See in Reader
69 lines
5.9 KiB
Plaintext
69 lines
5.9 KiB
Plaintext
\id 2TH
|
||
\ide UTF-8
|
||
\h 2 Abasesalonika
|
||
\toc1 2 Abasesalonika
|
||
\toc2 2 Abasesalonika
|
||
\toc3 2th
|
||
\mt 2 Abasesalonika
|
||
\c 1
|
||
\cl Ensuula 1
|
||
\p
|
||
\v 1 Pawulo ne Sirwano ne Timoseewo eri ekanisa ey'Abasesalonika mu Katonda Itawaisu ne Mukama waisu Yesu Kristo;
|
||
\v 2 ekisa kibbenga gye muli n'emirembe ebiva eri Katonda Itawaisu ne Mukama waisu Yesu Kristo.
|
||
\p
|
||
\v 3 Kitugwaniire okwebalyanga Katonda enaku gyonagyona ku lwanyu, ab'oluganda, nga bwe kisaana, kubanga okwikirirya kwanyu kukula inu, n'okutakagana kwa buli muntu ku imwe mwenamwena mwenka na mwenka kweyongera;
|
||
\v 4 feena beene n'okwenyumirizia ne twenyumirizia mu imwe mu kanisa gya Katonda olw'okuguminkiriza kwanyu n'okwikirirya mu kuyiganyizibwa kwanyu kwonakwona n'okubonaabona kwe muzibiikirizia;
|
||
\v 5 ebyo niiko kabonero k'omusango gwa Katonda ogw'ensonga; kaisi musaanyizibwe obwakabaka bwa Katonda, n'okubonaabona bwe mubonaabonera:
|
||
\v 6 oba nga kye nsonga eri Katonda okubasasula okubonaabona abababonyaabonya,
|
||
\v 7 era mweena ababonyaabonyezebwa okubasasula okwesiima awamu naife, mu kubikulibwa kwa Mukama waisu Yesu okuva mu igulu awamu na bamalayika ab'obuyinza bwe,
|
||
\v 8 mu musyo ogwaka, ng'awalana eigwanga abatamaite Katonda, boona abatagondeire njiri ya Mukama waisu Yesu:
|
||
\v 9 abalibonerezebwa, niikwo kuzikirira emirembe n'emirembe okuva mu maiso ga Mukama waisu no mu kitiibwa ky'amaani ge,
|
||
\v 10 bw'aliiza okuweebwa ekitiibwa mu batukuvu be, n'okwewuunyizibwa mu bonabona abaikirirya (kubanga okutegeeza kwaisu gye muli kwaikirizibwe) ku lunaku ludi.
|
||
\v 11 Kyetuva tubasabira enaku gyonagyona, Katonda waisu abasaanyizie okwetebwa kwanyu, era atuukirirye n'amaani buli kye mutaka eky'okusa na buli mulimu ogw'okwikirirya;
|
||
\v 12 eriina lya Mukama waisu Yesu kaisi liweebwe ekitiibwa mu imwe, era mweena mu iye, ng'ekisa kya Katonda waisu no Mukama waisu Yesu Kristo bwe kiri.
|
||
\c 2
|
||
\cl Ensuula 2
|
||
\p
|
||
\v 1 Naye tubeegayirira, ab'oluganda, olw'okwiza kwa Mukama waisu Yesu Kristo n'olw'okukuŋaana kwaisu gy'ali;
|
||
\v 2 obutasagaasagana mangu mu magezi ganyu, waire okweraliikirira waire olw'omwoyo, waire olw'ebbaluwa efaanana ng'eviire gye tuli, nti olunaku lwa Mukama waisu lutuukire;
|
||
\v 3 omuntu yenayena tababbeyanga mu kigambo kyonakyona: kubanga olunaku olwo teruliiza wabula ng'okwawukana kudi kumalire kubbaawo, era omuntu odi ow'okwonoona nga alimala okubikuliwa, omwana w'okuzikirira,
|
||
\v 4 aziyizia era eyeegulumiza okusinga buli kintu ekyetebwa Katonda oba ekisinzibwa, n'okutyama n'atyama mu yeekaalu ya Katonda, nga yeeraga yenka nti niiye Katonda.
|
||
\v 5 Temwijukira, nga bwe nabbaire nga nkaali naimwe, nabakobeire ebyo?
|
||
\v 6 Era ne atyanu ekiroberya mukimanyi, kaisi abikuke mu ntuko ye.
|
||
\v 7 Kubanga ne atyanu ekyama eky'obujeemu kiriwo kikola: wabula kyoka aziyizya atyanu okutuusya lw'alitolebwawo.
|
||
\v 8 Awo omujeemi odi kaisi n'abikuka, Mukama waisu Yesu gw'aliita n'omwoka ogw'omu munwa gwe, era gw'alizikirirya n'okubonesebwa kw'okwiza kwe;
|
||
\v 9 naye okwiza kw'oyo kuli mu kukola kwa Setaani n'amaani gonagona n'obubonero n'eby'amagero eby'obubbeyi,
|
||
\v 10 n'okukyamya kwonakwona okutali kwo butuukirivu eri abo abagota; kubanga tebaikirirye kutaka mazima, kaisi balokoke.
|
||
\v 11 Katonda kyava abasindikira okukyamya okukola, baikirirye eby'obubbeyi:
|
||
\v 12 Bonabona kaisi basalirwe omusango abataikirirye mazima naye abasanyukiire obutali butuukirivu.
|
||
\p
|
||
\v 13 Naye Kitugwaniire ife okwebalyanga Katonda enaku gyonagyona ku lwanyu, ab'oluganda abatakibwa Mukama waisu, kubanga Katonda yabalondeire bulokozi okuva ku luberyeberye mu kutukuzibwa Omwoyo n'okwikirirya amazima
|
||
\v 14 bye yabeteire n'enjiri yaisu olw'okufuna ekitiibwa kya Mukama waisu Yesu Kristo.
|
||
\v 15 Kale ab'oluganda, mwemererenga, era munywezenga bye mwaweweibwe ne mwegeresebwa, oba mu kigambo oba mu bbaluwa yaisu.
|
||
\p
|
||
\v 16 Naye Mukama waisu Yesu Kristo mwene, ne Katonda Itawaisu, eyatakire n'atuwa okusanyusa okutawaawo n'eisuubi eisa mu kisa,
|
||
\v 17 abasanyusie emyoyo gyanyu aginywezienga mu buli kikolwa n'ekigambo ekisa.
|
||
\c 3
|
||
\cl Ensuula 3
|
||
\p
|
||
\v 1 Ebisigaireyo, ab'oluganda, mu tusabirenga ekigambo kya Mukama waisu, kiwulukuke, kiweebwenga ekitiibwa, era nga mu imwe;
|
||
\v 2 era tulokoke eri abantu ababula magezi, ababbiibi; kubanga okwikirirya ti kwa bonabona.
|
||
\v 3 Naye Mukama waisu mwesigwa, alibanywezia, yabakuumanga eri omubbiibi.
|
||
\v 4 Era twesiga Mukama waisu mu bigambo byanyu, nga mukola bye tulagira era mwabikolanga.
|
||
\v 5 Era Mukama waisu aluŋamyenga emyoyo gyanyu okutuuka mu kutaka kwa Katonda ne mu kuguminkiriza kwa Kristo.
|
||
\p
|
||
\v 6 Era tubalagira, ab'oluganda mu liina lya Mukama waisu Yesu Kristo, mweyawulenga eri buli ow'oluganda atatambula kusa waire mu mpisa gye baaweweibwe ife.
|
||
\v 7 Kubanga imwe beene mumaite bwe kibagwanira okutusengereryanga: kubanga tetwalemereirwe kutambula kusa mu imwe;
|
||
\v 8 so tetulyanga mere yo muntu yenayena yo bwereere, naye mu kufuba n’okukoowa twakolanga emirimu obwire n'emisana obutazitoowerera muntu ku imwe:
|
||
\v 9 ti kubanga tubula buyinza, naye tweweeyo gye muli ng'ekyokuboneraku kaisi mutusengereryenga.
|
||
\v 10 Kubanga era bwe twabbaire gye muli, twabalagiire tutyo nti Omuntu yenayena bwagaananga okukola emirimu, n'okulya talyanga.
|
||
\v 11 Kubanga tuwulira nti eriyo abamu abatatambula kusa mu imwe nga tebakola mirimu gyabwe n'akatono (n'akadidiiri), wabula egy'abandi.
|
||
\v 12 Abali batyo tubalagira era tubabuulirira mu Mukama waisu Yesu Kristo, okukolanga emirimu n'obuteefu kaisi balyenga emere yaabwe ibo.
|
||
\v 13 Naye imwe, ab'oluganda, temukoowanga mu kukola okusa.
|
||
\v 14 Era omuntu yenayena bw'atagonderanga kigambo kyaisu mu bbaluwa eno, oyo mumwetegerezianga, so temwegaitanga naye, ensoni kaisi gimukwate.
|
||
\v 15 So temumulowoozanga ngo mulabe, naye mumubuuliriranga ng'ow'oluganda.
|
||
\p
|
||
\v 16 Era Mukama waisu ow'emirembe mweena abawenga emirembe enaku gyonagyona mu bigambo byonabyona. Mukama waisu abbenga naimwe mwenamwena.
|
||
\v 17 Kuno niikwo kusugirya kwange Pawulo n'omukono gwange, niiko kabonero mu bbaluwa yonayona: ntyo bwe mpandiika.
|
||
\v 18 Ekisa kya Mukama waisu Yesu Kristo kibbenga naimwe mwenamwena
|