kvb_reg/60-JAS.usfm

\id JAS
\ide UTF-8
\h YAKOBUS
\toc1 YAKOBUS
\toc2 YAKOBUS
\toc3 jas
\mt YAKOBUS
\c 1
\cl Pasal 1
\p
\v 1 Salam jak Yakobus, pelayan Allah ngan Tuhan Yesusu Kristus, kepado kedua belas suku nyo tesebar de segelo denia.
\s (Ujion Iman Menghaselko Ketabahon)
\p
\v 2 Dolor-Dolorke, anggaplah sebagai suatu sukacita munye kowe titek kedelom berbagai pencobaon *.
\v 3 Sabab, kowe tahu bahwa ujion tehadop imanme menghaselko ketabahon.
\v 4 Biarlah Ketabahon memboriko hasel nyo ponoh empoknyo kowe menjedi sempurno ngan utoh, hopi kekurangon apo-apo.
\p
\v 5 Cuma hambok, munye deantaro kowe ado nyo kekurangon hilmat, hendoklah enye mintaknye kepodo Allah, nyo ngan murah hati membori kepodo segelo urang tanpo mencela, ngan iye nak deboriko kepadonye.
\v 6 Hambok, enye haros mintaknye ngan iman ngan hopi bimbang ulenyo urang nyo bimbang adolah upa gelombang lout, detiop angen kion-kemai.
\v 7 Urang upa iye jengonlah mengiro nak menerimo sesuatu deri Tuhan.
\v 8 Urang nyo mendua hati hopi nak tenang delom segelo jelon hidopnye.
\s (Kesogehon nyo Sebonornye)
\p
\v 9 Biarlah dulor nyo hidop sederhana bangga saat ye detinggiko,
\v 10 ngan urang kayo saat ye detempatko pado keadaaon nyo rendah ulenyo upa bunga rompot, ye nak lenyap.
\v 11 Sabab, matohari timbol ngan hangotnye nyo semaken trik, ngan melayuko rompot, bunganye gogor ngan keindhonye pon lenyap. Demikion jugo, urang sogeh nak lenyap de tangah-tangah usahanye.
\s (Pencobaon Hopi Njongok deri Allah)
\p
\v 12 Deberkatilah urang nyo tabah delom pencobaon ulenyo setelah enye tebukti tahan uji, enye nak menerimo mahkota kehidopon nyo dejediko kepodo nyo mengasehi enye.
\p
\v 13 Munye seseurang decuboi, jengonalh enye buek, “Ake sedang decuboi Allah.” Sabab, Allah hopi depot decuboi ule si Jahat ngan ye dewek hopi mencuboi siape pun.
\v 14 Hambok, setiap urang decoboi tekalo ye deseret ngan depikot ule keendokoonye dewek.
\v 15 Ketika keendokonye debuahi, ye nak melaherko doso ngan ketika doso menjedi masok, ye nak melaherko maut.
\p
\v 16 Dolor-dolor nyo kukasehi, jengon sosot.
\v 17 Setiap pemborion nyo beik ngan setiap pemborion nyo sempurna jongok deri pocok, detoronko deri Bepa segelo tarang, pado-Nye hopi ado perubahon apo petukoron bayongon.
\v 18 Pucok kehendok-Nye dewek, Ye menjediko kite ngan firman *kebonoron empoknye kite menjedi buah pertamo deri deri segelo ciptaon-Nye.
\s (Mendongor ngan Melakuko Firman Tuhan)
\p
\v 19 Dolor-dolor nyo kukasehi, perhatikolah nie: hendoklah tiap-tiap urang cepat untok mendongor, cuma lambot untok buek, ngan lambot untok bemarah.
\v 20 Sabab, amarah mendesio hopi gaweko kebonoron Allah.
\p
\v 21 Ulenyo iye, campoklah kehopi sucion ngan nemanye kejahaton, ngan teriolah ngan kelamah lombuton firman Allah nyo lah tertanom de delomme, nyo sanggop menyelamatko jiwome.
\v 22 Jedilah pelaku firman ngan bukon anyo pendongor bae; munye hopi, kowe menipu diri dewek.
\v 23 Sabab, munye urang mendongor firman, cuma hopi melakukonnye, ye upa urang nyo sedangngelek mokannye de kaco.
\v 24 Sesodah ngelek dirinye ngan lari, ye langsong piteringot upa ape mokannye tadi.
\v 25 Hambok, urang nyo meneliti hokom nyo sempurna, yaitu hokom nyo merdekeko, ngan betekonde delomnye, ye hopi menjedi pendongor nyo piteringot, cuma menjedi plaku firman. Ye nak deberkati atas ape nyo delakukonnye.
\s (Kompolon nyo Bonor kepado Allah)
\p
\v 26 Munye seseurang mengiro bahwa ye adoah urang nyo taat kompolon, cuma nye hopi depot megendaliko lidahnye, ye menipu hatinyo dewek. Ketaatonyo iye sio-sio.
\v 27 Kompolon nyo murni ngan hopi tecela de hadopon Allah ngan Bepa kite adolah mengunjungi anak-anak yatem piatu ngan jendo-jendo delom penderitaon rombongon, ngan menjago dirinye dwek empoknyo hopi decemari uleh dunia.
\c 2
\cl Pasal 2
\s (Kasehilah Segelo Urang)
\p
\v 1 Dolor-dolorke, jengon menunjokoimanme delom Tuhan kite nyo mulia, Yesus Kristus, ngan membeda-bedako urang.
\v 2 Munye ado urang nyo jongo ke sinagogeme ngan memakoi cincen emas ngan pakoion nyo mahal, pado saat nyo samo, jongok jugo urang mesken nyobepakoion rengai,
\v 3 ngan kowe memboriko perhation kosos kepado urang nyo bepakoion mahal iye ngan buek kepadonye, “Silako dudok de deman nyo beik nie,” cuma kepado urang mesken iye kowe buek, “togoklah de sane!” apo “Dodoklah de parok kakike!”
\v 4 Bukonkah kowe sodah membeda-bedako de antaro kowe ngan menjedi hakem ngan pekeron-pekeron nyo jahat?
\v 5 Dolor- dolor nyo kukasehi, dongorkolah! Bukonkah Allah lah memileh urang nyo mesken de mato dunia untok menjedi kayo delom iman ngan mewarisi Kerajaon Allah nyo lah Ye jenjiko kepado rombongon nyo mengasehi Nye?
\v 6 Cuma hambok, kowe lah mehino urang mesken. Bukonkah urang kayo nyo menindas ngan meheretme ke pengadelon?
\v 7 Bukonkah rombongoniyelah nyo mehujat Namo beik, nyo ulehnye kowe depanggel?
\v 8 Munye kowe menjelonko hukom utamo sesuoi ngan Kitab Suci, nyoiye “Kasehilah sesamome mendesio upa dirime dewek,” kowe lah melakuko nyo bonoe.
\v 9 Hambok, munye kowe membeda-mbedako urang, kowe melakuko doso ngan denyatoko sebagai pelanggar hukom uleh hukom.
\p
\v 10 Siape pon nyo menaati segelo hokom, cuma gagal menaati sikok begeonnye bae, ye besaloh terhadop segelo hokom iye.
\v 11 Sabab, Nye nyo buek, “Jengon bezinah*,” jugo buek “Jengon membunoh.” Jedi, munye kowe hopi melakuko perzinahon, cuma kowe membunoh, kowe lah menjedi pelanggar hokom iye.
\p
\v 12 Boek ngan betindaklah sebagai urang-urang nyo nak dehakemi ngan hokom nyo membebasko.
\v 13 Sabab, penghakemon hopi nak bebelaskasehon kepado urang nyo hopi menunjokko belas kasehan; belas kasehan nak menang pocok penghakemon.
\s (Iman Tanpa Perbuaton adolah Mati)
\p
\v 14 Dolor-dolorke, ape gunanye seseurang membuekoh bahwa enye menuhani iman, cuma enye hopi menuhani perbuaton? Depotkah iman iye menyelamatkonye?
\v 15 Munye seurang dolor apo dolor hopi menuhani perebot ngan membotohko maonon sehari-hari,
\v 16 ngan seurang de anterome buek kepodome, “larilah delom damai, semoga badanme dehangotko ngan dekonyongko,” cuma kowe hopi meboriko kepodonye ape nyo deperluko badannye, ape gunanyo iye?
\v 17 Demikian jugo iman, munye iman hopi deseretai perbuaton-perbuaton, pado dasrnye iman iye mati.
\p
\v 18 Hambok, mongken ado urang nyo boek, “kowe ado ima, ngan ake ado perbuaton.” Ake nak menjawab, “Tunjokolah imanme tanpo perbuaton, ngan ake nak menunjokko imanke ngan perbuaton.”
\v 19 Kowe pecayo bahwa Allah iye sikok. Iye bonor. Roh-roh jahat pun pecayo ngan rombongon gemetar.
\v 20 Hai urang bodoh! Endokah kowe menyadari bahwa iman tanpa perbuaton adolah sio-sio
\v 21 Bukonkah Abraham*, bapa kite, debonorko uleh perbuaton-perbuaton ketika ye mengurbanko Ishak*?
\v 22 Kolehlah bahwa iman sesamo begawe ngan perbuaton-perbuatonnye, ngan uleh perbuaton-perbuaton, iman desempurnako.
\v 23 Degenapilah ape nyo debueko Kitab Suci*, “Abraham pecayo kepodo Allah, ngan iye deperhitongko kepadonye sebagai kebonoron,” nganye desobot “Kanti Allah”.
\v 24 Jedi, kowe koleh bahwa deri perbuaton urang debonorko, bukon deri iman bae.
\v 25 Demikion jugo, bukonkah Rahab, si pelacor iye, debonorko ulenyo perbuaton kite enye menerimo mato-mato Israel ngan menolong mike melariko diri melalui jelon nyo loen?
\p
\v 26 Jedi, samo upa badan tanpa roh adolah mati, demikian jugo iman tanpa perbuaton adolah mati.
\c 3
\cl Pasal 3
\s (Jegolah kato-kato nyo kito Ucapko)
\p
\v 1 Dolor-dolorke, jengon ado neman de antarome menjedi guru ulenyo kowe tahu bahwa kite nyo mengajor nak dehakemi ngan okoron nyo lobeh berat.
\v 2 Kite segelo besaloh delom neman hal. Munye ado urang nyo hopi perenah besaloh delom perkataonnye, ye adolah urang nyo sempurna, nyo jugo mampu mengendaliko segeloh badan.
\v 3 Kite memasong kekang podo molot kudo empoknyo mike menang kite, ngan kite jugo mengendaliko segelo badan kudo.
\v 4 Kelek jugo kapal-kapal, meskipon mike sajo godong ngan degoroko uleh angen nyo kuat, kapal iye dekendaliko uleh kemudi nyo sajo kecil, ngan nak lari ke mone pun juru mudi menghendokinnye.
\v 5 Demikian jugo, lidah adolah bageon nyo kecik deri badan, cuma lidah depot menyombongko hal-hal godong. Kolelah alangko luasnyo hutan nyo sajo kecik.
\p
\v 6 Lidah iye upa api, sebuah dunia kejahaton, nyo detempatko de antaro bageon-bageon badan ngan nyo depot menajesko segelo badan. Ye menunu segelo arah hidop kite sementaro ye dewek detunu uleh api nderako.
\v 7 Sabab, segelo jenis benatong liar ngan borong, reptil ngan benatong nyo hidop de lout iye jinok ngan lah dejinakkoh uleh mendesio,
\v 8 cuma hopi seurang pon depot menjinakkoh lidah. Lidah adolah nyo jahat nyo hopi depot tenang, ponoh ngan racon nyo mematikoh.
\v 9 Ngan lidah kite memberkati Tuhan ngan Bepa kite, cuma ngan iye jugo kite mengotok urang, nyo deciptko serupa ngan Allah.
\v 10 Deri molot nyo samo keluor pujion ngan kutukon. Dolor-dolorke, seharosnye hopilah upa iye.
\v 11 Apokah sikok mato aek depot mengeluorko aek manes ngan aek pahet pado saat nyo besamoon?
\v 12 Dolor- dolorke, depotkah kayu ara mehaselko buah zaitun; apo kayu anggor mehaselko buah ara? Demikian jugo, mato aek masen hopi depot mehaselko aek nyo segar.
\s (Dua Macam Hikmat)
\p
\v 13 Siapekah de antaro kowe nyo behikmat ngan bepengertion? Biarlah ngan sikapnye nyo beik, ye menunjokko perbuaton-perbuatonnye delom kelomboton ngan hikmat.
\v 14 Hambok, munye kowe memeleki iri hati nyo ponoh kepaheton ngan ambisi nyo egois de delom hatime, jengonlah bangga ngan jengon bedusta melawon kebonoron.
\v 15 Hikmat upa iye hopi toron deri pucok, cuma deri dunia, hopi rohani, ngan jahat.
\v 16 Munye ado iri hati ngan ambisi nyo egois, de sane ado kekacauon ngan segelo macam perbuaton jahat.
\v 17 Hikmat nyo jongo deri pocok, pertamo-tamo adolah murni, kemudion suka damai, lamah lombot, terbuka, ponoh belas kasehahan ngan buah-buah nyo beik, hopi membeda-mbedako, ngan hopi munafik.
\v 18 Buah kebonoron detaburko delom damai uleh para pendamai.
\c 4
\cl Pasal 4
\s (Borikolah Dirime Kepodo Allah)
\p
\v 1 Deri monolah jongoknye pekelahion ngan petengkaron nyo terjedi de antaro kowe? Bukonkah iye berasal deri hawo nafsume nyo bepogong de delom anggota-anggota badanme?
\v 2 Kowe mengendoko sesuatu, cuma hopi mendepotkonnye, mengka kowe membunoh. Kowe iri hati ngan hopi depot mendepotkonnye, mengka kowe bebunohon. kowe hopi depot ulehnyo kowe hopi meminta.
\v 3 Apo, kowe meminta, cuma hopi mendepot ulenyo kowe meminta ngan alason nyo saloh, yoiye untok memuaskoh hawo nafsume.
\p
\v 4 Hai, kowe para pezina, hopi tahuko kowe bahwa persahabaton ngan dunia berarti permosohon ngan Allah? Ulenyo iye, siape pon yo endok besahabat ngan dunia, ye menjediko dirinye mosoh Allah.
\v 5 Apokah kowe peker Kitab Suci* tanpo alason buek, “Roh* nyo detempatko Allah de delom diri kite deendoko-Nye ngan cemburu.”?
\v 6 Hambok, Allah membori anugrah nyo lobeh lagi. Ulenyo iye, Kitab Suci buek, “Alllah menentang urang nyo sombong, cuma memboriko anugrah kepodo urang nyo rendah hati.”
\p
\v 7 Ulenyo iye, serahkolah dirime kepodo Allah. Lawonlah setan, mengka ye nak lari derime.
\v 8 Parolah kepodo Allah, ngan nye nak memaroi kepodome. Beresehkolah tangonme, hai urang-urang bedoso, ngan murnikolah hatime, hai urang-urang nyo mendua hati.
\v 9 Perihatin, beduka, ngan merapotlah; biarlah tetawome berubah menjedi ratopon ngan sukacitame menjedi dukacita.
\v 10 Rendahkolah hatime de hadopon Tuhan, mengka Ye nak meninggikome. Jengon mencela ngan Menghakemi Sesamome
\s (Jengon Mencela ngan Menghakemi Sesamome)
\p
\v 11 Dolor-dolor, jengon saleng menggerakoh hal nyo jahat de antarome, apo mehakemi dulorme, boek melawon hokom ngan mehakemi hokom. Munye kowe mehakemi hokom, kowe bukonlah pelaku hokom, meloenko hakemnye.
\v 12 Anyo ado sikok pembori Hokom ngan Hakem, yoiye Nye nyo depot menyelamatko ngan membinasoko; cuma siapokah kowe sehingga kowe mehakemi sesamome?
\s (KehendokAllah delom Segelo Rencana Mendesio)
\p
\v 13 Kinie, dongorkolah hai kowe nyo boek, “Sari nie apo pepagie kami nak lari ke kota nie ngan iye, tinggal de sane selamo setahon, bedegong, ngan mendepot keuntongon,”
\v 14 padohal kowe hopi tahu ape nyo nak terjedi pepagie. Apokah arti hidopme? Hidopmu iye upa hukap nyo muncol setegal, ngan kemudion sayau.
\v 15 Jedi, kowe seharosnye buek, “MunyeTuhan menghendoki, kami nak hidop ngan melakuko nie apo iye.”
\v 16 Cuma kinie, kowe bangga delom kesombongonme; kenbanggaon upa iye adolah jahat.
\p
\v 17 Jedi, munye seseurang tahu upamone bebuat beik, cuma hopi melakukonnye, ye bedoso.
\c 5
\cl Pasal 5
\s (Peringoton untok Urang-Urang Kayo)
\p
\v 1 Hai urang-urang kayo, dongorkolah! Meratop ngan meratoplah untok penderitaon nyo nak menempame.
\v 2 Kekayoonme lah membosok ngan pakoyonme demakon ngengat.
\v 3 Emas ngan perakme lah bekarot, ngan karot iye nak menjedi bukti nyo memberatkome sereta nak memakon degengme upa api. Kowe lah menimbon reto podo hari-hari teakher.
\v 4 Dongorlah, upa para penggawe nyo mengolah humame, nyo kou tahan ngan kecurangon, pepantouon melawonme. Ngan, pantouon para pemanenye lah sampoi ke telinga Tuhan semesta alam.
\v 5 Kowe lah hidop dedenia delom kemewahon ngan kesenangon diri dewek, kowe lah menggomokko hatime podo hari penyembolehon.
\v 6 Kowe sodah mehokom ngan membuno urang bonor, ngan enye hopi melawonnme. (Tabah delom Penderitaon)
\p
\v 7 Uleh ulenyo iye, Dolor-dolorke, besabarlah sampoi podo Hari Kedetongon Tuhan. Kolelah upamone petani menungguko buah terbeik nyo dehaselko tanoh, menunggu konye ngan sabar empoknyo jongonye hujan awal ngan hujan akher.
\v 8 Kowe jugo haros besabar, kuatko hatime ulenyo kedetonggon Tuhan lah parok.
\v 9 Dolor-dolorke, jengonlah kowe besungut-sungot sikok ngan nyo loen empoknyo kowe hopi dehokom. Keleklah, Sang Hakem lah togok dedepan pintu.
\v 10 Dolor-dolorke, upa teladan penderitaoon ngan kesabaron, kolelah para nabi nyo boek delom namo Tuhan.
\v 11 Kami menganggap bebhagia rombongon nyo tabah. Kowe lah mendongor ketabahon Ayub ngan ngelek maksod Tuhan podo akhernye, bahwa Tuhan iye ponoh belas kasihan ngan murah hati. Jengon Besumpah
\p
\v 12 Cuma hambok, Dolor-dolorke, de pocok segelonye iye, jengonlah kowe besumpah, beik demi langet, bumi, apo demi ape pon. Buekolah “ao” munye nye ngan “Hopi” munye hopi empoknyo kowe hopi detiteki hokomon. Kuaso Doa delom Iman
\p
\v 13 Apokah deantaro kowe ado nyo sedang menderita? Biarlah ye bedoa. Apokah ado nyo sedang besukacita? Biarlah ye menyanyiko mazmur.
\v 14 Apokah deantaro kowe ado nyo edang domom? Biarlah enye memantou tua-tua* jemaat nyo rombongon haros mendoakkonye, mengurapinnye ngan minyak delom namo Tuhan.
\v 15 Doa nyo denoekko delom iman nak menyelamatko urang nyo domom iye ngan Tuhan nak membengunkonnye. Ngan, munye ye lah melakukoh doso-doso, ye nak deamponi
\v 16 Ulenyo iye, hendoklah kowe saleng mengaku dosome ngan saleng mendoako empoknyo kowe sehat. Doa urang bonor nyo denoeko ngan songgoh-songgoh, sajo godong kuasonnye.
\v 17 Elia* adolah mendesio biaso upa kite. ye bedoa ngan songgoh-songgoh empoknyo hopi toron hujan, ngan hujan hopi ngeri iye selamo tia tahon enm bulan.
\v 18 Kemudion, ye bedoa lagi, mengka langet mencurahko hujan ngan bumi menombohko buahnnye.
\s (Menolong Urang Bebelek kepodo Allah)
\p
\v 19 Dolor-dolorke, seandainye ado de antaro kowe nyo menyimpang der kebonoron, mengka ado urang nyo menolongnnye bebelek,
\v 20 Ketahuilah bahwa urang nyo mengunda urang bedoso belek ke jelon nyobonor nak menyelamatko jiwo urang iye deri kemation ngan menotop lobot doso.