kvb_reg/47-1CO.usfm

\id 1CO
\ide UTF-8
\h KORINTUS
\toc1 KORINTUS
\toc2 KORINTUS
\toc3 1co
\mt KORINTUS

\c 1
\cl Pasal 1
\s (Salam jak Paulus)
\p
\v 1 Paulus, de pantou sebagai rasul Yesus Kristos uleh kehendok Allah, ngan sostenes, dolor kite.
\v 2 Kepado jemaat Allah nyo ado de korintus, untuk rombongonnyo de kodoskoh delom Kristus Yesus, nyo de pantou untok menjedi urang-urang kudus besamo segelo urang de setiap tempat nyo memantou namo Tuhan keti Yesus Kristus, beik de tempat mike maupun kite.
\v 3 Anugrah untuk me ngan damai sejahtera deri Allah Bepak kite ngan Tuhan Yesus Kristus.

\s (Paulus Besyukur kepado Allah)
\v 4 Ake terus mengucap syokor kepado Allah ke mengenai kowe ulenyo anugerah Allah nyo de borikoh ke pado me delom Yesus Kristus,
\v 5 Behwoh delom segelo hal, kowe de pesogeh delom enye delom segelo perkatoon, ngan segelo pengetahuon.
\v 6 Samo upah kesaksion mengenai Kristus soda de togohkoh delom kowe.

\v 7 Ngan demikian, kowe hopi akan kekurangon delom suatu karunia pon sementaro kowe menantiko peyataon Tuhan kite Yesus Kristus.
\v 8 Nyo jugo menogohkoh kowe sampoi pado akhernye empoknyo kowe hopi bercela pado hari Tuhan kite Yesus Kristus.
\v 9 Allah iye setio, ngan ulenyo kowe de pantou ke delom persekutuon ngan Anak-Nye, Kristus Yesus Tuhan kite.

\s (Perpecahon Deom Jemaat)
\v 10 Kinie, ake menasehatime, dolor-dolor demi namo Tuhan kite Yesus Kistus empok kowe segelo bekehato hal nyo samo empoknyo hopi ado pepecahon-pepecahon de antoro kowe ngan delom pendepot nyo samo.
\v 11 Sabab, lah de hari tahukoh kepadoke mengenai kowe, dolor-dolorke, keluargo kloe, behewo ado pertengkaron de antaro kowe.

\v 12 Maksodke kinie adolah kowe maseng-maseng bekehato,” Ake deri Paulus,” ngan,” Ake deri Apolos,” ngan “Ake deri Kefas,” ngan “Ake deri Kristus.”
\v 13 Apokoh Kristus tebage-bage? Apokoh Paulus de salibkoh untuk me? apo apokoh kowe de baptes delom namo Paulus?

\v 14 Ake besyokor kepado Allah behewo ake hopi membaptis seurang pon deri kowe, kecuali Kristus ngan Gayus.
\v 15 Empok jengon ado sikok pon nyo depot mboeko behewo kowe de baptes delom namo Ke.
\v 16 Ake jugo membaptesko seisi rumah Stefanus; selobehnye, ake hopi tahu apokoh ake lah membaptes urang nyo loennye.

\v 17 Sebab, Kristus hopi mengutus ake untok membaptes, hambok untuk memberitakoh Injil bukon delom hikmat kato-kato, supayo saleb Kristus hopi debuat sio-sio.

\s Kuaso ngan Hikmat Alah
\v 18 Sabab, pekataon tentang saleb adolah kebodohon bage mike nyo sedang binaso, hambok bage kite nyo deselamatko, hal iye adolah kekuaton Allah.
\v 19 Sabab, ado tetoles, “Ake nak menghancorkoh hikmat urang nyo bijaksana, ngan kecalakon urang nyo calak, Ake kan menoloknye.”

\v 20 De monekah urang nyo bijak? de monekoh ahli Taurat? de monekoh ahli bebento zaman nie? Bukonkoh Allah elah bodoh hikmat denia nie?
\v 21 Ulenyo delom hikmat Allah, mengkah Allah bekenan melewati kebodohon nyo mempercayoinye.

\v 22 Sabab, urang-urang Yahudi minta tando-tando ngan urang-urang Yunani delok hikmat.
\v 23 Ulenyo hambok, kamie memberitakoh Krstus nyo desalebkoh bage urang-urang Yahudi sebuah betu sandongon, ngan bage urang-urang bukon Yahudi, kebodohan.

\v 24 Cuma untok mike nyo depantou, beik urang-urang Yahudi maupon urang -urang Yunani, Kristus adolah kekuaton Allah ngan hikmat.
\v 25 Ulenyo nyo bodoh deri Allah adolah lobeh calak deri pado mendesio, ngan nyo lamoh deri Allah adolah lobeh kuat deri pado mendesio.

\v 26 Kolehlah keadoonme ketiko kowe de pantou, dolor-dolor, hopi neman nyo bijaksano menurut degeng, hopi neman nyo bekuaso hopi neman nyo tepandong.
\v 27 Hambok Allah sodah milehnyo bodoh deri denia untok mempermalukoh nyo calak, ngan Allah memileh ape nyo lemah deri denia untok mempermalukoh nyo kuat.

\v 28 Ngan, Allah memilehnyo hopi tepandong deri denia ngan depandong rendah, bahkon hal-hal nyo hopi bearti, untok meniadoko hal-hal nyo bearti.
\v 29 Supayo setiap mendesio hopi depat bermegah de hadopon Allah.

\v 30 Uleh, kan enye, kowe ado delom Yesus Kristus, nyo untok kite de jediko hikmat, kebonoron, kekudoson, ngan penoboson seri Allah.
\v 31 Supayo seperti nyo tetulis, “biarlah urang nyo memegahkoh diri, bemegah delom Tuhan.”

\c 2
\cl Pasal 2
\s Iman nyo Berdasar podo Allah
\p
\v 1 Ngan, ketiko ake jongok kepadome, dolor-dolor, ake hopi jongok ngan kehebaton kato-kato atou hikmat untok memberitakoh resio Allah kepadome.
\v 2 Sabab, ake memotoskoh untok hopi mengetahui ape pon de antaro kowe seloin mengenai Kristus Yesus, yaitu ao nyo de salibko.

\v 3 Ake besamo ngan me delom kelamahon, ngan sajo gentaar.
\v 4 Perkatonke maupun pemberitaonke bukon delom kato-kato hikmat nyo meakenko, hambok ngan bukti Roh ngan kuaso.
\v 5 Empoknyo iman me hopi berdasar pado hikmat mendesio, meloenkoh pado kuado Allah.

\s (Allah Menonjokko Himat Melwati Roh)
\v 6 Kami mempelabekoh hikmat de antaro rombongon gede hambok bukon hikmat zaman nie atou deri penguaso-penguaso zaman nie nya akan de bebasko.
\v 7 Meloenko kami mempelabekoh hikmat Allah delom resio, hikmat nyo tekerawo, nyo Allah teapkoh sebolom permulaoon zaman bage kemuliaon kite.

\v 8 Hopi ado penguaso-penguaso zaman nie nyo mengenalnye. rombongon hopi kan pernah meyalibkoh Tuhan nyo muia.
\v 9 Mengka, upah nyo tetoles, “Ape nyo mato bolom pernah ngoleh, ngab telinga bolom pernah dongori, ngan bolom timbol delom hati mendesio, segelo iye Allah elah sedioko bage rombongon nyo mengasehiNye.”

\v 10 Hambok, Allah elah meyatoko hal-hal nie kepado kite melalui Roh karena Roh menyeledeki segelo hal, bahkan kedelom Allah.
\v 11 Sabab, siapekah de antaro nyo mengetahui hal-hal deri mendesio seloen Roh mendesio nyo ado de delomnye? Demikion jugo, hopi ado seurang pon nyo mengetahi hal -hal deri Allah seloin Roh Allah.

\v 12 Kinie, kite telah menerimo, bukon roh deri denia, meloenkoh roh nyo deri Allah supayo kite depot mengetahui hal- hal nyo deanugrakoh Allah kepado kite.
\v 13 Hal-hal nyo jugo kami ucapkoh nie, bukon delom kato-kato nyo ajorkoh uleh hikmat mendeso, meloenko nyo de ajorkoh uleh Roh ngan membandengkoh hal-hal nyo rohani ngan nyo rohani.

\v 14 Hambok, mendesio nyo hopi rohani hopi menerimo hal-hal nyo berasal jak Roh Allah karena hal-hal iye merupakoh kebodohon bagenye. Nye hopi depot memahaminye ulenyo hal-hal iye hanyo depot denilai secaro rohani.
\v 15 Mendesio nyo rohani menilai segelo hal, ulenyo enye dewek hopi denilai uleh siapo pon.
\v 16 Sabab “siapokoh nyo mengahui pekeron Tuhan empoknyo depot menasehati Nye?”

\c 3
\cl Pasal 3
\s (Kehopidewasaon Delom Jemaat)
\p
\v 1 Hambok, dolor-dolor, ake hopi depot boek ngankowe upah ngan mendesio nyo rohani, meloenko upah nyo mendesio duniawi, yaitu upah nyo bayi-bayi delom Kristus.
\v 2 Ake mbori kowe minom susu, bukon makonon, ulehnyo kowe bolom pacok, bahkan kinie kowe jugo bolom pacok.

\v 3 Ulenyo kowe lagi deniawi: Sabab muye ado iri hati ngan perselisehon de antasro kowe, bukonkah kowe lagi deniawi ngan hidop secaro mendesio?
\v 4 Sabab tekalo seseurang beik “Ake de pihak Paulus,” ngan nyo loen, “Ake depihak Apolos,” bukonkoh iye bearti kowe adolah mendesio?
\v 5 Lalu, siapekah Apolos iye? ngan, siaokoh Paulus iye? hambo-hambo nyo ulehnye kowe menjedi pecayo upah nyo Tuhan karuniakoh ngan maseng-maseng.

\v 6 Ake menandor, Apolos meyiram, hamboh Allah nyo menambohkoh.
\v 7 Jedi, bukon nyo menandor, bukon jugo nyo nyiram, meloenkoh Allah nyo menambohko.

\v 8 Urang nyo menandor ngan nyo meyiram adolah sikok, ngan maseng-maseng ngan menerimo upahnye dewek sesuoi ngan usahanyo dewek.
\v 9 Sabab kami adolah kanti sepekerejo Allh: kowe adolah humah Allah, bengunon Allah.

\v 10 Sesuoi ngan anugerah Allah nyo dekaruniako ngan, upah seurang ahli bengunon nyo terampel, ake moteko pendasi ngan nyo loen memperhatiko upah mone enye membengun de pocok nye.
\v 11 Sabab, hopi ado seurang pon nyo depot motekoh pendasi nyo loen seloennyo sodah depotekoh, yaitu Kristus Yesus.

\v 12 Munye ado urang nyo memebengun de pocok pendasi nie ngan emas, perak, betu-betu berega, kayu, rompot, jerami,
\v 13 Pekerjaon nyo delakuko setiap uran ngan jelas ulehnyo ari iye ngan meyatokohnye ngan api, ngan api iye dewek ngan menguji upahmone jenis penggaweon setiap urang.

\v 14 Jiko penggaweon nyo elah seseurang bengun iye betahan, enye ngan menerimo upah.
\v 15 Jiko penggaweon urang iye tetunuh habes, nye ngan menderita kerugion, meskipun upahiyo enye dewek ngan deselamatkoh, ulehnyo keadoonnye upah melewati api.

\v 16 Hopi tahukoh kowe behawa kowe adolah baik Allah.
\v 17 Jiko ado urang nyo mehehosak baik Allah, Allah ngan menghancurkoh enye ngoleh bait Allah adolah kodos, yaitu kowe.

\v 18 Jengon ado urang nyo menipu dirinyo dewek. jiko ado urang de antarome mengiro behewo enye bijaksano ngan jaman nie, biarlah enye menjedi bodoh supayo enye depot menjedi bijaksano.
\v 19 Sabab, hikmat deniah nie adolah kebodohn de hadopon Allah. Sabab, ado tetules, “Enyelah nyo menangkop urang bijaksano delom kelicikon mika,”
\v 20 Ngan lagi, “Tuhan mengetahui pekeron-pekeron urang nyo bijaksano, segelonye adolah sio-sio.”

\v 21 Ulehnyo nye, jengon ado seurang pon nyo bemegah delom mendesio. Sabab, segelo sesuatu adolah milikme,
\v 22 Beik Paulus, Apolos, maupun Kefas, beik denia, beik hidop maupun kemation, beik hal-hal nyo kinie maupon hal-hal nyo ngan jongok: segelonye adolah milikme.
\v 23 Ngan, kowe adolah melek Kristus, ngan Kristus adolah melek Allah.

\c 4
\cl Pasal 4
\s (Pelayanon Utoson-utoson Kristus)
\p
\v 1 Upanielah hendoknye urang memperhatiko kami nyoieh sebagai hambo-hambo Kristus ngan urang-urang nyo depecayoko resio-resio Allah.
\v 2 Ngan demikon urang-urang nyo depecayo ngan hal-hal nyo berega haruslah membuktiko bahwa mike depot depecayo.

\v 3 Hambok, bageke hopilah penteng jiko ake de hakemi uleh kowe atau uleh suatu pengandalon suatu mendeso. Bahkan, ake dewek hopi menghakemi dirike.
\v 4 Sabab, ake hopi meyadari ape pon ngan dirike dewek. Hambo bukon ulehnyo hal iye ake debonorkoh, meloinkoh Tuhanlah nyo mehakemi ake.

\v 5 Ulehnyo iye, Jengonlah menghakemi sebolom waktunye, yaitu sebolom TUhan jongok, ao nyo nak menarangi hal-hal nyo tekerawo delom kekolomon ngan kan meyatoko maksod-maksod hati. Lalu, setiap urang kan menerimo pujion deri Allah.

\v 6 Dolor-dolor, ake sodah menerapkoh hal-hal nie pocok dirike dewek ngan Apolos demi kowe supayo dedelom kami, kowe depot belajor untuk hopi melampaui ape nyo tetules sehinggo hopi ado saloh siko deri kowe nyo menjedi sombong sikok terhadop nyo loen.
\v 7 Sabab, siapokoh nyo membeda-bedako kowe? Ape nyo kou meleki, muo bukon kou terimo? ngan ulehnyo memang kowe menerimonye, mengkah kowe meyombongkoh diri seolah-olah hopi menerimonye.

\v 8 Kowe sodah de konyongko, kowe soda menjedi sogeh! tanpa kami, kowe soda menjedi rajo empoknyo kami jugo depot memerintah besamome.
\v 9 Sabab, menorotkeh, Allah elah mendepotkoh kami, para rasul, de tempat nyo teakher, upah urang-urang nyo de titekki hokomon mati, ulenyo kami dejediko tontonon untok denia, beik untok malwikat-malaikat maupon mendesio.

\v 10 Kami bodoh demi Kristus, ulenyo kowe bijaksano delon Kristus. Kami lambot, hambok kowe kuat. Kowe tehormat, hambok kami hino.
\v 11 Sampoi kinie nie, kami lapor ngan raous, beperebot compang-campeng, de kepoki, ngan hidop mengembara.

\v 12 Kami bejerih payo, begawe ngan tangon kami dewek, ketika kami desikso, kami betahan.
\v 13 Upah kami de fitnah, kami menjawab ngan ramah. Bahkan, sampoi kinie, kami menjadi upah renyah, denia nie, rengaion deri segelo sesuatu.

\v 14 Ake menoles hal-hal nie bukon untok mempermalukoh kowe, meloenko untok menasehati kowe sebagai anak-anak nyo ku kasehi.
\v 15 Sabab, sekalipon kowe mempunyai sepoloh ribu guru delom Kristus, kowe hopi mempunayi namo hapa. Ulenyo delom Yesus Kristus, akelah nyo menjedi bepakme melalui Injil.
\v 16 Jedi, ake mendorong kowe, jedilah urang nyo menoroti teladanke!

\v 17 Iyelah sebab nye, ake lah mengotos kepadome Timotius, anake nyo kukasehi ngan nyo setio dedelom Tuhan. Enye nak mengingotkoh kowe mengenai jelon-jelonke delom Kristus, upah nyo ake ajorkoh de mono-mono, delom setiap jemaat.
\v 18 Beberape deri kowe menjedi sombong, seolah-olah ake hopi kan jengok lagi kepadome.

\v 19 Hambok, ake nak segera njongok kepadome, munye Tuhan menghendaki, ngan ake kan mengetahui bukon hanyo pemboekon urang-urang sombong iye, ulehnyo jugo kuaso mike.
\v 20 Sabab, Kerajaon Allah bukon delom pemboekon, meloenko delom kuaso.
\v 21 Ape nyo kou kendokko? apokoh ake haros jongok kepadome ngan tingkat atau ngan kaseh ngan roh kelamah lomboton?

\c 5
\cl Pasal 5
\s (Doso Penjino delom Jemaat)
\p
\v 1 Memanglah delaporkoh bahwah ado perzinaon de antaro kowe, Perzinaon nyo bahkan hopi ado de antaro bengeso-bengeso loen, yaitu ado urang ngambek bini bepaknyo.
\v 2 Ngan, kowe sombong! hopikah seharusnye kowe justru berduka empoknyo urang nyo melakuko perbuaton nie desengkerko deri antaro kowe?

\v 3 Memang, secaro jasmani ake jouh, hambok ake hader delom roh. Ngan, ake lah nitekko hokomon pucuk urang nyo melakuko hal iye, seolah-olah ake hader.
\v 4 Delom namo Tuhan Yesus, ketiko kowe bekompol, ngan ake besamome delom roh ngan kuaso Tuhan kite, Yesus,
\v 5 akelah memutuskoh untok meyerahkoh urang nie kepado beles untok kebinasoon degingnye empokoyo rohnye buleh deselamatkoh pado hari Tuhan.

\v 6 Kesombongonme iye hopi beik. Hopi tahukoh kowe behewo sekecik ragi sajo kan meragiko segelo adonon?
\v 7 Bersekolah segelo ragi nyo lamo empoknyo kowe menjedi adonon beheru, sebagaimone memang kowe hopi beragi. Sabab, Kristus, domba paskah kite, hopi desemboleh.
\v 8 Ulenyo iye marolah kite merayako pesta iye, bukon ngan ragi nyo lamo, bukon jak ragi keborokon ngan kejahaton, meloenko ngan roti hopi beragi jak kejereneon ngan kebonoron.

\v 9 Ake menules kepadome delom surat: Jengon begaol ngan urang-urang cabul.
\v 10 Mekesodkeh, bukonlah ngan urang-urang cabul dedenia nie, urang-urang serakah, para penipu, atau ngan paro penyembah berhelo. Jiko demikion, kowe seharusnye keluor jak denia nie.

\v 11 Hambok, kinie ake menulisko kepadome, jengon begaul ngan urang-urang nyo desobut dolor munye enye adolah urang cabul, serakah, penyembah berhalo, pemitnah, pemabok, atau penipu. Bahkon, jengon makon ngan urang upah iye.
\v 12 Sabab, apekoh urusonke mehakemi urang-urang luor? Bukonkoh kowe mehakemi mike nyo ado dedelom jemaat.
\v 13 Hambok Allah nyo kan menghakemi mike nyo deluor jemaat. Ulehnyo iye userlah urang nyo melakuko kejahaton deri antaro kowe.

\c 6
\cl Pasal 6
\s (Menganai Perkaro Hukom de Antaro Urang Pecayo)
\p
\v 1 Tekaloh saloh sikok deri kowe memileki perselisehon ngan nyo loen, apokoh lah berani lari untuk delok keadelon dehadopon urang-urang nyo hopi bonor ngan bukon dehadopon urang-urang kudus?
\v 2 Apekah kowe hopi tahukoh behwa urang-urang kudus nak menghakemi denia? munye denia dehakemi ulehme, apekah kowe hopi layak untok mengadeli pekaro-pekaro nyo sajo kecik?
\v 3 Apekah kowe hopi tahukoh behwa kite nak mengadeli para melekat? apolagi anyo pekaro-pekaro biaso sehari-hari!

\v 4 Jedi munye kowe menghadopi pekaro-pekaro biaso upah iye, mengkah kowe ngundahnye kepado mike nyo hopi deperhitungkoh delom jemaat?
\v 5 Ake memboeko nie empoknyo kowe malu apekah hopi ado seurang deantaro dolor-dolornye?
\v 6 Malahon, antaro dolor ngan dolor lari delok keadelon dehadopon urang-urangnyo hopi pecayo!

\v 7 Sebonornye, sodah menjedi kegagalon bage kowe ulehnyo kowe mempunyai pekaro-pekaro hukom de antaro kowe. Mengkah kowe hopi lobeh agom desalohko? mengkah kowe hopi lobeh agom derugiko?
\v 8 Sebeleknye, kou dewek besaloh ngan merugiko. Bahkon, kowe melakukonye tehadop dolor-dolorme.

\v 9 Apekah kowe hopi tahukoh behwa urang nyo hopi bonor hopi nak mewaresi kerajaon Allah? jengon sosot! urang-urang cabul, para penyembah berhala, urang-urang nyo bezina, banci, para homoseksual,
\v 10 para pemaleng, urang-urang nyo serakah, para pemabuk, para pemitnah, ngan penipu-penipu, mike segelo hopi nak mewaresi Kerajaaon Allah.
\v 11 Beberape deri kowe jugo upah iye. Hambok, kowe sodah deberesehkoh, sodah dekodoskoh, ngan soda debonorkoh delom namo Tuhan Yesus Kristus ngan delom Roh Allah kite.

\s (Jauhilah Perzinaon)
\v 12 Segelo hal deperbulehkoh bageke, ulehnyo hopi segelonyo beguna. Memang segelo hal deperbulehkoh bageke, ulehnyyo ake hopi endok deperhambokoh uleh apo pun.
\v 13 Makonon untok porot, nga porot untok makonon, hambok Allah nak membinasokoh kedua-duanye. Badan bukonlah untok perjinahon, meloenkoh untok Tuhan, ngan Tuhan untok badan.

\v 14 Allah membangketkoh Tuhan ngan jugo na membangketkoh kite uleh kuasonye.
\v 15 Apekah kowe hopi tahukoh behuwa badenme adolah anggota-anggota Kristus? Apokeh ake nak, ngambek anggota-anggota Krisus nan menjedikoh mika angota-anggota pelacur? samo sekali hopi!

\v 16 Apekah kowe hopi tahuko behuwe urang nyo mengobatkoh dirinye dengan pelajur menjdei siko badan ngannye? Sabab, enye boek, “keduanye nak, menjedi sikok degeng”
\v 17 Ulehnyo hambok, urang nyo mengobatkoh diri dengan Tuhan menjdei siko Roh ngan Nye.

\v 18 Jouhilah perzinaon! setiap doso loen nyo seseurang lakuko adolah deluor badannye, hambok urang nyo berzinah, bedoso tehadop badannye dewek.

\v 19 Apekah kowe hopi tahuo behuwa badanme adolah baik Roh kudus, nyo ado de delom kowe, nyo kou terimo deri Allah, ngan behwa dirime bukonlah milekme dewek?
\v 20 Sabab kowe lah detobus ngan rego lunas. Ulehnyo iye, muliakolah Allah ngan badanme!

\c 7
\cl Pasal 7
\s (Nasehat Mengenai Perkawenon)
\p
\v 1 Kinie mengenai, hal-hal nyo kou tules kepadoke, adolah beik bage jenton-jenton untok hopi merabo betina.
\v 2 Hambok, ulehnyo adonye perzinahon, setiap jenton-jenton sebeiknye mempunyoi bininyo dewek ngan setiap betina mempunyoi laknyo dewek.

\v 3 Lakinye harus memonohi kewajebonnyoe tehadop bininye, pula bini tehadop lakinye
\v 4 Bini hopi bekuaso pucok badannyo dewek, meloenkoh lakinyo. Begitu pula laki hopi bekuaso pucok bdannyo dewek, meloenkoh bininyo.

\v 5 Jengonlah kowe saleng menjouhi, kecuali ngan persetujuon besamo untok sementaro waktu empoknyo kowe leluaso memborikoh waktume untok bedoa. Kemudion, hidoplah besamo-samo lagi emoknyo beles hopi menandengi dirime ulenyo kehopi mampuon delom pengendalion diri.
\v 6 Hambok ake mboekko nie sebagai kelunggoron, bukon sebagai perintah.
\v 7 Ake beharop segelo urang upah dirike, ulehyo hambok, setiap urang memeleki karunianyo dewek deri Allah, nyo seurang delom hal nie ngan nyo loen delom hal iye.

\v 8 kenempat nyo hopi kawen ngan para jendo, ake boeko behwa lobeh bei bage mika jiko tetap delom keadoon upah ake.
\v 9 Ulenyo hambok, jiko mike hopi paco mengedaliko diri, sebaliknye mike kawen. Sabab, lobeh beik kawen deri pado tetunu uleh hawo nafsu.

\v 10 Kenempat nyo kawin, ake borikoh perintah-perintah nie (bukon deri aku, meloenko deri Tuhan), yaitu bini hopi boleh meninggalko lakinyo,
\v 11 (Hambok jiko nye sodah telanjor meninggalkoh lakinye, enye harus tetap hopi kawen, atau belek dedamaiko ngan lakinyo), ngan laki hopi buleh menceraikoh bininye.

\v 12 Kenempatnyo selobehnyo, ake mbokko (ake, bukon Tuhan), behwa kalau ado dolor mempunyoi bini nyo hopi pecayo, ngan betina iye endok hidop besamonye, jengnlah enye menceraiko bininyo iye.
\v 13 Begitu pula jiko seurang betina mempunyoi laki nyo hopi pecayo, ngan jenton-jenton iye endok hidop besamonye, jengonlah enye meninggalkoh lakinyo iye.
\v 14 Ulehnyo lakinyo hopi pecayo iye dekudusko uleh bininyo, ngan bini nyo hopi pecayo dekduskoh uleh lakinyo. Jiko hopi demikion, anak-anakme adolah anak-anak najes, hambok kinie mike kudos.

\v 15 Hambok, jiko nyo hopi pecayo iye endok bepisah, biarkolah enye berpisah. Delom hal upah nie, dolor atau dolor hopi lagi tekobot ulehnyo hambok, Allah sodah mantou kite untok hidop delom damai sejahterra.
\v 16 Ulehnyo hai bini, upahmone kowe tahukoh muye kowe nak menyelamatkoh lakime? atau upah monekah kowe tahuko, hai laki, muye kowe nak meyelamatkoh binime? tetap delom keadon tekalo depantou Allah.

\v 17 Hambok, upah nyo lah Tuhan tetapkoh untok segelo urang, sebagaimone Allah lah manto mike maseng-maseng, tetaplah hidop delom keadoon demikion, demikon pUla ake serakoh ngn segelo jemaat.
\v 18 Apekoh ado urang nyo depantou ketiko enye sodah desunat? Jengonlah enye nyegaweko tando sunatnye. Adokah urang nyo ketik depantou enye bolom besunat? Jengonlah enye desunat.
\v 19 Sabab, besunat ataupon hopi besnat, hopilah penteng. Hambok, nyo penteng adolah ketaaton tehadop peyerah-peyerah Allah.

\v 20 Setiap urang harus tinggal delom keadaon upah ketiko enye depantou.
\v 21 Apekah kowe seurang budak ketiko depantou? jengon kowe mengutarako hal iye. Hambok jiko kowe jugo depot menjedi urang nyo merdeka, lobeh beik gunakohlah kesempaton iye.
\v 22 Sabab enye nyo ketio depantou delom Tuhan adolah budak enye adolah urang merdeka melek Tuhan. Demikon jugo, ketiko urang merdeka depantou, enye adolah budak Kristus.
\v 23 Kowelah detobus dengan rega lunas, ulehnyo iye jengonlah kowe menjdei budak mendesio.
\v 24 Dolor-dolor, hendaklah setipa urang tetap tinggal besamo Allah, delom keadaon ketio enye depantou.

\s (Nasehat Bage Urang nyo Bolum Kawen)
\v 25 Kinie tentang urang-urang nyo bolom pernah kawen, ake hopi mempunyoi perintah deri Tuhan. Ulehnyo hambok, ake mboriko pendepotkeh sebagai urang, nyo uleh belas Kasehon Tuhan, depot depecayo.
\v 26 Ake mengagap hal nie beik delom keadaon sulet saat nie, yaitu lobeh beik bage seseurang untok tetap tinggal upah ape adonyo.

\v 27 Apekah kowe tekobot ngan surang bini? Jengonlah meusahakoh perceraion, apekoh kowe bolom tekobot ngan bini? Jengonlah kowe delok bini.
\v 28 Hambok, muye kowe kawen, kowe hopi bedoso. Ngan, muye seurang gedes kawen, enye hopi bedoso. Hambok ulehnyo, mike nyo kawen akan mengalami kesuleton-kesuleton hidop deniawi, ngan ake ando kowe tehindar deri hal-hal iye.

\v 29 Dolor-dolor, maksodke adolah wakwaktunyo sodah singkot. Jedi mulai kinie, biarlah mika nyo mempunyoi bini, hidoplah seolah-olah mike hopi mempunyoinye.
\v 30 Mike nyo meartop seolah-olah hopi meratop, mika nyo besukacito seolah-olah hopi besukacito, mike nyo mbol seolah-olah memelekinye.
\v 31 Ngan mika nyo menggunako hal-hal denia nie, seolah-olah hopi menggunakonye. Sabab, keadaon denia nie sedang leyap.

\v 32 Ake endok kowe bebas deri ketakoton, urang nyo hopi kawen memekerkoh hal-hal mengenai Tuhan, upahmone enye depot meyenangko Tuhan.
\v 33 Ulehnyo hambok, urang nyo kawen memekerkoh hal-hal deniawi, upahmone enye depot menyenangko bininye.
\v 34 Ngan perhationnye tebage-bage. Betina nyo hopi kawen ngan rombongon gedes menghawaterkoh ghal-hal mengenai Tuhan empokonyoenye menjedi kodos, beik badan maupon rohnye. Hambok, betinanyo kawen menghantarkoh hal-hal denia nie, upahmone enye depot meyenangkoh lakinye.

\v 35 Ake mboekkoh hal-hal untok keuntongon me dewek, bukon untok moteko jorot pucukme, meloenkoh untok hal nyo beik empoknyo pelayanonme ngan Tuhan hopi teganggu.

\v 36 Munye ado urang nyo mengagap bahwah enye sodah melakukoh hal nyo hopi pantas tehadop gedesnye, biarlah enyo melakukoh ape nyo deendokonye, enye hopu bedoso, biarlah mike kawen.
\v 37 Hambok, enye nyo sodah mantap delom hatinye, hopi sedang de bewoh paksoon, memeleki kuaso pucuk kendoknyo dewek, ngan sodah memutuskoh delom hatinye untok hopu mengaweni gedesnyo iye, mengkah enye pon betindak ngan beik.
\v 38 Jedi, muye ngaweni betina iye enye bebuat bonor, hambok enye hopi mengaweni betina iye, perbuatonnye iye pon beik.

\v 39 Bini tekobot selamo lakinyo maseh hidop, hambok, munye lakinye teelek, enye bebas untok kawen ngan siape bae nyo dekehendoknye, asalko urang iye de delom Tuhan.
\v 40 Cuma hambokm, menurut pendepotkeh, enye kan lobeh beik bahagia munyeenye tetap delom keadoonny, engan menorotkeh, ake jugo menuhankoh Roh Allah.

\c 8
\cl Pasal 8
\s (Makonon nyo Depersembahko kepado Berhela)
\p
\v 1 Kinie, mengenai deging-deging nyo depersembahko kenempat behelo-behelo. Kite tahuko bahwah kite segelo mempunyoi pengetahuon. Pengetahuon membiken sombong, hambok kaseh membengun.
\v 2 Munye ado urang nyo mengiro bahwah enye tahuko sesuatu, enye bolom mengetahui nyo seharusnye enye tahuko.
\v 3 Hambok, munye seseurang mengasehi Allah, enye dekenal uleh Allah.

\v 4 Ulehnyo iye, tentang makonon degeng-degeng nyo depersembahko keempat behelo, kite tahuko behawa hopi ado behelo dedenia nie, ngan hopi ado allah kecuali Enye, sikok-sikonye.
\v 5 Hambok muye pon ado nyo desobot allah -allah beik de surga maupon de denian (sebagai mone ado “allah” ngan ado neman “tuhan”),
\v 6 Tetapi bege kite hanyo ado siko Allah, yaitu Bepa Deri Enyelah segelo sesuatu ngan kite ado untok ENye. Ngan, hanyo ado sikok Tuhan, yaitu Kristus Yesus, nyo ulehnye segelo sesuatu ado, ngan kite ado melalui Enye.

\v 7 Walapun upah iye, hopi segelo mendesio menuhankoh pengetahuon nie. Hambok, beberape urang, nyo sodah tebiaso ngan behelo sampoi kinie, memakon makonon iye sebagoi makanon nyo depersembahko kepodo behelo. Ulehnyo iye hati nurani mike nyo lemah menjedi tecemar.

\v 8 Makonon hopi kan memarokkoh kite kenempat Allah. Kite jugo hopi kan lobeh borok muye hopi makon, atau hopi jugo lobeh beik muye kite makon.
\v 9 Hambok ingotlah bahwah kebebasonme nie jengon malah menjedi betu ketakoton bage mike nyo lemah.
\v 10 Ulehnyo, muye ado urang nyo ngelek kowe, nyo mempunyoi pengetahuon, makon deom kuil behelo, bukonkah hati nuraninye, munye enye lemah, kan de tegukoh untok makon degeng-degeng nyo de persembahko kenempat behelo?

\v 11 Jedi, melalui pengetahuonme, urang nyo lemah iye, yaitu delomme, nyo untok nye Kristus lah mati, menjedi binaso.
\v 12 Jedi ngan bedoso tehadop dolordolor seimanme ngan melukai hati nuraninye nyo lemah, mengkah kowe bedoso tehadop Kristus.
\v 13 Ulenyo iye, muye makon meyebabkoh dolor seimanke ketakoton, ake hopi kan pernah makon degeng sampoi selamo-lamonye empoknyo ake hopi mbuat dolorke ketakoton.

\c 9
\cl Pasal 9
\s (Hak-hak Seurang rasul)
\p
\v 1 Bukonkah ake urang bebas? Bukonkah ake adolah rasul? Bukonkah ake sodah ngoleh Yesus, Tuhan kite? Bukonkah kowe adolah hasel gaweoanke delom Tuhan?
\v 2 Munye bage urang loin ake bukon rasul, paleng hopi ake adolah rasul bageme. Sabab, kowe adolah meterai kerasulanke delom Tuhan.

\v 3 Nielah pembelaonke terhadop mike nyo nak memerikso ake.
\v 4 Apekah kami hopi ado hak untok makon ngan minom?
\v 5 Apekah kami hopi ado hak untok ngunda serta seurang bini nyo seiman, samo upa rasul-rasul nyo loin, dolor-dolor Tuhan, ngan jugo Kefas?
\v 6 Atau, Apekah hanyo Barnabas ngan ake nyo hopi ado hak untok hopi begawe?

\v 7 Siapekah nyo perenah mengabdi sebagoi tentara ngan biayanyo dewek? Siapekah nyo menandori kbon anggur ngan hopi memakon buahnye? Atau, siapekah nyo menggembalako ternak ngan hopi meminom susunye?
\v 8 Apekah ake boekko hal-hal nie menurut mendesio? Bukonkah Hukom Taurat jugo boekko hal-hal nyo samo?

\v 9 Sabab, ado tetoles delom hukom Taurat Musa, “jengonlah kou memberangos lembu nyo sedang mengirik gandum!” Apekah lembu nyo sedang Allah perhatiko?
\v 10 Atau, apekah Enye boekkonye demi kite? Ao, demi kitelah hal iye detoles ulenyo nyo membajak haros membajak delom pengharapon ngan nyo mengirek haros mengirek delom pengharapon untok mendepotko bageonnye.
\v 11 Munye kami nyemborko beneh rohani de antaro kou, apekah belobihon munye kami jugo menuoi hal-hal materi deri kou?

\v 12 Munye urang loin mempunyoi hak nie atas kowe, bukonkah kamie lobih berhak lagi? Meskipon demikion, kami hopi menggunako hak iye. sebeleknye, kamie menanggung segelo sesuatu empoknyo kamie hopi memboriko suatu halangon bage Injil Kristus.
\v 13 Apkah kou hopi tahuko behwo mika nyo gaweko hal-hal nyo kudus iye, makon makonon deri Bait Allah jugo? Ngan, mika nyo melayoni de altar mendepot bageon deri kurban persembahon iye?
\v 14 Demikion jugo, Tuhan memerentahko mika nyo memberitako Injil untok hidop deri Injil jugo.

\v 15 Hambok, ake hopi pernah memakoi sikok pon deri hak-hak nie. Ngan ake hopi menolesko hal-hal nie empoknyo delakuko upa iye kepodoke. Sabab, lobeh beik ake teelek deripode seseurang mempiadoko kebanggaonke.
\v 16 Ulenyo, munye ake memberitako Injil, ake hopi memiliki alason untok bemegah ulenyo kewajibon iye ado ataske. Celakolah ake, munye ake hopi memberitako Injil.

\v 17 Munye ake memberitako Injil ulenyo kendokke dewek, ake mempunyoi upah. Hambok, munye nie bukon kendokke, nie adolah tugas nyo depecayoko kepodoke.
\v 18 Munye upa iye, apekah upahke? Upahke adolah tekalo ake memberitako Injil, ake buleh memberitako Injil tanpo upah ngan hopi menyalohgunako hakke delom Injil

\v 19 Hambok, bego ake bebas atos segelo urang, ake menjediko dirike dewek hambo bage segelo urang empoknyo ake buleh memenangko lobeh lobot lagi.
\v 20 Bage urang Yahudi, ake menjedi upa urang Yahudi empoknyo ake depot memenangko urang Yahudi. Bage urang nyo hidop de bewoh Hukom Torat, ake menjedi upa urang nyo hidop de bewoh Hukom Torat (meskipon ake dewek hopi de bewoh hukom Torat) empoknyo ake depot memenangko mika nyo ado de bewoh Hukom Torat

\v 21 Bage mika nyo tanpo Hukom Torat, ake menjedi upa tanpo hukom Torat (bukonnye tanpo hukom Allah, hambok de bewoh hukom Kristus) empoknye ake depot memenangko mika nyo tanpo Hukom Torat.
\v 22 Bage urang nyo lamah, ake menjedi lamah empoknye ake depot memenangko mika nyo lamah. Ake sodah menjedi segelo sesuatu bage segelo urang empoknyo ngan segelo caro ake depot menyelamatko beberape urang.
\v 23 Ake melakuko segelo nie demi Injil empoknyo ake buleh mendepot bageon de delomnye.

\v 24 Hopi tahuko kou behwo mika nyo belari delom suatu pertandengon segelonye belari, cuma hanyo sikok nyo nerimo hadiah? Jedi belarilah sedemikion empoknyo kou mendepotkonye!
\v 25 Setiap urang nyo betandeng belateh menguasoi diri delom segelo hal. Mika melakukonye untok nerimo mahkota nyo fana, hambok kite untok mendepotko nyo abadi.
\v 26 Sabab iye, ake hopi belari upa iye tanpo tujuon. Ake hopi meninju upa urang nyo meninju angen.
\v 27 Hambok, ake melateh badanke ngan karas ngan menguasoinye empoknyo sesodah ake memberitako Injil kepodo urang loin, ake dewek hopi detolak.

\c 10
\cl Pasal 10
\s (Belajor jak kesalahon Israel)
\p
\v 1 Sabab, ake hopi endok kou hopi mengetahuinye, dolor-dolor, behwo para nenek puyang kite, segeloye ado de bewoh awan ngan segelonye melewati lout.
\v 2 Mika segelo debaptis delom Musa, de delom awan ngan de delom lout.
\v 3 Mika segelo makon makonon rohani nyo samo,
\v 4 ngan segelonye minom minumon rohani nyo samo. Sabab, mika minom deri Betu rohani nyo milu besamo mika, ngan Betu iye adolah Kristus.

\v 5 Meskipon demikion, Allah hopi bekenan ngan sebageon godong deri mika. Ulenyo iye, mika detewasko de padang belantara.
\v 6 Kinie, hal-hal nie de jediko contoh bage kite empoknyo kite hopi menjedi urang nyo bekehendok jahat sebagoimone mika mengendokkonye.

\v 7 Jengon menjedi penyembah berhelo upa beberape deri mika, upa nyo tetoles, “Bengeso iye duduk untok makon ngan minom, lalu jego untok begurou.”
\v 8 Jengon kite melakuko perzinahon upa nyo delakuko beberape deri mika sehinggo 23 ribu urang teelek delom sehari.

\v 9 Kite jugo hopi buleh mencuboi Tuhan, upamone beberape deri mika jugo mencuboi ngan debinasako uleh ulor-ulor.
\v 10 Jengon jugo besungut-sungut upamone mika jugo besungut-sungut ngan debinasoko uleh melekat maot.

\v 11 Hal-hal nie terjedi atas mika sebagoi contoh ngan detulisko sebagoi peringaton bage kite, nyo kepodo siape akher zaman lah njongok.
\v 12 Ulenyo iye, biarlah urang nyo menyangko munye dirinye toguh togok waspado empoknyo nye hopi titek!
\v 13 Hopi ado pencobaon nyo perenah menimpame kecuali pencobaon nyo biaso bage mendesio. Ngan, Allah adolah setia, Enye hopi nak membiarko kou decuboi melobihi kemampuonme. Hamboknyo, besamo ngan pencubaon iye, Enye jugo nak menyediako jelon keluor empoknyo kou depot menanggungnye.

\v 14 Ulenyo iye, dolor-dolorke nyo kekaseh, jouhkoleh dirime deri penyembahon behelo.
\v 15 Ake boek upa ngan urang-urang nyo bijaksana, pertimbangkolah ape nyo kuboekko.
\v 16 Bukonkah cawan berkat nyo kite syukuri iye adolah persekutuon delom deroh Kristus? Ngan, bukonkah roti nyo kite pecahko iye adolah persekutuon delom badan Kristus?
\v 17 ulenyo ado sikok roti, mengka kito nyo neman nie adolah sikok badan; ulenyo kite segelo menjedi bageon deri sikok roti iye.

\v 18 Perhatikolah urang-urang israel, bukonkah mika nyo makon persembahon ngambek bageon delom altar?
\v 19 Jedi, apekah maksudke? Apekah makanon nyo depersembahko kepodo berhelo adolah sesuatu? Atau, apekah berhelo adolah sesuatu?

\v 20 Hopi. Ake memboeko kepodome bahwa hal-hal nyo bengso-bengso loen korbanko, mike mengorbankonye untok roh-roh jahat, bukon untok Allah. Ngan, ake hpi endok kowe besekutu ngan roh-roh jahat.
\v 21 kowe hopi boleh minom cawan Tuhanngan jugo cawan roh-roh jahat. Kowe hopi pocok menjedi bageon deri jamuon Tuhan ngan jamuon roh-roh jahat.
\v 22 Apo, apokah kite membangketko kecemburuon Tuhan? Apokah kito lobeh kuat deri pado enyo? Hidop untok Memuliako Allah

\v 23 “Segelo sesuatu deperbulehko,” cuma hopi segelonye beguna. “Segelo sesuatu deperbulehko,” cuma hopi segelonnye membengun.
\v 24 Jengon ado sikok pon nyo ndelok kebeikon untok diri dewek, meloenko kebeikon urang loen.

\v 25 Makonlah apo bae nyo dejual de pasar degeng tanpo memeriksonye, demi hati nurani.
\v 26 Ulenyo, bumi ngan segelo isinye adolah melek tuhan.
\v 27 Munye seseurang nyo bolom pecayo mengundangme ngan kowe untok lari, makonlah apo bae nyo depotekko de hadoponme tanpo memeriksonye, deri hati nurani.

\v 28 Hambok, munye ado urang boek kepodome, “Makonon nie lah depersembahko kepodo berhala,” jengon kou makon, demi urang nyo membori tahumu iye ngan demi hati nurani.
\v 29 Maksodke, bukon demi hati nuranime dewek, cuma hati nurani urang loen. Mengka kebebasonke detentuko uleh hati nurani urang loen?
\v 30 Munye ake mengambek bageonke ngan ucapon syukur, mengka ake desalohko uleh makonon nyo pocoknye ake mengucapko syukor?

\v 31 Jedi, entah kou makon apo minom, atau apo bae nyo kou lakukoh, lakukolah segelonyo iye untok kemuliaon Allah.
\v 32 Jengon membuat urang tepantok, beik urang Yahudi, urang Yunani, maupon Jemaaat Allah,
\v 33 upa ake jugo delom segelo hal menyenangko segelo urang, tanpa mendelok keuntongonku dewek, cuma keuntongon untok urang lobot empoknyo rombongon depot deselamatko.

\c 11
\cl Pasal 11
\p
\v 1 Jedilah urang-urang nyo menoroti teladanke, upa aku jugo terhadop Kristus. Tando Kekuasoon
\v 2 Kinie, ake memujime uleh kowe mengingotko delom segelo hal ngan bepogong tradisi-tradisi upa nyo kusampoiko kepodome.
\v 3 Hambok, ake endok kowe mengereti bahwa kepalo setiap jenton-jenton adolah Kristus, kepalo betina adolah jenton-jenton, ngan kepalo Kristus adolah Allah.
\v 4 Setiap jenton-jenton nyo bedoa ngan benubuat ngan kepalo nyo betodong, hopi menghormati kepalonye.

\v 5 Hambok, setiap betina nyo bedoa apo bernubuat ngan kepalo nyo hopi betodong, mehino kepalonye, hal iye samo upa mnye kepalonye decokor.
\v 6 Sabab, munye urang betina hopi menodongi kepalonye, biarlah ye jugo menoto segelo rambotnye. Hambok, munye memaluko bage seurang betina menotok rampot apo mencokor kepalonnye, biarlah ye menodongi kepalonye.

\v 7 Jenton-jenton hopi pacok menodongi kepalonnye ulenyo ye adolah gambaron ngan kemuliaon Allah. Hambok, betina adolah kemuliaon jenton-jenton.
\v 8 Jenton-jenton hopi berasal deri betina, cuma betina berasal deri jenton-jenton.

\v 9 Ngan, jenton-jenton hopi deciptako untok betina, cuma betina untok jenton-jenton.
\v 10 Iyelah sababnye, betina haros memeleki tando kekuasoon de kepalonye ulenyo para malaekat.

\v 11 Hambok, demikion, delom Tuhan hopi ado betina tanpo jenton-jenton, apo jenton-jenton tanpo betina.
\v 12 Sabab, betina berasal deri jenton-jenton, upaiyoy jugo jenton-jenton laher melalui betina. Ngan, segelo sesuatu berasal deri Allah.

\v 13 Pertimbangkolah dewek, apolah pantas bage seurang betina untok bedoa kepodo Allah ngan kepalo nyo hopi betodong?
\v 14 Bukonkah alam dewek mengajorko kepodome bahwa munye jenton-jenton memeleki rambot panjong, hal iye merupakoh kehinaon bagennye?
\v 15 Hambok, munye betina memeleki rambot panjong, hal iye adolah kemuliaon bagennye: Sabab, rambotnyo iye deboriko kepodonye sebagai penodong.
\v 16 Munye ado urang nyo lagi endok membantah, kami hopi memeleki kebiasoon iye, demikion jugo jemaat Tuhan. Hal-Hal nyo saloh delom Perjamuon Kudus

\v 17 Delom memboriko perintah nie, ake hopi memujime uleh kowe bekompol bukon untok hal nyo lobeh beik, cuma untok hal nyo lobeh borok.
\v 18 Pertamo, tekalo kowe bekompol sebagai jemaat, ake mendongor bahwa ado pepacahon de antaro kowe. Ngan, ake memercayoinye sebageon.
\v 19 Sabab, haros ado pepacahon de antaro kowe empoknyo mike nyo tebukti tahan uji menjedi jelas de antaro kowe.

\v 20 Tekalo kowe bekompol de suatu tempat nyo samo, hal iye bukonlah untok makon perjamuon Tuhan.
\v 21 Ulenyo tekaloh makon, setiap urang mengambek telobeh dehulu makononyo dewek empoknyo ado nyo kelaporon ngan nyo loennye mabok.
\v 22 Apo kowe hopi ado rumah untok makon ngan minom? Apo, apokah kowe mehino jemaat Allah ngan mempermaluko rombongon nyo hopi ado apo-apo? Apo nyo haros kuboekko podome? Haroskah ake memujime? Tentu bae hopi!

\v 23 Ulenyo, ake menerimo deri Tuhan ape nyo jugo aku serahko kepodome, bahwa Tuhan Yesus, pado malom tekalo Ye dehianati, mengambek roti,
\v 24 ngan setelah mengucap syukor, Ye memacah-macahkonnye ngan boek, “Nielah badan-Ke, nyo adolah untokme; lakukolah menjedi peringoton akan ake.”

\v 25 Demikion jugo, Ye mengambek cawan sesodah makon mengka boek, “cawan nie adolah perjenjion beheru nyo delom deroh-Ke. Perbuatlah nie, setiap kali kowe meminomnye, menjedi peringoton kan Ake.”
\v 26 Sabab, setiap kali kowe makon roti nie ngan minom cawan nie, kowe memberitako kemation Tuhan sampoi Nye njongo.

\v 27 Ulenyo iye, siape nyo makon roti apo minom cawan Tuhan ngan caro nyo hopi layak, ye besalo terhadop badan ngan deroh Tuhan.
\v 28 Mendesio haros menguji dirinye dewek, ngan demikian biarlah ye makon roti ngan minom deri cawan iye.
\v 29 Sabab, urang nyo makon ngan minom tanpo mengakui badan Tuhan, ye menjongoko hokomon pocok dirinye.
\v 30 Iyelah sebebabnye, mengka lobot deantaro kowe nyo lamah ngan domom nyo teelek.

\v 31 Hambok, munye kite menilai diri kite dewek ngan bonor, kite hopi nak dehokom.
\v 32 Hambok, tekalo kite dehokom, kite dededek uleh Tuhan empoknyo kite hopi dehokom besamo-samo ngan dunia.

\v 33 Jedi, Dolor-dolorke, tekalo kowe bekompol untok makon, saleng menunggulah.
\v 34 Munye ado urang nyo kelaporon, beiklah nye makon dehulu de rumahnye empoknyo jengon kowe bekompol untok penghakemon. Ngan, hal-hal loen nak aku ator tekalo ake jongo.

\c 12
\cl Pasal 12
\s (Karunia-karunia jak Roh Kudus)
\p
\v 1 Kinie karunia-karunia rohani, Dolor-dolor, ake hopi endok kowe hopi mengetahuinye.
\v 2 Kowe tahuko bahwa tekalo kowe lagi menjedi urang-urang nyo bolom mengenal Allah, kowe desosotko kepodo berhelo bisu, sebagaimone kowe depempen.
\v 3 Ulenyo iye, ake melabehko kepodome bahwa hopi sikok pon, nyo boek, uleh roh Allah, nyo boek, “Yesus terkotok,” ngan hopi ado sikok pon nyo depot boek, “Yesus adolah Tuhan,” seloen uleh roh kudus.

\v 4 Ado bebage karunia rohani, cuma Rohnye samo.
\v 5 Ngan, ado bebage pelayanon, cuma Tuhanye samo.
\v 6 Ado bebage gaweon, cuma Allah nyo samo nyo gaweko segelo sesuatunye delom segelo urang.

\v 7 Kepodo tiap-tiap urang dekaruniako penyataon Roh untok kebeikon besamo.
\v 8 Kepodo nyo sikok deboriko Kato-kato hikmat melalui Roh ngan kepodo nyo loen kato-kato pengetahuon uleh Roh nyo samo.

\v 9 Kepodo nyo loen deboriko iman uleh Roh nyo samo, kepodo nyo loen karunia-karunia penyembohon uleh Roh nyo sikok iye.
\v 10 Kepodo nyo loen deboriko gaweon-gaweon mukzizat, ngan nyo loen nubuaton. Kepodo nyo loen deboriko kemampuon untok membedako roh-roh, kepodo nyo loen bebagai macam beheso lidah, ngan nyo loen mengartiko beheso-beheso lidah iye.
\v 11 Segelonyo nie degaweko uleh Roh nyo sikok ngan nyo samo, nyo membage kepodo maseng-maseng urang, upah nyo Nye kehendoki.

\s (Setiap Urang Pecayo adolah Bageon jak Badan Kristus)
\v 12 Samo upa badan adolah sikok, cuma mempunyoi neman anggota, ngan segelo anggota badan, walaupon neman, adolah sikok badan, upaiyoy pula Kristus.
\v 13 Sabab, uleh sikok Roh, kite segeloh lah debabtes ke delom sikok badan, beik urang Yahudi maupon orang Yunani, beik budak maupon urang merdeka, ngan kite segelo debori minom deri sikok Roh.

\v 14 Ulenyo badan hopi togok deri sikok anggota, cuma neman anggota.
\v 15 Munye kaki boek, “ulehnyo bukon tangon, jedi ake bukon bageon deri badan,” hopi berarti nye bukon bageon badan.
\v 16 Ngan, munye telinga boek, “Ulenyo ake bukon mato, ake bukon anggota badan,” hopi berarti nye bukon bageon badan.
\v 17 Munye segelo badan adolah mato, demonelah pendongoron? Munye segelonye adolah telinga, demonelah penciomon?

\v 18 Hambok, kinie Allah lah menempatko anggota-anggota iye, setiap urang deri mike, de delom badan, sebagaimone nyo Ye kehendoki.
\v 19 Munye segelonye adolah sikok anggota, demonelah badan?
\v 20 Jedi, memang ado neman anggota, cuma anyo sikok badan.

\v 21 Sabab iye, mato hopi pacok boek kepodo tangon, “Ake hopi membotohkome!” Apo lagi, kepalo kepodo kaki, “Ake hopi membotohkome!”
\v 22 Sebeleknye, anggota-anggota badan nyo tampaknye lobeh lamah sebonornye nyo paleng debotohko.
\v 23 Ngan, anggota-anggota badan kito peker kurang tehormat, justru borikolah penghormaton lobeh. Ngan, anggota-anggota badan, nyo kito anggap kurang layak tampel, haros debuat untok lobeh layak tampel,
\v 24 Ulenyo bageon-bageon nyo sodah layak tampel hopi memerelukonye. Hambok, Allah lah mengator badan iye ngan memboriko penghormaton lobeh godong kepodo anggota-anggota nyo kekurangon,

\v 25 empoknyo hopi ado pepecahon delom badan, meloenko empoknyo anggota-anggota iye depot memperhatiko sikok ngan nyo loen.
\v 26 Munye sikok anggota menderita, segelo anggota menderita besamonye. Munye sikok anggota demuliako, segelo anggota besukacita besamonye.
\v 27 Kinie kowe adolah badan Kristus ngan kowe maseng-maseng adolah anggota-anggotanye.

\v 28 Allah lah menetapko delom jemaat, pertamo adolah para rasul, kedua adolah para nabi, ketiga adolah para guru, kemudion mukzizat, karunia-karunia penyembahon, pertolungon, kepemempenon, ngan berbagai-bagai beheso.
\v 29 Apokah segelonye rasul? Apokah segelonye nabi? Apokah segelonye guru? Apokah segelonye adolah pembuat mukjizat?

\v 30 Apokah segelonye memeleki karunia penyembohon? Apokah segelonye boek ngan beheso-beheso? Apokah segelonye mengartiko?
\v 31 Hambok, endokolah ngan songgoh-songgoh karunia-karunia nyo sajo godong. Ngan, ake nak menonjoko kepodome jelon nyo jouh lobeh beik.

\c 13
\cl Pasal 13
\s (Kaseh)
\p
\v 1 Munye ake depot boek delom beheso-beheso mendesio ngan para melekat, cuma hopi mempunyoi kaseh, ake adolah gong nyo boek ngan canang nyo gemeronceng.
\v 2 Munye ake mempunyoi karunia benubuat ngan mengetahui segelo resio ngan segelo pengetahuon, ngan munye ake menuhani segelo iman untok memendahko gunong-gunong, cuma hopi mempunyoi kaseh, ake bukonlah apo-apo.
\v 3 Munye ake memboriko makon kepodo urang mesken, ngan menyerahko badanke untok detunuh, cuma hopi mempunyoi kaseh, kekecikon pon hopi ado gunanyo bageke.

\v 4 Kaseh iye besabar bemurah hati, kaseh iye hopi cemburu, hopi memegahko diri, ngan hopi sombong,
\v 5 hopi melakuko nyo hopi pantas, hopi ndelok kepentengon diri dewek, hopi mudah bemarah, hopi memperhitongko kesalohon urang loen.
\v 6 hopi besukacita pocok kehopibonoron, meloenko besukacita besamo kebonoron.
\v 7 Kaseh iye tahan menanggong segelo sesuatu, mempecayoi segelo sesuatu, mengharopko segelo sesustu, ngan sabar mnanggong segelo sesuatu.

\v 8 Kaseh hopi perenah beakher. Hambok, munye ado nubuat-nubuaton, cuma detiadoko; munye ado beheso-beheso, nak dehentiko; ngan munye ado pengetahuon, nak delenyapko.
\v 9 Sabab, kite mengetahui sebageon bae ngan kite benubuat sebageon bae.
\v 10 Hambok, ketika nyo sempurna sampoi, nyo sebageon iye nak delenyapko.

\v 11 Ketika ake budak-budak, ake boek upa budak-budak, ake bepeker upa budak-budak, ngan mehitong-hitong upa budak budak-budak. Ketika ake menjedi dewasa, ake meninggalko hal-hal nyo budak-budak iye.
\v 12 Ulenyo kinie kite nglkdelom kaco secaro samar-samar, cuma kemudion moka ngan moka. Kinie, kinie ake anyo mengenal sebageon, cuma kemudion ake nak mengenal seponoh nye, upa ake jugo lah dekenal seponohnye.
\v 13 Jedi, kinie ketiga hal nie nyo tetap tinggal, yaitu iman, pengharopon, ngan kaseh; cuma nyo godong deri ketiganye adolah kaseh.

\c 14
\cl Pasal 14
\s (Nubuat ngan Beheso Lidah)
\p
\v 1 Kejarlah kaseh ngan endokolah ngan songgoh-songgoh karunia-karunia ngan rohani, terutamo empoknyo kowe depot benubuat.
\v 2 Sabab, siape nyo boek delom beheso lidah, hopi boek kepodo mendesio, cuma kepodo Allah; ulenyo hopi ado urang nyo mengerti, cuma ye memboeko hal-hal nyo resio delom roh.
\v 3 Hambok, urang nyo benubuat boek kepodo mendesio untokmembengun, nasehat, ngan penghiboron.
\v 4 Urang-urang nyo boek delom beheso lidah membengun dirinyo dewek, cuma urang nyo benubuat membengun jemaat.

\v 5 Ake beharop kowe segelo boek delom beheso-beheso lidah, cuma telobeh lagi empoknyo kowe benubuat. Urang nyo benubuat lobeh godong deri pado urang nyo boek delom beheso lidah, kecuali munye enye jugo mengartikonye sehingga jemaat depot nerimo penogohon.
\v 6 Dolor-dolorke, munye ake jongok ngan kowe ngan boek delom beheso-beheso roh, ape untongnnye bageme, kecuali munye ake boek kepodome ngan penyataaon, pengetahuon, nubuaton, apo pengajoron?

\v 7 Bahkan barang-barang nyo hopi benyawo, upa soleng apo kecapi nyo mengeluorko bunyi, munye hopi mengeluorko perbedaon delom pemboekonye, upa mone urang depot mengetahui alat ape nyo edang demoenko, soleng apo kecapi?
\v 8 Apo, munye terompet mengeluorko suaro nyo hopi jelas, siapolah nyo nak mempersiapko diri untok beperang?
\v 9 Demikan jugo kowe. Munye ngan lidahme, kowe mengucapko kato-kato nyo hopi depot demengerti, upa mone urang tahu ape deboeko? Seolah-olah kowe boek kepodo udara.

\v 10 Mongken ado begitu lobot jenis beheso de dunia ngan hopi sikok pon deri podonye nyo hopi bemakna.
\v 11 Hambok, munye ake hopi tahu arti beheso iye, ake nak menjedi urang aseng bage enye nyo boek, ngan urang nyo boek iye menjedi urang aseng bageke.

\v 12 Demikian jugo kowe, ulenyo kowe songgoh-songgoh beusaha untok karunia-karunia rohani, beusahalah empoknyo bekelimpahon untok membengun jemaat.
\v 13 Ulenyo iye, hendoklah urang nyo boek delom beheso lidah bedoa empoknyo enye depot mengertikonye.
\v 14 Sabab, munye ake bedoa delom beheso lidah, roh ke bedoa, cuma pekeronke hopi bebuah.

\v 15 Jedi, apokah nyo haros ake lakuko? Ake nak bedoa ngan roh ke ngan ake jugo nak bedoa ngan pekeronke. Ake nak benyanyi ngan rohke ngan ake jugo nak benyanyi ngan pekeronke.
\v 16 Munye kowe anyo mengucap syokor ngan rohme, upah mone ngan urang, nyo ado delom posisi hopi mempunyoi karunia iye, depot boek, “Amin,” pocok ucapon syokorme iye ulenyo nye hopi ngereti ape nyo kou boeko?

\v 17 Sekalipon kowe mengucap syokor ngan beik, cuma urang loen hopi debengun.
\v 18 Ake besokor krpodo Allah bahwa ake boek delom beheso-beheso lidah lobeh deri kowe segelonnye.
\v 19 Hambok, delom jemaat, ake lobeh beik boek lima kato ngan pekeronke empoknyo ake jugo depot ngejar urang loen, deri pado sepoloh kato delom beheso lidah.

\v 20 Dolor-dolor, jengon menjedi budak-budak dlom pekeronme. Jedilah budak abang delom kejahaton, cuma delom pemekeronme jedilah dewasa!
\v 21 Upah tetoles delom Hokom Taurat, “Uleh urang-urang nyo mempunyoi beheso aseng ngan uleh molot urang-urang aseng, Ake nak boek kepodo bengeso nie, cuma mike hopi nak mendongorko Ake, firman Tuhan.”

\v 22 Jedi Beheso-beheso lidah adolah tando, bukon untok urang nyo pecayo, cuma untok urang nyo hopi pecayo, sedangko bernubuat adolah tando, bukon untok urang nyo hopi pecayo, cuma untok urang nyo pecayo.
\v 23 Munye segelo jemaat bekompol besamo delom suatu deman, ngan segelonye boek ngan beheso-beheso lidah, lalu ado urang-urang nyo hopi mengereti apo urang-urang hopi pecayo masok, hopilah mike nak mboeko bahwa kowe sodah gila?

\v 24 Hambok, munye segelonye bernubuat, kemudion ado urang nyo hopi pecayo apo urang nyo hopi pecayo apo urang nyo hopi tereti masok, ye nak desdarko ule segelonye ngan denilai uleh segelonye.
\v 25 Resio delom hatinye nak nyato, ye nak tesongkor, ngan menyembah Allah, mengakui bahwa sesonggohnye Allah ado de antaro kowe.

\s (Atoron-Atoron delom Pertomuon Jemaat)
\v 26 Jedi, selanjotnye upamone, Dolor-dolor? Ketika kowe bekompol, maseng-maseng mempunyoi mazmur, pengajoron, penyataaon, beheso lidah, apo sebuah penafsiran. Biarlah segelo nie delakuko untok membengun.
\v 27 Munye ado nyo bebeheso lidah, biarlah anyo dua apo paleng lobot tiga urang, ngan maseng-maseng secaro begantion, ngan haros ado urang loen nyo mengartikonnye.
\v 28 Hambok, munye hopi ado nyo mengartiko, ye haros diom delom jemaat ngan biarlah nye boek kepodo dirinye dewek ngan kepodo Allah.

\v 29 Biarlah anyo dua apo tiga nabi nyo boek ngan nyo loen mempertimbangkonnye.
\v 30 Hambok, munye penyataon debuat untok urang loen nyo dodok de sane, urang nyo pertamo haros diom.

\v 31 Sabab, kowe segelo depot bernubuat dikok demi sikok, empoknyo segelonye depot belajor ngan segelonye depot dekuatko.
\v 32 Roh-roh para nabi tondok kepodo para nabi.
\v 33 Sabab, Allah bukonlah Allah deri kekacauon, meloenko damai sejahtera, samo upa delom segelo jemaat urang-urang kudus.

\v 34 Betina haros tetap diom delom jemaat ulenyo mike hopi deejenko untok boek, meloenko haros tondok seupamone Hokom taurat jugo memboekonnye.
\v 35 Munye ado sesuatu nyo endok mike pelajori, biarlah mike betanyo kepodo lakinye de rumah ulenyo adolah hal nyo memaluko bage betina untok boek delom jemaat.
\v 36 Apokah firman Allah berasal deri kowe? Apo, apokah anyo kepodome bae firman iye desampoiko?

\v 37 Munye ado nyo bepeker bahwa ye adolah seurang nabi apo urang nyo rohani, biarlah ye mengenali bahwa hal-hal nyo ake tules kepodome adolah perintah Tuhan.
\v 38 Munye ado urang nyo hopi mengenali nie ye hopi dekenali.

\v 39 Jedi, Dolor-dolorke, usahkolah ngan songgoh-songgoh untok benubuat, ngan jengon melarong urang boek delom beheso-beheso lidah.
\v 40 Hambok, segelonye haros delakukoh ngan sopan ngan teator.

\c 15
\cl Pasal 15
\s (Injil tentang Yesus Kristus)
\p
\v 1 Kinie, Dolor-dolorke, ake membori tahukoh kepodome Injil, nye ake beritahko kepodome, nyolah kou terimo, nyo dedelomnye kowe togok toguh.
\v 2 Uleh Injil iye jugo kowe deselamatko, asal kowe bepogong toguh podo firman nyo lah kuberitako kepodome, kecuali kowe pecayo ngan sia-sia.

\v 3 Ake sodah menyampoiko kepodome, pertamo-tamo nyo tepenteng, nyo jugo aku terimo bahwa Kristus mati untok doso-doso kite sesuoi ngan Kitab Suci,
\v 4 Ye sodah dekoborko, Ye debangketko podo hari ketiga sesuoi Kitab Suci,

\v 5 ngan behwa Ye lah menampakko diri-Nye kepodo nyo kedua belas iye.
\v 6 Sesodah iye, Nye menampakko diri-Nye kepodo lobeh deri lima ratos dolor-dolor sekaligus. Sebageon godong deri mike lagi hidop sampoi kini, cuma beberape lah mati.
\v 7 Lalu, Ye menampakko diri-Nye kepodo Yakobus, kemudion kepodo segelo rasul.

\v 8 Teakher, samo upa kepodo budak nyo laher sebolum waktunye, Nye jugo ngenanko diri kepodoke.
\v 9 Sabab, akelah nye tekecik deantaro rasul-rasul-Nye ngan hopi layak desobut sebagai rasul ulenyo ake menganiaya jemaat Allah

\v 10 Hambuk, ulenyo anugerah Allah, ake adolah ake nyo kinie. Ngan, anugerah-Nye kepodoke hopilah sio-sio. Ake begawe lobeh giat deripado mike segelo, cuma bukonnye ake, meloinko anugerah Allah nyo menyertaike.
\v 11 Ulehnyo iye, beik ulehku ataupun mika, demikianlah kami mengajorko ngan demikianlah kowe lah percayo.

\s (Kebangketon jak Kemation)
\v 12 Munye Kristus deberitako bangkit deri kemation, mengka beberape deantaro kowe boek bahwa hopi ado kebangkiton deri kemation?
\v 13 Munye hopi ado kebangkiton deri kemation, Kristus jugo hopi pernah debangketko.
\v 14 Ngan, munye Kristus hopi debangkitkan, sio-siolah pemberitaon kami ngan sio-siolah jugo imanme.

\v 15 Telobeh lagi, kami jugo dedepoti sebagai saksi dusta Allah ulenyo kami membori kesaksion bahwa Allah lah membangketko Kristus, nyo hopi nak debangketko-Nye, munye memang bonor urang mati hopi debangketko.
\v 16 Sabab, munye urang mati hopi debangketko, Kristus jugo hopi debangketko.
\v 17 Ngan, munye Kristus hopi debangketko, sio-siolah imanme, ngan kowe lagi maseh tepotek delom doso-dosome.

\v 18 Demikian jugo, mike nyo sodah mati delom Kristus jugo lah binaso.
\v 19 Munye pengharapon kite dedelom Kristus hanyo untuk hidop nie bae, kite adolah urang-urang nyo sajo malong deri segelo mendesio.

\v 20 Hambuk kinie, Kristus lah debangketko deri antaro urang mati, sebagai nyo buah sulung deri segelo urang pecayo nyo lah mati.
\v 21 Sabab, samo upa kemation tejedi melewati sikok urang, menga melewati sikok urang jugolah kebangkiton deri antara urang mati tejedi.

\v 22 Ulenyo delom Adam segelonye mati, demikion jugo delom Kristus segelonye nak dehidupko.
\v 23 Hambuk, tiap-tiap urang menorot urotonnye: Kristus sebagai buah sulung, setelah iye mike nyo adolah milik Kristus, podo kedetongon-Nye belek,

\v 24 kemudion sampoi kesodahannye, yaitu ketiko Nye menyerahko Kerajaon kepodo Allah Bepa, ketiko Nye lah membinasako segelo pemerintahon, segelo kekuasaon, ngan kekuaton.
\v 25 Sabab, Nye harus memerintah sampoi Allah motekko segelo musuh-Nye de bewoh kaki-Nye.
\v 26 Musuh teakher nyo nak debinasoko adolah kemation.

\v 27 Sabab, Allah lah motekko segelo sesuatu de bewoh kaki-Nye. Hambuk, ketiko deboekko bahwa segelo sesuatu lah dipotekko de bewoh-Nye, jelaslah bahwa hopi temasuk Allah dewek, nyo motekko segelo sesuatu de bewoh Kristus.
\v 28 Ketiko segelo sesuatu depotekko de bewoh Kristus, sesodah iye Anak dewek jugo nak menaklukko diri kepodo Nye, nyo menaklukko segelonye de bewoh Kristus sehingga Allah nak menjedi segelo-gelonye de delom segelonye.

\v 29 Munye hopi demikian, apekah nyo nak delakuko uileh mike nyo debaptis untuk urang yang mati? munye urang mati hopi debangketko samp sekali, lalu mengkah urang-urang membaptis bage mika?
\v 30 Ngan, mengkah kami ado delom behayo setiap waktu?

\v 31 Dolor-dolor, setiap hari ake menghadopi kemation, demi kebanggaonke delom kowe, nyo ake meleki delom Yesus Kristus, Tuhan kite.
\v 32 Secaro mendesio, apekah untungke belago ngan benatong-benatong buas de Efesus? Munye urang mati hopi debangketko, “Mayolah kite makon ngan minum ulenyo pepagie kite mati.”

\v 33 Jengonlah tetipu: “Pergaulon nyo buruk menghancurko kebiasaon-kebiasaon nyo beik.”
\v 34 Sadarlah belek ngan beik ngan jengon berbuat doso. Sabab, beberape urang hopi memiliki pengenalon akan Allah. Ake melabehko nie empuknyo kowe malu.

\s (Kebangkiton Badan Rohani)
\v 35 Hambuk, seseurang nak betanyo, “Upamone urang mati debangketko? Ngan badan apekah mike nak njongok lagi?”
\v 36 Hai urang bodoh! Ape nyo kowe tabur hopi nak tumbuh hidup, kecuali nye mati lobeh dehulu.

\v 37 Ngan, ape nyo kowe tabur bukonlah badan tenaman nyo nak tumbuh iye, meloinko biji nyo hopi bekulet upa biji gandum apo biji-bijion loin.
\v 38 Hambuk, Allah memborinye tubuh sebagaimone Nye menghendaki-Nye ngan masing-masing biji deboriko badannye dewek-dewek.
\v 39 Bukon segelo degeng adalah degeng nyo samo, cuma hanyo sikok degeng mendesio, ngan loinnyo degeng benatong-benatong, ngan loinnye degeng burung-burung, ngan loinnye degeng ikan.

\v 40 Ado jugo badan sorgawi ngan badan duniawi, cuma kemuliaon nyo sorgawi iye bebeda ngan kemuliaon nyo duniawi iye pun bebeda.
\v 41 Kemuliaon matohari bebeda, kemuliaon bulan bebeda, kemuliaon bintang -bintang jugo bebeda ulenyo sikok benato bebeda ngan benato nyo loin delom kemuliaon.

\v 42 Upa iyela pula ngan kebangketon urang mati. Detaborko delom kebinasoon, debangketko delom kehopi binasaon.
\v 43 Detaboko delom kehinaon, debangketko delom kemuliaon. Detaboko delom kelamahan, debangketko delom kekuaton.
\v 44 Detaboko sebagai badan jasmani, debangketko sebagai badan rohani.

\v 45 Upa nyo tetules, “mendesio pertamo, Adam, menjedi jiwo nyo hidop.” Adam nyo terakher menjedi roh nyo membori hidop.
\v 46 Hambuk demikion, nyo rohani bukonlah nyo pertamo. Nyo pertamo adolah nyo jasmani, sesodah iye berulah nyo rohani.

\v 47 Mendesio pertamo berasal deri denia, yaitu deri debu tanoh. Mendesio kedua berasal deri sorga.
\v 48 Samo upah nyo berasal debu tanoh, demikion pula mika nyo berasal deri debu tanoh. Ngan, samo upa nyo surgawi, demikion pula mika nyo surgawi.
\v 49 Sebagaimone kite diciptako delom rupa mendesio berasal deri debu tanoh, kite jugo nak memakoi rupa mendesio nyo surgawi.

\v 50 Ake gerako nie kepodome, dolor-dolor, bahwa degeng ngan deroh hopi depot mewarisi kerajaon Allah. Demikion jugo nyo depot binaso, hopi depot mewarisi nyo hopi depot binaso.
\v 51 Dongorlah! Ake melabe ko kepodo me seikuk resio, kite hopi nak mati segelonye, cuma kite segelo nak deubah,

\v 52 seketiko iye, delom sekejap mato bae, saat terompet teaher: Ulenyo terompet nak buek, ngan urang mati nak debangkit ko tanpo kebinasaon, ngan kite nak deubahko.
\v 53 Sabab, nyo depot binaso nie harus menganako nyo hopi depot binaso. Ngan, nyo depot mati nie, harus menganako nyo hopi depot mati.

\v 54 Tekaloh nyo depot binaso nie menganako nyo hopi depot binaso, ngan nyo depot mati nie menganako nyo hopi depot mati, mengka genaplah firman nyo lah tetulis: “Kemation sodah detolon delom kemenangon.”
\v 55 “Hai kemation, demonekah kemenangonme? Hai maut, demonekah songotme?”

\v 56 Songot maut adolah doso, ngan kuaso doso adolah Hukum Taurat.
\v 57 Hambuk, kite bersyukur ngan Allah nyo memboriko kite kemenangon melalui Tuhan kite, Yesus Kristus,

\v 58 Jedi, dulur-dulurke seiman nyo kekaseh, togoklah kuat, jengon goyah, melimpahlah selalu delom penggaweon Tuhan. Sabab, kowe tahuko bahwa jerih lelahme hopi sio-sio dedelom Tuhan.

\c 16
\cl Pasal 16
\s (Pengumpulon Duet untok Urang-urang Kudus)
\p
\v 1 Kinie tentang pengumpulon duit untuk urang-urang kudus, lakukolah sesuoi ngan petunjuk-petunjuk nyo ku boriko ngan jemaat de Galatia.
\v 2 Podo hari pertamo setiap minggu, masng-masing kowe menyisako sesuatu ngan menyimpanye sesuoi ngan nyo kou peroleh empuknyo jengon ketiko ake njongok beru deadoko pengumpulon.

\v 3 Tekaloh ake njongok, ake nak mengutus mika, siapepun nyo kou setujui, desertai ngan surat-surat untuk ngunda pemborionme ke Yerusalem.
\v 4 Ngan, munye sepatutnye ake jugo lari, mika nak lari besamoke.

\s (Rencano Pejelonon Paulus)
\v 5 Hambuk, ake nak njongok kepodome sesodah ake melewati Makedonia ulenyo ake bermaksud untuk melewati Makedonia.
\v 6 Ngan, mungkin ake nak tinggal besamome apo menghabisko waktu selamo musim dingen empuknyo kowe depot nolungke delom perjelononke, kemonepun ake lari.

\v 7 Sabab, ake hopi endok ngolehme kinie hanyo sepintas lalu. Ake berharop tinggal beberape saat denganme, munye Tuhan mengizinkonye.
\v 8 Hambuk, ake nak tinggal de Efesus sampoi hari Pentakosta,
\v 9 ulenyo pintu nyo lebor untuk gaweko penggaweon nyo penting lah tebuka bageke sekalipun ado lobot nyo belawanon.

\v 10 Kinie, munye Timotius njongok, perhatikolah empuk nye hopi meraso takut ketiko besamome ulenyo nye melakuko gaweon Tuhan, samo upa ake jugo.
\v 11 Jedi, jengon ado urang nyo ngolehnye rendah. Tolunglah nye delom perjelononnye ngan damai empuk nyo depot belek kepodoke. Ake nunggukonye besamo ngan dulur-dulur desie.
\v 12 Kinie, tentang dolor kite Apolos, ake sajo mendoronginye untok mengonjongi kowe besamo dolor-dolor nyo loen, cuma nye samo sekali hopi endok njongo kinie. Nye nak jongo munye ado kesempaton.

\s (Salam Penotop)
\v 13 Behati-hatilah, togoklah toguh delom iman. Betindaklah upa jenton-jenton ngan jedilah kuat.
\v 14 Biarlah segelo nyo kowe gaweko, delakuko delom kaseh.

\v 15 Ake mendesakme, Dolor-dolorke, (kowe tahu bahwa segelo isi rumah Stefanus adolah buah-buah pertamo de Akhaya, ngan mike lah mengabdiko diri mike untok pelayanon urang-urang kudus),
\v 16 empoknyo kowe jugo tondok terhadop urang-urang upa nie ngan terhadop setiap urang nyo begawe besamo ngan bejereh lelah.

\v 17 Ake besukacita pocok kedetongon Stefanus, Fortunatus, ngan Akhaikus ulenyo mike lah melengkapi ape nyo kurang deri kowe.
\v 18 Sabab, mike menyegarko rohke ngan rohme. Uleh ulenyo iye, hargoilah urang-urang upa iye.

\v 19 Jemaat-jemaat de Asia menyampoiko salam untok kowe. Akwila ngan Priskila menyampoiko salam hangot delom Tuhan kepodome, besamo ngan jemaat de rumah mike.
\v 20 Segelo dulur desie mengirim salam untukme. Ucapko salam sikok ngan nyo loin ngan cium kudus.

\v 21 Ake, Paulus, menulis salam nie ngan tanganke dewek.
\v 22 Munye ado urang nyo hopi mengasehi Tuhan, tekutuklah nye.
\v 23 Anugerah Tuhan Yesus menyertai kowe.
\v 24 Kasehke menyertai kowe segelo delom Yesus Kristus. Amin.