lko_reg/59-HEB.usfm

\id HEB
\ide UTF-8
\h Abaeburania
\toc1 Abaeburania
\toc2 Abaeburania
\toc3 heb
\mt Abaeburania
\c 1
\cl Omuliango 1
\p
\v 1 Nasaye mubikha ebikabukhane, mungira chaukhane yalomaloma nende abasefwe okhubirira mubanabii.
\v 2 Mundaalo chio bumaliriikhi chino alomalome ninafwe okhubirira mumwana waye, owayalobola omulamirwe webindu bioosi okhubirira muye yalonga ebialo.
\v 3 Oli obulafu bwoluyali lwaye, nende esifwanani siaye, nadiririre ebiindu bioosi mulikhuwa lia maani kaye, omwene niyali narusisieyo ebionono biefwe, yekhala asi khumukhono omusaacha okwobunyali bwaye obwaakulu.
\p
\v 4 Nibimalire okhukholwa okhuba ebilayi lukali okhukhira abamalaika, okhuba okhubirira mubulamirwe yanyoola elira elilayi okhira nibo.
\v 5 Khubamalaika sina abayaboolerakho lwosi, "Mbwe oli omwana wange, inyanga ino khwibuule, Ne khandi ndaba khuniye Samwana?, naye Omwana khwesie?
\p
\v 6 Ni khandi narera omwibulwe wamberi musialo, aboola mbwe abamalaika boosi ba Nasaye bamwinamire.
\p
\v 7 Ni khubamalaika aboola, "Okholaanga bamalaika baye roho, nabo abakhalabani baye omuliro kwaakha"
\p
\v 8 Naye khumwana aboola, esisaala siao sioburuki, "Ewe Nasaye, sinabao buli lwosi". Eyindausi yobulungikhi niyo indaukhi eyobwami bwao.
\q
\v 9 Ewe wakheera obulungikhi ni wasiula obubi, Khu kario Nasaye wao yakhurakho amafura keisangaalo khukhira abasio.
\p
\v 10 " Ni ewe Omwami, mumachaaka warao omuse kwesialo, ni likulu nemirimo kiamakhono kao.
\q
\v 11 Banadiba arali nawe odong'ao, khandi banakofula ngeingubo.
\q
\v 12 Ne kori nga ingubo onachifumba khandi bakhakalukhanisibwe, naye ewe onadong'a sa orio, khandi emika kiao sikilibwa."
\p
\v 13 Ni malaika sina owa Nasaye yaboolerakho lwosi ari, "Ikhaala khumukhono kwange omusacha okhuula nga nda basuku bao mumakulu kao?
\p
\v 14 Boosi sini mioyo kikhalabananga, ekiarumwa okhukhalabanira abali balaamirwe bobuwonia?
\c 2
\cl Omuliango   2
\p
\v 1 Khu kario khukhoya okhuberesia obumanyirisi bukhongo khu biindu bia khubulire, khurola khwabilekhula biachia.
\v 2 Ni nikaba elikhuwa lia bolwa nende bamalaika liali lidinyirifu, ni buli bumaanu nende obukhayi bianyoola omurungo kuyera,
\v 3 khunaona khurie nikhukhaya okhudeeba obuwonia bukhongo buno? Obwarangira okhu lomalomwakho nende Omwami nibuchuchuisibwa nende balia abamubulira.
\v 4 Nasaye omwene naberesania obuloli, okhubirira khubilolero nende ebiamakana, ebiukisia bikabukhane nende ebianwa bia mwoyo mulafu, khulondana nende okhwenya khwaye omwene.
\p
\v 5 Si khubolanga mbwe Nasaye yara asi wabamalaika esialo siichayo esia khulomalomangakho.
\v 6 Arali oundi, abuundu andi yaboola ari, "Omuundu ni sina, akakera nomudeeba muno? Kose omwana womundu owokenderanga?
\q
\v 7 Wamukhola okhubakho mudidi, asi wa bamalaika; wamufunikha nende oluyali alala nende siribwa, nomura akulu we mirimo kia makhono kao.
\q
\v 8 Nora ebiindu bioosi asi wamakulu kaye." Ne khulwo khuba yara bioosi asi waye, Sibulao esia arara asi waye khaba. Kata kario khusiri okhulola mbwe yara asi waye bioosi.
\v 9 Ne khulola Yeso, owa kholwa okhubakho asi wa bamalaika khulwo khusandisibwa khwelifwa liae, afwasibwe oluyali nende esiribwa, mbwe ye khulwo obukosia bwa Nasaye abilekho liifwe khulwa buli omuundu.
\p
\v 10 Biakheresia Nasaye, khulwo khubeera bioosi biriwo khulwa obeera niye khandi khubirira mubioosi; mukhurera abaana baangi muluyali, niyekhola omwimiriri wo buwonia bwabwe omwekenderefu okhubirira mubinyasio.
\v 11 Khubombi, ye olabianga nende abalabisibwa nesindu silala. Khu kario salola chisoni okhu balanga abakherwa.
\v 12 Ne aboola mbwe, "Ndalalandasia elira liao khu baana befwe, ne akarikari we likanisa ndakhwembera nikhuba ifuma."
\p
\v 13 Ne khandi ndara busubiri bwange Khu niye,' khandi lola esie alala nende abaana ba Nasaye yamberesia."
\p
\v 14 Nolwa abaana bali basangirani bo mubiri nende amabaanga, mungeri eyo yesi omwene yabiriramo, mbwe okhubirira mu khufwa, anyole okhusasia ulia owali nende amani kelifwa, oli sietani.
\v 15 Khandi anunule balia abali mububuywe mubulamu bwabwe bwosi nibaria elifwa.
\v 16 Mubwadieri siyerakho eyimera yabamalaika khaba ne yerakho eyimwo ya Ibrahimu.
\v 17 Khu kario mubioosi bia mukheresia okhu fwanana nende bamwanang'ina, mbwe abe omukukhani omukhongo wesisa nende obwesikwa, mubiindu bioosi ebio bunasaye, okhukhola obusasani khulwe bionono bia baandu.
\v 18 Ne khulwo khuba ye yasandisibwa mu khutemwa, anyala okhu khonya balia abatemebwa.
\c 3
\cl Omuliango  3
\p
\v 1 Khu kario, abakherwa balungifu, abasangirani bomulango kwomwikulu. Ichulisiekho omurumwa, oli omukukhani wo busubiriri bwefwe, Kiristo Yeso.
\v 2 Owali omwesikwa khu ulia owa mulobola, nga Musa yesi yali omwesikwa munyumba ya Nasaye yoosi.
\v 3 Okhuba omuundu uno yabalwa okhoyera oluyali olungi okhukhira Musa, ngolwa omumbahi we inyumba ali nende siribwa sikhongo okhukhira inyumba yeene.
\v 4 Khulwo khuba buli inyumba yumbakhungwa nomuundu, naye owombakha ebiindu bioosi ni Nasaye.
\v 5 Naye Musa mu bwadieri yali omwesikwa munyumba yaye yoosi, ngomurumwa khulwa obuloli obwe biindu bilia ebiali bibolwe lunyuma.
\v 6 Arali Kiristo nga Omwana omwemeresi we inyumba yoosi ya Nasaye, eyiri mbwe nefwe, nikaba khudiririra namani obusubiriri nende isangalo yelinaya liefwe okhula okhumalilikha.
\p
\v 7 Khu kario ngolwa (Omwoyo mulafu aboola, "Inyanga ino, nobulira lidoboosi liaye,
\v 8 Muromirania emioyo kieng'we mukhusinyisia, muludalo lwo khurekekhwa mulumirira.
\v 9 Nga abaseng'we baandema, mu khungerasia, nibamala nibalola ebikhole biange, emiaka makhumi kane.
\p
\v 10 Khukario ndasinyisibwa nolwibulo olwo. Nimboola mbwe, ba koranga bario, mumioyo kiabwe khandi sibamanyire chingira chiange.
\p
\v 11 Kho biri sa nga ndechuba mulirima liange; "Mbwe sibakhengire mubuulukhi bwange."
\p
\v 12 Mwekenderesie, baana befwe, arabamo mwing'we nende omwoyo kwo bumayanu kwo khurasubira, kwo khulekha Nasaye mulamu.
\v 13 Ni mudinyisanie buli lwosi, nisiiri ilangwa inyanga ino; mbwe arabao owo omwoyo kunoomisibwa khubirira mububacha bweimbi.
\v 14 Khubeera kholerwe abasangirani ba Kiristo nikhudiririra nende obudinyirifu mu khuchaka khwo busubiriri bwefwe okhuula mu bumalirikhi.
\v 15 Khu lino, kabolwa mbwe, "Lero luno nimubulira omulango kwaye, muromirania emioyo kieng'we, mubukhayi."
\p
\v 16 Ni baabu wina abo aba mubulira Nasaye mubukhayi bwabe? Sinabeene abo abarula Misiri nibemirirwe nende Musa?
\v 17 Ne nikhandi nibaabu wina aba yasinyisibwa nabo emiaka makhumi kane? Si nibalia abali nibakholere obwononi, abemibiri kiabwe kiakona mulumira?
\v 18 Nibaabu wina aba yechubira mbwe sibengira mubuulukhi bwaye, arali balia barafukirira?
\v 19 Kho khulola mbwe sibengira mubuulukhi bwaye khulwa oburasubirira bwabe.
\c 4
\cl Omuliango  4
\p
\v 1 Bulano khube abari, arali awo esisubisio sio khwingira mu buulukhi bwae sisiriwo, khwekenderesie, arabao omuundu yesi khweng'we unasilemukhira.
\v 2 Khulwo khubeera khwayalirwa injili nga nibo, arali elikhuwa lia bayalirwa si liabakhonya okhuba si lialimasibwa nende obusubiri.
\v 3 Kho efwe abasubira khwingira mubuulukhi obwo, ngolwa yabola, "kori nga muburima, ndechuba, mbwe kario emirimo kiabwa mukhuchaka khwesialo, Sibakhengire mubuulukhi bwange.
\v 4 khubeera abuundu andi yalomalomakho khunyanga ya saba mungira ino, "Mbwe Nasaye yauluukha khuinyanga ya saba mumirimo kiaye kioosi.
\p
\v 5 Ne khandi mbwe abuundu ano, "Sibalingira mubuluukhi bwange."
\p
\v 6 Nikalolekhana mbwe abaandi okhuula bengire, ni balia abayalirwa imberi sibengira khulwo khurasubira.
\v 7 Khandi yarao inyanga naboola khubirira mu Daudi, Inyanga ino, Lunyuma olwa ebikha ebirambi; nga olwakaboolwa, Inyanga ino nimubulira lidoboosi liaye, muromirania emioyo kieng'we."
\p
\v 8 Bibere mbwe banyola ubuuluukhi khubirira khu Yeso, siyakhalomalome khu ludaalo lundi.
\v 9 Khu kario ludaalo lwobuulukhi lusiriwo khubaandu ba Nasaye.
\v 10 Oyo owingira mubuulukhi bwaye yesi aulukhanga mumirimo kiaye, nga Nasaye yesi yaulukha.
\p
\v 11 Kho khwekasirie okhwingira mubuulukhi obwo, arabao osuba khulwo khurasubira nga nibo bakhola.
\v 12 Elikhuwa lia Nasaye ne elamu, khandi liri nende amaani, nobwoki okhukhira oluganga lwakalwa chimbeka chioosi. Olufumira nilukabukhania esinamundu nende omwoyo, khandi chinyungo nende obudunduli, ni limanyirisianga amabaso nende elienya liomwoyo.
\v 13 Ne sisiriwo silonge siosi esiramanyikhana mumoni chia Nasaye, arali ebiindu bioosi nebiakhaakhu khu oyo owa khwakhaboole makhuwa kefwe.
\p
\v 14 Okhuba khuli nende omukukhani mukhongo owengira mwikulu, Yeso Omwana waNasaye, khudiririre mubudinyirifu elinaya liefwe.
\v 15 Abulao omukukhani mukhongo orakhanyala okhuchiana ninafwe khumakhuwa kefwe kobudekhere. Arali, mumbeera chioosi yatemwa nga efwe, naye naronona khaba.
\v 16 Khu kario khwiiche imberi wesisala siaye siobukoosia nende ichuoni, mbwe khunyoole esisa esinaruba obukoosia mubikha biakhwenya obukhoonyi.
\c 5
\cl Omuliango  5
\p
\v 1 Khubeera buli omukukhani olobolwe akari wa baandu, yabakhwa amafura khulwa baandu Khu khulwa makhuwa kalondana nende Nasaye, khulwokhurusia ebianwa nende ebisahiro biobwononi.
\v 2 Onyala okhubeerera nende abo abaramanyirisianga, nibabachwa mubukori, khulwo khuba omwene yesi nomudekheri.
\v 3 Khulwa akene ako akhoyere arusie esisahiro siebionono khulwa baandu nende ye omwene.
\v 4 Ne abulao owefwasianga esiriibwa sino omwene, arali ulia owalangwa nende Nasaye nga Aaruni.
\v 5 Khu kario, Kiristo yesi siyefwasia omwene oluyali nga omukukhani mukhongo. Arali ulia owaboola mbwe, "Ewe oli Omwana wange; inyanga ino khwibule."
\p
\v 6 Nga yaboola abuundu andi ari, "Oli omukukhani buli lwosi mubuchiane bwa Melkisediki."
\p
\v 7 Ewa muchindaalo chiaye chiomubiri, nga yaana echisala nende amasabo mukhulira nende amasika mumaani khu ulia owala anyala okhumuonia mulifwa, ne nabulirikhana okhuba yali omweyocherefu mubulamu bwo buNasaye.
\v 8 Kata kario yali Omwana, yeeka okhweduduyia khubirira mukhusanda.
\v 9 Ne niyakhakholwa omwolerefu, yekhola omuchaakisi wobuonia bwobumeri khu boosi abamuria
\v 10 Yalangwa nende Nasaye ngomukukhani mukhoongo mufwaani ya Melkisedeki.
\p
\v 11 Naye khuli nende amaangi kokhuboola kata kario nebidinyu khurumbula, okhuba simuli abaangu bokhubulira.
\v 12 Okhuba ebikha bia mwakhabeere nimwekesianga, musiiri khandi mwenya omuundu abekesie amekesio kokhuchaaka mumakhuwa ka Nasaye. Musidaakha mabeere, arali ebiakhulia biomu!
\v 13 Khulwo khuba oyo yeesi owekhoonyera amabeere abula obumanyirisi mulikhuwa lio bulungifu, okhuba no mwaana mudoro
\v 14 Arali esiakhulia sioomu nikhubalia abaangafu, okhurulana nende oburumikhi bamanyire okhukabukhania amalayi nende amabii.
\c 6
\cl Omuliango   6
\p
\v 1 Khu kario, nikhulekha ameekesio kokhurangirira aka Kiristo, ne khusude mukalia ko khuruoleresia: Khurakalukhira khandi khu kokhwekanira khurula mubihole bifu nende akelisubira khu Nasaye,
\v 2 kose ameekesio kokhubatisia, okhurebwakho makhono, nende okhulamusibwa khwa bafu, nende obukhalakirwi oburalibwayo.
\v 3 Ne kano khunakakhola Nasaye nafukirira.
\v 4 Khulwo khuba nebidinyu khulwa abo abali nibamanyisib we, obulayi bwesianwa sio mwikulu, nibakholwa abasangirani aba omwoyo mulafu,
\v 5 khandi nibabila elikhuwa lia Nasaye lilayi nende amaani kesialo esiicha,
\v 6 nibamala bakwa bakalukha inyuma_ sibinyalikhana okhubakhola khandi bekanire, Khuba bali okhubaamba Omwana wa Nasaye buya nende okhumwanikha khuchisoni alafu.
\v 7 Okhuba eliloba eling'wechanga buli ifula yilikwira, niliana ebiamo khu abo abalireresianga, banyolanga yikhabi khurula khu Nasaye.
\v 8 Naye niliana amabwa nende eliiswa, silifukirirwa arali liri ambi khuchubwa nende khumalirikhira mukhusambwa.
\p
\v 9 Ne bakheerwa, Kata kario khulomaloma ako mumakhuwa keng'we khusubirira mumakhuwa kalia amalaayi kobuonia.
\v 10 Okhuba Nasaye sinomukoyanu owakhebirira emirimo nende obukholi bwen'gwe bwobukheri obwamumalire okhwekesia Khu lira liaye, khulwokhuba munyakhanire abatakatifu baye, khandi musiri mubakhalabanira.
\v 11 Ne khwekomba muno mbwe buli mulala yekesie sinani silia silia esie linaaya liobwolerefu khuula mubumalirikhi.
\v 12 Muraba abakara, Kata kario mube abaloondi aba abo khubirira mubusubiri nende obwesimirisi bonyoolanga ebisubisio bio bobulaame.
\p
\v 13 Khulwo khuba Nasaye nakhola elilakano nende Ibraimu, yechuba khuye omwene okhuba yabulao omukhira.
\v 14 Nabola ari, "Mubwadieri ndalakhuba echikhabi ne okhumeda ndakhumeda."
\v 15 Kho kario, niyakhesimirisia yamala anyole eliayalakwa.
\v 16 Khulwo khuba abaandu bechubaanga khu ulia obakhira. Khulwa esiakamo siokhumalao obulekani, okhwechuba khukhusirisia.
\v 17 Olwa Nasaye yeenya okhuchwichwisiria abalaamirwe be lilakano mbwe ni Nasaye orakalukhananga mulikhuwa liaye, yamala alichwichwisie nende okhwechuba.
\v 18 Mbwe khulwe biindu bibiri ebirakalukhananga khaba, okhuba nebidinyu Nasaye okhubola obubacha, mbwe khonyole khulemesibwa khwolerefu, aberukhira okhudiira linaya eliarebwa imberi wefwe ;
\v 19 elinaya elio eliri nga isiro yo mwoyo, eyadieri khandi indinyirifu eyingira nende okhukhalania muipasia.
\v 20 Oyo omurangiriri wefwe Yeso yabiriramo nakholwa omukukhani mukhongo woluberera muikhola ya Melikisediki.
\c 7
\cl Omuliango  7
\p
\v 1 Naye Melikisedeki uno, omuruki wa Salemu, omukukhani wa Nasaye ouli akulu lukali, yabukanana nende Ibraimu narula okhwira abaruki, namuanira chikhabi.
\v 2 Kario Ibraimu yamuanira esilala khulikhumi lia bioosi ebia yalinabio. Imberi alangwa, "Omuruki wobulungifu," nolunyuma, "omuruki wa Salem, ouli omuruki womulembe."
\v 3 Abula samwana, ng'ina kata abeekho, abula ewarula, oburangiriri bwechindaalo kose obumalirikhi bwobulamu, arali mukhufwananisibwa nga Omwana wa Nasaye, yaulwa omukukhaani owo khuchirira buli lwoosi.
\p
\v 4 Paririsiakho obukhongo bwo muundu uno owa kata Ibraimu omukhulundu yaberesia esikhumi sia ebia yali nabukule muliiye.
\v 5 Ne abwene kario mbwe, nolwibulo lwa Lawi lwo bukukhaani, nilwo lwong'ane lwafukirirwa nende malako okhubukula esikhumi khurula khubaandu, abo bali bolwibulo lwa Ibraimu, kata kario bosi nabalala khunibo.
\v 6 Ne oyo orali wolwibulo lurabalirwa munibo, yabukula ebikhumi niyaanira echikhabi oyo owali nende ebisubisio.
\v 7 Kario bubulao obuyingani bwoosi mbwe omuundu mudidi yanirwanga ikhabi nende oumukhira.
\v 8 Naye ano, abafwa baberesibwangwa ebikhumi, naye ulia owabarusiriangakho buloli amenyanga.
\v 9 Ne nga olwa mboola, Lawi onyolanga ebikhumi yaana ebikhumi khubirira mu Ibraimu.
\v 10 Okhuba yali asiiri okhwibulwa Melikisedeki nabukanana ninaye.
\p
\v 11 Nikakhabere mbwe obwolerefu burulana khu burumikhi bwa Balawi, (okhuba khubirira munibo niwo owa baandu banyoola lilako), obukhonyi sina bwaliwo mbwe khandi omukukhani undi abeo khurulana nende obuchiririri bwa Melikisedeki, mubweyango bwokhulangwa khulondana nende Aaruni?
\v 12 Okhuba obukukhani nibukalukhana, kenyekhana, lilako liosi likalukhane.
\v 13 Okhuba ulia olomalomwangwakho kano nowoluuyia lundi, omurarula khomo omukholi wo khubwaali.
\v 14 Kamanyikhane mubwakhakhu mbwe Omwami wefwe yarula khu Yuda, oluuyia lwa Musa araboolakho khulondana nende obukukhaani.
\v 15 Khandi kamanyikhane khukhirao mbwe olunyuma lwa Melikisedeki arulirao omukukhani uundi.
\v 16 Orakholwa mumbeera yelilako lie lilakano liomubiri, arali khumani kobulamu buralibwayo dawe.
\v 17 Okhuba aboola mumaandiko narusia obuloli ari: "Ewe oli omukukhani buli lwoosi muimbera ya Melikisedeki."
\p
\v 18 Kario khuliwo okhukalukhanisibwa khwelilako khulwo khuba lidekhere nende obulemu bulirimo.
\v 19 Sibulao sielilako liadinyisia, arali elinaaya lilayi, elirunyalira okhusuda ambi nende Nasaye.
\p
\v 20 Ne khandi kario sibiabula okhwechuba! Kata abandi nibakhwolwa bakukhani nibarechubire,
\v 21 Nabo bakholwa abakukhaani nibarechubire, arali naye yakholwa khubirira khwoyo owabola ninaye ari, "Omwami yechubire oburekanira mbwe: 'Onaba mukukhani orabwaayo".
\p
\v 22 Okhukhiraao Yeso yakholwa omusuubisi welilakano lilayi.
\p
\v 23 Nobwadieri abakukhani barangira bali baangi, khulwo khubera eliifwa lia bamalanga mubukholi bwabwe
\v 24 Ne khulwo khubera Yeso nomulamu endaalo chioosi, obukukhani bwaye noburabwayo.
\v 25 Khu kario anyala okhuonia lukali abo boosi abeecha khu Nasaye muniye, okhuba aliwo khulwo khubasabiranga.
\p
\v 26 Khulwe esio biakhoyera mbwe khube nende omukukhaani mukhongo, oli mutakatifu, omuchwenifu, owaukhanisibwa mubonooni, ne nakingulibwa akulu welikulu.
\v 27 Omwene uno sienyekha buli lwoosi okhurusia ebisakhiro, imberi khulwe chiimbi chiaye, khandi lunyuma khulwa chiimbi chia abaandu, nga bakukhaani baandi. Yosirisia kano lulala, olwa yali niyerusianga.
\v 28 Elilako likholanga abaandu bali nobudekhere abakukhani, naye likhuwa lie sichubo, okhurula mukhuchaka khwelilako, liaula Omwana nilimukhola okhuba mwolerefu chinyanga biosi.
\c 8
\cl Omuliango 8
\p
\v 1 Khu kalia makhuwa kakhumalire khulomaloma, obumalirikhi bwako nibwo buno mbwe; Khuli nende omukukhaani mukhongo owekhala namukhono musacha kwesisala sioburuki mwikulu.
\v 2 Niye omukhalabani wo mubwaali, eyiri inyumba yadieri, eyomundu arombakha arali Omwami Nasaye mwene.
\p
\v 3 Khulwo khuba buli omukukhani mukhongo arebwangao khulwo khwaana ebianwa nende ebisakhiro. Khu kario uno yesi yali ayera akhole ario.
\v 4 Aba mbwe ali khusialo, siyakhabere omukukhani khaba, khulwo khuba abo abalikho barusianga ebianwa mungira yelilako.
\v 5 Bakhola emirimo muifwani nende esinikha siebindu bio mwikulu. Bili sa ngolwa Musa yali nabalirirwe nende Nasaye mubikha biayali niyombakha eliyema liemikhung'ano; Nasaye yamuboolera ari, "Onakhola buli siindu okhulondana nende eyifwani yawekesibwa khulugulu."
\v 6 Ne bulano yanyoola obukholi bukhirakho mubulayi, ngolwa ali omwambani welilakano lilayi, eliombakhwa khu masubisio malayi.
\p
\v 7 Elilakano lieimberi libuliremo obulemu, siliakhenyekhane eliokhubiri khaba.
\v 8 Namalire okhunyoola obuleemu khunibo aboola mbwe, "Lola, echindaalo chiicha aboola Omwami njia okhureresia elilakano liyakha nende inyumba ya Isiraili nende inyumba ya Yuda.
\q
\v 9 Lino siliakhabe nga elia ndakhola nende basaabwe olwa ndabarusia nomukhono kwange musialo sia Misiri. Okhuba sibachiririra mulilakano liange ebikhoyera, Khu kario ndamala bakhaye - abola Omwami.
\q
\v 10 Lino nilio elilakano lianjia okhukhola nende inyumba ya Isiraili olunyuma lwechindaalo echio, aboola Omwami, njia khura amalako kange mumaparo kabwe, khandi nende okhwandika mumioyo kiabwe. Ne ndaba Nasaye wabwe nabo babe abaandu bange.
\q
\v 11 Ne anabulao onekesia omumenyerani waye, kose omuundu khwekesia omusiani wabwe mbwe, 'Mumanye Omwami.' Okhuba boosi bachia okhuumanya khurula khumudidi okhula khumukhoongo.
\q
\v 12 Khulwo khuba ndaba owesisa khubumaanu bwabwe, khubionono biabwe nende obukhayi bwabwe, sindirichulisia khaba."
\p
\v 13 Ne khu lino nabola ari elilakano liyakha alikholere okhuba elikhulundu, ne silia esibola nisikhulunduyala sibechanga sirulao.
\c 9
\cl Omuliango 9
\p
\v 1 Nobwadieri elilakano eliamberi liali nende amalako akobukholi nende obwaali bwo bunasaaye musialo.
\v 2 Okhuba mukhuchaaka inyumba yemekhebwa omwalimo esiemero sieitara, imesa, omugati kwesilorero ebilangwa esimeka esia abuundu andakatifu.
\v 3 Ne inyuma weipasia yokhubiri khuli nende esimeka muliyema esilangwa mbwe andakatifu wobutakatifu.
\v 4 Esiali nende siuchisirio sia idakhabu nende elisanduku lie lilakano liafunikhwa nende idakhabu chimbeka chioosi. Mubwene omo mwalimo indamu eya idakhabu niirimo esiakhulia sia manna, indaukhi ya Haruuni eyasebukha, nende amakina kelilakano.
\v 5 Akulu wasio amakerubi koluyaali kafunikha esisala siesisa, esiakhuranyala okhulomalomerakho bikha bino muburambi.
\p
\v 6 Khu kario ebiindu bino nibiakhamala okhurebwao abakukhaani bengiranga muikhekalu bulilwosi musimeka sieimberi nibosirisia obukholi khu Nasaye.
\v 7 Naye muyokhubiri yengirangamo omukukhani mukhongo yeng'ene, lulala khumwaka nali nende amabanga akayamaliranga omusango kwaye halala nende amabi kabaandu baandi.
\v 8 Roho Mulafu yekesia mbwe ingira ilia eyokhwingira andakatifu wobutakatifu isiri khwikukha nikaba mbwe ikhekalu ikhale isiiriwo.
\v 9 Sino siali esimanyiro khubikha bino, ebiaanwa nende ebisaakhiro bia banasiaalo sibialabiangia ulia orusisie nende okhukhola amaparo kaye okhuba amolerefu.
\v 10 Bino bialondana sa nende chinyama nebiokhung'wa, nokhwosibwa khukabukhane mumikholo kiesinamundu, ekia badwikhibwa okhuula ebikha bio bwekalukhasi.
\p
\v 11 Naye Yeso ulia mukukhani mukhongo webiindu bilayi bicha, khubirira munyumba ilia ikhongo khandi eyulilire, eirakholwa namakhono komundu, yila iralondana nende esiumbakhe sino.
\v 12 Arali amabanga kechimbusi nende ebimoosi, abula akaye mwene yengira abuundu andakatifu lulala lwong'ane narunyoolera obununuli buralibwayo.
\v 13 Ne nikaba mbwe amabanga kechisurusi nende chimbusi halala nende amakokhe ake imosi kaanywangwa, okhulabia balia abasialabisibwa emibiri,
\v 14 sinokhukhirao muno amabanga ka Kiristo oweyama omwene khubirira muroho wobulamu yeyana esisakhiro sirali nelikondo khu Nasaye khulwo khulabia, amapaaro khurula mubikhole bifu, bakholere Nasaye omulamu?
\p
\v 15 Khu liene lino ye nomwaambani owelilakano liyakha, okhubirira mulifwa khulwokhununula abo abaali belilakano lieimberi khurula muchimbi chiabwe, balia abalangwa banyoole esisubisio siobulamirwe burabwaayo.
\v 16 Owe lilakano lio bulaame liri, khandi bikhooyera abeo oyo oufwira lilakano elio.
\v 17 Khulwo khuba elilakano liobulamirwe liri namaani khubafu, ne libula amaani khuulia osiri mulamu.
\v 18 Kata elia rangira liosi liachaakwa nende amabanga.
\v 19 Olwa Musa yasomera abaandu ebilagiro bilondana nende malako, yabukula amabanga kebimosi, nende chimbusi, nende amachi, nende obwoya bwakhanyu, halala nende Hisopo niyanya khusitabo nende abaandu boosi.
\v 20 Nabola ari, "Kano namabanga kelilakano lia Nasaye yabambanisiriamo."
\v 21 Khandi niyaanya amabanga khu liyema lilia halala nende ebiindu bioosi biomukhekalu ebie khonyirwangwa mubukholi.
\v 22 Ambi buli siindu siosibwanga namabanga khulondana nende elako, khulwo khuba obubi sibwakharusibwao abula okhwidikha mabanga.
\p
\v 23 Khu kario bienyekhana ebilolero biebiindu biomwikulu biosibwe birio, nende ebisakhiro biebisolo. Arali ebiindu bwomwikulu biene biamala bilabisibwe nende ebisakhiro ebili bilayi khukhirao.
\v 24 Kirisito siyengira andakatifu yakasibwa namakhono, esiri sifwanani siadieri, arali mwikulu yene mbwe alolekhe imberi wa Nasaye khulwa efwe fweesi.
\v 25 Sibiri mbwe yerusienge nga esisaakhiro buli sikha, muisambo ngeyabakukhani bakhongo bengiranga andakatifu buli mwaka nende amabanga kesiindu sindi.
\v 26 Biakhabere birio, khwakhabere okhusandisibwa khuungi muno khurula mukhuchaaka khwesialo. Arali yerusia omwene lulala ngesisakhiro khulwo khumalao echimbi chesialo.
\v 27 Khu kario abaandu barerwao okhufwa lulala, nesilondakho nokhukhalakirwa,
\v 28 khu kario Kirisito yarusibwa okhukinga obwonooni bwabaangi, naye khubalia abamusubiriranga alilolekha olwa khabiri abula obwonooni khubalia abamulindiriranga khulwo buonia.
\c 10
\cl Omuliango 10
\p
\v 1 Elilako khulwo khuba nesinikha siamakhuwa malayi kalibao, arali nesifwanani siamakhuwa kene. Abo abamuchira Nasaye sibanyala okhulabisibwa mubwichufu khubirira khubisakhiro bia bareranga buli mwaka.
\v 2 Kata kario, ebisakhiro biene ebio sibiakhakame khurusibwa? Khulwobera abo balami bakhosibwenge lulala nibarula mumbera yokhwondondwa khweimbi.
\v 3 Arali mubisakhiro ebio buli lwoosi khuli nende okhwichulisibwa obwonooni buli mwaka.
\v 4 Okhuba amabanga kechisurusi nende chimbusi sikanyala okhurusiao echiimbi.
\p
\v 5 Kho kario Kirisito niyeecha musialo, aboola ari, "Esisaakhiro nende esianwa siwajamisibwa ninabio, arali omubiri kwawangasiria;
\q
\v 6 Sisangaalira mubianwa biokhusambwa nende bisaakhiro bie bionono.
\q
\v 7 Nilwo olwa ndaboola mbwe, 'lola, njichire ndiwo ngolwa kaandikwa mubitabo okhukhola elienya liao Nasaye."
\p
\v 8 Akulu wako yaboola ari, "ebisakhiro nende ebianwa biokhusambwa nende ebisakhiro biebionono sindajamisibwa nabio." Khandi sisangaliranga, khuba birusibwanga mungira yelilako.
\v 9 Ne nabola ari, "Lola njicha okhukhola elienya liao Nasaye. Mbwe arusiao lie imberi anyale okhwemekha elio khubiri.
\v 10 Mulienya liene elio khulabisibwa lulala okhubirira musianwa siomubiri kwa Yeso Kiristo.
\p
\v 11 Ne buli lwoosi omukukhani yemeraanga okhurusia ebisakhiro bilia ebiramalao ebionoono.
\v 12 Naye uno niyakhamala okhwerusia ngasimala musango lulala, yekhala omukhono musaacha kwa Nasaye.
\v 13 Khurula ao alindiliranga abasuku baye boosi okhurebwa asi wamakulu kaye.
\v 14 Khubirira musisakhiro silala yalabia abalobole boosi oburalondamo khandi.
\v 15 Kata Roho Mulafu yesi nomuloli khu kano. Abola ari,
\q
\v 16 "Lino nelilakano lia ndirikhola ninabo lunyuma lwechindaalo echio, aboola Omwami. Ndakhare amalako kange mumioyo kiabwe, ninyandika akene ako mumaparo kabwe."
\p
\v 17 Ameda khubola ari, "Obwonono bwabwe nende obumaanu bwabwe sindakhechulisie khaba."
\p
\v 18 Bulano owobulekheri bwe bionoono buli, abulao khandi okhurusia esisaakhiro sie bionoono.
\p
\v 19 Kho, bakherwa, khulwo khuba khuli nende ichwoni eyokhwingira andakatifu, khubirira khumabanga ka Yeso.
\v 20 Khubirira mungira injakha eyobulamu eyayarukasiria khubirira mu ipasia, okuli mubiri kwaye.
\v 21 Ne khulwo khuba khuli nende omukukhani omukhongo munyumba ya Nasaye,
\v 22 Kario khuside ambi mumwoyo kwo bwadieri okuli nobukakasi bwelisubira, emioyo kiefwe kilabisibwe khurula mumaparo amabi, naye emibiri kiosibwe nende amaachi machwenufu.
\v 23 Khu kario fwesi khudiririre nende amaani elisubira liokhufukirira khwefu oburadofula, okhuba ula owalaka nomwesikwa.
\v 24 Ne kario fwesi khupare mubudinyirifu ngolwa khunyala khudinyisania mukhukhera nende ebikhole bilayi.
\v 25 Khandi khuralekha okhubukanananga ngolwa kuli omunalo kwabaandi, ne khudinyisanienge nga olwa khulindirira indaalo eyo niisida aambi.
\p
\v 26 Ne nikhukhola obwonooni nikhumalire khunyoola bumanyirisi bwo bwadieri, khubulao khandi esisaakhiro sie bionoono.
\v 27 Abula khulindirira okhukhalakirwa khalala nende omuliro kurisia okulindiriranga okhumira abakhayi abali basuku ba Nasaye.
\v 28 Oyo owalekaanga lilako lia Musa, yerwangwa oburaba ne sisa khubuloli bwa babiri kose badaru.
\v 29 Opaara omuundu oyo osenakira Omwana wa Nasaye ayera sinyasio siaka sirie, ouradebere amabanga kelilakano kayalabisibwamo naba najarire Roho wobukosia?
\v 30 Khuba khumanyire owalaka ari," okhurunga sikwori nokhwaye khumulekhere; khandi Omwami yakhakhalakire abaandu baye."
\v 31 Ne nelikhuwa lwokhurisia okhukwa mumikhono kya Nasaye mulamu.
\p
\v 32 Naye ichulisiakho chindalo cheimberi echia mwakhoserwa obulafu, nimwesimirisia obuyingani bukhongo nende amanyakhano makhongo.
\v 33 Mungira ndala mwasandisibwa nende khunyasibwa, ne mungira yindi mwabalirwa alala nende abo abakholerwe kene ako.
\v 34 Mwabonera esisa abo bali musiboye, kata khandi mwasangala ebindu bieng'we nibibukulibwa nga mumanyire mbwe muli nende esianwa silayi mwikulu esiranyasikha.
\v 35 Kario murasukuna obukakakhi bwa muli ninabwo okhuba omurungo kwabwo nomukhongo.
\v 36 Kata kario kenyekhana mwesimirisie, lunyuma lwo khukhola elienya lia Nasaye, khumunyole esisubisio siayalaka.
\v 37 "Ne mubikha bimbikiri, oyo owichanga aneecha oburachelewa khaba."
\q
\v 38 Naye omulungifu wange amenyanga mubusubiri, arali oyo okalukhanga inyuma, omwoyo kwange sikumusangaliranga khaba."
\p
\v 39 Naye efwe sikhuli mwabo abakalukhiranga obumaanu, arali khuli mu balia abasubiriranga khula khuonia emioyo kiefwe.
\c 11
\cl Omuliango  11
\p
\v 1 Kario obusubiri nibulia obuchwichwisi bwamakhuwa kalindilirwangwa, esimanyiro sia makhuwa karalolekhana khaba.
\v 2 Khulwa nibwo abakhulundu befu babolwakho amalayi.
\v 3 Okhubirira mulisubira khusubirira mbwe esialo sialongwa okhubirira mulikhuwa lia Nasaye, mbwe ebiindu bilolekha bialongwa okhurula mubiralolekha.
\p
\v 4 Okhubirira mulisubira Abeli yaana khu Nasaye esianwa esilayi okhukhira esia Kaini, khulwa nisio obuloli buboola mbwe yali omukololofu, Nasaye mwene namanyisia ebianwa biaye, ebikera kata niyafwa asiri alomalomanga.
\p
\v 5 Mulisubira Enoku yakalukhanisibwa naralola elifwa. "Ne naralolekhana okhuba Nasaye yamubukula." Ne nasiiri okhukalukhanisibwa, kabolwa mbwe yajamisia Nasaye.
\v 6 Ne arali lisubira sibinyalikhana okhumujamisia. Khu kario oyo yesi oumwichakho kenyekhana amanyirisie mbwe Nasaye aliwo, ne aberesaningia ebianwa khu abo abamukonya namani.
\p
\v 7 Mubusubiri Noa, nabolerwa nende Nasaye okhulondana nende akali kechanga nikasibonekhana, mukhuria nende okhwesika Nasaye, yareresia eliaro khulwo khuonia abeinyumba yaye. Khulino yakhalakira esialo esina, naye niyekhola omulamirwe wobwadieri khubirira mulisubira.
\p
\v 8 Mulisubira Ibraimu olwayalangwa okhucha musialo sia yali akhoyere alamirwe lunyuma, yafukirira namala nachia nga akorerwe owali khuchichanga.
\v 9 Mulisubira yekhala ebukeni musialo silia esiayalakwa nga orali mwenesio. Niyekhala mumaema alala nende Isaka nende Yakobo, abalaamirwe ninaye abelilakano elio.
\v 10 Khulwo khuba yali nalindiriranga elidookho eliachakisibwa nende okhumbakhwa nende Nasaye omwene.
\v 11 Mulisubira Sarah, owali niyabiririra emiaka yanyola amani kokhudira inda niyebula omwana, khulwo khuba ulia owamulaka yali omwesikwa.
\v 12 Kho okhubirira mumuundu mulala owali ngomufu, bebulwa abaandu baangi nge ching'ining'ini chia akulu, khandi nga wakhabona omusenye khulukuku lweinyanja okurabalikha.
\p
\v 13 Bano boosi bafwira mulisubira, nibarabwene akalakwa. Arali bakaboonera ale, nibajamisibwa nende okhukafukirira, ne nibaboola bari nabakeni khandi babira_ngira musialo.
\v 14 Abo ababolanga ako bekesianga abulafu mbu bakonyanga obumenyo.
\v 15 Ne mubwadieri baaba nende amapaaro kesialo sia barulamo, bakhekombere okhukalukhayo.
\v 16 Arali bulano bekombanga esialo silayi esiomwikulu. kario, Nasaye sialola echisoni okhulangwa Nasaye wabwe, khulwo khubeera yamala okhubakasiria elidookho.
\p
\v 17 Mulisubira Ibraimu ngolwa yatemwa yarusia Isaka ngesisakhiro. Naberesania ulia omwana muderwa yeng'ene owa yali naberesebwe mumasubisio.
\v 18 Muye kali kabolekha mbwe,'Isaka olwibulo lwaye lulimanyikhana."
\v 19 Kabalwa mbwe Nasaye yaali nobunyali bwo khumulamusia khurula mu bafu, ewayali namurusisie mufwaani.
\p
\v 20 Mulisubira Isaka yaanira chikhabi Yakobo nende Esau khulwamakhuwa kali imberi.
\p
\v 21 Mulisubira Yakobo, nafwichanga, yalaamira abaana ba Yusufu, nga alaama naguname khumudiro kwaye.
\v 22 Mulisubira Yusufu nafwichanga, yarumbula okhurula khwa baana ba Isiraili, nalakirisia okhulondana nende amakumba kaye.
\p
\v 23 Mulisubira Musa niyakhebulwa, yakisibwa nabebusi baye emiosi kidaru, khulwo khuba bajamisibwa ninaye, nibararia akomuruki yabisia.
\v 24 Mulisubira Musa, ngolwa yali nakhulire, yakhaya khulangwa omwana womukhana womuruki Farao.
\v 25 Nalobola okhusanda halala nabaandu ba Nasaye, okhukhira okhuchiririra okhwesangaasia nende ako bwonooni akebikha bimbikiri.
\v 26 Nabukula okhusanda khwa Kiristo khuba okhwobukhonyi buungi khukhira emiandu kia Misiri, okhuba yadeba muno omurungo kulimo.
\v 27 Mulisubira yarula Misiri oburaria oburima bwomuruki, okhuba yali nalindiriranga ulia ouralolekha.
\v 28 Mulisubira yoseresia pasika nende okhwanywakho amabanga, mbwe ulia omusasi wa baana bokhurangirira arabadirakho.
\p
\v 29 Mulisubira bambukha inyanja injakhanyu eyumire. Naye aba Misiri nibamirwa namachi.
\p
\v 30 Mulisubira eliida lia Yeriko liarimulukha niliakhabodokhanwa echindaalo saba.
\p
\v 31 Mulisubira omudamba Rahabu siyafwa alala nende abarasubirira, okhuba yali nakisire balia abeecha okhulambula esialo mumulembe.
\p
\v 32 Mbole sina khandi? Ebikha bifukirire ndakhabolere khu Gidioni, nende Baraki, Samusoni, Yefutani, Daudi, Samueli, nende abanabii boosi.
\v 33 Abeene abo khubirira mulisubira bakwisia abaruki, nibakhola akobulungifu, nibanyoola akalakwa nende okhwikala eminwa ekie chidalang'i,
\v 34 basimia obukhakafu bwomuliro, nibaona obwoki bwoluganga, mubudekhere nibaba abamaani mumaye, ne niberusia abasuku bamayie.
\v 35 Abakhasi banyoola abaandu babwe khubusibwa mubafu, naye abaandi nibasandisibwa oburafukirira okhununulwa, mbwe, bamale banyole obulamukhi bulayi khukhirao.
\v 36 Naye abaandi babirira mukhutemwa khudinyu nende khusandisibwa, kata okhula khurebwakho eminyororo nende mubiboye.
\v 37 Nibalaswa namakina. Nibarandulwamo khabiri, nibatemwa, abaandi berwa noluganga. Nibakendakenda mubiefwalo bia amasero kamakondi halala nechimbusi. Nibanyolekhana abaderwa mumusando mungi.
\v 38 Bali nga baradakhikhana musialo. Bakendana muluumirira, nende muchingulu, halala nende ameena nende maulukhu komusialo.
\p
\v 39 Ne bano boosi, nibamalire okhuboolwakho amalaayi khubirira mulisubira, sibanyoola esisubisio.
\v 40 Nasaye yali yamala okhurupangira esiindu silayi, mbwe kario arali efwe, khasi bakhosirisibwe
\c 12
\cl Omuliango  12
\p
\v 1 Khulwo khuba khubodokhanwe nende lilesi likhongo liabaloli, khulekhule obusiro bwosi nende obwonooni buruboyanga mubwangu, khube nobwesimirisi khulwo khwirukha chimbiro chiri imberi wefwe.
\v 2 Nikhulingera Yeso ouli muchakisi khandi omumalilisi welisubira liefwe. Owesimirisiria omusalaba khulondana nende isangaalo yaali ninaye, nalekeresia chisoni, namala niyekhala khumukhono musaacha kwe sisala sia Nasaye.
\p
\v 3 khulwesio, paririsiekho oyo owesimirisiria obusuku bukhongo nga obwo okhurula khu bakholi bechiimbi, murola mwajong'a nende okhufwa emioyo.
\v 4 Musiri okhwekaya bwonooni khuula khuchukha mabanga:
\v 5 khandi mwibirire okhudinyisibwa khwamwanyoola nga abaana, nobolerwa mbwe: "Mwana wange oralekeresianga okhukololosebwa khwo Omwami, kose mufwe mioyo nimwalabirwa ninaye.
\q
\v 6 Okhuba Nasaye akerakanga owayakhera, khandi amala akololosie owicha khuniye."
\p
\v 7 Abo abafukirira okhukololosibwa, Nasaye ababukulanga nga abaana, naye nomwana sina owasamwana arakololosianga?
\v 8 Kario nimukhaya obukololosi obwa buli mwana akhoyeera anyoole, awo muba muli nga baana berwanyi abarali bomunyumba yene.
\v 9 Kata kario abebusi bomubiri bakharukololosianga nikhufukirira, sinimuno khu ulia ouli sefwe womwoyo kweimera nende obulamu?
\v 10 Nibo mubwadieri barusandianga khulwebikha bididi khulwo khukhera khwabwe. Naye khulwo khurukhera yenya khube abalamirwe bobutakatifu.
\v 11 Mubikha bino khubulao okhukololosibwa khubonekhananga khuba okhwokhusangasia, arali khwokhusinyisia nende obuchuni. Ne olunyuma khureranga ebiamo biobulungifu mumulembe khu balia abafukirira.
\p
\v 12 Kario mukinguule amakhono kajong'ere nende amakhumbo kafwire linakasi.
\v 13 Khandi mureresie chingira, khulwa makulu keng'we, mbwe silia sioosi esilema siranyasikha arali siwonesebwe.
\v 14 Mube ne sinani siokhukonya muleembe nende abaandu boosi halala nende obutakatifu, okhuba arali nibwo abulao ounyala khumubona Omwami.
\v 15 Mwekenderesienge arabao oyo oulemerwa obukosia bwa Nasaye bikere omusi kweikhinda kusebukhe, kumale kubakhe abaangi obumaanu,
\v 16 Arabao omuyeyi kose ouraria Nasaye nga Esau, owakosia esiribwa siokhwibulwa khwaye khulwe siakhulia silala.
\v 17 Nga olwa omanyire olunyuma niyekomba ikhabi eyo siyamala yainyola, okhuba siyanyola obweyango bwokhwekanira kata nende niyakonya mukhulira amasika.
\p
\v 18 Khulwo khuba simwichire khulugulu ludirikha khaba, kose olwakha omuliro, kose lilesi liesirima nende obumali nende esifusia.
\v 19 Nende oluyoka lwa itarumbeta, nende oluyoka lwa makhuwa, oluyoka lwa balia ababulira bekomba barabolerwakho khandi.
\v 20 khuba sibesimirisiria kalia akalakwa, ne kakhabere mbwe kata " isolo niyekuda khulugulu olwo yakhakhuyirwe nende amakina."
\v 21 Ne kali akokhurisia kata Musa nabola ari ndirirwe nende oburi buungi nende okhurengerekha.
\v 22 Ne mwichire khulugulu lwa Sayuni elidokho lia Nasaye mulamu, Yerusalemu yomwikulu nende malaika barabalikha.
\v 23 Mukhung'ano mukhongo kweikanisa yabebulwa baamberi baandikwa mwikulu, nende Nasaye omukhalaki wa baandu boosi nende emioyo kia baandu balungifu bolerefu
\v 24 Nende Yeso omwambanii welilakano liyaakha, nende amabanga kokhunyukhirisia akolomaloma ebiindu bilayi khukhira aka Abeli.
\p
\v 25 Lingeere muramukhaya ulia alomaloma, khuba ngolwa baraona abakhaya owalomaloma musialo, fweesi sikhuchia okhuona nikhulekeresia ulia oulomaloma khurula mwikulu.
\v 26 ldoboosi yae yarengia esialo, ne luuno alaka ari, "Sinjia okhurengia esialo siong'ane, arali kata likulu."
\v 27 Kata kario elikhuwa lino khandi, mbwe arusiao biria ebirengeresibwa manu bilia ebireyuya bidong'eo.
\v 28 kario okhuba khunyoola obwami oburadengeywa, mubukosia khukholere Nasaye mungira ifukirirwa mukhweocheresia nende okhuria Nasaye.
\v 29 Okhuba ye nomuliro kumululanga.
\c 13
\cl Omuliango  13
\p
\v 1 Obukheri bwa bakherwa buchiririre.
\v 2 Murebiriranga okhwingisia abakeni, okhuba mungira yene eyo abaandi bakhengisia abamalaika oburamanya.
\v 3 Mwichulisie abali musiboye, nga abo baboywa ninabo, naye balia abasandisibwa nga abali mumubiri mulala.
\p
\v 4 Lidekhisania liberesibwe siribwa nende abaandu boosi, khandi obuliri bwabo badekhisanie bube obulafu, okhuba abayeyi nende abadamba balikhalakirwa nende Nasaye.
\v 5 Muraba nende ebiima bio khukhera esende mukhola yeng'we, ne mwikusibwengwe nende ebiamuli ninabio, okhuba Nasaye mwene alaka naboola ari, "Siyakhakhulekhe kose okhwibirira."
\p
\v 6 Kakera nikhuboola khuri, "Omwami niye orukhonyanga: Sindakharia, Nisina esio muundu yakharukhoola?
\p
\v 7 Ichulisie abeemiri beng'we, abo bababoolera likhuwa lia Nasaye, nikhulonda lisubira liabwe, nikhumanyirisia obumalirikhi bwabwe.
\v 8 Yeso Kiristo niye ulia ekulo, inyanga ino, nende buli lwoosi.
\v 9 Murakadirisibwa nende amekesio kandi makeni, okhuba nebilayi omwoyo okhudinyisibwa nende obukosia khukhira ebiakhulia, ebiabalia abakholegana ninabio sibulao esiabanyola.
\p
\v 10 Khuli nende obwali oburafukirira balia abakhola muliyema okhulia ebiakhulia biakhwo.
\v 11 Okhuba emibiri kiebisolo ebia mabanga kabio karerwangwa nende omukukhani mukhongo khulwe chiimbi, bisambwangwa erwanyi wolukaka.
\v 12 Khulwa ako Yeso, okhuula yoosie abaandu nende amabanga kaye, yasandisibwa erwanyi wesiribwa.
\p
\v 13 Bulano khumuchire erwanyi wolukaka nikhukingire okhukhaywa khwaye.
\v 14 Khulwo khuba ano khubula elidookho lirabwayo, Arali khukonyanga lilia elicha.
\p
\v 15 Khubirira muniye khurusie buli lwoosi esisakhiro sieifuma, esiri siamo sieminwa kiefu nikhwechomia elira liaye.
\p
\v 16 Arali murebiriranga, okhukhoola malayi khusangirana khulwo khuba ebianwa bifwana birio nibio ebimusangasianga Nasaye.
\p
\v 17 Mubarie abo ababemiriranga nimweduduya khu nibo nga bala abakhiesianga khulwe mioyo kieng'we khandi abakharusie obubali, banyoole okhukhola bario mubuchachaafu, arali mukhusinyikha khulwo khuba sibibakhoera.
\p
\v 18 Murusabire okhuba khuli nende amachomo malayi, khubechenge abesikwa mubiindu bioosi.
\v 19 Nange basaba lukali mukhole ako, khunyale okhukalusibwa khweng'we lwangu.
\p
\v 20 Bulano Nasaye womulembe, owarusia mubaafu Omwami wefwe Yeso, omwayi ulia mukhongo owa makondi, okhubirira mumabanga kelilakano liralibwayo,
\v 21 abakasie mubuli mulimo mulayi khukhola lienya liaye, nabakholeramo kalia akasangaasia mumoni chiaye, mu Yeso Kiristo oyera oluyali buli lwoosi. Amina.
\p
\v 22 Ne basaba bakherwa, fukirire likhuwa lielikerako lino, okhuba bandikire mumakhuwa membikiri.
\p
\v 23 Mumanye mbwe omusiani wefwe Timoteyo alekhulirwe, niyanguya okhwicha mba ndeecha khubalola ninaye.
\p
\v 24 Kheesia boosi ababemiriranga nende abatakatifu boosi. Aba Italia babakheesia.
\p
\v 25 Obukosia bube khweng'we mwesi, Amina.