lks_reg/41-MAT.usfm

\id MAT
\ide UTF-8
\h Matsayo
\toc1 Matsayo
\toc2 Matsayo
\toc3 mat
\mt Matsayo
\c 1
\cl Matsayo 1
\p
\v 1 Eshitabo eshia olwibulo lwa Yesu Kristo, omwana wa Daudi, omwana wa Abrahamu.
\v 2 Abrahamu niyebula Isaka, Isaka niyebula Yakobo, Yakobo niyebula Yuda nende abaana babwe.
\v 3 Naye Yuda niyebula Peresi nende Zera abayebula muTamari, naye Peresi niyebula Hezironi, naye Hezironi niyebula Ramu.
\v 4 Ramu yali samwana Aminadabu, Aminadabu samwana Nashoni, naye Nashoni samwana Salimoni.
\v 5 Salimoni yali samwana Boazi muRahabu, Boazi niye samwana Obedi muRutsi, Obedi niye samwana Yesse.
\v 6 Yese niyebula Daudi omuruchi. Daudi yali samwana Sulumani mumukhasi ousika Uria.
\v 7 Sulemani yali samwana Rehoboamu, Rehoboamu naba samwana Abiya, Abiya niyebula Asa.
\v 8 Asa niyebula Josfati, Josfati niyebula Yoramu, Yoramu niyebula Uzia.
\v 9 Uzia niyebula Yosamu; Yosamu niyebula Ahasi; Ahasi niyebula Hezekia.
\v 10 Hezekia niyebula Manase; Manase niyebula Amoni, Amoni niyebula Yosia.
\v 11 Yosia niyebula Yekonia, nende abana baabo, mutsinyanga etsia bachingwa nibatsia Ebabiloni;
\p
\v 12 Olunyuma lwokhutsia eBabiloni Yekonia yebula Shialatieli; Shialatieli niyebula Thurubabeli.
\v 13 Thurubabeli niyebula Abiudi;
\v 14 Abiudi niyebula Eliakimu; Eliakimu niyebula Azori; Naye Azori niyebula Zadoki, Zadoki niyebula Akimu; Akimu niyebula Eliudi.
\v 15 Eliudi niyebula Elieza; Elieza niyebula Matani; Matani niyebula Yakobo;
\v 16 naye Yakobo niyebula Yusufu omusatsa wa Mariamu owebula Yesu, oulangwa Kristo.
\p
\v 17 Kho tsinzibulo tsiosi okhurula khu Abrahamu okhula khu Daudi tsiali ekhumi na tsine; Ne okhurula khu Daudi okhula okhubukulwa okhutsia mumbohe eBabiloni ne tsinzibulo ekhumi na tsine, okhurula okhubukulwa okhutsia mumbohe eBabiloni okhula khukhwibulwa khwa Kristo ne tsinzibulo ekhumi na tsine.
\p
\v 18 Okhwibulwa khwa Yesu Kristo khwali endi, Mariamu ouli nyinamwana, yali nashikhwebungwa nende Yusufu, nibashili okhuteshania, yanyolekha nali inda ya Roho Omutakatifu.
\v 19 Habutswa naye Yusufu, yali omundu omulunjishi, naye nalenya okhufimbia Mariamu omurwe habulafu tawe; napaara okhulekhana ninaye masirisi.
\v 20 Nebutswa olwa yali nashiyililisinjia khumakhuwa kano, malaika wOmwami yamuloleshela mwilooro, namubolela mbu; "Yusufu omwana wa Daudi, sholaria okhubukula Mariamu omukhasi wuwo tawe, okhuba Inda yali ninayo ne eya Roho Omutakatifu.
\v 21 Naye alebula omwana omusiani, nawe olamukulikha eliira mbu, Yesu, shichira niye oulihonia abandube okhurula mutsiimbi tsiabwe."
\v 22 Kano koosi kekholekha kho mbu koosibwe aka Omwami yaboola okhubirira mumulakusi mbu;
\v 23 "Omukhana omushisira alahera inda, naye yakhebule omwana omusiani, naye bakhamukulishe eliira mbu Imanueli"- eshisina mbu "Nyasaye halala ninefwe."
\v 24 Mana Yusufu nabuukha okhurula mundoolo nabukula Mariamu, shinga Olwa malaika wOmwami yali namulachilisiye.
\v 25 Nebutswa shiyamumanya tawe okhula olwa yebula omwana omusiani. Naye namukulikha eliira mbu Yesu.
\c 2
\cl Matsayo 2
\p
\v 1 Olunyuma Olwa Yesu okhwibulwa eBethlehemu eya ebuYahudi mutsinyanga tsia Herode yali nali omuruchi, Lola abachesi okhurula ebukwe beetsa eYerusalemu,
\v 2 nibaboola mbu, alihena owibulwe mbu abe omuruchi wa Abayahudi? Khulutsi ing'ining'ini yiye ebukwe, ne khwitsile okhumwinamila."
\p
\v 3 Olwa omuruchi Herode yahulila kano, ikholo niyimurimukha, nende boosi abali eYerusalemu ninaye.
\v 4 aHerode yakhung'aasia abakuhani abakhulundu nende abechesia bamalako halala, nabareeba mbu "Ni heena ewa Masihi akhoya okhwibulwa?"
\v 5 Nibamukalusia mbu "eBethlehemu ebuYahudi; shichira kahandikwa kario nende omulakusi;
\v 6 'Eywe, Bethlehemu, mushialo shia Yuda, shiolikhwo omutiti mubaruchi bebuYuda, shichila muywe alarulamwo omuruchi oulemilila abandu banje abaIsraeli.'
\p
\v 7 Kho Herode nabalanga abachesi mabwiswi nanoonelesia mubwiyinikhu inyanga eya ing'ining'ini yalolekha.
\v 8 Mana naye nabaruma eBethlehemu nababolela mbu, "Tsie mukhabilisie obulayi omwana uyo, ne olwa muba nimunyolele, mwitse mumanyie, Kho mbu siesi enzie emwinamile."
\p
\v 9 Ne olwa Bali nibahulile akomuruchi, batsililila noluchendo lwabwe, ne lola ing'ining'ini eyabali nibalutsi ebukwe yabemilila, okhula olwa yoola niyisinjila ikulu ewa omwana yali.
\v 10 Nabo olwa balola ing'ining'ini, bekhoya okhushila nende omwikhoyo okuyomba eshichelo.
\v 11 Nibenjila munzu, ne olwa balola omwana nende Mariamu nyina, nibakwa basikama hasi, nibamwinamila, nibaboholola amaabikho kabwe nibayiniamwo ebihanwa, ebia, etsahabu, obubane, nende manemane.
\v 12 Nyasaye nabakayile okhukalukha ewaHerode mwilooro, bamala nibakalukha mushialo shiabwe khunjila yindi.
\p
\v 13 Olunyuma lwabwe okhukalukha ewabo, lola, malaika yamuloleshela Yusufu mwilooro, namubolela mbu, "Buukha, bukula omwana nende nyinamwana, mwirushe mutsie eMisiri, mumenyeyo okhula olwa ndilimuboolela mbu mukalushe, okhuba Herode alakhaba omwana omutoro mbu amwiire.
\v 14 Eshilo shiene yisho, Yusufu yabuukha nabukula omwana omutoro nende nyinamwana nibatsia eMisiri.
\v 15 Ne nibabayo okhuula olwa Herode yafwa, mbu nako koosibwe aka Omwami yabolela mumulakusi mbu, "Okhurula eMisiri ndaamulanjile Omwana wanje."
\v 16 Olunyuma lwene Herode, namanyilisia mbu abachesi balia bamukaatia, yasinyikha okhushira muno, narumasia okhwiira abana boosi abali eBethlehemu, nende tsimbeka tsioosi tsiokhunyanza, abemihika chibili okhukalukha hasi, kano kekhola kario okhulondana nebise ebiayali nareberesiyenje khu abachesi.
\v 17 Nako nikoosibwa kalia akali okhuboolwa nende Yeremia omulakusi, akaboolanga mbu,
\q
\v 18 "Omwoyo kwahulilikha muRama, tsinzikhuulu, nende okhulira, nende eshibeera eshinji, Raeli nalilanga abaanabe; naloba okhuhotselesibwa, okhuba bamalile okhufwa.
\p
\v 19 Ne olwa Herode yali niyafwiile, malaika wOmwami yaloleshela Yusufu mwiloro eMisiri.
\v 20 Namubolela mbu, "buukha obukule omwana nende nyinamwana mukalushe mushialo shia Israeli, okhuba boosi abakhabanga okhwira omwana bafwiile."
\v 21 Naye Yusufu nabukula omwana nende nyinamwana natsia niyoola mushialo shia Israeli.
\p
\v 22 Habutswa olwa Yusufu yahulila mbu Arikelayo niye ourukanga ebuYahudi mushilenje shia Herode samwana, yaria okhutsiayo. Okhuba Malaika wOmwami yali namuchetsiiyie mwilooro, yamala natsia tsimbeka tsia eGalilaya
\v 23 mana natsia khandi namenya mwitookho Elia Nazareti. Kano nako nikoosia akali nikaboolwa okhubilila mubanabi "mbu yakhalangwa Omunazarayo
\c 3
\cl Matsayo 3
\p
\v 1 Mutsinyaanga yitso, Yohana Omubatisi yeetsa nakambanga mushitsimi eshia eBuyahudi naboolanga mbu, "Mwikanire, okhuba obwami bwomwikulu
\v 2 bwitsile ahambi."
\v 3 Wuno niye owa omulakusi Isaya yabolaakhuo, "Omwoyo okwa ulia oulanjilisia mushitsiimi, 'kaasie injila eyOmwami, mukololosie emihanda echendekhwo.'"
\p
\v 4 Tsingubo etsia Yohana yafwalanga tsiali nitsiakasibwa okhurula khu amaswa akeingamia, niyeboyela eshikhoba shielisero mushishienje. Ebiokhulia bie beialinji tsisiche nende obuushi bwomushitsimi.
\v 5 Mana abandu bamutsiira okhurula eYerusalemu nende ebuYudi kata mutsingongo tsia Yorodani.
\v 6 Nibeyamaga tsimbi tsiabwe, babatiisibwa mumuchera kwa Yorodani.
\p
\v 7 Naye olwa yalola obuunji bwa abaFarisayo nende abaSadukayo nibetsanga ewayali nabatisilinjia, yababolela mbu, "inywe olwibulo olwetsinzokha! Niwiina owamuchetsiyiye mbu muhonokoshe mwiiruma eliitsanga?
\v 8 Mwame ebiamo ebiwinjana nende okhwikanira khwenywe.
\v 9 Shimulepaarira nimwiboolela abene mbu, 'khuli abolwibulo olwa sefwe Abrahamu.' Emuboolela toto mbu, Nyasaye anyala okhubusilia Abrahamu abana okhurula kata mumachina kano.
\v 10 Imbaatsi yimalile okhurebwa khumisi chiemisaala, ne buli omusala okulaama ebiaamo ebilayi ta kularemwa kukwe mana kusukunwe mumulilo.
\p
\v 11 Emubatisia nende amaatsi khulwa okwikanira. Nebutswa owitsa inyuma wanje alinende obunyali obunji okhushira, ebilaro bibye shiekhoyele okhubichiinga tawe. Ye namubatisie inywe muRoho Omutakatifu nende omulilo.
\v 12 Ali nende oluteru mumukhono kukwe, alalafia tswetswetswe olwanyi lwokhuhuuliramwo, alakhung'asia ingaanoye yoosi nachibikha mushiachi, nebutswa alasamba omukhuutsi mumuliro okulanyala okhusimibwa ta."
\p
\v 13 Olunyuma Yesu narula eGalilaya natsia khumwalo kwa Yorodani abatisibwe nende Yohana.
\v 14 Naye Yohana nateema okhumwikalila namuboolela, "Esie ekhoyeele okhubatisibwa ninawe, nawe witsile orie khwisie?"
\v 15 Yesu yamukalusia mbu, "Fuchilila kabe kario bulaano; kho kosibwe akobulunjishi koosi." Mana Yohana niyeyama.
\p
\v 16 Olwa Yesu yali niyakhabatisibwa, habwene yaho narula mumatsi, lola, likulu liamwikushila, naye nalola Roho wa Nyasaye niyekhanga shingana lihusi, namuyeelakhwo.
\v 17 Lola, omwoyo kwahulilikhana okhurula mwikulu nikuboola, "Uno niye Omwana wanje omuheerwa, muye enjamisibwa okhushila."
\c 4
\cl Matsayo 4
\p
\v 1 Olunyuma Yesu niyemililwa nende Roho okhutsia mushitsimi okhutemwa nende shetani.
\v 2 Naye olwa nahonjele inzala tsinyanga amakhumi kane Eshiro neshiteere, inzala yamuluma.
\v 3 Omuteemi niyeetsa namuboolela, "Noba noli omwana wa Nyasaye laka amachina kano Kabe omukaate."
\v 4 Nebutswa Yesu nakalusia mbu, "kahandikwa mbu, 'omundu shialamenyeranga okhulia omukaate kwonyene tawe, habula buli likhuwa elirula mumunwa kwa Nyasaye.'"
\v 5 Mana shetani namuyila mwitokho litakatifu, namusinjisisia mubutenje obweihekalu,
\v 6 namuboolela mbu, "Noba noli omwana wa Nyasaye, ruuma okwe hasi, shichila kahandikwa mbu, 'Nyasaye alalachirisia abamalaikabe khwiywe bakhuchinje mumakhono kabwe, kho mbu oleshe okwisichirala eshilenje shishio kwichina.'"
\v 7 Yesu namuboolela mbu, "khandi kahandikwa, 'sholamuteema Omwami Nyasayewo tawe."
\p
\v 8 Khandi, shetani namuyila khushikulu eshirambi muno, namumanyia obwami bwosi obwomushialo, nende oluyali lwabio lwosi.
\v 9 Namuboolela, "ebindu bino biosi ndalakhuhelesia Noba nokwa mumakulu kanje niunzinamira."
\v 10 Mana Yesu namuboolera, "Shetani rulaakhwo otsie! Okhubeela kahandikwa, 'Olamwinamilanga Omwami Nyasayewo, nende okhumurumushila ye yenyene.'" Kho shetani namulekha,
\v 11 khandi, lola, abamalaika nibetsa nibamukhalabanila.
\p
\v 12 Ne bulano olwa Yesu yahulila mbu Yohana yaatirwa ali mumbohe, yakalukha eGalilaya.
\v 13 Narula eNazareti natsia okhumenya eKaperinaumu, ahambi nende khuluchinga lweinyanza ya eGalilaya, aha yarana olwakho nende Sabuloni nende Naftali.
\v 14 Kano kekholekha Kari mbu, akobulakusi bwa Isaya, omunabi, akabolanga mbu,
\q
\v 15 "Abeshialo shia Sabuloni nende abeshialo shia Naftali, yabo abachoomane neinyanza, khuluchelekha lweinyambukho ya Yorodani, eGalilaya eshialo shia Abamahanga!
\q
\v 16 Balia abandu abamenyanga mushilima balola obulafu obukhoongo, nabo balia abamenya tsimbeka tsieshilima shia olufu shiabalabuushiile.
\p
\v 17 Okhuchaaka olwene yilwo Yesu nachaka okhukaamba naboola, "Mwikanile, okhubera obwami bwomwikulu buli ahambi."
\p
\v 18 Olwa Yesu yali nachendanga khulukuku lweinyanza ya Galilaya, yalola abasiani bomunzu ndala Simoni owalangwa Petero, nende Anderea, nibalobanga tsinyeeni munyanza.
\v 19 Yesu nababolera mbu "noondekhwo, nasi ndalabakhola okhuba abalobi ba abandu."
\v 20 Mubwangu yibwo nibalekha tsikhanda tsiabwe nibamulondakhwo.
\p
\v 21 Yesu natsililira okhutsia imbeli okhurula yaho nalola abasiani babili abomunzu ndala, Yakobo nende Yohana nende Zebedayo sabwe, nibali muliaro liabwe nibakasilinjiamwo tsikhaanda tsiabwe, naye Yesu nabalanga,
\v 22 nabo lwangu lwangu nibalekha tsikhaanda tsiabwe nibamulondakhwo.
\p
\v 23 Yesu natsia buli habundu muGalilaya, niyechesinjia mutsisinagogi, khandi nakambanga injili yobwami, nahonia amalwale aketsimbia tsioosi namateshere mubandu.
\v 24 Nayo ifumaye niitswana muSiria yoosi, nibamurelela abandu balia boosi abali abateshere, abali namalwale akahukhaane, balia abamatimoni kabamenyamwo, abeindulume, abafwokoya, naye nabahonia boosi.
\v 25 Emikanda emikali chiamulondakhwo okhurula eGalilaya, eDekapoli, eYerusalemu, ebuYahudi, nende tsingongo etsili injelekha wa omwalo okwa Yorodani.
\c 5
\cl Matsayo 5
\p
\v 1 Naye olwa Yesu yalola abemikanda yatikulukha khushikulu, niyekhala hasi nabo abechibe nibamwitsila.
\v 2 Naye nachaka okhubeechesia, naboola,
\q
\v 3 "Nabeikhabi abatakha mumioyo, okhuba obwami bwomwikulu nobwabwe!"
\q
\v 4 "Nabeikhabi ababereranga, okhuba bakhahotseresibwe!"
\q
\v 5 Nabeikhabi abaholo, okhuba bakhalamirwe eshialo!"
\q
\v 6 Nabeikhabi abali neinzala nende okhulibwa obuloho Khulwa obulunjishi, okhuba balekusibwa!"
\q
\v 7 Nabeikhabi abali nende tsimbabasi, okhuba bakhalolesibwe tsimbabasi!"
\q
\v 8 Nabeikhabi abeerereshe mumioyo, okhuba bakhamulole Nyasaye!"
\q
\v 9 Nabeikhabi balia abakasia omulembe, okhuba balalangwa abaana ba Nyasaye!"
\q
\v 10 Nabeikhabi balia abasandibwa Khulwa obulunjishi, okhuba obwami bwomwikulu nobwabwe!"
\q
\v 11 Muli abeikhabi olwa abandu bamunyeka, nibamusandia, kata okhubachishira obubeyi khulwanje.
\v 12 Tsatsahale nimwikhoya okhuba eshihanwa shienywe mwikulu neshikali, shichila nendio butswa basandia abanabi balia abamuranjilira.
\p
\v 13 "Ninywe omunyu kweshialo. Ne omunyu nikukosia eshitsanzira, kukasira shiina khandi? Shikukhoyele eshindu ta, kulasukunwa elwanyi mana kusenwe nebilenje.
\v 14 Muli obulafu bweshialo. Litookho liombakhwa khushikulu shilinyala okhubiswa tawe.
\v 15 Abandu shibahafinjia itaha mana bafunishira mushimwero tawe. Halali irebungwa khushichibi mbu abali munzu balole obulafu.
\v 16 Lekha obulafu bwenywe bwashire abandu boosi, mbu balole ebikhole bienywe ebilayi mana baheresie oluyali Nyasaye wenywe ouli mwikulu.
\p
\v 17 "Shimulapaara mbu esie ndetsa okhusasia amalako nohomba obunabi tawe; shindayetsa okhubirusiaho ta halali okhubihereresia.
\v 18 Okhuba emuboolera obwatoto, kata likulu nende eshialo nibikhamulukha, ibulaho inyukuta inditi, kata akharonyeresi akheikalamu khalala, khanyala khakhamulukha khumalako okhula olwa koosi kalaba nikoosibwe.
\v 19 Naye yesi yesi owakhaba nafunaka khumalako elala litiiti mana yechesie abandi endio yakhalangwe omutiiti mubwami bwomwikulu. Halali ulia oukhola nende okhwechesia amalako kano yakhalangwe omukali mubwami bwomwikulu.
\v 20 Okhuba emuboolera nikakhaba obulunjishi bwenywe shibunyala okhuyoomba obwa abaFarisayo nende abahandichi baamalako, obulamba buli shimwakhenjire mubwami bwomwikulu tawe.
\p
\v 21 Mwahulila akaboolerwa abakuuka benywe khale, 'Sholeera ta,' naye, 'yesi owiira alaba mubutinyu bwokhukhalachirwa eshiina.'
\v 22 Nebutswa emuboolera mbu, omundu yesi outiirira omusiani nohomba omukhaana wabwe liruma alaba mubutinyu bwokhukhalachirwa eshiina! khandi, naye yesi ulia ouboolera omusiani nohomba omukhaana wabwe, 'omukhaya' akhoyere okhuyirwa mushiina. Khandi yesi yesi oubiira owashie, 'oli omusiru,' alaba mubutinyu bwomuliro kweinziayo.
\v 23 Kario norera eshihanwa shishio khubwaali ne yaho wiitsulira omusiani nohomba omukhana wenywe alinende eshikha ninawe,
\v 24 lekha eshihanwa yisho habwaali yaho. Elieimbeli muno otsie wisasanie ninabo; mana wiitse ohane eshihanwa shishio.
\v 25 Fuchirisania lwangu nende omusukuwo oukhuyilanga mushiina okhuyaasibwa. Mwiyamane inaye khunjila, nohomba omusukuwo nakhure mumakhono akomuyaasi, naye omuyaasi akhure mumakhono akomukali, owitsa okhukhufuuba mumbohe.
\v 26 Emuboolera obwatoto, shiolarulamwo tawe okhuula olwa nobe norunjire omurungo kwosi okukhoyere.
\p
\v 27 "Mwahulila akamala okhuboolwa, 'shimulaheya tawe.'
\v 28 Ne habutswa emuboolera mbu ulia yesi ouhenga khumukhasi nobwikoombi bwokhwilasia wuyo amalile okhuheya ninawe mumwoyokwe.
\v 29 Nikakhaba imoni yiiyo isatsa yichira wesichirala, chikhuule mana ochisukune ehale. Nakeinganga okhukosia eshitonye shiomubirikwo okhuyoomba okhutibibwa omubiri kuchimaanile mukahena.
\v 30 Nikakhaba omukhonokwo omusatsa kunyala okhuchira wesichirala, kukhalache kukhurulekhwo. Nakeinganga okhukosia eshitonye shiomubirikwo okhushila omubili kwosi kutsie mukahena.
\p
\v 31 Kaboolwa mbu, Yesi yesi oulekha nalonda omukhasiwe amuhandichire ibarwa eyokhulekhana.'
\v 32 Habutswa nasi emuboolera yesi ulia oulonda omukhasiwe, nikakhaba shiamunyoolere naheyanga tawe, amukhola okhuba omuheyi. Yesi ulia oumuteshia olunyuma lwokhulondwa akhola obuheyi.
\p
\v 33 Ne khandi mwahulira akababoolelwa abandu bakhale, 'sholafinaka eshitsibo shishio tawe, halali yisuria Omwami ebitsubo ebia okholere.'
\v 34 Nebutswa nasi emuboolera, sholetsubanga norumbula likulu tawe, okhuba nishio eshifumbi shia Nyasaye;
\p
\v 35 kata okhurumbula eshialo ta, okhuba nishio eshifumbi eshia abasiraangakhwo ebilenje; kata Yerusalemu ta, shichila nilio litookho eliOmuruchi Omukhongo.
\p
\v 36 Shikakhoyeere kata okhwitsubira emirwe chienyu tawe, shichira shionyala okhukhola liswi lilio elala okhuba lilafu nohomba limali.
\v 37 Nebutswa leshe obubooli bwenyu bube 'yee, yee' nohomba 'Tawe, tawe.' elindi liosi eliabukhane nende kano neliokhurula khumwononi ulia.
\p
\v 38 Mwahulira akaboolwa, 'Imoni khumoni, nalio eliino khuliino.'
\v 39 Nebutswa nasi emuboolera, shiolaingana nomundu omubi tawe. Kata kario, Omundu nakhupaama khuluseya lwebulunji, mushukhasilie olundi khandi.
\v 40 Ne kata omundu nakhwinjilira itookho mushiina mbu akhunuule lishatilio, muleshere abukule kata likotililio.
\v 41 Naye yesi oukhuyunjia okhutsia imaili ndala, tsia ninaye tsimaili tsibili.
\v 42 Muheresie ulia oukhusaba, ne shiolamwima ulia owenya okhuholakwo tawe.
\p
\v 43 Mwahulira shinga kaboolwa, okhoyere oheere omumenyani uwo mana osire omusukuwo.
\v 44 Habutswa esie emuboolera, heera abasuku benywe mana mubasayire balia abamusandia,
\v 45 Mbu kho mube abana ba Senywe ouli mwikulu. Okhuba abashilinjia eliubalie ababi nende abalunjishi, nabakwisilia ifula abalunjishi nende abashiamu.
\v 46 Okhuba nimuba nimuheera abamuheeranga inywe, kho muli nomukabo shi? Kata abasololi bobushuru shibakholanga bario?
\v 47 Kho nimuba nimushesinjia abolwibulo lwenyu bonyene, kho mubashirira shiina abandi? Abamahanga boosi shibakholanga bario?
\v 48 Kho mukhoyere okhuba abalamba, shinga Senywe ouli mwikulu olwa ali omulamba.
\c 6
\cl Matsayo 6
\p
\v 1 Mwiyenjeresie obulayi mbu shimulakhola ebikhole bienywe biobulunjishi mbu abandu bamulole tawe, kalali kario tawe mubula omukabo okhurula khu Senywe ouli mwikulu.
\v 2 Kario olwa oba nohana obukhoonyi bubwo, sholekhupira eshisiriba shingana abekaati bakholanga muSinagogi nende khumihanda, kho kanyalikhane mbu bahebwe oluyali nende abandu. Esie emuboolera obulamba, bamala okhunyoola omukabo kwabo.
\v 3 Nebutswa olwa oba nohana obukhoonyi, shiolalekha omukhono kukwo omukaata kumanye eshia omukhono omulunji kukholanga tawe.
\v 4 Kho obukhonyi buhanwe mabiswi. Naye Senywe oulolanga mabiswi alabahelesia omukabwa.
\p
\v 5 Olwa muba nimusaaya, shimulaba shinga abekaati tawe, okhuba bachama okhusinjira mutsisinagogi nende khundulo khwemihaanda mbu abandu babalole. Emuboolera obulamba, bo baamala okhunyoola omukabwa kwabo.
\v 6 Halali nenyu, olwa muba nimusaaya, injile mushikoro shiomukari muno, mwikale omuliango mana musaaye Senywe oulolanga mabiswi; naye Senywe oulolanga mabiswi alabaheresia omukabwa kwenywe.
\v 7 Halali olwa musaaya, mulakalushira kalushira amakhuwa akabula eshifune shinga abamahanga bakholanga tawe, baparanga mbu balahulirwa mukhukalushila khwa amakhuwa amanji.
\v 8 Shimulaba shinga abo tawe; okhuba Senywe amanyile ebindu bilia bioosi ebiamwenya,
\v 9 kata nimushili okhumusaba. khulwayako, musaaye muri, E Seefwe ouli mwikulu, eliiralio liribwe.
\q2
\v 10 Obwami bwo bwiitse, akawenya kekhole mushialo shinga olwa kekholanga mwikulu.
\q2
\v 11 Okhuheresie ebiliibwa biefwe bienyanga yino.
\q2
\v 12 Okhubeere obwonooni bwefu, shingana fwesi khulesheranga abakhwonoonera.
\q2
\v 13 Shiolakhuyila mukhuteemwa ta, halali okhuhonie mumabi, Okhuba Obwami nende obunyali, nende oluyali, nebibio inziaiyo, Amina.
\p
\v 14 Okhuba nobeera abandu okhuyiira khabwe, naye Senywe owomwikulu alamubeera obuyiiri bwenywe.
\v 15 Nebutswa nimuba nimulababeera obuyiiri bwabwe, endio khandi Senywe shalamubeera obuyiiri bwenywe ta.
\p
\v 16 Khandi olwa muba nimuhonga inzala, shimulaba shingana abekaati tawe, nibefwala eshibeera nokhukhulusia mumoni, mbu abandu babalole shingana bali inzala. Emuboolera obwatoto, baamala okhunyoola omurungo kwabo.
\v 17 Nenyu emuboolera mbu olwa muhonga inzala, mwibashe amafura khumirwe nimwiyosia mumoni.
\v 18 Mbu shimulalolekha khubandu shingana abahonganga inzala ta, halali khu Senywe oulolonga mabiswi, naye Senywe, oulolanga mumabiswi, alabarunga habulafu.
\p
\v 19 Shimulebishira amabishiro kenywe khushialo ta, ewa ebikukule nende tsindebelende bisasinjia, ewa abeefi bafunaka nibeeba;
\v 20 Halali nenywe mwikholere amabishiro kenywe mwikulu, ewa ebikukule nende tsindeberende bilasasia, kata ewa abeefi balafunaka nibenjira okhwiiba ta;
\v 21 Okhuba ewa libishiro lirio lili, niho ewa omwoyo kukwo kulaba khandi.
\p
\v 22 Obulafu obwoomubiri ni imoni, imoni yiiyo niyiba indayi, omubiri kukwo kwosi kuletsulamwo obulafu.
\v 23 Halali imoni yiiyo niyiba imayanu, omubili kwosi kuletsulamwo eshilima. Nikakhaba mbu obulafu buli mwiwe neshilima, eshilima shishio neshikhongo shihera shiriena!
\p
\v 24 Abulaho omundu ounyala okhurumushira abaami babili tawe: okhuba alasira mulala naye nachama oundi, Kalali kario ta, aletiiririra khumulala, nalechelesia oundi. Shionyala okhurumushila Nyasaye nende obuyiinda tawe.
\p
\v 25 Niko akachila nemuboolera mbu muleshe okhuhenderanga akobulamu bwenywe, ebia mwitsa okhulia, kata ebia mwitsa okhunywa; kata akomubili kwenyu, eshiomwitsa okhufwala. Okhuba obulamu shibuyoomba ebilibwa, nakwo omubili shikuyoomba ebifwalo?
\v 26 Yenje amanyonyi kokhwikulu. Shinga olwa kalarakanga kata okhuchesa, kata okhukhung'aasia mubiachi ta. Naye Senywe womwikulu akalisinjia. Nenyu shimuli abobukusi okhukashira?
\v 27 Niwiina khwinywe ounyala okhwimetera inyanga khubuyindifu bubwe Khulwa amahendo keke?
\p
\v 28 Mbushiina eshichira nimuhendera ebifwalo? Paarakhwo khubimuli biomubikuuri, bikhulanga, shibikhola emilimo ta, kata okhusiira tsinzaha tawe.
\v 29 Nasi kario emuboolera, mbu kata Sulemani muluyali lulwe lwoosi shiyeefwalakhwo shingana ebimuli yibo tawe.
\v 30 Nikakhaba mbu Nyasaye afwala obulimo bwomubikuuri, obuliho inyanga yino ne mukamba busukunwa mushisaambiro, shiali ounyala okhubafwaala enywe tawe, enywe abobusubiri obutiti?
\v 31 Bulano buno mulaba abamahendo nimuboola, nakhulieshi? noho, nakhunyweshi? noho nakhwifwaaleshi?
\v 32 (Okhuba ebindu bino nibio ebia Abamahanga bakhabanga:) okhuba Senywe owomwikulu amanyire mbu mwenyanga ebindu bino bioosi.
\v 33 Halali ranjilire mukhaabe obwamibwe nende obulunjishibwe, nabio ebindu bindi bino bioosi mulameeterwa.
\v 34 Nikali kario, shimulaba abokhuhendera mukamba tawe, okhuba mukamba kulehendera okwene. Buli inyanga yili nende amabi akachiyerere.
\c 7
\cl Matsayo 7
\p
\v 1 Shimulakhalaka eshiina ta, neenyu shimulakhalachirwa eshiina ta.
\v 2 Okhuba obukhalachi bwamurumushila okhuyaasia, nende eshichero shiorumushila okhuchera, nishio eshitsa okhurumushirwa okhukhucherera.
\v 3 Shichila shiina ololanga akhakokha mumoni yomusiani wenywe, nawe shiomanyilisia eshirundu shili mumonimwo?
\v 4 Wakhabiira oriena omusiani wenywe, lekha ekhuyiinie akhakokha khali mumonimwo, olwa eshirundu shili mumonimwo omwene?
\v 5 Eywe owikaati! Ranjilira oyiinie eshirundu shili mumonimwo, kho obe ounyala okhulola obulayi nokhurusia akhakokha mumoni yomusiani wenywe.
\p
\v 6 Shimulabukula shilia eshitsienukhu mwahelesia tsimbwa tawe, khandi shiolabukula **emikasa** chienywe mwasukuna imbeli wetsimbitsi tawe. kalali kario tsilasenakana mubilenje, mana tsikalushe tsikhurandule mubitonye.
\p
\v 7 Saba, olahebwa, khaaba, nawe olanyoola, khong'onda, olekulirwa.
\v 8 Okhuba ulia yesi ousaba alahebwa, yesi oukhaaba alanyoola, oukhong'onda alekulirwa.
\p
\v 9 Nohomba niwina khwinywe owomwanawe alamusaba omukaate, namuheresia lichina?
\v 10 Nohomba nasaba inyeni, amuheresie inzokha?
\v 11 khulwa yako, enywe bali ababi mwamanya okhuheresia ebihanwa ebilayi khubaana benywe, nikabe kariena akokhushira mbu Senywe womwikulu anyala okhumuheresia ulia oumusaba ebindu ebilayi?
\p
\v 12 Khulwa yako, ebindu bilia ebia owenya abandu bakhukholere, okhuula wesi obe nobakholeranga, lino nilio lilako nende obunabii.
\p
\v 13 Injira okhubilira mushilibwa eshinyerere Okhuba eshilibwa eshibambalifu shitsia mubusasishi, nabo abandu babilirakhwo nabanji.
\v 14 Halali eshilibwa eshinyerere khandi injila yinyerere yitsia mubulamu, nabo nibatiti abachinyoolanga.
\p
\v 15 Mube meso khubanabi abobubeyi, abamwitsilanga nibefwalire tsingubo tsiamakondi ne mukari mwabo nebisuutse ebihalaba.
\v 16 Mulabamanyira khubiamo biabo. Abandu banokanga emitsabibu khubisisia nohomba amakhuyu khuminyenya?
\v 17 Mumera yeneyo, buli omusaala omulayi kwama ebiamo ebilayi, nakwo omusaala omubi kwama ebiamo ebibi.
\v 18 Omusala omulayi shikunyala okhwama ebiamo ebibi tawe, nohomba omusala omubi okhwama ebiamo ebilayi tawe.
\v 19 Buli omusala okulaama ebiamo ebilayi tawe kularemwa kukwe mana kusukunwe mumuliro.
\v 20 Kario, mulabamanya Khulwa ebiamo biabo.
\p
\v 21 Shibali boosi abambooleranga mbu Omwami, Omwami, abalinjira mubwami bwomwikulu tawe, halali ulia yenyene oukhola elienya lia Papa wanje ouli mwikulu.
\v 22 Abanji bakhambolere khunyanga yiiyo, Omwami, Omwami, shikhwahana obunabii muliralio, nende okhulonda amatimoni khandi muliralio nikhukhola amangalimwa amanji?
\v 23 Nasi ndakhababoolere habulafu mbu, 'shindaali nindabamanya tawe!' Rule ewa endi hano, enywe abakholi betsiimbi!'
\p
\v 24 'Kata kario, buli shiamulala oulahulira amakhuwa kanje kano, nakara mubikhole acherasibwa nende omundu omuchesi owombokha inzu yiye khulwanda.
\v 25 Ifula yetsa niyikwa inyinji, omuyembo nikuchiingukha, khandi omuyeka nikuhuutsa nibikukhupa inzu yiyo; nayo niilakwa ta shichira omuse kwayo kwali khulwanda.
\v 26 Halali buli shiamulala ouhulira amakhuwa kanje kano nalakaheresia oluyali alaba shingana omundu omusiru owombakha inzu yiiye khumuyeshe.
\v 27 Ifula yeetsa niiyikwa, omuyeembo nikuchiingukha, khandi omuyeka nikuhutsa nikukhupa inzu, nayo niikwa nisasikha akeelala"
\p
\v 28 Olwa Yesu yali namalire okhuboola ebindu bino, abemikanda bahuchisibwa nende amechesio keke,
\v 29 shichila yechesia shingana ulia ouli nende obunyali, halali shingana abeebali babwe baamalako tawe.
\c 8
\cl Matsayo 8
\p
\v 1 Ne olwa yakholomokha okhurula khushikulu, omukanda omukhongo kwamulondakhwo.
\v 2 Ne lola owobuchere undi yamwitsira namwinamira namubolera mbu, Omwami, noba nochama onyala okhusiiya.
\p
\v 3 Ne Yesu nanyiira omukhonokwe, namutirakhwo nabola mbu, enjamire siiyikha. Yaho yaho obucherebwe nibusiiyikha.
\v 4 Ne Yesu namubolera mbu, lola sholamubolera yesi yesi ta, ne halali tsia wilolesie khumukuhani ne ohane eshihanwa shia Musa yalachirisia shibe obuloli khubo.
\p
\v 5 Ne olwa Yesu yenjira Mukaperinaumu, Omusesia undi namwitsira namusaaya,
\v 6 naboola mbu, Omwami Omukholi wanje akonire mungo akwile likara ne atsunwa muno.
\p
\v 7 Ne Yesu namubolera mbu, nenzitse okhumuhonia.
\p
\v 8 Omusesia namukalusia naboola mbu, Omwami shengwanire mbu witse winjire hasi weshilama shieinzu yanje ta, ne halali rumbula butswa likhuwa ne omukholi wanje alahona.
\v 9 Shichira endi omundu ouli hasi wamalako, nasi endi nende abasikari abali hasi wanje; nemuboolera mulala tsia natsia, ne oundi mbu yitsa yetsa, kata nende Omukholi wanje mbu khola lino nakhola.
\p
\v 10 Ne olwa Yesu yahulira yahuka muno ne nababoolera abali nibamulondangakhwo mbu tooto mwene emuboolera, eshiri okhulolakhwo obusubili obukhongo shingana buno tawe kata muIsiraeli ta.
\v 11 Ne ebabolera mbu abanji bakhetse okhurula ebukwe nende mumbo, ne nibekhale hasi nende Aburahamu khandi Isaka, khandi Yakobo, Muburuchi bwomwikulu.
\v 12 Nebutswa abana boburuchi bakhasukunwe erwanyi mushirima, eyo khulibayo okhulira nokhulumaasia ameno.
\v 13 Mana Yesu namuboolera Omusesia tsia butswa ne kekholeshe shingana olwa osubiile, ne omukholiwe nahona khushise shienesho.
\p
\v 14 Ne olwa Kristo yola munzu ya Petero, yalola nyakhufialanyene Petero niyeyalisiye nalwala omurengo.
\v 15 Yesu namutira omukhonokwe ne omurengo nikumulekha nabukha nabakhalabanira.
\p
\v 16 Nolwa bwera, nibamurerera abanji abali nibetsulwemwo amatimoni, nakakondoshera amaroho yako nende olukangalwe, ne nabahonia bosi abali nibalwala.
\v 17 Mbu kanyole okhusibwa akali kalakulwe nende omulakusi Isaya naboola mbu Ye mwene yabukula obuteshere bwefwe niyetuukha amalwale kefwe.
\p
\v 18 Nebutswa olwa Kristo yalola omukanda omukhongo nikuli ahambi ninaye nabaheresia lilachirisio liokhurula okhutsia olucherekha lundi.
\v 19 Ne omuhandichi mulala yamwitsira namuboolera mbu, Omusomesia ndalakhulondakhwo hosi hosi aha olatsia.
\p
\v 20 Nababoolera mbu, amabwe kali nende obwiina ne nako amayoni kali nebiitsu, halali omwana womundu abula hosi wokhura omurwe.
\p
\v 21 Ne mulala khubeechibe namuboolera mbu, Omwami, chama wukhole omulakhule enzie emuyabire Papa.
\p
\v 22 Ne halali Kristo namuboolera, nonda esie ne oleshe abafuu bayabirane.
\p
\v 23 Olwa yenjira muliaro ne abeechibe nibamulondakhwo.
\v 24 Ne lola imbumbuyeka ingali niichaka okhuhutsa munyanza okhuula amarunda nikafunikha eliaro, halali naye yali mitsindoolo.
\v 25 Ne abeechibe bamwitsila nibamubuusia nibamuboolera mbu, Omwami khuhonokosie, khukhonye khutiibanga.
\p
\v 26 Ne nababolera mbu, oburii burula heena? enywe abobusubiri obutiti? Ne nabuukha nakondoshera imbumbuyeka nende inyanza ne khubaho nende obwihotselesi obukhongo.
\p
\v 27 Ne abandu nibahukana, nibarebana mbu, uno nomundu okhurula hena mbu, kata imbumbuyeka nende inyanza bimuhulira?
\p
\v 28 Nolwa yali niyetsa olucherekha lundi eshialo shia Gerasi yabukaana nende abandu babiri abali nibetsulwemwo amatimoni nibarula mutsing'ani abahalaba muno mbu, omundu yesi shiyakhaburire khunjira eyo ta?
\v 29 Ne lola, bayula nibaboola mbu; obeele oriena ninefwe Yesu (Kristo) Omwana wa Nyasaye? witsire okhusaakania ebise nibishili?
\v 30 Ne khwaliho neinjira yindi yokhukarusia mubo okhutsia mumatuuli ketsingurwe tsiali tsiayanga.
\p
\v 31 Kho amatimoni nikamusaaya mbu, noba nokhusakania khurule, khufuchilire efwe khwinjire mumatuuli ketsingurwe.
\p
\v 32 Ne nakaboolera rule! ne olwa karula kenjira mumatuuli ketsingurwe, ne lola amatuuli kosi ketsingurwe kerukha nikakhupa obuyoka obunji nikakholomokha munyanza nikafiiramwo.
\v 33 Ne abanji berukha nibakalukha mumatookho kabwe, ne nibahaana obulosie bwa bulishindu shiekholekha khu balia abamatimoni.
\v 34 Ne lola litookho liosi liarula niliitsa okhwakaana nende Kristo, ne nibamulola bamusaba mbu arule mushialo shiabwe.
\c 9
\cl Matsayo 9
\p
\v 1 Niyenjira muliaro niyambukha niyola mwitookho liabwe.
\v 2 Ne lola bamurerera omundu wakwa likara, nakonire khushitanda, ne Kristo olwa yalola obusubiri babwe, yabolera omulwale wakwa likara mbu, mwana wanje lema omwoyo, omalire okhulesherwa tsimbitsio.
\p
\v 3 Ne lola abandi khubahandichi nibaboola mumioyo chiabwe, omundu uno niwokhwikatia.
\v 4 Ne Kristo namanyire amapaaro kabwe naboola, muparaanga amakhuwa amabii mumioyo chienywe mbushiina?
\v 5 Shichira eliangu liiri hena? okhuboola mbu omalile okhulesherwa tsimbi tsitsio nohomba okhuboola mbu bukha ochende?
\v 6 Ne mbu kho mumanye shinga omwana womundu ali nende obunyali mushialo okhuleshera tsimbi naboolera likara mbu buukha, bukula omutokwo ne otsie munzumwo.
\v 7 Ne nabuukha natsia nanzuwe.
\v 8 Ne butswa olwa abomukanda balola, bahukana ne nibetsoomia Nyasaye, owahaana obunyali shingana buno khubandu.
\p
\v 9 Ne olwa Kristo yali narulireyo, yalola omundu oulangwa mbu Matsayo niyekhaale aha basololelanga obushuru, ne namuboolera nondakhwo, ne naye nasinjira namulondakhwo.
\v 10 Olundi olwa yali niyekhaale nali khubilibwa munzu, lola, abasololi bobushuru abanji nende abonooni betsa nibekhala hasi ninaye nende abechibe.
\p
\v 11 Ne olwa abAfarisayo balola bario, baboolera abechibe shichira shina aliitsanga nende abasololi bobushuru nende abetsimbi?
\p
\v 12 Ne olwa Kristo yahulira, yababoolera mbu, abakololofu shibenya omufundi ta, ne halali balia abalwale.
\v 13 Nebutswa tsie ne mweche eshisina shielikhuwa lino, 'ndikoomba tsimbabasi tawe omusango,' shindayitsa okhulanga abalunjishi ta, habula aboononi bahonibwe.
\p
\v 14 Mana abeechi ba Yohana nibamwitsira nibamureeba mbu, shichira shina efwe nende abaFarisayo khuhonganga inzala ne nabo abeechibo shibahonganga ta?
\p
\v 15 Naye Yesu nabakalusia mbu, kanyalikha abeshiselero okhwikhuula, olwa mwene eshiselelo aba nashiri ninabo? Nebutswa tsindaalo tsiakhale etsia mwene eshiselelo yakhayiinibwe mubo, ne bulano nibahonga inzala.
\p
\v 16 Abulaho ounyala okhura eshilaka shieingubo imbia khungubo ikhulu ta, okhuba eshilaka eshiyia eshiikalaho shiakharandula ingubo, omuluhu okwo nikwimeeta.
\v 17 Kata abandu shibatsukhanga idivai imbia mutsichupa tsikhulu ta, shichira tsichupa tsiakhaatikha ne idivai isundukha, netsichupa tsisasikha. Ne halali bareetsanga idivai imbia mutsichupa tsimbia, ne biosi bibikhwa obulayi.
\p
\v 18 Olwa yali nashibasunjira, lola, yaruliraho Omuruchi mulala namwinamira naboola mbu, omukhaana wanje umalire kata okhufwa, halali yitsa omurekhwo omukhono ne naye alamenya.
\v 19 Ne Kristo nabushiramwo namulondakhwo ne abeechibe boosi nibakhola bario.
\v 20 Ne lola, omukhaye mulala owali nende omunyakhano kwokhwirulutsa amabanga khumiyika ekhumi nende chibiri, yarulira inyumawe natiira khwichemo lieikanzuye.
\p
\v 21 Niyeboolera omwene mbu, nindakhanyalirwakhwo okhutiira khukanzuye nditsa okhuba obulayi.
\p
\v 22 Ne Kristo nashiukhana namulola namuboolera mbu; wiheresie amani, obusubiribwo bukhukholere okhuba omulakhule, ne omukhasi nahona okhurula eshise eshio.
\p
\v 23 Ne Kristo niyenjila munzu wOmuruchi nalola aboopi bamalele nende Omukanda nikukhupanga obuyoka.
\v 24 Ne nababoolela mbu, mberesie obwiyango khulwa okhuba omukhaana uno shafwire ta nebutswa ali mutsindoolo ne nibamutsesherela mubukokonyi.
\v 25 Ne olwa omukanda kwamuheresia obwiyangu, yenjira nende okhumurakhwo omukhono, ne omukhaana nabuukha.
\v 26 Ne amakhuwa kamanyikhana mwitookho elio liosi.
\p
\v 27 Ne olwa Kristo yarula, ababofu babiri nibamulondakhwo nibaliranga nibaboola, Ewe Omwana wa Daudi, khubeere tsimbabasi.
\v 28 Ne olwa yoola munzu ababofu babili nibamwitsira, Kristo nababoolela mbu, musubira mbu enyala okhukhola kano? nibakalusia mbu kali kario Omwami.
\p
\v 29 Ne namala natiira khutsimoni tsiabwe, naboola, okhulondokhana nende obusubiri bwenywe kekholeshe kario.
\v 30 Mana tsimoni tsiabwe nitsilaba, ne Yesu nababoolera shilunji nabalachirisia mbu shibalaboolerakhwo omundu yesi ta.
\v 31 Halali nabo olunyuma lwokhurula batswania ifumaye mushialo eshio shiosi.
\p
\v 32 Ne olwa bali nibarulanga, lola, bamuleerera Omundu omusiru owali niyetsulwemwo amatimoni.
\v 33 Ne olwa litimoni liali nilirusibwe, omusiru yaboola ne abemikanda nibahukana ne nibaboola kashiri okhwikholekhakhwo kario muIsraeli.
\p
\v 34 Ne halali abaFarisayo nibaboola mbu, alondanga amatimoni okhubirira mubunyali bwomwami wamatimoni.
\p
\v 35 Ne Kristo nachenda mumatookho kosi nende amataala niyechesia musinagogi niyerwatsanga injili yoburuchi, nahonia amalwale kosi nende obuteshere khubandu bosi.
\v 36 Ne olwa yalola abemikanda, yabalolera tsimbasi shichira bali nibawererelanga ne nibakabukhane shingana amakondi kabula omwayi.
\v 37 Ne naye nababoolera abeechibe mbu lichesa nelinji halali abachesa nabatiti.
\v 38 Kho saaya mbu Omwami webichese alaruma abokhuchesa mwichesalie.
\c 10
\cl Matsayo 10
\p
\v 1 Ne olwayali niyakhalanga abeechibe ekhumi na babili, yabaheeresia obunyali khubaroho beshifwabi, okhubainia nende okhuhonia imero yosi yamalwale nende obuteshere bwosi.
\v 2 Ne kano niko ameera kabarume abo ekhumi nababili, wambeli yali Simoni owalangwa mbu Petero nende omusiani wabwe Andereya, Yakobo omwana wa Zebedayo nende Yohana ouli omusiani wabwe.
\v 3 Filipo nende Batsolomayo, Tomasi nende Matsayo omusololi wobushuru, Yakobo wa Alufayo nende Tsadayo.
\v 4 Simoni Omukananayo nende Yuda Isikarioti owamukhoba Yesu.
\p
\v 5 Abo ekhumi nababili nibo ba Yesu yaruma mbu, shimulalonda khunjila yosi eyitsia mumahanga noho okhwinjila mwitookho liosi liosi lia abaSamaria tawe.
\v 6 Nebutswa nobulayi mukatsiire amakondi munzu ya Isiraeli.
\v 7 Ne nimuba mutsia mwirwatse ni mubola mbu obwami bwomwikulu bumalire okhula.
\v 8 Muhonie abalwale, mubatsienule abobuchere, mulamusia abafuu, mulonde ebishieno, munyolere eshikhaya muhane eshikhaya.
\v 9 Shimulabukulekhwo itsahabu kata ifetsa noho amapesa mumifuko chienywe ta;
\v 10 Shimulachingakhwo omufuko kwokhusuma khuluchendo kata tsingubo tsindi kata ebilaaro, kata irabushi tawe. Shichila omukholi wemilimo akhoyeele okhuhebwa ebiokhuliabie.
\v 11 Ne mwitookho liosi kata mwitaala liosi eliamwinjilamwo mukhabiremwo oukhoyere mana mumenye ninaye okhula olwa namurule.
\v 12 Ne olwa mwinjila munzu mubashiesie omulembe,
\v 13 Ne nikaba mbu inzu iyo ikhoyere, leshe omulembe kwenywe kube halala ninayo, ne niba ilakhoyere ta omulembe kwenywe kutonye ninenywe.
\v 14 Ne ulia oulabenjisia ta, nalahulila amakhuwa kenywe ta, olwa muba murula munzu eyo, muteng'ulule olufu lwokhubilenje bienywe.
\v 15 Emubolera toto mbu amakhuwa kalibaho amangu khulwa eshibala sia Sodomu nende Gomora khunyanga yeshiina okhushila shinga lwakalibera litaala lienelo.
\p
\v 16 Ne lola, ebaruma shinga amakondi hakari webitsusu, mube abachesi shinga inzokha khandi abaholo shinga amahuusi.
\v 17 Ne mwirecheshe khukabandu shichira balamutiira nibamuhira mubiina, nibamunywekha mutsisinagogi tsiabwe.
\v 18 Khandi mwakhairwe imbeli wabaami, abaruchi nende amahanga khulwasie mbu mube aburumbusi khubo nende abamahanga.
\v 19 Ne olwa bamureera mushiina shimulahenda mbu mulaboola shiina noho mbu namuboole murie tawe, olwa ebise biula mulahebwa akamubola.
\v 20 Shichila shimuli inywe abalaboola ta habula Roho wa Senywe niye oulaboolera mwinywe.
\v 21 Ne abasiani bomunzu ndala balakhobana abeene khubeene okhula okhwirana, ne papa khumwana bario khubaana babwe, abaana nabo balabushira khubebuli babwe nibachijra beerwa.
\v 22 Nenywe mulasirwa nende abandu bosi khulwa elira lianje, ulia owisumirisia okhula mubumalilishi alahona.
\v 23 Ne olwa muba musakanibwa mwitaala, mwirushile mulindi shichila ebabolera toto mbu muliba nimushili okhumalilisia amatala kaIsiraeli ta okhula olwa omwana wOmundu aliba niyetsa.
\p
\v 24 Omwechi shiashila omwechesiawe ta, kata Omusumba shiashila Omwamiwe ta.
\v 25 Kamuhela omwechi okhuba shinga Omwechesiawe kata Omusumba okhuba shinga Omwamiwe ta. Kho nibaba nibalanjile oweinzu eya Belizebuli, ne shibalanga abomungowe bario?
\p
\v 26 Khulwesho shimulabaria ta shichila libulaho eliafunishilwa elilafunuulilwa ta, kata eliabiswa elilalolekhana ta.
\v 27 Akebaboolera mushilima mukaboole habulafu ne akamumonyelwa mushirwi mukarumbule ebulafu.
\v 28 Shimulariitsanga abeera omubili, ne nibalanyala okhwira Omwoyo ta, Habula muritsenje ulia ounyala okhusishia biosi; Omwoyo nende Omubili mujehanamu.
\v 29 Okhuba onyala okhukula tsiminyi tsibili isendi ndala, nebutswa kata Iminyi ndala shiyinyala okhukwa hasi ahalali okhwenya khwa Senywe tawe.
\v 30 Ne butswa inywe kata liswi liokhumirwe chienywe liosi liabalwa.
\v 31 Kho shimularitsanga ta shichila inywe mushila tsiminyi tsinyinji.
\v 32 Kho buli mundu oulanziyama imbeli wabandu nasi siesi ndakhamwiyame imbeli wa Papa wanje ouli mwikulu.
\v 33 Ne butswa yesi yesi ounzikaana imbeli wa abandu nasi siesi ndalamwikaana endio imbeli wa Papa ouli mwikulu.
\p
\v 34 Shimulapare mbu ndeetsa okhurera omulembe ta habula olukanga.
\v 35 Shichira ndetsa okhureera obukabukhani hakari wOmwana nende Samwana, Omukhaana nende nyina, Omukhasi wOmusiani nende nyakhufialanyene.
\v 36 Ne abasuku bomundu balaba abeinzuye beene.
\v 37 Yesi ouheelanga Samwana noho nyina okhushila isie shiakhoyere esie ta, yesi ouheela Omusianiwe noho Omukhanawe okhushila esie shiakhoyere ta.
\v 38 Yesi oulabukula omusalabakwe niyanondakhwo shiyangwanila isie ta.
\v 39 Yesi outeema okhuhonia obulamubwe alabukosia, nebutswa ulia oukosia obulamubwe khulwanje, alabunyoola.
\p
\v 40 Omundu yesi oumwinjisia inywe, yanzinjisia isie ne yesi ounzinjisia isie amwinjisia oyo owaruma.
\v 41 Yesi owinjisia omulakusi owOmwami shichila mbu nomulakusi, alanyoola omurungo kwomulakusi oyo. Ne yesi owinjisia Omulunjishi shichila mbu nomulunjishi alanyola omurungo kwobulunjishi.
\v 42 Khandi omundu yesi oulamuheeresia mulala khubatutu bano kata eshikombe shiamatsi amanyifu shionyene, mbu anywe mulira liomweechi, emuboolera toto mbu shialachweya okhunyoola omurungokwe kata nahatutu ta.
\c 11
\cl Matsayo 11
\p
\v 1 Ne olwa Yesu yali niyakhabalachirisia abeechibe ekhumi nende babili, yarula natsia okhwechesia nende okhukamba mumataala kabwe.
\p
\v 2 Olwa Yohana yahulira nali mumboye emilimo chia Kristo yaruma abechibe okhureba,
\v 3 mbu niwe owiItsanga nohomba khulindirile oundi.
\p
\v 4 Yesu nakalusia, "kalushe ewomurulile mana muboolere Yohana akomuhulile nende okhulola:
\v 5 Ababofu banyoola okhulola, abalema bacheenda, balia abobuchele bosibwa, abasiru bahulira, abafu basimulukusibwa, nabo abamanani bahulila amahandiko ka amakhuwa amalayi.
\v 6 Noweikhabi yesi ulia oulesichirala khulwa esie tawe."
\p
\v 7 Abandu bano libali nibakharula okhutsia, Yesu yachaaka okhuboolela emikanda khu Yohana, olwa mwatsitsanga mushitsimi mwatsitsanga okhulola shi- litundu eliresibungwa nende omuyeka?
\v 8 Halali mwatsitsanga okhulola shi - omusatsa owifwalile tsingubo tsindorotoro? lola, ebefwalanga tsingubo tsindorotoro bali mutsinzu tsia abaruchi.
\v 9 Habutswa nenyu mwatsia okhulola shi- omunabii? Ee, emuboolera, khandi nomukali okhushila muno omunabi.
\v 10 Uno niye, owamahandiko kamuboola, lole, eruma omurumwa wanje imbeli uuwo, owitsa okhukhukasilia injira.
\p
\v 11 Emuboolera obwatoto, mbu muinywe abebulwa nende omukhasi ashili okhubaho omundu omukali okhushila Yohana Omubaatisi; halali ulia ouli omutiiti mubwami bwomwikulu nomukali okhumushila.
\v 12 Khandi okhurula mutsinyanga tsia Yohana Omubaatisi, okhuula bulano, obwami bwomwikulu bukhabwa namaani, nabo abamahababa balabwitsuumba namaani.
\v 13 Shichila abanabi bosi nende amalako bali nibalakulalanga okhula ebise bia Yohana.
\v 14 Ne nimuba nimwitsa okhwiyama, uno niye Eliya owitsa okhwitsa.
\v 15 Ouli namarwi akokhuhulira ahulire.
\p
\v 16 Halali enjeraasie nende shina olwibulo luno? bafwana shinga abaana bekhala mushiro khandi nibalanjirisia abashiabo.
\v 17 Khandi baboola mbu khubakhuupiire lilele ne shimushinire ta, khwikhulire nenyu shimulile ta.
\v 18 Yohana shiyeetsa nalitsanga omukate nanywetsanga idivai tawe, nabo baboola, 'ali nende litimoni.'
\v 19 Omwana wOmundu yetsa nalia nende okhunywa nabo baboola, 'Lola, shingana ali omundu omuwuoru khandi omumeesi, omulina owabasololi bobushuru nende abakholi betsiimbi!' Halali obuchesi bubalirwa obulunjishi mubikholebie."
\p
\v 20 Yaho yamala nachaka okhukondoshera amatookho kamangalimwa kali nikekholeshemwo shichira shibayekanira tawe.
\v 21 Wowe khwinywe, Korazini, owe khunywe Bethsaida! shichira amangalimwa kekholeshe munywe kalekholekha Tiro nende Sidoni, bakhekaanire khukhufwala amakunia nende okhibakha amakoshe.
\v 22 Halali ebaboolera mbu kalibakhwo amangu khu Tiro nende Sidoni khunyanga yobuyaasi okhushira inywe.
\v 23 Nawe, Kaperenaumu, witsa okhuchingulwa okhuula mwikulu, witsa okhwishibwa okhuula emakombe; nikaba mbu amangalimwa kekholekha khuinywe kekholekha Sodoma, bakhabereho okhuula inyanga ino.
\v 24 Halali ebaboolela inywe mbu ketsa okhuba amangu nende Sodoma khunyanga yeshinyaasio okhushira inywe.
\p
\v 25 Khubise yibo Yesu yakalusia naboola, ekhuupira orio, e Papa, Omwami womwikulu nende eshialo shichira obisire amakhuwa kano okhurula khubachesi nende abamanyirisi, ne nokafimbula khubaana.
\v 26 Kario Papa, nendio kachamisia mumoni tsio.
\p
\v 27 Amakhuwa kosi kahanirwe khusie nende Papa; khandi abulaho oumamanyile Omwana ta, halali Papa, khandi oumanyile Papa ta halali Omwana, ne yesiyesi womwana achama, amufunulila.
\v 28 Yitse khuisie, inywe mwesi abasitoherwe nende emisiko emisiro, nasi nditsa okhubahulusia.
\v 29 Mwifwale likokolo lianje, mweche khwisie, shichira esie endi omuholo nende omuhotseresi wemioyo; ne mwitsa okhunyoola obuhulushi mumioyo chienywe.
\v 30 Shichira likokolo lianje nelilayi, omusiiko kwanje nakwo nomwangu.
\c 12
\cl Matsayo 12
\p
\v 1 Khubise bienebo ebia Yesu yabura mumikunda inyanga ye isabato ne abeechibe nibahulira inzala ne nibachaaka okhunoka ingano nibalia.
\v 2 Ne olwa abaFarisayo balola bamuboolera mbu lola, abeechibo bakhola akali shibeka nende inyanga yeisabato.
\p
\v 3 Naye nabakalusia ari shimwasoomakhwo aka Daudi yakhola olwa yali nali inzala khandi nende abayali ninabo.
\v 4 Shinga olwa yenjira munzu ya Nyasaye mana nalia emikate chiokhubaho echialenyekha alie okhulondokhana nende lilako kata nende aba yali ninabo, habula abakuhani bonyene.
\v 5 Kata shimwasoomakhwo mumalako mbu khunyanga yeiSabato abaKuhani abali muhekalu boononinjia Isabato, nibalalikhwo neshikha ta.
\v 6 Halali ebaboolera enywe mbu habundu hano khuli nende omukhongo okhuyomba ihekalu.
\v 7 Nebutwa mulamanya eshia kano kaboola; ndienya tsimbabasi halali emisango ta, shimwakhabakhalachile eshiina abene yabo ababula eshikha ta.
\v 8 Khulwa omwana wOmundu nOmwami kata oweinyanga yeisabato.
\p
\v 9 Ne olwa yarulaho yatsia musinagogi yabo.
\v 10 Khandi lola, khwali nende omundu womukhonokwe kwali nikwafwokoya ne nibamureeba bari, nobulayi okhuhonia inyanga yeisabato? kho banyoole okhumukhalachila eshiina.
\p
\v 11 Naye nabakalusia nareeba ari, niwina hakari wenywe ouli nende likondi elala, ne nilikwa mubwina inyanga yeisabato, shiyetsa okhulitira nende okhuliiniamwo?
\v 12 Ne omundu ayombere likondi amakhabi kanga? kario kakhoya okhukhola amalayi inyanga yeisabato.
\v 13 Mana namuboolera omundu ulia mbu kololosia omukhonokwo, ne namala nakololosia ne nikuba omuchima shinga okwakhabili.
\v 14 Ne abaFarisayo nibarula elwanyi nibakasia shinga olwa betsa okhumwira.
\p
\v 15 Halali olwa Yesu yamanya yako, narula mubo ne abandu abanji nibamulondakhwo ne naye nabahonia boosi.
\v 16 Ne nabakaya mbu balamubuula tawe.
\v 17 Kho liusibwa likhuwa eliaboolwa nende omunabii Isaya, naboola;
\q
\v 18 " Lola omurumishi wanje, owandahule, omuheelwa wanje, owomwoyo kwanje kuchamisibwa ninaye; ndiitsa okhura iroho yanje muye, naye yetsa okhuboolela abamahanga ebulafu obukhalachi bwatoto.
\q
\v 19 Ne shieyetsa okhuyingana kata okhulanjirisia mbu kata omundu yesiyesi okhuhulira omwoyokwe khumuhanda ta.
\q
\v 20 Shiyakhafunache litundu eliafinyikha kata okhusimia olutambi lwakhaanga ta okhula olwayetsa okhurera obukhalachi bwatoto.
\q
\v 21 Khandi muliralie abamahanga balasubira.
\p
\v 22 Mana bamurerera omundu owetsulwamwo amatimoni, omubofu khandi omusiru mana namuhonia okhuula olwa omusilu yaboola nalola.
\v 23 Ne abandu boosi bahuchisibwa nibaboola mbu uno shiali Omwana wa Daudi noho?
\p
\v 24 Ne olwa abaFarisayo bahulilakhwo kano baboola mbu, shiarusinjia amatimoni butswa ta, halali mubunyali bwa Beelzebul omukhongo wa matimoni.
\p
\v 25 Ne khandi naye yamanya amapaaro kabwe ne nababoolela mbu, buli oburuchi obubetsanga nibwabukhaane obwene khubwene, bukwitsanga amakunda khandi buli litaala nohomba inzu ebiabukhana ebiene khubiene shibilasinjira ta.
\v 26 Kata Setani naba narusia Setani kho yakabukhanamwo omwene ne oburuchibwe shibusinjira ta.
\v 27 Nasi nemba nenonda litimoni muBeelzebul, kho abana benywe nabo bayinia muwina? kho khulwesho nibo abetsa okhubakhalachira eshiina.
\v 28 Kho khulwesho, nemba neyinia amatimoni muroho wa Nyasaye kho oburuchi bwa Nyasaye bumalire okhwitsa.
\p
\v 29 Kho onyala orie okhwinjira munzu yomundu wamaani nende okhusasia ebindu bibie noshiri okhumuboha kho onyale okhuonia ebindubie.
\p
\v 30 Ouraba ninasi ali shibeka ninasi, ne ulia oulabunjeresia ninasi, asalasia.
\p
\v 31 Khulwesho ebaboolera mbu, tsimbi tsiosi nende amakhuwa keinzesheresi khu Nyasaye kalesherwa, ne halali inzesheresi yosi shibeka nende Roho Omutsienukhu, abandu shibalesherwa ta.
\v 32 Ne Omundu yesi ouboola likhuwa shibeka nende omwana womundu, alalesherwa ne halali yesi ouboola shibeka nende Roho Omutsienikhu shiyetsa okhulesherwa tawe, mushise shino kata mushise shiitsanga.
\p
\v 33 Mukhole omusaala okhuba omulayi khandi ebiamo biosi bibe ebilayi nohomba mukhole omusaala okhuba omubii khandi ebiamo biakwo bibe ebibii, okhuba omusaala kumanyikha khubiamo biakwo.
\v 34 Inywe olwibulo lweinzokha, munyala murie okhuba aboononi, ne muboola amakhuwa amalayi? shichila omunwa kwomundu kuboola aketsula mumwoyo.
\v 35 Okhurula mwibishilo lilayi nimwo omwa karulanga amakhuwa amalayi, ne okhurula mwibishilo libii karulamwo amabii.
\v 36 Nebutswa ebaboolera mbu, buli likhuwa liosi libii elirula mumunwa kwomundu liliyasibwa inyanga yeshihesi.
\v 37 Mbu khumakhuwako witsa okhubalirwa obulunjishi khandi khumakhuwako witsa okhuyaasibwa.
\p
\v 38 Mana abahandichi nende abaFarisayo nibakalusia mbu Omwami khwenya okhulola eshiloro khwiwe.
\p
\v 39 Ne naye nabakalusia mbu, olwibulo olubii khandi olwobubeyi lukhaba okhulola akeshilolero, ne shibulaho eshilolero shiabahebwa ta, halali eshilolero shia Omunabii Yohana.
\v 40 Ne shinga olwa Yona yali ebiteere bitaru nende ebiro bitaru munda weinyeni, kario Omwana womundu alaba ebiteere bitaru nende ebiro bitaru munda yeliloba.
\v 41 Abandu ba Nineve betsa okhusinjira nende olwibulo luno khubuyaasi khandi nabo betsa okhubayaasia; shichira bekanila khulwa amakambo ka Yohana.
\v 42 Omuruchi Omukhasi oyo yetsa okhusinjira nende olwibulo luno mubuyaasi khandi yetsa okhubayaasia shichila yarula mutsimbeka tsiahukhane etsia eshialo okhuhulira obuchesi bwa Sulemani.
\p
\v 43 Ne olwa roho omuchafu arula mumundu, abirira habundu ahabula amatsi, nakhaba habundu ahanyala okhuhulushila nalanyola ta.
\v 44 Naboola mbu, nditsa okhukalukha munzu yanje eyandarulamwo, ne olwayetsa, nanyoola niyili ikhaya, niyosiibwe, niloosibwe.
\v 45 Mubwangu abukulana nende amaroho kandi amachafu musafu abamushila obubii okhushila khandi shinga olwa abetsanga, nolwa kali kario khulwibulo luno olumayanu.
\p
\v 46 Ne olwa yali nashibaboolera abemikanda amakhuwa, lola, mamawe nende abaana babwe bali nibasinjire elwanyi nibenya okhuboola ninaye.
\v 47 Naye oundi namwitsira namuboolela mbu, lola, mamawo nene abaana benywe basinjire elwayi benya okhuboola ninawe.
\p
\v 48 Naye nakalusia namureeba ari, mama niwina? kata abaana befwe nibeena?
\v 49 Nanyiira omukhonokwe, namanyia ewabeechibe bali, naboola mbu, lola mama nende abaana beefwe.
\v 50 Omundu yesiyesi oukhola aka Papa ouli mwikulu yeenya, omwenoyo niye omusiani wefwe, khandi omukhana wefwe nende mama wanje.
\c 13
\cl Matsayo 13
\p
\v 1 Inyanga yeneyo Yesu yarula munzu natsia okhwikhala khulukuku lweinyanza.
\v 2 Nachio emikanda emikali nichitsa nichiakanila ewa yali, naye niyenjira muliaro niyekhala; nakwo omukanda nikuba nikusinjile khulukuku.
\v 3 Naye nabechesia amakhuwa amanji mutsinjero, naboola, lola omumiitsi yatsia okhumiitsa imwo;
\v 4 Ne olwa yali namiitsanga imwo eyindi yakwa khunjira nako amanyonyi nikeetsa nikabootsa.
\v 5 Nayo eyindi niyikwa khulwanda, ewa liloba lilali eliiinji ta, niyiromba niyimera lwangu okhuba emisi shichiatsia hasi muno ta.
\v 6 Nakwo omubasu olwa kwabuukha nikutsisamba nayo okhuba yabula emisi yaniaala.
\v 7 Nayo imwo yindi niyikwa mumarakalu, nako amarakalu nikakhula, nikachitiiya, nikachiira.
\v 8 Habutswa eyindi yakwa mwiloba lilayi, nayo niyama ebiamo, eyindi niyama tsimia, eyindi amakhumi kasasaba, etsindi amakhumi kataru.
\v 9 Ulia ouli nende amarwi kokhuhulira, ahulire.
\p
\v 10 Nabo abeechibe nibamwitsira, nibamureeba; shichira shiina noboola nende abandu mutsinjero?
\p
\v 11 Yabakalusia nababoolera, kakhoyeere enywe mumanye amabiso kobwami bwomwikulu, ne nabo shibahebwa tawe.
\v 12 Okhuba ulia yesiyesi ouli ninashio, alameterwa, naye alaba ninabio ebiinji nibishiranile, halali ulia yesiyesi oubula, kata shititi shiali ninashio shilabukulwa okhumurulakhwo.
\v 13 Niko kachira nebaboolera mutsinjero, shichila bahenganga neshibalolanga ta, khandi bahuliranga neshibahulira ta, kata shibamanyirisia ta.
\v 14 Nabo mubo, obunabii bwa Isaya buusibwa, ebabolela mbu khulwa okhuhulila mulahulila, ne shimulamanyilisia ta; nakhwo okhukhola mulakhola ne shimulatiira ta.
\p
\v 15 Okhuba emioyo chia abandu bano, chiaboolera mubusilu, nako amarwi kabwe nikasitoha, okhulila, natsio tsimoni tsiabwe nitsitiimba; kalali kario khubise bioosi bioosi, babe abanyala okhukhola nende tsimoni tsiabwe, khandi bahulile namarwi kabwe, khandi babe abamanyirisia mumioyo chiabwe mbu, babe abanyala okhukalukhasibwa, mana nasi embe oubahonia.
\p
\v 16 Halali tsimoni tsienywe tsili nende ikhabi mbu tsilolanga, nako amarwi kahulilanga.
\v 17 Emuboolela toto mbu, abanabii nende abandu abalunjishi abanji bekoomba okhulola ebia enywe mulolanga, nabo shibabilolakhwo tawe; nende okhuhulira akeenywe muhuliranga, nabo shibahuliakhwo tawe.
\p
\v 18 Bulano khahulire akoluchero lwomumiitsi;
\v 19 Olwa omundu aba nahulila likhuwa liOmwami, naye shalimanyirisia ta, omubi oyo alamwitsila, nabirusia bioosi ebirachirwe mumwoyokwe, niye ounyoola imwo eyakwa khunjira.
\v 20 Naye ulia owinjisia imwo khulwanda acherasibwa nende ulia ouhulira likhuwa nende okhwikhoya halala nende obutsatsafu nalinjisia;
\v 21 Kata kario muye mwene abula emisi, habutswa alefwirakhwo ebise bititi, ne olwa amasila nohomba okhunyakhana khumwitsia, khulwa likhuwa, hatiti hatiti niyesichirala.
\v 22 Naye ulia owanyolere imwo mumarakalu, niye ouhulira likhuwa; nako amahendo keshialo shino, nende obukatibwi bwobuyinda, bimika likhuwa, naye shiaba owokhwama ebiamo tawe.
\v 23 Halali owanyoolere imwo mwiloba lilayi niye ulia ouhulira likhuwa, mana alimanyirisia; naye yama ebiamo, ebiitsa mumikanda chia imia ndala, amakhumi kasasaba, echindi amakhumi kataru.
\p
\v 24 Khandi nabacherera oluchero lundi, naboola, obwami bwomwikulu bucherasibwa shinga omundu owaraaka imwo mumukunda;
\v 25 Ne olwa abandu bakona, omusukuwe niyeetsa naraakamwo libanze muungano, mana niyetsiira ewuuwe.
\v 26 Olwa biamera nibikhula, mana bichaaka okhwama, ne libanze liosi lilolekha.
\v 27 Kho abatiiyi ba mwene omukunda betsa nibamureeba, Omwami, shikhwaraka imwo indayi mumukundakwo, ne lola, libanze liruliire heena?
\p
\v 28 Naye nababoolera, omusuku niye oukholeere kano. Abatiiyi nibamuboolera mbu, khutsie khwiyemwo mana khulibunjishe halala?
\p
\v 29 Naye nababoolera, tawe okhuba olwa mulaba nimwiiyanga libanze, muleyeramwo khandi ingano.
\v 30 Leshe biosi bikhule okhula khwichesa, mana ebise biohuchesa ndalabiira abokhuchesa mbu, ranjirire muchesa libanze, muliboye mubikolo bisaambwe, nayo ingano mubunjeresie nimurera mushiachi shianje.
\p
\v 31 Khandi nababoolera oluchero naboola, Obwami bwomwikulu bucherasibwa shingana olufwa lwelisaatsi olwa omundu yabukula naluraaka mumukunda.
\v 32 Nalwo nilwo olufwa olutiti muno mutsiosi halali nalwo nilwakhamera, nilwoolukali mumimera chioosi echirakwa mumikunda, nakwo kwikhola omusaala, mbu kata amanyonyi keikulu keetsa nikoombakha ebitsu mumasaka nikamenyamwo.
\p
\v 33 Khandi nababoolera, oluchero luundi mbu, obwami bwomwikulu bucherasibwa shingana limera, elia omukhasi yabukula, mana nalibisa napanjiire mubichero bitaru, okhuula olwa bioosi biali nibifuuname nelimera.
\p
\v 34 Yesu yaboolera abemikanda amakhuwa kano koosi mutsinjero, nelibulaho liosiliosi elia yababoolera muluchero tawe.
\v 35 Mbu kosibwe kalia akali okhuboolwa nende Omunabii olwa yaboola; ndakhekule omunwa kwanje mutsinjero, ndakharumbule ebindu biabikhwa shinga libiso okhurula okhuchaaka khweshialo.
\p
\v 36 Olunyuma lwene Yesu nalonda abemikanda batsie, mana natsia munzu; nabo abeechibe nibeetsa ewa yali, nibaboola mbu, khwinoosiekhwo oluchero olwa libanze mumukunda.
\p
\v 37 Nabakalusia nababoolera ulia oumiitsanga imwo indayi niye Omwana womundu;
\v 38 Omukunda nikwo eshialo; nayo imwo nibo balia abaana bOmwami; halali nalio libanze nibo balia abaana aba ulia omumayanu;
\v 39 Ulia omusuku owamiitsa ni Setani, nalio lichesa nishio eshihesi shieeshialo, nabo abokhuchesa nibo abamalaika.
\v 40 Kario shinga libanze likhung'asibwa niyiirwa mumuliro; yisho nishio eshiakhabe nishili eshihesi shieshialo.
\v 41 Omwana wOmundu yakharume imberi abamalaika bebe nabo bakhakhung'aasie okhurula mubwami bubwe ebindu bioosi ebili ebiokusinyo, nende balia abakholanga obubii.
\v 42 Mana bakhasukunwe mumuliro kuli shinga okwelirumbi; ebweneyo khwakhabeyo nende okhwikhuula nende okhusia ameno.
\v 43 Nolwa abalunjishi bakhamweshe shingana eliuba mubwami bwa Sabwe, ulia ouli nende amarwi ahulile.
\p
\v 44 Khandi obwami bwomwikulu bufwana shingana libishiro eliabiswa mumukunda; mbu omundu naba nalinyoola alalibisa, naye alatsia natsatsaalire okhukusia ebindu bioosi ebiaba nali ninabio mana atsie akule omukunda tsana.
\p
\v 45 Khandi bwingana shingana omundu omukhala oukhabanga ilulu indayi.
\v 46 Ulia, olwa yanyoola ilulu indayi eyobukusi bweikulu, yatsia nakusia bulishindu shiali eshishie, mana nayikula.
\p
\v 47 Khandi obwami bwomwikulu bucherasibwa shingana olukhanda lulia olwebalwa munyanza, nalwo nilutiira bulishindu shialimwo.
\v 48 Nalwo, olwa lwali nilwitsuule, balukhweesa okhutsia khuluchinga, mana nibekhala hasi, mana nibahula ebialimwo ebilayi nibara omubachinjira ne nibasukuna ebialimwo ebibii.
\v 49 Endio nilwa kakhabe khushihesi shieshialo! abamalaika bakharanjirire, mana bahule abamayanu okhurula hakarikari wabalunjishi,
\v 50 Mana bakhasukunwe mumuliro kufwana shinga okwelirumbi, ne ebweneyo khwakhabeyo okhwikhuula nende okhusia ameno.
\p
\v 51 Yesu nababoolera, mwakhahulira ebindu bino bioosi? Nabo nibamukalusia, Ee Omwami.
\p
\v 52 Mana khandi nababoolera, kata kario buli omwechesia wamalako owikhola omweka mubwami bwomwikulu ali shingana mwene inzu ouyininjia mushikoro shiabiikhangamwo ebindu amabishiro amayia nende kata ebikhulu.
\p
\v 53 Ebise ebia Yesu yali namalire tsinjero tsitsie, yarulaho.
\v 54 Ne olwa yali namalire okhuula mushialo shiewabo, yabechesia musinagogi yabo munjira yachira nibahuka, mana nibaboola Omundu uno yarusia hena obuchesi buno, nende ebikhole biokhuhuchisia bino?
\v 55 Shiali niye ulia omwana womubaatsi wetsimbao? Mariamu shiali niye nyinamwana? nabo abasiani babo shibali; Yakobo, Yusufu, Simoni nende Yudas!
\v 56 Kata abakhana baabo, shibali boosi halala ninefu? Naye omundu uno ahiniye hena ebindu bino?
\p
\v 57 Mana nabo nibamusinyishira, halali Yesu nababoolera, omunabi shiachweyanga oluyali tawe, okhuyiniakhwo ewabo uyebulwa, nende munzu yiye yene.
\v 58 Naye shiyamala nakholayo amangalimimwa amakali tawe khulwa okhubula okhusuubila khwabwe.
\c 14
\cl Matsayo 14
\p
\v 1 Mutsiinyanga yitso, Herode omuruchi yahulila ifuma ya Yesu,
\v 2 Naye naboolera abasumba bebe, wuno shiali niye Yohana Omubatisi, owabuushile okhurula mubafu; Niko akachila amakhuwa amakali kekholekha okhubirira muye.
\p
\v 3 Okhuba Herode yali niyamutiira Yohana niyamuboha, niyamura mumnbohe, eshifune mbu Herodia omukhasi womusiani wabwe Filipo.
\v 4 Okhuba Yohana yali niyamuboolera mbu, nomusilo yuwe okhumuteshia.
\v 5 Olwa yenya mbu amwiire, yaria emikanda chia abandu, okhubela bamulolanga shingana omunabi.
\p
\v 6 Olwa inyanga yokhwibulwakhwe Herode yoola, omukhanawe Herodia yabashinila mana nachamisia Herode.
\v 7 Naye namulaka niyetsuba okhumuhelesia shilia shiosi shiosi eshia alaba nasaba.
\v 8 Yamala atsie niyebaalirwa nende nyinamwana, tsia oboole mbu, umbelesie omurwe kwa Yohana Omubatisi khuluteru.
\v 9 Omuruchi yamala abeerere; shichila yali namalile okhwitsuba, nende khulwa balia abali nibeekhale ninaye nibalitsanga, yalachilisia mbu omukhana ahebwe omurwe.
\v 10 Yarumasia, mana Yohana narusibwakhwo omurwe mumbohe.
\v 11 Nakwo omurwe kukwe nikurebwa khuluteru, nikuhebwa omwana omukhana uyo, naye nayilila nyinamwana.
\v 12 Nabo abeechi bebe nibetsa, nibabukula omubiri kukwe, nibakuyabila, khandi nibatsia nibaboolera Yesu.
\v 13 Yesu olwa yahulila amakhuwa yako yarulaho naniina muliaro natsia habundu ahebisu; nabo abandu olwa bahulila bario, bamulondakhwo khubilenje okhurula mumatookho.
\v 14 Yesu naye natsia imbeli nalola omukanda omukhongo. Mana natiirwa nende eshibeera khulwabo, naye nahonia abalwale babo boosi.
\p
\v 15 Obwiire bwamala buule, nabo abeeka bebe nibamwitsila nibamuboolela, habundu hano neshitsiimi, ebise nabio bitsiire muno, ruma abemikanda bakalushe ewabo, mbula batsia mutsisoma, mana bekulile ebiokhulia.
\p
\v 16 Naye Yesu nababoolera mbu shibakhoyere okhurula hano tawe, enywe mubahelesie eshiokhulia.
\p
\v 17 Nabo nibamuboolela mbu, khulihano nende emikaate chirano nende tsinyeni tsibili.
\p
\v 18 Naye Yesu nababiila, mungaamile hano ewa endi.
\v 19 Naye Yesu nabayunjia abomukanda boosi mbu beekhale hasi khwiswa, nabukula emikate chirano nende tsinyeni tsibili, naraangala mwikulu, nabilamila tsikhabi, natonyola nahelesia abeechi bebe emikate, nabo abeechibe nibaheresia abomukanda.
\v 20 Boosi bamala nibalia, nibekura, mana nibatoola ebitonye biali nibitonyere ebimwero ekhumi nende bibili nibitsuule.
\v 21 Abalia bali abandu abasatsa ebikhumi birano, okhuhiniakhwo abakhasi nende abaana.
\p
\v 22 Mubise biene yibo, Yesu nabayunjia abeechibe benjile muliaro, bamuranjirire okhutsia oluchelekha lundi, olwa aba nashiseebula abemikanda nibatsia.
\v 23 Olwa yali namalile okhuseebula emikanda nichitsiile, yamala natikulukha khushikulu yenyene okhusaaya: obwiire olwa bwoola yali nali yenyene.
\v 24 Nalio eliaro liali niliri muyanza hakarikari nilirundungwa nende amarunda shichila omuyeka kwali nikuhutsanga okhurula imbeli.
\v 25 Mumasayo kakhane mushiro Yesu yabatsiira, nachendanga khunyanza.
\v 26 Nabo abeechibe olwabamulola nachendanga khunyanza, batiirwa nende indenga, nibaboola, neshishieno, nibaayula obutinyu nibali nende oburi.
\v 27 Yesu nababoolela shirunji, yume ikholo, nisie, mulaba nende oburi tawe.
\p
\v 28 Naye Petero namukalusia naboola, Omwami, kali neyuwe, nanga ndiitse ewa oli khumatsi.
\p
\v 29 Mana namuboolela yitsa. Olwa Petero yali niyakharula muliaro, yachenda khumatsi, natsia ewa Yesu yali.
\v 30 Halali olwa yalola omuyeka nikuli nende amaani, yaatirwa nende oburi; yamala nachaka okhwiyinikha mumatsi, nalanjisia, Omwami, honokosia.
\p
\v 31 Bwangubwangu Yesu namunyirira omukhono, namutiira, namuboolela, Obeyabeyee! yuwe owobusubili obutiti, shichila shiina shiosubiire tawe?
\v 32 Nabo olwa bamala nibenjila muliaro, omuyeka kwamala nikulekha okhuhutsa.
\p
\v 33 Balia abali nibali muliaro beetsa nibamwinamila, nibaboola mbu, obwatoto buli mbu, oli Omwana wa Nyasaye.
\p
\v 34 Ne namalire okhwambukha oluchelekha, eGenasareti.
\v 35 Olwa abandu beebweneyo bamanya mbu aliyo, natsia mutsingongo eyi nende ilia, nibamurerera balia boosi abali nibalwala;
\p
\v 36 Nibamusaya mbu banyale okhutiirakhwo butswa lichemo lieingubo yiye: nabo obunji bwa balia abamutiirakhwo bakholwa abalamba kupu.
\c 15
\cl Matsayo 15
\p
\v 1 Ne olwa abahandichi nende abaFarisayo bamutsiila Yesu okhurula Yerusalemu nibamureeba bari,
\v 2 Shichila shiina abeechibo nibakhaya ameechesio kabakhulundu, shichila shina nibalasaaba emikhono olwababa nibalia?
\p
\v 3 Yesu nabakalusia nabareeba ari, mbu shiina shichira nenywe nimuloba amalako ka Nyasaye nende emilukha chienywe?
\v 4 Shichira Nyasaye yalachirisia naboola ari; Helesia so nende mao oluyali; khandi ounyeka samwana kata nyina, okhuula afwe.
\p
\v 5 Halali muboolanga muri mbu omundu yesi ouboolela samwana kata nyina mbu eshihanwa shiandakhakhuheeresie ndalamurusiria Nyasaye.
\v 6 Kho aleshe okhumuheresia samwana nende nyina oluyali, ne nimukhola amalachirisio ka Nyasaye nikabula inganga okhurulana nende emilukha chenywe.
\v 7 Enywe abeekati! nobulayi shinga olwa Isaya yainia obunabii khwinywe naboola;
\v 8 abandu bano bamberesinjia oluyali neminwa chiabo, halali emioyo chiabwe chili ehale ninasi.
\v 9 Nabo banzinamia eshikhaya nibeechesia ameechesio kabwe akali amalako kabandu.
\p
\v 10 Khandi naalanga omukanda mana nababoolera ulire, khandi munyoole okhumanyirisia.
\v 11 Eshinjira mumunwa shishili nishio eshiononia omundu ta, hahali shilia eshirula mumunwa nishio eshimwononia omundu.
\p
\v 12 Nilwo olwa abeechibe bamala nibamutsiira, nibaboola, omanyirekhwo mbu abaFarisayo lwabahulila likhuwalio basinyikha?
\v 13 Halali yabakalusia nababoolera, buli eshiraache shia Papa wanje womwikulu alaraaka ta, kwitsa okhwiywa.
\v 14 Baleshe babe abemirisi ababofu, ne omubofu niyemirira omubofu wundi, bosi balakwa mwitukho.
\p
\v 15 Ne yamukalusia Petero naboola, khubolerekhwo olukano luno.
\p
\v 16 Mana Yesu naboola, kata mwesi shimuli nende omumanyirisi tawe.
\v 17 Mushirinji okhumanyirisia mbu eshinjira mumunwa shibira shitsia munda, nishirusibwa nishirusibwa shitsia elwanyi.
\v 18 Halali akeneako akarulanga mumunwa karulanga mumwoyo nako niko akabiyinjia omundu.
\v 19 Shichila mumwoyo karulamwo amaparo amabii; obwirii, obwilasi, obuheyi, okobwifii, obuloli bwobubeyi nende amanyeko.
\v 20 Bino nibio ebindu bimwononinjia omundu, habula okhulia halali okhwosia emikhono shikhumalihyia omundu tawe.
\p
\v 21 Mana Yesu narula yaho natsia mutsimbeka tsia Tiro nende Sidoni.
\v 22 Khandi lola, omukhasi OmuKananayo yarula mumbeka itsio niyetsa ewayali, nalira namubolela ari; undolere tsimbabasi, E Omwami wa Daudi, omukhana wanje anyasibwa muno nende litimoni.
\p
\v 23 Nebutswa shiyamukalusia likhuwa ta, ne abeechibe nibamwitsira nibamusaaya nibaboolera mbu, mulonde hano shichila akhuupilanga obuyoka.
\p
\v 24 Naye nakalusia, nabola ari shindarumwa khubandu ta halali khumakondi akakora akomunzu ya Isiraeli.
\p
\v 25 Nebutswa omukhasi oyo niyetsa namwinamila naboola ari, Omwami ukhoonye.
\p
\v 26 Naye nakalusia ari, shinobulayi okhuheresia imbwa omukate kwa abaana tawe.
\p
\v 27 Naye namuboolera, nobwatieli Omwami, halali kata tsimbwa tsilitsanga obungulusi burula khumesa yOmwami.
\p
\v 28 Naye Yesu nakalusia namuboolera; Omukhasi, obusubili bubwo nobukali, kabe khwiwe shinga olwa wenyere, ne omukhanawe namala nahona olwene olo.
\p
\v 29 Yesu narula yaho ne nasuta ahambi nende inyanza ya Galilayo, ne nanina khushikulu niyekhala.
\v 30 Mana omukanda omukali nikumwitsira, halala mubo baliho abalema, ababofu, abasiru nende abandi nabanji, nibabakonia imberiwe naye nabahonia.
\v 31 Kata omukanda yikwo kwahuchisibwa olwa balola omusiru naboola, abalema nibachenda nende ababofu nibalola mana nibachingula Nyasaye waIsiraeli.
\p
\v 32 Mana Yesu nabalaanga abeechibe, naboola endi nende tsimbabasi khumukanda kuno, shichila bakhaba ninasi, ino neinyanga yakhataru ne babula eshiabalia, ne shindiitsa okhubalekha batsie inzala tawe okhuba banyala okhukwa khunjira.
\p
\v 33 Ne abeechibe nibamubolera shikhuli nende emikate chihera okhulisia omukanda kuno kwosi mushitsimi muno tawe.
\v 34 Yesu nabareeba mbu, muli nende emikate chiinga? ne nibamukalusia; musafu nende tsinyeni tsineemu.
\p
\v 35 Naye nabalachirisia abomukanda okhwikhala hasi.
\v 36 Naye nabukula emikate musafu nende tsinyeeni etsio ne nakhupa orio, nabisonyola nakabira abeechi; abeechi nabo nibakabira abemikanda.
\v 37 Nibalia bosi nibekura, nibatola ebimwero musafu ebia emikate echiatong'a.
\v 38 Ne bali abasaatsa ebikhumila bine, oburabala abakhasi kata abaana tawe.
\p
\v 39 Naye naseebula abemikanda, niyeenjila muliaro, niyoola mumbali tsia Magadi.
\c 16
\cl Matsayo 16
\p
\v 1 AbaFarisayo nende Abasadukayo beetsa mana nibamureeba mbu, abamanyie eshilolero okhurula mwikulu.
\p
\v 2 Habutswa yabakalusia nababoolera mbu, olwa obwiire bwinjiranga, mubolanga mbu, shiraanyire, shichira amalesi namakhanyu.
\v 3 Olwa bushia, muboola mbu, Ifula yilakwa, shichira amalesi namanji ikulu, habutswa shimunyala okhumanya ebilolero biebise tawe.
\v 4 Enywe olwibulo olwobubi khandi oluheyi mukhaba eshilolero, habutswa shibulaho eshilolero shiamuhebwa ta okhuyiiniakhwo eshilolero shia Yona. Mana Yesu nabalekhaho natsia.
\p
\v 5 Olwa abeechibe boola elubeka wundi yiria, bali nibebiriire okhuchiinga emikate.
\v 6 Yesu nababoolera, mwiyenjeresie okhurula khwimera lia abaFarisayo nende abaSadukayo.
\p
\v 7 Abeechibe nibeparira abene mbu, Aboola ari shichira shikhuchinjire emikate tawe.
\p
\v 8 Mana nibarula erwanyi bwangu, niberukha okhurula mushirindwa; okhuba bali neyindenga khandi nibahukanga okhushira: nabo nibalaboolera omundu yesi esi ta kalia aka bali nibaluutsi khulwa oburii obunji.
\v 9 Shimuli nobumanyirisi tawe? Kata shimwitsuliranga emikate chirano khubandu tsiyelefu tsirano, nende ebimwero biinga ebia mwakhuung'asia?
\v 10 Nohomba emikate saba echialisia tsiyelefu tsine nende ebimwero biinga ebia mwakhuung'asia?
\v 11 Ne kali kariena aka mulamanyirisinjia mbu, shemboolanga ninenyu khumikate tawe? Muyenjeresie nimwilinda okhurula khumera ya aba Farisayo nende abaSadukayo.
\v 12 Nilwa bamanya mbu, shiyali nababooleranga limera liomukate tawe, habutswa beyenjeresie okhurula khumechesio aka aba Farisayo nende abaSadukayo.
\p
\v 13 Ne bulano olwa Yesu yoola mushialo shia eKaisaria ebuFilipi, yareeba abeechibe mbu, abandu baboolanga mbu, omwana wOmundu ni wiina?
\p
\v 14 Nibamukalusia mbu, abandi baboola mbu Yohana Omubatisi; abandi, Eliya; khandi abandi, mbu Yeremia, nohomba mulala khubanabii.
\p
\v 15 Naye nabareeba, ne nenyu muboola mbu esie nesie wiina?
\p
\v 16 Simoni Petero nakalusia mbu, Eyuwe neywe Kristo, Omwana wa Nyasaye oumenyanga.
\p
\v 17 Yesu namukalusia namuboolera mbu, Oli weikhabi yuwe Simoni Petero omwana wa Yona, okhuba shikuli omubiri namatsayi ebikhufunuliire kano tawe, habutswa Papa wanje ouli mwikulu.
\v 18 Khandi siesi ekhuboolera mbu, yuwe neywe Petero, khandi khuywe lichina lino ndiakhomboshe khwo likanisa lianje. Nabio ebiribwa biemakoombe shibiakhanyale okhuyinga tawe.
\v 19 Nasi ndalakhuhesia tsifungwo tsiobwami bwomwikulu. Shiosi shiosi eshia olaboya khushialo shilaboywa mwikulu, khandi shiosi shiosi eshia obolola mushialo shiosi shilabololwa mwikulu.
\v 20 Mana Yesu nabalaka abeechibe balaboolera omundu yesi yesi mbu ye niye Kristo.
\p
\v 21 Okhuchaka olwene yilo Yesu nachaka okhubiira abeechibe mbu kamuyunjia okhutsia eYerusalemu, ewa yetsa okhusanda ebindu ebinji mumikhono chia abakhulundu nende abakuhani abakhulundu nende abahandichi, mana yeerwe, mana abusibwe okhuba omulamu khunyanga yakhataru.
\v 22 Mana Petero namubukula namuyira erubeka nachaka okhumukondoshera, naboola, kano kabe ehale ninawe, Omwami! Kano kalekholekha khuywe tawe!
\p
\v 23 Habutswa Yesu yashukhana mana nabiira Petero, Tsia emukongo wanje, Setani! Oli lichina liokhwisichirasia, shichira shopaaranga khu bindu bia Nyasaye ta, habutswa khu bindu bia abandu.
\p
\v 24 Mana Yesu nabiira abeka bebe, Niyakhabaho mulala owenya okhunoonda, okhuula yekane ye omwene, abukule omusalaba kukwe, mana yanoondekhwo.
\v 25 Okhuba yesi yesi owenya okhuhonia obulamu bwe yakhabukosie, naye yesi yesi oukosia obulamu bwe khulwanje alabunyoola.
\v 26 Okhuba kalaba akakhoya shi nikali omundu anyoola eshialo shiosi mana akosie obulamu bwe? Omundu anyala okhuhana shiina bukhala bwobulamu bubwe?
\v 27 Okhuba Omwana wOmundu yakhetse nali muluyali lwa Samwana halala nabamalaika bebe. Nilwa ye yakhakabire buli shamulala okhulondana nende ebikhole bibie.
\v 28 Esie emuboolera obwatoto, baliho balala khu enywe basinjiire hano bano abakhabule okhulola lifwa okhuula olwa balilola Omwana wOmundu niyetsanga mubwami bwe.
\c 17
\cl Matsayo 17
\p
\v 1 Ne olwa tsinyanga tsisasaba tsiali nitsiweere, Yesu yabukula Petero nende Yakobo nende Yohana omusiani wabwe natsia ninabo ikulu khushikulu.
\v 2 Ne ebweneyo Yesu nakalulwa likondolie imberi wabwe, niliakha shinga na eliuba, tsingubotsie nitsiakha shinga na omubasu.
\v 3 Ne lola, Musa nende Eliya nibabaloleshera, nibabolanga ninaye.
\v 4 Mana Petero nakalusia, namuboolela Yesu ari, Omwami, nobulayi okhuba hano; noba nochama mana khumbashe amatiri kataru; elirio, elia Musa nende elia Eliya.
\p
\v 5 Ne olwa yali nashiboolanga lola, lileesi ling'inang'inanga liabafunikha ne lola, Omwoyo omukhongo nikurula mwileesi nikuboola kuri; Wuno niye Omwana wanje owandaheera, mumuhulire.
\v 6 Ne olwa abeechi bahulira, bakwa hasi mafumama nibali nende oburii obunji po.
\p
\v 7 Yesu niyetsa nabatilakhwo nababoolera mbu bushe; shimularia tawe.
\v 8 Nibachingula tsimoni, shibaalola omundu wundi yesi ta, halali Yesu yenyene.
\p
\v 9 Ne olwa bali nibashiikhanga okhurula khushikulu, Yesu nababoolela lole, mulaboolerakhwo omundu Yesi akelibisulo lino ta, okhuula olwa Omwana wOmundu alaba nalamuushe okhurula mubafu.
\p
\v 10 Abeechibe nibamureeba bari, nishiina eshichira abahandichi nibaboola mbu Eliya akhoyeere okhwitsa mberi?
\p
\v 11 Yesu nabakalusia naboola mbu, toto Eliya yeetsa nende okhukalukhasia ebindu biosi.
\v 12 Nasi ebaboolera mbu Eliya yamala okhwitsa, nibaramumanya ta, ne bamukholera koosi akabeenya, Khandi nolwa Omwana wOmundu yesi alefwila akabwe.
\v 13 Kho abeechibe nibamanyirisia mbu ababooleranga aka Yohana Omubatisi.
\p
\v 14 Ne olwa Yesu nende abeechibe boola ahomukanda kwali, omusatsa wundi namwitsira namusikamira naboola mbu;
\v 15 Omwami khola aketsimbabasi khumwana wanje okhuba noweindulume ne akhanji akwitsanga mumulilo khandi mumatsi.
\v 16 Ne lola, emurere khubeechibo ne halali shibanyalirwe okhumuhonia ta.
\p
\v 17 Yesu nakalusia naboola ari; enywe abolwibulo olumayanu, olulasubiiranga ta, nembetsenje ninenyu okhuula liina? Murere hano.
\v 18 Olwabamurera khuye; yakondoshera litimoni ne nilirula, omwana nahona okhurula olwenolo.
\p
\v 19 Olunyuma abeechi betsa ewa Yesu yali nali nibareeba bari; nishiina eshichilire efwe nikhulanyalirwa okhulirusia ta?
\p
\v 20 Naye nakalusia naboola ari, shichila obusubili bwenyu nobuleemu, ne ebaboolera tooto mbu nimuba nimuli nende obusuubiri shinga imoni ndala eya olufwa lwelisaatsi, mulaboolera eshikulu shino mbu, rula hano otsie hano nashio shilarulaho; ne shililabakhoho likhuwa liosi elilamunyalishila ta.
\v 21 Ne imbia ino shiyirulanga butswa ta halali okhusaaya nende okhwihima.
\p
\v 22 Olwa abeechi bali nibamenyile eGalilaya, Yesu yababoolela mbu, Omwana wOmundu alahanwa mumakhono kabandu;
\v 23 ne balamwira, ne khunyanga yakhataru alalamusibwa; nabo nibaberera muno.
\p
\v 24 Olwa boola muKaperinaumu, abasololi bobushuru nibatsia ewa Petero yali, nibareeba bari, Omwami wenywe arunganga obushuru?
\v 25 Petero nabakalusia mbu kali kario ne niyenjira munzu, Yesu namureeba ari, Simoni, oluutsi orie? Abaruchi bomushialo, nabandu shiina ababarunjinjia obushuru? abaana babwe nohomba abamenyani?
\p
\v 26 Ne olwa yakalusia mbu, mbula abamenyani; Yesu namuboolela mbu khulwako abaana abeebule nabalakhuule.
\v 27 Nebutswa mbu, khuleshe okhubasinyisia, otsie khunyanza, winjisie olulobolwo mumatsi, obukule inyeeni eyiitsa okhuranjira okhufutukha, ne olwa oloba, wikule omunwa kwayo, olanyola ishekeli; ochibukule, obarunje khulwanje khandi khululwo.
\c 18
\cl Matsayo 18
\p
\v 1 Khushise eshio abeechi nibeetsa ewa Yesu yali, nibamureeba, mbu kho niwina omukhongo mubwami bwomwikulu?
\p
\v 2 Ne Yesu nalanga Omwana omutiti namura hakari wabo, naboola mbu;
\v 3 Emuboolera toto mbu, nimuba nimuletutuyia mwaba shinga abaana abatiti, shimulinjira mubwami bwo Mwikulu ta.
\v 4 Kho omundu yesi owitutuia naba shingana omwana omutiti, omwene oyo nomukhongo mubwami bwomwikulu.
\v 5 Khandi omundu yesi owinjisia omwana omutiti shichila elira lianje, yanzinjisia.
\p
\v 6 Ne omundu yesi owisichirasia mulala khubatiti bano abasubiranga nobulayi abohwe lichina likhongo mwikosi mana asukumwe mulusiba olwomunyanza.
\v 7 Woowe khubalia abesichirasia abashiabo shichila ebisichirasio shibilichweya okhubaho ta, ne halali woowe khu ulia ourera eshisichirasio.
\v 8 Ne omukhonokwo nohomba eshirenjeshio nishiba nishikhwinjisia mutsimbi, oshireme, nobulayi winjile mubwami noli omulema kata outiechera okhushila okhusukunwa mumulilo kweinziayo noli nemikhono chibiri kata ebilenje bibiri.
\v 9 Kata imoniyo niyiba nikhwisichirasia, ochitsomole ochisukune ehale, nobulayi winjile mubulamu noli oweimoni ndala okhushila okhusukunwa muGehena yomulilo noli netsimoni tsibiri.
\p
\v 10 Mwiyile kalaha, muleshe okhufwola mulala khubatiti bano okhuba emuboolela toto mbu, mwikulu abamalaika babwe obushia balolanga obweni bwa Papa ouli mwikulu.
\v 11 Shichila Omwana womundu yetsa okhuhonia eshiali nishiakora.
\v 12 Muluutsi murie? Omundu yesi naba nali nende amakondi eshikhumi, elala khuko niliba nilikora shialalekha kalia amakhumi shienda nashienda natsia mubikulu nakhaaba elikorire?
\v 13 Ne naba nalinyoola, emuboolela toto, mbu aliikhoyeranga muno okhushira kalia amakhumi shienda nashienda akalakorirekhwo ta.
\v 14 Kho kario mbu kata seenywe ouli mwikulu shianyala okhuchama mbu mulala khubatiti bano akore ta.
\p
\v 15 Ne omusiani weenywe naba nakhukosera tsia omumanyie eshikhashie nimuli mwenyene ewe ninaye; naba nakhuhulira, olaba nonyolere musiani wenywe.
\v 16 Ne naba nalakhuhulila ta, otsie nende oundi mulala kata babiri mbu, khuminwa chiabaloli babiri kata bataru buli likhuwa litinyisibwe.
\v 17 Ne naba naloba okhubahulira, oboolere ikanisa, ne naba naloba okhuhulira kata ikanisa, abe khwiwe shinga na omunashialo nomusololi wobushuru.
\v 18 Emuboolera toto mbu, ebindu biosi ebia bulabohanga mushialo, bilabohwa mwikulu.
\v 19 Khandi ebaboolela toto mbu, babili khwinywe nimuba nimufuchirisania mushialo khwikhuwa eliamusaba lilakholwa lirio nende Papa ouli mwikulu.
\v 20 Okhuba aha babiri nohomba bataru bakanira halala muliira lianje, nasi ndalaba halala ninabo.
\p
\v 21 Kho Petero niyetsa namureeba ari, Omwami, omundu yangosera amakhabi kanga nasi nemuleshelanga? okhuula musafu noho?
\p
\v 22 Ne yesu namukalusia ari, shikhuboolela mbu okhuula musaafu ta habula mbu okhuula amakhumi musaafu nende musafu.
\v 23 Kho Obwami bwomwikulu bucherasibwa nende Omuruchi owali niyeenya okhubasia emianduchie nende abasumbabe.
\v 24 Ne olwa yali nachaachile okhubala, yaleelerwa oundi owali nelikofi ebikhumira likhumi lietsitalanda.
\v 25 Ne olwa yakhaywa okhuurunga, Omwamiwe yalachirisia mbu akusibwe halala nende omukhasiwe, abaanabe, nemianduchie chiosi mbu arungwe likofi.
\v 26 Ne Omusumba oyo nakwa mumakuluke namusaya mbu, Omwami unzifile ndalakhurunga.
\v 27 Kho Omwamiwe namubeela, namulakhuula, namuleshera likofi.
\v 28 Ne olwa omusumba oyo yalakhuulwa, yatsia nanyoola omusumba washie owali nende likofilie elietsitinari ekhumi, namutiira, namuboha emikhono, namutiira mwikosi namuboolera ari runga likofi lianje.
\p
\v 29 Omusumba washie nakwa mumakuluke namusaya mbu nochama mbeera tsimbabasi nekhurunje.
\v 30 Naye naloba natsia namura mumbohe mbu okhuula amurunje likofilie likhoyeere.
\v 31 Kho abakholi bandi olwa balola kosi akekholekha nibaberera muno, nibatsia nibamuboolera Omwami wabwe kosi akali nikekholeshe,
\p
\v 32 Kho Omwami namulanga omukholi uno, namuboleera ari, ewe omukholi omubii, shindakhuleshere likofi likhongo shinga wasaba mbu obeerwe?
\v 33 Kho, mbu shina nawe shionyala okhuleshera owashio ta.
\v 34 Kho Omwamiwe nasinyikha muno namuyira mumboye khushinyaasio okhuula arunje likofi liosi likhoyeere.
\v 35 Kho Papa womwikulu alamukholera ario enywe nimuba nimulabaleshera abashienywe ta.
\c 19
\cl Matsayo 19
\p
\v 1 Ne olwa Yesu yali namalile amakhuwa kene yako, yarula eGalilaya niyoola mutsingongo tsiebuYahudi injelekha wa Yorodani;
\v 2 Ne emikanda emikhongo chiamulondakhwo ne naye nabahoniriayo.
\p
\v 3 AbaFarisayo bosi nibamwitsira okhumuteema nibamureeba bari, nobulayi omundu okhumulekha omukhasiwe khulwa eshifune shiosi shiosi?
\p
\v 4 Naye nabakalusia nababoolela, mushiri okhusoma mbu, owabalonga okhurula mubuchachiro yalonga omukhasi nende omusatsa,
\v 5 Ne naboola mbu, khulwa eshifune shino, omusaatsa alalekhanga samwana nende nyina, ne yetsa okhuungana nende omukhasiwe, nabo babili betsa okhuba omubili mulala.
\v 6 Khulwesho shibali khandi babiri ta, halali mulala, ne eshia Nyasaye arere halala, omundu shialakabukhasia ta.
\p
\v 7 Ne nibamureeba mbu, shichila shina Musa yabeyamila okhuhana ibarwa yokhulekhana nende okhumulekha?
\p
\v 8 Naye nababoolera mbu, Musa khulwa obumu bwemioyo chienywe, yabeyamira okhulekhana nende abakhasi benyu, halali okhurula mubuchachiro shikali kario ta.
\v 9 Ne nasi emuboolela mbu, omundu yesi owitsa okhulekhana nende omukhasiwe khulwa obutamba mana ateshie oundi, aheya, khandi yesi outeshia oulesherwe; aheya.
\p
\v 10 Ne abeechibe nibamuboolela mbu, amakhuwa komukhasi nende omusaatsa nikakhaba kario, shibuli obulayi omundu okhuteshia ta.
\p
\v 11 Ne naye nababoolela mbu, abandu bosi shibanyala okhwiyama amakhuwa kano tawe, habula abanyalirwa bonyene,
\v 12 Shichila khuli nende abalate bandi abebulwa bario okhurula mundaa mwa nyina; khandi khuli nende abandi abakholwa nende abandu okhuba abalate; khandi khuli nende abandi abekhola abalate abeene khulwa oburuchi bwomwikulu, ounyala okhuhulira nende okhukeyama, akabukule.
\p
\v 13 Mana nibamurerera abaana abatiti mbu, abarekhwo emikhono nabasayira; nabo abeechibe nibabayibira.
\v 14 Ne Yesu nababoolera mbu leshe abaana abatiti betse khwisie, shichila obwami bwomwikulu nobwa abafwana shingana yabo.
\v 15 Ne nabarakhwo emikhono nabalamira ikhabi ne narulaho.
\p
\v 16 Khandi lola, olwa Yesu yali nachendanga, omundu mulala yamwitsila namureeba ari, Omwibaali, enyala okhukhola endiena kho enyale okhwinjira mubwami bwomwikulu?
\p
\v 17 Ne naye namureeba ari, shichira shina niunanga omulayi? abulaho omulayi halali mulala ouli Nyasaye, ne nikakhaba mbu wenya okhwinjira mubwami bwomwikulu, olinde amalako ka Musa.
\p
\v 18 Namureeba akalena? Yesu namukalusia mbu ni kano; shioleera ta, sholaheya ta, sholeba ta, sholainia obuloli bwobubeyi ta,
\v 19 Heresia Papa nende Mama oluyali, khandi oheele omumenyiwo shinga olwa wiheera omwene.
\p
\v 20 Ne Omubukha wuyo namuboolera Yesu mbu, kano kosi ndakalinda okhurula mubwana bwanje, nishiina shienemerwa?
\p
\v 21 Yesu namuboolera mbu, niwenya okhuba Omulunjishi tsia okusie biosi bioli ninabio, mana oheresie abamanani, bulano witsa okhuba nende libishilo mwikulu; mana witse unondekhwo.
\v 22 Ne olwa omubukha uno yahulira amakhuwa kano, yatsia mushibeela shichila yali nende emiandu eminji.
\p
\v 23 Naye Yesu naboolera abeechibe mbu, ebaboolela toto mbu buliba obutinyu omundu omuyinda okhwinjila mubwami bwomwikulu,
\v 24 Khandi ebaboolera mbu, nobwangu ingamia okhubira mutundu yeisindani okhushira omundu omuinda okhwinjila mubwami bwomwikulu.
\p
\v 25 Ne olwa abeechibe bahulira yako, bahuchisibwa muno, nibareeba; niwina bulano ounyala okhuhonibwa?
\p
\v 26 Halali Yesu yabahenga nababoolera mbu, nende abandu kano shikanyalikhana tawe, ne halali khu Nyasaye kosi kanyalikhana.
\p
\v 27 Naye Petero nakalusia namuboolera mbu, lola, efwe khwalekha koosi nikhukhulondakhwo, khwitsa okhunyoola shiina bulano?
\p
\v 28 Khandi Yesu nababoolera mbu, toto ebaboolela, enywe abanondangakhwo, mushialo olwa Omwana wOmundu aliikhala khushifumbi shioluyalilwe, nenyu mwesi mulikhala khubifumbi ekhumi nabibiri nimubayasia abetsimbia ekhumi nende nende tsibiri tsia Isiraeli.
\v 29 Ne yesi yesi owalekha inzuye, nohomba omusiani, nohomba omukhaana, nohomba papa, nohomba mama, nohomba omukhasi, nohomba omwana, nohomba omukundakwe khulwa eliira lianje, yetsa okhunyoola liboho imia ndala khandi alilia obulaame bwobulamu bweinziayo.
\p
\v 30 Halali abaanji abali beimbeli betsa okhumalirikha; nabo abamalirikha betsa okhuba imberi.
\c 20
\cl Matsayo 20
\p
\v 1 Obwami bwomwikulu bufwananibwa shinga omundu owelitaala owarula mumabwibwi natsia okhukhaaba abakholi bomukunda kwemitsabibuchie.
\v 2 Olwa yafuchirisania nende abakholi mbu, alabarunga itinari ndala khunyanga, yabaruma mumitsaabibu chichie.
\v 3 Ne naye narula khulisa liakhataru ne nalola abandu bandi nibasiinjiire haluyia nibabula eshiabakhola,
\v 4 Ne nababoolera mbu, tsie mumitsabibu chianje ndalabaheresia eshilaba nishimukhoyere, ne nabo nibatsia.
\v 5 Khandi yamala narula khulisa liakhasasaba nende elia shienda khandi nakhola ario.
\v 6 Ahambi khulisa elia ekhumi nende elala, yarula nanyoola khandi abandi nibasinjire, nabareeba ari, mbushina nimusinjira hano eshitere shiosi nimulakhola shiosi ta?
\p
\v 7 Nabo nibamukalusia mbu, shichila abulaho owitsire okhukhukhaaba khumukholere. Naye nababoolera mbu, mwesi tsie mumitsaabibu chianje, ne eshilaba shibakhoyeere ndalabaheresia.
\p
\v 8 Ne olwa ebise biokhwinukha bioola, omwami mwene mitsaabibu naboolera omusinjiriri wuwe mbu, langa abakholi mana obarunje emirungo chiabwe, ochachile khubalia abetsele mukhumalirikha notsia khubalia ababere bokhuranga.
\v 9 Nibeetsa balia abali nibabukulwe okhutiiya khulisa elia ekhumi nende elala, buli shiamulala yabukula itinari ndala.
\v 10 Ne olwa balia abali baranjirire mumukunda beetsa, bapaara mbu balarungwa akasitirekhwo; boosi barungwa itinari ndala shingana abandi.
\v 11 Ne nibamalire okhubukula itinari, bachaaka okhwiniakanira mwene omukunda.
\p
\v 12 Nibaboola mbu, ababeere bokhumalirikha bakholere lisa elala lionyene, nawe obakholere okhuherana ninefwe abakholere emilimo emisiro khumubasu eshiteere shiosi!
\p
\v 13 Naye nakalusia nareeba mulala khubo mbu, omwitsa shekhukholeere libii liosi ta, shikhulakaane mbu ebarunje itinari?
\v 14 Bukula shilia eshili eshishio mana otsie, nokhuchama khwanje okhuheeresia owokhumalirikha shinga olwa ekhuheresiye.
\p
\v 15 Shikakhoyere mbu, ekhole elia ndeenya nende ebili ebianje? nohomba ouliire obubi shichira endi omuhaani?
\v 16 Owokhumalirikha alaba wokhuranga ne naye wokhuranga alaba wokhumalirikha, okhuba abanji balangwa, halali nibatiti abahulwa.
\p
\v 17 Olwa Yesu yali khuluchendo okhutsia Yerusalemu, yabukula abeechibe ekhumi nababili, nabakwenya khunjira nababoolera ari;
\v 18 Lole, khuchomere eYerusalemu, naye Omwana wOmundu alahanwa mumikhono chiabakuhani abakhongo nende bahandichi, nabo balamukhalachira eshiina shiokhufwa.
\v 19 Khandi balamuhaana khubalia abamahanga okhumutsesherera, mana bamusalisie, khandi bamubaambe, naye khunyaanga yakhataru yakhalamushe khandi.
\p
\v 20 Olunyuma lwene nyinamwana abasiani ba Zebedayo niyeetsa aha yali halala nende abaanabe, namwinamira, nali nende elienya nalebe.
\v 21 Naye namureeba ari, wenya shiina? Ne naye namukalusia ari, subisia mbu abaana banje bano mulala yakhekhale omukhonokwo omusaatsa ne naye oundi khumukhonokwo omukhasi mubwami bubwo.
\p
\v 22 Naye Yesu namukalusia namuboolela ari, shiomanyire eshiosabanga tawe. Munyala okhunywakhwo khushikombe eshiendi ahembi okhunywakhwo? Mubatisibwe ibaatiso eyanditsa okhubatisibwamwo? Ne nabo nibamukalusia bari khunyala.
\p
\v 23 Nabakalusia nababoolela, obulamba buli mbu namunywe eshikombe shianje khandi namubatisibwe ibaatiso yanje eya nditsa okhubatisibwamwo, halali okhwikhala omukhono omusaatsa nohomba omukhasi shindi nisie ouhananga tawe, habutswa bulahebwa balia abakasiribwa nende Papa wanje.
\p
\v 24 Nabo balia ekhumi olwa bahulirakhwo yako, lirima nilibaiyiinga khulwa babiri yabo.
\v 25 Yesu nabalanga bosi betsa aha yali, naye naboola ari, mumanyire shinga abaruchi bAmahanga olwa babaamihanga, khandi abakhongo babwe shinga olwa babarukanga?
\v 26 Habutswa shikala kario hakari wenywe ta; halali yesi yesi owitsa okhwenya okhuba woluyali olukhongo mwiinywe, akhoyeere okhuba omurumushi wenywe;
\v 27 Khandi yesi yesi owenya okhuba omuruchi hakari wenywe, leshe abe omusumba wenywe.
\v 28 Shingana kali, Omwana wOmundu shiyayitsa mbu arumushirwe tawe, halali mbu arumushe, mana ahane obulamu bubwe shingana omusango khulwa abanji.
\p
\v 29 Ne olwa bali nibarulanga Yeriko, omukanda omukhongo nikumulondakhwo.
\v 30 Lola, abandu babiri ababofu abali nibekhaale khundulo womuhanda, olwa bahulira mbu ni Yesu owubiranga, balanga nomwoyo omukhongo; ee Omwami, ewe Omwana wa Daudi, khubeere tsimbabasi.
\v 31 Nakwo omukanda nikubayibira, mbu behotseresie nomulembe, kata kario bameeta okhulanga nende omwoyo omukhongo, Ee Omwami, ewe Omwana wa Daudi, khubeere tsimbabasi.
\p
\v 32 Yesu nasinjira nabalanga, nabareeba, ni shiina eshiamwenya mbu ebakholere?
\v 33 Nabo nibakalusia bari, Omwami nochama okhwikule tsimoni khulole.
\v 34 Yesu nabalolera eshibeera, mana nabatiira khutsimoni tsiabwe nitsinyoola obunyali bwokhulola, nabo nibamulondakhwo.
\c 21
\cl Matsayo 21
\p
\v 1 Olwa Yesu nende abeechibe bali ahambi nende Yerusalemu, boola eBetsefage, hashikulu shiEmiseituni, yaho Yesu yaruma abeechibe babili batsie imbeliwe.
\v 2 nababoolera ari, mutsie mwitaala liheengane ninenywe, ne mulanyoola isishiri niyiboherwe nende eshimosi shiayo, mubiboholole mubinderere.
\v 3 Ne omundu niyakhamureeba likhuwa liosi mumuboolele mbu, omwami abienya, ne omundu oyo alabilekhula.
\p
\v 4 Kano nako kekholekha khulwa okhuusia akaboolwa nende omulakusi mbu;
\v 5 "Muboolere abandu ba Sayuni mbu Omwami wenywe yetsaanga ewa muli, nomuholo, ne uninire khushimosi shieisishili."
\p
\v 6 Abeechibe nibatsia, nibakhola shinga olwa Yesu yali nababoolele.
\v 7 Nibamurerela isishili nende eshimosi shiayo, nibaalakhwo ebifwalo biabwe ne naye Yesu niyekhalakhwo.
\v 8 Ne omukanda omukhongo okwa abandu baala ebifwalo biabwe khunjira, ne abandi nibarema amasaka akemitende nibaala khunjira.
\v 9 Emikanda chiabandu nichiimira nende okhumulondakhwo, nibalanjirisia mbu; "Omwana wa Daudi yetsomibwe! Noweikhabi owitsa muliira liOmwami! Nyasaye ouli ikulu mwikulu yetsomibwe.
\p
\v 10 Ne olwa yesu yenjila eYerusalemu, abandu boosi bomwitookho batsatsala muno, nibareeba bari, "Uno ni wina?"
\p
\v 11 Abemikanda nibakalusia bari, uno niye omulakusi Yesu okhurula mwitookho lia Nasareti muGalilaya."
\p
\v 12 Mana Yesu niyenjila muhekalu. Nalonda abandu boosi abali nibakholeraangamwo obukhala. Nafumamia etsimesa etsiabafunji bamapesa nende ebifumbi bia abakusi bamahuusi.
\v 13 Nababoolela ari, "Kahandikwa mumahandiko mbu, Nyasaye yaboola mbu, Ihekalu yanje ilalangungwa mbu; 'inzu yamasayo,' nebutswa inywe muchikholele habundu wabanuuli."
\p
\v 14 Ne ababofu nabalema nibamwitsila muhekalu nabahonia.
\p
\v 15 Nebutswa olwa abakhulundu babakuhani nende abahandiichi balola amangalimwa aka yali nakholanga, nende abali nibalanjirisinjia muhekalu mbu, "Omwana wa Daudi yetsomibwe!" basinyikha muno.
\p
\v 16 Nibareeba Yesu mbu, ohuliranga akaboolungwa? Naye nabakalusia mbu, "ehuliranga; ne mushiri okhusoomakhwo amahaandiko kaboolanga mbu, okhurula muminwa chiabaana abatiti nende tsindaana Nyasaye omwene yeekasirie obwitsoomi?
\p
\v 17 Mana Yesu nabalekha narula mwitookho natsia eBetsania niyeyalisiayo eshiro isho.
\p
\v 18 Mumabwibwi olwa Yesu yali nakalukhanga mwitookho, yahulira inzala inyinji munda.
\v 19 Nalola omukhuyu khundulo weinjira, natsia ewa kwali, ne nalanyoolakhwo eshindu ta, habula amasafu konyene. Obulayanza naboolela omukhuyu ikwo mbu, "shiolamakhwo ebiamo khandi tawe!" habwene nahabwene omukhuyu nikuniala.
\p
\v 20 Ne olwa abeechi balola, bachenya, nibareebana bari, omukhuyu kubere kurie okunialire tsa bwangu kurio?
\p
\v 21 Ne naye Yesu nabakalusia ari, "Emuboolela toto mbu, nimuba nimusuubira nimulakanakania ta, munyala okhukhola akekholere khumukhuyu yikwo, ne shikali kano konyene, nebutswa munyala okhuboolela eshikulu shino mbu 'wichinje wisukune munyanza,' ne shilakhola shirio.
\v 22 Ne nimuba nimusuubila, mulanyoola shiosi eshiamusaba mumasaayo.
\p
\v 23 Yesu nakalukha muhekalu ne olwa yali niyechesinjia abakhulundu babakuhani nende abakofu betsa khuye nibamureeba mbu, "Nibunyali shiina obwa oli ninabwo okhukhola ebindu bino, Niwina owakhuheresia obunyali buno?"
\p
\v 24 Yesu nabakalusia mbu, Ndalamureeba lireebo elala ne nimuba nimunjiiba, ndalamumanyia obunyali obwa endi ninabwo obukholanga ebindu bino.
\v 25 Obunyali obwa Yohana omubaatisi bwarula heena, Bwarula khu Nyasaye nohomba khumundu? nibachaka okhuyingana abeene khubeene mbu, "Nikhwakhakalusia mbu burula khu Nyasaye, alakhuboolela mbu, shiina eshichila nimulasuubila Yohana?"
\v 26 Ne nikhuboola mbu, "bwarula khumundu, khurire emikanda, shichila boosi baloolanga Yohana shinga nomulakusi."
\v 27 Nibakalusia Yesu nibaboola bari "shikhumanyile ta," naye naboola mbu, "kata siesi shiebaboolela mbu nobunyali shiina obwa ekholeranga kano ta."
\p
\v 28 Mulola murie? Yaliho omundu owali nabasiani babiri. Natsia khumulala namuboolela mbu, "mwanawanje, tsia okhole emilimo mumukunda kwe mitsabibu inyanga ino."
\p
\v 29 Omwana wuyo namukalusia mbu "shinzia ta," ne halali olunyuma nakalukhasia amapaaroke mana natsia.
\p
\v 30 Khandi namutsiira omwanawe wakhabiri, namuboolera amakhuwa malala yako, naye namukalusia, "Ee Papa ndalatsia," ne halali shiyaatsia ta.
\v 31 Nouli hena khubabiri yabo owakhola akasamwana yenya? Nibakalusia mbu, "omukhulundu." Kho Yesu nababoolela mbu, "Emuboolela mbu abasololi bobushuru nende abatamba balamuranjirira okhwinjila mubwami bwomwikulu.
\v 32 Okhuba Yohana omubaatisi yamwitsira, yetsa namumanyia injila yobulunjishi ne shimwamusuubila ta, ne abasololi bobushuru nende abatamba bamusuubirira. Ne kata olwa mwalola kano shimwamala mwikalukhasia mumusuubilira ta.
\p
\v 33 Yesu naboola ari, "Recheresie oluchero luno, yaliho omundu owaraka omukunda kwemitsabibu, nakusira nende olukaka, nayaba obwina bwokhutinyilamwo amatsi kemitsabibu, niyombakha inzu yabalindi, nakuhosia khubalindi, mana narula natsia mushialo shindi.
\v 34 Olwa lichesa liola, yaruma abakholibe okhutsia khubalimi yabo okhunyoola eshitonyeshie shielichesa.
\v 35 Abalimi yabo nibatiira abakholibe yabo, mulala nibamunywekha, oundi nibeera, noundi nibamulasa amachina.
\v 36 Khandi naruma abakholi bandi abayomba abeimberi, mana abalimi yabo nibabakholera malala yako.
\v 37 Olwokhumalilikha yaruma omwanawe khubo, naboola mbu, "Balaheresia omwana wanje oluyali."
\p
\v 38 Nebutswa olwa abalimi bamulola baboola bari, "Uno niye omwene obulaame bwomukunda kuno; kho yitse khumwire mana obulaame bulaba obwefwe!"
\v 39 Nibamutiira, nibamurusia mumukunda kwemitsabibu nibamwira.
\v 40 Yesu nabareeba mbu, "Bulano mwene omukunda kwemitsabibu olwa yetsa alabakholela shiina abalimi yabo?"
\p
\v 41 Nibamukalusia, "Alabeera abandu ababi yabo, mana ahosie omukunda kwemitsabibu yikwo khubandu bandi, abalamuheresinjia eshitonyeshie eshielichesa mubise ebikhoyeere."
\p
\v 42 Yesu nababoolela ari, "Shimwasoomakhwo amahandiko kano ta? mbu;        Lichina liene elia aboombashi baloba likholerwe olwanziro lwomukoona. Kano kakholwa nOmwami nakokhuhuchisia mutsimoni tsiefwe.
\p
\v 43 Kho khulwa yako emuboolela mbu, Obwami bwa Nyasaye bularusibwa khunywe nibuheresibwa lihanga elibula ebiamo.
\v 44 Ne nokwa khwichina lino olafunikhamwo ebitonye, ne lichina lino nilikwiila omundu yesiyesi lilamutubulila elala.
\p
\v 45 Ne abakhulundu babakuhani nende abaFarisayo olwa bahulira amafumboke, balola mbu aboolanga bo.
\v 46 Beenya okhumutiira ne halali bariitsanga emikanda emikhongo echiamulondangakhwo shichila mbu nomunabii.
\c 22
\cl Matsayo 22
\p
\v 1 Ne Yesu nakalusia khandi nababoolela mutsinjero ari;
\v 2 Obwami bwo Mwikulu buli shingana Omuruchi wundi owakasia lisabo lieshiserero shiomwanawe.
\v 3 Ne naruma abasumbabe okhubalanga abali nibalanjirwe mushiserero, ne shibamala nibetsa ta.
\v 4 Khandi naruma abasumba bandi ari, baboolere balia abalanjirwe mbu 'lole' emalire okhuteekha ebiliibwa bianje, ichirushi nende ebimoosi bianera bisinzirwe, ebindu biosi biirechekhwe, mwitse mwisabo lieshiserero.
\v 5 Nabo nibakabukulira amangu, nibatsiririra nende emilimo chiabwe, oundi mumukundakwe, oundi khubukhalabwe.
\v 6 Ne abandi nabo nibabukula abasumbabe, nibabakhupa nibabeera.
\v 7 Ne Omuruchi olwayahulira yasinyikha muno ne naruma amahe kabasikaribe ne nibamulula abeeri abo nende okhusamba litookho liabwe.
\v 8 Mana nababoolera abasumbabe mbu "Lisabo lieshiserero lirechekhwe nebutswa abalangwa shibakwanira tawe.
\v 9 Kho mutsie khumihanda mulanje boosi abamunyoolakhwo betse mwisabo lieshiserero.
\v 10 Kho abasumba abo nibarula nibatsia khumihanda nibakhung'asia boosi ababanyalirwa okhunyoola, ababi nende abalayi, ne eshiserero nishitsulamwo abacheni.
\v 11 Omuruchi yenjira mbu, alole abacheni, ne nalola Omundu undi ourali nafwalire tsingubo tsieshiserero ta,
\v 12 Ne Omuruchi namureeba ari, owashianje winjiire orie muno norafwalile tsingubo tsieshiserero, naye nabula eliakalusia.
\v 13 Mana Omuruchi naboolera abasumbabe, "Mubohe amakhono nende ebilenje," Mumubukule mumusukune elwanyi mushirima, ebweneyo alalira nende okhulumaasia amenoke.
\v 14 Abanji balangwa nebutswa nibatiti abaahulwa.
\p
\v 15 Mana abaFarisayo barula nibatsia okhwirechekha shinga olwa bakhamureka mukhuboolakhwe.
\v 16 Nibamurumira abeechi babwe nende aba Herode nibaboola bari, Omwechesia khumanyile shinga olwa oli Omwechesia watooto ne wibalaanga injira ya Nyasaye mubwatooto norateebanga akomundu yesi ta; shichira shiopaaranga khushiimo shiomundu yesi ta.
\v 17 Ne bulano khuboolere ololanga orie? Khukhoyeere okhurunga obushuru khuKaisari, nohomba ta?
\p
\v 18 Ne butswa Yesu nalola obumayanu bwabwe, kho nababoolera ari, mundeema shichira shina enywe abekaatii?
\v 19 Manyiekhwo amapesa kene akobushuru, ne nibamurerera itinari.
\v 20 Naye nabareeba ari, obukondo buno nende elira ni bia wina?
\p
\v 21 Ne bamukalusia ne biaKaisari, ne nababoolera mumurunjenje Kaisari ebili bia Kaisari nebili bia Nyasaye mumurunjenje Nyasaye.
\v 22 Ne olwa bahulira amakhuwa kano hahukana nibamulekha nibatsia ewabatsia.
\p
\v 23 Inyanga yene eyo nibamwitsira abaSadukayo ababoolanga mbu, obulamushi bubulaho ne nibamureba?
\v 24 Nibaboola bari omwechesia, Musa yaboola ari, omundu nafwa narali nomwana, omusiani wabwe alateshia omukhasiwe ne achinguule olwibulo lwomusiani wabwe.
\v 25 Kho baliho abasiani musafu abamenyanga ninefwe, ne owambeli olwayateshia omukhasi naye nafwa, ne olwa arali nolwibulo ta, namuleshera omusiani wabwe omukhasi oyo.
\v 26 Kho malala yako khandi khu wakhabiri, owakhataru mana okhula khu womusafu.
\v 27 Ne olunyuma omukhasi oyo namala yesi nafwa.
\v 28 Kho bulano mubulamushi omukhasi uno nowawina khu bano musafu, okhubera mbu bosi bamuteshia?
\p
\v 29 Yesu nabakalusia nababoolera ari, mukorirwe, shichila shimumanyire amaandiko noho obunyali bwa Nyasaye tawe.
\v 30 Okhuba mubulamushi shibateshia kata okhuteshibwa ta, ne halali shinga abamalaika ba Nyasaye mwikulu.
\v 31 Ne khumakhuwa kobulamushi bwabafu, shimwasoomakhwo akomwaboolerwa nende Nyasaye naboola?
\v 32 Nisie Nyasaye wa Aburahamu khandi Nyasaye wa Isaka, Yakobo, Nyasaye shali Nyasaye wabafu tawe habula owabalamu.
\p
\v 33 Ne olwa abemikanda bahulirakhwo amakhuwa yako bahuchisibwa muno nende ameechesioke.
\p
\v 34 Olwa abaFarisayo bahulira mbu Yesu aholelesiye abaSadukayo, bakhung'ana halala.
\v 35 Ne mulala khubo owali omukhulundu wamalako namureeba liirebo khulwa okhumuteema naboola ari,
\v 36 "Omwechesia liri hena lilako likhongo mumalako koosi?
\p
\v 37 Yesu nakalusia namuboolera ari, "Oheere Omwami Nyasayewo nomwoyokwo kwosi, neshiimoshio shiosi nende okhuhiririsiakhwo khwosi.
\v 38 Lino nilio lilako likhongo muno khandi likhulundu mukoosi.
\v 39 Eliakhabiri eliri shinga elo ndielino mbu, "Oheele owashio shinga olwa wiheera omwene".
\v 40 Amalako koosi nende obunabii biileetanga khu kano kabiri.
\p
\v 41 Olwa abaFarisayo bakhung'na halala, Yesu yabareeba,
\v 42 Naboola mupaara murie khumakhuwa ka Kristo? Nomwana wa wina? Nibamukalusia nibaboola bari, "Nomwana wa Daudi."
\p
\v 43 Nababoolera ari, kho Daudi amulangarie mbu, Omwami? Niyeebalirwa nende Roho ari,
\v 44 Nyasaye yaboolera Omwami wanje ari, "Yikhala khumukhono kwanje omusaatsa okhula olwa era abasukubo hasi webirenjebio."
\v 45 Kho Daudi naba niyamulanga mbu, Omwami, Kristo yakhaba arie omwanawe?
\v 46 Abulaho owanyalirwa okhuheresia Yesu likalusio ta, Ne okhurula inyanga eyo abulaho Omundu owatsalikha okhumureeba amareebo khandi tawe.
\c 23
\cl Matsayo 23
\p
\v 1 Mana Yesu naboolera omukanda nende abeechibe mbu;
\v 2 Abaandichi nende abaFarisayo bekhala khushisaala shia Musa.
\v 3 Mana koosi akabababoolera, muhulilanga nende okhukalola, halali shimulakhola akabakholanga tawe; shichila baboolanga nishibakholanga ta.
\v 4 Shichira baboha emisiko emisiro, nibatuukha abandi khumabeka, nabo beene shibatiirakhwo kata eshitere shiabo ta.
\v 5 Nabo amakhuwa kabo bakhola mbu, balolekhane. Shichira bayaangula etsihirisi tsiabo nibameeta tsingubo tsiabwe mwikhuwa mbu bamuheera nyasaye.
\v 6 Mana bayanza ebisaala bieimberi mumilukha, nende okhwikhala imberi mumasinagogi.
\v 7 Nende okhushesibwa muluyia, nokhulangwa nende abandu mbu Rabii.
\v 8 Halali nenyu mulalangwa Rabii ta, shichira Omwibali wenyu nimulala, ne nenyu mwesi muli abeebule.
\v 9 Khandi mulalanga omundu yesi mbu Papa mushialo ta, shichira Papa wenyu ni mulala ouli mwikulu.
\v 10 Khandi mulalangwa abaami ta; shichila Omwami mulala ne niye Kristo.
\v 11 Halali owitsa okhuba omukali hakari wenywe okhuula abe omurumishi.
\v 12 Ne yesi yesi owitsa okhwichingula yetsa okhwishibwa, ne yesi yesi owitsa okhwitutuyia, yetsa okhuchinguulwa.
\p
\v 13 Woowe! khubalia abahaandichi nende abafarisayo, abekaatii! shichira mwikalira abaandu oburuchi bwo Mwikulu inywe beene shimwiyamira abenjira ta.
\v 14 Woowe, khwinywe, abahaandichi nende abaFarisayo, abekaatii, shichila musasia tsiinzu tsia abalekhwa, ne mwikaatia musaaya amasaayo amarambi, khulwa yako mwitsa okhunyoola eshinyasio eshikali.
\p
\v 15 Woowe! khuinywe, abahandichi nende abaFarisayo abekaatii, shichira mubotokhana emialo nende eshialo okhukalukhasia omundu mulala; ne olwa aba niyeekalukhasiye ario, ne mumukhola omwana wemakombe khandi khabiri muno okhushila inywe bene.
\p
\v 16 Woowe! khwinywe, abemirisi ababofu, ababoola, yesi owitsa okhwitsuba muhekalu, shishili eshindu ta, halali yesi yesi owitsuba khu tsahabu yomuhekalu yebohere.
\v 17 Abakoyanu enywe khandi ababofu, nelirena eliri likali, eshihanwa nohomba obwali bwosinjia itsahabu.
\v 18 Khandi, yesi yesi owitsa okhwitsuba nende obwali, shiliri likhuwa ta, halali yesi yesi owitsuba nende eshihanwa shirerekhwo, yebohere.
\v 19 Enywe abasiru khandi ababofu, ne elilena eliri likali, eshinanwa nohomba obwali bwosinjia eshihanwa?
\v 20 Kho yesi owitsa okhwitsuba nende obwali, yetsuba ninabwo, khandi khubiindu biosi ebili ikulu wabwo.
\v 21 Khandi yesi owitsuba nende ihekalu khandi yetsuba nende biosi ebilimwo.
\v 22 Khandi yesi, owitsuba nelikulu, yetsuba khushisaala shia Nyasaye khandi nende owikhaalekhwo.
\p
\v 23 Woowe! khwinywe, "muli mushilaamo shiobubii enywe abahaandichi bamalako nende abaFarisayo! Enywe abekaatii, Muhaniranga Nyasaye eshitonyeshie shielikhumi shia amasaafu keshuya shieshing'ari ebilangwa mbu, eminana, ebinzaari, nende chiira nebutswa murecheresinjia amachesio amakhulundu akamalako mbu, obwatooto, tsimbabasi nende obwisiikwa. Mukhoyeere okhukhola yako, nebutswa mularecheresia akandi tawe.
\v 24 Abeemirisi ababofu, abalekha indaa nibamira ingamia.
\p
\v 25 Woowe, khuinywe abahaandichi nende abaFarisayo abekaatii, shichira mwosia elwanyi weshikombe halali mukarii mwetsulamwo obunuuli nende okhubula eshichero.
\v 26 Enywe abaFarisayo ababofu, mwosie mberio eshili mushikombe mukarii kho ebulafu washio shinyale okhuba eshilafu.
\p
\v 27 Woowe! khwinywe, abahaandichi nende abaFarisayo abekatii, mufwana shinga ebilindwa ebilafu, ebilolekhanga ebulafu mbu nebilayi, halali mukari mwabio khulimwo nende ebikumba bia abandu bafwa nende obuchafu bwetsimbia tsiosi.
\v 28 Kario kata mwesi mulolekha elwanyi abalunjishi khubandu, halali mukarii mwenyu mwetsulamwo obwikatii nende Obwononi.
\p
\v 29 Woowe! khwinywe, abahaandichi nende abaFarisayo abekaatii, shichira mumbakha ebilindwa bia banabii nende okhukasia habundu wabalunjishi.
\v 30 Ne nimuboola, kalaba mutsinyanga tsia abapapa befu, shikhwakhasanjiraane ninabo mumatsai akabanabii ta.
\v 31 Kho mwirusirinjia abeene obuloli, mbu muli abaana ababalia ababeera abanabii.
\v 32 Kho mana mwitsusie kario eshibaba shiapapa benywe.
\v 33 Enywe tsinzokha, enywe olwibulo lwetsinzokha, mwitsa okhwihonokosia muriena nende eshinyaasio shiemakombe.
\v 34 Khulwesho, lola, esie ndiitsa okhubarumira abanabii nende abobuchesi, nende abahaandichi khandi muleera nende okhubamba, khandi abandi mulabanywekha mumsinagogi kenywe nende okhubalonda okhurula mwitookho okhuula mwitookho lindi.
\v 35 Mbu khoketse khwinywe amatsayi kobulunjishi akaraatsa khushialo okhurula khumatsai ka Abili, ulia omulunjishi kata amatsayi ka Zakaria omwana wa Barakia owamwerera hakarii weihekalu nende obwali.
\v 36 Obwatooto ebaboolera mbu, amakhuwa kano koosi kaletsa khulwibulo luno,
\p
\v 37 O Yerusalemi, Yerusalemi, enywe abeeranga abanabii nende okhubakhupa khumachina balia abarumwa khwinywe, namakhabi kenga nenayanga okhura halala abaanabo? shinga olwa ingokho ira halala ebiminywi biayo nende okhubifunikha nende amabaha keke, halali shimwenya ta.
\v 38 Lola, yinzu yiyo ilekhwa eshikhaya.
\v 39 Shichira emuboolera mbu okhurula olwa leero, shimulindakhwo okhuula olwa muboola mbu, noweikhabi owitsa muliira liOmwami.
\c 24
\cl Matsayo 24
\p
\v 1 Mana Yesu narula muhekalu nachaaka okhutsia, abeechibe nabo nibeetsa ewa yali okhumumanyia amombakho keihekalu.
\v 2 Naye nakalusia nababoolera ari shimulolanga ebindu bino biosi? Emuboolera tooto mbu libulaho lichina kata elala elilatong'a khulindi elilasukunwa hasi ta.
\p
\v 3 Ne olwa yali niyekhaale khushikulu shiemisaituni, abeechi nibeetsa mabiswi nibamureeba bari, okhuboolerekhwo mbu nilina olwa amakhuwa kano kaliikhola? mbu neshilolero shiina eshilamanyia okhwitsakhwo nende obumalirishi bweshialo?
\p
\v 4 Mana yesu nabakalusia nababoolera mbu, mube meso mbu, omundu shialabakatia ta.
\v 5 Okhuba abanji baleetsa mulira lianje nibaboola mbu, nisie Kristo ne nibakaatia abanji.
\v 6 Mulahulira aka obusoolo nende obuupani ta, mwirecheshe nimuraheenda ta, okhuba yako kakhoyire okhwikhola nebutswa obumalirishi bulaba nibushiiri.
\v 7 Okhuba lihanga lilabuushira khwihanga lindi, oburuchi khuburuchi bundi, khulaba nende inzala nende okhurenga khweshialo khulabaho mutsimbia tsiabukhane.
\v 8 Ne kano koosi nokhuchaka butswa khwobutsuni.
\p
\v 9 Mana balamuhana mbu, munyasibwe nimwirwa, mulasirwa nende abamahanga bosi khulwa eliira lianje.
\v 10 Mana abanji baleesichirala, nibakhobana abeene khubeene.
\v 11 Khandi abanabii bobubeyi balabuushiramwo nibakaatia abanji.
\v 12 Ne okhuba obumayanu bulametekha, obuheeri bwa abanji bulanyira.
\v 13 Ne ulia oulefwira okhula mukhumalilikha alahonokosibwa.
\v 14 Mana amakhuwa kano akobwami kalakambwa mushialo shiosi ne obumalirishi buloola.
\p
\v 15 Kho olwa muloola eshisinyo eshiaboolwa nende omunabii Danieli nishisinjiire habundu hatakatifu.
\v 16 Mana abo abali mubuYahudi beerushire mubikulu.
\v 17 Ne ulia ouli khushisuli shieyinzu aleekha mbu yetsa okhubukula eshindu shiosi munzu yiye ta.
\v 18 Kata ouba nali mumukunda alakalukha ingo okhubukula ingubo ta.
\v 19 Wowe! khubalia abaliba nibabereshe nende balia abaliba nibanuninjia mbu buliba obutinyu khubo okhwirukha.
\v 20 Musaayenje mbu, okhwirukha khwenywe shikhulekhola mumunyiri kata khusabato yosi ta.
\v 21 Shichira khulabaho nende okhunyakhana okhukali okhushiri okhubakhoho okhurula okhuchaaka khweshialo khandi khulibakhoho ta.
\v 22 Tsindalo etsio tsilabula okhutitiyibwa khane shiyakhahonibwe kata mulala tawe, nebutswa khulwa abalobole ba Nyasaye tsinyanga yitso tsiembichitibwa.
\p
\v 23 Mundalo etsio omundu yesi naba nababoolera mbu, 'Lole, Kristo ali hano,' 'nohomba halia,' shimulasuubira tawe.
\v 24 Okhuba abaKristo abanji balabuukha abobubeeyi ne balakaatia abanji mbu nikaba kanyalikha bakosie kata abalobole.
\v 25 Ne lole, shimuleebirira mbu, ababoolere ebise nibishiri.
\v 26 Kata nibamuboolera mbu, lola Kristo ali mushitsiimi, shimularule tawe, mbu lole, ali ahebisu, shimulasubira tawe.
\v 27 Mbu shinga olwa olweni lwakhanga nilurula ebukwe nilutsia mumbo, nindio okhwitsa khwomwana womundu khuliba khurio.
\v 28 Ne kali habulafu khu bulimundu mbu, ewa emilambo chili, eyo niwo ewa tsingosia tsibukaniraanga.
\p
\v 29 Ne olunyumakhwo olwa amakhuwa kano okhwikholekha, eliuba lilafunikhwa nende eshirima, omwesi nakwo shikularusia obulafu bwakwo ta, kata tsing'ining'ini okhwakha ta.
\v 30 Mana eshilolero shiOmwana wOmundu shilalolekha mwikulu mana tsimbia tsiosi tsia bomushialo tsilekhuula nitsilola Omwana wOmundu niyetsa mumaleesi komwikulu nobunyali nende oluyali olukhongo.
\v 31 Mana alaruma abamalaikabe nende oluyoka olukhongo lwa olwika nabo balikhung'asia abalobolebe okhurula tsikoona tsiosi tsine tsieshialo, okhurula khundulo tsieshialo okhula khundulo tsindi.
\p
\v 32 Kho mweche akomukhuyu mbu tsisaka tsiakhwo olwa tsibetsanga nitsiakhakalukha tsimbisi nikusebukha amasafu kakhwo.
\v 33 Mumanyanga tsinyanga tsiomubasu tsiulire. Kario khwinywe mbu olwa mulola amakhuwa kano kosi nikekholekha mumanye mbu obumalirishi busitire ahambi hamuliango.
\v 34 Ebaboolera obwatieri mbu, oluyia luno shilulahwaho amakhuwa kano kashiri okhwikholekha ta.
\v 35 Likulu nende eshialo bilabira ne habutswa likhuwa lianje shilibura ta.
\p
\v 36 Ne inyanga eyo abulaho ouchimanyire, kata omwana, kata malaika abulaho, Papa yenyene.
\v 37 Ne shinga olwa tsinyanga tsia Noa tsiali nindio tsinyanga tsiokhwitsa khwomwana womundu tsiliba.
\v 38 Mbu shinga olwa bali nibaliitsanga nende okhunywa nibateshinjia nende okhuteshibwa, mundaalo etsio Omuyembo nikurashiabaho ta, okhuula khunyanga eyo eya Noa yenjira musafina,
\v 39 Nibaramanya ta okhuula olwa Omuyembo kwoola nikubakholomosia boosi, nolwa okhwitsa khOmwana wOmundu khuliba.
\v 40 Mana abandu babili balaba nibali mumukunda; mulala alabukulwa ne mulala atong'a.
\v 41 Abakhasi babili baliba basietsanga, mulala alibukulwa ne oundi alitong'a.
\v 42 Mube meso shichira shimumanyire inyanga eya Omwami wenywe aletsa ta.
\v 43 Ne mumanye likhuwa lino mbu, omundu omulayi niyakhamanyire eshise eshia omwifi aleetsa, shiyakhaleshere inzu yiye ifunakwe ta.
\v 44 Kho kario nineenywe mwesi mbu khunyanga yilia eyamulamanyire ta Omwami wenywe aleetsa.
\p
\v 45 Ni wina oyo Omusumba Omwisikwa khandi Omuchesi wOmwamiwe aleshera abeinzuye mbu, abaheeresie eshiokhulia khubise bikhoyeere.
\v 46 Noweikhabi owa Omwamiwe aletsa nanyoola nakholanga ario.
\v 47 Ebaboolera tooto alamuheeresia abe Omukhongo webindubie biosi.
\v 48 Ne Omusumba oyo Omusiru naba naboola mumwoyokwe mbu, Omwami wanje ashindire;
\v 49 mana nachaka okhuupa abasumba bashie, nalia nanywa nende abameesi;
\v 50 Omwami wOmusumba oyo aleetsa khunyanga yalaparire ta, khandi khusa eyalamanyire ta,
\v 51 namurememwo ebitonye bibiri ne omukabokwe alamuhaana khubakaati, ebweneyo khulabayo okhulira nende okhusia ameeno.
\c 25
\cl Matsayo 25
\p
\v 1 Mana obwami bwo mwikulu bulifwananisibwa nende abakhaana ekhumi ababukula tsitaha tsiabwe nibarula nibatsia okhumwakaanira omukhwe.
\v 2 Barano khubo bali abachesi nebarano bali abasiru.
\v 3 Abasiru babukula tsitaha tsiabwe ne nibalabukula amafura ta;
\v 4 Nabo abachesi babukula amafura mubimuka biabwe halala nende tsitaha.
\v 5 Ne olwa omukhwe yachelewa okhuula, bosi bareenjetsa nibakona tsindoolo.
\p
\v 6 Ne mushiro hakari obuyoka nibumoka mbu omukhwe ngwoyo tsie mumwakanire.
\v 7 Mana abakhaana yabo bosi nibabuukha nibakaasia tsitaha tsiabwe.
\p
\v 8 Kho abasiru nibaboolera abachesi bari, mukhuhekhwo khumafura keenywe shichira tsitaha tsieefwe tsisimanga,
\v 9 ne abachesi nibakalusia nibababoolera mbu shikakhuhera efwe nineenyu ta; nobulayi mutsie khubakusinjia mwikulire abeene.
\v 10 Olwabali nibashitsia okhukula, omukhwe niyeetsa mana abali niberecheshe nibenjira ninaye.
\p
\v 11 Olunyuma abakhaana bandi abo nabo niboola, nibaboola bari Omwami, Omwami, khwikulire;
\v 12 naye nakalusia bababoolera mbu, emuboolera tooto mbu, shimumanyire tawe.
\p
\v 13 Khulwesho mubetsenje meso shichira shimumanyire Inyanga kata isaa eya Omwana wOmundu aliitsa tawe.
\p
\v 14 Okhuba obwami bwo mwikulu bulifwana shinga omundu owenya okhutsia mushialo shiehaale, nalanga abasumbabe nabaleshera emianduchie.
\v 15 Oundi namuheresia tsitalanda tsiraano, oundi tsibiri, oundi ndala; buli mundu obunyalibwe shinga olwa bwali; mana nachaka oluchendolwe.
\v 16 Mana owahebwa tsitalanda tsiraano natsia natsikholera obukhala nanyoola etsiindi tsiraano.
\v 17 Khandi owali naheelwe tsibiri yesi natsikholera obukhala nanyoola etsindi tsibiri.
\v 18 Ne oyo owali naheerwe ndala yatsia nayabira hasi nabisaho amapesa kOmwamiwe.
\p
\v 19 Olunyuma lwe tsinyanyanga tsinyinji okhubura, Omwami wa Abasumba abo niyeetsa ne nabasia ninabo.
\v 20 Mana owaheebwa tsitalanda tsirano niyeetsa nende etsindi tsirano naboola ari; Omwami wamberesia tsitalanda tsiraano ne lola, hano endi nende etsindi tsirano obukhala.
\p
\v 21 Omwamiwe namuboolera mbu, oli omusumba omulayi khandi omusuubirwa, wabeele Omusuubirwa khu bindu ebitiiti nasi ndalakhukhola omukhongo khubindu ebinji; winjire mubutsatsafu bwOmwamiwo.
\p
\v 22 Yesi owali nende tsitalanda tsibiri niyeetsa naboola ari, Omwami wamberesia tsitalanda tsibili, lola, hano endi nende tsitalanda tsindi tsibiri obukhala.
\p
\v 23 Omwamiwe namuboolera mbu, oli omusumba omulayi khandi omusuubirwa khubindu ebitiiti, ndalakhukhola omukhongo khubindu ebinji; winjire mubutsatsafu bwOmwamiwo.
\p
\v 24 Ne naye owali neitalanda ndala niyeetsa naboola; Omwami, ndakhumanya shinga olwa oli omundu omutinyu; ochesanga ewa olarachira ta, nokhung'aasia ewa olabakaliire ta.
\v 25 Mana ndali omurii, nenjibisa mwiloba, njieino.
\p
\v 26 Omwamiwe namuboolera eywe omusumba omutofu khandi omumayanu, omanyire shinga olwa efunanga ahandalarachira, nekhung'asia ahandalasalasie ta.
\v 27 Wakhabuukule amapesa kanje noheresia abakhala mbu olwa ndiitsa ekanyoole halala nende obukhala.
\v 28 Kho mumunule italanda eyo mumuheresie oyo ouli nende tsitalanda ekhumi.
\v 29 Okhuba buli mundu ouli nende ebindu alameterwa ne alaba ninabio ebinji; ne oyo oubula ebindu, kata eshiali ninashio shilamurulakhwo.
\v 30 Ne mumusukune omusumba omubii oyo mushirima elwanyi; eyo khulayo okhulira nende okhulumaasia ameeno.
\p
\v 31 Ne olwa Omwana wOmundu aliitsa muluyalilwe, halala nende abamalaika abatakatifu nindio alikhala khushifumbi shioluyalilwe;
\v 32 Mana amahanga kosi kalikhung'asibwa imbeliwe, ne naye alikaabukhasia elala elala khulindi shinga olwa omwayi yaabukhasia amakondi okhurula mutsimbusi.
\v 33 Naara amakondi khumukhonokmwe omusaatsa natsio tsimbusi khumukhonokwe omukhasi.
\p
\v 34 Mana Omuruchi alibasunjira abali khumukhono omusaatsa mbu mwitse inywe abalamirwa ikhabi nende Papa mbu, mulie obulamu obwa mwakasiribwa okhurula mubuchachiro bweshialo;
\v 35 Okhuba ndali inzala nimumbeeresia eshiokhulia, ndali nobuloho nimumbeeresia eshiokhunywa, ndali omucheni nimunzinjisia,
\v 36 Ndali echiechenyi, nimumberesia ebifwalo, ndali omulwale, nimunjendera, ndali mumbohe, nimwitsa okhungoonya.
\p
\v 37 Nindio abalunjishi balireeba mbu, Omwami, khwakhulola liina noli inzala, nikhukhuheelesia ebiokhulia? Kata obulo nibukhulia nikhuheeresia eshiokhunywa?
\v 38 Kata khwakhulola liina noli omucheni nikhukhwinjisia? kata noli eshiechenyi nikhukhufwala?
\v 39 Khandi khwakhulola liina nolwala, kata noli mumbohe nikhukhwitsilayo?
\p
\v 40 Omuruchi alikalusia, nababoolela ari, emuboolera toto, mbu shinga olwa mwakholera mulala khubaana befwe abatiiti bano kho mwakholera sie.
\p
\v 41 Ne nindio aliboolera yabo abali khumukhoknokwe omukhasi mbu, rule imberi wanje inywe abalamwa mutsie mumuliro kweinziayo okwakasiribwa Setani nende abamalaikabe.
\v 42 Okhuba ndali inzala nimulamba eshiokhulia ta, ndali nobuloho nimulalamba eshiokhunywa tawe.
\v 43 Ndali omucheni, nimulanzinjisia ta, eshienchenyi nimulafwala ta, ndali omulwale khandi mumbohe nimuletsa okhundola tawe.
\p
\v 44 Nabo boosi balireeba bari mbu, Omwami niliina olwa khwakhulola noli inzala, nobuloho, noli eshiechenyi, noli omulwale kata mumbohe ne nikhulakhukhalabanira ta?
\p
\v 45 Naye alibakalusia nababoolera mbu, ebaboolera tooto mbu, shinga olwa mulaabakholera batiiti banje bano ta, kho nindio mwachweya musio okhukholera isie.
\p
\v 46 Mana bano balitsia mumuliro kweinziayo nabo abalunji nibenjira mubulamu bweinziayo.
\c 26
\cl Matsayo 26
\p
\v 1 Ne olwa Yesu yali namalire okhwechesia amakhuwa yako koosi, yaboola nende abeechibe,
\v 2 Mumanyire mbu olunyuma yitsa okhuba Ipasaka ne Omwana wOmundu yetsa okhukhobwa nende okhurebwa khumusalaba.
\p
\v 3 Mana ebise bienebo nibamala nibeetsa halala abakofu baabandu nende abakhulundu babakuhani munzu ya Omukuhani omukali oulangwa mbu Kayafa.
\v 4 Mana nibakhola obuloli halala mbu, bamutiire Yesu mana bamwire.
\v 5 Halali nibaboola khunyanga eya Ipasaka tawe, kho kaletsa okhurulira mubandu obuyoka tawe.
\p
\v 6 Naye olwa Yesu yali Bethania munzu ya Simoni owobuchere,
\v 7 Yetsa omukhasi weshibeti eshilimwo amarashi nende amafura kobukusi obweikulu, mana nasuta ahambi ewayali natsukha amafura khumurwe olwa bali nibenya okhulia.
\v 8 Halali olwa abeechibe balola basinyikha, nibaboola, "nibwashiina obusasishi buno?
\v 9 shichira amafura kano kakhakusibwe obukusi bweikulu mana kakhonye abatakha."
\p
\v 10 Olwa Yesu yahulira yabareeba mbu, shichira nimunyasia omukhasi uno nishina? Shichira nomulimo omulayi okwayakholeere.
\v 11 Shichira mubetsanga nende abatakha bulinyanga halali isie shiebetsanga ninenyu ta.
\v 12 Khulwa yako yanzushilire amafura kano mbu, kho ndirecheshe khukhuyabirwa khwanje.
\v 13 Subira, ebabolera buli olwa injili yino yitsa okhukambwa buli habundu mushialo, eshikhole shino eshia omukhasi uno akholele nishiboolwe kata khulwa okhumwitsulira.
\p
\v 14 Mana mulala hakari wa ekhumi nende babiri, oulangwa Yuda Isikarioti, natsiira omukhongo wa bakuhani.
\v 15 Naye nababoolera, mwitsa okhumberesia shina? nasi ndiitsa okhumuhaana khwinywe, nabo nibafuchirisania ninaye okhumeheresia ebipande amakhumi kataru ebia mang'ondo.
\v 16 Naye okhurula ebise bienebo nakhaba obwiyangu bwokhumukhoba.
\p
\v 17 Bulano, inyanga yambeli eya emikate chibulamwo limera, abeechi abo nibamutsiira Yesu nibamureeba, ni halena wawenya khukhukasirie noliireho Ipasaka?
\p
\v 18 Naye nababoolera, mutsie mwitookho mukhabe omundu, mumuboolere Omwami aboola mbu ebise bibie biulire, ne euwo niho ewakhwitsa okhukholera Ipasaka nende abeechi.
\v 19 Ne abeechi bakhola shinga olwa Yesu yababoolera, nabo nibakaasia Ipasaka.
\p
\v 20 Ne olwakhwola mukoloba, yekhala hasi nende ekhumi nababiri khushiokhulia.
\v 21 Ne olwa bali nibalitsaanga, nababoolera; subira ebaboolera, mulala khwinywe niyakhobe.
\p
\v 22 Nabo nibaberera muno ne nibachaka okhureebana mbu Omwami nembe esie noho?
\p
\v 23 Nabakalusia nababoolera, ulia ourere omukhono kukwe halala ninasi mushikaye niye owitsa okhukhoba.
\v 24 Omwana wa Adamu atsia shinga olwa yahandichilwa, ne wowe! khumundu oyo oumukhoba Omwana wa Adamu, bwakhabeere obulayi omundu oyo alabula okhwibulwa.
\v 25 Mana Yuda owamukhoba nakalusia khandi nareeba ari, Omwami nisie noho? Naye namuboolera; shinga olwa oboola.
\p
\v 26 Ne olwa bali nibaliitsanga, Yesu nabukula omukate nakulamira ikhabi mana nasonyola, naheresia abeechibe ne naboola ari, bukule mulie kuno nomubiri kwanje.
\v 27 Khandi nabukula eshikombe nakhupa mbu orio, nabaheresia naboola nywekhwo mwesi;
\v 28 Okhuba kano namabanga kanje akeIndakano, akaraatsa khulwa okhulesherwa ebionono.
\v 29 Halali ebaboolera okhurula lwa leero shindalanywakhwo khubiamo bino biemitsabibu ta, okhuula khunyanga yiilia olwa ndalanywakhwo obuyia nineenywe halala mubwami bwa Papa.
\p
\v 30 Ne olwa bali nibakhamala okhwimba, barula elwanyi nibatsia khushikulu shia Mizeituni.
\p
\v 31 Mana Yesu nababoolera, enywe mwesi mwitsa okhusinyikha ninasi eshiro shino, shichira kahandikwa, nditsa okhumukhupa omwayi, ne nako amakondi komushiayoshie ketsa okhusalana.
\v 32 Halali ndakhasimulukushe khandi ndakhabaranjirire eGalilaya.
\p
\v 33 Petero Nakalusia namuboolera mbu, kata kakhaba abandu boosi betsa okhusinyikha khulwa iwe, halali esie shinditsa okhusinyikha tawe.
\p
\v 34 Naye Yesu namuboolera subira, ekhuboolela mbu eshiro shino, ingokho nishiri okhulakula witsa okhunzikaana amakhabi kataru.
\p
\v 35 Petero namuboolera kakhoya esie ninawe, khandi shindiitsa okhwikana tawe, kata kario abeechi boosi baboola bario.
\p
\v 36 Mana Yesu natsia ne naba habundu halangwa, Gethsemani, naye nababoolera abeechi, mwikhale hano, nasi enziekhwo imberi okhusaya.
\v 37 Naye nabukula Petero nende abasiani babiri aba Zebedayo ne nachaaka ukhubeerera.
\v 38 Mana nababoolera, omwoyo kwanje kuli nende eshibeera eshinji kata eshiokhufwa. Mwikhale hano, mube meso ninasi.
\v 39 Naye natsia imberi hatiti ne niyenama hasi obweni nachaaka okhusaaya naboola, O Papa wanje, nikaba nikanyalikha eshikombe shino shirulekhwo halali shinga olwa esie ndenya tawe halali shinga olwa iwe wenya.
\v 40 Mana niyetsera abeechibe naye nabanyoola nibakonanga ne nareeba Petero mbu, shichira shina nolanyala okhusaayakhwo ninasi kata lisa elala?
\v 41 Mube meeso nimusaaya mbu mulenjira mumateemo ta, omwoyo kwanje kwikomba ne halali omubiri nomutofu.
\p
\v 42 Natsia khandi olwakhabiri, nasaaya mbu E Papa, nikaba kanyalikha eshikombe shino shimbirekhwo nendashinywakhwo ta, kho akawenya kekholeshe.
\p
\v 43 Niyetsa khandi nanyoola nibali mutsindolo shichira tsimoni tsiabwe tsiali nitsisitoere.
\v 44 Mana nabalekha ario, natsia, nasaaya olwakhataru, nakalushira khandi amakhuwa malala kalia.
\v 45 Mana niyeetsa khubeechibe ne nababoolera, mushikonaanga nimuhulukha, lola, ebise biitsanga khandi biulire, mbu omwana wa Adamu yetsa okhubambwa mumikhono chia aboononi.
\v 46 Rule khutsie, lola, wulire ulia owitsa okhukhoba.
\p
\v 47 Ne olwa yali nashiboola, lola, Yuda, mulala khu ekhumi nende babiri, yola nende Omukanda omukali nibachinjire Tsimbanga nende Tsindabushi okhurula khubakhulundu baAbakuhani nende abakhulundu ba abaandu.
\v 48 Naye owokhumukhoba yali nabaheresiye eshilolero, naboola ari, owandiitsa okhutsunzuna omunwa niye mumutiire.
\v 49 Mubwangu namutsiira Yesu namureeba orie omwibali, ne namutsunzuna.
\p
\v 50 Naye Yesu namuboolera mbu, owashianje, khola elia witsire okhukhola. Mana nibeetsa nibamukwakhwo Yesu nibamutiira.
\v 51 Ne lola, oundi khu bali nende Yesu yaila omukhono natsomola olukangalwe namurema eshirwi omurumishi womuKuhani omukhulundu.
\v 52 Mana Yesu namuboolera ari, kalusia olukangalwo halubeetsanga, shichira boosi abachinga olukanga, balifwa khulukanga.
\v 53 Nomba oparanga mbu shienyala okhumusaba Papa naye alarumila Abamalaika abashira amahe ekhumi nakabiri?
\v 54 Nebutswa amaandiiko kakhoosibwa karie, mbu nolwa kakhoyile okhwikhola?
\p
\v 55 Mubise biene yibio Yesu naboola nende Omukanda, Mwitsire shinga na mwiitsanga okhutiira omwifi? nende tsimbanga nende tsindabushi, ndekhalanga halala ninenyu muhekalu tsinyanga tsiosi nimurandiira ta.
\v 56 Halali kano koosi kekholeshe mbu, amahandiko kabanabii koosibwe mana abeechibe nibamulekha nibelukha.
\p
\v 57 Ne balia abali nibamutiire Yesu bamuyira khu Kayafa, Omukuhani omukali, ewa bali nibakaaniire Abahaandichi nende Abakofu.
\v 58 Halali Petero yamulondakhwo ehale okhutsia ewa Omukuhani omukali, Khandi niyenjira mukarii, niyekhala halala nende Abarumishi alole akobumalirishi.
\p
\v 59 Mana Abakhongo babakukani, nende abakofu nende abetsibarasa, nibakhaaba obuloli bwobubeyi khu Yesu, khulwa okhumwira.
\v 60 Ne shibanyoola ta, kata abaloli bobubeeyi bali abanji nebutswa shibanyoola ilkhuwa liosi ta, ne mubumalirishi betsa ne olunyumakhwo babili nibeetsa.
\v 61 Nibaboola mbu, uno yaboola mbu nafunake ihekalu ne nachumbashe khutsinyanga tsitaru.
\p
\v 62 Naye omukuhani omukali nasinjira, naye namuboolera mbu, shiokalusia liosi ta? bano baboola shina?
\v 63 Halali yesu nauleera, Omukuhani omukali namuboolera mbu, ekhulaka muLiira lia Nyasaye oumenyanga mana okhuboolere niba mbu niwe Kristo omwana wa Nyasaye.
\p
\v 64 Mana Yesu namukalusia ari, iwe oboleere, halali ebaboolera mbu, okhurula ebise bino mwitsa okhulola Omwana wa Adamu niyekhaale Omukhono omusaatsa kwa amaani niyetsa okhurula mwikulu mumalesi.
\p
\v 65 Nolwa omukuhani omukali yarandula tsingubo tsitsie, naboola, abolere akobwicherasi nende Nyasaye; khushikhaba abaloli bandi mbushi? Loole! bulano muhulire obwicherasi bwene.
\v 66 Mulola murie inywe? ninakalusia nibaboola mbu kakhoyire yeerwe.
\v 67 Mana nibamufutsakhwo amare mumoni, nibamukhupa amateche, nabo abaandi nibamukhupa tsikhofi,
\v 68 nibaboola ewe Yesu, roobakhwo mbu niwina oukhupire?
\p
\v 69 Naye Petero yali niyekhaale elwanyi, naye omukhasi mulala natsia namureeba mbu; kata wesi waliire nende Yesu wa Galilaya?
\p
\v 70 Nakaana imberi wa abandu boosi, naboola, shiemanyire eshiamuboolanga tawe.
\p
\v 71 Ne olwa yali niyakharula elwanyi natsiire mushilibwa, omukhasi undi namulola namuboolera mubandu ari, "uno yali halala nende Yesu omuNazareti?
\p
\v 72 Naye nakaana khandi nende okhwitsuba mbu shimumanyile omundu uyo ta.
\p
\v 73 Khubise ebititi, abali nibeetsire nibamutsiira, nibamuboolera mbu, Petero, obwatoto eyuwe oli mulala khubo, shichira kata okhuboola khukhwo khukhubuula.
\p
\v 74 Nilwo olwa yachaka okhubalama kata niyestuba, naboola mbu, esie shiemumanyire omundu oyo ta, ne olwenolo Itaywa nilakula.
\p
\v 75 Ne olwa yamala, Petero niyetsulira likhuwa lia Yesu yamuboolera, itaywa nishiiri okhulakula, naunzikaane amakhabi kataru, narula elwanyi, nalira narula amasika.
\c 27
\cl Matsayo 27
\p
\v 1 Kho olwa bwashia mumabwibwi Abakuhani boosi nende abakofu ba Abandu basanjirana shibeka nende Yesu nibeenya okhumwira.
\v 2 Ne olwa bali nibakhamuboha bamubukula nibamuyira khu Pondiasi Pilato Omukafuna.
\p
\v 3 Olwa Yuda Owali namukhobile yalola mbu, Yesu amalire okhukhalachirwa eshiina, yekanira nakalusia tsifetsa itsio amakhumi kataru khubakuhani nende abakhulundu.
\p
\v 4 Naboola ari, "enzoononire okhukhoba amatsayi kabula eshikha." Nibamukalusia bari, "elo nelikhuwa shiina khwifwe, tsia olikasia omwene."
\v 5 Ne nasukuna tsifetsa etsio muhekalu natsia niyemika.
\p
\v 6 Ne Abakhulundu ba abakuhani yabo nibakula tsifetsa etsio nibaboola bari, nomusiro okhukara mwibishiro liebihanwa shichira nobukusi bwamabanga.
\v 7 Ne nibarecheresania okhukula omukunda kwomulonji mbu, bayabirenjemwo abacheni.
\v 8 Niko akachira omukunda ikwo nikulangwa mbu, omukunda kwa matsai okhurula olwa leero.
\p
\v 9 Kho nikatusibwa akaboolwa nende omulakusi Yeremia mbu, nibabukula etsifeetsa amakhumi kataru, obukusi bwoyo owachererwa obukusi, oyo owabaana baIsiraeli bacherera obukusi.
\v 10 Ne nibatsiikhoyera okhukula omukunda kwomulonji shinga Omwami olwayandaka.
\p
\v 11 Ne Yesu yasinjira imbeli womukafuna ne Omukafuna namureeba ari, "iwe niwe Omuruchi wa Abayahudi noho?" Yesu namukalusia, "Niwe ouboolere."
\p
\v 12 Ne olwa abakhulundu babakuhani nende abakofu bamukhalachira, shiyakalusia liosi ta.
\p
\v 13 Mana Pilato namureeba ari, "shiohuliranga amakhuwa shinga olwa kali amanji akarumbulungwa khwiwe?"
\v 14 Naye naramukalusia likhuwa ta, mbu Omukafuna nahuka muno.
\p
\v 15 Ne khwisabo elo Kafuna yahinyanga okhulakhulira abomukanda omubohe mulala owabeenya.
\v 16 Ne bali nende omubohe undi owamanyikhana shinga Barinaba.
\p
\v 17 Kho olwa bali nibakhung'anire halala, Pilato nareeba ari, "Niwina owamwenya mbu emulakhulire, Baraba nohomba Yesu oulangwa Kristo?"
\v 18 Okhuba yamanyirisia mbu imbalikha niyo eyichirire bamwibala khuye mbu amukhalachire okhufwa.
\p
\v 19 Ne olwa yali nashikhaale khushifumbi shobuyaasi, omukhayewe naruma likhuwa liboola liri, "shiolakholakholakhwo likhuwa liosi liibi khumulunjishi oyo ta, okhuba embere nende okhusandibwa okhuunji okhuburira mumalooro khulwaye."
\p
\v 20 Ne butswa abakhulundu babakuhani nende abakofu bakatirisia abomukanda mbu basabe Pilato okhubalekhuulira baraba ne naye Yesu yerwe.
\v 21 Omukafuna nakalusia nababoolera, khu babili bano ni wina owamwenya mbu emulekhuulire? Nibakalusia bari, Baraba!
\p
\v 22 Pilato nababolela ari, "kho emukhole endie Yesu ulangwa mbu Kristo?" Boosi nibakalusia bari, "Abambwe!"
\v 23 Ne Omukafuna nabareeba ari, "Nelibi shiina eliakholire?" Ne butswa nibameeta okhupa oluyoka mbu "Abambwe!"
\p
\v 24 Olwa Pilato yalola mbu, shianyala okhukhola eshindu shiosi ta, habula mbu indiri yali niyenya okhwikhola, yabukula amatsi nasaaba amakhonoke imberi womukanda okwo naboola ari, "shiendikhwo neshikha khushitsayi shiomundu Omulunjishi uno tawe. Ako nakenywe abeene."
\p
\v 25 Ne abandu boosi nibakalusia nibabola bari, "Amabangake kabe khwifwe nende khubaana befwe."
\v 26 Mana Pilato nabalekhuulira Baraba ne namunywekha Yesu mana namuhaana mbu abambwe.
\p
\v 27 Mana abelihe ba Kafuna nibayira Yesu mulwanyi olukhongo lwomuruchi mana omukanda okwa belihe kwosi nikumubotokhana.
\v 28 Ne nibamufwalula tsingubotsie nibamufwala ingubo yeikitani.
\v 29 Mana nibalukha olusimbi lwamahwa, nibamura khumurwe ne nibara indabushi mumukhonokwe omusaatsa, kho nibasikama imberiwe nibamutsesherera nibaboola bari, "Oyindire iwe Omuruchi wAbayahudi!"
\v 30 Nibamufutsakhwo amare nibabukula indabushi eyo nibamunyweshera khumurwe.
\v 31 Ne olwa bali nibamalire okhumutsesherera bario, bamufwalula eshifwalo eshio nibamufwala khandi tsingubotsie omwene ne nibamuyira okhubambwa.
\p
\v 32 Ne olwa bali nibarula bulwanyi olwo, bakaana nende omundu oulalangwa mbu Simoni Omukurene, abelihe nibamulunyia okhuchinga omusabakwe.
\v 33 Ne olwa boola halangwa mbu Goligotsa mbu, habundu weshihanganga,
\v 34 Nibamuheeresia idivai eyitsokasibwemwo induswe ne olwa yali yakhakonyakhwo yaloba okhuchinywa.
\v 35 Ne nibamubamba, nibakabana ebifwalobie nibabiupira ikha, mbu kho kanyale okhuusibwa akaboolwa nende omunabii, "bakabana ebifwalo bianje nibabiupila ikha."
\v 36 Ne nibekhala hasi nibamuhenjeresia.
\v 37 Ne nibara hamurwekwe lihandiko liboola, "UNO NIYE YESU OMURUCHI WA ABAYAHUDI."
\v 38 Khandi baliho abeefi babiri ababambwa ninaye, mulala khumukhonokwe omusaatsa ne owundi omukhono omukhasi.
\v 39 Ne ababuri boosi bamunyeka nibamusungusira emirwe.
\v 40 Nibaboola bari, "Iwe ounyala okhulikulula ihekalu nochiumbakha khandi mutsinyanga tsitaru, wihonie omwene. Noba noli Omwana wa Nyasaye, wishe orule khumusalaba.
\p
\v 41 Khandi bario abakhulundu babakuhani bamutsesherera halala nende abahaandichi nende abakofu nibaboola bari;
\v 42 Yahonia abandi, ne ye mwene shianyala okhwihonia ta. Niye Omuruchi wa Isiraeli kho yeshe bulano khumusalaba mana khumusuburire.
\v 43 Yesikaanga Nyasaye kho lekha Amuhonie bulano naba namwenyanga; okhuba yaboola ari; "Nisie Omwana wa Nyasaye.
\v 44 Kata abanuuli babambwa ninaye bosi nibamunyeka bario.
\p
\v 45 Okhurula khusaa yakhasasaba eshialo shiosi shierima okhuula khulisa lia tisa.
\v 46 Mana ahambi khulisaa lia tisa, Yesu yalira nomwoyo omukhongo naboola; "Eli, Eli, lema sabakutani," eshisina mbu, "Nyasaye wanje, Nyasaye wanje, undeshire mbushiina?"
\v 47 Balala khubandu abali nibasinjireho olwa bahulira ne nibaboola bari, omundu uno alanganga Eliya.
\v 48 Ne habwenaho mulala khubo narula natsia tsimbilo nabukula eshiangwe, niyenikha mudivai nashira khulikata liolusi namuha mbu anywe.
\p
\v 49 Ne abandi nibaboola bari; "Leshe khulole nikakhaba Eliya aletsa okhumuhonia."
\v 50 Naliira khandi nomwoyo omukhongo, ne nakhalaka omwoyo.
\v 51 Ne lola, eshitambaa shiomuhekalu nishirandukhamwo ebitonye bibiri okhurula ikulu okhuula hasi, Eshialo nishirenga, tsinyanda nitsiatikha.
\v 52 Tsing'ani nitsiikukha khandi emibiri eminji chiabatakatifu abali nibakona nichibusibwa.
\v 53 Ne nibarula mubilindwa olunyuma lwokhulamukhakhwe, ne nibatsia mwitookho litakatifu nibaloleshera abandu abanji.
\p
\v 54 Ne omusesia nende abali ninaye nibamuhenganga Yesu olwa balola eshialo shirenga nende ebindu biekholekha, baria muno nibaboola; tooto mwene uno abeere Omwana wa Nyasaye.
\p
\v 55 Khandi baliho abakhasi abanji abahenjeranga ehale nibasinjiire ne bali nibamulonderekhwo okhurula eGalilaya nibamukhalabanira.
\v 56 Ne mubo balimwo Mariamu Magadalina, nende Mariamu Nyinabwe Yakobo nende Yusufu, nende nyinabwe abaana ba Zebedayo.
\p
\v 57 Olwa eshialo bwela Omusaatsa mulala omuyinda owarula Arimatheya oweliira mbu Yusufu, owali khandi omwechi wa Yesu yetsa.
\v 58 Natsia khu Pilato namusaba omubiri kwa Yesu. Mana Pilato nalaka mbu aheebwe.
\v 59 Mana Yusufu nabukula omubiri okwo nakubohera musanda indafu.
\v 60 Nakwalisia mung'ani yiye omwene imbia eya yali niyayaba mulwanda. Mana naselenjesia lichina likhongo nalira khumuliango kweing'ani eyo ne niyenyookha.
\v 61 Ne habwene yaho Mariamu Magadalina nende Mariamu wundi baliho nibeekhale nibahengane nende ing'ani.
\p
\v 62 Inyanga yalondakhwo Abakhulundu babakuhani nende Abafarisayo bakhung'anira ewa Pilato.
\v 63 Nibaboola bari, "Omwami, khwitsulira mbu omubeeyi oyo olwa yali nashiri mwoyo yaboola ari, Ndalalamusibwa olunyuma lwetsinyanga tsitaru,
\v 64 Kho olachirisie mbu, Ing'aniye yilindwe obutinyu okhuula khunyanga yakhataru, abeechibe baleshe okhwitsa mushiro nende okhwiba omubirikwe mana baboolere abandu mbu, Alamushe okhurula mubafu, Kho mbu obushiamu bwali bwokhumalirikha bube obubi muno okhushira obwamberi.
\p
\v 65 Pilato nababoolera ari, muli nabalindi, tsie mulinde Ing'ani eyo obutinyu shinga olwa munyala.
\v 66 Kho nibatsia nibalinda Ing'ani eyo obutinyu nibara khwichina elo eshibalikho mana nibalekhaho abalindi.
\c 28
\cl Matsayo 28
\p
\v 1 Olwa Isabato yali niyihwere, nibushietsanga, Mariamu Magadalina nende Mariamu wundi bakalukha okhulola eshilindwa.
\v 2 Ne khwaliho okhurenga okhukhongo khweshialo, shichira omumalaika womwami yekha okhurula mwikulu niyeetsa naserenjesia lichina nilikalukha inyuma mana nalikhalakhwo.
\v 3 Yafwana shinga oluhenu, netsingubotsie nitsing'inang'ina shinga eliuba.
\v 4 Abasikari bamuria muno nibatechera nibaba shinga abafwire.
\p
\v 5 Malaika naboolera abakhasi yabo mbu, "mularie tawe, shichira mbu, emanyire mukhabaanga Yesu owabambirwe khumusalaba.
\v 6 Shiali hano ta, amalire okhulamukha shinga olwa yaboola, Yitse hano mulole aha yalisibwa!
\p
\v 7 Kho mutsie bwangu muboolere abeechibe mbu ulamuushe okhurula mubafu, ne lole! abaranjirira okhutsia eGalilaya namumulolere ebweneyo, Kho emalire okhumuboolera."
\p
\v 8 Mana nibarula bwangu hashilindwa nibali noburi, nebutswa bali nokhwikhoya okhunji, nibatsia tsimbiro okhuboolera abeechibe.
\v 9 Ne lola Yesu yabakanira naboola mbu, "Omulembe kube ninenywe," Nibasita khuye nibamukwa mumakulu nibamwinamira.
\v 10 Mana Yesu nababoolera mbu, "Mularie tawe, tsie muboolere abaana befwe mbu, batsie eGalilaya balandolera ebweneyo.
\p
\v 11 Ne olwa abakhasi yabo bali nibatsiitsanga, balala khubasikari abali nibalindire eshilindwa bakalukha mwitookho, nibaboolera abesaalisi abakhulundu boosi akali nikekholeshe.
\v 12 Ne olwa abeesalisi abakhulundu bali nibaakanire nende abakofu, nibahulirisaniye akabakhola, babaheresia abasikari yabo amapesa amanji.
\v 13 Mana nibababoolera mbu, "Muboolere abandu mbu abeechibe betsere eshiro nibamwiba nikhukonanga.
\v 14 Ne nikakhaba mbu, Omukafuna ahulira kano, khulamuhomberesia afuchirire mbu, enywe mubula eshikha kho shimuli nende elimuhendia tawe.
\v 15 Abasikari yabo nibabukula amapesa yako, mana nibakhola shinga olwa bali nibaboorewe, mana amakhuwa yako niko akamala katswanibwa mumbeka tsiosi nabaYahudi okhurula olwa leero.
\p
\v 16 Abeechibe ekhumi nababiri batsia khushikulu eshia eGalilaya ewa Yesu yali nabalachirisiye okhutsia.
\v 17 Ne olwa bamulola bamwinamira kata olwa abandi khubo bakanakania mumioyo chiabwe.
\v 18 Yesu yasita ahambi khubo nababoolera mbu, "Nyasaye yayamberesie obunyali bwosi mwikulu nende mushialo.
\v 19 Kho mutsie khubandu bosi mubakhole abalondi banje, mubabatisie muLiira elia Sefwe, Omwana nende Roho Omutsienukhu,
\v 20 Khandi mubechesie okhulonda koosi akemulachirisiye. Nasi ndalabetsanga mwinywe buli lwosi, okhurula khushihesi shieshialo."