kvb_reg/56-2TI.usfm

\id 2TI
\ide UTF-8
\h 2 Timotius
\toc1 2 Timotius
\toc2 2Timotius
\toc3 2ti
\mt 2 Timotius
\c 1

\s (Salam Ontok Timotius)
\p
\v 1 Jak Paulus, rasul Yesus Kristus nyo de pileh uleh kehendak Allah sesuoi dengan jenji kehidopon nyo ado delom Yesus Kristus.
\v 2 Ontok Timotius anak anak tekaseh. Anugerah, belas kaseh, ngan damai sejahtera jak Allah, Bepa, ngan Yesus Kristus, Tuhan kite.
\s (Nasehat Ontok Terus Memberitako Injil)
\p
\v 3 Ake senantiaso bersyokor kepado Allah, nyo kulayani ngan hati nurani nyo bereseh upa nyo lah de laku ko nenek moyang ke. sejak ke teringot dengan me delom doa- doa ke siang ngan malom. Tekelah ake mengingot aek mato me, ake amat ngoleh
\v 4 me mpok nyo ponoh sukacita ke.
\v 5 Ake lah de ingot ko ngan iman me nyo tolos, nyo pertamo- tamo hidop lah delom nenek me Lois, ngan indok me Eunike, ngan ke yaken kinie delom kowe jugo.
\p
\v 6 Ontok alason niye lah, ake mengingot ko kowe empok teros mengabar ko karunia Allah nyo ado pado diri me melalui penumpangon tangon ke.
\v 7 Sabab, Allah hopi memboriko kepado kite roh ketakuton, meloin ko roh kekuaton, kaseh, ngan penguasoon diri.
\p
\v 8 Jedi jengon malu besaksi tentang Tuhan kito apo tentang ke, tahanon-Nye. cuma sebelek nye, uleh kuaso Allah mehilu lah menderito demi Injil.
\v 9 Eny lah menyelamat ko kite ngan mantou kite ngan panggilon kodos, bukon kareno perbuaton kite, meloin ko kareno tujuon ngan anugrah-Nye dewek lah Nyo boriko kepado kite delom Yesus Kristus sebolum denia ado.
\v 10 Kinie, hal niye lah menjedi nyato melalui kedetongon Juruselamat kite Yesus Kristus nyo lah menghapos kemation ngan membewo kehidopon ngan kekekalon melalui Injil.
\v 11 Uleh Injil niye lah, ake d tonjok menjedi pengkhotbah, rasol, ngan guru.
\v 12 Enye lah sabab, ake menderito upah kinie. Hambok hopi malu uleh nyo ake tahu ko kepado siape ake pecayo ngan ake yaken behwa Enye sanggop menjago ape nyo lah Enyo pecayo ko dengan ke sampoi ari iye sampoi.
\p
\v 13 Pogong lah pokok- pokok ajaron sehat nyo lah kowe dongor jak ke delom iman ngan kaseh nyo ado delom Yesus Kristus.
\v 14 Ngan Roh Kodos nyo tinggal de delom kite, jego lah bebeik reto berega nyo lah de pecayo ko ngan me
\p
\v 15 Kowe tahu ko fakta behwa segelo nyo ado de Asia lah bepaling jak ake, de antaro nye iyelah Figelus ngan Hermognes.
\v 16 Kironye Tuhan mengarunio ko belas kaseh kepado rumah Onesiforus kareno nye recap mehibor ke ngan pi malu kareno ke te penjara.
\v 17 Sebelek nye, tekela ke lah sampoi de Roma, nye en besemangot delok i ke ngan nomui ke.
\v 18 Kiro nye Tuhan menunton empok nyo nye menomu ko belas kaseh jak Tuhan pado ari iy, sebagoi mone kowe dewek tahu ko berape lobot pelayanon lah nyo boriko ngan ke de Efesus.
\c 2

\s (Tetaplah Setia Meskipon Sengsaro)
\p
\v 1 Ulehnyo iye, anakke, jadilah kuat delom anugrah nyo ado delom Yesus Keristus.
\v 2 Ape pun nyo lah kowe dongor deri ake de depan lobot saksi, pecayokoh ioye kepodo urang-urang nyo setia, nyo jugo mampu mengajor urang loen.
\p
\v 3 Mehilulah menderita sebagai prajurit Yesus Keristus nyo beik.
\v 4 Hopi ado prajurit nyo menyiboko dirinye ngan uruson hidop sehari-hari empoknyo ye depot menyenangko kemendanye.
\v 5 Upaiyoy jugo seurang olahragawan nyo betandeng, ye hopi akan memperuleh mahkita kemenangon kecuali ye betandeng menorot pengatoron nyo belaku.
\v 6 Seurang petani nyo begawe karas sodah selayaknye menjedi urang pertamo nyo menerimo hasel panennye.
\v 7 Pekerkolah ape nyo ake boekkoh uleh Tuhan nak memborime pengertion delom segelo hal.
\v 8 Ingotlah Keristus Yesus, nyolah bangket deri antaro urang mati, ketoronon Daud, upah nyo ake beritakoh delom Injilke,
\v 9 nyo ulehnyo ake kinie menderita sampoi de penjara sebagai seurang keriminal, hambok firman Allah hopi tepenjarah!
\v 10 Ulehnye iye, ake betahan delom segelo sesuatu demi urang-urang pilehon Allah empoknyo rombongan jugo mendapot keselamaton nyo ado delom Yesus Keristus ngan kemuliaonnye nyo kekal.
\v 11 Pemboeon nie bonor: “Munye kite mati besamo Enye, kite jugo nak hidop besamo Enye.
\q
\v 12 Munye kite betekon, kite jugo nak memerintah besamo Enye. Muny kite menyangkal Enye, Ye jugo nak menyangkali kite.
\q
\v 13 Munye kite hopi setia, Ye tetap setia, ulehnye Ye hopi depot menyangkal diri-Nye dewek.”
\s (Begawe nyo Menyenangkoh Allah)
\p
\v 14 Ingotkoh mike ngan hal-hal nie. Nasehatilah mike de hadopon Tuhan empok jengon betengkar soal kehato-kehato, sabab hopi ado gunanyo ngan anyo nak menghancorkoh urang-urang nyo mendengornye.
\p
\v 15 Buatlah nyo terbeik untok mempersembahkoh dirime ngan layak de hadopon Allah seumpamone begawe nyo hopi perelu malu, ngan nyo lah mengajorkoh pemboeon kebonoron ngan tepat.
\p
\v 16 Hambok, jouhilah omong kosong nyo sia-sia uleh hal iye nak menonton kepodo kehopisucion nyo lobeh parah.
\v 17 Pemboenon mike nak menyebar upa penyaket gangren. De antaro mike adolah Himeneus ngan Filetus,
\v 18 nyo lah menyimpang deri kebonoron, ngan boekoh behwa kebangketon sodah terjedi. Mike merosak iman sebageon urang.
\v 19 Hambok, dasar Allah nyo kuat tetap togok ngan materai nie: “Tuhan mengenal siape nyo menjedi melek-Nye,” ngan “Setiap urang nyo mengaku namo Tuhan haros meninggalkoh kejahaton.”
\p
\v 20 De delom rumah nyo megah, bukon sajo terdepot perabot deri emas ngan perak, meloenkoh jugo deri kayu ngan tanoh liat. Separoh de gunakoh untok tujuon nyo tehormat, mengko sebageon untok tujuon nyo hina.
\v 21 Ulehnyo iye, munye seurang menyucikoh diri deri hal-hal nyo hina, ye nak menjedi perabot untok tujuon nyo terhormat de khososkoh, beguna bage tuannye, ngan de persiapkoh untok setiap penggaweon nyo beik.
\v 22 Jouhilah hawo nafsu urang muda ngan kejarlah kebonoron, iman, kaseh, ngan damai sejahterah besamo-samo ngan mike nyo memantou Tuhan ngan hati nyo murni.
\p
\v 23 Jouhilah perdebaton nyo bodoh ngan hopi bepengetahuon ulehnyo kowe tahu behwa hal iye akan menjongokoh petengkaron.
\v 24 Pelayan Tuhan haroslah hopi betengkar, hambok ramah ngan segelo urang, terampel mengajor, ngan sabar,
\v 25 ngan lombot mengoreksi lawonnye. Semoga Allah menganugrahi mik pertobaton nyo menontotnye kepodo pengetahuon akan kebonoron
\v 26 empoknyo mike menjedi sabar ngan melapaskoh diri deri jebakan Iblis nyo lah menawan mike untok menjelonkoh keengenonye.
\c 3

\s (Sipat-sipat mendesio pado zaman aher)
\p
\v 1 Perhatikolah behwa podo hari-hari teakher, maso-maso kesukaron akan njongo.
\v 2 Sabab, urang akan menjedi pencinta diri dewek, pecinta doet, pembual, sombong, penghujat, hopi taat kepodo indok bapak, hopi tahuko baterimoh kaseh, hopi suci,
\v 3 hopi tahukoh mengasehi, hopi endok bedamai, endok memfitnah, hopi pacok mengendaliko diri, kejam, hopi mengendoko ape nyo beik,
\v 4 penghianat, ceroboh, angkoh, lobeh mencintai hawo nafsu deri podo mencintai Allah
\v 5 tekoleh saleh hambok menyangkali kuasonye. Jouhilah urang-urang upanie.
\v 6 Sabab, de antaro mike ado urang-urang nyo menyusup ke delom jemaat ngan menawon betina-betina lamah nyo de boboni ngan lobot doso ngan nyeret mike ngan berbagai hawo nafsu.
\v 7 Betina-betina upa iye recap belajor, hambok hopi perenah pacok sampoi kepodo pengenalon akan kebonoron.
\v 8 Samo upa Yanes ngan Yambres nyo melawon Musa, upaiyoy jugo urang-urang nie nyo melawon kebonoron. Pekeron mike lah rosak ngan iman mike hopi tahan uji.
\v 9 Cuma hambok, mike hopi pacok lobeh jouh lagi ulehnyo kebodohon mike akan nyato bage setiap urang, samo upa kedua orang iye.
\s (Nasehat Paulus kepodo Timotius)
\p
\v 10 Hambok, kowe lah mehilui ajoronke, caro hidopke, tujuon hidopke, imanke, kesabaronke, kasehke, ngan ketekononke,
\v 11 upa penganiayaon ngan penderitaon nyo kualami de Antiokhia, Ikonium, ngan Listra. Ake betahan delom penganiayaon, ngan Tuhan menyelamatkoh ake deri segelo iye.
\v 12 Sesonggohnye, segelo urang nyo endok hidop saleh delom Yesus Keristus akan deaniaya,
\v 13 sedangkoh urang-urang jahat ngan para penipu akan menjedi lobeh borok lagi, mike menyosotkoh ngan desesotkoh.
\v 14 Sedangko untok kowe, lanjotkolah ngan ape nyo lah kowe pelajori ngan lah kowe yakeni ulehnyo kowe tahu deri siape kowe mempelajorinye,
\v 15 seupamone sjak kecik kowe sodah mengenal Kitab Suci nyo sanggop memborime hikmat kepodo keselamaton melalui iman delom Yesus Keristus.
\v 16 Segelo Kitab Suci denapasi uleh Allah ngan bemanfaat untok mengajor, untok menyatakoh kesalohon, untok memperbeiki kelakuon, ngan untok mendedek delom kebenoron.
\v 17 Ngan upanio, mendesio melek Allah akan cakap ngan deperlengkapi untok setiap perbuaton beik.
\c 4

\p
\v 1 Demi kedetongon-Nye ngan demi kerajaon-Nye, ngan songguh-songguh, ake beposon kepodome de hadopon Allah ngan Yesus Keristus nyo nak menghakemi urang nyo hidop ngan nyo mati:
\v 2 “Beritakolah firman, siap sedialah beik apo hopi beik waktunye; tegorlah, nasehatilah, ngan doronglah mike ngan ponoh kesabaron ngan pengajoran.
\v 3 Sabab, nak tiba saatnye munye urang-urang hopi endok lagi menerimo ajoron sehat. Sebeleknye, untok memuasko telinga, mike akan mengompolko guru-guru bage diri mike dewek nyo sesuoi ngan keendokon mike.
\v 4 Mike akan memalengko pendongoron mike deri kebonoron ngan bebelek kepodo dongeng-dongeng.
\v 5 Sedangko kowe, waspadalah delom segelo hal, betahanlah delom kesukaran, gawekolah tugas pemberita Injil, ngan selesaikolah pelayanonme.
\p
\v 6 Sabab, ake lah decurahko bage cawa persembahon, ngan saat kelarionke lah tiba.
\v 7 Ake lah belago delom pelagohonke nyo beik; ake lah mengakheri pertandengon; ake lah memeliharo iman.
\v 8 Kinie, mahkota kebonoron lah desediako bageke. Podo hari iye, Tuhan, Hakem nyo adel, akan menghadiakonye kepodoke, ngan bukon anyo kepodoke, meloenko jugo kepodo segelo urang nyo ndelok kedetongon-Nye.
\s (Poson Pribadi Paulus untok Timotius)
\p
\v 9 Beusahalah untok cepat njongo kepodoke
\v 10 ulehnyo Demas meninggalko ake, sabab ye mencintai denia nie ngan lari ke Tesalonika. Kresekes lah lari ke Galatia ngan Titus ke Dalmatia.
\v 11 Anyo Lukas nyo besamoke. Jompotilah Markus ngan undalah enye besamome ulehnyo ye sajo beguna bagek untok pelayanon.
\v 12 Ake lah mengotos Tikhikus ke Efesus.
\v 13 Munye kowe jongo, undalah jubah nyo ku tinggalko kepodo Karpus de Troas ngan jugo buku-bukuke, terutamo segelo perkamen iye.
\p
\v 14 Aleksander, si tukang bosi iye lah sajo merugiko ake. Tuhan akan membelos sesuoi ngan perbuatonye.
\v 15 Kowe behati-hatilah jugo terhadop nye ulehnyo nye sajo menantang ajoron kite.
\p
\v 16 Podo pembelaonke nyo pertamo, hopi ado sikok pon nyo mendokong ake ulehnyo segelo lah meninggalko ake. Semoga hal nie hopi debalasko atas mike.
\v 17 Hambok, Tuhan togok de sampengke ngan menguatko ake empoknyo kabar iye depot deberitakoh seponohnye melalui ake, ngan segelo urang bukon Yahudi depot mendengornye ngan upanio, ake delepasko deri molot singa.
\v 18 Tuhan nak menyelamatko ake deri segelo perbuaton jahat ngan akan mengundake ke kerajaon surgawi-Nye ngan selamat. Bage Enyelah kemuliaon sampoi selamo-lamonye. Amin.
\s (Salam Teakher)
\p
\v 19 Sampaiko salamke kepodo Priskila ngan Akwila, ngan kepodo seisi rumah Onesiforus.
\v 20 Erastus tetap tinggal de Korintus, ngan Trofimus ake tinggalko delom keadaon domom de Miletus.
\v 21 Beusahalah njongo ke mai sebelom mosem dingen. Ebulus, Pudes, Linus, Klaudia, ngan segelo dolor seiman mengirem salam untokme.
\v 22 Tuhan menyertai rohme. Anugerah menyertai kowe.