kpj_reg/03-LEV.usfm

\id LEV
\ide UTF-8
\rem Jan 13, 2016 Chapters 1-4 O.T. book of Leviticus in the Karaja language translated by Ijeseberi Jan. 20, 1999
\rem em Karaj· -- traduÁ„o de Ijeseberi 20 de janeiro de 1999
\rem c25:51-55 - c27:26-34 Mawysi trans)
\rem dat 1999
\rem aut Ijeseberi Karaja
\h Livro de Levitico
\toc1 Livro de Levitico
\toc2 Livro de Levitico
\toc3 lev
\mt1 Livro de Levitico
\c 1
\cl Capitulu 1
\p
\v 1 Inytybyreny Deuxu tahe Moisesi-ò ryryre tabreòwo ribi. Kia Tamy rarybere:
\v 2 Marybeke Israeli riòremahãdu-ò, kiata myỹ marybekre: —Tiu inyõ axiwereny biwydenykreu Deuxu dee, kia tahe broreni, budoeni kia broreni riòre bidiwybedenykre axiwerenymy.
\v 3 Txibo axiwenareny brorenikre wana, kia broreni hãbu ibinanaõ bididydenykre: Kia Deuxu rybena heto ijò-ò bididydenykre, kia hãbu dee deòby rỹirakremy Deuxu koki.
\v 4 Kiata ebòreny axiwererenytyre bitidibenykre, kia tamy reobykremy aweribirenymy, kia eròwyrenymy raratxykremy.
\v 5 Irahudi tahe rurukre Deuxu Inytybyreny ruki; kia Araõ riòre boho, Deuxu rybedi ijohodu mahãdu hãlubu-di ratxirenykre, kia tahe ritxiwirenykre xiwena weruramy xiwenatyremy, kia Deuxu Rybena heto weribiki rỹireri-ò.
\v 6 Kia tahe tii rityynykre xiwena kiata rikohekohekre iyreyremy.
\v 7 Kiata Araõ riòre boho, Deuxu Rybe-di ijohodu mahãdu heòty risỹnyrenykre xiwena tyre, kiata òbitimy hee riteòtenyrenykre heòtytyre.
\v 8 Kia tule Araõ riòre boho, Deuxu Rybe-di ijohodu mahãdu ritidirenykre riywinymy ikrekre, kia rierykremy irati iwodebese wana, kia hetyre heòtyki rỹireri xiwenamy.
\v 9 Kiaremy tahe iòtare itireny, Deuxu Rybe-di ijohodu rihokre be-di; kia tahe ibutumy risõkre xiwena-ò: Kia xiwena raobiureri heka Deuxu tai awimy rahãmyhỹre iobiu lỹnyreki.
\v 10 Txibo axiwena broreni yjakre wana, budoenikre wana yda budoeni riòrekre wana, xiwenamy rurukremy, kiata hãbu bididykre aõ ibinanakõ.
\v 11 Kia tahe rurukre heòty obiuna bire-ò, kia iumy yre iraru weribi Deuxu dee roikremy; Kia Araõ riòre boho Deuxu Rybe-di ijohodu mahãdu tahe ihãlubu ritxiwirenykre heòty obiuna tyre.
\v 12 Irahudi tahe tii kidiorokre iyreyremy, kia irati tule iwonadebrò wana: Kia Deuxu Rybe-di ijohodu mahãdu tahe ritidirenykre wimynamy hetyre kia heòty xiwena obiunaki rỹireri;
\v 13 Kiaremy iòtamy kia itireny be-di rahokre; kia Deuxu Rybe-di ijohodu tahe riwahikre ibutumy, kiata riobiunykre heòtytyre: Xiwenamy raobiumyhỹre tii heka Deuxu iobiu lỹnyreki awityhymy rahãmyhỹre.
\v 14 Txibo xiwena bidiwykre wana Iny Deuxurenydee nawiiõ, kia bididykre bòtòerurà . Kaa axiwe btoewosikre-wna taita tii kdiwykre sohoji rolinha
\v 15 Kia Deuxu Rybe-di ijodu idiwykre xiwena obiuna-ò, kia tahe texi…-di ritaritakre irati, kia ibòtòti iribi rihitxinymy aõkõ, kiata riòbiunykre heòty xiwena-ò; Kia ihãlubu tahe heòty xiwena weruramy riijaradỹỹnykre;
\v 16 Kia ibòtòti ritakre isira wanahãkỹle kiata idi rehukre butumy òbiuna heòty-ò, kia iyre ibr…  rahãkỹ weribi-ò idi rehukre bryby deròwymy;
\v 17 Kia riykara teratyti ribi, kiaremyta wiribi rayrenyõhyykre; Deuxu Rybe-di ijohodu riobiunykre xiwena heòty-ò, hetyre heòty ki rỹireri: Xiwena heka rare roomyhỹre tai heka Deuxu tỹnyreki awimy rahãmyhỹre.
\c 2
\cl Capitulu 2
\p
\v 1 Tiu inyõ raxiwenykre wana rỹsỹna-di Deuxu dee, kia ixiwena heka ỹnyde noiròsò tukre; tamy-ò  tahe aõòlỹre rejujukre kia ityre-ò  tahe owoji heòty ityre ratidikre.
\v 2 Kia tahe rawykre Araõ riòre boho dee, kia Deuxu Rybe-di ijohodu mahãdudeereny, kia tibo tahe iribi sõemy ỹnyde noiròsò rimykre, kia iòlỹre ibutumy iworona owoji wana, kia tahe rookre iwese aõsõe roomyhỹre wese nohõtinamy xiwena obiuna ki: kia heka xiwena roomyhỹre, tai heka Deuxu awityhymy rahãmyhỹre.
\v 3 Aõbo rarikre xiwena rỹsỹna kia heka Araõ Araõ riòre bohohõrõmykre: Kia heka xiwenatyhyhykỹ rare, tai Deuxu iobiu lỹnyreki awimy rahãmyhỹre.
\v 4 Kia idiwydenykreu xiwena rỹsỹna, heòtywo ribi heramy, kia heka ỹnyde noiròsò bolo rarekre, raixixidỹỹmy aõòlỹre-di, kia tahe aõòlỹredi ribyribynyremy.
\v 5 Tribe axiwena rỹsỹna herakre wana, kia heka ỹnyde noiròsò iuriõkre, kia tahe aõòlỹre-di rabyrabydỹỹkre.
\v 6 Kia heka wiyreyre rawirarekre, kia ityre tahe aõòlỹre rejujukre; kia heka xiwena rỹsỹna rare.
\v 7 Txibo axiwena herana webesedikre wana, kia biijeke ỹnyde noiròsò aõòlỹre-di.
\v 8 Kia xiwena rỹsỹna kua wesenadi relekre, InyDeuxureny-ò kanakre; kia tahe Deuxu Rybe-di ijodu-ò rateòsidỹỹkre, kia tahe xiwena obiuna-ò rawykre.
\v 9 Kia Xiwena rỹsỹna rawykre Deuxu Rybe-di ijohodu ribi sõemy tõhõti rusakre, kia tahe rookre xiwena obiunatyre; xiwena raobiumyhỹre lỹnyrehekỹ Deuxu dee awityhyre.
\v 10 Aõbo rarikre xiwena rỹsỹna kia heka Araõ Araõ riòre bohohõrõmykre: Kia aõnawityhyhykỹ xiwena raobiumyhỹre rare, kiamy heka Deuxu awityhymy tỹnyreki rahamyhỹre.
\v 11 Kia xiwena rỹsỹnaõ relekre InyDeuxurenydee, kia heka iurina ijõdimy relekre: kiemy dori iurinadimy aõkõ, kia bidi aõkõ,, arisõkre xiwena rỹsỹna InyDeuxurenydee.
\v 12 Iribi heka adiwykre InyDeuxurenydee xiwena rỹsỹna kodelemy rỹimyhỹre; Kia tyhyy aõkõ ralidimy rarekre xiwena obiunatyre kia iwese rỹsỹna lỹnyrewihikỹ reamyhỹre wesemy.
\v 13 Kia ibutumy ixiwena rỹsỹna rauridỹỹmy rarekre (saa-di); kia axiwena rỹsỹna ki uritre tai (saa) irisiõmykre kia heka Deuxu wanan tuu widee bede teywinyte rare: Kia ibutumy axiwena rỹsỹna-ò (saa) bitxiwimy mabekre.
\v 14 Txibo bidiwydenykeki Deuxu dee xiwena rỹsỹna kodeletyhy, kia biwinykre xiwena rỹsỹna kodelemy ah›rõtyhy, kia alòbrònaraty webò, kiata biij…  renykre heòty-ò, kia heka alòbrònaty bisurusurunymy.
\v 15 Kiata ityre aõòlỹre ritxiwikre, kia tamy aderòna lỹnyre ritxiwikre; kia heka xiwena rỹsỹna rare, ỹnyde noiròsò wahe.
\v 16 Kawesemy tahe Deuxu Rybe-di ijohodu risõkre taraykymy rierymyhỹre sõemy, alòbrònaty rasurusurure, kia aõòlỹre, kia ibutumy aderòna lỹnyrewihikỹ wana: Kia heka xiwena rỹsỹna rasõmyhỹre rare Deuxu dee.
\c 3
\cl Capitulu 3
\p
\v 1 Txibo inyõ xiwena iywidỹỹmy rỹikeki; kia txibo broreni-di riwinyke, hãbu aõbo yda hãwwyy aõbo kia tahe Deuxu dee tuu raubenykre kia aõ tai ibinana ihoõmy.
\v 2 Kia tahe tebò tamy iratykytyre ritidikre ixiwena ratityre, kia tahe rirubunykre Deuxu Rybe-di ijohona heto ijòkile: Kia Araõ riòre boho , Deuxu Rybe-di ijohodu mahãdu ihãlubu ritxiwirenykre obiuna heòty tyrele kia iweruramy tule.
\v 3 Kia xiwena iywidỹỹmy relemyhỹre relekre xiwenamy rasõkremy Deuxu dee: kia aõòlỹrewe heka ritòbònymy rỹireri iròteròtena, kia ibutumy aõòlỹrewehekỹle iròteròtenamy rỹireri;
\v 4 Kia iwesele inatxi (Rins) kia aõòlỹwe ityre rỹireri, ibròde wana butumy, kia iwodewibrò tahe imatyre roireri kia iRins wana, kia ratakemyreri.
\v 5 Kia Araõ riòre boho ritoonyrenykre ibutumy heòty obiunatyre, heòtyburehekỹtyre, kia heka hetyre roimyhỹre heòtyki: Kia heka xiwena rasõmyhỹre Deuxu dee heka iobiu lỹnyre awityhyre.
\v 6 Txibo axiwena rỹsỹnawihikỹ bidekre Deuxu dee, kia broreni riòrekeki, hãbu aõbo yda hãwyy aõbo, Kia aõ tai ibinanakõ tamy tuu maubenykre.
\v 7 Txibo budoeni riòre tỹmyra bididykeki kia axiwenamy bisỹnyke kia Deuxu-ò tuu maubenyke.
\v 8 Kia tahe ebò axiwena ratityre bitidikre, kia tahe birubunykre Deuxu Rybena heto ubekityhyle: Kia Araõ riòre boho ritxiwirenykre ihãlubu xiwena obiuna tyre kia iweruramy tule.
\v 9 Tai tahe axiwena rỹsỹnawihikỹ bidiwykre Deuxu dee kia xiwena raobiudỹỹmyhỹre iweòlỹre, kia ibutumy tõheraru, kia tibo tahe urihimyòmy ide ritakre isoniti-ò, kia iòlỹrewe tahe irurerurena rihetynymyhỹre kia ibutumy ritakre iòlỹrewe irurerurena ritybònymyhỹre;
\v 10 Kia iwese inatxi tỹtỹ iòlỹrewe rihetynymy roimyhỹre isonide wana butumy, kia iwodewebrò ritenymyhỹre wese ima tỹtỹ wana, kia tahe ratamyhỹre.
\v 11 Kia Deuxu Rybe-di Ijohodu tahe riobiunykre ibutumy heòty xiwena worona-ò: Xiwena rỹsỹna raobiumyhỹre Deuxu dee.
\v 12 Ka txibo axiwena budoeni hãwyykreki, kia Deuxu dee bidiwykre.
\v 13 Kiata ebò axiwena ratityre bilidikre, kiata birubunykre Deuxu Rybena Heto ube-ò: kia Araõ riòre boho tahe riuberanyrenykre ihãlubu heòty obiunatyre kia iweruramy tule.
\v 14 Irahudi tahe iribi axiwena bidiwykre, kia axiwena obiu wahe Deuxu dee, kia iòlỹrewe irurerure rihetynymyhỹre, kia ibutumy iòlỹrewe irurerure rihetynymyhỹre;
\v 15 Kia iwese inatxi tỹtỹ iòlỹrewe rihetynymyhỹre wese kia isonide wana, kia iwodewebrò ima rithetynymyhỹre inatxi tỹtỹ wana, kia ratalekre.
\v 16 Kia Deuxu Rybe-di Ijohodu tahe riobiunykre ibutumy heòty obiunatyre: Kia heka rỹsỹna xiwe obiu lỹnyrewihikỹ rare. Kia heka ibutumy iòlỹrewe Deuxu hõrõhyy rare.
\v 17 Ka heka warybe bededỹỹnana ariwinykre kia ikiemy arioreriorereny deereny; kia ibutumy hãwãhãwa mahãdurenydeereny: Uritre aõòlỹrewe, kia hãlubu irỹsỹrenyõmyrenykre.
\c 4
\cl Capitulu 4
\p
\v 1 Kia ixyby Deuxu rarybere Moisesi-ò:
\v 2 --Marybeke Israel riòre mahãdureny-ò myy: Tiu inyõ òraruna riwinykre wana ixideewimy aõtxile Deuxu Rybe wahidỹỹna òludumy, kia urile tuu iòludumy txibo ijõrenyõ riwinykre, kia tuu riwinyke aõkõ heka rare, tuu riwinyke;
\v 3 Txibo Deuxu Rybe-di Ijohodu aõòlỹre-di rexiòrubybynymyhỹre òraruna riwinykeki bedejeijei iny mahãdui-ò riwinyke, kia tahe òraruna riwinyre òraruki riwahinykre budoeni tỹmyra aõ tai ibinana ihoõ Deuxu dee, kia xiwena òraru ixawikemy.
\v 4 Bididykre budoeni riòre tỹmyra kia Deuxu Rybe-di ijohona heto ube-ò, Deuxu dee wahe; kia tahe ebò budoeni riòre tỹmyra ratityre bilidikre, kia tahe birubunykre Deuxu ruki.
\v 5 Taita Deuxu Rybe-di Ijohodu aõòlỹre-di taòrubybymy reamyhỹre rimykre budoeni riòre tỹmyra hãlubu, kia tahe idiwykre Deuxu Rybe-di ijohona heto ube-ò;
\v 6 Kiata tebòjuhu hãlubu-ò rituunymy, ritxiwiritxiwikre debò inatxi sõemy ixyby Deuxu ruki, kia Deuxu Tyhyhykỹ ratihety ruki.
\v 7 Kia tule Deuxu Rybe-di Ijohodu kua hãlubu ritidikre budoeni riòre tỹmyra-ò tyre obiuna heòtyki roireri tỹnyrewihikỹ reamy Deuxu ruki, kia heòty obiuna Deuxu Rybe-di ijohona hetoki rỹireri, kia ibutumy budoeni riòre tỹmyra hãlubu uhe rejujukre obiuna heòty rawotxi kia Deuxu Rybe-di ijohona hetoki rỹireri.
\v 8 Kia ibutumy budoeni riòre tỹmyra iòlỹrewe rararytxymy rỹimyhỹre iribi ratakre: kia iòlỹrewe rihetynymyhỹre irurerure kia ibutumy iòlỹrewe irurerure ritybònymyhỹre;
\v 9 Kia inatxi tỹtỹ, iòlỹrewe heka rihenymyhỹre kia ibròde wana butumy, kia iwodewebrò tahe imatyre roimyhỹre inatxi tỹtỹ wana, kia ratakre.
\v 10 Timybo tahe ratamyhỹre budoeni riòre tỹmyra ribi xiwena iywidỹỹmy ramymyhỹre ribi; kia Deuxu Rybe-di Ijohodu heka riobiunykre xiwena obiunatyre ki.
\v 11 Ka budoeni riòre tỹmyra sityy ibutumy ide, irati, iruti, kia irỹny,
\v 12 kia raerykre ibutumy budoeni riòre tỹmyra bededỹỹnana, kia rawykre tai iny rexibutunymy rỹimyhỹre ribi, kia bedetyaõtxi, kia tai tahe bryby-di ityre adehu rỹikre, kia tahe raobiudỹỹkre heòty-di hetyre; kia heka raobiudỹỹkre tai bryby-di adehu rỹimyhỹre bede ki.
\v 13 Ka txibo ibutumy Israel Deuxu Tyhydỹỹdumy ratximyhỹrenyre òraruna riwinyrenykre wana ixi taworeny ribi, kia aõhe wana iwasimy tuu riwinyrenykre, iny mahãdu ruerenykõnamy, kia txibo riwinyrenykre wana Deuxu Rybe riwahinyre òludumy, kia tuu releke aõkõ heka rare, kia iòraruki tuu ratxirenykre,
\v 14 Kia txibo òraruna riwinyrenyre ibutumy iny rieryrenykre, taita iny mahãdu budoeni riòre tỹmyra idiwydenykre kia xiwena òrarunamy. Kia tahe Deuxu Rybena Heto ube-ò ritidikre.
\v 15 Deuxu Rybe-di Ijohodu mahãdu ehetxinamy rỹimyhỹrenyre heka tebòreny ritidirenykre budoeni riòre tỹmyra ratityre Deuxu koki; kia tahe rurukre budoeni riòre tỹmyra Deuxu ruki.
\v 16 Taita Deuxu Rybe-di Ijohodu idiwykre budoeni riòre tỹmyra hãlubu kia Deuxu Rybe-di Ijohona Heto-ò;
\v 17 Kiata tebojuhu rituunykre hãlubu-ò, kiata ritxiwitxiwikre debò inatxi sõemy ixyby Deuxu ruki, kia òsỹny rati wòtena koki.
\v 18 Kia kua hãlubu ribi tahe ritidikre heòty obiuna òki kia Deuxu ruki roimyhỹre, Deuxu Rybe-di Ijohona Heto ki; kia ibutumy hãlubu uhe rejujukre heòty obiuna rawotxi kia Deuxu Rybe-di Ijohona Heto ijò ki rymyhỹre ki.
\v 19 Kia ibutumy ritakre ibutumy iòlỹrewe budoeni riòre tỹmyra ribi kia tahe raobiudỹỹkre òdò obiunatyre;
\v 20 kia tahe myy relekre kaa budoeni riòre tỹmyra iwese relere wesemy ijõ budoeni riòr tỹmyra òraruna xiwenamy relere wesemy; kawesemy tahe riwinyrenykre , kia Deuxu Rybe-di Ijohodu tahe iòrarureny riòwynymy risuhòrenykre, tai tahe tii boho ixybyle iòraruõmy ratxirenykre.
\v 21 Irahudi tahe budoeni riòre tỹmyra ridyrenykre tai iny rexibutunymyhỹrenyre ribi irehemy, kia tahe ritoonyrenykre iwese ritoonyrenyre wese kodelemy budoeni riòre tỹmyra: Kia heka òraruna butumy riwinymyhỹrenyre xiwena heka rare.
\v 22 Txibo Iòlòõ òraruna riwinykeki, kiata ixideewimy aõ riwinyke ibutumy kia Iny Tybyreny Deuxu rarybere kia releõkremy, kia txibo ixi taòrarumy tuu ratxikre;
\v 23 yda txibo òrarunatxi resere raritinydỹỹre wana, kia kanadykre xiwenamy budoeni hãbu ibinanakõ.
\v 24 Kia tahe tebò ratidikre budoeni hãbu ratityre, kia tahe rirubunykre tai xiwena rarubudỹỹmyhỹreki, Deuxu ruki: Kia heka òraru xiwena rare.
\v 25 Tai tahe Deuxu Rybe-di Ijohodu tebojuhu hãlubu-ò  rituunykre òraruna xiwena wahe, kia tahe ritidikre òdò obiuna otxi: kia ibutumy hãlubu uhe rejujukre òdò obiuna rawotxi.
\v 26 Kia ibutumy xiwena òlỹrewe rookre òdò obiunaki, kia iwese xiwena iywidỹỹmy iòlỹre relere wesemy; kawesemy tahe Deuxu Rybe-di Ijohodu riwòmy riònykre tamyreny iòrarureny, kia tahe iòraru ihoõmy relerenykre.
\v 27 Txibo aõtxi iny mahãduõ suludu òraruna riwinykeki bede rieryõmy, kia relekremy Deuxu tuu bede riywinyre, kia riwinyrenyõrenykreki, kia tahe tii boho òbiti ixi òrarumy rexisỹnyrenykre;
\v 28 yda txibo òraruna txi resere raritidỹỹkre wana, kia kanadykre xiwena budoeni hãbu aõ ibinanakõ, kia òraruna riwinyre òwymy.
\v 29 Kiata ebò bidilikre axiwena òraruna ratityre, kiata birubunykre xiwena roomyhỹre bedeki.
\v 30 Taita Deuxu Rybe-di Ijohodu tebojuhu rituunykre xiwena hãlubu-ò, kia tahe ritidikre òdò obiuna òtyre: kia ibutumy hãlubu uhe rejujukre heòty òbiuna rawotxi.
\v 31 Kia ritakre ibutumy iweòlỹre, kia iwese ratare wesemy xiwena iywidỹỹmy ratamyhỹre wesemy; Deuxu Rybe-di Ijohodu tahe risõkre xiwena heòty obiuna tyre, kia iwese obiuna lỹnyre reamyhỹre wesemy Deuxu dee; kia Deuxu Rybe-di Ijohodu tahe aòrarureny risuhokre, kia tahe aòrarurenyõmy belebenykre.
\v 32 Ka txibo xiwenamy bididydenykeki budoeni riòre tỹmyra hãwyy kia òraruna xiwena kia aõ tai ibinanakõ bididykre.
\v 33 Kiata ebò iratityre bilidikre xiwena òraru ratityre, kiata birubunykre xiwena òrarunamy, kia tai xiwena obiuna  rurumyhỹreki.
\v 34 Taita Deuxu Rybe-di Ijohodu tòebojuhu rituunykre xiwena òraruna hãlubu-ò, kia tahe ritidikre xiwena obiunaòtyre; kia ibutumy hãlubu uhe rejujukre xiwena obiuna heòty rawotxi.
\v 35 Kia ibutumy ihãlubu ratakre, kia iwese budoeni riòre tỹmyra hãbu iòlỹrewe ratamyhỹre iywidỹỹmy xiwenamy rỹimyhỹre wesemy; Deuxu Rybe-di Ijohodu tahe risõkre xiwena heòty obiunatyre, kia Deuxu xiwena rasõreri tyre wahe: Kawesemy tahe Deuxu Rybe-di Ijohodu riwinykre iny mahãdu-ò  risuhòmy riixawidỹỹnymy aõ òraru riwinyr wahe, kia tahe ixyby iòraruõmy relekre.
\c 5
\cl Capitulu 5
\p
\v 1 Txibo inyõ kawesemy raruna riwinykeki: kiemy dori roholamy ratximyhy, aõ awi aõbo yda ibina aõbo tamy ròhònykre, kia inatyhymy tulobixidu tuu robire, yda rierymyhỹ, kia ihãremy tahe iximy rarybeõhyyre, tai tahe aõnaõna binahãkỹ ixidee riatykre.
\v 2 Yda, txibo inyõ tiu aõbinahãkỹ txi rerikreu, kia aõdebure rubutxi aõbo, kia iròdu rubu ròhòkỹtxi aõbo, kia iròdu rexirurehemy rariamyhỹre rubu ròòhòkỹtxi aõbo, kia ihãre iwasikre hãrele, kia ibinanihikỹmy ròhònykre, tai tahe tii iòrarumy resekre.
\v 3 Yda, txibo hãbu ròhòkỹtxi ebò reakeki, kia aõtxile iaõnaõnaròtxi aõ riwinymyyre, kia txibo iwasimy idi ratxikre wana, kia irahudi kidierykre, tai tahe tii taorarumy resekre;
\v 4 yda, txibo tiu inyõ aõ riwinykremy inatyhymy rarybekre tajieti-di aõbinabina yda aõwiwi aõbo, txibo aõtxile kia hãbu rarybekre aõohãrumy riwinykremy, kia txibo wasimy tuu rarybekremy wana, kiatahe irahudi kidierykre, kia tahe tii obitile taorarumy resekre kaa aõnaõnamy rybe orarukile.
\v 5 Kia ribi tahe tii ixiòraruki tuu ratxireri kaa aõnaõna òraruki, kia inatyhymy òbitimy iximy rarybekre òraruna riwinyremy.
\v 6 Kia taxiwena òrarumy, kia araruna tuu riwinyre ki, tii kidiwykre Deuxu adee broreni yjayja, kia budoeni riòre hãwy tỹmyra, yda bodiriòre hãwyy tỹmyra aõbo, kia taxiwena òrarunamy: kawesemy tahe Deuxu Rybe-di Ijohodu riwinykre tamy iòraru risuhosuhokre.
\v 7 Txibo tuu biwinykre kia ritòenykeki bididyõkemy iròdu riòre hãwyy tỹmyraõ, kia bidiwykre Deuxu dee xiwenamy, kia tuu tewinyte òraruki, inatxi nawii riòre yda inatxi aõbo bòtòrurà...  sõmo: sohoji xiwena òrarunamy, kia ijõ tahe xiwena raòbiumyhỹre xiwenamy.
\v 8 Kia tahe rawahikre Deuxu Rybe-di Ijohodu-ò, kia tii komy Deuxu dee idi reakre kua xiwena òrarunamy, kia tahe itiòhunaòhuna risiherisihekre, tadexi...-di, kia irati kia tòti iribi rihitxinymy aõkõ.
\v 9 Kia xiwena òraruna hãlubu ribi ritxiwiritxikre breò wedimy, kia hãlubu uhe tahe riijaradỹỹnykre breò rawo-di: kia heka xiwena òraru rare.
\v 10 Kia ijõ-di tahe xiwena raobiumyhỹre riwinykre , tuu raywidỹỹmy relere mymamy; kawesemy tahe Deuxu Rybe-di Ijohodu tamytòemy tuu riwinykre xiwena kia tii òraruna riwinyre wahe, kia tahe ixyby iòraruõmy ratxikre.
\v 11 Kiaremy tahe txibo tuu tewinyte txibo ritòenykre wana bidiwydeõkremy, inatxi nawii riòre yda inatxi bòtòerurà..  riòre, taita kua òraruna riwinyre kidiwykre taxiwena, debòitue ribi riyrenymyỹnyde noiròsò, kia xiwena òrarumy; kia uritre aõòlỹre itxiwiõmykre, kia aderò lỹnyrehekỹtyre tule itidisiõmykre, kiemy dori xiwena òraru rareki.
\v 12 Kiata rawahikre Dexu Rybe-di Ijohodu-ò, kia tii tahe iribi rimykre ibutehekỹmy idi rõhõtinymy raraykynymy rarekremy, kia tahe risõkre òdò òbiunatyre ki, kia Deuxu dee xiwena òbiuna tyre ki: kia heka xiwena òraruki heka ture.
\v 13 Kawesemy tahe Deuxu Rybe do Ijohodu tamytòemy tuu riwinykrexiwena kia òraruna riwinyre ki, kaa aõnaõnaõ òraruki, kia tahe ixybyle iòraruõmy ratxikre; kia iuhe tahe Deuxu Rybe-di Ijohodu hõrõmykre, kia xiwena rỹsỹnamy.
\v 14 Kia ixyby Deuxu rarybere Moisesi dee:
\v 15 Txibo inyõ tiu aõ ibina riwinykreu kia òraruna riwinykre bede rierykõmy aõnaõnaki tyhydỹỹna Deuxu bededỹỹnana rỹimyhỹre, tai tahe kidiwykre Deuxu dee xiwenamy budoeniõ aõ tai ibinanaõ, kia tuu nieru manarỹsỹ-di itxere rỹimyhỹre wese, kia heka tuu ityhydỹỹtyhyreny riwinymyhỹrenyre , kia xiwena òrarunamy wahe.
\v 16 Kawesemy tahe ixyby rexiorukre aõbo tii ritare Deuxu aõnaõnatyhy ribi, kia ihãremy ixyby riwahinykre debo sohoji hunamy kiata riwahinykre Deuxu Rybe-di Ijohodu-ò: kawesemy tahe Deuxu Rybe-di Ijohodu budoeni xiwena-di òraruna òraru-di, riwinykre iribi rihokre; kia tahe tii ixybyle rexiorykre.
\v 17 Kia txibo inyõ òraruna riwinykeki ibutumy Deuxu Rybe relemy roimyhỹre òluduõmy, kia tuu rawidỹỹkõkemy roimyhỹre, kia ihãremy rierykõmy ratxike, kia tahe ikiemy òrarudumy ratxikre, kia tahe iny witxira bedeỹỹnana rierykehe aõkõre.
\v 18 Kia iròdu mahãdu ribi tahe kanakre Deuxu Rybe-di Ijohodu-ò budoeni aõ ibinanakõ, kia tuu riwinymyhỹremy xiwena òraruna, kia Deuxu Rybe-di Ijohodu tahe iòraru risuhosuhokre kia ibinamy riwinyre bede rierykõmy tuu riwinyre; kia tahe ixyby ixiwesemy ratxikre.
\v 19 Xiwena òraruna heka: òbitilemy ixi taòrarumy runyre Deuxu Inytybyreny dee.
\c 6
\cl Capitulu 6
\p
\v 1 Ixyby rarybere Deuxu Moisesi dee, myy:
\v 2 Txibo tiu inyõ òraruna riwinykreu, kia aõ ibinamy riwinykre Deuxu òludumy, kia tahetobireludu-ò raroikre kia aõ tamy riwahinyra rirarenykremy, yda iaõnaõ aõbo rimykre tewedỹỹna òwymy, yda riwasinykre aõbo, yda tahỹkỹnamy aõbo tahetobireludu aõna riuhemyhỹre;
\v 3 yda, txibo iaõna rikõmyhỹre ribi aõbo itxi reamyhỹre, kia tahe tamy inihikỹmy raroimyhỹre, yda iwitximy aõbo aõ riwinykre kia ibutumy hãbu mahãdu tuu riwinymyhỹrenyre òraruna:
\v 4 kia aõbo òraruna riwinyraki aõbo tuu iòrarumy resera, kia tahe ixyby tamy riwahinykre kua riwasinyre wahe, yda iribi taehehe taõbinamy riwyre wahe, yda tamy rirarenykremy riwahinyre, yda rikõre ribi itxi rahãre,
\v 5 yda ibutumy aõbo kia roihyylemy tamy rarybere; kia tahe ixiwesetyhyle tamy riwahinykre, kia ihãremy rihonanykre iruyre hynahãkỹmy; kua mohõrõbo rare-ò, kia tamy rawahikre xiwena òraruna txuu.
\v 6 Kia taxiwena òraruna òraruki Deuxu dee kidiwykre budoeni aõ tai ibinanakõ iròdu yky ribi, kia tuu riywinymyhỹrenyremy xiwena òrarumy; kia kanawykre Deuxu Rybe-di Ijohodu-ò.
\v 7 Kia Deuxu Rybe-di Ijohodu tahe iòraru risuhòsuhòmy riwinykre Deuxu koki, kia tahe ixyby iòrarumy rexiorykre, kia ibutumy aõnaõna riwinyre ribi, kia iurenana taòrarumy tuu resere".
\v 8 Kia ixyby rarybemyhỹre Deuxu Moisesi dee:
\v 9 Kia arybe biwahinyke Araõ dee kia iriòre boho dee, myy marybemy: Kaa Rybe wahina heka xiwena rasõmyhỹre hõrõ rare: xiwena sõna heka xiwena obiuna mynamy rỹikre kia ruu iyhyõmy kia tuhyy txuu idi kedeakre, kia tamy tahe xiwena òbiuna heòty roohyylemy roikre.
\v 10 Deuxu Rybe-di Ijohodu rexityynykre tatyysirehehekỹ-di, kia taruweeresilyty-di taderumy ratxireri ribi, kia tahe w…d...si  ritamadỹỹnykre, kia iu heòty xiwena ritoonymy rahukremy rakre-ò xiwena òbiunatyre ki, kia tahe ritidikre kaa iki wana butumy.
\v 11 Irahudi tahe tatyy ritakre kiata iwitxira-di rexityynykre; kia bryby riwykre butuna rỹimyhỹre ribi ahãna-ò bede lyra-ò.
\v 12 Kia heòty tahe ikiemy ritxubrerenykre xiwena heòtytyre, kia ruriõhyykre; ka Deuxu Rybe-di Ijohodu tahe hee tamy riworonykre rudi iyhykõmy, kia ityre tahe wimy ritidikre xiwena rasõkre, kia ityre tahe rookre iòlỹrewe, kia xiwena iywidỹỹ rawidỹỹmyhỹre wahe.
\v 13 Kia heòty tahe ikiemy ritxubrerenymy ratxikre ikiemy xiwena òdòtyre; kia ruriõhyykre.
\v 14 Kaa rybe wahidỹỹna xiwena Dexu wana ywimy idewimy ibutumy rỹikre rare: Araõ riòre boho Deuxu Inytybyreny-ò idi rekoarenykre, xiwena heòty òbiuna koki.
\v 15 Ijõreny sohojiõ heka rimykre ỹnyde noiròsò xiwena wahe kia aõlỹre wana, kia ibutumy aderòna xiwena rỹsỹtyreki roireri; tai tahe riworonykre xiwena heòtytyre kia iwese taraykyki urihimyòmy aderònawihikỹ-di ratximyhỹre Deuxu dee.
\v 16 Kia iuhe tahe Araõ kia tariòre boho wana riròrenykre; (asmo) riroxikre bedewihikỹ bede ki; Deuxu Rybena Heto ube ki riroxirenykre.
\v 17 Xiwena rauridỹỹre raheradỹỹõkre; kia waxiwena òbiuna ribi ibutemy rewahinyra: Aõnawityhyhykỹ heka xiwena òraruna wesena rare, kia xiwena òrarudu wesena rare.
\v 18 Kia ibutumy hãbu mahãdu Araõ riòre boho kia riròrenykre; ka heka ikiemy tuu rỹimy rarekre kia inyriòreriòrerenydeereny xiwena obiuna Deuxu Inytybyreny hõrõ; kia ibutumy aõ tamy rorokre kia ixiratyre awityhymy reklekre.
\v 19 Kia ixyby rarybemyhỹre Deuxu Moisesi dee:
\v 20 Ka heka Araõ kia tariòre boho wana xiwena rare, kia Deuxu Inytybyreny-ò riwahinyrenykre, kia iu kua aõòlỹre-di raòrubybydỹỹkreu; kia debòitue huna sõemy inatxi latamy ỹnyde noiròsò, kia xiwena rỹsỹnamy rarekre; kia iweeremy sudiu kia iweeremy txioromy.
\v 21 Kia heka tamy raobiudỹỹmyhỹre-ò relekre aõòlỹre-di; kia radewidewidỹỹmy kanakre; kia iyremy ruara heka kanawykre xiwena rỹsỹnamy kia tỹnyrewihikỹ dori Deuxu dee kanawykremy.
\v 22 Deuxu Rybe-di Ijohodu tule riwahinykre Araõ txibo raòrubybykre wana aõòlỹre-di isỹtybymy runykremy, kia iwesetyle riwinykre; kia heka ikiemy tuu rỹirakre kia raòbiudỹỹre Deuxu dee.
\v 23 Kawesemy tahe ibutumy Deuxu Rybe-di Ijohodu xiwena rỹsỹnaibutumy rasõdỹỹkre; kiata rarỹsỹõkre.
\v 24 Kia ixyby rarybemyhỹre Deuxu Moisesi-ò:
\v 25 —Marybeke Araõ dee iriòre boho dee, myy: Kaa Rybe Wahidỹỹna heka xiwena òraruki relere rare: kia ibede rurumyhỹre xiwena rookremy, kia rurukremy xiwena òraruna òraruki Deuxu ruki: Aõnaõna Tyhyhykỹ wahe.
\v 26 Kia Deuxu Rybe-di Ijohodu idi reakre òraruna òraruki, kiata rirokre; kia bedetyhyhy bedeki rirokre, kia Deuxu Rybe-di Ijoho Heto ubeki.
\v 27 Kia ibutumy aõbo xiwenade-ò rorokre, kia idewimy òbitimy ratxikre; txibo mobo ihãlubu riuberanykre wana ityytyre, kia risuhokre kua ityre rejujura, kia bedewihikỹ bedetxi.
\v 28 Kia suherana-di rahedỹỹkre wana kia rabohokre; kiaremy txibo woma herana-di raheradỹỹkre wana, kia rayseysekre kiata be-di rahokre.
\v 29 Kia ibutumy hãbu mahãdu kia Deuxu Rybe-di Ijohodu mahãdu riròrenykre: aõtyhyhykỹ wahe.
\v 30 Kiaremyta uritre iròrenyõmykre xiwena òraruna rỹsỹnamy relekreõ, kia ihãlubu ijõdire taita Deuxu Rybe-di Ijohona Heto-ò kanawykre, rasuhosuhokremy bedewihikỹ tyhyhykỹ; kia heòty-ò rookre.
\c 7
\cl Capitulu 7
\p
\v 1 Ka heka Rybe Wahidỹỹna rare xiwena òrarunaki: Kia heka aõ òbitityhyhykỹ rare.
\v 2 Kia ibedeki heka xiwena rurumy roomyhỹre, kia rirubunyrenykre xiwena òrarunamy ratxire, kia ihãlubu tahe rauberadỹỹkre xiwena heòty òdòtyre kia iweruramy tule.
\v 3 Kia iribi tahe ibutumy rawahikre iweòlỹre; kia iweòlỹre iweryri wolubu rihetynymyhỹre.
\v 4 Kia tule tỹtỹ inatximy roimyhỹre, kia iweòlỹre iki wana roimyhỹre ibròde wana butumy, kia iwodewebro tahe ima rihetynymyhỹre, kia tỹtỹ-di tahe ritakre.
\v 5 Kia Deuxu Rybe-di Ijohodu tahe risõkre heòty òdòtyre kia xiwena òbiu wahe Deuxu dee; kia heka xiwena iny òrarumy relemyhỹre rare.
\v 6 Kia ibutumy hãbu mahãdu kia Deuxu Rybe-di Ijohodu mahãdu wana riròrenykre; kia bedewihikỹ bede ki riròrenykre; kia heka aõ òbitityhyhykỹ rare.
\v 7 Kia heka òraruna xiwena rare, kawesemy tahe xiwena òraruna òraru ki tuu relere; kia Rybe Wahidỹỹna sohojihyylemy tamyreny ijõdikre; kia heka Deuxu Rybe-di Ijohodu tamyreny rybedukre, kiemy dori tii iòrarureny risuhosuhokre.
\v 8 Kia Deuxu Rybe-di Ijohodu riwahinykre inyõ xiwena òbiu, kia tahe ijõdikre xiwena òbiunatyy riwahinykre.
\v 9 Kia tule ibutumy xiwena rỹsỹna rawosidỹỹmyhỹre tori heòtywo-ò, kia ibutumy riywiywinymy wona herana webese-ò, kia wona herana mahãdu mahãdu, kia heka Deuxu Rybe-di Ijohodu hõrõ rare kia riwahinymyhỹre wahe.
\v 10 Kia ibutumy xiwena rỹsỹna radewidewidỹỹkre aõòlỹre-di, yda irubumy, kia ibutumy Araõ riòre boho, kia sohoji sohojimy iny witxi wesele.
\v 11 Ka heka Rybe Wahidỹỹna rare xiwena awimy ywimy iny rỹikremy relemyhỹre rare, kia aõwaxina inyõ ijõ tamy riwahinyke Deuxu Inytybyreny dee.
\v 12 Txibo rawidỹỹkeki aõtxile iòwykõmy, kia xiwena aõbededỹỹnana aõtxile iòwykõmy, kia kanawykre mainode bolo rasurusurudỹỹmy aõòlỹre-di; kia bolo rabrey rarydedỹỹmy aõlỹre-di; kia ỹnyde noiròsò bolo rasurusurudỹỹwiwimy aõòlỹre-di.
\v 13 Kia bolo heka bidiwydenyke axiwenarenymy, bolo biurinybewimy, kia axiwenarenywihikỹ-di aõtxile iòwyòkõlemy.
\v 14 Kia ibutumy xiwenamy kanawykre boloõ kia xiwenamy Deuxu Inytyreny dee, kia heka Deuxu Rybe-di Ijohodu hõrõ tukre, kia tahe riubỹtỹnykre xiwena hãlubu iywidỹỹmy relemyhỹre.
\v 15 Ka xiwena ide aõtxi bededỹỹnanau relemyhỹre, kia xiwena iywidỹỹmy relemyhỹre tahe rarokre, kia iu rawahikremy raywidỹỹmyhỹre txuu; kia tahe ijõdeyreõ rariõhyykre biurasòmy.
\v 16 Kia txibo axiwena tamy iny ròkesemy rexiywinykre wana, yda xiwena iòwyõmy ixideewimy, kia itxuu rawahidỹỹkreu xiwena kia rarokre; kia aõbo iaõna rarikre kia rarolekre ijõ txu my.
\v 17 Kiaremy iaõna rohenykre xiwenade kia inataõ txu-di, kia heka rookre heòty-ò.
\v 18 Kia txibo xiwenade iywidỹỹ relemyhỹre rarokre wana inataõ txu-di, kua riwahinyre heka tamy adeòby rỹiõhyykre, kia xiwenamy rawahidỹỹõhyykre: kia heka aõ ibinahãkỹ kyaranamy rarekre, kia iny ide rirokre kia ibedeeỹỹnana raerykre.
\v 19 Kia iròdude aõsusutxi reakre wana, kia raròõkre; kia tahe heòty-di rookre. Kia aõtxile tyramy rỹikre wana xiwenade rarokre,
\v 20 Kiaremy, txibo inyõ aõbinabina-di aõsusumy ratximyhỹre, kiata xiwena iywidỹỹmy rỹimyhỹrede rirokre, kia Deuxu Inytybyreny hõrõ, kia tahe rarubudỹỹkre tajoiykyreny ribi.
\v 21 Txibo inyõ aõsusutxi aõròròtxi reakre wana , kia hãbu susu ròrò wesemy, yda broreni susu ròrò wesemy, yda aõtxile iròdu rexirurehemy rariamyhỹrenyre susu ròrò, kiata xiwena iywidỹỹmy relemyhỹre Deuxu Inytybyreny dee, kia tii rirokre wana, kia rurukre taijoi mahãdu ribi.
\s1 Deuxu riteenyre rarskremy A› elrewe kia hãlubu
\v 22 Kia ixyby rarybemyhỹre Deuxu Inytybyreny Moisesi dee:
\v 23 Marybeke Israel riòre mahãdu dee, myy: —Uritre iròrenyõmykre broreniwe, kia budoeniwe, kia budoeni hãwyywe.
\v 24 Kia iròduwe rurumyhỹre ixiòbitimy, kia iròdudebure rirubunymyhỹre, kia aõwaxina rauhekre aõtxi bededỹỹnanaole, kia tahe uritre iròrenyõmyrenykre;
\v 25 Kiemy dori kia aõtxile inyõ rirokre iròduwe, kia kanawykre Deuxu Inytybyreny dee xiwena obiu, kia tii rurukre taijoireny yky ribi.
\v 26 Kia uritre iròrenyõmyrenykre hãlubu aõtxile aykyreny rỹimyhỹrenyre, nawii mahãdu, broreni mahãdu.
\v 27 Kia ibutumy iny hãlubuõ rirỹsỹkre, kia taijoi mahãdukyreny ribi rurukre.
\v 28 Kia ixyby Deuxu rarybere Moisesi-ò:
\v 29 Marybeke Israel mahãdu riòrereny dee: Mobo taxiwena ibutumy riwahinykre Deuxu dee; kia kidiwykre Deuxu dee; taxiwena ibutu ribi.
\v 30 kia tebò obitityhy-di kidiwykre xiwena riobiunymy Deuxu dee: kia ibreti òlỹre ibreti-di kidiwykre kia ribyribynykremy xiwena Deuxu ruki.
\v 31 Kia Deuxu Rybe-di Ijohodu heka iòlỹrewe risõkre òdò obiunatyre, kiaremy tahe ibreti tahe Araõ kia iriore boho hõrõmykre.
\v 32 Kia ariwahinylekre xiwena ruti ruruweribuludu Warybe-di Ijohodu dee kia xiwena ihõrõreny butumy.
\v 33 Kua Araõ riòre boho riwahinykre xiwena hãlubu butumy kia iòlỹrewe tule, ka heka xiwena ruti ruruweribiludu tukre ihõrõreny butemy;
\v 34 kiemy dori xiwena breti raukỹukỹmyhỹre kia iruti xiwena ribi retare Israel mahãdu riòrereny ribi, kia ixiwenareny ribi ibutumy, kiata rewahinyre Araõ dee Warybe-di Ijohodu dee kia iriore bohodeereny
\v 35 Ka iròdu mahãdu yreõ heka rawahire xiwenamy Deuxu Tyhyhykỹ dee kia heka Araõ irioreriorereny hõrõ rare, kia heka ibede txuu ratarenyre kia Deuxu Rybe-di Ijohodumy roirenyrekremy.
\v 36 Kia itxuu Deuxu Tyhyhykỹ tuu rarybereu Irybe-di Ijohodumy ratxirenykremy, Tii rarybere israelita mahãdudeereny riwahinyrenykremy kaa xiwena urihimyòmy. Kia heka tuu bededỹỹnana ratyhydỹỹmy rarekre ikiemy akireny kia arioreriorereny tule.
\v 37 Kia heka kaa rỹire, kiaremy xiwena bededỹỹnana heka ibutumy roomyhỹkre, alòbròna, xiwena òraru rasuhòsuhòmyhỹre, xiwena iny òraruki relemyhỹre, xiwena ratamyhỹkre Deuxu Rybe-di Ijohodumy kia xiwena ywimy ehehemy aõkõ relemyhỹre.
\v 38 Deuxu Moisesi dee riwahiny Rybewahidỹỹna Sinai hawalo bedeki, Moisesi Israel mahãdu  riteònyre Deuxu weduhukỹ-ò Xiwsena riwinyrenykre badeu.
\c 8
\cl Capitulu 8
\s1 Araõ iriòrereny rybe ihõrõrenyle.
\p
\v 1 Moisesi-ò Deuxu rarybere:
\v 2 —Araõ iriòreny idireny makre Deuxu heto ijòtòbòna-ò, xiwena wahisidỹỹdu tykymy biwyke, adỹỹ idi ritxiwikemy, xiwena-ò biwahinykemy òraruna ixãwidỹỹnykemy wijina broreni iòdire bidyke tule inatxi budoeni hãbu, ijõ weriri orotxu (pão) tỹxidi, orotxu tahe iuri ihõõkemy (fermento).
\v 3 Israeli mahãdu Deuxu heto ijòtòbòna-ò ributunyrenykemy.
\v 4 Iwesele Deuxu rarybere Moseisi riwinyre tai ibutu Israeli mahãdu Deuxu heto ijòtòbòna-ò ributunyrenyre.
\v 5 Moseisi rarybere:
\v 6 — Ibire iòhòmy rehemynykemy Moisesi rarybere Araõ tariòre boho-ò idi rexisuhòkemy riteònyrenyre.
\v 7 Idi heka Xiwena wahisidỹỹdu tykymy Araõ ritykynyre. Juhu rityynyre iwetare ityreki ijõtyky ritidire iweretysananyre ritidire.
\v 8 Ibretiki mana tỹrỹrỹhỹkỹ mynanamy ritidire Uri Tumi.
\v 9 Irati-ki tule ratitykymy ritidire ityreki heka iratytaana womati tỹrỹrỹhỹkỹ ritidire. Kiamy xiwena wahisidỹỹdumy rareki deòsinamy rare. Deuxu rarybere iwesele Moisesi riwinyre.
\v 10 Iribi tahe Adỹỹ Mosisei rimyre idi Deuxu heto –ki ritxiwire kia iwo aõnaõna roire heka ibutumy Deuxu-ò riwahinyre.
\v 11 Iribi xiwena rubuna tyre-ki debò inatxi reuròmy adỹỹ ritxiwire. Tule (pia) suròna txi tai ritxiwire Deuxu-ò riwahinyre.
\v 12 Idita Araõ rati tyre-ki adỹỹ ritxiwire xiwena wahisidỹỹdumy ralokremy.
\v 13 Iribi Araõ riòrereny iòhò rehemynykremy rarybere tai Idi heka Xiwena wahisidỹỹdu tykymy ritykynyrenyre. Juhu rityynyre iwetare ityreki tahe ijõtyky ritidire iweretysananyre ritidire. Iratireny-ki tule ratitykyrenymy ritidire Deuxu rarybere iwesele
\v 14 Óraruna ixãwidina heka broreni riòre Moisesi ridyre tai irati-ki Araõ iriòrereny tebòreny ritidire. Moisesi riwinyre.
\v 15 Moisesi broreni riòre rirubunyre, kia ihãlubuõ rimymy debojuhu-di ribyribynymyhỹ xiwena heòty òdò inaubiòwa noranora my. Kawesemy tahe tii rityratyranymy risuhosuhore xiwena heòty òdò. Kawesemy heka Moisesi tuu robenyre kia rityratyranymy risuhosuhore xiwena heòty òdò.
\v 16 Irahudi tahe tii iweòlỹre sõmosõmo rimyre, kia imawityhy ludu rimyre, kia tỹtỹ iweòlỹre wana rihetynymyhỹre wahe kia tahe ibutumy ritoonyre xiwena heòty òdòwoki.
\v 17 Kia riwyre iròdu uhe isityy wana ributunymy, ide, iweryri kia ibutumy riworonyre tai iny rỹimyhỹre ribi irehemy, tuu Deuxu Tyhyhykỹ rarybere mynamy.
\v 18 Irahudita Moisesi budoeni rimyre kia rurukremy ratximyhỹ xiwena obiumy, kia Araõ iriòre boho tebòreny ritidirenyre iròdu rati-ò.
\v 19 Moisesi budoeni rirubunyre kia ihãlubu-di tahe xiwena heòty òdò inaubiòwa noranora ritxiwimyhỹ.
\v 20-21 Tii iròdu riyreyrenymy rioorore, kia ide sõmosõmo iti ihewoludu wana risuhosuhore kiata irati ritoonyre, iweòlỹre kia ibutumy budoeni yhe xiwena heòty òdòwo-ò, kia timybo Deuxu Tyhyhykỹ tuu rarybere mynamynamy. Kaa xiwena roomyhỹre heka rỹsỹna wesena rare Deuxu Tyhyhykỹ dee, kia heka tỹnyrewihikỹmy relere Deuxu Tyhyhykỹ dee.
\v 22 Tai Moisesi iwitxira budoeni rimyre, kia iròdu ratakremy ratxireri rawahikremy Deuxu Rybe-di Ijohodu runyrenykremy, Araõ iriòre boho tebòreny ritidirenyre budoeni ratityre.
\v 23 Moisesi iròdu rirubunyre kia debojuhu-di ihãlubu Araõ nohõti jur... ruruweribi ludu bybymy reare, kia tebò juhu nihikỹ ruruweribi ludu bybymy reare, kia iwa juhu nihikỹ ruruweribi ludu bybymy reare.
\v 24 Irahu tii rarybere iriore boho ityy-ò  edexihejidenykemy, kiata hãlubu-di ribyribynyrenyre tõhõtireny ruruweribi ludu, kia tebòreny juhu ruruweribi ludu tule hãlubu-di ribyribynyrenyre, kia iwa juhureny nihikỹ ruruweribi ludu tule hãlubu-di ribyribynylerenyre. Kia ilemyta hãlubu uhe ritxiwitxiwire xiwena heòty òdò inaubiòwa noranora my.
\v 25 Kia iweòlỹre rimyre, tõheraru, kia iweòlỹre rihetynymyhỹre ideyreyre sõmosõmo, kia imaki awityhymy roimyhỹre, kia inatxi tỹtỹ iweòlỹre-di rihetynymy roimyhỹre iruti ruruweribi ludu.
\v 26 Kia rimylere sohoji paõ weririro ki tỹximy rỹimyhỹre iuridỹỹõmy, kia rawahimy raremyhỹ Deuxu Tyhyhykỹ dee, kia paõ aõòlỹre-di relere kia paõ yja tule, kia tahe inataõ paõ ritidirenyre iweòlỹre tyre kia irati tyre.
\v 27 Moisesi heka ibutumy kaa Araõ iriore boho debowo-ò  ritidire kia tahe riteòsinyre xiwena sohojihyymy Deuxu Tyhyhykỹ dee
\v 28 Irahudi tahe rimyre ibutumy teboworeny ribi kia tahe riworonyre xiwena heòty òdòwo-ò, kia xiwena obiu tyremy, xiwena rawahire wesemy Deuxu Rybe-di Ijohodu mahãdu dee. Kia heka xiwena rỹsỹna rare rateòsidỹỹre Deuxu Tyhyhykỹ dee kia heka rỹsỹna lỹnyrewihikỹ riòlòdỹỹnyre Deuxu Tyhyhykỹ dee.
\v 29 Kia ilemyta Moisesi iròdu breti rimymy kia riteòsinyre Deuxu Tyhyhykỹ dee xiwena sohojityhymy.Moisesi heka ka budoeni yre-di rarire, tuu Deuxu rarybere mynamy.
\v 30 Moisesi rimyre aõlỹre brebuna kia hãlubu buteõ rimylere xiwena heòty òdò ki rỹimyhỹ ribi, kiata riuberanyre Araõ tyre kia ityytyre riuberanylere kia Araõ riore boho tyre ritxiwilere kia ityyrenytyre tule ritxiwilere.
\v 31 Moisesi rarybere Araõ dee kia iriore boho dee: Iròdude biwybenyke Breò riòre Heto brebunaòhòkỹle tai biheranybenymy biròbenykre paõ wana butumy kia xiwena weririro ki rỹireri, kia heka rawidỹỹre rawahikremy. Tuu biwinybenyke Deuxu tuu rarybere mynamy kia-diarỹ ariwahinyrenykremy adeereny.
\v 32 Bisõbenyke iròdude kia paõ rohenyre tule.
\v 33 Bede debò inatxi txumy biebenykre kuaki Breò riòre Heto koki, kia Deuxu Rybe-di Ijohodu mahãdu rawahirenyre txu rimykreuhukỹle. Kia heka debò inatxi tumy butuki.
\v 34 Kia rewinyrenyre wiji Deuxu Tyhyhykỹ rarybere mynamy kia aòrarureny arisuhòsuhòrenykremy.
\v 35 Bede biebenykre debò inatxi txu sõemy kia debò inatxi ru sõemy Breò Riòre Heto koki. Bityhynybenyke ibutumy aõmybo Deuxu Tyhyhykỹ relekremy rarybere kia burubeny deramy. Kamy heka Deuxu Tyhyhykỹ-diwateònyde tuu ararybekremy.
\v 36 Araõ kia iriòre boho ibutumy tuu riwinyrenyre aõmybo Deuxu Tyhyhykỹ raryberemy Moisesi dee.
\c 9
\cl Capitulu 9
\p
\v 1 Kia tahe bede debò inatxi txumy bede rierenyre rahitxirenykremy, kia ijõ txumy tahe Moisesi rarariowyre Araõ dee kia iriòre bohodeereny kia ibutumy Israel my wedu nihinihikỹ mahãdu rỹimyhỹrenyredeereny
\v 2 Kia rarybere Araõ dee: Bimyke inatxi iròdu ibinanaõ, kia heka aõma rare, sohoji broreni riòre rurukremy xiwenamy kia òraruna rihukremy kia budoeniõ tahe rawahikremy xiwenamy kia urile rookre ibutumy, kia tahe Deuxu Tyhyhykỹ dee tuu maubenykre.
\v 3 Irahudi tahe iny mahãdu biteranybenykre iròdu iròdu rimyrenykremy: Bodi sohoji rurukremy xiwenamy kia òraruna rasuhosuhokremy; sohoji broreni riòre kia sohoji budoeni riòre, kia inatxi iròdu boho heka sohoji wyramy aõ ibinanaõ, kia rururenykremy xiwenamy ibutumy roorenykremy;
\v 4 kia tule broreni hãbuõ kia sohoji budoeni rururenykremy xiwena ywihikỹmy. Tamyreny marybeke tii boho rirubunyrenykremy kaa iròydu iròdu Deuxu Tyhyhykỹ dee, kia xiwena alòbròna òtaòta wana butumy rauridỹỹmy aõòlỹre wana. Tii boho heka tuu rekoarenyreri riwinyrenykemy kiemy dori Deuxu Tyhyhykỹ wijile tamyreny rexitỹnynykre.
\v 5 Iny mahãdu-diwydenyde Breò Riòre Heto ròtenaòhòkỹle ibutumy aõmybo Moisesi rarybere mynamy, kia ibutumy rexibutunyrenyre kauki Deuxu Tyhyhykỹ koki.
\v 6 Moisaeisi rarybere: Deuxu Tyhyhykỹ tuu rarybere kai boho kawesemy biwinybenykremy kia toosòna ludu adeereny rehemynykremy.
\v 7 Irahudi Moisesi rarybere Araõ dee: Make xiwena heòty òdòòhòkỹle kiata biwahinykre xiwena aòraru rasuhosuhokremy kia xiwena ibutumy roore tahe Deuxu risuhosuhokremy aòraru kia ariòre boho òraruna tule. Kia heka kawesemy relekremy Deuxu Tyhyhykỹ tuu rarybere.
\v 8 Araõ rehemynyre xiwena heòty òdò bire-ò kia rirubunyre broreni riòre kia taòraru òbitile risuhosuhokremy.
\v 9 Kia iriòre boho iròdu hãlubu tamy riwyrenyre. Tii tebo juhu tituunyre hãlubu-di, xiwena heòty òdò inaubiòwa nora bybymy reare kiata hãlubu uhe ritxiwire xiwena heòty òdò rawotxi.
\v 10 Irahudita xiwena heòty òdò-ò  iweòlỹre riworonyre, kia itỹtỹ kia imawityhy ijõmy, tuu Deuxu Tyhyhykỹ rarybere mynamy Moisesi dee.
\v 11 Kia iròdude kia isityy wana Araõ riworonyre iny tai rỹimyhỹre ribi irehemy.
\v 12 Kia ilemyta Araõ budoeni rirubunyre xiwenamy kia heka ibutumy rookremy. kia iriòre boho iròdu hãlubu tamy riwyrenyre, kia tii tahe riuberanyre xiwena heòty òdò inaubiòwa noranoramy.
\v 13 Irahudita tamy riwahinyrenyre irati kia iròdu aõnaõna, kia tii tahe riworonyre xiwena heòty òdòwo ki.
\v 14 Taita rihore ide sõmosõmo kia budoeni ruti tule kia tahe risõlere xiwena uhe rasõrenyre tyre ki.
\v 15 Irahudi tahe Araõ riteòsinyre iny mahãdu xiwena. Komy bodi rimyre xiwenamy iny mahãdu òrarunareny ratarenykremy. rirubunyre kiata Deuxu dee tuu robenyre. kia iwese riwinyre wesemy xiwena taòraru òbiti ritakremy.
\v 16 Kia ilemyta iròdu rimyre rurukremy ratxireri xiwenamy ibutumy rookremy kiata Deuxu dee tuu robenyre, tuu Deuxu rybe roimyhỹremy.
\v 17 Kia xiwena alòbròna riteòsinyre, kia urihimyòmy ỹnyde rimyre kia ta risõre xiwena heòty òdòw-ò. Kia heka tii riwahinyre xiwena rỹimyhỹre hãre kia ibutumy roomyhỹre ruhyyhyyle.
\v 18 Araõ rirubunyre aroti budoeni wana kia rawahikremy xiwenamy iny mahãdu bedeywinamy aõbinabinaõmy. Iriòre boho riwyrenyre tamy iròdu hãlubu, kia tii tahe riuberauberanyre inaubiòwa xiwena heòty òdò noranoramy.
\v 19 Tii boho riwyrenylere iròdu iròdu weòlỹre, tõheraru, iweòlỹre ide sõmosõmo rihetynymyhỹre, tỹtỹ kia imawityhy ludu,
\v 20 kia tahe ritidire ibutumy iròdu iròdu breti tyre, kia tahe riwyre xiwena heòty òdò-ò. Kia ritoonyre iweòlỹre xiwena heòty-ò,
\v 21 Ka ibreti iruti ruruweribi ludu iròdu Araõ Deuxu Tyhyhykỹ dee riteòsinyre kia xiwena sohojihyymy rararemy roimyhỹremy Deuxu Rybe-di Ijohodu deereny, tuu Moisesi rarybere mynamy.
\v 22 Irahudi Araõ kaa riwahinyre ibutumy xiwena mahãdu, tii tebò riterenyre iny mahãdu deereny kia tahe tamyreny tarybewihikỹ riwahinyre, tai tahe xiwena heòty òdò rejujure.
\v 23 Tii Kia Moisesi wana rirònyrenyre Breò Heto riòre Brebunawo-ò; kia-diòlònydenydeu iny mahãdu-ò  taryberenywiwi riwahinykremy, kia Deuxu Tyhyhykỹ tyy ribi juxarana ròhònyre ibutumy iny mahãdu dee.
\v 24 Kia isitereribile heòty ròhònymy reare Deuxu Tyhyhykỹ tyy ribi kia rirore xiwena rawosimy raimyhỹre, kia iweòlỹre xiwena heòty òdò ki rỹimyhỹ. Kia tuu robirenyreu, israelita mahãdu rabedesarenymy rirajuarenyre, kia tatiòhumy reserenymy su-ò taòsỹnyreny ritidirenyre.
\c 10
\cl Capitulu 10
\s1 Nadabe kia Abiu rururenyre
\p
\v 1 Nadabe kia Abiu heka Araõ riòre roire, kia iny sohoji sohoji rimyrenyre owoji deròna sõna, kia iro-ò owoji deròna ritidirenyrem kia heòty tamy riworonyre irahudi tahe Deuxu Tyhyhykỹ dee idi raubenyrenyre xiwena wesemy. Ka tii boho heka riwinyrenyre tuu Deuxu rybe rawahimy roimyhỹre wesemy aõkõ, iurenana heka tii xiwena-ò  reòbyõre.
\v 2 Kia isitereribile Deuxu Tyhyhykỹ tyy ribi heòty ròhònymy kia rirubunyrenyre; kia wesemy tahe iny inatxi boho rururenyre Deuxu tai ratximyhỹkile.
\v 3 Kia Moisesi rarybere Araõ dee: Kamy heka Deuxu Tyhyhykỹ rybekemy ratximyhỹ iu rarybereu: "Kia watyy-ò edehemynydenykre wabededeỹỹnana wihikỹ rityhynykre, kia wasỹreny waijoireny tahe riwatyhynyrenykre.” Ka Araõ tahe aõmy rarybeõhyyre.
\v 4 Taita Moisesi ryryre Misael dee Elzafa dee, Uziel riòre boho wahe, Araõ lana, kia tahe rarybere: Bitake asỹreny inatxi rubu kia Breò Heto Riòre koki roireri kia irehemy idi makre iny rỹireri ribi.
\v 5 Tii roirenyre, kia rimymy iumyreny-di iyhyitxenareny tyyki rimymy idi retyyrenyre kiata iny rỹimyhỹreny ribi irehemy riwyrenyre, timybo Moisesi tuu rarybere mynamy.
\v 6 Irahudita Moisesi rarybere Araõ dee kia iròre boho dee Eliaza (Eleazar) kia Itamar: Kia ibutumy ijõ mahãdu israelita rabederyrymy ratxirenykre kia Deuxu Tyhyhykỹ heòty ròrubudỹỹraki. Ka kai boho tahe uritre aradereny sihòdỹỹrenyõmykre kia uritre atyyreny yrarenyõmyrenykre bederyry deòsinamy. Txibo tuu biwinybenykre wana, kai boho burubenykre, kia Deuxu Tyhyhykỹ tahe ibutumy iny mahãdumy radònykre.
\v 7 Kia uritre Breò Heto Brebuna ròtena ribi ixilòhòrariedỹỹõmyrenykre, kia burubenyõbenykremy, kiemy dori kai boho iywidỹỹmy tahitxitenyte aõòlỹre brebuna Deuxu Tyhyhykỹ hõrõ-di. Kia iny inataõ boho tahe tuu riwinyrenyre Moisesi rarybere mynamy.
\s1 Rybe Rawahirenyre Deuxu Rybe-di Ijohodureny-ò
\v 8 Deuxu Tyhyhykỹ rarybere Araõ dee:
\v 9 Kaike aõkõre kia ariòre boho aõkõre ròterenyõmyrenykre Breò Heto Brebuna-ò kia mona jubreremy biõbenyrahu-di; txibo tuu biwinybenykreki burubenykre. Kia ibutumy arioreriore bohoreny tule rityhynyrenyre kaa rybe wahidỹỹnana.
\v 10 Kai boho bierymy biwinymy boibenybekre iwitxiramy aõ brebuõ kia aõ brebuna, kia aõ ibinamy rỹimyhỹre kia aõ ibinamy rỹimyhỹre.
\v 11 Kia bierynanyrenykre israelita mahãdu ibutumy kaa warybemy timybo-diarỹ Deuxu Tyhyhykỹ adeereny rewahinyre Moisesi dee rarybemy.
\v 12 Kia Moisesi rarybere Araõ dee Eliaza dee kia Itamar dee, Araõ riòre boho kia irumy ratximyhỹreny-ò: Bimybenyke xiwena ỹnyde alòbròna rohenyrenyre kia xiwena rỹsỹna rawahidỹỹre Deuxu tyhyhykỹ dee, kia idi paõ iuridỹỹõmy biwinybenykre.
\v 13 Paõ biybenyke bede brebunaki, kiemy dori rỹsỹnaõ rahimyhỹrele rare Deuxu dee, kia heka ahõrõrenyle rare kia ariòre boho hõrõrenyle rare. Kiamy heka Deuxu Tyhyhykỹ wadee rarybere.
\v 14 Kai boho kia ariòre boho wana birỹsỹbenykemy ijõdilere iròdu breti kia iròdu ruti rawahidỹỹmyhỹre Deuxu Tyhyhykỹ dee xiwena sohojihyymy. Kaa xiwena iywidỹỹmy relere ibinabinaõmy, kia heka israelita mahãdu widỹỹna rare, kia ahõrõrenyle rare kia ariòre boho hõrõrenyle rare. Kia birỹsỹbenyke bede wiwilyhãkỹki.
\v 15 Israelita mahãdu Deuxu dee idiwydenykre xiwena sohojityhymy wesemy iròdu ruti, ibreti kia iu iweòlỹre rookreu rỹsỹna wesemy rawahikremy Deuxu Tyhyhykỹ dee. Kaa iròdude uhe heka ahõrõrenyle rare kia arioreriore hõrõrenyle kie ikiemy, tuu Deuxu Tyhyhykỹ bede riywinyremy.
\v 16 Irahudi Moisesi rỹỹraxire titxi bodi raremy kia rurukremy raywire xiwenamy kia òraru rasuhosuhokremy, kiata tuu bede rieryre raobiuremy. Tii sõemy reburere Eleazar dee kia Itamar dee kia rỹỹraxire:
\v 17 Aõherekibo kai boho teròtenyõta bede brebunaki, kia xiwena raywidỹỹre òraruna idi rasuhòsuhòkre-di? Kia heka xiwena brebuna rare, Kia Deuxu Tyhyhykỹ heka riwahinyre adeereny kia tuu maubenybenykre Deuxu ruki kia iny mahãdu òrarureny idi bis                   uhòsuhòbenykremy.
\v 18 Kia iròdu hãlubu rurure rawykõreki Breò Heto riòre Brebunawo-ò, kia tai heka kai boho biròbenyke xiwena, tuu warybe rewahinyre mynamy.
\v 19 Araõ rirawyònyre: Iny mahãdu riwahinyrenyre wijile Deuxu Tyhyhykỹ dee xiwena kia òraruna raixawidỹỹkremy, kia xiwena ibutumy roore tule, kiata kawese hãrele tuu wadee rutỹỹnyre aõnaõna binahãkỹ. Kiaremyta, txibo-diarỹ wiji arirỹsỹkeki xiwena waòraru aritakemy, kia Deuxu Tyhyhykỹ aõbo waki awimy aõbo rahãke?
\v 20 Kia Moisesi tahe tai awimy rahãre Araõ rawyòdỹỹnaki.
\c 11
\cl Capitulu 11
\s1 Iròdu Urdu tyra ibinanaõ kia isuisu isuisu
\p
\v 1 Deuxu Tyhyhykỹ riwahinyre Moisesi  dee kia Araõ dee
\v 2 kawesemy rybe wahidỹỹna israelita mahãdu deereny. Kai boho aõwaxina biròbenykre aõtxile iròdu,
\v 3 kia itàlà rawirareamy rỹimyhỹre kia ibinamy.
\v 4-6 Kia uritreta iròrenyõmyrenykre camelo boho, coeu bederahymy rỹimyhỹre, kiemy dori kaa iròdu iròdu rỹsỹna binabina rirỹsỹmyhỹrenyre, kia tahe itàlàreny iwirarearenyõrenyre. Ka adeereny heka iròdu iròdu isuisurenyre.
\v 7 Kia heka biròbenyõbenykre ixỹnide. Adeereny ixỹni heka isuisu idebinare, kiemy dori ibròsityy rawirareamy rỹimyhỹre, kia tahe rỹsỹna ridewidewinydi aõkõ rirỹsỹmyhỹre.
\v 8 Kia uritre ka iròdu iròdu ròrenyõmyrenykre, kia uritre tamy derexirenyõmyrenykre rururenykre hãre. Kia ibutumy tii boho ibinalehekỹ isuisulehekỹ roire.
\v 9 Kai boho aõwaxina biròbenykre aõtxile utura kia iyjydimy rỹimyhỹre,
\v 10 kia uritre tahe iròrenyõmyrenykre iròdu iròdu berawomy rỹimyhỹrenyre kia iyjyõmy rỹimyhỹrenyre. Kia iròdureny heka adeereny isuisure idebinare;
\v 11 uritre ijõròrenyõmyrenykre, kia rurumy rỹirenykre hãrele, kia uritre tamy derexirenyõmyrenykre.
\v 12 Kia aõtxile utura utura beramy rỹimyhỹre iyjy ihoõmy kia heka isuisu idebina tuu rỹimyhỹrenyre.
\v 13 Kia tule isuisurenyre nawii mahãdu: Nawiihikỹ, rara, Nawiihikỹni
\v 14 açores, falcões,
\v 15 corvos,
\v 16 usehewe, maoloolo, notxie, hãinaje,
\v 17 mochos, corvos marinhoas, íbis,
\v 18 gralhas, pelicanos, abutres,
\v 19 cegonhas, wraura kia poupas; kia tyrehe tule.
\v 20 Kia heka isuisumy ibutumy iròdu sõmosõmo rariamyhỹrenyre kia ruòmyhỹrenyre;
\v 21 Ka kai boho tahe aõwaxina biròbenykre iròdu sõmosõmo itidimy kia rejujumyhỹrenyre.
\v 22 Kia aõwaxina biròbenykre ibutumy sei òtaòta.
\v 23 ka ibutumy ijõ mahãdu iròdu sõmosõmo rariamy kia ruòmyhỹrenyre heka isuisurenyre.
\v 24-28 Kia bede ratxioronymyhỹrenyre hãrele isuisumy ratximyhỹrenyre, mobo iròdu sõmo mahãdu-ò rerirenykre ruru sỹtybymy: ibutumy iròdu iròdu itàlà-dimy, kia tahe ibròdetyy iwirareana ihoõkre kia rỹsỹna ridewidewinydi aõkõ rirỹsỹmyhỹrenyre, kia ibutumy iròdu iròdu inaubiòwamy iti ijõdirenyre kia rariamyhỹrenyre alòbrònarawotimy. Txibo inyõ rimykeki iumyrenyõ, kia heka tatyy rihokre idi rexityynymy ratxireri-di, kia tahe isuisumy ratxikre txuròtena iohokreòhòkỹle. Kaa iròdu iròdu heka isuisu rare adeereny.
\v 29-30 Kia iròdu iròdu sumy rexirurehenymyhỹre isuisumy ka mahãdu tuu rỹimyhỹrenyre: kia ibutumy ijare òtaòta, asara òtaòta, lowyty kia ure boho.
\v 31 Kia txiorotyhymy resemyhỹre hãre isuisumy ratximyhỹrenyre, kia inyõ tamy rerirenykeki ruruke hãrele.
\v 32 Kia txibo kaa iròdu iròdu umyõ resekeki aõna tyre, kaa aõna heka isuisumy ratxikre. kia aõtxile aõnaõna òwòru, tyyesi, iròdu sityy yda sau, yda aõtxile aõ. Kaa aõna ixiwesetyhymy relekemy, kia bera-ò ratidikre, kia ihãremy tahe tii isuisumy ratxikre txuròtena iòhòuhukỹle.
\v 33 Kia txibo kaa iròdu iròdu mahãduõ resekeki subutxiro-txi, kia ibutumy aõtyhytyhybo butxiro-ki rỹireri kia ibutumy isuisumy relekre; tai tahe urile butxi rawebohokre.
\v 34 Kia txibo butxibe resekeki rỹsỹnatyre, kia heka kaa rỹsỹna isuisumy relekre. kia aõtxile bee rỹikre butxiro-ki kia isuisulemy rỹikre.
\v 35 Kia txibo iròdu iròdu mahãduõ resekeki aõtxi aõnatyre, kia tii isuisumy relekre. Kia txibo tori heòtykeki yda su heòtykeki, tai tahe tii isuisumy relekre, taita urile rakrokrokre;
\v 36 kia txibo iòrarunakeki yda behynakeki, kua bee iroki ixiwesehyy rỹikre, ka txibo inyõ iròdu iròdu umy-ò rerikeki tahe isuisumy relekre.
\v 37 Txibo kaa iròdu iròdu mahãduõ resekeki alòbrònaty rabròkemy rỹireri-txi, kia alòbrònaty ixiwesehyykỹ rỹike tyramy;
\v 38 ka txibo alòbrònaty beroki rỹikeki, kia iròdu iròduõ bera-txi resekeki tahe tii isuisumy rexirahòreke.
\v 39 Txibo iròduõ aõwaxina raròkemy rỹimyhỹre rurukeki rubu òbitimy, kia iny iumy-ò rerikre isuisumy relekre bede ratxioronykreuhukỹle.
\v 40 Txibo iny inyõ kaa iròdu iròdudeõ rirokreki, kia tatyy rihokre idi rexityynymy ratxireri kia isuisumy ratxikre txiorouhukỹle; kia txibo inyõ riwykeki iròdu, kia tatyy rihokre kia tahe isuisumy ratxikre txiorouhukỹle.
\v 41 Kia heka iròlau ratòere aõtxile iròdu iròdu sumy rexirurehemy rariamy rỹimyhỹrenyre; kaa iròdu iròdu heka isuisurenyre.
\v 42 Kia heka raròkelau ratoere kaa iròdu iròdu raròkelau, kia sumy ratiranymy rỹimyhỹrenyre kia rariamy rỹimyhỹrenyre inaubiòwamy iwa kia ihãremy sõemy.
\v 43 Kia uritre susumy norenyõmy kia ibinatyhymy ratxirenykre ijõ iròdu iròdu rirokre.
\v 44 -diarỹ heka Deuxu Tyhyhykỹ rare. Wadee tuu maubenybenyke, aDeuxureny, kia heka wadi sohojihyyle biwatyhynymy matxibenyke, kiemy dori-diarỹ òbitityhymy nodutyhy rare. Uritre susumy norenyõmyrenykre kia iròdu sumy rexirurehemy rariamyhỹrenyre òrarurenyki.
\v 45 Deiarỹ heka Deuxu Tyhyhykỹ rare kia anadydenyde Egito-ribi kia aDeuxurenymy aratxikre. Kiaremyta òbitityhymy boibenybekre, kiemy dori-diarỹ òbitimy nodutyhy rare.
\v 46 Kaa heka rybe rawahinyre rare iròdu iròdumy, kia nawii nawiimy, kia ibutumy iròdu iròdu bera rỹimyhỹrenyre, kia ibutumy iròdu iròdu sumy rexirurehemy rỹimyhỹrenyre mahãdu.
\v 47 Tii boho heka iwitxirawitxiramy rỹimyhỹrenyre tibo idewimy tyramy rỹimyhỹre kia tibo isuisumy rỹimyhỹre, kia iròdu iròdu aõwaxina raròrenykre kia tibo aõwaxina rarenyõrenykre.
\c 12
\cl Capitulu 12
\p
\v 1 Deuxu Tyhyhykỹ riwahinyre Moisesi  dee rybewahidỹỹna ratyhydỹỹmy rarekremy,
\v 2 Israel iny mahãdureny-ò. Tiu hãwyyõ uladu iribi reakreu, kia isuisumy ratxikre debò inatxi sõemy, iwese tuu rutỹỹnymyhỹre wesemy bededỹỹnana.
\v 3 Kia debò inataõ txuu tahe weryry ranosityyrahãkre.
\v 4 Irahudi tahe hãlubu rexihure òraruki, tii isuisumy ratxikre ixyby 33 txumy bede riekre. Ka bedemy bede riekreu tii aõ brebuna-ò reriõhyykre kia rake aõkõre Breò Heto Brebuna-ò.
\v 5 Kia txibo uladu hirarimy rekreki, hãwyy isuisumy bede wa-ò inaubòwa txumy bede riekre, tuu rutỹỹnymyhỹre wesemy bededỹỹnana. Irahudita hãlubu rexihure òrarukita, tii isuisumy ratxikre 66 txu ratyremy.
\v 6 Irahudi tahe ixisuròsuròna rỹikre rahudi, kia txibo iròre weryrymy aõbo yda hirarimy aõbo iriorerekre, kia hãwyy rakre Breò Riòre Heto ròtenaòhòkỹle kiata riwahinykre Deuxu Rybe-di Ijohodu-ò budoeni riòre sohojimy ibeòra kia xiwena ibutumy rookremy, kia bòtòe riòreõ xiwenamy iòraru risuhosuhokremy.
\v 7 Deuxu Rybe-di Ijohodu riteòsinykre xiwena Deuxu Tyhyhykỹ dee kia hãwyy òraruna iribi rikremy, kia kawesemy tahe tii idewimy tyratyramy relekre. Ka heka rybe rawahire rare ratyhydỹỹkremy hãwyy-ribi tohoua reamyhỹkreu.
\v 8 Txibo ibudoeni ihoõkeki xiwenamy rurukemy, kia hãwyy riwykre Deuxu Rybe-di Ijohodu-ò inatximy bòtòe rurà yda inatximy bòtòe; kia nawiiõ heka xiwenamy ibutumy rookre. kia ijõ xiwena tahe òraruna idi ratarenykremykre. Ka xiwena boho-ribi heka Deuxu Rybe-di Ijohodu risuhosuhokre hãwyy òraruna, kia tahe tii idewimy tyratyramy ratxikre.
\c 13
\cl Capitulu 13
\s1 Rybe rawahire ratyhydỹỹkremy desityy webinadu bededỹỹnanamy
\p
\v 1 Deuxu Tyhyhykỹ tarybe riwahinyre rityhynymy roirenyrekremy Moisesi  dee kia Araõ dee          rybe.
\v 2 Txibo inyõ sityy-ki ijõdikeki rataritarinymy, rawetynymy yda ysa binana òrahãrumy rexirahòrekeki, kaa iny heka radykre Araõ dee Deuxu Rybe-di Ijohodu, yda aõtxile Deuxu Rybe-di ijohoduõ-ò, kia Araõ riòre boho.
\v 3 Deuxu Rybe-di Ijohodu inyde sityy-ò retehekre, kia txibo inysira ysaysa iuramy relekre-wana, kia txibo iny yjy sỹytyhymy relekre-wana inyde sityy-ribi, tai tahe binabina inydee reuròmyhỹre rare; kia Deuxu Rybe-di Ijohodu tahe riòbitinymy rarybekre iny idebina isuisu raremy.
\v 4 Ka txibo ysa iurakre-wana, kia txibo rikõõkre-wana kia sỹytyhymy rỹikre desityy-ribi, kia desityy iuramy releõkre-wana, tai tahe Deuxu Rybe-di Ijohodu rarybekre iny ixi sohojimy roikremy debò inatxi txu sõemy.
\v 5 Kia debò inatxi txuna rimydi tahe Deuxu Rybe-di Ijohodu iny dee retehekre ixybyle, kia txibo iraykyki ysa roberaõlera, uriki tahe ixiwesele roireri juhu roimyhỹ wesemy, taita iny ixybyle riteònykre ixi sohojimy roikremy debò inatxi txu sõemy ixyby.
\v 6 Kia debò inatxina txu-di tahe inydee retehekre ixybyle; kia txibo ysa rexihumy rareri-wana, kia txibo inydemy rauberaõreri-wana, tai tahe dewetyle rare, aõ tai iòhãruõre. Kia iny tatyy rihokre idi rexityynymy ratxireri-di, kia Deuxu Rybe-di Ijohodu tahe inymy rarybebeny iny idewimy tyratyra raremy.
\v 7 Ka txibo irahudi ysa iny umymy roberakeki, taita iny ixybyle rakre Deuxu Rybe-di Ijohodu-ò rybemy.
\v 8 Tii inydee retehekre kia txibo ysa inyumy-di roberakre-wana, kia tahe iny idebina isuisu raremy inymy rarybekre; kia heka binana inydee reuròmyhỹre rare.
\v 9 Tiu inyõ binana inydee reuròmyhỹre-di ratxikre-wana, kia heka Deuxu Rybe-di Ijohoduòhòkỹle radykre.
\v 10 Kahe tamy retehekre, kia txibo dewety iuramy ijõdikeki, kia isiradena iuramy roilekeki, kia yjy iraymy roirekeki,
\v 11 tai tahe binana deuròsòtõmo irehemy iny rỹimyhỹre rare. Tai tahe Deuxu Rybe-di Ijohodu inymy rarybekre kia ibinana isuisure kia tiu ritidiõtyhy ixi sohojimy roikemy, kiemy dori timy iwasimy aõkõ tii idebinamy isuisure.
\v 12 Txibo Deuxu Rybe-di Ijohodu iny-di rõhõtinykeki binana inyumy-di ibutumy rauberaramy, kia irati-ribi iwaòhòkỹle,
\v 13 taita tii tamy retehekre webinadu-ò. txibo inatyhy ibinana iumy-di ibutumy roberara-wana, kia ide sityy iuramy relera, tai tahe hãbu idewimy tyratyrare, kia Deuxu Rybe-di Ijohodu tuu rarykre idewi tyratyra raremy.
\v 14 Kiaremy tiu yjy iraymy webinadu-ki rỹikeki, tai tii idebinamy isuisumy ratxikre.
\v 15 Deuxu Rybe-di Ijohodu ixyby tamy retehekre, kia txibo yjy-txi iraymy reakre-wana, tai tahe inymy rarybekre iny idebinamy isuisuremy. Yjy iraumy roimyhỹre heka binana aõmaõkõ inydee reuròmyhỹre riteòsinymyhỹre.
\v 16 Ka txibo iny yjy reytekre-wana kia iuramy relekre-wana, kia iny ixidi rehemynykre Deuxu Rybe-di Ijohodu-ò,
\v 17 kia tahe tamy retehekre. Txibo iyjy iuramy relera-wana, tai tahe iny idewimy tyratyrare, kia Deuxu Rybe-di Ijohodu tuu iny rarybekre idewimy tyratyraremy.
\v 18 Txibo inyõ òtele ijõdikre-wana kia tahe reytere,
\v 19 Kia ibedeki tahe ide ratarinykre kia rauranykre yda ysa isòmy aõbo rỹikre, tai tahe iny ixidi reakre Deuxu Rybe-di Ijohodu-ò.
\v 20 Tii tahe inydee retehekre, kia txibo òteledena sỹymy rỹikre-wana inyde sityy-ribi, kia idesira iuramy relere-wana, tai tahe tii inymy rarybekre idebinabinare kia isuisuremy. Kia heka binana inydee aõtamaõkõ reuròmyhỹre rare, kia heka òtele-ribile ròrarunyre.
\v 21 Ka txibo Deuxu Rybe-di Ijohodu rierykre-wana kia inydesira iumy aõkõ rỹireri kia òteledena sỹymy aõkõ rỹirerimy inyde sityy-ribi, kia tahe iuramy relere, taita tii inymy rarybekre bede ixi sojohimy riekremy hetowoki debò inataõ txu sõemy.
\v 22 Txibo iny binana rauberare-wana, kiaki heka binana aõtaõkõ reuròmyhỹre rare, kia tahe Deuxu Rybe-di Ijohodu inymy rarybekre idebinamy isuisu raremy.
\v 23 Ka txibo ysa raubeõre-wana, kia tahe ixiyrybuhyy ratximyhỹre juhu ratximyhỹ yrybule, kiaremy yjy raruterenymyhỹrele òtele ririre inyde-dityy-ki. Kiaremy tahe Deuxu Rybe-di Ijohodu rarybekre inymy idewiremy tyratyraremy.
\v 24 Txibo inyõ rexisõkeki, kia inyde roore raburenymy relekeki yda iuramy aõbõ releke,
\v 25 Deuxu Rybe-di Ijohodu tahe inyde ysaysa-ò retehekre. Txibo iny sira ibedeki roore iuramy relekeki, kia iny wotõmona sỹytyhyle releke inyde sityy-ribi, kia heka binana teuròsòtõmohõkỹ rare inyde roore-ribi riòrarunyre, kia Deuxu Rybe-di Ijohodu tahe rarybekre inymy idebinabinaremy isuisuremy.
\v 26 Kiaremy txibo Deuxu Rybe-di Ijohodu rierykreki inyde wotõmona iuraõmy rỹireri, kia wotõmona sỹymy aõkõ rỹireri inyde sityy-ribi, kia ide tyramy roirerimy, tai tahe Deuxu Rybe-di Ijohodu iny rihitxinymy ritidikre hetowo-ò debò inatxi txu sõemy.
\v 27 Ka debò inatxi txu rimydi tahe Deuxu Rybe-di Ijohodu inydee retehekre, kia txibo iwotõna ysa rauberareri-wana, kiaki tahe binana deuròsòtõmohõkỹ rare, tai tahe Deuxu Rybe-di Ijohodu inymy rarebekre idebinabinamy isuisumy.
\v 28 Ka txibo wotõmona ysa rauberakõre-wana, kia tahe ixiyrybule rỹimyhỹ, kia iuralemy roimyhỹ, taita detaritarile rare ide rooki tuu risỹnyre. Tai tahe Deuxu Rybe-di Ijohodu inymy rarybekre idewiremy tyratyraremy, kiemy dori wotõmona ruterele rare ide rooreki tuu risỹnyre.
\v 29 Hãbu sohojiõ kia hãwyy sohojiõ iratireny raxiridònyrenykreu,ysa tohoraruki,
\v 30 kia Deuxu Rybe-di Ijohodu tamy retehekre. kia txibo irati xiridò sỹymy rỹikre wana irati sityy-ribi, kia txibo iradeti bisamadòbò lỹre wese relekre-wana kia ibutekre-wana, tai tahe bina deuròsòtõmohõkỹ rarekre, kia Deuxu Rybe-di Ijohodu tahe tuu riòbitinykre iny idebina isuisu raremy.
\v 31 Txibo Deuxu Rybe-di Ijohodu rahukeki wotõmona sỹmy aõkõ rỹirerimy desityy-ribi, kia tai txibo ihoõkre wana isiri ilybymy, tai tahe tii iny riteònykre rahitximy roikremy debò inatxi txu-my.
\v 32 Kia debò inatxina txu rimydi tahe tii inydee retehekre; txibo binana roberaõkre wana kia tai idesiri bisamadòmy lỹre wesemy rỹiõkre wana, kia txibo binana wotõmona sỹtyhymy Rỹikõrewana desityy-ribi,
\v 33 Tai tahe iny rarasykre yda txuhute siri aõbo rasykre, kia rasyõhyylemy iwebinadudemy rỹireri isiri. Deuxu Rybe-di Ijohodu tuu rarybekre ixyby debòinatxina txu sõemy bede riekremy
\v 34 kia debòinatxi txu rimykreu tahe tii inydee retehekre. txibo iny binana roberaõkre-wana, kia s² ytyhymy r² iõkre-wana inyde-ribi, tai tahe deuxu rybe-di ijohodu tuu rarybekre idewimy tyratyramy raremy. iny tatyy-di rexityynymy ratximyhỹre rihokre kia awimy tyratyramy ratxikre.
\v 35 Txibo irahudi iwotõmona bina yjy roberakre-wana,
\v 36 taita Deuxu Rybe-di Ijohodu inydee retehekre. Txibo kia inatyhymy iwotõna bina yjy roberare-wana, kia uritre radesò itxeseõmykre; ka iny heka ibinanadire.
\v 37 Ka txibo Deuxu Rybe-di Ijohodu raykyki kia iwotõmona yjy txibo roberaõlera, kia tai idesiri ilybymy raumynyreri, tai tahe iwotõna yjy reytera. Iny idewimy tyratyramy rare, kia tahe Deuxu Rybe-di Ijohodu tuu rarybekre iny idewimy ibinanaõmy raremy.
\v 38 Tiu hãbuõ yda hãwyyõ ysa iuramy rỹikre-wana ideki,
\v 39 kia Deuxu Rybe-di Ijohodu inydee retehekre. Txibo ysa ura urihimyòkre-wana, kia heka aõhỹỹ aõkõ rare. Kia idewityhyre.
\v 40-41 Txibo hãbuõ iraroko rade ihoõkre-wana yda iòsi rade aõbo ihoõkre-wana, tii heka (calvo)-my relekre yda urihimyõmy (calvo)-my relekre, kiata idebinamy ratxiõkre.
\v 42 Ka txibo iratibrasaki ysa isòdymy r¬ikeki , kia tahe binana deuròsòtõmo rare.
\v 43 Deuxu Rybe-di Ijohodu retehekre hãbu dee, kia txibo itxi reakre-wana usa isòdymy, iwese inydemy rỹimyhỹre wesemy,
\v 44 kia heka binana deuròsò tõmo rare. Kia hãbu idebinabinare, Deuxu Rybe-di Ijohodu tuu rarybekre idebinabina raremy iratiki iwebinadu yjy rỹireriki.
\v 45 Iny sohoji aõhỹỹmy rutỹỹnykre binana deuròsòtõmo-di tadeki kia tyy yrayra-di rexityynykre, kia tarade risihònyõhyykre, kia tary ritybònykre bedeòhòkỹle kiata rirajuakre: "Wadebinare wadebinare!"
\v 46 Kia aõhỹỹmy rutỹỹnymy ratxirekre-wanawana binana deuròsòtõmo-di, kia iny idebinahyylemy ratxirekre kiata ixisohojimy rasỹnykre, iny mahãdu breò-ribi irehemy.
\v 47 Tiu ratỹnykeu binana deuròsòtõmo tyy iròdu sityy-di relemyhỹre yda esõde-di,
\v 48 yda tyyesi , yda iròdu sityyki, yda iròdu tyy yreki, yda aõ iròdu sityy-di relemyhỹreõki,
\v 49 txibo ysa bederade lỹre wesenakreki yda isõkreki, tai tahe binana ysa rateòsidỹỹkre Deuxu Rybe-di Ijohodu-ò.
\v 50 Deuxu Rybe-di Ijohodu retehekre aõna ysa binanadi rỹireri-ò kiata ritidikre debò inatxi txu sõemy rihitxinymy.
\v 51 Kia debò inatxina txu rimydi tahe tii tamy retehekre ysa-ò, kia txibo tii roberakre-wana, tai tahe ysa binana deuròsòtõmo rare, kia tyy yda tyyesi, yda iròdu sityy, yda aõ iròdu sityy-di relemyhỹre ibinanadire,
\v 52 kia Deuxu Rybe-di Ijohodu ritoonykre. Kia binana deuròsòtõmo rexihukre heòty-di.
\v 53 Ka txibo Deuxu Rybe-di Ijohodu retehekre tyydee, yda tyyesi-ò, yda aõna iròdu sityy-ò kiata itxi reakre ysa roberakõramy,
\v 54 taita rahokremy tuu rarybekre kia aõnaõnaki ysa rỹireri kia ratidikre ixyby debò inatxi txumy rahitxidỹỹmy.
\v 55 Irahudi tahe tamy itxere ixybyle rỹikre aõna-ò, kia txibo ysa timy rawitxiraõkre-wana, kia rauberakõreri hãrele, tai tahe tii ibinanadire kia heka urile rookre. Kia binana deuròsòtõmo ikoki rỹire yda ihewoki rỹire aõnaõnaki.
\v 56 Ka txibo Deuxu Rybe-di Ijohodu itxi reakeki ysa rikõremy rahore rahu-di, taita Deuxu Rybe-di Ijohodu ritxuakre kua tyy ludu, iròdu sityy, yda tyy esi.
\v 57 Ka txibo ixybyle irahudi binana ysa ratỹnykeki, tai tahe binana deuròsòtõmo rare, kia aõna tahe rookre.
\v 58 Txibo aõna rahore, kiata ysa rexihure, tai ixyby rahore tai tahe ibinanaõmy ratxikre.
\v 59 Ka heka rybe rỹimyhỹre binana ijyy tyymy rỹimyhỹre iròdu rityy-di, yda tyy esimy, yda aõtxile aõna iròdu sityy-di rỹimyhỹre, kia tuu rybe rỹikremy ibinanadire aõbo yda ibinanakõre aõbo myy tu rybe rỹikremy.
\c 14
\cl Capitulu 14
\p
\v 1 Deuxu rarybere Moisesi dee:
\v 2 —Ka heka yjy inydemy rỹimyhỹre rybe bededỹỹnana rare: kia radykre Deuxu Rybe-di Ijohodu ;
\v 3 Ka heka ròhònykre iny bedereny ribi, kia tahe tamy itxere rỹikre. Txibo yjy binahãkỹ reyteremy,
\v 4 Tai tahe Deuxu Rybe-di Ijohodu rarybekre iny rexideytenykremy ratxireri rimykremy inatxi nawii riòre irumy rỹireri tyramy ibinanaõmy rỹireri, kia teriò òwòru, kia tyyesi sòhòkỹ kia bederade txiru sõehekỹ wana rimykremy.
\v 5 Kia rawahidỹỹlekre Deuxu Rybe-di Ijohodu kia rarubudỹỹkre nawiiõ watxiwiwo-ò, kia bera ieseteremy roimyhỹreki.
\v 6 Kia tahe ramykre nawii irumy ratxireri, kia teriò òwòru, kia tyyesi sòhòkỹ, kia bederade riòre, kia ratuurenykre nawii rururalubu-ò  kia bera iesetere-ò.
\v 7 Kia rexiywinymy ratxirekemy ixidi ratxireri yjy binahãkỹ ribi, kia ityre rejujukre debò inatxi sòemy; tai tahe tu rybe rỹikre rexiywinyramy tyratyramy, kiata rateòdỹỹkre nawii irumy ratxireri bederahy tyahãkỹki ratxirekremy.
\v 8 Kia iny rexiywinykremy rexideytenykremy ixidi ratxireri, kia tatyy rihòkre, kia ibutumy tasirisiri risykre, kia be-di rãhãkre, kia tahe tyratyramy relekre; irahudi tahe ralokre taijoi mahãdureny hetoreny-ò, kiaremy taheto riòre ribi ahãnaki ratxikre debò inatxi txu sõemy.
\v 9 Kia debò inatxi txu rimydi tahe ibutumy tarade risykre, tasuusiri, tarubròsiri risykre; kia ibutumy tasirisiri risykre, kia tayy rihòkre, kia be-di taumy risebenykre, kia tahe tai tyratyramy relekre.
\v 10 Kia debò inataõ txu-di tahe rimykre inatxi budoeni riòre hãbu aõ ibinana ihoã, kia sohoji budoeni riòre hãwyy aõ ibinanaõ, kia sohoji ibeòramy, kia inataõ (dizimamy) (eỹa)  noiròsò ỹnỹde xiwena rỹsỹnamy rawahikremy, kia rasurusurudỹỹmy rỹsỹna òlỹrena-di, kia rahitxidỹỹmy debo-ò  inatxi sõemy weriri rỹsỹna òlỹrena-di;
\v 11 Kia Deuxu Rybe-di Ijohodu tahe iny riteytenykre risuhosuhokre riwinymyhỹre, kia tamy bekoabenykre habuõ rateytedỹỹkremy rasuhòsuhòdỹỹkremy, kaa heka Deuxu ruki ikoki, kia Deuxu rybena heto ijotxi tuu rawidỹỹmyhỹre;
\v 12 Kia ramykre sohoji budoeni riòreõ, kia tahe rawahinkre xiwena iny òraruki rỹimyhỹremy, kia debò inatxi sõemy rỹsỹna òlỹre; kia tahe rauridỹỹkre xiwena urinadỹỹnamy Deuxu ruki.
\v 13 Taita rirubunykre budoeni riòre tai ibedeki xiwena òraruna huduna kia tai xiwena ibutumy roomy rurumyhỹreki, bede brebunahãkỹki; kiemy dori xiwenamy reareri iòraruki iwese xiwena òraruna weselmy kia heka Deuxu Rybe-di Ijohodu-ò  tureri: kia heka aõtyhyhykỹ brebuna rare.
\v 14 Deuxu Rybe-di Ijohodu heka rimykre xiwena òraru hãlubu, kia tahe idi reakre tõhõti ruruweribiludu juràtxi kia rexiywikremy reytekremy ratxireri, kia idi realekre tebo juhu nihikỹ ruruweribiludu-ò  kia relekre iwa juhu nihikỹ ruruweribiludu-ò.
\v 15 Kia rimylekre irỹsỹna òlỹrena debò sohoji sõe-di, kia tahe ritxiwikre tadebò hywewe ribi ubetya òtyhyle.
\v 16 Rituunykre tebò ruruweribiludu rỹsỹna òlỹrena-ò  kia tebò hyweweribildu ki rỹireri-ò, kua rỹsỹna òlỹrena tebojuhu-di ritxiwitxiwikre debò inatxi sõemy Deuxu ryki;
\v 17 Kia rỹsỹna òlỹrena uhe tahe tebò ki rỹireri, Deuxu Rybe-di Ijohodu ritidikre tõhõti jurà ruruweribiludutxi kua rexiywinykremy ixidi ratxireri wahe, kia tebojuhu ruruweribiludu-ò, kia iwajuhu ruruweribiludu-ò, kia xiwena òraru hãlubu tyreki;
\v 18 Kia rỹsỹna òlỹrena uhe Deuxu Rybe-di Ijohodu debòki rỹireri, kia ritidikre kua reytekremy rexiywinykre ixidi ratxireri-ò: kawemy tahe Deuxu Rybe-di Ijohodu riwinykre iaõhỹỹmydỹỹnana-di Deuxu koki.
\v 19 Tai tahe Deuxu Rybe-di Ijohodu riwinykre xiwena òraruna-ò, kia aõhỹỹmydỹỹnana riwinykre kua iny tuu reamyhỹre reytekremy rexiywinykremy tabinabina ribi. Irahudi tahe rirubunykre xiwena ikietyhylemy rookremy,
\v 20 Kia tahe riwahinykre xiwena rỹsỹna wana heòty xiwena òbiuna tyre: kawesemy tahe Deuxu Rybe-di Ijohodu riwinykre aõhỹỹmydỹỹnana hãbu dee, kia tahe tii tyratyramy relekre.
\v 21 Txibo iaõkõkre wana, kia iaõnaaõna riwahinyõkre sõehekỹmy idiwykemy, kia idiwykre budoeni sohoji taxiwena òrarumy, kia xiwena rawymyhỹre wana, kia relekremy aõhỹỹmydỹỹnana tamy, kia xiwena debò itue weribi rỹsỹna rasurusurumy aõòlỹre-di, kia xiwena rỹsỹna-ò  kia debò sohoji rỹsỹna òlỹre sõe-di.
\v 22 Inatxi bòtòerurà hãwyy yda inatxi bòtòerurà hãbu, kia inatxinamy idi ròhònykremy, kia ijõrenyõ heka xiwena òrarunamykre , kia ijõ tahe xiwena ibutumy rookremykre.
\v 23 Kia debò inataõ txuna rimydi reytekremy rexiywinykremy ratximyhỹre ribi tii kanadykre Deuxu Rybe-di Ijohodu-ò, Deuxu rybena ijohona Heto riòre ijò-ò, Deuxu koki.
\v 24 Deuxu Rybe-di Ijohodu rimykre budoeni riòre xiwena òraruna, kia debò sohoji sõemy rỹsỹna òlỹrena, kia tahe idi rariakre xiwena rariamyhỹrre-di Deuxu ruki.
\v 25 Tai tahe rirubunykre budoeni riòre xiwena òrarunamy, kia Deuxu Rybe-di Ijohodu rimykre xiwena òraruna hãlubu, kiata idi reakre tõhõti jurà ruruweribiludu-ò, kua reytekemy rexiywinykemy ixidi ratxireri-ò, kia tebojuhu nihikỹ ruruweribiludu, kia iwajuhu nihikỹ ruruweribiludu-ò.
\v 26 Kia ritxiwikre rỹsỹna òlỹrena ribi tebò tyatyhytxile hyweweribiludutxi;
\v 27 kia tebojuhu ruruweribiludu-di ritxiwotxiwikre rỹsỹna òlỹrena, kia tebò hyweweribiki rỹireri-di, debò inatxi sõemy Deuxu koki;
\v 28 Kia rỹsỹna òlỹrena ribi ritidikre kia tebò tõhõti jurà ruruweribiki, kua reytekemy rexiywinykemy ratxireri-di, kia tebojuhu nihikỹ ruruweribiludu-ò; kia iwajuhu nihikỹ ruruweribiludu-ò; kia xiwena òraruna tyreki;
\v 29 Kia rỹsỹna òlỹre uhe Deuxu Rybe-di Ijohodu debòki rỹireri, kia iratibybymy idi reakre kia mobo reytekemy rexiywinykemy ratxireri-di, kia relekremy aõhỹỹmydỹỹnana Deuxu ruki.
\v 30 Kia tuu raubenykre bòtòerurà hawyyõmy yda bòtòerurà hãbuõmy, kia tuu riwinymyhỹremy ròhònykremy;
\v 31 Kia heka sohoji xiwena òrarunamykre kia ijõ tahe xiwena ikiatyhymy roomyhỹremykre, kia ihãremy xiwena rỹsỹnamy; kiawesemy tahe Deuxu Rybe-di Ijohodu riwinykre aõhỹỹmydỹỹnana kua reytekemy rexiywinykemy ixidi ratxireri-di Deuxu ruki.
\v 32 Ka heka rybe bededỹỹnana rare kua mobo yjy binabinahãkỹki ratxireri, kia awityhymy ratxikemy kia tamy riwahinyõhyymyhỹre kia reytemy rexiywinymy ratxireri hãrele.
\s1 Rybe Bededỹỹnana Bedebinabina Hetomy Rỹimyhỹre
\v 33 Kia ixyby Deuxu rarybere Moisesi dee kia Araõ dee:
\v 34 —Kia tiu malokreu Canaõ su-ò, kia tii boho adeereny riwahinykre ahõrõrenymy, kia tahe-diarỹ adeereny aditeònykre yjy bede binabinahãkỹ, kia aõtxile heto sumy rỹireri asurenymy,
\v 35 Heto wedu rierykremy reakre Deuxu Rybe-di Ijohodu dee, myy rarybemy: Aõherekibo wamy timykibo yjy bedebinabinahãkỹ rỹireri.
\v 36 Kia Deuxu Rybe-di Ijohodu rarybekre kia aheto biatyke, kia yjy bedebinabina-ò  itxeremy kanake koki, kia tai ibutumy aõnaremy rabinarenyhenylau ahetorenyki rỹireri: irahudi tahe kanakre Deuxu Rybe-di Ijohodu heto-ò  retehekremy;
\v 37 Kiata tamy retehekre yjy bede binabinahãkỹ-ò. Kia txibo heto wetimy rỹikreki isu bederade lỹre wesemy yda isòisòmy, kia aõhe wana sỹytyhymy adobo ribi,
\v 38 Taita Deuxu Rybe-di Ijohodu ròhònykre hetowo ribi kiata riijò tòbòtòbònykre debò inatxi txu sõemy.
\v 39 Kia debò inatxi txu rimydi tahe Deuxu Rybe-di Ijohodu odoosekre kiata tamy retehekre; kia txibo tuu robikre wana yjy bina susuhukỹ adobo wetimy rexiuberanyra wana,
\v 40 Tii rarybekre adobo mana ratakremy, kia tai yjy bina susu rỹireri, kiata idi dehu rỹikre cidade hãwã  ribi teòrehemy bede binabinakytxi:
\v 41 kia tahe heto iwo ribi riyseysekre kia iweruramy tule, kia ikỹnysi reserekre kia idi dehu rỹikre cidade hãwã  ribi ihrehemy bede binabninakytxi.
\v 42 Irahudi tahe ijõ adobo mana kidiwykre, kia tahe tamy ritidikre teròwyrenymy; kia iwitxira ijõdi riurinykre kia tahe idi heto riwinykre.
\v 43 Txibo yjy bede binabinahãkỹ ixybyle relekreki heto-ò, kia adobo mana rasihesihere rahudi, kia rayseysere heto kia ixyby ratỹmyradỹỹre,
\v 44 Taita Deuxu Rybe-di Ijohodu ralokre kia idi retehemy ratxikre. Txibo yjy bede binabinahãky rexiletemy rỹikeki hetomy, kiahe tai yjy bede binabinahãkỹ iraruti ijõdire: kiahe ibinatyhymyhe rare.
\v 45 Kiaremy tahe heto-di adehu rỹikre, adobo mana kia iòwòru bohoboho, kia tule ibutumy imynydu sõmosõmo; kiata rawyrenykre ibutumy cidade hãwã  ribi irehemy, kia bede binabinakytxi idi dehu rỹikre.
\v 46 Kua iny ralokre hetowo-ò, kia irarytxymy roireri hãrele, kiahe ibinamy iròmy ratxikre tuuhyy txioromy kanatxikre.
\v 47 Kia tule mobo hetowoki roikre, kia tatyy risuhokre; kia mobo iki wana riroxikre, kia tatyy risuhosuholekre.
\v 48 Kiaremy, ixyby Deuxu Rybe-di Ijohodu ralokre kiata retehemy ratxirekre, txibo yjy bede binabinahãkỹ hetowoki rexitidiõmy rỹirenykreki irahudi ratỹmyrare rahudi, kia Deuxu Rybe-di Ijohodu tuu rarybekre tyratyraremy, kiemy dori yjy bede binabinahãkỹ reytemy rỹireri.
\v 49 Kia heto raywikremy ryraryanykremy ramykre inatxi nawii, teriò òwòru, kia tyyesi sòhòkỹwityhy kia bederade riòre ijõra:
\v 50 Kia rurukre sohoji nawii watxiweylaro-ò  kia bee esetere-ò;
\v 51 kia ramykre teriò òwòru, kia bederade riòre, kia tyyesi sòhòkỹwityhy kia nawii irumy tule, kia tahe ratuudỹỹkre nawii rurura hãlubu-ò  bee esetere-ò, kia tahe iheto debò inatxi sõemy tamy bitxiwitxiwikre:
\v 52 Kawesemy tahe kua heto rexiywinymy awityhymy relekre, nawii hãlubu-di, kia bee esetere-di, kia nawii irumy ratxireri-di, kia teriò òwòru-di, kia bederade riòre-di kia tyyesi sòhòkỹwi-di.
\v 53 Tai tahe bihedỹỹnybenykre nawii irumy ratxireri cidade hãwã  ribi irehemy, kia bedero tyahãkỹtxi: kawesemy tahe relekre heto awityhymy tyratyramy.
\v 54 Ka heka rybe wahidỹỹnana rare ibutumy yjy bede binabina bedeòbyna,
\v 55 Kia yjy binabinahãkỹ tyymy rỹimyhỹre, kia hetomy rỹimyhỹre tule,
\v 56 Kia taritari, kia rawetynymy rỹimyhỹre, kia usa rarỹsỹnymyhỹre;
\v 57 Kia tuu raerydỹỹnanykremy tiu aõ tyrakre, yda isuisukre. Ka heka rybe bededỹỹnana yjy bededỹỹnanamy rybe rare.
\c 15
\cl Capitulu 15
\s1 Hãbu susu kia hãwyy susu
\p
\v 1 Kia ixyby Deuxu rarybere Moisesi dee kia Araõ dee:
\v 2 —Marybebenyke Israel mahãdu riòrere-ò  kia myy marybebenykre tamyreny: Aõtxile hãbuõ ratxirekre hãbu riòre relemyhỹre tawoki idi rỹimyhỹre, kia isuisu rare be wesemy reamyhỹreki.
\v 3 Ka heka asuasuna rare be wesemy reamyhỹreki: txibo iumy ribi raruỹnymyhỹre wana be wesemy, kia heka isuisu rare, yda txibo iumy ribi aõ reaõhyykre wana, ka heka asuasuna rare.
\v 4 Ibutumy herina yxeyxe, kia ityre heri rỹikre txibo aõ iylytymy iribi reakre wana, kia heka isuisu rarekre; kia ibutumy iny ityre runykre heka ibina isuisu rare.
\v 5 Aõtxile herina yxeyxe-ò  aderexi rỹikre, kia ibròherina rasuhokre, kia be-di rasebedỹỹkre kia tahe isuisumy txiorouhukỹle.
\v 6 Kua ityre rexisỹnykre kua tyre tai rỹnana tybytxi, kia tahe iruỹ ijara ijõdire, kia rasuhokre, kia rasebedỹỹkre kia tahe isuisumy ratxikre txiorouhukỹle.
\v 7 Mobo itxi reakre wana kia ideruỹruỹ ijõdiretxi, kia tatyy rihokre, kia bera-ò  rõhõkre kia tahe isuisumy ratxikre txiorouhykỹle.
\v 8 Txibo hãbu ijõdikeki irybexi ijara aõ tyramy rỹimyhỹre tyre, taita kia rihokre tatyy kia be-di rõhõkre, kia tahe isuisumy ratxikre txiorouhukỹle.
\v 9 Kia tule ibutumy awaru tyre rynana, kia rỹỹ rỹikre ituumy rynana ijõkre wana, kia heka isuisumy rarekre.
\v 10 Aõtxile aõ ratorokre irawoki rỹireri, kia heka isuisumy ratxikre txiorouhukỹle; kia kua riwykre heka rõhõkre be-di, kia tahe isuisumy ratxikre txiorouhukỹle.
\v 11 Tule ibutumy kua mahãdu mobo tamy rerikre kia ibesu ijarana ijõkreki, kia heka rieryõlemy tebò rihore be-di, kia tatyy rihokre kia be-di rõhõkre, kia tahe isuisumy ratxikre txiorouhukỹle.
\v 12 Watxiwi kia tamy rooke txibo ibesu ijarana ijõkre, kia tahe rabòhòkre; kiaremy ibutumy òwòru hynamy rỹimyhỹre mahãdu be-di rahomy rỹirakre.
\v 13 Kia tiu ijõdikre ibesu ijarana, kia iribi tyrakre wana, kia idi mariabenykre debò inataõ txumy kia rexiywinytyhykremy; kia rahokre ityy, kia tahe tahe iumy rasebedỹỹkre bee esetere-di, kia tahe tai tyratyramy relekre.
\v 14 Kia debò inataõ txu rimy-di tahe rimykre inatxi bòtòerurà hãwyy yda inatxi bòtòerurà hãbu, kia tahe kanakre Deuxu koki, kia Deuxu Rybe-di Ijohona Heto riòre ijò-ò, kia tahe Deuxu Rybe-di Ijohodu-ò  rawahikre:
\v 15 ka heka tuu raubenykre, sohoji xiwena òraruna-ò  kia ijõ tahe xiwena ibutumy roomyhỹreòkre; kawesemy tahe Deuxu Rybe-di Ijohodu riwinykre tamy aõhỹỹmydỹỹnana ibesusu Deuxu koki.
\v 16 Kia hãbu tule, tiu tamy rehemynykreu hãbu riòre uladumy relemyhỹre, kia rõhõkre ibutumy tamy wana kia tahe isuisumy ratxikre txiorouhukỹle.
\v 17 Ibutumy tyy kia ibutumy desityy ijõdikre hãbu riòre wesena, kia rexisuhòrenykre be-di, kia tahe isuisumy ratxikre txiorouhukỹle.
\v 18 Txibo hãbuõ hãwyyõ-ò  òtaòta riwinykre kia tahe iriòrereny uladumy relemyhỹre ijõdirenykre, kia iny inatxi boho rõhõrenykre bera-ò, kia isuisumy ratxirenykre txiorouhukỹle.
\v 19 Kia hãwyy, tiu ijõdikreu hãlubu susu, kaa txibo ihãlubu susu tuhyy idi ratximyhỹre wana taumyki, kia debò inatxi sõemy bede riijekre, kia aõtxile aõ-ò  rerikre kia heka isuisumy ratxikre txiorouhukỹle.
\v 20 Kia ibutumy aõtyrebo kia tii herimy roikre tahetena-di ratximyhỹkreu, kia heka isuisumy ratxikre; kia ibutumy aõtyrebo runykre isuisumy ratxikre.
\v 21 Kia mobo iherinaòti txi reakre, kia tatyy rihokre, kia be-di rexisebenykre kia isuisumy ratxikre txiorouhukỹle.
\v 22 Mobo tamy rerikre aõtyrebo tii runyreri tyre, kia tatyy rihokre, kia bera-ò  rõhõkre kia tahe isuisumy ratxikre txiorouhukỹle.
\v 23 Herina-ki hawyy tehemy ronyre inyõ rerikeki ronykeki tii rexisunymyhỹre idi tatykymy ritakemy idi risuhokre iny rohõkremy roikre tule ixumy rỹire txu ralokre-ò.
\v 24 Tule hãbu hawyy tehemy ronyre tii wana herimy roikeki tahe rexisunymyhỹre ixumy rỹire debò inatxi reuro txu-ò.
\v 25 Iu hawyy sõwemy hãlubu roakre heka ixumy roikre iwese tehe iwese txumy .  Iwesele ixumy itxumy roikre.
\v 26 Aõ herina-ki tii ronykeki roikeki tai ixumy roikre. Iwesele ixumy itxumy roikre.
\v 27 Herina-ki hawyy tehemy ronyre inyõ rerikeki ronykeki tii rexisunymyhỹre idi tatykymy ritakemy idi risuhokre tule ixumy rỹire txu ralokre-ò.
\v 28 Hawyy sõwemy hãlubu roare ixãwidi heka debò inatxi txumy riraokremy idi heka tyramy ratxikre.
\v 29 Debò inataõ txumy hawyy inatxi bòtòemy ridyke, inatxi bòtòe weiruràmy ridyke Deuxu heto ijòtòbòna-ò ridykre idi riwahinykre Xiwena wahisidỹỹdu-ò.
\v 30 Xiwena wahisidỹỹdu heka riwahinykre òraruna òwymy ijõ riwosinykre xiwenamy. Kiamy Deuxu-ò riwahinykre tai Kia hawyy Deuxu koki tyramy rỹikre wesenamy.
\v 31 Kia wese heka Israeli mahãdu rexisunykremy rijekre, taòrarunareny ribi, ruruke lau Deuxu heto ribinanyke lau.
\v 32 Kia heka inatximy roire hãbu hõrõ hawyy hõrõ rexisunyrenykreu hawyy tehemy, hãbubemy.
\v 33 Hawyy tehemy hãbu idi herimy roikemy, hawyy tehe txumy kia bedeywina rare.
\rem **C16:1-16:19;   CC 17-19 was MISSING.  Mawysi trans. Have added it for time being..
\c 16
\cl Capitulu 16
\s1 Ixãwidina txumy
\p
\v 1 Kia, Arão boho riòre rurure, Deuxu  xiwe, òbitimy aõkõ riwinyre-ki, tai tahe, Deuxu  ixyby rarybere Mosesi-ò.
\v 2 Tii rarybere: —-kia marybeke aseriòre Arãodee, aõtxiuaõkõ tahe, iny tamy ralòmyhỹre, kia Deuxu  heto-ò, kia tahe, ikoki rȳimyhȳre. Kaa tii, ralòkrewna rurukre, biuwetyy-heki,-diarȳ raymyhȳre, kia-arca ratyaki, kia tuu rȳira mahãdu aõ-òtaòtaòta rexihykemy.
\v 3 Kia tahe, Arão xiwenaò ralokre, kia touro xiwemy itmyramy rirubunykre xiery tai ixy aõta-òta-òta ritakemy, tule carneiroõ kia butumy ritoonykre.
\v 4 Kia tahe, tamy ralokrekoki, Arão komy rõhõkre irahudi Sacerdotxi-tyydi kia rexinõrenykre, kiadi tahe relere linho-di tule kia iwahety, kia tumica iwetyamy roimy; kia mtra ritdimy iratyy-ò tulesy kiadi relere esõ lytyhykydi.
\v 5 Kia tahe, Deuxu  rybe riwahinyre Mosesi-ò ixitòedȳȳnamy rybe. —Israel mahãdu Arãodee bode inatximy biwahinykre xiwemy tai tahe ixy ritakre òrarùna rȳira-rbi tulesy riwahinykre sohoji carneiroõ kia tahe butumy ritoonykre.
\v 6 Kia tahe, Arão tatouro tmyraõ rimymy riwahinykre xiwemy tai taòraruna rihokremy tule rihokre taseriore òraruna rȳira.
\v 7 Kia tahe, riwykre inatximy bode sõwe Deuxu  heto ijo-ò.
\v 8 Ia tahe, Arão inatxi-rbi ritakre ibdewinaõ, inatximy tahe mna riuhemy, sohoji tahe Deuxu  nimy, ijõ tahe Azazel nimy.
\v 9 Kia tahe, bode Deuxu  hõrõ ratxireri tai tahe Arão tii rirubunykre xiwemy taiki aõòta-òta-òta ixawikemy.
\v 10 Kaa Azazel bode rawahikre irumy Deuxu dee. Irahudi Arão bode riteònykre bderehe-ò, taiki ixy mahãdu òrarùna risyhókemy.
\v 11 Tai tahe, Arão touro tmyra-õ rimykre tai tahe rirubunykre taxiwemy tai taóraruna ritakemy tule risuhòkemy tule taseriore aõtaòtaòta rȳira.
\v 12 Arão rimykre, kia sohoji heòty loosona, tule rimykre sõwemy ihelòtyra xiwena-rbi kia Deuxu  ruweki tahe rȳimyhȳre, tule rimykre inatxi loosona tai tahe tnyremy ralokre, Deuxu  bdedȳȳnanãò.
\v 13 Kia Deuxu  ruweki tii ritdikre toosona heòty-ò tai tahe wydy ritbònykre kia arca ratbòna. Tai tahe, Arão ruruõkre.
\v 14 Tai tahe, tii ibutemy touro halbu-tmyra rimykre kia tahe debòdi riwysynykre iratbòna kia ruruwe-rbi-ò ramyhȳre; irahudi riwysynykre halbu kia inatxi debò-ò reùròmy arca koki.
\v 15 Tai tahe Arão rirubunykre bode xiwemy tai ritakemy òraruna rȳira, kia tahe, halbu riwykre xiwena hetoò idi riwysynykre arca ratbòna, kia ikoki rȳimyhȳre, kia ijo halbu-di riwinyre-wsemy.—
\v 16 Tai tahe Arão rityranykre kia Deuxu  heto, tule ixy aõòta-òta-òta rȳira, israel mahãdule tahe rasiranykre. Tai tahe kia iaõna-õna heto rityranykre kia ixumy roiredi.   —
\v 17 —- Araõ Deuxu heto wotyhy-ki iny òraruna òraruki xiwena riwahinykreu heka moõ tai ralòõtyhy. Taòraruna ixãwidina rahudi, tasỹ mahãdu òraruna ixãwidina rahudi, Israeli mahãdu òraruna ixãwidina rahudi,
\v 18 tai xiery ròhònykre  idi xiwena rubuna-ò rakremy tai rityranykremy. Kiamy riwinykre: Broreni hãbu wijina hãlubudi xiwena iò tyre-ki risònykre ,watxini hãlubu wana risònykre inaubiòwa iòmy risònykremy.
\v 19 Debó inatxi reuròmy tebòdi xiwena rubuna-txi hãlubu ritxiwikre. Kia wesemy xiwena rubuna ribi israeli mahãdu xunareny rityranykre tule Deuxu-ò xiwena rubuna riwahinykre.
\v 20 Tai tahe Deuxu  heto rityranykre tule ijo xiwena heto mytahe Azazeldee rimykre.
\v 21 Kia tahe, debò ritdikre iròdu ratityre, riwahinykre iny mahãdu aõòta-òta-òta rȳira, kia aõbinabina ikiemy ixihewo-ò rarikemy, tule israelita mahãdu, mytahe Arão bode ratiò riwahinyre kia tahe irehe-ò riteònyre. Sohoji hãbuõ iròdu-dinõdumy ratare, kia tii idi rakremy.
\v 22 Tii tahe bderehetxi riatyre bode, ixihemy riwymy kia ixy mahãdu aõ-òta-òta-òta.
\v 23 Iradu tahe Arão xiwena heto-woo ralokre komy tõre ritamy, irahudi sacerdotxi tyydi ralokre Deuxu  heto-ò tai kdirikremy.
\v 24 Irahudi tii rõhõkre, tule rexinõrenymy mytahe rohonykre rexitòenykremy Deuxu dee kia taxiwe riwymy, tai tahe butumy rookre, kia ijoi mahãdu xiwe, tulesȳ butumy rookre, mytahe, tii rexitòenykre aõnaõna binabina ixawikemy butumy ixy mahãdu-dee.
\v 25 Kia iròdu iwemy rȳira butumy tahe, rookre xiwemy, tai aõbina-bina ratakemy.
\v 26 Kia tahe, hãbu bode ridyre bderahy-ò, rihokre, tule rõhõkre ixiery ixiby hãwã-ò ralokre.
\v 27 Kia tahe xiwe rituwedi, kia tahe rare aõbinabina surona, Deuxu  heto bdedȳȳnana ryranymyhȳre, kiadi tahe relemyhȳre touro halbu tmyradi, tule bode halbu-di. Kia tahe, inatxi iròdu umy rakre iny hãwã-rbi irehemy, butumy ityy tule ihalbu rookre.
\v 28 Tai tahe hãbu ritoonykre, tule tõre rihokre, tule rõhõkre ixiery ixyby hãwã-ò ralokre.
\v 29 Tai tahe rybe ratyhydȳȳkre tkiemy tahe tuu roikre, debò ituwe ahadu-txuu kiau butumy israelita mahãdu aõ rirȳsȳõmy rȳirakre tule itxuu aõ riwinyõmy rȳirakre kia aõsȳdȳȳ bdedȳȳnana rȳira.
\v 30 Tai tahe, txuu tkiemy ixitòedȳȳnamy relekre iny mahãdu-dee taiki tyramy ijoi rȳirakemy Deuxu dee.
\v 31 Kaheta txuu butu-rbi awityhy rare tai tdkemy awimy rarekre, kia itxuu aõ releõmy rarakre, tule aõ rarȳsȳõkre.
\v 32 Kia tahe sacerdotxiõ raywira tuu ratxikremy kia tbymy deròwymy, mytahe, sacerdotxi nõredi rexinõrenykre.
\v 33 Mytahe, kia xiwe riwinykre Deuxu  heto rityranykremy tule ijo xiwena heto, tule sacerdotxi mahãdu ryranykre, kia butumy ixy rȳira.
\v 34 Tai tahe, bdedȳȳnana ratyhydȳȳkre, wyra sohojidi, tahe relemy rarekre xiwe bdedȳȳnana, taiki ixy mahãdu aõtaòta-òta ixawikemy. Deuxu  tuu rarybere mynamy moisesi-ò relemy roire.
\c 17
\cl Capitulu 17
\s1 Tai xiwe mahãdu rawahikre
\p
\v 1 Deuxu  Mosesi riteònyre
\v 2 kia tahe irawinyre Arãodee, tule irioreboho-ò, tule Israel mahãdudee, kiamy rybe-bdedȳȳnana;
\v 3 kaa Isarelita mahãduõ rirubunywna, sohoji boiõ, ȳda carneiro aõbo, ȳda cabrito aõbo, kia iwoki aõbò, ȳda iwebròki aõbò.
\v 4 Kaa iròdu rawyõkrewna heto ròtena ijoò, kia Deuxu  xiwemy riwahinykremy, katahe hãbu rateòkre Isarel mahãdu kyrbi. Tii heka bdeòrarure; kia rubudȳȳ rȳimyhȳre wsemy.
\v 5 Kaa Isarelita mahãdu iròdu rirubunyreny-wna, riwykre sacerdotxi mahãduò, xiwena heto ijo-koki tahe rȳimyhȳre,  taile iròdu rirubynymyhȳre tule rateòsinykremy Deuxu dee, ywimy, awimy rȳikemy.
\v 6 Kia tahe sacerdotxi halbu xiwenatyre ritxiwikre tai xiwe rȳimyhȳretxi, kia tahe, ikoki rȳimyhȳre, taile iròdu mahãduwe rookre. Kia tahe, xiwe lȳnȳre Deuxu dee sõwemy awire.
\v 7 Kaa wiji, tule tkiemy tiu israelita mahãdu ixyby riwahinyõtyhy kaa xiwe, bderahymy itxyte rȳiradee; kaa iharetyhy riwihinykre-wna, tai tahe, Deuxu dee raroirenykre.
\v 8 Kaa butumy israelita mahãdu rȳira tule ijo ixy witxira rȳira tureny, kia tahe riteòsinykre Deuxu dee taxiwereny tai ywimy rȳikemy, tai tahe, butumy ritoonykre, tule xiwe witxira rȳira.
\v 9 Kia heto rotena sohojileki relekre kia iwitxiraki releõkre. kaa mobo rityhynyõkre rateòkre ixy kyrbi.
\v 10 Kaa israelita mahãduõ tule iwitxira mahãduõ tureny rȳira kia halbu ritòkrewna tai Deuxu  tuu radònykre, tulesȳ riteònykre ixy-kyrbi.
\v 11 Tikiemy butumy halbudi ixy irumy rȳimyhȳre. Taiki Deuxu , iròdu halbu xiwemy riwahinymyhȳre mytahe rejujumyhỹre xiwenaò taiki ritakemy tule ixawikemy ixy mahãdu aõòtaòtaòta rȳira. Halbudi tahe iny irumy rȳimyhȳre tule tii ritamyhȳre iny-rbi aõbinabina
\v 12 Taiki Deuxu  rarybere; kia israelita mahãdu rirysyõkremy halbu tule ijo rȳire mahãdu
\v 13 Tiubo israelita mahãduõ iròdu riu-dȳȳmy rirahuwna bderahyò ȳda nawii aõbò, tai tahe, ihalbu Suò ixinamy reakre irahudi tahe ritbònykre.
\v 14 ai tahe inyboho halbudi irumy rȳira, tai tahe, Deuxu  rarybere israelita mahãduò uritre riroõkremy iròdu halbuõ, halbudi tahe, irumy rȳira. Kaa mobo, halbu ritòkre rateòkre ixy mahãdu kyrbi
\v 15 kia, aõtxile, tule israelita mahãdu aõbò ȳda iwitxira mahãdu aõbò, kia iròdu rubu riròkrewna, kia ixinamy iròdu rurumyhȳreõ, ȳda kiakõmy aõbò iremy iròdu rurumyhȳreõ, mytahe ture rihokre idi rexinõrenyre tule rõhõkre; kia tahe ratxikre ixumy, txioro iyhykõmy. Irahudi ratxikre ixybu tyramy.
\v 16 Kaa ihare rihoõkrewna tule rõhõõkrewna, tai tahe aõhõkõmy rutȳȳnykre.
\c 18
\cl Capitulu 18
\p
\v 1 Deuxu tahe Mosesi-ò rarybere:
\v 2 tamyreny kia israelita mahãdu-ò. -diarȳ he aDeuxu reny rare
\v 3 uritre kia Egitu mahãdu bdedyynanadi norenyõmy, kia tai atximyhỹtenyteki tule kia Canaã bdedyynadi tamy arawyrenyreri-ò tule uritre irybereny mynamy nõrenyõmy.
\v 4 Taiki tahe bityhynybenymy wabdedȳȳnana kia tahe tuu warybe rerire retyyrtinymy.-diarȳ tahe aDeuxureny rare.
\v 5 Kaa warybe bityhynybenymykrewna tule birarenymy boibekrewna tai tahe ikiemy boibeke arumy irehemy.-diarȳ aDeuxureny rare.
\v 6 Deuxu  riwahinyre bdedȳȳnana Israeli mahãdu-ò; uritre aõòtamy ijraõmy asȳ mahãdu-ò.
\v 7 Tule aõòta adidee iwidȳȳõmy; taiki bu-ò ixyruna biwahinyheny tulesȳ adidee.
\v 8 Òtaòtamy ijraõmy buhawyy-ò
\v 9 Òtaòtamy ijraõmy aseriòredee, buwe-rbi aseriòre-ò, tule kia adiwe-rbi-ò, ȳda kia, buwe-rbi aõbò, kia butumy awyna raumyny  aheto-kidee, ȳda kiakõmy aõbò raumyny irelemy tule tamy iwidȳȳõmy.
\v 10 Kia òtaòtamy ijraõmy arikoredee; tai ixyrunaheny adee
\v 11 kia òtaòtamy ijraõmy aseriore hawyydee.
\v 12-13 kia uritre òtaòtamy ijraõmy alabterȳdee, tule rȳira buwerbiò, tule adiwerbiò.
\v 14 kia òtaòtamy ijraõmy alabri hawyy-ò kia buwe-rbi, tkiemy alabterȳ ratxireri.
\v 15 Uritre òtaòtamy ijraõmy arikoresédee.
\v 16 Uritre, òtaòtamy, ijraõmy, ahawyy-seriore-dee, ixȳrunaheny aserioredee.
\v 17 Uritre òtaòtamy ijraõmy arioredee, ȳda, arikoredee, kia tahe, hawyywna, tewinyte, juhu-bdeu; tkiemy asȳ ratxireri, taiki, atyhydȳȳna, ixawiheny.
\v 18 Uritre ahawyy seriorewna heriõmy irumy ratxireriwna. Taiki wimy radònyrenyheny.
\v 19 Uritre òtaòtamy ijraõmy hawyy ihabudi rȳiradee.
\v 20 Uritre òtaòtamy ijraõmy habu witxira hawyydee ani ixumy mabeheny.
\v 21 Habuõ riwahinyõkre tariòre hawyyõ, maloque Deuxu  ritynyheny. Taiki Deuxu -nidi risinyheny.
\v 22 Uritre òtaòtamy ijraõmy habu widee; kia tahe Deuxu dee awiõre.
\v 23 Uritre habu tule hawyy òtaòtamy ijraõmy iròdudee; taiki ityhyna ixawiheny, tule ini ixuheny.
\v 24 Deuxu  rarybere israel mahãdu-ò: _ Uritre iwidȳȳrenyõmy aõnaõna-binabina rȳira boibeheny anireny ixumy, kia iniremy ixure-wsemy taiki ariteenykre kia hawa-rbi, kia tahe awarenykre.
\v 25 - kia tahe hawa ribinanykre, iaõtaotarenyle, tule rixunykre; taiki tahe-diarȳ Suu rebinanykre, tule tii riteònykre, kia tuu hawamy rȳimyhȳre.
\v 26 - kaa butumy kaiboho, tule Israel mahãdu, tule iwitxira mahãdu, rȳira akyrenymy, kia tahe warybe bityhynybenymy, kaa ibina rȳira iwidȳȳrenyõmy.
\v 27 - kaa heka habu mahãdu, tuu riwinyre, ibinamy, ixumy taiki roimyhȳre.
\v 28 - Tai tahe ixyby, tuu releõkre, tai mateòbenyhenymy, tai iwyse, riwinyre, ixy mahãduò.
\v 29 - kaa mobo aõbina-bina riwinykre rateòkre, ixyky-rbi.
\v 30 - kaa warybe butumy bityhynybenymy, urtre, iherenyki iryrysyrenyõmy, kia ibdedȳȳnareny rȳira, tule iwsemy nõõrenyõmy, axurenymy,-diarȳ, tahe aDexureny rare.
\c 19
\cl Capitulu 19
\p
\v 1 Deuxu  Mosesi-ò riteònyre
\v 2 kia rarybekremy, Israel mahãdu kia ijoi-ò; _ òbitimy, tahe matximyhỹ, tkiemy,-diarȳ aDeuxureny watxireri, tule,-diarȳ òbitimynõdu watxireri
\v 3 Kia kaiboho, adireny bityhynymy, tule bureny, tule, sabadu, birarenybenymy.-diarȳ tahe aDeuxureny rare.
\v 4 Kia, ityhydȳȳõmy, iwitxira Deuxu, uritre, aõ, Deuxu my ixidee iwidỹỹõmy.-diarȳ, tahe aDeuxutyhyreri.
\v 5 Kia iròdu birubunywna, xiwemy, biwanykre, tai, bde awimy, roikremy, tuu rarybere:  -mynamy, tai awimy, taikixiery tamy areòbykre.
\v 6 Kiakõmy, aõbo, ijo, biurasomy. Kaa, ide, rohenykrewna, inataõ-txuu, tai tahe, rookre.
\v 7 Tkiemy, kaa ide, rabinara. Kaa ide, rirokrewna, itxuu, tai tahe,-diarȳ, tamy, areòbyõkre, kia xiwe-ò.
\v 8 Kaa, mobo, rirora, ide, aõhkȳmy, tai, rutȳȳnykre, tkiemy, riwatyhynyõra, wabdedȳȳnana. Tai rateòkre, Israel mahãdu kia kribi.
\v 9 Tiubo, Mai, bihebenykrebdeu, kia iò-rbi, uritre, iryderenyõmy, kia, ibiratimy, rȳira. Tule, uritre, ixyby, òkseõmy, mairydemy, kia, rarikõra, mahãdu.
\v 10 Tule, uritre, ixyby, uva rydemy, ijraõmy, tule, ijo, rarira, rydemy, tule, imynyõmy, suki, rarirawna. Kia, ixinamy, birikre, iakõ, mahãduò, tule, kia witxira, mahãduò,-diarȳ, tahe, aDeuxu reny rare.
\v 11 Wasiõmy, roiõmy, tule, iny-bodȳȳõmy.
\v 12 Uritre, wanimy, roiõmy, tkiemy, wanimy, mynaroike.-diarȳ, aDeuxureny, rare.
\v 13 Uritre, iny mahãdu wasidyyõmy, tule, uritre, iny mahãdu bodȳȳõmy. Tule, uritre, aõmysȳdȳȳdu mahãdu òwydȳȳ- rehedȳȳõmy.
\v 14 Uritre, ibinamy, isȳdȳȳõmy, mobo, irybeõmy, rȳira. Tule, uritre, aõ, irytxi, itdisiõmy, tai, rariòwyheny, kia, iruweõ. Kia, biwatyhynymy,-diarȳ, adeuxu rare.
\v 15 Kia, aõki, ibinamy mahawna, òbitimy, biwinymy, uritre, ityhymahãdu-werbi, nõõmy, tule, iny, iakõmy-rȳira-werbi, tai tahe, òbitimy, biwiny-marybemyhỹ, mõwe-rbi, nõõmy.
\v 16 Uritre, roimy, rybeõmy, ixykymy, tule, inymy, ibinamy, aõtxiaõtxi, rybeõmy, uriõmy, rubu rȳiheny.-diarȳ, tahe, aDeuxu  rare.
\v 17 Uritre, inymy, dòõmy, awo-rbi, tule, ixiki, iraresédȳȳõmy, Israelita mahãdumy, òbitiwerbi, inydeee, marybemyhỹ, ibinatxi bseheny, iòrarurenyki.
\v 18 Uritre, òwynamy, aõwidȳȳõmy, tule, aijoimy mydoõmy, urile, tureny, mabe, berinanymy, iximy, terinany, myhỹte-wsemy.-diarȳ, tahe, aDeuxu rare.
\v 19 warybe, rerire, bityhynykrenymy, uritre, bderaty witxira iumyõdȳȳõmy, wikile. Tule, uritre, iwitxira, nõredi ixinõredȳȳõmy.
\v 20 Kaa, hãbu, ratxikrewna , kaa, hãwyy, wetxu, urile, tahe, hãwyy, iwitxira, hãbu, hãwyy, ratxireri, urile tahe, ijohonarbi, riwyõra, tule, ixinamy, ratxiõreri, kia, hãbu, tule, wetxu, aõhõkõmy, rutyynyrenykre, kia tahe, rururenyõkre, tkiemy, tii, ixinamy, ratxiõreri.
\v 21 Taikimy tahe, kaa, taõòta-òtaòta ritakrewna, urile tahe, riteòsinykre, xiwe, Deuxu dee, kia tahe, riteòsinykre, carneiro-õ, tai tahe, tii riwykre, xiwena heto ijo-ò.
\v 22 Kia tahe, Deuxu-ki, tyhyle, kia sacerdotxi riwahinykre carneiro Deuxu dee, ixiery ixyby, tòenatxi reakre, kia tahe, habu sõwemy, ibina riwinyre.
\v 23 Kia canaãki, mahawanykreu, tule, alobrona, bderaty, rȳikrewna, kia, irȳsȳrenyõmy, komy tahe, raratynykre, tkiemy, kia bderaty, awiõre.
\v 24 Kaa, inabiowa wyradi, bderaty mahãdu, wahõrõmykre,-diarȳ, Deuxu , kia, wawiuna tbòmy.
\v 25 Kaa, iruyre-wyrau, kaiboho ixinamy birȳsȳbenykre, taiki tahe, sõwemy, raratynykre,-diarȳ tuu rarybereri, aDeuxureny.
\v 26 Uritre, kia hãlbu, aõdedi rȳira, iròõmy, tule, itxeseõmy, kia, timyrebò iòraru, tule, iwidȳȳõmy, hàri bdedȳȳnana.
\v 27 Tule, arade, iresyõmy, kia tule asuu-siri.
\v 28 Mahinybenywna, rubu-ò, uritre tahe, aumy, ikresyõmy, tuesȳ, iwidȳȳõmy, aõtxile,-diarȳ tahe, aDeuxu  rare.
\v 29 Uritre, arire, tyhydȳȳõmy, biwahinyhenymy, kia wydenamy, taiki, rityxinyheny, aõbinabina-le.
\v 30 -Sabadu tahe, bityhynybenymy, tkiemy, wabdedȳȳnana- tyhy, rareki, tule, bityhynybenymy, kaa waheto.-diarȳ tahe, aDeuxu rare.
\v 31 Uritre, ixiwiohedȳȳmy, ijraõmy, kia, mobo, rubu rityhynymyhỹre-ò, tule, mobo, ureraru mahãdu, tkiemy, awiaõkõ rare, tai abinamy, tule axumy mabeheny.-diarȳ aDeuxu rare.
\v 32 lȳmamy tahe, byimy, kia, iumy mahãdu-korbi, tule, bityhynybenymy; taiki,-diarȳ, tiwatyhynyteri,-diarȳ aDeuxu reny wahe.
\v 33 Uritre ibinamy idireny noõmy umyreny ryiradi.
\v 34 Awimy, idireny, matximy, kia israelita mahãdu-wsemy, tureny berinanymy, tkiemy, kaiboho, juhu, tuu tòitemyhỹ, Egitu suki, taiki tahe, tureny, berinanymy, tuu, iximy, terinany myhỹte-wsemy.-diarȳ aDeuxu reny rare.
\v 35 Uritre tahe, aõhõkȳmy, ixy, isydȳȳõmy, tule, ixybòdȳȳõmy.
\v 36 Òbitimy, utxiena biuhemyhỹ.-diarȳ aDeuxureny rare.-diarȳ dori, araterenyre kia Egitu su-rbi.
\v 37 Bityhynymy, warybe rerire adeereny.-diarȳ tahe aDeuxureny rare.
\c 20
\cl Capitulu 20
\s1 Rarytxyna sõemy òraruna òtaòta-ò
\p
\v 1 Deuxu Tyhyhykỹ ritòenyre Moisesi:
\v 2-3 rarybekremy Israel mahãdu yky ki rahãwanykeki, bihitxinybenykre iriòreriòreõ Mòlòki (Moloque) ỹnyxiwedee rexitòenymy rarekremy, tii heka iny mahãdu rirubunykre mana òhòte-di huremy.-diarỹ iòludumy aratxikre kaa hãbu kiata ariteònykre iny mahãdu yky ribi. kia riwahinyreki tariòreõ Mòlòki dee raõmysỹdỹỹnykremy, tii heka isuisu binamy risỹnyre Deuxu rybe-di Heto riòre ijohona, tibedekibo rasỹnymyhỹre, kia risurisunyre wanilyrahãkỹ.
\v 4 Kia txibo iny mahãdu aõmy rexirarenyõkre wana, kaa hãbu riwinyre òludumy kia rirubunyrenyõrenykre wana,
\v 5 -diarỹtyhyle iòludumy ararekre kia ihãwyy boho òludumy.-diarỹ ariteònyrenykre iny mahãdu yky ribi, kia ibutumy motyhytyhybo iheki iwesemy riwinymyhỹrenyre wana kia rityhynymyhỹrenyre Mòlòki ỹnyxiwe.
\v 6 Txibo mobo riekreki wiòhedỹỹ rubu mahãdu tyytyby-ò  rexitòenymy kia ureraruduõ rierenykreki aõ tamy ròhònykemy rierykremy,-diarỹ kaa iny òludumy aratxikre kaa iòraruna òraruki kia tahe ariòlòdỹỹnykre iny mahãdu yky ribi.
\v 7 Wadee sohojile bexirautebenyke kiata òbitityhymy matxibenyke, kiemy dori-diarỹ Tyhyhykỹ rare, aDeuxureny.
\v 8 Bityhynybenyke warybe wahidỹỹnana.-diarỹ Deuxu Tyhyhykỹ rare kia-diarỹ heka arawirarearenyre iny mahãdu ijõreny ribi kai boho wahõrõ sohojilemy matxibenykremy.
\v 9 Iny ritxuhokre tyby yda tadi kia heka rurukre; kia heka tii òbitile tarubu òrarudỹỹdukre, kiemy dori ritxuhore tyby yda tadi.
\v 10 Txibo hãbuõ aõòta riwinykre iny witxira hãwyy wana, tii kia hãwyy wanale rurukre.
\v 11 Txibo hãbuõ òtaòta riwinykeki tyby hãwyy mahãdurenyõ wana, tii heka tyby rityhynyõhyyreri, kia tii hãwyy wana rururenykre; tii boho heka tarbureny òrarudỹỹdurenykre.
\v 12 Txibo hãbuõ òtaòta tarioreriorese wana riwinykeki, ka iny inatxi boho rururenykre òraruna òtaòta riwinyrenyraki; tii boho heka tarubureny eryrenykre.
\v 13 Txibo hãbuõòtaòta riwinykeki iwitxira hãbu wana, kia iny inatxi boho rururenykre taõòtaòtareny binahãkỹ òraruki; tii boho heka tarubureny eryrenykre.
\v 14 Txibo hãbuõ hãwyy my roikeki kia ise wana roilekre, kia aõòtaòta kia aõòtaòta binahãkỹ rare, kia iny inataõ boho irudihikỹle roorenykre; kaa aõòtaòta binahãkỹ heka rexihukre iny mahãdu yky ribi.
\v 15 Txibo hãbuõ òtaòta riwinykeki iròduõ wana, kia iny inatxi boho rururenykre.
\v 16 Txibo hãwyyõ òtaòta riwinykeki iròduõ wana, kia iny inatxi boho rururenykre; tii boho òbitile tarubureny eryrenykre.
\v 17 Txibo hãbuõ hãwyymy roikeki taseriòre wana, aõtxile tyby weribi yda tadi weribi tyby weribi, kia iny inatxi boho rateòdỹỹrenykre butu ruki iny ykyreny ribi. kia heka ixỹrunahãkỹ rare hãbuõ taseriòre wana hãwyymy roike; tii heka rararytxykemy ratxireri.
\v 18 Txibo hãbuõ òtaòta riwinykeki hãwyyõ wana tehe-di ratxireri hãre, kia iny inatxi boho rateòdỹỹrenykre iny ykyreny ribi. Iny inatxi boho isuisumy ibinamy ratxirenyre, kiemy dori rikròrenyre rybe wahidỹỹnana lyralyrahãkỹ tehe bededỹỹnanamy rarybemyhỹre.
\v 19 Txibo hãbuõ òtaòta riwinykeki talabeterỹ wana, kia iny inatxi boho rarytxynamy rekoarenyreri, kiemy dori sỹhỹkỹle rare.
\v 20 Kia hãbuõ òtaòta riwinykeki talana riòrese wana kia heka ilana dee ixỹrunahãkỹ rare. Hãbu kia talana riòrese wana rarytxynamy rekoareri. Tii boho tiu iriòrerenyõna.
\v 21 Txibo hãbuõ òtaòta riwinykeki taseriòre hãwyy wana, tii heka taseriòre riixỹrudỹỹnyre. Kia heka aõòtaòta binahãkỹ rare, kia iny inatxi boho rururenykre i iriòrerenyõmy.
\v 22 Bityhynybenyke warybewihikỹ warybetyhydỹỹnana kia suu tiobo-diarỹ rewyreri, suu heka asurenymykre, kia tiu iribi arateònyrenyõtyhy.
\v 23 Uritre iny mahãdu kua ribiariteònyrenykre iweserenymy iaõnaõnareny widỹỹrenyõmyrenykre, kia tuu suu ahõrõrenymy rawahire wesemy.-diarỹ tamyreny urile wawoxi roburobure kia aõòtaòta binahãkỹ riwinymyhỹrenyre òraruki.
\v 24 Ka-diarỹ tahe tuu adeereny rarybere kua suu adeereny ariwahinykremy, kai boho tahe suu wihikỹki ityhyki boibenybekre.-diarỹ heka tiiemy nodutyhy rare, aDeuxureny;-diarỹ heka arahitxinyrenyre iny mahãdu witxirareny ribi.
\v 25 Kiaremyta, betehebenykre iròdu iròdu-di nawii nawii-di idewiwi kia idebinabina-di.-diarỹ heka reerymy rewinyre txibo iròduõ yda nawiiõ idewimy yda iròduõ sumy rexirurehemyhỹre idebinabinamy yda aökömy;-diarỹ retòenyre kai boho biròbenykelau aõtxile aõnaõnade binabina, kai boho adebinabinamy matxibenykelau.
\v 26 Òbitimy aõòtaòtarenyõmy matxibenyke, kiemy dori-diar:y Deuxu Tyhyhykỹ rare,-diarỹ heka òbitityhymy nodu rare.-diarỹ heka arahitxinyrenyre iny witxira mahãdureny ribi kia kai boho wahõrõ sohojilemy matxibenykremy.
\v 27 Aõtxile hãbu yda hãwyy rexitòenyrenykre rubu mahãdu tyytyby-ò  yda hàri bededỹỹnana aõbo riwinykre, kia heka mana òhòtedò my rurukre. Kaa iny heka tii òbiti tarubu rierykre.
\c 21
\cl Capitulu 21
\s1 Rybe Wahidỹỹnana Deuxu Rybe-di Ijohodu Mahãdureny Dee
\p
\v 1 Deuxu Tyhyhykỹ riteònyre Moisesi rarybekremy Deuxu Rybe-di Ijohodu mahãdu-ò, kia Araõ rioreriore boho: Deuxu Rybe-di Ijohoduõ idebinabinamy ratxiõkre kia tasỹ rubude-ò  rerikreki,
\v 2 aõhebo tahe tasỹtyhyrenykeki, ise, tyby, iriòre boho, iseriòre
\v 3 yda iseriòre terỹ ixiòhyymy ihetoki rasỹnymyhỹre.
\v 4 Kia tii idebinabinaõmy ratxikre taseriòre ihãbu-di rubu òraruki.
\v 5 Deuxu Rybe-di Ijohodu mahãdu heka raradesyrenyõkre, tasuusiri risyke aõkõre yda rubu òraruki risyke aõkõre.
\v 6 Tii boho ibutumy rityhynyrenykre taDeuxureny kia ini risurisunyrenyõkre. Tii boho riwahinyrenykre xiwena kia heka rỹsỹna rare Deuxu Tyhyhykỹ dee; kiaremyta òbitimy rityhynymy roirekre Deuxu.
\v 7 Tii boho heka ratarenyre Deuxu dee raõmysydỹỹnyrenykremy kia iurenana hãwyymy roirenyõrenykre wedenaõ wana yda hãwyy itòra tyby wana yda hãwyyõ tahãbu ribi rexihitxinyreri wana.
\v 8 Deuxu Rybe-di Ijohodu riwahinykre Deuxu dee xiwena rỹsỹna, kia iurenana tahe iny mahãdu rityhynyrenykre òbitimy nodutyhymy.-diarỹ Deuxu Tyhyhykỹ heka òbitimy noduhyy rare kia retare Israeli iny mahãdu òbitimy nodutyhymy roirenyrekremy.
\v 9 Txibo Deuxu Rybe-di Ijohoduõ iriòre hirari ixidi risinykeki, wedenamy rexirahòreke, kia tii urile riixỹrudỹỹnyreri tai tahe irudihikỹ heòty-ò  rookre.
\v 10 Deuxu Rybe-di Ijohodu nihikỹ-ò rybe rỹire iwese Deuxu Rybe-di Ijohodu tiu aõlỹre tyhydỹỹna ratxiwire iratyytyre kia iu Deuxu Rybe-di Ijohodu tyy-di ratyydỹỹreu; iurenana rexisihònyhyy rarekre kia tatyy riykake aõkõre rubu rỹikeu.
\v 11 Tii rerike aõkõre rubu dee, kia tyby rubureri yda ise rubureri hãrele. Kia heka ixybyle idebinabinamy ratxikre,
\v 12 kia Deuxu Rybe-di Ijohona Heto-ò ixyby ralokeu, tii idebinabinamy ratxike.-diarỹ Deuxu Tyhyhykỹ rare.
\v 13 Deuxu Rybe-di Ijohodu Nihikỹ hãwyymy roikre ijadòòma wana sohojile;
\v 14 tii hãwyymy roiõkre wytese wana yda hãwyy tahãbu ribi reseõmyhỹre wana yda wedena wana yda aõtxile hãwyy tòraõmy rỹire wana roiõtyhy. Tii hãwyymy roikre Israelita ijadòòma wana sohojile
\v 15 kia irioreriorereny idewiwityhymy roirenyrekremy.-diarỹ heka Deuxu Tyhyhykỹ rare, kia-diary heka tuu rarybere warybe-di ijohodumy ratxikremy.
\v 16 Deuxu Tyhyhykỹ rarybere Moisesi dee myỹ:
\v 17 Marybeke Araõ dee kia iriòreriorerenyõ txibo aõ tai ibinaõkre wana aõwaxina rỹrỹna xiwena-di wadee robenykre.
\v 18 Hãbuõ iaõbinabinaõmy ratxikre aõwaxina rỹsỹna xiwena wadee riwahinykre: txibo iruebetà, itikre, iòsỹnytxi aõ ibina;
\v 19 inyõ irutikremy yda iaxiòkremy;
\v 20 inyõ iumy rabumy yda biredutyhymy; inyõ iruetxi ibinanaõ yda iwitxira inyde binanaõ.
\v 21 Tiu Araõ Deuxu Rybe idi Ijohodu riorerioreõ ibinabinaõkre wadee rỹsỹna xiwena-di robenykre; txibo tii iaõbinabinadikre wana, kia ratòedỹỹkre warỹsỹna wadee riwahinykremy.
\v 22 Kaa hãbu heka kaxiwena rỹsỹna rirỹsỹkre, kia rỹsỹna ratyhydỹỹmyhỹre rirỹsỹlekre;
\v 23 ka tii tahe Deuxu Tyhyhykỹ bedetyy-ò  rehemynyõkre, kia xiwena heòty-ò  rehemynyke aõkõre, kimey dori iaõbinabina ijõdire kia ibinabinatyhymy rỹirenyreki kaa inatxi boho.-diarỹ Deuxu Tyhyhykỹ kia-diarỹ heka ixidee araywinyrenyre.
\v 24 Kiamy heka Moisesi rarybere Araõ dee, iriòrerenydee kia ibutumy Israeli iny mahãdu-ò.
\c 22
\cl Capitulu 22
\s1 Xiwena òbitityhy
\p
\v 1 Deuxu Tyhyhykỹ tarybe riwahinyre Moisesi
\v 2 rarybekremy Araõ dee kia iriòre bohodeereny myỹ: Kia idi ibutumy bityhynymy boibenybekre xiwena brebuna-di; Israeli iny mahãdu wadee riwahinymyhỹrenyre, Deuxu Tyhyhykỹ, kia uritre isuisudỹỹrenyõmykre wani òbitityhyhykỹ.
\v 3 Txibo arioreriorerenyõ ibinabinamy isuisumy ratxikre tiu wadee riwahinykreu xiwena brebuna kia Israeli iny mahãdu wadee tuu robenymyhỹre, kaa hãbu tiu ixyby ratxiõtyhy warybe-di Ijohodumy. Kaa rybe wahidỹỹna heka ikiemy tuu rarekre.-diarỹ heka Deuxu Tyhyhykỹ rare.
\v 4 Araõ riorerioreõ idesityy iwebinadukeki yda iumy ribi aõtxile iwebinadukeki rirỹsỹõkre xiwena brebuna, ixyby idewityhymy ratxikreuhukỹle rirỹsỹkre. Deuxu Rybe-di Ijohoduõ idebinabinamy ratxikre aõtxi aõbo isuisumy ibinabinamy rỹimyhỹre-ò, kia rubu tyy-ò  rororeki. Tii idebinabinamy isuisumy ratxikre txibo tõsy rexihukre wana
\v 5 yda txibo iròdu binanaõtxi yda iny binanatxi reòsamy rerikre wana.
\v 6 Tii idebinabinamy ratxikre txiorouhukỹle kia xiwena rỹsỹna brebuna rirỹsỹkre rõhõkre sỹtybyhykỹlemy.
\v 7 Txioro sỹtybymy tii idewimy idelyralyramy ratxikre kia tahe rirỹsỹkre xiwena rỹsỹna brebuna rirỹsỹkre, kiemy dori irỹsỹna rare.
\v 8 Tii riròõkre iròdu ixi sohojimy rurukre yda txibo iròdu debure rirubunykre. Txibo tii rirokre wana idebinabinamy isuisumy ratxikre.-diarỹ heka Deuxu Tyhyhykỹ rare.
\v 9 Ibutumy warybe-di Ijohodu mahãdu warybe wahidỹỹnana-diarỹ rewahinyre rityhynyrenykre; txibo rityhynyõrenykre wana, kia tii boho òbiti òrarumy rejujurenymy rururenykre.-diarỹ heka Deuxu Tyhyhykỹ rare kia ixidee retarenyre.
\v 10 Kia warybe-di ijohodu sohojile kia iròrereny sohojile rirỹsỹrenykre xiwena rỹsỹna brebuna. Ka ihetorenyki ratximyhỹrenyre kia iaõmysỹdỹỹdureny boho rirỹsỹrenyõkre kaa xiwena rỹsỹna.
\v 11 Ka warybe-di ijohodu wetxumy rỹimyhỹrenyre, kia ijõ riõbranymyhỹrenyre ihetoki ruamyhỹrenyre wesemy, kia tahe aõwaxina xiwena rỹsỹna rirỹsỹrenykre.
\v 12 Txibo warybe-di ijohodu riòre hãbumy roikeki, kia hãbu warybe-di ijohokõdu wana, tii rirỹsỹõkre xiwena rỹsỹna brebuna.
\v 13 Txibo tii wytese wana yda tahãbu wana wiribi ixekre wana, kia iriòrekõmy ixyby tyby heto-ò  sỹmy roosereri, iwese juhu ijadòòmamy raremyhỹ wesemy, tai tahe xiwena rỹsỹna rirỹkre tamy ijõdireri. Kia warybe-di ijohodu mahãdurenyle tariòre boho wana sohojile xiwena rỹsỹna rirỹsỹrenykre.
\v 14 Inyõ txibo rieryõmy rirỹsỹkeki xiwena rỹsỹna, kia warybe-di ijohodu dee xiwena rỹsỹna riòwynykre ixyby iruyre sõemy.
\v 15 Warybe-di ijohodu mahãdu riwahinyrenyõkre xiwena rỹsỹna brebuna kia iny mahãdu Deuxu Tyhyhykỹ-ò  tuu robenymyhỹrenyre risurisunyrenyõkremy.
\v 16 Tii boho riwahinyrenyõkre xiwena rỹsỹna rirỹsỹrenyõkremy kia iny mahãdu dee ratòemyhỹrenyre rirỹsỹrenykelau. Txibo kaa iny mahãdu rirỹsỹrenykeki, kia tii boho bede òrarumy reserenykre, kia tahe rararytxydỹỹrenykre.-diarỹ Deuxu Tyhyhykỹ rare kia xiwena ratyhydỹỹmy ratxikremy.
\s1 Rybe Wahidỹỹnana Iròdu Mahãdu Rawahimyhỹrenyre Xiwenamy
\v 17 Deuxu Tyhyhykỹ rarybere kia Moisesi riwahinykremy Araõ dee, iriòre boho dee kia ibutumy Israeli iny mahãdu dee myỹ rybe wahidỹỹnana.
\v 18 Tiu israelita mahãduõ yda iny witxiraõ iny mahãdu ykyki ratximyhỹre riwahinykre xiwenamy Deuxu Tyhyhykỹ dee, iròdu heka ibutumy rookre, kia aõòwydỹỹnamy, kia xiwena aõwaxina ixideewimy riwinykre,
\v 19 iròdu hãbu aõ tai ibinanaõ xiwenamykre. Kawesemy tahe xiwena dee adeòby rỹikre. Iròdu heka broreni hãbu tukre yda budoeni hãbu yda bode,
\v 20 kia heka aõ iròduki ibinanaõkre tuu raywikre. Txibo iròduõ ibinanadi rawahikreki, Deuxu xiwena-ò  reòbyõkre.
\v 21 Txibo inyõ riwahinykre wana xiwena bedeywidỹünana aõ òwydỹỹnamy, txibo xiwena aõtxile ixideewimy, iròdu heka aõ tai ibinanaõ tuu raywikre, xiwena dee adeòby rỹikremy. Kia broreni hãbu tỹmyra tukre yda budoeni hãwyy yda cabra aõbo, kia heka aõ tai ibinanaõ tukre.
\v 22 Uritre xiwena wahidỹỹrenyõmy Deuxu Tyhyhykỹ dee, iròdu irubtà yda itikreõ yda aõtxi idebinabinadimy; yda iròduõ iwo binanadimy, yjy yda aõtxi ide binana-di. Iròduõ aõtxi ibinanadikre wana Deuxu Tyhyhykỹ dee rawahiõkre xiwena rỹsỹnamy.
\v 23 Kai boho aõwaxina biwahinybenykre xiwena rỹsỹna ixinamy ixideewimy, broreni hãbuõ yda budoeni riòre hãbuõ, ka uritreta iwahidỹỹrenyõmykre aõtxi òwydỹỹnamy.
\v 24 Uritre iwhidỹỹrenyõmy Deuxu Tyhyhykỹ dee aõtxi iròdu isiy wotõmõnadimy, rasurusurumy, rasiytamy yda rakròmy. Kawesena heka tiu Israel suki rawahiõhyymyhỹre.
\v 25 Kia tamy adeòby rỹike aõkõre iny witxira mahãdu ribi, kawesena iròdu binabina rawahikemy Deuxu Tyhyhykỹ dee xiwena rỹsỹnamy. Kawesena iròdu iròdu binabina, Deuxu tamy reòbyõkre.
\v 26 Kia Deuxu Tyhyhykỹ rarybelere Moisesi dee:
\v 27 Tiu broreni riòre ruakreui, budoeni riòreõ ruakreu yda cabra riòreõ ruakreu, tii heka tadi ki bede riekre debã inatxitxu sõemy; kia debò inataõtxu rimy-di tahe aõwaxina rawahikre Deuxu Tyhyhykỹ dee xiwena rỹsỹnamy.
\v 28 Uritre irubudỹỹõmy itxuutyhyle xiwenamy rawahikremy broreni hãwyyõ tariòre wana, budoeni hãwyy tariòre wana yda bode hãwyy tariòre wana.
\v 29 Tiu biwahinybenykreu xiwena xiwena wadee, Deuxu Tyhyhykỹ, kia òbitimy biwinymy boibekre xiwena rybe wahidỹỹnana kia-diarỹ tamy areobykremy.
\v 30 Xiwena birỹsỹbenyke ibutumy itxuutyhyle irutre iuhedỹỹrenõmy ijõ txuu rarỹsỹkemy.-diarỹ Deuxu Tyhyhykỹ rare.
\v 31 Bityhynybenyke warybe wahidỹỹnana.-diarỹ Deuxu Tyhyhykỹ rare.
\v 32 Uritre iwidỹỹrenyõmy rasurasukremy wani lyralyra. Kia ibutumy Israeli iny mahãdu òbitimy raryberenykre-diarỹ tyhyhykỹ raremy.-diarỹ Deuxu Tyhyhykỹ rare kia ixidee kai boho aratarenyre.
\v 33 -diarỹ heka Egito ribi aratarenyre kia aDeuxurenykremy.-diarỹ Deuxu Tyhyhykỹ rare.
\c 23
\cl Capitulu 23
\s1 Ityhydỹỹna Ixena
\p
\v 1 Deuxu Tyhyhykỹ riteònyre Moisesi
\v 2 rybe riwahinykremy israelita mahãdu-ò  myỹ rybe wahidỹỹnana ityhydỹỹnana ixenamy rybe ratyhydỹỹtyhymyhỹre, tiu iny mahãdu rexibutunymyhỹrenyreu Deuxumy rerinanyrenykremy.
\v 3 Kai boho debò sohojitxu sõemy ijõdire maõmysỹdỹỹnybenykremy, ka debò inatxina txu tahe ratyhydỹỹkre ixielehydỹỹnamy, iu ibutumy iny rexibutunymyhỹrenykre Deuxumy rerinanyrenykremy. Uritre aõmysỹdỹỹwidỹỹrenyõmykre ka txuu. Kia ibutumy israelita mahãdu tihãwaki rasỹnyrenykre, sabadu txu heka Deuxu Tyhyhykỹ dee ratare rare.
\s1 Pascoa Ixena Kia Paõ Iuriõ Ixena
\v 4 Ka boho heka ityhydỹỹdu ixenana rare, tiu iny mahãdu rexibutunyrenykre Deuxu Tyhyhykỹmy rerinanykremy. Ka ixena sohoji sohoji heka itxu raywidỹỹmyhỹkreu relemyhỹkre.
\v 5 Pascoa ixena Deuxu Tyhyhykỹmy rybenawiwi relekremy rawidỹỹmyhỹre, txiorou heka ròrarunymyhỹre 14 txuu ahãdu kodelemy.
\v 6 Waiyre txuu ka ahãduòle ròrarunymyhỹre paõ iuriõ ixena, Deuxu Tyhyhykỹmy rybenawiwi relekremy. Kia debò inatxi txumy bede rỹikre ixena-di, kai boho biybenykre paõ iuriõ my.
\v 7 Ka ixena rỹikre kodele txumy inyõ raõmysỹdỹỹnyõhyykre, kia ibutumy bexibutunybenykre Deuxumy berinanybenykremy.
\v 8 Debò inatxi txu wana wana Deuxu dee xiwena rỹsỹna biwahinybenykre, debò inatxi txu rimykreu bexibutunybenykre Deuxumy berinanybenykremy. Ka txuu inyõ raõmysỹdỹỹnyõhyykre.
\s1 Kodelemy Aõwi Rede Ixena
\v 9 Deuxu Tyhyhykỹ tarybe riwahinyre Moisesi
\v 10 dee rarybekremy Israeli iny mahãdu dee myỹ: Tiu kai boho birònybenykreu su-ò -diarỹ adeereny rewahinyreri kia kodelemy biwinybenykre maixõmõ rede, ijõ buteõ biwybenyke Deuxu rybe-di ijohodu-ò  kai boho tehetenyteõ.
\v 11 Ijõ txu kanakreu sabadu hewomy, Deuxu rybe-di ijohodu riwahinykre maixõmõ bute Deuxu Tyhyhykỹ dee, kia tii adeereny reobykremy.
\v 12 Ka txuutyhyle Deuxu dee tuu bobenybenyke, kia iwese xinaõ ibutumy roomyhỹre budoeni riòreõ sohojimy iwyra, aõ tai ibinanaõ.
\v 13 Kia tahe rawahikre xiwena rỹsỹnamy, inatxi utxiemy ỹnyde aõòlỹrena wana rauridỹỹmy. Xiwena lỹnyre heka awityhytyhyre Deuxu dee. Rawahilekre xiwenamy mona besò sohoji litro my (vinho) be.
\v 14 Uritre irỹsỹrenyõmy maini ratywebò, kia tahe tuhyy xiwena rawahikre Deuxu dee. Kia ibutumy tibedekibo masỹnybenykre, kai boho kia arioreriore boho rityhynyrenykre kaa rybe wahidỹỹnana ikiemy.
\s1 Aõwi Redena Ixena
\v 15 Idi mariabenyke debò inatxi semana my, Deuxu dee tewahinytenyte txuu kodelemy maini bute tehetenyte.
\v 16 Ijõ txuu tahe 50 txu sỹtybymy maini bute tewahinytenyte, kia ixyby biwahinybenyke Deuxu Tyhyhykỹ dee xiwena aõwi tehetenyte.
\v 17 Hetowo sohoji sohoji xiwena riwahinykre inatxi paõ sõe kia ỹnydewihikỹ-di relekre kia iuridimy. Paõ sohoji sohoji inatxi kilo my rautxienykre. Kaa paõ sõe heka xiwena rare Deuxu Tyhyhykỹ dee, kia heka awiawityhy ratare aõwi redena ribi.
\v 18 Paõ sõe wana butumy rawahikre debò inatxi sõemy budoeni riòre sohojimy iwyra, aõ taireny ibinanaõ, sohoji broreni hãbu tỹmyra kia inatxi budoeni hãbu. Kaa iròdu iròdu heka rawahirenykre Deuxu Tyhyhykỹ dee, xiwena wesemy ibutumy roorenykre, ibutumy maini xiwena, mona besò xiwena. Kaa xiwena rỹsỹna lỹnyre awityhytyhy rare Deuxu Tyhyhykỹ dee.
\v 19 Biwahinybenyleke sohoji bode aòrarureny ratarenykremy kia inatxi budoeni riòre hãbu sohojimy iwyra, kia xiwena bedeywidỹỹnamy.
\v 20 Deuxu rybe-di ijohodu riwahinykre Deuxu Tyhyhykỹ dee inatxi budoeni riòre butumy paõ sõe wana, xiwena sohojityhymy. Ka heka xiwena brebuna rare Deuxu rybe-di ijohodureny sohojiole rawahimyhỹrenyre.
\v 21 Ka txuu inyõ raõmysỹdỹỹnyõhyykre, kia ibutumy bexibutunybenykre Deuxumy berinanybenykremy. Kia ibutumy tikibo masỹnybenykreki, kai boho kia arioreriorereny rityhynyrenykre kaa rybe wahidỹỹnana ikiemy.
\v 22 Tiu maini bihebenykreu, uritre mainiti tyy rahãsarenyõmykre kia bede weijàtimy rỹimyhỹre, kia uritre ixyby òkeseõmy mainiti rahekõre-ò. kia ixinamy rarikre iny iaõkõmy rỹimyhỹrenyre-ò, kia iny hãwã  witxira mahãdureny-ò.-diarỹ tiiemy nodu rare, aDeuxureny.
\s1 Wyra Tỹmyra Ixena
\v 23 Deuxu Tyhyhykỹ riteònyre Moisesi
\v 24 rarybekremy Israeli iny mahãdu-ò  myỹ: Txuu kodelemy debò inatxi ahãdu txu heka brebuna ixielehydỹỹna rare, kia idi ixena rỹimyhỹre tambo d; kia tahe ibutumy bexibutunybenykre Deuxumy berinanybenykremy.
\v 25 Uritre katxuu aõmysỹdỹỹrenyõmy kiata biwahinybenyke Deuxu Tyhyhykiỹ dee xiwena rỹsỹna.
\s1 Iny wirue txi Ijohona Txu
\v 26 Deuxu Tyhyhykỹ rarybere Moisesi dee:
\v 27 Debòitue txu debò inatxi ahãdu heka itxuu iny mahãdu òrarunareny ratyhydỹỹrenyõre. Ka txuu inyõ riroxiõhyykre, kia ibutumy Deuxu Tyhyhykỹ-ò  biwahinybenykre xiwena rỹsỹna.
\v 28 Inyõ raõmysỹdỹỹhyykre ka txuu, kiemy dori itxuu rawahire Deuxu Tyhyhykỹ dee, aDeuxureny, xiwena iny mahãdu òraruna ratyhydỹỹõrenykremy.
\v 29 Aõtxile inyõ riroxikre aõ Iby Ruetxi ijohotxuu, kia rateòdỹỹkre iny mahãdu ykyreny ribi.
\v 30 Txibo inyõ raõmysỹdỹỹnykreki itxuu,-diarỹle iny arikrubunykre.
\v 31 Uritre aõtxi aõmysỹdỹỹ iwidỹỹrenyõmy; kia ibutumy tikibo masỹnybenykreki, kai boho arioreriorereny wana bityhynybenykre, ka warybe ikiemy.
\v 32 Kia debò inaubiòwa txu txioromy kia debò itue txu txioromy, ka heka ratyhydỹỹkre txuu brebuna ixielehynamy, kia itxuu inyõ aõ rirỹsỹõhyykre.
\rem dat 2000
\s1 Breò Heto Riòre Ixena
\v 33 Deuxu Tyhyhykỹ riwahinyre Moisesi dee
\v 34 rybe wahidỹỹnana Israeli iny mahãdureny-ò. Debò inatxi ahãduu waiyre txuu heka ròrarunymyhỹre Breò Heto riòre Ixena. Kaa ixena heka Deuxumy derinana rỹimyhỹre rare kia debò inatxi txu my ixena-di rỹikre.
\v 35 Kodele txuu rybe butuna brebuna rỹikre, kia inyõ iu raõmysỹdỹỹnyõhyykre.
\v 36 Txu sohoji sohoji my ihyy debò inatxi txu sõe rimykre ixena-di, biwahinybenyke Deuxu Tyhyhykỹ-ò xiwena rỹsỹna. Debò inataõ txu rimy-di ibutumy bexibutxunybenyke Deuxu my berinanybenykremy kiata tamy biwahinybenykre xiwena rỹsỹna. Kia heka rybe butuna txu brebuna rare, kia iu inyõ raõmysỹdỹỹõkre.
\v 37 Ka boho heka ityhydỹüdu ixenarenyre kia iu iny mahãdu rexibutunyrenykre Deuxu Tyhyhykỹ my rarinanyrenykremy. Kaa ixenana rỹimyhỹre heka Deuxu Tyhyhykỹ dee rateòsidỹỹmyhỹre xiwena rỹsỹna, kia xiwena ibutumy roomyhỹre, xiwena aõwisòsò aõwi ratyraty, xiwena mona besò.
\v 38 Sabadu ribi hitximy, kia rararemy rarekre Deuxu ratyhydỹỹmy, kaa ixena biwinybenyleke kia biwahinybenykre kaa xiwena tuu xiwena relemyhỹre ribi hitximy, xiwena raòwydỹỹkremy relekremy rarybere, kia xiwena rawahidỹỹmyhỹre ixinamy ixideewimy Deuxu Tyhyhykỹ dee.
\v 39 Kia aõwi rede rexihu rahudi Deuxu Tyhyhykỹmy derinanamy ixenana rỹikre. Kaa ixena heka waitue txuu ròrarunykre debò inatxi ahãduu, kia 22 txuuhykỹle ixawikre. Kodele txuu debò inataõ txu my inyõ raõmysỹdỹỹõhyykre.
\v 40 Kodele txu my iny mahãdu bederatywiwi riherenykre, kia nobò iru rikòrenykre, kia bederade òtaòta ruru rikròrenykre sõemy txiru-di, kia debò inatxi txu my ibutumy biwinybenykre Deuxu my berinanybenymy, aDeuxureny.
\v 41 Kia ikiemy debò inatxi ahãdu sohoji wyrawyra my, iny mahãdu ixena riwinymy rỹirakre debòinatxi txu sõemy.
\v 42 Debò inatxi txu my ixena-di ibutumy israelita mahãdu rasỹnyrenykre Heto riòre bederade-di relemyhỹreki,
\v 43 kia tii boho irioreriore boho ikiemy tõhõtireny rekoamy roirekremy, kia Deuxu iny mahãdu risỹdỹỹrenymy Heto riòre ki, kia Egito ribi-ditadenydeu. Tii heka tikiemy noduhyy rare aDeuxureny wahe.
\v 44 Kamy heka Moisesi riwahinyre Israeli mahãdu-ò  rybe wahidỹỹnana, ixena tii boho riwinymy roirenyrekremy Deuxu Tyhyhykỹ my derinanamy.
\s1 Atesina (Candelabre)
\c 24
\cl Capitulu 24
\p
\v 1 Deuxu Tyhyhykỹ rarybere Moisesi dee myỹ:
\v 2 Marybeke israelita mahãdu-ò atesina òlỹrewiwi idiwydenykremy, kia ikiemy toosòmy rỹikremy atesina Breò riòre Brebunaki rỹireri.
\v 3 Txioro iyhyõmy Araõ riworonymy rarekre atesena kiata toosòmy rỹimyhỹkre ruu iyhyõmy, kuaki Deuxu Tyhyhykỹ ruki, tyyesi ijòtòbòna woribi kia arca rybe ywina koki. Kaa rybe wahidỹỹna heka bityhynybenykre kia arioreriorereny boho wana ikiemy.
\v 4 Araõ heka tarukikre atesina denati rỹsỹhỹkỹ-di, kia ikiemy toosòmy rỹikremy Deuxu Tyhyhykỹ ruki.
\s1 Paõ Brebuna
\v 5 Waò inatxi paõ sõemy, sohoji sohoji inatxi kilo my rautxienykre, kia mainiwityhy ribi relekre kiata rỹsỹnadena rỹsỹtyhyhykỹ dee radekre
\v 6 kia Deuxu Tyhyhykỹ ruki rỹimyhỹreki. Paõ sõe heka raywidỹykre inatxi inatxi my, kia debò sohoji paõ sõemy rateotekre.
\v 7 Kia inatxi deòteki ratydikre paõ lỹnyrenahãkỹtyhy itxi nohõti reamy rỹirakremy kia ibutumy paõ sõe rawahiremy Deuxu Tyhyhykỹ dee xiwena rỹsỹna wesemy.
\v 8 Ibutu sabadu ikiemy, Deuxu rybe-di ijohodu nihikỹ ritidikre paõ sõe wimynamynamy rỹsỹnadenatyre, Deuxu Tyhyhykỹ ruki. Kaa paõ sõe heka aõma riteòsinymyhỹre rybe widee robyrenyre ikiemy Israelita mahãdu Tikietyhy wana nodu wana
\v 9 kia tahe ikiemy Deuxu rybe-di ijohodu hõrõrenymykre, kia Araõ rioreriore boho. Paõ sõe heka brebuna nihikỹ rare, kiemy dori xiwena rỹsỹna Deuxu dee rawahire rare; iurenana Deuxu rybe-di ijohodu mahãdu riyrenykre bede brebuna txi.
\s1 Òraruna kia rarytxyna
\v 10-11 Israelita mahãdu ykyki hãbuõ raremyhỹ kia heka egípcio riòre rare hãwyy my roire israelita mahãdu hãwyyõ wana. Tii heka Selomite inire,-dibri riòre, Dã mahãdu iny. Tiu txuu tỹhinana bedeki, israelitaõ wana raõbinanyre, kaa hãbu ritxuhore kia ibinabinamy tuu rarybere Deuxu Tyhyhykỹni my. Kia hãbu ridyrenyre Moisesi dee
\v 12 kiata ribrejunymy ririrenyre kia timybo Deuxu tuu rarybekremy aõhebo rutỹỹnykremy.
\v 13 Deuxu Tyhyhykỹ rarybere Moisesi dee:
\v 14 —Bidyke kaa hãbu bede tỹhinana ribi ahãna-ò. Iny mahãdu roholarenyre riwatxuhoremy kia tebòreny iratityre ritidirenykre, irahudita ibutumy iny mahãdu rirubunyrenykre mana huna-di.
\v 15 Kia myỹ iny mahãdu-ò  marybekre: —Mobo taDeuxu ritxuhokre kia taòraru òwymy riòwynykre
\v 16 kia tahe rurukre mana huna-di, ibutumy iny mahãdu kia aõtxile txibo israelita mahãdu yda iwitxira hãwã  mahãdu; mobo ritxuhokre Deuxu Tyhyhykỹni kia rurukre.
\v 17 Kia iny rirubunykre rurulekre.
\v 18 Mobo iròdu ixỹhyludu rirubunykre iny witxira nohõ, kia riwahinykre iwedu-ò  iròduõ iyrybutyhyle iòwymy, iròduõtyhyle.
\v 19 Txibo inyõ iny witxira riwotõmonykre tamy biwinybenykre tamy riwinyra yrybutyhyle:
\v 20 kresy kresy wana, rue rue wana, juu juu wana. Tii rawotõmokre kia rowotõmodỹỹre yrybutyhyle.
\v 21 Mobo iròrodu rirubunykre iny witxira nohõ kia riwahinykre iwedu-ò  iròduõ. Mobo inyõ rirubunykre kia rurulekre.
\v 22 Rybe wahidỹỹnana heka iyrybutyhylere iny hãwã  witxira mahãdureny-ò kia israelita mahãdureny-ò.-diarỹ Tikietyhymy nodu rare aDeuxureny."
\v 23 Taita Moisesi ibutumy kamy rarybere israelita mahãdu-ò. Tai tii boho hãbu rimyrenyre Deuxuni ritxuhoreki, kiata ridyrenyre bede tỹhinana ribi ahãna-ò. Tai tahe rirubunyrenyre mana huna-di. Kawesemy tii boho riwinyrenyre tuu kia Deuxu Tyhyhykỹ tarybe riwahinyre my Moisesi dee.
\c 25
\cl Capitulu 25
\s1 Debòinatxina wyra
\p
\v 1 Deuxu Tyhyhykỹ rarybere Moisesi wana Sinai hãwãlò-ki
\v 2 kia riteònyre tii rarybekremy Israeli iny mahãdu-ò  myỹ rybe wahidỹỹnana. Kai boho su-ò  birònybenykreu kia Deuxu Tyhyhykỹ adeereny riwahinykre, kia idi matxibenykre debò inatxi inatxi wyra my suu rexielehynykre, Deuxu Tyhyhykỹ my derinana my.
\v 3 Debòsohoji wyra my abijiureny bibrònybenykre aõwaxina mona besò raty (uva), kia tahe bihebenykre.
\v 4 Ka debòinatxi wyra tahe wyra ixielehydỹỹnamykre su-ò, ixielehydỹỹna Deuxu Tyhyhykỹ-ò  tuu raubemy. Ka wyrau inyõ taoworu ribrònyõhyykre, kia (uva) rideke aõkõre.
\v 5 Inyõ maini riheke aõkõre ixinamy raumynykre, kia (uva) rideke aõkõre kia riheke aõkõre. Kia heka wyra sohoji ixielehyna òbitimy su dee.
\v 6 Bijiu heka tamy alòbrò rỹiõkre, kia ihãreleta sõemy aõwiwi-di rỹikre israelita mahãdu ibutumy riòenykremy, iwetxureny hãbu hãwyy, kia teòdureny, iny witxira mahãdu ratximyhỹrenyre israelita ykyki
\v 7 kia iròdu iròdu ixỹyludu kia iròdu iròdu bederahy ludu. Ibutumy aõwi suu risõenykre rỹsỹnamy raywikre.
\s1 Wyra Hedỹỹnana
\v 8 Idi mariake debò inatxi semana wyramy, kia heka debò inatxi wyra ixyby debò inatxi my, kia 49 wyra my rimymyhỹre.
\v 9 Taita, debò itue txu, debò inatxina ahãdu heka *Iny Witxira Ijohona txu rare, biteranyke hãbuõ riwodỹỹnykemy tamburaõ ibutumy hãwã  hãwã  my.
\v 10 Kiemy dori ka wyra, irahudi kanakre 49 wyra sohoji sohoji-di, kia heka wyra brebuna hedỹỹnana rare, kia kai boho marybebenykre ixideewimy ibutumy hãwãdu mahãdu deereny. Ka wyra ibutumy aõdibo ròhònyrenyre wetxu wesemy kia tasỹ-ò  ròòserenykre ixinamy ixideewimy, kia ibutumy oworu oworo-di idi ijoho rỹirenyre ixybyle ròòserenyre iwedu kodele dee.
\v 11 Ka wyra-ò  inyõ ròbròõhyykre taoworurenyki, kia riheke aõkõre maini ixinamy raumynykre, kia uva ribrònyke aõkõre, kia riheke aõkõre,
\v 12 kiemy dori Wyra Hedỹỹnana brebuna rare iny mahãdu-ò, kia tai ibutumy rexiòenyrenykre suu ixiòbiti bederaty raratynykre.
\v 13 Wyra Hedỹỹnana wyrau ibutumy suu ijohona my rearenyre ixybyle roosekre iwedu kodele-ò.
\v 14 Su-di ijoho yda su õbraki, uritre wibòdỹỹrenyõmy.
\v 15-16 Iòwy heka raerykre Wyra Hedỹỹnana myna-di; kiemy dori aõdi ijoho òbitityhy aõkõ rare suu, kia aõwi tii ritxuamyhỹre. Kiaremyta õbraduriyjadỹỹnykre iòwy tiwese sõebo rihere Wyra Hedỹỹnana hewo my; kia ijohodu tahe iòwy rierykre tibede wyra rihere, kia ihãremy rasiranyreri ijõ Wyra Hedỹỹnana-ò. Txibo wyra sõere wana, iòwy raòwònykre; kia ibutekre wana iòwy rayjakre.
\v 17 Kia inyõ iny witxira ratyre rariake aõkõre; kia ibutumy Deuxulau buberubenykre, kiemy dori tii ikiemy nodu rare, inyDeuxureny.
\s1 Debò Inatxina Wyra Bededỹỹnana
\v 18 Bityhynybenyke ibutumy rybe wahidỹỹnana kia Deuxu tuu rarybere tai beximywityhymy matxibenykremy suu ahõrõrenykreki.
\v 19 Tii sõemy aõwi rỹikre, sõemy rỹsỹna ijõdikre ibutu dee, kiata ibutumy awityhymy tai ratxirenykre.
\v 20 Ka inyõ tahe irayky ijõdikre rỹỹraxikremy, timybo rỹsỹna ijõdikre debã inatxina wyrau, kia inyõ ròbròõkreu, aõ riheõkreu.
\v 21 Irawyòdỹỹna heka Deuxu su-ò  tarybewihikỹ riwahinykre, kia debò inatxi wyrau tii sõemy alòbròna-di rỹikre, kia riòbynykre inataõ wyra
\v 22 Kai boho bibrònybenykreu aoworureny debò inataõ wyrau, kia birỹsỹmy matxibenybekre tehetenyte-di debò sohoji wyrau, kia tahe sõemy ijõdikre aõwi birỹsỹbenykremy debò inaubiòwa wyrau bihebenykreuhukỹle.
\s1 Rybe Wahidỹỹnana Iny Hõrõ Bededỹỹnana-my
\v 23 Su heka Deuxu hõrõ rare; kiaremyta tikiehyymy aõkõ rarekre kua ribi raõbrakre. Deuxu heka iwedure, kia tamy iny boho iny witxira rare, kia iny boho urihimyõ my isuki rasỹnymyhỹrenyre.
\v 24 Kawesemy tahe tiu su-di ijoho rỹiõkreu, kia iwedu ehetxina komy òbitityhymy ixyby riõbranykre.
\v 25 Israelitaõ iaõkõ my ratxikreki kia tasu yreõ-di ijohomy reakre, isỹtyhyõ ixyby riõbranykre tii aõdibo rohonyre.
\v 26 Ka txibo tii ihoõkreki isỹõ kia suu riõbranykemy, kia aõhe wana iraruti tii òbitile ixyby ityhymy ratxikre, kaweseki ixyby suu riõbranykre idi rohonyre-di.
\v 27 Tii ritakre tiwesebo aõwirede òwy rierymy wyra sõe aõwiredena kia ihãremy rasiranyre ijõ Wyra Hedỹỹnana. Kawesemy tahe tii ixybyle su wedumy ratxikre.
\v 28 Ka txibo tii aõ tai ihoõkre wana ixyby suu riõbranykemy, tai tahe iõbradu hõrõ my ratxikre ijõ Wyra Hedỹỹnanauhukỹle. Kawyra-ò  tahe suu iwedu kodele hõrõ my roosekre.
\v 29 Txibo hãbuõ rohonykre heto-di kia cidade hãwã  adobo uhuari-di rỹimyhỹreki, tii ixyby heto riõbranyke ijõdireri kia wyra sohoji my idi rohonyra ribi.
\v 30 Ka txibo wyra sohoji rimyõdile riõbranyõkre, tai suu iõbradu hõrõmykre kia irioreriorereny hõrõmy ikiemy. Kia Wyra Hedỹỹnana wyrakõkre hãrele heto ixybyle iwedu kodele hõrõ my roosekre.
\v 31 Kiaremy heto mahãdu rỹimyhỹre cidade hãwã  my adobo-di iuhuarikõmy, kia heka suu rỹimyhỹre wesele rỹimyhỹre; iwedu kodele ixyby heto riõbranyke ijõdireri, kia Wyra Hedỹỹnana wyrau suuixybyle kodele iwedu hõrõmykre.
\v 32 ita mahãdu ikiemy ijõdihyyrenyre ixyby tahetoreny riõbranyrenykemy, kia cidade hãwãki tai rasỹnymyhỹrenyreki.
\v 33 Ka txibo Levitaõ taheto-di rohonykreki ka  hãwã  bedeõki, kiata ixyby riõbranyõkre, taita Wyra Hedỹỹnana wyrau heto ixybyle ihõrõmykre; kia dori cidade my heto rỹimyhỹre tai Levita mahãdu rasỹnymyhỹrenyre kia ihõrõrenymykre ikiemy Israeli iny mahãdu yky ki.
\v 34 Ka bederahy rỹimyhỹre Israeli cidade hãwã  weruramy, ibedeki Levita mahãdu rasỹnymyhỹrenyre idi ijoho rỹike aõkõre; kia Levita mahãdu hõrõmy ikiemy rỹire.
\s1 Rybe Wahidỹỹnana Iny Iaõkõ Bededỹỹnana
\v 35 Txibo israelitaõ rasỹnykeki abireki kiata iaõkõkõmy ratxikre kia timy ixidi tòreõna, taita kai idi arukimy matxikre. Biwiòhenanyke tii iwitxira hãwãludu wesemy aykyrenyki rahãwanyreri, kia tii abireki rahãwanymy ratxikremy.
\v 36 Uritr iratyremy aòwy itxeseõmy nieru tamy tehuotete. Deuxu aõmy rarybemyhỹre bityhynymy kaa hãbu abireki rahãwanymy ratximyhỹkremy.
\v 37 Uritre Uritre aòwy itxeseõmy iratyremy aõ tamy bihuotekreki, kia uritre rỹsỹna òwy ratyre itarasaõmy kai tamy idi bohonykre ki.
\v 38 Kamy heka Tikiemy Noduhyy, iny Deuxureny riteranyre Egito ribi Kanaã su inydeereny riwahinykremy kia inyDeuxurenykremy.
\s1 Rybe Wahidỹỹnana Wetxu Mahãdu-my
\v 39 Txibo israelitaõ abireki rasỹnyre iaõkõtyhymy resekre, kiata adee rehemynymy ixi rohonykre awetxu my ratxikremy, kia uritre iaõmysỹdỹỹõmykre wetxu wesemy.
\v 40 Idi matxikre tii aki aõmysỹdỹỹdu wesemy yda iny witxira hãwãludu wesemy akireny rasỹnymy. Tii adee raõmysỹdỹỹnykre Wyra Hedỹỹnanaòhòkỹle,
\v 41 Ka wyrau tahe tii tariòre boho wana roirenykre kia rooserenykre tasỹreny òbiti-ò  kia tahỹỹnareny su-ò.
\v 42 Israelita mahãdu heka Deuxu Tyhyhykỹ westxu roire, kia Egito ribi ritarenyre; tii boho idireny ijoho rỹike aõkõre wetxu wesemy.
\v 43 Taiki tahe, ibinamy idireny nõõmy, urile bityhynybenymy, Deuxo tuu ririre mynamy.
\v 44 kaa deòdùmy bekòwabenykre-wna, bimybenykre biòwynymy kia iwijira hãwã-rbi.
\v 45 Tule biòwynymy biwybenykre iwitxira riòre hãwãmy rȳira umyreny. Kaa uladu mahãdu rùare Isarel suki ixinamy biõbranybenykre awetxumy,
\v 46 tai iwedùreny ririkre tariòreboho-ò, tai teòdùreny ikiemy rȳirakremy. Kaa Israle mahãdù uritre wetxumy widi rȳikõmy, tule uritre widi ibinamy rȳikõmy.
\v 47 -dimykibò iwitxira mahãdù ityhymy relemy rareheny, tai tahe ibirelùdule releheny ityhykõmy, tule ixidi ròhonymy rarehyny ȳda iseriòre mahãdu aõbo.
\v 48 ijohonamy reakeki Isarel mahãdu ixinamy ixybyle ijoi riòwynymy ritake. Iseriòre aõbo,
\v 49 ilabri aõbo, ixinamy ixybule riõbranyke. Tii inieru sõwekeki ixinamy rexitake.
\v 50 Tii habu wna widee iòwymy rarybekre-diwyse sõwemy iwyra ijõhonaki. Iowytahe kiamy relekre idi rõhõnykre ròtamyhyre \f +
\fqa Tii habu-wna widee iòwymy rarybekre diwyse sõwemy iwyra ijõhonaki. Iòwy raerykre   hawyy ròtamyhȳre-di.  \f*
\v 51 Sõwemy iwyra òlòna rasiranykre-wna, tii riòwynykre ibkȳmy ixidi ròhònyre òwy wsemy;
\v 52 kaa iyjamy rasiranykre-wna iwyra òlòna, tai iòwy iyjakre.
\v 53 Iwedu awimy idi ratxikre taõmysȳdȳȳdu wsemy. Aõhkȳmy iwedù risȳnylaù biemy idi atxi.
\v 54 Ijoõ hãbu ròhònykõkre-wna kawysemy tai tahe ijo wyra-ò ratxikre ròhònymy tariòre boho-wna.
\v 55 Uritahe Isarel Deuxo weju rare, ritare Egitu Su-rbi. Tii tbyreny rare, iDeuxo-reny.
\rem aut Mawysi.    Ano de Libertacao
\c 26
\cl Capitulu 26
\p
\v 1 Deuxu Tyhyhykỹ rarybere Israel iny mahãdudeereny: — Uritre iwidỹỹrenyõmy suritxoo yda suritxoo wesemy, uritre bede brebuna deòtedỹỹrenyõmy yda myna iritidỹỹ tuu berinanybenykemy. Uritre ijõrenymy derinarenyõmy,-diarỹ Tikiemy noduhyy,-diarỹ heka aDeuxureny rare.
\v 2 Sabadu birarenybenymyhỹke, watxu, kiata bityhynymyhỹbenyke tai wamy derinana rỹimyhỹreki.-diarỹ Deuxu Tikiemy nodu rare.
\v 3 Txibo kai boho bityhynybenykre wana warybe ritinaòbiti kia warybe wahidỹỹna debòituemy sõe my rỹire, kia ibutumy biwinybenykre aõmybo ararybemyhỹkre,
\v 4 -diarỹ biulòra ariteònykre ibededỹỹnanatyhyu, kia suu tahe sõemy aõwi-di roikre, kia bederade mahãdu  raratynyrenykre.
\v 5 Aõwi rede heka sõemy rỹikre, kia kai boho bihelemy atxibenykre aõwi lòbròna tiu rehemynykre uva redena-ò, kiata uva bihebenymy atxibenykreole bede rehemynykre oworu rabrokremy. Sõemy rỹsỹna ijõdikre ibutu dee, kia kai boho tahe awityhytyhymy asurenyki matxibenykre.
\v 6 -diarỹ ariwahinykre bede ywihikỹ asureny-ò. Ibutumy bedebymy morõbenykre, kia inyõ ruberuõhyykre, kiemy dori ariinodỹỹnykre su ribi ibutumy iròdu iròdu debure kia arihukre wou bededỹỹnana.
\v 7 Kai boho mahãỹnanybenykre aòludurenymy kiata birubunybenykre;
\v 8 iruyre my aijoireny sõe, kia 100-my iijoireny sõe kia ihãrele rabòdurenykre, kia 100-my aijoireny sõe, kia 10.000 mil-my sõereny kia ihãrele rabòdurenykre. Ibutumy tii boho rururenykre.
\v 9 -diarỹ warybewiwi adeereny rewahinyreri, kia sõemy adeereny ariòrereny ariwahinykre.
\v 10 Aõwi lòbrò rede heka inihikỹmykre, kia kai boho maini tyby-di adehumy bekoabenykre ana-ò  kia bede ijõdikremy maini tỹmyra tamy birarenybenykremy.
\v 11 Arasỹnykre aykyrenyki wabreò brebunawo ki, kia tiu ararirenyõtyhy.
\v 12 Ikiemy awanarenyhyy ararekre; kai boho heka wasỹrenymy waijoirenymykre, ka diarỹ tahe aDeuxurenymykre.
\v 13 -diarỹ Egitu ribi aratarenyre kai boho Egito mahãdu wetxu my atxibenyõkremy.-diarỹ aratarenyre wetxuhukỹ ribi kiata arariradỹỹrenyre arareny itaramy.
\v 14 Kiaremy txibo kai boho biwatyhynyõbenykremy wana kia ibutumy warybe wahidỹỹna debòituemy rewinyre wana,
\v 15 txibo warybe ritinaòbiti deramy bekoabenykre wana, txibo warybe rewahinymyhỹre biatybenykre wana, txibo bikròbenykeki warybe ywidỹỹna adeereny rewinyre,
\v 16 taita-diarỹ arararytxynyrenykre. Ariteònykre aõnaõna binahakỹ kia rubuna tòtee iny ritesetesenymy inyumy rideõnymyhỹre. Uritre aõ ibròdỹỹrenyõmykre oworumy, kiemy dori aòludureny aõwi redena rirỹsỹrenykre.
\v 17 Kia aòludurenymy aresumy ararekre kia arawahinyrenykre aòludureny aribireny ròtakremy. Tii boho aramyrenykre, kai bohota bexiwobenykre inyõ aherenymy reakõreri hrele.
\v 18 Kiaremyta kaweseri hre tiwatyhynyõhyytenyte, kia ixybyle òraruna tewinymyhỹtenyte,-diarỹ ariteònykre sohoji rarytxyna debò inatxi sõemy ibina nihikỹmy.
\v 19 Arihukre aaõnaõnareny aityhynareny idi texityhytyhynymy atximyhỹtenyte; biulòra ariteònyõnykre, kia suu tahe iteremy relekre womati wesemy.
\v 20 kia aõmyke heka aõkõre kai boho maõmysỹdỹỹnybenyke kia txibo beyweebenyke; oworu heka aõwi-di roiõhyykre, kia bederade mahãdu raratynyrenyõkre.
\v 21 Kia txibo ihãremy kai boho tahõtiõtenyteriòrarunamy, tiwaatytenyte kia warybe wahidỹỹna tetyhynytenyõte,-diarỹ ariteònykre sohoji rarytxyna debò inatxi sõemy ibinatyhymy.
\v 22 Ariteònykre aykyrenyõ iròdu iròdu debure kia ariòrereny rirubunyrenykre, kia abrorenireny rahurenykre kia sõemy iny rirubunykre, kia inyõ ihoõhyykre ry-di rariamy ratxikemy.
\v 23 Kia kaweseri hãrele kai boho wadee bòdòòse bedenyõkre, kia ixyby tiwaitxenanytenyteri,
\v 24 -diarỹ aòludurenymy ararekre kia aòrarurenyòraruki ariteònykre debò inatxi sõemy ibinabinahãkỹmy.
\v 25 Warybe ariwahinykre kia iny mahãdu aòludureny arahurenykremy; kiamy tahe kai boho mararytxybenykre kiemy dori tekròtenyte warybe adeereny rewinyre. kia txibo kai boho bexibutunybenykreki hãwã  hãwãki mahenybenykremy aòludureny ribi,-diarỹ tuu ariwinykre kai boho bexihubenykremy webinadu binahãkỹ-di, kia aòludu mahãdu tahe aramyrenykre.
\v 26 Wararytxydỹỹnaòraruki, rỹsỹna ibutemy rỹikre, kia sohoji adòsena debòitu heto heto-dinodu-ò paõ risõkremy, kia iny sohoji sohoji urihimyòtyhy rỹsỹna rimykre, kia inyõ rihydyke aõkõre.
\v 27 Kia wese hãre kai boho tiwatyhynytenyõte, kia ixybyle tiwaitxenanymyhỹtenyte,
\v 28 sõemy wadebure-diarỹ aòludurenymy aratxikre kia aòrarurenyòraruki ariteònykre sohoji rarytxyna debò inatxi sõemy ibinatyhymy.
\v 29 Sõemy rỹsỹna ihoõkre, kai bohoòbiti ariòrereny biròbenykre.
\v 30 -diarỹ waky reamy aratxikre adeereny, kia arihukre tibede bedekibo kai boho terinanymyhỹtenyte suritxoo ỹnyxiwemy, arikrokrokre xiwena obiuna kia tamy roomyhỹre obiulỹnyre kiata arubureny-di arehukre akỹnyxiwereny rariòwymy rỹimyhỹrenyre tyre.
\v 31 Kia ahãwa hawareny arihukre kiata aribinabinanymy aririkre; ariatykre ahetoreny tamy suritxoo-ò  rerinanymyhỹrenyre kia tamy areòbyõkre kai boho wadee tewahinymyhỹtenyte xiwena.
\v 32 Arihukre ibutumy asureny tai tasynymyhỹtenyte, kia aòludu mahãdu ydòidenykre tamy rahãwanyrenykremy kai boho tahe buberumy matxibenykre.
\v 33 -diarỹ aõbina wou ariòlòdỹỹnykre, kia kai boho tahe mauberabenykre iny witxi witxira bedebedemy; asurenyki inyõ hãwãdumy ratxirenyõhyyrenykre, kia ahãwahãwareny tahe ibinatyhymy roikre.
\v 34 Kawesemy tahe suu iwyrawyra-di ixielehydỹỹna ijõdikre. Kia inyõ tai rahãwanyõmy rarekre wana wana kia kai boho tahe maubỹtỹbenymy matxibenykre wana wana hãwã  hãwã  witxiramy, suu heka iwyrawyra ijõdikre rexielehynyrenykremy;
\v 35 kiemy dori tii rexielehynyõhyyre kai boho tai tasỹnymy toitemyhỹ bedeu.
\v 36 Kia irumy ratxirenykre wana wana iwitxira mahãdu surenyki,-diarỹ tuu ariwinykre tii boho sõemy ruberurenykremy, bederade iru rejujumyhỹrelau dorile ruberurenykremy kiata rexiwòrenykre; kia rexiwòrenykre iòludu mahãdu ihewomy ròirenyreri wesemy iheworenymy kiata rariòwyrenykre inyõ iherenymy rearerimy aõkõ.
\v 37 Ijõ mahãdu rariòwyrenykre wityrewityremy, kia tamy aõbina reareri wesemy, kia iòludureny ibirerenyki rỹiõreri hãrele. Kia aòludu mahãdu ydehemynydenykreu, kai boho arurureny ihoõrenykre iòludumy besubenykremy.
\v 38 Kai boho burubenykre su witxira witxiraki kia taile buubenykre.
\v 39 Kia irumy ratxirenykre kua suki kia rexihurenykre taòrarurenyòraruki kia tahỹỹna mahãdu òrarurenyki.
\v 40 Ka arioreriorereny tahe rexitỹnynynymy raryberenykre taòrarurenymy kia tule tahỹỹnarenyòrarumy, kia heka kua boho òbitimy aõkõ ratxirenyre wadi kia rityhynyrenyõre warybe wahidỹỹna,
\v 41 kia riwinyrenymy kia-diarỹ aratxikemy iòludurenymy kia ariubỹtỹnyrenykemy iòludureny hãwã  hãwãhãkỹmy. Kiaremyta, txibo tii boho ixidee rexiraherenykeki taraykyreny-di, kia suritxoomy rerinanymyhỹrenyre ribi, kia txibo tamy reòbyrenykreki rarytxyna-ò  taòrarurenyòrarumy,
\v 42 taita-diarỹ wanohõti reakre warybe reywinyretxi kia Ijaò (Jacó) dee rewinyre, Isaque dee kia Abraaõ wana kia wanohõti itxi realekre su my raryberetxi Ariwahinykremy.
\v 43 Ka arioreriorereny su witxira witxiramy roberamy rỹimyhỹrenyre wana wana, Suu Ariwahinykremy Rarybere aõhomy aõkõ roikre kia sõemy wyrawyramy rexielehynykre. Arioreriorereny rityhynyrenyõre warybe ritinaòbiti kia riatyrenyre warybe wahidỹỹna debòitue sõemy rewinyre; iurenana riòwynyrenykre taòrarurenyòwymy.
\v 44 Kia tiu ratxirenykre hãrele iwitxira mahãdu surenyki,-diarỹ ariatyrenyke aõkõre kia arihurenyke aõkõre, kiemy dori arikròõhyykre warybe bededỹỹnana tamyreny rewinyre.-diarỹ Tikiemy Noduhyy rare, iDeuxureny.
\v 45 Iribiòtumy,-diarỹ wanohõti itxi reakre warybe rewinyretxi ihỹỹnareny mahãdu wana, kia Egitu ribi retarenyre iDeuxurenymy ararekremy, kawesemy reteòsinymy wabedeery ruru nihikỹ iwitxi mahãdu hãwã  dee.-diarỹ heka Deuxu Tyhyhykỹ rare.
\v 46 Ka heka warybe wahina debòituemy sõe, warybe ritinaòbiti kia warybe rawahinymỹre Deuxu Tyhyhykỹ rewahinyre israelita mahãdu-ò  Moisesi tuu rarybekremy, Sinai hãwãlòki.
\c 27
\cl Capitulu 27
\s1 Iny Mahãdu Kia Aõnaõna Deuxu-ò  Tuube Rỹimyhỹre
\p
\v 1 Deuxu tyhyhykỹ riwahinyre Moisesi dee
\v 2 myy rybe ritina òbiti Israel iny mahãdu-ò. Tiu inyõ ratare Deuxu Tyhyhykỹ dee aõmysỹdỹỹmy kia iribi ixawikeki aõmysỹdỹỹ ribi, tii riòwynykeòbitimy,
\v 3 tuu iritina relemy roimyhỹre-di. Hãbu mahãdu waituemy ibeòra kia 60-my ibeòra riòwynyrenykre 50-my irusõmoòtaòta,
\v 4 kia hãwyy mahãdu iyrybule ibeòrareny kia riòwynyrenykre 30-my.
\v 5 Ka jyre mahãdu iruyremy iwyra kia waituemy iwyra, kia riòwynyrenykre waituemy irusõmoòtaòta, kia hirari mahãdu tahe debòituemy riòwynyrenykre.
\v 6 Weryrysõmo ahãdu sohojimy kia iruyremy iwyrareny kia riòwynyrenykre iruyre irusõmoòtaòtamy, ka hirari mahãdu tahe inataõmy riòwynyrenykre.
\v 7 Hãbu mahãdu 60 my iwyra ratyremy rỹimyhỹre mahãdu waiyre irusõmoòtaòtamy riòwynyrenykre, kia hãwyy mahãduta debòituemy riòwynyrenykre.
\v 8 Txibo iny iaõkõre wana kia timy iòwydỹỹõna, tii rakre rybemy Deuxu Rybe-di Ijohodu-ò, kia tii tahe iny tiwesebo riòwynykremy.
\v 9 Tiu inyõ riwahinykremy rarybekre Deuxu Tyhyhykỹ dee kia xiwena my rawahikremy, kaa iròdu heka ratyhymy brebunamy ratxikre
\v 10 kia iwitxira-di reròwynanyke aõkõre, awityhy-di yda ibinatyhy-di. Ka txibo iwiuròdỹỹ rỹikre wana, taita iròdu inatxi Deuxu Tyhyhykỹ hõrõmykre.
\v 11 Txibo iròdu idewidewiõkre wana, kia heka Deuxu Tyhyhykỹ tamy reòbyõmyhỹre, kiata iwedu riwykre Deuxu Rybe-di Ijohodu-ò
\v 12 tamy retehekremy tiwesemybo ròwyrerimy. Deuxu Rybe-di Ijohodu iòwymy rarybekre iròdu umy-di ide-di rõhõtinymy.
\v 13 Txibo iwedu ixideewikeki ixyby riõbranyke iròdu, tii riòwynykre ixyby iruyre my.
\v 14 Tiu inyõ taheto riwahinykeki Deuxu Tyhyhykỹ dee, kia Deuxu Rybe-di Ijohodu heto-di retehekre timybo rỹire myna-di kia tahe iòwymy rarybekre.
\v 15 Txibo iwedu ixideewimy ixyby riõbranykeki heto, kia riòwynyke ixyby iruyre my.
\v 16 Txibo inyõ riwahinykeki Deuxu Tyhyhykỹ aõmysỹdỹỹnamy su yreõ kia tyby ribi rimyre, Deuxu Rybe-di Ijohodu su-di retehekre, kia tiwesemy alòbrònaty sõe rỹikre myna-di rabròkemy, kia 570 grama my irusõmosõmo òtaòta kia heka 100gr. utxiemy rimyre abe node.
\v 17 Txibo tii riwahinykeki su yreõ Deuxu dee Wyra Hedỹỹna bedeu, kia su yre raòwyke iòwybỹkỹmy;
\v 18 ka txibo wyra hedỹỹna sỹtybykreki Deuxu Rybe-di Ijohodu iòwy rierykre, kia rierykremy tiwesebo rasiranyreri my ijõ Wyra Hedỹỹna-ò, kiawesemy tahe iòwy ixyby rubehekre.
\v 19 Txibo yre-dinodu ixyby ixideewimy riõbranykeki, tii riòwynykre iòwy tiwesebo rimyre myna my, kia ixyby iruyremy.
\v 20 Ka txibo ixyby riõbranyõkeki, yda txibo iny witxira aõbo riõbranyke, tii tarybeòna riixawidỹỹnyke ixyby riõbranykemy.
\v 21 Wyra Hedỹỹna bedeu, su yreõ ixiòhyymy roikreu, kia heka tii rawahimy roikre Deuxu Tyhyhykỹ aõmysỹdỹỹnamy; kia heka su yre tyhyna brebuna rare, Deuxu Rybe-di Ijohodureny hõrõmy roimyhỹre.
\v 22 Txibo inyõ riwahinykeki Deuxu Tyhyhykỹ aõmysỹdỹỹnamy suyreõ riõbranyre,
\v 23 Deuxu Rybe-di Ijohodu su yreòwy idi rariamy rierykre, kia idi tahe rierymy tiwesebo ihãremy wyra rasiranyreri Wyra Hedỹỹna-ò. Kia katxuutyhyle hãbu riòwynykre iòwy butumy kiata tuu raubenykre Deuxu tyhyhykỹ aõmysỹdỹỹna-ò.
\v 24 Ijõ Wyra Hedỹỹnau tahe su yre ixyby roosekre iwedu hõrõmy, kia heka hãbu rimyre tahõrõtyhymy.
\v 25 Ibutumy aõòwyòwy idi rira rỹikre raerykremy kia tyyriti tuu ròhònyre myna my; iru nierumy waituemy rimyre.
\v 26 kòmy rùakre broreni, broreni, waka yda cabra aõbo kia tahe Deuxo hõrõ rare. Taiki tahe mõõ tamy irawinyõkre Deuxo dee tikiemy irõhõ ratxireri.
\v 27 kaa iròdù bina rùakre kòmy rawykre ixibyle; tabela mynamy raòwykre, ixyby sohoji quinto-my. Kaa raòõkreki ixiby, ixibyle idi bohonybenykre tabela òwy mynadi.
\v 28 Mõõ idi rohonykõkre tule rirahoreke aõtxile aõna õbradȳȳ, iny aõbo, iròdu aõbo, ȳda Suu aõbo, kaa Deuxoòle riùhekeki. Kiahe aõtyhyre tai Deuxo hõro tyhy rare. u \f +
\fqa 26 kòmy rùakre broreni, waka yda cabra aõbo kia tahe Deuxo hõrõ rare. Taiki tahe mõõ tamy irawinyõkre Deuxo dee tikiemy irõhõ ratxireri. 27 kaa iròdù bina rùakre kòmy rawykre ixibyle; tabela mynamy raòwykre, ixyby sohoji quinto-my. Kaa raòõkreki ixiby, ixibyle idi bohonybenykre tabela òwy mynadi. 28 Mõõ idi rohonykõkre tule rirahoreke aõtxile aõna õbradȳȳ, iny aõbo, iròdu aõbo, ȳda Suu aõbo, kaa Deuxoòle riùhekeki. Kiahe aõtyhyre tai Deuxo hõro tyhy rare.  \f*
\v 29 Mõbõ ityhydȳȳdùmy rȳira tuu riwykre-wna; tai tii rurukre.
\v 30 kaa raarire alòbròna cerea tule bderaty, kia tahe Deuxo hõro rare tamy rawahimy rarekre.
\v 31 Iwedù ixyby iwydymy rùrùkeki, tai tahe tabela òwy mynamy riówynykré.
\v 32 Debòituwe kyrbi sohoji Deuxo hõrõre. Tiubo iròdu wedu retehewna tairòdùò kia bùdoeni, tule cabra, tule debòituwe kyrbi Deuxo hõrõmy, riòwynymy tabela mynamy.
\v 33 aõtxile iròdù bdeȳȳnana rȳira tule. Iwedù wideròmy rawyke ihoõre. Kaa tuu ijodikeki tai tahe inatxi irbi Deuxo hõrõmy tule iny riwyke ihoõ ixyby.
\v 34 kaa tabdedȳȳnana Mosesi-ò irahinyre, hawalò-ki, Israel mahãdu-ò.