lko_reg/47-1CO.usfm

\id 1CO
\ide UTF-8
\h 1 Abakorinto
\toc1 1 Abakorinto
\toc2 1 Abakorinto
\toc3 1co
\mt 1 Abakorinto

\c 1
\cl Omuliango 1
\p
\v 1 Paulo, owalangwa okhuba murume wa Yeso Kirisito khulienya lia Nasaye, nende Sositeni omusiani wefwe,
\v 2 khu likanisa lia Nasaye eliri Ebukorinto, khu bala abalabisibwa mukari mwa Yeso Korisito, abalangwa okhuba abatakatifu, alala nende boosi abalanganga eliira lia Yeso Kirisito Omwami wefwe buli abuundu, oli owabwe khandi owefwe:
\v 3 Obukoosia bube ninang'we, nende muleembe khurula khu Nasaye Sefwe, nende khurula khu Mwami Yeso kirisito.

\v 4 Ndebasianga Nasaye wange buli lwoosi mubweyango bweng'we, khulwo bukoosia bwa Nasaye obwa mwaberesibwa nende Yeso Kirisito;
\v 5 mbwe muyindisibwa mubuli siindu ninaye, mukhulomaloma khwoosi, nende mubumanyirisi bwoosi;
\v 6 kata kori ngolwo buloli bwa Kirisito bwosirisibwa khweng'we:

\v 7 Mbwe murakhaya okhuba nende esianwa; nimuliinda okhwicha khwo Mwami wefwe Yeso Kirisito:
\v 8 ochia okhubosirisia mubumalirikhi, mbwe murabakho nende esiindu esio khulomalomwakho ebimaanu munyaanga yo Mwami wefwe Yeso Kirisito.
\v 9 Nasaye owabalanga mubwambani bwo Mwana waye, Yeso Kirisito Omwami wefwe, ni mwesikwa.

\v 10 Bulano abakheerwa, basaba khubirira mulira lio Mwami wefwe Yeso Kirisito, mbwe mweesi mulamalome mukhufukirisiania, khandi khurabakhoo nende obukabukhani akari weng'we; arali munyoole okhwambanisibwa mumapaaro kafwanana nende mulichomo lifwanana.
\v 11 Khulwo khubeera mbolerwe khulondana ninang'we, eng'we bakheerwa, khubirira khu baandu ba inyuumba ya Koleo, mbwe khuli nende khuyingana akari weng'we.

\v 12 Bulano lino nilio eliemboola, mbwe buli mulala khweng'we aboola ari, esie ndi owa Paulo; kose owa Apolo, kose Kefa; kose owa Kirisito.
\v 13 Kirisito yakabukhanamo? Kose Paulo yabafwira? Kose mwabatisibwa muliira lia Paulo?

\v 14 Ndebasia Nasaye mbwe esie khasi ndabatisiakho omuundu yeesi khweng'we, arali kirispa nende Gayo;
\v 15 mbwe omuundu areecha yaboola mbwe ndabatisia mulira liange.
\v 16 Khandi ndabatisia inyuumba ya Sitefana yosi: khumalakho abo, khasi manyirekho nibili mbwe ndabatisiakho omuundu undi.

\v 17 Khulwo khuba Kirisito khasi yanduma khubatisia khaba, arali okhuyaala ifanjili: eyirali nende obukesi bwo khulomloma, mbwe omusalaba kwa Kirisito kureecha kwaba okubulamo amaani.

\v 18 Khulwo khuba elikhuwa lio musalaba niliobusiru khubala abakora; arali ni lia maani ka Nasaye khwefwe abaonisibwa.
\v 19 Khulwo khuba kaandikwa mbwe, njia khusasia ebikesikesi bia bakesi, khandi njia khumalao okhumanyirisia khwabala abali nende obumanyirisi.

\v 20 Omwandiiki aliena? Omusomi aliena? Omuundu wo khureera amakhuwa komusialo aliena? Ne Nasaye siyakhola amakesii ko musialo okhuba obusiru?
\v 21 Khulwo khuba kori ngolwa esialo siramanya Nasaye mumakesi kasio, biakheresia Nasaye okhuonia bala abasubira khubirira mukhuyaala khwobusiru.

\v 22 Khulwo khuba Abayaudi badakha esilolero, ne Abayunani nabo bakoonya amakesi:
\v 23 Arali efwe khuyaala Kirisito owabambwa, khu Bayaudi nilikina liokhwegumulakho, ne khu Bayunani nibusiru.

\v 24 Arali khubala abalangwa, Abayaudi nende Abayunani, Kirisito niye amaani nende amakesisi ka Nasaye.
\v 25 Khulwo khuba obusiru bwa Nasaye buli nende amakesi khukhira abaandu; khandi obudekhere bwa Nasaye buli nende amaani khukhira abaandu.

\v 26 Khulwo khubeera lingeera khulangwa khweng'we, bakheerwa, abangi khweng'we khasi mwali aba makesi khulondana nende mubiri, abangi khweng'we khasi mwali abamaani, abangi khasi bali abo lwibulo lwo buruki, abalangwa:
\v 27 Arali Nasaye yalobola ebiindu bisiru ebiomusialo khulwo khwambia chisoni abamakesi; khandi Nasaye yalobola ebiindu bidekhere ebiomusialo khulwo khwambia chisoni ebiindu bili nende amaani.

\v 28 Khandi ebiindu biasi ebiomusialo, nende ebialekwa, nibio ebia Nasaye yalobola, nende ebiindu bibalwa kori ebiraliwo, bikholwe okhuba ebikhoyera:
\v 29 Mbwe kubuleo omubiri kunyala okhwefumia imberi waye.

\v 30 Arali eng'we khulwo khubeera niye, muli mukari mwa Kirisito Yeso, owa Nasaye yakhola okhuba amakesi khwefwe, nende obulungifu, nende okhulabisibwa, nende okhununulwa:
\v 31 Okhulondana nende kori nga kaandikwa, mbwe ula owelaya, yelayire mumwami.

\c 2
\cl Omuliango 2
\p
\v 1 Khandi abakheerwa, kori nga ndeecha oweng'we, khasi ndeecha nende obulomalomi bulayi obwa makhuwa, kose makesi, nibabolera obuloli bwa Nasaye.
\v 2 khulwo Khubeera khasi ndadakha okhumanya esiindu siosi khweng'we, arali Yeso Kirisito, ula owabambwa.

\v 3 Khandi ndali ninang'we mubudekhere, nende muburi, nende mukhurengerekha lukali.
\v 4 Ne okhulomaloma nende khuyaala khwange khasi khwali nende okhwekweda khwa makhuwa kamakesi kabaandu, arali khu khwekesia khwa Rokho nende amaani:
\v 5 mbwe obusubiri bweng'we bureema khu makesisi kabaandu, arali mumaani ka Nasaye.

\v 6 Bulano khulomalomanga amakesi akari wa baandu bakhulundu; ne khandi khasi nimakesi akomusialo muno khaba, kose akabaruki bomusialo muno, ababira nibabwao:
\v 7 Arali khulomalomanga amakesi ka Nasaye obuli mubwekisi nende obumanyirisi obwakisibwa, obwa Nasaye yakabula imberi wesialo khulwo luyaali lwefwe.

\v 8 Obwa abulao omuruki wesialo sino yamanya: khulwo khuba kaba mbwe bali bamanya, khasi bakhabambire Omwami woluyaali.
\v 9 Arali ngolwa kaandikwa mbwe, imoni yibulao eyamubona, kose okhurwi okhwabulira, kata omwoyo kwo muundu kusiri khumanya ebiindu bia Nasaye yarekekhera bala abayakheera.

\v 10 Arali Nasaye yarufunulira ebiindu bino khubirira khu Rokho waye: khulwo khubeera Rokho akonyeresianga ebiindu bioosi, kata ebiindu biomukari ebia Nasaye.
\v 11 khulwo khuba ni wina mubaandu, omanyire amakhuwa ko muundu, arali Roho wo muundu oli mukari mwaye? Khukario abulao omanyire amakhuwa ka Nasaye, arali Rokho wa Nasaye.

\v 12 Arali efwe khasi khwanyoola Rokho wesialo khaba, arali Rokho arula khu Nasaye; mbwe khunyoole okhumanya ebiindu bia Nasaye aruberesianga ebikhaya.
\v 13 Ebiindu ebia khulamalomangakho, ebirali ebia khubirira mumakhuwa ka baandu bekesianga khubirira mumakesi kabwe, arali ebia Rokho mulafu yekesianga, nakeranisia amakhuwa ka Rokho nende abaandu ba Rokho.

\v 14 Arali omuundu we imbeera yesialo khasi anyolanga ebiindu bia Rokho wa Nasaye; khulwo khubeera ni biobusiru khuniye: kata khandi khasi anyala okhumanya, khulwo khuba bimanyikhananga sa murokho.
\v 15 Arali omuundu wa Rokho akhalakiranga ebiindu bioosi, naye mwene abulao omuundu omukhalakira.
\v 16 Khulwo khubeera ni wina omanyanga amapaaro ko Mwami, mani anyoole okhumukeraka? Arali efwe khuli nende amapaaro ka Kirisito.

\c 3
\cl Omuliango 3
\p
\v 1 Bulano, abaana befwe, esie khasi ndalomaloma ninang'we kori nga abaandu be imbeera yo mumwoyo, arali kori nga abaandu abomumubiri, khandi kori nga abaana badidi mukirisito.
\v 2 Ndabalisia mabeere, ne khasi ndababeresia ebiakhulia biomu: khulwo khuba khasi mwakhabinyalire, ne kata okhuula bikha bino khasi mubinyala.

\v 3 Khulwo khubeera kata okhuula ebikha bino, musiri muli sa mumubiri, khulwo khuba nibili mbwe khuli nende ikhinda nende okhukhwesana akari weng'we, nende obukabukhani, khasi muli mumubiri khandi mukenderanga mungeri yo bunamundu?
\v 4 Khulwo khubeera omuundu naboola mbwe esie ndi owa Paulo, ne oundi naye ari esie ndi owa Apolo, abwene ao khasi muli abaandu bomubiri?
\v 5 Bulano Paulo niwina, khandi Apolo niwina, arali khasi ni bakholi abamwanyoola khusubira khubirira munibo, kori sa ngolwa Omwami yaberesania buli muundu?

\v 6 Esie ndaraaka, naye Apolo nachukhira amaachi, ne Nasaye nakhusia.
\v 7 Kario oraaka khasi ni siindu, kata nende ochukhira maachi, arali Nasaye okhusianga.

\v 8 Bulano orakaanga nende ochukhiranga amaachi, bali silala, arali buli mulala achia khunyoola esianwa siaye mwene khulondana nende obukhalabani bwaye mwene.
\v 9 Khulwo khuba efwe khuli abakholi bemirimo alala nende Nasaye, khandi khuli esiombakhe sia Nasaye.

\v 10 Khulondana nende obukosia bwa Nasaye obwandaberesibwa, kori nga omumbakhi owa makesi, ndamala khurao omuse, ne khandi omuundu uundi yombakhangakho, arali buli muundu alingere kori ngolwa yombakhakho.
\v 11 Khulwo khuba abulao omuundu onyala khurao omuse kundi, arali kula okwamala khurebwao, oli Yeso Kirisito.

\v 12 Bulano nibili mbwe omuundu achia okhumbakha khumuse okwe idakhabu, kose ifesa, kose amakina kobukusi, kose emisaala, kose obunyasi,
\v 13 emirimo kia buli muundu kichia khubonekhana, khulwo khubeera inyaanga eyo ichia khukiekesia abulafu, khulwo khuba kichia khubisibwa mumuliro; ne omuliro kuchia khupima emirimo kia buli muundu kori nga kiakholwa

\v 14 Ne emirimo kio muundu yeesi yakhola nikichia khwema, achia khunyoola esianwa.
\v 15 Ne emirimo kio muundu yeesi nikichia khulala, achia khukosia, arali ye mwene achia khuonisibwa, mungeri yo khubira mumuliro.

\v 16 Khasi mumanyire mbwe eng'we muli ikhekalu ya Nasaye, khandi Rokho wa Nsaye yamenya mukari mweng'we?
\v 17 Omuundu yeesi nanyasia ikhekalu ya Nasaye, Nasaye achia okhumunyasia, khulwo khuba ikhekalu ya Nasaye niitakatifu, ne nilwo olwamuli.

\v 18 Omuundu areebacha omwene. Ne omundu yeesi akari weng'we niyebona mbwe ali nende amakesi musialo sino, yekhole okhuba omusiru, mbwe anyoole okhuba owamakesi.
\v 19 Khulwo khuba amakesi komusialo sino, nibusiru imberi wa Nasaye. Khulwo Khubeera kaandikwa mbwe, adiraanga abamakesi khubirira mububalukhanu bwabwe abene.
\v 20 Khandi Omwami amanyiri mbwe amapaaro kabala abamakesi nikesikhaya.

\v 21 Khulwako, omuundu yeesi areberesia oluyaali mubaandu. Khulwo khuba ebiindu bioosi nibiao;
\v 22 Kata nabili mbwe ni Paulo, kose Apolo, kose Kefa, kose esialo, kose obulamu, kose eliifwa, kose ebindu biliwo mubikha bino, kose ebiindu ebichia khwicha; bioosi ni biao;
\v 23 khandi eng'we muli abaandu ba kirisito, ne kirisito ni wa Nasaye.

\c 4
\cl Omuliango 4
\p
\v 1 Omuundu arubale kori nga abakholi ba Kirisito, khandi kori nga abemirisi bamakhuwa ka Nasaye akekisa.
\v 2 Ne khumedekho akenyekhana khubemeresi, ni mbwe babe abaandu besikwa.

\v 3 Arali khu lwange mwene, ni siindu sididi esiakhoyere khukhalakirwa ninang'we kose nende obukhalaki obwa baandu bandi, khulwo khuba khasi ndekhalakira omwene.
\v 4 Esie mwene khasi manyirekho esiindu siosi siosi khulondana ninange, ne khasi ndelabia omwene: arali Omwami niye omukhalaki wange.

\v 5 Khulwako murakhalakira esiindu siosi ebikha nibisiri okhuula, ngolwo Mwami achia khwicha, achia okhura mubulafu ebiindu biekisa musirima nende khufunula amachomo komumwoyo: ne buli muundu achia khunyoola ifuma yaye khurula khu Nasaye

\v 6 Bulano, abakheerwa, nderere amakhuwa kano khulondana ninange nende Apolo khulweng'we, mbwe munyoole okhweka khurula khwefwe esifune sielikhuwa liboola mbwe, orachia imberi khubira kala akaandikwa; mbwe omuundu arekingula akulu wo undi
\v 7 Ni wina obakholanga mube nende bukabukhani akari weng'we? Khandi ewe oli nende sina esioranyoola? Ne nibili mbwe wanyoola, khulwa sina webulisianga obera ori khasi wanyoola?

\v 8 Bulano eng'we mwamalire khwikusibwa, ne bulano muli abayiinda, mwarukire kori nga abami nikhurali ninang'we: ndakhekombere khurula khu Nasaye mbwe bwadieri mwakharukire, mani efwe fwesi khuruke alala ninang'we.
\v 9 Khulwo khuba esie mbara mbwe Nasaye yarukhola okhuba abarume, okhwekesia obumalirikhi, kori nga abaandu barerwao eliifwa: khulwo khuba khwali esilolero musialo, nende khu bamalayika, nende khu baandu.

\v 10 Khuli abasiru khulwo khubeera Kirisito, arali nang'we muli abamakesi mukirisito; khuli badekhere, arali eng'we muli nende amaani; khandi muli nende oluyaali, arali efwe khwalekwa.
\v 11 Kata okhuula ebikha bino fwesi khuli nende injala, nende obuluo, khandi khuli esiekenye, khandi khukhuywanga echingumi, khandi khubula obumenyo obwobwadieri.

\v 12 Khandi khukhola mirimo, nende amakhono kefwe, nikhunyakhana, nikhunyekwa, nikhuberesania chikhabi, nikhusandisibwa, nikhunyoola manyakhano ako.
\v 13 Ne nibarukikhirao, khulomalomanga mubukheeri; khwakholwa kori nga makokha kesialo, khandi khuli kori esichuungo siabuli siindu okhuula inyaanga yino.

\v 14 Khasi nyandiika kano khulwo khubaberesia echisoni khaba, arali ndi okhubalabula eng'we abaana bange bakheerwa.
\v 15 Khulwo khubeera kata nimuli nende abaliindi chilifu ekhumi mukirisito, khasi muli nende abaseng'we bangi khaba; khulwo khuba esie ndanyoola okhuba seng'we mukirisito khubirira muifanjili.
\v 16 Khulwako basaba mbwe munyoole okhweka khwesie.

\v 17 Niko akakera nibarumira Timoteo, omwana wange mukheerwa khandi mwesikwa mumwami, ochia khubechulisia okhuchiririra khwange mukirisito, kori nga njekesianga abuli abuundu mubuli likanisa.
\v 18 Bulano abaandu bandi bekingulire, obera ori khasi njia okhwicha oweng'we.

\v 19 Arali ndi sa ambi okhwicha, nikaba mbwe Omwami achia khufukirira, ne khasi njia okhumanya amakhuwa makhaya akabo abekingulanga, arali njia okhubona amaani kabwe.
\v 20 Khulwo khuba obwami bwa Nasaye khasi buli mumakhuwa, arali buli mumaani.
\v 21 Mudakha murie? Bechere nende indaukhi, kose mubukheeri nende omwoyo kwo khweyocheresia?

\c 5
\cl Omuliango 5
\p
\v 1 Amakhuwa kabolwa mbwe khuli nende obuyeyi akari weng'we, khandi obuyeyi obusiri khubao akari wa banasialo, mbwe omuundu anyala okhuba nende omukhasi wa samwana.
\v 2 Nang'we mwekingula, mubweyaango obwa mukhoyere okhulira, mbwe ula okholere esikhole esio anyoole khurusibwa akari weng'we.

\v 3 khulwo khuba katakario khasi ndiwo mumubiri, arali ndiwo murokho, ne esie malire okhukhalakira omuundu oyo owakhola esikhole esio, kori sa ngolwa ndakhabereo,
\v 4 Muliira lio Mwami Yeso Kirisito, nimwebusia alala, siesi ndi ninang'we murokho, nende amaani komwami Yeso Kirisito, okhuberesania omuundu oyo khu sieteni mbwe asasibwe omubiri,
\v 5 ne omwoyo kwaye nakwo kuwonisibwe inyaanga yo Mwami Yeso Kirisito.

\v 6 Okhwefumia khweng'we khasi nokhulayi khaba. Khasi mumanyire mbwe elimera lididi lifwimbiang obusie bwosi?
\v 7 Bulano mweyosie mani murusieo elimera lia khale lila, munyoole okhuba obusie buyakha obubulamo elimera. Khulwo khuba Yeso Kirisito oli pasika wefwe, yarusibwa esisakhiro khulwefwe:
\v 8 Khulwako bulano khukhole omukholo, okuralimo elimera likhale, kose okulimo elimera elia ikhola imbi, nende amabi; arali alala nende omugaati kubulamo elimera mubukololofu nende obwadieri.

\v 9 Ndabandikira mubarwa yange mbwe murasangirana nende abayeyi:
\v 10 Khasi ndaboola mbwe alala nende abayeyi bomusialo muno khaba, kose abekoombi, kose abanyuli, kose nende abenamiranga ebifwanani; khulwo khuba biakhabayikire mbwe murule musialo.

\v 11 Arali bulano bandikire mbwe murasangirana nende omuundu yeesi yeesi olangwa mbwe omusiani weng'we, ne akholaanga obuyeyi, kose obwekoombi, kose okhwinamira ebifwanani, kose owo khunyekana, kose omumesi, kose omukhubakhubania; kata muraliakho khaba nende omuundu ofwana ario.
\v 12 Khulwo khubeera ndakheyingisia endie okhukhalakira bala abali erwanyi? Simukhoyere mukhalakire bala abali mukari?
\v 13 Arali bala abali erwanyi, Nasaye niye obakhalakira. Khukario murusie omuundu wa mabi akari weng'we.

\c 6
\cl Omuliango 6
\p
\v 1 Mulala akari weng'we nali nende elikhuwa khuwasie, amubukulanga okhuchia khumusitaaka imberi wa ula orali mulungifu, mubweyaango bwo khumuyira imberi wa batakatifu?
\v 2 Khasi mumanyire mbwe abatakatifu bachia khukhalakira esialo? Ne nbili muchia khukhalakira esialo, khasi mukhoyera okhukhalakira amakhuwa madidi?
\v 3 Eng'we khasi mumanyire mbwe khuchia okhukhalakira bamalayika? Bulano efwe khunyala khukhalakira ebiindu biaka birie ebio mubulamu buno?

\v 4 Nibili mbwe eng'we mukhalakira amakhuwa kalondana nende obulamu buno, mukholaanga bala abarabalirwa esiindu okhuba abakhalaki mulikanisa?
\v 5 Mboola kene kano khulwo khubambia echisoni. Kekholaanga kario khulwo khubeera mubula omuundu wamakesi akari weng'we? Abulao kata sa omuundu mulala owakhanyala okhurusia bukhalaki akari wa bakheerwa?
\v 6 Okhuula omuundu achie khusitaaka musiani wabwe imberi wa bala abarasubira.

\v 7 Bulano khulondana nende kene ako, muli nende obudekhere akari weng'we, khulwo khuba muchichaanga khusitakana abene khu bene. Bulano sibikhoyera okhukholerwa mabi? Khulwa sina nimunyoola okhunyulwa emiandu kieng'we?
\v 8 Arali eng'we bene mukholaanga akarakhoyera, nende khunyulana, ne kene kano mukholeraanga abakheerwa beng'we.

\v 9 Khasi mumanyire mbwe abarali balungifu khasi bachia okhunyoola obwami bwa Nasaye? Murabachwa khaba: kata abayirani, kose abenamiranga ebifwanani, kose abayeyi, kose abesifwabi, kose abasaacha bayirananga bene khu bene,
\v 10 kose abebi, kose abekoombi, kose abamesi, kose abanyekani, kose abanyuli khasi bachia khwingira mubwami bwa Nasaye.
\v 11 Ne abandi khweng'we mwali murio: arali mwosibwa, khandi mwalabisibwa, nimubalirwa obulungifu muliira lio Mmwami Yeso Kirisito, nende Rokho wa Nasaye wefwe.

\v 12 Ebiindu bioosi bifukirirwa khwesie, arali ebiindu bioosi khasi bikhoyera: ebiindu bioosi bifukirirwa khwesie, arali khasi njia khureebwa asi wobunyala bwe siindu siosi siosi.
\v 13 Ebiakhulia biliwo khulweinda, ne inda yiliwo khulwe biakhulia: arali Nasaye achia khubisasia bioosi. Bulano omubiri khasi kuliwo khulwo buyirani khaba, arali kuliwo khulwo Mwami; naye Mwami aliwo khulwo mubiri.

\v 14 Ne Nasaye owalamusia Omwami, achia khurulamusia fwesi khulwa maàni kaye.
\v 15 Khasi mumanyire mbwe emibiri kieng'we kili nende obwambani nende Kirisito? Bulano mbukule obwambani bwa Kirisito, bwambanie nende obudaamba? khasi binyalikhana khaba.

\v 16 Ni sina? Khasi mumanyire mbwe ula owambanisibwa nende mudaamba nimubiri mulala ninaye? Khulwo khuba kaandikwa mbwe, babiri bachia khuba mubiri mulala.
\v 17 Arali ula owambanisibwa nende Omwami ni Rokho mulala.

\v 18 Mwirukhe okhurula mubuyirani. Buli imbi eyo muundu akholaanga ili erwanyi womubiri; arali ula okhola buyirani akholawnga khu mubiri kwaye mwene.

\v 19 Ni sina? Khasi mumanyire mbwe omubiri kwao ni ikhekalu ya Rokho mulafu oli mukari mweng'we, owamuli ninaye khurula khu Nasaye, khandi khasi muliwo khulweng'we ebene?
\v 20 Khulwo khubeera eng'we mwakulwa khulwo bukusi: khukario mufumie Nasaye mumibiri kieng'we, alala nende emioyo kieng'we khulwo khubeera ni bia Nasaye nibio.

\c 7
\cl Omuliango 7
\p
\v 1 Bulano khulondana nende amakhuwa kamwanyandikira: nibilayi musaacha khuradira khu mukhasi.
\v 2 Arali khulwo khwikalira buyirani, buli musaacha abe nende mukhasi waye, khandi buli mukhasi abe nende musaacha waye.

\v 3 Omusaacha aberesie omukhasi waye ebiakhoyere okhumuba: omukhasi yeesi akholere musaacha waye ario.
\v 4 Omukhasi abula bunyala khu mubiri kwaye, arali musaacha waye niye oli nende bunyala: omusaacha yeesi abula bunyula khu mubiri kwaye, arali omukhasi waye niye oli nende bunyala.

\v 5 Muremenaanga khaba, arali nimufukirisania khulwe bikha, mbwe munyoole khusiiba nende khulaama; ne nimumala mukalukhe alala khandi, mbwe Sietani arecha yabateema khulwo khuraba nende esikero.
\v 6 Arali mboola kene kano kori nga elikerako, ne khasi ni lilako khaba.
\v 7 Ne ndakhekombere mbwe buli muundu yakhabere kori ngesie. Arali buli muundu ali nende omukabo kwaye khurula khu Nasaye, oundi ali nende kuno, ne oundi naye ali nende kula.

\v 8 Ne khubala abasiri khudekhisania nende abalekhwa, babolera mbwe, nibilayi nibadoonga bario kori ngesie. Arali nibarakhanyala okhweliinda,
\v 9 nibadekhisania: khulwo khuba nibilayi khudekhisania, okhukhira okhuba nende obwekoombi.

\v 10 Ne khubala abamala okhudekhisania, baberesia elilako lino, ne khasi nesie khaba arali ni Mwami niye, omukhasi aralekhana nende omusaacha waye:
\v 11 Arali nalekhana naye, aradeekha khaba, ne nibirali birio, akalukhe khu musaacha waye: khandi musaacha yesi aralekhana nende mukhasi waye.

\v 12 Arali khubala abadongere esie babolera, ne khasi ni Mwami khaba, mbwe omukheerwa yeesi yeesi nali nende omukhasi orasubira, niyeenya okhumenya ninaye, aramwirukhania khaba.
\v 13 Khandi omukhasi oli nende omusaacha orasubira khaba, niyeenya okhumenya ninaye, aralekhana ninaye khaba.
\v 14 Khulwo khuba omusaacha orasubira alabisibwanga khubirira khu mukhasi, khandi omukhasi orasubira alabisibwanga khubirira khu musaacha: ne nibirakhabere birio abaana beng'we khasi bakhalabisibwe; arali bulano balabisibwa.

\v 15 Arali ula orasubira nabwao, mulekhe achie. Omusiani wefwe kose mukhana wefwe oyo khasi ali mububoye khaba mumbeera eyo: arali Nasaye yarulaanga okhumenya mumuleembe.
\v 16 Khulwo khuba ewe mukhasi omanyire orie nibili mbwe ochia khuonia omusaacha wao? kose ewe musaacha, omanyire orie nibili mbwe ochia khuonia omukhasi wao?

\v 17 Arali kori ngolwa Nasaye yaberesia buli muundu omukabo kwaye, buli muundu achiririre kori ngolwa Nasaye yamulanga. Ne elilako lino mberesania khu makanisa koosi
\v 18 Aliwo omuundu yeesi yeesi owalangwa niyakhebwa? Arekhola khuba kori orakhebwa. Aliwo owalangwa nasiri khukhebwa? Arakhebwa khaba.
\v 19 Okhukhebwa khasi ni siindu khaba, khandi okhurakhebwa khasi ni siindu khaba, arali okhuliinda malako ka Nasaye niko akadebisia.

\v 20 Buli muundu adoong'e mumulaango kula okwayalimo nalangwa.
\v 21 Walangwa noli omukholi? Birakhudebisia khaba: arali nonyoola obulekhule nobwekhonyisiria.
\v 22 Khulwo khuba ula owalangwa mumwami nali omukholi, ni mulekhule wo Mwami: kario khandi ula owalangwa nali omulekhule, nomukholi wa Kirisito.
\v 23 Eng'we mwakulwa nende obukusi; khukario muraba abakholi babaandu.
\v 24 Abakheerwa, buli muundu adoong'e nende Nasaye mumbeera yila eya yalimo nalangwa.

\v 25 Bulano khulondana nende abasisira, mbula lilako khurula khu Mwami: arali mberesania amapaaro kange, kori nga ula owanyoola esisa sio Mwami khulwo khuba omwesikwa.
\v 26 Mbaara mbwe khulondana nende obusasikhi bwicha, ni bilayi omuundu adoong'e kori ngolwa ali.

\v 27 Ewe waboywa khu mukhasi? orakoonya okhumulekha. khasi oli omuboye khu mukhasi? Orakoonya mukhasi khaba.
\v 28 Katakario nodeekhia khasi oba okhola imbi khaba; khandi omusisira yesi nadeekha khasi aba akhola imbi. Arali abene abo bachia khuba nende amanyakhano mangi mumubiri: nange ndakha okhubekalira mukene ako.

\v 29 Arali bakheerwa, babolera mbwe, ebikha bidongere nebididi: ne bala abali nende abakhasi babe kori ababula;
\v 30 Ne abalira nabo, babe kori abaralira; bala abasangalire babe kori abarasangalire, ne abakula babe kori ababula esiindu;
\v 31 bala abekhonyera esialo, barasiekhonyera mungeri yo khusinyasia: khulwo khubeera esialo nende ebiindu biasio bichia khubwayo.

\v 32 Arali ndakha mukhaye okhuba nende okhunyakhana. Omusaacha ula osiri khudeekhia adebisibwanga nende ebiindu bio Mwami, kori ngolwa akhoyere okhusangasia Omwami:
\v 33 Arali omusaacha yadeekhia naye adebananga nende ebiindu biomusialo, kori ngolwa anyala okhusangasia omukhasi waye.
\v 34 Khandi khuli nende obukabukhani akari wo mukhasi nende omusisira. Omukhasi osiri khudeekha, adebananga nende amakhuwa ko Mwami, mbwe anyole okhuba mutakatifu mumubiri nende mumwoyo: arali ula owadeekha naye, adebananga nende ebiindu biomusialo, kori ngolwa yakhakheresia omusaacha waye.

\v 35 Ne mboola kene kano khulwo bukhonyi bweng'we; ne khasi bili mbwe ndakha okhubareka khaba, arali ni kori ngolwa bikhoyera, mbwe munyoole khwerusia khukholera Omwami nimurakhwesibwa.

\v 36 Arali omuundu napaara mbwe khasi akholeere omusisira waye ebienyekhana, ne nibili mbwe emiaka kiokhudeekha kiabira, ne yeenya khudeekha, akhole ngolwa yeenya, ne khasi anaba akhola imbi khaba: lekha badekhisianie.
\v 37 Ne nibili mbwe yemere sirungi mumwoyo kwaye, nabula khukhwesana, ne anyala okhwelinda mwene, khandi nalobole khurula mumwoyo kwaye mwene mbwe aliinde omusisira waye, aba akhola bilayi.
\v 38 Khuwlako ula omurusia khuchia khudeekha akhola bilayi lukali.

\v 39 Omukhasi yaboywa nende lilako chinyaanga chioosi echio musaacha waye aliwo mulamu; arali omusaacha waye nafwa, ali mulekhule khudeekhera ula yeesi owayeenya; mukari mwo Mwami mwong'ene.
\v 40 Arali khulondana nende obukhalaki bwange, achia okhuba musangaafu lukali nikaba mbwe adoong'a ario: ne khandi subira mbwe ndi nende Rokho wo Nasaye.

\c 8
\cl Omuliango 8
\p
\v 1 Bulano khulondana nende ebiindu birusibwe khubifwanani, khumanyire mbwe fwesi khuli nende obumanyrsi. Obumanyirisi bureraanga okhwekingula arali obukheeri bumbakhanga.
\v 2 Ne omuundu yeesi napaara mbwe amanyire esliindu, khasi amanyire kori ngolwa akhoyere khumanya.
\v 3 Arali omuundu nakheera Nasaye, omwene oyo amanyikhananga ninaye.

\v 4 Khulwako, khulondana nende ebiindu birusibwe ebisakhiro khu bifwanani, khumanyire mbwe esifwanani khasi ni siindu musialo, khandi abulao oundi orali Nasaye mulala.
\v 5 Khulwo khuba kata nikhuliwo nende abalangwanga mbwe abanasaye, kata mwikulu kose musialo, (kori sa ngolwa abanasaye bangi baliwo, nende abami bangi,)
\v 6 Arali aliwo sa Nasaye mulala khwefwe, niye Sefwe, owa ebiindi bioosi birulakho, khandi fwesi khuli muniye; nende Omwami Yeso Kirisito mulala, owa ebiindu bioosi birulakho, khandi fwesi khuliwo khulwa niye.

\v 7 Ne katakario obumanyirisi buno khasi buli mubuli muundu khaba: khulwo khuba khuli nende abandi abenamiranga ebifwanani, khandi basiri balichaanga ebiindu birusibwe khu bifwanani; ne amapaaro kabwe karebwangamo obumali khulwo khuba nimadekhere.

\v 8 Arali ebiakhulia khasi biruyira khu Nasaye khaba: khukario khasi khunaba abalayi lukali khulwo khulia kose abamaanu lukali khulwo khukhaya khulia.
\v 9 Arali mulingere mbwe obulekhule bweng'we buraba esifune esio muundu mudekhere khwegumula,
\v 10 Khulwo khubeera omuundu yeesi nabona eng'we muli nende obumanyirisi nimwikhale okhulia ebiakhulia mukhekalu yebifwnani, amapaaro ko muundu oli mudekhere khasi kanamufukirira okhuchia khulia ebiakhulia ebirusibwe khu bifwanani?

\v 11 Khandi weenya omukheerwa weng'we owa kirisito yafwira akore khulwo khubeera makesi kao?
\v 12 Arali nokholera omukheerwa wasio mabi, mani okoyanie mapaaro kaye madekhere, oba okholera Kirisito imbi.
\v 13 Khulwako, nibili mbwe ebiakhulia binyala khukera omukheerwa wange yegumula, khasi njia khulia inyama mani ndakera omukheerwa wange yakwa.

\c 9
\cl Omuliango 9
\p
\v 1 Esie khasi ndi murume? Khasi ndi mulekhule? Khasi ndabona Omwami Yeso Kirisito? Khasi muli emirimo kiange mumwami?
\v 2 Ne kata nindarali omurume khu baandu bandi, mbula obukanakani mbwe ndi murume khweng'we: khulwo khubeera eng'we muli esibalikho esioburume bwange mumwami.

\v 3 Elikalusio liange khu bala abandeebanga nilio lino,
\v 4 efwe khubula obunyala obwokhulia nende okhung'wa?
\v 5 Khubula obunyala bwokhubukula omukhana wefwe, omukhasi, kori sa abarume bandi, khandi kori nga abakheerwa bo Mwami nende Kefa?
\v 6 Kose nesie sa sieng'ene nende Baranaba ababula obunyala obwo khukhola ingaanga?

\v 7 Niwina ochichaanga muliyie ebikha biosi biosi khu bukusi bwaye omwene? Niwina orakaanga emisabibu oralichanga ebiamo biakio? kose niwina owayanga eliyiicho orangwechanga amabeere kachio?
\v 8 Mbolanga amakhuwa kano mungeri yomuundu? Amalako kosi sikaboola kario?

\v 9 Khulwo khubeera kaandikwa mumalako ka Musa mbwe, orakayira isurusi okhwaya madimwa. Nasaye adebesibwa nende chisurusi?
\v 10 Kose alomaloma kene kano khulwo khubeera efwe? Khubula obukanakani mbwe kene kano kaandikwa khulwefwe: mbwe ula olima akhoyere alime nende obusubiri; ne ula oreresia bikese akhoyere khureresia nende obusubiri mbwe achia khunyoola omukabo mubusubiri.
\v 11 Ne nibili mbwe efwe khwabaraakamo ebiindu biomumwoyo, nilikhuwa likhoongo efwe nikhukesa ebiindu bieng'we ebiomubiri?

\v 12 Nibili mbwe abaandu bandi bali nende obunyala khweng'we, ewfe nafwe khasi khuli nabwo okhubakhirakho? Ne kata kario khasi khwekhonyesiria obunyala obwo; mbwe khuranyoola okhwikalira ifanjili.
\v 13 Khasi mumanyire mbwe bala abakholanga emirimo kio butakatifu muikhekalu balichaanga okhurula mubwene omwo? khandi abakholanga khubwali balichanga khubwali?
\v 14 Nilwo olwa Nasaye yarao mbwe bala abayaala ifanjili bakhoyere bamenye khurulana nende ifanjili.

\v 15 Arali esie khasi ndekhonyerakho silala khu biene ebio: kose khasi nyandikire kene kano, mbwe nyoole okhukholerwa kene ako: khulwo khubeera biakhabere ebilayi esie khufwa, okhukhira omuundu khukhola okhwelaya khwange khube okhwebikhaya.
\v 16 Khulwo khuba kata kario njalanga ifanjili, mbula esiindu siokhwefumisiria: khulwo khubeera ndaberesebwa kene kano; uuwi khwesie nindarayaala ifanjili!

\v 17 Khulwo khubeera nikhola kene kano mukhukheera, mba ndi nende esianwa: arali nibiba mukhurakheera, mba siri ndi sa nende oburumikhi bweyifanjili obwandaberesibwa.
\v 18 Ne bulano esianwa siange nisina? Nibwadieri mbwe ninjaala ifanjili khoyere mberesanie ifanjili ebikhaya, mbwe ndarekhonyera obunyala bwange bimaanu muyifanjili.

\v 19 Kata kario esie ndi mulekhule khu baandu boosi, ndeekhola okhuba omukholi wa baandu boosi, mbwe banyoole mubungi.
\v 20 Ndekhola okhuba Muyaudi khu Bayaudi, mbwe nyoole Abayaudi; ne khubala abali asi wa malako, ndekhola okhuba kori oli asi wa malako, mbwe nyoole bala abali asi wa malako.

\v 21 Khu bala abali erwanyi wa malako, ndaba kori oli erwanyi wa malako, (nange esie mwene khasi ndi erwanyi wa malako ka Nasaye khaba, arali ndi asi wa malako khu Kirisito,) mbwe nyoole bala abali erwanyi wa malako.
\v 22 Khu bala abali abadekhere ndaba kori ngo mudekhere, mbwe nyoole bala abali badekhere: ndakholwa okhuba buli siindu khu baandu boosi, mbwe nyoole okhuoniakho abandi khunibo muchingira chioosi.
\v 23 Kholaanga amakhuwa kano koosi khulwe ifanjili, mbwe sangirane ninang'we muchikhabi chiayo.

\v 24 Khasi mumanyire mbwe abakerananga muchimbiro berukhaanga boosi, arali mulala niye onyolanga esianwa? Khukario mwirukhe mbwe munyoole.
\v 25 Ne buli muundu olwaniranga okhukhira yelindanga mubiindu bioosi. Bakholanga bario khulwo khunyoola esianwa sio khusasikha; arali efwe nafwe khukholanga khulwo khunyoola sila esirakhasasikha.
\v 26 Khulwako esie khasi njirukhaanga kori ngo muundu obula lichoomo; khasi khuyana kori ngo muundu okhuya mumiyaka;
\v 27 Arali njikhianga asi omubiri kwange, nende okhukura mubukholi: mbwe esie mwene ndareecha ndasukunwa erwanyi nimala okhuyalira abaandu bandi ifanjili.

\c 10
\cl Omuliango 10
\p
\v 1 Khandi abakheerwa, khasi ndakha mukhaye okhumanya, kori nga abebusi befwe boosi bali asi welilesi, khandi boosi babirira munyanja;
\v 2 Ne boosi babatisibwa mu Musa mulilesi nende munyanja;
\v 3 Khandi boosi balia ebiakhulia bio mwoyo;
\v 4 Khandi boosi bang'wa okhung'wa khwo mumwoyo: khulwo khubeera bang'wa khurula mulikina eliabaloonda: ne elikina elio liali Kirisito.

\v 5 Arali Nasaye khasi yasangasibwa nende obungi bwabwe: khulwo khuba basikhwa mulumira.
\v 6 Bulano amakhuwa kano kali esilolero khwefwe, mbwe khuraba abokhwekoomba ebiindu bimaanu, kori ngolwa bosi bekoomba.

\v 7 Kose muraba abokhwinamira ebifwanani, kori ngolwa abandi khunibo bali; kori ngolwa kaandikwa mbwe, abaandu bekhala asi okhulia inyama nende okhung'wa, khandi basingira okhubaya.
\v 8 Kose khurakhola obuyirani, kori ngolwa abandi khunibo bakhola, ne nibafwa abaandu chilifu amakhumi kabiri nende chidaru khu nyaanga ndala.

\v 9 Kose khurateema Kirisito, kori ngolwa abandi khunibo bateema, ne nibasasibwa nende echinjukha.
\v 10 Kose murabulula, kori ngolwa abandi khunibo babulula, ne nibasasibwa nende malaika weliifwa.

\v 11 Bulano amakhuwa kano koosi kekholekhana khulwe bilolero biefwe: khandi kaandikwa khulwo khurukeraka, efwe abesialo siolere mubumalirkhi bwasio.
\v 12 Khulwako ula opaara mbwe yemere, alingere mbwe areecha yaakwa.
\v 13 Libulao eliteemo eliamunyolere arali lila elia baandu bandi bamala khunyoola: arali Nasaye nimwesikwa, khasi achia okhubalekha mbwe mutemibwe okhubira obunyala bweng'we; arali achia khwikula ingira eyokhurula mumateemo, mbwe munyoole okhwesimirisia mumateemo.

\v 14 Khulwako, abakheerwa bange, mwirukhe okhurula mukhwinamira ebifwanani. Nomanomanga ninang'we kori
\v 15 nga baandu abali nende obumanyirisi; khukario mulingeere mukala akanomanoma.
\v 16 Ne esikombe esie chikhabi esia khwaniranga chikhabi, khasi ni obwambani obwa mabaanga ka Kirisito? Ne omugaati okwakhufunakaanga, khasi ni obwambani obwomubiri kwa Kirisito?
\v 17 Khulwo khuba mubungi bwefwe, khuli omugaati mulala, khandi mubiri mulala: khulwo khubeera khuli abasangirani abo mugaati mulala okwo.

\v 18 Lingeera Israili abalondana nende omubiri: abene abo khasi nibo abalichanga ebisakhiro bio busangirani bwo khubwali?
\v 19 Bulano mbolanga sina? mbwe esifwnani ni siindu, kose mbwe ebirusibwe bisakhiro khu bifwanani ni siindu?

\v 20 Arali mboola mbwe, ebiindu bia banasialo barusisie, babirusirianga ebikhieno, ne khasi barusirianga Nasaye khaba: khasi ndakha musangirane nende ebikhieno khaba.
\v 21 Khasi mwakhang'wa musikombe siomwami, nende musikombe sie bikhieno.
\v 22 Kose khwingisianga Omwami mumbalikha? khuli nende amaani okhumukhira?

\v 23 Ebiindu bioosi bifukirirwa khwesie, arali biindu bioosi khasi bili nende ingaanga: ebiindu bioosi bifukirirwa khwesie, arali biindu bioosi khasi biombakha khaba.
\v 24 Omuundu yeesi aredakhira sa amalayi mwene, arali adakhire owasie yeesi amalayi.

\v 25 Lia buli siindu sikusibwa musiiro norareberesia amareebo kokhuparirisia:
\v 26 khulwo khuba esialo ni sia Nasaye, alala nende bioosi ebilimo.
\v 27 Omuundu orasubira yeesi nakhwingisia okhulia ebiakhulia, niwebulira okhuchia, lia buli siindu esia bakhurerera norareberesia amareebo kokhuparirisia.

\v 28 Arali omuundu nakhubolera ari, sino sirusibwa sisakhiro khu sifwnani, oralia khaba khulwa ula okhubolera, nende khulwa khuparirisia: khulwo khuba esialo ni sia Nasaye, alala nende bioosi ebilimo:
\v 29 khasi mbolanga mbwe okhuparirisia khwao, arali okhwo muundu undi: khulwo khuba obulekhule bwange bukhalakirwa burie nende okhuparirisia khwomuundu undi?
\v 30 Khulwo khubeera nibili mbwe esie sangirana khu biakhulia nende obukoosia, khulwa sina nomanomwakho ebimaanu khulwa sila esindebasisie?

\v 31 Khulwako, kata nimulia kose nimung'wa, kose siosi siosi esiamukhola, mukhole bioosi khulwo luyaali lwa Nasaye.
\v 32 Muralomalomwakho amabi khurula khu Bayaudi kose Abanasialo, kose likanisa lia Nasaye:
\v 33 Kata kori ngolwa kheresia abaandu boosi mumakhuwa koosi, nindarakoonya ingaanga yange mwene, arali ingaanga ya baandu bangi, mbwe nyoole okhuonisibwa.

\c 11
\cl Omuliango 11
\p
\v 1 Munoonde esie, kori ngolwa siesi noonda Kirisito.
\v 2 Bulano esie bafumia eng'we abakheerwa, mbwe mwanjichulisia mumakhuwa koosi, khandi mwadiira amakerako akandababeresia.
\v 3 Arali ndakha mumanye mbwe, omurwe kwa buli musaacha ni Kirisito; ne omurwe kwo mukhasi ni musaacha; ne omurwe kwa Kirisito ni Nasaye.
\v 4 Omusaacha yesi yeesi nalaama kose narusia obunabii nafunikhe omurwe kwaye, khasi aberesia oluyaali khu murwe kwaye.

\v 5 Arali buli mukhasi nalaama kose narusia obunabii narafunikhe murwe kwaye, khasi aberesia oluyaali khu murwe kwaye: khulwo khubeera bili sa kori nga abekere omurwe kwaye.
\v 6 Khulwo khuba omukhasi narakhafunikha omurwe kwaye, aduduyie elifwiri liaye: ne nibili mbwe nibiechisoni khu mukhasi khududuyia kose okhubeka elifwiri liaye, afunikhe omurwe kwaye.

\v 7 Omusaacha khasi akhoyere okhufunikha omurwe kwaye, khulwo khubeera niye esifwanani khandi oluyaali lwa Nasaye: arali omukhasi naye ni oluyaali lwo musaacha.
\v 8 Khulwa khuba omusaacha khasi yarula mumukhasi: arali omukhasi niye owarula mumusaacha.

\v 9 Kose omusaacha khasi yalongwa khulwo mukhasi; arali omukhasi niye owalongwa khulwo musaacha.
\v 10 Khulwe sifune sino, nibio ebikera mbwe omukhasi abe nende esimanyiro sio bunyala khu murwe kwaye khulwo khubeera abamalayika.

\v 11 Kata kario mumwami, omusaacha khasi yekabula khumukhasi, khandi omukhasi yeesi khasi yekabula khu musaacha.
\v 12 Khulwo khuba kori sa ngolwo mukhasi arula mumusaacha, nilwo sa kori ngolwa musaacha yeesi arula mumukhasi; arali ebiindu bioosi birula khu Nasaye.

\v 13 Mwekhalakire eng'we bene; ni bilayi khu mukhasi okhulaama Nasaye narafunikhe omurwe kwaye?
\v 14 Ne kata sa imbeera yo khulongwa yene, khasi yibekesia mbwe omusaacha naba nende elifwiri liraambi, nichisoni khuniye?
\v 15 Arali omukhasi naba nende elifwiri liraambi, noluyaali khuniye: khubeera yaberesibwa elifwiri khulwo khumufunikha.
\v 16 Arali omuundu yesi yeesi nadakha okhuyingana khu kene kano, efwe khubulakho emilukha kori kino, kose kata sa makanisa ka Nasaye.

\v 17 Arali khasi bafumia khulondana nende akandakha khubabolera kano, mbwe nimubukanana alala khasi ni khulwe ingaanga arali ni khulwo khunyasia lukali.
\v 18 Khulwo Khubeera elirangira mukoosi, mbulira mbwe nimwicha mukanisa, khubechangao nende obukabukhani akari weng'we; khandi siesi subirakho mukandi khuniko.
\v 19 Khulwo khuba obubacha bukhoyere okhuba nibulikhoo akari weng'we, mbwe bala abafukirirwa banyoole okhubonekhana.

\v 20 khulwo khubeera nimwicha alala, khasi ni khulwo khulia khumeesa yo Mwami eyamulichanga khaba.
\v 21 Khulwo Khuba nimulia, buli mulala alichanga ebiakhulia biaye mwene, abasie nibasiri okhunyoola ebiabwe: khandi oundi ali nende injala, naye oundi amerere.
\v 22 Ni sina? Mubula chinyuumba echiokhuliramo nende khung'wa? Kose mwalekeresia likanisa lia Nasaye nende okhwambia chisoni bala ababula esiindu? Babolere sina? Khoyere bafumie mukene kano? Khasi nyala okhubafumia khaba mukene kano.

\v 23 Khulwo khuba esie ndanyoola khurula khu Mwami kala akandababeresia, mbwe musiro sila esio Mwami Yeso yakhobwa, yabukula omugaati:
\v 24 ne niyamala okhwebasia, yakufunaka, naboola ari, "kuno nikwo omubiri kwange, khulwengwe. mukhole murio khulwo khunjichulisia."

\v 25 Khandi mungeri eyo, yabukula esikombe niyakhamala khulia mugaati, naboloa ari, esikombe sino nisio elilakano liyaakha mumabaanga kange: mukholenge murio buli nimungweramo, khulwe sichulisio siange.
\v 26 Khulwo khuba buli bikha ebiamulia mugaati kuno nende okhung'wa esikombe sino, mwekesianga eliifwa lio Mwami okhuula ngolwa achia khwicha.

\v 27 Khulwako, buli yeesi ochia khulia mugaati kuno, nende okhung'wa esikombe sio Mwami sino mungeri eyirakhoyera, achia khunyoola obukhalaki bwo mubiri nende amabaanga komwami.
\v 28 Arali omuundu yelingere omwene mberi, khwamale alie mugaati nende khung'wa esikombe.
\v 29 Khulwo khuba ula olia nende khungwa mungeri yirakhoyera, alichanga nende khung'wa obukhaliki bwaye mwene, naramanyirisia mubiri kwo Mwami.
\v 30 Khulondana nende kene kano abangi khweng'we babere badekhere nende abo khulwalirira, ne khandi abandi bamala okhufwa.

\v 31 Khulwo khuba nikhwelingera abene, khasi khuchia khukhalakirwa.
\v 32 Arali nikhukhalakirwa, khuba khukololosibwa nende Omwami, mbwe khuranyoola khukhalakirwa nende esialo.

\v 33 Khulwako ebakheerwa bange, nimubukanana okhulia, mulindanenge.
\v 34 Ne nibili mbwe omuundu yeesi ali nende injala, achie alie ingo waye; mbwe mureecha mwanyoola obukhalaki. Ne njia okhubabolera akadongera ninjicha.

\c 12
\cl Omuliango 12
\p
\v 1 Bulano abakheerwa bange, khulondana nende ebianwa bia Roho, khasi ndakha mukhaye khumanya.
\v 2 Mumanyire mbwe mwali abanasialo, khandi mwali nimwakosibwa nende ebifwanani ebiralomaloma, ne nibio ebiabemiriranga mungira chieng'we.
\v 3 Khulwako, ndakha mumanye mbwe abulao omuundu olomalomanga muroho wa Nasaye naboola ari Yeso yachubwa: khandi abulao omuundu owakhabola ari Yeso ni Mwami, arali khulwa Roho mulafu.

\v 4 Bulano khuli nende ebianwa bikabukhane, arali Roho ni mulala.
\v 5 Khandi khuli nende obukholi bukabukhane, arali Omwami ni mulala.
\v 6 Khandi khuli nende emirimo kikabukhane, arali Nasaye mulala niye okholanga kioosi.

\v 7 Arali buli mulala aberesibwanga obufunuli bwa Roho khulwe ingaanga ya baandu boosi.
\v 8 Khulwo khuba Roho yaberesia oundi elikhuwa lio bumanyirisi, ne oundi naye elikhuwa lia makesi khubirira khu Roho mulala oyo.

\v 9 Oundi yaberesibwa obusubiri khurula khu Roho mulala oyo, oundi yaberesibwa ebianwa bio khuonia khurula khu Roho mwene oyo;
\v 10 Oundi yaberesibwa okhukhola aka mangalimwa; oundi obunabii; oundi okhumanyirisia Roho chikabukhane; oundi echinimi chikabukhane; oundi okhukalula chinimi:
\v 11 Arali kino kiosi ni mirimo kia Roho mulala, oberesianga buli muundu, kori ngolwo mwene adakha.

\v 12 Kori sa ngolwo mubiri kuli mulala, nende ebidonye bingi, ne bidonye ebio ni bio mubiri mulala: nilwo olwa Kirisito ali.
\v 13 Khulwo khubeera efwe fwesi khwabatisibwa nende Roho mumubiri mulala, kata nikhuli Abayaudi kose Abanasialo, kata nikhuli ababoye kose abalekhule; khandi khwakholwa okhung'wa muroho mulala.

\v 14 Khulwo khubeera omubiri khasi ni sidonye silala, arali ni bingi.
\v 15 Okhukulu nikhuboola khuri, khulwo khuba esie khasi ndi mukhono, khasi ndi owomubiri, bulano khasi ni kwomubiri?
\v 16 Khandi okhurwi nikhubola khuri, khulwo khubeera esie khasi ndi imoni, khasi ndi owomubiri; bulano khasi khuli okhwo mubiri?
\v 17 Omubiri kwoosi kuba mbwe ni imoni, okhubulira khwakhabere ena? Ne biba mbwe omubiri kwosi kwali okhubulira, okhuunyirisia khwakhabere ena?

\v 18 Arali Nasaye yarao buli sidonye, buli silala khu mubiri, kori ngolwa yadakha.
\v 19 Khandi biba mbwe bioosi biali sidonye silala, omubiri kwakhabere ena?
\v 20 Arali bulano khuli bidonye bingi, ne omubiri ni mulala.

\v 21 Imoni khasi yakhabolera mukhono mbwe khasi khwenya khaba: kose omurwe khasi kwakhabolera okhukulu mbwe khasi khwenya.
\v 22 Ne bila bidonye bio mubiri ebibonekhananga okhuba ebidekhere, bikhoyera lukali.
\v 23 Khandi bila bidonye bio mubiri ebiakhupaara mbwe bibula luyaali, khubiberesianga oluyaali lukhoongo; ne ebidonye biefwe ebirabonekhananga okhuba bilayi, bili nende oluyaali lukali.
\v 24 Ne ebidonye biefwe ebibonekhananga bilayi, khasi bikhoyera: arali Nasaye yara mubiri alala, naberesia oluyaali ebidonye bila ebiabula oluyaali.

\v 25 Yakhola ario mbwe khukhaye okhuba nende obukabukhani mumubiri; arali bidonye bioosi binyoole khukhonyana biene khubiene.
\v 26 Bulona esidonye silala nisinyakhana, ebidonye bindi bioosi binyakhana alala nasio; kose esidonye silala nisinyoola oluyaali, ebidonye bioosi bisangalira alala ninasio.
\v 27 Bulano eng'we neng'we omubiri kwa Kirisito, khandi neng'we ebidonye biaye.

\v 28 Khandi Nasaye yalobola abandi mulikanisa, abamberi ni abarume, obokhubiri ni banabii, abokhudaru ni bekesia, balondakho abokhukhola amangalimwa, nende ebianwa bio khuonia, bala abokhukhoonya, abokhukhola emirimo kio bwimirisi, nende bala abali nende echinimi chikabukhane.
\v 29 Bulano boosi ni barume? boosi ni banabii? boosi ni bekesia? boosi bakholanga amangalimwa?

\v 30 Boosi bali nende ebianwa bio khuonia? boosi balomalomanga muchinimi? boosi bakalulanga chinimi?
\v 31 Arali mukoonye ebianwa bikhongo nende amaani: khandi njia okhubekesia ingira indayi.

\c 13
\cl Omuliango 13
\p
\v 1 Katakario ninyala okhulomaloma muchinimi chia baandu nende abamalayika, nimbula obukheri, mba ndi sa kori okhuba sioka, kose liduramu likhaya.
\v 2 Khandi kata nindi nende esianwa sio bunabii, nende okhumaniyrisia akekisa koosi, nende khumanya koosi; khandi kata nindi nende busubiri bwoosi, obwanyala khurusiao chingulu, ne mbula obukheri, mba ndi sa esikhaya.
\v 3 Khandi kata nindusia ebiindu biange bioosi okhulisia abamanani, nende kata nindusia omubiri kwange mbwe kusambwe, nimbula obukheri, sibulao esiabikhoonya.

\v 4 Obukheeri bwesimirisianga, khandi bwelalikhiranga; obukheeri khasi buboneranga esikhalikhali; obukheeri khasi bwebulisianga khaba, khasi bwekingulanga;
\v 5 khasi bukhayanga okhuba nende ebiima bilayi, khasi bukonyanga amakhuwa kabwo bwene, khasi buchunisibwanga, khasi budiriranga amabi;
\v 6 khasi busangaliranga amabi, arali busangaliranga obwadieri;
\v 7 bwesimirisirianga ebiindu bioosi.

\v 8 Obukheri khasi bwakamanga: arali obunabii nibuliwo, buchia okhwakama; nibili mbwe khuliwo nende chinimi, chichia okhwakama; nibili mbwe khuliwo nende okhumanya, khuchia khwakama.
\v 9 Khulwo khuba khumanyirekho sa musidonye khandi khurusianga bunabii musidonye.
\v 10 Arali lila eliolerera nilichia khwicha, abwene ao lila elirolerera lichia khurulao.

\v 11 Ngolwa ndali nisiri omwana, ndalomalomango kori ngo mwana, ndamanyirisianga ngo mwana, ndaparanga ngo mwana: arali ngolwa ndaba omuundu mukhulundu, ndalekhana nende ebindu bio lwana.
\v 12 Khu bikha bino khuli khuboneranga murangio imali; arali lunyuma khuchia khubona obweni khu bweni: khulwe bikha bino manyirekho sa musidonye; arali lunyuma njia khumanya mubwichufu kori sa ngolwa siesi ndamanyikhana.
\v 13 Ne bulano obusubiri, elinayo, nende obukheeri, bidaru ebio bichia khudongao; arali esikhira bioosi nobukheeri.

\c 14
\cl Omuliango 14
\p
\v 1 Mukoonye obukheri alala nende okhwenya ebianwa bia Roho, ne okhirakhoo munyoole khurusia obunabii.
\v 2 Khulwo khuba ula olomaloma mululimi luramanyikhane khasi alomalomanga nende abaandu khaba, arali alomalomanga nende Nasaye: khulwo khubeera abulao omuundu amanyirisianga akaboola; khulwo khubeera alomalomerenga muroho amakhuwa kekisire.
\v 3 Arali ula orusia obunabii naye alomalomanga nende abaandu khulwo khubombakha, nende khubadinyisia, nende okhubalemisia mioyo.
\v 4 Naye ula olomaloma muchinimi yeyumbakhanga omwene; arali ula orusia obunabii yombakhanga likanisa.

\v 5 Bulano ndakhekombere mbwe mwesi mulomalome muchinimi, arali khukhirakhoo ndekoomba mbwe murusie obunabii: khulwo khubeera ula orusia bunabii akhirakho ula olomaloma muchinimi, kose omuundu amukalulire, mani likanisa linyoole khumbakhwa.
\v 6 Bulano abakheerwa, nibili mbwe njicha ninomanoma muchinimi, mba njia khubakhonya nende sina, nindarakhalomaloma mukhubafunilira, kose mubumanyirisi, kose mubunabii, kose mumekesio?

\v 7 Khandi kata ebiindu bila ebibula obulamu ebirusianga echidoboosi, kori ngo lwika, kose esiliri, nibirarusia chidoboosi chikabukhane, biakhamanyikhana birie mbwe nolwimbo sina olurusibwe nende olwika kose esiliri?
\v 8 Khulwo khubeera itarumbeta niyirarusia chidoboosi chikabukhane, ni wina onerekekha khuchia muliyie?
\v 9 Khukario nilwo olwamuli, nimuralomaloma amakhuwa kanyala khumanyikhana lwangu, akamulomaloma kachia khumanyikhana karie? Khulwo khubeera muchia okhuba nimulomalomeranga sa mumiyaka.

\v 10 Binyalikhana khubao nende echidoboosi chikabukhane musialo, ne ibulao eyirali nende obukhonyi.
\v 11 Khulwako, nindaramanyire ake idoboosi yiboola, njia khuba omusiru khu ula olomaloma idoboosi eyo; naye olomaloma anaba kori musiru khwesie.

\v 12 Kata mwesi muli murio, kori ngolwa muli nende esinani esio khwenya ebianwa bia Roho, mukoonye khunyoola khumbakha likanisa.
\v 13 Bulano ula olomaloma mululimi luramanyikhane, alaame mbwe anyoole okhulukalula.
\v 14 Khulwo khuba ninaamira mululimi oluramanyikhane, omwoyo kwange nikwo okulaama, arali mapaaro kange nako khasi kaana ebiamo.

\v 15 Bili birie bulano? Njia khulaamira muroho, khandi njia khulaama mukhumanyirisia khwosi: njia khwembera muroho, khandi njia khwemba mukhumanyirisia khwosi.
\v 16 Ne niwanira chikhabi muroho, omuundu oli mukari omwo oramanyire akobolanga, achia khuboola arie, ari kabe kario ewe niwebasia?

\v 17 Khulwo khuba ewe webasia bilayi lukali, arali oundi naye khasi yombakhibwa khaba.
\v 18 Esie ndebasianga Nasaye wange, nomanomanga muchinimi okhubakhira mwesi:
\v 19 Arali nyala khulomaloma makhuwa karano kongene mubumanyirisi bwange, mbwe nyoole okhwekesia abaandu bandi bosi khubirira idoboosi yange, khukhira amakhuwa chilifu ekhumi mululimi oluramanyikhane.

\v 20 Abakheerwa, muraba abaana mukhumanyirisia: arali mube kori abaana mumabi, ne mube abaandu bakhulundu mukhupaara.
\v 21 Kaandikwa mumalako mbwe, njia khulomaloma nende abaandu bano muchinimi nende eminwa kia baandu bandi; ne kata kario khasi bachia khumbulira, nilwo olwo Mwami aboola.

\v 22 Bulano, echinimi nisilolero, ne khasi ni khu bala abasubira, arali khu bala abarasubira, ne obunabii khasi nisilolero khu bala abarasubira, arali khu bala abasubira.
\v 23 Ne nikaba mbwe likanisa lioosi libukanana alala, ne abaandu boosi balomaloma muchinimi, abaandu abaramanyire, kose abarasubira beecha akari wabwe, khasi banaboola mbwe nibalalu?

\v 24 Arali boosi nibarusia bunabii, ne omuundu orasubira yeecha akari wabwe, kose ula oramanyire, achia khubulira koosi, khandi achia khukhalakirwa koosi akalomalomwa:
\v 25 Ne kala akekisa mumwoyo kwaye kachia khufunulwa; ne achia okhukwa asi nende obweni okhuwinamira Nasaye, khandi achia khufukirira mbwe Nasaye ali akari weng'we mubwadieri.

\v 26 Bulano ni sina sindi bakheerwa? Nimubukanana, mulala khweng'we ali nende echisapuri, oundi ali nende amekesio, oundi ali nende olulimi, oundi ali nende obufunuli, oundi ali nende obukaluli. Ebiindu bioosi biekholekhane khulwo khumbakhana.
\v 27 Omuundu yeesi nalomaloma mululimi oluramanyikhane, lekha babeo babiri kose badaru, khandi omuundu alomalome oundi niyakhamala, ne oundi naye akalula.
\v 28 Arali omuundu wo khukalula nabulao, buli muundu abulere mukanisa; ne buli muundu yelomalomere omwene nende Nasaye.

\v 29 Abanabii balomalome babiri kose badaru, abandi nabo barekeresie mani bamanyirisie akalomalomwa.
\v 30 Ne owikhale nanyoola obufunuli, owamberi abulere.

\v 31 Khulwo khubeera mwesi munyala khurusia bunabii mulala lunyuma lwa oundi, mbwe mweesi munyoole okhweka, khandi mweesi munyoole khulemisibwa emioyo.
\v 32 Khandi echiroho echia banabii chibuliranga abanabii.
\v 33 Khulwo khuba Nasaye khasi nimuchakisi owo khukoyaana, arali ni womuleembe, kori ngolwa bili mumakanisa koosi aka batakatifu.

\v 34 Abakhasi babulere mumakanisa: khulwo khubeera khasi bafukirirwa okhulomaloma; arali bakhoyere okhweyikhia asi kori sa ngolwa malako kaboola.
\v 35 Ne nisiliwo esiindu sio khweka, bareebe abasaacha babwe mumadaala: khulwo khuba nibie chisoni khu mukhasi khulomaloma mukanisa.
\v 36 Nisina? Likhuwa lia Naasaye liabarulamo? Kose liabechera sa eng'we mweng'ene?

\v 37 Omundu yeesi napaara mbwe nimunabii, kose mbwe ali muroho, akhoyere afukirire mbwe amakhuwa akabaandikira kano ni elilako lio Mwami.
\v 38 Arali omuundu naramanyirisia, lekha adong'e omusiru.

\v 39 Khulwako abakheerwa, mwekoombe obunabii, ne murakayira okhulomloma muchinimi.
\v 40 Ebiindu bioosi biekholekhane mungeri indayi khandi mubukolofu.

\c 15
\cl Omuliango 15
\p
\v 1 Khulwa kene ako abakheerwa, babolera mbwe ifanjili eyandabayalira, eyamwanyoola khandi eyamwemeramo;
\v 2 eyamwaonisibwamo, nimwichulisia kala akandabayalira, ne biraba sa mbwe mwasubira ebikhaya.

\v 3 Khulwo khuba esie ndababeresia kala akandarangira okhunyoloa, mbwe Kirisito yarufwira khulwe chimbi chiefwe khulondana nende amaandiko;
\v 4 khandi mbwe yasiikhwa, mani nalamusibwa inyaanga ya khadaru khulondana nende amaandiko:

\v 5 Khandi mbwe Kefa yamubona, ne olunyuma yabonekhera ekhumi nende babiri:
\v 6 olunyuma yabonekhera abakheerwa abakhira echimia chirano khu bikha bilala; ne obungi bwabwe basiri abalamu; arali abandi bamala okhweyalisia.
\v 7 Olunyama yabonekhera Yakobo; ne khandi amala abonekhera abarume boosi.

\v 8 Khumalirikha khwa koosi yamala yambonekhera siesi, kori nga mulala owebulwa inyuma.
\v 9 Khulwo khubeera esie nisie omudidi akari wa barume, khandi khasi khoyera khulangwa mbwe omurume, khulwo khuba ndasandia likanisa lia Nasaye.

\v 10 Arali ndi ngolwa ndii khulwo bukoosia bwa Nasaye: khandi obukoosia bwaye obwandaberesibwa khasi ni bwe bikhaya khaba; arali ndakhalabana lukali okhukhira boosi: ne khasi nesie khaba, arali nobukoosia bwa Nasaye obwali alala ninange.
\v 11 Khulwako kata nindali esie kose nibo, fwesi khwayaala, khandi boosi basubira.

\v 12 Bulano Kirisito nayaalwa mbwe yalamusibwa mubafu, abandi khweng'we bakhabola barie mbwe obulamusi bwa bafu bubulao?
\v 13 Arali obulamusi bwa bafu nibubulao, mani kata Kirisito yesi hasi aba niyalamukha:
\v 14 ne nibili mbwe Kirisito khasi yalamukha, mani kata okhuyaala khwefwe ni khwebikhaya, khandi obusubiri bweng'we bwosi ni bwe bikhaya.

\v 15 Khandi khuba khubonekhana okhuba abaloli ba Nasaye abobubacha; khulwo khuba khwarusia obuloli nikhubola khuri Nasaye yalamusia Kirisito: owaaba aralamusia khaba, nikaba mbwe abafu khasi balamusibwa.
\v 16 khulwo khubeera abafu nabaralamusibwa, kata kirisito yeesi khasi aba yalamusibwa:
\v 17 Ne nibili mbwe Kirisito khasi yalamusibwa, obusubiri bweng'we ni bwe bikhaya; khandi muba musiri muli muchimbi chieng'we.

\v 18 Ne bala abamala okhweyalisia mukirisito boosi baba basasikha.
\v 19 Ne nibili mbwe mubulamu buno khuli nende linaya mukari mwa kirisito yeng'ane, khuba khuli abaandu bokhwelalikhirwa lukali.

\v 20 Arali bulano Kirisito yalamukha khurula mubafu, namala naba owamberi khulamukha akari wa bala abeyalisia.
\v 21 Khulwo khubeera kori ngolwa eliifwa liecha khubirira khu muundu, obulamusi bwa bafu bwosi bwecha khubirira khu muundu.

\v 22 Khulwo khubeera kori ngolwa abaandu boosi bafwichanga mu Adamu, nilwo olwa boosi bachia okhulamusibwa mukirisito.
\v 23 Arali buli muundu mungeri yaye: Krisito esiamo siamberi; olunyuma bala abasubira Kirisito bachia okhulamusibwa ebikha bia Kirisito achia khwicha.

\v 24 Ne obumalirikhi buchia khwicha, namalire okhuberesia Nasaye sefwe obwami; namalire khusasia oburiki bwoosi nende obunyala bwoosi nende amaani.
\v 25 Khulwo khubeera akhoyere khuruka, okhuula kori ngolwa achia okhura abasuku baye boosi asi wa makulu kaye.
\v 26 Ne omusaku ochia khumalirikha khusasibwa niliifwa.

\v 27 Khulwo khuba yara ebiindu bioosi asi wa makulu kaye. Arali naboola mbwe yara ebiindu bioosi asi waye, bibonekhana mubwakhakhu mbwe kene kano khasi kali khu ula owara ebiindu bioosi asi waye.
\v 28 Khandi ebiindu bioosi nibichia okhuba asi waye, bulano omwana yeesi achia okhuba asi wa ula owara ebiindu biosi asi waye, mbwe Nasaye abe bioosi mu bioosi.

\v 29 Koes bala ababatisibwanga khulwa bafu bachia khukhola sina, abafu nibaralamukha? Bulano ni khulwa sina babatisibwanga kulwa bafu?
\v 30 Khandi khulwa sina khuli mumasira buli bikha?

\v 31 Esie fwichanga buli nyaanga khulwo khwefumia khwange khuno khulondana ninang'we, mukirisito Yeso Omwami wefwe.
\v 32 Nisina esia njia Kkhunyoola mumoni chia baandu, nibili mbwe abafu khasi balamukha, olunyuma lwo khukhuyana nende echisolo ela Efeso? Lekha khulie nende khung'wa khulwo khubeera muchuli khunafwa

\v 33 Murabachwa khaba: omukaanda mumaanu kunyasianga ebiima bilayi.
\v 34 Mube meeso mubulungifu, ne murachiririra okhukhola echimbi; khulwo khubeera abandi babula obumanyirisi bwa Nasaye: mboola kene kano khulwo khubambia echisoni.

\v 35 Arali omuundu undi anareeba ari, abafu babusibwanga barie? khandi bechaanga nende omubiri kufwana kurie?
\v 36 Omusiru ewe, sila esioraka khasi simeranga nisirafwire mberi:

\v 37 Khandi sila esioraka, khasi sichia khumera omubiri, arali ni imwo niyo yichia okhumera, inyala okhuba ingano, kose imwo yindi:
\v 38 Arali Nasaye ayiberesianga omubiri kwayo ngolwa akheera omwene, khandi buli imwo ili nende omubiri kwayo.
\v 39 Chinyama chioosi khasi chifwanananga khaba: arali khuli nende inyama ya baandu, ne inyama yindi niyechisolo, eyindi niyechingeni, ne khandi eyindi niyamayoni.

\v 40 Khandi khuli nende emibiri kio mwikulu, nende emibiri kio musialo: arali oluyaali lwe mibiri kiomwikulu nolundi, khandi oluyaali lwe mibiri kiomusialo nolundi.
\v 41 Khuli nende oluyaali lwe liuba, khandi oluyaali lundi olwo mwosi, khandi oluyaali lundi olwechi'ngini'ngini: khulwo khubeera oluyaali lwe i'ngini'ngini ndala lukabukhananga nende olwe i'ngini'ngini yindi.

\v 42 Khukario nilwo olwo bulamusi bwa bafu buli. Sila esiraakwa mukhusasikha, silamusibwa mukhurasasikha.
\v 43 Siraakwa nisibula oluyaali, ne silamusibwa muluyaali: siraakwa mubudekhere; ne silamusibwa mumaani:
\v 44 siraakwa mumubiri kwe chinyama; ne silamusibwa mumubiri kwo mumwoyo. Nibili mbwe kuliwo omubiri kwe chinyama, khandi kario kuliwo okwo mumwoyo kwosi.

\v 45 Khandi kaandikwa mbwe, omuundu wamberi oli Adamu yakholwa okhuba esiloonge silamu; ne Adamu wo khumalirikha yakholwa okhuba Roho wo khuberesia obulamu.
\v 46 khulwako, esio mwoyo khasi nisio esiarangira, arali esio mubiri nisio esiarangira; nisimala silondakho esia roho.

\v 47 Omundu wamberi ni wo musialo, owalongwa khurula muliloba; omuundu wa khabiri ni Mwami orula mwikulu.
\v 48 Ne kori ngolwa ula owarula musialo ali, nilwo olwa bala boosi abo musialo bali: khandi kori ngolwa ula owo mwikulu ali, nilwo olwa bala abo mwikulu bali.
\v 49 Khandi kori ngolwa khuli nende imbeera yo muundu womusialo, nilwo olwa khuchia khuba nende imbeera yomundu womwikulu.

\v 50 Bulano abekheerwa, mboola mbwe, inyama nende amabaanga khasi binyala okhunyoola obwami bwa Nasaye khaba; kose esisasikha khasi sinyala okhunyoola oburasasikha.
\v 51 Lingeera babolera akobwekisi; efwe fweesi khasi khuchia okhweyalisia, arali fweesi khuchia khukalukhanisibwa,

\v 52 mubikha bio khuliimba nende khulimbula imoni, ebikha bie itarumbeta imalirikha: khulwo khubeera itarumbeta ichia okhurusia idoboosi, ne abafu bachia khulamusibwa mumbeera irasasikha, khandi khuchia khukalukhanisibwa.
\v 53 Khulwo khuba esiokhusasikha sino, okhuula sikholwe okhuba esirasasikha, ne sino esiokhufwa sikholwe okhuba esirakhafwa.

\v 54 Bulano esiakhusasikha sino nisichia okhukholwa okhuba esirasasikha, ne esio khufwa sino nisichia khukholwa okhuba esirakhafwa, abwene ao niwo owa maandiko kaboola mbwe obukhiri bwamira eliifwa, kachia khulirira.
\v 55 Ewe liifwa, obukhiri bwao buli ena? Ewe ing'ani, obukhiri bwao buliena?

\v 56 Obuchuuni bwe liifwa ni imbi; ne amaani keimbi ni malako.
\v 57 Arali khwebasia Nasaye, oruberesianga obukhiri khubirira mumwami wefwe Yeso Kirisito.

\v 58 Khulwako, abakheerwa bange, mweme sirungi, muradengeyisibwa, muchiririre okhukhola emirimo kio Mwami chinyaanga chiosi, khulwo khubeera mumanyire mbwe emirimo kieng'we mumwami khasi ni kiebikhaya khaba.

\c 16
\cl Omuliango 16
\p
\v 1 Bulano khulondana nende okhurusiria abatakatifu, mukhole kori ngolwa ndabolera amakanisa ke Bugalatia.
\v 2 Inyaanga yamberi khujuma, buli muundu abikheenge esiindu, kori ngolwa Nasaye amunyalire, ne ninjicha muraba nende emirimo kio khubuusia.

\v 3 Ninjicha, njia khuruma bala abamuchia khulobola nende ibarwa khuyira Yerusalemu ebianwa bieng'we.
\v 4 Ne nibichia khwenyekhana mbwe siesi njie, mba ndakhachie ninabo.

\v 5 Arali njia okhwicha eyo nindakharula Makedonia: khulwo khuba njia khubirira Makedonia.
\v 6 Ne aundi nyala khumenya ninang'we, kata okhuula mubikha bie imboo, mbwe munyoole okhukhonya mulukeendo lwange olwo khuchia abuundu wosi wosi.

\v 7 Khulwo khuba khasi ndekoomba okhubabona ebikha bino nimbira sa, arali subira mbwe njia khumenya ninang'we khulwe bikha bingi Omwami nanyalira.
\v 8 Arali njia khumenya Efeso okhuula Pentekositi.
\v 9 Khulwo Khubeera omuliango mukhongo kunjikukhire okukhoyera lukali, khandi khuli nende abaandu bangi abakhuyana ninange.

\v 10 Bulano Timoteo niyeecha, mumenye ninaye mungeri eyiramuba oburi: khulwo khubeera akholanga emirimo kio Mwami kori sa ngolwa esie kholanga.
\v 11 Khulwako omuundu yeesi aramulekresia khaba: arali mumwerekesie mumuleembe niyecha owa esie ndi eno: khulwo khuba mwerekekhere alala nende bakheerwa.
\v 12 Ne okhulondana nende Apolo, ndekoomba lukali mbwe yeeche eyo alala nende abakheerwa: arali mwene khasi yadakha okhwicha bikha bino; katakario achia khwicha mubika bikhoyera.

\v 13 Mube meeso, mweme sirungi mubusubiri, mube nga basaacha, mube nende amaani.
\v 14 Mukhole ebiindu bioosi mubukheeri.

\v 15 Khandi basaba e'ngwe bakheerwa, (mumanyire inyuumba ya Sitefano, mbwe niyo eyali ebiamo biamberi ebia Akaya, khandi beerusia okhukholera abatakatifu,)
\v 16 mbwe munyoole okhweyikhia asi wabwe, nende buli muundu orukhonyanga emirimo nakahalabana alala ninafwe.

\v 17 Sangaliire okhwicha khwa Sitefano, Fotunata nende Akiako: khulwo khuba bamberesie bila ebiandaranyoola oweng'we.
\v 18 khandi basangasisie omwoyo kwange alala nende ekieng'we; khulwako, mumanye abaandu kori abo.

\v 19 Amakanisa kali Asia kabakhesia.  Akwila nende Prisila babakhesia mumwami, alala nende likanisa eliri munyuumba mwabwe.
\v 20 Abakheerwa boosi babakhesia. Mukhesanie mukhuchunjunana khutakatifu.

\v 21 Esie Paulo baandikira kano nende omukhono kwange mwene.
\v 22 Omuundu yeesi narakheera Omwami, lekha abe owachubwa, Omwami wefwe, yicha.
\v 23 Obukoosia bwo Mwami wefwe bube ninang'we.
\v 24 Obukheeri bwange bube ninang'we mukirisito. Amina.