See in Reader
733 lines
114 KiB
Plaintext
733 lines
114 KiB
Plaintext
\id JOS
|
||
\ide UTF-8
|
||
\rem aut Ijeseberi
|
||
\rem dat 2003
|
||
\h JOSUE
|
||
\toc1 JOSUE
|
||
\toc2 JOSUE
|
||
\toc3 jos
|
||
\mt1 JOSUE
|
||
\c 1
|
||
\s1 Deuxu Josue dee rarybere kia Ribedesadyynynyre
|
||
\p
|
||
\v 1 Tamy riwahinyre Moisesi Deuxu Rybe-di Ijohodu Nihiky rubu sỹtybymy, kia Josue dee rarybere, Num riòre wahe, Moisesi wiòhedỹỹdu, myỹ:
|
||
\v 2 —Moisesi wadeòduhe rurura; bexiywinyke wijile, kia Jordaõ bero-ò makre ibutumy ka Isarali iny mahãdu wana, kia suu-diarỹ ariwahinykre Israel riòre mahãdu dee.
|
||
\v 3 Ibutumy bede bedemy kia alòbròna tyre biriranybenykre kia adeereny rewahinyre, iwese-diarỹ ariwahinykremy rarybere wesemy Moisesi dee.
|
||
\v 4 Kia bede tyahãkỹ ribi kia Libano hõrõ tule, kia bero nihikỹ bedeòhòkỹle, Eufrate bero, ibutmy heteu mahãdu su, kia Bero Nihikỹòhòkỹle, txu ròtena weribi-ò, kia
|
||
\v 5 Inyõ araòludunyõhyykre bede bedemy txuu adi rỹikre-di; iwese Moisesi wana raremyhỹ wesemy, iwese yrybu tahe awana ararekre; kia arariõtyhy tiu wanohõti aribi rusaõtyhy.
|
||
\v 6 Aruruteremy abrebuteremy, kiemy dori kai bisỹnykre kaa iny mahãdu suu riwedunyrenykremy, kia ariwahinykremy rarybere bu bohodeereny.
|
||
\v 7 Kia arurutere sohojihyymykre abrebuteremy bexiòhãrunymy biwinykre inatxina my ibutumy rybe tòe wahidỹỹnana, kia wadeòdu Moisesi aratohonyre; uritre iribi ixitiòreadỹỹõmy, ruru weribi-ò, hywe weribi-ò, kia tai awityhytyhymy matxikremy tibedeõtxi mariamyhỹkreki.
|
||
\v 8 Uritre ixawidiõmy ka tyyriti rybe tòena bededỹỹnana ribi; juhu idi mohõtinymy maraykynykre txu my ru my, kia idi biòhãrunymy biwinykre ixyby ibutumy timybo tai raritidỹỹmy roirerimy; taita biwinykre biywinymy ary kia tai awityhymy ròhònykremy.
|
||
\v 9 -diarỹ aõkõ aõbo arawahinyreri? Aruruteremy kia abrebuteremy; uritre brebuõmy, kia uritre ixibrebudỹỹõmy, kiemy dori aDeuxu awana ratxireri, tibedetxi mariabekreki.
|
||
\s1 Ixiywidỹỹnana Kanaã-di iramy ròhòrerenykremy
|
||
\v 10 Taita Josue tarybe riwahinyre iny mahãdu-dinodu-dinodu-ò, myỹ rarybemy:
|
||
\v 11 —Kia mariabenykre bedeyky tya-di, kiata iny mahãdu-ò marybebenykre, myỹ: biywinybenyke rỹsỹna, kiemy dori txu inataõ rimy-di Jordaõ tyre-di rikiriranyrenykre, kia rakalòrenykremy su-ò inydeereny iny Deuxureny riwahinyre-ò, kia tai rykoirekremy.
|
||
\v 12 Josue rarybere rubenita mahãdu-ò, kia gadita mahãdu dee, Manassé wirarea mahãdu dee, myỹ:
|
||
\v 13 —Iny nohõti rekoarenyke kia Moisesi iny deereny rarybere txi, Deuxu deòdu, myỹ rarybemy: —Iny Deuxureny inydeereny riwahinyre ixielehyna, kiata kaa suu inydeereny riwahinyre.
|
||
\v 14 Iny hãwyyreny, iny weryryreny, kia iny brorenireny su ki ratxirenykremy, kia Moisesi inydeereny riwahinyre Jordaõ suweere; kiaremy rakariarenykre inydebònarenydimy iny seriòrereny koki, ibutumy teburereny kia ariwiòhenanyrenykre;
|
||
\v 15 ihyy tahe Deuxu ixielehydỹỹna idiwahinykre inyseriòrereny boho dee, iwese iny witxira dee riwahinymyhỹre wesemy, kia tii boho tule suu riwedunyrenykre, kia iny Deuxureny tamyreny riwahinykre; tai tahe ixyby suu inyhõrõrenymy ratxikre, kia rikiuherenykre Moisesi inydeereny riwahinyre, Deuxu deòdu, kaa Jordaõ weere, txuòlòna weribi.
|
||
\v 16 Taita Josue rirawyònyrenyre myỹ raryberenymy: —Ibutumy wadeereny marybebenykre ariwinyrenykre kia tiobo biwateònybenykre tamy aròirenykre.
|
||
\v 17 Iwese aõki ibutumy Moisesi retyhymy roirenyremyhỹ, iwesele tahe aratyhynymy aroirenyrekre: Kia Deuxu sohoji awana ratxireri, iwese Moisesi wana raremyhỹ wesele.
|
||
\v 18 Ibutumy hãbu aòludumy raitxỹtekreki, arybe wahidỹỹ òraruki kia rityhynyõkre wana, kia rurukre: kia heka irurutere sohojile ibrebutere sohojilemy rỹirenykre.
|
||
\c 2
|
||
\s1 Jericó, Raabe-di itxere
|
||
\p
|
||
\v 1 Kia Sitim ribi Josue, Num riòre, riteònyre inatxi hãbu wasimy, reteherenykremy, myỹ rarybemy: Mariabenykre kia betehebenykre su-di kia Jericó-di. Ròirenyre kiata rirònyrenyre hãwyy heto-ò, kia wedena rare, Raabe inire, tai rõrõrenyre.
|
||
\rem dat abril
|
||
\v 2 Taita rybe rawahire iòlò Jericó dee myỹ rybe: —Kaurumy ka-ò hãbuõ dòidenyde Israel riòre boho su-di reteherenykremy.
|
||
\v 3 Taita iòlò Jerico tarybe riwahinyre Raabe dee myỹ: hãbu mahãdu biòlòdỹỹnyke kia adeereny-dirahude aheto-ò rirònyrenyre, kiemy dori ibutumy su-di itxeremy dòidenyde.
|
||
\v 4 Kiaremy hãwyy urile riwòrenyre hãbu inatxi boho, kiamy rarybere: —kia inatyhymy hãbu boho wadeke dòidenyde, kiaremyta-dikarỹ rekerykõre tiludubo roire.
|
||
\v 5 Ijòtòbòna rewerynyre bede rurunymy tiki boho rakòkunyrenyre; rekerykõre titxibo ròirenyra: kia ròirenyre sỹtybymy tiki boho ròirenyre, kiemy dori rimyrenyhenylau.
|
||
\v 6 (Kiaremy tii riòwòdỹỹnyrenyre heto ratyy weijàti-ò, kiata riixiwòtedỹỹnyrenyre esõti wyhyhykỹ bedeki, kia teòtemy rỹimyhỹre heto ratyyki.)
|
||
\rem dat 28 de abril
|
||
\v 7 Kia hãbu ihewomy riteònyrenyre, kia ròirenyre iheworenymy, kia Jordaõ bede txi ryy ramyhỹre-di; kia ròhònyrenyre sỹtybytyhylemy, ijò raratòbòmy reare.
|
||
\v 8 Kia hãbu mahãdu rexiwòmy ratximyhỹreny, kia ityydereny rayxeyxenyõlemy ratximyhỹreny, kiata hãwyy tamyreny raòwònyre myỹ rarybere:
|
||
\v 9 -dikarỹ rekeryra Deuxu adekereny kaa hãwãhãkỹ riwahinyreri; kiemy dokuri brebu ibutumy wadekereny reakareri, kia ibutumy iny mahãdu rabederyrymy rỹirenyreri.
|
||
\v 10 Rahokujarenyre kia Deuxu bera Beraku Nihikỹsò riturỹdỹnyre idi birònybenykremy, kia Egito ribi tanakòkunytenyteku; kia inatxi Ikòlòku Amorreu deke riwinylere, kia Jordaõ weribi ki ratximyhỹrenyki, Seom kia Og kia boho rirubunyrenyre.
|
||
\v 11 Kia tamy rahokujarenyre, sõemy inihikỹmy raberurenyre, wacoraçaõreny urile rõhõtibrerenyre, kia bidirònydenykrelaku; kiemy dokuri Deuxu, iny Deuxureny, Deuxu bikuludu rare kia su bede Deuxule rare.
|
||
\v 12 Wiji inatyhymy kariwinykremy Deuxu deke, kia kawesemy timybo-dikarỹ rekuhere wawokubruna inydekereny, kawesemy tahe karikuhekre waha hetoku; tai tahe kòbitimy watxire karitekòsinykre,
|
||
\v 13 kia karihedỹkỹnykre waha kia nadi, waseritxòre hãbu boho kia waseritxòre hãwyky boho, kia ibutumy anobo tureny rỹimyhỹrenyre, kia tahe wabededỹkỹnanareny karitakakre rubu ribi.
|
||
\v 14 Kia tii boho rirawyònyrenyre: Wabededỹünanareny òraruki abededỹỹnanareny arahedỹỹnyrenykre, kiata uritre wamyreny ijyyõmykre, kia tiubo Deuxu kaa hãwãhãkỹ wadeereny idiwahinykreu,-diarỹ boho wainy-di ruxetòedỹỹ adeereny ariuherenykre inatyhyhykỹmy. uhuarikityhyle rỹimyhỹ hãwã ribi.
|
||
\v 16 Kia tamyreny rarybere: hãwãlò kò bòibenyke , uritre atxireny rekokuakelaku bexiwòbenykre, kia kanakòkesedenykreku; kai boho txu inatano my bexiwòmy bede biebenykre, ihykyta tiki boho kanakòkesedenykre, irahudi tahe aryreny bimybenykre.
|
||
\v 17 Tii boho tamy raryberenyre:-diarỹ boho òbitimy inatyhymy tuu ariwinyrenykre,
|
||
\v 18 txibotiubo hãwãhãkỹ-ò arirònyrenykreu, kia deòsinamy roikreki kaa reruti heto weti rure mynaki, kia iribi tadiwaatytenyte wahe, kia txibo ahetowo ki buu, adi, aseriore boho, kia ibutumy asỹreny boho.
|
||
\v 19 Txibo inyõ ròhònykreki aheto ijò ribi, kia ihãlubu irati tyrele resekre, ka-diarỹ boho waòrarurenyke tahe aõkõre; ka txibo ibutu hãlubu ahetoki rỹikeki tahe reseke iny ratireny tyre, txibo inyõ tamy rerikeki.
|
||
\v 20 Kiaremyta, txibo kai wamyreny belyykre wana, taihe kiamy adee raryberenyreri,-diarỹ boho tai tiu wawidỹỹrenyõna tuu ariwinyrenykremy raryberenyre.
|
||
\v 21 Tii rirawyònyre: —Biwinybenyke timybo iwidỹkỹmy tarybetenyterimy; kia Raabe ritaare rerutisò heto weti rure-ò.
|
||
\v 22 Su-di itxeremy dòidenyde ròirenyre hãwãlò-ò kiata tai rexiwòrenyre inataõ txu my, iwana wanata iòlò sodaduriemyhỹreny ibutumy kua bede bedemy. Sodadu mahãdu inyõ txi rekoaõhyyrenyre kiata Jerico-ó dòòsedenyde.
|
||
\v 23 Tai inatxi itxeredu boho reserenyre hãwãlò ribi, kia Jordaõ berotya txi ròhòrerenyre kia Josue wana witxi rekoarenykremy ròirenyre. Ibutumy tuu relyyrenyre timybo tai bede rutỹỹnyremy
|
||
\v 24 kiata myỹ aijyyreny rahure: Iny boho òbitimy ratxirenyreri kia Deuxu Tyhyhykỹ inydeereny ibutumy kaa suu riwahinyreri. Ibutmy iny mahãdu kaki sõemy ruberurenyreri inylaureny.
|
||
\c 3
|
||
\s1 Jordaõ Bero-di Òhòrese
|
||
\p
|
||
\v 1 Josue kia ibutumy Israel iny mahãdu rudihikỹ rỹirenyre, kia tatỹhinareny Acácia ribi, kiata ròirenyre Jordaõ bero-ò. Kia bero-di ròhòrerenykrekòki, tii boho tai tabreòreny riderenyre.
|
||
\v 2 Txu inataõ sỹtybymyta wedu mahãdu breò tya-di rekoarenyre,
|
||
\v 3 myỹ raryberenymy iny mahãdureny dee: Tiu kai boho Deuxu Rybe-di Ijohodumy bobibenykreu retyyrenymy ròirerimy Deuxu Rybe ywidỹỹna heto-di, kia aõnareny biywinybenyke kiata Deuxu Rybe Ywidỹỹna Heto heki bòibenykre.
|
||
\v 4 Kawesemy tahe kai boho bierybenykre tiobo boikre, kiemy dori tiu kaa ry-di tòitenyõte. Kiaremy uritre Deuxu Rybe Ywidỹỹna Heto bire-ò adehemysỹrenyõmykre; kia irehemy iribi bexiebenykre txibo sohoji kilometru my irehe.
|
||
\v 5 Josue rarybere iny mahãdudeereny: Bexisuhòbenyke kiemy dori biurasòmy Deuxu Tyhyhykỹ aõnaõna wihikỹ adeereny riwinykre.
|
||
\v 6 Irahutita Deuxu Rybe-di Ijohodu mahãdu-ò rarybere: Bimybenyke Deuxu Rybe Ywidỹüna Heto kiata iny mahãdu koki bòibenykre. Kia tii boho riwinyrenyre aõmybo Josue rarybere mynamy.
|
||
\v 7 Tai Deuxu Tyhyhykỹ rarybere Josue dee: Kia ariwinykre òraruki wiji, ibutumy Israel mahãdu rieryrenykre kai hãbu nihikỹ tatemy. Tii boho rieryrenykre, iwese Moisesi wana raremyhỹ wese, iyrybule awana ararekre.
|
||
\v 8 Marybeke Deuxu Rybe-di Ijohodu mahãdu-ò kia Warybe ywidỹỹna Heto-di retyyrenyreri-di, myỹ: —Kia bero-ò behemynybenykreu, bexitxuhunybenyke berawoki, bero weijàti biremy.
|
||
\v 9 Taita Josue rarybere iny mahãdu-ò: Bòdòike ka-ò kiata boholawibenykre iny Deuxureny rarybekre-ò.
|
||
\v 10 Kia bede tuu rutỹỹnykre, kai boho bede bierybenykre kia Deuxu iruhyymy ratximyhỹre aykyrenyki ratxirerimy, kia tikiehyy riteònyrenykre cananeu boho, heteu boho, heveu boho, perizeu boho, girgaseu boho, amorreu boho kia jebuseu boho.
|
||
\v 11 Deuxu Rybe Ywidỹỹna Heto, Deuxu ibutu su bede, kia jodaõ bero-di rohorekre akorenykile.
|
||
\v 12 Katahe wiji bitabenykre wa-ò inatxi sõemy hãbu, Israel ijoi mahãdu –ribi hitxihitximy.
|
||
\v 13 Kia Deuxu Rybe-di Ijohodu mahãdu retyyrenyreri-di Deuxu Rybe Ywidỹỹna Heto-di, kia ibutu su bede Deuxu, tawa ridekre berawo-ò, kia Jordaõ bero esetere ijara ruhukre, ka bee iratyaki rỹikre rexibutunymy sohoji bedekihyyle.
|
||
\v 14-15 Kia heka oworu bederaty rahekremy bede rỹimyhỹ, bero weijàti rahetymy roimyhỹ. Kia ibedeu heka iny mahãdu ròhònyrenyre tatỹhinareny ribi Jordaõ bero-di ròhòrerenykremy.Deuxu Rybe-di Ijohodu mahãdu ikomy ròimyhỹrenyre, riwyrenymy Deuxu Rybe Ywidỹỹna Heto. Kia ritehemynyrenyreu jordaõ-ò kiata tawa riderenyre berawo-ò,
|
||
\v 16 kia beesetere ijara ruhure kiata urile rexibutunymy rỹire ibòò weribi kia Adã òhòkỹle cidade hãwã Sartã weribiki roimyhỹre wahe. Ka iraru weribi tahe bero ibutumy ruãre Berohokỹ Nihikỹ Rubu òhòkỹle.Taita iny mahãdu ròhòrerenyre kanawebrijà-ò, Jericó bireki.
|
||
\v 17 Kia israelita mahãdu ròhòremyhỹreny wana wana, sutere-di ririranymyhỹreny, Deuxu Rybe-di Ijohodu mahãdu riwyrenyre Deuxu Rybe Ywidỹỹna Heto kia hexitxuhunymy ritamanymyhỹreny bede rubuki, Jordaõ bero tyaki. Kiata tai ritamanymyhỹreny ihyy tahe iny mahãdu ibutumy ròhòrerenyre.
|
||
\c 4
|
||
\s1 Wa-ò Inatximy Mana Sõe Bedebiòwanamy
|
||
\p
|
||
\v 1 Kia ibutumy Israel iny mahãdu Jordaõ bero-di riòhòrerenyreu, Deuxu Tyhyhykỹ rarybere Josue dee:
|
||
\v 2 –Bitake wa-ò inatximy hãbu sõe, sohoji sohojimy iny mahãdu yky ribi,
|
||
\v 3 kiata myỹ arybe biwahinykre: —Bimybenyke wa-ò inatximy mana sõe Jordaõ bero tya ribi, kia tai Deuxu Rybe-di Ijohodu mahãdu ritamanyrenyreki. Biwybenyke kaa mana kiata bitidibenykre tikibo wiji ru my ratỹhinanyrenyre ki.
|
||
\v 4 Taita Josue rarybere wa-ò inatxi hãbu sõe-ò kia ritarenyre
|
||
\v 5 kia myỹ rarybere: Bòhònybenyke Deuxu Rybe Ywidỹỹ Heto ribi, aDeuxureny, kiata ihemy bòibenykre Jordaõ tyaòhòkỹle. Iny sohoji sohoji taaxiò tyre mana ritidimy riwykre, Israel ijoi sohoji sohojimy.
|
||
\v 6 Kaa mana heka iny mahãdu riwiòhenanyrenykre itxi tõhõtireny reakremy kua tuu Deuxu Tyhyhykỹ riwinyremy. Kia tiu bedeu ariòre boho rỹỹraxirenykre, aõmybo kaa mana rỹireri my,
|
||
\v 7 kai boho tuu belyybenykre kia Jordaõ bero esetere ijara ruhure kia itxuu Deuxu Rybe Ywidỹỹna Heto bero do rohorere. Kaa mana heka Israel iny mahãdu ritõhõti ijaranymy rarekre ikiemy katxu my.
|
||
\v 8 Hãbu mahãdu riwinyrenyre aõmybo Josue tamyreny rarybere mynamy. Timybo Deuxu raryberemy Josue dee, tii boho rimyrenyre Jordaõ bero tya ribi wa-ò inatximy mana sõe, kia sohoji sohojimy Israel ijoi ijoi-ò, kia riwyrenyre tahe ritidirenyre tatỹhinareny bede-ò.
|
||
\v 9 Josue ritidilere mana wa-ò inatxi sõemy Jordaõ tyaki, ibedeki Deuxu Rybe-di Ijohodu mahãdu retyyrenyre Deuxu Rybe Ywidỹỹna Heto-di, kia tai rexitxuhunymy ritamanyrenyre. Kaa mana heka taiyrybu tai rỹimyhỹre.
|
||
\v 10 Deuxu Rybe-di Ijohodu mahãdu tetximy ritamanyrenyre Jordaõ tyaki kiata ibutumy relere aõmybo Deuxu Tyhyhykỹ, rarybere Moisesi yhyra ribi, kia Josue-ò rarybere iny mahãdu-ò raryberenykremy. Taita iny mahãdu rexidetinymy bero-di riòhòrerenyre.
|
||
\v 11 Kia ibutumy riòhòrerenyreu, Deuxu Rybe Ywidỹỹna Heto kia Deuxu Rybe-di Ijohodu mahãdu ròhòrerenylerenyre kiata iny mahãdu koki rỹirenyre.
|
||
\v 12 Hãbu mahãdu Ruben ijoi , Gade ijoi, kia Manassé ijoi boho riòhòrerenyre iny mahãdu uhe kokihikỹle, rexihumy rawounyrenykremy, tuu Moisesi rarybere mynamy.
|
||
\v 13 Txibo aõhe wana 40 mili-my hãbu sõe rexiywinyrenyre rawounyrenykremy ririranymy ròirenyre Deuxu Tyhyhykỹ koki, kia roimyhyỹrenyre Jericó weribi-di.
|
||
\v 14 Kua bede txuu Deuxu Tyhyhykỹ riwinyre Israel iny mahãdu bede rieryrenykremy kia Josue hãbu nihikỹ raremy. Kia Josue bedeu, tii boho rityhynymy idi roiremyhỹ, iwesemy tahe rityhynymy roiremyhỹ Moisesi-di.
|
||
\v 15 Kia Deuxu Tyhyhykỹ rarybere Josue dee:
|
||
\v 16 –Marybeke Jordaõ bero ribi Warybe-di Ijohodu boho ròhònyrenykemy kia retyyrenyreri-di Warybe Ywidỹỹna Heto-di.
|
||
\v 17 Josue tuu riwinyre.
|
||
\v 18 Kia irahudi Deuxu Rybe-di Ijohdu mahãdu Jordaõ ribi riòlònyrenyre kiata suteretxi rỹirenyre, bero tahe ixybyle taijara riòrarunyre, kia bee ritòbònyre bera weijàti juhu rỹira wesemy.
|
||
\v 19 Iny mahãdu Jordaõ-di ròhòrerenyre debòitue txuu kodelemy ahãdu rỹireu kiata Gilgal tatỹhinareny riderenyre, Jericó ibràra weribi-ò.
|
||
\v 20 Kuaki Josue riwinyre wa-ò inatxi mana sõe kia Jordaõ ribi-diwyde.
|
||
\v 21 Kiata Israel iny mahãdu-ò rarybere: Tiu bedeu uladu mahãdu rỹỹraxirenykre tybyreny mahãdu-ò aõmybo kaa mana rỹirerimy,
|
||
\v 22 kai boho biòbitinybenykre kia Israel iny mahãdu riòhòrerenyremy Jordaõ bero-di su rubumy.
|
||
\v 23 Deuxu aDeuxureny, Jordaõ rirubudỹỹnyre adeereny idi biòhòrebenykremy, kawesemy tahe Bero Nihikỹsò riturỹdỹỹnyre idi ròkòhòrerenykremy.
|
||
\v 24 Iòraruki tahe ibutumy iny mahãdu su my rỹimyhỹrenyre rieryrenykre Deuxu Tyhyhykỹ bedeeryhỹkỹ, aDeuxureny, kia kai boho ikiemy aratyhynyrenymy boibenybekre.
|
||
\c 5
|
||
\p
|
||
\v 1 Ibutumy amorreu iòlò mahãdu Jordaõ bero ibràra weribiki ratximyhỹrenyre kia ibutumy cananeu iòlò mahãdu rỹiramyhỹ Mediterrâqneo Berohokỹ weijàti ki, bede rieryrenyre kia Deuxu Tyhyhykỹ Jordaõ bero riturỹỹnyre, kia Israel iny mahãdu idi ròhòrerenykremy. Kia Israel iny mahãdu tamy ritehemynyrenyre, kia tii boho ruberurenymy ibutumy ixiuaresereny ixawirenyre.
|
||
\s1 Gilga Ki Nositỹỹkresy Rỹire
|
||
\v 2 Deuxu Tyhyhykỹ rarybere Josue dee: Biywinyke mana mayõ kiata inatxina my worahãna bedesa biwinykre nosityykresy, iny mahãdu yky ki.
|
||
\v 3 Josue mana may sõe riwinyre kiata rinotyykrorenyre israelita mahãdu nosityykresyna hãwãlò ki.
|
||
\v 4 Tii tuu riwinyre, kiemy dori ibutumy hãbu mahãdu iwyrareny ijõdire rawounyrenykremy, kia Egitu ribi-diòlònydenydeu rywetyalemy rururenyre bederotyahãhỹ ki.
|
||
\v 5 Kia ibutumy hãbu mahãdu Egitu ribi dòhònydenyde, tõsityyreny ibutumy rakròrenyre, ka rywetya my uladu mahãdu ruarenyre tahe tamyreny tuu rawidỹỹrenyõhyyrenyre bedero tyahãkỹ ki.
|
||
\v 6 Israel iny mahãdu 40 wyramy bedetyahãkỹ ki rariarenyre. Kawese bedeu ibutumy hãbu mahãdu Egitu ribi dòhònydenyde, iwyrareny rawounyrenykremy, kia rexihurenyre kiemy dori Deuxu Tyhyhykỹ rybe rityhynyõrenyreki. Deuxu tamyreny rarybere suwihikỹ-ò kia suu iaõdihikỹ-ò riitxeredỹỹnyõrenykremy, kia tii tuu rarybere wahe riwahinykremy ihỹỹnarenydeereny.
|
||
\v 7 Ka iriòre boho tahe , tybyreny deròwymy rarirenyre, kia heka tõsityyreny raaròrenyõhyyrenyre bedero tya ki-diriranymy dòidenydeu. Ka heka wijina mahãdu Josue ritõsiòròrenyre.
|
||
\v 8 Ibutumy iny hãwã hãwã mahãdu ratỹhinanyrenyre, ihyy tahe ibutumy reyterenyre kia rõsityykròrenyre.
|
||
\v 9 Deuxu Tyhyhykỹ rarybere Josue dee: Wiji-diarỹ aribireny retarenyre ixỹrunamy Egitu ki wetxu my tekoa my toitemyhỹ ribi. Iurenana heka kua bede raninire Gilgal my. Kaa ini wiji bedeu yrybu ranini my roimyhỹre.
|
||
\v 10 Israelita mahãdu ratỹhinanymyhỹreny Gilgal ki, Jericó hãwã werura ki, tai ibede ki Egitu ribi dòhònydenyde ribedebiòwanyrenyre ru my, waò inaubiòwa ahãdu kodelemy.
|
||
\v 11 Ijõ txumyta kua su rỹsỹna rirỹrenyre: matyni ijàre kia paõ iuridỹỹõ.
|
||
\v 12 Irahudita israelita mahãdu dee ixyby ihoõrenyre “mana” kiemy dori biu wetyy ribi iriòwysy ixawire. Ka wyra ribi tahe tii boho Kanaã su rỹsỹna rỹsỹ riòrarunyrenyre.
|
||
\s1 Deuxu Exército-dinodu
|
||
\v 13 Josue Jericó hãwã tyy ki ratximyhỹ. Isitere ribileta hãbuõ my robire, tõnori-di tebò ki rexitxuhunymy rỹire ikoki. Josue ityy-ò rehemynymy kia ritỹỹraxinyre: Kai aõbo wasodadureny tate yda waòludureny?
|
||
\v 14 -diarỹ aõ aõkõ rare ijõke aõkõre. –Tii rirawyònyre. –Diarỹ kaki watxireri Deuxu Tyhyhykỹ sodadu-dinodumy wesemy. Josue tatiòhumy resere,taòsỹny su-ò ritidimy kiata tuu rerinanyre. Kia my rarybere:-diarỹ aõtxile awiòhedỹỹdu rare, wanyrỹ. Aõbo adee ariwinykre? Kia tahe Josue rityhynyre?
|
||
\v 15 Deuxu Tyhyhykỹ sodadu-dinodu rirawyònyre: Bitake awaubehety kiemy dori kai su ki tariateri subrenatyhyhykỹ rare. Kia tahe Josue rityhynyre.
|
||
\c 6
|
||
\s1 Jericó Rimyrenyre
|
||
\p
|
||
\v 1 Jericó hãwã ijòtòbòna raratòbòwiwimy roimyhỹ, israelita mahãdu tamy ralòrenyhenylau. Inyõ tamy ralòkemy aõkõ kia iribi ròhònykemy aõkõ.
|
||
\v 2 Deuxu Tyhyhykỹ rarybere Josue dee: Beteheini!-diarỹ adee rewahinyreri Jericó hãwã , iiòlò kia isodadureny brebuterereny.
|
||
\v 3 Wiji tahe kai kia israelita sodadu mahãdu mariabenykre Jericó hãwã weruramy sohojihyymy txu-di, kia heka debò sohoji txu my tuu riwinyrenykre.
|
||
\v 4 Deuxu Rybe Ywidỹỹna Heto koki, ròirenykre debò inatxi sõemy Deuxu Rybe-di Ijohodu, iny sohoji sohoji budoeni-ò juròna riwykre. Debò inatxi txuu kai kia asodadureny mahã wana biriranybenykre, debò inatximy sõe Jericó hãwã weruramy, kia Deuxu Rybe-di Ijohodu mahãdu tahe ajuròna riwodỹỹnyrenykre.
|
||
\v 5 Tiu tii boho iwodỹỹ irehemy rierenykreu, ibutumy iny mahãdu rirajuarenykre katxiterehekỹmy, kia tahe Jericó hãwã adobo uhuari rariowykre. Tai tahe iny sohoji sohoji òbitihyylemy Jericó hãwã dee reakre.
|
||
\v 6 Josue rarariòwyònyre Deuxu Rybe-di Ijohodu mahãdu-ò, kiata tamyreny rarybere: Betyybenyke Rybe Ywidỹỹna Heto-di, kia ikokita debò inatxi sõemy Deuxu Rybe-di Ijohodu mahãdu riwyrenykre ajuròna.
|
||
\v 7 Kiata iny mahãdu-ò rarybere: Arirareny biòrarunybenyke Jericó hãwã weruramy! Kia sodadu mahãdu ririranyrenykre Deuxu Tyhyhykỹ Rybe Ywidỹỹna koki.
|
||
\v 8 Taita Josue rybe rityhynyrenymy, debò inatxi sõemy Deuxu Rybe-di Ijohodu rỹirenyre Deuxu Rybe Ywidỹỹna Heto koki, kia tahe ajuròna wodỹỹ riòrarunyrenyre.
|
||
\v 9 Sodadu mahãdu rirahumyhỹrenyre, Deuxu Rybe-di Ijohodu mahãdu koki kia ajuròna riwodỹỹnymy ròimyhỹrenyre, ka ijõ mahãdu ijoi tahe Deuxu Rybe Ywidỹỹna Hetoheki rirahumyhỹrenyre. Kaa ramyhỹre bedeu ajuròna riwodỹỹnymy ròimyhỹrenyre.
|
||
\v 10 Ka Josue tahe rarybere iny mahãdu-ò rajuarenyõrenykremy kia bede wodỹỹwidỹỹrenyõkremy, kia tii rarybekreu tuu riwinyrenykremy.
|
||
\v 11 Tai Josue tarybe riwahinyre kia Deuxu Rybe-di Ijohodu mahãdu ixyby ròweryrenykremy Jericó hãwã weruramy, retyyrenymy Deuxu Rybe Ywidỹỹna Heto-di. Irahudita ròòserenyre tatỹhinareny-ò kiata tai rõrõrenyre.
|
||
\v 12 Ijõ txu my tahe Josue rexilamadỹỹnyre txu ijara iòhòmy, kia Deuxu Rybe-di Ijohodu mahãdu tahe Deuxu Rybe Ywidỹỹ Heto-di retyyrenyre.
|
||
\v 13 Debò inatxi sõe my Deuxu Rybe-di Ijohodu mahãdu riwyrenyre debò inatxi my sõe ajuròna, kia ikoki ròimyhỹrenyre, riwodỹỹnymy ròirenyre ruhurenyõhyymy. Sodadu mahãdu ikòrenymy ròimyhỹrenyre, ka ijõ ijoi mahãdu tahe Deuxu Rybe Ywidỹỹna Hetohe my rirahumyhỹrenyre. Ajuròna sõe wodỹỹ ruhuõhyyre.
|
||
\v 14 Kia inatxina txuu ixybyle ririranyrenyre sohojihyy my Jericó hãwã weruramy, kiata ròòserenyre tatỹhinareny-ò. Kia heka tuu riwinyrenyre debò
|
||
\v 15 Debò inatxi txuu ritamanyrenyre rudihikỹ kiata ririranyrenyre Jericó hãwã weruramy debò inatxi sõemy sohoji txuuhyyle. Kia sohoji txuuhyyle debò inatxi sõemy Jericó hãwã weruramy rekoarenyre.
|
||
\v 16 Kia debò inatxi sõemy ròweryrenyreu, kia Deuxu Rybe-di Ijohodu mahãdu ajuròna wodỹỹ riixawidỹỹnyrenyreu, Josue iny mahãdu-ò rarybere: Ka tahe wiji birajuabenykre! Deuxu Tyhyhykỹ adeereny riwahinyreri Jericó!
|
||
\v 17 Jericó hãwã aõhe wana ibutumy rexihukre, kia ibutumy aõnaõna tuu rỹireri wana, kia xiwena wesemy Deuxu dee. Kia wedena RAABE sohojile tasỹreny wana irumy ratxirenykre, kiemy dori tii riixiwòtedỹỹnyrenyre iny mahãdu itxeredureny.
|
||
\v 18 Uritreta imynyrenyõmyrenykre aõ kia rexihukre. Txibo aõdibo atxibenykre wana kia-diarỹ tuu rarybere rexihukremy, kai boho heka aõbinahãkỹ bidiwybedenykre kia israelita tỹhinana bihubenykre.
|
||
\v 19 Ka aõna mana rỹsỹhỹkỹ òtaòta, mana rỹsỹtyhyhykỹ, kia womati tahe rahitxirenykre Deuxu Tyhyhykỹ dee kia tahe raòdòrenykre iaõna ydòna tyre.
|
||
\v 20 Taita Deuxu Rybe-di Ijohodu ajuròna riwodỹỹnyrenyre. Kia iny mahãdu roholarenyreu kaa ajuròna wodỹỹ-ò, tarurumy rirajuarenyre, kiata adobo uhuari urile rejujure. Tai ibutumy raòwònyrenyre, kia rirònyrenyre Jericó hãwã -ò kiata tureny rahãỹnanymy riwyrenyre.
|
||
\v 21 Kia rirubunyrenyre tatõnorireny-di, ibutumy Jericó hãwã ki ratximyhỹreny: hãbu mahãdu, hãwyy mahãdu, uladu mahãdu kia matuari mahãdu. Broreni rirubunyrenylere, budoeni boho kia jumentu boho.
|
||
\v 22 Irahuta Josue rarybere iny inatxi hãbu-ò kia itxeremy ròirenyre wahe Jericó hãwã -ò: Birònybenyke Raabe wedena heto-ò, kiata bididydenykre isỹreny ahãna-ò, tuu kai boho tamy tarybetenytemynamy.
|
||
\v 23 Tii boho ròirenyre kiata Raabe riòlòdỹỹnyrenyre, tyby kia ise, iseriore boho kia isỹreny mahãdu uhereny. Ibutumy ritarenyre iny mahãdu ihetoworeny ribi, kiata risỹnyrenyre israelita tyhinana weribi ahãna-ò.
|
||
\v 24 Kiata riworonyrenyre Jericó hãwã ibutumy aõnaõna tai rỹire, kia mana rỹsỹhỹkỹ sohojile, Manarỹsỹ òtaòta sohojile kia womanti sohojile ririrenyre. Kaa aõnaõna heka ritidirenyre Deuxu Tyhyhykỹ aõnaõna ydòna tyre.
|
||
\v 25 Josue ririre Raabe, wedena kia ibutumy isỹreny mahãdu wana, kiemy dori tii riixiwòtedỹỹnyrenyre itxereremy ròirenyre, kia tii riteònyre Jerico-ò. Kia irioreriorereny ratximyhỹrenyre wijihyyle Israel iny mahãdu ykyrenymy.
|
||
\v 26 Ibedeu tahe josue ritxuhore Jericó hãwã Deuxuni my, myỹ rarybemy: Mobo ixyby kaa Jericó tỹmyra hãwã widỹỹmy risỹnykre kia Deuxu Tyhyhykỹle ritxuhokre. Mobo tamy ihetodenareny riwinyrenykre kia iriòre adela iribi riõkre; mobo tamy ijòtòbòna sõe ritidikre kia iriòre roko iribi riõkre.
|
||
\v 27 Kawesemy tahe deuxu tyhyhykỹ ratxire Josue wana, kiata Josueni dehedehe raubỹtỹre ibutumy hãwã hãwã bede bede my.
|
||
\c 7
|
||
\s1 Acã Òraruna
|
||
\p
|
||
\v 1 Deuxu tyhyhykỹ tarybe riwahinyre israel iny mahãdu-ò, uritre inyõ aõnaõ iraresedỹỹõkremy, kia rexihukremy tuu rarybere, kia irybe tahe rityhynyrenyõlere. Acã aõnaõ riwore, iurenanata deuxu tyhyhykỹ sõemy radònyre israelita mahãdu my. Acã heka carmi riòre rare, zabdi rioreriore kia zera rioreriore, juda ijoi mahãdu.
|
||
\v 2 Josue riteònyrenyre hãbu mahãdurenyõ Jeriò hãwã ribi kia Ai hãwã-ò, kia Beteò ibràra weribiki rỹimyhỹre, Bete Avém bireki. Tii riteònyrenyre su-di reteherenykremy. Tii boho ròirenyre kiata hãwã-ò retehewiwirenyre.
|
||
\v 3 Taita dòòsedenyde kia riwahinyrenyre Josue dee myỹ tyyriti ijyy: Uritre ibutumy iny mahãdu iteòdỹỹrenyõkre. Kia inatxi yda inataõ mili sõelemy biteònykre Ai bihubenykremy, kiemy dori kuaki iny ibuterenyre.
|
||
\v 4 Kawesemy tahe ròirenyre txibo aõhe wana inataõ mili my. Kiaremy hãbu mahãdu Ai hãwã mahãdu tatyrymy rijaradỹỹnyrenyre israelita mahãdu
|
||
\v 5 kia rirubunyrenyre 36-my iny sõe rururenyre. Kia tii bohota israelita mahãduhemy ròirenyre, hãwã ijòtòbòna ribi kia manaykyòhòkỹle, rirubunyrenymy beresena-ò. Taita israelita iny mahãdu rabedeworenyre kia ibutumy ixiuaresereny ixawirenyre.
|
||
\v 6 Kia bederyry deòsinamy, josue tatyy riykare kiata su-ò ixidi rehure, taòsỹny-di su-ò Deuxu Tyhyhykỹ Rybe Ywidỹỹna Heto koki. Israel-dinodu mahãdu iyrybutyhyle riwinyrenyre, kiata Josue wana ratxireri kuaki txioro bedeuhyyle. Kia iwesetyhyle riwinyrenyre: su-di rehulerenyre taratyyreny-ò kia bederyrymy ratxirenyrerimy rexideòsinyrenykremy. Deuxu Tyhyhykỹ! Aõmybohe, aõherekibo kaa iny mahãdu Jordaõ bero-di teòhòresedỹỹnytenyte? Amorreu-ò biwawahinybenykrelemy aõbo, kia tii boho riwarubunyrenykremy? Aõherekibo Jordaõ weribijànakile watxirenyõre?
|
||
\v 8 Deuxu, tuyhyki aõkõ tuu adee arexitòenykre, ka Israel he rexiwòra taòludurenylau, aõmybo tahe ararybekre?
|
||
\v 9 Cananeu mahãdu kia ibutumy iwitxira mahãdu kamy su my sỹdu mahãdu bede tuu rieryrenykre. Kia tii boho tahe riwayrawonyrenykre kiata ibutumy riwarubunyrenykre. Kaweseki aõbo tahe biwinykre Ani nihiukỹ weribimy rarybereriki?
|
||
\v 10 Deuxu Tyhyhykỹ rirawyònyre Josue: Bexilamadỹỹnyke! Aõherekibo kai kia wesemy taiteri, ara su-ò?
|
||
\v 11 Israel iny mahãdu òraruna riwinyrenyre. Tii boho rikròrenyre Warbe Ywidỹỹna Heto wadee riwinyrenyre, Warybe Ywidỹỹna Heto my-diarỹ tuu rarybere rararekremy. Kia aõnaõna-di ratxirenyreri kia-diarỹ tuu rarybere rexihukremy. Tii boho riwòrenyre kaa aõnaõna, kia urile raroirenyreri iòraruki, kiata ritidirenyre taaõnareny yky-ò.
|
||
\v 12 Iurenana heka israelita mahãdu taòludu mahãdu riijerenyke aõkõre. Iribi rexiwòmyhỹrenyre kiemy dori wiji tii boho òbitile raywimy ratxirenyreri rexihurenykremy Txibo kai boho idi behubenyõrenykre wana aõbo riwasinyrenyre,-diarỹ awanareny aratxiõkre.
|
||
\v 13 Bexilamadỹỹnyke make iny mahãdu òraruna suròdỹỹmy. Marybke rexisuhòsuhòrenykremy biurasò my, kiemy dori-diarỹ Deuxu Tyhyhykỹ myỹ rarybere: —Israelita mahãdu kai boho aõnaõna dewòtenyteri kia-diarỹ tuu rarybere rexihukremy. Iribi bexitaõbenykre wana, kai boho aòludureny biebenyõtyhybeny.
|
||
\v 14 Biurasò my kai boho besideòsinybenykre ijoi ijoi my kia tahe ijõdikre bedeòbymy kia bedeburamy monibo ròhònykre. Iny ijoi aritakre ko-ò kanakre, tasỹ mahãdu wana .Kiata inysỹ mahãdu ijoi-diarỹ retare ko òkanakre, tahãwyy boho wana, tahãbu boho wana. Ikonamy tahe iny isỹ mahãdu wana retare ka-ò ko-ò kanakre, hãbu hãbu my.
|
||
\v 15 Taita kua ini ròhònykre tyyriti ki, kia tii aõnaõna-di ratxire rookre: tii tasỹ wana kia ibutumy tai aõnaõna rỹimyhỹre wana. Aõbo kaa hãbu riwinyre ibinatyhyhykỹ: tii rikròre Warybe Ywidỹỹna Heto kia waijoi wasỹreny mahãdu wa wana riwinyreny.
|
||
\v 16 Taita josue rudihikỹ rexilamadỹỹnyre, kiata Israel iny mahãdu riteòsinyrenyre iny hitxi hitxi ijoi ijoi my. Kia Judá ijoi my nii ròhònyre.
|
||
\v 17 Ilemyta judá ijoi mahãdusỹ rexideòsinykremy rarybere, kiata zera ijoi mahãdu tuu ròhònyre. Taita Zera ijoi mahãdu sỹ-ò ryryrenyre, tahãbu wana kia tahãwyy wana; kiata Zabdi hãbusỹ hãwyysỹ tuu ròhònyre.
|
||
\v 18 Ikonamy tahe Zabdi ijoi sỹ-ò ryryre, hãbu hãbu my, kia tahe Acã ni tuu ròhònyre. Acã heka Carmi riòre rare, Zabdi rioreriore, Zera rioreriore, Juda ijoi mahãdu.
|
||
\v 19 Kia Josue rarybere Acã-ò: Wiji tahe wariòre, òbitityhymy manarybekre Israel Deuxu Tyhyhykỹ koki. Wako bedelyykre aõbo kai tewytemy; uritre aõ iwòteõmykre.
|
||
\v 20 Acã rirawyònyre: Kohe,-diarỹ òraruna rewinyre Israel Deuxu Tyhyhykỹ ribi òtumy. Tuu arelyykre aõbo rewinyremy.
|
||
\v 21 Aõnaõna remyrenyre, Babilõnia rasirahãna wihikỹmy rabire; kia rabilere inatxi utxie my Manarỹsỹ òtaòta my kia Manarỹsỹ yre my rabire ijõmy, aõhe wana 500 grama my iutxie.Kia sõemy kua-di aratxikemy resỹnyre, kia ixidee rerarenyre. Kia iwasimy rỹireri, retuunymy hetowoki, kia Manarỹsỹ òtaòta tahe irawomy rỹireri.
|
||
\v 22 Taita Josue tarybe riwahinyre aõtxile hãbu mahãduõ rakremy wytyhylemy breò heto-ò; kia tii boho inatyhymy itxi rekoarenyre hãluuwoki aõnaõna txi, kia Manarỹsỹ òtaòta tahe irawotyhyki itxi rekoarenyre.
|
||
\v 23 Aõnaõna ritarenyre breò hetowo ribi kiata Josue-ò riwyrenyre, kia ibutumy israelita iny mahãdu ritidirenyre ibutumy Deuxu Tyhyhykỹ ru-ò.
|
||
\v 24 Tai Josue kia ibutumy Isreal iny mahãdu rimyrenyre Acã, Manarỹsỹ òtaòta, mana rỹsỹtyhyhykỹ yre, iriòre weryry, iriòre hirari, ibroreni boho, ijumentu boho, ibudoeini boho, iheto riòre kia ibutumy aõbo tii ijõdire kiata riwyrenyre Bede binabinahãkỹ wory-ò.
|
||
\v 25 Kia Josue rarybere tamy: Aõherekibo kai tuu tewinyte kawesena binabinahãkỹ watyrereny rariowykremy? Ka tahe wiji Deuxu Tyhyhykỹ adee riwinykre aõnaõna binabinahãkỹ atyre riatykremy! Ilemyta iny mahãdu ibutumy Acã rirubunyrenyre mana hunadile. Tii boho mana-di tuu raòhòterenyre kia ritoonyrenyre isỹ mahãdu kia ibutumy aõbo tai ijõdire wana.
|
||
\v 26 Kiata ityre ritidirenyre sõemy mana sõe, kia heka wiji bede yrybu kua bede ki roimyhỹre. Iurenana heka wiji yrybu dori kua bedeni Bede Binahãkỹ iwory my ranini my roimyhỹre. Taita Deuxu Tyhyhykỹ debure ixawire.
|
||
\c 8
|
||
\s1 Ai hãwã rexihure xihuduna
|
||
\p
|
||
\v 1 Deuxu Tyhyhykỹ rarybere Josue dee: Uritre brebuõmy! Abrebuteremy matxikre! Biriranybenyke ibutumy asodadu mahãdu wana Ai hãwã òludumy.-diarỹ ariwinykre kua iòlò my mahãỹnanybenykremy. Ai hãwã iny mahãdu, ihãwareny kia isureny ahõrõrenymykre.
|
||
\v 2 Kai boho biwinybenykre ka hãwã timybo Jerio-ò tewinytenyte wesemy, ka tahe ibutumy aõnaõna kia ibrorenireny ahõrõrenymykre. Bexiywinybenyke Ai hãwã bihubenykremy itỹỹresymy kia ihewo ribi tamy bekoabenykre.
|
||
\v 3 Taita Josue kia ibutumy sodadu mahãdu rexiywinyrenyre ririranyrenykremy Ai hãwã òludumy. Tii ritare 30 mili-my hãbu brebuterereny kia ru my riteònyrenyre
|
||
\v 4 myỹ rybereny-di: Bexiwòbenyke hãwã webrijà weribiki. Uritre ireheki norenyõmy kia bexiywinybenymy tamy bekoabenykremy.
|
||
\v 5 -diarỹ kia wasodadureny wana arekoarenykre Ai hãwã mynamy. Kia Ai sodadu mahãdu ydòhònydenykreu iny òludurenymy, rykexiwòrenykre ko my aõmare wesemy.
|
||
\v 6 Tii boho inyheworenymy kòdòhònydenykre, Ai hãwã ribi rexilòhòrarienymy. Tii boho rõhõtinyrenykre ilaureny iny boho rexiwòrenyreri my kodelemy aõmare wesemy.
|
||
\v 7 Taita kai boho bòdòhòbedenykre aixiwòtenareny ribi, kiata Ai hãwã ixidee bimybenykre. Deuxu, aDeuxureny adeereny Ai hãwã riwahinykre.
|
||
\v 8 Ai hãwã bimybeny rahu-di, heòty tamy biworonybenykre, tuu Deuxu Tyhyhykỹ rarybere mynamy. Ka heka warybe wahidỹỹna rare.
|
||
\v 9 Kawesemy tahe Josue riteònyrenyre sodadu mahãdu, kia tii boho tahe rexiwòrenyre Ai beàra weribi-ò, kia Ai bede ki Beteò wana. Ka Josue tahe ruu idi rỹire tatỹhinana bedekile.
|
||
\v 10 Kia rudihikỹ rexilamadỹỹnyre kiata sodadu mahãdu ributunyrenyre. Tii kia Israel wedu wedu mahãdu ririranymy ròirenyre iny mahãdu korenymy Ai hãwã -ò òbitimy.
|
||
\v 11 Sodadu mahãdu ròimyhỹre Josue wana ririranymy ròirenyre ijòtòbòna tyhy-ò Ai hãwã ludu, kiata ratỹhinanyrenyre iraru weribi-ò. Kia iwory ijõdire ityarenyki.
|
||
\v 12 josue ributunyre iruyre mili hãbu sõemy kiata riixiwòtedỹỹnyrenyre ibràra weribi-ò, Ai kia Beteò bedetxi.
|
||
\v 13 Sodadu mahãdu heka myỹ rasỹdỹỹrenyre rawounyrenykremy: Tỹhinanatyhy wahe, Ai hãwã iraru weribiki roireri; kia ijõ tahe ibràra weribiki roireri. Kia Josue bede ru my riere iworyki.
|
||
\v 14 Ai iòlò wytyhylemy taijoi riteòarinyre kia israelita iny mahãdu my robireu. Tii kia ibutumy tasodadu wana ròhònyrenyre rudihikỹ, kiata ròirenyre israelita mahãdu dee aõbina my, juhuu tii wana kodelemy raõbinanyre bedekile, kia Jordaõ iworykile. Tii boho rieryõhyyrenyre aõbina tamyreny iheworeny ribi reakremy.
|
||
\v 15 Josue kia tasodadureny mahãdu wana urile rexityylisinymyhỹreny rabòdurenyreri my, kiata bedero-ò rexiwòrenyre.
|
||
\v 16 Ibutumy Ai mahãdu hãbu tamyreny rybe rỹirenyre, israelita iny mahãdureny hewo my ròirenykremy; Josue hewo my ròimyhỹre wana wana, Ai hãwã ribi ròhòrariemy ròirenyre.
|
||
\v 17 Kia ibutumy Ai mahãdu hãbu ròhònyrenyre israelita mahãdu heworenymy, kia Ai hãwã iraymy roire, inyho my aõkõ iitxeseõmy.
|
||
\v 18 Taita Deuxu Tyhyhykỹ rarybere Josue dee:, Atõnori bitxurànyke Ai hãwã mynamy, kiemy dori ariwahinykre kua hãwã adee. Kia Josue irybe rityhynyre.
|
||
\v 19 Tii tebò ribiutxinyreu, hãbu mahãdu rexiwòmy rỹimyhỹreny wytyhylemy rexilamadỹỹnyrenyre, raijaranyrenyre, Ai hãwã rimyrenyre kiata ilemy ritoonyrenyre.
|
||
\v 20 Kia Ai mahãdu hãbu ixihewo-ò reteherenyreu, wàdàsimy robirenyre, biu wetyy-ò bedero-ò raòrunyrenyre ixybyle dòwerydenyde, kiata tureny raòhòterenyre.
|
||
\v 21 Josue kia isodadureny robirenyre iijõreny Ai hãwã rimyrenyremy kia riworonyrenyremy. Taita ixybyle dòòsedenyde kiata Ai mahãdu hãbu rirubunyrenyre.
|
||
\v 22 Israelita mahãdu Ai hãwã ki ratximyhỹreny tule ròhònyrenyre Ai hãbu mahãdu rubudỹỹdumy. Kaa hãbu mahãdu ibutumy rayraworenyre kia rururenyre, Israelita mahãdu rirubunyrenyre;
|
||
\v 23 kia Ai iòjò sohoji irumy rarire, kia rabreju my Josue-ò radyre.
|
||
\v 24 Israelita mahãdu ibutumy rirubunyrenyre taòludureny bede tyahãkỹ ki, bedero ki ibedeki iherenymy ijara rỹire bede ki. Irahudita Ai-ò ròòserenyre kiata rirubunyrenyre tai ratximyhỹreny.
|
||
\v 25 Kabede txuu ibutumy Ai ki rasỹnymyhỹrenyre rururenyre wa-ò inatxi reurò mili my sõereny.
|
||
\v 26 Josue ixawiõhyyre ritxurànyhyylemy tatõnori-di ratximyhỹ Ai hãwã myna txi ribedenyõhyyre, kia ihyyta ibutumy Ai hãwã ki sỹdu mahãdu rururenyre.
|
||
\v 27 Israelita mahãdu aõnaõna ixideereny rimyrenyre Ai hãwã ribi, tuu Deuxu Tyhyhykỹ rarybere mynamy Josue riwinykremy.ixiyrybule tuu alobixi rỹimyhỹre.
|
||
\v 29 Tii ribòtòtaare Ai iòlò bederade ruru-ò, kiata tai txiorouhyy ririre. Txiorotyhymyta iumy ratakremy tuu rarybere, kia idi adehu rỹikremy ijòtòbòna ròtena hãwãki. Kiata rihetynyrenyre mana sõehekỹ ki, kua bede ki wijidorihyyle roimyhỹre.
|
||
\s1 Rybe Tyhyna-di Rirana
|
||
\v 30 Kawesemy bede roimyhỹ, ibedeuta Josue riwinyre Ebal hãwãlò ki xiwena Deuxu Tyhyhykỹ dee, Israel Deuxu dee.
|
||
\v 31 Tii riwinyre Moisesi tuu rinymy raremyhỹ, Deuxu Tyhyhykỹ Deòdu, kia israelita mahãdu-ò riwahinyrenyre, kia tuu rariti my roimyhỹre Moisesi Rybetyhyna tyyriti ki: —xiwena mana nihikỹõ biwinybenyke kia rayrenyõrenyre womati-di. Ka xiwena tyre riwahinyrenyre Deuxu Tyhyhykỹ dee xiwena, kia ikietyhylemy roore kia xiwena bedeywidỹỹna.
|
||
\v 32 Kuaki iny mahãdu ruki, Josue riritinyre mana-ò Moisesi Rybe Tyhydỹỹna raritimy rỹiramyhỹ wahe.
|
||
\v 33 Kia ibutumy israelita mahãdu tawedu wedureny wana, iwedutyhyreny kia tule ibutumy iwitxira suludu mahãdu iykyrenyki ratximyhỹreny, ijõ weribi wiòwiò my ratximyhỹreny kia ijõ weribiki tahe Deuxu Rybe Ywid:y:yna Heto rỹimyhỹ. Kia ijõ mahãdu tahe Deuxu Rybe-di Ijohodu Levita mahãdu koki rỹimyhỹreny, kia retyymyhỹrenyre Deuxu Rybe Ywidỹỹna Heto-di. Iny mahãdu weere Gerizim hãwãlò koki ratxirenyre, ijõ weere mahãdu tahe Ebal hãwãlò koki ratxirenyre. Moisesi , Deuxu Tyhyhykỹ Deòdu tarybe juhuu riwahinyre iny mahãdudeereny, kawesemy reòterenymy rytereherenykremy Deuxu Rybe Wihikỹ rimyrenykremy.
|
||
\v 34 Taita Josue ibutumy Rybe Tyhydỹỹ tyyriti-di katxiterehekỹmy rariare, rybewiwihikỹ-di kia rybe binabina-di, timybo rariti my roimyhỹremy Rybe Tyhyna Tyyriti ki.
|
||
\v 35 Kia sohoji sohoji my Moisesi Tyyriti Rybena-di rariare, kia Josue ityyriti rybena-di rariare ibutumy israelita mahãdudeereny, hãwyydeereny, uladudeereny kia iwitxira hãwã ludu suludu ikyrenyki rỹimy raremyhỹ. Rybeõ idi tyyriti-di rira rariaõhyyre.
|
||
\c 9
|
||
\s1 Rybe Widee Ywi Myraywire Gibeonita Mahãdu Wana
|
||
\p
|
||
\v 1 Ibutumy iòlò mahãdu rỹiramyhỹ ibra Jordaõ bero ki, kia hãwãlò my rỹimyhỹre mahãdu kia planici my rỹimyhỹre mahãdu,kia tule ibutumy iòlò mahãdu Bero Nihikỹ Mediterrâneo ijàtimy rỹimyhỹre, kia Libano dorile tuu bede rieryrenyre. Kaa iòlò boho heka heteu mahãdu, amorreu mahãdu, cananeu mahãdu, perizeu mahãdu,heveu mahãdu kia Jebuseu mahãdu.
|
||
\v 2 Kia ibutumy tii boho rexibutunyrenyre rawounyrenykremy Josue òludumy kia Israel iny mahãdu òludumy.
|
||
\v 3 Gibeaõ hãwãki sỹdu mahãdu, heveu mahãdu tuu roholarenyreu, Josue timybo risỹnyrenyre my Jeriò kia Ai wana.
|
||
\v 4 Kia bede riywinyrenyre ribònyrenykremy. Kia rỹsỹna rimyrenyre, tajumentureny-di idi retyyrenykremy sau tyby-di sõemy, kia mona besòdi tỹxi ihyna tybytybymy kia tòbòtòbònadi my.
|
||
\v 5 Watybytyby-di rexiwanyrenyre iretydyretydy my kia rexityynyrenyre tyytybytyby-di. Kiata tarỹsỹnarenymy riwyrenyre paõ ratere, bolo wosi.
|
||
\v 6 Tii boho ròirenyre Gilgal tỹhinaòhòkỹle kiata raryberenyre Josue dee kia ibutumy Israel hãbu mahãdureny-ò:-diarỹ boho rehemynyrenyreri hãwãhãkỹ karibi irehemy roireri ribi. Bede Ywihikỹ wawanareny biwinybenyke.
|
||
\v 7 Kiaremy Israel hãbu mahãdu raryberenyre: —Aõhe wana kai boho katyykile burubenykre. Timybo tahe rybe ywidỹỹna ariwinyrenykre awanareny?
|
||
\v 8 -diarỹ boho rexihumy rexiwahinymy watxirenyreri, adeòdumy aratxirenykremy –tii boho rirawyònyrenyre. Tii mahãdubo kai boho toite? Toribibo tadoite? –rỹỹraxire Josue.
|
||
\v 9 Gibeonita mahãdu rirawyònyrenyre:-diarỹ boho, atybiedỹỹnareny roire,-diarỹ boho hãwãhãkỹ ludu irehetyhyki roimyhỹre, kiata ka-ò ròireri kiemy dori raholarenyre aDeuxureny Tyhyhykỹmy.
|
||
\v 10 Kia tule reeryrenyre aõbo riwinyremy amorreu inatxi iòlò boho-ò, Jordaõ bero beàra weribiki roimyhỹre; Seom, Hesbom iòlò, kia Ogue, Basã iòlò, kia rỹirenyramyhỹ Astrote ki.
|
||
\v 11 Wawedureny kia ibutumy wasỹreny waijoireny-diwateònydenyde rỹsỹna riywiywinymy idi adòidenykremy. Tii boho-diwateònydenyde atxireny arekoarenykremy myỹ araryberenykremy: —-diarỹ boho rexihumy ròireri adeòdurenymy aratxirenykremy. Rybe Ywidỹỹõ wadeereny biwinybenyke.
|
||
\v 12 Betehebenyini wapaõreny-di: itòteemy juhu nadiwydenyde nadòhònydenydeu wahetoreny ribi kodelemy rira my. Betehebenyini rarubumy ramoenyra.
|
||
\v 13 Kaa mona besò retỹxinyrenyreu ihyna-ò, kia itỹmyramyre. Ka tahe wiji idi betehebeny! Wijihe raykaykara. Watyyreny kia wawaube hetyreny retybytybyrenyra, irehemy idi reriranyrenyreri ki.
|
||
\v 14 Israel hãbu mahãdu tamy reòbyrenyre irỹsỹnareny-ò, kiaremyta rexitòenyrenyõlere, Deuxu dohodỹỹna my.
|
||
\v 15 Josue tamyreny Rybe Ywidỹỹna Giobenita mahãdu wana, tuu rarybere rururenyõrenykremy. Israel wedu mahãdu tuu riwinyrenykremy tarybereny.
|
||
\v 16 Inataõ txu sỹtybymy rybe ywidỹỹna riwinyrenyre, kia tahe rieryrenyre kua iny mahãdu bedetyy ki sỹdu roirenyre my.
|
||
\v 17 Iòrarukita israelita iny mahãdu ròhònyrenyre tatỹhinareny ribi, kia txu inataõ sỹtybymyta ritehemynyrenyre, ibedeki Gibeonita mahãdu rasỹnymyhỹrenyre-ò, kia boho heka roire, Gibeaõ, Cefira, Beerote kia Quiriate Jearim boho.
|
||
\v 18 Kiaremyta tuu raryberenyre òraruki Israel wedu mahãdu Gibeonita mahãdu-ò Deuxuni my Israel Deuxu Tyhyhykỹ my, taita israelita mahãdu rirubunyõrenyre. Iurenana ibutumy iny mahãdu ibinamy rahãrenyre wedu mahãdu òludumy,
|
||
\v 19 ka tii boho tahe myỹ riòbitinyrenyre: Iny boho raryberenyre Deuxuni my Israel Deuxu my, ka tahe aõ rikiwinyrenyõkre Gibeonita òludumy.
|
||
\v 20 Iny boho raryberenyre òraruki irumy ratxirenykre; tuõkita Deuxu iny boho rirarytxynyrenykre.
|
||
\v 21 Ixinamy irumy ratxirenykre; kia tahe hee rikròrenykre kia be-di inydeereny retyyrenymy roirenyrekre. Kawesey heka wedu mahãdu raryberenyre.
|
||
\v 22 Taita Josue ryryre Gibeonita mahãdu-ò kia ryỹỹraxire: Aõherekibo kai boho tiwabònytenyta , ka bedekile tahãwanymyhỹtenyte hãre?
|
||
\v 23 Kia tuu tewinytenyki, wiji matxibenykre Deuxu rarytxy rawoki. Kia Gibeonita iny mahãdu ribihyy, ikiemy ròhònymy rarekre wetxu mahãdu òwòru rikrò my roirenyrekre kia be-di rekoamy roirenyrekre waDeuxu heto-ò.
|
||
\v 24 Tii boho rirawyònyrenyre: Tuu ariwinymy aroirenyrekre kiemy dori bede reeryrenyre kia aDeuxu Tyhyhykỹ my, tuu tarybe riwahinyre Tadeòdu Moisesi dee, ibutumy kaa suu riwahinykremy israelita mahãdudeereny. Kia tule adeereny tarybe riwahinyre, wamyreny mahãỹnanybenykremy, ibutumy taisỹdu mahãdu birubunybenykremy. Tuu adeereny rewinyrenyre, kiemy dori sõemy alaureny raberurenyre, rubulau raberurenyre.
|
||
\v 25 Ka tahe wiji eboworenyki roirenyre; aõwaxina timy aratxirenykremy adeerenywimy.
|
||
\v 26 Josue tahe rarurunyre Gibeonita mahãdu weribiki kia rururenykremy riwahinyrenyõre.
|
||
\v 27 Ka kua txuuhyyle tii tamyreny rarybere kia beitxedumy ratxirenykremy, kia hejuradumy roirenyrekremy Israel iny mahãdu-ò kia Deuxu Tyhyhykỹ xiwena dee. Ka wiji bedeuhyyle tii boho tuu riwinymy natximyhỹdenyde, raaõmysỹdỹỹnyrenymy Deuxu tuu ibede ritare tuu rerinanyrenykremy.
|
||
\c 10
|
||
\s1 Amorreu Mahãdu Rabòdurenyre
|
||
\p
|
||
\v 1 Jerusalẽ iòlò, Adoni Zedeque, roholare riki kia Josue rahãỹnamy ibutumy rahurenyremy Ai hãwã , kia iiòlòreny rirubunyrenyremy. Kia riki tamy roholalere Jerico hãwã-ò rutỹỹnyre wesele iiòlò wana. Kiasỹ bede tuu rierylere Gibeonita mahãdu rybe ywidỹỹnanawi israelita mahãdu wana riwinyrenyre my, kia tii boho wana natximyhỹdenydemy.
|
||
\v 2 Jerusalẽ ki hãwãdu mahãdu sõemy ruberurenyre, kiemy dori Gibeaõ hãwã inihikỹtyhyre kia aõtxile iwitxiraõ iòlò ridinodunyke. Kia heka ihãremy Ai hãwã ratyre inihikỹre, kia ihãbureny tahe sodadu ibrebuterereny roire.
|
||
\v 3 Taita Adoni Zedeque tarybe riwahinyre Haaõ dee, kia Debir dee Eglom iòlò, myỹ rybe:
|
||
\v 4 — Bàdòike wawiòhedỹỹmy Gibeaõ-ò, rykekoarenykremy, kiemy dori kua mahãdu inyreny Bede widee ywina riwinyrenyra Josue wana kia Israel iny mahãdu wana.
|
||
\v 5 Kaa iruyre my amorreu mahãdu iòlòreny sõe — Jeruslem ribi, Hebrõ, Jarmute, Laki kia Eglõ — rexibutunyrenyre ibutumy isodadureny kia riyrawonyrenyre tamy rearenyre Gibeaõ hãwã-ò.
|
||
\v 6 Gibeonita mahãdu tahe tarybe riwahinyrenyre Josue dee Gilgal tỹhina bede-ò: Uritre waribireny hitxiõmykre! Manake wytyhylemy wawiòhedỹỹrenymy! Ibutumy amorreu iòlò mahãdu kia hãwãlò ki rasỹnymyhỹrenyre rexibutunyrenyra waòludurenymy!
|
||
\v 7 Taita Josue kia tasodadureny wana ròirenyre Gilgal ribi.
|
||
\v 8 Kia Deuxu Tyhyhykỹ tamy rarybere: Uritre brebuõmykre ka mahãdu iòlòrenylau, kiemy dori-diarỹ adee rewahinyre bòtakremy. Tiu ijõrenyõ irumy ikiemy ratxirenyõtyhy.
|
||
\v 9 Josue Gilgal ribi ròhònyre kiata rariamy rare ryreherehemy, ikiemy raòwònymy.Tii itỹỹeresy my tamy wou my reare.
|
||
\v 10 Deuxu Tyhyhykỹ risỹnyrenyre iòludureny rawojeijeirenykremy kia Israel sodadu my robirenyreu. Kawesemy tahe Israelita mahãdu ribòdunyrenyre ibutumy Gibeaõ ki, kiata ihãremy ihewomly ròirenyre Bete Horom ribi-dibederenydenydeu,tureny raòhòtemy Azeca òhòkỹ kia Makela òhòkỹle.
|
||
\v 11 Kia israelita mahãdureny ribi rexiwomyhỹreny wana wana raijaranymy riberenyrenymy Bete Horõ-di kia Azeka òhòle, Deuxu Tyhyhykỹ biu ribi dehude inihikỹmy bemana tere-di, israel òludu tyrereny, kiata tii boho rururenyre. Kia sõemy iny mahãdu rururenyre ka biulòra mana-di, kia israelita mahãdu wouna ribi.
|
||
\v 12 Kia Deuxu Tyhyhykỹ israelita mahãdu-ò tarasanareny riwahinyre txuu, wouna amorreu mahãdu òludumy, Josue tamy rarybere. Kiata israelita mahãdu ruki rarybere: Txuu, biyrymy myike Gibeaõ ratyaki! Ahãdu buhuke Aijalõ iwory tyreki!
|
||
\v 13 Txuu riyrymy roire, kia ahãdu tule ruhulere, ihyy tahe iny mahãdu rexiòwynyre taòludureny mahãdu-ò. Kaa rybe heka raritidỹỹmy roimyhỹre Justu Tyyriti ki. Txuu ruhumy roire biurawetyy tyaki kiata raroorehenyre r, ratxioronykemy sohoji txu my.
|
||
\v 14 Tiu tuu rutỹỹny aõkõ kia tiu ixyby tuu rutỹỹõtyhy, txu sohoji kawesemy, tiu txuu Deuxu Tyhyhykỹ hãbu rybe rityhynyre. Kia heka tuu rutỹỹnyre kiemy dori Deuxu Israel weribi ki rarurunyre òraruki.
|
||
\v 15 Irahudita Josue tasodadureny wana ròòserenyre Gilgal tỹhinana-ò.
|
||
\v 16 Iruyre iòlò mahãdu rahenyrenyre kia rexiwòrenyre Makeda mana ninihikỹ rawo bede ki,
|
||
\v 17 kia tahe tureny bede raeryre. Kia Josue tuu bede rieryre rexiwòmy ratxirenyreri my kuaki.
|
||
\v 18 Taita Josue rarybere: Biwemytararanybenyke mana nihikỹõ kia mana rure ròtenaòhòkỹle, kiata inyõ itxeredumy tamy bisỹnybenykre.
|
||
\v 19 Kiata uritre tai noõmykre. Aòludureny hewo my bekoabenykre kiata tuu maòhòtebenykre kia hewomy rarirenyre mahãdu my. Uritre iwahidỹỹrenyõmyrenykre tii boho tahãwareny-ò rooserenykemy, kiemy dori Deuxu Tyhyhykỹ, inyDeuxureny adeereny riwahinyre kia rururenykremy.
|
||
\v 20 Josue kia Israel sodadu mahãdu rirubunyrenyre. Kia rahenyrenyre tahãwarenywoki ratimyhỹreny adobo uhuari-di rexiijerenymy.
|
||
\v 21 Taita ibutmy Israel sodadu ròòserenyre kia ijõreny ruruõhyyrenymy Makeda tỹhinana-ò, kia Josue tai ratiximyhỹ-ò. Kia inyõ heka aõmy tai rarybeõhyyre isralita mahãdu òludu my.
|
||
\v 22 Irahu-di Josue rarybere: Mana ninihikỹ bitabenyke mana hãluu ròtena ribi kiata ka-ò bididydenykre iruyre my iòlò sõe boho.
|
||
\v 23 Kia tahe tuu relere. Mana hãluuwo ribi ritarenyre Jerusalẽ iòlò boho, Hebrõ, Jarmute, Laki kia Eglõ
|
||
\v 24 kiata Josue-ò radyrenyre. Josue rarariowyre Israel hãbu mahãdu-ò kiata rarybere sodadu mahãdu wedu-ò iki boho wana ròirenyre: Bòdòidenyke ka-ò kia awareny bidebenykre iòlò mahãdu bòtòti tyrereny. Tii boho tuu riwinyrenyre.
|
||
\v 25 Tai Josue rarybere: Uritre breburenyõmy; uritre abrebuterereny õnodỹỹõmyreny. Atyhymy atxibenymyhỹ abrebutererenymy kiemy dori Deuxu Tyhyhykỹ riwinymy rarekre ibutumy aòludureny mahãdu wana kai boho widee bekoamyhỹbenykreu.
|
||
\v 26 Taita Josue rirubunyre iòlò boho kia riònyrenyre iruyre òwòru sõe-ò. Kiata tii boho biu-ò raònymy roirenyre tai, ihyyta bede idireny rurunyre.
|
||
\v 27 Txiorotyhymy, Josue rarybere kia tii boho ratarenykremy òwòru ribi, kia idireny adehu rỹirenykremy mana hãluurotxi, tuu rexiworenyre txi. Kiata ritidirenyre iròtena-ò mana ninihikỹ, kia tai nyiyrybymyhỹde kuaki wiji beduhyyle.
|
||
\s1 Josue Tarasana Witxira Mahãdureny
|
||
\v 28 Ka bede txuule Josue raòhòterenyre kia Makeda ixidee rimyrenyre. Kia iiòlò rirubunyre kia ibutumy ihãwa my sỹdu mahãdu; inyõ irumy rariõhyyrenyre. Tii tuu riwinyre Makeda iòlò dee kia Jerico iòlò-ò riwinyre yrybytyhylemy.
|
||
\v 29 Kia ilemy Josue kia tasodadureny wana ròirenyre Makeda ribi Libna hãwã -ò kia tuu raòhòterenyre.
|
||
\v 30 Deuxu Tyhyhykỹ riwahinylere israelita mahãdu-ò tarasana ka hãwã tyrereny kia iiòlò tyre. Tii boho ibutumy rirubunyrenyre tai sỹdureny mahãdu, kia Lbna iòlò-ò riwinyrenyre kia Jerico iòlò dee riwinyre yrybutyhyle.
|
||
\v 31 Josue kia tasodadureny boho wana ròirenyre Libna ribi Laki hãwã -ò. Tii boho riyrawinyrenyre kia ihãwareny rihurenyre.
|
||
\v 32 Kia inatxi txu my rawounyrenyre bedeu, Deuxu Tyhyhykỹ riwahinyre tarasana israelita mahãdu-ò, kia Laki hãwã tyrereny. Kia Libna hãwã dee riwinyrenyre yrybule tuu riwinyrenyre Laki hãwã dee. Kia ibutumy imahãdureny rirubunyrenyre.
|
||
\v 33 Taita Horã, Gezer iòlò rare Laki hãwã wiòhenadỹỹmy. Kiaremyta Josue rahãỹnanyre Gezer iòlò my kia iijoirenymy; inyõ irumy rarirenyõhyyrenyre.
|
||
\v 34 Irahudi Josue kia tasodadureny boho wana ròirenyre Laki hãwã ribi Eglõ òhòkỹle. Tii boho riyrawonyrenyre kia ihãwa rihurenyre
|
||
\v 35 kia itxuutyhyle rimyrenyre. Kia ibutumy rirubunyrenyre, kia Laki hãwã dee riwinyrenyre yrybutyhyle.
|
||
\v 36 Tai Josue kia tasodadureny boho wana ròtuòrenyre Eglõ ribi Hebrõ hãwã -ò. Kia tuu raòhòterenyre
|
||
\v 37 kiata Hebrõ hãwã my ixidee rimyrenyre, kia ityyrenymy hãwã sõmosõmo rỹimyhỹrenyre tule. Josue tarybe riwahinyre kua hãwã ibutumy rexihuhukỹkremy, kia Eglõ hãwã dee riwinyrenyre wesele. Inyõ irumy rariõhyyrenyre.
|
||
\v 38 Taita Josue tasodadureny boho wana ròhòserenyre, kiata Debir hãwã my rahurenyre.
|
||
\v 39 Kia ihãwarenymy rahãỹnanyrenyre kia iiòlòmy kia tule hãwã sõmosõmo ibirerenymy rỹimyhỹrenyremy, ibutumy kuamy iny mahãdu rỹimyhỹrenyre rirubunyrenyre.Josue Debir hãwã dee riwinyre kia iiòlò dee , tuu Hebrõ kia Libna dee riwinyrenyre wese kia iiòlòreny wana.
|
||
\v 40 Kawesemy tahe Josue rimyre ibutumy kua bede hãwã sureny.Iòlò mahãdu my rahãỹnanyre hãwãlò ki rasỹnymy rỹirenyramhỹ, iraru bedehekỹki, kia planici ribi hãwãlò rawo ribi. Tii irumy inyõ ririõhyyre; ibutumy rururenyre. Kamy heka Deuxu Tyhyhykỹ, Israel Deuxu, tuu rarybere.
|
||
\v 41 Josue ibutumy rahãỹnanyre Cade Bernea ribi Gasa òhòkỹle, kia ibutumy Gosem bede ribi Gibeaõ òhòkỹle.
|
||
\v 42 Deuxu tyhyhykỹ, Israel Deuxu, resumy raremyhỹ taijoi tasỹ mahãdu òraruki, iurenana heka Josue ibutumy iòlò mahãdumy rahãỹnanyre, kia isurenymy sohoji wounakihyyle.
|
||
\v 43 Irahudita Josue tasodadureny boho wana ròòserenyre Gilgal tỹhinana-ò.
|
||
\c 11
|
||
\p
|
||
\v 1 Kaa aõnaõna rehemynyrenyre Jabim nohõtireny-ò. Hazor iòlò. Kia tii reteònynyrenyre iòlò mahãdu deereny: Jabe, Madom iòlò. Sinrom kia Akasafe iòlò deereny.
|
||
\v 2 Kia hawalò bede bedemy iòlò mahãdu rỹimyhỹrenyre deereny, kia iraru weribimy iòlò mahãdu rỹimyhỹrenyre deereny: kia Jordaõ iwory bedemy iòlò rỹimyhỹrenyre deereny, kia Galilea ahu ibòò weribi iòlò mahãdu rỹimyhỹrenyre deereny, kia bede bedemy kia bero weijàtimy iòlò mahãdu rỹimyhỹrenyre deereny, Dor tyyki roimyhỹre.
|
||
\v 3 Tule riteònylerenyre tarybe wahidỹỹdureny. Kananeu mahãdu deereny kia Jordaõ bero ki wiòwiò rỹimyhỹrenyre Amorreu mahãdu deereny, Heteu mahãdu deereny, Perizeu mahãdu deereny, Jebuseu mahãdu deereny, hãwãlò bede bedemy rỹimyhỹrenyre kia Heveu mahãdu deereny, Hermom hãwãlò ki lamamy ritamaynymy ratximyhỹrenyre, Misipa su ki.
|
||
\v 4 Tii boho ibutumy tasodadureny wana ròirenyre, kia sõemy sodadu mahãdu hãbu kia bero nihikỹ ỹnara rutà rỹimyhỹre wesemy. Tule sõere iawarureny kia iitytireny heòty.
|
||
\v 5 ibutumy kaa iòlò rexibutunyrenyre isodadureny kiata ratỹhinanyrenyre Merom ahu bireki, kia resurenykremy Israel iny mahãdu òludumy.
|
||
\v 6 Deuxu Tyhyhykỹ rarybere Josue dee: —Uritre ilaureny brebuõmykre. Biurasòmy kawese txuutyhyle-diarỹ arirubunyrenykre ibutumy kia iny mahãdu Israel deereny. Kai iawarureny bitikròrenykre.
|
||
\v 7 Kawesemy tahe Josue kia ibutumy tasodadureny wana itỹỹeresylemy aõbinamy woumy rekoarenyre Merom ahu bireki.
|
||
\v 8 Kia Deuxu Tyhyhykỹ tarasana riwahinyre israelita mahãdu deereny. Tii boho aõbinamy woumy rekoareny taòludureny dee kiata ihereworenymy ròirenyre Sidõ nihikỹ-ò kia Misrefote Maim-ò kia Mispa txu ròtena weribiòhòkỹle. Kia resurenyhyymy ratxirenymyhỹ ihyy tahe ibutumy taòludu mahãdu rirubunyrenyre.
|
||
\v 9 Josue riwinyre timybo Deuxu Tyhyhykỹ tamy rarybere mynamy: ritikròrenyre iawarureny kia riworonyre iityti heòty iwounaremy.
|
||
\v 10 Taita Josue roosere. Hazor hãwã tahõrõmy rimyre kia iiòlò rirubunyre. Ibedeu heka Hazor ratyhytyhydỹỹmy raremyhỹ kaa iòlò mahãdureny ribi.
|
||
\v 11 Israelita mahãdu ibutumy rirubunyrenyre tai hãwãdu hãwãdureny, kia ihãwareny tahe roorenyre.
|
||
\v 12 Josue ibutumy kaa ihãwareny rimyre kia iiòlòreny. Ibutumy rirubunyrenyre, tuu Moisesi rarybere mynamy, Deuxu tyhyhykỹ deòdu.
|
||
\v 13 Ka israelita mahãdu tahe hãwã hãwã riworonyrenyõre hãwã tyby tyreki rekerenyre, aõhebo tahe Hazor, kia Josue riworonyre.
|
||
\v 14 Israelita mahãdu ixidee rimyrenyre ibutumy aõnaõna wiwihikỹ kia ihãwareny bròreni-di . Ka iny mahãdu tahe ibutumy rexihurenyre; inyõ irumy rariõhyyre.
|
||
\v 15 Deuxu Tyhyhykỹ heka wesemy tarybe riwahinyre tadeòdu dee; Moisesi tahe Josue dee tuu rybe riwahinyre, kia Josue tahe rityhynyre. Tii ibutumy riwinyre aõmybo Deuxu Tyhyhykỹ rarybere mynamy Moisesi riwinykremy.
|
||
\v 16 Josue ibutumy kua suu rimyre, kiahe Juda hãwãlò bede bede, ibutumy ibòò bede bede, ibutumy Gosem su, Juda bede bede, Jordaõ iwory bede kia tule hãwãlò bede bede, kia Isarel bede bede bero weijàtimy rỹimyhỹre.
|
||
\v 17 Kaa bede bede ramyhỹre Halake hãwãlò ribihikỹ, Seir bireki, kiata Bali Gade òhòkỹle, Libano iworyki, kia Hermom hãwãlò rawoki. Josue ibutumy rirubunyre kamy rỹimyhỹrenyre iòlò mahãdureny,
|
||
\v 18 kia wouna bedeu irehemy tuu riwinyre iòludurenymy.
|
||
\v 19 Ka mahãdu hãwã hãwã rybe wideereny riwinyrenyõhyyre aõnabinaõ ratxirenykemy Israel wana, aõhebo tahe Gibeaõ, ibedeki Heveu mahãdurenyõ rahãwanymy rỹiramyhy. Kia ijõ mahãdu hãwã hãwã tahe wouna rỹire bedeu ramyrenyre.
|
||
\v 20 Deuxu Tyhyhykỹ tuu risỹnyrenyre kia ka mahãdu hãwãludureny rõhõtiõrenykremy resurenykremy Israel iny mahãdu òludurenymy, kaweseki ibutumy rexihurenykremy, kia idireny wobrumy aõkõ tamyreny tòeõmy rururenykremy. Deuxu Tyhyhykỹ tuu rarybere kamy Moisesi dee.
|
||
\v 21 Kawese bereu Josue rare kiata Anakins hãbu ninihikỹ mahãdu rahurenyre kia hãwãlò hãwãlòmy rỹrenyramyhỹ: Hebrom ki, Debir ki, anabe ki. Anabe ki kia ibutumy Juda kia Israel hãwalò hãwãlòmy. Josue ibutumy rahurenyre kia ihãwahãwareny rihurenyre.
|
||
\v 22 Kia Anakins mahãdureõ ratxirenyõhyyrenyre Israel su ki: kia ijõ ijõle ratxirenyre Gasa hãwã ki, Gate hãwã ki kia Asdode hãwã ki.
|
||
\v 23 Timybo Deuxu Tyhyhykỹ tuu rarybera mynamy Moisesi dee, Josue suu rimyre kiata Isaelita mahãdu deereny riwahinyre ihõhõrenykremy. Tii suu riwira reare kia riwahinyre iyreyremy iny mahãdu wedu sohoji sohoji mynamynamy. Kawese tahe wou ixawire.
|
||
\c 12
|
||
\s1 Iòlò Mahãdu Rabòdurenyre Moisesi Dee
|
||
\p
|
||
\v 1 Israel iny mahãdu ribòdunyrenyre iòlò mahãdu rasỹnymy ròirenyremyhỹ bedeu kia Jordaõ bero beàra weribiki tasurenyki ratximyhỹreny. Kaa suu heka Arno iwory ribi raòrarunyre, kiata raòwònymy rare Jordaõ iworyòhòkỹle, kia Hermo hãwãlòòhokỹle. Israelita mahãdu ribòdunyrenyre iòlò mahãdu, kia inimy raryberenyre.
|
||
\v 2 Komy heka Seom rare, amorreu mahãdu iòlò, kia Hesbom ki rahãwanymy rỹiramyhỹ. Iiòlòuna Aroe ribi ròrarunymyhỹre, Arno bera weijàti-di, kia ijõ iwory weere tahe Jaboque bero òhòkỹle ramyhỹre, kia Amo bede wesiòhòkỹle. Kaa iiòlòuna heka ramyhỹre Gileade wetyaòhòkỹle.
|
||
\v 3 Kua beàra weribi Jordaõ iwory, Seom iiòlòna ròrarunymyhỹre Galilea ahu ribi kia ryy Bete Jesimote-ò ramyhỹre, kia Bero Nihikỹ Rubu beàra weribi, kiata iraòhòkỹ ramyhỹre, kia Pisga hãwãlò òraruòhòkỹle
|
||
\v 4 Israelita mahãdu tule rahãỹnanyrenyre Ogue my, Basã iòlò wahe, kia heka ikonamy iny ninihikỹmy ratxirenyre. Tii boho rahãwanymy roirenyremyhỹ Astarote ki kia Edrei ki.
|
||
\v 5 Kia iiòlòuna heka Hermom hãwãlò ihõrõõle rare, Salca kia ibutumy Basã bede, kiata gesurita kia maacatia wesiwesiòhòkỹle, kia tule Gileade weere, kia Seom suhukỹle, Hesbom iòlò wahe.
|
||
\v 6 Iòlò mahãdu rabòdurenyre Moisesi dee. Moisesi kia Israeli iny mahãdu Tai, Kade mahãdu-ò, Hubi mahãdu-ò, Manasé josé riokorereny suieremy Mosesi riwahinyre
|
||
\s1 Iòlò mahãdu rabòdurenyre Josue dee Seõsỹtybyle heka riwahinyre kia amoheusỹtybyle, Oke mahãdusỹtyby, Basã
|
||
\v 7 Iòlò mahãdu rabòdurenyre Josue dee mahãdu sumy rÿimyhÿrenyre, kia Jordaõ bero ibràra weribiki rÿimyhÿrenyre, kia Baal-Gade-ribi, Libano iwory, kiata Halate hãwãlòòhòkÿle, kia ryy ramyhÿre Seir bede-ò. Josue kaa suu riwirarea rareare iny mahãdu mahãdu wedu wedu-my, kia ihõrõrenykremy ikiemy.
|
||
\v 8 Kia heka hãwãlò hãwãlò kaa isurenymy ratxilemyhỹre, kaa suu Jordaõ iwory, hãwãlò mahãdu raòwònymy rare, kia bedero bede iraru weribi-ò. Ka su ki heka rahãwanymy rỹiramyhỹ heteu mahãdu, amorreu mahãdu, cananeu mahãdu, perizeu mahãdu, heveu mahãdu kia jebuseu mahãdu.
|
||
\v 9-24 Ka heka iòlò mahãdu rabòdurenyre hãwãhãwa boho: Jericó, Ai (Betel bireludu), Jerusalẽ, Hebrom, Jarmute, Laquis, Eglom, Gezer, Debir, Geder, Horma, Arade, Libna, Adulã, Maquedá, Betel, Tapua, Héfer, Afeca, Lasarom, Madom, Hazor, Sinrom Merom, Acsafe, Taanaque, Megido. Quedes, Jocneaõ (Carmelo bede ki), Dor (bero ijàtiki), Goim (Galilea ki) kia Tirza —ibutuki 31-my iòlò sõe.
|
||
\c 13
|
||
\s1 Suu Mahãdu Ramyõmy Rỹimyhỹrenyre
|
||
\p
|
||
\v 1 Kia Josue matuarityhymy ratximyhỹ bedeu, Deuxu Tyhyhykỹ rarybere: — Kai heka matuarityhymy tate, kia ihãremy sõemy suu rỹireri ramykemy.
|
||
\v 2 Kia rasiranyreri ramykemy filisteu mahãdu kia gesurita mahãdu bede bedereny.
|
||
\v 3 (Kaa suu heka raòrarunyre Sior bero ribi, kia Egito wesi ribi, kia Ecrom wesiòhòkỹle, kia iboo weribi tahe cananeu mahãdu hõrõ rare; filisteu su wedu mahãdu Gasa hãwãkile rasỹnymy rỹirenyramyhỹ, Asdode ki, Asquelom ki, Gate ki kia Ecrom ki.) Kia rasiranyre ramynykemy Avim mahãdu sureny,
|
||
\v 4 kia iraru weribi tahe ibutumy cananeu kia Meara sureny (kia heka sidônio mahãdu hõrõmy roimyhỹre), kia Afeca òhòkỹle, kia amorreu mahãdu wesiòhòkỹle.
|
||
\v 5 Tule rasiranyrenyre gebalita mahãdu sureny; kia beàra ibòò weribitxi, ibutumy Libano, kia Bali Gade ribi Hermom hãwãlò òraru ribihikỹle, kiata raòwònymy rare Hamate bedeòhòkỹle.
|
||
\v 6 ratximyhỹrenyre hãwãlò hãwãlò bede ki, kia Libano mahãsu kia Misrefote Maim hãwãlò bederenyki.-diarỹ ariteònyrenykre kaa iny mahãdu kia Israel iny mahãdu rahãỹnanymy roirenykre wana wana. Wimyta bitxuabitxuabenyke kaa suu wijireri yrybu, kia Isrel iny mahãdu idinodurenymy roirenyrekremy iwese tuu rarybere wesemy juhu.
|
||
\v 7 Kiaremyta wimy biwirareabenyke kaa suu kia debò inaubiòwamy wedu wedu rỹirenyreri wana kia iweere tahe ibòò weribi beàra-ò riòre kia Manassé wedu hõrõrenymykre. Kaa suu heka ihõrõrenymykre.
|
||
\s1 Suu wedu wedu kia Jordaõ Ibràra weribi-ò
|
||
\v 8 Ruben ijoi mahãdu Gade ijoi mahãdu kia ijõ weere Manasse ijoi mahãdu, kia tasureny rimyrenyre, kia Jordaõ bero txuòlòna weribiki rỹimyhỹre. Kiamy heka Moisesi Deuxu Tyhyhykỹ Deòdu tamyreny riwahinyre.
|
||
\v 9 Kia isureny heka ròrarunyrenyre Aroer ribi, Arnom iwory weijàti-di, kia hãwã kua iwory rỹimyhỹre tyaki, kiata-dibom òhòkỹle raonananyre, kia ributunyre ibutmy Medeba.
|
||
\v 10 Kia isurenymy rare ibutumy hãwã hãwã sõmosõmo Seom riwedunymy raremyhỹ, amorreu mahãdu iòlò, kia juhu Hesbom iòlò ki raremyhỹ, kia tahe amonita mahãdu su bire òhòkỹle raonananyre.
|
||
\v 11 Kia isureny ihãremy ributunyrenyre Gileade kia tai gesurita mahãdu maacatita mahãdu rasỹnymy rỹiramyhỹ, kia tule ibutumy Hermom hãwãlò kia ibutumy Basã bede kia Salca òhòkỹle raonanany.
|
||
\v 12 Kia ributunyre ionanamy Ogue iòlòuna. Ogue heka ionanamy iniinihikỹmy irariemy rỹirenyramyhỹ, kia tii boho riwedunymy roiremyhỹ Astarote ki kia Edrei ki. Moisesi heka ribòdunyrenymy kia riteònyrenyre kaa iny mahãdu.
|
||
\v 13 Ka gesurita boho kia macaatita boho tahe rateòdỹỹrenyõlerenyre; tii boho ratxiyrybumyhỹrenyre Israel iny mahãdu ykyrenyki. Tyhyhykỹ dee xiwenamy, kia tii tuu rarybere mynamy Moisesi dee.
|
||
\v 14 Uritahe Moisesi Suu riwahinyõre Levi-ò. Tykiemy levita mahãdu bdedȳȳnana rȳsȳna xiwemy riwymyhykre Deuxu dee, tikiemy tarybe tuu ririre-ki.
|
||
\s1 Ruben ijoi mahãdu sureny
|
||
\v 15 Moisesi riwahinyre su weereõ Ruben ijoi sỹreny dee, kia ihõrõrenykremy.
|
||
\v 16 Kaa suu heka ròrarunyre Aroer ribi, kia Arnom iwory weijàtimy, kia ròrarunyre hãwã riòreõ rỹimy raremyhỹ iwory wetyaki, Medeba òhòkỹle, kia ibutumy bede bede iweruramy rỹira.
|
||
\v 17 Kia ribitunylere Hesbom kia ibutumy bede bede iweruramy rỹira, kia wahe,-dibom, Bamote Bali, Bete Bali Meom,
|
||
\v 18 Jasa, Quedemote, Mefaate,
|
||
\v 19 Quiriataim, Sibma kia Zerete Saar, hãwãlò iworyki.
|
||
\v 20 Kia tule Bete Peor, Pisga hãwãlò-ò raòwònymy ramyhỹre, Bete Jesimote,
|
||
\v 21 kia ibutumy ijõ hãwã hãwã bede bedemy rỹira kia ibutumy Seom hãwã hãwã sõmo, amorreu mahãdu iòlò wahe , kia riwedunyre Hesbom ki. Moisesi heka rahãỹnanyre Seom iòlòmy kia Midiã wedu mahãdumy rahãỹnanylere: Evi, Requém, Zur, Hur kia Reba. Ibutumy ka boho rahãwanymy rỹiramyhỹ ka sumy kia riwedunymy rỹiramyhỹ kia Seom tahe iwedutyhyrenyre.
|
||
\v 22 Kia rururenyre Israel iny mahãdu rirubunyrenyre iykyrenyki heka Balaaõ ratximyhỹ, ureraruduhukỹ, Beoro riòre.
|
||
\v 23 Kia txuròtena weribi Ruben ijoi mahãdu sureny weijàtiki Joradaõ bero roimyhỹre. Ka boho heka hãwã hãwã sõmosõmo rare iny mahãdu rawahirenyre Ruben ijoi sỹ mahãdureny dee, kia ibrysirenykremy.
|
||
\s1 Gade Ijoi Mahãdu Sureny
|
||
\v 24 Moisesi riwahinylere su weereõ Gade ijoi sỹmahãdu dee, kia ibrysirenykremy.
|
||
\v 25 Kia isureny heka ributunyre Jazer, ibutumy Gileade hãwã hãwã sõmosõmo, kia iweeremy amonita mahãdu sureny tahe aroer òhòkỹle raonananyre, kia txuòlòna weribiki Raba rỹireki.
|
||
\v 26 Kia ramyhỹre Hesbom ribi Rama Mispa òhòkỹle kia Betonim kia Maanaim òhòkỹle, kia Lo Debar wesiòhòkỹle.
|
||
\v 27 Kia Jordaõ iworyki, ributunymyhỹre hãwã hãwã Bete Arã, Bete Ninra, Sucote kia Zafom kia tule Seom riwedunymy raremyhỹ Hesbom iòlò uhereny. Kia txuròtena weribi Gade su konana heka Jordaõ bero tiire, kia tahe Galilea ahu òhòkỹle raonananyre, iraru weribi.
|
||
\v 28 Ka heka hãwã hãwã sõmosõmo rare kia iny mahãdu rawahinrenyre Gade ijoi sỹ mahãdureny dee, kia ibrysirenykremy.
|
||
\s1 Manasse Ijoi Mahãdu Txuòlòna Weribi Rỹirenyre Isyreny
|
||
\v 29 Moisesi riwahinylere su weereõ Manasse ijoi weere mahãdureny dee, kia ibrysirenykremy.
|
||
\v 30 Kia isureny heka ròrarunymyhỹrenyre maanaim hãwã ribi kiata ributunymyhỹre ibutumy Basã bede bede, kia heka Ogue iòlò hõrõ rare, kia tule ibutumy 70 my hãwã hãwã sõmosõmo juhuu Jair hõrõ rare, Basã ki.
|
||
\v 31 Kia ributunyre iweeremy Gileade bede bede, Asatarote kia Edrei, kia Ogue riwedunymy raremythỹ, Basã ki. Kaa suu heka rawahireMaquir rioreriore weere mahãdu dee, Manasse riòre wahe.
|
||
\v 32 Kawesemy tahe Moisesi , Moabe bedeki kia riwirareare suu kia txuòlòna weribiki rỹimyhỹre Jerico hãwãki kia Jordaõ Beroki.
|
||
\v 33 Ka tii tahe su yreõ riwahinyõhyyre Levi ijoi mahãdu dee, kia ibrysirenykemy. Moisesi rarybere ka mahãdu ijoireny dee kiemy dori riki Deuxu Tyhyhykỹ Israel Deuxu, ibrysireny raremy.
|
||
\c 14
|
||
\s1 Kanaã Su Konanakonana
|
||
\p
|
||
\v 1 Kaa heka suu Israel iny mahãdu Kanaã ribi rimyrenyre. Eliaza (Eleazar) Deuxu Rybe-di Ijohodu, kia Josue, Num riòre, kia Israel iny mahãdu sỹ wedu wedu mahãdu riwinyrenyre wirarearareana.
|
||
\v 2 Timybo Deuxu Tyhyhykỹ raryberemy Moisesi dee, suu riwirareakremy debò inaubiòwamy iny mahãdu wedu wedu sõemy weeremy sorte my ratarenyre.
|
||
\v 3 Moisesi riwahinyre su weereõ iny inatxi-ò iny mahãdu wedu wedu weeremy kia txuòlòna weribiki ratxirenyre Jordaõ bero bedeki, ka Levita ijoi mahãdu tahe rimyrenyõhyyrenyre.
|
||
\v 4 Jyje rioreriore boho inatximy wii riwirarearenyre: Manasse kia Efraĩ.Kia Levita ijoi mahãdu tahe su yreõ rimyrenyõhyyrenyre, ka uriki tahe ihãwa hãwãreny ijõdirenyre tamy rasỹnyrenykremy kia asi ijõdilere ibrorenireny dee kia iiròdureny dee.
|
||
\v 5 Israel iny mahãdu suu riwirarearenyre tuu Deuxu Tyhyhykỹ rarybere mynamy Moisesi dee.
|
||
\s1 Josue Hebrom Riwahinyre Calebe Dee
|
||
\v 6 Juda ijoi mahãdu ròirenyre Josue dee rybemy Gilgal ki. Calebe, Jefone riòre, quenezeu iny mahãdu, kiamy raryberenyre Josue dee: Kai teeryte aõmybo Deuxu Tyhyhykỹ rarybere Moisesi dee, hãbu Deuxu, Cades Barnéia ki, wabededỹỹnanamy kia abededỹỹnanamy.
|
||
\v 7 -diarỹ 40-my wawyra iu Moisesi Deuxu Tyhyhykỹ deòdu, riwateònyre Cades Bernéia ribi kia aretehekremy su-di.Kia-diarỹ tamy tyyriti rewahinyre reerymy òbitityhymy.
|
||
\v 8 Hãbu mahãdu wawana ròirenyre urile brebumy robỹtỹrenyre iny mahãdu ykylemy, ka-diarỹ tahe inatyhymy retyhynytyhyre Deuxu Tyhyhykỹ, waDeuxu.
|
||
\v 9 Kua bede txuu Moisesi wadee rybetyhydỹỹnamy rarybere myỹ ariwinykremy: —Calebe, kai tetyhynyte inatyhyhykymy Deuxu Tyhyhykỹ dee, waDeuxu. Iurenana tahe òbitimy bòibekre kai kia ariòre boho ikiemy ibutumy su wedumy matxibenykre, kia idi biriranybenykre.
|
||
\v 10 Kia Calebe tarybe ritõranyre: Ka tahe wiji betehe. Kia 45 wyramy raremyhỹ bedeu Deuxu Tyhyhykỹ rarybere kaa aõnaõnamy Moisesi dee. Kia heka ibedeu Israel iny mahãdu bedero wetyadi ririranymy rirahure; kia Deuxu Tyhyhykỹ riwaywinymy wadi ratximyhỹre wiji yrybule. Wadi ini bedetehe!-diarỹ 85 my wawyra-di rare
|
||
\v 11 kia watyhymy waruruterehyymy ixiki rahãmyhỹre wiji kia waruru-di sõemy watximyhỹre arawounykemy kia aõ adiwinyke aõmy adeakeki.
|
||
\v 12 Ka tahe wiji wadee hãwãlò bede bede kia Deuxu Tyhyhykỹ tuu wadee rarybere riwahinykremy kia iu waijoi mahãdu kia-diarỹ tamy tyyriti rewahinyrenyreu. Kua bedeu-diarỹ boho adee raryberenyre kia anaquins hãbu ninihikỹmy tai rasỹnymyhỹrenyremy, kia rasỹnymy roiremyhỹ hãwã hãwã ninihikỹmy adobo-di rexiwetinyrenymy.Txibo Deuxu Tyhyhykỹ wawana ratxikeki,-diarỹ ariteònyrenyke, timybo tii tuu rarybere wesele.
|
||
\v 13 Taita Josue tarybewihikỹ riwahinyre Calebe dee, Jefone riòre, kia tamy riwahinyre Hebrom hãwã ibrysimy.
|
||
\v 14 Wiji yrybu Hebrom Calebe rioreriore hõrõmy roimyhỹre, Jefone riòre, quenezeu iny mahãdu, kiemy dori tii rityhynyre òbitityhymy Deuxu Tyhyhykỹ, Israel Deuxu.
|
||
\v 15 Juhuu Hebrom raninimy raremyhỹ Quiriate Arba my. Arba heka inihikỹtyhymy roirenyremyhỹ anaquins ribi. Tai tahe bede ywihikỹ su bedeki rỹire.
|
||
\rem dat 2013
|
||
\c 15
|
||
\s1 Juda Ijoi Mahãdu Sureny
|
||
\p
|
||
\v 1 Juda ijoi mahãdu sỹreny syweereõ rimyrenyre kia isureny konana ijõdirenymy: iraru weribi-ò suu ramyhỹre kiata Edom su wesiòhòkỹle raonananymyhỹre kia Zim bedero òhòkỹle.
|
||
\v 2 Kia Bero Nihikỹ Rubu iraru weribi ròrarunymyhỹre
|
||
\v 3 kia iraru bede-ò iry ramyhỹre, Acrabim òwòna ribihikỹle ròrarure ihyyta Zim-ò rehemynyre. Kia iraru bede ribi ròrarunyre, kia ionana Cades Barneia bede-ò raòwònyre, kia Hezrom bede-di ròhònyre, kiata Adar òhòkỹle rare kia Carca riurawonymy.
|
||
\v 4 Kia rahyymyhỹre Azmom òhòkỹle ihyyta bero riòre-ò rehenymynyre, Egito su konana-ò, kia Mar Mediterrâneo-ò rehemynyre, tai rexihumyhỹre wahe . Kaa heka Juda ijoi mahãdu su konanareny rare, iraru weribi-ò.
|
||
\v 5 Ka Txuòlòna weribi tahe Bero Nihikỹ Rubu ikonanare, kia ibedetxi Jordaõ bero rexihumyhỹre ki. Ka ibòò tahe ionana kua ribi ròrarunymyhỹre,
|
||
\v 6 kia ramyhỹre Bete Hogla òhòkỹle kiata Bete Arabá-di ròhònymyhỹre ibòò weribitxi. Iribi tahe raòwònymy ramyhỹre Boã mana òhòkỹle (Boã heka Ruben riòre rare).
|
||
\v 7 Irahudita Bedebinabinahãkỹ iwory-di ròrarunymyhỹre, kia Debir òhòkỹle raonananyre kiata roosemyhỹ iraru weribi Gilgal ry mynatxi, kia Adumim òwòna koki rỹimyhỹre, iwory ibòò weribi.
|
||
\v 8 Iribi tahe ròhòremyhỹre Ben Hinom iwory-di, kia Jebuseu mahãdu hãwãlò iraru weribi-di, kia ibedeki Jerusalë hãwã roimyhỹreki. Irahudita su onana ramyhỹre hãwãlò rariehekỹ rỹimyhỹre Hinom iwory koki, txuròtena weribiki, kia Gigante mahãdu iwory onanaki, ibràra weiribiki.
|
||
\v 9 Ròrarunymy hãwãlò rarie ribi, kiata rare Neftoa òraru-ò kia iribi rare Efrom hãwãlò hãwã hãwã sõmosõmo-di.Kiata doosede Baala ry bede-di (yda Quiriate Jearim)
|
||
\v 10 kiata Baalá riwerynymy rare txuròtena weribi Seir hãwãlò òhòkỹle. Taita ròhònyre Jearim hãwãlò ibràra weribi (uda Quesalom), kia rubehemy rare Bete Semes-ò kia ihãremy rare Timna ratyre.
|
||
\v 11 Iribita su onana raòwònymy ramyhỹre hãwãlò hãwãlò-di Ecrom ibràra weribi-di, Siquerom-ò dòòsemyhỹde, kia Baalá hãwãlò-di ròhònymyhỹre, Jâmnia-di ramyhỹre kiata Bero Mediterrâneo o rexihumyhỹre.
|
||
\v 12 Ka txuròtena weribi heka Bero Mediterrâneo rare. Kaa heka su onanareny rare Juda ijoi mahãdu sỹreny.
|
||
\s1 Calebe Rimyre Hebrom Kia Debir
|
||
\v 13 Timybo tuu Deuxu Tyhyhykỹ raryberemy Josue dee, suweereõ Juda ijoi mahãdu kia rawahire Calebe dee, Jefone riòre. Josue tamy Hebrom riwahinyre, kia heka juhu Arba hãwã rare, Anaque tyby.
|
||
\v 14 Calebe kua ribi riteònyrenyre inataõ my Anaqui riòre sõe, ka boho wahe, Sesai, Aimã kia Talmai.
|
||
\v 15 Iribita rare aõbinamy iny mahãdu Debir ki rỹiramyhỹ-ò, juhu hãwã Quiriate Sefer my raninimy raremyhỹ.
|
||
\v 16 Calebe myỹ rarybere:-diarỹ ariwahinykre wariòre Acsa hãbumy roikremy kia hãbu rahãỹnanymy rimykre Quiriate sefer hãwã .
|
||
\v 17 Otoniel tahe hãwãmy rahãỹnanymy rimyre. Tii heka Quenaz riòre rare, Calebe seriòre wahe.Taita Calebe tariòre Acsa tamy riwahinyre iki wana roikremy.
|
||
\v 18 Acsa rareu Otoniel wana rasỹnykremy, tii sõemy idi risỹnymyhỹ tyby dee suyreõ my rexitòenykemy. Acsa rare tibedekibo Calebe ratximyhỹ-ò, kia tii jumetu ribi resereu, tyby tamy rỹỹraxire: Aõmybo kai teateri?
|
||
\v 19 -dikarỹ anono wahõrõkemyreri—tii rirawyònyre. Wadekekỹny suu irubuno tewahinyta, wadeke bidiwahinyleke beijaranano. Taita Calebe tamy riwahinyre beijarana rỹimyhỹre bede rarieki kia bede weluuki rỹire.
|
||
\s1 Juda Ijoi Mahãdy Hãwã
|
||
\v 20 Kia suu Juda ijoi mahãdu sỹ rimyrenyre tabrysireny wesemy, kia ilemy inireny-di rybe rỹikre.
|
||
\v 21 Ibòòtyhy-ò, Edom su onana bireki rỹire, tii boho boho heka hãwã hãwã rimyrenyre Cabzeel, Éder, Jagur,
|
||
\v 22 Quiná,-dinoma, Adada,
|
||
\v 23 Quedes, Azo, Itnã,
|
||
\v 24 Zife, Telém, Bealote,
|
||
\v 25 Hazor Hadata, Querite Hezrom (yda Hazor),
|
||
\v 26 Amã, Sema, Molada,
|
||
\v 27 Hazar Gada, Hesmom, Bete Palete,
|
||
\v 28 Hazar Sual, Berseba, Biziotia,
|
||
\v 29 Baalá, Iim, Ezém,
|
||
\v 30 Eltolade, Quesil, Horma,
|
||
\v 31 Ziclague, Madmana, Sansana,
|
||
\v 32 Leboate, Silim, Aim kia rimom. Kia ibutuki 29-my hãwã hãwã sõe, ihãremy ixyby iny mahãdu ityyrenymy rỹira.
|
||
\v 33 Hãwã hãwã bede bedemy rỹire heka Estaol, Zora, Asnate,
|
||
\v 34 Zanoa, En Ganim, Tapua, Enã,
|
||
\v 35 Jarmute, Adulã, Socó, Azeca,
|
||
\v 36 Saaraim, Aditaim, Gedera kia Gederotaim. Kia ibutuki 14 my hãwã hãwã sõe, ihãremy ixyby iny mahãdu ityyrenymy rỹimyhỹre.
|
||
\v 37 Kia rimyrenylere hãwã hãwã Zenã, Hadasa, Migdal Gade,
|
||
\v 38 -dileã, Mispa, Jocteel,
|
||
\v 39 Laquis, Boscate, Eglom,
|
||
\v 40 Cabom, Laamas, Quitlis,
|
||
\v 41 Gederote, Bete Dagom, Naamy (Naamã) kia Maquedá. Ibutuki 16-my hãwã hãwã sõmosõmo sõe, kia ihãremy iny mahãdu ibireny ryimyhỹrenyre.
|
||
\v 42 Juda sỹreny mahãdu rimyrenylerenyre Libna, Eter,Asã,
|
||
\v 43 Ifta, asnate, Nezibe,
|
||
\v 44 Queila, aczibe kia Maressa. Kia debò inaubiòwa sõemy ibutuki, kia ihãremy iny mahãdu ibirerenymy rỹira.
|
||
\v 45 Kia ihãremy Ecrom suu weere rimyrenyre taijoireny wana tahãwareny wana
|
||
\v 46 kia ibutumy hãwã hãwã kia Asdode tyymy iny mahãsu rỹimyhỹrenyre, Ecrom ròrarunyre kiata Mar Mediterrâneo-ò raonananyre.
|
||
\v 47 Kia Asdode hãwã hãwã su weere rimyrenyre kia Gasa tule, kia tasỹ mahãdureny wana , kia bero riòre òhòkỹle rehemynymyhỹre Egito su onana-ò kiata Bero Mediterrâneo weijàtiòhòkỹle rehemynymyhỹre.
|
||
\v 48 hãwãlò bedehekỹ ki hãwã hãwã rỹire Samir, Jatir, Socó,
|
||
\v 49 Daná, Quiriate sana (yda Debir),
|
||
\v 50 Anabe, Estomoa, Anim,
|
||
\v 51 Gosém, Holom kia Gilo. Kia 11-my hãwã hãwã sõe ibutuki, kia ixyby isỹreny iijoireny ibirerenymy rỹimyhỹrenyre.
|
||
\v 52 Judá mahãdu sỹreny su weere rimylerenyre Arabe, Dumá,
|
||
\v 53 Janim, Bete Tapua, Afeca,
|
||
\v 54 Hunta, Quiriate Arba (yda Hebrom) kia Zior. Kia debò inaubiòwamy butuki hãwã hãwã sõe, kia ihãremy iny mahãdu ibirerenymy hãwãdureny.
|
||
\v 55 Kia hãwã hãwã rimyrenyre Maom, Carmelo, Zife, Jutá,
|
||
\v 56 Jezreel, Jocdeaõ, Zanoa,
|
||
\v 57 Kaĩ (Caim), Gibeá kia Timna. Kia ibutuki debòite sõemy hãwã hãwã , kia iny mahãdu rỹirenyra ibireludureny.
|
||
\v 58 Kia ihãremy rimyrenyre Halul, Bete Zur, Gedor,
|
||
\v 59 Maarete, Bete Anote kia Eltecom. Kia ibutuki debò sohoji sõe, kia ihãre iny mahãdu ityyrenymy rỹimyhỹrenyre.
|
||
\v 60 Kia rimyrenylere Quiriate Bali (yda Quiriate Jearim) kia Rabá: kia inatximy hãwã hãwã , kia ixyby iny mahãdu ityyrenymy rỹimyhỹre.
|
||
\v 61 Kia berohokỹkita Bete Arabá, Midim, Secaca,
|
||
\v 62 Nibsã, —Sal Hhãdu sureny ykyki rỹimyhỹrenyre.
|
||
\v 63 Kia Juda remyta Jebusites mahãdu Jerusale ki rỹira kia rateòdỹỹrenyõhyyrenyre. … tai ratximyhỹrenyre wiji (yrbu) tuu ratximyhỹrenyre
|
||
\c 16
|
||
\p
|
||
\v 10 Kia remyta cananeu mahãdu Gozer ki rỹira kia rateòdỹỹrenyõhyyrenyre. Tii boho ratxiyrybymyhỹrenyre Efraimita mahãdureny ykyki wiji yrybule, kia uriki tahe wetxumy iòwyõmy tikiehyy raõmysỹdỹỹnymyhỹrenyre.
|
||
\c 17
|
||
\p
|
||
\v 1 Ijõ su weere tahe rawahire Manase ijoireny mahãdu-ò, kiemy dori tii Jyje riòre adelare. Maquir heka Gileade tybyre, Manase riòre adelatyhy wahe, tii heka sodadu rare. Tii rimyre Gileade bede bede kia Basã bede bede.
|
||
\v 2 Manse ijoi mahãdurenyõ kia suu rimylerenyre. Kia mahãdu sỹreny Abiezer, Heleque, Asriel, Siquém, Héfer kia Semida. Ka boho heka Manase riòrerenyre, Jyje riòre.
|
||
\v 3 Zelofeade, Héfer riòre rare, Gileade rioreriore, Maquir rioreriore kia Manase riorerore. Zelofeade iriòre hãbu mahãdu ihõre; hãwyy mahãdu sohoji ijõdire. Ka boho heka inirenyre Macla, Noá, Hogla, Milca kia Tirza.
|
||
\v 4 Tii boho ròirenyre rybemy Deuxu Rybe-di Ijohodu-ò Eliaza (Eleazar) dee , Josue dee kia wedu wedu deereny kia myỹ raryberenyre: Deuxu Tyhyhykỹ rarybere Moisesi deke kia wasỹreny hãbu mahãdureny kò sohoji anokõ rawahikremy, kia wadekereny suwekreno rawahikremy wabrysirenykremy. Kia tuu Deuxu Tyhyhykỹ tuu rarybere urenana, tii boho tule suu rimyrenyre ibrysirenykremy.
|
||
\v 5 Kawesemy tahe Manase rimyre Gileade kia Basã bede bede, Bero Jodaõ ynawebrijà txuòlòna weribiki, kia tule rimyre debòitue yremy txuròtena weribi.
|
||
\v 6 Kia heka iriòre boho hãwyy iriòre boho hãbureny ijõdireki tuu suu rimyrenyre. Gileade bede bede tahe rawahire Manase rioreriore ijõ mahãdureny-ò.
|
||
\v 7 Manase ijoi mahãdu sureny heka ròrarunyre Asser ijoi mahãdu sureny ribi kia Micmeta hãwãòhòkỹle raonananymyhỹre, Sikë txuòlòna weribi-ò. Ka suu onana heka rare beàra weribi-ò kiata tibedekibo En Tapua ijoi mahãdu rasỹnymyhỹrenyre òhòkỹle.
|
||
\v 8 Tapua su Manase ijoi mahãdu hõrõreny rare, ka Tapua hãwã tahe su onanaki roimyhỹre, Efraĩ rioreriore boho hõrõreny rare.
|
||
\v 9 En Tapua ribi suonana resemy ramyhỹre Kaná bero riòre òhòkỹle. Hãwã hãwã beàra weribi rare bero riòre-ò kia heka Efraĩ ijoi mahãdu hõrõreny rare, ka txibo Manase rioreriore boho hãwã hãwã ykyki rỹikeki. Manase sureny onana ramyhỹre bero riòre ibràra weribi-di kiata Bero Mediterrâneo-ò rexihumyhỹre.
|
||
\v 10 Efraĩ ijoi mahãdu beàra weriki rỹimyhỹre, kia Manase ijoi mahãdu tahe ibràra weribiki roimyhỹ, kia isureny Bero Mediterrâneo òhòkỹ ramyhỹre. Manase ijoi mahãdu sureny ramyhỹre Asser mahãdu sureny ibràraki roimyhỹre òhòkỹle kia Isacar txuòlòna weribi roimyhỹre-ò rehemynymyhỹre.
|
||
\v 11 Kiia Isacar ijoi mahãdu kia Asser ijoi mahãdu sureny ki, Bete Sã hãwã kia iny mahãdu ityyrenymy rỹimyhỹrenyre kia heka Manase ijoi mahãdu hõrõreny rare. Kia Manase ijoi mahãdureny hõrõle rare Ibleaõ my hãwãdu mahãdu kia Dor hãwã (bera ijàti weribi, Endor, Taanaque, Megido kia iny mahãdu ityyrenymy rỹirenyra mahãdu. ahãwanymy rỹimyhỹrenyre, iurenana heka cananeu mahãdu tuu rahãwanymy ratximyhỹrenyre.
|
||
\v 13 Kia israelita mahãdu iruruteretyhymy ratxirenyre bedeu, ibututyhymy kananeu mahãdu riòlòdyỹnyrenyõhyyrenyre, ka uriki tahe tamyreny raõmysỹdỹỹnyrenykremy tuu riwinyrenyre.
|
||
\s1 Efraĩ ijoi mahãdu kia manase ijoi mahãdu txuròtena weribiki roimyhỹrenyre.
|
||
\v 14 Jyje ijoireny mahãdu sỹreny raryberenyre Josue dee: Aõherekibo kai suweerele wadeereny tewahinyte wabrysirenymy?-diarỹ boho heka wasõerenyre kiemy dori Deuxu Tyhyhykỹ tarybewihikỹ wadeereny riwahinyre.
|
||
\v 15 Josue rirawyòre: Txibo kai boho asõerenyreki, kia Efraĩ hãwãlò bede adeereny iyjare, taita bimybenykre perizeu mahãdu kia Hefains mahãdureny suweere, bijiu roimyhỹre kiata ibede bitytynybenykre.
|
||
\v 16 Tii boho raryberenyre: hãwãlò bede riwaòbynyrenyõre. Kia ihãremy kananeu mahãdu ibede bedemy rasỹnymyhỹrenyre, kia iitytireny heòty womati ijõdirenyre, kia ihãre Bete Sã hãwãmy rasỹnymyhỹrenyre kia iny mahãdu ibirerenymy rahãwanymyhỹrenyre kia Jezreel iworymy.
|
||
\v 17 Taita Josue rarybere Efraĩ kia Manase rioreriore bohoreny dee: Uriki inatyhymy kai boho asõerenyre kia atyhyrenyte.Kai boho sohoji su weere aõkõ ahõrõrenykre.
|
||
\v 18 hãwãlò bede ahõrõrenymykre. Kia tahe bijiu rarekre, kai boho ibede bitytynybenykre kia tahe tai matxibenykre ibutumy tõtõra wana. Kai boho kananeu mahãdu biòlòdỹỹnybenykre, kia tii boho iitytireny heòty womati ijõdire hãre kai boho bexityhynybenykre.
|
||
\rem dat 2003
|
||
\c 18
|
||
\s1 Suuhe Rawirareare
|
||
\p
|
||
\v 1 Ka tahe suu ramymy roire. Taita ibutumy Israel ijoi mahãdu rexibutunyrenyre Siló hãwã ki, kia riterenyrenyre tai Heto riòre Brebuna.
|
||
\v 2 Debò inatximy ijoi ijoi mahãdureny sõe kia tasureny rimyrenyõhyyrenyre.
|
||
\v 3 Kawese bedeu tahe Josue rarybere Israel ijoi mahãdu dee: Aõ bede bohe biraòmy boibekre kia ahõrõrenymy bimybenykremy Deuxu Tyhyhykỹ, inyhỹỹnareny Deuxu adeereny riwahinyre?
|
||
\v 4 Inataõmy hãbu bitabenyke ijoi ijoi mahãdureny ribi sohoji sohojimy, kia-diarỹ ariteònyrenykre ibutumy kaa sumy rariarenykremy. Tii boho tyyriti-ò riritinyrenykre suu kia ibrysirenymy rarekremy kia iribi tahe ydòòsedenykre wadee raryberenykremy.
|
||
\v 5 Kaa hãbu boho suu riwirarearenykre debò inatxi weere weeremy. Juda ijoi mahãdu tasurenyki ratxirenykre, beàra ki, ka Jyje riore riore boho tahe tasureny ratxirenykre, ibràra weribi ki.
|
||
\v 6 Bidiwydenykre tyyriti-ò tewinytenyte suu tewirareanytenyte debò inatxi weere weeremy.Taita-diarỹ (sorte) ariwinykre Deuxu iny Deuxureny dee arỹỹraxikre umyreny.
|
||
\v 7 Levita mahãdu rimyrenyõrenykre, ijõ mahãdu wesemy, suweere kiemy dori isu weerereny heka Deuxu Rybe-di Ijohodu rare Deuxu Tyhyhykỹ dee. Gade ijoi mahãdu, Ruben kia Manasse txuòlòna weribi ludu kia tasureny rimyrenyre Jordaõ bero txuòlòna Tyhyhykỹ deòdu.
|
||
\v 8 Hãbu mahãdu ròirenyre kua suu riritinyrenykremy, Josue ribi kaa rybe rimyrenyre-di: Ibutumy sumy mariabenykre, kia tyyriti-ò biritinymy irahudita bòdòòsedenykre wawana ryberenymy. Taita kaki Siló ki-diarỹ (sorte) bedeòbyna ariwinykre kia Deuxu Tyhyhykỹ dee arỹỹraxikre umyreny.
|
||
\v 9 Kawesemy tahe hãbu mahãdu rirahurenyre, rariareny ibutumy kua suu my, kiata rityyritinyrenyre tyyritina-ò. Tii boho riwirarearenyre debò inatxi weere sõemy kiata riywinyrenyre rỹimyhỹ-ò, tai Josue ratximyhỹki.
|
||
\v 10 Taita Josue (sorteio) bedeòbyna riwinyre kia Deuxu Tyhyhykỹ dee rỹỹraxikremy tureny kiata riwahinyre Israel iny ijoi ijoi sohoji sohoji my, su weere weere.
|
||
\s1 Benjami Ijoi Mahãdu Sureny
|
||
\v 11 Benjami (Benjamim) ijoi mahãdu sỹreny suu rimyrenyre kia Juda ijoi mahãdu bedeki kia Jyje ijoi mahãdu bedeki rỹimyhỹrenyre.
|
||
\v 12 Ibrà weribiki su wirareana ròrarunymyhỹre Jordaõ beroki. Iribi tahe raòwònymy ramyhỹre Ijerico ibràra weribi, kia txuròtena mynamy, hãwãlò bede-di ramyhỹre Bete Avem òhòkỹ rehemynyre.
|
||
\v 13 Taita beàra bede-ò ramyhỹre Luz hãwã mynamy, kia Luz hãwã -di raòwònylere Betel my raninilemyhỹre . Iribita desemy namyhỹre Atarote Adar-ò, kia Bete Horom Rawoki hãwãlò beàra weribiki roimyhỹre.
|
||
\v 14 Kua ribi suonana iwitxira mynamy-di ramyhỹre, hãwãlò txuròtena weribi kia Bete Horom koki rỹimyhỹre, kia beàra-ò ròòse wana, Quiriate Bali (yda Quiriate Jearim) hãwãòhòkỹ ramyhỹre, kia heka Juda ijoi mahãdu hõrõreny rare. Ka heka suonana txuròtena weribi rare.
|
||
\v 15 Beàra weribi su wirareana ròrarunymyhỹre Quiriate Jearim jurà ribi, kia iribita ramyhỹre txuròtena weribi Neftoa òraruòhòkỹ.
|
||
\v 16 Kia iribi desemy namyhỹde hãwãlò konana-di kia Ben Hinom iwory koki roimyhỹre, kia Iny Ninihikỹ mahãdu iwory jurà ibràra weribiki rỹimyhỹre. Su wirareana ramyhỹre beàra weribi Hinom iwory-di, jebuseu-di raòwònymy ramyhỹre beàra weribi-di, kiata Rogel òraruòhòkỹ rehemynyre.
|
||
\v 17 Ibràra weribi ròòse wana, kia Seme òlònaòhòkỹ ramyhỹre, Kia iribita Geilote-ò reamyhỹre, kia iwitxira ynawebrijà Adumim òwòna. Taita rubehemy ramyhỹre Boã manaòhòkỹle (Boã heka Ruben riòre),
|
||
\v 18 iribita ibràra weribi ramyhỹre Jordaõ iwory òwòna ko my irahudita dubehemy namyhỹde iwory-ò.
|
||
\v 19 Kia ibràra weribi ramyhỹre Bete Hogla òwòna-di kiata rexihumyhỹre Jordaõ bero beàra weribi jurà ki, kia heka ibedeki bero raraymyhỹre Bero Nihikỹ Rubu ki. Kaa heka beàra weribi suu wirareana rare.
|
||
\v 20 Jordaõ bero heka txuòlòna weribi suu riwirareamyhỹre. Kaa heka su wirareanarenyre kia Bejami ijoi mahãdu sỹ rimyrenyre trabysirenymy.
|
||
\v 21 Hãwã hãwã mahãdu Bejami sỹ mahãdu hõrõrenyre ka boho Ijerico, Bete Hogla, Emequi Quesi,
|
||
\v 22 Bete Arabá, Zemaraim, Betel,
|
||
\v 23 Avim, Pará, Ofra,
|
||
\v 24 Quefar Amonai, Ofni kia Gaba. Kia 12 my butuki hãwã hãwã sõe, kia ixyby iny mahãdu ibirerenymy rỹirenyra.
|
||
\v 25 Kia tule Bejami ijoi mahãdu hõrõrenyre hãwã hãwã Gibeaõ, Ramá , Beerote,
|
||
\v 26 Mispa, Cefira, Mosa,
|
||
\v 27 Requém, Irpreel, Tarala,
|
||
\v 28 Zela, Elefe, Jebu (yda Jerusalẽ), Gibea kia Quiriate Jearim. Kia 14-my butuki hãwã hãwã sõe taijoi tasỹ mahãdu wana. Ka heka suu Bejami ijoi mahãdu rimyrenyre tahõrõrenymy.
|
||
\c 19
|
||
\s1 Simeaõ Ijoi Mahãdu Sureny
|
||
\p
|
||
\v 1 Ka inatxinamy suu rawirareare kia Simeaõ ijoi mahãdureny-ò. Ihõrõreny weere heka Juda ijoi mahãdu sureny. Tyaki roimyhỹre.
|
||
\v 2 Simeaõ ijoi mahãdu hãwã hãwãreny Berseba, Seba, Molada,
|
||
\v 3 Hazar Sual, Balá, Ezém,
|
||
\v 4 Eltolade, Betul, Horma,
|
||
\v 5 Ziclaque, Bete Marcabote, Hazar Susa,
|
||
\v 6 Bete Leboate kia Saruém. Kia 13-my hãwã hãwã , ixyby iny mahãdu ibirereny ludu.
|
||
\v 7 Kia tule ka ijoi mahãdurenyle rare Aim, Rimom, Eter kia Asã. Kia inaubiòwamy butuki hãwã hãwã taijoi mahãdureny wana.
|
||
\v 8 Kia ihãremy Simeaõ ijoi mahãdu hõrõrenyle rare, ibutumy iny mahãdu ka hãwã hãwãreny bireludureny kia Baalate Ber òhòkỹ raonananyre, kia tahõrõrenymy.
|
||
\v 9 Simeaõ ijoi mahãdu su weerereny kia Juda mahãdu sureny ribi ratare. Kia suu rawahire Juda deereny kia heka inihikỹre tamyreny, iurenana tahe Simeaõ ijoi mahãdu isureny weere rimyrenyre.
|
||
\s1 Zebulom Ijoi Mahãdu Sureny
|
||
\v 10 Ka inataõna suu wirareana relere Zebulom ijoi mahãdu sỹreny deereny. Tii boho suu rimyrenyre Saride-ò ramyhỹre.
|
||
\v 11 Isureny wirareana raòwònymy ramyhỹre Marala txuròtena weribi-ò, kia Dabasete-di ròhònymy ramyhỹre kiata rehemynymyhỹre bero riòre Jocneaõ txuòlòna weribiki roimyhỹre.
|
||
\v 12 Kia Saride webrijànaki, kia txuòlòna myna-di ramyhỹre kiata Quislote Tabor su wirareana-ò, kia rare Daberate-di raòwònymy Jafia bede-ò rehemynyre.
|
||
\v 13 Kia rexinoranymy ramyhỹre txuòlòna weribi kiata Gate Hefer kia Ete Cazim bede-ò rehemynyre, iribita Néia bede txi rexirahòremy, Rimom bede ry-di.
|
||
\v 14 Ibràra weribi su wirareana rexirahòrenymyhỹre Hanatom weribi, kiata Iftael iwory-ò rexihumyhỹre.
|
||
\v 15 Zebulom surenyle heka rare Catate, Naalal, Sinrom, Idala kia Belẽ. Kia 12 my hãwã hãwã sõe ibutuki taijoireny mahãdu wana.
|
||
\v 16 Kaa hãwã hãwã ka iny mahãdu ratximyhỹrenyre Zebulom ijoi mahãdu surenyki kia heka tii boho rimyrenyre tabrysirenymy.
|
||
\s1 Isacar Ijoi Mahãdu Sureny
|
||
\v 17 Ka inaubiòwana suu wirareana relere Isacar ijoi mahãdu deereny.
|
||
\v 18 Isureny heka ributunymyhỹre hãwã hãwã Jezreel, Quesulote, Suném,
|
||
\v 19 Hafaraim,Seom, Anacarate,
|
||
\v 20 Rabite, Quisiaõ, Ebes,
|
||
\v 21 Remete, En Ganim,En Hada kia Bete Pasês.
|
||
\v 22 Su wirarea onana Tabor bede-di ròhònymyhỹre, Saazima kia Bete Semes, kiata Jordaõ bero-ò rexihumyhỹre. Kia Isacar surenymy roimyhỹre 16 my hãwã hãwã sõe tasỹreny taijoi mahãdu wana.
|
||
\v 23 Kaa hãwã hãwã boho kia tasỹreny taijoireny wana Isacar ijoi mahãdureny su ki ratximyhỹrenyre kia tahe tabrydirenymy rimyrenyre.
|
||
\s1 Asser Ijoi Mahãdu Sureny
|
||
\v 24 Ka iruyrena suu wirareana relere Asser ijoi mahãdu deereny.
|
||
\v 25 Kaa suu heka ributunymyhỹre hãwã hãwã Helcate, Hali, Betém, Acsafe,
|
||
\v 26 Alameleque, Amade kia Misal. Txuròtena weribiki su wirareana rehemynymyhỹre Carmelo kia Sior Libnate hãwãlò bede-ò.
|
||
\v 27 Irahudita rexirahòremyhỹre Bete Dagom txuòlòna weribi-ò, ròhònymyhỹre Zebulom bede-di kia Iftael iwory bede-di, kiata ibràra weribi-ò ramyhỹre Bete Emeque kia Neiel bedeòhòkỹle. Kia rexinoranymy ramyhỹre ibràra weribi-di kiata Cabul hãwã hãwãòhòkỹle,
|
||
\v 28 Ebrom, Reobe, Hamom kia Kana, kiata Sidõ Nihikỹòhòkỹle rehemynymyhỹre.
|
||
\v 29 Su wirareana onana rexirahòremyhỹre Rama weribi-ò, kia Tiro bede-ò rehemynymyhỹre, hãwã rauhuarimy roimyhỹre adobo-di.Kia iribita rexirahòremyhỹre Hosa bede-ò kiata Mediterrâneo Bero bedetxi rexihumyhỹre. Asser su heka Maalabe bede ihõrõle rare, Aczibe,
|
||
\v 30 Umá, Afeca kia Reobe. Kia 22 my ibutuki hãwã hãwã sõe tajoi tasỹ mahãdureny wana.
|
||
\v 31 Kaa hãwã hãwã mahãdureny taijoi tasỹreny wana, kia heka Asser ijoi mahãdu sureny ratximyhỹrenyre tii boho rimyrenyre tabrysirenymy.
|
||
\s1 Natali Ijoi Mahãdu Sureny
|
||
\v 32 Ka debò sohojina su wirareana relere Natali ijoi mahãdu deereny.
|
||
\v 33 Kia isureny wirareana onana heka Helefe ribi ròrarunymyhỹre, kia Zaanim suraro ribi, kiata ramyhỹre Adami Nequebe-di kia Jabneel-di kia Lacum bede-ò rehemynymyhỹre, kia tahe Jordaõ bero bedetxi rexihumyhỹre.
|
||
\v 34 Su wirareana onana heka rexirahòmyhỹre txuròtena weribi kiata rare Aznote Tabor bede-ò; iribita rare Hucoque bede-ò, kia rehemynymy Zebulom beàra weribiòhòkỹle, Asser bede-ò txuròtena weribiki roimyhỹre, kia Juda bede txuòlòna weribi rehemynyre, Jordaõ bero ki.
|
||
\v 35 Hãwã hãwã rawòmy roimyhỹre adobo uhuari-di ka boho Zidim, Zer, Hamate, Hacate, Quinerete,
|
||
\v 36 Adamá, Hamá, Hazor,
|
||
\v 37 Quedes, Edrei, En Hazor,
|
||
\v 38 Irom, Migdalel, Horém, Bete Anate kia BeteSemes. Kia 19 my hãwã hãwã sõe ibutuki taijoireny tasỹreny mahãdu wana.
|
||
\v 39 Kaa hãwã hãwã kia taijoireny tasỹreny wana Natali ijoi mahãdu syreny ykyki rahãwanymy ratximyhỹrenyre tii boho heka tabrysirenymy rimyrenyre.
|
||
\s1 Dã Ijoi Mahãdy Sureny
|
||
\v 40 Ka debò inatxina su wirareana relere Dã ijoi mahãdu deereny.
|
||
\v 41 Isureny ributunyre hãwã hãwã Zora, Estaol, Ir Semes,
|
||
\v 42 Saalabim, Aijalom, Itla,
|
||
\v 43 Elom, Timna, Ecrom,
|
||
\v 44 Elteque, Gibetom, Baalate,
|
||
\v 45 Jeúde, Benê Beraque, Gate Rimom,
|
||
\v 46 Me Jarcom, Hacom kia suu rỹimyhỹrenyre Jòpe hãwã koki.
|
||
\v 47 Kia Dã rioreriore boho tasureny ribi rabòdurenyureu, tii boho Lesém bede-ò ròirenyre kiata tamy aõbinamy rekoarenyre. Kia hãwã ixidee rimyrenyre kia taisỹdureny rirubunyrenyre. Taita su wedumy relerenyre kia tamy rahãwanyrenyre.Kia Lesém hãwã ni riwiurònyrenyre Dã my, kia heka iijoi mahãdu òrarudu ni my.
|
||
\v 48 Kaa hãwã hãwã kia iijoireny heka ratximyhỹrenyre Dã ijoi mahãdu surenyki, tii boho heka rimyrenyre tabrysirenymy.
|
||
\s1 Jojue Su Mahãdu
|
||
\v 49 Kia israelita mahãdu suu wirarearareamy rihurenyre bedeu, Josue dee riwahinyrenyre Num riòre, su weereõ ibrysikremy.
|
||
\v 50 Kia tuu Deuxu Tyhyhykỹ tarybe riwahinyre mynamy, Josue dee riwahinyrenyre hãwã my tii rexitòenyre. Kaa hãwã heka Efraĩ hãwãlò ki rỹimyhỹre kia tahe Timnate Sera my raninimy raremyhỹ.Josue ixybyle hãwã riwinyre kiata tamy rahãwanyre.
|
||
\v 51 Deuxu rybe-di Ijohodu Eliaza, Josue kia Israel ijoi sỹ mahãdu wedureny riwinyrenyre su wirareanareny. Ka su wirareana riwinyrenykremy Deuxu Tyhyhykỹ dee rỹỹraxirenyre, bedeòbuna rỹikremy (sorteio), kia Heto riòre Brebuna Tyhyna itxò ki, Siló bede ki. Kawesemy tahe suu riwirarearenymy rahurenyre.
|
||
\c 20
|
||
\s1 Hãwã Hãwã Ixwòtena
|
||
\p
|
||
\v 1 Deuxu Tyhyhykỹ rarybere Josue dee:
|
||
\v 2 –Israel iny mahãdureny-ò marybekre: Hãwã hãwãõ ritarenykremy ixiwòtena my.-diarỹ rarybere kaa hãwã hãwãmy Moisesi brò ri bi.
|
||
\v 3 Iny kia tutyhyki aõkõ yda yda rieryõmy aõbo, inyõ rirubunykre kia tahe rexiwokre kaa hãwã hãwã bede-ò, kia teery mahãdu ribi rahenykremy.
|
||
\v 4 Aleerydu rexiwòmy ratximyhỹre rakre rybena heto-ò hãwã ròtena-ò, kiata rexiòbitinykre aõhebo rutỹỹnyremy. Taita tii boho riwahinyrenykre hãwã ki ratxikremy kiata hãwãõ tamy riwahinykre tai rahãwanykremy.
|
||
\v 5 Hãwã my iny mahãdu rỹirenyre, iny ixiwòtedu ritỹnynyõrenykre teery sỹ mahãdu irubudỹỹmy rierenyreri dee. Tii boho aleerydu ixiwòtena riwòrenykre kiemy dori tutyhyki aõkõ rirubunyre tamy kyaraki aõkõ.
|
||
\v 6 Aleerydu ixiwòtedu kua hãwãki ratxikre ihyyta iny mahãdu rurenyki tamy rybe rỹikre, kia Deuxu Rybe-di Ijohodu rurukreu ibedeki raõmysỹdỹỹmy ratxire. Tai tahe aõwaxina tahãwa-ò ydoosekre, tihãwa ribibo rexiwore ribi.
|
||
\v 7 Kia hãwã hãwã ixiwòtenamy riywonyrenyre Quedes, Galilea ki rỹimyhỹre, Natali hãwãlò hãwãò bede ki; Siquem hãwã Efraĩ hãwãlò hãwãlò bede ki roimyhỹre; kia Quiriate-Arba (yda Hebro hãwã), Juda hãwãlò hãwãlò bede ki roimyhỹre.
|
||
\v 8 Jordaõ bero txuòlòna weribi, Ijerico txuòlòna weribi, kia bedero tyahãkỹ ki ritarenyre Bezer, Ruben ijoi mahãdu; Ramote, Gileade ki, Gade ijoi mahãdu; kia Golã, Basã ki, Manase ijoi mahãdu.
|
||
\v 9 Ka heka hãwã hãwã mahãdu ixiwòtenamy ritarenyre kia ibutumy Israel iny mahãdureny dee, kia ibutumy iny witxira witixira rasỹnymy rỹimyhỹrenyre israelita mahãdureny yky my. Aõtxile inyõ tutyhyki aõkõ rirubunykre, kia ibedeki hãwã hãwã ixiwòtenatxi reakre. Kaa iny heka ruuõkre rubudu sỹ mahãdu rirubunyõkre kia wiòwydỹỹmy rierenyreri. Tii heka tamy rybe rỹikre kuaki hãwãdu mahãdu rurenyki.
|
||
\c 21
|
||
\s1 Levita mahãdu hãwã
|
||
\p
|
||
\v 1-2 Levita wedu wedu sỹ mahãdu ròirenyre Siló hãwãòhòkỹle, Kanyỹ su-ò. Ibedeki raryberenyre Eliaza (Eleazar) Deuxu Rybe-di Ijohodu, Josue dee, Num riòre, kia ibutumy Israel wedu wedu sỹ mahãdureny dee. Tii boho raryberenyre: — Deuxu Tyhyhykỹ rarybere Moisesi umy ribi, kia hãwã hãwã wadeereny biwahinybenykremy tamy arasỹnyrenykremy, kia tule asi iweruramy rỹimyhỹre wabrorenireny dòrenymy.
|
||
\v 3 Israelita mahãdu, Deuxu Tyhyhykỹ rybe rityhynyrenymy kia riwahinyrenyre tasureny hãwã hãwã kia asi Levita mahãdu deereny.
|
||
\v 4 Coatita mahãdusỹ komy hãwã hãwã rimyrenyre. Levita mahãdu kia heka Deuxu Rybe-di Ijohodu Araõ rioreriorerereny roire kia 13-my hãwã hãwã sõe rimyrenyre Juda ijoi mahãdu ribi, Simeaõ ijoi mahãdu ribi kia Bejami ijoi mahãdureny ribi.
|
||
\v 5 Koatita mahãdu ijõrenyta debòituemy hãwã hãwã sõe rimyrenyre Efraĩ kia Dã ijoireny sỹ mahãdureny ribi, kia iweeremy Manase ijoi mahãdu txuròtena weribiki roimyhỹrenyre.
|
||
\v 6 Gersonita mahãdu 13-my hãwã hãwã sõe rimyrenyre isacar, Asser, Natali ijoireny mahãdureny ribi kia iweeremy Manase ijoi mahãdu Basã ki ratximyhỹrenyre, Jordaõ txuòlòna weribi ki.
|
||
\v 7 Merarita mahãdu sỹreny 12-my hãwã hãwã sõe rimyrenyre Ruben, Gade kia Zebulõ ijoireny mahãdureny ribi.
|
||
\v 8 Israel iny mahãdu, bedeòbymy (sorteio) suu rihitxinyrenyre Levita mahãdu deereny kaa hãwã hãwã kia asilỹre iweruramy rỹimyhỹre, tuu Deuxu Tyhyhykỹ rarybere mynamy Moisesi ymywo ribi.
|
||
\v 9 Kia wijityhyle turybe ròhònykre Juda ijoi mahãdu kia Simeaõ ijoi mahãdu hãwã hãwãreny rawahirenyre,
|
||
\v 10 Araõ rioreriore boho deereny kia heka Koatxi ijoi mahãdu sỹreny roire, Levi riòre wahe. Koatita ijoi mahãdu sureny heka kodelemy ratarenyre.
|
||
\v 11 Kaa heka tamyreny rawahirenyre hãwã hãwã Quiriate Arba (Arba heka Anaque tyby rare), kia Hebrõ heka rare, juda hãwãlò hãwãlò bede ki, kia asi iweruramy rỹimyhỹrenyre.
|
||
\v 12 Ka bedeyky hãwã hãwã wesiwesimy rỹimyhỹre kia iny mahãdureny iweseiwesimy rỹimyhỹrenyre, kia heka rawahirenyre Kalebe dee Jefone riòre wahe, ibrysirenykremy.
|
||
\v 13 Araõ rioreriore boho deereny riwahinyrenyre Hebrõ iasireny wana. Ka heka hãwãõ ixiwòtena rare, kia inyõ rirubunyre. Kia tule hãwã hãwã riwahinyrenyre Libina,
|
||
\v 14 Jatir, Estemoa,
|
||
\v 15 Holõ, Debir,
|
||
\v 16 Aim, Juta kia Bete Semesi, taasireny wana. Kia debò inaubiòwamy ibutuki sõe Juda ijoi mahãdu kia Simeaõ ijoi mahãdu sõereny.
|
||
\v 17 Bejami ijoi mahãdureny ribi inaubiòwamy hãwã hãwã rawahire: Jibeaõ, Keba,
|
||
\v 18 Ananote kia Amo.
|
||
\v 19 Kia ibutuki 13-my hãwã hãwã sõe rawahire taasireny wana Deuxu Rybe-di Ijohodu-ò kia heka Araõ rioreriore rare.
|
||
\v 20 Kia koatxita ijõ mahãdu sỹreny, kia heka Levita mahãdu roire, tamyreny hãwã hãwãõ rawahirenyre Efraĩ ijoi mahãdureny ribi.
|
||
\v 21 Kaa iny sỹreny mahãdu heka rimyrenyre Siquem kia taasireny wana, kia Efraĩ hãwãlò hãwãlò bede ki roimyhỹre. Siquem heka hãwãõ ratare rare ixiwòtena my kia inyõ wii rirubunykre ixiwòtenamy. Koatita mahãdu tule rimyrenyre hãwã hãwã Gezer,
|
||
\v 22 Quibzaim kia Bete Horõ, taasireny wana. Kia inaubiòwamy Ibutuki hãwã sõe.
|
||
\v 23 Dã ijoi mahãdu ribi tii boho inaubiòwamy hãwã sõe rimyrenyre: Eteke, Kibetõ,
|
||
\v 24 Aijalõ kia Gate Himõ, taasireny wana.
|
||
\v 25 kia iweeremy Manase ijoi mahãdu txuròtena weribi ki roiremyhỹre ribi tii boho rimyrenyre inatxi hãwãmy: Taanake kia Gate Himõ, taasireny wana.
|
||
\v 26 Kaa koatita mahãdu sỹreny ibutuki rimyrenyre debòituemy hãwã hãwã sõe taasireny wana.
|
||
\v 27 Jesonita mahãdu heka levita mahãdu sỹ ijõreny rare, kia rimyrenylere Kolã hãwã , Basã bedeki, taasireny wana.Kaa heka hãwãõ ixiwòtena rare, txibo inyõ wii rirubuke tamy rexiwokremy. Jesonita mahãdu rimyrenylerenyre Beestera hãwã iasireny wana.
|
||
\v 28 Isaca ijoi mahãdureny ribi tii boho inaubiòwamy hãwã hãwã rimyrenyre: Kisiaõ, Daberate,
|
||
\v 29 Jarmute, kia En Kani, taasireny wana.
|
||
\v 30 Asser ijoireny ribi tii boho inaubiòwamy hãwã hãwã rimyrenyre: Misal, Abdom,
|
||
\v 31 Heokate kia Heobe, taasireny wana.
|
||
\v 32 Natali ijoireny ribi hãwã rimyrenyre Quedesi, Galilea ki, taasireny wana. Keji hãwã ixiwòtedu mahãdu hãwã rare, inyõ wii rirubunymyhỹre. Jesonita mahãdu rimylerenyrenyre Hamote Dor kia Kahatã, taasireny wana. Kia ibutuki inataõmy hãwã hãwã sõe.
|
||
\v 33 Kia Jesonita mahãdu sỹ ibutuki 13 my hãwã hãwã sõe rimyrenyre taasireny wana.
|
||
\v 34 Ijõ mahãdu Levita boho, kia heka merita sỹ boho roirenyre, kia Zebulõ ijoi mahãdureny ribi rimyrenyre inaubiòwamy hãwã hãwã sõe: Jokeneaõ, Kahata,
|
||
\v 35 -dina kia Nalau, taasireny wana.
|
||
\v 36 Rubi ijoi mahãdureny ribi tii boho inaubiòwamy hãwã hãwã rimyrenyre: Beze, Jasa,
|
||
\v 37 Kedemotxi kia Mefatxi, taasireny wana.
|
||
\v 38 Kade ijoi mahãdu ribi tii boho rimyrenyre Hamote, Galilea ki, taasi wana. Hamote heka hãwã ixiwòtena rare iny mahãdu ròrubudỹỹmyhỹrenyre xiwòtena. Merarita mahãdu tule rimylerenyre manai,
|
||
\v 39 Hesibõ kia Jazer, taasireny wana. Ibutuki inaubiòwa my hãwã sõe.
|
||
\v 40 Laa levita boho heka merarita mahãdu sỹreny, hãwã hãwã ibutuki 12 my sõe.
|
||
\v 41 Israelita mahãdu ribi suu rawahirenyre levita mahãdudeereny, ibutuki 48 my hãwã hãwã sõe taasireny wana.
|
||
\v 42 Hãwã hãwã sohoji sohoji ijõdire iasi iweruramy.
|
||
\s1 Israel Iny Mahãdu Suu Tabrysimy Rimyrenyre
|
||
\v 43 Kawesemy tahe Deuxu Tyhyhykỹ riwahinyre israelita mahãdu deereny ibutumy kaa suu tuu rarybere mynamy ihỹỹnareny dee. Kia suu k
|
||
\v 44 Deuxu Tyhyhykỹ tamyreny riwahinyre ywimy ratxirenykremy iijoireny ibirerenymy rỹimyhỹrenyre, kia tuu rarybere mynamy ihỹỹnareny dee. Iòludurenyõ rahãỹnanyõhyyrenyre, Kiemy dori Deuxu Tyhyhykỹ riwahinyre Israel iny deereny tureny rahãỹnanyrenykremy.
|
||
\v 45 Deuxu Tyhyhykỹ ibutumy riwinyre aõnaõnawiwi Israel iny mahãdureny-ò.
|
||
\rem dat 2003
|
||
\s1 Ruben ijoi mahãdu, Gade ijoi mahãdu, Kia Manase txuòlòna weribi ijoi mahãdu dòòsedenyde
|
||
\c 22
|
||
\p
|
||
\v 1 Taita Josue ributunyre Ruben ijoi mahãdu, Kade ijoi mahãdu kia Manase ijoi mahãdu txuòlòna weribi ki roimyhỹrenyre,
|
||
\v 2 kia myỹ rarybere: Kai boho tewinytenyte ibutumy aõmybo Moisesi, Deuxu Tyhyhykỹ Deòdu, adeereny rarybere kia ibutumy warybe wahidỹỹna tetyhynytenyte, warybe sõmõ rarybere tule.
|
||
\v 3 Kia ibutu bede bedemy, wiji yrybule, kai boho teatyõhyytenyte aseriòre bohoreny israelita mahãdu.Kai boho teywinymy tetyhynytenyte Deuxu Tyhyhykỹ rybe wahidỹỹnana.
|
||
\v 4 Ka tahe wiji Deuxu Tyhyhykỹ, aDeuxureny, riwahinyre aseriòrereny israelita mahãdu ywimy aõbinaõmy roirenyrekremy, tuu rarybere mynamy. Bòdòòsedenyke kai boho temytenyte-ò, Jordaõ bero ynawebrijà ludu, kia suu Moisesi Deuxu Rybe-di Ijohodu Deòdu adeereny riwahinyre.
|
||
\v 5 Bityhynybenyke sõemy bexiebenymy rybe wahidỹỹnana-ò kia rybe tyhydỹỹnana Moisesi, Deuxu Tyhyhykỹ Rybe-di ijohodu, adeereny riwahinyre.Deuxu my berinanybenyke, aDeuxurenymy, tamydeewimy biwinybenyke, idihyy mohõtinymyhỹbenyke kiata ibutumy aworeny wana tamy maõmysỹdỹỹnymyhỹbenyke kia ibutumy atyytybyreny wana.
|
||
\v 6 Tai Josue tarybewihikỹ tamyreny riwahinyre kiata iribireny rare. Kia tii boho tahe taheto-ò ròòserenyre.
|
||
\v 7 Moisesi suu riwahinyre Jordaõ bero txuòlòna weribi-ò, Basã ki, kia iweeremy Manase ijoi mahãdu-ò. Ka ijõ weere mahãdu-ò Josue suu riwahinyre bero txuròtena weribi-ò, kia ibutumy iwitxira ijoi mahãdure wana. Kia Josue iribireny tarybe rionanamy ixawire bedeu, kia tarybewiwihikỹ tamyreny riwahinyre.
|
||
\v 8 Kia rarybere: Kai boho ahetoreny-ò tòòsetenyteri sõemy aaõnadirenymy aityhyrenymy, sõemy abrorenireny, Manarỹsỹ òtaòta, mana rỹsỹrỹsỹ, womatirỹsỹ kia sõemy tyy tewytenyteri. Biwirareabenyke aseriòrereny boho dee israelita mahãdu, kua kai boho tewytenyte aòludureny ribi.
|
||
\v 9 Taita Ruben ijoi mahãdu, Kade ijoi mahãdu kia Manase ijoi mahãdu txuòlòna weribi ratxirenyre ròòserenyre tahetoreny-ò. Tii boho ririrenyre isralita ijõ mahãdureny Silo ki, Kanaỹ su ki, kia Gileade-ò ròirenyre, kia isureny ramyrenyre tuu Deuxu Tyhyhykỹ rarybere mynamy Moisesi umywo ribi.
|
||
\s1 Òbiuna Jordaõ Weijàti Ki
|
||
\v 10 Kia Kalilote-ò ritehemynyrenyreu, txuròtena weribi txi, kia inatxi weeremy ijoi witxira witxira mahãdureny kuaki riwinyrenyre obiuna nihikỹõ, kia heka ireheribihikỹle tu lobixi rỹire.
|
||
\v 11 Israelita iwitxira mahãdu ijoireny tuu roholarenyre kia raryberenymy rỹimyhỹreny: Boholabenyke! Ruben ijoi mahãdu, Kade ijoi mahãdu kia Manase ijoi mahãdu txuòlòna weribi ludu, riwinyrenyre obiunaKalilote ki, iny weribireny Jordaõ bero weribi ki!
|
||
\v 12 Kia Israel iny mahãdu tuu roholarenyreu, ibutumy Silo ki rexibutunyrenyre iòludurenymy rawounyrenykremy.
|
||
\v 13 Taita Israel iny mahãdu Finea riteònyre, Eliaza Deuxu Rybe-di ijohodu riòre, Kileade su-ò rarybekre my Ruben ijoi mahãdu dee, Kade ijoi mahãdu dee kia Manase ijoi mahãdu txuòlòna weribi ki rỹimyhỹre dee rybe my.
|
||
\v 14 Finea wana ibutumy debòitue sõemy ròirenyre, wedu wedu mahãdu,
|
||
\v 15 Tii boho ròirenyre Kileade su-ò raryberenykremy, Ruben ijoi mahãdu, Kade ijoi mahãdu kia Mnase ijoi mahãdu txuòlòna weribi ki roimyhỹrenyre
|
||
\v 16 –Ibutumy Deuxu iny mahãdu rexibutunymy myỹ raryberenyre: :Aõherekibo kai boho kawesemy tewinytenyta wasimy Israel Deuxu òludumy? Aõherekibo Deuxu Tyhyhykỹ òludumy tekoatenyta, kai boho òbitile kaa òbiuna tewinytenyta? Kia Deuxu Tyhyhykỹ aõbo tadityhynyõhyymyhỹtenyte?
|
||
\v 17 Kai boho aõbo õhõtireny rekoarenyõre òraruna Peor ki relere txi, ibedeu Deuxu Tyhyhykỹ taijoi tasỹ rirarytxynyrenyre txi?-diarỹ boho heka aõhỹỹhỹỹmy nadutỹỹnymyhỹdenyde iiòrarureny ki. Kua òraruna aõbohe awiõre adeereny?
|
||
\v 18 Ka wiji aõbohe Deuxu Tyhyhykỹ bityhynybenyõkre aõbo? Ka wijihe kai boho iòludumy tekoatenyteri, biurasòmy tahe tii teburemy ynatxikre ibutumy Israel iny mahãdu òludumy.
|
||
\v 19 Txibo wiji kai boho asurenyki isuisumy ibinamy tai tahãmyhỹtenyte wana, iurenana tahe ka-ò bòdòidenyke, Deuxu Tyhyhykỹ su-ò, tai ibedeki Heto riòre Brebuna roimyhỹre tai rahãwanymyhỹre wahe. Bexitòenybenyke suyreõ my kaa waweribire ki. Kiaremy uritre Deuxu Tyhyhykỹ òludumy ijararenyõmy kia waòludurenymy ijararenyõmy, kai boho òbitile obiunaõ tewinytenyteri Deuxu Tyhyuhykỹ obiuna ribi, iny Deuxureny.
|
||
\v 20 Õhõtireny ini itxi rekoareny, Akỹ, Zera riòre, rityhynyõrehyyre rybe kia aõnaõna rabòhòbòhòkremy, kiata ibutumy Israel iny mahãdu rararytxyrenyre iòraruki.
|
||
\v 21 Taita Ruben ijoi mahãdu, Kade ijoi mahãdu kia Manase ijoi mahãdu txuòlòna weribiki roimyhỹre rirawyònyrenyre Israel wedu wedu mahãdu sỹreny-ò:
|
||
\v 22 –Deuxu heka Ibedeery nihikỹ rare! Tii heka Ikiemy nodu rare! Deuxu heka Ibedeery nihikỹ rare! Tii heka Ikiemy nodu rare! Tii rieryre aõherekibo tuu rewinyrenyre, kia kai boho tule bierybenylekre.Txibo-diarỹ boho Deuxu òludumy reakoarenyreri kia txibo boho Deuxu Tyhyhykỹ
|
||
\v 23 -diarỹ boho rewinyrenyre obiuna tamy xiwena ariwinyrenykremy aõkõ, kia tamy arihumy arisõrenykremy aõkõ kia tamy bederaty arilidirenykremy Tyhyhykỹ riwararytxynyrenyke txibo kaa obiuna ariwinyrenykeki arityhynyrenyõmy.
|
||
\v 24 kia iribiòtumy, tuurewinyrenyre kiemy dori raberurenyre tiu txuu arioreriorereny raryberenyke lau warioreriorereny boho deereny: Aõherekibo kai boho Deuxu Tyhyhykỹmy terinanytenyteri, Israel Deuxu my?
|
||
\v 25 Deuxu Tyhyhykỹ heka ritidire Jordaõ bero-diarỹ boho kai boho wana iny wirareanarenymy, Ruben ijoi mahãdu kia Kade ijoi mahãdu. Kai boho heka Deuxu Tyhyhykỹ ijoirenyke heka aõkõrenyre.” Kawesemy tahe arioreriorereny boho tuu riwinyrenyke warioreriorereny boho dee, kia ritòenymy Deuxu Tyhyhykỹmy rarinanyrenykelau.
|
||
\v 26 Iurenana heka obiuna rewinyrenyre tamy xiwena ibutumy arisõrenykremy aõkõ, kia xiwena tamy aritidirenykremy aõkõ.
|
||
\v 27 Kia iribiòtumy,-diarỹ boho heka deòsina wesemy aratxirenykremy ixideereny kia adeereny, kia warioreriorereny deereny wasỹtybyrenymy. Kia heka deòsinamy rarekre Deuxu Tyhyhykỹmy rykerinanymyhỹrenyrekre iny xiwenareny-di kia ibutumy roomyhỹkremy, iròdu iròdu tamy xiwenamy reakremy kia bede ywinana xiwenamy tamy rỹikremy. Kia heka tuu rewinyrenyre reòhãrunyrenymy tiu txuu arioreriorereny boho raryberenyketxi warioreriorereny deereny: “Kai boho heka Deuxu Tyhyhykỹ ijoireny aõkõ toitenyte.”
|
||
\v 28 -diarỹ boho rahõtinyrenyre, txibo tiu tuu rutỹỹnykeki , warioreriorereny boho raryberenykre: “Betehebenyke! Wahỹỹnareny boho riwinyrenyre obiuna Deuxu Tyhyhykỹ obiuna wesetyhyle. Tii heka relere tamy xiwena ibutumy rookremy aõkõ, kia iròdu iròdu xiwenamy tamy rỹikremy aõkõ, kia tahe deòsidỹỹnamy rỹire wadeereny kia adeereny.”
|
||
\v 29 Tiu tuu rahõtinyrenyõhyyrenyre Deuxu Tyhyhykỹ òludumy arekoarenykremy, kia raraykynyreõhyymyhỹrenyre ityhydỹỹdu iribi ixawirenykemy.-diarỹ boho obiuna ariwinyrenyõtyhy obiuna tamy xiwena ariwòsinyrenykremy, kia iròdu iròdu xiwenamy aritidirenykemy yda xiwena tamy aritidirenykemy. Tiu ariwinyrenyõtyhy obiynaõ Deuxu Tyhyhykỹ obiuna ribi, waDeuxureny, kia Heto riòre Brebuna koki rỹimyhỹre tai tii rasỹnymyhỹre.
|
||
\v 30 Deuxu Rybe-di Ijohodu Finea, iny mahãdu wedu wedu Israel iny sỹreny mahãdu-dinodu-dinodu tii wana ratximyhỹreny kia roholarenyre aõmybo Ruben ijoi mahãdu, Kade ijoi mahãdu kia Manase ijoi mahãdu txuòlòna weribiki roimyhỹrenyre raryberenyre-ò kia tahe awityhymy tai rahãrenyre.
|
||
\v 31 Kia Finea Deuxu Rybe-di Ijohodu Eliaza riòre, rarybere Ruben ijoi mahãdu dee, Kade ijoi mahãdu dee kia Manase ijoi mahãdu dee txuòlòna weribi ki rỹimyhỹrenyre: Ka tahe bede rekeryrenyra Deuxu Tyhyhykỹ inykykyreny ki ratxirerimy, kiemy dokuri kai boho ikòludumy tekokuatenykõtenyta. Kai boho tehedỹkỹnytenyta Israel iny mahãdu Deuxu Tyhyhykỹ rarytxyna ribi.
|
||
\v 32 Taita Finea kia iny mahãdu wedu wedu boho ririrenyre Ruben ijoi mahãdu kia kade ijoi mahãdu, Kileade bede ribi, kia Kanaỹ-ò ròòserenyre kiata ibutumy Israel iny mahãdureny ko relyyrenyre.
|
||
\v 33 Kia aõmybo raryberenyre israelita mahãdu tai awimy irybereny ki rahãrenyre.Taita tii boho Deuxu my rerinanyrenyre kia wou riwinyrenykremy rõhõtinyrenyõhyyreny ixyby, kia rihurenykemy tibedekibo Ruben ijoi boho kia Kade ijoi boho rasỹnymyhỹrenyre.
|
||
\v 34 Ruben ijoi boho kia Kade ijoi boho obiuna rininirenyre “Òbitityhymy Itxeredu” kiemy dori raryberenyre: “Kia heka iny-di itxeredu rare inydireny Deuxu Tyhyhykỹ ribi.
|
||
\c 23
|
||
\s1 Jojue iny mahãdu-ò rarybere
|
||
\p
|
||
\v 1 Deuxu Tyhyhykỹ taijoireny Israel risỹnyrenyre ywimy eheheõmy ratxirenykremy iòludu mahãdureny ibirirerenymy rỹimyhỹrenyre wana. Kia irehemy bede rỹire, kia Josue tahe matuarityhymy relere.
|
||
\v 2 Tii ibutumy Israel iny mahãdu deereny, dohodỹỹdu mahãdu deereny, wedu wedu deereny, sodadu mahãdu wedureny-ò kia rarybere:-diary heka matuarityhymy rare.
|
||
\v 3 Kai boho ibutumy tabitenyte Deuxu Tyhyhykỹ, iny Deuxureny riwinyrenyre iny mahãdu hãwã hãwã deereny aweribireny rarurunymy.
|
||
\v 4 Boholabenyke!-diarỹ rewirareamy retxuatxuare iny ijoi mahãdu sohoji sohijimy, kia ibrysirenykremy, kia suu hãwã hãwã ribi ramyõrenyre mahãdu. Kawesemy tahe tule rewirareanyre suu hãwã hãwã mahãdureny ribi rawymyhỹrenyre, kia Jordaõ bero ribi, txuòlòna weribi, kia Mediterrâ bero òhòkỹ raonananyre.
|
||
\v 5 Deuxu iny Deuxureny Tyhyhykỹ, kaa iny hãwã hãwãki rasỹnyrenymyhỹrenyre alaureny rexiwòrenykremy riwinyrenykre, kiata teòrehemy riteònyrenykre. Kai boho tahe ihãwa hãwãreny su-di mahãỹnanybenykre, tuu Deuxu, inyDeuxureny rarybere mynamy.
|
||
\v 6 Iurerenana tahe inatyhyhykỹmy bexityhynybenykre bityhynybenykremy, ibutumy tyyriti ki raritimy ròimyhỹre Moisesi tyyriti rybe wahidỹỹna roimyhỹre. Uritre ijõ yre-di adehuõmy rybe wahidỹỹnana-di
|
||
\v 7 kawesemy tahe uritre ixiuridỹỹrenyõmy kaa iny mahãdureny wana, kia akyrenymy rỹimyhỹrenyre boho. Uritre ideuxurenyni my ryberenyõmyreny kia uritre ityhydỹỹrenyõmy; kia uritre tuderinarenyõmyreny, uritre tatiòhumy tamyreny ixerenyõmyreny.
|
||
\v 8 Deuxu Tyhyhykỹ-dihyy mohõtinymy atximyhỹbenyke, tuu kai boho atximyhỹtenyte yrybule wiji bedemy.
|
||
\v 9 Deuxu Tyhyhykỹ riteònyrenyre iny mahãdu ninihikỹreny kia ityhytyhyreny teòrehemy, ka wiji bede yrybule inyõ rasiranyõhyyre adeereny.
|
||
\v 10 dori Deuxu inyDeuxureny, aweribireny resureri, tuu rarybere mynamy.
|
||
\v 11 Iurenana heka Deuxu sohojilemy berinanymyhỹbenyke, inyDeuxurenymy.
|
||
\v 12 Ka txibo kai boho bityhynybenyõbenykre wana kia iny mahãdureny wana mabiòwanybenykre wana, kiaki ratxirenyreri kia txibo tii boho wana hãbu my hãwyy my maadònybenykre wana ka mahãdureny wana,
|
||
\v 13 kia òbitimy rỹikre kia tii riteònyrenyõkre kaa iny mahãdureny aykyreny ribi. Iribiòtumy, tii boho iòhãrumy adeereny rexirahòrerenykre, kia òhòte inybrò ki wesemy, alòsena wesemy, kia aõtidese rueki roimyhỹre wesemy. Kia tahe tyyhyyhyy rarekre kia kai boho bexihumy biõbenykre su wihikỹ Deuxu, inyDeuxureny, adeereny riwahinyre ribi.
|
||
\v 14 Ka tahe wiji warubuna txu-ò bede iòhòra. Kai boho ibutumy teerytenyte, aworeny ki kia atyyreny ki, kia Deuxu Tyhyhykỹ inyDeuxureny, adeereny riwahinyre ibutumy aõnaõnawiwi tuu riwahinykremy rarybere. Tii ibutumy tuu riwinyre; kia aõki aõ ririmy ròhònyõhyyre.
|
||
\v 15-16 Kohe, Deuxu tyhyhykỹ, iny Deuxureny, tuu rutỹỹnykremy riwinyre ibutumy aõnaõnawiwi tuu rarybere riwinyre. Ka txibo kai boho berinanybenykre wana iwitxira ỹnyxiwe my kia tamyreny atiòhumy besebenykre bityhynybenymy, tai tahe tii iky reamy teburemy ratxikre kiata arararytxynyrenykre. Aõherekibo txibo kai boho tuu biwinybenykreki, rybe wideereny tewinytenyte rakrokre kia Deuxu Tyhyhykỹ tuu raryberen ikiemy rỹirakremy. Kiata iroorehemy aõkõ kai boho atxibenyõhyyrenykre kaa suu wihikỹ tii adeereny riwahinyre bede ki.
|
||
\c 24
|
||
\s1 Josue iokamy rarybere
|
||
\p
|
||
\v 1 Irahudi Josue ributunyrenyre Sike bede ki ibutumy Israel iny ijoi mahãdureny. Kia rarariowyre dohodỹỹdu mahãdureny-ò, wedu wedu mahãdureny-ò, Israel sodadu wedu mahãdu dee, kia tii boho tahe rexideòsinyrenyre Deuxu koki.
|
||
\v 2 Taita Josue rarybere ibutumy iny mahãdureny-ò: —Deuxu, Israel Deuxu, myỹ rarybere: Aõòhòkỹmy ahỹỹnareny rasỹnymy rỹirenyramyhỹ Eufrate bero ynawebrijà ki kia iwitxira ỹnyxiwemy rerinanymy rỹiramyhỹ. Tera heka inyhỹỹnarenyõ rare, kia heka Abraaõ tyby rare kia Naor tybyle rare.
|
||
\v 3 Kiaremy-diarỹ retare Abraaõ isu ribi kia Eufrate webrijàna ki roimyhỹre, kia-diarỹ reriradỹỹnyre ibutumy Kanaỹ su my.
|
||
\v 4 -diarỹ tamy Bibrysikremy, Seir hãwãlò hãwãlò bede; kiaremyta Ijaò tariòre boho wana rubeherenyre Ejitu òhòkỹle,
|
||
\v 5 Irahudita reteònyre Moisesi kia Araõ wana kia-diarỹ bedehuduna nihikỹ rewinyre Ejitu ki. Kawesemy rewinyre bedeu-diarỹ iribi anatadenyde.
|
||
\v 6 -diarỹ rewinyre ihỹỹnareny mahãdu Ejitu ribi nadiòlòdỹỹnydenyde, kia tii boho Bero Sòhòkỹ-ò ritehemynyrenyre. Ka Ejipciu mahãdu iheworenymy ròirenyre Bero òhòkỹle, ityti heòty wouna-di kia awaru mahãdu-di ijaradureny-di.
|
||
\v 7 Taita israelita mahãdu wadee rexitòenyrenyre arihedỹỹnyrenykremy, kia-diarỹ rewinyre bedeluruhukỹ ejipciu mahãdu ribi rexiwòrenykremy. Kia tuu rarybere bero nihikỹ ejipciu mahãdu tyrereny resekremy kia riratòbònyrenykremy. Kai boho tuu tabitenyte aõbo-diarỹ Ejitu mahãdu dee rewinyremy. Irahudita kai boho bede irehemy bedero ki teijemy toitemyhỹ.
|
||
\v 8 “Taita-diarỹ redyrenyre amoheu mahãdu sureny-ò, kia rasỹnymy rỹiramyhỹ Jordaõ bero txuòlòna weribi ki. Amoheu mahãdu tamyreny aõbinamy rekoarenyre, kadiarỹ tahe adeereny tarasana rewahinyre. Kai boho asurenymy isureny temytenyte, kia-diarỹ tahe rehurenyre arurenyki.
|
||
\v 9 Balake (Balaque) tarybe riwahinyre Balaaõ dee, Beoro riòre kanakremy, kia tii rexitòenyre aratxuhòrenykremy. tarybewihikỹ adeereny riwahinyre, kia-diarỹ tahe arahedỹỹnyrenyre Balake deboworeny ribi.
|
||
\v 11 Kai boho tahòretenyte Jordaõ bero-di kiata Ijerico hãwã òhòkỹle tehemynytenyte. Ijerico hãbu mahãdureny aòludurenymy resurenyre, kia irahudita amoheu mahãdu, Jikaseu mahãdu, heveu mahãdu kia Jebuseu mahãdu.-diarỹ rewinyre kai boho ibutumy tureny mahãỹnanybenykremy.
|
||
\v 12 Kai boho bitehemynyrenykre ko my, kia reteònyrenyre inatximy amoheu mahãdu iòlò, kia rewinyrenyre rõhõtiwerywerymy rexiwòrenykremy. Kia tõnori-di aõkõ, waxiahãte wyhy-di aõkõ, tii boho rateòdỹỹrenyre.
|
||
\v 13 -diarỹ adeereny rewahinyre, suu tiu tai kai boho taaõmysỹdỹỹtenyõtenyte kia hãwã hãwã tewinytenyõdtenyte. Kia kai boho hãwãki tanatximyhỹtenyte kia uva raty taditòmyhỹtenyte kia tebròny teõte.
|
||
\v 14 Josue rihure tarybe myỹ: Kiaremyta, wiji buberubenykre Deuxu Tyhyhykỹ lau. Kia teòdu mahãdu òbitityhymy rỹimyhỹrenyre kia rityhynymy rỹimyhỹrenyre. Iribi õhõtireny rusarenyke ỹnyxiwe mahãdureny ribi kia ahỹỹnareny tuu rerinanymy rỹirenyramyhỹ Mejopotamia ki kia Ejitu ki, kia Deuxu Tyhyhykỹ my heka berinanymyhỹbenyke.
|
||
\v 15 Ka txibo kai boho Deuxu Tyhyhykỹ deòdumy matxiõbenykre wana, wijityhyle bexierybenykre momybo berinamy boibenybekremy. Bexiywinybenyke txibo kai boho aõbo ỹnyxiwemy berinanymy boibenybkre kia ahỹỹnareny tuu rerinanymy roiremyhỹ Mejopotâmia su ki yda amoheu mahãdu ỹnyxiwemy, tai suu kai boho wiji tanahãwanymyhỹte bede ki. Kiaremy-diarỹ kia wahãwyy wariòre boho wana Deuxu Tyhyhykỹmy arerinanymy aroirenyrekre.
|
||
\v 16 Iny mahãdu rirawyònyrenyre: Tiu tuu arõhõtinyrenyõtyhyreny Deuxu tyhyhykỹ aririrenymy ariatyrenykremy, kia iwitxira ỹnyxiwemy arerinanyrenykemy!
|
||
\v 17 Deuxu, waDeuxureny heka-diwatadenyde kia iny tybyreny wetxu deòduna ribi Ejitu su ribi. Kia-diarỹ boho tuu rabirenyre aõnaõna nihikỹ tii riwinyremy. Tii riwararenyrenyre rywetya wetya ki tibedekibo rariamyhỹ ki, kia iwitxira mahãdu sureny tyaki tibedekibo reriranyrenyre.
|
||
\v 18 Reriranymyhỹrenyre wana wana, Deuxu tyhyhykỹ riteònymyhỹrenyre ibutumy kua mahãdu iny, kia amoheu mahãdu dorile riteònyrenyre kia kaa su ki rahãwanymy rỹirenyramyhỹ. Kiaremyta-diarỹ boho Deuxumy arerinanyrenylerenykre, kiemy dori tii waDeuxureny rare.
|
||
\v 19 Josue rarybere iny mahãdureny-ò: Kai boho Deuxu Tyhyhykỹmy berinanybenyke aõkõre, kia dori tii Deuxu toosona-di rare. Kia reòbyõtyhy kua mahãdu iwitxira ỹnyxiwemy rerinanymyhỹrenyre. Tii tamy reòbyõtyhy aòrarureny-ò kia aaõbinabinareny widỹỹna-ò.
|
||
\v 20 Txibobiatybenykre wana Deuxu Tyhyhykỹ kia iwitxira mahãdu ỹnyxiwemy berinanybenykre, kia tii aòludurenymy ydoosekre kiata arararytxynyrenykre. Tii arahurenykre, kia tii awimy adiremy ratxirenykre ko my.
|
||
\v 21 Iny mahãdu rirawyònyrenyre: Kia tuu rutỹỹõtyhy!-diarỹ boho Deuxu Tyhyhykỹmy arerinanyrenykemy rekoarenyreri.
|
||
\v 22 Taita Josue rarybere: Kai boho òbitile heka idi itxeredu toite, kia ritarenyre Deuxu Tyhyhykỹmy rerinanyrenykremy. Kohe,-diarỹ boho idi itxeredureny roire tii rirawyònyrenyre.
|
||
\v 23 Kia Josue tarybe ritõranyre: Iurenanabo ahãnatxi iwitxira mahãdu ỹnyxiwe-di behubenyke kia idi atxitenyteri-di, kia tahe marybebenykre bexityhynymy bityhynybenykre Deuxu Tyhyhykỹ, Israel Deuxu.
|
||
\v 24 Iny mahãdu raryberenyre Josue dee: Deuxu, waDeuxureny Tyhyhykỹmy arerinanyrenykre, kia irybe wahidỹỹnana arityhynyrenykre.
|
||
\v 25 Iwese kua txuu Josue rybe bededỹỹnana riwinyre iny mahãdu deereny kia Sikem ki tamyreny rybe wahidỹna timybo idi roirenyrekremy.
|
||
\v 26 Josue rirtinyre Deuxu tyyriti rybe wahidỹỹna ki. Kia ilemyta mana nihikỹ rimyre kiata ritidire Carvalho rawoki, ibedeki Deuxu Tyhyhykỹmy derina rỹimyhỹre bede ki.
|
||
\v 27 Kiata rarybere ibutumy iny mahãdu-ò: Bedetehebedeny kaa mana-ò! Tii heka iny-di itxeredu rare. Tii ibutumy roholare kia Deuxu Tyhyhykỹ inydereny rarybere-ò. Kia tule adireny itxeredumy rarekre aòludurenymy, kia Deuxu biribenyke lau araijemy adireny rarekre.
|
||
\v 28 Taita Josue iny mahãdu riteònyrenyre, iny sohoji sohoji tasureny-ò rare.
|
||
\s1 Josue Rurure Kia Eliaza (Eleazar) Rurure
|
||
\v 29 Irahudita, 110 wyra rimy-di, Josue rurure, Num riòre.Kia Deuxu Tyhyhykỹ aõmysỹdỹỹdu.
|
||
\v 30 Tii tabrysi ki ratuudỹỹre, Tinate Sera ki, kia Efraĩ hãwãlò hãwãlò bede ki, kia Kaasi hãwãlò weribi ki.
|
||
\v 31 Israel iny mahãdu rerinanymy roirenyremyhỹ Deuxu tyhyhykỹmy kia Josue irumy ratximyhỹ wana wana. Kia irubu sỹtybymy tule, wedu wedu mahãdu rỹiramyhỹ bedeu kia rieryrenyre ibutumy aõbo Deuxu riwinyre Israel iny mahãdu deereny.
|
||
\v 32 Jyje rubu, israelita mahãdu-diwydenyde Ejitu ribi, kia Sike ki ratuudỹỹre, suyre Ijaò riõbranyre Hamo riòre boho ribi, Sike tyby, 100-my Manarỹsỹ òtaòta. Jyje rioreriore bohoreny kaa suu rimyrenyre tahõrõrenymy.
|
||
\v 33 Eliaza, Araõ riòre, rurulere kiata Kibea ki ratuudỹỹre, Efraĩ hãwãlò hãwãlò bede ki. Kaa hãwã rawahire Finea riòre dee.
|