kvb_reg/52-COL.usfm

\id COL
\ide UTF-8
\h Kolose
\toc1 Kolose
\toc2 Kolose
\toc3 col
\mt Kolose
\c 1

\s (Salam deri Paulus)
\p
\v 1 Deri Paulus, nyo menjedi rasul Yesus Kristus uleh kehendak Allah, ngan jak Timotius dulur seiman kito.
\v 2 Kepodo urang-urang kudus ngan dulur-dulur seiman nyo setia delom Kristus de Kolose. Anugerah bagime ngan damai sejahtera deri Allah Bapa kite.
\s (Doa ngan ucapon syukur Paulus)
\p
\v 3 Ketika bedoa untukme, kami selalu mengucap syukur kepodo Allah, Bepa jak Tuhan kite Kristus Yesus,
\v 4 ulenyo kami dongor tentang imanme delom Yesus Kristus ngan kaseh nyo kou miliki untuk segelo urang kudus.
\v 5 Iman ngan kaseh nye detong karena pengharapon nyo desediako bageme de surga, nyo lah kou dongor delom firman kebonoron, yaitu Injil.
\v 6 Injil iye lah sampoi kepodome bahkan ke seluruh denia ngan Injil niye terus menghasilko buah ngan bekembang, samo upanyo terjedi de antaro kou, sejal hari kou mendongornye ngan memahami anugerah Allah delom kebonoron.
\v 7 Kowe lah belajor hal niye jak Efesus, rekan sepelayanon kami nyo tekaseh, nyo lah menjedi pelayan Kristus nyo setia bage kowe.
\v 8 Nyelah memboritahuko kepodo kami tentang kasehme delom Roh.
\p
\v 9 Ulenyo iye, sejak hari kami mendongornye, kami hopi pernah berhenti bedoa bage kou ngan minta empuk Tuhan memonohi kou ngan pengetahuon akan kehendok-Nye delom segelo hikmat ngan pengertion rohani.
\v 10 Ngan demikian, kowe depot hidup dengan caro nyo layak de hadopon Tuhan, menyenangko-Nye delom segelo hal, menghasilko buah delom setiap pekerjaon beik, ngan betumbuh delom pengetahuon akan Allah
\v 11 Semoga kowe dekuatko dengan segelo kekuaton sesuoi dengan kemuliaon kuaso-Nyo empuk kowe depot segelo ketekunon ngan kesabaron ngan sukacita.
\v 12 Bersyukurlah kepodo Bepa nyo lah membuat kowe memonohi syarat untuk menerimo bageon jak warison urang-urang kudus delom tarang
\p
\v 13 Nye lah melapasko kite jak kuaso kekolomon ngan memindahko kito kepodo kerajaon Anak-Nye nyo tekaseh.
\v 14 Delom Nye, kite memiliki penebuson, yaitu pengampunon atas doso-doso kite.
\s (Kristus nyo teutamo delom segelo hal)
\p
\v 15 Nye adolah gambaron jak Allah nyo hopi tekoleh, nyo sulung atas segelo ciptaon.
\v 16 Sabab, ule Nye, segelo sesuatu nyo ado de surga ngan de bumi deciptako, no tekoleh ngan nyo hopi tekoleh, beik tahta, kekuasaon, pemerintah maupun penguasa. Segelo sesuatu lah deciptako melalui Nyo ngan untuk Nyo.
\v 17 Nye lah ado sebolum ado sesuatu, ngan segelo sesuatu detopang besamo delom Nye.
\v 18 Nye adolah kepalo jak badan, adolah jemaat. Nye jugo adolah nye awal, nyo sulung jak antaro urang mati empuknye menjedi ny teutamo jak segelo sesuatu.
\v 19 Sabab, Allah bekenan empuk segelo keponohon-Nye tinggal delom Nye.
\v 20 Melalui Nye, segelo sesuatu dedamaiko ngan diri-Nye, beik nyo ado de bumi maupun de surga, adolah perdamaion melalui deroh-Nye nyo tecurah de atas kayu salib.
\p
\v 21 Kowe dehulu teasing, memusuhi Allah delom pekeronme, ngan melakuko tindakon-tindakon jahat,
\v 22 kinie kowe lah dedamaiko ngan tubuh jasmani Kristus melalui kemation-Nye untuk mempersembahko kowe sebagai persembahon nye kudus, hopi becacat, ngan hopi becela de hadopon Allah.
\v 23 Jedi, tetaplah kowe tinggal delom iman, kokoh, ngan toguh, hopi degoyangko jak pengharopon Injil nyo kou dongor, nyo lah diberitako kepodo segelo ciptaon di bewoh langit, nyo ulehnyo ake, Paulus, menjedi pelayan.
\s (Pelayanon Paulus kepodo jemaat)
\p
\v 24 Kinie, ake besukacita delom penderitaonke demi kowe ulenyo dedelom degengke ake melengkapi ape nyo kurang delom penderitaon Kristus, demi badan-Nye yaitu jemaat.
\v 25 Ake menjedi pelayan jemaat sesuoi ngan tugas penatalayanon jak Allah nyo deserahko kepodoke bage kowe empuk ake depot memberitako firman Allah ngan seponohnyo.
\v 26 Niyelah resio nyo tekerawo jak jaman ke jaman ngan generasi ke generasi, hambuk nyo kinie lah dinyatoko kepodo urang-urang kudus-Nya.
\v 27 Allah amat menyatoko kepodo mike betapa kayo resio nye mulia niye di antaro bangsa-bangsa loen, bahwa Kristus ado de delom kowe, yaitu pengharopon jak kemuliaon.
\v 28 Kami memberitako tentang Nye negur ngan ngajor setiap urang ngan segelo hikmat sehingga kami depot bewoh setiap urang menjedi dewasa delom Kristus.
\v 29 Untuk niyelah, ake jugo besusah payoh, bejuang sesuoi ngan kuaso-Nye nyo bekerjo ngan kuat de delom ke.
\c 2

\p
\v 1 Sabab, ake ndok kowe tahu betapa beratnye perjuangon nyo lah ake lakuko untukme, ngan untuk mike nyo ado de Laodikia, ngan untuk segelo urang nyo bolum pernah betemu muka denganke.
\v 2 Tujuonke adolah empuk hati mike tehibur ngan depersatuko delom kaseh sehingga mike memiliki segelo kekayaon nyo beasal jak jaminon akan pngertion ngan pengetahuon jak resio Allah, yaitu Kristus dewek.
\v 3 Delom Nye, tekerawo segelo reto jak hikmat ngan pengetahuon
\v 4 Ake nggerako hal niye empuk hopi ado urang nyo nak nipume ngan perdebaton nyo kedongoronye masuk akal.
\v 5 Sabab, meskipun tubuh jasmanike hopi ado besamome, hambuk ake besamomu delom roh, ngan ake besukacita ngoleh kedisiplinonme nyo beik ngan ketoguhon imanme delom Kristus Yesus.
\p
\v 6 Jedi, ulenyo kowe lah nerimo Yesus Kristus sebagai Tuhan, hiduplah terus delom Nye,
\v 7 beakor ngan bengunlah dirime delom Nye, toguhkanlah imanme sebagaimone lah deajarko kepodome ngan melimpahlah ngan ucapon syukur.
\p
\v 8 Behati-hatilah empoknyo jengon ado seurang pun nyo menjorot kowe ngan filsafat nyo kosong ngan nyo nyosotko, nyo berasal jak tradisi mendesio ngan asas-asas roh dunia, ngan bukon pernsep-perensep Kristus.
\v 9 Sabab, delom Nye bediom segelo keponohon keilahion nyo hidop delom bentok jasmani.
\v 10 Kowe lah menjedi ponoh delom Nye, nyo adolah kepalo atas segelo pemerintah ngan penguaso.
\v 11 Delom Nye, kowe jugo desunat, bukon ngan sunat nyo delakuko uleh tangon mendesio, cuma ngan sunat nyo delakuko uleh Kristus, yaitu ngan notok badan kedegengon nyo bedoso.
\v 12 Delom bapteson, kowe dekuborko besamo ngan Kristus, ngan jugo debangketko besamo-samo ngan Nye melalui imanme delom kuaso Allah nyo membangketko Nye deri antaro urang mati.
\v 13 Walaupun tekalohe kowe mati delom pelanggaron-pelanggaronme ngan delom kedegengonme nyo hopi besunat, Allah membuatme hidop besamo-samo ngan Nye sesodah Ye mengamponi segelo pelanggaron kito.
\v 14 Ye lah membatalko surat hutang ngan aturon-aturon tuntotonye tuntononye nyo menghalangi hobongon antaro Allah ngan kito. Ye lah ngambeknye ngan memakukonye de atas kayu salib.
\v 15 Ye melucuti para pemerentah ngan penguaso, lalu menjediko rombongon tontonon nyo memaluko uleh karna kemenangon-Nye de atas kayu salib. Jengon Mehilui Atoron-Atoron nyo Debuat Mendesio
\p
\v 16 Ulenyo iye, jengon biarko seurang pun mehakemi kowe ngan masalah makonon ngan minomon apo hari rayo keagamaon, perayaon bulan beheru apo hari sabat.
\v 17 Segelonye iye bayangon tentang hal-hal nyo nak njongo, cuma wujod nyo sesunggohnye adolah Kristus.
\v 18 Jengon biarko urang nyo senang ngan kerendahon hati nyo palsu ngan penyembahon kepodo malaekat-malaekat menghakemi kowe. Mike adolah urang-urang nyo endok ngan pengolehon hal-hal detail empoknyo membuat pekeron mike sombong ulenyo gagason-gagason duniawi.
\v 19 Urang nyo demikian hopi bepogong taguh podo Kepalo. Kepalo adolah nyo menopang segelo badan, ngan segelo badan depersatuko uleh sendi-sendi ngan otot-otot, segelonye betumboh ngan pertumbohon nyo berasal deri Allah.
\p
\v 20 Munye besamo Kristus kowe lah mati terhadop asas-asas dunia, mengka seola-olah kowe lagi menjedi melek dunia, tondok podo atoron-atoron upa:
\v 21 “Jengon jamah, jengon dekicapi, jengon deraboh”?
\v 22 Atoron-atoron nie nak binaso setelah dehilui ulenyo atoron-atoron iye debuat bedasar pado perintah ngan ajoron mendesio.
\v 23 Atoron-atoron upa iye memang kekolehonye bijaksana ngan menonjoko kompolon nyo bepustakaon podo diri ngan kerendahon hati nyo palsu sereta penyiksaon badan. Hambok, segelonye iye hopi ado nilainyo seloen untok memuasko kedegengon.
\c 3

\s (Hidop nyo Beru delom Kristus)
\p
\v 1 Munye kowe lah debangketko besamo Kristus, deloklah hal-hal nyo de atas, deman Kristus berado, dodok de sebelah kanon Allah.
\v 2 Pekerkolah hal-hal nyo de pucok, bukon hal-hal nyo de bumi.
\v 3 Sabab, kowe la mati ngan hidopme tekerawo besamo Kristus delom Allah.
\v 4 Tekalo Kristus, nyo adolah hidome, menyatako diri-Nye, kowe jugo nak denyatoko delom kemuliaon besamo-samo ngan Nye.
\p
\v 5 Ulenyo iye, matiko sifat ape pun nyo beasal jak sifat duniawime, yaitu pecabulon, kecemaron, hawo nafsu, keendokon nyo jahat, ngan keserakahon, nyo adolah penyembahon kepodo berhala.
\v 6 hl-hal nielah nyo menyebabko pemara Allah sedang jongok.
\v 7 Dehulu, kowe jugo melakukonnye tekalo kowe lagi hidop de delomnye.
\v 8 Hambok, kinie, campoklahsegelo iye: kemarahon, kemurkaon, kebencion, fitnah, ngan perkataon rengai jak beberme.
\v 9 Jengon saleng melatohi ulenyo kowe la menanggolko mendesio lamome besamo ngan perbuaton-perbuatonnye.
\v 10 Kanakolah mendesio beheru, nyo teros-meneros deperbeherui delom pengetahuon sesuoi ngan gambar deri penciptaonnye.
\v 11 Delom hal nie, hopi ado lagi urang Yunani apo urang domom, budak apo urang merdeka, cuma Kristus adolah segelonye ngan delom segelonye. Hidop nyo Beheru ngan sesamo
\p
\v 12 Jedi, sebagai urang-urang pilehon Allah, nyo kudus ngan nyo dekasehi, kanakolah podome belas kaseh, keramahn, kerendahon hati, kelombuton, ngan kesabaron.
\v 13 Sabarlah seurang terhadop nyo loen, ngan saleng mengamponilah munye ternyato ado seurang nyo besalo terhadop nyo loen. samo upa Tuhan lah mengamponime, mengka kowe jugo haros saleng mengamponi.
\v 14 De pucok segelo iye, kanakolah kaseh, nyo menjedi pengikot nyo sempurna.
\p
\v 15 Biarlah damai sejahtera Kristus mengendaliko hatime ulenyo memang untok iyelah kowe depantou menjedi siko badan, ngan besyukurlah.
\v 16 Biarlah pembueon Kristus tinggal de delom kowe ngan melimpah, ngan segelo hikmat kowe mengajor ngan mengasehi seurang terhadop nyo loen, menyanyikolah mazmur, lagu-lagu pujion, ngan nyanyion-nyanyion rohani, segelonye ngan ponoh ucapon syukur de delom hatime kepodo Allah.
\p
\v 17 Ape pun nyo kou lakuko, delom pembueon apo pun perbuaton, iye delom namo Tuhan Yesus, sambel mengucap syukur kepodo Allah Bepa, melalui Nye.
\s (Hidop Nyo Beheru Delom Rumah Tanggo)
\p
\v 18 Bini-bini, tundoklah kepodo lakime seupamone seharosnye delom Tuhan.
\v 19 Jenton-jenton, kasehilah binime ngan jengon belaku kasar terhadop nye.
\p
\v 20 Anak-anak, taatilah indok bepakme delom segelo hal ulenyo hal nie menyenangko Tuhan.
\v 21 Bepak-bepak, jengon memicu kemarahon anak-anakme empoknyo rombongon hopi menjedi patoh semangot.
\p
\v 22 Budak-budak, taatilah tuan-tunme nyo ado dedunia nie delom segelo hal. Lakukolah iye bukon anyo saat mike ngoleme ngan untok menyenangko mike meloenko ngan tolos hati ulenyo takot akan Tuhan.
\v 23 Ape bae nyo kou lakuko, lakuko, lakukolah ngan segenap hati upa untok Tuhan ngan bukon untok mendesio,
\v 24 Sabab kowe tahuko bahwa deri Tuhan kowe nak menerimo wareson sebagai upahme. Kristus Tuhanlah nyo sedang kou layani.
\v 25 Sabab, urang nyo bebuat saloh nak menerimo beloson atas kesalohon nyo delakukonnye ngan hopi ado nyo dekecualiko.
\c 4

\p
\v 1 Tuan-tuan, perlakukolah budak-budakme ngan bonor ngan adel ulenyo kowe tahu bahwa kowe jugo mempunyoi Tuan de surga. Hal-Hal nyo haros Delakuko
\p
\v 2 Betekonlah delom doa, ngan bejego-jego ngan mengucap syukor.
\v 3 Bedoalah jugo untok kami empuknyo Allah membukako pintu bage firman empuknyo kami buleh memperoklamasiko resio Kristus, nyo ulehnyo ake depenjara.
\v 4 Bedoalah empuk ake depot menyampoiko ngan jelas seupamone seharosnye ake buek-buek.
\p
\v 5 Besikaplah bijakaksana terhadop urang-urang luor ngan menggunako kesempaton sebeik-beiknyo.
\v 6 Biarlah pembuekonme selalu ponoh kaseh, debumbui ngan garam, empoknyo kowe tahu upamone seharusnyo menjab setiap urang. salam deri paulus ngan Urang-Urang nyo Besamo Ngannye
\p
\v 7 Tikhikus nak menceritoko segelo kabar tentang ake. Ye adolah dulor seiman kite nyo tekaseh, pelayan nyo setia, ngan kanti begawe delom Tuhan.
\v 8 Ake mengutosnye kepodome ngan tujuon empoknyo kowe tahu keadaon kami ngan empoknyo ye depot menguatko hatime.
\v 9 Ye nak njongo ngan Onesimus, dulor seiman kite nyo setia ngan tekaseh, seurangderi antaro kowe. mike nak memboritahuko kepodome segelo sesuatu nyo terjedi de sie.
\p
\v 10 Kantiku sepenjaro, Aristarkus, mengirem salam untokme, upa iye jugo Markus, nakan Barnabas, nyo tentang nye kowe la nerimo petonjok; sambutlah nye saat nye njongok kepodome.
\v 11 Jugo salam jak Yesus, nyo depantau Yustus. De antaro rekan sepelayanonke untok kerajaon Allah, hanyo mika niyelah nyo beasaljak kalangon urang besunat, ngan mike lah menjedi penghiboron bageke.
\v 12 Epafras, dolor seimanme, hambo Kristus Yesus, jugo mengiremko salam untokme. Enye selalu begumul delom doa demi kowe empok kowe pacok togok togouh ngan bekeyakenon ponoh delom segelo kehendok Allah.
\v 13 Ake pacok memboriko kesaksion upamone enye lah lobot menderita bage mikanyo ado de Laodikia ngan Hierapolis.
\v 14 Lukas, deetor nyo tekaseh, ngan Demas mengirem salam untokme
\p
\v 15 Sampoiko salamke kepado dolor-dolor seiman de Laodikia, ngan kepado Nimfa ngan jemaat nyo ado de rumahnye.
\v 16 Setela suratniye de becoko kepadome, becokolah jugo kepado jemaat Laodikia. Sebeleknye, becolah jugo surat untok jemaat Laodikia.
\v 17 Gerakolah kepado Arkhipus, “Perhatikolah empoknyo kowe menyelesaikougas pelayanon nyo lah kowe terimo jak Tuhan.”
\p
\v 18 Ake, Paulus, menoles salam nie dengan tangonke dewek. Ingotlah belengguke. anugerah Allah menyeretai kowe