kvb_reg/49-GAL.usfm

\id GAL
\ide UTF-8
\h Galatia
\toc1 Galatia
\toc2 Galatia
\toc3 gal
\mt Galatia
\c 1

\s (Salam Jak Paulus)
\p
\v 1 Jak Paulus nyo lah de jedi ko Rasul bukon kereno mendesio, meloinko melalui Kristus Yesus ngan Allah Bepa nyo membangket ko Nye jak urang mati.
\v 2 Jugo, jak segelo dolor seiman nyo besamo-samo dengan ke, ontok jemaat de Galatia.
\v 3 Anugerah ngan damai sejahtera bage me jak Allah Bepa kite ngan Tuhan Yesus Kristus.
\v 4 Nye lah memboriko diri-Nye bage doso- doso kite ontok menyelamat ko kite jak zaman nyo jahat kinie sesuoi dengan kehendak Allah ngan Bepa kite.
\v 5 Bage Enye lah kemuliaon ontok selamo- lamo nye. Amin. Anyo ado sikuk Injill.
\p
\v 6 Ake heran, alangko cepat kou meninggalko Nye, nyo mantaume melalui anugerah Kristus, ngan bebelek kepodo Injil nyo loen.
\v 7 padohal, piado Injil nyo loen. Hambok, ado beberape urang nyolah mengacauko kowe ngan en amat ngengeliruko Injil Kristus.
\v 8 Malahon, munye kamie apo melekat deri surga memberitako Injil nyo betentangon ngan ape nyolah kami tetelako kepodome, tekotokla nye!
\v 9 upanyolah kami tetelako sebolomnye ngan kinie nak ku tetelako lagi, munye urang nyo memberitako kepodome Injil Nyo betentangon ngan apenyo sodah kou terimo, uyulah nye tekotok.
\v 10 Apekah kinie ake nak ndelok persetujuon mendesio ape persetujuon Allah? Apo, apekah ake maseh nak ndelok menyenangko mendesio? Sekironye ake nak mencubo menyenangko mendesio, ake bukonlah hamba Kristus.
\s (Pembelaon Paulus atas Kerasulonnye)
\p
\v 11 Dolor-dolor, ake nak kowe tahuko behwo Injil nyo lah kou beritako bukannyo Injil buaton mendesio.
\v 12 Ake pi nerimonyo deri mendesio, apo ake mempelajorinya deri mendesio, hambok ake nerimonye melalui kenyataon deri Kristus Yesus.
\p
\v 13 Sabab, ake lah mendongor tentang caro hidopke nyo lamo deri agamo Yahudi, ake menyikso jemaat Allah ngan kejam ngan berusaha ontok menghancorkonnye.
\v 14 Ake en maju delom hal agamo Yahudi, jouh lobih maju debandeng ngan urang-urang sepenggedeon de antaro bengsoke. Ake en rajen delom memeliharo adat istiadat nenek puyangke.
\v 15 Hambok, tekela Allah, nyelah memisahko ake sejak delom kandungon indokke ngan lah mantauke melalui anugerah-Nye, sepakot,
\v 16 menyatoko Anak-Nye delom ake empoknyo ake depot memberitako Enye deantaro urang-urang bukon Yahudi ake hopi cepat meminta nasehat kepodo seurang pon.
\v 17 Ake jugo hopi lari ke kota Yerusalem ontok betemu ngan rombongon iye nyo sodah menjedi rasul sebelom ake meloinko cepat lari ke wilayah Arab ngan belek lagi ke kota Damaskus.
\v 18 Tiga tahon kemudion, ake lari ke kota Yerusalem ontok bekenalon ngan Kefas ngan tinggal bersamonye selamo lima belas hari.
\v 19 Hambok, ake pi ngole sikok pun deri rasul-rasul loen, kecuali Yakobus, dolor Tuhan.
\v 20 Ake meyakenko kowe de hadapon Allah behwo ape nyo ake toles kepadome nie bukon pelato.
\v 21 Sesodah iye, ake lari ke daerah Siria ngan Kilikia.
\v 22 Ake bolom dekenal secaro peribadi uleh jemaat-jemaat delom Kristus nyo ado de wilayah Yudea.
\v 23 Mengka nye anyo recap ndongor, Nye, ngan tekaloe menyikso kite, kinie memberitako iman nyo tekelahe iyo perenah cubo hancorko.
\v 24 Rombongon memuliako Allah kereno ake.
\c 2

\s (Pengakuon rombongon Rasul Atos Paulus)
\p
\v 1 Empat belas tahon kemudion, ake belek lagi ke kota Yerusalem ngan Barnabas ngan ngundah Titus bersamo ke.
\v 2 Ake lari uleh suatu pernyataan ngan menjelasko kepado mike tentang Injil nyo ku beritako de entaro urang- urang bukon Yahudi. Hambok, ake melakukonye delom pertomuon, iye lah hanyo dengan mika nyo berpengaruh untuk memastiko behwa ape nyo ku kerejo ko ngan nyo lah sodah ku kerejo ko pi sio-sio.
\v 3 Bahkon, Titus, nyo bersamo ke, pi harus de sunat walaupon enye adolah urang Yunani.
\v 4 Hal niye tejedi uleh ado dolor- dolor pelsu diom- diom masuk ngan menyelibu untuk memato-matoi kebebason nyo kite punyoi delom Yesus Kristus empok nyo kite de undah belek kepado perbudak kon.
\v 5 Uleh nyo hambok, kamie pindok on tondok kepado mika sesaat pun empoknyo kebonoron Injil tetap tinggal delom me.
\v 6 Hambok, jak urang- urang nyo bepengaruh iye, nyo kedudukonnye hopi lah penting bage ke uleh Allah pi membeda- bedako, mike hopi menambohko ape- ape bage ke.
\v 7 Sebeleknye, mike ngoleh behwa kepadoke lah depecayo ko Injil untuk urang- urang nyo pi bersunat, samo upa Petrus nyo depecayoko Injil untuk urang- urang nyo pi bersunat.
\v 8 Sabab, Enye lah begawe melalui Petrus untuk menjadi rasul bage urang- urang bersunat, Enye jugo nyo begawe melalui ake untuk menjadi rasul bage urang- urang bukon Yahudi.
\v 9 Setelah Yakobus, Petrus, ngan Yohanes, nyo de pandong sebagoi saka guru bage jemaat menyadari anugerah nyo de boriko kepado ke, mike memboriko tangon kanon persekutuon kepado Barnabas ngan kepadoke empoknyo kamie lari kepado urang- urang bukon Yahudi, sedangko mike lari kepado urang- urang bersunat.
\v 10 Mike hanyo meminta kami untuk ingot kepado urang- urang miskin, sikuk hal nyo ake dewek sajo bersemangot untuk melakuko nye.
\s (Paulus Menonjok ko Kesalohon Petrus)
\p
\v 11 Hambok sebeleknye, tekela Kefas jongok ke kota Antiokhia, ake terang- terangon menentang nye uleh en jelas enye bersaloh.
\v 12 Uleh sebolum urang- urang tertentu jak kalongon Yakobus jongok, Kefas sodah biaso makon bersamo urang- urang bukon Yahudi. Hambok, tekela mike jongok, enye mulai mundur ngan memisah ko diri uleh takot kepado kelompok urang nyo bersunat.
\v 13 Urang- urang Yahudi nyo loen mehehilu bertindak munafik bersamonye, bahkon Barnabas pun tehilu-hilu uleh kemunafikon enye.
\v 14 Tekela ake ngoleh behwa enye bertindak hopi sejelon dengan kebonoron Injil, mangko nye ake bekehato kepado Kefas de depan segelo urang, “Kalau kowe urang Yahudi hidop upa bukon Yahudi, upamone mungkin kowe memakso urang bukon Yahudi untuk hidop upa urang Yahudi?”
\v 15 Kite adolah urang- urang nyo de laherko sebagoi bengso Yahudi ngan bukon urang- urang berdoso jak bengso bukon Yahudi.
\v 16 Hambok, kite tau behwa hopi seurang pun de bonorko uleh melakuko hukum Taurat, meloenko melalui iman delom Yesus Kristus. Bahkon, kite jugo lah pecayo kepado Kristus empok nyo kite de bonorko uleh iman delom Kristus, bukon uleh melakuko Hukum Taurat. Sabab, hopi seurangpun de bonorko uleh melakuko hukum Taurat!
\v 17 Cuma Hambok, sementaro kite beusaha untok debonorko delom Kristus, kite mendepoti diri kite juga pendoso, epekah berarti Kristus adolah pelayon doso? Tentu sajo hopi!
\p
\v 18 Munye ake membengun belek ape nyo sodah ake robohke, ake membuktiko behwo ake adolah seurang pelanggar hukom.
\v 19 Sabab, melewati Hukom Taurat, ake lah teelek bage Hukom Taurat empoknye ake depot hidop untok Allah.
\v 20 Ake sodah de salib ngan Kristus. Bukon lagi ake hidop, meloenko Kristus hidop delom ake. Hidop nyo kinie nie ku hidopi delom degeng adolah hidop uleh iman delom Anak Allah, nyo mengasehi ake ngan lah memboriko diri-Nye untok ake.
\v 21 Ake hopi membatalko anugerah Allah ulenyo munye kebonoron jongok melalui Hukum Taurat, sio- siolah kemation Kristus.
\c 3

\s (Orang Percaya de bonorko Melalui Iman)
\p
\v 1 Hai kowe, urang-urang Galatia nyo bodoh! siape nyo lah memesona kowe? Bukon kah de depan matome Yesus Kristus de kele de depan umum?
\v 2 Sikuk hal nyo nak ku tanyo ko dengan me, apokah kowe menerimo Roh uleh nyo menorot Hukom Taurat, apo kah ulenyo mendongor dengan iman?
\v 3 Upa iye lah kebodohan kowe? kowe lah mulai ngan Roh, apokah kowe kinie nak njodohkoh nye ngan degeng?
\v 4 sio-siokoh kowe menderita penderitaon nyo sajo lobot iye munye memang iye kesihan-kesihan.
\v 5 Jedi, apokah iye mengaruniako Roh kepodome ngan nggawe ko mujizat de antaro kowe ulenyo kowe menjelasko hukum Taurat, atau ulenyo kowe ndongor dengan iman?
\p
\v 6 Samo upah Abraham nyo percayo Kepodo Allah sehinggo hal iye de perhitongko kepodonye sebagoi kebonoron.
\v 7 Ulenyo, ketahu0n bahwa urang-urang nyo berimanlah nyo de sobut anak-anak Abraham.
\v 8 Kitab Suci, nyo telah mengetahui sebolum nye bahwa Allah nak membonorko urang-urang bukon Yahudi karena iman, memboriko Injil dengan Abraham ngan bekehato, “segelo bengso akan deberkati melalui kowe.”
\v 9 Jedi, nye enye beiman akan de berkati besamo-samo Abraham, urang nyo percayo iye.
\v 10 Segelo urang nyo begentung ngan pekerjaon Hukum Taurat berado de bewo kutuk, sebab ado tertulis: “Terkutuklah setiap urang nyo hopi duduk de segelo sesuatu nyo tertulis delom kitab Hukum Taurat ngan melakukonye.”
\v 11 Jedi, jelaslah kinie bahwa hopi ado seurang pun nyo debonorko de hadapon Allah ule Hukum Taurat, sobab “Urang benar akan hidup ule iman.”
\v 12 Cuma hambokHukum Taurat hopi desarko ule iman. Sebeleknye, “urang nyo melakuko Hukum Taurat akan hidop ulenyonye.”
\p
\v 13 Kristus menobos kite deri kotuk Hukum Taurat ngan menjedi kotok bage kite, sabab ado tertulis, “Terkutuklah urang nyo degentong de kayu salib!”
\v 14 Dengan ada delom Yesus Kristus, berkat Abraham depot sampoi de urang-urang bukon Yahudi sehinggo dengan iman kite depot menerimo Roh nyo telah dejenjiko iye.
\s (Janji Allah dan Hukum Taurat)
\p
\v 15 Dolor-dolor, ake nak membori contoh deri kehidupon sehari-hari: Munye perjenjion lah desahko, walaupun hanyo kontrak antara mendesio, nyo piyado urang nyo depot membatalko atau menamboko ape pun delom perjanjion iye.
\v 16 Kinie, tentang perjanjion nyo desampoiko Allah kepodo Abraham ngan kepodo keturunonnye. Allah hopi Bekehato, “... kepodo keturunon-keturunonnye,” nye menunjuk kepodo lobot keturunon. “... ngan kepodo keturunonme,” bearti menunjuk kepodo sikok urang, yaitu Kristus.
\v 17 Maksudke, Hukum Taurat nyo muncul 430 tahun sesodahnye pi depot membatalko perjenjion nyo telah disahko uleh Allah. Jedi, perjenjion iye pi pacok de piyadoko.
\v 18 Apobila warison dedasarko kepodo Hukum Taurat, mangko warison iye pi lagi dedasarko kepodo perjenjion. Hambok sebeleknye, Allah menganugerahko nye kepodo Abraham melalui sebuah perjenjion.
\p
\v 19 Jedi, mengkah ado Hukum Taurat? Hukum Taurat deboriko ulenyo pelanggaron-pelanggaron, sampoi keturunon iye sampoi upah mone maksod perjenjion iye debuat. Hukum Taurat deberlakuko melalui para maleikat ngan perantara.
\v 20 Cuma, perantara hopi untuk mewakili sikok urang, padahal Allah adolah sikok.
\s (Tujuan Hukum Taurat)
\p
\v 21 Munye upah iyelah, apokah Hukum Taurat belawanon ngan perjenjion Allah? Tentu sajo hopi, Sobab, munye Hukum Taurat deboriko untuk depot memboriko hidop, kebonoron pasti berasal deri Hukum Taurat.
\v 22 Cuma sebeleknye, Kitab Suci lah menjelasko segelo sesuatu ngan segelo urang debewoh doso empoknyo perjenjion ule iman delom Kristus Yesus boleh deberiko kepodo nye nyo percayo.
\v 23 Sebolom iman detong, kite detawan debewoh Hukum Taurat, detahan sebagoi tawanon sampoi iman nye nak detong denyatako.
\v 24 Dengan upaiyelah, Hukum Taurat adolah pengawas bage kite sampoi Kristus detong empok nyo depot debonorko ule iman.
\v 25 Kinie, iman iye lah sodah detong. Kite pi lagi memerluko Hukum Taurat upa pengawas kite.
\p
\v 26 Delom Yesus Kristus, kowe segelo adolah anak-anak Allah melalui iman.
\v 27 Kowe segelo nye nyo lah dibaptis delom Kristus lah mengenako Kristus.
\v 28 Hopi yado ladi urang Yahudi atau urang Yunani, budak atau urang merdeka, jenton-jenton atau betina ule kowe segelo sikok delom Yesus Kristus.
\v 29 Munye kowe adolah milik Kristus, kowe adolah keturunon-keturunon Abraham ngan ahli-ahli waris sesuoi ngan perjenjion.
\c 4

\p
\v 1 Nyo kumaksud, selamo ahli waris iye maseh anak-anak, iye pindok ado bedanyo ngan budak walaupun nye adolah pemilik segelo sesuatu.
\v 2 Iye berada debewoh kuaso pengawas ngan pengurus rumah tanggo sampoi waktu nyo lah detetapko ule bepaknye.
\v 3 Upa iye lah jgo kite, ketiko maseh anak-anak, kite deperbudak ule roh-roh denia nie.
\v 4 Cuma sebeleknye, ketiko hari penggenapon detong, Allah mengutus Anak-Nye, nya laher deri seurang betina ngan laher de bewoh Hukum Taurat,
\v 5 untuk menobos mike nyo ado de bewoh Hukum Taurat enggakonyo kite depot menerimo pengangkoton upa anak-anak-Nya.
\v 6 Ulehnyo kowe adolah anak-anak-Nyo, Allah lah mengutus Roh Anak-Nye ke delom hati kite, nyo memantou, “Abba, Bepa.”
\v 7 Jedi, kowe bukon lagi budak, cuma anak. Munye kowe adolah anak, Allah menjediko kowe ahli waris melalui melalui Kristus.
\s (Jengon deperbudak lagi uleh Roh-Roh Denia)
\p
\v 8 Tekalo e, ketiko kowe hopi mengenal Allah, kowe adolah budak deri hal-hal nyo podo dasarnye bukon Allah.
\v 9 Cuma, kinie, elah kowe mengenal Allah atau sajo pasotnye dekenal ule Allah, upa mone mungkin kowe bebelek lagi kepodo roh-roh denia nyo lemah ngan pindok beguna? apokah kowe ingin deperbudak lagi?
\v 10 Kowe menjelonko perayaon pucuk hari-hari, bulan-bulan, musim-musim, ngan tahun-tahun!
\v 11 Ake takut jengon-jengon jerih payohke ngan sodah kulakuko untukme menjedi sio-sio.
\v 12 Ake memohon kepodome, dolor-dolor, jedilah upa ake jugo lah menjedi upa kou. Kowe hopi besaloh ngan ake.
\p
\v 13 Kowe tahu, podo mulanye ake memberitako Injil kepodome uleh saket badan nyo kualami.
\v 14 Walaupon kondisi badanke merupako ujian bageme, kowe pindok menghina atau menolak ake. Sebeleknye, kowe menyambut ake seolah-olah ake nie malaikat Allah, upa seakan-akan ake nie Yesus Kristus dewek!
\v 15 Upomone ngan berkat nyo kowe rasoko iye kinie? Sobab, ake pacok besaksi tentang kowe dahulu, munye mungkin, mencukek matome ngan memborikonyo kepodoke pun kowe rela.
\v 16 Apokah kinie ake menjedi musuhme ulenyo menunjukko kebonoron ngan kou?
\v 17 Urang-urang iye berusaha menemuko kowe, cuma bukon ngan maksud nyo beik. Enye endok mengasengko kowe ngan harapon kowe nak mendelok mike.
\v 18 Memang beik jika selalu besemangat melakuko hal-hal nyo betujuon beik, ngan bukon anyoketiko ake besamome.
\v 19 Anak-anakke, demi kowe, ake rela sekali lagi menanggong saket melahirko sampoi Kristus denyatako delom kowe.
\v 20 Ake beharop, ake pacok besamome kinie ngan mengubah nada suarake ulenyo ake habis akol menghadapi kowe.
\s (Hagar ngan Sara sebagoi contoh)
\p
\v 21 Kehatoko padoke, hai kowe nyo endok hidup de bewoh Hukom Taurat, Ibo kowe pindok ndongorko Hukom Taurat?
\v 22 Ulenyo ado tetoles, Abraham ado dua anak Jenton; sikok laher deri seurang budak betina, ngan nyo sikok lagi deri seurang betina merdeka.
\v 23 Cuma hambuk, anak deri budak betina iye delaherko menorot deging, sedangko anak nyo deri betina merdeka delaherko melewati perjenjion.
\v 24 Kolekola kisah nie sebagai lambang ulenyo dua betina nie melambangko dua perjenjion. sikok adolah perjenjion deri gunong Sinai ngan melaherko anak-anak perbudakon. (Nye adolah Hagar)
\v 25 Kinie, Hagar melambangko Gunong Sinai de tanoh Arab, samo upa Yerusalem saat nie ulenyo nye hidop delom perbudakon besamo anak-anaknye.
\v 26 Cuma hambuk, Yerusalem nyo de atas adolah betina nyo merdeka, ngan nye adolah indok kite.
\v 27 Ulenyo ado tetoles, “Besukacitalah, hai betina nyo mandul, nyo hopi melaherko. Berseru ngan besoraklah, hai kowe nyo hopi merasako saket melaherko. Sabab, lobeh lobot anak deri betina nyo dewek deripado betina nyo ado laki.”
\p
\v 28 Dolor-dolor, kowe adolah anak-anak perjenjion upa Ishak.
\v 29 Upa saat nie, anak nyo laher menurut deging menyikso anak nyo laher menurut Roh, upa nyo terjedi kinie.
\v 30 Cuma Hambok, ape nyo Kitab Suci kehatoko? “gerahlah budak betina iye sereta anaknye ulenyo anak budak betina iye hopi nak menjedi ahli wares besamo ngan anak betina merdeka.”
\v 31 Ulenyo iye dolor-dolor, kite bukonlah anak-anak deri budak betina, hambok deri betina merdeka.
\c 5

\s (Kristus Lah Memerdekako Urang Pecayo)
\p
\v 1 Demi kemerdekaon, Kristus lah membebasko kite. Ulenyo iye, togoklah teguh ngan jengon lagi endok debebani ngan kuk perbudakon.
\v 2 Dongorkolah! Ake Paulus, ngehatoko kepodome behwo jika kowe nerimo sunat, Kristus hopi ado gunanyo bagime.
\v 3 Sekali lagi, ake mengehatoko kepodo setiap urang nyo nerimo sunat behwo nye wajib menaati segelo Hukom Taurat.
\v 4 Munye kowe berusaha untok debenarko ngan menjelonko Hukom Taurat, hidopme lah depisahko deri Kristus ngan kowe lah meninggalko anugerah.
\v 5 Melewati Roh, ngan iman, kite menanti-nantiko pengharapon nak kebonoron.
\v 6 Sabab, delom Yesus Kristus, besunat atau hipi besunat piado retinye. Hanyo iman nyo begawe melewati kaseh nyo ado retinye.
\p
\v 7 Kowe sodah belari ngan beik. Siapo nyo menghalangi kowe deri menaati kebonoron?
\v 8 Ajakon iye bukon detong deri Enye nyo lah memantou kowe.
\v 9 “Kekecikon ragi lah membuat segelo adonan mengembang.”
\v 10 Ake memiliki keyakinon terhadop kowe delom Tuhan behwo kowe hopi nak nerimo pemekeron nyo loin. Cuma hambok, siape pun nyo mengacauko kowe nak nanggung hukumonnye.
\v 11 Jedi dolor-dolor, munye ake maseh memberitako sunat, mengka ake maseh deaniayo? munye demikian, betu sandungon terhadop salib lah decampokko.
\v 12 Ake berharop mike nyo menghasut kowe iye nak mengebiri derinye dewek.
\p
\v 13 Dolor-dolor, kowe lah depantau untok menjedi merdeka. Cuma hambok, jengon pergunako kemerdekaonme iye sebagai kesempaton untok hidop delom deging, meloinko layanilah seurang terhadop nyo loin ngan kaseh.
\v 14 Sabab, segelo Hukom Taurat lah degenapi delom sikok firman nie, “Kasehilah sesamome mendesio upa dirime dewek.”
\v 15 Munye kowe saling menggeget ngan menolon, behati-hatilah empok kowe jengon saleng membinasoko.
\s (Keendok Roh Berlawonon ngan Nafsu Kedegingon)
\p
\v 16 Jedi, ake ngehatoko, hidoplah delom Roh, mengka kowe hopi melakuko hal-hal nyo deendokko uleh nafsu kedegingon.
\v 17 Keendok nafsu kedegingon belawanon ngan keendok Roh, ngan keendok Roh belawonon ngan keendok nafsu kedegingon, ulenyo keduanye saleng berlawonon, empok kowe hopi melakuko hal-hal nyo kowe endokko.
\v 18 Cuma hambok, munye kowe depimpin uleh Roh, kowe hopi ado de bewoh Hukom Taurat.
\p
\v 19 Pekerjaon deri nafsu kedegingon lah jelas, nyoiye dosa seksual, kecemaron, hawa nafsu,
\v 20 penyembahon patung, kuaso gelap, kebencion, perbentohon, iri hati, bemarahon nyo pi tekendali, kepentingon diri dewek, perselisihon, perpecahon,
\v 21 kecemburuon, mabuk-mabukon, pesta pora, ngan sejenisnyo. Ake peringatko kowe kinie, upa nyo sodah ake peringatko sebolumnye, siape nyo melakuko hal-hal iye hopi nak mewarisi Kerajaon Allah.
\v 22 Cuma hambok, buah Roh adolah kaseh, sukacita, damoi sejahtera, kesabaron, keramahon, kebeikon, kesetiaon,
\v 23 kelemahlombuton, ngan penguasaon diri, Hopi ado hukom nyo melawon hal-hal nie.
\v 24 Mike nyo menjedi milik Yesus Kristus lah menyalibko nafsu kedegingon sereta segelo nafsu ngan keendokkonnye
\p
\v 25 Munye kite hidop uleh Roh, beiklah kite bejelon sesuai ngan Roh.
\v 26 Jengonlah kite menjedi sombong, saleng menghasut, atau saleng iri hati.
\c 6

\s (Saleng Tetolungon)
\p
\v 1 Hai dolor-dolor, munye ado urang nyo kedepoton melakuko suatu pelanggaron, kowe nyo rohani haros membelekko urang upa iye ngan roh kelombuton. Bejego-jegolah empoknyo kowe dewek jengon milu tegoda.
\v 2 Saleng menolunglah delom menanggung bobon empoknyo kowe menaati hukom Kristus.
\v 3 Munye ado urang nyo menganggap dirinye penteng, padohal hopi upanio.
\v 4 Marolah setiap urang menguji perbuatonnye dewek. sesodah iye, nye pacok bangga ngoleh keadaonnye dewek ngan bukon ulenyo membendingkonnye ngan urang loin.
\v 5 Sabab, setiap urang haros mennaggong bobonnye dewek.
\s (Tetaplah Melakuko Hal nyo Beik)
\p
\v 6 Siape nyo mendepot pengajaron deri firman Allah haroslah nye membageko segelo hal nyo beik iye ngan urang nyo mengajarnye.
\v 7 Jengon tetipu. Allah hopi pacok depermoenko ulenyo urang nak menuoi ape nyo nye tabor.
\v 8 Urang nyo menabor deri nafsu kedegingon nak menuoi bebosokon deri kedegingonnye. Cuma hambok, urang nyo menabor deri Roh nak menuoi hidop nyo kekal deri Roh.
\v 9 Jengon kite menjedi litak bebuat beik. Munye musimnye sampoi, kite nak menuoi asalkan kite hopi menyerah.
\v 10 Ulenyo iye, munye kite mendepot kesempaton, marolah kite berbuat beik kepodo segelo urang, khususnye kepodo keluargo delom iman.
\s (Paulus Mengakheri Suratnye)
\p
\v 11 Kolelahah alangko godongnye huruf-huruf nyo kutoles untokme ngan tangonke dewek.
\v 12 Mika nyo nak ngengeberko kebeikon deri hal-hal nyo lahiriah nak memaksome untok desunat. Mika melakuko hal iye empoknye hopi desikso demi salib Kristus.
\v 13 Mika nyo desunat pon hopi menaati Hukom Taurat, hambok mika endok kou desunat empoknyo mika depot memegahko diri atas sunatme.
\v 14 Semoga ake hopi pernah memegahko diri kecuali delom salib Tuhan kite, Yesus Kristus. Melalui salib-Nye, denia sodah desalibko untok ake, ngan ake untok denia.
\v 15 Desunat apo hopi desunat apelah retinye. Nyo penteng adolah menjedi ciptaon beru.
\v 16 Bage segelo urang nyo menjelonko aturon nie, biarlah damai sejahtera ngan rahmat toron atas mika ngan atas Israel melek Allah.
\p
\v 17 Akhernyo, jengon ado urang nyo mempersulet ake ulenyo ake ngunda tando-tando Yesus delom badanke.
\p
\v 18 Dolor-dolor, kironye anugerah Tuhan Yesus Kristus ado besamo ngan rohme. Amin.