lks_reg/44-JHN.usfm

\id JHN
\ide UTF-8
\h Yohana
\toc1 Yohana
\toc2 Yohana
\toc3 jhn
\mt Yohana
\c 1
\cl Yohana 1
\p
\v 1 Mukhuchaaka likhuwa lialiho, ne likhuwa liali nende Nyasaye, ne likhuwa liali Nyasaye.
\v 2 Okhurula mukhuchaaka lialinji nende Nyasaye.
\v 3 Okhubirira muye Nyasaye yalonga ebindu biosi ne shibulaho eshindu kata shaloongwa shilaalongwa okhubirira muye tawe.
\v 4 Ne mwikhuwa lino bwalimwo obulamu, ne obulamu niburera obulafu mubandu.
\v 5 Obulafu obwo bwakhaanga mushilima ne eshilima shishinyala okhubwikalira okhwakha tawe.
\p
\v 6 Nyasaye yaruma omundu owalangwa mbu Yohana.
\v 7 Yetsa okhuboolela abandu akobulafu obwo kho mbu abandu boosi bahulire oburume yibwo mana basuubire.
\v 8 Yohana mwene shiali niye obulafu obwo tawe, nebutswa yetsa mbu aboole khukobulafu obwo.
\v 9 Yibo nibwo bwali obulafu bwatooto obwetsa mushialo nibwashilra abandu boosi.
\p
\v 10 Yali mushialo, ne eshialo shialongwa ninaye halali abomushialo shibamumanyirisia tawe.
\v 11 Yetsa mushialoshie, ne habutswa abali abebe beene shibamwinjisia tawe.
\v 12 Ne boosi abamwinjisia nibamusuubililra, yabaheelesia obunyali bwokhuba abaana ba Nyasaye.
\v 13 Abenabo shibayekhola okhuba abaana ba Nyasaye mumelo ndala yabandu bekholelangamwo okhuba abaana babandu tawe. Nyasaye mwene niye Sabwe.
\p
\v 14 Likhuwa elio yekhola omundu ne namenya mwifwe, neefu khwalola oluyalilwe, niyetsulwemwo obukosia nende obwatoto, oluyali olwo nilwo olwa yanyoola shinga omwana omuterwa wa samwana ouli Nyasaye.
\p
\v 15 Yohana yarumbula khuye naboola mbu, "Uno niye owandaboolakhwo mbu yetsanga inyuma wanje nebutswa nomukhongo okhuushira esie shichira yaranjirira okhubaho neshiri okhwibulwa.
\v 16 Okhurula mubwitsulu mwobukosiabwe, yakhulaamilra tsikhabi efwe fwesi ne nukhunyoola ikhabi okhumeta khuyindi.
\v 17 Nyasaye yahana amalako okhubilira mu Musa, nabwo obukoosia nende obwatoto nabihaana okhubilira mu Yesu Kristo.
\v 18 Abulakhwoho owalolakhwo Nyasaye ta habula omwanawe omuterwa ouli shinga Nyasaye tsana, ne ali khulubafu lwa samwana, niye owamufwimbule namanyikha khwifwe.
\p
\v 19 Abemilisi baBayahudi muYerusalemu baruma balala khubasaalisi nende Abalawi khu Yohana okhureeba mbu, "Niwe wina?"
\v 20 Naye Yohana shiyaloba okhukalusia ta. Yeyama habulafu naboola mbu, "Esie shiendi nisie Yesu Kristo tawe."
\v 21 Kho nibamureeba mbu, "Kho niwe wiina? Niwe Eliya noho?" nae Yohana nakalusia naboola mbu, "tawe, shiendi nisie Eliya tawe," Khandi nibamureeba mbu, "Oli omulakusi noho?" Naye nakalusia nababoolela mbu, "Tawe."
\v 22 Nibamureeba mbu, kho khuboolele mbu niwe wina shichira khukhoyire okhukalusiria abakhurumire likalusio. Omwene oboola mbu niwe wina?
\v 23 Naye nabakalusia mbu, "Esie nisie omwoyo okwo oyo oulanjirisinjia mushitsimi mbu mukololosie injira yOmwami shinga olwa kaboolwa nende omulakusi Isaya.
\p
\v 24 Balala khu baFarisaya barumwa.
\v 25 Ne nibamureeba mbu, "Nikali shooli Kristo watsana ta, nohomba Eliya nohomba kata omulakusi ta, kho obatisinjia abandu mbushiina?"
\v 26 Naye Yohana nabakalusia mbu, "Esie embatisinjia abandu nende amatsi, ne aliho ousinjiire hakari mwiinywe owamulamanyire tawe,
\v 27 Naye niye ouletsa inyuma wanje, ne esie shiengwanire kata okhubolola emikoye chiebilarobie tawe."
\p
\v 28 Amakhuwa yako kekholeshera Betsania ebukwe womwalo kwa Yorodani ewa Yohana yali nabatisinjia abandu.
\p
\v 29 Inyanga yalondakhwo Yohana yalola Yesu niyeetsanga ewa yali ne naboola mbu, "Lole ouli shinga eshimeeme shielikondi shia Nyasaye ourusiaho obwonooni ngwoyo!
\v 30 Omwenooyo niye owandaboolaakhwo olwandabola mbu aliho owitsaanga munyuma wanje, ne nomukhongo muno okhushira esie shichira yalinjiho esie neshiri okhwibulwa."
\v 31 Nasi shindali nindamumanya mbu ni wiina ta nebutswa ndetsa embabatisie namatsi mbu amanyishe khu abandu ba Isiraeli.
\p
\v 32 Mana Yohana narumbula akobuloli naboola mbu, "Ndaluutsi Roho okhurula mwikulu niyeekhanga shinga lihusi namuyeerakhwo.
\v 33 Nasi nindalamanya mbu niye tawe. Nebutswa Nyasaye owaaruma okhubatiisia namatsi yali niyambolela mbu, "olwa wakhalole Roho niyeekhanga hasi nayeera khuye, omwene oyo niye oubatisia nende Roho Omutakatifu.
\v 34 Esie emalile okhumulola ne emuboolela mbu niye Omwana wa Nyasaye.
\p
\v 35 Inyanga yalondakhwo Yohana yali nasinjiire halala nende babiri khubeechibe.
\v 36 Olwa yalola Yesu nabirangaho yaboola mbu, "Lole! ouli shinga eshimeme shielikondi lia Nyasaye ngwoyo!"
\v 37 Abeechi babiri yabo bamuhulira olwayaboola, ne nibalonda khu Yesu.
\v 38 Yesu nashukhana nalola nibamulondangakhwo ne nabareeba mbu, "mukhabanga shiina?" Nabo nibakalusia nibamureeba mbu, Rabi, omenyere hena?
\v 39 Nababoolera mbu, "Yitse mulole, nibatsia ninaye, nibalola ewa yali namenyire nibahoonga ninaye inyanga eyo yoosi, yaho tsiali hambi tsisa ikhumi.
\p
\v 40 Mulala khu abahulila aka Yohana yaboola ne nalonda khu Yesu yali Andereya owali omusiani wabwe Simoni Petero.
\v 41 Yatsia bwangu nanyoola omusiani wabwe oulangwa mbu Simoni ne namuboolela mbu, Khunyoolire Masihi.
\v 42 Mana narera Simoni khu Yesu. Yesu nammuhenga ne naboola mbu, niwe Simoni omwana wa Yohana, nebutswa bulano olalangwa mbu, 'Kefa' (nilio Petero Mulugiriki) eshisina mbu olwanda.
\p
\v 43 Inyanga yalondakhwo eGalilaya, yamunyoola Filipo, ne namuboolela mbu nondakhwo.
\v 44 Filipo huyo yarulanga mwitookho lia Bethsaida ewa Andereya nende Simoni bali nibamenya.
\v 45 Filipo naye natsia nanyoola Nathanieli namuboolera mbu, khwamunyoolire omwenoyo owa Musa yahandikakhwo mushitabu shiamalako khandi owabalakusi bahandikakhwo amakhuwake. Niye Yesu Omwana ya Yusufu okhurula eNazareti.
\v 46 Naye Nathanieli namureeba mbu, shilikhwoyo shiosi shiosi eshilayi eshiakharula eNazareti? Naye Filipo namukalusia naboola mbu, "Yitsa olole."
\v 47 Ne olwa Yesu yalola Nathanieli niyetsanga yaboola khuye mbu, omuIsraeli watoto ngwoyo, shialikhwomwo obubatsa bwosi bwosi tawe!
\v 48 Natsanieli namureeba mbu, wuumanyire orie? Naye Yesu namukalusia naboola mbu, ekhuluutsi niwikhaale hasi womukhuyu Filipo nashili okhukhulanga.
\v 49 Mana Natsanieli namukalusia naboola mbu, "Omwechesia toto oli Omwana wa Nyasaye? Neywe Omuruchi wa Isiraeli!
\v 50 Yesu namuboolera mbu, Wusuubira shichira ekhuboleere mbu ekhuluutsi noli hasi womukhuyu? Witsa okhundola nekhola amakhuwa amakhongo po akayomba yiro!
\v 51 Mana Yesu namuboolera mbu, Ekhuboolera obwatooto: mbu wakhalole likulu nilikuushe ne abamalaika ba Nyasaye nibatukulukhanga nende okhukholomokha khuMwana womundu.
\c 2
\cl Yohana 2
\p
\v 1 Ne inyanga yakhataru, eshiserero shialiho eKana ya eGalilaya; ne naye nyinamwana Yesu yaliho.
\v 2 Ne Yesu halala nende abeechibe bali nibalanjirwe mushiserero.
\v 3 Ne olwa beenya idivai yali niweere, nyinamwana Yesu yetsa namuboolela mbu, "babula idivai."
\v 4 Naye Yeyu namukalusia mbu, "Mukhasiiwe, oli oriena ninasi, ebise bianje bishiri okhuula."
\v 5 Nyina Yesu naboolela abakhalabani abo mbu, "mukhole liosi eliamuboolera."
\v 6 Ne tsialiho tsisiongo tsisasaba tsiali tsiliho ne buli ndala yali amatepe kabili nomba kataru. Tsiali tsirenjekhwemo khulwa omulukha okwa abaYahudi okwokhwisiiya.
\v 7 Mana Yesu nababoolera mbu; mwitsusie tsisiongo tsino amatsi, mwitsusie okhuula khululika.
\v 8 Ne nababoolera, "Tayekhwo amatsii muyilire ousinjilile lisabo," mana nibamuyilira amatsi ako.
\v 9 Ne olwa yali natsanzamirekhwo, akali nikekholile idivai, naye shiyamanya ewa idivai eyo yali niyirulire tawe, nebutswa abakhalabani bali nibatayile amatsi ako, bali nibamanyile, kho nibalanga mwene eshisesero.
\v 10 Ne namuboolela mbu, "buli mundu aranjiriranga okhurenjekha idivai indayi ne olwa abacheni baba nibamalire okhunywa inyinji olunyuma bareera eyilali indayi muno tawe. Nebutswa iwe obishire idivai indayi okhuula bulano."
\v 11 Yesu yakhola eshilolero shiamakana eshio mwitookho lia Kana muGalilaya, nalolesiria habwene yaho oluyalilwe nabo abeechibe nibamusubira.
\p
\v 12 Ne olunyuma lwa kano yarula natsia eKaperinaumu, ye nende nyinamwana nende abaana baabwe nende abeechibe, ne nibalamenyayo tsinyinyanga tsinyinji tawe.
\p
\v 13 Ne inyanga yelisabo lia Pasaka lia abaYahudi yali niyili ahambi okhuula, kho Yesu natsia Yerusalemu.
\v 14 Ne muhekalu omwo yanyoolamwo nibakusinjia tsing'ombe, amakondi nende amakuuku yanyoolamwo khandi abakalukhasi ba amapesa boosi nibekhalemwo nibakholanga obukhala bwabwe.
\v 15 Mana nakaasia omusherati kwetsikhoba nabaloonda boosi halala nende amakondi netsing'ombe tsiabwe okhurula muhekalu, nasalaasia amapesa akokhubafunjia abo khandi nafumamia tsimeesa
\v 16 Khandi yayibira abandu bakusinjia amahusi abo nababoolera mbu, "Rusie muno ebindu bino! Shimulakhola inzu ya Papa okhuba eyokhukholelamwo obukhala tawe.
\v 17 Abeechibe nibetsulira amahandiko shinga olwa kabola, "Nyasaye obuheeli bwanje munzuyo busambanga mwisie shingana omuliro."
\p
\v 18 Kho abandi khuBayahudi nibamureeba mbu, neshilolero shiina eshiamakana shionyala okhukhola khulwa okhumanya mbu Nyasaye yakhuheresia iwe obunyali bwokhukhola akokholire yako?
\v 19 Naye Yesu nabakalusia mbu, "Likulule ihekalu ino nasi ndilachiumbakha khutsinyanga tsitaru."
\v 20 Kho abaYahudi nibamuboolela mbu, ihekalu yino yombakhwa khulwa emihika amakhumi kane nachisasaba, nawe oboolanga mbu onyala okhuchiumbakha khutsinyanga tsitaru tsionyene.
\v 21 Nebutswa ihekalu eyayaboolangakhwo kwali omubilikwe.
\v 22 Kho olwa yali nalamusiibwe okhurula mubafu, abeechibe betsulira mbu yali naboolerekhwo amakhuwa yako. Nibasuubila amaandiko nende aka Yesu yali naboolire.
\p
\v 23 Ne olwa yesu yali nali Yerusalemu tsinyanga tsia Pasaka, abandu abanji nibasuubilila muye olwa balola akamakana akayakhola.
\v 24 Nebutswa Yesu shiyali nabasuubilile ta shichila yali niyabamanya bosi pe.
\v 25 Kata shiyayenyakhwo mbu omundu yesi yesi amurumbulile akali mubandu yabo ta, shichira ye mwene yali namanyire akali mumioyo chiabwe.
\c 3
\cl Yohana 3
\p
\v 1 Yaliho omundu Omufarisayo owalangwa mbu Nikodemo, Omuruchi owaBayahudi.
\v 2 Oyo yetsa khu Yesu Mushiro namuboolera mbu, "Rabi, khumanyire shinga olwa oli Omwechesia owa Nyasaye yaruma shichira shialiho Omundu yesi yesi ounyala okhukhola amangalimwa kokholanga narali Nyasaye ouli halala ninaye.
\v 3 Yesu namukalusia namuboolera mbu, "Ekhuboolera tooto mbu, Omundu nalebulwa obuyia shalinyala okhulola Obwami bwa Nyasaye ta.
\v 4 Naye Nikodemo namureeba mbu, Omundu anyala okhwibulwa arie obuyia nali omukofu, anyala tooto okhukalukha munda mwa nyinamwana, mana yebulwe khandi obuyia noho?
\v 5 Yesu nakalusia naboola mbu, "Ekhubooleranga tooto mbu, Omundu nalebulwa khulwa amaatsi nende Roho shanyala okhwinjira Mubwami bwa Nyasaye ta.
\v 6 Shilia eshibulwa mumubiri nishiomubilri, ne shilia eshiebulwa muRoho ni Roho.
\v 7 Olahuka shinga olwa ekhuboolere mbu wibulwe obuyia ta.
\v 8 Omuyeka kuhutsanga ewakwenya ne nawe nohulira oluyoka lwakwo, nebutswa shiomanya ewa kurula kata ewakutsia tawe. Nilwo ali buli mundu owibulwa khulwa Roho.
\v 9 Nikodemo nakalusia namureba mbu, amakhuwa yako kanyalikha karie?
\v 10 Yesu naye nakalusia namubolera oli Omwibaali wabaIsiraeli, ne shomanyire amakhuwa kano ta?
\v 11 Ekhuboolera tooto mbu khuboolanga khukakhumanyire nikhurumbula akobuloli khukenako akakhwalutsi. Nenyu shimufuchiliranga obuloli bwefwe tawe.
\v 12 Ne kakhaba emuboolele amakhuwa keshinashialo nimurasubira ta, mulasubira murie nemuboolera akomwikulu?
\v 13 Ne abulaho owakulukha natsia mwikulu, ne halali owekha okhurula mwikulu nali Omwana wa Nyasaye.
\v 14 Ne shinga olwa Musa yachinguula Inzokha mushiangalamwe, nendio Omwana womundu akhoiyire okhuchinguulwa ario.
\v 15 Kho mbu Omundu yesi oumusubilira shialatiba ta, halali abe nobulamu bweinziayo.
\p
\v 16 Okhuba Nyasaye yaheera muno eshialo okhula khukhuhaana Omwanawe omuterwa mbu Omundu yesi oumusubira aleshe okhukora habula abe nende Obulamu obweinziayo.
\v 17 Okhuba Nyasaye shiyaruma Omwanawe mushialo okhukhalachira abomushialo eshiina ta, habula mbu abe Omuhonia womushialo
\v 18 Ne mbu ulia oumusubira shiakhalachirwa eshiina ta, nebutswa oulamusubira amalire okhukhalachirwa eshiina shichira shiasubire Mulira elia Omwana wa Nyasaye tawe.
\v 19 Ne obukhalachi bwatsana nibwo buno, mbu Obulafu bwa Nyasaye bwetsa Mushialo, nebutswa abandu baheera eshirima okhushira obulafu obwo shichira ebiima biabwe nebimayanu.
\v 20 Okhuba buli mundu yesi oukholanga kobumayanu shiyenyanga Obulafu ta khandi shiasuta ahambi ninabwo ta okhuba ebikholebie ebimayanu bilalolekha habulafu.
\v 21 Ne oukholanga akatoto yetsanga mubulafu, kho mbu ebiimabie bifimbulwe shinga olwa biakholerwa muNyasaye.
\p
\v 22 Olunyuma lwamakhuwa yako Yesu nabeechibe batsia Mushibala shiabaYahudi nahongayo halala ninabo nabatisinjiayo.
\p
\v 23 Naye Yohana yesi yali nabatisinjia ebweneyo eAyenoni ahambi nende eSalimu okhuba khwali nende amatsi amanji ebweneyo. Ne nibetsa ne nibabatisibwa.
\v 24 Okhuba Yohana yali nashili okhureebwa mumboye.
\v 25 Ne amayinje nikabuukha hakari wabeechi ba Yohana nende abaYahudi khumakhuwa kobwisiiyi.
\v 26 Ne nibatsia ewa Yohana, nibamuboolera mbu, Rabi, omwenoyo owa wali ninaye injelekha weYorodani, owawarumbula akobuloli khuye, lola Omundu tsana abatisinjia, ne abandu boosi bamutsitsangakhwo.
\v 27 Yohana nakalusia naboola mbu, Omundu shianyala okhunyoola eshindu shiosi nalaherwe okhurula mwikulu ta.
\v 28 Inywe abeene muli abaloli banje khu aka ndaboola mbu, shiendi nisie Kristo mwenoyo ta habula ndarumwa okhumuranjilira.
\v 29 Mwene shiselero niye oubetsanga mwene Omweya, ne Omwitsa wa mwene shiselero asinjirangaho namurecheresia ne yekhoyanga muno olwa ahulila omwoyo kwa mwene shiselero. Niko akachira okhwikhoya khwanje khuno nikhusibwa khurio.
\v 30 Ye akhoyire okhumetekha ne nasi ekhoyile okhuwelelera.
\p
\v 31 Oyo ourula mwikulu ali ikulu wa biosi, ne ouli mushialo abetsanga oweshialo khandi aboolanga khukeshialo, nebutswa ourula mwikulu abetsanga ikulu wa biosi.
\v 32 Akayaalutsi nende okhuhulira, niko akarumbulanga ne abulaho oufuchilira oburumebwe ta.
\v 33 Ne butswa owafuchilira oburumebwe amanyisia okhukhola ario mbu Nyasaye noWatokto.
\v 34 Shichira omwenoyo owa Nyasaye yaruma, aboolanga amakhuwa aka Nyasaye okhuba shiahanaanga Roho khushichero ta.
\v 35 Samwana Omwana yaheela Omwanawe ne nara ebindu biosi hasi wobunyalibwe.
\v 36 Ousubiliranga Omwana oyo ali nobulamu obweinziayo, ne oulamuhulila Omwana ta shianyolakhwo obulamu ta ne oburima bwa Nyasaye buba khuye.
\c 4
\cl Yohana 4
\p
\v 1 Kho olwa Omwami yamanya shinga olwa abaFarisayo bali nibahulile mbu Yesu abakhola abandu abanji okhuba abeechi nende okhubabatisia okhushira Yohana,
\v 2 Habula Yesu mwene shiyabatisinjia ta halali abeechibe;
\v 3 Yarula ebuYahudi nakalukha natsia eGalilaya.
\v 4 Ne bali nibakhoyere okhubilira muSamaria.
\v 5 Kho yola khwitaala lindi lia Samaria elilangwa mbu sikari ahambi nomukunda kwa Yakobo yaheelesia Yusufu omwanawe.
\v 6 Ne Isebere ya Yakobo yali habwene yaho. Kho mana Yesu, nahenderanga oluchendo, yekhala butswa hasebere, yali shinga isaa yakhasasaba.
\v 7 Mana omukhasi wundi omuSamaria niyetsa okhutaya amaatsi. Yesu namusaba, "umbekhwo amatsi enywe,"
\v 8 Okhuba abeechibe bali nibatsiire mwitaala okhukula ebiokhulia.
\v 9 Ne omukhasi omusamaria namureeba mbu, "Kali karie eywe omuYahudi okhusaba esie amatsi ne endi omukhasi omuSamaria? okhuba abaYahudi shibanywererananga amaatsi nende abaSamaria ta."
\v 10 Naye Yesu namukalusia mbu, "Niwakhamanyire eshihanwa shia Nyasaye nende oukhusabanga amatsi shinga olwa ali, khane nawe yakhakhuheelesiye amatsi." amalamu.
\v 11 Omukhasi oyo namukalusia mbu, "Omwami, kata eshiokhutayira obula khandi liyabo lili hasi muno kho olarusia hena amaatsi amalamu?
\v 12 Eywe oyomba kuka wefwe yakobo owakhuheelesia liyabo lino, omwene nanywamwo nende abaanabe nende emirukochie "
\v 13 Yesu namukalusia mbu, buli mundu ounywakhwo khumaatsi kano, obulo bulamulia khandi;
\v 14 Ne omundu yesi ounywa khumaatsi akandalamuheelesia, obulo shibulamulia khandi tawe ne amaatsi yako aka emuheelesiye kalaba muye isebere eya amaatsi akafutukha okhurula khubulamu bwomumeri.
\v 15 Omukhasi oyo namuboolera mbu, Omwami umbekhwo amaatsi yako, kho mana obulo buleshenje okhundia kata endeshe okhwitsanga hano okhutaya.
\p
\v 16 Yesu namukalusia mbu, "Tsia olanje omusaatsawo mwitse ninaye."
\v 17 Omukhasi oyo nakalusia namuboolera mbu, shiendi nende omusaatsa ta. Yesu namuboolera mbu, onyalile noboola mbu shioli nende omusatsa ta.
\v 18 Okhuba wateshibwa nabasaatsa barano ne kata owa oli ninaye bulano shialiye omusaatsawo tawe, oboolile habwene.
\p
\v 19 Naye omukhasi oyo namuboolela mbu, Ndakhalola mbu oli Omunabii.
\v 20 Abakuuka befwe benamiranga Nyasaye Mushikulu shino, nenyu abaYahudi muboola mbu Yerusalemu nimwo omwa abandu bakhoyere okhumwinamira.
\v 21 Yesu namuboolela mbu, "omukhasi iwe suubira esie, mbu eshise shiitsanga eshia shimulamwinamira papa-mushikulu nohomba muYerusalem tawe
\v 22 Enywe mwinamiranga eshia mulamanyire tawe, efwe khwinamiranga eshia khumanyire shichira obuhonia burula khubaYahudi.
\v 23 Nebutswa eshise shiitsanga ne bulano shiulire eshia abamwinamiranga mubwatooto balamwinamira Papa muRoho nende mubwatooto; okhuba Papa akhaaba shinga yabo bamwinamire.
\v 24 Nyasaye ni Roho ne abamwinamira bamwinamira muRoho nende mubwatooto.
\v 25 Ne omukhasi uyo namubolera mbu, emanyire mbu Masihi ouli Kristo olwa aliitsa alikhuboolera kosi.
\v 26 Yesu namuboolera mbu, "Esie uboolanga ninawe, ESIE NISIE."
\p
\v 27 Habwene yaho abeechibe nibeetsa, ne nibabulula mbu aboola arie nende omukhasi uno, nebutswa yabulaho owareeba mbu "wenya shiina." kata mbu, "osungananga nende wina," tawe.
\p
\v 28 Mana omukhasi oyo nalekha isiongoye ne nakalukha mwitaala nababoolela abandu mbu,
\v 29 Yitse mulole omundu umbooleere kosi akandakhola, shiali niye Kristo watsana?
\v 30 Nibarula mwitaala nibatsia ewa yali.
\p
\v 31 Olunyuma lwene abeechibe nibamusaaya nibaboola mbu, "Rabi yitsa olie." Naye
\v 32 nababoolera mbu, "Endi nende ebiokhulia ebiamulamanyirekhwo ta."
\v 33 Ne abeechibe nibaboolerana mbu, oundi akhamulerere eshiokhulia noho?"
\v 34 Yesu nababoolera mbu, ebilibwa bianje nibio okhukhola aka owaruma yeenya nende okhumalirisia emilimochie.
\v 35 Enywe shimuboolanga mbu chishiri emiesi chine nelichesa liitsa, lole ebaboolera mbu, chinguule tsimoni tsienywe mana muhenje mumikunda mbu chimalire okhuba nichitushire lichesa.
\v 36 Ouchesa alia omushara nakhung'asia ebiamo okhuula khubulamu bwobumeli mbu mana ouraka nende ouchesa bekhoyere halala.
\v 37 Shichira mukene yako oluchero lutuukha mbu mulala araaka noundi achesa.
\v 38 Ndamurumire okhuchesa ebia mulanyakhanira ta, abandi nabanyakhana ne nenyu mwayenjiire mukhunyakhana khwabwe.
\p
\v 39 Ne abaSamaria abanji abarula mwitaala omo bamusuubira okhulwa likhuwa liomukhasi oyo.
\v 40 Kho olwa abaSamaria bamwitsira mamwisaaya mbu nayanza yekhalekhwo ninabo. Naye niyekhala ninabo tsinyanga tsibili.
\v 41 Mana abanji khubo bamusuubilira khulwa amakhuwake.
\v 42 Nibamuboolera omukhasi oyo mbu, bulano khusuubire ne shiili khulwa okhuboolakhwo ta okhuba efwe abeene khuhulire ne nikhumanya mbu toto mwene uno niye omuhonia weshialo shiosi.
\p
\v 43 Olunyuma lwetsindaalo tsibili, yarula natsia eGalilaya.
\v 44 Okhuba Yesu mwene yaboola mbu omunabii shialikhwo nende oluyali mushialo shiabwe ta.
\v 45 Ne olwa yoola eGalilayo, abaGalilaya nibamwinjisia shichira bali nibaluutsi akayakhola eyeYerusalemu khwisabo yiro shichira bosi bali nibatsiire mwisabo.
\v 46 Mana niyoola khandi Kana muGalilaya, ewa yakalukhasia amatsia okhuba idivai ne yaliho omukhulundu wundi owelitookho, owa omwanawe yalwalira eKaperinaumu.
\v 47 Ne olwa yahulira mbu Yesu wiinjirie mu Galilaya yatsia ewa yali namusaaya mbu atsie amuhonie omwanawe okhubera yali nali ahembi okhufwa.
\v 48 Ne Yesu namuboolera mbu ne mulaluutsi ebilolero biekholere shimulasuubira kata nahatutu tawe.
\v 49 Omundu oyo namuboolera mbu Omwami, kholomokha omwana wanje nashiiri okhufwa.
\v 50 Naye Yesu namukalusia mbu tsia butswa omwanawo nomulamu. Omundu oyo nasuubira likhuwa elia Yesu yamuboolera "tsia butswa."
\v 51 Ne olwa yali natsitsanga, abasumbabe bamwakanira nibamuboolera bari omwanawe nomulamu.
\v 52 Kho niyenya okhumanyirisia okhurula khubo mbu nelisaa shiina elia achachire okhusosa? Ne nabo nibamukalusia mbu mukoloba khu saa yomunane olwa yaleshele okhurenga.
\v 53 Mana samwana namanya mbu neisaa yatsana olwa Yesu yamuboolera mbu omwanao nomulamu, ye mwene nasuubira halala nende abomunzuye bosi.
\p
\v 54 Shino nishio eshilolero shiakhabili eshia Yesu yakhola narulile ebuYahudi niyenjire muGalilayo.
\c 5
\cl Yohana 5
\p
\v 1 Ne olunyuma lwamakhuwa yako, lisabo lindi liabaYahudi lialiho, Yesu natikulukha eYerusalemu.
\v 2 Ne ebweneyo, ahambi neshiribwa shiamakondi khwali nende litiba elilangungwa mushihebrania mbu Bethezatha nalio liri nende emiliango chirano.
\v 3 Mana mukarii mwenomo khwali nende abalwale abaanji nibakoneremwo, abalenyalila tawe; ababofu, abalema, nende abafwokoya nibalindiriranga amatsi okhutubukha.
\v 4 Shichira khwali nende ebise ebia malaika kekhanga, nikenjira mwitiba elo mana katubule amaatsi, ne ulia owinjiramwo wokhuranga amaatsi nikakhatubulwa, alahona amalwale koosi akaali ninako.
\v 5 Ne yaho khwali nende omundu owali nalenyalilra tawe khubise biemiaka amakhumi kataru nende munane.
\v 6 Ne olwa Yesu yamulola nakonere, naye namanyirisia mbu yakhaba habundu yaho oluhono, ne namureeba mbu wenya okhuhona?
\v 7 Omulwale ulia namukalusia mbu, "Omwami, esie shendi nende omundu onzinjisia mwitiba ta olwa amatsi kaba nikatubuulwa, ne olwa embatsanga mbu ndinjiremwo, ne oundu yaranjirira lwangu.
\v 8 Yesu namuboolela mbu, Sinjira witushe omukothoro kukwo mana otsie."
\v 9 Mana omundu uyo namala naba nobulamu, niyetuukha omukothorokwe natsia ne inyanga eyo yali Isabato.
\v 10 Ne khulwesho abaYahudi nibamuboolera owali namalire okhuhona mbu, Luno nisabato, neshichira shibuli obulayi eyiwe okhwituukha omukothoro kukwo ta.
\v 11 Nabalakusia mbu ulia umbonie niye khandi umboolere mbu wituukhe omukothoro kukwo mana otsie.
\v 12 Mana nibamureba mbu, "Oukhuboolere mbu wituushe mana otsie ni wina?"
\v 13 Halali omundu wahona shiyamumanya owamuhonia tawe, shichira Yesu yalikhwo ehale ninaye khulwa abandu baliho abanji.
\p
\v 14 Ne olunyuma lwa yako Yesu yamala namunyoola muhekalu, namuboolera mbu, "lola, oli omulamu bulano, shiolakhola tsimbi khandi tawe mbu likhuwa libi lileshe okhunyoola."
\v 15 Omundu uyo namala natsia mana naboolera abaYahudi mbu ni Yesu owakhola okhuba omulamu.
\v 16 Mana khulwa yako abaYahudi bamusandia Yesu shichira yakhola yako inyanga yeisabato.
\v 17 Naye Yesu nabakalusia mbu, "Papa wanje akholanga emilimo okhuula ebise bino, nasi sesi ekholanga."
\v 18 Mana khulwa yako abayahudi nibatsiririra okwenya okhumwira, shichira shiafinaka tsa isabato tawe, halali halala nende akene yako yamulanga Nyasaye mbu Papa wuwe, niyekhola okhuyerana nende Nyasaye.
\p
\v 19 Naye Yesu nabakalusia nababoolera mbu, "Obwatoto ebabolera, Omwana shinyala okhukhola likhuwa omwene ta, halali lilia elialutsi Papa wuwe nakholanga, shichira koosi akakholanga ye niko khandi komwana akhola ario.
\v 20 Shichira Papa yamuhela omwana, naye mumanyia koosi akaye akholanga omwene, naye yetsa okhumumanyia emilimo emikali okhushira chino mbu munyale okhuhuchisibwa.
\v 21 Shichira shingana olwa Papa abasimulukusia abafu nende okhubakhola abalamu nindio shinga omwana ababusia balia abayenyere.
\v 22 Khandi Papa ayaasia shiabuli mundu halali ahelesia omwana obuyaasi bwosi.
\v 23 Mbu shiabuli mundu amuheresia omwana oluyali shinga olwa baheresia Papa. Ne oulamuheresia omwana oluyali ta, shiamuheresinjia samwana owamuruma oluyali tawe.
\v 24 Obwatoto ebaboolera mbu yesi yesi oulira likhuwa lianje mana asuubire owaaruma, alinende obulamu obweinziayo, khandi shiyenjira mushiyaasio tawe, halali amalire okhurula mwifwa okhuula mubulamu.
\p
\v 25 Obwatoto ebaboolela mbu, "ebise bitsaanga, ne bulano biulire, olwabafu betsa okhuhulira oluyoka olwa omwana wa Nyasaye, ne balia abalahulira betsa okhuba abalamu.
\v 26 Shichira shingana olwa Papa ali nobulamu mumwoyo kukwe, nendio khandi shinga olwayaheresia omwana obulamu mumwoyo kukwe.
\v 27 Naye namuheelesia alilachirisia eliokhukhola obuyaasi shichira ye nomwana wa Adamu.
\v 28 Murahuchisibwe nende amakhuwa yako tawe, shichira ebise bitsanga, ebia balia boosi abali mubilindwa betsa okhuhulira okhulanjirisia khwe,
\v 29 Nabo betsa okhurula, balia abakhola amalai khubusimulukusi bwobulamu. Ne balia abakhola amabii khubusimulukusi bweeshiyaasio.
\v 30 Esie shienyala okhukhola likhuwa esie omwene ta, Shinga olwa ehulila nilwo olweyaasia, ne eshiyasio shianje nishiobulunjishi, shichira shikhabanga elienya lianje omwene ta, halali elienya lia ulia owaruma.
\p
\v 31 Esie nindirusiria obuloli omwene, obuloli bwanje shibuli bwatoto tawe.
\v 32 Khuli nende oundi ourusirinjia obuloli, nasi emanyire mbu obuloli bubwe bwainia nobwatieri.
\v 33 Enywe mwaruma abandu khu Yohana naye nayinia obuloli bwatoto.
\v 34 Halali esie shembukula obuloli okhurula khubandu ta, halali emboola kano mbu munyole okhuhonibwa.
\v 35 Yohana omubatisi yali itaya eyakhanga nende okhwang'ang'a nenyu mwachama obulafu bubwe khubise.
\v 36 Halali obuloli bwendi ninabwo nobukhongo okhuyomba obwa yohana, shichira emilimo chia Papa yamberesia mbu ekhole, nichio echekholanga, nachio chiinia obuloli khuisie mbu Papa yaruma.
\v 37 Naye Papa owaruma ayinia obuloli khuisie, enywe shimwahulirakhwo omwoyo kwe, kata okhumulolakhwo omwene tsindalo tsiosi ta.
\v 38 Khandi likhuwa lilie shilili mwinywe ta shichira enywe shimusuubiranga ulia owayaruma ta.
\v 39 Muhenga mumahandiko shichira muparanga mbu khulimwo nende obulamu obweinziayo, ne yako niko akayinia obuloli khuisie.
\v 40 Khandi shimwenya okwiitsa khwisie munyole obulamu tawe.
\p
\v 41 Esie shenyoolanga oluyali okhurula khubandu ta;
\v 42 Halali ndamanya mbu mubula obuheli bwa Nyasaye muinywe tawe.
\v 43 Esie nditsire khuliira elia Papa wanje halali enywe shimwainzinjisia ta,
\v 44 Munyala muriena okhusuubira enywe abeyama oluyali olurula khubashienywe? ne oluyali lurula khu Nyasaye shimunyala okhukhaaba ta.
\p
\v 45 Shimulapara mbu esie nditsa okhubabuula khu Papa tawe, halali aliho oubabuulanga khu Nyasaye khandi niye Musa owamwasuubilira.
\v 46 Shichira mulasubira Musa, mwakhasuubire isie, shichira niye owahandika amakhuwa kanje.
\v 47 Ne nimuba nimulasuubira amahandiko keke ta, mulasuubira muriena amakhuwa kanje?
\c 6
\cl Yohana 6
\p
\v 1 Olunyuma Olwa yako Yesu yamala natsia injerekha olubeka lwa eGalilaya, eya omwalo kwa Tiberia.
\v 2 Mana abaandu abanji nibamulondakhwo, shichira balola ebikhole ebikhongo ebiayabakholera abalwale.
\v 3 Naye Yesu naniina khushikulu ne niyekhalayo nende abeechibe.
\v 4 Mana Ipasaka inyanga ingali eyaBahudi, yali niyulire.
\v 5 Yesu olwa yachingula tsimoni tsie ne nalola abandu abaanji nibamwitsiranga, ne nareeba Filipo mbu, "nikhukule hena emikate bano banyole okhulia?"
\v 6 Ne yareeba ario khulwa okhumuteema shichira yali namanyire omwene ishiayetsa okhukhola.
\v 7 Filipo namukalusia ari, emikate chietsitinari tsimia tsibili shichinyala okhubahera mbu, buli shia mulala anyolekhwo shititi ta.
\v 8 Ne mulala khubeechibe mbu Andereya, Omusiani wabo Simoni Petero namuboolera mbu,
\v 9 "aliho Omwana ali nende emikate chirano nende tsinyeeni tsibiri, halali shino ni shiina khubandu bano bosi?"
\v 10 Yesu naboola mbu, "ikhasie abaandu hasi, ne bwaliho obunyali obunji abwene yaho, kho abasaatsa nibekhala hasi abayera tsielefu tsirano boosi halala.
\v 11 Mana Yesu nabukula emikate chilia, nakhupa orio, mana nabakabulira abali nibekhale, natsio tsinyeeni shinga olwa behulira.
\v 12 Ne olwa bali nibeekure, yaboolera abeechibe mbu buunjeresie ebitonye biosi shilatomg'akhwo eshindu shiosi tawe.
\v 13 Mana nibabunjeresia ebimwero ekhumi nende bibili, ebitonye biemikate biali nibitoonyere khubiabali nibaliire.
\p
\v 14 Mana abaandu yabo olwa balola eshilolero eshia yakhola, baboola mbu tooto uno niye Omunabii owetsa mushialo.
\v 15 Mana Yesu namanyirisia mbu bali nibetsere okhumutiira mbu kho bamukhole okhuba Omuruchi, yarula khandi natsia khushikulu yenyene.
\p
\v 16 Ne olwa khwola khulukoloba, abeechibe bakholomokha nibatsia khumwalo.
\v 17 Nibenjira muliaro nibachaaka okhwambukha batsia eKaperinaumu, ne bulano eshiro shiali shiakhenjira, naye Yesu yali nashiili okhuboolakhwo.
\v 18 Nako amatsi nikatuubukha khulwa omuyeka omunji okwachaka okhuhutsa
\v 19 Ne olwa bali nibakhafuka eliaro shinga tsimailo tsitaru tsine, balolaYesu nachendanga khumatsi, niyeetsanga ahambi ninabo, ne nibaria muno.
\v 20 Naye nababoolera mbu, mularie tawe, nisie.
\v 21 Mana nibamwinjisia muliaro ne olwenolo eliaro niliula khulukuku habali nibeenyanga okhuula.
\p
\v 22 Inyanga yakhabiri, omukaanda kwali nikusinjire olucherekha womwalo, balola mbu eliaro lindi shilialiho tawe, habula elala lionyene; khandi Yesu shiyenjila muliaro elo nende abeechibe ta, halali batsia bonyene.
\v 23 Halali ketsa amaro kandi okhurula Tiberia niketsa ahambi nende habundu wabaliira emikate olwa Omwami yakhupa orio.
\v 24 Mana omukanda olwa kwalola mbu Yesu shialiho ta, kata abeechibe ta, beenjira muliaro abeene, nibatsia eKaperinaumu nibamukhabanga Yesu.
\p
\v 25 Ne olwa bamulola olucherekha lwomwalo bamureeba mbu, "Rabi, ewe wetsire hano lina?"
\v 26 Yesu nabakalusia naboola ari, "obwatoto ebaboolela mbu, enywe shimukhabanga khulwa ebilolero tawe halali khulwa mulia emikate nimwikura."
\v 27 Mulakholera emilimo ebiokhulia bisasikhanga tawe, halali eshiliibwa eshibetsangao eshiomwana waAdamu yetsa okhubaheresia, shichira niye owarebwakhwo eshibalikho nende Papa, yaani Nyasaye.
\p
\v 28 Mana nibamureeba mbu, khukhole khuriena khokhunyale okhukhola emilimo chia Nyasaye?
\v 29 Yesu nakalusia nababoolera mbu kuno nikwo omulimo kwa Nyasaye mbu mumusuubilire ulia owaye yaruma.
\v 30 Ne nibamureeba mbu, neshilolero shiina eshia okhola khulole mana khukhusuubire?
\v 31 Abakuuka befwe balia amana mushiangalamwe shinga olwa kahandiikwa, "mbu Yabaheresia eshiokhulia shio Mwikulu mbu balie."
\p
\v 32 Yesu nababoolera mbu, obwatoto ebaboolela, shiali Musa owabaheresia eshiokhulia shiomwikulu tawe, halali Papa wanje abaheresia shiokhulia eshiobwatieri eshirula mwikulu.
\v 33 Shichira eshiokhulia shia Nyasaye ni shilia eshikhaanga okhurula mwikulu nende okhuheresia eshibala shiosi.
\p
\v 34 Mana nibamuboolera mbu, Omwami; tsinyanga tsiosi khweresie eshiokhulia shino.
\v 35 Yesu nababoolera mbu, "Nisie eshiokhulia eshiobulamu, yesi owitsa khuisie shieyetsa okhuba nende inzala tawe, ne yesi ousuubira shiyetsa okhuhulira obulo tawe.
\v 36 Nebutswa ndababoolera mbu, mwandola halali shimusubira tawe.
\v 37 Bosi aba Papa yamberesia betsa khwisie khandi yesi yesi owitsa khwisie, shinditsa okhumusukuna elwanyi tawe.
\v 38 Khulwa okhubeera mbu esie shindayekha okhurula mwikulu mbu ekhole akelienya lianje tawe halali akaulia owaruma.
\v 39 Mana elienya lia ulia owaruma ndielino mbu, khu boosi abayamberesia endeshe okhukosia kata mulala khubo ta, habula mbu ebalamusie khunyanga yobumalilishi.
\v 40 Khulwa lienya lia Papa ndielino mbu, yesi oumuhenga omwana namusuubila abe nende obulamu bweinziayo, nasi nditsa okhumusimulukusia inyanga yokhumalilikha.
\p
\v 41 Mana abaYahudi babuluula shichira yaboola mbu nisie eshiokhulia shiekha okhurula mwikulu.
\v 42 Nibaboola mbu uno shali Yesu, omwana wa Yusufu, owakhumanyire Papa nende mama wuwe, kho aboolanga arie bulano mbu ndekha nirula mwikulu.
\v 43 Mana Yesu nakalusia nababoolela mbu Shimulabulule tawe.
\v 44 Abulaho omundu ounyala okhwitsa khwisie, habula Papa waruma amurere ahambi, nasi ndiitsa okhumulamusia khunyanga yokhumalilikha.
\v 45 Kahandikwa mubunabii, ne bosi betsa okhuba nibechesibwe nende Nyasaye, bulano yesi yesi ouhulira nende okhweka khuPapa yetsa khuisie.
\v 46 Shikali mbu omundu yesi yamulola Papa ta, halali ye ourula khu Nyasaye, uyo niye owamulola Papa.
\v 47 Obwatoto ebaboolera mbu, ulia ousubira, ali nende obulamu obweinziayo.
\v 48 Esie nisie eshiokhulia shiobulamu.
\v 49 Abapapa benyu balia amana mushiangalangwe mana nibafwa.
\v 50 Shino neshiokhulia eshirula mwikulu mbu omundu nalia shialafwa tawe.
\v 51 Esie nisie eshiokhulia shiobulamu, eshiekha okhurula mwikulu, omundu nalia eshiokhulia shino, yetsa okhumenya inziayo ne eshiokhulia shianditsa okhuinia esie nomubili kwanje khulwa obulamu bweshialo.
\p
\v 52 Mana abaYahudi nibayingana abeene khubene nibareeba mbu; kanyalikha kariena omundu huno okhuheresia omubili kukwe mbu khulie?
\v 53 Mana Yesu nababoolera mbu, obwatoto, ebaboolera nimuraliakhwo omubili kwOmwana wa Adamu nende okhunywa amatsai keke, shimuli nende obulamu tawe.
\v 54 Ounywa amatsai kanje nende okhunywa amatsi kanje ali nende obulamu bweinziayo, nasi ndiitsa okhumusimulukusia inyanga yokhumalilikha.
\v 55 Shichira omubili kwanje neshiokhulia shiobwatieri khandi amatsai kanje neshiokhunywa shiakatieri.
\v 56 Oulia omubili kwanje nende okhunywa amatsai kanje yekhala mwisie nasi muye.
\v 57 Shinga olwa Papa ouli omulamu yaruma esie, nasi endi nobulamu khulwa Papa, nendio oundiakwo yetsa okhubetsanga omulamu khuisie.
\v 58 Shino nishio eshiokhulia eshirula mwikulu, shishiri shinga eshiabaPapa balia nibafwa tawe, halali oulia eshiokhulia shino alamenya inziayo.
\v 59 Amakhuwa yako yaboola musinagogi olwa yali niyechesinjia eKaperinaumu.
\p
\v 60 Kho abanji khubeechibe olwa bahulira obubolibwe baboola mbu, "kano namakhuwa amatinyu, niwina ounyala okhukahulira."
\v 61 Naye Yesu namanyirisia mumwoyo kukwe mbu abeechibe babululanga khulwa likhuwa lienelo, ne naye nababoolera mbu linyalikhana.
\v 62 Nikabe kariena bulano nimulola Omwana wa Adamu ebweneyo oweyali olweyimberi?
\v 63 Roho niye ouhana obulamu, omubiri shikukhoyeele eshindu ta, ne amakhuwa kandababoolere; niko roho khandi obulamu.
\v 64 Halali khuli nende abandi hakari wenyu abalasubira ta, shichira Yesu yamanya okhurula mubuchachiro balia abalasuubiranga ta, nende ulia owitsa okhumukhoba.
\p
\v 65 Ne naboola mbu khulwesho ebaboolera mbu shialiho omundu unyala okhwitsa khuisie halali okhunyalirwa nende Papa tawe.
\p
\v 66 Ne khulwa akene yako, obunji bwa abeechibe bakalukha inyuma, nibaloba okhumulondakhwo.
\v 67 Mana Yesu nabareeba ekhumi nende babili mbu, "mwesi mwenya okhutsia?"
\v 68 Mana Simoni Petero namukalusia namureeba mbu, "Omwami, khutsie khuwina? neyuwe ouli nende amakhuwa kobulamu bweinziayo.
\v 69 Nefu khusubire mbu eywe niwe omutsienukhu wa Nyasaye."
\v 70 Yesu nabakalusia mbu; esie shindabaahula enywe ekhumi nende babili ne mulala wenyu ni setani.
\v 71 Naboolanga khu Yuda Isikarioti, shichira uyo niye owitsa okhumukhoba naye nimulala mubalia ekhumi nababili.
\c 7
\cl Yohana 7
\p
\v 1 Mana olunyuma lwa yako, Yesu yali nachendanga muGalilaya; shichira shiayenya okhuchenda ebuYahudi ta, khulwa abaYahudi bali nibakhabanga okhumwira.
\v 2 Ne inyanga ingali yabaYahudi yali niyulilire.
\v 3 Mana abasiani babo nibamuboolera, rula hano otsie ebuYahudi, abeechibo boosi banyale okhulola emilimo chichio echia okholanga.
\v 4 shichira shialiho omundu oukholanga likhuwa mukhwibisa olwa omwene yenya okhulolekha abulafu tawe.
\v 5 Shichira kata abasiani babo shibamusuubira tawe.
\v 6 Naye Yesu nababoolera mbu, "ebise bianje bishiri okhula tawe; halali ebise bienyu buli lwosi biliho.
\v 7 Eshialo shishinyala okhubasira enywe tawe, halali shisira sie shichira eshibooleranga shinga ebiima biashio bili ebibi.
\v 8 Mutikulushe mutsie khwisabo shichira esie eshiilikhwo, ebise bianje bishiiri okhuula.
\v 9 Naye olwa yali namalire okhubaboolera amakhuwa yako, yekhala ario eGallaya.
\p
\v 10 Ne abasianibabo olwa bali bamalire okhutsia okhulia, yamala nabalondakhwo, halali habulafu tawe mukhwibisa.
\v 11 Mana abaYahudi nibamukhaaba mumulukha iko, nibareebana mbu, "ali heena owatsana?"
\v 12 Mana khuba nende okhubulula okhunji mumulukha iko shichira Ye. Abandi nibaboola, omundu omulayi ne abandi nabo nibaboola mbu shikali kario tawe ne halali akatinjia abomukanda.
\v 13 Halali shiali omundu worumbula habulafu tawe, khulwa okhuria abaYahudi.
\p
\v 14 Mana omulukkha nikwakhoola akarii, Yesu yanina natsia muhekalu, niyechesia.
\v 15 Mana abaYahudi nibahuka muno nibareeba mbu, anyala ariena okhumanya amachesi akaye alasooma.
\v 16 Mana Yesu nabakalusia nababoolera ari, ameechesio kanje shikali tsa akanje tawe, halali nakeke ulia owaaruma.
\v 17 Omundu nachama okhukhola elienya lilie, yetsa okhumanya amakhuwa kamechesio kene yako mbu karula khu Nyasaye nohomba esie emboola khumwoyo kwanje omwene.
\v 18 Ouboola khulaye yekhabira obukhongo omwene, halali oukhaba oluyali olwa ulia owamuruma, huyo ali abwene, khandi mukarii mumwe shikhuli nende obubii tawe.
\v 19 Musa shiyabaheresia amalako tawe? khandi shalikhoho akarii wenyu outusinjia amalako, shichira shina nimukhaba okhunzira?
\p
\v 20 Omukanda nikukalusia, nohomba oli nende litimoni, niwina oukhabaanga okhwira?
\v 21 Yesu nabakalusia nababoolera mbu, "Esie ndakhola omulimo mulala, nenyu mwesi muhuchisibwa.
\v 22 Musa yabaheresia eshishebo (halali shikali mbu karula khumusa tawe, halali khubaPapa), nenyu inyanga yeIsabato mushebanga omundu.
\v 23 Bulano buno nikaba mbu omundu ashebwa inyanga ye isabato, mbu kho lilako lia Musa lilafunakwa ta, shichira shiina nimusinyikha olwa emba nemuhonia omundu inyanga yeisabato?
\v 24 Kario mulakhole obukhalachi bwetsimoni tawe, halali mukhole obukhalachi bwobulunjishi.
\p
\v 25 Mana abandu bandi baYerusalemu nibaboola mbu, "Uno shiali niye owabakhabanga mbu bamwire?
\v 26 Ne khane yaboola habulafu, habutswa shibamubolelakhwo likhuwa ta, kanyalikha mbu abakali yabo baamanyire mbu niye Kristo?
\v 27 Halali uno khumanyire ewarulanga, naye Yesu olwa nayetse shaliho oulimanya ewarulire tawe.
\p
\v 28 Mana Yesu nachingula omwoyo muhekalu, niyechesia naboola mbu, "esie muumanyire khandi ewa erulanga mumanyire, halali shindeetsa khubwanje ta, ne owaruma nowatoto; omwenoyo shimumumanyire ta."
\v 29 Esie emumanyire; shichila erula khuye, khandi niye owaruma.
\p
\v 30 Mana nibateema okhumutiira, halali shaliho owamurakhwo omukhono tawe, shichila ebise bibie biali nibhiisri okhula.
\v 31 Mana abandu abaanji mumukhun'gano nibamusubilira nibaboola, olwaliitsa Kristo, alikhola ebilolero ebinji okhushira ebia uno yakhola.
\v 32 AbaFarisayo nibahulira abomukanda nibabululanga kano khuye mana abakhongo babakuhani nende abaFarisaro nibaruma abarumushi mbu bamutire.
\p
\v 33 Mana Yesu naboola, khubise ebitutu eshili halala ninenyu, olunyuma nditsa okhutsia khu ulia owaruma.
\v 34 Mwitsa okhukhaba halali shinamuundole ta, nasi ahendi shimunyala okhuulaho tawe.
\v 35 Mana abaYahudi nibareebana abene mbu omundu uno yetsa okhutsia hena, ahakhulanyala okhuula fwe, mbu alatsia khubasalana abali mubaYunani, mbu anyale okhubeechesia.
\v 36 Nelikhuwa shiina eliaboolere mbu mwitsa okhukhaba neshimwista okhunyoola tawe, nasi ewa endi shimunyala okhunzulakhwo tawe.
\p
\v 37 Okhuula khu nyanga yobumalirishi, inyanga ilia ingali eya lisabo, Yesu yasinjira ne nalanga nomwoyo omukhongo naboola mbu omundu nahulira obulo naye yetse khuisie anywe.
\v 38 Ousubira esie, shingana olwa amahandiko kaboola, emialo chia amatsi kobulamu ketsa okhurula mukari mwe.
\v 39 Ne likhuwa elo yaboola khukaRoho, owabalia abamusubiranga bali bamunyoola; okhuba Roho yali nashiri okhuhanwa, shichira Yesu yali nashiri okhuchingulwa muluyali tawe.
\p
\v 40 Mana abandi mumukanda olwa bahulira amakhuwa yako, baboola mbu obwatoto uno niye Omulakusi watsana.
\v 41 Ne abandi nibaboola mbu uno niye Kristo watsana, nabo abandi nibaboola mbu Kristo anyala okhurula eGalilaya noho?
\v 42 Amahandiko shikaboolanga mbuKristo aliitsa okhurula mulwibulo lwa Daudi? khandi Bethelehemu litokho lia Daudi yamenyangamwo?
\v 43 Mana nibwinjilamwo obukabukhani mubandu khulwa ye.
\v 44 Ne abandi mubo beenya okhumutira, halali shialiho owachingula omukhonokwe okhumutiirakhwo tawe.
\p
\v 45 Mana abarumushi nibatsiira abakhongo babakuhani nende abaFarisayo, nabo nibareeba mbu, eshichira shiina nimulamutiira mwamurera?
\v 46 Nabo nibakalusia mbu omundu yesi yesi ashiri okhubolakhwo shinga olwa uno aboola.
\v 47 Mana abaFarisayo nibakalusia mbu, mwesi khandi mwakatibwa?
\v 48 Niwina khubakhulundu owamusuubilira, nohomba khubaFarisayo?
\v 49 Halali abemikanda bano abalamanyire amalako ta, abalamwa.
\p
\v 50 Naye Nikodemu, (ulia owamutsiira mushiro shichira nimulala wabo) nababoolera mbu,
\v 51 Amalako keefwe kakhalachirangakhwo omundu yesi yesi eshiina halali okhumuhulirisia mberio nende okhumumanya shinga olwa akholire?
\v 52 Nabo nibakalusia nibamuboolela mbu, nawe eywe orulira eGalilaya, khaaba olole abulaho omunabii yesi yesi ourulira eGalilaya ta.
\p
\v 53 Mana bosi nibarula buli mundu natsia ewuwe.
\c 8
\cl Yohana 8
\p
\v 1 Yesu yatsia enashikulu eshia Miseituni.
\v 2 Olwa mumabwibwi koola yenjira muHekalu, abandu abanji nibamwitsira naye niyekhala nabechesia.
\v 3 Abahandichi nende abaFarisayo nibarera omukhasi owali nanyoleresibwe naheyanga, nibamusinjisia hakari wabwe.
\v 4 Nibaboolera Yesu mbu, "Omwechesia, omukhasi uno anyoleresibwe naheyanga.
\v 5 Ne mumalako kefwe, Musa yakhulaka mbu omukhasi shinga na uno alaswe namachina afwe. Nawe oboola shiina khuye?"
\v 6 Baboola kano khulwa okhumuteema Yesu, kho mbu banyale okhumwinjilira. Nebutswa naye niyenama hasi nahandika nende olwalalwe.
\v 7 Ne olwa batsiririra okhumureeba amareebo, yachingukha nababoolera mbu, "Omundu yesi khwinywe oushili okhwononakhwo aranjirire okhumulasa lichina."
\v 8 Mana niyenama khandi nahandika hasi.
\v 9 Nabo olwa bahulila kano, barulaho mulala shiamulala, okhuchachila khubakofu. Naye Yesu natong'aho yenyene nende omukhasi uyo nasinjileho.
\v 10 yesu nachingukha ikulu nareeba omukhasi uyo mbu, "mama, bali heena? Shialikhoho kata mulala outonyere okhukhukhalachira eshiina ta?"
\v 11 Naye nakalusia mbu, "Omwami abulaho. "Yesu namuboolela mbu, "Nobulayi kho kata siesi sekhukhalachira eshiina ta. Otsie, ne okhurula olwa leelo olonoonakhwo khandi ta."
\p
\v 12 Yesu naboolera abaFarisayo mbu, "Esie nisie obulafu bweshialo. Omundu yesi ounondakhwo alaba mubulafu bwobulamu bwobumeli ne shalachenda khandi mushirima tawe."
\v 13 AbaFarisayo nibamuboolera mbu, "Bulano wikobosheranga omwene akobulolibwo, akaboolanga shikalimwo obwatieri ta."
\v 14 Yesu nakalusia mbu, "Tawe, kata nindikoboshera omwene akobuloli bwanje, ndikoboshera obwatoto, okhuba emanyire ewa ndarula khandi kata ewa enzia. Enywe shimumanyire ewa ndarula kat ewa enzia tawe.
\v 15 Enywe mukhalachiranga omundu eshiina munjira yakomubiri, esie nasi shekhalachiranga omundu yesi eshiina ta.
\v 16 Ne kata toto nindakhaba oukhalaka eshiina, obukhalachi bwanje nobwatieri, shichira shindimwo sienyene ta, habula Papa owaruma ali halala ninasi.
\v 17 Toto mumalako kenywe bahandika mbu, obukobosheri bwobuloli bwabili nobwatoto.
\v 18 Kho esie omwene ndikobosheranga akobuloli bwanje, naye Papa owaruma akobosheranga okobuloli bwanje.
\p
\v 19 Kho nibamureeba mbu, "Papawo mwene ali heena?" Yesu nabakalusia mbu, "Enywe shimumanyire esie kata Papa tawe. Nimwakhaamanyire esie, mwakhamumanyire Papa yesi."
\v 20 Yesu yaboola amakhuwa kano koosi olwa yali niyechesinjia muhekalu, nali ahambi ahamasanduku kebihanwa ewa kali nikarerwe. Ne abulaho owamutilakhwo, shichila ebisebie biali nibishiiri okhuula.
\p
\v 21 Kho Yesu nababoolera khandi mbu, "Ne esie ndinyooshe, ne namukhabe nebutwa mulafwira mubwoononi benywe. Enywe shimunyala okhutsia ewa esie enziitsanga tawe."
\v 22 Kho abemirisi babaYahudi nibaboola mbu, "Aboolanga mbu shikhunyala okhutsia ewa atsia ta. Kanyala okhuba mbu omwene aleyiira noho?"
\v 23 Naye yesu nakalusia mbu,"Enywe muli abomushialo muno, nebutswa esie shiendi womushialo tawe.
\v 24 Niko akachira nimuboolera mbu, "Mulafwira butswa mubwonooni bwenywe. Habula mulafwira butswa mubionoono bienywe nikaba mbu shimusuubira, "ISIE NISIE OMWENE."
\p
\v 25 Nibamureeba mbu,"eywe niwina?" Yesu nabakalusia mbu, "Kano niko akemuboolere mukhuchaka khwene."
\v 26 "Endi nende amakhuwa amanji akokhumuboolera khandi akokhumukhalachira, owaruma niwobwatoto, nasi erumbuliranga abomushialo aka ndahulira okhurula khuye."
\p
\v 27 Shibamanyiriia mbu Yesu yali nababooleranga amakhuwa aka Sefwe tawe.
\v 28 Kho yamala nababoolera mbu, "Olwa muchinguula Omwana womundu khumusalaba nilwo olwa mulamanya mbu, "Isie Nisie Isie Mwene," khandi nilwo olwa mulamanya mbu shikholanga likhuwa liosi liosi khulwanje ta, habula emboolanga aka Papa yanzechesia okhuboola konyene.
\v 29 Naye owaruma ali halala ninasi, shiyaandekha sienyene ta, shichira ekholanga buli lwosi akamuchamisia.
\v 30 Abanji abahulira yesu naboolanga amakhuwa yako bamusuubira.
\p
\v 31 Yesu naboolera abaYahudi basuubire muye mbu, "Nimuba nimulonda amechesio kanje mwitsa okhuba abeechi banje abatieri."
\v 32 "Mulamanya obwatoto, nabwo obwatoto bwitsa okhubakhola abalakhule.
\v 33 Nabo nibakalusia mbu, "Efwe khuli olwibulo lwa Aburahamu ne, khushiri okhubakhwo abasuumba khumundu yesi yesi ta. Kho nawe oboolanga orie mbu, "Mulakholwa abalakhuule?"
\v 34 Yesu nababoolera mbu, "Emuboolera toto, omundu yesi oukholanga ebionoono nomusumba wobwonooni."
\v 35 Omusumba shalabeetsanga munzu yimwo buli lwosi ta, halali omwana alabeetsanga mwo inziayo.
\v 36 Kho Omwana naba nabakhola okhuba abalekhuule, mulaba abalekhule toto.
\v 37 Emanyiretoto mbu muli abolwibulo lwa Aburahamu, halali mukhabanga okhunzira, shichira shimufuchiriranga likhuwa lianje ta.
\v 38 Emboolanga aka Papa yamanyie esie, enywe nenyu mukholanga akene yako aka Senywe yamuboolera?"
\p
\v 39 Nibamukalusia mbu, "Sefwe niye Aburahamu?" Yesu nakalusia mbu, "Nimwakhaba toto abaana ba Aburahamu, mwakhakholere aka Aburahamu yakhola.
\v 40 Esie aka ndakholere nokhumuboolera obwatoto obwa ndahulira okhurula khu Nyasaye, ne nilwo olwa nenyu mukhabanga okhunzira. Aburahamu shiyakholakhwo akafwana kario ta.
\v 41 Mukholanga ebikhole ebia senywe. Nibamuboolera mbu shikhwayebulwa mubuheyi tawe, khuli nende Papa mulala ouli Nyasaye.
\v 42 Yesu nababoolera, nikali mbu Nyasaye ni Senywe, mwakhayanzire okhuba esie ndarula khu Nyasaye, shindayetsa khulwanje ta, nebutswa yaruma.
\v 43 Shichira shiina nimulahulira? Okhubeera mbu shimunyala okhuhulira amakhuwa kanje tawe.
\v 44 Muli abasenywe Shetani, ne mukhola akombwikombi bwa senywe akholanga. Ye yali omwiri okhurula mukhuchaaka, ne obwatieri bubulamwo, shichila obwatieri shibuli muye tawe. Olwa aboola obubeyi, aboolanga akeke omwene; okhuba nomubeyi khandi ni Samwana obubeyi.
\v 45 Nebutswa okhuba emboolanga obwatoto, shimusuubiranga esie tawe.
\v 46 Niwina khwinywe ounyala okhulolesia mbu endi neshikha shiobwonooni? Nemba nemboolanga obwatoto, eshichiranga nimulasuubira nishiina?
\v 47 Ourula khu Nyasaye ahuliranga amakhuwa ka Nyasaye. Ne enywe kata kario shimurula khu Nyasaye ta, niko akachiranga nimulanyala okhuhulira ta.
\p
\v 48 Nibareeba Yesu mbu, "shikhubeere habwene olwa khuboolere mbu eywe oli Omusamaria khandi eshishieno shili mwiwe?"
\v 49 Yesu nabakalusia mbu, "Esie shiendi neshishieno ta. Emuheresinjia Papa oluyali, nenyu shimumberesinjia oluyali ta.
\v 50 Nasi shekhaabanga oluyali lwanje omwene ta, habula aliho oulukhabanga khandi niye ouyasinjia niyanderera.
\v 51 Emuboolera toto mwene mbu, ommundu yesi oulonda amakhuwa kanje shialifwa kata na hatutu ta.
\p
\v 52 AbaYahudi yabo nibamuboolera mbu, "Bulano khwakhamanyira elala mbu eshishieno shili mwiwe! Aburahamu yafwa khandi khandi abalakusi bafwa, nebutswa iwe nawe oboola mbu, omundu yesi oulonda amechesio koko shialifwa kata nahatu ta.
\v 53 Sefwe Aburahamu yafwa, kho nawe oli omukhongo okhushira bafwa. Kho nawe oparaanga mbu oli wiina?"
\v 54 Yesu nabakalusia mbu, "Nemba nindiheelesia oluyali, kho oluyali lwanje yilwo luba niluli olukhaya butswa. Oumberesinjia oluyali ni Papa, omwenoyo owamuboolangakhwo mbu niye Nyasaye wenywe.
\v 55 Enywe shimumumanyire tawe, nebutswa esie ndamumanya, nemba nemboola mbu shemumanyire ta, emba nendi butswa omubeyi shingana enywe, halali ndamumanya khandi enondanga likhuwalie.
\v 56 Aburahamu ouli senywe yekhoyela mbu abe ounyala okhulolakhwo ebise biokhwitsa khwanje, yalola mana nasangala.
\p
\v 57 Nibamuboolera mbu, "Ewe oshiri okhuula kata emiaka amakhumi karano, toto wamulola aburahamu?"
\v 58 Yesu nakalusia mbu, "Emuboolera toto mwene mbu, Aburahamu nashiri okhwibulwa 'ESIE NDALI NENDIHO!'
\v 59 kho nibatoola amachina mbu bamulase, nebutswa Yesu yebisa narula muHekalu.
\c 9
\cl Yohana 9
\p
\v 1 Ne olwa Yesu yali naburanga, yalola omundu owali niyebulwa nali omubofu.
\v 2 Abeechibe nibamureeba mbu, "Omwechesia, nebionono bia wiina ebiachira niyebulwa nali omubofu? Nebibie omwene noho nebia abebulibe?"
\v 3 Yesu nakalusia, shibili ebionoono bibie omwene noho ebia abebulibe ebiachila naba omubofu tawe. Yebulwa omubofu mbu obunyali bwa Nyasaye bulolesibwe muye.
\v 4 Olwa shishili eshiteere shiri, ekhoyere okhukola emilimo echia uyo owaruma, okhuba eshiro shiitsanga olwa omundu alanyala okhulola ta.
\v 5 Olwa endi mushialo, esie nisie obulafu bweshialo.
\p
\v 6 Olwa Yesu yali niyakhaboola, yafutsa amare hasi, nakasia litoyi namare yako, nabakha llitoyi elo khutsimoni tsiomundu uyo.
\v 7 Namuboolela mbu, "Tsia wiyosie mwitiba lia Siloamu." Kho omundu uyo natsia niyeyosia mumoniwe mana nakalukha nalolanga.
\v 8 Mana abamenyanibe nende abandu bamulolanga khale nasaba nibareeba mbu, "Uno shiali niye omundu owayekhalenje khunjila nasaba?"
\v 9 Abeechi nibaboola mbu, "Niye!" Nabandi mbu, "Tawe, habula afwanana butswa ninaye." Mana omwene naboola mbu, "Nisie omwene nomwene."
\v 10 Kho nibamureeba mbu, "kali karie mbu bulano oyala okhulola?"
\v 11 Naye nabakalusia mbu, "Omundu oyo oulangwa mbu Yesu niye oukasiye litoyi niyambakha khutsimoni niyamboolela enzie mwitiba lia Siloamu ndiyosiemwo tsimono tsianje. Kho enzile ne olwa emalile butswa okhwiyosia nenjaka okhulola."
\v 12 Nibamureeba mbu," Owatsana ali heena?" Naye nakalusia mbu, "shimanyile tawe."
\p
\v 13 Kho nibamala nibayira omundu owali omubofu uyo khubaFarisayo.
\v 14 Kho inyanga ya Yesu yalonga litoyi nahonia omubofu uyo yali Isabato.
\v 15 AbaFarisayo nabo nibareeba omundu uyo khandi shinga olwa yali nanyalilwe okhulola. Naye nababoolela mbu, "Areere litoyi khumoni tsianje, ne nendiyosia mumoni mana bulano enyala okhulola."
\v 16 Mana balala khubaFarisayo yabo nibaboola mbu, "omundu ukholere kano shanyala okhuba niyarula ewa Nyasaye ta, shichila shalondanga amalako keIsabato tawe." Abandi nabo nibaboola mbu, Kata kario, omundu ouli omwononi anyala okhukhola ebiamakana ebifwana biri?" Mana obwahukhani nibubaho mubo.
\v 17 Kho AbaFarisayo nibareeba omundu uyo khandi mbu, "Oboolanga mbu akhuhonie obubofubwo nahabwene, nawe bulano oboola orie khuye?"
\p
\v 18 Ne abemilisi babaYahudi shibasuubira mbu, toto omundu oyo yali omubofu ne bulano anyala okhulola ta okhuula olwa balanga abebulibe,
\v 19 Nibareeba mbu, "Uno nomwana wenywe? Mubolanga mbu yebulwa nali obubofu? Ne kabere karie mbu bulano anyala okhulola?
\v 20 Abebulibe nabo nibakalusia mbu, "Toto khumanyile uno nomwana wefwe, khandi khumanyile mbu yebulwa nali omubofu.
\v 21 Nebutswa shikhumanyire shinga olwa kabeere mbu bulano anyalirwe okhulola ta, kata shikhumanyile omundu umuhoniye tawe. Mumureebe omwene shichila nomundu oukhulile omwene anyala okhwinoosia."
\v 22 Abebulibe baboola bario shichila bali nibarire abemilisi babaYahudi okhuba abaYahudi bali nibamalire okhuhulirisania mbu omundu yesi oufuchilira nasuubile mbu Yesu niye Masihi okhuula alondwe okhurula muSinagogi.
\v 23 Nishio eshifune shichira abeebuli yabo nibaboola mbu, "Mureebe omwene nomundu ukhulile."
\p
\v 24 Kho nibalanga omundu owalinji omubofu uyo nibamureeba mbu, "Witsube Imbeli wa Nyasaye mbu olaboola obwatoto! khumanyile mbu omundu oukhuhoniye uno nomwonooni."
\v 25 Omundu uyo nakalusia mbu, "shinyala okhumanya naba nali omwononi noho tawe. Elienyalie nelikhuwa elala lionyene mbu; Ndali omubofu ne bulaano enyala okhulola."
\v 26 Nibareeba mbu, "Akhukholeere shiina? Akhuhoniye arie obubofu bwo?"
\v 27 Naye nakalusia mbu, "ekhamalile khale okhumuboolela ne nenywe shimwenya okhuhulila tawe. Nishiina eshichila nimwenya okhukahulira khandi? Haundi mwesi mwikomba okhuba abeechibe nohomba?"
\v 28 Nabo nibamunyeka nibaboola mbu, "Iwe niwe omwechiwe, nebutswa efwe khuli abeechiba Musa."
\v 29 Khumanyire mbu Nyasaye yaboolanga nende Musa, nebutswa omundu uyo shikhumanyire warula tawe.
\v 30 Omusatsa uyo nakalusia naboola mbu, "Kano nikamakana! Enywe shimumanyirekhwo ewa arulanga ta, nebutswa yakholere nendola!"
\v 31 Khumanyire mbu Nyasaye shahulilanga aboononi ta; Ahuliranga abandu abamuheresia oluyali nende okhukhola aka yeenya.
\v 32 Okhurula khumusuule shikahulirikhanakhwo mbu omundu yesi yatimbusia tsimoni tsiomundu webulwa nali omubofu ta.
\v 33 Omundu uno naba mbu shiyarula ewa Nyasaye ta, khane shiyakhanyalilwe okhukhola likhuwa liosi tawe.
\v 34 Nabo nibakalusia mbu, "Ewe webulilwa khandi nokhusiribwa mubwonooni, ne bulano oteemanga okhwechesia efwe? "Mana nibamulonda okhurula Musinagogi.
\p
\v 35 Olwa Yesu yahulira mbu balondere omundu uyo muSinagogi, namukhaaba namunyoola, namureeba mbu, "Osuubilanga omwana wa Nyasaye?"
\v 36 Naye nakalusia mbu, "Mbolera, niye wiina, Omwami kho mbu esuubire muye!"
\v 37 Yesu namuboolera mbu, "Omalire okhumulola khandi niye oubolanga ninawe bulano."
\v 38 Naye naboola mbu, "Omwami esuubire," nasikama hasi niyenamira Yesu.
\p
\v 39 Naye Yesu naboola mbu, "Ndeetsa khushialo shino okhuyaasia, kho kachire abali ababofu banyalirwe okhulola, ne yabo abalolanga bakwe ababofu."
\v 40 Kho balala khubaFarisayo abaliho bahulira naboola amakhuwa yako, mana nibamureeba mbu, "Obolanga mbu kata efwe fwesi khuli ababofu noho?"
\v 41 Yesu nakalusia mbu, "Nimuba nimwakhabere ababofu shimwakhabere neshikha eshiobwonooni ta; nebutswa bulano olwa muboolanga mbu munyala okhukhola, mushili butswa neshikha."
\c 10
\cl Yohana 10
\p
\v 1 Toto mwene ebaboolera mbu, omundu oulenjilira mushiribwa eshieshiko shiamakondi ta, ne nanina niyenjilira haundi, omwenoyo nomwifi khandi nomunuli.
\v 2 Nebutswa omundu owinjira nabirira mushilibwa niye omwayi wamakondi.
\v 3 Omulindi weshiribwa amwikulira eshiribwa niyenjira, nako amakondi kahulira omwoyokwe olwa akalanga ameera, nakayira okhwaya.
\v 4 Ne olwa aba nakarusiye kosi erwanyi, akemiliranga, nako nikamulondakhwo okhuba kamanya omwoyokwe.
\v 5 Shikanyala butswa okhulokndakhwo khumundu hundi omucheni ta, kalamwirukha, okhuba shikamanyire omwoyokwe tawe.
\p
\v 6 Yesu yachera oluchero luno nebutswa shibamanyirisia eshisina eshiamakhuwa yako tawe.
\v 7 Ne khandi Yesu nababoolera mbu toto mwene ebaboolera; nisie omuliango kwa makondi.
\v 8 Ne abandi boosi abaraanjirira nabeefi khandi abanuuli, ne amakondi shikalabahulira tawe.
\v 9 Esie nisie eshiribwa shiamakondi, omundu yesi owitsa nabirira khwisie alahonibwa; alenjiraanga khandi alarulaanga khandi alanyoola obwayiro.
\v 10 Omwifi yetsaanga khulwa okhwiba, okhwira nende okhwonoonia khwonyene. Esie ndetsa mbu munyole obulamu, khandimube ninabwo mubwitsulu.
\p
\v 11 "Esie nisie omwayi omulayi; Omwayi omulayi afwiraanga amakondike.
\v 12 Ne omwayi ulia oulali mwene amakondi tawe, olwa alola Libwe nilitsanga, yerukha nalekha amakondi, mana Libwe yilo likakwakhwo nende okhukasalasia.
\v 13 Omwayi yerukhanga shichila nomwayi womurungo, shahenderanga amakondi tawe.
\v 14 Esie nisie Omwayi omulayi, ndamanya amakondi kanje, nako kamanya esie,
\v 15 Shinga olwa Papa yaamanya, nasi ndamumanya Papa, nolwa amakondi kanje kamaanya mana enyala okhukafwira.
\v 16 Ne kalia amakondi kandi akalali akanje ne shikali mushiko muno tawe, okhuula ekakhung'aasie koosi, khandi koosi kalahulila omwoyo kwanje, mana kalaba lituuli elala elili nomwayi mulala.
\v 17 "Papa yaheera esie shichira ndeyama okhuhaana obulamu bwanje buno, mbu ebunyoole khandi.
\v 18 Shaliho omundu owakhanuula obulamu bwanje tawe, Ebuhaananga khukhwenya khwanje omwene. Endi nobunyali okhubuhaana, khandi endi nobunyali okhububukula. Kano niko aka Papa wanje yandachirisia okhukhola."
\p
\v 19 Obwabukhani khandi nibubaho mubaYahudi khulwa amakhuwa aka Yesu yali naboolere.
\v 20 Ne obunji bwabo nibaboola mbu, "Ali neshishieno! Alaluushe! eshichiranga nimurecheresia akabolanga nishi?"
\v 21 Nebutswa abandi khubo babolanga mbu, "Omundu uli neshishieno shiyakhaboola ario tawe! Eshishieno shinyala shiriena okhukhola abandu ababofu balole?"
\p
\v 22 Mana lisabo liokhwitsulila obwahuli bwaYerusalemu okhuba inzienukhu nilibaho mutsinyanga yitso etsia obushindu.
\v 23 Yesu yali nachendanga muHekalu mushisika shia Sulemani.
\v 24 Abayahudi nibakhung'ana ewa yali nibamureeba mbu,"Olatsirira okhulekha nikhukanakaninjia okhuula lina? Khuboolere habulafu niwe Masihi mwene?"
\v 25 Yesu nabakalusia mbu, "Ndamala okhubaboolera, nibutswa shimusuubiranga ta. Akekhoolanga khulwa obunyali bwa Papa wanje, nakobuloli khwisie;
\v 26 nebutswa enywe shimusuubiranga ta, okhuba shimuli amakondi kanje tawe."
\v 27 Amakondi kanje karecheresinjia omwoyo kwanje, nasi ekamanyire, nako kanondangakhwo.
\v 28 Ekaheelesinjia obulamu obulawaho ta, mana shikalifwa tawe.
\v 29 Papa wanje owamberesia kano koosi nomukhongo okhushila boosi. Ne shialiho kata mulala ounyala okhukabukula okhurula mubulindi bwa Papa uyo tawe.
\v 30 "Papa ninasi khuli eshindu shilala."
\p
\v 31 AbaYahudi nibatoola amachina mbu bamulase.
\v 32 Yesu nababoolera mbu, "Ndakholere ebikhole ebinji ebilayi mumoni tsienywe ebia Papa yamberesia mbu ekhole, kho neshileena khubienebo eshiamwenya okhundasirakhwo amachina?"
\v 33 Nibakalusia mbu, "Shikhwenyanga okhukhulasa amachina khulwa ebikhole ebilayi ta, nebutswa khulwa okhunyeka Nyasaye! nende okhwikhola mbu niwe Nyasaye."
\v 34 Yesu nabakalusia mbu, "Shikahandikwa mumalako kenywe mbu, "ndaboola muli abanyaasaye"?
\v 35 Khumanyire akamalako kaboolanga buli lwosi nikatoto, naye yalanga abandu yabo abaNyasaye, yabo aba oburumebwe bwetsera.
\v 36 Ne khulwa esie, Papa yanzahula mana niyaruma mushialo. Kho nenywe mwakhaboola murie mbu esie enyekanga Nyasaye, shichila emboolee mbu endi Omwana wa Nyasaye?
\v 37 Kho muleshe okhusuubilira nemba nendalakhola aka Papa wanje yenyanga ekhole.
\v 38 Nebutswa nekakhola, ne kata nenyu nimulasuubira ta mukhoyere okhusuubira ka ekholanga, mbu kachire mumanyere elala mbu Papa ali mwisie, khandi nasi endi muPapa."
\p
\v 39 Nibeenya khandi okhumutiira Yesu, nebutswa yarula mumikhono chiabwe.
\p
\v 40 Yesu yamala akalushe injelekha womwalo kwa Yorodan, awa Yohana yali nabatisiyenje, mana namenyaho.
\v 41 Abandu abanji bamwitsira nibaboola, "Yohana shiakhola ebilolero ebiamakana tawe, nebutswa akayaboola koosi khumundu uno nakatoto.
\v 42 Mana abandu abanji ebweneneyo nibasuubira muye.
\c 11
\cl Yohana 11
\p
\v 1 Bulano omusaatsa undi yalwala, oulangwa Lazaro owaBethania, Litaala liabwe Mariamu nende Maritsa omukhaana wabwe.
\v 2 Ne niye Mariamu watsana owamubakha Omwami amafura, ne namupangusia ebilenjebie nende liswilie, owa omusiani wabwe Lazaro yali omulwale.
\v 3 Kho abakhaana yabo bamuusiria likhuwa mbu Omwami, lola, ouwaheera nomulwale.
\v 4 Ne olwa Yesu yahulirakhwo, yaboola mbu obulwale buno shibuli obwokhufwa ta, habula obwoluyali lwa Nyasaye mbu Omwana waNyasaye aheebwe oluyali khubwo.
\v 5 Ne Yesu yali yachama Maritsa, omukhaana wabwe nende Lazaro.
\v 6 Ne olwa yahulira mbu Lazaro nomulwale, yeekhala ewa yali nali tsinyanga tsindi tsibiri.
\p
\v 7 Mana olunyumakhwo nababoolera abeechibe mbu chende khutsie ebuYahudi khandi.
\v 8 Abeechibe nibamuboolera mbu Rabi, abaYahudi olwabeere babeere nibeenya okhukhulasa namachina, khandi wenya okhukalukhayo?
\v 9 Yesu nabakalusia nareeba mbu, tsisaa ekhumi nende tsibili shitsilio khushiteere, omundu naba nachenda mushiteere shiyetuya ta shichira mbu alola obulafu bweshialo shino.
\v 10 Ne halali naba nachenda mushiro, yetuya, shichira mbu obulafu bubula muye.
\p
\v 11 Yaboola amakhuwa yako, ne olunyuma nababoolera mbu, omusiani wefwe Lazaro akonanga, halali enzia mbu emubusie mundolo.
\v 12 Mana abeechibe nibamuboolera mbu Omwami, naba nakonanga, yetsa okhuba obulayi.
\v 13 Yesu yali naboolanga khukhufwakhwe, ne nabo bapaara mbu aboolanga khukhuhulukha mutsindoolo.
\v 14 Mana Yesu nababoolera habulafu Lazaro umalire okhufwa.
\v 15 Nasi enjamire muno khweenywe shichira shiembereho olwafwire tawe, kho munyale okhuusuubira, halali chende khutsie ewa ali.
\v 16 Mana Tomasi oulangwa mbu amakhwana naboolera abeechi bashie mbu chende khutsie neefu khufwe halala ninaye.
\p
\v 17 Ne olwa Yesu yetsa, yanyoola mbu yali yakhakona mushirindwa tsinyanga tsine.
\v 18 Ne nayo eBetsania yali ahambi Yerusalemu, oluchendo shinga olwetsimailo tsibili.
\v 19 Ne abanji abokhurula ebuYahudi bali nibeetsire ewango Maria nende Maritsa okhubahotseresia, khulwa lifwa liomusiani wabwe.
\v 20 Ne Maritsa olwa yahulira mbu Yesu yetsanga, yatsia okhumwakanila, halali Maria naye nashiikhale munzu.
\v 21 Kho Maritsa naboolera Yesu mbu, Omwami olabaaho khane omwana wefwe shiyakhafwile tawe.
\v 22 Ne kata bulaano emanyile mbu liosi eliosaba khu Nyasaye alakhuheeresia.
\v 23 Yesu namuboolela mbu omusiani wenywe alalamukha.
\v 24 Maritsa namuboolela mbu, emanyire mbu nalamushe khandi mubulamushi bweinyanga yokhumalilikha.
\v 25 Yesu namuboolera mbu, esie nisie obulamushi, khandi obulamu; mbu yesi owasuubilira kata naba nafwa, alamenya khandi.
\v 26 Khandi yesi yesi owumenyanga niyasuubire shalafwa tawe. Osuubiranga orio?
\v 27 Naye namuboolera mbu, Omwami emalire okhusuubira shinga olwa oli Kristo Omwana wa Nyasaye omwenoyo owitsa mushialo.
\p
\v 28 Ne olwa yali yakhaboola ario, yarula natsia namulanga Mariamu omukhana wabwe elubeka namuboolera mbu, Omwami yetsere ne akhulanganga.
\v 29 Ne olwa Mariamu yahulira ario, yabuukha lwangu, ne natsia ewa yali.
\v 30 Ne Yesu yali nashiiri okhwinjira mwitaala, yali nashiri awa Maritsa yali namwakanile.
\v 31 Ne abaYahudi bali ninaye munzu abali nibamuleminjia omwoyo olwa balola Mariamu nasinjira lwangu natsia erwanyi, bamulondakhwo nibaboola mbu atsitsanga khushilindwa okhwikhuula khandi.
\p
\v 32 Mana olwa Mariamu yola awa Yesu yali namulola, yakwa mumakuluke ne namuboolera mbu Omwami olabaho omwana wefwe shiyakhafwire tawe.
\v 33 Olwa Yesu yalola nalilranga, nende AbaYahudi abali nibamulonderekhwo boosi nibaliranga, yetsulira shinga olwa okhufwakhwe khuliba.
\v 34 Ne nareeba mbu, mumwalisiye hena? Nabo nibamukalusia mbu, Omwami, yitsa olole.
\v 35 Yesu nalira.
\v 36 Mana abaYahudi nibaboola mbu, toto mwene yali yamuheera.
\v 37 Ne abandi nibaboola mbu, omundu uno owekula tsimoni tsiomubofu, nalamukholakhwo mbu aleshe okhufwa?
\p
\v 38 Yesu khandi nashenya mumwoyokwe, niyoola khushilindwa. Nashio shiali imbinga, ne nibareerekhwo lichina.
\v 39 Yesu naboola mbu, murusiekhwo lichina. Maritsa omukhaana wabo omufuu, namuboolera mbu, Omwami, bulano ahunya.
\v 40 Yesu namuboolera, mbu noba nosuubira, wakhalole oluyali lwa Nyasaye?
\p
\v 41 Kho nibainia lichina awomufu yali narelirwe. Naye Yesu nachingula tsimonitsie ikulu naboola mbu, "Papa, orio muno shichira mbu uhulile.
\v 42 Khandi emanyire mbu uhuliranga tsinyanga tsiosi; halali khulwa abandu besinjiliranga, embolelere likhuwa elo mbu kho banyale okhusuubira mbu waruma".
\v 43 Ne lowa yali niyakhaboola kano, yalanga nende omwoyo omukhongo mbu Lazaro! rulamwo;
\v 44 Omufu uyo narula naboyirwe amakhono nebilenje nende isanda, naboyirwe eshitambaya mumoni. Yesu nababoolera mbu muboolole atsie.
\p
\v 45 Kho Abayahudi abanji abali nibetsire, ewa Mariam, nibalola aka Yesu akholire, bamusuubilira.
\v 46 Nebutswa abandi khubo batsia khuBafarisayo nibababoolera amakhuwa aka Yesu yali nakholire.
\v 47 Mana abakhulundu babakuhani nende abaFarisayo nibalanga eshiina nibareeba mbu khukhole khurie? Okkhuba omundu uno akholanga amanji akokhuchenya.
\v 48 Nikhuba nikhumulekha yenyene, abandu bosi balamusubilira, ne abaRoma baleetsa nibabukula habundu wefwe nende lihanga liefwe.
\p
\v 49 Ne oundi mubo mbu Kayafa, owali omukuhani omukhulundu omwihika kwenoko yababoolela mbu shimumanyire likhuwa liosi ta.
\v 50 Kata shimwitsulira shinga olwa kakaasa mbu omundu mulala afwire abandu boosi, mbu lihaanga liosi lileshe okhutiba.
\v 51 Ne shiyaboola yako khulwa ye ta, halali olwa yali omukuhani omukhulundu omwika ikwo, yaboola mbu Yesu yakhafwire lihanga.
\v 52 Ne shikhwali khulwa lihanga elo lionyene ta, habula mbu okhukhung'asia halala abaana ba Nyansaye abali nibasalanire.
\v 53 Kho okhurula khunyanga eyo, bamusanjilira mbu bamwire
\p
\v 54 Kho Yesu shiyachenda ebulafu mubaYahudi ta, halali yeenyokha natsia mushibala eshiali hambi mushitsiimi mwitaala elilangwa mbu Efuraimu ne niyekhalayo halala nende abeechibe.
\p
\v 55 Ne Pasaka yabaYahudi yali ahambi, abanji barula mushibala nibatiikulukha nibatsia eYerusalemu Pasaka niyishiiri mbu beesiye.
\v 56 Kho nibamukhaaba ne nibaboolerana abeene nabeene nibasiinjire muhekalu mbu, mupaara murie? Mbu shialeetsa khwisabo ta.
\v 57 Ne abakhulundu babakuhani nende abaFarisayo bali nibalachirisiye mbu omundu yesi naba namanya ewa ali, abuule mbu kho bamutiire.
\c 12
\cl Yohana 12
\p
\v 1 Mana olwa tsiali nitsishili tsinyanga tsisasaba okhuula khu Pasaka, Yesu yoola eBethania ewa Lasaro yali, owa Yesu yalamusia mubafu.
\v 2 Kho nibamukholerayo lisabo; naye Maritsa nakhalabana, halali Lasaro yali mulala khubo abayekhala ninabo khumesa
\v 3 Mana Mariamu nabukula iratili yamafura keshing'aari akobukusi bweikulu ne nabakha ebilenje bia Yesu, ne nabipangusia nende lisuwi lilie; ne inzu yosi niyitsulamwo eshing'ari shiamafura yako.
\p
\v 4 Ne Yuda Isikarioti mulala khubeechibe, omwana wa Simoni owali nali okhumukhoba, yaboola mbu;
\v 5 Mbushiina amafura kano nikalakusibwa tsitinari etsimia tsitaru mana tsihebwe amamanani?
\v 6 Halali shiyaboola mbu shichira abahenderanga abamanani ta, habula shichira yali omwifi, ne nali nende omufuko yali nabukulanga ebiarebungwamwo.
\v 7 Kho Yesu naboola mbu, muleshe abe, akholere ario khulwa inyanga yanje yokhuyabirwa.
\v 8 Khulwa okhubeera mbu abamanani mulaba ninabo buli nyanga, ne esie shindalabetsanga ninenywe ebise biosi tawe.
\p
\v 9 Mana obunji bwa abandu abomubaYahudi baboolerwa shinga olwa yali naliyo, nibeetsa ne shikhwali khulwa Yesu yenyene ta habula benya okhumulola Lasaro owalamusibwa mukhufwa.
\v 10 Ne abakhulundu babakuhani baboolerana mbu bamwiire kata Lasaro yesi;
\v 11 Shichira khululwe, abanji babAyahudi barula nibatsia ne nibamusuubilira Yesu.
\p
\v 12 Ne inyanga yalondakhwo abandu abanji betsa khwisabo, olwa bahulira mbu Yesu yetsanga muYerusalemu.
\v 13 Kho nibabukula amasaka kamashindu, nibatsia okhumwakanira Yesu, ne nibalanjirisia mbu Hosana; yetsomibwe omuruchi waIsiraeli owitsa muliira liOmwami.
\v 14 Ne Yesu olwa yali nanyolire eshimosi shieisishiri, yekhalakhwo shinga olwa kahandikwa mbu;
\q
\v 15 Olaria ta, omukhana waSayuni; lola, omuruchiwo yetsa naninire khushimoosi shieisishiri.
\p
\v 16 Amakhuwa kano abeechibe shibatiira mubuchachiro ta, ne olwa Yesu yali niyakhamala okhuchingulwa, betsulira mbu amakhuwa kano kahandikwa khuye, khandi shinga olwa bali nibamukholera amakhuwa yako.
\p
\v 17 Kho omukanda okwa yali ninakwo olwa yalanga Lasaro okhurula mushilindwa, ne namubusia okhurula mubafu, bali nobuloli.
\v 18 Ne khulwesho kano kachira abomukanda nibeetsa okhumwakaanira okuba bali nibahulire shinga olwa yali nakhokelere akokhuchenya.
\v 19 Ne abaFarisayo nibaboolerana abene khubene mbu, 'muluutsi, shimunyala likhuwa liosi ta, lole, eshialo shiosi shimulondakhwo.
\p
\v 20 Ne mubalia abali nibetsire okhumwinamira Yesu mwisabo, balimwo abaYunani.
\v 21 Ne nibamwitsira Filipo owa Bethsaida muGalilaya, nibamusaba mbu, Omwami khwenya okhulolakhwo Yesu.
\v 22 Filipo natsia namuboolera Anderea; kho Anderea natsia halala nende Filipo nibamuboolera Yesu.
\v 23 Yesu nabakalusia naboola mbu, ebise biulile mbu Omwana Womundu achingulwe.
\v 24 Tooto mwene emuboolera mbu imwo yeingano nilashiakwa mwiloba nende okhufwa ta, yimenyanga eyene yonyene; ne niyiba niifwa, yibula ebiamo ebinji.
\v 25 Ulia ouheera obulamubwe, abukosia; ne ulia ulateeba obulamubwe mushialo muno, yetsa okhuba ninabwo okhuula khubulamu bweinziayo.
\v 26 Yesi yesi owenya okhurumishira, yanondekhwo mana ewa endi abwenaho, omurumishi wanje yesi alabaho; omundu yesi naba niyarumshira, Papa alamuheresia oluyali.
\p
\v 27 Ne bulano omwoyo kwanje kunyakhana muno, emboole endiena? Papa uhonokosie mushise shino, mbu kano nikokachira nindula khushise shino.
\v 28 Papa, chinguula eliiralio, mana omwoyo nikurula mwikulu nikuboola, elichingulire khandi ndalalichingula.
\v 29 Kho abomukanda abali nibasinjireho nibahulira ne nibaoola mbu likulu likulume; abandi nibaboola mbu malaika aboolere ninaye.
\v 30 Yesu nakalusia naboola mbu, omwoyo shikwitsire butswa khulwa esie tawe, halali khulwa inywe.
\v 31 Ne bulano nebise ebia Eshialo okhukhalachirwa eshiina, bulano omukhulundu weshialo alasukunwa erwanyi.
\v 32 Ne khwisie olwemba nenjingulwa mushialo, ndalasutia abandu bosi ahambi ninasi
\v 33 Kano yaboola mbu, kalolesie olufu lwanafwe.
\p
\v 34 Abomukanda nibamukalusia mbu, khwahulile mumalako mbu Kristo watsana amenyangaho obushia nobushia; nawe oboola orie mbu, Omwana womundu khatimba achingulwe? Omwana wOmundu uno niwina?
\v 35 Mana Yesu nababoolera, obulafu mushiri ninabwo ebise bititi po, muchende nimushiri nobulafu bwatsana, mbu eshirima shileshe okhumunyola, ne ulia uchenda mushirima shialamanya ewa anzia ta.
\v 36 Olwamushiri nobulafu, subiire mubulafu, khomube abaaba bobulafu.
\v 37 Kata olwa yali nakholire amakhuwa amanji akokhuchenya imbeli wabwe, shibamusubilira ta.
\v 38 Mbu kosibwe akaboolwa nende Omunabii Isaya, olwayaboola mbu; Omwami, niwina ousuubiire aka khuhulire ifwe? Kata niwina owomukhono kwoOmwami kwafimbulwa khuye?
\v 39 Kario kata shibamusuubilira, okhuba Isaya yaboola khandi mbu;
\v 40 Yekaale tsimoni tsiabwe, nakhola emioyo chiabwe okhuba emiumu; mbu shibalanyalirwa okhulola netsimoni tsiabwe, kata okhumanya eshisina nemioyo chiabwe, nibakalukhana nasi nembahonia.
\p
\v 41 Isaya yaboola amakhuwa kano, olwa yalola oluyalilwe, khandi yaboola khukeke.
\p
\v 42 Nebutswa kata khubakhulundu beene, abanji bamusuubilira; ne khulwa abaFarisayo shibayeeyama ta, bakharusibwa musinagogi.
\v 43 Khulwa okhubeera mbu, baheera oluyali lwa abandu okhushira olwa Nyasaye.
\p
\v 44 Mana Yesu nalanjilisia naboola, yesi yesi ousuubilira, shiyasubiliranga tsa tawe, hahalli khu ulia owaruma.
\v 45 Khandi ulia huheenga, shahenganga tsa isie ta, halali ahenga owaruma.
\v 46 Esie ndeetsa mbu embe obulafu mushialo, mbu omundu yesi ousubililra aleshenje okhumenya mushirima.
\p
\v 47 Mbu omundu yesi naba nahulira okhuboola khwanje nalakhola ta, isie shimuyaasia ta okhuba shiyaitsa okhuyasia eshialo ta habula okhuhonia.
\v 48 Oulafuchilira isie nende likhuwa elia ndabola, elienelo lilamuyaasia khunyanga yobumalilishi.
\v 49 Okhuba shemboolanga khulwanje mwene ta, halali khu Papa owaruma, yamberesia lilako; akekhoyire okhukhola, nende akekhoyire okhuboola.
\v 50 Ne khandi emanyirisie mbu lilako lino nObulamu bwobumeli, kho amakhuwa kemboola shinga Papa olwa yaboola nindio emboola.
\c 13
\cl Yohana 13
\p
\v 1 Ne lisabo lia Pasaka olwa liali nilishiiri, Yesu olwa yamanya mbu ebise bibie bimalire okhuula mbu arule atsie ewa Papa wuwe, ne olwa yali yabaheera abomushialo, yabaheelera elala.
\v 2 Ne olwa bali nibalitsanga eshiokhulia shiomukoloba, shetani yali namalire okhura mumwoyo kwa Juda Isikarioti omwana wa Simoni mbu amukhobe;
\v 3 Yesu namanyirisie mbu Papa wuwe amwere biosi mumikhonochie, khandi mbu yarula ewa Nyasaye khandi atsitsanga ewa Nyasaye;
\v 4 Yarula khubilibwa, ne naraa elubeka tsingubotsie, nabukula itaulo niyeboha.
\v 5 Natsukha amatsi khulukaraya ne nachaka okhwosia abeechibe ebirenje nabapangusia nende itaulo eya yali niyeboyere
\p
\v 6 Olwa yoola khu Simoni Petero, ne Petero namureeba mbu, Omwami, wenya okhunzosia ebilenje?
\v 7 Ne Yesu namukalusia namuboolela mbu, shiekholanga shino shiomanya bulano ta, halali nomanye olunyumakhwo.
\v 8 Petero naye namuboolera mbu, Shiunzosia ebilenje tawe; naye namukalusia nendakhwosia ta, shiolaba neshisango ninasi ta.
\v 9 Petero namuboolera mbu, Omwami, shiolanzosia ebilenje bionyene ta, halali nende amakhono nomurwe biosi.
\v 10 Yesu namuboolela mbu, ulia owisinjire omubili, yenyekha tsa okhwosia ebilenje shichira nomulafu, nenyu muli abalafu, halali mwesi tawe.
\v 11 Khulwa okhubeera mbu yali namumanyirisie owitsa okhumukhoba, niko kachira naboola mbu, shimuli abalafu mwesi ta.
\p
\v 12 Kho owa yali namalile okhuboosia ebilenje, yabukula tsingubotsie, niyakhekhala khandi, yabareeba mbu, mumanyire elia ebakholere shinga olwa liri?
\v 13 Munanga mbu Omwechesia, khandi mbu Omwami; mubolanga obulayi shichira nendio endi.
\v 14 Ne nikhaba mbu Esie Omwechesia khandi Omwami eboosie ebilenje, mwesi mukhoyire okhwosanonjia ebilenje.
\v 15 Khulwa okhubeera mbu ebahesie eshilolero, mbu mwesi mukholenje shinga olwa ebakholere.
\v 16 Toto mwene emuboolera mbu, omusumba shayomba Omwamiwe ta; kata omurumwa shayomba oumurumire ta.
\v 17 Ne nimuba mumanyire kano, muli abeikhabi nimuba nimukakhola.
\v 18 Shiembola kano khwinywe mwesi ta, emanyirisie abandalobola, halali mbu amaandiko katusibwe, oulitsanga khubilibwa bianje yanjingulire eshisisiro.
\p
\v 19 Ne bulano ebaboolela nikashili okhwikhola mbu, olwa kaba nikekhola, munyale okhusuubira mbu Isie Nisie.
\v 20 Toto mwene emuboolera mbu, owinjisia ulia owa eruma, yanzinjisia, ne ounzinjisia yenjisia owaruma Isie.
\p
\v 21 Ne olwa yamala okhuboola, yanyakhana mumwoyo, ne narumbula naboola mbu, toto mwene emuboolera mbu, mulala khwinywe yetsa okhukhoba.
\v 22 Ne abeechibe nibahengana nibakanakania mbu niwina owabolaakhwo?
\v 23 Ne yaliho mulala khubeechibe owali nayeshire hashlifu shia Yesu, owayaheera muno.
\v 24 Simoni Petero yamusima nomukhono mbu, areebe mbu niwina owayakhaba naboolanga?
\v 25 Ulia owali nayeshie khushirifukhwe nareeba Yesu mbu, niwina owoboolanga?
\v 26 Yesu nakalusia naboola mbu, ulia owandiitsa okhumutonyera eshironje nimuheresia. Olwa yatonya eshironje, yamuheeresia Yuda Isikarioti Omwana wa Simoni.
\v 27 Ne inyuma weshironje esho, shetani namwinjiramwo, ne Yesu namuboolera mbu, elia okhola, khola bwangu.
\v 28 Ne abulaho hameesa owamanya eshiachira namuboolera amakhuwa yako.
\v 29 Abandi bapara mbu olwa Yuda ali nende omufuko, Yesu amuboolelanga mbu kula ebindu biakhutambire khulwa lisabo; nohomba mbu aheeresie abamanani eshindu.
\v 30 Kho olwa yamala okhubukula eshironje, yarula ebise ebo ne shiali eshiro.
\p
\v 31 Mana ye olwa yali namalile okhurula, Yesu yaboola mbu Bulaano omwana womundu aheebwa oluyali khandi Nyasaye aheebwa oluyali muye.
\v 32 Khandi Nyasaye alamuchingula muye omwene namuheelesia oluyali yaho yaho.
\p
\v 33 Abaana abatiti, endi ninenywe khubise ebititi. Mulakhaaba, ne shinga olwa ndaboolera abaYahudi, mbu wenzia shimunyala okhwitsayo ta, nendio emuboolera.
\v 34 Lilako liyia ebaheelesia mbu muhelanenje; shinga olwa emuheelire, muheeranenje murio.
\v 35 Mbu khwikhuwa lino, abandu bosi bamanye mbu muli abeechi banje nimuheerana abeene khubene.
\p
\v 36 Simoni Petero namureeba Omwami otsia hena? Naye namukalusia namuboolera mbu, kata ewenzia shionyala okhutsia ninasi ebise bino ta; halali naunondekhwo olunyuma.
\v 37 Petero namureeba mbu, Omwami, eshichira shina ndalanyala okhukhulondakhwo bulano ta? ndalahana obulamu bwanje khulwa yuwe.
\v 38 Yesu nakalusia mbu ohaane obulamubwo khulwa esie; toto mwene ekhuboolera mbu itaywa nishiiri okhulakula, olanziikana khataru.
\c 14
\cl Yohana 14
\p
\v 1 Shimulabeyabeya mumioyo chienywe ta, mumusuubire Nyasaye. Khandi musuubirire sie.
\v 2 Munzu wa Papa khuli nende ebikoro ebinji. Kalaba shikari kario ta shindakhababoolere mbu enzia okhubakasiria habundu tawe.
\v 3 Nemba nenzia okhubakasiria habundu, ndakhacherere omwene okhubabukula mbu kho halia wa endi mwesi mubeho.
\v 4 Mumanyire injira ili eyenziirakhwo.
\p
\v 5 Tomaso namuboolera Yesu mbu, "Omwami, shikhumanyire wotsitsanga tawe, ne nikhumanye khurie injira?"
\v 6 Yesu namuboolera, "Nisie injira, obwatieri nende obulamu, ne abulaho witsa khu Papa nalaburire khusie tawe."
\v 7 Ni muba nimumanyirisiye, mumanyirisiye Papa wanje, okhurulana bulano okhutsirira mumumanyirisiye nende okhumulola.
\p
\v 8 Filipo namuboolera Yesu mbu Omwami khumanyie Papa ilo lilaba likhuyerere fwe.
\v 9 Yesu namuboolera, "Embeere ninenyu khubise ebirambi, ne mushiri okhumanyirisia, Filipo? Ulia oundutsi, alutsi Papa, ne munyala okhuboola muriena mbu ebamanyisie Papa?
\v 10 Ne shimulasuubiranga mbu Papa ali mwisie nasi endi muye ta? Amakhuwa kebabooleranga shebabooleranga okhurulana khubunyali bwanje ta, halali Papa umenyanga musie akhola emilimochie.
\v 11 Suubirire mbu endi muPapa, naye Papa ali mwisie, kalali kario ta, suubirire khumilimo chikholeshe.
\v 12 Toto mwene ebaboolera mbu, "Yesi ousuubirira, Emilimo echiekhola alakhola, alakhola emilimo emikhongo okhushira chino shichira enzitsanga wa Papa.
\v 13 Liosi liosi liamureba mulira lianje, ndalalikhola kho Papa anyale okhuchinguulwa okhuburira mumwana.
\v 14 Liosi eliamusaba mulira lianje, ndalabakholera.
\p
\v 15 Ne nimuba nimuheera, mulalinda amalako kanje,
\v 16 Nasi ndalamusaba Papa ne alabaheresia omuhotseresi abe ninenyu buli lwosi,
\v 17 Roho wobwatieri. Abanashialo shibanyala okhumwinjisia tawe shichira shibamumanyire ta, shichira shibamulonga nende okhumumanyirisia ta, halali mumumanyirisie okhuba amenya ninenyu khandi alaba muinywe.
\v 18 Shindalabalekha shingana abafwirwa ta; ndakhacherere khunywe.
\v 19 Nebutswa khubise bititi, eshialo shishilandola tawe, nebutswa enywe mulandola, shichira emenyanga, mwesi mulamenya.
\v 20 Ne khunyanga eyo mwakhamanye mbu endi muPapa, nenyu muli musie, nasi endi munywe.
\v 21 Ulia oulinda amalako kanje niye owaheera sie, ne ulia ouheera alaheerwa nende Papa, nasi ndalamuheera nende khwilolesia khuye.
\p
\v 22 Ne Yuda (oulali isikarioti ta) namureeba mbu, "Omwami, shichira shiina okhuloleshere fwe ne shiololeshera eshialo ta?"
\v 23 Yesu namukalusia namuboolera mbu, "Ulia ouheera sie, alabiikha likhuwa lianje, ne Papa alamuhera, nefwe khwakhetsa okhukasia limenya halala ninaye.
\v 24 Ulia oulaheera ta, shialinda amakhuwa kanje ta. Amakhuwa kamuhulira shikarula mwisie ta halali muPapa owaruma.
\v 25 Amakhuwa kano emuboolere olwa eshimenya ninenywe.
\v 26 Kata kario, omuhotseresi, Roho Omutsienukhu owa Papa aruma muliira lianje, alamuechesia buli shindu ne alamwitsusia kosi akandamuboolera.
\v 27 Emulesheera omulembe; emuheeresia omulembe kwanje, ne shemuheeresia shinga olwa eshialo shimuheeresia tawe. Shimulabeyabeya ta khandi shimularia ta.
\p
\v 28 Mwahulira shinga olwa ndamuboolera mbu enziitsanga ne nengalushe, nimuba nimuheerire, mwakhayanze shichira enzia ewa Papa, okhuba Papa yayomba sie.
\v 29 Ne bulaano ebaboolere nikashiri okhwikholekha mbu olwa kaba nikekholere musuubire.
\v 30 Shindalaboola ninenyu amanji khandi ta, khulwa okhubeera Omukhongo weshialo shino ali okhwitsa, ne shiali nobunyali khwisie ta.
\v 31 Habula mbu eshialo shimanye shinga olwa ndamuheera Papa, khandi ekholanga shingana olwa Papa yandachirisia. Chende khutsie.
\c 15
\cl Yohana 15
\p
\v 1 Esie nisie omusabibu kwa toto ne naye Papa wanje niye omulimiri.
\v 2 Buli lisaka mwisie elilaama ebiamo ta alirema nalirusiaho, ne liria eliama ebiamo, alikasiria mbu khandi litsirire okhwama khandi ebiamo ebinji.
\v 3 Nenyu muli abalafu okhubirira khu likhuwa liandababoolere.
\v 4 Kario mumenyenje muisie ne nasi munywe nenyu mulaama ebiamo, shinga olwa lisaka lilanyala okhwama lionyene nililali musabibu ta, nendio mwesi shimunyala nimurali mwisie ta.
\p
\v 5 Nisie omusabibu ne nenywe amasaka, nimumenya mwisie nasi mwinywe mwitsa okhwama ebiamo ebinji shichira nirali esie shimunyala okhukhola shiosi tawe.
\v 6 Omundu nalamenya mwisie, aremwa nasukunwa mumuliro nasambwa.
\v 7 Nimuba nimumenya mwisie namakhuwa kanje nikamenya mwinywe, kho mulareba liosi liosi muliira lianje, nenyu mulakholerwa.
\v 8 Khulwa esho, nimuba nimwama ebiamo ebinji, Papa ahebwa oluyali ne khandi mulaba abeechi banje.
\p
\v 9 Shinga na olwa Papa yaheela, siesi ndabaheelile endio, kho mumenye mubuheri bwanje.
\v 10 Nimuba nimulinda amalako kanje, mulamenyanga mubuheeli bwanje shinga olwa ndalinda amalako ka Papa wanje ne nimenya mubuheli bubwe.
\v 11 Ne embaboolela amakhuwa kano mbu obuyanzi bwanje bumenyenge munywe mana obuyanzi bwenywe munyale okhutusibwa.
\v 12 Lino nilio eliebalachirisia mbu muhelanenje shinga olwa ndabaheera.
\v 13 Obuheeli obukhongo bufwana burinangwa; mbu omundu arusie obulamubwe khulwa abalinabe.
\v 14 Muli abalina banje nimuba nimukhola akemulachirisia.
\v 15 Shebalanga khandi mbu abasumba tawe; okhuba omusumba shiamanyanga eshiaomwamiwe akholanga tawe, nebutswa ebalanga mbu abeetsa khulwa okhubeera mbu amakhuwa kosi akandahulira khu Papa wanje ndabamanyia.
\v 16 Enywe shimwaindobola ta harali nisie owabalobola enywe mbu mwame ebiamo, mana ebiamo bienebo bibetsenjeho mbu mana buliikhuwa elia mureba muliira lianje yetsa okhubakholera.
\v 17 Amakhuwa kano abalachirisia mbu muheranenje abene khubeene.
\p
\v 18 Ne kata eshialo nishiba nishibasira, mwitsulire mbu; shiaranjirira okhusira sie.
\v 19 Nimwakhabeere abeshialo, eshialo shibaheera abali bashio, nebutswa khulwa okhubera shimuli abeshialo ta, shichira mbu ndabahula okhurula mushialo, niko akachira nishibasira.
\v 20 Mwitsulire likhuwa eliandababoolera mbu omusumba shiashira Omwamiwe ta, kho nibaba nibakhoba kho nendio balamukhoba mwesi murio; ne nibaba nibalinda amakhuwa kanje, khandi balalinda bario kenyu.
\v 21 Ne amakhuwa kano kosi balamukholera nywe sichira shibamumanyire owaruma sie ta.
\v 22 Nemba shindayetsa nebaboolera ta, shimwakhabeere nende ebionono ta, nebutswa khulwa okhuba ndababoolera, babulakhwo eshifunikho shiobwonooni tawe.
\v 23 Ulia ousira, amusira nende Papa wanje.
\v 24 Nemba nindakhakholere hakari wabwe emilimo echio oundi alakhola ta, shibakhabeere nende imbi yosi ta, nebutswa bulano balutsi khandi basirire esie nende Papa.
\v 25 Nebutswa kano kekholeshe mbu katusibwe akaboolwa nende Omunabii mbu; basirire halali neshifune ta.
\p
\v 26 Ne olwa omukhonyereri aba niyetsa ourula ewa Papa, yetsa okhubahotseresia. Ye ni Roho owobwatieri ourumbula akobuloli khu Papa nende sie.
\v 27 Ne nenyu mwesi mulahana akobuloli khwisie shichira mwabere ninasi okhurula mukhuchaaka.
\c 16
\cl Yohana 16
\p
\v 1 Amakhuwa kano ebaboolera, mbu mana muleshe okhusinyisibwa.
\v 2 Mana balamusukuna elwanyi wetsisinagogi, ebise biitsanga ebia balamwira nibapara mbu bamukholera Nyasaye emilimo.
\v 3 Ne kano koosi bakhola shichira shibamumanyire Papa kata esie tawe.
\v 4 Ne amakhuwa kano ebaboolera mbu olwa kaba nikekhola, mwitsulire shinga olwa ndababoolera, ne kano shindababoolera mukhuchaaka ta shichira ndali ninenywe.
\p
\v 5 Ne bulano erulaho, enzia wa oyo owaruma, ne abulaho kata mulala owureeba mbu otsia hena ta.
\v 6 Ne okhuba ebaboolere amakhuwa kano, eshibeera shitsuule mumioyo chienywe.
\v 7 Kata kario ebaboolera obwatoto, kali habulafu khunywe mbu erulaho, ne nimba nindarulaho khunywe ta, omuhotseresi uyo shialetsa tawe, ne nimba ninzia ndalamuruma khunywe.
\v 8 Ne olwa aleetsa, alahula eshialo mushiina khumakhuwa kobwonooni, akobulunjishi nende akobukhalachi.
\v 9 Akobwonooni shichira shibaasuubira sie ta.
\v 10 Akobulunjishi shichira enzia khu Papa, nenyu shimulandola khandi ta.
\v 11 Akobukhalachi shichira Omuruchi weshialo shino amalire okhukhalachirwa eshiina.
\p
\v 12 Endi nende amakhuwa amanji akokhubabolera nebutswa shimboola ta shichira shimunyala okhukenjisia ebise bino tawe.
\v 13 Kario khumweno oyo owitsa, Roho tsana akalababoolera, shialabola khukeke omwene tawe, habula akalahulira niko akalababoolera ne alabafunulira akene yako aketsa okhwitsa.
\v 14 Mana alamberesia oluyali; shichira alabukula khukanje ne alabanyia enywe.
\v 15 Buli shindu eshia Papa ali ninashio neshianje, niko akachira nemboola mbu alabukula khukanje naye alabamanyia nywe.
\p
\v 16 Khushise eshiititi shimulandola ta, khandi khushise eshitiiti mulandola shichira enzia ewa Papa wanje.
\v 17 Mana balala khubeechibe nibachaaka okhurebana mbu lino limanyisia shina, mbu khushise eshitiiti mulandola khandi khushise eshitiiti shimulandola ta shichira enzia ewa Papa.
\v 18 Ne nibatsirira okhurebana mbu lino limanyisia shiina elia aboola mbu eshise eshitiiti shimulandola ta ne abulaho oumanyirisia tawe.
\p
\v 19 Mana Yesu namanya shinga olwa benya okhumureba, ne nababoolera mbu murebananga elia emboolere mbu khushise eshitiiti ta shimulandola, khandi khu shise eshitiiti mulandola khandi.
\v 20 Ebaboolera obwatoto mbu mulekhuula nimulira nashio eshialoshilekhoya, eshibeera shienyu shilametekha ne kata okhuberera khwenyu khulakalusibwa okhuba okhwikhoya.
\v 21 omukhasi olwa aba nalumwa abetsanga neshibeera, ne olwa aba niakhebula, asangala niyebirira akeshibeerashie shichira omundu yebulwe mushialo.
\v 22 Khulwa eshise shino muli nende eshibera, ne ndalabetsera khandi, mana mulasangala ne obusangafu ibo abulaho ounyala okhuburusia khwinywe.
\v 23 Ne khunyanga eyo shimulareba eshindu shiosi ta ebaboolera obwatooto mbu liosi liosi elia mulareba, Papa muliira lianje alabaheresia.
\v 24 Okhuula eshise shino mushiri ikhureba liosi liosi muliira lianje ta, sabe liosi elia mwenya nenyu mulakholelwa mbu mana obusangafu bwenyu bwitsule.
\p
\v 25 Amakhuwa kano embolere ninenyu mutsinjero ne eshise shiitsanga eshia ndaletsa okhubola ninenyu mutsinjero tawe, ndaboola habulafu mbu emumanyire Papa.
\v 26 Ne inyanga yene eyo mulareeba liosi liosi muliira lianje, nasi, nasi shindalababoolera mbu enzia okhusaaya papa khu lwenyu ta.
\v 27 Okhuba Papa wanje yabaheera shichira amanyire enywe mwaheera khandi mwasuubira mbu ndetsa okhurula khu Nyasaye.
\v 28 Ndetsa mushialo nerula ewa Papa khandi endalekha eshialo nengalukha ewa Papa.
\p
\v 29 Abeechibe nibamureba mbu lola bulano obola butswa habulafu ne nolaboola mutsinjero khandi ta.
\v 30 Bulano khusuubira mbu eywe omanyire amakhuwa kosi, ne abulaho oukhureba likhuwa liosi ta, shichira khumanyire mbu warula ewa Papa.
\p
\v 31 Yesu nabakalusia mbu, bulano musuubira?
\v 32 Lola eshise shiitsanga ne kata shiulire eshia mulasalana buli mundu natsia injira yiye nimundekha sienyene, nebutswa shiendi sienyene ta okhuba Papa wanje ali halala ninasi.
\v 33 Amakhuwa kano ebaboolera mbu mutsie mana mube nende omulembe, okhubera mushialo mulaba nende okhusandibwa, nebutswa mwihelesie omwoyo shichira emalire okhuhula eshialo.
\c 17
\cl Yohana 17
\p
\v 1 Yesu yaboola amakhuwa kano mana nachingula tsimoni mwikulu naboola ari Papa ebise biulire, chingula Omwanao mbu Omwanao yesi anyale okhukhuchingula.
\v 2 Shinga olwa omweresiye obunyali khubandu bosi mbu abaheelesie obulamu bweinziayo abo bosi aba wamuheelesia.
\v 3 Ne mbu mubulamu bweinziayo buno banyale okhukhumanya ewe wenyene Nyasaye watoto nende Yesu Kristo owa waruma.
\v 4 Ndakhuchinguulire khushialo' emalire omulimo kwa wamberesia okhukhola.
\v 5 Ne bulano Papa ungalusirie oluyali halala ninawe omwene, oluyali lwenolo olwa ndalinji ninalwo halala ninawe, eshialo nishishiiri okhubaho.
\p
\v 6 Ndabamanyia eliiralio abandu beene abo aba wambeelesia mushialo; balinji abobo, ne nobamberesia ne bahuliire likhuwalio.
\v 7 Ne bulano bamanyirisiye mbu ebindu biosi ebiaumberesiye nebibio.
\v 8 Okhuba ndabaheeresiye amakhuwa kawamberesia nabo nibakafuchirira ne bamanyirisie toto mbu ndarula uwo ne basuubire mbu toto waruma.
\v 9 Ebasayiranga, shiesayiranga eshialo ta habula balia abawamberesia shichira nibo abobo.
\v 10 Ne biosi ebili ebianje nebibio, nabio ebibio nebianje, nasi eheebwa oluyali mubo.
\v 11 Ne bulano shieshili mushialo khandi ta ne habutswa bo bali mushialo nasi nzitsa ewa oli. Papa Omutakatifu obalinde khulwa elliralio abo abawamberesia mbu babetsenje mulala shinga olwa khuli.
\v 12 Olwa ndali ninabo mushialo ndabalinda khulwa elliralio abo abawamberesia, nebateetsa kata abulaho khubo owatiba, habula Omwana wobukori oyo; mbu amahandiko katusibwe.
\p
\v 13 Ne bulano enzitsa ewoli, ne amakhuwa kano emboola mushialo mbu babe nende okhwikhooya nikhusiilisibwa mubo.
\v 14 Ndabaheeresia likhuwalio ne eshialo, shichira shibali abeshialo ta; shinga sie olwa endali weshialo ta.
\v 15 Shesaaya mbu obarusie mushialo ta ne mbu obalinde khumubi oyo.
\v 16 Shibali abomushialo ta shinga olwa endali womushialo.
\v 17 Obatsienule mubwatoto obwo.
\v 18 Shinga olwa waruma sie mushialo, nasi nendio ndabaruma mushialo.
\v 19 Ne Khulwabo, nditsienula omwene mbu bosi banyale okhwitsienula okhuburira mubwatoto.
\p
\v 20 Shembasaayira bano bonyene ta, habula nende abenabo abasuubilira esie khulwa likhuwa liabwe.
\v 21 Mbu bosi babe mulala shingana olwa Papa ali mwisie nasi muye, mbubosi banyale okhuba mulala mwifwe mbu eshibala shisuubire mbu khane niwe owaruma.
\v 22 Mbu oluyali olwamberesia ndabaheeresia mbu babe mulala shinga olwa fwesi khuli mulala.
\v 23 Esie mubo nawe mwisie mbu bakholwe abalunjishi mubulala, eshialo shimanye bu niwe owaruma, ne wabaheera shinga olwa waheera sie.
\p
\v 24 "Papa ndikoomba mbu balia abawamberesia babe ninasi ewa endi, mbu balole oluyali olwa wamberesia shichira mbu waheera kata eshialo nishishiili okhubaho."
\p
\v 25 "Ee Papa omulunjishi, eshialo shishiakhumanya ta; ne halali esie ndakhumanya ne nabo bamanyire mbu niwe owaruma.
\v 26 Ne nasi ndabamanyia eliiralio, khandi ndalalimanyisia, mbu obuheeli obwa waheera bube mubo, nasi mubo.
\c 18
\cl Yohana 18
\p
\v 1 Olwa Yesu yamala okhusaya, yarula nabeechibe nibambukha Lidokho lia Kidironi, niyenjira ewobuhulushiro bwali, halala nende abeechibe.
\p
\v 2 Mana Yuda owamukhoba namanya abundu bwene yaho; khulwa Yesu yatsitsanga ninabo buli nibenya okhusaaya.
\v 3 Yuda yamala yetsaho nali nende abasikari nende abakhalabani bokhurula khubakhulundu babakuhani nende abaFarisayo nibachinjire tsitaha nende ebibanulwa.
\v 4 Yesu namanyire kosi akalekholekha khuye, yabatsiira nabareba mbu, "mukhabanga wina?"
\v 5 Nabo nibamukalusia mbu, "Yesu wa Nazareti, Yuda owakhoba Yesu nasinjire halala ninabo; Yesu nabakalusia mbu, nisie.
\v 6 Ne olwa yali yakhamala okhubabolera mbu nisie, bakalukha inyuma nibakwa hasi.
\v 7 Ne naye nabareba khandi mbu ni wina owamukhabanga? nabo nibamukalusia mbu Yesu wa Nazareti.
\v 8 Yesu nabakalusia nababolela mbu, shembabolere mbu nisie, ne nimuba nimukhabanga, leshe bano batsie ewabo.
\v 9 Kano kekhola mbu eliandaboola litusibwe mbu waamberesia bosi ne shindalekha kata mulala khubo akore tawe.
\p
\v 10 Simoni Petero yali nolukanga, naluhinia ne narema omusikari wabakuhani eshirwi, owalangwa mbu Maliko.
\v 11 Yesu nabololera Petero mbu, kalusia olukanga mumufuko kwa luo kho enywe ushikombe eshia Papa yaambere.
\p
\v 12 Mana abasikari halala nende abakhongo babemirisi babaYahudi bamala bamutiira Yesu nibamuboha.
\v 13 Nibamuyira khu Annas ouli nyakhufiala nyene Kayafa, owali Omukuhani Omukhongo olwene olo.
\v 14 Kayafa niye wabolera abaYahudi mbu kakhoyere omundu mulala okhufwa khulwa abaandi.
\p
\v 15 Simoni Petero nende omwechi wundi bamulondakhwo Yesu, omwechi uno ye yamanyikhana khu mukuhani omukhongo, khandi yenjira nende Yesu okhuula mushiina shiomukuhani.
\v 16 Halali Petero yasinjira butswa ashiribwa, kho omwechi uno nakalukha khushiribwa, naboolera omukhana owali nalindanga hashiribwa mbu aleshe Petero yenjire mukari.
\v 17 Omukhana owali nalindanga eshiribwa, nareeba Petero mbu, sholi mulala khu beechi bo omundu uyo, naye namuboolera mbu tawe.
\v 18 Abakholi halala nende abasikari bali nibasinjireho, nibabwanire omuliro kwokhwoora khulwa obushiindu, ne olwa bali nibooranga, khandi Petero yesi naba niyoranga omuliro kwene oko ninabo.
\p
\v 19 Kho omukuhani omukhongo naba nareebanga Yesu okhulondokhana nende abeechibe nende amechesio keke.
\v 20 Naye Yesu namukalusia mbu, "ndechesinjia habulafu imbeli waabandu boosi, mana tsinyanga tsiosi ndechesia mumasinagogi nende mutsihekalu, buli abundu wabayahudi bali, shendabolakhwo liosi liosi musiiri tawe.
\v 21 Shichira shiina orebanga yako kosi, reba yabo abahuliranga nindiechesia, balakhubira akandaboola.
\v 22 Olwa yamala okhuboola endio, ommusikari wali nasinjire ahambi ninaye, namukhupa olukhofi mumoni namureba mbu, okalusia orie omukhulundu wabakuhani?
\v 23 Yesu namukalusia mbu, nemba nembolere obubi, ngoboshera khububi, ne nikakhaba embolere obulamba, shichira shiina nimukhupa?
\v 24 Kho Anas namala namuyira khu Kayafa omukuhani omukhongo nashiboyerwe amakhono.
\p
\v 25 Ne Simoni Petero olwa yali nashioranga omuliro, abali ahambi ninaye nibamureba mbu ewe shioli mulala khubeechibe, Petero nakana nokhumuboolera mbu shendi sie tawe.
\v 26 Mulala khubakholi bomukuhani omukhongo, mwanabo omundu wa Petero yarema eshirwi, nareba Petero mbu, shendalolangakhwo noli nende Yesu nebaanda?
\v 27 Khandi Petero nakaana mana itaywa nilakula mulwangu yilo.
\p
\v 28 Kho nibamunia Yesu khu Kayafa, nibamuira munzu yobuyaasi, kushiri mumabwibwi, ne nabo bene nibalenjiramwo ta mbu baleshe okhwononekha mbu kho banyale okhulia Pasaka.
\v 29 Mana omuruchi Pilato natsia elwanyi nabareba mbu nelikhuwa shina eliamurerere omundu uno hano?
\v 30 Nabo nibamukalusia mbu, alaba shiali nende amakoso tawe, shikhwakhamurerere hano tawe.
\v 31 Mana Omuruchi Pilato nababoolera mbu "mubukule mana mumukhalachire eshiina, okhulondokhana nende amalako kenyu". Mana abaYahudi nibamukalusia mbu efwe shikhuli nende obunyali bwokhukhalachira omundu yesi okhufwa tawe.
\v 32 Mbu kho aka Yesu yaboola koosibwe kamanyisinjia mbu nolufu lwambia shina olwa naafwe.
\p
\v 33 Mana Pilato nakalukha munzu yobuyaasi, ne namulanga Yesu namureba mbu, "neywe Omuruchi wabayahudi?"
\v 34 Naye Yesu namukalusia mbu, "oboola orio khululwo nohomba abandi bakhuboolere bario khwisie?"
\v 35 Naye Pilato namukalusia mbu, "Esie shiendi omuYahudi tawe, abelihanga lilio nende abakhulundu babakuhani bakhurerere khusie, okholere shiina eshibi?
\v 36 Naye Yesu namukalusia mbu, oburuchi bwanje shibuli bweshialo shino tawe, bulaba bweshialo shino, abakholi banje bakhakhupaniire mbu endeshe okhurerwa mumikhono chiabaYahudi, ne butswa oburuchi bwanje shibuli obwa hano tawe.
\v 37 Ne lano Pilato namureba mbu, "kho shioli omuruchi?" Yesu namukalusia mbu, "neywe oubolanga, kho shichira akenako ndebulwa, kachira nditsa mushialo mbu engoboshere obwatieri, mana ouli owobwatieri ahulire omwoyo kwanje.
\v 38 Naye Pilato namureba mbu, "Obwatieri ni shiina? ne olwa yali niyakhareba ario, yatsia khandi khubaYahudi nababoolera mbu, shendolangakhwo likoso liosi muye tawe."
\v 39 Ne khulwa okhuba muli nomwima mbu buli Ipasaka khulakhuule omuboye mulala, kho bulano ebalakhuulire Omuruchi wabaYahudi?
\v 40 Ne nibakhupa obuyoka obuunji mbu, "Omundu uyo tawe, halali lekha Barabasi", naye Barabasi yali omwifi.
\c 19
\cl Yohana 19
\p
\v 1 Mana Pilato namubukula Yesu ne namukhupa.
\v 2 Ne abasikari nibakasia ingara ya mahua nibamura khumurwe, nibamufwala ingubo yeisabarau.
\v 3 Nibamushesia mbu mulembe Omuruchi wAbayahudi, nibamukhupa tsikhofi.
\p
\v 4 Pilato nakalukha khandi ne nababoolera mbu, emukalusia khunywe khandi halali mumanye mbu shemunyolerekhwo nende eshikha shiosi tawe.
\v 5 Mana Yesu niyetsa nafwalire ingara ya mahua ne ingubo yeisambarau ne Pilato nababoolera mbu ngwoyo.
\p
\v 6 Olwa abakhulundu babakuhani nende abakhalabani yabo bamulola, bayiba obutinyu mbu abambwe! abambwe! Naye Pilato nababoolera mbu, mubukule mumubambe habutswa shemulolerekhwo neshikha shiosi tawe.
\v 7 Abayahudi nibamukalusia mbu, "khuli nelilako ne khulio akhoyere okhufwa shichira yekhola okhuba Omwana wa Nyasaye".
\p
\v 8 Olwa Pilato yahulira ario, yaria muno.
\v 9 Niyenjira khandi muPraitorio nareba khandi Yesu mbu warula hena? Naye shiamukalusia tawe.
\v 10 Pilato namureba mbu shiwenya okhuboola ninasi tawe, shiomanyirekhwo mbu endi nende obunyali bwokhukhubamba khandi obunyali bwokhukhukhola omulakhule.
\q
\v 11 Yesu namukalusia ari sholikhwo nobunyali bwosi khwisie tawe halali obwoheresibwe okhurula mwikulu, niko kachira oyo owayareere mumukhonokwo ali nobwonooni obukhongo okhushira.
\p
\v 12 Ne okhurulana nende yako, Pilato niyenya okhumulakhuula, habutswa abAyahudi nibayiiba obutinyu nibaboola mbu nolakhuula omundo oyo natsia shiwitsa okhuba omulina wa Kaisari tawe, okhubera mbu yesiyesi owikhola okhuba Omuruchi, akhola shibeka nende Kaisari.
\p
\v 13 Ne olwa Pilato yahulira ario, yarusia Yesu erwanyi, niyekhala khushifumbi shiobuyaasi, habundu halangwa mbu Obweru ne muluHeburania mbu Gabatsa.
\p
\v 14 Ne yali inyanga yokhwikhoyera Pasaka, ne yali shinga khusaa yakhasasaba naye naboolera abaYahudi mbu Omuruchi wenywe ngwoyo!
\p
\v 15 Nabo nibayiba mbu murusie! murusie! mubambe! naye Pilato nareeba ari emubambe omuruchi wenywe? Ne abakhulundu babakuhani nibakalusia mbu shikhuli nende omuruchi ta halali Kaisari.
\p
\v 16 Ne namulakhuula mbu bamubambe, nibamubukula nibatsia ninaye.
\p
\v 17 Mana nachinga omusalabakwe natsia habundu alangwa muluHeburania mbu Goligotsa yani mbu habundu weshianganga.
\v 18 Ewa bamubamba nende abandi babiri Yesu nali hakari wabwe.
\p
\v 19 Mana Pilato nahandika eliira nara khumusalaba, nilihandikwa liri; "YESU WE NASARETI, OMURUCHI WABAYAHUDI."
\v 20 Ne abanji bokhubaYahudi nibasooma okhuba habundu wayabambwa yali ahambi nende litookho, nalio liahandikwa muluHeburania, mululatini nende muluYunani.
\p
\v 21 Kho abakhulundu babakuhani babaYahudi nibamukania Pilato mbo shiolandika mbu Omuruchi wabaYahudi ta; habula mbu Ye yekholanga ari Nisie Omuruchi wabaYahudi.
\p
\v 22 Ne Pilato nabakalusia ari eliehandiche emalire okhuhandika.
\p
\v 23 Olwa balindi bali bakhamubamba Yesu khumusalaba, babukula ebifwalobie nibabikabulamwo khane, buli omulindi omukabo khandi nende inguboye yomukari, ne ingubo eyo shiyali nende obunabiro bwosi ta, yalikhwa yosi okhurula ikulu.
\v 24 Nibaboolerana mbu shikhulakusia ta halali khuchiupire ikha khulole niwina oubukula mbu amaandiko katusibwe akaboola mbu;        bakabana ebiifwalo bianje, Nibakhupa ikha khungubo yanje, niko akabalindi bakhola.
\p
\v 25 Maria nyinamwana Yesu nende omukhana wabwe mbu Maria omukhasi wa Kiliopa nende Maria Magadalina bali nibasinjire hamusalaba kwa Yesu.
\v 26 Olwa Yesu yalola nyina nende omwechi wayali niyachama nibasinjireho yaboolera nyina ari Mama omwanwo ngwoyo!
\q
\v 27 Mana naboolera omwechi oyo mbu mawo ngwoyo; ne yaho yaho omwechi namuyira ewuwe.
\p
\v 28 Ne olunyuma lwa kano, olwa Yesu yamanya mbu buli shindi shiwere ne amaandiko koosibwe, yaboola mbu, "ndaalashe."
\v 29 Ne isiongo yeidivai yali niyirenjekhweho, nibabukula eshiangwe nibeena mudivai iraanyire eyo ne nibashira khuluusi nibayira khumunwakwe.
\v 30 Olwa Yesu yamala okhubukula idivai iraanyire, yaboola mbu, "kahwere," niyenamia omurwekwe ne nakhalaka omwoyo.
\p
\v 31 Ne okhubera mbu yali inyanga yokhwikhwanira, abaYahudi basaba Pilato mbu bafunakwe ebirenje nibarusibwaho mbu emilambo chileshe okhutong'a khumusala khunyanga yeisabato tawe, shichira inyanga eyo yali ikhongo muno.
\v 32 Kho abalindi nibafunaka ebirenje bio wokhuranga nende oundi owabambwa ninaye.
\v 33 Ne olwa boola khu Yesu yali namalire okhufwa ne nibalamufunaka ebirenje ta.
\v 34 Nebutswa mulala khubalindi yamutsoma mulubafu ne habwene nahabwene amatsai nende amatsai nikarulamwo.
\v 35 Ne ulia owalola ali nobuloli ne obulolibwe nobwatooto, ne amanyire mbu akaboola nikatooto mbu mukasuubire.
\p
\v 36 Kano kekholekha mbu liandiko litusibwe. "Likumbalie lirifunakwakhwo ta".
\v 37 Ne lihandiko lindi liboola lirinanwa, "Balimuhenga oyo owabafumira".
\p
\v 38 Olunyuma lwa kano, Yusufu wa Arimathae, omwechi wa Yesu (halali mubwibusu khulwa okhuria abaYahudi), yamwisaya Pilato mbu abukule omubiri kwa Kristo, ne Pilato namwiyamira. Naye niyetsa nabukula omubiri kwa Kristo.
\v 39 Khandi naye Nikodemo owali niyamwitsira Yesu mushiro. Yarera amatsokasio mane mane, nende tsisubili ebihela shinga tsiratili eshikhumi.
\v 40 Nabo nibabukula omubiri kwa Yesu nibakuboha musanda eikitani, halala nende amalesi shinga eshiima shiabaYahudi, eshiokhuyabira abafu shinga olwa kali.
\v 41 Ahambi wayabambwa, khwaliho nende omukunda ne mumukunda okwo kwalimwo ing'ani imbia eyomundu ashiriri okhuyabirwamwo ta.
\v 42 Omo Nimwo omwabayabira Yesu khulwa okhwipanjira inyanga ikhongo yabaYahudi, shichira ing'ani eyo yali ahambi.
\c 20
\cl Yohana 20
\p
\v 1 Inyanga yambeli ye liwichi, Maria Makatalina yetsa mumabwibwi, nishishiri eshirima khushirindwa, ne nanyola lichina nilirusibwekhwo.
\v 2 Ne niyerukha namutsiira Simoni Petero nende omwechi wundi oyo owa Yesu yali niyachama ne nababoolera mbu bayiniiye Omwami mushirindwa ne shikhumanyire ewa bamuyirire tawe.
\p
\v 3 Mana Petero narula nende omwechi wundi uyo nibatsia khushirindwa.
\v 4 Kho berukha bosi ne omwechi wundi uno namuyomba Petero ne namuranjirira okhuula khushirindwa.
\v 5 Ne olwa yolaho, ne nayenjereramwo, yalola tsingubo tsiekitani ne halali shiyenjiramwo tawe.
\p
\v 6 Mana Simoni Petero owali namulondngakhwo yola niyenjira mushirindwa nalolatsingubo tsiekitani nitsikonere.
\v 7 Ne eshitambaha shiali nishiboyerwe khumurwe shianyolekha nishilali nende tsingubo tsindi tawe, habula shiali nishikunjirwe nishirerwe halubeka shionyene.
\v 8 Mana omwechi wundi uyo owaranjirira yesi niyenjiramwo ne nalola ne nasuubira.
\v 9 Shichira mbu shibali nibamanyirisie amaandiko mbu kenyekha alamushe okhurula mubafu.
\p
\v 10 Mana abeechi nibatsia khandi munzu yabwe.
\v 11 Halali Mariamu yatong'a butswa hashirindwa niyekhuula, ne olwa yali niyekhuulanga yasikama nayenjerera mushirindwa.
\v 12 Ne nalola abamalaika babiri mutsingubo tsindafu nibekhaale, oundi namurwe noundi nabirenje womubiri kwa Kristo kwali nikurerwe.
\p
\v 13 Ne nibamureba mbu, "omukhasi oliranga mbushina?" ne naye nababoolera mbu, "babukuule Omwami wanje ne shiemanyire hawabamuyirire tawe."
\v 14 Ne olwa yali yakhamala okhuboola ario, nayenga inyuma ne nalola Yesu nasinjire, ne halali shiyamanyirisia mbu ni Yesu tawe.
\q
\v 15 Naye Yesu namureba mbu omukhasi ewe oliranga shiina? okhabaanga wiina, ne naparanga mbu nomukholi womukunda, ne namuboolera mbu noba nomubukule, mbolera womurere nasi nditsa okhumubukula.
\p
\v 16 Yesu namuboolera mbu mariamu, ne nashiukhana namulanga mbu Raboni yani mbu Omwechesia.
\q
\v 17 Yesu namuboolera mbu sholandirakhwo tawe shichira mbu eshiri okhupurukha enzie ewa Papa, ne halali tsia oboolere abaherwa banje mbu emburukhe enziire ewa Papa, khandi Papa wenywe, khandi ewa Nyasaye khandi Nyasaye wenywe.
\q
\v 18 Maria Magadalina natsia naboolera abeechi mbu aluutsi Kriso ne mbu yali namuboolere amakhuwa kano.
\p
\v 19 Ne inyanga yeneyo hamukoloba, niili inyanga yokhuranga khwiwichi, emiliango nichikaale echieinzu yabali nibabukaniremwo, Yesu niyetsa nasinjira hakari wabo, ne nababoolera mbu, "omulembe kube ninenyu".
\v 20 Ne olwa yabola ario, nabamanyia amakhonoke nende tsimbafu tsie mana nabo nibachama okhuba baluutsi Omwami.
\p
\v 21 Mana Yesu nababoolera khandi mbu "omulembe kube ninenywe", mbu shinga olwa Papa yaruma, nendio ebaruma.
\v 22 Ne olwa yali niyakhaboola kano, yabayeleera emuuya, nababoolera mbu, bukule Roho Omutakatifu.
\v 23 Boosi abamuleshera ebionono biabwe, balalesherwa, ne yabo boosi abayaanda khutsimbi tsiabwe, balatong'a bario.
\p
\v 24 Ne Tomasi, mulala khu balia ekhumi nababiri owalangwa mbu Mukhwana, shiyali ninabo olwaYesu yabaloleshera ta.
\v 25 Abeechi bashie nibamuboolera mbu khulutsi Omwami. Naye yababoolera mbu nendashialola tsimbala tsiemisumari mumikhono chie, mana endiire mutsimbala etso, khandi endiire mutsimbafu tsie, shesuubira tawe.
\p
\v 26 Ne olunyuma lwe tsinyanga munane abeechibe khandi nibabukanire, Tomasi nali halala ninabo, Yesu niyetsa ne emiliango chiali nichikaale ne nasinjira hakari wabwe, ne nababoolera mbu, "omulembe kube ninenyu".
\q
\v 27 Ne namuboolera Tomasi mbu reera tsinzala tsio, lola emikhono chianje, reera emikhonochio ore mumbafu mwanje, shiolaba omundu oulasuubira ta halali owusubira.
\q
\v 28 Mana Tomasi namukalusia namuboolera mbu, Omwami wanje Nyasaye wanje.
\q
\v 29 Yesu namuboolera mbu Tomasi, wundutsi niko akachira niusuubilira.
\p
\v 30 Yesu yakhola amanji akokhuchenya imbeli wabeechibe, akalahandikwa mushitabu shino tawe.
\v 31 Ne habutswa, ndahandika amakhuwa kano mbu munyale okhusuubira mbu Yesu niye Kristo khandi nomwana wa Nyasaye, ne khandi khulwa okhusuubilira, mana munyole obulamu obweinziayo.
\c 21
\cl Yohana 21
\p
\v 1 Olunyuma lwa Yesu okhwilolesiria abeechibe khu Nyanza ya Tiberia, yelolesia munjira yino;
\v 2 Khwaliho nende Simoni Petero nende Thomasi oulangwa mbu Mukhwana nende Nathanieli owa Cana mu Galilaya nende abaana ba Zebedayo halala nende abeechibe bandi babiri.
\v 3 Simoni nababoolera mbu enzitsanga okhunyena, nabo nibamuboolera mbu "khulatsia ninawe", mana eshiro isho shiosi shibatiirakhwo eshindu shiosi tawe.
\p
\v 4 Mana olwa bwashia, Yesu yasinjira khundulo khweinyanza, nabo abeechibe nibalamumanya ta.
\q
\v 5 Mana Yesu nabareeba mbu, "mulikhwo nende eshiokhulia?" nabo nibamukalusia mbu "tawe".
\q
\v 6 Yesu nababoolera mbu "sukune olukhanda lwenyu elubeka lwe liaro, ne mulatsinyoola." olwa basukuna tsikhanda tsiabwe ebweneyo, shibanyala okhuyinia khulwa obunji bwe tsinyeeni.
\v 7 Yohana omwechi wa Yesu yali yayanza muno naboolera Petero mbu "nOmwami." Ne olwa Petero yahulira ni Yesu, yamala niyeboha ingubo yiye yokhuloba shichira yali nali eshiechenyi, ne naruchira mumatsi.
\v 8 Mana abeechi bandi nabo nibasuta mukari halali shibatsia ehale tawe khulwa obunji bwetsinyeeni.
\v 9 Ne olwa bali nibamalire okhuula khuluchinga balola omuliro kwa manda nikubwanirwe ne inyeeni nende omukate nibirerwekhwo.
\p
\v 10 Kho Yesu nababoolera mbu, rerekhwo tsinyeeni tsiamutiirire,
\v 11 Mana Petero natsia nareera tsinyeeni khuluchinga okhuba tsiali shinga eshikhumi nende amakhumi karaano natsitaru; ne kata olwa tsinyinji tsinyinji tsirio, olukhanda shilwarandukhakhwo tawe.
\p
\v 12 Mana Yesu nababoolera mbu mwitse bulano mulie, nebutswa abulaho owamureeba mbu niwe wina tawe shichira bamanya nOmwami.
\v 13 Mana Yesu niyetsa nasinyola omukate, nabahelesia, khandi inyeni yosi nakhola ario.
\v 14 Luno luyira khataru, Yesu niyelolesinjia khubeechibe okhurula olwa yali nalamushe okhurula mubafuu.
\p
\v 15 Mana olwa bali nibamalire okhulia, Yesu nalanga Petero namureeba mbu, "Simoni Petero wa Yohana, wanjama okhushira bano bosi?" Petero nakalusia namuboolera mbu, "Omwami ndakhuchama okhushira bano bosi, ne namuboolera mbu linda amakondi kanje."
\p
\v 16 Namureeba Petero olwa khabiri mbu, "Petero, wanjama? Petero namuboolera mbu, "Omwami ndakhuchama, namuboolera mbu, lisia amakondi kanje."
\p
\v 17 Namureeba khandi olwa khataru mbu, "Simoni Petero wa Yona wanjama? Mana Petero nasinyikha shichira yamureeba olwakhataru mbu wanjama? ne namukalusia mbu, Omwami omanyire mbu ndakhuchama, ne namuboolera mbu, linda amakondi kanje."
\p
\v 18 "Ekhuboolera obwatoto mbu olwa wali noshiri omubukha weboohanga notsia ewa wenyere, ne olwa oliba nokofuule olikololosia emikhono ne oundi alikhuboha nakhuyira wolenyere tawe.
\v 19 Kano yaboolanga namanyia okhufwa khukhwe khulamuheresia Nyasaye oluyali, ne olwa yali namalire okhuboola yako, yamuboolera mbu nondakhwo.
\p
\v 20 Mana Petero nashiukhana, nalola omwechi oyo owa Yesu yachama muno nabalondangakhwo, owali khandi namuyesherekhwo khushirifu khubilibwa biokhuloba namureba mbu, 'Omwami niwina oulakhukhoba?"
\v 21 Petero namulolanga nareba Yesu mbu, Omwami naye uno yetsa okhukhola shiina?
\p
\v 22 Yesu namukalusia mbu nemba nindenya mbu amenye okhuula olwa endicherera, kakhunyasiria shiina? Eywe nondakhwo.
\v 23 Mana amakhuwa ako nikatswana mbu omwechi uyo shalafwa tawe, nebutswa yaboola mbu nemba nindeenya mbu ammenye okhuula olwa ndilitsa, kakhunyasiria shiina?
\p
\v 24 Ne uno niye omwechi watsana owahandika amakhuwa kano ne khumanyire mbu oburumbushi buno nobwatoto.
\p
\v 25 Khuli nende amakhuwa amanji aka Yesu yakhola nende okhwechesia mbu kata nikakhahandikwe eshialo shishiakhanyalire okhuchinga ebitabu biakhahandikwe tawe. Ameni.