lks_reg/47-1CO.usfm

\id 1CO
\ide UTF-8
\h 1 Bakorinzo
\toc1 1 Bakorinzo
\toc2 1 Bakorinzo
\toc3 1co
\mt 1 Bakorinzo
\c 1
\cl 1 Abakorinzo 1
\p
\v 1 Paulo, owalangwa nende Yesu abe omurume mulienya lia Nyasaye, nende Sostsene omusiani wefu,
\v 2 Khu likanisa eliri ebuKorinzo, balia abamala okhutsienulwa mu Kristo Yesu khandi nibalangwa mbu babe abandu abatakatifu, nibali halala nende yabo boosi abali buli habundu abalanjiriranga khu liira liOmwami Yesu Kristo, ouli Omwami wabo khandi owefu.
\p
\v 3 Obukosia nende omulembe bibe ebienyu okhurula khu Nyasaye Papa wefu khandi niye Omwami Yesu Kristo.
\p
\v 4 Esie ekhupiranga Nyasaye wanje khulwa obukosia bwa Nyasaye obwa Kristo Yesu yamuhesia nywe.
\v 5 Yamala okhubakhola abayinda mutsinjira tsiosi, mukhuboola khwosi, khandi nende mubuchesi bwosi,
\v 6 Shinga olwa obuloli khu Kristo bwamala okhuba obwatoto hakarikari wenyu.
\v 7 Nikali kario enywe shimuleema eshihanwa shia Roho olwa muba nimulindirira obufwimbuli obwa Omwami wefu Yesu Kristo.
\v 8 Ye khandi alabaheresia amaani okhuula khubumalirishi, kho mbu enywe mwakhabe nimubula eshikha khunyanga yiyo eya Omwami wefu Yesu Kristo.
\v 9 Nyasaye nomusubirwa, owamulanga nywe mubusanjirani bwOmwana we, Yesu Kristo Omwami wefu.
\p
\v 10 Bulano esie ebasaaya, abaheerwa, okhubirira muliira lia Omwami wefu Yesu Kristo, mbu mwesi mwiyamane, mbu khandi khulabao nende emiaukho hakari wenyu tawe. Emusaaya mbu mube mubulala bwamapaaro nende lichomo elala.
\v 11 Okhuba ndaboolerwe shingana muli, abasiani befu, okhubirira khu Kleo mbu khuli nende tsinzakho hakarikari wenyu.
\v 12 Eshia emboolanga ni shino: Buli shia mulala wenyu aboola mbu, Esie endi owa Paulo, owundi, Esie endi owa Apollo, nohomba owundi mbu, Esie endiowa Kefa, khandi abandi mbu, Endi owa Kristo.
\v 13 Kristo alimwo netsinzakhulo? Yali Paulo owabambwa Khulwa nywe? Mwabatisibwa muliira lia Paulo?
\v 14 Ekhupira Nyasaye orio mbu abulao yesi owesie ndabatisia tawe, okhuyiiniakhwo Krispo nende Gaias.
\v 15 Kano kali kario mbu kho abuleo mulala wenyu owitsa okhuboola mbu ndabatisibwa muliira lianje.
\v 16 (Esie khandi ndabatisia abeinzu ya Stefano. Okhubira yaho, shemanyire Kali aliho owundi owa ndabatisia.)
\v 17 Okhuba Kristo shiyayiruma mbu embatisie ta habutswa engambe injili: ndalarumushira amakhuwa akobuchesi ta, mumero mbu omusalaba kwa Kristo kulanabulwa obunyali bwakwo ta.
\p
\v 18 Okhuba oburume bwomusalaba nobusiru khubalia abatibanga; habutswa khu balia abahonibwa, nibwo obunyali bwa Nyasaye.
\v 19 Okhuba kahandikwa mbu, Ndalasasia obuchesi bwa abachesi; nditsa okhukwenya obumanyirisi bwa abachesi.
\p
\v 20 Aliheena omundu omuchesi wulia? Ali heena omusoomi? Ali heena owamayinje komushialo? Nyasaye shiyashukhasiye obuchesi bweshialo shino okhuba obusiru?
\v 21 Okhuba eshialo mubuchesi bwashio shishiamumanya Nyasaye tawe, Nyasaye yachamisibwa mbu abahonie yabo abasubira okhubirira mubusiru bwokhukamba.
\v 22 Nibali Abayahudi basabanga ebilolero bia amangalimwa nabo Abayunani bakhaaba obuchesi.
\v 23 Habutswa efwe khukaamba Kristo owabambwa, lichina Elia Abayahudi besichirala khwo khandi obusiru khubalia Abamahanga.
\v 24 Habutswa khubalia aba Nyasaye yamala okhulanga, boosi Abayahudi nende Abayunani, khukaambanga Kristo shinga obunyali nende obuchesi bwa Nyasaye. Okhuba obusiru
\v 25 Okhuba obusiru bwa Nyasaye nobuchesi muno okhuyoomba abandu, khandi obutofu bwa Nyasaye nobwa amaani okhuyoomba abandu.
\p
\v 26 Yenje khwo khumulaango kwenyu, abasiani befu; obunji bwenyu shimwali abachesi mumera yomubiri tawe: kata shimwali abanji abobunyali ta, Obunji benyu shimweebulwa muluyali ta.
\v 27 Habutswa Nyasaye yaaula ebindu biobusiru biomushialo mbu afimbie omurwe abachesi. Nyasaye yahula ebindu ebitofu biomushialo mbu afimbie omurwe bila ebia amaani.
\v 28 Nyasaye yahula shilia eshialo shiahasi khandi eshiachaywa mushialo, Ye yahula balia ebindu bilia ebilolekhanga shinga ebilali eshindu ta, mbu oukhola ebindu biobukusi okhuba eshikhaya.
\v 29 Yakhola kano mbu kubuleo omubiri okuba neshifune shiokhwiyitsiala imberi wuwe.
\v 30 Khulwa shiria eshia Nyasaye yakhola, enywe bulano muli mu Kristo Yesu, owekholekha khufwe obuchesi okhurula khu Nyasaye. Niyekholekha obulunjishi bwefu, obutakatifu, nende obununuli.
\v 31 Nikarulira, shinga kali nikahandikwa, Leshe wuyo yesi owiyitsiala, yeyitsialire mu Mwami.
\c 2
\cl 1 Abakorinzo 2
\p
\v 1 Olwa ndetsa wenyu, abaheerwa, shindayetsa nobubooli obulayi nohomba mubuchesi olwa ndabakambira obwatoto bwali nibwabiswa khu Nyasaye ta.
\v 2 Okhuba shindayenya okhumenya khwo likhuwa liosi liosi hakari wenyu ta okhuyiniakhwo Yesu Kristo yenyene, omwene wuyo owabambwa.
\v 3 Mana ndali ninenyu mubuteteshere bwanje, nende muburii obunji, nende okhutechera.
\v 4 Khandi obubooli bwanje nende obukaambi bwanje, shikhwali obwokhukatirisia khwobuchesi bwa abandu ta, habutswa nende ebilolero bia Roho nobunyali,
\v 5 Kho mbu obusubiri bwenyu bulaba mubuchesi bwa abandu ta, habutswa bube mubunyali bwa Nyasaye.
\p
\v 6 Bulano efwe khuboola akobuchesi khu balia abakhulire, halali shibuli obuchesi bweshialo shino tawe, nohomba obwa abaruchi bolwibulo luno, ababirangao.
\v 7 Bukhala bwene, efwe khubolanga obuchesi bwa Nyasaye bwabiswa mubwatoto, obuchesi bwabiswa mbu Nyasaye yaburaho khale tsinzibulo nitsishiri khulwa oluyali lwefu.
\v 8 Babulaho abaruchi beshialo shino abamanyire ta nikakhaba bakhalimanyire, shibakhanyalire okhumubamaba Omwami woluyali ta,
\v 9 Habutswa ne shinga kahandikwa, Imoni yishiri okhulola ta, eshirwi shishiri okhuhulira ta, nohomba lishiri okhwinjira mumwoyo kwomundu kalia aka Nyasaye yakasiria balia abamuheera.
\p
\v 10 Nebutswa Nyasaye yakhufunulira efwe ebindu bino okhubirira mu Roho wuwe, okhuba Roho akhabirisinjia ebindu biosi, kata ebiomukari bia Nyasaye.
\v 11 Mbu ni wiina oumanyanga amapparo komundu nali Roho womundu owamenya muye? Kata kario ebindu bia Nyasaye abulaho oumanyire ta, nalali Roho wa Nyasaye.
\v 12 Bulano shikhwanyoola Roho owomushialo ta, habutswa Roho ouli owa Nyasaye; mbu khube abamanya ebindu biahanwa eshikhaya khufwe nende Nyasaye.
\v 13 Ebindu bino ebia khuboola; shikhuboolanga obuchesi bwa abandu bechesinjia ta, habutswa bilia ebia Roho Omutakatifu yechesia; nikhucherasia ebindu bieshiroho nende akeshiroho.
\v 14 Habutswa omundu oulali weshiroho shanyala okhunyoola ebindu bia Roho wa Nyasaye ta: okhuba nobusiru khuye: mbu kata shanyala okhukamanya ta, shichira kamanyishira mu Roho.
\v 15 Habutswa omwene wuyo ouli weshiroho akhalakanga biosi, habutswa ye mwene shakhalachirungwa nomundu ta.
\v 16 Kho niwiina oumanyire lipaaro liOmwami, mbu amwibalire? Habutswa efwe khuli nende lipaaro lia Kristo.
\c 3
\cl 1 Abakorinzo 3
\p
\v 1 Ne esie, baana befu shemboola ninenyu shinga abeshiRoho tawe, habula shinga abeshinamubiri, mbu khandi kata shinga abaana abatiti muKristo.
\v 2 Ndabaheresiyenje amabeere, eshiokhulia eshiumu ta, shichira shimubeere abashinyala ta kata okhuula bulano.
\v 3 Okhuba muli abeshinamubiri, okhuba hakari wenyu muli nende imbalikha, obusoolo, emiaukho, kho shimuli butswa abeshinamubiri khandi muchendanga butswa shingana abandu.
\v 4 Mbu olwa mushiboolanga mulala khu undu mbu esie endi wa Paulo oundi mbu wa Apolo, kho shimuli butswa mumubiri.
\p
\v 5 Kho Paulo niwina? ne Apolo niwina? nebutswa nabakhalabani ba uyo owamwasuubira, ne khukhalabananga okhulondokhana nende shinga olwa Omwami yaheresia buli shiamulala.
\v 6 Esie ndaraka, Apolo natsushirira amatsi, nebutswa owaminjia ni Nyasaye.
\v 7 Kho kario shiali ulia ouraka kata outsishirira amatsi ta, habula Nyasaye owaminjia.
\v 8 Kho omwene oyo owaraka, kata outsushirira amatsi bosi bafwanana; ne buli mulala alanyoola omurungokwe okhulondokhana nende shinga emilimo chie chili.
\v 9 Okhuba khuli butswa abasanjirani halala nende Nyasaye, mbu enywe muli abakholi abakholi ba Nyasaye, mbu muli obumbakho bwa Nyasaye.
\p
\v 10 Okhulondokhana nende obukosia bwa ndahebwa nende Nyasaye, esie shinga omumbasi wobusitsa, ndaraho omuse nende Nyasaye, esie shinga omumbashi omusitsa, ndaraho omuse, ne oundi yombakhanga khwo, ne buli mundu ahenje shinga olwa yombakha khwo.
\v 11 Mbu kubulaho omuse kundi okwa omundu anyala okhuraho okurali okwarabwaho, nakkro ni Kristo.
\v 12 Ne bulano omundu yesi naba niyombakha khu muse kuno, ne ifeetsa, itsahabu, amachina kobukusi, emisaala, litoyi, noho kata obunyasi.
\v 13 Emilimo chia buli mulala chilolesibwa habulafu, mbu inyanga yene ilarumbulwa shichira ilabisiribwa mumuliro, ne omuliro kulateema emilimo chia buli mundu shinga olwa chili.
\v 14 Mbu emilimo chiomundu nichiba nichisinjira echiombokhwa khwo, anyoola omurungo nebutswa shinga owubirire mumuliro.
\v 15 Ne emilimo chiomundu nichiba nichiyia, alaba nakosiiye, nebutswa ye mwene alahonokosibwa shinga owubirire mumuliro.
\p
\v 16 Shimumanyire mbu muli ihekalu ya Nyasaye? ne roho wa Nyasaye amenyanga munywe.
\v 17 Omundu yesi naba nasasia ihekalu ya Nyasaye Nyasaye alamusasia, okhuba ihekalu ya Nyasaye neindakatifu eyili enywe.
\p
\v 18 Omundu shalekatia ta, mbu omundu yesi hakari wenyu oulolekha omuchesi mushialo shino, lekha abe omusiru mbu, mbu kho abe omuchesi.
\v 19 Okhuba obuchesi bweshialo shino, nobusiru mutsimoni tsia Nyasaye, okhuba bahandika mbu ahambanga abachesi mubuchesi bwabo.
\v 20 Ne khandi Nyasaye amanyirisinjia amapaaro komundu omuchesi, ne kosi namakhaya.
\p
\v 21 Kho lekha omundu yesi aleshe okhwiyitsialila abandu, okhuba ebindu biosi nebibio.
\v 22 Mbu ni Paulo, Apolo nohomba Kefa, nohomba eshialo, nohomba obulamu, kata lifwa, nohomba ebindu biliho, nohomba ebitsanga, biosi nebibio;
\v 23 Ne muli abaKristo naye Kristo nowa Nyasaye.
\c 4
\cl 1 Abakorinzo 4
\p
\v 1 Endi nilwa omundu akhoyere okhukhubukula fwesi, shingana abakhalabani ba Kristo, nende abalindi ba amabiso ka Nyasaye.
\v 2 Kata kario kakhoyere mubusinjiriri, mbu omundu anyolekhane nali omusubirwa.
\v 3 Habutswa esie nelikhuwa lititi muno mbu embe ouyasibwa ninenyu, yee, kata sie mwene shindiyasinjia tawe.
\v 4 Okhuba shemanyire likhuwa liosi khulwanje, ne kata khandi shimbalirwa obulunjishi ta: habutswa wulia ouyaasia esie nOmwami.
\v 5 Khulwa yisho shimulakhalaka eshiina ebise nibishiri ta; okhuula olwa Omwami yakhetse, owulara habulafu ebindu bilia ebia biswa mushirima, mana yakhare habulafu amabiso kemioyo: ni lwa abandu bosi babe nokhwitsomibwa nende Nyasaye.
\p
\v 6 Ne amakhuwa kano, bana beefu, ndikhola omufwano esie nende Apollo khulwa enywe; mbu mweche okhurula khufwe mbu muleshe okhbukulira abandu mumera yibalakhoyere okhushira akahandikwa, mbu Shalabaho mulala wenyu owichinguula okhuyoomba abandi.
\v 7 Kho ni wiina oukholere okhwaukhana nabandi? Ne mbu nawe oli nende shiina eshia oli ninashio eshia olahebwa ta? Ne bulano kali mwanyoola, shichira shiina mwisunganga shinga abalahebwa ta?
\p
\v 8 Ne bulano mwamala okhwitsula, mana muli abayinda, mwamala okhuruka shinga abaruchi efwe nikhubulao: ne ndikoomba mu Nyasaye mbu muruche, mbula fwesi khakharuche ninenyu.
\v 9 Okhuba embaara mbu Nyasaye yakhua efwe abarume khube abokhumalirikha, shinga kalachirisibwa okhuula mwifwa: okhuba khwakholwa eshilolero khushialo, nende abamalaika, nende abandu.
\v 10 Efwe khuli abasiru khulwa Kristo, habutswa nenyu muli abachesi mu Kristo; efwe khuli abateteshere, habutswa enywe muli abaamani; enywe muli noluyali nefu nikhufwolwa.
\v 11 Mbu kata okhuula khubise bino fwesi khulumwa neinzala, nikhulibwa obuluho, nikhuba eshihechenye; nikhuupwa, ne khandi khubula habundu wokhumenya ta.
\v 12 Khandi khukhola emirimo, nikhukhola namakhono kefu abeene: nikhunyekwa, khulaama tsikhabi, olwa khusandibwa khwifiranga.
\v 13 Nikhuboolwa mububii, khuboolanga amalayi: khukholungwa shinga eshifwolo shieshialo, nikhukholwa abalakhoyere mubindu bioosi, kata okhuula bulano.
\p
\v 14 Ehandika amakhuwa kano, shikali akokhubafimbia emirwe tawe, habutswa shinga abana abaheerwa ebakondoshera nywe.
\v 15 Okhuba kata mbu muli nende abebaali tsiyelefu ekhumi mu Kristo, habutswa shimuli nende basenywe abanji ta: okhuba nesie owamwibula mu Kristo Yesu okhubirira mu injili.
\v 16 Kho ebasaaya mbu mweche okhurula khusie.
\v 17 Khulwa amakhuwa kano ndabarumira Timotseyo, ouli omwana wanje omuheerwa, khandi owisikwa mu Mwami, owitsa okhubetsusia injenda yanje mu Kristo, olwa ndechesia hosi hosi ewa enzia mu buli likanisa.
\p
\v 18 Bulano buno bamalire okhwichinjimisia, bapaara mbu shinandiitse yiyo tawe.
\v 19 Habutswa ndalamwitsira lwangu, nikaba Omwami achama, mana ndalamanya abeene yabo abechinjimisinjia, ne shikhuli khulwa amakhuwa kabo tawe, habutswa mubunyali. Okhuba obwami bwa Nyasaye
\v 20 Okhuba obwami bwa Nyasaye shibuli mumakhuwa tawe, habutswa mubunyali.
\v 21 Kho mwenya muriena? Ebetsere neindabushi, nohomba mubuheeri, nende roho wobwitutuyi?
\c 5
\cl 1 Abakorinzo 5
\p
\v 1 Kabolekhanga mbu obwilasi buli hakarii wenyu khandi obwilasi bulahulirikhangakhwo khubamahanga tawe, mbu omundu okhuba nende omukhasi wa Samwana.
\v 2 Nenyu mwiyitsiala, mana shimubererakhwo ta, mbu oukholere eshikhole ishio arusibwe hakari wenyu.
\v 3 Akatoto nendaba mumubiri ta halali nembaho nuRoho, esie mwene emalire okhumukhalachira oukholere eshikhole esho shingana oubereho.
\v 4 Mulira lio Omwami wefwe Yesu Kristo, olwa muba nimwibunjeresia halala nende Roho yanje mubunyali bwOmwami wefwe Yesu Kristo.
\v 5 Omulakhuulira shetani omundu wuyo khulwa obusasishi bwomubiri, kho iroho ihonokoshe inyanga yOmwami Yesu.
\p
\v 6 Okhwiyiitsiala khwenyu shikhuli okhulayi tawe, shimumanyire mbu limera lititi lisasia omukate omulamba.
\v 7 Kario mwitsienule muyinie limera liikhulu mbu munyale okhuba omukate omulamba shinga olwa mwali nimushiiri okhurebwamwo limera, shichira kata Kristo ouli lisabo liefwe amalire okhuyiinyibwa khufwe.
\v 8 Khulwesho lekha khukhole omulukha okubulamwo limera likhulu, halali khwimera liobubii nende obwonooni, nebutswa omukaate kubulamwo limera nikwo obutsienukhu nende obwatoto.
\p
\v 9 Ndabahandichira mubarwa mbu mulachenda mumukanda mulala nende abelaasi tawe.
\v 10 Shembooolanga mbu muleshe okhuchenda halala nende abelaasi beshialo shino ta, nohomba nende abekombi, nohomba abanuuli, nohomba abenamiraanga eminyasaye, shichira kano kenya mbu murule mushialo.
\v 11 Halali bulano ebahandichira mbu muleshe okhutsookana nende omundu yesi owilanga omwana wenywe, naba nali omuheyi, omulangukhu, kata omwinamiri webifwanani, kata omunyechi, kata omumeesi, kata omunuuli, kata okhulia muraaliitsanga nende oufwana ario tawe.
\v 12 Kakhoonya shiina okhubakhalachira balia abali erwanyi? Nenyu abeene shimuyaasinjia abali mukari?
\v 13 Halali abali erwanyi, Nyasaye alabayaasia, enywe muinie ouli hakari wenywu.
\c 6
\cl 1 Abakorinzo 6
\p
\v 1 Aliho khunywe ouli nende likhuwa nowashie? Shialateema okhuyira omuse imberi wabanashialo ta.
\v 2 Shimumanyire mbu abatsienukhu nibayaasie eshialo tawe? ni kakhaba mbu eshialo nishiyaasibwe nende nywe, shimunyala okhuyasia amakhuwa amatiti ta.
\v 3 Shimumanyire mbu nakhuyaasie malaika? ne khulashira muno okhuyaasia amakhuwa komubulamu buno?
\v 4 Kho kario nimuba mbu munyala okhuyaasia amakhuwa keshialo shino? mubakhola abayaasi balia ababula eshindu muhekalu.
\v 5 Emboola yako okhubafimbia omurwe, nohomba shikali kario? mbu hakari wenyu shikhulikhwo nende kata omundu mulala ouli nende amachesi tawe? nohomba kata mulala okhwitsa okhuyaasia abaana babo ta.
\v 6 Omundu asitaka owashie khandi imberi wabandi beshialo.
\p
\v 7 Bulano khuli nende obuleemu hakari wenyu, neshichira nimuyirana imberi wamalaika shichira shibuli obulayi okhuumisania tawe.
\v 8 Halali shibeka nende yako muumisanie nende okhunuula abandu emiandu chiabo kata nende echiabasiani benyu.
\p
\v 9 Shimumanyire mbu abonooni shinibalole obwami bwomwikulu ta? mulakatibwa ta, kata abaheyi, kata abokhwinamira ebifwanani ta, nohomba abeelasi, abatamba nende abamanyeko.
\v 10 Nohomba abeefi, nohomba abobwikombi, nohomba abamanyeko, nohomba abanuuli shibalilola obwami bwa Nyasaye ta.
\v 11 Ne abandi munywe bali beimero eyo, halali mwosibwa, mana muli abatsienukhu mana mulibalirwa obulunjishi muliira liOmwami Yesu nende Roho w Nyasaye wefu.
\p
\v 12 Amakhuwa koosi namalakhuule khwisie, halali shibili biosi ebikhoyere tawe, ebindu biosi nebilakhuule khusie halali esie shindiitsa okhuba hasi weshindu shiosi shiosi tawe.
\v 13 Ebiokhulia nikhulwa indaa, indaa nikhulwa ebiokhulia, halali Nyasaye yetsa okhusasia biosi indaa nende ebiokhulia, shichira omubiri shikuli okwobwilaasi tawe nebutswa okwOmwami naye Omwami khulwa Omubiri.
\v 14 Naye Nyasaye yamusimulukusia Omwami, khandi yetsa okhusimulukusia fwe khubunyalibwe.
\p
\v 15 Mumanyirisie mbu emibiri chienywe nebiungo bia Kristo, ne wakhabukula oriena eshiungo shia Kristo mana uungasie nende omwilaasi? shikanyalikha ta.
\v 16 Nohomba shimumanyire mbu yesi yesi oulimaasibwa nende omwilaasi, nomubiri mulala shichira babiri betsa okhuba omubiri mulala.
\v 17 Halali ourebwa halala nende Omwami balaba Roho ndala.
\p
\v 18 Irushe obwilaasi, buli shia imbi yomundu akhola eyili erwanyi womubiri, halali oukhola obwilaasi akhola imbi shibeka nende omubiri kukwe omwene.
\v 19 Kho karie? Shimumanyirisie mbu emibiri chienywe neihekalu ya Roho Omutsienukhu ouli munywe, owamwaheresibwa nende Nyasaye, nebulano enywe shimuli omwandu kwenyu abeene ta.
\v 20 Shichira enywe mwakulwa obukusi khulwa eshio muchinguule Omwami mumibiri chienyu nende muRoho tsienyu ebili bia Nyasaye.
\c 7
\cl 1 Abakorinzo 7
\p
\v 1 Ne bulaano okhulondokhana nende amakhuwa kamwahandichira, bwakhabeere obulahi omusaatsa alatiira khumukhasi tawe.
\v 2 Ne kata kario khulwa okhwikalira obuheyi, buli omusaatsa akhoyere okhuba nende omukhasiwe, naye khandi omukhasi akhoyere okhuba nende omusaatsawe.
\v 3 Kho omusatsa shiali nende obunyali khumubiri kukwe ta, khandi omukhasi ario.
\v 4 Omukhasi shiali nende obunyali khumubirikwe omwene ta habula omusaatsawe khandi omusaatsa yesi ario shiali nobunyali khumubirikwe omwene ta habula omukhasiwe.
\v 5 Muleemananga ta habula nimuba nimuhulirisania okhulekhanakhwo khu shise mbu mwihane khukhusaaya, mana mukalukhe halala khandi mbu setani aleshe okhumuteema khulwa okhubula okhwiruka khwenyu.
\p
\v 6 Ne kano emboola butswa shingana oulaka omunwa, ne shendachirisia ta.
\v 7 Kho ndekomba mbu embe eshilolero khubasaatsa. Habutswa buli mundu ali nende eshihanwa shie okhurula khuNyasaye.
\p
\v 8 Ne emboola bulaano khubalia abalateeshia ta nende abalekhwa, nobulayi khubo okhumenya shingana sie.
\v 9 Ne nibaba nibakhaywa okhwiruka bateeshanie shichira okhuteeshania khushira okhuyiitsanga khulwa obwikombi.
\p
\v 10 Ne khubateeshania endaka kata shiendi sie ta habula Omwami, mbu omukhasi alarula khumusaatsawe ta.
\v 11 Nebutswa naba namulekha, amenye yenyene nohomba amukalushire omusaatsawe, omusaatsa naye alamulekha omukhsiwe ta.
\p
\v 12 Ne khubandi emboola, nalali Omwami ouboola ta, mbu omusiani wefu yesi yesi naba nali nende omukhasi ulali omusuubirwa nayeniyeyama okhumenya ninaye shialamulonda ta.
\v 13 Naye omukhasi ouba nali nende omusaatsa ulali omusuubirwa shialamulekha ta.
\v 14 Shichira omusaatsa oulali omusuubiri ta atsienulwa khuNyasaye khulwa omukhasiwe; naye omukhasi ulali omusuubiri ta atsienulwa khuNyasaye khulwa omustsawe, nebutswa abaana beenywu bakhabere abeshifwabi, ne bulano nabatsienukhu.
\p
\v 15 Ne oyo oulali omusuubiri naba natsia, lekha atsie nikali kario, omusiani nohomba omukhana shibali mumbohe yosi yosi ta, habula Nyasaye yakhulanga khumenye mumulembe.
\v 16 Okhuba eywe omukhasi omanyira shiina niwakhamuhonokosiiye omusaatsawo kata eywe omusaatsa omanyira shiina noba niwakhahonokosiye omukhasiwo.
\p
\v 17 Habula mbu shinga olwa Omwami yakabira buli mundu khandi Nyasaye olwa yalanga buli mundu neendio akhoyere okhuchenda ario. Khandi neendio endachirisinjia mumakanisa.
\v 18 Aliho owalangwa niyashebwa? Aleshe okhwikhola shinga omusinde: Aliho owalangwa nali omusinde? Aleshe okhushebwa.
\v 19 Eshishebo shishili eshindu ta, khandi obusinde shishili eshindu ta habula okhulindanga amalako kaNyasaye.
\v 20 Buli mundu atsiririre ario mumero yiyalimwo olwa yalangwa.
\v 21 Walangwa olwa wali noli omusumba? shilili likhuwa ta, noba nonyala okhunyoola obulekhuule, obunyoole orio.
\v 22 Oyo owalangwa nali omulakhuule, niye omusumba waKristo.
\v 23 Mwakulwa obukusii, mulekhola abasumba ababohe babandu tawe.
\v 24 Baana befu buli mundu atsiririre ario shinga yalangwa nende Nyasaye.
\p
\v 25 Ne bulaano khumakhuwa ka abali abasishira shiendi nelilako liosi liOmwami ta, nekhola obukhalachi bwanje shinga olwa endi omundu omwisikwa khulwa tsimbabasi tsiOmwami khwisie.
\v 26 Esie enduutsi mbu khulwa amatinyu kaliho, nobulayi omundu okhubeetsanga shinga lwa ali.
\v 27 Eywe wabohwa khumukhasiwo? shiolakhaaba okhubololwa ta; ne oulabohwa ta, shiolakhaaba omukhasi ta.
\v 28 Ne noba noteeshia shioba niwonoonere ta. Omukhaana naba nateeshibwa, shiaba niyonoonere ta. Ne abakhola bario balanyoola amatinyu mumibiri chiabo ne nasi ebaleshere.
\p
\v 29 Baana befu eliebaboolera ndielino mbu ebise bititiye mbu okhuula ebise bino abali nabakhasi bekhole shingana ababula.
\v 30 Nabo abalira shinga abalalira ta, abeekhoya shinga abalekhoya ta, abakuulanga shinga ababula emiandu.
\v 31 Kata abeekhonyera ebieshialo shinga abalabikhonyera ta okhuba libaa lieshialo shino liwetsangaho.
\p
\v 32 Ne ndakheenya mbu mubule obuhendi bwosi. Uyo oulali nomukhasi ta ahenderanga ebindu biOmwami shinga olwa yakhanyala okhumuchamisia Omwami.
\v 33 Ne uyo ouli nomukhasi ahenderanga amakhuwa keshialo shinga okhuchamisia omukhasiwe.
\v 34 Ne omukhasiwe yesi abeetsanga niyeekabuule eshikhabiri nende mumwoyo. Ne omukhaana oulateeshibwa ta ahenderanga Omwa mbu abe omutakatifu omwoyo nende iroho yosi nebutswa ouli nomusaatsa ahenderanga akeshialo shinga olwa yakhachamisia omusatsawe.
\v 35 Kano ekaboolanga khulwenyu shikali mbu emubohe ta habula khulwako akakhoyeere khandi mukhalabanirenje Omwami obula ekoyokoyia ta.
\p
\v 36 Ne omundu yesi naba naluutsi mbu shiamukholeranga omwitsawe omusishira akali habwene ta, obwikoombi nibuba nibushirana akhole kayeenya nikaba nikakhoyeere kario, bateeshanie, shibuli obwonooni ta.
\v 37 Ne oyo owa omwoyokwe kuboolere oubula okhuhachirisibwa, ne nali nobunyali okhwiruka okhwenyakhwe, namalire okhurakhwo omwoyo khwikhuwa lino mbu okhulinda omusishirawe, akhola obulayi.
\v 38 Kho outeeshia omusishira akhola obulayi khandi oulamuteeshia ta akhola obulayi muno.
\p
\v 39 Omukhasi abeetsanga omubohe khwilako omusatsawe ashiriho mumwoyo, ne omusatsa olwa aba nafwire, nomulekhule anyala okhuteeshibwa nende omundu yesi owa omwene achama habula mbu khukholerwe muMwami.
\v 40 Ne khulwanje enduutsi mbu yakhaba omusaangafu okhushira naba natong'a ario shinga ali ne esuubira mbu siesi endi nende Roho ya Nyasaye.
\c 8
\cl 1 Abakorinzo 8
\p
\v 1 Ne bulaano khumakhuwa kebindu biemisango chimaliirwe ebifwanani, khumanyire shinga olwa khuli nobumanyi fwesi. Obumanyi bwichinjimisinjia, obuheeri buumbakhanga.
\v 2 Ne omundu yesi naba napaara mbu amanyire bulishindu shiamanyire kosi shinga olwa kamukhoyere ta.
\v 3 Ne omundu yesi owamuheera Nyasaye, omwene amanyikhana nende Nyasaye
\p
\v 4 Ne khumakhuwa kokhulia ebiokhulia bimaliirwe omusango kwebifwanani, khumanyire mbu eshifwanani shishili eshindu mushialo ta khandi mbu shialiho Nyasaye undi ta halali mulala.
\v 5 Shichira kata nibaba nibaliho abelaanga mbu abanyasaye, kata mwikulu nohomba mushialo, (shinga olwa bali abanyasaye abanji, khandi abaami abanji.)
\v 6 Ne khufwe aliho Nyasaye mulala, mbu Seefu, mbu muye khuli nende buli shindu, ne fwesi khuli muye; nende Omwami mulala Yesu Kristo, owa makhuwa koosi keetsa khulwaye neefu nikhubaho khulwaye.
\p
\v 7 Nebutswa obumanyi bwo shibuli mubuli mundu ta abandi abamanya akebifwanani okhuula bulaano bashiliitsangakhwo nibapaara shinga olwa shili eshindu shiomusango okumaliirwe eshifwanani; emioyo chiabwe olwa chili emiteshere chionoonekhanga.
\v 8 Ne ebiliibwa shibilikhusitia khuNyasaye ta, kho nikhuba nikhulia shibikhukhola khukose ta, kata nikhuba nikhulalia ta, shibikhukhola okhubiiya ta.
\v 9 Nebutswa mwihenjeresie mbu obulakhuule bwenyu shibulaba eshisichirasio khubalia abateshere ta.
\v 10 Shichira omundu naba nakhulola ouli nobumanyi niwikhaale noliitsaanga muhekalu yeshifwanani nali omuteteshere mubusuubiri shialanyoola itswoni ario okhulia khubindu biemisango chimaliirwe ebifwanani?
\v 11 Kho khulwa obumanyi bubwo bwakhachira omusiani wefu yatiba, owa Kristo yafwira?
\v 12 Kho olwa muonoona imberi wabaana beenyu, nimuumisia emioyo chiabo, abwene yaho, muononeranga Kristo.
\v 13 Niko kachira, eshiokhulia nishiba shikhwisichirasia omuheerwa, shindakhaliakhwo inyama ta mbu endeshe okhwisichirasia omuheerwa.
\c 9
\cl 1 Abakorinzo 9
\p
\v 1 Esie shiendi omulakhuule? Esie shiendi omurume? Esie shindalola Yesu Omwami wefwe? Ne nenyu shimuli ebiamo biemilimo chianje mumwami?
\v 2 Kata khubandi nendali omurume ta, nebutswa endi omurume khumywe: Shichira enywe muli eshibalikho eshioburume bwanje mumwami.
\p
\v 3 Obwiteetsi bwanje imberi wa balia abanalire ni buno,
\v 4 Shikhuli nobwihango okhulia nokhunywa khulwa emilimo chiefu ta?
\v 5 Kho shikhuli nobulakhuule okhutsia tsinjendo tsiefu nabakhasi abaKristo shinga olwa abarume nende abasiani babo Omwami nende kata Petero batsiitsanga ninabo ta?
\v 6 Nomba nesie nende Barinaba fwenyene abakhoyere okhukhola emilimo mbu kho khunyoole eshiakhulia?
\v 7 Yakhaba omusikari shiina ounyala okhwirunjira omwene khubiarumushira mwihe? katayakhaba omulimi shiina oulaliakhwo ebiamo ebirula mumukundakwe kwemitsabibu? Nomba yakhaba omwayi shiina oulanyala okhunywakhwo amabeere akarula mubiayobie?
\p
\v 8 Shekhoyere okhwilolera ebilolero biabulinyanga tawe, shichira kata amalako kosi kaboolanga amakhuwa malala yako.
\v 9 Khusoomanga mumalako ka Musa mbu, olaboohanga ing'ombe omunwa olwa iba nihulanga ingano ta. Kho Nyasaye ahenderangakhwo akeing'ombe noho?
\v 10 Olwa Nyasaye yaboola ario shiyachoomanga okhuboola khufwe? kali kario mbu, kahandikwa khulwefu. Omundu ulimanga nende oufunanga bekhoyeera okhukhola emilimo chiabo nibanayanga mbu bali nomukabo khu ebiabachesa yibo.
\v 11 Efwe khwarachire munywe imwo yeshiroho, nelikhuwa likhongo nikhuba nikhufuna akemibiri khunywe.
\v 12 Ni kakhaba abandi bali habwene okhunyoola ebindu bino khunywe, efwe nefu shikhuli habwene kata okhuyombakhwo yabo? kata kario efwe shikhwarumushira obunyali ibo tawe. Habula khwifwira mumakhuwa koosi mbu khuleshe okhura eshicherasio khumakhuwa amalayi ka Kristo.
\v 13 Enywe shimumanyire abandu abakhalabananga muhekalu banyoola ebiokhulia biabo muhekalu.
\v 14 Munjira ndala iyo, Omwami yara lilako mbu yabo abakambanga injili okhuula banyoole ebia balia okhurula khu njili eyo.
\p
\v 15 Nebutswa esie eshiri okhwikhonyerakhwo obunyali yibo ne kata shehaandikanga kano mbu kho mukholere akenyekha tawe. Bwakhaba obulayi ndafwa okhuyomba yako. Abulaho ounyala okhukalukhasia okhwiyitsiala khwanje khuno okhuba okhukhaya ta.
\v 16 Shiendi nende obunyali bwokhwiyitsiala butswa shichira engambanga injili tawe: kata kario endi hasi wamalako okhuyaala injili, nebutswa bwakhaba obubii okhushira nikaba mbu sheyala injili ta.
\v 17 Kalaba mbu ekholanga emilimo chianje khulwa okhwenya khwanje, ndakhalirire okhurungwa nebutswa echikholanga shinga omusinjiriri wachio shichira nemilimo echia Nyasaye yabesia okhukhola.
\v 18 Kho bulaano omurungo kwanje ni shiina? Omurungo kwanje nobulekhuule bwokhukamba amakhuwa amalayi obularungwa, nende okhulekha okhubaanza akekhoyere okhunyoola khulwa emilimo chianje chienjili iyo.
\p
\v 19 Kata nendi omulakhule oulali omusumba womundu yesi ta, ndikholanga okhuba omusumba wabandu boosi kho mbu enyoole abaandu abaanji muno.
\v 20 Nekhalabananga muba Yahudi ndikholanga shinga omuyahudi kho mbu enyoole AbaYahudi nikhalabananga mubarukungwa namalako aka Musa, nindakholanga shinga oulalangwa namalako yako, kata omwene nindarukwa namalako yako ta, kho mbu enyoole yabo abarukungwa namalako yako.
\v 21 Khubalia abali erwanyi wamalako, ndekhola ouli erwanyi wamalako, nebutswa shiandali erwanyi wamalako khuNyasaye tawe esie mwene, halali hasi wamalako kaKristo, ndakhola endio mbu khenyale okhunyoola abali erwanyi wamalako.
\v 22 Khubateshere nindikhola omuteshere, mbu khenyale okhubanyoola abateshere, ndekholekha amakhuwa koosi khubaandu, mbu munjira tsiosi enyale okhubahonia abaandu.
\v 23 Ekholanga kano koosi, Khulwa injili khu mbu, enyale okhusaanga mutsikhabi tsiabo.
\p
\v 24 Shimumanyire mbu mutsimbiro aberushi abaanji bapishananga, nebutswa mulala yenyene niye ounyoolanga eshihanwa? kho mwesi mwesi mwirusie murio mbu munyalirwe okhunyoola eshihanwa ishio.
\v 25 Buli omwirushi yanasinjia amalako amatinyu, kho mbu afwalwe olusimbi lwebimuli bimera butswa lwangu, nebutswa efwe khwirukhanga khurio khulwa olusimbi olulimenya obushia nobushia
\v 26 Nikokachiranga esie nindirukha shirunji okhuula mumukoye okwokhumaliramwo etsimbiro, khandi Niko akachiranga esie endi shinga omukhupani oulasananga ebifuusi bie mumuya butswa.
\v 27 Habula endinyinjia omubiri kwanje nebifuusi nekuruchira elala, kho mbu Nyasaye aleshe okhurusia mumbiro tsino olwa esie omwene emba nemalire okhulanga abaandi mutsimbiro tsino.
\c 10
\cl 1 Abakorinzo 10
\p
\v 1 Akemetakhwo baana befu, yaanze muleshe okhuba nende eshileka, shinga olwa abapapa befu babusiribwa mwileesi, khandi, khandi nibakhalasia inyanza;
\v 2 ne bosi babatisibwa halala nende Musa mumaleesi nende mumnyanza.
\v 3 Mana bosi nibalia inyama ndala eya roho.
\v 4 Khandi bosi nibanywa eshinywebwa shia roho, eshiabanywa khulwanda lwabalondakhwo, ne olwanda olo lwali Kristo.
\v 5 Ne Nyasaye shiyachamisibwa ninabo boosi tawe, neshiachira boosi nibasukunwa mushitsimi.
\p
\v 6 Ne kano koosi neshilolero khufwe, eshifune mbu khuleshe obwikoombi bwebindu ebibii, shinga olwa boosi bekomba.
\v 7 Kata shimulekholera ebifwanani shinga olwa abandi khubo bakhola mana nikaaandikwa, abandu bekhala hasi nibalia nibanywa mana nibasinjira nibatsia okhubaya.
\v 8 Shikhulakhola akobwilaasi, shinga olwa yabo bakhola tawe, mana khunyanga ndala bwafwa ebikhumira amakhumi kataru nende amakhumi kabiri.
\v 9 Khuleshe okhuteema Kristo shinga olwa balala bamuteema, mana nibamululwa netsinzokha.
\v 10 Shimulabulula tawe, shinga olwa balala khubo babuulula mana nibamululwa nende omumululi.
\p
\v 11 Bulaano kano koosi kekholekha khubo shinga eshilolero, ne kaandikwa khulwefu mbu kabe elieko, khufwe abeshihesi shieshialo shiosi shirulamwo.
\v 12 Ne uyo oupaaranga mbu asinjire tiiri ahenje nebutswa yetsukhana nakwa.
\v 13 Khushiri okhuba nende amatemo okhuyomba yako akali akakhasootso khumundu ta, nebutswa Nyasaye nomusuubirwa oulanyala okhulekha oteemwe okhuyomba obunyalibwo, ne alahaana injira yokhuhokosheramwo okhurula mumatemo, kachire obe ounyala okhwifwira.
\p
\v 14 Khulwa yako baana befu, mwiyinie khukhunamira ebifwanani.
\v 15 Emboola shinga oubolera abandu abachesi; mukhalache akemboola abeene.
\v 16 Eshikombe shiefu shietsikhabi shishiri nishio eshiobusanjirani bwamatsayi ka Kristo? Ne omukate okwakhufinakanga shikuli nikwo obusanjirani bwomubiri kwa Kristo?
\v 17 Okhuba khuli abanji omukate mulala omubiri mulala, fwesi khusanjirana khumukate mulala kulia.
\p
\v 18 Lole! abaIsiraeli abali mumubiri, shibali nibo abalitsanga eshihanirwe khumusango kwokhubwaali?
\v 19 Kho emboola shiina? mbu eshindu shiomusango okumalirwa ebifwanani nishio eshindu toto? Kata mbu eshifwanani nishio eshindu toto?
\v 20 Kho emboola mbu, ebindu biabaMahanga bahaana omusango, bahana khubishieno, khu Nyasaye tawe: ne shindakhenya mbu mube nobusanjirani nende ebishieno tawe.
\v 21 Shimunyala okhunywa mushikombe shiOmwami khandi mushikombe shia shetani, shionyala okhulia khumesa yOmwami khandi olie khumesa ya shetani tawe.
\v 22 Khwenyanga okhukhola Omwami atiirwe neimbalikha noho? khupaaranga mbu khuli namani okhumuyomba noho?
\p
\v 23 Ni toto mbu endi nende obulakhule bwokhukhola ebindu biosi, nebutswa buli shindu shishili eshilayi tawe: ni tooto endi nobulakhule bwokhukhola ebindu biosi, nebutswa buli shindu shishili shiobukhonyi ta.
\v 24 Shimulekhabira akamukasira abeene ta, habula khabenje akakasira abashienyu.
\v 25 Muli abalekhuule okhulia shiosi shiosi eshikusibuungwa khushiiro, nimulareeba amarebo ta mbu muleshe okhwonoonia amapaaro kenywe.
\v 26 Shinga olwa amahandiko kaboola mbu, "eshialo shiosi nende ebilimwo ne biOmwami."
\v 27 Omundu oulasuubira ta naba nakhwinjisia okhulia eshiokhulia, nofuchirira okhutsia olie eshiokhulia shiosi eshia akhurenjeshere, ne shiolareberesia likhuwa liosi, khulwa okhwenya okhumanya.
\v 28 Nebutswa omundu undi nakhuboolera mbu, "Ebiokhulia bino nebihaanirwe omusango khubifwanani," kho shiolalia tawe khulwa oukhuboolere nende okhulekha okhwonoona amapaaro komwoyo kwo.
\v 29 Ne shikali khulwa amapaaro koko wenyene ta halali khulwa abandi: kho shichira shina obulakhule bwanje bwokhukhola liosi elia ndenya bwikalirwa nende amapaaro komwoyo kwomundu undi?
\v 30 Esie nembe nekhupira Nyasaye orio khulwa ebiokhulia bianje, eshiakhachira omundu yesi nianzinjirira khulwa ebiekhupiire orio nishiina?
\p
\v 31 Kata noba nolia nohomba nonywa nohomba liosi liokhola, khola khulwa okhumuchinguula Nyasaye.
\v 32 Mumenye obulamu obulayi nimulesichirasia abaYahudi nomba Abamahanga nomba abaKristo.
\v 33 Khole butswa shinga olwa ekholanga, endeemanga okhuchamisia buli mundu mumakhuwa koosi akekholanga, nindalekhabira omwene akanjamisia ta, nebutswa nekhabanga akachamisia abandu boosi kho mbu banyale okhuhonibwa.
\c 11
\cl 1 Abakorinzo 11
\p
\v 1 Munondenjekhwo shinga olwa nasi emulondangakhwo Kristo.
\p
\v 2 Bulano ebetsomia enywe, baana beefu, mbu munzitsuliranga mubuli likhuwa, namulinda ameebalo okhulondokhana shinga olwa ndakahana khuinywe.
\v 3 Nebutswa ndakhekombere mumanye, mbu omurwe kwa buli omusatsa ni Kristo khandi omurwe kwo mukhasi nomusaatsa ne omurwe kwa kristo ni Nyasaye.
\v 4 Omusatsa yesi ousaayanga nohomba okhurusia obulakusi nali nomurwe kukwe kufunikhwe afimbinjia omurwekwe.
\v 5 Ne omukhasi yesi ousaayanga nohomba okhulakula nalafunishe omurwe kwe, Shichira afwananibwa nende ulia oubekere omurwe kwe.
\v 6 Mbu omukhasi naba nalafunikha omurwe kwe ta, nobulayi abeche, nikaba mbu neshifimbwa omurwe omukhasi okhubeka kho kakwanire okhufuni kha omurwe kwe.
\v 7 Mbu omusatsa shiakwanire okhufunikha omurwe kwe ta, Shichira ye niye obukondo khandi eshilolero shia Nyasaye, Nebutswa omukhasi niye oluyalilwo omusatsa.
\v 8 Okhuba omusatsa shiyarula khumukhasi tawe, Nebutswa omukhasi yarula khumusatsa.
\v 9 Mbu kata abali omusatsa oulangwa khulwa omukhasi ta nebutswa, omukhasi khulwa omusatsa.
\v 10 Khulwa akene kano, omukhasi akwanire okhuba nende obunyali khumurwekwe khulwa abamalaika.
\p
\v 11 Mbu kata kario shiali omusatsa habula omukhasi tawe nohomba kata omukhasi buchira omusatsa tawe mumwami.
\v 12 Mbu shinga olwa omukhasi ali womusatsa kho nindio khandi omusatsa niwomukhasi ne ebindu biosi nebia Nyasaye.
\v 13 Enywe abeene mukhalache, mbu nobulayi omukhasi okhusaaya nalafunishe omurwe.
\v 14 Kata shilibechesia mbu omusatsa naba nende liiswi liraambi mbu neshifwimbwa omurwe khuye?
\v 15 Mbu omukhasi naba nende eliiswi liraambi noluyali khuye, okhuba liiswi yaheebwa okhuba eshifunikho.
\v 16 Mbu omusatsa yesi naba nalolekha mbu niwamainje efwe shikhuli abashiima eshio kata amakanisa khuNyasaye ta.
\p
\v 17 Ne bulano mlino erumbula khuinywe, mbu shibetsomia tawe mbu olwa mwitsanga halala shikhuli khulwa obulayi tawe, nebutswa khulwa obubii okhushira.
\v 18 Khulwa eliamberi mukoosi, olwa muba mwitsa halala mukanisa, euliranga mbu muli nende emiabukhani hakari wenyu ne munjira Hindi esuubira.
\v 19 Ne emiabukho chikhoyere mbu chibehokho kachire abali abakatoto bamanyishe hakari wenyu.
\v 20 Kho olwa muba mwitsa murio halala habundu halala, kano shikali khulwa okhulia khumesa yoMwami ta.
\v 21 Mbu nikhuli okhulia buli omundu akhoyere mbu okhulia ewuwe eshiokhulia shishie omwene oundi nali nzala, naye oundi amerire?
\v 22 Kho enywe shimuli nende tsinzu etsiamukhoyere okhuliamwo nende okhunywamwo? nohomba muchayanga lkanisa yaNyasaye nende okhufimbia omurwe abeene yabo ababula mbu nemboole shina khu kano, ebetsomie khukano? shibetsomia tawe.
\p
\v 23 Mbu ndanyoola okhurula khuNyasaye akene yako aka ndahana khuinywe, mbu omwami Yesu eshiro shilala eshiayakhobwa balia omukate.
\v 24 Ne olwa yali namalire okhupa orio, yakufinaka ne naboola, bukule mulie, mbu kuno nomubiri kwanje okwafunakwa khulwanje kano mukholenje khulwa okhunzitsulira esie.
\v 25 Mbu khushise shiene yishio, yabukula khandi eshikombe olwayali nalire, naboola mbu eshikombe shino shio indakano imbia mumatsai kanje mukholenje murio olwa muba nimunywa khulwa okhunzitsulira.
\v 26 Khandi olwa muba nimulia omukate kuno, ne munywa eshikombe shino mulolesinjie lifwa lioMwami okhuula olwa yetsa.
\p
\v 27 Mbu omundu yesi oulalia omukate kuno nende okhunywa khushikombe shino eshia Omwami munjira eilakhoyere ta alaba nakhalachirwa eshiina shio mubiri nende amatsai komwami.
\v 28 Nebutswa bulimundu yeyenje omwene kho alie khumukate iko, nende okhunywa khushikombe yishio.
\v 29 Mbu omundu oulia khandi okhunywa obulakhoyere ta, alitsanga nende okhunywa obuyaasi bubwe omwene obulamanyirisia omubiri kwoMwami.
\v 30 Khulwa kano abanji nabateshere khandi abalwale hakari wenyu, ne abanji bakona tsindoolo.
\v 31 Mbu nikhuba nikhwikhalachira eshiina abeene, shikhukhalachirwa eshiina tawe.
\v 32 Ne olwokhuba nikhulakhalachirwa eshiina, khuchetsiyibwa nende Omwami mbu khuleshe okhuyaasibwa halala nende eshialo.
\p
\v 33 Kho kario abaana beefu, olwa muba nimuitsa halala okhulia mulindanenje mulala khuundi.
\v 34 Ne omundu yesi naba neinzala alie ingo, mbu muleshe okhwitsa halala mukhuyaasibwa ne akandi ndalakololosia olwa emba ninditsa.
\c 12
\cl 1 Abakorinzo 12
\p
\v 1 Bulano akakwana ebihanwa bia Roho, abaheerwa, shindenya mubule okhumanya ta.
\v 2 Mumanyire mbu olwa mwali abandu beshialo, mwabukulwa okhulonda ebifwanaani ebilaboolanga kata shinga olwa bemirirwa.
\v 3 Khulwesho ndenya mumanye mbu abulaho omundu ouboolanga muRoho ya Nyasaye ouboolanga mbu Yesu alaamwa, nohomba omundu shianyala okhuboola Yesu nOmwami nalali muRoho Omutsienukhu.
\p
\v 4 Bulano khuli nende obwabukhani mubihanwa halali Roho ni mulala.
\v 5 Khan di khuli nende obwabukhani halali Omwami mulala.
\v 6 Khandi khuli nende obwabukhani mukhukhola emilimo halali Nyasaye mulala oukholanga koosi mubiosi.
\p
\v 7 Halali buli shiamulala yaheresibwa obufimbuli bwa Roho khulwa okhukhoonyana.
\v 8 Shichira omundu mulala muRoho aheresibwa likhuwa elia amachesi, naye oundi eliobumanyirisi nende Roho mulala uliiya.
\v 9 Oundi owobusuubiri muroho mulala ulia, naye oundi eshihanwa shiokhuhonia muroho mulala ulia.
\v 10 Naye oundi ebikhole biamangalimwa, naye oundi obunabii, naye oundi roho wobumanyirisi, naye oundi okhuhenjeresia tsinimi.
\v 11 Ne koosi kakholwa nende rho mulala ulia nakabulira buli mundu shinga olwa yehuliire.
\p
\v 12 Shinga na olwa omubiri kuli mulala nende ebiungo ebinji, ne ebiungo biomubiri mulala kuno nibili ebiinji bili mumubiri mulala nendio kali nende Kristo.
\v 13 Shichira muroho mulala fwesi khwabatisibwa mumubiri mulala, kata kakhaba khwali abaYahudi nohomba abaYunani. Kakhaba khwali abarumwa nohomba abalakhuule, nefwe fwesi khwanywesibwa roho mulala.
\p
\v 14 Shichira omubiri shikuli eshiungo shilala tawe, ebinji.
\v 15 Nikaba eshirenje shilaboola mbu khulwa okhuba esie shiendi omukhono ta, shiendi womubiri ta; shihili shiomubiri tawe.
\v 16 Ne kakhaba mbu shirwi shiboola mbu esie shiendi imoni ta, bulano shiendi womubiri ta, shishili shiomubiri ta.
\v 17 Ni kakhaba mbu omubiri kwosi kwakhabeere imoni, okhuhulira khwakhabere hena? kakhaba mbu kwosi kwakhabeere okhuhulira okhuhunyirisia khwakhabeere hena?
\v 18 Halali Nyasaye abirerire ebiungo bino biosi khumubiri, shinga olwa kamuchamisia.
\v 19 Nikakhaba mbu biosi biakhabeere eshiungo shilala, omubiri kwakhabere hena?
\v 20 Halali bulano khuli nende ebiinji habutswa omubiri mulala.
\v 21 Khandi imoni shiyinyala okhuboolera omukhono mbu shekhenyere tawe, nohomba khandi omurwe khushurenje mbu shekhwenyere ta.
\v 22 Kata kario ebilonje bipaaranga mbu nebiteshere nebieinganga muno.
\v 23 Ne khandi ebilonje ebia omubiri, ebiakhupaaranga mbu shibili nende oluyali olukali, khuheresie oluyali olukhongo ne khandi ebilonje biefu ebilayi nende obulayi bulano nebilayi okhushira.
\v 24 shichira ebilonje biefu ebilayi shibili nende elienya tawe, halali Nyasaye yakuraa halala omubiri, nende okhushiheresia eshiungo shili nende obuleemu oluyali olukhongo.
\v 25 Mbu kho khulaba nende okhwiyahula mumubiri ta halali mbu ebitonye bibe nende okhuhendanira mulala khu undi.
\v 26 Ne eshiungo shilala nishiba nishinyakhana, ebindi biosi binyakhana halala ninashio, ne eshiungo shilala nishiba nitsatsala, ebindi bitsatsala halala ninashio.
\p
\v 27 Bulano muli omubiri kwa Kristo, mana abasanji mubulala.
\v 28 Khandi Nyasaye arereyo abandi muhekalu, obokhuranga abarume, abakhabiri abanabii, abakhataru abebaali, olunyuma amangalimwa nende ebihanwa bia okkhuhonia, okhukhoonya, obusinjiriri nende tsinimi tsiabukhane.
\v 29 Bosi nabarume? boosi bakholanga amangalimwa?
\v 30 Bosi bali nende ebihanwa biokhuhonia? Ne boosi baboolanga mutsinimi? ne boosi banyala okhukalukhasia.
\v 31 Ne murekhwo omwoyo ebihanwa biosi ebili ebilayi.
\c 13
\cl 1 Abakorinzo 13
\p 2
\v 1 Kata nemba nemboolera mutsinimi tsiabandu nende tsiabamalaika, ne nembula obuheeri, endi butswa shinga omukasa okulanjirira nomba ebisiri ebisaala. Kata nendi
\v 2 neshihanwa shiobulakusi nekamanya amabiso koosi nende obumanyi bwosi kata nendi nobusuubiri bwosi obunyala okhusitia ebikulu ne embule obuheeri shendi eshindu ta,
\v 3 Mbu kata nemba nembukula emiandu chianje neheresia abamanani, kata nehana omubiri kwanje kusambwe, nembula obuheeri, shikungasira eshindu ta.
\p
\v 4 Obuheeri bwisumirisinjia, bukholanga akeshisa, obuheeri bubula imbalikha, obuheeri shibwiboola ta, shibwichinguula ta.
\v 5 Obuheeri shibukhola akalakhoyere ta, shibukhabanga abwakwo obwene ta, shibusinyikhanga ta, shibwitsuliranga amabii akabwakholerwa ta.
\v 6 Shibwikhoyera obumayanu ta, halali bwikhoyeranga obwatoto.
\v 7 Bwifwira kosi, busuubira kosi, bunaya kosi, buralira mukosi.
\p
\v 8 Obuheeri shibukhayungwa ta, ne kata nikhuba nende obulakusi bwitsa okhwakama, kata tsinimi nitsiliho tsiitsa okhuhwaho kata obumanyi nibuliho bwitsa okhwakama.
\v 9 Okhuba khumanyire mubuyinjikhanu, khulakula mubuyinjikhanu.
\v 10 Ne yako akali amachima olwa kaliba nikoolere, amayinjikhanu kalihwaho.
\v 11 Olwa ndali omwana ndaboola shinga omwana, ndamanyirisia shinga omwana, ndapaaranga shinga omwana, ndayiririsinjia shinga omwana ne bulano olwa endi omundu omukhongo endeshere akolwana.
\v 12 Okhuba bulaano khuboolanga mushilolero, mumaweruweru, ne bulano mumoni namoni leero emanyire mubuyinjikhanu, ndilimanyira elala shinga siesi olwa ndamanyibwa elala.
\v 13 Kho akatsirira ngakano mbu obusuubiri, obunayi, obuheeri, nako kataru likhongo khuko eslishira koosi nobuheeri.
\c 14
\cl 1 Abakorinzo 14
\p
\v 1 Khaabe okhukhola amalayi nende okhwikomba ebihanwa ebilayi, nebutswa mube nende oburoobi.
\v 2 Shichira uyo ouboola mutsinimi tsilamanyikhane shaboolanga khubandu tawe, nebutswa khu Nyasaye, okhuba abulaho kata mulala oumanyirisinjia tawe, kario mutsinimi emboolanga akamabiso. Ulia ourooba aboolera
\v 3 abandu khulwa okhubombakha nende okhuchingula nokhuhotseresia.
\v 4 Ye ouboola mutsinimi yeyumbakha omwene; ne ulia ouhaana oburobi akhusia likanisa.
\p
\v 5 Ndikoombanga mbu mwesi muboole mutsinimi nebutswa mube abaroobi, okhuba uyo ourooba ayoomba ouboola mutsinimi, okhuba olwa omukaluli abaaho kachire likanisa likaase.
\p
\v 6 Ne bulano baana befu, nindakhetsa khunywe nemboolanga mutsinimi, ndakhamukasira shiina, halali ndaboola ninenywe nende obufimbuli nohomba obuchesi, nohomba oburoobi kata nende amechesio?
\v 7 Kata ebindu bibula obulamu bikhupa obuyoka, olwika nohomba obukhana, kario mbu olwika lukhupire kata mbu obukhana bukhupirwe.
\v 8 Okhuba nikaba olwika shilunyala okhuhulirikha tawe, niwiina ouheera okhutsia mwihe.
\v 9 Nendio mbu nikalaboolwa nende olulimi amakhuwa akalahulirikha ta, omundu yesi yakhamanya arie amakhuwa kamuboolanga? Kamuboolanga kaba nikatsitsanga eshikhaya.
\v 10 Khuli netsinimi tsinyinji mushialo nebutswa lubulaho khutsio olulali neshisina shialwo tawe.
\v 11 Nebutswa nendamanyire eshisina shiolulimi luboolungwa, omundu ouboolanga aba omucheni khusie nasi khandi ndalaba omucheni khuye.
\v 12 Khandi kario olwa enywe abeene mwikombanga okhuba nebihanwa bia roho okhuula muteeme akamunyala okhuyomba koosi okhwikhonyera ebihaanwa yibo khulwa okhumbakha abeikanisa bosi.
\p
\v 13 Khulwesho, omundu ouboolera mutsinimi tsinjeni okhuula asabe aheebwe eshihanwa shiokhukalukhasia akaba naboolanga.
\v 14 Okhuba nemba nesaba Nyasaye mululimi olucheni, iroho yanje yisabanga toto, nebutswa amapaaro kanje shikasanjiranamwo tawe.
\v 15 Kho okhuula ekhole shiina? ekhoyere okhusaba nende royo yanje khandi nende amapaaro kanje, ekhoyere okhwimba nende roho yanje, kandi nende amapaaro kanje.
\v 16 Kho olwa okhupa orio khu Nyasaye muroho yonyene, omundu namundu butswa anyala arie okhusanjirana ninawe khulwa okhuboola mbu, "Amina" khumasaayo kokhupa orio? Shialikhwo nende injira yosi yosi eyokhumanya aka asayanga ta.
\v 17 Kata amasayoko kokhupa orio khu Nyasaye nikaba amalayi muno, omundu undi uyo shiyoombakhwa ta.
\v 18 Ekhupiiranga Nyasaye orio mbu esie embooleranga mutsinimi tsinjeni muno okhushira nywe mwesi.
\v 19 Nebutswa mumukhung'ano kweikanisa nobulayi emboole amakhuwa karano akanyala okhuhulirikha khulwa okhwechesia abandi, okhushira okhuboola amakhuwa ebikhumi munimi tsinjeni.
\p
\v 20 Abaana befu, bulayiririsinjie shingana abaana tawe, nebutswa mube ababula obwonooni shiangana abaana abatiti, nebutswa muyiririsie mumapaaro kenywe shingana abandu bakhulire.
\v 21 Kahandikwa mumalako mbu Omwami yaboola ari ndalaboolerana nende abandu bano mutsinimi tsinjeni, khandi muminwa chiabandu abacheni, ne kata kario shibahulira ta, Omwami aboola.
\p
\v 22 Kho bulaano eshihanwa shiokhuboolera mutsinimi tsinjeni neshilolero khu yabo abashiiri okhusuubira, tawe khu yabo abasuubira, nashio eshihanwa shiokhukamba oburume bwamakhuwa aka Nyasaye neshilolero khubasuubira, tawe khubashiri okhusuubira.
\v 23 Kho nikakhaba mbu, ikanisa yosi ikhung'ana halala mana buli shiamundu achake okhubooba mutsinimi tsinjeni, mana betsemwo abandi abalasoma ta nohomba abalasuubira ta, shibalaboola mbu nywe mulaluushe.
\v 24 Nebutswa nikaba mbu buli mundu akambanga oburume bwamakhuwa ka Nyasaye, mana oushiiri okhusuubira nohomba oundi yesi niyenjiramwo, aleyama habulafu obwonoonibwe khulwa amakhuwa kalahulira akalamukhalachira omwene eshiina.
\v 25 Amapaaroke komukari kalarerwa habulafu, naye alenamia obwenibwe hasi, ne alamwinamira Nyasaye, niyeyamanga mbu, toto mwene Nyasaye ali ninenyu.
\p
\v 26 Kho karie, baana befu? olwa muba nimwitsa halala mukhusaya, buli mulala wenyu abe nolwimbo, oundi nende obwibaali, oundi libisulo okhurula khu Nyasaye, oundi oburume mutsinimi tsinjeni, koosi kamukhola okhuula kabe akobukhonyi bwokhutinyisia likanisa.
\v 27 Nikakhaba ambu omundu aboola mutsinimi tsinjeni, okhuula babe babiri nohomba bataru abeyamirwa okhuboola nibalondana, okhuula abeho oundi oulakalula akaba nikaboolungwa.
\v 28 Nebutswa omundu nalaliho ounyala okhukalula, kho omundu uyo ouboolanga mutsinimi tsinjeni okhuula aholeere mana yeeboolere masirisi ye omwene nende Nyasaye.
\p
\v 29 Abalakusi babiri nohomba bataru abaheresibwe oburume bwa amakhuwa ka Nyasaye bakhoyere okhukamba nabo abandi nibarecheresia okhumanyirisia obulayi akaboolungwa.
\v 30 Nebutswa oundi ouli mumukhung'ano naba nafimbulirwa likhuwa olwa mberi aholere mberio.
\v 31 Okhuba mwesi pe munyala okhukamba oburume bwa Nyasaye shiamulala mulala, mana abaliho boosi beeche amakhuwa, nende okhutinyisibwa.
\v 32 Eshihaanwa shiobulakusi okhuula shibe hasi wobunyali bwomulakusi,
\v 33 Shichira Nyasaye shiali obuchachiro bwobukoyanu ta, habula womulembe, shinga olwakali mutsikanisa tsiosi tsiabaKristo.
\v 34 Ne abakhasi benyu baholere tsi mutsikanisa, okhuba shibafuchirirwa okhuboola ta: halali balachirisibwa okhuba abahuliri shinga olwa lilako liboola.
\v 35 Ne nibakhenya okhumanya liosi bareebe abasaatsa babo ingo okhuba neshifimbwa murwe omukhasi okhuboola mumukhung'ano kweikanisa.
\v 36 Kho karie? Mupaaranga mbu likhuwa lia Nyasaye liachachira khunywe? nohomba mbu nenywe abalietsera?
\v 37 Omundu yesi owilanga omurume, nohomba khuba nende eshihanwa shia Roho, okhuula amanye mbu akemuhandichiranga kano nelilako liOmwami.
\v 38 Ne yesi omundu yesi naba nalamanyirisia ta, alabula obumanyirisi.
\p
\v 39 Khulwesho, abaherwa, mwikoombe okhulakula, nebutswa mulabekaliira balia ababoola mutsinimi ta.
\v 40 Habula amakhuwa kosi okhuula kekhole munjira indayi yahabwene.
\c 15
\cl 1 Abakorinzo 15
\p
\v 1 Ne bulano abaana beefu, ndenya okhumuitsusia khu aka injili eyandamunyalira nenywe nimukafuchirira khandi niko akobusubiri bwenyu bwalalimwo,
\v 2 ino niyo lnjili eyoburume eyandamunyalira mwahonibwa khulwa okhuhanda khu injili yene eyo. Habula fwana nimuba nimwasuubira butswa mushikhaya.
\p
\v 3 Esie ndamuheresia akenako aka ndanyoola akali amakhongo okhushira, mbu Kristo yefwira ebionoono biefu shinga kahandikwa mumahandiko.
\v 4 Mbu yayabirwa mana nalamusibwa olunyuma lwetsinyanga tsitaru shinga olwa kahandikwa mumahandiko.
\v 5 Yaloleshera Petero mana khandi khubarume ekhumi nende mulala boosi.
\v 6 Mana nalolekha khandi halala khubalondibe abayomba ebikhumi birano abanji khubo bashiri abalamu ne abandi khubo bafwa.
\v 7 Mana naloleshera Yakobo ne olunyumakhwo khubarume biosi.
\v 8 Ne olunyuma olwa yabo boosi yaloleshera esie siesi khandi, ouli shinga owebulwa tsinyanga nitsishiri.
\v 9 Okhuba esie endi omutiti khubarume boosi kata esie shengwanishire okhulangwa omurume ta, Shichira ndanyasia likanisa lia Nyasaye.
\v 10 Ne khulwa obukosia bwa Nyasaye endi shinga olwa endi bulano, kata obukoosiabwe obwa ndahesibwa shibwali obwa butswa ta. Kata kario, esie ndanyakhana nekhola emilimo okhushira khwo abarume bandi boosi, ne shendi esie owachikholanga ta habula obukosia bwaNyasaye bwali nibukholanga muisie.
\v 11 Kho nikaba nikarula khuisie noho karula khubo, kano niko aka fwesi khwayalanga khandi kano niko aka musubiranga.
\p
\v 12 Kho bulano abarume beefu, Kali mbu Kristo yalamusibwa okhurula mukhufwa, kho eshichiranga abanji khuinywe nibaboola mbu abafu shibali, abaandi muinywe baboola mbu obusimulukusi bubulaho?
\v 13 Nebutswa nikaba mbu obulamushi bwabafu shibulihho ta, kho Kristo shiaba niyalamusibwa ta.
\v 14 Ne kristo naba nalalamusibwa okhurula mukhufwa ta, kho obarume bwakhuyalaanga nende obusubiri bwenywe muKristo buba nibubula eshifune.
\v 15 Okhushira yako nefu khunyoolekhanga nikhuli shinga abarumbulanga akobubeeyi khuNyasaye, Shichira khwali olwa akobuloli bwa Nyasaye
\v 16 yalamusia Kristo okhurula mubafu, nebutswa nikaba toto abafu shibalilamusibwa ta,
\v 17 kho obusubiri bwenyu nobwa butswa mubionoono bienyu.
\v 18 Khandi nikaba mbu kamanyia yabo abafwa nibasubira mukristo halala okhutiba.
\v 19 Ne nikaba mbu obunayi beefu mukristo nobwobulamu buno bwonyene, kho khuba nikhukhoyere okhubererwakhwo okhushira abaandu bandi biosi mushialo.
\p
\v 20 Nebutswa akatoto Kali mbu, Nyasaye yalamusia Kristo okhurula mukhufwa, shinga obusubisie mbu yabo abafwa boosi balilamusibwa.
\v 21 Okhuba shingaokhufwa khwetsa okhubirira mumundu, nolwa khandi okhulamusibwa khwabafu khwetsa okhubirira mumundu khurio.
\v 22 Okhuba shinga olwa abaandu boosi bafwa muAdamu nolwa boosi balilamusbwa mukristo.
\v 23 Nebutswa nolwa buli omundu mulala alalamusibwa mutsisinjitsie, Kristo mberio, mana mukhwitsa khwe abaliba baKristo.
\v 24 Mana obumalirishi buliitsa, olwa aliihana oburuchi bosi bweshiroho, obwami nende obunyali mana naheresie Nyasaye samwana oburuchi.
\v 25 Okhuba kristo okhurula aruche okhuula olwa Nyasaye Alabama nahulire abasuku boosi, mana nabarere hasi wamakulu aka Kristo.
\v 26 Ne omusuku wokhumalirikha okuhulwa nelifwa.
\v 27 Okhuba amahandiko kaboola mbu Nyasaye yara ebindu biosi hasi wamakuluke, “ kho Kali habulafu mbu omundu ouretsanga ebindu mumakuluke shibali mubindu mwene tawe.
\v 28 Nebutswa olwa ebindu biosi bilaba nibirerwa hasi woburuchi bwa Kristo, nolwaye mwene yakhalakhule hasi woburuchi bwaNyasaye, owara ebindu biosi hasi woburuchibwe.
\p
\v 29 Ne obulamushi bwabafu nibulaliho ta balakhola bariena yabo ababatisibwa khulwa abafu, eshialo banayanga okhunyoola ni shiina?
\v 30 Nefwe fwesi khufiitsanga buli Inyanga mbushiina?
\v 31 Abaana beefu, buli Inyanga ndiakananga nende olufuu! Ne okhwitsoomia khwendi ninakhwo muiywe Kristo Yesu omwana wefu, khuchiranga nerumbula kano.
\v 32 Nikaba mbu esie ndalwana netsisolo Efeso khulwa ebifune bieshinamundu, kho eshialo ndanyoolamwo nishina? Nebutswa nikali mbu abafu shibalamusibwa ta, kho shinga kaboolanga “leshe khulie nikhunywa okhuba mukamba khulafwa"
\v 33 Muleshe okhukaatibwa, “okhuchenda nababi khwononinjia emiima emilayi”
\v 34 Labe tsimoni mana muleshe tsinjira tsienyu etsiobwononi. Emboola kano okhumufimbia omurwe mbu halala khuinywe shibamanyire Nyasaye tawe.
\p
\v 35 Omundu okhureeba mbu “ Abafu nabo balamusibwa barie? Ne nomubiri shina Olwa balalamusibwa ninakwo?
\v 36 Omusiru eywe! olwa orakanga imwo mwiloba shirulangamwo inamu neyilafwa ta.
\v 37 Ne eshia orakanga nimwo ikhaya inyala okhuba eyeingana noho eyeimbia Hindi, shishibetsanga eshirache eshilamba eshilakhula olunyuma tawe.
\v 38 Ne Nyasaye aheresinjia imwo eyo omubiri okwa omwene achama, buli imwo nomubiri kwayo eyene.
\v 39 Okhuba inyama eyemibiri chiosi shichifwanananga ta, yiliho eyabandu, ne inyama yindi eyetsisolo, ne inyama yindi eyamanyonyi ne eyindi eyetsinyieni.
\v 40 Khandi chiliho emibiri chindi echiomwikhulu nachio echindi echimushialo. e oluyali olwa emibiri chino mwikulu lwabukhane nende oluyali olwemibiri echieshialo.
\v 41 Eliuba lili noluyali lwalio, nakwo omwesi noluyali lundi, ne kata khandi tsing'ining'ini noluyali olwabukhane okhuba Khandi mutsing'ining'ini tsiosi, ndala inyala okhwabukhana nebindi muluyali
\p
\v 42 Nelwa kaliba kario olwa abafu balilamusibwa olwa omubiri kuyabirwa, ne olwa kulamusibwa kube omulamu.
\v 43 Kuyabirwa mubufwoli ne kulamusibwa muluyali, kuyabirwa mubuteshere ne kulamusibwa mubunyali.
\v 44 Kuyabirwa omubiri okwoburulanda, ne kulamusibwa omubiri okweshiroho nikuba nikhuliho omubiri kwoburulanda, kuliho khandi nomubiri okweshiroho.
\p
\v 45 Okhuba amahandiko kaboolanga kari, “Omundu owamberi Adamu yalongwa nali omulamu naye Adamu owobumalirishi niye Roho owananga obulamu”
\v 46 Ne shikuli omubiri okweshiroho okhuranjirira okhubaho ta, habula okwoburulanda, manaokweshiroho nikulondakhwo.
\v 47 Adamu owamberi niwomulufu olwokhushialo naye Adamu owakhabiri yarula mwikulu.
\v 48 Yabo abali abolufu olwokhushialo bali shinga uyo owalangwa khulufu olwokhushialo.
\v 49 Ne shinga olwa khwalangwa mwikondo lieshialo, nindio khuliba mwikondo liomwikulu.
\p
\v 50 Ne bulano naboola mbu, abaana beefu, inyama nomubiri nende amatsayi sheyinyala okhwamia obwami bwa Nyasaye tawe, kata obubatsa shibunyala okhwamia obulali obubatsa tawe.
\v 51 Lekha emumanyie akelibiso, shikhwakhakone tsindoolo tawe, nebutswa khulikalulwa.
\v 52 Shialwangu butswa, mukhutemibwa khweimoni mukhumalirikha khwolwika, okhuba olwika lwakhakhupwe ne abafu balilamusibwa obulabola tawe, ne fwesi khulikalulwa.
\v 53 Okhuba obuboli buno bukhoyeere okhwifwala oburaboola tawe, ne obufwitsanga buno bukhoyeere obufwitsanga.
\v 54 Kho olwa obubolanga buno bulifwala obulabolanga, ne obufwitsanga buno bulifwala obulafwitsanga, abwene yaho likhuwa liakhosibwe eliahandikwa mbu, okhufwa khumalirwe mubuhuli.
\q1
\v 55 Iwe okhufwa, obufisi bwo buli heena? lwe eshilindwa obuhuli bwo buli heena?
\p
\v 56 Obufisi bwokhufwa netsimbi, ne tsingufu tsietsimbi tsili mumalako.
\v 57 Ne khupira Nyasaye orio oukhuhesinjia obuhuli okhubirira muYesu Kristo omwami!
\p
\v 58 Khulwa yako, baana beefu, be abaralira nimuratechesibwa ta, ne mushiraane mubutiyi khumilimo chia omwami, nimumanya mbu emilimo chienywe shichiri emikhaya mumwami tawe.
\c 16
\cl 1 Abakorinzo 16
\p
\v 1 Bulaano khulwa abatsienukhu, shinga olwa ndalachirisia tsikanisa tsia Galatia kho mwesi mukhole murio.
\v 2 Khu buli inyanga yokhuranga yeliwiki buli mulala areetsenje mwibishirolie, shinga olwa Nyasaye amunyaliire olwa Nyasaye amunyaliire, kachire olwa ndilitsa omusololo shikulabaho ta.
\v 3 Ne olwa ndiliitsa, ulia owamwakhabe nimubusie okhubirira mubuhandiche bwenyu, ndakhamurume okhurera obusanjirani bwefu muYerusalemu.
\v 4 Ne Nikakhalolekha mbu siesi enzie, kho bakhatsie ninasi.
\p
\v 5 Bulano ndakhetse khunywe olwa emba nembirira eMakedonia, okhuba okhuula emburireyo.
\v 6 Ne ndakhamenye ninenyu kata haundi okhumalirayo tsinyanga tsiobushindu mbu mana mutsie ninasi hosi wenzia.
\v 7 Shindikomba mbu ebaloole shinga omuburi ta, okhuba esuubira mbu ndilimenyakhwo ninenyu oluhono Nyasaye naba nayanza.
\v 8 Nebutswa ndakhekhale Efesa okhula khunyanga ya Pentekote.
\v 9 Okhuba omuliango omukhongo nobusuubisie bikuulwe khulwanje, ne abasuku nabanji.
\p
\v 10 Ne Timotseyo niyakheetsa mumwinjisie, obulabaria ta, shichira akhalabananga shinga olwa ekholanga.
\v 11 Omundu yesi yesi shialamuleka tawe, ne mumuungule khulechendo nomulembe, mbu yetse wendi: shichira emulindanga halala nende abaheerwa.
\p
\v 12 Khulwa omusiani wefu Apolo, ndekomba po mbu yetse khwinywe halala nende abaherwa; ne shiyali niyenyere okhwitsayo bulaano ta; ne niyeetse olwa nanyoole obwiyangu.
\p
\v 13 Be meso, sinjire tiiri mubusuubiri, kholenje shinga abasatsa mana muralire.
\v 14 Khole amakhuwa kenywe koosi nende obuheeri.
\p
\v 15 Emusaaya bana befu, (mbu mwamanya abeinzu ya Stefano, shinga ebiamo biamberi bia Akia, ne shinga olwa behaana kupu abeene khuburumishi bwa batakatifi.)
\v 16 Mbu mwihaane nenyu khukene yako, nende buli mulala oukhonyana ninefu nende obutiyi.
\v 17 Esangalira okhwitsa kwa Stefano nende Fotunetas nende Akaika okhuba bahesiye kalia kosi akali nikaleemanga ebuleka wefu.
\v 18 Okhuba batsatsasiye omwoyo kwanje nende echienywe khulwesho mubamanyirisie yabo boosi abafwana bario.
\p
\v 19 Amakanisa ka Asia kabashiesiye Akwila nende Pirisila boosi khandi muMwami halala nelikanisa eliri munzu yabo.
\v 20 AbaKristo bashiefwe abali hano boosi bamushiesiye. Mushiesanie abeene khubeene namashiesio keshiKristayo.
\p
\v 21 Esie Paulo nomukhono kwanje omwene emuhandichira nemushiesia.
\v 22 Omundu yesi oulamuheera Omwami ta, abe neshilamo eshibi. Omwami wefwe yitsa.
\v 23 Obukosia bwOmwami wefwe Kristo bubetsenje ninenyu.
\v 24 Obuheeri bwanje bubetsenje ninenyu muKristo Yesu. Amina.