See in Reader
192 lines
17 KiB
Plaintext
192 lines
17 KiB
Plaintext
\id GAL
|
||
\ide UTF-8
|
||
\h Abagalatiya
|
||
\toc1 Abagalatiya
|
||
\toc2 Abagalatiya
|
||
\toc3 gal
|
||
\mt Abagalatiya
|
||
\c 1
|
||
\cl Ensuula 1
|
||
\p
|
||
\v 1 Pawulo omutume (ataviire mu bantu waire okubita eri omuntu, wabula eri Yesu Kristo ne Katonda Itawaisu, eyamuzuukizirye mu bafu),
|
||
\v 2 n'ab'oluganda bonabona abali nanze tubawandiikiire ekanisa egy'e Galatiya:
|
||
\v 3 ekisa kibbenga gye muli n'emirembe ebiva eri Katonda Itawaisu, ne Mukama waisu Yesu Kristo,
|
||
\v 4 eyeewaireyo olw'ebibbiibi byaisu, kaisi atutoole mu mirembe gino egiriwo emibbiibi nga bwe yatakire Katonda era Itawaisu:
|
||
\v 5 aweebwenga ekitiibwa emirembe n'emirembe. Amiina.
|
||
\p
|
||
\v 6 Neewuunya kubanga musenguka mangu mutyo eyabetere mu kisa kya Kristo okwaba eri enjiri efaanana obundi;
|
||
\v 7 ti gendi, wabula abantu ababateganya, abataka okukyusirya dala enjiri ya Kristo.
|
||
\v 8 Naye oba nga ife oba malayika ava mu igulu bw'abuuliranga enjiri wabula nga bwe twababuuliire, akolimirwenga.
|
||
\v 9 Nga bwe twasookere okutumula, ntyo bwe ntumula atyanu ate nti Omuntu bw'ababuuliranga enjiri wabula nga bwe mwaweweibwe, akolimirwenga.
|
||
\v 10 Kubanga atyanu mpembera bantu aba Katonda? Oba nsala amagezi okusiimibwa abantu? Singa nabbaire nga nkaali nsiimibwa abantu, tinandibbaire mwidu wa Kristo.
|
||
\p
|
||
\v 11 Kubanga mbategeeza, ab'oluganda, nti enjiri eyabuuliirwe nze ti ya buntu:
|
||
\v 12 kubanga nzena tinagiweweibwe muntu so tinjigirizibwanga, naye mu kubikkuliwa kwa Yesu Kristo.
|
||
\v 13 Kubanga mwawuliire bwe nabbanga eira mu mpisa gy'Ekiyudaaya, nga nayiganyanga ekanisa ya Katonda awabula kigera ne nginyaga,
|
||
\v 14 ne mbitiririanga mu mpisa gy'Ekiyudaaya okusinga bangi bwe twakulire mu igwanga lyaisu, nga mbasinganga okubba n'eiyali eringi einu mu mpisa gye naweweibwe bazeiza bange
|
||
\v 15 Naye Katonda bwe yasiimire, eyanjawiire okuva mu kida kya mawange, n'anjeta olw'ekisa kye,
|
||
\v 16 okubikulira Omwana we mu nze, kaisi mubuulirenga mu b'amawanga; amangu ago tinateserie na mubiri waire no musaayi:
|
||
\v 17 so tinayambukire Yerusaalemi eri abo abansookere okubba abatume: naye nayabire mu Buwalabu, ne ngira ate mu Ddamasiko.
|
||
\p
|
||
\v 18 Awo bwe wewabitirewo emyaka eisatu ne nyambuka e Yerusaalemi okubona Keefa, ne malayo gy'ali enaku ikumi na itaanu.
|
||
\v 19 Naye tinaboine ogondi ku batume wabula Yakobo muganda wa Mukama waisu.
|
||
\v 20 Kale, bye mpandiika, bona, mu maiso ga Katonda timbeeya.
|
||
\v 21 Awo ne njaba mu njuyi egy'e Busuuli ne Kirukiya.
|
||
\v 22 Ne mba nga nkaali kutegeerebwa mu maiso g'ekanisa egy'e Buyudaaya egiri mu Kristo:
|
||
\v 23 naye ne bawuliranga buwuliri nti Eyatuyiganyanga eira atyanu abuulira okwikiriria kwe yanyaganga eira.
|
||
\v 24 Ne bagulumizia Katonda ku lwange.
|
||
\c 2
|
||
\cl Ensuula 2
|
||
\p
|
||
\v 1 Awo oluvanyuma, emyaka bwe gyabitirewo ikumi n'aina, naninire e Yerusaalemi wamu ne Balunabba ne ntwala ne Tito.
|
||
\v 2 Nanininireyo lwa kubikkuliwa; ne mbanjulira enjiri, gye mbuulira mu b'amawanga, naye mu kyama eri abo abaatenderezeibwe, mpozi ndeke okugenderanga obwereere oba nga njabire.
|
||
\v 3 Naye waire Tito eyabbaire awamu nanze, eyabbaire Omuyonaani, teyawalirizibwe kukomolebwa:
|
||
\v 4 naye olw'ab'oluganda ab'obubbeyi abaayingizibwe mu kyama, abaayingire mu kyama okukeeta eidembe lyaisu lye tulina mu Kristo Yesu, okututeeka mu bwidu:
|
||
\v 5 abo tetwabagondeireku saawa n'eimu okufugibwa ibo; amazima g'enjiri gagumenga gye muli.
|
||
\v 6 Naye abaatenderezebwa okubba abakulu (nga bwe bali ekimu gye ndi; Katonda tasosola mu bantu) abaatenderezeibwe tebannyongeireku kintu:
|
||
\v 7 naye mu ngeri egendi, bwe baboine nga nagisisiibwe enjiri y'abo abatali bakomole, nga Peetero ey'abakomole
|
||
\v 8 (kubanga eyakoleire Peetero olw'obutume bw'abakomole niiye yakoleire nzena olw'ab'amawanga);
|
||
\v 9 era bwe baategeire ekisa kye naweweibwe, Yakobo ne Keefa ne Yokaana, abatenderezeibwe okubba empagi, ne batuwa omukono omuliiro ogw'okwikirirya ekimu nze ne Balunabba, ife twabe eri ab'amawanga, ibo baabe eri abakomole;
|
||
\v 10 kyoka, twijukirenga abaavu; ekyo n'okunyiikira kye nanyiikiriire einu okukikolanga.
|
||
\p
|
||
\v 11 Naye Keefa bwe yaizire Antiyokiya, namuwakanyirie nga tubonagana amaiso n'amaiso, kubanga yabbaire mukyamu dala.
|
||
\v 12 Kubanga oluberyeberye abantu nga bakaali kwiza kuva wa Yakobo, yalyanga n'ab'amawanga: naye bwe baizire, ne yeeyawula n'abaawukanaku, ng'atya abakomole.
|
||
\v 13 Era n'Abayudaaya abandi bonabona ne bakuusiakuusia wamu naye; ne Balunabba n'okuwalulwa n'awalulwa obukuusa bwabwe.
|
||
\v 14 Naye bwe naboine nga tebaakwata ngira ngolokofu mu mazima g'enjiri, ne nkibera Keefa mu maiso gaabwe bonabona nti Obanga iwe bw'oli Omuyudaaya osengereria empisa gy'ab'amawanga egitali gye Kiyudaaya, owalirizia otya ab'amawanga okusengererianga empisa gy'Ekiyudaaya?
|
||
\v 15 Ife Abayudaaya ab'obuzaaliranwa abatali ba mu b'amawanga abalina ebibbiibi,
|
||
\v 16 naye tumaite ng'omuntu taweebwa butuukirivu lwa bikolwa bya mateeka wabula olw'okwikiriria Yesu Kristo, era fena twaikiriirye Kristo Yesu, kaisi tuweebwe obutuukirivu olw'okwikirirya Kristo, naye ti lwe bikolwa bya mateeka: kubanga olw'ebikolwa eby'amateeka wabula alina omubiri aliweebwa obutuukirivu.
|
||
\v 17 Naye twatakire okuweebwa obutuukirivu mu Kristo, oba nga twaboneibwe feena okubba n'ebbiibi, kale Kristo muweereza wa kibbiibi? Kitalo.
|
||
\v 18 Kubanga bwe nzimba ate bye naswire, neeraga nzenka okubba omwonooni.
|
||
\v 19 Kubanga olw'amateeka nafiire ku mateeka, kaisi mbe omulamu eri Katonda.
|
||
\v 20 Nakomereirwe wamu ne Kristo; naye ndi mulamu; ti ku lwange ate, naye Kristo niiye mulamu mu nze: era obulamu bwe nina atyanu mu mubiri, mbulina lwo kukwikiririya Omwana wa Katonda eyantakire ne yeewaayo ku lwange.
|
||
\v 21 Tindibya kisa kya Katonda: kubanga obutuukirivu bwe bubba mu mateeka, nga Kristo yafiriire bwereere.
|
||
\c 3
|
||
\cl Ensuula 3
|
||
\p
|
||
\v 1 Imwe Abagalatiya ababula magezi, yani eyabalogere, so nga Yesu Kristo yakomereirwe nga mubona?
|
||
\v 2 Kino kyonka kye ntaka imwe okuntegeezia nti Mwaweweibwe Omwoyo lwa bikolwa bya mateeka oba lwo kuwulira kwo kwikirirya?
|
||
\v 3 Mutyo bwe mubula magezi? Abaasookeire mu Mwoyo, atyanu mutuukiririzibwa mu mubiri?
|
||
\v 4 Mwabonyaabonyezeibwe ebyekankana awo bya bwereere? So nga dala ti bwereere.
|
||
\v 5 Abawa Omwoyo, akola eby'amaani mu imwe, akola lwe bikolwa bya mateeka oba lwo kuwulira kwo kwikirirya?
|
||
\v 6 Nga Ibulayimu bwe yaikirirye Katonda, ne kumubalirwa okubba obutuukirivu.
|
||
\v 7 Kale mutegeere ng'abemerera mu kwikirirya niibo baana ba Ibulayimu.
|
||
\v 8 N'ekyawandiikibwa bwe kyaboine eira Katonda bw'aliwa amawanga obutuukirivu olw’okwikirirya, ne kibuulira oluberyeberye Ibulayimu enjiri nti Mu iwe amawanga gonagona mwe galiweerwa omukisa.
|
||
\v 9 Kityo abemerera mu kwikirirya bawebwa omukisa awamu ne Ibulayimu eyabbaire okwikirirya.
|
||
\v 10 Kubanga bonabona abemerera mu bikolwa by'amateeka, bafugibwa kikolimo: kubanga kyawandiikibwe nti Akolimiirwe buli atabinyiikirira byonabyona ebyawandiikiibwe mu kitabo ky'amateeka, okubikolanga.
|
||
\v 11 Era kimanyibwe nga mu mateeka wabula aweebwa butuukirivu eri Katonda: kubanga nti Abatuukirivu baabbanga balamu lwo kwikirirya;
|
||
\v 12 naye amateeka tigemerera mu kwikirirya; naye nti Omuntu agakola yabbanga mulamu mu igo.
|
||
\v 13 Kristo yatununwire mu kikolimo ky'amateeka, bwe yafuukire ekikolimo ku lwaisu: kubanga kyawandiikibwe nti Akolimiirwe buli awanikiibwe ku musaale:
|
||
\v 14 omukisa gwa Ibulayimu kaisi gutuuke eri amawanga mu Kristo Yesu; kaisi tuweebwe ekyasuubiziibwe eky'Omwoyo olw'okwikirirya.
|
||
\p
|
||
\v 15 Ab'oluganda, ntumula mu buntu: endagaano waire nga ya muntu buntu bw'emala okunywera wabula agitoolawo waire agyongeraku.
|
||
\v 16 Ebyasuubiziibwe byakobeibwe Ibulayimu n'omwizukulu we. Tatumula nti N'eri abaizukulu, nga bangi, naye ng'omumu nti N'eri omuzzukulu we, niiye Kristo.
|
||
\v 17 Kino kye ntumula nti Endagaano eyasookere okunywezebwa Katonda, amateeka agaizire nga wabitirewo emyaka bina mu asatu tegagitoirewo n'okudibya ekyasuubizibwe.
|
||
\v 18 Kuba oba ng'obusika buva mu mateeka, nga tebuva ate mu kusuubiza: naye Katonda yabuwaire Ibulayimu olw'okusuubizia,
|
||
\v 19 Kale amateeka kiki? Gatekeibwewo lwo kwonoona okutuusia w'aliziira omwizukulu eyasuubiziibwe, galagirwe bamalayika mu mikono gy'omutabaganya.
|
||
\v 20 Naye omutabaganya ti w'omumu; naye Katonda iye mumu.
|
||
\v 21 Kale amateeka tigatabagana n'ebyasuubiziibwe Katonda? Kitalo: kuba singa amateeka gaaweebwa nga niigo gayinza okuleeta obulamu, dala obutuukirivu bwandibaire mu mateeka.
|
||
\v 22 Naye ebyawandiikiibwe byasiigiibwe byonabyona mu bufuge bw'ekibbiibi, abaikirirya kaisi baweebwe ekyasuubizibwe ekiva mu kwikirirya Yesu Kristo.
|
||
\p
|
||
\v 23 Naye okwikirirya nga kukaali kwiza, twakuumibwanga mu bufuge bwa mateeka, nga tusibibwa olw'okwikirirya okwaba okubikuliwa.
|
||
\v 24 Kityo amateeka yabbaire mutwali waisu eri Kristo, kaisi tuweebwe obutuukirivu olw'okwikirirya.
|
||
\v 25 Naye okukkirirya bwe kwamalire okwiza, tetukali mu bufuge bwo mutwali.
|
||
\v 26 Kubanga imwe mwenamwena muli baana ba Katonda olw'okwikirirya, mu Kristo Yesu.
|
||
\v 27 Kubanga mwenamwena abaabatiziibwe okuyingira mu Kristo, mwavaire Kristo.
|
||
\v 28 Wabula Muyudaaya, waire Omuyonaani, wabula mwidu waire ow'eidembe, wabula musaiza no mukazi: kubanga imwe mwenamwena muli mumu mu Kristo Yesu.
|
||
\v 29 Era imwe bwe muli aba Kristo, kale muli izaire lya Ibulayimu, era muli basika ng'okusuubizia bwe kwabbaire.
|
||
\c 4
|
||
\cl Ensuula 4
|
||
\p
|
||
\v 1 Naye ntumula nti omusika ng'akaali mutomuto tomwawula no mwidu n'akatono, waire nga niiye mukama wa byonabyona;
|
||
\v 2 naye afugibwa abasigire n'abawanika okutuusia ebiseera Itaaye bi yalagire eira.
|
||
\v 3 Tutyo feena, bwe twabbanga abatobato, twabbanga baidu nga tufugibwa eby'oluberyeberye eby'omu nsi:
|
||
\v 4 naye okutuukirira kw'ebiseera bwe kwatukire, Katonda n'atutumire Omwana we eyazaaliibwe omukali, eyazaaliibwe ng'afugibwa amateeka,
|
||
\v 5 kaisi abanunule abaafugibwa amateeka, kaisi tuweebwe okufuuka abaana.
|
||
\v 6 Era kubanga muli baana, Katonda yatumwire Omwoyo gw'Omwana we mu myoyo gyaisu; ng'akunga nti Abba, Itawaisu.
|
||
\v 7 Kityo weena tokaali mwidu, naye mwana; oba ng'oli mwana, era oli musika ku bwa Katonda.
|
||
\p
|
||
\v 8 Naye mu naku gidi bwe mutaamanyanga Katonda, mwabbanga baidu ba badi abatali bakatonda mu buwangwa:
|
||
\v 9 naye atyanu bwe mutegeire Katonda, oba ekisinga bwe mutegereibwe Katonda, mukyuka mutya enyuma mu bigambo eby'oluberyeberye ebibula maani ebinafu, ate bye mutaka okufugibwa omulundi ogw'okubiri?
|
||
\v 10 Mukwata enaku n'emyezi n'ebiseera n'emyaka.
|
||
\v 11 Mbakeŋŋentererwa okutegana kwange gye muli okubba okw'obwereere.
|
||
\p
|
||
\v 12 Mubbe nga nze, kubanga nzena ndi nga imwe, ab'oluganda mbeegayirire. Temunyonoonanga:
|
||
\v 13 naye mumaite ng'olw'obunafu bw'omubiri nababuulire enjiri omulundi ogw'oluberyeberye:
|
||
\v 14 era okukemebwa kwanyu okw'omu mubiri gwange temwakunyoomere so temwakulondoire, naye mwangikiriirye nga malayika owa Katonda, nga Kristo Yesu.
|
||
\v 15 Kale okwetenda kwanyu kuli waina? Kubanga ndi mujulizi wanyu nti, singa kyabbaire kisoboka, mwanditoiremu amaiso ganyu ne mugawa nze.
|
||
\v 16 Kale nfukire mulabe wanyu nga mbabuulira amazima?
|
||
\v 17 Beegondia gye muli naye ti kusa; naye kye bataka niikwo kubatakira ewanza, imwe kaisi mwegondienga gye bali:
|
||
\v 18 Naye kisa abantu okwegondianga mu busa enaku gyonagyona, naye ti niinze lwe mba naimwe lwonka.
|
||
\v 19 Abaana bange abatobato, abanuma ate okutuusa Kristo lw'alibumbibwa mu imwe,
|
||
\v 20 era nanditakire okubba naimwe atyanu, n'okuwaanyisia eidoboozi lyange, kubanga mbuusiabuusia olw'ebigambo byanyu.
|
||
\p
|
||
\v 21 Munkobere imwe abataka okufugibwa amateeka, temuwulira mateeka?
|
||
\v 22 Kubanga kyawandiikibwe nti Ibulayimu yabbaire na abaana babiri, omumu wa muzaana, omumu weidembe.
|
||
\v 23 Naye ow'omuzaana yazaaliibwe lwo mubiri; naye ow'eidembe lwo kusuubizia.
|
||
\v 24 Ebyo byo lugero: kubanga Abakali abo niigyo ndagaano eibiri; eimu eva ku lusozi Sinaayi, egendi olw'obwidu, eyo niiye Agali.
|
||
\v 25 Agali oyo niirwo lusozi Sinaayi, oluli mu Buwalabu, era yekankana ne Yerusaalemi ekya atyanu: kubanga mwidu wamu n'abaana be.
|
||
\v 26 Naye Yerusaalemi eky'omu igulu niikyo ky'eidembe, niiye mawaisu.
|
||
\v 27 Kubanga kyawandiikiibwe nti Sanyuka, omugumba atazaala; Baguka okutumulira waigulu, atalumwa: Kubanga abaana b'oyo eyalekeibweyo bangi okusinga ab'oyo alina omusaiza:
|
||
\v 28 Naye ife, ab'oluganda, tuli baana ba kusuubiza nga Isaaka bwe yabbaire.
|
||
\v 29 Naye nga mu biseera bidi eyazaaliibwe olw'omubiri nga bwe yayiganirye eyazaaliibwe olw'Omwoyo, kityo ne atyanu.
|
||
\v 30 Naye ebyawandiikibwa bitumula bitya? Nti Bbinga omuzaana n'omwana we: kubanga omwana w’omuzaana talisikira wamu n'omwana ow'eidembe.
|
||
\v 31 Kale, ab'oluganda, ife tetuli ba muzaana, naye bo we idembe.
|
||
\c 5
|
||
\cl Ensuula 5
|
||
\p
|
||
\v 1 Mu idembe Kristo yatufiire be idembe: kale munywere, mulekenga okusibibwa ate mu kikoligo ky'obwidu.
|
||
\p
|
||
\v 2 Bona, nze Pawulo mbakoba nti bwe mukomolebwanga, Kristo talibbaaku ky'alibagasa.
|
||
\v 3 Era ate ntegeeza buli muntu akomolebwa nti alina eibbanja ery'okukolanga eby'amateeka byotuna.
|
||
\v 4 Mwawuliibwe eri Kristo, imwe abataka okuweebwa obutuukirivu mu mateeka; mugwire okuva mu kisa.
|
||
\v 5 Kubanga ife ku bw'Omwoyo olw'okwikirirya tulindirira eisuubi ery'obutuukirivu.
|
||
\v 6 Kubanga mu Kristo Yesu okukomolebwa tubula maani waire obutakomolebwa, wabula okwikirirya okukola olw'okutaka.
|
||
\v 7 Mwabbaire mutambula kusa; yani eyabaziyizirie okugonderanga amazima?
|
||
\v 8 Okuwemba okwo tekwaviire eri oyo eyabetere.
|
||
\v 9 Ekizimbulukusia ekitono kizimbulukusia ekitole kyonakyona.
|
||
\v 10 Mbeesiga imwe mu Mukama waisu, nti temulirowooza kigambo kindi: naye oyo abateganya alibbaaku omusango gwe, ne bw'alibba yani.
|
||
\v 11 Naye nze, ab'oluganda, oba nga nkali njigirizia okukomolebwa, kiki ekikaali kinjiganyisia? Kale enkonge ey'omusalaba ng'eviirewo.
|
||
\v 12 Nanditakire badi abababuguutania n'okweyawula beeyawule.
|
||
\p
|
||
\v 13 Kubanga imwe, ab'oluganda, mwayeteibwe lwe idembe; naye eidembe lyanyu lirekenga okubbeera omubiri niikwo gwemerera, naye olw'okutaka muweerezeganenga mwenka na mwenka.
|
||
\v 14 Kubanga amateeka gonagona gatuukirira mu kigambo kimu, mu kino nti Otakanga muntu mwinawo nga bwe weetaka wenka.
|
||
\v 15 Naye bwe mulumagana, bwe mulyaŋŋana, mwegenderezenga mulekenga okwemalawo mwenka na mwenka.
|
||
\p
|
||
\v 16 Naye ntumula nti Mutambulirenga mu Mwoyo, kale temwatuukirizienga kwegomba kwa mubiri.
|
||
\v 17 Kubanga omubiri gwegomba nga guwakana n'Omwoyo, n'Omwoyo nga guwakana n'omubiri; kubanga ebyo byolekaine, mulekenga okukola ebyo bye mutaka.
|
||
\v 18 Naye bwe muluŋŋamizibwa Omwoyo, nga temufugibwa mateeka.
|
||
\v 19 Naye ebikolwa by'omubiri byo lwatu, niibyo bino, obwenzi, empitambiibbi, obukaba,
|
||
\v 20 okusinza ebifaananyi, okuloga; obulabe, okutongana; eiyali; obusungu, empaka, okweyawula, okwesalamu,
|
||
\v 21 eitima, obutamiivu, ebinyumu, n'ebiri ng'ebyo: nsooka okubakobera ku ebyo, nga bye nasookere okubakobera, nti badi abakola ebiri ng'ebyo tebalisikira bwakabaka bwa Katonda.
|
||
\v 22 Naye ebibala by'Omwoyo niikwo kutaka, okusanyuka, emirembe, okugumiinkiriza, ekisa, obusa, okwikirirya,
|
||
\v 23 obuwombeefu, okwegendereza: ku biri ng'ebyo wabula mateeka.
|
||
\v 24 N'abo aba Kristo Yesu baakomerera omubiri wamu n'okukwatibwa n'okwegomba kwagwo.
|
||
\p
|
||
\v 25 Bwe tuba abalamu ku bw'Omwoyo, era tutambulenga ku bw'Omwoyo.
|
||
\v 26 Tuleke okwenyumiririzanga obwereere, nga twesunguwalya fenka na fenka, nga tukwatibwa eiyali fenka na fenka.
|
||
\c 6
|
||
\cl Ensuula 6
|
||
\p
|
||
\v 1 Ab'oluganda, omuntu bw'abonebwanga ng'ayonoonere; imwe ab'omwoyo mumulongoosienga ali atyo mu mwoyo gw'obuwombeefu; nga weekuuma wenka wene olekenga okukemebwa.
|
||
\v 2 Mubbeeraganenga emigugu mwenka na mwenka, mutuukiririenga mutyo eiteeka lya Kristo.
|
||
\v 3 Kubanga omuntu bwe yeerowoozianga okubba ekintu, nga ti kintu, nga yebbeyabbeyanga.
|
||
\v 4 Naye buli muntu akemenga omulimu gwe ku bubwe; kaisi abbenga n'okwenyumiriza ku bubwe yenka so ti ku bwa gondi.
|
||
\v 5 Kubanga buli muntu alyetikka omutwalo gwe iye.
|
||
\p
|
||
\v 6 Naye ayigirizibwanga ekigambo aikiriryenga ekimu n'oyo ayigiriza mu bisa byonabyona.
|
||
\v 7 Temubbeyenga; Katonda tasekererwa: kubanga omuntu kyonakyona ky'asiga era ky'alikungula.
|
||
\v 8 Kubanga asigira omubiri gwe iye, alikungula mu mubiri okuvunda; naye asigira Omwoyo, alikungula mu Mwoyo obulamu obutawaawo.
|
||
\v 9 Tuleke okwiririranga mu kukola obusa: kubanga ebiseera bwe birituuka, tulikungula; nga tetuziriire.
|
||
\v 10 Kale, bwe twabonanga eibbanga, tubakolenga kusa bonabona, naye okusinga abo abali mu nyumba ey'okwikirirya.
|
||
\p
|
||
\v 11 Mubone bwe mbawandiikire mu nyukuta enene (emba) n'omukono gwange nze.
|
||
\v 12 Bonabona abataka okwewoomererya mu mubiri niibo ababawalirizia okukomolebwanga; kyoka balekenga okuyiganyizibwa olw'omusalaba gwa Kristo.
|
||
\v 13 Kubanga era n'abo beene abakomolebwa amateeka tebagakwata; naye bataka imwe okukomolebwanga, kaisi beenyumiririenga ku mubiri gwanyu.
|
||
\v 14 Naye nze tintaka kwenyumiririanga, wabula ku musalaba gwa Mukama waisu Yesu Kristo; olw'ogwo ensi ekomereire gye ndi, nzena eri ensi.
|
||
\v 15 Kubanga okukomolebwa ti kintu, waire obutakomolebwa, wabula ekitonde ekiyaaka.
|
||
\v 16 N'abo bonabona abatambuliranga mu iteeka eryo, emirembe gibenga ku ibo, n'okusaasirwa, ne ku Isiraeri wa Katonda.
|
||
\p
|
||
\v 17 Okutandiika atyanu, omuntu yenayena aleke okunteganyanga: kubanga ntwala enkovu gya Yesu gisalibwe ku mubiri gwange.
|
||
\p
|
||
\v 18 Ekisa kya Mukama waisu Yesu Kristo kibeenga wamu n'omwoyo gwanyu, ab'oluganda. Amiina.
|