See in Reader
40 lines
3.9 KiB
Plaintext
40 lines
3.9 KiB
Plaintext
\id JUD
|
|
\ide UTF-8
|
|
\h Yuda
|
|
\toc1 Yuda
|
|
\toc2 Yuda
|
|
\toc3 jud
|
|
\mt Yuda
|
|
\c 1
|
|
\cl Ensuula 1
|
|
\p
|
|
\v 1 Yuda, omwidu wa Yesu Kristo, era mugande wa Yakobo, eri abo abayeteibwe, abatakibwa mu Katonda Itawaisu era abakuumirwa Yesu Kristo:
|
|
\v 2 okusaasira n'emirembe n'okutaka bitumulwengaku gye muli.
|
|
\p
|
|
\v 3 Abatakibwa, bwe nabbaire nga nfuba okubawandiikira eby'obulokozi bwaisu fenafena, nawalirizibwe okubawandiikira okubabuulirira okuwakaniranga einu okukwikirirya abatukuvu kwe baweweibwe omulundi ogumu.
|
|
\v 4 Kubanga waliwo abantu abayingirire nga basensera abawandiikirwe eira omusango guno, abatatya Katonda, abakyusia ekisa kya Katonda waisu okubba obukaba, ni beegaana Yesu Kristo, niye Mwami niye Mukama waisu omumu yenka.
|
|
\p
|
|
\v 5 Naye ntaka kubaijukirya, waire nga byonabyona mwabimanyire omulundi gumu, nga Mukama, bwe yamalire okulokola abantu mu nsi y'e Misiri, oluvannyuma n'azikiriria abataikirirya.
|
|
\v 6 N'abamalayika abatakuumire obukulu bwabwe ibo, naye ne baleka ekifo kyabwe ibo abeene, abakuumira mu njegere ej'enaku jonajona wansi w'endikirirya olw'omusango ogw'oku lunaku olukulu.
|
|
\v 7 Nga Sodomu ne Gomola n'ebibuga ebyalirainewo, bwe byayendeire kimu okwekankana naibo ne bikyama okusengererianga omubiri ogundi byatekeibwewo okubba ekyokuboneraku, nga bibonerezebwa n'omusango ogw'omusio ogutawawo.
|
|
\v 8 Naye era bekankana n'abo mu kulootaloota kwabwe nga basiiga omubiri empitambibbi era bagaana obukulu, era bavuma ab'ekitiibwa.
|
|
\v 9 Naye Mikaeri, malayika omukulu, bwe yatonganire ne Setaani n'atumula naye olw'omubiri gwa Musa, tiyasoboire kumuleetaku omusango gw'okuvuma, naye yakobere nti Mukama akunenye.
|
|
\v 10 Naye abo bye batamanyire byonabyona babivuma: bye bamanyire mu buzaaliranwa ng'ensolo egibula magezi mu ebyo bazikirira.
|
|
\v 11 Gibasangire! Kubanga batambulira mu ngira ya Kayini, ne bapyatira mu kukyama kwa Balamu olw'empeera, ne babuulira mu kuwakana kwa Koola.
|
|
\v 12 Bano niigo amabbaale agataboneka mu mbaga janyu ejokutagana bwe balya naimwe, abasumba abeerisia bonka awabula kutya; ebireri ebibulamu maizi nga bitwalibwa empewo; emisaale egiwaatula, egibula bibala, egyafiire awabiri, egyakuulibwe n'emmizi;
|
|
\v 13 amayengo ag'omu nyanza ageefuukuula, agabbimba eijovu nijo ensoni jabwe ibo; emunyenye egikyama ejigisiibwe endikirirya ekwaite einu emirembe n'emirembe.
|
|
\v 14 Era abo yabalaguliireku Enoka ow'omusanvu okuva ku Adamu, ng'atumula nti bonabona, Mukama yaizire n'abatukuvu be mutwalo
|
|
\v 15 okuleeta omusango ku bonabona, n'okusinzia omusango bonabona abatatya Katonda olw'ebikolwa byabwe byonabyona bye bakoleire mu butatya Katonda, n'olw'ebigambo byabwe byonabyona ebikakanyavu aboonoonyi abatatya Katonda bye bamutumwireku.
|
|
\v 16 Abo niibo abeemulugunya, niibo abanyiiga, abatambula ng'okwegomba kwabwe bwe kuli (n'omunwa gwabwe gutumula ebigambo ebiyinga okukulumbala), nga bateekamu abantu ekitiibwa olw'amagoba.
|
|
\p
|
|
\v 17 Naye imwe, abatakibwa mwijukirenga ebigambo ebyatumuliibwe eira abatume ba Mukama waisu Yesu Kristo;
|
|
\v 18 bwe bakobere nti Mu biseera eby'oluvannyuma walibbaawo abasekereri abatambula ng'okwegomba kwabwe ibo bwe kuli okw'obutatya Katonda.
|
|
\v 19 Abo niibo baleeta okwawula, ab'omubiri, ababula Mwoyo.
|
|
\v 20 Naye imwe, abatakibwa, bwe mwezimba ku kwikirirya kwanyu okutukuvu einu, nga musaba mu Mwoyo Omutukuvu,
|
|
\v 21 mwekuumenga mu kutaka kwa Katonda, nga mulindirira okusaasira kwa Mukama waisu Yesu Kristo olw'obulamu obutawaawo
|
|
\v 22 Era abandi mubasaasirenga ababuusabuusa;
|
|
\v 23 era abandi mubalokolenga, nga mubakwakkula okubatoola mu musio; era abandi mubasaasirenga mu kutya; nga mukyawa ekivaalo omubiri kye gwasiigire amabala.
|
|
\p
|
|
\v 24 Naye oyo ayinza okubakuuma obuteesitala, n'okubemererya mu maiso g'ekitiibwa kye nga mubulaku obuleme mu kujaguzia,
|
|
\v 25 Katonda omumu yenka Omulokozi waisu, ku bwa Yesu Kristo Mukama waisu, aweebwenga ekitiibwa, obukulu, amaani n'obuyinza, eira n'eira ng'emirembe n'emirembe gikaali okubbaawo, atyanu era n'emirembe egitaliwaawo. Amiina.
|