kvb_reg/46-ROM.usfm

\id ROM
\ide UTF-8
\h Roma
\toc1 Roma
\toc2 Roma
\toc3 rom
\mt Roma
\c 1

\p
\v 1 Paulus, hamba Yesus Kristus, nyo de pantou menjedi Rasol ngan dekhususko bage Injil Allah.
\v 2 nyo lah Allah jenjiko sebolumnye melalui nabi-nabinyo delom kitab suci.
\v 3 tentang Anak-Nye, nyo menurut deging laher jak keturunon Daud.
\v 4 ngan nyo denyatoko sebagai Anak Allah nyo bekuaso melalui kebangketon jak antaro urang mati menurot Roh Kekuduson, nyoiye Kristus Yesus Tuhan kito.
\v 5 Melalui nye, kami menerimo anugera ngan jabaton kerasolon untuk membewo ketaaton iman de antaro segelo bengso bukon Yahudi demi namo-Nye,
\v 6 termasok kowe nyo panggel untuk menjedi melek Kristus Yesus.
\v 7 Kepado kowe segelonye nyo ado de Roma, nyo de kasehi Allah, ngan nyo de pantau untuk menjedi urang-urang kodus: Anugera ngan damai sejahtera bage me jak Allah, Bepa kite, ngan Tuhan Yesus Kristus!
\s (Paulus Nak Njongok Jemaat de Roma)
\p
\v 8 Pertamo-tamo, ake besyukur kepado Allah ke melalui Kristus Yesus atas kowe segelo uleh iman me lah denyatoko ke seluruh dunia.
\v 9 Sabab, Allah, nyo kulayani ngan rohke delom Injil Anak-Nye menjedi saksike behwo ake hopi hentinyo mengingot mike segelo;
\v 10 de delom doake, ake selalu memohon empoknye sekironye kinie, uleh kehendok Allah, akhernye ake behasel njongok kowe.
\v 11 Ake sajo en amat betomu nganme empoknye ake pacok memboriko suatu karunia rohani untuk menguat ko kowe,
\v 12 iyelah empoknyo kite pacok de toguhko besamo-samo uleh iman maseng-maseng, beik imanme maupon imanke.
\v 13 Dulor-dulor, ake nak tahu ko behwa ake lah bekali-kali berencano untuk jongok me, hambok maseh tehalang sampoi kinie, empoknye ake jugo menuoi hasel panen jak entaro kowe sebagoimone jak entaro bengso-bengso bukon Yahudi loennye.
\v 14 Ake beutang kepado urang Yunani ngan kepado urang barbar, kepado nyo behikmat maopon kepado nyo bodoh.
\v 15 Uleh iyelah, ake sajo nak memberitako Injil kepado kowe nyo ado de Roma.
\p
\v 16 Ake hopi malu akan Injil, sabab Injil adolah kuaso Allah untuk keselamaton setiap urang nyo pecayo; petamo-tamo untuk urang Yahudi, kemudion jugo untuk urang Yunani.
\v 17 Sabab de delomnye, kebonoron Allah denyatoko jak iman kepado iman, upanyo ado tetoles: “Urang bonor akan hidop uleh iman.”
\s (Kemarahon Allah tehadop Pebuaton Doso Mendesio)
\p
\v 18 Sabab, murka Allah denyatoko jak serega tehadop segelo kefasikon ngan kejahaton mendesio nyo menekan kebonoron dengan kejahaton mike.
\p
\v 19 Uleh sabab iye, apenyo pacok deketahui tentang Allah sodah jelas bagi mike uleh Allah lah menonjokonye kepado mike.
\v 20 Memang, sejak denia deciptako, sifat-sifat Allah nyo hopi pacok dekole, iyelah kuaso-Nye kekal ngan sifat keilahion-Nye, lah tekole jelas untuk depahami melalui hal-hal deciptako-Nye sehinggo mike hopi pacok mengelak.
\v 21 Hambok sebeleknye, sekalipon mike mengenal Allah, mike hopi menghormati-Nye sebagoi Allah apo besyukur kepado-Nye; sebeleknye, pekeron mike menjedi hopi beguna ngan hati mike nyo bodoh menjedi kolom.
\v 22 Mike menganggap diri bijaksana, cuma menjedi bodoh,
\v 23 ngan menukor kemuliaon Allah nyo hopi benoda dengan gambaron-gambaron mendesio nyo fana, borung-borung, benatong bekaki empat, apo benatong-benatong merayap.
\p
\v 24 Uleh iye, Allah menyerahko mike kepado keinginan hati mike nyo mengendoko kecemaron sehinggo mike saleng mencemari badan mike de entaro mike dewek.
\v 25 Sabab, mike menukor kebonoron Allah dengan penipuon, ngan sojud sereta menyembah makhluk ciptaon, bukon Sang Pencipta nyo tepuji selamo-lamonye. Amin!
\p
\v 26 Uleh iye, Allah menyerahko mike kepado nafsu-nafsu nyo hino, sabab betetina mike menukor hubungon nyo wajar dengan hubungon nyo hopi wajar.
\v 27 Upa iyelah jugo nyo jejenton, mike mencampokko hubungon nyo wajar dengan betina, cuma menyalo-nyalo delom nafsu terhadop dengan nyo loin; jenton dengan jenton melakuko perbuaton-perbuaton nyo memaluko; ngan de delom badannye maseng-maseng, mike menerimo hukumon atas doso-doso mike.
\p
\v 28 Ngan, uleh mike hopi endok on mengakui Allah delom pengetahuon mike, mangko Allah menyerahko mike kepado pekeron-pekeron nyo hopi senonoh sehinggo mike melakuko hal-hal nyo seharosnye hopi mike lakuko.
\v 29 Mike deponohi dengan segelo macom tong hopi bonor, kejahaton, keserakahon, ngan kebencion; ponoh dengan iri hati, pembunohon, petengkaron, penipuon, ngan kedengkion; mike iyelah jejahatko urang,
\v 30 pefitnah, pembenci Allah, kasar, sombong, godong mulut, pembuat kejahaton, hopi taat kepado urang rayo,
\v 31 bodoh, hopi setia, hopi beperasaon, ngan kejam.
\v 32 Ngan, sekalipon mike mengetahui peraturon Allah bekehato behwa urang nyo melakuko hal-hal semacam iye pantas mati, mike bukon hanyo tetap melakukonnye, hambok jugo mendokung urang-urang nyo melakuko hal-hal iye.
\c 2

\s (Uyuhlah Allah Nyo Menjedi Hakem)
\p
\v 1 Uleh iye, kowe hopi pacok mengelak lagi, hai mendesio, siape pun nyo menghakemi urang loen, sabab tekela kowe menghakemi mike, kowe jugo menghukom dirime; sabab, kowe nyo menghakemi jugo melakuko hal-hal nyo samo.
\v 2 Kite tahu ko behwa penghakemon Allah detitekko dengan adil atas segelo urang nyo melakuko hal-hal semacam iye.
\v 3 Hambok sebeleknye, apokah kowe mengiro pacok lapas jak penghakemon Allah, hai mendesio, iyelah kowe nyo menghakemi mike nyo melakuko hal-hal upa iye, hambok jugo melakukonnye hal nyo samo?
\v 4 Apo, apekah kowe menganggap enteng kekayoon kemurahon-Nye, kesabaron-Nye, ngan kelapangon hati-Nye dengan hopi mengetahui behwa kebeikon Allah betujuan untuk memimpin kowe kepado pertobaton?
\v 5 Hambok sebeleknye, uleh sikap karas kepalome ngan hatime nyo hopi endokon betobat, kowe sedang menyimpan murka atas dirime untuk hari kemurkaon tekela penghakemon nyo bonor jak Allah denyatoko.
\p
\v 6 Enye nak membelos segelo urang sesuoi dengan perbuaton mike maseng-maseng:
\v 7 iyelah kehidupon kekal kepado mike nyo dengan ketekunon delom bebuat beik mendelok kemuliaon ngan kehormaton,
\v 8 hambok murka ngan kemarahon kepodo mike nyo mementingko diri dewek ngan hopi menaati kebonoron, melalui kehopi bonohon.
\v 9 Hambok ado penderitaon ngan kesuliton atas segelo jiwo urang nyo berbuat jahat, pertamo-tamo kepodo urang Yahudi ngan jugo urang Yunani.
\v 10 Hambuk, kemuliaon, kehormaton, ngan damai sejahtera nak ado bage segelo urang nyo bebuat beik, pertamo-tamo kepodo urang Yahudi ngan kemudion kepodo urang Yunani.
\v 11 Sabab, Allah hopi membeda-bedako urang.
\p
\v 12 Untuk urang-urang nyo berbuat doso hopi mengenal Hokom Taurat, nye akan benaso tanpa Hokom Taurat. Hambuk, urang-urang nyo berbuat doso de bewo Hokom Taurat nak dehokom berdasarko Hukum Taurat.
\v 13 Sabab, bukon pendongor Hukum Taurat nyo debonohko dehadopon Allah, hambok urang nyo melakukonnye nyo akan denyatoko bonor.
\v 14 Sabab, tekalo urang bukon Yahudi nyo hopi mempunyai Hokom Taurat menjelonko secaro alami opo nye detuntut Hokom Taurat, mangko nye, nyo hopi memiliki Hokom Taurat, adolah Hokom Taurat bage dirinyo dewek.
\v 15 Hal nie menunjuko behwo perbuaton Hokom Taurat iye tertoles de delom hati mike, nurani mike memberi kesaksion, ngan pekeron mike akon saling menuduh apo membela mike,
\v 16 pado hari tekalo Allah nak menghakemi pekeron-pekeron mendesio nyo tekerawo melalui Yesus Kristus sesuoi ngan Injilku.
\s (Urang Yahudi ngan Hokom Taurat)
\p
\v 17 Hamokonyo, munye kuwe menyobut direme urang Yahudi ngan begentong pado Hokom Taurat, sererta bemegah delom Allah,
\v 18 mengenal kehendok-Nye, menyetujui apenyo beik, elah deajo mengenai Hokom Taurat,
\v 19 ngan yaken behwo dirime adolah penuntun bage mike nyo buta, tarang bage mike nyo berado delom kekolomon,
\v 20 pengajor bage urang-urang nyo bodoh, guru bage urang-urang nyo bolum dewasa, ngan ulehnyo mempunyoi perwujuton pengetahuon ngan kebonoron de delom Hokom Taurat,
\v 21 mangko hai kowe nyo mengajor urang loen, mengka kowe hopi mengajor dirime dewek? Kowe nyo mengajor mike untok hopi maleng, hopikah kowe dewek maleng?
\v 22 Kowe nyo melarong urang berzinah, bukonkah kowe dewek berzinah? Kowe nyo jijik terhadop berhala-berhala, hopikah kowe dewek merampok rumah berhara?
\v 23 Kowe nyo bangga terhadap Hokom Taurat justru mempermaluko Allah ngan melanggar hu=okom-Nye!
\v 24 Sabab, upa ado tetoles: “Namo Allah dehujat de antaro bengso-bengso loin uleh kowe.”
\p
\v 25 Sunat Memang mempunyoi nilainye munye kowe mematuhi Hokom Taurat, hambok munye kowe seurang melanggar Hokom Taurat, mangko sunatnye menjedi hopi bersunat.
\v 26 Jedi, munyenyo hepi bersunat melauko perentah-perentah delom Hokom Tarut, kukonkah nyo hopi bersunat iye deperhitungko sebagoi besunat?
\v 27 Ngan, hopikah urang nyo hopi bersunat secaro kelaheron, munye nye melakuko Hokom Taurat, akan menghakemi kowe, urang nyo meskipun mempunyoi Hokom Taurat ngan bersunat, hambok jugo melanggo Hokom?
\v 28 Sabab, nyo desobut Yahudi sejati bukonkah urang nye kenan jak luornyo bae, ngan sunat sebonornye bukonkah sunat pado badan bae.
\v 29 Seurang Yahudi sejati adolah urang nyo batennye sungguh-sungguh Yahudi, ngan sunat sebonornye adolah sunat dilakuko pado hati, nyo dejelonko uleh Roh, bukon hokom tetoles. Pujion terhadop urang upanie bukon detong jak mendesio, hambok jak Allah dewek.
\c 3

\p
\v 1 Munye memuye, apolah kelobehon urang Yahudi? Atau, apolah keuntungannye bersunat?
\v 2 Sajo lobot, delom segelo hal; teutamo, kopodo mikela depercayoko Firman Allah.
\v 3 Mengka, munye beberape urang hopi percayo, apolah kehopipecayoon mike membatalko kesetiaon Allah?
\v 4 Samo sekali hopi! Allah adolah bonor sekalipun setiap urang adolah pelato. Upanyo ado tetolis: “Koe terbekati bonor delom pemboekon-Me, ngan Kowe nak menang munye mendesio menghakemi-Me.”
\p
\v 5 Cuma hambok, munye kehopibonoron kite justru menunjuko kebonoron Allah, upanyo harus kito boekoe? Pacokah kite bemboeko bahwa Allah ngan hopi adel lah menghokom kite? (Ake boek memunye upah seurang mendesio)
\v 6 Samo sekali hopi! munye memunye, upamone Allah pacok menghakimi denia?
\v 7 Cuma Hambok, munye melalui kepatuhonke, kebonoron Allah semaken memuliokon-Nye, mengka ake maseh dehakimi upah seurang pendoso?
\v 8 Ngan, (upahnyo depitnahko beberape urang terhadop kami) mengkah hopi boek, “Maro, kite lakuko nyo jahat empoknyo beik timbol jak kejahaton iye.” Mikenyo iye boek upak iye pantas dehokom!
\s (Segelo urang dekoasoi doso)
\p
\v 9 Mengka ape? apelah kite lebih beik jak urang loen? Samo sekali hopi! Sabab, kamie sodah menghatoko sebolumnye behwo beik urang-urang Yahudi maupun urang bukon Yahudi, berado debewo doso.
\v 10 Upah ado tetolis, “Hopi ado seurangpun nyo berbuat bonor, seurangpun hopi.
\v 11 Hopi ado seurangpun nyo berakal budi. Hopi ado seurangpun nyo delok Allah.
\p
\v 12 Segelo urang sodah bebelek jah-Nye, mike bersamo-samo menjedi hopi beguna. Hopi ado seurangpun nyo berbuat beik, hopi seurangpun.”
\q
\v 13 “Perokungon mike upah kuburon nyo tecaka, lidah mike merayu-rayu, racun ulor bebisa ado debewo bibir mike.”
\q
\v 14 “Mulut mike ponoh kutukan ngan kepaheton.”
\q
\v 15 “Kaki mike cepat menumpako deroh.
\q
\v 16 Kesusahon ngan kehancuron ado de jelon mike.
\q
\v 17 Ngan, mike hopi tahu ko umpamone hidup delom damai.”
\q
\v 18 “Takut akan Allah hopi ado de depan mato mike.”
\p
\v 19 Kini kite tahu ko behwa apepun nyo uleh Hokom Taurat, deperuntuko begi mike nyo berado debewo Hokom Taurat sehinggo tetutuplah setiap molot, ngan dunia berado debewo penghakimon Allah.
\v 20 Hopi ado mendesio nyo pacok debonorko de hadopon Allah dengan melakuko Hokom Taurat ulehnyo justru melewati Hokom Taurat ye jongok pengenalan doso.
\s (Allah Membonorko Mendesio Melalui Firman kepodo Yesus)
\p
\v 21 Hmbok nyo kinie, tanpo Hokom Taurat kebonoran Allah telah denyatoko, ngan desaksiko melewati Kitab Taurat ngan padong nabi.
\v 22 Bahkon, kebonoron Allah melewati iman kepodo Kristus Yesus deperuntuko bage segelonyo pecayo, ulenyo hopi ado perbedaon;
\v 23 sabab segelo urang lah berdoso ngan lah kesayawon kemuliaon Allah,
\v 24 ngan debonorko uleh kaseh karunia-Nye secaro cuma-cuma lewati penobuson de delom Yesus Kristus;
\v 25 nyolah Allah nyatoko secaro terbuka sebagai jelon pendamaion delom deroh-NYe melewati iman. hal niye menunjuko keadilon-Nye, ulenyo delom kesabaron-Nye, Allah lah mengoyuhko doso-doso de hulu tejedi.
\v 26 Hal iye jugo demasuko untuk menunjuko keadilon-Nye pado masa kini empuknyo nye teberkati bonor ngan membonohko urang nyo beiman kepodo Yesus.
\p
\v 27 Jdi, demonekah kemegahon diri kite? Sodeh de sengkerko! Uleh hokom ape? Uloh hokom perbuatan kite? Bukon, hambok uleh hokom iman.
\v 28 Karena iye, nyelah nyo kite pecayoi, behwa mendesio debonohko de hadopon Allah melewati iman, bukon jak perbuatan-perbuatan berdasarko Hokom Taurat.
\v 29 Atau, apekah Allah hanyolah Allah bege bengso Yahudi bae? Bukonkah-Nye jugo adolah Allah bage bengso bukon Yahudi? Ao! begi bengso bukon Yahudi jugo,
\v 30 ulehnyo Allah iye sikok ngan Nye nak membonorko urang-urang nyo bersunat uleh iman, ngan nyo hopi bersunat melewati iman.
\v 31 Jedi, apekah kami menyayowko Hokom Taurat melewati iman? Sekali-kali hopi! Sebeleknye, kmi justru menoguhko Hokom Taurat.
\c 4

\s (Teladan Abraham)
\p
\v 1 Jedi, apekah nyo nak kite gerako tentang Abraham, bepa leluhor kite menurot deging?
\v 2 Ulenyo munyeh Abraham debonorko melalui perbuatonnye, nye mempunyoi alason untok bemegah, hambok hopi dehadopon Allah.
\v 3 Sabab, ape nye degerako uleh Kitab Suci? “Abraham pecayo kepodo Tuhan ngan Tuhan memeperhitungko hal iye kepodonye sebagoi kebonoron.”
\v 4 Kepodo urang nyo begawe, upah nyo diberiko kepodo mike bukonlah suatu hadiah, meloinko hak mika.
\v 5 Ngan, kepadonye hopi begawe hambok pecayo kepodo Allah nyo membonorko urong fasik, iman mike depehitungko suatu kebonoron.
\v 6 Bahkon Daud pun menghatoko saken debekatinyo seseurang tekalo Allah memperhitungko kebonoron kepodonyo tanpa memandong hal-hal nyolah nyo perbuat.
\q
\v 7 “Bebahagialah urang nyo deampuni pelanggaron-pelanggaron nye, ngan nyo ditutupi doso-dosonye.
\v 8 Bebahagialah urang-urang nyo dusonyo hopi deperihitungko uleh Tuhan!”
\p
\v 9 Apekah berkat nie hanyo untuk urang bersunat? Ataukah jugo untuk urang nyo hopi bersunat? Sabab kami lah mengehatoko behwo “Iman Abraham terhitung upah kebonoron.”
\v 10 Mengkah, upamone iye depehitungko kepodonye? Sebolum atau lah sesodah nyo desunat? Bukon setelahnyo desunat, meloinko sebolum nyo desunat.
\v 11 Abraham menerimo tando sunat sebab upah materi kebonoron iman sebolum nyo bersunat empoknyo enye pacok menjedi bepak bagei segelo urang nyo pecayo hopi besunat upah kebonoron iye jugo deperhitungko kepodo mike;
\v 12 sekaligus menjedi bepak bagi urang-uran besunat hopi hanyo besunat hambok jugo bejelon delom jelon iman nyo pernah delalui uleh bepak kie, Abraham, sebolum nye desunat.
\s (Abraham Menerimo Jenji Allah Melewati Imannyo)
\p
\v 13 Jenji kepodo Abraham ngan kepodo keturononye behwa nye nak mempunyoi segelo behumi hopi akan diponohi melalui Hokom Taurat, hambok melewati kebonoron iman.
\v 14 Sabab, munye mike nyo beasal jah Hokom Taurat pacok menjedi ahli wares, mengko iman menjedi sio-sio nagn jenji Allah debatalko;
\v 15 sabab Hokom Taurat mendetongko bemarah, hambok monyeh hopi ado Hokum Taurat, mangko desie jugo hopi ado pelanggaron.
\v 16 Nielah mengka jenji iye berasal jak iman, umpok jenji iye bedasarko kaseh karunia sehinggo jenji iye jugo sampoi kepodo segelo keturunon Abraham; bukan anyo nyo beasal jak Hokom Taurat, hambok jugo nyo berasal jak iman Abraham, nyo adolah bepak kite sigelo,
\v 17 (upahnyo tetules, “Akelah menjediko kowe bepak bage lobot bengeso”) dehadopon Allah nyo iye pecayo, adolah Allah nyo memberi kehidopon kopodo urang mati ngan nyo nyobut sesuatu nyobolum ado menjedi ado.
\v 18 Delom pengharopon de pocok pengharopon nye pacayo, sehinggo nye pacok menjedi bepak jak lobot bengso sesuoi ngan nyo lah degerako, “Nak menjedi upaniela keturunannye.”
\v 19 Ngan, dengan hopi menjedi lamah delom iman, meskipun enye mengetahui badan nyo dewek hampir mati ulenyo umornyo kiro-kiro 100 tahun ngan rahim Sara jugo lah mati;
\v 20 nye hopi debimbangko terhadop jenji Allah uleh kehopiyakinon. Sebeleknyo, iman nyo dikuatko sehinggo nye memberiko kemuliaaon kepodo Allah,
\v 21 ngan meraso yakin bahwo Allah bekuaso melakuko aop nyo lah dejejiko-Nye.
\v 22 Ulenyo iyelah, imannye “diperhitungko sebagai kebonoron”
\p
\v 23 Hambok, hal iye hopi hanyo detules demi kepentingon Abraham bae,
\v 24 hambok jubo bagi kite. hal iye nak deperhitungko kepodo mika nyo pecayo kepodonyo membangkitko Yesus, Tuhan kite, jak antaro urang mati.
\v 25 Nyoiye, Yesus nyolah deserahko untok mati ulenyo doso kite, ngan nyolah debangkitko demi pembenoron kite.
\c 5

\s (Mendesio Dibonorko Allah oleh pengorbanon Yesus Kristus)
\p
\v 1 uleh sabab iye, ulenyo kite lah debonorko uleh iman, mengka kite lah bedamai ngan Allah melalui Tuhan kite, Kristus Yesus;
\v 2 melewatinye, kite memperoleh jelon masuk menuji iman kepodo anugerah Allah nyo kinie menjedi dasar kita togok, ngan kite besukacita delom pengharopon kemuliaaon Allah.
\v 3 Hopi hanyo iyo, kite juga besukacita dedelom penderitaaon nyo kite alami ulenyo kite tahuko bahwa penderitaon nie menghasilko ketekunon,
\v 4 ketekunon menghasilko karakter nyo tahan uji, ngan karakter nyo tahan uji menghasilko pengharopon,
\v 5 ngan pengharopon hopi mengecewako, sabab kaseh Allah lak decurahko kedelom hati kite melalui Roh Kudus nyolah dekaruniako kepodo kito.
\p
\v 6 Tekalo kite lagi lama, Kristus mati untuk urang-urang durhako podo saatnyo tepat.
\v 7 Sabab, jerong ada urang nyo endok mati untuk urang bonor, meskipun mungkin ado jugo urang nyo endok mati untuk urang beik.
\v 8 Hambok, Allah menyatoko kaseh-Nye kepodo kite, bahwa tekalo kite lagi menjedi pendoso, Kristus mati untuk kite.
\v 9 Lebih jak iyoi, setelah debonorko uleh dehonye, kite nak diselamatko jak pemara Allah melewati Nye.
\v 10 Sabab, tekalo kite lagi menjedi mosoh Allah, kite lah deperdamaiko dengan Allah melewati kemation Anak-Nye, lobeh-lobeh lagi kinie ulenyo kite lah diperdamaiko ngan-Nye. ngan kenyataaon bahwa kinie kite lah dipedamaiko dengan Allah, mangko kite jugo pasti diselamatko melalui hidup-Nye.
\v 11 Bukan hanyo iyoi, kite jugo bemegah dedelom Allah melalui Tuhan kite Yesus Kristus, nyo melewatinye kite kinie nerimo pendamaion Allah.
\s (Mati Melalui Adam, Hidup melewati Kristus)
\p
\v 12 Ulenyo iye, upah duso lah masuk kedelom denia nie melewati sikok urang ngan maut masuk melewati doso upa iyo jugo maut menyebar kepodo segelo urang ulenyo segelonye lah beduso.
\v 13 Sabab, dosolah ado dedenia sebolum Hokum Taurat musa ado, hambok doso hopi deperhitungko Allah selamo hopi ado Hokum Taurat.
\v 14 Hambok upaiyelah, maut berkuaso sejak zaman Adam sampoi Musa, bahkan pucok urang-urang nyo hopi melakuko doso upahnyo delakuko uleh Adam, nyo adolah abayang-bayang jak Nyo nak jongo.
\v 15 Cuma hambo, pemborion jak Allah iye hopi tebanding dengan doso. Sabab, munye unye duso sikok urang lobot urang la mati, mangko telobe karunia deri Allah ngan pemberion melalui karunia sikok urang iye, yaitu Yesus Kristus.
\v 16 Ngan, anugerah hopi upah akibat jak doso sikok urang iye. Saba, penghukoman pucuk suatu pelanggaron nak ngunda hokomon, hambok angerah pucok lobot pelanggaron mengunda pembonoron.
\v 17 Munye ulenyo doso sikok urang, maut bekuaso pucok sikok urang iye, telobe lagi urang-urang nyo nerimo kelimpahon anugerah ngan karunia kebonoron nak nerimo dedelom kehidupon melewati sikok urang iye, yaitu Yesus Kristus!
\p
\v 18 Jedi, samo upah melewati sikok pelanggaron segelo urang menerimo hokoman, upah iyela jugo uleh perbuaton kebenoron sikok urang pula segelo mendesio menerimo hidop ngan pembenoron.
\v 19 Ulenyo kehopitaaton sikok urang, lobot urang menjedi pendoso. Cuma hambok, ulehnyo ketaaton sikok urang, lobot urang nak dibonorko.
\v 20 Hokom Taurat detamboko empok doso betambo lobot. Cuma hambok, denempat doso meningkat, anugerah Allah nak semakin berlimpah-limpah,
\v 21 enggakko nyo samo upah doso bekuaso dedelom maut, kaseh karunia jugo bekuaso dedelom maut, kaseh karunia juga bekuaso melewati kebonoron nyo mememimpin kepodo hidup kekal dedelom Kristus Yesus Tuhan Kite.
\c 6

\s (Te'elek Terhadop Doso Ngan Hidop Delom Kristus)
\p
\v 1 Jedi apekah nyo haros kito gerako? Apekah kite nak teros bebuat doso empoknyo anugerah semaken belimpah?
\v 2 Tentu sajo hopi! Upamone mungken kite nyo lah mati bage doso maseh hidop de delomnye?
\v 3 Atau hopi kah kowe tahu bahwa kito segelo nyo lah de baptes ke delom Yesus Kritus lah de baptesko ke delom kemation-Nye?
\v 4 Ulenyo iye, kite lah de koborko besamo-samo Enye pado waktu kite debaptes kedelom kemation-Nye; empoknyo samo upah Yesus nyo de bangketko deri antaro urang mati melalui kemuliaon Bepa, kite jugo boleh bejelon delom pembaruon hidop.
\v 5 Sabab, munye kite lah de persatuko besamo-Nye de delom keserupaon kemation-Nye, kite pasti jugo nak de persatuko delom keserupaon kebangketon-Nye.
\v 6 Kite tahuko bahwa mendesio lamo kite lah de salebko besamo Kristus ngan badan doso kite hopi delenyapko sehinggo kite hopi nak menghambako diri lagi kepado doso.
\v 7 Sabab, setiap urang nyo sodah teelek, enye lah de bebasko deri doso.
\v 8 Kinie, munye kite lah teelek besamo Kristus, kite pecayo bahwa kite jugo nak hidop besamo ngan-Nye.
\v 9 Kite tahuko bahwa Kristus nyo lah de bangketko deri antaro urang mati hopi nak mati lagi; maot hopi lagi bekuaso pucok Enye.
\v 10 Sabab, nak hal mati-Nye, Enye mati tehadop doso sekali untok selamonye, cuma nak hal hidop-Nye iye, Enye hidop untok Allah.
\v 11 Demikionlah dirime, kowe haros menyadari bahwa dirime lah mati tehadop doso, ngan hidop untok Allah de delom Kristus Yesus.
\v 12 Ulenyo iye, jengonlah membiarko doso menguasoi badanme nyo fana sehinggo kowe taat tehadop kendoknye.
\v 13 Ngan, jengon pula menyerahko anggota-anggota badanme kpado doso sebagai alat kejahaton. Cuma hambok, serahkolah dirime kepado Allah sebagai nyo hidop deri antaro nyo mati, ngan anggota-anggota badanme sebagai alat kebonoron Allah.
\v 14 Sabab, doso hopi nak bekuaso pucokme ulenyo kowe hopi lagi hidop de bewoh Hokom Taurat cuma de bewoh anugerah.
\s (Hamba Kebonoron)
\p
\v 15 Jedi, ape nyo haros kite lakuko? Apekah kite nak bebuat doso ulenyo kite hopi hidop de bewoh Hokom Taurat, cuma de bewoh anugerah? tentu sajo hopi!
\v 16 Kowe pasti tahuko bahwa ketiko kowe menyerahko dirime sebagai budak nyo taat kepado sesuatu atau seseurang, kowe menjedi budak bage pihak nyo kou taati iye; beik kepado doso nyo memempenme menuju maot, atau kepado ketaaton nyo nak memempen menuju kebonoron.
\v 17 Cuma hambok, syukur kepado Allah bahwa kou nyo dulu adolah budak doso, kinie lah menjedi taat seponoh hati kepado pokok-pokok pengajoron nyo lah deajorko kepadome,
\v 18 ngan ulenyo kowe lah debebasko deri doso, kowe menjedi budak kebonoron.
\v 19 Ake boek menggunako istilah nyo mendesio ulenyo kelamahon degengme. Sabab, samo upah tekalo kou menyerahko anggota-anggotame sebagai budak kenajeson ngan kejahaton nyo beakibat pado kejahaton nyo lobeh jouh, kinie serahkolah anggota-anggotame menjedi hamba kebonoron nyo behujong kepado pengudoson.
\v 20 Sabab, ketiko kowe lagi menjedi budak doso, kowe bebas deri kebonoron.
\v 21 Hambok, keuntungon ape nyo kowe depotko deri hal-hal nyo kini membuatme malu iye? Sabab, akher deri segelo hal iye adolah maot.
\v 22 Hambok kinie, sesodah debebasko deri doso ngan lah deperhamba uleh Allah, kowe memperoleh buah pucok kesucion ngan akhernye adolah hidop nyo kekal.
\v 23 Sabab upah doso iyalah maot, cuma karunia Allah adolah hidop nyo kekal delom Yesus Kristus, Tuhan kite.
\c 7

\s (Debebasko deri Hokom Torat Melalui Badan Kristus)
\p
\v 1 Apekah kowe hopi tahuko, hai dolor-dolorke (sabab ake boek kepado mike nyo mengetahui Hpkom Torat), bahwa Hokom Torat bekuaso pucok diri seseurang selamo urang iye hidop?
\v 2 Ulenyo iyelah, seurang betina nyo kawen tekobot secaro hokom kepado lakinye selamo enye hidop; hambok munye lakinye teelek, enye nak de bebasko jak hokom perkawenonnye.
\v 3 Jedi, munye betina iye menjedi bini jenton loen selagi lakinye lagi hidop, enye nak de sobot pezina, hambok munye lakinye teelek, nye bebas deri hokom sehinggo enye desobot pezina munye kawen ngan jenton loen.
\v 4 Ulenyo iye, dolor-dolorke, kowe jugo lah teelek bage Hokom Torat melewati badan Kristus empoknyo kowe menjedi melek nyo loen, yoiye Enye nyo lah debangketko deri kemation sehinggo kite depot menghaselko buah bage Allah.
\v 5 Sabab, ketiko kite lagi hidop delom kedegengon, hawo nafsu doso nyo derangsang oleh Hokom Torat begawe delom anggota-anggota badan kite untok menghaselko buah bage maot.
\v 6 Cuma hambok, kinie kite lah debebasko deri Hokom Torat, lah teelek tehadop ape nyo tekalo membelenggu kite sehinggo kite kinie melayani delom keadaon beheru menorot Roh, bukon menorot hukom lamo nyo tetoles.
\s (Doso ngan Hokom Torat)
\p
\v 7 Munye upanio, apekah nyo nak kito gerako? Apekah Hokom Torat iye doso? Sekali-kali hopi! Sebeleknye, ake hopi nak mengenal doso kecuali melalui Hokom Torat, ulenyo ake hopi nak mengerti arti deri ngendokko melek urang loen munye Hokom Torat hopi gerako, “Jengon mengendokko.”
\v 8 Cuma hambok, doso mengambek kesempaton melewati perintah iye untok menghaselko berbagai macam kendok delom dirike; sabab tanpa Hokom Torat doso nak mati.
\v 9 Tekalo ake hidop tanpa Hokom Torat, hambok ketiko hokom iye jongok, doso menjedi hidop ngan ake mati;
\v 10 ngan perentah nie, nyo seharosnye ngundah kepado hidop, justro memempenke kepado maot.
\v 11 Sabab, doso mengambek kesempaton melewati hokom iye untok menipu ngan membunohke.
\v 12 Jedi Hokom Torat iye adolah kudus, ngan hokom iye kudus, bonor ngan beik.
\p
\v 13 Munye demikion, apekah nyo beik iye jongokko kemation untokke? Sekali-kali hopi! Dosolah nyo menghaselko maot dedelomke melewati ape nyo beik empoknyo nyato bahwa doso adolah doso, ngan melewati hokom iye doso semaken tekelek keberdosoonnye.
\s (Pertentangon de Delom Diri Kite)
\p
\v 14 Sabab kite tahuko bahwa Hokom Torat besifat rohani, cuma ake besifat jasmani, tejual de bewoh doso.
\v 15 Sabab, ake hopi mengrti apenyo kulakuko ulenyo ake hopi melakuko hal nyo kuendoko, meloenko ake melakuko hal nyo kuluat.
\v 16 Cuma hambok, muye ake melakuko suatu hal nyo hopi endok ku lakuko, ake menyetujui bahwa Hokom Torat iye beik.
\v 17 Jedi kinie, bukon lagi aku nyo melakukonye, cuma doso nyo hidop de delomke.
\v 18 sabab, ake tahuko bahwa hopi ado hal beik nyo hidop de delomke, nyoiye de delom kedegengonke, ulenyo kehndak iye ado de delom dirike, cuma untok melakuko nyo beik iye hopi.
\v 19 Sabab, ake hopi melakuko prbuaton beik nyo kukendoko, hambok ake melakuko hal nyo jahat, nyo hopi kukendokko!
\v 20 Jedi, muye ake melakuko hal nyo hopi kukukendokko, iye bukon lagi ake nyo melakukonye, cuma doso nyo hidop dedelom ake.
\v 21 Jedi, ake menomuko hokom nie, nyoiye: Ketiko ake endok melakuko hal nyo beik, kejahaton jugo ado besamoke.
\v 22 Sabab, ake agom nak hokom Allah de delom batenke,
\v 23 Cuma ake ngelek hokom loen delom anggota-anggota badan ke nyo bejuang melawon hokom akal budike ngan menawanke ke delom hokom doso nyo ado delom anggota-anggota badanke.
\v 24 Ake mendesio celako! Siapekah nyo nak meyelamatko ake deri badan maot nie?
\v 25 Syukor kepado Allah melewati Tuhan kite, Kristus Yesus!
\v 26 Jedi, ngan akal budike, ake melayani hokom Allah cuma ngan badan jasmanike ake melayani hokom doso.
\c 8

\s (Hidop Ulenyo Roh Allah)
\p
\v 1 Uleh ulenyo iye, kinie hopi ado lagi penghokomon bage urang nyo ado delom Yesus Kristus.
\v 2 Sabab, hokom Roh kehidopon de delom Yesus Kristus lah memenangko kowe jak hokom doso ngan maot.
\v 3 Sabab, ape nyo hopi depot delakuko uleh Hokom Taurat ulenyo delamahko uleh degeng, Lah Allah lakuko dengan caro mengotos Anak-Nye dewek empok menjedi serupa dengan mendesio nyo bedoso ngan bekoeton dengan doso, nye menghokom doso dedelom degeng,
\v 4 empoknyo tuntuton Hokom Taurat degenapi, delom kite nyo hopi hidop menorot degeng, hambok menorot Roh.
\v 5 Sabab mike nyo hidop menorot degeng, memekerko hal-hal nyo bersifat degeng hambok mika nyo hidop menorot Roh, memekerko hal-hal nyo bersifat Roh.
\v 6 Sabab pekeron nyo daerahko kepado degeng, adolah maot, hambok pekeron nyo dearahko kepado Roh adolah hidop ngan damai sejahtera.
\v 7 Ulenyo pekeron nyo dearahko kepado degeng menentang Allah; sabab nye hopi tondok kepado Hokom Allah, bahkan hopi depot melakukonye.
\v 8 Ngan, mike nyo hidop de delom degeng hopi depot menyenangko Allah.
\v 9 Cuma demikian, kowe hopi hidop delom degeng, hambok delom Roh munye Roh Allah memang tinggal de delom kowe. Sabab, munye seseurang hopi memeleki Roh Kristus, nye bukonlah melek-Nye.
\v 10 Cuma hambok, munye Kristus ado de delom kowe, walaupon badanme mati karna doso, hambok roh hidop uleh ulenyo kebonoron.
\v 11 Hambok, munye Roh Nye nyo membangketko Yesus Kristus deri kemation tinggal de delomme, Nye nyo membangkitko Yesus Kristus deri kematian jugo nak memberiko hidop kepado badanme nyo fana melalui Roh-Nye nyo tinggal de delom kowe.
\p
\v 12 Jedi, dolor-dolorku, kite adolah urang-urang nyo berontong, cuma bukon kepado degeng, empoknyo hidop menorot degeng.
\v 13 Sabab, munye kowe hidop menorot degeng, kowe akan mati, hambok munye karna Roh kowe mematiko perbuaton-perbuaton badanme, kowe akan hidop.
\p
\v 14 Sabab, segelo urang nyo depempen uleh Roh Allah adolah anak-anak Allah.
\v 15 Sabab, kowe hopi menerimo Roh perbudakon lagi nyo menyebabko ketakoton, cuma kowe lah menerimo Roh nyo lah mengangket kowe menjedi anak-anak Allah, nyo melalui Roh iye kite beseru, “Abba, Bapa!”
\v 16 Roh iye dewek bersaksi besamo roh kite bahwa kite adolah anak-anak Allah,
\v 17 ngan munye kite adolah anak, kite jugo adolah pewares, pewares Allah, ngan sesamo pewares dengan Kristus; munye kite bonor-bonor torot menderita besamo-samo dengan Nye, kite jugo akan demuliako besamo-samo ngan Nye.
\s (Anak-anak Allah nak Nerimo Kemuliaon)
\p
\v 18 Sabab, ake menganggop bahwa penderitaon-penderitaon pado saat kinie nie hopi depot debandengko dengan kemuliaon nyo akan denyatoko kepedo kite.
\v 19 Sabab, segelo ciptaon sangat menanti-nantiko dengan rindu saat anak-anak Allah denyatoko.
\v 20 Sabab, segelo ciptaon lah detondokko kepado kesio-sioon, bukon norot ke hendoknye dewek, hambok norot kendok Nye nyo lah menaklukkonye, atas dasar pengharopon,
\v 21 empoknyo segelo ciptaon iye dewek jugo nak demerdekako deri perbudakon kebenasoon menuju kemenangon anak-anak Allah nyo ponoh kemuliaon.
\v 22 Sabab kite tahuko bahwa segelo ciptaon samo-samo mengerang ngan menderita saket besalen sampoi kinie.
\v 23 Ngan bukon hanyo nie, hambok kite dewek pon nyo nerimo buah sulung Roh jugo mengerang delom diri kite dewek, sambel menantiko pengangketon sebagoi anak, yaitu penoboson badan kite.
\v 24 Sabab, kite deselamatko de delom pengharapon. Cuma hambok, pengharapon nyo tekole bukon lagi pengharopon, sabab siapekah nyo berharop, atas sesuatu nyo lah dekolehnye?
\v 25 Cuma hambok, munye kite mengharopko sesuatu nyo hopi kite koleh, kite nunggunye dengan tekon.
\p
\v 26 Demikian jugo, Roh menolong kite delom kelemahon kite; sabab kite hopi tahuko upa mone seharusnye kite bedoa, hambok Roh dewek nyo besyafaat demi kite dengan erangan-erangan nyo hopi teungkapko uleh kato-kato.
\v 27 Ngan, Nye lah menyeledeki hati ape maksod Roh iye, ulenyo Nye besyafaat bage urang-urang kodos sesuoi ngan kehendak Allah.
\p
\v 28 Ngan, kite tahuko bahwa segelo sesuatu bekerjo besamo-samo demi kebaikon urang-urang nyo mengasehi Allah yaitu mika nyo depantau sesuoi ngan rencana Allah.
\v 29 Sabab, mike nyo lah dekenal-Nye sejak semula, jugo lah detentukonye sejak semula untuk menjedi serupa dengan gambaron Anak-Nye, empok Nye menjedi nyo sulung de antaro lobot dolor.
\v 30 Mike nyo lah detentuko-Nye sejak semula, jugo depantau-Nye; ngan mike nyo depantou-Nye, jugo debonorko-Nye; ngan mike nyo debonorko-Nye, jugo demuliako-Nye.
\s (Kaseh Allah delom Kristus Yesus)
\p
\v 31 Jedi, ape nyo nak kite gerako tentang segelo nie? Munye Allah depihak kite, siapekah nyo melawon kite?
\v 32 Nye nyo hopi menyayongi Anak-Nye dewek, hambok menyerahko-Nye bage kite segelo, upa mone mongken Nye besamo-samo dengan Nye hopi mengaruniako segelo sesuatu bage kite?
\v 33 Siapekah nyo nak mendakwa urang-urang pilehon Allah? Allah nyo membonorko mike.
\v 34 Siapekah nyo nak membori hokoman? Yesus Kristus nyo lah mati, bahkan nyo lah dibangketko deri kemation, dodok desebelah kanon Allah untok besyafaat bage kite.
\v 35 Siapekah nyo akan memisahko kite deri kaseh Kristus? Apekah penindason, apo kesuleton, apo penganiayaon, apo kelaporon, apo ketelanjongon, apo bahayo apo pedang?
\v 36 Upa ado tetules, “Demi Engkau, kowe berado delom bahayo maot sepanjong waktu; kami deanggop sebagoi domba-domba sembelehon.”
\v 37 Cuma hambok, delom segelonye nie, kite lobeh deri pado para pemenang uleh Nye nyo mengasehi kite.
\v 38 Sabab, ake deyakenko bahwa bukon kemation maopon kehidopon, bukon jugo malaekat-malaekat maopon pemerentah-pemerentah, bukon jugo hal-hal nyo kinie maopon nyo nak detong, kekuasoon,
\v 39 bukon pulo nyo depucuk maopon nyo udo de bewoh, ataupon suatu ciptaon loennye, mampu memisahko kite deri kaseh Allah, nyo ado dedelom Yesus Kristus Tuhan kite.
\c 9

\s (Umat PIlehon Allah)
\p
\v 1 Ake mengehatoko kebonoron delom Kristus, ake hopi pelato, ngan suaro hatike mehilu besaksi besamo-samo ngan Roh Kodos,
\v 2 behwa dukacitake sangat godong ngan teros-meneros besedeh delom hatike.
\v 3 Sabab, ake beharop empok dirike tekotok, tepisah deri Kristus demi dolor-dokorke, kaum sebengsoke secaro jasmani.
\v 4 yaitu urang-urang Israel; pemelek hak untok deangket menjedi anak-anak Allah, nerimo kemuliaon, perjanjion-perjanjion, nerimo pemborion Hokom Taurat, ibadah, sereta jenji-jenji.
\v 5 Mikelah ketoronon bepak-bepak lelohor, ngan deri antaro mikelah Kristus delaherko menorot degeng, Nye nyo adolah Tuhan atas segelo sesuatu ngan nyo tepuji selamo-lamonye, Amin!
\p
\v 6 Cuma hambok, Firman Allah, hopi gagal. Sabab, hopi segelo urang nyo beasal Israel adolah urang Israel,
\v 7 ngan hopi segelo ketoronon Abraham adolah anak-anaknye, hambok “nyo desobot ketorononme adolah nyo beasal deri Ishak.”
\v 8 Hal nie bearti bahwa bukon anak-anak secaro degeng nyo tehitong sebagai anak-anak Allah, meloenko anak-anak perjenjion saja nyo tehitong sebagai ketoronon.
\v 9 Sabab, nielah pemboekon jenji iye: “Pado waktu nielah Ake nak njongok, ngan Sara nak mempunyoi seurang anak jenton.”
\v 10 Bukon anyo nie bae, hambok tekalo Ribka jugo mengandong anak-anak deri sikok urang, yaitu Ishak, nenek poyang kite.
\v 11 Sabab, sebolom anak-anak iye delaherko ngan bolom melakuko sesuatu nya beik apo nyo jahat, empoknyo tujuon Allah mengenai pilehan-Nye detogohko bukon ulenyo perbuaton hambok ulenyo Nye nyo mantou,
\v 12 dekehatokolah kepado Ribka, “Anak nyo sulung nak melayani adeknye.”
\v 13 Upa ado tetules, “Ake mengasehi Yakub, Hambok Ake luat Esau.”
\p
\v 14 Jedi, ape nyo hendak kite gerako? Apekah Allah hopi adel? sekali-kali hopi!
\v 15 Sabab Nye boek kepado Musa, “Ake bebelos kaseh kepado siape Ake mau bebelos kaseh, ngan ake bemurah hati kepado siape Ake mau bemurah hati.”
\v 16 Jedi, hal iye hopi begentong pado kehendak apo kerjo karas mendesio, hambok pado Allah nyo menonjokko kemurahon-Nye.
\v 17 Sabab, Kitab Suci boek kepado Firaun: “Ulenyo untok alason nielah Ake mengangketme empok Ake menonjokko kuaso-Ke de delomme, ngan empok namo-Ke deberitako de segelo bumi.”
\v 18 Jedi, Allah bebelos kaseh kepado siape pon nyo dehendaki-Nye, ngan mengarasko hati siapepon nyo dekehendaki-Nye.
\p
\v 19 Jedi, kowe nak boek kepadoke: “Mengkah Nye maseh menyalahko? Sabab, siapekah nyo depot menentang kehendak-Nye?”
\v 20 Sebeleknye, siapekah kowe, hai mendesio, sehingga kowe membantah kepado Allah? Apekah sesuatu nyo dibentok boek kepado Allah nyo membentoknye, “Mengkah kowe membentok ake upa nie?”
\v 21 Apekah tukang tembikar hopi berhak atas tanoh liat: untok membuat deri gumpalon tanoh nyo samo suatu bejana nyo degunako untok hal nyo mulia, ngan bejana loen nyo degunako untok hal nyo hina?
\v 22 Upamone munye Allah, meskipon menghendaki untok menonjokko murka-Nye ngan menyatoko kuaso-Nye, lah menanggong kesabaron nyo godong terhadop bejana-bejana kemurkaon-Nye nyo lah depersiapko untok kebenasoon?
\v 23 Nye melakukonye untok menyatoko kekayaon kemualiaon-Nye atas bejana-bejana belos kasihan-Nye, nyo lah depersiapko-Nye untok kemuliaon,
\v 24 yaitu kite, nyo depantou-Nye, bukon anyo deri antaro urang Yahudi, hambok jugo deri antaro bengso-bengso loen.
\v 25 Upa nyo jugo defirmanko-Nye delom kitab Hosea: “Mike nyo bukon umat-Ku, nak Kesobot umat-Ke. Ngan nyo hopi Kekasehi, nak Kesobot ‘nyo kekaseh’.”
\p
\v 26 Ngan, “detempat Allah mengehatoko de maso lalu: ‘Kowe bukon umat-Ke,’ de tempat iye mike nak desobot, ‘anak-anak Allah nyo hidop.”
\p
\v 27 Ngan Yesaya meratopi Israel: “Walaupon jumlah anak Israel upa bungen de lout, hambok hanyo siso-siso mika bae nyo nak deselamatko,
\v 28 Sabab, Tuhan nak melakuko firman-Nye de pocok bumi, sempurna ngan segera.”
\p
\v 29 Samo upa nyo denubuatko uleh Yesaya: “Jika Tuhan semesta Alam hopi meninggalko pado kite ketoronon, kite sodah menjedi samo upa Sodom ngan menyerupai Gomora.”
\p
\v 30 Jedi, ape nyo nak kite gerako? Bahwa bengso-bengso bukon Yahudi nyo hopi mengikoti kebonoron, lah memperuleh kebonoron, yaitu kebonoron nyo beasal deri iman;
\v 31 Cuma hambok, bengso Israel nyo beusaha menaati kebonoron Hokom Taurat justru hopi sampoi kepado hokom iye?
\v 32 Mengkah? ulenyo mike hopi mengejarnye dengan iman, hambok ngan perbuaton. Mike tepuntok pado betu sandungon.
\v 33 Upa ado tetules: “Kolehlah, Ake meletakko de Sion sebuah betu sandungon ngan sebuah betu karang, ngan barangsiape nyo pecayo kepado-Nye hopi nak depermaluko.”
\c 10

\s (Keselamaton hanyo delom Iman Kepado Yesus Kristus)
\p
\v 1 Dolor-dolor, kendok hatike ngan doake kepado Allah untok mike adolah upa mike deselamatko.
\v 2 Sabab, ake pacok besaksi tentang mike bahwa mike memeleki semangot untok Allah, hambok hopi bedasarko pado pengetahuon nyo bonor.
\v 3 Sabab, mike hopi tahuko kebonoron Allah ngan beusaha menogokko kebonoron mika dewek, mike hopi tondok kepado kebonoron Allah.
\v 4 Sabab, Kristus adolah kegenapon Hokom Taurat nyo menjedi kebonoron bage setiap urang nyo pecayo.
\p
\v 5 Musa menoles tentang kebonoron nyo beasal deri Hokom Taurat, bahwa seseurang nyo melakuko kebonoron bedasarko hokom nak hidop ulehnye.
\v 6 Cuma hambok, kebonoron nyo beasal deri iman boek demikian, “Jengon boek delom hatime, ‘Siapekah nyo nak noek ke surga?’ Artinye, untok ngunda Kristus toron.
\v 7 Atau ‘Siape nyo nak toron ke jurang mout? Artinye, untok ngunda Kristus noek deri antaro urang mati.
\v 8 Cuma hambok, ape nyo dekehatokonye? “Firman berado dekat padome, yaitu de delom molotme ngan de delom hatime.” Iyelah perkataon iman nyo kami beritako.
\v 9 Munye dengan molotme kowe mengaku bahwa Yesus adolah Tuhan, ngan pecayo de delom hatime bahwa Allah membangketko Nye deri antaro urang mati, kowe nak deselamatko.
\v 10 Ulenyo ngan hati, urang menjedi pecayo sehingga beuleh kebonoron; ngan dengan molot, urang mengaku sehingga beuleh keselamaton.
\v 11 Ulenyo Kitab Suci boek, “Siapepon nyo pecayo kepado-Nye hopi nak pernah depermaluko.”
\v 12 Sabab, hopi ado perbedaon antaro urang-urang Yahudi ngan urang-urang Yunani; Tuhan nyo sikok adolah Tuhan pocok segelo, nyo belimpah kekayaon bage segelo urang nyo beseru kepado-Nye.
\v 13 Sabab, “Segelo urang nyo beseru delom namo Tuhan nak deselamatko.”
\p
\v 14 Cuma hambok, upamone mika nak beseru kepado Nye nyo bolom pecayoi? Ngan, upamone mika depot pecayo kepado Nye nyo bolom pernah miko dongor? Ngan, upamone mike depot dongor, munye hopi ado nyo memberitako-Nye?
\v 15 Ngan, upamone mike depot memberitako-Nye, munye mike hopi deotos? Upa ado tetules: “Alangkah belagaknye kaki-kaki mike nyo detong ngunda Kabar Beik!”
\v 16 Hambok, hopi segelo urang menaati Kabar Beik iye sabab Nabi Yesaya boek, “Tuhan, siapekah nyo lah pecayo terahdop berita nyo lah dedongornye deri kami?”
\v 17 Jedi, iman timbol deri pendongoron, ngan pendongoron uleh Firman Kristus.
\p
\v 18 Hambok, ake betanyo, “Apekah urang-urang iye hopi mendongor?” tentu mik dongornye sabab, “Suaro mike sampoi ke seluruh denia, ngan pemboekkon mike sampoi ke hojong-hojong bumi.”
\p
\v 19 Hambok, ake boek, “Apekah bengeso Israel hopi memahaminye?” Pertamo, Musa boek, Ake nak membangketko cemburume terhadop mike nyo bukon suatu bengeso, ngan membangketko amarahme terhadop bengeso nyo lali.
\p
\v 20 Ngan dengan berani Yesaya boek: “Ake detomuko uleh mika nyo hopi ndelok Ake; Ake menampakko diri kepado mika nyo hopi menanyoko tentang Nye,
\p
\v 21 Cuma hambok, tentang bengso Israel Nye boek. “Sepanjong ari Ake lah mengolorko tangon-Ke kepado bengeso nyo hopi taat ngan membentoh.”
\c 11

\s (Allah Hopi Melupako Umat-Nye)
\p
\v 1 Maka ake betanyo, “Apekah Allah lah menolak umat-Nye?” Sekali-kali hopi! Sabab, Ake dewek jugo seurang Israel, ketoronon Abraham, deri suku Benyamin.
\v 2 Allah hopi menolak umat-Nye, nyo lah depileh-Nye deri semula. Apekah kowe hopi tahu ape nyo Kitab Suci boekko tentang Elia, waktu nye mengaduko Israel kepado Allah?
\v 3 “Tuhan, mike lah membunoh nabi-nabi-Me, mike lah merosak mezbah-mezbah-Me, ngan anyo ake dewek nyo maseh hidop, ngan mike endok mbunohke.
\v 4 Cuma hambok, ape tanggapon ilahi nyo deboriko kepadonye? “Ake maseh membiarko 7.000 urang untok-Ke, nyo hopi pernah sujud menyembah kepado Baal.”
\v 5 Upanielah saat nie, ado suatu sisa nyo depileh berdasarko anugerah.
\v 6 Cuma hambok, munye berdasarko anugerah, maka hopi lagi berdasarko perbuaton, sabab munye demikian anugerah hopi lagi menjedi anugerah.
\p
\v 7 Mengka upamone? Bengso Israel gagal memperuleh pe nyo dedeloknye, hambok mike nyo terpileh justru memperulehnye, sementara nyo loen lah mengarasko hatinye
\v 8 upa ado tetules: “Allah membori mike roh pengantuk, mato nyo hopi pacok ngoleh, ngan telinga nyo hopi pacok mendongor, sampi hari nie.”
\v 9 Ngan Daud ngehatoko: “Uyukolah meja perjamuon mike menjedi jerat ngan perangkap, menjedi betu sandongon, ngan pembalason bage mike.
\q
\v 10 Biarlah mato mike dekolomko supayo mike hopi depot ngoleh, ngan ponggong mike debongkokko teros-meneros.”
\p
\v 11 Jedi, ake betanyo, apekah mike tepantok empok titek? Sekali-kali hopi! cuma hambok, ueh pelanggaron mike, keselamaton lah njongok kepado bengso-bengso bukon Yahudi, empok membuat mike cemburu.
\v 12 Sabab, munye pelanggaron mike menjedi kekayaon bage denia, ngan kegagalon mike menjedi kekayaon bage bengso-bengso bukon Yahudi, mangko lobeh-lobeh lagi kesempurnaon mika.
\p
\v 13 Kinie ake boek kepadome, hai bengso-bengso bukon Yahudi, justru ulenyo ake adolah rasul untok bengso-bengso bukon Yahudi, ake memuliako pelayanonke,
\v 14 empok ake depot membuat dolor sebengsoke cemburu, ngan menyelamatko beberapo urang deri mika.
\v 15 Sabab, munye penolakon mike berarti pendamaion atas denia, apekah artinye penerimaon mike seloen deri hidop deri antaro nyo mati?
\v 16 Munye roti pertamo adolah kudus, segelo adonon adolah kudus. Ngan munye akar adolah kudus, maka cabang-cabangnye jugo kudus.
\p
\v 17 Cuma hambok, munye beberapo cabang lah depatahko, ngan kowe, nyo secaro alami adolah tunas liar nyo decangkokko de antaro mika ngan torot mendepot bageon delom akar ngan getah pohon zaitun iye,
\v 18 jengonlah menjedi sombong terhadop cabang-cabang iye. Hambok munye kowe sombong, ingotlah bahwa bukon kowe nyo menopang akar, hambok akar nyo menopang kowe.
\v 19 Mungken kowe nak boek, “Cabang-cabang iye depatahko empok ake depot decangkokko.”
\v 20 Iye bonor! Mika depatahko ulenyo kehopipecayoon mike, hambok kowe togok ulenyo iman. Jengonlah sombong, hambok takotlah.
\v 21 sabab munye Allah hopi menyayangko cabang-cabang asli, Nye jugo hopi nak menyayangko kowe.
\p
\v 22 Uleh ulenye iye, perhatikolah kebeikon ngan kekarason Allah; kekarason kepado mike nyo lah titek, hambok kebeikon-Nye kepado kowe munye kowe tetap tinggal de delom kebeikon-Nye. Muny hopi, kowe jugo nak detotok.
\v 23 Ngan mike jugo, munye mike hopi teros-meneros delom kehopipecayoonnye, mike nak decangkokkan ulenyo Allah bekuaso untok mencangkokko mike belek.
\v 24 Sabab, miunye kowe lah detotok deri ape nyo secaro alami adolah betong zaitun liar ngan decangkokko kepado betong zaitun nyo detundor, nyo berlawanon ngan sifatme, hopikah telobeh lagi mike nyo adolah cabang asli nak decangkokko pado betong zaitun mika dewek?
\p
\v 25 Sabab, dolor-dolor, ake hopi endok kowe hopi tahuko rahasia nie empok kowe jengon menganggap dirime bijaksana, bahwa, sikap karas kepalo lah menimpa sebageon Bengso Israel sampoi pado penggenapon bengso-bengso loen detong.
\v 26 Ngan demikian, segelo urang Israel nak deselamatko. Upa ado tetules, “Penebus nak detong deri Sion, ngan Ny nak mencampokko kefasikon deri Yakub.
\p
\v 27 Ngan nielah perjenjion-Ke dengan mike, tekalo Ake mengangket doso-doso mike.”
\p
\v 28 Menorot Injil, mike adolah mosoh demi kowe, hambok menorot pemilehon, mike adolah urang-urang nyo dekasehi demi nenek puyang mike.
\v 29 Sabab anugerah ngan panggelon Allah hopi depot debatalko.
\v 30 Sabab, samo upa kou nyo dehulu hopi taat pado Allah, hambok nyo kinie lah menerimo belas kasehon ulenyo kehopitaaton mike;
\v 31 demikian pulo mike kinie hopi taat empok uleh belas kasehon Allah nyo lah denyatako kepadome mike jugo nak memperuleh belas kasehon.
\v 32 Sabab, Allah lah menempatko mike segelo delom kehopitaaton empok Nye depot menunjukko belas kasehan-Nye kepado segelo urang.
\s (Pujion bage Allah)
\p
\v 33 Oh, alangkah delomnye kekayaon ngan kebijaksanaon ngan pengetahuon Allah! Betapa hopi terseledeki keputuson-keputuson-Nye ngan hopi terduga jelon-jelon-Nye!
\v 34 “Sabab, siapekah nyo mengetahui pekeran Tuhan? Apo, siapekah nyo depot membori-Nye nasihat?”
\v 35 “Atau, siapekah nyo pernah membori sesuatu kepado-Nye sebolomnye, ngan haros debalas uleh-Nye?
\p
\v 36 Sabab segelo sesuatu adolah deri Nye, ngan uleh Nye, ngan kepado Nye. Bage Nyelah kemuliaon sampoi selamo-lamonye! Amin.
\c 12

\s (Borikolah Hidopme kepado Allah)
\p
\v 1 Ulenyo iye, uleh kemurahon Allah, ake dorong kowe, dolor-dolor, empok kowe mempersembahko badanme sebagai persembahon nyo hidop, nyo kudus ngan nyo berkenan ngan Allah; iyelah ibadahme nyo sejati.
\v 2 Jengonlah menjedi samo ngan dnia nie, hambok berubahlah uleh pemberuon akal budime, sehingga kowe depot membedako ape nyo menjedi kehendak Allah; ape nyo beik, nyo berkenan kepado Allah, ngan nyo sempurna.
\p
\v 3 Sabab, melalui anugerah nyo lah deboriko kepadoke, ake boek kepado setiap urang de antaro kowe empok jengon memekerko hal-hal nyo lobeh tinggi deripado nyo haros nye pekerko, hambok empok bepeker jerneh sesuoi okoron iman nyo lah Allah boriko kepado maseng-maseng.
\v 4 Sabab, upa sebuah badan, kite memeleki lobot anggota, hambok maseng-maseng hopi memeleki tugas nyo samo.
\v 5 Upa iyelah kite, walaupon lobot, hmabok adolah sikok badan dlom Kristus. Ngan, maseng-maseng kite adolah anggota bage nyo loen.
\s (Karunia-Karunia Rohani)
\p
\v 6 Kite memeleki anugerah nyo beda-beda menorot kaseh karunia nyo deboriko kepado kite. Munye ontok benubuat, beiklah kite melakukonye sesuoi ngan bageon iman kite.
\v 7 Munye ontok melayani, atau munye ontok mengajor, beiklah nye mengajor.
\v 8 Atau munye ontok menghibor, beiklah nye membori penghiboron, munye ontok membori, beiklah nye membori ngan murah hati, munye ontok memempen, beiklah nye memempen ngan sungguh hati, munye ngan menonjokko belas kaseh, beiklah melakukonye ngan suka cita.
\s (Nasehat tentang hidop delom Kaseh)
\p
\v 9 Hendaklah kaseh hopi pura-pura. Bencilah nyo jahat, ngan bepeganglah pado ape nyo beik.
\v 10 Hendaklah kowe saleng mengasehi ngan kaseh bedoloron ngan saleng mendehului delom membori hormat,
\v 11 jengonlah kerajenonme kendor, hendaknye kowe menyala-nyala delom roh ngan layanilah Tuhan.
\v 12 Besukacitalah delom pengharapon, tabahlah delom kesesakon, ngan betekonlah delom doa!
\v 13 Mehilulah ngambek bageon delom mencokopi kebotohon urang-urang kudus, beusahalah delom menunjukko keramahon.
\v 14 Berkatilah mike nyo menganiayo kowe, berkatilah ngan jengon mengotok!
\v 15 Besukacitalah ngan mike nyo besukacita, ngan meratoplah ngan mike nyo meratop.
\v 16 Pekerkolah hal nyo samo satu samo loen. Jengon memekerko hal-hal nyo tinggi, meloenko hal-hal nyo tinggi, meloenko arahkolah kepado urang-urang nyo deanggap rendah. Jengonlah menganggap dirime bijaksane!
\v 17 Jengonlah membelos kepado seurang pon kejahaton ngan kejahaton. Lakumkolah nyo beik de hadapon segelo urang.
\v 18 Munye mongken, sekiranye hal iye tergentong padome, hidoplah delom perdamaion ngan segelo urang.
\p
\v 19 Dolor-dolorke nyo kekaseh, jengonlah kowe dewek menontot pembeloson, hambok borilah tempat kepado murka Allah. Sabab ado tetules, “Pembeloson adolah hak-Ke, Akelah nyo nak membelosnye, “Firman Tuhan.
\v 20 “Cuma hambok, munye mosohme lapor, borilah nye makon, ngan munye mosohme haos, borilah nye minom. Ngan melakuko nie, kowe nak nompok bara api pocok kepalonye.”
\v 21 Jengon kowe kaloh yterhadop kejahaton, hambok kalohkolah kejahaton ngan kebeikon.
\c 13

\s (Ketaaton Kepado Peraturon pemerintah)
\p
\v 1 Hendaklah setiap urang tondok kepado pemerintah nyo bekuaso pocoknye sabab hopi ado pemerintah hopi beasal deri Allah, ngan mike detetapko uleh Allah.
\v 2 Uleh ulenyo iye, siape nyo menentang pemerintah, nye menentang ketetapon Allah, ngan mike nyo menentang nak mendetongko hokomon atas dirinye.
\v 3 Sabab, pemerintah hopi menyebabko ketakoton pado nyo bebuat beik, hambok pado nyo bebuat jahat. Endokkah kowe hidop tanpa raso takot terhadop pemerintah? Lakukolah ape nyo beik, ngan kowe nak mendepot pujion derinye
\v 4 sabab mike adolah pelayan Allah demi kebeikonme. Cuma hambok, munye kowe melakuko ape nyo jahat, takotlah sabab bukon tanpa alason pemerintah menyandang pedang. Mika adolah pelayan Allah, penontot belos nyo menjelonko murka Allah kepado urang nyo bebuat jahat.
\v 5 Sabab iye, kowe haros tondok, bukon anyo ulenyo murka Allah, hambok jugo ulenyo hatio nurani.
\v 6 Iyelah sababnye kowe jugo membayar pajak, sabab mike adolah para pelayan Allah nyo mengabdiko dirinye untok hal iye.
\v 7 Borilah kepado segelo ape nyo haros kou bori; pajak kepado nyo berhak nerimo pajak, cukai kepado nyo berhak nerimo cukai, raso takot kepado urang nyo berhak nerimo raso takot, ngan hormat kepado nyo berhak nerimo hormat.
\s (Mengasehi Urang Loen adolah Hokom nyo Utamo)
\p
\v 8 Jengonlah behutang apepun kepado siape pun, hambok kasehilah sau ngan nyo loen ulenyo urang nyo mengasehi sesamonye lah memonohi Hukum Taurat.
\v 9 Sabab, “Jengon berzinah, jengon membunoh, jengon maleng, jengon mengengeni, “ngan munye ado perentah loen, segelonye sodah terangkum delom pengehatoon nie, “Kasehilah sesamome upa dirime dewek.”
\v 10 Kaseh hopi melakuko kejahaton kepado sesamo mendesia. Ulenyo iye, kaseh adolah penggenapon Hukum Taurat.
\p
\v 11 Upa iyelah pulo, kowe mengetahui waktunye bageme saat nie untok jego deri tidor; sabab kinie keselamaton sodah lobeh dekat bage kite deripado waktu pertamo kali kit pecayo.
\v 12 Malom sodah belalu ngan siang sodah parok, ulenyo iye mailah kite campok perbuaton-perbuaton kekolomon ngan mengenako perlengkapon senjeto tarang.
\v 13 Mailah kite hidop ngan sopan upa pado waktu siang hari, bukon delom pesta pora ngan kemabokon, bukon delom percabulon ngan hawa nafsu, ngan bukon delom lelegeon sereta iri hati.
\v 14 Cuma hambok, kenakolah Tuhan Yesus Kristus, ngan jengon merawat badanme untok memuasko keingenonme.
\c 14

\s (Jengon Menganggap Diri Lobeh Beik deri dolorme)
\p
\v 1 Terimolah urang nyo lamah imannye, hambok bukon untok melawon pendepotnye.
\v 2 Ado urang nyo yaken bahwa nye pacok makon segelo jenis makanon, hambok urang nyo lamah imannye hanyo makon sayoron.
\v 3 Urang nyo makon jengonlah menghino urang nyo hopi makon, ngan urang nyo hopi makon jengon menghakemi urang nyo makon, sabab Allah lah nerimo nye.
\v 4 Siapekah kowe sehingga kowe menghakemi hamba urang loen? Beik togok ataupon titek, iye oroson tuannye dewek. Ngan, nye nak togok ulenyo Tuhan sanggop membuatnye togok.
\p
\v 5 Ado urang nyo menganggap satu hari lobeh penteng deripado hari nyo loen, sementaro nyo loen menganggap segelo hari samo. Setiap urang haros bonor-bonor yaken delom hatinye dewek.
\v 6 Mike nyo mementengko hari tertentu, mementengkonye untok Tuhan. Ngan, mike nyo makon, makon untok Tuhan sabab nyo mengucap syokor kepado Allah. Upa iyelah mike nyo hopi makon, mike hopi makon untok Tuhan ngan mengucap syokor kepado Allah.
\v 7 Sabab, hopi seurang pon deri kite nyo hidop untok dirinye dewek, ngan hopi ado seurang pon nyo mati untok dirinye dewek.
\v 8 Sabab, munye kite hidop, kite hidop untok Tuhan, atau munye kite mati, kite mati untok Tuhan. Jedi, beik kite hidop atau mati, kite adolah milik Tuhan.
\v 9 Ulenyo untok iyelah Kristus mati ngan bangket, empok Nye menjadei Tuhan, beik pocok urang-urang mati maupon urang-urang hidop.
\p
\v 10 Cuma hambok, mengkah kowe menghakemi dolorme? Atau, mengkah kowe mandong rendah dolorme ngan menghinonye? Sabab, kite segelo nak togok menghadop takhta pengadelon Allah.
\v 11 Sabab ado tetules, “Uleh ulenyo Ake hidop, firman Tuhan, setiap lotot nak nyembah kepadoKe, ngan setiap lidah nak mengaku kepado Allah.”
\p
\v 12 Jedi, setiap kite nak membori pertanggong-jawabon tentang dirinye dewek kepado Allah.
\s (Jengon Membuat Urang Loen Bedoso)
\p
\v 13 Ulenyo iye, jengonlah kite saleng menghakemi, hambok lobeh beik bertekad untok hopi menaruh penghalang atau sebuah betu sandongon bage dolor kite.
\v 14 Ake mengetahui ngan lah deyakenko delom Tuhan Yesus bahwa hopi ado sesuatu pon nyo najis deri hal iye dewek, hambok bage urang nyo menganggap bahwa segelo sesuatu adolah najis, maka hal iye najis bage dirinye.
\v 15 Sabab, munye hati dolorme teluka ulenyo sesuatu nyo kowe makon, kowe hopi lagi hidop sesuoi kaseh. Jengonlah kowe membinasako nye dengan makanonme iye, ulenyo Kristus jugo lah mati untoknye.
\v 16 Ulenyo iye, jengon biarko ape nyo kowe anggap beik defitnah sebagai sesuatu nyo jahat.
\v 17 Sabab Kerajaon Allah bukonlah tentang makon ngan minom, hambok tentang kebonoron, damai sejahtera, ngan sukacita delom Roh Kudus.
\v 18 Sabab siape pon nyo melayani Kristus dengan caro nie berkenan pado Allah, ngan dehormati mendesio.
\p
\v 19 Jedi, mailah kite ngejar hal-hal nyo mendetongke damai sejahtera ngan membengun satu dengan loen.
\v 20 Jengon merusak pekerjaon Allah hanyo ulenyo makanon! Segelo sesuatu halal, hambok jahatlah bage seseurang nyo makon ngan menyebabko urang loen bedoso.
\v 21 Lobeh beik hopi makon degeng atau minom anggur, atau melakuko hal loen nyo depot menyebabko dolormu tersandong.
\v 22 Pogonglah keyakenon nyo kou meleki untok dirime dewek de hadapon Allah. Berbahagialah urang nyo hopi menghakemi dirinye dewek terhadop ape nyo deanggapnye beik.
\v 23 Cuma hambok, urang nyo bimbang nak dehokom munye nye makon, ulenyo nye makon hopi berdasarko iman; ngan segelo sesuatu nyo hopi beasal deri iman adolah doso.
\c 15

\s (Tolunglah Dolorme Menjedi Lobeh Kuat delom iman)
\p
\v 1 Jedi, kite nyo kuat haros menanggong kelamahan urang nyo hopi kuat, ngan hopi menyenangko diri dewek.
\v 2 Hendaklah setiap urang de antaro kite menyenangko sesamonye demi kebeikonnye, untok membengun rohaninye.
\v 3 Sabab, Kristuss hopi menyenangko diri-Nye dewek, hambok upa ado tetules, “Kato-kato hinoon mike, nyo menghino-Me, lah menimpa Ake.”
\v 4 Sabab, ape pon nyo detules dehulu lah detulesko untok mengajor kite empok melalui ketekonon ngan penghiboron nyo deboriko Kitab Suci, kite depot memeleki pengharapon.
\p
\v 5 Semoga Allah, sumber kesabaron ngan penghiboron memborime anugerah untok depot hidop delom kesehation satu samo loen sesuoi dengan Yesus Kristus,
\v 6 sehingga dengan sehati ngan satu suaro kowe memuliako Allah ngan Bepa Tuhan kite Yesus Kristus.
\p
\v 7 Ulenyo iye, nerimolah satu dengan nyo loen, samo upa Kristus jugo nerimo kite demi kemuliaon Allah.
\v 8 Ake boek kepadome bahwa Kristus sodah menjedi pelayan bage urang-urang nyo besunat demi kebonoron Allah, yaitu untok menogohko jenji nyo deboriko kepado nenek puyang kite,
\v 9 ngan untok bengso-bengso bukon Yahudi empok mike memuliako Allah atas belos kasih-Nye. Upa ado tetules, “Sabab iye, aku nak memuji-Me de antaro bengso-bengso bukon Yahudi; ngan ake nak nyanyiko mazmur untok namo-Me.”
\v 10 Ngan lagi boeknye, “Besukacitalah hai bengso-bengso, besamo dengan umat Allah!”
\v 11 Ngan lagi, “Pujilah Tuhan hai segelo bangsa! Biarlah segelo umat memuji Tuhan.”
\v 12 Ngan, Yesaya boek lagi, “Akan detong deri ketoronon Isai, ngan Nye nak bangket untok memerentah bengso-bengso, ngan de delom Nye, bengso-bengso nak berharop.”
\p
\v 13 Kiranye Allah sumber pengharopon memonohime dengan segelo sukacita ngan damai sejahtera delom imanme sehingga kowe nak belimpah de delom pengharopon uleh kuaso Roh Kudus.
\s (Pelayanon Paulus kepado Urang-Urang Bukon Yahudi)
\p
\v 14 Dolor-dolorke, ake dewek deyakenko tentang kowe, bahwa kowe ponoh dengan kebeikon, melimpah dengan segelo pengetahuon, ngan sanggop mensehati satu dengan nyo loen.
\v 15 Cuma hambok, ake lah menules dengan sangat berani kepadome mengenai beberapo hal untok mengingotko kembali, ulenyo anugerah nyo lah Allah boriko kepadoke,
\v 16 ake menjedi pelayan Yesus Kristus bage bengso-bengso bukon Yahudi sebagai imam bage Injil Allah, sehingga bengso-bengso bukon Yahudi depot menjedi kekelongon nyo bekenan, nyo dekudusko uleh Roh Kudus.
\p
\v 17 Iyelah sababnye, delom Yesus Kristus, ake boleh bemegah mengenai hal nyo kulakuko demi Allah.
\v 18 Sabab, ake hopi nak berani boek mengenai sesuatu nyo loen, kecuali nyo lah delakuko Kristus melalui ake, untok membuat bengso-bengso bukon Yahudi taat uleh perkataon ngan perbuaton,
\v 19 melalui kuaso tando-tando ajaib ngan mukjizat-mukjizat, melalui kuaso Roh sehingga deri Kota Yerusalem ngan sekelilengnye sampoi ke Ilirikum, ake sodah memberitako seponohnye Injil Kristus.
\v 20 Upaiyelah ake betekad untok memberitako Injil de tempat Kristus belum dekenal empok ake jengon membengun de pocok dasar nyo lah de poteke urang loen.
\v 21 Upa ado tetules, “Mike nyo bolum pernah nerimo berita tentang Nye nak ngoleh, ngan mike nyo hopi pernah mendongor nak mengerti.”
\s (Rencana Paulus mengonjongi Roma)
\p
\v 22 Nielah sababnye ake sering kali tehalang untok mengonjongi kowe.
\v 23 Cuma hambok kinie, ulenyo hopi ado lagi tempat de daerah nie, ngan ulenyo ake lah betahun-tahun lamonye ingin mengonjongime,
\v 24 munye tekalo ake bejelon ke Spanyol, ake beharop depot singgah ngan betemu nganme sehingga kowe depot membentuke ke sane, lah telobeh dehulu ake desukacitako besamome untok sesaat.
\v 25 Cuma hambok kinie, ake bejelon ke Kota Yerusalem untok melayani urang-urang kudus,
\v 26 sabab Makedonia ngan Akhaya dengan senang hati membori sumbangon kepado urang miskin de antaro urang-urang kudus de Yerusalem.
\v 27 Mike sangat senang melakukonye, sabab iye memang kewajebon mika. Ulenyo munye bengso-bengso bukon Yahudi lah nerimo bageon delom hal-hal rohani melek urang Yahudi, maka mike jugo haros melayani urang Yahudi delom kebotohon jasmani mika.
\v 28 Ulenye iye, tekalo ake lah nyelesaiko tugas nie ngan mematraiko hasel nie kepado mika, ake nak bejelon ke Spanyol melewati kotame.
\v 29 Ake tahuko bahwa tekalo ake mengojongime, ake nak njongok delom keponohon berkat Kristus.
\p
\v 30 Kinie, ake minta kepadome, dolot-dolor, demi Tuhan Kite Yesus Kristus ngan demi kaseh Roh, untok begumul besamo-samo denganke delom doa kepado Allah untok dirike,
\v 31 empok ake delepasko deri urang-urang nyo hopi taat de Yudea, ngan empok pelayanonke demi Yerusalem bekenan bage urang-urang kudus.
\v 32 Ngan, empok uleh kehendak Allah ake depot njongok kepadome dengan sukacita, serta beuleh kesegaron de antaro kowe.
\v 33 Kiranye damai sejahtera Allah menyertai kowe sekalion. Amin.
\c 16

\p
\v 1-2 Ake nyerahko kepadome Febe, dolor kite nyo adolah seurang pelayan jemaat de Kengkrea. Terimolah nye de delom Tuhan selayaknye urang-urang kudus, ngan tolonglah nye delom segelo sesuatu nyo deperlukonye derime sabab nye dewek lah membori bentuon kepado lobot urang ngan jugo kepado dirike.
\p
\v 3 Sampoikolah salamke kepado Priskila ngan Akwila, kanti-kanti sepelayanonke delom Kristus Yesus,
\v 4 nyo lah mempertaruhko nyawo mike demi hidopke. Atas mika, bukon hanyo ake saja nyo mengucap syokor hambok jugo seluruh jemaat bukon Yahudi.
\v 5 Sampoiko jugo salamke kepado jemaat de rumah mike.
\v 6 Salam kepado Maria nyo lah bekerjo karas untok kowe.
\v 7 Salam kepado Andronikus ngan Yunias, dolor-dolor sebengsoke sekaligus sesamo tahanon nyo jugo tekenal de antaro para rasul, nyo jugo lah berado de delom Kristus sebolom ake.
\v 8 Salam kepado Ampliatus, nyo kekasehi de delom Tuhan.
\v 9 Salam kepado Urbanus, kanti sepelayanon kite de delom Kristus, ngan kepado Stakhis nyo ke kasehi.
\v 10 Salam kepado Apeles, nyo tebukti lah tahan uji delom Kristus. Sampoiko jugo salamke kepado para anggota keluarga Aristobulus.
\v 11 Sampoiko salamke kepado Herodion, dolor sebengsoke. Salam kepado para anggota keluarga Narkisus, nyo ado delom Tuhan.
\v 12 Sampoiko salamke kepado Trifena ngan Trifosa, nyo berjerih litak de delom Tuhan. Ngan, kepado Persis nyo kekasehi, nyo jugo lah bekerjo karas de delom Tuhan.
\v 13 Salam jugo kepado Rufus, urang pelehon de delom Tuhan, ngan jugo kepado indoknye nyo menjedi indok bageke pula.
\v 14 Salam kepado Asinkritus, Flegon, Hermes, Patrobas, Hermas ngan dolor-dolor nyo besamo dengan mika.
\v 15 Salam kepado Filologus ngan Yulia, Nereus ngan dolornye, serta kepado Olimpas, ngan segelo urang kudus nyo besamo ngan mika.
\v 16 Borikolah salam satu samo loen ngan cium kudus. Seluruh jemaat Kristus menyampoiko salam mike kepadome.
\p
\v 17 Kinie ake dorong kowe, dolor-dolor, awasilah mike nyo menimbulko perpecahon ngan penyosoton, serta nyo betentangan dengan pengajaron nyo lah kowe terimo; jouhilah mike.
\v 18 Sabab, urang-urang upa iye hopi melayani Tuhan kite Yesus Kristus, hambok melayani hasrat mika dewek; ngan dengan pemboekon nyo hulos serta kato-kato sanjongon, mike nipu hati urang-urang nyo hopi menaruh curiga.
\v 19 Sabab, ketaatonme lah deketahui segelo urang, sabab iye ake besukacita ulenyo kowe. Cuma hambok, ake nak empok kowe bijaksana terhadop ape nyo beik ngan berseh deri hal nyo jahat.
\v 20 Allah sumber damai sejahtera nak segera meremukko beles de bewoh kakime. Anugerah Yesus, Tuhan kite, menyertaime.
\p
\v 21 Timotius, kantike sepelayanonke, menyampoiko salam untokme, ngan jugo deri Lukius, yason, ngan Sosipater, dolor-dolor sebengsoke.
\v 22 Ake Tertius, nyo menules surat nie, menyampoiko salamke kepadome delom Tuhan.
\v 23 Gayus, nyo membori tumpangon kepadoke ngan kepado segelo jemaat, menyampoiko salam kepadome. Erastus, bendahara kota, ngan Kwartus dolor kite, menyampoiko salam kepadome.
\v 24 (Anugerah Yesus Kristus, Tuhan kite, menyertai kowe segelo! Amin.)
\p
\v 25 Bage Nye nyo sanggop menogohko kowe sesuoi Injil nyo keundah ngan pemberitaonke tentang Yesus Kristus, ngan nyo sesuoi dengan penyingkapon rahasia nyo lah dekerawoko selamo berabad-abad,
\v 26 hambok nyo kinie lah denyatako melalui kitab-kitab para nabi, sesuoi dengan perentah Allah nyo kekal nyo lah degerako kepado segelo bengso untok memempen menuju ketaaton iman,
\v 27 kepado sikok-sikoknye Allah nyo ponoh hikmat melalui Kristus Yesus; kemuliaon sampoi selamo-lamonya! Amin.