See in Reader
1140 lines
101 KiB
Plaintext
1140 lines
101 KiB
Plaintext
\id JHN
|
|
\ide UTF-8
|
|
\h Yokhana
|
|
\toc1 Yokhana
|
|
\toc2 Yokhana
|
|
\toc3 jhn
|
|
\mt Yokhana
|
|
\c 1
|
|
\cl Omuliango 1
|
|
\p
|
|
\v 1 Mukhuchaaka Likhuwa yaliwo, naye likhuwa yabechaanga alala nende Nasaye, ne Likhuwa yali Nasaye.
|
|
\v 2 Omwene oyo yaliwo mukhuchaaka alala nende Nasaye.
|
|
\v 3 Ebindu bioosi biakholwa khulwaniye, arali niye sibulao sioosi esiakhekholekhe.
|
|
\v 4 Muye nimwo omwa obulamu bwali, ne obulamu buno bwali obulafu obwa abaandu.
|
|
\v 5 Nabwo obulafu bwadukhaanga musirima, nasio sirima sisianyala okhubukhira dawe.
|
|
\p
|
|
\v 6 Yarulirao omundu owarumwa khurula khu Nasaye, owalangwa mbwe Yohana.
|
|
\v 7 Omwene oyo yeecha nga omuloli, khulwo burumbusi obwo bulafu, mbwe boosi banyoole okhusubira khubirira khuniye.
|
|
\v 8 Uno siali obulafu bwene obwo, arali omuloli nende omurumbusi owobulafu bwene obwo.
|
|
\v 9 Obulafu obwo bwadieri, obukhoserianga abaandu boosi, bwali nibwichire musialo.
|
|
\p
|
|
\v 10 Yaali musialo, ne khandi sialo siakholwa khubirira muye, kata kario esialo sisiamumanya dawe.
|
|
\v 11 Yeecha khubalia abaye, ne beene abo simala bamufukirira.
|
|
\v 12 Ne boosi abamufukirira, abo abasubirira mulira liaye, yababeresia obunyali obwo okholwa abaana ba Nasaye.
|
|
\v 13 Abeene bano sibebulwa khulwa mabanga dawe, kata khulwa elienya eliomubiri, kata elienya liomuundu, arali elienya elia Nasaye.
|
|
\p
|
|
\v 14 Ne Likhuwa yekhola omubiri, namenya mwifwe, ne nikhulola oluyali lwaye, oluyali lulia ngolwa omwaana muderwa owarula owasefwe, niyechulemo obukosia nende obwadieri
|
|
\p
|
|
\v 15 Yohana yarumbula obuloli khuye, mudoboosi nabola ari, "Uno niye owandalomalomengekho owiicha lunyuma lwange, ouli noluyaali okhukhira, khulwo khuba yandangirira okhubao."
|
|
\v 16 Kario khurulana khubwichufu bwaye, efwe fweesi khwanyola okhunina khurula khu bukosia khuchia khubundi.
|
|
\v 17 Khulwo khuba malako kaberesanwa khubirira khu Musa. Obukosia nende obwadieri bweecha khubirira khu Yeso Kirisito.
|
|
\v 18 Siyaliwo owamala okhumulola Nasaye: oyo Nasaye yeng'ane, arali oyo ouli alubafu wasamwana, oumalire okhurumanyia Nasaye.
|
|
\p
|
|
\v 19 Buno nibwo obuloli bwa Yohana yaboola, ebikha bia bayahudi baruma bakukhani nende Balawi khurula Yerusalemu, mbwe bachie bamurebe mbwe "Ewe oli wina?"
|
|
\v 20 Naye yeyama, oburekana dawe, niyebola ari,"Sinesie Kirisito khaba."
|
|
\v 21 Nibamureba khandi, "Mbwe ne oli wina? Niwe Eliya? Naye, niyekana ari siniye, khandi nibareba bari, "Oli munabii? Kario yakana ari, "Khaba."
|
|
\v 22 Bamala bamurebe khandi, "Mbwe niwe wina, khuyirire abo barurumire makalusio? Welomalomakho orie omwene?
|
|
\v 23 Naye nabola mbwe, "Nesie lidoboosi, lirangirisia musichimi: Mukololosie ingira yo Omwami, ngolwa munabii Isaya yaboola."
|
|
\p
|
|
\v 24 Ne abarumwa balala khu Bafarisayo,
|
|
\v 25 Bamala bamureebe bari, "Khulwasina oli khubatisianga norali Kiristo, Eliya kose munabii?"
|
|
\v 26 Yohana yabakalusia, nababolera ari, "Esie mbatisia nende amachi. Ne kario aliwo owemere mwing'we owa muramanyire.
|
|
\v 27 Omwene oyo niye owicha lunyuma lwange, owesie ndarakwanirwa kata okhubolola echisia chiebilaro biaye dawe."
|
|
\p
|
|
\v 28 Amakhuwa kano kekholekha ela Bethania, ingerekha ewa Yorodani ayo Yohana yali nabatisianga.
|
|
\p
|
|
\v 29 Inyanga yalondakho Yohana yalola Yeso namwichira, namala naboola ari, "Lole, Likondi lia Nasaye elichia okhurusiao echimbi chiesialo!
|
|
\v 30 Omwene uno niye owa ndalomalomengekho, mbwe ulia owiicha lunyuma lwange, nomukhongo okhukhira, khulwo khuba yandangirira okhubao.'
|
|
\v 31 Sindakhamumanyire, ne kario biaali birio mbwe anyale okhufunulwa khu Israeli, kakera ndeecha nende libatisia eliamaachi."
|
|
\p
|
|
\v 32 Yohana yarusia obuloli, naboola ari: "Ndalola Roho niyeekha mufwaani yeliusi khurula mwikulu, namala namwemakho.
|
|
\v 33 Sindali nimumanyirisia dawe, arali ulia owanduma okhubatiisia mumaachi yali niyamboleere ari, "Ulia owawakhabone Roho niyeekha namudong'akho, niiye owakhabatisie nende Roho Mulafu.'
|
|
\v 34 Malire okhubona khandi ndusia obuloli mbu uno no Omwana owa Nasaye."
|
|
\p
|
|
\v 35 Khandi, inyanga yalondakho, ngolwa Yohana yali niyemere nende babiri khubeeka baye,
|
|
\v 36 Balola Yeso nakendanga, ne Yohana nabola ari; "Lole Likondi lia Nasaye!"
|
|
\v 37 Abeeka baye babiri ngolwa baulira nabola kano bamala bamulonde Yeso.
|
|
\v 38 Kario Yeso olwa yabalola nibamulonda yabareba ari, "Ni sina esia mukonyanga?" Bamukalusia," Rabbi" "Omwekesia", "wamenya ena?
|
|
\v 39 Yamala ababoleere, "Mwichi mulole." Kho kario bamala bachie bamanyirisie owa yali namenyaanga: ne nibaonga ninaye inyanga eyo, khulwo khuba biali musaa chine echia ichuli.
|
|
\p
|
|
\v 40 Mulala khu abo abali nibaulire Yohana nalomaloma yamala namulonda Yeso, yali Anderea, mwanang'ina Simoni Petero.
|
|
\v 41 Omwene oyo yarangirira okhubukanana nende mwanang'ina Simoni, namala namubolera ari, "Khunyolere Messiah" nilikalukhanisibwa "Kiristo".
|
|
\v 42 Yamala amurere khu Yeso, naye Yeso yamulingera namala namubolera ari, "Niwe Simon omwana wa Yohana, Onalangwa Kefas" nilikalukhanisibwa ni "Petero".
|
|
\p
|
|
\v 43 Inyanga yalondakho, ngolwa Yeso yali nadakha okhurula khuchia Galilaya, yabukanana nende Filipo namala namubolera ari, "Nonde."
|
|
\v 44 Naye Filipo mwene oyo yali omuundu khurula Bethesaida, Edokho lia Anderea nende Petero.
|
|
\v 45 Filipo yanyola Nathaniel namubolera ari, "Ula wa Musa yandiikakho mumalako, nende banabii, khumunyolere: Yeso omwana wa Yosefu, okhurula Nasareti."
|
|
\v 46 Naye Nathaniel namubolera ari, "Sindu silayi sioosi siakharula Nasareti?" Ne Filipo namubolera ari, "Icha olole."
|
|
\v 47 Yeso yamulola Nathaniel namwichira, ne nalomaloma kano khulondana naye, "Mulole mwiIsraeli owa bwadieri, oubula obubacha mukari mwaye!"
|
|
\v 48 Naye Nathaniel namureba ari, "Umanyire orie?" Ne Yeso namukalusia ari, Filipo nasiakhulanga, "Ngolwa obere niwikhale asi wo musaala, Esie khubwene."
|
|
\v 49 Nathaniel namubolera ari, "Rabbi, oli Omwana wa Nasaye! Newe Omuruki wa Israeli!"
|
|
\v 50 Naye Yeso yamukalusia namubolera ari, "Khulwo khuba khuboleere mbwe khubwene niwikhale asi wo musaala, 'bulano osubira? Wicha okhulola ebindu bikhoongo ebikhira lino."
|
|
\v 51 Yamala nababoleera khandi ari, "Mubwadieri mubwadieri, mbaboleera mbwe, muchia okhuboona likulu nilikukhe, naye abamalaika ba Nasaye nibanina nende okhwikha khu Omwaana wa omuundu."
|
|
\c 2
|
|
\cl Omuliango 2
|
|
\p
|
|
\v 1 Lunyuma lwechinyanga chidaru, khwali nende esiserero mu Kana ya Galilaya, ne ng'ina Yeso yaliwo.
|
|
\v 2 Yeso nende abeeka baye bali nibalangirwe musiserero.
|
|
\v 3 Ngolwa ifini yababwera, Ng'ina Yeso yamuchiira namubolera ari, "Babwererwe ifini."
|
|
\v 4 Naye Yeso yamureeba ari, "Mukhaaye, khulwa sina nonjichira? Ebikha biange bisiri okhuula."
|
|
\v 5 Naye Ng'ina yamala abolere abakhalabani ari, "Mukhole lioosi elia anababolera."
|
|
\v 6 Bulano khwali nende chindamu chisasaba echielikina echia maachi, akabekhonyeraanga mumikholwa kie Siyaudi ekiokhwosania, buli indamu yali inyala okhuchiamo chisiongo chibiri kose chidaru echia maachi.
|
|
\v 7 Yeso yababoleera ari "Ichusie chindamu echio nende amaachi." Bechusia chioosi ngolwa babolerwa.
|
|
\v 8 Abwene awo yabolera abakhalabani ari, "Mudaye mani muyirire omwemeresi weng'we." Ne bakhola bario.
|
|
\v 9 Omwemeresi wesiserero yabilakho amaachi kali nikamalire okhwekalukhania ifini, okhumalakho siali namanyire ewa yali nirulire kario abakhalabani bali nibadayire amaachi bamanya. Yamala alaange omwene siserero,
|
|
\v 10 namureeba ari, "Buli muundu aberesanianga ifini indayi mukhuchaaka khwo mukholwa namalirisia nende inyaangu mukhumala abaandu nibajong'ere. Khumalakho ewe osiri obikhire ifini indayi okhula bulano?"
|
|
\v 11 Esilolero siamberi sino Yeso yasikhola Kana ya Galilaya, abwene awo niyekesia oluyali lwaye, ne abeeka baye nibamusubirira
|
|
\p
|
|
\v 12 Lunyuma lwakano, Yeso, Ng'ina, bamwanang'na, khalala nende abeeka baye bachia Kaparnaum, ne nibamenyayo khulwenyanga chindidi.
|
|
\p
|
|
\v 13 Mundalo echio Pasaka ya Bayaudi yali ambi, kho Yeso yachia Yerusalemu.
|
|
\v 14 Olwa yengira muhekalu yanyola abachurusi beching'ombe, nende amakondi, nende amakaburuku, ne balia abobukhala bwokhukalukhania esende bali nibekhalemo.
|
|
\v 15 Yamala akhwaniye omusarita kwebifundikho mani nabarusia boosi khurula muhekalu, khalala nende chimbusi neching'ombe. Yasalania amatongolo kabachurusi, nafumamia echimesa chiabwe.
|
|
\v 16 Ne khu bakusi bamakaburuku, yalagira mbwe, "Bakarusie erwanyi. Yakame okhuikhola inyumba ya Baba nga esiro."
|
|
\v 17 Abeeka baye bechulisia mbwe kaandikwa, "Embalikha ye inyumba yao sinanyungubasia'
|
|
\p
|
|
\v 18 Kario abo abeSiyaudi bobunyala bamala bamurebe bari, "Nisilolero sina esia orwekesia, khukano koli okhola?"
|
|
\v 19 Yeso yabakulusia ari, "Nyaasie lihekalu lino, nange ndaliemekha khandi munyanga chidaru."
|
|
\v 20 Abo abeSiyaudi bobunyala nibabola, "Ihekalu ino yombakhwa khulwemiika makhumi kane nende kisasaba, nawe onaliemekha munyanga chidaru?"
|
|
\v 21 Kata kario, yali nalomalomeranga lihekalu liomubiri kwaye.
|
|
\v 22 Ne niyakhalamusibwa okhurula mubafu, abeeka baye bechulisia mbwe yaboola lino, khu kario basubira amaandiko nende likhuwa lia Yeso yali nalomalome.
|
|
\p
|
|
\v 23 Ngolwa yali Yerusalemu muisangalo ya Pasaka, abaangi basubira mulira liaye ngolwa babona bilolero biayakhola.
|
|
\v 24 Naye Yeso siyabesika khulwo khuba yabamanya boosi,
|
|
\v 25 Khandi kario siyenya obuloli khurula khuyesi, khulwokhuba yamanya bilia ebiri mumundu.
|
|
\c 3
|
|
\cl Omuliango 3
|
|
\p
|
|
\v 1 Khwali nende Mufarisayo owalangwa Nikodemo, omwemeresi weSiyaudi.
|
|
\v 2 Omusacha uno yechera Yeso musiro namubolera, "Rabbi omwekesia, khumanyire mbwe oli omwekesia owarula ewa Nasaye, khulwo khuba abulao ounyala khukhola akamakana kokholanga, Nasaye narali naye."
|
|
\v 3 Yeso yamukalusia nabola ari, "Mubwadieri, mubwadieri omuundu narebulwa ekhabi liokhubiri, khasianyala okhubona obwami bwa Nasaye."
|
|
\v 4 Nikodemo namureba, "Binyalikha birie omuundu okhulire okhwibulwa khandi? Si anyala okhwingira ekhabi liakhabiri munda yang'ina, khandi anyole okhwibulwa, binyalikhana?"
|
|
\v 5 Yeso yamukalusia ari "Mubwadieri, mubwadieri omundu narebulwa mumaachi nende mu Roho, si anyala okhwingira mubwami bwa Nasaye.
|
|
\v 6 Silia siebulwa mumubiri nomubiri, ne silia siebulwa mu Roho ni roho.
|
|
\v 7 Oraukisibwa nende eliakhubolere, "Mbwe okhoyerwa khwibulwa khandi."
|
|
\v 8 Omuyaka kuuchanga mumbeka chiosi, ne siwakhamanya ewakurula nende aakuchia. Kario nilwo lwali oyo wibulwa mu Roho."
|
|
\v 9 Nikodemo namukulusia ari, "Kano kakhekholekha karie?"
|
|
\v 10 Yeso namukalusia namubolera ari, "Oli omwekesia mu Israeli, ne khandi somanyire makhuwa kano?
|
|
\v 11 Mubwadieri mubwadieri, khubolera, efwe khulomalomanga esia khumanyire, nikhurusiria obuloli kalia kakhubwene. Ne khumalakho simufukirira obuloli bwefu.
|
|
\v 12 Nikakhaba mbwe khubolere ebindu bilondana nende esialo, ne siosubira, onasubira orie nikhubolera khulondana nende ebindu biomwikulu?
|
|
\v 13 Abulao owamala okhunina mwikulu arali oyo owekha khurula mwikulu_ Omwana wo OMundu.
|
|
\v 14 Ngolwa Musa yakingula esifwanani sie injukha musichimi, kario nilwo olwa Omwana wo Mundu achia okhukingulwa,
|
|
\v 15 mbwe balia boosi bamusubirira banyole obulamu burabwayo dawe.
|
|
\p
|
|
\v 16 Khulwobera Nasaye yakhera muno esialo, yarusia Omwana waye muderwa, mbwe ulia yesi oumusubira arafwa, arali anyole obulamu buralibwayo dawe.
|
|
\v 17 Khulwo khuba Nasaye hasiyaruma Omwana waye musialo mbwe sikhalakirwe, arali sinyole okhuonisibwa muniye.
|
|
\v 18 Ulia yesi oumusubira siakhalakirwa, arali oyo ourasubira yamala okhukhalakirwa khulwo khuba siasubira mulira lia Omwana wa Nasaye muderwa.
|
|
\v 19 Sino nisio sifunane siobukhalakirwi: Obulafu bwecha musialo, ne abaandu nibakhera esirima okhira obulafu khulwo khuba ebikhole biabwe biali bimayanu.
|
|
\v 20 Khulwo khuba yeesi oukhola obumayanu siakheranga obulafu, ne khandi siyakhecha owa obulafu buli, mbwe kario ebikhole biaye birabakalwa.
|
|
\v 21 Kata kario, oyo oukholanga akobwadieri yechanga obulafu buli mubwakhakhu, kario bilolekhane mbwe bikholerwe mu Nasaye."
|
|
\p
|
|
\v 22 Lunyuma lwakano, Yeso nende abeeka baye bachia mumaloba Kebuyudea. Yamenya khulwenyanga khalala ninabo ebwene eyo nabatisianga.
|
|
\p
|
|
\v 23 Yohana yesi yali nabatisianga Ainoni ambi nende Salimu khulwokhuba amaachi maangi kali nikanyolekha ebweneyo. Abaandu bali nibamwichiranga nababatisia,
|
|
\v 24 khulwo khuba Yohana yali narasukunwa musiboye.
|
|
\v 25 Ne amaingani karulirawo akari khu balala ba abeeka ba Yohana nende omuyahudi mulala khulondana nende omukholwa kwokhwosania.
|
|
\v 26 Bamuchira Yohana nibamubulera, "Omwekesia, ula owa wabere naye ingerekha indi yomwalo kwa Yorodani, owa wabolere obuloli bwaye, lola alikhubatisia, ne baandu boosi bali khumuchira."
|
|
\v 27 Yohana yabakalusia ari, "Omuundu siyakhanyala okhunyola sindu sioosi naraberesibwe khurula mwikulu.
|
|
\v 28 Eng'we abeene munyala khurusia obuloli mbwe ndaboola, "Mbwe khasindi Kiristo, okhumalakho ndarumwa imberi waye mbwe murangirire.'
|
|
\v 29 Omukhana ochia okhudekha abechanga owa mwene siserero. Naye omulolera womwene siserero, ngolwa yemanga namurekeresia owesiserero, asangaliranga muno lidoboosi liomwene siserero. Kho kario, isangalo yange yolerere.
|
|
\v 30 Akhoyera okhukingulwa yemede, nange kario ndeduduye.
|
|
\p
|
|
\v 31 Oyo ourula akulu ali akulu webindu bioosi. Oyo ourula musialo nowomusialo ne khandi alomalomanga akomusialo. Ne oyo ourula mwikulu ali akulu webindu bioosi.
|
|
\v 32 Akholanga obuloli khubiria biabwene nende ebiaulire, khumalakho abulao ofukirira obuloli bwaye.
|
|
\v 33 Ulia ofukirire obuloli bwaye arwekesie mbwe Nasaye nowobwadieri.
|
|
\v 34 Khulwo khuba oyo owa Nasaye arumire alomalomanga makhuwa ka Nasaye. Khandi siaberesaninga Roho musikero.
|
|
\v 35 Oubere Baba yakhera Omwana ne yalekhula ebindu bioosi mumukhono kwaye.
|
|
\v 36 Yesiyesi ousubirira muMwana ali nende obulamu burabwayo dawe, ne yesi ouleka narasubira muMwana siachia obulola obulamu, arali oburima bwa Nasaye buli akulu wabwe."
|
|
\c 4
|
|
\cl Omuliango 4
|
|
\p
|
|
\v 1 Kario Yeso olwayamanya mbwe Bafarisayo bali nibamalire okhuulira mbwe alikhunyola abeeka baangi nende hubatisia, abaandu baangi khukhira Yohana
|
|
\v 2 khumalakho Yeso mwene siabatisianga, arali abeeka baye,
|
|
\v 3 yarula Yudea nakalukha Galilaya.
|
|
\v 4 Ne biali mbwe abirire mu Samaria.
|
|
\v 5 Khu kario yola mulukongo lwa Sikari mudookho lia Samaria, ambi nende indalo ya Yakobo yali niyaberesia Yosefu omwana waye.
|
|
\v 6 Eisebere ya Yakobo yali abweneao. Yeso yamala yekhale ambi nende isebere eyo khulwo bujong'u bwolukendo. Ne biali mubikha bia esidere musaa chisasaba.
|
|
\v 7 Omukhasi Musamaria yecha okhudaya amaachi, ne Yeso namubolera, "Jama umbe maachi ng'we."
|
|
\v 8 Khulwo khuba abeeka baye bali nibachire mudokho okhukula ebiakhulia.
|
|
\v 9 Naye omukhasi Musamaria namubolera ari, "Bikenda birie, ewe Muyaudi, usabe amaachi, esie mukhasi Musamaria?" Khulwo khuba Abayaudi sibakholeranga alala nende Abasamaria.
|
|
\v 10 Ne Yeso namukalusia namubolera ari, "Wakhamanyire esianwa sia Nasaye, nende ulia ouli okhusabanga amaachi, newe wakhamusabire, naye yakhakhubere amaachi ko bulamu."
|
|
\v 11 Ne omukhasi oyo namubolera ari, "Omwami, obula indo yokhudaira khandi obwina noburambi. Orusirie ena amaachi ko bulamu?
|
|
\v 12 Khaba si oli omukhongo okhukhira baba wefwe Yakobo, owaruberesia eisebere ino eyayang'wechangamo alala nende abaana baye nende emiruko kiaye?"
|
|
\v 13 Yeso namukalusia namubulera ari, "Ulia yesi oung'wa khumachi kano ananyola obuluo khandi,
|
|
\v 14 arali ulia yesi oung'wa amaachi kamuberesia sananyola obuluo khandi. Ne kario, amaachi kamuberesia kanekhola eisebere mukari mwaye, nikakhulukusia mubulamu burabwayo dawe."
|
|
\v 15 Omukhasi namubolera ari, "Omwami, mberesie amaachi ako mbwe ndaranyola obuluo khandi nende okhuchirira khwicha ano khudaya amaachi."
|
|
\p
|
|
\v 16 Naye Yeso namubolera, "Chia, olange omusacha wao, mani okalukhe ano."
|
|
\v 17 Naye omukhasi oyo namubolera ari, "Mbula omusacha." Yeso namukalusia, "Obolere obwadieri, 'Mbula omusacha,'
|
|
\v 18 khulwo khuba wakhamala okhuba nende abasacha barano, ne kata kario owoli ninaye mubikha bino yesi khasi nomusacha wao. Obolere obwadieri."
|
|
\p
|
|
\v 19 Omukhasi oyo namubolera ari, "Omwami, ndola mbwe oli munabii.
|
|
\v 20 Basefwe balamiranga khulugulu luno, naye eng'we mubolanga mbwe Yerusalemu niwo abuundu wa baandu bakhoyera okhulamira."
|
|
\v 21 Yeso namubolera ari, "Subirire mukhaye, mbwe ebikha biicha ebia simunamulama Sefwe khulugulu luno kose kata Yerusalemu.
|
|
\v 22 Mulamanga siamuramanyire. Efwe khulamanga owakhumanyire, khulwokhuba obuonia burula khu Bayaudi.
|
|
\v 23 Kata kario, ebikha biicha, ne nibio bino, ebia balaami bobwadieri bachia okhumulama Sefwe muroho nende obwadieri, khulwo khuba Sefwe alikho akonya abaandu nga abeene abo bamulame.
|
|
\v 24 Nasaye niRoho, ne balia bamulama bakhoyera okhumulama muroho nende obwadieri."
|
|
\v 25 Omukhasi oyo namubolera ari, "Manyire mbwe Messiya alikho yeecha oyo oulangwa Kiristo. Omwene oyo namala yeecha, yakharufunulire amakhuwa koosi."
|
|
\v 26 Yeso namubolera ari, "Nisie omwene oyo, oulomalomanga ninawe."
|
|
\p
|
|
\v 27 Mubikha biene ebio abeeka baye bamala bakalukhe. Ne baukisibwa muno ngolwa yali nalomalomanga nende omukhasi, arali abulao yesi owamureba, "Mbwe okonyanga sina? kose Khulwasina olomalomanga ninaye?"
|
|
\p
|
|
\v 28 Khu kario mukhasi oyo yamala alekhe isiongo yae, nakalukha mudookho lia Samaria, nabolera abaandu,
|
|
\v 29 "Mwiche, mulole omuundu oumbolere amakhuwa kange koosi kandakhola. Omwene uno siafwana khuba niye Kiristo?"
|
|
\v 30 Abandu barula mudookho nibamala nibamwichira.
|
|
\p
|
|
\v 31 Mubweyango bwene obwo, abeeka baye bali nibamwelombaga bari, "Omwekesia, liakho esindu."
|
|
\v 32 Naye yababoolera ari, "Esie ndi nebiakhulia biokhulia ebiamuramanyire."
|
|
\v 33 Khu kario abeeka barebana, Niyaliwo omuundu wali namurerere esiokhulia siosiosi?"
|
|
\v 34 Yeso nababoolera, "Ebiakhulia biange nikhukhola elienya lia oyo owanduma nende okhusirisia emirimo kiaye.
|
|
\v 35 Eng'we simubolanga, 'Kisisiri miosi kindi kinne khu likesa liule'? Mbabolera, lingale mulole chindalo, khulwobera ebikese biangale biolere okhukeswa!
|
|
\v 36 Oyo oukesa anyola omurungo khandi abusianga ebiamo khulwo bulamu buralibwayo dawe, kario mbwe omuraki nende omukesi banyole osangalira khalala.
|
|
\v 37 Khu kario lukado lubolwangwa mbwe, omuraki araka no oundi akesa, 'nolwa dieri.
|
|
\v 38 Ebarumire mukese ebiamurakholere mirimo. Abaandi bakholera emirimo, kario mwesi mumalire okhwingira mumirimo kiabwe."
|
|
\p
|
|
\v 39 Omukaanda mukhongo kwa Basamaria mudookho elio bamusubirira, khurulana nende likhuwa liobuloli bwomukhasi, "Ambolere amakhuwa kange koosi kandakhola." Khulwesio, Abasamaria nibecha
|
|
\v 40 ewayali, bamusaya amede okhuba ninabo, namalayo chinyanga chibiri.
|
|
\v 41 Obuungi bwabwe bamusubira khulwe likhuwa liaye.
|
|
\v 42 Kario bamala baboolere omukhaye oyo mbwe, "Sikhusubira sa khulwobuloli bwao bwong'ane, efwe abeene khwakhaulira, ne khandi khumanyire mbwe uno obwadieri nomuonia wesialo."
|
|
\p
|
|
\v 43 Lunyuma lwenyanga echio chibiri, yarulayo nachia Galilaya.
|
|
\v 44 Kata kario, Yeso omwene yali nabolere ari omunabii abulanga oluyali ewabwe.
|
|
\v 45 Olwayola Galilaya, Abagalilaya bamwingisia nende omwoyo kwoosi, khulwo khuba bali nibabwene bioosi ebiayali nakholere Yerusalemu musiserero.
|
|
\v 46 Khandi yakalukha Kana yaGalilaya, ewayali nakalukhasie amaachi khuba ifini. Yaliwo omundu mulala omukhongo owomwana waye yali omulwaye eria Kaperenaumu.
|
|
\v 47 Niyaulira mbwe Yeso yali niyolere Galilaya khurulira Buyudea, yamuchira nende okhumusaba mbwe achie ninaye anyole okhuonia omwana waye, owali nakhirirwe ambi nende okhufwa.
|
|
\v 48 Kata kario Yeso yamubolera, "Noralola ebilolero nende akamakana siwakhasubira."
|
|
\v 49 Oyo owoburuki namusaba ari, "Omwami, khuchie khwakanire omwana wange nasiri okhufwa."
|
|
\v 50 Yeso yamubolera mbwe, "Bwao. Omwana wao nomulamu." Omundu oyo yasubira elikhuwa lia Yeso yamubolera, yamala abweo.
|
|
\v 51 Ngolwa yali nachia, abakholi baye bamwakanira, nibamubolera mbwe omwana waye nomulamu.
|
|
\v 52 Yamala abarebe ebikha biayaoneramo. Bamukalusia bari, "Ekulo ebikha bia esaa saba musidere okuyendero kwamulekhere."
|
|
\v 53 Abwene ao simwana yamanyirisia mbwe nibio ebikha bia Yeso yali namubolere mbwe, "Omwana wao nomulamu." Kario ye mwene khalala nende boosi beinyumba yae basubira.
|
|
\p
|
|
\v 54 Sino nisio silolero siakhabiri esia Yeso yakhola niyakharulanga Ebuyudea nachia Galilaya.
|
|
\c 5
|
|
\cl Omuliango 5
|
|
\p
|
|
\v 1 Lunyuma lwako khwaliwo nende omukholo kwa Bayaudi, naye Yeso yachia Yerusalemu.
|
|
\v 2 Ne Yerusalemu ebweneyo ambi nende omuliango okwa makondi, khwaliwo nende ediba elialangwa mbwe Bethsaida niliri nende amasaga karano.
|
|
\v 3 Omukanda omukhongo kwa balwaye, aboofu, abalema kose abakwa makara bali nibakona awo.
|
|
\v 4 Khulwo khuba biriwo ebikha bia malaika yekhanga mumaachi okadubula. Ne oyo yeesi owarangira okhwingira mumaachi, lunyuma lwokhudubusibwa, yaona amalwaye kaye koosi.
|
|
\v 5 Abwene awo yaliwo omusacha yali niyakhalwala emiaka makhumi kadaru nende munane.
|
|
\v 6 Ngolwa Yeso yamulola nakonere awo, ne khandi mukhumanyirisia mbwe yali mumbera eyo mubikha birambi, yamureba ari, "Wenya khuona?"
|
|
\v 7 Omulwaye welikara yamukalusia ari, "Omwami, mbula omuundu owukhunjira mumaachi nikakhadubusibwa, mubikha biamberanga ninjia, omuundu uundi andangiriranga."
|
|
\v 8 Yeso namuboolera ari, "Bukha, obukule omugodoro kwao obweo."
|
|
\v 9 Mubikha ebiene ebio yanyola okhuona, yamala abukule obuliri bwaye nakenda nachia: ne inyanga yene eyo yali Isabato.
|
|
\v 10 Khu kario Abayaudi bamala baboolere oyo muundu waona, "Ni inyanga ya Isabato, siofukirirwa okhukinga obuliri bwao dawe."
|
|
\v 11 Naye yabakalusia ari, "Oyo oumbonisie niye oumboolere mbwe0, bukula omugodoro kwao wedwikhe okende nobwao."
|
|
\v 12 Bamureba khandi,"Niwina oyo oukhuboolere mbwe bukula obuliri bwao okende nochia?
|
|
\v 13 Kario, oyo owali naonesebwe siyali namumanyire ebilayi, khulwo khuba Yeso yali niyeyiibire nabwereo, khubirira mumukanda okwa baandu kwali awo.
|
|
\p
|
|
\v 14 Ebikha nibiakhabirao, Yeso yanyola omuundu oyo muhekalu, ne namuboolera, "Lola omalire okhuona! Orakhola esionono khandi, wichukhana esindu sindi simanu siakhunyola."
|
|
\v 15 Kario omundu oyo yamala abweo, ne naboolera Abayaudi mbwe ni Yeso niye wali namuonisie.
|
|
\v 16 Ne okhulondana nende akeene kano, Bayaudi bamusandia Yeso, khulwo khubera yali nakholerenge ebindu bino inyanga ya Isabato.
|
|
\v 17 Naye Yeso yabakalusia nababoolera ari, "Baba wange alikho akhola emirimo khulwa bulano, Siesi, ndikho khola emirimo."
|
|
\v 18 Khulwo khubera kano, Abayaudi bakonya muno okhumwira, khulwo khuba siyali nafunake sa Isabato yong'ane, arali yali nalangire Nasaye Simwana, niye keranisie khu Nasaye.
|
|
\p
|
|
\v 19 Yeso yabakalusia nababolera ari, "Mubwadieri, mubwadieri, Omwana siyakhakhola siosi omwene, arali kalia akalola Simwana nakhola, naye Omwana yesi nilwo olwaakhola. Khulwo khuba Baba yamukhera
|
|
\v 20 Omwana, khandi amwekesianga buli sindu esia ye omwene akhola, naye khandi achia okhumumanyia emirimo mikhongo okhukhira kino, mbwe munyole okhuukisibwa.
|
|
\v 21 Khulwo khuba ngolwa Simwana alamusia abafu nababeresia obulamu, nilwo olwa Omwana yesi aberesanianga obulamu khu yesi owakhera.
|
|
\v 22 Khulwo khuba Sefwe siayasianga omundu yesi dawe, arali yaberesia obukhalaki bwemisango bwoosi Omwana
|
|
\v 23 Khu kario buli omundu anyale okhumuria Omwana, ngolwa amuria Simwana. Oyo ouraria Omwana, khaba siyaria Sefwe owamuruma dawe.
|
|
\v 24 Mubwadieri, mubwadieri, oyo yeesi ouulira elikhuwa liange nasubira oyo owanduma, ali nobulamu burabwayo ne khandi sialikhalakirwa, arali amalire okhubira mulifwa nachia mubulamu.
|
|
\p
|
|
\v 25 Mubwadieri, mubwadieri, mbabolera mbwe ebikha biicha, ne khandi nibio bino, ebia abafu bachia okhuulira edoboosi lia Omwana wa Nasaye, naye abo abaulira banamenya.
|
|
\v 26 Ngolwa Sefwe alinobulamu mukari mwaye, nilwo lwayaberesania Omwana, mbwe kario abe nobulamu mukari mwaye,
|
|
\v 27 Naye khandi Sefwe yaberesia Omwana obunyali bwo khukhalaka omusango, khulwo khuba nomwana owa omundu.
|
|
\v 28 Muraukisibwa nende lino, khulwa khuba ebikha bicha bia balia boosi bali muching'ani bachia okhuulira lidoboosi liaye.
|
|
\v 29 Ne bachia okhurula erwanyi: balia abakhola amalayi khubulamusibwi bwo bulamu, naye balia abakhola amabi khubulamusibwi bwo khukhalakirwa omusango.
|
|
\v 30 Esie sieng'ane sinyala okhukhola esindu sioosi khaba. Ngolwa mbulira, nilwo olwakhalaka, ne obukhalaki bwange nobwa abweene khulwo khubera singonyanga elienya liange omweene, arali elienya lia ula owanduma.
|
|
\p
|
|
\v 31 Esie nindekholera obuloli omweene, obuloli bwange sibuba bunaba obwa bwadieri.
|
|
\v 32 Aliwo ourusianga obuloli bulondana ninange, nange manyire mbwe obuloli bwa akhola khwisie nobwa bwadieri.
|
|
\v 33 Mwarumanisie khu Yohana, naye yarusisie obuloli bwo bwadieri.
|
|
\v 34 Naye obuloli bwa nyola siburula khu muundu khaba, kario mbolanga ebindu bino mbwe munyole okhuonisibwa.
|
|
\v 35 Yohana yabere itara yadukha nilolesia obulafu, naye eng'we mwabere nimusangalira okhuba mubulafu obwo mubikha bididi.
|
|
\v 36 Kata kario ndi nende obuloli bukhongo obukhira obwa Yohana, khulwo khuba emirimo ekia Baba yamberesia okhusirisia, ekia ndi okholanga, ekiene nobuloli buyera mbwe Baba yanduma.
|
|
\v 37 Baba owanduma omwene yamala okhurusia obuloli bwange. Eng'we musiaulirakho lidoboosi liaye kata okhubonakho ifwani yaye mubikha biosi khaba.
|
|
\v 38 Khaba simuli nende elikhuwa mukari mweng'we, khulwo khubera simusubira mu ulia owayaruma.
|
|
\v 39 Mukonyeresianga mumaandiko khulwo khubera mupara mbwe obulamu burabwayo buli muniko, khumalakho amaandiko keene kano akanomanomangakho,
|
|
\v 40 Ne khandi simuli abaangu bokhunjichira mbwe munyole obulamu.
|
|
\p
|
|
\v 41 Esie sinyolanga oluyali khurula khu baandu,
|
|
\v 42 Ne kario bamanyire, mbwe mubula obukheri bwa Nasaye mukari mweng'we.
|
|
\v 43 Esie ndecha mulira lia Baba, ni simufukirira khaba. Oundi niyechukhana yecha mulira liaye omwene, muchia okhumufukirira.
|
|
\v 44 Munasubira murie, eng'we bafukiriranga oluyali lurula khubasieng'we, ni simukonya oluyali lurula khu oyo ouli Nasaye yeng'ane?
|
|
\p
|
|
\v 45 Murapara mbwe njia khubayasia imberi wa Baba. Oyo oubayasia niye Musa, oyo owamusubiramo.
|
|
\v 46 Kaba mbwe mwasubira Musa, siesi mwakhasubire, khulwo khuba koosi akayaandika kaanomanomakho esie.
|
|
\v 47 Nikakhaba mbwe simusubira aka yaandika, munasubira murie amakhuwa kange?
|
|
\c 6
|
|
\cl Omuliango 6
|
|
\p
|
|
\v 1 Lunyuma lwa amakhuwa kano koosi, Yeso yambukha ingerekha weinyanja ya Galilaya, elwande lwalangwa mbwe, inyanja ya Tiberia.
|
|
\v 2 Omukanda mukhongo kwa abaandu kwamulonda, khulwo khuba bali nibabwene ebilolero biingi ebia yali nakholeere abalwaye.
|
|
\v 3 Yeso yanina khu lugulu ne niyekhala ebwene eyo alala nende abeeka baye.
|
|
\v 4 Omukholo kwe Siyaudi okwa Pasaka, kwali nikuli ambi.
|
|
\v 5 Ngolwa Yeso yalola omukanda omukhongo kwa abaandu nikumwichira, yamala arebe Filipo ari, "Khunakula ena emigati ekiera abaandu bano khulia?"
|
|
\v 6 Kario Yeso yalomaloma lino khupima Filipo, khulwo khubera omwene yali namanyire esia yali nachia okhukhola.
|
|
\v 7 Filipo yamukalusia namubolera ari, "Emigati ekia edinari mia chibiri sikiakhaera kata buli muundu okhunyola mudidi."
|
|
\v 8 Mulala khu beeka oulangwa, Anderea, omusiani wabwe Simoni Petero, yabolera Yeso,
|
|
\v 9 " Khuli ano nende omusiani ouli nemigati kieingano kirano nende ching'eni chibiri, kata kario bino nisina khubaandu baangi?"
|
|
\v 10 Naye Yeso nabola, "Mwikhasie abasacha mumikanda." Ne obunyasi buungi bwali abuundu awo. Khu kario abasaacha bekhala, abaera elifu chirano.
|
|
\v 11 Yeso yabukula migati, ne niyakhamala okhwebasia, yaberesania khu beeka nabo niboseria abaandu, yamala akhole ario khandi nende ching'eni nibanyola ngolwa lienya liali.
|
|
\v 12 Ngolwa abaandu bali nibakhekura boosi, yaboleera abeeka baye ari, "Busie ebimeka biemigati bioosi bidong'ere, sibuleo esikora."
|
|
\v 13 Bamala babusie bimeka biemigati nibarumbia ebikapu ekhumi nabibiri, ebiarulana khu migati kirano.
|
|
\p
|
|
\v 14 Ngolwa baandu balola esiamakana sino esiayali nakholere, baboola, "Uno mubwadieri niye omunabii owakhoyera okhwicha musialo."
|
|
\v 15 Naye Yeso olwa yamanya mbwe abaandu bali neliparo lio okhumukhola omuruki wabwe, yabarulakho nachia mulugulu yeng'ane.
|
|
\p
|
|
\v 16 Ingolobe ngolwa yola, abeeka baye bakholomokha munyanja.
|
|
\v 17 Bengira muliaro nibachia Kaparnaumi khubirira munyanja. Esirima siali nisia khadira mubikha bino, naye Yeso yali nasia bechera.
|
|
\v 18 Nayo inyanja yekinga khu mafinda khulwo muyaka mukhongo kwali nikuucha nende amani.
|
|
\v 19 Kata kario nibakhafuka eliaro khulwa ebikha birambi, balola Yeso nakenda khunyanja nasuda ambi nende eliaro, nabo nibadirwa noburi.
|
|
\v 20 Naye nababoolera ari, "Nesie! Muraria khaba."
|
|
\v 21 Bamala babe nomwoyo kwo okhu mufukirira muliaro, ne mubwangu eliaro liola ebukobero mumaloba ewa bali nibachia.
|
|
\p
|
|
\v 22 Inyanga yalondakho, omukanda kwa baandu bali nibemere lwande lundi lweinyanja, sibalolakho eliaro liosi, khumalakho elia abeeka baye bali nibaninire, arali Yeso siyali nachire ninabo.
|
|
\v 23 Kata kario, amaro kaandi kamala keche ambi nende abali nibalirire migati, khurula Tiberia.
|
|
\v 24 Ngolwa mukanda kwamanyirisia mbu Yeso nabeeka baye sibali awo, abeene bamala bengire mumaro nibachia Kaparnaumi okhukonya Yeso.
|
|
\p
|
|
\v 25 Nibakha munyola elwande lweinyambukho lweinyanja, bamureba bari, "Omwekesia, wechere eno lina?
|
|
\v 26 Yeso yabakalusia, ari, "Mubwadieri, mubwadieri, simuli khungonya khulwo khuba mwabwene ebilolero, arali mbwe mwalire migati mwekura.
|
|
\v 27 Mura kholeranga mirimo siakhulia sibiya, arali mukholere siakhulia siria sio bulamu burabwayo khaba, esia Omwana wo mundu achia khuba beresia, khulwo khuba Baba Nasaye yamala okhumurakho esibalikho."
|
|
\p
|
|
\v 28 Nabo nibamureba mbwe, "Khukhole sina, khu khunyale okhukhola emirimo kia Nasaye?
|
|
\v 29 Yeso yabakalusia nababoleera ari, "Kuno nikwo omulimo kwa Nasaye: Mbwe musubire mu oyo owayaruma."
|
|
\v 30 Kario nibamubolera, "Nisilolero sina esiocha okhukhola, mbwe khubone mani khunyole okhusubira? Nisina esio khola?
|
|
\v 31 Basefwe balichanga manna musichimi, ngolwa kaandikwa, 'Yababeresia omugati khurula mwikulu balie."
|
|
\p
|
|
\v 32 Naye Yeso nabakalusia ari, "Mubwadieri, mubwadieri, khaba siyali Musa owa baberesia mugati khurula mwikulu, arali ni Baba wange niye ouli khu baberesianga omugati kwo bwadieri khurula mwikulu.
|
|
\v 33 Khulwo khuba omugati kwa Nasaye nokwo orula mwikulu nikwikha musialo nende okhuberesania obulamu."
|
|
\p
|
|
\v 34 Khu kario bamala bamubolere, "Omwami, ruberesie omugati kuno buli lwoosi."
|
|
\v 35 Yeso nababoolera, "Nesie omugati kwo bulamu: oyo yesi owicha khwisie khaba sianabona injala, khandi ulia yesi ousubirira khaba sanaba nende obuluo. Ne khandi malire okhubaboolera
|
|
\v 36 mbwe kario mumalire okhumbona, naye simusubira.
|
|
\v 37 Oyo yesi owa Baba amberesia ananjichira, naye oyo yeesi ounjichira sindakha musukuna khaba.
|
|
\v 38 Khulwo khuba sindekha khurula mwikulu, okhwicha khukhola lienya liange, arali elienya lia oyo owanduma.
|
|
\v 39 Naye lino nilio lienya lia Baba owanduma, mbwe balia boosi bayamberesia, ndarakosia kata mulala, khumalakho boosi balamusibwe khunyanga yobumalirikhi.
|
|
\v 40 Khu kario lino nilio lienya lia Baba, mbwe ulia muundu yeesi oubwene Omwana namala amusubire, abe nobulamu oburabwayo khaba, nange ndakhamulamusie khunyanga yo bumalirikhi."
|
|
\p
|
|
\v 41 Abayahudi bamala babe namabuburo khuye, khulwo khuba yali nababolere ari, "Nisie omugati kwekha khurula mwikulu."
|
|
\v 42 Khandi bamala barebane mbwe, "Uno siniye Yeso omwana wa Yosefu, owa simwana nende ng'ina khubamanyire? Bikenda birie bulano abole mbwe,' Ndekha khurula mwikulu'?"
|
|
\v 43 Yeso nabakalusia nababoolera ari,"Mulekhe mabuburo akari weng'we.
|
|
\v 44 Abulao omuundu wakhecha khwisie Baba nara mugamire, oyo owanduma, nange ndakha mulamusie khunyanga yobumalirikhi.
|
|
\v 45 Kaandikwa mubanabii, 'Boosi bakhabe nibekesebwe nende Nasaye.' Ulia yesi owa khabulira nende okhweeka khurula khu Baba yechanga khwisie.
|
|
\v 46 Sikali mbwe omuundu yesi yamala okhumubona Baba, arali oyo ourula ewa Nasaye _ yabona Baba.
|
|
\v 47 Mubwadieri, mubwadieri, oyo yeesi ousubira ali nobulamu burabwayo khaba.
|
|
\v 48 Nesie omugati kwobulamu.
|
|
\v 49 Baseng'we balia manna musichimi, nabo nabafu khulwa bulano.
|
|
\v 50 Kuno nikwo omugati kwekha khurula mwikulu, mbwe omuundu anyole okhukulia, naye arafwa.
|
|
\v 51 Nisie omugati mulamu okwekha khurula mwikulu: omuundu yesi nalia omugati kuno, aba anamenya obulamu burabwayo: ne omugati okwanjia oberesania nomubiri kwange khulwo bulamu bwesialo.
|
|
\p
|
|
\v 52 Bayaudi badirwa nende lirima beene khu beene nibaingana, nibaboola, "Omuundu uno yakharuba arie omubiri kwaye mbwe khulie?"
|
|
\v 53 Khandi Yeso nababoolera ari, "Mubwadieri, mubwadieri, nimuralia omubiri kwa Omwana Womundu nende okhung'wa amabanga kaye, mubula obulamu mukari mweng'we.
|
|
\v 54 Ula yesi oulia omubiri kwange nende khung'wa amabanga kange ali nobulamu burabwayo, naye khandi ndakha mulamusie inyanga yobumalirikhi.
|
|
\v 55 Khulwo khuba omubiri kwange nesiakhulia siadieri, naye amabanga kange sing'webwa siadieri.
|
|
\v 56 Oyo oulia omubiri kwange nende okhung'wa amabanga kange adong'anga mukari mwange, nange mukari mwaye.
|
|
\v 57 Ngolwa Baba ouli mulamu yanduma, nange ngolwa menyanga khulwa niye, kario oyo oundia, yesi anamenya khubirira khwisie.
|
|
\v 58 Kuno nikwo omugati kwekha khurula mwikulu: okukabukhane nende kwa baseng'we balia ne nibafwa. Oyo yeesi oulia omugati kuno achia okhumenya obulamu burabwayo khaba."
|
|
\v 59 Kano koosi Yeso yakaboola musinagogi nali mukhwekesia Kaperinaumi.
|
|
\p
|
|
\v 60 Kario baangi khu beeka baye abaulira mekesio baboola, "Amakhuwa kano namadinyu: niwina ounyala okhukaulira?"
|
|
\v 61 Ngolwa Yeso yamanyirisia mukari mwaye mbwe abeeka baye bali namabuburo khu lino, yabareba ari, "Likhuwa lino libasinyisie?"
|
|
\v 62 Ne biakhafwane birie nimwakhabone Omwana Womundu nanina nakalukha ewa yali mukhuchaka?
|
|
\v 63 Nei Roho niyo iberesanianga obulamu: omubiri sikuli nobukhala khu lioosi. Amakhuwa kababoolere niroho, ne khandi niko obulamu.
|
|
\v 64 Kata kario, baliwo balala khweng'we abarasubira. "Khulwo khuba Yeso yamanya khurula mukhuchaka abo abarakhasubire, nende oyo owakhamukhobe.
|
|
\p
|
|
\v 65 Yameda okhubaboolera ari, "Nikhubera liene lino, ndamala okhuboola mbwe abulao ounyala khwicha khwisie Baba naramunyalire."
|
|
\p
|
|
\v 66 Khulwa liene lino, abaangi khu beeka baye bamulekha, oburakenda ninaye khandi.
|
|
\v 67 Khulwesio Yeso yamala arebe abo ekhumi na babiri, "Mwesi mwenya okhubwao?"
|
|
\v 68 Simoni Petero yamukalusia namuboolera ari, "Omwami niwina oundi owa khunyala okhuchira? Oli nende amakhuwa kobulamu,
|
|
\v 69 Naye efwe khwasubira khandi khumanyire mbwe niwe Kiristo, Omwana wa Nasaye mulamu."
|
|
\v 70 Yeso nakalusia nababoolera, "Sinesie owa balobola, eng'we ekhumi nababiri, naye mulala khwing'we ne sikhieno?"
|
|
\v 71 Lino yalomaloma khu Yuda Isikarioti omwana wa Simoni: omulala khu ekhumi nababiri oyo owa khamukhobe.
|
|
\c 7
|
|
\cl Omuliango 7
|
|
\p
|
|
\v 1 Lunyuma lwa makhuwa kano koosi, Yeso yabodokhana Galilaya, khulwo khuba siyadakha okhuchia Buyudea sikera Bayaudi bakonyanga okhumwira.
|
|
\v 2 Naye omukholo kwa ya makhema kwali nikuli ambi.
|
|
\v 3 Abasiani babwe bamala bamuboolere, "Rula mumaloba kano ochie Buyudea, mbwe abeeka bao boosi banyale okhubona emirimo kiokholanga.
|
|
\v 4 Abulao omuundu oukholanga sindu sioosi mukhwekisa niyenya okhumanyikha mubwakhakhu. Noli okhola ebindu bino, werusie alafu musialo."
|
|
\v 5 Kata kario abasiani babwe bosi sibamusubira.
|
|
\v 6 Naye Yeso namala nababoolera, Ebikha biange bisiri okhula, ne ebieng'we bikha biliwo buli lwosi.
|
|
\v 7 Esialo sisinyala okhubasiula eng'we, sisiula esie khulwo khubera mbolanga obuloli bubola mbwe ebikhole bisirimo nebibi.
|
|
\v 8 Eng'we muchie mumukholo: Esie khasinjia khulwo khubera ebikha biange bisiola." Niyakhamala okhubaboolera
|
|
\v 9 amakhuwa kano, omwene yadong'a Galilaya.
|
|
\p
|
|
\v 10 Ne kata kario abasiani babwe nibali bakhamala okhuchia mumukholo, yesi yachia, mukhwekisa.
|
|
\v 11 Abayaudi bali nibamukonyanga mumukholo nende okhurebana, "Ali ena?"
|
|
\v 12 Khwali nende amabuburo mangi akari womukanda khulondana ninaye. Abaandi babola, "Nomundu mulayi." Naye abaandi babola," khaba, alikhukosia nabacha abaandu."
|
|
\v 13 Ne kata kario abulao muundu walomaloma mubwakhakhu khulondana naye khulwo khuria Bayaudi.
|
|
\p
|
|
\v 14 Ngolwa omukholo kwali nikuli akari, Yeso yachia muhekalu nachaka okhwekesia.
|
|
\v 15 Abayaudi baukisibwa muno, nibabola, "Omundu uno nomumanyi wa makhuwa maangi? Ne khandi abula masomo."
|
|
\v 16 Yeso yabakalusia nababoolera ari, "Amekesio kandi ninako sinakange, arali nakoyo owanduma.
|
|
\v 17 Omuundu yesi niyenya okhukhola elienya liaye, ananyola okhumanya amekesio kano, nikali mbwe karula khu Nasaye, kose ndebolanga omwene.
|
|
\v 18 Ula owa mbolangakho omwene akonyanga oluyali lwaye mwene, naye ula akonya oluyali lwa oyo wamuruma, omuundu oyo nowadieri, khandi obumayanu bwoosi sibumulimo khaba.
|
|
\v 19 Musa siniye yababeresia malako? Ne kata kario abulao khwing'we oukalondanga. Khu sina mukonyanga okhunjira?"
|
|
\p
|
|
\v 20 Omukanda kwamukalusia, "Oli nesikhieno. Niwina ukonyanga okhwira?"
|
|
\v 21 Yeso yabakalusia nababolera, "Kholerekho sa omulimo mulala, nimwesi muli khuukisibwa ninakwo.
|
|
\v 22 Musa yababeresia esikhebo sikali mbwe siarula khu musa, arali siarula khu baakuka, naye khandi mukheba omuundu inyanga ya Isabato.
|
|
\v 23 Nikakhaba mbwe omuundu akheberwe inyanga ya Isabato mbwe kario lilako lia Musa silifunakwe, khulwa sina mudirwe nende lirima khwisie khulwo khubera mbonesie omuundu inyanga ya Isabato?
|
|
\v 24 Murakhalakanga musango ngolwa mubona, arali mubulungifu."
|
|
\p
|
|
\v 25 Balala khu abo barula Yerusalemu barebana, "Siali uno owa bakonyanga okhwira?
|
|
\v 26 Lole, ali ano mubwakhakhu, alomaloma nende ichuoni, ne sibulao sia bamuboolera. Sibinyalikha mbwe abaruki bamanyire bwadieri mbwe uno niye Kiristo, binyalikha?
|
|
\v 27 Kata kario khumanyire ewa uno arula. Khumalakho Kiristo niyecha, abulao owakhamanye ayakhabe narulire."
|
|
\p
|
|
\v 28 Yeso yakingula lidoboosi liaye akulu muhekalu, niyekesia naboola, "Eng'we mwesi mumanyire khandi mumanyire andulanga. Sindecha khulwange omwene, arali oyo owanduma niwabwadieri, naye eng'we simumumanyire.
|
|
\v 29 Esie mumanyire khulwo khuba ndula khuniye ne niye owanduma."
|
|
\p
|
|
\v 30 Bakonya nga bakhamudira, arali abulao yeesi owamurakho omukhono khulwo khuba ebikha biaye biali bisiri okhula.
|
|
\v 31 Okhumalakho abaangi mumukanda bamusubira, naye nibamala nibereba mbwe, "Oyo Kiristo niyakheche, yakhakhole ebilolero bikhira bia uno yakhakhola?"
|
|
\v 32 Bafarisayo baulira abaandu nibabwebwerana amakhuwa kano khulondana nende Yeso, omukukhani mukhongo khalala nende bafarisayo baruma basikari okhuchia okhumudira.
|
|
\p
|
|
\v 33 Yeso yamala ababolere ari, "Siri ninang'we khulwa bikha bididi, nibiakhabwa khoyera khukalukhira ulia owanduma.
|
|
\v 34 Mwakhangonye nisimwakhanyole: owesie njia, eng'we simwakhechayo."
|
|
\v 35 Bayaudi balomaloma abene khu bene, "Anacha ena omuundu uno owa khuranyala khwamunyola? Anachia yeyunge Mubayunani basalana mani anyole okhubekesia Bayunani?
|
|
\v 36 Nilikhuwa sina lino liaboolere, "Mbwe mwakhangonye nisimwakhanyole; owanjia: eng'we simwakholayo?"
|
|
\p
|
|
\v 37 Bulano khunyanga imalirikha, ila ikhongo yomukholo okwo, Yeso yema mani nalangirira, naboola, "Omundu yesi ouli nobuluo lekhe yeche khwisie ang'we.
|
|
\v 38 Oyo yesi ousubirira, ngolwa maandiko kaboola, emialo kia maachi malamu kinakhulukusia khurula munda yaye."
|
|
\v 39 Khumalakho yaboola kano khulondana nende Roho, oyo owabala bamusubira bachia okhunyoola: kario Roho yali nasiri okhuberesanwa, khulwo khuba Yeso yali nasiri okhukingulwa.
|
|
\p
|
|
\v 40 Obuungi bwa abo bali mumukanda, ngolwa baulira amakhuwa kano, baboola, "Uno mubwadieri no munabii."
|
|
\v 41 Abaandi baboola, "Uno niye Kiristo. Ne kario abaandi baboola, "Kiristo arula Galilaya?
|
|
\v 42 Maandiko sikaboola mbwe Kiristo yakheche khurula khu lwibulo lwa Daudi khandi khurula Bethelehemu, olukongo lwa Daudi yamenyangamo?"
|
|
\v 43 Khulwo, obukabukhani bwarulirao akari wabaandu okhulondana ninaye.
|
|
\v 44 Abaandi khu nibo badakha adirwe, arali abulao wamurakho mikhono kiaye.
|
|
\p
|
|
\v 45 Abasikari bamala bakalukhe khu bakhongo ba bakukhani nende Bafarisayo, ne nibabareba, "Khulwasina nimuramurera?"
|
|
\v 46 Ne abasikari nibabakalusia, "Abulao omuundu wakhamala okhulomaloma nga uno."
|
|
\v 47 Khubera, Bafarisayo babareba, "Mwesi mumalire okhubachwa?
|
|
\v 48 Balikhoo balala khubaruki kata mufarisayo bamalire okhumusubira?
|
|
\v 49 Kata kario omukanda kuno kuramanyire malako, no kwesichubo."
|
|
\p
|
|
\v 50 Nikodemu mulala khu mafarisayo oyo wamuchira esiro yababolera,
|
|
\v 51 "Amalako kefwe kakhalakira omuundu nasiri okhuulirwa nende okhumanyirisia esiakholanga?"
|
|
\v 52 Bamukalusia nibamureba bari, "Wesi orula Galilaya? Konya mani olole mbwe abulao omunabii khurula Galilaya."
|
|
\p
|
|
\v 53 Baandu boosi basakukha buli siamulala nachia ingo wae.
|
|
\c 8
|
|
\cl Omuliango 8
|
|
\p
|
|
\v 1 Yeso yachia khulugulu lwa Olives.
|
|
\v 2 Ichuli mumabwibwi yecha mukhekalu khandi, abaandu boosi bamala bechie: yekhala asi nachaka okhubekesia.
|
|
\v 3 Naye Abaandiki nende Bafarisayo balera omukhasi owali nanyolekhane musikhole siobucheke. Bamala bamwemekhe akari womukanda.
|
|
\v 4 Nibamubolera, "Omwekesia, omukhasi uno anyolekhane nakhola obucheke.
|
|
\v 5 Bulano mulilako, Musa arulaka okhukhuya abaandu nga bano nende amakina, ewe oboola sina khulondana ninaye?"
|
|
\v 6 Baboola lino khulwo khumutema, kario banyole esio khwedirakho, banyoole khumusitaka, khumalakho Yeso yagunama asi nachaka okhwaandika khu maloba nende olwala lwaye, nabulerere nga omuundu orabaulire.
|
|
\v 7 Ngolwa bachirira okhumureba marebo, yakingukha niyema nababoolera,"Oyo akari weng'we ubula sionono, abe owamberi khumulasa likina."
|
|
\v 8 Khandi yagunama asi, nachiririra khu maloba nende olwala lwaye.
|
|
\v 9 Nibaulira, lino, buli siamulala nakhalakirwa mumwoyo kwaye, bachaaka okhubwao, khurula khu mukhulundu wabwe khula khumudidi. Yeso yenyoola nadong'ere yeng'ane, nende, omukhasi ula niyemere awo.
|
|
\v 10 Olwa Yeso yeema, nibinyolekhana mbwe omuundu yeesi siyaliwo okhumalakho omukhasi oyo, yamureeba, "Omukhaye baliena bakhalaki bao? Abulao kata mulala oukhukhalakire musango?"
|
|
\v 11 Yamukalusia namuboolera ari, "Abulao, Omwami." Yeso namuboolera, "Siesi sikhukhalakira khaba. Bwao norakhola sionono."
|
|
\p
|
|
\v 12 Yeso yabalomalomera khandi naboola, "Nesie obulafu bwesialo, oyo ounonda sanakenda musirima arali achia khuba nende obulafu bwo bulamu."
|
|
\v 13 Bafarisayo nibamuboolera, "Ewe oli khwerusirianga obuloli omwene, obuloli bwao sino bwadieri."
|
|
\v 14 Yeso yakalusia nababoolera, "Kata kario nindekhoolera obuloli bwange omwene, obuloli bwange nobwadieri: khulwo khuba manyire owandarula, nende owanjia, naye eng'we simumanyire ewandarula nende ewanjia.
|
|
\v 15 Mukholanga obukhalaki bwo mubiri: naye esie sikholanga obukhalaki khu muundu yesi.
|
|
\v 16 Kata kario nikhalaka, obukhalaki bwange nobwadieri khulwo khubera sindi sieng'ane, naye ndi khalala nende Baba owanduma.
|
|
\v 17 Kaandikwa mumalako keng'we mbwe obuloli bwa baandu babiri nibwadieri.
|
|
\v 18 Nisie omwene ourusia buloli bwange, naye Baba owanduma akhola buloli bulondana nange."
|
|
\p
|
|
\v 19 Bamureba nibaboola, "Baba wao ali ena?" Yeso yabakalusia, "Eng'we simumanyire, ne, kata Baba: bibere mbwe mwamanya, mwakhamanyire Baba yesi."
|
|
\v 20 Yaboola makhuwa kano muimbikhiro ngolwa yachiririra okhwekesia mukhekalu, naye abulao muundu yeesi owa mudira khulwo khuba ebikha biaye biali bisiola.
|
|
\p
|
|
\v 21 Khandi Yeso nababoolera, "Ndikho mbwao: muchia khungonya, ne kata kario mucha khufwira mubionono bieng'we, ewanjia eng'we simwakhechayo."
|
|
\v 22 Bayaudi nibarebana, "Achia okhweira? khulwo khuba aboola mbwe, owachia efwe sikhunyala khwachiayo?
|
|
\v 23 Yeso nababoolera, "Eng'we muli ba asi ano, nange ndula akulu. Eng'we muli bomusialo; Esie sindi womusialo muno.
|
|
\v 24 Khu, ako, mbaboolere mbwe mwakhafwe mubionono bieng'we: khulwo khuba nimurasubira mbwe NISIE UNO, muchia khufwira mubionono bieng'we."
|
|
\p
|
|
\v 25 Nibamala nibamureba khandi, "Niwe wina? Yeso nababoolera, nisie ula owa mbaboolere khurula mukhuchaka.
|
|
\v 26 Ndi nebiindu biingi bioboola nende oyaasia akulu weng'we. Khumalakho, oyo owanduma nowadieri: kario mboleranga esialo makhuwa ka mbulire khuniye."
|
|
\p
|
|
\v 27 Sibamanyirisia mbwe yali nabalomalomeranga khulondana nende Samwana.
|
|
\v 28 Yeso nababoolera, "Nimwakhabe nimukingulire Omwana Wo mundu akulu, khu mwakhamanye mbwe NISIE, mbwe khandi sibulao esiakholanga khulwange omwene: khumalakho ngolwa Baba yanjekesia nilwo lwambolanga biindu bino.
|
|
\v 29 Naye oyo owanduma ali ninange, Baba siyandekha sieng'ene, khulwo khuba buli lwosi kholanga bilia ebimukheresia."
|
|
\v 30 Ngolwa Yeso yameda okhuboola amakhuwa kano, buungi bwa baandu bamala bamusubirire.
|
|
\p
|
|
\v 31 Yeso naboolera Bayaudi abo bamusubira ari, "Eng'we nimuchiririra mulikhuwa liange, abwene awo, munaba abeeka bange bobwadieri:
|
|
\v 32 Ne, munamanya obwadieri, nabwo obwadieri bunabakhola okhuba balekhule."
|
|
\v 33 Nabo nibamukalusia bari, "Efwe khuli bolwibulo lwa Ibrahimu, naye khurabakho barumwa bomuundu yesi yesi, oboola orie, "Mbwe munakholwa balekhule?"
|
|
\v 34 Yeso nabakalusia ari, Mubwadieri, mubwadieri, mbaboolera, Oyo yesi ukhola sionono, nomurumwa wasio.
|
|
\v 35 Naye omurumwa si amenyanga munyumba chinyanga chioosi: khumalakho omwana amenyanga chinyanga chioosi.
|
|
\v 36 Khu kario, Omwana nabakhola okhuba balekhule, munaba balekhulwe bobwadieri.
|
|
\v 37 Manyire mbwe muli bolwibulo lwa Ibrahimu: ne kata kario mukonya okhunjira, khulwo khuba likhuwa liange libula obweyango mukari mweng'we.
|
|
\v 38 Nomanomanga kalia akambwene khurula khu Baba: naye eng'we mukholanga kamubwene khu baseng'we."
|
|
\p
|
|
\v 39 Bamukalusia nababoolera bari, "Ibrahimu nisefwe." Naye Yeso nababoolera, "Mubere abaana ba Ibrahimu, mwakhakholere emirimo kilondana nende Ibrahimu.
|
|
\v 40 Ne khulwa bulano mukonya khunjira, omuundu ubaboolere obwadieri bwambulire khurula khu Nasaye.
|
|
\v 41 Mukholanga ebikhole bia seng'we. Nabo nibakalusia nibamuboolera, Efwe sikhwebulwakho mubucheke: khuli nende Sefwe mulala, ouli Nasaye."
|
|
\v 42 Yeso nababoolera ari, "Nasaye abere mbwe niseng'we, mwakhakherere, khulwo khuba ndarula khu Nasaye, sindecha khulwange omwene, arali niye owanduma.
|
|
\v 43 Khulwa sina simumanyirisia amakhuwa kange? Nikhubera simunyala okhuulira amakhuwa kange.
|
|
\v 44 Eng'we muli abaseng'we sietani, ne mukheresebwa okhukhola amenya ka seng'we. Yali omwiri khurula mukhuchaka, khubera siyemanga mubwadieri khulwo khuba obwadieri sibuli mukari mwaye. Nalomaloma obubacha, abechanga alomaloma eimera yaye khulwo khuba nimubacha khandi niye simwana obubacha.
|
|
\v 45 Naye, khulwo khuba mbaboolera obwadieri, khaba simuli okhusubira.
|
|
\v 46 Niwina khweng'we owakhambolakho esionono? Nikali mbwe mbolanga obwadieri khulwa sina simusubirira?
|
|
\v 47 Oyo ouli wa Nasaye auliranga amakhuwa ka Nasaye, khu kario eng'we simu kauliranga, khulwo khuba simuli aba Nasaye."
|
|
\p
|
|
\v 48 Bayaudi nibamala nibamukalusia bari, "Efwe sikhuboolanga obwadieri mbwe oli Musamaria naye khandi olimo sikhieno?
|
|
\v 49 Yeso nabakalusia, esie mbula sikhieno, khumalakho mberesianga Baba wange siribwa, naye eng'we simumberesia siribwa khaba.
|
|
\v 50 Esie singonyanga oluyali lwange omwene: aliwo mulala ukonyanga nakhalaka.
|
|
\v 51 Mubwadieri, mubwadieri, mbaboolera, omuundu yeesi niyelinda mulikhuwa liange, khaba siyakhalole elifwa khaba."
|
|
\p
|
|
\v 52 Naye Bayaudi nibamuboolera bari, "Bulano khwakhamanya mbwe olimo sikhieno. Ibrahimu nende abanabii bafwa: naye ewe oboola mbwe, "Omuundu yesi nalinda likhuwa liao sanaboona lifwa khaba.'
|
|
\v 53 Ewe soli mukhongo khukhira sefwe Ibrahimu nende banabii bafwa, oli khwekingula khwekhola wina?
|
|
\v 54 Yeso nakalusia ari, "Esie nindekingimisia omwene, okhwekingimisia khwange nebikhaya: ni Baba niye oungingulanga _ oyo owa mubolanga mbwe ni Nasaye weng'we.
|
|
\v 55 Eng'we simwamumanya khaba: nange mumanyire. Nimboola, mbu sindamumanya, mba ndaba nga eng'we, ababacha. Ne kata kario, esie mumanyire khandi nindanga likhuwa liaye.
|
|
\v 56 Seng'we Ibrahimu sangalira okhuboona ludalo lwange, niyakhalubona, yali musangafu muno."
|
|
\p
|
|
\v 57 Khandi Bayaudi nibamuboolera, "Ewe osiri khusia emiaka makhumi karano, noboola mbwe wamubona Ibrahimu?"
|
|
\v 58 Yeso nababoolera, Mubwadieri, mubwadieri, mbaboolera, Ibrahimu nasiabao, NDALIWO."
|
|
\v 59 Badola makina okhumulasira, arali Yeso yekisa namala narula erwanyi weikhekalu.
|
|
\c 9
|
|
\cl Omuliango 9
|
|
\p
|
|
\v 1 Ne ngolwa Yeso yali nabira, yaloola omuundu mwofu khurula okhwibulwa khwaye.
|
|
\v 2 Abeeka baye bamureba, "Omwami, niwina owakhola chimbi, omuundu uno, kose abebusi baye, khuniyebulwa omwofu?"
|
|
\v 3 Yeso nabakalusia ari, "Omuundu uno siyakhola chimbi, kata abebusi baye, biekhola birio mbwe emirimo kia Nasaye kinyole okhwelolosia.
|
|
\v 4 Khoera okhukhola emirimo kia ula owanduma nisisiri esidere, esiro silikho siicha siomundu aranyala okhukhola omulimo.
|
|
\v 5 Esie nisiri musialo, Nisie obulafu bwo musialo."
|
|
\p
|
|
\v 6 Lunyuma lwa Yeso okhuboola makhuwa ako, yafucha mare khuloba, nakhola lidosi lia mare, namala niyoma echimoni chiaye nende lidosi rilia.
|
|
\v 7 Namala namuboolera ari," Chia weyosie mulidiba lia Siloamu" sifunane sielira lino "owarumwa". Kario, omuundu oyo yachia yeyosia, mani yakalukha naboona.
|
|
\v 8 Abamenyeranwa bo mundu oyo nende balia boosi, abali nibamumanya nga omwofu, barebana mbwe, "Uno siniye owekhalenge nasabirisia?
|
|
\v 9 Abaandi baboola mbwe," Niye ", Nabaandi nibaboola mbwe siniye, khumalakho afwanana ninaye." Naye omwene niyeboola mbwe, "Nisie."
|
|
\v 10 Nibamureba khandi, "Chimoni chiao chifungukhe chirie?
|
|
\v 11 Yabakalusia ari, "Omuundu ulangwa Yeso, akasisie lidosi nambakha khu chimoni namboolera mbwe, 'Chia mudiba lia siloamu weyosie. Njire nindeyosia, awo niwo anjakire okhuboona."
|
|
\v 12 Nibamala bamureba mbwe, "Aliena? Yabakalusia ari akorerwe owali.
|
|
\p
|
|
\v 13 Bamala barere omuundu oyo, owali mwofu khu Bafarisayo.
|
|
\v 14 Naye yali inyanga ya Isabato, niyo ya Yeso yanyooba lidosi namubwikhula chimoni.
|
|
\v 15 Khandi kario Abafarisayo boosi nibamureba ngolwa anyolere okhubwikhulwa chimoni. Namala nababoolera ari, "Abakhire lidosi khu moni chiange, Nimala chiosia, naye bulano mbona."
|
|
\v 16 Abalala khu Bafarisayo nibabola, "Omuundu uno siwa Nasaye khaba, khulwo khuba salindanga Isabato khaba." Nibaandi nibaboola bari, "Binyalikhana birie omwononi okhukhola ebia makana nga bino biri? Obukabukhani bwarulirao akari wabwe.
|
|
\v 17 Khandi nibareba oyo owali mwofu mbwe, "Ewe obolakho sina khu oyo ukhuonisie chimoni chiao? Nabakalusia ari, "nomunabii."
|
|
\p
|
|
\v 18 Kario, Abayaudi sibamala basubire mbwe yali omwofu, mani yali nanyolere okhuona, okhula balange abebusi baye.
|
|
\v 19 Bamala barebe abebusi baye, "Uno niye omwana weng'we yebulwa nali mwofu? Binafwana birie mbwe bulano alikho abona?
|
|
\v 20 Abebusi baye bakalusia nibaboola bari, "Khumanyire mbwe uno niye omwana wefwe, owebulwa nali omwofu.
|
|
\v 21 Khumalakho, ngolwa anyolere khuchaka khuboona, efwe sikhumanyire, omwene nomukhulundu mumurebe, anyala yelomalomera."
|
|
\v 22 Abebusi balomaloma bario, khulwo khubera baria Abayaudi, sifune siali mbwe Bayaudi bali nibamalire okhufukirisania mbwe omundu yesi oweyama mbwe Yeso niye Kiristo, yerusibwe khurula Musinagogi.
|
|
\v 23 Khulwo khubera ebiene bino, nibio biakera abebusi baye nibaboola mbwe, "Omwene nomukhulundu, mumurebe."
|
|
\p
|
|
\v 24 Balanga khandi Omuundu oyo owali mwofu, nibamuboolera bari, Beresia Nasaye oluyali. Efwe khumanyire mbwe omuundu oyo nomukholi wechimbi"
|
|
\v 25 Omuundu oyo nabakalusia ari, "Esie simanyire nali omukholi wechimbi, manyire sindu silala: Ndabere omwofu, ne khulwa bulano ndikho mboona."
|
|
\v 26 Khandi nibamureba bari, "Nisina esia akhukholere? Afungule arie chimoni chiao?"
|
|
\v 27 Naye nabakalusia mbwe, "Malire okhubabolera, nang'u simuulire. Khulwa sina mudakha khuulira khandi? Mwenya mwesi khuba abeeka baye?"
|
|
\v 28 Bamala bamwalabire nende khumunyeka, Omalire okhuba omweka waye, efwe khuli balondi ba Musa.
|
|
\v 29 Khumanyire mbwe Nasaye yalomaloma nende Musa, naye sikhumanyire owa muundu uno arula."
|
|
\v 30 Omundu oyo yabakalusia nababolera, "Lino nelikhuwa liukisia, mbwe simumanyire owarula, ne kata kario abwikhule chimoni chiange.
|
|
\v 31 Khumanyire mbwe Nasaye sia auliranga abakholi bechimbi khaba, ne, kario omuundu nali omulami wa Nasaye, nikhandi akholanga lienya liaye, amuuliranga.
|
|
\v 32 Khurula esialo nisibao bisiaulirikhana mbwe omuundu yesi yamala abwikhule chimoni chia ulia yebulwa nali omwofu.
|
|
\v 33 Bibere mbwe omundu uno siarula khu Nasaye, siayakhakholere esindu khaba."
|
|
\v 34 Bamukalusia nibamuboolera bari, "Ewe webulwa muchimbi, ne, bulano wenya khurwekesia? Bamala bamusukune erwanyi.
|
|
\p
|
|
\v 35 Yeso yabulira mbwe bamusukune erwanyi wa Isinagogi. Ne, niyali niyakha munyoola, yamureba ari, "Osubira mu Mwana wa Nasaye?
|
|
\v 36 Yakalusia nareba, "Omwami, aliena, musubirire?"
|
|
\v 37 Yeso yamuboolera ari, "Omalire khumuboona, niye oulomalomanga ninawe."
|
|
\v 38 Naye naboola mbwe, "Omwami, subira ", namala namwinamira.
|
|
\p
|
|
\v 39 Yeso naboola ari, "Khulwa bukhalaki esie ndecha musialo sino, mbwe kata kario abo abaraboona banyole okhubona, naye abo ababoona babe boofu."
|
|
\v 40 Balala khu Bafarisayo abali ninaye baulira makhuwa kano, ne, bamala bamurebe bari, "Fwesi khuli boofu?"
|
|
\v 41 Yeso nababoolera ari, "Mubere boofu, mwakhaumire echimbi, ne, khulwo khubera muboola, mbwe mubona, kario echimbi chieng'we chidong'a nichiriwo."
|
|
\c 10
|
|
\cl Omuliango 10
|
|
\p
|
|
\v 1 "Mubwadieri, mubwadieri, mbaboolera, ula orengira khubirira mumuliango kwesidwoli sia makondi, naye anina okhubirira buleka yindi, omuundu oyo nomwibi khandi no mung'usi.
|
|
\v 2 Oyo owingira khubirira mu muliango nomwayi wa makondi.
|
|
\v 3 Khumwene oyo, omwemeresi amalanga amufungulira muliango. Amakondi kaulira lidoobosi liaye, naye alanga amakondi kaye khulira nakemirira okhurula erwanyi.
|
|
\v 4 Niyakhamala okhukarusia kosi erwanyi, akarangirira imberi, naye makondi kamala kamulonde, khulwo khuba kamanyire lidoobosi liaye.
|
|
\v 5 Naye omurende sikakhamulonda, naye khumalakho kana mwirukha, khulwo khubera sikamanyire lidoobosi liabakeni."
|
|
\p
|
|
\v 6 Olukado luno, Yeso yababoolera, naye khumalakho sibanyoola okhumanyirisia kalia akayali nababoleranga.
|
|
\v 7 Yeso khandi nababoolera ari, "Mubwadieri, mubwadieri, mbaboolera, "Nisie omuliango kwa makondi.
|
|
\v 8 Oyo yesi owandangirira nomwibi khandi mung'usi, ne kario amakondi sikabarekeresia khaba.
|
|
\v 9 Nesie omuliango: omuundu yesi niyengira khubirira khwesie, anaonisibwa: naye khandi anengira narula nende okhunyola olwayiro.
|
|
\v 10 Omwibi siyechanga arali mbwe yebe, yere nende okhunyasia. Esie ndecha mbwe babe nobulamu khandi babe ninabwo mubwichufu.
|
|
\p
|
|
\v 11 Nesie omwayi mulayi: Omwayi mulayi arusianga obulamu bwaye khulwa makondi.
|
|
\v 12 Naye oyo owo khurungwa, orali omwayi mwene makondi, naloola isolo niicha niyerukha alekha makondi, ne isolo imala idira khandi isaakula amakondi.
|
|
\v 13 Omwene oyo yerukhanga khulwo khubera nomukhosi wokhurungwa oradeberera makondi.
|
|
\v 14 Nesie omwayi mulayi, ne khandi manyire amakondi kange, naye kosi kamanyire.
|
|
\v 15 Ngolwa Baba amanyire, nilwo lwa siesi mumanyire, naye esie mberesania obulamu bwange khu makondi.
|
|
\v 16 Ne ndi na makondi kandi karali kesidwoli sino, kosi khoyera okarera, naye kanaulira lidoobosi liange, ne khunaba nesidwoli silala nende omwayi mulala.
|
|
\v 17 Niko kakira Baba nakheera, khulwo khubera mberesania obulamu bwange, khuumale mbubukule khandi.
|
|
\v 18 Abulao muundu obubukula khurula khwesie, nesie omwene obuberesania. Ndi nobunyali bwo khuberesania, ne khandi ndi nobunyali bwo khububukula khandi. Nyola elilako lino khurula khu Baba wange."
|
|
\p
|
|
\v 19 Obukabukhani bwarulirao khandi akari wa Bayaudi khulondana nende mekesio kano.
|
|
\v 20 Obuungi bwabwe baboola mbwe, "Uno alimo sikhieno, khandi nomulalu, khusina mumurekeresie?
|
|
\v 21 Balala khunibo nibaboola mbwe, "Kano sinamakhuwa karula mu mundu ulimo sikhieno khaba. Sikhieno sisinyala okhubwikhula chimoni chia omwofu?
|
|
\p
|
|
\v 22 Mubikha ebio omukholwa kwo khurebwakho mukhono kwali kubekho mu Yerusalemu, biali chinyanga chieimboo.
|
|
\v 23 Naye yali nakendanga mubweru bwa Solomoni.
|
|
\v 24 Khandi Bayahudi bamala beeche nibamubodokhana chimbeka chiosi, nibamuboolera bari, "Ochia khurukhola khukhae okhusubira khula lina? Nibiri mbwe niwe Kiristo, rubolere mubwakhakhu."
|
|
\v 25 Yeso nabakalusia ari, "Ndababoolera, ne simwamala musubire, emirimo kia kholanga mulira lia Baba, ekiene nobuloli bulondana nange.
|
|
\v 26 Ne kata kario khaba simusubira, khulwo khubera simuli makondi kange.
|
|
\v 27 Amakondi kange kabuliranga lidoobosi liange: khandi kaamanyire, naye kanondanga.
|
|
\v 28 Mbaberesianga obulamu burabwayo khaba, sibakhabone lifwa, naye khandi abulao ouchia khubarusia khu mukhono kwange.
|
|
\v 29 Baba, owa bamberesia nomukhongo khukhira boosi, khandi sialiwo omuundu unyala khubarusia mumukhono kwa Baba.
|
|
\v 30 Esie nende Baba khuli sindu silala.
|
|
\p
|
|
\v 31 Khandi Bayaudi babukula amakina nibali nelichomo lio khumukhuya.
|
|
\v 32 Yeso nabakalusia nababolera ari, emirimo mingi milayi kiandakhabekesia khurula khu Baba: Nimulimo sina khwekio, kwamudakha khukhuya makina?
|
|
\v 33 Bayaudi nibamukalusia nibamuboolera, "Khumulimo kwosi mulayi khaba sikhukhuya makina, arali khulondana nende okhwekerania khwao khu Nasaye, ewe omuundu, oli khwekhola Nasaye."
|
|
\v 34 Yeso nabakalusia ari, "Sikaandikwa mumalako keng'we mbwe, "Ndaboola, "Eng'we muli runasaye "?
|
|
\v 35 Nikakhaba mbwe yabalanga runasaye, balia belikhuwa lia Nasaye liechera maandiko sikakhafunakwa
|
|
\v 36 Muli khuboleranga ulia owa Nasaye yakabula namuruma musialo, 'Oli khwekerania khu Nasaye: khulwo khubera mbolere, mbwe ndi Omwana wa Nasaye'?
|
|
\v 37 Nikakhaba mbwe sindi okhukhola emirimo kia Baba, murasubira.
|
|
\v 38 Ne nikali mbwe ndi okikhola, kata nimurasubira esie, subire mumirimo, mbwe munyoole okhumanya, mani musubire mbwe Baba ali mukari mwange, nange mukari mwaye.
|
|
\p
|
|
\v 39 Batema omukwakho khandi, naye kata kario yabeibakho khurula khu mukhono kwabwe.
|
|
\p
|
|
\v 40 Yamala abweo khandi khubira Yorodani khula abuundu wa Yohana yachakira okhubatisia, naye namenya eyo.
|
|
\v 41 Abaandu baangi bamwichira, ne nibamuboolera mbwe, "nobwadieri Yohana siyakholakho ebilolero biosi, naye khumalakho amakhuwa koosi ka Yohana yabola khulondana nende omundu uno nikobwadieri."
|
|
\v 42 Obuungi bwa baandu bamala bamusubire eyo.
|
|
\c 11
|
|
\cl Omuliango 11
|
|
\p
|
|
\v 1 Naye omuundu oundi yali omulwaye, yalangwa Lasaro, owa Bethania, elidookho lia Maria nende omukhana wabwe Marita.
|
|
\v 2 Yali Maria oyo owedisia amafura kesing'ari khu makulu ko Omwami, ne niyeya amakulu kaye nende elifwiri liaye, owo musiani wabu Lasaro yali omulwaye.
|
|
\v 3 Abakhana babu bamurumira, nibaboola, Omwami lola, ulia, owawakhera alwala.
|
|
\v 4 Olwa Yeso yabulira ako, yabola, obulwaye buno sinobwelifwa, arali khulwoluyali lwa Nasaye, mbwe Omwana wa Nasaye akinguliremwo
|
|
\v 5 Naye Yeso yakhera Marita, nende omukhana wabwe, nende Lasaro.
|
|
\v 6 Olwa yali nabulire mbwe Lasaro nomulwaye, yakhindao khulwechindalo chibiri abuundu awo.
|
|
\p
|
|
\v 7 Ne lunyuma naboolera abeeka baye ari, khuchie khandi Buyudea
|
|
\v 8 Abeki baye nibamubolera bari, Omwami, Abayaudi ambi ano benyere okhukhuya nende makina, khandi wenya khuchiayo.
|
|
\v 9 Yeso nakalusia ari, sichilimo echisaa ekhumi nende chibiri muludalo. Omuundu nakenda esidere, siyegimula khaba, khulwa khuba alola obulafu bwesialo.
|
|
\v 10 Naye omuundu nakenda esiro, yegumula, okhuba obulafu bumubulamo.
|
|
\p
|
|
\v 11 Ebindu bino yaboola, nolunyuma nababoolera ari, omwicha wefwe Lasaro akonere, naye njia, mbwe mubusie mundolo.
|
|
\v 12 Naye abeki baye nabo nibaboola bari, Omwami, nakona anaba ebilayi.
|
|
\v 13 Naye Yeso yalomalomera khu lifwa liaye, nabo bapara mbwe yali alomalomere obulukha muchindolo.
|
|
\v 14 Ne yeso nabakakisiria ari, Lasaro afwire.
|
|
\v 15 Ne ndi musangafu khulweng'we mbwe khasi ndabereyo khaba, mbwe munyale khusubirira khusubirira; arali khakhumuchire.
|
|
\v 16 Naye Tomasi oulangwa mbwe Didimo naboolera abeki basie ari, khakhuchie fwesi khufwe ninaye.
|
|
\p
|
|
\v 17 Ne Yeso niyeecha, yanyola mbwe yali akonere mung'ani chinyanga chine.
|
|
\v 18 Bulano Betania yali ambi nende Yerusalemu, oburambi bwa maili chibiri.
|
|
\v 19 Abayaudi bangi bechera Marita nende Maria, okhubesasira khulwo omusiani wabwe.
|
|
\v 20 Naye Marita, olwayabulira mbwe Yeso yechaanga, yeecha khumubukananira, naye Maria niyekhala niyedemberesia munyumba.
|
|
\v 21 Ne Marita naboolera Yeso ari, Omwami, oba mbwe wali ano, omusiani wefwe khasi yakhafwire.
|
|
\v 22 Naye manyire mbwe kata ebikha bino, sioosi esiosaba Nasaye, anakhuberesia.
|
|
\v 23 Yeso namuboolera ari, omusiani wengwe anabukha khandi.
|
|
\v 24 Marita namuboolera ari, manyire mbwe yakhabukhe khandi mubulamukhi bwo oludalo lumalirikha.
|
|
\v 25 Yeso namuboolera ari, esie nesie obulamukhi, nende obulamu, oyo ousubiramo, kata nafwa, alimenya khandi.
|
|
\v 26 Naye oumenya niyasubiriremo, kata nafwa siyakhafwa khaba. osubirira kano?
|
|
\v 27 Namuboolera ari, ee, Omwami; subirira mbwe newe Kirisito, omwana wa Nasaye, oukhoye yeeche musialo.
|
|
\p
|
|
\v 28 Niyakhamala khuboola ario, yarulao, nalanga Maria mukhana wabwe masididie, namuboolera ari, omwami yakheecha, ne akhulanga.
|
|
\v 29 Kori ngolwa yabulira ako, yabukha lwangu niyeecha owa yali.
|
|
\v 30 Yeso naye yali asiri abuundu wa marita yamubukananira.
|
|
\v 31 Abayaudi bali naye munyumba, nibamwesasiranga, olwababoona narula lwangu erwanyi, bamulondakho nibapara mbwe achia khusirindwa khulira. Olwa Maria yeecha owa Yeso yali,
|
|
\p
|
|
\v 32 niyakhamuloola, yakwa mumakulu kaye, namuboolera ari, Omwami, oba mbwe wali ano, omusiani wefwe khasi yakhafwire khaba.
|
|
\v 33 Olwa yeso yamuboona nalira, alala nende Abayaudi abeecha ninaye, yabesasira mumwoyo nende khunyasibwa.
|
|
\v 34 Nareba ari, mwamurere ena? Nibamuboolera bari, Omwami, icha olole.
|
|
\v 35 Yeso yalira.
|
|
\v 36 Abayaudi nibaboola bari lolakho kori ngolwa yali yamukheera.
|
|
\v 37 Abaandi nibaboola bari, omuundu uno owekula echimoni chia abaofu, abao siyakhamukayire khufwa?
|
|
\p
|
|
\v 38 Yeso khandi nali okhuchunisibwanga mumwoyo yeecha khusirindwa. Liali liulukhu, naye likina lirerebwakho.
|
|
\v 39 Yeso yaboola ari, rusiekho likina. Marita omukhana wabwe mufu, namuboolera ari, Omwami, ebikha bino aunya: okhuba yakhamala chindalo chine nafwire.
|
|
\v 40 Yeso namuboolera ari, sibaboolere mbwe nimusubirira munaloola oluyali lwa Nasaye?
|
|
\p
|
|
\v 41 Nibamala nibarusiayo elikina ala owa omufu yali narerewo, Ne Yeso nakingula chimoni akulu, naboola ari, Baba, khubira orio mbwe umbuliranga,
|
|
\v 42 Ne manyire mbwe ombuliranga buli lwosi: Ne khulwa khubera abaandu bemere ano mboolere kene kano, mbwe bamanye mbwe wanduma.
|
|
\v 43 Niyakhamala khuboola kene ako, yalira nende lidoobosi likhongo, naboola ari, Lasaro, rula erwanyi.
|
|
\v 44 Naye owali nafwire nabukha, naboyerwe makhono nende makulu nende ingubo yomubirindwa: obweni bwaye nibuboyerwe nende sitambaya. Yeso nababoolera ari, mubmubolole, abe omulekhule.
|
|
\p
|
|
\v 45 Naye abayaudi baangi abali becheere Maria, nibakhamala khubona aka Yeso yakhoola, bamusubiriramo.
|
|
\v 46 Naye abaandi barulao nibachira Abafarisayo, nibababoolera aka Yeso yali akholeere.
|
|
\v 47 Abakukhani bakhongo nende Bafarisayo nibakhola omukhung'ano, nibarebana bari khukhole sina? Okhuba omuundu uno akhoola ebiamakana bingi.
|
|
\v 48 Nikhumulekha yengene, abaandu boosi banamusubiramo: naye Abaruumi baneecha babukule esimenyo siefwe nende esialo siefwe.
|
|
\p
|
|
\v 49 Arali mulala khunibo, olangwa mbwe Kefa, owali mukukhani mukhongo omwaka okwo, nababoolera ari, mukorerwe liosi,
|
|
\v 50 kose simumanyire mbwe bienyekhana, omuundu mulala khufwira baandu, mbwe sialo sioosi sikhaye khusasikha.
|
|
\v 51 Ne kano siyeboolera omwene: nabere omukukhani mukhongo omwaka okwo, yarusia obunabii ari, Yeso akhoyere afwire sialo esio.
|
|
\v 52 Sinimusialo esio sionge'ne, arali mbwe abusie alala abaana ba Nasaye abasalana mubialo.
|
|
\v 53 Ne okhuchaka ludalo olwo bakhola mukhunga'no mbwe bamwire.
|
|
\p
|
|
\v 54 Yeso siyachiririra okhukenda niyelolesia khu bayaudi; arali yaachia musialo esili ambi nende luumirira, mu lidookho lilangwa mbwe Ephraim, nachiririra nende abeeka baye.
|
|
\p
|
|
\v 55 Naye pasaka ya Bayaudi yali ambi, ne abaangi barula musialo nibachia Yerusalemu pasika niisiri khuula, khulwo khwelabia,
|
|
\v 56 Ne nibakonya Yeso, nga baboolanira beene nibemere muikhekalu, mbwe mupara aneecha musiserero sino?
|
|
\v 57 Ne boombi abakukhani bakhongo nende Abafarisayo bali nibabisisie likhuwa mbwe niyakhabao omumanyire owali, aboole, bamale bamukule.
|
|
\c 12
|
|
\cl Omuliango 12
|
|
\p
|
|
\v 1 Naye chindalo chisasaba Pasaka niisiri khuula Yeso yeecha Betania, Owa Lasaro yali, owali nafwire, yamulamusia.
|
|
\v 2 Nibamukaasiria esiakhulia esie ingolobe, Marita nabakhalabaniranga: Ne Lasaro nali omulala khu balia abali khumesa.
|
|
\v 3 Maria namala nabukula iratili yamafura aka narido akobukusi bwaakulu, nabakha amakulu ka Yeso, niyeya nende lifwiri liaye, inyumba niyichula esing'ari sia amafura.
|
|
\p
|
|
\v 4 Ne omulala khubeeka baye, Yuda Iskarioti, omusiani wa Simoni, ochia okhumukhoba, naboola ari,
|
|
\v 5 Nisina sikera amafura kano nikarakusibwa echdinari echimia chidaru, chiberesibwe abamanani?
|
|
\v 6 Kano siyaboola khulwo khuba adeeba bamanani khaba, arali khuba yali omwibi, okhuba yali nomufuko okwa yabukulangamo ebirimo.
|
|
\v 7 Yeso naboola, mulekhe abe, akholere ako okhulindirira indaalo yokhusikhwa khwange.
|
|
\v 8 Okhuba buli lwosi muli nende abamanani, arali esie simuli ninasie buli lwosi.
|
|
\p
|
|
\v 9 Abayaudi baangi bamanya mbwe aliwo: kata kario sibeecha khulwa Yeso yeng'ene arali babone Lasaro yesi, owali nalamusibwe khurula mubafu.
|
|
\v 10 Abakukhani bakhongo bakhobana ngabakhamwira Lasaro yesi:
|
|
\v 11 mbwe khulwo khubeera Abayaudi baangi bali nibabwao, nibamusubire Yeso.
|
|
\p
|
|
\v 12 Oludalo lulondakho abaandu baangi bali becheere musiserero, olwababulira mbwe Yeso yali yecha Yerusalemu,
|
|
\v 13 babukula amasafu kamakhindu, nibachia okhumubukananira, Nibayula, Hossana: noweikhabi Omwami omuruki owicha mulira lio omwami wa Isiraili.
|
|
\v 14 Naye Yeso: olwayanyola omwana wa ipunda, niyekhalakho: ngolwa kaandkwa,
|
|
\q
|
|
\v 15 Oraria, omukhana wa Sayoni: lola, Omuruki wao yeecha niyekhale khumwana wa ipunda."
|
|
\p
|
|
\v 16 Mukhuchaka abeeka baye sibamanyirisia amakhuwa kano, okhuula olwa Yeso yakingulibwa, nibamala nibamanyirisia mbwe ebiindu bino biandikibwa okhulondana ninaye, ne mbwe bali bamukholera amakhuwa kano.
|
|
\p
|
|
\v 17 Khu kario abaandu balia abali ninaye nabusia Lasaro khurula, musirindwa, namulamusia khurula mubafu bali nende obuloli.
|
|
\v 18 Khulwe esifunane sino abaandu babukanana ninaye, okhuba babulira mbwe yakhola esiamakana sino.
|
|
\v 19 Abafarisayo nibamala nibabolerana bari, "Mubona nga muranyala okhukayira sioosi? esialo sioosi simulondere."
|
|
\p
|
|
\v 20 Munibo balimo Abayunani balala abali beechere okhumwinamira musiserero.
|
|
\v 21 Beene abo beecha khu Filipo, owali wa Betasaida yebugalilaya, bamwekomba, nibaboola, omukhongo, khwenya okhulola Yeso.
|
|
\v 22 Filipo yeecha naboolera Anderea: khandi Anderea nende Filipo baboolera Yeso.
|
|
\v 23 Ne Yeso nabakalusia, naboola, ebikha biakhoola, mbwe Omwana wa omuundu akingulibwe.
|
|
\v 24 Bwadieri, baboolera eimwo ye ingano nirakwa muloba yafwaa, idong'anga sayong'ne: arali niifwa, yibulanga ebiamo biingi.
|
|
\v 25 Oyo oukhera obulamu bwaye alibukosia: naye oyo osiula bulamu bwaye musialo muno alibuwonia okhuula mubulamu buralibwayo.
|
|
\v 26 Omuundu yesi nakholera, anonde, ne ewandakhabe, nindi, omukholi wange yesi yakhabeo: omuundu nakholera, Baba wange anamuba siribwa.
|
|
\p
|
|
\v 27 Bulano omwoyo kwange kunyakhana, ni mbole sina? Baba, mbonie mubikha bino: ne khulwo khubera omulimo kuno, ndi mubikha bino.
|
|
\v 28 Baba kingula, lira liao. Ne idobosi niirula mwikulu, niliboola, malire okhilikingula, khandi, ndalikingula.
|
|
\v 29 Kata kario abaandu, bali nibemereo, olwababulira, baboola mbwe yadulukha: bandi nibaboola bari, malaika yamulomalomera.
|
|
\v 30 Yeso nakalusia naboola, Idobosi lino silichire khulwange, arali khulweng'we.
|
|
\v 31 Bulano nebikha biesialo khukhalakirwa: bulano omuruki wesialo sino anasukunwa erwanyi.
|
|
\v 32 Naye esie, ningingulibwa khurula khusialo, ndarera baandu boosi khwesie.
|
|
\v 33 Kano yaboola, khulwokhumanyisia elifwa lia akhoyere afwe.
|
|
\p
|
|
\v 34 Abaandu nibamukalusia, khwabulira khurula mulilako mbwe Kiristo abao chinyanga chioosi: nawe okenda orie waboola mbwe, omwana wo muundu akhoyere akingulibwe? Omwana wo muundu uno ni wina?
|
|
\v 35 Ne Yeso Nababoolra, bisiri ebikha bididi ebiobulafu khuba ninang'we. Mukende nimusiri nobulafu, esirima sirabechakho: okhuba oyo okendera musirima samanyire ewa achia.
|
|
\v 36 Nimusiri mubulafu, musubirire mubulafu, mbwe mube abaana bo bulafu. Yeso yaboola bino, narulao, namala nabekisakho.
|
|
\v 37 Naye kata niyali nakholere ebiamayia biingi imberi wabwe, basiri si bamusubiramo.
|
|
\v 38 Mbwe elia omunabii Isaya yaboola liulilire, naboola, "Omwami, wina owasubira elikhuwa liefwe?, naye omukhono kwa Nasaye kwafunulirwa wina?
|
|
\v 39 Khu kario sibali basubirira, ngolwa Isaya yali khandi naboolere:
|
|
\v 40 Yoofusia chimoni chiabwe, khandi niyomirania emioyo kiabwe: mbwe baralola nende chimoni chiabwe, kose okhubulira nende emioyo kiabwe, mbwe bekalukhanie, male baonie.
|
|
\p
|
|
\v 41 Kano Isaya yaboola, nabwene oluyali lwaye, namulomalomere.
|
|
\p
|
|
\v 42 Kata kario mubaruki bakhongo baangi bamusubiramo: Ne khulwo khubera bafarisayo sibamwerumbulira, bamala barusibwa musinagogi.
|
|
\v 43 Okhuba bakheera ifuma ya baandu khukhira ifuma ya Nasaye.
|
|
\p
|
|
\v 44 Yeso yalira naboola, oyo osubiriramo, sasubirire mwesie, arali lia owanduma.
|
|
\v 45 Naye oyo oundola, alola owanduma.
|
|
\v 46 Ndeecha ngobulafu musialo, mbwe oyo osubiriramo aradong'a musirima.
|
|
\p
|
|
\v 47 Naye omuundu nabulira makhuwa kange, ne sasubirira, simukhalakira khaba: okhuba sindeecha okhukhalakira esialo, arali okhusionia.
|
|
\v 48 Oyo okhaya, ne safukirira makhuwa kange, ali nende omukhalakira: elikhuwa lianomanome, elio nilio liakhamukhalakire oludalo lumalilikha.
|
|
\v 49 Okhuba sindelomalomere, arali khulwa Baba owanduma, yamba elilako, kalia akakhoyeere mbole, nende akakhoere nomanome.
|
|
\v 50 Ne manyire mbwe elilakano liaye nobulamu buralibwayo; Kario ngolwa Baba yamboolera, nilwo olwanomanoma.
|
|
\c 13
|
|
\cl Omuliango 13
|
|
\p
|
|
\v 1 Bulano esiserero sia Pasika nisisiri okhuula, Yeso namalire khumanya mbwe ebikha biaye biokhurula musialo nachia owa samwana biulire, namalire khukhera abali baye musialo, yabakhera khuula khumalirikha.
|
|
\v 2 Esiakhulia esia ingolobe nisibwere, sietani namalire okhura elichomo liokhumukhoba mumwoyo kwa Yuda Iskarioti omwana Simoni,
|
|
\v 3 Yeso _ namanyire mbwe samwana yara ebindu bioosi mumakhono kaye, Ne mbwe yarula owa Nasaye khandi akalukha khu Nasaye:
|
|
\v 4 Yabukha khurula khusiakhulia sie ingolobe, nara indulo elijora lie ingubo yaye.
|
|
\v 5 Niyakhamala ario yachukha amaachi mu ikaraya, nachaka okhwosia amakulu kabeeka nende okhubapangusia nende itaulo ya yali niyeboyere.
|
|
\p
|
|
\v 6 Ne olwayola khu Simoni Petero, ne Petero naboola, "ewe omwami, wosie amakulu kange?"
|
|
\v 7 Yeso nakalusia namuboolera, akakhola bulano ewe okakororwe, arali wakhakamanye lunyuma lwa ano.
|
|
\v 8 Petero namuboolera, ewe sonyala okhwosia makulu kange. Yeso namukalusia, nindarakhwosia, obula esimeka ninange.
|
|
\v 9 Simoni Petero namuboolera, Omwami, sinamakulu kange kong'ane, arali amakhono kosi nende omurwe.
|
|
\v 10 Yeso namuboolera, "owosebwe siyenya elindi arali khwosia makulu, arali nomulafu buli abuundu: ne muli abalafu arali simwesi khaba."
|
|
\v 11 Okhuba yali namanyire onamukhoba: kario, yaboola simuli mwesi abalafu khaba.
|
|
\p
|
|
\v 12 Kho niyakhamala okhubosia makulu, khandi niyakhabukula elijora liaye, niyakhekhala asi yababoolera ari, mumanyire eliandakhabakholera?
|
|
\v 13 Munanganga mbwe omwimiriri nende omwami: ne mubolanga abwene, nilwo olwandi.
|
|
\v 14 Nikakhaba omwami khandi omukhongo weng'we, ndakhosia amakulu keng'we, kenyekhana mwesi mwosanie amakulu.
|
|
\v 15 Embaberesie esilolero, mbwe mukhole ngolwa bakholere.
|
|
\v 16 Bwadieri bwadieri, babolera, omurumwa sakhira omwami waye: kata omurumwa sakhira owamuruma.
|
|
\v 17 Nimumanyire kano, abasangafu neng'we nikali mbwe mukakhola.
|
|
\v 18 Sibalomalomeranga eng'we mwesi: manyire owandalobola, arali mbwe maandiko kolerere, ulia olia nange mugaati akingulire sisiro siaye.
|
|
\p
|
|
\v 19 Bulano baboolera nikasiekholekha, mbwe, nikekholekha, mumanyirisie mbwe nesie.
|
|
\v 20 Obwadieri obwadieri ebaboolera, omufukirira yesi owaanduma afukirira esie, naye oufukirira esie afukirire owaanduma.
|
|
\p
|
|
\v 21 Yeso niyakhamala okhuboola ako, yanyakhana mumwoyo, narumbula ari, obwadieri obwadieri mbaboolera mbwe, mulala khweng'we acha khukhoba.
|
|
\v 22 Lunyuma abeeka nibalingalana, omalala khuundi nibakanakana wina walikhubolanga.
|
|
\v 23 Omulala khubeeka baye owa Yeso yali yakhera yali namwesirirekho.
|
|
\v 24 Simoni Petero yamukingulira mukhono amurebe, owa yali nalomalomangakho.
|
|
\v 25 Nakonere khusirifu sia Yeso yamureba, omwami, niwina?
|
|
\v 26 Yeso nakalusia, niulia owa ndaberesia esironge nimalire okhuronga. Ne niyakhamala okhuronga sironge, yaberesia Yuda Iskarioti omwana wa Simoni.
|
|
\v 27 Olunyuma lwesironge sitani yamwingiramo, naye Yeso namuboolera ari, esiawenya khukhola khola lwangu.
|
|
\v 28 Abulao khumesa owali namanyire esiakera namulomalomera ario.
|
|
\v 29 Okhuba baandi bapara mbwe, khuba Yuda yali nomufuko kwelibikhiro, mbwe Yeso yali namubaliriranga okhukula ebiakhulia biesiserero, kose aberesiekho abamanani siindu.
|
|
\v 30 Niyakhamala okhunyola esironge yanguya okhurula erwanyi; ne siali siro.
|
|
\p
|
|
\v 31 Olunyuma, niyakharula erwanyi, Yeso yaboola ari, bulano Omwana wo muundu aberesibwe luyali, naye Nasaye aberesibwa luyali muniye.
|
|
\v 32 Nibiri mbwe Nasaye aberesibwa luyali muniye, Nasaye yesi achia khumuberesia oluyali muye mwene khandi achia ao nende ao okhumuba oluyali.
|
|
\p
|
|
\v 33 Abaana badidi, siri ninang'we ebikha bididi, munangonya: ngolwandabolera bayaudi, mbwe ewanja, simwakholayo, bulano mbabolera.
|
|
\v 34 Elilako liyakha baberesia, mbwe mukherane, ngolwa ndabakhera, mbwe mwesi mukherane.
|
|
\v 35 Khulwa lino abaandu boosi banamanya mbwe muli abeeka bange, nimukherana
|
|
\p
|
|
\v 36 Simoni Petero namuboolera, Omwami ochia ena? Ne Yeso namukalusia, ewanja simwakhanondakho bulano, arali mwakhanondekho lunyuma.
|
|
\v 37 Petero namuboolera, Omwami, esikira nikhaya khukhulonda ebikha bino nisina? Ndakharusie obulamu bwange khulwewe.
|
|
\v 38 Yeso yamukalusia, wakharusie obulamu bwao khulwange? obwadieri obwadieri, khubolera, idaywa sicha okhukholiokha, nosiri khundekana makhabi kadaru.
|
|
\c 14
|
|
\cl Omuliango 14
|
|
\p
|
|
\v 1 Emioyo kieng'we kiranyakhana: musubire mu Nasaye, musubiriremo siesi.
|
|
\v 2 Munyumba ya Baba khulimo nobwikhalo buungi: karakhabere kario, ndakhababoolere. Njia okhubareresiria abuundu.
|
|
\v 3 Ne ninjia ndabareresiria abaandu, ndakalukha khandi, babukule: mbwe amba nindi, mwesi mubeo.
|
|
\v 4 Naye owanjia mumanyire, khandi ingira muimanyire.
|
|
\p
|
|
\v 5 Tomasi namuboolera, Omwami, khukororwe owochia: khwakhamanya khurie ingira?
|
|
\v 6 Yeso namuboolera, esie nisie ingira, obwadieri, nende obulamu: abulao owakheche ewa Baba, arali khubirira khwisie.
|
|
\v 7 Muba mumanyire, mwakhamanyire Baba yesi: ne okhuchaka bulano mumumanyire, khandi mumubwene.
|
|
\p
|
|
\v 8 Filipo namuboolera, Omwami, rwekesie Baba, esio sinaruyera.
|
|
\v 9 Yeso namuboolera, ndakhaba ninang'we ebikha birambi, niungorerwe, Filipo? Ombwene abwene Baba: ne wakhabola orie, mbwe rwekesie Baba?
|
|
\v 10 Simusubirira mbwe ndi mubaba, ne Baba ali mwisie? Amakhuwa kababoolera sinikange: arali Baba oumenyeremo, niye okhola emirimo.
|
|
\v 11 Musubirire mbwe ndi mubaba, naye Baba ali mwisie: arali awo musubirire khubikhole.
|
|
\v 12 Obwadieri, obwadieri, ebaboolera ousubiriramo emirimo kiakhola yesi anakhola, khandi khukhirakho, khulwo khuba njia ewa Baba.
|
|
\v 13 Naye liosi elia muchia okhusaba mulira liange, ndalikhola, mbwe Baba aberesibwe luyali mu mwana.
|
|
\v 14 Nikali mbwe musaba sioosi mulira liange, ndakhola.
|
|
\p
|
|
\v 15 Nimwakhera mulinde amalako kange.
|
|
\v 16 Ne ndasaba Baba, ababeresie omukhonyereri undi, mbwe abechenge ninang'we bulilwosi.
|
|
\v 17 Oyo Roho wo bwadieri wesialo siranyala siamanyirisia, okhuba sisimulola khaba, kata khumumanya: naye eng'we mumumanyire: okhuba amenyanga mwing'we khandi anaba mweng'we.
|
|
\v 18 Sindabalekha nimubula omukhonyi: Ndeecha owamuli.
|
|
\v 19 Bisiri ebikha bididi, Ne esialo sisinandolola khandi: naye eng'we munandola okhuba menyere, mwesi munamenya.
|
|
\v 20 Inyanga eyo mwakhamanye mbwe ndi mubaba, nang'we mwesie, nasie mweng'we.
|
|
\v 21 Ouli nende amalako kange, ne khandi akalindanga, oyo niye owakhera: ne oyo oukhera anakherwa nende Baba wange, ne ndamukhera nende okhweyekesia khuniye.
|
|
\p
|
|
\v 22 Yuda (ourali Iskarioti) namuboolera, Omwami, kakhaba karie mbwe wakhelolesie khwefwe, ne siwakhelolesie khusialo?
|
|
\v 23 Yeso namukalusia namuboolera, omuundu niyakhera, analinda amakhuwa kange: ne Baba anamukhera, ne khunecha muniye, nikhumenya ninaye.
|
|
\v 24 Ourakhera sabikhanga amalako kange: naye likhuwa eliamubulira sineliange khaba, arali niliababa owanduma.
|
|
\v 25 Kano baboolere, nisiiri ninang'we.
|
|
\v 26 Naye omukhonyi, ouli Roho Mulafu, owa Baba anaruma mulira liaye, anabekesia biindu bioosi, nende okhubechulisia ebiindu biosi, bioosi ebiandababoolera.
|
|
\v 27 Omulembe mbalekhera, omulembe kwange baberesia: Simbaberesia ngolwesialo siberesanianga. Emioyo kieng'we kiranyakhana, kose kiraria.
|
|
\p
|
|
\v 28 Mwabulira ngolwa ndababoolera, mbwe mbwao, khandi ndabakalukhira, muba mwakhera mwakhasangalire, khuba ndaboola, njia ewababa: okhuba Baba nomukhongo khuukhira.
|
|
\v 29 Ne bulano baboolere nikasiekholekha, mbwe nikekholekha munyale khusuubirira
|
|
\v 30 Lunyuma lwano sindaboola maangi ninang'we: okhuba omuruki wesialo sino yeecha, ne siali nasie elikhuwa liosi.
|
|
\v 31 Arali mbwe sialo sinyole khumanya mbwe ndakheera Baba: ne ngolwa Baba yamberesia malako, siesi mbaberesia, bukhe khubweo.
|
|
\c 15
|
|
\cl Omuliango 15
|
|
\p
|
|
\v 1 Nesie omusabibu kwadieri, naye Baba niye omulimi.
|
|
\v 2 Elisaga liosi mwisie elirama ebiamo abanjulanga: naye buli lisaga eliama ebiamo alibanjuliranga mbwe limede okhwama lukali.
|
|
\v 3 Bulano muli balafu okhubirira mulikhuwa eliababoolere.
|
|
\v 4 Mwikhale mwisie, nange mweng'we, ngolwa elisaga liranyala okhwama ebiamo liene, arali nilikhala mumusabibu: simunyala khaba, arali nimwikhale mwesie.
|
|
\p
|
|
\v 5 Nesie omusabibu, nang'we muli masaga: oyo owikhala mwesie, nasie muniye, oyo yama ebiamo biingi: okhuba sibulao esiamunyala nimurali nasie.
|
|
\v 6 Omundu narekhala mwesie, asukunwanga ngelisaga, niyoma, nabaandu balibusia, nibalisukuna mumuliro, nilisambwa.
|
|
\v 7 Nimwikhala mwesie, namakhuwa kange kekhala mweng'we, munasaba esiamwenya sioosi, nimukholerwa.
|
|
\v 8 Abwene awo Baba wange aberesibwa luyali, nimwamire ebiamo biingi: eliene elio linekesia mbwe muli abeeka baange.
|
|
\p
|
|
\v 9 Ngolwa Baba yakhera, nilwo nga siesi bakherere: Muchiririre mubukheri bwange.
|
|
\v 10 Nimulinda malako kange, munekhala mubukheri bwange: ngolwa ndalinda amalako kababa, nende khwikhala mubukheri bwaye.
|
|
\v 11 Ebiindu bino baboolere, mbwe isangalo yange idong'e mweng'we, khandi mbwe isangalo yeng'we ichule.
|
|
\v 12 Lino nelilako liange mbwe mukherane, ngolwa ndabakhera.
|
|
\v 13 Aumao omuundu oli nobukheri obukhongo obukhira buno, mbwe omuundu ara obulamu bwaye asi khulwa beecha baye.
|
|
\v 14 Muli abeecha bange, nimukhola koosi akababoolera.
|
|
\v 15 Okhuchakira ano sibalanga abarumwa: okhuba omurumwa samanyanga akomukhongo waye akhola: arali balangire abeecha: okhuba ebiindu bioosi ebiambulira khu Baba mbekesianga.
|
|
\v 16 Sineng'we mwandoboola, arali nesie owabaloboola, khubakhire mafura, mbwe muchie mwame ebiamo, ne mbwe ebiamo bieng'we bimenye: mbwe esia mureba Baba mulira liange, ababeresie.
|
|
\v 17 kario balagira, mbwe mukherane.
|
|
\p
|
|
\v 18 Nikali mbwe sialo sibasiula, mumanye mbwe siasiula imberi nisiiri obasiula.
|
|
\v 19 Kaba mbwe mwali abesialo, esialo siakhakherere abasio: Nokhuba simuli besialo, ne ndabaloboola khuruula musialo, kario esialo siabasiula.
|
|
\v 20 Ichulisie elikhuwa lia ndababoolera, omurumwa sakhira omukhongo waye: nikali mbwe basandia mwesi bachia okhubasandia: nibalinda elikhuwa liange, mwesi banalinda elieng'we liosi.
|
|
\v 21 Arali Kano koosi banabakholera okhubera elira liange, okhuba sibamanyire owanduma.
|
|
\v 22 Kaba mbwe sindecha ndalomaloma nabo, sibakhabere hence imbi: ne bulano babula esifunikha imbi yabwe.
|
|
\v 23 Ousiula yasiula Baba yesi.
|
|
\v 24 Kaba mbwe sindakholere munibo emirimo kio omuundu undi asiiri okhukholakho, sibakhabere nende imbi: arali bulano barubwene nibarusuula alala nende Baba wange.
|
|
\v 25 Ne kano keecha okhwekhola mbwe likhuwa liandikwa mulilako liabwe liulirire, baasiula arali sifune.
|
|
\p
|
|
\v 26 Naye omulemesi niyeecha, owa ndakhabarumire khurula khu Baba, Roho owa bwadieri, urula khu Baba, anarusia buloli bwange.
|
|
\v 27 Ne mwesi munarusia buloli, okhuba mwakhaba ninasie khurula mukhuchaka.
|
|
\c 16
|
|
\cl Omuliango 16
|
|
\p
|
|
\v 1 Ebiindu bino baboleera, murola mwesinyikha.
|
|
\v 2 Banabarusia muchisinagogi: Ebikha bichaanga mbwe yesi yesi, obeera achia khupara mbwe akholera Nasaye emirimo.
|
|
\v 3 Naye ebiindu bino banabakholera okhuba bakororwe Baba, khandi siesi bangorerwe.
|
|
\v 4 Naye ebiindu bino babolere mbwe ebikha nibiula, mwichulisie mbwe sindababolera khulondana nabio, ne bino sindababolera khurula mukhuchaka, okhuba ndali ninang'we.
|
|
\p
|
|
\v 5 Bulano mbwao njia ewa ulia owanduma, naye abulao khweng'we oundeba, ari ochiaye?
|
|
\v 6 Ne khulwa khuba ebabolere ebindu bino, emioyo kieng'we kichulemo esibera.
|
|
\v 7 Kata kario mbabolere obwadieri: Nebiobukhonyi khweng'we mbwe mbweo: okhuba nindarabwao, omukhonyereri sanabechera, naye nimbwao, ndamuruma yeeche khweng'we.
|
|
\v 8 Ne niyecha anamanyisia esialo esiobwononi, nende esiobwadieri, nende esiobukhalaki.
|
|
\v 9 Esiobwononi, okhuba sibamusubiriramo:
|
|
\v 10 Esiobulungikhu, okhuba njia ewa Baba, ne simwakhambone khandi:
|
|
\v 11 Esiobukhalaki, okhuba omuruki wesialo sino bukhalakirwe.
|
|
\p
|
|
\v 12 Ndi nende ebiindu biingi ebiasiri khubabolera, arali ebikha bino simunyala khubiesimirisia.
|
|
\v 13 Ne kario ye, Roho wobwadieri niyeecha, anabakhonya mubwadieri bwosi: okhuba sanaboola khulondana ninaye mwene: arali liosi elianabulira, nilio elianalomaloma: ne anabamanyia akecha imberi.
|
|
\v 14 Anamberesia oluyali: okhuba ananyola khurula khwesie, nabekesia.
|
|
\v 15 Biosi ebia Baba alininabio nebiange: kho kario ndabola, mbwe anabuukula khubiange na abeekesia.
|
|
\p
|
|
\v 16 Mubikha bididi, simuchia khumbona: khandi, mubikha bididi, munambona, okhuba njia ewa Baba.
|
|
\v 17 Naye balala khubeeka baye nibarebana, Sina sino esiali khuruboolera, mbwe ebikha bididi simunambona: khandi, mubikha bididi, munambona: okhuba njia ewa Baba?
|
|
\v 18 Kario, nisina sino esia abolanga, ebikha bididi? khasikhunyala khuboola esiabolanga.
|
|
\p
|
|
\v 19 Ne bulano Yeso namanya mbwe bekomba khumureba, nababolera, muli khurebananga esiambolere, ebikha bididi, simucha khumbona: khandi, ebikha bididi, nimumbona?
|
|
\v 20 bwadieri bwadieri, baboolera, mbwe munalira, nimwekanyirisia, nasio sialo silisangala; ne munaberera, naye okhuberera khweng'we khuchia khwekalukhania khube isangalo.
|
|
\v 21 Omukhasi nalumwa aberereranga, okhuba ebikha biaye biakhola; naye olwa amala khwekhonya omwana, siyechulisianga khandi obuchuni, khulwe isangalo mbwe omuondu yebulwe musialo.
|
|
\v 22 Naye eng'we bulano muli nokhuberera; Ne ndabalola khandi, ne mwoyo kweng'we kunasangala, naye isangalo yeng'we omuundu siyakhabarusiakho.
|
|
\v 23 Indalo eyo sibulao esiamwakhandebe, bwadieri bwadieri, baboolera, siosi siosi esiamureba Baba mulira liange, anababeresia.
|
|
\v 24 Okhuula ebikha bino musiiri khurebakho liosi mulira liange; Reebe, ne munanyola, mbwe isangalo yeng'we yulirire.
|
|
\p
|
|
\v 25 Ebindu bino mbabolere muchingado; naye ebikha bichanga, sindakhalomelome ninang'we khandi muchingado, arali ndakhabamanyie mubwakhakhu akalondana nende Baba.
|
|
\v 26 Inyanga eyo mwakhasabe mulira liange; Ne sibaboolera mbwe ndilisaba Baba khulwa eng'we;
|
|
\v 27 Okhuba Baba mwene yabakhera, okhuba mwakhera, khandi mwasubirira mbwe ndarula ewa Nasaye.
|
|
\v 28 Ndarula khu Baba, ne ndeecha musialo; khandi, ndula musialo, nifunya khu Baba.
|
|
\p
|
|
\v 29 Abeeka baye nibamubolera, awo bulano olomaloma mubwakhakhu, ne sobola chingado.
|
|
\v 30 Bulano khusubirira mbwe omanyire makhuwa koosi, ne sikenyekhana omuundu yesi khukhureba; Khulwa kano khusubirira mbwe orula ewa Nasaye.
|
|
\p
|
|
\v 31 Yeso nabareba, bulano musubirira?
|
|
\v 32 Lola, ebikha bicha, eeh, bulano biolere, mbwe munasalanisibwa, buli muundu khulwaye. Ne munandekha sieng'ene; naye sindi sieng'ene, okhuba Baba ali ninasie.
|
|
\v 33 Ebindu bino nomanome ninang'we, mbwe mwesie mube nomulembe, musialo munaba nobunyakhani; arali mweberesie omwoyo; okhuba ndakhira esialo.
|
|
\c 17
|
|
\cl Omuliango 17
|
|
\p
|
|
\v 1 Yeso yaboola makhuwa kano, nakingula chimoni chaye mwikulu, naboola, Baba, ebikha biakhola, beresia oluyali omwana wao, mbwe mwana wao yesi akhube oluyali.
|
|
\v 2 Ngolwa wamuba obunyali khu biosi ebiomubiri, mbwe aberesie obulamu buralibwayo khu boosi abawamuba.
|
|
\v 3 Ne buno nibwo bulamu buralibwayo, bamanye ewe weng'ene Nasaye wabwadieri, nende Yeso Kiristo owa waruma.
|
|
\v 4 Ndakhubersia oluyali musialo; malire mirimo kiawanduma khukhola.
|
|
\v 5 Ne bulano, Baba, mbe luyali alala ninawe mwene nende oluyali lulia olwandali nalwo ninawe esialo nisisiabao.
|
|
\p
|
|
\v 6 Ndamanyisia lira elio khubaandu abawamberesia musialo; bali abao, nobamberesia, ne nibadira likhuwa liao.
|
|
\v 7 Bulano bamanyire mbwe ebindu biosi ebiawamberesia ne biao.
|
|
\v 8 Khulwo khuba ndababeresia amakhuwa kosi akawamberesia, ne basubirira mbwe wanduma.
|
|
\v 9 Balamira; sinamira esialo, arali abo abawamberesia; okhuba nabao.
|
|
\v 10 Ne boosi abange nabao, naye abao nabange; nengingulibwanga munibo.
|
|
\v 11 Ne bulano sindi khandi musialo, naye bano bali musialo, ne njicha khwewe, Sefwe Mutakatifu, balinde khubirira mulira liao liene abo abawamberesia, mbwe babe mubulala, ngolwa khuli.
|
|
\v 12 Nindi ninabo musialo, ndabalinda mulira liao; abo abawamba ndabalinda, abulao owakora, arali omwana wobukori; mbwe liandiko liulirire.
|
|
\p
|
|
\v 13 Ne bulano njicha Khu ewe; nebindu bino nomanoma musialo, mbwe banyole isangalo yange niyulirire munibo.
|
|
\v 14 Mbaberesie likhuwa liao; nesialo sibasiulire, okhuba sinabesialo, ngolwa siesi ndarali owesialo.
|
|
\v 15 Sibasaira mbwe obarusie musialo, arali obakaye nende obubi.
|
|
\v 16 Sinebesialo, ngolwa siesi ndarali owesialo.
|
|
\v 17 Balabie okhubirira mubwadieri bwelikhuwa liao; elikhuwa liao niliadieri.
|
|
\v 18 Ngolwa wanduma musialo, kario siesi baruma musialo.
|
|
\v 19 Ne khulwa nibo ndelabia, kario bosi balabisibwe okhubirira mubwadieri.
|
|
\p
|
|
\v 20 Sisaira bano bong'ene khaba, ne kata balia abakhaasubirire okhubirira mulikhuwa liabwe;
|
|
\v 21 Mbwe babe silala; ngolwa ewe, Baba, oli mwesie, nange mwewe, mbwe bosi babe silala mwefwe; mbwe sialo simanye mbwe wanduma.
|
|
\v 22 Naye oluyali lwawamberesia baberesia; mbwe babe silala, ngolwefwe khuli silala.
|
|
\v 23 Esie munibo, nawe mwesie, mbwe bakholwe obolerefu mubulala; mbwe sialo simanye mbwe wanduma, khandi wabakhera, ngolwa wakhera.
|
|
\p
|
|
\v 24 Baba, ndekomba mbwe boosi, abawamberesia, babe ninasie ewandi; mbwe balole oluyali lwange, olwawamba, khulwo khuba wakheera okhurula khuchaka khwe mise kiesialo.
|
|
\p
|
|
\v 25 Ewe Baba omulungifu, esialo sisikhumanyire; naye esie khumanyire, nebano manyire mbwe wanduma.
|
|
\v 26 Ne balandasirie liira liao, khandi ndalandasia; mbwe obukheri bulia obwawakhera ninabwo bube munibo, naye esie munibo.
|
|
\c 18
|
|
\cl Omuliango 18
|
|
\p
|
|
\v 1 Yeso niyakhalomaloma makhuwa kano, yeecha nende abeeka baye niyambukha omwalo kwa Kedroni ewomukunda kwali, niyengiramo, nende abeeka baye.
|
|
\p
|
|
\v 2 Naye Yuda yesi, owamukhoba, yamanya abuundu ao; okhuba buli sikha Yeso yabukanananga ao nende abeeka baye.
|
|
\v 3 Lunyuma Yuda, niyakhamala okhunyola omukanda kwabaandu nende abasikari khurula abakukhani bakhongo nende Bafarisayo, beecha nende chitara nende echitochi nende biraniro.
|
|
\v 4 Naye Yeso, khulwo khuba amanyire biosi ebiicha khumwekholekhanakho, yeecha imberi, nababoolera, mukonyanga wina?
|
|
\v 5 Nibamukalusia, Yeso wanasareti; Yeso nababoolera, nesie. Ne Yuda yesi, owamukhoba, yali yemere alala ninabo.
|
|
\v 6 Ne lwangu sa ngayababoolera ari nisie, bakalukhira inyuma, nibakwa asi.
|
|
\v 7 Nabareba khandi, mukonyanga wina? Nibaboola, Yeso wa Nasareti.
|
|
\v 8 Yeso nakalusia, baboleere mbwe nesie; nikaba mbwe mukonyanga esie, lekhule bano babwewo;
|
|
\v 9 Mbwe likhuwa liayabola, liulirire, mbwe abawamba boosi abulao owandakosia.
|
|
\p
|
|
\v 10 Lunyuma Simon Petero naali noluganga nalukhwesa narema omukholi womukukhani mukhongo, nakhenga okhurwi khwaye khusacha, omukholi oyo yalangwa Maliko.
|
|
\v 11 Yeso naboolera Petero, kalusia oluganga lwao musifuko; Esikombe sia Baba yamberesie, sikhoya ng'we?
|
|
\p
|
|
\v 12 Bulano abasikari nende omukhongo wabwe nende bakhongo Babayaudi nibadira Yeso, nibamuboya,
|
|
\v 13 Nibabwao naye nibarangirira khumuira ewa Anasi; khuba yali omukhwe wa Kayafa, owali mukukhani mukhongo omwaka okwo.
|
|
\v 14 Naye Kayafa oyo, niye ulia owali yaberesia Bayaudi likerako ari, bikhoyere omuundu mulala khufwira baandi.
|
|
\p
|
|
\v 15 Ne Simoni Petero nalonda Yeso, nende omweka undi; omweka oyo yali amanyikhane khu mukukhani mukhongo, niyengira nende Yeso musimenyo sia omukukhani mukhongo.
|
|
\v 16 Naye Petero niyema erwanyi womuliango. Omweka undi oyo narula erwanyi, nalomaloma nende omulindi womuliango, niyengisia Petero mukari.
|
|
\v 17 Omukhana mulindi womuliango namuboolera Petero, wesi soli mulala khubeka bomundu uno? Naboola, sindi khaba.
|
|
\v 18 Ne abakhalabani nende abakhongo baabu bali bemere ao, ewabali bambisie omuliro kwamanda; niboranga okhuba imboo yalikho, ne khandi Petero yesi yemere ninabo yebalakasingia.
|
|
\p
|
|
\v 19 Omukukhani mukhongo yamala yareba Yeso khulondana nende abeeka baye, nende amekesio Kaye.
|
|
\v 20 Yeso nakalusia, ndalomaloma ebulafu imberi wesialo; ndekesia musinagogi, nende mukhekalu, ewabayaudi boosi babukanananga; ne libulao eliandaboola bwekisi.
|
|
\v 21 Mundeba mbwesina? Murebe abambulira, ebiandababoolera; bamanyire ebiandababoolera.
|
|
\v 22 Ne niyakhamala khulomaloma, omulala khu barumwa owali yemere ambi ninaye yamukhuya olukhofi, naboola, okalusia orio mukukhani mukhongo?
|
|
\v 23 Yeso namukalusia, nimboolere ebibi mubole: nikarali kario, esikera wakhuya nisi?
|
|
\v 24 Naye Anasi yamuruma, ewamukukhani mukhongo naboyerwe.
|
|
\p
|
|
\v 25 Naye Simoni Petero yemao niyebalakasianga, nibamuboolera, ewe wesi soli mulala khu beeka baye? Yakana, naboola, sindi mulala khunibo.
|
|
\v 26 Omulala khubarumwa bomukukhani mukhongo, nali omwikho wa ulia owa Petero yakhenga khurwi, naboola, sikhubwene wesi noli ninaye mumukunda?
|
|
\v 27 Petero nakana khandi; awo nawo idaywa nikholiokha.
|
|
\p
|
|
\v 28 Nibarusia Yeso ewa kayafwa nibamuira munyumba yesikhalako; ne biali ichuli; naye abene sibengira munyumba yesikhalako, barola beswasia; khuba benya balie Pasika.
|
|
\v 29 Pilato nachia erwanyi ewabali, naboola, muli nende likhuwa sina limaanu khumundu uno?
|
|
\v 30 Bamukalusia nibamuboolera, mbwe sinomukholi wamabi, sikhwakhamurerere khu ewe.
|
|
\v 31 Bulano Pilato nababoolera, mumubukule mumuire mumukhalakire okhulondana nende lilako lieng'we. Abayaudi nibamuboolera, sikhufukirirwa nelilako okhwira omuundu;
|
|
\v 32 Mbwe liulirire, elia Yeso yaboola okhumanyisia elifwa lia akhoyeere afwe.
|
|
\p
|
|
\v 33 Pilato niyengira munyumba yesikhalako khandi, nalanga Yeso, namureba, newe omwami wa Bayaudi?
|
|
\v 34 Yeso nakalusia, kano oboola khulwao mwene, kose bakhuboolere khulondana ninasie?
|
|
\v 35 Pilato namukalusia esie ndi muyaudi? Esialo siao nende abakukhani bakhongo nibo bakhundererekho; wakhola sina?
|
|
\v 36 Yeso nakalusia, obwami bwange sinobwesialo sino; obwami bwange buba obwesialo sino, abarumwa bange bakhalwanire, mbwe khaye khuberesanwa khu Bayaudi; kho obwami bwange sino obwano.
|
|
\v 37 Pilato namuboolera, kario oli omwami? Yeso nakalusia, newe oboola mbwe ndi omwami. Ndebulwa khulwa kano, ne khulwa mulimo kuno ndeecha musialo, mbwe ndusie obuloli khubwadieri. Oyo yesi owabwadieri abuliranga imbosi yange.
|
|
\v 38 Pilato namuboolera, owadieri obwadieri nisio sina? Niyakhamala khubola kano, yarula khandi erwanyi nachira Bayaudi, nababoolera, simbona muniye elikhuwa liosi limaanu.
|
|
\v 39 Elilako lieng'u libola mbwe, balekhulire omuundu mulala mupasika; mufukirira bulano balekhulire omwami wa Bayaudi?
|
|
\v 40 Nibaayula bosi khandi, nibaboola, uno khaba, arali Baraba. Naye Baraba yali omwibi.
|
|
\c 19
|
|
\cl Omuliango 19
|
|
\p
|
|
\v 1 Pilato namala nabukula Yeso, namukhuya emisarita.
|
|
\v 2 Abasikari nibasinga ingara ya mabwa, nibara khumurwe kwaye, nibamufwasia ingubo ya nebokha.
|
|
\v 3 Nibabola, ayebwe luyali, omwami wa bayaudi; ne nibamupama chikhofi.
|
|
\p
|
|
\v 4 Pilato khandi nabechakho, nababoolera, lole, murera khweng'we, mumanye mbwe sindola elimaanu muniye.
|
|
\v 5 Ne Yeso narula, afwalire ingara ya mabwa, nende ingubo yanebokha, ne Pilato nababoolera, lole uno niye omuundu mwene.
|
|
\p
|
|
\v 6 Ngolwa bakukhani bakhongo nende balindi bamuboona, baayula nibaboola, "Abambwe, abambwe." Pilato nababoolera, mumubukule, muchie mumubambe; arali sindola limaanu muniye.
|
|
\v 7 Abayaudi nibamukalusia, khuli nelilako, khulondana nende lilako elio akhoyere afwe, okhuba yekhola omwene omwana wa Nasaye.
|
|
\p
|
|
\v 8 Pilato olwayabulira imbosi eyo, yamala naria muno;
|
|
\v 9 Khandi naachia munyumba yesikhalako, nareba Yeso, orula ena? Naye Yeso siyamukalusia.
|
|
\v 10 Pilato namuboolera, solomaloma nange?, okororwe mbwe ndi nende obunyali bwo khukhubamba, khandi ndi nende obunyala bwo khukhulekhula?
|
|
\q
|
|
\v 11 Yeso nakalusia, obula obunyali bwoosi khwesie, arali noberesebwa khurula akulu; khu kario oyo owandera khu ewe ali nende esionono sikhongo.
|
|
\p
|
|
\v 12 Okhuchaka awo Pilato yakonyeresia khumulekhula; naye bayaudi bayokera nibaboola, nolekhula omuundu uno yaachia, sooba oli omwicha wa Kaisari; yesi owekhola omwene omuruki aba ayingana nende Kaisari.
|
|
\p
|
|
\v 13 Pilato niyakhamala okhubulira imbosi eyo, yarusia Yeso niyekhala musisala siesikhalako abuundu alangwa muluyaudi mbwe, Gabbata.
|
|
\p
|
|
\v 14 Biali ebikha bio okhwekhwanisiria Pasika, ambi saa chisasaba; naboleera abayaudi, lole omwami weng'we.
|
|
\p
|
|
\v 15 Naye baandu nibachiririra okhuuba sioka, amalweo, amalweo, abambwe. Pilato nababoleera, mbambe omuruki weng'we? Abakukhani bakhongo nibaboola, khubula omuruki arali Kaisari.
|
|
\p
|
|
\v 16 Namala nabalekhulira abambwe, nibabukula Yeso, nibabwao naye.
|
|
\p
|
|
\v 17 Ne nakingire omusalaba kwaye yairwa abuundu alangwa mbwe Abuundu Wesianganga, eyalangwa Muluibrania Goligota;
|
|
\v 18 Ewabamubamba, alala nende abaandu baandi babiri, mulala buli lwande naye Yeso nali akari.
|
|
\p
|
|
\v 19 Pilato niyandiika esimanyiro, nara khumusalaba, esibola mbwe YESO WA NASARETI OMURUKI WABAYAUDI.
|
|
\v 20 Abayaudi baangi basoma obwandike buno; okhuba wa Yeso yabambirwa biali ambi nende lidookho; ne biandikwa muluibrania, luyunani, nende lulatini.
|
|
\p
|
|
\v 21 Abakukhani bakhongo babayaudi nibaboolera Pilato, siwandika mbwe, omuruki wa Bayaudi; arali mbwe yaboola, Ndi muruki wabayaudi.
|
|
\p
|
|
\v 22 Pilato nakalusia, akanyandikire malire okhwandika.
|
|
\p
|
|
\v 23 Naye abaliindi, nibakhamala khubamba Yeso, babukula echingubo chaye, nibareresia ebimeka bine, buli mulindi simeka alala nende elikoti liaye; naye elikoti liabula omusono, yalukhwa yosi khurula akulu.
|
|
\v 24 Nibabolerana beene khubeene, khurairandula, arali khuyubire ikura, mbwe inaba eyawina; liulirire liandiko, eliboolwa, bakabane ebiefwalo biange, Ne khulwa obweyango bwange boba chikura. Ebiindu bino abasikari nibamala nibakhola.
|
|
\p
|
|
\v 25 Nabo beema ambi nende omusalaba kwa yeso ng'ina mwana, nende omukhana wabwe ng'ina, Maria mukhasi wa Kiliopa, nende Maria Magadalena.
|
|
\v 26 Yeso niyakhamala khulola ng'ina, naye omweka ulia owayakhera yemere ambi ninaye, yaboolera ng'na ari, mukhasi, lola omusiani wao.
|
|
\q
|
|
\v 27 Ne naboolera, omweka ari, lola mao, nokhurula ebikha ebio omweka oyo yamubukula namuira mudala liaye.
|
|
\p
|
|
\v 28 Olunyuma lwakano, Yeso niyakhamanya mbwe makhuwa koosi kekholekhane, amandiko kanyale khulirira, yaboola ari, mbulira buluo.
|
|
\v 29 Ne awo khwaliwo nende esikombe sichulemo isiki; nibara esiponji musiki, nibara khulusala lurambi, nibamura khumunwa.
|
|
\v 30 Nibakhamala okhuyira isiki khumunwa kwaye, yaboola ari kabwere, niyenamia omurwe, nakhalaka omwoyo.
|
|
\p
|
|
\v 31 Ne khulwo obera yali indalo yabayaudi yokhwerekekhera, ne khulwokhuba emibiri sikiali kidong'e khumisalaba indalo ya Isabato [okhuba isabato yali indalo ikhulundu] bamwekweda Pilato mbwe babafunake makulu, manu bamale barusibweyo.
|
|
\v 32 Abalindi nibeecha nibabafunaka amakulu babiri balia abali nibabambirwe ninaye.
|
|
\v 33 Olwaboola khu Yeso, nibanyoola mbwe amalire okhufwa, sibafunaka makulu kaye khaba.
|
|
\v 34 Naye omulala khu balindi owali nende elifumo yamufumira mumbafu mwaye, abweneao amabanga nende amachi nikarula.
|
|
\v 35 Naye owalola yali nobuloli, khandi buloli bwaye bwali obwadieri; ne amanyire mbwe aboola obwadieri, mbwe munyale khusubirira.
|
|
\p
|
|
\v 36 Ebiindu bino biekhoola mbwe eliandiko liulirire, elikumba liaye khasi liakhafunakwe.
|
|
\v 37 Khandi liandiko lindi liboola, bakhalingire oyo owabafumira.
|
|
\p
|
|
\v 38 Lunyuma lwa kano Yosefu wa Arimatia, ouli omweka wa Yeso, oremanyisia khulwo khuuria bayaudi, yareba Pilato mbwe anyole khubukula mubiri kwa Yeso; ne Pilato namufukirira niyecha, nabukula mubiri kwa Yeso.
|
|
\v 39 Khandi Nikodemo yesi yeecha, ulia owechera Yeso musiro, narera amafura nende obubani, ebiyera chiratili imia.
|
|
\v 40 Nibabukula omubiri kwa Yeso, nibakuboya muchingubo chia obukusi nende obubani, mungira yabayaudi basikhirangamo.
|
|
\v 41 Ne abuundu owabamubambira khwaliwo nende omukunda, ne mumukunda omwo khwalimo nende esirindwa siyakha esio muundu yeesi yali asiasikhwamo.
|
|
\v 42 Nibamala nibamuramo Yeso omwo khulwo khwerekekhera indalo yabayaudi; okhuba esirindwa siali ambi awo
|
|
\c 20
|
|
\cl Omuliango 20
|
|
\p
|
|
\v 1 Indalo yokhurangirira eya idominika, Maria Magadalena yauna, esirima nisisiriwo, olwayola khusirindwa, nanyola elikina nilirusibweyo.
|
|
\v 2 Yerukha nachia ewayali Simoni Petero, nende ulia omweka owa Yeso yali yakhera, nababoolera, murusisie omwami musirindwa, ne khukororwe ewa mumurere?
|
|
\p
|
|
\v 3 Petero narula, nende omweka uundi ulia, nibeecha khusirindwa.
|
|
\v 4 Kho berukhira alala; ne omweka uundi ulia yabiramo Petero, narangirira okhula khusirindwa.
|
|
\v 5 Olwa yagunama, okhulingera mukari, yalola echingubo chamang'iniesi chikonere awo; ne siyengiramo khaba.
|
|
\p
|
|
\v 6 Ne olwa Simoni owali namulondanga yola, yengira musirindwa, ne naloola chingubo echo echamang'iniesi chikonere awo.
|
|
\v 7 Nende ifungo, eyali khumurwe kwaye, eyirali alala nende chingubo chamang'iniesi, arali biboyerwe alala biong'ene indulo.
|
|
\v 8 Omweka uundi oyo yesi owali arangirire khwicha khusirindwa, yoola ne nasubira.
|
|
\v 9 Bali basiri khumanya amaandiko mbwe akhoyere abukhe mubafu.
|
|
\p
|
|
\v 10 Abeeka nibabwao mumadala kabwe khandi.
|
|
\v 11 Naye Maria yachirira okhwema erwanyi wesirindwa naliranga; ne ngolwa yachirira khulira, yagunama asi nalinga musirindwa.
|
|
\v 12 Yaloola abamalaika babiri muchingubo chindafu bekhale, omulala namurwe, nowundi namakulu, owomubiri kwa Yeso kwali nikurerwe.
|
|
\p
|
|
\v 13 Nibamureba, mukhasi ewe, oliranga sina? Nabakalusia, okhuba babukule omwami wange, ne ngororwe ewabamurere.
|
|
\v 14 Niyakhamala khuboola ario, yakalukhana inyuma, naloola Yeso niyemere, oburamanya mbwe niye.
|
|
\q
|
|
\v 15 Yeso namureba, omukhasi, oliranga sina? Okonyanga wina? Nolwa yakaala mbwe nomulimi, yamuboleera, omukhongo wange, nikaba mbwe omurusisie ano, mboolere owomurere, mubukule.
|
|
\p
|
|
\v 16 Yeso nalanga, Maria, nakalukhana, namuboolera, Raboni; nikhwo khuboola mbwe, "omukhongo wange".
|
|
\q
|
|
\v 17 Yeso namuboleera, orandirakho; okhuba siri okhuburukha khuchia ewa Baba; arali chia khubakherwa befwe obaboolere mbwe njia ewa Baba, nende Baba weng'we; khandi Nasaye wange ouli Nasaye weng'we.
|
|
\q
|
|
\v 18 Maria Magadalena yeecha nababoolera abeeka ari yakhalola omwami, ne yakhamuboolera makhuwa ako.
|
|
\p
|
|
\v 19 Indalo yene eyo ingolobe, niyiri indalo yokhurangirira eyeidominika, emiliango nikisiri nikikale ewa abeeka bali khulwo okhuria abayaudi, Yeso yeecha niyema akari wabwe nababoolera, emirembe kibe khweng'we.
|
|
\v 20 Niyakhamala khuboola ario, yabekesia amakhono kaye nende mumbafu mwaye. Abeeka nibamala nibasangala, khulwa khumulola Omwami.
|
|
\p
|
|
\v 21 Yeso nababolera khandi, omulembe kube khweng'we; ngolwa Baba yanduma, siesi baruma.
|
|
\v 22 Niyakhamala khuboola ario, yabafurakho muyia, nababoolera, munyole Omwoyo Mulafu.
|
|
\v 23 Oyo owa munalekhera chimbi chiaye analekherwa, naye oyo owamuralekhera chimbi chiaye sanalekherwa khaba.
|
|
\p
|
|
\v 24 Naye Tomasi omulala khubeeka olangwa mbwe Didimo, siali alala ninabo nga Yeso yeecha.
|
|
\v 25 Abeeka baandi nibamuboolera bari, 'Khwakhalola Omwami.' Naye nababoolera, okhuula ngandaloola nechimoni chiange amafumire kemisumari, khandi ndirekho nolwala lwange mulubafu lwaye khasindasubira.
|
|
\p
|
|
\v 26 Olunyuma lwa chindalo munane abeeka boosi nibali mukari, ne Tomasi yesi yali alala ninabo; Yeso yeecha, emiliango nikisiri nikikale, niyema akari wabwe, naboola, emirembe kibe khweng'we.
|
|
\q
|
|
\v 27 Naboolera Tomasi, "Reera olwala lwao, khandi olinge makhono kange; khandi orere mukhono kwao, obabasie mulubafu. lwange; olekhe khukanakana arali osubirire.
|
|
\q
|
|
\v 28 Tomasi namukalusia namuboolera, "Omwami wange khandi Nasaye wange."
|
|
\q
|
|
\v 29 Yeso namuboolera, "Tomasi, okhuba wakhandola, bulano wakhasubirira; nabeyikhabi abo abasubiriranga nibarabwene.
|
|
\p
|
|
\v 30 Khandi bwadieri Yeso yakhola ebilolero biingi imberi wa abeeka baye, ebirandikwa musitabo sino.
|
|
\v 31 Naye kano kaandikwa, munyole khusubirira mbwe Yeso niye Kiristo, Omwana wa Nasaye; ne mbwe mukhusubira munyole okhuba nobulamu khubirira mulira liaye.
|
|
\c 21
|
|
\cl Omuliango 21
|
|
\p
|
|
\v 1 Olunyuma lwebindu bino Yeso yemanyisia khandi khu beeka baye khumwalo kwa Tiberia, ne yelolosia mungira ino,
|
|
\v 2 Bali boosi khalala Simoni Petero, nende Tomasi olangwa Didimo, nende Nathanieli owa Kana Yebugalilaya, nende abaana ba Sebedayo, nende babiri khubeeka baye.
|
|
\v 3 Simoni Petero nababoolera, njia okhunaba, nibamuboolera, fwesi khucha ninawe nibachia lwangu nibengira mubwaro; ne esiro esio, nibaranabakho ing'eni yoosi.
|
|
\p
|
|
\v 4 Nolweichuli yola, Yeso yema khulukuku; naye abeeka nibaramanya mbwe Yeso niye.
|
|
\q
|
|
\v 5 Ne Yeso nababoolera, abaana, muli nende esiamulia? Nibamukalusia, khubula.
|
|
\q
|
|
\v 6 Nababoolera, "Reeke olurimba khumukhono musaacha kwobwaro, ni munanyola, nibareka, nibaranyala okhukhwesa khulwa obuungi bweching'eni.
|
|
\v 7 Bulano oyo omweka wa Yeso yakheera yaboolera Petero, nomwami, nolwa Simoni Petero yabulira mbwe, nomwami yamusukunakho ingubo yokhunaaba(khubeera yali esiekenye), namala niyedumbula munyanja.
|
|
\v 8 Nabeeka baandi beecha mumeli indidi;(khubeera sibali ale nende khulukongo khubeera biali oburambi bwo chidiraa mia chibiri,) nibali khukhwesa olwero lulimo ching'eni.
|
|
\v 9 Ngolwa boola khulukuku baloola omuliro kwamanda awo, neing'eni irerwekho, nende omugati.
|
|
\p
|
|
\v 10 Yeso nababoolera, rerekho ching'eni chamunabire.
|
|
\v 11 Simoni Petero yengira, nakhwesa olwero narera khulukuku nilwichulemo ching'eni chikhongo, imia ndala nende makhumi karano nende chidaru; ne muchiosi chiali chinyingi muno arali olwero silwakhalikha.
|
|
\p
|
|
\v 12 Yeso nababoloera, mwiche mulie naye abulao omweka yesi owebulira khumureba, ari oli wina? Nga bamanya mbwe nomwami.
|
|
\v 13 Ni Yeso yamala yeecha, nabukula mugati, nababeresia alala nende ing'eni.
|
|
\v 14 Lino bulano nelikhabi liakhadaru Yeso niyelolosianga khubeeka baye, namalire khubukha mubafu.
|
|
\p
|
|
\v 15 Nibakhamala okhulia, Yeso nababoolera,"Simoni Petero, Simoni, omwana wa Yona, wakheera khukhira bino? Namuboolera, kario omwami, omanyire mbwe ndakhukheera namuboolera, liisia makondi kange.
|
|
\p
|
|
\v 16 Namuboolera khandi olwokhubiri, Simoni, mwana wa Yona, wakheera? namuboolera kario omwami; omanyire mbwe ndakhukheera; Namuboolera, lisia amakondi kange.
|
|
\p
|
|
\v 17 Namuboolera olwakhadaru, Simoni, mwana wa Yona, wakheera? Petero nanyoolera okhuba yakhamureba olwakhadaru, mbwe wakheera? Namuboolera, Omwami, omanyire biindu biosi; ewe omanyire mbwe ndakhukheera. Yeso namuboolera, lisia makondi kange.
|
|
\p
|
|
\v 18 Bwadieri bwadieri, khuboolera, nga olwa wali muyere, welindanga mwene nende khukenda woosi owa wenyanga; arali niwakhangala, onareranga makhono, nowundi akhwimirira, nakhuyira owa mwene oradakha.
|
|
\v 19 Kano yalomaloma nafwanirisianga elifwa elia yakhakinguliremo Nasaye. Ne niyakhamala khuboola ario, yamuboolera, nonde.
|
|
\p
|
|
\v 20 Ne Petero yakalukhana, naloola omweka ulia owa Yeso yakheera amulonda; ulia owali amuyekhere khusirifu ebikha bie biakhulia bieingolobe, naboola, omwami, niwina anakhukhoba?
|
|
\v 21 Petero namulingera namuboolera Yeso, omwami, naye omuundu uno alikhola sina?
|
|
\p
|
|
\v 22 Yeso namuboolera, nikali mbwe ndakheenya mbwe abeo khuula nganjicha, esio ni sina khwewe? Ewe nonde. Elikhuwa lino nililandaala mubakherwa, "Mbwe omweka oyo sakhoyere afwe"; Naye Yeso siyali
|
|
\v 23 namubolere mbwe siyakhafwe khaba; arali, nindebulira mbwe abeo okhuula olwanjicha, elio khwewe nisina?
|
|
\p
|
|
\v 24 Uno niye omweeka oli nobuloli bwebiindu bino khandi yabiandika; ne khumanyire mbwe obuloli bwaye nobwadieri.
|
|
\p
|
|
\v 25 Ne biliwo ebiindu biingi ebia Yeso yakhoola, ebiri mbwe, nibiakhandiikirwe biosi, subirira mbwe kata esialo siosi sisiakhabere nebitabo biyera khwandika koosi.
|