lko_reg/51-PHP.usfm

\id PHP
\ide UTF-8
\h Abafilipi
\toc1 Abafilipi
\toc2 Abafilipi
\toc3 php
\mt Abafilipi
\c 1
\cl Omuliango 1
\p
\v 1 Paulo nende Timoteo, abakholi ba Yeso Kirisito, khu batakatifu boosi mu Kirisito Yeso, abali Ebufilipi, nende abepisikoopi alala nende abasemasi.
\v 2 Obukoosia bube khweng'we nende okhurula khu Nasaye Sefwe nende khu Mwami Yeso Kirisito.
\p
\v 3 Ndebasianga Nasaye wange buli olwambechulira,
\v 4 buli lwoosi mubuli malaamo kange khweng'we mweesi nisaba nende obusangaafu,
\v 5 khulwo busangirani bweng'we muifanjili khurula inyanga yamberi okhuula bulaano.
\v 6 Ndi nende obwadieri musindu siene sino mbwe ula owachaaka omulimo mulayi mweng'we anakuchiririsia okhuula inyaanga ya Yeso Kirisito.
\v 7 Kori ngolwa kakhoyera esie okhupaara kano khweng'we mwesi, khulwo khubeera muli mumwoyo kwange, khandi nende mumboye Yange, nende mubulwaniriri, nende obuloleri bwe ifanjili, ne eng'we mweesi musangirane alala ninange obukoosia buno.
\v 8 Okhuba Nasaye nomuloli wange, Kori ngolwa esie ndi nende amaofu khulweng'we mweesi mumwoyo kwa Kirisito Yeso.
\p
\v 9 Ne kano niko amalaamo kange, mbwe obukheeri bweng'we buchiririre okhwemeeda lukali, mumakesi alala nende bumanyirisi bwoosi,
\v 10 munyoole okhufukirira kala akali malayi; mbwe munyoole okhuba nende emioyo milafu, nimubula elibi, okhuula inyaanga ya Kirisito,
\v 11 nimwichusibwemo ebiamo bio bulungifu, khu luyaali nende ifuma ya Nasaye.
\p
\v 12 Arali baana befwe, ndakha mumanye mbwe amakhuwa koosi akanyoola kekholekhane khulwa khusalasia ifanjili.
\v 13 Kata buboye bwange bubonekhana mu kirisito, akari wa basikari, nende khubaandu boosi.
\v 14 Ne obungi bwa baana befwe abo abali mu Mwami, bali nende ichuoni khulondana nende khuboywa khwange, ne bachiririre khuyaali likhuwa lia Nasaye nibabula oburi.
\p
\v 15 Abandi bayalaanga amakhuwa ka Kirisito mububacha nende buyingani; ne abandi nabo bayalaanga mulichoomo lilayi.
\v 16 Abene abo bayalaanga khurula mubukheeri, nibamanyire mbwe esie ndarebwao mbwe nyoole khwemerera ifanjili;
\v 17 Arali abandi bayalaanga Kirisito khulwa buchunjubania, ne khasi ni khurula mumwoyo mulafu, nibapaara mbwe banameeda amanyakhano kokhuboywa khwange.
\v 18 Bulano ni sina? Arali mungira chioosi, Kata nibili mububacha, kose nibili mubwadieri, Kirisito ayalwa; nange sangaalira eliene elio, khandi ndachiririra khusangaala.
\p
\v 19 khulwo khuba esie manyire mbwe kene kano kanakalukhana kabe obuonia bwange, khulondana nende amalaamo keng'we, nende obukhonyi bwa Roho wa Yeso Kirisito.
\v 20 Kori ngolwa ndalindiririra lukali, nende khusubirira mbwe khasi njia khwambisibwa chisoni khaba, arali muchwoni yoosi, Kori nga chinyanga chioosi, ne Kata bulano Kirisito anakingulwa mumubiri kwange, Kata nibili mubulamu bwange kose muliifwa liange.
\p
\v 21 Khulwo khuba khwesie okhumenya ni Kirisito, ne okhufwa ni ingaanga.
\v 22 Arali nibili mbwe okhumenya mumubiri khwesie ni biamo biemirimo; bulano khasi manyire eliandalobola.
\v 23 Mbodokhanwe nende amakhuwa kabiri; ndekomba khuchia okhuba nende Kirisito, khubeera nibilayi lukali;
\v 24 ari okhumenya mumubiri khwenyekhana lukali khulweng'we.
\v 25 Esie nisubiririra mukene ako, manyire mbwe ndamenya nende khuchiririra khuba ninang'we, mbwe munyoole khuchiririra khusangaala mubusubiri;
\v 26 mani muchiririre khusangaala mu Kirisito Yeso khulwokhubao khwange khandi alala ninang'we.
\p
\v 27 Arali okhukeenda khweng'we khube kori ngolwa bienyekhana muifanjili ya Kirisito, mbwe ninjicha okhubabona, kose nindarabao, mbulire amakhuwa keng'we, mbwe mwemere sirungi mu Roho mulala, mumwoyo mulala nimulwanira obusubiri bwe ifanjili;
\v 28 ne muraria abasuku beng'we, mulikhuwa liosi liosi; khunibo esio nisilolero esiokhukora, arali khweng'we, ni silolero siobuonia, ne obwene obwo burula khu Nasaye.
\v 29 Khulwo khubeera mwaberesebwa khulwa Kirisito, naye khasi ni khulwo khusubira sa, arali alala nende khusandisibwa khulwa niye,
\v 30 nimuba nende obuyingani bula obwamwabona khwesie, nende khubulira mbwe siiri ndi ninabwo okhuula ebikha bino.
\c 2
\cl Omuliango 2
\p
\v 1 Khulwesio nikhwakhabakhoo okhudinyisia khwosi khwosi mu Kirisito, nikhwakhabakhoo khulemisibwa khwosi khwosi okhwo bukheeri, nikhwakhabakhoo obusangirani bwosi bwosi obwa Roho, nikhwakhabakhoo okhwelalikhira khwosi khwosi alala nende esisa,
\v 2 muusirisie obusangaafu bwange, mbwe mube nende lichoomo elala, abali nende obukheeri bulala, nende Roho mulala, mulipaaro elala.
\v 3 Murakhola esindu siosi siosi mungeri yokhukerana kose mukhwelaya; arali mukhole mukhweduduya, buli mulala abone owasie okhuba okhoyeera okhumukhira ye omwene.
\v 4 Buli muundu aralingera sa amakhuwa Kaye mwene, arali buli muundu alingere amakhuwa ka baandu bandi.
\p
\v 5 Mube nende amapaaro ako mukari mweng'we akali mukari mwa Kirisito Yeso yesi,
\q
\v 6 owo mukhuchaaka yali nende imbeera ya Nasaye, naye khasi yabona okhwakana nende Nasaye okhuba esindu siokhwandirakho.
\q
\v 7 Arali yekhola okhuba Kori obula oluyaali, naba Kori abaandu.
\q
\v 8 Khandi Kori ngolwa yabonekhana nali nende ifwani yo muundu, yeduduya naba owokhuria okhuula khuliifwa, lila eliifwa elio musalaba.
\q1
\v 9 Khulwesio khandi Nasaye yamukingula lukali, namuberesia eliira likhira ameera koosi.
\q
\v 10 Mbwe khubirira muliira lia Yeso Kirisito buli likhumbo lisigame, khu biindu bio mwikulu, nende ebio musialo, nende ebili asi we sialo.
\q
\v 11 Naye buli lulimi lweyame mbwe Yeso Kirisito Nomwami, khulwo luyaali lwa Nasaye Sefwe.
\p
\v 12 Bulano abakheerwa bange, Kori ngolwa muria chinyaanga chioosi, ne khasi ni mubikha ebiandaliwa sa, arali okhirakhoo nimbulao, musirisie obuonia bweng'we beene mungeri yokhuria nende khurengerekha.
\v 13 khulwo khuba ye niye Nasaye okholanga emirimo mukari mweng'we, mukhudakha khweng'we nende okhukhola khweng'we, mukhusirisia lichoomo liaye lilayi.
\p
\v 14 Mukhole amakhuwa koosi mukhurekanyirisia kose mukhukerana,
\v 15 munyoole okhuba abaana ba Nasaye ababula esiuku, kose obubacha, ababula elibi lio khubolwakho akari wo lwibulo lwo bukhayi, olwakora; abeng'we mubonekhananga okhuba Kori obulafu musialo,
\v 16 nimudira elikhuwa liobulamu; mbwe esie nyoole esifune sio khubona oluyaali inyaanga ya Kirisito, mbwe khasi nderukha chimbiro chie bikhaya kose khasi ndesandia khulwe bikhaya.
\p
\v 17 Ne kata ninjukhibwa kori nga esianwa khumusaango nende obukhalabani bwo busubiri bweng'we, ndi musangaafu; khandi sangaala alala ninang'we mweesi.
\v 18 Naye eng'we mwesi musangaale murio, khandi musangaale alala ninasie.
\p
\v 19 Arali esie subira mu Mwami Yeso okhuruma Timoteo yeche oweng'we ambi ano, mbwe esie nyoole okhudinyisibwa ngolwa njia khumanya kori ngolwa muli.
\v 20 Khulwo khuba esie mbula omuundu uundi oli nende amapaaro kafwanana nende akange, onalingeera imbeera yeng'we mubwadieri.
\v 21 Khulwo khubeera abaandu boosi bali khukoonya ebiindu biabwe abene, ne khasi bakoonya ebiindu bia kirisito khaba.
\v 22 Arali eng'we mumanyire ifuma yaye, mbwe yakhakhola emirimo Khulwe ifanjili ala ninange, kori ngomwana nende samwana.
\v 23 Khulwesio, subira khumuruma ambi ano, kori ngolwa njia khubona akaachia khunyoola.
\v 24 Arali subira mu Mwami mbwe njia okhwicha esie mwene ambi ano.
\p
\v 25 Arali mbwene mbwe bikhoyera okhubarumira Epafaradito, omusiani wefwe, omukholi we mirimo alala ninange, omusikari alala ninange; khandi nomurume weng'we nende omukhalabani wa meenya kange.
\v 26 Khulwomkhuba yali nende amaofu ninang'we mwesi, naberera lukali, khubeera mwabulira mbwe yali omulwaye.
\v 27 Khulwo khuba nobwadieri yali omulwaye lukali, kata yali ambi okhufwa; arali Nasaye yamwelalikhira; ne khandi khasi niye sa yeng'ene, arali kata nende esie siesi; mbwe ndaraba nende esibeera akulu wesibeera.
\v 28 Khulwesio kholere esinani lukali okhumuruma, mbwe nimunamubona khandi, munyoole khusangaala, nange nyole khududuyia esibeera siange.
\v 29 khulwesio, mumwingisie mu Mwami, mubusangaafu bwoosi, muberesie siriibwa abaandu bali kori niye.
\v 30 Khulwo khuba yali ambi okhufwa Khulwo khubera emirimo kia Kirisito, khandi yara obulamu bwaye mumasira mbwe anyoole khusirisia kala akali nikarolelere mubukhalabani bweng'we khwesie.
\c 3
\cl Omuliango 3
\p
\v 1 Elimalirikha, baana beefwe, musangalire mu Mwami. Esie khasi sinyisibwa khulwa khubandikira amakhuwa kala kala, arali kabakhoyera eng'we.
\p
\v 2 Mube meeso Khulwe chimbwa, khandi mube meeso Khulwa bakholi ba mabi, mube meeso Khulwa bala abekheenga abene.
\v 3 Khulwo khuba efwe khuli abesikhebo, abenamiranga Nasaye mu Roho, nende khwebulisiria Yeso Kirisito, naye khasi khwesika omubiri khaba.
\v 4 Katakario esie ndakhesikire mubiri. Omuundu Yeesi napaara mbwe ali nende esifune siokhwesika mubiri, esie khirakhoo lukali.
\p
\v 5 Ndakhebwa inyaanga ya munane, ndi omuundu wesialo sia Isiraili, owo lwibulo lwa Benjamini, Mwiburania wa Bayiburania, khumakhuwa kalondana nende khudira malako, ndi Mufarisayo.
\v 6 Khulondana nende sinani, ndasandia likanisa, khulondana nende obulungifu asi wamalako, khasi ndali nende elibi.
\p
\v 7 Arali ebiindu bila ebiali ebie ingaanga khwesie, ndabibala kori ebiakora Khulwo khubeera Kirisito.
\v 8 Khandi akulu waako koosi, mbala ebiindu bioosi kori nga ebiakora khulwo khubeera obulayi bubula esikero obwo khumanya Yeso Kirisito, Omwami wange; owo khubeera ye esie ndakosia ebiindu bioosi, nibibala khuba kori nga mafwi mbwe nyoole Kirisito;
\v 9 khandi mbonekhane mukari mwaye nimbula obulungifu bwange mwene obunyolekhana khurula khu malako, arali bula obunyolekhana khurula khu busubiri obuli mu Kirisito, obulungifu bula oburula khu Nasaye, mu busubiri;
\v 10 mbwe nyoole okhumumanya alala nende obunyala bwo khulamusibwa khwaye, nende obusangirani bwa manyakhano kaye, ningeranisibwa nende khufwa khwaye;
\v 11 mbwe nyoole okhuula khu bulamusibwi bwa bafu mungira yosi yosi.
\p
\v 12 Ne khasi bili mbwe ndamala okhuula, kose ndamala okhulirira; khaba! Arali ndedinyaanga khulukeendo mbwe nyoole khudira lila eliakera ndadirwa nende Kirisito Yeso.
\v 13 Baana befwe, khasi ndebona esie omwene mbwe malire khudira; arali kholanga sa likhuwa elala; njibirira akali inyuma, ne ninwanirira akali imberi;
\v 14 ndedinya khu lukendo, mbwe nyoole esianwa esio mulaango mukhoongo kwa Nasaye mu Kirisito Yeso.
\v 15 Khulwesio efwe abamalire okhukhula khupaare akene ako; naye kata nimupaara kandi mulikhuwa liosi liosi, Nasaye anabafunulira eliene elio liosi.
\v 16 Kata kario, khuchiririre mukala akakhumalire khunyoola..
\p
\v 17 Baana befwe, munoonde esie, nimulingera bala abachiririranga mungeri yakhwababeresia.
\v 18 Khulwo khuba abangi bali khuchiririra, abo abandababolera khulondana nende amakhuwa kabwe ebikha bingi, ne bulano babolera kata nindira masika, mbwe nibasuku bo musalaba kwa Kirisito;
\v 19 naye obumalirikhi bwabwe nobusasikhi, inda niyo nasaye wabwe, oluyaali lwabwe luli mumatongolo kabwe, baparaanga khulondana nende amakhuwa ko musialo
\v 20 Khulwo khuba obwibulwe bwefwe buli mwikulu; khandi khulindiririranga omuonia wefwe khurula bwene eyo, oli Mwami Yeso Kirisito;
\v 21 ochia khukalukhania emibiri kiefwe ekiobudekhere, mbwe kinyoole khufwanana nende omubiri kwaye okwo luyaali, khu bunyala bula obwa khunibwo anyala okhura asi waye ebiindu bioosi.
\c 4
\cl Omulango 4
\p
\v 1 Khulwako, baana befwe abakheerwa bange, abambonera maofu, obusangaafu bwange, nende isiimbi yange, mweeme murio sirungi mu Mwami, eng'we bakheerwa bange.
\p
\v 2 Saba Euodia, khandi saba Sintike, mbwe babe nende lipaaro elala mu Mwami.
\v 3 khandi ndakha mbwe ewe wesi, omukholi wo bwadieri, okhonye abakhasi abo; khulwo khuba balwanira ifanjili alala ninange, nende kelementi yesi, alala nende abandi bala boosi abakhola mirimo ninange, abameera kabwe kali musitabo sio bulamu.
\p
\v 4 Musangalire mu Mwami chinyaanga chioosi; khandi mboola mbwe, musangaale.
\v 5 Obwedemberefu weng'we bumanyikhane nende abaandu boosi. Omwami ali ambi.
\v 6 Muresaandia khulikhuwa liosi liosi; arali mulaame nende khusaba mubuli likhuwa, alala nende okhukhuba orio, ameenya keng'we kamanyikhane khu Nasaye.
\v 7 Ne omuleembe kwa Nasaye, okukhira amakesi koosi, kunalinda emioyo kieng'we nende mapaaro keng'we mu Kirisito Yeso.
\p
\v 8 Elimalirikha, baana befwe, amakhuwa kosi kosi akobwadieri, kosi kosi akali nende siriibwa, kosi kosi akobulungifu, kosi kosi akali malafu, kosi kosi akakheresia, kosi kosi akali nende ifuma indayi; obulayi bwosi bwosi nibubao, ifuma indayi yosi yosi niyibao, mupaare mumakhuwa ako.
\v 9 Amakhuwa kamweeka khurula khwesie nende khukabukula, nende khukabulira nende khukabona khwesie, mukhole kene ako; naye Nasaye wo mulembe anaba ninang'we.
\p
\v 10 Sangalira mu Mwami lukali, khulwo khuba bulano mubumalirikhi amapaaro keng'we kalamusibwe khandi khulwesie, kori ngolwa mwali nimudebisibwa khulondana ninange arali khasi mwanyoola obweyaango.
\v 11 Khasi ndi khuboola kene kano mbwe khulwo khuba ndi nende ameenya khaba; khulwo khubeera ndeeka khuyesibwa nende imbeera yosi yosi eyandi ninayo.
\v 12 Manyire okhuba mubumanani, khandi manyire okhuba nende ebindu bingi; mumbeera yosi yosi, nende mumakhuwa kosi kosi, ndeekesebwa khwikura nende okhuba injala, okhuba nende bingi nende okhubwerwa.
\v 13 Nyala khukhola makhuwa kosi khubirira khuula oumberesianga amaani.
\v 14 Arali mwakhola bilayi, ngolwa mwasangirana ninange mukhusaanda khwange.
\p
\v 15 Eng'we mwesi, abeene mumanyire, eng'we Abafilipi, mbwe mukhuchaaka khwe ifinjili, kori ngolwa ndarula Makedonia, libulao likanisa lindi eliambana ninange mukhurusia nende khunyoola, arali sa eng'we mweng'ene.
\v 16 Khulwo khuba kata sa Thesalonike ela, mwanderera obukhonyi bwa meenya kange, ne khandi khasi ni likhabi elala sa khaba.
\v 17 Khandi khasi bili mbwe ndekoomba esianwa sila, arali ndekoomba ebiamo bili okhwemeeda okhuba ebingi, mububali bweng'we.
\p
\v 18 Arali ndi nende ebiindu bioosi kata nende khukhirao, khandi njichusibwe lukali; ndanyolere ebiindu biamwarera khubirira khu Epafaradito, esing'ari sia mafura, esisakhiro esifukirirwa, esisangasia Nasaye.
\v 19 Naye Nasaye wange achia khubaberesia buli siindu esiamudakha khulondana nende obuyiinda bwaye, muluyaali, mukari mwa Kirisito Yeso.
\v 20 Bulano Nasaye Sefwe afumisibwe, bumeri nende bumeri. Amina.
\p
\v 21 Mukheserie buli mutakatifu mu Kirisito Yeso. Abaana befwe abali ninasie babakhesia.
\v 22 Abatakatifu boosi babakhesia, okhirakhoo bala abeyinyuumba ya Kayisaari.
\p
\v 23 Obukoosia bwo Mwami Yeso Kirisito bube alala nende emioyo kieng'we.