lko_reg/45-ACT.usfm

\id ACT
\ide UTF-8
\h Ebikhole Biabarume
\toc1 Ebikhole Biabarume
\toc2 Ebikhole Biabarume
\toc3 act
\mt Ebikhole Biabarume

\c 1
\cl Omuliango  1
\p
\v 1 Musitabo siange esiamberi esiandakhola, ewe Theophilo, ebia Yeso yachaka okhukhola nende okhwekesia,
\v 2 okhuula khunyanga eya yabukulwa akulu, namalire okhubirira mu rokho omutakatifu okhuberesania amalako khubarumwa abo abayali namalire okhulobola.
\v 3 Abomwene khandi yelolosia omwene lunyuma olwo khusandisibwa khwaye niyekesia nende ebilolero ebingi nalolekha munibo echinyanga amakhumi kane, nalomaloma khukobwami bwa Nasaye.

\v 4 Nabukanane nabo alala, yababoolera mbwe murarula Yerusalemu dawe, khuula sikha sielilakano lia Nasaye ngolwa yaboola, "mwaulira khurula khwesie
\v 5 okhubera obwadieri Yokhana yabatisia nende amachi; arali eng'we muchia okhubatisibwa nende rokho mutakatifu imberi wechinyanga chindiidi.

\v 6 Ne ngolwa bali nibebusisie alala, nibamureeba, nibaboola bari, omwami onabakalusiria Israili oburuki bulanu?
\v 7 Naye nababoolera ari, khaba khasi nibieng'we okhumanya ebikha kose echinyanga chia baaba yara mubunyali bwaye.
\v 8 Arali munanyoola amaani, rokho mutakatifu namalire okhubechakho; ne munaba abakholi bange Muyerusalemu nende mubayaudi nende Samaria nende muchimbeka chioosi echiomusialo.

\v 9 Ne namalire okhulomaloma makhuwa kano koosi, ne nibasiri nibalingeranga, nabukulwa mumalesi akulu okhurula muchimoni chiabwe.
\v 10 Ne ngolwa balingera nibomisiriakho echimoni mwikulu ngolwa yaniina akulu, lingera, abandu babiri bema ambi ninabo mubiefwalo ebilafu.
\v 11 Boosi nibaboola eng'we abandu ba Galilaya, mbwesiina mwemere nimuomisie echimoni Cheng'we akulu mwikulu? Yeso mulala uno abukhulwe khurula khweng'we nachia mwikulu, yakhakalukhe khandi ario ngolwa mubwene nachia mwikulu.

\v 12 Manu nibakalukha Yerusalemu okhurala khulugulu olulangwa mbwe Oliveti oluli ale wolukendo olwa chinyanga chisasaba okhurula Yerusalemu.
\v 13 Ne nibamalire okhwingire mukari nibaniina munyumba eya akulu, owa bali alala Petero, nende Yakobo, nende Yohana, nende Anderea, nende Philipo nende Tomasi, Matulumayo, nende Matayo nende, Yakobo omwana wa Alufayo, nende Simoni owa Siloti nende, Yuda omusiani wabwe Yakobo.
\v 14 Bano boosi bachiririra mubulala, mumasayo nende okhwekanira, nende abakhasi nende Maria ng'ina Yeso, nende abaana babwe.

\v 15 Muchinyanga echio Petero nasingira akari wa abeka, manu naboola,( boosi alala obukhumi bwa meera kabwe bali imia ndala nende amakhumi kabiri.)
\v 16 Abakheerwa bikhoyera amaandiko kano kolerere, aka rokho omutakatifu yalomaloma okhubirira mumurumwa waye Daudi mukhuchaka okhulondana nende Yuda, owabemirira balia abamubukula Yeso.

\v 17 Okhuba yali alala nafwe, khandi yali nabukule esimeka esiobukhalabani bwaye.
\v 18 (Bulanu omundu uno yakula omukunda nende amatongolo akechiimbi, nakwa narundukha nakabukhanamo akari, amala kaye nikedikha.
\v 19 Nikamanyikha mubandu boosi abamenya Yerusalemu; ngolwa omukanda okwo kulangwa mululimi lwabwe oluboola mbwe, Aceldanma, nikhwo okhuboola mbwe omukunda okwa mabanga.")

\v 20 Okhubera kandikwa musitabo esia chisabuli mbwe, 'lekha obumenyo bwaye burabao, khandi omundu yesi aramenyamo'; khandi obulame bwaye omundu undi abukule.

\v 21 Bulanu khulwa abaandu bano abali nafwe, ebikha ebia omwami Yeso yabechanga nafwe,
\v 22 okhuchakira khububatisi bwa Yokhana okhuula khubikha ebia yabukulirwe khuchia akulu okhurula khwefwe, okhuula mulala abakhwe amafura abe mulala khulwa obuloli obwokhulamukha khwaye.
\v 23 Manu nibalobola babiri, Yosefu owalangwa Barisaba, owa elira liaye likhulundu lialangwa Yusito, nende Matiasi.

\v 24 Nibasaba, nibaboola, ewe omwami; omanyire emioyo ekia abaandu boosi, yekesia nikali mbwe bano babiri balobolwe?
\v 25 mbwe babukule esimeka esiomulango nende oburume, obwa Yuda anyale okhuchia mubweyango bwaye.
\v 26 Nibakhuba ikura; ikura nimukwira Matiasi, nabalwa alala nende abarumwa ekhumi na mulala.

\c 2
\cl Omuliango  2
\p
\v 1 Ne ngolwa inyanga ya pendekote yali niyulire, boosi bali alala mubulala.
\v 2 Mulwangu esioka nisibulirikhana okhurula mwikulu kori omuyaka omukhongo okuucha, nikwichula munyumba eyabalimo nibekhaale.
\v 3 Manu nichilolekha khunibo echinjesere chiechinimi ngomuliro, nichiema khubuli mulala khunibo.
\v 4 Manu nibechusibwamo rokho omutakatifu nibachaaka okhulomaloma nende echinimi chingeni, ngolwa rokho yabanyalira okhuboola.

\v 5 Ne bali Yerusalemu nibamenyere Abayaudi, abandu balobole, okhurula echimbia chioosi echiesialo asi welikulu.
\v 6 Ne kano koosi nikabulirikhana, emikanda nikiicha alala, nibaukisibwa, mbwe okhubera babulira buli mulala nalomaloma muchinimi chiabwe.
\v 7 Ne boosi bauka, nibaboola mulala khu undi bari, "lingera, abalomalomanga bank boosi sinabagalilaya?.

\v 8 Ne mbwe sina khubabulire nibalomaloma buli mulala mululimi lwefwe, olwokhwibulwa?
\v 9 Abapatia, nende Abamedi, nende Abaelamite, nende abamenyaranwa ba Mesopotamia, nende aba Yudea, nende aba kapadokia, mu poto nende Asia,
\v 10 Aba Firigia, nende aba Pamufilia, Mumisiri nende muchimbeka echia libia ambi nende Kirene, nende abakeni ba Eburomo, Abayaudi nende abaonisibwa.
\v 11 Aba Kirete nende Abarabu, khubulira nibalomaloma mu chinimi chiefwe ebikhole ebikhongo ebia Nasaye.

\v 12 Ne boosi baukisibwa, nibarasubira, nibaboola omulala khu undi, bino nibio sina?
\v 13 Abandu muchingacho nibaboola, "Abandu bano bamerere."

\v 14 Naye Petero niyema alala nende balia ekhumi nende mulala, nakingula omwoyo kwaye, nababoolera ari, eng'we abaandu ba Ebuyaudi, nende boosi abamenyere Yerusalemu, kano kamanyikhane mweng'we, khandi mubulire amakhuwa kange.
\v 15 Okhubeera bano khaba khasi bamerere, ngolwa mupaara, khandi mumanye mbwe bisiri echisa chidaru echiesidere.

\v 16 Arali nibio ebialomalomwa nende omunabii Yoeli.
\v 17 Bichia okhubira muchinyanga chiobumulirikhi, aboola Nasaye, ndachukha omwoyo kwange khubuli mubiri ne abaana beng'we abasiani nende abakhana bachia okhurusia obunabii, ne abaana beng'we ababuukha bachia okhulola amalolo, nabo abakofu beng'we bachia okhulora amalooro.

\v 18 Ne khu barumwa bange nende abarumwa bange besikhaye njia okhuchukha omwoyo kwange muchinyanga echio, nabo bachia okhurusia obunabii.
\v 19 Khandi njia okhwekesia ebiamakana mwikulu akulu, nende ebilolero asi musialo, amabanga nende omuliro, nende omuya kwo mwosi.

\v 20 Eliuba lichia okhukalukhana okhuba esirima, ne omwosi okhuba amabanga niisiri inyanga ikhongo yomwami okhuula.
\v 21 Ne bulanu binoola ebikha, ebia omundu owalangwa khulira elia omwami anaonisibwa.

\v 22 Eng'we abandu ba Israili, bulira amakhuwa kano; Yeso owa Nasareti, omundu awofukirirwa nende Nasaye akari weng'we okhubirira mu ebiamaya nende amangalimwa nende ebilolero ebia Nasaye yakhola akari weng'we, kori eng'we mwesi mumanyire.
\v 23 Niye owanwa mubukeraki nende obumanyi obwa Nasaye, eng'we mwamubukula, nende amakhono mabi mwamubaamba nimumwira;
\v 24 Owa Nasaye yamulamusia, nabolole obuchuni obwe lifwa; okhubera khaba khasi bianyalikhana okhudirwa khwaye nalio.

\v 25 Okhubera Daudi yalomaloma okhulondana naye ari, ndalola omwami buli lwoosi mubweni bwange, okhubera ali khumukhono kwange omusaacha, mbwe ndaradengeisibwa.
\v 26 Khulwesio omwoyo kwange nomusangafu, nalwo olulimi lwange lwekhoya; khandi omubiri kwange kwosi kunabulukha mulinaya.

\v 27 Okhubera ewe khaba khasi onalekha mwoyo kwange emagombe khandi khaba khasi onamulekha omulungifu wao alole obusasikhi.
\v 28 Onjekesia echingira echiobulamu, onakhola esie mbe nende obusangafu bwichule.

\v 29 Abandu nende abakherwa, lekha mulomalomere obulekhule khulondana nende omukhulundu wefwe Daudi mbwe yafwa khandi yasikhuwa, nesirindwa siaye siriano nafwe okhuula inyanga ino.
\v 30 Khulwa ako nali omunabii, khandi nikhumanyire mbwe Nasaye yamwechubira nende elilakano khuye mbwe nende ebiamo ebiarula musibuno siaye okhulondana nende omubiri, yakhamubusie Kirisito okhwikhala khusisala siaye siobumeri.
\v 31 Ye namalire okhulola kano imberi yalomaloma khulwa obulamukhi obwa Kirisito mbwe mwoyo kwaye kuralola obusasikhi.

\v 32 Yeso owa Nasaye yabuusia, owa efwe fwesi khuli abaloli.
\v 33 Khulwako nali khumukhono omusacha okwa Nasaye yakingula, khandi nanyola okhurula khu sefwe elilakano elia rokho omutakatifu, yekesia esindu sino, esia mulola nende okhubulira bulanu buri.

\v 34 Okhubera Daudi asiri okhunina mwikulu arali aboola omwene mbwe, omwami yaboolera omwami wange, "yikhala ewe khumukhono kwange omusaacha
\v 35 okhuula esie mbara abasuku bao asi wa amakulu kao."
\v 36 Bulanu inyumba yoosi eya Israili bamanye obwadieri, mbwe Nasaye yakhola Yeso omwene oyo, owa mwabaamba, omwami khandi Kirisito.

\v 37 Bulanu ngolwa babulira kano, bafumirwa mumioyo kiabwe, nibamuboolera Petero nende abarumwa bandi boosi mbwe, abandu nende abakherwa, khukhole sina?
\v 38 Manu Petero nababoolera ari, mwekanire, manu mubatisibwe buli mulala khweng'we mulira lia Yeso Kirisito khulwa okhulekherwa ebionooni, manu munanyola esianwa siarokho mutakatifu.
\v 39 Okhubera elilakano liri khweng'we, nende khubaana beng'we, nende abo boosi abali ale, nende balia abandi abomwami Nasaye wefwe analanga.

\v 40 Khandi nende amakhuwa kandi mangi yarusia obuloli nabalagira, naboola mweonie abene okhurula khulwibulo luno olubi.
\v 41 Ne abo ababulira nende obusangafu elikhuwa liange babatisibwe; ne khunyanga yeneyo khwamederwakho khunibo ambi nende emioyo echilifu chidaru.
\v 42 Manu nibachiririra mubulungifu mumekesio akabarumwa nende, mubusangirani, nende mukhufunaka omugaati, nende mumasayo.

\v 43 Okhuria nikhwingira mubuli omwoyo; ne ebiamakana nende ebilolero ebingi biakholwa nende abarumwa.
\v 44 Ne boosi abasubira bali alala nibali nende ebindu bioosi mubwambani.
\v 45 Nibakusia bioosi ebiabali nabio nende emiandu kiabwa, nibakabira abandu boosi ngolwa buli mulala yali nende elienya.

\v 46 Ne, bachiririranga buli inyanga mubulala mu ikhekalu, nende mukhufunaka omugaati khurula munyumba okhuchia khuindi, balichanga ebiakhulia mubusangafu nende omwoyo mulala.
\v 47 nibafumia omwami nibanyola oluyali, okhurula khubandu boosi, omwami nameeda khulikanisa buli inyanga balia abali nibaonisibwe.

\c 3
\cl Omuliango  3
\p
\v 1 Bulanu Petero nende Yokhana bachia alala mukhekalu khu bikha bia okhulama, nibio echisa tisa.
\v 2 Ne omusacha mulala omulema okhurula mukhwibulwa khwae yakingwanga, narerwa khu esiribwa esia ikhekalu esilangwa mbwe esilayi, okhusaba ebianwa khubalia abengira mukhekalu.
\v 3 Olwa yalola petero nende Yokhana nibali ambi okhwingira mukhekalu, yabasaba esianwa.

\v 4 Naye Petero, nende Yokhana nibamulingera lukali mumoni nibamuboolera rulingerekho efwe,
\v 5 Naye nabarekeresia, nalindirira okhunyolakho sindu okhurula khunibo,
\v 6 Manu petero naboola, ifesa nende idakhabu esie khaba khasindi ni nanayo, arali esiandi ninasio nisio esiakhuberesia. Mulira elia Yeso Kirisito owa Nazareti singira okeende.

\v 7 Namubukula khumukhono omusacha, namubusia, abwene awo amakulu kaye nende ebikumba ebie bibonge biaye nibinyola amaani.
\v 8 Naye naduma niyema, nakenda, niyengira alala ninabo mukhekalu, nakenda naduma, namufumia Nasaye,

\v 9 Khandi baandu boosi bamulola nakenda nibafumia Nasaye.
\v 10 Nibamanyirisia mbwe niye owekhaalenge nasaba ebianwa khusiribwa esilayi esieikhekalu; manu nibaukisibwa nende okhukanakana esiali nisiekholekhe khu niye.

\v 11 Ne ngolwa omundu omulema owali naonere yaba. dira Petero nende Yokhana abaandu boosi, beerukha okhubalonda mulubuchiro olwalangwa mbwe olwa Sulemani, nibauka muno.
\v 12 Ne ngolwa Petero yalola, yabakalusia abaandu abo ari, eng'we abaandu baIsraili, mbwe sina mwesindukha khukano? Mbwe sina okhurumisiriakho echimoni; korifwana khulwa obunyala bwefwe, kose obutakatifu khukhola mundu uno akende?

\v 13 Nasaye wa Aburakhamu nende Isaka nende Yakobo, Nasaye owa basefwe, yamuberesia omwana waye Yeso; owa mwarusia, nimumwekana imberi wa Pilato, ngolwa yali nafukirire okhumulekhula mbwe abweo.
\v 14 Nimumwekana omutakatifu khandi omulungifu nimwekomba muberesebwe omwiri.

\v 15 Mwera omwami wobulafu, owa Nasaye yalamusia okhurula mubafu, nafwe khuli abaloli.
\v 16 Ne elira liaye likhola omundu uno okhuba nende amaani, owa mulola khandi, mumumanyire; owa, obusuubiri obuli ninaye bumuberesia obulamu mubwichufu imberi weng'we.

\v 17 Ne bulano, abakheerwa, manyire mbwe muburamanya mwakhola, khandi ngolwa bakhola abaruki beng'we.
\v 18 Nebindu bioosi, ebia mukhuchaaka Nasaye yekesia okhubirira muminwa ekiabandu, mbwe kirisito okhula anyasibwe, khuba amalire okhusirisia.

\v 19 mwekanire eng'we bulanu, manu mwekalukhanie, mbwe echimbi chieng'we chirusibweo, mbwe chinyanga echiobusangali nichicha okhurula khukhubao okhwa omwami.
\v 20 Ne anaruma Yeso Kirisito, owalobolwa khulweng'we.

\v 21 Owa elikulu linengisia okhuula echinyanga echia okhukhola ebindu bioosi, ebia Nasaye yalomaloma okhubirira muminwa ekia banabii baye batakatifu boosi okhurula okhulongwa khwesialo.
\v 22 Okhubera Musa obwadieri yaboola khubasefwe, omunabii omwami Nasaye weng'we anamukingula akulu khulweng'we okhurula mu bakheerwa beng'we, kori esie; owa munabulira ebindu bioosi ebia anababoolera eng'we.
\v 23 Ne lwakhabeo, mbwe buli omwoyo kwoosi, okurabulira omunabii oyo, kunanyasibwa okhurula mubaandu.

\v 24 Eee, ne abanabii boosi okhuchakira khu Samueli nende abo boosi abecha inyuma waye, ngolwa abangi balomaloma, boosi barusia obunabii khulwe echinyanga echio.
\v 25 Eng'we muli abaana aba banabii, nende abelilakano elia Nasaye bakhola nende abaseng'we, naboolera Aburahamu ari, okhubirira mu imwo yao echinjibulo chioosi echie sialo sino chiakhaberesebwe echikhabi.
\v 26 Khulwao Nasaye imberi, namulamusie omwana wae Yeso, yamuruma okhuruberesia echikhabi, okhukalukhania nende okhurusia buli mulala khweng'we okhurula muchimbi chiaye.

\c 4
\cl Omuliango  4
\p
\v 1 Ne ngolwa balomalomera abaandu, abakukhani, nende abemirisi aba ikhekalu, nende abasadukayo, babechera.
\v 2 Nibasinyisibwe okhubera bekesia abaandu nibayaala okhubirira khu Yeso owalamukha okhurula mubafu.
\v 3 Nibabarakho amakhono nibabekalira okhuula inyanga yalondakho, okhubeera bwali nibwirire.
\v 4 Arali abangi khubo ababulira elikhuwa basubira ne inamba eyabasacha yali ambi nende chilifu chirano.

\v 5 Ne nibukhiere inyanga ilondakho abaruki babwe, nende abakhulindu, nende abandiiki,
\v 6 Nende Anasi omukukhani mukhongo, nende Kayafa, nende Yokhana, nende Alekisanda nende abandi bangi abali abolwibulo olwa omukukhani mukhongo bakhung'ana mu Yerusalemu.
\v 7 Ne nibabarere akari Petero nende Yokhana babareba mbwe nikhubunyali sina kose khulira sina mukhola kano?

\v 8 Naye Petero niyechusibwemo rokho omutakatifu Nababoolera eng'we abaruki ababaandu nende abakhulundu,
\v 9 Nikaba mbwe inyanga ino barureba khulwa elikhuwa elilayi eliekholekha khu omulwaye khulwa obunyala sina aonere,
\v 10 Kamanyikhe khu eng'we mwesi, nende khuboosi aba Israili, mbwe khu elira elia Yeso kirisito owa Nazareti, owa mwabamba, owa Nasaye yalamusia okhurula Munich, niye okhubirira omundu uno yemere ano omulamu.

\v 11 Lino nilio elikina elia eng'we abombakhi mwakhaya, elimalire okhuba elikhongo eliomukona
\v 12 Khandi khasi khuli nende obwonia mu oundi, okhubeera khaba khasi khuli nende elira lindi asi welikulu eliaberesibwa khubaandu, mbwe khulio efwe khuonisibwe.

\v 13 Manu nibalola ichwoni ya Petero nende Yokhana, ne nibamanyire mbwe sibali abaandu basoma khaba ababula obumanyirisi bauka;
\v 14 ne nibamulola omundu awali naonesibwe niyemere nabo, babula eliokhuboola akulu wabwe.

\v 15 Ne nibamalire okhubalagira mbwe barule erwanyi wolubarasa, baboolana bene khubene.
\v 16 Nibabola bari, khunakhola sina khubaandu bano? okhubeera obwadieri esiamayia esilolekha siekholekhe nabio khandi bimanyikhe muboosi abamenyere muYerusalemu; khandi khasi khwakhakaana.
\v 17 Arali karalandaala kachiririra khandi mubaandu, bulanu khubarikhirisie mbwe baralomalomakho ndomundu yesi yesi mulira lino.
\v 18 Nibabalanga khandi nibabalagira oburalomaloma kose okhwekesia mulira elia Yeso.

\v 19 Nabo Petero nende Yokhana bakalusia nibaboola bari nibiri ebilayi mumoni chia Nasaye okhubabulira eng'we okhukhira Nasaye, abene mulobole.
\v 20 Arali khaba khasi khunyala khwakhaya okhulomaloma khubindu ebia khubwene nende okhubulira.

\v 21 Ne ngolwa bali khandi nibabarikhirisie nibabalekhuula okhubwao, nibaranyola esiakhakera babasandie, okhubera abaandu boosi bechomia Nasaye khulwa siria esiali nisiekholeekhe
\v 22 Okhubera oundu yali akulu wemiaka amakhumi kane owa ebiamayia biokhuona biali nibimwekholeekho.

\v 23 Ne nibabalekhuulire, bachia okhukhung'ana nende abasiabwe, nibababoolera aka abakukhani abakhongo nende abakhulundu bababoolera.
\v 24 Nabo nibabulire ako, nibakingula emioyo kiabwe alala khu Nasaye nibaboola, omwani ewe newe Nasaye owalonga elikulu nende esialo, nende inyanja nende ebio bioosi ebirimo.
\v 25 Owa okhubirira mumunwa okwomukhalabani wao Daudi waboola mbwe, khulwasina abarasubira bakhuba esioka, ne abaandu bapara ebirariwo?'

\v 26 Abaruki abesialo bemere nibambana alala okhumukhaya omwami nende Kirisito waye.

\v 27 Okhubera obwadieri akulu wa omwana omutakatifu Yeso, owababakha amafura Herodi alala nende Pontio Pilato, nende abakafwiri, nende abaandu aba Isreli bakhungana alala.
\v 28 Okhukhola ebia omukhono kwao nende amaparo kao kaloboola okhukhola okhurula mukhuchaka.

\v 29 Bulanu Omwami bulira okhurikhirisia khwabwe, manu oberesie abakholi bao babe nende ichuoni yosi banyale okhubooola elikhuwa liao.
\v 30 Mukhunyiiira mukhono kwao okhuonia, nende ebilorero nende akamaya kekholekha mulira litakatifu elia mwana wao Yeso.
\v 31 Ne nibamalire okhusaya, abundu wabali nibakhung'anire narangerekha; ne boosi nibechusibwamo rokho mutakatifu, nibalomaloma elikhuwa elia Nasaye nende ichuoni.

\v 32 Ne abaandu balia abasubira bali mumwoyo mulala nende maparo malala khandi abulao yesi owalola mbwe bindu bioosi ebia yali nabio biali ebiaye yeng'ene arali bali nende obulala mubindu bioosi.
\v 33 Ne mubunyala obukhongo abarumwa barusia obuloli khulwa obulamukhi bwa omwami Yeso ne obukosia obukhongo bwali akulu wabwe boosi.

\v 34 Khandi abulao mundu yesi owalemerwa, Okhubeera abangi abali nende emiandu ekia maloba kose echinyumba bakusiamo nibarera obukusi obwa ebindu ebia bali nibakusisiamo,
\v 35 Nibageng'a mumakulu kabarume nibabakabira buli mulala kori amenya kaye olwa kali nikali.

\v 36 Naye Yosefu, owa abarume balanga mbwe Barinaba, {owa nokalula nomwana wokhulemisibwa} omulawi, owesialo sia Saiprasi,
\v 37 Owali nende omukunda, yakusiamo, narera echisende, nachigeng'a mumakhulu aka abarume.

\c 5
\cl Omuliango  5
\p
\v 1 Arali omusacha undi olangwa mbwe Anania, nende Safira omukhasi waye, bakusia omwandu,
\v 2 nibabiikha buleka khu ebiabakusiamo, omukhasi waye yesi namanyire amakhuwa akomubwefiso ako, nareera buleka khu ebio ebiabakusia, nibabigeng'a mumakulu akabarumwa.

\v 3 Naye Petero nabola, Anania mbwe sina sitani niyechusia omwoyo kwao okhumubacha rokho omutakatifu, khandi niwebikhira buleka khu amapesa aka obukusi bwe indalo?
\v 4 Kori olwa wali nayo, siyali eyao mwene? ne ngolwa yakusibwa, khaba khasi yali mubunyala bwao? mbwe sina nobiikha ebindu bino mumwoyo kwao? ewe khaba khasi obacha abaandu arali Nasaye.
\v 5 Ne Anania nabulira amakhuwa kano nakwa asi nafwa; oburi nibubengiramo boosi abaulira ebindu ebio.
\v 6 Ababuukha nibasingira nibamuboya nibamurusia erwanyi, nibamusikha.

\v 7 Nibibira ebikha ebia amasaa kadaru, omukhasi waye, naramanyire akekholekhe niyengira.
\v 8 Naye petero namukalusia, mbolere nikali mbwe mukusisie omukunda amapesa ako? naye naboola, eee ako sa.

\v 9 Ne Petero namubolera mbwe, sina nimufukirisiana okhumutema rokho owomwami? lingera amakulu akakhasikha omusacha wao kali mumuliangiro, khandi kanakhukiinga ewe okhurusia erwanyi.
\v 10 Manu mulwangu nakwa asi mumakulu kae nafwa; ne ababuukha nibengira nibanyola nafwire, ne nibamukiinga nibamusiikha alala nende omusacha waye.
\v 11 Oburi obukhongo nibwicha khulikanisa lioosi, nende khubalia boosi ababulira ebindu ebio.

\v 12 Ne mukhubirira mumakhono akabarumwa ebilolero ebingi nende ebiamayia biekhola mubaandu; {ne boosi bali alala mubulala munyumba ya sulemani.
\v 13 Ne khubandi abadong'a abulao omundu yesi owekomba okhulondana nabo; arali abandu babafumia.

\v 14 Ne abasubira bamedekha lukali khumwami, emikanda ekia abasacha nende abakhasi.
\v 15 Abangi barera abalwaye khuchingira, nibabalisia khubitanda nende ebisaala, mbwe kata sa esinikha esie Petero nabira sinyale okhubolakho.
\v 16 Khandi emikanda kiecha okhurula mumadokho akabodokhane Yerusalemu, nibarera abalwaye bakabukhane, nende balia abali nibechulemo ebikhieno ne boosi baonisibwa buli mulala.

\v 17 Ne omukukhani omukhongo nasingira nende boosi abali ninaye,(abali abomukanda okwa basadukayo) nibechulamo imbalikha.
\v 18 nibabarakho amakhono abarumwa nibabadiira nibabageng'a mumboye eyabulinyanga.

\v 19 Arali malaika womwami musiro niyekulao emiliango ekieimboye, nabarusia naboola ari,
\v 20 Muchie, mweeme mukhekalu mulomalomere bandu amakhuwa koosi akobulamu.
\v 21 Ne nibabulira kano bengira mukhekalu ichuli mumabwibwi, nibekesia. Arali omukhongo owa abakukhani yeecha, nende boosi abali naye nibalanga olubarasa alala, nende abakhulundu boosi aba abaana baIsraili, nibabaruma mu ikhekalu khubarera.

\v 22 Arali abarumikhi nibola, nibarabanyola mumboye, bakalukha nibababoolera,
\v 23 Nibaboola bari imboyero khunyolere niyefungire ebilayi, nende abalindi nibemere khumuliango arali olwakhufungule, sikhunyoleremo omundu yesi mukari.

\v 24 Bulanu omukukhani omukhongo nende omusikari we ikhekalu nende abakukhani abakhongo nibabulila ebindu bino, khaba khasi basubirira khulwabwe kafwana kario karie.
\v 25 Mulala niyeecha nababoolera, lingera abaandu aba mwagengera mumboye, mbalia bemere mu ikhekalu khandi bekesia abaandu.

\v 26 Manu nachia omusikari omukhongo nende abaloli nibabarera oburali nende esioka; okhubera babaria abaandu barecha babakhuya amakina.
\v 27 Ne nibamarire okhubarera, imbeli wolubarasa; ne omukukhani omukhongo nabareba,
\v 28 naboola khaba khasi khwabalagre oburekesiakho mulira lino? ne lingera mwichusiemo Yerusalemu nende amekesio keng'we, khandi muli nende elichomo eliokhurera amabanga akomundu uno khwefwe.

\v 29 Ne Petero nende abarumwa bandi nibakalusia nibaboola, kakhoyera efwe okhuchira Nasaye okhukhira abaa ndu.
\v 30 Nasaye owa basefwe yamulamusia Yeso owamwera nimumubamba khumusalaba.
\v 31 Niye owa Nasaye akingulire nende omukhono kwaye omusacha abe omuruki khandi omuonia, aberesie Isreili okhwekanira nende obulekherwi obwe ebionoono.
\v 32 Ne efwe khuli abaloli aba ebindu bino; khandi rokho mutakatifu yesi ario, owa Nasaye yaberesia abo aba mubuliramo.

\v 33 Ne ngolwa babulira ako nibachunisibwa mumioyo, nibekhoba okhubeera.
\v 34 Mulalal nasingira mulubarasa, Omufarisayo, olangwa Gamalieli omwekesia owa amalako, oweyifuma indayi mubaandu boosi, nalagira mbwe abarumwa barebwekho erwanyi budiidi.

\v 35 Nababoolera, eng'we abaandu aba Isreili, mulingeremo abene esie mwenya khukhola okhulondana nende abanadu bano.
\v 36 Okhubeera echinyanga chino nichisiri yecha Tadeyo, niyelaya okhuba omundu okhoyera; owa abaandu boola echmia chine, bakhungana alala; yerwa; ne boosi, obungi obwa abamubulira basalana, nibaraba esindu dawe.
\v 37 Omundu uno nabwereo yeecha Yuda owa Galilaya muchinyanga echia okhubala abaandu abandi nibamulondakho; yesi nasasikha; nende boosi obungi obwa abamusubira basalaana

\v 38 Bulanu mbaboolera, mulekhane nende abaandu bano, mubalekhe babe; okhubera nikaba olubarasa luno kose emirimo kino nikia baandu kinasasikha.
\v 39 Arali nikiba ekia Nasaye, khaba khasi mwakhakikalira; mureecha mubusangafu mwanyolekhana nimukhuyananga nende Nasaye.

\v 40 Nibafukirisania ninaye; nibabalagira abarumwa, nibabakhuya, nibabalagira mbwe baralomalomakho mulira elia Yeso nibabalekhula okhubwao.
\v 41 Nibarula imberi wolubarasa, nibasangalire mbwe babalirwe abakhoyera okhusandisibwa muchisoni khulwa elira liaye.
\v 42 Manu buli inyanga mu ikhekalu ne khandi mubuli inyumba, khaba khasi bachweya okhwekesi nende okhuyala mulira elie Yeso Kirisito,

\c 6
\cl Omuliango  6
\p
\v 1 Ne muchinyanga echio ngolwa obukhumi obwa abeka bwemeeda, khwabao okhubuluula okhwa abagerasi akulu wa abaebrania, okhubeera abakhasi abalekhwa babwe bebirirwa mumakhuwa aka buli nyanga.

\v 2 Manu balia ekhumi na babiri nibalanga mukanda okwa abeka, nibaboola bari, khasi bikhoyera efwe okhulekha elikhuwa elia Nasaye, manu khukhalabanire echimesa
\v 3 Arali, abakherwa, mulingere eng'we akari weng'we abaandu abesikwa abechusiibwe rokho omutakatifu nende amakesi, abo khunyale obalobola khulwa emirimo kino.
\v 4 Nafwe khunerusia okhuchiririra khulwa amasayo, nende oburumikhi obwa elikhuwa.

\v 5 Amakhuwa ako nikafukirirwa nende omukanda kwoosi; nibamulobola Stefano, omundu owechulamo obusubiri nende rokho mutakatifu, nende Filipo, nende Prokoro, nende Nikanori; nende Timoni, nende Parimena, nende Nikolao omulokole wa antiokia;
\v 6 Nibabemekha imberi wa abarumwa ne nibamalire okhusaba nibabarakho amakhono kabwe.

\v 7 Ne elikuwa elia Nasaye nilichiririra okhulandaala, ne obungi obwa abeki nibwemeeda lukali mu Yerusalemu ne omukanda okwa bakukhani ni kuba omurekerefu khubusubiri.

\v 8 Naye Stefano, niyechulemo obusubiri nende obunyali, nakhola ebiamangalimwa nende ebiamakana akari wa abaandu.
\v 9 Nibakingukha abandi khubasinagogi abalangwa mbwe Abasinagogi abalekhuule nende Abakereno, nende Abalekisanda, nende balia aba Silisia nende aba Asia, nibaingana nende Stefano.

\v 10 Ne khaba khasi banyala okhukhaya amakesi nende rokho owa yekhonyera okhulomaloma.
\v 11 Manu nibabachunjubania abaandu, ababola mbwe khwamubulira nalomaloma amakhuwa amabi khu Musa nende khuNasaye.

\v 12 Nibabachuuba abaandu, nende abakhulundu, nende abandiiki, nibamwichira, nibamudiira, nibamurera mulubarasa.
\v 13 Nibamurakho obuloli obwo bubacha, obuboola mbwe, omundu uno khaba khasi achweya okhulomaloma amakhuwa aka okhunyeka abundu andakatifu ano, nende amalako;
\v 14 Okhubeera khumubulira naboola mbwe, Yeso uno owa Nazareti anasasia abandu ano khandi anakalukhania emilukha ekia Musa yaruberesia.
\v 15 Ne balia boosi abali nibekhaale mulubarasa, nibamulingera nibomiisie chimoni, nibaboola, obweni bwaye buli kori obwa Malaika.

\c 7
\cl Omuliango  7
\p
\v 1 Manu omukukhani omukhongo naboola ari, ebindu bino biri birio?
\v 2 Naye nabola ari, abandu abakherwa, nende abasefwe, bulire; Nasaye owoluyali yamulolekhera sefwe Aburakhamu, ngolwa yali Mesopatania nasiri okhumenya Harani,
\v 3 namuboolera ari, rula ewe musialo sieng'we, nende olwibulo lwao, ochie musialo esindakhwekesia.

\v 4 Manu narula musialo esia Abakalidayo namenya Harani; ne okhurula ao, samwana nafwire namurusia okhumureera musialo sino, owa mumenyere bulanu
\v 5 Khandi Khaba Khasi yamuberesia obulaame bwoosi mukari, Khaba kata sa adiidi obwa anyala orakho okhukulu; kata kario yalaka mbwe yakhamuberesie kama omwaandu, nende khuimwo yaye.

\v 6 Ne Nasaye yalomaloma kano mumakesi, mbwe olwibulo lwaye lwakhamenye musialo esirende, mbwe khandi bakhakholwe okhuba ababoye, khandi bakhabasandie khulwa emiaka echimia chine.
\v 7 Ne esialo esia bakhabemo baboye ndakhabakhalakire esiina, yabola Nasaye, ne lunyuma olwa ako bakharulemo abakhalabanira abundu ano.
\v 8 Naye namuberesia elilakano elia okhukhebwa khulwako Abrahamu namunyola Isaka, namukheba inyanga eya munane; naye Isaka namunyola Yakobo; naye Yakobo nanyola ekhumi nababiri bakuuka befwe.

\v 9 Nabo abakuuka nibakhola imbalikha, nibamukusia Yosefu muMisiri, arali Nasaye yali alala naye,
\v 10 Ne namununula okhurula mumanyakhano kaye kosi, namuberesia esisa nende obumanyirisi muchimoni echia Farao omuruki wa Misiri, namukhola okhuba omuruki khu Misiri nende inyumba yaye yoosi.

\v 11 Bulanu nikhuba nende injala khusialo esie Misiri nende Kanaani, nende okhunyakhana okhukhongo; ne abasefwe sibanyala okhunyoola esiakhulia.
\v 12 Ne ngolwa Yakobo yabulira mbwe khuli nende ebiakhulia muMisiri, yabaruma basefwe imberi.
\v 13 Ne olwa khabiri Yosefu yemanyisia khubakheerwa babwe; ne abaana babwe Yosefu bamanyisibwa khu Farao.

\v 14 Ne Yusufu naruma, nibamulanga Yakobo owa yali, nende olwibulo lwaye lwoosi, abandu makhumi saba nende barano.
\v 15 Manu Yakobo nachia Misiri nafwa ye nende basefwe,
\v 16 Manu nibabakinga okhubayira Sikemu, nibamusikha musirindwa esie Aburakhamu yakula amapesa okhurula khu abaana aba Emori Sikemu.

\v 17 Arali ebikha ebia elilakano liali ambi, elia Nasaye yechubira Aburakhamu abandu bakhula nibemeeda muMisiri.
\v 18 Khuula omuruki oundi niyeecha khuburuki, oramumanya Yosefu.
\v 19 Omwene oyo yasandia olwibulo lwefwe, ne nabakhola ebibi abasefwe, nabalagira okhurusia abaana babwe abadiidi, mbwe mukhumalirikha barabakho nende okhumenya.

\v 20 Muchinyanga echio Musa nuyebulwa, naye yali omulayi muno nakhulira munyumba ya samwana obweyango obwemiosi kidaru;
\v 21 Ne nibamusukuna erwanyi, omukhana wa Farao namubukula, namulera kori omwana waye.

\v 22 Ne Musa niyekesibwa mubumanyirisi bwa aba Misiri naba owobunyali mumakhuwa nende mubikhole.
\v 23 Ne ngolwa emiaka amakhumi kane ekiuliriire, amaparo kaye nikamwichira okhubakendera abakherwa babwe abaana ba Isiraili.
\v 24 Ne namubona omulala nasandisibwa, namukhonyera, namwira ulia owali namusandia, namukhuya omumisiri.
\v 25 okhubera yapaara mbwe abakherwa baye banamanyirisia ngolwa Nasaye okhubirira mumukhono kwaye yakhabanunule; arali khasi bamanyirisia.

\v 26 Ne inyanga ilondakho yabalola abene nibayingana, niyenya okhubakabula khandi naboola abesiriibwa, eng'we muli abakherwa; mbwe sina okhulwana bene khubene?
\v 27 Arali owali namukosere owasie namusukuma ale, naboola, niwiina okhukholere ewe okhuba omuruki khandi omukabuli akulu wefwe?
\v 28 Wenya okhunjira, kori ngolwa wakholere omumisiri ekulo?

\v 29 Manu Musa niyerukha okhubera amakhuwa ako, naba omukeni musialo esia madiani, eria owayanyola abaana babiri abasiani.
\v 30 Ne emiaka amakhumi kane nikibwere, malaika womwami namulolekhera musichiimi khulugulu olwa Sinai mulumweso olwomuliro musichakha.

\v 31 Ne ngolwa Musa yakalola; yakanakana khubialolekha; nasuda ambi okhulingera, idoboosi yomwami nimwichira,
\v 32 Niboola esie nesie Nasaye owa basoo; Nasaye owa Aburakhamu; khandi Nasaye owa Isaka khandi Nasaye owa Yakobo. Naye narengerkha nakhirwa okhulingera.

\v 33 Ne Omwami namuboolera mbwe, rusiamo ebilaro mumakulu kao; okhubera abundu owa wemere neliloba litakatifu.
\v 34 Esie mbwene, okhunyakhana okhwa abandu bange abali Misiri, khandi mbuliire okhulira khwabwe ne njichire asi okhubanunula. Bulanu icha, ndakhuruma ewe Misiri.

\v 35 Uno Musa owa bakhaya, nibaboola mbwe wiina owakhukhola okhuba omuruki khandi omukabuli? omwenoyo niye owa Nasaye aruma khuba muruki khandi omununuli khumukhono okwa malaika owamulolekhera musichakha.
\v 36 Yabarusiamo namalire okhwekesia ebiamaya nende ebilolero musialo esia Misiri, nende munyanga eya mabaanga, nende khandi musichiimi emiaka amakhumi kane
\v 37 Uno niye Musa owaboolera abaana aba Isiraili mbwe Omwami Nasaye anakhukinguula omunabii okhurula mubakherwa beng'we, ofwanana nasie, omwene oyo munamubulira.

\v 38 Uno niye, owali mulikanisa eliomusichiimi nende malaika owalomaloma ninaye khulugulu lwa Sinai khandi nende abasefwe, niye waberesebwa amakhuwa akobulamu okhuruberesia efwe.
\v 39 Owa basefwe barabulira, arali bamukhaira ale okhurula khunibo; mumioyo kiabwe nibakanakana khandi okhukalukha Misiri.
\v 40 Nibamuboolera Haroni, rukholere efwe eminasaye kirwimirire khubeera Musa uno owarurusia musialo esia Misiri khaba khasi khumanyire esimwekholekhanakho.

\v 41 Nibakhola akhamoosi echinyanga echio, nibarera esimalamusango khubilonge nibasangalira emirimo ekia makhono kabwe abene.
\v 42 Naye Nasaye nakalukhana, nabalekhula okhwinamira amayie komwikulu; kori olwa kandikwa musitabo esia abanabii mbwe, eng'we inyumba ya Isiraili, mwandusiria esie ebisolo bifwire nende ebimala misango emiaka amakhumi kane musichiimi?

\v 43 Eng'we mwabukula eliyema elia moleki, nende ing'ining'ini eya nasaye weng'we Rafani, ebilonge ebiamwakhola okhubiinamira nange ndabakiinga okhubayira ale okhubira Babeli.

\v 44 Basefwe bali nende eliyema eliobuloli musichiimi, ngolwa yali nalagiire naboolere Musa, mbwe ayikhole ifwanane nende ifwani eya yali nabwene.
\v 45 Eya basefwe boosi abeecha lunyuma barera alala nende Yeso okhuba emiandu ekia abarasubira, aba Nasaye yarusia okhurula mubweni obwa basefwe, okhuula khuchinyanga echia Daudi,
\v 46 owanyoola bukoosia imberi wa Nasaye, niyekoomba okhunyoola eliyema elia Nasaye owa Yakobo.

\v 47 Arali Suleimani yamumbakhira inyumba.
\v 48 Kata kario omukhongo owa akulu khaba khasi amenyanga muchinyumba echombakhwa nende makhono, ngolwa omunabii aboola.
\v 49 Mwikulu nibwo obwikhalo bwange, ne esialo nisio esisaala sia amakulu kange kabulukhirakho. Inyumba sina eya wakhanyumbakhira? aboola omwami; kose ni abundu sina ewa ndakhabulukhira?
\v 50 Khaba khasi namakhono kange akakhola ebindu bino biosi?

\v 51 Eng'we aba amakosi momu nende abarakhebwa mumioyo nende amarwi, engwe buli lwoosi mukhaya rokho omutakatifu kori nga abaseng'we bakhola, mwesi mukhola murio.
\v 52 Ne omunabii sina owa abaseng'we barerukhania? Ne khandi babeera balia ababekesia imberi okhwicha khwa oyo omulungifu; owa eng'we mwakhobere nende khumwira;
\v 53 Eng'we abanyoola amalako khurula khu bamalaika akabakhwa, kata kario simwakaliinda.

\v 54 Ne ngolwa babulira amakhuwa ako nibachunisibwa mumioyo kiabwe, nibamulumanisiria ameno Stefeno.
\v 55 Arali ye niyechusibwemo rokho omutakatifu, yalingera siruungi mwikulu, naloola oluyali olwa Nasaye, naye Yeso niyekhaale khumukhono omusacha okwa Nasaye.
\v 56 Naboola, lingera mbona elikulu likuukhe ne omwana womundu yemere khumukhono omusacha okwa Nasaye.

\v 57 Nabo nibayula nende omwoyo omukhongo nibekalira amarwi kabwe, niberukha alala mubulala khumudiira.
\v 58 Nibamurusia erwanyi welidokho, nibamukhuya nende amakina; ne abalola nibageng'a echingubo chiabwe khumakulu akoomusiani omuraga, olangwa mbwe Sauli.

\v 59 Ne nibamukhuya Stefano nende amakina, nalanga Nasaye, naboola omwami; Yeso, bukula omwoyo kwange.
\v 60 Nasigama asi nalira nende omwoyo omukhongo, omwami orababalirikho imbi ino. Ne namalire okhuboola kano, nafwa.

\c 8
\cl Omuliango  8
\p
\v 1 Naye Sauli yafukirisania nende lifwa liaye. Ebikha ebio khwali nende omusando khulikanisa elia Yerusalemu, bamala nibasalanisibwa mubialo bindi okhuula muchimbeka chia Yudea nende Samaria, omalakho abarume.
\v 2 Ne abandu balobole bakiinga Stefano khuchia khumusiikha manu nibamulira lukali.
\v 3 Naye Sauli yachiririra okhukhaniakhania elikanisa, yengira mubuli inyumba, nabadira abasacha nende abakhasi nabatupa mumboyero.

\v 4 Nabo bala abali basalana mu bialo bia ingerekha bachia buli abandu nibayaala ifanjili.
\v 5 Naye Filipo nachia musialo sia Samaria, nabayaalira Kirisito.

\v 6 Nabo abaandu mulichomo lala bafukirira amakhuwa ka Filipo yayala, nibakabulira nende okhulola akamangalima kayakhola.
\v 7 Khubeera ebikhieno, bialira mudoboosi, nibirula mubaandu bangi abali ninabio; nabo abangi abali bekhuyuka, nende abalema baonisibwa, manu khwecha khwaba, nende isangalo ikhongo mudokho omwo.

\v 9 Ne khwali nende omundu undi, mbwe Simoni, owokhurula khale mudokho omwa yekhonyeranga obulosi naloka abaandu ba Samaria, niyelolesia mbwe nomundu omukhongo.
\v 10 Owaboosi bali bamubulira, okhurula khu mundu mudiidi okhuula khumukhongo, baboolanga mbwe, omundu uno namaani makhongo, ka Nasaye.
\v 11 Khandi bali bamuba esiriibwa khubeera mbwe chinyanga chinyiingi yabalokanga nende obulosi bwaye.

\v 12 Arali nga basubira Filipo nayaalanga khubindu bikhola khu bwami bwa Nasaye, nende eliira lia Yeso Kirisito, babatisibwa, boosi basacha nende bakhasi.
\v 13 Lunyuma Simoni mwene yesi yasubira; ne olwa yabatisibwa, yachiririra khukenda nende Filipo, naukisibwa nalolanga akamangalimwa nende ebilolero biekholaanga.

\v 14 Bulanu ngolwa barume bali Yerusalemu babulira mbwe Samaria babukule elikhuwa lia Nasaye babarumira Yokhana.
\v 15 Nabo nibolere babasayiira, mbwe banyole omwoyo mutakatifu.
\v 16 Khubera Kwali kusiiri okhwikhirakho yesi yesi dawe; bali sa, nibabatisibwa mulira lia omwami Yeso.
\v 17 Manu nibabarakho amakhono kabwe, manu nibanyola rokho mutakatifu.

\v 18 Naye Simoni olwayalola mbwe khulwokhurebwakho makhono nende abarume abaandu baberesibwa Rokho mutakatifu yababeresia esende.
\v 19 Naboola ari, "mumberesia siesi amaani kano mbwe siesi owandarechangakho makhono anyale okhunyoola Rokho mutakatifu."

\v 20 Arali Petero yamuboolera, sasikha nende echisende chiao, khubeera wakhapaara mbwe esianwa sia Nasaye sinyala okhukulwa nende echisende.
\v 21 Obulakho esidonye kose omukabo mumirimo kino; khubeera omwoyo kwao khasi nomukololofu mumoni chia Nasaye,
\v 22 Bulanu wekanire chimbi chiao chino, manu olame Nasaye, nikaba mbwe aundi maparo ka omwoyo kwao kanyala okhulekherwa.
\v 23 Khubeera ndola mbwe oli ndobuchuuni ngobufira bweindusie nende mumboye yemabi.

\v 24 Naye Simoni nakalusia, naboola ari musayiire khu Mwami mbwe libuleo khumakhuwa kano kamwakhaboola esinanjichakho.

\v 25 Ne nga olwabamala okhurusia obuloli nende khuyaala elikhuwa liomwami bakalukha Yerusalemu, khandi nibayaala imboosi muchingoongo chinyingi echia Basamaria.

\v 26 Naye malaika wo omwami nalomalomera Filipo, naboola ari, singira manu ochie lubeka lwa emwalo khungira ichia asi khurula Yerusalemu khuchina Gaza, eyiri mulumira.
\v 27 Manu nasingira nachia; khandi, lola omusacha okhurula Ithopia omuchiri owali nende obunyala bukhongo asi wa omukhasi muruki wa Baethopia, owemereranga embikhiro chioosi echiomuruki ne yali niyechere Yerusalemu okhulaama.
\v 28 Yali nakalukhangayo niyekhale muligaari liaye nasomanga Isaya omunabii.

\v 29 Lunyuma omwoyo mutakatifu kwaboolera Filipo chia ambi, manu wambane nende lingari.
\v 30 Manu Filipo nachia bwangu owayali, namubulira nasoma omunabii Isaya naboola oli obulirangamo aka oli khusomanga?"
\v 31 Naye naboola, nyala khubuliramo endie nimbula omundu okhonya? Nasaba Filipo mbwe yengire manu yekhale naye.

\v 32 Esidonye sia mandiko kayali nako siali sino, bamuyira musibapakiro kori elikondi, khandi obera esimeme sidimbe imbeli wabeeri basio kata siekhulao omunwa kwaye
\v 33 Mukhusandisibwa khwaye esina siaye siarusibwayo; ni wina owakhaboolere olwibulo lwaye? khubeera obulamu bwaye burusibweyo khusialo.

\v 34 Ne muchiiri ula namukalusia Filipo, naboola, khusaba omunabii uno amakhuwa aka oboola kano ka wina; kaye omwene kose ka omundu oundi?
\v 35 Naye Filipo niyekula omunwa kwaye manu nachakira khu mandiko ako, manu namuyala Yeso.

\v 36 Ne nga olwabali nibachiririra nende lukeendo lwabwe, beecha boola owa amachi kali; Nate omuchiri ula naboola, lola amaachi ngaka; sina singaira okhubatisibwa?
\v 37 Naye Filipo nabola, nosubira nende omwoyo kwao kwosi binyalikhana. Naye nakalusia naboola, subira mbwe Yeso Kirisito no mwana wa Nasaye.
\v 38 Yamala yarusia lilaako mbwe lingari lieme; manu boosi bekha nibachia mumachi, Filipo nende omuchiri bombi; namala namubatisia.

\v 39 Ne olwa beecha akulu nibarula mumachi omwoyo mutakatifu kwomwami kwamurusiao Filipo khandi omuchiri ulia khasi yamulola khaba; namala nabwao niyekhoya.
\v 40 Arali Filipo yanyolekhana Asoto. ne nabiramo yayaala mu madokho koosi khula olwa yola kaisaria.

\c 9
\cl Omuliango  9
\p
\v 1 Naye Sauli nasiri narikhirisianga nende okusinja abeka ba omwami, yachia khu omukukhani mukhongo.
\v 2 Namusaba mbwe amube chibarua chiokhuchia Damasiki muchisinagogi, mbwe nanyola abaandu ba ingeri into kata nibali abasacha kose abakhasi mbwe abarere nibaboyerwe muYerusalemu.

\v 3 Naye olwayali khulukendo, yola ambi nende Damasiki; mulwangu ao yabona olumieso nilumudokhane obulafu khurula mwikulu;
\v 4 Nakwa asi; namala nabulira idoboosi nimuboolera, Sauli, Sauli osandianga khubeera sina?

\v 5 Naye nareba, newe wina omwami? Naye omwami nabola, nesie Yeso owa osandianga;
\v 6 Ngolwa yali narengerekhanga naukisibwa yabola, omwami wenya khole sina? Naye omwami namuboolera, singira manu ochie mudokho ne ochia okhuboolerwa esikhukhola.
\v 7 Naye abaandu bala abali nibakendere naye beema nibauma esiokhuboola, nga babulira idoboose arali sibabona omundu dawe.

\v 8 Naye Sauli yasingira okhurula asi, ne chimoni chiaye nga chachaka okhulola; khasi yalolakho omundu arali bamudira omukhono nibamuyira Damaski.
\v 9 manu yamala chinyanga chidaru narabonanga, kata okhulia nende okhung'wa

\v 10 Naye yaliwo omweka undi Damasika yalangwa mbwe Anania; omwami yaboolera Anania". Naye nakalusia lola ndi ano, omwami.
\v 11 Omwami namuboolera, singira manu ochie khu ingira ilangwa mbwe ingololofu, manu orebe munyumba ya Yuda omundu olangwa Sauli owa Tarsio ali khusaaya,
\v 12 Ne abwene ao mumalolo yalola omundu olangwa Anania niyengira nende okhumurakho omukhono kwaye  mbwe anyole khunyala khulola

\v 13 Lunyuma Anania yakalusia, omwami, ndakhabulira khurula khu baandu bangi khulondana nende omuundu uno, echimbi chinyingi chia yakholera abalafu bao Yerusalemu.
\v 14 Ne khandi ano ali nende obulekhule khurula khu omukukhani mukhongo okhuboya boosi abalanga elira liao.
\v 15 Naye omwami yamubolera, "Chia imberi; ye silonge silobole khu esie, khuyiira lira liange khu banasialo, nende abami, nende abaana ba Isiraili.
\v 16 Ne njia okhumwekesia amangi akacha khusandira khulwa elira liange."

\v 17 Anania yachiririra imberi khungira yaye, manu niyengira munyumba; ne nga yamurakho mikhono kiaye yabola mukherwa Sauli Omwami, Yeso, owakhulolekhanira khu ingira nga wali niwicha, andumire, mbwe onyale khunyola okhulola, manu wichusibwemo omwoyo mutakatifu.
\v 18 Ne abwene ao amakamba kalakakha khurula mumoni chaye; namala nachaka okhubona ebikha biene ebio, nasingira; nabatisibwa.
\v 19 Naye niyakhamala okhulia nanyola amaani. Lunyuma naba nende abeka bandi abali Damasiki.

\v 20 Manu mulwangu olwa ndachaka okhunyola Kirisito mumasinagogi, mbwe Yeso niye omwana wa Nasaye.
\v 21 Arali boosi bamubulira bala nibabola, uno siniye obasandianga bala abalanganga elira lino mu Yerusalemu, khandi yeechanga khulwa lichomo liene elio, mbwe anyole okhubadira abayire owa mukhongo?.
\v 22 Arali Sauli yameda okhunyola amaani, nabaukisia abayaudi abali bamenya Damasiki nabekesia mbwe uno niye Kirisito.

\v 23 Lunyuma wa ako echinyanga chinyingi, chabirao, nabo abayaudi nibe khoba okhumwira;.
\v 24 Naye Sauli yeecha namanya indekekha yabwe. Nibalinda khu siribwa musidere nende musiro mbwe bamwire.
\v 25 Naye lunyuma abeka bamubukula, niba mwikhisiria khu lida nali musikapo.

\v 26 Ne ngolwa Sauli yola Yerusalemu, yatema okhwambana nende abeka; arali boosi bali bamurire, nibarasubira mbwe yesi yali omweka.
\v 27 Baranaba yamubukula, na muyira khu barume, nababoolera nga olwayalola Omwami khungira manu khandi nalomaloma naye, khandi nga olwa yali nayaalire nende ichwoni eria Damasiki mu lira lia Yeso

\v 28 Manu yali ninabo mukari nende khurula ninabo erwanyi wa Yerusalemu.
\v 29 Yalomaloma nende ichwoni mulira lia Omwami Yeso, nibayingana nende bayaudi nende bayunani; arali nabo batema okhumwira.
\v 30 Nabo abakherwa nga olwa becha bamanya bamurera khu Kaisari, nibamuruma okhucha Tarso.

\v 31 Elikanisa liecha liabuukha Yudea yoosi nende Galilaya nende Samaria, manu nibombakhwa; khandi nibakendera muburi bwa omwami nende mukhulemisibwa khwa omwoyo omutakatifu, bachirira okhuba abangi.
\v 32 Lunyuma lwa ako Petero yabira mubidonye bioosi, niyecha kata khubalobole bali bamenya Lida.

\v 33 Ne bwene eyo yalolayo omuundu oundi olangwa Ainea, owali niyakona musitanda siaye emiaka munane, yali nalwalanga indulume.
\v 34 Naye Petero namubolera, Ainea Yeso Kirisito akhuonia, singira, wale esitanda siao," manu nabukha lwangu.
\v 35 Ne abaandu boosi abali bamenya Lidia nende Sharon bamulola nibamukalukhanira Omwami.

\v 36 Ne yaliwo Yafa eria omweka undi owalangwa mbwe Tabita, elira elio nilikalukhanisibwa khandi nalangwa mbwe Dorika; omukhasi uno yali yechulamo ebikhole bilayi nende ebiaanwa bia yarusianga.
\v 37 Naye lunyuma yecha yaba omulwaye manu nafwa; nga bali bamala omwoka, bamukonia musigoro sia akulu.

\v 38 Ne khubera elidokho lia Lida liali ambi nende Yafa khandi abeka bali nibabulire mbwe Petero yaliyo, babarumira abaandu babiri, mbwe bamwekwede arakhinda khuchia owabali.
\v 39 Lunyuma Petero yasingira nachia ninabo, Nga olwayola, bamuyira musisenge sia akulu; na bakhasi abalekhwa bamwemakho nibalira, nibamwekesia echikanju nende chingubo echia Dorika yakasia, kori yali nasiri nabo.

\v 40 Naye Petero yabarusia boosi erwanyi, namala nasigama, nasaba; nga olwayachiririra yaboola Tabitha singira. Yamala namoka chimoni chiaye; nga olwa yabona Petero yekhala sirungi.
\v 41 Petero yamuberesia omukhono kwaye, namukhwesa namusingisia, nga olwayamala okhulanga balobole nende abakhasi balekhwa nababeresia nali omulamu.
\v 42 Manu keecha kamanyikha mu Yafa yoosi ne bangi nibasubira muMwami.
\v 43 Ne lunyuma, Petero yecha yamenya Yafa chinyanga chinyingi nende Simoni owareresianga amasero.

\c 10
\cl Omuliango 10
\p
\v 1 Yaliwo omuundu undi musialo sia Kasaria owalangwa Koroneli omukhongo womukanda kwalangwa Kiitalia,
\v 2 Omundu werusia khandi owaria Nasaye nende inyumba yaye yoosi, owaberesianga baandu ebianwa, khandi yalamanga Nasaye buli lwosi.

\v 3 Yalola amalolo mubwakhakhu mubikha bia saa tisa, malaika wa Nasaye namwichira, namuboolera, Koronelio!"
\v 4 Koronelio yamulingala ne yali muri, nareeba, "ni sina nisio, Omwami?" Naye namukalusia, echisala chiao nende ebianwa biao biulire akulu, okhuba sichulisio imberi wa Nasaye.
\v 5 Bulanu ruma baandu Yafa olange Simoni olangwa Petero.
\v 6 No mukeni wa Simoni obambanga amasero, owa inyumba yaye iri khundulo wa inyanja; achia okhuboolera esia okhoyere okhole.

\v 7 Naye Malaika owalomaloma nende Koronelio niyakhabwao, yalanga babiri khu bakholi baye bomunyumba, nende owamayie omwesikwa akari wa bala abamulindanga buli lwosi.
\v 8 Ne niyakhamala khubaboolera kano koosi, yabaruma khuchia Yafa.

\v 9 Inyanga ya khabiri, nga olwabali nibachiririra nende lukendo nibali ambi okhula mudokho, Petero yanina akulu khusirama musikha sia khasasaba sia inyanga.
\v 10 Yamala nabulira mbwe injala imuluma, nadakha mbwe aliekho; naye nga olwa bali nibalichanga esiakhulia, naungula chindolo,
\v 11 nalola likulu nilikukheo ne silonge sindi nisimwikhirakho, yali isuka yanabwa muchisonda chine, niyula asi khu loba.
\v 12 Mukari omwo chalimo echisolo chioosi echia makulu kane echiokhusialo; nende chisolo chiomusiino, nende bindu biekhwesanga, nende mayoni ka mumiyaka.

\v 13 Ne yabulira idoboosi nimuboolera, singira, sinja manu olie.
\v 14 Petero yaboola, khaba, Omwami, siiri khuliakho esindu sio mufuro, kose simali.
\v 15 Khandi yabulira idoboosi khabiri, niboola mbwe esia Nasaye alabisie khasiwakhalanga khuba simali.
\v 16 Sino sialondwamo makhabi kadaru; ne isuka eyo khandi yakalukhayo mwikulu.

\v 17 Bulanu nga Petero yali nasiri naparanga esia malolo ako akabwene kekesia sina, karulirao mbwe abaandu bali nibarumirwe khurula khu Koronelio, bali nibareberesie owa inyumba ya Simoni iri, ne bali nibemere khu siribwa siaye.
\v 18 Bamala nibareba, nikali mbwe Simoni owali khandi Petero yamenya ao.

\v 19 Ngolwa Petero yali naparanga khu malolo ako, omwoyo mutakatifu kwamuboolera, lola abaandu badaru bali okhukonyanga.
\v 20 Singira, manu ochie ninabo, orabeyabeya khaba; khubeera barumirwe.
\v 21 Petero yamala nachia khu baandu bali nibarumirwe, khu niye khurula khu Koronelio naboola lola, nesie owa mukonyanga; mwichire khulwa lichomo sina?

\v 22 Bamala nibakalusia Koronelio omukhongo; omundu omukololofu, khandi ulia owaria Nasaye, oli nende obuloli bulayi akari wa bialo bia Bayaudi yaboolerwa nende Nasaye khubirira mu malaika mutakatifu mbwe khwiche khukhuyire muyumba yaye, anyole khubulira makhuwa kao.
\v 23 Yamala nabengisie, nibakona ao. Ne nibwakhie Petero yabwao nabo, ne omukherwa mulala okhurula Yafa yesi yabelimasiakho.

\v 24 Nga bwakhia nibamala khwingira Kaisaria Koronelio yabalinda, ne khandi yali nalangire alala abekho baye nende abeecha baye ba ambi.

\v 25 Naye Petero nga yali niyechanga mukari, Koronelio yamubukanira, nakwa mumakulu kaye, namulama.
\v 26 Arali Petero yamusingisia, naboola ari yema sirungi, kata siesi ndi sa omuundu.

\v 27 Ne nga yalomaloma naye, yecha mukari, yanyola abaandu bangi nibebusisie.
\v 28 Petero yababoolera, mumanyire nga biri biibi mumalako khu mundu muyaudi okhuba mubwambani, kose khucha musialo sindi; arali Nasaye yanjekesia mbwe ndaralanga omundu yesi yesi khuba owesifuro, kose mumali.
\v 29 Bulanu njichire khweng'we arali mukhwesirala, mulwangu sa kori nga bananga. Bulanu bareeba mbwe mwanangire khulwa lichoma sina?

\v 30 Naye Koronelio naboola, chinyanga chine, chibwere ndali nisiibanga khula nga sikha sino, naye musikha sia saa tisa ndali munyumba yange, ne lola omundu yemere imberi wange niyefwalire chingubo ching'enang'ena.
\v 31 Naboola, Koronelio, masayo kao kabulirikhane khandi ebianwa biao bichulisibwe imberi wa Nasaye
\v 32 Bulanu ruma baandu Yafa bamulange Simoni olangwa Petero, amenyere munyumba ya Simon omubambi wa masero khundulo we inyanja; owa nikali mbwe aneecha, achia okhulamaloma nawe.
\v 33 Kho ndaruma abaandu khu ewe, manu okholere ebilayi khwicha. Bulanu khuli ano fwesi imberi wa Nasaye, okhubulira koosi aka Nasaye akhulakirisie okhukhola.

\v 34 Lunyuma Petro yalomaloma, naboola, nobwadieri mbwe Nasaye khasi ayekheranga lubeka lulala khaba.
\v 35 Arali buli sialo esirichanga Nasaye, nakhola akobukololofu, afukirirwanga ninaye.

\v 36 Elikhuwa lia Nasye yaruma khu baana ba Isiraili nayaala omulembe khubirira mu Yeso Kirisito (oli Omwami wa boosi)
\v 37 Elikhuwa, lia yaboola, mulimanyire, elialandasibwa mu Yudea, nga liachakira Galilaya, lunyuma wa ebatisia lia Yokhana yayaala;
\v 38 Manu nga Nasaye yamubakha Yeso wa Nasareti amafura ka omwoyo mutakatifu nende amaani; manu nakenda buli abundu nakhoola amalayi, nende okhubaonia abali nibanyasibwa nende sietani, khubera Nasaye yali ninaye.

\v 39 Ne efwe khuli abaloli ba ebindu bioosi bia yakhola musialo sia Bayudea nende muyerusalemu; owabamwirira nende khumukhoma khumusalaba.
\v 40 Nasaye yamulamusia khurula mung'ani inyanga yakhadaru namura mubulafu.
\v 41 Si ni khubaandu boosi, arali khubaloli abalobolwa imberi wa Nasaye, kata nende efwe, abalia nende khung'wa ninaye niyakhalamukha khurula mulifwa.

\v 42 Ne yarulakirisia khuyaalira abaandu, nende khurusia buloli mbwe niye owalobolwa nende Nasaye mbwe abe omukhalakiri wa balamu nende abafu.
\v 43 Mbwe khuniye abanabii boosi khurusie buloli, mbwe khubirira mulira liaye ulia yesi ochia khumusubira achia okhulekherwa chimbi chiaye.

\v 44 Nga olwa Petero yali nabolanga makhuwa kano, omwoyo mutakatifu kwekhera khuboosi bali nibabulire elikhuwa.
\v 45 balia abali nibakhebwa abali basubira baukisibwa, nende balia boosi abali nibeechere nende Petero baukisibwa khubera mbwe banasialo boosi esianwa sia omwoyo omutakatifu siabekherekho.

\v 46 Khubera babaulira nibalomaloma muchinimi, nibamukingula Nasaye. Naye Petero nabakalusia,
\v 47 "aliwo omundu onyala khukaira mbwe bano khasi babatisibwa, abanyolere omwoyo mutakatifu kori nga efwe?
\v 48 Namala nabalagira khubatisibwa khulira lia Yeso Kirisito. Nabo nibamusaba mbwe amenye nabo khulwa chinyanga chindi.

\c 11
\cl Omuliango  11
\p
\v 1 Abarume nende abakherwa abali Yudea babulira bari Banasialo boosi banyolere likhuwa lia Nasaye.
\v 2 Naye nga olwa Petero yanina niyeecha Yerusalemu, bala abarakhebwa baingana naye,
\v 3 Nibaboola ewe wambanire nende abaandu barakhebwa, khandi olire nabo.

\v 4 Arali Petero yachaka okhubakanira nga olwa lukendo lwaye lwachaka, niyongania ebilayi mubuli sidonye, nababoolera.
\v 5 Ndali mudokho lia Yafa ni ndi okhulaama; niungula chindolo nindola amalolo, esilonge sindi siekha, yali isuka ikhongo, yekhibwa okhurula mwikulu eya muchisonda chine; manu yecha khwesie;
\v 6 Ne nga olwa chimoni change chalimbula, ndalingala nimbona chisolo echia makulu kane echiomusialo, nende chisolo, chiomusiino, nende bindu bimolanga, nende amayoni ka mumiyaka.

\v 7 Ndeecha ndabulira idoboosi niimbolera 'Singira Petero manu olie.
\v 8 Arali ndaboola khaba, Omwami siri okhuliakho esindu simali kose esiomufuro.
\v 9 Arali idoboose yangalusia khandi khurula mwikulu niboola 'esia Nasaye alafuyie, orasilanga khuba simali.
\v 10 Ne kano kekholekha makhabi kadaru; ne khandi bioosi nibikalusibwa mwikulu.

\v 11 Naye mulwangu abaandu badaru beecha munyumba yandalimo, bali barumirwe khurula Kaisaria khwicha khu esie.
\v 12 Ne omwoyo omutakatifu kwamboolera okhuchia ninabo, abakheerwa basasaba bano bambana nange, nikhwingira munyumba yomundu ula.
\v 13 Namala na ruboolera kori yabona malaika munyumba yaye, owema namuboolera, ruma abaandu Yafa manu olange Simoni olangwa Petero;
\v 14 Naye achia okhuboolera amakhuwa, ne ewe nende inyumba yao muchia okhulokokha.

\v 15 Ne nga olwandachaka okhulomaloma, omwoyo omutakatifu kwabekherakho, kori olwa efwe mukhuchaaka.
\v 16 Ndeecha ndechulisia elikhuwa lia omwami, nga olwayaboola mbwe Yokhana yabatisia nende amaachi, arali eng'we muchia okhubatisibwa nende omwoyo mutakatifu

\v 17 Bulano olwa Nasaye yababeresia esianwa sifwanana nende nga esia yaruberesia efwe abasubira mu omwami Yeso Kirisito esie ndali wiina mbwe nyale okhaya aka Nasaye?",
\v 18 Ne olwa babulira amakhuwa kano, beecha banyola mulembe, nibaberesia Nasaye oluyali, nibaboola, khane Nasaye abanyaliire Abanasialo okhwekanira khurera obulamu.

\v 19 Bulanu balia abali nibasalanire mubialo bia ingerekha khubeera khusandisibwa khwa Sitefano bachaaka lukendo khuchia Foinike, nende Kipro nende Antioka, nibayaala ifanjili khu Bayaudi.
\v 20 Nabo abandi khunibo bali abaandu ba Kipro nende Kirene, abali niboola Antiokia balomaloma nende Abayunani nibayaala likhuwa lia omwami Yeso.
\v 21 Ne omukhono kwa omwami kwali ninabo, nabaandu bangi basubira nibamukalukhanira omwami.

\v 22 Makhuwa kebindu bino koola mumarwi ka elikanisa liali Yerusalemu; manu nibaruma Baranaba bwangu mbwe achie Antiokia.
\v 23 Naye nga yeecha yali nabwene obukosia bwa Nasaye yali musangafu, nababeresia omwoyo mbwe, khulwokhubera lichoma lia omwoyo bachiririre okhuguma muMwami.
\v 24 Khubeera yali omuundu mulayi kandi owechulamo omwoyo mutakatifu nende owa busubiri; manu baandu beecha bemenda mu mwami.

\v 25 Lunyuma Baranaba yachia Tariso, khulwa khukonya Sauli.
\v 26 Naye nga olwa yamunyola, yamurera Antiokia. Lunyuma wa ao, biali mbwe omwaka kwoosi bambaana alala nende likanisa, manu nibekesia abaandu bangi. Abeka balangwa olwamberi mbwe Bakirisito mu Antiokia.

\v 27 Bulanu muchinyanga echa banabii, bachaaka okhurula Yerusalemu nibachia Antiokia.
\v 28 Naye yeecha yarulirao omulala olangwa mbwe Agabasi, niyekesebwa nende omwoyo mutakatifu mbwe khuchia okhuba nende injala ikhongo musialo sioosi; akeecha kekholekha muchinyanga chia Kilaudio.

\v 29 Lunyuma abeka, buli mundu khulondana nende obunyala bwaye bafukirisania okhuruma obukhonyi khu bakherwa abali bamenya Yudea.
\v 30 Kano bakhola, manu nibaruma khu bakofu khubirira mumakhono ka Baranaba nende Sauli

\c 12
\cl Omuliango  12
\p
\v 1 Biali ambi wa ebikha ebia Herodi omwami nayira omukhono kwaye okhubasandia balala khubalia abali abelikanisa.
\v 2 Yamala niyeera Yakobo omusiani wabwe Yokhana nende oluganga.

\v 3 Naye khulwa okhubera yalola mbwe biasangasia Bayaudi, yacha imberi namudira Petero yesi. (Echo chali chinyanga cha migaati kurarebwakho limera).
\v 4 Naye nga yali yakhamala okhumudira yaamuyira mumboye, manu namura mumikhono kia emikanda kine ekia abamayie, mbwe bamulinde, nali nende lichomo mbwe Pasika niyakhabwa bamurere imberi wa baandu.

\v 5 Kho Petero yarebwa mumboyero; Arali likanisa lialama Nasaye oburalekha dawe.
\v 6 Ne inyanga ya Herodi yali amurusie rwanyi khuyasibwa musiro esio Petero yali nakonere akari wa balindi babiri, nabooyerwe nende eminyororo kibiri; nabo abalindi bali imberi womuliangiro kwa imboyero nibalindire imboyero.

\v 7 Ne lola malaika wa omwami yamwichakho, manu nikhuba nende obulafu mumboyero; namukuda Petero khulubafu namala namusingisia naboola singira lwangu. Nakio eminyororo kiabololokha nikikwa khurula khu makhono kaye.
\v 8 Ne malaika namuboolera weboye manu wefwale bilaro biao. Manu yakhola ario. Khandi yamuboolera wefwale chingubo chiao manu onoonde.

\v 9 Yamala nachia erwanyi namuloonda; khasi yasubira akekholekha nende malaika mbwe kali aka obwadieri; nga yapaara mbwe abwene amalolo.
\v 10 Nga babira abalindi bamberi nende abakhabiri, boola khu muliango kwa esichuma okwali kwingira mulidokho kweikulao sa kwene khu nibo; nibamala nibarula, nibabirira khungira ndala; Naye mulwangu malaika yamulekha

\v 11 Ne olwa Petero yeecha yanyola okhwemanyirisia, yaboola, bulanu ndamanya oburalimo khubeyabeya, mbwe Omwami arumire malaika waye, naye yakhanunula khurula mumukhono kwa Herodi, nende kalia koosi aka bayaudi babere baparire kekholekhe.
\v 12 Ne nga olwayamala okhupara kano yachia munyumba ya Maria ng'ina Yokhana, owa lira liaye lindi liali Mariko; owa abaandu bangi bali nibakhung'anire nibali okhulama.

\v 13 Ne nga Petero yakhongonda khulwiki omukhana mukhosi, elira liaye mbwe Roda yeecha khubulira.
\v 14 Ne nga olwayamanyirisia idoboosi ya Petero khasi yekulao omuliango mberi okhubere obusangafu, arali yerukha nakalukha mukari, nababoolera ari Petero yemere khu muliango.
\v 15 Nabo bamuboolera ewe oli omulalu naye yachiririra okhwema sirungi mbwe kalikario. Lunyuma baboola mbwe oyo ni malaika waye.

\v 16 Arali Petero yachiririra okhu khong'onda; Lunyuma nga bekula olwiki nibamulola, baukisibwa.
\v 17 Arali yabasaba mungira ya okhwekhonyera mukhono mbwe bachiririre okhuba nende omulembe kwabwe, nabakanira kori Omwami amununule okhurula mumboye. Namala naboola mbwe muchie muboolere amakhuwa kano Yakobo nende abakherwa. Namala nabalekha nachia abundu andi.

\v 18 Manu nga olwabwakhia abalindi bali nende oburi ni bereba mbwe siina esiekholekhe khu Petero.
\v 19 Bulanu nga Herodi yamukonya nakhaya okhumunyola, yanoneresia abalindi, namala nalagira mbwe beerwe. Yamala narula Yudea nachia emwalo Kaisaria niyekhala eyo.

\v 20 Khandi Herodi siyasangasibwa lukali nende baandu ba Tiro nende Sidoni; arali beecha nende elichomo lala khu niye, ne nga olwa bali nibakhola obwicha nende Bulasto overesianga inyumba ya omuruki ebiakhulia, badakha omulembe; khubera esialo siabwe siakhonywanga nende esialo sia omuruki.
\v 21 Ne inyanga ndala eyaarebwao Herodi yefwala chingubo chio buruki, niyekhala khusisala siaye sia oburuki, naboola ari, eyo ni idoboose ya Nasaye, khasi ni idoboosi ya omundu khaba.

\v 22 Abaandu bayokera nibaboola bari eyo ni idoboos ya Nasaye, khas ni idoboos ya omunudu khaba.
\v 23 Ne ao nende ao malaika wa Nasaye yamukhuya khubeera khasi yaberesia Nasaye oluyali; emiambo nikimulia, nafwa.

\v 24 Ne likhuwa lia Nasaye liakhula manu khandi nilisalana.
\v 25 Ne Baranaba nende Sauli bakalukha khurula Yerusalemu, nga olwaboseresia obukholi bwabwe, bamala niba bukula Yokhana, owa lira liaye lindi lialangwa mbwe Mariko.

\c 13
\cl Omuliango  13
\p
\v 1 Bulanu mukanisa lia antokia mwalimo nende abanabii bandi nende abasomesia; kori Baranaba nende Simoni owalangwanga khandi mbwe Niger, nende Lukio Mkerene nende Manaeni owakhusibwa nende Herodi, nende Sauli.
\v 2 Ngo lwa bali nibalama omwami, nende okhusiiba, omwoyo omutakatifu kwaboola, mukabule Baranaba nende Sauli khulwange khubera emirimo kia balangire.
\v 3 Nga bali nibakhasiiba nende okhulama, nibamala nibabarakho amakhono kabwe, nibabaruma.

\v 4 Bulanu nga barumwa nende omwoyo mutakatifu, barulao nibachia Selukia, ne khurula ao nibadira olukendo khubiririra munyanja niboola Kipro
\v 5 Bulanu nga bali Salamis bayaala likhuwa lia Nasaye mumasinagogi kobuyaudi, bali nende Yokhana muburumikhi bwabwe.

\v 6 Nga olwabamala khubira mukari mwe sisinga khula Pata, banyola omundu undi mbwe Bari-yeso.
\v 7 Yali nende omulondereri wo muruki we sialo esie elira liaye mbwe Serijio Paulo, omundu mukesi yalanga Barinaba nende Saulo, yadakha okhubulira likhuwa lia Nasaye.
\v 8 Ne elima omulakusi(khubera elira liaye liemerera lirio) yayingana nabo, nadakhanga omulondereri wa omuruki alekhe obusubiri.

\v 9 Lunyuma Sauli, (olangwa khandi mbwe Paulo,) nga yali niyechusibwe omwoyo mutakatifu yamulingala nende bululu.
\v 10 Manu naboola, ewe wechulamo ikhinda nende chimbi chioosi, omwana wa sietani, omusuku wa obukololofu bwoosi khasi ochia khulekha khunyasia chingira chia omwami echiakololokha?

\v 11 Bulanu lola, omukhono kwa Nasaye kuli akulu wao, bulanu mochia khuba muofu, khasi ochia khulola eliuba khulwa sikha nabulebe. Ne ao nende ao linang'oong'o nende sirima biacha khumoni chiaye: yamala nachaaka okhukonya nabodokhana nakonya omundu onyala okhumudira omukhono nakenda.
\v 12 Lunyuma omulondereri wa omuruki olwa yalola akekholekha, yasubira naukisibwa nende amekesio aka Omwami.

\v 13 Lunyuma Paulo nende abasie bachaka olukendo okhurula pafosa, bola Periga mu Pamufilia: Naye Yokhana olwayabalekha nakalukha Yerusalemu.
\v 14 Arali barula Periga beecha Antiokia mu Pisidia nibamala nibachia mu isinagogi inyanga ya isabato, nibekhala asi.
\v 15 Nabo nibakhamala okhusoma amalako ne abanabii abaruki ba isinagogi babalanga, nibaboola, eng'we abandu khandi bakherwa, nikali mbwe muli nende elikhuwa lia khudinyisia bandu, muboole.

\v 16 Lunyuma Paulo yasingira, naye yakingula mukhono kwaye yaboola abandu ba Isiraili, nende eng'we abaria Nasaye, mundekeresie.
\v 17 Nasaye wa bandu bano ba Isiriali yalobola basefwe, namala nabakingula abandu bali bamenya kori abakeni musialo sia Misiri, naye nende omukhono kwaye okwa maani yabarusia erwanyi.
\v 18 Ne khulwa emiaka makhumi kane yabe sirimisiria ebima biabwe mulumira.

\v 19 Naye nga yamala okhusasia ebialo saba muliloba lia Kanaani, yakabira liloba liabwe mukuura.
\v 20 Khurula ao, yecha yababeresia abakhalaki mubikha bia miaka echimia chine nende amakhumi karano, khula nga omunabii Samueli yeecha.

\v 21 Lunyuma beecha badakha omuruki: naye Nasaye nababa Sauli omwana wa kishi, omuundu woluyia lwa Benjamimni, khulwa ebikha bia emiaka makhumi kane.
\v 22 Ne nga yamumalayo yabakingulira Daudi mbwe abe omuruki wabwe: owayarusiria obuloli bwaye, naboola ari, malire okhunyola Daudi omwana wa Yese, omundu okheresia omwoyo kwange, ochia khusirisia elienya liange.

\v 23 Okhurula khulwibulo lwa omundu uno, Nasaye amalire khurulana nende elakano liaye okinguula omuwonia khu Isiraili oli Yeso.
\v 24 Nga Yokhana yayaala imberi nasiri okhwicha obubatisi bwa okhwekanira khu baandu boosi aba Isiraili.
\v 25 Naye nga Yokhana yali namala lukendo lwaye, yareba, eng'we mupaara mbwe esie ndi wiina? sindi niye arali mulole aliwo owicha inyuma wange, owandaranyala okhubolola chisia chia bilaro biaye.

\v 26 Abandu nende abakherwa, abaana ba olwibulo lwa Iburaimu, yesi yesi khu eng'we owamuria Nasaye khu niye elikhuwa lia obulokole buno lirumirwe.
\v 27 Khubera balia abamenya Yerusalemu nende abaruki babwe, khubera khasi bamumanya, nende kata chidoboosi chia banabii echisomwanga buli inyanga ya isabato, bamala khusirisia mukhumukhalakira.

\v 28 Kata kario sibamunyolamo esikera bamwire, bachia imberi khumusaba Pilato mbwe afwe.
\v 29 Nibakhamala okhusirisia koosi akali kandikwa khulondana ninanye, bamwakula khurula khu musalaba, nibamura mung'ani.

\v 30 Arali Nasaye yamubusia khurula mubafu.
\v 31 Yalolekhana chinyanga chinyingi nende balia abari ninaye okhurula Galilaya okhula Yerusalemu, abali bwe nibo bulanu abaloli baye imberi wa abanadu.

\v 32 Bulanu khubayaalira ifanjili eya elilakano lia basafwe baberesibwa.
\v 33 Nasaye yoseresia lilakano elio khubaana befwe, khubirira mu khubusibwe khwa Yeso mubafu, nga olwakandikwa mu sabuli ya khabiri, mbwe, ewe newe omwana wange esie inyanga yino khwibuule.
\v 34 Ne khurulana nende ako yamubusia khurula mubafu, mbwe arunyala okhukalukhira isasia, nga olwa ya boola ndababeresia eng'we amakhuwa kange aka Daudi yali yasubisibwa

\v 35 Yaboola khandi musabuli yindi mbwe, khasi ochia okhulekha omuloboole wao okhubona isasia.
\v 36 Nga Daudi, olwa yamala okhurumikhira olwibulo lwaye mulienya lia Nasaye yeyalisia nende basimwana nalola isasia.
\v 37 Arali ula owa Nasaye yabusia khandi, siyalola isasia.

\v 38 Manu kamanyikhana khu eng'we bulanu abaandu nende abakherwa khubirira mumundu uno muli khuyaalirwa okhulekherwa chimbi.
\v 39 Mbwe khandi muniye balia abamusubira bakholwa khuba abakololofu khurula mu bindu bioosi mbwe malako ka Musa karanyola obakhola abakololofu.

\v 40 Bulanu mumanye mbwe, karabechakho, kalia, akaboolwa nende abanabii.
\v 41 Mulingale, abalekeresianga muukisibwe musasibwe, khubeera ndi khukhola emirimo munyanga cheng'we emirimo kia muraakhafukirira, kata omuundu nabayaalira.

\v 42 Nga olwa Bayaudi barula musinagogi, abanasialo basaba mbwe bayaalirwe amakhuwa kano isabato yilondakho.
\v 43 Bulanu nga olwa olukhung'ano lwabwa, Abayaudi bangi nende abalokole ba idini balonda Paulo nende Baranaba; owa, nalomalomanga nabo, yabekweda okhuchiririra mu bukosia bwa Nasaye.

\v 44 Ne inyanga ya isabato yalondakho ambi wa lidokho lioosi liecha khubulira imboosi ya Nasaye.
\v 45 Ne nga Abayaudi balona omukanda mukhongo bengirwa nende ikhinda nibaingana khulondana nende amakhuwa kalia aka Paulo yali ayaalire

\v 46 Lunyuma Paulo nende Baranaba bayaala nende ichwoni, nibaboola, mbwe elikhuwa lia Nasaye liyaalirwe eng'we mberi: arali nga mulikhayire, nende khwekhalakira mbwe khasi mukhoyera okhunyola obulamu bwa obumeri, obulan khuchira banasialo.
\v 47 Khubera niye owa Nasaye arulakirisia, naboola, mbwe khurereo khuba obulafu bwa banasialo, onyole okhuba obulokole khula esiakamo sia esialo.

\v 48 Nga Banasialo babulira kano, bali basangafu, maani nibaberesia luyali elikhuwa lia Omwami, manu abangi bala abaloboolerwa obulamu bwa obumeri basubira.
\v 49 Manu likhuwa lia omwami lialandasibwa musialo esio siosi.

\v 50 Arali Bayaudi bachunjubania abaandu bo luyali abesikhasi, nende abakhongo ba lidookho nibamala nibarera okhusandia Paulo nende Baranaba, nibaberusia khurula khundulo wa inyanja.
\v 51 Nabo bakhuya asi makulu nibasisimula olufu mukhubachuba, nibachia Ikonia.
\v 52 Nabo abeka bechusibwamo busangafu, nende omwoyo mutakatifu.

\c 14
\cl Omuliango  14
\p
\v 1 Lunyuma mu Ikonio, bengira boosi mu sinagogi lia Bayaudi ne nga olwabayala omukanda omukhongo okwa Bayaudi nende Bayunani basubira.
\v 2 Arali Abayuda abarali abobusubiri bachunjania Banasialo, nibengisia mumaparo kabwe ikhinda khubakherwa.

\v 3 Bekhala ao ni bayaala nende ichwoni mu mwami owarusia obuloli khulikhuwa lia bukosia bwange, nabanyalira akamangalimwa kwekholekha mumikhono kiabwe.
\v 4 Arali emikanda kia mulidokho omwo kiakabukhanamo; manu kindi nikiambana nende Bayaudi ne kindi nikiambana nende Abarume.

\v 5 Ne nga karulirao mbwe bali okhurekekha isasia ya banasialo nende Bayaudi nende abakhongo mbabwe, mbwe babakholere esilleka babakhuye: nende makina.
\v 6 Beecha bamanya, niberukhira Listia nende Dabi madokho ka Likonia, nende madokho kalibodokhane.
\v 7 Manu eyo bayaala ifanjili.

\v 8 Listia eyo khwaliyo nende omundu mulala owali nende makulu madekhere omulema okhurula niyebulwa khasi yali yakendakho khaba:
\v 9 Omundu oyo yamuulira Paulo nayaala, Paulo numulingera sulungi, nalola mbwe ali nende obusubile bwo khuwona.
\v 10 Paulo namuboolera nende idoboose ikhongo; yema sirungi nende amakhulu kao bilayi, niyema namala nakenda nabwao

\v 11 Nga abaandu balola ako Paulo yakhola, bakingula chidoboosi chiabwe, nibabola muluikonia, ninasaye orwichiire mungeri ya abaandu.
\v 12 Nibakulikha Baranaba mbwe, Zeus naye Paulo mbwe Herime, khubera niye wali omuyaali.
\v 13 Lunyuma omukhulundu wa Zeus owe likanisa liaye liali imberi wa lidokho narera ing'ombe nende ebimuli khu muliangiro, nadakha okhurusia simala musango alala nende abaandu.

\v 14 Arali nga abarume Baranaba nende Paulo, babulira barandula chingubo chiabwe, nibengira akari wa baandu nibayaala.
\v 15 Eng'we abami, khulwa sina mukhola kano? efwe khuli abaandu bafwanana nang'we khubayaalira ifanjili mbwe mukalukhane mulekhe amakhuwa ka obukori kano mumukalukhanire Nasaye oli mulamu, owalonga likulu nende esialo, nende chinyanja nende ebindu bioosi birimo.
\v 16 Oli mbwe ebikha biabira yalekha Banasialo boosi bichire khu chingira chabwe bene.

\v 17 Araii khasi yalekha omwene nabula obuloli khubera yalola amalayi, manu naruberesia ifula okhurula mwikulu nende ebikha bia khufuna, niyechusia emioyo kiefwe nende esiakhulia nende obusangafu.
\v 18 Bulanu khulwa makhuwa ako nebekalira abaandu mukhunyakhana, mbwe barabarusiria simala musango.

\v 19 Bulanu abayaudi bola okhurula antiokia nende Ikonio nibachunjania abaandu khuula nibakhuya Paulo nende amakina, nibamurusia erwanyi wa lodokho nibaparanga mbwe afwire.
\v 20 Arali, nga abeka bali nibamubodokhane chimbeka chioosi, nasingira niyengira, mukari mwa lodokho, naye inyanga yalondakho yarula, nabwao nende Baranaba khula Deribe.

\v 21 Nga bamala okhuyala ifanjili mulidokho elio, nende okhunyola abeka bangi, bakalukha Listia, nende Ikonio nende Antiokio.
\v 22 Nibakhola emirimo kia okhwemesia emioyo kia abeka nende khubalagira mbwe bekhale mubusubiri, nende khandi mbwe khukhonyera khwingira mwikulu mu ingira ya musando khungi.

\v 23 v 23 Nga bamala okhubalobolera abakofu mu buli likanisa, nende okhulama alala nende okhusiba, nibabara mu makhono ka omwami abali nibasubire.
\v 24 Nibabira akari wa Pisidia niboola Pamufilia.
\v 25 Ne nga bamala okhunyola elikhuwa elio mu Page nibakholomokha emwalo Atallia.
\v 26 Khurula ao baniina imeli okhuchia Antokia, eyo niyo owabalamirwa obukosia bwa Nasaye khulwa emirimo kila ekiabali niboseresie.

\v 27 Nga olwabola; barera alala likanisa, nibaliboolera amakhuwa aka Nasaye yakhola alala ninabo, nende khandi mbwe abekulireo Banasialo omuliango kwa obusubiri.
\v 28 Neebekhalayo chinyanga chinyingi nende abeka.

\c 15
\cl Omuliango 15
\p
\v 1 Khandi abandu bandi bekha khurula Yudea nibekesia abakherwa, nibabola bari, nikali mbwe khasi okhebwa nga olwa omulukha kwa Musa kuboola, khasi onyala khuwonisibwa.
\v 2 Bulanu nga Paulo nende Barinaba bamala okhuingana nende okhurebana nende abandu bano, abakherwa bakhalakao mbwe Paulo nende Barinaba akari wabwe banine bachie Yerusalmu khu barume nende khubakhulindu khulwa lirebo elio.

\v 3 Bo bulanu olwabarumwa khulukendo olwo nende likanisa nibabira akari wesialo siaFoinike nende Samaria, nibalandasia likhuwa elio eliokhununulwa khwa Banasiolo, nibakherisia abakherwa lukali.
\v 4 Olwa bola Yerusalemu bengisibwa nende likanisa nende bakofu, nabo nibababoolera amakhuwa koosi aka Nasaye yakhola alala ninabo.

\v 5 Arali emikanda kindi kia Bafarisayo kiali kiasubira nikiboola, mbwe "Bidakhikhana bakhebwe, nende khulagirwa khulinda amalako ka Musa.
\v 6 Kho abarume nende abakofu beecha alala okhulingera mulikhuwa lino.

\v 7 Ne nga bamala khuingana lukali Petero yasingira sirungi namala nababoolera, abaandu nende abakherwa, mumanyire mbwe okhurula chinyanga chia imberi Nasaye yalobola mweng'we mbwe Abanasialo babulire likhuwa lia mumunwa kwange, manu balisubire.
\v 8 Ne Nasaye, omanyanga mioyo kia abaandu, yabarusiria obuloli nababeresia mwoyo mutakatifu kori sa olwa yaruberesia efwe.
\v 9 Kata khaba khasi yakholakho ingabukhani yosi akari wefwe ninabo, niyosia mioyo kiabwe mubusubiri.

\v 10 Bulanu khulwa sina mutema Nasaye, khulwa khura elijooki khu makoosi ka abeka, elia basefwe kose efwe khasi khwanyala khukinga?.
\v 11 Arali subira mbwe khubirira mubukosia bwa Omwami Yeso Kirisito khwakhaonisibwe, nga nibo.

\v 12 Lunyuma emikanda kioosi kiabulera nibabarekeresia Baranaba nende Paulo nibakhola akamangalimwa nende akokhuukisia aka Nasaye yakhola mubanasialo khubirira munibo.

\v 13 Ne olwabali nibakhaba nende omulembe, Yakobo yakalusia naboolera abanadu nende abakherwa mumbulire.
\v 14 Simoni yakhaboola imberi kori Nasaye yakendera Banasialo, mbwe anyole khulobola akari wabwe abaandu khulwa elira liaye.

\v 15 Ne amakhuwa ka banabii kafukirisania nende ako, kori lwakandikwa.
\v 16 Lunyuma wa makhuwa kano ndakalukha nange ndombakha khandi inyumba ya Daudi eyakwa as nange ndayemekha sirungi
\v 17 Mbwe abaandu badonga bamukonye omwami, nende Banasialo boosi, aba lira liange lialangwa khunibo, aboola omwami okholanga kano koosi.
\v 18 Kamanyikhane khu Nasaye ne mirimo kiaye khurula khuchaka khwe sialo.

\v 19 Khu ako obukhalaki bwange nimbwe, khurabasandia bala abarula mu Banasialo abamukalukhanira Nasaye.
\v 20 Arali khubandikire, mbwe bekabule nende minasaye kia bifwanani, nende obuyirani, nende khulia ebindu bifwire khukhwemika, nende khulia mabanga.
\v 21 Khubera Musa khurula khale mubuli lodookho yali nende abaandu bamuyala buli isabato kasomwanga musinagogi.

\v 22 Bieecha biabakheresia abarume nende abakofu nende likanisa lioosi, okhubalobola baandu okhurula akari wabwe okhubaruma Antiokia alala nende Paulo nende Baranaba, bali Yuda elira lindi mbwe Barisaba nende Silas, abaandu bakhongo akari wa bakherwa.
\v 23 Ni babandikira chibarwa bari, abarume nende bakofu nende abakherwa babarumire makhesio abakherwa be siyunani mu Antiokia nende Shamu nende Kilikia.

\v 24 Khubera khubulire mbwe abaandu barula mwefwe babanyasisie nende amakhuwa kabwe, nibakosia emioyo kieng'we, nibaboola mbwe, mukhoyere mukhebwe, manu mulinde amalako: abakhwali nikhuraberesie amakhuwa ako khaba.
\v 25 Karulolekhera amalayi, nikhwakhabukanana alala mulichoomo elala okhuruma abaandu balobole khu eng'we nende abakherwa befwe Baranaba nende Paulo.

\v 27 Bulanu khwakharuma Yuda nende Silas abachia okhubaboolera amakhuwa kene ako nende omunwa.
\v 28 Khubera kalolekhe amalayi khu omwoyo mutakatifu nende khu efwe, mbwe khurabarakho omukuku arali kalia akakhoye kongane.
\v 29 Bulanu mulekhane nende inyama eyirusibwe nga esianmw khu minasaye kiebifwanani, nende amabanga, nende bindi ebiemikire, nende obuyirani nimulekhana nende ebio muchia okhola ebilayi mubeo.

\v 30 Ne basebulwa khubwao, beecha Antiokia nibakhamala okhubusia omukanda kwa baandu omukhongo alala bamala nibababeresia ibarwa iria.
\v 31 Olwa basoma, basaangala khubera yababeresia omwoyo.
\v 32 Khandi Yuda nende Sila, khubera bali banabii bachia imberi okhubaberesia omwoyo nende amakhuwa amangi, khandi nibanarakho esibalikho

\v 33 Ne bali nibakhabayo khulwa bikha biyera bafukirirwa nende abakherwa khubwao mumulembe, bakalukha khu bala barume ababaruma.
\v 34 Arali biakheresia sila khumenya ao.
\v 35 Naye Paulo nende Baranaba beecha bamenya Antiokia nibekesia nende khuyaala likhuwa lia omwami nende bandi abangi.

\v 36 Lunyuma lwa chinyanga Paulo yaboolera Baranaba khuche khandi khukendere abakherwa befwe mu buli lidokho lia khwayalamo elikhuwa lia omwami, khandi khulole nga bachiririra.
\v 37 Baranaba naye nakhalakao okhubukula Yokhana khandi owalangwa mbwe Mariko mbwe bachie ninaye.
\v 38 Arali Paulo yalola mbwe khasi nebilayi mbwe bachie ninaye, owabalekha khurula Pamfilia, manu khasi yachia ninabo khumirimo.

\v 39 Manu obuyingani bukhongo bwali akari wabwe, khuula nga balekhana buli mulala nachia khulwaye; Baranaba yabukula Mariko, nibamala nibanina imeli khucha Kipro.
\v 40 Naye Paulo yalobola Sila, nibabwao, nalamirwa nende abakherwa mbwe aberesibwe bukosia bwa Nasaye.
\v 41 Manu nachia khubirira Shamu nende Kilikia niyemekha makanisa.

\c 16
\cl Omuliango  16
\p
\v 1 Lunyuma yeecha Deriba nende Lisito naye ao khwaliyo nende omweka mulala, olangwa mbwe Timoteo, omwana wa omukhasi muyaudi, owali yasubira; arali samwana yali muyunani.
\v 2 Abakherwa bali Lisitio nende Ikonio bamulomalomakho ebilayi.
\v 3 Paulo yadakha mbwe bache ninaye, manu namala namukheba khulwokhubera Bayaundi bali mu chimbeka echio:

\v 4 Nga olwa babira mumadokho, bababeresia malako kalia akabisibwa nende abakofu abali Yerusalemu, mbwe bakadire.
\v 5 Makanisa nikaberesibwa amaani mu busubiri, nabo nibemeda inamba buli inyanga.

\v 6 Nibakhamala khubira mu Frigia nende Galatia yoosi, bakairwa nende Omwoyo mutakatifu mbwe sibayaala likhuwa mu Asia.
\v 7 Nibamala khuula Misia bateema okhuchia Bitinia; arali omwoyo mutakatifu khasi kwabafukirira khaba.
\v 8 Bulanu nga olwa babirira Misia bekha emwalo khuchia Trao.

\v 9 Lunyuma Paulo, yalola amalolo nikamwichira musiro; yamulola omuundu wa Makedonia niyemere, namusaba ari, yambukha wiiche Makedonia, orukhonye.
\v 10 Nga olwa yamala okhulola malolo mulwangu khwadakha okhuchia Makedonia, khubera khwapara mbwe omwami arulangire mbwe khuchie khubayaalire ifanjili.

\v 11 Khulwasio khwarula Trao, khubirira munyanja khwachia tiiri khwola Samatra, inyanga yalondakho khwachia Neopolisi.
\v 12 Okhurula ao khwola Filipi ebiri mbwe nilio lidokho likhongo mulubeka olwo olwa Makedonia, khandi lidokho lia Abaroma barukanga, manu mudokho omwo khwalimo chinyanga chichiririre.
\v 13 Kata inyanga ya sabato khwarula erwanyi we lodokho, nikhuchia khundulo wa omwalo, owa khwapaara mbwe baliwo abaandu bokhulamira, khwekhala asi, khwalomaloma nende abakhasi ababukanananga ao,

\v 14 Naye omukhasi undi olangwa mbwe Lidia, owakusianga irangi injakhanyu owa lidokho lia Thiatira owaria Nasaye, yarurekeresia owa omwami yekulao omwoyo kwaye manu nalondana nende okhubulira aka Paulo yali naya alanga.
\v 15 Nga olwa yamala khubatisibwa, omwene nende inyumba yaye, yarwekweda, naboola ari, nikali mbwe mumbwene mbwe ndi omwesikwa khu omwami, mwingire munyumba mwange, naruika.

\v 16 Lunyuma nga khwachia okhulalama, omukhana undi omurumwa owalimo esikhieno sio bulakusi yarubukananira, naye yarereranga abayinda baye inganga inyingi nga yalakulanga.
\v 17 Omukhana oyo yalonda Paulo nende, niyayulanga, naboola abaandu bano ni bakholi ba Nasaye oli akulu, abaruyalira ingira ya obuwonia.
\v 18 Ne kano yakakhola chinyanga chinyingi, arali Paulo nga oluyasinyikha, yakalukhana niyalabira esikhieno, mbwe khulagira mulira lia Yeso Kirisito orule mukari mwaye, manu nisirula esikha esio.

\v 19 Ne nga olwa bayinda baye balola mbwe linaya liabwe lia inganga libwereo, badiira Paulo nende Sila nibabakhwekhwesa khuula musiiro imberi wa bakhongo belidokho.
\v 20 Nibabarera imberi wo mukhalaki wemisango, nibaboola, abaandu bano, ni Bayaudi ni bali okhurera indoboyo mubungi mulidokho liefwe.
\v 21 Khandi bali okhwekesia emima, ekirali mumalako mbwe efwe khunyole khufukirira kose okhulonda khubera efwe khuli Abaroma.

\v 22 Manu omukanda omukhongo okwa bandu alala kwababukhirakho; nabo abakhalaki be misango bafwalula chingubo chiabwe, nibalagira mbwe Paulo nende Sila bakhuywe.
\v 23 Nga olwa bali nibabakhuya chimbariki chinyiingi babara mumboyero, nibalagira abaliindi ba imboyero okhubaliinda bilayi.
\v 24 Omuliindi niyakhamala okhunyoola lilako elio, yabara mumboyero yomukari, nababoya amakulu nende minyororo.

\v 25 Ne akari wesiro Paulo nende Sila bachaaka okhulaama nende okhwimba chinyimbo chia okhufumia Nasaye; kata baboye bandi bosi bababulira nibemba.
\v 26 Mulwangu sa esialo siachaaka okhurengerekha, kata amakuru ka imboyero kachaaka okhudengeya; ne abweneao emiliango kioosi ekia imboyero kiekukha, nakio eminyororo kia buli muboye kiabololokha.

\v 27 Nga omuliindi wa imboyero yasimukha khurula muchindoolo, nalola emiliango kia imboyero nikikukheo, yakhwesa oluganga, nadakha okhweyira, napaara mbwe ababoye beruukhe.
\v 28 Arali Paulo yayula nende idoboosi ikhongo, naboola oreyira; khubera fweesi khuliwo.

\v 29 Yamala nadakha chitara chirerwe, naruuma nakwa mukari mwa imboyero, yali narengerekhanga, yamala nakwa asi mumakulu ka Paulo nende Sila.
\v 30 Nabarusia erwanyi naboola abami khole sina khunyole obuwonia?.
\v 31 Nabo nibamubolera, subira mu mwami Yeso Kirisito, nawe ochia khuwonibwa, nende inyumba yao.

\v 32 Khandi bamulomalomera elikhuwa liamomwami, nende khu balia boosi bali munyumba mwaye.
\v 33 Yamala nababukula mu bikha ebio bia musiro, nabapangusia obukhuye, namala nababatisia, omwene nende abaandu baye boosi.
\v 34 Nga olwa yali niyakhabarera munyumba yaye, nababeresia esiokulia khandi nasangala okhusubira mu Nasaye alala nende inyumba yaye.

\v 35 Bulanu nga olwabwakhia abakhalaki abe misango babaruma abakhongo babalinde, nibaboola bari, mulekhe abaandu abo babweo.
\v 36 Khandi ula omulindi wa imboyero yaboolera kano Paulo, mbwe abakhalaki be misango bakharuma elikhuwa mbwe babalekhule mubweo; bulanu chaka lukendo, mani muchie nende omulembe.

\v 37 Arali Paulo yababoolera mbwe, barukhuyire mubwakhakhu arali kata okhukhengera musango ne efwe khuli barumi, khandi barufungire mumboyero; bulanu badakha khururusia mubwefiso? khasi binyalikhana lekha abene beche barurusie.
\v 38 Manu abakhongo babalindi bachia baboolera abakhalaki be misango makhuwa kano; ni baria, nga babulira mbwe bali Abaroma.
\v 39 Bamala nibeecha nibabekweda nibabarusia erwanyi, babasaba barule mudokho.

\v 40 Bamala nibarula mumboyero, manu nibengira munyumba ya Lidia; nga bamala okhulolana nende bakherwa, bababeresia omwoyo, nibamala nibabwao.

\c 17
\cl Omuliango  17
\p
\v 1 Bulanu nibakhamala khubira akari Amfipoli nende Apollonia boola Thesalonika owa khwali nende isinagogi ya Bayaundi.
\v 2 Naye Paulo nga olwa ali yamala, yabachira, manu khulwa chinyanga chidaru cha isabato balingala mu mandiko niyeka nabo.

\v 3 Niyekulao mandiko manu nababoolera mbwe, biamukhoyera Kirisito khusandisibwa, nende khubukha khurula mubafu, khandi mbwe Yeso uno, owa ndi khubayaalira nikirisito.
\v 4 Manu bandi khunibo basubira, nibambana nende Paulo nende Sila Abayunani bali basubira Nasaye, abangi muno, kata nende abakhasi ba bweyango bukhongo boosi.

\v 5 Abayaudi barasubira, badirwa nende ikhinda, babukula abaandu abamanu abarali nende ifuma indayi, manu nibebusia nibaakhola indoboyo mulidokho, nibachia okhusandia inyumba ya Yasoni nibadakha okhubadira okhubayira imberi wa banadu ba mulidokho.
\v 6 Nga olwabakhaya okhubanyola babakhwekhwesa nende bakherwa bandi nibabaira khu bakhongo ba lidokho, nibaboola bari abaandu bano bakalukhania sialo, bechere ano woosi.
\v 7 Naye Yasoni yabengisia omwaye; arali abaandu bano bakholanga ebindu ebiingania amalako ka Kaisairi nibaboola mbwe alio omuruki undi, olangwa mbwe Yeso.

\v 8 Manu nibasindusia abaandu nende abakhongo ba lidokho, nga olwa babulira amakhuwa kano.
\v 9 Ne nga barungira Yasoni, nende abasie ifayinini ya okhurula mumusango, babalekhula nibabwao.

\v 10 Manu abakherwa bamala nibabasebula Paulo nende Sila musiro okhuchia Beroya nga boola Beroya bengira musinagogi lia Bayaudi.
\v 11 Abaandu bano bali abalayi okhira aba Thesalonike, ao bengisia elikhuwa mu burekerefu bwa maparo kabwe, manu nibalingala mumandiko buli inyanga, nikali mbwe akandikisibwa kadieri.
\v 12 Khulwa ako abangi babwe becha basubira, kata nende abakhasi ba oluyali ababayaunani, nende abasacha abangi.

\v 13 Arali nga Bayaudi ba Thesalonika becha bamanya mbwe elikhuwa lia Nasaye liyaalwa nende Paulo Beroya, boosi bachiayo manu nibanyasia nende okhusandia abaandu.
\v 14 Ne mulwangu lunyuma abakherwa basebula Paulo mbwe achie khundulo wa inyanja, arali Sila nende Timotheo badonga nibachiririra okhumenya eyo.
\v 15 Nabo abamungoba Paulo Anthenes bamala banyola omulango, mbwe Sila nende Timotheo bache baambane naye mulwangu, bamala nibamulonda.

\v 16 Bulanu Paulo nga yali nabalindire Athene, omwoyo mutakatifu kwa Paulo kwaberera, nga olwayalola mbwe elodokho lioosi liali asi wa minasaye kia bifwanani.
\v 17 Khubera ako Paulo yeka nende bayaudi nende bandi balia abaria Nasaye, kata musiro, nende bala babukanananga ninaye.

\v 18 Lunyuma abakesi, ba Bipikureo nende Bistoiko nibabukanana.

\v 19 Nibamudira nibamuiraa imberi wa Areopago nimbamureba bari, khunyala khwamanyakho owa mekesio mayakha kano; akawekesianga niko sina?
\v 20 khubera oreranga amakhuwa makeni mu marwi kefwe; bulanu khudakha khumanya mbwe makhuwa kano niko sina.
\v 21 Khubera abaandu ba Athene nende abakeni bali mu madokho omwo khasi bakholangakho sindu sindi bikha biabwe biosi, arali okhulomaloma, kose okhubulira amakhuwa makeni,

\v 22 Paulo yamala niyema akari wa Areopago, naboola eng'we abaandu ba Athene, mbona mbwe mumakhuwa kosi muli abaandu ba okhulonderera emilukha kia idini.
\v 23 Khubera nga mbirire nimala nindola bindu bia mulamanga, nyolere alutari nende amandiko kano KHU NASAYE ORAMANYIKHANE. Bulanu niye owamulamanga, esie bulanu bayaalira oyo owamulamanga nikhasi mumumanyire.

\v 24 Nasaye ulia owalonga esialo nende abindu boosi birimo, naye omwami wa likulu nende esialo samenyanga mu kanisa liombakhwa nende mikhono.
\v 25 Khandi sakholerwanga nende mikhono kia baandu kori ulia odakha sindu siosi siosi, khubera niye oberesianianga obulamu khu bindu bioosi, emiuya nende buli sindu.

\v 26 Khandi khurula mumabanga ka omundu mulala abaandu ba bialo okhumenya ebweni wa esialo, niyakhamala okhubarerao ebikha ebiayalakirisia, nende okhubarerao chinjakho cha obumenyo bwabwe.
\v 27 Mbwe munyole okhumukonya omwami kata nikali mbwe ni mu ingira ya khubabasia babasia, bamunyole bamulole, kata kario abechanga aale nende buli sia mulala.

\v 28 Okhubera mu niye khumenyanga, khandi khukenda khandi khuli nende bunamundu bwefe, kori olwa mulola weng'we undi omwembi wa mashairi yaboola, khubera fesi khuli olwibulo lwaye.
\v 29 Nga bulanu khuli lwibulo lwa Nasaye, sikenyekha khupare mbwe obu Nasaye buli kori idakhabu, kose isende kose likina, ebia bachwa nende obufundi, nende amakesi ka baandu

\v 30 Chinyanga chia obusiru Nasaye yekhola kori oralola, arali bulano alakirisia buli omundu buli abundu woosi yekanire.
\v 31 Khulwa khubera yalobola inyanga, eyachia okhukhalakira esialo mubulungifu khubirira mu mundu owa yalobola khu baandu boosi, mu ingeri ya okhumulamusia okhurula mubafu.

\v 32 Nga babulira okhulondana nende okhulamukha khwa bafu bandi baleka; naye bandi baboola, khunabulirakho khandi khulondana nende amakhuwa ako.
\v 33 Kario Paulo yabarulamo nabwao.
\v 34 Mubandu abo abandi bechia badirana naye manu nibasubira; abasubira ninabo bali Donsio, Mwareopago, nende omukhasi mulala elira liaye mbwe Damari, nende abaandu bandi alala nabo.

\c 18
\cl Omuliango  18
\p
\v 1 Lunyuma lwa makhuwa kano, Paulo yarula Athene mani niyola Korintho.
\v 2 Yamala nanyola omuyaudi undi olangwa mbwe Akila omwibulanwa wa Ponto, yali ambi ao narulire Italia, (khubera mbwe Kilaudia yali nakhengere mbwe Abayaudi boosi barule Roma babweo) naye Paulo yamala nachia owabali.
\v 3 Khubera bakholanga emirimo kifwanana, Paulo yechia yamenya nabo, nibakholera emirimo alala; emirimo kiabwe kiali okhureresia amayema.

\v 4 Manu buli inyanga ya sabato yakheberanga amandiko ninabo musinagogi niyekweda Abayaudi nende Abayunani.
\v 5 Bulanu nga olwa Sila nende Timoteo bechia nibarula Makedonia, Paulo yanyakhana mumwoyo, namala nabarusiria obuloli mbwe Yeso niye Kirisito.
\v 6 Ne nga baingana naye, nende okhumunyeka Nasaye, Paulo yasisimula chingubo chiaye, namala nababoolera ari, amabanga keng'we kabe khu mirwe kieng'we; esie mbulakho esibi dawe; bulanu buri njia khu Banasialo.

\v 7 Narula nachia munyumba ya omundu undi, elira liaye mbwe Yusto, owamulamanga Nasaye, owa inyumba yali khulwakho lulalal nende Isinagogi.
\v 8 Naye Kirisipo, omuruki omukhongo wa isinagogi, yeecha yamusubira omwami nende inyumba yaye yoosi, mani nga Bakorintho bangi babulira boosi basubira, manu ni babatisibwa.

\v 9 Lunyuma lwa ako omwami yalomaloma nende Paulo mumalolo ari, oraria, arali lomaloma, khandi arabulera khaba.
\v 10 Okhubeeera ndi ninawe, ne aumao omundu ochia okhwicha okhuyaala; okhubera ndi nende abaandu bangi mulidokho omwo khulwa omwaka mulala nende emiosi kisasaba, niyekesia elikhuwa lia Nasaye akarikari wabwe.

\v 12 Nga olwa Galio yali omukhongo, omudiidi wa Akaya, Abayaudi bakhungana okhumukhoba Paulo, manu nibamudira nibamurera okhumukhalakira musango.
\v 13 Baboola bali omundu uno ali okhubooleranga baandu mbwe bamulame Nasaye muyingera irali mumalako dawe.

\v 14 Bulanu Paulo nga olwa yali nadakha khuchaka khulomaloma, Galio yaboolera Bayaudi ari, nikali mbwe liakhabere elikhuwa libi kose elia obukhubakhubania, eng'we Bayaudi, biakhabere biadieri esie okhufukirisania nang'we.
\v 15 Ne nikali mbwe nebifune bia amakhuwa nende amera, nende bia amalako keng'we, mukalingeremo eng'we bene; khubeera sindakha okhuba omukhalaki wa makhuwa ako dawe.

\v 16 Namala naberukhania khurula imberi owa sisala sia obukhalaki.
\v 17 Abayaudi boosi bamala nibamudira basositene, omuruki omukhongo wa isinagogi, nibamuira imbeli wa sisala sia obukhalaki;. Ne kata Galio khasi yadeba okhukholakho sindu sioosi dawe.

\v 18 Lunyuma Paulo yeecha yamenyakho ao bikha bingi, namala nasebulana nende abakherwa nanina imeli okhuchia Shamu, yali nende Priska nende Akila, nga olwa yali yakhamala okhubeka omurwe kwaye ela Kenkera khubera yali yarao lilakano elio.
\v 19 Boola efeso namala nabalekha ao; naye omwene yengira musinagogi, nakheberesia maandiko nende Abayaudi.

\v 20 Nga olwa benya mbwe achiririre okhumenya nabo khulwa ebikha birambi khasi Yafukirira khaba,
\v 21 Arali yabasebula, naboola ari, khuyekhere nende esidialo esiri Yerusalemu; Ne khandi ndakalukha mbe nang'we, Nasaye nakhera. Namala nanina imeli nabwao okhurula Efeso.

\v 22 Nga olwayola Kaisaria, yanina akulu, nakhesia likanisa, namala nachia emwalo Antiokia.
\v 23 Nga lwa yamala ebikha nabulebe eyo, yabwao, nabirira mubungi obwa musialo sia Galatia nende Frigia lidokho khu lidokho, nabombakha abeka mubusubiri,

\v 24 Ne Omuyaudi elira liaye mbwe Apolo, owebulwa Isikanderia, omundu wa makesi, khandi owamanya amandiko yeecha Efeso.
\v 25 Omundu uno yekesebwa ingira ya Nasaye; bulanu khubera omwoyo kwaye kwali nende elikhuwa lia Nasaye, yalomaloma nende okhwekesia sirungi elikhuwa lia omwami, naye yali yamanyasa ebatisia lia Yokhana.
\v 26 Apolo yamala nachaka okhulolmaloma nende ichwoni musinagogi nga Akila nende Prisila bali nibakhamuulira, bamubukuula nibachia naye owabwe, nibamuboolera ingira ya Nasaye musilungifu.

\v 27 Nga olwa yadakha okhwambukha okhuchia Akaya abakherwa bandika ibarwa, khubera bali Akaya mbwe bamwingisia; nga olwa yolayo, yakhoonya lukali balia abali nibasubire khubirira mubukosia.
\v 28 Khubera mubukhongo muno yayingira Abayaudi, okhubirira mubwakhakhu, yekesia nende mandiko mbwe Yeso niye Kirisito

\c 19
\cl Omuliango  19
\p
\v 1 Bulanu nga Apola yali Korintho, Paulo niyakhabirira khundulo wa inyanja emukulu yeecha Efeso; yanyolayo abeka.
\v 2 Yabareba, "mwanyola omwoyo mutakatifu khurula nga mwasubira? "Nabo bamukalusia, kata khusiri okhuburirakho mbwe omwoyo mutakatifu kuliwo.

\v 3 Ne khandi yabareba bulanu mwabatisibwa khumbatisia sina?, nabo bamukalusia mubatisia lia Yokhana.
\v 4 Lunyuma Paulo yababoolera ari Yokhana yabatisia libatisia lia okhwekaninra, yaboleranga abaandu mbwe bakhoyera okhusubira mu ulia ochia khwicha inyuma waye, oli mbwe ni Kirisito Yeso.

\v 5 Ne olwababulira kano babatisibwa mu lira lia omwami Yeso.
\v 6 Ne nga olwa Paulo yabarakho amakhono, omwoyo mutakatifu kwabeechakho bamala nibachaaka okhulomaloma muchinimi nende khurusia obunabii.
\v 7 Ne abaandu abo bali ambi wa ekhumi nende babiri.

\v 8 Yamala nachia musinagogi, nalomaloma nende ichwoni khulwa emiosi kidaru, nayingana nende okhwekweda abaandu mubindu bilondana nende obwami bwa Nasaye.
\v 9 Arali abaandu bakhaya, nibarasubira dawe, nibachaka okhulomaloma bibibi khu ingira ino eya obwami bwa Nasaye imberi wa omukanda, Paulo yecha yabalekha nabarulakho, namala niyekabula khubeka, nibaingana bulinyanga nende abaandu mu lisomero lia omundu mulala owalangwa mbwe Tirano.
\v 10 Kano kachirira khulwa emiaka kibiri, khubera mbwe bala boosi abali bamenya mu Asia babulira likhuwa lia Omwami Yeso Abayaudi nende Abayunani.

\v 11 Manu Nasaye nakhola akamangalimwa akabira sikero khubirira mumakhono ka Paulo.
\v 12 Khubera kata chingubo nende ebitambaya biarulanga khumubiri kwa Paulo nibara khubalwaye, amalwaye kabarulangamo, khandi ebikhieno biosi biabarulangamo.

\v 13 Abayaudi bandi abakenda kendanga, nibarusia ebikhieno, bachira abaandu bali nende ebikhieno nibatema okhurusia bikhieno mulira lia Omwami Yeso nibaboola, khubalagira mulira lia Yeso wa Paulo ayaalanga.
\v 14 Ne bariwo abaana saba aba omundu mulala owalangwa mbwe Sikeba, omuyaudi, owali omukhongo wa abakhulundu, abakholanga bario.

\v 15 Ebikhieno nabio biakalusia nibiboola, "Yeso khumumanyire, khandi Paulo khumumanyire; Arali eng'we nang'we muli wiina?"
\v 16 Omuundu walimo bikhieno yabarumirakho nabayekhera, nabakhira, amaani niberukha khurula munyumba nibali siekenye nende nibanyaalikhe emibiri.
\v 17 Kano kecha kamanyikhana khu Abayaudi nende Abayunani boosi abali nibamenya Efeso; manu oburi nibubadira boosi, manu lira lia Omwami Yeso liakingulwa.

\v 18 Balia abasubira becha, bafukirira chimbi chiabwe, nibalolesia bikhole biabwe.
\v 19 Abangi khubala abakhola bulakusi barera ebitabo biabwe alala, nibabisamba imberi wa baandu boosi; becha babusia alala obukusi bwa bindu ebio nibanyola mbwe chali echisilingi chilifu makhumi karano.
\v 20 Manu mubukhongo muno elikhuwa lia Nasaye liakhula nilichia ale.

\v 21 Kano nikakhola siakamo, Paulo yakhengao mumwoyo kwaye niyakhabira musialo sia Makedonia nende Akaya okhuchia Yerusalamu naboola ari, nindakhamala okhuba eyo, khoyekhere ndole khandi Roma.
\v 22 Yamala nabaruma Makedonia babiri khu bala abamukholeranga, Timoteo nende Rasto arali Paulo mwene, yadonga Asia khulwa ebikha bidiidi.

\v 23 Mubikha sa ebio khwarulirao indoboyo ikhongo khulondana nende ingira eyo.
\v 24 Khubera omuundu undi olwangwa mbwe Demetiro omusambiriri we bichuma, owareresianga alutari chia Aritemi yareranga inganga ikhongo khu bareresi ba bindu bia ebichuma.
\v 25 Yalanga alala abareresi abo nende boosi abakholanga emirimo kifwanana nende ekiaye, namala nababoolera abami, mumanyire mbwe obuyinda bwefwe burulanga mumirimo kino.

\v 26 Khandi mubuliranga mbwe, khasi kali mbwe ni Efeso ano wong'ane khaba, arali ambi Asia yoosi, Paulo uno amalire okhwekweda baandu bangi nibarurulakho nabola mbwe eminasaye kikasibwa nende amakhono khasi ne minasaye.
\v 27 Bulanu sikalisa mbwe emirimo kiefwe kino kiri mubudinyu bwo khulekhwa, arali kata inyumba ya kunasaye kwefwe kukhongo okwe sikhasi Artemi icha okhulekwa, alala nende sironyo siayo.

\v 28 Ne olwa bamala okhubulira kano, bechulamo lirima, nibayokera, nibaboola, omukhongo niye Artemi owa Efeso.
\v 29 Manu elidokho lioosi liechulamo indoboyo; manu nga olwa badira Gayo nende Aristariko, abaandu ba Makedonia, abali nende Paulo mulukendo, bachia ninabo mulwangu musiguuri sia mibayo mungeri yo bulala.

\v 30 Bulanu Paulo nga yadakha okhwingira akari wa baandu, abeka bamukaira okhwingira.
\v 31 Ne abandi khu bakhongo ba Asia, abali abeecha baye baruma abaandu khu Paulo, nibamusaba mbwe yesi arengira musiguuri sia mibayo dawe.
\v 32 Bulanu abaandu bandi bayokera nibaboola kano, khandi bandi bosi bayokera nibaboola kandi, khubera omukanda okwo kwabula khubulirisania. manu obungi babwe khasi becha bamanya esiali sikerere bebusie ao.

\v 33 Becha barusia Alekisanda erwanyi wo mukanda Abayaudi nibamaala imberi wa bandu, Alekisanda mu ngira yokhukingula mukhono, yadakha mbwe alomelome yerusie mumusango nali imberi wa baandu
\v 34 Ne becha bamanya mbwe yali omuyaudi, boosi mudoboosi, ndala mubikha bia masa kabiri, bayula mbwe omukhongo niyeb Artemi wa Baefeso.

\v 35 Bulanu nga omwandiki wa lidokho yecha nabuleresia abaandu, Paulo yaboola eng'we bandu ba Efeso, ni mundu sina oliwo okorerwa kori elidokho lia Baefeso mulamanga khu nasaye kukhongo kwe sikhasi okulangwa mbwe Artemi, nende esifwanani esiakwa asi khurula akulu mwikulu.
\v 36 Bulanu khubera mbwe amakhuwa kano khasi kanyala okhukaira, bulanu kenyekhana mubulere, Manu mukhaye okhola bindu mulwangu lwangu.

\v 38 Nikali mbwe Demetiro, nende abasie bo khu sambirira bindu bia bichuma abali naye, nibali nende imboosi nende omundu yesi yesi, khuli nende, malako, khandi khuli nende bakhongo balondakho bakhole misango.
\v 39 Arali nikali munakonyeresia elikhuwa liosi liosi mumakhuwa kandi, ako kanamalirwa mulukhikho lwa malako.
\v 40 khubera khuli mubudinyu bwa khuba mumusango khulwa indoboyo ya inyanga ino; nikalimbwe inabula esikera khunarungira likobi. Nga olwa yamala okhulomaloma yafunaka mukanda kwali kwebusisie.

\c 20
\cl Omuliango  20
\p
\v 1 Bulanu nga ifukulu eyo yabwa, Paulo yalanga abeka nabadinyia emioyo, namala nabwao achia Makedonia.
\v 2 Kori yamala okhukenda muchimbeka echio chioosi, nende okhubadinyia mioyo mumakhuwa mangi, yachia mu Buyunani.
\v 3 Ebwene eyo yamenyayo emiosi kidaru. Nabo Abayaudi bali nibamukhobere nibamulindire, nga olwa yali nadakha okhuchia nende imeli Shamu, bulanu yakhengao khukalukha okhubirira Makedonia.

\v 4 Abaandu bano bachia ninaye, mu Asia Sapatro mwana wa Piro owa bereya ne aba Tesolonike, Aristariko; nende Sakundu, Gayo wa Dabi nende Timoteo yesi, Tikiko nende Trofino aba Asia.
\v 5 Abaandu bano bachia imberi wefwe manu nibarulindira Trao
\v 6 Esidialo sia chinyanga chia migaati kibulakho limera nisiakhabwa, khwachaka olukendo okhubirira mumachi nikhurula Filipi nikhuchia owabali Trao muchinyanga chirano; nikhumala nabo ao chinyanga saba.

\v 7 Khu inyanga ya mberi ya idominika, kori abeka becha alala okhulia omugaati, Paulo yabayaalira niyerekekhe okhubwao inyanga yalondakho, manu yachiririra okhuyaala okhuula akari wa esiro.
\v 8 Ne musigoro sia akulu khwali nende matara mangi, omwa abandu bali, bakhung'anire alala.

\v 9 Omuraaga mulala owalangwa mbwe Eutiko, yali neyekhale khulidirisa yadiirwa nende chidoolo chinyingi, bulanu nga Paulo yachiririra okhuyaala yebira muchidoolo lukali, manu nakwa asi khurula akulu khu gorofa yakhadaru, nibamukinga ao namalire okhufwa.
\v 10 Paulo yekha asi, namukhwakho, namafumalira naboola ari, murarera indobooyo khaba, khubera asiri ali nende obulamu bwaye.

\v 11 Yamala nanina akulu khandi nafunaka mugaati khandi nalia, nachiririra okhulomaloma nabo khulwa ebikha birambi, nga bwola mumabwibwi, namala na abwao.
\v 12 Bamala bamurera omuraaga oyo nali omulamu, manu nibadinyisibwa lukali.

\v 13 Khwamala khwarangirira khuchia mu imeli nikhudiira olukendo khuchia Aso, nikhuli nende lichomo mbwe eyo niye owa khwarekekha Paulo; khubera niye owali naloboole nibimukheresie khuchiayo, nakenda nende makulu.
\v 14 Nga olwayarubukana Aso, nikhumura mumeli, manu nikhumala nikhuula Mitilene.

\v 15 Manu khwachaaka lukendo khurula eyo, inyanga ilondakho khwola Samo, nikhwikhala Trogilio inyanga yalondakho khwola Mitelo.
\v 16 khubera Paulo yali nende lichoomo lio khubira Efeso nende imeli, mbwe arecha yakhinda Asia; khubera yakholanga lwangu, mbwe nanyalirwa abe Yerusalemu inyanga ya Pendekosti.

\v 17 Nikharula Miteto Paulo yaruma abandu khuchia Efeso, nibalanga abakofu belikanisa.
\v 18 Ne nga olwa becha owa Paulo yali yababolera, mumanyire, khurula inyanga yamberi yandechera mu Asia, nga olwandakhaba nang'we mubikha biosi.
\v 19 Nikholeranga omwami mubweocherefu bwoosi, nende mumasika mangi, nende mukhutemwa, ebianyola khubirira mukhukhobwa nende Bayaudi.
\v 20 Khasi ndakisakho sindu siosi siosi esiali esia inganga khweng'we, arali ndabayalira khandi ndabekesia mubwakhakhu, khandi khurula khunyumba khuchia khu yindi.
\v 21 Nindusia obuloli khuBayaudi nende Bayunani boosi, okhwekanira khu Nasaye, nende busubiri khu Omwami Yeso Kirisito.

\v 22 Bulanu, lingala mbano njia ninyimirirwe nende rokho mu Yerusalemu, ningorerwe amakhuwa kachia okhundekholehakho eyo.
\v 23 Arali rokho mutakatifu arusianga buloli mu buli lidokho, ebiboye nende isando binindire eyo.
\v 24 Kata kario siumao khu bindu ebio bioosi esisiindusia, kata simbalanga obulamu bwange khuba esindu sia obukusi mbwe nyole okhumala lukendo lwange nende obusangafu, nende obukholi, obwandanyola khu omwami Yeso, mbwe nyole okhulolera ifanjili ya obukoosia bwa Nasaye.

\v 25 Bulanu lola manyire eng'we mwesi, abandechera nibayaalira obwami bwa Nasaye, khasi muchia okhulolakho obweni bwange khandi.
\v 26 Bulanu mbarusiria obuloli mbwe kaumao amabanga ka omundu yesi yesi akulu wange.
\v 27 Khubera khasi ndakhayakho okhubaboolera amachoomo ka Nasaye koosi.

\v 28 Bulanu mwekenderesia eng'we bene, nende omukanda kwoosi, ebia rokho mutakatifu yabakhola okhuba abaayi, mbwe mulisie likanisa lia Nasaye, elia yakula nende amabanga kaye omwene.
\v 29 Khubera manyire kano, mbwe nindakhamala khurula Amabwe kelifwa kakhabengiremo, manu khasi kakhalolere esisa eliichio.
\v 30 kata mu eng'we abene bakharulemo abaandu abakhabole amakhuwa kobukori, bakhabakhwese abeka babaloonde.

\v 31 Bulanu mube meso, khandi mwichulisie, mbwe mubweyango bwemiaka kidaru mukhulira amasika khasi ndakhayakho okhubalabula buli sia mulala esiro nende sidere.
\v 32 Bulanu, abakheerwa mbara mumakhono ka Nasaye, nende mulikhuwa lia obukoosia bwaye, eliri nende obunyala bwa okhubombakha, nende okhubaberesia obulaame akari wa balia abalabisibwa.

\v 33 Khasi ndekombakho echisende, kose idakhabu kose ingubo eyomundu yesi yesi.
\v 34 Eng'we mumanyire bene mbwe amakhono kange kano niko kakhakholeranga amenya kange, mwene nende bala boosi abali nange.
\v 35 Esia ndabekesia mbwe mumakhuwa koosi mukhoyere okhukhola emirimo munyole` okhukhoonya abadekhere, nende okhwichulisia amakhuwa ka omwami Yeso, kori olwayaboola ari, birimo chikhabi mubungi mukhuberesia okhukhira okhubukula.

\v 36 Manu nga yamala khulomaloma, yasigama asi nalaama ninabo boosi.
\v 37 Bamala nibalira muno, nibadira likosi lia Paulo nibamuchunjuna.
\v 38 Nibabeerera muno khulwa amakhuwa kala aka yali nalomalome, mbwe khandi khasi bachia okhulolakho obweni bwaye khaba. Bamala nibachia ninaye owa imeli yali.

\c 21
\cl Omuliango  21
\p
\v 1 Biecha biaba mbwe, nga khwecha khwalekhana ninabo khwanina eliaro manu nikhula koosi, inyanga yalondakho khwoola Rode, nikhwarula ao khwola Patara khwanyolayo imeli yali yambukha okhuchia Foinike khwengiramo nikhuchaka lukendo.

\v 3 Nga olwa khwalola Kipro, khwailekha elubeka wa omukhono mukhasi, nikhudira olukendo okhuchia Shamu, nikhwikha Tiro: khubera ao imeli yali idakha okhwikhia emikuku.
\v 4 Nga khwanyola abeki khwamenya ao chinyanga saba; Abeki abo baboolera Paulo khubirira mu rokho omutakatifu, mbwe araniina yachia Yerusalmeu khaba.

\v 5 Manu nga olwakhwamalayo chinyanga echio, khwabwao; nende abakhasi nende abaana khuula kori khwachia erwanyi wa elidokho; manu nikhumala nikhusigama asi khundulo we inyanja, nikhulaama.
\v 6 Ne nga khwamala okhusebulana ninabo, khwaniina imeli, nabo khandi nibakalukha ingo,

\v 7 Bulanu nga khwamala olukendo lwefwe okhurula Tiro khwecha Tolemai, khwakhesania nende abakheerwa, manu nikhumenya ninabo inyanga ndala.
\v 8 Inyanga yalondakho efwe abali mumukanda kwa Paulo khwabwao, nikhuula Kaisaria; khwamala khwengira munyumba ya Philipo omwinjilisiti, owali omulala khu bayaali saba, khandi khwamenya naye inyanga ndala.
\v 9 Omundu mwene oyo yali nende abaana baye bakhaana bane abasisira, abakholaanga obunabii.

\v 10 Bulanu nga khwachiririra okhumenya eyo chinyanga chinyingi, omundu yeecha okhurula Yudea omunabii, owalangwa mbwe Agabo.
\v 11 Manu nga olwayecha owakhwali yabukula olukhoba lwomusibuno olwa Paulo, niyeboya omwene amakhono kaye nende amakulu, naboola mbwe, bulanu rokho mutakatifu, aboola mbwe, Abayaudi ba Yerusalemu bachia okhuboya omwene oluboyero luno barii, nibakhamala banamuyira mumakhono ka banasialo.

\v 12 Manu nga olwakhwabulira amakhuwa kano, efwe nende aba olukongo olwo, bamwekweeda mbwe arachia Yerusalemu dawe.
\v 13 Paulo naye yabakalusia, mukhola sina esio okhulira nende okhufwisia omwoyo? khubera ndi omwerekekhe, sikali sa mbwe okhubaria abamboya, arali nende okhufwira Yerusalemu khulwa eliira lia omwami Yeso.
\v 14 Bulanu nga olwakhwamwekweeda nakhaya, khwalekha, nikhuboola khuri, elienya lia Nasaye liekholekhe.

\v 15 Lunyuma lwe chinyanga echio khwabukula emikuku kiefwe, nikhuniina okhuchia Yerusalemu.
\v 16 Abeki ba Kaisaria bandi bosi bachia nafwe, bamubukula Mnasoni wa Kipro, owali omweka mukhale, owakhwali mbwe khuchia okhumenya owaye.

\v 17 Nga khwola Yerusalemu, abakheerwa boola barwingisia ebilayi.
\v 18 Inyanga yalondakho Paulo yachia nende naafwe owa Yakobo; manu abakofu bosi baliwo.
\v 19 Bulanu nga olwa yabakheesia, yamala nababoolera amakhuwa koosi aka Nasaye yali nakholere, mubukholi bwaye akari wa banasialo.

\v 20 Manu nga olwababulira ako, baberesia omwami oluyali, nibaboolera Paulo mbwe lole, omukheerwa ni chilifu chinga echia Bayaudi eyo echisubiire, ne khandi kata kario boosi badira amalako.
\v 21 Khandi bamala khuboolerwa okhulondana nawe, mbwe, wekesianga Abayaudi boosi abasasana nende Abanasialo mbwe balekhe Musa, nobolangaa mbwe khasi bakhoyere okhukheba abaana babwe, kata barakendera mumilukha kiabwe khaba.

\v 22 Bulanu nisina? biri mbwe banabulira mbwe wichire.
\v 23 Bulanu khola kano akakhuboolera, baliwo abaandu bane ababoywa nende elilakano.
\v 24 Babukule, manu welabie alala nabo, manu okinge obukusi, bwokhubeka emirwe kiabwe, mbwe abaandu boosi banyoole okhumanya mbwe amakhuwa koosi, akababoolerwa okhulondana nawe, khasi nesindu dawe, arali ewe mwene okendanga bilayi, khandi wadiira amalako.

\v 25 Arali okhurula khu banasialo bali okhusubira, khumalire okhwandika manu khufukirisanie mbwe beliinde nende bindu birusibwe omusango khubifwanani nende okhulia amabanga, nende okhulia abindu biemikire nende obuyeyi.
\v 26 Lunyuma Paulo yabukula abaandu abo, inyanga yalondakho yelabia nende abaandu abo abengira mulikanisa, okhumanyisia okhusirisibwa khwa inyanga ya okhwelabia, manu esianwa sirusibwe khu buli sia mulala wabwe.

\v 27 Bulanu chinyanga saba nga chiali nichili ambi okhubwa, Abayaudi bali ba ikhola ya Asia, nga bamulona Paulo mukanisa, bakhola abaandu boosi okhurera indoboyo, nibamudira.
\v 28 Nibakhola sioka, bari abaandu ab Isiraili, murukhonye, uno niye omundu, owekesianga abaandu boosi amakhuwa kakhayana nende abaandu befwe, nende amalako kefwe, abundu ano, khandi yachia imberi okhurera Abayaudi mukanisa, manu khandi abakhira mukwobo abundu ano owabunasaye buli.
\v 29 Khubera bali nibambwene ninaye mulodokho nali nende Trofino mwefeso owabaparirisia mbwe Paulo yali namurerere mukanisa.

\v 30 Manu lidokho liosi nilibukha, abaandu bosi niberukhira alala nibachia nibamudira Paulo, nibamala bamurusia mukanisa manu mulwangu bekalao emiliango.
\v 31 Kori olwabali nibakonyanga khumwira, amakhuwa kamuulira omukhongo we simeka silala sia basikari mbwe Yerusalemu yoosi yali mundoboyo.

\v 32 Nga yabukula abasikari nende abakhongo babwe, niberukha khuchia asi owabali, nga olwabalola omukhongo wa basikari nende abasikari, balekha okhukhuya Paulo.
\v 33 Lunyuma omukhongo ba abasikari yasuda ambi, nareba mbwe Paulo yali wina, khandi akolere sina?.

\v 34 Bulanu bandi bayula nibaboola kano, abandi nibaboola kandi, akari wa omukanda; bulanu nga yakhaya okhunyola obwadieri bwa indoboyo, ya. khalakao mbwe bamukinge bamuyire musiumbakhe.
\v 35 Nga bamuusia khumuniniro kweinyumba, abasikari bamubukula okhubera indoboyo yomukanda kwa abaandu.
\v 36 Okhubeera omukanda kwa baandu kwali nikumulondaonga, nibayula bari, afwe.

\v 37 Nga olwa Paulo yali niyengisibwa, yaboolera omukhongo wa basikari ari, nyala okhulomalomakho nawe? naye namureeba, omanyire Luyunani?
\v 38 Ewe khasi newe omumisiri, ulia owa chinyanga chino nichisiri okhuula owarera indoboyo, manu niwimirira abaandu okhubengisia musichiimi abaandu chilifi chine abali abeeri?

\v 39 Arali Paulo yaboola ari, esie ndi omundu omuyaudi okhurula Taso, elidokho lia kilikia, omwibulanwa wa elidokho lirali lidekhere, bulanu khwekweeda, onjamire nomanome nende abaandu.
\v 40 Manu nga olwa yamuberesia ibarwa, Paulo yasingira niyema khungaasi, nakingulira abaandu omukhono. Nga obabuleesial, lomaloma nabo mulweburania, naboola.

\c 22
\cl Omuliango  22
\p
\v 1 Abakheerwa nende ababaaba, mubulire nga ndeyosia okhurula mumusango kuno khu eng'we.
\v 2 Nga babulira nalomaloma nabo mululimi lwabaeburania, babuleera chi naye naboola.

\v 3 Esie ndi omuundu muyaudi, ndebulwa Tariso, elidokho liri mu Kilikia, arali ndakhusibwa mulidokho lino asi wa makulu ka Gamalieli, ninjekesebwa ebilayi amalako aka baseefwe, khandi ndali nderusia khu Nasaye, kori olwa mwesi muli inyanga ino.
\v 4 khandi ndasandia abasacha nende abakhasi abeingira ino okhuula muliifwa, nimbaboya nende okhubayira mumboyero.
\v 5 Kori kata omukukhani mukhongo anyala okhurusia obuloli, nende abakofu bolukhikho bosi, aba ndanyoolangakho chibarwa okhubayirira abakheerwa Damasiki, mbwe barere balia abali Yerusalamu, abali niba boyerwe mbwe banyoole okhuberesebwa sinyaasio

\v 6 Bulanu biecha biaba mbwe, nga ndali nindi khungira nindi ambi okhuula Dameski ebikha bia esideere, mwikhwichukhana obulafu bukhongo okhurula mwikulu bwadukha nibumbodokhana.
\v 7 Ndamala ningwa asi, ndabulira idoboosi ni imboolera Sauli Sauli, khulwa sina oli okhusaandia?.
\v 8 Nange ndakalusia, newe wina omwami? Naye namboolera ari nesia Yeso wa Nasareti owa osandianga.

\v 9 Kata balia abali nange boosi balola obulafu, manu nibaria; arali khasibabulira idoboosi ya ulia owalomaloma nasie.
\v 10 Ndamala nindeeba, khole sina omwami? Omwami nambolera, singira manu ochie Damaski, mani ebwene eyo ochia okhubolerwa amakhuwa kooisi akokwanirwa okhukhola.
\v 11 Bulanu nga olwa ndali nindaranyala khulola okhubera oluyali lwa obulafu bulia ndadirwa omukhono nende balia aba ndali nabo, ndola Damaski

\v 12 Omuundu mulala owalangwa mbwe, Anania omulobole werusia okhulonda amalako, awali nende obuloli bulayi khu Bayaudi boosi abamenya eyo.
\v 13 Yeecha owa ndali, mani niyema namboolera, omusiani wefwe Sauli, nyoola okhulola khwao, mani musikha siene esio ndalinga akulu nimulola.

\v 14 Yamala naboola, Nasaye wa baba befwe akhuloboole ewe, mbwe onyoole okhumanya elienya liaye, khandi mbwe olole ulia omulungikhi, mbwe khandi onyoole okhubulira idoboosi ya omunwa kwaye.
\v 15 Khubera ochia okhuba omulolera waye khu baandu boosi khulwa kalia akawalola nende okhubulira.
\v 16 Bulanu okhindanga sina? singira onyoole khubatisibwa, woosie echimbi chao mukhulanga elira liomwami.

\v 17 Bulanu biecha biaba mbwe nga ndachia khandi Yerusalemu, kata nga ndali ninaama mulikanisa, ndali mungeri yomwoyo mutakatifu olubuchu lwabiramo.
\v 18 Ndamulola namboleranga, fukiririra, orule Yerusalemu lwangu, khubeera khasi bachia okhufukirira obuloli bwao okhulondana nende esie.

\v 19 Nange ndaboola, omwami, bamanyire mbwe esie ndaboya nende okhukhuya boosi abali mu isinagogi nibakhusubira.
\v 20 Bulanu nga amabanga ka omulolera wao Stefano kedisibwa, siesi ndali ninyemere ambi ao, nindola okhufwa khwaye, khandi ninindire chingubo chia baandu bamwiira.
\v 21 Naye yambo! olera bwao, khubeera njia okhuruma ale khubanasialo..

\v 22 Mani nibamurekeresia khu likhuwa lino, nibamala nibakinguka chidobosi kabwe, nibaboola, mumaloe omundu nga uno khusialo, khubeera khasi akhoyera okhumenya dawe.
\v 23 Mani ngolwa bali bayokeranga nend khwefwalula chingubo chabwe nende khutupa akulu olufu mumiyaka.
\v 24 Omukhongo wa basikari yalakirisia bamuyire musiembekho, naboola ari bamurebe marebo nende okhumukhuya chikhoba, mbwe amanye esiakera baandu nibamubira esioka bario.

\v 25 Bulanu nga bali nibamuboya nende emikoye, Paulo yaboolera omusikari owali niyemere ambi mbwe, biri mumalako okhumukhuya omundu omuroma nasiri, okhola omusango?.
\v 26 Nga omusikari oyo yabulira ako, yecha naboolera omusikari mukhongo mbwe, manyirisia aka okhola; khubeera omundu uno nomuroma.

\v 27 Lunyuma omusikari mukhongo yecha, namuboolera omboleere, ewe oli omuroma; yakalusia ari eee.
\v 28 Ne omukhongo wa basikari yakalusia mbwe, ndanyola obulekhule buno nende obukusi bukhongo. Paulo naye yabola ari, nange ndi omuroma mukhwibulwa.
\v 29 Mani mulwangu abali badakha okhumureba amarebo babwao nibamulekha kata omukhongo wa basikari yali omuri nga yamanya mbwe Paulo yali omuroma, khandi khubeera mbwe yali namuboyere nende mikoye.

\v 30 Inyanga yakhabiri nadakha okhumanya obwadieri khulwasina yakhalakiirwa omusango nende Bayaudi bamubolola mikoye, nalakirisia abakukhani bakhongo nende olukhiikho lwabwe mani namurera Paulo namura imberi wabwe.

\c 23
\cl Omuliango  23
\p
\v 1 Paulo yabalingala tiiri abolukhiikho, naboola, abaandu nende abakheerwa, ndakhamenya mumbera indayi ya Nasaye okhuula inyanga ino.
\v 2 Naye omukukhani omukhongo Anania yalakirisia abali bemere ambi nende Paulo mbwe bamukhuye omunwa kwaye.
\v 3 Lunyuma Paulo yamuboolera, Nasaye achia okhukhuya ewe, eliida liabakhwa elikondo lia rachari okhubeera ewe wikhale okhukhalakira khurulana nende amalako, khandi olakirisia mbwe bakhuye ebirali mumalako.

\v 4 Lunyuma balia abali nibemere ambi naye baboola, "ewe omunyeka omukukhani mukhongo?"
\v 5 Paulo naye yaboola, "simbere manyire, abakheerwa, mbwe niye omukukhani mukhongo, okhubeera kandikwa mbwe, khasi ochia okhulomaloma amabi khu omuruki wa baandu bao.

\v 6 Arali Paulo nga yecha yamanya mbwe lubeka lulala khu baandu abo bali Abasadukayo, no lubeka lundi bali Abafarisayo, yakingula idoboosi yaye mulukhikho ari, abaandu nende abakheerwa, esie ndi omufarisayo, omwana womufarisayo; owa linaya nende okhulamusibwa khwa bafu nibio bikira nibadakha okhukhalakira.
\v 7 Bulanu nga yamala okhuboola ario, okhwali nende okhuingana akari wa Bafarisayo nende Basadukayo; mani omukanda okwo nikukabukhana.
\v 8 Khubeera Basadukayo baboola mbwe khasi khuli nende obulamusi, kose malaika kata rokho mutakatifu; arali Bafarisayo bafukirira bioosi

\v 9 Khwamala khwaba nende esioka sikhongo, mani abandiki bandi abali lubeka lwa Bafarisayo basingira, nibaboola, khasi khunyola imbi yosi mu mundu uno khaba; nikali mbwe rokho mutakatifu kose malaika amulomalomere, okhulekha okhukhuyana nende Nasaye.
\v 10 Bulanu khwecha khwabao nende okhuyingana khukhongo, omusikari mukhongo, yecha yaba omuri mbwe Paulo anyala khudonywamo bitundu nende abaandu abo, yalagira abasikari mbwe bachie asi, babukuleyo Paulo nende maani koosi khurula mu baandu abo, mani bamurere musiembekho.

\v 11 Esiro sialondakho omwami yema imberi owa Paulo naboola weberesie omwoyo, Paulo khubeera kori wakhandusiria buloli Yerusalemu, khandi okhoyere khundusiria buloli Roma wosi.

\v 12 Ngasialo bwakhia, Abayaudi bandi beecha alala, nibalia silulu, nibaboola mbwe khasi banalia kose khung'wa khula kori bakhere Paulo.
\v 13 Bali abaandu ababira makhumi kane abali nibakholere olukhobo luno.

\v 14 Bamala nibachia khu bakhongo ba babakukhani nende abakofu, nibamala nibaboola, efwe khumalire okhulia esilulu sikhongo, mbwe khasi khuchia okhulia khuula kori khuchia okhusiinja Paulo.
\v 15 Bulanu eng'we nende olukhikho muboolere omukhongo wa basikari mbwe amureere khweng'we muchuli, nga abadakhire okhumureba esindu silayi khulondana naye; nafwe ngolwa anecha ambi khunaba berekekhe khumwiira.

\v 16 Naye omwana wa omukhana wabwe Paulo nga yabulira kori olwabali niberekekhe yachia mani niyengira musiembekho, naboolera Paulo.
\v 17 Lunyuma Paulo yalanga mulala khu bakhongo ba basikari mbwe yeche owayali, namubolera mbwe yira omuraga uno owa omukhongo wao; khubera ali nende siindu sio khumuboolera.

\v 18 Yamuyira khu mukhongo waye wa akulu, namala namubo! olera Paulo omuboye anangire mbwe njie owali, mani nasaba mbwe ndere omuraga uno khu ewe, mbwe ali nende esindu sia okhuboolera.
\v 19 Omukhongo wakulu wa basikari yadiira omuraga oyo omukhono, niyengira mukari naye, nachaaka okhumureba masididie, "sina esia odakhire khumboolera?"

\v 20 Naye yamubolera mbwe, Abayaudi bafukirisanie mbwe baneecha okhusaba omurere Paulo muchuli imberi wa olukhiikho, kori abadakha okhumureba mubulayi amakhuwa kalondana naye.
\v 21 Arali ewe orafukirira amakhuwa kabwe; khubera abandu amakhumi kane bamuliindire, abamalire okhulia eslulu mbwe khasi banalia kose okhung'wa khuula kori bakhamwire Paulo. Bulanu naberekekhe, balindiriire elako okhurula khwewe.

\v 22 Bulanu omukhongo wa akulu owa basikari yaboolera omuraga oyo mbwe abweo, namulakiirisia mbwe, omanya mbwe oraboolerakho omundu mbwe onjekeesie amakhuwa kano dawe.
\v 23 Yamala nalanga abadiidi baye babiri, naboola murekekhe abasikari echimia chibiri abanachia Kaisaria, nende abasikari aberusi ba chifarasi makhumi saba, nende abasikari ba mafumo echimia chibiri, musikha siaa khadaru sie siro.
\v 24 Mubaberesie chisolo, muniniekho Paulo, mumuyire mubulindi bulayi owa Filikisi omuruki

\v 25 Yandika ibarwa okhulondana nende kene kano.
\v 26 Kilaudio Lisia khu omuruki wa oluyali Filikisi amakhesio.
\v 27 Omuundu yadiirwa nende Abayaudi, khandi yakhererwe nende Abayaudi; lunyuma esie ndecha nende abasikari, mani nimwambula, nga olwa ndecha ndamanya mbwe nomuroma niye.

\v 28 Nga olwa ndadakha okhumanya elikosa likera bamukhalakire omusango ndamurera imberi wa olukhiikho lwabwe
\v 29 Ndanyoola mbwe bamurakho omusango okhubeera amakhuwa kalondana nende amalako kabwe, arali siumao siosi ao khulondana nende omusango kwaye esiyera bamwire kose okhumuboya.
\v 30 Khandi nga olwandabolerwa Abayaudi bali bamuboyeere olukhobo nibalindire okhumwiira mulwangu ndamuruma khu ewe, khandi ndalakirisia, mbwe abamurakho omusango balomalome imberi wao esia bali nasio khuniye. Obeo.

\v 31 Lunyuma abasikari kori olwa bali balakirisibwe, babukula Paulo nibamuyira musiro khu Antipa.
\v 32 Nibwa khakhia balekha abasikari ba chifarasi okhuchia naye, nabo nibakalukha musiembekho.
\v 33 Abo nga bola Kaisaria nibamuberesia omuruki ibarwa khandi bara Paulo yesi mumakhono kaye.

\v 34 Omuruki nga yamala okhusoma ibarwa, yareba mbwe arula mu simeka sina esia oburuki. Bulanu nga yeecha yamanya mbwe arula Kilikia,
\v 35 yaboola mbwe, "njia okhurekeresia, nikali mbwe balia abakhurerekho omusango bechere." Namala nalagira bare Paulo musisenge sia Herodi esia obukhalaki.

\c 24
\cl Omuliango  24
\p
\v 1 Chinyanga churano nichiakhabwa Anania omukukhani mukhongo nga bakholomokha asi nende abakofu, khandi nende omulomalomi owalangwa mbwe Tertulo, abamuboolera omuruki obubi bwa Paulo.
\v 2 Nga bamulanga mbwe yeeche, Tertulo yachaaka okhuboola obubi bwa Paulo, naboola ari, lingera mbwe nikhuli nawe khusangalira okhunyojola omulembe omukhongo, khandi mumalako kao ebikhole bilayi biri khwekholanga musialo sino.
\v 3 Khubifukiriranga abaandu fweesi, ewe Filikisi owoluyali, nende okhwebasia khwoosi.

\v 4 Khubeera mbwe khaye okhunyoolesia lukali, khusaba mbwe muluyali lwao onyale okhururekeresiakho khu makhuwa madiidi.
\v 5 Khulwa khubeera khwanyoola mbwe omuundu uno nomulianga, khandi osalanianga obuchunjubani akari wa Bayaudi musialo sioosi, khandi niye omwimirisi wa omukanda kwa idini ya Banasarayo.
\v 6 Khandi yachia imberi okhubakha omukwobo likanisa; khwamudiira, khwali khudakhire okhumukhalakira okhulondana nende amalako kefwe.

\v 7 Arali omukhongo wa basikari Lisia yecha khwefwe mani mundoboyo ikhongo yarunyula Paulo mumakhono kefwe namurusiao.
\v 8 Nakhalakao mbwe balia abali nende omusango nende Paulo beche khwewe; mbwe ewe mwene omurebe marebo mani okhumanya mwene akakera, nikhumurakho musango. Abayaudi boosi bafukirira mbwe amakhuwa ako kali kario.

\v 10 Lunyuma Paulo olwa omuruki yamukingulira omukhono mbwe alomalome, Paulo yakalusia mbwe, manyire mbwe, wakhaba omukhalaki musialo khumiaka mingi, ndeyosia mumusango kuno mwene nende omwoyo kuli nende busangafu.
\v 11 Khubera ndakha omanya mbwe, chakhabwa chinyanga ekhumi nende chibiri khurula nga ndaniina okhuchia Yerusalemu okhulaama.
\v 12 Mani khasi banyolakho mulikanisa ninyingananga nende omuundu yesiyesi, kose khureera indoboyo mubaandu, kose muchisinagogi, kose momadokho.
\v 13 Kata khaba khasi banyala okhura abulafu, amakhuwa kakera nibandakho omusango

\v 14 Arali lino khweyamira, mbwe muingira yabalanganga amekesio amabi, mungira eyo niyo owandamanyirakho Nasaye wa baaba bange, nisubira ebindu bioosi biandikwa mumalako nende mubanabii l.
\v 15 Khandi ndi nende elinaya khuNasaye, elia boosi bafukirira mbwe khulibao nende obulamusi bwa bafu, khu boosi abalungifu nende abarali abalungifu.
\v 16 Bulanu ndi okhwenasia omwene mbwe mbe nende lisubira lirali nende imbi imberi wa Nasaye, nende abaandu.

\v 17 Bulanu lunyuma lwa emiaka mingi ndeecha okhureera ebianwa khusialo siange.
\v 18 Abwene ao Abayaudi bandi khurula Asia banyoola nibandabiisie mulikanisa, khasi ndali nende omukanda mukhongo kwoosi okwa baandu, kose indoboyo.
\v 19 Abakhabere ano imberi wao, okhundaakho omusango nikali mbwe bali nende elikhuwa liosiliosi nasie.

\v 20 Khu kose lekha abali ano bano baboole, nikalimbwe banyoolerekho nende imbi yosi yosi eyandakhola, nga ndema imberi wa olukhiikho.
\v 21 Arali ni idoboosi ndala sa ila, eya ndema akari wabwe, eyidiire khubulamusi bwa bafu niyo eyikera nindi mumusango imberi wao inyanga ino.

\v 22 Bulanu nga olwa Filikisi yabulira amakhuwa kano, okhubeera yali nende obumanyirisi obulayi bweingira eyo, yabasidia imberi, namala naboola ari, Lisia omukhongo wa akulu wa basikari nachia okhwicha, njia okhumanya mubwichufu okhulondana nende amakhuwa keng'we kano.
\v 23 Yamala nalakirisia omusikari mbwe amulinde Paulo, khandi alekhe Paulo abe nende obulekhule, khandi arakaira abecha ba Paulo okhumukholera kosi kata okhwicha owa Paulo ali.

\v 24 Lunyuma lwechinyanga lebe, kori Filikisi yeecha nende omukhasi waye Durusila owali muyaudi, yaruma mbwe Paulo yeeche, mani namurekeresia khulondana nende obusubiri mu Kirisito Yeso.
\v 25 Ne nga olwa Paulo yekesia khulondana nende obulungikhi nende ingeri ya okhuba nende sikero muyikhola, nende inyanga ya obukhalaki eyicha filikisi yarengerekha, nakalusia ari, bwao ebikha bino, nindaba nende esikha sio mulembe, njia okhulanga.

\v 26 Yali aparire mbwe achia okhuberesibwa esende nende Paulo, mbwe anyale okhumulekhuula; bulanu yalanganga Paulo buli buli, nalomaloma naye.
\v 27 Arali emiaka kibiri nikiakhabwa, Filikisi namwingisia Porkio Festo aruke mubweyango bwaye; bulanu Filikisi yadakha okhusangasia Bayaudi, yamulekha Paulo naboyerwe.

\c 25
\cl Omuliango  25
\p
\v 1 Bulanu kori Festo yecha musimeka sia oburuki obwa chinyanga chidaru nichakhabwa, yanina khurula Kaisaria khucha Yerusalemu.
\v 2 Omukukhani mukhongo nende omukhongo wa Bayaudi bamuboolera amabi okhulondana nende Paulo, khandi nibamwekweda.
\v 3 afukirire, mbwe barere Paulo Yerusalemu, okhubeera bali barekekhe okhumukhoba bamwiire khungira nasiri okhuula Yerusalemu.

\v 4 Festo naye yabakalusia ari, Paulo akhoyere okhubikhwa Kaisaria khandi Festo mwene achia khuchiayo ambi ao.
\v 5 Bulanu yaboola ari, lekha balia akari weng'we abanyalirwa, bachie nafwe baboole obubi bwa omundu uno, nikali alikho nende obudekhere bwosi bwosi.

\v 6 Niyakhamala okhuba nabo khulwa chinyanga ekhumi, yeekha nachia Kaisaria inyanga yalondakho, niyekhala mu sisala sia obukhalaki nalagira mbwe Paulo areerwe.
\v 7 Nga Paulo yeecha, abayaudi beecha okhurula asi Yerusalemu, bema ambi naye nibaboola amakhuwa mabi khu Paulo, akabaranyala okhurusia nobwadieri bwako.
\v 8 Paulo yakalusia nineyosia mumusango ari, mumalako ka Bayaudi, kose khulikanisa, kata khu Kaisari, sindakoserakho sindu siosi siosi khaba.

\v 9 Naye Festo khubera yali adakha okhusangasia Bayaudi, yakalusia Paulo, naboola ari odakha okhuchia Yerusalemu, ebwene eyo bakhukhalakireyo omusango khulondana nende amakhuwa kano, imberi wange?"
\v 10 Lunyuma Paulo yakalusia ari, nyemere imberi wa sisala sia bukhalaki sia Kaisari, owakhoyera okhalakirwa; khubayaudi, siiri okhola imbi yosi, kori olwa wesi omanyire ebilayi muno.

\v 11 Khubeera nikali mbwe ndi omubi, kose kholere esindu sibi esiyera lifwa, fukiriire okhufwa; arali nikali mbwe libulao mumakhuwa kano akabanderekho omusango, abulao omundu onyala khundekhula mumakhono kabwe sudia omusango kuno mubukhalaki bwa akulu khu Kaisari.
\v 12 Lunyuma Festo niyakhalomaloma nende olukhiikho lwa bakofu yakalusia ari, wakhasaba khusudia omusango kuno khu Kaisari? bulanu ochia khucha owa Kaisari.

\v 13 Ne lunyuma lwechinyanga lebe nichakhabwa omuruki Agripa nende Bernike bachia Kaisaria okhukhesia Festo.
\v 14 Bulanu nibakhamenyayo chinyanga chinyingi, Festo yaboolera omuruki Agripa amakhuwa ka Paulo nababoolera ari, khuli nende omundu undi owalekhwa mumboyero nende Filikisi.
\v 15 Owa kori, ndali Yerusalemu, abakukhani bakhongo nende abakofu ba Bayaudi bambolera, nibadakha mbwe akhalakirwe musango.
\v 16 Nange ndababoolera mbwe khasi no mulukha kwa Baroma okhukhalakira omundu yesi yesi okhufwa dawe, nikasiri okhuba kario, omuundu oyo alikho omusango abukanananga nende abamurakho omusango chimon khu chimoni, naberesibwa ibarua imufukirira okhweyosia khurula mu imbi ya omusango kwabamurakho.

\v 17 Nga babukanana, sindakhinda dawe, inyanga yalondakho eya muchuli ndekhala khusisala siobukhalaki, ndamala nindakirisia mbwe omuundu oyo arerwe imberi wange.
\v 18 Abamurakho musango nga bema, khasi barerakho elikhuwa liosi libi nga olwa ndali mbarire.
\v 19 Arali bali nende amarebo khulondana nende idini yabwe bene, khandi nende Yeso omulala owafwa, naye owa Paulo yayaalanga mbwe no mulamu.
\v 20 Bulanu khubera ndali nende okhwereba khurulana nende ingeri ya marebo kabwe, ndareba Paulo nikali mbwe anyala khuchia Yerusalemu, ebwene eyo anyole khukhalakirwa khurulana nende omusango kuno.

\v 21 Nga Paulo yeecha yasaba mbwe basudie omusango kwaye imberi achie abulirwe nende Kaisari, ndalagira mbwe achie abikhweyo khuula nga njia okhumuyira owa Kaisari.
\v 22 Lunyuma Agripa yaboolera Festo, siesi ndakha okhumurekeresiakho omuundu oyo mwene, Festo namulaka mbwe muchuli ochia okhumurekeresia.

\v 23 Nga olwa muchuli yola, Agripa niyakhecha, nende Barnike, nende chimbindo chikhongo, nibamwingisia abundu wa khuyaalira, nali nende abakhongo ba akulu ba basikari nende abandu bakhongo ba lidokho, khubirira khu munwa kwa Festo yarusia Paulo yarerwa imberi.
\v 24 Festo yamala naboola, omuruki Agrip nende baandu boosi bali ano, nende efwe, mulola omundu uno, okera omukanda kwa Bayaudi nikumsandia Yerusalemu nende ano wosi, nibayokera mbwe khasi akhoyere okhumenya dawe.

\v 25 Arali nga olwa ndaanyola mbwe siumao esiakholere esiyera afwa, khandi mbwe omwene asabire mbwe musango kwaye kusude akulu khu Kaisari, ndafukirira okhumusudia khu Kaisari.
\v 26 owa esie mbulakho likhuwa liadieri khumwandikira omwami wange khulondana nende omusango kwaye. Khulwa ako ndaka humurera khu ewe, khandi mu lukali imberi wao, omuruki Agripa mbwe niyakhamala okhurebwa marebo nyola elikhuwa lia okhwandika.
\v 27 Khubeera khwesie bimbonekhera ebibulamo makesi okhumurera omumboye nabula imbi ikera bamwikulireo omusango.

\c 26
\cl Omuliango  26
\p
\v 1 Agripa yamala naboolera Paulo, oli mulekhuule oboola amakhuwa kao, paulo yalekhula omukhono kwaye tiiri nachaka okhweyosia khurula mumusango.
\v 2 Ndebulira ndi omusangafu, omuruki Agripa khubeera njia okhweyosia mumusango kuno imberi wao inyanga ino nindira khu makhuwa koosi aka Bayaudi banderekho omusango.
\v 3 Lukali muno khumanyire nga omukesi wa milukha kiosi nende amarebo akali mubayaudi, khulwa khubera ako khuusaba ombulire mubwedemberefu.

\v 4 Khubeera ingeri ya obulamu bwange bwosi khurula nindi omuraaga, mukhurangirira khu baandu bange ba musialo siange Yerusalemu, Abayaudi boosi babumanyire.
\v 5 Abamanya khurula mukhuchaka, nibebulira okhurusia obuloli, mbwe ndali omufarisayo, mungeri ya khukonya nende okhulonda emikanda kia idini yefwe ekiali kiadieri.

\v 6 Bulanu nyema ano khalakirwe khubeera elinaya lia elakano lia baba befwe baberesibwa nende Nasaye.
\v 7 Elia echimbia chefwe ekhumi nende chibiri, berekekhe khulira nibamukholera Nasaye mukhwedinya musiro nende musidere. Bulanu Abayaudi banderekho omusango khulwa linaya elio, omuruki Agripa.
\v 8 Khulwa sina liakhabukulwa okhuba elikhuwa libulamo maani, nende eng'we, mbwe Nasaye alamusianga abafu?"

\v 9 Obwadieri ndapara omwene, biali bikhoyera okhukhola ebindu bingi ebiyingana nende, elira lia Yeso wa Nazareti.
\v 10 Kata aka ndakhola Yerusalemu, ndaboya abatakatifu bangi nibekalira mumboyero, nga ndalichingi ninyolere omunwa okhurula khu bakukhani bakhongo khandi nga olwa balichingi niberwa, siesi ndaba khalakiranga endio.
\v 11 Khandi ndabasandianga buli muchisinagogi, nibayika okhunyeka Nasaye, khandi ndabechanga mulukali nga omulalu khunibo, ndabasandia kata nibali mu madokho ka ebialo bia erwanyi.

\v 12 Bulanu nga ndacha Damaski nindumirwe, khandi nindi nende omunwa khurula khu bakukhani bakhongo;
\v 13 Mubikha bia esidere omwami, ndalola nindi khu ingira obulafu okhurula mwikulu obukhira obulafu bwa eliuba, nibumenamena khandi nibumbodokhana nende aba ndali nabo khulukendo.
\v 14 Bulanu nga khwali fwesi nikhukwire asi khuloba, nda ulira idoboosi nimbolera mululimi lwebrania Sauli Sauli khulwa sina usandia? nibidinyu khu ewe khuracha olwanda.

\v 15 Nange ndaboola endi, ewe newe wina omwami? Naye yabola ari, esie nesie Yeso owa osandianga.
\v 16 Bulanu bukha weme nende amakulu kao; khubera ndakhulorekhera khulwa lichomo lino, okhukhola obe omukholi nende omloleri wabindi bino ebiwakhalola, nende ebindu bilia ebia ndelolesia khu ewe.
\v 17 Ndakhununula khurula mubaandu bao nende mu banasialo, aba ndi bulanu okhurumamo.
\v 18 Mbwe obekuleo chimoni chiabwe khandi nende okhubakalukhania okhurula musirima, mani bachie mubulafu, nende khurula mumani ke sikhieno khuchia mumani ka Nasaye, mbwe banyale okhunyola esilekhero sia chimbi, nende ebilame akarikari wa bala abosibwa nende obusubiri obuli mu esie.

\v 19 Khulwa ako omuruki Agripa, khasi ndalikho mukhayi wa malolo ko mwikulu;
\v 20 Arali imberi ndekesia balia aba Damaski nende ela Yerusalemu, nende Yudea yoosi, nimalilikhira khu Banasialo, mbwe banyole okhwekanira manu bamukalukhira Nasaye, manu bakhole amakhuwa kafwanana nende okhwekanira.
\v 21 Khulwa kene kano Abayaudi bandira nindi mukanisa nibenya mbwe banjire.

\v 22 Nga ndanyola bulanu bukhonyi bwa Nasaye, sirini njiririranga khula inyanga ino, nindusiria obuloli khu boosi abadiidi nende abakhongo nindarabolakho amakhuwa kandi arali aka musa nende abanabii baboola mbwe kakheche.
\v 23 Mbwe Kiristo akhoyera asandisibwe, mbwe khandi niye wakhabe owamberi okhubukha khurula mubafu

\v 24 Nga olwa yali nachiririraga okhweyosia mumusango, Festo yaboola mudoboosi ya akulu, Paulo oli rwanyi wa maparo kao, okhusoma khwao khungi khukera oli okhulalukha.
\v 25 Naye yaboola khasi ndi omulalu, Festo owa luyali lukhongo; arali ndi okhulomaloma amakhuwa ako obwadieri nende aka ngali.
\v 26 Khubeera omuruki amanyire amakhuwa kano owa ndi imberi waye nomanoma nende obulekhule; khubeera ndebulira mbwe sibulao mumakhuwa kano sidakha sikhaye khumanyikhana ninaye; khubeera sindu sino khasi siekholekhana mukhwekisi.

\v 27 Omuruki Agripa osubira mubanabii? manyire mbu osubira.
\v 28 Lunyuma Agripa yaboolera Paulo, ambi ano oli khungalukhania khuba mukiristo?.
\v 29 Paulo naye yamala naboola, fukirira endio mu Nasaye mbwe khasi newe sa weng'ane, arali balia bosi abambulira inyanga ino, boosi babe ambi khandi mubiosi babe kori ngandi, arali baraaba mubiboye bino.

\v 30 Bulanu olwa yali yakhamala okhulomaloma, omuruki yasingira, nende omukhongo wa simeka sia buruki obwo, nende Bernike, nende bosi bali bekhale ambi nabo.
\v 31 Bamala nibasuda elubeka, nibachia okhulomaloma bene khubene, nibaboola, omundu uno khasi ali okholanga sindu siyera lifwa kose okhuboywa minyororo.
\v 32 Lunyuma Agripa yaboolera Festo, omundu uno yakhabere yalekhulwa, nikali mbwe khasi yaliyasaba omusango kwaye kusude akulu khu Kaisari.

\c 27
\cl Omuliango   27
\p
\v 1 Bulanu nga babisiao mbwe khuchie Italia khubirire mumachi, baara Paulo nende ababoye bandi asi wa omundu we lira liaye liali mbu Yulio omukhongo wa simeka sia basikari ba Augusto.
\v 2 nikhwakhanina mu meli ya Adramito, khwachaka lukendo, nikhuchomere okhuchia mumadokho kali khundulo khwa Asia; Aristariko mundu wa Makedonia ya Thesalonike, yesi yali nafwe.

\v 3 Inyaanga yalondakho khwola Sidon, Yulio namwingisia Paulo ebilayi, mani namuberesia obulekhule khuchia ewa beecha baye anyoole okhusangasia.
\v 4 Nga khwacha olukeendo okhurula ao, khwachia khubirira emwalo wa Kipro khubeera emiyaka kiauchaanga mbwe kirukalusie owakhurula.
\v 5 Nikhwamala okhwambukha injaanja ya Kilikia nende Pamfilia khwola Mira elidokho lia Likia.
\v 6 Abwene ao omukhongo wa simeka sia basikari yanyoola imeli ya Iskanderia eyali ichia Italia; yamala nargengamwo

\v 7 Nikhwakherukha kaala chinyaanga chinyiingi, khwanyoola ebiidi bingi khula kori khwola Nido, khubeera omuyaka kwarwikaliranga khubira, khwakhengao khubirira emwalo wa Krete, nikhulingalana nende Salmone.
\v 8 Khwabira ao khubirira mubudinyi bungi, nikhwola abuundu wa balaanga mbwe esikobera esilayi; ambi nende ao khuli nende elidokho lilangwa mbwe Lasea.

\v 9 Bulano ebikha bingi biecha biabwa mani olukeendo niluba oludinyu khubeera bikha bia okhusiiba biali bimalire okhubira, Paulo nabalabula. Nababolera abaami, ndola mbwe
\v 10 lukeendo luno luchia khuba olwa bidinyu, nende okhukosia khungi, sikali mbwe khu mikuku kiefwe nende imeli khaba, arali nende obulamu bwefwe.
\v 11 kata kario omukhoongo wa simeka sia basikari yabulira mumakhwa ka omwirusi we imeli nende omwene imeli okhukhira makhuwa ka Paulo yaboola.

\v 12 Bulano khulwa khubeera esikobero khasi siali silayi abaandu okhumenyamo chinyaanga chia imboo, abaandu bali khulukeendo babola mbwe badiire sa lukeendo barula ao mbwe banyoole okhula Foinike, mani bekhale eyo ebikha bia imboo, ao niwo esikobero sia Krete eyiri emwalo wa lubeka lwo mukhono mukaada nende mukulu wa lubeka lwa omukhono musaacha.
\v 13 Bulano omuyaka kwa emwalo kwauchaanga kaala, nibapaara bamalire okhunyoola esiabali nende elichoomo okhunyoola bachaka lukeendo nibachia ambi nende Krete.

\v 14 Ebikha bidiidi nibiakhabwa omuyaka omukhongo okwa maani kwaucha, okulangwa mbwe Eurakilo.
\v 15 Bulanu nga imeli yadiirwa, niikhaya okhukeenda mumuyaka, khwalekhana nayo yeyirusie.
\v 16 Nga khwali nikhubira khusisinga sindi silangwa mbwe Kauda khwali nende emirimo mingi okhwiicha nende eliaro.

\v 17 Nga bali nibakhamala okhwingiramo, beyambania nende abakhonyi, nibaboya imeli nende mikoye okhubirira asi wayo; nibali bari mbwe banyala bebira boola asi khumusenye, bamala nibabukula amaro, nibabafuka.
\v 18 Nekhulwo khubera khwali khusindikhwa muno nende amafwinda, inyanga yalondakho bachaaka okhutupa mikuku mumachi mbwe imeli inyole okhwanguya.

\v 19 Inyanga yakhadaru khwachaaka okhutupa ebindu bia imeli khumakhono kefwe.
\v 20 Bulanu nga olwa eliuba kose ching'ining'ini chakhaya khubao echinyanga chinyingi, khandi kata busubiri budiidi khasi bwarulimo khweecha khwakhaya khuba nende elinaya liosi mbwe khunyala okhuwona.

\v 21 Arali lunyuma lwa okhumenya muburambi nibaralia Paulo yema akari wabwe, namala naboola ari, abaami mwakhabere mbwe mwambulira mani mwakhaya okhurula Krete khasi mwakhanyolere bidinyu bino nende khukosia emiandu kino.
\v 22 Bulanu mbakeraka mbwe mweberesie omwoyo; khubeera khasi khuchia okhubakho nende elifwa lia omuundu yesiyesi khaba akari weng'we arali imeli yong'ene.

\v 23 Khubeera musiro malaika wa Nasaye yemere ambi nange, owa esie ndi omuundu waye, khandi owakholeranga.
\v 24 amboleere, ari Paulo, okhoyere oyirwe imberi wa Kaisari arali lola Nasaye akhuberesie abaandu boosi abali khuchia olukendo nende ewe.
\v 25 Khulwa ako, abaami mweberesie omwoyo, khubeera subira Nasaye mbwe bichia okhuba nga olwa mboleere.
\v 26 Bulanu biri sa mbwe khuula khunarebwa musisinga nabulebe

\v 27 Nga esiro sia ekhumi nende khane siola, nga olwa khwali nikhusindikhwa asi nende akulu munyanja ya Adria, nibiakhoola ebikha bia akari wesiro abakholi ba imeli bapaara mbwe bali ambi okhuula khulukongo.
\v 28 Nibachia okhukera obwoloberefu bwa inyanja sikero sia mukhumi kabiri; khandi nga olwabasidakho imberi budiidi, nibakera, nibanyola sikero sia ekhumi nende chirano.
\v 29 Bulanu beecha baria mbwe binyala imeli yekuda khumakina. Beecha nibalekhula chinanga chine okhurula owa chingiranga mbwe chemesie imeli, mani nibamala nibalama mbwe sialo bukhie.

\v 30 Nga olwa bakholi be imeli bali ambi okhwirukha khurula mumeli, nga olwa bali nibakhekhia asi eliaro munyanja, nibekaadia mbwe bali khuchia okhura chinanga chia okhwemesia imeli.
\v 31 Paulo yaboolera omukhongo wesimeka sia abamayie nende abasikari mbwe abaandu bano nibaradong'a nibalindire imeli khasi munyala okhuwona.

\v 33 Nga sialo siakhia, Paulo yekweeda baandu boosi mbwe balie, naboola ari inyanga ino niyo eya ekhumi nende khane eya mubere nimuchiririranga okhusaba musiri okhuliakho sindu dawe.
\v 34 Khulwako basaba mulie; khubera lino ni khulwa obulamu bweng'we; buli sia mulala khu eng'we abulao ochia okhukosia lifwiri kata elala liong'ene.
\v 35 Bulanu nga yali niyakhalomaloma ario, yabukula omugaati namala yebasia Nasaye imberi wabwe boosi; niyakhamala okhudonyola, yachaaka okhulia.

\v 36 Lunyuma boosi beberesia omwoyo, mani nibachaaka okhulia.
\v 37 Abandu bali mukari mumeli khwali echimia chibiri nende makhumi saba nende basasaba.
\v 38 Nga bulanu bali nibakhalia nibakhekura baduduyia obusiro bwa imeli, nibasukuna ingano munyanja.

\v 39 Esialo nga olwa bwakhia, khasi banyalirwa okhumanya esialo sia baliimo, arali beecha baloola akhasiinga kha inyanja akhali nende musenye khulukongo lwayo, owabapaara mbwe, nibinyalikhana bachie bemesie imeli ao.
\v 40 Ngolwa balekhuula chinanga mumachi, nibachilekha munyanja alala budiidi mbwe niyakhadiira miyaka, banachiira esikobero sila.
\v 41 Arali boola abundu wa chinyanja chibiri chambanira, berusia imeli nichia niyekhuya khumakina asi weinyanja; mani imberi wayo niyanda, nidong'a niredengeya ne inyuma wayo yafunikha okhubeera amaani ka mafwinda.

\v 42 Abasikari boola khubisiao mbwe beere ababoye mbwe baranyala okhusoga kata mulala khu nibo mani beyibe baone.
\v 43 Arali omukhongo wesimeka esia basikari, yadakha okhuwonia Paulo yabakaira okhola lienya liabwe elio, namala nalagira mbwe balia abanyala okhusoga barangirire besukune munyanja, mani bachie khulukongo.
\v 44 Ne abadong'a abandi bali khuchimbao, abandi khubitundu bia imeli yali ifunikhefunikhe bulanu bia maliirikha mbwe boosi boola khulukongo nibali abalamu.

\c 28
\cl Omuliango  28
\p
\v 1 Nga olwa khwali nikhwakhaona, khu lunyuma nikhumanya mbwe esisinga esio siali silangwa mbwe, Melita.
\v 2 Abamenyanwa ba sisinga esio barwingisia nende olukoosi muno; khubera barubula omuliro, nibarwingisia fwesi khubeera ifula yali nikwire nende imboo yaliwo.

\v 3 Nga Paulo yali yakhabusia chikhwi, niyengisia mumuliro, injukha yarulamo khubeera obubafu bwa omuliro, niyeboyokania khu mukhono kwa Paulo.
\v 4 Mani nga abamenyeranwa besisinga esio balola injukha ya obusiba nidembademba khumukhono kwa Paulo, baboola abene khubene, mbwe obwadieri buli mbwe omundu uno nomwiiri, oli mbwe kata kario yakhaona okhurula munyanja, obwadieri bumulonda mbwe khasi akhoyera okhumenya.

\v 5 Naye Paulo yasisimula omukhono kwaye mani injukha nikwa mumuliro, naye kata khasi yali nanyaalikhekho dawe.
\v 6 Abaandu balingera nibapaara mbwe anafwimba mukhono, kose mbwe anechukhana nakwire asi nafwa. Arali nga baliinda khulwa ebikha bingi, nibaralolakho obudinyu bwoosi nibumwekholekhakho, bakalukhania amapaaro kabwe nibaboola mbwe, yali kunasaye.

\v 7 Ambi ao khwaliwo nende emikunda kia omukhongo wa esisinga esio, oweliira liaye lialangwa mbwe Pabulio; owarwingisia, mani nikhumenya naye chinyanga chidaru ebilayi.
\v 8 Bianyolekhana mbwe, samwana pabulio yali nakonere nali omulwaye wa omusuja nende okhunyalala mabanga; paulo yengira munyumba nachia owa yali namulamira namurakho amakhono, mani namuonia.
\v 9 Bulanu lino liekholekha, abaandu bandi boosi abali nende obulwaye khusisinga esio, beecha nibanyoola okhuwona.
\v 10 Beecha baruba esiriibwa sikhongo mani nga olwa khwali khubwao, baruberesie ebindu bingi ebia khwali nikhudakhire.

\v 11 Lunyuma lwemiosi kidaru khwabwerao mu meli ya Alekisandaria, eyali nimenyere khu sisinga esio mu chinyanga chia imboo, eyali nende esilolero sia ipicha ya basiani bebulwa makhwana.
\v 12 khwamala nikhuula Sirakusi, nikhumenyayo chinyanga chidaru.

\v 13 Khurula ao khwabodokhana nikhuula Regio; lunyuma wa inyanga ndala omuyaka kwa emwalo kwaucha ne inyanga yalondakho khwola Puteoli.
\v 14 Eyo khwanyolayo abakheerwa, nibarwekweeda mbwe khumenye nabo chinyanga saba; khwamala nikhuchia Roma.
\v 15 Bulanu khurula eyo abakheerwa nga babulira khulondana, nende nafwe, beecha okhurwakanira khurula khusiro sia Apio, nende chinyumba chia okhuliramo chidaru, Paulo nga yabalola, yobeera Nasaye orio, mani niyeberesia omwoyo.

\v 16 Bulanu nga olwa khwola Roma, omukhongo wesimeka sia basikari yara ababoye mumakhono ka omukhongo wa akulu wa basikari baliinde Paulo naye yafukirirwa okhumenya owaye mwene nende omusikari omuliindi waye.
\v 17 Biecha biaba mbwe, chinyanga chidaru nichakhabirao Paulo yalanga abakhongo ba Bayaudi alala; mani nga olwa beecha alala, yababoolera abaandu nende abakheerwa kata kario siri okholakho sindu esibi khubaandu, kose emilukha kiabasefwe, lola ndadiirwa okhuba omuboye okhurula Yersalemu nibanjira mumakhono ka Baroma.
\v 18 Abo nga bandeeba amareebo, bali bakhandekhulire, okhubeera khasi balola esikera banjire khaba.

\v 19 Arali nga Bayaudi balomaloma nibakhaya bukhalaki obwo, bianjiika mbwe omusango kuchie akulu khu Kaisari, sikali mbwe ndali nende elikhuwa lia okhwikulira omusango abaandu bange khaba.
\v 20 OKhubeera akene ako ndakhabalanga, mbwe balole, khandi nomanome nang'we; okhubeera khulwa linaya lia Israili, mboyerwe nende eminyororo kino.

\v 21 Nabo bamala nibamuboolera bari, efwe khasi khwanyolakho ibarwa okhurula erwanyi wa Yudea khulondana nende ewe, kose kata khubakheerwa bechanga khasi barwekesiakho kose balomalomakho esindu sibi khulondana nawe.
\v 22 Arali efwe khudakha khubulirakho nawe wesi esiopaara; arali okhulondana nende esimeka sia omukanda kwa idini ino, khumanyire mbwe buli abaandu boosi buli abundu balomalomakho ebibi.

\v 23 NIbakhamala barekekha inyanga ya okhubukanana nende Paulo khandi, mani munyumba ya Paulo, eyayali namenyeremo, abaandu bangi bamwichira, Paulo yabekesia mubungi, nabekweeda okhulonda Yeso khurulana nende amalako ka Musa nende aka banabii, khurula ichuli khula ingolobe.
\v 24 Mani bandi bamala basubira amakhuwa kalomalomwa, abandi bakhaya.

\v 25 Nga olwa bakhaya okhufukirisania bene khubene, babwao, Paulo nga yali ebilayi nende abasefwe okhubirira mumunwa kwa omunabi isaya.
\v 26 Naboola ari, chia khubandu mani oboole, okhubulira muchia okhubulira, arali khasi mwakhamanyirisie, khandi okhulola arali khasi mwakhamanyirisie.

\v 27 Khubera emioyo kia baandu bano kialendala, naye amarwi kabwe ni amasiro ka okhubulira ne chimoni chiabwe chiofula; mbwe bareecha balola nende chimoni chiabwe, khandi babulire nende amarwi kabwe, khandi bamanyirisia nende emioyo kiabwe, mani bekalukhania, mbwe mbawonie.

\v 28 Lekha bulanu kamanyikhane khu eng'we, mbwe obuwonia bwa Nasaye burumirwe khu abanasialo, nabo bachia okhubulira.
\v 29 Bulanu nga yali niyakhaboola amakhuwa kano Abayaudi babwao mani bali nende okhuingana khukhongo abene khubene.

\v 30 Paulo yamenya munyumba yaye omwene eya yali niyabukula narungiranga.
\v 31 Yayalanga obwami bwa Nasaye, nende okhwe ebindu bila ebilondana nende omwami Yeso Kirisito, nende ichwoni yoosi, omundu yesi naramukairakho dawe.