lks_reg/43-LUK.usfm

\id LUK
\ide UTF-8
\h Luka
\toc1 Luka
\toc2 Luka
\toc3 luk
\mt Luka
\c 1
\cl Luka 1
\p
\v 1 Abandu abanji babukula emilimo chiokhura halala ebindu biamala okhwikholekha hakarikari wefwe,
\v 2 Shingana butswa biabisibwa nibikhulila efwe okhurula khubalia abalora netsimoni nibali abasumba belikhuwa.
\v 3 Kario siesi kandolesheere amalayi khandi, nakachira ekhabirisie habwene muburunirisi bwa bulishindu okhurula mubuchachiro, okhukhuhandichira ebikhole biri mubulosie eyuwe owoluyali Tsiofila,
\v 4 Kho obe ounyala okhuba nende obusubisie mubindu bilia ebia wamalire okhwechesibwa.
\p
\v 5 Mutsinyanga tsia Herode omuruchi webuYahudi khwaliho nende omukuhani wundi oweliira mbu Sakaria okhurula muluyia lwa Abija; omukhasi wuwe Lisabeti owali khandi owoluyia lwa Aaroni.
\v 6 Boosi bali abalunjishi imbeli wa Nyasaye, nibechendelesinjia nibabula eshikha mumalako koosi nende amebaalo akOmwami.
\v 7 Habutswa shibaali nende omwana tawe shichila Lisabeti yali omukuumba, ne boosi bali nibakofula.
\p
\v 8 Bulano nikaba mbu Sakaria yali imbeli wa Nyasaye, nakholanga emilimo chiobukuhani shingana olwa yali nakabulirwe.
\v 9 Shingana kwali omwima kwokhwaula omukuhani outsia okhutiiya, ikha yakhupwa niyaulwe okhutsia muhekalu yOmwami okhusamba obubane.
\v 10 Nakwo omukanda kwabandu kwali nikusayilanga elwanyi lisa liene eliobubane bwali nibusambungwa.
\v 11 Bulano malaika wOmwami yamala amuloleshele nasinjire omukhono omulunji kweshisambilo shiobubane.
\v 12 Olwa Sakaria yamulola, naba nende okhuhenda, khandi indenga niyimutiira.
\v 13 Naye malaika namuboolera, "Shiolaba nende oburii tawe, Sakaria, okhuba amasayo koko kamalire okhuhulirwa. Omukhasi wuwo Lisabeti alebula omwana omusiani. Nawe olamukulikha eliira mbu Yohana.
\v 14 Olaba nende omwikhoyo nende okhutsaatsala, nabo abanji balasangaalira okhwibulwa khwe.
\v 15 Okhuba yakhabe omukali imbeli wOmwami. Shialaba owokhunywa idivayi nohomba eshilulu tawe, naye yakhetsulwemwo nende Omwoyo Omutsienukhu okhurula munda mwa nyinamwana.
\v 16 Obunji bwa abolwibulo lwa Israeli bakhakalusibwe khu Mwami Nyasaye wabwe.
\v 17 Naye yakharanjirire okhutsia imbeli wobweni bwOmwami muroho nende obunyali bwa Eliya, okhukalusia emioyo chia ba papa khubana babwe nende balia abalali abahuliri khubuchesi bwomulunjishi, okhurecheshela Omwami abandu balia abakasibwa khulwa ye.
\p
\v 18 Sakaria naboolera malaika, "Nemanye endiena? Okhuba esie endi omundu mukofu naye omukhasi wanje yakhululira mutsinyanga tsie."
\p
\v 19 Naye malaika namukalusia namuboolera, "Esie nisie Gabrieli, ousinjilanga imbeli wa Nyasaye. Ndarumirwe emboole ninawe, ekhurerere amakhuwa amalayi.
\v 20 Lola! Olaba obusilu, oulanyala okhuboola, okhuula inyanga eya ebindu bino biliba nibikholeshe. Shichila shiosubiire amakhuwa kanje ta, akakhosibwe mubise bikhoyere."
\p
\v 21 Ne bulano abandu bali nibalindanga Sakaria. Nabo bali nibahuchisibwa mbu abukuule ebise ebiinji muhekalu.
\v 22 Halali olwa yarula elwanyi, shiyali nobunyali bwokhuboola ninabo ta. Nabo nibamayirisia mbu aluutsi lilolelo olwa abele nali muhekalu. Yatsiririra okhubacherera emakhono mana natonga obusilu.
\p
\v 23 Naye olwa tsinyanga tsitsie tsiokhurumukha tsiauwa, yatsia munzu yiiye.
\p
\v 24 Olunyuma lwetsinyanga yitso, Lisabeti yatiira inda naye niyebisa khulwa emiesi chirano. Naboola,
\v 25 "Shino nishio eshia Omwami yaikholeere olwa yaiyenjere nende obukosia mbu mubulosie bubwe yarusilieo eshifimbwa murwe mubandu."
\p
\v 26 Mumwesi kwakhasasaba Malaika Gabrieli yarumwa okhurula ewa Nyasaye okhutsia eGalilaya, mwitookho lilangwa eNazareti,
\v 27 Khumukhana omushisira owali nasererungwa nende omundu ulangwa Yusufu, eliira liomushisira liali Mariamu.
\v 28 Naye malaika namwitsira Mariamu, namuboolera, "Mulembe, yuwe oukoosibwe muno okhurula mwikulu! Omwami ali ninawe."
\v 29 Naye olwa yamulola, yanyakhana khulwa amakhuwa akayali naboolanga, naye mumapaaro keke nachenya mbu kano namashesio kambilashi.
\v 30 Malaika namuboolera, Sholaria ta, Mariamu, okhubeera onyoolere okhukosibwa nende Nyasaye.
\v 31 Ne, lola, olahela inda, nawe olebula omwana omusiani, nawe olamukulikha eliira mbu YESU.
\v 32 Naye alaba omukhongo, alalangwa Omusiani waulia ouli Hekulu Mwikulu: naye Omwami Nyasaye alamuhelesia eshifumbi shiobwami shia papawe Daudi:
\v 33 Naye alaruka inzu ya Yuda inziayo; nabo obwami bubwe shibwakhaweho tawe.
\p
\v 34 Mariamu naye naboolera malaika, kano nikekholeshe karie, okhuba eshili okhumanya omusaatsa?
\v 35 Malaika namukalusia namuboolera, Omwoyo Omutsienukhu alakhwiitsakhwo, nabwo obunyali bwa ulia ouli Hekulu Mwikulu bulakhubotokhana, Kata kario shilia eshitakatifu shinawibule shiakhalangwe Omwana wa Nyasaye.
\v 36 Khandi, lola, mfiala wuwo Lisabeti, yesi ali inda yomwana omusiani mubukofu bwe: inda yemiesi chisasaba, wulia owalangwa omukumba.
\v 37 Okhuba shibulaho eshilanyalikhana nende Nyasaye.
\p
\v 38 Mariamu naye naboola, esie omusumba wOmwami; kekhole khusie shingana olwa oboola, naye malaika narula ewa Mariamu yali.
\p
\v 39 Mariamu yamala narula, matetekhana natsia mushialo shiebukulu, mwitokho lia Yuda;
\v 40 namala niyenjila munzu ya Sakaria nashesia Lisabeti.
\v 41 Nikamala nikaba mbu, olwa Lisabeti yahulila amashesio ka Mariamu, omwana wali nali mundawe yasiira; naye Lisabeti niyetsulwamwo nende Omwoyo Omutsienukhu:
\v 42 Naye naboola obutinyu nomwoyo omukali, Oli owetsikhabi mubakhasi boosi, khandi ebiamo biolubeleshelo lwo biri nende tsikhabi.
\v 43 Nikekholekha kariena mbu nyinamwana Omwami wanje yanzitsile? Okhuba, lola, olwaeuliire
\v 44 amashesio koko mumarwi kanje, omwana uli munda asiirire khulwa omwikhoyo.
\v 45 Alamirwe tsikhabi wulia owasubira: mbu ebindu bia boolwa okhurula khuMwami we bilaba nibikholekhanga.
\p
\v 46 Mariamu naboola, Omwoyo kanje kumwitsomia Omwami,
\q
\v 47 Khandi roho yanje itsatsaalira muNyasaye Omuhonia wanje.
\q
\v 48 Okhuba yaalutsi obwitutuyi bwomsumbawe weshikhasi. Okhuba, lola, okhuchaka luno tsinzibulo tsioosi tsiakhananje owetsikhabi.
\q
\v 49 Okhuba wulia owaamani koosi yakholere ebindu ebikhongo; nalio eliira lilie nelitakatifu.
\q
\v 50 Natsio tsimbabasi tsie tsiri khubalia abamuriitsanga okhurula khulwibulo okhutsia khulwibulo.
\q
\v 51 Alolesiiye amani akomukhonokwe; asalasiye abechinjimisi mumapaaro kemioyo chiabwe.
\q
\v 52 Yamalile okura hasi abaamani okhurula kubifunbi biebo, nabachinguula balia abali hasi.
\q
\v 53 Yabekusiye abeinzala nende ebindu ebilayi; nabo abayiinda nabaruma eshikhaya.
\q
\v 54 Yakhonyere omusumbawe Israeli, niyetsulira okhumumanyia tsimbabasi;
\v 55 Shinga yaboola nende basefwe, khu Abrahamu, nende imwo yiiye inziayo.
\p
\v 56 Mariamu namenya inaye oluhono ola ahambi emiesi chitaru, mana yakalukha ebunango wuwe.
\p
\v 57 Naye Lisabeti tsinyanga tsitsiye tsiokhwibula nitsuula, naye niyebula omusiani.
\v 58 Nabo abamenyani bebe nende abekhobe nibahulila shinga Omwami amulolesiye tsimbabasi tsikhongo, nibatsatsaala hala ninaye.
\v 59 Nikaba mbu inyanga yomunane betsa okhusheba omwana. Bakhamukulishe mbu "Sakaria," eliira lia samwana.
\v 60 Habutswa nyinamwana yabakalusia, "Tawe. alangwa mbu Yohana."
\v 61 Nibamuboolera shialikhoho khubeekho bobo owakulikhwa eliira yilo tawe."
\v 62 Nibatsia nibamucherera samwana mbu omwana akulikwe wiina.
\v 63 Samwana yasaba habundu wokhuhadika, eliira lilie niye Yohana. Boosi nibaba nende okhuchenya.
\v 64 Ebise ibo omunwa nikwikukha nalwo olulimi nilwibalwa. Naye naboola khandi niyetsomia Nyasaye.
\v 65 Oburii nibuteera balia abamenya ahambi inabo: nako amakhuwa kano kanyayira ebuYuda yoosi.
\v 66 Nabo boosi abahulira amakhuwa kano bakabikha mumioyo chiabwe, nibaboola, wuno nomwana wambia shiina! Nakwo omukhono kwOmwami kwali ninaye.
\v 67 Naye samwana Sakaria niyetsulwamwo nende Roho Omutsienokhu, nayiinia obunabi, naboola,
\q
\v 68 Omwami Nyasaye wa Israeli alamilwe tsikhabi; okhuba amalire okhuchendera abandu bebe nende okhubanunula,
\q
\v 69 Amalire okhuchinguula olwika lwobuhoni khulwefwe abeinzu yomusumbawe Daudi;
\q
\v 70 Shingana yaboolera muminwa chiabanabi, abaliho mukhuchaka khwemise chieshialo:
\q
\v 71 Mbukhuhonibwe okhurula khubasuku befwe, khandi okhurula mumakhono kabalia boosi abakhusila;
\q
\v 72 Alakhola kano okhulolesia tsimbabasi tsiyalaka basefwe, nende okhwitsulira indakano yiye indakatifu;
\q
\v 73 Eshiitsubo shiyetsubila sefwe Abrahamu,
\q
\v 74 Mbu anyale okhukhuhelesia efwe, abanunuulwe okhurula mumikhono chia abasuku befwe khube abanyala okhumurumushira nikhubula oburii,
\q
\v 75 Mubutakatifu nende obulunjishi imbeli wuwe tsinyanga tsiosi.
\p
\v 76 Nawe yuwe, omwana, wakhalangwe omunabi wa wulia wOmwikulu Hekulu: okhuba wakharanjirire okhutsia imbeli wOmwami okhumukasiria tsinjila;
\q
\v 77 Mukhuhana obumanyirisi bwobuhonia khubandu bebe okhubirira mukhuberwa tsimbi tsiabo.
\q
\v 78 Kano kalekholekha Khulwa tsimbabasi tsinyiinji tsia Nyasaye wefwe, okhuba eliuba lifindire okhurula ikulu limalire okhukhuchendera,
\q
\v 79 Okhuhana obulafu khubalia abekhala mushirima nende mushinikha shiolumbe, okhwimirira ebilenje biefwe munjira yomulembe.
\p
\v 80 Mana omwana nakhula, naba owamaani muroho, khandi yali mushitsimi okhuula khunyanga yokhulolesibwa habulafu khu Israeli.
\c 2
\cl Luka 2
\p
\v 1 Mutsinyanga yitso, nikaba mbu Kaisari Agusto yehinia lilako mbu buli shiomundu arusie obushuru.
\v 2 (Ne obusololi bwobushuru bwambeli bwakholwa nende Kureneo kafna wa Siria).
\v 3 Kario boosi nibatsia okhurusia obushuru, buli shiamulala mwitokho lirie.
\v 4 Yusufu yesi yarula muGalilaya, natsia mwitokho lia Nasareti yebuYuda, natsia mwitokho lia Daudi, elilangwa mbu eBethlehemu; (shichila yali owolwibulo lweinzu ya Daudi:)
\v 5 Yatsia okhurunga obushuru nende Mariamu oweyali nakhwetsanga shingana omukhasiwe, nali neinda yomwana.
\v 6 Kamala nikaba mbu, olwa bali nibashiriyo inzibula yamala yimutiirirayo.
\v 7 Naye niyebula omwana omusiani, namukanyira mutsingubo tsia omwana omutoro, namukonia mushiko, shichila tsinzu tsiabacheni tsiali nitsitsuule.
\p
\v 8 Mushialo ebweneyo khwali nende abaayi nibamenya mubwayilo, nibalindanga ebiayo biabo mushiro.
\v 9 Khandi, lola, malaika wOmwami nabaloleshera, nalwo oluyali lwOmwami lwaakha nilubabotokhana, mana nibetsulwamo nende oburii obukhongo.
\v 10 Naye malaika nababoolera, shimularia ta: okhuba, lola, emurerera amakhuwa amalayi akomwikhoyo omukhoongo, okulaba khubandu boosi.
\v 11 Okhuba inyanga yino Omuhonia yebulwe mwitokho lia Daudi! Niye Kristo Omwami!
\v 12 Nashio shino nishio eshitsa okhuba eshilolero khu inywe; mulanyola omwana nakanyirwe mutsingubo tsiomwana omutoro, niyalisibwe mushiko.
\p
\v 13 Yaho na yaho halala nende malaika balio abomwikulu abanji nibetsominjia Nyasaye nibaboola,
\q1
\v 14 Oluyali khu Nyasaye womwikulu hakulu, nakhwo khushialo omulembe nende obulayi khubandu boosi.
\p
\v 15 Kamala kabe mbu olwamalaika bali nibamalire okhutsia mwikulu, abaayi bamala baboolerane abene khu bene, bulano lekha khutsie eBethlehemu, khulole eshindu shikholeshe shino, eshia Omwami yakhachila khumanya.
\v 16 Nibatsiayo lwangu lwangu nibanyoola Mariamu, Yusufu nende omwana, owali niyaalisibwe mushiko.
\v 17 Olwa bali nibamalire okhunyoola, nibatsia nibalandia hosi kalia akabali nibaboolirwe khumwana wuno.
\v 18 Nabo abakahulilakhwo bachenya khulwa ebindu bilia ebia abaayi bali nibababoolere.
\v 19 Halali Mariamu yepaarira amakhuwa kano koosi, nakabikha mumwoyokwe.
\v 20 Mana abaayi nibakalukha, nibahelesinjia Nyasaye oluyali, khandi nibamwiitsominjia khubindu biria ebiabali nibahulire nende okhulola shingana olwa bali nibabolerwe.
\p
\v 21 Olunyuma lwetsinyanga munane okhuuwa, khulwa okhushebwa kwomwana, elira lilie yakulikhwa YESU, elia yahebwa nende malaika nashiri kata okhubelekhwa mulubeleshero.
\p
\v 22 Ne olwa tsinyanga tsia Mariamu okhusiyikha tsiali nitsimalire okhuuwa, okhulondokhana nende lilako lia Musa, bamuhira eYerusalemu, okhumura imbeli wOmwami;
\v 23 (Shinga kahandikwa mumalako akOmwami, mbu buli eshikulanda eshisatsa shila kulikhwa mbu eshitakatifu shiOmwami;) Nende okhuhana omusango okhulondokhana shinga lilako
\v 24 liOmwami, amamburuku kabili nende amahusi kabili akashiri amaraaka.
\p
\v 25 Lola, khwaliho nende omundu muYerusalemu, oweliira lie yalangwa Simoni; yali omundu omulunjishi niyerusia, nalindiriranga okhuhotseresibwa khwa Israeli, khandi Omwoyo Omutsienukhu yali khuye.
\v 26 Mana Omwoyo Omutsienukhu namubulira, mbu shialilola lifwa nashiri okhumulola Omwami Kristo tawe.
\v 27 Omwoyo namwimirira okhwitsa muhekaalu: nabo abebuli bamurerera omwana Yesu, akholirwe shiinga omwima kwelilako lienya,
\v 28 Yabukula omwana namura mumakhono keke, nahelesia Nyasaye tsikhabi, khandi naboola,
\q1
\v 29 Omwami, lekhuula omurumishi wuwo ahulushe nomulembe, okhulondana nende likhuwa lirio:
\q1
\v 30 Okhuba tsimoni tsianje tsilutsi obuhonia bubwo,
\q1
\v 31 Obwa okaasiye imbeli wabandu boosi;
\q1
\v 32 Obulafu bwobufimbuli khu Abamahanga, nende oluyali olwa abandu bobo Israeli.
\p
\v 33 Yusufu nende Mariamu bahuchisibwa nende amakhuwa akali nikaboolwa khuye.
\v 34 Mana Simoni nabalamira tsikhabi, mana naboolera Mariamu nyinamwana, Lola, omwana wuno arecheekhwe khulwa okhukwa nende okhubuukha okhwa abaanji khandi muIsraeli; khandi shingana eshilolero shiokhulobwa;
\v 35 (Ne, olukanga lwakhatsome nilubira mumwoyo kukwo,) mbu amapaaro aka emioyo chia baanji kabuulwe.
\p
\v 36 Omunabi omukhasi yaliyo owalangwa mbu Anna, omukhana wa Fanueli, owoluyia lwa Asari: yali niyakhululira mumihika, yali niyamenya nende omusatsa wuwe emihika saba okhurula olwa yali nali omushisila;
\v 37 Naye yali omulekhwa khulwa emihika amakhumi munane nende chine, shiyarulanga muhekalu tawe, yarumushiranga Nyasaye mukhwiyima okhulia nende okhusaaya eshiro nende eshiteere.
\v 38 Ebise bieneebo yetsa nakhupira Omwami orio, naboola khumwana khu balia boosi abali nibalindiriranga obununulwi bwa Yerusalemu.
\p
\v 39 Ne nibamalire okhukhola koosi akali nikenyeshe shingana lilako liOmwami, yakalukha eGalilaya, mwitookho liabwe lia eNazareti.
\v 40 Omwana yakhula khandi naba owaamani; naba owetsulwamwo obuchesi, khandi obukosia bwa Nyasaye bwali khuye.
\p
\v 41 Abebuli bebe batsitsanga eYerusalemu khu buli omwihika khulwa Lisabo lieiPasaka.
\v 42 Olwa yali niyoolere emihika ekhumi nende chibili, natsia eYerusalemu shingana olwa omwima kwelisabo.
\v 43 Nabo nibamalire okhuhesia aketsinyanga yitso, nibakalukhanga ingo wabwe, omwana Yesu yatong'a inyuma eYerusalemu; Yusufu nende nyinamwana shibamanya tawe.
\v 44 Halali nabo, nibaba nibapaara mbu ali mumukanda kwabo, nibatsia oluchendo lweinyanga inamba, nibamukhaba mubekho nende abalina.
\v 45 Olwa bakhayuwa okhumunyoola, bashukhana nibakalukha okhutsia eYerusalemu, nibamukhaaba.
\v 46 Nikaba mbu, olunyuma lwetsinyanga tsitaru bamunyola nali muhekalu, niyekhaale hakarikari wa abechesia, nabahulisinjia nabarebanga amarebo.
\v 47 Nabo yabo boosi abamuhulirisia bahuchisibwa khulwa obumanyirisi bubwe nende amakalusio keke.
\v 48 Nabo olwa bamulola, bahuka muno: naye nyinamwana namuboolera, mwanawanje, shichila shiina nokhukholera kano? Lola papa nende sie khukhaabire neshibeera.
\v 49 Naye nabareeba, mbushiina nimukhaaba? Shimumanyire mbu esie ekhoyere okhuba nekholanga emirimo chia papa wanje?
\v 50 Nabo shibamanyirisia aka yali nababooleranga tawe.
\v 51 Namala natsia nenabo ingo wabwe eNazareti naye naba omuhuliri khubo. Naye nyinamwana yabiikha ebindu bino bioosi mumwoyokwe.
\p
\v 52 Naye Yesu natsirira okhukhula mubuchesi nende omubili, khandi nametekha mushibalikho nende Nyasaye nende abandu.
\c 3
\cl Luka 3
\p
\v 1 Mumwika kwekhumi nende chirano chioburuchi bwa Kaisari Tiberio, Pontio Pilato nali Kafna webuYuda, naye Herode nali omuruchi weGalilaya, naye Philipo omusiani wabo narukanga Ituria khandi Trakonita, nende Lisanis narukanga ilia Abilane,
\v 2 Annasi nende Kayafa nibali abakuhani abakali, likhuwa lia Nyasaye liamwitsira Yohana omwana wa Sakaria nali mushitsimi.
\v 3 Naye natsia mutsimbeka tiosi etsibotokhane Yorodani, nakambanga okhubatisibwa khulwa okhwikanira khulwa okhubeerwa khwetsimbi.
\v 4 Shingana kali okhuhandikawa nende Isaya omunabi, nikaboola, Omwoyo kwaulia oulanjirisinjia yilia mushitsimi, kasia injira yOmwami, kasia injira ye yibe ingololofu.
\q1
\v 5 Amabanda koosi kaletsusibwa, nabio ebikulu nende tsingulu bilahereresibwa, nachio emihanda chiefumbula chilakololosibwa, natsio tsinjira tsia amachinjini tsilakhutsulwa tsiherane,
\q1
\v 6 Khandi emibili chiosi chilalola obuhonia bwa Nyasaye.
\p
\v 7 Mana naye nababoora balia abemikanda abamwitsira mbu ababatisie, Enywe olwibulo lweinzokha, niwiina owabachetsiyiiye mbu mwirushe okhurula khwiruma eliitsanga?
\v 8 Murere ebiamo ebikhoyere okhwikanira khwenywe, nenyu shimulachaka okhwiboolera abene, Efwe khuli nende Abrahamu ouli sefwe; okhuba emuboolera enywe, mbu Nyasaye ali nobunyali okhukasiria Abrahamu abana okhurula khumachina kano.
\v 9 Kata bulano khandi imbaatsi imalire okhurebwa khumisi chiemisala: buli omusala okulaama ebiamo ebilayi ta kularemwa kukwe haasi, mana kusukunwe mumuliro.
\p
\v 10 Nabo abandu nibamureba, Bulano nikalikario khukholeshi?
\p
\v 11 Nabakalusia nababoolera mbu, Ouli nende tsingubo tsibili aheresie ndala wulia oubulakhuo kata ndala, naye wulia ouli nende ebiokhulia akhole ario yesi.
\p
\v 12 Abasololi bobushuru khandi nibamweitsira mbu ababatisie, nibamuboolela, Omukhongo, neefu khukhole shi?
\p
\v 13 Nababiira, Shimulasolola obushuru obunji okhushira bulia obwamukhoyere okhusolola tawe.
\p
\v 14 Abasikari nabo nibmwitsira nibamureeba mbu, Neefu nakhukhole shi? Shimulanuula abandu ebindu namaani tawe, shimulachishira abandu mububeyi tawe: mube abokhuyerwa nende omurungo kwenywe.
\v 15 Abandu shinga bali nibalindiriranga neshinani, buli shamundu yepaarira nahuchisibwa mumwoyo kakhaba mbu Yohana niye Kristo, nohomba tawe.
\v 16 Yohana nabakalusia nababoolera boosi, obulamba buli mbu, Esie emubatisia mumatsi; halali aliho omukali okhushira owitsanga, emikoye chiebilaro bibie shekhoyere okhutendeiyia tawe: naye yakhamubatisie nende Omwoyo Omutsienukhu nende omuliro:
\v 17 Olububo lwokhubisia luli mumikhono chie naye alabisia ingano ilabe mulwanyi lwokhuhulira mana achibiishe mushiachi, nakwo omukhuutsi alakusaamba nende omuliro okulasimibwa tawe.
\p
\v 18 Yamala abatinyisie abandu mubindu ebinji mumakambo keke.
\v 19 Halali Herode omuruchi, yali nakayilwe ninaye khulwa herodia omukhasi womusiani wabwe Filipo, khandi nende obubi bundi obwa Herode yali niyakholere.
\v 20 Khukano kosi, eshiyametakhwo nokhura Yohana mumbohe.
\v 21 Bulano buli mundu namalire okhubatisbwa, nikamala nikaba mbu, Yesu yetsa nabatisibwa, naye nasayanga, likulu liekukha,
\v 22 Naye Omwoyo Omutsienukhu niyekha nali mumubiri kwelihusi, nakwo omwoyo nikurura mwikulu, okwaboola mbu, Eyuwe niwe Omwana wanje omuheerwa, enjamisibwa muywe.
\v 23 Naye Yesu yali nali emihika amakhumi kataru, nibamumanyire shingana omwana wa Yusufu, owali omwana wa Heli,
\v 24 owali omwana wa Mattati, owali omwana wa Lawi, owali omwana wa Melki, owali omwana wa Janna, owali omwana wa Yusufu,
\v 25 Yusufu yali omwana wa Mattatsia, omwana wa Amosi, omwana wa Nahumu, omwana wa Esili, omwana wa Naggai,
\v 26 omwana wa Maatsi, omwana wa Matatsia, omwana wa Semini, omwana wa Joseki, omwana wa Yoda.
\v 27 Yoda yali omwana wa Yoanani, omwana wa Resa, omwana wa Serubabeli, omwana wa Salatiel, omwana wa Neri,
\v 28 omwana wa Melki, omwana wa Addi, omwana wa Kosamu, omwana wa Elmadamu, omwana wa Er,
\v 29 omwana wa Yoshua, omwana wa Eliesa, omwana wa Yorim, omwana wa Mattati, omwana wa Lawi.
\v 30 Lawi yali omwana wa Simoni, omwana wa Yuda, omwana wa Yusufu, omwana wa Yonam, omwana wa Eliakimu,
\v 31 owali omwana wa Melea, owali omwana wa Menna, owali omwana wa Mattatsa, owali omwana wa Natsani, owali omwana wa Daudi,
\v 32 Owali omwana wa Yesse, owali omwana wa Obedi, owali omwana wa Boasi, owali omwana wa Salmoni, owali omwana wa Nashoni.
\v 33 Nashoni yali omwana wa Aminadabu, owali omwana wa Admini, owali omwana wa Arini, owali omwana wa Hezironi, owali omwana wa Peresi, owali omwana wa Yuda,
\v 34 Owali omwana wa Yakobo, owali omwana wa Abrahamu, owali omwana wa Tera, owali omwana wa Nahori,
\v 35 Owali omwana wa Serug, owali omwana wa Rakau, owali omwana wa Pelegi, owali omwana wa Heberi, owali omwana wa Sala,
\v 36 Owali omwana wa Kainani, owali omwana wa Afaksadi, owali omwana wa Shemu, owali omwana wa Nuha, owali omwana wa Lameki,
\v 37 owali omwana wa Metsusela, owali omwana wa Enoka, owali omwana wa Jaredi, owali omwana wa Mahalaleli, owali omwana wa Kainani,
\v 38 Owali omwana wa Enosi, owali omwana wa Setsi, owali omwana wa Adamu, owali omwana
\c 4
\cl Luka 4
\p
\v 1 Naye Yesu niyetsulwemwo Omwoyo Omutsienukhu, narula enaYorodani, mana niyemirirwa nende Omwoyo okhutsia mushitsimi.
\v 2 Nabayo tsinyanga amakhumi kane. Mutsinyanga yitso shiyaliakhwo eshindu shiosi shiosi tawe: natsio nitsimalire okhuula, inzala yamuluma.
\v 3 Naye shetani namuboolera, Nikali eyuwe oli omwana wa Nyasaye, laka lichina lino mbu libe omukate.
\p
\v 4 Naye Yesu namkalusia naboola mbu, kahandikwa, mbu omundu shalamenya khulwa omukate kwonyene ta, halali khulwa buli likhuwa lia Nyasaye.
\p
\v 5 Naye shetani namubukula namuyira khushikulu eshiraambi, namumanyia obwami bweshialo mubise ebititi muno.
\v 6 Mana shetani namoboolera, Obunyali buno bwoosi ndalakhuheresia yuwe, nende oluyali lwabuo lwoosi: okhuba bwamala okhuhebwa sie; nasi ehelesia wulia yesi yesi wundienya.
\v 7 Nikakhaba eyuwe witsa okhwinamila sie, bioosi bilaba ebibio.
\p
\v 8 Mana Yesu namukalusia nabmuboolera, Kalukha emukongo wanje, shetani: okhuba kahandikwa, Olamwinamila Omwami Nyasaye wo, naye yenyene niye owa okhoyere okhurumushira.
\p
\v 9 Mana namuyira eYerusalemu, namuyila ikulu khumunara khweihekalu, namuboolera, Noba noli toto Omwana wa Nyasaye, yakukha okhurula hano otsie hasi:
\v 10 Okhubera kahandikwa, Alalachirisia malaika bebe bakhuyenje, bakhulinde:
\v 11 Nawe olaba mumikhono chiabwe nibakhuchinjire, mbu sholesichirala eshirenje khwichina tawe.
\p
\v 12 Yesu namukalusia, namuboolera, Sholamtema Omwami Nyasaye wuwo tawe.
\p
\v 13 Mana olwa shetani yali namalile okhumuteema, yamwikwenya khwo khulwa eshise.
\p
\v 14 Mana Yesu yakalukha nali nende amaani akOmwoyo muGalilaya: mana likhuwa nilinyayira mutsingongo tsiosi amalile okhukaluka.
\v 15 Mana naye niyechesia mutsisinagogi tsiabwe, niyetsomibwa nende abaanji.
\p
\v 16 Khandi yamala yetse eNazareti, ewayakhulira, ne shingana omwima kukwe kwali, yamala atsie musinagogi inyanga yeisabato, namala nasinjira okhusoma.
\v 17 Naye nahebwa Eshitabu eshiali nishiahandikwa nende omunabi Isaya. Olwayashikula eshitabu, yanyoola habundu ewakahandikwa mbu,
\q1
\v 18 Omwoyo kwOmwami alikhusie, okhubeera unzushiriire khwo amafura mbu, engaambe injili khu abamanani, urumire okhuhonia emioyo chiria echisaalira, okhulandia obulakhulwi bwa balia abali mumbohe, nende okhwikula tsimoni tsia ababofu, okhubakhola abalakhule bali abayombelirwa,
\q1
\v 19 Okhulandia omuhika kwokhwiyamikha okwa Omwami.
\p
\v 20 Olunyuma neyekala eshitabu, nashihana khandi khu wulia omukhalabani, mana niyekhala hasi. Nabo abali nibali musinagogi boosi nibamuchomiakhwo tsimoni tsiosi.
\v 21 Mana naye nachaka okhuboola ninabo mbu, Amahandiko kano kamalire okhusibwa mumarwi kenywe inyanga yino.
\p
\v 22 Nabo abaliho boosi nibamuboolakhwo obulayi, nabo nibahuchisibwa nende amakhuwa akolukoosi akali nikarulanga mumunwakwe. Nibaboola, Wuno shali niye omwana wa Yusufu tawe?
\p
\v 23 Khandi nababoolera, Toto mwene mulanjerera olukano luno, Omusirishi, mbula wisirishe: kalia akokhwahulile mbu wakhorere eKaperinaumu, khandi okakholekhwo ewenyu yino.
\v 24 Nabakalusia nababoolera, Toto mwene emuboolera enywe, Abulaho omunabi owiyamungwa ewabo tawe.
\v 25 Halali emuboolere akali akobwatoto, khwali nende abakhasi abalekhwa abanje muIsraeli mutsinyanga tsia Eliya, olwa likulu liekalwa khulwa emihika chitaru nende emiesi chisasaba, olwa inzala yaliho mushialo shiosi;
\v 26 Eliya shiyarumwa mutsinzu tsiabo tawe, okhuyiniakhwo eya Omuserefati yenyene, mwitokho lia Sidoni, munzu yomukhasi owali omulekhwa.
\v 27 Khwali nende abobuchere abandi muIsraeli mutsinyanga tsia Elisha omunabi; shibali boosi abakholwa abalamba tawe, okhuyiniakhwo Naamani Omushuri.
\v 28 Nabo balia abali nibali musinagogi, olwa bahulira amakhuwa kano, betsulwamwo nende liruma,
\v 29 Nibabuukha boosi, nibamuyunjia mbu arule mwitookho, nibamuhila ikulu khulukuku olweshikulu shielitookho liombakhwakhwo, mbu babe abanyala okhomusindikha atsie akhweire omurwe. Habutswa naye nabira hakarikari,
\v 30 wabwe niyetsiira.
\p
\v 31 Namala nakholomokha eKaperinaumu, litokho elia eGalilaya, mana nabechesia khunyanga yeisabato.
\v 32 Nabo nibahuchisibwa shingana yechesia amechesio keke; okhuba likhuwa lirie liali nende obunyali.
\v 33 Khandi namwo musinagogi, khwalimwo nende omundu owa owelitimoni, yakhupa omwoyo omukali,
\v 34 Naboola, Lekhana ninefu, khulakhola shiina inawe, yuwe Yesu waNazareti? Witsire mbu okhusasie efwe? Ekhumanyire yuwe oli wiina; omutakatifu Mulala wa Nyasaye.
\p
\v 35 Naye Yesu namukondoshera, namuboolera, Holeera, lekha okhuboola, khandi rula mumundu wuno. Naliolitimoni nilimulasa hasi, nilimurulamwo, naye nalaba mbu asaalire tawe.
\p
\v 36 Nabo boosi nibahuchisibwa, nibaboolerana abene khubene, nibaboola, Nelikhuwa shiina lino! Okhuba obunyali nende amaani akondoshera amaroho keshifwabi nikarula.
\v 37 Nayo ifuma yiiye niyinyayira buli habundu mushialo yisho shiosi.
\p
\v 38 Yesu yarula musinagogi, natsia munzu ya Simoni. Naye mama nyakhufiala Simoni yalimwo natirirwe nende omurengo; nibamusaya mbu amuhonie.
\v 39 Natsia nasinjira ewa mama nyakhufiala yali nakondoshera omurengo; nakwo nikumulekha: naye nabuukha bwangu nachaka okhubahendera.
\p
\v 40 Olwa eliuba liali niliyeeranga, abandu barera abalwale boosi abali abuteshele nende obulwale bwaukhane khu Yesu; mana naye nabarakhwo omukhono buli shiamulala, nabahonia.
\v 41 Khandi amatimoni karula mubanji, nikaliranga, nikaboola, Eyuwe niwe Kristo Omwana wa Nyasaye, naye nakakondoshera nakekalira okhuboola: okhuba kamumanyirisia ye okhuba niye Kristo.
\p
\v 42 Nibushieere inyanga yalondakhwo, yarula natsia habundu ahalamanyiishe tawe: omukanda kwabandu nikumukhaaba, nikutsia ewa yali, nibateema okhumwikalira mbu shalatsia nabalekha tawe.
\v 43 Naye nababiira mbu, Kayunjia mbu engaambe obwami bwa Nyasaye mumatokho kandi khandi; okhuba nikhubo abandarumwakhwo.
\v 44 Olunyuma natsiririra okhukamba mutsisinagogi tsia eGalilaya.
\c 5
\cl Luka 5
\p
\v 1 Bulano nikaba mbu, olwa omukanda kwabandu kwali nikumubotokhane khandi nibahulirisinjia likhuwa lia Nyasaye, yali nasinjire khundulo khweinyanza ya Genazareti.
\v 2 Naye nalola amaaro kabiri nikasinjisibwe khundulo khweinyanza, nabo abanaabi bene bali nibali khulukuku nibosinjia tsikhanda tsiabwe.
\v 3 Yesu niyenjira muliaro elala, eliali elia Simoni, mana namuboolera mbu alisitiekhwo hatiti mumatsi okhurula khulukuku lweinyanza. Yesu niyekhala muliaro yilo niyechesia abomukanda.
\v 4 Ne olwa yamala okhwechesia, yaboolera Simoni mbu, Sitiakhwo eliaro ahalusiba mana mufuube tsikhanda tsienywe mutiire tsinyeni.
\p
\v 5 Naye Simoni namukalusia namuboola mbu, Omwami; khutiiyire eshiro shiosi nikhulatiira eshindu shiosi tawe! Ne khulwa likhuwa lirio, ndalebala tsikhanda.
\v 6 Olwa bali nibakholere bario, batiira tsinyeni tsinyinji okhuula tsikhanda nitsichaka okhurandukha.
\v 7 Kho nibalanga abashiabo abali muliaro lindi mbu beetse babakhonye. Nabo nibamala nibeetsa nibetsusia tsinyeni mumaro koosi, okhuula nikaba akachaka okwiyinikha.
\v 8 Ne olwa Simoni Petero yalola kano, yakwa mumakulu ka Yesu, namuboolera mbu, Lekhana inasi, okhuba endi omundu omwononi.
\v 9 Yaboola ario shichira ye nende abashie, bahuchisibwa nende obunji bwetsinyeni tsibali nibatiirire.
\v 10 Kata Yakobo, nende Yohana, abaana ba Zebedayo, abatiiyanga nende Simoni. Yesu nabiira Simoni, Sholaria ta, shichira okhuchaka inyanga yino olaba omulobi wabandu.
\v 11 Ne olwa bali nibosiye amaro kabwe khulukuku, balekha ebindu biosi, nibamulonda Yesu.
\p
\v 12 Nikamala nikaba mbu, olwa yali nali mwitokho lindi, omundu owobuchere bwalia: yalola Yesu nakwa mumakulu keke, namusaya mbu; Omwami noba nochama, onyala okhusiiya.
\p
\v 13 Mana Yesu nanyiira omukhono, namutirakhwo, naboola mbu, Esie enjamire. Nyoola okhusiyikha. Habwene na habwene obuchere nibumurulakhwo.
\v 14 Naye namulachirisia mbu, Sholaboolera omundu yesi yesi ta, halali tsia omwene, wilolesie khumukuhani, mana ohane omusango kwokhusiyikha, shingana Musa yali okhulaka, kabe akobuloli khubo.
\v 15 Habutswa ifuma yiiye yamala inyayire okhula ehale, nachio emikanda emikhongo chiabandu nichitsa halala okhumuhulira, nende okhuhonibwa amateshere kabwe koosi.
\v 16 Namala niyekwenya yenyene natsia mushitsimi, mana nasaya.
\p
\v 17 Khunyanga yindi, olwa yali niyechesinjia abandu, abaFarisayo nende abechesia bamalako bali nibekhaleho, abali nibarulire mubuli litaala muGalilaya, nende ebuYahudi, nende eYerusalemu; nabwo obunyali bwOmwami obwokhuhonia bwaliho.
\v 18 Abandu bandi betsa nibachinjire omundu khushitalatalilo owali niyafwokoya. Nibateema okhwinjisia munzu mbu bamuyire imberi wa Yesu.
\v 19 Shibanyala okhumwinjisia ta Khulwa obufindikanu bwa abandu, nibamala nibaniina ikulu weinzu nibasambula olwanga nibamwishiriamwo wulia owali niyafwokoya khushitalatalilo shie, hakarikari wabandu, imbeli wa Yesu.
\v 20 Yesu nalola obusubiri bwabwe, namubiira, Omundu yuwe, obeererwe tsimbi tsistio.
\p
\v 21 Abahandichi nende abaFarisayo nibachaka okhurebana abeene, nibaboola, niwina wuno oufukukulanga Nyasaye? Ni wiina ounyala okhubeera tsimbi, nalali Nyasaye yenyene?
\p
\v 22 Habutswa Yesu namanyirisia amapaaro kaabo, nbakalusia nababoolera, Mukanakaninjia shiina mumioyo chienywe?
\v 23 Nishiina eshiangu? Okhuboora obeererwe tsimbi tsitsio nohomba okhuboola, bukha ochende?
\v 24 Halali kho mumanye mbu Omwana wOmundu shinga ali nende obunyali khushialo bwokhubeera tsimbi, (naboolera lifwokoyo wuyo, ekhubiira buukha, bukula obukonobwo otsie ingouwo.)
\v 25 Habwene na habwene yabuukha imberi wabo boosi, nabukola obukonobwe natsia ingo wuwe nahelesinjia Nyasaye oluyali.
\p
\v 26 Boosi nibang'ang'aala! Nibahelesi Nyasaye oluyali. Nibetsulwamwo nende oburii, nibaboola, Efwe khuluutsi ebindu biokhuchenya inyanga yino.
\p
\v 27 Olunyuma lwa ebindu bino okhwikholekha, Yesu yarulaho, natsia nalola omusololi wobushuru owulangwa Lawi, niyekhale ahabasololeranga bobushuru: Namuboolera, Nondakhwo sie.
\v 28 Naye nasinjira nalekha ebindu biosi, mana namulondakhwo.
\p
\v 29 Lawi nakasiria Yesu lisabu likhongo munzu yiiye, ne balala khubacheni belisabu yilo kwali omukanda omukhongo okwa abasololi bobushuru nende abandu bandi abali ni bekhaale nibalitsanga yinabo.
\v 30 Halali abaFarisayo nende abahandichi nibabuululira abeekabe, nibaboola, shichila shiina mulitsanga nimunywa nende abasololi bobushuru nende abakholi betsimbi?
\p
\v 31 Naye Yesu nabakalusia, nababoolera, Abandu abalamu shibakhabanga omusirishi tawe, halali yabo abali abalwale nibo abakhabanga omusirishi.
\v 32 Shindayetsa okhulanga abalunjishi tawe, halali abononi mbu bekanire.
\p
\v 33 Nibamuboolera, shichira shiina abeeka ba Yohana bahonganga inzala nibasaya, kata khandi abeeka ba abaFarisayo; nabo abobo bano balitsanga butswa nende okhunywa?
\p
\v 34 Naye nabakalisia mbu, Abacheni beshiserero banyala okhuhonga inzala olwa mwene eshiserero ashili ninabo?
\v 35 Ne habutswa tsinyanga tsitsanga, olwa mwene eshiserero alarusibwaho okhurula khubo; ne olwa baliba nibahonga inzala.
\p
\v 36 Yesu nababoolera oluchero luno mbu, Abulaho oubukulanga eshitasi shiingubo imbia mbu ashinabe khungubo ikhulu; okhuba nakhola ario; shalaba narandule ingubo imbia yonyene tawe, shichira eshitasi eshiyia shishitsa okhuwinjana nende ingubo ikhulu tawe.
\v 37 Khandi shaliho outsukhanga idivayi imbia mumifuuko chiamaseero emikhulu chieidivayi tawe, okhuba idivayi imbia yiitsa okhurulaka amaseero yako, nayo idivayi isasishe, nachio emifuuko chieidivayi chiononoshe.
\v 38 Halali idivayi imbia okhoyere okhurebwa mumifuuko chiamaseero emiyia.
\p
\v 39 Abulaho omalire okhunywa idivayi ikhulu owikomba imbia tawe, alaboola mbu, ikhulu niindayi okushira.
\c 6
\cl Luka 6
\p
\v 1 Inyanga yindi, yeIsabato, Yesu yabira mumukunda kweingano; nabo abeeka bebe nibanoka nibafunga mumikhono, ni balia.
\v 2 Nabo abaFarisayo baliho nibabareeba, Mbushina mukholanga kalia akamalako kaleyamanga okhukholwa khusabato?
\p
\v 3 Yesu nabakalusia, Mushiri okhusoma amakhuwa shingana kano tawe, Daudi yakhola shiina, olwa ye mwene yali inzala, nende balia abayali ninabo;
\v 4 Olwa yenjira munzu ya Nyasaye, nabukula emikate echiali nichihanirwe khuNyasaye, naheresiakhwo balia abayali ninabo, chilia echielilako lileyamanga tawe halali abakuhani bonyene okhulia?
\v 5 Yesu namala nababoolera, Omwana wOmundu niye Omwami weIsabato.
\p
\v 6 Khandi nikaba mbu inyanga yindi yeIsabato, yenjira musinagogi nachaka okhwechesia abandu: naye yalimwo omundu owomukhono kukwe omulunji kwali nikwanyeera.
\v 7 Yaho baliho abahandichi nende abaFarisayo abali nibamuyenganga, nikakhaba mbu alahonia khunyanga yeIsabato, mbu kho banyoole eshifune shiokhumusitaka.
\v 8 Naye namanya amapaaro kaabo: naboolera omundu wulia owali niyanyeera omukhono, Chinguukha ikulu, sinjila imbeli wabulimundu. Naye nasinjila.
\v 9 Yesu naboola yinabo. Ndenya ebareebe eshindu shilala; kakhoyeere mumalako okhukhola amalayi khuSabato nohomba amabi? Okhuhonokosia obulamu nohomba okhubusasia?
\v 10 Nahenga eyi nende eyi khublia abaliho, naboolera omundu wuyo: Nyiira omukhonokwo. Naye nakhola ario, nakwo omukhono nikukalukha omulamba shingana okundi.
\v 11 Nabo nibetsulwamwo liruma libula eshifune; nibarebana, Nishiina eshinibamukholere Yesu wuno.
\p
\v 12 Nikaba mbu mutsinyanga yitso, yamala arule atsie mushikulu okhusaya, naye natsiririra eshiro shiosi nasayanga khu Nyasaye.
\v 13 Ne olwa shiali nishiakhateera, yamala alanje abeeka bebe: mubo niyaulamwo ekhumi nende babiri, abayakulikha mbu abarume.
\v 14 Ameera kabarume kali Simoni (owayakulikha mbu Petero) nende omusiani waabo Andrea, Yakobo, Yohana, Filipo, batsulumayo,
\v 15 Matsayo, Tomasi, Yakobo omwana wa Alfayo, Simoni Omusiloti,
\v 16 Yuda omwana wa Yakobo, nende Yuda Iskariote, owamala abe omukhobi.
\p
\v 17 Yesu yamala nakholomokha okhurula khushikukulu natsia nasinjira halia hamwerereshe nende omukanda omukali okwa abeeka bebe nende abandu bandi abanji abali nibarulire ebuYahudi nende eYerusalemu kata erubeka lweinyanza ya Tiiro nende Sidoni.
\v 18 Bali nibetsere okhumuhulirisia khandi bahonibwe obulwale bwabwe. Kata balia abanyasibungwa namashieno bahonibwa.
\v 19 Buli shiamulala womukanda batsiririra okhuteema mbu bamutiirekhwo okhuba obunyali bwokhuhonia bwali nibumurulangamwo, mana nabahonia boosi.
\v 20 Olunyuma nabahenga abeekabe, nababiira, Noweikhabi yuwe ouli omumanani, okhuba obwami bwomwikulu nobubwo.
\v 21 Nowiekhabi yuwe ouli inzala bulano, okhuba olekusibwa. Nowiekhabi yuwe ouliranga bulano, okhuba olatsekha.
\p
\v 22 Nowiekhabi yuwe owabandu balasira, khandi olwa bakhahula nibakhsandia khulwa Omwana wOmundu.
\v 23 Tsatsaale munyanga yeneeyo khandi nimutsala nomwikhoyo, shichira toto bwene wakhabe nomukabwa omukhongo mwikulu, okhuba bakuuka babo bakhola bario abanabi.
\p
\v 24 Halali wowe khu nywe abayiinda, okhubera mwamala okhunyoola obuhotseresi bwenywe.
\v 25 Wowe khu nywe abekuure bulano, okhuba olunyuma lwene inzala ilabaluma. Wowe nywe abatsekhanga bulano, ne namulire khale.
\v 26 Wowe khu yuwe olwa abandu boosi bakhuboolakhwo obulayi, okhuba yisho nishia abakuuka babo bakholera abanabi abobubeeyi.
\p
\v 27 Halali nasi emuboolera enywe abahulirisinjia, Muheere abasuku benywe khandi nimubakholera amalayi balia abamusira.
\v 28 Mulamire tsikhabi balia abamulamira ebilaamo khandi nimusayira balia abamukholera amambi.
\v 29 Khu wulia oukhupama khuluseya lulala, muharesie olundi khandi. Niyakhabaho omundu yesi yesi oubukula likoti lirio, sholeyikalira okhumuheresia lishati tawe.
\v 30 Heresia bulieshiamulala oukhusaba. Niyakhabaho omundu yesi yesi owakhabukula eshindu eshili eshishio, sholamusaba akhukalusirie tawe.
\v 31 Shingana eyuwe wikomba abandu bakhukholere, kakhoyere yuwe obakholere.
\p
\v 32 Nimuba nimuheera abandu balia abamuheera bonyene, muli nende omukabwa shiina? Kata abakholi betsiimbi bakholanga bario.
\v 33 Nikakhaba nimukhola amakhuwa amalai khubandu bakhukholeranga amalayi bonyene, nomukabwa kuleena okukwo okulimwo? Kata abakholi betsiimbi bakholanga bario.
\v 34 Nimuba nimuhosia abandu abamunaya bamurunje bonyene, nomukabwa shiina okwamwitsa okhunyoola? Kata abakholi betsiimbi bahosinjia abashiabo, nibanyoola injeresio yeneyo.
\v 35 Halali heera abasuku benywe mana mubakholere amalayi, nakwo omukabwa kuukwo kulaba omukhongo, hosia, ne shimuleenya injeresio ta, nakwo nomukabwa kwo kulaba omukhongo, khandi mulaba Abaana ba wulia ouli Hekulu muno, okhuba ye mwene ali nomwoyo omulayi khubalia abalakhupanga orio ta nende abandu abononi.
\v 36 Mube nende tsimbabasi, shingana butswa Senywe ali owetsimbabasi.
\p
\v 37 Shimulayasia ta, ne nenyu shimulayasibwa ta. shimulakhalachira abashienyu eshiina ta, ne nenyu shimwitsa okhukhalachirwa eshiina ta. Beere abashienyu, ne nenyu mulabeerwa.
\v 38 Haana, khandi nawe olahebwa. Eshichero eshilayi - eshiikarwe - nishisunguswe halala khandi nishisundukhanga- bilatsukhwa khumarango ko. Okhuba eshichero shia wikhonyera, nishio eshilarumushirwa okhukalusiribwa mwo.
\p
\v 39 Namala nababoolera oluchero lundi. Omundu omubofu anyala yemirira omubofu washie injira? Niyakhakhola ario, boosi balakwa mubwiina, nohomba tawe?
\v 40 Omweka shali omukhongo okhushira omwechesia wuwe tawe, halali omundu yesi yesi naba niyechesibwa obulayi anyala yaba shingana omwechesia wuwe.
\p
\v 41 Shichira shiina ololanga akhakokha akhatiti akholulimo mumoni yomusiani wenyu, nawe shomanyirisinjia eshirundu eshiri mumoni yiiyo tawe?
\v 42 Wakhaboolera oriena omusiani wenywe, mwanawefu, lekha ekhurusie akhakokha akhali mumoni yo, olwa yuwe mwene shiololanga kata eshirundu eshili mumoni yiiyo omwene tawe? Eyuwe omwiikati! Ranjirira orusie eshirundu mumoni yiiyo omwene, kho nawe onyale okhulola obulayi nende okhurusia akhakokha kholulimo khali mumoni yomusiani wenyu.
\p
\v 43 Okhuba kubulaho omusala omulayi okwamanga ebiamo ebibi ta, khandi kubulaho omusala omubi okwamanga ebiamo ebilayi ta.
\v 44 Okhuba buli omusala kumanyikhanga khumbia yebiamo biakwamanga. Shichira abandu shibaakulanga amakhuyu okhurula khumunyenya ta, nohomba obwabari okhurula khubiralandalu ta.
\v 45 Omundu omulayi wulia okhurula mwibishiro lirie liomumwoyo arusinjiamwo ebiri ebilayi, naye omundu omubi mwibishiro lirie liomumwoyo arusinjiamwo ebiri ebibi. Nikali kario okhurula mubuunji obuli mumwoyo omunwake kulakaboola.
\p
\v 46 Shichira shiina munanganga, Omwami, Omwami, ne shimuhuliranga nimukhola ebindu biemuboolera tawe?
\v 47 Buli shomundu owitsa khusie mana ahulire amakhuwa kanje mana akakhole, ndalamuboolera shinga aba nali.
\v 48 Ali shingana owombakha inzu, owayaba omuse kwayo hasi khulwanda olutinyu. Olwa olucheka lwetsa, omuyembo kweikhula nikukupa inzu yiyo nayo nilatechera ta, shichira yombakhwa obulayi.
\v 49 Halali omundu ouhulira amakhuwa kanje ne shiakakhola ta, ali shinga omundu wulia owombakha inzu yiiye khiloba ikulu eibula omuse mwiloba. Olwa olucheka lwetsa, omuyembo kweikhula nikukhupa inzu yiyo, nayo niyibungulukha bwangu, nayo niyibiiya keelala.
\c 7
\cl Luka 7
\p
\v 1 Olunyuma olwa Yesu yamala bulishindu shiyali nabooleranga abandu nibahulirisia, yenjira eKaperinaumu.
\v 2 Khandi khwaliyo nende omusesia owali nende omutiiyi owayali niyamuchinguula muno, yali omulwale ahambi wokhufwa.
\v 3 Ne olwa yahulira khukalia aka Yesu, yaruma abakhulundu babaYahudi, bamerebe mbu yetse ahonie omutiiyi wuwe.
\v 4 Nabo olwa beetsa ewa Yesu yali, nibamusaya neshibeera, nibamubiira, Akhoyere mbu yuwe omukholere lino,
\v 5 shichira nomundu owachama eshialo shiefu shino, khandi niye owakhumbashira isinagogi yefu.
\p
\v 6 Yesu yamala achache oluchendo ninabo. Halali olwa yali nashirikhwo ehale okhuula khunzu, omusesia yaruma abalina batsie bamuboolere, Omwami, sholenyasia omwene ta: shichira shiendi oukhoyeere yuwe ukhinjira munzu yanje ta.
\v 7 Nakachirire siemwene shindilutsi oukhoyeere okhwitsa mumoni mwo ta: halali boola butswa likhuwa, naye omutiiyi wanje alahona.
\v 8 Okhuba katasiesi endi omundu ouli nobunyali, khuli nende abelihe abali hasi wanje. Emboolera mulala, tsia, natsia, emboolera oundi, yitsa, naye yeetsa; ne khubatiyi banje. khola shino, naye akhola.
\p
\v 9 Olwa Yesu yahulira kano, yahuchisibwa nende omundu wuno, nakalukhanira yabo abomukanda, abali nibamulondanga, nababiira, Eshiri okhunyoola obusubiri bweimbia yino muIsraeli.
\v 10 Nabo balia abali nibarumirwe, libakalukha munzu, banyoola owali omulwale nahonere.
\p
\v 11 Inyanga yalondakhwo nibushiire, yamala atsie mwitokho lia Naini; abeekabe nibatsia ninaye nende abandu abanji.
\v 12 Olwa yali nali ahambi nende eshiribwa shilitokho, lola, khwali nende omundu wali nafwiire nayinibungwa erwanyi, omwana yenyene owa nyinamwana, owali omulekhwa: nakwo omukanda omukhongo okhurula mwitokho kwali nikumukoobanga.
\v 13 Olwa Omwami yalola omukhasi wuyo, yamubererera, namuboolera, Lekha okhulira.
\v 14 Natsia imberi natiira khushitalatalilo, nabo abali nibachinjire omubiri nibasinjira mema. Mana naboola, Omundu omuraka, buukha.
\v 15 Owali omufu yabuukha niyekhala, nachaka okhuboola. Naye Yesu namuheresia nyinamwana.
\p
\v 16 Nabo boosi nibatirwa nende oburii: nibatsiririra okhwitsomia Nyasaye, nibaboola, omunabi omukhongo uchingulirwe hakri wefwe: ne Nyasaye wulutsi abandu bebe.
\v 17 Omurume buno obwaYesu bwanyayira bulihabundu hosi ebuYuda nende tsimbeka tsibotokhane.
\p
\v 18 Abeekabe ba Yohana bamuboolera ebindu bino. Naye nalanga babiri khubo
\v 19 nabaruma khu Omwami bamureebe, Neyuwe wulia owalinji yeetsa, nohomba khutsiririre okhulinda oundi?
\p
\v 20 Olwa abandu bano betsa ahambi nende Yesu, abandu yabo baboola bari, Yohana Omubatisi akhurumire khuyuwe khukhureebe, Neyuwe owalinji yetsanga, nohomba khutsiririre okhulinda oundi?
\p
\v 21 Ebise bieneyibo yahonia abandu abanji okhurula mumalwale, amateshere nende tsiroho tsimbi, natiimbula tsimoni tsia ababofu abanji.
\v 22 Namala naboolera abali nibarumirwe mbu, Tsie muboole kalia akomulutsi nende okhuhulira: ababofu banyoola okhulola, abalema bachenda, abobuchere basiiya, abasiru bahulira, abafu babusibwa nibanyoola obulamu, nabo abatakha bayalirwa amakhuwa amalayi.
\v 23 Noweikhabi omundu wulia oulesichirala khulwasie tawe.
\p
\v 24 Abarume ba Yohana nibamalire okhutsia, Yesu yachaka okhubiira abomukanda khu Yohana, Mwatsitsanga okhulola shiina mushitsimi? Olubembe olushinibungwa nobushindu?
\v 25 Nenyu mwatsitsanga yo erwanyi okhulola shiina? Omundu owifwalire tsingubo tsindayi tsindorotoro? Tawe, balia abefwalanga tsingubo tsiobukusi ni balia obulayi bamenya mutsinzu tsiabaruchi.
\v 26 Halali mwatsitsanga okhulola shiina? Omunabi? Ee, emuboolera, mana khandi ouyombere omunabi.
\v 27 Wuno niye owamahandiko kamuboolakhwo: ndalaruma omurumwa akhuranjirire imberi, owitsa okhukasia injira yiiyo imberi wuwo.
\p
\v 28 Emuboolera enywe, mubalia boosi abomukhasi yebula shalikhoho omukhongo muno oushira Yohana tawe. Kata kario wulia ouli omutiiti mubwami bwa Nyasaye nomukhongo okhumuyomba.
\p
\v 29 (Abandu boosi, kata abasololi bobushuru, olwa bahulira amakhuwa aka Yesu, nibeyama mbu tsinjira tsia Nyasaye netsiobulunjishi, shichira bali nibabatisibwa nende ibatiso ya Yohana.
\v 30 Halali abaFarisayo nende abachesia bamalako baloba lichomo lia Nyasaye khubo bene, shichira shibaali nibabatisibwa nende Yohana tawe.)
\p
\v 31 Yesu natsiririra naboola, Nikali kario, nenjerasie abandu abolwibulo luno nende shiina? Bali shingana shiina?
\v 32 Bali shinga abaana ababayanga khushiiro, nibekhala hasi nibalangana nibaboola, Khwakhupire omutwerere, ne nawe shiwashinire tawe. Khwemba olwimbo lwamasika, nawe shiweekhula tawe.
\v 33 Okhuba Yohana omubatisi shiyetsa nalitsanga omukate kata okhunywa idivayi tawe, nenyu muboola mbu ali nelidimoni.
\v 34 Omwana wOmundu yeetsa nalitsanga khandi nanywetsanga, nenyu muboola, ngwowuno hano, omuwooru khandi omumesi, omulina wabasololi bobushuru nende abakholi betsimbi.
\v 35 Halali obuchesi bubalilwa obulunjishi nabaana babo boosi.
\p
\v 36 Bulano nikhuba nende omuFarisayo mulala niyenjisia Yesu mbula yalia ninaye. Olunyma olwa Yesu okhunjira munzu yomuFarisayo, yekhala khumesa nalitsanga.
\v 37 Omukhasi wundi mwitokho yimo owali niyamenya obulamu bweshifwabi yamanyirisia mbu Yesu alitsanga munzu yomuFarisayo, niyetsamwo nende ichupa yamafura akeshing'aari.
\v 38 Yasinjira emukongo wuwe ahambi khubirenje bibie, nakhututanga, nasama ebirenje namasikake, nabieya neliswi lirie khandi nabitsunzuna natsukhakhwo amafura keshing'aari.
\v 39 Olwa omuFarisayo owali niyenjisiye Yesu yalola kano, yepaarira omwene, Omundu wuno niyakhabeere omunabi, yakhamanyire ni wiina oumutiraakhwo, mbu khandi nomukhasi weimbiashi, mbu ye nomwononi.
\p
\v 40 Yesu namukalusia namuboolera, Simoni, endi nende eshindu shindienya ekhubiire. Simoni namukalusia, Mbiira, Omwechesia.
\v 41 Yesu namubiira, Khwaliho nende omundu owahosinjia amapesa naba nende abamakofi ke babiri. Mulala yabanzungwa tsidinari imia ndala, oundi naye amakhumi karano.
\v 42 Olwa bali nibakhayirwe okhumukalusiria, yababeera boosi babiri. Nikali kario, khubano niwina owitsa okhumuheera okhushira?
\p
\v 43 Simoni nakalusia naboola, Embaara wulia oulesherwe likofi likhongo. Yesu namubiira, Okhalache habwene.
\v 44 Mana nashukhana ewomukhasi yali mana nabiira Simoni, Ololanga omukhasi wuno? Nditsire munzu yiiyo yino. Shiumbere amaatsi akokhwiyosia ebirenje bianje tawe, halali atosiiye ebirenje bianje namasika ke niyanzeya nende liswi lirie.
\v 45 Eyuwe shiunzunzunire ta, naye okhurula olwandinjire muno ashiri okhulekha okhunzuna ebirenje.
\v 46 Shiunzushiire amafura khumurwe kwanje ta, halali naye wutsushiire amafura akeshing'aari khubirenje bianje.
\v 47 Kata kario, shino nishio eshifune shichira nekhuboolera, tsimbi tsitsie, etsiali tsinyinji, amalire okhubeerwa; okhuba aheerere muno: halali wulia oulesherwe bititi, yesi alaba nobuheeri butiti.
\v 48 Yesu yamala namubiira, Obeererwe tsimbi tsitsio.
\p
\v 49 Balia abali nibali ninaye khumesa nibalitsanga baboorana abene khubene, Wuno naye niwiina oubeera kata tsimbi?
\p
\v 50 Mana naye nabiira omukhasi wuyo, Obusubiri bubwo bukhuhoniye; Tsia nomulembe.
\c 8
\cl Luka 8
\p
\v 1 Khandi Olunyuma olwa Yakobo, yamala nabira mumatokho omakali nende amatiti, nakamba nende okhulandia amakhuwa amalayi aka obwami bwa Nyasaye, khandi abeekabe ekhumi nababiri bali ninaye,
\v 2 Halala nende abakhasi bandi abali nibahonibwa okhurula mutsiroho tsieshifwabwi nende amalwale, Maria owalangwa Magadalina, owa muye amatimoni saba kamurulamwo.
\v 3 Yoana, omukhasi wa Kuza omusinjiriri wa ebindu bia Herode; Susanna nende abandi abanji: bamukhalabanira okhurula khu miandu chiabwe abene.
\p
\v 4 Olwa omukanda okwa abandu bamwitsira, nibarulire mumatookho akaukhane, yamala aboole oluchero:
\v 5 Omulimi yatsia okhumiitsa imwo, olwa yali namitsanga, etsindi tsiakwa khunjira natsio nitsisenerwa hasi nebirenje khandi amanyonyi akomwikulu niketsa nikatsibootsa.
\v 6 Natsio etsindi nitsikwa khulwanda, litsiachaka okhumera, natsio nitsiniala, shichira shitsianyoola amaatsi ta.
\v 7 Natsio etsindi nitsikwa mumahuwa, nako amahuwa nikakhula halala nende imwo nako nikachitiiya.
\v 8 Nayo imwo yiindi nikwa khwiloba lilayi, mana niimera, khandi niyama okhuyoombia khandi imia ndala. Namalire okhuhana oluchero, yachinga omwoyo ikulu, Owuli namarwi akokhuhulira, lekha ahulire.
\p
\v 9 Abeeka be nibamureeba mbu, olukano luno luboola shiina?
\v 10 Nabakalusia nababoolera, Enywe munyalirwa okhumanya amabiso ako obwami bwa Nyasaye, halali khubandi ebaboolera mutsijero, mbu kata nibali netsimoni shibalalola ta, khandi ni bahulira balamanyirisia ta.
\p
\v 11 Shino nishio eshifune shiolukano luno: Imwo ne likhuwa lia Nyasaye.
\v 12 Ne tsiria etsiokhunjira, nibalia abahuliranga, naye omusuku yeetsa nabukula likhuwa yiro nayiinia mimioyo chiabwe, kho balanylirwa okhusubira mana bahonibwe tawe.
\v 13 Nayo yiria eyokhulwanda nibo, balia abahuliranga, nibabukula likhuwa nende omwikhoyo, halali shibali nende emisi tawe; basubira khubise ebititi, mana mubise biamateemo nibakwa.
\v 14 Imwo yiria eyakwa mumahua, nibalia abahuliranga likhuwa, nabo mukhutsiririra khwabo, basitoherwa nende amahendo, nende obuyinda nende emikhoyo chiobulamu, nabio ebiamo biabo shibikhomera ta.
\v 15 Nayo imwo eyakwa khwiloba lilayi, nibo balia, abahuliranga likhuwa nobwisikwa nomwoyo omulayi, nibalitiira obulayi mana baama ebiamo mubwifiri.
\p
\v 16 Abulaho omundu ouhafia itaya, mana afunishire mushimwero; nohomba achire mulwalo mweshitanda tawe; achisinjisia khushisaala mbu buli sh, amulala owinjira alole obulafu.
\v 17 Okhuba shibulaho eshiebisa eshiletsa okhumanyikha ta; mana okhurebwa habulafu.
\v 18 Kario mwihenjeresie obulayi shinga olwa muhulira, khu wulia ouli neshidu, alameterwa ebinji, naye oubula kata shititi, eshiali ninashio shilabukulwa.
\p
\v 19 Mana nibamwitsira mama wuwe nende abasiani baabo, halali shibanyala okhumulakhwo tawe shichira omukanda kwali omukhongo.
\v 20 Naye naboolerwa mbu, Mama wuwo nende abasiani benyu bali erwanyi, beenya okhukhulola.
\p
\v 21 Mana nabakalusia nababiira, Mama banje nende abasiani beefu ni balia abahulira nibakhola likhuwa lia Nyasaye.
\p
\v 22 Bulano niyibaho inyanga yindi niyenjira muliaro, nende abeeka bebe nababiira; Chende khwambushe oluchrekha lundi lweinyanza. Nabo nibasimula eliaro.
\v 23 Olwa bali nibatsitsanga tsindoolo nitsimutiira nachaka okhukona: omuyeka omukali nikwitsa nikuhutsa khunyanza; nikukhupa eliaro liabo kata amaatsi nikachaka okwijira muliaro, nibaba nokhuhenda okhukhongo.
\p
\v 24 Nibamutsiira Yesu, nibamubuusia, nibaboola, Omwami, Omwami, khufwitsanga. Naye nabuukha. Nakondoshera omuyeka nende amarunda kamaatsi; nabio nibihutsulukha, nokhwihotseresia nikhubaho.
\p
\v 25 Naye nabareeba, Obusubiri bwenywe buli heena? Nabo nibali noburii, nibaboolerana abene khu bene, Niwiina wuno! Mbu kata akondoshera omuyeka nende amatsi nibimuhulira?
\p
\v 26 Nibatsiririra okhutsia okhuula tsimbeka tsia eGerasi, oluchrekha lwei inyanza ya eGalilaya.
\v 27 Olwa Yesu yeekha nasena khwiloba, yakanirwa nende omundu wundi okhurula mwitookho, owa amatimoni kali nikamumenyamwo oluhoono, shiyeefwalanga tsingubo ta, shiyamenyanga munzu ta halali mubirindwa.
\p
\v 28 Naye olwa yalola Yesu, yakhupa omwoyo obutinyu, nakwa imberi wuwe naboola nomwoyo omukhongo, Wenya okhukhola endiena, Yesu, Omwana wa Nyasaye owoMwikulu Hekulu? Ekhusaya, shiolasandia tawe.
\v 29 Okhuba yali nalachira roho weshifwabi wuyo okhurula mumundu wuyo. Shichira khandi akhanji yali niyamutiira, kata niyaboyungwa neminyololo nende emikasa mana abalindi babeho, yakhakhalache eminyololo mana amatimoni kamuyire mushitsimi.
\p
\v 30 Yesu namureeba, Neyuwe wiina? Nakalusia, Nesie Ligioni, shichira amatimoni amanji kali nikamwinjiramwo.
\v 31 Nako nikatsiririra okhumusaya mbu shialakalaka okhutsia emakombe tawe.
\v 32 Ne khwaliho nelituli lietsimbiitsi eliali niliaayanga khushikulu: nako amatimoni nikatsiririra okhumusaya mbu akasibule katsie katsijiremwo, naye nakasibula.
\v 33 Kho amatimoni karula mumundu wuyo nikatsia mutsimbiitsi, natsio nitsirukha nitsikholomokha nitsiyibira munyanza nitsifwiramwo.
\p
\v 34 Balia abali abaayi betsimbiitsi olwa baloola akali nikekholeshe, berukha tsimbiro, nibatsia mwitookho nende tsimbeka tsilibotookhaane:
\v 35 Abandu nibarulayo okhwitsa okhwilolerera ashiali nishiikholeshe; nibetsa ewa Yesu yali, nibalola omundu wulia owamatimoni kali nikamuruliremwo, niyeekhale habirenje bia Yesu, nafwalire tsingubo nahonere; nibatiirwa nende indenga.
\v 36 Balia abali nibalutsi shingana owamatimoni kali nikamenyamwo yahonibwa bababoolera.
\v 37 Abandu boosi abetsimbeka tsia ebuGerasini, bamubiira mbu aruleyo yenyoshe, okhuba bali nibayomberirwe nende oburii. Kali kario yakalukha muliaro natsia.
\v 38 Naye omundu wulia owa amatimoni kali nikaruliremwo yamusaya mbu atsie ninaye: halali Yesu namulonda atsie.
\v 39 Kalukha ingo wenyu mana ohane obuloli bwitsuule khukalia aka Nyasaye akhukholere. Omundu wuyo natiira injira niyetsiira, nalandia mwitookho kalia aka Yesu yali namukholeere.
\p
\v 40 Mana Yesu namalire okhukalukha, abandu bamwinjisia: shichira bali boosi nibamulindanga.
\v 41 Ne, lola, khwaliho nende omundu mbu Yayiro, owali omwimirisi musinagogi; niyetsa nakwa mumakulu ka Yesu, namusaya mbu atsie ninaye munzu wuwe;
\v 42 Shichira yali nende omwana omukhana omuteerwa, owemihika ahambi ekhumi nachibiri, nalwala ahambi okhufwa. Nali khuluchendo natsitsanga, abandu bamwikhurakhwo tsimbeka tsiosi.
\v 43 Ne khwali nende omukhasi owali neshirulutso emika ekhumi nachibiri, niyarumushira emiandu cjie khubasirishi, nalanyoola okhuhonibwa nende yesi yesi tawe.
\v 44 Niyetsa emukongo wuwe, natiira khwichemo liengubo yiiye: habwene nahabwene eshiruluutso nishisinjira.
\v 45 Naye Yesu nareba, Niwiina oundirirekhwo? Naye buli omundu nakaana, Petero nende abayali yinabo nibamubiira, Omwami, shiololanga omukanda nikubirikana nikukhutiiya, nawe oba norebanga mbu, niwiina oundirirekhwo?
\p
\v 46 Yesu namukalusia, Omundu wundirirekhwo: shichira ehulire obunyali niburulangamwo.
\v 47 Naye omukhasi wuyo olwa yamanya shanyala okhwibisa tawe, yetsa natecheranga, nakwa imberi wuwe, nende abaliho boosi naboola eshifune eshichirire namutiirakhwo, nende olwa ahonere ebise biene yibo.
\v 48 Naye namubiira, Omukhana wanje, wihotseresie; tsia nomulembe.
\p
\v 49 Olwa yali nashibolanga, omundu yarula munzu yomwimirisi weisinagogi, namuboolera, Omwana wuwo omukhana wufwire, shiolanyasia Omwami tawe.
\p
\v 50 Naye Yesu olwa yahulira, yamukalusia mbu, Shiolaria tawe: subira butswa, mana naye alaba omulamu.
\v 51 Olwa yoola munzu, shiyeyamira abandu bandi okhwijira ta, okhuyiniakhwo Petero nende Yakobo, nende papa nende mama womwana.
\v 52 Bulano abaliho bali nibayulanga nibeekhukhula omukhana: Nababiira, Leshe okhwikhuula; shafwiire tawe halali akonanga.
\v 53 Nibachaka okhumutsekha nibamukhoobera, shichira bali nibamanyire mbu afwiire.
\v 54 Nabalonda boosi erwanyi, namutiira omukhono, namulanga, Omukhana, buukha.
\v 55 Mana omwoyo kukwe nikucherera, naye nabuukha ebise bieneyibo; nabalachirisia mbu bamuheresie eshiokhulia.
\v 56 Abebuli bebe nibaba nende okhuhuka; nababiira, shimulaboolera omundu yesi yesi akekholeshe tawe.
\c 9
\cl Luka 9
\p
\v 1 Nalanga abeeka bebe halala khandi nabaheresia amaani nende obunyali khumatimoni koosi nende okhuhonia amalwale.
\v 2 Nabaruma okhutsia okhukamba obwami bwa Nyasaye nende okhuhonia abalwale.
\v 3 Khandi nababoolera, shimulachingakhwo eshindu shiosi shiosi khuluchendo tawe, indabushi, nohomba omuloloti, nohomba omukate, nohomba amang'ondo, kata ing'ubo yakhabiri tawe.
\v 4 Ne inzu yosi yosi eyomwinjiramwo, menyemwo okhuula olwa mwakhacherere.
\v 5 Ne buli litaala elia mwinjiramwo nimulenjisibwa tawe, olwa muba nimurula mwo, mteng'ulule olufu okhurula khubirenje bienywe obuloli bwobubi khubo.
\v 6 Nibamala nibatsia mumataala, nibakamba injili nibahonia buli habundu.
\p
\v 7 Naye Herode omuruchi nahulira koosi akali nikekholekhanga, naye nahuchisibwa, shichira abandi bali nibaboolanga mbu Yohana asimukushe okhurula mubafu;
\v 8 Abandi nibaboola mbu Eliya yaloleshe; nabo abandi, mbu mulala khubanabi abakhulu yasimulukushe.
\v 9 Herode naye naboola, Yohana ye ndamusinza omurwe kwe: Naye niwiina wuno owehuliranga ebindu bino? Mana niyekomba okhumulola.
\p
\v 10 Olwa abarume bakalukha, nibamuboolera koosi akabali nibakholere. Nababukula natsia ninabo habundu hebisirekhwo mwitaala lia eBethsaida.
\v 11 Nabo abemikanda olwa bamanya, bamulondakhwo: naye nabenjisia, nachaka okhubabiira amakhuwa kalondokhana nende obwami bwa Nyasaye, nabakhola abalamba balia abali nibenyere okhuhonibwa.
\p
\v 12 Inyanga yali niyiwetsanga, nabo ekhumi nababiri nibamwitsira nibaboola, Sebula omukanda kuno kutsie mumataala nende tsingongo tsibotokhane yo mbu banyoole ewokhukona nende eshiokhulia: shichira ewakhuli hano neshitsimi butswa.
\p
\v 13 Halali naye nababoolera, Baheresie ebiokhulia. Nabo nibamuboolera, shikhuli nende ebiyera tawe. Halali emikate chirano nende tsinyeeni tsibiri; Kalali kario tawe khutsie khukule eshiokhulia eshihera abandu bano boosi.
\p
\v 14 Khwaliho nende abasatsa tsielefu tsirano. Naboolera abeeka bebe, Babiire bekhale hasi mubituma bia abandu amakhumi karano.
\v 15 Nabo nibakhola bario, nibekhasia abandu hasi.
\v 16 Nabukula emikate chirano nende tsinyeni tsibiri, nahenjere mwikulu, nabilamira tsikhabi mana nabifinaka mibitonye, naheresia ebeeka baheresie emikanda.
\v 17 Mana nibalia boosi nibekura, mana khubiosi ebiali nibitoonyere biatolwa nibiyera ebimwero ekhumi nende bibiri ebia amatonye tonye.
\p
\v 18 Nikhubaho nende ebise, yali nasayanga yenyene, nabo ebeeka bali ninaye: mana nabareeba, abandu baboolanga nesie wiina?
\p
\v 19 Nibamukalusia nibaboola, Yohana Omubatisi. Halali abandi baboola Eliya, nabo abandi mbu mulala khubanabi abakhulu yasimulukushe.
\p
\v 20 Naye nabareeba, nenyu mubolanga mbu nesie wiina? Petero namukalusia naboola, Neyuwe Kristo wa Nyasaye.
\p
\v 21 Naye nabakaya nobululu mbu shibalabiirakhwo omundu yesi yesi tawe.
\v 22 Naboola, Omwana wOmundu akhoyere okhsanda mubindu ebinji kata okhulobwa nende abakhulundu nende abakuhani abakali nende abahandichi, mana yeerwe naye asimulukushe inyanga yakhataru.
\p
\v 23 Nababoolera boosi, Niyakhabaho omundu yesi yesi owakhenya okhunonda sie, okhuula yekane ye mwene mana abukule omusalaba kukwe buli inyanga, mana yanondekhwo.
\v 24 Okhuba wulia yesi ouhonia obulamu bubwe alabukosia, halali wulia owitsa okhukosia obulamu bubwe khulwa esie alabuhonia.
\v 25 Kalamukhoya shiina omundu okhunyoola eshialo shiosi, mana yekosie yemwene, nohomba asukunwe ehale.
\v 26 Yesi yesi oundolera tsisoni nende likhuwa lianje, wuyo niye owa Omwana wOmundu alamulolera tsisoni olwa aba niyeetsa muluyalilwe nende oluyali lwa Samwana, nende abamalaika abatsienukhu.
\v 27 Halali emuboolera obwatoto, mbu, khubasinjire hano bano, shibalanyola okhufwa tawe okhuula olwa balola obwami bwa Nyasaye.
\p
\v 28 Mana nikaba mbu olunyuma lwetsinga munane naboolere amakhuwa kano, yabukula Petero, Yohana nende Yakobo nibatsia khushikulu okhusaya.
\v 29 Olwa yali nasayanga, likondo liobweni bubwe nibukalukhana, natsio tsingubo tsitsie nitsiba tsindafu tsererere.
\v 30 Ne lola, abandu babiri bali nibaboolanga ninaye, bali Musa nende Eliya:
\v 31 Balolekha muluyali, nibaboolanga akokhufwa khukhwe okhwa yali nali ahambi okhuhesia muYerusalemu.
\v 32 Bulano Petero nende abayali ninabo nibetsulwemwo tsindolo, nabo olwa babuukha nibaba meso, balola oluyalilwe, nende abandu babiri abali nibasinjire ninaye.
\v 33 Nikaba mbu olwa bali nibamulekhanga, Petero naboolera Yesu, Omwami, nobulayi efwe okhuba hano. Bulano lekha khumbashe amairi kataru hano; elala elirio, elala elia Musa, elindi elia Eliya: naye shiyali namanyire eshia aboolanga tawe.
\v 34 Naye nashiboolanga kano, lilesi lietsa nilibara mushinikha libabotokhana, nibatirwa nende indenga nibenjiranga mwilesi.
\p
\v 35 Nakwo omwoyo nikuhulirikha mwilesi, nikuboola, Wuno niye Omwana wanje; mumuhulilre.
\v 36 Omwoyo nikumalire okhuboola, Yesu yalolekha nali yenyene. Nabo nibaholeere tsi, khandi nibalaboolera omundu yesi yesi kalia akabali nibaluutsi tawe.
\p
\v 37 Nikaba mbu inyanga yalondakhwo, olwa bali nibakhekha khushikulu, omukanda omukhongo okwamwakanira.
\v 38 Khandi, lola, omundu mulala okhurula mumukanda yakhupa omwoyo, Omwechesia, ekhusaya wuyenjerekhwo omwana wanje, okhuba niye omusiani wanje yenyene.
\v 39 Lola, iroho imutiranga, ne lwangu akhupa obuyoka; mana akwe hasi napalapala narula lifiro mumunwa. Ishiri okhumwibalakhwo tawe khandi yamurakhwo tsimbala tsimbi muno.
\v 40 Esayire abeeka bobo okhuilonda, nabo bakhayirwe.
\p
\v 41 Yesu nakalusia naboola, Enywe olwibulo lulasubiranga khandi olwamala okhukora, nembe ninenyu okhuula liina, nebefiiranga? Rera yino omwana wo tsana.
\v 42 Yali nashitsanga, iroho yiyo niyimulasa hasi khumaloba khandi nachaka okhupalapala. Mana Yesu nakondoshera iroho yeshifwabi yiiyo, naye omusiani naba omulamba, naye namukalusiria samwana.
\v 43 Nabo boosi nibahuchisibwa nende obunyali obukhoongo bwa Nyasaye. Halali boosi batonga nibachenyanga khubulishindu shiyali nakholanga, nabiira abeeka bebe,
\v 44 Leshe amakhuwa kano keyinishe mukari mumarwi kenywe: Omwana wOmundu alakhobwa nahanwa mumikhono chia abandu.
\v 45 Habutswa nabo shibamanyirisia obuboli buno tawe. Bwali nibubebisire, kario shibamanya eshifune shiabwo tawe, kata kario boosi bali abarii abokhureeba akobubooli yibo.
\p
\v 46 Mana obuyiingani nibuchaka hakari wabwe abeene mbu niwiina omukali khubo boosi.
\v 47 Khandi Yesu, namanyirisia amapaaro kali mumioyo chiabo, yabukula omwana omutiiti namura khulubafu lulwe,
\v 48 Mana nababoolera, Yesi yesi owinjisia omwana omutiiti wuno muliira lianje, yanyinjisiye esie; naye yesi ulia ounyinnjisia, yenjisia wulia owaruma sie. Kho kario yesi ouli omutiiti hakari wenywe mwesi niye wulia ouli omukali.
\p
\v 49 Naye Yohana namukalusia naboola, Omwami, khwalutsi omundu wundi nalondanga amatimoni muliira lirio; mana nefu nikhumukaya aleshe, shichira shali mulala khufwe bakhulondanga tawe.
\p
\v 50 Shimulamwikalira tawe; okhuba yesi yesi oulakhuyiinga nouwo.
\p
\v 51 Olwa tsinyanga tsiali nitsisitanga ahambi mbu abukulwe mwikulu, yachomia obweni bubwe okhutsia eYerusalemu.
\v 52 Mana naruma abarume bamuranjirire imberi: nabo nibatsia nibenjira mwitaala elia Abasamaria bakasie bulishindu khulwa ye.
\v 53 Nabo abandu bebweneyo shibamwinjisia tawe shichira yali nachomiye obweni bubwe okhutsia eYerusalemu.
\v 54 Ne olwa abeeka bebe Yakobo nende Yohana balola kano, nibamureeba, Omwami, wakhenya mbu efwe khulanje omuliro okhurula mwikulu mana kubamalirane?
\v 55 Halali yakalukhana mana nabakondoshera, mana nababoolera, shimumanyire imera ya roho owamuli ninaye tawe.
\v 56 Okhuba Omwana wOmundu shiyayeetsa okhusasia obulamu tawe, halali okhubuhonia. Mana nibarulaho nibatsia mwitaala lindi.
\p
\v 57 Shinga bali Nibashitsiitsanga khunjira, omundu wundi namubiira mbu, Omwami, ndienya ekhulodekhwo buli habundu wotsia.
\p
\v 58 Yesu namukalusia namuboolera, Amabwe kali nende obwiina, amanyonyi akomumuuya kali nebitsu; halali Omwana wOmundu shali nende kata awokhura omurwe kukwe tawe.
\v 59 Mana naye nabiira owundi mbu, Nondakhwo. Naye namubiira, Omwami, lekha mberio entzie eyabire papa wanje
\p
\v 60 Halali namuboolera, Lekha abafu bayabire abafu babo abeene: Halali nawe yuwe tsia olandie obwami bwa Nyasaye.
\p
\v 61 Mana khadi omundu wundi naboola, Omwami, ndalakhulondakhwo; halali undeshe enzie eseebule balia abali ingo wanje mberio.
\p
\v 62 Yesu namuboolera, Abulaho omundu, wulia namalire okhura amakhono khumbako, mana ahenje emukongo, oukhokhoyere obwami bwa Nyasaye tawe.
\c 10
\cl Luka 10
\p
\v 1 Ebindu bino nibiwere, Omwami yaahula abandi amakhumi saba khandi, nabaruma mbu bamuranjirire mubuli litookho nende eundi hosi, ewayali natsie.
\v 2 Namala nababiira, Obwatoto buli mbu lichesa nelikhongo, halali abatiiyi nabatiti: kho musaye Omwami mwene lichesa, mbu abarume abatiiyi mwichesa lirie.
\v 3 Tiire injira mutsie: lole emuruma shingana amakondi mubisuutse.
\v 4 Shimulachinga emiloloti, noho ebibeti, noho ebilaro tawe: khandi shimulashesia omundu khunjira tawe.
\v 5 Mana munzu yosi yosi eyamwinjiramwo, muboole mbu, Omulembe kube munzu yino.
\v 6 Nikhubamwo nende omundu womulembe, omulembe kwenyu kulayeera mwo: naba nabulamwo, kulamukalushira khandi.
\v 7 Mana mutoonye munzu yeneyo nimulitsanga nende okhunywa ebiribwa bioosi ebiamuhebwa: Okhuba omutiiyi akhoyere omurungo kukwe. Shimula huya huya mutsinzu tawe.
\v 8 Nalio litookho liosi elia mwinjiramwo mana bamwijisie, lie biria bioosi ebiamuhebwa imberi wenywe:
\v 9 Mana muhonie abalwale balimwo, khandi mubaboolere, Obwami bwa Nyasaye bumalire okhusita ahambi ninenyu.
\v 10 Halali litookho liosi liosi elia enywe mwinjiramwo, mana baleshe okhubenjisia, ruleyo mutsie khumihanda chiabwe, mana muboole,
\v 11 Kata olufu lwenyu olubeere khufwe, khumubungulira lubakalushire abene: ne kata kario mukhoyere okhumanya lino mbu, Obwami bwa Nyasaye bumalire okhusita ahambi ninenyu.
\v 12 Emuboolera enywe, inyanga yiiyo yakhabe eyokhwifiira khu Sodoma, okhushira litookho yiro.
\p
\v 13 Wowe yuwe, Korasini! Wowe yuwe, eBedisaida! Okhuba emirimo emikali echiekholekha eTiro nende Sidoni, echiekholeshe muenywe, bakhabeere nibekaniire khale, nibekhaale mumagunia nende mumakoshe.
\v 14 Halali inyanga yeshiina yakhabe yetsimbabasi khu Tiro nende Sidoni, okhushira enywe.
\v 15 Nawe yuwe, Kaperinaumu, owachinguulwa okhuula mwikulu, wakhalaswe hasi okhuula jehanamu.
\p
\v 16 wulia yesi yesi oubahulirisia ahulirisia esie; naye wulia oubachaya achayanga esie oubarumire.
\p
\v 17 Abali amakhumi saba bacherera khandi nomwikhoyo, nibaboola, Omwami, kata amatimoni kahuhulire muliira lirio.
\v 18 Naye nabakalusia nababoolera, Ndalola shetani nakwitsanga shingana olwenu okhurula mwikulu.
\v 19 Lola, ebaheresia nyuwe obunyali bwokhuseena khutsinzokha, amakatie, nende khubunyali bwoosi obwomusuku: ne shibulaho shiosi eshitsa okhukhusalisia tawe.
\v 20 Nikali kario shimulekhoyera kano konyene tawe, mbu amatimoni kamuhuliranga nyuwe; halali tsaatsaale shichira ameera kenywe kahandikwa mwikulu.
\p
\v 21 Mubise butswa biene yibo Yesu yekhoyera muroho, mana nababoola, O Papa Omwami womwikulu nende eshialo, eyuwe wabisa ebindu bino okhurula khubalia abachesi nende abasoomi, mana ukafimbulire abana abatoro; kata kario Papa, kakhuchamisia endio mutsimoni tsio.
\v 22 Ebindu bioosi ndamala okhuhebwa nende Papa wanje; ne shaliho kata omundu mulala oumanyire mbu omwana niwiina tawe, halali Papa; naye abulaho oumayire Papa halali Omwana, nende wulia owa Omwana yetsa okhwahula okhumwibuulira.
\p
\v 23 Nashukhanira abeeka bebe, mana nababoolera masirisi, Tsiri netsikhabi tsimoni etsilolanga ebindu biamulolanga:
\v 24 Okhuba emuboolera mbu, Abanabi abanji nende abaruchi bekoomba okhulola ebindu bia enywe mulolanga, ne shibabilola tawe; nende okhuhulira ebindu bia muhuliranga, nabo shibabihulirakhwo tawe.
\p
\v 25 Lola, omuchesi wundi owamalako yasinjira ikulu, mana namuteema, namureeba, Omwami, ekhoyere okhukhola shiina kho enyoole obulamu obulawaho tawe?
\p
\v 26 Naye namureeba, Kahandikwa kariena mumalako? nawe okasomanga oreina?
\p
\v 27 Naye namukalusia endi, Olamuheera Omwami Nyasaye wuwo nende omwoyo kukwo kwosi, nende eshiimo shishio shiosi, nende amaani koko kosi, nende amapaaro koko kosi; nende abamenyani bobo shinga yuwe mwene.
\p
\v 28 khandi namubiira, okalusiye obulayi: bulano okakhole, nawe olamenya.
\p
\v 29 Halali naye, niyenyanga abalilwe obulunjishi khululwe, nareeba Yesu, Ne niwiina omumenyani wanje?
\p
\v 30 Yesu namukalusia, namuboolera, Khwaliho nende omundu nalebe owakhulomokha okhurula eYerusalemu natsitsanga Yeriko, naye nakwa mumakhono akabanuuli, abamufwalula kata tsingubo tsitsie, nibamusalisia nende tsimbala, mana nibamulekha, ahambi wokhufwa.
\v 31 Mana khuba nende omukuhani wundi nakholomokha khunjira yeneyo: naye olwa yamulola, nabirira erubeka wundi weinjira.
\v 32 Khandi endio omulawi niyeetsa, olwa yamulola habundu yaho, yamuyenga obulayi, nabirira elubeka wundi weinjira.
\v 33 Halali omuSamaria wundi, natsiririranga noluchendo lulwe, yoola ewayali: olwa yamulola, yamulolera eshisa.
\v 34 Mana namutsiira, namuboha tsimbala, niyosia namafura nende idivayi, namura khusishiri yiiye omwene, namurera habundu wokhulindwa, mana namuhendera.
\v 35 Nibushiere mukamba niyenyanga okhurula, yahinia ebihela bibiri, naheresia mweneho, namuboolera, Muhendere; mana shiosi shiosi eshiawitsa okwikhonyera okhuyombia, negalukha khandi, nekhukalusirie.
\v 36 Ni wiina khubataru bano, owali omumenyani omulayi khu wulia owali nakwire mubanuuli?
\p
\v 37 Nakalusia naboola, wulia owamulolesia eshisa. Mana Yesu namubiira, Tsia, mana okhole akengana kario.
\p
\v 38 Nikaba mbu libali ni bali khuluchendo, yamala yenjire mwitaala lindi; naye omukhasi wundi owalangungwa Maritha namwinjisia munzu yiiye.
\v 39 Yali nomukhana wabwe owalangunga Mariamu, owatsia niyekhala habirenje bia Yesu, nahulirisia amakhuwa keke.
\v 40 Halali Maritha yali niyefindisiiye nende okhutekha eshiokhulia, ne namwitsira, naboola, Omwami, shonyala okhuteeba mbu omukhana wefu wundesheere sienyene okhutenda? Mubiire yakhoonye emirimo.
\p
\v 41 Yesu namukalusia namuboolera, Maritha, Maritha, ohenderanga nende okhwinyasira ebindu ebiinji;
\v 42 Halali neshindu shilala eshikhoyere: naye Mariamu yahule eshiri eshilayi yisho, shishiakhabukulwe okhurula khuye tawe.
\c 11
\cl Luka 11
\p
\v 1 Nikaba mbu inyanga yindi, Yesu nasayanga, omweka wuwe mulala yamureba, niyakhamala okhusaya, Omwami, okhwechesie okhusaya, shinga olwa Yohana yechesia abeeka bebe.
\p
\v 2 Mana naye nababoolera, olwa muba nimusaya, muboole muri, Sefwe oulimwikulu, eliira lio liriibwe. Obwami bwo bwiitse. Akawenya kekhole mushialo, shinga kekholanga mwikulu,
\v 3 Khuheresie eshiokhulia shiefwe shia buli nyanga.
\v 4 Okhubeere tsimbi tsiefwe shingana fwesi khubeera balia abakhwononeranga. Olakhuyira mukhurechekhwa tawe; halali okhuhonie okhurula mumabi;
\p
\v 5 Yesu namuboolera, niwiina khuinywe, oulaba nomulina mana amutsiire mushiro hakarikari, mana amuboolere, Omwitsa, hosia emikate chitaru;
\v 6 Omulina wanje alikhuluchendo lulwe ne witsire ewanje, nasi embula eshiemuheresia ta.
\p
\v 7 Naye ouli munzu alamukalusia mbu, Lekha okhuunyasia: omuliango kwiikale, abana bakonere; shiendi oubuukha mana ekhuheresie ta.
\v 8 Emuboolera endi, kata nikaba mbu alaloba okhubuukha amuherasie, shichira nomulinawe, khulwa okhulumirira okhusaba alabuukha mana amuheresie emikate chimuyera.
\v 9 Siesi emuboolera, Saba, nawe olahebwa; khaaba, nawe olanyoola; khong'onda, nawe olekulirwa.
\v 10 Okhuba buli shamulala ousaba ahebwa; naye oukhaaba anyoola; naye oukhong'onda alekulirwa.
\v 11 Enywe khuba papa ni wiina owa omwana wuwe alamusaba omukate; mana amuheresie lichina? Nohomba namusaba inyeeni, alamuheresia inzokha?
\v 12 Nohomba namusaba libuyu, alamuhersia likatie?
\v 13 Nikakhaba enywe muli aboononi, ne mwamanya okhuhana ebihanwa ebilayi khubana beenyu: nobunji buyera buriena obwa Senywe womwikulu naheresie Roho Omutsienukhu khubalia abamusaba?
\p
\v 14 Yesu naba nalondanga litimoni elilahuliranga ta. Nalio nilimalire okhurula nilitsiire, omundu wuyo yachaka okhuboola, nabo abandu baliho nibahuka.
\v 15 Halali abandu bandi nababoola, alondanga amatimoni mumaani aka Belzebuli, omukhongo wa amatimoni.
\v 16 Khandi abandi, nibamuteema, Khulwa okhwenya abalolesie eshilolero okhurula mwikulu.
\p
\v 17 Naye namanyire amapaaro kabo, yababoolera, Obwami obulaba nibukabukhaane mwo obwene busalananga; nayo inzu eyikabukhaane mwo eyene ikwitsanga.
\v 18 Nikakhaba mbu shetani aba nakabukhana mwo omwene, obwami bubwe nabusinjire buriena? Shichira muboolanga enondanga amatimoni okhubirira Belzebubuli.
\v 19 Nikakhaba esie enondanga amatimoni muliira lia Belzebuli, nabo abana benyu balondanga amatimoni mumaani kale? Nikali kario bo nibo abalaba abayaasi benywe.
\v 20 Halali nikali enondanga amatimoni nende eshitere eshia Nyasaye, obulasubira shibulabaho tawe obwami bwa Nyasaye bwamalire okhumwitsira.
\p
\v 21 Olwa omundu waamani aba nalinda inzu yiiye, emiandu chichie chiri nomulembe:
\v 22 Halali naye owa amaani amanji alamwitsira, mana amuyoombe, alamunuula ebimanulwa bibie bioosi ebiayesikanga, mana yekhwasie emiandu chichie.
\v 23 wulia oulali halala inasi yayiinganga: naye oulakhung'asia halali inasi ta asalasinjia.
\p
\v 24 Olwa Roho weshifwabi arula mumundu, achendananga mutsimbeka tsiooma etsibulamwo amaatsi niyikhaaba ahokhuhulushira; nayo niyibula okhunyoola, niyiboola, ndalakalukha munzu yindarulamwo.
\v 25 olwa yiba niyuula, ne inyoola inzu niyeeywa niyalosibwa obulayi.
\v 26 Nayo itsia, neikhaaba tsiroho tsindi saba etsieshifwabi okhuchishira yoyeene; nibenjira mwo, nibamenyamwo; nabwo obumalirishi bwa omundu wuyo buba obubi muno okhuyoomba obwali obuchachiro bubwe.
\p
\v 27 Nikekholekha mbu, olwa yali nashiboolanga amakhuwa kano, omukhasi wundi okhurula mumukanda nakhupa omwoyo, naboola mbu, Inda yakhuchinga yuwe ilinetsikhabi, kata tsimbeere tsiawanuuna.
\v 28 Nakalusia naboola, Ee, habutswa, nabeikhabi abahulira likhuwa lia Nyasaye nibalibiikha.
\p
\v 29 Nabo abandu nibatsiririra okhumetekha okhuba omukanda omukhongo, naye nachaka okhuboola, Luno olwibulo olumayanu; bakhabanga eshilolero; ne shibulaho eshilolero eshia betsa okhuhebwa ta, okhuhiniakhwo eshia Yona omunabi.
\v 30 Shinga Yona yali butswa eshilolero khubandu ba Nineveh, endio butswa nilwa Omwana wOmundu nabe khulwibulo luno.
\v 31 Kwini wEmulambo yakhabushe mushiyasio nende abandu abolwibulo luno, mana alukhalachire eshiina: okhuba ye yarula mushialo shiehale okhuhulila obuchesi bwa Sulumani; ne, lola, omukali uyomba Sulumani ali hano.
\v 32 Abandu ba Nineve bakhabuushe okhuyasia olwibulo luno, mana balukhalachire eshiina: shichira bo bekanira olwa Yona yabakambira; ne lola, hano khuli nende omukali ouyomba Yona.
\p
\v 33 Abulaho omundu, ouhafinjia itaya mana achifunishire mushimwero tawe, halali achiretsanga khushichibi, mbu buli omundu winjira alole obulafu.
\v 34 Obulafu bwomubiri netsimoni: Tsimoni tsitsio nitsiri tsindai, omubiri kwitsulwamwo nende obulafu; halali imoni yo niyiba imbi, omubiri kwo kwitsulwamwo eshirima.
\v 35 Nikali kario, muyenje obulayi mbu obulafu buli mwiinywe shishiri eshirima ta.
\v 36 Omubiri kwo kwosi nikuba nikwitsulamwo obulafu, nikubula habundu weshirima, nilwa omubiri kwo kwosi kulaba shinga itaya niyashinjia obulafu bwayo khuyuwe.
\p
\v 37 Olwa yali nashiboolanga, omFarisayo wundi namureeba atsie alie euuwe; naye natsia, niyekhala nachaka okhulia.
\v 38 Naye omFarisayo nahuchisibwa, shinga olwa Yesu yachaka okhulia nashiri okhusaaba amakhono.
\v 39 Halali Omwami namuboolera, Enywe abaFarisayo mwosinjia erwanyi weshikombe nende isahani; namwo mukari mwenywe mwetsulwamwo obunuuli nende obubi.
\v 40 Enywe abasiru, shimumanyire mbu owakasia mukari niye ulia owakasi erwanyi khandi.
\v 41 Halali kata kario haana ebiri mukari wuwo shingana obukhoonyi khu abatakha, mana, ebindu bioosi bilakhuluahira.
\p
\v 42 Halali, wowe enywe abaFarisayo! Shichira muhananga eshielikhumi shiebitunguyu nende ebinzari nende emimera chietsimbia tsiosi mumukunda, nimulechelesia obuyaasi bwa habwene nende obuheeri bwa Nyasaye; bino nibia mukhoyere okhukhola nimulalekha kata elala tawe.
\v 43 Wowe khunywe abaFarisayo! Okhuba mwachama okhwikhala mubifumbi biimberi mutsisinagogi, nende okhuchenda nimushesibwa buli habundu mushiiro.
\v 44 Wowe khunywe, abahandichi nende abaFarisayo! mwingana ebirindwa bilalolekhanga tawe, khandi ababichendangakhwo shibabimayire ta.
\p
\v 45 Mulala khubali abachesi baamalako nakalusia, naboola mbu, Omwami, aka oboolanga kano okhunyekanga fwesi.
\p
\v 46 Yesu naboola, Wowe khunywe, abeebali baamalako! Okhuba mutukha abandu obusiro bachinje, ne nenyu shimunyala kata okhutiirakhwo nende kata ebitere bienyu tawe.
\v 47 Wowe khunywe! shichira mulonganga ebirindwa bia abanabi, ne bali bakuuka benywe ababeera.
\v 48 Kario muli abakobosheri nende abeyamananga nende emirimo echia abakuuka benywe, okhuba toto beera nenyu mumbakha ebirindwa biabo.
\v 49 Khulwa eshifune shino, obuchesi bwa Nyasaye bwaboola, Ndalabarumira abanabi nende abarume, nabo balabasandia nende khwiira abandi babo;
\v 50 Mbu amatsaayi aka abanabi boosi, akasundukha okhurula mumise chieshialo, kabanzwe olwibulo luno;
\v 51 Okhuchachira khumatsaayi ka Abili okhuula khu aka Sakaria hakarikari wa obwaali nende ihekaalu: Ee, emuboolera, olwibulo luno lulabanzwa.
\v 52 Wowe khunywe abachesi baamalako! okhuba mwayiniao olufunguo lwobumanyirisi; abene shimwijiranga ta, khandi mwikalira balia abenjiranga.
\p
\v 53 Naye namalire okhubabiira amakhuwa kano kosi, abahandichi nende abaFarisayo nibamuyingasia nobululu bamusinyisia mubindu ebinji;
\v 54 Nibakholanga omureko mbu banyoole eshibatsia okhuboola.
\c 12
\cl Luka 12
\p
\v 1 Mubise biene yibo, olwa emikanda chia abandu tsielefu bali nibakhung'ananga halala mubunjii bwokhusenakana abene khu bene, naye nachaka okhuboolera abeka bebe mberio mbu, Mwiyenjeresie nende limera lia abaFarisayo, eliri obwiikati
\v 2 Habutswa okhuba shibulaho eshiafunishirwa eshiakhabule okhufunulirwa, khandi shibulaho eshiabiswa eshiakhabule okhumanyikha.
\v 3 Kho shiosi shiosi eshia oboola mushirima shiakhahulirikhane mubulafu; shiria eshia omoonyera mushirwi mushikoro shilalandiribwa khunzu ikulu.
\p
\v 4 Emuboolera enywe abalina banje, shimulabaria balia abeera omubiri tawe, olunyuma lwene babula eshindi eshibanyala okhukhola ta.
\v 5 Ebachetsiyia khale khale wulia owa mukhoyere okhuria: murie wulia mulala, namalire okhwiira, ali nende obunyali bwa okhukhusukuna mujehanamu. Ee, emboola mbu, murie omwene wuno.
\v 6 Tsiminyi tsirano shitsikusibungwa amang'ondo kabiri amatiiti, ne yibulaho kata ndala eyebirirwa imberi wa Nyasaye.
\v 7 Kata liswi eliri okhumurwe kukwo liosi liabalwa. Sholaria ta. Muli abobukusi okhushira tsiminyi tsinyinji.
\p
\v 8 Emuboolera khandi, buli shamulala owitsa okhuurumbula imberi wa abandu, Omwana wOmundu yesi yakhamurumbule emberi wa abamalaika ba Nyasaye,
\v 9 Halali wulia ounzikana esie imberi wa abandu yakhakanwe imberi wa abamalaika ba Nyasaye:
\v 10 Khandi emuboolera mbu wulia yesi yesi oulaboola obubi khu Omwana wOmundu, alabeerwa, halali khu wulia oukufula Roho Omutakatifu, shanyala okhubeerwa tawe.
\v 11 Khandi olwa nibamuyire mutsisinagogi, nende imberi wabaruchi, nende abayaasi, shimulahenda mwitsa okhuboola shiina, kata mbu mulaba kalusia shiina ta:
\v 12 Okhuba Roho Omutakatifu alabechesia eshia mukhoyeere okhuboola.
\p
\v 13 Mana omundu wundi mumukanda naboola obutinyu, Omwami, bolera omusiani wefu, siesi yangabulirekhwo obulaame.
\p
\v 14 Naye namureeba, omundu yuwe, Ni wiina owaikholere omuyaasi nohomba owokhubasasania?
\v 15 Nababiira, Muyenje obulayi, mube meso mwilinde okhurula khu nobwikoombi bwa obuworu bwosi: shichira obulamu bwa omundu shibuli mubunji bweemiandu chichie chiali ninachio tawe.
\p
\v 16 Yesu namala nababoolera oluchero mbu, Omukunda kwa omundu wundi omuyinda kwaama ebiokhulia ebinji okhushira:
\v 17 Mana niyepaarira omwene, niyeboolera, Nekhole shiina, shichira shendi nende eshiachi shiyera okhubiikha amachese kanje ta?
\v 18 Niyeboolera omwene, ndalakwisia hasi ebiachi bianje biosi: mana ndumbashe shilala eshikhongo; mana mubwene yimo embishemwo ebiokhulia bianje.
\v 19 Mana ndalabiira omwoyo kwanje, Mwoyo kwanje, oli nende ebindu ebinji ebilayi ebiabishirwe khulwa emihika eminji; huluukha, nolia, nonywa, notsaatsala.
\p
\v 20 Halali Nyasaye namuboolera, Omundu omusiru, eshiro shiolwalero ndienya omwoyo kukwo; nabio ebindu bia wibiishire bino, nabibe ebia wiina?
\p
\v 21 Endi nilwa yengana ulia ouli nelibishiro mushialo nabula obuyinda butsia khu Nyasaye.
\p
\v 22 Mana naye nababoolera, Kario shimulahendera obulamu bwenywe tawe; eshia mwitsa okhulia, nohomba akomubiri mbu namufwale shiina.
\v 23 Okhuba obulamu buyombere ebiokhulia, khandi omubiri kuyomba tsingubo.
\v 24 Paarakhwo amakhokho; shika rakanga ta; shika chesanga ta, nako kabula ebiachi kata ebiteera; halali Nyasaye akalisinjia: enyuwe muli abalayi bariena okhuyoomba amanyonyi?
\v 25 Ni wiina khulwa okhuhenda khukhwe yemetera tsinyanga khubulamu bwe?
\v 26 Nikaba shimunyala okhukhola eshindu eshititi shiyera shiri, shichira shiina muhenderanga akandi?
\v 27 Paarakhwo ebimuli biomubulimo: shibilimanga ta, nohomba okhulukha tsingubo ta; Kata kario Sulemani noluyali lwe lwosi shiyefwala shinga bio tawe.
\v 28 Ne nikakhaba mbu Nyasaye afwalanga obulimo, obuliho nyanga yino, ne mukamba busukunwa mushisambiro, anyala yakhufwala endiena, O enywe abobusubiri obutiiti!
\v 29 Khario shimulakhaba nakhulie shiina, khandi nakhwifwale shiina ta, Kata khandi shimulakanakania mumapaaro tawe.
\v 30 Okhuba amahanga koosi akomushialo kakhabanga ebindu bino, naye Senywe amanyire shiria eshia wenya.
\v 31 Halali khaabe obwami bubwe mberio, nabio ebindu bino mulameeterwa.
\p
\v 32 Shimulaba abarii tawe, enywe lituuli litiiti, shichira nelienya lia Senywe okhubaheresia obwami.
\v 33 Kusie ebiamulininabio mana muheresie abatakha: mwikasirie emiloloti echiletsa okhukofula ta, mube nelibishiro mwikulu elilawererera, ewa abeefi balanyala okhulayo ta, kata amatsiriri okhusasia.
\v 34 Okhuba aha libishiro lilrio liri, habwene yaho niho aha omwoyo kukwo kulaba khandi.
\p
\v 35 Mwirecheshe khulwa okhutiiya, khandi tsitaya tsienywe nitsiakhanga;
\v 36 Mana mube shinga abandu balia abalindililanga omwami wabo, olwa aba nacherera okhurula mushiserero; mbu olwa aba niyetsa nakhong'onda mbu shalubaa bamwikulire omuliango.
\v 37 Nabeikhabi abasumba, balia aba omwami alinyoola nibali meso olwa alikalukha: Emuboolera toto, yakherecheshe obulayi okhutenda mana abekhasie ahambi ne imesa balie, olunyuma lwene abatende.
\v 38 Omwami niyakhaba mbu yeetsa mwilinda liakhabiri eshilo, ahundi lirinda liakhataru, nabanyoola niberecheshe, yabo nabasumba betsikhabi.
\v 39 Kenyekha mumanye, mbu omwami mweni inzu alamanya ebise bia omwifi yakhabere niyetsa, shiyakhaleshere inzu yiiye ifinakwe tawe.
\v 40 Mwesi mukhoyere mube nimwerechekha, shichira Omwana wOmundu yetsanga ebise bia abulaho oumanyire.
\p
\v 41 Petero namureeba, Omwami, obooleranga fwe fwenyene olukano luno, nohomba buli shiamundu?
\p
\v 42 Omwami namukalusia, ni wiina omusijiriri omusubirwa khandi omuchesi, owa omwene inzu alamukhola omusinjiriri waabashie nende okhubaheresia ebiokhulia khubise bikhoyere?
\v 43 Noweikhabi omutiiyi. ulia owa omwami we yakhamunyoole nakholanga ario olwa aba nacherera.
\v 44 Buno nobulamba obwemuboolera, anyala yamukhola okhumukhola omusinjiriri wa emiandu chie.
\v 45 Naye omutiiyi wuyo niyakhepaarira mumwoyokwe, Omwami wanje ashiindanga okhwitsa, mana achache okhubasandia abatiiyi bashie abeshisatsa nende abeshikhasi, nende okhulia nokhunywa kata okhumeera;
\v 46 Omwami wa omutiiyi yakhetse inyanga eya alamanyire ta, khandi ebise bilamanyiishe ta, alamurema mubitonye, nende okhumura mubwiyangu bwa halala mubabula obusubiri.
\v 47 Omutiiyi wulia, owali namanyire elienya lia Omwami wuwe ne shiyalirecheshera ta, kata okhulikhola shinga lienyekha, yakhanyoole emisharati emiinji.
\v 48 Halali naye wulia oulaamanya yilo ta, naye nakhola obulayi, kalia akakhoyere emusharati, yakhanyoole emusharati mititi. Halali buli shiamulala owahebwa amanji, yakhabanzwe amanji, khandi wulia owasubirwa nende amanji, khandi yakhabanzwe okhushira.
\p
\v 49 Ndetsa okhufuuba omuliro khushialo; nasi nekhole shii, nikaba mbu omuliro kwamala okhuhafibwa.
\v 50 Halali endi nende obubatisi obwa ekhoyere okhubatisibwa mwo, ne khandi eshibeera shindirire okhuula olwa ehesia.
\v 51 Mupaara mbu esie ndetsa okhurera omulembe khushialo? Emuboolera, tawe, halali emiaukho:
\v 52 Ne okhuchaka bulano bakhabeho abandu barano munzu ndala eyikabukhane, babiri khubataru, bataru khu babiri.
\v 53 Bakhabe nibakabukhaane, papa nayiinga omusiani, mama nayiinga omukhnawe, naye omukhana nayiinga nyina, mama nyakhufiala omukhasi womwana, naye omukhasi womwana alayiinga mama nyakhufialawe.
\p
\v 54 Yesu naye naboolera abandu, mbu olwa mulola lilesi nilichinguukha mumbo, muboola shirunji mbu, ifula yitsanga okhukwa; ne habwene ikwa.
\v 55 Ne olwa obushindu bwemulambo buhutsa; muboola, Omubasu kulaakha omululu; ne habwene kaba kario.
\v 56 Enywe Abekaati, mwamanya okhumanyirisia akekholekha mwikulu nende aka hasi; ne kali karie mbu shimunyala okhumanyirisia akebise bino tawe?
\p
\v 57 Ee, ne shichira shiina shimunyala okhukhalaka akali amalayi khulwenyu ta?
\v 58 Okhuba olwa oba noli nende omusukuuwo nimutsitsanga imberi ewa omuyaasi, mushiri khunjira teema neshinanai mbu mwiyamane ninaye akhwibale; Halali kario akhusindise imberi ewa omuyaasi, naye omuyaasi akhuhafie mumakhono aka abasikari, nabo abasikari bakhyire mujela.
\v 59 Emuboolera, shiwakharule mwo tawe, okhuula olwa wakhabe norunjire buli shindu shobanzungwa.
\c 13
\cl Luka 13
\p
\v 1 Mubise biene yibo khwaliho nende abandu abamuboolera aka abaGalilaya, aba Pilato yatsokasia amatsaayi kabo nende emisango chiabo.
\v 2 Mana Yesu nabareeba, Muparanga mbu abaGalilaya yabo bali aboononi okhuyoomba abaGalilaya bandi boosi nikachira nibanyakhana mumakhuwa yako koosi?
\v 3 Emuboolera mbu, Tawe; halali nimuba nimulekanira tawe, mwesi mulatibira mumuliro shingana bo.
\v 4 Kata yabo ekhumi nende munane, abakwirwa nende omunara kwa Siloamu, nikubeera, mupaara mbu bali aboononi okhuyoomba boosi muYerusalemu?
\v 5 Emuboolera mbu, Tawe; kata mwesi nimulekanira tawe, mulatiba murio.
\p
\v 6 Mana nababoolera olukano luno; Omundu wundi yaraka emikhuyu mumukunda kukwe okwa emitsabibu; yetsa nakhabanga khwo ebiamo, nalanyola khwo ta.
\v 7 Omundu wuyo naboolera owachiranga emitsabibu, Lola, ndakhetsa emiika chitaru nekhabanga ebiamo khumukhuyu kuno, ne shienyolanga khwo shiosi shiosi tawe: kureme kukwe; shichira shiina kunyasie omukunda?
\p
\v 8 Naye namukalusia namuboolera, Omwami, kuleshere omwika kuno kwonyene khandi, ndalakwachira mana ekuheresie obunulu.
\v 9 Nikuba nikwaama ebiamo omwika kurulayo, nobulayi; nikuba nikulaama tawe, nokurema kukwe hasi.
\p
\v 10 Khandi naba niyechesinjia musinagogi ndala khunyanga yei Sabato.
\v 11 Ne, lola, khwaliho nende omukhasi wundi owali nende roho wobuteshere emiika ekhumi nende munane, niyefumbula omukongo, nalanyala okhukololokha tawe.
\v 12 Olwa Yesu yamulola, yamulanga yetse ewayali, namuboolera, Omukhasi, Oli omulakhuule okhurula mubuteshere bwo.
\v 13 Namurakhwo omukhono kwe, abwene na abwene nakololokha, naheresia Nyasaye oluyali.
\p
\v 14 Halali omukhongo weisinagogi yatirwa neliruma, shichira Yesu yali nahoniye khunyanga yeisabato. Naboolera abandu mbu, Khuli nende tsinyanga tsisasaba etsia omundu okhoyere okhukhola emilimo: yitse muhonibwe mutsinyanga yitso, tawe inyanga yeisabato.
\p
\v 15 Mana Omwami namukalusia, naboola, Enywe abekaati, shikali mbu buli shiamulala wenywe shabololanga isishiri yiiye, nohomba isishiri yiiye okhurula mushiko, mana achiyire okhunywa amaatsi?
\v 16 Shikakhoyere omukhasi wuno, ouli omwana wa Abrahamu owa shetani yaboha mumbohe emiika ekhumi nende munane, abe omulakhule khunyanga yeisabato?
\v 17 Mana olwa yali namalire okhuboola amakhuwa kano, balia boosi abali abasuku bebe bafimbibwa emirwe: nabo abomukanda boosi nibatsatsaalira ebindu biosi ebiayakholanga bioluyali.
\p
\v 18 Olunyuma naboola, Obwami bwa Nyasaye bucherasibwa nende shiina? Nohomba bunyala okhucherasibwa khulishi?
\v 19 Bwingana shinga olufwa lwelisatsi, olwa omundu yabukula nasukuna mmukunda kwe; nakwo nikukhula, nikuba omusala omukali; nako amanyonyi akomumuya niketsa nikombakhakhwo ebitsu mumasaka kakwo nikamenya mwo.
\p
\v 20 Naboola khandi, nenjerasie obwami bwa Nyasaye khulishi?
\v 21 Bwingana limera, elia omukhasi yabukula nanyoobera mubusie ebichero bitaru, okhuula olwa liatswana mubusie bwosi.
\p
\v 22 Mana Yesu natsia mumatookho nende mutsisoma, niyechesia, nachomere eYerusalemu.
\v 23 Omundu wundi namureeba, Omwami, baliho butswa abandu baitiiti abetsa okhuhonibwa? Naye namukalusia naboola,
\v 24 Rakhwo eshinani mwijire okhubirira mushiribwa eshinyerere: shichira abanji balateema okhwinjira, halali shibalanyalirwa ta.
\v 25 Olwa omwami mwene inzu aba nabuukha, mana yekala omuliango, nanyu nimusinjira erwanyi, nimuchaka okhukhong'onda khumuliango, nimuboola, Omwami, Omwami, nochama khwikulire khwinjire; Naye alabakalusia naboola mbu, shebamanyire ta, kata ewamurula.
\p
\v 26 Nenyu Mulamukalusia, khwalirenje nikhunywa ninawe, kata wechesiiye khumihanda chiefu.
\p
\v 27 Naye yakhabakalusie mbu, esie shebamanyire ta, kata nende ewamurulanga ta; rule imberi wanje, enywe abakholi betsimbi bano!
\v 28 Khwakhabeho okhwikhuula nende okhusia ameno, olwa mwakhamulole Abrahamu, nende Isaka, nende Yakobo, nende abanabi ba Nyasaye boosi, nibali mubwami bwa Nyasaye, ne nenyu nimusukunwa erwanyi.
\v 29 Bakharule Ebukwe, Mumbo, Enotsi nende Emulambo, abakhenjire nibekhala mubwami
\v 30 Lola, balia ababula oluyali lwosi baliba abeimberi, nabo balia abali nende oyali olukhongo baliba obokhumalirikha.
\p
\v 31 Inyanga yeneyo abaFarisayo bandi nibamwitsira, nibamubiira, Khola orule habundu hano; shichira Herode akhukhabanga okhwiire.
\p
\v 32 Mana naye nabakalusia endi, Enywe tsie, mubiire libwe yilo mbu, Lola, Enonda amatimoni, ehonia amalwale, nyanga yino nende mukamba, ne inyanga yakhataru ndalakholwa omulamba.
\v 33 Kata kario, kakhoyere mbu enziririre nyanga yino, mukamba nende inyanga yilondakhwo, shichira shikakhoyere omunabi okhwirirwa erwanyi wa Yerusalemu ta.
\p
\v 34 O Yerusalemu, Yerusalemu, owiranga abanabi, nobalasa amachina balia abowarumirwa; ndekoomba akhanji okhufumberera abana bo shinga olwa ing'okho ifumberera ebiminywi mutsimbaa tsiayo, nenyu mwaloba.
\v 35 Lola, inzu yiiyo yikhutoonyere likunda: shimwitsa okhundola ta okhula olwa wakhaboole, Noweikhabi wulia owitsa mulira lia Omwami.
\c 14
\cl Luka 14
\p
\v 1 Olwa yenjira munzu ya mulala khu baFarisayo, khunyanga yeIsabato okhulia, nabo nibamuyenga.
\v 2 Ne lola khwaliho nende omundu wundi owali nende obulwale bwelibombo.
\v 3 Yesu nabakalusia nababoolera abachesi baamalako nende abaFarisayo, mbu, kafuchirirwa okhuhonia khunyanga yeIsabato?
\v 4 Halali nabo nibauleera tsii. Naye namubukula namuhonia, namusebula.
\v 5 Mana nabakalusia, nababoolera endi, niwina khuenywe oulaba nende isishiri yiye, nohomba ing'ombe yiye, yiba niyikwire mubwiina, mana achileshamwo lwangu khunyanga yeIsabato?
\v 6 Nabo nibalamukalusia tawe mumakhuwa kano koosi.
\p
\v 7 Mana nahana oluchero khubalia abali nibalanjirwe, olwa yalola shinga bahulanga obwikhaliro bweimberi imberi; nababoolera,
\v 8 Olwa omundu akhulanga mubucheni bweshiserero, sholekhalanga mubwikhaliro bweimberi imberi tawe; ahundi aletsa omucheni wundi oukhushira noluyali;
\v 9 Mana mwene obucheni aletsa nakhusinjisia, nakhubiira mbu, heresia omundu wuno eshifumbi; nawe tsisoni tsilakhutiira olwa oba notsia khubwiyangu obwinyuma.
\v 10 Halali nolangwa, tsia wikhale mubwikhalo bweinyuma; shichira wulia owakhulanjire niyetsa, alakhubiira, Omwitsa wanje, tsia khubifumbi biimberi bilia: endio olaba nende oluyali imberi wa balia boosi aba olekhala ninabo habiribwa.
\v 11 Okhuba yesi yesi owichinguula omwene alatitiyibwa; naye owititiyia omwene alachingulwa.
\p
\v 12 Mana namubiira wulia owali namulanjire, nawe olwa oba nokasia eshiokhulia shieshiteere nohomba khubwiire; olalanga abalina bobo tawe, nohomba abana benywe tawe, nohomba abekho tawe, kata abamenyani bobo abayiinda tawe; haundi bo bakhakhulanje wesi, mana bakhukholere shinga obakholere.
\v 13 Halali olwa oba nokasia lisabo, olanje abamanani, abalema, abetsindieku, nende ababofu:
\v 14 Ne nawe olalamirwa tsikhabi; shichira shibanyala bakhukalusiria ta: okhuba wakhakalusiribwe mukhusimukusibwa khwabalunjishi.
\p
\v 15 Ne olwa mulala owali niyekhale ninaye nibalitsanga olwa yahulira amakhuwa kano, namuboolera mbu, Noweikhabi owakhalie omukate mubwami bwa Nyasaye.
\p
\v 16 Naye namukalusia nakhuboolera mbu, omundu wundi yakasia lisabo; nalanga abandu abanji:
\v 17 Naruma omsumbawe ebise biokhulia nibiakhoola okhubabiira abali nibalanjirwe, mbu, Yitse; okhuba bulishindu shimalire okhukasibwa.
\p
\v 18 Nabo boosi mubulala nibachaka okhuhana ebifune biokhuchweya okhwitsa. Owamberi namuboolera mbu, Ndakulire omukunda, ekhoyeere okhutsia okhukulaambuula: Nochama umbeere.
\p
\v 19 Owundi naboola, ndakulire tsiiheyi tsiokhulima amachoki karano, ne enzitsanga okhutsiteema; nochama umbeere.
\p
\v 20 Owundi naboola mbu, khondateshiiye omukhasi, kario shinditsa okhwitsa tawe.
\p
\v 21 Kho omusumba wuyo nakalukha, nabiira omwamiwe amakhuwa yako. Mana omwami mwene inzu nasinyikha nabiira omusumbawe mbu rula bwangu bwangu otsie khumihanda nende tsinjira tsiomwitookho; orere hano abamanani, nende abalema, nende ababofu, nende abetsindieku.
\p
\v 22 Omusumba wuyo namuoolera, Omwami, kamalire okhwikhola shingana olwa obeere nolachire, ne obwiyangu bushirimwo.
\p
\v 23 Omwami naboolera omusumba mbu, Tsia khumihanda nende khutsingaka, obanichirisie okhwinjira mukari, mbu inzu yanje ibe niyitsula.
\v 24 Shichira emuboolera, mbu, Abulaho khubandu abalangwa abalaliakhwo eshiokhulia shianje tawe.
\p
\v 25 Khandi emikanda emikali chiali nichitsitsanga ninaye, mana naye nakalukhana, nababoolera,
\v 26 Niyakhabaho omundu yesi naba niyanzitsira esie, mana abe nalasira samwana, nende nyinamwana, omukhasiwe, nende abana, nende abasiani babo, nende abakhana babo, toto, khandi obulamu bubwe omwene, shanyala okhuba omwechi wanje ta.
\v 27 Khandi yesi yesi ouletukha omusalaba kukwe omwene, mana yanondekhwo, shanyala okhuba omwechi wanje ta.
\v 28 Okhuba niwiina khwinywe owakhenya okhumbakha omunara, nashiri okhwikhala hasi mberio, mana akhupe obukusi mberio, ni kali ali nende ebihera okhukumala.
\v 29 Nikalali kario, namalire okhuupa omuse, mana akhayuwe okhukumalirisia, boosi abalalola balachaka okhumutsesherera,
\v 30 Nibaboola mbu, Omundu wuno yachaka okhumbakha ne yakhaywa okhumala.
\p
\v 31 Nohomba ni omuruchi shiina, outsitsanga okhwakana nende omuruchi wundi, nashiri okhwikhala hasi mberio, mana areberesie nikali anyala okhumuhula nali nende abelihe tsielefu ekhumi nibamwakanira wulia oumuseeranga ouli nende abelihe tsielefu amakhumi kabiri?
\v 32 Kalali kario ta, owundi wuyo olwa aba nashiri ehale oluchendo oluramabi, alaruma abarume, niyekomba mbu bakasie akomulembe.
\v 33 Nikali kario, omundu yesi yesi mwinywe oulalekha bioosi ebiali ninabio shanyala okhuba omwechi wanje ta.
\p
\v 34 Omunyu nomulayi: halali nikuba nikutsinziba, wakhakulunga nende shiina?
\v 35 Shikukasira kata liloba ta, kata khandi lituuli liembolera ta; halali abandu bakusukuna erwanyi. Ouli namarwi kokhuhulira, ahulire.
\c 15
\cl Luka 15
\p
\v 1 Bulano buno abasolori bobushuru nende abononi bosi bali nibamutsiranga mbu bamuhulirisie.
\v 2 Mana abaFarisayo nende abahandichi nibabuulula, nibaboola, Omundu wuno yenjisinjia obakholi betsimbi, khandi alitsanga yinabo.
\p
\v 3 Mana naye nababoolera oluchero luno, oluboola,
\v 4 Ni omundu shiina mwinywe, ouba nali nende amakondi imia ndala, elala niliakhakora elala khuko, shalalekha amakhumi tisa na tsia mushitsimi, mana otsie akhabe elala liria elikorere, okhuula olwa alinyoola.
\v 5 Mana olwa aba nalinyoolere, alira khumabeka niyeekhoya.
\v 6 Ne olwa aba niyoola hango, alalanga abalina bebe nende abamenyanibe halala, nababoolera, Mwikhoye halala ninasi; okhuba enyoolere likondi lianje liabere nilikorere.
\v 7 Emuboolera enywe, endio nilwa omwikhoyo kulaba mwikulu khulwa omukholi wetsimbi mulala olwa aba niyekanira, okhushira abandu abalunjishi bayombere amakhumi tisa abalenya okhwikanira ta.
\p
\v 8 Nohomba nomukhasi shiina owakhaba nende tsishilingi ekhumi, ndala khutsio niyikora, shalahafia itaya, mana yeeye inzu, mana akhabe neshinani okhuula olwa achinyoola?
\v 9 Ne olwa aba nachinyoolere, alanga abalina bebe, nende abamenyanibe halala, nababoolera, Mutsaatsaale halala yinasi; okhuba emalire okhunyoola ishilingi eya embeere nengosiiye.
\v 10 Esie emuboolera mbu, nindio, okhwikhoya khubetsangaho ewa abamalaika ba Nyasaye bali khulwa omukholi wetsimbi mulala owikanira.
\p
\v 11 Khandi naboola mbu, Omundu wundi yali nende abana abasiani babiri:
\v 12 Naye owali omushe nabiira samwana, Papa, mberesia emiandu echikhoyeere obulaame bwanje. Mana naye nabakabulira emiandu chichie.
\v 13 Olunyuma olwa tsinyanga tsinditi, omushe wuyo yakhung'aasia bioosi halala nachaka oluchendo lwokhutsia mushialo shiehale, mana ebweneyo nasasiriayo emiandu chie mubikhole biobwilaasi.
\v 14 Mana naye olwa yali namalire buli shindu shioosi pe, inzala ikhongo niyibao mushialo shioosi; naye nachaka okhuba nende elienya.
\v 15 Namala natsia ye mwene niyeyunga halala nende omundu wundi womushialo yisho; naye namuruma okhutsia mubwayiro okhulisia tsimbiitsi.
\v 16 Naye yekoombanga okhwiyikusia nende ebiokhulia biria ebietsimbiitsi tsiali nitsilitsanga: ne yabulaho omundu owamuheresia eshindu ta.
\v 17 Naye olwa yekalushira ye mwene, niyeboolera, Nabasumba baanga aba papa abarungungwa nibalia nibekura kata ebindi nibitoonga, nasi nefwiira hano inzala?
\v 18 Ndalabuukha mana emutsiire papa wanje, mana emuboolera mbu, Papa, esie ndayonoona imberi welikulu nende mutsimoni tsio.
\v 19 Khandi shekhoyeere okhulangwa omwana wuwo tawe: wukhole embe shingana mulala khubasumba bobo aba orunganga.
\v 20 Mana nasimukha, natsia ewa samwana. Halali olwa yali nashiri ehale muno, papa wuwe yamulola, namulolera eshisa, mana niyerukha, namukwa mwikosi namutsunzuna.
\v 21 Mana omusiani wuwe namubiira, Papa, ndayonoona imberi welikulu nende mutsimoni tsio, khandi shekhoyeere kata okhulangwa omwana wuwo tawe.
\p
\v 22 Nebutswa samwana naboolera abasumba be, Reere ingubo indayi, mana mumufwale; mana mumurekhwo ingaka indayi khumukhono kwe, nende ebilaro mubirenje.
\v 23 Olunyuma mureere eshimosi eshianesibwa, mana mushiire, mana khulie, khandi nikhutsaatsaala:
\v 24 Okhuba omwana wanje wuno yali niyafwa, ne bulano alamushe khandi; yali niyakora, ne bulano anyooleshe. Mana nibachaka okhwikhoya.
\p
\v 25 Ne bulano buno omwanawe omukhulundu yali nali mumukunda: naye olwa yeetsa nasita ahambi nende inzu, yahulira obukhana nende okhushina.
\v 26 Mana nalanga mulala khubasumba, namureeba nishiina shino eshitsiririranga.
\v 27 Mana naye namuboolera, Omusiani wenyu wiitsire; mana papao umwiirire eshimosi eshinefu shiria, shichira amunyoolere nali omulamu khandi omulamba.
\p
\v 28 Mana naye nasinyikha, naloba kata okhwinjira mukari; nikali kario samwana yamala narula erwanyi namusaaya.
\v 29 Naye nakalusia naboolera samwana mbu, Lola, emyika chino eminji nekhukholeranga emirimo, eshiri kata okhwonona lilako lio kata elala ta: ne nawe oshiri okhumbakhwo kata eshimeme, mbu engasiekhwo omwikhoyo nende abalina banje.
\v 30 Nebutswa olwa omwanao yetsere, owahulula emiandu chio nende abatamba, eyuwe wumwiriire eshimosi shianesibwa.
\p
\v 31 Mana samwana namubiira, Mwanawanje, eyuwe olininasi khasotsero, nabio bioosi ebia endi ninabio nebibio.
\v 32 Kabeere nikakhoyeere khube nende omwikhoyo kuno, mana khutsaatsahale, okhuba omusiani wuno yali niyafwa, ne bulano buno alimwoyo khandi; khandi yali niyakora, ne anyooleshe.
\c 16
\cl Luka 16
\p
\v 1 Olundi Yesu naboolera abeechi bebe mbu yaliho omundu wundi omuyinda owali nende omusinjiriri; naye naboolwa mbu asasinjia emiandu chiomuyinda wuwe.
\v 2 Namulaanga namureeba mbu, Kakhali kariena akehuliranga khuyuwe?
\p
\v 3 Olunyuma lwene omusinjiriri niyeboolera omwene, mbu nekholeshiina? Omwami wanje wuyiniiye khubusinjiriri: ne shenyala okhulima ta; khandi endola tsisoni okhusabasaba ebindu.
\v 4 Emanyire eshia nditsa okhukhola, mana olwa emba neyinibwa khubusinjiriri, nabo balanyinjisia mutsinzu tsiabo.
\v 5 Kario nalanga buli shamulala owali nende likofi lia omwamiwe, mana nabareeba mbu omwami wanje amubanzanga shiina?
\p
\v 6 Namukalusia mbu amafura eshichero shiyera imia ndala, naye namubiira endi, Bukula obuhandiche bubwo, wiikhale haasi bwangu mana obukhole okhuba amakhumi karaano.
\p
\v 7 Naye nareeba owundi mbu, Nawe obanzungwa shiina? Naye nakalusia mbu, Ingano eshichero eshiyera imia ndala. Mana namuboolera mbu, Bukula obuhandiche bubwo, mana obukhole amakhumi kane.
\v 8 Mana omwami namupaaka omusinjiriri omushiamu wuyo, shichira yali narumushiire obuchesi; abana beshialo shino mulwibulo luno, nabachesi okhushira abana bomubulafu.
\v 9 Nasi emuboolera enywe mbu, mwikhonyere amapesa akamunyoola mubushiamu okhwikasiria abalina; mbu olwa kalaba nikaweere, bakhwinjisie mubimenyo biobumeri.
\v 10 Wulia ouli omwisikwa mumakhuwa amatitititi, nomwisikwa mumakhongo: naye wulia ouli omushiamu mubititititi khandi nomushiamu mubinji.
\v 11 Nikali enywe shimwabeerenje abeesikwa khumapesa akobushiamu ta, niwiina owakhamusubira nende obuyiinda bwobatoto?
\v 12 Kata kario shimubeere nimuli abeesikwa khubindu biabeene ta, niwiina owitsa okhumuheresia biria ebilaba ebienyu abeene?
\v 13 Abulaho omusumba yesi ounyala okhurumushira abaami babiri tawe: shichira alamusira mulala, mana aheere owundi; nohomba atirane nende mulala, mana achaye owundi. Shonyala okhumurumushira Nyasaye nende obuyinda tawe.
\p
\v 14 Nabo abaFarisayo abali nibalangushira amapesa bahulira amakhuwa yako koosi; nabo nibamuhumira.
\v 15 Naye nababoolera mbu, Enywe ninywe abebaliranga obulunjishi abeene imberi waabandu; halali Nyasaye amanyire emioyo chienywe: shichira shiria eshihebwa oluyali olukhongo mubandu, neshisinyo mutsimoni tsia Nyasaye.
\p
\v 16 Amalako nende abanabii biali nende obunyali okhuula khu Yohana: okhurula mutsiinyanga yitso, Injili yobwami bwa Nyasaye yikambungwa, naye bulimundu akhaba okhwinjiramwo.
\v 17 Halali nobwangu muno likulu nende eshialo okhuwaho, okhushira akharonyeresi akhatiti khalala akhelilako okhurusibwaho.
\p
\v 18 Buli omundu yesi yesi oulonda omukhasiwe, mana ateshie owundi, akhola imbi yobuheyi; khandi yesi yesi ouba nalonderwe nateshibwbwa nomusatsa wundi, yesi akhola imbi yobuheyi.
\p
\v 19 Yalio omusatsa wundi omuyinda, ne yali niyefwalanga tsingubo tsiesambarao nende ikitani indorotoro, naye yamenyanga obulamu bwokhulia obulayi nende omwikhoyo.
\v 20 Ne khwaliho nende owundi owalngwa mbu Lazaro, owarerungwa hashiribwa shishie, amakonzo nikamulia omubiri kukwe kwosi.
\v 21 Naye ye yekombanga okhwiyikusia khububungulusi obweshiokhulia shiarulanga khumeesa yomuyiinda wuyo; ne kata tsimbwa tsietsanga nitsimukhoomba mumakonzo.
\v 22 Mana nikaba mbu, omusabi wuyo yafwa, nachingwa nende abamalaika nayirwa khushirifu shia Abrahamu; mana omuyiinda yesi nafwa, khandi nayabirwa;
\v 23 Mana nali ejehanamu, yachinguula tsimoni tsie ikulu, nanyasibungwa okhushira, nalola Abrahamu nali ehale naye Lazaro nali khushirifu shie.
\v 24 Mana nalanjisia naboola mbu, Papa Abrahamu, mbeera tsimbabasi, mana orume Lazaro; mbu atonje obutsunzu bweshitere shishie mumatsi, mana yetse anyisie olulimi lwanje; okhuba enyasibungwa mulumemu luno.
\p
\v 25 Habutswa Abrahamu namukalusia mbu, Mwana wanje, yitsulira mbu yuwe mutsinyanga tsiobulamu bwo wanyolanga ebindu bibio ebilayi, naye Lazaro yanyoolanga ebindu ebibii; halali bulano hano ye ahotseresibwa, nawe oli mushinyasio.
\v 26 Kata halala nende yako, hakari weefwe ninawe, khuli nende libanda likhongo eliarebwaho: mbu abeenya okhurula yino okhwitsa yiyo shibanyala ta, khandi shibanyala okhwitsa yino ewakhuli, okhurula ewenyu yiyo tawe.
\p
\v 27 Olunyuma namuboolera mbu, Nikali kario ekhusaaya, Papa, mbu nochama omurume munzu ya papa wanje;
\v 28 Shichira endiyo nende abana beefwe barano; mbu ababoolere akobuloli; nabo balaba abokhwitsa ebundu yino weminyakhano tawe.
\p
\v 29 Abrahamu namukalusia mbu, Baliyo nende abanabii; lekha bo babahulirenje.
\p
\v 30 Mana naye naboola, Tawe, Papa Abrahamu, halali Niyakhabaho mulala okhurula mubafu nabatsiira banyala okhwikanira.
\p
\v 31 Naye namuboolera, Nikakhaba shibahulira Musa nende abanabi tawe, shibanyala bahunzulwa kata nikaba mbu omundu mulala abuukha okhurula mubafu.
\c 17
\cl Luka 17
\p
\v 1 Yesu naboolera abeeka bebe mbu, amesichirasio shikalachweya okhubaho tawe: halali wowe khumundu wulia owakalitsirakhwo!
\v 2 Bwakhabere obulai mbu kata niyakhaboyerwe oluchina mwikosi, mana atsie asukunwe munyanza, mbu abe oulanyala okhwisichirasia mulala khubatiti bano tawe.
\v 3 Mube meeso ni mwiyenjeresia abeene, nabaho owenywe owakhaba niyonoona, mukondoshere: naba niyekalukhasia, omubeere.
\v 4 Naba nakhwononera khandi saba khunyanga ndala, khandi akhwitsire khaandi saba, nakhubiiranga mbu, Undeshere, okhuula omubeere.
\p
\v 5 Nabo abarume nibamuboolera, Omwami, meeta obusubiri bwefwe.
\p
\v 6 Naye Omwami nababiira, Nimwakhaba nende obusubiri obutiiti shinga olufwa lwelisaatsi, mulaboolera omukhuyu kuno, Suulikha, mana otsie wirache munyanza, nakwo kulakhuhulira.
\p
\v 7 Ni wiina khwinywe owakhaba nende omutiiyi wuwe oumulimiranga nohomba okhumwayira amakondi keke, owitsa okhumubiira nacherera okhurula mumukunda mbu, Tsia wikhale hasi lwangu olie?
\v 8 Shalamuboolera endi, Tsia ungasirie eshiokhulia shianje, mana wifwale obulayi wiitse wundende okhuula olwa emala okhulia nende okhunywa. Olunyuma lwene nawe olalia nende okhunywa.
\v 9 Alamukhupira orio shichira akholere kalia akalachirisibwe okhukhola? Shembaara ta.
\v 10 Kata mwesi khandi, olwa muba nimwakhakhola bulishindu eshia mulakwa, mube abokhuboola mbu, Khuli butswa abatiiyi balakhoyere: Khukholere butswa emirimo chiria echiokhukhoyeere okhukhola.
\p
\v 11 Ebise yibo nibiba mbu yali natsitsanga eYerusalemu, nabirira khulwakho lwa eSamaria nende eGalilaya.
\v 12 Olwa yenjira mulusoma lundi, yamala yakanirwe nende abobuchere ekhumi, nibasinjirira ehale okhurula ewayali:
\v 13 Nabo nibachinguula emioyo chiabo, mana nibaboola, Yesu, Omwami, khubeere tsimbabasi.
\p
\v 14 Naye olwa yabalola, yababiira, Tsie mwilolesie nywe bene imberi wa abakuhani. Nikaba mbu, nibashitsiitsanga, nibaba abalamba.
\v 15 Naye mulala khubo, olwa yalola mbu ahonere, yakalukha inyuma, niyetsomia Nyasaye nende omwoyo omukhongo.
\v 16 Mana nakhupa hasi obwenibwe mumakulu keke, namukhupira orio: naye yali omuSamaria.
\v 17 Mana Yesu nakalusia namuboolera, Shibali abandu ekhumi abakholwa abalamba tawe? Ne abandi tisa bali heena?
\v 18 Shibanyala okhwitsa bakalushe okhuheresia Nyasaye oluyali tawe, okhuyiniakhwo omucheni wuno.
\v 19 Namala namuboolera, Buukha, otiire injira otsie: obusubiri bubwo bukhukholere omulamba.
\p
\v 20 Khandi olwa yareebwa nende abaFarisayo, Obwami bwa Nyasaye bwakhetse liina, khandi yabakalusia naboola, Obwami bwa Nyasaye shibwitsa okhwiitsa Khulwa obuyenjirefu:
\v 21 Kata shibakhaboole, Yeenga hano! nohomba, yeenga halia! Okhuba, lole, obwami bwa Nyasaye buli hakarikari wenywe.
\p
\v 22 khandi naboolera abeeka bebe, Tsinyanga tsiakhetse, etsia mwakhekoombe okhulolakhwo inyanga yOmwana wOmundu kata ndala, nenyu shimwakhachilole tawe.
\v 23 Nilwa mwakhaboolerwe, Yeenga hano; nohomba, lola halia: shimulabatsiira tawe, kata okhubaloondakhwo tawe.
\v 24 Okhuba shingana oluhenu, lulia lumwekha habundu halala mwikulu, lumweshia erubeka wundi welikulu hosi; nilwa Omwana wOmundu yakhabe khunyanga yiiye.
\v 25 Halali akhoyere asaalire mubindu ebinji, khandi alobwe nende olwibulo luno.
\v 26 Ne shingana kali nikali mutsinyanga tsia Nuwa, endio nilwa kakhabe khandi mutsinyanga tsia Omwana wOmundu.
\v 27 Bali nibaliitsanga, nibanywa, nibateshinjia abakhasi, nibahanungwa mumalia, okhuula khunyanga eya Nuwa yenjira musafina, nakwo omuyembo nikwiitsa, mana nikuboononia boosi.
\v 28 Khandi nikengana nende tsinyanga tsia Lutu; balitsaanga, banywetsanga, bakulanga, bakusinjia, barakaanga, bombokhanga;
\v 29 Habutswa inyanga yene eya Lutu yarula erwanyi wa Sodoma omuliro nende yihula yakwa okhurula mwikulu, mana niboononibwa boosi.
\v 30 Kata kario nilwa kakhabe khunyanga eya Omwana wOmundu alilolesibwa.
\v 31 Inyanga yeneiyo, wulia owakhabe nali khunzu ikulu, ebindu bibie nibiri munzu, shaleekha hasi okhubibukula tawe: naye wulia ouli mumukunda, yesi alakalukha ingo tawe.
\v 32 Yitsulira omukhasi wa Lutu.
\v 33 Yesi yesi oulakhaba okhuhonia obulamu bubwe alabukosia; naye yesi yesi oulakosia obulamu bubwe alabubiikha.
\v 34 Emuboolera enywe, mbu mushiro yisho bakhabeho abandu babiri mubukono bulala; mulala yakhabukulwe, naye oundi yakhatoonye
\v 35 Bakhabeho abakhasi babiri nibasieranga imere halala; mulala yakhabukulwe, naye oundi yakhalekwe.
\v 36 Abasatsa babiri bakhabe nibali mumukunda; mulala yakhabukulwe naye oundi yakhalekhwe.
\p
\v 37 Nabo nibamureeba mbu, Heena Omwami? Nabakalusia mbu, Halia awomubiri kuli, yaho niho wetsingosia tsiakaniranga halala.
\c 18
\cl Luka 18
\p
\v 1 Olunyuma lwene yamala nababoolera oluchero ewayali niyakhoola, mbu abandu bakhoyere okhusaya nibalafwa omwoyo ta;
\v 2 Naboola, Mwitookho lindi khwaliho nende omuyaasi wundi oularitsanga Nyasaye kata okhuhesia abandu oluyali ta.
\v 3 Ne khwaloho nende omukhasi omulekhwa mwitookho yimo owamwitsiranga namubiira, Khalachira eshiina nende omusuku wanje.
\p
\v 4 Khulwa oluhoono shiyali niyenya okhumukhonya ta; habutswa khushise, yeboolera, kata ni kali sheritsanga Nyasaye, kata omundu ta,
\v 5 okhuba omulekhwa wuno yanyasinjia, ndalamuheresia obuyaasi buyenyanga aleshe okhunjonyia nende okhwitsa khwokhukalushira.
\v 6 Mana Omwami naboola, Hulire eshia omuyaasi omushiamu yaboola.
\v 7 Ne bulano buno Nyasaye shalahaana obuyaasi obulayi khubali abahule bebe abamulirira eshiro neshiteere? Alashiindia oluhoono khulwa bo?
\v 8 Emuboolera alabarerera obuyaasi bwabo lwangu. Kata kario olwa Omwana wOmundu olwa aliitsa, alinyoola khwo obusubili khushialo?
\p
\v 9 Yesu nahaana oluchero luno khu balia abesubisia mbu bo bene nabalunjishi ni bachayanga abandu bandi.
\v 10 Abandu babiri batsia muhekaalu okhusaya-mulala yali omuFarisayo naye owundi yali omusololi wobobushuru.
\v 11 OmuFarisayo yasinjira mana niyesayira endi, Nyasaye, Ekhuupira orio mbu shendi shingana abandu bandi ta-- abanuuli, abandu babula obulunjishi, abaheyi-- nohomba kata shingana omusololi wobushuru wuno.
\v 12 Khandi khabiri khwijuuma ehonganga inzala. Ehananga eshielikhumi khubiria bioosi ebia enyoolanga.
\p
\v 13 Halali naye omusololi wo bobushuru, nasinjiire ehale nalanyala okhuchinguula tsimonitsie mwikulu ta, yekhupa eshirifu shie, naboola, Nyasaye, mbeera tsimbabasi, esie omwononi.
\v 14 Emuboolera enywe, omundu wuno yatsia euwe nabalirwe obulunjishi okhushira owundi wulia: okhubeera wulia yesi yesi owichinguula, aleshibwa; naye yesi yesi owititiiyia alachinguulwa.
\p
\v 15 Khandi bamurerera abana abatiti mbu abarekhwo omukhono; olwa abeeka bebe balola bario, nibabekondoshera.
\v 16 Habutswa Yesu nabalanga bamwitsire, naboola mbu, Leshe abana abatiiti betse khusie, ne shumulabeekalira ta: okhuba obwami bwomwikulu nobwabo.
\v 17 Emuboolera toto, yesi yesi oulenjisia obwami bwa Nyasaye shingana omwana shalinyala okhwinjira mwo ta.
\p
\v 18 Omuruchi wundi namureba mbu, Omwechesia omulayi, Ekhole shiina kho embe ounyala okhulamirwa obulamu bweinziayo?
\p
\v 19 Yesu namureba, Shichira shiina unanganga sie omulayi? Abulaho omulayi ta, halali mulala, okhuyiniakhwo Nyasaye yenyene.
\p
\v 20 Eyuwe omanyire amalako-- Sholaheya ta, sholeera ta, sholeeba ta, sholakalushira obubeyi ta, heresia so nende mao oluyali.
\p
\v 21 Omwami wuyo naboola, Ebindu bino bioosi ndakhabikhola okhurula neshiri omubuukha.
\p
\v 22 Olwa Yesu yahulira amakhuwa kano, yamuboolera, Oshiri okhukhola eshindu shilala, Kusia emiandu chichio, chiosi mana okabulilre abatakha, nawe olaba nende libishiro mwikulu: mana wiitse wunonde.
\v 23 Habutswa olwa omuruchi yahulira ario, yabeerera muno shichira yali omuyinda muno.
\v 24 Mana Yesu, namulola mbu yali nabeerere okhushira, yaboola, Nobutinyu buriena khubalia abali abayinda okhwinjira mubwami bwa Nyasaye.
\v 25 Okhuba nobwangu ingamia okhubira mumoni yeisindani, okhushira omuyinda okhwinjira mubwami bwa Nyasaye.
\p
\v 26 Nabo balia abakahulira nibareeba, ne niwiina ounyala okhuhonibwa?
\p
\v 27 Nabakalusia naboola, Ebindu bilanyalikhana nende abandu binyalikhana nende Nyasaye.
\p
\v 28 Petero naboola, Habwene, Efwe khwamala okhulekha buli eshindu mana khwakhulonda yuwe.
\p
\v 29 Yesu nabakalusia, Toto bwene, Emuboolera mbu, Abulaho kata mulala uwalekha inzu, nohomba omukhasi wuwe, nohomba omusiani wabo, nohomba abebuli bebe, nohomba abana be, khulwa obwami bwa Nyasaye,
\v 30 Owakhachweya okhunyoola ebinji ebishirasibwe mubise bino, nende tsinyana tsitsanga, obulamu bweinziayo.
\p
\v 31 Mana niyebukulira ekhumi nababiri, nababoolera, Lola, khuchomere eYerusalemu, ewa bulishindi shia abanabii bahandika khulwa Omwana wOmundu katsitsanga okhuhesibwa.
\v 32 Ebweneeyo alahanwa khu Abamahanga, balamutseherera, nibamufimbia omurwe, nibamufutsakhwo amare.
\v 33 Nibakhamukhupa, balamwiira; mana inyanga yakhataru yakhabuushe khandi.
\v 34 Shibamanyirisia ebindu bia yaboolanga tawe; amakhuwa kano kabebisira, mana nibalamanya eshindu shioosi shioosi khu akali nikaboolirwe ta.
\p
\v 35 Nikaba mbu yali niyenjiranga muYeriko, ne khwaliyo nende omundu wundi owali niyekhaale khunjira nasabanga;
\v 36 Mana nahulira abomukanda nibabiranga, nareeba, Nishiina eshikholekhanga?
\p
\v 37 Nibamukalusia mbu, Yesu weNasareti niye oubiranga.
\p
\v 38 Kho naye namala nakhupa omwoyo, naboola, Yesu, Omwana wa Daudi, mbeera tsimbabasi esie.
\v 39 Nabo abali imberi wuwe bamukondoshera, nibamubiira, Holeera obe nomulembe. Naye natsiririra okhuupa omwoyo muno, naboola, Yuwe, Omwana wa Daudi, mbeera tsimbabasi.
\p
\v 40 Mana Yesu namala nasinjira, nalaka mbu omundu wuyo yeetse ewa yali: olwa yali nali ahambi ninaye, namureeba
\v 41 Nishiina eshiawenya esie ekhukholere? Namukalusia naboola, Omwami, esie ndienya enyoole okhulola.
\p
\v 42 Yesu namubiira mbu, Nyoola okhulola. Obusubiri bubwo bukhuhoniiye.
\v 43 Mubwangu bwene yibo nanyoola okhulola, mana namulondakhwo naheresinjia Nyasaye oluyali: nabo abandu boosi olwa balola bario, betsomia Nyasaye.
\c 19
\cl Luka 19
\p
\v 1 Yesu yenjira nabirira muYeriko.
\v 2 Ne lola, khwaliyo nende omundu weliira mbu Sakayo, owali omukhongo wabasololi bobushuru, naye yali omuyinda.
\v 3 Mana yakhaba okhulola mbu Yesu wuno nomundu shi, habutswa khulwa omukanda, shiyanyala okhumulola ta, shichira yali omwimbichiti.
\v 4 Kho yamala niyerukha imberi wabandu mana naniina khumusala kwomukhuyo mbu amulole, shichira Yesu yali nabiriranga khunjira yiyo.
\v 5 Mana olwa Yesu yoola habundu yaho, yahenga ikulu mana namulola, namuboolera, Sakayo, khola bwangu, yikha hasi, okhuba inyanga yino okhuula enzie embe munzu yiiyo.
\v 6 Mana nakhola lwangu, natsia ninaye namwinjisia nomwikhoyo omunji.
\v 7 Olwa buli omundu yalola ario, bachaaka okhubuulula, nibabooola, Yakhatsia okhuba omucheni womukholi wetsimbi.
\p
\v 8 Mana Sakayo nasinjira namuboolera, Omwami, Lola, inisu yobuyinda bwanje eheresia abatakha; ne nemba nindanuula omundu yesi yesi eshindu shiosi shoisi, ndalamukalusiria khandi khane.
\p
\v 9 Yesu namukalusia mbu, Inyanga yino obuhonia bwitsire munzu yiiyo, shichira yesi khandi nomwana wa Abrahamu.
\v 10 Okhuba Omwana wOmundu yetsa okhukhaba nende okhuhonia shiria eshiakora.
\p
\v 11 Olwa bali nibashimuhulisinjia, yamala nababiira oluchero, shichira yali nayenjereranga eYerusalemu, nabo bapaaranga mbu obwami bwa Nyasaye buli ahambi okhubulikha matetekhana.
\v 12 Naboola, Omundu wundi woluyali yatsia oluchendo mushialo shiehale yekasirieyo obwami bubwe mana acherere.
\v 13 Nalaanga abakholi bebe ekhumi mana nabaheresia amaboho ekhumi mana nababiira, amapesa kano mukare mubukhala okhuula olwa ndakhacherere
\p
\v 14 Habutswa abandu bebe bamusira, khandi nibarumasia omurume, obuboola mbu, Omundu wuno shikhumwenya akhuruche efwe tawe.
\v 15 Nikamala nikaba mbu olwa yacherera, namalire okhunyoola obwami, yarumasia obakholi bebe aba yali niyahesia amapesa balangwe, mbu amanye ni kali bakasia inganga okhurula mubukhala bubakholanga.
\p
\v 16 Owamberi niyetsa, naboola, Omwami, amaboho koko karere amaboho khandi ekhumi.
\p
\v 17 Omundu omuyinda wuyo namubiira, Okholere obulayi, eyuwe omukholi omulayi; shichira oli omwisikwa mubitiiti, nyoola obunyali bwokhusinjirira amatookho ekhumi.
\p
\v 18 Owakhabiri niyetsa, namubiira, Omwami, Amaboho koko karere akandi karano.
\p
\v 19 Omuyinda namubiira, Eyuwe nawe wesi bokula amatookho karano osinjirire.
\p
\v 20 Owundi niyetsa, naboola, Omwami, liboho lirio ndierino, ndalikatsira mushitasi nelibiikha obulayi:
\v 21 Okhuba ndakhuria, shichira oli omundu omutinyu, oubukulanga biria ebia alabiikha ta, khandi ouchesanga biria ebia olaraaka ta.
\p
\v 22 Omuyinda wuyo namubiira, Okhurula mumunwa kukwo ndalakhuyaasia, yuwe omutiiyi omumayanu. Eyuwe wamanya endi omundu omutinyu, ne embukulanga biria ebiandalabiikha ta, khandi enjeseranga halia ewandalaraaka tawe:
\v 23 Kho shichira shiina nolara amapesa kanje mwibishiro lieinganga, mbu olwa emba ninjerera enyoolerekhwo injeresio?
\v 24 Omuyinda wuyo naboolera balia abali ahambi ninaye, Bukule okhurula khuye liboho yilo, mana Muhelesie wulia ouli nende amaboho ekhumi.
\p
\v 25 (Nibamubiira, Omwami, olwa akhali nende amaboho ekhumi?)
\p
\v 26 Emuboolera mbu, wulia yesi oulininabio alameterwa, habutswa ye wulia oubula, kata shitiiti shia alininashio shilabukulwa okhumurulakhwo.
\v 27 Habutswa abasuku banje bano, shibainyenya ebaruche tawe, mubarere hano imberi wanje mubeere.
\p
\v 28 Olunyuma lwokhuboola kano, yatukulukha, nachoma eYerusalemu.
\v 29 Nikamala nikaba mbu, olwa yali nali ahambi eBetsfagi nende eBetsania, khushikulu shilangwa mbu, Emitsabibu, yaruma abeka babiri,
\v 30 Nababoolera, Tsie mulusoma lulondakhwo. Olwa muba nimwinjira, mulanyoola omwana weisishiri oushiri okhuniinwakhwo tawe. Muyibolole munderere sie.
\v 31 Ne yakhabaho oubareeba, Shichira shiina muchibololanga? Mumubiire, Omwami achienyere.
\v 32 Nabo balia abali nibarumirwe batiira injira nibatsia, nibanyoola omwana weisishiri shinga Yesu yali nababoolere.
\p
\v 33 Olwa bali nibabololanga omwana weisishiri, mweneye nabareeba, Shichira shiina mubololanga omwana weisishiri?
\p
\v 34 Nibamukalusia mbu, Omwami, achienyere.
\v 35 Nibachirerera Yesu: nibaalakhwo tsingubo tsiabo mana nibamwikhasiakhwo Yesu.
\v 36 Olwa yali natsitsanga, baalaanga hasi tsingubo tsiabo khumuhanda.
\p
\v 37 Ne olwa yali niyakhachaka okhukholomokha khushikulu sha Emitsabibu, omukanda kwosi okwa abeeka bebe kwachaka okhwikhoya nende okhwitsomia Nyasaye nomwoyo omukhongo khulwa amakhuwa amakali akabali nibaluutsi;
\v 38 Nibaboola, Noweikhabi Omwami oukhwitsira muliira liOmwami! Omulembe kube mwikulu nende oluyali hekulu!
\p
\v 39 Balala khu abaFarisayo bali mumukanda nibamubiira, Omwami, kondoshera abeeka bobo.
\p
\v 40 Yesu nabakalusia nababoolere mbu, Emuboolera enywe mbu, bo nibakhaba nibauleera, amachina kano kalakhupa obuyoka lwangu muno.
\p
\v 41 Olwa Yesu yali niyakhaba ahambi, ne nalola litookho, naye naliririra;
\v 42 Naboola, Nikakhaba enywe mwakhabeere nende obumanyirisi inyanga yino, kata nywe, ebindu bibarereranga inywe omulembe! Halali bibisire okhurula mutsimoni tsienywe bulano buno.
\v 43 Tsinyanga tsitsanga etsia abasuku benyu bakhakhubotokhane khandi bakhombashe amasisi kokhukhusasia mana bakhenjirire tsimbeka tsiosi.
\v 44 Bakhakhukwisie hasi, yuwe nende abana bo. Shibakhaleshe lichina kata elala khulindi tawe, shichira shimwamayirisia ebise bia Nyasaye yabachendera tawe.
\p
\v 45 Olwa Yesu yenjira yoola mulwanyi lweihekalu yalonda balia abali nibakusirinjiao.
\v 46 Nababoolera mbu, Kahandikwa mbu, 'Inzu yanje yakhabe inzu yamasayo'; habutswa nenyu muchikholere okhuba imbinga yabanuuli.
\p
\v 47 Kho Yesu naba niyechesinjia muhekalu buli nyanga. Abakuhani abakhulundu nende abahandichi bali nibakhabanga shinga olwa bamwiira.
\v 48 Kata kario shibanyoola injira yosi yokhulikhola yilo tawe shichira abandu boosi bali nibatiirire amakhuwa keke.
\c 20
\cl Luka 20
\p
\v 1 Inyanga yindi Yesu niyechesinjia abandu muhekalu khandi nakambanga injili, abakuhani abakhulundu nende abahandichi bamwitsira nende abakhulundu.
\v 2 Nibamureeba, Khubiirekhwo nobunyali bulena obwa wikhonyeranga okhukhola ebindu bino? Nohomba niwina oukhuhesiye obunyali buno?
\p
\v 3 Naye nabakalusia nababoolera, Siesi ndienya ebareebe lirebo elala; mana mungalusie;
\v 4 Obubaatisi bwa Yohana, bwarula mwikulu nohomba khubandu?
\p
\v 5 Nibayiingana abene khubene, nibaboolerana, nikhoboola, Okhurula mwikulu; alakhureeba, shichira shiina shimwamusubira ta?
\p
\v 6 Khandi nikhoboola, okhurula khubandu; abandu bano balakhulasa amachina, okhuba baasubira mbu Yohana yali omunabii.
\v 7 Nibamukalisia mbu shibamanyire ewa bwarula ta.
\p
\v 8 Yesu nababoolera, Kata siesi shemubiira erumushiranga obunyali buleena okhukhukhola ebindu bino tawe.
\p
\v 9 Nabiira abandu oluchero luno; Omundu wundi yaraaka emitsabibu naheresia abasinjiriri, mana natsia mushialo shiehale mana namenyayo oluhoono.
\v 10 Olwa chiali nichiamire yaruma omutiiyi wuwe khubasinjiriri, mbu bamuharesiekhwo ebiamo biemitsabibu; habutswa abasinjiriri bamukhupa, nibamulonda amakhono amakhaya.
\v 11 Yaruma khandi omutiiyi wundi: yesi nibamukhupa, nibamukholera akokhumufimbia omurwe, mana nibamwibala amakhono kabiri.
\v 12 Khandi olundi naruma owakhataru: nibamusalisia, nibamusukuna erwanyi.
\v 13 Omwami mwene emukunda kwemitsabibu naboola, Nekhole shiina? Ndalaruma omwana wanje omuterwa; ahundi banyala bamuheresia oluyali nibamulola.
\p
\v 14 Habutswa olwa abasinjiriri balola niye, nibabolerana abene khubene, nibaboola, Wuno shali niye owobulame mwene: yitse, khumwiire, kho mbula obulaame buno bube obwefu.
\v 15 Kho nibamurusia mumukunda kwemitsabibu, mana nibamwiira. Nishiina bulano eshia omwami mwene emitsabibu nabakholere?
\v 16 Yakhetse, mana abasasie abasinjiriri, mana aheresie abandi omukunda kwemitsabibu. Mana olwa bahulira kano, nibaboola, Nyasaye shiyeyama ta.
\p
\v 17 Habutswa Yesu yabahenga, mana naboola, Nishiina shino eshiahandikwa, Lichina liria elia abombashi bachaya, eliene yiro limalire okhuba omurwe kwomukoona?
\p
\v 18 Wulia yesi ouba nakwa khwichina yiro alafinikha; habutswa wulia yesi yesi owelimukwiira, lilamutubula shingana olufu.
\p
\v 19 Mana abakuhani abakali nende abahandichi mubise bienebo nibakhaba shinga olwa okhumurakhwo amakhono; mana nabo nibaria abandu; shichira bamanyirisia mbu abolere oluchero luno okhubayiinga.
\v 20 Mana nibamurakhwo tsimoni, nibarumayo abayenjeresi, mbu bekatie okhuba abandu abalunjishi, mbu babe abanyala okhumutirira mumakhuwa keke, kho babe abanyala okhutiira nende okhumuhana khubalia abaamani nende abobunyali bwa kafuna.
\v 21 Nabo Nibamureeba, Omwami, khumanyire eyuwe obulanga nende okhwechesia obulayi, khandi shoyesheranga erubeka lwomundu yesi yesi ta, habutswa wechesinjia obwatoto bweinjira ya Nyasaye:
\v 22 Kakhoyeere mbu khuhane obushuru khu Kaisari nohomba ta?
\p
\v 23 Habutswa naye yamanyirisia obukalakala bwabo, mana nabareeba, Shichira shiina mundeemanga?
\v 24 Manyiakhwo lingo'ndo lienywe. Kuno nomurwe nende likondo lia wiina elirikhwo? Nibakalusiria halala, nibaboola, Okwa Kaisari.
\p
\v 25 Mana nababoolera mbu, Heresia Kaisari ebindu biri ebia Kaisari, mana oheresi Nyasaye ebindu biria ebiri ebia Nyasaye.
\v 26 Nabo nibakhaywa okhunyoola eshikha mumakhuwa akayali naboolere imberi wabandu: mana nibahuka shinga yali nabakalusiiye mana nibaba nomulembe kwabo.
\p
\v 27 Abasadukayo bandi bamala nibamwitsira, nabo bakananga mbu okhusimukukha khwa abafu okhurula mubafu khubulao: mana nibamureeba,
\v 28 Nibaboola, Omwami, Musa yakhuhandichira efwe, Nikakhaba mbu omusatsa yakhaba nende omusiani wabo, mana afwe nalekha omukhasi, nashiri okhwibula abana ninaye, mbu omusiani wabo abukule omukhasi wuyo, mana yebulire omusiani wabo abana.
\v 29 Khwali nende abasiani saba abomunzu ndala, omukhulundu nateshia omukhasi, mana nafwa nabula abana.
\v 30 Owakhabiri namukalusia shingana omukhasi wuwe, naye nafwa nabula omwana.
\v 31 Owakhataru namukalusia yesi, endio okhuula khu wulia owa saba yesi; ne shibalekha omwana kata mulala ta, nibafwa.
\v 32 Eliokhumalirikha liene omukhasi wuyo yesi yafwa.
\v 33 Nikali kario mukhusimukukha omukhasi wuno aliba owa wiina? Okhuba saba bano bamuteshia.
\p
\v 34 Yesu nabakalusia nababiira, Abana beshiloshino bateshinjia khandi bahanungwa mumalia;
\v 35 Halali balia abakhaloleshe okhuba nibakhoyere okhunyoola okhusanga mushialo shiria, nende okhusimukukha okhurula mubafu, shibateshia ta, khandi shibahanwa mumalia tawe.
\v 36 Shibakhabe abanyala okhufwa khandi tawe: shichira bakhabe shingana abamalaika; mana nibo abana ba Nyasaye, nibali abana balia abobusimukushi.
\v 37 Bulano buno okhuba abafu babusibungwa, kata Musa yalolesia kata ashitsakha halia, olwa yalanga Omwami Nyasaye wa Abrahamu, khandi Nyasaye wa Isaka, Khandi Nyasaye wa Yakobo.
\v 38 Shichira ye shali Nyasaye wa balia abafu tawe, halali ne wabalia abalamu: okhuba boosi bamenyanga khuye.
\p
\v 39 Abahandichi bandi nibamukalusia nibamubiira mbu, Omwami, okalusiye obulayi.
\v 40 Olunyuma olwa akene yako Khandi shibamala beteeye okhureba amarebo kandi tawe.
\p
\v 41 Yesu nabareeba, Baboolanga bariena mbu Kristo nomusiani wa Daudi?
\v 42 Okhuba Daudi yahandika mushitabu shieTsitsaburi, Omwami yaboolera Omwami wanje, Yikhala omukhono kwanje omusatsa,
\q
\v 43 Okhuula olwa ekhola abasuku banje eshitseeni shiebirenje bianje.
\p
\v 44 Nikakhaba mbu Daudi amulanganga Omwami, kali kariena mbu alangwe omwana wuwe?
\p
\v 45 Yabiira abeeka bebe bulisha mundu nahuliranga,
\v 46 Mube meso khulwa abahandichi, abachendanga nibefwalire tsingubo tsirambi nende okhuchama amashesio amachomeshe khushiiro, nende okhwikhala mubifumbi ebikali bieimberi mutsisinagogi nende habundu woluyali mumasabo.
\v 47 Bakhupirisia tsinzu tsiabakhasi abalekhwa, nibekatiria khumasayo amaraambi: bano bakhanyoole eshinyaasio eshikhongo.
\c 21
\cl Luka 21
\p
\v 1 Olwa Yesu yachinguukha nayenga ikulu, yalola abayiinda nibaretsanga ebihanwa biabo mwibishiro lieihekalu.
\v 2 Nalola omulekhwa omutakha nahananga amangodo kabiri.
\v 3 Mana naboola, emuboolera obwatoto mbu, Omulekhwa omutakha wuno, ahanire bioosi ebia abeere ninabio khulwa okhumenyera.
\v 4 Abandu bano bahanire okhurula khubuyinda bwabo; halali omulekhwa wuno okhurula mubutakha bubwe ahanire bioosi biobulamu bwe.
\p
\v 5 Abeka bebe bandi nibachaka okhuboola shingana ihekalu yali niya siiya nende amachina kobukondo obulayi, nende ebihanwa biali nibiarusiribwa Nyasaye. Habutswa Yesu naboola,
\v 6 Shinga mulolanga ebindu bino nibiri, tsinyanga tsitsanga olwa lichina kata elala shiliakhatoonye khulindi ta; koosi kakhakwisibwe hasi.
\p
\v 7 Nibamureeba, Omwechesia, ni liina olwa ebindu bino bilikholekha? Ne eshilolero mbu biri ahambi shiakhabe shiina?
\p
\v 8 Nabakalusia: Mube meso mulakaatibwa tawe. Okhuba abanji bakhetsi muliira lianje nibaboolanga mbu 'Nesie ye,' khandi, 'ebise nabio biri ahambi muno.' Shimulabatsiira tawe.
\v 9 Olwa mwakhahulire akamahe nende okhuchingushirana, mulaba nende okhuhenda tawe, okhuba ebindu bino okhuula biitse mberio, habutswa shibwakhekholese mubwangu bwene yibo ta.
\p
\v 10 Mana nababiira mbu, Ebialo nende obwami biakhakhupane,
\v 11 Khwakhabe nende emirengo chieshialo emikhongo, mutsibeka tsiahukhane, tsinzala nende amalwale kalahona ta. Biakhabeo ebindu biokhurisia nende ebilolero ebikhongo okhurula mwikulu.
\v 12 Habutswa ebindu bino nibishiri ukwikholekha, bakhamutiire nibamura mumbohe nibamusalisia khulwa obusubiri bwenywe. Bakhamuhane mutsisinagogi nende mutsimbohe, nibamuyira imberi wabaruchi nende abakafuna khulwa elira lianje.
\v 13 Kano kalabaheresia nyuwe obwiyangu bwokhuboola akobuloli bwenywe.
\v 14 Mwirecheshe mumioyo chienywe mbu mulaba nimwikasiria akanamuboole okhwishinjira tawe.
\v 15 Okhuba ndakhamuhesie omakhuwa nende obuchesi mbu kata abasuku benywe shibakhanyale okhubayiinga nohomba okhubayingasia tawe.
\v 16 Mwakhakhobwe nende abebuli benywe kata abasiani benyu, abakhana benyu, abeekho nende abalina, bakhamukhalachire eshiina mwiirwe.
\v 17 Mwakhasirwe nende buli omundu khulwa elira lianje.
\v 18 Kata kario, libulaho kata liswi okhurula khumirwe chienyu elitsa okhutiba ta.
\v 19 Khulwa okulumirira khwenye, mulanyoola obulamu bwenyu.
\p
\v 20 Olwa mwakhalole Yerusalemu nibotokhanwe nende abasuku, ne olwa mwakhamanye mbu ibise biokhwikhuula biri ahambi.
\v 21 Khario balia abali Ebuyahudi berushire mubikulu, balia abali mwitookho barule erwanyi nabo abali mumikunda balenjira mwitookho tawe.
\v 22 Okhuba bino nibio ebise bieshinyaasio okhuhesia kalia koosi akahandikwa.
\v 23 Kakhabe akokhuriisia muno khubalia abakhasi baliba nibali tsiinda nende balia abaliba nibanuninjia! Okhuba khwakhabe nende eshibeera eshikhongo mushialo, nende liruma lichomere abandu bano.
\v 24 Bakhakwe khulwa obumemu bwolukanga nibeyirwa mumbohe mubialo bioosi, nayo Yerusalemu yakhasenerwe hasi okhuula ebise bia Abamahanga biba nibwiulire.
\p
\v 25 Khwakhabe nende ebilolero khuliuba, omwesi nende tsing'ining'ini, kata khushialo. Ebialo biakhabe nende eshibeera nende okhuhenda khulwa okhu huuma khweinyanza nende amarunda kayo.
\v 26 Abandu bakhanyire khulwa amarisia, nende amahendo khulwa okhulindirira balia akeetsanga khushialo, shichira obunyali bwomwikulu bwakhabe nibutechesibwe.
\v 27 Ebise biene yibo bakhalole Omwana wOmundu niyetsanga mumalesi nali nende obunyali nende oluyali olukhongo.
\v 28 Olwa ebindu bichaka okhwikhola, sinjire mana muyenje ikulu, shichira obununulwi bwenywe buulire ahambi.
\p
\v 29 Nababiira oluchero luno: Yenje omusaala kwomukhuyo, nende emisaala chindi.
\v 30 Olwa chichaka okhwama amasafu, mwiloleranga abene ni mumanya mbu yirootso yiri ahambi.
\v 31 Kata kario khandi, olwa mulola ebindu bino nibikholekhanga, mumanye mbu obwami bwa Nyasaye buli ahambi.
\v 32 Esie emuboolera obwatoto, Olwibulo luno shinalubire tawe okhuula olwa ebindu bino bioosi biakhabe nibikholeshe.
\v 33 Likulu nende eshialo biakhaweo, halali likhuwa lianje shiliakhaweo tawe.
\p
\v 34 Mube meso, nohomba emioyo chienywe chilasitoherwa nende obutandi halala nobumesi, namahendo kobulamu, mana inyanga yiyo yilakhuulira shingana omureko.
\v 35 Okhuba yakhetsere buli shamulala oumenyanga khubweni bweshialo shioosi.
\v 36 Mube mwesi khasotsero, mana musaaye mbu Mube abanyala okhuhonokokha mukalia akali ahambi okhwikholekha, mbu mube abanyala okhusinjira imberi wa Omwana wOmundu.
\p
\v 37 Buli eshiteere Yesu yechesinjia muhekalu, ne khubwiire yarulanga natsia okhuba khushikulu shialangwa mbu Emitsabibu eshiro shioosi,
\v 38 mana nabo abandu baunanga khumukamba okhumuhulirisia muhekalu.
\c 22
\cl Luka 22
\p
\v 1 Bulano buno lisabo elia Emikate Chibulamwo Amamera liali niliulanga, elialangwa mbu Ipasaka.
\v 2 Nabo abakuhani abakhulundu nende abahandichi bali nibakhaabanga shinga banyala okhumwiira; okhuba bariitsanga abandu.
\p
\v 3 Mana shetani namwijiramwo Yuda owali niyakulikhwa mbu Iskariote, nali mulala khu ekhumi nababiri.
\v 4 Narula natsiririra okhuboola nende abakuhani abakhulundu nende abaseesia, shingana olwa anyala yamukhoba khubo.
\v 5 Mana nabo nibaulira obulayi, nibakasia indakano shinga balamuhesia amapesa.
\v 6 Naye nabalaka, mana nakhaaba ebise biali nibikhoyeere biokhumukhoba khubo ewa abandu balali abaanji ta.
\p
\v 7 Inyanga yemikate chibulamwo amamera niyuula, eyokhwiirwa khwelikondi lieipasaka kali mbu liirwe.
\v 8 Naye nabiira Petero nende Yohana, Tsie mukhukasirie ipasaka, mbu khube abanyala okhulia.
\p
\v 9 Nabo nibamureeba mbu, Wenya khukasie heena?
\p
\v 10 Nabakalusia mbu, Olwa mulaba nimwinjiranga mwitookho, Lola, Mulaakaana nende omundu, nachinjire isiongo yaamatsi; mumulondekhwo okhuula munzu mwa alatsia okhwinjira.
\v 11 Nenyu mulabiira omwami mwene inzu, Omwechesia akhureeba endi, Inzu yabacheni yiri hena, ewa enyala okhuliira ipasaka nende abeeka banje?
\v 12 Mana naye alabamanyia eshikoro eshikhongo shiikulu eshirechekhwe; mukasirie ebweneyo.
\v 13 Nabo nibatsia, nibanyoola nikali shinga yali nababoolera: nabo nibakasirio ipasaka.
\p
\v 14 Olwa ebise biali nibiulire, yekhala hasi, halala nende abeka bebe ekhumi na babiri nibali ninaye.
\v 15 Nababoolera, Endi nende obwikoombi obunji muno mbu endie Ipasaka ninenywe neshiri okhusalisibwa:
\v 16 Emuboolera mbu, Shindakhaliekhwo khandi tawe okhuula olwa yakhabe niyihesibwe mubwami bwa Nyasaye.
\v 17 Naye nabukula eshikombe, nakhupa orio, naboola, Bukule shino, mana mukabane abene hakarikari wenywe:
\v 18 Emuboolera mbu, Shindakhanywe ebiamo biemitsabibu khandi tawe, okhuula olwa obwami mbwa Nyasaye bwakhetse.
\v 19 Khandi nabukula omukate, nakhupa orioa, mana nakutonyola, nabaheresia, naboola, Kuno nomubiri kwanje okuhanirwe khulwa inywe: Mukhole kano nimunzitsulira sie.
\v 20 Endio khandi yabukula eshikombe nibamalire okhulia, naboola mbu, Eshikombe shino nishio indakano imbia mumatsayi kanje, akaratsibwa khulwa nywe.
\v 21 Habutswa, Yeenje, omukhono okwa wulia owitsa okhukhoba kuli ninasi khumesa yino.
\v 22 Ni toto Omwana wOmundu atsitsanga, shingana kali okhulosibwa: habutswa, wowe khu wulia oumukhoba!
\p
\v 23 Mana nibachaka okhurebana hakarikari wabwe abene, mbu niwina khubo ounyala okhuba nakhola kano.
\p
\v 24 Khandi obusoolo nibuchaka hakari wabo, mbu niwina khubo oulaba omukhongo wa boosi.
\p
\v 25 Nababoolera, Balia abami ba Abamahanga baretsanga obusiro khubalia abarukungwa; nabo balia abatsiririsinjia obunyali yibo balangungwa abahani.
\v 26 Halali nenyu mulaba murio tawe; habutswa wulia ouli omukhongo hakarikari wenywe, akhoyere okhuba shingana omutiiti wa boosi; naye ouli omuruchi abe shingana omutendi.
\v 27 Ni wiina omukali, owikhalanga okhutendwa nohomba outendanga? Shali wulia owikhalanga hasi okhulia? Ne nasi endi hakarikari wenywe shingana wulia outendanga.
\p
\v 28 Nenyu balia abakhatsiririra okhuba ninasi kata mumateemo kanje.
\v 29 Nasi ndamala okhubaulira obwami, shingana Papa wanje yanzaulira sie.
\v 30 Mbu mwakhalie nende okhunywa khumesa yanje mubwami bwanje, nimwikhala khubifumbi biobwami nimuyasia tsinzibulo ekhumi natsibiri tsia Israeli.
\p
\v 31 Omwami naboola endi, Simoni, Simoni, Lola, Shetani asabire obwiyangu mbu akhusese yuwe, shingana ingaano.
\v 32 Halali ekhusayire yuwe, mbu obusubiri bubwo bulakhaywa tawe: mbu kata noba nokalukha khandi, otinyisie abaherwa bashio.
\p
\v 33 Petero namuboolera mbu, Omwami, ndirecheshe okhutsia ninawe, okhutsia mujela kata mukhufwa.
\p
\v 34 Yesu namukalusia namubiira, Petero, ekhubiira endi, itayuwa shiyitsa okhukholiokha Inyanga, yino noshiri okhunzikana khataru mbu shiumanyire tawe.
\p
\v 35 Mana nabareeba mbu, Olwa ndamuruma nimubula ebibeeti nende emiloloti, kata ebilaro, mwasanda eshindu shiosi shiosi? Nabo nibamukalusia mbu, Shibulaho.
\p
\v 36 Nababoolera, Halali bulano buno, ouli nende eshibeti, abukule, kata yesi ouli nende omuloloti: naye wulia oubula olukanga, akusie tsingubo tsie, akule olukanga.
\v 37 Okhuba emuboolera nyuwe, Mbu kalia akahandikwa okhuula kahesibwe musie. Mbu yabalirwa halala nende aboononi: okhuba ebindu biahandikwa khusie biri nende obumalirishi.
\p
\v 38 Nabo nibamubiira, Lola, Omwami, khuli hano nende tsinganga tsibiri. Nababiira yitso tsiyerere.
\p
\v 39 Namala narula erwanyi, natsia ewayali niyanala, khushikulu Shiemitsabibu; abeka bebe nibamulondakhwo.
\v 40 Ne olwa yali nali habundu bwene yaho, yababoolera mbu, Musaaye mbu mulenjira mumatemo tawe.
\v 41 Namala nabekwenyakwo eshichero shia oburambi bwokhulasa lichina, nasikama hasi, mana nasaya,
\v 42 Naboola, Papa, noba niwakhachama, rusiriao eshikombe shino shirulekhwo: kata kario lilaba elienya lianje tawe, halali elirio, libe elikholekha.
\v 43 Mana malaika namuloleshera okhurula mwikulu, namuheresinjia amaani.
\v 44 Nali mukhutsunwa muno, yameta okhusaya nalumirire muno: mana nalwo oluhuya lulwe niluba shinga tsindonyerande tsikhongo tsia amatsaayi nikakwitsanga hasi.
\v 45 Naye olwa yachingukha okhurula mumasayo, natsia ewa abeka bebe bali, nabanyoola boosi nibakonere khulwa bali neshibeera.
\v 46 Nabareeba, Shichira shiina mukonanga? Buushe musaye, mbu mwabula okhwinjira mumateemo.
\p
\v 47 Olwa yali nashiboolanga, yalola omukanda, nende wulia owalangungwa Yudasi, mulala khu balia ekhumi nababiri, nali imberi wabo, namwitsira Yesu okhumutsunzuna.
\v 48 Habutswa Yesu namureeba, Yudasi, eyuwe okhoba Omwana wOmundu nende okhumutsunzuna.
\p
\v 49 Balia abali nibali ninaye nibalolanga eshiali nishitsiriranga, nibamureeba mbu, Omwami, khubaseere nende olukanga?
\v 50 Mulala khubo naseera omutiiyi womukuhani omukhulundu, namuteta eshirwi shiomukhono omulunji.
\p
\v 51 Yesu naboola, Sholatsia okhubira yaho tawe! Mana natiira eshirwi shishie namuhonia.
\v 52 Yesu naboola nende abakuhani abakhulundu, abaseesia beihekalu, nende abakofu, abali nibamwitsiire, Mwitsire mwesi erwanyi, mwitsiire omwifi, kho mwitse nende tsinganga nebikong'o?
\v 53 Olwa ndaberenje ninenywe muhekalu, shimwanyiira emikhono okhundiira ta: halali bino nibio ebise bienywe, nende obunyali bweshirima.
\p
\v 54 Mana nibamutiira, nibamwimirira, nibamurera munzu yomukuhani omukhongo. Naye petero namulondakhwo nali ehalekhwo.
\v 55 Nibamalire okhubwana omuliro hakarikari wolwanyi, boosi nibekhale halala, Petero yesi yekhala hakarikari wabwe.
\v 56 Habutswa omukhana wundi namulola olwa yali niyekhale niyooranga omuliro, namuyenga obulayi, mana naboola, Omundu wuno yesi yabere ninaye Khandi.
\p
\v 57 Naye namwikana, naboola, Esie shemumanyire tawe, yuwe omukhasi.
\p
\v 58 Olunyuma lwebise ebititi owundi yamulola, khandi naboola, Wesi ofwana shinga mulala khubo. Habutswa Petero namukalusia, Musatsaewe, esie tawe.
\p
\v 59 Olunyuma lwelisaa elala omusatsa wundi naboola nanyichira, Okhuboola obulamba omundu wuno yabeere halala ninaye: okhuba nOmugalilaya.
\p
\v 60 Naye Petero namukalusia, Musatsa ewe, shemanyire oboolanga shiina tawe. Mubise bieneyibo, nashiboolanga, nayo itaywa niyikholiokha.
\p
\v 61 Mana Omwami nashukhana, nayenga Petero. Mana Petero niyetsulira amakhuwa aka Omwami yamuboolera, mbu, itaywa nishiri okhukholiookha, wakhabe ni unzikanire khataru.
\v 62 Petero natsia erwanyi mana nalira obululu.
\p
\v 63 Nabo balia abali nibamutirire Yesu nibamutsesherera, khandi nibamukhupa.
\v 64 Nibamuboha eshitambaya mumoni mwe, nibamutuya mubweni, nibamureba mbu, khubiirekhwo, ni wiina oukhutuyire?
\v 65 Bamuboolera amakhuwa kandi amanji akokhumufukula.
\p
\v 66 Olwa bwali nibwakhashia, abakofu ba abandu nende abakuhani abakhulundu nende abahandichi betsa halala, nibamurera mushiina,
\v 67 Nibamureeba, Khubiire kali neywe Kristo? Nabakalusia, Kata nebabiira, shimwitsa okhusubira ta.
\v 68 Kata nasi nebareeba lireebo, enywe shimwitsa okhungalusia tawe, khandi shimwitsa okhundakhula enzie ta.
\v 69 Habutswa okhuchaka bulano, Omwana wOmundu alekhala khumukhono omusatsa okwobunyali okwa Nyasaye.
\p
\v 70 Olunyuma boosi nibaboola, Kho yuwe oli Omwana wa Nyasaye? Yesu nabakalusia, Nenywe ababoolere esie endi.
\v 71 Nibabolerana, Shichira shiina khandi khukhabe obuloli bundi? Efwe bene khumalire okhumuhulira narumbula nomunwa kukwe omwene.
\c 23
\cl Luka 23
\p
\v 1 Mana omukanda kwalimwo kwosi nikubuukha, nikumuchomia ewa Pilato.
\v 2 Nibachaaka okhumusitaka, nibaboola mbu, Khwamunyoolere omundu wuno nakatinjia lihanga liosi, khandi nakayanga abandu okhuhana obushuru bwa Kaisari, naboola mbu ye mwene niye Kristo Omwami.
\p
\v 3 Mana pilato namureeba, Neywe Omwami wa Abayahudi? Namukalusia mbu, Neyuwe ouboolere.
\p
\v 4 Pilato naboolera abakuhani abakhulundu nende abandu mbu, Shendolakhwo libi mumundu wuno tawe.
\p
\v 5 Nabo nibalolesia obululu nibaboola, Atsuubanga abandu, niyechesia ebuYahudi yosi, okhuchachira eGalilaya okhuula hano.
\p
\v 6 Olwa Pilato yahulira eGalilaya, yareberesia kali omundu wuno nomuGalilaya.
\v 7 Ebise biyamanyirakhwo mbu arula muburuchi bwa Herode, yamuruma khu Herode, owali nali eYerusalemu ebise biene yibo.
\v 8 Naye Herode olwa yamulola Yesu, yali nende okhwikhoya muno: okhuba khulwa oluhoono olurambi yali niyekombanga okhumulola; naba nobunayi bwokhulola amangalimwa akayakholanga.
\v 9 Olunyuma lwene namureeba amakhuwa amanji; halali naye shiyamukalusia kata elala ta.
\v 10 Nabo abakuhani abakhulundu nende abahandichi nibasinjira nibamusitaka nobululu.
\v 11 Naye Herode nende abelihe bebe nibamutsabia khandi nibamunyeka, nibamufwala ingubo yoluyali mana nibamukalusia ewa Pilato.
\v 12 Okhuba Herode nende Pilato bali nibakhaba abalina: okhuba bwalinjiho obusuku hakarikari wabwe.
\p
\v 13 Naye Pilato, nabalanga abakuhani abakhulundu nende abaruchi babandu nende omukanda okwa abandu,
\v 14 Nababiira, Enywe mundeerere hano omundu wuno, shingana wulia oukaatijia abandu: ne lole, emukhabirisiye mwo imberi wenyu, shemunyoolere nende libi liosi liosi elitiirana nende akamuboolere khuye tawe:
\v 15 Tawe, kata Herode: okhuba ndamurumire khuye; ne lola, shibulaho eshiyakholere eshibi shichira afwe tawe.
\v 16 Kario ndalamunywekha butswa nemwibala.
\v 17 (Okhuba kalinji akelilako mbu okhuula Pilato yebale omundu mulala nibali khwisabo.)
\p
\v 18 Mana nibakhupa obuyoka halala, nibaboola mbu, Malana nomundu wuno, mana okhuheresie Barabasi:
\v 19 (Khulwa eshifune shiobutsubirisi mwitookho, nende okhwiira, yali niyarebwa mujela).
\v 20 Pilato nali nende omwoyo kwokhumwibala Yesu, naboola ninabo khandi.
\p
\v 21 Habutswa nabo nibakhupa obuyoka, nibaboola, Abambwe, Abambwe.
\v 22 Naye naboola ninabo olwakhataru, Shichira shi, nelibi shiina elia akholere? Shenyolere muye eshifune shichira afwe ta: khario ndalamunyweka, mana emwibale atsie.
\v 23 Nabo nibatsirira nobuyoka bweikulu, nibakhayanga butswa mbu abambwe. Mana emioyo chiabo nende abakhulundu babakuhani nichiyomberera.
\v 24 Mana Pilato nakhalaka eshiina mbu kabe shingana babanzanga.
\v 25 Yebala owali omutsubirisi khandi omwiiri owali niyarebwa mumbohe nabaheresia, owa bali nibekombere, nahana Yesu khu lienya liabo.
\p
\v 26 Olwa bali nibamwimirire injira, batiira omundu mulala owalangwa mbu, Simoni oweSaireni, nibamurakhwo omusalaba, mbu achinjire Yesu.
\v 27 Omukanda omukhongo kwa abandu kwamulondakhwo, kata abakhasi, abamwikhuula nibamubererera.
\v 28 Habutswa Yesu yabashukhanira nababoolera, Abakhana ba eYerusalemu, mulandirire sie ta, habutswa khulwenyu, nende abana benyu.
\v 29 Okhuba, lole, tsinyanga tsitsanga, etsia bakhaboole, Nabeikhabi abakuumba, nende tsimbereshero tsilebulanga ta, nende tsimbeere tsilanunia ta.
\v 30 Nilwa olwa bakhabiire ebikulu, Mukhukweekhwo; ne khurukulu, Mukufiimbe.
\v 31 Nikakhaba bakhola ebindu bino omusala nikushiri omubisi, nikabe kariena nikuba nikuumire?
\p
\v 32 Khandi baliyo abafinachi bamalako babiri, abali nibemirirwe halala ninaye beerwe.
\v 33 Ne olwa boola abundu, halangungwa mbu Kalvari, nibamubamba, nende abafinachi bamalako babiri, mulala omukhono omulunji, owundi omukhono omukata.
\v 34 Mana Yesu naboola, Papa, obabeere, okhuba shibamanyire eshiabakholanga tawe. Mana nabo nibakhupa ikha, nibakabana tsingubo tsitsie.
\v 35 Abandu bali nibalio nibelolereranga. Nabo abaruchi nibamutsesherera, nibamubiira, Yahoniyenje abandi; bulano akhehonie omwene, naba nali niye Kristo, omwaule wa Nyasaye.
\p
\v 36 Khandi abelihe boosi bamutsesherera, nibamwitsira nende isiki,
\v 37 Nibaboola, Nikakhaba neyuwe omwami wabaYahudi, wihonie omwene.
\v 38 Khwali nende obuhandiche obwali nibuhandikwe muluYunani, nende oluLatini, nende oluHiburania, WUNO NIYE OMWAMI WA ABAYAHUDI.
\p
\v 39 Mulala khu abafinachi bamalako babiri nali khumusalaba yamwinjirira Yesu, namubiira, Nikali neywe Kristo, wihonie omwene mana okhuhonie fwesi.
\p
\v 40 Habutswa owashie yamala namukodoshera, namuboolera, Eyuwe shoritsanga Nyasaye ta, kata kali khukhalachirwe okhufwa?
\v 41 Efwe khunyolanga eshia khukhoyere; kuno nikwo omurungo okwa khukhoyere khulwa ebikhole biefu: habutswa omundu wuno abula eshia akholere eshibi ta.
\v 42 Mana nabiira Yesu, Omwami, unzitsulire olwa oba niulire mubwami bwo.
\p
\v 43 Yesu namukalusia mbu, Ekhuboolera obulamba, inyanga yino olaba ninasi muparadiso.
\p
\v 44 Ne bulano biali ebise bielisa lia khasasaba, eshirima nishitiira eshialo shioosi okhuula khwisa lia tisa.
\v 45 Olwa eliuba liachaka okhuba eshirima, nayo ipasia yomuhekalu niyirandukhamwo khabiri.
\v 46 Yesu nalira nende omwoyo omukhongo, naboola, Papa, ehana omwoyo kwanje mumikhono chio: olwa yaboola ario, nakhalaka omwoyo.
\p
\v 47 Naye omuseesia olwa yali nalutsi akali nikekholeshe, yaheresia Nyasaye oluyali, namala naboola, Toto mwene wuno abere omundu obulunjishi.
\v 48 Olwa abandu bali nibetsere halala okhulola akali nikekholeshe, olwa balolanga ebindu bino, bekhupanga khubirifu biabo, nibatsia.
\v 49 Habutswa balia boosi abali nibamumanya, nende abakhasi bali nibamulonderekhwo okhurula eGalilaya, basijirira ehale, ninbelolerera ebindu yibo.
\p
\v 50 Lola, khwaliyo nende omundu oweliira mbu Yusufu, mulala khubalia abeshiina; yali omundu omulayi, khandi obulunjishi.
\v 51 (Omundu wuno shiyali niyeyamane ninabo khubulosie bwabo kata ebikhole tawe.) Yali owokhurula eArimatsia, litookho lia Abayahudi: owalindiriranga obwami bwa Nyasaye.
\v 52 Omundu wuno yatsia ewa Pilato, mana namusaba omubiri kwa Yesu.
\v 53 Mana nakwishia hasi, nakung'atsira mungubo yeikitani, mana natsia nakura mushirindwa eshiali nishiabatswa khwichina, ewa omundu yesi yesi yali nashiri okhwalisibwamwo ta.
\v 54 Yiyo yali inyanga yokhwirecheshera, okhuba Isabato yali niyuulanga.
\v 55 Nabo abakhasi bali nibarulire eGalilaya nibalondakhwo, nibalola eshirindwa, nende shinga omubiri kukwe kwali nikwalisibwe.
\v 56 Nabo nibakalukha, nibakasia ebiinzari nende amafura keshing'aari; mana nibahulukha inyanga yeIsabato okhulondokhana nende amalako.
\c 24
\cl Luka 24
\p
\v 1 Khunyanga yamberi eya liwiki, mumabwibwi, beetsa khushirindwa, nibareranga ebiinzari ebiabali nibakasiiye, halala nende abandi.
\v 2 Nibanyoola lichina likolongomibwe nilirulire khushirindwa.
\v 3 Nabo nibenjira mukari, nibalanyoolamwo omubiri kwOmwami Yesu ta.
\v 4 Nikaba mbu olwa bali nibashichenyanga bario, lola, abandu babiri bali nibasinjiire ahambi ninabo tsingubo tsiabo nitsing'inang'ina;
\v 5 Mana nibatiirwa nende oburii, nibenamia obweni bwabo hasi khwiloba, nibabareeba, Shichira shiina mukhabanga omulamu mubafu?
\v 6 Shali hano tawe, halali asimulukushe: mwitsulire aka yamuboolera olwa yali nashiri eGalilaya,
\v 7 Olwa yaboola, Okhuula Omwana wOmundu ahanwe mumakhono akabandu aboononi, mana abambwe, ne khunyanga yakhataru abuushe khandi.
\v 8 Mana nabo nibetsulira amakhuwa keke,
\v 9 Nibarula khushirindwa, nibatsia nibaboolera ekhumi na mulala amakhuwa koosi, kata nende abandi boosi.
\v 10 Yali Maria Magadalina, Yoana, nende Maria nyinamwana Yakobo, halala nende abandi ababoolera abarume amakhuwa yako.
\v 11 Oburume bwabo bwengana tsimbakha tsia butswa khubarume, shibabasuubira tawe.
\v 12 Mana Petero nasinjira, niyerukha natsia enashirindwa; niyenama nayenjerera mukari, nalola tsingubo tsieikitani tsionyene, mana narulayo, nachenyanga muye mwene mbu nishiina eshikholeshe.
\p
\v 13 Lola, inyanga yeneyo, babiri khubo bali nibatsitsanga mulusoma lulangwa mbu Emmausi, olwali ehale woburambi obuyera tsimailo saba okhurula eYerusalemu.
\v 14 Nibakhupanga imbakha khukano akali nikekholeshe.
\v 15 Nikaba mbu, olwa bali nibashikhupanga imbakha halala nibarebana amareebo, Yesu mwene yasita ahambi, mana natsia ninabo.
\v 16 Habutswa tsimoni tsiabo tsiabofusibwa mbu balamumanya tawe.
\v 17 Yesu nabareeba, Nimakhuwa shiina kano akomuboolanga halala nimutsia kano, khandi nimuli neshibeera?
\p
\v 18 Mulala khubo, owalangwa mbu Kleopa, yamukalusia endi, Neywe omucheni wenyene muYerusalemu, oulamanyire ebindu biekholesheyo ahambi ano?
\p
\v 19 Yesu nabareeba, Ebindu shiina? Nabo nibamukalusia, Akekholeshe khu Yesu weNazareti, owabeere omunabi webikhole ebikhongo nende likhuwa imberi wa Nyasaye nende abandu boosi:
\v 20 Nende shinga olwa abakuhani abakhulundu nende abaruchi bamuhana mbu akhalachirwe okhufwa, mana bamubambire.
\v 21 Habutswa khwali nikhusuubire mbu niye owakhabere owokhununula Israeli: shibeka nende kano kosi, yino niyo inyanga yakhataru okhurula amakhuwa kano nikekholere.
\v 22 Kata kario, abakhasi bandi okhurula mumukanda kwefu bakhuhuchisie, olwa bahunire khushirindwa;
\v 23 Olwa balanyoolere omubiri kuwe tawe, betsere, nibaboola, mbu balustsi amalolo ka malaika, abababoolere mbu alimwoyo.
\v 24 Ne balala khubasaatsa ababeere ninefu abatsiire khushirindwa, banyoolere nikali kario shinga abakhasi babeere nibababoolere; habutswa nabo shibamuluutsi tawe.
\p
\v 25 Mana Yesu nababoolera, O, abasiru, khandi abasiro mumioyo chiabwe okhusubira kalia aka abanabi baboola!
\v 26 Mbu shikali kakhoyere Kristo asande mubindu bino bioosi mana yenjire muluyali lulwe?
\v 27 Okhuchaka nende Musa okhuula khubanabi boosi, Yesu yabafimbulira ebindu biria bioosi ebiaboolanga khuye okhurula mumahandiko kosi.
\p
\v 28 Mana niboola ahambi khulusoma olwa bali nibatsitsanga mwo; naye Yesu niyekhola shingana oubiranga atsie hamberi.
\v 29 Nibamusaaya mbu alatsia tawe, shichira nikhubwiire, inyanga yiwetseshseere. Naye niyenjira naba ninabo.
\v 30 Nikaba mbu olwa yali niyeekhale okhulia, yabukula omukate, nakulamira ikhabi, mana nakutonyola, nabaheresia.
\v 31 Ne olwa tsimoni tsiabo tsiatimbukha, nabo nibamumanya, mana naye nakhamulukha okhurula mutsimoni tsiabo.
\v 32 Nibabolerana abene khubene, Omuliro shikwashirenje mukari mumioyo chiefu, olwa aboolerenje ninefu nikhushiri khunjira, olwa akhubaambulire amahandiko?
\v 33 Nibabuukha khubise bienebo mana nibakalukha eYerusalemu. Nibabanyoola ekhumi nende mulala nibekhung'asiiye halala nende balia abali nibali inabo.
\p
\v 34 Bali nibaboolanga, Omwami abuushire Toto, naye wilolesiliye Simoni.
\v 35 Kho nibababiira kalia akali nikekholeshe khunjira, nende shingana olwa baamumanyire khulwa okhutonyola omukate.
\p
\v 36 Nibashiboolanga, Yesu mwene yasinjira hakarikari wabo, mana nababoolera mbu, Omulembe kube ninenyu
\v 37 Habutswa batiirwa nende indenga nibetsulwamwo oburii khandi nibapaara mbu balolanga eshishieno.
\v 38 Yesu nabareeba, Shichira shiina munyakhananga? Shichira shiina amarebo ketsuule mumioyo chienywe?
\v 39 Yenga emikhono chianje nende ebirenje bianje, nesie wulia omwene; ndiirekhwo mulole, okhuba eshishieno shibula omubiri kata amakumba shingana sie.
\v 40 Niyakhaboola ario, yabamanyia emikhono nende ebirenje bie.
\v 41 Nibashiri okhusubira tawe khulwa okhutsaatsaala, nende okhuhuka, Yesu nababiira, Mulikhwo nende eshiokhulia shiosi shiosi?
\v 42 Nibamuheresia eshitonye shieinyeni isambe,
\v 43 Naye nashibukula mana nashiliira imberi wabo.
\p
\v 44 Mana nababoolera, Kano niko amakhuwa akandamuboolera olwa ndali ninenyu, mbu kalia koosi akahandikwa mumalako ka Musa nende Abanabi boosi kata muTsisaburi okhuula kosibwe.
\v 45 Namala nabekula amaparo kaabo mbu babe abanyala okhumanyirisia amahandiko.
\v 46 Nababoolera, Endi nilwa kahandikwa, mbu Kristo yakhasande mana abuushe okhurula mubafu inyanga yakhataru.
\v 47 Okhwikanira nende okhubeerwa khwetsimbi khukhoyere okhukambwa muliira lirie mubialo bioosi, okhuchachira eYerusalemu.
\v 48 Enywe ninywe abaloli bebindu bino.
\v 49 Lole, emurumiranga shiria eshia Papa wanje yalaka. Habutswa mutoonye mwitokho okhuula olwa mufwalwa nende obunyali okhurula ikulu.
\p
\v 50 Olunyuma Yesu nabemirira okhuula ahambi eBethania, mana nachiingula emikhono chie ikulu, nabalamira.
\v 51 Nikamala nikaba mbu, olwa yali nashibalamiranga tsikhabi, yabalekha, nachingwa ikulu niyenjira mwikulu.
\v 52 Kho nibamwinamira mana nibakalukha eYerusalemu nende okhwikhoya okhukhongo.
\v 53 Nibaba khasotsero muhekalu, nibamwitsominjia nende okhulamira Nyasaye ikhabi.