lko_reg/41-MAT.usfm

\id MAT
\ide UTF-8
\h Matayo
\toc1 Matayo
\toc2 Matayo
\toc3 mat
\mt Matayo

\c 1
\cl Omuliango  1
\p
\v 1 Esitabo siolwibulo lwa Yeso Kirisito Omwana wa Daudi, omwana wa Ibraimu.
\v 2 Ibraimu yebula Isaaka; Isaaka yebula Yakobo; Yakobo yebula Yuda nende abaana babwe.
\v 3 Yuda niyebula Fares nende Zera mu Tamari; Perusi niyebula Esiromi; Esiromi niyebula Aramu;

\v 4 Aramu niyebula Aminadabu; Aminadabu niyebula Nasoni; Nasoni niyebula Salumoni;
\v 5 Salumoni niyebula Boazi mu Raabu; Boazi niyebula Obedi mu Ruthi; Obedi niyebula Yese;    
\v 6 Yese niyebula Daudi omuruki; Daudi omuruki niyebula Solomoni mu ula owali omukhasi wa Uria;

\v 7 Solomoni niyebula Roboamu; Roboamu niyebula Abiya; Abiya niyebula Asa;
\v 8 Asa niyebula Yosafati; Yosafati niyebula Yoramu; Yoramu niyebula Osia;

\v 9 Osia niyebula Yotamu; Yotamu niyebula Ahasi; Akasi niyebula Esekia;
\v 10 Esekia niyebula Manase; Manase niyebula Amoni; Amoni niyebula Josia;
\v 11 Josia niyebula Yekonia nende abaana babwe, munyanga chokingwa okhuyirwa Babeli:

\v 12 Ne olunyuma lwo khuyirwa Babeli, Yekonia yebula Salatiel; Salatiel niyebula Serubabeli;
\v 13 Serubabeli niyebula Abiudi; Abiudi niyebula Eliakimu; Eliakimu niyebula Asori;
\v 14 Asori niyebula Sadoku; Sadoku niyebula Akimu; Akimu niyebula Eliudi;

\v 15 Eliudi niyebula Eliasari; Eliasari niyebula Matani; ne Matani niyebula Yakobo;
\v 16 Yakobo niyebula Yosefu omusaacha wa Maria, owebula Yeso, olangwa Kirisito.
\v 17 Kario chinjibulo chioosi khurula khu Ibraim khuula khu Daudi ni ekhumi nende chine; khandi okhurula khu Daudi khuula nibairwa Babeli ne chinjibulo ekhumi nende chine; khandi okhurula okhuirwa Babeli okhula khu Kirisito ni echinjibulo ekhumi nende chine.

\v 18 Bulano okhwibulwa khwa Yeso Kirisito khwali khuri: Maria ng'ina olwa yali nafukirire okhudekhisania nende Yosefu, nibasiamenya alala, yanyolekhana nali nende inda ya roho mutakatifu.
\v 19 Ne Yosefu omusaacha waye, khulwo khuba yali omuundu mulungifu narenya okhumuswasia mubwakhaakhu, yapaara omwerusiakho mubwekisi.

\v 20 Arali nga olwa yali naparaanga amakhuwa kano, lola, malaika wa Omwami namulolekhera mumalooro, naboola ari, Yosefu, ewe omwana wa Daudi, oraria dawe khumubukula Maria omukhasi wao: okhuba sila esili muunda mwaye ne sia roho mutakatifu.
\v 21 Ne achia okhwibula omwana omusiani, ne ochia okhumulaanga eliira mbwe Yeso: okhuba achia okhuwonia abaandu baye okhurula muchimbi chiabwe.

\v 22 Bulano kano koosi kekholekha, mbwe kolerere ako Mwami yalomaloma obirira khu munabii, naboola ari,
\v 23 Lingeera, omusisira achia oyera inda, niyebula omwana musiani, ni bachia omulaanga eliira mbwe Emmanueli, elikalulwa mbwe, Nasaye alala nafwe.

\v 24 Manu Yosefu olwayabukha khurula mundoolo nakhola nga olwa malaika wo Mwami yali namubolere, nabukula omukhasi waye:
\v 25 Ne nareyalisia ninaye okhuula olwayebula Omwana waye musiani wa mberi: manu namulaanga eliira mbwe Yeso.

\c 2
\cl Omuliango 2
\p
\v 1 Bulano nga Yeso yebulwa Betelekhemu eya Ebuyaudi munyanga cha muruki Herodi, lingera, abakesi okhurula ebukwe becha Yerusalemu,
\v 2 Ni babola, "Aliena oyo owibulwe omuruki wa Abayaudi?, khuba khubwene ing'ining'ini yaye ebukwe, nikhwichire okhumwinamira."
\v 3 Olwa omuruki Herodi yaburira amakhuwa kano, nabeyabeya alala nende Yerusalemu yoosi.

\v 4 Ne olwa yali nakhunganisie alala abakhulundu ba bakhuhani nende abandiki ba bandu, yabareba owa Krisito akhoyere okhwibulwa.
\v 5 Ne nibamubolera mbwe, mu Betelehemu ya Ebuyaudi: okhuba nilwo olwakaandikwa nende omunabii,
\v 6 Nawe Betelehemu, musialo sia Yuda, solikho omudidi mubakhulundu ba Yuda: okhuba khurula mwewe acha orulamo omwami, owakharuke abaandu bange ba Isiraili.

\v 7 Mani Herodi, olwayali nabalangire abakesi abo mubwekisi, nabanoneresia ebilayi ebikha bia ing'ining'ini yalolekhaniramo.
\v 8 Nabaruma Betelehemu, naboola ari, muchie mumukonye ebilayi omwana mudoro; ne nimumunyoola munderere elikhuwa khandi, mbwe nyale siesi okhuchia omwinamira.

\v 9 Olwa bali nibabulira omuruki, nibabwao; ni lola ing'ining'ini, eyabalola ebukwe, nibemirira, okhula nga olwayola niyeema abundu wa omwana mudoro yali.
\v 10 Olwabalola ing'ining'ini, basangala nende obusangafu bukhongo.

\v 11 Ne olwabengira munyuumba, nibalola omwana mudoro nende Maria ng'ina, bakwa asi, nibamwinamira: Bekula embikhiro chiabwe, nibamuberesia ebianwa; idakhabu, obubani, nende manemane.
\v 12 Ne olwabalabulwa nende Nasaye mumaloro, mbwe barakalukhira owa Herode, bakalukha musialo siabwe obirira ingira yindi

\v 13 Ne olwabali nibabwereo, lola, malaika wa Omwami nalolekhera Yosefu mumaloro, naboola ari, singira, obukule omwana nende ng'ina, mwirukhire Misiri, ne mumenyeyo okhuula olwabarerera elikhuwa: okhuba Herode anakoonya omwana, mudoro khumwira.
\v 14 Olwayabukha, nabukula omwana nende ng'ina musiro, nibachia Misiri:
\v 15 Ne namenyayo okhuula okhufwa khwa Herodi: mbwe kanyole okhulilira akabolwa nende omwami khubirira khu munabii, nabola mbwe, "okhurula Misiri ndalanga omwana wange."

\v 16 Manu Herodi, olwa yalola mbwe abachirwe nende abakesi, yadirwa nende lirima likhongo, naruma mbwe, beere abaana basiani boosi abali mu Betelehemu, nende mumbeka chiayo, khuchakira emiaka kibiri okhwikha asi, olondana nende bikha ebia yali nakhebeere orula khu bakesi.

\v 17 Man nikolerera kalia akabolwa nende Yeremia omunabii, mbwe,
\v 18 "Mu Rama khwaliyo omwoyo nikubulirikha, nikwekaniaya nende okhulira, nende chimbungu chikhongo, Raeli nalilira abaana baye, oburanyala okhudemberesibwa, okhuba abaana baye baumao.

\v 19 Ne olwa Herodi yali namalire okhufwa, lola malaika wo Mwami namulolekhera Yosefu mumalooro mumisiri,
\v 20 " Naboola ari, buukha, obukule omwana mudoro nende ng'ina, ni muchie musialo sia Isiraili: okhuba abakonyanga okhumalao obulamu bwa omwana mudoro bafwa.
\v 21 Naye nabukha, nabukula omwana mudoro nende ng'ina, nibachia musialo sia Isiraili.

\v 22 Arali olwa yaulira mbwe Arikelao yali aruka Ebuyaudi musifwo sia simwana Herodi, yali omuri okhuchiayo, ne oburalindirira, nga olwayali nalabulwe nende Nasaye mumalooro, yakodokha nachia mubidonye bia Galilaya:
\v 23 Mani niyeecha namenya mudokho lilangwa mbwe Nasareti, mbwe kolerere akabolwa nende abanabii, achia okhulangwa mbwe omunasarini.

\c 3
\cl Omuliango 3
\p
\v 1 Munyaanga echio yeecha Yokhana omubatisia, nayala musichiimi sie Buyaudi,
\v 2 " Naboolanga ari, mwekanire eng'we; okhuba obwami bwo mwikuli buli ambi.
\v 3 Okhuba uno niye owalomalomwakho nende omunabii Isaaya, naboola ari omwoyo kwa oyo olangirisianga musichiimi, mureresie ingira yo Mwami, mukololosie chingira chiaye.

\v 4 Ne Yokhana mwene oyo yali nende ingubo yo bwoya bwa ingamia, nende olukhoba lwe isiinga musibuno siaye; ne ebiakhulia biaye biali chisike nende obuukhi bwo musichiimi.
\v 5 Mani Yerusalemu, nende Buyaudi nende chimbeka chioosi echiabodokhana Yorodani nibarula.
\v 6 Nibabatisibwa ninaye muyorodani, nibekanira echimbi chiabwe.

\v 7 Arali olwa yalola obuungi bwa Abafarisaayo nende Abasadukayo nibeecha mbwe ababatisie, yababoolera ari eng'we olwibulo lwe chinjukha, obalabuule okhwirukha lirima eliicha niwina?
\v 8 Bulano yame ebiamo bio bwekalukhani.
\v 9 Ne murapaara nimwebolera mbwe, khuli nende Iburaimu sefwe; okhuba mbabolera mbwe Nasaye anyala okingula abaana ba Iburaimu okhurula mumakina kano.

\v 10 Ne bulano iyaywa irerwe khumusi kwe misaala; khu kario buli musaala okuraama ebiamo bilayi kunaremwa ni kusukunwa mumuliro.
\v 11 Obwadieri esie mbabatisia nende maachi mbwe mwekalukhanie. Ne owiicha inyuma wange ni wamaani okhukhira owandarakhakinga ebilaro biaye: achia okhubabatisia nende Rokho mutakatifu nende omuliro.
\v 12 Owo luderu lwaye luli mumukhono kwaye, ne achia okhulabia olwanyi lwaye, mani abusie ingaano yaye musiaki, ne achia osaamba omukhuchi nende muliro okurasimisibwa.

\v 13 Yeso yamala niyeecha khurula Galilaya khu Yokhana mu Yorodani okhubatisibwa ninaye.
\v 14 Arali Yokhana namukania naboola ari, nisie okhoyera obatisibwa ninawe, khusiina ewe wiiche khwesie?
\v 15 Ne Yeso namukalusia namubolera ari, fukirira kabe kario bulano, khulwo khuba kekholekha okhusirisia akobukololofu koosi, naye namufukirira.

\v 16 Naye Yeso olwayabatisibwa, nabukha narula mumaachi: ne lola, elikulu nilimwikukhira naye nalola Roho wa Nasaye niyeekha nga eliuusi, namwemakho:
\v 17 Ne omwoyo khurula mwikulu, nikuboola kuri, uno niye omwana wange, mukheerwa owa wasagasibwa muniye.

\c 4
\cl Omuliango 4
\p
\v 1 Naye Yeso niyemirirwa nende Roho okhuchia musichiimi mbwe ateemwe nende sietani.
\v 2 Ne olwayali naongere nende okona injala chinyaanga nende ebiro makhumi kane yabulira injala.
\v 3 Ne omurekekhi namwichira namuboolera ari, nikaba mbwe oli omwana wa Nasaye, lagira mbwe amakina kano kekalukhanie omugaati.
\v 4 Naye namukalusia nabola ari, kaandikwa mbwe, omuundu khasi amenya khulwo mugaati kwong'ene, omalao khubirira elikhuwa elirula mumunwa kwa Nasaye.

\v 5 Manu omurekekhi namubukula nayira mudokho litakatifu namura akulu wo busonjo bwe likanisa.
\v 6 manu namuboolera ari, nikali mbwe oli omwana wa Nasaye, wetupe omwene asi: okhuba kaandikwa mbwe, anaruma abamalaika baye khwewe: he mukhano kabwe banakhukinga akulu, kata mbwe ebikha bioosi okhukulu khwao khasi khunegumula khulikina.

\v 7 Yeso namubolera ari, kaandikwa mbwe, ewe orateemanga Omwami Nasaye wao.
\v 8 Khandi, sietani namuyira akulu wo lugulu luleyi, manu namwekesia oburuki bwosi obwe sialo, nende oluyaali lwabwo;
\v 9 Namubolera ari, ebiindu bino bioosi ndakhuba ewe, nikaba mbwe okwa asi manu onyinamire esie.

\v 10 Ne Yeso namuboolera, bwao, sietani: okhuba kaandikwa mbwe, ewe omwinamirenge omwami Nasaye wao, ye yeeng'ane omurumikhire.
\v 11 Manu sietani namulekha, ne, lola, abamalaika nibeecha nibamukhalabanira.

\v 12 Bulanu olwa Yeso yali nabulire mbwe Yokhana yatupwa mumboyero, nachia mu Galilaya;
\v 13 Ne narula Nasareti, niyecha namenya Kaperenaumu, eyiri khunyanja, mulwakho lwa Sabuloni nende Nafutalimu.

\v 14 Mbwe kolerere akaboolwa nende Isaya omunabii, nabola ari,
\v 15 Esialo sia Sabuloni, nende esialo sia Nafutalimu, mungira yokhunyanja, ingerekha wa Yorodani, Galilaya ya Bafulu;
\v 16 Abandu bekhala musiirima babwene obulafu bukhongo; nende khubalia abekhala mumbeka nende musiinikha sia elifwa obulafu bubafumbukhiire.

\v 17 Okhurula ebikha ebio Yeso yachaka okhuyala, nende okhubola ari, mwekalukhanie: okhuba omwami bwomwikulu buli aambi.

\v 18 Ne Yeso, nakendanga khundulo khweinyanja ya Galilaya, yalola abasiani babiri abomunyumba ndala, Simoni olangwa Petero, nende Anderaya omusiani waabwe, nibareka chinjero munyanja: okhuba bali abanaabi.
\v 19 Naye nababoolera ari, munoonde ni ndabakhola abanaabi ba baandu.
\v 20 Ne abwene ao nibalekha enjero chiabwe, nibamulonda.

\v 21 Ne olwa yali nasuda imberi, yalola abasiani bandi babiri, Yakobo omwana wa Sebedayo, nende Yokhana omusiani wabwe, nibali muliaro nende Sebedayo sabwe nibakasianga enjero chabwe; manu nabalanga.
\v 22 Abwene ao nibalekha eliaro nende sabwe, manu nibamulonda.

\v 23 Manu Yeso nachia buli abuundu mu Galilaya yoosi, niyekesia musinagogi chiabwe, nayala ifanjili yo bwami, nende okhuwonia obudekhere bwa buli ingeri nende amalwaye ka echimbia chioosi mubaandu.
\v 24 Ne ifuma yaye nichia buli abuundu mu Siiria yoosi: manu nibamurerera abaandu badekhere boosi abali nibaingirwe nende amalwaye kabuli ingeri nende amachuuni, nende balia abalimo ebikhieno, nende balia abali abalalu, nende abeindulume; ne nabaonia.
\v 25 Ne omukanda mukhongo okwa abandu nikumulonda okhurula Galilay, nende okhurula Dekapolis, nende Yerusalemu, nende okhurula Ebuyaudi, nende okhurula ingerekha wa Yorodani.

\c 5
\cl Omuliango 5
\p
\v 1 Ne olwa yalola omukanda, yanina akulu khulugulu: ne olwa yali niyekhale, abeka baye nibamwichira:
\v 2 Naye niyekula omunwa kwaye, nabekesia, nabola ari,
\v 3 Ni beikhabi abali abamanani mumwoyo: okhuba obwami bwomwikulu nibwabwe.
\v 4 Ni beikhabi abo ababerera: okhuba bachia olemibwa emioyo.

\v 5 Ni beikhabi abo abeduduyia: okhuba bachia khunyoola bulame bwesialo.
\v 6 Ni beikhabi abo abali nende injala nende obulwo bwa obukololofu: okhuba bachia okhwichusibwa.
\v 7 Ni beikhabi abo abesisa okhuba bakhanyole chimbabaasi.
\v 8 Ni beikhabi abo abemioyo milafu: okhuba balilola Nasaye.

\v 9 Ni beikhabi abo abareresianga omulembe: okhuba bakhalangwe abaana ba Nasaye.
\v 10 Ni beikhabi abo abasandisibwa khulwa obulungikhi: okhuba obwami bwomwikulu nibwabwe.

\v 11 Ni beikhabi eng'we, nga olwa abandu babanyeka, nende obasandia, ni baboola amabi koosi akabuli ingeri khweng'we mububacha, khulwange.
\v 12 Mwekhoye, ni mube abasangafu lukali: okhuba esianwa sieng'we mwikulu nesikhongo: okhuba babasaandia bario abanabii abaliwo okhubarangirira eng'we.

\v 13 Eng'we muli omunyu kwe sialo: nikaba mbwe omunyu kukosisie ichamu, kunarebwamo kurie ichamu? khulwesio sikukhoya esilayi siosi, omalao okhutupwa rwanyi, ni kukendwakho nende amakulu kabandu.
\v 14 Muli obulafu bwe sialo. Elidokho liombakhwa khulugulu siliakhekisa

\v 15 Khandi abaandu sibakhambia itara, ni baifunikha musimwero, arali baira khusituuti siayo; ni ibakhoseria boosi abali munyumba.
\v 16 Lekha obulafu bweng'we bwakhe imberi wa bandu, mbwe banyale olola ebikhole bieng'we ebilayi ni bamuba oluyali seng'we oli mwikulu.

\v 17 Murakala mbwe ndecha okhurusiao amalako, kose abanabii: sindeecha okhusasia, arali okhusirisia.
\v 18 Okhuba obwadieri mbaboolera, Okhuula likulu nende sialo olwa bichia obira, inyukuta ndala kata indonyero ndala khasi ichia okhurusibwa khu malako, okhula kori kosi olwakakholerere.

\v 19 Oyo yesi khulwesio ochia okhufunaka kata silala khu bidiidi bia malako kano, manu khandi yekesie abaandu ario, achia olangwa mudiidi mubwami bwo mwikulu; arali ulia ochia okhola manu akekesie oyo achia okhulangwa omukhongo mubwami bwomwikulu.
\v 20 Okhuba mbaboolera mbwe, obulungikhi bweng'we niburachia okhira obulungikhi bwa Bandiiki nende Abafarisayo simwakhengire mubwami bwomwikulu.

\v 21 Mwabulira mbwe, kaboolwa nende abakhale, oreeranga dawe; ni oyo ochia okhwiira aliba mubudinyu bwa okhukhalakirwa:
\v 22 Arali mbaboolera, mbwe oyo yesi owelirima khu musiani wabwe oburali nende esikera, achia okhuba mubudinyu bwokhukhalakirwa: ni oyo oboolera omusiani wabwe mbwe, owesiingwa, achia okhuba mubundinyu bwa esiina: arali oyo ochia oboola ari, omusiru ewe, achia okhuba mubundinyu bwo muliro kwa emagombe.

\v 23 Khu kario ewe norera esianwa siao khu alutari, niwichulisia mbwe simubuluirisania nende omusiani weng'we;
\v 24 lekha awo esianwa siao imberi wa alutari, ni obweo mberi; ochie oulirisanie nende omusiani weng'we, manu okalukhe orusie esianwa siao.

\v 25 Fukirisania nende omusuku wao lwangu, nimusiri khuungira naye; biroola ebikha omusuku yakhuyira khu mukhalaki we siina naye omukhalaki yakhuberesania khu musikari, manu watuupwa mumboye.
\v 26 Bwadieri mbaboolera mbwe, sochia olekhuulwa, okhula olwa wakharunge isende iria yoosi eyo dong'ere nayo mubulamu bwao.

\v 27 Wabulira mbwe kaboolwa nende abakhale, orayiranaga da:
\v 28 Arali mbaboolera, mbwe oliingera omukhasi namwekoomba amalire okhuyirana naye, mumwoyo kwaye.

\v 29 Ne imoni yao inungi nikhwononia, ichomolemo oirusie rwanyi oyitupe ikhurulekho; okhuba nibie ingaanga khwewe mbwe silala khubiomubiri kwao sisasikhe, okhira omubiri kwao kwoosi kusukunwe emagombe.
\v 30 Ni omukhono kwao omulungi nikukhwononia, kuremeyo, manu okutuupe kukhurulekho: okhuba nakeingaanga khwewe mbwe silala khubiomubiri kwao sisasikhe, okhira omubiri kwao kwoosi kusukunwe emangombe

\v 31 Kaboolwa mbwe, oyo owirukhania omukhasi waye, akhoyere amube obwandike bwokhulekhana:
\v 32 Arali mbaboolera, mbwe oyo owirukhiania omukhasi waye, oburali okhulwa obuyeyi, akere ye yairana: ne oyo odekhia omukhasi wirukhanisibwe akhola obuirani.

\v 33 "Khandi, mwabulira mbwe kaboolwa nende abakhale mbwe orechubanga ewe omwene, arali okholera Omwami ebiwasubisia:
\v 34 Arali mbabolera, orechuba buli lwosi; kata khulwelikulu; okhuba niwo owesisaala sioburuki esia Nasaye:
\v 35 kata khulwesialo; okhuba niwo owesimbi ya makulu kaye iri, kata khulwa Yerusalemu, okhuba nilio elidokho lia omuruki omukhongo.

\v 36 Kata orechuba khulwomurwe kwao, obeera sonyala okhukasia efwili elala elafu kata elimari.
\v 37 Arali lekha okhulomaloma khweng'we khube, mbwe kario kario kose khaba khaba kosi kosi akakhira ao karula khu imbi.

\v 38 Mwabulira mbwe kaboolwa, imoni khu imoni, ne liino khu liino:
\v 39 Arali esie mbaboolera mbwe, muraingana nende obwoni; arali yesi oyo okhupama oluyu khundama inungi, muberesie nende indama indi yosi.

\v 40 Kata omuundu nakhuyira musiina sia amalako, ni abukula elikoti liao, lekha abukule nende ingubo yao yomukari yosi.
\v 41 Ne oyo ochia okhuyika okhuchia imaili ndala, chia ninaye echimaili chibiri.
\v 42 Beresia oyo okhusaba, ne oyo okhweyola aramwirukhania dawe.

\v 43 Mwabulire mbwe kaboolwa, mbwe okhere owasio ne omusiule omusuku wao.
\v 44 Arali mbabolera, kheera abasuku beng'we, mubabe ekhabi abo ababachuba, mubakholere amalayi abo ababasiula, ne mubalamira balia ababekhonyera mukhubalekeresia, nende okhubasandia:
\v 45 Mbwe munyole okhuba abana ba seng'we oli mwikulu okhuba akholanga eliuba okhwakhira abonooni nende abalayi, niabakwisirianga ifula abalungifu nende abakhiamu.

\v 46 Okhuba nimukhera sa balia babakhera, sianwa sina esiamuli nasio? Abanasialo bosi sibakholanga saa bario?.
\v 47 Ne nimukhesia saa abebulanwa bong'ene, ne sina esiamukhola okhukhira abandi? abanasialo bosi sibakholanga bario?
\v 48 Khu kario mube abakololofu, kori olwa seng'we oli mwikulu ali omukololofu.

\c 6
\cl Omuliango 6
\p
\v 1 Mulingere mbwe murakhola amalayi keng'we imberi wa bandu, mbwe mulolekhane nabo; okhuba nimukhola murio mubula esianwa khurula khu seng'we oli mwikulu.
\v 2 Khu kario ewe norusia ebianwa biao, oroba oluika imberi wao, nga abekaadi bakholanga mumasinagogi nende khuchingira mbwe baberesibwe oluyali nende abandu obwadieri mbaboolera bamalire okhunyola omurungo kwabwe.

\v 3 Arali ewe norusia ebianwa, kata omukhono kwao mukaada kuramanya akomukhono kwao omuluungi kukhola.
\v 4 Mbwe isadaka yao ibe eyobwekisi: ni soo olola mubwekisi ye omwene anakhurunga mubwakhakhu.

\v 5 Ne khandi eng'we nimulama, muraba nga abekaadi: khuba   bakheera osaba nibemere mumasinagogi nende muchimbeka chie chingira mbwe balolekha nende abaandu. Obwadieri mbaboolera mbwe bamalire okhurungwa.
\v 6 Arali ewe nosaba ingira musigoro mwao, manu wikale olwiki lwao, saba khu soo, oli mubwekisi; ne soo alolanga mubwekisi anakhurunga mubwakhakhu.
\v 7 Arali eng'we nimusaba, murekalukhira kalukhiramo, nga abesialo bakholanga: okhuba bapara mbwe banabulirwa khulwa mangi akabalomaloma.

\v 8 Khu kario muraba nga nibo; okhuba seng'we amanyire ebindu biamwenya, kata nimusiamusaba.
\v 9 Kario musabenge muri: Sefwe oli mwikulu, elira Liao liribwe.
\v 10 Obwami bwao bwiche. Elienya liao liekholekhe musialo, nga olwakekholekha mwikulu.

\v 11 Oruberesie inyanga ino ebiakhulia biefwe bia bulinyanga.
\v 12 Ne orulekhere ebinono biefwe, nga olwakhulekheranga abarukholera amabi.
\v 13 Ne orarura mukhurekekhwa, arali, oruwonie orula Mumabi: Okhuba obwami no bwao, nende obunyala, nende oluyali, oburalibwayo, Kabe kario.

\v 14 Okhuba nimulekhera abandu ebiononi biabwe, seng'we oli mwikulu yesi anabalekhera:
\v 15 Arali nimuralekhera abandu ebionono biabwe, Kata seng'we sachia okhubalekhera ebinono bieng'we.

\v 16 Khwongesiakho nimuli mukhusiiba, muraba nga, abekaadi, nimukhulusia obweni: okhuba bakhuulusianga obweni mbwe, balolekhane nende abandu mbwe basiba. Obwadieri mbaboolera banyolere omurungo kwabwe.
\v 17 Arali ewe, nosiiba, bakha omurwe kwao amafura, ne wosie bweni bwao.
\v 18 Mbwe ewe oralolekha khu baandu mbwe osiiba, arali khu soo oli mubwekisi; ne soo, olola mubwekisi, anakhuruga mubwakhakhu.

\v 19 Murara embikhiro chieng'we khusialo owa masiriri nende chimberebende bisasia, nende owa abebi bafunaka nibeeba.
\v 20 Arali mure embikhiro chieng'we mwikulu, owa masiriri nende chimberebende, birasasia, khandi owa abeebi barakhafunaka beeba:
\v 21 Okhuba owa embikhiro yao iri, awo niwo owa mwoyo kwao Kuchia Okhuba.

\v 22 Itara yomubiri ni imoni; Manu: nikaba mbwe imoni yao iri abwene, omubiri kwao kwoosi kwechulamo obulafu.
\v 23 Arali imoni yao ni iri imbi omubiri kwao kwosi kwechulamo esiirima. Khu kario obulafu bukhulimo nibuba esiirima, esiirima esio sinesikhongo!
\v 24 Aumao omundu onyala orumikhira abami babiri: Okhuba anasiula mulala, ne akheera oundi; khasi munyala orumikhira Nasaye alala nende emiandu.

\v 25 Khulwesio mbaboolera, murabeyabeyera obulamu bweng'we, mbwe munalia murie, kose esiamunang'wa; kata mbwe munefwaala sina khumibiri kieng'we. Bulamu sibukhooyera okhira ebiakhulia, ne mubiri okhira ebiefwaalo?
\v 26 Lingera amayoni kamumiyaka: sikaraka, khandi sikafuna, kata sikabusia kaara mubiaka; Arali seng'we owamwkulu akalisianga. eng'we simukhoyera lukali okakhira?.

\v 27 Niwiina khweng'we mukhubeyabeya onyala okhwemeedakho sikero silala khubukhomefu bwaye?.
\v 28 khulwasina mubeyabeyere ebiefwaalo? Muparekho khu bimuli biomusiguuri nga olwabikhulanga; sibinyakhana, sikalukhanga dawe.
\v 29 Ne khandi mbabolera mbwe, kata Sulemani muluyali lwaye lwosi siyefwalakho nge silala khubino

\v 30 Khu kario nibiri mbwe Nasaye afwala obunyasi bwomusiguri ario, obuliwo lero, ni muchuli bufubwa mutanuru, khasi achia obafwaala lukali okhirao, eng'we ababusubiri budiidi?.
\v 31 Khulwesio murakhendegana, imuboola mbwe, nisina esia khunalia? Kata nisina esiakhunang'wa? kata mbwe khunefwaala khurie?'

\v 32 (Okhubeera ebindu bino bioosi abesialo bakonyanga:) okhuba seng'we womwikulu amanyire mbwe mwenya ebindu bino bioosi.
\v 33 Arali mukonye mberi obwami bwa Nasaye, nende obukololofu bwaye, ne biindu bino bioosi munamederwakho.
\v 34 Khu kario murayendera aka muchuli, khuba muchuli inekhalabanira ebindu bienyekhana eyene. Buli inyanga ibechanga nende eminyakhano kiayo ekiyiyera.

\c 7
\cl Omuliango  7
\p
\v 1 Murayasianga omundu esiina, mbwe mwesi murecha mwayaasibwa.
\v 2 Okhuba nga olwamuyaasia abandu nilwo olwa muchia okhuyaasibwa, ne esikero esia mukereramo, khandi nisio esiamuchia okhukererwamo.

\v 3 Ne khusina ewe ololanga esikokha esiri mumoni yowasio, nisiwichulirakho esikhookho siri mumoni mwao?
\v 4 Kata khandi onyala oboolera orio owasio mbwe, lekha ndusie esikokha mumoni mwao, ni Lola esikhookho siri mumoni yao eyene.
\v 5 Omwekaadi ewe, mberi rusia esikhookho mumoni mwao eyene, khu onyala olola ebilayi Manu orusie esikokha mumoni yowasio.

\v 6 Oraberesia biria ebiri bitakatifu echimbwa, kata murafuuba echilulu imberi wa echimbiichi, chireecha chiasenakira, nende amakulu kachio, manu chiakhukalukhanira nende okhurandula.

\v 7 Saba ne onaberesibwa, koonya ne onanyoola, khong'onda ne onekulirwa.
\v 8 Okhuba buli oyo osaba aberesebwa; ne oyo okoonya. Anyoola; ni oyo okhong'onda yekulirwa.
\v 9 Kata mundu sina khweng'we, owa omwana waye namusaba mugaati, namuberesia elikina?
\v 10 Kata khandi namusaba ing'eni, naye amuba injukha?

\v 11 Nikali mbwe eng'we abali ababi mumanyire okhuberesania ebianwa bilayi khu abaana beng'we, seng'we oli mwikulu sanababeresia ebindu bilayi lukali balia abamusaba?
\v 12 Khu kario ebindu bioosi ebia mwenye abandu babakholere, mwesi mubakholere murio; okhuba kano niko amalako nende abanabii.

\v 13 Mwingire okhubirira musiribwa sinyerere; okhuba esiribwa nesikhongo khandi ingira ni imambali eyichia mubusasikhi, ne nabangi balia abayiloonda.
\v 14 Okhubera esiribwa nesidiidi khandi ingira ne inyerere eyichia mubulamu, ne nabadiidi abainyoola.

\v 15 Mube meso khulwa abanabii bobubacha, ababeechera musiefwalo siamakondi, arali mukari mwabwe ni mabwe malaaba.
\v 16 Muchia khubamanya khulwa ebiamo biabwe, abandu babusianga emisabibu kiamabwa, Kata amakhuyu kia marakalu?
\v 17 Kata kario buli musala mulayi kwamanga ebiamwo bilayi; aràli musala mubi kwamanga ebiamo bibi.

\v 18 Omusala mulayi sikwakhama ebiamo bibi, khandi omusala mubi sikwakhama ebiamo bilayi.
\v 19 Omusala kwosi okuraama ebiamo bilayi kuremwa kukwe as manu kwatupwa mumuliro.
\v 20 Mungeri eyo ebiamo biabwe munabimanya.

\v 21 Sinibuli mundu omboleranga, mbwe Omwami, Omwami, achia okhwingira mubwami bwo mwikulu; arali ulia okholanga lienya lia baba wange oli mwikulu.
\v 22 Abangi bachia okhumbolera inyanga eyo, Omwami, Omwami, khasi khwarusia obunabii mulira liao? khandi mulira liao nikhurusia ebikhieno? khandi mulira liao nikhukhola emirimo mingi ekiukisia!'
\v 23 Ne njia obakalusia mbwe, sindabamanya dawe, mundulekho eng'we abakholi bamabi.

\v 24 Khulwesio oyo yesi obulira amakhuwa kange kano, nakakhola, ndamukeranisia khumundu mukesi, owombakha inyumba yaye khulwanda:
\v 25 Ni ifula niyikha, nemiyembo nikiicha, nende omuyaka nikuucha ni kukhuya inyumba eyo; siyakwa khaba, okhuba yarebwa omuse khulwanda.

\v 26 Ni Oyo yesi obulira amakhuwa kange kano ne sakakhola dawe, achia okeranisibwa khumundu omusiru, owobmbakha inyumba yaye Khu musenye:
\v 27 Manu ifula niyikha emiyembo nikiicha, khandi omuyaka nikuucha nikuuba inyumba eyo; manu nikwa: ne okhukwa khwayo khwali okhukhongo.

\v 28 Olunyuma lwako, olwa Yeso yali namalire khubola makhuwa ako, abandu baukisibwa nende mekesio Kaye.
\v 29 Okhuba yabekesia nga ulia oli nende obunyala oburali nga abandiiki

\c 8
\cl Omuliango 8
\p
\v 1 Olwayali niyekhere khurula khulugulu, mikanda mikhongo kiamulonda.
\v 2 Ne, lola yeecha omukere namwinamira naboola ari, Omwami Noba nojama onyala khundabia.
\v 3 Ne Yeso nakolola omukhono kwaye, namudirakho, nabola, ari njamire; ba omulafu. Ne abweneao obukere bwaye nibwosibwa.

\v 4 Yeso naye namubolera ari, lola orabolerakho omundu: arali bwao, ochie weyekesie khumukukhani, manu orusie esianwa esia Musa yalagira, khulwa obuloli khubo.

\v 5 Ne ngolwa Yeso yali niyengira mu Kaperenaumu, omukhongo wa mayie yamwichira namusaba,
\v 6 nabola ari, Omwami, omukholi wange yeyalisie ingo, nomudekhere welikara, ne achunisibwa lukali.
\v 7 Yeso naye namubolera ari, ndeecha muwonie.

\v 8 Naye omukhongo wa mayie yamukalusia nabola ari, Omwami, sikhoyera ewe okhwicha munyumba yange: arali lomaloma saa elikhuwa liongene, ne omukholi wange anaona.
\v 9 Okhuba esie ndi omundu oli asi wobunyala, khandi ndi nende abasikari abali asi wange: ne mboleranga mulala mbwe chia nachia: ne oundi mbwe icha, ni yeecha; ne khu omukholi wange mbwe, khola sino, ne asikhola.
\v 10 Olwa Yeso yabulira ako, yauka, ne naboolera abo abamulondakho ari, mbaboolera obwadieri, siiri khunyoolakho obusubiri bukhongo kori nga buno khaba muisiraili.

\v 11 Ne mbaboolera mbwe, bangi bachia khwicha khurula bukwe nende mumbo ne bachia khwikhala asi nende Iburaimu, nende Isaaka, nende yakobo, mubwami bwo mwikulu.
\v 12 Arali abaana bobwami bachia okhusukunwa erwanyi musiirima sia rwanyi: eyo khuchia khubayo okhulira nende okhusia meno.
\v 13 Naye Yeso yaboolera omukhongo wa mayie ari, bwao: ne kori ngolwosuubire, nilwo olwakakhwekholekhekho. Ne omukholi waye naona mubikha ebio.

\v 14 Olwa Yeso yachia munyumba ya Petro, nalola ngina mukhaye waye nakonere, naali omulwaye womuyaka.
\v 15 Ne namudira mukhono kwaye, ne omuyaka nikumulekha; ne nabuukha nabakhalabanira.

\v 16 Ingolobe olwayola, bamurerera abangi abali nibechuulemo ebikhieno; ne nawonia boosi abali abalwaye.
\v 17 Mbwe kanyale okhulirira akaboolwa nende Isaya omunabii, naboola ari, yemwene yabukula obulwaye bwefwe, ne niyedwikha obudekhere bwefwe.

\v 18 Bulanu olwa Yeso yalola emikanda mikhongo ambi naye, nalagira mbwe babweo bachie ingerekha olwande lundi.
\v 19 Ne omwandiiki undi niyeecha, namuboolera ari, Omwami, njia okhuloonda wosi owa oba nochia.
\v 20 Ne Yeso namuboolera ari, Amabwe kali nende amena, ne amayoni kaakulu kali nende ebiyu; arali omwana womuundu khasi ali nende owa yalisia omurwe kwaye.

\v 21 Ne oundi khu beka baye namuboolera ari, Omwami, lekha mberi njie siikhe baaba wange.
\v 22 Ne Yeso namuboolera ari, noonde; lekha abafu basiikhe abafu baabwe.

\v 23 Ne olwa yali niyengiire muliaro, abeka baye bamuloonda.
\v 24 Ne, lola, omuyaka mukhongo nikubuukha munyanja, lukali kata eliaro nilifunikhwa nende amafwiinda: arali ye yali mundoolo.
\v 25 Ne abeki baye nibamwichakho, nibamusimusia, nibaboola bari, Omwami, rwambule khusasikha.

\v 26 Ne nababoolera ari, khusina muli abari eng'we abobusuubiri budiidi?. Manu nabuukha, niyalabira omuyaka nende inyanja; obuyenjeefu obukhongo nibubao.
\v 27 Abaandu abo bauka, Nibaboola bari, "uno nimundu sina; owa kata omuyaka nende inyanja bimubulira!

\v 28 Ne olwayola ingerkha musialo sia Abagerasi, yabukanana nende abaandu babiri abali nende ebikhieno, nibarula mubiriindwa, ne bali abaalaba, kata abarakanyira omundu yesi yesi abire khungira eyo.
\v 29 Ne, lola, baalira nibaboola bari, khuli nawe sina, Yeso, ewe mwana wa Nasaye?. Wichire orukhaniakhania ebikha nibisiola?'

\v 30 Ne kwaliwo ale omukanda kwa echimbiichi nichiayanga.
\v 31 Manu ebikhieno nibimusaba, nibiboola mbwe, nikaba mbwe orurusia erwanyi, orulekhe khuchie mumukanda kwa echimbiichi.
\v 32 Naye nabiboolera mbwe muchie; Ne olwabiali nibirurile erwanyi biachia mumukanda kwa echimbiichi; ne lola omukanda kwoosi okwe chimbiichi kwerukha nende esiyoka nikwikhirira okhuchia munyanja, nikhusasikha mumachi

\v 33 Ne abo abaayi bachio niberukha nibachia mudokho, nibaboola bulisindu nende akali nikekholere khu abo abebikhieno.
\v 34 Ne lola edokho lioosi liecha obukanana nende Yeso ne olwabamulola, bamusaba mbwe abweo arule khuchinjakho chiabwe.

\c 9
\cl Omuliango 9
\p
\v 1 Manu niyengira muliaro niyambukha niyeecha mudokho liaye liene.
\v 2 Ne lola, nibamurerera omundu omulwaye wakwa elikara nakonere khusitanda; ne Yeso olwayalola obusuubiri bwabwe naboolera omulwaye welikara ari; omwana lema omwoyo ebiibi biao bilekherwe.

\v 3 Ne lola abandi khu bandiiki nibaboola mu mioyo kiabwe mbwe, omuundu uno yekeranisia khu Nasaye.
\v 4 Ne Yeso olwaya manya amapaaro kabwe naboola ari, khusina muparanga amabi mumioyo kieng'we.
\v 5 Okhuba nisiina esiangu, okhuboola mbwe, ebiibi biao bilekheerwe; kose okhuboola mbwe buukha manu okeende.
\v 6 Arali mbwe munyale okhumanya mbwe omwana womundu ali nende obunyala khusialo okhulekhera echiimbi, manu naboolera omulwaye welikara ari, buukha obukule esitanda siao, ochie munyumba mwao.

\v 7 Manu nabuukha ni nachia munyumba mwaye.
\v 8 Arali olwa omukanda kwalola elio bauka nibaberesia Nasaye oluyali, owaberesania obunyala kori obwo khubandu.
\v 9 Ne olwa Yeso yabira narulire awo, nalola omundu olangwa mbwe Matayo, niyekhaale musiribwa sia obusololi bwobusuru; namuboolera ari, "Noonde" Naye nasingira namulonda.

\v 10 Ne olunyuma olwa Yeso yekhala nalia ebiakhula munyumba, lola abanasialo nende abonooni beecha nibekhala asi alala ninaye nende abeki baye.
\v 11 Ne olwa Abafarisayo balola ako, baboolera abeki baye bari, "khulwasina omwami weng'we alia nende abanasialo nende abonooni?"

\v 12 Arali Yeso olwayabulira ako, nababoolera ari, balia abali abalamu sibenya omulesi, arali abo abali abalwaye.
\v 13 Arali muchie eng'we ne mumanyirisie olwa ako kekesia, nyenya esisa okhira emisango; okhuba sindecha olanga abakololofu arali abonooni mbwe bekanire.

\v 14 Manu abeki ba Yokhana nibamwichira, nibaboola bari, "khusiina efwe nende abafarisayo khusiiba buli, nabo abeki bao sibasiiba?"
\v 15 Ne Yeso nababoolera ari, Abaana ba omugole banyala okhulira, omugole nali nabo? arali chinyanga chakheeche, olwa omugole achia obarusibwakho, ne abweneao bakhasiibe.

\v 16 Abulao omundu orechanga esiraka sia ingubo injiakha khungubo ingofu, okhuba esio esirerweo okhwichusiao sirandukha okhurula khungubo, ne oburandukhe bwaaba obubi.

\v 17 Kata abandu sibara ifini injiakha muchichupa chingofu; okhuba echupa echio chiadikha, manu ifini yidikhe, ne echupa chiasasikha; Arali bara ifini injiakha muchichupa chinjiakh, ne bioosi biba binamenya.

\v 18 Olwayali naboolanga amakhuwa kano, lola niyeecha omuruki undi, namwinamira, naboola ari, omukhana wange kata bulano afwire, arali icha omurekho omukhono kwao, ne anaona.
\v 19 Ne Yeso nabuukha namuloonda abeki baye bosi nibakhola bario.

\v 20 Ne lola omukhasi, owali omulwaye owadachirira emiaka ekhumi nende kibiri, namwichira inyuma, nadira khulikemo lia ingubo yaye.
\v 21 Okhuba yaboola mumwoyo kwaye ari, nikaba sa mbwe ndiira khungubo yaye ndaona.
\v 22 Arali Yeso nakalukhana, ne olwa yamulola, namuboolera ari, "omukhana wange, weberesie omwoyo; obusuubiri bwao bukhuwonisie"ne omukhasi oyo naona khurula ebikha ebio.

\v 23 Ne olwa Yeso yola munyumba mwa omuruki oyo, yalola aboobi ba malere nende abandu nibayokera.
\v 24 Nababoolera ari, "mubweo; okhuba omukhana safwiire, arali akona". Nabo nibamuchekha mukhumulekeresia.

\v 25 Arali olwa bandu barusibwayo, niyengira mukari, namudira omukhono, omukhana nabuukha.
\v 26 Ne ifuma nisalana musialo siosi.

\v 27 Ne olwa yali nabwereo abandu boofu babiri bamulondakho, nibalira nibaboola bari, "Ewe omwana wa Daudi rubere sisa!"
\v 28 Ne olwayali niyengire munyumba, abaandu boofu nibamwichira, Yeso nababoolera ari, "musuubira mbwe nyala okhukhola kano?' Nibamukalusia bari Eee Omwami.

\v 29 Manu nadiira khumoni chiabwe, naboola ari, khulondana nende busuubiri bweng'we kababeere kario.
\v 30 Ne chimoni chiabwe nichiikukha ne Yeso nabalabula, nababoolera ari, 'mulole mbwe omundu aramanyakho ako."
\v 31 Arali olwabali nibabwereo, balandaasia ifuma yaye musialo esio siosi.

\v 32 Olwabali nibarula erwanyi, lola bamurerera omundu omusiru owaliimo esikhieno.
\v 33 Ne olwa esikhieno siakhungwa erwanyi, omusiru nalomaloma; ne omukanda nikuuka nikuboola kuri "kasiiri okhubakho kari mu Isiraili!"
\v 34 Arali Abafarisayo baboola bari, "Arusianga ebikhieno, okhubirira khumwami webikhieno."

\v 35 Ne Yeso nachia mumadokho kosi nende chingoongo niyekesia muchisinagogi kabwe, nayalanga ifanjili eyobwami nende naonia obudekhere bwoosi nende buli amalwaye mubaandu.
\v 36 Arali olwa yalola omukanda, yadirwa nende esisa khubo, okhubeera bali nibajong'ere, nibasalanire, kori amakondi kabula omwayi.

\v 37 Manu nabolera abeki baye ari, elikesa doodo neliingi, arali abakholi bemirimo nabadiidi.
\v 38 Khu kario sabe omwami welikesa, mbwe anyale okhuruma abakholi bemirimo mulikesa liaye

\c 10
\cl Omuliango 10
\p
\v 1 Olwa yali yalanga abeki baye ekhumi na babiri yababeresia obunyala akulu wa echirokho chiesifwaabi okhuchirusia erwanyi nende okhuwonia buli ingeri ya madekhere nende amalwaye koosi.

\v 2 Bulanu ameera ka beki ekhumi na babiri niko kano. Owamberi Simoni olangwa Petero nende Anderea omusiani wabwe, Yakobo omwana wa Zebedayo, nende Yokhana omuisani wabwe.
\v 3 Filipo nende Matulumayo; Tomaasi, nende Matayo omusololi wo busuru, Yakobo omwana wa Alufayo, nende Lebayo owa elira lilangwa mbwe Tadeyo;
\v 4 Simoni mukanani, nende Yuda musikarioti oli niye owamukhoba.

\v 5 Ekhumi na babiri bano Yeso yabaruma imberi, nabalagira mbwe murachiakho khungira ya banasialo, nende mulidokho liosi liosi elia Basamaria murengira.
\v 6 Arali muchie khumakondi keinyumaba ya Isiraili akakora.
\v 7 Ne nimuchia muyaale nimuboola muri, 'Obwami bwomwikulu buliambi.'

\v 8 Muwonie abalwaye, mubuusie abafu, mulabie abobukere, mukhunge bikhieno. Ebikhaya eng'we mwanyoola, ebikhaya muberesanie.
\v 9 Murakiinga idakhabu, kata ifesa kose echisende mumifuko kieng'we dawe,
\v 10 kata omufuko kwolukendo, kose echikanju chibiri kose ebilaro, kata sa indaukhi, okhuba omukholi wemirimo akwanira okhuberesebwa biakhulia biaye.

\v 11 Mulidokho kata lukongo lwosi olwa mwingiramo, mureberesie mbwe niwiina okhoyera, ne abweneao mumenyeyo okhuula olwamubwao.
\v 12 Ne nimwingira munyumba, mubakhesie.
\v 13 Ne nibiri mbwe inyumba eyo ikhoyera, lekha omulembe kweng'we kube khuyo; arali nibiri mbwe siikhoyera lekha omulembe kweng'we kubakalukhire.

\v 14 Ne? ulia yesi orabengisia kata obulira amakhuwa keng'we, nimurula erwanyi we inyumba eyo kata mulidokho musisimule olufu okhurula khubirenge bieng'we.
\v 15 Doodo mbaboolera mbwe kaliba maangu musialo sia Sodoma nende Gomora inyanga yobukhalaki okhira nga kaabe khulidokho elio.

\v 16 Lola mbaruma imberi nga amakondi akari webisuuje khu kario mube abakesi ngechinjukha, ne abedemberefu nga Amausi.
\v 17 Arali mube meso nende abaandu; okhuba bachia okhubayira mubina, nibabarocha muchisinagogi chiabwe.
\v 18 Ne muchia okhuyirwa imberi wa abami nende abaruki khulwange, khulwa obuloli khubo nende abesialo.

\v 19 Arali nibabayira murakanakana akamuchia oboola nende olwamuchia okaboola; okhuba muchia oberesibwa ebikha biene ebio akamuchia oboola.
\v 20 Okhuba sineng'we abalomaloma arali rokho wa Seng'we niye olomaloma mweng'we.

\v 21 Omusiani anakhoba musiani wabwe yeerwe, ne samwana ario khumwana, ne baana banakalukhana khu bebusi babwe, bakere beerwe.
\v 22 Ne muchia okhusinya abaandu boosi khulwa eliira liange; arali ulia owesimirisia okhuula khubumalirikhi achia okhuwonibwa.
\v 23 Arali olwa babasandia mudokho lino, mwirukhire mudokho lindi; okhuba doodo mbaboolera, nimusiri okhurula mumadokho kaisraili, omwana womuundu aliba niyechere.

\v 24 Omweki siyakhaba akulu womwekesia waye, ne omukholi sakhira omwami waye.
\v 25 Kayera omweki okhuba nga omwekesi waye nomukholi okhuba nga omwami waye. Nibiri mbwe balangire mwenengo mbwe Belisebabu, sibanakhira okhulanga abamungo waye bario?

\v 26 Khu kario murabaria okhuba sibulao esiindu siafunikhwa esirachia okhufunulibwa, kose esiekisa esirachia omanyikhana.
\v 27 Akambaboolera musirima mukalomalome mubulafu, ne akamubulira mukhurwi ako muyaala khubirama biechinyumba

\v 28 Ne murabaria abo abeera omubiri, ne sibanyala okhuwira omwoyo; arali murie oyo onyala okhusasia omwoyo nende omubiri emagombe.
\v 29 Amakaburuku kabiri sikakulwanga isende ndala? ne kata elala khuniko siliakhakwa khuloba oburali khulwa seng'we.
\v 30 Kata efwiri liokhumirwe kieng'we liosi liabalwa.
\v 31 Khukario muraria, muli abobukusi okhukhira amakaburuku amangi.

\v 32 Khulwesio oyo oufukirira imberi wa bandu siesi njia omufukirira imberi wa baaba wange oli mwikulu.
\v 33 Arali oyo ondekaana imberi wabandu siesi njia omwekaana imberi wa baaba wange oli mwikulu

\v 34 Murapara mbwe njichire okhurera omulembe khusialo, sindecha okhurera omulembe arali olugaanga.
\v 35 Okhuba ndecha okhurera obulekani akari womundu khusamwana ne omukhana khung'ina, ne mukhomwana, khumasalang'ene.
\v 36 Nabasuku bomundu bachia okhuba abainyumba yaye omwene.

\v 37 Oyo okheere samana kata ng'ina lukali okhukhira, khasi akhoyeera; noyo okheera omusiani waye kata omukhana waye okhukhira khasi akhoyeera.
\v 38 Noyo orabukula omusalaba kwaye manu anoonde esie, khasi akhoyeera.
\v 39 Oyo okoonya obulamu bwaye achia okhubukosia; noyo okosia obulamu bwaye khulwange achia obunyoola.

\v 40 Oyo obengisia eng'we anyingisia esie, noyo onyingisia yengisia oyo owanduma esie.
\v 41 Oyo owingisia omunabii mulira liomunabii anyoola esianwa siomunabii; noyo owingisia omundu mulungifu muliira liomundu mulungifu anyola esianwa siomundu mulungifu.

\v 42 Noyo oberesania esiokhung'wa mulala khu badiidi bano esikombe siamachi manyifu muliira liomweki, doodo mbaboolere, khasi achia okhukosia esianwa siaye.

\c 11
\cl Omuliango 11
\p
\v 1 Ne olunyuma lwa ako, olwa yali namalire okhubalagira abeki baye ekhumi nende babiri yarulao nachia okhwekesia nende okhuyaala mumadokho kabwe.
\v 2 Bulanu olwa Yokhana yali nabuliire mumboyero emirimo kia Kirisito yaruma babiri khubeki baye,
\v 3 namureba ari,"ewe newe oyo okhoyere okhwicha kose khulindirire oundi?"

\v 4 Yeso nakalusia nababolera ari, muchie mwekesie Yokhana khandi ebindu biria ebiamubulira nende okhulola.
\v 5 Aboofu balola, nende abalema bakenda, abakere balabisibwa, nende abadiimbe babulira, abafu babusibwa, ne abamanani banyola oyalirwa ifanjili.
\v 6 Ne noweikhabi ulia arasinyisibwa nange.

\v 7 Nolwa bali nibabwao, Yeso yachaaka obaboolera omukanda olondana nende Yokhana, "mwachia erwanyi musichiimi okhulola sina, elikada liyuyisibwa nende omuyaka?
\v 8 Nikalari kario nisina esiamwacha erwanyi olola? omundu owefwalire engubo endorondoro? lola abo abefwaala engubo endorondoro bali munyumba chiabaruki.

\v 9 Ne mwachia erwanyi okhulola sina? omunabii? kario mbaboolera mbwe, khandi okhira omunabii.
\v 10 Okhuba uno niye owa kaandikwa olondana naye mbwe, lola nduma omurumwa wange imberi wao ochia okhurekekha ingira yao imberi wao.

\v 11 Doodo mbaboolera, akari wa abo abebulwa nende bakhasi asiri okhubao omukhongo kori Yokhana mubatisia. Oburamanyirisia mbwe ulia omalirikha muburuki bwomwikulu nomukhongo omukhira.
\v 12 Ne okhurula munyanga chia Yokhana mubatisia okhula leero oburuki bwomwikulu bunyolekhana khumaani, nabamaani babunyoola khumaani.

\v 13 Okhuba abanabii boosi nende amalako barusia obunabii okhuula khu Yokhana;
\v 14 Ne nibiri mbwe ofukirisania nende kano, uno ni Eliya owakhoyera okhwicha.
\v 15 Oyo oli nende amarwi kabulira, lekha abulire.

\v 16 Arali fwananisia olwibulo luno nende sina? luli nga abaana bekhaale khusiiro ni balanga abasiabwe.
\v 17 Nibaboola bari, khwabobera ifiringi ne khasi mwakhina,

\v 18 Okhuba Yokhana yeecha naralia kata okhug'wa, nibaboola, mbwe ali nende sikhieno.
\v 19 Omwana womuundu yeecha nalia khandi nang'wa, ni baboola mbwe lingera omundu wokulira, khandi omumesi, omwicha wa banasialo nende abonooni arali obukesi bulirira khubaana baye.

\v 20 Manu nachaaka okhwalabira amadokho ako omwa emirimo kiaye mikhongo kiekholekha, okhubeera khasibekanira.
\v 21 Wuuwi khwewe, Korosini, wuuwi ewe Betisaida! okhuba biba mbwe emirimo mikhongo ekiekholekha mwewe, kiekholekha Tiro nende Sidoni, bakhekaniire khale muno muchingubo chia amangunia nende likokhe.
\v 22 Arali mbaboolera mbwe, kaliba maangu khu Tiro nende Sidoni inyanga ya obukhalaki obakhirakho eng'we.

\v 23 Nawe ewe Kaperenaumu, owakingulwa okhuula mwikulu, ochia okalusibwa asi, emagombe; okhuba akamakana, kekholekha mwewe, kekholeekhe mu Sodoma, yakhabere iriwo okhuula inyanga ino.
\v 24 Arali mbaboolera mbwe, kachooba mangu khu sialo sia Sodoma inyanga yobukhalaki okhukhirakho ewe.

\v 25 Ebikha ebio Yeso yakalusia naboola, khwebasia Baaba Omwami welikulu nende sialo okhubera ewe wakisa ebindu bino khubakesi nende abasomi nobafunulira abaana abadiidi.
\v 26 Kata kario Baaba: khulwesio biabonekhana ebilayi mumoni chiao.
\v 27 Ebindu bioosi ndaberesebwa nende Baaba; ne abulao omundu omanyire omwana arali samwana; kata omundu umanyire samwana omalao omwana nende ulia owa omwana achia omufunulira.

\v 28 Mwiiche mwesi eng'we abanyakhana nende okhusidoyerwa mikuku, nasie ndababeresie esiulukho.
\v 29 Mwefwale ejooki liange nimweka khwesie okhuba esie ndi omwedemberefu, khandi omweocherefu mumwoyo, ni muchia okhunyola esiuulukho mumwoyo nimuchia okhunyola esiuulukho.
\v 30 Okhuba elijooki liange nelilayi nomukuku kwange nomwangu.

\c 12
\cl Omuliango 12
\p
\v 1 Ebikha ebio Yeso nachia inyanga ya sabato mundalo ya mandimwa, ne abeki baye bali injala ni nibachaka okhufuna amadimwa madoro nibalia.
\v 2 Arali olwa Abafarisayo balola ako, nibamubolera bari, "lingera abeki bao bakhola akarakhoyera mu amalako, okhola inyanga ya sabato."

\v 3 Arali nababolera ari, khasi mwasomakho aka Daudi yakhola olwayali injala alala nende abayali nabo?
\v 4 Nga olwayengira munyumba ya Nasaye manu nalia emigaati kiokhwekesia ekiali kirakhoyera khu ye okhulia kata balia abali naye arali abakukhani bong'ene.

\v 5 Kata musiasomakho mumalako nga inyanga ya sabato abakukhani bali mukhekalu bonoonianga isabato, nibarabalirwa amabi dawe?
\v 6 Arali mbaboolera mbwe abundu ano aliwo mulala okhira ikhekalu.

\v 7 Arali mumanyire esisina sielikhuwa lino, mbwe nyenya echimbabaasi okhira sisakhiro, simwakhabakhalakira esiina balia ababula esibi.
\v 8 Okhuba omwana wo mundu niye omwami weisabato.

\v 9 Ne olwayali narulire ao nachia musinagogi yabwe.
\v 10 Ne lola yalimo omundu owa omukhono mulema. Ne nibamureeba nibaboola kalakirwa okhuwonia inyanga ya sabato? mbwe banyole omusitaaka.

\v 11 Naye nababoolera ari, ni mundu sina akari weng'we oli nende ekondi elala, nilikwa muliina inyanga ya sabato, khasi anyala okhwingiramo yalirusia erwanyi?
\v 12 Ne biaka birie omundu okhira elikondi? kata kario nelilako okhukhola amalayi inyanga ya isabato."

\v 13 Manu naboolera omundu oyo mbwe kololosia omukhono kwao, nakukolola manu nikukalukha abwene nga okundi.
\v 14 Manu Abafarisayo nibachia erwanyi, nibakhola omukhung'ano khulwaye ngabakhanyoola omusasia.

\v 15 Arali olwa Yeso yamanya ako narula abweneao; ne emikanda mikhongo nikimulonda naye nabaonia boosi.
\v 16 Ne nabakaania mbwe baramukhola yamanyikhana.
\v 17 Mbwe kolerere akalomalomwa nende Isaiah omunabii naboola ari.

\v 18 Lola omukholi wange owandalobola omukherwa wange, owa omwoyo kwange kukherisibwa muye; njia okhura omwoyo kwange khuyie, naachia okhukhalakira esina abanasialo.

\v 19 Sachia okhwingana kata okhurila, kata omundu sachia okhubulirakho idoboosi yaye khuchingira.
\v 20 Elikada liumiye sachia okhufunaka ni olutambi lurusia omuosi sachia olusimia okhula olwachia okhurera obukhalaki mubukhiri.
\v 21 ne mulira liaye abanasialo bachia okhwesika.

\v 22 Manu nibamurera omulala owali nende esikhieno, omwofu khandi omusiru; mani namuwonia mani nanyala okhulomaloma nende okhulola.
\v 23 Omukanda khwosi kwauka, ni babola, uno sino mwana wa Daudi?"

\v 24 Arali olwa Abafarisayo babulira ako, nibaboola bari, 'Omuyia uno sarusia sa ebikhieno arali khulwa Belizebuli omwami we bikhieno.
\v 25 Ne Yeso namanya amapaaro kabwe, nababoolera ari, buli oburuki obwakabukhana obwene khubwene bumalirikhiranga mubusasikhi, ne buli edokho kata inyumba eyakabukhana eyene khuyene siyakheema.

\v 26 Ne nibiri mbwe esikhieno sirusia esikhieno, siakabukhana esiene khusiene; oburuki bwasio buneema burie?.
\v 27 Ne nibiri mbwe esie khulwa Belisebuli njirusia ebikhieno abaana beng; we barusia khumaani kawiina? khulwesio bachia okhuba abakhalaki beng'we.

\v 28 Ne nibiri mbwe khung'a ebikhieno khulwa rokho wa Nasaye manu oburuki bwa Nasaye bwichire khweng'we.
\v 29 Kata kario omundu yakhengira arie munyumba yomundu wamaani, manu anyasie ebindu biaye, nibirali mbwe arangirira yaboya omundu wamaani naamala anyasia inyumba yaye.
\v 30 ulia orali nange nomusuku wange ne ulia orabuusia nange asalania.

\v 31 Khulwesio mbaboolera mbwe engeri chioosi echia ebionoono nende amanyeko bichia olekherwa abandu; arali elinyeko khu Rokho mutakatifu silichia olekherwa abandu.
\v 32 Ne Yesi olamaloma khumwana womundu, achia olekherwa, arali yesi olomaloma khu rokho mutakatifu sachia olekherwa musialo muno kata musialo siicha.

\v 33 Khola omusaala kube omulayi; nebiamo biakwo binaba ebilayi, kose okhole omusaala khuba omubi, nebiamo biakwo biosi binaba ebibi: okhubera omusaala kumanyikhana khulwebiamo biakwo.
\v 34 Olwibulo lwechinjukha, munyala murie, olwamuli abonooni, olomaloma ebindu bilayi? okhuba okhurula mubungi obwa akari mumwoyo omunwa kulomalomanga.
\v 35 Omundu omulayi orula mumbikhiro indayi eyo mumwoyo arusianga ebiindu bilayi; nomuundu mwonooni orula mumbiikhiro yobwonooni arusianga ebiindu biobwoni

\v 36 Arali baboolera mbwe, buli ekhuwa lirakhoya elia bandu bachia olomaloma bakhurusia obubali bwalio, inyanga yobukhalaki.
\v 37 Okhuba khumakhwa kao ochia obalirwa obulungikhi, ne khulwa amakhuwa kao ochia okhalakirwa.

\v 38 Abweneao balala khubandiike nende Abafarisayo nibakalusia nibaboola bari, omwekesia khwenya esilorero okhurula khwewe.
\v 39 Arali nakalusia nababoolera ari, olwibulo lwonooni nende oluyeyi lukonyanga esilolero; nesibulao esilolero sialuchia oberesibwa, arali esilolero sia nabii Yona.
\v 40 Mbwe nga olwa Yona yali echinyanga chidaru nende biro bidaru munda mweing'eni; nilwo olwa omwana womundu achia okhuba enyanga chidaru nende biro bidaru mumwoyo kwesialo.

\v 41 Abandu ba Ninawi babuukhe khulwe obukhalaki alala nende olwibulo luno, ni balukhalakire siina okhubera bekanira mukhuyaala khwa Yona, ne lola omukhongo okhira Yona aliano.

\v 42 Omuruki mukhasi owemwalo achia obuukha mubukhaki nende olwibulo luno ne achia olukhalakira esiina; okhuba yeecha okhurula mumbeka chiesialo siaale okhubulira obukesi bwa Sulemani; ne, lingera, omukhongo okhira Sulemani aliano.

\v 43 Irokho ibi niirula mumundu ikendanga mumbeka chiesiumira okhunyoola okhubuluukha, ne niranyoola wosi.
\v 44 Manu imala iboole iri, njia okalukha munyumba yange yandarulamo, ne niikalukha inyoole niyakhakha manu yeyerwe, ikhwanibwe.
\v 45 Ibwao, ichia niibukula alala nayo echirokho chindi saba echiakoyana lukali oyikhira, nichingira mukari nichimenyamo: ne imbeera imalirikha yomundu oyo ikoyana okhirakho eyamberi, kata kario nilwo olwakachia oba khulwibulo lukoyanu luno.

\v 46 Olwayali nasiri nalomaloma nende bandu, lola ng'ina nende abaana babwe beecha nibekoomba olomaloma naye.
\v 47 Manu mulala namuboolera ari, lola mama wao nende abaana beng'we bali rwanyi bekoomba olomaloma nawe.

\v 48 Arali nakalusia namuboolera oyo owamuboolera ari, mama wange niye wiina? nabaana befwe niwiina?
\v 49 Ne nakolola omukhono kwaye khubeki baye naboola ari, lola mama nende abaana befwe!
\v 50 Okhuba yeesi okhula elienya lia Baaba oli mwikulu oyo niye omusiani nende omukhana wefwe nende mama.

\c 13
\cl Omuliango 13
\p
\v 1 Inyaanga yeneyo Yeso yarula erwanyi weinyuumba, nachia niyekhala khundulo khwe inyanja.
\v 2 Ne omukaanda mukhoongo nikwebuusia alala khuniye, okhuula olwa yachia muliaro niyekhala; ne omukaanda kwoosi nikweema khulukuku.

\v 3 Ne Yeso nababolra ebiindu bingi muchingaado naboola ari, lola, omuraaka yachia okhuraaka.
\v 4 Ne olwayaraaka, imwo yindi yakwa khungira, ne amayoni keecha nikayiboocha:
\v 5 Eyindi nikwa khulwaanda oweliloba liingi libula: ne ebikha bidiidi niimera okhuba siyali nende eloba elioloberera.
\v 6 Ne olwa omubasu kwafwa, yalala; ne okhubeera siyali nende emisi, niifwa.

\v 7 Ne eyindi niikwa mumabwa; amabwa nikamera nikaifumira.
\v 8 Arali eyindi yakwa muloba elilayi; niyaama ebiamo, eyindi imia khumia, eyindi kasasaba khumia, neyindi kadaru khumia.
\v 9 Oli nende marwi, abulire.

\v 10 Ne abeki nibeecha nibamuboolera bari; "khusina abalomalomeraanga mu chingaado?"
\v 11 Nakalusia nababoolera ari, okhubeera kaberesibwa khweng'we okhumanya aka mubwekisi akobwami bwo mwikulu, arali khunibo sikaberesibwa.
\v 12 Okhuba oyo olinabio, khuye bichia khuberesibwa, ne achia oba nabio mubungi; arali oyo obula, orula khuniye bichia obukulibwa kata esiali ninasio.

\v 13 Khulweso mbalomalomera muchingaado: okhuba bali nende chimoni nesichilola, kata kario amarwi nisibabulira kata khandi sibamanyirisia.
\v 14 Ne muko kosirisibwa obunabii bwa Isaya obubola mbwe, okhubulira munabulira, arali simunamanyirisia, ne okhulingera munalingeera arali simunabona.

\v 15 Okhuba emioyo kia Baandu bano kibere emiomu mbwe barachia ebikha bioosi balola nende chimoni chiabwe nibabulira nende amarwi kabwe, nibamanyirisia nende emioyo kiabwe nibakalukhanisibwa, many ndabaonia.

\v 16 Arali chiongerwe ikhabi echimoni cheng'we okhuba chilola: namarwi keng'we okhuba kabulira.
\v 17 Okhuba doodo mbabooler mbwe, abanabii bangi nende abaandu abakolofu bekoomba olola amakhuwa akamulola kano, nisibakalola; nende okhubulira amakhuwa kano akamubulira, arali sibikabulira.

\v 18 Khulwesio mubulire olukaado olwomuraaki.
\v 19 Omuundu yeesi obulira ekhuwa elioburuki, naralimanyirisia, omukoyaani yechaanga, narusia s esirakirwe mumwoyo kwaye, uno niye owanyoola imwo yakwa khungira.

\v 20 Arali ulia owanyoola imwo yakwa khulwanda, oyo niye obulira ekhuwa nende obusangaafu nalifukirira. ebikha
\v 21 Omalao siali nende emisi muyie arali yedemberesia khulwe bikha bidiidi: okhuba amanyakhano kose obukhanakhani nibwiicha khulwa ekhuwa, ebikha nende bikha nakalukha inyuma.

\v 22 Ulia yesi owanyoola imwo yomumabwa ni oyo obulira ekhuwa, namanyakhano kiesialo sino nende obubacha bwo buyiinda bufwinyaa ekhuwa naye akhirwa okhwama ebiamo.
\v 23 Arali ulia onyoola imwo muloba elayi niyo oyo obulira ekhuwa nalimanyirisia; naye yama ebiamo obukhumi imia, abandi amakhumi kasasaba, na abandi amakhumi kadaru.

\v 24 Olukaado lundi yababolera ari, obwami bwomwikulu bufwananisibwa nende omuundu owaraka imwo indayi mundalo yaye.
\v 25 Arali olwa baandu beyalisia, omusuku waye yeecha naraaka amabaye akari weingano, mani nabwao.
\v 26 Arali olweingaano yasebukha niyibula ebiamo amabaye kooosi nikalolekha.

\v 27 Kario abakholi bomweneengo beecha nibamuboolera bari, Omwami siwaraaka imwo indayi mundalo yao, bulano khandi elibaye lurulire ena?
\v 28 "Nababoolera ari, omusuku akholere kano. Abakholi nibamuboolera bari, wakharufukirira khuchie khukeyake nende okabuusia alala?'

\v 29 Arali naboola ari, khaba; mumanya mwaba nimubusia amabaye mweyaka khandi ingano yosi alala nako.
\v 30 Mulekhe bioosi bikhulire alala okhuula mulikesa: nebikha bielikesa ndakhabolere abakesi mbwe "mubusie imberi alala amabaye nimukaboya mumikaanda khukasaamba; arali mubuusie ingano mure musiaki siange."

\v 31 Olukaado lundi yabakanira naboola ari, obwami bwomwikulu buli nga imoni yeimwo yelisaaka eyomuundu yabukula naraaka mundalo mwaye.
\v 32 Eyiri niyo eyindiidi imalirikhayo mumwo yoosi; arali niyikhulire niyibba ikhoongo akari we misaala amayoni komumiyaka keecha nikamenya khumasaga kakwo.

\v 33 Nababoolera olukaado lundi mbwe, obwami bwomwikulu buli nga elimera, eliomukhasi yabukula, mani nakisa mubikero bidaru ebia obusie okhuula olwabwoosi bwekhola elimera.

\v 34 Amakhuwa kano koosi Yeso yaboolera omukaanda muchingaado, he oburali muchingaado siyabalomalomera.
\v 35 Mbwe kanyale okhulirira akalomalomwa nende omunabii naboola ari, ndafuunula omunwa kwange muchingaado ndaboola ebiindu ebiebikha mubwekisi okhurula khumuse okwesialo.

\v 36 Mani Yeso naseebula omukaanda, niyengira munyuumba; abeeki baye nibamwichira, nibaboola bari, 'Rumanyisie olukaado lwa mabaye komundalo."
\v 37 Nabakalusia naboola ari, ulia oraaka imwo indayi nomwana womuundu.
\v 38 Indalo nesialo; imwo indayi nabaana aboburuki; arali amabayi nabaana bomukoyani.
\v 39 Omusuku owaraaka nomukhieni; elikesa nobumalirikhi bwesialo; ne abakesi nibamalaika.

\v 40 Khu kario ngolwa amabaye kanasambibwa nilusambwa mumuliro; nilwo olwakachia okhuba mubumalirikhi obwemsialo sino sino.
\v 41 Omwana womuundu achia oruma imberi abamalaika baye, nibachia obuusia orula mubwami ebiindu bioosi ebisinyisia, nende boosi abakhola akobwononi.
\v 42 Ne achia obasukuna mutanuru eyomuliro, eyo khuchia okhubayo okhuuba echimbuungu nende okhusia ameno.
\v 43 Ne ao abalungifu bachia okhwakha kori eliuba mubwami bwa sabwe. Oli nende marwi kabulira abulire.

\v 44 Khandi obwami bwomwikulu buli nga imbikhiro eyekiswa mumukunda eya omuundi yanyoola nayikisa, ne khulwo busangaafu khulwayo yachia nakusia bioosi ebiyali nabio, mani nakula indalo eyo.
\v 45 Khandi obwami bwo mwikulu buli nga omuundu weingaanga okoonya echilulu echindayi.
\v 46 "Owa, niyakhanyoola ilulu ndala eyobukusi bukhoongo, yachia nakusia bioosi ebiyali nabio ".

\v 47 "Khandi obwami bwo mwikulu bula nga olwero olwasukunwa munyaanja, nilubuusia echindi buli ingeri.
\v 48 Olwa lwali nilwechule, balukhweas khulukuku; nibekhala asi, mani nibabusia ebialimo ebilayi nibabira mubisero, arali ebiibi nibabisukuna."

\v 49 Nilwa ngaolwa olwa kakhabe mubumalirikhi bwesialo. Abamalaika bakheche, nibakabula abonooni okhurula mubalungilfu.
\v 50 "Nibachia obasukuna mutanuru yomuliro, eyo khuchia okhuuba chimbuungu nende okhusia ameno."

\v 51 eso nababolera ari "mumanyirisia ebiindu bino bioosi? "nibamubolera bari "kario omwami".
\v 52 Mani nababolera mbwe, khulwesio buli omwandiiki obalirirwe khu komubwami bwo mwikuli ali nga omuundu mwene inyuumba orusia erwanyi ebiindu biyakha nende bikofu ebiomumbikhiro yaye."
\v 53 Ni l bulano, olwa Yeso yali namalire echingaado chino, nabwao okhuula ao.

\v 54 Ni olwayola musialo saiye, yabekesia musinagogi yabwe nibaukisibwa nibabola bari," omuundu uno yarusia ena amakesi kano, nende ebikhole bikhongo bino ena?
\v 55 "Uno sino mwana womubachi we chimbao? ngina sialangwa Maria? ne abaana babwe si ni Yakobo, nende Yosesi, Simoni nende Yuda?.
\v 56 " Na bakahana babwe, sibali boosi alala nafwe? Bulano muundu uno arusiaena biindu bino bioosi?

\v 57 Mani nibamusinyikhira. Arali Yeso nababolera ari, "omunabii khaba siali noluyaali, arali musialo siaye, nende munyuumba mwayemwene".
\v 58 Bulano siyakhola emirimo mikhongo mingi bweneyo khulwo burasubira bwabwe.

\c 14
\cl Omuliango 14
\p
\v 1 Muchinyaanga echia omuruki Herode yabulira akeyifuma ya Yeso.
\v 2 Nababolera abakholi baye ari, "uno ni Yohana omubatisia; abukhire mubafu, khukario amaani kano kakhola emirimo muniye."

\v 3 Okhuba Herode yali nadirire Yokhana namuboyere, namusukene mumboye, khulwa Herodia, omukhasi wa Filipo omusiani wabwe.
\v 4 Okhuba Yokhana yali namubolera ari, sibifikirirwa khwewe okhudiekha".
\v 5 Ne kata niyali yenyere okhumwira, yaria omukaanda khubeera bamubala nga omunabii.

\v 6 Arali musiserero sio khwibulwa esia Herode, omukhana wa Herodia yakhina imberi wabwe, ni namusangasia Herode.
\v 7 Namulaka mwekhwechuba okhumuberesia sio sio esiyakhasbire.

\v 8 Naye olwayali nakerakwe nende ngina, naboola ari, "mberesie ano omurwe kwa Yokhana omubatisia khuluderu".
\v 9 Ne omuruki naberera; kata khukario khulwe okhwechuba nende khulwa balia abali nibekhale naye, nalagira mbwe bamuberesie.

\v 10 Mani narumanisia okhukhengwa Yokhana omurwe mumboye.
\v 11 Ne omurwe kwaye nikurerwa khuluderu nikuberesibwa omukhana naye nakuirira ngina.
\v 12 Mani abeki ibeecha nibabukula omubiri, nibakusiikha, manu nibachia nibabolera Yeso.

\v 13 Yeso nga olwayabulira ako yarula ao muliaro nachia abuundu owa bandu babula yengene. Ne olwa abaandu babulira, bamulonda khumakulu okhurula mumadokho.
\v 14 Ne Yeso nachia imberi nalola omukaanda mukhoongo: mani nabalolera esisa naonia abalwaye babwe.

\v 15 Ne olwabiola ingolobe, abeki baye bamwichira, nibabola bari, abandu ano nolumira ni khandi ebikha bichire, ruma omukaanda kubweo, bachie muchingoongo, bekulire ebiakhulia."

\v 16 Arali Yeso yaabolera ari, siebenyekhana babweo; eng'we mubaberesie ebiokhulia."
\v 17 Nabo nibamuboloera bari," khuli sa ano nende migaati kirano nende ching'eeni chibiri".
\v 18 Naboola ari, "mubinderere ano."

\v 19 Ne nalagira omukaanda khwikhala asi mubunyasi, ne nabukula emigaati kiraano nende ching'eeni chibiri nalingeera akulu mwikulu nakiberesia chikhabi nkisonyola naberesia abeeki baye emigaati; nibaberesia omukaanda.
\v 20 Manu bosi nibalia nibekura; nibabusia ebikusu biadong'a ebikono ekhumi nende bibiri ebichuule.
\v 21 Ne abo abali nibaliire bali ambi abasaacha echlifu chiraano norusiakho abakhasi nende abaana.

\v 22 Ne abweneao Yeso nabolera abeeki baye okhwngira muliaro, bachie imberi waye, ingerekha naye nabasebula emikaanda khubwao.
\v 23 Ne olwayali namalire okhusebula emikaanda yachia akulu mulugulu yengane okhulama, ne olwa ingolobe yola yaliyo yeng'ane.
\v 24 Arali obwaro bwali bulano akari we inyaanja, nbuyuywa nende amafinda; okhuba omuyaka kwali omuungi.

\v 25 Ne mundiriro ya khune eye siro Yeso yabachira nakeenda khunyaanja.
\v 26 Ne olwa beeki bamulola nakeendanga akulu khunyaanja babeyabeya, nibabola, "nesikhien"! nibalira khulwa oburi.
\v 27 Arali abwenao Yeso nabalomalomera, nabola ari, "mweberesie omwoyo; neesie: muraria;"

\v 28 Petero namukalusia nabola ari, "Omwami, nibiri mbwe newe, nange njicheaowoli khumaachi."
\v 29 Naye Yeso nabola ari, "icha". Ne Petero olwayekha asi khurula mubwaro, yakeenda khumaachi, nachia khu Yeso.
\v 30 Arali ngolwa yalola omuyaka mungi, yaba omuri; nachaaka okhwbira niyayula, naboola ari, Omwami njabine!

\v 31 Ne mubwangu Yeso nakolola omukhono kwaye, namudira, namubolera ari, ewe owobusubiri budidi, mbwe sina okanakan?"
\v 32 Ne olwa okwa bengira nende mubwaro omuyaka nikwakama.
\v 33 Mani abo abali mubwaro beecha ni bamwinamira, nibabola bari, "obwadieri ewe oli omwana wa Nasaye."

\v 34 Ne olwabali nibambukhe bola musialo esia Abagerasi.
\v 35 Ne olwa baandu ba abuundu ao bamumanyirisia, nibarumanisia mubialo ebio bioosi ebibodokhana ao, nibamurera abalwaye boosi.
\v 36 Ne nibamusaba mbwe banyoole sa odiira khulikemo lia ingubo yaye; ne abangi abamudirakho balamusibwa abilayi

\c 15
\cl Omuliango 15
\p
\v 1 Manu nibamwichira Yeso abandiki nende Abafarisayo abali abo Yerusalemu inibabola bari,
\v 2 Khulwasina abeka bao nibakhaya amekesio ka abakhulundu? okhuba sibesaaba amakhono nibalia omugati.
\v 3 Arali yakalusia nababolera ari khulwasina eng'we mwesi mukhayanga elako lia Nasaye khulwa amekesio keng'we?

\v 4 Okhuba Nasaye yalaka nabola ari, beresianga so nende mawo oluyali; ni oyo olomaloma amabi khu simwana kose ngina lekha afwe elifwa.
\v 5 Arali           mbola mbu, yesi ochia obolera simwana kose ngina mbu, ni esianwa sa esiewe onyala onyola nga obukhala khwesie;
\v 6 Ni saberesia simwana kose ngina oluyali, achia oba omulekhule khwesio eng'we mwakhola elako lia Nasaye oba elibula amani khulwa amekesio ken'gwe.

\v 7 Eng'we abekaadi, kali nga Isaya yarusia obunabii khweng'we nabola ari,
\v 8 abandu bano basuda ambi nange nende minwa kiabwe, ni bamba oluyali khubinwa biabwe; arali emioyo kiabwe kiri ale nange.
\v 9 Arali bakhola ebikhaya okhunyinamira ni bekesia amekesio akali amalako kabandu.

\v 10 Ni nalanga omukanda nakhubolera ari, bulira ni mumanyirisie.
\v 11 Si nisiria esichia mumunwa esionoonianga omundu arali siria esirula mumunwa nisio esionoonianga omundi.

\v 12 Manu abeka baye nibeecha nibamubolera bari omanyire mbwe Abafarisayo basinyikhe olwababulire inomanoma yino?'
\v 13 Arali nakalusia nabola ari, 'buli sirake, esie samwana wange womwikulu araraka sichia okhwyakwa.
\v 14 Mubalekhe bongene; babe abaoofu bemirisi ba abaoofu, ni omwofu niyemira omwofu boosi bachia okwa mulina."

\v 15 Manu Petero nakalusia namubolera ari, 'Rubolererkho ako lukado luno."
\v 16 Ni Yeso nabola ari, Eng'we mwesi mubula obumanyirisi?
\v 17 Eng'we khasi mumnyirisia mbwe siosi siosi esingira mukari khumunwa sichia munda, ni sirusibwa erwanyi muchoo?

\v 18 Arali ebindu biria ebirula mumunwa birulira mumwoyo; ni bionoonia omundu.
\v 19 Okhuba okhurula mumwoyo karula amaparo mabi obwiri, obu, obuirani, obwifi, obuloli bwa bubacha, amanyeko.
\v 20 Bino nibio ebindu ebionoonia omundu; arali okhulia oburesaba makhono sibioonia omundu dawe.

\v 21 Mani Yeso narulao nachia khu nyanja ya Tira nende Sidoni.
\v 22 Ni Ni lola omukhasi mukanani narula khumbeka chia inyanja eyo, ni namulirira nabola ari, mber sisa omwami ewe omwana wa Daudi, omukhana wange asandisibwa lukali nende sikhieno.
\v 23 Naaye naramukalusia ekhuwa liosi. Ni abeka baye nebeecha nibamusaba nibaboola bari, murume abweo; okhuba arulirirakho.

\v 24 Naye nakalusia nabola ari, sindaruma arali khumakondi kakora ako inyumba ya Isiraeli.
\v 25 Manu niyecha namwinamira, nabbola ari, omwami khonye.
\v 26 Arali nakalusia nabola ari sinebilayi okhubukula omugati kwa bana, mani otupire chibwa.

\v 27 Naye nabola ari, dod omwami, abula chibwa chilichanga ebikusu bikwa okhurula khumesa ya omuruki wachio.
\v 28 Manu Yeso nakalusia namubolera ari, ewe omukhasi obusubiri bwao nobukhongo; kabe khwewe nga olwa odakhire. Ni omukhana waye nakholwa omulamu okhurula ebikha ebio.

\v 29 Ni Yeso narulao, niyecha ambi nende inyanja ya Glilaya; naniina mulugulu ni niyekhala asi ebweneyo.
\v 30 Ni omukanda mukhongo nikumwichira, nibali alala nende balia abali abalema, aboofu, ababubgafu, abadedwa, nend abandu abangi nibabatupa asi mumakulu ka Yeso ni abaonia.
\v 31 lukai muno kata omukanda kwauka, olwakwalola ababungaf nibalomaloma, abamudwa nibalba balamba, abalema nibakenda nende abaoofu nibalola; ni nibaberesia Nasaye wa Isiraeli oluyali.

\v 32 Mani Yeso nabalanga abeka baye, ni nabola ari, ndolere esisa omukanda okhubera bachiririra nage bulano, enyanga chidaru ni babula esiabalia; ni sindakhabasebula babwe nibasiba barecha bakwa olubuchu khungira.
\v 33 Ni abeka baye nibamubolera bari, "ena ewakhanyola emigati mingi mulumira, ekilisia omukanda mokhongo nga kuno?"
\v 34 Ni Yeso nababolera ari, "muli nende emigati kiinga? nibaola bari saba nende ebing'eni bididi"
\v 35 Mani Yeso nalagira omukanda okhwikhala asi khuloba.

\v 36 Ni nabukula emigati saba nende ching'eni niyebasia, mani nakidonyola naberesia abeka baye, nabeka baye nibaberesia omukanda.
\v 37 Mnai boosi nibabalia nibekura; ni nibabusia ebikusu bie biakhulia abiali nibodong'ere ebikono saba nibichule.
\v 38 Ni balia abalia bali abasacha chilifu chi ne, norabalire abakhasi nende abana.
\v 39 Mani Yeso nasebula omukanda, mani niyengira muliaro, nachi mumbeka chia Magadani.

\c 16
\cl Omuliango 16
\p
\v 1 Abafarisaayo boosi alala nende Abasadukayo beecha, nibamuteema nibamusaba mbwe abekesiekho esilolero okhurula mwikulu.
\v 2 Naye nakalusia nababolera ari, nibili ingolobe, muboola mbwe, esialo siyenjerere: khuba elikulu liakhanye,

\v 3 Ne ichuli muri inaba eyolukeka lero; okhuba elikulu liri liakhanyu khandi lirisa. 'Eng'we abekaadi! mumanyiri okhulabula ifwani yelikulu, arali simunyala okhulabula ebilolero biebikha.
\v 4 "Olwibulo olumaanu khandi olucheke lukoonya esilolero: ne sibulao esilolero esialunaberesebwa arali esilolera esia omunabii Yona." nabalekha, nabwao.

\v 5 Ne olwa abeeki baye beecha ingerekha bali nibebirire obukulu emigaati.
\v 6 Mani Yeso nababolera ari, "mwekenderesie nimuba meeso khulwa lmera lya Abafairisaayo nende Abasadukayo."
\v 7 Nibarebana abene khubene, nibaboola bari, 'nikhulwokhuba sikhubukule emigaati'.
\v 8 Arali Yeso namanyirisia yababolera ari, eng'we abobusubiri budidi, khusina murebana abene, mbwe khulwokhuba simurerere emigaati?

\v 9 Eng'we khasi mumanyirisia kata okhwchulisia emigaati kiraano ekia baandu echilifu chiraano, nende ebikono binga ebiamwabusia?
\v 10 "Kata emigaati saba ekia abaandu echilfu chine, nende ebikono bikhoongo ebiamwabuusia?

\v 11 Kakhaba karie mbwe eng'we simumanyirisia mbwe sindalomloma nangwe olondana nende migaati, arali mbwe muwekenderesie khulwa emera eya Abafarisayo nende Abasadukayo."
\v 12 Mani nibamanyirisia mbwe siyababolera okhuba meeso nende elimera liomugaati arali amekesio kabafarisayo nende abasadukayo.

\v 13 Olwa Yeso yeecha mumbeka chia Kaisaria Filipi nareeba abeeki baye, naboola ari, "abaandu baboolaanga mbwe Omwana womuundu ni wina?"
\v 14 Nabo nibaboola bari, abandi baboola mbwe oli Yokhana omubatisia; abandi bari Eliya, ne bandi Yeremia, kose mulala khu banabii.'
\v 15 Naye nbabolera ari, "Nang'we mubolaanga mbwe ndi wina?"
\v 16 Simoni Petero nakalusia naboola ari, 'Ewe newe Kirisito Omwana wa Nasaye oli mulamu.'

\v 17 Yeso nakalusia namubolera ari, oli oweikhabi ewe Simoni wa Yona; okhuba omubiri nende amabaanga, khasi bikhfunulira kano arali Sefwe oli mwikulu.
\v 18 Ne siesi khuboolera mbwe, ewe oli Petero, ni khulwanda luno njia khumbakha likanisa liange, ne emiliango kia emagoombe sikinayikhira.

\v 19 "Ne njia okhuberesia echifunguo echia obwami bwomwikulu, ne siosi esiochia oboya khusialo sichia oboywa mwikulu, ne siosi esiochia obolola khusialo sichia obololwa mwikulu.
\v 20 Mani nabakania abeeki baye mbwe baraboolerakho omuundu mbwe ye niye Yeso Kirisito.

\v 21 Okhurula ebikha ebio okhuchiririra Yeso yachaaka okhwekesia abeeki baye, mbwe akwanirwa okhuchia Yerusalemu, mani asandisibwe khu biindu bingi khubakhulundu nende abakukhani bakhoongo nende abandiiki nende okhwirwa, mani alamusibwe inyaanga ya khadaru.
\v 22 Mani Petero namubukula nachia namukania naboola ari, "kabe ale nawe Omwami; kano sikachia okhubakho;"
\v 23 Arali Yeso yakalukhana nabolera Petero ari, chia inyuma wange ewe sikhieno; ewe oli esiuku khwesie; okhuba ewe sodeeba ebiindu ebia Nasaye, arali ebiindu ebia abandu.

\v 24 Mani Yeso nabolera abeki baye ari, omuundu yeesi owekoomba okhwicha khwesie yekaane ye omwene mani abukule omusalaba kwaye anoonde.
\v 25 "Okhuba yeesi yeesi ochia owonia obulamu bwaye achia obukosia; ne yeesi yeesi ochia okosia obulamu bwaye khulwange achia okhubunyoola.
\v 26 Okhuba nibieingaanga sina khu muundu okhunyoola esialo siosi ne akosie omwoyo kwaye?, kose nisina esiomuundu yakhaberesiania okhukulasania khulwa omwoyo kwaye?

\v 27 Okhuba omwana womuundu yakheche muluyaali lwosamwana nende abamalaika baye; ne awo yakhaberesie buli muundu olondana nende emirimo kiaye.
\v 28 Doodo mbabolera, baliwo abaandu bandi abemere ano abarachia okhulolakho eliifwa, okhuula olwabachia olola omwana womuundu niyeecha mubwami bwaye.

\c 17
\cl Omuliango 17
\p
\v 1 Ne olunyuma lwechinyaanga chisasaba Yeso yabukula Petero, Yokobo nende Yokhana omusiani wabwe, nabemirira okhuchia akulu mulugulu lurambi bongane.
\v 2 Naye nakalukhanisibwa imberi wabwe; ne obweni bwaye nibwadukha nga eliuba, ne chingubo chiaye chiali ndafu kori obulafu,

\v 3 Ne lola, Musa nende Eliya nibabalolekha nibalomaloma ninaye.
\v 4 Mani Petero nakalusia naboolera Yeso ari, 'Omwami nibelayi efwe okhuba ano; nikakhaba mbwe wenya, lekha khukasie amayema kadaru elala eliao ne elala elia Musa ni elala elia Eliya".

\v 5 Olwayali nasialomalomanga, lola eliresi liakha lukali nilibafunikha, ne lola idobooai khurula muliresi niyiboola iri,"Uno niye Omwana wange mukheerwa, owasangasibwa naye; mumubulire ye eng'we."
\v 6 Ne olwa abeeki babulira ako, bakwa asi khubweni bwabwe nibaria muno.
\v 7 Yeso niyeecha nabadirakho naboola ari, 'buukh muraba abari."
\v 8 Ne olwabali nibakingulire akulu chimoni chiabwe, sibalola omuundu yeesi, arali Yeso yeng'ene.

\v 9 Ne olwabali nibeekha asi orula khulugulu Yeso yabakania nababolera ari murabolerakho omuundu yeesi amalolo okhuula olwa Omwana womuundu abuukha okhurula mubafu."
\v 10 Ne abeeki baye nibamureeba nibaboola bari, khulwasina abandiiki baboolaanga bari okhuula Eliya yeeche mberi?"

\v 11 Ne Yeso nakalusia nababolera ari, "Eliya ni dodo achia khurangirira okhwicha, ne achia okhukalusia ebiindu bioosi.
\v 12 Arali mbabolera mbwe Eliya yamala okhwicha, nabo sibamumanya, arali bamukholakho kosi akabenya. Nilwo olwakachia okhuba Omwana womuundu achia okhusandisibwa mumakhono kabwe.
\v 13 Mani abeeki nibamanyirisia mbwe yabalomalomera olondana nende Yokhana omubatisia.

\v 14 Ne olwabali niboola khumukaanda omuundu namwichira, namusigamira, naboola ari,
\v 15 "Omwami omulolere sisa Omwana wange okhuba niweindulume, khandi achunisibwa lukali; okhuba ebikha bindi akwichaanga mumuliro, ne ebindi mumaachi.
\v 16 " Ne ndamurera khubeeki, bao, nisibanyala okhumuonia."

\v 17 Mani Yeso nakalusia naboola ari, "eng'we abo lwibulo lurasubira khandi olwakhayukha, njia okhuba nang'we okhuula liina? njia okhubesimirisiria okhuula lina? mumunderere ano."
\v 18 Ne Yeso niyalabira esikhieno; nisimurulamo; ne omwana naona ochaaka ebikha ebio.

\v 19 Mani nibamwichira Yeso abeeki mubwekisi, nibabola bari, khulwasina efwe sikhwanyala okhusirusia erwanyi?"
\v 20 Ne Yeso nababolera ari, okhubeera oburasuubira bweng'we; okhuba doodod mbabolera mbwe, nimuba nende obusubiri kori imoni ndala eyo lule, muchia obolera olugulu luno mbwe, 'rula ano ochie olwande lula; niluchia okhuchia; nsibulao esiranyalikhana.
\v 21 Kata kario ebifwani biri khasi birula arali khulwa okhusaaya nende okhusiba.

\v 22 Ne olwabali nibamenyere Galilaya Yeso nababolera, Omwana womundu achia okhobwa mumakhono kabaandu,
\v 23 Ne bachia okumwira, ne inyaanga ya khadaru achia okulamusibwa khandi." Nabo nibaba nende esibera singi lukali.

\v 24 Olwa bali nibolere Kaperenaumu, bala ababukulaanga omusolo kwe ikhekalu beecha khu khu Petero, nibabola bari, omwekesia wao siarungaanga omusolo dawe?"
\v 25 Naboola ari, "Eee". Ne olwayengira munyuumba Yeso yamukania namubolera ari, oparaanga sina Simoni? Abami abokhusialo babukulaanga omuruungo kose omusolo okhurula khuwina? Okhurula khubaana babwe, kose khubakeni?"

\v 26 Petero namubolera ari, khubakeni, "Yeso namubolera ari, khulwesio abaana nabalekhule.
\v 27 Ne khulwo khuba mbwe, khurabakosera, chia ewe munyaanja ne osukune elobo, orusia ing'eeni eyirangirira okhwicha akulu, ne niwakhamala okhwikula omunwa kwayo, ochia onyoola isende; bukula obaberesia khulwange ninawe.

\c 18
\cl Omuliango 18
\p
\v 1 Mubikha ebio abeeki nibeecha khu Yeso, nibabola bari, "Niwina omukhoongo mubwami bwomikulu?"
\v 2 Ne Yeso nalaanga omwana omudidi khuye, namwikhasia akari wabwe,
\v 3 ne nabola, "Doodo mbabolera mbwe, nimurakalukhana, mwaba nga abaana badidi, simuchia okhwingira mubwami bwomwikulu.

\v 4 Khulwesio ula yeesi ochia okhweduduyia omwene kori omwana mudidi, oyo niye omukhoongo mubwami bwomwikulu.
\v 5 Ne yeesi ochia okhwingisia mulala khubana badidi nga uno muliira liange anyingisia esie.
\v 6 Arali ula ochia okhola mulala khubadidi bano abasubira mwesie, okhwonona bikhbere bilayi khu ye mbwe elikina niliakhwboyerwe mukosi mwaye, mani yebisibwe mulusiba lwa inyaanja.

\v 7 " uuwi khusialo okhubeera ebiesikirasio; okhuba ebisikirasio bikhoyera okhwicha; arali uuwi khumuundu oyo owebiesikirasio bichirakho.
\v 8 "Khulwesio omukhono kwao kose okhukulu khwao nibikhukhola okhukhola echimbi, bikhengeyo mani obisukune bikhurulekho; nebilayi khu ewe okhwingira mubulamu o ulema omukhalake, okhira obe nende amakhono kabiri kose amakulu kabiri nofubwa mumuliro okualibwayo.

\v 9 Ne imoni yao niikeera okhole imbi irusie yikhurulekho, nebilayi khuwewde okhwingira mubulamu nende imoni ndala, okhukhira obe nende chimoni chibiri nosukunwa mumuliro kuralibwayo.

\v 10 Mwekenderesie mbwe muralekeresiakho kata mulala khubadidi bano okhuba mbolera mbwe, mwikulu abamalaika babwe bamenya nibalingera obweni bwa baba wange oli mwikulu.
\v 11 Okhuba omwana womuundu yeecha okhuwonia sila esiali siakora.

\v 12 Mupaara murie eng'we? omuundu naba nende amakoondi imia, ni elala likora, khasi alekha amakoondi amakhumi tisa nende tisa, nachia mulugulu mani akonye lira elikorere elala?
\v 13 Ne olwaba nalinyolerw, doodo mbabolera mbe asangalira lukali elikoondi elio, okhira kala amakhumi tisa nende tisa akarakorere.
\v 14 Kata kario sinokhwenya khwa seng'we oli mwikulu, mbwe mulala khubadidi bano akore.

\v 15 Khumedakho nikaba mbwe omusiani weng'we okhwononera, chia omubolere amabi kaye akari weng'we nali yengane; nikaba mbwe akhubulira omunyoolere omusiani wengwe ne narakhubulire bukula mulala kose abandi babiri abakhukhira mbwe mumunwa kwa abaloli babiri kose badaru buli ekhuwa linyoole okhumanyikhana.

\v 17 Ne nibili mbwe achia okhaya okhubabulira, bolera elikanisa; arali nakhaya okhubulira likanisa; lekha abe khweng'we nga orasubira kose omunasialo.

\v 18 Doodo mbabolera mbwe, siosi esiamuchia okhuboya khusialo sichia okuobywa kata mwikulu; ne siosi esiamuchia obolola musialo sichia okhubololwa mwikulu.
\v 19 Khandi mbabolera mbwe, babiri khwengwe nibachia ofukirisania khusialo okhulondana nende esiindu siosi esiabachia osaba bachia okhukholerwa nende baba wange oli mwikulu.
\v 20 Okhuba owa babiri badaru bakhung'ana alala muliira liange, abweneao ndiwo akari wabwe.

\v 21 Mani Petero namwichira naboola ari, Omwami, omusiani wefwe akhoyera okhukholera amabi amakhabi kanga nimulekheraanga? okhula amakhabi saba?"
\v 22 Yeso namumbolera ari, sikhubolera mbwe, okhuula amakhabi saba, arali okhuula amakhabi makhumi saba mara saba.

\v 23 Khulwesio obwami bwo mwikulu bufwananisibwa nende omuruki undi owabukula obubali obwa abakholi baye.
\v 24 Ne olwabachaaka okhubala, mulala yarerwa khuniye, owali nende elikobi liaye elia echitalaanta chilifu ekhumi.
\v 25 Arali okhubeera siyali nanyalirwa okhuruunga, omwami waye yalagira mbwe akusibwe, nende omukhasi waye, nende abaana baye nende bioosi ebiayali nabio, mani elikobi liruungwe.

\v 26 Khlwesio omukholi nakwa asi, namwinamira naboola ari, Omwami ndesimirisirie njia okhuruunga biosi.
\v 27 Mani Omwami womukholi oyo nadirwa nende esisa, namulekhula, namulekhera elikobi.

\v 28 Arali omukholi mwene oyo yarula erwanyi, nanyoola omulala khu bakholi basie, owali nende elikobi liaye lwali nende elikoba elia echikhela emia ndala: namurakho omukhono namudiira eliprokodo naboola ari, nduung'e biria ebiawandeyola.
\v 29 Ne omukholi wasie namukwa mumakulu, namusaba naboola ari, ndesimirisirie njia okhuruunga bioosi.

\v 30 Naye siyafukirira; arali yachia namusukuna mumboyero okhuula olwa yaruunga elikobi.
\v 31 Kario olwa bakholi basie balola esiali nisiekholekhe belalikhira lukali nibeecha nibabolera Omwami wabwe kosi akekholekha.

\v 32 Mani Omwami waye, namalire okhumulaanga, yamubolera ari, ewe omukholi mumaanu ndakhulekhera ekobi lilia lioosi, okhubeera ewe wandekweeda.
\v 33 Ewe wesi siwakhamulolerekho esisa omukholi wasio, ngolwa siesi ndakhulolera esisa?'

\v 34 Ne omwami waye naluluma, namuberesania abakhaniakhani okhuula olwa yakharuunge bioosi ebiayali nabanjwa.
\v 35 Kario nilwo olwa achia okhola Sefwe oli mwikulu, khweng'we, nikaba mbwe okhurula mumioyo kieng'we simulekhera buli mulala omusiani wabwe ebionono biaye.

\c 19
\cl Omuliango 19
\p
\v 1 Ne olunyuma Yeso amalire obuboola kano, arula ebugalilaya niyeecha khuchingongo echie buyaudi igerekha we Yorodani. Ne omukanda omukhongo nikumuloonda, naye nabaonia eyo.

\v 3 Abafarisayo boosi nibamwichakho, nibamuteema, nibamureba bari, nelilako khu musacha okhumulekha omukhasi waye khulwa esikera siosi siosi?
\v 4 Naye nakalusia nababolera ari, simwasomakho, mbwe ulia owabalonga mukhuchaka yabalonga omusacha nende omukhasi.

\v 5 Naboola ari, khulwesio omundu achia obalekha samwana nende ng'ina, ne achia okhwambana nende omukhasi waye; nibabiri bachia oba omubiri mulala.
\v 6 Khwesio khasibali babiri arali omubiri mulala khulwako esia Nasaye yambanisie alala omundu yesi arakabukhania."

\v 7 Nabo nibamubolera bari, "khulwasina Musa bulano yalagira okhuberesania obwandike bwokhulekhana, nende okhumwerusiakho?"
\v 8 Naye nababolera ari, Musa khulwokhubera obwomu bwemioyo kieng'we yefwira eng'we okhulekhana nende abakhasi beng'we; arali okhurula mukhuchaka sikali kario.
\v 9 Nimbabolera mbwe, ulia yesi ochia olekhana nende omukhasi waye, oburali khulwobuyirani, mani adekhie oundi, akhola obwirani; ne yesi odekhia oyo olekherwe yesi akhola one obwirani.

\v 10 Abeka baye nibamubolera bari, "Nikaba mbwe omusango kwomundu imberi womundu nende omukhasi waye kuli kurio sibikhoyera okhudekhia."
\v 11 Arali ye nababolera ari, abandu bosi sibabukula olukado luno, arali balia ababelesibwe.
\v 12 Okhuba baliwo abachiri abebulwa balio okhurula munda mwa bang'inabwe; ni baliwo abachiri, balia abaladwa nende abandu; ne babao abachiri, balia abachiri bene khulwobwami bwomwikulu. Oyo onyala ofukirira ako, akafukirire."

\v 13 Mani nibamurerera abaana badiidi mbwe abarekho omukhono mani alaame ne abeki nibabalabira.
\v 14 Arali Yeso naboola ari, mwefwire abaana badiidi, ne murabakaira, okhwicha khwesie; okhuba obwami bwomwikulu bufwananà bulio.
\v 15 Mani nabarakho amakhono kaye, mani nabwao.

\v 16 Ne lola omulala namwichira namuboolera ari, omwekesia omulayi, sindu sina esilayi esianyala okhukhola, mbwe nyale onyola obulamu buralibwayo?
\v 17 Naye namuboolera ari, khulwasina onaanga esie omulayi? Abulano omulayi arali omulala oli Nasaye; arali nibiri mbwe wenya okhwingira mubulamu, diira amalako.

\v 18 Naye namubolera ari, akali ena?" Yeso nabola ari, ewe oreranga da, orakholanga obwirani da, orebanga da, orabachikhiranga da.
\v 19 Orie Baba nende mama; khandi khera omumenyeranwa wao nga ewe mwene."

\v 20 Omusacha omuraga namubolera ari, 'Ebindu boosi ndadira okhurula muluraga bwange; nisina esia siri mbula?"
\v 21 Yeso namuboolera ari, nibiri mbwe wenya obe mulungifu chia okusie biria bioosi ebioli nabio mani oberesanie abamanani, ni ewe ochia okhuba nende ibikhiro mwikulu, ni wiche mani unoonde."
\v 22 Arali muraaga olwayabulira likhuwa elio yabwao nasinyikhe, khuba yali nende emiandu mingi muno.

\v 23 Mani Yeso naboolera abeki baye ari, "Doodo mbabolera, mbwe biabe ebidinyu omuyinda okhwingira mubwami bwomwikulu.
\v 24 Ni khandi mbabolera mbwe, ne biangu khu ingamina okhubirira mumulu kweisindani, okhira omuyinda khwingira mubwani bwa Nasaye."

\v 25 Olwa beki baye abulira elio, baukisibwa lukali, nibaboola bari, "Bulanu niwina onyala okhuwonisibwa?"
\v 26 Arali Yeso yabalingera nababoolera ari, "Khu mundu kano sikanyalikhana; arali khu Nasaye ebindu biosi binyalikhana."
\v 27 Naye Petero nakalusia namobolera ari, "Lingera khulekhere biosi, nikhukhulonda ewe, nisina esiakhuchia khunyola khulwesio?"

\v 28 Naye Yeso nababolera ari, "Doodo mbabolera, mbwe eng'we abanoondere esie, musialo siicha olwa omwana wo mundu achia okhwikhala khusisala sioburuki bwoluyali lwaye, eng'we mwesi muchia okhwikhala khubisala bio buruki ekhumi nende bibiri nimukhalakira echimbia ekhumi nende chibiri echia Isiraili.

\v 29 Ne buli mulala ulia owalekha chinyumba, kose abasiani babwe, kose bakhana babwe, kose samwana, kose ng'ina, kose omukhasi waye, kose abaana baye, kata obulimo bwaye, khulwa elira liange, achia okhunyola obukhumi imia ne khandi achia okhulamirwa obulamu oburalibwayo.
\v 30 Arali bangi abeimberi bachia okhumalilikha; ne abamalilikha bachia okhuba imberi.

\c 20
\cl Muliango kwa 20
\p
\v 1 Okhuba obwami bwomwikulu buli nga omundu omwenengo, owarula ichuli mumabwibwi okhwandika abakholi mundalo yaye ye misabibu.
\v 2 Ne olwayali nafukirisanie nende abakholi khunyanga idinari, yabaruma mundalo yaye yemisabibu.

\v 3 Mani narula khusaa yakhadaru, ne nalola abandi nibemere nibarakhola siosi.
\v 4 Ne nababoolera ari, eng'ew mwesi muche mundalo yemisabibu, ne ndababeresia esimukhoyera. Nibabwao nibachia.

\v 5 Khandi narula khusaa yakhasasaba nende eya tisa, ne nakhola ario.
\v 6 Khandi khusaa yekhumi nende ndala yarula, nachia nanyola abandi nibemere, nibarakhola sindu ne nababooolera ari, khulwasina mwemere ano eng'we nimurakhola siosi inyanga yosi?
\v 7 " Nabo nibamubolera bari, okhuba abulao omundu orwandikire. Naye nababolera ari, eng'we mweesi muchie mundalo yemisabibu, ne siosi esimukhoyera nisio esiamunanyola.

\v 8 Olwabiola ingoloobe omwami weindalo yemisabibu, nabolera omwemereri waye ari, langa abakholi obaberesia omurungo kwabwe, okhuchaka khuwamaririkha okhula khu warangirira.
\v 9 " Ni olwa beecha balia abali nibandikirwe khusaa ya ekhumi nende ndala, banyola buli mundu idinari.
\v 10 Arali abamberi olwabeecha bapara mbwe bananyolakho okhira awo, nabo bosi nibanyola sa buli mundu idinari ndala.

\v 11 Ne olwa bamala onyola, babuluulira omundu mulayi omwenengo.
\v 12 Nibabola bari, 'Abamalirikhi bano bakhola sa isa ndala, ne ewe abakhola sa okhwakana nafwe, abakingire omukuku nende obubafu bwinyanga.'

\v 13 Arali nakalusia mulala khunibo nabola ari, omwicha, sikhukholere elibi liosi dawe; khasi khufukirisanie khu idinari ndala?
\v 14 Bukula siria esiri esiao mani obweo. Ndabelesania omumalirikhi uno kose sa ewe.

\v 15 Sinelako esie okhola esianyenya nende ebiange omwene? imoni yao neyiimbi okhubera esie ndi mulayi?
\v 16 Kario omalilikha yakhabe oweimberi, ne oweimberi yakhamalilikhe." okhuba abangi balangwa, arali badiidi balobolwa.

\v 17 Ne Yeso nachia Yerusalemu nabukula abeki ekhumi na babiri, indulo khwingira, ni nababoolera ari,
\v 18 " Lingera khuchia Yersalemu, ne omwana wo mundu achia okhukhobwa khubakhongo babakhukhani nende abandiiki, ni bachia omukhalakira okhufwa.
\v 19 ni bachia omura mumakhono kabanasialo khumubayirakho nibamukhuya, nende okhumubaamba. Ne inyanga yokhudaru achia olamukha khandi."

\v 20 Mani namwichira ng'ina wa abaana ba Sebedayo nende abasiani baye, nibamwinamira, nibamusaba esiindu nabulebe.
\v 21 Yeso naye namureeba ari nisina esiawenya? Naye namubolera ari, "Fukirira mbwe abasiani bange babiri bano bekhale mulala khumukhono kwao musaacha ne oundi omukhono kwao omukhasi mubwami bwao."

\v 22 Arali Yeso nakalusia naboola ari, "Okororwe esioli osaba. Munyala eng'we okhung'wera esikoombe esianjia okhung'wa?" nende okhubatisibwa obubatisibwi obwa njia okhubatisibwa nabwo? nibamukalusia bari "khunyala".
\v 23 Naye nababolera ari, muchong'wa doodo khusikoombe siange nende obubatisibwi obwndabatisibwa nabwo; arali okhwikhala khumokhono kwange omusaacha, kata omukhasi sinesie oberesania arali bichia oberesanibwa khwabo abekheerwa nende baba wange.
\v 24 Ne olwa bala ekhumi babulira ako, badirwa nende erima khulwa abasiani babiri abo.

\v 25 Arali Yeso nabalaanga owayali, naboola ari, "Mumanyire mbwe oburuki obwa banasialo, babarukaanga nende amaani, ne khandi bala abali abakhoongo babaruka nende obunyala.
\v 26 Arali sikakhoya okhuba kario khweng'we; arali oyo yeesi owenya oba omukhoongo mweng'we abe omurumwa weng'we,
\v 27 Ne ula yeesi owenya abe omuruki mweng'we, abe omukholi weng'we,
\v 28 Kata kori Omwana wo muundu yeecha okhurarumikhirwa, arali okhurumikha, nende okhuberesania obulamu bwaye bube omuruungo khulwa abangi.

\v 29 Ne olwabali nibarula Yeriko omukaanda mukhoongo kwamulonda.
\v 30 Ne lingeera abaandu babiri abaoofu nibekhale khundulo khweingira, olwa babulira mbwe Yeso abira ao bayula, nibaboola bari, "Rubeere sisa, Omwami, ewe Omwana wa Daudi.
\v 31 Nakwo omukaanda nikubalabira okhubeera benyekhana okhwedemberesia; arali bayula lukali, nibaboola bari, "Rubeere sisa Omwami, ewe Omwana wa Daudi"

\v 32 Naye Yeso niyema tiiri nabalaanga, nababolera nabareeba ari, 'Ni sina esamwenya mbakholere?
\v 33 Nibamubolera bari "Omwami mbwe emoni chiefwe chinyale khulola."
\v 34 Yeso nabalolera esisa nadiira khu chimoni chiabwe; ne abwene ao echimoni chiabwe nichinyoola okhulola nibamuloonda.

\c 21
\cl Omuliango kwa 21
\p
\v 1 Ne olwabali ambi okhuula Yerusalemu, nibolere Betifage, khulugulu lwa Miseituni Yeso yaruma abeeki babiri,
\v 2 nababolera ari, muchie mulukoongo lulingane nang'we ne abwene ao munanyola isukhiri iboyerwe alala nende imoosi yayo. Bolole mani munderere.
\v 3 Naye omuundu yeesi nabareba likhuwa mumubolere muri Omwami ayienya, ne abwene ao anarumanisia.

\v 4 Kano koosi kekholekha, mbwe kanyale okhulirira akabolwa nende omunabii naboola ari,
\v 5 " Bolera omukhana wa Sayuni, 'Lingeera omuruki wao akhwichira, omwedemberefu, niyekhale khusukhiri, nende imoosi omwana we isukhiri.

\v 6 Ne abeeki nibachia, nibakhola nga olwa Yeso yabalagira.
\v 7 Nibarera isukhiri nende imoosi, nibachialakho echingubo chiabwe, nibamwikhasiakho.
\v 8 Ne omukaanda mukhoongo nikwaala echingubo chiabwe khungira; abandi nibarema amasaga okhurula khumisaala, nibaklandaasia khungira.

\v 9 Ne omukaanda kwemira nende okwalondakho, kwayula nikuboola kuri," Khosana khu mwana wa Daudi! Noweikhabi oyo owicha muliira lio Mwami; Khosana akulu Mwikulu"
\v 10 Naye Yeso olwayola Yerusalemu, elidokho lioosi nilibuukha, nibareeba bari, "Uno niwina?" V
\v 11 Nakwo omukaanda nikuboola kuri, "Uno niye Yeso omunabii wa Nasareti eya Ebugalilaya".

\v 12 Mani Yeso niyengira mukhekalu lia Nasaye, mani naberusia boosi abakusianga nende okhukula mukhekalu, nafumamia echimesa chia bakalu be echisende, nende ebisaala bia abo abakusianga amakaburuku.
\v 13 Naye nababolera ari, "Kaandikwa mbwe, 'Inyuumba yange ichia olang'wa inyuumba ya malaamo; arali eng'we muyikholere eliina lia bebi"
\v 14 Ne omuofu nende omulema nibamwichikho mukhekalu; naye nabaonia.

\v 15 Ne olwa abakukhani bakhoongo nende abandiiki balola ebiamangalimwa ebiayakhola mani nibabulira abaana ni bayula mukhekalu nibaboola bari, "Hosaana khu mwana wa Daudi" basinyikha lukali.
\v 16 "Ne bamubolera bari, obuliraanga akabaana bala babolaanga?" Naye Yeso nababolera ari, "eee! eng'we simwasomakho mbwe, okhurula muminwa kia baana nende abanuuna ewe werereseria ifuma?"
\v 17 Mani nabalekha nachia erwanyi mulidookho elia Betania; niyeyalisiayo.

\v 18 Bulano ichuli nakalukha mudookho yali injala.
\v 19 Ne olwayalola omusaala kwe mikhuyu khungira, yakuchiakho, narakunyolakho esiindu siosi, arali amasafu kong'ene, nakubolera ari, esiamo siosi sirakhwamakho ochaaka lero okhuchiririra obumeri" ne abwene ao omusaala kwo mukhuyu nikwoma.

\v 20 Ne olwa beeki balola ako, bauka nibabola bari, omusaala kwomere kurie lwangu?
\v 21 Yeso nakalusia nababolera ari, "Doodo mbabolera mbwe, eng'we nimuba nende obusuubiri oburakanakana simuchia okhola kano kongane akekholekhe khumusaala kwomukhuyu, arali muciha obolera olugulu luno mbwe yiyikha mani wesukune munyaanja, kachia okhwkholekha.
\v 22 Ne bioosi bioosi ebia muchia okhusaba mumalaamo, nimusubirire muchia okhunyoola."

\v 23 Naye olwayengira mukhekalu abakhukhani bakhoongo nende abakhulundu ba baandu bamwichira olwayali niyekesianaga, nibaboola bari, "Ebiindu bino okhola khubunyala bwa wina? ne niwina owakhuba obunyala buno?"
\v 24 Naye Yeso nakalusia nababolera ari, "Esie siesi ndabarebakho esiindu silala. Esio nimumbolera, siesi ndababolera mbwe, nikhubunyala sina kholaanga ebiindu bino.

\v 25 Obubatiisi bwa Yokhana bwarula ena? bwarula mwikulu kose khu baandu? "Nabo nibabwererana abene khu bene, nibabiola bari, "Nikhunaboola khuri, 'Bwarula mwikulu, anarureeba ari, 'Khulwasina bulano simwasuubira?'
\v 26 Arali nikhuboola khuri, khubaandu, khuria abaandu okhubeera abàandu boosi balola Yokhana nga omunabii"
\v 27 Nibamukalusia Yeso nibaboola bari, "Sikhumanyire" Naya nababolera ari, "Siesi sindababolera khubunyala sina khola ebiindu bino.

\v 28 Arali eng'we mupaara sina? Omuundu undi yali nende abaana babiri, niyeecha khuwa mberi naboola ari, 'Omwana chia okhole inyaanga yino mundalo yange ye misabibu.'
\v 29 Naye nakalusia naboola ari sindakha; arali lunyuma niyekanira, mani nachia.
\v 30 "Naye niyeecha khuwa khabiri namubolera yeesi ario. Naye nakalusia naboola ari, njia omwami, naye narachia dawe.

\v 31 Ni wina khubabiri abo owakhola elienya lia samwana? "Nabo nibamubolera bari, owamberi. Yeso nababolera ari, Doodo mbabolera, mbwe abanasialo nende abadaamba bachia mubwami bwa Nasaye imberi weng'we.
\v 32 Okhuba Yokhana yabechera mungira yobulungikhi nang'we simwamusubira dawe, arali abanasialo nende abadaamba bamusubiramo, nang'we eng'we olwa mwalola ako, simwekanira, olunyuma mbwe munyale okhumusubira.

\v 33 Rekeresia olukaado lundi; yaliwo omwenango undi, owaraaka indalo ye misabibu, nayisirira olukaka nayibodokhania eliina elie ifini, niyombakha omuniniro, nabalekhera abalimi naye nachia musialo siaale.
\v 34 Ne olwabikha ebiebiamo biali ambi, yaruma abakholi baye khubalimi, mbwe bababeresiekho ebiamo okhurula mundalo.

\v 35 Nabo abalimi nibababukula abakholi baye, nibakhaya mulala nibamwira ouundi nibamukhuya makina.
\v 36 Khandi naruma abakholi bandi okhukhira abamberi; nibabakholera boosi bario.
\v 37 Arali mukhumalirikhi khwa koosi yabarumira omwana waye, naboola ari, banamuria omwana wange.

\v 38 Arali olwa abalimi balola omwana waye, nibaboola abene bari, uno niye owo bulaame; mwiche khumwire, mani khubukule obulaamu bwaye.
\v 39 Nabo nibamudiira nibamusukuna erwanyi we indalo ye misabibu, nibamwira.

\v 40 Olwa omwami omwene indalo yeecha, ni siina esiachia okhubakhola abalimi abo?
\v 41 Nibamubolera bari, achia obasasia ebibibi abaandu bamaanu abo, nende oberesia abalimi bandi indalo yaye ye misabibu, abachia amuba ebiamo munduukho yabio"

\v 42 Yeso nababolera ari, "Eng'we simwasomakho mumaandiko mbwe, Elikina lila eliabombakhi bakhayo, elienelio liekhola elikhulundu eliomukoona; ino neikhola yomwami nayio neyiukisia mumoni cheefwe?

\v 43 Khukario esie mbabolera mbwe obwami bwa Nasaye buchia obukulibwa orula khweng'we nibuberesibwa khusialo esireera ebiamo biasio.
\v 44 Naye ula yeesi ochia okhukwa khulikina lino achia ofunikha funikha; Ari ula yeesi owalichia okwakho, lichia omusia ebinyukhi."

\v 45 Ne olwa abakukhani bakhoongo nende abafarisaayo bababulira olukaado lwaye, bamanyirisia mbwe alomalome khunibo.
\v 46 Arali olwabateema okhumudiira, baria omukaanda, okhubeera bamubukula ngo munabii.

\c 22
\cl Omuliango kwa 22
\p
\v 1 Ne Yeso nakalusia nabalomalomera khandi muchingaado, naboola ari,
\v 2 Obwami bwo mwikulu buli nga omuruki uundi, owakhola esiserero khulwo mwana waye,
\v 3 Naye naruma abakholi baye okhulaanga balia abali nibalangwire musiserero; nabo nibareecha dawe.

\v 4 Khandi, naye naruma abakholi bandi naboola ari, Bolere abo abalangwa mbwe lingeera ndekekhe ebiakhulia bie ingolobe; sinjire ingoombe isurusi yange nende ebinulu biange ne ebiindu bioosi nibirekekhe; mwiche musiserero.

\v 5 Arali nabo nibamukholera echingacho, mani nibabwao okhuchia mulala mundalo yaye, ne ouundi khubio bukhala baiye.
\v 6 Nabo abadoonga nibababukula abakholi baye, nibabakhola akesifwabi, mani nibabeera.
\v 7 Arali olwa omuruki yabulira akene ako, yadirwa nende elirima, narumayo abamanyie baye, nibabasasia abeeri abo, mani nibasaamba elidookho liabwe.

\v 8 Naye anabolera abakholi baye ari, esiserero nesirekekhe, arali bala abalangwa sibali abakhoyera.
\v 9 muchi eng'we khulwesio khuchingira chikhoongo, ne abangi abamunyoola, mubalaange musiserero.
\v 10 Kario abakholi abo bachia erwanyi khu chingira, nabo nibabusia alala boosi abangi ababanyoola boosi ababi nende abalayi; mani esiserero nisichulamo abakeni.

\v 11 Ne olwo muruki yeecha mukari olola abakeni balimo, yalimo omuundu owali narefwalire esiefwalo esie siserero.
\v 12 Naye namureeba ari, Omwiicha, wichire orie mukari muno nobula esiefwalo sie siserero? Naye nang'angaala oburalomaloma.

\v 13 Mani omuruki nabolera abakholi ari, mumuboye amakhono nende makulu, mani mumurusiewo, mumusukune musirima erwanyi eyo khuchia okhubayo khukhulira nende okhusia ameno.
\v 14 Okhuba abangi balang'wa, arali badidi balobolwa.

\v 15 Mani abafarisaayo nibachia nibaulirisania nga olwabakhanyala okhumudira mukhulomaloma khwaye.
\v 16 Nabo nibamurumira abaeki babwe nende Bakherodia, nibaboola bari, Omwekesia khumanyire mbwe ewe oli owo bwadieri, khand wekesianga ingira ya Nasaye mubwadieri, khandi siodebaanga akomuundu yeesi; okhuba ewe solingeraanga ifwani yabaandu.
\v 17 Rubolere bulano ewe opaara orie? Nelilako okhuberesia Kaisari omusolo kose khaba?

\v 18 Arali Yeso namanyire obumaana bwabwe, naye naboola ari, khulwasina eng'we mundeema, eng'we abekaadi?
\v 19 Munjekesie isende yo musolo, Nabo nibamurerera idinari.

\v 20 Naye nabareeba ari, elikoondo lino nende eliandiko nibia wina?
\v 21 Nabo nibamuboolera bari nibia Kaisari. Naye nababoolera ari,! khulwesio beresie Kaisari ebiindu ebiri ebia Kaisari; ne Nasaye ebiindu bili ebia Nasaye.
\v 22 Olwabali nibabulire amakhuwa kano, bauka mani nibamurulakho nibabwao.

\v 23 Inyaanga yeneyo Aabasadukaayo nibamwichakho, ababoolaanga mbwe obulamukhi bubulao, nibamureeba,
\v 24 nimureeba bari, omwekesia, Musa yaboola ari, omuundu nafwa, nabula abaana, omusiani wabwe adekhie omukhasi waye, mani yebusirie imwo omusiani wabwe.

\v 25 Bulano khwaliwo nende abasiani saba: naye owamberi, olwayali nadekhisie omukhasi, nafwa, narali nende olwibulo, nalekhera omusiani wabwe omukhasi waye:
\v 26 Mani owakhabiri yeesi nakhola ario, nende owakhadaru, okhuula khu wasaba.
\v 27 Ne obumalirikhi bwa koosi omukhasi nafwa yeesi.
\v 28 khulwesio mubulamukhi achia okhuba omukhasi wa wina khu saba abo? okhubeera boosi Bali naye.

\v 29 Yeso nakalusia nababolera ari, Eng'we mukora, oburamanya amaandiko, kata obunyala bwa Nasaye.
\v 30 Okhuba mubulamukhi khasi badiekhia, kata okhudekha, arali bali nga abamalayika ba Nasaye mwikulu.

\v 31 Arali okhulondana khubulamukhi bwa bafu, Eng'we simwasomakho kala aka Nasaye yabalomalomera, naboola ari,
\v 32 Esie nesie Nasaye wa Ibraimu, nende Nasaye wa Isaaka, nende Nasaye wa Yakobo? Nasaye khasi ni Nasaye wa bafu, arali owabalamu.
\v 33 Ne olwa obomukaanda babulira kano, bauka khulwa mekesio kaye.

\v 34 Arali olwa bafarisaayo babulira mbwe abulesisie Abasadukaayo, bebusia alala.
\v 35 Mani mulala wabwe, owali omukhuluundu wa malako, namureeba ereebo, omuteema, naboola ari,
\v 36 Omwekesia, esilaagiro sikhoongo nisio esiliena mumalako?

\v 37 Yeso namubolera ari, Ewe okherenge Omwami Nasaye wao nende omwoyo kwao kwoosi, nende amakesi kao koosi.
\v 38 Lino nilio elilako likhoongo okhira koosi.

\v 39 Ne eliakhabiri lifwanana nalio, ewe okheere owasio nga ewe mwene.
\v 40 Khu malako kano kabiri kadirire amalako koosi nende abanabii.

\v 41 Olwa Abafarisaayo bali nibebusirie alala, Yeso yabareeba,
\v 42 Naboola ari, mupaara murie eng'we okhulondana nende Kirisito? Nomwana wa wina? Nabo nibamubolera bari, nomwana wa Daudi.

\v 43 Naye nababolera ari, khulwesio bulano Daudi muroho yamulaanga mbwe Omwami, naboola ari,
\v 44 Omwami yaboolera Owami wange ari, yikhala ewe khumukhono kwange omusaacha, okhuula nga olwanjia okhukhola abasuku bao obusenero bwa makulu kao.

\v 45 Ne nikali mbwe bulano Daudi amulaanga mbwe Omwami, aba arie Omwana waye?
\v 46 Naye omuundu yeesi siyanyala okhumukalusia likhuwa lioosi, kata omuundu yeesi ochaaka inyaanga eyo siyamurebakho amareebo kandi dawe.

\c 23
\cl Omuliango 23
\p
\v 1 Bulano Yeso nalomalomera omukaanda, nende abeeki baye,
\v 2 Naboola ari abaandiki nende Abafarisaayo bekhalaanga khusisaala sia Musa:
\v 3 Khwelwesio koosi kala akabababolera mbwe muloonde, ako muloonde nimukakhola; arali murakhola eng'we kori olwabakholaanga emirimo kiabwe: Okhuba baboolaanga, ne sibakhoola dawe.

\v 4 Okhuba baboyaanga emikuku misiro khandi ekibayeresia okhukinga, nibara khumabeka kabaandu; arali nabo abene sibanyala okhikisudia nende lulala khunjala chiabwe.
\v 5 Arali emirimo kiabwe kioosi bakholaanga mbwe balolekhe nende abaandu: babambaliyaanga amayirisi kabwe, nibakhongoyia amakemo ke biefwalo biabwe,

\v 6 Nibakheera obwikhalo bukhoongo mubiserero, nende ebisaala bia imberi muchisinagogi,
\v 7 Nende amakhesio mubiiro, nibalangwa nende abaandu mbwe, Rabi, Rabi.

\v 8 Arali eng'we muralaangwa Rabi: Okhuba omwekesia weng'we ni mulala oli niye Kirisito nang'we eng'we mwesi muli abakheerwa.
\v 9 Ne muralaanga omuundu yeesi khusialo mbwe Seng'we: Okhuba Seng'we ni mulala, oli mwikulu.
\v 10 Khandi muralaangwakho mbwe abekesia: Okhuba omwekesia weng'we ni mulala, niye Kirisito.

\v 11 Arali oyo oli mukhoongo mweng'we achia oba mukholi weng'we.
\v 12 Naye ula yeesi ochia okhwekinguula omwene achia oduduyisibwa; naye ula ochia okhweduduyia omwene achia okhukingulwa.

\v 13 Arali ni uuwi khweng'we, abaandiki nende Abafarisayo, abekaadi! Okhuba mwikalira abaandu obwami bwo mwikulu: Okhuba kata eng'we abene simwingira mukari, khandi simukanyira abo abengira okhwingira mukari.
\v 14 Wuuwi khweng'we, abaandiki nende Abafarisaayo, abekaadi! okhuba mulichaanga munyuumba chia bakhasi balekhwa, nimwekaadia nimukhola amalaamo maraambi: khulwesio eng'we muchia onyoola okhukhalakirwa okhukhoongo.
\v 15 wuuwi khweng'we, abaandiki nende abafarisaayo, abekaadi! okhuba mubodokhananga inyaanga nende esialo okhukhola mulala akalukhane, naye olwaba nakalukhane, ne eng'we mumukhola amakhabi kabiri lukali omwana wamagoombe okhukhira eng'we abene.

\v 16 Wuuwi khweng'we abemerisi baoofu, ababoola mbwe, oyo yeesi owechuuba khukhekalu, sinesiindu; arali oyo ochia khwechuba, khudakhaabu yomukhekalu, nowelikobi!
\v 17 Eng'we basiru khaandi baoofu: esiriina esikhoongo, idakhabu, kose ikhekalu eyilabia idakhaabu?

\v 18 Khandi, yesi ochia okhwechuba khubwali, sinesiindu, arali yeesi owechuuba khusianwa esili akulu wabwo, yeboyere khukhwechuba khwaye.
\v 19 Eng'we abasiru khandi abaoofu: esilina esikhoongo, ni esianwa kose obwali bwalabia esianwa?

\v 20 Oyo yeesi khulwesio owechuba khubwali, yechubira khubwene nende ebiindu bioosi ebibulikho.
\v 21 Ne yeesi ochia okhwechuba khukhekalu, yechubira eyene, nende ula omenyere mukari mwayo.

\v 23 Wuuwi khwen'gwe, abaandiki nende Abafarisaayo, abekaadi! okhuba murungaanga esidonye sia likhumi esia minana nende binjari nende echijiira nimulekha amakhuwa masiro akamalako, akobukhalaki, akesisa nende akobusuubiri: kano niko akamwakhakhoyere okhukhola, nende oburalekha khandi nikasiekhola.
\v 24 Eng'we abemirisi baoofu abajongia isuna, nimumira ingamia.

\v 25 Wuuwi khweng'we, abaandiki nende Abafarisaayo, abekaadi! okhuba eng'we mulabia erwanyi owesikoombe nende esikaye, arali mukari bichulemo obunyuli nende oburaba nende esikero.
\v 26 Eng'we Abafarisaayo baoofu mulabie mberi bila ebili mukari mwsikoombe nende sikaye khu erwanyi wabio bioosi bibe ebilafu.

\v 27 Wuuwi khweng'we, abaandiki nende Abafarisaayo, abekaadi! okhuba muli nge ebirindwa ebiarachari, ebibonekhana mang'enang'ena erwanyi arali mukari mwabio biechulemo ebikumba bia baandu bafwa, nende obumali bwoosi.
\v 28 Kata kario eng'we mwesi erwanyi mubonekhanaanga abalungifu khubaandu, arali mukari mweng'we bwechulamo obwekaadi nende obukhayukhi.

\v 29 Wuuwi khweng'we abaandiki nende Abafarisaayo, abekaadi! okhubeera mumbakhaanga chingani echia banabii nimurereyia ebirindwa bia balungifu,
\v 30 Nimuboola mbwe, khubeere muchinyaanga chia basefwe, khasi khwakhabere abasangirani nabo mumabaanga ka banabii.
\v 31 Khwako eng'we muli abalolereri beng'we ebene, mbwe eng'we muli abaana ba balia abera abanabii.

\v 32 Mwichusie eng'we bulano esikero sia baseng'we.
\v 33 Eng'we chinjukha, eng'we olwibulo lwe chinjukha muneonia murie eng'we nende obusasikhi obwe magoombe?

\v 34 Khulwako, lingeera, mbarumira abanabii, nende abakesi nende abaandiki: ne abandi khunibo eng'we muchia okhubera nende okhubabamba: ne abandi khunibo eng'we muchia okhubakhuya muchisinagogi chieng'we, nimubasandia khurula khudookho khuchia khulidookho lindi.
\v 35 Mbwe khweng'we kanyale okhwicha amabaanga akabalungifu boosi akedikha khusialo khurula khu mabaanga komulungifu Abeli okhula khu mabaanga ka Sakaria omwana wa Barakia owamwerera akari welikhekalu nende obwali.
\v 36 Doodo babolera, ebiindu bino bioosi biakheche khulwibulo luno.

\v 37 Ewe Yerusalemu, Yerusalemu, ewe owiraanga abanabii, nokhuya amakina bala abarumwa khwewe, amakhabi kaanga akandakhabusie abaana bao alala kori ingokho ibusianga ebimwinyi asi we chimbaya chiayo, nang'we numurakanya!
\v 38 Lingeera, inyuumba yeng'we yibadong'ere ikhaya.
\v 39 Okhubeera esie mbaboolera mbwe, engwe simuchia okhumbonakho khuchaaka bulano nende okhuchririra, okhuula olwa muchia okhuboola mbwe, niweyikhabi oyo owiicha muliira lio Mwami.

\c 24
\cl Omuliango 24
\p
\v 1 Naye Yeso nachia erwanyi ne narula mukhekalu mani abeeki baye nibamwichakho nibamuekesia ebiumbakhe bie ikhekalu.
\v 2 Naye Yeso nababolera ari, khasi mulola ebiindu bino bioosi? Doodo mbabolera mbwe, silichia okhulekhwa ano kata elikina lala khulindi, erirachia okhusukunwa asi.

\v 3 Ne olwayali niyekhale khulugulu lwa Miseitune abeeki bamwichira mubwekisi, nibaboola bari ruboolere ebiindi bino bichia okhuba liina? Nisina esichiaoba esilolero siokhwicha khwao, nende esiobumalirikhi bwe sialo?
\v 4 Naye Yeso nakalusia nababolera ari, mwekenderesie mbwe omuundu yeesi arababacha.
\v 5 Okhuba abangi bachia okhwicha muliira liange, nimbaboola bari, esie nesie Kirisito: ne bachia okhubacha abangi.

\v 6 Nang'we muchia obulira akamayie nende echimbweeru echia mayie: lingeera mbwe mureecha mwakanakana: okhuba ebiindu bino bioosi kali mbwe biekholekhane, arali obumalirikhi busiiri.
\v 7 Okhuba esialo sichia okhukalukhana khu sialo siasie, nabwo oburuki nibukalukhana khuburuki bundi: nikhuchia okhubao injala, nende amalwaye, nende okhurengerekha khwe sialo, muchimbeka chikabukhane.
\v 8 Kano koosi nikhwo okhuchaaka owo buchuuni.

\v 9 Mani bachia okhubaberesania musandisibwe, nibabeera, muchia okhukiiywa nende ebialo bioosi khulwa eliira liange.
\v 10 Ni bulano abangi bachia osinyikha nibakhobana mulala khu uundi muchia okhusiulana mulala khu uundi.
\v 11 Nabo abanabii bobubachia abangi bachia okhubukha nibabacha abangi.

\v 12 Nekhulwo khubeera okhumederakho obumaanu, obukheeri bwa bangi buchia okhunyira.
\v 13 Arali ula ochia okhwesimirisia okhuula khubumalirikhi, omwene oyo achia owonibwa.
\v 14 Ne ifanjili ino eyo bwami ichia oyalwa musialo siosi khulwo buloli khu bialo bioosi: ne bulano obumalirikhi buchia okhwicha.

\v 15 Khulwesio nimuchia olola elisinyisio eliobusasikhi eliabolwa nende omunabii Danieli, yeme abuundu andakatifu"(yeesi osoma lekha ye amanyirisie),
\v 16 mani lekha bala abali Ebuyaudi berukhire muchingulu:
\v 17 Lekha ula oli khusirama sie inyuumba arekha asi okhubukula esiindu siosi okhurala munyuumba yaye.
\v 18 Kataula oli mundalo arafunya inyuma obukula chingubo chie.

\v 19 Ni wuuwi khubo abali chiinda nende abo abanunia muchinyaanga echio!
\v 20 Arali eng'we mulaame mbwe okhwirukha khweneg'we khuraba muroocho kose inyaanga ya isabaato:
\v 21 Okhuba khuchia okhuba nende obunyakhani bukhoongo, oburalikhoo okhurula okhuchaaka khwesialo okhuula ebikha bino, kata khasi buchia khubao khandi.
\v 22 Ne kabeere mbwe enyaanga echio khasi chaduduyisibwa abulao omuundu yewsi owakhalokokhe: arali khulwa abalobole enyaanga echio chichia oduduyisibwa.

\v 23 Bulano omuundu yewsi nachia obaboolera mbwe, lole Kirisito nguyu ano, kose alia: murasuubira ako dawe.
\v 24 Okhuba bachia obukha Kirisito bo bubacha, nende abanabii bo bubacha ne bachia okhwekesia abilolero bikhoongo nende akamangalimwa: mubuungi mbwe kata nikakhanyalikhane bachia obacha abalobole bene.
\v 25 Lingeere mbabolere khalekhale.

\v 26 khulwasio nibachia obabolera mbwe, lingeere, ali muluumira: murachiayo: lingeere ali mubisenge bio bwekisi: murasuubira ako dawe.
\v 27 okhuba ngolwa olumiesu lwichaanga okhurula ebukwe nilukhosia okhula muumbo: nilwo olwa okhwicha khwa omwana wo muundu khuchia okhuba.
\v 28 okhubeera wosi wosi owo mulambo kuli eyo niwo owe chingosia chibushianga alala.

\v 29 Abwene ao lunyuma lwa manyakhano ke nyaanga echio eliuba lichia okhwirima ne omwosi sikuchia orusia obulafu bwako ne ching'ining'ini chichia okhukwa okhurula mwikulu ne obunyala bwe likulu buchia orengesibwa:

\v 30 Ne bulano esilorero esio Mwana wo muundu sichia obonekhana mwikulu: Ne bulano echimbia chiosi echia khusialo bachia okhulira, nibachia olola omwana wo muundu niyeecha mumaleesi ko mwikulu nende obunyala nende oluyaali lukhoongo.
\v 31 Naye achia oruma abamalaika baye nende omulaango mukhoonge okhwo luyoka, nabo bachai obuusia alala abalobole baye okhurula embeka chine echiemiyaka okhurula olwande lulala olwo mwikulu okhuula khu lundi.

\v 32 Bulano mweke olukaado lwo musaala kwo mokhuyu: Amasaga kakwo nikasiri madoro, nikarusia masaafu, mumanya mbwe esimiyu sili ambi:
\v 33 Eng'we mwesi murio, olwa eng'we muchia olola ebiindu bino bioosi, mumanye mbwe bili ambi, kata khumiliangiro.

\v 34 Doodo mbabolera, olwibulo luno khasi luchia obwao, okhula ebiindu bino bioosi biulirire.
\v 35 Elikulu nende sialo bichia obwao, arali amakhuwa kange sikachia obwao.

\v 36 Arali ake yinyaanga eyo nende ebikha abulao omuondu yeesi omanyire kata abamalaika bo mwikulu, arali Baba wange yeng'ane.

\v 37 Arali nga enyaanga chia Noa chiali, nilwo olwa kachia okhuba akhu khwicha khwo Mwana wo muondu.
\v 38 Okhuba kori enyaanga chiali amaachi nikasiechula balichaanga nibang'wa nibadekhia nende okhudekha okhuula inyaanga ila eya Noa yengira muliaro.
\v 39 Ne nibaramanya khaba okhuula olwa amachi kechuula nikabarusiayo boosi nilwo olwakachia okhuba khandi khukwicha khwo mwana wo muundu.

\v 40 Bulano babiri bakhabe mundalo: mulala yakhabukulibwe, naye ouundi yakhalekhwe.
\v 41 Abakhasi babiri bakhabe nibasia khulukina, mulala yakhabukulwe naye ouundi yakhalekhwe.
\v 42 Mube meeso khulwesio: okhuba eng'we simumanyire ebikha bio Mwami weng'we yecheremo.

\v 43 Arali mumanye kano, mbwe khane omusaacha mulayi owe yinyuumba amanyire ebikha ebia omwibi yecheramo, yekhabeere meeso naye siyakhakanyire inyuumba yaye okhufunakwa.
\v 44 khulwesio eng'we mwesi mwerekekhe: okhuba mubikha ebio ebia eng'we murapariramo Omwana wo muundu yeecha.

\v 45 Niwina bulano omukholi mwesikwa khandi omukesi, owa omwami waye yakhola omwemereri we yinyuumba yaye, okhubaberesia ebiakhulia mubikha?
\v 46 Noweikhabi omukholi oyo owa omwami waye niyeecha achia omunyoola nakholaanga ario.
\v 47 Doodo mbaboolera mbwe achia omukhola omwemeresi we biindu biaye bioosi.

\v 48 Arali nikaba mbwe omukholi mumaanu oyo achia oboola mumwoyo kwaye mbwe, omwami wange achelewe okhwicha khwaye:
\v 49 Mani achaake okhukhuya abakholi basie, nende okhulia nende okhung'wa nende abameesi:
\v 50 Omwami wo mukholi oyo achia okhwicha munyanga yayakhabe naramulindiliraanga, nende mubikha ebia yakhabe naramanyire.
\v 51 Naye achia omuremamo akari bitundu bibiri, namukabira omukabo kwaye alala nende abekaadi ne ebweneyo khuchia okhuba okhulira nende okhusia ameno.

\c 25
\cl Omuliango 25
\p
\v 1 Abweneao obwami bwo mwikulu buchia khufananisibwa khu bakhana basisira ekhumi ababukula chitaara chiabwa, nibachia obukanira omwami we siserero.
\v 2 Baraano khunibo bali abakesi ni baraano basiru.
\v 3 Bala abali abasiru bakinga chitaara chiabwa nibarakiinga alala nende amafura:
\v 4 Arali abakesi bakiinga amafura mubibuka alala nende echitaara chiabwe.

\v 5 Olwa Mwami we siserero khiinda okhwicha boosi bakunukha mani nibakona echidoolo.
\v 6 Ne musiro akari oluungu nilwechiira luri, lingeere Omwami wensiserero yeecha: rule eng'we erwanyi mumubukanire.

\v 7 Ao abasisira abo boosi babukha nibakasia chitaara chiabwe.
\v 8 Nabo abasiru nibaboolera abakesi bari, murubekho amafura keng'we: okhuba chitaara chiefwe chisimire.
\v 9 Arali abakesi nibabakalusia nibababolera bari sikali kario: kanyala okhaya oruyera efwe nende eng'we: arali eng'we muchie khwabo abakusia mani mukule akeng'we.

\v 10 Nabo olwabachia okula Omwami we siserero niyechia: nabo bala abali nibarekekhe nibengira mukari naye musiserero: mani muliangiro nikwikalwa.
\v 11 Ne olunyuma lwako obasisira bandi abo boosi nibeecha, nibaboola bari, Omwami, Omwami, rwikulire.
\v 12 Arali ye nakalusia naboola ari, doodo mbaboolera mbwe simumanyire eng'we dawe.
\v 13 Khukario mube meeso okhuba eng'we simumanyire kata inyaanga kose ebikha ebia Omwana wo muundu yecheramo.

\v 14 Okhuba obwami bwo mwikulu buli nga omuundu owali nasamule musialo sia ale, owalaanga abakholi baye abene nabalekhera emiandu kiaye.
\v 15 Naye omulala namuba chitalaanda chiraano ouundi chibiri ne ouundi ndala: khubuli muundu olondana nende obunyala bwaye mani aonao narula nachia olukeendo lwaye.
\v 16 Mani oyo owanyoola chitalaanda chiraano nachia nakholeramo ingaanga, niyebusia chitalaanda chindi chiraano.

\v 17 Owanyoola chibiri yeesi yakhola ario ne yebusia echindi chibiri.
\v 18 Arali ula owanyoola ndala yachia nayabira muloba nakisa echisende chio Mwami waye.

\v 19 Lunyuma lwe bikha biraambi Omwami wa bakholi abo niyeecha, nabaliirira nabo.
\v 20 Naye ula owaberesebwa chitalaanda chiraano yeecha narera chitalaanda chindi chiraano, naboola ari, Omwami wamberesia chitalaanda chiraano: lingeera ndeebusie chitalaanda chindi chiraano akulu khu chila.
\v 21 Omwami waye namubolera ari, okholere ebilayi, ewe omukholi mulayi khandi omwesikwa: ewe obere omwesikwa khu biindu bididi, esie ndakhukhola omwemereri we biindu bingi: Ingira ewe musangaalo yo Mwami wao.

\v 22 Oyo yeesi owanyoola chitalaanda chibiri yeecha naboola ari, Omwami, wamberesia chitalaanda chibiri, lingeera njibusie chitalaanda chindi chibiri akulu wa chila.
\v 23 Omwami waye namubolera ari, okholere bilayi omukholi mulayi khandi omwesikwa: ewe obere omwesikwa kubiindu bididi esie ndakhukhola omwemereri wa ebiindu bingi: ingira ewe musangaalo eya Omwami wao.

\v 24 Naye owanyoola italaanda ndala yeecha naboola ari, Omwami, esie ndamanya mbwe ewe oli, omuundu mwomu okesaanga owa orarakire, khandi obusianga owa orabakale:
\v 25 Mani ndaali omuri, ninjia ningisa italaanda yao muloba: lingeera, eyili eyao niyo yino.

\v 26 Omwami waye nakalusia namubolera ari, ewe omukholi mumaanu khandi omudofu, ewe wamanya mbwe ngesaanga owandararakire, nimbusianga owandarabakale:
\v 27 Ewe wakhaparire khulwesio okhura esende yange mubakhola obukhala nimukhufunya khwange ndakhanyolere eyange yene nende igaanga yayo.

\v 28 Mumurusiekho khulwesio italaanda, mani mumbersie oyo oli nende chitalaanda ekhumi.
\v 29 Okhuba khubuli mulala oli nabio achia oberesibwa, ne achia oba nende bingi: arali khurula khula obula achia orusibwakho kata silia esiali ninasio.
\v 30 Ne mumusukune eng'we omukholi obula igaanga oyo erwanyi musirima: eyo khuchia okhubayo okhulira nende okhusia meno.

\v 31 Olwa Omwana wo muundu achia okhwicha muluyaali lwaye alala nende abamalaika abatakatifu boosi, abwene ao achia okwikhala khusisaala sio buruki sio luyaali lwaye:
\v 32 Ne mubweni bwaye ebialo bioosi biakhakhung'asibwe; naye achia okhubakabula mulala okhurula khu uundi, nga omwayi akabulaanga amakoondi kaye okhurula muchimbusi:
\v 33 Ne achia okhwikhasia amakoondi khumukhono kwaye omuluungi arali chimbusi khumukaada.

\v 34 Abwene ao Omwami achia obolera abo khumukhono kwaye mulungi ari, mwiche eng'we abongerwa echikhabi nende Baba wange, mubukule obwami obwamwarekekherwa okhurula khu muse kwe sialo:
\v 35 Okhuba ndali injala, nimumberesia ebiokhulia: ndali obuluwo nimumberesia esiokhung'wa: ndali omureende, nang'we nimunyingisia:
\v 36 esiekenye, nang'we nimufwala: ndali omulwaye, nang'we nimungendera: ndali mumboye nang'we nimunjulira.

\v 37 Abwene ao abalungikhi bachia omukalusia nibaboola bari, Omwami, lina olwa khwakhulola noli injala, mani khwakhulisia? kata omuluo manu khwakhuba esiokhung'wa?
\v 38 Lina olwakhwakhulola omureende nikhukhwingisia? kata esiekenye mani khwakhufwala?
\v 39 Kata lina olwakhwakhulola omulwaye, kose mumboye, mani khwakhulirira?
\v 40 Nye Omwami achia okalusia nababolera ari, doodo mbabolera mbwe ngolwa mwakholera mulala khu baana befwe badidi abo, eng'we mwakholera esie.

\v 41 Abwene ao achia ye okhubolera boosi abomukhono mukaada ari, mundulekho eng'we, abachubwa muchie mumuliro okurasima okwarekekherwa omukhieni nende abamalaika baye:
\v 42 Okhuba ndali injala nang'we simwamberesia ebiakhulia: ndali obuluo nang'we simwamberesia esiokhung'wa:
\v 43 Ndali omurende nang'we simwanyingisia: esiekenye, nang'we simwafwala: omulwaye khandi mumboye, nang'wa simwangenderakho.

\v 44 Abwene ao bachia boosi omukalusia, nibaboola bari, Omwami, lina olwa khwakhulola noli injala, kata obuluo, kose omureende, kose isiekenye, kata omulwaye, kose mumboye mani khwakhaya okhukhalabanira?
\v 45 Abwene ao yie achia obakalusia, naboola ari, doodo mbobolera mbwe mukala mangi akeng'we mwakholera mulala khu badidi bano eng'we simwakholera esie.
\v 46 Ne bano bachia ochia musinyasio esirabwayo arali abalungikhi bachia khuchia mubolamu oburalibwayo.

\c 26
\cl Omuliango 26
\p
\v 1 Ne kaba, olwa Yeso yamala omakhuwa kano koosi yabolera abeeki baye ari,
\v 2 Mumanyire mbwe olunyuma olwa chinyaanga chiibiri nelisabo lia Pasika, naye Omwana wo muundu okhoberwe khumbabwa.

\v 3 Abwene ao nibakhungana alala abakhukhani bakhoongo nende abaandiki nende abakhuluundu ba baandu, mulubiriri lwa omukhukhani mukhoongo, owalangwa mbwe Kayaba,
\v 4 Nibekhoba mbwe banyale omudiira Yeso mubukesi kesi, mani bamwire.
\v 5 Arali nimubabolera bari, iraba inyaanga ye siserero, sireecha siabao esioka mubaandu.

\v 6 Bulano olwa Yeso yali mu Betania, munyumba mwa Simoni Omukereni,
\v 7 ebwene eyo omukhasi yamwichakho nali nende ichupa ya mafura ko bukusi bukhoongo, nakachukha khu murwe kwaye, olwayali niyekhale khu mesa nalichaanga.
\v 8 Arali abeeki baye olwabalola ako, nibasinyisibwa, nibaboola bari, khulwa sina kanyasibwa kano?
\v 9 Okhuba amafura kano kakhakusibwe obukusi bungi mani baberesia abamanani.

\v 10 Olwa Yeso yamanyirisia ako nababolera ari, mbwe sina musaandia omukhasi oyo? okhubera akholere omulimo mulayi khwesie.
\v 11 Okhuba abamanani muli nabo buli lwoosi: arali esie simulinange buli lwoosi.

\v 12 Okhuba mbwe achukhire amafura kano khumubiri kwange, akholere ario khulwa okhusikha.
\v 13 Doodo esie mbabolera mbwe, woosi woosi owa ifanjili ino yichia khuyalwa musialo siosi eyo woosi kano ako mukhasi uno akholere kachia okhubolwa khulwa obwichilisi bwaye.

\v 14 Abwene ao mulala khwe khumi nende babiri, olang'wa Yuda Isikarioti, yachia khu ba kukhani bakhoongo,
\v 15 mani nababolera ari, siina esiamunamberesia nasie mbaberesie eng'we omwene oyo? Mani nabo nibamubalira nibamuberesia echisilingi amakhumi kadaru.
\v 16 Mani okhurula ebikha ebio ye yakoonya ingira ya omukhoba.

\v 17 Bulano inyaanga ya mberi ya lisabo lie migaati kibulamo elimera abeeki beecha khu Yeso, nibamureeba bari, wenya khukhureresirie ena okhulia Pasika?
\v 18 Naye naboola ari, muchie mudookho khu muundu mani mumubolere muri "omwekesia aboola ari, ebikha biange biurile: ndakholera Pasika munyuumba mwao nende abeeki bange."
\v 19 Nabo abeeki nibakhola nga olwa Yeso yali nabarumire: nabo nibarekekha Pasika.

\v 20 Bulano olwa ingolobe yola, yekhala asi nende ekhumi nende babiri.
\v 21 Ne olwabali nibalia naboola ari, doodo mbabolera mbwe mulala khweng'we achia khukhoba.
\v 22 Nabo nibaba nende esibeera esiingi, nibachaaka bulimulala khunibo omureeba bari, Omwami, esie nesie?"

\v 23 Naye nakalusia naboola ari, oyo odoonga omukhono kwaye nange musikae, omwene oyo achia khukhoba.
\v 24 Omwana wo muundu abwao nga olwa kaandikwa olondana naye: arali wuuwi khu muundu oyo owa omwana wo muundu akhobwa obirira khuye: biakhabere ebilayi omuundu oyo narakheebulwa.
\v 25 Abwene ao Yuda, owamukhoba nakalusia nareeba ari, omwekesia esie? naye namubolera ari, ewe wakhabola.

\v 26 Ne olwa bali, nibalichaanga, Yeso yabukula omugaati nakubersia echikhabi nakunsonyola, mani naberesia abeeki nabola ari, bukule mulie kuno nikwo omuibiri kwange.

\v 27 Khandi nabukula esikoombe, nakhuba orio mani nababeresia naboola ari, mung'we mweesi mu sino.
\v 28 Okhuba kano niko amabaanga kange akelakano liyakha akenikha khulwa abangi okhulwe buleherwi bwe bionono.
\v 29 Arali mbabolera mbwe sinjia okhung'wakho okhuchaaka lero khusiamo sino esimo sio musabibu okhula ngolwa ndayingwi injakha mubwami bwa Baba wange.

\v 30 Nabo olwa bali, nabamalire okhwemba olwimbo, nibarula erwanyi nibachia mulugulu olwa Miseituni.
\v 31 Abwene ao Yeso yababolera ari, eng'we mwesi munasinyisibwa khulwange esiro sino okhuba kaandikwa mbwe, esie ndakhuya omwayi, ne makoandi komukaanda kwaye kanasalaana.
\v 32 Arali olunyuma esie nimalire okhubukha mubafwa khandi ndakhache imberi weng'we mugalilaya.

\v 33 Petero nakalusia namumbolera ari, kata abaandu boosi nibachia okhusinyisibwa khulwao, esie nasie sinjia okhusinyisibwa.
\v 34 Yeso namubolera ari, doodo khubolera, esiro sino idaywa nisiakhooliokha, ewe ochia khundekaana makhabi kadaru.
\v 35 Petero namubolera ari, kata nikaba mbwe fwe nawe esie sinjia okhwekaana! nabo abeeki boosi boosi nibaboola bario.

\v 36 Abwene ao Yeso niyeecha ninabo abuundu alangwa mbwe Getesimane, naye nabolera abeeki ari, mwikhale eng'we ano ninjia okhulama ela.
\v 37 Mani nabukula Petero nende abasiani ba Zabedayo babiri naye nachaaka okhuberera nende obusiro.
\v 38 Abwene ao nababolera ari, omwoyo kwange kuberera lukali kata okhula okhufwa: mudoong'e eng'we ano nimuba meso alala nange.

\v 39 Naye nachia imberi budidi nakwa khubweni bwaye nalaama naboola ari, ewe Baba wangwe, nikakhaba mbwe kanyalikhana esikoombe sino simbirekho, kata kario singa olwa esie nyenya, arali kori olwa ewe wenya.
\v 40 Mani niyeecha khubeeki naye nambanyoola nibakona ne nabolera Petero ari, khulwa sina engiwe khasi munyalire okhuba meso alala nange kata elisaa elala?
\v 41 Mube meeso ni mulaama mbwe eng'we mureecha mwengira mumateemo: omwoyo kwenya, arali omubiri nomudofu.

\v 42 Naye nakalukhayo khandi olwa khabiri, nalaama naboola ari, ewe Baba wange, nikaba mbwe esikoombe sino sisiakhandulakho, abula mbwe sing'we, elienya liao liekholekhe.
\v 43 Naye niyeecha nabanyoola nibakona khandi: okhuba echimoni chiabwe chiali esiro.
\v 44 Naye nabalekha nabwao khandi nalaama olwa khadaru naboola amakhuwa kala sa.

\v 45 Abwene ao yeecha khu beeki baye nababolera ari, musiri mukona nende okhubulkha? Lingeera ebikha bili ambi naye Omwana muundu akhoberwe mumakhono ka bakholi be chimbi.
\v 46 Buukhe lekhe kubwao: lingeere ali ambi oyo okhoba esie.

\v 47 Ne olwayali nasiri nalomalomanga bona Yuda mulala khwe khumi nende babiri yeecha alala nende omukaanda mukhoongo nende eching'anga' nende ebikhokho, okhurula khubakhoongo ba bakhukhani nende bakhulundu ba baandu.
\v 48 Bulano oyo owamukhoba yababeresia esilolero nambola ari, ula owa esie njia okuchunjuna omwene oyo niye, mumudire lwangu.

\v 49 Ne abwene ao niyeecha khu Yeso naboola ari, emileembe, omwekesia mani namuchunjuna.
\v 50 Naye Yeso namureeba ari, omwiicha wakhecha orulira ena? abwene ao nibeecha nibamukwakho Yeso, nibamubukula.

\v 51 Ne lola omulala khunibo abali nende Yeso nakolola omukhono kwaye, narusia olugaanag lwaye narema omukholi wa omukhukhani mukhoongo, namukhalakakho okhurwi khwaye.
\v 52 Abwene ao Yeso namubolera ari, kalusia olugaaga lwao khandi abuundu walwo: okhuba abo boosi ababukula olugaaga bachia khusasikha nende olugaanga.
\v 53 Engwe mupaara mbwe sinyala osaba bulano Baba wange naye amberesia ebikha bino abamalaika ba mayie emikaanda ekhumi nende kibiri nende kata okhirao?
\v 54 Arali bulano amaandiko ako nikarakhabere kario, akario?

\v 55 Mubikha ebwene ebio Yeso nabolera omukaanda ari, murulire sa kori nga ebacha okhudiira omwibi nende echingaanga nende ebikhokho okhwicha okhumbukula? Ndekhala buli nyaanga nang'we ninjekesia mukhekalu nang'we simwandirakho dawe.
\v 56 Arali kano koosi kekholekhe, mbwe amaandiko ka banabaii kolerere abwene ao abeeki boosi nibamulekha niberukha.

\v 57 Ne abo abali nibamudirire Yeso nibamurusiao nibamwiyira khu Kayaba omukhukhani mukhoongo, owa baandiki nende abakhulundu bali, nibakhung'anire.
\v 58 Arali Petero namulondakho iyuma ale okhuula mulubiriri lwo mukukhani mukhongo mukhongo niyengira mukari niyekhala nende abakholi, olola obumalirikhi.

\v 59 Bulano abakhukhani bakhoongo nende abakhulundu abe sina boosi bakoonye obuloli bwo bubacha khu Yeso mbwe bamwire:
\v 60 Arali sibanyolakho siosi kata abaloli bo bubacha becha abangi nibaranyolakho siosi. Mulumalirikhi nibeecha abaloli bo bubacha babiri,
\v 61 Nibaboola bari, omuya uno yabola ari, esie nyala okhusasia ikhekalu ya Nasaye mani ngiumbakhe munyaanga chidaru.

\v 62 Naye omukhukhani mukhoongo nabukha, namubolera ari, khasi okalusiakho siindu siosi? nisina esia bana babola khwewe?
\v 63 Arali Yeso nadira omuleembe kwaye. Naye omukhukhani mukhoongo nakalusia namubolera ari, esie khwechubira khu Nasaye omulamu mbwe orubolere nikali mbwe newe Kirisito Omwana wa Nasaye.
\v 64 Yeso namubolera ari, ewe wakhabola: kata kario esie babolera mbwe okhuchaaka bulano muchia olola omwana wo mundu niyekhale khu mukhono musaacha okwa maani, niyeecha mumaresi kom mwikulu.

\v 65 Abwene ao omukhukhani mukhoongo narandula echingubo chiaye naboola ari, alomalome akokhwekerania khu Nasaye: khulindiriranga buloli sina? lingeere bulano mwabulira nga yakhekerania khu Nasaye.
\v 66 Mupaara murie eng'we? Nabo nibakalusia nibaboola bari, akhoyera khufwa.

\v 67 Abwene ao nibamufucha amare mubweni nibamukhuya ebifusi: ne abandi nibamukhuya echinju,
\v 68 Nibaboola bari, rulakulekho ewe Kirisito niwina oyo okhukhuyire?

\v 69 Bulano Petero yekhala erwanyi wa olubiriri: naye omukhana mukhol namwichakho naboola ari, ewe wesi wali nende Yeso wa Ebugalilaya.
\v 70 Arali ye nakaana imberi wabwe boosi, naboola ari, esie simanyire esia ewe obolaanga.

\v 71 Olwayali nabwereo erwanyi musiribwa, omukholi mukhana undi namulola, nabolera abali ao ari, omuya uno yesi yali nende Yeso wa Nasareti.
\v 72 Khandi ye niyekana mukhwebwaba ari esie simanyire uno muundu.

\v 73 Ni olunyuma lwe ebikha bididi bamwichakho abo abali nibemere ao nibabolera Petero bari obwadieri ewe wesi oli mulala khu nibo: okhuba akhulomaloma khwao khwekesia.
\v 74 Abwene ao nachaaka okhuchuba nende okhwebwaba naboola ari, esie ngorerwe uno muundu. abwene ao idaywa niyikholiokha.
\v 75 Naye Petero niyechusia elikhuwa lia Yeso eliayamubolera mbwe ewe ochia khundekaana amakhabi kadaru mani nachia erwanyi nalira ebichuni.

\c 27
\cl Omuliango 27
\p
\v 1 Olwabiyola ichuli, abakhukhani bakhongo nende abakhulundu abakholera Yeso esina esia okhumwira:
\v 2 Niolwababumboya amurusia ao nibamuberesania khu Ponjo Pilato Gafuna.

\v 3 Abwene ao Yuda owali namukhoobere olwayalola mbwe akhalakirwi esina yekanira mwene nakalusiria khandi abakhukhani bakhongo nende abakhulundu echisilingi amakhumi kadaru.
\v 4 Naboola ari, nyonoonere okhuba mbwe khobere amabaanga kabula esibi. Nabo nibaboola bali nisina esio khwefwe? kalole ako omwene.
\v 5 Naye nasukuna asi abitundu bia echisilingi mukhekalu mani nabwao nachia niyemika omwene.

\v 6 Nabo bakhukhani bakhongo babukula ebitundu bia echisilingi nibaboola bari, sinelilako okhuchiira mumbikhiro okhubeera nobukusi bwa mabaanga.
\v 7 Nabo nibarebana nibachukulamo omukunda kwa omulongi okhusikhwamo abarende.
\v 8 Khulwesio omukunda okwao kwalangwa bwe omukanda kwa mabaanga okhula inyanga ino.

\v 9 Abwene ao nikolerera okaboolwa nende Yeremia omunabii naboola ari, mani babukula ebitundu bia echisilingi kadaru, obukusi bwa oyo owali akhoyera oyo owa abo khubaana ba Isiraili babona nakhoyere
\v 10 nibachiberesania khumukunda okwo muloongi nga olwo Mwami yandangira.

\v 11 Ne Yeso niyema imberi wo muruki: naye omuruki namureeba naboola ari, ewe newe muruki wa Bayaudi? naye Yeso namubolera ari, ewe oboola.
\v 12 Ne olwa yali nasitakibwe nende abakhukhani bakhoongo nende abakhulundu, siyakalusia esiindu.
\v 13 Abwene ao Pilato namubolera ari, khasi obuliraanga ebiindu bingi ebia bali khubolaangakho.
\v 14 Naye naramukalusi kata ekhuwa lala okhula olwa omuriki yauka lukali.

\v 15 Bulano mulisabo erio omuriki yenya okhubalekhuulira abaandu omumboye ula owabakheera bene.
\v 16 Nabo bali abwene ao nende omuboye owamanyikha owalangwa mbwe Baraba.

\v 17 Khulwesio olwabali nibakhung'anire alala Pilato nareeba ari, niwina owamwenya mulekhulire, Baraba kose Yeso olangwa mbwe Kirisito? okhuba yeyamanya mbwe nikhulwa ikhiinda bamurera khuye.
\v 19 Olwa yekhala asi khusisaala sio bukhalaki, omukhasi waye yamurumira elikhuwa naboola ari, orabakho ewe nende esiindu siosi olondana nende omuundu mulingikhi oyo okhuba nyakhane nende abiindu bingi inyaanga ino mumaloro khu lwaye.

\v 20 Arali abakukhani bakhoongo nende bakhulundu bekweeda mukaanda mbwe khusabe Baraba, mani basasie Yeso.
\v 21 Omuriki nakalusia nabareeba ari, niwina khu babiri bano owamwenya mbwe mbalekhulire? nabo nibaboola bari, Baraba.
\v 22 Pilato nabareeba ari, nisina esiakholere bulano nende Yeso olangwa Kirisito? nabo boosi nibamubolera bari, lekha abaambwe.

\v 23 Naye omuriki naboola ari, khusina, sibi sina esia akholere? arali nabo bachiririra okhwayuula nibaboola bari, lekha abambwe.
\v 24 Olwa Pilato yalola mbwe siyakhakhola siosi, ari mbwe indoboyoo yenya okhwekholekha yabukula amaachi niyesaaba amakhono kaye imberi wo mukaanda naboola ari, mbulakho esibi siosi nende amabaanga ko muundu mulungikhi uno: mukelolerekho abene.

\v 25 Abwene ao abaandu boosi nibamukalusia nibaboola bari amabaanga kaye kabe khwefwe nende khu baana befwe.
\v 26 Abwene ao nabalekhulira Baraba: ni olwa bamala okhukhuya Yeso nibamuberesania mbwe abambwe.

\v 27 Abwene ao abamayie no muruiki nibayira Yeso mupritorio mani nibamukhung'anirakho olukhukhumuli lwosi olwa abamayie.
\v 28 Mani nibamufwalula khandi nibamufwala ikaanju injakhanyu.
\v 29 Ne olwabo bali nibalukhire olusiimbi lwa mabwa ni bamura khumurwe kwaye nende elikada mumukhono kwaye omulungi nibasigama khumakhumbo imberi waye nibamuchekherakho nibaboola bari, muleembe omuruki wa Bayaudi!'.

\v 30 Nabo nibamufuchakho nibabukula elikada nibamukhuya khu murwe.
\v 31 Ne olunyuma lwao khumuchekherakho nibamufwalula ikaanju nibamufwala ebiefwalo biaye, mani nimurusiayo nibachia omubamba.

\v 32 Nabo olwabali barula erwanyi, nibanyoola omuundu wa Kireno owalangwa mbwe Simoni nibamuyika okiinga omusalaba kwaye.
\v 33 Nabo olwaboola abuundu alangwa mbwe Goligota oa nio khubola mbwe abuundu we esianga.
\v 34 Nibamuberesia efini eyisasibwemo indusie okhung'wa: Naye olwayayikhombakho siyanyala okhung'wa.

\v 35 Nabo nibamubaamba mani nibakabana ebiefwalo biaye, nibakhuba ikura: mbwa kanyale okhulirira okabolwa nende omunabii mbwe bakabana ebifwalo biange akari wabwe nekhusiefwalo siange nibakhubira ikura.
\v 36 Mani nibekhala asi nibamulingera ebweneyo.
\v 37 Mani nibakikha akulu khumurwe kwaye akabamukhalakira esiina mubwandiike mbwe UNO NIYE YESO OMURUKI WA BAYAUDI.

\v 38 Abwene ao baliwo abebi babiri nibabaambirwe ninaye, mulala khummukhono muluugi naye ouundi khu mukaada.
\v 39 Nabo ababira ao bamunyeka nibayuya emirwe kiabwe,
\v 40 nibaboola bari, ewe onyala osasia ikhekalu, mani wayumbakha munyaanga chidaru, weonie omwene nikali mbwe oli omwana wa Nasaye ikha okhurula khu musalaba.

\v 41 Kata abakhukhani bakhoongo nende abandiiki nende abakhuluundu bamuchekherakho nibaboola bari,
\v 42 Yaonia abandi ye mwene siayakheonia. Nikaba mbwe ni muruki wa Isiraii, lekhe bulano yekhe asi arule khu musalaba ne efwe khunamusubira.

\v 43 Yesika mu Nasaye lekha amuonie bulano naba namwenya: okhuba yaboola mbwe esie ndi mwana wa Nasaye.
\v 44 Abebi bosi abali nibabaambirwe ninaye boosi namubolera kene ako.

\v 45 Bulano okhuchaaka khu s ya chisasaba esirima sialiwo okhoula saa ya tisa.
\v 46 Manu khu saa ya tisa Yeso yalira nende omwoyo mukhongo naboola ari, Elio, Elio, lama sabakathan? Nikhwo okhubola mbwe Nasaye wange Nasaye wange khulwasiana undekhere?
\v 47 Khwabo abali nibemere awo olwababulira nibaboola bari, omuundu uno alangaanga Eliya.

\v 48 Ne abwene awo mualala khubo yerukha nabukula esiangu niyechusiamo ifini nara khulikada mani namuberesia okhung'wa.
\v 49 Abadoonga nibaboola ari, lekha kabe lekha khulole nikaba mbwe Eliya aneecha okhumuwonia.
\v 50 Yeso olwayamala okhulira khandi nende omwoyo mukhoongo yakhalak omwoyo.

\v 51 Ne lingeera, isuka yo mukhekalu nikhalikhamo makhabi kabiri okhurula akulu khula asi: ne esialo nasio nisirengerekha ne echinyaanda nichiadikha.
\v 52 Ne ebirindwa nibiikukha mani emibiri mingi ekia batakatifu abali nibafwa nikilamusibwa.
\v 53 Njbarula mubirindwa olunyuma lwa ye okhulamukha mani nachia mudookho litakatifu nabonekhera abangi.

\v 54 Bulano olwa omusikari nende abo abali naye nibalingeraanga Yeso balola okhurengerekha khwe sialo, nende ebiindu ebio ebikhola ebiekhola, nibaria lukali nibaboola bari obwadoodo uno yali Omwana wa Nasaye.
\v 55 Ne abakhasi bandi baliyo nibalingereranga ale, abaloonda Yeso okhurula Galilaya nibamukhalabanira.
\v 56 Munibo bali Maria Magadalena nende Maria ngina Yakobo nende Yoses nende ngina baana ba Sebedayo.

\v 57 Olwa inglobe yola omundu muyiinda muinda owa Arimatea olangwa mbwe Yosefu yeecha, Yesi omwene yali omweka wa Yeso:
\v 58 Yachia khu Pilato mani nasaba omubiri kwa Yeso. abwene awo Pilato nalagira omubiri mbwe aberesebwe omubiri.

\v 59 Olwa Yosefu yali nabukule omubiri yakuboya mungubo indafu eya kitani.
\v 60 mani nakwalisia mung'ani yaye injakha eyayali nayabire mulwanda: naye nasringisia elikina likhoongo khumuliangiro kwa esirindwa mani nabwao.
\v 61 Ne yaliwo Maria Magadalina nende Maria oundi nibekhale nibachomere esirindwa.

\v 62 Inyaanga ya khabiri eyiloonda inyaanga yo khwerekekha, abakhukhani bakhoongo nende abafarisaayo beecha alala khu Pilato,
\v 63 nibaboola bari, omwami wichulira mbwe omubacha ula yabolanga, olwayali nasiri omulamu mbwe olunyuma lwa enyaanga chidaru njia olamukha khandi.
\v 64 Khwelwesio lagira mbwe esirindwa silindwe okhula inyaanga ya khadaru, abeeki baye bareecha esiro bamwiba, mani babolera abaandu mbwe alamukhe khurula mubafu mani obukhiamu bumalirikha bwakhaba obubi lukali okhira obwamberi.

\v 65 Pilato nababolera ari, muli nende abaliindi: mububwao muchie mukhole obuliindi kori olwa munyalirwa.
\v 66 Kario nibachia mani nibaliinda esirindwa nibekalao elikina nibarerekho obulindi.

\c 28
\cl Omuliango 28
\p
\v 1 Mukhubwa khwa isabaato olwabwachaaka okhukhia khu nyaanga ya mberi eya ijuma, yeecha Maria Magadalina nende Maria undi okhulola esirindwa.
\v 2 Ni lingera khwaliwo okhurengerkha khwe esialo khukhoongo: okhuba malaika wo Mwami yeecha okhurula mwikulu niyeecha mani nasiringisia inyuma elikina okhurula khumuliangiro mani nalikhalakho.

\v 3 Ifwani yaye yali nga olumiesu nabio ebiefwalo biaye rachari kori ibarafu:
\v 4 Ne khulwa okhumuria abaliindi barengerekha nibaba nga abaandu bafwa.

\v 5 Naye malaika nakalusia nabolera abakhasi ari, muraria dawe eng'we: okhuba manyire mbwe mukoonya Yeso owabambwa.
\v 6 khasi ali ano: okhuba alamukhe kori olwa yaboola. mwiche mulole abuundu owo Mwami yakona.
\v 7 Mani muchie lwangu mobolere abeeki baye mbwe alamukhe okhurula mubafu: ne lingeera achia imberi weng'we mu Galilaya ebwene eyo muchia omulola, malire obabolera

\v 8 Nabo nibarula lwangu khusirindwa nende oburi nende isangaalo ikhoongo niberukha okhurerera abeeki baye ekhuwa.
\v 9 Ne olwa bali nibachia obabolera abeeki baye lingeera Yeso nabukanana nabo, naboola ari, mireembe mwesi. Nabo nibeecha nibamudira khumakulu nibamwinamira.
\v 10 Abwene awo Yeso nababolera ari, muraba abri muchie mubolere abasiengiwe mbwe bachie mu Galilaya ni ebwene eyo bachia okhundola esie.

\v 11 Bulano olwabali nibachichaanga, lingeera abandi khubaliindi beecha mudokho nibekesia abakhukhani bakhoongo ebiindu bioosi ebikholekha.
\v 12 Ne olwa bali nibakhunganire nende abakhulundu nibekhobane baberesie abasikari echisende nyingi,
\v 13 nibabola bari eng'we mubole mbwe abeeki baye beecha musiro mani nibamwiba olwa khwali nikhukona.

\v 14 Ne kano nikoola mumarwi ko muruki efwe khuchia omwekweeda nikhubanunula.
\v 15 Nibabukula echisende nibakhola nga olwabekesibwa ne likhuwa lino liaswana mubayaudi okhula inyaanga ino.

\v 16 Abwene awo abeeki ekhumi nende mulala nibabwao nibachia mu Galilaya, mulugulu owa Yeso yali nabalakire.
\v 17 Ne olwa bamulola bamwinamira: arali abandi khunibo bakanakana.

\v 18 Naye Yeso yeecha nabalomalomera naboola ari, obunyala bwosi mberesebwe mwikulu nende musialo.
\v 19 Muchie eng'we khulwesio, nimwekesia ebialo bioosi, nimubabatisia mulira lia Sefwe nende Mwana nende elia Roho omutakatifu:

\v 20 Nimubekesia okhukhola ebiindu bioosi ebia esie mulagira: ne lola, esie ndi nang'we buli lwoosi kata okhulua okhumalirikha khwe sialo. Amina.