163 lines
14 KiB
Plaintext
163 lines
14 KiB
Plaintext
\id 1TI
|
|
\ide UTF-8
|
|
\h 1 Timotseo
|
|
\toc1 1 Timotseo
|
|
\toc2 1 Timotseo
|
|
\toc3 1ti
|
|
\mt 1 Timotseo
|
|
\c 1
|
|
\cl 1 Timotseo 1
|
|
\p
|
|
\v 1 Paulo, omurume wa Yesu Kristo khulwa lilako liaNyasaye omuhonia wefu, nelia kristo Yesu ouli linaya liefu.
|
|
\v 2 Yule khu Timotseo omwana wanje watoto mubusubiri, obukosia, netsimbabasi nende omulembe okhurula khuNyasaye ouli samwana Yesu kristo ouli Omwami.
|
|
\p
|
|
\v 3 Shinga olwandakhusaya mbu omenyekhwo Efeso olwa ndali nende okhutsia eMakedonia okhuyeere okhukania abaandu bandi oburechesia amechesio kandi lukano ta.
|
|
\v 4 Kata okhurula amarwi khuketsingano kata khuketsinzibulo akabula eshiakamo. Akaleera amareebo nikalalolesia tsiyemi tsiaNyasaye etsiri mubusubiri tawe.
|
|
\v 5 Ne elikhoyere okhurula mubukaani obwo nilio obuheri okhurula mumwoyo omwerereshe nende omwoyo omulayi nende obusubiri obubula obubatsa.
|
|
\v 6 Abaandu bandi bakora nibashukhanira imbakha ikhaya.
|
|
\v 7 Bekomba okhuba abebali bamalako, kata olwabakorwa eshisina shiakenako akababoolanga nende akeneko akabarumbulanga.
|
|
\p
|
|
\v 8 Halali khumanyire mbu bamalako namalayi nikakhaba karumukha munjira indayi.
|
|
\v 9 khumanyire mbu, bamalako shikachoma khumundu ouli omulunjishi ta habula khubakhayi bamalako, abaramuria Nyasaye ta, aboononi khulwabo ababula idini abakafiri, abeeri babasabwe nende banyina.
|
|
\v 10 A abaandu bobwilasi, abakholanga akeshitsubo, abakholanga abaandu ababohe, ababeyi, abakobosheranga obubeyi khandi baloba amechesio akobulamu.
|
|
\v 11 Shinga olwa Kali munjili yoluyali olwa Nyasaye mwene eyandahebwa okhulinda.
|
|
\p
|
|
\v 12 Emukhupira orio Kristo Yesu Omwami wefu. owanyalira isie, owambukula okhuba omusubirwa, khandi niyanzaula okhumurumushira.
|
|
\v 13 Ndali omunyechi, omusandi owamahababa. Nebutswa ndabeerwa tsimbabasi Shichira ndakholanga khulwa okhukorwa nimbula obusubiri.
|
|
\v 14 Khandi obukosia bwomwami wefu bwashirana muno halala n obusubiri nende ubuheeri obuli muKristo Yesu.
|
|
\p
|
|
\v 15 Likhuwa lino nelisiikwa khandi lieyamwa elala mbu kristo Yesu yeetsa mushialo okhuhonia aboononi ne khubeene yabo nisie owamberi.
|
|
\v 16 Nebutswa lino nilio eliachira nimbeerwa tsimbabasi, mbu mwisie owamberi, Kristo Yesu alolosiemwo obwifiri bwosi, embe eshilolero shiabo abamusubirira mutsinyanga etsiitsa okhula obulamu bwobumeri.
|
|
\p
|
|
\v 17 Kho bulano omuruchi owobumeri ourawaho ta, ouli Nyasaye yenyene ahebwe ifuma, noluyali, ebisoni nebisoni, Amina.
|
|
\v 18 Omwana wanje Timotseo amakhuwa kano ekhulachirisia, okhurondokhana nende akobulakusi shinga olwa Kali nikaboolwa khuiyiwe, mbu okhupeenje elihe lilayi eliobusubiri,
|
|
\v 19 Nohanda khubusubiri khandi khumwoyo omulayi. noloba kano, abaandi baluma obusubiri bwabo nibakhama shinga eliaro elieyinikha mumatsi.
|
|
\v 20 Ne mubeenebo Himenayo nende Alekisanda balimwo nabo ndabahana mumikhono chia setani kho mbu beechesibwe okhulekha obunyechi.
|
|
\c 2
|
|
\cl 1 Timotseo 2
|
|
\p
|
|
\v 1 Khulwa ishio, mukaamberi, essays elisayo liokhufinikha, amasayo, obusabii nende okhupa orio bikholeshe khubaandu boosi.
|
|
\v 2 Mbu abaruchi nende boosi abali mubwimirisi, khunyale okhumenya mumulembe khandi mubuhulerefu mubunyasaye nende muluyali.
|
|
\v 3 kano namalayi khandi kakhoya imberi waNyasaye omuhonia wefu.
|
|
\v 4 Owikombanga abaandu boosi okhuhonibwa nende okhumanyirisia obwatoto.
|
|
\v 5 Shichira aliho Nyasaye mulala, khandi nende omuhambani mulala waNyasaye nende omundu, ouli Yesu kristo.
|
|
\v 6 Yehana omwene shinga omusango khu boosi, shinga obuloli khubise bienyeshe.
|
|
\v 7 Ne khulwa eshifune shino ndaulwa omwirwatsi khandi omurume. Embolanga obwatoto, shimbeyanga ta khandi shinga omwibali wamahanga khubusubiri nende obwatoto.
|
|
\p
|
|
\v 8 khulwa ishio, ndikomba abaandu okhurula buli habundu okhusaaya nende okhuchiingula emikhono omutsienukhu halali elirima nomba okhuyiingana.
|
|
\v 9 Munjira iyo, abakhasi bafwale tsingubo etsibahera obulayi, halala nende emima emilayi nende eshichero balaboha eliswi ta nomba itsahabu nomba ikulu nomba khutsingubo etsiamakusi mwikulu ta.
|
|
\v 10 Halali nende eshia omukhasi ourumbula obunyasaye okhubirira mumilimo emilayi.
|
|
\v 11 Omukhasi yeche mubuholerefu nende mwikhwitutuyia.
|
|
\v 12 Shindiyama omukhasi okhwechesia nomba okhuba nende oburuchi ikulu womusatsa tawe, halali amenye mubuholerefu.
|
|
\v 13 Shichira Adamu yaloongwa olwamberi mana Eva.
|
|
\v 14 Adamu shiyakatibwa ta halali omukhasi niye wakatibwa mana nafinaka elilako.
|
|
\v 15 Nebutswa, yetsa okhuhonibwa okhubirira mukhwibula abaana, nibatsiririra mubusubiri nende obuheri nende omutsienukhu nende eshichero.
|
|
\c 3
|
|
\cl 1 Timotseo 3
|
|
\p
|
|
\v 1 Buno nobubooli obwa habwene, mbu omundu niyekomba iyofisi yomukuhani, yekomba omulimo omulayi.
|
|
\v 2 Ne bulano omukuhani akwanire okhuba obubula eshikha, owamapaaro kahabwene, owebima ebilayi, owokhwinjisia abacheni, khandi ounyala okhwechesia.
|
|
\v 3 Oulameranga ta, shiali omukhupani ta, shiali omuworu ta nomba omuchafu, nebutswa, abe omwisimirisi.
|
|
\v 4 Ourukanga inzu yiye obulayi, owabaana bebe Bali nende ebiima ebilayi khandi abahuliri.
|
|
\v 5 Mbu omundu nalanyala okhusinjira inzu yiye omwene obulayi ta kho nalinde arena elikanisa liaNyasaye?
|
|
\v 6 Alaba oushiri omutoro Mumakhuwa kobusubiri, mbu olwa abali nachingulirwe ikulu nende isunga yakwa mukhukhalachirwa eshina shinga setani.
|
|
\v 7 Akwanire okhuba nende oburumbusi obulayi okhurula khubeene yabo abali erwanyi, mbu aleshe okhukwa mushifimbwa murwe nende amarechero kasetani.
|
|
\p
|
|
\v 8 Kario, abadikoni boosi kario, bakwanire babe nende oluyali, shibalaba abetsinimi tsibiri ta, shibalaba abamesi be idivayi ta, kata okhulangushira amakhuwa kalali amalayinta.
|
|
\v 9 Nibahanda khumabiso kobusubiri mumwoyo omwelereshe.
|
|
\v 10 Mbu khandi kano koosi kamanyishe mana barumishire eyofisi ya dikoni nibanyolekhana nibabula eshikha.
|
|
\v 11 Kario kata abakhasi babo bakwanire babe n oluyali, balaba ababeyi ta, babe namachesi akahabwene, abesiikwa Mumakhuwa koosi.
|
|
\v 12 Abadikoni okhurula babe abasatsa bomukhasi mulala, nibasinjiranga abaana babo nende tsinzu tsiabo obulayi.
|
|
\v 13 Mbu abeene yabo abarumushira iyofisi ya dikoni obulayi beikulira abeene itaraja indayi, neitswoni ikhongo mubusubiri ouli muKristo Yesu.
|
|
\p
|
|
\v 14 Amakhuwa kano ebahandichira enywe, ninayanga okhubeetsera mubwangu buno.
|
|
\v 15 Nebutswa nendeetsa mulwangu, enywe beene mumanyire shinga olwamukwanire okhuchenda munzu mwa Nyasaye, eliri likanisa liaNyasaye ouli omwoyo, isiiro nende eshisina shiobwatoto.
|
|
\v 16 Obulayingana ta, nelibisiro liobunyasaye: mbu Nyasaye yalolesibwa mumubiri, nabasiribwa obulunjishi muroho, naloleshera abamalaika, niyerwatswa khu mahanga, nasubirirwa mushialo, nabukulwa ikulu mubukhami.
|
|
\c 4
|
|
\cl 1 Timotseo 4
|
|
\p
|
|
\v 1 Ne bulano Roho aboola abulafu mbu tsinyanga tsiobumalirishi abaanji balarula khubwatoto nibalahulirisia etsiroho tsiobukaati nende amechesio kamadimoni.
|
|
\v 2 Nibabola bobubeyi mubwikati, nibali nemioyo chitsuulemwo eshichuma shiyire.
|
|
\v 3 Nibakaya abandi okhuteshia khandi nibalaka mbu baleshe okhulia ebiokhulia ebia Nyasaye yakasia mbu bilibwe nende okhupa orio khubeene yabo abasuubiri nende abamanyire obwatoto.
|
|
\v 4 Okhuba buli eshironje shiaNyasaye neshilayi mbu eshindu shiosi shilalobwa ta, nishiba nishinjisibwa nende khupa orio.
|
|
\v 5 Shichira shiatsenulwa nende elikhuwa liaNyasaye nende amasayo.
|
|
\v 6 Noraa kano muye omuheerwa, witsa okhuba omukhalabani omulayi wa kristo Yesu, nimukhuyira Mumakhuwa kobusubiri nende amechesio amalayi akamwanyoola.
|
|
\v 7 Nebutswa tsimbakha tsiakhale tsiabashiere olekhane ninatsio habutsa wiyechesie omwene obunyasaye.
|
|
\v 8 Okhuba omubiri shikukwanire eshindu ta, Nebutswa obunyasaye bukhonyanga mubindu biosi. Tirira indakana yobulamu buliho nende obwitsanga
|
|
\v 9 Buno obuboli nihabwene khandi obukhoyere.
|
|
\v 10 Khulwa ishio fwesi okhukhola emilimo nikhulola tsisoni okhuba nikhunayiranga Nyasaye ouli mwoyo, ouli omuhonia wabandu boosi, okhushira muno abeene yabo abasubira.
|
|
\v 11 Amakhuwa kano, olachirisie nende okhwechesia.
|
|
\p
|
|
\v 12 Omundu yesi shalachaya olubukha Lao ta, Nebutswa eyiwe obe eshilolero khubasubira, Mumakhuwa, mububoli, mubuyanzi, muroho, mubusubiri, mubutsienukhu.
|
|
\v 13 Okhuba olwa ndietsa, mwinywe khukhusoma, okhutinyisia nende amechesio.
|
|
\v 14 Olaleka eshihanwa eshili muyuwe ta, eshia wahebwa okhubirira mubunabii khulwa okhurebwakho emikhono chia abakhulundu.
|
|
\v 15 Yiririsia khumakhuwa kano, wihane omwene Khu koosi, kho mana inyanga yene iloleshe khuboosi.
|
|
\p
|
|
\v 16 Wihenjeresie omwene, mana khandi khumechesio tsirira muko: okhuba mukhukhola orio, omwene olehonokosia nende khandi abeene yabo abakhuhuliranga yuwe.
|
|
\c 5
|
|
\cl 1 Timotseo 5
|
|
\p
|
|
\v 1 Olamukondoshera omundu omukofu ta, halali okhumwechesia shingana so. Okholerenje abasatsa ababukha shinga abaana benyu,
|
|
\v 2 abakhasi abashirikhwo abashiere shingana bamamabo, khandi abakhasi ababukha shingana abakhana bwenyu, mubutsienukhu bwosi.
|
|
\p
|
|
\v 3 Baheresie oluyali abakhasi bali abalekhwa toto.
|
|
\v 4 Ne omukhasi omulekhwa naba nali nende abaanabe, kata abetsukhulu, baranjirire balolesie oluyali khubeinzu yabo nende okhurunga abebuli babo, shichira niko akaNyasaye yachama.
|
|
\v 5 Ne oyo ouli omukhasi omulekhwa toto, owatong'a yenyene, ousubira muNyasaye khandi natsirira mumasayo nende okhusaba eshitere nende eshiro,
|
|
\v 6 Habutsa oyo owihana khumwikhoyo nomufu kata olwaba nashiriho omulamu.
|
|
\v 7 Amakhuwa kano bechesie, kho baleshe okhunyolekha nende eshikha.
|
|
\v 8 Ne omundu yesi oulateba abaandu bebe ta, muno abeinzu yiye yambakhane obusubiri khandi nomubi okhushira oulasubira ta.
|
|
\p
|
|
\v 9 Omukhasi omulekhwa ahandikwe shinga omulekhwa niba shiali ahasi wemiika amakhumi kasasaba ta, omukhasi womusatsa mulala.
|
|
\v 10 Okhwola abe nende ifuma eyebikhole ebilayi, naba niyakhusia abaana, naba niyenjisinjia abacheni, nomba niyosinjia abatakatifu ebirenje, nomba nakhoonyanga abasandibwa, nomba niyeyiinyinjia khumilimo chiosi emilayi.
|
|
\v 11 Halali khubakhasi abalekhwa ababukha, balahandikwa ta, Shichira obwikombi bwabo bubakhwesa okhurula khuKristo nibeenya okhuteshibwa.
|
|
\v 12 Nibaba kario neshiina khulwa okhulekha obusubiri bwabo obwamberi.
|
|
\v 13 Khandi bachendanga mutsinzu eyi nende eyi nibeeka kario akokhutofula, ne shikhuli tsa okhutofula khwonyene ta, halali okhubeetsanga nende ebitoonyi nibeinjisisia mukabeene nibaboola amakhuwa akalakhoyere ta.
|
|
\v 14 Kho niko akachira nindienya abakhasi abalekhwa abashiri okhukofula bateeshibwe nibebula abaana nibasinjirira tsinzu tsiabo, nibalaheresia omusuku obwiyango okhunyekwa tawe.
|
|
\v 15 Okhuba abandi bamalire okhushiama nibamulondakhwo setani.
|
|
\p
|
|
\v 16 Ne omukhasi yesi omusubiri nabanali nende abakhasi abalekhwa abakhoonye, kho elikanisa lilasitowerwa ta, mana yenjire okhukhoonya balia abali abalekhwa toto.
|
|
\p
|
|
\v 17 Abakofu abasinjiriranga obulayi baparwekho nibakabwa emikabo chibiri okhushira muno yabo abanyakhana mukhwirwatsa nende okhwechesia.
|
|
\v 18 Okhuba amahandika kaboola kari “orabohanga ing'ombe omunwa yihuulanga lmere ta”. “Khandi mbu omukholi wemilimo akhoyere omushaarakwe”.
|
|
\p
|
|
\v 19 Orafuchirira okhumwinjirira omukofu habutsa noba noli nende obuloli bwababiri nomba bataru.
|
|
\v 20 Bahalabire aboononi imberi wa boosi mbu abandi boosi banyale okhuria.
|
|
\p
|
|
\v 21 Ekhulachirisia imberi wa Nyasaye nende Kristo Yesu nende abamalaika, mbu okholenge ako koosi halali okhuyekha olubeka lulala ta, kata okhukhola nebiela ta.
|
|
\p
|
|
\v 22 Olayungubala okhurakhwo omundu emikhono ta, olasanjirana ebionoono biabandu baandi tawe, wilinde one omutsienukhu.
|
|
\v 23 Lekha okhunywetsanga amatsi konyene, halali wikhonyere idivai inditi khulwa amakhuwa akeindayo nende obuteshere bwo.
|
|
\v 24 Ebionono bia abaandu baandi bimalire okhumanyikha, nabio bitsia imberi wabo khushiina. habutsa etsimbi tsindi tsilalondakhwo olunyuma.
|
|
\v 25 Khandi biliho ebikhole ebilayi ebimanyikhanga birio ebilafu, halali kata ebiindi shibinyala okhubiswa tawe.
|
|
\c 6
|
|
\cl 1 Timotseo 6
|
|
\p
|
|
\v 1 Yabo abarumishi boosi abali hasi wobutiyi bwabakali babo, bahaane oluyali khubo boosi, kachire eliikhuwa lia Nyasaye nende amechesio bileshe okhunyekwa.
|
|
\p
|
|
\v 2 Ne abali nende abayiinda abasubira, shibalabachaya tawe Shichira nabaheerwa. Nebutswa, babarumushire, Shichira nabasubirwa khandi abaheerwa, yechesia amakhuwa kano khandi tinyisia.
|
|
\p
|
|
\v 3 Omundu yesi niyechesia amechesio kobubeyi khandi shafuchirisania nende elikhuwa liobwatieri Elia Omwami Yesu kristo khandi nende amechesio keshinyasaye,
|
|
\v 4 yesunga butswa akhaya nakorirwe liosi liosi. Shiali nelienya lilayi khandi namareebo kabutswa akeneyaka akalimwo imbalikha, nende obulwani.
|
|
\v 5 Obwabukhani obwa abaandu betsinganakani tsiobubatsa, nende okhubulirwa obwatoto nobukhala bulamumanya Nyasaye okhuba inyanga khuyako wihanye.
|
|
\p
|
|
\v 6 Ne obunyasaye nende okhuhera neinganga ingali,
|
|
\v 7 Okhuba shikhwarera eshindu shiosi mushialo ta, khandi shikhubukula shiosi mushialo ta.
|
|
\v 8 Nebutswa, lekha khuyere nende eshiokhulia nende ebifwalo.
|
|
\v 9 Ne abali abayiinda bakwa mukhurechekhwa nende emireko, nende mubusiru obubii khandi nende obwikombi bwolufu, obuyiranga abaandu abanji mukhumalwa nende okhutiba.
|
|
\v 10 Okhuba okhuhera amapesa nishio eshisina shimabii akabandi bekomba, ne benjira mumabii nende okhurula khubusubiri, nibefumira okhubirira khumayiririsio amanji.
|
|
\p
|
|
\v 11 Habutsa, enywe omundu wa Nyasaye, orule khu kano koosi, mana okhaabe obulunjishi, obunyasaye, obuheri, obwifiri nende obuholo.
|
|
\v 12 Lwana obulwani obulayi mubusubiri. nohanda khu kobulamu bwobumeri obwa walanjirwamo, mana walolesia emilimo emilayi khu boosi abaloli.
|
|
\p
|
|
\v 13 Ekhulaka imberi wa Nyasaye, ouhananga kobulamu khubuli ebindu, nende imberi wa kristo Yesu owahana obuloli obulayi imberi wa Pontio Pilato.
|
|
\v 14 Ohaande khumalako kano halali eshikha okhwola okhulolekha khwoMwami wefu Yesu kristo.
|
|
\v 15 Nyasaye yakhamulolesie khubise ebikhoyere, Nyasaye owoluyali, omuruchi wa baruchi, Omwami wabaami.
|
|
\v 16 Olwa ye yenyene abulamwo obubolanga, namenyanga mubulafu obwa abulaho omundu ounyala okhumulola nomba okhumulira kata shanyala okhulolekhana ta. Khuye oluyali nende obunyali bweinziayo. Amina.
|
|
\p
|
|
\v 17 Bolera abayiinda beshialo shino, mbu baleshe okhwilola, nende Okhubula ukhunaya mubuyiinda bubulaho, nebutswa muNyasaye ouli mwoyo ouhaananga obuyiinda obubii mbu khwikhoye.
|
|
\v 18 mbu bakhole akali amalayi, mbu bashirane mumilimo emilayi, khandi babe abahani niberechekha okhusanjirana.
|
|
\v 19 Nibabikha mwibishiro liabo obuchakiro bwamalayi khulwa etsinyanga tsitsanga kachire batirirekhwo khubulamu obweinziayo.
|
|
\p
|
|
\v 20 Oh Timotseo, tiira yako akobunayi bwo, akowahebwa okhulinda, wihanye khubusunji nende obyingani obwa abaandu bandi mukhukorwa bulangwa mbu "obuchesi".
|
|
\v 21 Okhuba baliho abafuchirira obuchesi yibwo ne khuiwa ako bakosia injili yobusubiri. Obukosia bwaNyasaye bube ninenyu mwesi.
|