See in Reader
122 lines
10 KiB
Plaintext
122 lines
10 KiB
Plaintext
\id 1TH
|
|
\ide UTF-8
|
|
\h 1 Abasesalonika
|
|
\toc1 1 Abasesalonika
|
|
\toc2 1 Abasesalonika
|
|
\toc3 1th
|
|
\mt 1 Abasesalonika
|
|
\c 1
|
|
\cl Ensuula 1
|
|
\p
|
|
\v 1 Pawulo ne Sirwano ne Timoseewo eri ekanisa ey'Abasesalonika eri mu Katonda Itawaisu ne Mukama waisu Yesu Kristo: ekisa kibbenga gye muli n'emirembe.
|
|
\p
|
|
\v 2 Twebalya Katonda ku lwanyu mwenamwena enaku gyonagyona, nga tubatumulaku mu kusaba kwaisu;
|
|
\v 3 nga twijukira bulijo omulimu gwanyu ogw'okukwikirirya, n'okufuba okw'okutaka, n'okuguminkiriza okw'eisuubi lya Mukama waisu Yesu Kristo, mu maiso ga Katonda era Itwaisu;
|
|
\v 4 nga tumaite, ab'oluganda abatakibwa Katonda, okulondebwa kwanyu,
|
|
\v 5 kubanga enjiri yaisu teyaizire gye muli mu kigambo bugambo, wabula era ne mu maani, ne mu Mwoyo Omutukuvu, ne mu kutegeerera ddala okungi; nga bwe mumaite bwe twabbaire gye muli ku lwanyu.
|
|
\v 6 Mwena ne mutusengererya ife ne Mukama waisu, bwe mwatooleire ekigambo mu kubonaabona okungi, n'eisanyu ery'Omwoyo Omutukuvu;
|
|
\v 7 imwe n'okubba ne mubba ekyokuboneraku eri abaikirirya bonabona mu Makedoni ne mu Akaya.
|
|
\v 8 Kubanga gye muli niiyo yaviire eidoboozi ly'ekigambo kya Mukama waisu, ti mu Makedoni ne mu Akaya yonka, naye mu buli kifo okwikirirya kwanyu eri Katonda kwabunire; tutyo ne tutabbaaku kigambo kye twetaaga okutumula.
|
|
\v 9 Kubanga ibo bonka babuuliire ebyaisu okuyingira kwaisu gye muli bwe kwabbaire; era ne bwe mwakyukiire Katonda okuleka ebifaananyi, okuweereryanga Katonda omulamu ow'amazima,
|
|
\v 10 n'okulindiriranga Omwana we okuva mu igulu, gwe yazuukiire mu bafu, Yesu, atulokola mu busungu obwaba okwiza.
|
|
\c 2
|
|
\cl Ensuula 2
|
|
\p
|
|
\v 1 Kubanga imwe mwenka, ab'oluganda, mumaite ng'okuyingira kwaisu gye muli tekwabbaire kwo bwereere:
|
|
\v 2 naye bwe twamalire okubonaabona okukolerwa ekyeju mu Firipi, nga bwe mumaite, ne tugumira mu Katonda waisu okubuulira gye muli enjiri ya Katonda mu kufuba okungi.
|
|
\v 3 Kubanga okubuulirira kwaisu ti kwo bubbeyi, so ti kwo bugwagwa, so ti mu bukuusa:
|
|
\v 4 naye nga bwe twasaanyiziibwe Katonda okugisisibwa enjiri, bwe tutumula tutyo, ti ng'abataka okusiimibwa abantu, wabula Katonda akema emyoyo gyaisu.
|
|
\v 5 Kubanga tetubbanga ne kigambo eky'okwegondya, nga bwe mumaite, waire n'ensonga ey'okugisa okwegomba, Katonda niiye mujulizi;
|
|
\v 6 waire nga tusagira ekitiibwa eri abantu, waire eri imwe,
|
|
\v 7 Naye twabbaire bawombeefu mu imwe, ng'omuleri bw'aijanjaba abaana be iye:
|
|
\v 8 tutyo bwe twabalumiirwe omwoyo, ne tusiima okubagabira, ti njiri ya Katonda yonka, era naye n'emyoyo gyaisu ife, kubanga mwabbaire batakibwa baisu inu.
|
|
\v 9 Kubanga mwijukira, ab'oluganda, okufuba kwaisu n'okutegana: bwe twakolanga emirimu emisana n'obwire, obutazitoowereranga muntu yenayena ku imwe, ne tubabuuliranga enjiri ya Katonda.
|
|
\v 10 Niimwe bajulizi era ne Katonda, bwe twabbanga n'obutukuvu n'obutuukirivu awabula kunenyezebwa eri imwe abaikirirya:
|
|
\v 11 nga bwe mumaite ife bwe twabbaire edi buli muntu ku imwe, nga itawabwe bw'abba eri abaana be, nga tubabuulirira era nga tubagumya emyoyo era nga tutegeeza,
|
|
\v 12 kaisi mutambulenga nga bwe kisaanira Katonda abeeta okuyingira mu bwakabaka bwe iye n'ekitiibwa.
|
|
\p
|
|
\v 13 Feena kyetuva twebalya Katonda obutayosya, kubanga bwe mwaweweibwe ife ekigambo eky'okuwulirwa, niikyo kya Katonda, temwakitoire nge kigambo kya bantu, naye nga bwe kiri amazima, ekigambo kya Katonda, n'okukola ekikolera mu imwe abaikirirya.
|
|
\v 14 Kubanga imwe, ab'oluganda, mwasengereirye ekanisa gya Katonda egiri mu Buyudaaya mu Kristo Yesu: kubanga mwena mwabonyaabonyezeibwe mutyo ab'eigwanga lyanyu imwe, nga boona bwe baabonyaabonyezeibwe Abayudaaya;
|
|
\v 15 abaitire Mukama waisu Yesu ne banabbi, era abatubbingire, so tebasiimibwa Katonda, era balabe ba bantu bonabona;
|
|
\v 16 nga batuziyizia okubuulira ab'amawanga kaisi balokoke; okutuukiriya ebibbiibi byabwe enaku gyonagyona: naye obusungu bubatuukireku obumalira dala.
|
|
\p
|
|
\v 17 Naye ife, ab'oluganda, bwe mwatwawukanireku akaseera akatono (akadidiiri), mu maiso ti mu mwoyo, tweyongera inu okufuba okubabona mu maiso ganyu n'okubalumirwa einu omwoyo:
|
|
\v 18 kubanga tutaka okwiza gye muli, nze Pawulo omulundi ogw'oluberyeberye era n'ogw'okubiri; Setaani n'atuziyizia.
|
|
\v 19 Kubanga eisuubi lyaisu ki oba isanyu oba ngule ey'okwenyumirizia? Bwe mutabba imwe, mu maiso ga Mukama waisu Yesu mu kwiza kwe?
|
|
\v 20 Kubanga niimwe kitiibwa kyaisu n'eisanyu.
|
|
\c 3
|
|
\cl Ensuula 3
|
|
\p
|
|
\v 1 Kyetwaviire nitusiima okulekebwa enyuma fenka mu Asene, bwe tutasoboire kuguminkiriza kabite;
|
|
\v 2 ne tutuma Timoseewo mugande waisu era omuweereza wa Katonda mu njiri ya Kristo, okubanywezia n'okubasanyusya olw'okwikirirya kwanyu;
|
|
\v 3 omuntu yenayena aleke okusagaasagana mu kubonaabona kuno; kubanga mwenka mumaite ng'ekyo niikyo kye twateekeirwewo.
|
|
\v 4 Kubanga mazima, bwe gabula gye muli, twababuuliire oluberyeberye nga twaba okubonaabona; era bwe kyabbaire kityo era nga bwe mumaite.
|
|
\v 5 Nzena Kyenaviire ntuma, bwe ntasoboire kugumiikiriza ate, kaisi manye okwikirirya kwanyu; oba nga koizi omukemi oyo yabakemere okufuba kwaisu ne kubba okw'obwereere.
|
|
\v 6 Naye Timoseewo atyanu bwe yaizire gye tuli ng'ava gye muli, n'atuleetera ebigambo ebisa eby'okwikirirya n'okutaka kwanyu, era nga mutwijukira kusa enaku gyonagyona, nga mutulumirirwa okutubona, era nga ife bwe tubalumirirwa imwe;
|
|
\v 7 Kyetwaviire tusanyusibwa, ab'oluganda, ku lwanyu mu kubona enaku n'okubonaabona kwaisu kwonakwona olw'okwikirirya kwanyu:
|
|
\v 8 kubanga atyanu tuli balamu, imwe bwe mwemerera mu Mukama waisu.
|
|
\v 9 Kubanga kwebalya ki kwe tuyinza okusasula Katonda ku lwanyu, olw'eisanyu lyonalyona lye tusanyuka ku lwanyu mu maiso ga Katonda waisu;
|
|
\v 10 emisana n'obwire nga tusaba inu dala okubona ku maiso ganyu, n'okutuukirirya ebitatuuka mu kwikirirya kwanyu?
|
|
\p
|
|
\v 11 Naye Katonda mwene era Itawawaisu, ne Mukama waisu Yesu agolole engira yaisu okwiza gye muli:
|
|
\v 12 mwena Mukama waisu abongerengaku abasukiriryenga okutakagananga mwenka na mwenka n'eri bonabona, era nga feena eri imwe;
|
|
\v 13 kaisi anywezenga emyoyo gyanyu nga gibulaku kunenyezebwa mu butukuvu, mu maiso ga Katonda waisu era Itawaisu, mu kwiza kwa Mukama waisu Yesu wamu n'abatukuvu be bonabona.
|
|
\c 4
|
|
\cl Ensuula 4
|
|
\p
|
|
\v 1 Kale, ab'oluganda, ebisigaireyo, tubeegayirira tubabuulirira mu Mukama waisu Yesu, nga bwe mwaweweibwe ife bwe kibagwanira okutambulanga n'okusiimibwanga Katonda, era nga bwe mutambula; okweyongerangaku kabite.
|
|
\v 2 Kubanga mumaite ebiragiro bwe biri bye twabalagiire ku bwa Mukama waisu Yesu.
|
|
\v 3 Kubanga ekyo Katonda ky'ataka, okutukuzibwa kwanyu, okwewalanga obwenzi;
|
|
\v 4 buli muntu ku imwe okumanyanga okufuga omubiri gwe iye mu butukuvu n'ekitiibwa,
|
|
\v 5 ti mu muwudu ogw'okwegomba, era ng'amawanga agatamaite Katonda;
|
|
\v 6 alekenga okuyingirira mugande waire okumusobyaku mu kigambo ekyo: kubanga Mukama waisu awalana eigwanga ery'ebyo byonabyona, era nga bwe twasookere okubabuulira n'okutegezerya dala.
|
|
\v 7 Kubanga Katonda teyatweteire bugwagwa, wabula mu butukuvu.
|
|
\v 8 Kale agaana tagaana muntu, wabula Katonda, abawa Omwoyo we Omutukuvu.
|
|
\p
|
|
\v 9 Naye okuwandiikirwa ku by'okutakagana ab'oluganda okwo temukwetaaga: kubanga imwe mwenka mwayigiriziibwe Katonda okutakagananga;
|
|
\v 10 kubanga n'okukola mukola mutyo ab'oluganda bonabona ab'omu Makedoni yonka. Naye tubabuulirira ab'oluganda, okweyongeranga okusukirira;
|
|
\v 11 era mwegombe okutengeranga, n'okukolanga ebyanyu imwe, n'okukolanga emirimu n'emikono gyanyu, nga bwe twabalagiire;
|
|
\v 12 kaisi mutambulirenga mu mpisa ensa eri ab'ewanza, nga mubulaku kye mwetaaga.
|
|
\p
|
|
\v 13 Naye tetutaka imwe obutategeera, ab'oluganda, eby'abo abagonere; mulekenga okunakuwala, era ng'abandi ababula eisuubi.
|
|
\v 14 Kubanga bwe twikirirya nga Yesu yafiire n'azuukira, era Katonda alireeta atyo abagonere ku bwa Yesu wamu naye.
|
|
\v 15 Kubanga ekyo kye tubabuulira mu kigambo kya Mukama waisu, nga ife abalamu abaasigairewo okutuusa okwiza kwa Mukama waisu tetulisooka abagonere.
|
|
\v 16 Kubanga Mukama waisu mwene aliika okuva mu igulu n'okutumulira waigulu n'eidoboozi lya malayika omukulu n'eikondeere lya Katonda: n'abo abaafiirire mu Kristo niibo balisooka okuzuukira:
|
|
\v 17 feena abalamu abaasigairewo kaisi ne tutwalibwa wamu nabo mu bireri okusisinkana Mukama waisu mu ibanga: kale tutyo twabbanga ne Mukama waisu enaku gyonagyona.
|
|
\v 18 Kale musanyusaganenga mwenka na mwenka n'ebigambo bino.
|
|
\c 5
|
|
\cl Ensuula 5
|
|
\p
|
|
\v 1 Naye eby'entuuko n'ebiseera, ab'oluganda, temwetaaga kubiwandikirwa.
|
|
\v 2 Kubanga mwenka mumanyiire kimu ng'olunaku lwa Mukama waisu lwiza ng'omwibbi obwire, lutyo.
|
|
\v 3 Bwe balibba nga batumula nti Mirembe, wabula kabbiibi, okuzikirizia okw'amangu kaisi ne kubaizira, ng'okulumwa bwe kwizira omukali ali Ekida; so tebaliwona n'akatono (n'akadidiiri).
|
|
\v 4 Naye imwe, ab'oluganda, temuli mu ndikirirya, olunaku ludi okubagwikirirya ng'omwibbi:
|
|
\v 5 kubanga imwe mwena muli baana bo kutangaala, era muli baana bo musana: tetuli bo bwire waire ab'endikiriria;
|
|
\v 6 kale tulekenga okugona ng'abaandi, naye tumogenga tulekenga okutamiira.
|
|
\v 7 Kubanga abagona, bagona bwire; n'abatamiira, batamiira bwire.
|
|
\v 8 Naye ife, kubanga tuli bo musana, tulekenga okutamiira, nga tuvaire eky'omu kifubba eky'okwikirirya n'okutaka, n'enkoofiira, eisuubi ly'obulokozi.
|
|
\v 9 Kubanga ife Katonda teyatuteekeirewo busungu, wabula okuweebwa obulokozi ku bwa Mukama waisu Yesu Kristo,
|
|
\v 10 eyatufiriire ife, bwe tumoga oba bwe tugona kaisi tubbe abalamu wamu naye.
|
|
\v 11 Kale musanyusaganenga, era muzimbaganenga buli muntu mwinaye, era nga bwe mukola.
|
|
\p
|
|
\v 12 Naye tubeegayirira, ab'oluganda, okumanyanga abafuba okukola emirimu mu imwe, ababafuga mu Mukama waisu, abababuulirira;
|
|
\v 13 n'okuteekangamu ekitiibwa einu dala mu kutaka olw'omulimu gwabwe. Mubbenga n'emirembe mu imwe.
|
|
\v 14 Era tubabuulirira, ab'oluganda, munenyenga abatatambula okusa, mugumyenga abalina omwoyo omunafu, muyambenga ababula maani, muguminkirizenga eri bonabona.
|
|
\v 15 Mubone omuntu yenayena alekenga okuwalana ekibbiibi olw'ekibbiibi; naye enaku gy'onagyona musengereryenga ekisa mwenka na mwenka n'eri bonabona.
|
|
\v 16 Musanyukenga enaku gy'onagyona;
|
|
\v 17 musabenga obutayosya;
|
|
\v 18 mwebalyenga mu kigambo kyonakyona: kubanga ekyo Katonda ky'abatakirya mu Kristo Yesu gye muli.
|
|
\v 19 Temuziyizianga Mwoyo;
|
|
\v 20 temunyoomanga bunabbi;
|
|
\v 21 mugezyengaku ku bigambo byonabyona; munywezeryenga dala ekisa;
|
|
\v 22 mwewalenga buli ngeri yo bubbiibi.
|
|
\p
|
|
\v 23 Era Katonda ow'emirembe mwene abatukulirye dala; era omwoyo gwanyu n'obulamu n'omubiri byonabyona awamu bikuumibwenga awabula kunenyezebwa mu kwiza kwa Mukama waisu Yesu Kristo.
|
|
\v 24 Abeeta mwesigwa, n'okukola niiye alikola
|
|
\v 25 Ab'oluganda, mutusabirenga.
|
|
\p
|
|
\v 26 Musugirye ab'oluganda bonabona n'okunywegera okutukuvu.
|
|
\v 27 Mbalayiria Mukama waisu okusomera ebbaluwa eno ab'oluganda bonabona.
|
|
\p
|
|
\v 28 Ekisa kya Mukama waisu Yesu Kristo kibbenga wamu naimwe.
|