lke_reg/44-JHN.usfm

\id JHN
\ide UTF-8
\h Yokaana
\toc1 Yokaana
\toc2 Yokaana
\toc3 jhn
\mt Yokaana
\c 1
\cl Ensuula 1
\p
\v 1 Ku luberyeberye wabbairewo Kigambo, Kigambo n'abba awali Katonda, Kigambo n'abba Katonda.
\v 2 Oyo eyabbairewo ku luberyeberye awali Katonda.
\v 3 Ebintu byonabyona byakoleibwe ku bw'oyo; era awatabbaire iye tewaakoleibwe kintu ne kimu ekyakoleibwe.
\v 4 Obulamu bwabbaire mu niiye; obulamu ne bubba omusana gw'abantu.
\v 5 Omusana ne gwaka mu ndikirirya, so endikirirya teyagutegeire.
\v 6 Wabonekere omuntu, Katonda, gwe yatumire, eriina lye Yokaana.
\v 7 Oyo yaizire olw'okutegeeza ategeeze eby'omusana, bonnabona abaikirirye ku bubwe.
\v 8 Oyo ti niiye musana, wabula okutegeeza eby'omusana.
\v 9 Wabbairewo omusana ogw'amazima ogwakira buli muntu, nga gwiza mu nsi.
\v 10 Yabbaire mu nsi, ensi yakoleibwe ku bubwe, era ensi teyamutegeire.
\v 11 Yaizire mu matwale ge, naye ababbaire mu matwale ge tebaamusembezerye.
\v 12 Naye bonabona abaamusembezerye yabawaire obuyinza okufuuka abaana ba Katonda, niibo abaikirirye eriina lye:
\v 13 abataazaaliibwe musaayi, waire okutaka kw'omubiri, waire okutaka kw'omuntu, naye abaazaaliibwe Katonda.
\v 14 Kigambo n'afuuka omubiri, n'abaaku gye tuli (ne tubona ekitiibwa kye, ekitiibwa ng'eky'oyo eyazaalibwe omumu yenka Itawaisu), ng'aizwire ekisa n'amazima.
\v 15 Yokaana n'amutegeeza n'atumulira waigulu ng'atumula nti Oyo niiye gwenakobere nti Aiza enyuma wange ansinga nze: kubanga niiye yabbaire ow'olubereberye ku nze.
\v 16 Kubanga ku kwizula kwe ife fenafena kwe twaweweibwe, n'ekisa mu kifo ky'ekisa.
\v 17 Kubanga amateeka gaaweweibwe ku bwa Musa; ekisa n'amazima byabbairewo ku bwa Yesu Kristo.
\v 18 Wabula eyabbaire aboine ku Katonda wonawona; Omwana eyazaaliirwe omumu yenka, aba mu kifubba kya Itawaisu, oyo yamutegezerye.
\p
\v 19 Kuno niikwo kutegeeza kwa Yokaana, Abayudaaya abaaviire e Yerusaalemi bwe bamutumiire bakabona n'Abaleevi okumubuulya nti niiwe ani?
\v 20 N'ayatula, n'ateegaana; n'ayatula nti Ti ninze Kristo.
\v 21 Ne bamubuulya nti Kale iwe oli yani? Oli Eriya? N'akoba nti Ti ninze iye. Niiwe nabbi odi? N'airamu nti Bbe.
\v 22 Awo ne bamukoba nti oli yani? Tubairemu abatutumire. Weeyeta yani?
\v 23 N'akoba nti Nze ndi idoboozi ly'omuntu ayatumuliire waigulu mu idungu nti Muluŋamye oluguudo lwa Mukama, nga nabbi Isaaya bwe yatumwire.
\v 24 Abaatumiibwe babbaire bo mu Bafalisaayo.
\v 25 Ne bamubuulya, ne bamukoba nti Oba iwe toli Kristo, oba Eriya, oba nabbi oli, kale kiki ekikubatizisia?
\v 26 Yokaana n'abairamu, ng'akoba nti Nze mbatiza n'amaizi: wakati mu imwe ayemereire omuntu gwe mutamaite,
\v 27 aiza enyuma wange, so nzena tinsaanira kusumulula lukoba lwe ngaito ye.
\v 28 Ebyo byakoleirwe Besaniya, eitale wa Yoludaani, Yokaana gye yabatiziranga.
\v 29 Olunaku olw'okubiri n'abona Yesu ng'aiza gy'ali, n'akoba nti Bona, Omwana gw'entama gwa Katonda, atoolawo ebibbiibi by'ensi!
\v 30 Oyo gwe nabakobere nti Enyuma wange eizayo omuntu ansinga: kubanga iye yabbaire w'oluberyeberye ku nze.
\v 31 Nzeena tinamumaite: naye ayoleseibwe Isiraeri, kyenaviire ngiza nga mbatiza n'amaizi.
\v 32 Yokaana n'ategeeza ng'akoba nti Naboine Omwoyo ng'ava mu igulu ng'eiyemba; n'abba ku iye.
\v 33 Nzena tinamumanyire: naye eyantumire okubatiza n'amaizi, niiye yankobere nti Gw'olibona Omwoyo ng'aika ng'abba ku iye, oyo niiye abatiza n'Omwoyo Omutukuvu.
\v 34 Nzeena ne mbona, ne ntegeeza nti oyo niiye Omwana wa Katonda.
\p
\v 35 Olunaku olwaiririire ate Yokaana yabbaire ayemerire n'ab'oku bayigirizwa be babiri;
\v 36 n'alingirira Yesu ng'atambula, n'akoba nti Bona, Omwana gw'entama gwa Katonda!
\v 37 Abayigirizwa abo ababiri ne bawulira ng'atumula, ne basengererya Yesu.
\v 38 Yesu n'akyuka n'ababona nga bamusengererya, n'abakoba nti Musagira ki? Ne bamukoba nti Labbi (amakulu gaakyo bwe kitegeezebwa nti Omwegeresya), ogona waina?
\v 39 N'abakoba nti Mwize, mwabonayo. Ne baiza ne babona w'agona; ne bagona ewuwe olunaku olwo: obwire bwabbaire nga saawa ye ikumi.
\v 40 Andereya, mugande wa Simooni Peetero, niiye omumu ku babbaire ababiri abawuliire Yokaana ng'atumula, ne bamusengererya.
\v 41 Iye n'asooka okubona mugande Simooni, n'amukoba nti Tuboine Kristo, amakulu gaakyo bwe kitegeezebwa nti Eyafukibwaku amafuta.
\v 42 N'amuleeta eri Yesu. Yesu n'amulingirira, n'akoba nti Niiwe Simooni omwana wa Yokaana: wayetebwanga Keefa, (amakulu gaalyo bwe litegeezebwa nti Peetero).
\p
\v 43 Olunaku olwairireku yatakire okuvaayo okwaba e Galiraaya, n'abona Firipo: Yesu n'amukoba nti Nsengererya.
\v 44 Naye Firipo yabbaire w'e Besusayida, mu kibuga kya Andereya no Peetero.
\v 45 Firipo n'abona Nasanayiri n'amukoba nti Tuboine oyo Musa gwe yawandiikire mu mateeka na banabbi, Yesu, omwana wa Yusufu, ow'e Nazaaleesi.
\v 46 Nasanayiri n'amukoba nti Mu Nazaaleesi musobola okuvaamu ekintu ekisa? Firipo n'amukoba nti Iza obone.
\v 47 Yesu n'abona Nasanayiri ng'aiza gy'ali, n'amutumulaku nti Bona Omuisiraeri dala, abulamu bukuusa!
\v 48 Nasanayiri n'amukoba nti Wantegeereire waina? Yesu n'airamu n'amukoba nti Firipo bw'abaire akaali kukweta, bw'obabaire mu mutiini, ne nkubona.
\v 49 Nassanayiri n'amwiramu nti Labbi, niiwe Mwana wa Katonda: niiwe Kabaka wa Isiraeri.
\v 50 Yesu n'airamu n'amukoba nti Kubanga nkukobere nti nkuboine mu mutiini oikirirye? Olibona ebikulu okusinga ebyo.
\v 51 N'amukoba nti Dala dala mbakoba nti Mulibona eigulu nga libikukire, na bamalayika ba Katonda nga baniina era nga baikira ku Mwana w'omuntu.
\c 2
\cl Ensuula 2
\p
\v 1 Olunaku olw'okusatu, ne wabba embaga ey'obugole mu Kaana eky'e Galiraaya; ne maye wa Yesu yabbairewo;
\v 2 Yesu ne bamweta n'abayigirizwa be ku mbaga.
\v 3 Naye omwenge bwe gwagwaweirwo, maye wa Yesu n'amukoba nti Babula nvinyu.
\v 4 Yesu n'amukoba nti Omukali, Onvunaana ki? Ekiseera kyange kikaali kutuuka.
\v 5 Maya n'akoba abaweereza nti Kyeyabakoba kyonakyona, kye mubbe mukole.
\v 6 Waaliwo amasuwa ag'amabbale mukaaga, agaateekeibwewo olw'empisa ey'okutukiiza kw'Abayudaaya, buli limu nga livaamu ensuwa nga ibiri oba isatu.
\v 7 Yesu n'abakoba nti Amasuwa mugaizulye amaizi. Ne bagaizulya okutuusia ku migo.
\v 8 N'abakoba nti Musene atyanu, mutwalire omugabuli w'embaga. Ne bamutwalira.
\v 9 Awo omugabuli w'embaga bwe yalegere ku maizi agafuukire envinyu, n'atamanya gy'eviire (naye abaweereza abaasena amaizi baamanyire), omugabuli w'embaga n'ayeta akweire omugole,
\v 10 n'amugamba nti Buli muntu asooka kuteekawo nvinyu nsa; naye abantu bwe baikuta, kaisi n'ateekawo embbiibi: naye iwe ogisire ensa okutuusia atyanu.
\v 11 Kano niiko kabonero Yesu ke yasookeiraku okukola mu Kaana eky'e Galiraaya, n'abonesia ekitiibwa kye; abayigirizwa be ne bamwikirirya.
\v 12 Awo oluvanyuma lw'ekyo n'aserengeta e Kaperunawumu, iye no maye na bagande be n'abayigirizwa be: ne bamalayo enaku ti nyingi.
\p
\v 13 Okubitaku okw'Abayudaaya kwabbaire kuli kumpi okutuuka, Yesu n'ayambuka e Yelusaalemi.
\v 14 N'asanga mu yeekaalu abatunda ente n'entama n'amayemba, n'abawaanyisa efeeza nga batyaime:
\v 15 n'afuula emiguwa olukoba, n'ababbinga bonabona mu yeekaalu, n'entama n'ente; n'ayiwa efeeza egy'abawaanyisa efeeza, n'afuundika embaawo gyaabwe;
\v 16 n'akoba ababbaire batunda amayemba nti Mutoolewo ebintu bino: mulee kufuula nyumba ya Itawange nyumba ya buguli.
\v 17 Abayigirizwa be ne baijukira nga kyawandiikiibwe nti eiyali bw'enyumba yo bulindya.
\v 18 Awo Abayudaaya ne bairamu ne bamukoba nti Kabonero ki k'otwolesia akakukozesia bino?
\v 19 Yesu n'airamu n'abakoba nti Mumenye yeekaalu eno, nzeena ndigizimbira enaku isatu.
\v 20 Awo Abayudaaya ne batumula nti Yeekaalu eno yazimbiurwe emyaka ana mu mukaaga, naawe oligizimbira enaku isatu?
\v 21 Naye yatumwire ku yeekaalu ya mubiri gwe.
\v 22 Awo bwe yazuukiziibwe mu bafu, abayigirizwa be ne baijukira nti yatumwire ekyo; ne bakikirirya ebyawandiikibwa, n'ekigambo Yesu kye yayatumwire.
\p
\v 23 Awo bwe yabbaire mu Yerusaalemi ku Kubitaku, ku mbaga, bangi ne baikirirya eriina lye, bwe baboine obubonero bwe bwe yakolere.
\v 24 Naye Yesu n'atabeeyabiziamu kubanga yategeire bonabona,
\v 25 era teyeetaagire muntu yenayena okutegeeza eby'abantu; kubanga iye mwene yategeire ebyabbaire mu bantu.
\c 3
\cl Ensuula 3
\p
\v 1 Awo wabbairewo omuntu ow'omu Bafalisaayo, eriina lye Nikoodemu, mwami mu Bayudaaya:
\v 2 oyo n'aiza gy'ali obwire, n'amukoba nti Labbi, tumaite nti oli mwegeresya eyaviire eri Katonda: kubanga wabula muntu ayinza okukola obubonero buno bw'okola iwe, wabula Katonda ng'ali naye.
\v 3 Yesu n'airamu n'amukoba nti Dala dala nkukoba nti Omuntu bw'atazaalibwa mulundi gwo kubiri tasobola kubona bwakabaka bwa Katonda.
\v 4 Nikoodemu n'amugamba nti Omuntu asobola atya okuzaalibwa bw'abba nga mukaire? Asobola okuyingira mu kida kya maye omulundi ogw'okubiri, n'azaalibwa?
\v 5 Yesu n'airamu nti Dala dala nkukoba nti omuntu bw'atazaalibwa maizi no Mwoyo, tasobola kuyingira mu bwakabaka bwa Katonda.
\v 6 Ekizaalibwa omubiri kibba mubiri; n'ekizaalibwa Omwoyo kiba mwoyo.
\v 7 Teweewuunya kubanga nkukobere nti Kibagwanira okuzaalibwa omulundi ogw'okubiri.
\v 8 Empewo ekuntira gy'etaka, n'owulira okuwuuma kw'ayo, naye tomaite gy'eva, waire gy'eyaba: atyo bw'abba buli muntu yenayena azaalibwa Omwoyo.
\v 9 Nikoodemu n'airamu n'amukoba nti Ebyo bisoboka bitya okubbawo?
\v 10 Yesu n'airamu n'amukoba nti Iwe omwegeresya wa Isiraeri, n'ototegeera ebyo?
\v 11 Dala dala nkukoba nti Tutumula kye tumaite, tutegeeza kye twaboine; so temwikirirya kutegeeza kwaisu.
\v 12 Bwe mbakobeire eby'ensi, ne mutaikirirya, mulikirirya mutya bwe naabakobera eby'omu gulu?
\v 13 Wabula muntu eyabbaire aniniire mu gulu, wabula eyaviire mu igulu, niiye Mwana w'omuntu ali mu igulu.
\v 14 Nga Musa bwe yawanikire omusota mu idungu, kityo n'Omwana w'omuntu kimugwanira okuwanikibwa:
\v 15 buli muntu yenayena amwikirirya abbe n'obulamu obutawaawo mu iye.
\p
\v 16 Kubanga Katonda bwe yayatakire, ensi ati, n'okuwaayo n'awaayo Omwana we eyazaaliibwe omumu yenka buli muntu yenayena amwikirirya aleke okugota, naye abbe n'obulamu obutawaawo.
\v 17 Kubanga Katonda teyatumire Mwana we mu nsi, okusalira ensi omusango; naye ensi erokokere ku iye.
\v 18 Amwikirirya tegumusinga: atamwikiriry gumalire okumusinga, kubanga taikrirye liina lyo Mwana eyazaaliibwe omumu yenka owa Katonda.
\v 19 Guno niigwo musango kubanga omusana gwizire mu nsi, abantu ne bataka endikirirya okusinga omusana; kubanga ebikolwa byabwe byabbaire bibbiibi.
\v 20 Kubanga buli muntu yenayena akola ebitasaana akyawa omusana, so taiza eri omusana, ebikolwa bye bireke okunenyezebwa.
\v 21 Naye akola amazima aiza eri omusana ebikolwa bye biboneke nga byakoleiwe mu Katonda.
\p
\v 22 Oluvanyuma lw'ebyo Yesu n'aiza n'abayigirizwa be mu nsi y'e Buyudaaya; n'alwayo nabo, n'abatiza.
\v 23 Naye Yokaana yabbaire ng'abatiriza mu Enoni okumpi n'e Salimu, kubanga niiyo eri amaizi amaangi: ne baizanga, na babatizibwanga.
\v 24 Kubanga Yokaana yabbaire nga akaali kutekebwa mu ikomera.
\v 25 Abayigirizwa ba Yokaana n'Omuyudaaya ne babba n'empaka, mu bigambo eby'okutukuzia.
\v 26 Ne baiza eri Yokaana, ne bamukoba nti Labbi, odi eyabbaire naiwe emitala wa Yoludaani, gwe wategeezerye, bona, oyo abatiza; n'abantu bonabona baiza gy'ali.
\v 27 Yokaana n'airamu n'akoba nti Omuntu tasobola kuganya kigambo kyonakyona wabula ng'akomoleibwe okuva mu igulu.
\v 28 Imwe beene muli bajulirwa bange nga natumwire nti Yi ninze Kristo, naye nga natumiibwe kumutangira.
\v 29 Alina omugole niiye akwa: naye omukwano gw'oyo akwa, ayemerera ng'amuwulira, asanyukira inu eidoboozi ly'oyo akwa: kale eisanyu lyange eryo lituukiriire.
\v 30 Iye kimugwanira okukula, naye nze okutoowala.
\p
\v 31 Ava mu igulu niiye afuga byonabyona; ow'omu nsi abba wo mu nsi, atumula byo mu nsi: ava mu igulu niiye afuga byonabyona.
\v 32 Kye yaboine era kye yawuliire ky'ategeeza; so wabula muntu aikirirya kutegeezia kwe.
\v 33 Aikirirya okuntegeezia kwe, ng'atekereku akabonero ke nti Katonda wa mazima.
\v 34 Kubanga Katonda gwe yatumire atumula bigambo bya Katonda: kubanga, bw'agaba Omwoyo, tamupima.
\v 35 Itawaisu ataka Omwana, era yamuwaire byonabyona mu mukono gwe.
\v 36 Aikirirya Omwana alina obulamu obutawaawo; naye ataikirirya Mwana, talibona obulamu, naye obusungu bwa Katonda bubba ku iye.
\c 4
\cl Ensuula 4
\p
\v 1 Awo Mukama waisu bwe yategeire nga Abafalisaayo bawuliire nti Yesu ayegeresya era nti abatiza bangi okusinga Yokaana,
\v 2 (naye Yesu mwene teyabatizire, wabula abayigirizwa be),
\v 3 n'ava mu Buyudaaya, n'ayaba e Galiraaya ate.
\v 4 Era kyamugwaniire okubita mu Samaliya.
\v 5 Awo n'atuuka mu kibuga eky'e Samaliya, kye beeta Sukali, ekiriraine olusuku Yakobo lwe yawaire omwana we Yusufu:
\v 6 era mwabbairemu ensulo ya Yakobo. Awo Yesu yabbaire akoowere olugendo, n'amala gatyamiraawo ku nsulo, obwire nga saawa mukaaga.
\v 7 Omukali Omusamaliya n'aiza okusena amaizi: Yesu n'amukoba nti Mpa nywe.
\v 8 Kubanga abayigirizwa be babbaire baabire mu kibuga okugula emere.
\v 9 Awo Omukali Omusamaliya n'amukoba nti Iwe Omuyudaaya, kiki ekikusabya okunywa eri nze Omukali Omusamaliya? (Kubanga Abayudaaya nga tebatabagana na Basamaliya.)
\v 10 Yesu n'airamu n'amukoba nti Singa obbbaire omaite ekirabo kya Katonda n'oyo akukoba nti Mpa nywe bw'ali, iwe wandimusabire, yeena yandikuwaire amaizi amalamu.
\v 11 Omukali n'amukoba nti Sebo, obula kyo kusenesya, n'ensilo mpanvu: kale otola wa amaizi ago amalamu?
\v 12 Iwe oli mukulu okusinga zeiza waisu Yakobo, eyatuwaire ensulo eno, eyanywangamu iye n'abaana be n'ensolo gye?
\v 13 Yesu n'airamu n'amukoba nti Buli muntu yenayena anywa amaizi gano enyonta erimuluma ate:
\v 14 naye anywa amaizi ago nze ge ndimuwa enyonta terimulumira dala emirembe gyonagyona; naye amaizi ge ndimuwa gafuukanga mukati mu iye ensulo y'amaizi nga gakulukuta okutuuka ku bulamu obutawaawo.
\v 15 Omukali n'amukoba nti Sebo, mpa amaizi ago, enyonta ereke okunumanga, n'okukoma nkome okutambula olugendo luno lwonalwona okusenanga.
\v 16 Yesu n'amukoba nti Yaba oyete ibaawo, oire wano.
\v 17 Omukali n'airamu n'amukoba nti Mbula ibawaange. Yesu n'amukoba nti Otumwire kusa nti Mbula ibawaange;
\v 18 kubanga wabbaire n'abaibaawo bataanu, naye gw'olinaye atyanu ti ibaawo: ekyo ky'otumwire mazima.
\v 19 Omukali n'amukoba nti Sebo, mbona nti oli nabbi.
\v 20 Bazeiza baisu baasinzizianga ku lusozi luno; mwena mukoba nti Yerusaalemi niikyo ekifo ekigwana okusinziziangamu.
\v 21 Yesu n'amukoba nti Omukyala, ngikirirya, ekiseera kiiza kye batalisinziziangamu Itawaisu ku lusozi luno waire mu Yerusaalemi.
\v 22 Imwe musinza kye mutamaite; ife tusinza kye tumaite; kubanga obulokozi buva mu Buyudaaya.
\v 23 Naye ekiseera kiiza, era kituukire, abasinza amazima lwe bamusinzizanga Itawaisu mu mwoyo n'amazima: kubanga Itawaisu asagira abali ng'abo okubba ab'okumusinzanga.
\v 24 Katonda niigwo Mwoyo: n'abo abamusinza kibagwanira okusinzizanga mu mwoyo n'amazima.
\v 25 Omukali n'amukoba nti Maite nga Kristo aiza (gwe beeta Eyafukiibweku amafuta): iye bw'aliiza alitukobera ebigambo byonabyona.
\v 26 Yesu n'amukoba nti Ninze ono atumula naiwe.
\p
\v 27 Amangu ago abayigirizwa be ne baiza; ne beewuunya kubanga abbaire atumula n'omukali: naye wabula muntu eyakobere nti Osagira ki? Oba nti Kiki ekikutumulya naye?
\v 28 Awo Omukali n'aleka ensuwa ye, n'ayaba mu kibuga, n'abuulira abantu nti
\v 29 Mwizee mubone omuntu ankobere bye nakolanga byonabyona: ayinza okuba nga niiye Kristo?
\v 30 Ne baviire mu kibuga, ne baiza gy'ali.
\v 31 Mu kiseera ekyo abayigirizwa babbaire nga bamwegayirira nga bakoba nti Labbi, lya.
\v 32 Naye n'abakoba nti Nina ekyokulya kye ndya kye mutamaite.
\v 33 Awo abayigirizwa ne batumula bonka na bonka nti Waliwo omuntu amuleeteire ekyokulya?
\v 34 Yesu n'abakoba nti Ekyokulya kyange, niikwo kukolanga eyantumire by'ataka n'okutuukirirya omulimu gwe.
\v 35 Imwe temutumula nti Esigaireyo emyezi ina okukungula kaisi kutuuke? Bona, mbakoba nti Muyimusie amaiso mubone enimiro nga gimaze okutukula okukungulibwa.
\v 36 Akungula aweebwa empeera, n'akuŋaanya ebibala olw'obulamu obutawaawo; asiga n'akungula basanyukire wamu.
\v 37 Kubanga ekigambo kino bwe kiri kityo eky'amazima nti Asiga gondi, n'akungula gondi.
\v 38 Nze nabatumire okukungula kye mutaatengejeire: abandi baakolere emirimu, mweena muyingire emirimu gyabwe.
\p
\v 39 Ab'omu kibuga omwo Abasamaliya bangi ku ibo abaamwikiriirye olw'ekigambo ky'omukali, eyategeezerye nti Ankombere bye nakolanga byonabyona.
\v 40 Awo Abasamaliya bwe baatuukire w'ali ne bamwegayirira abbe nabo: n'agonayo enaku ibiri.
\v 41 Bangi inu ne beeyongera okwikirirya olw'ekigambo kye,
\v 42 ne bakoba omukali nti Atyanu twikiriirye, ti lwo kutumula kwo kwonka: kubanga twewuliriire fenka, n'okutegeera tutegeire nga mazima ono niiye Mulokozi w'ensi.
\p
\v 43 Enaku egyo eibiri bwe gyabitirewo, n'avaayo n'ayaba e Galiraaya.
\v 44 Kubanga Yesu mwene yategeezere nti Nabbi mu nsi y'ewaabwe tebamuteekamu kitiibwa.
\v 45 Awo bwe yatuukire e Galiraaya, Abagaliraaya ne bamusemberya, bwe baboine byonabyona bye yakoleire e Yerusaalemi ku mbaga: kubanga boona baabire ku mbaga.
\p
\v 46 Awo n'aiza ate ku Kaana eky'e Galiraaya, mwe yafuuliire amaizi envinyu. Era yabbaireyo omukungu wa kabaka, eyabbaire omwana we omulenzi yabbaire alwaire mu Kaperunawumu.
\v 47 Oyo bwe yawulire nti Yesu aviire e Buyudaaya ng'atuukire e Galiraaya, n'aiza gy'ali, n'amwegayirira aserengete awonye omwana we; kubanga yabbaire ng'ayaba kufa.
\v 48 Awo Yesu n'amukoba nti Bwe mutalibona bubonero n'eby'amagero temulikirirya n'akatono.
\v 49 Omukungu n'amukoba nti Sebo, serengeta akaana kange nga kakaali kufa.
\v 50 Yesu n'amukoba nti Yaba; omwana wo mulamu. Omuntu oyo n'aikirirya ekigambo Yesu ky'amukobere, n'ayaba.
\v 51 Bwe yabbaire ng'akaali aserengeta, abaidu be ne bamusisinkana ne batumula nti omwana we mulamu.
\v 52 Awo n'ababuulirirya esaawa mwe yaisuukire. Awo ne bamukoba nti Izo obwire nga saawa yo musanvu omusuuja ne gumuwonako.
\v 53 Awo Itaaye n'ategeera nti mu saawa eyo Yesu mwe yamukobeire nti Omwana wo mulamu: iye n'aikirirya n'enyumba ye yonayona.
\v 54 Kano niiko kabonero ak'okubiri ate Yesu ke yakolere bwe yaviire e Buyudaaya okwiza e Galiraaya.
\c 5
\cl Ensuula 5
\p
\v 1 Oluvanyuma lw'ebyo ne wabba embaga y'Abayudaaya; Yesu n'ayambuka ku Yerusaalemi.
\v 2 Naye mu Yerusaalemi awali omulyango gw'entama wabbairewo ekidiba, kye beetta mu Lwebbulaniya Besesuda, nga kiriku ebigangu bitaano.
\v 3 Mu ebyo mwagalamirangamu ekibiina ky'abalwaire, abaduka b'amaiso, abaleme, abakoozimbire, nga balindirira amaizi okubbimba:
\v 4 kubanga malayika yaikanga mu kidiba mu biseera ebimu n'abbimbisia amaizi: oyo eyasookanga okwabamu, ng'amaizi gamalire okubbimba, yawonanga obulwaire bwe bwe yabbanga nabwo.
\v 5 Ne wabbaawo omuntu eyabbaire n'endwaire nga yaakamala emyaka asatu mu munaana.
\v 6 Yesu bwe yaboine oyo ng'agalamire, n'ategeera nga yaakamala enaku nyingi, n'amukoba nti Otaka okubba omulamu?
\v 7 Omulwaire n'amwiramu nti Sebo, mbula muntu ansuula mu kidiba amaizi we geeserera: nze we ngizira, ogondi ng'ansookere okwikamu.
\v 8 Yesu n'amukoba nti Golokoka, weetike ekitanda kyo, otambule.
\v 9 Amangu ago omuntu n'abba mulamu ne yeetika ekitanda kye, n'atambula. Naye olunaku olwo lwabbaire lwa sabbiiti.
\v 10 Awo Abayudaaya ne bamukoba oyo awonyezeibwe nti atyanu sabbiiti, muzizo we okwetika ekitanda kyo.
\v 11 Naye n'abairamu nti Odi amponyerye niiye ankobere nti Weetikke ekitanda kyo otambule.
\v 12 Ne bamubuulya nti Omuntu oyo niiye ani eyakukobere nti Weetike otambule?
\v 13 Naye eyawonere nga tamaite bw'ali: kubanga Yesu yabbaire amalire okwaba, abantu ababbaire mu kifo kidi nga bangi.
\v 14 Oluvanyuma lw'ebyo Yesu n'amubona mu yeekaalu, n'amukoba nti Bona, oli mulamu: toyonoonanga ate, ekigambo ekisinga obubbiibi kiree okukubbaaku.
\v 15 Omuntu oyo n'ayaba n'abuulira Abayudaaya nti Yesu niiye yamponyerye.
\v 16 Awo Abayudaaya kyebaviire bayiganya Yesu kubanga yakoleire ebyo ku sabbiiti.
\v 17 Naye Yesu n'abairamu nti Itawange akola okutuusia atyanu, nzena nkola.
\v 18 Awo Abayudaaya kyebaviire beeyongera okusala amagezi okumwita kubanga tasoberye sabbiiti yonka, era naye yayetere Katonda Itaaye iye, nga yeefuula eyekankana no Katonda.
\p
\v 19 Awo Yesu n'airamu n'abakoba nti Dala dala mbakoba nti Omwana tasobola yenka kukola kintu, bw'atabonera ku Itaaye ng'akola: kubanga iye by'akola byonabyona, n'Omwana by'akola atyo.
\v 20 Kubanga Itawange ataka Omwana, amulaga byonabyona by'akola mwene; era alimulaga emirimu eminene egisinga egyo imwe mwewuunye.
\v 21 Kubanga Itawange bw'azuukizia abafu n'abawa obulamu, atyo n'Omwana abawa obulamu bonnabona b'ataka okuwa.
\v 22 Kubanga Itawange n'okusala tasalira muntu musango, naye yawaire Omwana okusala omusango gwonagwona;
\v 23 bonnabona bateekengamu Omwana ekitiibwa, nga bwe bateekamu Itawange ekitiibwa. Atatekamu Mwana kitiibwa, nga tateekaamu kitiibwa Itaaye eyamutumire.
\v 24 Ddlala dala mbakoba nti Awulira ekigambo kyange, n'aikirirya oyo eyantumire, alina obulamu obutawaawo, so taliiza mu musango, naye ng'aviire mu kufa okutuuka mu bulamu.
\v 25 Dala dala mbakoba nti Ekiseera kiiza era kiriwo atyanu abafu lwe baliwulira eidoboozi ly'Omwana wa Katoada, boona abaliwulira balibba balamu.
\v 26 Kubanga Itawange bw'alina obulamu mu iye, atyo bwe yawaire Omwana okubba n'obulamu mu iye;
\v 27 era yamuwaire obuyinza okusala omusango, kubanga niiye omwana w'omuntu.
\v 28 Temwewuunya ekyo: kubanga ekiseera kiza bonnabona abali mu ntaana lwe baliwulira eidoboozi lye,
\v 29 ne bavaamu; abo abaakolanga ebisa balizuukirira obulamu; n'abo abaakolanga ebitasaana balizuukirira omusango.
\p
\v 30 Nze tinsobola kukola kintu ku bwange: nga bwe mpulira, bwe nsala: n'omusango gwe nsala gwe nsonga; kubanga tinsagira bye ntaka nze, wabula eyantumire by'ataka.
\v 31 Bwe neetegeeza ebyange nze, okutegeeza kwange ti kwa mazima.
\v 32 Waliwo ogondi ategeeza ebyange; nzena maite nti ebyange by'ategeeza bya mazima.
\v 33 Imwe mwatumiire Yokaana yeen n'ategeeza amazima.
\v 34 Naye okutegeeza kw'omuntu tikwiririrya nze: naye ntumula ebyo imwe mulokoke.
\v 35 Oyo yabbaire tabaaza eyaka, emasamasa, mweena mwatakire ekiseera kitono okusanyukira okutangaala kwe.
\v 36 Naye okutegeeza kwe nina niikwo kukulu okusinga okwa Yokaana: kubanga emirimu Itawange gye yampaire okutuukirirya, emirimu gyeene gye nkola, niigyo egitegeeza ebyange nga Itawange niiye yantumire.
\v 37 Era Itawange eyantumire oyo niiye yategeezerye ebyange. Temwawuliire eidoboozi lye n'akatono, waire okubona ekifaananyi kye.
\v 38 So mubula kigambo kye nga kibba mu imwe: kubanga oyo gwe yatumiire temumukirirya.
\v 39 Munsagira mu byawandiikiibwe, kubanga imwe mulowooza nti mu ibyo mulina obulamu obutawaawo; n'ebyo niibyo ebitegeeza ebyange;
\v 40 era temwagala kwiza gye ndi okubba n'obulamu.
\v 41 Timpeebwa bantu kitiibwa.
\v 42 Naye mbategeire imwe ng'okutaka kwa Katonda kubabulamu.
\v 43 Nze naizire mu liina lya Itawange, naye temwansembezerye; ogondi bw'aliiza mu liina lye ku bubwe mulimusembezia.
\v 44 Imwe musobola mutya okwikirirya bwe mutaka okuweebwa ekitiibwa mwenka na mwenka ne mutasagira kitiibwa ekiva eri Katonda ali omumu yenka?
\v 45 Temulowooza nti nze ndibaloopa eri Itawange: gyali abaloopa, niiye Musa gwe musuubira.
\v 46 Kuba singa mwikirirye Musa, nzena mwandijikirirye; kubanga yampandiikaku nze.
\v 47 Naye bwe mutaikirirye oyo bye yawandikire, mulikirirya mutya ebigambo byange?
\c 6
\cl Ensuula 6
\p
\v 1 Oluvanyuma lw'ebyo Yesu n'ayaba emitala w'enyanza ey'e Galiraaya ey'e Tiberiya.
\v 2 Ekibiina ekinene ne kimusengererya kubanga bataka obubonero bwe yakolere ku balwaire.
\v 3 Yesu n'aniina ku lusozi n'atyama eyo n'abayigirizwa be.
\v 4 N'Okubitaku, embaga y'Abayudaaya, kwabbaire kuli kumpi okutuuka.
\v 5 Awo Yesu n'ayimusia amaiso, n'abona ekibiina ekinene nga kiiza gy'ali, n'akoba Firipo nti Twagula waina emere, bano gye baalya?
\v 6 Yatumwire atyo kumukema, ng'amaite yenka ky'ayaba okukola.
\v 7 Firipo n'amwiramu nti Emere egulibwa dinaali ebibiri teebabune, buli muntu okulyaku akatono.
\v 8 Ogondi ku bayigirizwa be, niiye Andereya mugande wa Simooni Peetero, n'amukoba nti
\v 9 Waliwo omulenzi wano alina emigaati itaano egya sayiri n'ebyenyanza bibiri; naye bino byabagasa ki abenkanire awo obungi?
\v 10 Yesu n'akoba nti Mutyamisye abantu. Era wabbairewo omwido mungi mu kifo ekyo. Awo abasaiza ne batyama, omuwendo ng'enkumi itaano.
\v 11 Awo Yesu n'atoola emigaati; ne yeebalya; n'agabira badi abatyaime; n'ebyenyanza atyo nga bwe batakire.
\v 12 Bwe baikutire n'akoba abayigirizwa be nti Mukuŋaanye obukunkumuka obusigairewo, waleke okubula ekintu.
\v 13 Awo ne babukuŋaanya ne baizulya ebiibo ikumi na bibiri n'obukunkumuka obw'emigaati etaano egya sayiri, badi abaliire bwe baalemerwe.
\v 14 Awo abantu bwe baboine akabonero ke yakolere, ne bakoba nti Mazima ono niiye nabbi oyo aiza mu nsi.
\v 15 Awo Yesu bwe yategeire nga baaba okwiza okumukwata, bamufuule kabaka, n'airayo ate ku lusozi yenka.
\p
\v 16 Naye obwire bwe bwawungeire, abayigirizwa be ne baserengeta ku nyanza;
\v 17 ne basaabala mu lyato, babbaire bawunguka enyanza okwaba e Kaperunawumu. N'obwire bwabbaire buzibire nga no Yesu akaali kutuuka gye bali.
\v 18 Enyanza n'esiikuuka, omuyaga mungi nga gukunta.
\v 19 Awo bwe baamalire okuvuga esutadyo abiri mu taanu, oba asatu, ne babona Yesu ng'atambulira ku nyanza, ng'asemberera eryato; ne batya.
\v 20 Naye n'abakoba nti Niize ono, temutya.
\v 21 Awo ne baikirirya okumuyingirya mu lyato; amangu ago eryato ne ligoba ku itale gye babbaire baaba.
\p
\v 22 Olunaku olw'okubiri, ekibiina ekyabbaire kyemereire eitale w'enyanza bwe baboine nga ebulayo lyato kindi, wabula erimu, era nga no Yesu tasaabaire wamu mu lyato n'abayigirizwa be, naye abayigirizwa be nga baaba bonka,
\v 23 (naye amaato gaava e Tiberiya nga gagoba kumpi ne gye baaliirire emigaati Mukama waisu bwe yamalire okwebalya):
\v 24 awo ekibiina bwe baboine nga Yesu abulayo, waire abayigirizwa be, ibo beene ne basaabala mu maato gadi ne baiza e Kaperunawumu, nga basagira Yesu.
\v 25 Bwe baamuboneire emitala w'enyanza ne bamukoba nti Labbi, oizire di wano?
\v 26 Yesu n'abairamu n'akoba nti Ddla dala mbakoba nti Munsagira ti kubanga mwaboine obubonero naye kubanga mwaliire ku migaati ne mwikuta.
\v 27 Temukolerera kyokulya ekiwaawo, naye ekyokulya ekirwawo okutuuka ku bulamu obutawaawo, Omwana w'omuntu ky'alibawa: kubanga Itawaisu niiye Katonda amutekereku oyo akabonero.
\v 28 Awo ne bamukoba nti Tukole tutya okukola emirimu gya Katonda?
\v 29 Yesu n'airamu n'abakoba nti Guno niigwo mulimu gwa Katonda, okwikirirya oyo gwe yatumire.
\v 30 Awo ne bamukoba nti Kale kabonero ki iwe k'okola, tubone, twikirirye? Okola mulimu ki?
\v 31 Bazeiza baisu baliiranga emaanu mu idungu; nga bwe kyawandiikiibwe nti Yabawaire emere okulya eyaviire mu igulu.
\v 32 Awo Yesu n'abakoba nti Dala dala mbakoba nti Musa ti niiye yabawaire emere eyaviire mu igulu; naye Itange niiye yabawaire emere ey'amazima eva mu igulu.
\v 33 Kubanga emere ya Katonda niiye eyo eva mu igulu ereetera ensi obulamu.
\v 34 Awo ne bamugamba nti Mukama waisu, tuwenga bulijjo emmere eyo.
\v 35 Yesu n'abakoba nti Ninze mere ey'obulamu: aiza gye ndi enjala terimuluma, anjikirirya enyonta terimuluma n'akatono.
\v 36 Naye n'abakoba nti mumboine, era temwikirirya.
\v 37 Buli Itawange gw'ampaire, aliiza gye ndi: ayaizire gye ndi tundimubbingira wanza n'akatono.
\v 38 Kubanga ti naviire mu igulu kukola kye ntaka nze, wabula odi eyantumire ky'ataka.
\v 39 Eyantumire ky'ataka kino mu bonnabona be yampaire aleke okungota n'omumu naye muzuukirirye ku lunaku olw'enkomerero.
\v 40 Kubanga Itawange ky'ataka kye kino buli muntu yenayena abona Omwana n'amwikikirirya abbe n'obulamu obutawaawo; nzeena ndimuzuukirirya ku lunaku olw'enkomerero.
\p
\v 41 Awo Abayudaaya ne bamwemulugunyira kubanga yakobere nti Niize mere eyaviire mu igulu.
\v 42 Ne bakoba nti Ono ti niiye Yesu omwana wa Yusufu, gwe tumaiteku Itaaye no maye? Atyanu akoba atya nti Naviire mu igulu?
\v 43 Yesu n'airamu n'abakoba nti Temwemulugunya mwenka na mwenka.
\v 44 Wabula asobola kwiza gye ndi Itawange eyantumire bw'atamuwalula; ndimuzuukirizia ku lunaku olw'enkomerero.
\v 45 Kyawandiikibwe mu banabbi nti Ne bonnabona balyegeresebwa Katonda. Buli eyawuliire Itawange n'ayega, aiza gye ndi.
\v 46 Ti kubbanga waliwo omuntu eyabbaire aboine ku Kitange, wabula eyaviire eri Katonda, oyo niiye yaboine Itawange.
\v 47 Dala dala mbagamba nti Aikirirya alina obulamu obutawaawo.
\v 48 Niize mere ey'obulamu.
\v 49 Bazeiza banyu baaliiranga emaanu mu idungu, ne bafa.
\v 50 Eno niiyo emere eyaviire mu igulu, omuntu agiryeku, aleke okufa.
\v 51 Niize mere enamu eyaviire mu igulu: omuntu bw'alya ku mere eno alibba mulamu emirembe n'emirembe: era emere gye ndigaba niigwo mubiri gwange, olw'obulamu bw'ensi.
\p
\v 52 Awo Abayudaaya ne bawakana bonka na bonka, nga bakoba nti Ono asobola atya okutuwa omubiri gwe okugulya?
\v 53 Awo Yesu n'abakoba nti Dala dala mbakoba nti Bwe mutalya mubiri gwo Mwana wo muntu ne munywa omusaayi gwe, mubula bulamu mu imwe.
\v 54 Alya omubiri gwange, era anywa omusaayi gwange, alina obulamu obutawaawo; nzeena ndimuzuukirizia ku lunaku olw'enkomerero.
\v 55 Kubanga omubiri gwange niikyo kyokulya dala, n'omusaayi gwange niikyo kyokunywa dala.
\v 56 Alya omubiri gwange, era anywa omusaayi gwange, abba mu nze, nzeena mu iye.
\v 57 Nga Itawange omulamu bwe yantumire, nzeena bwe ndi omulamu ku bwa Itawange; atyo andya niiye alibba omulamu ku bwange.
\v 58 Eno niiye emere eyaviire mu igulu: ti nga bazeiza baisu bwe baliire ne bafa: alya emere eno alibba mulamu emirembe n'emirembe.
\v 59 Ebyo yabitumuliire mu ikuŋaaniro ng'ayegeresya mu Kaperunawumu.
\p
\v 60 Awo bangi ab'omu bayigirizwa be bwe baawuliire ne bakoba nti Ekigambo ekyo kizibu; yani ayinza okukiwulisisya?
\v 61 Naye Yesu bwe yamanyire mukati mu iye nti abayigirizwa be beemulugunyira kino, n'abagamba nti Kino kibeesitalya?
\v 62 Kale kiribba kitya bwe mulibona Omwana w'omuntu ng'aliina gye yabbaire oluberyeberye?
\v 63 Omwoyo gwe guleeta obulamu; omubiri gubulaku kye gugasa: ebigambo bye mbakobere niigwo mwoyo, bwe bulamu.
\v 64 Naye waliwo abandi mu imwe abataikirirya. Kubanga Yesu yamanyire okuva ku luberyeberye abataikirirya bwe babbaire, era n'ayaba okumulyamu olukwe bw'ali.
\v 65 N'akoba nti kyenviire mbakoba nti Wabula asobola kwiza gye ndi bw'atakiweweibwe Itawange.
\p
\v 66 Ab'oku bayigirizwa be bangi kyebaviire bairirira, ne batairayo kutambulira wamu naye ate.
\v 67 Awo Yesu n'akoba eikumi n'ababiri nti Era mweena mutaka okwaba?
\v 68 Simooni Peetero n'airamu nti Mukama waisu, twayaba eri yani? Olina ebigambo eby'obulamu obutawaawo.
\v 69 Feena twikirirya ne tutegeera nga iwe oli Mutukuvu wa Katonda.
\v 70 Yesu n'abairamu nti Ti niinze nabalondere imwe eikumi n'ababiri, era omumu ku imwe niiye setaani?
\v 71 Yatumwire ku Yuda omwana wa Simooni Isukalyoti, kubanga niiye yabbaire ayaba kumulyamu olukwe, niiye omumu ku ikumi n'ababiri.
\c 7
\cl Ensuula 7
\p
\v 1 Oluvanyuma lw'ebyo Yesu n'atambula mu Galiraaya: kubanga teyatakire kutambula mu Buyudaaya kubanga Abayudaaya babbaire basala amagezi okumwita.
\v 2 Naye embaga y'Abayudaaya yabbaire erikumpi okutuuka, niiyo ey'ensiisira.
\v 3 Awo bagande ne bamukoba nti va wano, oyabe e Buyudaaya, abayigirizwa ibo boona babone emirirnu gyo gy'okola.
\v 4 Kubanga wabula akolera kigambo mu kyama wabula nga yeena omwene ataka amanyike mu lwatu. Bw'okola ebyo, weeyoleke eri ensi.
\v 5 Kubanga na bagande be tebamwikiriirye.
\v 6 Awo Yesu n'abakoba nti Ekiseera kyange kikaali kutuuka; naye ekiseera kyanyu enaku gyonagyona kibbeerawo nga kyeteekereteekere.
\v 7 Ensi tesobola kukyawa imwe; naye ekyawa ninze, kubanga nze ntegeeza ebyayo nti emirimu gyayo mibbiibi.
\v 8 Imwe mwambuke ku mbaga: nze nkaali kwambuka ku mbaga eno; kubanga ekiseera kyange kikaali kutuukirizibwa.
\v 9 Bwe yamalire okukoba ebyo n'asigala e Galiraaya.
\p
\v 10 Naye bagande be bwe baamalire okwambuka ku mbaga, yeena n'ayambuka, ti lwatu, naye nga mu kyama.
\v 11 Awo Abayudaaya ne bamusagira ku mbaga, ne bakoba nti Ali waina?
\v 12 Ne wabba okumuunyamuunya kungi mu bibiina. Abandi ne bakoba ku iye nti Musa; abandi ne bakoba nti Bbe, naye agotya ekibiina.
\v 13 Naye tebabbaire yamutumwireku lwatu kubanga baatiire Abayudaaya.
\p
\v 14 Awo mu mbaga wakati Yesu n'ayambuka ku yeekaalu, n'ayegeresya.
\v 15 Abayudaaya ne beewuunya ne bakoba nti Ono amanya atya okusoma nga tayigirizibwangaku?
\v 16 Awo Yesu n'abairamu n'akoba nti Okwegeresya kwange ti kwange, naye kw'odi eyantumire.
\v 17 Omuntu bw'ataka okukola odi by'ataka, alitegeera okwegeresya kuno oba nga kwaviire eri Katonda, oba nga nze ntumula bya magezi gange.
\v 18 Atumula eby'amagezi ge, asagira ekitiibwa kye iye: naye asagira ekitiibwa ky'oyo eyamutumire, oyo wa mazima, so obutali butuukirivu bubula mu iye.
\v 19 Musa teyabawaire mateeka, so mu imwe akwata akwata amateeka? Musalira ki amagezi okungita?
\v 20 Ekibiina ne bairamu nti Oliku dayimooni: yani asala amagezi okukwita?
\v 21 Yesu n'airamu n'akoba nti Nakola omulimu gumu, naimwe mwenamwena mwewunya.
\v 22 Musa kyekyaviire abawa okukomola (ti kubanga kwa Musa naye kwa bazeiza); no ku sabbiiti mukomola omuntu.
\v 23 Omuntu bw'akomolebwa ku sabbiiti, amateeka ga Musa galeke okusoba; munsunguwalira kubanga nafuula omuntu omulamu dala ku sabbiiti?
\v 24 Temusalanga musango okusinziira ku mboneka, naye musalenga omusango ogw'ensonga.
\p
\v 25 Awo abamu ab'omu Yerusaalemi ne bakoba nti Imwe basagira okwita ti niiye oyo?
\v 26 Naye, bona, atumula lwatu, so babulireku kye bamukoba. Abakulu bamanyire dala ng'ono niiye Kristo?
\v 27 Naye ono timaite gy'ava: naye Kristo bw'aiza, wabula ategeera gy'ava.
\v 28 Awo Yesu n'atumulira waigulu mu yeekaalu ng'abegeresya n'akoba nti Nze mumaite, era ne gye nva mumaiteyo; nzeena tinaizire ku bwange nzenka, naye odi eyantumire niiye wa mazima, gwe mutamaite imwe.
\v 29 Nze mumaite; kubanga Naviire gy'ali, era niiye yantumire.
\v 30 Awo badi ne basala amagezi okumukwata, naye tewabbaire eyamuteekereku omukono, kubanga ekiseera kye kyabbaire nga kikaali kutuuka.
\v 31 Naye bangi ab'omu kibiina ne bamwikirirya; ne bakoba nti Kristo bw'aliza, alikola obubonero bungi okusinga ono bwe yakolere?
\v 32 Abafalisaayo ne bawulira ekibiina nga bamwemuunyamuunyaamu batyo; bakabona abakulu n'Abafalisaayo ne batuma abambowa okumukwata.
\v 33 Awo Yesu n'akoba nti Esigaireyo eibbanga itono nga nkaali naimwe, kaisi njabe gy'ali eyantumire.
\v 34 Mulinsagira, so temulimbona; era gye ndi, imwe temusobola kwizayo.
\v 35 Awo Abayudaaya ne batumulagana bonka na bonka nti Ono ataka kwaba wa, waisu gye tutamubonera? Ataka kwaba eri abo abaasaansaaniire mu Bayonaani, ayegeresye Abayonaani?
\v 36 Kigambo ki ekyo ky'akoba nti Mulinsagira, so temulimbona; era gye ndi, imwe temusobola kwizayo?
\p
\v 37 Naye ku lunaku olw'enkomerero, niilwo lukulu olw'embaga, Yesu yayemerera n'atumulira waigulu, n'akoba nti Omuntu bw'alumwa enyonta, aize gye ndi anywe.
\v 38 Aikirirya nze, ng'ekyawandiikibwa bwe kikoba nti emiiga gy'amaizi amalamu girifuluma mu kida kye.
\v 39 Ekyo yakiwuliire ku Mwoyo, gwe babbaire baaba okuweebwa abamwikirirye; kubanga Omwoyo yabbaire akaali kugabibwa; kubanga Yesu yabbaire akaali kugulumizibwa.
\v 40 Awo ab'omu kibiina bwe baawuliire ebigambo ebyo ne bakoba nti Mazima, ono niiye nabbi odi.
\v 41 Abalala ne bagamba nti Ono niiye Kristo. Naye abandi ne bakoba nti Bbe, Kristo ava mu Galiraaya?
\v 42 Ekyawandiikiibwe tekikoba nti Kristo ava mu izaire lya Dawudi, mu Besirekemu, embuga Dawudi mwe yabbaire?
\v 43 Kityo ne wabbaawo okwawukana mu kibiina ku lulwe.
\v 44 Abandi ne bataka okumukwata, naye wabula eyamuteekereku emikono.
\p
\v 45 Awo abambowa ne bairayo eri bakabona abakulu n'Abafalisaayo; boona ne babakoba nti Ekibalobeire ki okumuleeta?
\v 46 Abambowa ne bairamu nti wabula muntu eyali atumwire atyo.
\v 47 Awo Abafalisaayo ne babairamu nti Era mweena abagoterye?
\v 48 Aliwaina mu bakulu Eyamwikiriirye, oba mu Bafalisaayo?
\v 49 Naye ekibiina kino abatategeire mateeka bakolimiirwe
\v 50 Nikoodemu (ye yajja gy'ali eira, Niiye mwinaabwe) n'abakoba nti
\v 51 Ye mpisa yaisu okusalira omuntu omusango nga bakaali kuwulira bigambo bye n'okutegeera ky'akolere?
\v 52 Ne bairamu ne bamukoba nti weena waviire Galiraaya? Sagira, obone, nabbi tava mu Galiraaya,
\v 53 Buli muntu n'airayo eika.
\c 8
\cl Ensuula 8
\p
\v 1 Naye Yesu n'ayaba ku lusozi olwa Zeyituuni.
\v 2 N'awuna mu mamakeeri n'aiza ate mu yeekaalu, abantu bonnabona ne baiza gy'ali; n'atyama, n'abegeresya.
\v 3 Abawandiiki n'Abafalisaayo ne baleeta omukali gwe bakwaite ng'ayenda; ne bamuteeka wakati,
\v 4 ne bamukoba nti Omuyigiriza, omukali ono bamukwaite ng'ayenda bamusisinkaniriirye.
\v 5 Naye mu mateeka Musa yatulagiire okubakubbanga amabbaale abakola batyo: kale gwe otumula otya ku iye?
\v 6 Batumwire bati nga bamukema, babbe n'ekigambo kye bamuloopa. Naye Yesu n'akutama, n'awandiika n'engalo ku itakali.
\v 7 Naye bwe baayongeire okumubuulya, ne yeegolola n'abakoba nti Mu imwe atayonoonangaku, asooke okumukubba eibbale.
\v 8 N'akutama ate, n'awandiika n'engalo ku itakali.
\v 9 Boona bwe bawuliire ne bafuluma ewanza musoolesoole, abakaire niibo baasookere, Okutuusia ku b'enkomerero: Yesu n'asigalawo yenka, n'omukali we yabbaire wakati.
\v 10 Yesu ne yeegolola, n'amukoba nti Omukali, babire waina? Wabula asalire kukusinga?
\v 11 Naye n'akoba nti wabula muntu, Mukama wange. Yesu n'akoba nti Nzeena tinsala kukusinga: yaba; okusooka atyanu toyonoonanga gwo kubiri.
\p
\v 12 Awo Yesu N'atumula nabo ate, n'akoba nti Ninze musana gw'ensi: ansengererya taatambulirenga mu mundikirirya, naye yabbanga n'omusana ogw'obulamu.
\v 13 Awo Abafalisaayo ne bamukoba nti Niiwe weetegeeza wenka; okutegeeza kwo ti kwa mazima.
\v 14 Yesu n'airamu n'abakoba nti Waire nga neetegeeza nzenka, okutegeeza kwange kwa mazima; kubanga maite gye naviire, ne gye njaba; naye imwe temumaite gye nva, waire gye njaba.
\v 15 Imwe musala omusango ng'omubiri bwe guli; nze tinsalira muntu musango.
\v 16 Naye waaire nga nze nsala omusango, okusala kwange kwa mazima; kubanga nze tindi mumu, naye nze no Itawange eyantumire.
\v 17 Era yeena no mu mateeka ganyu kyawandiikiibwe nti okutegeeza kw'abantu ababiri kwa mazima.
\v 18 Nze neetegeeza nzenka, no Itawange eyantumire ategeeza ebyange.
\v 19 Awo ne bamukoba nti Itaawo ali luda waina? Yesu n'airamu nti Nze temumaite, waire Itawange. Singa mumaite nze, no Itawange mwandimumanyire.
\v 20 Ebigambo ebyo yabitumuliire mu igwanika, bwe yabbaire ng'ayegeresya mu yeekaalu: so wabula eyamukwaite, kubanga ekiseera kye kyabbaire nga Kiri kumpi okutuuka.
\p
\v 21 Awo n'abakoba ate nti Nze njaba, naimwe mulinsagira, mulifiira mu kibbiibi kyanyu: nze gye njaba, imwe temusobola kwizayo.
\v 22 Awo Abayudaaya ne bakoba nti Yeita, kubanga akoba nti Nze gye njaba imwe temusobola kwizayo?
\v 23 N'abakoba nti Imwe muli ba wansi, nze ndi wa waigulu; imwe muli bo mu nsi muno, nze tindi wo mu nsi muno.
\v 24 Kyenaviire mbakoba nti Mulifiira mu bibbiibi byanyu. Kubanga bwe mutaikirirya nga ninze oyo, mulifiira mu bibbiibi byanyu.
\v 25 Awo ne bamukoba nti niiwe ani? Yesu n'abagamba nti Nga bwe nabakobanga okuva ku luberyeberye.
\v 26 Nina bingi eby'okubatumulaku n'okubasalira omusango; naye odi eyantumire niiye wa mazima; nzeena bye nawuliire gy'ali bye niibyo ebyo bye ntumula eri ensi.
\v 27 Tebaategeire ng'abakobere ku Itawaisu.
\v 28 Awo Yesu n'abakoba nti Bwe mulimala okuwanika Omwana w'omuntu ne kaisi mutegeera nga niinze oyo, so nze mbulaku kye nkola ku bwange, naye nga Itawange bwe yanjegereserye, bwe ntumula ntyo.
\v 29 N'odi eyantumire ali nanze; Itawange tandekanga nzenka; kubanga nkola bulijjo by'asiima.
\v 30 Bwe yatumwire ebigambo ebyo, abantu bangi ne bamwikirirya.
\p
\v 31 Awo Yesu n'akoba Abayudaaya badi abaamwikirirye nti Bwe mugumira mu kigambo kyange, nga muli bayigirizwa bange dala;
\v 32 era mulitegeera amazima, n'amazima galibafuula b'eidembe.
\v 33 Ne bamwiramu nti Ife tuli izaire lya Ibulayimu, so tetufugibwanga muntu yenayena: otumula otya iwe nti Mulifuuka beidembe?
\v 34 Yesu n'abairamu nti Dala dala mbakoba nti Buli muntu yenayena akola ebibbiibi, niiye mwidu w'ekibbiibi.
\v 35 Omwidu tabberera mu nyumba emirembe ne mirembe: omwana abbeerera mirembe na mirembe.
\v 36 Kale Omwana bw'alibafuula ab'eidembe, mulibba b'eidembe dala.
\v 37 Maite nti muli izaire lya Ibulayimu: naye musala amagezi okungita, kubanga ekigambo kyange tekyeyabya mu imwe.
\v 38 Nze ntumula bye naboine eri Itawange: kale mweena mukola bye mwawuliire eri Itawanyu.
\v 39 Ne bairamu ne bamugamba nti Ibulayimu niiye Itawaisu. Yesu n'abakoba nti Singa mubbaire baana ba Ibulayimu, mwandikolere ebikolwa bya Ibulayimu.
\v 40 Naye atyanu musala amagezi okungita omuntu abakobeire eby'amazima, bye nawuliire eri Katonda: Ibulayimu teyakolere atyo.
\v 41 Imwe mukola emirimu gya itawanyu. Ne bamukoba nti Ife tetuli baana beebolerezie; tulina Itawaisu mumu, niiye Katonda.
\v 42 Yesu n'abakoba nti Singa Katonda niiye Itawanyu, mwandintakire nze: kubanga naviire eri Katonda, ne ngiza, so tinaizire ku lwange nzenka, naye oyo niiye yantumire.
\v 43 Kiki ekibalobeire okutegeera entumula yange? Kubanga temusobola kuwulira kigambo kyange.
\v 44 Imwe muli ba itawanyu Setaani, era mutaka okukola okwegomba kwa itawanyu. Oyo okuva ku luberyeberye niiye mwiti, so teyanyereire mu mazima, kubanga amazima tegabbaire mu iye. Bw'atumula obubbeyi, atumula ekiva mu bibye; kubanga niiye mubbeyi era itaaye w'obubbeyi.
\v 45 Naye kubanga ntumula amazima, temunjikirirya.
\v 46 Yani ku imwe anumirirya ekibbiibi? Bwe ntumula amazima kiki ekibalobeire okunjikirirya?
\v 47 Owa Katonda awuiira ebigambo bya Katonda; imwe kyemuva muleka okuwulira, kubanga temuli ba Katonda.
\v 48 Abayudaaya ne bamwiramu ne bamukoba nti Tetutumula kusa ife nti Iwe oli Musamaliya, era oliko dayimooni?
\v 49 Yesu n'airamu nti Mbulaku dayimooni; naye nze nteekamu ekitiibwa Itawange, mweena temunteekamu kitiibwa.
\v 50 Naye nze tinsagira kitiibwa kyange; aliwo ansagira era asala omusango.
\v 51 Dala dala mbakoba nti Omuntu bw'akwata ekigambo kyange talibona kufa emirembe n'emirembe.
\v 52 Abayudaaya ne bamukoba nti Atyanu tutegeire ng'oliku dayimooni. Ibulayimu yafiire na banabbi; weena okoba nti Omuntu bw'akwata ekigambo kyange, talirega ku kufa emirembe n'emirembe.
\v 53 Niiwe mukulu okusinga zeiza waisu Ibulayimu eyafiire? Na banabbi baisu: weeyeta yani?
\v 54 Yesu n'airamu nti Bwe neegulumizia nzenka, okugulumira kwange kubba kwo bwerere: angulumizia niiye Itawange: imwe gwe mutumulaku nti niiye Katonda wanyu:
\v 55 so temumutegeeranga: naye nze mumaite; bwe nabakobere nti Timumaite, naafaanaine nga imwe, mubbeya: naye mumaite, era nkwata ekigambo kye.
\v 56 Ibulayimu zeiza wanyu yasanyukire okubona olunaku lwange; n'alubona n'asanyuka.
\v 57 Awo Abayudaaya ne bamukoba nti Okaali kuwerya myaka ataano, naye Ibulayimu wamuboine?
\v 58 Yesu n'abakoba nti Dala dala mbagamba nti Ibulayimu nga akaali kuzaalibwa, Nze nga Ndiwo.
\v 59 Awo ne bakwata amabbaale okumukubba: naye Yesu ne yegisa, n'afuluma mu yeekaalu.
\c 9
\cl Ensuula 9
\p
\v 1 Bwe yabbair ng'abita, n'abona omuntu eyazaaliibwe nga muzibe wa maiso.
\v 2 Abayigirizwa be ne bamubuulya, nga bakoba nti Labbi, yani eyayonoonere, ono oba abazaire be, niikyo kyamuzaliirye nga muzibe wa maiso?
\v 3 Yesu n'airamu nti Ono teyayonoonere, waire abazaire be, naye emirimu gya Katonda gibonekere ku iye.
\v 4 Ife kitugwanira okukola emirimu gy'oyo eyantumire, obwire nga misana. Obwire bwiiza omuntu mw'atasobolera kukolera.
\v 5 Bwe mba mu nsi, ndi musana gw'ensi.
\v 6 Bwe yamalire okutumula atyo, n'afuja amatanta ku itakali, n'atabula eitakali n'amatanta, n'amusiiga eitakali ku maiso,
\v 7 n'amukoba nti Yaba, onaabe mu kidiba kya Sirowamu (okutegeezebwa kwakyo nti Eyatumiibwe). Awo n'ayaba, n'anaaba, n'aira ng'abona.
\v 8 Awo baliraanwa be n'abamubonanga eira ng'atyaime ng'asabirirya, ne bakoba nti Ti niiye ono eyatyamanga ng'asabirirya?
\v 9 Abandi ne bakoba nti Niie oyo: abandi ne bakoba nti Bbe, naye afaanana naye. Iye n'akoba nti Niinze ono.
\v 10 Awo ne bamukoba nti Kale amaso go gaazibukire gatya?
\v 11 Iye n'airamu nti Omuntu ayetebwa Yesu yatabwire eitakali, n'ansiiga ku maiso, n'ankoba nti Yaba ku Sirowamu, onaabe: awo ne njaba, ne naaba, ne nzibula.
\v 12 Ne bamukoba nti Ali waina oyo? N'akoba nti Timaite.
\p
\v 13 Ne bamutwala eri Abafalisaayo odi eyabbaire eira omuzibe w'amaiso.
\v 14 Naye lwabbaire lwa sabbiiti olunaku olwo Yesu lwe yatabuliireku eitakali, n'amuzibula amaiso.
\v 15 Awo Abafalisaayo ate ne bamubuulya bwe yazibwire. N'abakoba nti Yansiigire itakali ku maiso, ne naaba, ne nzibula.
\v 16 Awo Abafalisaayo abamu ne bakoba nti Omuntu oyo ti wa Katonda, kubanga takwata sabbiiti. Naye abandi ne bagamba nti Omuntu alina ebibbiibi asobola atya okukola obubonero obwenkaniire wano? Ne wabbaawo okwawukana mu ibo.
\v 17 Awo ne bamukoba ate omuzibe w'amaiso nti Iwe omweta otya, kubanga yakuzibwire amaiso? Yeena n'akoba nti Niiye nabbi.
\v 18 Kale Abayudaaya tebaikiriirye bigambo bye, nga yabbaire muzibe w'amaiso n'azibula, okutuusa lwe baamalire okweta abazaire b'eyazibwire
\v 19 ne bamubuulya nga bakoba nti Ono niiye mwana wanyu imwe gwe mukoba nti yazaaliibwe nga muzibe w'amaiso? Kale atyanu abona atya?
\v 20 Abazaire be ne bairamu ne bakoba nti Tumaite ng'ono niiye mwana waisu, era nga yazaaliibwe nga muzibe wa maiso:
\v 21 naye bw'abona atyanu tetumaite: so n'eyamuzibwire amaiso ife tetumaite bw'ali: mumubuulye; musaiza mukulu; yetumulira yenka.
\v 22 Abazaire ekyabatumwirye batyo kubanga babbaire batya Abayudaaya; kubanga Abayudaaya babbaire nga baamalire okulagaana buli muntu eyamwatulanga okubba Kristo, abbingibwenga mu ikuŋaaniro.
\v 23 Abazaire be kyebaaviire batumula nti Musaiza mukulu; mumubuulye iye.
\v 24 Awo ne beeta omulundi ogw'okubiri odi omuntu eyabbaire omuzibe w'amaiso, ne bamukoba nti Gulumizia Katonda: ife tumaite ng'omuntu oyo alina ebibbiibi.
\v 25 Iye n'airamu nti Oba ng'alina ebibbiibi timaite; ekigambo kimu kye maite nti Nabbaire muzibe wa maiso, naye atyanu mbona.
\v 26 Awo ne bamukoba nti Yakukoleire atya? Yakuzibwire atya amaiso go?
\v 27 N'abairamu nti Malire okubakobera naye temuwuliire: ekibatakisya okuwulira omulundi ogw'okubiri kiki? Era mweena mutaka okufuuka abayigirizwa be?
\v 28 Ne bamuvuma, ne bakoba nti Iwe oli muyigirizwa we: naye fe tuli bayigirizwa ba Musa.
\v 29 Ife tumaite nga Katonda yatumwire no Musa: naye omuntu oyo tetumaite gy'ava.
\v 30 Omuntu n'airamu n'abakoba nti Kino kitalo! Imwe obutamanya gyava, omuntu eyasoboire okunzibula amaiso!
\v 31 Tumaite nga Katonda tawulira balina bibbiibi; naye buli muntu atya Katonda, ng'akola ky'ataka, oyo amuwulira.
\v 32 Okuva eira n'eira tewawulirwanga nga waaliwo omuntu eyazibula amaiso g'omuntu eyazaaliibwe nga muzibe wa maiso.
\v 33 Omuntu oyo singa teyaviire wa Katonda, teyandibbaire kukola kigambo.
\v 34 Ne bairamu ne bamukoba nti Iwe wazaaliibwe mu bibbiibi byereere, weena otwegeresya ife? Ne bamusindikira ewanza.
\p
\v 35 Yesu n'awulira nga bamusindikiire ewanza, n'amukoba n'akoba nti Iwe oikirirya Omwana wa Katonda?
\v 36 Iye n'airamu, n'akoba nti Mukama wange, niiye ani, mwikirirye?
\v 37 Yesu n'amukoba nti Omuboine, era atumula naiwe niiye oyo.
\v 38 Iye n'akoba nti Mukama wange, njikirirye. N'amusinza.
\v 39 Yesu n'akoba nti Omusango niigwo gwandeetere mu nsi muno, abatabona babone, boona ababona babbe bazibe ba maiso.
\v 40 Abafalisaayo abandi ababbaire naye ne bawulira batyo, ne bamukoba nti feena tuli bazibe ba maiso?
\v 41 Yesu n'abakoba nti Singa mubbbaire bazibe ba maiso, temwandibbbaire ne kibbiibi; naye atyanu mukoba nti Tubona: ekibbiibi kyanyu kibeerera awo.
\c 10
\cl Ensuula 10
\p
\v 1 Dala dala mbakoba nti Atabita mu mulyango ng'ayingira mu kisibo ky'entama, naye n'aniinirira awabona, oyo niiye mwibbi era omunyagi.
\v 2 Naye abita mu mulyango, niiye musumba w'entama.
\v 3 Oyo omwigali amwigulirawo; n'entama gimuwulira eidoboozi: agyeta entama gye amaina; agifulumya ewanza.
\v 4 Bw'amala okufulumya ejije gyonagyona, agitangira, n'entama gimusengererya: kubanga gimumaite eidoboozi.
\v 5 Ogondi tegimusengererya, naye girimwiruka bwiruki: kubanga tegimaite idoboozi lya bandi.
\v 6 Yesu n'abagerera olugero luno, naye ibo tebaategeire bigambo bwe biri bye yabakobere.
\p
\v 7 Awo Yesu n'abakoba ate nti Dala dala mbagamba nti Niinze mulyango gw'entama.
\v 8 Bonnabona abansookere babbaire babbiibi era abanyagi: naye entama tegyabawuliire.
\v 9 Niinze mulyango: omuntu bw'ayingirira mu nze alirokoka, aliyingira, alifuluma, alibona eirundiro.
\v 10 Omubbiibi taiza wabula okwibba, n'okwita, n'okuzikirizya. Nze naizire gibbe n'obulamu, era gibbe nabwo obungi.
\v 11 Niinze omusumba omusa: omusumba omusa awaayo obulamu bwe olw'entama.
\v 12 Alisirya empeera, tali musumba, entama nga ti gigye iye, bw'abona omusege nga gwiza, aleka entama n'airuka, n'omusege gugisikula gugisaansaanya.
\v 13 Airuka kubanga we mpeera, so entama tagiteekaku mwoyo.
\v 14 Niinze omusumba omusa: era ntegeera egyange, n'egyange gintegeera
\v 15 nga Itange bw'antegeera, nzeena mpaayo obulamu bwange olw'entama.
\v 16 Era ndina n'entama egindi egitali gyo mu lugo luno: gyona kingwanira okugireeta, giriwulira eidoboozi lyange; era iriba ekisibo kimu, omusumba omumu.
\v 17 Itawange kyava antaka, kubanga nze mpaayo obulamu bwange, kaisi mbutwale ate.
\v 18 Wabula abuntolaku, naye nze nzenka mbuwaayo. Ndina obuyinza obw'okubuwaayo, era ndina obuyinza obw'okubutwala ate. Ekiragiro ekyo nakiweebwa Itawange.
\p
\v 19 Ne wabbaawo ate okwawukana mu Bayudaaya olw'ebigambo ebyo.
\v 20 Abamu ku ibo bangi ne baaba nti Aliko dayimooni era alalukire; mumuwulirira ki?
\v 21 Abandi ne bakoba nti Ebigambo bino ti bya muntu aliko dayimooni. Dayimooni ayinza okuzibula amaiso ga bamuzibe?
\p
\v 22 Yabbaire mbaga ey'okutukuza mu Yerusaalemi; byabbaire biseera bye mpewo;
\v 23 Yesu n'atambulira mu yeekaalu mu kisasi kya Sulemaani.
\v 24 Awo Abayudaaya ne bamwetooloola, ne bamukoba nti Olituusia di okutubuusisiabuusisia? Oba nga niiwe Kristo, tukobere dala.
\v 25 Yesu n'abairamu nti Nabakobere, naye temwikirirya: emirimu gye nkola mu liina lya Itawange, gye gintegeeza nze.
\v 26 Naye imwe temwikirirya kubanga temuli ba mu ntama gyange.
\v 27 Entama gyange giwulira eidoboozi lyange, nzena ngitegeera, era ginsengererya;
\v 28 nzeena ngiwa obulamu obutawaawo; so tegirigota emirembe n'emirembe, so wabula aligisikula mu mukono gwange.
\v 29 Itawange eyagimpaire niiye omukulu okusinga bonabona, so wabula asobola okugisikula mu mukono gwa Itawange.
\v 30 Nze ni Itawange tuli mumu.
\v 31 Abayudaaya ne bakwata ate amabbale okumukubba.
\v 32 Yesu n'abairamu nti Emirimu mingi emirungi egyaviire eri Itawange nagibalagire imwe; mulimu guliwa mu egyo ogubankubbisya amabbale?
\v 33 Abayudaaya ne bamwiramu nti Olw'omulimu omusa tetukukubba mabbaale, naye olw'okuvoola; era kubanga iwe oli muntu ne weefuula Katonda.
\v 34 Yesu n'abairamu nti Tekyawandiikiibwe mu mateeka ganyu nti Nze nabakobere nti Muli bakatonda?
\v 35 Oba nga yabetere abo bakatonda, abaiziirwe ekigambo kya Katonda, (so n'ebyawandiikiibwe tebisobola kudiba),
\v 36 imwe mumukobera ki iye, Itaaye gwe yatukuzirye n'amutuma mu nsi, nti Ovoire; kubanga nkobere nti Ndi Mwana wa Katonda?
\v 37 Bwe ntakola mirimu gya Itawange, temunjikirirya.
\v 38 Naye bwe njikola, waire nga temunjikirirya nze, naye mwikirirye emirimu: mumanye mutegeere nga Itawange ali mu ninze nzeena mu Itawange.
\v 39 Ne basala amagezi ate okumukwata: n'ava mu mikono gyabwe.
\p
\v 40 N'ayaba ate eitale wa Yoludaani mu kifo Yokaana gye yabbaire oluberyeberye ng'abatiza; n'abba eyo.
\v 41 Abantu bangi ne baiza gy'ali; ne bakoba nti Yokaana teyakolere kabonero: naye byonabyona Yokaana bye yatumwire ku ono byabbaire bya mazima.
\v 42 Ne bamwikirirya eyo bangi.
\c 11
\cl Ensuula 11
\p
\v 1 Awo wabbairewo omuntu eyabbaire omulwaire, Lazaalo ow'e Besaniya, mu mbuga Malyamu ne Maliza mugande mwe babbaire;
\v 2 Malyamu oyo eyasiigirw Mukama waisu amafuta n'amutaanya ebigere n'enziiri gye ye yabbaire nagyo omwainawe Lazaalo eyabbaire alwaire.
\v 3 Awo bainyinabe abo ne bamutumira, nga bakoba nti Mukama waisu, bona, gw'otaka alwaire.
\v 4 Naye Yesu bwe yawuliirwe, n'akoba nti Obulwaire buno ti bwo kufa wabula olw'ekitiibwa kya Katonda, Omwana wa Katonda abbe n'ekitiibwa olw'obwo.
\v 5 Naye Yesu yatakire Maliza no mugande no Lazaalo.
\v 6 Awo bwe yawuliire ng'alwaire, n'ayosaawo ate enaku ibiri mu kifo kye yabbairemu.
\v 7 Ate kaisi nakoba abayigirizwa nti Twireyo e Buyudaaya. Abayigirizwa ne bamukoba nti Labbi, atyanu Abayudaaya babbaire basala amagezi okukukubba amabbale, ate gy'obba oira?
\v 8 Abayigirizwa ne bamukoba ati Labbi, atyanu Abayudaaya badi abasalire amagezi okukukubba amabbale, ate gy'obba oira?
\v 9 Yesu n'airamu nti Esaawa ey'emisana ti ikumi na ibiri? Omuntu bw'atambula emisana teyeesitala, kubanga abona omusana ogw'ensi eno.
\v 10 Naye omuntu bw'atambula ibwire, yeesitala, kubanga omusana teguli mu iye.
\v 11 Yatumwire ati, kaisi nakoba ati Mukwanu gwaisu Lazaalo agonere; naye njaba okumuzukya.
\v 12 Awo abayigirizwa ne bamukoba nti Mukama waisu, oba agonere, yazuuuka.
\v 13 Naye Yesu yatumwire ku kufa kwe: naye ibo ne balowooza nti atumula ku kugona kwe ndoolo.
\v 14 Awo Yesu kaisi nabakobera lwatu nti Lazaalo afwire.
\v 15 Nzeena neesiimire ku lwanyu kubanga mbulayo, kaisi mwikirirye; naye twabe gy'ali.
\v 16 Awo Tomasi ayitibwa Didumo n'akoba bayigirizwa bainaye nti Feena twabe tufiire wamu naye
\v 17 Awo Yesu bwe yatuukire, n'asanga nga yaakamala enaku ina mu ntaana.
\v 18 Naye Bessaniya yabbaire kumpi ne Yerusaalemi nga sutadyo ikumi na itaano;
\v 19 Abayudaaya bangi babbaire baizire eri Maliza no Malyamu okubakubagiza olwa mwainaibwe.
\v 20 Awo Maliza bwe yawuliire nga Yesu aiza, n'ayaba okumusisinkana: naye Malyamu n'asigala mu nyumba.
\v 21 Awo Maliza n'akoba Yesu nti Mukama wange, singa wabbairewo wano, mwainyinanze teyandifire.
\v 22 Era atyanu maite nga byonabyona by'ewasaba Katonda, Katonda yabikuwa.
\v 23 Yesu n'amukoba nti Mwainyoko aiza kuzuukira.
\v 24 Maliza n'amukoba nti Maite nti alizuukirira ku kuzuukira kw'olunaku olw'enkomerero.
\v 25 Yesu n'amukoba nti Niinze kuzuukira, n'obulamu: aikirirya nze, waire ng'afiire, alibba mulamu:
\v 26 Niinze kuzuukira, n'obulamu: aikirirya nze, waire ng'afiire, alibba mulamu:
\v 27 N'amukoba nti Niiwo awo, Mukama wange: nze njikiriirye nga niiiwe Kristo, Omwana wa Katonda, aiza mu nsi.
\v 28 Bwe yamalire okutumula ati, n'ayaba, n'ayeta mugande Malyamu kyama, ng'akoba nti Omwegeresya aizire, akweta.
\v 29 Naye bwe yawuliire, n'agolokoka mangu, n'aiza gy'ali.
\v 30 Yesu yabbaire amaali kutuuka mu mbuga, naye ng'akaali mu kifo Maliza kye yamusangiremu.
\v 31 Awo Abayudaaya abbbaire naye mu nyumba, nga bamukubbagizia, bwe baboine Malyamu ng'ayemereire mangu okufuluma, ne bamusengererya, nga balowooza nti ayaba ku ntaana okukungira eyo.
\v 32 Awo Malyamu bwe yatuukire Yesu gy'ali n'amubona, n'agwa ku bigere bye, n'amukoba nti Mukama wange, singa wabbaire wano, mwainyinaze teyandifiire.
\v 33 Awo Yesu bwe yamuboine ng'akunga, n'Abayudaaya abaizire naye nga bakunga, n'asinda mu mwoyo, ne yeeraliikirira,
\v 34 n'akoba nti Mwamuteekere waina? Ne bamukoba nti Mukama waisu, iza obone.
\v 35 Yesu n'akunga amaliga.
\v 36 Awo Abayudaaya ne batumula nti bona bw'abbaire amutaka.
\v 37 Naye abamu ku ibo ne batumula nti Omuntu ono, eyazibwiire amaiso go muzibe w'amaiso tasobola kuloberya ono okufa?
\v 38 Awo Yesu bwe yasindire ate mukati mu iye, n'atuuka ku ntaana. Yabbaire mpuku, ng'eteekeibweku eibbale kungulu.
\v 39 Yesu n'akoba nti Mutoolewo eibbale. Maliza, mwainyina w'odi eyafiire, n'amukoba nti Mukama wange, atyanu awunya: kubanga yaakamala enaku ina.
\v 40 Yesu n'amukoba nti Tinkukobere nti Bwewaikirirya, wabona ekitiibwa kya Katonda?
\v 41 Awo ne batolawo eibbale. Yesu n'ayimusia amaso waigulu, n'atumula nti Itawange, nkwebalya kubanga wampuliire.
\v 42 Nzeena namanyire ng'ompulira buliijo: naye ntumwire ku lw'ekibiina ekineetooloire, baikirirye nga niiwe wantumire.
\v 43 Bwe yamalire okurumula ati, n'atumulira waigulu n'eidoboozi idene nti Lazaalo, fuluma oize.
\v 44 Eyabbaire afiire n'afuluma, ng'azingiibwe mu migaire amagulu n'emikono; n'ekiremba nga kisibiibwe mu maiso ge. Yesu n'abakoba nti Mumusumulule, mumuleke ayabe.
\p
\v 45 Awo bangi ab'omu Bayudaaya, abaiza ewa Malyamu, bwe babona ky'akolere, ne bamwikirira.
\v 46 Naye abamu ku ibo ne baaba eri Abafalisaayo, ne babakobera Yesu by'akolere.
\p
\v 47 Awo bakabona abakulu n'Abafalisaayo ne bakuŋanya olukiiko, ne bagamba nti Tukole tutya? Kubanga omuntu oyo akola obubonero bungi.
\v 48 Bwe tunaamuleka tutyo, bonabona bamwikirirya: n'Abarooma baliiza, balitunyagaku ensi yaisu n'eigwanga lyaisu.
\v 49 Naye omumu ku ibo, Kayaafa, eyabbaire kabona asinga obukulu mu mwaka ogwo, n'abakoba nti Imwe mubulaku kye mumaite,
\v 50 so temulowooza nga kibagwaniire omuntu omumu afiirire abantu, n'eigwanga lyonalyona lireke okugota.
\v 51 Ekyo teyakitumuliire mu magezi ge yenka; naye kubanga yabbaire kabona asinga obukulu mu mwaka ogwo, yalagwire nti Yesu ayaba kufiirira eigwanga eryo;
\v 52 so ti lw'eigwanga eryo lyonka, naye akuŋaanyirye wamu abaana ba Katonda abaasaansaana.
\v 53 Awo okuva ku lunaku olwo ne bateesia okumwita.
\p
\v 54 Awo Yesu n'atatambula ate mu Buyudaaya mu lwatu, naye n'avaayo n'ayaba mu kifo ekiri okumpi n'eidungu, mu kibuga ekiyitibwa Efulayimu; n'abba eyo n'abayigirizwa.
\v 55 Naye Okubitaku okw'Abayudaaya kwabbaire kuli kumpi okutuuka: bangi abaviire mu byalo ne baniina e Yerusaalemi Okubitaku nga kukaali, beerongoosie.
\v 56 Awo Yesu ne bamusagira, ne batumula bonka na bonka, nga bemereire mu yeekaalu, nti Mulowooza mutya? Taize ku mbaga?
\v 57 Naye bakabona abakulu n'Abafalisaayo baali balagiire nti Omuntu bw'ategeera w'ali, ababakobere kaisi bamukwate.
\c 12
\cl Ensuula 12
\p
\v 1 Awo bwe gyabbaire nga gisigaireyo enaku mukaaga okutuuka ku Kubitaku, Yesu n'aiza e Besaniya, eyabbaire Lazaalo, Yesu gwe yazuukizirye mu bafu.
\v 2 Awo ne bamufumbirayo emere ey'ekyeigulo: no Maliza n'aweereza; naye Lazaalo n'abba mumu ku ibo abbbaire batyaime naye ku mere.
\v 3 Awo Malyamu n'akwata laatiri ey'amafuta ag'omugomusita ag'omuwendo omungi einu, n'agisiiga ku bigere bya Yesu, n'ataanya ebigere bye n'enziiri gye: enyumba n'eizula akaloosa ak'amafuta.
\v 4 Naye Yuda Isukalyoti, omumu ku bayigirizwa be, ayaba okumulyamu olukwe, n'akoba nti
\v 5 Kiki ekirobeire okutunda amafuta gano okugatoolamu edinaali ebikumi bisatu, okugabira abaavu?
\v 6 Kale yatumwire atyo, ti lwo kwijukira abaavu; naye kubanga yabbaire mwibbi, ye yayambaliranga ensawo, n'atwalanga bye baateekangamu.
\v 7 Awo Yesu n'akoba nti Mumuleke agagisire olunaku lw'okuziikibwa kwange.
\v 8 Kubanga abaavu niibo be muli nabo enaku gyonagyona; naye nze temuli nanze enaku gyonagyonna.
\p
\v 9 Awo abakopi ab'omu Bayudaaya ne bategeera nti aliyo: ne baiza ti ku lwa Yesu yenka, era naye babone no Lazaalo, gwe yazuukizirye mu bafu.
\v 10 Naye bakabona abakulu ne basala amagezi bamwite no Lazaalo;
\v 11 kubanga ku lulwe bangi ku Bayudaaya abayabire, ne baikirirya Yesu.
\p
\v 12 Olunaku olw'okubiri ekibiina kinene abbbaire baizire ku mbaga, bwe bawuliire nga Yesu aiza e Yerusaalemi,
\v 13 ne batwala ensansa egy'enkindu ne baaba okumusisinkana, ne batumulira waigulu nti Ozaana: aweweibwe omukisa aiza mu liina lya Mukama, niiye Kabaka wa Isiraeri.
\p
\v 14 Naye Yesu bwe yaboine enyana y'endogoyi, n'agyebereka; nga bwe kyawandiikiibwe nti
\v 15 Totya, muwala wa Sayuuni: Bona, Kabaka wo aiza, nga yeeberekere omwana gw'endogoyi.
\p
\v 16 Ebyo abayigirizwa be tebaabitegeire oluberyeberye: naye Yesu bwe yamalire okugulumizibwa, kaisi ne baijukira ng'ebyo byamuwandiikweku, era nga baamukolere batyo.
\v 17 Awo ekibiina ekyabbaire naye bwe yayetere Lazaalo okuva mu ntaana n'amuzuukizia mu bafu, ne kitegeeza.
\v 18 Era ekibiina kyekyaviire kyaba okumusisinkana, kubanga bawuliire nti yakolere akabonero ako.
\v 19 Awo Abafalisaayo ne batumuliragana nti Mubone bwe mubula kye mugasirye; bona, ensi gyonagyona gimusengere.
\p
\v 20 Naye wabbairewo Abayonaani abandi mu abo abaiza ku mbaga okusinza:
\v 21 awo badi ne baiza eri Firipo, eyaviire e Besusayida eky'omu Ggaliraaya, ne bamubulya, nga bamukoba nti Sebo, tutaka kubona Yesu.
\v 22 Firipo n'aiza n'akobera Andereya; Andereya n'aiza, no Firipo, ne bakobera Yesu.
\v 23 Yesu n'abairamu, n'akoba nti Obwire butuukire, Omwana w'omuntu agulumizibwe.
\v 24 Dala dala mbagamba nti Empeke y'eŋaanu bw'etegwa mu itakali n'efa, ebbeerera awo yonka; naye bw'efa, ebala emere nyingi.
\v 25 Ataka obulamu bwe bumugota; naye akyawa obulamu bwe mu nsi eno alibusigalya okutuuka ku bulamu obutawaawo.
\v 26 Omuntu bw'ampeererya, ansengereryenga; nzeena gye ndi, eyo omuweereza wange naye gy'eyabbanga: omuntu bw'ampeereza, Itawange alimuteekamu ekitiibwa.
\v 27 Atyanu omwoyo gwange gweraliikiriire; era ntumule ntya? Itawange, ndokola okuntoola mu kiseera kino. Naye kyenava ntuuka mu kiseera kino.
\v 28 Itawange, gulumizia eriina lyo. Awo eidoboozi ne liva mu igulu, nti Naligulumizia, era ndirigulumizia ate:
\v 29 Awo ekibiina ekyabbaire kyemereirewo, bwe kyaliwuliire, ne kikoba nti Kubbaire kubwatuka: abandi ne bakoba nti Malayika atumwire.
\v 30 Yesu n'airamu n'akoba nti Eidoboozi lino tirizire ku bwange, naye ku bwanyu.
\v 31 Atyanu ensi eno esalirwa omusango; atyanu omukulu w'ensi eno yabbingibwa ewanza.
\v 32 Nange bwe ndiwanikibwa ku nsi ndiwalulira gye ndi bonabona.
\v 33 Naye yatumuliire atyo, ng'alaga okufa bwe kudi kw'ayaba okufa.
\v 34 Awo ekibiina ne kimwiramu nti Tetwawuliire mu mateeka nti Kristo abbeerera awo emirembe n'emirembe: weena kiki ekikukobesya nti Omwana w'omuntu kimugwanira okuwanikibwa? Ono Omwana w'omuntu niiye ani?
\v 35 Mutambule nga mukaali mulina omusana, endikirirya ereke okubakwatira mu ngira: atambulira mu ndikirirya tamanya gy'ayaba.
\v 36 Bwe mukaali mulina omusana mwikirirye omusana, mufuuke abaana b'omusana. Yesu bwe yamalire okutumula ebyo, n'ayaba, n'abeegisa.
\v 37 Naye waire nga yakolere obubonero bungi obwenkaniire awo mu maiso gaabwe, tebamwikirirye:
\v 38 ekigambo kya nabbi Isaaya kituukirire, kye yatumwire nti Mukama, yani eyaikirirye ebigambo byaisu? Era omukono gwa Mukama gubikkuliirwe yani?
\p
\v 39 Kyenaviire baleka okusobola okwikirirya, kubanga Isaaya yatumwire ate nti
\v 40 Yabazibire amaiso, n'abakakanyalya omwoyo; Baleke okubona n'amaiso n'okutegeera n'omwoyo, Bakyuke, Kaisi mbawonye.
\p
\v 41 Ebyo bye yatumwire Isaaya, kubanga yaboine ekitiibwa kye: n'atumula ku iye.
\v 42 Naye mu bakulu bangi abamwikiriirye, naye olw'Abafalisaayo tibaayatwiire, baleke okubbingibwa mu ikuŋaaniro:
\v 43 kubanga batakire ekitiibwa ky'abantu okusinga ekitiibwa kya Katonda.
\p
\v 44 Yesu n'atumulira waigulu n'akoba nti Anjikirirya, taikirirya nze, wabula odi eyantumire.
\v 45 Era abona nze ng'aboine odi eyantumire.
\v 46 Nze ngizire kubba musana mu nsi, buli muntu anjikirirya aleke okutyamanga mu ndikirirya.
\v 47 Naye awulira ebigambo byange, n'atabikwata, nze timusalira musango: kubanga tinaizire kusalira nsi musango, wabula okulokola ensi.
\v 48 Agaana nze, n'ataikirirya bigambo byange, alina amusalira omusango: ekigambo kye natumwire niikyo ekirimusalira omusango ku lunaku olw'enkomerero.
\v 49 Kubanga tinatumulanga nze ku bwange; naye Itawange eyantumire, niiye yandagiire bwe nkoba, era bwe ntumula.
\v 50 Nzeena maite ekiragiro kye niibwo bulamu obutawaawo: kale nze bye ntumula, nga Itawange bwe yankobere, ntyo bwe ntumula.
\c 13
\cl Ensuula 13
\p
\v 1 Naye embaga ey'Okubitaku yabbaire nga ekaali kutuuka, Yesu bwe yamanyire ng'ekiseera kye kituukire okuva mu nsi muno okwaba eri Itaaye, bwe yatakire ababe abali mu nsi, yabatakire okutuusia enkomerero.
\v 2 Bwe babbaire balya emere ey'ekyeigulo Setaani nga yamalire ira okwesoomera Yuda Isukalyoti omwana wa Simooni mu mwoyo gwe okumulyamu olukwe,
\v 3 Yesu bwe yamanyire nga Itaaye amuwaire byonabyona mu mukono gwe, era nga yaviire wa Katonda, ate ng'aira wa Katonda,
\v 4 n'ava ku mere, n'ayambulamu engoye gye; n'akwata ekiremba, ne yeesiba ekimyu.
\v 5 Kaisi afuka amaizi mu kibya, n'atandika okunaabya abayigirizwa ebigere n'okubisiimuulya ekiremba kye yabbaire yeesibire.
\v 6 Awo n'aiza eri Simooni Peetero. Yeena n'amukoba nti Mukama wange, niiwe onaabya ebigere?
\v 7 Yesu n'airamu n'amukoba nti Kye nkola nze tokimaite iwe atyanu, naye olikitegeera luvanyuma.
\v 8 Peetero n'amukoba nti Tonaabyenga bigere byange emirembe gyonagyona. Yesu n'amwiramu nti Bwe ntakunaabye toikirirya kimu nanze.
\v 9 Simooni Peetero n'amukoba nti Mukama wange, si bigere byange byonka, naye n'emikono n'omutwe.
\v 10 Yesu n'amukoba nti Anaabibwa omubiri abulaku kye yeetaaga wabula okunaaba ebigere byonka, naye yenayena nga mulongoofu: mweena muli balongoofu naye ti mwenamwena.
\v 11 Kubanga yamumanyire eyamulyamu olukwe; kyeyaviire atumula nti Mwenamwena temuli balongoofu.
\p
\v 12 Awo bwe yamalire okubanaabya ebigere, n'avaala engoye gye, n'atyama ate, n'abakoba nti Mutegeire kye mbakolere?
\v 13 Imwe munjeta Muyigiriza era Mukama wanyu: era mutumula kusa; kubanga bwe ndi.
\v 14 Kale oba nga niinze Mukama wanyu era Omuyigiriza mbanaabirye ebigere, era mweena kibagwanira okunaabyagananga ebigere.
\v 15 Kubanga mbawaire ekyokuboneraku, era nga bwe mbakolere nze, mweena mukolenga mutyo.
\v 16 Dala dala mbakoba nti Omwidu tasinga bukulu mukama we; so omutume tasinga obukulu odi eyamutumire.
\v 17 Bwe mubimanya ebyo, mulina omukisa bwe mubikola.
\v 18 Tintumwire ku imwe mwenamwena: nze maite be nalonderemu: naye ekyawandiikiibwe kituukirire nti Alya ku mere yange niiye ayimusirye ekityero kye.
\v 19 Okusooka atyanu mbakobera nga kikaali kubbaawo, era ne bwe kiribba, kaisi mwikirirye nga niinze oyo.
\v 20 Dala dala mbakoba nti Asangalira buli gwe ntuma, ng'asangaliire niinze: era Asangalira nze, ng'asangaliire odi eyantumire.
\p
\v 21 Yesu bwe yamalire okutumula atyo, ne yeeraliikirira mu mwoyo, n'ategeeza, n'atumula nti Dala dala mbagamba nti omumu ku imwe eyandyamu olukwe.
\v 22 Abayigirizwa ne balingaganaku, nga babuusabuusa gw'atumwireku bw'ali.
\v 23 Wabbairewo omumu ku bayigirizwa be eyabbaire agalamiire mu kifubba kya Yesu ku mere, Yesu gwe yatakanga.
\v 24 Awo Simooni Peetero n'awenya oyo, n'amukoba nti Tubobere gw'atumwireku bw'ali.
\v 25 Iye bwe yagalamiire mu kifubba kya Yesu, nga bwe yabbaire, n'amukoba nti Mukama wange, niiye ani?
\v 26 Awo Yesu n'airamu nti Gwe nakolezia ekitole ne nkimuwa niiye oyo. Awo bwe yakozerye ekitole, n'akitwala, n'akiwa Yuda omwana wa Simooni Isukalyoti.
\v 27 Bwe yamalire okuweebwa ekitole, Setaani kaisi amuyingiramu. Awo Yesu n'amukoba nti Ky'okola, kola mangu.
\v 28 Naye ekigambo ekyo wabula muntu ku ibo abbbaire batyaime ku mere eyakitegeire ekikimutumulya.
\v 29 Kubanga abandi bategeire nti kubanga Yuda niiye yabbaire akwata ensawo, Yesu kyeyaviire amukoba nti Gula bye twetaaga eby'oku mbaga; oba awe abaavu ekintu.
\v 30 Awo bwe yamalire okuweebwa ekitole, amangu ago n'afuluma ewanza; bw'abaire nga buzibire.
\p
\v 31 Awo bwe yamalire okufuluma, Yesu n'akoba nti Atyanu Omwana w'omuntu agulumizibwa, no Katonda agulumizibwa mu iye;
\v 32 era Katonda alimugulumiza mu iye mwene, era amangu ago yamugulumizia.
\v 33 Baana bange, ekiseera kitono nga nkaali naimwe. Mulinsagira: era nga bwe nakobeire Abayudaaya nti Gye njaba nze imwe temusobola kwiza, era mweena bwe mbakoba atyanu.
\v 34 Eiteeka eiyaka mbawa nti Mutakaganenga; nga bwe nabatakaanga imwe, era mweena mutakaganenga.
\v 35 Bonabona kwe bategeereranga nga muli bayigirizwa bange, bwe mwabbanga n'okutkagana mwenka na mwenka.
\p
\v 36 Simooni Peetero n'amukoba nti Mukama wange, oyaba waina? Yesu n'airmu nti Gye njaba a, tosobola kunsengererya atyanu; naye olinsengererya gye bwiza.
\v 37 Peetero n'amukoba nti Mukama wange, kiki ekindoberya okukusengererya atyanu? N'awaireyo obulamu bwange ku lulwo.
\v 38 Yesu n'airamu nti wawaayo obulamu bwo ku lwange? Dala dala nkukoba nti Enkoko teekolyoke okutuusia lw'ewaneegaana emirundi isatu.
\c 14
\cl Ensuula 14
\p
\v 1 Omwoyo gwanyu tegweraliikiriranga: mwikirirye Katonda, era nzeena munjikirirye.
\v 2 Mu nnyumba ya Itawange mulimu ebifo bingi eby'okubbaamu. Singa tekiri kityo, nakabakobere; kubanga njaba kubateekerateekera ekifo.
\v 3 Era oba nga njaba okubateekerateekera ekifo, ndiira ate ne mbatwala gye ndi; nze gye ndi, mweena mubbe eyo.
\v 4 Era gye njaba, engira mugimaite.
\v 5 Tomasi n'amukoba nti Mukama waisu, tetumaite gy'oyaba; engira tugimaite tutya?
\v 6 Yesu n'amukoba nti Niinze ngira, n'amazima n'obulamu: wabula aiza eri Itawange, wabula ng'abita mu ninze.
\v 7 Singa muntegeire, no Itawange mwandimumanyire: okusooka atyanu mumutegeera era mumuboine
\v 8 Firipo n'amugamba nti Mukama waisu tulage Itawaisu, kale ekyo kyatumala.
\v 9 Yesu n'amukoba nti Kasookede mba naimwe, ebiseera ebingi bityo, era tontegeeranga, Firipo? Aboinee ku nze, ng'aboine ku Itawange; kiki ekikutumulya iwe nti Tulage Itawaisu?
\v 10 Toikirirya nga nze ndi mu Itawange, no Itawange ali mu ninze? Ebigambo bye mbakoba nze, timbitimula ku bwange nzeka; naye Itawange bw'abba mu nze akola emirimu gye.
\v 11 Munjikirirye nga nze ndi mu Itawange, no Itawange mu nze: oba munkikirirye olw'emirimu gyonka.
\v 12 Dala dala mbakoba nti Aikirirya nze emirimu gye nkola nze, yeena aligikola; era alikola egisinga egyo obunene; kubanga nze njaba eri Itawange.
\v 13 Na buli kye mwaasabanga mu liina lyange, ekyo nakikolanga, Itawange agulumirizibwenga mu Mwana.
\v 14 Bwe mwasabanga ekigambo mu liina lyange, ekyo naakikolanga.
\v 15 Oba nga muntaka, mwakwatanga ebiragiro byange.
\v 16 Nzeena ndisaba Itawange, yeena alibawa Omubeezi ogondi, abeenga naimwe emirembe n'emirembe.
\v 17 Omwoyo ow'amazima: ensi gw'etasobola kwikirirya; kubanga temubona, so temutegeera: imwe mumutegeera; kubanga abba gye muli, era yabbanga mu imwe.
\v 18 Tindibaleka bamulekwa; ndiira gye muli.
\v 19 Esigaire ekiseera kitono, ensi obutambona ate; naye imwe mubona: kubanga nze ndi mulamu naimwe mulibba balamu.
\v 20 Ku lunaku olwo mulitegeera imwe nga nze ndi mu Itawange, naimwe mu nze, nzeena mu imwe.
\v 21 Alina ebiragiro byange, n'abikwata, oyo nga niiye antaka: antaka yatakibwanga Itawange, nzeena namutakanga, namubonekeranga.
\v 22 Yuda (atali Isukalyoti; n'amugamba nti Mukama waisu; kibbbaire kitya iwe okwaba okutubonekera ife, so ti eri ensi?
\v 23 Yesu n'airamu n'amukoba nti Omuntu bw'antaka, yakwatanga ekigambo kyange: no Itawange yamutakanga, era twaizanga gy'ali, twatyamanga gy'ali.
\v 24 Atantaka takwata bigambo byange: n'ekigambo kye muwulira ti kyange, naye kya Itawange eyantumire.
\p
\v 25 Ebigambo ebyo mbakobeire nga nkaali naimwe.
\v 26 Naye Omubeezi, Omwoyo Omutukuvu, Kitange gw'alituma mu liina lyange, oyo alibegeresya Byonabyona, alibajukizia byonabyona bye nabakobere.
\v 27 Emirembe mbalekera; emirembe gyange ngibawa: ti ng'ensi bw'ewa, nze bwe mbawa. Omwoyo gwanyu tegweraliikiriranga so tegutyanga.
\v 28 Muwuliire bwe mbakobere nti njaba, era ndiira gye muli. Singa muntaka, mwandisanyukire kubanga njaba eri Itawange: kubanga Itawange ansinga obukulu.
\v 29 Atyanu mbakobere nga kikaali kubbaawo, lwe kiribbaawo kaisi mwikirirye.
\v 30 Tinkaali ntumula inu ate naimwe; kubanga afuga ensi aiza: naye ambulaku kigambo;
\v 31 naye ensi etegeere nga ntaka Itawange, era Itawange bwe yandagiire, ntyo bwe nkola. Mugolokoke, tuve wano.
\c 15
\cl Ensuula 15
\p
\v 1 Ninze omuzabbibu ogw'amazima, no Itawange Niiye omulimi.
\v 2 Buli itabi eriri mu nze eritabala bibala, alitoolawo: na buli eribala ebibala alirongoosia, lyeyongerenga okubala.
\v 3 Imwe atyanu mumalire okubba abalongoofu olw'ekigambo kye mbakobere.
\v 4 Mubbe mu nze, nzeena mu imwe. Ng'eitabi bwe litasobola kubala bibala lyonka, bwe litabba mu muzabbibu, kityo mweena temusobola, bwe mutabba mu nze
\v 5 Ninze muzabbibu, niimwe matabi: abba mu nze, nzeena mu iye, oyo abala ebibala bingi: kubanga awabula nze mubulaku kye muyinza kukola.
\v 6 Omuntu bw'atabba mu nze, asuulibwa ewanza ng'eitabi, akala; bagakuŋaanya, bagasuula mu musyo, ne gaya.
\v 7 Bwe mubba mu nze, n'ebigambo byange bwe bibba mu imwe, musabenga kye mutaka kyonakyona, mwakikolerwanga.
\v 8 Mu kino Itawange agulumizibwa, mubalenga ebibala bingi; era mwabbanga abayigirizwa bange.
\v 9 Nga Itange bwe yantakire, nzeena mbatakire imwe: mubbenga mu kutaka kwange.
\v 10 Bwe mukwata ebiragiro byange, mwabbanga mu kutaka kwange; nga nze bwe nakwaite ebiragiro bya Itawange, ni mba mukutaka kwe.
\v 11 Ebyo mbibakobere, eisanyu lyange libbenga mu imwe, era essanyu lyanyu lituukirire.
\v 12 Kino niikyo kiragiro kyange, mutakaganenga, nga bwe nabatakire imwe.
\v 13 Wabula alina okutaka kunene okusinga kuno omuntu okuwaayo obulamu bwe olwe mikwanu gye.
\v 14 Imwe muli mikwanu gyange, bwe mukola bye mbalagira.
\v 15 Tinkaali mbeeta baidu; kubanga omwidu tamaite mukama we by'akola; naye mbeeta mukwanu; kubanga byonabyona bye nawuliire eri itawange mbibakobeire imwe.
\v 16 Ti niimwe mwanondere nze, naye ninze nabalondere imwe, ne mbateekawo, mwabe mubalenga ebibala, n'ebibala byanyu bibbengawo: kyonakyona kye mwasabanga Itawange mu liina lyange, akibawenga.
\v 17 Mbalagiire bino, mutaganenga.
\v 18 Ensi bw'ebakyawanga mumaite nga y'asookere kukyawa niinze nga ekaali kukyawa imwe.
\v 19 Singa mubbbaire be nsi, ensi yanditakire ekyayo; naye kubanga temuli be nsi, naye ninze nabalondere mu nsi, ensi kyeviire ebakyawa.
\v 20 Mwjukire ekigambo kye nabakobere nti Omwidu tasinga mukama we. Oba nga banjiganya nze, mweena babayiganyanga; oba nga baakwata ekigambo kyange, n'ekyanyu baakikwatanga.
\v 21 Naye ebyo byonabyona baabibakolanga olw'eriina lyange, kubanga tebamaite eyantumire.
\v 22 Singa tinaizire ne ntumula nabo, tebandibbaire na kibbiibi; naye atyanu babula kyo kuwozia olw'ekibbiibi kyabwe.
\v 23 Ankyawa nze akyawa no Itawange.
\v 24 Singa tinakoleire mu ibo mirimu egitakolebwanga gondi, tebandibaire na kibbiibi; naye atyanu baboine ne bankyawa no Itawange.
\v 25 Naye ekigambo kituukirire ekyawandiikiibwe mu mateeka gaabwe nti Bankyawiire bwereere.
\v 26 Naye Omubeezi bw'aliiza, gwe ndibatumira ava eri Itawange, Omwoyo ow'amazima, ava eri Itawange, oyo alitegeeza ebyange:
\v 27 era mweena mutegeeza ebyange kubanga okuva ku luberyeberye mwabbaire nanze.
\c 16
\cl Ensuula 16
\p
\v 1 Ebyo, mbibakobeire muleke okwesitazibwanga.
\v 2 Bababbinganga mu makuŋaaniro; niiwo awo, ekiseera kiza, buli eyabaitanga yalowoozanga ng'aweerezerye Katonda.
\v 3 Ebyo babikolanga, kubanga Itawange tebamutegeera waire nze.
\v 4 Naye ebyo mbibakobeire, era ekiseera kyabyo bwe kituukanga mwojukire nga nze nabakobeire. N'ebyo okuva ku luberyeberye tinabobakobeire, kubanga nabbaire wamu naimwe.
\v 5 Naye atyanu njaba eri odi eyantumire; era wabula ku imwe ambuulya nti Oyaba waina?
\v 6 Naye kubanga mbakobeire ebyo, emyoyo gyanyu gizwire enaku.
\v 7 Naye nze mbakoba amazima; kibasaanira imwe nze okwaba; kubanga nze bwe ntalyaba, Omubeezi talibaizira; naye bwe ndyaba ndimutuma gye muli.
\v 8 Iye bw'aliiza, alirumirirya ensi olw'ekibbiibi, n'olw'obutuukirivu, n'olw'omusango;
\v 9 olw'ekibbiibi, kubanga tebanjikirirye nze;
\v 10 olw'obutuukirivu, kubanga njaba eri Itawange, so mweena temukaali mumbona ate;
\v 11 olw'omusango, kubanga omukulu w'ensi enu asaliirwe omusango.
\v 12 Nkaali nina bingi okubakobera, naye temusobola kubigumiinkiriza atyanu.
\v 13 Naye bw'aliiza oyo Omwoyo ow'amazima, yabaluŋamyanga mu mazima gonagona: kubanga taatumulenga ku bubwe yenka; naye byonabyona byeyawuliranga by'eytumulanga: iye yabakoberanga ebibyaba okwiza.
\v 14 Oyo yangulumizanga nze: kubanga yatoolanga ku byange n'abakobera imwe.
\v 15 Byonabyona Itawange by'ali nabyo niibyo byange: kyenviire nkoba nti yatoolanga ku byange n'akobera imwe.
\v 16 Esigaire ekiseera kitono, ne mutambona ate; era nate walibbaawo ekiseera kitono, ne mumbona.
\v 17 Abayigirizwa be abamu kyebaaviire batumula bonka na bonka nti Kiki kino ky'atukoba nti Esigaire ekiseera kitono, ne mutambona; ate walibaawo ekiseera kitono, ne mumbona; era nti Kubanga njaba eri Itawange?
\v 18 Kyebaaviire bakoba nti Kiki kino ky'akoba nti Ekiseera kitono? Tetumaite ky'akoba.
\v 19 Yesu n'ategeera nga bataka okumubuulya, n'abakoba nti Mwebuulyagana mwenka olw'ekyo kye mbakobere nti Esigaire ekiseera kitono, ne mutambona, era ate walibbaawo ekiseera kitono ne mumbona?
\v 20 Dala dala mbakoba nti imwe mulikunga mulikubba ebiwoobe, naye ensi erisanyuka: imwe mulinakuwala, naye enaku gyanyu girifuuka isanyu.
\v 21 Omukali bw'azaala abona enaku, kubanga ekiseera kye kituukire: naye omwana bw'amala okuzaalibwa nga takaali aijukira kulumwa, olw'eisanyu ery'okuzaala omuntu mu nsi.
\v 22 Kale mweena atyanu munakuwala: naye ndibabona ate, n'emyoyo gyanyu girisanyuka, n'eisanyu lyanyu wabula muntu aliribatoolaku.
\v 23 Ne ku lunaku ludi temulibbaaku kye munsaba. Dala dala mbakoba nti Buli kye mulisaba Itawange, alikibawa mu liina lyange.
\v 24 Okutuusia atyanu temusabanga kigambo mu liina lyange: musabe, muliweebwa, eisanyu lyayu lituukirire.
\p
\v 25 Ebyo mbibakobeire mu ngero: naye obwire bwaba okwiza, imwe tinditumulira naimwe mu ngero, naye ndibakobera ebya Itawange mu lwatu.
\v 26 Ku lunaku ludi mulisaba mu liina lyange: so timbakoba nti ndibasabira eri Itawange;
\v 27 kubanga Itawange mweene abataka, kubanga muntakire nze, Mwikirirye nga naviire eri Itawange.
\v 28 Naviire eri Itawange, ne ngiza mu nsi: ate ensi ngireka, njaba eri Itawange.
\v 29 Abayigirizwa be ne bamukoba nti Bona, atunu otumula lwatu, totumula lugero.
\v 30 Atyanu tumaite ng'omaite byonabyona, so teweetaaga muntu yenayena okukubuulya; kyetuva twikirirya nga waviire eri Katonda.
\v 31 Yesu n'abairamu nti Atyanu mwikirirye?
\v 32 Bona, ekiseera kiza, era kituukire, mwe mwasaansaanira, buli muntu mu bibye, mwandeka nze nzenka: so ti nzenka, kubanga Itawange ali wamu nanze.
\v 33 Ebyo mbibakobeire, mube n'emirembe mu nze. Mu nsi mulimu enaku: naye mugume; nze mpangwire ensi.
\c 17
\cl Ensuula 17
\p
\v 1 Yesu yatumwire ebyo; n'ayimusa amiaso ge mu igulu n'akoba nti Itawange, ekiseera kituukire; gulumizia Omwana wo, Omwana wo akugulumizie:
\v 2 nga bwe wamuwaire obuyinza ku balina omubiri bonnabona, era bonnabona be wamuwaire, abawe obulamu obutawaawo.
\v 3 Buno niibwo bulamu obutawaawo, okutegeera iwe Katonda omumu ow'amazima, n'oyo gwe watumire, Yesu Kristo.
\v 4 Nze nkugulumizirye ku nsi kubanga omulimu gwe wampaire okukola ngumalirirye.
\v 5 Ai Itawange, ne Atyanu ngulumizia iwe wamu naiwe mu kitiibwa kidi kye nabbaire nakyo awamu naiwe ng'ensi akaali kubbaawo.
\v 6 Mbonekerye eriina lyo abantu be wampaire okubatoola mu nsi: babbaire babo, n'obampa nze; boona bakwaite ekigambo kyo.
\v 7 Atyanu bategeire nga byonabyona bye wampaire biva mu niiwe:
\v 8 kubanga ebigambo bye wampaire mbibawaire; ne babitwala, ne bategeera mazima nga naviire gy'oli, ne baikirirya nga iwe wantumire
\v 9 Nze mbasabira abo; sisabira nsi, wabula bo be wampaire; kubanga babo:
\v 10 era ebyange byonabyona bibyo, n'ebibyo byange: nzena ngulumizibwa mu bo.
\v 11 Tindi mu nsi ate, naye bano bali mu nsi, nzena ngiza gy'oli. Itawange Omutukuvu, obakuumenga mu liina lyo be wampaire, babbenga bumu, nga ife.
\v 12 Bwe nabbaire nabo be wampaire nabakuumanga mu liina lyo: era ne mbazibira, tekukotanga muntu ku ibo, wabula omwana w'okugota; ebyawandiikiibwe bituukirire.
\v 13 Naye atyanu ngiza gy'oli; na bino mbitumula mu nsi babbe n'eisanyu lyange nga lituukiriire mu ibo.
\v 14 Mbawaire ekigambo kyo; era ensi yabakyawire, kubanga ti bensi nga nze bwe ntali we nsi.
\v 15 Tinsaba iwe kubatoola mu nsi, naye obakuumenga mu bubbiibi.
\v 16 Ti be nsi, nga nze bwe ntali we nsi.
\v 17 Obatukulye mu mazima: ekigambo kyo niigo mazima,
\v 18 Nga bwe wantumire mu nsi, nzeena bwe nabatumire mu nsi.
\v 19 Era nze neetukulya ku bwabwe, boona beene batukuzibwe mu mazima.
\v 20 So timbasabira bano bonka, naye n'abo abanjikirirya olw'ekigambo kyabwe;
\v 21 bonnabona babbenga bumu; nga iwe, Itawange, bw'oli mu nze, nzeena mu iwe, era boona babbenga mu ife: ensi eikiriryr nga iwe wantumire.
\v 22 Nzeena ekitiibwa kye wampaire nkibawaire; babbenga bumu, nga ife bwe tuli obumu;
\v 23 nze mu ibo, weena mu nze, batuukiririre okubba obumu; ensi etegeerenga nga iwe wantumire, n'obataka ibo, nga bwe wantakire nze.
\v 24 Itawange, be wampaire, ntaka, we ndi nze, boona we babba babbenga nanze; babone ekitiibwa kyange kye wampaire: kubanga wanjagala nze ng'ensi ekaali kutondebwa.
\v 25 Kitawange Omutuukirivu ensi teyakitumuliire, naye nze nakutegeire; na bano bategeire nga iwe wantumire;
\v 26 era nabategeezerye eriina lyo era nditegeeza; okutaka kwe wantakire kubbenga mu ibo, nzeena mu ibo.
\c 18
\cl Ensuula 18
\p
\v 1 Awo Yesu bwe yamalire okutumula ebigambo ebyo n'afuluma n'abayigirizwa be ne basomoka akaiga Kidulooni, eyabbaire olusuku, n'ayaba omwo iye n'abayigirizwa be.
\v 2 Era no Yuda amulyamu olukwe, yabbaire amaite ekifo ekyo: kubanga Yesu yayabangayo emirundi mingi n'abayigirizwa be.
\v 3 Awo Yuda, bwe yamalire okuweebwa ekitongole ky'abasirikale n'abaami okuva eri bakabona abakulu n'Abafalisaayo, n'aizayo ng'alina etabaaza, n'emimuli, n'amafumu.
\v 4 Awo Yesu bwe yamanyire ebigambo byonabyona ebyamwizira, n'avaayo n'abakoba nti Musagira yani?
\v 5 Ne bamwiramu nti Yesu Omunazaaleesi. Yesu n'abakoba nti Ninze ono. Era no Yuda, amulyamu olukwe, yabawaire ayemereire nabo.
\v 6 Awo bwe yabakobere nti Ninze ono, ne bairire enyuma ne bagwa wansi.
\v 7 Ate n'ababuulya omulundi ogw'okubiri nti Musagira yani? Ne bakoba nti Yesu Omunazaaleesi
\v 8 Yesu n'airamu nti Mbakobeire nti ninze ono: kale oba nga musagira ninze, muleke bano baabe:
\v 9 ekigambo kye yatumwire kituukirizibwe nti Ku abo be wampaire tinagoteryeku n'omumu.
\v 10 Awo Simooni Peetero yabbaire n'ekitala n'akisowola n'atema omwidu wa kabona asinga obukulu, n'amusalaku okitu ekyamuliiro. N'eriina ly'omwidu Maluko.
\v 11 Awo Yesu n'akoba Peetero nti Iryamu ekitala mu kiraato kyakyo: ekikompe Itawange ky'ampaire, tinkinywe?
\p
\v 12 Awo ekitongole ky'abaserikale, n'omwami waabwe omukulu, n'abaweererya b'Abayudaaya ne bakwata Yesu ne bamusiba,
\v 13 ne basooka okumutwala eri Ana; kubanga yabbaire muko wa Kayaafa, eyabbaire kabona asinga obukulu mu mwaka gudi.
\v 14 Era Kayaafa oyo niiye yawaire Abayudaaya amagezi nti kisaana omuntu omumu okufiirira abantu.
\p
\v 15 Simooni Peetero n'omuyigirizwa ogondi ne basengererya Yesu. Awo omuyigirizwa odi yabbaire amanyibwe kabona asinga obukulu, n'ayingira no Yesu mu luya lwa kabona asinga obukulu;
\v 16 naye Peetero yabbaire ayemereire ewanza ku lwigi. Awo omuyigirizwa oyo ogondi eyabbaire amanyiibwe kabona asinga obukulu n'afuluma n'atumula n'omuwala omwigali w'olwigi, n'ayingirya Peetero.
\v 17 Awo omuwala oyo omwigali w'olwigi n'akoba Peetero nti Weena oli wo mu bayigirizwa bo muntu ono? N'akoba nti Tindi waamu.
\v 18 Abaidu n'abaweereza babbaire bemereire awo nga bakumire omusyo gw'amanda; kubanga yabbaire mpewo; ne boota omusyo: no Peetero yeena yabbaire nabo ng'ayemereire ng'ayota omusyo.
\p
\v 19 Awo kabona asinga obukulu n'abuulya Yesu ebigambo by'abayigirizwa be, n'eby'okwegeresya kwe.
\v 20 Yesu n'amwiramu nti nakoberanga lwatu ensi; bulijjo nayegeresyanga mu makuŋaaniro no mu yeekaalu, mwe bakuŋaaniire Abayudaaya bonnabona; tintumulanga mu kyama kigambo ne kimu.
\v 21 Ombuulilya ki? Buulya abampuliranga, bye nabakobere: bona, abo bamaite nze bye natumwire.
\v 22 Bwe yatumwire ebyo omumu ku baweereza eyabbaire amwemereire okumpi n'akubba Yesu oluyi n'akoba nti Oiramu oti kabona asinga obukulu?
\v 23 Yesu n'amwiramu nti Oba ntumwire kubbiibi, kinumirirye ekibbiibi: naye oba kisa, onkubbira ki?
\v 24 Awo Ana n'amuweererya nga musibe eri Kayaafa kabona asinga obukulu.
\p
\v 25 Ne Simooni Peetero yabbaire ayemereire ng'ayota omusyo. Awo ne bamugamba nti Weena oli wo mu bayigirizwa be? Iye ne yeegaana n'akoba nti Tindi waamu.
\v 26 Omu ku baidu ba kabona asinga obukulu ow'ekika ky'oyo Peetero gwe yasalireku okitu, n'akoba nti Nze tinakuboine naye mu lusuku mudi?
\v 27 Peetero ne yeegaana ate: amangu ago enkoko n'ekolyooka.
\p
\v 28 Ne batooka Yesu eri Kayaafa, ne bamutwala mu kigangu: era bwabbaire bukya; ibo beene batayingiire mu kigangu, baleke okweyonoona, naye bamale okulya Okubitaku.
\v 29 Awo Piraato n'afuluma n'ayaba gye baali, n'akoba nti Musango ki gwe mulanga omuntu ono?
\v 30 Ne bairamu ne bamukoba nti Omuntu ono singa abbaire takolere kubbiibi, tetwandimuleetere gy'oli.
\v 31 Awo Piraato n'abakoba nti Kale mumutwale imwe mumusalire omusango ng'amateeka ganyu bwe gali. Abayudaaya ne bamukoba nti Tekyatulagiirwe kwita muntu yenayena;
\v 32 ekigambo kya Yesu kituukirizibwe, kye yatumwire, ng'alaga okufa kw'ayaba okufa bwe kuli.
\p
\v 33 Awo Piraato n'ayingira ate mu kigangu, n'ayeta Yesu n'amukoba nti Niiwe Kabaka w'Abayudaaya?
\v 34 Yesu n'airamu nti Kino okitumwire ku bubwo oba bandi niibo bakukobeire ebigambo byange?
\v 35 Piraato n'airamu nti Nze ndi Muyudaaya? Ab'eigwanga lyanyu na bakabona abakulu niibo abakundeeteire: okolere ki?
\v 36 Yesu n'airamu nti Obwakabaka bwange ti bwo mu nsi muno: singa obwakabaka bwange bubbaire bwo mu nsi muno, basaiza bange bandirwaine, ne ntaweebwayo mu Bayudaaya: naye atyanu obwakabaka bwange ti bwa wano.
\v 37 Awo Piraato n'amukoba nti Kale niiwe kabaka? Yesu n'airamu nti Otumwire, kubanga ninze kabaka. Nze nazaalirwe kikyo, n'ekyo niikyo kyandeetere mu nsi, ntegeeze amazima. Buli ow'amazima awulira eidoboozi lyange.
\v 38 Piraato n'amukoba nti Amazima niikyo ki? Bwe yamalire okutumula ekyo, n'afuluma ate n'ayaba awali Abayudaaya, n'abakoba nti Timbona musango ku iye.
\v 39 Naye mulina empisa, nze okubalekulilanga omumu ku Kubitaku: kale mutaka mbalekulire Kabaka w'Abayudaaya?
\v 40 Awo ne bakaayana, ne bakoba nti Ti ono, wabula Balaba. N'oyo Balaba yabbaire munyagi.
\c 19
\cl Ensuula 19
\p
\v 1 Awo Piraato kaisi n'atwala Yesu n'amukubba emiigo.
\v 2 Basirikale ne baluka engule y'amawa, ne bamutikiira ku mutwe, ne bamuvalisya olugoye olw'efulungu;
\v 3 ne baiza w'ali ne bakoba nti Mirembe, Kabaka w'Abayudaaya! Ne bamubba empi.
\p
\v 4 Piraato n'afuluma ate ewanza, n'abakoba nti Bona mufulumya ewanza we muli, mutegeere nga timbona musango ku iye.
\v 5 Awo Yesu n'afuluma, ng'avaaire engule y'amawa n'olugoye olw'efulungu. Piraato n'abakoba nti Bona omuntu oyo!
\p
\v 6 Awo bakabona abakulu n'abaweereza bwe baamuboine, ne batumulira waigulu nga bakoba nti Komerera, komerera: Piraato n'abakoba nti Mumutwale imwe mumukomerere: kubanga nze timbona musango ku iye.
\v 7 Abayudaaya ne bamwiramu nti Ife tulina eiteeka n'olw'eiteeka eryo agwaniire okufa, kubanga yeefuula Omwana wa Katonda.
\v 8 Awo Piraato bwe yawuliire ekigambo ekyo, ne yeeyongera okutya;
\v 9 n'ayingira ate mu kigangu, n'akoba Yesu nti Oli wa waina? Naye Yesu n'atamwiramu.
\v 10 Awo Piraato n'amukoba nti Totumula nanze? Tomaite nga nina obuyinza obw'okukwita, era nina obuyinza obw'okukukomerera?
\v 11 Yesu n'amwiramu nti Tewandibbbaire no buyinza bwonabwona ku nze, singa tebwakuweibwe okuva waigulu; ampaireyo gy'oli kyaviire abba n'ekibbiibi ekisinga.
\v 12 Okusookera awo Piraato n'asala amagezi okumwita: naye Abayudaaya ne batumulira waigulu nga bakoba nti Bwewamulekula oyo nga toli mukwanu gwa Kayisaali: buli muntu yenayena eyeefuula kabaka awakanya Kayisaali.
\p
\v 13 Awo Piraato bwe yawuliire ebigambo ebyo n'afulumya Yesu ewanza, n'atyama ku ntebe ey'emisango mu kifo ekiyitibwa Amabbaale Amaaliire, naye mu Lwebbulaniya Gabbasa.
\v 14 Lwabbaire lunaku lwo kuteekateeka Okubitaku: gyabbaire nga giri saawa mukaaga. N'akoba Abayudaaya nti Bona Kabaka wanyu!
\p
\v 15 Awo ibo ne batumulira waigulu nti Mutoolewo, mutoolewo mukomerere. Piraato n'abakoba nti Nakomerera Kabaka wanyu? Bakabona abakulu ne bairamu nti Tubula kabaka wabula Kayisaali.
\v 16 Awo kaisi n'amubawa okukomererwa. Awo ne batwala Yesu:
\v 17 n'afuluma, nga yeetikire yenka omusalaba gwe, n'atuuka mu kifo ekyetebwa Ekyekiwanga, ekiyitibwa mu Lwebbulaniya Gologoosa:
\v 18 ne bamukomererera awo, era n'abandi babiri wamu naye, eruuyi n'eruuyi, no Yesu wakati.
\v 19 No Piraato n'awandiika ebbaluwa n'agiteeka ku musalaba, ng'ewandiikiibwe nti YESU OMUNAZAALEESI KABAKA W'ABAYUDAAYA.
\v 20 Awo ebbaluwa eyo bangi ku Bayudaaya ne bagisoma: kubanga ekifo kye baakomereiremu Yesu kyabbaire kumpi n'ekibuga: era yawandiikiibwe mu Lwebbulaniya, no mu Luyonaani, ne mu Lurooma.
\v 21 Awo bakabona abakulu b'Abayudaaya ne bamukoba Piraato nti Towandiika nti Kabaka w'Abayudaaya; naye nti oyo eyatumwire nti Ninze Kabaka w'Abayudaaya.
\p
\v 22 Piraato n'airamu nti Kye mpandiikire kye mpandiikire.
\p
\v 23 Awo abasirikale bwe baamalire okukomerera Yesu, ne batwala ebivaalo bye, ne bateeka emiteeko ina, buli sirikale muteeko; n'ekanzo ye: n'ekanzo ye teyatungibwe, yalukiibwe bulukibwi yonayona okuva waigulu.
\v 24 Ne bakoba bonka na bonka nti Tuleke okugikanulamu, naye tugikubbire akalulu, tulabe eyabba mweene waayo: ekyawandiikiibwe kituukirire, ekitumula nti Baagabanire ebivaalo byange, Era baakubiire akalulu eky'okuvaala kyange. Awo abasirikale ne bakola ebyo.
\p
\v 25 Naye awo awabbaire omusalaba gwa Yesu wabbaire wayemereire maye, no mugande wa maye, Malyamu muka Kuloopa, no Malyamu Magudaleene.
\v 26 Awo Yesu bwe yaboine maye, n'omuyigirizwa gwe yabbaire ataka ng'ayemereire kumpi, n'akoba maye nti Omukali, bona, omwana wo!
\v 27 Oluvanyuma n'akoba omuyigirizwa nti Bona maawo! Awo okuva ku saawa eyo omuyigirizwa oyo n'amutwala eika ewuwe.
\p
\v 28 Oluvanyuma lw'ebyo, Yesu bwe yamanyire nti Atyanu ebigambo byonabyona bumalire okutuukirira, ekyawandiikiibwe kituukirizibwe, n'akoba nti Nina enyonta.
\v 29 Wabbaire wateekeibwewo ekibya ekizwire omwenge omukaatuuki: awo ne bateeka ku ezobu ekisuumwa ekizwire omwenge omukaatuuki, ne bakitwala ku mumwa gwe.
\v 30 Awo Yesu bwe yamalire okuweebwa omwenge, n'akoba nti
\v 31 Kiweire: n'akutamya omutwe gwe, n'awaayo omwoyo gwe.
\v 32 Awo basirikale ne baiza, ne basookera ku mumu ne bamumenya amagulu, n'ogondi eyakomereirwe naye:
\v 33 naye bwe baizia eri Yesu, ne babona ng'amalire okufa, ne batamumenya magulu:
\v 34 naye sirikale omumu n'amusumita mu mpete gye n'eisimu, amangu ago ne muvaamu omusaayi n'amaizi.
\v 35 Naye eyaboine n'ategeeza n'okutegeeza kwe kwa mazima: era oyo amaite ng'atumula amazima, mweena kaisi mwikirirye.
\v 36 Kubanga ebyo byabbairewo, ekyawandiikiibwe kituukirire nti Talimenyebwa igumba.
\v 37 Era ate ekyawandiikiibwe ekindi kikoba nti Balimubona gwe baafumitire.
\p
\v 38 Awo oluvanyuma lw'ebyo Yusufu ow'e Alimasaya, eyabbaire omuyigirizwa wa Yesu, yeena mu kyama olw'okutya Abayudaaya, ne yeegayirira Piraato okutoolaku omulambo gwa Yesu: awo Piraato n'aikirirya. N'aiza, n'atoolaku omulambo gwe.
\v 39 Ne Nikoodemu n'aiza (eyasookere okwiza gy'ali obwire), ng'aletere ebitabule eby'envumbo na akaloosa, obuzito bw'abyo laateri nga kikumi.
\v 40 Awo ne batwala omulambo gwa Yesu, ne baguzinga mu ngoye gy'ekitaani wamu n'eby'akaloosa ebyo, nga Abayudaaya bwe babitya okuziika.
\v 41 Awo mu kifo we yakomereirwe wabbairewo olusuku; no mu lusuku mwabbairemu entaana enjaaka ekaali kuteekebwamu muntu.
\v 42 Awo kubanga lwabbaire lunaku lwa Kuteekateeka okw'Abayudaaya (era kubanga entaana yabbaire kumpi) ne bateeka omwo Yesu.
\c 20
\cl Ensuula 20
\p
\v 1 Awo ku lunaku olusooka mu naku omusanvu, Malyamu Magudaleene n'aiza mu matulutulu, nga bukaali kuboneka, eri entaana, n'abona ng'eibbaale litoliebwe ku ntaana.
\v 2 Awo n'airuka, n'aiza eri Simooni Peetero, n'eri omuyigirizwa odi ogondi Yesu gwe yatakanga, n'abakoba nti Batoiremu Mukama waisu mu ntaana, so tetumaite gye bamutekere.
\v 3 Awo Peetero n'afuluma, n'omuyigirizwa oyo ogondi, ne baaba ku ntaana.
\v 4 Ne bairuka bombiri wamu; n'omuyigirizwa oyo ogondi n'abitya Peetero, n'asooka okutuuka ku ntaana:
\v 5 n'akutama n'alingiziamu, n'abona engoye gy'ekitaani nga giteekeibwe awo; naye n'atayingira.
\v 6 Awo no Simooni Peetero n'aiza ng'amusengererya, n'ayingira mu ntaana; n'abona engoye gy'ekitaani nga ziteekeibwe awo.
\v 7 N'ekiremba ekyabbaire ku mutwe gwe nga tekiteekeibwe wamu ne ngoye gy'ekitaani, naye nga kizingiibwe nga kiri kyonka ku mbali.
\v 8 Awo n'omuyigirizwa oyo ogondi eyasookere okwiza ku ntaana, n'ayingira, n'abona n'aikirirya.
\v 9 Kubanga babbaire bakaali kutegeera ekyawandiikiibwe nti kimugwanira okuzuukira mu bafu.
\v 10 Awo ate abayigirizwa ne bairayo ewaabwe eika.
\p
\v 11 Naye Malyamu yabbaire ayemereire ewanza awabbaire entaana ng'akunga: awo bwe yabbaire ng'akunga, n'akutama n'alengezia mu ntaana;
\v 12 n'abona bamalayika babiri nga bavaire enjeru, nga batyaime, omumu emitwe ogondi emagere, omulambo gwa Yesu we gwabbaire guteekeibwe.
\v 13 Abo ne bamukoba nti Omukyala, okungira ki? N'abakoba nti Kubanga batoiremu Mukama wange, nzeena timaite gye bamuteekere.
\v 14 Bwe yamalire okutumula atyo, n'akyuka enyuma, n'abona Yesu ng'ayemereire, n'atamanya nga niiye Yesu.
\v 15 Yesu n'amukoba nti Omukyala, okungira ki? Osagira yani? Iye ng'alowooza nti niiye mukuumi w'olusuku, n'amugamba nti Sebo, oba nga niiwe omutwaire awandi, nkobera gy'omutekere, nzeena naamutoolayo.
\v 16 Yesu n'amukoba nti Malyamu. N'akyuka n'amukoba mu Lwebbulaniya nti Labooni; amakulu gaakyo Muyigiriza.
\v 17 Yesu n'amukoba nti Tonkwataku; kubanga nkaali kuniina mu igulu eri Kitange: naye yaba eri bagande bange, obakobere nti Niina mu gulu eri Itawange, era Itawanyu, eri Katonda wange, era Katonda wanyu.
\q
\v 18 Malyamu Magudaleene n'aiza n'abuulira abayigirizwa nti mboine Mukama waisu; era bw'amukobere ebigambo bino.
\p
\v 19 Awo ku lunaku ludi akawungezi, ku lunaku olusooka mu naku omusanvu, enzjgi bwe gyabbaire nga Giigairwewo abayigirizwa mwe babbaire, olw'okutya Abayudaaya, Yesu n'aiza, n'ayemerera wakati mu ibo, n'abakoba nti Emirembe gibe mu imwe.
\v 20 Awo bwe yamalire okutumula atyo, n'abalaga engalo gye n'empete gye. Abayigirizwa ne basanyuka, bwe baboine Mukama waabwe.
\v 21 Awo Yesu n'abakoba ate nti Emirembe gibe mu imwe: nga Itawange bwe yantumire nze, nzena ntyo mbasindika imwe.
\v 22 Bwe yamalire okutumula ekyo, n'abaweerera omwoka, n'abakoba nti Mutoole Omwoyo Omutukuvu:
\v 23 be mwatoolangaku ebibbiibi bonabona, batoolebweku; be mwasibiranga ebibbiibi bonabona, basibirwa.
\p
\v 24 Naye Tomasi omumu ku ikumi n'ababiri, eyayetebwanga Didumo, teyabbaire nabo Yesu bwe yaizire.
\v 25 Awo abayigirizwa abandi ne bamukobera nti Tuboine Mukama waisu. Naye n'abakoba nti Bwe ntalibona mu ngalo gye enkovu gy'eninga, ne nteeka lwange ku nkovu gy'eninga, ne nsonseka omukono gwange mu mpete gye, tindikirirya n'akatono.
\p
\v 26 Oluvannyuma nga wabitirewo enaku munaana, ate abayigirizwa be babbaire mukati, no Tomasi ng'ali nabo, Yesu n'aiza, enjigi nga giigaliibwewo, n'ayimirira wakati mu ibo n'akoba nti Emirembe gibbe mu imwe.
\v 27 Awo n'akoba Tomasi nti Leeta wano olugalo lwo obone ebibatu byange; era oleete n'omukono gwo, oguteeke mu mpete gyange; oleke okubba ataikirirya naye aikirirya.
\q
\v 28 Tomasi n'airamu n'amukoba nti Niiwe Mukama wange, era Katonda wange.
\q
\v 29 Yesu n'amukoba nti Kubanga omboine, kyoviire oikirirya; balina omukisa abaikirirya nga babulaku kye baboine.
\p
\v 30 Waliwo obubonero obundi bungi Yesu bwe yakoleire mu maiso g'abayigirizwa, obutawandiikiibwe mu kitabo kino;
\v 31 naye buno bwawandiikiibwe, mwikirirye nti Yesu niiye Kristo, Omwana wa Katonda; era bwe mwikirirya mubbe n'obulamu mu liina lye.
\c 21
\cl Ensuula 21
\p
\v 1 Oluvanyuma lw'ebyo Yesu ne yeeraga ate mu bayigirizwa be ku nyanza eye Tiberiya; ne yeeraga ati.
\v 2 Babbaire bali wamu Simooni Peetero, no Tomasi ayetebwa Didumo, no Nasanayiri ow'e Kaana eky'e Galiraaya, n'abaana ba Zebbedaayo, n'abayigirizwa be abandi babiri.
\v 3 Simooni Peetero n'abakoba nti njaba kuvuba. Ne bamukoba nti Feena twaba naiwe. Ne baaba, ne basaabala mu lyato; obwire obwo ne batakwatisya kintu.
\v 4 Naye bwabbaire bukya Yesu n'ayemerera ku itale: naye abayigirizwa ne batamanya nga niiye Yesu.
\v 5 Awo Yesu n'abakoba nti Abaana, mulina ekyokuliira? Ne bamwiramu nti Tubula.
\v 6 N'abakoba nti Musuule obutiimba ku luuyi olwo muliiro olw'eryato, mwakwatisya. Awo ne basuula, kale nga tebakaali basobola kubuwalula olw'ebyenyanza ebingi.
\v 7 Awo omuyigirizwa oyo Yesu gwe yatakanga n'akoba Peetero nti Niiye Mukama waisu. Awo Simooni Peetero bwe yawulire nga niiye Mukama waisu ne yeesiba olugoye (kubanga yabbaire bwereere) ne yeesuula mu nyanza.
\v 8 Naye abayigirizwa abandi ne baizira mu lyato eitono (kubanga babbaire tebali wala n'eitale, naye emikono nga bibiri,) nga bawalula obutiimba obulimu ebyenyanza.
\v 9 Awo bwe baaviiremu ne batuuka ku itale, ne babona omusyo ogw'amanda nga guli awo n'ebyenyanza nga biteekeku, n'omugaati.
\v 10 Yesu n'abakoba nti Muleete ku byenyanza bye mukwatisirye atyanu.
\v 11 Awo Simooni Peetero n'asaabala, n'awalulira obutiimba ku itale, nga bwizwire ebyenyanza ebinene, kikumi mu ataano na bisatu: naye waire nga byabbaire bingi bityo, obutiimba ne butakutuka.
\v 12 Yesu n'abakoba nti Mwize mulye. So mu bayigirizwa ne mutabba muntu eyasoboire okumubuulya nti Niiwe ani, nga bamaite nga niiye Mukama waisu.
\q
\v 13 Yesu n'aiza, n'akwa omugaati, n'abawa, n'ebyenyanza atyo.
\v 14 Guno niigwo mulundi ogw'okusatu Yesu bwe yabonekere mu bayigirizwa, oluvanyuma ng'amalire okuzuukira mu bafu.
\p
\v 15 Awo bwe baamalire okulya, Yesu n'akoba Simooni Peetero nti Simooni, omwana wa Yokaana, ontaka okusimga bano? N'amukoba nti Niiwo awo, Mukama wange; niiwe omaite nga nkutaka. N'amukoba nti Liisyanga abaana b'entama gyange.
\q
\v 16 N'amukoba ate omulundi ogw'okubiri nti Simooni, omwana wa Yokaana, ontaka? N'amukoba nti Niiwo awo, Mukama wange; niiwe omaite nga nkutaka. N'amukoba nti Lisyanga entama gyange.
\p
\v 17 N'amukoba omulundi ogw'okusatu nti Simooni, omwana wa Yokaana, ontaka? Peetero n'anakuwala kubanga amukobere omulundi ogw'okusatu nti Ontaka? N'amukoba nti Mukama wange, niiwe omaite byonabyona; niiwe otegeera nga nkutaka. Yesu n'amukoba nti Liisyanga entama gyange.
\v 18 Dala dala nkukoba nti Bwe wabbaire omuvubuka, weesibanga n'oyaba gy'otaka yonayona: naye bw'olikairiwa, oligolola emikono gyo, ogondi alikusiba, alikutwala gy'otataka.
\q
\v 19 Yatumwire atyo, ng'alaga okufa kw'alifa okugulumiza Katonda. Bwe yamalire okutmula atyo, n'amukoba nti Nsengererya.
\q
\v 20 Peetero bwe yakyukire, n'abona omuyigirizwa Yesu gwe yatakanga ng'asengererya; era oyo niiye yagalamira mu kifubba kye ku mere ey'ekyeigulo, n'akoba nti Mukama wange, yani eyakulyamu olukwe?
\v 21 Awo Peetero bwe yaboine oyo n'akoba Yesu nti Mukama wange, n'ono alibba ki?
\v 22 Yesu n'amukoba nti Bwe njagala abeerewo okutuusia we ndiizira, ofaayo ki? Iwe sengererya nze.
\q
\v 23 Awo ekigambo ekyo ne kibuna mu b'oluganda nti omuyigirizwa oyo talifa: so nga Yesu teyamukobere nga talifa; naye nti Bwe ntaka abbeewo okutuusia we ndiizira, ofaayo ki?
\p
\v 24 Oyo niiye muyigirizwa eyategeezerye bino, n'awandiika bino; naife timaite ng'okutegeeza kwe kwa mazima.
\v 25 Ate waliwo ebindi bingi Yesu bye yakolere, nabyo bwe biwandiikiibwe kimu na kimu ndowooza nti n'ensi gyonagyona tegyandiwereiremu bitabo ebyandiwandiikiddwa.