See in Reader
1327 lines
193 KiB
Plaintext
1327 lines
193 KiB
Plaintext
\id EXO
|
||
\ide UTF-8
|
||
\rem aut Ijeseberi Ryberitidỹỹdure
|
||
\rem dat 1993
|
||
\rem Miss(SHOULD BE c26:25,26; c26:28-37)c32:2,c 36: 22. c38:18-31
|
||
\rem Silas Report about Exodos - on Friday, 9 March of 2018
|
||
\rem Also we have cases of ellipsis (three dots like that …)
|
||
\h EXODO
|
||
\toc1 EXODO
|
||
\toc2 EXODO
|
||
\toc3 exo
|
||
\mt1 EXODO
|
||
\c 1
|
||
\p
|
||
\v 1 Ka boho heka ijaò riòre bohonireny rỹire, kia ròirenyre tii wana Egito-ò, iny sohoji sohoji tahãwyy wana tariòre boho wana ròirenyre:
|
||
\v 2 Rúben, Simeaõ, Levi, Judá,
|
||
\v 3 Issacar, Zebulom, Benjami,
|
||
\v 4 Dã, Natali, Gade kia ser.
|
||
\v 5 Ijaò rioreriòre bohotyhy 70-my iny sõereny butumy. Jyje, iriòre witxira Egitokihyy raremyhỹ
|
||
\v 6 irahudita Jyje kia ibutumy iseriòre boho rururenyre, kia tule ibutumy ijõ mahãdu riòreriòrereny
|
||
\v 7 Ka Ijaò riòreriòre boho tahe israelita mahãdu kia sõerenyre iriòrereny kia sõetyhymy ranihikỹrenyre, kia tii boho rexiubỹtỹnyrenyre ibutumy Egito bedemy.
|
||
\v 8 irahudita Egito ijõdire Iòlò tỹmyraõ, kia aõ rieryke aõkõre Jyje bededỹỹnanamy.
|
||
\v 9 Tii rarybere tamahãdureny-ò: —Betehebenyini, Israel mahãdureny ityhyreny kia rasõerenymy wylemy inyribireny.
|
||
\v 10 Kia wou bededỹỹnanaki, tii boho rexibutunyrenyke iny-òludureny wana, kia resurenyke iny òludurenymy kia Iny hãwãhãkỹreny rimyrenyke. Itxireny rekekoarenykre, rikiwahinyrenyõkre kia tii boho ixyby rasõerenyõkremy.
|
||
\v 11 lurenana Egito mahãdu iutxiemy riaõmysỹdỹỹnyrenyre kia riaõhỹỹnyrenykremy Israelita mahãdu aõmysỹdỹỹ utxiedi. Kiamy tahe israelita mahãdu hãwã riwinyrenyre Pitom kia Rameses, tai Egito Iòlò alòbròna rỹsỹna rirarenymyhỹre wahe.
|
||
\v 12 Kiaremy Egito mahãdu aõhỹỹhỹỹmy sõetyhymy israelita mahãdu risỹnymyhỹrenyreki, kia ire tii boho rexisõenymyhỹrenyre. Egito mahãdu ilaureny ruberurenyre
|
||
\v 13 tuu rawetxunymyhỹrenyreki, kia aõhỹỹhỹỹmy idi ratximyhỹrenyre
|
||
\v 14 Kia ibededỹỹnanareny ibinatyhymy ratxirenykremy riwinyrenyre , kia riteranymyhỹrenyre iutxiemy raõmysỹdỹỹnyrenykremy adobo widỹỹmy, aõ riwinyrenykremy kia alòbrònaki. Kia ibutumy aõmysỹdỹỹ israelita mahãdu riwinymyhỹrenyre, kia tii boho, aõhỹỹhỹỹmy rutỹỹnymyhỹrenyre.
|
||
\v 15 Egito Iòlò tarybe riwahinyre Sifrá-ò kia Pua-ò, ka boho heka Israelita hãwyy mahãdu bytò ijaradỹỹdureny roire, myy tamyreny rarybere:
|
||
\v 16 —Tiu kai boho bòibenykreu Israelita mahãdu hãwyy wiòhenadỹỹmy uladu iribireny reakre-ò, myy biwinybenykre: txibo weryry reakreki birubunybenykre; ka txibo hirari reakreki biwahinybenykre irumy rarekremy.
|
||
\v 17 Kiaremy bytò ijaradỹỹdu mahãdu ruberurenyre Deuxu lau kia riwinyrenyõre Egito Iòlò tarybe tuu riwahinyremy. Kia iribiòtumy riwahinymyhỹrenyre weryry mahãdu irumy ratxirenykremy.
|
||
\v 18 Taita Egito iòlò tarybe riwahinyre bytò ijaradỹỹdu boho ydòidenykremy kia ritỹỹraxinyrenyre: Aõherekibo kai boho kawesemy tewinytenyteri?
|
||
\v 19 Tii boho rirawyònyrenyre: Kiemy dokuri Israelita hãwykỹ mahãdu egípcia hãwyky mahãdu weserenykõre. Tiki boho reakamyhỹrenyre irutakõtyhylemy, kia kuladu mahãdu reakamyhỹrenyre bytò ijaradỹkỹdu rehemynymyhỹre kokukile.
|
||
\v 20-21 Bytò ijaradỹỹdu boho Deuxu lau ruberumyhỹrenyre, kia iurenana tii awirenyre tamyreny kia riwinyre iwese tasỹreny mahãdu òbitimy rỹimyhỹre wesemy. Kia Israel ixỹ ijoi mahãdureny rexisõenyrenyre kia ixyby irurutererenymy ratxirenyre.
|
||
\v 22 Taita Iòlò myy tarybe riwahinyre ibutumy taijoi mahãdureny-ò: —Behubenyke Nilo bero-ò ibutumy Israelita mahãdu riòrereny weryrymy ruarenykre-di, ka hirarimy ruarenykre ibutumy biwahinybenykre irumy ratxirenykremy.
|
||
\c 2
|
||
\s Moisesi uladumy ruare
|
||
\p
|
||
\v 1 Hãbuõ kia hãwyyõ Levi riòreriòrereny wiwana raydònyrenyre.
|
||
\v 2 Hãwyy rabytònyre kia rariòrenyre weryrymy. Tii tuu robire weryry ruxerawihikỹmy taita riwore inataõ ahãdumy.
|
||
\v 3 Kia timy iwòteõna bedesõerehemy, tii rimyre atehõòti weririõ, kia ritybònyre irurerure riatyre tybòteredi tamyòta weryry ritidire, kia riatyre betyreki ròhònykremy taita ròhònymy ratximyhỹ jijky bedeki.
|
||
\v 4 Weryry seriòre terỹ irehemy iribi ratixmyhỹ, idi itxeredumy aõhebo rutỹỹnykremy.
|
||
\v 5 Egito Iòlò riòre ijadòòma bera-ò rare kia rõhõmy ratximyhỹ iwanawanata teòdu mahãdu ririranymy ratximyhỹreny kuaki bero weijàtimy. isitere ribile tii robire weririmy jiyky tyaki kia riteranyre teòdu mahãduõ riòryrenykremy.
|
||
\v 6 ijadòòma deride riraynyre weriri kia tohouamy robire rahinyrerimy. Tii sõemy idi rexiwobrunyre kia rarybere: —ka heka israelita wekyryno rare.
|
||
\v 7 Taita uladu seriòre terỹ ritỹỹraxinyre ijadòòma deride dee: —Adeke anobo-dikarỹ kyrakemyreri israelita hãwykyno kò kyrarybekemy ritxutxutònykemy kia kaa kuladu adeke rikumydỹkỹnykemy?
|
||
\v 8 –Make rirawyònyre ijadòòma deridu. Taita ijadòòma rare kia-didyde weryryse óbitityhy.
|
||
\v 9 Tai ijadòòma deridu tamy rarybere: —Bidyke kaa wekyry kia wadeke bikumydỹkỹnykre, kia-dikarỹ alanomysỹdỹky adeke karikòwynykre. Hãwyy ridyre weryry kia riumydỹỹnyre.
|
||
\v 10 Kia tii ranihikỹmy ratximyhỹu, ise ridyre Iòlò riòre ijadòòma-ò, kia tariòre wesemy rimyreki. Tii rininire Moisesi my kia rarybere: —Dikarỹ retakare beraribi.
|
||
\v 11 Moisesi heka hãbumy relere. Tiu txuu tii ròhònyre tasỹreny taijoi mahãdureny-di itxeremy kia robire timybo israelita mahãdu adeòdunamy rekoamyhỹrenyremy aõmysỹdỹỹ utxie riwinyrenykremy. Kia robilere egítoõ raòhòtemyhỹ Israeli tamy, isỹrenyõ.
|
||
\v 12 Moisesi retehere bede weribi weribimy , kia retehemy inyho aõkõ raremy kuaki, kia rirubunyre egito kia iumy ỹnyraki riwore
|
||
\v 13 ijõtxumy roosere kia robire israelita mahãdu iny inatximy raõbinanyrerimy. Taita rỹỹraxire mobo aõhỹỹhỹỹmy iwitxira risỹnyreri-ò: —Aõherekibo kai aijoimy taòhòteteri?
|
||
\v 14 Hãbu rirawyònyre: —Mobo arasỹnyra kai wadinodureny wesemy ada wadireny itxeredumy? Kai aõbo warubudỹỹmy tesỹnyteri iwese egito terubunyta wesemy? Taita Moisesi ruberure kia rõhõtinyre: —Kia riteryrenyra aõbo rewinyra.
|
||
\v 15-16 Kia Egito Iòlò bede rieryreu Moisesi tuu riwinyremy, kia rirubunykremy; kiaremy tii rexiwore kia rare hãwãmy Midiã su-ò. Jetro, Midiã hãwãki Deuxu rybe-di ijohodu, kia iriòre ijadòòma ijõdire debò inatximy sõemy. Tiu txuu, kia MoisesI runymyhỹu behãluu bireki, kia Jetro riòre boho dòidenyde beitxemy kia ritỹxinyrenyre òwòru iròdu bemomonamy rỹimhỹre, kia budoeni,bodi hãbu tyby nohõ rimonyrenykremy.
|
||
\v 17 Kiata budoeni wedu mahãdurenyõ ritehemynyrenyre kia ijadòòma mahãdureny riteònymyhỹreny kua ribi. Kiaremy Moisesi rexilamadỹỹnymy kia ijadòòma mahãdu weribireny rarurunymy ritarenyre kia bee riwahinyre iròdu mahãdureny-ò.
|
||
\v 18 kia tii boho ròòserenyreu tabedereny-ò tikibo tybyreny ratximyhỹo, tii rỹỹraxire: —Aõherekibo kai boho tòòsetenyteri rudityhyle wiji?
|
||
\v 19 Tii boho rirawyònyrenyre : —Egito sohojino riwahedỹkỹnyrenyra budoeni-di itxeredu mahãdureny ribi, bee wadekereny riryre kia ihãremy ribemomonyre wairòdureny.
|
||
\v 20 —Titxibota tii rare? rỹỹraxire Jetro: —Aõherekibo kai boho teritenyteri kuaki? Boibenyke tamy rybemy kia kanakremy iny wanareny ratxioro byrenykremy.
|
||
\v 21 Irahudi Jetro rarybere Moisesi-ò kia kuaki rahãwanymy rarekremy, kia tii tamy reobyre. Taita Jetro tamy riwahinyre tariòre Ziora iki wana roikremy.
|
||
\v 22 Kia tii rariòrenyreu weryrymy, Moisesi rininire Gersomy kia rarybere: —Diarỹ hãwãdu rare su bede witxiraki.
|
||
\v 23 Kia irahudi tiu wyra bedeu Egito Iòlò rurure, ka israelita mahãdu ixiyrubulemy rawesiruràmy roirenyremyhỹ wetxumy rekoamy roirenyremyhỹ òraruki. Tii boho rirajuamyhỹrenyre rahenyrenykemy rexitòenymyhỹrenyre, kia iixitòedỹỹnareny Deuxuòhòkỹle rehemynyre.
|
||
\v 24 Deuxu roholare iwesiruràreny-ò kia ixitxi tõhõti reare tarybetxi kia Abraaõ-ò riwinymy raremyhỹtxi, kia Isaque kia Ijaò wana.
|
||
\v 25 Deuxu robire israelita mahãdu wetxumy rekoamyhỹrenyremy kia rõhõtiyrere tureny.
|
||
\c 3
|
||
\p
|
||
\v 1 Moisesi tarukimy raremyhỹ budoeni-di kiacabras Jetro nohõ-di, iriòre labie, Deuxu rybedi ijohodu Midiãki. Tiu txuu Moisesi ridyrenyre iròdu iròdu ijõ weribi bijiubede-ò kia rare Sinai hãwãlòòhòkỹle, hãwãlò brebuna-ò.
|
||
\v 2 Tai Deuxu Anjo tamy rexitỹnynyre heòty radeki bede ykyki. Moisesi robire bijiuykymy heòtyworomy roimyhỹ, kiaremyta rooõhyymyhỹ
|
||
\v 3 Taita rõhõtinyre: —Aõherewe bede binahãkỹ! Aõherekibo bijiu rookõreri? Tamy ixyby arehemynykre ityytyhy-ò tamy aretehekremy.
|
||
\v 4 Kia Deuxu Tyhyhykỹ robireu kia Moisesi rehemynymy rarerimy ityytyhymy tuu robiwikremy, tii tamy ryryre bijiu yky ribi kia rarybere: —Moisesi! Moisesi! Kakile watxireriõrirawyònyre Moisesi.
|
||
\v 5 Deuxu rarybere: —Kiakile bexitxuhunyke kia awaubehety bitake, kiemy dori tai atxiteri bede brebuna rare. Kia Deuxu tarybe ritõranyre:
|
||
\v 6 -diarỹ heka Deuxu ahãỹnareny mahãdu Deuxu rare, Abraaõ Deuxu, Isaque Deuxu kia Ijaò Deuxu. Tai Moisesi taòsỹny rihetynyre kiemy dori ruberure Deuxu-ò retehekelau.
|
||
\v 7 Taita Deuxu Tyhyhykỹ rarybere: —Diarỹ rabire timybo wasỹreny waijoireny mahãdu ibinatyhymy ratxirenyrerimy Egitoki;-diarỹ raholare iixitòedỹỹnarenymy rahenyrenykemy kia aõhỹỹmydỹỹnana òraruki. Reeryreri tii boho aõhỹỹmy rutỹỹnyrenyreri.
|
||
\v 8 Iurenana resereri aritarenykremy egipcio mahãdu deboworeny ribi kia aridyrenykremy Egito ribi kia sunihikỹ-ò awi heka rare. Kia suu awi heka rare kia ityhy, tai rahãwanymyhỹrenyre cananeu mahãdu, heteu mahãdu, amorreu mahãdu, perixeu mahãdu, heveu mahãdu kia jebuseu mahãdu.
|
||
\v 9 Kia inatyhymy raholare rahenyrenykemy rexitòenyrenyreri wasỹreny waijoireny mahãdu, kia tureny rabire timybo egipcio mahãdu-diaõhỹỹnymyhỹdenydemy.
|
||
\v 10 Wiji manake, kia-diarỹ arateònykre Egito Iòlò-ò kia kai bitakremy kua ribi wasỹreny waijoireny mahãdu israelita.
|
||
\v 11 Moisesi rỹỹraxire Deuxu-ò: —Mobo tahe-diarỹ rare arakremy rybemy Egito Iòlò-ò kia kua su ribi aritakremy Israel iny mahãdu?
|
||
\v 12 Deuxu rirawyònyre: —Diarỹ awanahyy ararekre. Tiu kai Egito ribi wasỹreny waijoireny bitakreu, kai boho wamy berinanybenykre ka hãwãlòki, kia heka inatyhymy biwaerybenykremy-diarỹ arateònyreri.
|
||
\v 13 Kiaremy Moisesi rarybere: Kia-diarỹ arakreu rybemy israelita mahãdu-ò kia myy tamyreny ararybekre: —Ahãỹnareny Deuxu riwateònyreri adeereny, tii boho riwatỹỹraxinyrenykre: —Timybo raninire? Tai aõmybo tahe-diarỹ ararybekre?
|
||
\v 14 Deuxu rarybere: Õdiar Rare Mobo Rare. Kia ihãremy rarybere: Kai marybekre myy: —Diarỹ Rare riwateònyreri adeereny.
|
||
\v 15 Ahãỹnareny Deuxu, Abraaõ Deuxu, Isaque Deuxu kia Ijaò Deuxu, riwateònyreri adeereny. Ka heka ini ikiemy rare, kia wesemy tahe itxi õhõtireny reamy rarekre kia ibutumy bede bedemy.
|
||
\v 16 Irahudi Deuxu rarybere: —Make, bibutunykre Israel iny-dinodu mahãdu kia marybekre-diarỹ raremy, Deuxu Tyhyhykỹ, ahãỹnareny Deuxu, Abraaõ Deuxu, Isaque Deuxu kia Ijaò Deuxu, adee rexitỹnynyra kia adee rarybere tamyreny marybekremy: —Diarỹ rabire abededỹỹnana sirasira-di kia reeryre egípcio mahãdu adeereny riwinyrenyreri.
|
||
\v 17 -diarỹ rexiywinyra Egito ribi aratarenykremy, tikibo aõhỹỹmy tatỹỹnytenyteri ribi. Kia aradyrenykre suwihikỹ ityhy-ò, cananeu mahãdu su, heteu mahãdu, amorreu mahãdu, perizeu mahãdu, heveu mahãdu kia jebuse mahãdu.
|
||
\v 18 Wasỹrenyỹwaijoi mahãdu roholarenykre aõmybo kai marybekre-ò. Irahudita kai kia Israel iny-dinodu mahãdu wana boibenykre rybemy Egito Iòlò-ò. Marybebenykre tamy: —Hebreu mahãdu Deuxu wadeereny rexitỹnynyra. Ka tahe wiji biwawahinybenykre bederahy-ò aròirenykremy, kia irehemy aroirenykre txu inataõmy aririranyrenykre, kia Deuxu, waDeuxurenymy arerinanyrenykremy.
|
||
\v 19 -diarỹ reeryre, txibo Egito Iòlò aõkõmy resekre wana, tii arawahinyrenyõkre boibenykremy.
|
||
\v 20 Iurenana-diarỹ ariuhekre wabedeery waruru kia aònaõna binabinahãkỹ ariwinykre kia egípcio mahãdu arirarytxynykremy. Irahudita Iòlò arawahinyrenykre Egito ribi bòhònybenykremy.
|
||
\v 21 —Diarỹỹariwinykre kia egípcio mahãdu aratyhynyrenykremy. Kia tiu kai boho bohonybenykreu, kia ebòreny yhymy aòkõ bòibenykre.
|
||
\v 22 Israelita hãwyy sohoji sohoji rexitòenyrenykre egípcio hãwyy mahãdu deereny kia ihetoki rasỹnymyhỹrenyre-ò ada ibireludu -ò aõbo kia tamy aõnaòna manarỹsỹ òtaòta kia mana rỹsỹmy kia tyymy kia idi kai boho ariòrereny weryry hirari bityynybenykremy. Kia kawesemy kai boho biwybenykre egípcio mahãdu ityhynareny.
|
||
\rem dat 1991
|
||
\c 4
|
||
\s Moisesi bedeery idi bedeetiidna riwinykremy
|
||
\p
|
||
\v 1 Tai Moisesi rirawyònyre Deuxu Tyhyhykỹ dee: —Ka israelita mahãdu riwatyhynyõkre kia roholarenyõhyykre aõmybo ararybekre-ò kia raryberenykre Deuxu Tyhyhykỹ aõkõ wade rexitỹnynyramy.
|
||
\v 2 Taita Deuxu ritỹỹraxinyre: —Aõdibo kai ebòki atxiteri? —Hojurehe-di rirawyònyre Moisesi.
|
||
\v 3 Deuxu rarybere: —Behuke idi su-ò. Tii idi rehure, kia hojurehe rexirahorere hemylalamy. Kia Moisesi iribi rexiwore.
|
||
\v 4 Tai Deuxu rarybere Moisesi-ò: —Ebò tamy biterenyke kia bimyke hemylala tõheraru ribi. Moisesi tebò riterenyre kia rimyre hemylala tõheraru ribi, kia ixybyle hemylala rexirahorere hojurehemy tebòki.
|
||
\v 5 Taita Deuxu Tyhyhykỹ rarybere: —Biwinyke kawesemy israelita mahãdu-ò kia riwaeryrenykremy kia Deuxumy, ihãỹnareny Deuxu, Abraaõ Deuxu, Isaque Deuxu kia Ijaò Deuxu adee rexitỹnynyremy.
|
||
\v 6 Kia Deuxu tarybe ritõranyre: —Ka tahe wiji ebò bilidike abreti-ò. Moisesi rityhynyre. Kia tebò tabreti ribi ritareu, kia tebò rayjynymyhỹ, iurauramy.
|
||
\v 7 Ixybyle ebò abreti-ò bilidike.õriteranyre Deuxu Tyhyhykỹ. Tii tebò ixybyle tabreti-ò ritidire kia ritareu, tebò awimy reare kia iumy uhe wesehekỹle.
|
||
\v 8 Taita Deuxu tamy rarybere: Txibo kodelemy bedeòtiidỹỹna-di israelita mahãdu aratyhynyrenyõkre wana kia iworeny rearenyõkre wana, tqaita inatxina-di aratyhynyrenykre.
|
||
\v 9 Kia txibo kaa inatxi bedeòtiidỹỹna-di aratyhynyrenyõkre wana kia arybe-ò roholarenykederamy rekoarenykreki, bee Nilo bero ribi bidiwykre kiata su-ò bitxiwikre, kia hãlubumy rexirahorekre.
|
||
\v 10 Moisesi rirawyònyre: —Deuxu Tyhyhykỹ,-diarỹ tiu irutaõmy ararybeke ihoõre, juhuu, ka wiji, kia irahudi tarybe riòrarunykre wadee rarybekremy. Kia warybe ariòrarunykreu,-diarỹ ixyby ixybyle warybe relỹtỹnymyhỹre.
|
||
\v 11 Kiaremy Deuxu tamy rarybere:—Mobo tahe ryy riwahinyre iny mahãdu dee? Mobo tahe riwinymyhỹre kia iny tõhõtitkremy ada irybeõkremy? Mobo tahe itxerena riwahinymyhỹre ada kia raruebetàkremy? Kia-diarỹ, Deuxu Tyhyhykỹ.
|
||
\v 12 Ka tahe wiji makre, kia-diarỹ arawiòhenanykre marybekremy kia adee ararybekre aõmybo marybekremy.
|
||
\v 13 Tai Moisesi rexitòenyre: Aõkõre, Deuxu. Aõkerỹbo, iny witxira biteònyke.
|
||
\v 14 Taita Deuxu Tyhyhykỹ rexirare Moisesi ki kia rarybere: Kia Araõ, Levita, aõbo aseriòre aõkõ rare?-diarỹ reeryre kia tii rybeki irutaõremy. Kia ihãremy, tii rareri awana witxi reakremy kia mabedesakre tuu bobikreki.
|
||
\v 15 Kai Araõ-ò marybekre kia aõmybo rarybekremy.-diarỹ arawiòhenanyrenykre marybebenykremy kia ararybekre aõbo kai boho biwinybenykremy.
|
||
\v 16 Araõ rarybekre ixỹ ijoi mahãdureny-ò aderòwymy. Tii heka awiòhedỹỹdumykre kia rarybekre iny mahãdurenydee eròwymy. Kia kai tahe Deuxu wesemykre tamy, kia biòbitinymy aõmybo rarybekremy.
|
||
\v 17 Kata hojurehe bimyke kiemy dori idi kai bedeòtiidỹỹnana biwinykre.
|
||
\s Moisesi roosere egito
|
||
\v 18 Taita Moisesi roosere Jetro heto-ò, tariòre labie-ò kia rarybere: Biwawahinyke kia-diarỹ aroosekremy kia wasỹreny-di itxeremy arakremy Egito-ò. Arakre idireny itxeremy irulemy aõbo ihỹrenyremy. Make ywityhymy.õrirawyònyre Jetro.
|
||
\v 19 Kia Moisesi Midiã bedeki ratximyhỹule, Deuxu Tyhyhykỹ tamy rarybere: —Bòòseke Egito-ò, kiemy dori ibutumy arubudỹỹmy risỹnyrenyra rururenyre.
|
||
\v 20 Taita Moisesi tahãwyy kia tariòre boho risỹnyrenyre jumento tyremy kia tii boho wana tanonanareny riòrarunyre ixybyle Egito-ò. Moisesi tebòki riwymy ramyhỹre Deuxu hojurehe.
|
||
\v 21 Kia ixihetyre ixyby Deuxu Tyhyhykỹ rarybere Moisesi-ò: —Diarỹ adee rewahinyre ruru bedeerynihikỹ kia sõemy bedeòtiidỹỹnana biwinykremy. Kai Egito-ò boosekreu, kia bexihumy amatxikre biwinykremy Iòlò kua ludu ruki. Ka-diarỹ tahe arisỹnykre kia tii rõhõtiõkremy kia Israel iny mahãdu riwahinyõkremy kua ribi ròhònykremy.
|
||
\v 22 Taita kai tamy marybekre kia-diarỹ, Deuxu Tyhyhykỹ, rarybere myy: —Israel heka wariòre dela rare.
|
||
\v 23 Kia tuu adee rarybere kia wariòre biwahinykremy ròhònykremy kia wamy rerinanykremy. Ka kai tahe tewahinyõta, kia iurenana-diarỹ arirubunykre ariòre adela.
|
||
\v 24 Kia Egito bede-ò roirenyreu, kia bede witxiraõki tai Moisesi kia tahãwyy tariòre boho wana rõrõrenyre, kia Deuxu Tyhyhykỹ Moisesi txi reare kia irubudỹỹmy riijemyhỹ.
|
||
\v 25 Tai Zípora Moisesi hãwyy manajuràdese rimyre kia idi tariòre noijòsityy riyrore kia idi tahe Moisesi ti riukỹnyre. Kia rarybere: —Kai heka wahãbu hãlubu-dinodu tate wadeke.
|
||
\v 26 Moisesi hãwyy rarybere noijòsityy eresyna òraruki. Kia wesemy tahe Deuxu Tyhyhykỹ ririre Moisesi irumy rarekremy.
|
||
\v 27 Kawese bedeu Deuxu Tyhyhykỹ rarybere Araõ-ò: —Make Moisesi wana witxi beakremy bijiuykyki. Tii rare kia Moisesi wana witxi reare Sinai hãwãlòki kia iòsỹny-ò ruòre.
|
||
\v 28 Moisesi relyyre Araõko ibutumy aõmybo Deuxu Tyhyhykỹ tamy raryberemy kia iu tamy rarybereu Egito-ò ròòsekemy kia tamy rarybelere bedeòtiidỹỹnanamy kia Deuxu tuu tamy raryberemy tuu riwinykremy.
|
||
\v 29 Tai Moisesi kia Araõ ròirenyre Egito-ò kia ributunyrenyre Israel iny-dinodureny wana.
|
||
\v 30 Araõ relyyre ibutumy aõmybo Deuxu Tyhyhykỹ raryberemy Moisesi-ò, kia ilemyta Moisesi bedeòtiidỹỹnana riwinyre iny mahãdureny ruki.
|
||
\v 31 Ibutumy rityhynyrenyre, kia bede rieryrenyreu Deuxu Tyhyhykỹ rarerimy tamyreny kia tureny robiremy timybo aõhỹỹmy rutỹỹnyrenyrerimy, kia tii boho taratireny ribedenyrenyre kia Deuxumy rerinanyrenyre.
|
||
\rem dat 1991
|
||
\c 5
|
||
\s Moisesi kia Araõ raryberenyre Egito Iòlò dee
|
||
\p
|
||
\v 1 Irahudi Moisesi kia Araõ ròirenyre Egito Iòlò dee rybemy kia raryberenyre: —Deuxu, Israel mahãdu Deuxu rarybere: —Wasỹ waijoi mahãdu biwahinyke kia bederahy-ò ròirenykremy kia riwinyrenykremy ixena kuaki wadeewimy.
|
||
\v 2 —Mobo Deuxu Tyhyhykỹre? rỹỹraxire Iòlò —aõherekibo tamy aroholakre kia Israel iny mahãdu ariwahinykre bederahy-ò ròirenykremy?-diarỹ reerykõre Deuxu Tyhyhykỹ kia ariwahinyõkre israelita mahãdu ka ribi ròhòyrenykremy.
|
||
\v 3 Moisesi kia Araõ rirawyònyrenyre: —Hebreu mahãdu Deuxu nade wadeereny rybemy. Iurenana biwawahinybenyke inataõ txumy bederahy ki aririranyrenykre kia arerinanyrenykremy Deuxumy, waDeuxurenymy. Txibo aròirenyõkre wana, tii iny boho rirubunykre webinadu binahãkỹ-di kia wouki.
|
||
\v 4 Tai Egito Iòlò rarybere Moisesi kia Araõ boho-ò: —Aõherekibo kai boho tebinanytenyteri iny mahãdu aõmysỹdỹỹnareny? Kia biteranybenyke kua mahãdu wetxu boho aõmysỹdỹỹ-ò ròòserenykremy!
|
||
\v 5 Tii rarybere: —Ka wiji sõemy israeli mahãdu hãwãhãkỹki nyimyhỹdenyde, kai boho aõbo taaõmysỹdỹỹ ririrenykemy idi tesỹnytenyteri?
|
||
\v 6 Kua txuule Iòlò tarybe riwahinyre aõmysỹdỹỹ wedu-ò myy rarybere:
|
||
\v 7 Wiji bede rỹire ribi kai boho ixyby nobò wahidỹỹrenyõmykre iny mahãdureny-ò. Kia tii boho òbitile ributunyrenykre nobò.
|
||
\v 8 Ka kai boho tahe tamy marybebenykre kia tii boho riwinyrenykre adobo sõe yrybutyhyle, kia adobo ibutemy iwidỹỹrenyõmy. Kia heka teywesereny roire kia iurenana myy ryrymyhỹrenyre: —Rykòirenyke rykerinanyrenykremy iny Deuxurenymy!
|
||
\v 9 Kia kaa iny mahãdureny biaõmysỹdỹỹnybenykre ixyby inatyhyhykỹmy kia aõmysỹdỹỹdihyymy roirekemy kia roi rybe-ò roholarenykelau.
|
||
\v 10 Taita aõmysỹdỹỹdu mahãdu wedu ròhònyrenyre kia ròirenyre raryberenykremy iny mahãdureny-ò myy: Iòlò rarybere kia ixyby nobò rawahiõkremy adeereny.
|
||
\v 11 Tii rarybere kia kai boho nobò bibutunybenykre tikibo itxi bekoabenykremy. Kiata ixiyrybule biwinybenykre kia adobo sõe wesele.
|
||
\v 12 Iurenana iny mahãdu rexiubỹtỹnyrenyre ibutumy Egito sumy kia nobò ributunymy kia oworunaki rohenymyhỹre.
|
||
\v 13 Aõmysỹdỹỹdu wedu mahãdu tamyreny rarybemyhỹrenyre Israelita mahãdu deereny kia ixyby ixybyle txumy riwinymyhỹrenykemy kia adobo sõe yrybule kia tuu riwinymy roiremyhỹ iu nobò rimyrenymy roiremyhỹ bedeu.
|
||
\v 14 Aõmysỹdỹỹdu wedu mahãdu raòhòtemyhỹrenyre israelita mahãdurenymy kia idinodurenymy ratximyhỹre kia ritỹỹraxinymyhỹrenyre: õAõherekibo kai boho tewinytenyõteri adobo sõe wesemy kia juhu tewinymy toitemyhỹ wesemy?
|
||
\v 15 taita israelita mahãdu-dinodu ròirenyre Iòlò dee rybemy. Tii boho raryberenyre: õAõherekibo kai kawesemy wadireny atximyhỹte,-diarỹ boho heka eòdureny roire?
|
||
\v 16 Ka tahe wiji nobò tewahinyõteri wadeereny, kia tarybeteri iwese adobo sõe relemyhỹre wesele! Kia ihãremy wamyreny taòhòtemyhỹte, kia aõmysỹdỹỹ wedu òraruki heka tumyhỹre.
|
||
\v 17 Ka Iòlò rirawyònyre: —Kai boho heka eywesereny toitenyte kia aõmysỹdỹỹderamy tekoatenyteri. Kia iurenana heka wadee texitòenytenyteri arawahinyrenykremy Deuxumy berinanybenykemy.
|
||
\v 18 Bòòsebenyke aõmysỹdỹỹna-ò. Kai boho nobò ixyby adeereny rawahirenyõkre, kia biwinybenykre adobo sõe relemyhỹre wesele.
|
||
\v 19 Israelita mahãdu-dinodureny bede rieryrenyre bede sirasiraki ratxirenyrerimy kia tamyreny rybe rỹire bedeu kia txuu ihyyõmy adobo sõe yrybule riwinyrenymy roirekremy juhu tuu riwinymy roimyhỹ wesemy.
|
||
\v 20 Kia Iòlò wana widee raryberenyre sỹtybymy tii boho Moisesi kia Araõ boho rekoadrenyre, kia riraòmy ratximyhỹreny,
|
||
\v 21 kia tamyreny raryberenyre: Deuxu Tyhyhykỹ kia retehereri aõbo kai boho tewinytenyterimy kia rirarytxynyrenykre; kiemy dori aiòrarurenyki, Iòlò kia tadeòdureny wana wamyreny radònyrenyreri. Kai boho tamyreny tewahinytenyte òraruna kia riwarubunyrenykremy!
|
||
\v 22 Moisesi ixybyle rarybere Deuxu dee. Tii rarybere: Deuxu Tyhyhykỹ, aõherekibo aõhỹỹtyhymy kaa iny mahãdureny-di atxiteri? Aõherekibo ka-ò tiwateònyteri?
|
||
\v 23 Kia nanadeu ani rybemy Egito Iòlò dee, kia tii aõhỹỹhỹỹmy iny mahãdu risỹnyrenyreri. Kia kai tahe aõ tewinyõhyyteri biwiòhenanybenykemy.
|
||
\rem dat 1992
|
||
\c 6
|
||
\p
|
||
\v 1-2 Taita Deuxu Tyhyhykỹ rirawyònyre Moisesi: —Ka tahe wiji kai betehekre aõbo ariwinykre-di Egito Iòlò dee.-diarỹ tamy ararybekre riwahinykremy wasỹreny, waijoireny ròirenykremy. Kohe,-diary ararurunykre Israelita mahãdu tahãwa ribi riteònyrenykremy. Diarỹ heka Deuxu Tyhyhykỹ rare.
|
||
\v 3 -diarỹ rexitỹnynyre Abraaõ dee Isaque dee kia Ijaò dee kia Deuxumy ibutumy wabedeery nihikỹmy, kiaremy rewahinyõre riwaerykemy wani Deuxu Tyhyhykỹ.
|
||
\v 4 Kia rewinyre warybe tii boho wana kia rarybere tamyreny ariwahinykremy Kanaã su, tai ibedeki rasỹnymy roiremyhỹ wahe iwitxira hãwãludu wesemy.
|
||
\v 5 Ka tahe wiji-diarỹ raholare israelita mahãdu ohitxi dee, kia wetxumy rekoarenyreri egípcio mahãdu wetxurenymy, kia ixitxi wanohõti reare warybetxi ariwinykremy tamyreny.
|
||
\v 6 Kiaremyta, marybekre israelita mahãdureny-ò myy wahe: —Diarỹ Deuxu Tyhyhykỹ rare. Kia aritarenykre Egito wetxureny ribi. Waaxiò rurutere ariterenykre kia egipcio mahãdu tyre resekremy rarytxyna binahãkỹ kia arahedỹỹnyrenykre kai boho.
|
||
\v 7 Ariwinykre kia kai boho waijoirenykremy kia-diarỹ tahe aDeuxurenymykre. Kai boho bede bierybenykre kia-diarỹ Deuxu Tyhyhykỹ raremy, aDeuxurenymy, kia Deuxu heka aratarenykre Egito wetxureny ribi.
|
||
\v 8 -diarỹ aradyrenykre su-ò kia tuu rarybere ariwahinykremy Abraaõ-ò, Isaque-ò kia Ijaò-ò. Kia-diarỹ ariwahinykre kaa suu kia kai boho tai hãwãdurenykremy.-diarỹ heka Deuxu Tyhyhykỹ rare.
|
||
\v 9 Moisesi ixityre ka rybemy rarybere israelita mahãdu dee, kia tii boho tahe tamy ijohonaderalemy rekoarenyre, kiemy dori ibederyrymy ratximyhỹreny wetxu utxie nihikỹmy rekoamyhỹrenyre òraruki.
|
||
\v 10 Taita Deuxu Tyhyhykỹ rarybere Moisesi-ò:
|
||
\v 11 —Makeỹrybemy Farao-ò, Egito Iòlò, kia riwahinykremy israelita mahãdu ròhònykremy ihãwareny ribi.
|
||
\v 12 Kiaremy Moiseise rirawyònyre: —Kia heka israelita mahãdu warybe-ò ijohonaderalemy rekoarenykre, kia iòlò tule teralemy reakre.-diarỹ irutaõmy ararybeke ihoõre.
|
||
\v 13 Kiaremyta Deuxu Tyhyhykỹ ratybe riwahinyre kia Moisesi kia Araõ raryberenykremy israelita mahãdu deereny kia Farao-ò, Egito Iòlò, kia tii boho iny inatxi ijõdire kia ritarenykremy hãwãhãkỹ ribi Israel ijoi ixỹ mahãdu.
|
||
\v 14 Ka heka Moisesi kia Araõ riòreriorereny boho roire: Ruben, heka Ijaò riòre adela rare, kia inaubiòwamy iriòre sõe: Elaõ (Enoque), Palu, Hezrom kia Carmi. Ka boho heka Ruben riòre boho roire.
|
||
\v 15 Simeaõ iriòre debò inatxi sõemy: Jemuel, Jamim, Oade, Jaquim, Zoar kia Saul, cananeia hãwyy mahãdu riòre. Ka boho heka Simeaõ riòre boho roire.
|
||
\v 16 Levi inataõmy iriòre sõe: Gerson, Coate kia Merari. Levi bede riere 137 wyramy.
|
||
\v 17 Gerson inatxi iriòre sõe: Lbini kia Simeal, kia tii boho sõemy irioreriorereny ijõdire.
|
||
\v 18 Ka boho heka Coate riòre roire: Anraõ, Isar, Hebron kia Uziel.
|
||
\v 19 Merari inatxi uladu tybymy runyre: Mali kia Musi. Ka boho heka Levi rioreriore roire, ihỹỹnareny wana.
|
||
\v 20 Anraõ hãwyymy roire Joquebede wana, talabeterỹ wana tyby weribi-ò, kia tii inatximy iki wana rariòrenyre: Araõ kia Moisesi . Anraõ 137 wyramy bede riere.
|
||
\v 21 Isar inataõmy uladu tybymy runyre: Cora, Nefegue kia Zicri.
|
||
\v 22 Uziel tule inataõmy uladu tybymy runyre: Misael, Elzafã kia Sitri.
|
||
\v 23 Araõ hãwyymy roire Eliseba wana, Aminadabe riòre wahe, Nasaõ lerỹ wahe. Tii iki wana inaubiòwamy rariòrenyre: Nadabe, Abiu, Eliaza (Eleazar) kia Itamar.
|
||
\v 24 Cora inataõmy uladu tybymy runyre: Assir, Elcana kia Abiasafe. Ka boho heka Coreutas rioreriore roire.
|
||
\v 25 Eliaza, Araõ riòre, roire hãwyymy Putiel riòre wana, kia iki wana sohoji rariòrenyre, Fineias inire. Ka boho heka idinodureny rare, Levi riòreriòre-dinodu wahe.
|
||
\v 26 Araõ kia Moisesi wana rare kia Deuxu ribi rimyrenyre-di myỹ rybe wahidi-di: —Egito ribi bitabenyke Israel iny mahãdu.
|
||
\v 27 Kia tii boho heka raryberenyre Faraò dee, Iòlò Egito dee, kia kua ribi israelita mahãdu ritarenykemy.
|
||
\v 28 Kia Deuxu Tyhyhykỹ rarybereu Moisesi dee, Egito ki,
|
||
\v 29 tii rarybere: õDiarỹ Deuxu Tyhyhykỹ rare. Marybekre Faraò, Iòlò Egito-ò ibutumy aõmybo adee ararybekre.
|
||
\v 30 Kiaremy Moisesi rirawyònyre: —Deuxu Tyhyhykỹ,-diarỹ irutaõmy ararybeke waki ihoõre. Timybo tahe Iòlò warybe-ò roholakre?
|
||
\c 7
|
||
\p
|
||
\v 1 Taita Deuxu Tyhyhykỹ rarybere Moisesi dee: —Arawinykre kai Deuxu wesekremy iòlò dee; kia Araõ aseriòre tahe rarybekre eròwymy Deuxu rybe-di ijohodu wesemy.
|
||
\v 2 Kai marybekre Araõ dee ibutumy aõmybo-diarỹ ararybekre relekremy, kia tii tahe rarybekre Iòlò dee, rexitòenymy isaraelita mahãdu riwahinykremy ròhònyrenykremy isu ribi
|
||
\v 3 Ka-diarỹ tahe ariwinykre kia iòlò rõhõtiõkremy kia ariwinykre sõemy bedeòtiidỹỹnana kia bede brebuna Egito ki.
|
||
\v 4 Iòlò arybereny-ò roholaõkre. Kiaremy-diarỹ ariwinykre kia ityre rariòwykremy rarytxyna binahãkỹ kia aridykre Egito bede ribi ahãna-ò wasodadu mahãdureny, kia heka Isreal iny mahãdu.
|
||
\v 5 Kia-diarỹ wadebò ariteòsinykreu Egito mahãdu òludumy kia aritakre ityareny ribi israelita mahãdu òludumy kia aritakre ityareny ribi israelita mahãdu, kia egito mahãdu riwaerykre-diarỹ Deuxu Tyhyhykỹ raremy.
|
||
\v 6 Moisesi kia Araõ riwinyrenyre ibutumy timybo Deuxu Tyhyhykỹ tamyreny raryberemy relekremy.
|
||
\v 7 Kia raryberenyreu Iòlò dee, Moisesi 80-my iwyra, kia Araõ 83-my iwyra.
|
||
\v 8 Deuxu Tyhyhykỹ rarybere Moisesi-ò kia Araõ-ò:
|
||
\v 9 —Txibo Iòlò Egito raryberekre wana adeereny bedeòtiidỹỹna biwinybenykremy, kia Moisesi marybekre Araõ-ò tahojurehe rimykremy kiata idi rehukre su-ò Iòlò koki. Tii hemylalamy rexirahorekre.
|
||
\v 10 Tai Moisesi kia Araõ ròirenyre Iòlò wana witxi rekoarenykremy kia riwinyrenyre timybo Deuxu Tyhyhykỹ riteranyrenykremy kia riwinyrenyre timybo Deuxu Tyhyhykỹ riteranyrenyremy. Araõ rehure tahojurehe-di su-ò Iòlò kotxi kia iaõmysỹdỹỹdureny ruki, kia tii hemylalamy rexirahorekre.
|
||
\v 11 Taita Iòlò rarybere bedeery mahãdu, iaõerydu mahãdureny-ò, kia taerynareny-di tii boho riwinyrenyre iyrybutyhyle.
|
||
\v 12 Kia iny sohoji sohoji tahojurehe-di rehurenyre su-ò, kia tii boho hemylalamy rexirahòrerenyre. Kiaremyta Araõ hojurehe rirysỹre ihojurehereny.
|
||
\v 13 Kiaremy timybo Deuxu Tyhyhykỹ tuu raryberemy, kia Iòlò ixiyrybule rõhõtiõre kia Moisesi, Araõ ixitòedỹỹnareny-ò reòbyõlere.
|
||
\v 14 Taita Deuxu Tyhyhykỹ rarybere Moisesi-ò: —Iòlò rõhõtiõreri kia iny mahãdu wahidỹỹderalemy reareri, Egito ribi ròhònyrenykemy.
|
||
\v 15 Make iitxesemy rudi, iu tii rakre-ò Nilo bero-ò. Bimyke hojurehe hemylalamy rexirahorere kia iòlò biraokre Nilo bero-ò. Bimyke hojurehe hemylalamy rexirahorare kia Iòlò biraoke Nilo bero weijàtiki.
|
||
\v 16 Kia tamy marybekre myỹ: —Deuxu Tyhyhykỹ, hebreu mahãdu Deuxu riwateònyrere adee ararybekremy kia iny mahãdu biwahinykremy ròirenykremy bederahyki Deuxu my rerinanyrenykremy. Kiaremy wiji kai tetyhynyõhyyte Deuxu rybe wahidỹỹna.
|
||
\v 17 Kiaremyta Deuxu Tyhyhykỹ myỹ rarybere, kia kua òraruki tii wiji riwinykre, kia bierykre kia tii Deuxu Tyhyhykỹ raremy. Iòlò, wiji-diarỹ berobe ariwinykre kaa hojurehe remyrere-di, kiata bee rexirahorekre hãlubumy.
|
||
\v 18 kia utura mahãdu beromy rỹireri rururenykre, kia berobe rarònykre, kia egito mahãdu raybirenykre berobe momomy.
|
||
\v 19 Ki Deuxu Tyhyhykỹ rarybelere Moisese-ò: Marybeke Araõ-ò kia tahojurehe rimykremy kia tebò riterenykre bero tyre, berobe ijarana, hãluube, kia hãbulumy rexirahorekremy. Kawesemy tahe hãlubu ijõdire òwòru tyjelamy, mana hynaromy.
|
||
\v 20 Moisesi kia Araõ riwinyrenyre timybo Deuxu Tyhyhykỹ riteranyrenyremy. Iòlò koki kia iaõmysỹdỹỹdureny koki, Araõ tahojurehe ritamadỹỹnyre kia bero rihetenyre, kia bee hãlubumy rexirahorere.
|
||
\v 21 Utura mahãdu rururenyre, kia berobe rarònyre inihikỹmy, kia egito mahãdu berobemy riõrenyõhyyre kia ibutumy Egito bede hãlubu-di rỹxire.
|
||
\v 22 Kiaremy taaõnarenydi ibedeerydu mahãdu iyrybyle riwinyrenyre. Kia wesemy tahe iòlò rõhõtiõmy ratxire. Tuu Deuxu Tyhyhykỹ raryberemy tii reòbyõhyyre Moisesi kia Araõ ixitòedỹỹna-ò.
|
||
\v 23 Kia iribiòtumy tii roosere, taaõmysỹdỹỹna heto-ò, kia aõmy rõhõtiyremy aõkõ aõbo ròhònyrerimy.
|
||
\v 24 Ibutumy egito mahãdu hãluu riamy rỹimyhỹreny bero weijàtimy kia belyramy riõrenykremy, kiemy dori berobe riõrenykre ihoõre.
|
||
\v 25 Kia debò inatxi txumy bede rỹire, kia Deuxu Tyhyhykỹ berobe rihetenyre rahudi.
|
||
\c 8
|
||
\p
|
||
\v 1 Irahudi Deuxu Tyhyhykỹ rarybere Moisesi-ò: —Make Iòlò-ò rybemy kia tamy marybekre Deuxu Tyhyhykỹ rarybererimy tamy myỹ : —Biwahinyke wasỹreny waijoireny ahãwa ribi ròhònykremy kia wamy rerinanyrenykremy.
|
||
\v 2 –Txibo kai biwahinyõkre wana,-diarỹ ahãwareny arirarytxynykre, kia òròwete-di arihetynykre.
|
||
\v 3 Nilo bero tỹximy òròwete-di roikre, kia iribi ròhònymy Iòlò aõmysỹdỹỹna heto-ò ralokre, itỹhinanawo-ò, iherina-ò, iaõmysỹdỹỹdu mahãdu hetowo-ò, kia isỹreny mahãdu hetowo-ò, kia forno wo-ò ralokre, bacia idi paõ rawidỹỹmyhỹrewo-ò ralokre.
|
||
\v 4 Òròwete mahãdu atyre rawayrytòrenykre, asỹreny aijoireny mahãdu tyre kia ibutumy aaõmysỹdỹỹdu mahãdu tyrereny rawayrytòrenykre.
|
||
\v 5 Deuxu Tyhyhykỹ ihãremy rarybere Moisesi-ò: Marybeke Araõ-ò tahojurehe berotyre riterenykremy, behãluumy kia riwinykre òròwete mahãdu ròhònykremy bero ribi kia Egito su rihetynykremy.
|
||
\v 6 Tai Araõ tebò riterenyre Egito berotyre, kia òròwete mahãdu ròhònyrenyre kia ibutumy Egito hãwã ritỹxinyre.
|
||
\v 7 Kiaremy ibedeery mahãdu iyrybutyhyle riwinyrenyre taõòtanareny-di, tii boho tule-didydenyde òròwete mahãdu Egito sutyre-ò.
|
||
\v 8 Taita Iòlò rarariòwyre Moisesi, Araõ dòidenykremy tamyreny rarybere: —Bexitòenybenyke aDeuxu Tyhyhykỹreny-ò kia riwatakremy kia wasỹreny waijoireny ritakremy òròwete mahãdu ribi, kia-diarỹ ariwahinykre kia aijoireny ròirenykremy kia Deuxumy rerinanyrenykremy.
|
||
\v 9 Moisesi rirawyònyre: —Kia awityhymy aixitòedỹỹna ariwykre. Manarybeke tiubo tuu ararybekre-diarỹ Deuxu dee arexitòenykre umy rybemy, kia aaõmysỹdỹỹdu mahãdumy, kia asỹreny aijoireny mahãdumy, kia òròwete mahãdu riõrenykremy aaõmysydyyna heto ribi, ahetoreny ribi kia beroki sohojile rỹikremy.
|
||
\v 10 Iòlò rirawyònyre: —Bexitòenyke wamy bikurasòmy. Kai Moisesi rarybera: —Iòlò,-diarỹ ariwinykre timybo texitòenytemy wesemy tahe kai bede bierymy mabekre kia su ritxoo deuse ihoõre Deuxu wesemy, waDeuxureny wesemy
|
||
\v 11 Kai aaõmysỹdỹydureny, asỹreny aijoireny, òròwete ribi rexitarenykre.
|
||
\v 12 Moisesi kia Araõ wana ròhònyrenyre Iòlò aõmysỹdỹỹna heto ribi. Irahudi Moisesi rexitòenyre Deuxu Tyhyhykỹ-ò kia òròwete mahãdu ritakremy kia tii-diteònyde wahe Iòlò òludumy.
|
||
\v 13 Kia Deuxu Tyhyhykỹ roholare iixitòedỹỹna-ò: òròwete mahãdu heto hetomy, oworu oworumy, kia bede bedemy rỹimyhỹreny rururenyre.
|
||
\v 14 Kia egito mahãdu sõemy òròwete rubu ributunyrenyre, kia sõemy rarònyre kia hãwã hãwãmy ibutumy irò roberare.
|
||
\v 15 Kia Iòlò robireu òròwete rubumy, kia ixybyle rõhõtiõmy, timybo Deuxu Tyhyhykỹ tuu raryberemy, kia Moisesi, Araõ ixitòedỹỹna-ò roholaõhyyre.
|
||
\v 16 Deuxu Tyhyhykỹ rarybere Moisesi-ò: —Marybekre Araõ-ò suu rihetenykremy tahojurehe-di kia ibutumy Egito sunode tuburumy rexirahorekremy.
|
||
\v 17 Kia Araõ suu rihetenyre tahojurehe-di, kia ibutumy Egito sunode rexirahorere tuburumy, kia iny mahãdumy, iròdu mahãdu rỹimyhỹre .
|
||
\v 18 Kia Iòlò ijoi mahãdu ibedeerymy rỹimyhỹre mahãdu idi iwidỹỹmy risỹnymyhỹreny tuburumy rexirahòrekemy, kiata iwese riwinyrenyõhyyrenyre. Kia iny mahãdu, iròdu mahãdu tuburu-di sõemy ryimyhyreny.
|
||
\v 19 Taita Iòlò ijoi bedeery mahãdu raryberenyre Iòlò dee: —Kia Deuxu tuu riwinyre! Ka Iòlò tahe rõhõtiõmy ratximyhỹ tuu Tyhyhykỹ rarybere mynamy, kia Moisesi, Araõ ixitòedỹỹna-ò roholaõhyyre.
|
||
\s Òhòrati mahãdu
|
||
\v 20 Deuxu Tyhyhykỹ rarybere Moisesi-ò: —Makre tamy rybemy kia marybekre, kia-diarỹ Deuxu Tyhyhykỹ myỹ rarybererimy: —Biwahinyke wasy waijoi hãwãhãkỹ ribi ròhònyrenykemy kia wamy rerinanyrenykremy.
|
||
\v 21 Txibo kai biwahinyõkre wana,-diarỹ ariteònykre òhòrati sõehekỹ arararytxynykremy, aaõmysỹdỹỹdureny kia asỹreny aijoireny rarytxydỹỹnamy. Egito mahãdu heto tỹximy òhòrati-di rỹirenykre kia suu òhòrati-di rahetynykre.
|
||
\v 22 Ka kia kua txuu rehitxinyre Gosem bede, tai ibedeki wasỹ waijoi rasỹnymyhỹrenyre, kia tai òhòrati ihoõkremy. Kawesemy tai kai bede bierykre kia-diarỹ Deuxu Tyhyhykỹ ka hãwãhãkỹ ki watxirerimy.
|
||
\v 23 Kia ariwinykre bede iwitxiramy wasỹ waijoi ribi kia asỹ aijoi ribi. Kaa bedeòtiidỹỹna biurasòmy tuu rutỹỹnykre.
|
||
\v 24 Kawesemy tahe Deuxu Tyhyhykỹ riwinyre, kia sõemy òhòrati sõehekỹ ralore Iòlò aõmysỹdỹỹna hetowo-ò, iaõmysỹdỹỹdureny hetoworeny-ò. Kia òhòrati sõehekỹ òraruki Egito hãwã ibutumy aõhỹỹmy rutỹỹnyre.
|
||
\v 25 Taita Iòlò rarariowyre Moisesi kia Araõ deereny kia rarybere: —Kakile biwinybenykre Egito ki.
|
||
\v 26 Moisesi rirawyònyre: —Rewahinymyhỹrenyre xiwenamy Deuxu Tyhyhykỹ dee, waDeuxureny, kia heka brebuna rare Egito mahãdureny-ò. Txibo tii boho wamyreny robirenykeki iròdu iròdu rerubunyrenyrerimy kia tii boho tuu rerinanymyhrenyre, kia inatyhymy tii boho riwarubunyrenyke huna-di.
|
||
\v 27 –Diarỹ boho heka aririranyrenykre inataõ txumy bederodi, kia tamy arehemynyrenykremy tai araxiwenyrenykremy waDeuxureny-ò, tuu tii wadeereny raryberemy.
|
||
\v 28 –Taita Iòlò rarybere: Arawahinyrenykre bòibenykremy bedero-ò maxiwebenykremy aDeuxureny-ò. Kia wadee wamy bexitòenylekre.
|
||
\v 29 Moisesi rirawyònyre: —Òhòrati sõehekỹ aribi ixawikremy, aaõmysydyydureny ribi kia asyreny aijoireny ribi. Kia uritreta wabòdyyrenyõmykre ixyby,wasy waijoi tòedyyomy araxiwerenykremy waDeuxureny-ò.
|
||
\v 30 Taita Moisesi ròhònyre Iòlò aõmysydyyna heto ribi kia rexitòenyre Deuxu Tyhyhykỹ-ò.
|
||
\v 31 Deuxu riwinyre Moisesi tuu rexitòenyremy: tii riwinyre òhòrati sõehekỹ Iòlò ririkremy, kia iaõmysydyydureny kia isyreny iijoireny ririrenykremy. Kia òhòrati sohojiõ rariõhyyre.
|
||
\v 32 kia ihãremy ixyby Iòlò rõhôtiomy kia iny mahãdu riwahinyõhyyrenyre ròirenykemy.
|
||
\rem dat 2009
|
||
\c 9
|
||
\p
|
||
\v 1 Deuxu Tyhyhykỹ rarybere Moisesi-ò: Make Iòlò-ò rybemy kia marybekre hebreu mahãdu Deuxu rarybererimy myỹ: —Biwahinyke wasỹreny waijoireny ròhònykemy hãwãhãkỹ ribi kia wamy rerinanyrenykremy.
|
||
\v 2 Txiboỹkai biwahinyõkreki kia mohõtiõmy bitòenykre ròirenykelau,
|
||
\v 3 -diarỹ arararytxynykre webinadu binahãkỹ-di, kia ibutumy airòdureny rimyrenykre, kia heka, awaru boho, jumento boho, camelo boho, broreni boho, kia budoeni boho.
|
||
\v 4 Ariwinykre wiribi lahitximy kia israelita mahãdu iròdu kia Egito mahãdu iròdu ribi, kia ruruõhyykre israelita mahãdu iròduõ.
|
||
\v 5 -diarỹ Deuxu Tyhyhykỹ, tuu reywinyre: biurasòmy tuu ariwinykre.
|
||
\v 6 Ijõ txuu Deuxu Tyhyhykỹ riwinyre timybo tuu raryberemy, kia ibutumy Egito mahãdu iròdureny rururenyre; kiaremy israelita iròdureny rururenyõhyyre.
|
||
\v 7 Iòlòỹrarybere taijoi-ò reteherenykremy aõhebo bede rutỹỹnyremy kia ikoreny relyyre israelita mahãdu iròdureny rururenyõhyyre. Kia ihãremy Iòlò ixybyle rõhõtiõre kia iny mahãdu riwahinyõhyyre ròirenykremy.
|
||
\s yjy webyte
|
||
\v 8 Taita Deuxu Tyhyhykỹ rarybere Moisesi kia Araõ boho-ò: —Bimybenyke sõemy heòty bryby, kia Moisesi bryby-di rehukre biu-ò Egito Iòlò koki.
|
||
\v 9 Tii raubỹtỹkre ỹnysi ruxõmio wesemy ibutumy Egito su my, kia ibutumy bede bedemy bryby rexirahorekre yjy webytòmy kia rayjynyrenykre iny mahãdu kia iròdu iròdu tule.
|
||
\v 10 Kawesemy Moisesi kia Araõ rimyrenyre bryby kia lamamy ritamanyrenyre Iòlò koki. Moisesi bryby-di rehure biutxi, kia tii yjy webytòmy rexirahorere, kia iny mahãdu ki rawebytònymy rỹimyhỹreny kia iròdu iròdumy tule.
|
||
\v 11 Iòlòỹijoi bedeery mahãdu ròirenyõhyyre Moisesi koki kiemy dori tii boho kia ibutumy Egito mahãdu yjy-di ratximyhỹreny.
|
||
\v 12 Kiaremyỹ Deuxu Tyhyhykỹ riwinyre Iòlò ixyby rõhõtiõkremy. Kia tuu Deuxu Tyhyhykỹ raryberenamy Moisesi-ò, kia Iòlò reòbyõhyyre Moisesi kia Araõ ixitòedỹỹna-ò.
|
||
\s Biulera mana
|
||
\v 13 Deuxu Tyhyhykỹ rarybere Moisesi-ò: Biurasòmy rudi makre Iòlò wana witxi beakremy kia tamy marybekre Deuxu Tyhyhykỹ, hebreu mahãdu Deuxu myỹ rarybere: —Biwahinyke kia wasỹ waijoi ròhònykemy hãwãhakỹ ribi wamy rerinanykremy.
|
||
\v 14 Kiemy dori ka wiji-diarỹ ariwinykre ibutumy wairòdusõmio ariatykre atyre, aaõmysỹdỹỹdu mahãdu tyle kia asỹ aijoi mahãdu tyre, kia bede bierykremy kia ibutumy hãwã hãwãki inyõ wawesemy ratxiõhyymyhỹre.
|
||
\v 15 Txibo-diarỹ adee arohotirakeki kia asỹ aijoi dee webinadudi, kai tiu aõkõ buruke ikiemy.
|
||
\v 16 Ka-diarỹ heka arawahinyreri arumy atxikremy kia ariteòsikremy wabedeery nihikỹ, kia wani roberakremy ibutumy hãwã hãwãmy.
|
||
\v 17 Kai ihãremy ixyby texityhynymy atxiterikia tetòenyteti wasỹ waijoi ròirenykemy.
|
||
\v 18 Kiaremy biurasòmy kawese bedeu-diarỹ ariwinykre ydòakremy biulòra mana iruruteremy kia tiu tuu rutỹỹnyõhyyre iwesemy Egito ijyynaki.
|
||
\v 19 Kiaremyta, wiji marybeke abrorenireny bibutunybenykemy kia ibutumy aõbo kai ijõdireri bederahymy. Txibo iny mahãdu kia iròdu iròdu kia bederahymy rỹirenykre, tasỹ-ò ròiõkre wana kia biulòra mana ròakreu, kia ibutumy tii boho rururenykre.
|
||
\v 20 Iòlò aõmysỹdỹỹdu mahãdurenyõ ruberurenyre kia Deuxu Tyhyhykỹ kuamy rarybereki, kia ridyrenyre tawetxu mahãdu kia tairòdureny uhuari hetowo-ò.
|
||
\v 21 Kia iny mahãdu Deuxu Tyhyhykỹ rybe-ò roholareõre kia tawetxureny tairòdureny bederahymy ririradỹỹnyrenyre.
|
||
\v 22 Taita Deuxu Tyhyhykỹ rarybere Moisesi-ò: —ibutumy Egito su-my. Rariowykre iny mahãdu tyrereny, iròdu iròdu tyre kia ibutumy alòbròna oworumy rỹimyhỹre tyre.
|
||
\v 23 Moisesi tahojurehe ritamadỹỹnyre biu-ò, kia Deuxu Tyhyhykỹ-diteònyde biumyta, biulòra mana kia biudelaa hãwãhãkỹ tyre. Tii riwinyre rariowykremy
|
||
\v 24 iutxiemy biulòraỹmana Egito tyre, kia biulòra kia biudelaa resemyhỹ ruhumy aõkõ. Ka heka ibinatyhymy yhy debure reare Egito bedeki ibutumy Egito ijyy ribi.
|
||
\v 25 Kia ibutumy Egito bedeki biulòra mana rahure bederomy rỹimyhỹ, kia iny mahãdu kia iròdu iròdu wana ributunymy. Rahure ibutumy alòbròna kia bederade rioroorore.
|
||
\v 26 Kia Gosem bede sohojile, tai israelita mahãdu rỹimyhỹrenyreki, biulòramana ròaõhyyre.
|
||
\v 27 Taita Iòlò rarariòwyre Moisesi kia Araõ wana kia rarybere: Ka wijihe-diarỹ-ò raruna rewinyre. Deuxu Tyhyhykỹ heka òbitimy nodu rare;-diarỹ kia wasỹ waijoireny wana òrarunamy reserenyra.
|
||
\v 28 Bexitòenyke Deuxu Tyhyhykỹ dee. —Awikehe biumyta kia biulòra mana!-diarỹ arawahinyrenykre bòibenykremy; kai boho ixyby biraòbenyõkre.
|
||
\v 29 Moisesi rirawyònyre: Kia hãwã ribi aròhònykreu,-diarỹ wadebò aritamadỹỹnykre arexitòenymy Deuxu Tyhyhykỹ dee. Biumyta sõehekỹ ixawikre, kia ihoõkre ixyby biulòramana. Ka heka adee Iòlò, bede bierykre kia suu heka Deuxu Tyhyhykỹ hõrõ rare.
|
||
\v 30 Kaỹdiarỹ reeryre kai kia aaõmysỹdỹỹdureny wana Deuxu Tyhyhykỹ lau taberuõlemyhỹtenyte.
|
||
\v 31 Kia alòbròna aõwi rexihure, kiemy dori alòbròna bedeledelededile rỹimyhỹ, kia alòbròõ noiròsòlemy rexirahorere.
|
||
\v 32 Kiaremyỹ trigo rexihuõlere, kiemy dori rabròõlere.
|
||
\v 33 Irahudi Iòlò wana ratximyhỹ rahudi, Moisesi ròhònyre hãwã ribi kia tebò ritamadỹỹnyre rexitòenymy Deuxu Tyhyhykỹ-ò. Tai biumyta sõehekỹ, biulòra, kia biulòra mana sõehekỹ ixawire.
|
||
\v 34-35 Kiaremy, Iòlò robireu biulòra ixawiremy, kia rawodỹỹnyõhyymyhỹre ixyby kia biulòra mana ròaõhyymyhỹ, tii ixybyle òraruna riwinyre. Tii kia taaõmysỹdỹỹdureny wana ixybyle rõhõtiõrenyre. Kia tuu Deuxu Tyhyhykỹ rarybere mynamy Moisesi dee, Iòlò riwahinyõhyyre israelita mahãdu ròirenykemy.
|
||
\rem dat 1992
|
||
\c 10
|
||
\p
|
||
\v 1 Deuxu Tyhyhykỹ rarybere Moiseiei-ò: Make Iòlò-ò rybemy, kiemy dori-diarỹ rewinyre kia tii kia iaõmysỹdỹỹdureny wana ixyby rõhõtiõrenykremy, kia-diarỹ kaa bedeòtiidỹỹna ariwinykremy ityarenyki.
|
||
\v 2 Kia tule kai belyykre ariòre boho-ò kia ariòreriòrereny boho-ò timybo-diarỹ, Egito mahãdu-di resinyremy kia tiwese aõkõ bede brebuna rewinyremy iykyrenyki. Kawesemy kai boho bede bierybenykre kia-diarỹ Deuxu Tyhyhykỹ raremy.
|
||
\v 3 Moisesi kia Araõ wana ròirenyre Egito Iòlò-ò rybemy kia tamy raryberenyre: —Deuxu, hebreu mahãdu Deuxu myỹ rarybere: —Tiwesebedeubohe kai wadee bexiruxetòenymy wadee marybekre waruki? Biwahinyke wasỹreny waijoireny hãwãhãkỹ-ribi ròhònyrenykemy kia wamy rerinanyrenykremy sõehekỹ ahãwahãkỹ-ò.
|
||
\v 4 Biwahinyõkreky bikurasomy jiarỹ ariwinykre sei sõehekỹ ahãwahãkỹ-ò.
|
||
\v 5 Kia suu tuu alobixi rõiõkre, kiemy dori sei mahãdu Egito su rihetynykre. Tii boho ibutumy riroxirenykre kia biulòra mana aõ rihuõremy, kia bederade dorile rasiranyre.
|
||
\v 6 Tii boho ritỹxinyrenykre ahetoworeny, kia ibutumy aaõmysỹdỹdureny hetoworeny kia ibutumy asỹreny aijoireny mahãdu hetoworeny. Kia kaa bede binahãkỹ ibinatyhymy relekre ibutu ribi, kia bureny, kia ahỹỹnareny tuu robirenyre ribi. —Moisesi kawesemy rarybere kiata ròhònyre Iòlò aõmysỹdỹỹna heto ribi.
|
||
\v 7 Taita Iòlò aõmysỹdỹỹdu mahãdu raryberenyre Iòlò dee: —Tiubo tahe kaa rybe inydeereny iòhãrukre? Biwahinyke kia hãbu mahãdu ròirenykemy, kia rerinanyrenykremy taDeuxurenymy. Kiaremy kai aõbo teeryõteri. Egito aõhỹỹmy rutỹỹnyreri?
|
||
\v 8 Tai Moisesi kia Araõ wana ròirenyre ixybyle Iòlò dee, kia tamyreny rarybere: —Kai boho aõwaxina bòibenykre aDeuxurenymy berinanybenykremy. Ka-diarỹ tahe arierykemyreri mobo rakre.
|
||
\v 9 Moisesi rirawyònyre: —Aròirenykre ibutumy-diarỹ boho, wauladureny wana, kia waiumyreny wana. Aridyrenykre wariòrereny, wabudoenireny, wabrorenireny, kiemy dori ixena ariwinyrenykre Deuxu deewimy.
|
||
\v 10 Taita Iòlò rarybere: —Kiaremy kia Deuxu Tyhyhykỹ awanareny rakre! Kia tahe ariwahinyõtyhy kiehyyle, kia kai boho ahãwyyreny kia ariòrereny bidybenyke! Kia dori kai boho bede biywinybenykremy tahõtinytenyteri.
|
||
\v 11 Aõkõre! Hãbu mahãdu sohojile aõwaxina ròirenykre Deuxu Tyhyhykỹmy rerinanyrenykremy, txibo kamy tesỹnytenyteri wana. Kia Araõ kia Moisesi wana ratarenyre Iòlò tyy ribi.
|
||
\v 12 Tai Deuxu Tyhyhykỹ rarybere Moisesi-ò: —Ebò biterenyke Egito hãwã tyre kia se sõehekỹ kanakremy. Tii dòidenykre kia ibutumy alòbròna riròrenykre su my rỹimyhỹre, kia ibutumy biulòra mana rihuõre.
|
||
\v 13 Moisesi tahojurehe ritenyre Egito hãwã tyre, kia Deuxu Tyhyhykỹ ibr… ribi yhy-diteònyde kia rayhynyre txuu iyhykõmy kia ruu iyhykõmy. Kia biurasòmy txuu deadeu, yhy sei sõehekỹ-didyde.
|
||
\v 14 Tii boho rexiubỹtỹnyrenyre ibutumy Egito bedemy kia ibutumy ralòrenyre kia bede aõwiwidi rỹimyhỹre, kia tiu tuu rutỹỹnyõre kia tiu ixyby tuu rutỹỹnyõtyhy.
|
||
\v 15 Tii boho su bede rihetynyrenyre, kia ilybymy suu reare. Kia bederademy riròxirenyre kia ibutumy bederade ratymy riroxirenyre kia biulòra mana ribi rasiranyrenyre. Kia ibutumy Egito bedeki aõ bederade lỹre rasiranyõhyyre kia alòbròna lỹre rasiranyõhyyre.
|
||
\v 16 Taita Iòlò rarariòwyre wytyhylemy Moisesi kia Araõ boho-ò kia tamyreny rarybere: õDiarỹ òraruna rewinyra Deuxu òludumy kia aòludurenymy.
|
||
\v 17 Wijiỹrexitòenyrenyre wadi mawobrukremy waòraru-di kia bexitòenyke Deuxu-ò kia tii wa ribi ritakremy kaa rarytxyna binahãkỹ.
|
||
\v 18 Moisesi ròhònyre Iòlò aõmysỹdỹỹna heto ribi kia rexitòenyre Deuxu Tyhyhykỹ-ò.
|
||
\v 19 Tai Deuxu Tyhyhykỹ yhy ritebonyre bre…ra werib-ò, kia se sõehekỹ ritamadỹỹnyre kia bero nihikỹso txi idireny rehure; kia se sõehekỹõ rariõhyyre Egito bedeki.
|
||
\v 20 Kiaremy Deuxu Tyhyhykỹ riwinyre kia Iòlò rõhõtiõmy rarekremy, kia riwahinyõhyyre israelita mahãdu ròirenykemy.
|
||
\v 21 Taita Deuxu Tyhyhykỹ rarybere Moisesi-ò: Ebò bitamadỹỹnyke biu-ò kia ibutumy Egito bede rurunykremy inihikỹmy, kia aõwaxina rawodỹỹnykre.
|
||
\v 22 Moisesi tebò ritamadỹỹnyre biu-ò, kia txu inataõmy bedeluru nihikỹ Egito bede riturunyre.
|
||
\v 23 Kia Egito mahãdu wimy robirenyke aõkõre, kia kua bede txuu moõ ròhònyõhyyre tahetowo ribi. Kiaremy ibutumy ibutumy israelita mahãdu heto toosòmy rỹimyhỹreny.
|
||
\v 24 Tai Iòlò rarariòwyre kia tamy rarybere: Kai boho aõwaxina bòibenykre aDeuxurenymy berinanybenykremy. Kia bidylebenykre ahãwyyreny kia ariòrereny bidylebenykre.
|
||
\v 25 Moisesi rirawyònyre: —Kai wadeereny bidiwahinylekre wadebòreny-ò idi araxiwerenykremy waõnareny, waDeuxureny-ò arexitòenyrenykremy.
|
||
\v 26 Kia wairòdureny aridyrenylekre, kia ijõõ rariõhyykre; kiemy dori iijõreny aritarenykre xiwenamy Deuxu-ò arexitòenyrenykremy, kia reeryrenyõhyyrenyreri tibo aritarenykre Deuxu dee, ihyy kuaò arehemynyrenykre.
|
||
\v 27 Kiaremy Deuxu riwinyre Farao coracão riteredỹỹnyre, kia riwahinyõhyyre ròirenykemy.
|
||
\v 28 Farao rarybere Moisesi-ò: —waribi bexitake kia ixyby waòsỹnymy alobixiõmykre; kiemy dori tiu txuu waòsỹnymy bobikreu burukre.
|
||
\v 29 Moisesi rirawyònyre: —awimy tarybeta, tiu ixyby adòòseõtyhy aòsỹnymy arobikemy.
|
||
\c 11
|
||
\p
|
||
\v 1 Deuxu rarybere Moisesi-ò: —Kia ihãremy ixyby ahỹỹ bina aditeònykre Farao dee kia Egito dee. Taita arawahinyrenykre karibi boikremy; kia arawahinyrenykreu, kia òbitimy arateònyrenykre ibutumy.
|
||
\v 2 Wiji marybeke iny mahãdu nohtireny-ò, kia ibutumy hãbu mahãdureny rexitòenyrenykre taheto bireludureny-ò, kia ibutumy hãwyy mahãdureny rexitòenyrenykre taheto bireludureny-ò, kia manarỹsỹ òtaòtamy, kia manarỹsỹ my.
|
||
\v 3 Kia Deuxu Tyhyhykỹ riwinyre Egito mahãdu awityhymy israelita mahãdu-di ratxirenykremy; kia tule Moisesi hãbu nihikỹ my rityhynymyhỹ renyre inidehedereki Egito suki, kia Faraò ijoi mahãdu, iny mahãdu Egito ludu.
|
||
\v 4 Moisesi rarybere: —Kawesemy Deuxu rarybere: Kia ruwetya rimykre bedeu areakre Egito tya bedemy.
|
||
\v 5 Kia ibutumy uladu adela mahãdu rururenykre, kia Farao riòre adela ribi ròrarunykre, kia irynana runymyhỹre, kia iwetxyreny riòre adelareny tule, kia ibutumy iròdu iròdu riòrereny adela rurulerenykre.
|
||
\v 6 Kia inihikỹ my ibru sỹ bina rỹikre kia ibutumy Egito sumy, kia tiu tuu rutỹỹnyre, kia tiu ixyby tuu rutỹỹ tyhy;
|
||
\v 7 kiaremy israelita mahãdu riòrereny ruruhyyrenykre, kia hãbureny ribi kia iròdu iròdu mahãdu tule, kia ijòròsa rawolohãhyykre, kia bierybenykremy Deuxu Tyhyhykỹ iwitxiramy riwinyre Egito mahãdu kia israelita mahãdu ribi.
|
||
\v 8 Kia Moisesi tarybe ritranyre: —idirahudenykre, kia wakoki tatiòhumy rejujurenykre, rexitòenyrenymy kia-diarỹ arakremy kia ibutumy wasỹ waijoi aridyrenykremy. Irahudi tahe-diarỹ aròhònykre. Moisesi ròhònyre semy reburemy Iòlò tyy ribi.
|
||
\v 9 Taita Deuxu Tyhyhykỹ rarybere Moisesi-ò: —brebuna nihikỹ ariwinykremy Egito ki. brebuna nihikỹ Iòlò ruki Egito bedeki. Kiaremy Deuxu Tyhyhykỹ riteredỹỹnyre Iòlò coraça, kia riwahinyre israelita mahãdu ròhònyrenykelau hãwãhãkỹ ribi.
|
||
\v 10 Moisesi kia Arao-wana riwinyrenyre ibutumy aõnaaõna brebuna nihikỹ Kiaremy Deuxu Tyhyhykỹ riteredỹỹnyre Iòlò coraça, kia riwahinyre israelita mahãdu ròhònyrenykelau hãwãhãkỹ -ribi.
|
||
\c 12
|
||
\s Pascoa
|
||
\p
|
||
\v 1 Deuxu Tyhyhykỹ rarybere Moisesi kia Ara boho wana Egito ki. Tii rarybere:
|
||
\v 2 Kaa ahãdu adeereny wyra tỹmyra ahãdu kodelemykre.
|
||
\v 3 Marybebenykre ibutumy israelita mahãdu-ò myỹ: —Debòitue txuu kaa ahãdu-ò uladu mahãdu tyby sohoji sohoji ritarenykre budoeni riòre tariòrerenydee, kia heka, iròdu sohoji iny heto heto-ò.
|
||
\v 4 Txibo iny iriòre ibutetyhykre wana kia iròdi ixidi riròrenykremy, taita heto wedu taheto bireludu wana riròrenykre ibutumy, riwirareamy iny se mynamynamy.
|
||
\v 5 Iròdu heka budoeni riòre tukre. aõ ibinana ihokre, iwyra sohojimy.
|
||
\v 6 Kai boho birarenybenykre waò inaubiòwa txu-ò kaa ahãdu-ò, kia txioromy ka txuu ibutumy israelita mahãdu rirubunyrenykre iròdu iròdu.
|
||
\v 7 Bimybenykre urihimyòmy hãlubu kia ijòtybòna bybymy idi bekoabenykre tai ibedeki iròdu iròdu rarokreki.
|
||
\v 8 Ka ruu iròdude heòty bure-ò raobiukre kia rarokre pa iuridi kia bederade hyredi.
|
||
\v 9 Iròdude iruxamy ak rarokre kia heramy ak; kia iròdu taumydi, kia irati, iti kia ideyreyre rabutumy, kia heòty bure-ò raobiukre.
|
||
\v 10 Kia uritre irisirenymy ijõ txumy kia bisõbenykre rohenykre.
|
||
\v 11 Kia bexityynybenymy, bexiwanybenymy kia hojurehedi ebòrenyki, wymy biròbenykre iròdu. Kaa heka Deuxu Tyhyhykỹ Pascoa rare.
|
||
\v 12 Kia ruu-diarỹ areakre Egito subedemy kia arirubunykre ibutumy uladu adela mahãdu, iny riòre mahãdu kia iròdu iròdu tule. Kia arirarytxynyrenykre ibutumy deuse mahãdu.-diarỹ heka Deuxu Tyhyhykỹ rare.
|
||
\v 13 Kia hãlubu ijòtybòna weijàtimy rỹireri heka deòsinamy rarekre ahetorenymy tai tasỹ nymyhỹ tenyteki. Kia Egito arirarytxynykreu,-diarỹ arobikre hãlubumy tai tahe umyreny idi areakre abyabyrenymy, kia kai boho bexihubenyderamy ka binahãkỹ-di.
|
||
\v 14 Idi bisinymy boibekre ka txu-di kia ixena brebuna wesemy kia itxi htireny rekoarenykremy kia-diarỹ Deuxu Tyhyhykỹ rewinyremy tuu. Kai boho kia arioreriorereny tuu riwinymy roirekre Pascoa ixena-di ikiemy.
|
||
\s Paõ iuriõ ixena
|
||
\v 15 Txuu debò inatxi txumy kai boho pa iuridỹỹbirỹsỹbenykre. Iurenana, kodelemy txuu rỹikreu bitabenykre pa uri ahetore ribi. Kia atxile iny paõ iuridi rirỹsỹ kre wana, kia txu sohoji ribi txuu debò inatxi txu-ò, kia israelita mahãdumy rarekre.
|
||
\v 16 Txu sohojiu, kia debò inatxi txuu tule, rybe butuna biwinybenykre kia Deuxumy berinanybenykremy. Kia amysỹdỹỹrỹihyykre ka txuu, ahebo tahe rỹsỹna raywidỹỹke.
|
||
\v 17 Pa iuriõ-di mohõtinybenymy ixena biwinybenyke kia itxuu-diarỹ aratarenyre Egito ribi Israel mahãdu. Kaa alisi bededỹỹ nana heka ikiemy rarekre, kia uladu tyby mahãdu tariòre boho-ò relyyrenykre.
|
||
\v 18 Kia txiorou 14-my txuu ahãdu kodelemy rỹimyhỹ reu kia waitue txuu iahãduule, kai boho paõ tewinytenyta kia iuri ihokre.
|
||
\v 19 Kia txuu debò inatxi txumy bede rỹikre kia paõ uridỹỹna ihoõkre ahetorenyki, kiemy dori txibo iny paõ iuridi riykre wana, kia hãwã witxira ludu hãwãhãkỹ ki ratxireri, kia israelita mahãdukre wana, kia rateòdỹỹkre Israel mahãdu ribi.
|
||
\v 20 Kiaremyta uritre irỹsỹ renymykre abo iuridireri. Kia ibutumy ahetorenyki pa iuridỹỹle ijdirenykre.
|
||
\v 21 Moisesi rarariòwyre ibutumy iny mahãdutyhy nihikỹ reny dee kia rarybere: ibutumy israelitasỹ mahãdu Pascoa-di rabedebiòwanyrenykremy.
|
||
\v 22 Kia bederade ruru bimybenyke, kia hãlubu-di bituunybenykre baci ki rỹikre wana kia ahetoreny weruramy idi bekoabenykre, kia ahetoreny ijò tybòna weijatimy, ijò tybòna biu bedemy idi bekoabenykre. Iny ròhònyhyykre taheto ribi kia bedelurumy bede rỹ ikreu.
|
||
\v 23 Kia Deuxu Tyhyhykỹ reakreu Egito mahãdu rubudỹỹmy, kia hãlubumy robikre heto weruramy kia Anjo rubudỹỹdu riwahinykre aheto-ò ralòkemy arubudỹỹmy.
|
||
\v 24 Kai boho kia arioreriorereny wana bityhynybenymy kaa rybe wahinadi bòibenybekre ikiemy.
|
||
\v 25 Kia iu su-ò birònybenykreu kia Deuxu Tyhyhykỹ adeereny riwahinykre-ò tuu riwahinykremy raryberemy, kai boho ikiemy idi bedebiòwana biwinymy bòibenybekre kaa Deuxu rybe bededỹỹnana-di.
|
||
\v 26 Kia tiu ariòre boho aratỹỹ raxinyrenykreu: —Abo heka kaa bedeỹỹnana rare?
|
||
\v 27 kai boho birawyònybenykre: —Kia heka P'ascoa xiwena rawahire rare Deuxu Tyhyhykỹmy dreamy, kiemy dori Egitoki tii reamyhỹ israelita mahãdu hetomy kia rexitxujunyhyyre. Deuxu Tyhyhykỹ rirubunyre ibutumy egito mahãdu riòre adela, kia tahe rirubunylere inysỹreny mahãdu. Tyhyhykỹmy rerinanyrenyre.
|
||
\v 28 Iradudita ròirenyre kia ibutumy riwinyrenyre timybo Moisesi kia Araõ tamyreny raryberenyre mynamy.
|
||
\v 29 Kia ruwetyau, Deuxu Tyhyhykỹ rirubunyre ibutumy uladu adela mahãdu Egitomy rỹimyhỹrenyre, kia Iòlò ribi riòrarunyre, kia irynanaki runymyhỹre, kia breju mahãdu brejunawoki runymyhỹre riòre adela mahãdu rirubunylere; kia rirubunylere iròdu iròdu riòrereny adela.
|
||
\v 30 Kua ruu Iòlò, kia iaõmysỹdỹỹdureny kia ibutumy egíto mahãdu ròhònyrenyre taherinareny ribi. Kia ibutumy Egito bedeki iny mahãdu rasỹbinamy rirajuamy rỹimyhỹreny, kiemy ibutumy heto hetomy iny riòre rururenyre sohoji sohojimy.
|
||
\v 31 Kia ka ruu tyhyle Iòlò rarariòwyre Moisesi dee Araõ dee kia tamyreny rarybere: Israelita mahãdu! Wahãwareny biribenyke. Bòike aDeuxurenymy berinanybenykre, tuu kai boho texiòenytenytemy.
|
||
\v 32 Bimybenyke abudoenireny, abrorenireny kia bòibenyke. Kia bexitòenybenyke Deuxu dee wadi rawobrukemy.
|
||
\v 33 Egito mahãdu israelita mahãdu-di risỹnymyhỹreny kia hãwãhãkỹ ribi ròirenykemy wytyhylemy. Tii boho rarybemyhỹreny: Arururenykre!
|
||
\v 34 Kawesemy iny heto-dinodu mahãdu sohoji sohoji israelita rimyrenyre paõ iuriõ idewidewimy, kia baciaro-ò rihynyrenyre, kia tyy-di bacia rihetynymy kia idi taaxiòki retyyrenyre.
|
||
\v 35 Israelita mahãdu riwinyrenyre tuu Moisesi tamyreny rarybere mynamy, kia rexitòenyrenyre egíto mahãdu deereny manarỹsỹ òtaòtamy, mana rỹsymy kia tyymy.
|
||
\v 36 Deuxu Tyhyhykỹ riwinyre kia egíto mahãdu awityhymy riwahinyrenykremy israelita mahãdureny-ò ibutumy aõmybo rexitòenyrenykremy. Kawesemy tahe Israel iny mahãdu iribireny iaõnawiwireny riwyrenyre egípcio mahãdureny ribi. —Israelita mahãdu ròhònyrenyre Egito ribi.
|
||
\v 37 Israelita mahãdu ròhònyrenyre tatimy Ramasse ribi kia Sucote-ò ròirenyre. Kia aõhe wana 600.000 my hãbu sõe, kia hãwyy mahãdu, uladu mahãdu kia matuari mahãdu wana idi riramy aõkõ.
|
||
\v 38 Tii boho wana sõemy iny witxira mahãdu ròirenyre kia tule sõemy budoeni kia budoeni hãwyy kia broreni sõemy.
|
||
\v 39 Israelita mahãdu paõ iuriõ riwinyrenyre kia Egito ribi riwyrenyre wahe, kiemy dori egipcio mahãdu tahãwareny ribi riteònyrenyre isitere ribile, kia tii boho timy rỹsỹna ixideereny iywidỹỹõna, kia paõ dewidewi iuridỹỹ-di.
|
||
\v 40 Israelita mahãdu Egito bedeki bede rierenyre 430 wyramy.
|
||
\v 41 Kia itxuu 430 wyra rexihureu, kia ibutumy iny mahãdu Deuxu ijoi mahãdu ròhònyrenyre Egito ribi.
|
||
\v 42 Ka heka rimyre kia Deuxu Tyhyhykỹ retehemy ratximyhỹ kia Egito ribi ritakremy. Tii heka Deuxu dee tuu raubenyre ikiemy, timybo tuu rabedebiòwananymy rarekremy ibutumy israelita mahãdu.
|
||
\v 43 Deuxu Tyhyhykỹ rarybere Moisesi-ò kia Araõ-ò: —Hãwã ludu mahãduõ irỹsỹõmykre Pascoa rỹsỹnaõ.
|
||
\v 44 Kiaremy ibutumy wetxu mahãdu nierumy raõbrarenyre aõwaxina rirỹsỹrenykre kia ranosityyòròrenykre rahudi.
|
||
\v 45 Kia iwitxira hãwã ludu mahãdu, kia elelemy kaki ratxirenykre ka hãwãhãwakỹki, ròtamyhỹre nieru-di kia ka rỹsỹna rirỹsỹõkre.
|
||
\v 46 Tii rarỹsỹkre tihetokibo rawidỹỹreki: kia kua ribi ròhònyke aõkõre. Kia urite iròduti eresyõmykre.
|
||
\v 47 Ibutumy Israel iny mahãdu idi rabedebiòwamy rỹimy rarekre kaa ixena brebunadi.
|
||
\v 48 Kia urite ideyredỹỹõmykre, kia hãbu mahãdu tõsityyòròõ mahãdu. Kiaremy, txibo iwitxira hãwãluduõ akiremy rasỹmy ratximyhỹre, kia idi rabedebiòwanykremy rirỹsykeki Deuxu Tyhyhykỹ deewimy, kai boho komy binosityyòròbenykre kia tule ibutumy ijõ hãbu mahãdureny kia weryry mahãdu ahetoludu mahãdureny. Israel ki ruare wesemy.
|
||
\v 49 Kia iyrybutyhyle israelita mahãdu deereny hãwãhãkỹ ruamyhỹrenyre kia iwitxira mahãdu awanareny rasỹmyhỹrenyre.
|
||
\v 50 Ibutumy israelita mahãdu rityhynyrenyre kia riwinyrenyre timybo Deuxu Tyhyhykỹ tamyreny rarybere mynamy Moisesi dee kia Araõ dee.
|
||
\v 51 Kua bede txuu Deuxu Tyhyhykỹ Egito ribi ritare Israel iny ijoi mahãdureny.
|
||
\c 13
|
||
\p
|
||
\v 1 Deuxu Tyhyhykỹ rarybere Moisesi-ò:
|
||
\v 2 —Wadeeỹbihitxinyke ibutumy uladu adela. Ibutumy hãbu mahãdu riòre adela israelita mahãdu kia ibutumy iròdu iròdu nohõmy rỹimyhỹre riòre adela hãbumy rỹimyhỹre kia wahõrõ rare.
|
||
\v 3 Moisesi rarybere iny mahãdureny-ò: —tahõnytenyte Egito ribi, tai wetxumy tekoamy toitenytemyhỹ. Ka heka txuu iu Deuxu Tyhyhykỹ aratarenyre kua ribi tabedeery nihikỹ-di. Kiaremyta, uritre irỹsỹrenyõkre pao iuridi.
|
||
\v 4 Kai boho tahònytenyteri ka txu ribi, ahãdu kodele ribi, abibe ahãdu wahe.
|
||
\v 5 Deuxu Tyhyhykỹỹ rarybere riwahinykremy ahỹỹnareny-ò kia adeereny riwahinykremy cananeu mahãdu su, heteu mahãdu su, amorreu mahãdu su, heveu mahãdu su kia jebuseu mahãdu su. Kia suu awi heka rare kia ityhyre. Kia tiu tii aradyrenykreu kua su-ò, kai boho bedebiòwana biwinybenykre ixena brebuna ahãdu kodeleu wyra sohoji sohojimy.
|
||
\v 6 Kia debòinatxi txumy kai boho birỹsỹbenykre paõ iuriõ; kia debòinatxi txu rimykreuta ixena brebuna biwinybenykre Deuxumy berinanybenymy.
|
||
\v 7 Ka debòinatxi txuu kai boho birỹsỹbenykre paõ iuriõ. kia ibutumy asurenyki paõ uri ihoõkre kia paõ relemy iuridimy rỹike aõkõre.
|
||
\v 8 Ka txuu kai boho belyybenykre ariòrerenykoreny kia tuu tewinytenyteri, Deuxu Tyhyhykỹ adeereny riwinyre iu Egito ribi tahònytenyte òraruki.
|
||
\v 9 Kaa ixena heka deòsina wesemy rarekre adeereny, kia iwese aõ rataamy debòki ada iny òruki roimyhỹre wesemy, kia arawiòhenanyrenykre ixitxireny õhõtireny reakremy kia Deuxu Tyhyhykỹ rybe-di matyyritinybenykreu; kiemy dori tabedeery nihikỹ-di tii aratarenyre Egito ribi.
|
||
\v 10 Kiaremyta, idi mabedebiòwanymy boibenybekre kaa ixena brebuna-di txu òbitiu, ibutumy wyra wyramy.
|
||
\v 11 —Deuxu Tyhyhykỹ riwinykre kia kai boho malobenykremy cananeu mahãdu su txi, tuu tii rarybere mynamy adeereny ahỹỹnareny deereny. Tiu tii adeereny riwahinykreu kaa suu,
|
||
\v 12 kai boho biwahinybenykre Deuxu Tyhyhykỹ-ò, ibutumy uladu adela weryry. Ibutumy uladu adela iròdu riòre hãbu kia tule ihõrõmykre.
|
||
\v 13 Kia txibo ixideewirenykeki jumento riòre adela-di bimybenykeki, budoeni riòre Deuxu-ò maubenybenyke; txibo terarenykeki, jumento riòre lòti biyròbenyke. Kia ibutumy ariòre adelaremy hãbu-di atxibenykre, biòwynybenymy tamy tuu rarybere mynamy.
|
||
\v 14 Kia tiu bedeu, ariòrereny aratỹỹraxinyrenykre aõbo raremy, kai boho birawyònybenykre: —Tabedeery nihikỹ-di Deuxu Tyhyhykỹ riwatarenyre Egito ribi, ibedeki wetxumy rekoamy roiremyhỹki.
|
||
\v 15 Iu Egito Iòlò rõhõtiõmy riwawahinyrenyõhyyrenyre aròhònyrenykemy, Deuxu Tyhyhykỹ rirubunyre ibutumy Egito mahãdu riòrereny adela, kia iny riòre kia iròdu iròdu riòre tule rirubunylere. Iurenana heka rewahinymyhỹrenyre xiwena Deuxu Tyhyhykỹ-ò ibutumy iròdu riòre adela hãbu. Kia reòwynymyhỹrenyre òbitimy tuu rarybere mynamy kia wariòrereny adela-di aratxirenykremy.
|
||
\v 16 Kia heka bedebiòwana wesemy rarekre, iwese aõ rataamyhỹre wesemy debò-ò ada iny òruki. Kia iny boho itxi iny nohõtireny rekoarenykre kia tabedeery nihikỹ-di Deuxu Tyhyhykỹ iny ritarenyre Egito ribi."Biuwetyyura Kia Biuwetyy Heety"
|
||
\v 17 Kia Iòlò riwahinyreu israelita mahãdu Egito ribi ròhònyrenykremy, Deuxu rydi aõkõ ridyrenyre kia filisteu hãwã -ò ryy ramyhỹredi aõkõ, kia idi iòhòtyhymy. Deuxu myỹ rõhõtinyre: "Kia tamy areòbyõkre israelita mahãdu uritre taworeny irahòreõmykre kia Egito-ò ròòserenykemy, kia ydòidenykeki rawounyrenyke."
|
||
\v 18 Iurenana Deuxu riwinyre kia iny mahãdu bederahymy ririradỹỹnyrenyre, kia bera nihikỹsò rydi ròirenykremy. Israelita mahãdu ròhònyrenyre Egito ribi tebònarenydimy rawounyrenykremy.
|
||
\v 19 Moisesi riwyre Jyje rubuti, kiemy dori Jyje riwinyre kia isralita mahãdu riwinyrenykremy kia tuu riwinyrenykremy. Tii myỹ rarybere: Kia Deuxu aratarenykreu, ka ribi warubuti biwybenykre.
|
||
\v 20 Israelita mahãdu ròhònyrenyre Sucote ribi kia Etã ki ratỹhinanyrenyre, kia iribi bedero ròrarunyre ribi.
|
||
\v 21 Kia txumy Deuxu Tyhyhykỹ ikorenymy ramyhỹre biuwetyyura wesemy kia tamyreny ryy riteòsinykremy. Kia rumy tahe tii ikorenymy ramyhỹre biuwetyy heòty wesemy kia iryreny ritoosonykremy, kia ririranymy ròirenykremy txumy kia rumy.
|
||
\v 22 Kia biuwetyyura ikiemy ikorenymy ramyhỹre txumy, kia biuwetyy heòty tahe rumy ramyhỹre ikorenymy.
|
||
\c 14
|
||
\p
|
||
\v 1 Deuxu Tyhyhykỹ rarybere Moisesi-ò:
|
||
\v 2 —Marybekeỹ israelita mahãdu dee kia ròòserenykemy kia tabreòreny riderenykremy Pi-Hairote koki, kia Migdol kia bero nihikỹ wetyyki roimyhỹre, Bali-Zefom bireki.
|
||
\v 3 Kawesemy tahe Egito Iòlò rõhõtinykre kia israelita mahãdu iryõmy ririranyrerimy, reòsamy bederahymy.
|
||
\v 4 -diarỹ ariwinykre kia Iòlò rõhõtiõmy rarekremy kia aheworenymy rakre. Taita-diarỹ arihukre Iòlò kia isodadureny wana, kawesemy wabedeery nihikỹ ariteòsinymy. Kia Egito mahãdu riwaeryrenykre kia-diarỹ Deuxu Tyhyhykỹ raremy.
|
||
\v 5 Kia tuu relyyrenyreu Egito Iòlò dee kia israelita mahãdu rexiwòrenyremy, tii kia taaõmysỹdỹỹdu mahãdureny wana tawo rirahòrerenyre kia raryberenyre: —riwahinyrenyre iny wetxureny, israelita mahãdu iny ribireny rexiwòrenykremy!
|
||
\v 6 Taita Iòlò rarybere riywinyrenykremy taityti heòty wouna kia tasodadureny.
|
||
\v 7 Tii ròhònyre kia ibutumy taitytireny heòty wouna-di, kia ributunymy 600-my awityhytyhy, kia isadadureny-dinodureny roire.
|
||
\v 8 Deuxu Tyhyhykỹ riwinyre Kia Farao, Egito Iòlò, ixyby rõhõtiõkremy, kia tii rare israelita mahãdu hewomy, kia tii ròhònyre wouna ribi ròtakremy rõhòtinymy.
|
||
\v 9 Kia Egito mahãdu ibutumy tawarureny wana, ityti heòty wouna-di kia awarudi ijaradu mahãdu, ròhònyrenyre israelita mahãdureny hewomy kia tamyreny rehemynyrenyre tai tii boho ratỹhinanymyhỹrenyki, bero nihikỹsò weij…tiki, kia Pi-Hairote bireki kia Bali-Zefom bireki.
|
||
\v 10 Kia israelita mahãdu robirenyreu Iòlòmy kia isodadu ririranymy ròirerimy iòludurenymy, kia werymy rekoarenyre kia rirajuamyhỹreny Deuxu Tyhyhykỹ riwiòhenanyrenykemy.
|
||
\v 11 Kia raryberenyre Moisesi: —tadiwadytenyte kaki bederahyki arururenykremy? Beteheini aõbo kai tewinyta, kia Egito ribi tiwatatenyta!
|
||
\v 12 Timybo Egito ki adee raryberenyre? Adee rexitòenyrenyre kia ixinamy ywimy aroirekremy, araõmysỹdỹỹnyrenymy wetxumy Egito mahãdu dee. Kia heka awire Egito mahãdu wetxumy aratxirenyke kia arururenyke ribi bederahyki!
|
||
\v 13 Kiaremy Moisesi rirawyònyre: —boho bobibenykre kia Deuxu Tyhyhykỹ arahedỹỹnyrenykre wiji. Tiu ixyby kai boho bobibenyõtyhy kaa Egito mahãdumy.
|
||
\v 14 Kai boho aõ biwinybenyõhyybenykre: Deuxu Tyhyhykỹ resukre akireny.
|
||
\v 15 Deuxu Tyhyhykỹ rarybere Moisesi dee: —Marybeke iny mahãdu dee ririranyrenykemy.
|
||
\v 16 Ahojurehe bitamadỹỹnyke kiata bero tyre biterenykre. Kia bee rawirareakre, kia israelita mahãdu idi ririranyrenykre sutyredi, bero tyadi.
|
||
\v 17 -diarỹ ariwinyrenykre kia Egito mahãdu ihãremy ixyby rõhõtiõrenykremy, kia tii boho rirònyrenykre israelita mahãdu heworenymy. Kia-diarỹ wanidehedehemy ararekre kia Egito Iòlò kia isodadu wana arihurenykreu, kia ityti heòty wounareny kia awaru-di ijaradu mahãdureny.
|
||
\v 18 Kia-diarỹ arihurenykreu Egito mahãdu, tii boho riwaeryrenykre kia-diarỹ Deuxu Tyhyhykỹ raremy.
|
||
\v 19 Taita Deuxu Anjo, kia ramyhỹre israelita mahãdu komy, kia rexiwiurònyre kia iheworeny-ò reare. Kia tule biuwetyyura ikoreny ribi riõre kia iheworeny-ò roire,
|
||
\v 20 kia roimyhỹ Egito mahãdu wetyyki israelita mahãdu ribi. Kia biuwetyy heka turumy roimyhỹre Egito mahãdu-ò, kia tahe ritxuxaranymyhỹ israelita mahãdu. kawesemy tahe ruu ihyyõmy Egito mahãdu sodadu rehemynyrenyõhyyrenyre israelita mahãdureny tyy-ò.
|
||
\v 21 Moisesi riterenyre tebò bero tyre, kia Deuxu Tyhyhykỹ yhy ibr… ribi iruruteremy kia riwinyre bero ruỹkremy. Kia yhydebyre rayhynyre ruu iyhyõmy kia bero nihikỹ riwinyre sumy rexirahorekremy. Kia bee rawirareare,
|
||
\v 22 kia israelita mahãdu ririranyrenyre bero nihikỹ tyadi kia suteremy, kia be-di riòòsynymy kia inatxi wiòwiòmy.
|
||
\v 23 Kia Egito mahãdu iheworenymy ròirenyre bero nihikỹ tyaòhòkỹle ibutumy taawarureny wana, taitytireny heòty wouna-di.
|
||
\v 24 Kia txuu reakrekoki, biuwetyy heòty kia biuwetyyura-di Deuxu Tyhyhykỹ retehere Egito mahãdu sodadu-di kia riwinyrenyre kia tii boho werymy rekoarenykremy.
|
||
\v 25 Iitytireny heòty wouna rariamyhỹreny isiratyhymy, kiemy dori Deuxu riwinyre iitytireny heòty tewe re…renykremy. Taita Egito mahãdu raryberenyre: Tyhyhykỹ resureri iweribireny kia iny òludurenymy.
|
||
\v 26 Taita Deuxu Tyhyhykỹ rarybere Moisesi dee: —kit Egito mahãdu riteasỹbròrònykremy, kia iitytireny heòty wouna kia awarudi ijaradu mahãdu sỹy-ò riijaranykremy.
|
||
\v 27 Moisesi riterenyre tebò bero nihikỹ tyre, kia txuu deadeu, bero nihikỹ ixybyle taherina-ò roosere. Egito mahãdu rahenyrenykemy rekoarenyre bera ribi, kiaremy Deuxu Tyhyhykỹ idireny rehure bero nihikỹro-ò.
|
||
\v 28 Kia bee roosere taherina-ò kia ityti heòty wouna, awarudi ijaradu mahãdu kia ibutumy Egito mahãdu sodadureny sỹy-ò rekoarenyre, kia israelita mahãdu hewomy dòidenyde bero nihikỹ-ò. Kia Egito mahãduõ rahenyrenyõhyyrenyre.
|
||
\v 29 Ka israelita mahãdu tahe ròhòrerenyre bero nihikỹ tyadi syteremy, kia bee riòòsymy inatximy wiòwiòmy.
|
||
\v 30 Kua txuu Deuxu Tyhyhykỹ rihedỹỹnyrenyre Israel mahãdu Egito mahãdu ribi, kia israelita mahãdureny robirenyre Egito mahãdu ruburenymy ỹnyraki.
|
||
\v 31 Kia robirenyreu bedeery nihikỹmy kia Deuxu Tyhyhykỹ rirubunyrenyremy Egito mahãdu, kia israelita mahãdu ruberurenyre. Kia rityhynyrenyre Deuxu Tyhyhykỹmy kia teòdu Moisesi my tule.
|
||
\c 15
|
||
\p
|
||
\v 1 Taita Moisesi kia israelita mahãdu rawiunyrenyre kiamy wiu Deuxu Tyhyhykỹ dee: — Arawiunykre Deuxu Tyhyhykỹ dee kiemy dori tii ròtare awityhymy; tii rehure awaru mahãdu-di kia awarudi ijaradu mahãdu-di bero nihikỹ ro-ò.
|
||
\v 2 Deuxu Tyhyhykỹ heka waitxesudu nihikỹ rare; kia tii riwahedỹỹnyre. Tii heka waDeuxu rare, kia-diarỹ tuu arerinanykre. Tii heka waha Deuxu rare, kia-diarỹ arawiunykre ibedeery nihikỹmy.
|
||
\v 3 Deuxu Tyhyhykỹ heka woudu rare; kia ini heka Deuxu Tyhyhykỹ rare.
|
||
\v 4 Tii rehure bero nihikỹ txi egípcio sodadureny-di kia iitytireny heòty wounadi; kia isodadureny wedu wiwihikỹreny reasỹbòròròrenyre bero nihikỹsò ki.
|
||
\v 5 Kia bero nihikỹki sỹy-ò rekoarenyre; kia mana wesemy tii boho rearenyre sỹyòhòkỹle.
|
||
\v 6 Kia tebò ruruweribi ludu, Deuxu Tyhyhykỹ ijõdire ibedeery nihikỹ; tii riyreyrenymyhỹre taòludu.
|
||
\v 7 Aõherewe iijesuna awityhytyhyre! Rihumyhỹre taòludureny kia tebure takyara-di kai tesõmyhỹte horeru wesemy.
|
||
\v 8 Kai tetebonyte, kia bee rexibutunyre; kia ybò lamamy rỹirenyre òkòsy wiòwiò wesemy, kia bero nihikỹ sỹy relere beratere wesemy.
|
||
\v 9 Kia iòludureny raryberenyre: Iny boho rykòirenykre iheworenymy kia tamy rykehemynyrenykre; rikiwyrenykre ibutumy iaõnaõnareny kia iny hõrõrenymykre ibutumy ixideewimy. Kia iny tõnotireny-di rikirubunyrenykre.
|
||
\v 10 Kiaremy kai Deuxu Tyhyhykỹ tetebonyte, kia egípcio mahãdu reasỹbòròròrenyre; sỹy-ò rekoarenyre womati manarỹsỹ wesemy bero nihikỹ brebunatxi.
|
||
\v 11 Kia suritxoo deuxuõ aweseõhyyre, Deuxu Tyhyhykỹ! Mobo tahe iòraru ihoõmy ratximyhỹre awesemy? Mobo tahe bedeòtiidỹỹna riwinykre kia aõnaõna wiwihikỹ tewinyte wesemy?
|
||
\v 12 Kia debò ruruweribi ludu teterenyte, kia suu rirỹsỹre kia waheworenymy-dirahudenyde.
|
||
\v 13 Kia iny derinana òraruki kai iny mahãdu-di tetehete kia tehedỹỹnytenyte; kia abedeery nihikỹ-di tai tedytenyte suwihikỹ bede-ò.
|
||
\v 14 Kia iny mahãdu roholarenyre aõbo tewinytemy kia ramytatamy ruberurenyreri. Kia filisteu mahãdu werymy rekoarenyre.
|
||
\v 15 Edomita mahãdu wedu ruberurenyreri, kia moabita mahãdu deburehekỹ mahãdu iixiuaresenareny riõrenyra kia ibutumy cananeu mahãdu ramytatarenyreri.
|
||
\v 16 Kia brebuna binahãkỹ ityrereny reserenyra. Tii boho robirenyre abedeery nihikỹmy kia tii boho ruhurenyra mana wesemy. Kia ainy mahãdu ròhòrerenyreru, kia iny mahãdu tetateu wetxuna ribi.
|
||
\v 17 Kai bidykre aijoi mahãdu tai rasỹnymy roirekremy ahãwalòki, kia hãwã , Deuxu Tyhyhykỹ ritare wahe tai rasỹnyrenykremy. Kia kaihyyle bededỹỹnana biwinykre.
|
||
\v 18 Deuxu Tyhyhykỹ heka Iòlòmy rarekre ibutu dee ikiemy!
|
||
\s Miriam wiuna.
|
||
\v 19 Israelita mahãdu ròhòrerenyre bero nihikỹ tyadi suteremy. Kiaremy, egípcio mahãdu ityti heòty wouna, taawarureny wana, ralòrenyreu bero nihikỹ-ò, Deuxu Tyhyhykỹ riwinyre kia bee ixyby ydòòsekremy kia riratybònyrenykremy.
|
||
\v 20 Deuxu rybe-di ijohodu Miriam, Araõ lerỹ, kia rimyre wiuna wodỹỹna, kia ibutumy hãwyy mahãdu iheki riwodỹỹnymyhỹreny kia reserenymy.
|
||
\v 21 Kia Miriam rawiunyre myỹ tamyreny: Mawikunybenyke Deuxu Tyhyhykỹ deke kiemy dokuri tiki ròtakare wokunawihikỹ ribi; tiki rehure kawaru mahãdu-di kia kawaru-di ijaradu mahãdureny-di beraku nihikỹ rakukò.
|
||
\v 22 Tai Moisesi ridyrerenyre Israel iny mahãdu bero nihikỹsò bede ribi Sur bederahò. Tii boho inataõ txumy ririranyrenyre bederahyki kia be txi rekoarenyõhyyrenyre
|
||
\v 23 Taita ritehemynyrenyre bede Mara inire kiaremy bemy riõrenyõhyyrenyre kiemy dori ihyrereki. Iurenana kua bede Mara inire.
|
||
\v 24 Iny mahãdu bede ribinabinanyrenyre Moisesi-ò kia ritỹỹxinyre: —Aõbo riõrenykre Missing a phrase????
|
||
\v 25 Taita Moisesi, katxiterehekỹmy rexitòenyre Deuxu Tyhyhykỹ dee, kia Deuxu Tyhyhykỹ tamy riteòsiny òwòru yreõ. Moisesi idi rehure bera-ò, kia bee awimy relere raõkremy. Kia kabedeki Deuxu Tyhyhykỹ tarybetòedỹỹna riwahinyre israelita mahãduren-ò kia inatyhymy riwinyre.
|
||
\v 26 Tii rarybere: Txibo òbitimy biwinybenykreki aõ òbitimy kia birarenybenykremy warybetòedỹỹna,-diarỹ arararytxynyrenyõkre webinadu rewahinyre-di.-diarỹ heka Deuxu Tyhyhykỹ rare, kia arateytenymyhỹrenyre.
|
||
\v 27 Irahudi Israelita mahãdu ritehemynyrenyre Elim bede-ò, tai ibedeki 12-my be òlòna sõe kia 70-my horenisõe. Kia tai ratỹhinanyrenyre kuaki be bireki.
|
||
\c 16
|
||
\s Mana Kia Codorna Mahãdu
|
||
\p
|
||
\v 1 Israel iny mahãdu ròhònyrenyre Elim ribi kia Sim bede-ò ròirenyre, kia Elim kia Sinai hãwãlò rawetyyki roimyhỹre. Ritehemynyrenyre tamy waiyre txuu kia inatxina ahãduu, kia Egito ribi ròhònyrenyre sỹtybymy.
|
||
\v 2 Kuaki bederahyki, ibutumy tii boho bede rijeijeinyrenyre Moisesi òludumy kia Araõ òludumy.
|
||
\v 3 Myỹ raryberenymy: Riwarubunyrenyre wana! Kuaki,-diarỹ boho rỹmy ranymyhỹrenyre kia iròdude reròmyhỹrenyre kia iwitxira rỹsỹna ixideewimy. Kai boho tadiwadytenyte kaa bederahy-ò rama riwarubunyrenykremy ibutumy kaa iny ma
|
||
\v 4 Deuxu Tyhyhykỹ rarybere Moisesi-ò: —Ydòakremy. Kia iny mahãdu aõhe wana ròhònyrenykre, kia iny sohoji sohoji paõ ributunykre kia txu sohoji idi riekremy. Kawesemy-diarỹ ariteòsinykre kia tii boho riwaeryrenykremy, kia warybe wahidỹỹna rityhynyrenykre.
|
||
\v 5 Kia debò sohojina txuu ributunyrenykre kia ixyby ixihetyremy ributunyrenykre kia iwitxira txuu rirỹsỹrenykremy.
|
||
\v 6 Taita Moisesi kia Araõ wana raryberenyre iny mahãdudeereny: —Tyhyhykỹ iny boho-ditadenydemy Egito ribi.
|
||
\v 7 Biurasò rudiu kai boho loosòna òderamy bobibenykre Deuxu Tyhyhykỹtyyki, kiemy dori Deuxu Tyhyhykỹ roholara abedejeijeireny-ò iòludumy. Kia iòludumy, kia iny òludurenymy aõkõ, kai bede tejeijeinytenyta; kiaremy mobo tahe iny boho roire?
|
||
\v 8 Moisesi tarybe ritõranyre: —Rikirỹsỹrenykremy, kia paõ ixideewimy rudiu, kiemy dori Deuxu Tyhyhykỹ roholare kai boho bede tejeijeinytenytemy iòludumy, kia iny òludurenymy aõkõ; kiaremy mobo tahe iny boho roire?
|
||
\v 9 Tai Moisesi rarybere Araõ-ò: —Marybeke ibutumy iny mahãdureny-ò kia ydòidenykremy kia rotamanyrenykre Deuxu Tyhyhykỹ koki, kiemy dori tii roholare ibedejeijeireny-ò.
|
||
\v 10 Kia Araõ rarybereri wana wana ibutmy iny mahãdu-ò, tii boho reteherenyra bederahy-ò, ia isitereribile Deuxu Tyhyhykỹ loosòna òderahỹkỹ ratỹnyre biuwetyyuraki.
|
||
\v 11 Kia Deuxu Tyhyhykỹ rarybere Moisesi-ò:
|
||
\v 12 —Diarỹ raholare israelita mahãdu bedejeijeinareny-ò. Marybeke tamyreny wiji txioromy, bede rurunykre kotyre, tii boho iròdude riròrenykre. Kia biurasò rudiu paõ riyrenykre ixideewimy. Tai bede rieryrenykre-diarỹ, Deuxu Tyhyhykỹ rare, aDeuxureny rare.
|
||
\v 13 Txioromy sõemy nawii codorna mahãdu rotyrenyre; kia sõetyhymy kia isỹranareny ritỹxinyre. Kia ijõ txuu rudiu, kia bede nonoe ijõdire ibutumy itỹhinareny bedemy.
|
||
\v 14 Kia bede nonoe rarubureu, kia bederahy sumy kia ao roimyhỹ utura yjy wesemy, kia ibreymy sumy rỹimyhỹ.
|
||
\v 15 Israelita mahãdu kuamy robirenyre kia rieryrenyõre aõbo raremy. Taita rỹỹraxirenyre widee wideereny Moisesi rarybere tamyreny: —kai boho birỹsỹbenykremy.
|
||
\v 16 Ka heka tarybe tii riwahinyre: “Iny sohoji sohoji bibutunybenykre tiwesebo tuu bekoabenykre mynamy birỹsỹbenykremy, kia iny sohoji mynamynamy iny hetowomy, kia inatxi litro my Inysohoji sohoji-ò”.
|
||
\v 17 Kia wesemy riwinyrenyre israelita mahãdu. Ijõ mahãdu sõemy rimyrenyre, ijõ mahãdu tahe urihimyole rimyrenyre.
|
||
\v 18 Kia riuhinanyrenyre, kia sõemy rimyrenyre mahãdu ihoõhyyrenyre ixyby: kia tahe ijõ rasiranyõhyyre kia ibutemy rimyrenyre mahãdu. Iny sohoji sohoji òbitimy rimyrenyre tuu rekoarenykreu rirỹsỹrenykremy.
|
||
\v 19 Taita Moisesi rarybere tamyreny: \f + \ft FALTANDO FRASE \f*
|
||
\v 20 Kia ijõ mahãduõ tahe rityhynyrenyõlere Moisesi rybe kia rirarenyrenyre ijõ rỹsỹnaõ. Kia ijõ txuu kia rirarenyrenyre kia iròdu sõmo-di tỹximy rỹimyhỹ kia iro reamy. Tai Moisesi iwoxi roburobure taireny.
|
||
\v 21 Ibutumy rudi bedeu iny sohoji sohoji rimymyhỹre iximynarenylemy kua txuu rarỹsỹkremy, kiemy dori txu tòtee riixidỹỹnymyhỹre kia suki rarimyhỹre.
|
||
\v 22 Kia debò sohojina txuu ixyby ixihetyre rimyrenyre, kia heka inaubiòwa litro my sohoji sohoji. Kia iny mahãdu-dinodureny ròirenyre kia tuu relyyrenyre Moisei-ò aõhebo rutỹỹnyrenyrerimy.
|
||
\v 23 Kia Moisesi tamyreny rarybere: —Biurasòmy heka txuu ixielehydỹỹna rare, sabadutyhytyhy wahe, kia Deuxu Tyhyhykỹ dee rahitximy. Iurenana Deuxu Tyhyhykỹ riwahinyre myỹ tarybe: “Kia iny ixideewi mahãdu aõwaxina risõrenykre heòty-ò, kia aõwaxina riheranyrenykre. Kia birarenybenykre ijõmy kia rohenykre”.
|
||
\v 24 Kia Moisesi rybe wahidỹỹna wesemy, ibutumy rirarenyrenyre ijõ txumy kia rohenyre. Kia rarònyõhyyre kia iròdu sõmo tuu rỹike aõkõre.
|
||
\v 25 Moisesi rarybere: —Wiji kaa birỹsỹbenyke, kia dori sabadu rare, txuu ixielehydỹỹna Deuxu dee rahitxidỹỹmyhỹre. Ka txuu kai boho aõtxi bekoabenyõhyybenyke birỹsỹbenykemy.
|
||
\v 26 Bibutunybenyke rỹsỹna debò sohoji txumy; kiemy dori debò inatxi txuu, kia txuu ixielehydỹỹna rare, kia rỹsỹna ihoõkre sumy.
|
||
\v 27 Debò inatxina txuu iny mahãdurenyõ ròhònyrenyre rỹsỹna rimyrenykemy, kiaremy aõtxi rekoarenyõhyyrenyre.
|
||
\v 28 Taita Deuxu Tyhyhykỹ rarybere Moisesi dee: —Tiwese bedeubo tahe kai boho warybe wahidỹỹna wanybetòedỹỹna bityhybenyõbenykre?
|
||
\v 29 Õhõtireny reake kia-diarỹ, Deuxu Tyhyhykỹ, adeereny sohojitxu rewahinyre bexielehynybenykremy kia iurenana debò sohojina txuu-diarỹ adeereny rỹsỹna rewahinyre inatxi txuu birỹsỹbenykremy. Kia debò inatxina tuu atxibenykre biyrymy; inyõ taheto ribi òlòõmykre.
|
||
\v 30 Kawesemy iny mahãdu raõmysỹdỹỹnyrenyõre debò inatxina txuu.
|
||
\v 31 Israelita mahãdu kua rỹsỹna rininirenyre mana my. Tii alòbrònatyura wesena rare kia tỹnyre bidi bolo wesemy.
|
||
\v 32 Moisesi rarybere: —Deuxu Tyhyhykỹ-diteònyde kia rararekremy inatxi litro mana, kia tiu bedeu, iny riòreriòrereny robirenykremy rỹsỹna kia tii inydeereny-diwahinyde bedehahyki rikirỹsỹrenykremy, kia iu Egito ribi iny boho ritarenyreu.
|
||
\v 33 Taita Moisesi rarybere Araõ-ò — Bimyke aõhynaõ, bihunyke tamy inatxi litro mana my kia bideke Deuxu Tyhyhykỹ koki, kia iny riòreriòrereny dee rararerenykremy.
|
||
\v 34 Araõ riwinyre timybo Deuxu Tyhyhykỹ rarybere mynamy Moisesi dee kia rihynyre hynaro-ò arca rybeywidỹỹna koki kia tai rararemy rỹimy rarekremy.
|
||
\v 35 Kia 40 wyra rimyre bedeu israelita mahãdu mana ijõdilere rirỹsỹrenykremy, ihyyta ritehemynyrenyre suu tahãwareny-ò, kia heka, ritehemynyrenyre Canaãubire-ò.
|
||
\v 36 Kia mana so iny sohoji sohoji dee kia debowiò hynamy soe, kia waitue litro sõemy.
|
||
\rem aut Ijeseberi
|
||
\rem dat 1992
|
||
\c 17
|
||
\s Manaura bee Refidim ki
|
||
\p
|
||
\v 1 Israel iny mahãdu ròhònyrenyre Sim bederahy ribi, ririranyrenymy tihãwa hãwã ribi, kia Deuxu Tyhyhykỹ rybe mynamynamy. Tii boho ratỹhinanyrenyre Refidim ki, kia kuaki ihoõre bee tuu riõrenykemy.
|
||
\v 2 Taita bedejeijei riwinymyhỹreny Moisesi òludumy kia raryberenyre: —Wadeereny bee bidiwahinyke tuu ariõrenykemy. Moisesi rirawyònyre:—Aõherekibo kai boho tabedejeijeitenyteri? Aõherekibo Deuxu Tyhyhykỹ teitxenanytenyteri?
|
||
\v 3 Ka iny mahãdu sõemy bemomo rahumyhỹreny kia ixiyrybyle rabedejeijeimyhỹreny ka rirajuamyhỹreny Moisesi òludumy. Tii boho rarybemyhỹreny: —Aõherekibo kai tiwatatenyte Egito ribi? Kia aõbo bemomodesemy arururenykremy, wariòre boho wana, kia wairòdureny wana?
|
||
\v 4 Taita Moisesi rahinyre rexitòenymy Deuxu Tyhyhykỹ riwiòhenanykremy. Tii rarybere: —Aõbohe-diarỹ ariwinykre kaa iny mahãdu dee? Kia ixyby irihimyòmy, kia tii boho warubudỹỹmy rekoarenykre mana òhòtedi.
|
||
\v 5 Deuxu Tyhyhykỹ rarybere Moisesi dee: —Bitake iykyreny ribi idinodureny kia makre iny mahãdu koki. kia biwyleke hojurehe kia idi kai tehetenyte Nilo bero.
|
||
\v 6 -diarỹ akoki aratxikre manaura tyreki, kuaki Sinai hãwãlòki. Bihetenykre manaura, kia iribi ròhònykre bee iny mahãdu tuu riõrenykremy. Kia Moisesi tuu riwinyre Israel iny mahãdu-dinodu rurenyki.
|
||
\v 7 Taita kua bede rininirenyre Massa kia Meriba my, kiemy dori israelita mahãdu rabedejeijeirenyre Moisesi òludumy kia Deuxu Tyhyhykỹ riitxenanyrenyre, rỹỹraxirenymy: —Deuxu Tyhyhykỹ aõbo iny wanareny ratxireri ada aõkõre aõbo?
|
||
\s Wouna Amalequita eludumy
|
||
\v 8 Amalequita mahãdu dòidenyde kia israelita mahãdumy raòhòterenyre Refidim ki.
|
||
\v 9 Taita Moisesi riwahinyre Josue dee myỹ tarybe wahidỹỹna:—Bitake hãbu mahãdurenyõ kia biurasò rudi makre tii boho wana besubenykremy wadeereny kia amalequita mahãdu òludumy.-diarỹ aratxikre hãwãlò rariehekỹki, Deuxu hojurehedi wadebòki.
|
||
\v 10 Josue riwinyre timybo Moisesi tamy rarybere mynamy kia rare amalequita mahãdu rahukremy. Kia iwana wana, Moisesi, Araõ kia Hur raòwònyrenyre h…walò rarieòhòkỹle.
|
||
\v 11 Kia Moisesi lamamy rỹimyhỹu taaxiò riterenymy, israelita mahãdu rahãỹnanyrenyre. Kia tii taaxiò ribedenyreu, kia amalequita mahãdu rahãỹnanymyhỹreny.
|
||
\v 12 Kia Moisesi axiò reywesereu, Araõ kia Hur rimyrenyre mana kia riderenyre ityy-ò kia Moisesi runykremy. Kia iny inatxi, iaxiò weribi weribiki rimymyhỹreny Moisesi axiò.
|
||
\v 13 Kawesemy tahe Josue rihurenyre ibutumy amalequita mahãdu.
|
||
\v 14 Taita Deuxu tyhyhykỹ rarybere Moisesi-ò:—Biritinyke tyyritimy kaa wouna wihikỹ kia iny mahãdu itxi tõhõti reamy rirakremy. Marybeke Josue dee kia-diarỹ arihukremy ikietyhylemy amalequita mahãdu. \f +
|
||
\fqa Tahe Deùxò rarybere Moisesiò: Biritinykre sohojiõ ròtaramy ijyy taiki nõhõti ijaranamy rarekremy. Moisesiò tahe marybekre-diarȳ aribinanykremy butùmy amalequita mahãdu. \f*
|
||
\v 15 Moisesi riwinyre òwòru wityretyre riòdònyre kia rininire myỹ : "Deuxu Tyhyhykỹ wabandera rare”.
|
||
\v 16 Irahudi rarybere: —Bimyke irariemy Deuxu Tyhyhykỹ bandera! Deuxu Tyhyhykỹ ikiemy rahumy rarekre amalequita mahãdu!
|
||
\c 18
|
||
\s Jetro Rare Moisesi Dee Itxeremy
|
||
\p
|
||
\v 1 Jetro, Deuxu rybedi ijohodu rare Midiã hãwãki kia moisesi riòre labie rare, kia ibutumy bede rieryre kia Deuxu riwinyre Moisesi dee kia Israel iny mahãdu-ò. Kia bede rierylere timybo Deuxu Tyhyhykỹ ritaremy Egito ribi israelita mahãdu.
|
||
\v 2 Taita tii rare ibedeki Moisesi ratximyhỹ-ò, kia ridymy Zipora Moisesi hãwyy. Moisesi riteònyre Zipora kia tariòre inatxi boho Jetro heto-ò.
|
||
\v 3 Inirenyõ heka Gerson rare, kia Moisesi rarybere:—Diarỹ heka iwitxira hãwãki nodu rare.
|
||
\v 4 Ijõni tahe Eliezer rare, kia Moisesi rarybere:—Waha Deuxu riwawiòhenanyre kia riwawahinyõre-diarỹ arurukemy Iòlò Egito riwarubunykemy.
|
||
\v 5 Jetro, Moisesi riòre labie rare, Moisesi hãwyy kia inatxi Moisesi riòre boho wana kia ratỹhinanyrenykremy tikibo Moisesi ratỹhinanymy ratxireri-ò, hãwãlò tyhyhykỹki.
|
||
\v 6 Tii tarybe riwahinyre Moisesi dee, kia tii rehemynymy rarerimy, ihãwyy wana iriòre inatxi boho wana.
|
||
\v 7 Taita Moisesi ròhònyre Jetro wana witxi reakremy, kia tara ribedenyre tyhydỹỹna deòsinamy kia iòbira-ò ruore. Iny sohoji sohoji widee widee rỹỹraxirenyre awilemy aõbo ihỹrenyremy webinaduõmy, kia irahudi tii boho rirònyrenyre Moisesi breòwo-ò.
|
||
\v 8 Tii relyyre tariòre labie ko ibutumy timybo Deuxu Tyhyhykỹ taõwiwihikỹ òraruki riwinyre Israel iny mahãdu-ò, kia aõbo riwinyre Egito Iòlò dee, kia Egito mahãdu dee. Kia rarybelere bedesirasiramy iny mahãdu rutỹỹnyrenyre rywetyaki kia timybo Deuxu Tyhyhykỹ rihedỹỹnyrenyre.
|
||
\v 9 Jetro sõemy iwo reysare ibutumy Deuxu Tyhyhykỹ riwinyre Israel iny mahãdu deereny, kia Egito ribi ritarenyre.
|
||
\v 10 Kia rarybere: —Rybewihikỹ Deuxu Tyhyhykỹ dee, kia aratarenyre Egito mahãdu deboworeny ribi kia Iòlò ribi!
|
||
\v 11 Ka tahe reeryre kia Deuxu Tyhyhykỹ ixyby ibedeerytyhyhykỹre kia deuses mahãdu ribi, kiemy dori ritarenyre israelita mahãdu Egito mahãdu ribi, iu tii boho aõhỹỹhỹỹmy rutỹỹnymy roiremyhỹ ribi.
|
||
\v 12 Kia ilemy Jetro-diwyde xiwenaõ kia raworodỹỹkremy ibutumy kia iròdu iròdu rurukremy xiwena wesemy Deuxu dee. Araõ kia Israel mahãdu-dinodu ròirenyre tii wana kia rỹsỹna brebu rirỹsỹrenykremy.
|
||
\v 13 Ijõ txuu Moisesi runyre kia iny mahãdu bededỹỹnana rierykremy kia runymyhỹ rudi tarỹ riranyre kia ruuhukỹle ixawire.
|
||
\v 14 Kia Jetro robireu ibutumy aõbo Moisesi riwinyrerimy, kia ritỹỹraxinyre: Aõherekibo kai kawesemy atxiteri? Aõherekibo ixisohojimy iny mahãdu bedeỹỹnana teywinyteri, kia ibutumy iny mahãdu lamamy rỹireri arayrawonymy, kia rudi ruuhukỹle?
|
||
\v 15 Moisesi rirawyònyre:-diarỹ heka kawesemy ariwinyrekre kiemy dori iny mahãdu wadee rybemy-dirahumyhỹde kia rieryrenykremy aõmybo Deuxu rearerimy.
|
||
\v 16 Kia iny inatxi ibededỹỹnana ijõdire wana, tii boho wadee rybemy dòimyhỹde kia-diarỹ ariywinykremy mobo òbitirerimy. Kia ariòbitinykre Deuxu rybe wahidỹỹna kia Deuxu bededỹỹnana ibutu dee.
|
||
\v 17 Taita Jetro rarybere: —Aõbo kai tewinyteri heka òbitireri aõkõ.
|
||
\v 18 Kawesekiỹheka kai beywesekre sõemy, kia iny mahãdu tule. Kia heka aõmysỹdỹỹ inihikỹre adee ixisohoji biwinyke.
|
||
\v 19 Ka tahe wiji boholakre wadohodỹỹna-ò, kia Deuxu arawiòhenanykre. Kia òbitimy tewinyteri kai tedinodunyteri iny mahãdu Deuxu koki kia tule tewymyhỹte tamy ibededỹỹnanareny.
|
||
\v 20 Kai heka biixinanymyhỹbenyke Deuxu rybe bededỹỹnanamy, kia biòbitinymy aõbo riwinymyhỹrenykemy kia timybo ratximyhỹrenykemy.
|
||
\v 21 Ka kai heka bitakre hãbu mahãdu bedeeryõ kia bisỹnykre iny mahãdu wedurenymy: mil my iny sõe-dinodumy, kia cem my iny sõe-dinodumy kia 50 my kia debò itue iny sõe-dinodumy. Kia hãbu mahãdu Deuxu lau ruberumyhỹrenyre, kia ratyhydỹỹkemy rekoamyhỹrenyre kia ibutumy aõnaõnaki òbitimy ratximyhỹrenyre.
|
||
\v 22 Kia tii boho heka ikiemy iny mahãdu bededỹỹnana rutaõtyhy tii bohole riywinyrenykre. Kawesemy tahe adee bede awikre, kiemy dori tii boho arawiòhenanyrenykre kaa aõmysỹdỹỹ utxie ribi.
|
||
\v 23 Txiboỹ kai tuu biwinykre wana, kia txibo kaa Deuxu rybereri wana, kai beyweseõkre, kia ibutumy kaa iny mahãdu rirahurenykre tahetoren-ò tabededỹỹnanarenydi riywinymy.
|
||
\v 24 Moisesi reòbyre Jetro dohodỹỹna-ò
|
||
\v 25 kia ritare hãbu bedeery mahãdureny kia israelita mahãdureny ribi. Tii risỹnyre wedumy kia iny mahãdu mil my sõe ridinodunyrenykremy, kia cem my iny sõe ridinodunyrenykremy, kia 50 my iny sõe kia 10 my inysõe ridinodukremy.
|
||
\v 26 Tii boho ikiemy iny mahãdu bededỹỹnanareny rieryrenyre bededỹỹnana irutaõ kia riwymyhỹrenyre bededỹỹnana sirasira Moisesi-ò.
|
||
\v 27 Taita Moisesi rexitare Jetro ribi, kia Jetro tahe roosere taheto-ò.
|
||
\c 19
|
||
\p
|
||
\v 1-2 Israelita mahãdu ròirenyre Redifim ribi. Kia sohoji txuu, inataõna ahãduu irahudi Egito ribi ròhònyrenyreu, kia ibedeu ritehemynyrenyre Sinai bederahy-ò. Tii boho riderenyre taheto riòrereny lamamy Sinai hãwãlò ki.
|
||
\v 3 Kia Moisesi raòwònyre hãwãlò-di kia Deuxu wana witxi reakremy. Kia hãwãlò ribi Deuxu Tyhyhykỹ tamy ryryre kia rarybere: —Marybeke Ijaò riòreriòrereny-ò, israelita mahãdureny-ò myỹ !
|
||
\v 4 Kai boho tabitenyte arue òbitireny-di kia-diarỹ Deuxu Tyhyhykỹ, rewinyre egípcio mahãdu dee kia timybo kai boho anadydenyde watyy-ò, kia nawii yrare deratyti rawo wesemy.
|
||
\v 5 Ka tahe wiji biwatyhynybenykre. wana kia tuu biwinymy boibenykre wana wabededỹỹnana, kai boho wasỹrenymy waijoirenymy boibekre. Kia ibutu hãwã hãwã bede bede wahõrõrare, ka kai wasỹrenymy waijoirenymy boibekre, kia-diarỹ tuu aratarenyre.
|
||
\v 6 Kai boho heka iny mahãdu hitxi toite wadee sohojile kia wamy berinanymy boibenykre warybedi ijohodu wesemy. Kamy heka marybekre israelita mahãdureny-ò.
|
||
\v 7 Taita Moisesi rare, kia Israel wedu mahãdu-ò rarybere, kia ibutumy tuu relyyre aõmybo Deuxu Tyhyhykỹ tamy raryberemy.
|
||
\v 8 Taita ibutumy wimynahyytemy rirawyòrenyre: —Diarỹ boho ibutumy ariwinyrenykre aõmybo Deuxu Tyhyhykỹ rarybere. Kia Moisesi riwyre kaa rirawyòrenyre Deuxu Tyhyhykỹ-ò.
|
||
\v 9 Tii rarybere Moisesi dee: —Diarỹ adee ararybekre biuwetyy luruki kia iny mahãdu iny rybe-ò roholarenykremy, kia wiji bede rỹire ribi ikiemy aratyhymymy adi roirenyrekremy. Moisesi relyyre Deuxu Tyhyhykỹ-ò aõmybo iny mahãdu rirawyònyrenyremy.
|
||
\v 10 Kia Deuxu Tyhyhykỹ rarybere —Make iny mahãdu dee rybemy kia biteranybenykre kia tii boho wiji txumy kia biurasò txumy rexisuhòsuhòrenykremy kia wamy rerinanyrenykremy. Tii boho tatyyreny risuhòrenykre.
|
||
\v 11 Kia rexiywinyrenykre ijõ biurasou. Ka txuu heka-diarỹ adesekre Sinai hãwãlò tyredi, kia tai ibutumy iny mahãdu wamy robikremy.
|
||
\v 12 Biritinyke bihitxinymy hãwãlò weribi, kia iny mahãdu iratyre rirarenyõrenykremy, kia tamyreny marybekre uritre hãwãlò-ò òwòrenyõkremy kia uritre ityy-ò dehemysỹrenyõkremy. Txibo inyõ tawa tamy ridekre wana kia rurukre.
|
||
\v 13 Inyõ tamy reriõhyykre kaany dee; kia tii rurukre mana-di òhòtedòmy ada wyhydi aõbo. Ka heka tuu relemy rarekre iny dee kia iròdu iròdumy tule. Kiaremy biu wadỹỹna rawodỹỹnykreu, iny mahãdu aõwaxina raòwònyrenykre hãwãlò-ò.
|
||
\v 14 Taita Moisesi desede hãwãlò ribi kia rarybere iny mahãdu-ò rexiywinyrenykremy kia Deuxumy rerinanyrenykremy. Kia ibutumy tatyyreny risuhòrenyre.
|
||
\v 15 Taita Moisesi rarybere: —Bexiywinybenykre kia biurasòmy òtaòta ihoõkre.
|
||
\v 16 Kia txu inataõ rudiu biumy kia budelaa reamyhỹ, kia biu wetyy luru rexitỹnynyre hãwãlò ki, kia roholaremy biumy ta wadỹỹnihikỹ-ò. Kia ibutumy iny mahãdu tỹhinaki rỹireri mahãdu ruberumy ramytatarenyre.
|
||
\v 17 Moisesi kia ridyrenyre tỹhina ribi ahãna-ò, kia Deuxu wana witxi rekoarenykremy, kia tii boho rexitiuhunyrenyre lamamy hãwãlò dee.
|
||
\v 18 Ibutumy Sinai hãwãlò ribi wydysi ròhònymyhỹ, kiemy dori Deuxu Tyhyhykỹ resereri ityreki heòty tyaki. Wòdòsi raòwònymyhỹ, kia heòty bure wòdòsi iwesemy,kia ibutumy iny mahãdu ramytatamyhỹreny brebumy.
|
||
\v 19 Kia biumy tawodỹỹrawadỹỹ nihikỹmy rare. Moisesi rarybere, kia Deuxu rirawyònyre biumy tawodỹỹmy.
|
||
\v 20 Deuxu Tyhyhykỹ resere Sinai hãwãlò rarie tyre kia Moisesi dee ryryre tamy rakremy. Moisesi raòwònyre.
|
||
\v 21 Kia Deuxu Tyhyhykỹ tamy rarybere: —Beseke kia biteòarinybenykre iny mahãdu urite teritinyte ratyre òhòrenyõrenykremy kia iòhòmy wamy robirenykremy. Txibo iratyre ròhònyrenykre wana, kia sõemy imahãdureny rururenykre.
|
||
\v 22 Biteòarinybenylekre warybedi ijohodu mahãdu kia tii boho rexisuhòrenykremy kia watyy-ò ydehemynydenykremy. Txibo rexisuhòrenyõrenykre wana,-diarỹ arirubunyrenykre.
|
||
\v 23 Moisesi rarybere Deuxu Tyhyhykỹ-ò: — Iny mahãdu hãwãlò-ò raòwònyrenyõkre, kiemy dori kai tuu tarybete kaa hãwãlò ratyhydỹỹkremy kia bede brebuna wesemy kia tarybete raritidỹỹkremy iwerurura.
|
||
\v 24 Taita Deuxu Tyhyhykỹ rirawyònyre: —Beseke irahudita Araõ wana bydoosekre. Kiaremyta warybe-di ijohodu mahãdu kia iny mahãdu uritre reritinyre ratyre òlòrenyõmykre kia òwòmy tai watxireriki. Txibo tuu riwinyrenykre wana,-diarỹ arirubunyrenykre.
|
||
\v 25 Tai Moisesi resere ibedeki iny mahãdu ratxirenymyhỹ-ò kia relyyre ibutumy aõmybo Deuxu Tyhyhykỹ tamy raryberemy.
|
||
\c 20
|
||
\p
|
||
\v 1 Deuxu rarybere, kia tu heka tii rarybere:
|
||
\v 2 —Wasỹreny waijoireny,-diarỹ Deuxu Tyhyhykỹ,-diarỹ heka aDeuxureny rare.-diarỹ heka Egito ribi aratarenyre, kia suu tai kai wetxumy teamy tatemyhỹ ribi.
|
||
\v 3 Urite iwitxira su ritxoo deusi my derinarenyõmykre; wamy sohoji berinanybenyke.
|
||
\v 4 Urite iwidỹỹrenyõmykre su ritxoo deusi wesemy, kia biu ludu aõna, ada su ludu aõna ada bera ludu su hitxi luduõ.
|
||
\v 5 Urite tatiòhumy dejusurenyõmykre su ritxoo deusi koki, urite tuderinarenyõmykre, kiemy dori diarỹ Deuxu Tyhyhykỹ,-diarỹ aDeuxureny rare, kia urite iwitxira deusi tyhydỹỹrenyõmykre. Diarỹ rerarytxynymyhỹre kua mahãdu wamy radònymyhỹrenyre, kia irioreriorereny dorile.
|
||
\v 6 Kiaremy-diarỹ awityhyre kua mahãdu wamy rerinanymyhỹrenyre. Kia rityhynymyh ỹrenyre warybe wahidỹỹnana kia warybewihikỹ rewahinymyhỹre iriòreriòrereny dee. Sõetyhy iny sohoji sohoji dee.
|
||
\v 7 Uritre wanimy rybeõmykre ityhydỹỹõmy; kiemy dori-diarỹ Deuxu Tyhyhykỹ adeuxureny rare, kia rerarytxynymyh ỹre kua mahãdu wani rityhynyõmy ratximyhỹrenyre.
|
||
\v 8 Sabadu birarenybenykre, kia heka txutyhyhykỹ rare.
|
||
\v 9 Biwinybenyke ibutumy aaõmysỹdỹỹnareny debò sohoji txuu;
|
||
\v 10 Ka debò inatxi txu tahe txuu ixielehydỹỹnana rare, wade tuu raubenymyh ỹre, aDeuxureny dee. Urite aõmysỹdỹỹõ iwidỹỹrenyõmykre ka txuu, kai ke aõkõre, ariòre bohoke aõkõre, awetxurenyke aõkõre, airòdurenyke aõkõre, kia iny iwitxira mahãdu akireny rahãwanymyh ỹrenyre asurenyki, kia tule raõmysỹdỹỹnyke aõkõre.
|
||
\v 11 Kia debò sohoji txuu-diarỹ, Deuxu Tyhyhykỹ, rewinyre biu, suu, beronihikỹ kia ibutumy aõnaõna tuu rỹimyhỹre, ka debò inatxi txuu tahe rexielenyre. Kia iurenana heka-diarỹ, Deuxu Tyhyhykỹ, warybewihikỹ rewahinyre sábado dee kia rehitxinyre kia txuu tyhyhykỹmy.
|
||
\v 12 Bityhynyke buu kia adi kia irehemy kai bede biemy mabekremy suki kia adee rewahinyreri. Kia adee rewahinyreri.
|
||
\v 13 Urite rubudỹỹõmy .
|
||
\v 14 Urite iny witxira riòredỹỹmy rybeõmy.
|
||
\v 15 Urite wasiõmy.
|
||
\v 16 Urite roimy rybeõmy iny witxira òludumy.
|
||
\v 17 Urite roteõmy hãbu witxira heto-ò. Uritre ihãwyy-ò aõmydỹỹõmy, kia iwetxureny-ò, ibroreni-ò, ijumento-ò ada aõtxile iaõnaõna ihõrõ-ò.
|
||
\s Iny Mahãdu Burenurenyre
|
||
\v 18 Iny mahãdu roholarenyre biumyta wodỹỹ-ò kia biudelaamy robirenyre kia wòdòsi ròhònymyhỹ hãwãlò ribi.Taita tii boho ramytatarenyre brebumy kia teòrehemy iribi rỹimyhỹreny.
|
||
\v 19 Kia raryberenyre Moisesi dee: —Txibo kai marybekre wana,-diarỹ aroholarenykre; ka txibo Deuxu wadeereny ynarybekre wana,-diarỹ boho arururenykre.
|
||
\v 20 Taita Moisesi rirawyònyre: —Uritre breburenyõmy, (kiemy dori Deuxu inatyhy) ibedeerymy ratximyhỹrele adeereny riteòsinyreri. Tii adireny risỹnyreri ikiemy kai boho ilau buberumy boibekemy kia òraruna biwinybenykelau.
|
||
\v 21 Kia iny mahãdu lamamy rỹimyhỹreny teòrehe ribi, kia Moisesi sohojile rehemynyre biuwetyy luru bire-ò tai Deuxu ratximyhỹ-ò.
|
||
\v 22 Taita Deuxu Tyhyhykỹ rarybere Moisesi dee kia rarybekremy israelita mahãdu-ò myỹ : —Kai boho tabirenyte kia biu ribi-diarỹ adeereny rarybere.
|
||
\v 23 Urite iwidỹỹrenyõmykre mana ritxoo deuse my ada mana r ỹsỹ deuse my tuu berinanybenykremy kia wamy terinanymyh ỹtenyteule.
|
||
\v 24 Biwinybenyke suu òwòru wityre wityre biòdònybenykremy wade kia ityreki tahe biwahinybenykre abudoenireny, abrorenireny xiwenamy kia ibutumy rookre kia heka bedewihikỹ deòsinamykre.-diarỹ rehitxinyte bede tamy kai boho wamy berinanybenykremy, kia bedeki-diarỹ awanareny atxireny rekoare kia warybewihikỹ adeereny ariwahinykre.
|
||
\v 25 Txibo biwinybenykre wana mana wityre wityre irariemy wadee, urite iurederenyõmykre mana rayròmyh ỹre womatidi. Riemy dori wadee mana wityre wityre raydòdỹỹkreki kia releõkre mana womatidi rayròyròmyh ỹre.
|
||
\v 26 Urite òwòna rarie iwidỹỹõrenyõmy, kia tiu kai boho ide maòwònybenykeki, adeerenymy lobixi rỹiheny.
|
||
\c 21
|
||
\p
|
||
\v 1 Deuxu riteranyre Moisesi kia riwahinykremy israelita mahãdu-ò kaa rybe wahidỹỹnana:
|
||
\v 2 —Txibo kai biõbranykre wana israelitaõ wetxumy, tii raaõmysỹdỹỹnykre debò sohoji wyramy adee. Ka debò inatxi wyrau tahe tii awimy ixideewimy ratxire, kia aõ riòwynyõhyymy.
|
||
\v 3 Txibo tii ihãwyyõmy raremyhỹ bedeu txibo awetxumy raremyhỹ, kia hãwyy ridyõkre tiu rakreu. Ka txibo ihãwyydimy raremyhỹ wana, taita aõwaxina tahãwyy ridykre tiu rakreu.
|
||
\v 4 Txibo wetxu-dinodu tamy hãwyy riwahinykre wana, kia tiki rariòrenykre uladumy weryrymy hirarimy, kia ihãwyy iriòre boho wana wetxu-dinodu hõrõmykre, kia wetxu tahe ixi sohojile rakre.
|
||
\v 5 Txibo wetxu rarybekre wana kia tahãwyymy rerinanymyhỹremy, tariòre bohomy rerinanymyhỹremy, kia idinodu awityhymy ixideewimy ratxikelau ritòenykre.
|
||
\v 6 Taita idinodu ridykre tai ibedeki Deuxumy rerinanymyhỹre-ò. Kuaki tii rexiwelorokre ijòtybòna-ò ada ijòtybòna weijàti-ò kia tõhõti rarurenykre rurenadi. Taita tii awetxumy ikiemy.
|
||
\v 7 —Txibo hãbuõ rohonykre wana tariòre ijadoòma-di kia wetxumy rarekremy, tiki awityhymy ixideewimy inoõna iwese hãbu wetxu mahãdu rỹimyhỹre wese.
|
||
\v 8 Txibo hãbuõ riõbranykre wana kia myỹ rarybekeki iki wana ihãwyymy roikemy, kia irahudi tuu reòariõke, tii ixybyle idi rohonykre tyby dee. Kia idinodu idi rohonyõkre iwitxira hãwã ludu mahãdu-ò, kiemy dori tii òbitimy idi rõhõtinyre.
|
||
\v 9 Txibo inyõ wetxu hãwyy riõbranykre wana kia tariòre wana ritidikremy, kia riywinymy idi ratxikre tariòre wesemy.
|
||
\v 10 Txibo hãbuõ tahãwyy inatxina wana roikreki, kia ixiyrybule riwahinymy rarekre tahãwyy kodele-ò iyrybule rỹsỹna kia tyy kia iyrybule tii juhu rimymy raremyhỹ wesemy.
|
||
\v 11 Txibo tiki tuu riwinyõkre wana kaa inataõ aõnaõna, tiki aõwaxina ròhònykre aõriòwynyõhyymy.
|
||
\v 12 Kia rururenykre ibutumy kua mahãdu rowotõmodỹỹrenykre iny witxira kia tiki rurulekre.
|
||
\v 13 Kiaremy txibo tutyhyki aõkõ rurukeki, kia rubudỹỹmy rõhõtinyõhyyre, taita kua reerynyre rexiwokre iwitxira bede-ò kia-diarỹ aritakre kia ta tii awimy ixideewimy ratxikre.
|
||
\v 14 Ka txibo hãbuõ rebukremy ratxikre kia iny witxira rirubunykre ixideewimy, kia rurulekre, kia tii rexiwokre hãrele waòwòru rarie-ò kia rahenykremy.
|
||
\v 15 —Mobo tyby rihetenykre ada tadi kia rurukre.
|
||
\v 16 —Mobo tarurumy iny ridykre idi rohonykremy ada iki wana ratxikemy kia rurukre.
|
||
\v 17 —Mobo tyby ritxuhokre ada tadi kia rurukre.
|
||
\v 18 —Txibo aõbina rỹikreu bedeu hãbuõ hãbu witxira riwotõmonykre mana-di ada tebò òhòtedi, tii rararytxyõkre kua rawotõmore ruruõkre wana. Ka txibo kaa herinatyreki roikre wana.
|
||
\v 19 Kia irahudi rỹikre wana kia tarira riòrarunykre wana taheto ribi ahãna-ò womatidi rexiriradỹỹnymy, taita kua riwotõmonyre riòwynykre, kia tuahidỹỹna tule.
|
||
\v 20-21 —Txibo inoõ òhòtedi tawetxu riwotõmonykre wana kia tii iutyhyle rurukre, aõbo rihetenyre rararytxykre. Ka txibo wetxu rurukre wana sohoji txu-di ada inatxi txu sỹtybymy, kia iwedu rararytxyõkre. Kiemy dori wetxu riõra heka rarytxyna rare iwedu-ò.
|
||
\v 22 —Txibo hãbu mahãdu-ò raõbinanymy rỹirenykeki kia hãwyyõ bytòmy ratxireri riwotõmonyrenyke, kia iòrarurenyki tiki uladu iribi reseke, kia aõhe rutỹỹnyke aõkõ tamy, kia riwotõmonyre riòwynykre aõmybo ihãbu rexitòenykre, kia wedu mahãdu rybenanymy.
|
||
\v 23 Ka txibo hãwyy rawotõmokre wana inihikỹmy iòhãrumy, kia rarytxyna wibà wibàmy rararytxykre,.
|
||
\v 24 Rue kia rue wana, juu kia juu wana, debò kia debò wana, waa kia waa wana.
|
||
\v 25 Aloosona kia aloosona wana, wotõmona kia wotõmona wana.
|
||
\v 26-27 —Txibo inoõ tawetxu rue riwotõmonykre wana, kia tii irue rabinakre, kia wetxu awimy ixideewimy ratxikre wetxu ribi ixawimy òwydỹỹna wesemy irue rabinare òraruki. Txibo inoõ tawetxu juu rikrokeki, kia tii awimy ixideewimy ratxikre wetxu ribi ixawimy, kia òwydỹỹna wesemy txuu rakroreki. Kaa rybe wahidỹỹna wetxu hãwyy ahãdu-ò tule rarekre.
|
||
\v 28 —Txibo broreniõ taòdi hãbuõki ada hãwyyõki rojykre, kia iny rurukre wana, broreni rurukre mana òhòtedi kia inoõ ide riròõhyykre. Ka broreni-dinodu tahe rararytxyõkre.
|
||
\v 29 Kiaremy, txibo broreni tuu reòarimy ratximyhỹre inyki taòdi lojymy, kia idinodu rierymy ratximyhỹre kia rimyõmyhỹre, kia broreni rirubunykreki hãbuõ ada hãwyyõ, kia broreni rurukre mana òhòtedi. Kia iwedu tule rurulekre.
|
||
\v 30 Kiaremy, txibo riwahinyrenykre-wana kia iwedu riòwynykremy iòwyhykỹmy kia ixidee bede rititiakremy, taita tii ibutumy riòwynykre aõmybo ixitòedỹỹna rỹikre.
|
||
\v 31 Txibo broreniõ rirubunykre-wana weryryõ ada hirariõ, kia iwedu raywidỹỹkre kaa rybe wahidỹỹna yrybule. \f +
|
||
\fqa Bòi rirùbunyke-ki ùladùõ ȳda hirari aõbõ, tai tahe iwedù riòwynykre tiiemy ijõdireri iritidimy tuu rybena. \f*
|
||
\v 32 Txibo broreniõ rojykre wetxuõki ada wetxu hãwyyõki, kia wetxu-dinodu rimykre 340 mana utxie òwydỹỹna wesemy, kia broreni tahe rurukre mana òhòte-di.
|
||
\v 33 —Txibo inyõ behãluu ratybòna ritakre wana ada behãluu riakre wana kia rirarybònyõkre, kia itxi broreniõ rariòwykre ada jumentoõ itxi rariòwykre.
|
||
\v 34 Kaa iny heka riòwynykre iwedu-ò iròdu tiwese ròwynymyhỹre wesemy. Tii òwydỹỹna riwinykre nierumy, kiaremy heka iròdu rubu ihõrõmykre.
|
||
\v 35 Txibo broreni hãbu nohoõ iwitxira broreni hãbu nohõõki taòdi rojykre wana, kia alohyja rurukreki, kia broreni irumy ratxireri-di ijoho rỹikre, kia nieru tahe rawirareakre hãbu inatxi dee; kia broreni rubu rawirarealekre hãbu inatxi wana.
|
||
\v 36 Kiaremy, txibo broreni raerymy ratximyhỹre alojydumy, kia iwedu rimyõmyhỹre, tii riwahinykre iwitxira hãbu-ò broreni irumy, ka broreni rubu tahe ihõrõmykre.
|
||
\c 22
|
||
\p
|
||
\v 1 —Txibo inoõ riwasynykreki broreniõ ada budoeniõ, kia riòwynykre iruyre brorenimy, kia broreni sohoji òwymy, kia inaubiòwa budoenimy kia budoeni sohoji òwymy.
|
||
\v 2-4 Mobo rawasinyre kia iutxiedỹỹmy riòwynykre riwahinyre. Txibo aõ ihoõkre wana riòwynykremy, taita idi ijoho rỹikre wetxu wesemy kia riòwynykremy kua riwasinyre txibo iròdu wasinamy reare, broreni, jumento ada budoeni, kia itxi ijara rỹikre wana iny iwasidỹỹduki, tii riòwynykre inatximy, sohoji òwymy. —Txibo wasiduõ rumy rawasinymy ratxike hetoki kia ruruke, mobo irubudỹỹdu reseõkre wasidu rubu òrarumy. Ka, txibo tuu rutỹỹnykre wana txumy, tii rubudỹỹdu òrarumy resekre.
|
||
\v 5 —Txibo inoõ tairòdureny riwahinykreki bederomy ririranyrenykremy ada uva alòbrònamy, ada txibo riwahinyrenykremy kia iny witxira alòbròna riròrenykremy, kaa inoõ riòwynykre tabederawihikỹ-di ada tauva alòbrònawihikỹ-di.
|
||
\v 6 —Txibo inoõ heòty tabederaki riworonykre wana, kia heòty asi riworonykre kia bederomy raubỹtỹkre iwitxira hãbu bederomy, kia maixõmo ritoonymy rahukre ada alòbròna ruumy rỹireri, kua heòty riwonanymy risỹnyre ibutumy aõwiaõwi rexihure riòwynykre.
|
||
\v 7 —Txibo inoõ rimykreki iny witxira-di nieru ada aõnaõna kia rararekremy, kia txibo iheto ribi wasinamy reakreki; kia wasiduki lahãsa rỹikreki, kia inatximy ixyby riòwynykre.
|
||
\v 8 Ka txibo wasidutxi alahãsa rỹiõkre wana, heto wedu radykre tai Deuxumy derina rỹimyhỹre bedeki kia tai rarybekre inatyhymy kia rawasinyõremy kia tamy rawahire rirarenykremy.
|
||
\v 9 —Txibo inoõ broreniõ-di ratxikreki jumentoõ-di, budoeniõ-di, tyy-di ada aõtxile aõna riõre-di kia inoõ rarybekre ihõrõ raremy, kia heka radykre tai Deuxumy derina rỹimyhỹre-ò. Kua Deuxu tuu rarybekre iòrarumy tii riòwynykre iwedu-ò ixyby inatximy.
|
||
\v 10 —Txibo inoõ riwahinykre iròduõ taheto bireludu-ò idi tarukikremy txibo jumento, broreni, budoeni ada txibo aõtxile iròduõ, kia iròdu rurukeki ada ratiòròmy aõbo ratxike, ada wasinamy aõbo reake inoõ tuu robiõhyymy.
|
||
\v 11 Kia hãbu idi tarukidy rarybekre inatyhymy Deuxu Tyhyhykỹ nimy kia iròdu riwasenyõremy. Txibo iròdu wasinamy reaõre,kia iwedu tamy reòbykre inatyhymy rybena-ò, kia ijõ tahe aõ riòwynyõhyykre.
|
||
\v 12 Kiaremy txibo inatyhymy iròdu wasinamy reare wana, taita ijõ hãbu riòwynykre iwedu-ò, iròdu òwymy .
|
||
\v 13 Txibo iródu rurukeki iròdu debure releenymy, kia hãbu witxira idiwykre timybo inatyhymy aõbo tai rauhenyre kia aõ riòwynyõhyykre iròdu rubu.
|
||
\v 14 —Txibo inoõ ruòtemy rexitòenykre iròduõ my, kia webinadumy resekre ada ruruke aõbo kia iwedu iutyhy ratxiõkeki, kia mobo huòtemy rexitòenyre riòwykre iròdu òwymy.
|
||
\v 15 Ka txibo tuu rutỹỹnykreki tiu iwedu iutyhy ratxikreki, hãbu witxira huòtemy reare ao riòwynyõhyykre. Txibo iròdu riòwynymy ratxikeki, kia raòwykrexiery iwedu.
|
||
\v 16 —Txibo hãbuõ ijadòòma ritòakreki kia hãwyymy heriõmy ratxireri, tii riòwynykre ijadòòma ritòare kia iki wana hãwyymy roikre.
|
||
\v 17 Kiaremy, txibo tyby teramy reakeki ijadòòma iki wana roiõkemy, taita tii riowynykre tyby-ò nierumy, kia iwese ijadòòma uredeõ raòwymyhỹre wesemy.
|
||
\v 18 —Birubunyke ibutumy hãwyy òwòru hàrina riwinyrenykre.
|
||
\v 19 —Mobo òtaòta riwinykre wana iròduõ wana kia rurukre.
|
||
\v 20 —Birubunybenykre ibutumy iny mahãdu kia xiwena riwahinymyhỹrenyre iwitxira deuse dee, wadee sohoji aõkõ, Deuxu Tyhyhykỹ.
|
||
\v 21 —Urite aõhỹỹhỹỹmy isỹdỹỹrenyõmy kia urite iherenyki idireny norenoõmy hãwã witxira luduõ asurenyki rahãwanykreki. Ixidi mohõtinybeny kai boho iwitxira hãwã ludumy toitemyhỹ Egito ki.
|
||
\v 22 Urite aõhỹỹhỹỹmy isỹdỹỹrenyõmy wytese mahãdu-di kia wyte mahãdu tule aõhyỹỹmy isỹdỹỹrenyõmy.
|
||
\v 23 Txibo kai boho aõhỹỹhỹỹmy bisỹnybenykre wana,-diarỹ Deuxu Tyhyhykỹ, arirawyònyrenykre tiú tii boho ixiwiohenadỹỹmy rexitòenyrenykreu.
|
||
\v 24 -diarỹ areburekre kia ararubunyrenykre wouna ki. Ahãwyyreny wytesemy ratxirenykre, kia ariòrerenywytemy raburenykre.
|
||
\v 25 —Txibo kai nieru bihuotekre wana wainy mahãdu iaõkõ-ò, urite agiota wese iwidỹỹõmykre, ixyby iratyre aòwydỹỹna itxeseõmykre.
|
||
\v 26 Txibo kai tyy biu itxena bimykre wana aheto bireludu ribi kia dewedỹỹna itxesenemy, ixybyle tamy biwahinyke bedeluru koki.
|
||
\v 27 Kia dori tyy biu itxena tii sohojihyyre kia tii idi rexihelymymyhỹre rõrõmyhỹreu, taumy idi ritòteenykremy. Ityy biu itxena kõkeki tii aõdi ixihetydỹỹõna. Tiu tii wadee rexitòenykeki ariwiòhenanykemy,-diarỹ arirawyònykre, kiemy dori-diarỹ awityhytyhy rare.
|
||
\v 28 Uritre aõna binamy rybeõmy, Deuxu òludumy kia uritre asỹreny aijoireny wedu itxuhòrenyõmy.
|
||
\v 29 Wadee bidiwydenyke bede òbitiu rỹsỹna biwahinybenykremy. Kia monabesò. —Wadee biwahinybenyke ariòrereny adela.
|
||
\v 30 Wadee biwahinybenyke abrorenireny hãwyy riòre adela, kia abudoenireny riòre adela. Biwahinybenyke iròdu riòrereny hãbu adela, kia tadiki ratxirenykre debò inatxi txumy; Kiamyreta, debò inaubiòwa txuu wadee tuu maubenybenykre.
|
||
\v 31 Kai boho heka iny mahãdu hitximy wade atximyhỹtenyte; iurenana uritre irỹsỹrenyõmy iròdule rubu, kia witxi iròdude debure rirubunyre; biwahinybenykre kaa iròdude ijòròsa boho-ò.
|
||
\rem dat 1992
|
||
\rem aut Ijeseberi
|
||
\c 23
|
||
\p
|
||
\v 1 Uritre iubỹtỹdỹỹ renyõmy roi rybemy kia irutre roirenyõmy rybe butunawoki iny wotxira wiòhedỹỹ my.
|
||
\v 2 Urite iny mahãdu heluduõmy tiu tii aõ òbitimy aõkõ riwinymyhỹ reu, kia uritre rybeõmy roimy kia iny mahãdu wiòhedỹỹmy rybe butunaki rỹirenykreu.
|
||
\v 3 Uritre aõ ibinamy iwidỹỹõmy, kia iny iaõkmy rỹimyhỹrenyre hãrele.
|
||
\v 4 Txibo kai bobikre wana brorenimy ada jumentomy aòludu nohõmy rariamy reòsamy, bidyke ixybyle tamy.
|
||
\v 5 Txibo ijumento rariòwykeki aõna itxyyna rawoki, uritre kuaki tai irisiõmykre, kia idinodu biwiòhenanykre iròdu lamamyrỹikremy.
|
||
\v 6 Tiu iny iaõkõmy rỹimyhỹre rybena heto-ò rehemynykreu, uritre rybebinamy rybeõmykre iòludumy.
|
||
\v 7 Uritre iwidỹỹõmykre aõmy roimy rybeõmykre kia uritre rurukemy turybeõmykre iny inybò dee. Kiemy-diarỹ dori arirarytxynykre kua tuu aõnaõnabinahãkỹ riwinykre.
|
||
\v 8 Uritre nieru-ò deòbyõmykre kia rybena hetoki rybe rỹikreu, kia dori kaa nieru iny ikruebetàmy risỹnymyhỹre kia reteheõhyymyhỹre aõbo òbitimy rỹimyhỹre, kawesemy aõhỹỹmy risỹnymyhỹre kua mahãdu bededỹỹnana iinybòmy rỹimyhỹrenyre.
|
||
\v 9 Uritre aõhỹỹmy isỹdỹỹrenymy hãwã witxira mahãdu atyarenyki rasỹnymyrỹ imyhỹ renyre. Kai boho teerymyhỹ tenyte timybo tii boho aõhỹỹ my rutỹnymyhỹ renyre iwitxira hãwã ludurenyki, kiemy dori kai boho iwitxira hãwã ludumy atxitenyte Egitoki.
|
||
\v 10 Debò sohoji wyra bedemy kai asurenymy bòbròbenykre kia bihebenykre aõ tai ruhure.
|
||
\v 11 Kiaremyta debò inatxi wyrau biwahinykre suu rexielehynykremy aõbo tai raumynykremy, kia iròdu debure mahãdu rirỹsỹ renykre aõbo tai rohenykre. Biwinyleke auva alòbròna-di, kia azeitona alòbròna-di.
|
||
\v 12 Maõmysỹ dỹỹnyke debò sohoji txumy semana-di ka debò inatxi txuu uritre aõmysỹ dỹỹõ iwidỹỹõmykre kia awetxureny, airòdureny kia hãwã witxira mahãdu adee raõmysỹdỹỹnymyhỹre rexielehynyrenykremy.
|
||
\v 13 Tamy boholawibenyke ibutumy aõmybo-diarỹ Deuxu Tyhyhykỹ, rarybererimy adeereny. Uritre ixitòedỹỹna iwidỹỹ renyõmykre iwitxira deuse deereny, kia uritre inirenymy ryberenyõmy.
|
||
\v 14 Inataõ bedemy wyra sohojiu kai boho ixena bibedebiòwanybenykre wadee tuu maubenybenymy.
|
||
\v 15 Abibe ahãduu, kia ahãdu iu Egito ribi tahònytenyteu, bedebiòwana ixena biwinybenyke paõ iuriõdi timybo-diarỹ tuu rarybere mynamy. Debò inatxi tuu ixenadi, uritre irỹsỹ renyõmy paõ iuridi. Inoõ wadee noõmykre wamyderinamy aõ idiwyõhyymy.
|
||
\v 16 Aõwiredena ixenadi bedebiòwana biwinybenyke kia aõwirede teòrarunymyhỹ tenyteule. Heto riòre ixena bedebiòwana biwinybenyke, tiu kai boho uva raty kia aõwi raty bihebenykreu.
|
||
\v 17 Inataõmy ixena wyra sohojiu, kaa inataõ ixenau ibutumy hãbu mahãdu idirahudenykre wamy rerinanyrenykremy, Deuxu Tyhyhykỹ .
|
||
\v 18 Tiu kai boho wadee tuu maubenybenykreu iròdudi xiwenamy wadee, uritre wadee iwydyrenyõmykre paõ iuridimy. Iròdu iròdu rubu òlỹre xiwena bedeu kia wadee ixena rỹikreu kia itxuule rookre.
|
||
\v 19 Ibutumy wyra bedeu bidiwydenykre Deuxu heto-ò, aDeuxureny, kia kodelemy alòbròna bihebenykre. Uritre budoeni riòreõ iheradỹỹ renyõmy isehuỹsy òbitiki. |
|
||
\s Tamyreny rarybere kia riteòwarinyrenyre.
|
||
\v 20 -diarỹ aditeònykre anjoõ akorenymy aitxesedurenymy tibede-ò boimyhỹ benykreu adireny itxeredumy kia aradyrenykremy tai ibedeki adeereny reywinyre-ò.
|
||
\v 21 Tamy boholabenykre kia anjo bityhynybenykre. Uritre iòludumy aõmy ryberenyõmyrenykre, kiemy dori tii wawesemy rarybekre wanimy kia aõnabinamy marybebenykreki awimy tahãsaõna.
|
||
\v 22 Txibo kai boho bityhynybenykre wana kia ibutumy biwinybenykre aõmybo rarybekre,-diarỹ aresukre ibutumy aòludu mahãdureny wana òludumy aresukre.
|
||
\v 23 Wa anjo rakre akorenymy kia aradyrenykre amorreu mahãdu sureny-ò, heteu mahãdu sureny-ò, perizeu mahãdu sureny-ò, cananeu mahãdu sureny-ò, heveu mahãdu sureny-ò kia jebuseu mahãdu surenyòhòkỹle. Kia-diarỹ arihurenykre ibutumy kaa iny boho.
|
||
\v 24 Uritre ideuserenykoki tatiòhumy ixerenyõmykre kia uritre tuu derinarenyõmykre kia iherenyki iwesemy norenyõmykre. Bihubenyke ideusereny kia bibòhòbòhòbenyke ideusereny iti.
|
||
\v 25 Txibo kai boho wamy berinanybenykre wana, Deuxumy aDeuxurenymy,-diarỹ warybewihikỹ adeereny ariwahinykre, ariwahinymy adeereny rỹsỹna, kia bee, kia aribireny ibutumy aritakre webinadu binabina.
|
||
\v 26 Asurenyki tiu hãwyy bytò binamy iribi iriòre reseõtyhy kia tiu iriòreõmy ratxirenyõtyhy. Kia-diarỹ adeereny ariwahinykre irehemy bedeki arurenymy boibenybekremy.
|
||
\v 27 Ariwinykre kia iny mahãdu aòludurenymy rỹimyhỹ renyre walau ruberurenykre. Ariwinykre bedejeijei ijõdikremy iny mahãdurenyki kia tii boho wana kai boho besubenykre kia ariwinykre aòludu mahãdu alaureny rexiwòrenykremy.
|
||
\v 28 Ariwinykre aòludu mahãdureny werymy rekoarenykremy kia tiu kai boho deòdỹỹ namy bekoabenykreu,-diarỹ aritakre heveu mahãdu, cananeu mahãdu kia heteu mahãdu.
|
||
\v 29 Kia ariteònyrenyõkre wyra sohoji-di, txibo-diarỹ tuu ariwinykeki, kia suu ixiòhyymy reake, kia iròdu iròdu debure sõemy rexisõenyke, kai boho aõhỹỹ my arasỹ nyrenyke.
|
||
\v 30 Kia iribiòtumy,-diarỹ ariteònyrenykre kaa iny mahãdu urihimy-ò urihimyòmy, kia kai boho bexisõenybenykremy kia su-dinodumy belebenykre.
|
||
\v 31 Ariwinykre asureny ariorokre kia Golfo ribi ròrarunykre kia Eufrate bero-ò kia Mediterraneo bero-ò rexihukre rakonananymy.-diarỹ adeereny ariwahinykre wabedeery nihikỹ kia iny mahãdu kua suludu mahãdumy mahãỹ nanybenykremy, kia kai boho tureny maòhòtebenymy kia biteònybenymy.
|
||
\v 32 Uritre tii boho wana rybe wooxina iwidỹỹrenyõmy, kia ideusereny wana tule.
|
||
\v 33 Uritre iwahidỹỹrenyõmy kaa iny mahãdu irumy ratxirenykemy asurenyki. Txibo bexiwahinybenykre wana, tii boho arawinyrenykremy kia waòludumy òraruna biwinybenykremy. Txibo kai boho ideuserenymy berinanybenykre wana, kia heka wouna rubuna rare adeereny.
|
||
\c 24
|
||
\p
|
||
\v 1 Deuxu Tyhyhykỹ rarybere Moisesi dee: —Kai, Araõ, Nadabe, Abiu kia 70-my Israel mahãdu-dinodu sõe maòwònybenykre hãwãlò-ò kia bydòikre watyy-ò. Kia tiu urihimyòmy irehekreu, atiòhumy besebenykre wamy berinanybenykremy.
|
||
\v 2 Kai sohojile, Moisesi, watyy-ò bedehemynykre; ijõ mahãdu tahe aõkõre. Kia iny mahãdu hãwãlò-di raòwònyrenyõkre.
|
||
\v 3 Moisesi rare kia relyyre iny mahãdu dee ibutumy aõmybo Deuxu Tyhyhykỹ reryberemy kia ibutumy rybe wahidỹỹnana kia tii tuu raryberemy. Taita israelita mahãdu rirawyònyre ibutumy: —Diarỹ boho ibutumy ariwinyrenykre aõmybo Deuxu Tyhyhykỹ rarybere mynamy.
|
||
\v 4 Taita Moisesi ibutumy riritinyre Deuxu Tyhyhykỹ rybe òbitimy rỹimy rarekremy. Tiu txuu, rudiu tii riwinyre òwòru wityretyre riòdònyre lamamy hãwãlò koki kia ritidire kuaki 12-my manadeòte sõe, kia deòte sohoji sohoji iny mahãdu-dinodunimy kia 12-my iny mahãdu witxirawitxira Israel mahãdu.
|
||
\v 5 Taita Moisesi riteranyre weryrybò mahãduõ kia iròdu iròduõ risõrenykremy xiwenamy Deuxu Tyhyhykỹ dee kia rirubunykremy aròtiõ bede awimy roikre deòsinamy.
|
||
\v 6 Moisesi ritidire ihãlubu iweeremy baciaro-ò kia ritxiwire ijõ weere òwò wityre raòdòre tyre.
|
||
\v 7 Irahudita rimyre tyyriti tai iritina roimyhỹre wahe Deuxu Tyhyhykỹ rybewahidỹỹ nana, kia tii idi rariare katxiterehekỹ my iny mahãdudeereny. Tii boho raryberenyre:-diarỹ boho arityhynyrenykre Deuxu Tyhyhykỹ kia ariwinyrenykre ibutumy aõmybo tii rarybekre.
|
||
\v 8 Taita Moisesi hãlubu rimyre baciaroki rỹimyhỹ, kia riuberanyre iny mahãdumy kia rarybere: Kaa hãlubu heka Sela rare kia Deuxu Tyhyhykỹ riwinyremy adeereny tiu ibutumy ada rybewahidỹỹnana riwahinyre.
|
||
\v 9 Moisesi, Araõ, Nadabe, Abiu kia 70-my Israel mahãdu-dinodureny sõe kia raòwònyrenyre hãwãlò-ò
|
||
\v 10 kia robirenyre Israel Deuxumy. Kia iwarawoki aõnaõ roimyhỹ kia safiras wesemy tỹremy biuwetyy lỹre wesemy.
|
||
\v 11 Deuxu rirubunyrenyõre kaa boho Israel mahãdureny-dinodureny; tii boho Deuxumy robirenyre kia irahudi riroxirenyre kia riõrenyre butumy.
|
||
\s Moisesi Sinai hãwãlòki
|
||
\v 12 Deuxu Tyhyhykỹ rarybere Moisesi dee: Maòwònyke hãwãlò-ò tai ibedeki watxireri-ò kia kaki atxikre, kiemy dori-diarỹ adee ariwahinykre mana placas kia tai warybewahidỹỹ nana rỹireri kia reritinyre, kia kai biixinanybenykremy iny mahãdu.
|
||
\v 13 Moisesi kia Josue iwiòhedỹỹdu rexiywinyrenyre, Moisesi raòwònymy rare hãwãlò tyhyhykỹ-ò.
|
||
\v 14 Taita Moisesi rarybere taijoi mahãdu-ò: —Kakile biwaraòbenyke, kia-diarỹ boho adòòsedenykre. Araõ kia Hur awanareny rarikre. Txibo inyõ aõ riywinykemy ratxikeki kia tamy raryberenykre.
|
||
\v 15 Taita Moisesi raòwònyre Sinai hãwãlò-ò, kia biuwetyy hãwãlò rihetynyre.
|
||
\v 16-17 Bede loosona wihikỹ Deuxu Tyhyhykỹ koki desede hãwãlò tyre, kia israelita mahãdu tahe bede loosona-di rõhõtinyrenyre heòtyõ roorerimy kua bede rarieki. Biuwetyy hãwãlò ritybònyre debò sohoji txumy, kia debò inatxina txuu tahe Deuxu Tyhyhykỹ biuwetyy ribi Moisesi-ò dyryde.
|
||
\v 18 Moisesi ralore biuwetyy tyatxi. Kia tai biuwetyyki bede riere 40 txumy 40 rumy.
|
||
\rem dat 1992
|
||
\rem aut Ijeseberi
|
||
\c 25
|
||
\p
|
||
\v 1 Deuxu Tyhyhykỹ rarybere Moisesi dee:
|
||
\v 2 —Marybeke israelita mahãdu-ò wadee xiwenaõ idiwahinydenykemy. Bimyke xiwena kia tii boho idi wahinydenykre ixideewimy taworeny ribi.
|
||
\v 3 Kaa xiwena heka aõwaxina manarỹsỹ tukre, manarỹsỹ witxira iòtaòta;
|
||
\v 4 kia budoenisityylỹre, isòmy; ariteti sõmy; tyy budoeni tyysiri ribi relemyhỹre;
|
||
\v 5 kia budoenisityy rasòdỹỹmyhỹre kia ityybrey; acacia òwòru;
|
||
\v 6 aõòlỹrelỹ barina idi roomyhỹre; aderòna lỹnyrewihikỹ;
|
||
\v 7 ônix mana kia iwitxira mana awihikỹ my rỹimyhỹre kia ralidikremy manto sacerdotal-ò kia *peitoral*Deuxu rybedi ijohodu nihikỹ dee.
|
||
\v 8 Israelita mahãdu riwinyrenyre *Tenda brebuna wadee kia-diarỹ iykyrenyki arahãwanykremy.
|
||
\v 9 —Kai, Moisesi, Tenda biwinyke ibutumy iwoludu kia iwese-diarỹ adee ariteòsinykre wesemy.
|
||
\v 10 —Marybeke Israelita mahãdu-ò kia riwinyrenykremy *arca òwòru acacia, kia sohoji metro my kia debò ituemy iwerehe kia 66 cetimetro my iwebese kia 66 cetimetro my irarie.
|
||
\v 11 Kia manarỹsỹ tyhydi kaa hyna idi rỹikre, iwo ribi kia ahãna ribi tule. Kia ibutumy iweruramy remate manarỹsỹ bilidibenykre.
|
||
\v 12 Kia biwinybenylekre inaubiòwamy manarỹsỹ rurawo, kia bilidibenykre inaubiòwamy iti my, kia inatximy ijõ rỹikre.
|
||
\v 14 Birutàbenyke isana, womati rurawo-ò arca weribi weribi-ò, kia idi itxyy rỹikremy.
|
||
\v 15 Kia isana heka arca womati rurawoki rỹikre kia iribi itarasa rỹiõkre.
|
||
\v 16 -diarỹ adee ariwahinykre inatximy mana placas, tai raritidỹỹmy rỹireri rybewahidỹỹna; kai tahe bilidikre placas arca-ò.
|
||
\v 17 —Biwinylekre ratybòna manarỹsỹtyhy-di kia sohoji metro kia debò ituemy irehe, kia 66 cetimetro my iwebese.
|
||
\v 18 Biwinyke inatximy querubins sõe manarỹsỹhỹkỹ,
|
||
\v 19 kia sohojimy jurà sohoji sohoji-ò iratybòna. kia heka tuu relekre querubins wesemy sohojihyylemy iratybònamy.
|
||
\v 20 Querubins inatxi ikoki rỹirekre sohoji sohoji weribi-ò, retehemy iratybòna-ò. Kia tereny heka ribesenymy rỹirenykre, rihetynymy iratybòna.
|
||
\v 21 Bilidikre arca ro-ò inatxi mana placa* kia-diarỹ adee ariwahinykre kia iratybòna Arca-ò bilidikre.
|
||
\v 22 Kuaki heka-diarỹ awana witxi areakre, kia iratybòna tyreki tule kia querubins tuaki,-diarỹ adee ariwahinykre warybe wahidỹỹna kia Israel iny mahãdu-ò.
|
||
\v 23 —Kai biwinyleke mesa òwòru acacia, myỹ iurihina: 88 cetimetro my irehe kia 44-my iwebese kia 66 my irarie.
|
||
\v 24 Kia manarỹsỹtyhy-di mesa bihetynykre, bilidikre iweraroo-ò manarỹsỹ.
|
||
\v 25 Mesa weribi weribi-ò biwinykre friso inabubiòwa debò juhumy, kia biweraroohetynykre manarỹsỹ-di friso weribi weribi.
|
||
\v 26 Biwinylekre inaubiòwamy womati rurawo manarỹsỹ sõe kia bilidikre inaubiòwa weraroo huti-ò, kia inabiòwamy iti bireki.
|
||
\v 27 Friso bireki womatirỹsỹ rurawo ratidikre kia idi isana ròhònykremy kia iribi mesa-di itxyy rỹikremy.
|
||
\v 28 Kaa isana heka òwòru acacia-di relekre kia mana rỹsỹdi rarasirahãnanykre. Mesa heka idi itxyy rỹimy rarekre kaa isana-di.
|
||
\v 29 Biwinyke adòsena, bedeò, kia mona besò xiwenamy rauhekremy. Kia heka ibutumy kaa relekre mana rỹsỹtyhydi.
|
||
\v 30 Kia mesa heka ratidikre Arca rybeywidỹỹna koki, kia mesa tyreki ikiemy rỹikre paõ brebuna kia wadee tuu ube rỹikre.
|
||
\v 31 —Biwinyke candelabro mana rỹsỹtyhy. Kia irawo kia iumy heka mana rỹsỹ. Noiròsò heka candelabro riixiywidỹỹnanykre, tabotaõ-di, kia relekre aõna sohojilemy iki wana.
|
||
\v 32 Kia iwewe ribi debò sohoji sõemy iaxiò ròhònykre, inataõmy ijõ weribi, kia inataõmy ijõweribi.
|
||
\v 33 Iaxiò sohoji sohojiki inataõmy noiròsò ijõdikre, kia matyni noiròsò wesemy, tabotaõ wana.
|
||
\v 34 Candelabro terenoki inaubiòwamy
|
||
\v 35 Kia iaxiò inataõ rawoki ijõdikre matyni noiròsòõ.
|
||
\v 36 Botaõ sõe, axiò sõe kia candelabro relerenykre sohoji mana rỹsỹhyylemy.
|
||
\v 37 Biwinykre debò inatximy sõe lambarina kia candelabro dee kia bilidikre ityre-ò, kia ikoki ritoosonykremy.
|
||
\v 38 Kia òòresyna kia lambarinadò riòròmyhỹre kia òtirỹ nysi hyna kia boho heka mana rỹsỹtyhyhykỹlemy rỹirenykre.
|
||
\v 39 Biuhebenyke 34 utxiemy mana rỹsỹtyhyhykỹ kia candelabro my relekremy kia ibutumy iaõnaõna tuu rỹimyhỹre.
|
||
\v 40 Kia biywinymy biwinykre ibutumy kia iwese-diarỹ adee reteòsinyre wesemy hãwãlòki.
|
||
\rem dat 1992
|
||
\rem aut Ijeseberi
|
||
\c 26
|
||
\rem Miss(SHOULD BE c26:25,26; c26:28-37)
|
||
\p
|
||
\v 1 Deuxu Tyhyhykỹ rarybere Moisesi dee: —Biwinyke Tenda brebunawo, kia debò ituemy tyyre hety, kia esõdeti ruxõmo-di kia budoenisityy lỹre-di relemyhỹre, kia isòdi relemyhỹre. Kaa tyyre hety querubins ritinadi relekre.
|
||
\v 2 Kia tyyeresi sohoji sohoji 12 metro weeremy irehe kia sohoji metro 80-my iwebese.
|
||
\v 3 Biretykre iruyremy ijõ ribi, kawesemy sohojihyylemy relekre. Biwinykre iyrybutyhyle ijõ tyysi iruyre.
|
||
\v 4 Bilidike tyysi lỹre ijõ tyysi weijàti webròki ionanaki roireri, tyysi sohoji sohoji inatximy tyyeresi.
|
||
\v 5 Biwinyke 50-my laçada my kia tyyeresi ikomy roireri weijàtimy roikremy kia 50-my ikonana weijàtiki roikremy, kia laçados ikoki roikremy wiwe ribi weribi-ò.
|
||
\v 6 Biwinylekre 50-my manarỹsỹ mynydu kia iki wana tahe bibutunykre inatximy tyyesi adehuna kia sohojihyylemy relekremy.
|
||
\v 7 —Biwinyke hetyõ kia Tenda-ò, kia 11-my tyyere sõe kia budoenisityy tuu relere.
|
||
\v 8 Kia iyreyre heka wiweselehekỹ kre, kia 13 metros 30-my irehe, sohoji metro 80-my iwebese.
|
||
\v 9 Biretyke iruyremy iyreyre wimy bitõranymy, kia sohojihyylemy relekre, kia ijõ tahe debo sohojimykre, kia iwitxiramy sohojimy relekre, kia debo sohojina wiereeremy relekre, kia rarasedỹỹkre Tenda koki.
|
||
\v 10 Bilidike 50 laçadas my kia ikonana kodele weijàti-ò, kia 50 laçadamy iwitxira weijàti-ò.
|
||
\v 11 Kia biwinyleke 50-my bronze mynydu sõe kia idi bimyke laçadas, kawesemy bibutunymy inatximy, kia ubeta sohojimy relekremy.
|
||
\v 12 Kia tyyesi ere rauhenykre kia raònymy roikre Tenda hewoki.
|
||
\v 13 45 cm kia rohenykre iweribi weribi iesi rehe kia wiribi wiribi roikre Tenda rihetynykremy.
|
||
\v 14 —Biwinyke ixyby ihetymy, carneiro sityy rasõdỹỹ myhỹre; kia ityre-ò tahe bilidikre ijõ ihetymy, kia iròdusityy brey rỹimyhỹre-di.
|
||
\v 15 —Biwinyleke wouna debòna Acacia òwòrudi Tenda-ò.
|
||
\v 16 Kia wouna debòna sohoji sohoji inaubiòwa metros 45 cm irehe kia 67 cm iwebese.
|
||
\v 17 Wouna debòna sohoji sohoji inatximy ihyna ijõdikre kia widee ributunykremy. Kai biwinykre kawesemy ibutumy wouna debòna Tenda.
|
||
\v 18 Biwinyke waituemy wouna debòna sõe iraru bede-ò
|
||
\v 19 kia bilidike kaa waitue wouna debòna rawo-ò 40 my manarỹsỹ òaòta sõe, inatximy bilidikre kia wouna debòna sohoji sohoji rawo-ò, kia awimy inatxi hyna rỹ ikremy.
|
||
\v 20 Biwinyleke 20-my wouna debòna sõe kia ibòò weribi-ò
|
||
\v 21 kia 40 my manarỹsỹ òtaòta, inatximy kia wouna debòna sohoji sohoji dee.
|
||
\v 22 Kia Tenda hewoki, kia ibrà weribiki, kai biwinykre debò sohoji my wouna debòna sõe \f +
|
||
\fqa -tenda hewò werbi kai biwinykre yresyna debòò sohòjimy sõwe. \f*
|
||
\v 23 kia ixyby inatximy wouna debòna sõe Tenda werarooki rỹikremy.
|
||
\v 24 -kaa debòna iwesiki widee rabùtùkre, tai sohojilemy relekre taiki tahe biuò rimykremy. Kaa inatxi debòna relemy roire iwesi-rbi tùhkyle ròikre.
|
||
\v 26 -iruyremy debóna kua werbi tùlesȳ iruyremy debòna roikre ihewòò werbi.
|
||
\rem dat 1992
|
||
\rem aut Ijeseberi
|
||
\c 27
|
||
\p
|
||
\v 1 Deuxu Tyhyhykỹ rarybere Moisesi dee: —Biwinyke acacia òwòru wityretyre biòdònykremy. Tii heka irurawo webesemykre, raurihidỹỹmy inatxi metro my kia waituemy irehe, kia inatxi metro-my kia waituemy iwebese, kia sohoji metro my kia 30-my irarie.
|
||
\v 2 Kia inaubiòwa weraroo-ò bilidike inaubiòwa juròmy, kia sohojihyylemy relekre òwòru wityre raydore wana, kia manarỹsỹ òtaòta-di rahetydỹỹkre.
|
||
\v 3 Biwinyke hyna kia bihynykremy aõòlỹre, kia bryby kia biwinyke pas*, bacia mahãdu, tesewa mahãdu kia braseiro ibutumy kaa aõnaõna mahãdu manarỹsỹ òtaòta-di relekre.
|
||
\v 4 Kia biwinyleke grelha manarỹsỹ kia riy wesemy kia iwerarooòta bilidike inaubiòwamy womatirỹsỹ òtaòta rurawo.
|
||
\v 5 Bilidike kaa womatirỹsỹ rurawo, òwòru rarie weijàti rawomy, kia grelha rehemynyke òwòru rarie tyamynamy.
|
||
\v 6 Kia òwòru rarie rawykemy, biwinyke acacia* òwòru reruti kia manarỹsỹ òtaòta-di bihetynykre.
|
||
\v 7 Kaa reruti heka rarutàkre womatirỹsỹ rurawo-ò, ijõ weribi-ò kia ijõ weribi òwòru rarie-ò, kia tiu kaa iwydy rỹikreu.
|
||
\v 8 Kaa òwòru rarie heka òwòrudi rawidỹỹre, kia heka irawoni rurere, kia tuu-diarỹ adee reteòsinyre wesemy hãwãlòki.
|
||
\v 9 —Biwinyke Breò brebuna dee kia tyyere esisõmo. Kia iraru weribi tyyesi ere rỹikre 44 metros my irehe.
|
||
\v 10 Tii boho heka imynydureny ijõdikre, waituemy tòsõmo kia waituemy manarỹsỹ òtaòta sõe irawoludumy. Kia tòsõmo mynyna kia tyyesi ere terena heka manarỹsỹ òtaòta tukre.
|
||
\v 11 Biwinyke iyrybutyhyle ibòò ubetya ludu.
|
||
\v 12-13 Kia ubetya heka 22 metro webesemykre; kiaremyta ibròra bràera weribi tyyesi ere 22 metro irehemykre. Kia tyyesi ere mynydumy debòituemy tòsõmo ijõdikre kia debòituemy irawoludu sõe.
|
||
\v 14-15 Kia ròtena weribi weribi tyyesi ere ijõdikre debòsohoji metro my kia 60cm irehe, kia inataõmy tòsõmo sõe kia inataõmy irawoludu sõe.
|
||
\v 16 Kia ubetya ròtenaki tyyesi ere ijõdikre debò inataõ metro my kia 80 cm irehe. Biwinyke kaa tyyesi ere kia esõdetisõmo-di relemyhỹre-di kia budoenisityy lỹredi, kia isõmy iritiritimy relemyhỹre. Kia tyyesi ere heka inaubiòwa tòsõmo sõe kia inaubiòwamy irawoludu sõe imynydumy.
|
||
\v 17 Ibutumy tòsõmo mahãdu ubetyamy rỹirenykre kia rabuturenykre manarỹsỹ òtaòta terena-ò. Kia imynydureny heka manarỹsỹ òtaòta tukre kia irawoludu tahe bronze tukre.
|
||
\v 18 Kia ubetya 44 metro my irehe ijõdikre kia 22 metro my iwebese ijõdikre; kia tyyesi ere rarie inatxi metro kia waitue cm my. Kia tyyesi ere heka esõdetisõmo rỹimyhỹre tuu relekre, kia irawoludu tahe bronze* tukre.
|
||
\v 19 Ibutumy aõnaõna rauhere Breò aõmysỹdỹỹna-ò, Breò uhuariti mahãdu kia ubetya uhuariti mahãdu bronzelehekỹ tukre.
|
||
\v 20 Moisesi, biteranyke kia israelita mahãdu adee idiwydenykemy azeitewihikỹ kia candelabro-ò kia tii roosòkremy ibutumy txioro bedeu.
|
||
\v 21 Araõ kia tariòre boho wana ritidirenykre candelabro Breò-ò waruki kia kua weribi tyyesi ere roireri, kia Arca Rybewihikỹ koki. Kia Azeite òlỹre heka rookre waruki, kia txiorou rookre kia ijõ biurasò rudiu ixiwikre. Kaa warybe wahidỹỹna ratyhydỹỹmy rarekre ikiemy israelita mahãdu rityhynymy rỹirakre kia irioreriòre mahãdureny tule rityhynymy rỹirakre.
|
||
\c 28
|
||
\p
|
||
\v 1 Deuxu Tyhyhykỹ rarybere Moisesi dee: —Marybeke aseriòre Araõ kia iriòre boho dòidenykremy, Nadabe, Abiu, Eliaza (Eleazar) kia Itamar. Bihitxinyke Israel iny mahãdu kia wadee aõdi raubenyrenykremy Deuxu rybedi ijohodu wesemy.
|
||
\v 2 Biwinyke Deuxu rybedi ijohodu tyy wesenaõ kia aseriòre dee kia wadee iximy raubenykremy aõnaõnawimy.
|
||
\v 3 Marariòwyke ibutumy iny mahãdu bedeery mahãdureny-ò kia aõriti widỹỹdureny kia modeebo bedeery rewahinyre kia tamy marybeke kia Araõ riwinykremy kia tii awityhymy ratxikre kia warybedi ijohodu wesemy.
|
||
\v 4 Marybeke Deuxu rybebi ijohodu tyy wesena relekemy, kia yhyitxena tyy, kia yhyitxena tyy òtaòta kia weretysana relekemy. Kaa iny mahãdu Deuxu rybedi ijohodu mahãdureny tyy riwinyrenykre kia aseriòre Araõ dee kida riòre boho dee tule, kia tii boho wamy rerinanyrenykremy Deuxu rybedi ijohodureny wesemy.
|
||
\v 5 Kaa tyywidỹỹkdu heka budoeni sityysõmo lỹre riuhekre, kia wòrỹnysò wesena, manarỹsỹ esõtisõmo-di.
|
||
\v 6 —Kia tyywidỹỹdu mahãdu riwinyrenykre Deuxu rybedi ijohodu mahãdu tyyreny, kia budoeni sityy lỹredi, wòrỹnysò wesenadi risònymy, esõdetisõmo-di, manarỹsỹ esõtidi kia awimy riritinykre.
|
||
\v 7 Kia yhyitxena tyy inatxi nora-ò rawidỹỹkre inatximy isana kia raretykre inatxi weribimy yhyitxena tyyki.
|
||
\v 8 Kia weretysana ròhònyre yhyitxena webròdi kia ritxynykremy kia iyrytyhyle relekre yhyitxena aõnaõnadile, kia tii wana sohojihyylemy relekre.
|
||
\v 9 Bimyke inatxi agata mana kiata tamy biritinyke Ijaò riòreni boho,
|
||
\v 10 kia debò sohoji my nisõe biritinykre mana sohoji-ò kia debò sohojimy nisõe biritinykre ijõ-ò, kia iwyrareny mynamynamy.
|
||
\v 11 Bitake iny nohõtiwiõ kia inatxi mana-ò riritinykremy Ijaò riòreni mahãdu kia wityrewityre kaa mana sõe ritidirenykre engastes manarỹsỹmy.
|
||
\v 12 Bilidike kaa inatxi mana yhyitxenasana-ò kia riteòsinykemy waò inatxi iny mahãdu witxira witxira Israel iny mahãdu. Kawesemy tahe Araõ riwykre taaxiòtiki kaa nisõe kia-diarỹ Deuxu Tyhyhykỹ ikiemy ixitxi wanohõti reamy rarekremy wainy mahãdurenytxi.
|
||
\v 13 Biwinyke inatxi engastes manarỹsỹ
|
||
\v 14 kia inatxi womatirỹsỹtyhyhykỹ rerutiwimy rabiòwanymy nohõ wesemy, kia kai bitaakre engastes-ò.
|
||
\v 15 —Biwinyke *peitoralõ, kia Deuxu rybedi *ijohodu nihikỹ mahãdu riuhekre kia Deuxu deewi rierykremy kia Deuxu rybedi ijohodu yhyitxena wesemy, kia peitoral budoeni sityy lỹredile relekre, kia rayridỹỹmy.
|
||
\v 16 Peitoral heka iwebeserehe wiwesemykre kia inatxi rasemy rarasedỹỹkre. Kia sohoji palmo my irehekre kia sohoji palmo my iwebesekre.
|
||
\v 17 Bilidike inaubiòwamy mana reherehe. Kia komy deòtenaò bilidike rubiõ, *topaziõ kia *granadaõ.
|
||
\v 18 Kia inatxi deòtena-ò tahe bilidike esmeraldaõ, *safiraõ kia-diamanteõ.
|
||
\v 19 Ka inataõna deòtena-ò tahe bilidike turquesaõ, *agataõ kia *ametistaõ.
|
||
\v 20 Kia inaubiòwa deòtena-ò tahe bilidike *beriloõ, “nixõ kia *jaspeõ. Kia mana mahãdu heka rabutudỹỹkre kia engastes manarỹsỹ my (ouro).
|
||
\v 21 Kia mana sohoji sohoji waò inatximy mana sõe kia tamy raritidỹỹkre Ijaò riòreni mahãdureny kia riteòsinykremy waò inatxi iny witxira witxira-dinodumy *Israel ludu.
|
||
\v 22 Kia manarỹsỹtyhyhykỹ esõtidi raritimyhỹredi biwinyke "peitoral" reruti.
|
||
\v 23 Kia biwinylekeỹinatxi womatirỹsỹ rurawo kia mynydu biwinyleke "peitoral" nora biuluduò.
|
||
\v 24 Biòlòdỹỹke inatxi rerutityhyhykỹ kia womatirỹsỹ rurawo-ò
|
||
\v 25 kiaỹbitaake inatxi reruti nora kia engastes rỹsỹtyhyhykỹ “peitoral-ò", kia rataakre inatxi lasa-ò yhyitxena-ò, kia ikoludu-ò.
|
||
\v 26 Biwinykeỹiwitxira womatirỹsỹ rurawoõ, kia rataakre inatxi nora-ò "peitoral" rawo-ò kia iritina weribiki kia yhyitxenawoki.
|
||
\v 27 Kia ihãremy ixyby biwinyke inatxi womatirỹsỹ rurawo kia bitaakre inatxi nora lasana yhyitxena-ò, kia irawo-ò, kia ikoki, kia iretyna bireki kia weretysana ratyaki.
|
||
\v 28 Kiaỹreruti lỹre-di bitaake yhyitxena wonati rurawo, kia yhyitxena raratxymy roikremy weretysana ratyaki kia reseõhyykre.
|
||
\v 29 Kia ralokreu bedewihikỹ Bede-ò, Araõ riuhekre kaa yhyitxena, tai raritidỹỹmy rỹikre iny witxira witxirani mahãdu Israel iny mahãdu kia-diarỹ Deuxu Tyhyhykỹ ixitxi wanohõti reakremy ikiemy wainy mahãdutxi.
|
||
\v 30 Bilidike "Urimỹkia Tumim" yhyitxena-ò kia Araõ coracaõ ratyaki roikremy, kia tiu tii wakoki waruki ratxikreu. Kawese bedeu heka Araõ yhyitxena riuhekre kia tii rierykremy kia-diarỹ aõmybo rearimy kia Israel iny mahãdu riwinykemy.
|
||
\s Deuxu Rybedi Ijohodu Mahãdu Tyy Witxira
|
||
\v 31 Kia tyyõ ratidikre yhyitxena tyremy, kia budoenisityy lỹre-di relekre.
|
||
\v 32 Tai heka irauna ijõdikre kia idi rati ròhònykremy. Kaa irayna heka "rematada" ijõdikre, kia tyyesi ere txiriedi kia tai raykaõkremy.
|
||
\v 33-34 Kiaỹtxieti rasenamy ibutu weribi weribimy bilidike tamy "romãs" wesenamy, kia budoenisityy lỹredi relemyhỹre, worỹnys wesena-di rasòdỹỹmyhỹre.
|
||
\v 35 Araõ heka riuhekre kaa tyy "sobrepeliz" kia tiu Deuxu rybedi ijohodu wesemy ratximyhỹkreu, kia warueroki ratximyhỹkreu tule Bedewihikỹ Brebuna bedeki, timybo tii tiu iribi ròhònykre. Kawese bedeu heka "sino" wodỹỹna-ò ijohona rỹikre, kia Araõ tahe ruruõkre.
|
||
\v 36 Biwinyleke placa rỹsỹtyhyhykỹ kia tamy biritinykre myỹ rybena: "Rahitxinymy rỹire Deuxu Tyhyhykỹ dee".
|
||
\v 37 Bitaake kaa "placa mitra" koki kia budoenisityy rerutilỹredi.
|
||
\v 38 Araõ riuhekre taòruki kia-diarỹ Deuxu Tyhyhykỹ tamy areobykre ibutumy xiwena-ò kia israelita mahãdu wadee idiwydenykre, kia tii boho tuu reserenyõkremy txibo aõ ibinamy riwinyrenykreu kia wadee tuu raubenyrenykreu.
|
||
\v 39 —Kai biwinykre Deuxu rybedi ijohodu-ò yhyitxenaõ esõtisõmodi, kia "mitra" esõtisõmo-di kia weretysana ritiõ.
|
||
\v 40 Kia Araõ riòre boho-ò biwinyke yhyitxena, weretysana kia "mitra" kia adee aõwiwihikỹtyhy riwahinykremy.
|
||
\v 41 Kaaỹtyy-di heka bityynyke aseriòre Araõ kia iriòre boho. Irahudi tahe wadee robenyrenykre ritxiwimy "azeite" iratireny tyre, kia wadee riwinyrenykremy Deuxu rybedi ijohodu wesemy.
|
||
\v 42 Biwinyke ruweere kia tademy ratxirenyreri rihetynyrenykremy, kia ruweere irexi ribi rakre kia irutiòhòkỹle raonananykre.
|
||
\v 43 Araõ kia iriòre boho ikiemy riuhemy roirenyrekre kia Breò Waruò rirònyrenykreu ada tiu òwòru rarie bire-ò ritehemynyrenykreu kia tuu rerinanyrenykremy Deuxu rybedi ijohodu wesemy Bedewihikỹ Bedeki. Kawesemy heka tii boho tiu iruburenyõna kia tademy rexideòsinyõhyymyhỹrenyre. Araõ kia iriòreriòre bohoreny rityhynymy roirenyrekre ikiemy.
|
||
\rem dat 1992
|
||
\rem aut Ijeseberi
|
||
\c 29
|
||
\p
|
||
\v 1 Deuxu Tyhyhykỹ rarybere Moisesi dee: —rybedi ijohodu wesemy, waõmysỹdỹỹnamy, kia myỹ biwinykre: bimykre broreni hãbu tỹmyra kia inatxi budoeni aõ ibinaõmy.
|
||
\v 2 Bimykeỹmaixõmoni ỹnyde kia biwinyke paõõ azeiti-di kia ijõ mahãdu tahe azeitekõmy biwinykre, kia ibutumy iuridỹỹõmy. Kia biwinyleke paõõ iwebesemy kia azeite-di bibybibynykre ityredi.
|
||
\v 3 Kia ibutumy weririro-ò bihynykre kia wadee tuu maubenykre, tiu kai xiwena biwinykreu broreni hãbu tỹmyra-di kia inatxi budoeni riòre-di.
|
||
\v 4 Bididydenyke Araõ kia iriòre boho wana kia Breòwodi Warueroki rỹimyhỹre ròtena ijò-ò kia tamyreny marybeke tii boho rexisuhòrenykemy.
|
||
\v 5 Kia tuu lobixi rỹirahudi Araõ tatyydi Deuxu rybedi ijohodu mahãdu tyy-di rexityynykre, kia iweretysana ityy webròdi ròhònymyhỹre.
|
||
\v 6 Tamy bilidike "mitra" kia tamy bitaake placa brebuna, kia tai rybe raritidỹỹmy roireri "rahitxidỹỹra Deuxu Tyhyhykỹ”.
|
||
\v 7 Kiaỹilemyta irati tyre bitxiwike "Ungir" òlỹre.
|
||
\v 8 Bididyke Araõ riòre boho ka Deuxu rybedi ijhodu mahãdu tyy-di bityynybenyke.
|
||
\v 9 Bilidikeỹtyyesi txirie iwetyamy kia "mitras" iratirenymy. Kawesemy heka kai biwinywihikỹkre Araõ kia iriòre boho wana. Tii kia iriòreriòre boho wamy rerinanymy roirenyrekre ikiemy iwese Deuxu rybedi ijohodureny wesemy.
|
||
\v 10 Bididyleke broreni hãbu tỹmyra Breò riòre Waitxerenamy Wakoki, kia Araõ kia iriòre boho tamy tebòreny ritidirenykre.
|
||
\v 11 Birubunyke broreni hãbu kuaki Waruki, Breò riòre ròtenaki.
|
||
\v 12 Irahudita hãlubu bimyke ebòjuhudi, kiata òwòru ratòò jury-ò bilidike, kiata bitxiwike iuhe òwòru ydò weribiki.
|
||
\v 13 Kiaỹilemyta òwòru ydò tyre bisõkre, kia xiwena wesemy wadee, kia iròdu umy ludu: kia ibutumy iròduwe òlỹre, kia iròdu mayre wityhyõ, kia inatxi "rins" kia iwe òlỹre rihetynymyhỹre.
|
||
\v 14 Ka iròdude tahe iny mahãdu rỹimyhỹre ribi irehemy rasõkre, iròdu tyy kia iweryri. Kaa heka xiwena rare kia Deuxu rybedi ijohodu mahãdu òraruna ratakremy.
|
||
\v 15 Irahudita budoeni riòreõ bimykre, kia Araõ kia iriòre boho tamy tebòreny ritidirenykre.
|
||
\v 16 Kia budoeni birubunykre, kia bimyke ihãlubu kia idi tahe bibybibynykre inaubiòwa weribi òwòru ydò ratòò.
|
||
\v 17 Biòròke budoeniỹriòre iyreyremy, kia ixõmoxõmo bisuhòke kia irutihewo ludu bilidike irati tyre kia ijõ deyreyre tyre tule.
|
||
\v 18 Bisõkeỹbudoeni riòre ixidihikỹle kia òwòru ydò tyre kia xiwena rỹsỹna wesemy. Ka xiwena lỹnyre heka tai awityhymy arahãkre.
|
||
\v 19 Irahudita ijõ budoeni riòreõ bimykre, kia Araõ kia iriòre boho tamy tebòreny ritidirenykre irati tyre.
|
||
\v 20 Birubunyke kaa budoeni riòre kiata iãlubuõ bilike Araõ nohõti ruruweribi-ò kia Araõ riòre boho nohõti jury weribi-ò bitidike. Kia bilidileke hãlubu debò juhu ruruweribi-ò kia wajuhu nihikỹ ruruweribi-ò tule, kia hãlubu uhedi tahe beake òwòru ydò weribi weribi-ò.
|
||
\v 21 Bimyke hãlubu riòreõ kia òwòru ydòki rỹireri kia "Ungir" òlỹre tule kia idi tahe Araõ bisònybenykre kia ityy bisõnykre, kia iriòre boho ityyreny bisònybenykre. Taita tii, kia iriòre boho kia ibutumy ityyreny kia wadee rahitximy rỹikre.
|
||
\v 22 Kaa budoeni riòre heka rawahire Deuxu rybedi ijohodu mahãdu rybe mynamy. Bitake iòlỹre, kia tõheraru, kia iòlỹre iaõna sõmosõmo riwòmyhỹre, kia imayre awihityhymy rỹimyhỹre, kia inatxi "rins" iòlỹre wana kia iruti ruruweribi ludu riwòmyhỹre.
|
||
\v 23 Biwahinyke paõ sõe iuriõ weriri-di kia wadee tuube rỹire, bimyke paõ sohoji sohoji witxira witxira: paõõ azeite-di relere, ijõ paõ azeitekõmy relere kia paõõ iwebesemy relere.
|
||
\v 24 Bilidike kaa paõ sõe Araõ debò-ò kia iriòre boho debòreny-ò kia tii boho wadee rihitxinyrenykre kia xiwena tyhytyhy wesemy.
|
||
\v 25 Irahudita biwyke paõ sõe tebòreny ribi kiata bisõkre òwòru ydò tyreki, kia iwese rỹsỹ wadee rawahimyhỹre wesemy. Ka xiwena lỹnyre heka riwawoywinymyhỹre.
|
||
\v 26 Bimyke budoeni riòre breti kiata wadee bihitxinykre kia xiwena tyhyhykỹ wesemy. Kaa iròdu yre heka adee rarikre.
|
||
\v 27 Deuxu rybedi ijohodu bededỹỹnana ixena, budoeni riòre breti kia iruti heka wadee rahitxidỹỹkre kia xiwena tyhyhykỹ wesemy kia tahe rawahikre Deuxu rybedi ijohodu mahãdu-ò.
|
||
\v 28 Israelita mahãdu xiwena wihikỹ kawesemy relekre ikiemy. Iròdu breti, iròdu ruti Deuxu rybedi ijohodu mahãdu-ò rawahimyhỹkre. Kaa heka iny mahãdu xiwena wadee rare, Deuxu Tyhyhykỹ.
|
||
\v 29 Kia Deuxu rybedi ijohodu Araõ rubu sỹtybymy, kia ityy iriòre boho-ò rawahikre, kia tii boho tahe riuherenykre tiu tamyreny rybe rỹikreu.
|
||
\v 30 Araõ riòre runykre tyby sỹtybymy Deuxu rybedi ijohodumy kia ralokre Breòwo-ò Waruki, kia wamy rerinanykremy Bedewihikỹ ki, kia kaa tyy riuhekre debò inatxi txumy.
|
||
\v 31 Budoeni riòre heka Araõ kia iriòre boho rarybemyhỹrenykeu rauhemyhỹkre, kia bede brebuna bedeki raheradỹỹkre.
|
||
\v 32 Breò riòre Waruki ròtenaki tii boho kaa iròdude ri`ròrenykre paõ weririki rỹireri wana.
|
||
\v 33 Tiu tii boho tamyreny rybe rỹikreu, kia rirỹsỹrenykre aõbo rawahire xiwena wesemy kia taòrarureny ritarenykremy. Kia Deuxu rybedi ijohodu mahãdu sohojirenyle ka rỹsỹna rirỹsỹmy roirenyrekre, kiemy dori tii tyhydỹỹna rare.
|
||
\v 34 Iurenanaỹheka iròdude ada paõ rarỹsỹõkre kua txuu kia rasõrenykre. Kia rarỹsỹrenyõkre, kiemy dori tyhydỹỹna rare.
|
||
\v 35 Tuu-diarỹ rarybere mynamy, biwinyke debò inatxi txumy ixena kia Araõ iròre boho biteranybenykremy.
|
||
\v 36 Txu sohoji sohojimy biwahinykre broreni hãbu tỹmyraõ xiwena wesemy kia ibutumy òraruna relemyhỹre rasuhosuhokremy. Kia xiwena sohoji-di òraruna ratakre kai òwòru ydò bisuhokre kia irahudita mawobrukre kia awityhy ixyby boosekremy.
|
||
\v 37 Biwinyke kawesemy txuu iyhyõmy, debò inatxi txumy. Taita òwòru ydò ibutumy awityhymy relekre, kia aõtxile inyõ ada aõnaõ kia tamy rorokre kia aõhỹỹmy rutỹỹnykre, kia ibedeery nihikỹ òraruki.
|
||
\v 38 Ibutumy txumy kia ikiemy birubunymy mabeke inatxi budoeni riòre sohoji ibeòradi mahãdu.
|
||
\v 39 Birubunyke ijõ rudiu kia ijõõ tahe txioromy birubunyke.
|
||
\v 40 Kia budoeni riòre kodele wana biwahinyke sohoji utxiemy maixõmoni ỹnyde kia biurinymy sohoji litro my azeite-di. Kia xiwena rỹsỹna wesemy, bitxiwike sohoji litro my mona besò.
|
||
\v 41 Txiorou tahe biwahinyke ijõ budoeni riòreõ kia iki wana butumy iyrybutyhyle ỹnyde, azeite kia mona besò, kia rudi wesele. Ka heka xiwena rỹsỹna rare wadee nawyde wahe, Deuxu Tyhyhykỹ, kia tỹnyre tahe awityhytyhymy riwasỹnymyhỹre.
|
||
\v 42 Kia kaa xiwena heka rasõkre kia rawahimy rarekre ikiemy raruki, kia Breò riòre Waruki ròtenaki. Tai-diarỹ witxi areakre waijoi wasỹreny mahãdu wana kia ararybekre awana.
|
||
\v 43 Tai-diarỹ witxi areakre Isdrael iny mahãdu wana, kia atesina watyy ribi roosokre, kia ariwinykre kaa bede awityhymy rarekremy.
|
||
\v 44 -diarỹ ariwinykre Breò riòre kia òwòru ydò awityhymy relerenykremy kia arihitxinykre Araõ kia iriòre boho wadee wamy rerinanyrenykremy Deuxu rybedi ijohodu wesemy.
|
||
\v 45 Arahãwãnykre Israel mahãdu ykyki kia tahe iDeuxurenymykre.
|
||
\v 46 Tii boho bede rieryrenykre kia-diarỹ, inatyhymy ikiemy,-diarỹ Deuxu Tyhyhykỹ raremy kia Egito ribi retarenyre kia iki boho wana arahãwanyrenykremy.-diarỹ heka ikietyhymy nodu rare, iDeuxureny wahe.
|
||
\c 30
|
||
\p
|
||
\v 1 Deuxu Tyhyhykỹ rarybere Moisesi dee: —ityre-ò rookemy.
|
||
\v 2 Kaa òwòru ydò heka irehe iwebese wiwese wesemykre, kia 45cm my irehe, kia 45cm my iwesebese; kia 90cm my irarie. Kia inaubiòwa werarooki juràdeseki ijõdikre, kia sohojihyylemy relekre òwòru ydò wana.
|
||
\v 3 Iratybòna, inaubiòwa weribi weribi kia jur…dese mana rỹsỹtyhyhykỹ-di rahetydỹỹkre, kia bilidike iweraroo mynyna mynyna rỹsỹdihyyle òwòru ydò bihetynykre.
|
||
\v 4 Kia bilidileke inatxi womatirỹsỹ rurawo iwemynyna rawomy kia sohoji sohojimy ijõ weribi weribi. Kia womati rỹsỹwomy tahe reruti ròhònykre kia idi òwòru udò rawykremy.
|
||
\v 5 Kaa reruti heka acacia òwòru tuu relekre kiata manarỹsỹ-di rahetydỹỹkre.
|
||
\v 6 Bilidike òwòru ydò tyyesi komy kia *arca bededỹỹnana koki rỹikre. Tai-diarỹ awana witxi areakre.
|
||
\v 7 Rudiu tiu Araõ rakreu lambarina-di taruki ratxikremy, tii heka "incenso" riworonykre tỹnydremy.
|
||
\v 8 Kia ruu ririnykreu, kia lambarina riworonykreu, tii ixiyrybyle tuu riwinymy rỹirakre.
|
||
\v 9 Ka òwòru ydò ki uritre iwahidỹỹrenyõmy "incenso" alisina, iròduõ iwahidỹỹrenyõmy, uritre *rỹsỹnasõmosõmo iwahidỹỹrenyõmy kia uritre itxiwixidrenyõmy xiwena mona besò ityre.
|
||
\v 10 Wyra sohoji bedeu Araõ òwòru ydò suròna ixena riwinymyhỹke kia ritidimy inaubiòwa weraroo juràmy kia iròdu xiwenamy rurukre hãlubu wahe, kia iny mahãdu òrarunareny ritarenykremy. Kia heka relemy rarekre ikiemy sohojimy beòra sohoji bedeu. Kaa òwòru ydò heka awityhymy rarekre aõ ibinaõmy, rahitximy wadee Deuxu Tyhyhykỹ.
|
||
\v 11 Deuxu Tyhyhykỹ rarybere Moisesi dee:
|
||
\v 12 Tiu kai iny mahãdu sõe-di mariakreu, israelita iny sohoji sohoji riwaòwynykremy, iòwy òbitimy tabededỹỹnana-di, kia bedejeijei ròhònylau, kia iny sõe-di rira rỹirahudi.
|
||
\v 13 Iny sohoji sohoji kia idirira rỹikre kia ròòwydỹỹkre prata tiwesebo rearerimy, raurihimy rautxiedỹỹkre tuu rautxiedỹỹmyhỹre wesemy. Kaa òwydỹỹna heka wadeekre, Deuxu Tyhyhykỹ.
|
||
\v 14 Mobo idiỹrira rỹikre, kia heka, hãbu sohoji sohoji waitue wyra ratyre rỹimyhỹre, riòwynykre kawesemy.
|
||
\v 15 Tiu riòwynyrenykreu tabededỹỹnanadreny kia ityhy mahãdu heka riòwynyõkre tuu rexitòenyreri ratyremy, kia iaõkõ mahãdu iòwyòki iòwydỹỹrenyõna.
|
||
\v 16 Kai bitakre Israel iny mahãdureny ribi kaa prata kia biuhekre Breò Waruki aõmysỹdỹỹna-ò. Kaa imposto heka israelita mahãdu bededỹỹnana òwydỹỹnamykre, kia-diarỹ tahe wanohõti itxi reakre arihitxinymy arirarenykremy.
|
||
\v 17 Deuxu Tyhyhykỹ rarybere Moisesi dee:
|
||
\v 18 —Biwinyke tyysurònaõ bronze-di kia irawo tule bronze-di biwinyke. Bilidike tyy suròna kia Breò kia òwòru ydò tyaki, kiata tamy bee bihynyke iro-ò.
|
||
\v 19 Araõ kia iriòre boho riuherenykre kaa bee kia tebòreny tawareny risuhòrenykremy
|
||
\v 20 kia Breò riòrewo-ò ralokremy, kia òwòru ydò-ò rehenymyrenyke kotyremy, kia xiwena rỹsỹna riteòsinyrenykremy. Kawesemy tahe tii boho tiu iruburenyõna.
|
||
\v 21 Tii boho tebòreny rihòrenykre kia tawareny rihòrenykre kia rururenyõrenykremy. Kaa heka rybe wahidỹỹnana ratyhydỹỹmy rarekremy rarekre ikiemy tamyreny kida iriòreriòrere boho tule.
|
||
\v 22 Deuxu Tyhyhykỹ rarybere Moisesi dee:
|
||
\v 23-25 —Ijõ bitake bederade tỹnyrewityhymy rỹimyhỹre kia relekremy *ungir brebuna òlỹre, kia aderòna mahãdu tuu riwinymyhỹrenyre wesemy. Kia inataõ weere litro my azeite kia myỹ biurinykre: kia debò sohoji utxiemy miha be, kia inataõ utxiemy *canela, kia inataõ utxiemy maiti lỹnyre kia debò sohoji utxiemy *cassia, kia ibutumy iutxiedỹỹmy òbitimy tuu rautxiedỹỹmyhỹre wesemy.
|
||
\v 26 Biuheke kaa azeite kia rejujukremy Breò riòre-ò Waruki, kia *arca bededỹỹnana-ò
|
||
\v 27 kia mesa kia ibutumy iaõnaõna, kia òwòru ydò roomyhỹre,
|
||
\v 28 òwòru ydõ tamy xiwena roomyhỹre, kia ibutumy iaõna aõna wana kia tyy suròna tati wana.
|
||
\v 29 Kawesemy tahe kai biwinykre ibutumy aõnaõna, kia tii boho ibutumy awithymy *relerenykre. Kia aõtxile iny mahãdu ada aõnaõna ityy-ò rorokre, kia aõhỹªmy rutỹỹnykre kia ibedeery tyhyhykỹ òraruki.
|
||
\v 30 Kaiỹbitxiwilekre Araõ ratityre kia iriòre boho ratityre kia wadee bihitxinybenykre wamy rerinanyrenykremy Deuxu rybedi ijohodureny wesemy.
|
||
\v 31 Marybekeỹ Israel iny mahãdureny-ò myỹ: —Kaa ungir òlỹre heka ikiemy rauhemy rarekre waaõmysỹdỹỹna bededỹỹnanaki.
|
||
\v 32 Kia uritre iny iuredereõmykre kia iny Deuxu rybedi ijohoduõmy rỹimyhỹre mahãdu. Kia kai boho iurederenyõmykre kaa azeite rauhemyhỹre wesemy, kia aõtxile iuridỹỹna kawesena. Kaa azeite brebuna tyhydỹỹna rare kia wesemy tahe tii raywidỹỹmy rarekre.
|
||
\v 33 Aõtxile inyõ kia azeite riywinykre kawesenamy ada txibo riuhekre kia Deuxu rybedi ijohodu aõkõ rare kia heka rateòdỹỹkre waijoi wasỹreny ykyreny ribi.
|
||
\v 34-35 Deuxu Tyhyhykỹ rarybere Moisesi dee: riwinymyhỹrenyre wesemy. Biwinyke ijõreny wiwesemy myỹ aderòna òtaòta lỹnyre: *benjoim, *nica, owoji luahi kia incenso tyhy. Kia bitxiwike saa kia ixiwesetyhymy awityhymy rỹikemy.
|
||
\v 36 Bimoenyke incenso weribiõ kia ỹnysi noderuxõmomy rexirahòrekemy. Irahudita biwyke , tai-diarỹ awana witxi areakre, kia bilidike arca bededỹỹnana koki. Bityhynyke kaa incenso iwese aõ brebunatyhymy rỹimyhỹre wesemy.
|
||
\v 37 Tiu biwinybenykreu incenso ixideerenytyhyle, kia uritre iurederenyõmy incenso brebunatyhy drelemyhỹre wesemy. Kaa incenso heka aõna brebunatyhy rare, wadee tuu raubenymyhỹre.
|
||
\v 38 Txibo inyõ riwinykre wana incenso wesemy kia riuhekremy aderònamy, kia rateòdỹỹkre waijoi wasỹ mahãdure yky ribi.
|
||
\c 31
|
||
\rem dat 1992
|
||
\rem aut Ijeseberi
|
||
\p
|
||
\v 1 Deuxu Tyhyhykỹ rarybere Moisesi-ò:
|
||
\v 2 —Diarỹ retare Bezael, Uri riòre, Hur riòreriòre, Juda mahãdu,
|
||
\v 3 kia retỹxinyre watyytybytyhydi.-diarỹ tamy rewahinyre bedeery nihikỹ, kia ibutumy aõmysỹdỹỹ òtaòta riwinykremy;
|
||
\v 4 kia riti riwinykremy kia manarỹsỹ-di raõmysỹdỹỹnykremy, manarỹsỹ-òtaòta-di;
|
||
\v 5 kia mana òtaòta wityre riòdònykremy, kia òwòru rityynykremy; kia ibutumy riwinykremy aõmysỹdỹỹ òwòru òtaòta.
|
||
\v 6 Kia retare Aoliabe, Aisamaque riòre, Dã mahãdu, kia tii wana raòmysỹdỹỹnykremy. Kia rewahinylere ibutumy bedeery aõmysỹdỹỹdu mahãdureny-ò, kia ibutumy aõmysỹdỹỹ riwinyrenykremy kia-diarỹ tuu rarybere:
|
||
\v 7 Breò riòre Waruki, "Arca" bededỹỹnana kia iratybòna, kia ibutumy Breò aõnaõna,
|
||
\v 8 kia mesa tahyna tahyna wana, kia atesina womati rỹsỹtyhy kia ibutumy taaõnareny wana, kia òwòru ydò tamy heòty roomyhỹre,
|
||
\v 9 òwòru ydò tamy xiwena roomyhỹre, kia ibutumy taaõna aõna wana, kia tyy suròna tati wana,
|
||
\v 10 kia tyyesi brey, tyy brebutyhydỹỹna kia Deuxu rybedi aõmysỹdỹỹdu mahãdu Araõ kia riòre boho riuherenykre tiu Deuxumy rerinanyrenykreu Deuxu rybedi ijohodu wesemy,
|
||
\v 11 Ungir òlỹre kia heòty lỹnyrehekỹ Bede wihikỹ-ò. Ibutumy kaa aõnaõna bededỹỹnana relekre inatyhymy timybo-diarỹ tuu rarybere mynamy.
|
||
\v 12 Deuxu Tyhyhykỹ riteranyre kia Moisesi
|
||
\v 13 rarybekremy Israel iny mahãdu-ò myỹ: —dori butuna deòsina rare kia wadee kia adeereny ikiemy, kia riteòsinykremy kia-diarỹ-diarỹ Deuxu Tyhyhykỹ raremy, kia arahitxinyrenyre wasỹ my waijoirenymy.
|
||
\v 14 Kiaremyta birarenybenyke txuu ixielehydỹỹnakiemy dori tii bede brebuna tyhyna rare adeereny. Mobo rirarenyõkre, kia raõmysỹdỹỹnykre ka txuu, kia rurukre.
|
||
\v 15 Kai boho debò inatxi txumy maõmysỹdỹỹnybenykre, kiaremy debò inatxi txu tahe txutyhydỹỹna ixielehyna rare kia wadee rahitximy roimyhỹre. Mobo aõtxile aõmysỹdỹỹ riwinykre ka txuu kia rurukre.
|
||
\v 16 Israel iny mahãdu kaa txu rirarenymyrỹ irakre iwese deòsina "arca" bededỹỹnana wesemy.
|
||
\v 17 Kia heka butuna deòsina rare kia waribi kia Israel mahãdu wana kiemy dori-diarỹ, Deuxu Tyhyhykỹ, rewinyre biuwetyy kia suu debò sohoji txu-di rehure kia debò inatxi txuu tahe ixawire amysỹdỹỹ ribi kia iu rexielehynyre.
|
||
\v 18 Kia Deuxu tarybe rahureu Moisesi wana Sinai hãwãlòki, tamy riwahinyre inatxi mana placa kia tai Deuxu òbitityhyle riritinyre rybetòedỹỹ nana.
|
||
\c 32
|
||
\rem Missing v 2 and the v 17 look like is missing some phrases
|
||
\p
|
||
\v 1 Iny mahãdu robirenyre Moisesi sõemy raroorehenymyhỹ hãwãlò ribi ydesekemy. Taita tii boho rexibutunyrenyre Araõ weruramy kia tamy raryberenyre: —Kia reeryrenyõre aõhebo Moisesi rutỹỹnyra, kaa hãbu heka riwatarenyre Egito-ribi. Kiaremyta, biwinyke wadeereny deuseõ kia rakremy wakorenymy.
|
||
\v 2 Araõ rarybere:—bitabenykre nohõtisana hãwyy mahãdu rbi tule iriòrereny-rbi kai riuherenyreri tahe wadee bdiwykre.
|
||
\v 3 Taita Israelita mahãdu ritarenyre tõhõtireny ribi womatirỹsỹ kia riwyrenyre Araõ dee:
|
||
\v 4 Tii nohõtisana rimymy ritõdetõdenyre, kia ritxiwire womatirỹsỹ hynaro-ò kiata riwinyre broreni riòre womatirỹsỹmy. Taita raryberenyre: iny boho Egito ribi ritarenyre!
|
||
\v 5 Araõ riwinyre òwòru ydò brroreni riòre womatirỹsỹ koki kia rarybere iny mahãdureny-ò: wowydymy.
|
||
\v 6 Ijõ txumy, rudiu tii boho iròdu iròduõ-didydenyde kia rookremy xiwena wesemy kia ijõ tahe rarokremy xiwena ywidỹỹna wesemy. Irahudita iny mahãdu roruurenyre reserenykremy, riroxirenymy, riõrenymy kia aõòtaòtamy rexiixinanyrerimy.
|
||
\v 7 Taita Deuxu Tyhyhykỹ rarybere Moisesi dee: —mahãdu kia kai Egito ribi tetatenyte ròrarunyrenyre kia riwahinyrenyreri.
|
||
\v 8 Tii boho ririrenyra ryy kia dτarỹ tamyreny rewahinyre idi ririranymy roirenyrekremy; riwinyrenyra broreni riòre womatirỹsỹ kia rityhynyrenyra kia tamy riwahinyrenyra xiwena. Kia raryberenyreri broreni riòre ideuxureny raremy, kia deuxu Egito ribi ritarenyremy.
|
||
\v 9 -diarỹ heka kaa iny mahãdu reeryrenyre kia heka sõemy tõhõtiõrenyre.
|
||
\v 10 Ka tahe wiji uritre wadi wisỹdỹỹõmy ariwinyõkremy, kia heka aritxiwikre wadebure ityrereny kia arihurenykre . Irahudita kai arawinykre kia ariòreriòrereny ribi hãwãdu nihikỹ my.
|
||
\v 11 Kiaremy Moisesi riwinyre ixitòedỹỹna Deuxu Tyhyhykỹ-ò taDeuxu-ò. Tii rarybere: —ainyreny-di, kia Egito ribi tetatenyte abedeery nihikỹ rurutere-di?
|
||
\v 12 Aõherekibo biwahinykre kia Egito mahãdu myỹ raryberenykre, kia ainy mahãdu Egito ribi tetatenyte kia hãwãlò ki birubunybenykremy, kia ibutumy mahubenykre? Uritre kawesemy adebureõmyke; arayky biwiurònyke kia iwidỹỹõmyke ainy mahãdu tyre aõnaõna binahãkỹ resekelau.
|
||
\v 13 Arybedi ijohodutxi õhõti reake Abraaõ, Isaque kia Ijaò. õhõti reake tuu tarybe biwinykremy tarybetxi kia tamyreny biwahinykremy sõetyhymy iriòreriòrereny rasõerenykremy, kia taina sõe biuwetyymy rỹimyhỹre wesemy. õhti realeke arybetxi kia biwahinykremy tarybetxi kua suu iriòreriòre bohoreny-ò biwahinykremy tarybete ikiemy tamyreny.
|
||
\v 14 Taita Deuxu Tyhyhykỹ tarayky riwitxiranyre kia riwinyõre aõnaõna binahãkỹ tainyreny tyre riatyre kia riwinykremy tuu rarybere.
|
||
\v 15 Moisesi hãwãlò ribi resere,-diwymy inatxi mana placa kia rybetòedỹỹna riritinymy mana weribi weribiki.
|
||
\v 16 Kia Deuxu òbitityhyle riwinyre placa-ò kia tamy riritinyre rybetòedỹỹna.
|
||
\v 17 Josue roholare iny mahãdu rirajuarenyrerimy kia rarybere Moisesi dee: —diarỹ raholareri aõbina wodỹỹ-ò.
|
||
\v 18 Moisesi rarybere: —woudu mahãdu rexihurerimy rirajuarenyreri aõkõ, kia-diarỹ raholareri iny mahãdu rawiunyrenyrerimy.
|
||
\v 19 Kia Moisesi rehemynyreu tỹ hinana tyy-ò, kia robire broreni riòre womatirỹsỹmy, kia iny mahãdu reserenyrerimy, kia sõemy reburere. kuaki, hãwãlò rawoki, tii rehure su-ò mana placa-di retyymy ratximyhỹ, kia ribòhòbòhònyre.
|
||
\v 20 Kiata broreni riòre womatirỹsỹ rimyre kia tii boho riwinyrenyre, kia risõre heòty-ò kia rimoenyre suỹ nysimy rexirahorere kia suỹ nysi bemy riuberanyre. Ilemyta riteranyrenyre Israel iny mahãdu riõrenykremy kua bemy.
|
||
\v 21 Kia Moisesi rarybere Araõ dee: —binahãkỹ biwinykremy?
|
||
\v 22 Araõ rirawyònyre: —rexihumy ratximyhỹ renyre ikiemy aònaõnabina riwinyrenykremy.
|
||
\v 23 Tii boho wadee raryberenyre: "Kia reeryrenyõre aõhebo Moisesi rutỹỹnyra, kua hãbu riwatarenyre Egito ribi. Kiaremyta, biwinyke wadeereny deuseõ kia riwadinidunyrenykremy.”
|
||
\v 24 Tai tamyreny rarybere mobo iaõna womatirỹ sỹ ijõdire ritakremy wadee riwahinykremy. Kia kua iaõnaõnarenydi rehure heòty-ò, kia iribi ròhònyre kaa broreni riòre!
|
||
\v 25 Moisesi robire kia Araõ riwahinyremy iny mahãdu idireny tarukirenyõmy, kawesemy riwinymy kia iòludureny idireny risinykremy.
|
||
\v 26 Taita rỹ ire tỹ hinana ròtenaki kia rarybere: —edehemynykre! weruramy.
|
||
\v 27 Kia tii rarybere: —sohoji sohoji atõnorireny bimybenykremy kia boibenykre bede tỹ hinanadu, bede jurà juràmy, birubunybenymy asỹ reny, abiòwareny kia aheto bireludureny.
|
||
\v 28 Levita mahãdu rityhynyrenyre Moisesi rybe kia rirubunyrenyre kua txuu aõmamy òsỹ ny inataõ mil hãbu sõemy.
|
||
\v 29 Moisesi rarybere Levita mahãdu-ò aseriòrereny kawesemy tahe texiwahinytenyta Deuxu rybedi ijohodu wesemy, Deuxu Tyhyhykỹ aõmysỹdỹna-ò. Aõherekibo kai boho tuu tewinytenyta, Deuxu adeereny riwahinyra wiji tarybewihikỹ.
|
||
\v 30 Ijõ txuu Moisesi rarybere iny mahãdu deereny: araòwònykre ixybyle hãwãlò-ò kia Deuxu Tyhyhykỹ-ò ararybekremy. Aõhe wana-diarỹ ariwinykre kia tii aòrarureny ixyby risuhòkremy.
|
||
\v 31 Moisesi roosere ibedeki tai Deuxu Tyhyhykỹ ratximyhỹ-ò kia rarybere: Tii boho womatirỹ sỹ broreni riòre deuse riwinyrenyra kia tuu rerinanyrenyre.
|
||
\v 32 Aõkerỹ bo bisuhòke iòrarureny! Kiaremy, txibo iòrarureny bisuhòõkreki, kia wani bitakre atyyritiwo ribi, kia tai teritinyte inyni mahãdu aijoireny mahãdu.
|
||
\v 33 Taita Deuxu Tyhyhykỹ rarybere Moisesi dee: —riwinyrenyre waòludumy.
|
||
\v 34 Ka tahe wiji make kia bidybenyke iny mahãdu kua bede-ò kia-diarỹ tuu rarybere. õhõti reake kia wanjo adi retehekre. Kiaremy tamy bede rehemynyreri kia arirarytxynykre kaa iny mahãdu iòrarureny òraruki.
|
||
\v 35 Iurenana Deuxu Tyhyhykỹ rirarytxynyrenyre israelita mahãdu kia webinadu-di, kiemy dori tii boho riteranyrenyre Araõ kia broreni riòre womatirỹ sỹ riwinykremy.
|
||
\c 33
|
||
\p
|
||
\v 1 Deuxu rarybere Moisesi-ò: —Bòhònybenyke karibi maòwònyke, kai kia iny mahãdu tetatenyte Egito su ribi kua su-ò, kia tuu rarybere ariwahinykremy Abraaõ dee, Isaque dee kit Ijaò dee, myỹ rarybemy: —ariòreriòrereny-ò ariwahinykre.
|
||
\v 2 -diarỹ ariteònykre sohoji Anjo adi itxeredumy kia ariteònyrenykre canaeu mahãdu, amorreu mahãdu, hetu mahãdu, perizeu mahãdu, heveu mahãdu kia jebuseu mahãdu.
|
||
\v 3 Kai boho bòibenykre suwihikỹ tyhyhykỹ-ò. Kiaremyta-diarỹ araõkre, kiemy kai boho iny mahãdu nohõtiõreny toite, kia-diarỹ arahurenyheny rywetyaki.
|
||
\v 4 Kia Moisesi kaa rybe riwahinyreu israelita mahãdu-ò, tii boho tahireny taibrureny riòrarunyrenyre, kia inyõ riuheõhyyre tawomati aõna aõna.
|
||
\v 5 Taita Deuxu Tyhyhykỹ tarybe riwahinyre Moisesi tamyreny rarybekremy: —Kai boho heka iny nohõtiõreny toitenyte. Txibo-diarỹ aherenyki butumy arakeki, kia urihimyòtyhyle arakehãrele,-diarỹ arahurenyke ikietyhylemy. Ka tahe bitabenyke awomati aõnaõnareny, kia-diarỹ araerynymy araywinyrenykre adireny.
|
||
\v 6 Kawesemy, irahudi israelita mahãdu ròhònyrenyre Sinai hãwãlò ribi, kia ixyby womati aõna aõna riuherenyõrenyre.
|
||
\v 7 Ikiemy Israel iny mahãdu ratỹhinanymyhỹrenyre, kia Moisesi reòarimy ratximyhỹre Heto riòre brebuna teredỹỹmy kia tỹhinana ribi ireheriòremy. Tii heka raninire Heto riòre Deuxu Ruki ludu, kia inyõ aõmy rỹỹraxikemy Deuxu Tyhyhykỹ-ò kia tamyhỹkỹle rake.
|
||
\v 8 Tiu Moisesi ròhònymyhỹreu Heto riòre-ò rakremy, iny mahãdu tahetoreny ijotxi retehemy rỹimyhỹrenyre Moisesi tamy ròtemy ramyhỹre-ò.
|
||
\v 9 Kia tii ralòmyhỹre rahudi, biuwetyy ura desemy namyhỹre kia Heto riòre ijòki ruhumy roimyhỹre; kia biuwetyy ura ribi Deuxu Tyhyhykỹ rarybemyhỹre Moisesi dee.
|
||
\v 10 Kia iny mahãdu biuwetyy uramy robimyhỹrenyreu Heto riòre ròtenaki, ibutumy tii boho tatiòhumy resemyhỹrenyre.
|
||
\v 11 Deuxu Tyhyhykỹ rarybemyhỹre Moisesi wana wiòsỹny òsỹnymy, kia iwese inyõ tabiòwa wana widee rarybemyhỹrenyre wesemy. Irahudita Moisesi ròòsemyhỹre tatỹhinyna bede-ò. Kiaremy Josue, Num riòre, weryrybò Moisesi wiòhedỹỹdu, Heto Riòreki ratximyhỹre.
|
||
\v 12 Moisesi rarybere Deuxu Tyhyhykỹ dee: —Inatyhy aõbo tiwawahinyteri iny mahãdudi arakremy kua su bede-ò, kiaremy uritre wadee rybeõmykre inyõ wahemy raõkremy. Kia rarybere riwaerywiremy kia teysamy ratxireri wa wana.
|
||
\v 13 Ka tahe wiji, txibo kaa kawesereri wana, manarybeke wadee ibededỹỹnanamy kia-diarỹ umy arerinanykremy ikiemy umy areàlàmy ararekremy. õhõti reake kia kaa iny mahãdu ahõrõmy tetatenyte txi.
|
||
\v 14 Deuxu rarybere: —Diarỹ awana arakre kia adee ariwahinykre aõwiwihikỹ.
|
||
\v 15 Taita Moisesi rirawyònyre: —Txibo aijoi asỹreny mahãdu wana maõkre wana,-diarỹ boho karibi aròhònyrenykelau biwatòenybenykre ka bede ribi.
|
||
\v 16 Timybo tahe iny witxira mahãdu rieryrenykre kia taijoi tasỹreny kia wadi teysamy ratxirenyreri, txibo waherenymy ròirenyõkeki tahe? Kia wakireny atximyhỹte heka riwateòsinymyhỹrenyre-diarỹ boho iny witxira suludu ribi iwitxiramy.
|
||
\v 17 Deuxu Tyhyhykỹ rarybere Moisesi dee: —Aixitòedỹỹna ariwinykre kiemy dori araerywityhyre, kia kai teeryte waõwidỹỹnana.
|
||
\v 18 Tai Moisesi rexitòenyre: —Aõkerỹbo, txioini biwawahinyke loosona òderamy arobikemy atyy ludumy.
|
||
\v 19 Deuxu rirawyònyre: —Diarỹ ariwinykre ibutumy waòderana ròhònykremy akoki kia adee ararybekre tibo wanityhy raremy.-diarỹ heka Deuxu Tyhyhykỹ rare kia ixideewimy inydi arawotoekre mia iny-di araruxetòekre ixideewimy.
|
||
\v 20 Kia rarybere ihãremy: —Ariwahinyõkre kai waòsỹnymy bobikemy, kiemy dori inyõ waòsỹnymy robike aõkõre kia ikiemy irumy ratximyhỹre.
|
||
\v 21 Kaki bedeõ watyyki ijõdire, tai kai myikre mana ura tyre.
|
||
\v 22 tiu loosona òderana watyy ribi rohònykreu,-diarỹ aralidikre mana ura rawoki kia wadebò-di arahetynykre-diarỹ aròhònykremy.
|
||
\v 23 Irahudita aritakre wadebò, kiata kai wamy bobikre wahewo ribi, kiaremy waòsỹnymy bobiõkre.
|
||
\rem dat 1993
|
||
\c 34
|
||
\p
|
||
\v 1 Deuxu rarybere Moisesi dee: —Bihòke inatxi taba mana, kia kodele wesemy wadee hãwãlòki, kia-diarỹ ariritinykre warybe yrybutyhyle kia komy tabaki iritina roimyhỹre wesele, kia rakrore wahe.
|
||
\v 2 Rudiu bexiywinymy matxikre; kia rudihikỹ maòwònykre Sinai hãwãlò-ò kia tai biwaraokre, hãwãlò ratyyki.
|
||
\v 3 Inyõ awana raòwònyõkre kia inymy bobiõhyykre hãwãlò bedeki. Kia budoeni mahãdu ada broreni mahãdu hãwãlò koki asimy riroxirenykre.
|
||
\v 4 Moisesi rihòre inatxi taba mana kia kodele wesemy, kia rỹire rudihikỹ kia Sinai hãwãlò-ò raòwònyre, timybo Deuxu tamy rarybere mynamy, kia riwyre teboki inatxi taba mana.
|
||
\v 5 Deuxu desede biuwetyyura ykyki kia tai iki wana ratximyhỹ. Tii Deuxunimy rarybemyhỹ.
|
||
\v 6 Deuxu reare ikoki kia tii rirajuare: —Deuxu! Deuxu! Deuxu inydi wobrudu inydi ruxetòedu, Kia sõemy inymy terinanymyhỹte, òbitityhymy;
|
||
\v 7 Kia terarenymyhỹte aderina sõetyhymy, Kia inyõ riwahinyõmyhỹre rararytxykemy. Kia rirarytxynymyhỹre uladu tybyõmy rỹimyhỹrenyre iriòrereny-ò kia iriòreriòrereny-ò, Kia inataõna kia inaubiòwana riòreriòre-ò.
|
||
\v 8 Kia aõtamaõkõ Moisesi tatiòhumy resere su-ò kia Deuxumy rerinanyre;
|
||
\v 9 irahudi tii rarybere: —Deuxu, txibo inatyhymy waki abedesamy tahãteri wana,-diarỹ adee rexitòenyreri wawanareny manakremy. Kaa iny mahãdureny heka tõhõtiõrenyre, urileta waòrarureny bisuhòke wamyreny beàlàke, waõ binabinarenymy beàlàke kia biwamybenyke aijoireny asỹreny wesemy.
|
||
\v 10 Taita tii rarybere: —kia warybewihikỹ adeereny ariwinykre. Ariwinykre ibutu ruki aijoi wiwihikỹ kia aõ riwinyrenyõre iwesemy, kia ibutumy suki, iny mahãdu hãwãhãkỹmy rỹimyhỹredeereny. Ibutumy kaa iny mahãdu, kia ityarenyki atxiteri, kia robirenykre Deuxu aõmysỹdỹỹnamy, kiemy dori aõna brebuna ariwinykre adee.
|
||
\v 11 Kia betehewiwikre aõmybo adee rarybereri-ò: ariteònykre ako ribi amorreu mahãdu, cananeu mahãdu, heteu mahãdu, ferezeu mahãdu, heveu mahãdu kia jebuseu mahãdu.
|
||
\v 12 Betehekre rybe ariwinykre kia iny sumy hãwãnymyhỹrenyre boho wana tiobo ròirenykremy; kia adee bedebina ròhònyhenylau.
|
||
\v 13 Iribiòtumy, iòwòrureny ratòò ariatykre kia itireny imynydu aribòhònykre:
|
||
\v 14 —Uritre iwitxira su ritxoo deuxu tyhydỹỹõmykre. Kiemy dori-diarỹ rexininimyhỹre Deuxu aõ itxesedumy kia akireny reijemyhỹre wamy sohojile berinanybenykremy.
|
||
\v 15 Uritre iwidỹỹõmykre rybe ywidỹỹna kia sumy rahãwanymyhỹrenyre bohoreny wana. Uritre iwahidỹỹõmyke kia iritxooreny deuse dee rexiwahinykelau kia tamy rexixiwenyrenykelau, inyõ adee rarariòwyke kia birỹsỹke ixiwenareny rỹsỹna,
|
||
\v 16 kia mahãỹnanyke hãwyy mahãdu ariòre boho hãwyy kia ariòrereny hãbu mahãdureny-ò kia iriòre boho hãwyy rexiwahinyrenyke iritxooreny deusureny wana, kia biwinylekre kia ariòre boho hãbu rexiwahinyrenykre kia iritxooreny deusureny wana.
|
||
\v 17 —Uritre iwidỹỹrenyõmykre deuse womati binahãkỹ, uritre tuu derinarenyõmykre.
|
||
\v 18 —Biwinymy boibenybekre paõ iuriõ ixenadi. Timybo adee rarybere mynamy, birỹsỹmy boibekre paõ iuriõ txuu debò inatxi txumy abibe* ahãdu bedeu, kia heka ibedeu òbiti rare, kiemy dori ka ahãduu kai boho tahònytenyte Egito ribi.
|
||
\v 19 —Ibutumy aõbo ròhònykre kodelemy tadi huỹtò ribi kia wahõrõ rare; ibutumy hãbu mahãdu, ibutumy abudoenireny ribi kia abrorenireny ribi.
|
||
\v 20 Ka, txibo kai boho ixidee bimybenykreki jumento riòre weryry adela, budoeni riòre birubunybenyke waxiwenamy; txibo terarenykreki, jumento riòre lòti biòròbenykre. Kia atxibenykremy ibutumy ariòrereny adeladi, kia biòwynybenykre iòwy tuu raywiremy. —Inyõ uritre wako-ò dehemysỹmyõmykre xiwenaõmy.
|
||
\v 21 —Debò sohoji txumy maõmysỹdỹỹnybenykre; kiaremy uritre debò inatxi txuu aõmysỹdỹỹrenyõmykre, kia su aradỹỹrenyõmy ada aõwirederenyõmy.
|
||
\v 22 —Kia biwinymy boibenybeke Aõwiredena Ixenadi kia tiu teòrarunymyhỹtenyteu kodelemy maixõmoni rede. Kia biwinymy boibenybeke Heto riòre ixenadi, tiu kai boho ibederatyreny bihebenykreu.
|
||
\v 23 —Inataõ bedeõmy sohoji wyramy ibutumy hãbu mahãdu tayyreny ribi rexitỹnynyrenykre Deuxu koki, Israel Deuxu koki.
|
||
\v 24 Aõreherekibo reteònyre iny mahãdu ihãwahãkỹreny ribi akoki, kia arinihikỹdỹỹnykre isureny; inyõ isureny-ò rehemynyke aõkõre, kia raòwònykreu Deuxu koki, inataõ bede wyra sohojimy.
|
||
\v 25 —Uritre iwahidỹỹõmykre waxiwena hãlubu, kia paõ iuridi wana; kia rariõhyykre xiwena pascoa ixena rumy kia biurasò-ò.
|
||
\v 26 —Biwahinykre kodelemy bederaty wihikỹ raratynymyhỹre asuludu Deuxu heto-ò, aDeuxu. —Uritre iheradỹỹõmykre budoeni riòre adi huỹsyroki.
|
||
\v 27 Deuxu rarybere Moisesi dee: —Biritinyke kaa rybe, tirybetyhybo-diarỹ rewinyre rybe wooxina awana kia Israel wana.
|
||
\v 28 Moisesi Deuxu wana kuaki ratxire 40 txumy 40 rumy; paõ rirỹsỹõre, bemy riõke aõkõre, kia riritinyre taba-ò debò ituemy rybe wooxina sõe.
|
||
\v 29 Moisesi Sinai hãwãlò ribi desedeu,-diwyde inatxi taba inatyhymy deòsidỹỹnana, kia rexieryõhyyre iòsỹny rarỹsỹnymyhỹ kia irahudi Deuxu wana widee rarybere rahudi.
|
||
\v 30 Ka Araõ kia israel riòre mahãdu, retehemynyhỹreny Moisesi òsỹnydi rarỹsỹnymyhỹdi, kia ilau ruberurenyre ityy-ò rehemynyrenykelau.
|
||
\v 31 Kia tamyreny ryryrenyre, kia ròòserenyre tamy, Araõ kia rybebutuna wedureny tule. Irahudi tamyreny rarybere,
|
||
\v 32 kia ityy-ò rehemynyrenylere ibutumy israel riòre mahãdu, kia tamyreny ibutumy riwahinyre rybetòedỹỹna kia rimyre wahe Deuxu ribi Sinai hãwãlòki.
|
||
\v 33 Kia tarybe rahureu, tyyre taòsỹny tyre ritidire.
|
||
\v 34 Kia ralòmyhỹu Deuxu wana witxi reakremy kia rarybemyhỹ iki wana, kia ritamyhỹre tyyyre ròhònymyhỹuhukỹle, kiata rarybemyhỹre Israel riòre mahãdu-ò ibutumy aõmybo tamy raryberemy.
|
||
\v 35 Tii boho robimyhỹreny Moisesi òsỹnymy ròhònykrekotyre kia raòderanymyhỹ, kia tii taòsỹny ixybyle rihetynymyhỹ, kia tamyreny rarybemyhỹreki.
|
||
\rem dat 1993
|
||
\c 35
|
||
\p
|
||
\v 1 Moisesi ributunyre ibutumy Israel iny mahãdu kia tamyreny rarybere: —Kiamy heka Deuxu Tyhyhykỹ rarybere kai boho biwinybenykremy:
|
||
\v 2 Kai boho ijõdirenyre debò sohoji txumy maõmysỹdỹỹnybenykremy, kiaremy debò inatxi txu tahe ratyhydỹỹmy rarekre, txu bedebiòwana Deuxu Tyhyhykỹ dee rahitxire. Aõtxile inyõ aõ aõmysỹdỹỹ riwinykreki ka txuu kia rurukre.
|
||
\v 3 Kia sabadu txuu uritre heòty iworodỹỹrenyõmykre ahetoworenyki.
|
||
\v 4 Moisesi rarybere ibutumy Israel iny mahãdureny-ò: —Kamy heka Deuxu Tyhyhykỹ rarybere:
|
||
\v 5 Xiwenaõ biwinybenyke Deuxu Tyhyhykỹ dee. Inyõ ixideewimy riwinykreki kia idiwykre xiwena mana rỹsỹ, manarỹsỹ òtaòta;
|
||
\v 6 budoeni sityy lỹre, isò; esõdetisõmo; bodi hãwyy sityy relemyhỹre;
|
||
\v 7 budoeni riòre sityy rasòdỹỹmy kia isityy brey; acacia òwòru;
|
||
\v 8 Atesina adỹỹ; aderònawihikỹ kia adỹỹ iny rati-ò ratxiwikremy raywidỹỹmyhỹre kia owoji rookre rilỹnyrenykremy;
|
||
\v 9 ônix mana kia iwitxira mana òtaòta iòwyhykỹmy rỹimyhỹre kia Deuxu rybedi ijohodu tyy-ò ralidikremy kia ibretiki tyy roimyhỹre-ò ralidikremy Deuxu rybedi ijohodu nihikỹ-ò.
|
||
\v 10 —Ibutumy hãbu mahãdu tetirenymy rỹimyhỹrenyre ydòidenykre kia ibutumy riwinyrenykremy aõmybo Deuxu Tyhyhykỹ raryberemy,
|
||
\v 11 kia heka , Heto riòre rare, kia ihetydỹỹna iwo ribi iwebrò ribi, imynydureny, itaadureny, itò werehedireny, iòwòru sõmosõmo, kia irawoludureny;
|
||
\v 12 arca bedeywidỹỹnana, iti sõmosõmo, iratybòna kia tyyesi rihitxinykremy Bedewityhyhykỹ hãwã;
|
||
\v 13 mesa, iti sõmosõmo kia ibutumy iaõna aõna wana; paõ Deuxu dee rauwidỹỹmyhỹre;
|
||
\v 14 atesina òtaòta taõna aõnareny wana; atesina taladỹỹ wana;
|
||
\v 15 òbiuna tamy owoji roomyhỹre kia tati sõmõmo wana; adỹỹ iny rati tyre ratxiwimyhỹre; owoji lỹnyrewihikỹ; tyyesi Heto riòre ròtenaki roimyhỹre;
|
||
\v 16 obiuna tamy xiwena raobiumyhỹre; tati sõmosõmo wana kia obiuna taõna aõna uhe wana; pia tati wana;
|
||
\v 17 tyyesi ubeki roimyhỹre, tati sõmosõmo wana kia tarawoludu wana; tyyesi ube ròtenaki roimyhỹre;
|
||
\v 18 uhuariti kia Heto riòre reruti kia uhuariti kia ube reruti;
|
||
\v 19 kia tyy Deuxu rybedi ijohodu mahãdu riuherenykre tiu rerinanyrenykreu Bedewihikỹ hãwãki, kia heka, tyy tyhydỹỹna brebuna Araõ kia iriòre boho tyyreny rare.
|
||
\v 20 Taita Israel iny mahãdu ròirenyre tahetoreny-ò,
|
||
\v 21 kia ibutumy inatyhymy aõmybo rekoarenyremy kia dòòsedenyde xiwenaõ-diwydenyde Deuxu Tyhyhykỹ dee, Deuxu Heto Riòire relekremy. Tii boho ibutumy-diwydenyde aõtyhytyhy riwyrenyre Deuxumy rerinanyrenykremy kia Deuxu rybedi ijohodu mahãdu tyy riwinyrenykremy.
|
||
\v 22 Dòidenyde hãbu mahãdu, hãwyy mahãdu, ibutumy awimy ixideewirenymy kia-diwydenyde rademynyna, nohõtisana, debò, deorutysana kia ibutumy aõnaõna òtaòta womatirỹsỹ-diwydenyde. Kia kaa xiwena Deuxu Tyhyhykỹ dee tuube rỹire.
|
||
\v 23 Kia-diwyledenyde xiwena wesemy esõdetisõmo, budoeni sityy lỹre, isò, tyyesi budoeni hãwyy sityy relemyhỹre, budoeni òtaòta sityy rasòdỹỹmyhỹre kia isityy brey.
|
||
\v 24 Ibutumy aõ ijõdirenyre riwahinyrenyre-diwydenyde manarỹsỹ òtaòta xiwena wesemy Deuxu Tyhyhykỹ dee, kia tule iny mahãduõ acacia òwòru ijõdire riwahinyrenyre kia rauhekremy aõtxile aõmysỹdỹỹ idi riwinyrenykremy.
|
||
\v 25 Ibutumy hãwyy mahãdu bedeery-diwydenyde aõbo rexihumy relere: esõdetisõmo, budoeni sityy lỹre, isò.
|
||
\v 26 Tii boho tule cabra sityy riwinyrenyre tyyesimy.
|
||
\v 27 Iny tyhytyhy mahãdureny aòdinodumy rỹimyhỹrenyre-diwydenyde ônix mana kia iwitxira mana òtaòta iòwyhykỹmy rỹimyhỹre-diwydenyde kia ralidikremy Deuxu rybedi ijohodu tyy-ò, kia Deuxu rybedi ijohodu nihikỹ tyy breti-ò ralidikremy.
|
||
\v 28 Kia-diwydenyde aderòna kia adỹỹ-diwyledenyde atesina-ò, kia iny rati-ò ratxiwikremy kia toosòna rỹnyrenykremy.
|
||
\v 29 Ibutumy Israelita mahãdu-diwydenyde sõemy ixideewirenymy taxiwenareny Deuxu Tyhyhykỹ dee, kia iaõmysỹdỹỹnamy kia Moisesi dee tuu rarybere tuu relekremy.
|
||
\v 30 Moisesi rarybere Israel iny mahãdureny-ò: —Deuxu Tyhyhykỹ ritara Bezalel, Uri riòre, kia Ur riòreriòre, Juda hỹỹna mahãdu.
|
||
\v 31 Deuxu ritỹxinyra tatyytyby bedeerydi kia tamy bedeery riwahinyra kia riwinykremy ibutumy aõmysỹdỹỹ òtaòta;
|
||
\v 32 kia desenha riwinykremy kia womati rỹsỹmy raõmysỹdỹỹnykremy, manarỹsỹ òtaòtamy;
|
||
\v 33 mana òtaòta-ò rybe ritina riwinykremy kia manawiwi wityre riydònykremy; kia òwòru riworynykremy; kia riwinykremy ibutumy aõmysỹdỹỹ òtaòta.
|
||
\v 34 Deuxu Tyhyhykỹ riwahinyre Bezalel dee kia Aoliabe dee, Aisamaque riòre, Dã hỹỹna mahãdu, kia iny witxira rierynanykremy.
|
||
\v 35 Tii tamyreny riwahinyre ibedeerymy ratxirenykremy kia ibutumy aõmysỹdỹỹ òtaòta riwinyrenykremy, ròdesenharenykremy, tyyesi riwinyrenykremy, esõdetisõmo, budoeni sityy lỹre, isò kia iwitxira tyyesi riwinyrenykremy. Tii boho ibedeeryreny ijõdirenyre kia ibutumy aõmysỹdỹỹ òtaòta riwinyrenykremy kia ròdesenharenykremy.
|
||
\c 36
|
||
\rem dat 1993
|
||
\p
|
||
\v 1 —Bezalel, Aoliabe kia ibutumy ijõ mahãdu aõriti widỹỹdu, kia tamyreny Deuxu Tyhyhykỹ ibedeeryrenymy tetimy roirenyrekremy, kia ibutumy rieryrenykremy kia aõmybo rasiranyreri Deuxu Heto riòre Brebuna relekremy, kia ibutumy riwinyrenykre timybo Deuxu Tyhyhykỹ tarybe riwahinyremy.
|
||
\s Iny Mahãdu Xiwenareny
|
||
\v 2 Moisesi rarariowyre Bezalel dee, Aoliabe dee kia ibutumy ijõ mahãdu aõritiwidỹỹdu mahãdu, kia tamyreny Deuxu bedeery riwahinyrenyre kia awimy ixideewimy iny aõki riwiòhenanymyhỹrenyre, kia tamyreny rarybere taõmysỹdỹỹ riòrarunyrenykremy.
|
||
\v 3 Tii boho rimyrenyre Moisesi ribi xiwena kia israelita mahãdu-diwydenyde Deuxu Heto riòre Brebuna riwinyrenykremy. Kia rudiu tuhyy Israel iny mahãdu riwymyhỹrenyre Moisesi dee xiwena.
|
||
\v 4 Taita aòritiwidỹỹdu mahãdu kia aõmysỹdỹỹ riwinymyhỹrenyre
|
||
\v 5 ròirenyre Moisesi dee rybemy. Tii boho myỹ raryberenyre: —Iny mahãdu heka sõetyhymy aõnaõna-diwymyhỹdenyde kia Deuxu aõmysỹdỹỹ relekremy tuu rarybere.
|
||
\v 6 Taita Moisesi tarybe riwahinyre kia ibutumy tai aõmysỹdỹỹ relemyhỹre-ò inyõ ixyby xiwena iwydyrerenyõkremy kia Deuxu Heto riòre Brebuna dee. Kia tahe iny mahãdu aõ riwyrenyõhyyrenyre.
|
||
\v 7 Kiemy dori aõnaõna rabutudỹỹre heka raòbyre kia ibutumy aõmysỹdỹỹ relekremy kia ihãremy rohenyre.
|
||
\v 8 Kiaremy tahe hãbu mahãdu bedeerytyhy kia aõmysỹdỹỹdureny wana riwinyrenyre Heto riòre Deuxu Tyhyhykỹ ruki ludu. Tii boho riwinyrenyre debòituemy tyyesi sõe kia esõdetisõmo, kia budoeni sityy lỹre, isò. Kia tyyesiki roimyhỹre hãbu nawii wesemy tedimy.
|
||
\v 9 Kia ibutumy tyyesi wiweselehekỹ rỹirenyre, kia iurihina 12 metro weeremy irehe, kia sohoji metro 80-my iwebese urihina.
|
||
\v 10 Tii boho riretyrenyre iruyremy ijõ tyyesi widee wideereny, kia sohoji tyyesihyylemy relere; kia iyrybutyhyle riwinyrenyra ijõ tyyesi iruyre.
|
||
\v 11 Kia ritidirenyre tyyesi raserase lỹre iwebrò konana weijàti sohoji sohojimy.
|
||
\v 12 Rilidirenyre 50-my tyyesi raserase kodele weijàtiki tyyesi kia 50-my ionana tyyesi weijàtimy, kia inatxina aõna, kia awityhymy tyyesi raserase mahãdu wikoki rỹirenyre.
|
||
\v 13 Inatxi tyyesi adehuna rararytxyrenyre wideereny kia 50-my imynydu womatirỹsỹ ykyki, kia heka relemyhỹre sohoji tyyesihyylemy.
|
||
\v 14 11-my cabra tyyesi sõe kia riwinyrenyre Heto riòre Hetymy.
|
||
\v 15 Kia riwinyrenyre ibutumy iyreyre wiwese yrybule, kia heka myre, kia ibutumy 13 kia 30-my irehereny, kia sohoji metro 80-my iwebese.
|
||
\v 16 Kia riretyrenyre wimywimyreny iruyre my iyreyre sõe, kia sohoji tyyesihyylemy reare.
|
||
\v 17 Kia ritidirenyre 50-my tyyesi raserase sõe ionana tyyesi webrò yre-ò kia 50-my tyyesi raserase ijõ tyyesi webrò-ò.
|
||
\v 18 Irahudi riwinyrenyre 50 my imynydu sõe manarỹsỹ òtaòta kia rimyrenykremy inatximy tyyesi wideewidee kia sohoji ubetalemy relekremy.
|
||
\v 19 Ixyby sohoji ubeta riwinyrenyre, budoeni sityy ire isòdỹỹ; kia katyreta ritidirenyre ijõ hety, iròdu sityy brey-di riwinyrenyre.
|
||
\v 20 Kia riywinylerenyre acacia òwòru kia Heto Brebuna wetimy relekremy.
|
||
\v 21 Kia iweti sohoji sohoji inatximy ihyna ijõdire kia wii ributunyrenykremy. Ibutumy Heto riòre weti mahãdu ihynareny ijõdire,
|
||
\v 22 acacia owoki inatxi irotenamy ijodire tai widee ributunykremy.
|
||
\v 23 Kia waitue sõemy Heto riòre weti riwinyrenyre, iraru weribi-ò,
|
||
\v 24 kia iraworenyki waitue sõemy Heto riòre weti riwinyrenyre, ritidirenyre 40-my irawoludu mana òtaòta-di, inatximy Heto riòre weti rawo sohoji sohoji ki.
|
||
\v 25 Kia Heto riòre Brebuna ibòò weribiki riwinyrenyre waituemy Heto riòre Brebuna weti sõe
|
||
\v 26 kia 40-my irawoludu sõe mana òtaòta-di, inatximy sõe kia Heto riòre Brebuna weti sohoji sohoji.
|
||
\v 27 Kia Heto riòre Brebuna hewoki, ibràra weribiki, riwinyrenyre debò sohoji sõemy Heto riòre Brebuna weti
|
||
\v 28 kia ixyby inatxi Heto riòre Brebuna roosiki.
|
||
\v 29 Kaa Heto riòre Brebuna weti roosiki rỹire heka rabutudỹỹre irawoki, kia sohoji aõnahyylemy relemy kia kodelemy womati rurawo biuki rỹimyhỹreòhòkỹle. Inatxi Heto riòre Brebuna weti relerenyre inatximy Heto riòre Brebuna weraroomy kia kawesemy ritidirenyre.
|
||
\v 30 Kawesemy tahe ijõdire debò inataõ sõe Heto riòre Brebuna weti kia 16-my irawoludu sõe manarỹsỹ òtaòta, inatximy sõe Heto Riòr Brebuna weti sohoji sohoji-ò.
|
||
\v 31 Kia ilemyta riywinyrenyre waiyremy acacia òwòru tòwerehedimy. Kia iruyremy tòwerehedi imynydumy Heto riòre Brebuna weribiki,
|
||
\v 32 kia iruyremy tòwerehedi sõe ijõ weribi mynydumy kia iruyremy tòwerehedi sõe beàra weribi-ò, ihewoludu bedeki.
|
||
\v 33 Kia ityaludu tòwerehedi ròhònymyhỹre metro urihina weeremy Heto riòre Brebuna wetidi, kia ijõ weribiòhòkỹre ròhònymyhỹre.
|
||
\v 34 Kia womatirỹsỹ-di Heto riòre Brebuna weti mynydu rihetynyrenyre kia tamy ritidirenyre womatirỹsỹ rurawo, kia idi reruti ròhònymyhỹre, kia womatirỹsỹ-di rihetynylerenyre.
|
||
\v 35 Kia riwinyrelerenyre sohoji tyyesi brey kia budoeni sityy lỹre-di, isò isòtyhy-di kia riritinyrenyre hãbu nawii wese tedi my rỹimyhỹre wesemy.
|
||
\v 36 Kaa tyyesi rimykremy, kia inaubiòwa my òwòrusõmo riderenyre womatirỹsỹ-di rihetynylerenyre; kia tyyesi mynydu heka womatirỹsỹlehekỹ rỹirenyre, kia inaubiòwamy òwòru irawoludu sõe kia manarỹsỹ òtaòta-di rihetynyrenyre.
|
||
\v 37 Kia Heto riòre Brebuna ròtenaki riwinyrenyre tyyesi brey kia budoeni sityy lỹre-di, isò, isòtyhy rỹimyhỹre, kia riyrinyrenyre.
|
||
\v 38 Kia kaa tyyesi rimykremy, kia riwinyrenyre iruyremy òwòru sõe, kia imynydureny wana, kia womatirỹsỹ-di rihetynylerenyre òwòru biuludu kia tyyesi terena tule. Kia riwinyrenyre iruyremy irawoludu manarỹsỹ òtaòta kia imynydu-ò.
|
||
\rem dat 1993
|
||
\c 37
|
||
\p
|
||
\v 1 Bezalel riwinyre arca bededỹỹnana kia acacia òwòrudi; arca rarie sohoji metro my, kia debòitue metro my iwerehe, kia 66 cm my iwebese, kia 66 cm my irarie.
|
||
\v 2 Tii manarỹsỹtyhydi rihetynyre iwo ribi kia iwebrò ribi, kia rilidire ibutumy iwebrò ribi remate manarỹsỹ.
|
||
\v 3 Riwinyre inaubiòwa my womatirỹsỹ rurawo kia ritidire inaubiòwa my Arcatimy, kia inatxi rỹimyhỹ wiòwiò ki.
|
||
\v 4 Tii riwinyre idi itxyynamy acacia òwòru kia manarỹsỹ-di ibutumy rihetynyre.
|
||
\v 5 Irahudi rirutàre womatirỹsỹ rurawo-ò inatximy arca weribiki rỹimyhỹre, kia idi itxyy rỹimyhỹkremy.
|
||
\v 6 Bezalel riwinyre iratybòna womati rỹsỹtyhyhykỹ kia sohoji metro kia debòitue cm my irehe, kia 66 cm my iwebese.
|
||
\v 7 Tii riwinyre querubins* iròdu iny wesemy tedimy,
|
||
\v 8 mana rỹsỹdi riwinyrenyre, kia sohoji sohoji my iratybòna jurà-ò. Tii riwinyrenyre kia sohojihyylemy rỹikremy iratybòna wana. \f +
|
||
\fqa - sohoji sohojimy iratòbònamy. Tii riwinyre rirahòremy sohoji ratòbònalemy. \f*
|
||
\v 9 Kia querubim boho ikoki rỹimyhỹrenyre widee wideereny, reteherenymy iratybòna-ò, kia teratytireny ritytemy ritybònymyhỹrenyre iratybòna.
|
||
\v 10 Bezalel riwinyre mesaõ acacia òwòrudi, kia myỹ iurihinana: 88 cm my irehe, kia 44 cm my iwebese, kia 66 cm my irarie.
|
||
\v 11 Tii rihetynyre mesa mana rỹsỹtyhydi kia ritidire remate manarỹsỹ iwebrò webròmy.
|
||
\v 12 Kia riwinylere mesa webròmy sohoji friso inaubiòwa wajuhu sõe webesemy kia ritidire sohoji remate manarỹsỹ friso webròmy.
|
||
\v 13 Riwinyre inaubiòwamy womatirỹsỹ rurawo sõe kia ritidire inaubiòwa weraroo-ò, kia inaubiòwati bire-ò.
|
||
\v 14 Friso bireki womati rurawo rỹimyhỹ kia iwodi isana ròhònymyhỹre wahe, kia idi rauhemyhỹre wahe mesa-di itxyy rỹimyhỹkremy.
|
||
\v 15 Tii riwinyre isana acacia òwòrudi kia manarỹsỹ-di rihetynyre.
|
||
\v 16 Kia riwinylere womati rỹsỹtyhydi womati aõhyna my rỹimyhỹre, kia heka aõma rare, brato boho, bedeò boho, arabaõ bedeò, kia jarra boho rauhemyhỹre kia mona besò xiwenamy rawahimyhỹre.
|
||
\v 17 Bezalel riwinyre womati rỹsỹtyhyhykỹ risurusurunymy candelabro*, irawoludu kia irarie ratyy. Kia noirysò riixiywidỹỹnyre candelabro*, kia tabotaõ rurawodi, kia relemy reare sohoji aõnahyylemy tii wana.
|
||
\v 18 Kia iwe ribi weribi ribi ròhònymyhỹ debò sohoji sõemy iaxiò, kia inataõ my ka weribi, kia inataõmy ijõ weribi.
|
||
\v 19 Kia debò sohoji dera sõe kia era sohoji sohoji ijõdire inataõ my noirysò sõe, kia matyni noirysò wesemy tabotaõ rarawo wana.
|
||
\v 20 Candelabro* terena ijõdire inaubiòwa noirysò sõemy kia matyni noirysò wesenamy, tabotaõ wana.
|
||
\v 21 Kia ijõdire sohoji matyni noirysò botaõ, kia inataõ wiwana wana dera rỹimyhỹre rawoki.
|
||
\v 22 Noirysò botaõ boho, axiò boho kia candelabro relerenyre sohoji aõnahyylemy womati rỹsỹhyky rasurumy rỹimyhỹre wesemy.
|
||
\v 23 Bezalel riwinylere debò inatxi sõemy atesina candelabro-ò; kia òsi eresyna atesinadò idi riyròkremy, kia òti rỹnysi hynamy riwinyre womati rỹsỹhỹkỹle.
|
||
\v 24 Tii riuhere 34 utxiemy mana rỹsỹhykyle kia idi candelabro riwinykremy kia ibutumy iaõnaõna riheludunyrenyre.
|
||
\v 25 Bezalel riwinyre obiuna acacia òwòrudi kia tamy aõ raobiumyhỹkemy ityre. Kia obiuna heka ireherehe wimynamynare, iurihina 45 cm my iwerehe kia 45 cm my iwebese; kia 90 cm my irarie. Kia juràdese boho, inaubiòwa weraroo my, kia relemyhỹrenyre sohoji aõnahyylemy òwòru obiuna wana.
|
||
\v 26 Bezalel rihetynyre womati rỹsỹhỹkỹ-di iratybòna, kia inaubiòwa ijõ weribi weribi kia juràdese boho-ò kia ritidire remate mana rỹsỹ, obiuna webrò webrò my.
|
||
\v 27 Kia riwinylere inatxi womatirỹsỹ rurawo kia ritidire remate rawo-ò sohoji sohoji my ijõ weribi weribi-ò. Kia womatirỹsỹ rurawo iwodi ròhònymyhỹre isana rauhemyhỹre obiuna idi rawykremy.
|
||
\v 28 Kia isana boho heka relerenyre acacia òwòrudi kia manarỹsỹ-di rihetynyrenyre.
|
||
\v 29 Bezalel riywinyre azeite òlỹre inyrati-ò ritxiwikremy kia heòtyloosòtyhy tỹnyrewihikỹmy, kia aderòna-di riurinymy.
|
||
\c 38
|
||
\p
|
||
\v 1 Kia xiwenamy juhu ibutumy roomyhỹre, Bezalel riwinyre sohoji obiuna acacia òwòrudi. Obiuna ratybòna heka ireherehe wiwese wesere, iurihina inatxi metro kia 20 cm my irehe kia inatxi metro kia 20 cm my iwebese; kia obiuna tahe iurihina sohoji metro kia 30 cm my irarie.
|
||
\v 2 Bezalel riwinyre inaubiòwa juràdese my kia inaubiòwa weraroo dee obiuna weraroo. Kaa inaubiòwa juràdese relemyhỹre sohoji aõnahyylemy acacia òwòru obiuna wana. Kia tiirihetynyre ibutumy manarỹsỹ òtaòta-di.
|
||
\v 3 Kia riwinylere ibutumy aõnaõna kia rauhekremy acacia òwòru obiuna-ò, kia heka aõma, aõhyna boho, rỹnysidi adehuna boho, bacia boho kia tesewa boho. Ibutumy kaa aõnaõna relerenyre manarỹsỹ òtaòta-di.
|
||
\v 4 Tii riwinyre womatirỹsỹ òtaòta-di womati obiuna rawoki roikremy, kia riy wesemy riwinyre, kia womatirỹsỹ òtaòta obiuna rairetya-ò roikremy.
|
||
\v 5 Riwinyre inaubiòwa my womatirỹsỹ rurawo sõe kia inaubiòwa weraroo womati obiuna, kia tamy rirutàmyhỹkremy isana.
|
||
\v 6 Kia isanareny heka relere acacia òwòrudi kia womatirỹsỹ òtaòta-di rihetynyre.
|
||
\v 7 Irahudi Bezalel isana rirutàre womatirỹsỹ rurawomy inatxi weribi my obiunaki. Kia obiuna heka relere òwòru-di kia iwo ijõdire.
|
||
\v 8 Kia womatirỹsỹ òtaòta-di ixidee itxerena hãwyy mahãdu idi aõmysỹdỹỹ riwinymyhỹrenyre kia ròtenaki Deuxu ruki iny hetowo-ò ralòmyhỹreki, Bezalel riwinyre iny taòsỹny tamy rihòmyhỹre kia irawoludu riwinylere.
|
||
\v 9 Kia Heto riòre Deuxu dee itxerena, Bezalel riwinyre ube kia tyyesi ruxõmo-di riuhuarinyre. Kia iraru weribi-ò tyyesiere mahãdu ki kia 44 metro my iesirehe.
|
||
\v 10 Tii boho heka imynydureny ijõdire waituemy womatirỹsỹ òtaòta hojurehe kia irawoludu ijõdilere womatirỹsỹ òtaòta. Kia imynydureny hojurehe mahãdu kia tyyesi tòsõmo heka manarỹsỹ òtaòtale rare.
|
||
\v 11 Bezalel riwinyre iyrybutyhyke ibòò ube weribi-ò.
|
||
\v 12-13 Kia ube 22 metro my iwebese; kiaremyta, beàra weribi ibràra weribi tyyesi mahãdu, kia ijõdire deòitue my tòsõmo sõe kia debòituemy irawoludu sõe; kia imynydureny kia hojurehe mahãdu pratalehekỹ roirenyre. Kia ube ròtena heka ibràra weribiki roimyhỹre.
|
||
\v 14-15 Kia iròtena sohoji weribi weribi ijõdire tyyesiere debò sohoji metro kia 60 cm my, kia inataõmy ihojurehe sõe kia inataõmy irawoludu sõe kia tyyesiere mynydumy.
|
||
\v 16 Ibutumy tyyesi mahãdu rỹimyhỹ ube weruramy kia tyyesi ruxõmo rỹimyhỹ.
|
||
\v 17 Kia riawoludu tyareny heka manarỹsỹ òtaòta-di rỹimyhỹ. Kia imynydureny,
|
||
\v 18 Tyyesi ube ròtena Kia heka tyyesi relemyhỹre irixõmõ-my Kia budoenisityy lỹre-di Kia isòdi, Kia riumynymy riixiywidỹỹnamyhỹrenyre. Kia tyyesi urihina heka 80 metros Kia 80 cm-my, kia irarie tahe inatxi metros kia 20cm kia ube tyyesi wesemy. \f +
|
||
\fqa ijòtòbòna rotena hety ubeki kia rare esyti sõmõ-di itxedu iruxeramy tule iritina ijodimy. Kiamy tahe \f*
|
||
\v 19 Tii heka imynydu ijõdire inaubiòwa tòsõmo-my kia bronze-di irawoludu. Kia imynydureny, tòsõmo biuludu mahãdu kia tòsõmo mahãdu prata.
|
||
\v 20 Ibutumy uhuariti mahãdu heto riòre kia ube heka bronze lehekỹ rỹirenyre.
|
||
\v 21 Kia ilemy aõnaõna womati tiwesemy sõemy rauhere idi Deuxu heto riòre relere, tikibo rarareny roimyhỹre inatxi mana placa, tai ratitidỹỹmy debo ituemy Deuxu rybe uriwihikỹ aõnaõna binabina iny iwidỹỹõkremy. Moisesi tarybe riwahinyre aõnaõna tyyriti-ò raritidỹỹkremy, kia levita mahãdu riywinyrenyre Itamar ridinodunymy, Deuxu rybedi ijohodu Araõ riòre.
|
||
\v 22 Bezabel, Uri riòre kia Ur riòreriòre rare, Juda iny mahãdu, kia ibutumy riwinyre aõmybo Deuxu tyhyhykỹ rarybere Moisesi dee.
|
||
\v 23 Kia iwiòhedỹỹd heka Aoliabe rare, Aisamaque riòre, Dã iny mahãdu. Aoliabe heka rybe-ò mynydu rare, desenhadu kia tyyesiruxomo riwinymyhỹre, budoenisityy lỹredi, isòdi.
|
||
\v 24 Ibutumy womati rỹsỹ rawahire Deuxu tyhyhykỹ dee kia heto riòre brebuna widỹỹnamy kia mil iquilo-my iutxie, kia tuu iritidỹỹna roimyhỹre mynamy.
|
||
\v 25 Manarỹsỹ òtaòta iny mahãdu idi rariamyhỹrenyre, kia riutxienymyhỹrenyre 340 quilos-my kia tuu iritidỹỹna roimyhỹre mynamy.
|
||
\v 26 Kaa nieru heka iyrybutyhylere tuu hãbu mahãdu raòwyrenyre wesele, kia iny mahãdu idi ririranyrenyre wesele; kia iny sohoji sohoji riòwynyrenyre tu myna mynamy, kia rautxiedỹỹmyhỹre tuu iritina rybe roimyhỹre mynamy. Kia inireny raritidỹỹrenyre 603.550-my hãbu sõereny, kia waitue wyra ribi ròrarunymy.
|
||
\v 27 Kia riuherenyre 3.400 utxiemy prata-di kia riwinyrenykremy 100-my heto riòre brebuna rawoludunamy, kia aõma rare, 34 utxiemy irawoludu sohoji sohoji-ò.
|
||
\v 28 Kia prata 30 utxiemy rohenyre, Bezalel riwinyre hetoti werekedi werehedimy, kia tòsõmo mynydu tule kia tòsõmy biuludu mahãdu dee tule.
|
||
\v 29 Manarỹsỹ òtaòta rawahire Deuxu dee, kia 2.425 utxiemy rimyre.
|
||
\v 30 Kia idi Bezalel riwinyre irawoludu Deuxu heto riòre brebuna ijò ròtena-ò; manarỹsỹ òtaòta obiuna tawomati-wana, kia manarỹsỹ òtaòtale rare; kia ibutumy obiuna aõnaõna.
|
||
\v 31 Kia irawoludu mahãdu ube weruramy rỹimyhỹrenyre kia ube dee ròtena; kia ibutumy heto riòre brebuna uhuariti kia ube heto riòre brebuna weruramy rỹimyhỹre.
|
||
\rem dat 1993
|
||
\rem aut Ijeseberi
|
||
\c 39
|
||
\p
|
||
\v 1 Budoeni sityy lỹre-di, isòdi kia idi relerenyre tyy brebuna mahãdu kia Deuxu rybedi ijohodu mahãdu riuhemyhỹrenykremy tiu Deuxu Heto rybenawoki rerinanyrenykreu. Tyy mahãdu Deuxu rybedi ijohodu mahãdu Araõ dee relerenyre timybo Deuxu Tyhyhykỹ tuu rarybere mynamy Moisesi dee.
|
||
\v 2 Riwinyrenyre tyy Deuxu rybedi ijohodu tyymy budoeni sityy lỹre-di, isòdi, esõdetisõmodi kia esõdeti rỹsỹ-di.
|
||
\v 3 Riwinyrenyre may wesena brey kia womatirỹsỹ surudi, kia idi tyyesi riòròrenyre kia tyyesi iruxõmo relekremy, kia budoeni sityy lỹre, isò wahe.
|
||
\v 4 Kia riwinyrenyre inatxi lasanamy tyy yhyitxena dee, kia ritxynymy roimyhỹ inatxi weribiki.
|
||
\v 5 Kia weretysana ròhònymyhỹre yhyitxena webròdi, kia heka sohoji aõnahyylemy relemyhỹre tii wana kia relere iaõna yrybutyhyle, timybo Deuxu Tyhyhykỹ tarybe riwahinyre mynamy Moisesi dee.
|
||
\v 6 Agata mana sõe raywirenyre kia raydòrenyre wityretyremy manarỹsỹ wesemy. Kia aõtamaõkõ detilemy riritinyrenyre mana sõe kia Ijaò riòre bohoni tamy riritinyrenyre.
|
||
\v 7 Ritidirenyre kaa mana sõehekỹ Deuxu rybedi ijohodu tyy sana-ò kia 12 my iny witxira witxira riteòsinykremy Israel iny mahãdureny, timybo Deuxu Tyhyhykỹ rarybere mynamy Moisesi dee.
|
||
\v 8 Kia tyy breti ludu relere Deuxu rybedi ijohodu tyy wesemy. Tii boho riwinyrenyre budoeni sityy lỹredi, isòdi kia budoeni sityy ruxõmodi kia riurinymy riwinyrenyre.
|
||
\v 9 Tyy breti ludu heka iwebese ireherehe wimynare kia inatxi raserasemy. Kia sohojhi urihixinamy irehe kia sohoji urihixinamy iwebese.
|
||
\v 10 Tamy ratidire inaubiòwa woryreherehemy manaruxõmo òtaòta. Kodelemy ritidirenyre isòmy kia iruxõmo rierenyre;
|
||
\v 11 kia inatxi worynaòta rilidirenyre mana ruxõmo esmeralda, mana òtaòta sõemy ritidirenyre;
|
||
\v 12 kia inataõna-ò tahe ritidirenyre womatirỹsỹ òtaõ, sohoji 'agata mana kia sohoji ametista mana;
|
||
\v 13 kia inaubiòwa deòtenaòta sohoji berilo mana ritidire, sohoji ônix ritidire kia sohoji jaspe mana ritidire. Kaa mana boho heka wimynamyna manarỹsỹ wesemy ratidirenyre.
|
||
\v 14 Kaa mana boho sohoji sohojiki raritidỹỹrenyre Ijaò riòre bohoni sohoji sohoji my mana-ò, kia riwedunyrenykremy 12-my iny mahãdu Israel ludu.
|
||
\v 15 Esõdeti rỹsỹtyhy riritinymyhỹrenyre kia rerutimy riwinyrenyre tyy yhyitxena iny bretiki roimyhỹre-ò.
|
||
\v 16 Kia riwinylerenyre inatxi womatirỹsỹ rurawo kiata ritxynyrenyre tyy breti ludu biu norarenyki.
|
||
\v 17 Kia inatxi reruti rỹsỹ ròhònyre womatirỹsỹ rurawomy
|
||
\v 18 Kia ritxynyrenyre inatxi rerutinora kia manarỹsỹ deòte tyy breti ludu, kia rimyrenyre, Tyysana inatxi-ò, kia iko bedeki.
|
||
\v 19 Kia ijõ inatxi womati rurawo rỹsỹ riwinyrenyre kia ritxynyrenyre inatxi noramy bede ludu Tyy breti ludu, kia riixiywidỹỹnanyre iwe ribi ludu kia iwo ribi riixiywidỹỹnanyre.
|
||
\v 20 Kia ixyby riwinyrenyre inatxi womati rurawo rỹsỹ kia ritxynyrenyre Tyy breti ludu sananora inatxi, kia irawoki, kia iko ludu, kia iretyna bireki weretysana ratyaki.
|
||
\v 21 Timybo Deuxu Tyhyhykỹ tuu rarybere mynamy Moisesi dee, kia reruti lỹre sohoji-di tii boho ritxynyrenyre womati rurawo rỹsỹ mahãdu Tyy breti ludu kia Tyy yhyitxena womati rurawo rỹsỹ kia tyy breti ludu rararytxymy roikremy weretysana ratyaki kia rariòwyõkremy.
|
||
\v 22 Kia tyysi brey Tyy yhyitxena tyreki roimyhỹre, kia heka relemyhỹre budoeni sityy lỹredi.
|
||
\v 23 Kia iwotyaki ijõdire iraymy rati ròtenamy. Kaa iraymy roimyhỹre heka raretymy roimyhỹre tyy esi txiriedi kia raykaõkremy.
|
||
\v 24 Kia ibutumy tyyesi brey rasenaki yhyitxena tyreki roimyhỹre kia ritidirenyre macã bederaty wesemy, kia esõdeti sõmo-di relere kia budoeni sityy lỹre, isõdi.
|
||
\v 25 Kia riwinyrenylere womati rỹsỹtyhy wodỹỹna (sino) kia ritidirenyre macã bederaty wotyaki.
|
||
\v 26 Kawesemy heka tyyesi brey rasena raixiywidỹỹnanyre (sino) deòtedi kia macã bederatydi riwotyawotyany wesemy wahe: sino sohoji, macã bederaty sohoji, ijõ sino, ijõ ma,cã bederaty, tuu Deuxu Tyhyhykỹ rarybere mynamy Moisesi dee.
|
||
\v 27 Riwinyrenyre Tyy yhyitxena rawomy rauhemyhỹre esõdetidi Araõ dee kia iriòre boho deereny,
|
||
\v 28 kia rataana tule ratimy rỹterỹtenymyhỹre, xabeò, kia ruweere esõdetidi
|
||
\v 29 kia weretysana esõdeti sõmodi kia budoeni sityy lỹre, isòdi, kia riyrinymy rixiywidỹỹnanyre, tuu Deuxu Tyhyhykỹ rarybere mynamy Moisesi dee.
|
||
\v 30 Kia ihãremy riwinyrenyre womati rỹsỹtyhy placa, rataana koki roimyhỹre brebuna tyhynamy kia tamy riritinyrenyre myỹ rybe: "Rahitxidỹỹre Deuxu Tyhyhykỹ dee".
|
||
\v 31 Kia ritaarenyre placa budoeni sityy brey lỹredi, kia rimynynanykremy tyyesi rati tỹtenamy rỹimyhỹre biu ludu, timybo Deuxu Tyhyhykỹ rarybere mynamy Moisesi dee.
|
||
\v 32 Ibutumy aõmysỹdỹỹna Deuxu Heto riòre kia rexihure. Israel mahãdu ibutumy riwinyrenyre timybo Deuxu Tyhyhykỹ rarybere mynamy Moisesi dee.
|
||
\v 33 Tii boho riwyrenyre Moisesi dee Deuxu Heto riòre kia ibutumy iaõna aõna wana, kia imynydureny, itòsõmo mynydureny, kia itò werehedi kia irawo ludu mynydu.
|
||
\v 34 Kia riwyrenyre budoeni riòre sityy isòdi rasòdỹỹmyhỹre, kia hetysi brey, kia tyyesi rihitxinymyhỹre bede wihikỹtyhy,
|
||
\v 35 kia arca bedeywidỹỹnana mana placa-di, kia isana kia arca ratybòna.
|
||
\v 36 Kia riwyrenyre mesa kia ibutumy iaõna aõna wana; kia paõ sõe xiwenamy rawahire Deuxu Tyhyhykỹ dee;
|
||
\v 37 kia candelabro womati rỹsỹtyhy, kia ilãbarina, ibutumy iaõna aõna wana kia azeite òlỹre, kia heòty loosò lỹnyrewihikỹ, kia tyyesi Heto riòre ijò ròtenaki roimyhỹre,
|
||
\v 39 kia manarỹsỹ òtaòta taòbiuna wana, kia isana kia ibutumy iaõna aõna wana; kia pia òsuròna tati wana.
|
||
\v 40 Riwyrenyre ube ludu tyyesi, kia tòsõmo kia irawo ludu mynydu wana; kia tyyesi ube ròtenaki roimyhỹre kia tasana wana, kia Heto riòre uhuariti wana kia ibutumy iaõna aõna tamy rauhekremy.
|
||
\v 41 Riwyrenyre tyy ixiywidỹỹna kia Deuxu rybedi ijohodu mahãdu riuherenykremy Bede wihikỹ bedeki, kia heka aõma rare, tyy mahãdu brebuna rỹimyhỹre Deuxu rybedi ijohodu Araõ kia iriòre boho.
|
||
\v 42 Israelita mahãdu riwinyrenyre ibutumy aõmysỹdỹỹ timybo Deuxu Tyhyhykỹ rarybere mynamy Moisesi dee.
|
||
\v 43 Moisesi aõnaõna sohoji sohojidi retehemy ratximyhỹ kia tuu robire kia tii boho riwinyrenyre ibutumy Deuxu Tyhyhykỹ rybe mynamy tuu Moisesi dee raryberemy. Taita Moisesi tarybe wihikỹ riwahinyre aõnaõna relere dee ibutumy.
|
||
\rem aut Ijeseberi Ryberitidỹỹdure
|
||
\rem dat 1993
|
||
\c 40
|
||
\p
|
||
\v 1 Deuxu Tyhyhykỹ rarybere Moisesi dee:
|
||
\v 2 —Kodelemy sohoji txuu, kodele ahãdu sohojiu bibedebiòwanybenykre Deuxu Ruki Heto riòre.
|
||
\v 3 Bilidibenyke Heto riòre-ò arca bededỹỹnana, tai rararemy rỹireri placa sõe kia debòituemy rybewiwi ritina sõe; kia bilidike tyyesi Arca koki.
|
||
\v 4 Bilidike Heto riòrewo-ò mesa kia bilidike òbiti òbitimy aõnaõna ityre rỹireri. Bilidike Heto riòrewo-ò candelabro kia atesina biteòtenyke.
|
||
\v 5 Bilidike womatirỹsỹ obiuna kia heòty tamy rookremy arca bededỹỹnana koki kia biterenyke tyyesi Heto riòre ròtenaki.
|
||
\v 6 Heto riòre koki bilidike obiuna tamy xiwena roomyhỹre.
|
||
\v 7 Bilidike iny tamy taòsỹny rihòmyhỹre kia Heto riòre, obiuna tyarenyki kiata bedi bitỹxinybenykre.
|
||
\v 8 Irahudi ube bidebenyke Heto riòre weruramy kiata biterenybenykre tyyesi iròtenaki.
|
||
\v 9 —Taita azeite òlỹre bimyke Heto riòre tyre bitxiwikre kia ibutumy aõnaõna tuu rỹireri. Kawesemy tahe kai wadee bihitxinykre, kiata tii ratyhydỹỹmy brebunamy relekre.
|
||
\v 10 Irahudita kai bitxiwitxiwikre obiuna xiwena tyre kia ibutumy rookremy kia ibutumy iaõna aõna wana; kawesemy heka obiuna ratxikre rahitxidỹỹmy wadee kia heka sõetyhy ratyhydỹỹkre.
|
||
\v 11 Kia iyrybutyhyle kai pia tyre bitxiwikre kia tatòsõmo wana kiata wadee bihitxinykre.
|
||
\v 12 —Bidyke Araõ kia iriòre boho Heto riòre ròtena dee kia tamyreny marybeke rexisuhòrenykremy.
|
||
\v 13 Bityynyke Araõ Deuxu rybedi ijohodu tyy-di, kia ityre bitxiwike azeite òlỹre kiata wadee bihitxinykre kia wamy rerinanymy rarekremy Warybedi ijohodu wesemy.
|
||
\v 14 Bididyke iriòre boho kiata tyy yhyitxena wolududi bityynybenykre.
|
||
\v 15 Ilemyta kai bitxiwikre azeite òlỹre ityrereny, timybo tybyreny tyre tetxiwite wesemy, kia wamy rerinanymy rarekremy Warybedi ijohodu wesemy. Kia heka relerenykre warybedi ijohodumy ikiemy.
|
||
\v 16 Moisesi ibutumy riwinyre timybo Deuxu Tyhyhykỹ tamy rarybere mynamy.
|
||
\v 17 Kawesemy tahe kodelemy sohoji txuu, kodelemy ahãdu sohojiu, kia sohoji wyra iòhòmy irahudi Israelita mahãdu ròhònyrenyre Egito ribi, Deuxu ruki Heto riòre rỹimyhỹre riderenyre.
|
||
\v 18 Moisesi rilidire irawoludu, imynymynydu kia tòwerehedi werehedi kia tòsõmo ritamadỹỹnyre.
|
||
\v 19 Tii riterenyre iratyahety Heto riòre tyre kia ritidire ahãna webròki ityremy, timybo Deuxu Tyhyhykỹ tarybe riwahinyre mynamy.
|
||
\v 20 Irahudi rimyre inatxi mana placa kia ritidire arca bededỹỹnanawo-ò. Kia rirutàre isana womatirỹsỹ rurawo rurawomy arca ki rỹimyhỹre kia tamy ritidire iratybòna.
|
||
\v 21 Taita arca ritidire Heto riòrewo-ò kia timybo Deuxu Tyhyhykỹ tarybe riwahinyre mynamy, kia tyyesi riterenyre Bede wihikỹki, Bede wihikỹtyhy tyaki kia inyõ arca my robiõkremy.
|
||
\v 22 Moisesi mesa ritidire Heto riòre-ò, ibòò weribi, tyyesi webròki,
|
||
\v 23 kia ritidire ityre sõemy paõ Deuxu Tyhyhykỹ dee rawahimyhỹre, timybo tii rarybere mynamy.
|
||
\v 24 Moisesi candelabro ritidire Heto riòre-ò iraruwe ribi, mesa koki
|
||
\v 25 kia tai Deuxu Tyhyhykỹ ruki, tii atesina riworonyre, timybo Deuxu Tyhyhykỹ tarybe riwahinyre mynamy.
|
||
\v 26 Womatirỹsỹ obiuna ritidire Heto riòre-ò, tyyesi koki,
|
||
\v 27 kia risõre heòty lỹnyre, timybo Deuxu Tyhyhykỹ tarybe riwahinyre wesemy.
|
||
\v 28 Riterenyre tyyesi Heto riòre ròtena-ò
|
||
\v 29 kuaki tyyesi koki ritidire obiuna kia xiwena mahãdu tamy ibutumy roorenykremy. Obiuna tyreki tii riteòsinyre xiwena sõe roorenykremy kia xiwena rỹsỹna òtaòta, timybo Deuxu Tyhyhykỹ tarybe riwahinyre wesemy.
|
||
\v 30 Kia Pia òsỹny suròna ritidire Heto riòre, obiuna tyarenyki kia bedi ritỹxinyrenyre.
|
||
\v 31 Tamy Moisesi, Araõ kia iriòre boho tawareny rihòrenyre
|
||
\v 32 kia Heto riòre-ò ralòmyhỹrenyreu ada obiunaòhòkỹle roimyhỹrenyre, timybo Deuxu Tyhyhykỹ rarybere mynamy.
|
||
\v 33 Moisesi ridere ube Heto riòre weruramy kia obiuna weruramy kia tyyesi riterenyre ube ròtenaki. Kia wesemy tahe tii rihure ibutumy taaõmysỹdỹỹnana.
|
||
\v 34 Taita biuwetyy ura Heto riòre ritybònyre, kia tii tahe sõemy loosòna òderanadi rỹxire Deuxu Tyhyhykỹ ruki;
|
||
\v 35 iurenana Moisesi tamy raloõre.
|
||
\v 36 Israelita mahãdu riwymyhỹrenyre tasỹranareny bede bede ribi kia biuwetyy ura Heto riòre ratyy ribi biutxi raòwònymyhỹre xieryle.
|
||
\v 37 Ka, biuwetyy ura raòwònymyhỹreki, israelita mahãdu ròirenyõhyymyhỹrenyre kua ribi kia tiu txuubo tii raòwònymyhỹrenyre xieryle.
|
||
\v 38 Kia ibutumy ròimyhỹrenyre, tii boho tuu robimyhỹrenyre, kia txuu, biuwetyy ura Heto riòre ratyyki ramyhỹre; kia rumy tahe heòty loosò ramyhỹre ityremy.
|