kvb_reg/62-2PE.usfm

\id 2PE
\ide UTF-8
\h 2 Petrus
\toc1 2 Petrus
\toc2 2 Petrus
\toc3 2pe
\mt 2 Petrus

\c 1
\cl Pasal 1
\p
\v 1 Deri Simon Petrus, hamba ngan rasul Yesus Kristus, ngan kowe iyo telah menerimo iman ngan samo ngan nyo kami ado miliki melewati kobonoron Allah ngan Juru Selamat kite, Yesus Kristus.
\v 2 Kiranye anugerah ngan damai sejahtera melempar ngan kowe de delom pertomuan akan Allah ngan Yesus, Tuhan kite. (Urang ngan Dipanggil ngan Dipilih ule Allah)

\v 3 Kuaso-Nye ngan ilahi lah menganugerahko ngan kite segelo sesuatu nyo berkenaan ngan hidup ngan kesalehan, melewati pengetahuon akan Nye ngan memantouko kite menuju kepado kemuliaon ngan kebeikon-Nye.
\v 4 Melewatinye, Iye elah menganugerahko dengan kite jenji-jenjiNye nyo sajo godong ngan berega empuknyo ngan jenji-jenji tesobut kowe depot ngambik mehalow bageon delom keilahion-Nye, ngan terhindar deri kerosakon nyo terjedi de denia, nyo de timbulko ule berbagai hawo nafsu.

\v 5 Untuk tujuan iye, berusahalah ngan sungguh-sunggguh untuk menambohko iman me nga kebajikon, kebajikon ngan pengetahuon,
\v 6 ngan pengetahuon ngan penguasohon diri ngan ketabahan, ketabahan ngan kesalehan,
\v 7 kesalehan ngan kaseh bedoloron, kaseh bedoloron ngan kaseh nyo hopi mementingko diri dewek.

\v 8 Sabab, munye segelonyo nie ado delom dirime ngan terus bertamboh-tamboh, empok kowe hopi mongken menjedi sio-sio atau hopi berbuah delom pengetahuon nak Tuhan kite, Yesus Kristus.
\v 9 Cuma munye, urang nyo piyado memiliki segelo iye adolah urang nyo piyado depot ngoleh ngan jelas ngan buta ule nyo pi teringot bahwa nye elah debersehko deri doso-dosonye nyo lamo.

\v 10 Ule kerana iye, dolor-dolorke, berusaha lobeh kuat lagi untuk memastiko bahwa kite bonor-bonor depantou ngan depileh; sabab munye kowe melakukonnye, kowe hopi akan titek.
\v 11 Ngan upa iyelah pintu ke delom kerajaan kekal Tuhan ngan Juru Selamat kita, Yesus Kristus, nak terbuka lebor bagime.

\v 12 Iyelah sabab nye, ake bermaksud untuk selalu mengingatko kowe akan segelo hal niye sekalipun kowe elah mengetahuinye ngan elah debengun ngan kokoh delom kebonoron nyo kinie kowe miliki.
\v 13 Selamo ake lagi hidup delom kemah duniawi niye, ake menganggap perlu untuk menulakko kowe dengan cara mengingotko kowe,
\v 14 Sabab ake tahuko bahwa ake nak secepatnyo meninggalko kemah niye upa nyolah sodah ditunjukko dengan ake ule Kristus Yesus.
\v 15 Ngan, ake nak berusaha dengan segenap kepacokkonke untuk membuatme tetap mengingot segelo niye sesodah kepergianke (Saksi Mato Kemuliaon Kristus)

\v 16 Sabab kamie hopi mehalowi pelato-pelato dekarong ngan calak ketiko memperkenalkoh kepadome kuaso ngan kedetongan Tuhan kite, Yesus Kristus, cuma ulenyo kamie adolah saksi-saksi mato nak kemuliaon-Nye.
\v 17 Sabab ketiko Yesus menerimo hormat ngan kemuliaon deri Allah Bepa, upa saat dipelabehkoh dengan-Nye ule Yang Mahamulio, “Niyelah Anak-Ku Kukasehi, ngan Enyelah Ake berkenan,”
\v 18 kamipun mendongor suaro iye njongok deri surga ketiko kamie besamo-samo dengan-Nye de pucuk gunung suci.

\v 19 Kamie jugo semaken deyakinko ule perkataon nubuat, nyo sebeiknyo jogo kowe perhatiko dengan teliti, upa memperhatiko lampu nyo becahayo de tempat nyo kolom, sampoi pagi detong ngan bintang fajar terbit delom hatime.
\v 20 Cuma sebeleknye, hal terutamo nyo harus kowe pahami adolah bahwa piyado nubuat delom Kitab Suci nyo berasal deri penafsiron seurang mendesio,
\v 21 sabab piyado sikokpun nubuat nyo muncul deri kemauon mendesio; sebeleknye, urang-urang boek deatas namo Allah berdasarko pimpinan Roh Kudus.

\c 2
\cl Pasal 2
\p
\v 1 Pado jaman tekaloe, ada nabi-nabi pelesu de antaro umat Allah, Upa kinie jugo ado guru-guru pelesu de antaro kowe, nyo dengan bekerawo-bekerawo mengajarko ajoran-ajoran nyo merosak bahkan menyangkal Tuhan nyo lah nobos kowe sehinggo mengjongok ko kehancoran nyo cepat di polok badan kowe dewek.
\v 2 Ngan akan adi neman urang nyo nak milu caro hidop kowe nyo hopi bermoral, ngan uleh nyo mikelah jelon kebonaran akan mahujat.
\v 3 Dengan serakah nye akan ngambek untong dari me dengan kehehato nyo ponoh tipuan hukoman untok nye nyo sodah de siapko sejak tekaloe hopi akan de tunda-tunda, ngan kehancorannye pi akon terlelap.

\v 4 Sebab, menye Allah sajo, hopi menahan diri waktu para malaekat berdoso, meloenko hohoko enye ke delom derako ngan menyerahki enye ke dalom rantoi kekoloman untok de tahan sampoi penghakemon,
\v 5 ngan munye Allah jugo menyangongko dunia lamo kecuali Nih seurang pemberita kebonaran besamo tasoh urang loenye, lama mendetongko aek bah ke pocok dunia nyo hopi mengenal Allah;
\v 6 ngan munye Allah menghukom kota Sodom ngan Gemora dengan cari mererosam kedua kota iye sehinggo menjadi habu, ngan menjadiko enye upa contoh tentong aponyo akan terjadi dengan urang-urang jahat nyo hidop de waktu maso berikotnyo;

\v 7 Ngan munya Allah menyelamotkoh Lot, urang bonar iye, nyo mandarito karana caro hidup nyo najes deri urang-urangnyo hopi mengenal hokom,
\v 8 (Untok sementaro waktu, Lot hido de tangah-tangah nye setiap hari, ngan jiko nye nyo bonar menderita ulenyo ngole ngan mendangor perbuatan-perbuatan jahat yang nyo kole ngan dongari)
\v 9 Mangko Allah mesti tahuko upo mone melaposko urang-urang bonar deri pencobaan ngan menahon urang-urang jahot antok de hokom todo hari penghakemon.

\v 10 Hosusnye nyo memuaskan tobohnya delom ke amaton cemernye, ngan yo meremeko pemerintah dengan sajo gerenrantongan ngan sombong guru-guru pelesu iye hopi takot menghinoh mahlok nyo mulia.
\v 11 Padohal rombongan malikat nyo meskipun jouh lobeh kuat ngan lobeh bekuaso dari pado enye hopi mengucapkan todohannyo mengandong hujatan terhadop enye de depan Tuhan.

\v 12 Guru-guru palesu nie nie upa benatong nye hopi berakol nye delaherko untok de tangkop ngon debuhori enye menghujat ape nyo hopi nyo tereti mengka deberasoka dalom kehancoran nyo deweki;
\v 13 nye akon detempa kejahatan sebagai upah pokok perbuatannyo jahat. Enye menganggap bermabak-mabak pado siang hari sebagai kesengon enye adolah hoda dan cela, bersukaria dalom meslihat enye ketiko makan bersamo-samo dengan me.
\v 14 Enye memeleki mati nyo ponoh napsu perjinahan ngan nyo hapi berenti berbuat daso, enye mempengarohi urang-urangnyo lomah jiwonye ngan hatinye telah telateh dalom keserakoan enye adolah anak-anak nyo terkotok!

\v 15 Enye meninggalko jelon nyo loros ngan mehilui jelon nyo sosat, yaitu jelon Bileam bin Beor, nyo galak nerimo upah untok perbuatannyo yang jahot.
\v 16 Namon enye mendapotko tegorannyo karas depolok pelanggoranye dari seikok keledai nyo bisu, cuma nyo voek dengan suaro mendesio sehinggo dehen tiko perbuartan gila nabi itu.

\v 17 Urang-urang nie upa mato aek nyo koreng ngan uoa kabot nyo desapu uleh badai, kekolomoh paleng pekatlah de sedioko ontok mike.
\v 18 Dengan perkatoan nyo sombong cuma kosong, mike mensorot urang-urangnyolah telapos deri mike nyo hidop dalom kesosatan ngan kendok-kendok degeng ngan degen pencobaan.
\v 19 Guru-guru pelesu iye menjediko kebebasan, padohal mika dewek adolah budak deri kebinasaan sabab, ape pon nyolah menakloko seseurang, kepado nyolah urang iye de perbudak.

\v 20 Sebab muye mike lah de lopasko deri pencemaron dunia nyo jahat melalui pengenalon akan Tuhan ngan Juru Selamat kite, Yesus Kristus cuma kemudion belek lagi kenempat denianyo jahat iye ngan de kuasoi ulehnye, mangko mike nak menjedi lobeh borok deri kepado sebalombye.
\v 21 Akon lobeh beik jiko mike hoip perenoh mengenal jelon kebonaran iye, deri pado sesodah mengenalnye mike bebelek deri hukom sucinyo sodah de bariko kepado mike.
\v 22 Mike adolah gamboran deri peribeheseso nyo bonar nie: “Anjing belek kepado mutahnye dewek” ngan “Babi nyo lah de bereseko, belek lagi bekubang de lompor.”

\c 3
\cl Pasal 3
\s (Yesus e Nak Njongok Lagi)
\p
\v 1 Dolor- dolor nyo kukasehi, niye merupako poson kedua nyoku toles ontok me. Delom kedua poson niye, ake beusaha membangketko pekeron me empok menjedi jereneh ngan caro mengingot kowe.
\v 2 Empok nyo kowe teringot pemboek- pemboek nyo tekelae yang de gerako melalui nabi- nabi kodos ngan perentah- perentah Tuhan sereta Juruselamat melalui para rasol.

\v 3 Pertamo tamo de ketahui behwa pado saat ari teaher e, urang -urang pehimak akan bemunculon sereta mehilu hawo nafsu urang bedoso.
\v 4 Urang- urang iye selalu behota “mone jenji hal kedetongonNye?” (Kedetongon Yesus yang kedua kalinye delom denia) uleh sejak nenek puyang kite tekelae segelonye maseh tetap bejelon upa awal penciptaon.

\v 5 Uleh sebab urang -urang iye sengajo pi nyo ingot behwa uleh firmanNye, langet e lah ado sejak tekelae ngan behumi de jediko jak aek melalui aek.
\v 6 Ngan aek iyelah denia de hancorko dengan aek bah.
\v 7 Mengka ulehnyo Firman-Nye yang samo, langet ngan behumi nyo ado kinie nye dekerawoko ontok de tunu ngan api jak api akher kehancuron urang- urang bedoso.

\v 8 Dolor- dolor kukasehi, jengon pi de ingot ko kenyatoon nyo sikok nie: bage Tuhan sehari e upah seribu tahon seribu tahon ne upah sehari.
\v 9 Tuhan ne pi perenah telambot memonohi jenji-Nye pi upah nyo de anggap urang selamo nie selalu telambot. sebeleknye, Enye en sabar terhadop me. Ulehnyo Enye pindok sikokpun mati, hambok empok segelonye depot jongok dengan betobat.

\v 10 Uleh sabab ari kedetongon Tuhan upah urang maleng, ngan langet e nak benaso dengan caro menakutko. Bendo-- bendo langet e tetunu hangos segelo ngan habes de makon api. Behumi ngan segelo isinye jugo tetunu segelo.

\v 11 Munye segelonye lah de hancorko, dengan caro niye upamone seharosnye kowe hidop e? bukonye kowe haros hidop suci menghambo ko diri dengan Allah.
\v 12 Sambel nunggu- nunggu ngan mempercepat ari kedetongon Allah? pado saat ari Tuhan langet ngan segelo bendo- bendo e nak hancor uleh api nyo hangot e.
\v 13 Hambok, sesuoi dengan jenji Allah, kite menunggu- nunggu langet nyo beheru ontok menempatko urang- urang bonor nak tinggal.

\v 14 Dolor- dolor nyo kukasehi, kareno kite menunggu hal niye, mengka beushalah dengan nenihan empok Allah mendepoti kowe pi bedoso, ngan lah bedamai dengan Allah.
\v 15 Anggoplah kesabaron Tuhan iyelah kesempaton ontok kite nerimo keselamaton. Samo hal nye ngan Paulus, dolor kite tekaseh kite tolis ngan hikmat nyo de boriko uleh Allah kepadonye. Nye jugo melabeh ko hal- hal nie delom segelo surat nyo loen. Memang ado hal- hal nyo pi pacok de mengereti sehinggo pacok de keleliruko uleh urang bodoh ngan lamah iman nye.
\v 16 Enye jugo melakuko nye jak bageon- bageon Kitab Suci, nyo mengakibat ko kebenasoon awok nyo dewek.

\v 17 Dolor- dolor nyo kekaseh, uleh nyo kowe lah tahu kopekaro niye, behati- hatilah empok nyo kowe jengon tesosot jak urang -urang pi kenal hukom. Jengon lah kowe jetuh iman me.
\v 18 hambok, bertomboh lah delom anugerah ngan penegenalon akon Tuhan ngan Juruselamat kite, Yesus Kristus. Enye lah kemuliaon, kinie ngan selamonye! Amin