See in Reader
156 lines
13 KiB
Plaintext
156 lines
13 KiB
Plaintext
\id JAS
|
|
\ide UTF-8
|
|
\h Yakobo
|
|
\toc1 Yakobo
|
|
\toc2 Yakobo
|
|
\toc3 jas
|
|
\mt Yakobo
|
|
\c 1
|
|
\cl Omuliango 1
|
|
\p
|
|
\v 1 Yakobo, omurume waNyasaye nende omwami Yesu Kristo, yuule khutsikabila ekhumi nende tsibiri etsiasalana: amashesio khuinywe.
|
|
\p
|
|
\v 2 Abaana beefu, mulolenge mbu nobusangali olwa munyoola obutemwi bwabukhane.
|
|
\v 3 Nimumanya mbu okhutemwa khwobusubiri bwenyu bwibulanga okhutinyirira.
|
|
\v 4 obutinyirifu nabwo bukholere elala emilimo chiabo mbu mube abalamba habwene nimulalema mwikhuwa liosi ta.
|
|
\p
|
|
\v 5 Ne oundi yesi khuinywe naba naumirwa obuchesi amusabe Nyasaye, ouhaniranga bosi nomnkhono omusiro nalamwibira ta mana alahebwa.
|
|
\v 6 Ne akhoyere okhusaba nobusubiri obulakanakania ta shichira oukanakaninjia afwanana shinga amarunda akokhunyanza akarundwa nomuyeka nikerunda runda.
|
|
\v 7 Omundu uyo alapara mbu alahebwa nomwami tawe.
|
|
\v 8 Niweshikhabiri oubeeya beeya munjira tsiosi tsiosi.
|
|
\p
|
|
\v 9 omwana wefu ouli omumanani yetsialire obukhulundubwe.
|
|
\v 10 Nebutswa omuyiinda yetsialire obututubwe Shichira yetsa okhuwayo shinga eshimuli eshiamubulimo.
|
|
\v 11 Okhuba eliuba lifinda nilirera omuyeka okuyiire paa nilifululusia obulimo. amawa nako nikakwa, khandi obukasu bwako nibuwaho. munjira yeneyo, omuyiinda yetsa okhuwaho akarii woluchendo lulwe.
|
|
\p
|
|
\v 12 Niweikhabi omundu yesi owifira mubutemwi, Shichira olwa balaba nafuchiirwe alanyoola olusimbi lwobulamu olwa omwami yabasubisia yabo abamuheranga.
|
|
\p
|
|
\v 13 Olwa omundu atemwa shialaboola mbu “Nyasaye niye oundemanga ta” Shichira Nyasaye shiateemungwa nende amabii tawe kata ye omwene shiatemanga omundu yesi tawe.
|
|
\v 14 Ne buli omundu atemwa omwana nakhweswa nobwikombi bubwe omwene, nahomberesibwa ninabwo.
|
|
\v 15 Mana obwikombi olwa buba nibubereshe bumalanga bwibula obwononi, obwononi nabwo olwabuba nibukhulire bwibula okhufwa.
|
|
\p
|
|
\v 16 Mulakatibwa ta abaana beefu.
|
|
\v 17 Buli eshihanwa eshilayi khandi buli omukabo omulamba kurulanga ikulu, nikwikha okhurula khu papa wobulafu. shichira khuye bubulaho obukalukhani bwosi nomba eshinani ta.
|
|
\v 18 Khulwa okhuchama khukhwe yakhwibula n elikhuwa liobwatoto khube shinga omurongole khubilonjebie.
|
|
\p
|
|
\v 19 Mumanyire likhuwa lino abaana beefu, lekha omundu abe omwangu wokhuhulira, halali shialaba omwangu woburima ta.
|
|
\v 20 Shichira elirima liomundu shilitusinjia obulunjishi bwaNyasaye ta.
|
|
\p
|
|
\v 21 Khulwa ishio mwifwalule okhurula mobwonooni nende akeshifwabi nende mubuunji bwamabii. nimwinjisia mubwitutuyi elikhuwa elio eliarakwa muinywe elinyala okhuhonia emioyo chienyu.
|
|
\v 22 Mubetsenge abakholi be likhuwa ne mulaba abahuliri butswa ta abeekatia abeene.
|
|
\v 23 Shichira omundu naba omuhuliri we likhuwa ne nalaba omukholi ta yeengana nende omundu owiyenga mumonimwe mwoburulanda mushilolero.
|
|
\v 24 Okhuba yeelola omwene natsia butswa butsia habweneho niyeebirire okhufwanakhwe.
|
|
\v 25 Ne ouhenjeresia mwilako lilamba liobulakhule, natsirira okhukhola, nalaba tsa omuhuliri ouwibiriranga ta, omundu yetsa okhusasibwa mumilimo chichie.
|
|
\p
|
|
\v 26 Omundu yesi naba niyeparakhwo mbu noweidini ne nalanyala okhulinda olulimi lulwe ta, yekatinjia idini yomundu oyo nibutswa.
|
|
\v 27 Idini inzeleleshe khandi eyibulamwo eshikha imberi waNyasaye wefu khandi seefwe njie shino mbu okhukhola yabo abaana abashisandu nende abakhasi abalekhwa mumatinyu kabwe, Khandi okhwilinda oleshe okhumiitswakhwo eshiroonyesi shiosi shiokhushialo.
|
|
\c 2
|
|
\cl Omuliango 2
|
|
\p
|
|
\v 1 Abaheerwa banje, olwa muli mubusubiri bwa Omwami wefu Yesu Kristo ouli omwami woluyali, mulala nende ebiera mubandu ta.
|
|
\v 2 Shichira omundu naba niyenjira khubwali bwenyu bali neipete ye itsahabu niyefwalire etsingubo tsindorotoro naye oundi niyenjira omumanani oufwalire etsingubo tsimbi muno.
|
|
\v 3 Nanywu nimumuparakhwo oyo oufwalire etsingubo tsindorotoro nimuboola mbu wikhale hano halayi naye omumanani mumuboolera mbu sinjira yabo kata yikhala hasi mumakulu kanje,
|
|
\v 4 Kho shimuba butswa nobwabukhani mumioyo chienyu nimwikholera abakabukhasi abali namaparo amabii?
|
|
\v 5 Hulira abaana beefu abaheerwa, Nyasaye shiaula abamanani bomushialo okhuba abayiinda mukobusubiri khandi abalame bobwami obwa yasuubisia abo abamuheera?
|
|
\v 6 Halali nenyu mubalechire abamanani! shibali abayiinda abamufinyanga? shinibo abamukhwesanga imberi weshifumbi shiobuyaasi?
|
|
\v 7 Shibali nibo abanyekanga eliira lioluyali elia mwalanjirwakhwo?
|
|
\v 8 Ne nimuba, nimuusnjia lilako elo elieshiami shinga amahandika kalaka mbu oheernje owashio shinga olwa wiheera omwene mukholanga obulayi.
|
|
\v 9 Ne nimuba nimulolesia ebiera mubandu, mwononanga bamalako, khandi nikamuhula mushiina mbu muli abakhayi.
|
|
\p
|
|
\v 10 Shichira ouba nakholanga akamalako koosi ne niyesichirala mwikhuwa elala alineshiina shiakosi.
|
|
\v 11 Okhuba owaboola mbu oraheya ta yaboola khandi mbu oleera ta. kho nomba nolaheya ta nebutswa wiraanga oli omukhayi wamalako.
|
|
\p
|
|
\v 12 Bolenje murio nimukhola murio shinga abaandu abali okhubasiribwa lilako liobulakhule.
|
|
\v 13 Okhuba obuyaasi shibumubeera tsimbasi ta, tsimbabasi tsiulanga obuyaasi.
|
|
\p
|
|
\v 14 Baanabeefu, omundu naba baboola mbu ali nende obusubiri, nebutswa shiali nende ebikhole ta? obusubiri yibwo bunyala okhumuhonia?
|
|
\v 15 Niba omwana wefu yesi omusiani kata omukhana naba Bali eshiekenyi nauma eshiokhulia
|
|
\v 16 Mana oundi khuinywe namubolera mbu otsie nomulembe, otundume omubiri khandi wikure. nolameheresia ebindu bia omubirikwe, kho nikeinganga shina?
|
|
\v 17 kho kario obusubiri nibubula ebikhole nobufu.
|
|
\p
|
|
\v 18 Toto oundi baboola mbu iwe oli n obusubiri nasie endi nebikhole kho omanyie obusubiribwo nasie khulwa ebikhole bianje ndalakhumanyia obusubiri.
|
|
\v 19 Osubiranga mbu aliho Nyasaye mulala; yako namalayi, kata amadimoni nako kasubiranga kario mana katechera.
|
|
\v 20 Ne omusiru iwe shiolola mbu obusubiri bwabukhane n ebikhole nobukumba?
|
|
\v 21 Kuuka wefu Aburahamu shiyabasiribwa obulunjishi khulwa ebikhole olwa yahaana omwanawe Osaka khubwali shiemisango?
|
|
\v 22 Olole shinga obusubiri olwa bukholeranga elala n ebikhole bie khandi khulwa ebikhole obusubiribwe bwakholwa obulamba.
|
|
\v 23 Amahandika nano nikoosibwa akaboola mbu ne Abrahamu yasuubira Nyasaye, naye nabasiribwa okhuba obulunjishi nalangwa mbu omwitsa waNyasaye
|
|
\v 24 Mulole mbu omundu nabasiribwa obulunjishi khulwa ebikhole ne khulwa obusubiri bwonyene ta.
|
|
\v 25 Kata Rahabu omutamba yesi kario shiyabasiribwa obulunjishi khulwa ebikhole olwa yenjisia abarume abo nabarusiria khunjira yiindi?
|
|
\p
|
|
\v 26 Shichira shinga olwa omubiri nikubula emiuya nomufu nindio obusubiri nibubula ebikhole nobufu.
|
|
\c 3
|
|
\cl Omuliango 3
|
|
\p
|
|
\v 1 Abaana beefu, abaanji shibakhoyere okhuba abebali ta, Shichira mumanyire mbu efwe bebaalanga khwitsa okhuyaasibwa obutinyu.
|
|
\v 2 Shichira khwisicharila mutsinjira tsinyinji, omundu naba nalesichirasia mumakhuwa ta, nomundu obulunjishi, ounyala okhusinjirira omubiri kukwe kwosi.
|
|
\v 3 olwa khureetsanga amahana ketsifarasi mumunwa chiatsio okhutsihulilisia khushukhasinjia khurio emibiri chiatsio chiosi.
|
|
\v 4 lola kario eliaro, kata kakhaba mbu eliaro nelikali khandi liyiirungwa nende omuyeka kwamaani, kashukhasibungwa neshilunjisilio eshitutu muno awomwirusi yeenya litsie.
|
|
\v 5 Olulimi nalwo lurio neshironje eshititi khumubiri nelwisunga muno. pole shinga omuliro omutiti muno olwa ounyala okhuhambia omutsuru omukhongo.
|
|
\p
|
|
\v 6 Olulimi nalwo nomuliro, eshialo shiobwonononi eshiro mubiungo beefu, olulimi lwononinjia omubiri kwosi niluhambia omuliro obungoyi obwoburulanda omwene niluhambibwa omuliro kwe gehenamu.
|
|
\v 7 Tsisolo namanyonyi ketsimbia tsiosi kata ebimoolanga hasi nende ebiomunyanza birukungwa khandi bimalire okhurukwa n abaandu.
|
|
\v 8 Nebutswa, habulaho ourukaanga olulimi, nilwo obubii obulahotselekha ta, lwetsulamwo obufwisi bwiranga.
|
|
\v 9 Khwitsominjia Omwami nende beefu ninalwo khulakanga abaandu ebilaka munwa ninabwo abaandu abaslongwa khwikondo liaNyasaye.
|
|
\v 10 Okhurula mumunwa mulala murulangamwo obwiitsomi nende ebilaka munwa. Abaana beefu, amakhuwa kano shikakhoyeere okhwikholekha ta.
|
|
\v 11 Isebere yirusinjia mumoni ndala amatsi amalayi nende amalulu nomba?
|
|
\v 12 Kata abaana beefu, omukhuyu ounyala khwama emizeituni kata omutsabibu okhwama amakhuyu? kata amatsi amululu okhutusia amalayi.
|
|
\p
|
|
\v 13 Aliyeena muinywe ouli wobuchesi nende obumanyirisi alolesie ebikhole bie mubuchesi mubuholo munjira yobwichendersesi obulayi.
|
|
\v 14 Ne nimuba nimuli neimbalikha indulu nobuyingani mumioyo chienyu, muleyiitsomia kata okhubeeyera obwatoto ta.
|
|
\v 15 Buno shibuli obuchesi obwikhanga niburula ikulu ta, nebutswa, bweshinashialo, bweshinamubiri, bweshidimoni.
|
|
\v 16 Shichira imbalikha nobuyiingani bili habwenaho khulio nende obukoyanu khandi ebikhole biosibiobumayanu.
|
|
\v 17 Halali obuchesi burula ikulu nobwerereshe, mana obwomulembe obuholo, bwetsulamwo eshia nende ebiamo ebilayi bwibula ebiera kata obwikatii.
|
|
\v 18 Ne ebiamo biobulunjishi birachirwa mumulembe khulwa yabo abaheeranga omulembe.
|
|
\c 4
|
|
\cl Omuliango 4
|
|
\p
|
|
\v 1 Obusoolo nobukhupani obuli muinywe burulanga heena? shiburulanga mumekomba kenyu akasoolonanga mubiungo bieenyu?
|
|
\v 2 Mwikombanga nimulanyoola ta mwiranga nimukhalishirwa nimukhaywa okhunyoola. mukhupananga nimusolona. shimubetsanga ninabwo ta Shichira shimusabanga tawe.
|
|
\v 3 Musabanga nimulanyola ta Shichira musabanga obubii mbu mubimalire khumenya kenyu.
|
|
\p
|
|
\v 4 Enywe ababula obwisiikwa! shimumanyire mbu okhuba omulina we eshialo nikhwo okhuba omusuku waNyasaye? kho owenya okhuba omulina weshialo yeekhola omusuku waNyasaye.
|
|
\v 5 Nomba mukaalanga mbu amahandika kaboolanga eshikhaya nikaboola kari “ Roho owayamenyia muifwe niweimbalikha"?
|
|
\v 6 Nebutswa Nyasaye akhuheresinjia obukosia, amahandika kaboola, “ Nyasaye alobanga abeisunga nabakosia abali aboholo."
|
|
\p
|
|
\v 7 Witutuye khuNyasaye. nomuloba setani naye alakhwirukha.
|
|
\v 8 Suta ahambi khuNyasaye naye alamusutiranga ahambi, labie amakhono keenyu enywe aboononi siiye emioyo chienyu enywe abeshikhabiri.
|
|
\v 9 Muberere, nimwikhula nimulira! okhutsekha khwenyu kukwe tsinzikhulu.
|
|
\v 10 Mwitutuye imberi waNyasaye naye alabachiingula.
|
|
\p
|
|
\v 11 Abaana beefu, mulamonyananga ta oumonyanga omwana wabo kata ouyaasia omwana wabo eshina afukula bamalako khandi ayaasia amalako. noyaasia bamalako, shioba noli omukholi wamalako ta, habutsa omyaasi wako.
|
|
\v 12 Aliho mulala yenyene ouli omuhani khandi omuyaasi, ne niye ounyala omuhonia kata okhusasia. Ne niwe wina ounyasia owashio?
|
|
\p
|
|
\v 13 Recheresia, enywe ababoolanga, “ mbu mukamba nakhutsie mwitokho, nikhumaleyo omwika, nikhukholayo obukhala khandi khukasia inganga.
|
|
\v 14 Nebutswa shimumanyire akeetsa okhubaho mukamba ta? Shichira multi butswa ling' o ng'we elilolekhanga eshise mana likhamulukha.
|
|
\v 15 Mwakhabere nimukhoyere okhuboola mbu Omwami naba nachaka nakhube mwoyo nikhukhole likhuwa lino kata liria.
|
|
\v 16 Nebutswa, bulano mwiyitsialira obwichinjimisi bwenyu ne obwiyitsiali bwosi obufwana burio nobubii.
|
|
\p
|
|
\v 17 Kho oumanyire okhukhola amalayi ne nalakakhola ta khuye nobwononi.
|
|
\c 5
|
|
\cl Omuliango 5
|
|
\p
|
|
\v 1 Mukhali murie enywe abayiinda khalire nimukhupa tsimbungu khulwa amasira akhamwitsire.
|
|
\v 2 Obuyiinda bwenyu bwonoonekga, ebiifwalo bwenyu nabio amatsiriri kalia.
|
|
\v 3 Itsahabu yenyu nende ifetsa biakhupa tsindeberende natsio tsindeberende tsiabio tsilaba oburumbusi obumufukula. betsa okhumalirana emibiri chienyu shinga omuliro, mwebishira ebiobuyiinda mutsinyanga tsiobumalirishi.
|
|
\v 4 lole emishaara chiamwabikha echiabakholi bamufunira emikunda chienyu chiliranga shibeka ninenyu. ne okhulira obwa bakholi khumalire okhumulira Omwami wamahe.
|
|
\v 5 Mwakhola obwilasi mushialo mana nimukhola akamwenya, nimwinusia shinga etsing'ombe khulwa inyanga yobusinzi.
|
|
\v 6 Mwakhalachira eshina omundu oubula eshikha khandi nimwira kata shiamukayanta.
|
|
\p
|
|
\v 7 Kho mwisimirisie baana beefu, okhuula okhwitsa khwoMwami, kaala shinga olwa omulimi alindiriranga ebiamo ebikoosi bieliloba khandi yesimirisia okhuula olwa nilinyoolere ifula eyiranjiriranga nende eyimalirikhanga.
|
|
\v 8 khandi mweesi, mwisimirisie murio, mutinyia emioyo chienyu Shichira okhwitsa khwo omwami khuli ahambi.
|
|
\v 9 Mulabuululanga abeene khubeene ta, baana beefu, mbu kho muleshe okhuyaasibwa. omuyaasi mwene usinjire mumuliango.
|
|
\v 10 Abaana beefu, muhenje obusaliru nende obwisimirisi obwabanabii, ababoolanga mulira lioMwami bubwe eshilolero khuinywe.
|
|
\v 11 Pole khubalanga mbu nibeikhabi abo abeefwira. mwahulira akobwifiri bwa Ayubu khandi mwalola akomwami yamala namukholera, shingana olwa Omwami yeetsulamwo eshia nende tsimbabasi.
|
|
\p
|
|
\v 12 Ne okhushira akandi koosi, abaana beefu, muletsubanga ta, kata khwikulu nomba khushialo ta, kata khushitsubo shindi shiosi ta, nebutswa, lekha “Ee" yenyu yibe “Ee toto" ne “tawe" yenyu yibe “tawe toto" kho mulenjira mukhuyaasibwa tawe.
|
|
\p
|
|
\v 13 Aliho muinywe ousandanga obutinyu? asaaye. aliho muinywe outsatsalanga? lekha yembe akobwitsoomi.
|
|
\v 14 Aliho muinywe oulwala? alange abakofu belikanisa nabo bamusaayire nibamutsushirirakhwo amafura muliira lioMwami.
|
|
\v 15 Ne elisaayo liobusubiri limuhonia omulwale, khandi. Omwami naye alamubuusia, ne naba nali niyononoona alabeerwa.
|
|
\v 16 Mwiyamanenje ebionoono bwenyu nimusayirana mbu muhonibwe. okhusaaya khwo omundu obulunjishi khuli n obunyali muno mukhukhol khwako.
|
|
\v 17 Elia yali tsa omundu woburulanda shingana obweefu, halali yasaaya muno mbu ifula yileshe okhukwa nayo nilakwakhwo khushibala ta emiyika chitaru nemiesi chisasaba.
|
|
\v 18 Mana khandi nasaaya mbu likulu nilikwisie ifula eshibala nishirusia ebiamo biashio.
|
|
\p
|
|
\v 19 Abaana beefu, oundi yesi khuinywe naba nakora okhurula khubwatoto, naye oundi amukalusie.
|
|
\v 20 mumanye likhuwa lino mbu oukalusia omwoononi a rule mubushiamu bweinjiraye amuhonia omwoyokwe mukhufwa khandi nafunikha ebionoono ebinji muno.
|