kpj_reg/04-NUM.usfm

\id NUM cc36
\ide UTF-8
\rem Mawy-did c15,c16:1-36, [miss vv37-50] c31:36-47 add later
\rem Miss.
\rem Numw6 Gateway –JOT hudson
\rem Brasilia DF., 19 de novembro de 1999. 8:30 A.M.
\rem Properties: Feb 3, Sat 2007 20 mins revision
\rem aut Ijeseberi (could not located cc26-32; retranslated by Karaja translators and Hilda - 2016)
\rem dat 1999?/2001
\h Narizeu Mahãdu Rybe Wahidỹỹnana
\toc1 Narizeu Mahãdu Rybe Wahidỹỹnana
\toc2 Narizeu Mahãdu Rybe Wahidỹỹnana
\toc3 num
\mt1 Narizeu Mahãdu Rybe Wahidỹỹnana
\c 1
\s1 Komy Iny mahãdu-di rirareny
\p
\v 1 Inatxina wyra my Egito ribi israelita mahãdu ròhònyrenyre rahudi, sohoji txuu, inatxi ahãdu-di, Deuxu Tyhyhykỹ rarybere Moisesi dee Sinai bedero bedeki, Deuxu Rybena Heto riòre Brebunawoki.
\v 2 Kai Araõ wana Israeli mahãdu sõereny-di mariabenyke, helto wedu mynamynamy kia ihãwyy-di ihãbu-di mynamynamy.
\v 3 Biwinyke iny mahãdunireny ibutumy hãbu mahãdu kia waitue wyra mahãdu ratyrerenymy ratxirenyrerinireny ibutumy biwinybenykre, kia ibutumy iwyrareny ijõdirenyre sodadumy raõmysỹdỹỹnyrenyre.
\v 4 Kai boho bitabenyke sohoji tasỹ mahãdu wedumy kia sohoji sohojimy tasỹreny riwiòhenanyrenykremy.
\v 5-15 Ka bohoni heka hãbu mahãdu arawiòhenanyrenykre:
\tr
\th1 Iny Witxira Witxira Mahãdu 
\th2 Tasỹreny Mahãdu Wedu
\tr
\tc1 Rubí 
\tc2 Elisu, Sedeu riòre
\tr
\tc1 Simaõ 
\tc2 Selumieli, Zurisadai riòre
\tr
\tc1 Judá 
\tc2 Nasõ, Aminadabi riòre
\tr
\tc1 Isaca 
\tc2 Netaneli, Zua riòre
\tr
\tc1 Zebulõ 
\tc2 Eliabe, Helõ riòre
\tr
\tc1 Efraĩ 
\tc2 Elisama, Amiude riòre
\tr
\tc1 Manasesi 
\tc2 Gamalieli, Pedasu riòre
\tr
\tc1 Bejamin 
\tc2 Abidỹ, Gideoni riòre
\tr
\tc1 Dã 
\tc2 Aizer, Amisadai riòre
\tr
\tc1 Aser 
\tc2 Pagiel, Okrã riòre
\tr
\tc1 Gade 
\tc2 Elisafe, Deuel riòre
\tr
\tc1 Naftali 
\tc2 Aira Enã riòre
\v 16 Ka boho heka iny witxira witxira wedurenyre, kia Israel iny ykyreny ribi ratarenyre kia riwedunyrenykremy tasỹreny mahãdu.
\v 17-18 Taita, txuu kodelemy inatxina ahãduu, Moisesi kia Araõ, ibutumy kaa hãbu mahãdu wa-ò  inatxi reurò sõe wana ributunyrenyre iny mahãdu, kia tahe isõereny-di ririranymyhỹreny tasỹ mahãdu mahãdu my kia isỹ mahãdu mahãdu my, rityyritinyrenymy inireny sohoji sohoji, kia hãbu mahãdu waitue wyra ribi riòrarunymy.
\v 19 Kawesemy tahe idi rirasareny rỹire Sinai bedero ki relere tuu Deuxu Tyhyhykỹ Moisesi dee rarybere mynamy.
\v 20-21 Hãbu mahãdu waitue wyra ratyre mahãdu, kia iwyreny ijõdire sodadu my aõmysỹdỹỹ, kia raritidỹỹrenyre inirenymy, iny sohoji sohoji tasỹreny mynamynamy. Kia riòrarunyrenyre Rubem Iny mahãdu ribi, Ijaò riòre adela. Kia butuki iny mahãdu witxira witxira sõereny rimyrenyre kawesemy: Ruben iny mahãdu, 46 mili 500 hãbu sõemy.
\v 22-23 Simeaõ iny mahãdu, 59 mili 300 hãbu sõemy.
\v 24-25 Gadi iny mahãdu, 45 mili 650 hãbu sõemy.
\v 26-27 Juda iny mahãdu, 75 mili 600 hãbu sõemy.
\v 28-29 Isaca iny mahãdu, 54 mili 400 hãbu sõemy.
\v 30-31 Zebulõ iny mahãdu, 57 mili 400 hãbu sõemy.
\v 32-33 Efraĩ iny mahãdu, 40 mili 500 hãbu sõemy.
\v 34-35 Manasesi iny mahãdu, 32 mili 200 hãbu sõemy.
\v 36-37 Bejami iny mahãdu, 35 mili 400 hãbu sõemy.
\v 38-39 Dỹ iny mahãdu, 62 mili 700 hãbu sõemy.
\v 40-41 Ase iny mahãdu, 41 mili 500 hãbu sõemy.
\v 42-43 Natali iny mahãdu, 53 mili 400 hãbu sõemy.
\v 44-46 Hãbu mahãdu ibutumy sõereny, waitue wyra ratyre mahãdureny, kia iwyrareny ijõdirenyre sodadu aõmysỹdỹỹna-ò, kia 603 mili 50 hãbu sõemy.
\s1 Levita Mahãdu
\v 47 Ka Levita mahãdu tahe inireny raritidỹỹrenyõlerenyre iwitxira mahãdu nireny wana,
\v 48 kiemy dori Deuxu Tyhyhykỹ tuu rarybere Moisesi dee myỹ:
\v 49 Kia biwinykreu hãbu mahãdu iwyrareny raõmysỹdỹỹnyrenykre sodadu my, kiata biribenykre Levi iny mahãdu hãbureny.
\v 50 Kiata bitabenykre Levita mahãdu Deuxu Tyhyhykỹ Rybena Heto riòre-di tarukirenykremy, kia ibutumy iaõnaõna woludu-di. kia tii boho Deuxu Rybena Heto riòre-di retyyrenykre kia ibutumy iaõnaõnareny-di, tai Deuxu Rybe ijoho-di raõmysỹỹnyrenykre kiata iweruramy tawelòreny riderenykre.
\v 51 Kia Deuxu Rybena Heto riòre rawokreki, Levita mahãdu riyseyserenykre, kia tiu txibo Breò rỹikreu ixyby, kia tii boho ixybyle riderenykre. Kia mobo Levita mahãdu aõkõkre wana kia Deuxu Rybena Heto tyy-ò  rehemynykre wana kia rurukre.
\v 52 Kia iwitxira mahãdu israelita tawelòwelò my ratxirenykre, tabanderareny biremy, taijoireny mynamynamy.
\v 53 Ka Levita mahãdu tahe rawelònyrenykre Deuxu Rybena Heto weruramy kia idi itxedredurenymy, inyõ ityy-ò  rehemynyhenylau, kia wesemy tahe-diarỹ wadebureõna Israeli iny mahãdu-ò.
\v 54 Kia iny mahãdu tahe ibutumy riwinyre timybo Deuxu Tyhyhykỹ tarybe riwahinyremy Moisesi dee.
\c 2
\s1 Iny Ijoi Mahãdu Deòtereny Tỹhinana Bede Ki
\p
\v 1 Deuxu Tyhyhykỹ rarybere Moisesi kia Araõ deereny myỹ:
\v 2 Tiu Israelita mahãdu tatỹhinareny riderenykreu, iny sohoji sohojiò bireki rỹikre taijoi mynamynamy kia tasỹ mahãdureny mynamynamy.boho ratỹhinanyrenykre Breò Heto riòre brebuna weruramy kia.
\v 3-4 Kia ibrara weribi-ò  ratỹhinanyrenykre sodadu mahãdu rariarenykre ijoi tỹhinana rawo-di. Juda sodadu 74.600 my hãbu sõe, Nasaõ tahe Aminadabe riòre.
\v 5-6 Iweribirenyki ratỹhinanyrenykre Issacar ijoi mahãdu. Kaa sodadu heka 54.400-my hãbu sõe, kia tahe Netanel rare Zuar riòre.
\v 7-8 Kia tii boho ỹnanyrenylekre sodadu Zebulom ijoi mahãdu. kaa sodadu 57.400-my hãbu õe, kia heka Eliabe iwedurenyre, Helom riòre.
\v 9 Juda ijoi butuki .400-my hãbu sõe, komy rariarenykre.
\v 10-11 Iraru weribi ratỹhinanyrenykre sodadu rariarenykre Ruben tyyurarawo-di. Ruben sodadu ijõdire 46.500 hãbu sõemy, kia Elisur tahe Sedeur riòre wahe.
\v 12-13 kia iweribireny ratỹhinanyrenykre Simeaõ ijoi mahãdu sodadu. Kaa sodadu heka 59.300 hãbu sõemy, kia Selumiel iwedurenyre Zurisadai riòre.
\v 14-15 Tii boho wana ỹhinanyrenylekre Gade ijoi sodadu. Kaa sodadu mahãdu 45.650 my hãbu sõe, kia Eliasafe iwedurenyre, Deuel riòre.
\v 16 Ruben ijoi mahãdu, 151.450 hãbu sõe, kia rariarenykre iinatxina my.
\v 17 Kia komy inatxi ijoimy kia ikonamy inatxi ijoi, Levita mahãdu , riwyrenymy Breò Heto riòre brebuna. Ijoihikỹ ãdu rariarenykre kia tatỹhinareny mynahyyle, iny sohoji sohoji , tatyyesireny lyra myna-di.
\v 18-19 Kia be`ara weribi ratỹhinanyrenykre sodadu mahãdu rariarenykretyyesi lyra raworeny-di. Efraĩ sodadu 40.500 hãbu sõemy, kia tahe iwedurenyre, Amiude riòre.
\v 20-21 Iweribireny tahe rat ỹinanyrenykre Manasses sodadu. Kaa sodadu mahãdu sõe 32.200 hãbumy, kia Gamaliel iwedurenyre, Pedasur riòre.
\v 22-23 Tii boho wana ratỹhinanyrenylekre Benjami ijoi mahãdu sodadu. Kaa sodadu sõe 35.400 my hãbu sõe, kia Abidã iwedurenyre, Gideoni riòre.
\v 24 Efraĩ ijoireny butuki, 108.100 my hãbu sõereny, kia rariarenykre inataõnamy.
\v 25-26 Iboo weribi ratỹhinanyrenykre sodadu mahãdu rariarenykre Dã mahãdu tyyesi lyra raworeny-di. Dã sodadu ijõdire 62.700 hãbu õemy, Kia Aiezer iwedurenyre, Amisadai riòre.
\v 27-28 Kia iweribirenyki ratỹhinanyrenykre Asser ijoi sodadu mahãdu. Kaa sodadu mahãdu sõe ijõdire 41.500 hãbu sõemy, kia Pagiel iwedurenyre, Okrã riòre.
\v 29-30 Kia tii boho wana ratỹhinanyrenylekre Natali ijoi sodadu mahãdu.sodadu sõe ijõdire 53.400 hãbu sõemy, kia Aira iwedurenyre, Enã òre.
\v 31 Dã ijoi mahãdu butuki sõereny 157.600 hãbu sõe, kia kia ikonanamy rariarenykre.
\v 32 Kia Israel hãbu mahãdu sõereny raritidỹỹrenyre, ijoi ijoi my, 550 my sõereny.
\v 33 Tuu Deuxu Tyhyhykỹ tarybe riwahinyre mynamy Moisesi dee, kia Levita mahãdu idireny rira rỹiõlere Israel ijõ mahãdu wana.
\v 34 Kawesemy tahe Israel iny mahãdu kia ibutumy riwinyre timybo Deuxu Tyhyhykỹ tarybe riwahinyre mynamy Moisesi dee. Tii boho  ratỹhinanyrenyre, taijoi ijoirenymy tatyyesireny lyra rawoki, kia mahãdu tahe riòrarunyrenyre tarirareny taijoi mahãdu sỹreny-di.
\rem dat 2000
\c 3
\s1 Araõ riòre boho
\p
\v 1-3 ka boho heka Araõ kia Moisesi rioreriorerenyre, ibedeu Deuxu Tyhyhykỹ rarybere Moisesi dee Sinai hãwãlò ki. Araõ riòre bohoni myỹre: Nadabe iadelarenyre; irahudita Abiu, Eliaza (Eleazar) kia Itamar. Tii boho raratyy tuurenyre kiata ratohodỹỹrenyre Deuxu Rybe-di raõmysỹdỹỹnymy roirenyrekremy.
\v 4 Kiaremy Nadabi, Abiu tiu Sinai bederoki Deuxu dee robenymyhỹreny heòty-di, kia heòty brebuna tyhyna aõkõ rare. Tii boho iriòrereny ihoõre, kia Eliaza kia Itamar raõmysỹdỹỹnyrenyre Deuxu Rybe-di kia Araõ irumy raremyhỹ bedeu.
\s1 Levita Aõmysỹdỹỹnareny
\v 5 Deuxu Tyhyhykỹ rarybere Moisesi dee:
\v 6 —Mararawiòryke Levi ijoi mahãdu-ò, kia iijoirenyõ Araõ Deuxu-di Ijohodu wiòhedỹỹdumy.
\v 7 Tii boho ibutumy riwinyrenykre aõ aõmysỹdỹỹ relekre Breò riòre heto brebunaki, kiata Deuxu Rybe-di ijohoduki ratxirenykre kia ibutumy iny mahãdumy.
\v 8 Kia tarukirenykreaõnaõna Breò riòre heto brebunaki rỹirenyre-di kia ibutumy Israelita mahãdu-ò  Deuxu rybe-di ijohonaki.
\v 9 Levita mahãdu Araõ dee kia irioreriore deereny riwinyrenykre aõmysỹdỹỹreny. Ka kai tahe marybekre Araõ dee irioreriorereny dee kia Deuxu Rybe-di sohojidile tarukirenykremy. Aõtxi hãbuõ kaa aõmysỹdỹỹ ỹỹmy rexiurihikeki kia rurukremy turybe rỹikre.
\v 11 Deuxu Tyhyhykỹ ixyby rarybere Moisesi dee:
\v 12-13 —Levita mahãdu tahe wiji wahõrõ rare. Kia rerubunyreu egipcioãdu riòre adela,-diarỹ Iside rehitxinyre ibutumy Israelita riòreãdu adelareny kia iròdu iròdu riòre adela tule. Ka tahe wiji iny mahãdu riòre adelareny waki ijõdike ribi,-diarỹ Levita ãdu waki ijõdireri. Tii boho heka wahõrõreny rare.-diarỹ Deuxuỹ rare.
\s1 Levita Mahãdu Sõereny-di Rira
\v 14 Sinai bederoki Deuxu Tyhyhykỹ Moisesi dee rarybere
\v 15 Levita mahãduni rityyritinyrenykremy, iijoi ijoireny myna isỹreny myna myanamy, ibutumy weryry mahãdu iwyrareny ahãdu sohoji ratyremy rỹirenyre ribi.
\v 16 Kia Moisesi tahe tuu relyyre timybo Deuxu tyhyhykỹ tamy raryberemy.
\v 17 Levi inataõmy ijõdire: Gerson, Coate kia Merari,
\v 18-20 kia heka tahỹỹnareny ijoireny sỹ mahãdunireny-di naninimyhỹdenyde. Gerson iròre inatxi ijõdire: Libni kia Simei. Coate tahe inaubiòwamy iriòre sõe: Anraõ, Isar, Hebrom kia Uziel. Kia Merari tahe inatxi iriòre sõe:kia Musi. Tii boho heka Levita mahãdu rioreriorereny roire kia ratximyhỹredenyde.
\v 21 Gerson sỹ mahãdu ijoireny kia relerenyre Libni kia Simei sỹ ãdu ribi.
\v 22 kia hãbu sõereny butuki rimyre sohoji sohojimy idireny , iwyrareny ahãdu sohoji ratyremy rỹirenyre ribi, kia 7.500 my õereny.
\v 23 Ka ijoi mahãdu heka ratỹhinanymy roirenyremyhỹ Breò riòre heto brebuna hewoki, ibar`a weribiki.
\v 24 Eliasafe, Lael riòre, kia heka isỹreny wedu rare.
\v 25 Gersonita mahãdu tarukimy roirenyremyhỹ Breò riòre heto brebuna-di, kia iratyy-di iwo-di tule, kia tyyesi ijò ròtena-di,
\v 26 kia tyyesi ubeki rỹimyhỹre Breò riòre heto brebunaki webròmy, kia obiuna rỹimyhỹre, kia tyyesi ube ijòki rỹimyhỹre kia tareruti wana.
\v 27 Kia Coate ijoi mahãdu sỹreny tahe relemy ratximyhỹrenyre Anraõ, Hebrom kia Uziel.
\v 28 Kia iny mahãdu sõereny hãbu mahãdu, iwyrareny ahãdu sohoji ratyrereny, kia 8.600 my; kaa iny mahãdu tahe Breò riòre heto-di tarukimy ratximyhỹrenyre.
\v 29 Ka boho ijoi sỹ mahãdu heka Coatita boho, ratỹhinanymy roirenyremyhỹ Breò riòre heto brebuna iraru weribi-ò.
\v 30 Ka boho ijoireny wedu heka Elisafã rare, Uziel riòre.
\v 31 Tii boho heka Breò Heto riòre rybenadi tarukimy roiremyhỹ, utò-di atesina loosòna-di, xiwena obiuna-di, kia iaõnaõnaTyhyhykỹki rỹimyhỹre-di kia tyyesi ijò rõtena-di roimyhỹre-di.boho idi tarukimy roirenyremyhỹ kia ibutumy aõmysỹdỹỹna-di.
\v 32 Levita mahãdu-dinodureny wedu heka Eliaza rare, Araõ Deuxu Rybe-diriòre. Tii heka riwedunyre Deuxu rybe Heto riòre-di õmysỹdỹỹdureny-di.
\v 33 Merari ijoi sỹ mahãdu heka relerenyre Mali kia Musi sỹ ãdu ribi.
\v 34 kia butuki sõereny hãbu mahãdu, iwyrareny ahãdu ratyremy rỹirenyre mahãdu, 6.200-my.
\v 35 Kia Merari ijoi mahãdu sỹ wedu heka Zuriel rare, Abiail riòre. Merarita mahãdu ratỹhinanymy roirenyremyhỹ Breò riòre heto brebuna iboo weribi-ò
\v 36 kia Breò riòre heto brebuna taba-di tarukimy roirenyremyhỹ, iweraroo-di, idena rawo-di kia ibutumy iaõna aõna-di.
\v 37 Kia idi tarukilemy roirenyremyhỹ kia iweòhuna ube weribiki rỹimyhỹre-di Breò riòre brebuna webròmy kia irawo-di, iuhuariti-di kia ireruti-di.
\v 38 Moisesi , Araõ kia tariòre boho wana tatyhinanymy roirenyremyhỹò riòre brebuna koki, be`ara weribi ki. Tii boho tarukimy roiremyhỹ Tyhydỹỹnana aõmysỹdyỹ-di Deuxu rybe heto bedeki Israel iny ãdudeereny. Kiaremy aõtxile hãbuõ kaa aõmysỹdỹỹ riwinykemy, kia rurukremy tu rybe rỹikre.
\v 39 Tuu Deuxu Tyhyhykỹ rarybere mynamy, Moisesi , Araõ riwinyrenyre deòtereny kia ibutumy Levita hãbu mahãdu, iwyrareny ahãdu ratyremy rỹirenyre, kia iijoireny sỹ mahãdu mynamynamy; kia 22.000 my sõereny.
\s1 Levita Mahãdu Ratxirenyre Uladu Adela Mahãdu Koreny Ki
\v 40 Deuxu Tyhyhykỹ rarybere Moisesi dee: Bityyritinykre ibutumy Israel iny mahãdu riòre adela mahãdu hãbu,ãdu sohoji ratyremy rỹirenyreri mahãdu, kiemy dori tii boho wahõrõ.
\v 41 Kiaremy irynanareny sỹbymy-diarỹ ibutmy Levita mahãdu ỹnyrenykre wahõrõkremy.-diarỹ Deuxu Tyhyhykỹ rare. Kia ỹnylekre, Levita mahãdu iròdu iròdu ibutumy Israelita mahãdu òdu iròdu riòre adela ryna sỹtybymy.
\v 42 Tuu Deuxu Tyhyhykỹ rarybere mynamy, Moisesi rityyritinyre ibutumymahãdu riòrereny adela.
\v 43 Kia butuki idireny rira rỹire, ahãdu sohoji ratyremy rỹirenyre-di, 22.273 my sõereny.
\v 44 Irahudi Deuxu tyhyhykỹ rarybere Moisesi dee:
\v 45 Bisỹnyke Levita mahãdu kia Israelita riòre mahãdu adela rynaỹtubumy, kia Levita mahãdu iròdu iròdu, Israelita mahãdu iròdu òdu ryna sỹtybymy. Kia Levita mahãdu heka wahõrõmykre.-diarỹ Tyhyhykỹ rare.
\v 46 Kia Israelita mahãdu riòre adelareny 273-my iratyremy sõerenyraki Levita mahãdu riòrereny adela ratyrerenyre ribi, kai aõhe wana biòwynykre teròwyrenymy.
\v 47-48 Kai biòwynykre iruyre irusõmo òtaòta iny sohoji sohoji my kiata kaa nieru Araõ kia iriòre boho-ò  biwahinykre. (Tuu iritina roimyhỹre mynamy, iru waitue utxiemy tu rybe.)
\v 49 Taita Moisesi nieru rimyre,
\v 50 kia heka waiyre utxie weeremy õmo òtaòta,
\v 51 kia riwahinyre Araõ dee kia iriòre bohodeereny, tuu Deuxu Tyhyhykỹ rarybere mynamy.
\c 4
\s1 Coatita Mahãdu Riwinyrenykre
\p
\v 1 Deuxu Tyhyhykỹ rarybere Moisesi dee:
\v 2 Biwinyke Levita mahãdu Coate rioreriorereny, iijoireny sỹ mahãdu sỹreny-di rirareny.
\v 3 Kiata bityyritinykre ibutumy hãbu mahãdu iwyrareny 30 my kia 50 my kia ibedeeryreny ijõdirenykre õmysỹdỹỹrenykremy Breò riòre heto brebunaki.
\v 4 Coatita mahãdu aõmysỹdỹỹna Breò riòre heto brebunaki kia arukirenymy ratxirenykre aõnaõna tyhynahãkỹ-di.
\v 5 Tiu tỹhinana Heto riòre raesekreu, Araõ kia iriòre boho ralòrenykre Breò riòre heto brebuna-ò, kia ritarenykre tyyesi Breò òre heto brebuna koki roireri kiata idi rihetynyktr Rybe Idi roire-di.
\v 6 Tii boho ityre ritidirenykre hety iròdu sityy brey-di relemyhỹre kia hety tyre tahe riteterenykre tyy lỹre; kia tahe rirut`arenykre itusina reruti Rybe Ywina heto womati rurewo-ò.
\v 7-8 Tii boho riteterenykre tyy lỹreõ utòna tyre tamy paõ sõe rawahimyhỹre Deuxu Tyhyhykỹ dee kiata-ò  rahykre, bedeò rỹsỹrỹsỹ, xiwena bedeò rỹsỹ kiamona besò hyna. Kia utò tyre paõ sõe rỹihyylekre. Irahudi riteterenykre ibutumy ityre tyyesisòõ. Kia kaa tyy tyre ritidikre iròdu sityy breyõ; kia ilemyta rirut`arenykre itusinautòna womati rurawo rurewo-ò.
\v 9 Kia rimyrenykre tyy lỹreõ kiata rihetynyrenykre atesina òna wana, kia òkresyna lỹbarinadò eresyna, kia iurixidỹỹduhyna aõnaõna hyna tamy aõòlỹre rawirareamyhỹre.
\v 10 Irahudita ibutumy rirasirahãnanyrenykre iròdu sityy brey-di, kia tahe rerutidee idi riwyrenykremy.
\v 11 Kia Manarỹsỹ obiuna tyre riteterenykre tyyesi lỹre kia ityre tahe ritidirenykre iròdu sityy brey hety. Kia ilemy rirut`arenykre itusina reruti obiuna rỹsỹ womati rurawo rurewomy.
\v 12 Irahutida ibutumy aõnaõna rauhere rimyrenykre Deuxu Rybena Hetowo ki, kia rirasirahãnanyrenykre tyyesi lỹreõ-ò, kia ityre rihetynyrenykre iròdu sityy brey-di kiata ritidirenykre reruti tyre idi retyyrenykremy.
\v 13 Tii boho ritarenykre bryby obiuna ribi kiata riteterenykre ityreòõ.
\v 14 Kia ityre ritidirenykre ibutumy aõnaõna rauhere obiuna aõmysỹdỹỹnaki; obiunadeò, tesewa, bacia. kia ityre tahe riteterenykre iròdu sityy brey-di. Kia ilemy ritidirenykre itusina reruti obiuna womati rurawo rurewo-ò.
\v 15 Tiu tỹhinana heto raeseesekreu, Coate rioreriore boho ydòidenykre rimyrenykremy aõnaõna brebuna kia Araõ kia iriòre boho rahurenykreu Breò riòre heto brebuna hetydỹỹ kia ibutumy iaõnaõna. Coate ijoi sỹ mahãdu aõnaõna brebuna-ò  rerirenyke aõkõre; txibo tii boho riwinyrenykre wana, tii boho rururenykre. kaa aõnaõna heka Coate ijoi sỹ mahãdu riwyrenykre Breò RiòreBrebuna ribi.
\v 16 Eliaza (Eleazar), Araõ Deuxu Rybe Ijohodu riòre, kia Breò riòre hetodi tarukidumykre, kia lỹbarina adỹỹ-di itxeredumy, kia òbròna xiwena-di, kia adỹỹ rati tuuna-di. Kia tiihyyle Breò òre heto brebuna-di itxeredumykre kia iaõnaõna-di.
\v 17 Deuxu Tyhyhykỹ rarybere Moisesi dee kia Araõ dee:
\v 18 —Kia uritre Coate ijoi sỹ mahãdu rubuõ iwahidỹỹrenyõmykre
\v 19 kia aõnaõna brebuna tyy-ò  rehemynyrenykreki. Kia tuu ỹỹnykelau , Araõ kia iriòre boho ralòrenykre Breò riòre hetoò kiata raryberenykre hãbu sohoji sohojireny-ò  aõbo kia aõdibo retyyrenykremy.
\v 20 Kiaremyta Coatita mahãdu ralòrenyõkre urihimyòmy, aõnaõna brebuna tyhy-di itxeremy; txibo tuu riwinyrenykre wana, tii boho rururenykre.
\s1 Gersonita Boho Riwinyrenykre
\v 21 Deuxu Tyhyhykỹ ihãremy rarybere Moisesi dee:
\v 22 Gerson rioreriorereny sõe-di mariake, iijoi sỹ mahãdu-di.
\v 23 Kia bityyritinykre ibutumy hãbu mahãdu iwyrareny 30-my 50-my kia raõmysỹdỹỹnyrenykremy Breò riòre heto brebunaki.
\v 24 Kia Gersonita mahãdu aõmysỹdỹỹna heka Breò riòre heto kia aõnaõna-di itxyy.
\v 25 Tii boho riwyrenykre Breò riòre heto brebuna kia iwohety iratytihety iròdu sityy brey kia tyyesi ijò ròtena ludu.
\v 26 Kia riwylerenykre tyyesi ube ludu, kia tyyesi ube ijò ludu kia Breò riòre heto brebuna weruraki roimyhỹre, kia obiuna weruraki roimyhỹre, ireruti kia ibutumy iaõnaõna relekremy õmysỹdỹỹmy.
\v 27 Ibutumy Gersonita aõmysỹdỹỹnareny, aõbo tii boho riwyrenykre kia riwinyrenykre, kia heka Araõ, iriòre boho rybe wahidỹỹna rawoki roikre. Kia riwahinyrenykre rybe wahidỹỹna ibutumy aõtyhytyhybo tii boho riwyrenykremy.
\v 28 Kaa aõmysỹdỹỹ heka Gerson ijoi sỹ mahãdu riwinyrenykre Breò riòre heto brebunaki; Itamar heka aõmysỹdỹỹ-di itxeredukre, Araõ Deuxu Rybe-di Ijohodu riòre wahe.
\s1 Merarita Boho Riwinyrenykre
\v 29 Deuxu Tyhyhykỹ rarybere Moisesi dee riwinykremy Levita ijoi Merari sỹ mahãdu sõereny-di rariarenykremy, ka iijoireny yjareny sỹ mynamyna-di,
\v 30 kia rarybere ibutumy riritinyrenykremy ibutumy ãbu mahãdu iwyrareny 30 my 50 my ka raõmysỹdỹỹrenykremy Breòòre heto brebuna-ò.
\v 31 Kia Deuxu rarybere: Aõbo riwyrenykre, taõmysỹdỹỹreny mynamyna my Breò riòre heto, kaa: Taba mahãdu, irerutireny, heto ratyti kia Breò riòre;
\v 32 kia ube weraroo Breò riòre heto brebuna webròki rỹimyhỹre, kia iwararu, uhuariti, rerutisana kia ibutumy iaõnaõna, ibutumy tuu rỹimyhỹre aõmysỹdỹỹnamy. Biahinyke hãbu sohoji sohoji-ò  aõnaõna ritina kia tii riwykremy.
\v 33 Kaa heka tuu riwinyrenykre rare Merari ijoi sỹ mahãdureny, kia õmysỹdỹỹreny mynamynamy Breò riòre heto brebunaki. Kaa aõmysỹdỹỹ heka Itamar idi tarukidukre, Araõ Deuxu Rybe-di Ijohodu riòre wahe.
\s1 Levita Boho Sõe-di Rirareny
\v 34-48 Tuu Deuxu Tyhyhykỹ rarybere mynamy Moisesi dee, Araõ dee, mahãdu-dinodu boho riritinyrenyre inataõ ijoi sỹrenymy Levita ãdu, kia heka roire Coate, Gerson kia Merari. Tii boho riwinyrenyresỹ mahãdu butebute my kiata riritinyrenyre ibutumy hãbuãdu 30 my 50 my iwyrareny kia raõmysỹdỹỹnyrenykremy Breò òre heto brebunaki. Coatita mahãdu sõereny 2.750 my hãbu sõe; gersonita mahãdu 2.630 my hãbu sõereny; Merarita mahãdu tahe 3,200 my hãbu sõereny. kia ibutuki sõereny 8.580 my hãbu sõereny.
\v 49 Kaa hãbu mahãdunireny heka tyyriti-ò ratidirenyre, tuu Deuxu Tyhyhykỹ rarybere mynamy Moisesi-ò. Kia Moisesi tahe rarybere iny sohoji sohoji-ò aõbo riaõmysỹdỹỹnykremy uda aõdibo retyykremy isõereny rirareny heka relere Deuxu Tyhyhykỹ rybe myna-di kia-ò  riwahinyre.
\c 5
\s1 Inatxina Pascoa
\p
\v 1 Kodele ahãduu inatxina wyrau irahudi Israel iny mahãdu Egito ribi, Deuxu Tyhyhykỹ rarybere Moisesi dee Sinai. Tii rarybere:
\v 2-3 Waò inaubiòwa txuu ka ahãduule, bede rurunymy rakreu, iny mahãdu Pascoa Ixena riòrarunyrenykre, kia tuu rybe mynamy kia rybe rawahire ibededỹỹnanamy.
\v 4 Kiamy, Moisesi rarybere Israelita mahãdu-ò  Pascoa-di risinymy òwanyrenykremy.
\v 5 Tii boho idi risinymy resibedebiòwanyrenyre waò inaubiòwa txuu kodele ahãduu, kia txuu ratxioronymy ramyhỹreu, Sinai bederoki. Israelita mahãdu ibutumy riwinyrenyre aõbo Deuxu Tyhyhykỹ relekremy rarybere Moisesi dee.
\v 6 Kiaremy hãbu mahãduõ idebinabinamy resisỹnyrenyre kiemy doridee rerirenyre taita Pascoa-di risinymy rexibedebiòwanyrenyke õkõre kua txuu. Tii boho ròirenyre Moisesi dee rybemy kia Araõ rybemy
\v 7 kia raryberenyre:-diarỹ boho wabinabinamy wasurenymy watxirenyreri kiemy dori rubu-ò  rerirenyraki. Kia aõbo waxiwenareny aõbo Deuxu Tyhyhykỹ òõkre kia Israelita mahãdurenyõ wana, kia itxuu raywimy-di?
\v 8 Taita Moisesi rirawyònyre: Biraòbenykre, kia-diarỹ ararybekre Tikiemy Noduhyy wana aõbo kai boho biwinybenykremy.
\v 9-10 Tai Deuxu Tyhyhykỹ rarybere Moisesi dee: Marybeke Israelita mahãdu dee yda irioreriorereny dee txibo ide ratxirenyre rubude-ò  rerirenyraki yda txibo irehemy, ratỹhinanyrenymy, kia ihãrele aõwaxina risinymy òwanyrenykre Deuxu Tyhyhyỹ deewimy.
\v 11 Kai boho idi bexibedebiòwanybenykre ahãdu sỹtybymy, waò inaubiòwa txuu inatxi ahãduu, kia bede rurunykreu. Ibedeu heka kai boho birỹsỹbenykrepaõ wana iuridỹỹkõ kia bederade hyrehekỹ wana.
\v 12 Uritreõ iuhedỹỹrenyõmykre ijõ txumy kia uritre iròduti kresyrenyõrenykre. Kia biwinybenykre alisina bedebiòwana tuu rybe ritina roimyhỹremy.
\v 13 Kia aõhe wana inyõ awimy idebinabinaõmy ratxikre kia titxi tỹhinanamy raõmy; txibo ka iny pascoa-di rexibedebiòwanyõkre wana, kia rateòdỹỹkre iny mahãdu ykyreny ri
\v 14 Kia ihãbu my tii riòtanyre. Kia tuu rutỹỹlekre hãbu tawyy-di? riòtamy ratxikre kia hãwyy aõ òta riwinyõmy ratxikre.
\v 15 Kia aõtxile kaa inatxi bededỹỹnana hãbu tahãwyy ridykre Deuxu Rybe-di Ijohodu-ò. Kia niwylekre? xiwena sohojiena my ỹnyde. Ka Deuxu rybe-di Ijohodu tahe ritxiwõkre? aõlỹrena kia aõlỹnỹrena? kia ỹnyde tyre, kiemy dori hãbu tahãwyy-di riòtamymyhỹre xiwena rare, kia heka xiwena òbitityhy idi raerykre rare.
\v 16 Deuxu Rybe-di Ijohodu,hãwyy ridykre ixikomy kia tahe risỹnykre Deuxu Tyhyhykỹ Obiunako-ò.
\v 17 Tii ritxiurikre beurikỹtyhy boti? riòre-ò  kia ta urihimyõmy Deuxu Rybena Heto su rimykre kia ta be-ò  ritxiwikre.
\v 18 Kia hãwyy tahe ihãremy Obiuna? koki rỹireri, kia Deuxu Rybe-di Ijohodu boti riòre behyrehekỹ-di tebòki rỹikre, kia heka aõbinabina iny dee riwahinymyhỹre.
\v 19 \f + \ft FALTANDO FRASE “ILEGIVEL”  \f* behyrehekỹmy biõkreu, kia aõnaõna binabina riwahinymyhỹre.
\v 20 Ka txibo kai òbitimy aõkõ atxiteri kia weseki tahe asuasumy abinabinamy teleta.
\v 21 Kia Deuxu Tyhyhykỹ ani riwinykre aratxuhòmy aijoreny asỹreny yky ribi, kia aty bededỹỹnana radeõmy ramõenykre, kia awe? tahe rataritarinykre.
\v 22 Kia behyrehekỹ heka awona-ò  ralokre kia tahe urile awe ritaritananykre, kia aty bededỹỹnana urile radeõmy ramõemõekre. Taita hãwyy rirawyònykre: “Kia kawesemy tuu”.
\v 23 Tai tahe Deuxu Rybe-di Ijohodu rityyritinykre kaa txuhòna?, iròdu sityy txine-ò? kia ilemy tahe rihokre kaa rybe behyrehekỹne-ò.
\v 24 Irahudi tahe hãwyy behyrehekỹmy rimõnykre kia aõbinabina riwahinymyhỹre wahe. Kia ta hãwyy tawodesemy inihikỹmy raratykre.
\v 25 Kiaremy komy Deuxu Rybe-di Ijohodu rimykre hãwyy debò ribi, rỹsỹna xiwena ihãru òrarumy; tii tahe xiwena ritamadỹỹnykre Deuxu Tyhyhykỹ ruki kia tahe obiuna dee idiwykre.
\v 26 Taita rỹsỹna xiwena rimykre kia tahe risõkre obiuna tyre kia nohõti itxi reamy rarekremy Deuxu Tyhyhykỹ dee rawahiremy. Kia ikonanau tahe hãwyy bemy rimõnyre;
\v 27 Kia txibo inatyhymy hãwyy aõ òtaòta riwinyre wana hãbu witxira wana kia ta isuisumy ibinanamy relere. Kia bee iwo-ò relekre, kia tii tahe inihikỹmy iwo ramytxitxikre. Kia iwe rataritarinykre, kia ity bededỹỹnana radeõmy ramõemõenykre. Kia tii tahe ratxuhòdỹỹkre iijoi isỹ mahãdu ykyreny ribi.
\v 28
\v 29 Ka heka rybe wahi bededỹỹnana rare, kaa hãwyy ihãbudi my rỹimyhỹre aõ òta riwinymyhỹre, kia ta ihãbu riòtenymy idi ratximyhỹre.
\v 30 Yda txibo hãbuõ aõhererimy aõkõ tahãwyy rihãrunyhỹre. Tii tahãwyy ridykre Deuxu Tyhyhykỹ Obiuna-ò, tai tahe Deuxu Rybe-di Ijohodu riwinykre tuu Rybe Rawohimy roimyhỹre.
\v 31 Kia ihãbu iòraruna ribi awimy ratxikre; ka txibo hãwyy iòrarudỹỹdukre wana, aõhỹỹhỹỹmy rutỹỹnykre.
\c 6
\p
\v 1 Deuxu Tyhyhykỹ rarybere Moisesi dee:
\v 2 —Marybeke israelita mahãdu deereny kia myỹ marybekre: aõtxile hãbu yda hãwyy kia riwinykre tuu Narizeu my ratxikremy kiata tuu robenykre Deuxu aõmysỹdỹỹnamy,
\v 3 kia (vinho) monabesò my riõõkre, cerveja my riõõlekre. Kia riõke aõkõre mona besòõmy, kia aõtxile mona besòmy riõke aõkõhyyre; kia (uva) sỹru rirỹsỹke aõkõre kia irubu tule rirỹsỹke aõkõre.
\v 4 Narizeu my ratxikremy, kia rirỹsỹõkre aõ parrera ribi kanakre, kia ity yda iwesityy rirỹsỹke aõkõre.
\v 5 —Bede tuu riemy ratximyhỹkre bedeu Narizeu my, uritre arade kresuõmy, kia uritre asuusirisuõmy. Kiata ihyy rexihukre tii txuu ritare Deuxu Tyhyhykỹ dee raõmysỹdỹỹkremy, tii Deuxu-ò sohojile raõmysỹdỹỹnymyhỹre kiata tarade riumydỹỹnykre.
\v 6-7 Irade heka deòsinamykre Deuxu dee aõmysỹdỹỹnamy. Iurenana tii idebinabinamy rutỹỹnyke aõkõre, kia aõtxile rubu bire-ò rehemynykeki, kia tyby rubuki hãrele, yda tadi rubuki hãrele, yda taseiòre rubuki hãbu yda hãwyy.
\v 8 Kia Narizeu my ratximyhỹkre wana wana, tii rahitximy ratxireri Deuxu Tyhyhykỹ aõmysỹdỹỹna-ò.
\v 9 —Txibo inyõ rurukeki ibire-ò  kiata aõ riwinyke irade Narizeu rabinakemy, taita debò inatxi txu sỹtybymy tii tarade risykre kia tasuusiri risykre kawesemy tahe idewidewimy ratxikre.
\v 10 Kia debò inataõ txuu tahe ididykre inatxi nawii riòreõ yda bòtòe riòreõ Deuxu rybe-di ijohodu-ò  Heto riòre ijò-ò.
\v 11 Deuxu rybe-di ijohodu riwahinykre sohoji xiwenamy òraruna ritakremy kia ijõ tahe xiwenamykre ibutumy rookre, kia òraruna risuhokremy kia riwinyre tiu rehemynyreu rubu bire-ò. Kua txuu tyhyle Narizeu riwinykre ixybyle tarede.
\v 12 Taita ixybyle riwinykre Deuxu aõmysỹdỹỹna-ò, tabededỹỹnana Narizeu my. Ka bedeu irade ibinabinamy rutỹỹnyre rakròõkre. Kia xiwena my iòraru ratakremy, tii kididykre budoeni riòreõ sohoji my iwyra.
\v 13 —Kia rybe bededỹỹnana Narizeu-ò, tiu rehemynykreu ibededỹỹnana konana-ò  Deuxu dee aõmysỹdỹỹnana konana-ò, kia mykre: tii rakre Heto riòre ijò-ò
\v 14 kia riwahinykre Deuxu Tyhyhykỹ-ò, inataõ iròdu iròdu aõ ibinabina ihoõmy, kia heka kaa rare, budoeni riòre sohoji my iwyra xiwenamy kia ibutumy rookre, kia budoeni riòre hirari sohoji my iwyra xiwenamy òraruna ritakremy, kiata sohoji budoeniõ xiwena bedeywidỹỹnamy.
\v 15 Tii riwahhinylekre sohoji weriri tỹximy paõ-di iuridỹỹõ, kia heka kaa rare, paõ nihikỹ ỹnyde rauridỹỹmy aõòlỹre-di, kia paõ yja iwebesemy, kia urihimyòmy ityre beamy; kia biwahinylekre xiwena rỹsỹna òtaòta kia xiwena mona besò (vinho).
\v 16 —Deuxu Rybe-di Ijohodu riwahinykre ibutumy Deuxu Tyhyhykỹ koki kia riwahinykre xiwena òraruna ritakremy kia ijõ xiwena butumy rookremy.
\v 17 Tii riwahinykre Deuxu Tyhyhykỹ dee budoeni xiwena bedeywidỹỹnana my kia riwahinykre weriri paõ-di iuriõmy relere. Tii ihãremy riwahinykre xiwena rỹsỹna òtaòta xiwena mona besò (vinho).
\v 18 Heto riòre ijòki Narizeu tarade ibutumy risykre, tarade rimymy kia ritidikre tikibo xiwena bedeywidỹỹnana rooreri-ò.
\v 19 —Taita, budoeni axiò ruakreu, Deuxu Rybe-di Ijohodu rimykre kiata Narizeu mahãdu debòreny-ò  ritidirenykre, ibutumy inatxi paõ my weriri ribi ritamy, sohoji inihikỹ kia sohoji iyja (kia jeka aõmau tuu relekre Narizeu mahãdu taradereny risyrenykre sỹtybymy).
\v 20 Irahudi tahe Deuxu Rybe-di Ijohodu riteòsinykre kaa aõnaõna xiwena wihikỹ wesemy Deuxu Tyhyhykỹ dee. Kia xiwena Tyhynamy Deuxu Rybe-di Ijohodu hõrõmy rỹimyhỹre. Irahudi tahe Narizeu aõwaxina mona besò my (vinho) riõkre.
\v 21 Ka heka rybe wahidỹỹnana rare, mobo tuu riwinykremy Narizeu wesemy Deuxu dee aõmysỹdỹỹnamy. Kiaremy txibo Narizeuõ rarybekre riwahinykremy xiwena, ihãremy Narizeu tuu riemyhỹremy, taita tuu riwinykre aõmybo riwinykremy raryberemy.
\s1 Deuxu Rybe-di Ijohodu Rybewiwi
\v 22 Deuxu Tyhyhykỹ rarybere Moisesi dee:
\v 23 —Marybeke Araõ dee iriòre boho dee kia marybeke Israel iny mahãdu deereny awimy rarybekremy my:
\v 24 “Kia Deuxu Tyhyhykỹ adeereny tarybewihikỹ riwahinyre kiata arararenyrenyre;
\v 25 kia Deuxu Tyhyhykỹ adireny ywimy ratxire kia rawobrumy;
\v 26 kia Deuxu Tyhyhykỹ adeereny retehemyhỹre umyreny rerinanymy kiata adeereny bede ywimy riwahinymyhỹre.”
\v 27 Kia Deuxu Tyhyhykỹ rarybere: —Kawesemy tahe Araõ tariore boho wana rexitòenyrenykre warybewiwihikỹmy Israel iny mahãdu tòemy, kia-diarỹ tahe warybewiwihikỹ ariwahinykre.
\c 7
\p
\v 1 Moisesi Heto riòre ridere txuu, tii aõòlỹre-di ribyribynyre kiata Deuxu aõmysỹdỹỹnamy tuu robenyre, kia ibutumy Heto riòre aõnaõna wana kia xiwena dena;
\v 2 Taita heto mahãdu wedu, kia heka Israel iny mahãdu wedu deòdureny roire, kia tii bohole hãbu boho iny mahãdu sõe-di riradurenymy roiremyhỹ,
\v 3 kia-diwydenyde taxiwereny Deuxu Tyhyhykỹ dee, kia heka kaa rare, debò inatxi carroça sõe ihetydimy kia waò inatximy broreni sõe. Wedu sohoji sohoji riwahinyrenyre carroça, kia tii sohoji sohoji broreni sohoji riwahinyrenyre; kiata ibutumy Heto riòre ko-ò  ritidirenyre.
\v 4 Deuxu Tyhyhykỹ rarybere Moisesi dee:
\v 5 —Bimyke carroça broreni wana kia Heto riòre aõmys~dỹỹnamy rauhemy rarekremy; kia xiwena biwahinyke Levita mahãdu-ò, kia iny sohoji sohoji aõmysỹdỹỹ riwinymyhỹre mynamynamy.
\v 6 Taita Moisesi riwahinyre carroça broreni Levita mahãdu-ò.
\v 7 Gerson rioreriore deereny tii inatximy carroça riwahinyre kia inaubiòwamy broreni sõe riwahinyre, kia aõmysỹdỹỹ riwinyrenyre mynamynamy.
\v 8 Kia Merari rioreriore deereny tule riwahinylere iaõmysỹdỹỹreny mynamynamy, Moisesi riwahinyre inaubiòwa carroça my kia debò inataõ sõemy. Kaa aõmys~dỹỹ heka Itamar idi tarukimy ratximyhỹre, Araõ Deuxu Rybe-di Ijohodu riòre.
\v 9 Kiaremy Moisesi riwahinyõlere Coate rioreriore deereny carroça de aõkõ brorenike aõkõ, kiemy dori aõnaõna brebuna tii boho idi tarukimy ratximyhỹrenyre taaxiòkile riwymyhỹrenyre.
\v 10 Kia wedu mahãdu tule-diwyledenyde xiwena kia idi ribedebiònyrenykremy xiwena dena Deuxu Tyhyhykỹ aõmysỹdỹỹnamy. Kia tii boho tiu rexihumy ratximyhỹrenyu riteòsinyrenykremy xiwena dena,
\v 11 Deuxu Tyhyhykỹ rarybere Moisesi dee: —Wedu mahãdu, sohoji sohojimy tatxurenyu riwahinyrenykre xiwena tuu raywiremy xiwena dena-ò  waõmysỹdỹỹnamy.
\v 12-83 Waò inatximy wedu sõereny riteòsinyrenyre taxiwenareny myỹ deòtemy: kodele txuu iny mahãdu wedu Judá, Nasaõ, Aminadabe riòre; inatxina txuu Issacar, Natanael iny mahãdu wedu Zuar riòre; inataõ txuu wedu Zebulom, Eliabe iny mahãdu Helom riòre; inaubiòwa txuu Rubén, Elisur iny mahãdu wedu Sedeur riòre; iruyre txuu Simeaõ, Selumiel ijoi mahãdu, Zurisadai riòre; debò sohoji txuu Gade, Eliasafe ijoi wedu Deuel riòre; debò inatxi txuu Efraĩ, Elisama ijoi wedu Amiúde riòre; debò inataõ txuu Manasses, Gamaliel ijoi wedu, Pedasur riòre; debò inaubiòwa txuu Benjamin, Abidã ijoi wedu, Gideoni riòre; debò itue txuu Dã, Aiezer ijoi wedu, Amisadai riòre; waò sohoji txuu Asser, Pagiel ijoi wedu, Ocrã riòre; waò inatxi txuu Natali, Aira ijoi wedu Enã riòre. Kia xiwena iny sohoji sohoji-diwydenyde wiyrybuhyylerenyre: sohoji bandeja Manarỹsỹ òtaòta, sohoji utxie weeremy; sohoji bacia Manarỹsỹ òtaòta 800 grama my iutxie, kia tuu raerymy rỹimyhỹre (bandeja kia bacia rỹximy rỹimy mai ỹnyde-di raurimy aõòlỹre-di, kia xiwena rỹsỹna òtaòta-di);sohoji bratu Manarỹsỹ 115 grama my iutxie, tỹximy òwòru ibru-di; sohoji broreni tỹmyra, sohoji budoeni, sohoji budoeni riòre sohoji my iwyra kia ibutumy rookremy; sohoji bode òraruna ratakremy; kia xiwena tule bede ywidỹỹnamy, inatxi broreni, iruyre budoeni iruyre bede my kia iruyre budoeni riòre sohojimy iwyra.
\v 84-85 Ibutumy xiwena Israel iny mahãdu wedu riwinyrenyre xiwena dena my tuu raubenyrenyre Deuxu aõmysỹdỹỹnamy myỹ: waò inatxi bandeja Manarỹsỹ òtaòta kia waò inatxi bacia Manarỹsỹ òtaòta, kia iutxie butuki rimyre 27 kilo utxie weeremy;
\v 86 waò inatxi bratu Manarỹsỹ rautxienyre sohoji kilo my 380 grama my (bratu tỹximy òwòru ibru-di rỹimyhỹ);
\v 87 kia xiwena ibutumy rookremy, waò inatximy broreni riòre tỹmyra, waò inatximy budoeni sõe, waò inatximy budoeni riòre sõe sohojimy iwyra, kia iki wana butumy xiwena rỹsỹna òtaòta kia xiwena riheludunymyhỹre; kia xiwenamy òraruna ratakremy, waò inatximy bode sõe, 60 my budoeni sõe, 60 my bode sõe, 60 my budoeni riòre sõe sohoji my iwyra.
\v 89 Kia Moisesi raloreu Heto riòre Brebuna-ò  Deuxu Tyhyhykỹ dee rarybekremy, kia roholare Deuxu rybe wodỹỹ-ò  tamy rarybererimy Heto riòre Brebuna ratòbòna ribi, Querubins aõni inatxi wotya ribi (kia kawesemy heka Deuxu Tyhyhykỹ Moisesi dee rarybemyhỹre).
\c 8
\s1 Atesina deòtena
\p
\v 1 Deuxu Tyhyhykỹ rarybere Moisesi dee:
\v 2 Marybeke Araõ dee myỹ: tiu kai bilidikreu atesina debò inatxi sõemy atesinadena-ò, biwinyke atesinadi kia ibutumy atesinadena ko ritoonykemy.
\v 3 Kia Araõ tahe kawesemy riwinyre: kia atesina ritidire ritoosonykremy atesinadena ko, tuu Deuxu Tyhyhykỹ rarybere mynamy Moisesi dee.
\v 4 Atesinadena heka mana rỹsỹhỹkỹ rasurusurumyhỹre rare: irawo dena tõiròsò kia ibutumy mana rỹsỹhỹkỹ rasurusurumyhỹrelehekỹ rare, kia tuu timybo Deuxu Tyhyhykỹ riteòsinyre Moisesi dee.
\s1 Ixilyralyrana Kia Levita Mahãdu Rexiywinyrenyre
\v 5 Deuxu Tyhyhykỹ rarybere Moisesi dee:
\v 6 Bitake Levita mahãdu Israelita mahãdureny ribi kiata bisuhòsuhòbenykre.
\v 7 Kia bisuhòsuhòbenykremy, myỹ biwinykre: ityrereny bee bitxiwike besuròsuròna-di. Tii boho ibutumy tatyyreny riyseyserenykre kia tõrereny tauòhireny risuhòrenykre. Kawesemy tahe tyratyramy ratxirenykre.
\v 8 Taita broreni sohoji tỹmyraõ rimyrenykre, aõwi alòbròna rỹsỹna xiwena wana, kia ỹnydemy relere raurimy aõòlỹre-di. Kia kai bimykre iwitxira broreni tỹmyra xiwenamy òraruna ratakremy.
\v 09 Kia ilemyta kai Israel iny mahãdu bibutunykre, kia marybekre levita mahãdu rỹirenykremy Heto riòre Brebunako-ò.
\v 10 Taita Israel iny mahãdu tebòreny ritidirenykre levita mahãdu ratityrereny,
\v 11 taita Araõ levita mahãdu wadee rihitxinyrenykre kia isralita xiwena tyhyhykỹ wesemy. Kawesemy tahe levita mahãdu aõmysỹdỹỹ wadee riwinyrenykre.
\v 12 Levita mahãdu tebòreny ritidirenykre inatxi broreni ratityrereny. Sohoji heka xiwenamy rawahinykre òraruna ratakremy, kia ijõ tahe xiwenamykre ibutumy rookremy kia levita mahãdu risuhòsuhòrenykremy.
\v 13 Bitabenyke levita mahãdu kia xiwena tyhyhykỹ wesemy wadee, kia Araõ tariòre boho wana iwedurenymykre.
\v 14 Bihitxinyke levita mahãdu israelita mahãdureny ribi kia wahõrõrenykremy.
\v 15 Kia irahudi kai bisuhòsuhòkreu kia bihitxinykreu levita mahãdu, tii boho rexiywinymy ratxirenyreri raõmysỹdỹỹrenykremy Heto riòre dee.
\v 16 Tii boho heka ratarenyre israelita mahãdu ykyreny ribi, wahõrõkremy, kia Israel iny mahãdu riòrerereny delareny deròwyrenykremy. Tii boho heka wahõrõ roire.
\v 17 Kia rerubunyreu ibutumy Egípcio riòre delareny,-diarỹ rehitxinyre ixidee uladu delareny Israel iny mahãdu riòrereny, kia iròdu riòrereny delareny tule.
\v 18 Ka tahe levita mahãdu ixidee remyreri kia ibutumy Israelita riòrereny delareny deròwyrenymy.
\v 19 Ka tahe rewahinyreri levita mahãdu Araõ dee iriòrereny dee, kia israelita mahãdu xiwenareny weserenymy kia raõmysỹdỹỹrenykremy Heto riòre ki, Israel iny mahãdu deereny, kia ritarenykremy òrarunareny, kia Israelita mahãdu rierenykremy aõnaõnalau, txibo iòhòtyhymy rehemynyrenykreu Heto riòre Brebuna-ò.
\v 20 Kawesemy tahe Moisesi , Araõ kia ibutumy Israel iny mahãdu tuu riwinyrenyre aõmybo Deuxu Tyhyhykỹ relekremy rarybere Moisesi dee levita mahãdu bededỹỹnanamy.
\v 21 Levita mahãdu rexilyralyranyrenyre kia tatyyreny risuhòrenyre, kia Araõ rihitxinyrenyre xiwena tyhyhykỹ wesemy Deuxu Tyhyhykỹ dee, kia tahe riwinyrenyre bedebiòwana lyralyranamy tamyreny.
\v 22 Iny mahãdu ibutumy riwinyrenyre kia Deuxu Tyhyhykỹ rarybere mynamy Moisesi dee, levita mahãdu bededỹỹnanamy. Kawesemy tahe tii boho ratarenyre raõmysỹdỹỹrenykremy Heto riòre ki, kia Araõ tariòre boho wana idi itxeredurenyre.
\v 23 Deuxu Tyhyhykỹ rarybere Moisesi dee:
\v 24 Rybe bededỹỹnana levita mahãdu bededỹỹnanamy mykre: kia 25 wyramy levita mahãdu rimyrenykreu taomysỹdỹỹ riòrarunyrenykre Heto riòre ki.
\v 25 kia 50 wyra rimykreu tahe taõmysỹdỹỹ riixawidỹỹnykre.
\v 26 Ka wyra sỹtybymy tahe levita mahãdu aõwaxina taijoireny riwiòhenanyrenykre Heto riòre bedeki, kiaremyta aõ aõmysỹdỹỹ wedumy ratxiõkre. Kawesemy tahe kai biywinykre levita mahãdu aõmysỹdỹỹnareny.
\rem ORIGINAL IJE compaq
\rem Números, cc 9 13v33
\c 9
\p
\v 1 Kodeke ahãduu, inatxi wyra rahudi Israel Iny mahãdu ròhònyrenyre Egito ribi, Deuxu Tyhyhykỹ rarybere Moisesi dee Sinai bederoki: Tii rarybere:
\v 2-3 –Waò inaubiòwa txuu ka ahãduole, ruu riòrarunyrenykreule, Israel iny mahãdu risinyrenykre Páscoa Ixenadi, kia ibutumy irybe wahidỹỹna-di kia ibutumy rityhynymy.
\v 4 Kiaremyta, Moisesi riteranyrenyre israelita mahãdu Páscoa-di risinyrenykremy.
\v 5 Tii boho idi risinyrenyre waò inaubiòwa txuu kodele ahãdumy, bede ratxioronyreu, Sinai bedero ki. Israelita mahãdu ibutumy riwinyrenyre timybo Deuxu Tyhyhykỹ rarybere mynamy Moisesi dee.
\v 6 Kiaremy hãbu mahãdurenyõ ide binabinamy ratximyhỹreny kiemy dori rubu-ò  rerirenyre, kia taita risinyrenyõrenyre Páscoa-di itxuu. Tii boho ròirenyre Moisesi dee Araõ dee rybemy kia raryberenyre: —Wadebinabinamy watxirenyreri kiemy dori rubu-ò  rerirenyra.
\rem Missing 9:7-12
\rem Myw. Trans these vv
\v 13 Kia aõhe wana inyõ tuu rutỹỹnyke, txibo iny idewidewimy ratxikre kia ti-ò  raõmy ratxikre; txibo iny kaa Páscoa-di risinyõkreki, kia rateòdỹỹkre iny mahãdu yky ribi, kiemy dori wadee xiwena riwahinyõreki bede òbitiu. Kia rararytxyrenykre taòrarureny òraruki.
\v 14 –Txibo iwitxira mahãdurenyõ akyrenyki rasỹnymy ratximyhỹre ixideewikeki Páscoa-di risinykemy, kia tahe rityhynykre ibutumy irybe wahidỹỹnana òbitimy kaa ixena. Iyrybutyhyle rybe wahidỹỹna kia ibutu dee, hãwãki ruamyhỹrenyre kia iwitxira ki ruamyhỹrenyre dee.
\s1 Biuwetyy Heto riòre Brebuna Ratyaki
\v 15 Kia txuu Heto riòre Brebuna radereu, kia biuwetyyura nade kia ritòbònyre. Rumy biuwetyyura heòty wesemy ratximyhỹ.
\v 16 Ikiehyy kawesemyre: Txumy biuwetyyura Heto riòre Brebuna rihetynymy kia rumy tahe heòty wesemyre.
\v 17 Kia biuwetyyura rexirariedỹỹnymyhỹreu Heto Riore Brebuna ribi, Israelita mahãdu rariamyhỹrenyre. Kia tibedekibo biuwetyyura rexitxuhunymyhỹrekile tii boho taHeto Riòre Brebuna ridemyhỹrenyre.
\v 18 Tii boho rariamyhỹrenyre yda ratỹhinanymyhỹrenyre Deuxu Tyhyhykỹ rybe mynamynamy. Kia ratỹhinanymy ratximyhỹrenyre kuaki, kia biuwetyyura rexitxuhunymy roimyhỹre Heto riòre Brebuna tyreki.
\v 19 Tiu tii irehemy roi wanaki Heto riòre Brebuna, kia israelita mahãdu rityhynymyhỹrenyre Deuxu Tyhyhykỹ bededỹỹnana kia kua ribi ròhònyrenyõhyymyhỹrenyre.
\v 20 Aõhe wana biuwetyyura roimyhỹre ibute txumy Heto riòre Brebuna tyre; kawesemy Deuxu Tyhyhykỹ rybe mynamy, tii boho ratỹhinanymyhỹrenyre yda rariamyhỹrenyre.
\v 21 Aõhe wana biuwetyyura raxitxuhunymy roimyhỹre txiorou kia rudiuhukỹle; kia tii rexirarienymyhỹreu rudi, iu tahe tii boho tarirareny riòrarunymyhỹrenyre. Ikiemy kia biuwetyyura rexilàmadỹỹnymyhỹre wana, kia txymy yda rumy, israelita mahãdu tari riòrarunymyhỹrenyre.
\v 22 Ka, txibo tii Heto Riòre Brebuna tyreki roira wanaki inatxi txumy, yda ahãdu sohojimy, yda inatyhymy wyra sohoji, kia iriraõmy roimyhỹre wana wana, isralita mahãdu ratỹhinanymy ratximyhỹrenyre kia rariaõhyymyhỹrenyre.
\v 23 Deuxu Tyhyhykỹ rybe mynamynamy, tii boho ratỹhinanymyhỹrenyre yda rariamyhỹrenyre. Israelita mahãdu tuu riwinimyhỹrenyre rityhynymy Deuxu Tyhyhykỹ aõmybo rarybemyhỹre Moisesi dee.
\c 10
\s1 Manarỹsỹ Òtaòta Wiuna
\p
\v 1 Deuxu Tyhyhykỹ rarybere Moisesi dee myỹ:
\v 2 Biwinyke inatximy Manarỹsỹ òtaòta wiuna. Kia idi kai byrykre iny mahãdudeereny rexibutunyrenykremy kia biwahinykremy bitxurònymy tỹhinana ribi rariarenykremy.
\v 3 Kia riwodỹỹnykreu inatxi tỹburaõ, ibutumy iny mahãdu awana rexibutunykre Heto Riòre Brebuna ròtenaki.
\v 4 Kiaremy sohojihyy rawodỹỹnyrenykre wana, kia tasỹ mahãdu wedu sohojile butuna awana riwinyrenykre.
\v 5 Tiu iwodỹỹ inihikỹ txuumy rawodỹỹnykre wana, iny mahãdu ratỹhinanymy rỹirenyreri ibràra werikbi-ò  tarirareny riòrarunyrenykre.
\v 6 Kia inatximy rawodỹỹnykreu nihikỹmy itxuumy, tai iny mahãdu iraru weribiki rỹirenyreri tarirareny riòrarunyrenykre. Kia rira òrarunana heka iwodỹỹ txuumy inihikỹkre;
\v 7 ka iny mahãdu rabutukre wana tỹburaõ iwodỹỹrehemyrekre.
\v 8 ka tỹburaõ wodỹỹdu mahãdu heka Deuxu Tyhyhykỹ rybe-di ijohodureny tukre, Araõ rioreriore bohorenyõ. Ka rybe wahidỹỹna tahe ikiemy Israelita mahãdu rityhynyrenykre.
\v 9 Txibo kai boho wounaki atxibenykreu ahãwarenyki, bexiijebenymy aòludureny sohoji ribi umyreny raòhòterenyre, kia biwodỹỹnybenyke wou bededỹỹnanamy ka tỹburaò wodỹỹna-di.-diarỹ Deuxu Tyhyhykỹ aDeuxureny, arawiòhenanyrenykre kia aratarenykre aòludureny ribi.
\v 10 Kia tule bede bedesa rỹimyhỹkeu, txibo Ahãdu Tỹmyra ixena, kia ijõ ixena Deuxu rybe bededỹỹnana, kai boho tỹburaõ wodỹỹna biwodỹỹnybenykre tiu xiwena biwahinybenykreu, kia ibutumy bisõbenykre, xiwena ywina tule. Taita-diarỹ arawiòhenanyrenykre.-diarỹ heka Deuxu rare, aDeuxureny.
\s1 Israelita Mahãdu Ròirenyre Snai ribi.
\v 11 Inatxi wyra sỹtybymy iny mahãdu Egito ribi dòhònydenyde, waitue txuu inatxina ahãduu, biuwetyyura biutxi runymy reare Heto Riòre Brebuna ratyre.
\v 12 Ka txuu israelita mahãdu tarirareny riòrarunyrenyre, kawesemy ròhònyrenyre Sinai bedero ribi; kia biuwetyyura rexitxuhunyre Parã bederoki.
\v 13 Kawesemy, kodelemy tii boho tarirareny riòrarunyrenyre, tuu tarybe Deuxu Tyhyhykỹ riwahinyre mynamy Moisesi dee.
\v 14 Komy ròhònyrenyre Juda ijoi ibanderarenydimy, taijoi ijoimy,
\rem MYWY TRANS TO ADD 10:15-16
\v 17 Taita Heto riòre Brebuna raereesere, kia Livita mahãdu, Gersom mahãdu ijoireny kia Merari boho rariarenyre retyyrenymy Heto riòre Brebuna-di.
\v 18 Irahudi ròhònyrenyre kua boho bandera riwyrenymy Ruben mahãdu ijoi, ijoi ijoirenymy, Elisur riwedunyrenymy, Sedeur riòre.
\v 19 Selumiel, Zurisadai riòre riwedunyrenyre, Simeaõ ijoi mahãdu,
\v 20 ka Eliasafe, Deuel riòre riwedunyrenyre, Gade ijoi mahãdu.
\v 21 Ihewomyta ròhònyrenyre Lvita mahãdu, Coate ijoi boho, aõnaõna Brebuna-di retyyrenymy. Kia ijõ tỹhinana-ò  rehemynyrenyreu, Heto riòre Brebuna rademy rỹimyhỹòhòkỹle.
\v 22 Taita ròhònyrenyre kua noho Efraĩ ijoi bandera-di ratximyhỹreny, ijoi ijoimy, Elisama riwedunyrenymy, Amiúde riòre.
\v 23 Gamaliel, Pesadur riòre riwedunyrenyre Manasses ijoi;
\v 24 kia Abidã, gideoni riòre riwedunyrenyre Benjamin ijoi.
\v 25 Irahidi, ibutu ijoi ijoireny hewomy, ròhònyrenyre kua boho Dã ijoi bandera-di ratxirenyre, kia ijoi ijoimy, Aiezer, Amisadai riòre riwedunyrenyre.
\v 26 Pagiel, Ocrã riòre riwedunyrenyre. Asser ijoi,
\v 27 kia Aira, Enã riòre riwedunyrenyre Natali ijoi.
\v 28 Israelita mahãdu kawesemy tarirareny riòrarunyrenyre taijoi ijoi mynamynarenymy. Moisesi Rarybere Hobabe Dee Ihewomy Ròikemy
\v 29 Moisesi rarybere tariòre lana-ò, Jetro riòre, Midianita mahãdu:-diarỹ boho aròirenykre Deuxu Tyhyhykỹ wadeereny hãwãõ riwahinykremy rarybere-ò. Tii riwinykremy rarybere kia Israel iny mahãdu ityhymy iaõdimy ratxirenykremy; kiaremyta, manake waherenymy, kia awana aõnaõnawiwi arimyrenykre aritxuatxuarenykre.
\v 30 Hobabe rirawyònyre: Kõre,-diarỹ aroosekre wasu-ò  wahãwyy boho-ò.
\v 31 –Aõkerỹbo, tuu iwidỹỹõmyke –Moisesi rarybere. Kai teeryte bedero kia tikibo rykatỹhinanyrenykre teeryte; kai wakorenyki riradumy atxikre.
\v 32 Txibo kai waherenymy manakre wana,-diarỹboho ariwirarearenykre awana ibutumy aõnanawiwi Deuxu Tyhyhykỹ wadeereny riwahinykre.
\s1 Deuxu Iny Mahãdu-di Tarukire
\v 33 Kia kawesemy tahe israelita mahãdu ròirenyre Sinai ribi , Deuxu Tyhyhykỹ hãwãlò, kia inataõ txu sõemy rariarenyre. Deuxu Tyhyhykỹ Heto riòre ikiemy ikorenykihyyle ramyhỹre, kia riteòsinykremy tikibo ratỹhinanyrenykremy.
\v 34 Kia rariamyhỹrenyreu, Deuxu Tyhyhykỹ biuwetyyura iratyarenyki ramyhỹre txu my.
\v 35 Heto riòre Brebuna rariamy ramyhỹreu, Moisesi myỹ rarybemyhỹre: “Deuxu Tyhyhykỹ, bexilàmadỹỹnyke kia aòludu mahãdu biuberanyke! Kia rexiwòrenykre ako ribi umy radònymyhỹrenyre!”
\v 36 Ikiemy Heto riòre Brebuna ruhumyhỹreu Moisesi myỹ rarybemyhỹre: “Deuxu Tyhyhykỹ, bodooseke matxikemy Israel iny mahãdu riòre rabròhòkỹki!”
\c 11
\s1 Iny mahãdu rajeijeirenyre taberá-ki
\p
\v 1 Kia aõsirasiramy sõemy rutỹỹnymyhỹreny òraruki, israelita mahãdu Deuxu Tyhyhykỹ ki ibinamy rahãmyhỹreny. Kia Deuxu iryberenyki ibinamy roholareu, kia reburere taita heòty ityrereny ritxiwire. Heòty ityareny risõre kiata itỹhinareny jurà rihure.
\v 2 Taita iny mahãdu rirajuarenyre, rexitòenymy ixihedỹỹrenymy Moisesi dee; tai Moisesi rexitòenyre Deuxu Tyhyhykỹ dee, kiata heòty rurire.
\v 3 Tai kua bede rininirenyre Tabera my, kiemy dori kuaki Deuxu Tyhyhykỹ risõrenyre iykyrenyki.
\rem dat Monday, August 27, 2001
\s1 Moisesi 70-my Wòhedỹỹdu Ritare
\v 4 Hãwã  witxira mahãdu rirahumy ròimyhỹrenyre israelita mahãdu wana. Tii boho broreniderò risamy roirenyremyhỹ , kia israelita mahãduhỹỹle rajeijeimy roirenyuremyh myỹ raryberenymy: Ebisoexe, txibo urihimyòmy brorenide ijõdikeki dò my!
\v 5 Egito ki iny boho utura riròmy roiremyhỹ ixideewimy, kia iòwyõmy. Kia bederade, aiu, cebola, rỹsỹ riwasareri!
\v 6 Ka tahe rexihurenyre inyrurureny. Aõ ijõdike aõkõre rarỹsỹkemy, kia aõma sohojilelemy iny boho dobimyhỹdenyde kaa maná my!
\rem dat 2001
\v 7 Maná heka bederaty riòre yja wesere iura my, urihimyòmy bisamadòbòmy.
\v 8-9 Tii heka rumy resemyhỹre, biunonoe wana. Rudiu tahe iny mahãdu riarimyhỹrenyre tatỹhinareny weruramy. Tii boho rimoenymyhỹrenyre yda risurusurunyhỹrenyre owodi, riheranymyhỹrenyre herana-di kiata paõ webesemy riwinymyhỹrenyre, kiata paõ azeite òlỹre-di relemyhỹre wesemy tỹnyre.
\v 10 Taita Moisesi iny mahãdu hi-ò  ibru-ò  roholare. Iny mahãdu tariòre boho wana rahinymyhỹreny robumyhỹreny tatỹhinareny ijò ròtenaki. Deuxu Tyhyhykỹ sõemy reburere. Kia Moisesi tule iwoxi roburobure
\v 11 kiata Deuxu Tyhyhykỹ dee rarybere: Aõherekibo aõhỹỹmy tiwasỹnymy wadireny atxite? Aõherekibo aõmysỹdỹỹ utxie wadee tewahinyte, kia ibutumy iny mahãdu-di warukikremy?
\v 12 -diarỹ aõkõ iny mahãdu rewinyrenyre kia loosona tamyreny ariwahinyke aõkõre kaa iny mmahãdu-ò! Aõherekibo wadee texitòenyte uladu tarukidu wesemy, kia wawyòki idireny aretyykremy uladu xõmo wesemy kia suu biwahinykremy terybete irioreriore bohoreny dee?
\v 13 Tiribibo-diarỹ brorenide txi areakre kaa iny mahãdu-ò  ariwanikremy? Tii boho ròirenyreri rahinyrenymy roburenymy wabireki kia tii boho riki brorenideõ riròrenykemyreri.
\v 14 -diarỹ sohoji iny mahãdureny-di araruki aõkõre; kia heka aõnityhylere wadee!
\v 15 Txibo kawesemy wadi matxikre wana, urile wadi bexiwobrunymy biwarubunyke! Txibo wamy teòarite wana, uritre waõhỹdỹỹmy wadinoõmyke kawesemy!
\v 16 Deuxu Tyhyhykỹ rirawyònyre Moisesi: Bibutunyke wadee 70-my hãbu sõe, kai teeryte wedu mahãdu deòdu, kia Israel iny mahãdu rityhynymyhỹrenyre; kia bidybenyke Heto riòre Brebuna-ò  kiata tii boho wana matxibenykre.
\v 17 Taita-diarỹ aresekre kia tai adee ararybekre, aritakremy watyytyby yreõ adee rewahinyre kia tamyreny ariwahinylekre, ka arawiòhenanyrenykremy aõmysỹ~ utxie ribi iny mahãdu-di tarukidu ribi. Kawesemy tahe kai ixi sohojimy biwinyõkre.
\v 18 Kata wiji iny mahãdu dee myỹ marybekre: Bexiywinybenyke alyralyrarenymy biurasòmy; kai boho brorenide biròbenykre. Deuxu Tyhyhykỹ ahireny-ò  aibrureny-ò roholara myỹ tahinytenyteri-ò  brorenimy teatenyterimy, kia Egito ki riki awimy toitenytemyhỹmy. Iurenana Deuxu Tyhyhykỹ adeereny brorenide rikwahinykre, kia kai boho tahe biròbenykre.
\v 19 Kia Txu sohojil aõkõ biròbenykre, inatxi txumy aõkõ, iruyre txumy aõkõ, dedò itue txumy aõkõ, waitue txumy aõkõ biròbenykre,
\v 20 kia ahãdu sohoji òbitimy biròbenykre, kiata adeàràrenydihikỹle ròhònyrenykre, Kia kai boho tahe tuu maybibenykre. Kiemy dori kai boho Deuxu Tyhyhykỹ ribi òtumy tekoatenyte Aykyrenyki ratxireri hãrele, kia texijeijeinytenyte, kia tiu riki Egito ribi bòdònydenykemy aõkõ.”
\v 21 Moisesi rarybere:-diarỹ redyrenyreri 600-my hãbu sõe kia kai tarybeteri bidiwahinykremy kaa iny mahãdu dee brorenide riròrenykremy ahãdu sohojimy?
\v 22 Tikibo tahe sõemy budoeni broreni sõe rỹireri rurukremy kia iny mahãdu awityhytyhymy rihydyrenykremy? Kia aõbo ibutumy utura berohokỹro my rỹireri ibutumy kaa iny mahãdu riròrenykre?
\v 23 Kiaremy Deuxu Tyhyhykỹ rirawyònyre Moisesi: Kia-diarỹ aõbo urihimyòmy aõbo waruru wabedeery-di watximyhỹre? Wijityhyle kai betehekre txibo aõmybo-diarỹ rarybera tuu rutỹỹnykre yda aõkõre aõbo.
\v 24 Taita Moisesi ròhònyre kia iny mahãdu ko relyyre aõmybo Deuxu Tyhyhykỹ tamy raryberamy. Tii ributunyrenyre 70 my wedu mahãdu deòdu, kiata Heto riòre Brebuna weruramy risỹnyrenyre.
\v 25 Tai Deuxu Tyhyhykỹ desede biuwetyyuraki kiata tamy rarybere. Deuxu Tyhyhykỹ tatyyby yreõ ritare kia Moisesi dee riwahinyre kia riwahinylere 70 my wedu mahãdu deòdureny-ò. Kia Deuxu Tyhyhykỹ tyytyby tamyreny nadeu, tii boho katxiterehekỹmy raryberenyre Deuxu rybe-di ijohoreny wesemy, kia tahe urihimyòle tuu ratxirenyre.
\v 26 Inatximy wedu deòdu tỹhinanakile rarirenyre kia ròirenyõlere Heto riòre Brebuna-ò. Sohoji Eldade inire, kia ijõta Medade inire. Deuxu Tyhyhykỹ tyytyby tamyreny nalede, kia tii boho Katxiterehekỹmy raryberenylerenyre Deuxu rybe-di ijohodureny weseherenymy.
\v 27 Taita sohoji Weryrybò rare raijaranymy relyykremy kua Eldade, Medade Deux u rybe-di rohonyrerimy tỹhinanaki.
\v 28 Tai Josue, Num riòre, jyre mahãduuhukỹle Moisesi wiòhedỹỹdumy raremyh~, kia aõtamaõkõ rarybere: Moisesi wawedu, uritre kua wesemy iwahidỹỹomyke!
\v 29 Moisesi rirawyònyre: Aõherekibo kai tahõtiyreteri wabededỹỹnanamy, tiubo-diarỹ tuu aratxike?-diarỹ rahõtinymyhỹre Deuxu Tyhyhykỹ tatyytyby riwahinykemy ibutumy iny mahãdureny-ò, kia risỹnyrenykemy Deuxu rybe-di ijohodumy!
\v 30 Irahudi Moisesi kia 70-my wedu deòdu Israel iny mahãdu ròòserenyre tatỹhinareny-ò.
\s1 Deuxu Riteònyre Codrnas
\v 31 Isitere ribile Deuxu Tyhyhykỹ-diteònyde yhy kia bero nihikỹ ribi nawii codorna-diwyde. Tii boho bede tỹhinana werura txi rejujumyhỹreny, kia ibutumy aõtxiaõtxile , kia 30 kilometro-my irehe sõe; kia suu ritòbònyrenyre sõemy, sohoji metro urihina rariemy. 
\v 32 Kawesemy ibutumy kua txuu, ibutu rumy kia ibutumy ijõ txumy iny mahãdu raõmysỹdỹỹrenyre codorna riarirenymy; inyõ mili utxieòki ributunyõhyyre. Kia codorna nawii riuberanyrenyre raderuburenykremy.
\v 33 Kia sõemy nawiide ijõdimy rỹimyh~u rarokremy, Deuxu Tyhyhykỹ reburere iny mahãdu dee kia webinadu binahãkỹ-di rirarytxynyrenyre, kia sõemy iny mahãdu rururenyre.
\v 34 Iurenana kua bede rininirenyre Quibrote Ataavá my, aõmamy riki turybe “Hãluura ijarana” kiemy tai iny mahãdu ratuurenyre kia iny mahãdu brorenideròmy sõemy rekoarenyre.
\v 35 Irahudi israelita mahãdu ròirenyre Hazerote òhòkỹle kia ibedeki ratỹhinanyrenyre.
\c 12
\p
\v 1 Moisesi hãwyymy roire Etiopia hãwã  hãwyy ludu wana, kia Mirian Araõ wana tai ibinamy rahãmyh~reny iòraruki.
\v 2 Tii boho raryberenyre: Kia Deuxu Tyhyhykỹ aõbo Moisesi ribi sohojile aõbo rarybere? Kia aõbo iny ribireny rarybeõlere aõbo? Kia Deuxu Tyhyhykỹ roholare aõmybo raryberenyre-ò.
\v 3 Moisesi heka hãbu tỹỹõmy irybeõmy nodu rare, kia heka tii sohojile irybeõmy tỹỹõmy nodure bede bede hãwã  hãwã  ribe.)
\v 4 Kia iòhòtyhylemy Deuxu Tyhyhykỹ rarybere Moisesi dee, Araõ dee kia Mirian dee: Kai boho iny inataõ boho, bòibenykre Heto riòre Brebuna-ò. Ti boho ròirenyre,
\v 5 kia Deuxu Tyhyhykỹ desede biuwetyyuraheki, kiata Heto riòre Brebuna ijò ròtenaki rỹimyhỹ. Irahudita Araõ dee, Mirian dee ryryrenyre kia tii boho rehemynyrenyreu,
\v 6 Deuxu rarybere: Ka tahe boholabenykre aõmybo ararybekre-ò. Tiu warybe-di ijohodu akyrenydi ijõdikreu,-diarỹ tamyreny arehemynykre waykymy wadireny retehekre, kia tamyreny ararybekre rasi ribi.
\v 7 Ka wadeòdu Moisesi wana tahe iwitxirare, kiemy dori,-diarỹ tuu resỹnyre idireny tarukikremy.
\v 8 kia heka-diarỹ tii wana widee rarybemyhỹ wiòsỹny òsỹnymy txuu iyhyõmy, kia aõ-ò  urihina ribi aõkõ tii wana widee rarybemyhỹre; tii wamy robire timybo waumy-di watximyhỹremy! Timybo tahe kai boho tai ibinamy tahãtenyteri wadeòdu Moisesi ki?
\v 9 Tai Tyhyhykỹ rare sõemy tamyreny iky reamy.
\v 10 Kawesemy Deuxu Tyhyhykỹ ròhònyreu, biuwetyyura Heto riòre Brebuna ratyyki roimyhỹ ribi riõre. Kia ityhylemy Mirian desityy yjy bina urahãkỹ rimyre, kia iurahãkỹmy relere biu nonoe ura wesemy. Araõ retehere Mirian dee kia inatyhymy tuu robire yjy bina urahãkỹ ide ribinanyrerimy.
\v 11 Tai Araõ rarybere Moisesi dee: Aõkerỹbo, wedu,-diarỹ adee rexitòenyreri uritre aõhỹỹmy wasỹdỹỹrenyõmykre, waòrarureny òraruki tuu waitxỹterenymy rewinyrenyre.
\v 12 Uritre Mirian iwahidỹỹõmykre kia weikõno iumykre binahãksỹ my ruamyhỹre wesemy.
\v 13 Taita Moisesi raòranyre myỹ rexitòenymy Deuxu Tyhyhykdee: Deuxu Tyhyhykỹ,-diarỹ adee arexitòenykre biteytenykremy Mirian!
\v 14 Kia Deuxu Tyhyhykỹ rirawyònyre Moisesi: Txibo Mirian iòsỹnytxi rarybexinykeki, tii rexilàhàlàhànymy ratxike debò inatxi txu sõemy. Taita tii rateòdỹỹkre tỹhinana bede ribi, kiata ahãnaki bede riekre debò inatxi txu sõemy; irahudi tahe ixyby odoosekre.
\v 15 Kawesemy tahe Mirian debò inatxi txu sõemy tỹhinana webròki bede riere. Kia iny mahãdu ròirenyõhyyrenyre tii ixyby tỹhinana-ò nadyõdeki.
\v 16 Irahudita, iny mahu ròirenyre Hazerote ribi kiata ratỹhinanyrenyre Parã bederoki.
\c 13
\s1 Itxeredu Mahãdu
\p
\v 1 Deuxu Tyhyhykỹ rarybere Moisesi dee:
\v 2 Biteònybenyke hãbu mahãduõ Kanaã su-di reteherenykremy, kia suu-diarỹ ariwahinykre israelita mahãdu-ò. Iny mahãdu mahãdu ribi sohoji sohoji my hãbuõ bitake idinodurenymy ratxikremy.
\v 3 Parã bedero ribi Moisesi riteònyrenyre itxeredu mahãdu, Deuxu Tyhyhykỹ rybe mynamynamy. Ibutumy tii boho wedulehekỹreny rare Israel iny mahãdu ijoi ijoireny weseu.
\v 4-15 Ka boho heka inirenyre:
\tr
\th1 INY IJOI 
\th2 WEDU
\tr
\tc1 Rúben 
\tc2 Samua, Zacur riòre
\tr
\tc1 Simeaõ 
\tc2 Safate, Hori riòre
\tr
\tc1 Judá 
\tc2 Calebe, Jefoné riòre
\tr
\tc1 Issacar 
\tc2 Igal, José riòre
\tr
\tc1 Efraĩ 
\tc2 Osea, Num riòre
\tr
\tc1 Benjamin 
\tc2 Palti, Rafu riòre
\tr
\tc1 Zebulom 
\tc2 Gadiel, Sodi riòre
\tr
\tc1 Manassés 
\tc2 Gadi, Susi riòre
\tr
\tc1 Dã 
\tc2 Amiel, Gamali riòre
\tr
\tc1 Asser 
\tc2 Setur, Micael riòre
\tr
\tc1 Natali 
\tc2 Nabi, ofsi ròre
\tr
\tc1 Gade 
\tc2 Geuel, Maqui riòre
\v 16 ka boho heka hãbu mahãdunirenyre kia Moisesi riteònyrenyre su-di itxeredurenymy. Tii riwiurònyre Oséi ni, Num riòre, Josue-ò.
\v 17 Kia Moisesi riteònyrenyreu Kanaã su-di itxererenymy, myỹ ka mahãdureny-ò  rarybere: Bòibenyke bede iraru weribidi hãwãlò-di maòwònybenyke.
\v 18 Betehewibenyke tibo suu raremy. Kia betehelebenykre txibo iny mahãdu tai rahãwanyrenyreri inihikỹrenyre aõbo yda iyjarenyre aõbo, txibo sõerenyre aõbo yda ibuterenyre aõbo.
\rem dat 2001
\v 19-20 Betehebenyke txibo suu tai kaa iny mahãdu rasỹnyrenyre awire aõbo yda ibinare aõbo, txibo ihãwareny aõbo uhuari ijõdire yda aõkõre aõbo. Kia betehebenyleke suu awirerimy aõbo, kia awire aõbo alòbrònaki yda aõkõre aõbo. Betehebenyke ijõdire aõbo bederahy. Beburebenyke kiata su ribi bederatyõ bidiwybedenyke. kia aomamy bede rỹimyhỹ kodelemy bederatysò (uva) redenamy
\v 21 Kawesemy tahe hãbu mahãdu ròhònyrenyre reteherenyre su-di Zim bedero ribi Reobe òhòkỹle, Hamate òtur‘òsòna bireki.
\v 22 Tii boho raòwònyrenyre iraru bede ribi kiata Hebrom òhòkỹle ròirenyre. Ibedeki ratximyhỹreny Aimã, Sesai kia Talmai, kia heka Anaquins rioreriore boho ninihikỹ roirenyre. Hebrom heka rexiwinyrenyre debò inataõ wyramy Zã koki Egito ki.
\v 23 Irahudi tahe rehemynyrenyre Escol bijiu-ò  kia ibedeki uvalò rikròrenyre, kia inatxi hãbu hojurehe-di idi retyymy ròirenyre. Tii boho rimylerenyre romãs kia figos.
\v 24 Tii boho kua bede rininirenyre Escol bijiu my, kia uvalò tii boho tai rikròrenyre òraruki.
\v 25 Irahudi su-di 40 txumy reteherenyre sỹtybymy,
\v 26 Tii boho ròòserenyre Gade-ò, Parã bedero-ò, tai ibedeki Moisesi , Araõ kia ibutumy Israel iny mahãdu ratximyhỹreki. Kia ikoreny relyyre kia ibutumy iny mahãdu koreny relyyrenyre aõmybo robirenyremy kia bederaty su bede ribi-diwyde tamyreny riteòsinyrenyre.
\v 27 Tii boho raryberenyre Moisesi dee:-diarỹ boho ròirenyre tibede suòbo tiwateònytenyte-ò. Inatyhymy tii awire ityhy iaõdire, betehe aõboini kaa bederaty-ò.
\v 28 Ka ibederenyki hãwãdu tahe inihikỹrenyre, kia ihãwareny inihikỹre iuhuaridimy. Ka ihãremy Hãbu nihikỹmy tai rabirenyre.
\v 29 Kia Amalequita mahãdu iraru weribi su ki rahãwanyrenyre. Ka Heteu mahãdu, Jebuseu mahãdu kia Amorreu mahãdu hãwãlò ki rahãwanyrenyre. Cananeu mahãdu tahe Mediterrâneo beròhòkỹ bireki rahãwanyrenyre Jordaõ bero weijàtiki.
\v 30 Tai iny  mahãdu rexijeijeinyrenyre Moisesi òludumy, ka Calebe tahe rirybe kokròrenyre kia tamyreny rarybere: Wijityhyle rikihurenykre kua iny mahãdu, iny boho heka inihikỹrenyre kiata rikimyrenykre!
\v 31 Kiaremy ijõ mahãdu iherenymy ròirenyre raryberenyre: Kõre. Iny boho kua iny mahãdu rikirubunyrenyke aõkõre, kiemy dori tii boho inihikỹrenyre inyratyrereny.
\v 32 Kawesemy tahe rybe òbiti aõkõ roberare israelita mahãdu ykymy, kua su-di itxere rỹiremy. Tii boho raryberenyre: Kua suu heka sõemy aõkõ aõwi alòbrònadi rỹimyhỹre kia tai sỹdureny riòenyrenykremy. Hãbu my iny boho kuaki robirenyre heka irarierenyre.
\v 33 Kia iny boho robilerenyre hãbu nihikỹmy, Anake riorerioremy. Ityyrenyki iny boho ixidi rõhõtinymyhỹreny iyjalemy sei wesele; kia tamyreny tule iny boho sei wesele ratxirenyre.
\rem dat 2001
\c 14
\p
\v 1 Taita, kua bede ruu ibutumy iny mahãdu rirajuarenyre rasỹbinarenyre.
\v 2 Kia ibutumy israelita mahãdu bedejeijei riwinyrenyre Moisesi kia Araõ òludumy kia myỹ raryberenyre: Egito ki heka iny boho awimy rururenyõrenyre yda ka bederokile!
\v 3 Aõherekibibo ka su-ò  Deuxu Tyhyhykỹ iny boho-didydenyde? Iny boho heka rukururenykre wounaki, kia iny hãwyyreny iny riòrereny rabrejurenykre. Kiale heka awimy Egito-ò  ròkòòserenykele heka awire!
\v 4 Kia widee wideereny rarybemyhỹreny: Iwitxiramy inydinodurenymy weduõ rikitarenykre kiata Egito-ò  ròkòòserenykre!
\v 5 Taita Moisesi kia Araõ tatiòhumy reserenyre kia su-ò  taòsynyreny ritidirenyre kia ibutumy iny mahãdyreny koki.
\v 6 Kia Josue, Num riòre, kia Calebe, Jefone riòre, iny inatxi wedu sudi reteherenyre, kia tatyyreny ritxuatxuarenyre bederyry deòsinarenymy
\v 7 kia iny mahãdureny-ò  raryberenyre: Kia sudi itxeremy ròirenyre heka sõemy awityhyre.
\v 8 Txibo Deuxu Tyhyhykỹ iny boho riwiòhenanyrenykeki, tii riwahinyke iny boho tamy rykalòrenykemy kia tii inydeereny kua su kidiwahinyke, suu awi iaõdi ityhy.
\v 9 Kiaremy uritre bede binabina widỹỹrenyõmy Deuxu Tyhyhykỹ òludumy kia uritre breburenyõmy iny mahãdureny kua su ludureny. Iny boho heka ròkòtarenykre irutaõtyhyle. Deuxu Tyhyhykỹ heka iny wanareny ratxireri kia ikỹnyxiwerenymy rahỹỹnanyre iitxedureny. Kiaremyta uritre breburenyõmy.
\v 10 Kia ihãremy iny mahãdu mana-di rirubunyrenykremy rekoarenyre, kia isitere ribile, ibutumy Deuxu Tyhyhykỹ aõwiwimy robirenyre Heto riòre ratyaki.
\s1 Moisesi Rexitòenyre Iny Mahãdu Dee Tòemy
\v 11 Deuxu Tyhyhykỹ rarybere Moisesi dee: Tiubo tahe iny mahãdu riwaijerenykre? Tiubo tahe riwatyhynyrenkre, kia-diarỹ heka sõemy bedeòtiidỹỹnana tamyreny rewinyre?
\v 12 Kia binana ariteònykre rihurenykremy, kiaremy ariwinykre arioreriorereny iny mahãdu sõemy kia inihikỹrenymy iribireny.
\v 13 Ka Moisesi tahe rirawyònyre Deuxu Tyhyhykỹ. Kia aruruterehekỹ-di kaa iny mahãdadu taditatenyte Elgito ribi. Kia tiu egípcio mahãdu bede rieryrenykreu aõbo ka iny mahãdu deereny biwinykremy,
\v 14 Tii boho relyyrenykre ka su mahãdu hãwãdureny-ò. Tii boho rieryrenyre kai Deuxu Tyhyhykỹ wawanareny atxiterimy, kia tuu itỹnymy robirenyre tiu biuwetyyra ruhumy roimyhỹreu waratyarenyki. Kia rierylemyhỹrenyre wakorenymy ramyhỹremy biuwetyyura txumy, kia biuwetyyura roosòmy rumy.
\v 15 Txibo aijoi mahãdureny birubunykre wana, kia iwitxira iny mahãdu roholarenyre anidehedehe-ò  kiamy raryberenykre
\v 16 kia rirubunyre taijoireny bederoki, aõherekibo ridyrenyõre kua suu tamyreny riwahinykremy rarybere-ò.
\v 17 Ka tahe Deuxu Tyhyhykỹ adee rexitòenyreri aruruterehekỹ biteòsinykremy kia tuu biwinyke tiu tarybetemy:
\v 18 “Diarỹ Deuxu Tyhyhykỹ sõemy aõ reraòmyhỹre kia sõemy wawobru nihikỹ ijõdire;-diarỹ reixawidinyre aõbinabina kia òraruna, kiaremyta iròrarudu bede rieryõmy idi aratxiõkre.-diarỹ ariwinykre tyby rarytxyna òraru ariatykre irioreriorereny tyre, kia irioreriorereny ehetxina tyrerenyle.”
\v 19 Ka tahe-diarỹ adee arexitòenykre, biixawidỹỹnykremy ka iny mahãdu òrarunareny, kia awobru nihikỹ mynamyna-di, kia tuu tewinyte wesemy Egito ribi kaòhòkỹle.
\v 20 Deuxu Tyhyhykỹ rarybere: Kia tuu texitòenyteri urenana-diarỹ ariixawidỹỹnykre.
\v 21 Ka wabededỹỹnana kia waruki awityhymy ibutumy suu tỹximy roikre, inatyhymy tuu ararybekre
\v 22 tiu kaa hãbu mahãdu inymy ratxirenyke ihoõre kua su-ò  ralòrenykremy. Tii boho waõwiwihikỹmy wabedeòtiina rewinyremy robirenyre Egito ki bedero ki rewinyremy. Kiaremy debò itue sõemy wabedeòtiina reteòsinyre waywiywi kia watyhydỹỹderarenylemy rekoarenyre.
\v 23 Tii boho ralòrenyõtyhyreny su-ò  ariwahinykremy rarybere irioreriorereny dee. Kia waderamy rekoarenyre boho robirenyõtyhy kua su my.
\v 24 Ka wadeòdu Calebe tahe ityytyby iwitxirare kia ikiemy riwatyhynyhyylemy wadi ratximyhỹre. Kiaremy-diarỹ rewinyre tii kua su-di rethekremy, kia irioreriore bohoreny tahe kua su-di rasỹnymy roirenyrekre.
\v 25 Ka amalequita boho kia cananeu boho tahe ibijiu weijàtiki rasỹnymy ratxirenyreri; kiaremyta, biurasòmy bòòsebenykre kiata bedero-ò  bòibenykre, kia golfo Ácaba mynareny-di.
\s1 Deuxu rahurenyre
\rem dat 2017
\v 26 Iòlò wedu tahe rarybere Moises Araõ boho-ò:
\v 27 —Israelita mahãdu rybe-ò tahe raholareri, irybereny binabina-ò ijohonahe riwaojinyreri, iximy rybena-ò hyky adoholamyhỹde aõherekibo?
\v 28 Tamyreny myy marybekre: Inatyhytyhymy waumy ribi aixitòedỹỹnareny adeereny ariwahinykre. Jiarỹ, Iòlò wedu nihikỹ tuu rarybereri.
\v 29 Kaiboho heka atuebenykre, arubureny tahe suynyra lemy rỹirakre roberamy. Wamy dori tarybetenyte, tai tahe kaiboho mobo waituemy awynareny abeòrareny ỹda iratyremy aõbo kua suò heka birònyõtyhy.
\v 30 Juhu bedeu tahe ariwahinykremyre adeereny, wiji tahe kaiboho-õ kua suò birònyõtyhy, Kalebele timy tyhybo Jetone riòre, Josue, Num riòre.
\v 31 Ariòrereny ròtenamy tebrunytenyte, suderamy tekoate-ò arirereny mahãdu aridàkre, tii tahe ihãwarenymykre.
\v 32 Kaiboho tahe atuebenykre, arubureny tahe kasuynyraki-le rỹirakre.
\v 33 Ariòrereny mahãdu tahe 40 beòramy wyramy kaki ririranykre. Kaiboho dorihe teòsatenyte, taiki tahe tiiboho riòwynyrenykre, abrereny mahãdu-di tahe iowodỹỹna rexihukre.
\v 34 Aõ òtaòtareny òraruki kaiboho maõsirabenykre 40 beòramy wyra sõemy, 40 txumy sudi tetehetenyte wesemy, sohoji txuu sohoji wyra, beòramykre. Biwaerybenykremy jiarỹ mobo raremy.
\v 35 Butumy tahe mobo wamy rybedu mahãdu-ò tuu ariwinykre: butumy tahe kaiboho bexihubenykre butumy arahurenykre kasu ynyra-ki. Jiarỹ, Iòlò wedu, tuu rarybere.
\v 36-37 Moises tahe hãbu mahãdu riteònyre suu-di retehekremy,-diòkesedeu tahe ijyy binadile wahimy. Moises lemy tahe (raujmorenyre) ijoi mahãdu tuu ibinamy rarybekemy. Tai tahe Iòlò reburere binabina tahe rilawere, butumy tahe rexihurenyre.
\v 38 Waò inatxi reuròmy hãbu mahãdu rirahure su-ò itxeremy, Josue Kabele-my bohole heka rihenyre. Israelita mahãdu rexihure.
\v 39 Israelita mahãdu tahe sõemy rabedeworenyre Moises Iòlò rybemy relyyreu.
\v 40 Rudihikỹ tahe, hãwãlò rawo-ò rirònyre. Myheka raryberenyre. — Katahe inatyhymy ijoi rakre Iòlò suu riwahinyre-ò. Inatyhymy heka, inyboho reòsarenyre.
\v 41 Moises rirawyònyrenyre: — Aõherekibo tahe (rkeki), Iòlò rybe tesiranytenyteri? Aworeny heka rexieryke.
\v 42 hãwãlò rawotyhy-txi ròterenyõmybenykre. Iòlò dori awanareny aõkõ ratxireri, aòludureny tahe arahurenykre.
\v 43 Amalekita Kananeu mahãdu heka araraòrenyreri awanareny raõbinanykremy arahurenykremy. Iòlò awanareny aõkõ ratxikre. Kaiboho dorihe teratenyte.
\v 44 Ihãrele tahe israelita mahãdu nohõtiõlemy hãwãlò rawo-txi taròte rahure, Iòlò xiwena, Moises iherenymy rake aõkõ.
\v 45 Amalekita Kananeu mahãdu hãwãlò rawomy rasỹny rỹira, sõemy tahe mahãdumy raòheterenyre, ihemy rekoare Horma hãwã òhòkỹle.
\rem dat 2001
\rem c15; 16:1- 26 added from  Mawysi but needs to  change to old orth
\rem RASCUNHO
\c 15
\s1 Xiwe bdedȳȳnanamy rybe
\p
\v 1 kia tahe Deùxo Moisesi-ò riwahinyre
\v 2 kiamay tamy ririre rityhynykremy-diubo Ihaelita mahãdu ralokre bdeu suỹ tamyreny iwahikre.
\v 3 Sohoji touruõ, sohoji-my carneiroõ, tùle budoeniõ sohojimy, tùle cabritù sohoji-my waha-ò rateòsikre ixiwena tai tahe butùmy ròòkre, yda ijõ xiwe rȳira aõbo, kia idi rexiòwynykremy tiiemy tarybe tùù ririre, ȳda ijõõ xiwe rȳira aõbo tawòrbile raõmyhȳre, ȳda ijõ xiwe rȳira aõbo kia itxudimy rawahimyhȳre aõbo  wourana-bdehesi-ù. Kaa xiwena heka tȳnyre awiresò iny tbyreny-ò.
\v 4-5 tamy biteosinybenykre sohoji budoeni-õ, ȳda cabritu aõbo ixiwenamy, tai tahe butumy taiki rykòkre, tule kia ynawykre iròdu-iròdu wna, sohoji utxiemy, kia ȳnyde ruxymo-wna tahe riurinymy, sohoji litru-my, tule adȳȳ litru iruyremy sõwe, tasȳ, tule, sohoji litrumy mona-besòõ.
\v 6 Sohoji-sohoji-my kaneiru rawahikre, tule rateosikre sohoji Cerea-õ-xiwemy, tule ihare ȳnyde rusymo inatxi utxie, tule adȳȳ litru-wna raurimy, tule kia awykre sohoji
\v 7 litrumy, tule monabesò-õ awikre. Kaa xiwena rȳire sõwemy tȳnyre awire wahadee.
\v 8 Tiubo kaiboho touru tmyra axiwemy biwahinybenyke-u kia butumy rykòkre, tamy axiwe biwymy biteosinymy erina-ò, tule axiwe biwymy tai awimy matximy mabekre,
\v 9 tule biteosinymy touru xiwenamy kia ȳnyde ruxymo-wna raurimy kia litru sohojimy tule inaubiòwamy sõwe biwanykre azeitona
\v 10 tule biwahinykre sohoji litrumy tule inabiòwamy monabeso. Kaa heka xiwe sõwere tȳnyre iny tbyreny-ò heka awire.
\v 11 kawysemy tahe butumy relemy rarekre kia touru boho, kia kaneru boho, kia Budoeni boho, tule kabritu boho.
\v 12 Tiubo tahe rawahikreu irodu sõwe ratyre, kaa xiwe rarei ihemy butumy tai tahe rasõwekre kia iròdu heki.
\v 13 Butu Ihaelita mahãdu riwinykre xiwemy tarȳsȳnareny kdiwykre, tii tahe sõwemy tnyrere rȳsȳna tule awire waha-ò.
\v 14 kaa iwitxira mahãdu rȳikeki hãwã-my akireny, elele hãwãmy, ijõ hãwãkȳmy, tai riwinyrenykre tùle awysereny kia xiwe, tiubo rexideòsinyreny-bdekreu Deuxo-ò, kaa rȳsȳna-xiwe-lȳnȳre sõwemy awire waha-ò.
\v 15 kaa xiwe bdedȳȳna-my rybe rare adeereny, tule ariore boho-ò, tule ariokoreboho-ò kia tahe ikiemy arekre, tule ixyju-ixyju witxira-ò. Taita kiale xiwe Deuxo-kòmy rauhemy rarekre tule adeereny, tule iwitxira ixyju mahãdu-ò.
\v 16 kia xiwe, rybe, tbyle arekre adeereny tasȳ tu tamyreny.
\v 17 Deuxo rybe ririre Mosesio,
\v 18 atyhykremy, tiubo Ihaelita hãwãò ralòkre-bde-ù tai tamyreny Suu riõkremy.
\v 19 Tiu rȳsȳna birȳsȳbeny-wna Suu riwahinymyhȳre, taita ijõ irbi bitatenymy xiwenamy Iny tbyreni-ò.
\v 20 kaiboho pão biwinybeny-wna, kòmy ȳnȳde tmyra-di relemy pão tule rateòsikre Deuxo xiwemy.
\v 21 kai ariokoreboho-wna biwahikre Iny tmy-ò kaa pão-xiwe iywidyy-my.
\v 22 Aõhe wna tahe iny rieryõmy reòsake kia Deuxo rybe bdeȳȳdȳȳna kia Mosesi-ò ririre.
\v 23 Deuxo tarybe bdedȳȳnana riwahinyre-bdeu kia Mosesi-ò, tule butumy kia wijina rȳikre, tai kiamy relekre:
\v 24 kaa ijõ Deùxo rybe bdeȳȳnana rbi reòsakre-ki riwykre touro-tmyra riteòsiny-kre-my ilemy rykòkre xiwe tahe sõwemy tnȳre awimy waha-dee. Tule cerea, tule monabesò. Tule budoeni awykre xiwemy kia aõbina-bina risyhòmy, ritamy.
\v 25 Sacerdote tahe riteòsinyre taxiwe Ihael mahãdu werbi idi taijoi òrarùna binabina risohòmy, ritakemy, tai awimy roirekemy, juhu tyhy heka rirònyre ibinabina-txi, tai wiji riwahinyrenyre, xiwe Deuxoò, ritakremy aõbinabina tule  riwahinyre rȳsȳna-xiwe.
\v 26 Butummy Ihaelita mahãdu, tule iwitxira hãwãmy rȳira butumy kia rexideòsinyrenykre, kia tùtyhyki aõkõ tahe reòsarenyre.
\v 27 Iny-õ tahe reòsakre rieryõmy tai tahe cabra-xiwe riwahinykre sohoji wyra my-nõdu kia ibinabina ritakremy.
\v 28 kia Sacerdotxi xiwe riteòsinykre taxiwereny xiwena-ki kia tòena òrysymy tai tahe ritakremy, mobo ibina riwinyre rierykõmy tai tahe tkiboho òraùna rasuhòkre.
\v 29 kia bdedȳȳnanale bùtùò rȳimy rarekre mobo ibina riwinkreò tule Ihaelita mahãdu-ò tule ijõ umyremy rȳira hãwãmy.
\v 30 Kaa mobo tutyhy-lemy òrarunahkȳ riwinykre-ki: tule Ihélita mahãdu aõbo tule ijõ mahãwadu rȳira kia hãwã-ki riwahinykre xiwe waha-ò. Iharemy kaa iny rùrùkre,
\v 31 dkiemy Deuso rybe deramy reare tùle kia rityhynykõre ixideewilemy. Taitahe tkile tarùbù òrarukre.
\s1 Habù-rki Sabadù rityhynyõre
\v 32 Ihaelita mahãdu tahe hãbu-txi reare sabadu-txuu hee riarireimy.
\v 33 kia tuu robire mahãdu tahe hãbu ridyrenyre Moisesio, Arão bohodee.
\v 34 irahudi rtidire kia hãbu mahãdu riekremy, tkiemy rieryreõ aõbo relekre tamy.
\v 35 Deuxo tahe rarybere Moisesi-ò: — kaa heka hãbù rurukre: butumy hãbu mahãdu rirubunykre mynadi kia hawa-rbi rirehemy!
\v 36 Deuxo tuu tamy raybere mynamy Moisesiò, tai tahe hãbu ridyrenyre irehemy hãwã-rbi tai tahe mynadi riwemy rirbùnyrenyre.
\s1 Ityyreny xiwedena
\v 37 Deuxo kiamy rarybere Mosisei-ò:
\v 38 Marybekre Ihaelita mahãduò tule iriòkòre mahãdu kia ritidikremy tatyky xiwedena-õ tatyky konana-txi; kaa tytyky xiwedena-txi tahe rerùti tȳre bididikre.
\v 39 Kaa tyky xiwedenamy bòbinwna taitahe tule Deuxo bdeȳȳnana-txi nõhõti reamy.  Tule ratyhymy, urityre kia ityhydȳȳkõmy tulé aùmy-rbi bùtumy bityhyny tule aruwe-rbi.
\v 40 kaa tyky-xiwedena tai kaiboho õhõtireny reakremy Deuxo rybé bdedȳȳnana-txi tule iheki mabekremy.
\v 41 -diarȳ-diarȳhe rare aratere kia Egitu-rbi ararekremy adirény.-diaryhe aDeuxoreny rare.
\s1 Reburere kora, Data e Abirão
\c 16
\p
\v 1-2 \f + \ft s kora  \f* , Isar riòre rare, levita ijõi, kia tahe rebùrere Mosesiò wna. Tai tii inataõ hãbu wna rexibùtunyre iwitxira mahãdu hãwã-wna kia Rùbe mahãdu ijõi wna. Eliabe riore roire kiamy inirény Datã, Abirão; ijõ kia inire Om, Pelete riore. Kora tahe taijò sõwemy ixyby riwinyre iijõi tahe tuu ritare.
\v 3 Tai tahe butumy roire rybemy Mosesiò tule Arão kiamy raryberenyre: Wiji he rexirara! Butumy kamy rȳira Deuxo rityhynymyhȳre, tule ratximyhȳre Deuxo taireny. Aõhere-kiboho tahe kai biwedunykemy tuu ixidi atximyhȳte?
\v 4 Moisei roholareù, kia runyre tadiòhumy taòsyny suò ritidimy
\v 5 kiamy rarybere Kora-ò tule butumy ihemy rȳiraò: — Biurasò rudiù Deuxo riteòsinykré mobo tai ratxireri tule mobo rihitxinyre ixirbi. Deuxo riwinykre tule rehemynykremy taxiwenaò mobo taijoi-my ritare mahãdu.
\v 6-7 Biurasò rudiu kaiboho butumy bimybekre aheòtyreny sona, bitidibenykre isona kia tahe biwibénykre xiwenaò.Tai tahe raerykre mobo Deuxo werbi-ki ratximyhȳre. Ixawi tahe wiji, levita!
\v 8 Mosesi kiamy rarybere Kora-ò: — wiji bdoholake, levita!
\v 9 Ihael Deuxo iuhe mahãdu ihitxinyre ixityyò taiki tamy raõmysȳdȳȳnykre-my Deuxo xewena heto-ki tai xiwe riwinyhȳkremy ixȳ mahãdu tòenamy. Kaa aõbo he adee aõkõlere
\v 10 Deuxo adee riwahinyre butumy levitas mahãdu, katahe kaiboho wiji sacerdotximy tule matxibenykemyreri?
\v 11 Araõmy ibinamy tarybe-wna, obiti tyhy Deuxo-dee akyreny reareri kai aijõi mahãdu wna.
\v 12 Moisesio rarariòryre Datãò, Abirão, Eliabe riòreò, urile taryberemy riwahinyre rybe-di ijradu-ò: —-diarȳ boho aròiõkre!
\v 13 Adee aõbohe aõkyhykyre kai tiwatatenyte Suu wihikȳ-rbi wahy-ni tai arùrùrenyre bdetytihkȳ-kyki? Iharetyhy tahe wadireny atxikemyteri?
\v 14 Obitityhy tadiwadytenyõte Suu awiõò, oworuna, alòbròna biwahinke aõkõ kia Uva bdeõ wahõrõrenykemy; iharemy biwabòny-benyke-myreri.-diarȳ boho aròiõkre!
\v 15 Taita Moisesi sõwemy rebùrere tahe rarybere Deuxo-ò:  — Uritre hãbu mahãdu xiweò deòbykõmy.-diarȳ dorihe tiu ibina rewinyõre tamyreny, tule jumentu retakõre!
\v 16 Mosesi rarybere Kora-ò: — Biurasòmy kai tule hãbu mahãdu bdòikre xiwena heto-ò. Araõ tule tai ratxikre.
\v 17 kaiboho bimybenykre aheòtynarény sona, irahudi biditikre kia iworona kia biwykre xiwena-ò.
\v 18 Hãbu mahãdu rimyre kia heòty wòróna, ritidimy kia riwòròny, butumy Tenda ròtenamy rȳire Mosesi, Araõ boho wna.
\v 19 kora butumy hãwãdu mahãdu ributynyre, kia rȳire Mosesi dee Tenda ròtena koki. Tamyòle tahe Deuxo ryyre
\v 20 kiamy rarybere Mosesiò tule Araõ:
\v 21 — Bòhònybenyke kiamahãdu rbi, tkiemy aruhenykre wijityhyle .
\v 22 Mosesi Araão wna tadiòhymy resemy tule Suò taòsynyreny ritidimy kia raryberenyre: — Wadeuxo, butudee biwahinke umy tamyreny. Iny sohoji òrarùkile aõbohe tamyreny raky reareri?
\v 23 Deuxo rirawyònyre Mosesi-ò:
\v 24 — Marybekre butumy ròhònykremy Kora Tenda-my rȳireri-rbi, Datã tule Abirão,
\v 25 Tai tahe Mosesi ròhònyre taijoi mahãdu wna, rare tikibò Datã tule Abirão ratxireriò.
\v 26 Mosesi rarybere ijxy-ò: — Bexiebénykré kia iny bina rȳira rbi, uritre derexiõmy iaõnarény-ò; uritre bùrú boibeheny, iãobinareny òraruki.
\v 27 Tiata iny mahãdu rexilòhòrarienyrenyre Corá tỹhinanawo ribi, Datã kia Abiraõ. Datã kia Abiraõ ròhònyrenyre kiata tatỹhinareny ròtenaki ratximyhỹreny, tahãwyy boho wana tariòre boho wana.
\v 28 Taita Moisesi iny mahãdu-ò  rarybere:-diarỹ adeereny ararybekre bierybenykremy kia-diarỹ aõkõ tuu ariwinykremy kaa ibutumy. Kaa ibutumy rewinyra kiemy dori Deuxu Tyhyhykỹ tuu rarybereki.
\v 29 Txibo kaa hãbu mahãdu rubu òbitimy rururenykre wana iwese ijõ mahãdu wesemy, Deuxu Tyhyhykỹ rarytxynaõmy, taita Deuxu wadee-diwahinyõde.
\v 30 Ka txibo tii riwinykremy wana tuu relemyhỹre ribiòtumy, kia txibo suu rexiarynykre wana kia iny mahãdu rirỹsỹkremy kia ibutumy iaõnaõna wanareny, kia tii boho irurenymy reserenykre rubu mahãdu bededỹỹnanareny-ò, kai boho bierybenykre kaa hãbu mahãdu Deuxu Tyhyhykỹ deramy rekoarenyre.
\v 31 Kia tuu rytỹỹnyre, kaa Moisesi tarybe rahureule, suu rarayhykỹmy reare iraworenyki,
\v 32 kia rir~sỹrenyre ihãwyy boho wana iriòre boho wana, kia ibutumy Corá heludu mahãdureny kia ibutumy iaõnaõnareny wana.
\v 33 Kasewesemy tahe rejujurenyre irurenymy rubu mahãdu bedeỹỹnana-ò, tii boho ibutumy taaõnaõnareny wnan. Kia suu rihetynyrenyre, kia tii boho tahe riõrenyre.
\v 34 Kia iiràreny-ò  roholarenyreu, kia ibutumy israelita mahãdu ròhònyrenyre ijaramy kia rirajuarenymy: Suu iny boho rirỹsỹlerenykre!
\v 35 Taita Deuxu Tyhyhykỹ heòty-dideònyde kia 250 hãbu sõe rirubunyre kia xiwena òwòru ibru riwahinyrenyre.
\s1 Òwòru Ibru Worodỹỹdu Mahãdu
\v 36 Taita Deuxu Tyhyhykỹ rarybere Moisesi dee:
\v 37 Marybele Eliaza dee, Araõ Deuxu Rybe-di Ijohodu riòre. Kia rimyrenykremy òwòru ibru sõna deòreny kia ityaki rohenymy rỹireri, kiata teòrehemy heòty buresò ribi kia tai rỹirenyreri, kiemy dori òwòru ibru sõnade-ò  ibrebuna rỹire.
\v 38 Tii boho ibrebunamy relerenyre tiu rawahinyreru Deuxu Tyhyhykỹ dee xiwena denaki. Kiaramyta, bimybenyke òwòru ibru sõnade-ò  kaa hãbu mahãdu hõrõreny kia rururenyre taòrarureny òraruki, kia idita biwinybenykre bederade iru womatimy. Kia ka womati rade iru-di biwinykre xiwena dena idi rihetynykremy. Kia heka deòarinanamy rỹikre Israel iny mahãdu-ò.
\v 39 Taita Eliaza rimyre òwòru ibru sõnade-ò  womati kia hãbu mahãdu rururenyre wydynareny, kiata tuu rarybere bederade iru womatimy relekremy kia xiwena dena idi rihetynykremy.
\v 40 Kia tuu Deuxu Tyhyhykỹ rarybere mynamy Moisesi dee, kia heka deòsinamy ratxire isralita mahãdu deereny, kia inyõ Araõ rioreriore aõkõ kanakremy òwòru ibru risõkremy Deuxu Tyhyhykỹ koki kia rarytxykre, iwese tuu rutỹỹnyre wesemy Corá dee kia iheludureny wana.
\s1 Araõ Iny Mahãdu Rihedỹỹnyrenyre
\v 41 Kia ijõ txuu tahe ibutumy israelita mahãdu tabedejeieji riòrarunyrenyre Moiseiri kia Araõ òludurenymy, myỹ raryberenyre: Kai boho Deuxu Tyhyhykỹ iny mahãdu tehutenyta!
\v 42 Kia irahudi ibutumy rexubutunyrenyre Moisesi kia Araõ òludumy, kia tii boho Heto riòre Brebuna dee ròkeserenyre, kia biurawetyyuramy robirenyre kia riratòbònyrerimy. Taita Deuxu Tyhyhykỹ bedewihikỹ rykymy reare.
\v 43 Kia Moisesi Araõ wana roire Heto riòre Brebunaòhòkỹle, kia
\v 44 Deuxu Tyhyhykỹ rarybere Moisesi dee:
\v 45 Bòhònybenyke kaa iny mahãdu ykyreny ribi, kiemy dori wijityhyle arihurenykre! Tai Moisesi Araõ wana tatiòhumy reserenyre kia taòsỹreny su-ò  ritidirenyre.
\v 46 Kia Moisesi rarybere Araõ dee: Bimyke òwòru ibru sõnade-ò, tamy heòty bureõ bilidike kiata ityre-ò  òwòru ibru sòna-di behuke. Kiata wylemy make tikibo iny mahãdu rỹireriòhòkỹle, kiata biwahinykre xiwena kia iòrarureny biixawidỹỹnykremy. Wytyhylemy! Kia Deuxu Tyhyhykỹ debure ratỹnyre, kia webinadu binana rexiòrarunyre!
\v 47 Taita Araõ òwòru ibru sõnade-ò  rimyre, tuu Moisesi tamy rarybere mynamy, kiata raijaranyre iny mahãdu ykyreny-ò. Kia robireu webinadu binana ròrarunyrerimy, Araõ rehure òwòru ibru sõna-di rehure heòty loosòbure-ò  kiata xiwena-di raybenyre iny mahãdu òrarunareny riixawiinykremy.
\v 48 Kia idi xiery webinadu binana ixawire, kia Araõ tahe làmamy rỹimyhỹ iru mahãdu ykydi rubu mahãdu ykyki.
\v 49 Kua webinadu binana-di rururenyre 14.700 iny sõemy, kia hitximy rururenyre Corá bedejeijei òraruki.
\v 50 Kia webinadu binana rexihureu, Araõ roosere Heto riòre ròtena-ò, tibedekibo Moisesi ratximyhỹ-ò.
\c 17
\s1 Araõ Hojurehe
\p
\v 1 Deuxu Tyhyhykỹ rarybere Moisesi dee:
\v 2 Marybe israelita mahãdu deereny iny sohoji sohoji ijoi mahãdu wedu idiwydenykre hojurehe; kia debò inatximy hojurehe sõe butuki. Kia biritinybenykre ijoi mahãdu wedu ixiòbitirenymy tahojurehereny-ò
\v 3 kia irahudita Araõni biritinybenykre hojurehe-ò, kia Levi ijoi mahãdu riwedunymy rarekremy.
\v 4 Kai boho bitidibenykre hojurehe Heto riòre Brebuna dee, kia rybe bede raywirek-ò, tai-diarỹ atxireny areakremy.
\v 5 Kiata hãbu hojurehe kia-diarỹ ixidee aritakre kia rõiròsònykre. Kawesemy tahe ariwinykre kia bedejeijeireny ixawikremy israelita mahãdu waòludurenymy riwinyrenyreri.
\v 6 Taita Moisesi rarybere israelita mahãdu deereny, kia ijoi mahãdu wedu sohoji sohoji dee hojurehe riwahinyre, sohoji sohojimy iny ijoi mahãdu mahãdu-ò. Kia debò inatxi sõemy butuki sõe. Kia hojurehe ykyki Araõni tai ijõdimyhỹ.
\v 7 Moisesi hojure rabrò ritidire Heto riòre ki kia rybe bede ywidỹỹna Deuxu Tyhyhykỹ koki.
\v 8 Ijõ txuu Moisesi ralore Heto Riòrewo-ò  kiata robire hojurehemy Araõni tai roimyhỹmy, kia Levi ijoi mahãdu ridinodunymy, kia hojurehe ruhunymy. Kia raumynymy ruhunymy tõiròsò kia iraty rasònymy.
\v 9 Taita Moisesi ritare Deuxu Tyhyhykỹko ribi kia ibutumy hojurehe kiata israelita mahãdu-ò  riwyre. Kia tii boho tuu robirenyre aõhebo rutỹỹnyremy, kia wedu mahãdu sohoji sohoji rimyrenyre tahojurehereny.
\v 10 Deuxu Tyhyhykỹ rarybere Moisesi dee: Kia bilidike ixybyle hojuhere Araõni-di roireri rybe bedeywidỹỹ koki. Tii tai rỹimy rarekre deòsinamy israelita mahãdu binabina deereny. Kawesemy tahe tii boho bedejeijei ribi ixawirenykre waòludu ribi kiata rururenyõrenykre.
\v 11 Moisesi tuu riwinyre timybo Deuxu tyhyhykỹ tamy rarybere mynamy.
\v 12 Taita Israel iny mahãdu raryberenyre Moisesi dee:-diarỹ boho reòsarenymy roirenyre! Kia arururenykre! Kohe, ibutumy-diarỹ boho arururenykre!
\v 13 Kua mahãdu rehemynykre rybe bedeywina tyy-ò  kia rurukre! Kohe, kia inatyhymy ibutumy arururenykre!
\c 18
\s1 Deuxu Rybe-di Ijohodu Kia Levita Mahãdu Aõmysỹdỹỹnanareny
\p
\v 1 Deuxu Tyhyhykỹ rarybere Araõ dee: Kai, ariòre boho wana kia ijõ Levita mahãdu ijoi mahãdu wana kia idi tarykidumy matxibenykre Heto riòre Brebuna ki aõmysỹdỹỹ ikõnamy ròhònykeki. Kiaremy kai sohoji ariòre boho wana aõhỹỹmy rutỹỹnyrenykre kia aaõmysỹdỹỹ òbitimy aõkõ ròhònykre wanaki.
\v 2 Kia bidilyke ijõ mahãdu ijoi Levi mahãdu ijoireny, kia adee ratxilemyhỹrenyre, kia arawiòhenanykremy ariòre boho riwiòhenanyrenykremy Heto riòre aõmysỹdỹỹnaki.
\v 3 Tii boho, Levita mahãdu, aõmysỹdỹỹ riwinyrenykre kia kai tuu marybekre relekremy kiata riwinyrelerenykre Heto riòre aõsỹdỹỹna. Ka tii boho tahe aõnaõna brebuna tyy-ò  rehemynyrenyke ihoõre kia bedetyhyhykỹki rỹire yda xiwena denaki rỹire. Txibo tii boho tuu riwinyrenykreki, kai boho burubenykre, kia tii boho tule rururenykre.
\v 4 Levita mahãdu awanareny raõmysỹdỹỹnyrenykre kia Heto riòre aõmysỹdỹỹ riwinyrenylekre. Kiaremy tiu iny witxira mahãdu awana iaõmysỹdỹỹõna.
\v 5 Kia kai bohojile ariòre boho wana xiwena dena Heto riòre aõmysỹdỹỹna bidinodunybenykre. Kawesemy,-diarỹ wadebure watxiõna ixyby Israel iny mahãdu-di.
\v 6 Kia israelita mahãdu ykyreny ribi-diarỹ retarenyre isỹrenyõle, levita mahãdu xiwena wesemy adeereny, Deuxu Rybe-di Ijohodu boho. Levita mahãdu heka wadee rahitxirenyre kia Heto riòre Brebuna-ò aõmysỹdỹỹ riwinyrenymy roirekremy.
\v 7 Kai tahe kia ariòre boho wana biwinybenykre Deuxu Rybe-di Ijohona aõmysỹdỹỹna, kia idi biemy boibenybekre xiwena dena aõnaõna-di kia Bede Brebuna aõnaõna-di. Kai boho heka aõnaõna-di tarukidurenymy boibekre kiemy dori-diarỹ adeereny rewahinyre Deuxu Rybe-di Ijohodumy matxibenykremy. Kiaremy rurukre aõtxile aõ inyõ rehemynykre aõnaõna brebuna bire-ò.
\s1 Deuxu Rybe-di Ijohodu-di Lòrereny
\v 8 Deuxu Tyhyhykỹ rarybere Araõ dee: Ka tahe adeereny rewahinyreri ibutumy xiwena mahãdu tyhyhykỹ kia nawydenyde wadee kia roorenyõre xiwena wesemy.-diarỹ kaa xiwena mahãdu adee ariwahinykre kia arioreriore bohoreny-ò  kua ijõ yre kai boho akireny rỹire ikiemy.
\v 9 Kia aõnaõna brebunatyhy kia ibutumy roorenyõre kai boho kawesemy bimybenykre: rỹsỹna aõwi xiwena heka òraruna ritakre, xiwena iòrarudỹỹdu ritalekre. Ibutumy aõbo wadee kanawykre xiwena brebuna wesemy kia ahõrõ rare ariòre boho hõrõ.
\v 10 Kai heka kaa aõnaõna birỹsỹkre bede brebuna , kia hãbu mahãdu sohojole kia rirỹsỹrenykre. Kia adee bede brebunamykre.
\v 11 Kia ihãremy, ahõrõlemykre ibutumy xiwena mahãdu tyhytyhykỹ kia israelita mahãdu riwahinyrenyre, kia boho adee rewahinyreri, ariòre boho hãbu ariòre boho hãwyy-ò  kia ikiemy. Kia ibutumy asỹreny mahãdu idewidewimy ratxirenykre aõwaxina kaa aõnaõna rirỹsỹrenykre.
\v 12 -diarỹ heka adee rewahinyreri awityhymy su ribi komy aõnaõna ròhònyreri, kia israelita mahãdu wadee riwyrenyreri, ka heka rare, aõòlyrewityhyhy rare, monabesòwityhy rare (vinho) kia mai ỹnywityhy rare.
\v 13 Kia komy su ribi aõnaõnawiwi iny mahãdu wadee riwyrenyreri kia heka ahõrõreny rare. Ibutumy asỹreny mahãdu idewidewi ratxirenykre kia aõwaxina kaa aõnaõna rirỹsỹrenykre.
\v 14 Ibutumy Israel su rawahikre kia Deuxu Tyhyhykỹ aõmysỹdỹỹna-ò  sohojile kia adee rỹikre.
\v 15 Kia ibutumy israelita mahãdu riòre delareny kia ibutumy iròdu iròdu riòre delareny kia israelita mahãdu riwahinyrenyre wadee kia adee riwahinylemyhỹre. Ka uladu mahãdu adelareny tahe kia iròdu iròdu riòre adelareny idebinabinarenykreki ixybytyhyle ròòserenykre, riòwynykre komy kia mobo iny riwahinyre wahe.
\v 16 Weryry mahãdu òwydỹỹna adee relekre tiu tii boho sohoji ahãdu rimyrenykreu, kia iòwyreny heka iruyre Manarỹsỹ òtaòrta yremy (tuu iòwy raerymy roimyhỹre mynamy, Manarỹsỹ òtaòta, kilo).
\v 17 Ka broreni riòre adela, budoeni riòre adela, yda bode hãwyy riòre adela raõbrarenyõkre kia iny riwahinyre mahãdureny; kia heka tii wahõrõ rare kia xiwena wesemy rawahikre. Kia biuberanyke ihãlubu xiwenadena-ò  kiata iwe òlỹre bisõbenyke xiwena rỹsỹnamy, kiemy dori iweòlỹre sõemy rỹnyrenykre wadeewihikỹmy.
\v 18 Kia ide heka ahõrõmykre, iwesemy ibreti kia iruti ruruweriludu xiwenatyhytyhykỹ ahõrõ rare.
\v 19 Kia adee rewahinyreri, ariòrereny hãbu dee, ariòrereny hãwyy dee, kia ikiemy, ibutumy xiwena tyhyhykỹ Israelita mahãdu wadee riwahinyrenyre. Ka heka saa rybe bedeywidỹỹna rare kia adee rewinyreri kia arioreriorereny-ò  rewinyreri kia tii tiu ixawiõhyymy rarekremy.
\v 20 Deuxu Tyhyhykỹ rarybere Araõ dee: Kai heka suu adee ihoõkre kia aõdike ihoõre Israel bedeki, kia iwesemy israelita mahãduõ ijõdire wesemy. Israelita mahãdu ykyrenyki,-diarỹ ahõrõmykre, kia ibed hõrõõ kai bimykre.
\s1 Levita Mahãdu Hõrõõreny
\v 21 Deuxu Tyhyhyk~ rarybere:-diarỹ ariwahinykre levita mahãdu deereny kia ibutumy debò itue hõrõmy kia Israel mahãdu wadee riwahinyrenyre. Kia heka iòwydỹỹnareny rare kia aõmysỹdỹỹ riwinyrenyre Heto riòre-di tarukimy roirenyremyhỹreny.
\v 22 Kia tiu israelita ijorenyõ Heto riòre bire-ò  tehemysỹrenyõna kiemy dori òrarunaõ rare kia urile tai rururenyke.
\v 23 Ka levita mahãdu tahe Heto riòre aõmysỹdỹỹnana riwinyrenykre kia tii boho idi tarukidurenykre aõki ibinamy riwinyrenykeki; ka rybe wahidỹỹnana heka ikiemy irioreriorereny dee rityhydỹỹlerenykre. Levita mahãdu iaõnadirenyke ijõdirenyke Israel bedeki,
\v 24 kiemy dori-diarỹ rewahinyre, kia ihõrõrenykremy, kia israelita mahãdu debò itue hõrõ wadee riwahinymyhỹrenyre xiwena tyhyhykỹ wesemy. Kia iurenana-diarỹ rarybere kia iaõnareny ihoõrenykremy Israel bedeki.
\s1 Debò Itue Bedeõmy Kia Levita Mahãdu
\v 25 Deuxu Tyhyhykỹ riteranyre Moisesi
\v 26 kia rarybekremy levita mahãdu dee myỹ: Kia israelita mahãdureny ribi bimybenykreu debò itue hõrõmy kia Deuxu Tyhyhykỹ adeereny riwahinyre, kia kai boho tahe debò itue hõrõmy biwahinybenykre kaa debò itue hõrõ xiwena tyhyhykỹ wesemy Deuxu dee.
\v 27 Kaa xiwena tyhyhykỹ heka aõma wesemy xiwena oworudu mahãdu riwinymyhỹrenyre kodelemy taaõwireny riwinymyhỹrenyre kia kodelemy monabesò tule (vinho).
\v 28 Kawesemy tahe kia ibutumy debò itue hõrõmy temymyhỹtenyte israelita mahãdureny ribi, kai boho biwahinylebenykre xiwena tyhyhykỹ Deuxu Tyhyhykỹ hõrõmy rỹimyhỹre.Kai boho biwahinybenykre Deuxu Rybe-di Ijohodu Araõ-ò.
\v 29 Kia xiwena mahãdu kai boho temytenyte kia wadee awityhytyhy biwahinybenyke.
\v 30 Kia wadee bidiwahinybedenykre sỹtybymy, kai boho iuhe-di matxibenykre, kia iwesemy oworudu mahãdu wesemy, kia taxiwenareny riwahinymyhỹrenyre, kia rohenymyỹre-di tahe ratximyhỹrenyre.
\v 31 Kai boho kia ahãwyyreny wana birỹsỹbenykre aõtxi bedekile kia rohenykre, kia heka òwydỹỹna temymyhỹtenyte.
\v 32 Kawesemy biroxibenymy, kai boho òraruna tewinytenyõtenyteri kia kodelemy Deuxu Tyhyhykỹ dee rahitxire. Kia uritre israelita mahãdu xiwena binabinadỹỹrenyõmy, kia ijõ birỹrỹbenymy komy ijõ awihikỹ wadee tetatenyte. Txibo bityhynybenyõkre wana burubenykre.
\rem dat 2001
\c 19
\s1 Bee Ryraryranyre
\p
\v 1 Deuxu Tyhyhykỹ tarybe riwahinyre Moisesi dee kia Araõ dee
\v 2 myỹ riwahinymy: Bididydenyke sohoji broreni riòre tỹmyraõ aõ tai ibinanaõ kia raõmysỹsỹdỹỹõlemy ratxireri oworu bedeỹỹnanaki
\v 3 kiata Deuxu Rybe-di Ijohodu Eliaza (Eleazar)-ò  biwahinybenykre. Kia tii radykre bede tỹhinana webrò-ò  kia iruki rurukre.
\v 4 Taita Eliaza ihãlubu rimykre kia tebò-di riubỹtỹnymy ritxiwitxiwikre Heto riòre Brebuna ròtena mynamy.
\v 5 Kia ilemy broreni riòre rookre ikoki. Kia rookre ityy, ide, ihãlubu kia iweryri.
\v 6 Deuxu Rybe-di Ijohodu rimykre òwòru teriò kreõ, sohoji bederade (hissopo) rurukreõ kia iròdu sityysòõ kia idi rehukre heòty-ò  tai brereni riòre rooreri-ò.
\v 7 Taita tii tatyy risuhòkre idi rexityynymy ratxireri kiata rõhõkre irahudita aõwaxina bede tỹhinana-ò  ralokre. Kiata ide binabinamy ratxikre txuu ralokreuhukỹle.
\v 8 Kua broreni riòre risõkre tatyy risuholekre idi rexityynymy ratxireri-di kiata rõhõkre, kiata ide binabinamy ratxikre txuu ralokreuhukỹle.
\v 9 Sohoji hãbuõ idewidewimy ratxikre broreni riòre bryby helòtyra ributunykre kiata bede tỹhinana webrò-ò  riidònykre, bede lyralyra ki. Kuaki tai tii rararemy rarekre Israel iny mahãdu rirarenymy rarekre rauhekremy idi bee raywikremy kia iny debinabina risuhòsuhòmyhỹre. Kaa bedebiòwana alisi relemyhỹre kia òraruna ratakremy.
\v 10 Kua brubu helòtyra ributunykre tatyy risuhokre idi rexityynymy ratxireri, kiata idebinabinamy ratxikre txuu ralokreuhukỹle. Kaa rybe bededỹỹnana heka ikiemy rỹimy rarekre, israelita mahãdu-ò  kia iny witxira mahãdu awanareny rahãwanymy ratximyhỹrenyre.
\s1 Rubu Dee Rerimyhỹrenyre
\v 11 Mobo rubu-ò  rerikre kia isuisumy idebinabinamy ratxikre debò inatxi txu sõemy.
\v 12 Kia txu inataõ-di kia debò inataõ kia debò inatxina-di kaa iny rexisuhosuhokre bee lyralyra-di kiata ide lyralyramy idewidewimy ratxikre. Ka txibo tii rexisuhosuhoõkre wana txu inataõ-di debò inataõna txu-di, kia ide lyralyramy idewidewimy inoõna.
\v 13 Kia ibutumy iny mahãdu rubude-ò  rerirenykre kia rexisuhosuhoõkre wana ide binabinamy ratxikre kiemy dori be lyralyra-di ityre dehu rỹiõlera. Kia tii urile Heto riòre Brebuna risurisunymy ribinanyre. Kaa iny ratxiõhyykre Israel iny mahãdu ykyki.
\v 14 Txibo inyõ rurukre wana bede tỹhinana ki, mobo tamy ralokre yda tai ratxikre wana kia ide binabinamy raxikre debò inatxi txu sõemy.
\v 15 Butxi yda bedeò nihikỹ iraymy rỹikremy yda iratòbòna raymy rỹikre wana rabinabinarenykre.
\v 16 Txibo bedero bede ki inyõ rerikre wana rubude-ò  yda rubu òbitimy rurure yda txibo rerikre aõtxile iny ruruti-ò  yda wabede-ò, kia ide binabinamy ratxikre debò inatxi txu sõemy.
\v 17 Kia iny rade lyralyrakremy kia rade binabinare, kai boho bryby bimybenykre broreni riòresò bryby kia roore xiwenamy òraruna ratakremy, kia butxiro-ò  rihynykre kiata tamy belyra ritxiwikre ityre-ò.
\v 18 Txibo inyõ rerikreki ruru-ò, kia hãbu tyratyramy ratxikre kia bederade (hissopo) ruruõ rimykre, kiata kua be idi rituunykre kia idita ritxiwitxiwikre rituunymy bre-ò  riòre tỹhinana kia ibutumy aõnaõna kia iny mahãdu iwoki ratxirenykre tulerenykre. Txibo inyõ rubuti-ò  rerikreki yda wabede ỹny-ò  tyratyramy ratxireri tuu idi risuhosuhokre.
\v 19 Kia inataõ txu debò inatxina txuu mobo tyratyrahyymy ratxireri kia bee ityre ritxiwikre iny ide binabinamy ratxireri tyre. Kia debò inatxi txu sõe-di iny ide lyralyramy ratxikre. Tii tatyy risuhosuhokre idi rexityynymy ratxireri, kia rõhõkre txuu ralodihikỹe tyratyramy ratxikre.
\v 20 Kiaremy, mobo isuisumy ratxikre kia rexisuhosuhoõkre ide binabinamy isuisumy ratxikre kiemy dori be lyralyra ityre rejujuõlere. Kaa iny riwinyra Deuxu Tyhyhykỹ Heto riòre isuisumy ibinabinamy ratxikremy kia iurenana kaa iny rateòdỹỹkre Israel iny mahãdu yky ribi
\v 21 kai boho bityhynymy idi boibekre kaa rybe wahi bedeỹỹnana-di ikiemy. Iny belyralyra ritxiwikre riubỹtỹnymy tatyy risuhosuhokre idi resityynymy ratxireri. Mobo be-ò  rerikre ide binabinamy ratxikre txuu ralokreuhukỹle.
\v 22 Ibutumy aõnaõna-ò  iny ide binabinamy ratxireri rerikreki kia isuisumy ibinamy ratxikre; kia mobo kaa inydee rerikre ide binabinamy ratxilekre txuu ralokreuhukỹle.
\c 20
\s1 Miram Rurure Kia Meribá Be
\p
\v 1 Kodele ahãduu ibutumy Israel iny manãdu ròirenyre Zim bederahy-ò  kia Cades ki ratỹhinanyrenyre. Tai Miriam rurure kia ratuudỹỹre.
\v 2 Kia bedeki bee ihoõre; iurenana iny mahãdu rexibutunyrenyre kia rabedejeijeirenyre Moisesi , Araõ òludumy.
\v 3 Tii boho rarybemyhỹrenyre: Aõmale heka awire txibo Deuxu Tyhyhykỹ rukururenykele, iny ijoireny wana, ijõ Israelita mahãdu!
\v 4 Aõherekibo kai tadidyte Deuxu Tyhyhykỹ ijoi mahãdu ka bederahy-ò? Kia aõbo arururenykremy wairòdu iròdureny wana?
\v 5 Aõherekibo kai tadiwadytenyte Egito ribi kabede binabinahãkỹ-ò, kia òwòru rỹsỹna ihoõre (uva) monabesò kia (romãs)? Kia ihãremy bee ihoõre raõkemy!
\v 6 Taita Moisesi kia Araõ ròhònyrenyre kua ribi tikibo iny mahãdu ratximyhỹreny ribi, kia ròirenyre Heto riòre Brebuna ijò ròtena-ò. Tii boho tatiòhumy reserenyre taòsỹnyreny su-ò  ritidirenyre, kiata Deuxu Tyhyhykỹ bedewiwihikỹ rykymy reare.
\v 7 Kia Deuxu Tyhyhykỹ rarybere Moisesi dee:
\v 8 Bimyke hojurehe kia Bede Ywidỹỹnana rybe koki rỹira; irahudita kai kia Araõ iny mahãdu bibutunybenykre. Kia iny mahãdu ruki ibutumy tii boho raryberenykre mana urahãkỹ dee, kia iribi tahe bee ròhònykre. Kawesemy tahe kai boho bee birubenykre mana urahãkỹ ribi kiata iny mahãdu-ò  biwahinybenykre riõrenykremy kia iròdu iròdureny tule.
\v 9 Taita tuu Deuxu Tyhyhykỹ rarybere mynamy, Moisesi hojurehe rimyre Deuxu Tyhyhykỹ ruki.
\v 10 Moisesi kia Araõ iny mahãdu ributunyrenyre mana urahãkỹ koki, kia Moisesi rarybere: Ka tahe boholabenykre, iny mahãdu binabinahãkỹ! Kia aõbo bee ariijaranyrenykre kaa mana urahãkỹ ribi adeereny?
\v 11 Moisesi tebò biutxi riukore, inatxi mana urahãkỹ rihetenyre hojurehe-di, kia sõemy bee iribi ròhònyre. Kia iny mahãdu, iròdu iròdu bemy riõrenyre.
\v 12 Kiaremy Deuxu Tyhyhykỹ rarybere Moisesi dee Araõ dee: Kai boho atyhydỹỹnareny ihoõrenyre awityhytyhymy kia Israel iny mahãdu dee biwahinybenykemy wabedeery nihikỹ kia iurenana kai boho bidybenyõkre suu tamyreny ariwahinyrenykre-ò.
\v 13 Kia heka Meribá ki tuu rutỹỹnyre, ibedeki Israel iny mahãdu bedejeijei riwinyrenyre Deuxu Tyhyhykỹ òludumy, kia tai Deuxu tamyreny riwahinyre tabedeery nihikỹ deòsinana.
\s1 Edom Iòlò Rtòenyrenyre Israelita Mahãdu Ròhònyrenykelau
\v 14 Cades cidade ribi, Moisesi-diteònyde rybe wahidỹỹdureny kia Edom Iòlò-ò  rybemy ròirenyre myỹ: Kaa rybe rareri heka asỹ aijoi rare, Israel ijoi mahãdu. Deuxu heka rieryre ibutumy bede sirasira kia
\v 15 rieryre wahỹỹnareny ròirenyre Egito-ò, tai sõemy bede wyra riijerenyre. Egípcio mahãdu aõhỹỹhỹỹmy wahỹỹnareny risỹnyre kia-diarỹ boho tule,
\v 16 kia iurenana rexitòenyrenyre Deuxu Tyhyhykỹ riwahedỹỹnyrenykremy. Tii roholare waixitòedỹỹnareny-ò  kia tatyytyby anjo-diteònyde kia Egito ribi riwatarenyre. Ka tahe Cades hãwãki watxirenyreri, ahãwareny asureny bireki.
\v 17 Aõkerỹbo, biwawahinybenyke asu-di arariarenymy aròhònyrenykemy.-diarỹ boho kia wairòdureny ry ribi ròhònyrenyke aõkõ rare, kia aralòrenyke aõkõ rare abedeahyreny-ò  yda auvareny lòbrònareny-ò  Kia ahãluu berenymy ariõrenyõkre. Kia asurenyki aratxirenykre wana, kia rytyhyhykỹki aratxirenykre.
\v 18 Kiaremy Edom Iòlò rirawyònyre:-diarỹ boho ariwahinyrenyõkre kai boho wahãwareny-di bòhònybenykemy. Txibo tuu bisỹnybenykreki, aòludurenymy arariarenykre kia arahurenykre.
\v 19 Taita Israel iny mahãdu raryberenyre: Kia rytyahãkỹ ki aratxirenykre, kia txibo-diarỹ boho yda waiòrodureny aberenymy riõrenykre wana, kia ariòwynyrenykre. Aròhònyrenyke sohojilemy resỹnyrenyreri wati my.
\v 20 Edom Iòlò rirawyònyre: Kõre. Kai boho bòhònybenyõkre! Tai Edomita mahãdu dòidenyde tasodadureny deburehekỹ-di kia Israel iny mahãdu rirubunyrenykremy.
\v 21 Kawesemy tahe, Edomita mahãdu riwahinyrenyõre ihãwareny-di ròhònyrenyõkremy, iurenana israelita mahãdu ròirenyre iwitxira ry-di.
\s1 Araõ Rurure
\v 22 Ibutumy Israel iny mahãdu ròhònyrenyre Cades hãwã  ribi kia rehemynyrenyre Hor hãwãlòòhòkỹle,
\v 23 Edom su bireki. Ibedeki Deuxu Tyhyhykỹ rarybere Moisesi dee Araõ dee:
\v 24 Araõ raloõkre suu ariwahinykremy rarybere-ò  israelita mahãdu-ò  ariwahinyrenykremy. Tii rurukre kiemy dori, kia Meribá òraruki, kai boho warybe wahidỹỹnana òludumy tabedejeijeitenyte.
\v 25 Bididyke Araõ kia Eliaza iriòre kia tamyreny marybekre Hor hãwãlò-ò  raòwònyrenykremy.
\v 26 Irahudita Araõ tyy bitakre kiata Eliaza idi bityynykre. Araõ kuaki rurukre.
\v 27 Moisesi riwinyre timybo Deuxu Tyhyhykỹ tamy rarybere mynamy. Tii bohjo raòwònyrenyre Hor hãwãlò-ò  kia ibutumy iny mahãdureny ruki.
\v 28 Moisesi ritare Deuxu Rybe-di Ijohoduna tyy kia Araõ idi rexityynymy ratximyhỹre kiata Eliaza idi rityynyre. Kia Araõ rurure hãwãlò rariehekỹki. Irahudita Moisesi kia Eliaza wana kua ribi desedenyde.
\v 29 Kia iny mahãdu bede rieryrenyreu Araõ rururemy, ibutumy bede rierenyre 30 my rubu txumy.
\c 21
\s1 Arade Iòlò Rabodure
\p
\v 1 Arade cananeu iòlò, kia rasỹnymy raremyhỹ Kanaã iraru we ribi, kia bede rieryre Israel iny mahãdu rirahurerimy Atarim ry-di. Tii raohotere Israelita iny mahãdu my kia ijõrenyõ ridyrenyre brejunarenymy.
\v 2 Taita Israel iny mahãdu raryberenyre riwinyrenykremy Deuxu Tyhyhykỹ dee myỹ: Txibo biwinykeki kaa iny mahãdu my araòhòterenykemy,-diarỹ boho arihurenykre ihãwareny ibutumy.
\v 3 Deuxu Tyhyhykỹ roholate Israel iny mahãdu ixitòedỹỹnareny-ò  kia riwiòhenanyrenyre cananeu mahãdu ribi ròtarenykremy. Kia wesemy tahe israelita mahãdu ibutumy rihurenyre kia ihãwareny tule ibutumy rihurenyre. Kia kua bede rininirenyre Horna my.
\s1 Hemylala Womatiòtaòta
\v 4 Taita Israelita mahãdu ròhònyrenyre Hor hãwãlò ribi, kia ròirenyre ryy golfo de Ácaba ramyhỹre òhòkỹle, kia ròweryrenykremy Edom webrò-di. Ka iny mahãdu tahe ryy ribi reòsarenyre
\v 5 kia tarybereny riòrarunyrenyre Deuxu Tyhyhykỹ, Moisesi òludumy. Tii boho myỹ raryberenyre: Aõherekibo Deuxu kia Moisesi tadiwatatenyte Egito ribi? Kia aõbo bederahy ki arururenykremy, ka bede ki paõho aõkõ kia beho aõkõ?-diarỹ boho heka reywesemy rexiramy watxirenyreri ka rỹsỹna binahãkỹ-di!
\v 6 Taita Deuxu Tyhyhykỹ-diteònyde hemylala deburehekỹ rabrò kia iny mahãdu yky my ròbỹtỹmy reare; kia tii boho inymy riròxirenyre kia sõemy israelita mahãdu rirubunyrenyre.
\v 7 Taita iny mahãdu ròirenre Moisesi dee rybemy kia raryberenyre:-diarỹ boho òraruna rewinyrenyra, kia Deuxu Tyhyhykỹ òludumy raryberenyra kia aòludumy raryberenyra. Deuxu-ò  bexitòenyke ritakemy kaa hemylala iny mahãdu ykyrenymy rỹireri. Moisesi rexitòenyre Deuxu Tyhyhykỹ-ò  iny mahãdu dee tòemy,
\v 8 kia tii rarybere: Biwinyke hemylala womatiòtaòta kiata òwòru-ò  bihãremy bitidikre. Mobo hemylala rirorekre kia tamy reteherekre tai tahe reyterekre.
\v 9 Taita Moisesi riwinyre hemylala womatiòtaòta kiata òwòru-ò  rihãtere. Kia inyõ hemylala riròmyhỹ wana kia tamy retehemyhỹ hemylala womatiòtaòta dee kiata reytemyhỹ.
\s1 Hor hãwãlò Ribi Kia Moabita Mahãdu Bedeòhòkỹle
\v 10 Tai isralita mahãdu ròirenyre kia Obote ki ratỹhinanyrenyre.
\v 11 Irahudita ròhònyrenyre Obote ribi kia Abarim bede binahãkỹ ki ratỹhinanyrenyre, kia bederahy ki, Moabe ibràra iboo we ribi-ò.
\v 12 Kia kua ribi ròirenyre kia Zerede bede ki ratỹhinanyrenyre.
\v 13 Kua ribi tii boho ròhònyrenyre kia ratỹhinanyrenyre Arnom bero weijàti iraru we ribi-ò, kia bederahu ramyhỹre amorreu mahãdu su bede txi (Arnom bero heka Moabe su kia amorreu su riwirareamyhỹre).
\v 14 Kia iurenana heka Deuxu Tyyriti ijesuna myỹ rarybere: “...Vaebe hãwã , Sufa bede bede, kia bede konana konana; Arnom bero
\v 15 su bede idi rubehemy ramyhỹre Ar hãwã  òhòkỹle, kia Moabe su wirareana mynahyyle.”
\v 16 Kua ribi tii boho ròirenyre bede Beer my raninimyhỹre-ò, kia ibede Deuxu Tyhyhykỹ rarybere Moisesi dee: Bibutunyke iny mahãdu, kia-diarỹ bee ariwahinykre ibutu dee.
\v 17 Taita Israel iny mahãdu kaa wiu riryryrenyre: “Hãluu, bee bidiòlòdỹỹnyke, kia-diarỹ boho tahe tuu awimy arawiunyrenykre!
\v 18 Kaa hãluu wedu mahãdu deòdu riarenyre, kia iny mahãdu wedu riraynyrenyre, kia tahojurehereny-di.” Kia bederahy ribi tii boho Matana-ò  ròirenyre.
\v 19 Kia Matana ribi ròirenyre Naaliel-ò, kia Naaliel ribi ròirenyre Bamote-ò
\v 20 kia Bamote ribi ròirenyre Moabe su bede òhòkỹle, kia Pisga hãwãlò rawoki, kia iribi robimyhỹre bede bede my.
\s1 Tarasana Seom Kia Ogue Òludumy
\v 21 Taita Israel iny mahãdu riteònyrenyre rybe-di ijaradu boho myỹ raryberenykremy Seom dee, Amorreus iòlò mahãdu myỹ:
\v 22 Biwawahinybenyke asureny-di ahãwareny-di aròhònyrenykemy. Kia abederoreny-di aròhònyrenyõkre. Kia auvareny alòbròna-di aròhònyrenyõkre. Kia ahãluureny be my ariõrenyõkre; kia arariarenykre ry òbitidihyyle kiata tuhyy asureny ribi ahãwareny ribi aròhònyrenykre.
\v 23 Kiaremy Seom riwahinyõre Israel iny mahãdu ròhònyrenykemy ihãwareny-di. Kia iribiòtumy, tii taijoi ributunymy kia ròhònyrenyre Israel iny mahãdu wana raõbinanyrenykremy bederahy ki. Seom rare Jasa òhòkỹle kiata Israel iny mahãdu òludumy raõbinanyre.
\v 24 Kia aõbina bede ki tii boho tõnori-di sõemy rirubunyrenyre amorreu mahãdu, kia isureny-di rahãỹnanyrenyre, kia Amom bero ribi Jaboque bero òhòkỹle, kia Amom su konana wahe, kia tai iuhuarireny ijõdire wahe adobo-di.
\v 25 Kawesemy tahe israelita mahãdu ibutumy amorreu hãwã  rimyrenyre kia tai rahãwanymy roiremyhỹ, kia heka kaa rare, Hesbom ki kia iny mahãdu rasỹnymy rỹimyhỹreny iwerurarenymy.
\v 26 Hesbom heka hãwã  tai Seom rahãwanymy raremyhỹ rare, amorreu mahãdu iòlò wahe. Tii resure ehetxina moabita iòlò òludumy kia ibutumy isu iribi riwyrenyre kia arnom bero òhòkỹle.
\v 27 Kia iurenana heka rybedu mahãdu myỹ rarybemyhỹrenyre: “Hesbom-ò  bòibenyke, kia Seom iòlò hãwã ! Tii ixybyle relerenykre, Seom hãwã  awihikỹmy rawidỹỹkre.
\v 28 Kia dori heòty Hesbom ribi ròhònyre, kia heòty rade ròhònyre Seom iòlò hãwã  ribi. Sodadu heòty rihurenyre Ar hãwã , Moabe ki, Kia riròrenyre Arnom hãwãlò rariehekỹreny.
\v 29 Kia kai boho, Moabe ki rahãwadureny! Kia Quemos ỹnyxiwe tyhydỹỹdu boho, kai boho teòsamy atxitenyte! Kia aỹnyxiwereny riwahinyrenyre asodadureny rexiwòrenykremy Kia ariòrereny hãwyy rawahirenykremy Deòdumy wetxumy Seom wetxumy, amorreu mahãdu iòlò.
\v 30 Ka tahe wiji rexihura Hesbom bedeery ruru nihikỹ; kia Hesbom ribi-dibom òhòkỹle, ibutumy rexihure. Nofa heka ibinabinahãhỹmy ratxireri, Kia heòty Medeba òhòkỹle rehemynyra.”
\v 31 Kawesemy tahe israelita mahãdu rasỹnyrenyre amorreu mahãdu sureny ki.
\v 32 Irahudita Moisesi iny mahãdu riteònyrenyre itxeremy ròirenykremy Jazer hãwã -ò. Kia ilemy rahỹỹnanyrenyre iny mahãdu rỹimyhỹrenyre Jazer weruramy kia ibutumy riteònyrenyre amorreu mahãdu kua my rahãwanymyhỹrenyre.
\v 33 Taita israelita mahãdu ròòserenyre kia raòwònyrenyre Basã ry-di. Kia Ogue, Basã iòlò, ròhònyrenyre rihurenykremy Edrei ki.
\v 34 Deuxu Tyhyhykỹ rarybere Moisesi dee: Uritre ilau brebuõmy, kiemy dori ebowo-ò  ariwahinykre, iijoi mahãdu kia isureny. Kia kai tahe idi biwinykre tuu tewinyte yrybule Seom mahãdu, amorreu mahãdu iòlò, kia Hesbom ki rahãwanymy roiremyhỹ.
\v 35 Kawesemy tahe israelita mahãdu rirubunyrenyre Ogue, kia iriòrereny kia ibutumy iijoireny; kia inoõ rahenyõhyyre. Kia isureny-di rahãỹnanyrenyre.
\c 22
\p
\v 1 Israel mahãdu riòre ròirenyre, kiata Moabe bedeki ratỹhinanyrenyre, Jordaõ ribi irehemy, kia Jeric ratyaki.
\v 2-3 Kia tuu robire Balake (Balaque), Zipor riòre, ibutumy aõ tyhytyhybo Israel mahãdu riwinyrenyre Amorreu rekiemy dori sõerenyreki; kiata ririranymyhỹrenyre rawihitxihitximy Israel riòre mahãdureny òraruki;
\v 4 kiata Moabe rarybere Midianita matuari mahãdu-ò: katahe wiji, iny mahãdu ritòrenykre ibutumy aõ naõ na inywerurarenymy rỹireri, iwese broreni bedero asi rade ritòmyhỹre wesemy. Balake, Zipor riòre, heka Moabita mahãdu iòlò my raremyhỹ juhuu ibedeu.
\v 5 kia tii heka tadeòdu mahãdu riteònyre Balaaõ dee, Beoro (Beor) riòre, kia Petor dee, kia ibutumy roireri Eufrate beroki, kia iijoireny riòre suki roirerimy, kia tamyreny myỹ raryberenyre: Betehebenyini iny mahãduõ Egito ribi riòlònyrenyre, kia ibutumy su òsỹny rihetynyreri kiata
\v 6 Manake kiemy dori wiji adee arexitòenykre, wadee ka nihikỹre waratyre; kia txibo ariwotõmõnymy idi arehukemy su ribi irehemy, kia dori-diarỹ reeryre mobo kai arybewihikỹ tewahinymyhỹte kia awimy ròhònymyhỹre, kia mobo tetxuhòmyhỹte kia iyrybutyhyle ròhònymyhỹrre.
\v 8 Balaaõ tamyreny rarybere: wiji rumy kaki matxibenykre, kiata adeereny warybemy ararybekre, kia timybo Deuxu Tyhyhykỹ wadee rarybekremy; taita, moabita mahãdu deòdureny ratxirenyre Balaaõ wana.
\v 9 Kia Deuxu nade Balaaõ dee kia myỹ tamy rarybere: Tiwesenatyhytyhybo kaa hãbu mahãdu aki rỹirenyreri?
\v 10 Balaaõ Deuxu dee rirawyònyre: Balake (Balaque), moabita mahãdu iòlò, Ziipor riòre, riteònyrenyreri wadee raryberenykremy:
\v 11 Kia iny mahãdu riòlònyrenyreri Egito ribi kia suu ibutumy rihetynyrenyreri; wiji manake bitxuhòbenykremy; tai-diarỹ aõ he wana tuu arahỹỹnanymy su ribi idireny arehukre.
\v 12 Taita, Deuxu rarybere Balaaõ dee: Iherenymy noõmykre, kia uritre itxuhòrenyõmykre; kiemy dori kia iny mahãdu rybe wiwihikỹ-dinodu roire.
\v 13 Balaaõ rudihikỹ l‡mamy rỹire kia rarybere Balake (Balaque) ijoi mahãdu-ò: Asureny-ò  bòòsebenyke, kiemy dori Deuxu tamy reòbyõra aherenymy arakelau.
\v 14 Kia rot‡manyrenyre moabita mahãdu ijoi, kia ròirenyre Balake (Balaque) dee kia raryberenyre: Balaaõ waherenymy noderalemy reara.
\v 15 Kia ixybyle Balake taijoi mahãdu riteònyre sõemy kia tatyhydỹỹnatyhy juhuluduna ribi,
\v 16 kia Balaaõ ritehemynyrenyre kia raryberenyre: Kawesemy Balake rarybere, Zipor riòre: Adee rexitòenyreri wylemy wadee manakremy,
\v 17 kiemy dori inihikỹmy araòwynykre kia adee ibutumy ariwinykre aõ mybo wadee marybekre; manake adee rexitòenyreri wadee kaa iny mahãdu bitxuhokremy.
\v 18 Balaaõ rirawyònyrenyre Balake deòdureny-ò: Kia ihãremy Balake wadee kidiwahinyke hãrele taheto-di tỹximy manarỹsỹ òtaòta manarỹsỹhỹkỹ,-diarỹ aròhònyõtyhy waDeuxu rybe ratyre, kia aõ na yja aõ na nihikỹ ariwinykemy; rumy matxibenykremy, kia-diarỹ arierykremy ixyby
\v 20 Kiata Deuxu nade Balaaõ dee rumy kia tamy rarybere: Txibo kua hãbu mahãdu aòrysymy kanakreki, kia myikre tii boho wana makre; kia warybeki sohojihyyle aõ biwinymy mabekre.
\v 21 Taita, Balaaõ rudihikỹ rexil‡madỹỹnyre, kia tajumento riwetaamy riòtisananyre kiata moabita ijoi mahãdu wana rare.
\v 22 Kiata Deuxu reburemy reare, kiemy dori aõ herekibo tii raraki; kiata Deuxu Anjo iryki ratximyhỹ iòludumy. Kiata Balaaõ rariamy rare, tajumento tyre runymy, kia inatxi teòdu boho tii wana.
\v 23 Kiata jumento Deuxu anjo my robire riyrymy ryki rỹirerimy, kia tatõnori tebòki ritamy; taita awaru ry ribi rexiwirareare, bedero-di ramy; taita Balaaõ awaru rihetenyre ixyby ry-ò  kanakremy.
\v 24 Ka Deuxu anjo tahe ry txirie ridere bederade wana wiòwiòmy adobo wesemy.
\v 25 Kia awaru robire Deuxu Anjo my, kia rexiwebesenyre asi wiòwiòmy rỹireri òludumy kiata Balaaõ wa risurunyre; iurenana tahe ixyby taawaru rihetenyre.
\v 26 Taita, Deuxu anjo ixyby ikomy rexiraore ireheriòremy kiata ryweij‡tiki ratximyhỹ, kia ibedeki ry ribi rexitiòreakemy aõkõ ruruwe ribi-ò  hywewe ribi-ò.
\v 27 Kia awaru Deuxu Anjo my robire, tai rexiriòwysydỹỹnyre Balaaõ rawoki; taita Balaaõ sõemy reburere, kia hojurehe-di awarumy raohotere.
\v 28 Taita Deuxu, awaru rirybedỹỹnyre, kia myỹ Balaaõ-ò  rarybere:-diarỹ aõ adee rewinyreriki kia inataõ sõemy riwahetenyta?
\v 29 Balaaõ rarybere awaru dee: Aõ herekibo wadi tisinyteri; ka heka tõnori-di wadebòki watxireri kia heka ararubunyke.
\v 30 Awaru rirawyònyre Balaaõ dee: Kia-diarỹ aõbo aawaru aõkõ aõbo rare, kia tuuhyy aradymyhỹre wiji bedemy tule? Kawesemy aõbo tuu adee rewinymyhỹre aõbo? Kia tii rirawyòre: Kõre.
\v 31 Taita Deuxu Tyhyhykỹ Balaaõ rue riraynyre, tii Deuxu Anjo my robire, ry ki ratximyhỹmy, tamayrehe-di tebòki; taita tarati ribedenymy su-ò  ritidire.
\v 32 Taita Deuxu Anjo rarybere Balaaõ dee: Aõ herekibo inataõ sõemy awaru tehetenyta? Kia heka-diarỹ aòludumy rahònyra, kiemy dori ary ibinahãkỹre wadee;
\v 33 kia awaru wamy robire, taita inataõ sõemy waribi rexitiòreara; kia òbitityhyki-diarỹ ini ararubunyra, kia tii tainihe irumy ratxira.
\v 34 Taita Balaaõ, Deuxu Anjo dee rarybere: “raruna rewinyra, kiemy dori-diarỹ araerykõra kaa ry ki atxiterimy waòludumy; ka tahe wiji, txibo ibinamy arueki watxireriki,-diarỹ aroosekre.
\v 35 Ixybyle Deuxu Anjo roosere Balaaõ dee: Make kaa hãbu mahãdu wana; kiata aõ mybo adee ararybekre sohojilemy marybekre. Kawesemy tahe Balaaõ rare Balake ijoi mahãdu wana.
\v 36 Kia Balake roholare Balaaõ rehemynyremy, kia tii wana wiji reakremy rare Moabe hãwãòhòkỹle, kia ratximyhỹ confins de Arnom bedeki kia su onanaki.
\v 37 Balake rỹỹraxire Balaaõ dee: Adee kỹny wadeòdu mahãdu reteònyre wadee manakremy? 
\s1 -diarỹ aõkõ aõbo
\v 38 Balaaõ rirawyònyre Balake dee: Kia-diarỹ aõ bo adee arybekre wiji aõ my? Deuxu rybe warywo-ò  rilidikreki-diarỹ tuu ararybekre.
\v 39 Balaaõ rare Balake wana, kiata ritehemynyrenyre Quiriate Huzote-ò.
\v 40 Taita Balake broreni mahãduõ kia budoeni mahãduõ rirubunyre; kia tahe Balaaõ dee-diwahinyde kia taijoi mahãdu tii wana ratximyhỹreny-ò  tule.
\v 41 Kia rudiu riwahinyre, Balake rimyre Balaaõ kiata riòwòdỹỹnyre Bemote Bali-ò; taita Balaaõ iribi robire iny mahãdu tyyrenymy rỹimyhỹmy.
\s1 Balaaõ tarybewihikiỹ riwahinyre kodelemy
\c 23
\p
\v 1 Taita Balaaõ rarybere Balake (Balaque) dee: Kaki wadee bideke, debò inatxi sõemy obiuna kiata wadee biywinykre debò inatxi sõemy broreni riòre kia tu budoeni riòre sõe.
\v 2 Kiata Balake riwinyre tuu Balaaõ rarybere mynamy; kiata Balake Balaaõ wana riwahinyrenyre raobiukremy sohoji broreni riòre kia sohoji budoeni riòre obiuna tyre sohoji sohoji my.
\v 3 Balaaõ ixyby rarybere Balake dee: —Kakile matxikre aobiuna wana butumy, kia-diarỹ dori arakre; kiemy dori Deuxu wana witxi areakremy aròhònykre, kia aõ bo wadee riteòsinykre tuu ako adelyykre. Taita raòwònyre hãwãlò tyahãkỹ ki.
\v 4 Balaaõ Deuxu wana witxi reare, kia myỹ tamy rarybere: Adee reywiywinyre debò inatxi sõemy obiuna
\v 5 Taita Deuxu rybe ritidire Balaaõ rywo-ò  kia myỹ rarybere: Bòòseke Balake dee kiata myỹ tamy marybekre.
\v 6 Tamy roosere, kia taobiuna wana ratximyhỹ butumy, tii kia ibutumy moabita mahãdu ijoi.
\v 7 Taita katxiterehekỹmy myỹ rarybere: Balake Arã ribi tiwateònyde, Moabe iòlò, Oriente hãwãlò hãwãlò; Manake Jacû wadee bitxuhokremy, Kia manake Israel my marybekremy.
\v 8 Timybo tahe aritxuhokre mobo Deuxu itxuhòõmyhỹre?
\v 9 Kiemy dori manaurahãkỹ tyre ribi Israel rabire kia bede ratòò ribi retehemyhỹre: kia iny mahãdu ixi sohojimy rahãwanymyhỹrenyre kia raeryõhỹỹrenykre hãwã  hãwã  mahãdu kyki.
\v 10 Mobota Jacû kỹnysi-di rariare yda idi aõ bo rariare inaubiòwamy Israel yre-di? Kia-diarỹ arurukre òbitityhy rubumy, kia waonana.
\v 11 Taita Balake rarybere Balaaõ dee: Aõ bo wadee biwinykre? Adee rarariowyra waòludu mahãdu bitxuhokremy, kia tahe urile arybewiwihikỹ tamy tewahinyte.
\v 12 Kiata tii rirawyònyre: Kia aõ bo warukiõkre warybe-di rybe Deuxu Tyhyhykỹ warywo-ò  rilidira-di? Balaaõ tarybewiwihikỹ Israel dee inatxi sõemy
\v 13 Taita Balake tamy rarybere: Adee rexitòenyreri wahemy manakremy iwitxira bede-ò; kia ityymy rỹirerilemy bobikremy kia ibutumy tuu bobiõkre; kiata iribi bitxuhokre.
\v 14 Kia ixihemy ridyre Zofim bedero-ò, Pisga ratyretxi; kiata debò inatxi sõemy obiuna ridere, kia sohoji sohojimy ta ityre broreni riòre kia budoeni riòre riteòtenyre.
\v 15 Taita Balaaõ rarybere Balake dee: Kaki marike aobiuna wana butumy, kia-diarỹ ta arakre Deuxu Tyhyhykỹ wana wiji areakremy.
\v 16 Kia Deuxu Tyhyhykỹ Balaaõ wana wiji reare, kia irywo-ò  rybe ritidimy myỹ rarybere: Bòòseke Balake dee kiata myỹ marybekre.
\v 17 Kia tii rare, kiata tii taobiuna ki ratximyhỹ, kia moabita mahãdu tii wana. Kia Balake ritỹỹraxinyre: Aõ mybo Deuxu Tyhyhykỹ rarybera?
\v 18 Taita katxiterehekỹmy tarybemy rarybere myỹ: Balake l‡mamy bexil‡madỹỹnyke kiata boholake; Warybe-ò  boholake, Zipor riòre:
\v 19 Deuxu heka hãbu aõkõ  rare, aõ mybo taroiteri; kia heka hãbu riòre aõkõ  rare, aõ mybo tahe ixidee texirahemyhỹte. Kia tii aõ bo adee rarybere tuu biwinyõkremy? Yda tuu aõ bo rarybere, tuu biwinyõkremy?
\v 20 Kia wadee rybe rỹire warybewiwihikỹ ariwahinykremy; kia tii tarybewihikỹ riwahinyre, timy ixyby warybeõna.
\v 21 Kia aõ binabinamy Jacû ki robiõre, kia aõ Israel ki ribinanyõhyyre; Deuxu Tyhyhykỹ, iDeuxu, tii wana ratxireri, kia itya bede txibo aõ naõ namy rybe ijõdire taIòlo dee.
\v 22 Deuxu Egito ribi ritarenyre; irurureny heka broreni bedehyludu wesena rare.
\v 23 Kia Jacû òludu heka rybe bòdỹỹna tamy aõ aõkõ rare, kia ureraru Israel òludumy tule; ka txibo marybebenykre JacÛ my Israel my: Aõ naõ na Deuxu bede bedemy riwinyre!
\v 24 Kia iny mahãdu rexil‡madỹỹnymyhỹrenyre hãlòe hãwyy wese kiata rexitetemyhỹre hãlòe wese; kia rexilidiõhyymyhỹre tadò riròõra wanaki kiata rurumyhỹrenyre hãlubumy riõmyhỹre.
\v 25 Taita Balake rarybere Balaaõ-ò: Kia bitxuhòõkre, kia arybewiwi tamy iwahidỹỹõmykre.
\v 26 Kiaremy Balaaõ rirawyònyre Balake dee:-diarỹ aõkõ heka rare mykỹny adee rarybere: ibutumy aõ mybo Deuxu Tyhyhykỹ rarybekre, kia ariwinykre?
\v 27 Kia ixyby Balake rarybere Balaaõ dee: Aõ here taheka manaini, kia iwitxira bede-ò  aradykre; kia heka ratỹnykre Deuxu rueòtyhyle, kia iribi tahe ritxuhokre.
\v 28 Taita Balake ridyre Balaaõ ixihemy Peor ratyre-ò, kia retehekremy bederahy weribi-ò.
\v 29 Balaaõ rarybere Balake dee: Wadee bideke kaki, debò inatxi sõemy kia wadee biywinykre debò inatxi sõemy broreni riòre kia tusỹ budoeni riòre.
\v 30 Balake tuu riwinyre Balaaõ tamy raryberemy, kiata tamy riwahinyre sohoji sohojimy obiuna tyre, sohoji broreni riòre kia sohoji budoeni riòre.
\rem dat 2002
\rem aut Ijeseberi
\c 24
\p
\v 1 Balaaõ retehemy rieryre, Deuxu Tyhykỹ deewimy Israel tarybewihikỹ  riwahinykremy, kia juhu wesemy aõkõ witxi rekoarenyre. Kia roosere bedero-ò,
\v 2 kia biutxi retehere, kia Israel mahãdumy robire tatỹhinarenyki ratximyhỹrenymy, tuu ratximyhỹrenyremy. Deuxu tyytyby tamy nade,
\v 3 kia myỹ  rarybere: ìbalaaõ rarybere, Beoro (Beor) riòre, hãbu rybe kia irue irarytxymy rỹimyhỹre,
\v 4 kua rybe Deuxu rybe-ò  roholamyỹre, kia sõemy retehemyhỹre ibutumy Deuxu Tyhyhykỹmy, kiata tarue riraynymyhỹre tiu (tatiòhumy resemyhỹreu:)
\v 5 Timybo Jacò ahetoreny awityhyrenyre, Israel asỹranareny!
\v 6 Tii boho heka rexideòtenymyhỹrenyre bedero iwory wesemy, kia iwese alòbròna berò weij‡ timy rỹimyhỹre wesemy, kia iwese alûes Deuxu ribrònymy rỹimyhỹre wesemy, kia iwese teriò be wana butumy rỹimyhỹre wesemy.
\v 7 Bee ritxiwimyhỹre ihynaro ribi, kia alòbrònaty ritxiwimyhỹre kia besòròmy iwesemy. Iiòlò heka ibedeerytyhyre Agag ribi, kia (rawomy riwinymyhỹre.)
\v 8 Deuxu heka Egito ribi ritarenyre, kiata tamyreny v igor b˙falo riwahinyre. Kia riròmyhỹre iny mahãdu òludu; riòròòròmyhỹre itireny kiata wyhy-di (ricriv) anymyhỹre.)
\v 9 Bexilidike, bexielehynyke hãlòe wesemy, kia hãlòe hãwyy wesemy: Mobo araixixanykre? Awihiỹmy mobo tarybewiwi adee riwahinykre, Ibinamy mobo aratxuhokre!
\v 10 Balac, ibinamy rahãre Balaaõ ki, kia tebò rihetenymy tamy rarybere: kia heka waòludu mahãdu bitxuhokremy adee rarariowyre, kia tahe inataõ sõemy arybewihikỹ  tewahinyta.
\v 11 Ka tahe wijityhyle makre aheto-ò. Kia waweriki marurunykresỹny adee raholare, ka Deuxu tahe walau aratòenyre.
\v 12 ìkia dori-diarỹ  aõkõ adeòdu mahãdureny-ò  rarybere, kawesemy Balaaõ rirawyònyre:
\v 13 kia Balac wadee taheto tỹximy manarỹsỹ  òtaòta-di idiwahinyke hãrele,-diarỹ Deuxu rybe wahidỹỹ  na ratyre ariwinyõtyhy, kia aõ ixiòbitimy ariwinyõtyhy; kia ararybeke aõ mybo Deuxu rarybeke sohojile?
\v 14 Kiabo awire; wasỹreny-ò  waijoireny-ò  aroosekre. Manake, kiemy dori adee tuu ararybekemyreri, aõ bo kaa iny mahãdu riwinyrenykre raryberenykreu.
\v 15 Kia Balaaõ myỹ rarybere: —ìbalaõ rybe, Beoro riòre, hãbu rybe kia iruebet‡my ratximyhỹre,
\v 16 kua rybe kia roholamyhỹre Deuxu rybe-ò, rierymyhỹr ibedeery nihikỹ, kia awimy retehemyhỹre Deuxu Tyhyhykỹ-di kiata tarue riraynymyhỹre tiu raprostanymyhỹreu:
\v 17 -diarỹ retehemyhỹre, ka wijina bede-ò  aõkõkỹnyhe, kia aõ reerymyhỹre, ityymy aõ kõkỹnyhe: aõ Jacû ribi ròhònymyhỹre, hojurehe Israel ribi l‡mamy rỹimyhỹre, kiata Moab ratyy rikròmyhỹre, Ka rawonisi woudu sõehekỹ.
\v 18 Edom heka temyte rare. Seir, aòludu rare, kia (apresa) rare. Israel (araostentanymyhỹre) aruru.
\v 19 Jacû ribita ròhònykre mynydu kiata rihukre aõ tyhytyhy hãwã  hãwãki rohenymy rỹimyhỹrenyre.
\v 20 Balaaõ robire Amaleque my, kiata tuu rarybere myỹ: Amaleque heka kodelemy hãwãdu hãwãdu rare; kiaremyta rexihurenykre.
\v 21 Kia queneu my robire, kiata tuu rarybere myỹ: Kia ahãwareny bimybenyke, kiata asireny manaurahãkỹ-ò  bilidibenykre.
\v 22 Kia tuhyyhyy queneu boho rexihumy roirenyrekre. Tiubo tahe? Assur bede rarytxyna-ò  aradykre
\v 23 Kia ihãremy katxitehekỹmy rarybere myỹ: Aõ he taheka! Mobo tahe irumy rarekre, tiubo Deuxu tuu riwinykreu?
\v 24 Hãbu mahãdu kidirahudenykre Quitim webrò ribi tabera heòtyreny-di; kia aõ hỹỹmy Assur mahãdu kia Heber mahãdu risỹnyrenykre; kia tule tii boho òbitile rexirubunyrenykre.
\v 25 Taita Balaaõ rexil‡madỹỹnymy rỹire, kia rare tasu-ò  roosere, kia tule Balake rare tary-di.
\c 25
\s1 Bali Peor my derinana kia Fineia mahãdu aõ mysỹdỹỹ
\p
\v 1 Israel rahãwanymy raremyhỹ Sitim ki, kiata iny mahãdu urile òtaòta widỹỹ riòrarunyrenyre, moabita mahãdu riòre hãwyy boho wana.
\v 2 Kia tii boho heka iny mahãdu dee raryberenyre ròirenykremy ikỹnyxiwereny-ò; kia iny mahãdu rirỹsỹrenyre kiata tatiòhumy ikỹnyxiwereny-ò  reserenyre.
\v 3 Kia Israel rexibutunyre Bali Peor wana, taita Deuxu reburere inihikỹmy Israel òludumy.
\v 4 Deuxu Tyhyhykỹ myỹ rarybere Moisesi  dee: Bimyke ibutumy iny mahãdu ratireny kit bibòtòtaabenykre ahãna-ò, kia heka Deuxu debure jubrere rexitakre Israel ribi.
\v 5 Taita Moisesi  rarybere Israel wedudeereny: Iny sohoji sohoji rirubunykre kia hãbu mahãdu aijoireny kia Bali Peor dee rexibutunyrenyra.
\v 6 Kia hãbuõ Israel riòre mahãduõ nade kiata-didydenyde taseriòre boho kia sohoji midianitaõ Moisesi  itxerenamy kia ibutumy Israel rybe butuna bede-ò.
\v 7 Kia tahe Fineia mahãdu idi retehereri, Eliaza (Eleazar) riòre, Araõ riòre, Deuxu rybe-di ijohodu, kia rexitamadỹỹnyre iny mahãdu butumy rỹimyhỹreny yky ribi, kia tõnori rimymy,
\v 8 kiata ihewomy israelita hãbu rare heto riòrewo-ò, kiata ròhòrere hãbu israelita-ò  kia hãwyy israelita-ò, kia wi wana iwereny-di; taita aõ binabinahãkỹ ruhure Israel riòre boho tyre ki.
\v 9 Kia heka 24 mil my iny sõe aõ naõ na binahãkỹ rahurenyre.
\v 10 Taita Deuxu Tyhyhykỹ rarybere Moisesi  dee:
\v 11 Fineia, Eliaza riòre, Araõ riòre, Deuxu rybe-di ijohodu, wadebure wakyara ritiòreanyra, Israel riòre mahãdu ribi
\rem aut Ijooko Karaja neto de Pedro Caneca e Andre Urania
\c 26
\p
\v 1 Kia binana rahudi heka Deuxu Moisesi Eleasa Araõ wahisidỹỹdu riòre wana Deuxu rarybere Myy:
\v 2 Ibutu Israel hãbu mahãdu-di wawiò kanaòmariakre, tamahãdu tamahãdu wana ibutu ijoityhy mariakre.
\v 3 Iwesele Deuxu rarybere heka Moisesi Eleasa ijoi mahãdu ributunyre taile Moabe su weribi-ò Jordaõ bero weijiti iòhòmy Jeriò hãwã weutademy.
\v 4 Kiamy roire Israel mahãdu Ejitu ribi dòhonyde myy:
\v 5-6 Jaó riòre dela tahe– Rubem mahãdumy; Elaõ (Enoque) mahãdu, Palu, Herõ e Cami.
\v 7 Kia mahãdu hãbu sõwemy 43.730 juhu rỹiramyhỹ.
\v 8-9 Palu mahãdu tahe — Eliabe tariòre boho Nemueli, Datã, Abiraõ. (Tiiboho Moisesi Araõmy ibinamy raryberenyre Coré teramy reareu tiiboho ibutmy raryberenyre Deuxumy)
\v 10-11 Iòrarureny-ki heka suu ruare tai Coré tiiboho wana ituerenyre. 250 hãbu sõwe heòty risõre tai ribedeerynanyre òraru lau. Ihỹrele heka Coré riòre ruruõrenyre tyby wana.
\v 12-13 Simeaõ mahãdu tahe –Nemeli Jamῖ, Jaki, Zerá, Salu.
\v 14 Kia mahãdu heka 22.200 hãbu sõwe juhu rỹiramyhỹ.
\v 15-17 Gadé mahãdu tahe –Zesõ, Hakui, Suni, Osini, Eri, Arodé, Areli.
\v 18 Kia mahãdu tahe –40.500 hãbu juhu rỹiramyhỹ.
\v 19-21 Judá mahãdu tahe –Selá, Peré, Hesirõ, Hamu. (Katahe Kanaãsu-ki rurure Eri, Õnã.)
\v 22 Kia mahãdu heka –76.500 hãbu juhu rỹiramyhỹ.
\v 23-24 Isaka mahãdu tahe –Tolá, Pubá, Jasubé, Sirõ.
\v 25 Kia mahãdu heka –64.300 hãbu juhu rỹiramyhỹ.
\v 26 Sebulõ mahãdu tahe –Seredé, Elõ, Jalé.
\v 27 Kia mahãdu heka –60.500 hãbu juhu rỹiramyhỹ.
\v 28 Manasé, Efraῖ wana José riòre mahãdu.
\v 29 Manasé mahãdu tahe –Maki, Manasé riòre tahe Jiladé tyby imahãdu heka rare:
\v 30 Lesé, Heleké, Asirie, Siké,
\v 31-33 Semidá, Hebere, Zelobaté, Tii heka iriòre hãbu ihõõre, hawyyhyyle iriòre rare kia inireny roire: Macla, Noá, Hocala, Milika Tirisá
\v 34 Kia mahãdu heka –55.700 hãbu sõwe juhu rỹiramyhỹ.
\v 35-36 Efraῖ mahãdu tahe –Sutelá, Beké, Taã. Erã heka Sutela mahãdu rare.
\v 37 Kia mahãdu heka –32.500 hãbu José mahãdumy sõwe juhu rỹiramyhỹ..
\v 38-39 Bejami mahãdu tahe –Belá. Asibeli, Airaõ, Sufã, Hufã.
\v 40 Aridé, Naamy (Naamã) Belá mahãdumy roire.
\v 41 Kia mahãdu heka –45.600 hãbu sõwe juhu rỹiramyhỹ.
\v 42 Dã mahãdu tahe –Suã
\v 43 Kia mahãdu heka –64.400 hãbu sõwe juhu rỹiramyhỹ.
\v 44 Asé mahãdu tahe –Iminá, Isibi, Beriá.
\v 45 Hebé, Makieli, Beriá mahãdumy roire.
\v 46 Asser riòre hawy Serámy inire.
\v 47 Kia mahãdu heka –53.400 hãbu sõwe juhu rỹiramyhỹ.
\v 48-49 Nabitali mahãdu tahe –Jaseli, Kuni, Jesé, Sileé.
\v 50 -Kia mahãdu heka –45.400 hãbu sõwe juhu rỹiramyhỹ.
\v 51 Israel mahãdu 601.630 hãbumy sõwemy roire.
\v 52 Deuxu Mosesi-ò rarybere:
\v 53 Suu bitxuake tamahãdu tamahãdu wana sõwe mahãdu ibute mahãdu wana.
\v 54-56 tarasana dehuna ribi bitakre surehe mahãdu sõwere-ki iula mahãdu iulalemy su ritakre.
\v 57 Levi mahãdu tahe –Jesõ Koaté, Merari.
\v 58 Libini, Heborõ, Mali Musí,Corá Levi mahãdumy roire Koaté Ãraõ tyby.
\v 59 Ãraõ  hãwyy Jokebedé Levi riòremy; iriòre boho heka Araõ, Moseisi, iriòre  hãwyy Miria tiiboho Ejitu-kile rearenyre.
\v 60 Araõ inaubiòwamy iriòrereny: Nadabé, Abiú,Eleasá, Itamá.
\v 61 Nadabé, Abiú rururenyre Deuxu-ò heòty-di ralòõkremyra-ki ihỹre ralorenyre.
\v 62 Levi mahãdu tahe 23.000 sõwe. Sohoji ahãdu-di tohouã weryryhyy rihitxinyrenyre. Suu tiiboho ritaõrenyre Deuxu aõmysỹdỹỹdumy roiremyhỹ-ki. Israelisu-kile rỹsỹnymyroiremyhỹ.
\v 63 Kia mahãdule Moseisi, Eleasa Deuxu wahisidỹỹdu wana Moabe su-ki Israeli mahãdu idi riariarenyre Bederahu-ki Jordaõ bera ijoki Jeriò hãwã iòhòmy.
\v 64 Kia mahãdu heka juhuu Mosesi Araõ wana Israeli mahãdu idi rariareny kia mahãdu juhu tai ihõõre.
\v 65 Deuxu juhu rarybere ibutumy bederahy-ki rururenykremy tahe ibutumy ituerenyre Deuxu rybe wesehyyle. Kia Kalebe Josue wana ruruõre.
\c 27
\s1 Selobeade riòre  hãwyy mahãdu
\p
\v 1 Manasé mahãdu heka iruyre hawyymy seriòremy roiremyhỹ Makala, Noa ijõ, Hokalaijõ, Milika ijõ, Tirisá. Tiiboho Selobeade riòremy roire ilabiereny Xileadé, Maki, Manasé, José ilabierenymy rare.
\v 2 Eleasa xiwena wahisidỹỹdu-ò, Moisesi-ò, ibutu wedu mahãdu-ò roirenyre rybemy Tyky heto iòkresyna-ki Tii boho raryberenyre: adekereny kraryberenykre:
\v 3 Bedebrasa-ki wahareny rurure tii heka Deuxu dera mahãdu anokõmy roire, Kore mahãduky-ki anokõmy roire tii takòraruna-dile rurure wahe. Tahe iriòre hãbu ijõkõre dokuri.
\v 4 Tahe kiawesemy awikõre wahanimy tõhõti rusakre, tai dokuri adekereny karexitòenyrenykre ixinamy waha mahãdu su-ò sohoji wadekereny bidiwahinybenykre tai wahani tõhõti itxi reakre.
\v 5 Tai Moisesi Deuxu-ò rarybere:
\v 6 Deuxu tamy rirawyònyre:
\v 7 Kia Selofeade riòre  hãwyy mahãdu rarybemy òbiti heka rare, kai biwahinykre tyby mahãdu su-ò sohoji tamyreny biwahinykre tai tybyreny hõrõ tamyreny reurokremy ratxireri.
\v 8 Israel mahãdu-ò marybekre hãbuõ rurukreu iriòre hãbu ihõõre-ki heka tariòrereny hawyymy isu-ò roikre.
\v 9 Iriòreõre-ki tahe isu-ò tyby seriòre mahãdu-ò roirenykre.
\v 10 Iseriòrereny ihõõre-ki tahe tyby seriòrereny-ò su riwahinykre.
\v 11 Itybyreny seriòrereny ihõõre-ki tahe iseriòre tukuutyhy riwahinykre. Israel mahãdu kia rybe wesemy riwinykre iwesele adee rarybereri wesemy. Josue Israeli mahãdu wedumy
\v 12 Deuxu Moisesi-ò rarybere: Abarim hãwãlò-ò makre kia ribi beteheke su-ò Israel mahãdu-ò rewahinyrenyre.
\v 13 Kiamy bobikreu irahudi heka iwese Araõ aseriòre rurure kai burukre wysele.
\v 14 Juhuu dori Sῖ bedebrasa-kile Israeli mahãdu texirybenyteu warurumy teàlàõte Israel mahãdu ru-ki kai boho dori warybe teaõtenyte kia òraruki. (taile Meribá iworu-ki roire Kade sumy Sῖ -ki bedebrasa-ki)
\v 15 tai tahe Moisesi rarybere:
\v 16 Deuxu Tyhyhykỹ, kai ibutu widỹỹdumy tate inyõ biteòsinykre Israel mahãdu ridinodunykremy.
\v 17 Aõbina roikreu heka Israel mahãdu idi ridinodunykremy, aõkõkeki tahe bodoeni itxeredu ijõõre-ki wesemy roike.
\v 18 Deuxu Tyhyhykỹ Moisesi-ò rarybere: Josue, Nu riòremy bitakre tii hãbutyhyhykỹ tii rare ebò irati-ò bitidikre.
\v 19 Kaa wese heka wedumy bisỹnykre tai ibutu Israel mahãdu tii rityhynykre aratyhynyre wesemy.
\v 20 Ibutu Israel mahãdu koki tamy biteòsinykre Eleasa awana kia wesemy ratxikre tai ibutumy rieryrenykre aderòwymy rarekre.
\v 21 Eleasa tamy rierynanykremy Uri Tumi ribile wadewimy rierykremy, Deuxu rarybere. Tai Josue Eleasa Xiwena wahisidỹỹdu ridinodunykremy ibutu Israeli mahãdu timybo riwinyrenykremy wadewimy.
\v 22 Ibutu Israel mahãdu koki Eleasa wana tamyreny riteòsinyre iwese Deuxu rarybere wesemy Moisesi riwinyre.
\v 23 Josue irati-ó tebó ritidire teròwymy risỹnyre iwese Deuxu rarybere wesemy
\rem dat 2016
\rem aut Ijooko Karaja neto de Pedro Caneca e Andre Urania
\c 28
\s1 Txuõtxuõlemy xiwena rawahinymyhỹre.
\p
\v 1-2 Deuxu Tyhyhykỹ Moisesi-ò rarybere:— Israeli mahãdu-ò marybeke xiwena txuõtxuõlemy òbitimy bidiwyke iwese rarybere wese, kia xiwena lỹnyrewi wadee.
\v 3 Budoini beòra sohoji-di òbitityhy inatximy txuõtxuõlemy tuhyymy rawahimyhỹkremy.
\v 4 My tahe; rudile sohoji rawahikre, txioromy ijõ rawahikre.
\v 5 Budoini sohoji sohoji iwana heka Triku ỹnyde ruxõmohõkỹ sohoji urihixina aseitxi sohoji urihixina wana iurimy rawahikre.
\v 6 Idi ibutu rawosikre tai txuõtxuõlemy rawahikre. Kia rỹsỹna xiwena heka Deuxu Tyhyhykỹ lỹrenawi rare, Sinai Hãwãlò-ki juhuu riwahinyre kiamy.
\v 7 Budoini sohoji sohoji iwana heka vii sohoji urihixina rawahikre. Vii heka tykyhetowotyhy-ò ritxiwikre Deuxu Tyhyhykỹ deàlànamy.
\v 8 Txiorou heka budoini sohoji iwana heka Triku ỹnyde ruxõmohõkỹ sohoji urihixina aseitxi sohoji urihixina wana iurimy rawahikre rudile rawahikre wese.
\s1 Sabadu txuu xiwenamy
\v 9 Sabadu txuu xiwenamy heka rare myy; budoini sohoji beòra-di inatximy rawahikre iwana heka Triku ỹnyde ruxõmohõkỹ inatxi urihixina aseitxi wana iurimy rawahikre kia xiwena hinamy rare ijõ vii wana.
\v 10 Kia Sabadu txumy heka rawahikremy idi ibutu rawosikre. Txuõtxuõlemy xiwena ijõdire sabadu txumy kiamy ijõdire. Ahãdu tỹmyra worana bedehesi-ki Deuxu-ò xiwena rawahikre.
\v 11 Ahãdu ahãdu iòrarunau xiwena wadee rawahikre. Kia xiwenamy ibutu rawosikre. Kiamy rarekre: Inatxi bororeni itỹmyra iòdimy, budoeni hãbu sohoji, budoeni riòre hãbu sohoji beòradi debò inatxi reuròmy, ibutu òbitihikỹ rawahikre.
\v 12 Bororeni itỹmyra iòdimy sohoji sohoji ỹnyde wihikỹ inatão urihixina aseitxi wana iurimy rawahikre; budoeni hãbu ỹnyde inatxi sohoji urihixina aseitxi wana iurimy rawahikre .
\v 13 Budoeni riòre hãbu ỹnyde sohoji urihixina aseitxi wana iurimy rawahikre. Kia xiwenamy ibutu risõkre wadee lỹnyre awi xiwena rasỹnamy rare.
\v 14 Vii xiwenamy myy rare: Bororeni itỹmyra iòdimy sohoji sohoji vii inatão urihixina wana rawahikre, budoeni hãbu vii sohoji ueremy rawahikre, budoeni riòre hãbu sohoji sohoji vii sohoji iurihixinamy rawahikre. Kia ibutu rawosikre ahãdu òraruna txuu rawahikre beòra-di.
\v 15 Kia txuõtxuõlemy xiwenamy rawosikre, vii rawahikre tulesỹ Deuxu-ò watxini rawahikre, iny mahãdu òraruna riixãwididỹỹnykemy. Worana bedehesi-ki paõ iurihixinaõmy xiwenamy
\v 16 Sohoji beòra reuròra sohoji ahãdu debòwiò inaubiòwa txuu Deuxu-ò worana besehesi rỹire.
\v 17 Kia ahãdu waiyre txuu worana bedehesimy rỹikre. Debò inatxi reurò txu-di paõ iurihixinaõmy riykre sohoji sohoji txumy.
\v 18 Worana bedehesi iòrarunatxumy inyõ raõmysỹdỹỹõhyyra; rexibutunyrenykre Deuxu reàlàkremy ibutumy.
\v 19 Iu heka xiwenamy rawahikre wosimy, rasỹna xiwenamy, Bororeni itỹmyra iòdimy inatximy,budoeni hãbu sohoji, budoeni riòre hãbu beòra sohoji-di debò inatxi reuròmy rawahikre. Tii boho ibutu awityhymy rarekre Deuxu-ò.
\v 20 Bororeni itỹmyra iòdimy sohoji sohoji ỹnyde wihikỹ inatão urihixina aseitxi wana iurimy rawahikre; budoeni hãbu ỹnyde inatxi sohoji urihixina aseitxi wana iurimy rawahikre.
\v 21 budoeni riòre hãbu ỹnyde sohoji urihixina aseitxi wana iurimy rawahikre.
\v 22 Tulesỹ Deuxu-ò watxini rawahikre, iny mahãdu òraruna riixãwididỹỹnykemy.
\v 23 Kiamy biwahinybenyke tule txuõtxuõlemy ruudimy xiwena wosi ijõdire.
\v 24 Kiamy heka txuõtxuõlemy Deuxu-ò biwahinybenyke xiwenamy debò inatxi reurò txudi, xiwena rasỹnamy rawahikre lỹrena tamy awire. Tule watxini risõkremy rỹikre vii wana.
\v 25 Debò inatxi reurò txu-di heka inyõ raõmysỹdỹỹõhyyra; rexibutunyrenykre Deuxu reàlàkremy ibutumy. Aõ siredỹỹna worana bedehesi txuu.
\v 26 Kai boho worana bedehesi ijõmy rỹikre aõ siredỹỹna txuu worana bedehesimy. Itxu òraruna heka aõsiredỹỹna temyta inyõ raõmysỹdỹỹõhyyra; rexibutunyrenykre Deuxu reàlàkremy ibutumy.
\v 27 Deuxu-ò rawahikre xiwena wosimy Bororeni itỹmyra iòdimy sohoji; budoeni hãbu sohoji, budoeni riòre hãbu beòra sohoji-di debò inatxi reuròmy rawahikre. Òbitityhymy ibutumy.Tii boho ibutu awityhymy rarekre Deuxu-ò.
\v 28-29 Bororeni itỹmyra iòdimy sohoji sohoji ỹnyde wihikỹ inatão urihixina aseitxi wana iurimy rawahikre; budoeni hãbu ỹnyde inatxi sohoji urihixina aseitxi wana iurimy rawahikre, budoeni riòre hãbu ỹnyde sohoji urihixina aseitxi wana iurimy rawahikre.
\v 30 Tulesỹ Deuxu-ò watxini rawahikre, iny mahãdu òraruna riixãwididỹỹnykemy.
\v 31 Kiamy bidiwybedenykre, txuõtxuõlemy xiwenamy rawosikre, vii rawahikre, rỹsỹna xiwena rawahikre.
\rem dat 2016
\rem aut Ijooko  Andre Urania wana
\c 29
\s1 Beòra tỹmyra worana bedehesi xiwena
\p
\v 1 Deuxu Tyhyhykỹ Moisesi-ò rarybere Israeli mahãdu bedeywinamy: —Debò sohoji inatxi reurò ahãdu txu iòraruna hekainyõ raõmysỹdỹỹõhyyra; rexibutunyrenykre Deuxu reàlàrenykremy ibutumy. Kia txu heka txuròna rurònykre.
\v 2 Deuxu-ò rawahikre xiwena wosimy lỹnyrewi Deuxude; Bororeni itỹmyra iòdimy sohoji; budoeni hãbu sohoji, budoeni riòre hãbu beòra sohoji-di debò inatxi reuròmy rawahikre. Òbitityhymy ibutumy. Deuxu-ò.
\v 3 Bororeni itỹmyra iòdimy sohoji sohoji ỹnyde wihikỹ inatão urihixina aseitxi wana iurimy rawahikre; budoeni hãbu ỹnyde inatxi sohoji urihixina aseitxi wana iurimy rawahikre,
\v 4 budoeni riòre hãbu sohoji sohoji ỹnyde sohoji urihixina aseitxi wana iurimy rawahikre.
\v 5 Tulesỹ Deuxu-ò watxini rawahikre, iny mahãdu òraruna riixãwididỹỹnykemy.
\v 6 Ahãdu iòraruna txuu kiamy bidiwybedenykre, txuõtxuõlemy xiwenamy rawosikre ijõ ribi, vii rawahikre, rỹsỹna xiwena rawahikre. Ibutu xiwenamy bidiwybedenykre, Deuxu Tyhyhykỹde rỹsỹna xiwena heka lỹnyrewi rare.
\s1 Òraruna ixãwidina txu xiwenamy
\v 7 Ahãdu debò reurò inatxi debòwiò txu-di heka inyõ raõmysỹdỹỹõhyyra; aõ rirasỹõhyykre, rexibutunyrenykre Deuxu reàlàkremy ibutumy.
\v 8 Deuxu-ò rawahikre xiwena wosimy lỹnyrewi Deuxude; Bororeni itỹmyra iòdimy sohoji; budoeni hãbu sohoji, budoeni riòre hãbu beòra sohoji-di debò inatxi reuròmy rawahikre. Òbitityhymy ibutumy Deuxu-ò.
\v 9 Bororeni itỹmyra iòdimy sohoji sohoji ỹnyde wihikỹ inatão urihixina aseitxi wana iurimy rawahikre; budoeni hãbu ỹnyde inatxi sohoji urihixina aseitxi wana iurimy rawahikre,
\v 10 budoeni riòre hãbu sohoji sohoji ỹnyde sohoji urihixina aseitxi wana iurimy rawahikre.
\v 11 Tulesỹ Deuxu-ò watxini rawahikre, iny mahãdu òraruna riixãwididỹỹnykemy. Kiawatxini rawahikre, iny mahãdu òraruna riixãwididỹỹnykemy tahe txuõtxuõlemy xiwena wosi ijõdiremy heka wiwana rawahikre vii xiwena, rỹsỹna xiwena wana. Tyky heto worana bedehesi txu.
\v 12 Ahãdu debò reurò inatxi iruyre txu-di heka rexibutunyrenykre Deuxu reàlàkremy ibutumy. Kia worana bedehesi debò inatximy reurò txu-di rỹikremy.
\v 13 Kia worana bedehesi iòraruna txu-di heka xiwena rỹsỹna Deuxu-ò rawahikre lỹnyrewi Deuxude; Bororeni itỹmyra iòdimy debòwiò inataõ reuròmy sõwe; budoeni hãbu inatxi, budoeni riòre hãbu beòra sohoji-di debòwiò inaubiòwa reuròmy sõwe rawahikre. Òbitityhymy ibutumy Deuxu-ò.
\v 14 Bororeni itỹmyra iòdimy sohoji sohoji ỹnyde wihikỹ inatão urihixina aseitxi wana iurimy rawahikre; budoeni hãbu ỹnyde inatxi sohoji urihixina aseitxi wana iurimy rawahikre,
\v 15 budoeni riòre hãbu sohoji sohoji ỹnyde sohoji urihixina aseitxi wana iurimy rawahikre, vii xiwena wana.
\v 16 Tulesỹ Deuxu-ò watxini rawahikre, iny mahãdu òraruna riixãwididỹỹnykemy. Kia watxini rawahikre, iny mahãdu òraruna riixãwididỹỹnykemy tahe txuõtxuõlemy xiwena wosi ijõdiremy heka wiwana rawahikre vii xiwena, rỹsỹna xiwena wana.
\v 17 Inatxina txuu tahe Bororeni itỹmyra iòdimy debòwiò inatxi reurò rawahikre; inatxi budoeni hãbu rawahikre, debòwiò inaubiòwa reurò budoeni riòre hãbu rawahikre. Òbitityhymy ibutumy Deuxu-ò.
\v 18-19 Wiwanareny heka worana bedehesi iòraruna txu xiwenamy roire ibutumy rawahikremy.
\v 20 Inataõna txumy tahe Bororeni itỹmyra iòdimy debòwiò sohoji reurò rawahikre; inatxi budoeni hãbu rawahikre, debòwiò inaubiòwa reurò budoeni riòre hãbu rawahikre. Òbitityhymy ibutumy Deuxu-ò.
\v 21-22 Wiwanareny heka worana bedehesi iòraruna txu xiwenamy roire ibutumy rawahikremy.
\v 23 Inaubiòwa txuu tahe Bororeni itỹmyra iòdimy debòwiò inatxi reurò rawahikre; inatxi budoeni hãbu rawahikre, debòwiò inaubiòwa reurò budoeni riòre hãbu rawahikre. Òbitityhymy ibutumy Deuxu-ò.
\v 24-25 Wiwanareny heka worana bedehesi iòraruna txu xiwenamy roire ibutumy rawahikremy.
\v 26 Iryure txuu tahe Bororeni itỹmyra iòdimy debò inaubiòwa reurò rawahikre; inatxi budoeni hãbu rawahikre, debòwiò inaubiòwa reurò budoeni riòre hãbu rawahikre. Òbitityhymy ibutumy Deuxu-ò.
\v 27-28 Wiwanareny heka worana bedehesi iòraruna txu xiwenamy roire ibutumy rawahikremy.
\v 29 Debò sohoji reurò txuu tahe Bororeni itỹmyra iòdimy debò inataõ reurò rawahikre; inatxi budoeni hãbu rawahikre, debòwiò inaubiòwa reurò budoeni riòre hãbu rawahikre. Òbitityhymy ibutumy Deuxu-ò.
\v 30-31 Wiwanareny heka worana bedehesi iòraruna txu xiwenamy roire ibutumy rawahikremy.
\v 32 Debò inatxi reurò txuu tahe Bororeni itỹmyra iòdimy debò inatxi reurò rawahikre; inatxi budoeni hãbu rawahikre, debòwiò inaubiòwa reurò budoeni riòre hãbu rawahikre. Òbitityhymy ibutumy Deuxu-ò.
\v 33-34 Wiwanareny heka worana bedehesi iòraruna txu xiwenamy roire ibutumy rawahikremy.
\v 35 Debò inataõ reurò txu-di heka inyõ raõmysỹdỹỹõhyyra; rexibutunyrenykre Deuxu reàlàkremy ibutumy.
\v 36 Deuxu-ò rawahikre xiwena wosimy lỹnyrewi Deuxude; Bororeni itỹmyra iòdimy sohoji; budoeni hãbu sohoji, budoeni riòre hãbu beòra sohoji-di debò inatxi reuròmy rawahikre. Òbitityhymy ibutumy Deuxu-ò.
\v 37-38 Wiwanareny heka worana bedehesi iòraruna txu xiwenamy roire ibutumy rawahikremy.
\v 39 Kaa heka xiwena wosi bedeywina rybemy rare, rỹsỹna xiwenamy, vii xiwenamy, ywina xiwenamy rare Deuxu-ò rawahikremy iu iwese rawahikremy worana bedehesi bedeu. Kaa heka warybemy roire xiwenamy wadee biwahinybenykemy, ijõ aderenywimy bidiwahinybenykreu xiwena wana rawahikremy.
\v 40
\c 30
\s1 Tarybe ritidire
\p
\v 1 Kiamy Moisesi Israeli mahãdu-ò rarybere Deuxu Tyhyhykỹ tamy rarybere wesemy.
\v 2 Israeli mahãdu wedu-ò Moisesi rarybere myy: Kaa heka Deuxu rarybetyhyre:
\v 3 Inyõ tarybe ritidikreu Deuxu-ò riwinykremy ada riwinyõkremy tarybe òbitimy riwinykre.
\v 4 Ijadòma tyby heto-ki rasỹnymyhỹreu tarybe ritidikreu Deuxu-ò riwinykremy ada riwinyõkremy
\v 5 Tyby rieryke tamy teramy reaõkeki tahe tii riwinykre iwese rarybere wesemy.
\v 6 Tulesỹ tyby rierykeki tamy teramy reake tai tahe tii riwinyõkremy. Deuxu heka riixãwidinykre tyby reamy reare dori.
\v 7 Tahe ijadòma tarybe ritidikeki tarayky ribile rieryre ada urile tarybe ritidikeki aõ riwinykemy aõ riwinyõkemy tahe hãbu wana roikre
\v 8 Tahe ihãbu rierykeki tamy teramy reaõkeki riwinykre iwese rarybere wesemy.
\v 9 Tulesỹ ihãbu rierykeki tamy teramy reake tai tahe tii riwinyõkremy. Deuxu heka riixãwidinykre.
\v 10 Tahe wytese mahãdu ihãbu-di wytese mahãdu tarybe ritidirenykreu Deuxu-ò riwinykremy ada riwinyõkremy riwinyrenykre iwese raryberenyre wesemy.
\v 11 Tahe hãwyy ihãbudi tarybe ritidikeki aõ riwinykemy aõ riwinyõkemy
\v 12 tahe ihãbu rierykeki tamy teramy reaõkeki riwinykre iwese rarybere wesemy.
\v 13 tahe ihãbu rierykeki tamy teramy reakre riwinyõkre iwese rarybere wesemy Deuxu heka riixãwidinykre. Ihãbu teramy dori tii riwinyõkremy.
\v 14 hãwyy riwinykemy ada riwinyõkemy Deuxu-ò ihãbu tahe tarybe ritidire ixinamy òbiti rybe rare.
\v 15 Tahe ijõ ibiurasòmy ihãbu kiamy tamy ritirãre-ki hãwyy riwinykremy iwese rarybere wesemy. Tii juhule tamy rarybeõre tai dori riwinyke.
\v 16 Ihỹre heka tii tuu riukokeki tahe aõhõkỹymy tahãbu-ò kanake tahawyy-ò aõkõ.Kia heka rybe ritidire Deuxu-ò bedeywina heka rare. Ijadòma mahãdu-ò Hãwyy ihãbudi mahãdu-ò.
\c 31
\s1 Midia mahãdu aõbinamy
\p
\v 1 Deuxu Moisesi-ò rarybere:
\v 2 Israeli mahãdu-ò marybeke Midiã mahãdu riòwynykre tii boho adeereny ibinamy riwinyrenyre dori. Iribi taheka kai burukre.
\v 3 Tai Moisesi Israeli mahãdu-ò rarybere: Bexiywinybenyke, Midiã mahãdu-txi beake, Deuxumy biòwynyke ibinamy tamy riwinyreny òraruki.
\v 4 Israeli tamahãdu tamahãdu ribi sohoji nihikỹmy hãbu alòremy bitakremy.
\v 5 Tai heka Israeli tamahãdu tamahãdu sohoji nihikỹmy iribi debowiò inatxi hãbu tebòna-di rasõwerenyre.
\v 6 Sineia Eleaza wahisidỹỹdu riòremy Moisesi kia hãbu mahãdu wedumy risỹnyre tii aõnaõna Deuxu heto riwyra txuròna wana tai ritxurònykemy.
\v 7 Midiã mahãdu-ò itxi rearenyre iwesele Moisesi-ò Deuxu rarybere iwese. Ibutu hãbu mahãdu tii boho rirubunyrenyre.
\v 8 Rurure mahãdu inirenymy roire: Ebi, Hekeí, Suru, Huru, Hebá, kia boho Midiã iòlò mahãdu iruyre. Tule Balaaõ Beoro riòre maurehe-di rirubunyrenyre.
\v 9 Tahe  hãwyy mahãdu, uladu mahãdu heka Israeli mahãdu wetxumy ridyrenyre, ibudoenireny, watxinireny inohõreny ridyrenyre.
\v 10 Ihãwãreny ritonyrenyre, tyky hetoreny riworonyrenyre.
\v 11 Iaõnaõnareny, hãwyy mahãdu, uladu mahãdu, iròdu sõwe ibutumy ridyrenyre.
\v 12 Moisesi-ò Eleaza wahisidỹỹdu-ò ibutumy ridyrenyre Israeli mahãdu Moabesu-ki roireri, Jordaõ bero iòhòmy, Jerikò kanawe ribiò tali roire mahãdu-ò.
\s1 Sodadu mahãdu roosenamy
\v 13 Moisesi, Eleasa, Israeli mahãdu wedu wana tatyky heto ribi rexitarenyre Sodadu mahãdu-ò itxi reakremy roirenyre.
\v 14 Sodadu roosemy roireu tahe Moisesi rebureri sodadu mahãdu-ò.
\v 15 Tii rarybere: — Aõherewe hãwyy Midiã mahãdu terubunyõtenyteri.
\v 16 Õhõti itxi beabenyke, hãwyy mahãdule Balaaõ rybe heki ,Israeli mahãdu Deuxu-ò riteòsanyrenyre, Baa Beo surioko iu reàlàrenyreu tai sõwe binana Israeli mahãdu-ò reurore tii boho òraruki.
\v 17 Taibohe wiji  hãwyy mahãdu weryry mahãdu birubunybenykre.
\v 18 tahe ijadòmatyhy mahãdu, hirari mahãdu irulemy rỹikre ahõrõrenymy rỹikremy.
\v 19 Wijisỹ Ibutu rirubunyre mahãdu, rurure mahãdu ririmyhỹre hãwã ribi irehemy debò inatxi txumy rijekre. Inataõ txu-di, debò inatxi reurò txu-di heka kai boho wetxu mahãdu wana bexisuhòbenyke.
\v 20 Ibutumy bexilyramy atykyreny, iròdu tyky aõnaõna-di roiremy, watxini tyky aõna-di roiremy, ibutu aõnaõna òworudi bisuhòbenyke.
\v 21 Tai Elesa ibutu hãbu alòre ribi roosere-ò rarybere: —Kia heka Moisesi-ò Deuxu rarybere:
\v 22-23 Ibutu heòty risõõre-ki womati tỹrỹrỹhỹkỹ tai heòty risuhoke, tahe ijõ Ibutu heòty risõõke-ki bedi risuhoke.
\v 24 Debò inatxi reurò txu-di bexilyranybenykre atykyreny bisuhobenykre iribi heka ixinamy bodoibedenykre iny hetoreny-ò. Midiã mahãdu iaõnaõnareny ritxuatxuarenyre.
\v 25 Deuxu Moisesi-ò rarybere:
\v 26 Kai, Eleaza, Israeli wedu mahãdu wana midiã mahãdu ribi aõnaõnadiwydenyde boritinybenybe . Iródu mahãdu,  hãwyy mahãdu wana.
\v 27 Inatximy bitxuabenyke. Sohoji weremy sodadu mahãdu hõrõmy rarekre ijõ weremy tahe Israeli mahãdu-ò rare.
\v 28 Sodadu mahãdu hõrõ iribi bitakre sohoji umymy Deuxu-ò rare. Wetxu mahãdu 500 sõwe sohoji iribi Deuxu-ò ritakre. Broreni iribi, budoeni iribi, jumetu iribi,watxini iribi iweselemy rare.
\v 29 Eleasa wahisidỹỹdu-o biwahinykre Deuxu-ò rare.
\v 30 Israeli mahãdu hõrõ iribi bitakre Wetxu mahãdu 50 sõwe sohoji iribi bitakre, broreni iribi, budoeni iribi, jumetu iribi,watxini iribi iweselemy rare. Deuxu heto aõmysỹdỹỹdu mahãdu-ò (Lebita) ritakre.
\v 31 Moisesi Eleasa wana iwese deuxu rarybere wese riwinyrenyre.
\v 32-35 Kaa heka roire ibutumy Midiã mahãdu iribi ritarenyre tahe tamy iximy rimyrenyre rirytinyõre.
\s1 Sodadu wedu mahãdu xiwenamy
\v 48 Sodadu wedu mahãdu, tamahãdu tamahãdu wedu Moisesi-ò roirenyre.
\v 49 raryberenyre: —Wasodadureny idi òbitimy rariarenyre wadeòdureny tahe iny riõõreri.
\v 50 Tahe tii boho aõnaõna rimyre rewyrenyre iribireny; womati tỹrỹrỹhỹkỹ, nohõ, deòrutà ludu, debò, nohõtisana. Deuxu-ò ariwahinyrenykre warureny òwymy tii wadeereny riyrubunyrenykre.
\v 51 Moisesi Eleasa wahisidỹỹdu wana ibutu aõwihikỹ rimyrenyre.
\v 52 Kia ibutumy Deuxu-ò riwahinyre heka 192-my urihixinamy roire.
\v 53 Sodadu weduõdu mahãdu tahe òludu aõnaõnamy iximy rimyrenyre.
\v 54 Tai heka Moisesi Eleasa wahisidỹỹdu wana ibutu aõwihikỹ sodadu wedu mahãdu iribi rimyrenyre Deuxu tyky heto-ò riwyrenyre Israeli mahãdu Deuxu riyrubunykremy.
\rem dat 2016
\rem aut Maria Tereza Lawarita Karaja reside na Aldeia Macaúba
\c 32
\s1 Ibrura weribi ririre mahãdu.
\p
\v 1 Hubei, Kade mahãdu awimy Xileadésumy tai raharenyre kia su awimy tõhõreny idi roxinamy roirekremy itohõreny sõwere-ki kia su-ki awimy raharenyre tõhõreny tai riroximy rỹirakremy.
\v 2 Tiiboho Eleasá xiwena wahisidỹỹdu-ò Moisesi-ò ixitòedỹỹmy roirenyre Kiamy raryberenyre:
\v 3-4 adeereny rybemy roireri: —Aõma kabede heka Deuxu Israeli mahãdu-ò ritare. Anatote hãwã,-dibõ hãwã, Sasé hãwã, Nihá hãwã, Hesiborõ Hãwã Eleá Hãwã Sebã Hãwã, Nebó hãwã, Beõ hãwãmy Deuxu ritare inydereny kiasureny awityhy raremy iny tõhõreny roxinamy.
\v 5 Adeereny awire-ki tahe ixinamy wadeereny bidiwahinykre jiarỹ boho wanõhõreny sõwere dori tai kasule awityhyre wadeereny wanohõreny roxina sõwe-ki ratxikremy. Tahe aroirenyõkremy Jordaõ ribi, kaa wasurenymy awityhy rare uritere wateòdỹỹrenyõmykre Jordaõ ribi kakihyy aratxirenykre.
\v 6 Kiamy roholare Moisesi rarybere Kade Rubi mahãdu-ò:— Kai boho kaki matxibenykemy tarutenyte aseriòre boho aõbinamy roirenykre hỹreleaõbõ awimy aõkõ tewinytenyteri
\v 7 Kai boho aõbõ aseriòre biwiòhenanybenyõkre urile ribedewonybenykrekiasu heka inydereny Deuxu riwahinyre bitabenykremy.
\v 8 Su itxeredu wesemy tewinytenyteri dori. Alabiereny Baneia su-ò reteònyreu kiawesele tewinytenyte.
\v 9 Tii boho ritehemynyrenyre su-ò tuu robirenyre ixybyle riòsedenyde Israeli mahãdu ribedeòtiidỹỹnyrenyre su-ò ralòõrenyõkremy.
\v 10 Iu heka Deuxu riy reare alabiereny-ò. Tai Deuxu rarybere:
\v 11 —Katahe, hãbu mahãduwawiò beòra bedeu Egitu ribi namyhỹdesumy robiõtyhywarybe-ò rityhynyõmyhỹre-ki .kia Abraaõ-ò, Isaki-ò, Jaò-ò suwihikỹmy rewahinyre wahe!
\v 12 Jevoné riòre, Kalebi ijõ Nu riòre Josue wana kia bohole arirótenyrenykre riwatyhynyre-ki wahe.
\v 13 Kia òraruki heka Israeli mahãdu bederahy-ki heka ririradỹỹnymymy roiremyhỹ 40 beóramy riijere. Kia ibutumy Deuxu rityhynyõre mahãdu rururesỹtybymy rirónyrenyre.
\v 14 Órarudu mahãdu alabiereny weselemy tewinytenyte. Iòrarunareny weselemy tewinymahãtenyte tetyhynyõtenyte iwesereny dori. Tai Deuxu kyarana inydereny rexijuakremy tewinymahãtenyte.
\v 15 Deuxu-ò bityhynyõbenykeki tahe bederahy-ki riwasỹdỹỹnyrenykre aòrarureny òraru-ki. Israeli mahãdu Deuxu rahukre iwese iny labiereny rahure wesemy.
\v 16 Idi tahe Hubi, Kade mahãdu Moisesi-ò rarybere: —Txòinyhe, wanohõreny heto ariwinyrenykremy kasu-ki, wahãwãreny ariwinyrenykremy wasỹ mahãdureny-ò.
\v 17 Iribi tahe inatyhymy aõbinamy aroirenykre Israeli mahãdu wii rarururenykremytiiboho rotarenykremy wasỹ mahãdureny hetoreny ijõdikremy tai rasỹnyrenykremy. Hãwã òtitywoki òludu mahãdu òraruki.
\v 18 Jiarỹ boho tiu arooserenyõtyhy Israeli mahãdu suritaõkre wana.
\v 19 Tahe jiarỹ boho ibrura weribi-ó wadereny aritarenyõtyhykre. Kakile txuròtena weribi-ki arasỹrenykre Jordaõ weribi-ki.
\v 20 Mosesi rarybere:— Arybe weselemy biwinybenyke Deuxudewimy. Deuxu koki bexiywinybenyke aõbina-ò.
\v 21 Ijoi mahãdu ibutumy tebóna-dile bero weribi reurokremy-dirahude Deuxu koki, waóludureny dori rikiòlòdỹỹnyrenykremy.
\rem dat 2016
\rem aut Maria Tereza Lawarita
\v 22 Tarybetenyte wesemy rokotarenykre iny òludureny ribi! Idi tahe boosebenykre asuureny-ò Deuxu riwahinyre adereny! Wiji bohe aroirenykre aõbina-ò Dexudewimy.
\v 23 Iwese biwinybenyõkre wana Deuxude bexiòrarunybenykre aõhõkỹmy bededỹỹnamyhyymy matxibenykre.
\v 24 Ahãwãreny biwinybenykre ahetoreny, õhõreny heto biwinybenykre airòdureny heto wahe tahe arybe wesemy biwinybenykre.
\v 25 Kia hãbureny rarybere: Aõmybo marybekre ariwinyrenykre.
\v 26 Tahe wahyy boho, wariòre boho, wabrororeni, wabodoeni, wairodu, wanõhõreny kaa Jileadesu-kile rarikre.
\v 27 Tahe jiarỹ rexiywinymy watxirenyre aõbina-ò. Deuxu rurudi arooserenykre Jodaõ bero aõbina-ò arybe wesemy.
\v 28 Tai dori Moisesi rarybere Hubi mahãdumy, Kade mahãdumy , Eleasa Xiwena wahisidỹỹdu-ó, Nu riòre Josue-ó, Israelita wedu mahãdu-ò myy:
\v 29 Deuxu rurudi tiiboho tebónadile hyylemy reurorenykre Jodaõ bero-ò aõbinamy. Idi aõbinareny mahudi kaiboho biwahinybenykre kasu weribi-ò Jileade tamyreny.
\v 30 Tahe tiiboho tebónadilehyylemy reurórenyõkeki awanareny kuasu kanaã biwahinybenykre.
\v 31 Tai Hubi ijoi, Kade ijoi raryberenyre:— Iwese Deuxu rarybere ariwinyrenykre dori.
\v 32 Deuxu rurudi watebónadile hyylemy areurorenykre Jodaõ bero-ò. Aõbinamy rexihudi kaa wasurenymy rarekre Jodaõ bero kawebritxà-ki.
\v 33 Tai, Kade mahãdu-ò, Hubi mahãdu-ò, Manasé josé riokorereny suieremy Mosesi riwahinyre Seõsỹtybyle heka riwahinyre kia amoheusỹtybyle, Oke mahãdusỹtyby, Basã mahãdusỹtyby heka kia iweraludu tuleriwahinyre tamyreny.
\v 34 Idi heka Kade hãbu mahãdu-dibõhãwã-ki, ixyby riwinyrenyre Atarote su-ki, Ahoe su-ki,
\v 35 Atarote-sobã su-ki, Jasásu-ki, Jokebeásu-ki,
\v 36 Bete-Nihá su-ki, Bete-Harã su-ki ihawãrenymy riwinyrenyre kia hãwã ibutumy riótitynytyhyre tulesỹ tairódureny riòtitynyrenyre.
\v 37 Hubi hãbu mahãdu tahe Hesbom, Eleale e Quiriataim,
\v 38 Nebo e Baali-Meõ, (kianimy rawitxiranyre), Sibima. Tahãwãreny riwinyrenyre iwitxira rinininyre.
\v 39 Maqui, Manasé rióre, Jileade hãwã-ò roirenyre kiasỹdu mahãdu iribi riteònyrenyre tamyreny hãwã ritarenyre. Amoheu mahãdu tai roire heka idi riteònyrenyre tule.
\v 40 Tai heka Jileadesu heka Maki mahãdu Manassé riokorereny heka Moseisi riwahinyre idi tiiboho taile rasỹnyrenyre.
\v 41 Jai taijoi wana Manassé riokorereny mahãdu heka Amoheu tahãwãrenymy ritarenyre tai Jai ihãwãrenymy raninimy.
\v 42 Noba tahe Kenate tahãwãrenymy rimyre tai tahe Noba hãwãmy raninire, hãwã-ò tani riwahinyre.
\c 33
\s1 Egito ribi Moabe
\p
\v 1 Ka boho heka israelita mahãdu riranareny rare, kia Egito ribi riòlònyrenyre, rexiijoi rexiijoinyrenymy, Moisesi  kia Araõ ryberenymy deòbymy dòidenyde.
\v 2 Moisesi  heka riwinymy riritinymyhỹre bede bedeni ti ribibo rexitamyhỹrenyre, kia Deuxu Tyhyhykỹ tuu rarybere mynamynamy. Ka boho heka iriranarenyre ti ribibo tarirareny riòrarunymyhỹrenyre.
\v 3 Israel iny ijoi mahãdu Egito ribi ròhònyrenyre waiyre txuu kia beòra kodelemy ahãdu rỹimyhỹre bedeu, kia Pascoa kodelemy rỹire sohoji txu sỹtybymy. Tii boho ròhònyrenyre Ramesse ribi awimy rahãỹnanymy ròtarenymy, kia ibutumy egÌpcio mahãdu tureny robirenyre.
\v 4 Egìpcio mahãdu tariòrereny adela rubureny rituunymyhỹreny kia Deuxu Tyhyhykỹ rirubunyrenyre wahe. Kawesemy tahe Deuxu Tyhyhykỹ rexideòsinyre tii ibedeerytyhymy raremy Egito ỹnyxiwe mahãdu ribi.
\v 5 Ramesse ribi riòlònyrenyreu, israelita mahãdu ratỹhinanyrenyre Sucote ki.
\v 6 Kia riòlònyrenyre Sucote ribi kiata Etã ki ratỹhinanyrenyre, kia heka bedero bero ij‡ ki roimyhỹre.
\v 7 Etã ribi ròhònyrenyre kiata ròòserenyre Pi Hairote-ò, kia Bali Zefom be‡ra weribi-ki rỹimyhỹre bedeki, kiata ratỹhinanyrenyre Migdol bireki.
\v 8 Kia ròhònyrenyre Pi-Hairote ribi kiata Bero Nihikỹ Sò tuaki ròhòrerenyre kia Sur bedero-ò  ritehemynyrenyre. Kia inataõ txu my rariarenyre bedero-di kia Mara bede ki ratỹhinanyrenyre.
\v 9 Kua ribi tahe Elim-ò  ròirenyre kiata taile ratỹhinanyrenyre. Kia Elim ki waò inatximy reurò sõemy beijarana kia 70 my horeni se.
\v 10 Elim ribi ròhònyrenyre kiata ratỹhinanyrenyre Bero Nihikỹ Sò bireki.
\v 11 Kia Bero Nihikỹ Sò ribi rohòhònyrenyre kiata Sim bedero ki ratỹhinanyrenyre.
\v 12 Kua ribi ròirenyre Dofca òhòkỹle, taihe ratỹhinanyrenyre.
\v 13 Dofca ribi ròirenyre kiata Alus ki ratỹhinanyrenyre.
\v 14 Alus ki ratỹhinanyrenyre rahudi, Refidim ki ratỹhinanyrenyre. Kiaremyta kua bedeki bee aõ ho aõkõ iny mahãdu bemy riõ renykemy.
\v 15-37 Kia Refidim ribi rariarenyre Hor hãwãlò òhòkỹ, tii boho ratỹhinanyrenyre kabedetyhytyhy ki: Sinai bedero ki, Quibrote Ataav ·, Hazerote, Ritma, Rimom Peres, Libna, Rissa, Queelata, monte Sefer, Harada, Maquelote, Taate, Tera, Mitca, Hasmona, Maserote, Bení Jaacã, Hor Hagidgade, Jotbat·, Abrona, Eziom Geber, Zim bedero, kia heka Cades rare, kia Hor hãwãlò, kia heka Edom su onanaki rỹimyhỹre. Kai ki anowatxina baikûrarunykre
\rem Missing 33:38-56
\rem dat 2002
\c 34
\s1 Hwa Su Onana Onanai
\p
\v 1-2
\v 3 Iraru su onana rakre Zim bedero ribi irehemy Edom su onanaòhòkỹle. Kia ibryra weribi tahe tii riòrarunykre Bero Nihikỹ Rubu iraru jury ribi
\v 4 Irahudita iraru-ò  ydoosekre, kia Acrabim nonana bede-ò, kiata Zim mynatxi ròhònykre kiata Cades Barneia òhòkỹle rehemynykre. Kia imyta Hazar Adar txi ròhònykre kiata Azmom òhòkỹ rehemynykre,
\v 5 kia Azmon ribi beròriòre su onana riokromyhỹre Egito wana kia tahe Mar Mediterr‚neo ki raonananykre.
\v 6 Su onana txu òlòna weribi heka Mar Mediterrâneo tukre.
\v 7 Su onana txu ròtena weribi rakre Mar Mediterrâneo ribi kia Hor hawalò òhòkỹle rehemynykre,
\v 8 kia ribi tahe Hamate òwònaòhòkỹ rehemynykre, kia irahudi tahe Zedade òhòkỹ rehemynykre.
\v 9 Kia Zedade, kaa su onana txu ròtena weribi rakre zimfrom òhòkỹle kia tahe Hazar Enã ki rexihukre.
\v 10 Ka su onana be‡ra weribi rakre HazarpEnã ribi kiata Sefã òhòkỹ rehemynykre
\v 11 kia Sefã ribi Ribla òhòkỹ rehemynykre, kia Aim be‡ra weribiki rỹimyhỹre wahe. Kua ribi tahe su onana resemy rakre Galileia ahu beyra weribi-di,
\v 12 kiata rakre Jordaõ bero-di kiata Bero Nihikỹ Rubu òhòkỹle raonananykre. Ka heka ahãwareny su onanarenykre inaubiòwamy.
\v 13 Taita Moisesi  tamyreny kaa rybe riwanyre israelita mahãdu dee: — Kaa heka suu kai boho wimy biywinybenykre wini bitabenymy, ka heka hãwã  Deuxu Tyhyhykỹ rarybere rawahinykremy debò inaubiòwa weeremy iny wedu wedu dee.
\v 14-15 Kia heka inatximy weeremy iny mahãdu wii riwirarearenyre, ka boho wahe, Gade ijoi mahãdu kia Ruben ijoi mahãdu kia iweeremy Manasse mahãdu ijoi, kia heka suu rimyrenyre, iny tahãwyysỹ mynamynarenymy, ka suu ihrõreny roire, kia Jordaõ bero beyra weribiki roire, kia Jerikò   wyònakityhyle.
\s1 Wedu Mahãdu Suu Riwirarearenyre-di Tarukidureny
\v 16 Deuxu Tyhyhykỹ rarybere Moisesi dee:
\v 17 Deuxu rybe-di ijohodu Eliaza kia Josue, Num riòre, kia suu adeereny ritxuatxuakre.
\v 18 Bitabenylebenyke sohoji my-dinodu hãwã  hãwã  yky ribi kia suu riwirarearenykre riwiòhenanyrenykremy.
\v 19-28 Kaa habu mahãdu-ò  heka marybebenykre ka boho wahe:
\tr
\th1 TRIBO 
\th2 CHEFE
\tr
\tc1 Jud 
\tc2 Calebe, Jefone riòre
\tr
\tc1 Simeaõ 
\tc2 Samueli, Ami˙de riòre
\tr
\tc1 Benjami (Benjamim) 
\tc2 Elidade, Quislom riòre
\tr
\tc1 Dã 
\tc2 Buqui, Jogli riòre
\tr
\tc1 Jose (isto é, Manasse) Haniel 
\tc2 fode riòre
\tr
\tc1 Efraĩ 
\tc2 Quemuel, Siftãriòre
\tr
\tc1 Zebulom 
\tc2 Elisafã, Parnaque riòre
\tr
\tc1 Issacar 
\tc2 Paltiel, Azãriòre
\tr
\tc1 Asser 
\tc2 Ai˙de, Selomi riòre
\tr
\tc1 Natali 
\tc2 Pedael, Ami˙de riòre.
\v 29 Kaa hãbu boho heka Deuxu Tyhyhykỹ riteranyrenyre Canaãsu riwirarearenykremy israelita mahãdu wimyreny.
\c 35
\s1 Levita Mahãdu Hãwãreny
\p
\v 1 Kia Moabe bedeki, Jordaõ beri biriki, Jerico wyònaki, Deuxu Tyhyhykỹ rarybere Moisesi  myỹ:
\v 2 —mahãdudeereny, kia aõtxi hãwãtxi rahãwãnyrenykemy, kia tule suu asi-di rỹireri iweruramy.
\v 3 Kaa hãwã hãwã heka levita mahãdu hõrõrenymykre, kia tii boho heka tai rahãwanyrenykre. Ka suu iweruramy rỹireri tahe ibròrenirenydòmykre, ibudoenireny dee, iwatxinireny dee kia iwitxira iròdu iròdureny dee.
\v 4 Kia asi tahe rỹirekre  webròmy, kia 450 metro-my irehe, adobo uhuari ribi.
\v 5 Ibutumy suu relekre wiwesewesemy 900 m2 kia ibutu weribi weribi, kia raurihinanykre ibòò ribi, iraru ribi, biura ribi, be ribi. Ka hãwã  heka ityaki roikre, kia asi tahe iweruramy rỹikre.
\v 6 Biwahinybenyke levita mahãdu dee debò sohoji cidade sie ixiwòtenamy. Txibo hãbuõ , tu ribi aõ ki yda tiisỹny inyõ  rirubunyke, kia tahe ka cidade cidadeõ  txi rexiwokre. Kia ihãremy, kai boho biwahinybenykre levita mahãdudeereny 42-my hãwã sie.
\v 7 Kiaremyta, butuki 48-my hãwãmykre, kia ibutumy kaa iasi ijõ-dilehekỹmy iweruramy.
\v 8 Levita mahãdu hãwã heka iijoireny sõ e mynamynarenymykre, iny hãwãdu mahãdu heka sõ ereny mynamykre, iny sõe mahãdu heka iyrybyle ihãwãreny sõekre, kia iijoi mahãdu bute tahe iyrybyle icidadereny ibutekre.
\s1 Hãwã hãwã ixiwòtenamy
\v 9 Deuxu Tyhyhykỹ ritenyre Moisesi  rarybekremy Israel iny mahãdu-ò myỹ:
\v 10 —Tiu kai boho bòròrebenykreu Jordaõ berò-di Canaãsu-ò birònybenykremy,
\v 11 kia cidade cidadeõ bitabenykre ixiwòtenamy, tai rahãwãnymy rarekremy aõ txile hãbuõ, kia txibo turibi aõki yda tutyhyki aõki aõbo iny rirubunykeki.
\v 12 Tai tahe rahenymy ratxikre rubudusỹ riijekeki riòwynykemy kia tahe ruruõkre butu ruki tu rybe rỹiõkreki,
\v 13 Debò sohoji sõemy cidade cidade bitabenyke ixiwòtenamy,
\v 14 inataõ my Jodaõ berò weribi kia inataõ my Canaãsuki.
\rem **
\v 15 Kaa debò sohoji sõe cidade heka ixiwòtenamykre, israelita mahãdu dee kia iny hãwã  witxira mahãdu dee akyrenymy rahãwanymy rỹimyhỹre, kia heka ikiehekỹmykre aõkõ, aõ he wana ikiehekỹmy. Mobo inyõ rirubunykre tu ribi aõkõ yda rieryõmy kia tahe kuaki rexiwòmy ratxikre.
\rem **
\v 16-18 Txibo hãbuõ riwotõmonykeki inyõ womati-di, yda mana-di aõbo, yda òwòru-di aõbo kiata iny ruruke, kia tii tahe rubudỹỹ òrarumy resekre, kia tahe rurulekre.
\v 19 Tiubo rubudu sỹ rubudỹỹdu txi reakreu, kia rirubunykre.
\v 20 Txibo hãbuõ ritorunykeki iny witxira takyara-di yda aõ-di aõbo rehuke tamy tuu rõhõtinymy, kia tii ruruke;
\v 21 yda txibo hãbuõ rihetenyke taòludu, kia ruruke, irubudỹỹdu rurulekre, kiemy dori ire irubudỹỹ rare. Tiu rubudu sỹ itxi reakeu rubudỹỹdu txi, kia rirubunykre.
\v 22 Kia aõ he wana inyõ tuu rutỹỹnyke, tu ribi aõkõ ritorunyke tabiòwa kia taòludu aõkõ; yda **tamy aõbo rehuke, aõbinamy idi rõhõtinyrerimy aõkõ, aõ iòludumy.
\v 23 Kia tuu inyõ rutỹỹnyleke txibo inyõ inymy robiõmy myna-di rehuke, kia tahe inyõ tyre reseke, kia tahe ruruke. Kiaremy heka iny inatxi wimy òludu aõkõ roire, kia mobo tuu reerynyra tutyhymy aõkõ  tuu riwinyra.
\v 24 Kaweseki heka iny mahãdu mobo tutyhyki aõkõ  reerynyra weribiki rarurunyrenykre, kia iny tasỹ wotòenamy reerynykemy risỹnyreri weriki aõkõ .
\v 25 Iny mahãdu heka riijerenykre iny tu ribi aõkõ  reerynyra weribiki, uritre irubudỹỹ-ò iwahidỹỹrenyõmy kia rubudu sỹ rirubunykelau. Iny mahãdu heka riteònyrenykre cidade hãwã  ixiwòtena-ò, tai rexiwomy raremyhỹki, kia tai tahe rubudỹỹdu rarekre kia rurukreuhukỹle Deuxu Rybe-di Ijohodu Nihikỹ, kia heka raratyy tuure aõ òlỹre brenahãkỹ-di
\v 26 Ka txibo aõ txi bedeu hãbu iny rirubunyre ròhònykeki cidade hãwã  xiwòtena ribi tiòbo rexiwore ribi,
\v 27 kia rubudu sỹ òwymy riijemyhỹre itxi reakre wana, kia tii rirubunykre kia tahe reerynyre òraruki aõkõ  rurukre.
\v 28 Hãbu rirubunyre inyõ kia tahãwa cidade xiwòtenaki ratxikre, kia Deuxu Rybe-di Ijohodu Nihikỹ rurukreuhukỹle, kia irahudi tahe aõ waxina tasỹ-ò roosekre.
\v 29 Kaa heka rybe wahidỹỹna adeereny ikiemy bityhynymy idi boibenybekre kia arioreriorereny dee, kia ibutumy tibedekibo masỹnymy boibenybekreki.
\v 30 Mobo uny sohoji rirubunykre kia rurukremy bede tuu roikre, tuu iny inatxi yda iratyre aõ bo sõereny raryberenykre mynamy; iny sohoji aõ-di itxeredumy rarybeke aõkõre, kia heka inyõ irybe òraruki ruruke aõ kõre.
\v 31 Iny rubudỹỹdu irumy ratxireri kia bede tuu raywimy roireri rurukremy, kia tahe uritre nieru-di raõ bradỹỹkehe aõkõre. Tii heka rurukre.
\v 32 Tule tamy deòbyrenyõmykre nieru-di inyõ ratakemy ku rexiwòmy ratxireri ixiwòtena ki, kia txibo ixideewikeki tasu-ò ròòsekemy kia Deuxu Rybe-di Ijohodu Nihikỹ rubuko my.
\v 33 Kiaremyta, uritre isuisudỹỹrenyõmy rubu hãlubu-di suu tai atximyhỹtenyte, kia dori rubudỹỹdu mahãdu risurisunymyhỹrenyre hãwã  hãwã  bede bede. Ka heka tii sohojile rarekre txibo bededỹỹnana releke ixisuròsurònamy, suu tai mobo rurukre kia heka irubudỹỹdu rirubunykre.
\v 34 Uritre isusudỹỹrenyõmyrenykre suu tai mahãwãnybenykreki, kiemy dori-diarỹ tule ituaki watxilereri.-diarỹ, Deuxu Tyhyhykỹ, watximyhỹre israelita mahãdu yky ki.
\c 36
\s1 hãwyy heridu mahãdu  ananareny
\p
\v 1 Tahãwawyy-di iriòredimy rỹimyhỹrenyre wedu boho kia Gileade sỹ ijoi mahãdu, kia heka òbitihyyle Maquir, Manasse kia Jyje rioreriorereny roire, kia tahe rybe ròirenyre Moisesi  dee rybemy kia ijoi mahãdu israelita sỹ wedurenydee rybemy. Tii boho raryberenyre Moisesi  dee:
\v 2 Deuxu Tyhyhykỹ tarybe riwahinyre kai suu biwirareakremy iny mahãdudeereny bedeòbymy ratamyhỹremy. Tii rarybelere adee biwahinykremy wasỹreny Zelofeade iaõna aõna iriòre bohodeereny.
\v 3 Kiaremy, txibo tii boho hãbumy raadònyrenykreki ijõ mahãdu israelita mahãdu wana, kia suu tamyreny rawahirenyre heka iny ijoirenyhõrõreny ribi ixawikre, kia tahe kua mahãdu ijõ ijoi mahãduhõrõrenymykre mo wanatyhytyhybo hãbumy roirenyra hõrõrenymykre. Kawesemy tahe rayjamy rakre kia bedeòbymy suu remyrenyre.
\v 4 Kiaremyta, tiubo bede rehemynykreu Wyra Raatykre-ò, kia isureny rawahimy roikre ikiemy kua iny ijoi mahãdu  wana hãbumy raadònyrenyre wana kia tahe ixyby inyhõrõrenymy aõkõ .
\v 5 Taita Moisesi, Deuxu Tyhyhykỹ rarybere mynamy, israelita mahãdu dee myỹ rirawyònyre: Jyje ijoi hãbu mahãdu inatyhymy ijõdire òbitimy raryberenyreri. Deuxu Tyhyhykỹ rybe wahidỹỹna Zelofeade riòre boho dee kaa:
\v 6 tii boho aõ waxina hãbumy roirenykre ixideewimy, kiaremy tahe tasỹ mahãdureny riòreõ wana raadònyrenykre tyby ijoi mahãdu sỹ riòre wana hãbumy roirenykre.
\v 7 Kawesemy tahe israelita mahãdureny su rawahimy reuròõtyhy ijõ ijoi ijoi mahãdu-ò. Kiemy dori israelita mahãdu ijõdihyy rỹirakre tasureny-di tybyreny ijoi mahãdudihyy.
\v 8 Ibutumy ijadòòma mahãdu isureny ijõdirenykre israelita ijoi mahãdureny ykyki, kia hãbumy raadònyrenykre inyõ wana tyby mahãdureny sỹ riòrereny wana.
\v 9 Kawesemy tahe israelita sohoji sohoji ixidee rimyrenytkre talabie boho talahi boho sureny, kia tahe suu tiu rawahiõtyhy iwitxira ijoi ijoi mahãdu deereny. Iny ijoi ijoi mahãdu tasureny òbitidi rỹirenyrakre.
\v 10-11 Taita Macla, Tirza, Hogla, Milca kia Noa, Zelofeade riòre boho, riwinyrenyre timybo Deuxu Tyhyhykỹ rarybere mynamy Moisesi  dee kia hãbumy raadònyrenyre tybyurareny riòre boho wana talabri riòre boho wana.
\v 12 Tii boho raadònyrenyre Manasse ijoi sỹ mahãdu wana, Jyje riòre, kia isureny tahe rarirenyre tybyreny ijoireny ki.
\v 13 Ka heka rybe wahidỹỹna kia timybo relemy rarekre Deuxu Tyhyhykỹ riwahinyre Israel iny mahãdudeereny, Moisesi  tuu rarybere Moabe bederoki, Jordaõ bero bireki, kia Jerico wyònaki.