kvb_reg/48-2CO.usfm

\id 2CO
\ide UTF-8
\h 2 Korintus
\toc1 2 Korintus
\toc2 2 Korintus
\toc3 2co
\mt 2 Korintus
\c 1

\s (Salam jak Paulus)
\p
\v 1 Paulus, seurang rasul Kristus uleh kehendok Allah ngan Timotius, dolor kite, kepado jemaat Allah nyo ado de Korintus bersamo segelo urang kudus nyo ado de segelo Akhaya.
\v 2 Anugerah untukme ngan damai sejahtera deri Allah Bepa kite ngan Tuhan Yesus Kristus.
\s (Ucapon Syukor atas Penghiburon Allah)
\p
\v 3 Deberkatilah Allah ngan Bepa Tuhan kita, Yesus Kristus, Bapa nyo ponoh belas kasihan ngan Allah segalo penghiboran,
\v 4 nyo menghibor kite delom sagelo penderitaan kite empoknyo kite jugo pacok menghibor rombongon nyo berado delon berbagai penderitaon ngon penghiboron, nyo kami dewek dehibor uleh Allah
\v 5 Sabab, samo upa penderitaon-penderitaon Kristus melimpah delom kami, demikion jugo penghiboran mike melempah malalui kristu
\v 6 Empok kami menderito hal iye demi penghiboran, ngan keselamaton me, apo empok kami dehibor hal nye adolah untok penghiboranme nyo begawe dolom ketabahon atas penderitaon-pendeitaon nyo samo nyo jugo kami alami
\v 7 Pengharopon kami atas kowe iye togoh karena kami tahu behwa seupamone kow imbe bageo delon penderitaon-penderitaon kami, upaiye jugo kami ambek bageon delom penghiburon kami
\p
\v 8 Dolor-dolor kami hopi endok kowe hopi mengetahui tentang penderitaon nyo kami alami de Asia. Kami sajo debohoni melobehi kekuaton kami sehingo kami potos aso untok tetap hidop.
\v 9 Bahkon, kami mempunyoi hokomon mati delom diri kami dewek empokonyo kami hopi yakin ngan diri kami dewek meleonko deri Allah nyo membangkitkon urang nati.
\v 10 Enye lah melaposko kami deri kemation nyo mengeriko iye ngan akan melapaskoh kami lagi. kepado-Nye kamie berharop bahwa nye akan menyelamatkoh kami lagi.
\v 11 Kowe jugo torot menolung kami melalui doa-doame sehinggo lobot nyo nak besokor atas namo kami ulehnyo kaseh karunia nyo deboriko kepado kami melalui doa-doa lobot urang.
\s (Perubahon Rencana Paulus)
\p
\v 12 Nielah kebanggaon kami, nyoiye kesaksion hati nurani kami behwa kami hidop de denia nie, terutamo tehado kowe, dengan ketoloson ngan kemurnion deri Allah, bukon delom hikmat denia meloenko delom anugrah Allah.
\v 13 Sebab, kamie hopi menulesko hal-hal loen kopodome seloen nyo depot kowe beco ngan tereti akan beharop kowe nak tahuko seponohnye,
\v 14 upa jugo kowe lah memahami sebagion tentang kami, nyoiye behowe kami adolah kebanggaonme seumpamene kou jugo adolah kebanggahon kami, podo hari Tuhan Yesus.
\p
\v 15 delom keyakenon nie, ake bemaksod untok telobeh dehulu njongok ke tempatme nggakonyo kou boleh mendepotko anugrah untuk ke dua kalinye.
\v 16 Ake amat mengonjongi kowe delom perjelononke ke Makedonia, mengka bekek lagi kenempat kowe setelah deri Makedonia empoknyo kowe pacok menolonke delom perjelononke ke Yudea.
\v 17 Uleh nyo iye, apokah ngan kerauan ake merencanakonye hal nie? apo, apehkoh nyo rencanakoh ake merencanokonye secaro duniawi sehinggo bageke secaro bersamo ado, “ao, au” ngan “hopi, hopi”?
\v 18 samo upa Allah adolah setio pemboeon kami kepodome bukonyo “ao” ngan “hopi”.
\v 19 Sebab Anak Allah, Yesus Kristus, nye deberitako de antaro kowe uleh kami, tong iye uleh ake, Silas ngan Timotius, bukonyo “ao” ngan “hopi” meloenko “ao” de delomnye.
\v 20 Sebab, segalo jenji Allah adolah “ao” de delom Kristus. iyelah sebabnye, melalui enye, kami baekko “Amin” kami untok kemuliaon Allah.
\v 21 ngan, Allah nyo menogohkoh kami besamo-samo ngan kou de delom Kristus, ngan yo lah memberkati kito,
\v 22 nyo jugo lah memateraikoh kite ngan memborikoh Roh-nye delom hati kite sebagai jaminon.
\p
\v 23 namun, ake mantau Allah upa saksi bage jiwoke behewo untuk menahan diri atas kou ake belom jengo lagi ke Korintus.
\v 24 Bukon karena kami nyorohko atas imane, hambuk kami adalah nyo begawe besamome untok sukacitame uleh delom imanme kowe togok togoh.
\c 2

\p
\v 1 Jedi, ake memutuskoh bage dirime behwo ake hopi nak jongok lagi kepadome kesedehon.
\v 2 Mengkah ake buat kowe besedeh, siapekoh nyo kan membuat ake begembira kecuali ao nyo sodah kubuat bersedih iye.
\v 3 Ake menoles, sebagaimone nyokou lakuko, empoknyo ketika ake jongok ake hopi kan mendepotkoh kesedihon deri rombongon nyo seharusnye membuatke begembira sabab, ake meraso yaken pado kowe segelo bahwo sukacita kan menjedi sukacita kou segelo.
\v 4 DEri nemanye penderitaon ngan kepodehon hati, ake menoles kepadome ngan neman aek mato bukon untok membuatme besedeh, meloenkoh empok kowe depot mengetahui kaseh yo ake pogong kososnye tehadop kowe.
\s (Mengampuni Sesamo nyo Besaloh)
\p
\v 5 Hambok, muye ado nyo meyebabkoh kesedehon, ao hopi melobeh-lobehkoh untok kowe segelo.
\v 6 Bage urang upah iye, tegoron uleh sebagion godong deri kowe cokop bagenye.
\v 7 Karena iye, kowe sebeleknye, lobeh beik mengampuni ngan menghiburnye supaya urang nyo upah iye hopi tegolom uleh kesedehon nyo belobehon.
\p
\v 8 Jedi, ake mendorong kowe untok menegaskoh kasehme kepodonye.
\v 9 Sabab, untok nie pula ake menoles kepadome, yaitu supaya ake depot mengetahui buktinye, apokah kowe taat delom segelo sesuatu
\v 10 Seurang nyo kowe amponi, ake mengamponinye jugo. Sabab, ape nyo soda ake amponi, empok ado nyo haros ake amponi, ake melakukonye demi kowe de hadopon Kristus.
\v 11 Ngan demikon hopi kan deuntongkoh deni kite karena kite mengetahui maksod-maksodNye.
\s (Kegelisahon ngan kelegaon Paulus)
\p
\v 12 Ketiko ake sampoi de Teroas untok memberitako Injil Kristus ngan ketika pintu tebuka untoke delom Tuhan,
\v 13 Bolom ado kelegaon bage roh e ulehnyo hopi menjumpai Titus, dolorke jedi, ake bepamiton kepado mike ngan lari ke makedonia.
\v 14 Hambok, syukur kepado Allah, nyo selalu memimpin kami kepado kemenangan dedelom Kristus ngan mengatoko kehoromon pengetahuon akan enye de setiap tempat, melalui kami.
\v 15 Sabab, kami adolah mambo horom Kristus bage Allah de antaro rombongon nyo deselamatkoh ngan de antaro rombongonyo sedang benaso.
\v 16 Bagenyo siko, kami adolah mambu kemation ngan bage nyo loen, mambu kehidopon untok kehidopon. Hambok siapekah nyo sanggop untok hal-hal nie?
\v 17 Sabab kami hopi upah lobot urang loen, nyo menjual Firman Allah. sebaleknye delom Kristus kami boek de hadopon Allah ngan ketoloson, sebagai mone utoson-utoson Allah.
\c 3

\p
\v 1 Apekah kami mulai memuji diri kami dewek lagi? apo, upa beberape urang, apokah kami membotohkoh surat pujion untokme apo deri kowe.
\v 2 Kowelah suarat kami, nyotetoles delom hati kami, nyo deketahui ngan debeco uleh segelo urang.
\v 3 Kowe menunjuko bahwa kowe adolah surat Kristus nyo delayani uleh kami, nyo de tules bukon ngan titah meloenkoh dengan roh Allah nyo hidop bukon de pocok roh-roh betu meloenkoh de loh-loh hati mendesio.
\p
\v 4 Keyakenon upah nie nyo kami milik terhadop Alllah melalui Kristus.
\v 5 Bukon bearti kami, ngan diri kami dewek mampu mengagap sesuatu berasal deri diri kami dewe hambok kemampuon kamie berasal deri Allah.
\v 6 Ngoleh buat kami mampu menjedi pelayan-pelayan perjanjion beheru bukon menorot huruf hambok deri roh sabab, huruf iye mematikoh, hambok roh menghidopkoh.
\s (Kemuliaon Godong deri Pelayanon Roh)
\p
\v 7 Hambok jika pelayanon nyo ngunda kepado kemation nyo ngan horof-horof detoleh pado loh betu iye jongok ngan kemuliaon, sampoi-sampoi bengeso Israel hopi pacok ngoleh moka musa ulehnyo kemuliaon iye, padahal saat iye kemuliaanye soda memudar,
\v 8 Bukonkoh pelayanon roh memilii kemuliaan nyo bahkan nyo lobeh godong.
\v 9 Sabab, jika pelayanon nyo membewoh hukomon memilik kemuliaon terlobeh lagi pelayaanon kebonoron iye melimpah delom kemurahon.
\v 10 Sesongggohnye ape nyo dehulu deanggap mulia delom hal nie hopi lagi demuliakoh karena kemuliaon nyo melipah iye.
\v 11 Sabab, jika nyo meudar iye jongo ngan kemuliaon terlobeh lagi nyo kekal iye delom kemuliaon.
\p
\v 12 Ulehnyo memiliki pengharopon nyo upah nie, kami menggunakoh keberanion godong.
\v 13 Ngan hopi upah musa nyo motekoh seloongde mokanye emponyo anak-anak Israel hopi depot ngoleh akher deri ape nyo memudar
\v 14 Hambok pekeron mike lah dekeraskoh sampoi sari nie delom pembecoon perjenjion nyo lamo, selobong nyo samo hambok hopi deangket ulehnyo ango de delom Kristus selobong iye depot deangket.
\v 15 Bahkan sampoi sari nie, ketiko kitab musa de beco, sebuah selebong menotop hati rombongon.
\v 16 Hambok saat seseurang bebelek kepado Tuhan selobong iye akan deangkot.
\v 17 Tuhan adolah roh ngan de tempat roh Tuhan hader de sane ado kemerdekaon.
\v 18 Ngan, kite segelo nyo ngan moka hopi teselobong mencerminkoh kemuliaon Tuhan, sedang di ubah kapado gambar nyo samo deri kemuliaon kepado kemuliaon samo upa Tuhan, nyo adolah Roh iye.
\c 4

\s (Kegegehon Paulus delom Pelayanon)
\p
\v 1 Uleh nyo iye, sejak kami memperuleh pelayanon nie, sebagaimone kami menerimoh belas kaseh Allah, kami hopi bekecek hati.
\v 2 Hambok, kami menolak hal-hal tekerawo nyo memaluko, hopi bejelon delom kelecekon, apo memalsuko firman Allah, meloenko ngan kenyatoon kebonoron, kami menonjoko diri kami dewek kepodo hati nurani setiap urang de hadopon Allah.
\v 3 Bahkan, jika Injil kami maseh tetotop jugo, Injil iye tetotop untok rombongon nyo akan benaso,
\v 4 nyo deantaronye, beles dunia nie lah membotohkoh pekeron rombongon nyo hopi pecayo empoknyo rombongon hopi depot ngoleh tarang kemuliaon Injil Kristus, nyo adolah gambaron Allah.
\v 5 Sabab, kami hopi memberitako tentang diri kami dewek, meloenko Kristus Yesus sebagai Tuhan ngan diri kami dwek sebagai pelayan-pelayanme ulehnyo Yesus.
\v 6 Ulehnyo Allah nyo berfirman, “biarlah tarang becehayo deri kekolomon,” lah becehayo delom hati kite untok membori tarang pengetahuon tentang kemuliaon Allah nyo ado podo moka Kristus Yesus
\p
\v 7 Hambok, reto nie kami meleki delom bejana tanoh liat empoknyo kelimpaon kuaso iye berasl deri Allah ngan bukon deri diri kami dewek.
\v 8 Kami detindas deri segelo sisi, hambok hopi tekepet. kami bingung, hambok hopi potos asa.
\v 9 Kami deaniayo, hambok hopi detinggalko. kami decampoko, hambok hopi debenasoko.
\v 10 Kami selalu ngunda kemation Yesus delom badan kami empoknyo kehidopon Yesus jugo denyatoko delom badan kami.
\v 11 Ulehnyo kami, nyo hidop nie, selalu deserahko kepodo kemation ulehnyo Yesus empoknyo kehidopon Yesus jugo denyatoko delom badan kami nyo fana nie.
\v 12 Upanielah kemation begawe de delom kami, hambok kehidupon begawe de delomme.
\p
\v 13 Hambok sebeleknye ngan mempunyoi Roh iman nyo samo, sesuoi nyo sodah tetoles, “Ake pecayo, ulehnyo iye ake boek,” kami jugo pecayo ngan ulehnyo iye, kami jugo boek.
\v 14 Sabab, kami tahu bahwa ye, nyolah membangketko Tuhan Yesus, akan membangketko kami jugo besamo-samo ngan Yesus ngan akan ngunda kami besamo-samo ngan Yesus ngan akan ngunda kami besamo kowe dehadopon -Nye.
\v 15 Sabab, segelo hal nie terjedi untok kepentengonme empoknyo anugerah, nyo semaken menjangkau neman urang, depot melimpahko ucapon syukor bage kemuliaon Allah.
\s (Hidop uleh Iman)
\p
\v 16 Iyelah sebabnye, kami hopi perenah bekecek hati. walaupon badan laheriah kami sajo mberosot keadaonye, hambok mendesio batiniah kami selalu deperbaharui hari demi hari.
\v 17 Sabab, penderitaon heran nyo kinie nie, menggaweko bage kami sebuah kelimpahon kekal kemuliaon nyo melobehi segelo-gelonye.
\v 18 Kami hopi memperhatikoh hal-hal nyo tekoleh, meloenko hal-hal nyo hopi tekoleh sabab, hal-hal nyo tekoleh adolah sementaro sedangko hal-hal nyo hopi tekoleh adolah kekal.
\c 5

\p
\v 1 Ulenyo kami tahu bahwa munye kemah, deman kediomon kite de bumi nie derobohkoh, kite mempunyoi sebuah bengunon deri Allah, sebuah rumah nyo hopi debuat ngan tangon, nyo kekal de surga.
\v 2 Selamo kite ado dedelom kemah nie, kite mengeloh ulehnyo kite ndelok untok menganakoh deman kediomon surgawi kite.
\v 3 Sabab, tekalo kite menganakonye, kite hopi lagi dedepoti telanjong.
\p
\v 4 Selamo kite berado delom kemah nie, kite mengoleh ngan tebobon, ulehnyo kite hopi endok betelanjong meloenko bepakoion empoknyo nyo fanah iye detolon uleh hidop.
\v 5 Kinie, ye nyo mempersiapko kite untok tujuon nie adolah Allah, nyo memboriko kepodo kite sebagai jaminon.
\p
\v 6 Ulenyo iye, kami selalu tabah ngan menyadari bahwa ketika kami ado de rumah delom badan nie, kami berado deluor Tuhan.
\v 7 Sabab, kami hidop uleh iman, bukon uleh pengolehon.
\v 8 Hambok, kami tabah ngan lobeh endok tinggal de luor badan nie mengka tinggal besamo Tuhan.
\v 9 Uleh upanio enye, kami beusaha empoknyo kami bekenan kepodon-Nye, entah kami tinggal de rumah nie apo berado deluor.
\v 10 Sabab, kite segelo haros de hadopkoh de depan keresi pengadelon Kristus empoknyo setiap urang depot menerimo belek hal-hal nyo delakukoh delom badan nye, sesuoi ngan ape nyo sodah delakukonye, entah iye beik apo pon jahat.
\s (Pelayanon Pendamaion deri Allah)
\p
\v 11 Ulenyo kami tahu artinye takot akan Tuhan, mengka kami menyakenko urang loen. Hambok, kami sodah nyato bage Allah ngan ake beharop nyato pula bage hati nuranime.
\v 12 Kami hopi beusaha lagi memuji-muji diri kami kepodome, Hambok kami memborikome kesempaton untok bangga terhadop kami. Ngan demikian, kowe nak mempunyoi jawabon untok rombongon nyo bangga atas hal-hal laheria ngan bukon atas ape nyo ado delom hati.
\v 13 Munye kami hopi menjedi diri kami hal iye adolah untok Allah. Muye kami menjedi diri kami, iye untok kepentengonme.
\v 14 Ulenyo kaseh Kristus menguasoi kami ketika kami menyimpolko bahwa munye sikok urang mati untok segelo, mengka rombongon segelonye teelek.
\v 15 Ngan, enye teelek untok segelo empoknyo rombongon nyo hidop hopi lagi hidop untok diri rombongon dewek, meloenko untok Enye, nyo lah mati ngan debangketko demi rombongon.
\p
\v 16 Ulenyo iye, sejak kinie kami hopi mengenali seurang pun menorot keadaaon laherianye. Meskipon kami perenah mengenal Kristus secaro laheria, Hambok kinie kami hopi lagi menilai-Nye upa iye.
\v 17 Jedi, siape nyo ado de delom Kristus, iye adolah ciptaon beheru. Hal-hal nyo lamo sodah belalu, kolelah, hal-hal nyo beru lah njongo.
\v 18 Segelo hal nie adolah deri Allah, nyo memperdamaiko kite ngan diri-Nye melalui Kristus ngan membori kite pelayanon pendamaion iye,
\v 19 nyoiye delom Kristus Allah mendamaiko denia ngan diri-Nye dewek, ngan hopi memperhitongko pelanggaron-pelanggaron rombongon, ngan sodah mempercayoi berita pendamaion kepodo kite.
\v 20 Jedi, kami adolah duta-duta Kristus. Allah menonjoko panggelon-Nye melalui kami. Kami buek kepodome demi Kristus, borilah dirime deperdamaiko ngan Allah.
\v 21 Enye nyo hopi mengenal doso lah debuat-Nye menjedi doso ulenyo kite empokonyo kite debonorko Allah dedelom Enye.
\c 6

\p
\v 1 Ngan begawe besamo ngan enye, kami jugo mendorong kowe empok hopi nerimo anugerah Allah ngan sio-sio.
\v 2 Sabab, nye befirman: “pado waktu Ake bekenan, Ake mendongorme ngan pado hari keselamaton, Ake menolungme.” Perhatikolah, kinie adolah wektu nyo bekenan iye. Perhatikolah, kinie adolah hari keselamaton iye. 
\rq Yesaya 49:8 \rq*
\p
\v 3 Kami hopi memboriko pantukon kepodo siape pun empokonyo pelayanon kami hopi decela,
\v 4 meloenko delom segelo caro kami menonjoko diri kami sebagai pelayan-pelayan Allah, ngan ponoh ketabahon delom segelo penderitaon, kesesakon, kesukaron,
\v 5 pukolon, pemenjaraon, kerusohon, jereh payoh, hopi tidor, kelaporon,
\v 6 ngan ponoh kejerenehon, pengetahuon, kesabaron, kemurahon, Roh Kudus, kaseh nyo tulus,
\v 7 pemboeon kebonoron, kuaso Allah, senjeto kebonoron de tangon kanon ngan kiri,
\v 8 kemuliaon ngan kehinaon, sesumpahon ngan pujion, deanggap sebagai penipu-penipi padohal kami bonor.
\v 9 kami upa hopi dekenal, hambuk tekenal, upa nyo lanak mati, hambuk kolelah, kami hidup; upa urang nyo dehajar hambok hopi tebunoh.
\v 10 upa nyo bedukacita, cuma selalu bersukacita, kami mesken, cuma membuat urang loen kayo, hopi ado apo-apo, cuma memeleki segelo sesuatu.
\p
\v 11 Kami lah membuka mulot kami kepodome, hai urang Korintus, hati kami tebuka lebor.
\v 12 Kowe hopi debaptes uleh hopi kami, cuma kowe debaptes uleh hatimu dewek.
\v 13 Kinie, untok beloson nyo samo ake buek upa kepodo anak-anakke bukalah pula hatime lebor-lebor. pasongon nyo hopi seimbang
\p
\v 14 Jengon menjedi pasongon nyo hopi seimbang ngan urang-urang nyo hopi pecayo. Sabab, persamoon apokah nyo ado antaro kebonoron ngan kejahaton? Apo, persamoon apokah nyo terdepot antaro tarang ngan kolom?
\v 15 Kesepakaton apokah nyo demeleki Kristus ngan Belial? Apo bageon apekah nyo ado antaro urang pecayo ngan urang nyo hopi pecayo?
\v 16 Ngan, kesepakaton apokah nyo ado antaro Baet Allah ngan berhala-berhala? Sabab, kite adolah Baet Allah nyo hidup, upa firman Allah, “Ake nak tinggal de delom rombongon ngan bejelon de antaro rombongon, ngan ake nak menjedi Allah rombongon iye, ngan rombongon nak menjedi umat-ke.”
\p
\v 17 “Ulenyo iye, keluorlah kowe deri tangah-tangah rombongon, ngan bepisahlah,” ujo Tuhan. “ngan, jengonlah menjamah ape nyo najes, mengka ake nak menerimo kowe.”
\v 18 “Ngan, Ake nak menjedi Bepa bageme, ngan kowe nak menjedi anak-ankak-ke jenton-jenton ngan anak-ank-ke betina,” demikianlah firman Tuhan, nyo Mahakuaso.
\c 7

\p
\v 1 Ulenyo kite memeleki jenji-jenji nie, hai nyo tekase, ayoklah kite memberesehko diri kite jak segelo kecemaron badan ngan roh sambel menyempurnako kekudoson delom takot akan Allah.
\s (Sukacita Paulus)
\p
\v 2 Borilah deman bage kami dehatime. Kami hopi besaloh kepodo siape pun, hopi merosak siape pun, ngan hopi mengambek untong deri siape pun.
\v 3 Ake hopi menggerako nie untok menyalohko kowe, hambok sebolomnye, ake lah nggerako kepodome bahwa kowe ado delomhati kami, untok mati besamo ngan hidop besamo.
\v 4 Keyakenonke godong atas kowe, kebanggaonke godong terhadop kowe, ake deponohi ngan penghiburon ake melimpah ngan sukacita delom segelo kesusahon kami.
\p
\v 5 Bahkan, ketika kami sampoi de Makedonia, badan kamie hopi mendepot ketenangon, meloenko tesikso jak segelo sisi, yaitu petengkaron jak luor ngan ketakoton deri delom.
\v 6 Cuma hambok, Allah, nyo mehibor urang nyo putos asa, mehibor kami ngan kedetongon Titus.
\v 7 Bukon ngan kedetongonyo bae, hambok jugo ulenyo penghiboron nyo membuatnye tehibor dedelom kowe, upanyo enye seritoko kepodo kami tentang kerinduonme, dukacitame, semangotme, untok ake epoknyo ake sajo besukacita.
\p
\v 8 Jedi, meskipon ake lah membuatme sedeh ulenyo suratku iye, ake hopi menyosolinye. walaupon ake pernah menyosolinye, iye ulenyo ake ngole bahwa surat iye menyedehko hatime walaupon anyo sesaat.
\v 9 Kinie ake besukacita, bukon ulenyo kowe besedeh, cuma ulenyo kowe besedeh untok pertobaton, ulenyo kowe besedeh sesuoi ngan kehendok Allah empoknyo kowe hopi derugiko delom hal ape pun uleh kami.
\v 10 Sabab, kesedehon nyo sesuoi ngan kehendok Allah menghaslko pertobaton nyo hopi desosoli ngan memempen kepodo keselamaton. Hambok, kesedehon duniawi menghaselko kemation.
\v 11 Sabab, perhatikolah betapa lobotnye kesedehon nyo sesuoi ngan kehendok Allah iye menggaweko bageme kesunggohon nyo godong, pembuktion bahwa kowe hopi besaloh, kemarahon, ketakoton, kendeloon, semangat, ngan pembeloson. Dedelom segelo hal, kowelah membuktiko bahwa kowe hopi besaloh delom hal nie.
\v 12 Jedi walupun ake menoles surat kepodome, hal iye bukon untok kepentengon urang nyo berbuat saloh ngan bukon jugo untok kepentengon urang nyo desalohko, cuma empoknyo kesunggohonme terhadop kami denyatoko kepodome de hadopon Allah.
\v 13 Iyelah sebabnye, kami tehibor. De sampeng penghiburon kami iye, kami lobeh besukacita lagi atas sukacita Titus ulenyo rohnye lah desegarko uleh kowe segelo.
\v 14 Sabab, munye ake perenah membangga-banggako kowe kepodo Titus, ake hopi depermaluko. Hambok, seupamone kami memboeko segelo sesuatu kepodome delom kebonoron, upaiyoy jugo kebanggaon kami de hadopon Titus terbukti bonor.
\v 15 Ngan, kaseh sayongnye terhadop kowe betamboh godong, apobila enye mengingot ketaatonme segelonye, upamone kowe menyambot kedetongonye ngan takot ngan gentar.
\v 16 Ake besukacita ulenyo delom segelo hal ake memeleki keyakenon de delom kowe.
\c 8

\s (Pengumpulon Persembahon Kaseh bage Urang-Urang Kudus)
\p
\v 1 Kinie, Dolor-dolor, kami endok kowe mengetahui tentang anugrahAllah nyo lah deboriko kepodo jemaat-jemat de Makedonia,
\v 2 bahwa delom lobotnye ujion penderitaoon, kelimpahon sukacita ngan godongnye kemeskenon rombongon lah bekelimpahon delom kekayohon ketuloson hati rombongon.
\v 3 Ake besaksi bahwa rombongon membori sesuoi ngan kemampuon rombongon, bahkan melobehi kemampuonnye atas kerelaon rombongon dewek.
\v 4 Rombongon memohon ngan sangat kepodo kami akan anugrah untok turot ngambek bageon delom pelayanon urang-urang kudus.
\v 5 Ngan, nielah nyo rombongon lakuko, bukon upanyo kami haropko, pertamo-tamo, rombongon iye memboriko diri rombongon dewek kepodo Allah, kemudion kepodo kami ule kehendok Allah.
\v 6 Jedi, kami mendesak Titus, sebagaimone ye lah memulainye, upanio pula ye jugo nak menyodako gaweon anugrah nie de antaro kowe.
\v 7 Hambok, samo upa kowe bekelobehon delom segelo hal, delom iman, pemboeon, pengetahuon, segelo usaha, ngan delom kasehme terhadop kami, empoknyo kowe jugo bekelobehon delom anugrah nie.
\p
\v 8 Ake hopi nggerako hal nie sebagai perintah, hambok untok menuju melalui kesonggohon urang loen tentang keiklason kasehme.
\v 9 Sabab, kowe mengetahui anugrah Tuhan kite Yesus Kristus, bahwa walupun ye kayo, ye rela menjedi mesken demi kowe empoknyo melalui kemeskenon-Nye, kowe menjedi kayo.
\v 10 Ngan, delom hal nie ake memboriko pendepotke, hal nie adolah untok keuntongonme, nyo sejak tahon tekelahe, kowe bukon anyo melakukonye, cuma jugo endok untok melakukonye.
\v 11 Jedi, kinie, selesikolah jugo gaweon iye empoknyo sepadan ngan kerelaonme untok menyelesaiko ape nyo ado podome.
\v 12 Sabab, munye ado kesiapon membori, pemborion iye nak deterimo, bedasarko ape nyo demeleki seseurang, ngan bukon bedasarko ape nyo hopi demelekinye.
\v 13 Hal nie bukon untok meringanko urang loen ngan memboboni kowe, cuma empoknyo ado keseimbangon.
\v 14 Biarlah kelobehonme kinie mencukopi kekurangon rombongon munye kelobehonye rombongon kemudion mencukopko kekurangon kowe. Ngan demikian ado keseimbangon.
\v 15 Upanionyo tetoles delom Kitab Suci, “urang nyo mengumpolko lobot, hopi kelobehon ngan urang nyo mengumoplko kekecikon, hopi kekurangon.”
\s (Pengutuson Titus)
\p
\v 16 Hambok, sukor bage Allah nyo moteko delom hati Titus kesunggohon nyo samo ngan nyo ake meleki untokme.
\v 17 Sabab, ye hopi menerimo anjuron kami, cuma ngan kesunggohonnye nyo godong, ye njongo kepodome atas kehendoknye dewek.
\v 18 Besamo Titus, kami mengutos dolor nyo depuji-puji de antaro segelo jemaat delom hal pemberitaon injil.
\v 19 Bukon iyoy bae, nye jugo detunjok uleh jemaat-jemaat untok lari besamo kami delom pelayanon anugerah nie, nyo kami lakuko untok ngunda kemuliaon bage Tuhan ngan untok menunjoko kerelaon kami.
\p
\v 20 Kami sajo behati-hati empoknyo hopi ado urang nyo nak mehima kami delom hal delom pemborion godong nyo deator uleh kami nie.
\v 21 Kami beusaha melakuko ape nyo bonor, hopi anyo delom pandongon Tuhan, cuma jugo delom pandongon mendesio.
\v 22 Ngan, besamo rombongon, kami mengutos dulor kami nyolah recap kami uji ngan tebukti rajen delom lobot hal, telobeh lagi kinie nye sajo rajen ulenyo ye memeleki keyakenn nyo godong terhadopme.
\v 23 Kinie tentang Titus, nye adolah pasongon ngan kanti begaweke nyo nak bemanfaat untokme. Sedangko tentang dolor-dolor kite nyo loen, rombongon utuson jemaat-jemaat, suatu kemuliaon bage Kristus.
\v 24 Jedi, tujokkolah kepodo rombongon, de hadopon jemaat-jemaat, bukti kasehme ngan kebanggaon kami atas kowe.
\c 9

\s (Membori Ngan Sukarela)
\p
\v 1 Bageke, adolah belobehon untok menoles kepodome tentang pelayanon kepodo urang-urang Kudus nie.
\v 2 Sabab, ake mengetahui kerelaonme, nyo aku bangga banggako menganai kowe kepodo urang-urang Makedonia, yaitu bahwa Akhaya lah siap sejak tahon lewat ngan semangotmelah nyo lah menggarako sebageon godong deri rombongon.
\v 3 Cuma hambok, ake mengutos dolor-dulor nie empoknyo kebanggaon kami tentang kowe hopi dejediko sio-sio dalam hal nie. Ngan upanio, kowe siap sedio upa nyo lah kuboeko.
\v 4 Sabab, munye beberape urang Makedonia njongo besamo-samo nganke ngan rombongon endepoti kowe bolom siap, kami (hopi perelu kami memboeko kowe) nal depermaluko ulenyo keyakenon nie.
\v 5 ulenyo iye, ake bepeker perelu untok mendesak dolor-dolor nie lari lobeh dehulu kepodome ngan mempersiapko pemborion nyo siap untok menjedi pemborion sukarela, ngan bukon ulenyo tepakso.
\p
\v 6 Ake nggerako hal nie: siape nyo menabor kekecikon nak menuoi kekecikon jugo, ngan urang nyo menabor lobot nak menuoi lobot jugo.
\v 7 Setiap urang haros membori upa nyolah yo putosko delom hatinye, bukon ngan dukacita apo de bewo paksoon ulenyo Allah mengasehi urang nyo membori ngan sukacita.
\v 8 Ngan, Allah sangop meluapko segelo anugrah kepodo kowe empoknyo kowe selalu memeleki segelo kecukopon delom segelo hal ngan bekelimpahon delom setiap penggaweon beik.
\v 9 upanyo tetoles: “ye lah membage-mbageko, ye lah membori kepodo urang mesken, kebonoron-Nye cuma untok selamonye.”
\p
\v 10 Kinie, Enye nyo menyediako beneh bage penabor ngan roti sebagai makonon, nak menyediako ngan melipotgandako benehme untok detabur ngan nak memperlobot hasel-hasel kebonoronme.
\v 11 Kowe nak deperkayo delom segelo hal atas segelo hal atas segelo kemurahon hatime, nyo melewati kami membangketko ucapon syukor kepodo Allah.
\p
\v 12 Sabab, bentuon pelayanaon nie bukon anyo mencukopko keperluon-keperluon urang-urang kudus, cuma jugo melimpahko ucapon syukor kepodo Allah melalui lobot urang.
\v 13 melewati bukti pelayanon nie, rombongon nak memuliako Allah ulenyo ketaatonme kepodo pengakuonme akan Injil Kristus, ngan untok segelo kemurahon hatime delom berbagai kepodo rombongon ngan segelo urang.
\v 14 Ngan, delom doa-doa rombongon untokme, rombongon merindukome ulenyo kaseh karunia Allah nyo melimpah atasme.
\v 15 Syukor kepodo Allah atas pemborion-Nye nyo hopi teboeko!
\c 10

\s (Otoritas Paulus adolah jak Allah)
\p
\v 1 Ake, paulus, dirike dewek memohon kepodome ngan kelombuton ngan kemurahon Kristus ake, nyo hopi berani ketika berhadopon moka ngan me, hambok berani ketika jouh derime!
\v 2 Ake memohon kepodome empoknyo ketika ake njongo, ake hopi perelu menjedi berani ngan keyakenon nyo ngannye ake memperhitongko untok berani melawon beberape urang nyo menganggop kami hidop secaro deging.
\v 3 Memang, kami lagi hidop delom kedegengon, hambuk kami hopi bejuang secaro degeng.
\v 4 Sabab, senjeto-senjeto peperangon kami bukon deri degeng, meloenko deri kekuaton ilahi untok kehancuron benteng-benteng.
\v 5 Kami meruntohko pemekeron-pemekeron ngan segelo hal tinggi nyo debengun uleh kesombongon mendesio untok menantang pengenalon akan Allah. kami menahan segelo pekeron ngan mengalokonye kepodo Kristus.
\v 6 Ngan kami siap mehukom segelo kehopitaaton tekalo tekalo ketaatonme dedempurnako.
\p
\v 7 Kolelah kepodo ape nyo ado de hadoponme. Munye ado urang nyo meyakeni dirinye adolah melek Kristus, biarlah ye memekerko belek hal nie, nyoiye seupamone ye adolah melek Kristus, kami pun upanielah.
\v 8 Bahkan, walaupun ake agak belobehon membanggako otoritas, nyo Allah boriko ngan kowe untok membengun kowe ngan bukon untok mehancurko kowe, ake hopi nak malu.
\v 9 Ake hopi endok tekole seola-ola ake nak menakot-nakoti kowe ngan surat-suratke.
\v 10 Sabab, rombongon buek, “surat-suratnye memang tegas ngan karas, cuma secaro kehaderon badan, ye lamah ngan pembueoonye hopi bearti.”
\v 11 Biarlah urang nyo upa iye memekerko hal nie, yoiye ape nyo kami bueko ngan surat tekalo kami hopi besamome, samo upa perbuaton kami tekalo besamome.
\p
\v 12 Sabab, kami hopi berani untok mengelompokko atau membandengko diri kami ngan beberape urang nyo memuji-muji dirinye dewek. Hambuk, tekalo rombongon mengukor dirinye ngan diri rombongon dewek ngan membandengko dirinye ngan diri rombongon dewek, rombongon iye hopi memahaminye.
\v 13 Cuma hambuk, kami hopi nak bebangga atas hal-hal nyo melampaui batason kami, meloinko menurot batason deri ketetapon nyo Allah lah bageko kepodo kami, yoiye batason untok menjangkau sampoi kepodo kowe jugo.
\v 14 Sabab, kami hopi melampaui batason kami, seolah-olah kamihopi menjangkau sampoi kepodo kowe. Kamilah nyo pertamo kali sampoi kepodome ngan Injil Kristus.
\p
\v 15 Kami jugo hopi bebangga melampaui batason kami ngan bebangga atas jereh litak urang loen, meloenko ngan pengharopon bahwa seupamone imanme betumboh, wilayah penggaweon kami de antaro kowe nak semaken deperluas lagi,
\v 16 Empoknyo kami depot memberitako Injil ke wilayah-wilayah de luor kowe, ngan hopi bebangga atas ape nyo lah desodahko de wilayah penggaweon urang loen.
\v 17 “Siape nyo endok bebangga, biarlah ye bangga de delom Tuhan.”
\p
\v 18 Sabab, bukon urang nyo memuji dirinye dewek nyo tebukti tahan uji, meluenko urang nyo Tuhan puji.
\c 11

\s (Paulus ngan Rasul Pelesu)
\p
\v 1 Ake beharop, kowe sabar terhadopke delom kekecikon kebodohonke, ngan kowe memang sabar terhadop ake.
\v 2 Sabab, ake meraso cemburu kepodo kowe ngan kecemburuon ilahi ulenyo ake sodah menunangko kowe ngan siko laki, yaitu mempersembahkome sebagai perawan nyosuci kepodo Kristus.
\v 3 Hambok, ake takot, jengon-jengon, samo upa ulor nyo ngan kelecekonnye menipu hawo, upa iyoy pekeronme nak desosotko deri ketuloson ngan kemurnionme pengabdion delom Kristus.
\v 4 Sabab, kowe sabar bae ketika seseurang njongok ngan memberitako tentang Yesus nyo loen, nyo bebeda ngan nyo kami beritako, apo tekalo kowe menerimo roh nyo bebeda, nyo bolum perenah kowe terimo, apo injil loen nyo bolum perenah kowe terimo.
\v 5 Menurotke, ake hopilah kurang deri para rasul luor biaso iye.
\v 6 Walupun ake hopi pandai delom hal pembueon, cuma hopi upanioi delom hal pengetahuon, ulenyo dengan lobot caro, kami lah menunjokonyokepodome delom segelo hal.
\p
\v 7 Apo, apokah ake melakuko doso tekalo merendahko dirike dewek empoknyo kowe depot detinggiko ilenyo ake memberitako Injil Allah kepodome ngan cuma-cuma?
\v 8 Ake merampok jemaat-jemaat loen ngan menerimo upah deri rombongon untok melayani kowe.
\v 9 Ngan, tekalo ake besamome ngan melarat, ake hopi memboboni seurang pun ulenyo dulor-dulor nyo njongo deri Makedonia memonohi kebutohonke. Ngan, delom segelo hal, ake menjego dirike untok hopi menjedi bobon bageme ngan ake nak terus melakukonnye.
\v 10 Seumpamone kebonoron Kristus de delomke, kebanggaonke nie hopi nak dehalangi de wilayah-wilayah Akhaya.
\v 11 Mengka? Apokah ulenyo ake hopi mengasehime? Allah nyo mengetahuinye!
\p
\v 12 Cuma hambok, ake nak teros melakuko ape nyo kulakukoh sehingga ake depot menotok kesempaton deri rombongon nyo mengendoko kesempaton untok dedepoti samo upa kami delom hal-hal nyo rombongon banggako.
\v 13 Sabab, urang-urang upa iye adolah rasul-rasul palsu, penggawe-penggawe nyo curang, nyo menyamar sebagai rasul-rasul Kristus.
\v 14 Hal iye hopi mengejutko ulenyo Iblis pun menyamar menjedi upa malaikat tarang.
\v 15 ulenyo iye, hopilah mengejutko munye para pelayannye jugo menyamar upa para pelayan kebonoron, nyo kesodahon rombongon iye nak setimpal ngan perbuatonnye dewek.
\s (Penderitaon Paulus bage Kristus)
\p
\v 16 Sekali lagi, ake membueko jengon ado sikok pun nyo menganggap ake nie bodoh. Walupun upaiyoy, terimolah ake sebagai urang nyo bodoh empoknyo ake jugo depot kekecikon bebangga.
\v 17 Ape nyo ake buekko delom hal keyakenon nak kebanggaon nie, ake hopi membuekkonye upa kehendok Tuhan, meluinko upa delom kebodoho.
\v 18 Lobot urang nyo bebangga secaro degeng. Jedi, ake jugo nak bebangga.
\v 19 Sabab, kowe sajo bijaksana sehingga ngan senang hati kowe besabar terhadop urang bodoh!
\v 20 Kowe besabar, empok ado urang nyo memperhamba kowe, menolon kowe, mengambek keuntongon atas kowe, meninggiko dirinye, apo menampor mokame.
\v 21 Ngan sajo malu ake haros membueko bahwa kami terlalu lamah untok hal iye!
\v 22 Apokah rombongon urang Ibrani? Ake jugo. Apokah rombongon urang Israel? ake jugo. Apokah rombongon keturonon Abraham? ake jugo.
\v 23 Apokah rombongon melayani Kristus? Ake lobeh-lobeh lagi ake buek-buek upa urang gila. Jereh payohke lobeh lobot, lobeh recap delom penjara, pukolon-pukolon nyo hopi depot dehitong, ngan lobeh recap berado delom behayo maut.
\v 24 Deri urang-urang Yahudi, selobot lima kali ake lah menerimo empat puloh kurang sikok cambukon.
\v 25 Tiga kali ake depukol ngan routon, sikok kali de tohuki betu, tiga kali ake berado de kapal tenggolom, siko malom ngan sikok hari ake deheret ombak de lout.
\v 26 Lobot kali delom perjelononke, ake terancam behayo deri sungoi, deri para perampok, pihak urang-urang Yahudi, ngan urang-urang bukon Yahudi. Ake deancam behayo de kota, de padang belantara, de lout ngn jugo behayo deri dolor-dolor palsu.
\v 27 Ake sodah bejereh payo ngan begawe berat, tetap terjego, kelaporon ngan kerauson, recap hopi ado makonon, delom kedingemnon, ngan tanpo pakoyon.
\v 28 Ngan, seloen hal-hal nie ado jugo masalah sehari-hari nyo menjedi tanggung jawabke untuk memeliharo atas segelo jemaat.
\v 29 Siape nyo lamah, ngan ake hopi lamah? Siape nye titek, ngan ake hopi berdukacita?
\p
\v 30 Munye ake harus berbangga, ake nak bangga atas hal-hal nyo menunjukko kelamahonke.
\v 31 Allah ngan Bepa Tuhan Yesus, nyo harus depuji selamo-lamonye, mengetahui bahwa ake hopi pelato.
\p
\v 32 De Damaskus, gubernue de bewoh Rajo Aretas mengawasi kota Damaskus untuk menangkop ake.
\v 33 Hambuk, ake deturunko delom sebuah keranjang deri sebuah jendelo de tembok, empuknyo ake telapas deri tangonnye.
\c 12

\s (Duri delom Dageng Paulus)
\p
\v 1 Ake harus bebangga walaupun iye hopi menguntungko. Ake nak menerusko pengolehon-pengolehon ngan penyataon-penyataon deri Tuhan.
\v 2 Ake mengetahui seseurang delom Kristus, nyo empat belas tahun lewat lah deundah ke surg tingkat tiga --entah de delom badannye, ake hopi tahuko; apo de luar badan, ake jugo hopi tahu, Allah nyo tahu.
\v 3 Ngan, ake tahu upamone urang nie -- entah de delom apo de luar badannye, ake hopi tahu, Tuhanlah nye tahu --
\v 4 nye de angket ke Firdaus ngan mendongor kato-kato nyo hopi teucapko, nyo hopi pacok de buekko uleh mendesio.
\v 5 Untuk ortang nie ake nak bebangga, cuma untuk dirike dewek, ake hopi nak bebangga kecuali atas kelamahon-kelamahonke.
\v 6 Hambuk, munye ake ndok bebangga, ake hopi nak menjedi bodoh ulenyo ake nak nggrako kebonoron. Cuma, ake menahannye empuknyo hopi ado urangnyo ngelek lobe deri ape nyo rombongon koleh apenyo rombongon dongor tentang ake.
\v 7 Untuk menjego empok ake hopi terlalu bebangga atas penyataon-penyataon nyo luor biaso iye, mengka sbuah unok deboriko delom degingke, nyoiye utusan iblis untuk menyusahko ake empuknyo ake hopi meninggiko diri.
\v 8 Mengenai hal nie, ake memohon kepodo Tuhan seneman tiga kali empok hal iye meninggalko ake.
\v 9 hambuk, Nye boek kepodoke, “AnugerahKe cukup bagime ulenyo kuasa-Ke desempurnako delom kelamahon.” Sabab iye, ake lobeh senang bebangga atas kelamahonke empoknyo kuaso Kristus diom de delomke.
\v 10 Iyelah sabab-nye, ake merasa senang delom kelamahon, delom siksaon, delom kesukaron, delom penganiayaon, ngan delom kesuliton ngan Kristus. Ulenyo ketika ake lamah, mangka ake kuat.
\s (Kaseh Paulus untuk Jemaat de Korintus)
\p
\v 11 Ake lah menjedi bodoh oleh kowe memaksoke untuk iye, padohal ake seharusnye depuji ulehme. Sabab, ake hopi kurang apo-apo debandingko para rasul nyo luor biaso iye, meskipun ake hopi ado apo-aponye.
\v 12 Tanda-tandonyo membuktiko seurang rasul lah deperkoleko de antaro kowe delom segelo katabahon, delom tando-tando, mujizat-mujizat, ngan keajaibon-keajaibon.
\v 13 Sabab delom hal apokah kowe derendahko deri jemaat-jemaat loen, kecuali bahwa ake hopi menjedi bobon bageme? Maafkolah kehopiadelonke nie
\p
\v 14 Kinie, ake siap mengunjungi kowe untuk nyo ketiga kalinye ngan ake hopi nak menjedi bobon bagime ulenyo ake hopi ndelok ape nyo kou punyoi, meloenko kowe. Sabab, anak-anak hopi wajib mengumpulko reto untuk induk bepaknye, cuma induk bepaknye untuk anak-anaknye.
\v 15 Ngan, ake nak ngan senang mengorbanko milikke ngan dirike untuk kowe. munye ake lobeh mengasihi kowe, apokah kowe nak kurang mengasihi ake?
\p
\v 16 Hambuk, begoh ake bukon bobon bagime, kowo nggrako ake licik ngan menjorot kowe ngan tipu musliohat.
\v 17 Apokah ake ngambik keuntungon derime melalui urang-urang nyo kuutus kepodome?
\v 18 Ake ndesak Titus untuk lari ngan mengutus dulur kami untuk lari besamonye. Apokah Titus ngambik keuntungon derime? Apokah kami hopi bejelon delom roh nyo samo ngan bejelon delom tijak-tijak nyo samo?
\p
\v 19 Mengka, apokah kowe lah lamo memikirko bahwa kami membela diri kami terhadap kowe? kami buek de hadapon Allah delom Kristus, hambuk hal-hal nie, hai nyo tekasih, adolah untuk membengun kowe.
\v 20 Sabab, ake takut, munye-munye ketika aku njongok, ake nak menjumpaime hopi upa nyo ake haropko, ngan kowe hopi nak menjumpaike upanyo kou haropko. Jengon-jengon ado perselisihon, iri hati, amarah, kepentingan diri dewek, fitnah, desas-desus, kesombongon, ngan kekacauon.
\v 21 Ake khawatir munye ake njongok lagi, Allahke nak merendahko ake de depanme ngan ake nak beduka atas lobot urang nyo tekelahe sodah bedoso sebolumnye ngan cuma hopi betobat deri kenajison, pecabulon, ngan hawa nafsu nyo sodah rombongon iyoy lakuko.
\c 13

\s (Kunjungon Paulus nyo Ketiga)
\p
\v 1 Nie adolah ketiga kalinye ake mengunjungime. Harus ado keterangon deri dua apo tiga saksi, mengka suatu perkaro debuekko sah.
\v 2 Sebolumnye, ake sodah memperingotko rombongonyo bedoso ngan segelo nyo loen. Kinie, walaupun ake hopi besamo kowe, aku memperingotko rombongon upa iyoy ake lakuko delom kunjungonke kedua, yaitu munye ake njongok lagi, ake hopi nak menyayangi rombongon iye,
\v 3 ulenyo kwe ndelok bukti tentang Kristus, nyo buek delomke ngan nyo hopi lamah terhadop kowe, meloenko bekuaso de delomme.
\v 4 Sesungguhnye, Kristus desalibko delom kelamahon, cuma Nye hidup uleh kuaso Allah. Sabab, kami jugo lamah de delom Nye, cuma kamie nak hidup besamo-samo ngan Nye ule kuaso Allah terhadop kowe.
\p
\v 5 Ujilah dirime dewek untuk ngoleh, apokah kowe tetap de delom imanme. Periksolah dirime dewek! Apo, apokah kowe hopi mengenali dirime dewek bahwa Kristus Yesus ado dedelomme, kecuali munye kowe gagal de delom ujion.
\v 6 Ake berharop kowe nak mengetahui bahwa kami bukonlah urang nyo hopi tahan uji.
\v 7 Hambuk, kamie bedoa kepodo Allah empuk kowe hopi melakuko kesalahon, bukon empuk kami tekoleh tahan uji, munye empuk ko nyo kowe melakuko ape nyo bonor, meskipun pengolehonnye kamie lah gagal ujion.
\v 8 Kami hopi depot melakuko ha-hal nyo betentangon ngan kebonoron, meloenko hanyo bagi kebonoron.
\v 9 Kami senang munye kami lamah dan kowe kuat. Doa kami adolah empuknyo kowe menjedi sempurna.
\v 10 Iyelah sebabnye, ake menulis hal-hal niye ketika ake jouh derime empuknyo ketika ake njongok ake hopi perlu menggunako ngan karas, kuaso nyo Tuhan beriko podoke untuk membengunme ngan bukon untuk meruntuhkome.
\p
\v 11 Akhernye, dulur-dulur, bersyukurlah. Berusahalah menjedi sempurna, hiburlah sikok ngan nyo loen, sehati sepekerlah, ngan hidup delom damai. Ngan, Allah sumber kaseh ngan damai sejahtera akan menyertai kowe.
\v 12 Borikolah salam sikok ngan nyo loen ngan ciumon kudus.
\v 13 Segelo urang-urang kudus mengirimko salam untukme. (13-14) Anugerah Tuhan Yesus Kristus, ngan kaseh Allah ngan persekutuon deri Roh Kudus menyertai kowe segelo.