lko_reg/42-MRK.usfm

\id MRK
\ide UTF-8
\h Mariko
\toc1 Mariko
\toc2 Mariko
\toc3 mrk
\mt Mariko
\c 1
\cl Omuliango  1
\p
\v 1 Okhuchaaka khwe ifanjili ya Yeso Kirisito, Omwana wa Nasaye;
\v 2 Ngolwa kaandikwa mubitabo bia banabii, mbwe lola nduma omurumwa wange imberi wobweni bwao, ochia okhurereaia ingira yao.
\q
\v 3 Idoboosi yomuundu alangirisianga mulumira yiri, 'kasia ingira yo Mwami; kololosia chingira chiaye."
\p
\v 4 Yokhana yeecha, nabatisia mulumira nende khuyaala obubatisbwi bwokhwekanira khulwo khulekherwa chimbi.
\v 5 Esialo sioosi esie Buyudea nende Yerusalemu bamuchiakho, ne boosi babatisibwa ninaye mumwalo kwa Yorodani, nibekanira chimbi chiabwe.
\v 6 Yokhana yafwala ingubo yobwoya bweingamia nende musibiro kweliseero musibuno, yalichaanga madeede nende obuhii.
\v 7 Yayaala naboola ari, owicha inyuma wange nomukhoongo khuhira; sikhoyera kata khuguunama khubolola chisia chie bilaaro biaye.
\v 8 Esie babatisia nende machi arali niye achia khubabatisa nende Roho mulafu.
\p
\v 9 Muchinyanga echio Yeso yeecha khurula Nasareti eya Galilaya nabatisibwa nende Yokhana mumwalo kwa Yorodani.
\v 10 Ne ngolwa yarula mumaachi, yalola likulu likuhe, naye roho yamwihirakho kori eliusi.
\v 11 Idoboosi yarula mwikuli niiboola yiri, "Uno niye omwana wange mukheerwa. Sangasibwa naye."
\v 12 Roho mulafu yamala namwimirira khuchia mulumira.
\v 13 Yaba mulumira chinyaanga makhumi kane, sietani namuteema. Yali nende chisolo chiomusino, malaika nabo bamurumihira.
\p
\v 14 Bulano olunyuma lwa Yokhana khurebwa musiboye, Yeso yeecha Galilaya nayaala ifanjili ya Nasaye.
\v 15 Naboola ari, "ebikha biulire ne obwami bwa Nasaye buli ambi, mwekanire mani musuubire muifanjili."
\p
\v 16 Ne ngolwa yali nakeenda khu ndulo khweyinyanja ya Galilaya, yabona simoni nende Anderea omusiani wabwe nibareka chinjero munyaanja, khulwo khuba bali abanaabi.
\v 17 Yeso yababoolera ari, mwiche munoonde ne ndabakhola abanaabi babaandu.
\v 18 Bikha ebio balekha chinjero nibamala nibamuloonda.
\v 19 Yeso nakendakho budiidi, namala nalola Yakobo nende Yokhana abaana ba zebedayo muliaro nibakasia chinjero.
\v 20 Yabalanga manu nibalekha saabwe Zebedayo muliaro nende abaandu bayali nabukule khumukhonya, nabo nibamuloonda.
\p
\v 21 Bamala nibeecha kaperenaumu, ne inyaanga ya isabato, Yeso yachia musinagogi okhwekesia.
\v 22 Baukisibwa nende amekesio kaye, khulwo khuba yekesia nende ichwoni okhukhira abandiiki.
\v 23 Yaliwo omusaacha musinagogi owali nende bikhieno, yalira,
\v 24 naboola ari, "khuli nende sina nawe Yeso wa Nasareti? Wichire khurusasia? Manyire mbwe oli mutakatifu wa Nasaye."
\p
\v 25 Yeso yamwalabira naboola ari, bulera mani omurulemo
\v 26 Ebikhieno biamukwisia asi mani nibimurulamo nibilira nende idoboosi ikhoongo.
\p
\v 27 Abaandu boosi baukisibwa nibarebana bari sino ni siina? Ameekesio kaye nikeichwoni kata bikhieno biosi bimuria.
\v 28 Makhuwa kaye kalandaala mulukoongo lwa Galilaya lwoosi.
\p
\v 29 Nibakharula musinagogi, bachia munyuumba ya simoni nende Andereya alala nende Yakobo nende Yokhana.
\v 30 Babolera Yeso bari masalangene simoni nomulwaye.
\v 31 Yeso yachia namudira mukhono namukingula, ne ebikha ebio yaona mani nachaaka khubarumikhira.
\p
\v 32 Ingolobe eyo eliuba niliakhakwa bamurerera abalwaye baliimo ebikhieno.
\v 33 Omukaanda kwoosi kwakhungana amuliango.
\v 34 Yeso yaonia amalwaye koosi narusia kata bikhieno, ne khasi yabifukirira okhulomaloma khulwo khuba biali biamumanya.
\p
\v 35 Yeso yabuukha mumabwibwi esialo nisisiri esirima; nachia abuundu wabaandu bulao, nanyoola khulaama ebwene eyo.
\v 36 Simoni nende bala abayali nabo bamukoonya.
\v 37 Nibamunyoola ne nibamuboolera bari, abaandu boosi bali okhukoonya.
\p
\v 38 Yeso naye yaboola ari, khuchie abuundu wandi muchingoongo chili ambi nyoole khuyalayo wosi; khulwo khuba esio nisio esikera ninjicha ano.
\v 39 Yachia mu Galilaya yoosi nayaala nende khurusia ebikhieno.
\p
\v 40 Omuundu wobukere yamwichakho nasigama namusaba ari, "Nofukirira nyoola khunjosia"
\p
\v 41 Yeso yamubonera sisa namudirakho naboola ari fukirira; nyoola khulabisibwa.
\v 42 Ne ebikha ebio obukere bwamurulakho naye nanyoola khulabisibwa.
\v 43 Yamukania nachuchwisia ari abweo;
\v 44 ne yamubolera ari orabolerakho omuundu yesi yeesi dawe arali chia weyekesie khu mukukhani mani orusie esianwa kori ngolwa Musa yalakirisia, mani bube obuloli khu nibo
\v 45 Arali yarula nachia nachaaka khusalasia likhuwa lukali, okhuula kata Yeso naranyanyala okhwingira mulidookho mubwakhakhu, arali yadonga sa abuundu wa baandu babulao: kata kario abaandu bachiririra okhumwichakho khurula buli abuundu.
\c 2
\cl Omuliango 2
\p
\v 1 Kori ngolwa Yeso yeecha kaperenaumu lunyuma lwechinyaanga chindiidi; ne nikamanyikhana mbwe yali munyuumba.
\v 2 Abaandu bangi bebusia okhuula khumuliangiro kata obweyango bwosi bwabulao, naye yalomaloma nabo elikhuwa lia Nasaye.
\v 3 Abaandu bandi beecha khu Yeso nibarera omuundu yali niyadaral, ne abaandu bane bali nibamukiingire.
\v 4 Ne ngolwa bakhirwa okhusuda ambi nende Yeso khulwo bungi bwa baandu, bafunula esirama sieinyuumba nabamala nibekhia omulwaye khu sitaanda esiayali nakonerekho.
\v 5 Naye Yeso ngolwa yalola obusuubiri bwabwe, yaboolera omulwaye wadarala ula ari, "mwana wange olekheerwe chimbi chiao."
\p
\v 6 Omukaanda kwa baandiki baliwo, bereeba mumioyo kiabwe bari,
\v 7 "Khulwa sina omuundu uno alomaloma amakhuwa kebisinyisio? niwina onyala okhulekhera chimbi arali Nasaye yeng'ene?"
\p
\v 8 Ebikha ebio Yeso yamanyirisia lwangu mu Roho mulafu kala akabali niberebananga mumioyo kiabwe. Yabareba ari sina esikera nimwereba amakhuwa kano mumioyo kieng'we?
\v 9 Sina esili siangu? okhubolera omulwaye wadarala mbwe olekheerwa chimbi chiao? Kose buukha, obukule omufaliso kwao mani obweo?
\v 10 Arali khumunyale okhumanya mbwe Omwana womuundu ali nende obunyala bwokhulekhera chimbi musialo,
\v 11 yaboolera omulwaye wadarala ula ari, "khuboolera mbwe buukha obukula esitaanda siao ochie munyuumba mwao.
\p
\v 12 Naye nasingira lwangu nabukula esitaanda siaye nabira imberi wabwe, nabo abaandu nibaukisibwa lukai, nibafumia Nasaye, nibaboola bari khusiiri khulolakho isiindu kori sino.
\p
\v 13 Khandi Yeso yachia khulukuku lweyinyaanja, nakwo mukaanda kwa baandu kweecha owa yali naye nabekesia.
\v 14 Ne ngolwa yali nabira yalola Lawi omwana wa Alufayo niyekhale muliyeema liabasololi bomusolo, namubolera ari "nonde." Naye Lawi yabuukha mani namuloonda.
\p
\v 15 Yeso yali anyolaanga ebiakhulia munyuumba mwa lawi alala nende abasololi bomusolo, abakholi bechimbi nende abeeka baye bali bangi abamuloonda. Ne abandiiki nende Bafarisaayo ngolwa balola mbwe Yeso alia nende abasololi bomusolo,
\v 16 nende abakholi bechimbi bareeba abeeka baye bari, "khulwa sina Yeso alia nende abasololi bomusolo nende abakholi be chimbi?"
\p
\v 17 Ne ngolwa Yeso yabulira akababoola, yaboola ari, "abaandu balamu khasi bahenya omusirikhi; arali ni balwaye nibo benya omusirikhi. Yeso yaboola ari, "khasi ndeecha khulwa batakatifu khaba, arali khulwa abakholi be chimbi."
\p
\v 18 Ebikha ebio abeki ba Yokhana nende aba Bafarisaayo bali ni basiiba. Abaandu bandi beecha khu Yeso nibamureeba bari, "kulwa sina abeki ba Yokhana nende aba Bafarisayo basiibaanga, ne abeki bao nabo khasi basiiba dawe?"
\p
\v 19 Yeso yababoolera ari, "binyalikhana abali musiserero khusiiba omwene siserero nali nabo? khasi bakhasiiba owesiserero mwene naliwo.
\v 20 Echinyaanga chiicha echiomwene siserero yakharusibweo, ne muchinyaanga echio bachia khusiiba.
\p
\v 21 Abulao ula osonaanga esicheere sikofi khu ngubo injaakha. Esiraka siyakha siba sinarandukha khurula khu ngubo ingofu bimanu likali.
\v 22 Abulao orechanga ifini injaakha mundamu ingofu. Ne nakhola ario, ifini iba yinadisia indamu ne ifini alala nende indamu bisasikha bioosi.
\p
\v 23 Inyaanga ya isabato Yeso yabira mundalo yeimere ne abeeka baye bachaaka khufuna ngolwa bachiririra khukeenda.
\v 24 Abafarisaayo baboolera Yeso bari "lingeera, khulwasina bakhola akarakhoyera inyaanga ya isabato?"
\p
\v 25 Yeso yababoolera ari, musiri khusomakho aka Daudi yakhola nali nende injala nende abasie bayali nabo.
\v 26 Yachia munyuumba ya Nasaye chinyaanga chia Abiata yali omukukhani mukhoongo nalia emigaati kiomuundu yesi yeesi arakhoyera kulia dawe, orali omukhukhani khandi naberesia bala abayali nabo.
\v 27 Yeso yaboola ari, "isabato yakasibwa khulwomuundu, ne khasi nimuundu khulwe isabato.
\v 28 khulwa kene ako Omwana wa Nasaye niye Omwami we Isabato.
\c 3
\cl Omuliango  3
\p
\v 1 Khandi yamala niyengira musinagogi, ne mubwene omwo yaliimo omuundu womokhono kwafurikhirira.
\v 2 Nabo bamulingeera, okhulola niyakhamuonia inyaanga ya Isabato mani banyale okhumusitaaka.
\v 3 Namala naboolera omuundu womukhono kwafwirikhirira ula ari, "singira weme akari wabuli muundu."
\v 4 Namala nabareeba ari, nibilayi okhola malayi inyaanga ya Isabato, kose okhola mabi? okhuonia kose khwira? Arali nabo babulera chii.
\v 5 Naye yabalingeera nende obusinyifu, khulwe mioyo kiabwe miomu, ne naboolera omuundu womukhono kwafwirikhirira ula ari, kololosia mukhono kwao okwo, ne mukhono kwaye nikumala nikukololokha nikuba bilayi.
\v 6 Abafarisaayo nende Baherodia, bamala nibakhola olukhobo khumwira.
\p
\v 7 Naye Yeso yamala narulao nende abeeka baye nibachia munyaanja, ne omukaanda mukhoongo nikurula Galilaya nikumuloonda okhuula Judea.
\v 8 Nende Yerusalemu, Idumeya, nende kata imberi wa Yorodani, Tiro nende Sidon. Ne ngolwo mukaanda mukhoongo babulira akamangalimwa kayakhola bamuloonda.
\v 9 Naye naboolera abeki baye ari bamurekekhere eliaro lidiidi khubeera obungi bwabandu, bali nibamufwinya.
\v 10 Khubeera yali naonisie abaandu bangi, nibadakha khumudirakho, khubeera bangi bali nende budinyu bukabukhane.
\v 11 Abebikhieno bingi, biakwa imberi waye, nibilira nibiboola biri, "oli Mwana wa Nasaye."
\v 12 Nabialabira mbw biraboolera omuundu yeesi dawe.
\p
\v 13 Yachia khulugulu nalaanga bala abayenya, nabo nibamwichakho.
\v 14 Namala nalobola ekhumi nende babiri, mbwe babe ninaye, mani abarume okhuchia khuyaala,
\v 15 khandu babe nende amaani kokhuonia amalwaye, nende khurusia bikhieno.
\v 16 Naye yalobola ekhumi nende babiri; Simoni owayaberesia eliira mbwe Petero;
\v 17 Nende Yakobo, omwana wa Zebedayo, nende Yokhana omusiani wabwe Yakobo, yabalanga mbwe Boanerigesi elikalulwa mbwe abaana bo khuadulukha;
\v 18 nende Anderea, Philipo, Batulomayo, Matayo, Tomasi nende Yakobo omusiani wa Alufayo, nende Tadeyo nende Simoni omukereno,
\v 19 nende Yuda Isikarioti owamukhoba: nibamala nibachia munyuumba.
\p
\v 20 Khandi mukaanda kwakhung'ana, nibakhirwa okhulia mugaati.
\v 21 Ne ngolwa abeecha baye babulira, bachia khumudiira khubeera babulira mbwe omurwe kwaye kubiyire.
\p
\v 22 Nabo abandiiki barula Yerusalemu baboola bari "alimo Belisbuli omukhoong webikhieno" khandi arusianga bikhieno khu maani ako."
\p
\v 23 Yamala nabalaanga owayali, nababoolera muchingaado ari, esikhieno siakherusia sikhieno siasie?
\v 24 Ne obwami bukabukhane bwene khu bwene, khasi bwakhema dawe.
\v 25 Kata inyuumba niyikabukhana khasi yakhanyala khwema khaba.
\v 26 Ne kata kario sikhieno nisikabukhanamo khasi siakhema arali siba sinakwa.
\v 27 Omuundu yesi yeesi khasi anyala okhwingira munyuumba yomuundu wamani nende khubkula ebiindu biaye, naramuboyere mberi, khwamale abukule ebiindu bili munyuumba yaye.
\v 28 Baboolera obwadieri mbwe, echimbi chiosi echiabaana babaandu chichia khulekherwe nende manyeko koosi akabaanyeka;
\v 29 arali yeesi ofwola Roho mulafu khasi achia khulekherwa okhuula mubumeri, arali achia khuba mumasira kechinyaanga chioos.
\p
\v 30 khulwo khubeera bali nibaboolere mbwe "ali nende sikhieno."
\p
\v 31 Olunyuma abasiani babwe nende nginamwana nibamwichira, nibeema erwanyi, nibaruma omuundu khumulaanga.
\v 32 Ne abomukaanda bali nibamubodokhane, bamuboolera bari, lola maao nende abasiani beng'we bali erwanyi bakhukoonya.
\p
\v 33 Naye nabakalusia naboola ari, mama ni wina, nende abasiani befwe?
\v 34 Namala nalingeera abali nibekhale ninaye, naboola ari, "lola bano nibo mama nende abasiani befwe!
\v 35 Khulwo khubeera yesi yeesi okhola okhwenya khwa Nasaye omwene oyo niye omusiani nende mukhana wefwe nende mama."
\c 4
\cl Omuliango  4
\p
\v 1 Khandi yachaaka okhwekesia nali khulukuku lweyinyaanja, ne omukaanda mukhoongo kwamwebusiakho, nikukera niyengira muliaro niyekhala munyaanja. Ne omukaanda nakwo kwali khulukuku erwanyi weyinyaanja.
\v 2 Mani nabekesia ebiindu bingi muchingaado, nababoolera mumekesio kaye.
\v 3 Murekeresie, omuraaki yarula nachia khuraaka.
\v 4 Ne olunyuma ngolwa yaraaka, imwo yindi yakwa khungira amayoni komumiyaka nako nikeecha nikaiboocha,
\v 5 Ne eyindi yakwa khumakina, oweliloba liraliwo lingi, ne mulwangu yamera arali khasi yayira emisi khulwo budiidi bweliloba.
\v 6 Ne ngolwomubasu kweecha nikuisamba, ne khulwo khubeera yabula emisii yamala niyooma.
\v 7 Ne eyindi yakwa mumabwa, ne mabwa nako nikakhula nikaifwinyirira niiraamakho ebiamo dawe.
\v 8 Ne eyindi nayo yakwa muliloba lilayi, niyama ebiamo biingi, niyirera amakhumi kadaru, ne yindi amakhumi kasasaba, ne yindi imia ndala.
\v 9 Mani nababoolera ari ula oli nende amarwi kokhubulira, abulire.
\p
\v 10 Ne ngolwa yali yeng'ene, bala abali alala ninaye nende bala ekhumi nende babiri bamureeba amekesio kolukaado olwo.
\v 11 Naye nababoolera ari, khweng'we muberesibwe okhumanya akobwekisii kobwami bwa Nasaye; ne khubala abali erwanyi, ebiindu bino bioosi biikholwa muchingaado.
\q
\v 12 Mbwe okhubona babone, arali baramanyirisia; khandi mbwe okhubulira babulira arali okhumanyirisia baramanyirisia, bareecha bakalukhanisibwa, mani ebionono biabwe bialekherwa.
\p
\v 13 Khandi yababoolera ari, eng'we khasi mumanyire olukaado luno? Bulano munamanya murie echingaado chioosi?
\v 14 Omuraaki yaraaka elikhuwa.
\v 15 Ne bano nibo abali olwande lweingira, ewelikhuwa liraakwa, ne nibamala khubulira likhuwa, Sietani yeecha lwangu nabukula likhuwa lirakirwe mumioyo kiabwe,
\v 16 Ne bano nibo abafwanana nende imwo yaraakwa muliloba eliri khumakina; aba nibakhabulira likhuwa, mulwangu babulira nende busangaafu.
\v 17 Arali abene khasi bali nende emisii, ne besimirisianga ebikha bimbikiri: ne olunyuma amanyakhano nende mateemo nikeecha khulwe likhuwa, ne besirala mulwangu.
\v 18 Ne bano nibo abaraakwa mumabwa; nibobo bala, ababuliranga likhuwa.
\v 19 ne amanyakhano kesialo sino, nende obubacha bwobuyiinda nende obwekoombi bwebiindu bindi bwingira nibufwinyirira likhuwa, nakhirwa okhwama ebiamo.
\v 20 Ne bano nibo imwo eyaraakwa muliloba lilayi; nibo bala ababuliranga elikhuwa ne balifukirira, nibamala baama ebiamo, eyindi makhumi kadaru eyindi makhumi kasasaba, ne eyindi imia.
\p
\v 21 Khandi yamala nababoolera ari; itaari yambisibwanga mani ireebwe asi weimesa, kosé asi wesitaanda? Ne khasi biyigeenga akulu weimesa?
\v 22 khulwo khubeera sibulao esiindu esiekisa, esirakharebwe abulafu; kose kata sibulao esiakisibwa esirakharebwe abulafu.
\v 23 Omuundu yeesi oli nende amarwi kokhubulira, anyoole khubulira!"
\p
\v 24 khandi yababoolera ari, mwekenderesie nende akmubulira: esikero esiaokerera nisio esiwakhakererwe: ne khweng'we ababulira mwakhaberesebwa ebiingi.
\v 25 Khulwo khubeera yeesi oli nabio, anamederwa: naye ula obula, kata khandi ananyulwa esiali nasio.
\p
\v 26 Khandi naboola ari, obwami bwa Nasaye, bufwanana nende omuundu owaanya imwo muliloba;
\v 27 Nachia okhweyalisia, naye nabukha esiro nende esidere, nayo imwo niimera khandi niikhula naye naramanyirisia okhukhula khwayo.
\v 28 Khulwo khubeera eliloba liakhusia ebiamo bialio; khuchakira khu lubuumbu, lunyuma lisafu, ne lunyuma ingano yene khumadere.
\v 29 Ne imere niyangala ayikesa nende ingeso khulwo khubeera elikesa liulire.
\p
\v 30 Khandi naboola ari, khunakerania obwami bwa Nasaye nende sina? kose khunabukerania nende sina?
\v 31 Bukeranisibwa nende imwo eye lidoodo, eya, niyiraakwa muliloba, niindidi muno okhira chimwo chioosi echili khusialo.
\v 32 Arali noyiraaka niyikhula mani ikhire ebisusulwa bioosi, mani ibe nende amasaga makhoongo: mbwe amayoni komumiyaka kanyale okhwikhal musiinikha siakwo.
\p
\v 33 Ne yabalomalomera likhuwa muchingaado chinyiingi echifwana chirio ngolwa banyalirwa okhulibulira.
\v 34 Ne khandi khasi siyabalomalomera arali muchingaado: ne ngolwa bali bong'ane, yafunulira abeaka baye ebiindu bioosi.
\p
\v 35 Ne inyaanga yene eyo, ngolwa sialo bweera, yababoolera ari, khwambukhe khuchie ingerekha ela.
\v 36 Ne ngolwa bali nibakhasebula omukaanda, bamubukula nali muliaro. Alala naye kaliwo amaro kandi madiidi.
\v 37 Omuyaka mukhoongo okwa mafiinda, nikwicha nikuucha, ne eliaro niliichulamo amaachi.
\v 38 Naye yali niyeyalisie inyuma weliaro, niyeyalisie khu mufaliso: nibamusimuisia nibamuboolera bari Omwami khaba khasi odeeba kata nikhufwa?
\p
\v 39 Naye nasingira, mani niyalabira muyaka, Ne naboolera inyaanja, ari, buleera, wedmberesie. Ne omuyaka nikwakama mani nikhuba nende obwedemberefu bukhoongo.
\v 40 Namala nababoolera ari, khulwa sina nimuba abari lukali? Khulwo khubeera sina nimubula obusuubiri?
\p
\v 41 Nabo nibaria okhubira esikero, nibarebana oundi khuundi bari, uno nomuundu ofwana arie, okhuula kata omuyaka nende inyaanja biosi bimubulira?
\c 5
\cl Omuliango 5
\p
\v 1 Nibamala nibachia ingerekha lundi weyinyaanja, musialo esia Bagerasi.
\v 2 Ne ngolwa yarula muliaro, omuundu yalimo roho mumaanu narula mubirindwa yamubukanira mulwangu.
\v 3 Owali yamenya mubirindwa; ne yabulao omuundu owanyala okhumuboya, kata sa nende eminyororo.
\v 4 Khulwo khubeera yali naboyerwe nende chipiingo nende minyororo, arali yakhalakaanga eminyororo omwene ne khandi amapiingo nakakhalikhanga bitundu; ne Kata yabulao omuundu yeesi owakhamunyalire.
\v 5 Khandi buli lwosi, esiro nende sideere, yabechaanga muchingulu, nende mubirindwa, nalira, niyekhenga omwene nende amakina.
\v 6 Ne ngolwa yalola Yeso ale, yeerukha namwinamira,
\v 7 nalira mudoboosi ikhoongo, naboola ari, oli nange sina, Yeso, Omwana wa Nasaye mukhoongo? Khusaba imberi wa Nasaye, mbwe orasaandia khaba.
\v 8 khulwo khubeera yamubolera ari rula mumuundu uno ewe rokho mubi.
\p
\v 9 Khandi namureeba ari, eliira liao nilio wina? Naye nakalusia, naboola ari, eliira liange nilio Lejioni: khulwo khuba khuli abangi.
\v 10 Ne namusaba lukali mbwe, araberusia okhurula musialo.
\v 11 Abwenao ambi nende khu lugulu, khwaliwo nende eliicho likhoongo elie chimbiichi nichiayaanga.
\v 12 Ne ebikhieno bioosi biamwekweeda nibiboola biri, rurume muchimbichi, khunyoole okhuchingiramo.
\v 13 Ne mulwangu Yeso nafukirira ebikhieno bimaanu ebio nibimurulamo nibingira muchimbichi: ne eliicho lie chimbichi nilikhirira mukhubibirikhana nilingira munyaanja, (chiali ambi echilifu chibiri nichifwira munyaanja.);
\p
\v 14 Abaayi bechimbichi nabo berukha nibayira amakhuwa ako mulidookho, nende musialo. Abaandu nibeecha okhulola ebiali nibiekholekhe.
\v 15 Nibeecha khu Yeso, nibanyoola ula owalimo ebikhieno, nende Lejioni, niyekhale, niyefwalire chingubo, nali ebilayi mumakesi kaye: nabo nibaria.
\v 16 Nabo abali nibabwene nibabakanira esiali nisiekholekhe khumuundu walimo bikhieno, nende ebiekholekha khuchimbichi chiosi.
\v 17 Nibamusaba mbwe abweo arule mulukoongo lwabwe.
\p
\v 18 Ne ngolwa yali niyolere muliaro, ula owali nende ebikhieno namusaba mbwe abe ninaye.
\p
\v 19 Naye Yeso naramufukirira arali yamubolera ari, bwao ochie ingo wao mubaandu bao obaboolere amakhoongo komwami akhukholere, nende esisa esia akhukholere
\v 20 Namala nabwao, nachia okhulandasia Dekapoli, ebiamakana ebia Yeso yali namukholere; mani abaandu boosi nibaukisibwa muno.
\p
\v 21 Naye Yeso ngolwa yali nachire olwande lundi muliaro, abaandu bangi nibamwebusiakho: nali indulo weyinjaanja.
\v 22 Ne lingeera, mulala khubemirisi beisinagogi, yamwichira, owalangwa mbwe Jairo; ne ngolwa yamulola yakwa mumakulu kaye,
\v 23 namusaba muno muno, naboola ari, omukhana wange akhirirwe ali okhufwa: khusaba mbwe, icha omurekho amakhono kao, anyoole khuona; naye anaona.
\v 24 Naye Yeso nachia ninaye; ne abaandu bangi bamulondakho, nibamusdakho nibamubodokhana.
\p
\v 25 Ne omukhasi undi owali nadachiriraanga mabaanga emiaka ekhumi nende kibiri.
\v 26 Yali nanyakhane mumakhono kabalesi bangi niyekhonyera ebiayali nabio bioosi, ne siyanyoola okhuona, arali yachirira okhuba ebibi.
\v 27 Ne ngolwa yabulira mbwe Yeso yeecha, yefwinyikania inyuma womukaanda nadiira khu ngubo yaye.
\v 28 Khulwo khubeera yaboola mumwoyo kwaye ari, nindira sa khuchingubo chiaye, ndanyoola khuona.
\v 29 Ne ebikha ebio okhudachirira okhwamabanga kaye nikhwakama; niyebulira mumubiri kwaye mbwe aonere mubudinyu bwaye.
\p
\v 30 Naye Yeso niyebulira mulwangu mbwe amaani kamuruliremo, namala nakalukhanira omukaanda naboola ari niwina odirire khuchingubo chiange?
\p
\v 31 Abeeka baye nibamuboolera bari, ewe obona ngolwo mukaanda kwa baandu kukhubodokhane, ne khandi oreeba mbwe ni wina okhudirirekho?
\v 32 Naye nalingeera echimbeka chioosi okhubona omudirirekho.
\p
\v 33 Naye omukhasi ula mukhurengerekha nende khuria namanyire esimwekholekhekho yeecha nakwa imberi waye, namuboolera obwadieri.
\v 34 Naye Yeso namubolera ari, omukhana, obusuubiri bwao bukhuonisie, bwao mumuleembe onyoole khuona mumanyakhano kao.
\p
\v 35 Ne ngolwa yali nasiri alomalomanga, abaandu beecha khurula munyuumba yomwemisiri weisinagogi nibaboola bari, omukhana wao amalire khufwa; khulwa sina ochiririre khunyasia omwekesia?
\p
\v 36 Arali Yeso ngolwa yabulira elikhuwa elieboola, yaboolera omwemeresi weisinagogi ari, oraria khaba ewe suubira sa.
\v 37 Naye khasi yafukirira omuundu yeesi okhuchia ninaye, arali Petero nende Yakobo, nende Yokhana omusiani wabwe Yakobo.
\v 38 Nibamala niboola munyuumba yomwemirisi weisinagogi, nalola abalisi nibalira nikhuba sioka lukali.
\v 39 Ne ngolwa yamala khwingira yababoolera ari, khulwa sina muli khukhuba sioka nimulira? omwana khasi afwire khaba, arli ali khukona sa
\v 40 Nabo nibamuchekha lukali. Ne ngolwa yamala khubarusia boosi erwanyi, yabukula samwana mwana ula nende ngina, nende abali ninaye, nibengira mukari owomwana yali nakonere
\v 41 Namala nadiira mukhono kwomwana, namuboolera ari, "Talita, koumi;" elikalulwa mbwe, mukhaana, khuboolera mbwe, singira.
\v 42 Nebikha ebio omwana ula nasingira, nakeenda; khulwo khubeera yali niyosisie emiaka ekhumi nende kibiri. Nibaukisibwa okhuuka khukhoongo.
\v 43 Nababoolera mukhujingirsia ari, omuundu yeesi aramanyakho elikhuwa elio, nababoolera ari bamuberesie esiokhulia.
\c 6
\cl Omuliango 6
\p
\v 1 Namala narula ebwene eyo, niyeecha musialo siabwe; ne abeeka baye nibamulondakho.
\v 2 Ne ngolwa inyaanga ya isabato yali niyulire, yachaaka okhwekesia musinagogi; abaandu bangi abamubulira baukisibwa lukali, nibaboola bari, omuundu uno arusirie ena makhuwa kano? Ne, kano nimakesi sina akayaberesebwa? Ne, ni akamangalimwa makhoongo Kali karie akokhola khumakhono kaye?
\v 3 Uno sinomwana womubaachi wechimbao, omusiani wa Maria, omusiani wabwe Yakobo nende Yosesi, nende Yuda, nende Simoni? Ne abakhana babwe sibali ano ninafwe? Nibamala nibesirala naye.
\p
\v 4 Naye Yeso nababoolera ari, omunabii khasi akhayanga okhuba nende esiriibwa, arali, musialo siaye mwene, nende mubaandu baye mwene, nende munyuumba mwaye mwene.
\p
\v 5 Ne khasi yakholakho akamangalimwa makhoongo Kosi kosi ebwene eyo, arali yara makhono Kaye khu balwaye badiidi, nabaonia.
\v 6 Naukisibwa nende okhurasubira khwabwe. Namala nabodokhana muchingoongo echio niyekesia.
\p
\v 7 Namala nalaanga ekhumi nende babiri bala, nachaaka khubaruma babiri babiri, nababeresia obunyala akulu webikhieno bimaanu.
\v 8 Nabakania khukiinga esiindu siosi mulukeendo lwabwe, arali indausi yong'ene, kata amapesa muchisao chiabwe;
\v 9 arali bafwale ebilaro biabwe; khandi naboola ari barabukula echinkaanju chibiri.
\v 10 Khandi nababoolera ari, abuundu woosi woosi owa muchia khwingira munyuumba, mumenyemo okhuula ngolwa mwakharule abuundu ao.
\v 11 Ne abuundu woosi owabaramwingisia, kose khurababulira, nimurula eyo musisimule olufu olwa makulu keng'we khulwo buloli akulu wabwe.
\v 12 Nibarulao, nibayaala mbwe abaandu bekanire.
\v 13 Nibarusia ebikhieno bingi, nibabakha mafura, abaandu bangi bali abalwaye, nibanyoola khuonaa.
\p
\v 14 Naye omuruki Herodi yabulira makhuwa Kaye, khulwo khubeera eliira liaye liali nilimayikhane, namala naboola ari, Yokhana omubatisia abukhire khurula mubafu, mani amaani kamakana mangi kekholekha muniye.
\v 15 Abandi nibaboola bari, ni Eliya niye. Ne abandi nibaboola bari, uno nomunabii, kose mulala khubanabii ba khale.
\p
\v 16 Arali ngolwa Herodi yabulira, yaboola ari, Yokhana, owa ndakhengakho murwe, yabukhire khurula mubafu.
\p
\v 17 Khulwo khubeera Herodi mwene yali narumire abaandu, nadirire Yokhana, namuboyere khulwa Herodia omukhaye wa Filipo omusiani wabwe owa yali namudeekhisie.
\v 18 Khulwo khubeera Yokhana yali nabolere Herodi ari khasi bifukirirwa mumalako ewe okhubukula omukhasi womusiani weng'we.
\v 19 Ne Herodia naye yali nende lirima ninaye, nakoonya ingira yokhumwira, arali siyanyalirwa khaba.
\v 20 Khulwo khubeera Herodi yaria Yokhana; namanyire mbwe Yokhana yali omuundu mukololofu, khandi omutakatifu, nanyoola khumulinda; ne ngolwa yamala khumubulira, yakanakana lukali; ne yamurekersia mbusangaafu.
\p
\v 21 Ne ngolwa inyaanga ikhoyera yola, Herodi nakhola ebiakhulia ebie ingolobe inyaanga yokhwibulwa khwaye, nakholera abakhoongo baye nende abemirisi ba mayie, nende abemirisi be chingoongo chikabukhane echia Galilaya.
\v 22 Ne ngolwo mukhana wa Herodia yengira, nakhina, nakheresia Herodi nende boosi abali ninaye mubukeni. Omuruki namala naboolera omukhana ula ari, mbolere siosi esiodakha, nindakhuberesia.
\v 23 Yamwechubira, naboola ari, siosi siosi esionasaba, ndakhuberesia, okhuula kata akari wobwami bwange.
\p
\v 24 Yamala narula erwanyi, nachia nareeba nginamwana ari, "sabe sina?" Naye ngina namuboloera ari, "saba omurwe kwa Yokhana omubatisia.".
\p
\v 25 Namala nachia mulwangu khu muruki, namureeba naboola ari, nyenya omberesie omurwe kwa Yokhana omubatisia khuluderu.
\v 26 Omuruki yaberera lukali, arali khulwo khubeera okhwechuba khwaye, nende khubeera bala abali nibekhale ninaye, khasi yanyala okhumukania khaba.
\v 27 Omuruki namala naruma omusikari, nalagira khurera murwe kwaye; Naye namala nachia nakhenga omurwe kwaye mumboyero,
\v 28 namala narera khuluderu namuberesia, namala naberesia omukhana ula, naye mukhana naberesia nginamwana.
\v 29 Abeeka baye ngolwa babulira makhuwa ako, beecha nibabukula omubiri kwaye nibakusiikha mungani.
\p
\v 30 Abeeka nibakhung'ana alala imberi wa Yeso; nibamuboolera ebiindu bioosi ebiabali nibakholere, nende ebiabali nibekesie.
\v 31 Naye nababoolera ari, mwiche mwengane abuundu wamasiririsi, owabaandu bubulao, mubuluukhe budiidi. Khulwo khubeera khwali nende abaandu abangi, abechaanga, nibabwao, kata obweyango bwokhulia khasi bwaliwo.
\v 32 Nibamala nibabwao muliaro nibachia abuundu wa baandu babulao.
\v 33 Arali abaandu bangi babona nibabwao, nibamayirisia, niberukha nibachiayo khumakulu, okhurula mumadookho koosi, nibabarangirira okhulayo.
\v 34 Naye Yeso ngolwa yarula muliaro, yalola mukaanda mukhoongo, ne yababonera esisa; khubeera bali kori amakoondi kabula omwayi; naye nachaaka okhubekesia, makhuwa mangi.
\p
\v 35 Ne ngolwa inyaanga yali niyakholoberera, abeeka baye bamwichira, nibamuboolera bari, abuundu ano nolumira lukhaya, ne khandi ebikha bimalire khubwa.
\v 36 Balekhule babweo bachie musialo esili ambi nende muchingongo banyoole khukula abiakhulia, khulwo khubeera babula esiabalia.
\p
\v 37 Arali naye yabakalusia nababoolera ari, neg'we mubaberesie esiokhulia; nabo nibamuboolera bari khunyala khuchia khwakula emgaati kiechidinari echimia chibiri mani khubaberesie balie?
\p
\v 38 Naye nabareeba ari, muli nende migaati kiinga? Muchie mulingere. Ne ngolwa balola, bakalusia bari, emigaati kirano nende ching'eni chibiri.
\v 39 Naye nalagira ari bekhasie baandu mumikaanda khu bunyaasi bubisi.
\v 40 Nibekhala mumikaanda kiechimia nende ekia makhumi karano.
\v 41 Namala nabukula migaati kirano nende ching'eni chibiri, nalingeera akulu mwikuli nakhuba orio, namala nafunaka migaati naberesia abeeka mbwe baberesie abaandu, khandi nabakabira boosi ching'eni chibiri.
\v 42 Boosi balia nibekura.
\v 43 Nibabusia alala ebidonye bie migaati biadoonga ebimwero ekhumi nende bibiri, nende ebidoonye bie ching'eni.
\v 44 Abaandu balia migaati bali abasaacha ambi chilifu chiraano.
\p
\v 45 Namala nalagira abeeka baye ari, bengire muliaro lwangu, mani bachie olwande lwa Betisaida, naye ngolwaa yali nasebula omukaanda.
\v 46 Ne ngolwa yali niyakhabasebula, yachia mulugulu okhulaama.
\v 47 Ne ngolwa ingoloobe yola, ne eliaro nilili akari weinyaanja, naye yali nadongere khulukuku yeng'ene.
\v 48 Nabalola nibanyakhana mukhufuka liaro, khulwo khubeera omuyaka kwali mungi nikubakayira: ne musiro akari yeecha owabali, nakeenda akulu weyinyaanja, nali ambi khubabirakho.
\v 49 Ne ngolwa bamulola nakeenda khumaachi, bapaara mbwe ne sikhieno, nibayuula,
\v 50 Khulwo khubeera bamulola nibaba nende obukanakani. Mulwangu yalomaloma ninabo nababoolera ari, mweberesie mwoyo! Nisie! muraria khaba.
\v 51 Namala nabachiira muliaro, ne omuyaka nikwakama khuucha, nibaukisibwa lukali.
\v 52 Khulwo khubeera khasi bamanyirisia ebie migaati kiekesia, arali emioyo kiabwe kiali miomu.
\p
\v 53 Ne ngolwa bali nibakhambukha, bola musialo esia Abagerasi, namala nachia khulukuku lweyinyaanja.
\v 54 Ne ngolwa barula muliaro, abaandu bamumanyirisia mulwangu,
\v 55 niberukha nibabodokhana ebimeka bioosi ebio musialo esio, nibachaaka khurera abalwaye khu mifaliso kiabwe, buli buundu wababulira mbwe achire.
\v 56 Ne abuundu wosi wosi owayengira, muchingoongo, kata mumadookho kose musialo, baalisianga abalwaye khuchingira, nibamusaba mbwe badirekho khulikemo lieingubo yeye, ne ngolwa abangi banyoola khumudiirakho, baona.
\c 7
\cl Omuliango  7
\p
\v 1 Abafarisaayo, nende balala khu baandiiki, abarula Yerusalem, bamwebusiakho nibamubodokhana.
\v 2 Ne ngolwa babona abeeka baye nibalia migaati, mikhono kiabwe nikimaliye, ebiekesia mbwe, nabaresaabere.
\v 3 Khulwo khubeera Abafarisaayo nende Abayaudi boosi, khasi balichaanga nibaresaabire amakhono kabwe bilayi, khulwo khubeera bali badiira emilukha kia bakofu.
\v 4 Abafarisaayo nibarula khusiiro, khasi balichaanga nibareyokere, khandi badiira ebiindu bindi bingi ebiabanyoola, kori okhwosia ebikombe, nende chindamu, nende ebiindu ebiamang'inies, nende echimesa echia balirakho.
\p
\v 5 Abafarisaayo nende abandiiki bareeba bari, "khulwasina abeeka bao khasi balondaanga emilukha kiabakhuluundu, arali balichaanga migaati kiabwe nibaresaabire makhono?"
\p
\v 6 Arali naye yabakalusia nababoolera ari, Isaaya yarusia obunabii bilayi khu eng'we abekaadi, ngolwa kaandiikwa mbwe, 'Abaandu bano bamberesianga sa esiriibwa khuminwa kiabwe, arali emioyo kiabwe kili ale ninange.
\q
\v 7 Khandi okhunyinamira khwabwe nokhwebikhaye, nibekesia amekesio kabaandu nende bilagiro biabwe.
\p
\v 8 Mulekhanga okhudiira bilagiro bia Nasaye nimudiira milukha kiabaandu, kori okhwosia echisiongo nende ebikoombe, nende ebiindu bingi ebifwana birio ebiamukholaanga.
\v 9 Khandi yababoolera ari, mulekhanga bilagiro bia Nasaye nimudiira milukha kieng'we.
\v 10 Khulwo khubeera Musa yaboola ari, richaanga soo nende mao, khandi yeesi ochuba samwana kose ngina achia khwirwa.
\v 11 Nang'we muboolanga muri, omuundu naboolera samwana kose nginamwana ari, obukhonyi bwosi bwosi obwa wakhanyolere khwesie ni koribani (nibio okhuboola mbwe, esianwa khu Nasaye),
\v 12 abwene ao khasi oba omufukirira khukholera samwana kose ngina esiindu siosi siosi.
\v 13 Abwene ao mukhola elikhuwa lia Nasaye khubula amaani khubeera emilukha kieng'we, ekiamwarao nende ebiindu bingi abifwana birio ebiamukholanga.
\p
\v 14 Khandi yalaanga omukaanda owayali, nababoolera ari, "mumbulire, buli mulala khweng'we, mani mumanyirisie.
\v 15 Sibulao esiindu esirula erwanyi nisingira mumuundu esimumaliyianga; arali ebimurulamo, ebio nbio ebimaliyia omuundu.
\v 16 Oyo yeesi oli nende marwi kokhubulira, abulire."
\p
\v 17 Bulano ngolwa yalekhana nende omukaanda, yengira munyuumba, ne abeeka baye bamureeba khulondana nende olukaado olwo.
\v 18 Naye nababoolera ari, "engwe mwesi musiiri mubula obumanyirisi? khasi mumanyire mbwe siosi esingira mumuundu khurula erwanyi khasi sinyala siamumaliyia.
\v 19 khulwo khubeera khasi sinyala okhwingira mumwoyo kwaye, arali sichia muunda mwaye, nisimala sirula nachia okhwekhoonya? Yakhola ebiakhulia bioosi okhuba ebilafu khulwe likhuwa elio.
\v 20 Khandi Yaboola ari, esirula mumuundu, nisio esimumaliya.
\v 21 Khulwo khubeera mukari mwomuundu, khurula mumwoyo, khurulangamo amaparo mabii, obudaamba, obuyirani, obwiri.
\v 22 Obwibi, obwekoombi, obubii, obubacha, obumonyani, chimoni chimbi, amanyeko, obusiru.
\v 23 Amakhuwa mabi kano koosi karula mukari, ne niko akamaliyiangia omuundu.
\p
\v 24 Yamala nasingira nabwao nachia echimbeka chia Tira nende Sidoni, niyengira munyuumba naradakha omuundu yeesi amanye owayali, ne siyanyala okhwekisa.
\v 25 Arali omukhasi owa mukhana waye mudiidi yalimo rokho mubi yabulira khulondana ninaye, yeecha nakwa mumakulu kaye.
\v 26 Omukhasi oyo yali omuyunani, omuserofana mukhwibulwa; namusaba mbwe arusie esikhieno khurula mumukhana waye.
\v 27 Naye Yeso namubolera ari, "lekha abaana balisibwe mberi, khulwo khubeera khasi bikhoyere okhubukula omugaati kwa baana, mani osukunire echimbwa.
\p
\v 28 Arali naye namukalusia namuboolera ari, eee, Omwami, kata chimbwa chiosi echili asi we yimesa, chilichaanga ebia baana balakasie.
\p
\v 29 Naye namuboolera ari, khubeera akawakhalomaloma oli mulekhule okhubwao; esikhieno simalire khurula mumukhana wao.
\v 30 Yamala nabwao nachia munyuumba mwaye, nanyoola omwana niyeyalisie khu sitaanda, ne esikhieno nisimuruliremo.
\p
\v 31 Khandi yamala narula echimbeka chia Tira, nabirira akari wa Sidoni khunyaanja ya Galilaya, nanina echimbeka chia Dekapoli.
\v 32 Nibamurerera omuundu wali mudiimbe, khandi yali nende esilimi mukhulomaloma khwaye, nibamusaba mbwe amurekho omukhono kwaye.
\v 33 Namala namurusia mumukaanda namura indulo, nara echinjala chiaye mumarwi Kaye, nafucha mare, nende khudiira khululimi lwaye.
\v 34 Namala nalingeera akulu mwikulu, nachunisibwa, namuboolera ari, "Efafatha," nibio khuboola mbwe; ikukha!
\v 35 Ne mulwangu, amarwi kaye kekukha, ne obuboye bwo lulimi lwaye bwabololokha, nachaaka khulomaloma ebilayi.
\p
\v 36 Yeso yabalagira mbwe baraboolera omuundu yeesi, arali ngolwa yameeda khubalagira, nilwo olwabmeeda khukalandasia.
\v 37 Baukisibwa khukhira esikero, nibaboola bari, "akholere ebiindu bioosi ebilayi; kata akhola abadiimbe okhubulira ne abaranyala khulomaloma, balomalome.
\c 8
\cl Omuliango  8
\p
\v 1 Muchinyaanga echio, khandi omukaanda mukhoongo kwaliwo, na khasi bali nende esiindu siokhulia. Yeso yalaanga abeeka baye, nababoolera ari,
\v 2 Mbonera sisa omukaanda, khulwo khubeera bachiririre okhuba alala ninange echinyaanga chidaru; ne babula esiindu esiabakhalia.
\v 3 Ne nibaboolera mbwe babweo mumadaala kabwe nibaralirekho esiindu, banyala khubwerwa maani khungira: abaandi khunibo barulire ale.
\p
\v 4 Abeeka baye nibamukalusia bari, "khunyala khurusia ena emigaati kiyera khulisia abaandu bano boosi mulumira muno?"
\p
\v 5 Naye nabareeba ari, "muli nende emigaati kinga?" Nabo bamukalusia bari saba."
\p
\v 6 Namala nalagira mukaanda khwikhala asi; naye nabukula emigaati saba kila, nakhuba orio, namala naberesia abeeka baye mbwe bakabire baandu, mani nibakabira omukaanda.
\v 7 Khandi bali nende ching'eni chindiidi, ne ngolwa yamala okhwebasia khulwe ching'eni echio, yalagira abeeka baye mbwe babakabire chiosi.
\v 8 Abaandu balia nibekura, nibabusia ebiadong'a nibifunikhe, ebikono bikhoongo saba.
\v 9 Abaandu balia bali ambi nende echilifu chine: olunyuma yabasebula mbwe babweo.
\v 10 Naye yengira muliaro lwangu alala nende abeeka baye, nibachia olwande lwa Dalimanuta.
\p
\v 11 Abafarisaayo bamwichira nibachaaka okhuyingana ninaye, nibamureeba esilolero khurula mwikulu, khulwo khumuteema.
\v 12 Nachunisibwa lukali mumwoyo kwaye, nababoolera ari, "khulwa sina olwibulo luno lukoonya esilolire? Nobwadieri esie baboolera mbwe, sibulao esilolero esio lwibulo luno luchia khuberesebwa."
\v 13 Olunyuma yabalekha, niyengira muliaro khandi, nabwao nachia olwande lundi.
\v 14 Nabo abeeka baye bali nibebirire okhukiinga migaati, kata khasi balikho nende omugaati okhukhira mulala muliaro.
\v 15 Nabalabira, naboola ari, "mwekenderesie mani mweliinde nende elimera lia Bafarisaayo nende elimera lia Herodi."
\p
\v 16 Abeeka bàli nibayingananga abene khu bene khulondana nende okhuraba nende emigaati.
\p
\v 17 Naye ngolwa Yeso yamanyirisia akene ako, yabareeba ari, "khulwa sina muli khuyingananga khulwo khuraba nendee migaati? Musiri simulola kose khumanyirisia? Muli nende emioyo miomu?
\v 18 Muli nende chimoni, ne khasi mulola? Muli nende marwi, arali simubulira khaba? Khandi khasi mwichulira khaba?
\v 19 Ngolwa ndafunaka migaati kirano khubaandu chilifu chirano, mwabusia ebimwero biinga ebiichule ebie bidonye bie migaati?" nibamukalusia bari, "ekhumi nende bibiri."
\p
\v 20 "Ne ngolwa ndafunaka emigaati saba khu baandu chilifu chine, mwabusia ebimwero bichule biinga ebie bidonye bie migaati? Nabo nibamukalusia bari, "saba.".
\v 21 Naye nababoolera ari, khasi musiiri khumanyirisia?
\p
\v 22 Ngolwa boola betisaida, abaandu bamurerera omuundu mwoofu, nibamusaba mbwe amudirekho.
\v 23 Namala nadiira omukhono kwomuundu mwoofu oyo, namurusia erwanyi wolukoongo. Ne niyamala okhufuucha mare muchimoni chiaye, nende khumurakho makhono, yamureeba ari, "Ololakho esiindu siosi siosi?"
\p
\v 24 Naye nalingeera akulu, naboola ari, "mbona abaandu kori emisaala kikeenda."
\v 25 Khandi yageenga amakhono kaye khuchimoni chiaye, ne echimoni chiomuundu oyo nichilimbula, nakalusirwa okhulola, mani nalola ebiindu bioosi mubwakhakhu.
\p
\v 26 Yeso namala namusebula okhuchia owaye, naboola ari, "orachia mulukoongo khaba, kata orabolerakho omuundu yeesi mulidookho khaba,"
\p
\v 27 Yeso yamala narulao nende abeeka baye nachia mumadookho ka Kaisaria Filipi; ne nibali khungira, yareeba abeeka baye ari, "Abaandu babolaanga mbwe esie ndiwina?"
\v 28 Nabo nibamukalusia nibaboola bari, Yokhana mubatisia; abaandi babolaanga mbwe Eliya, ne abaandi mbwe mulala khu banabii."
\p
\v 29 Naye nabareeba ari, "eng'we nang'we muboola mbwe esie ndi wina?" Petero namukalusia namubolera ari, "ewe newe kirisito."
\p
\v 30 Yeso nabalagira nababoolera ari, barabolerakho omuundu yeesi khulondana ninaye.
\p
\v 31 Yachaaka khubekesia naboola ari, bili mbwe Omwana womuundu abirire mumanyakhano mangi, khandi anyoole khukhaywa nende abakofu, nende abakukhani, nende abaandiiki, mani yerwa, ne olunyuma lwechinyaanga chidaru alamukhe khandi.
\v 32 Yalomaloma makhuwa ako abulafu. Naye Petero namubukula namuyira indulo nachaaka okhumwalabira.
\v 33 Arali Yeso yakalukhana nalingeera abeeka baye, namala niyalabira Petero, namuboolera ari, "kalukha inyuma wange, Sietani! Khasi oli khuparaanga aka Nasaye khaba, arali aka baandu.".
\p
\v 34 Namala nalaanga omukaanda nende abeeka baye alala, nababoolera ari,"yesi yeesi owenya okhunoonda, bili mbwe yekane omwene, abukule omusalaba kwaye, mani anoonde.
\v 35 Khulwo khubeera yeesi odakha okhuonia bulamu bwaye, achia khubukosia, naye yeesi okosia obulamu bwaye khulwesie nende khulweifanjili, anabuonia.
\v 36 Nibukhala sina obwomuundu ananyoola, nibili ananyoola esialo siosi, naye akosie omwoyo kwaye?
\v 37 Nisina esio muundu yakhakulasania nende obulamu bwaye?
\v 38 Yesi yeesi onambonera chisoni alala nende amakhuwa kange mulwibulo luno olwobuyeyi, nende abakholi bechimbi, Omwana womuundu yeesi yakhamubonere chisoni, niyeecha muluyaali lwa Samwana nende abamalaika batakatifu.
\c 9
\cl Omuliango  9
\p
\v 1 Namala nababoolera ari "muboolera obwadieri mbwe, baliwo abandi khu bala abemere ano, abarakhabone eliifwa, nibasiiri khubona obwami bwa Nasaye nibwichi nende amaani.
\p
\v 2 Ne olunyuma lwe chinyaanga chisasaba, Yeso yabukula Petero, nende Yakobo, nende Yokhana nanina nabo khulugulu, bong'ene, ne elikoondo liaye nilikalukhana imberi wabwe.
\v 3 Echingubo chiaye chiaba chindafu lukali, niching'enang'ena khukhira kori ngolwomwoosi yesi yeesi khu sialo yakhachiosia.
\v 4 Olunyuma, Eliya nende Musa babalolekhera nibalomaloma nende Yeso.
\v 5 Petero nakalusia naboolera Yeso ari, "Rabbi, ni bilayi efwe okhuba ano; lekha khumbakhe ebiyumba bidaru, ndala eyao, ndala eya Musa, nende eyindi eya Eliya.".
\v 6 (Khulwo khubeera khasi yali nende esiokhuboola, khubeera bali nende oburi bungi.)
\p
\v 7 Elilesi liecha nilibafunikha, ne idoboosi niyirula mulilesi niiboola yiri, "Uno niye Omwana wange mukheerwa; mumubulirenge."
\v 8 Ne mulwangu nibalingeera echimbeka chioosi, nibarabonakho omuundu yesi yeesi nali ninabo, arali Yeso yeng'ene sa.
\p
\v 9 Ne ngolwa bali nibeekha khurula khulugulu, yabalagira mbwe barabolera omuundu yesi yeesi ebiabali nibabwene khulugulu, okhuula ngolwo Mwana womuundu yakhabe nabukhire okhurula mubafu.
\v 10 Babiikha amakhuwa ako mubene, arali barebana abene khu bene bari "khubukha mubafu" biekesia sina.
\p
\v 11 Bamureeba bari, "khulwa sina abaandiiki babolaanga mbwe Eliya niye owakharangirire okhwicha?".
\p
\v 12 Naye yabakalusia nababolera ari, "Eliya arangirira khwicha khulwo khukalusia ebiindu bioosi. Bulano khulwa sina kaandiikwa mbwe Omwana womuundu okhuula abirire mumanyakhano mangi nende khulekeresibwa?
\v 13 Arali baboolera mbwe, Eliya yamala okhwicha, ne bamukholera ebia benya khumukholera ngolwakandiikibwa khulondana ninaye."
\p
\v 14 Ne ngolwa beecha khu beeka baye, balola omukaanda mukhoongo nikubabodokhane, ne abaandiiki nibayingananga ninabo.
\v 15 Ne ngolwa balola Yeso, omukaanda kwoosi kwaukisibwa lukali, nibamwirukhira nibamukhesia.
\v 16 Yamala nareeba abeeka baye ari, "muyinganiranga sina.
\p
\v 17 Omuundu mulala mumukaanda yamukalusia naboola ari, "Omwekesia, khurerere omusiani wange, oli nende esikhieno esimukholanga akhirwe khulomaloma,
\v 18 simwingirangamo nende khumukwisia asi, narusia lifiro mumunwa, nasia meno, nende okhumukhola ang'aye; sabire abeeka bao mbwe bamurusiemo, arali sibanyalire khaba.
\p
\v 19 Nabakalusia naboola ari, "olwibulo olurasuubira, njia khuba ninang'we okhuula lina? ndabanyakhanira okhuula lina? Mumunderere."
\v 20 Bamala nibamurerera omusiani oyo; ne ngolwesikhieno siamulola, siamukwisia asi, nakwa napapala narusia lifiro mumunwa.
\v 21 Yeso yareeba samwana ari, yakhaba mumbeera yino khulwebikha biyera birie? Naye samwana namuboolera ari, "okhurula obudoro bwaye.
\v 22 khandi mubikha bingi siakhamukwisianga mumuliro, nende kata mumaachi, nende khuteema khumusasia, nibili mbwe onyala rubonerekho sisa mani orukhoonye."
\p
\v 23 Yeso namukalusia naboola ari, "nibili mbwe onyala? Ebiindu bioosi binyalikhana khu ula osuubirira.
\p
\v 24 Abwene ao samwana mwana oyo yalira naboola ari, "suubirire! khonye muburasuubira bwange!".
\p
\v 25 Ne ngolwa Yeso yalola omukaanda nikwicha chimbiro, yalabira esikhieno esio, naboola ari, "ewe sikhieno sidiimbe esiralomaloma, khulagira mbwe murulemo khandi oramukalukhamo khaba.
\p
\v 26 Ne esikhieno sialira, nisimala nisimuramo indulume, ne olunyuma nisimurulamo; naye naba kori omuundu ofwire; abaandu bangi nibaboola ari, "afwire.".
\v 27 Arali Yeso yamubukula khumukhono, namukingula akulu, naye omusiani namala nasingira.
\p
\v 28 Ne ngolwa Yeso yeecha munyuumba, abeeka baye bamureeba nali yeng'ene bari, "khulwa sina efwe khasi khunyalire okhumurusiamo?".
\p
\v 29 Naye nabakalusia naboola ari, "ebifwana biri khasi biakharusibwa arali khu masaayo nende khusiiba.
\p
\v 30 Nibamala nibarula abuundu ao, nibabirira Galilaya; ne khasi yadakha omuundu yeesi amanye owabali,
\v 31 khulwo khubeera yali niyekesianga abeeka baye, nababoolera ari, "Omwana womuundu achia khuberesebwa mumakhono kabaandu, nabo bachia okhumwira; ne nibamalire khumwira, khandi achia khulamukha inyaanga yokhudaru."
\v 32 Arali nabo khasi bamanyirisia amakhuwa ako, ne nibaba nende oburi bwokhumureeba.
\p
\v 33 Olunyuma beecha Kaperinaumu, ne ngolwayengira munyuumba yabareeba naboola ari, "nisina esia murebanenge khungira?"
\v 34 Arali nabo babulera, khulwo khubeera barebananga abene khu bene khungira mbwe, ni wina owali mukhoongo akari wabwe.
\v 35 Namala niyekhala asi, nalanga abeeka baye ekhumi nababiri alala nababoolera ari, "omuundu yeesi owekoomba okhuba oweyimberi, okhuula abe owokhumalirikha khuboosi, khandi abe omukholi waboosi.
\v 36 Namala nabukula omwana mudiidi, namura akari wabwe; namumukiinga mumakhono kaye, nababoolera ari,
\v 37 "omuundu yeesi owingisia omwana kori uno muliira liange, aba yengisia esie; naye yeesi onyingisia, khasi yengisianga esie, arali yengisianga ula owanduma."
\p
\v 38 Yokhana namukalusia naboola ari, "Omwekesia, khubwene omuuundu undi niyerusia ebikhieno muliira liao, arali efwe khumukanisie, khulwo khubeera khasi alondananga nafwe."
\p
\v 39 Arali Yeso naye yaboola ari, "muramukania khaba, khulwo khubeera abulao omuundu yeesi ochia khukhola amakhuwa makhongo muliira liange, onyala okhulomaloma amabi akulu wange.
\v 40 Ula yeesi orali nobukabukhani ninafwe, omwene oyo ali alala nafwe.
\v 41 Ula yeesi okhuberesia esio khung'wa muliira liange, khulwo khubeera mbwe muli aba kiristo, baboolera obwadieri mbwe, khasi anakhaya khunyoola esianwa siaye
\p
\v 42 Naye oyo yeesi okera mulala khu badiidi bano abasubira mwesie, yesirale, biakhabere bilayi niyakhaboyerwekho elikina likhoongo mukosi mwaye, mani asukunwe munyaanja.
\v 43 Ne omukhono kwao nikukera wesirala, kukhengeyo, ne bilayi okhwingira mwikulu nende omukhono mulala, okhukhira okhuba nende makhono kabiri nochia magoombe, mumuliro kurasima.
\v 44 Omulimo chinyeende echirafwa khandi omuliro okurasimisibwa.
\v 45 Ne okhukulu khwao nikhukera wesirala, khukhalakeyo; nibilayi okhwingira mubulamu noli omulema, okhukhira noli nende amakulu kabiri, nosukunwa magoombe,
\v 46 ewechinyeende chirafwa, khandi omuliro sikusimisibwa.
\v 47 Ne imoni yao niyikera wesirala, yirusiemo; khulwo khubeera nibilayi okhwingira mubwami bwa Nasaye nende imoni ndala, khukhira khuba nende chimoni chibiri nosukunwa magoombe,
\v 48 owe chinyeende chirafwa, nende omuliro kurasimisibwa.
\p
\v 49 Khulwo khubeera buli mundu achiakhurebwamo ichumbe nende omuliro.
\v 50 Ichumbe neindayi; arali ichumbe nikosia esiuya siayo, wakhayikhola orie khuyaba ichumbe khandi? mube nende ichumbe mweng'we bene, ne mube nende omuleembe abene khubene.
\c 10
\cl Omuliango 10
\p
\v 1 Yeso yamala narula abuundu ao nachia chimbeka chie Ebuyudeya, ingerekha womwalo kwa Yorodani; ne khandi emikaanda kiamwichira, kori ngolwa yali nabakholerenge, nanyoola khubekesia.
\v 2 Abafarisaayo nibamala nibamwichira khumuteema, nibamureeba bari, "bikhoyera mumalako omusaacha khulekha mukhasi waye?"
\p
\v 3 Naye nakalusia nababoolera ari, "Musa yabalagira arie?"
\p
\v 4 Nabo nibaboola bari, "Musa yalagira omuundu khwandiika ibarwa yokhulekhana, namala amwirusia abweo".
\p
\v 5 "Biali birio khulwo khubeera obwomu bwemioyo kieng'we, nibio ebiakera yabandikira elilako lino."
\v 6 "Arali mukhuchaaka khwokhulongwa khwesialo, Nasaye yabakhola omusaacha nende mukhasi."
\v 7 Khulwe sifune sino, omuundu achia khulekha samwana nende ng'inamwana, niyambanisibwa nende omukhasi waye,
\v 8 ne babiri abo banaba omubiri mulala; khulwako khasi bali babiri, arali mubiri mulala.
\v 9 Khulwako esia Nasaye yambania alala, omuundu yeesi arabakabukhania.
\p
\v 10 Ne ngolwa bali munyuumba, khandi abeeka baye bamureeba khu makhuwa kene ako.
\v 11 Naye nababoolera ari, "omuundu yeesi olekhana nende mukhasi waye, nadeekhia omukhasi uundi, aba amukholera obuyeyi k.
\v 12 Ne omukhasi yeesi olekhana nende omusaacha waye, nadeekhesibwa nende omusaacha uundi, aba akhola obuyeyi.
\p
\v 13 Bamala nibamurerera abaana babwe badiidi mbwe abadiirekho; arali abeeka baye babalabira.
\v 14 Arali Yeso ngolwa yamanyirisia, yasinyisibwa, ne nababoolera ari, mulekhe abaana badiidi beche khwesie, murabakaira khaba, khulwo khubeera obwami bwomwikulu bufwanana ninabo.
\v 15 Baboolera obwadieri mbwe oyo, yeesi orafukirira obwami bwa Nasaye kori omwana mudiidi, khasi achia okhubwingiramo.
\v 16 Namala nabakinga mumakhono kaye, nabarakho makhono nende khubasabira chikhabi.
\p
\v 17 Ne ngolwa yachaaka olukeendo, omuundu uundi yiecha niyerukha, nasigama imberi waye namureeba ari, "omwekesia omulayi, esie khoyere khola sina khunyoole obulamu bwobumeri?"
\p
\v 18 Naye Yeso namuboolera ari, khulwa sina nonaanga mbwe omulayi? Abulao oli mulayi arali mulala yeng'ene, nomwene oyo niye Nasaye.
\v 19 Ewe omanyire ebilagiro baboola mbwe, orayeya da, orera da, oreebanga da, orabachanga da, orarusia obuloli khukobubacha, oricheenge soo nende mao.
\p
\v 20 Naye omuundu oyo yakalusia namuboolera ari, "omwekesia, ndadiira amakhuwa kano koosi okhurula nisiiri mwana.
\p
\v 21 Yeso yamulingera tiiri namukheera, namala namuboolera ari, "olemerwa esiindu silala, bwao ochie okusie emiandu ekioli nakio kioosi, mani oberesie abamanani, ne onaba nende imbikhiro mwikulu, mani wiiche unoonde."
\v 22 Arali naye yaberera khulwa makhuwa ako, namala nabwao nasinyikhe, khulwo khubeera yali nende emiandu mingi.
\v 23 Yeso yalingeera chimbeka chioosi, namala naboolera abeeka baye ari, "biakhabe ebidinyu khubayiinda okhwingira mubwami bwa Nasaye."
\v 24 Abeeka baye nibaukisibwa khulwa makhuwa kaye. Arali Yeso naye yakalusia khandi nababoolera ari, "Abana, nebidinyu biaka birie khu bala abasuubira mubuyiinda okhwingira mubwami bwa Nasaye!
\v 25 Nibiangu khuingamia okhubira mumulu kweisindani, khukhira omuyiinda khwingira mubulamu bwomwikulu.
\p
\v 26 Baukisibwa okhukhira sikero, nibaboola abene khubene bari, "bulano niwina onyala yaonisibwa?"
\p
\v 27 Naye Yeso yabalingeera nabakalusia naboola ari, "khubaandu khasi binyalikhana, arali khu Nasaye khasi bili birio khaba. Khulwo khubeera khu Nasaye ebindu biosi binyalikhana."
\p
\v 28 Naye Petero nachaaka okhumuboolera ari, "Lingeera, efwe khwalekha bulisiindu mani nikhukhuloonda."
\p
\v 29 Naye Yeso nakalusia naboola ari, baboolera obwadieri mbwe, abulao omuundu yeesi owalekha inyuumba yaye, kose abasiani babwe, kose abakhana babwe, kose simwana, kose ng'ina, kose omukhasi waye, kose abaana baye, kose omukuunda kwaye khulwa esie, nende khulwaifanjili.
\v 30 Orakhaberesebwe okhuula imia mubikha biabulano, echinyuumba, nende abasiani babwe, nende abakhana babwe, nende bang'ina, nende abana, nende emikuunda, nende mumanyakhano; nende musialo esichayo, obulamu oburalibwayo.
\v 31 Arali abangi abali imberi baliba inyuma, nabo abali inyuma baliba imberi.
\p
\v 32 Bali khungira nibachia Yerusalemu, ne Yeso yali imberi wabwe nabemirire, abeeka baye nibaukisibwa muno; ne abali nibamulondanga bali noburi. Khandi Yeso yamala nababukula ekhumi nende babiri, nachaaka okhubabolera amakhuwa kali kachia okhumwekholekhakho.
\v 33 Nababoolera ari, "lingeera, khunina khuchia Yerusalemu, ne omwana womuundu achia khurewbwa imberi wabakukhani bakhongo, nende abaandiiki; ne bachia okhumukhalakira esiina esiokhufwa, ne bachia okhumwana khu banasialo.
\v 34 Bachia okhumuteema, nibamufuchakho mare, nende khumukhuba emisarita, nibamal bamwira; arali olunyuma lwe chinyaanga chidaru achia okhulamukha khandi."
\p
\v 35 Yakobo nende Yokhana, abaana Ba zebedaayo, bamwichira nibaboola bari, "Omwekesia, khwenya orukholere siosi esie khukhusaba."
\p
\v 36 Naye nabareeba ari, "nisina esiamudakha esie bakholere?"
\p
\v 37 Nabo nibakalusia nibaboola bari, rufukirire khwikhale ninawe muluyaali lwao, mulala khu mukhono kwao musaacha ne oundi khu mukhono kwao mukhasi."
\p
\v 38 Arali Yeso naye yabakalusia naboola ari, khasi mumanyire esia muli khusabaanga. Eng'we munyala mwang'wa musikoombe esia njia khung'wa; kose okhubatisibwa obubatisibwi obwanjia okhubatisibwa?"
\p
\v 39 Nabo nibamukalusia bari, "khunyala," naye Yeso nababoolera ari, nobwadieri munang'wera musikoombe esianjia khung'weramo; khandi obubatisibwi bwambatisibwamo, eng'we mwesi muchia khubatisibwamo.
\v 40 Arali okhwikhala omukhono kwange musaacha kose mukhono kwange omukhasi, khasi nesie oberesia khaba; arali kanaberesibwa balia abakakhoyerwa.
\p
\v 41 Ne abeeka bandi ekhumi bala ngolwa babulira, bachaaka okhusinyisibwa khulondana nende Yakobo alala nende Yokhana.
\v 42 Naye Yeso nabalaanga nababoolera ari; "mumanyire mbwe bala ababalwanga okhuba baruki babanasialo, babarukaanga, khandi abamadaara ka akulu bekesianga bunyala akulu wabwe.
\v 43 Arali khasi bill birio khweng'we khaba, ne yeesi owenya okhuba omukhoongo akari weng'we, okhuula abe omukholi weng'we.
\v 44 Khandi yeesi owekoomba okhuba oweimberi akari wengwe, okhuula abe omukhalabani waboosi.
\v 45 Khulwo khubeera Omwana womuundu khasi yeecha khulwo khukholerwa khaba, arali yeecha okholera, nende okhurusia obulamu bwaye ngesianwa khulwa bangi.
\p
\v 46 Nibamala niboola Yeriko; ne ngolwa yali narula Yeriko alala nende abeeka baye, nende omukaanda mukhoongo okwa baandu, Batulumayo, omusiani wa Timayo, omuofu wokhusaba, yekhaala khu mwanda.
\v 47 Ne ngolwa yabulira mbwe yali Yeso wa Nasareti; yachaaka okhuba luyoka naboola ari, "Yeso, Omwana wa Daudi, mbonerekho esisa!"
\v 48 Ne abangi bamwalabira, nabamubolera mbwe abulere: arali naye yalira lukali naboola ari, "Omwana wa Daudi mbonerekho esisa!"
\p
\v 49 Yeso yema nalagira mbwe bamulaange. Balaanga omuundu muoofu oyo, nibamuboolera bari, weberesie omwoyo! Singira weme! Ali okhulangaanga."
\v 50 Yasukuna echingubo chiaye, nasingira niyeema, namala niyeecha khu Yeso.
\p
\v 51 Yeso namukalusia namuboolera ari, "wenya khukholere sina? Omundu muoofu oyo namuboolera ari, "Rabboni, ndokha nyoole okhulola."
\p
\v 52 Yeso namala namubolera ari, "bwao, obusuubiri bwao bukhuonisie." Abwene na bwene yanyoola okhubona, namala namuloonda khu mwanda.
\c 11
\cl Omuliango  11
\p
\v 1 Ne ngolwa bola Yerusalemu, nibali ambi nende Betifage nende Betania, khulugulu lwa Miseyituni, Yeso yaruma abeeka baye babiri imberi,
\v 2 nababoolera ari, "muchie mulukoongo oluli imberi weng'we; ne ngolwa munaba nimuliremo, munanyoola omwana weipunda niyiboyerwe, eyo muundu yeesi asiri okhwikhalakho, muyibolole mani muyinderere.
\v 3 Ne omuundu yeesi namureba mbwe khulwa sina muyibolola? mumubolere muri, "Omwani ayidakha ne anayikalusia ano."
\p
\v 4 Bachia nibanyoola ipunda niyiboyerwe erwanyi khungira, nibamala nibayibolola.
\v 5 Ne abaandu bandi abali nibemere ambi ao babareeba bari, muli khukholanga sina, mubololaanga ipunda?
\v 6 Nabo bababoolera kori Yeso yali nababoolera: Ne abaandu abo nibabalekha nibabwao.
\p
\v 7 Barerera Yeso ipunda, nibayialakho echingubo chiabwe; naye namala niyekhala akulu wayo.
\v 8 Abaandu bangi baala echingubo chiabwe khungira, ne abandi nibarema amasaga kemisaala nibaala khungira.
\v 9 Bala abachia imberi waye nende abamulondakho, bayula nibaboola bari, "Hossana! Niweikhabi owiicha muliira lio Mwami.
\v 10 Oburuki bwa sefwe Daudi buli nende chikhabi! obwicha mulira liaye omwami, Hossana akulu mwikulu."
\p
\v 11 Yeso yamala niyengira Yerusalemu, nachia mukhekalu; nalingeera echimbeka chiosoi khu biindu bioosi, ne sialo ngolwa sierima, yarula nachia Bethania alala nende ekhumi na babiri.
\p
\v 12 Ne inyaanga yalondakho, ngolwa bali nibabwao khurula Bethania, yabulira injala.
\v 13 Nabona omusaala kwomukhuyu nali ale, okwali nende amasaafu, nachia okhulola niyakhanyolakho esiamo siosi siosi; ne ngolwa yola ambi nakwo, khasi yanyolakho esiindu siosi arali masaafu kongene; khulwo khubeera ebikha bie mikhuyu biali nibisiri.
\v 14 Yeso nakuboolera ari, "abulao omuundu yeesi ochia khuliakho ebiamo biao echinyaanga chioosi," ne abeeka baye babulira.
\p
\v 15 Bamala niboola Yerusalemu; naye Yeso niyengira mukhekalu nachaaka okhurusia erwanyi bala abali nibakusia nende okhukula muhekalu, nakalula echimeesa chiabakaluhasi bamapesa, nende ebisaala abiabala abakusianga amakaburuku.
\v 16 Khasi yafukirira omuundu yeesi okhubira muhekalu nende esiindu siosi.
\v 17 Yabekesia nababiolera ari, khasi kandikibwa mbwe, "inyuumba yange ichia khulangwa mbwe inyuumba ya masaayo khulwe bialo bioosi? Arali eng'we muyikholere okhuba elikhokho liabanyuuli.
\v 18 Abakuhani bakhoongo alala nende abaandiiki babulira akayali naboolere, nibekhoba ngolwa bakhamusasia, khulwo khubeera bali bamuria, khubeera abaandu boosi baukisibwa nende amekesio kaye.
\v 19 Ne ngolwa ingolobe yola, barula mulidookho.
\p
\v 20 Ne ngolwa bali nibabira ichuli, balola omusaala kwomukhuyu nikumire akulu okhurula khumisii.
\v 21 Naye Petero niyechulisia namuboolera ari, "Rabbi, lingeera! Omusaala kwomukhuyu okwa wachubire kuumire."
\p
\v 22 Yeso naye yabakalusia nababoolera ari, "mube nende obusuubiri mu Nasaye.
\v 23 Baboolera obwadieri mbwe, omuundu yesi yeesi naboolera olugulu luno mbwe, yiyikha oruleo, mani okwe munyaanja, ne khasi abakho nende obukanakani mumwoyo kwaye, arali asubire mbwe ebiindu ebio bioosi ebia abolere binekholekha; ebiene ebio nibo ebia Nasaye anakhola.
\v 24 Khulwako baboolera mbwe, ebiindu bioosi ebiamureeba nende khusaaya mubusuubire, mbwe munyoolere, ne binaba ebieng'we.
\v 25 Ne nimwema okhulaamaa, bili mbwe okhuula mulekhere siosi siosi esiamuli nasio akulu womuundu yeesi, mbwe Seng'we oli mwikulu yeesi achia okhubalekhera amabi keng'we.
\v 26 Ne nimuralekhera, kata Seng'we oli mwikhulu yeesi khasi yakhabalekhera echimbi chieng'we khaba.
\p
\v 27 Khandi beecha Yerusalemu, ne ngolwa Yeso yali nakeendanga muhekalu, abakuhani bakhoongo, nende abaandiiki, nende abakhulundu bamwichira.
\v 28 Nibamuboolera bari, "okholaanga ebiindu bino khu bunyali sina, ne niwina owakhuberesia obunyala bwokhubikhola?"
\p
\v 29 Yeso nakalusia nababoolera ari, "esie siesi ndabareeba elireebo elala, mungalusie, nange siesi ndababoolera mbwe kholaanga ebiindu bino khubunyala bwawina.
\v 30 Obubatisibwi bwa Yokhana, bwarula mwikulu kose khubaandu? Mungalusie."
\p
\v 31 Balomaloma abene khu bene, nibayingana, nibaboola bari, nikhuboola mbwe, bwarula mwikulu, anaboola ari, khulwa sina simwamusubira?
\v 32 Ne nikhuboola mbwe, khurula khu baandu, baria abaandu; khulwo khubeera bafukirira mbwe Yokhana yali omunabii.
\v 33 Olunyuma bakalusia nibamuboolera Yeso bari, "efwe khasi khumanyire khaba." Naye Yeso nakalusia nababoolera ari, "esie siesi khasi ndababoolera khaba mbwe nikhubunyala sina obwakholaanga ebiindu bino.
\c 12
\cl Omuliango  12
\p
\v 1 Namala nachaaka okhubekesia muchingaado, naboola ari, omuundu mulala yaraaka indalo ye misabibu, mani nayisiririra olukaka, nayaba eliina elia ifini, niyombakha ingaasi indaambi, namala nayipangisia khubalimi, naye nasamula nachia esialo sie yale.
\v 2 Ne mulikesa yaruma omukholi waye khubalimi mbwe anyolekho ebiamo bio mumukuunda kwemisabibu.
\v 3 Arali bamudiira, nibamukhuya, nibamala nibamwirusia makhono makhaya.
\v 4 Khandi yabarumira omukholi undi, naye nibamukhuya amakina nibamumisia omurwe, nibamwirusia muchisoni.
\v 5 Khandi naruma oundi, naye mwene uno nibamwira, nende abaandu bangi, nibabakhuya nibeera abandi.
\v 6 Naye yali asiiri nende oundi mulala owokhuruma, omusiani mulala yeng'ene, owayakheera lukali. niye owayamalirikha okhubarumira, naboola ari, 'banaberesie oluyaali omwana wange.'
\v 7 Arali abalimi abo baboola abene khu bene bari, 'uno niye owobulaame mwiiche, khumwire, ne obulaame bunaba obwefwe.
\v 8 Nibamubukula, nibamwira, nende okhumusukuna erwanyi weindalo yemisabibu.
\v 9 Khulwako, omwene indalo yemisabibu achia khukhola sina? Achia khwicha nasasia abalimi bemisabibu, naberesia abaandu bandi indalo yemisabibi.
\v 10 Khasi mwasomakho eliandiko lino; mbwe elikina eliabombakhi bakhaya bulano liakholwa okhuba elikina liomukoona?
\v 11 Lino liarula khu Mwami, ne ni liokhukisia muno muchimoni chiefwe.
\p
\v 12 Olunyuma lwamakhuwa ako, Abayaudi bakoonya ingira yokhumudiira, khulwo khubeera bamanya mbwe alomaloma chingaado akulu wabwe; arali baria omukaanda, nibamulekha nabwao.
\p
\v 13 Nibamala nibamurumira balala khu Bafarisaayo nende Bakherodia, mbwe banyoole khumudira mumakhuwa kaye.
\v 14 Ne ngolwa beecha, bamubolera bari, "Omwekesia, khumanyire mbwe oli owobwadieri, khandi khasi odeebanga ebiobaandu bakhuparirisia, khandi khasi odeebanga obukhongo bwomuundu yeesi, arali wekesianga ingira ya Nasaye mubwadieri; Nelilako okhurusia omusolo khu Kaisari kose khaba?
\p
\v 15 Khurusia kose khurarusia? Arali yamanyirisia obwekaadi bwabwe, nababoolera ari, "khulwa sina nimundeema? Mumberesie idinari, nyoole okhuyilingeera."
\v 16 Bamala nibamurerera, naye nababoolera ari, "esifwanani sino nende obwandiike buno nibia wina?" Nabo nibamuboolera bari, "nibia Kaisari."
\p
\v 17 Naye Yeso nababoolera ari, muberesie Kaisari ebia kaisari, ne ebia Nasaye muberesie Nasaye. Nabo nibaukisibwa ninaye.
\p
\v 18 Olunyuma, Abasadukaayo ababolaanga mbwe obulamukhi bubulao bamwichira, nibamureeba nibaboola bari,
\v 19 "Omwekesia, Musa yarwandikira ari, omusiani wabwe muundu nafwa nalekha omukhasi waye, naralekherekho omwana, omusiani wabwe abukule omukhasi waye, mani anyoole khwibulira omusiani wabwe abaana.
\v 20 Bulano khwaliwo nende abasiani saba, owamberi yadeekhia omukhasi, ne yafwa narali nende abaana.
\v 21 Owakhabiri namubukula, ne yeesi nafwa naralekhakho omwana; nende owakhadaru yeesi ario.
\v 22 Boosi saba khasi balekhakho abaana, ne mukhumalirikha omukhasi yeesi yafwa.
\v 23 Bulano, mukhulamusibwa, nibasingisibwa khandi, achia okhuba owawina? Khulwo khubeera abasiani saba boosi bali naye kori mukhasi"
\p
\v 24 Naye Yeso nakalusia nababolera ari, "sino sinisio esifune sikera nimukora? khulwo khubeera khasi mumanyire amandiko khaba, kose kata obunyala bwa Nasaye.
\v 25 Khulwo khubeera nibabukha okhurula mubafu, khasi badeekhia kose khudeekhisibwa, arali bali kori nga abamalayika abali mwikulu.
\v 26 Arali khulondana nende abafu abalamusibwa, khasi mwasoma musitabo sia Musa, khu makhuwa kesichakha, kori ngolwa Nasaye yalomaloma naye naboola ari, 'Esie Ndi Nasaye wa Aburahamu, nende Nasaye wa Isaaka, nende Nasaye wa Yakobo?
\v 27 Khasi ni Nasaye wa abafwa khaba, arali ni Nasaye wa balamu; eng'we bulano mukora lukali.
\p
\v 28 Ne mulala khu baandiiki yeecha, mani nabulira akabali nibalomalomaanga, yalola mbwe Yeso yabakalusia ebilayi, namala namureeba ari, "nililako sina elikhoyera lukali mukoosi?"
\p
\v 29 Yeso yamukalusia naboola ari," elikhoyera lukali liboola mbwe, 'bulira, ewe Isiraeli, Omwami Nasaye wefwe ni mulala.
\v 30 Bili mbwe Okheere Omwami Nasaye wao nende omwoyo kwao kwoosi, nende imbeera yao yoosi, nende amapaaro kao koosi, nende amaani kao koosi; elio nilio elilako elie imberi.
\v 31 Ni elio khubiri nilio lino: bili mbwe okheere omumenyeranwa wao kori ngolwa wekheera omwene. Libulao elilako elikhira kano khaba dawe.
\p
\v 32 Omwaandiiki yamala namuboolera ari, nibilayi, Omwekesia! Wakhaboola obwedieri mbwe Nasaye ni mulala, khandi abulao oundi arali niye.
\v 33 Okhumukheera nende omwoyo kwoosi nende obumanyirisi bwoosi, nende amaani koosi, nende okhukheera owasio kori nga wekheera ewe mwene, bikhira ebianwa bio khusambwa nende ebimala misaango."
\p
\v 34 Naye Yeso ngolwa yalola mbwe akalusie mubumanyirisi, yamuboolera ari, "khasi oli ale nende obwami bwa Nasaye." olunyuma lwaako, abulao omuundu yeesi owateema okhumureebakho elireebo khandi.
\p
\v 35 Ne ngolwa Yeso yali niyekesianga muhekalu, yaboola ari "Khulwasina abaandiki babolaanga mbwe Kirisito nomwana wa Daudi?
\v 36 Kulwo khubeera Daudi mwene yaboola okhubirira muroho mutakatifu ari, Omwami yaboleera Omwami wange ari, ikhala khu mukhono kwange musaacha, okhuulaa ngolwa njia okhura abasuku bao asi wamakulu kao.
\v 37 Daudi mwene amulaanga mabwe, Omwami, bulano khandi Kirisito yakhaba arie omwana we Daud. Omukaanda mukhoongo kwamurekeresia mubusangaafu
\p
\v 38 Naye nababoolera mumekesio kaye ari, "mwekenderesie khulondana nende abaandiki, abakheera okhukeenda mubiefwalo biraambi, nende khukhesibwa mubiiro,
\v 39 nende ebisaala bieimberi muchisinagoogi, nende abuundu woluyaali mumikholo.
\v 40 khandi bengiraanga muchiunyuumba chia bakhasi balekhwa, nende khulaama amalaamo maraambi mbwe abaandu babalole; abene abo bachia okhunyoola abukhalaki obukhoongo.
\p
\v 41 Yeso yamala niyekhala abuundu welisaanduku liokhuramo ebianwa mukhekalu, nalingeere ngolwa baandu baramo amapesa; abaandu bayiinda bangi baramo esikero sikhoongo esia mapesa.
\v 42 Ne olunyuma, omukhasi mulekhwa omumanani, yeecha naraamo amatongolo kabiri esiako sio bunusu bwa mapesa.
\v 43 Namala nalaanga abeka baye nababoolera ari, baboolera obwadieri mbwe, omukhasi mulekhwa omumanani uno, areremo chinyiingi okhukhira buli muundu orere mulisaanduuku liebianwa.
\v 44 Khulwo khubeera abaandiki abo boosi bareremo ebimeka ebiobuyiinda bwabwe, arali omukhasi mulekhwa uno, okhurula mubumanani bwaye, areremo amapesa koosi akakhoyere khumenyera.
\c 13
\cl Omuliango 13
\p
\v 1 Ne ngolwa Yeso yali narula mukhekalu, mulala khubeeka baye yamubolera ari, "Omwekesia, lingeerakho amakina kokhuukisia nende abiumbakhe ebili ebiukisia!
\v 2 Naye Yeso namukalusia namuboolera ari, olola ebiumbakhe bikhoongo bino? Libulao kata sa elikina elala elichia khulekhwa akulu welindi, elirakhakwisibwe asi.
\p
\v 3 Ne ngolwa yekhala khulugulu lwa Miseituni olurekekhane nende ikhekalu, Petero, nende Yakobo, nende Yokhana, nende Anderea nibamureeba mubwekisi bari,
\v 4 "Rubolere mbwe, ebiindu bino bichia okhwekhola lina? Ne nisina esichia okhuba esilolero esiekesia ebiindu bino bioosi nibili ambi okhwekhola?"
\p
\v 5 Yeso yachaaka okhubaboolera ari, "mwekenderesie mbwe omuundu yeesi arabarusia khungira;
\v 6 Khulwo khubeera abaandu bangi bachia okhwicha muliira liange, nibaboola bari, nesie Kirisito; ne bachia khurusia baandu bangi khungira.
\v 7 Ne nimubulira okhubao khwa mayie nende akalomalomwa khu mayie, murabeyabeya khaba dawe: ebiindu bino bili mbwe okhuula biekholekhane; arali obumalirikhi busiri okhuula.
\v 8 Khulwo khubeera esialo sichia khukiingukha akulu wesialo sindi, khandi obwami akulu wobwami bundi, khandi khuchia khuba nende okhurengerekha khwesialo muchimbeka chinyingi, nende injala; Ne ebiene bino nikhuchaaka okhwokhulumwa khwokhwibula.
\p
\v 9 Mweliinde abene. Bachia okhubaiira mubiina, khandi muchia okhukhuywa muchisinagoogi. Muchia okhuyirwa imberi wabemirisi nende abaruki khulwo khubeera esie, khulwo buloli akulu wabwe.
\v 10 Arali bili mbwe okhuula ifanjili yiyaalwe mberi mubialo bioosi.
\v 11 Nibamudiira nende khubayira imberi, muradeeba khulondana nende esiamukheyere khuboola, khulwo khubeera munaberesebwa asiemukhoyere okhuboola ebikha ebio; khasi neng'we muchia khuba nimulomaloma, arali ni Roho Mulafu.
\v 12 Omuundu achia khurusia omusiani wabwe okhufwa, naye samwana achia khurusia omwana waye; ne abaana bachia khukingukha akulu wa bebusi babwe, nibakera beerwe.
\v 13 Bulimuundu achia khubasiula khulwe liira liange, arali ula owakhesimirisie okhuula khumalirikha, omwene oyo achia okhuwonisibwa.
\p
\v 14 "Arali nimuchia okhulola ebisinyisio ebiobusasikhi, ebialomalomwakho nende Danieli omunabii, nibiemere owa birakhoyere khwema," lekha osoma amanyirisie, lekha abali Yudea berukhire khuchingulu,
\v 15 lekha oyo oli akulu weinyuumba areekha okhwingira munyuumba, kose okhubukula siosi esili munyuumba omwo,
\v 16 Khandi oyo oli mundalo arakalukha inyuma okhubukula ingubo yaye.
\v 17 Arali ni uuwi khu bala abali nende chiinda, nende bala abanunia muchinyaanga echio.
\v 18 Mulaame mbwe kene ako karekholekha mubikha bieimboo.
\v 19 Khulwo khubeera echinyaanga echio chichia khuba echia bunyakhani bukhoongo, obusiri okhubakhoo okhurula okhuchaaka khwe sialo, esia Nasaye yaloonga okhuula bulano, khandi khasi khwakhabekhoo khaba.
\v 20 Omwami narakhaduduye echinyaanga echio, abulao omuundu yeesi owakhaonisibwe; arali khulwa balobole, abayalobola, yaduduyia chinyaanga echio.
\v 21 Ne omuundu yeesi nakhuboolera ari, 'Lingeera, Kirisito nguno! kose ari,' Lingeera, ngula Ali ela! oramusubira khaba.
\v 22 Khulwo khubeera Kirisito bobubacha nende abanabii bobubacha bachia okhwicha, ne bachia kwekesia ebilolero nende ebiamakana khulwokhubacha, kata nibinyalikhana, nende abalobole.
\v 23 Mweliinde abene! baboolera ebiindu bioosi ebikha nibiri okhuula.
\p
\v 24 Arali oluynuma lwamanyakhano kechinyaanga echio, eliuba lichia okhwirima, khandi omwosi khasi kwakharusie obulafu bwakwo,
\q1
\v 25 eching'ining'ini chichia okhukwa khurula mumalesi, ne obunyala obuli mwikulu buchia khudengeisibwe.
\v 26 Olunyuma bachia khulola Omwana womuundu niyekha mumaleesi nende obunyali bukhoongo nende oluyaali.
\v 27 Ne achia okhuruma abamalaika baye, namala abuusia alala abalobole baye okhurula muchimbeka chine echie sialo, okhuula khu bumalirikhi bwa maleesi
\p
\v 28 Mweeke lisomo khurula khu musaala kwomukhuyu; elisaga liakwo lidoro nilikhuula nilirusia amasaafu, nimumanya mbwe esiminyu siliambi.
\v 29 Khukario, nimulola ebiindu bino nibiekholekha, mumanye mbwe ali ambi, ambi khusiriibwa.
\v 30 Baboolera obwadieri mbwe, olwibulo luno khasi lwakhabire khaba, okhuula ngolwe ebiindu bino biakheche.
\v 31 Elikulu nende esialo biakhabire, arali amakhuwa kange khasi kakhabire khaba.
\v 32 Arali khulondana nende inyaanga eyo kose ebikha ebio, abulao omundu omanyire khaba, kata abamalaika abali mwikulu, kata sa Omwana, arali Samwana.
\v 33 "Mweeme! Mube meeso, khulwo khubeera khasi mumanyire khaba mbwe nibikha sina.
\v 34 Bili sa kori omuundu ochia olukeendo, ne alekha inyuumba yaye, naberesia obunyala khubakholi baye, buli mulala nende omulimo kwaye, nalagira omuliindi okhulingeera.
\v 35 Khulwako mube meeso, khulwo khubeera khasi mumanyire ebikha ebiomwene inyuumba achia okhwicha muungo, inyala okhuba ingolobe, kose musiro akari, echingokho nichikholiokha, kose mumabwibwi.
\v 36 Niyeecha mukhwichukhira, arabanyoola nimukona echindoolo.
\v 37 Ebia muboolera, mbaboolera buli mulala: mube meeso!"
\c 14
\cl Omuliango  14
\p
\v 1 Bulano chiali chisiiri chinyaanga chibiri okhuula khu pasika, nende omukholo kwe migaati kibulamo elimera; abakhongo babakukhani nende abaandiiki bali bakonyaanga ingira yokhudiira Yeso mubukodio mani bamwire.
\v 2 Khulwo khubeera bali nibabolaanga mbwe, "biraba ebikha biomukholo, esioka sireecha siarulirao akari wabaandu."
\p
\v 3 Ne ngolwa bali Betania munyuumba ya Simoni omukere, niyekhale okhulia ebiakhulia, omukhasi owali nende ichupa eyamafura kesing'ari aka narido indafu, akobukusi bungi, yafungula ichupa, nachukha amafura khumurwe kwaye.
\v 4 Ne baliwo abaandu bandi abasinyisibwa mumioyo kiabwe, balomaloma abene khu bene nibaboola bari, "khulwa sina okhunyasia amafura kano?
\v 5 Amafura kano kakhakusibwe akulu wechidinari echimia chidaru, mani bakabire abamanani." nibamala nibamubululira.
\p
\v 6 Arali Yeso naye yakalusia naboola ari, mumulekhe; khulwa sina muli khumubeyiabeyia? Akholeere elikhuwa lilayi.
\v 7 Khulwo khubeera eng'we muli nende abamanani bulilwoosi, ne ebikha bioosi nimwenya munyala mwabakholera amalayi, arali khasi muchia okhuba ninange buli lwoosi.
\v 8 Akholere abia anyala; arangrire khumbakha amafura khulwo busikhi bwange.
\v 9 Muboolera obwadieri mbwe, abuundu wosi wosi oweifanjili yakhayalwe musialo siosi, amakhuwa komukhasi uno akholere kakhalomalomwekho, khulwesichulisio siaye.
\p
\v 10 Olunyuma Yuda Isikarioti, mulala khwekhumi nende babiri, yachia khubakhongo babakukhani okhumukhoba khunibo.
\v 11 Ne ngolwa abakhoongo babakukhani babulira, basangaala lukali, nibalaka okhumuberesia amapesa. Yachaaka okhukoonya ingira yokhumukhoba mubikha ebikhoyera.
\p
\v 12 Ne inyaanga irangirira eyamigaati ekibulamo limera, nibamalire okhurusia esisakhiro sielikoondi liapasika, abeeka baye bamureeba bari, "weenya khuchie khukasie ena, onyoole khuliirayo ebiakhulia biapasika?"
\p
\v 13 Namala naruma babiri khubeeka baye, nababoolera ari, "muchie mulidookho, ne munabukanana nende omusaacha nakingire isiongo yamaachi, mumuloondekho.
\v 14 Mumuloonde wosi wosi owachia okhwingira munyuumba, mani muboolere omwene inyuumba eyo muri, Omwekesia aboola ari, "inyuumba yabakeni iliena owanjia khulira pasika alala nende abeeka bange?"
\v 15 Naye anabekesia inyuumba yakulu ikhoongo ireresebwe ebilayi, mukasie abwene ao khulwefwe.
\v 16 Abeeka bàmala nibabwao, nibachia mulidookho, nibanyoola buli siindu kori ngolwa yali nababoolera; nibakasia abwene awo ebiakhulia biapasika.
\v 17 Ne ngolwa ingolobe yoola, yeecha nende ekhumi nababiri.
\p
\v 18 Ne ngolwa bali nibekhala nibalia, Yeso naboola ari, "baboolera obwadieri mbwe, mulala khweng'we olia alala ninange achia okhukhoba."
\p
\v 19 Boosi baberera muno, nibamureeba, mulala khu mulala bari, ne esie? oundi khandi ari, "nesie?"
\p
\v 20 Naye yakalusia nababoolera ari, "ni mulala khwekhumi nababiri, ula oli khudoonga omugaati ninange musaani ndala.
\v 21 Omwana womuundu achia khubwao ngolwa kaandiikibwa khulondana ninaye; arali niuuwi khumuundu oyo okhoba Omwanna womuundu! Biakhabere ebilayi omuundu oyo narakhebulwe."
\p
\v 22 Ne ngolwa bali nibalia, Yeso yabukula omugaati, nakwanira chikhabi, nakumekula, nababeresia, naboola ari, "mubukule, mulie; kuno nikwo omubiri kwange."
\v 23 Khandi nabukula esikoombe, nakhuba orio, nababeresia; nibang'wa boosi.
\v 24 Nababoolera ari, "kano niko amabaanga kange akelilakano, amabaanga akedikha khulwabangi.
\v 25 Baboolera obwadieri mbwe, khasi ndakhang'wekho khandi khubiamo bino ebiomusabibu, okhuula inyaanga yila eya ndakhang'we mubuyaakha mubwami bwa Nasaye.
\v 26 Ne ngolwa bamala okhwemba olwimbo, barula nibachia khu lugulu lwamisaituni.
\p
\v 27 Naye Yeso nababoolera ari, "eng'we mweesi muchia okhusinyisibwa khulwange esiro sino; khulwo khubeera kaandiikwa mbwe, njia khukhuya omwayi, ee amakoondi nako kachia okhusalaana.
\v 28 Arali nimala okhulamukha, njia okhuchia imberi weng'we mu Galilaya."
\p
\v 29 Naye petero namuboolera ari, "kata kario boosi nibanakhulekha, esie nasie khaba."
\p
\v 30 Yeso namuboolera ari, khuboolera obwadieri mbwe, inyaanga yino, musiro, idaywa niyisiri okhukholiokha onandekaana amakhabi kadaru."
\p
\v 31 Arali Petero yalomaloma najingirisia naboola ari, nibili mbwe khoyere ofwa ninawe, khasi ndakhwekana khaba mungira yoosi, ne boosi nibaboola bario.
\p
\v 32 Bamala niboola abuundu alangwa mbwe Getesemani; Yeso nqmala naboolera abeeka baye ari, "mwikhale ano, esie ninaama."
\v 33 Namala nabukula Petero, nende Yakobo, nende Yokhana, nachaaka okhuberera nende okhunyakhana mukari mwaye.
\v 34 Nababoolera ari, "omwoyo kwange kuberere lukali, okhuula esikero esiokhufwa, mudoonge ano, mube meeso.
\v 35 Nasidakha imberi budiidi, nakwa asi khuliloba, nasaba ari nibinyalikhana ebikha bimubirekho.
\v 36 Naboola ari, "Aba, Baba, ebiindu bioosi binyalikhana khwewe, ndusirieyo esikoombe sino; arali biraba khulwo khwenya khwange, arali khulwo khwenya khwao.
\v 37 Nakalukha, nanyoola nibakona echindoolo, naboolera Petero ari, "Simoni, okona? Khasi mwakhaberekho meeso kata isa ndala?
\v 38 Mube meso nimulaama mbwe, mureecha mwengira mumateemo. Nibwadieri mbwe omwoyo nomwerekekhe, arali omubiri nomudekhere."
\v 39 Khandi yabwao, nalaama, nakalukhiramo amakhuwa kala kala.
\v 40 Ne ngolwa yakalukha, yanyoola khandi nibakoona, khulwo khuba echimoni chiabwe chialimo echindoolo, nibakhirwa esiokhumukalusia.
\v 41 Nakalukha elikhabi liakhadaru, nababoolera ari, musiri mweyalisie, nimubuluukha? Biyerere! Ebikha biulire, mulingeere! Omwana womuundu ali khukhobwa mumakhono kabakholi bechimbi.
\v 42 Mubukhe, khubweo, lingeera ula okhooba aliambi.
\p
\v 43 Ne ngolwa yali nasiri nalomalomaanga, Yuda, mulala khwe khumi nende babiri, yeecha, alala nende omukaanda mukhoongo nende chigaanga nende ebiraniro, okhurula khu bemirisi babakuhani, nende abaandiiki nende abakhulundu.
\v 44 Ne oyo owamukhoba yali nababere esilolero, naboola ari, "ula owandachunjuna, oyo niye, mumubukule, mubweo naye asi wobuliindi."
\v 45 Ne ngolwa Yuda yola, yachuulula mulwangu khu Yeso, naboola ari, Rabbi," ne, namuchunjuna.
\v 46 bamuyirakho amakhono, nibamala nibamudiira.
\v 47 Ne mulala khunibo awali ambi naye yarusia olungaanga, narema omukholi womukuhani mukhoongo, namukhalaka okhurwi.
\p
\v 48 Yeso nakalusia nababoolera ari, mwichire kori abechera omwifi; nende chigaanga nende ebikhokho okhundiira?
\v 49 Ndabeerenge buli nyaanga ninang'we mukhekalu, nimwekesia, khasi mwandiira; arali kano kekholekhane mbwe amaandiko kolerere.
\p
\v 50 Bala boosi abali alala nende Yeso bamulekha niberukha nibabwao.
\v 51 Naye omusiani muraaga, owali niyeboyere ingubo yelibooya yali nalondaanga Yeso, ebikha biabaandu bamudiira,
\v 52 yabalekhulira ingubo yelibooya, niyerukha nabarulamo esiekenye.
\p
\v 53 Nibamala nibayiraYeso khu mukukhani mukhoongo; ne abakukhani bakhoongo, nende abakhulundu, nende abaandiiki bali nibakhunganire alala ninaye.
\v 54 Naye Petero yamulondakho nali ale ninaye, okhuula mulubiriri lwomukukhani mukhoongo; niyekhala akari wabakholi, niyora omuliro
\v 55 Ne abakukhani bakhoongo nende olukhikho lwoosi olwa Bayaudi bali bakonyaanga obuloli bubi khu Yeso mbwe banyoole okhumwira; arali khasi banyoola siosi.
\v 56 Khulwo khubeera abangi barera obuloli bwobubacha akulu waye, arali obuloli bwabwe khasi bwafukirisania khaba.
\v 57 Ne abandi basingira nibarusia obuloli bwobubacha akulu waye, nibaboola bari,
\v 58 "Khwamubulira naboola ari, njia okhukoka ihekalu ino eyombakhwa nende amakhono, ne muchinyaanga chidaru, njia okhumbakha eyindi, eyirakholwa nende amakhono."
\v 59 Arali kata obuloli bwabwe khasi bwafukiririsinia khaba.
\p
\v 60 Omukukhani mukhoongo yasingira akari wabwe, nareeba Yeso ari, khasi oli nende elikalusio? Nibuloli sina buno obuli khurusibwa akulu wao?
\v 61 Arali ye yabulera, narakalusia esiindu siosi. Khandi omukukhani mukhoongo yamureeba naboola ari, "ewe niwe Kirisito, Omwana wa Ula Owanirwa echikhabi.
\p
\v 62 Naye Yeso namukalusia naboola ari "Nesie; ne muchia okhubona Omwana womuundu niyekhale khumukhono musaacha kwobunyali, niyeekha nende amalesi komwikulu.
\p
\v 63 Omukukhani mukhoongo yarandula chingubo chiaye, naboola ari, khandi khusiri khwenya obuloli bundi?
\v 64 Mwakhabulira amanyeko, eng'we mukhalaka murie? Ne boosi nibamukhalakira kori okhoyera okhufwa.
\p
\v 65 Abandi nibachaaka khumufuchakho amare, nibamufunikha obweni, nibamukhuya echingumi, nibamuboolera bari," rusia obunabii!" Abakholi bamubukula nibamukhuya.
\p
\v 66 Ne ngolwa Petero yali mulubiriri mukari, mulala khu abakhana, mukhosi womukukhani mukhoongo yeecha owa yali.
\v 67 Ne ngolwa yalola Petero niyoraanga omuliro, yasuda ambi namulingeera, naboola ari, "ewe wesi wali nende Yeso owa Nasareti."
\p
\v 68 Arali naye yakana, naboola ari, "khasi mumanyire khaba, khandi khasi ndikho nobumanyirisi khu kala akoboolaanga." Namala narula nachia amuliangiro; ne idaywa nikholiokha.
\p
\v 69 Naye omukhana omukhosi yamulola khandi nachaaka khuboolere abali nibemere abwene ao ari, uno yeesi ni mulala khunibo?
\p
\v 70 Arali yakana, khandi. Ne olunyuma lwebikha bidiidi, kori ngolwa bala nibemere abwene ao bali nibalomalomaanga nende Petero nibaboola bari, "nibwadieri ewe oli mulala khunibo; Khulwo khubeera ewe wesi oli mu Galilaya, khandi inomanoma yao ifukirisania.
\p
\v 71 Arali yachaaka okhwechuba nende okhwekana, naboola ari, "esie ngorerwe omuundu uno owa mubolaanga."
\p
\v 72 Ne idaywa niyimala niyikholiokha likhabi liakhabiri, naye Petero niyechulira amakhuwa ka Yeso yamuboolera ari, "onandekaana amakhabi kadaru idaywa niyisiri okhukholiokha makhabi kabiri," namala nakwa asi nalira.
\c 15
\cl Omuliango 15
\p
\v 1 Ichuli mumabwibwi, abakukhani bakhoongo, alala nende abakhulundu, nende abaandiiki, nende Abayaudi abolubarasa, barebana alala. Nibamala nibamuboya Yeso, nibabwao naye khumuyira khu Pilato.
\v 2 Naye Pilato namureba ari, "ewe niwe omuruki wa Bayaudi?" Naye namukalusia naboola ari, "ewe oboola orio."
\v 3 Nabo abakukhani abakhoongo nibamurakho omusaango khulwebiindu bingi; arali naye siyakalusia esiindu siosi dawe.
\v 4 Khandi Pilato yamureeba naboola ari, "khasi okalusiakho esiindu siosi? Lingeera Bali okhusitaaka khu biindu bingi!"
\v 5 Arali Yeso naye khasi yakalusiakho esiindu khaba, naye Pilato naukisibwa lukali khulondana ninaye.
\p
\v 6 Ne mubikha biomukholo ebio, buli lwoosi Pilato yabalekhuliraanga omuboye mulala, omuboye yesi yeesi owabeenya.
\v 7 Ne yaliwo omuundu mulala mumboyero owalangwa mbwe Baraba, owaboywa alala nende bala abakhola obobubacha nende abeera mubikha biobukhayi.
\v 8 Ne omukaanda mukhoongo kweechia khu Pilato nibamusaba mbwe abakholere kori ngolwa yali nabakholere muchinyaanga chiabira.
\v 9 Arali Pilato yabakalusia naboola ari mwenya mbabololere omwami wa Bayaundi?
\v 10 Khulwo khubeera yali namanyire mbwe abakukhani bakhongo bali nibamurusisie khulwe ikhiindi.
\v 11 Arali abakukhani bakhoongo bachuubaa abaandu mbwe bayule nibaboola bari abalekhulire Baraba.
\v 12 Naye Pilato nakalusia nababoolera ari, "bulano khole endie Omuruki wa Bayaudi uno?"
\p
\v 13 Nabo nibayula khandi nibaboola bari, "mubambe!"
\p
\v 14 Pilato nabareeba ari, "ni mabi sina akakholere?" Arali bameeda okhwaayula lukali bari, "mubambe."
\v 15 Ne khulwo khubeera Pilato yenya okheresia omukaanda, yabalekhulira Baraba, ne nababeresia Yeso mbwe abambwe namalire okhumukhuya.
\p
\v 16 Abasikari bamuyira mukari owabakholeraanga lubarasa, munyuumba ikhongo eyoburuki, ilangwa mbwe Purakatoriamu, nibamala nibalaanga abasikari boosi alala.
\v 17 Nibamala nibafwala Yeso echingubo echio musambarau, nibamurakho khumurwe ingara yamabwa.
\v 18 Nibachaaka okhumukhesia nibaboola bari, "oboola orie, omuruki wa Abayaudi."
\v 19 Nibamukhuya khumurwe nende elikada, nibamufuchakho amare, nibasigama asi nibamwinamira.
\v 20 Ne ngolwa bamala okhumubayirakho, bamufualula echingubo chiomusambarau nibamufuala echingubo chiaye, nibamurusia okhuchia khumubamba.
\p
\v 21 Ne omuundu uundi olangwa mbwe Simoni omuserano samwana Alekisanda nende Rufusi, owali narula erwanyi wesialo, bamuyiika okhukiinga omusalaba kwaye.
\v 22 Abasikari bamala nibamurera abuundi alang'wa mbwe Gologota, ilikalulwa mbwe, abuundu wesianga.
\v 23 Nibamuberesia ifini eyabasasisie nende imanemane mbwe ang'we, arali naye khasi yang'wa khaba.
\v 24 Bamala nibamubamba, ne nibakabana echingubo chiaye, nibakhuba ikura, khumanya mbwe buli musikari anabukula bulekaa sina.
\p
\v 25 Chiali echisa chidaru nibamubamba.
\v 26 Ne obwandike bwobusitaki bwaye nibwandikwa akulu mbwe, "Omuruki wa Bayaudi."
\v 27 Ne alala ninaye babamba abefi babiri, mulala khu mukhono kwaye musaacha ne oundi omukhono kwaye mukhasi.
\v 28 Amaandiko nikolerera, akaboola mbwe, yabalwa alala nende abakholi bechimbi.
\v 29 Ne ababira khungira nibamunyeka nibayuya emirwe kiabwe, nibaboola bari, "Haaha! ewe owakhanyasisie ikhekalu, nende okhuyumbakha khulwe chinyaanga chidaru,
\v 30 bulano weonie omwene, mani orule khu musalaba!"
\p
\v 31 Khandi abakuhani bakhoongo bosi bamuchekha abene khu bene alala nende abaandiiki nibaboola bari, yaonia abaandu bandi, naye khasi anyala okhweonia omwene.
\v 32 Lekha Kirisito Omuruki wa Israili yekhe bulano okhurula khu musalaba mani khubone nende okhusuubira. Ne kata abo ababambwa ninaye bosi nibamunyeka.
\p
\v 33 Ne nicholia esaa chisasaba, esirima siafunikha esialo siosi okhuula echisa tisa.
\v 34 Ne nichiola echisa tisa, Yeso yalira nende omwoyo omukhoongo naboola ari, "Eloi Eloi, lama sabakitani?" Ebikalukhanisibwa mbwe, "Nasaye wange, Nasaye wange khulwa sina niundekha?"
\p
\v 35 Ne balala khu baandu abali nibemere ambi ao babulira amakhuwa kaye, ne nibaboola bari, "lingeera, alikhulangaanga Eliya."
\p
\v 36 Ne omuundu mulala yerukha niyechusia ifini indulu musiangu naboya khulikada, namuberesia mbwe ang'we. Ne omuundu yaboola ari, lekhe khuboni nibili mbwe Eliya aneecha okhumwikhia asi.
\v 37 Naye Yeso nalira mudoboosi ikhoongo, namala nafwa.
\v 38 Ne ipasiaa yomuhekalu yamala niyirandukha ebitundu bibiri okhururila akulu okhuula asi.
\p
\v 39 Ne omulinde owali niyemere ambi nalingalireYeso ngolwa yamubona mmbwe afwire mungeri yino, yaboola ari, "nobwadieri omuundu uno yali Omwana wa Nasaye."
\v 40 Khandi baliwo abakhasi abalingereraanga okhurulira ale, alala ninabo yali Maria Magadelena, nende Maria ngina Yakobo mudiidi, nende Yosesi, nende Salome.
\v 41 Kori ngolwa yali Galilaya, bamuloondakho, nibamukhalabanira, nende abakhasi bandi abangi beecha naye Yerusalemu.
\p
\v 42 Ne ngolwaa biola mungolobe, khulwo khubeera yali inyaanga yokhwerekekhera, inyaanga eyalondakho, eye isabato,
\v 43 Yosefu owa Arimateya, omuundu owesiriibwa, owo mukaanda kwolukhikho, owalindiriraanga oburuki bwa Nasaye, yeecha nachia khu Pilato nende ichuoni nasaba omubiri kwa Yeso.
\v 44 Naye Pilato naukisibwa mbwe Yeso amalire okhufwa; namala nalaanga omuliindi namureeba nikaba mbwe Yeso afwire.
\v 45 Ne ngolwa Pilato yanyoola khumanya mbwe Yeso afwire okhurula khumuliindi, yaberesia Yosefu omubiri.
\v 46 Naye Yosefu yali nakulire ingubo yeisanda, namala namwikhia okhurula khu musalaba, namuboya munguba yeisanda, namwalisia musirindwa esiabachwa mulwanda, nasiringisia elikina niyekala omuliango kwesirindwa.
\v 47 Naye Maria Magadalene nende Maria ngina Yeso nibabona owabamusikha.
\c 16
\cl Omuliango 16
\p
\v 1 Ne ngolwa inyaanga yeisabato yabira, maria Magadalena, nende Maria ngina Yakobo, nende salome, bakula amafura kesing'aari mbwe bachie babakhe omubiri kwa Yeso.
\v 2 Ne ichuli mumabwibwi inyaanga yamberi eya ijuma, bachia khusirindwa eliuba niliakharula.
\v 3 Nibeereba abene khu bene bari, "niwina onarurusiriayo elikina khumuliango kwesirindwa?"
\v 4 Ne ngolwa balingeera akulu, balola mbwe elikina lirusibweyo, khulwo khubeera liali elikhoongo lukali.
\p
\v 5 Ne bengira musiriindwa, nibalola omusiani muraaga niyekhale omukhono musaacha, niyefwalire ingubo indaambi indafu, nibadiirwa nende oburi.
\v 6 Naye nababolera ari, "muraria khaba, mukonyaanga Yeso owa Nazareti, owa babambire; abukhire! khasi ali ano khaba; mulingere kata owabamwalisia.
\v 7 Arali mubweo, muboolere abeeka baye nende Petero mbwe, achia Galilaya okhubarangirira; ne muchia okhumubona ebwene eyo ngolwa yamuboolera."
\v 8 Nibarula lwangu nibeerukha okhurula musiriindwa, nibarengerekha nende okhukisibwa, khandi khasi balomalomakho esiindu siosi nende omuundu yeesi khaba khulwo khubeera bali nende oburi.
\p
\v 9 Ne ichuli mumabwibwi inyaanga yirangirira khuijuma, Yeso namalire okhubuukha, yabonekhera Maria Magadalena, owayarusiamo ebikhieno saba.
\v 10 Naye nachia nababoolera abo abali ninaye, ngolwa baliraanga nende okhuberera.
\v 11 Babulira mbwe yali omulamu, ne khandi amubonekhere, arali khasi basuubira khaba.
\v 12 Olunyuma lwamakhuwa ako, yabonekhera babiri khunibo mumbeera yindi, ngolwa bali nibakendaanga nibachia musialo.
\v 13 Bamala nibakalukhayo nibaboolera abali nibadong'ere; arali nabo khasi basuubira khaba.
\v 14 Olunyuma Yeso yabonekhera ekhumi nende mulala ngolwa bali nibalia ebiakhulia, nabalaabira khulwo khurasubira nende obwomu bwemioyo kiabwe, khulwo khubeera khasi basubira bala abamulola nglowa yali nabukhire okhurula mubafu.
\p
\v 15 Namala nababoolera ari, muchie musialo siosi, muyaale ifanjili khubuli esilonge.
\v 16 Yeesi onasuubira nende khubatisibwa, achia khuonisibwa, naye yeesi orasuubira, achia khukhalakirwa
\v 17 Ne ebilorero bino bichia khuloonda bala abasuubira, bachia khurusia ebikhieno muliira liange, khandi bachia khulomaloma muchinimi chinjiaakha.
\v 18 Bachia khudiira chinjukha nende amakhono kabwe, ne kata nibang'wa esiindu siosi esiobufwisi, khasi sichia okhubanyaala khaba. Bachia okhura amakhono khubalwaye, ne bachia okhuba bilayi.
\p
\v 19 Ne ngolwa Omwani Yeso yamala okhubalomalomera, yabukulwa okhuchia akulu mwikulu, niyekhala khumukhono musaacha kwa Nasaye.
\v 20 Abeeka bamala nibabwao nibachia khuyaala buliabuundu, naye Omwami nakhola emirimo ninabo, niyoseresia elikhuwa mubilolero ebiabalonda. Amina.