
\v 12 Th’arami thohune, ethathaciana nang dang thenene ne. ti, aanga nag ahu hojwu, anyo, atek nang inyong athuk nang eruk. Atek nang tuhudik hijan acohi inyong lo agoterek aning nelahi nang donyong lwai d’ofaning le.
\v 13 Hoikworo aryamara n’ocamitha hadiri hoithairu iye thonang th’eruk karik amuno nawon ditha ho Kristo Yesu.
\v 14 Aning nayyu nathuk Ojok esarahina dohoi, ikeye inyong th’Ohoile tho Lodwa, lomanya ditha hohothai.
\p
\v 15 Itek iye arami hune, hijan ohothing fodok homanya di Asia, eloithoi adi thonang. Ohothing h’elulung ne, isong ho: Phygelus karik Hermogenes.
\v 16 Ohobu thomehi ahang n’Onesiphorus, anyo, ethahenyecyo nya koko koko karik aang nya ahu nanyong ojwu efitha hindang.
\v 17 Kombwo arii honyong di Roma, athifeyo nang tuhudik, arimak mang.
\v 18 Ohobu thesarak inyong thorimak amehina thonyong ofaning le. Th’oyihothik fodok, alwahyo nang di Ephesus, Itek iye tuhudik.
\c 2
\cl Ebwayit 2
\p
\v 1 Iye hathi, oitho hindang, thokolo, ditha h’alwahio nawon ditha ho Kristo Yesu.
\v 2 Asang hethairu thonang dihiji h’ohothing hottihak holwa, isarahini d’ohoiruhok hocohi etyenio ohothing homok dang.
\v 3 Ongongie aning namonyo iring nanyia angogiorek nang do omiru lezagemierek ohoi zo Kristo, iring nangoierek olosenger loyu aning nezagemierek inyong.
\v 4 Itek iye  ijan awang olosenger, ojingak da asing ho ohozing di zamunoyerek hohitua hosong.
\v 5 Za ahani, awang oheruazak okalaru homok ara awang isong obang asing hajo heza ngeteyo.
\v 6 Owak ohoromoni legyema bebe th’ahinang icak efothuna amat haromunu.
\v 7 Igigiloi ainyong acama nang, aca, isarak iye de Ohobu athenuna asang fodok.
\v 8 Hoikworo Yesu Kristo, oitho lo Davide, lonya ithabuhuni th’oye. Owoni ahani, iring ocame hindang l’evanjelio.
\v 9 Lethathaciangyerek nang iring othulo lefitha, othulo ladyahu obafu. Ti, aang ocame l’Ojok ikohunu.
\v 10 Inyong na, ongongok asang bukulung th’ohothing thoh’onyimuni, dorimahini isong hulo dang ethalwahuna nawon ditha ho Kristo Yesu, habolori namanya mak.
\v 11 Ocame lenihinerek ahwan donyong lo, “Ara ethuk ohothai aye honyong, emanya de dang honyong.”
\q
\v 12 Ara ingongu ohothai, endafaitho de dang ahap honyong. Ara irisa ohothai inyong, oindu de dang irisa ohothai.
\q
\v 13 Ara aang eruhon, odulo inyong ara leruk, anyo, aang ocohi donang dirisa ahwan nanyong holefeng.
\p
\v 14 Orasai ethayuhina asang hune, iringak isong dihithemi h’Ojok thaang hoithethenai arami h’ocamitha. Aang olwahu aning nabo karik dang ti, itharahojo ohothing hoithaningyo.
\v 15 Ihandye ara nayyu bebe dithafothohina ahwan nahoi d’Ojok, iring othulo leruhohini digyema, Ohoigyemani laang arami hethajwuyo inyong ahu, othulo letyenio dimaji ocame l’eladiri.
\v 16 Ikarak acama nebot karik naang ohuru aning nabo neyanu daangan nelajok nakalak.
\v 17 Othurohunu de acama nasong iring asongosong naang ilik. Ditha h’ohothing hulya owoni ho Hymenaeus karik Philethus,
\v 18 hathuhi afwan adi th’arami hadiri. Ojyori isong athuk ebuhuna afuhon karik ethorohojo eruhon n’ohothing homok.
\v 19 Juk ahani ne, owetha asihothe n’Ojok ara nako. Igero dihide honyong ahana: “Otek Ohobu honi ohothing howoni ara honyong,” karik, “Lefura ofure l’Ohobu thoilo adi thaangan n’oyano.
\v 20 Ditha h’ahang nasom, ikara amoco, akatino dia akoni h’ayel, dia n’ebindang najon owoni. Owoni dang akanitha h’ahyek, h’amotong dia h’anyari. Hamok thohune igyemarik egyema nafalangai karik hamok igyemarik egyemathik hamani.
\v 21 Ara ithaliboryo othulo lobo ahwan nanyong th’asang h’egyemarik hamonyong, orijoro inyong lo iring akoro nalibo. Isarahini inyong de arakang ara nayyu d’Ohobu, karik ehuhumahini ara nayyu bebe.
\v 22 Ingero adi th’asang hamonyong hawak elattwat. Ottahithai th’oyano abisan, eruho, amuno karik elik n’ahap th’ohothing thohoilongo Ohobu th’othaji tholosong thololibo.
\v 23 Ti, idaratha amwala karik aang atehan efietha. Itek ithai, oyisuni isong huna th’ethethena.
\v 24 Ohoigyemani l’Ohobu, thaang ithethenai. Kombwo, inyong thonyalama d’ohothing fodok, acohi etyenio karik awonan h’angongio.
\v 25 Ethabisio karik angara th’anyalami. Kode Ojok isarak isong aburunu d’atehan nasong eladiri.
\v 26 Kode ithalihuni de othaja, ikoti, ekarahini amolohe n’omonyoroni lo, diholu athuhon nsong d’awahan nanyong.
\c 3
\cl Ebwayit 3
\p
\v 1 Ti, oteha hijan: d’operok hothoicuhit okoli de omiru.
\v 2 Anyo, ofuni de ohothing iwonan ara ohomunok h’ahwandek, ohomunok h’enyahwo, ithahuye ahwandek, ithadara, iwonan ara ohomorok h’asang hadwa, ohothing hoida, ohothing haang ethaningyo arami h’omonye, h’ahahathigie, ohothing haang ojyori huma, ohothing haang odwa.
\v 3 Aang de owoni h’amuno iring nayeng na. Aang de ocohi dosong emora, owoni de ara ohomorok, hang ipapahu ahwandek, owon de eribo, owoni de ara ohomork ikara h’ayiji.
\v 4 Owoni de ara ohoimangak, hafaja, hoithadara, ohomunk h’alengan naang owon ara n’ohomunok h’Ojok.
\v 5 Owoni de h’oyayit lowon ara l’Ojok, ti, idari de akolon nanyong.. Iloithothik adi th’ohothing hulya.
\v 6 Anyo, homok th’ohothong hulya, isong ohothing hojingak ditha h’ahangithek hendafaitho angorwo anyaluba. Isong hune angorwo hefut ara eyatha karik ethabuyangarai d’asang Olwarai hawak isong.
\v 7 Iyeyena angorwo hune juui, ti, aang ocohini edwong ditehan arami hadiri.
\v 8 Th’oyihoi tholya Aboithe idararik Jannes karik Jombress arami ho Musa, ohoityenak haang owoni ara hadiri, idari arami hadiri. Isong hulo ohothing hethorohoja ahu, karik iring deruhon, edari isng.
\v 9 Ti, aang de ofwo bebe adihithemi. Anyo, aang adudufo nasong ne ibong d’ohothing fodok, iring n’ohothing hule.
\v 10 Ti, iring dothai, ethuk ithai athifoitho etyenio hindang, Oisukaitha, ainyong awak nang ehandyo, eruhon, ethathaciana nahodo, amuno, angongohina.
\v 11 Ethagyemio, ethathacianitha, karik ainyong ofuk donang di Antioko, d’Iconium karik di Lystra. Angongok nang ethegyemitha. Thothosong fodok ethakolu nang Ohobu.
\v 12 Ohothing bukulung howak amanya th’oyihoi thol’Ojok ditha ho Kristo Yesu, ithagyemye de.
\v 13 Ohothing ohoyak, odwalak, ofwo de th’amonyori lwai tholohide hamonyori. Ithaitharai ohothing homok karik dang isong di litho.
\v 14 Ti, iring dothai, apwahatha bukulung dithah’asang hethuk ithai eyeyena karik erhuna th’akolon. Itek ithai thongai iyeyenu ithai.
\v 15 itek ithai hara th’elakalifinok, egeritha hadwa. Ocohini hune esarahina ahongon dithah’alwahuna tholo eruhon ditha ho Kristo Yesu.
\v 16 Egerothik bukulung, Ojok ingarak thoigeroi, alwahu d’ehenio, deruhohina dith’abisan, karik dithethemahina abisan.
\v 17 Ara ahani, d’oyinik othulo l’Ojok, thoithuthunai degyemathik bukulung.
\c 4
\cl Ebwayit 4
\p
\v 1 Esarak nang efahit n’alwahuna, dihithemi h’Ojok karik ho Kristo Yesu, lokanyo de arami h’ohoisuok karik h’ohyak, karik thaleyori thananyong karik n’ohobye lonyong.
\v 2 Onyahi dindak ocame, orau dia ocohini dia kabong omiru ocohini. Idai, iringye, ingarak th’angongohina karik th’etyenio.
\v 3 Ofuni de omiru, kaang ohothing ongongohinerek etyenio nayyu. Kombwo icofye ohityenak d’ohoityenak iring owak isong, hojyori ainyong owahi eyoha hasong hafuru hune ethayiruna
\v 4 Ofuni de iloithohina ethayirio nasong adi th’arami hadiri, eloithoi ad’oyendok h’ebokwo.
\v 5 Ti, iye, ithabuyangye ahu nahoi th’asang fodok. Ithathacanai d’asang hako, ihandy egyema n’ohoigerok h’evanjelio, Igyemai egyema n’amaji nahoi negyemarik.
\v 6 Anyo, nang leririy abuhoro hindang adi. Edwongi omiru handerek nang adi.
\v 7 Athuk nang aremi aremon nayyu. Athuk nang engohina angetha. Athuk nang engohina angetha. Athuk nang endefuna eruhon.
\v 8 Athuhi ehuhumahina ehithang nabis ara hindang, naindu nang de Ohobu lobis isarahina ofaning le, karik ikara donang hamaring, karik dang d’ohothing homuuno aleyori nanyong.
\p
\v 9 Othemye ainduna donang kwak.
\v 10 Anyo, athuk nang Demas edyaharu. Omuno ahap no thenene ne. Athuk aden di Tessalonika. Cresens lalo di Galasia karik Tito lalo di Dalmatia.
\v 11 Luka ti lowon honing. Iduhu Marko iyanu inyong hohoi. Oyyu inyong lo donang d’alwahio.
\v 12 Asulak nang Tychicus d’Ephesus.
\v 13 Abongo nauk na nedehi nang di Troas ho Carpus. Iyanu honyong ara iye leindu, karik amaninihio, kereki (aparchment?).
\v 14 Ethalyehi Alisandro ohoidwongoni l’ebindang anaporong na asang hamonyong donang. Ithadumayo inyong de Ohobu iring asang hedyo inyong.
\v 15 Ikau dang ahwan adi thonyong, anyo, id ainyong lo ocamitha hohothai.
\v 16 Dekayo hindang ehethemoni, aang othulo lowetha honing. Kombwo, edhi nang ohothing fodok. Ara oyyu aang de iherahini ara hethapalyo isong.
\v 17 Ti, owetha Ohobu honing karik ethakolyo honing, dara tholonang, ocame engohunu dinyahina karik dithaningu dang ohothing hoikela th’Ojudei karik ethahoruni nang thohthuk h’oume.
\v 18 Ithahoru nang de Ohobu th’egyemathik hamonyong, alwahu nang ara l’ohobye lothohide. Abolori thoiwona ara nanyong mak. Amen.
\p
\v 19 Ithamandahi Priscika, Aquila karik ahang n’Onesiphorus.
\v 20 Apwak Erastus di Korinth, ti, Throphinus edehi nang omwai di Miletus.
\v 21 Athemye ainduna dihithemi h’Ohiribo. Ithamandayo Eubulus iye, Pudens, Linus karik olarok bukulung.
\p
\v 22 Ohobu thoiwona h’ohoile lohoi. Alwahio thoiwona hohoi.