See in Reader
converted Judges, Ruth, 1 Samuel
This commit is contained in:
Larry Versaw
parent
cd737b316e
commit
efd53195e9
|
|
@ -0,0 +1,723 @@
|
|||
\id JDG
|
||||
\ide UTF-8
|
||||
\rem aut Isaque Ijooko
|
||||
\rem dat 2010c
|
||||
\h Wahisidÿÿdu mahãdu tyyriti
|
||||
\toc1 Wahisidÿÿdu mahãdu tyyriti
|
||||
\toc2 Wahisidÿÿdu mahãdu tyyriti
|
||||
\toc3 jdg
|
||||
\mt1 JUIZ
|
||||
\c 1
|
||||
\s1 Adoni beseki rotaõra.
|
||||
\p
|
||||
\v 1 Josue rubusỹtybymy Israel mahãdu Deuxu Tyhyhykỹ-ò rarybere: Tiijoibo tahe rakremy kananeu hudumy.
|
||||
\v 2 Deuxu rirawyònyre: Judáhe raa isuureny dori rare. Jiarÿ dori tamy rewahinyre.
|
||||
\v 3 Tai tahe Juda mahãdu Simeaõ mahãdu-ò rarybere: Ikoirenykre Deuxu wadeereny riwahinyra-ò suu-ò tii wanareny rorenykemy. Kananeu mahãdu-ò. iribi heka ikoirenykre suu adereny riwahinyra-ò.
|
||||
\s1 Tai tahe Simeaõ mahãdu
|
||||
\v 4 Juda mahãdu wana roirenyre tii wana rorenykemy. Tai tahe rotare Kananeu ribi, periseu ribi Deuxu riwiòhenanyre rotarenyre. Tii boho roirenyre irubudÿÿmy hãbu sõwe nihikÿ rirubunyre debòwiò hãbu sõwe Beseki su-ki.
|
||||
\v 5 Taityhyle heka Adoni Beseki itxi reare.
|
||||
\v 6 Tii iribireny rahenyre tai ihemy rearenyre rimykemy. Rimyrenyre tahe tebò juhu riororenyre tule iwa juhu riororenyre.
|
||||
\v 7 Iribi tahe Adoni Beseki rarybere: Jiarÿ reteranyra setenta iòlò mahãdu tebò juhu iwa juhu riorokemy tai wiji Deuxu iwesele wadee riwinyre. Kia iòlò boho heka warasÿnale rirasÿmyhÿrenyre. Idi heka Adoni Beseki Jerusale-ò ridyrenyre taile rurure. Jerusale hãwã, Hebrom hãwã rimyrenyre.
|
||||
\v 8 Juda ijoi mahãdu heka Jerusale hãwã itxi reare tai sÿdu mahãdu rirubunyrenyre iribi tahe kia hãwã risõrenyre.
|
||||
\v 9 Iu heka kananeu mahãdu bede bedemy roire hãwãlò-ki, aõhoki aõkõ, suu lyty-ki rasÿnyroiremyhÿ tai Juda mahãdu tamy roirenyre tii wana rorenykemy.
|
||||
\v 10 Tule Hebrom hãwãlò-ki kananeu mahãdu tai rasÿnyroiremyhÿ itxi rearenyre. Kia hãwã heka raninirenyre Kiriate-Araba. Sesai ribi, Aimã ribi, Taumai ribi Anake riòre boho iribireny rotarenyre wahe.
|
||||
\s1 Debi hãwã rimyrenyre
|
||||
\v 11 Kia ribi heka Debi mahãdu-ò roirenyre rorenykemy. Kia hãwãni heka keriate Seve.
|
||||
\v 12 Tai heka Kalebi rarybere: —Jiarÿ heka hãbu-ò Akisa wariòre ariwahinykre kiriate Seve rotakemy.
|
||||
\v 13 Otonie Kenasi riòre rotare hãwã ribi. Otonie Kalebi iumydela rare. Tai Akisa Calebe riwahinyre Otonie hãwyymy.
|
||||
\v 14 Tai heka Akisa roire Otonie wana. Tii tuhyymy rarybere tii rexitòenykemy tyby-ò suu tamy riwahinykemy. Idi heka Akisa tyby-ò rare tamy rehemynyreu iròdu ribiresereu heka Calebi tamy rÿÿraxire: —Aõitxemy tateri.
|
||||
\v 15 Urile rareri aijobisilemy suumy ixitòedÿÿmy. Kai wadee tewahinyta bede terehekÿ wiji tahe bee mana bidiwahinykre. Tai taheka hãwãlòbe tamy riwahinyresube tule.
|
||||
\v 16 Moisesi iriòre labie keneumy rare, iriòre woludu mahãdu Juda mahãdu wana Jeriò hãwã-ò roirenyrehoreni hãwã rininirenyre, Juda bedehy Arade hãwã iraru ribi. Amalekita tii boho wanale rasÿnyrenyre.
|
||||
\v 17 Juda mahãdu Simeaõ mahãdu wana rexijoinyre tii wana raõbinanykemy kananeu mahãdu-ò Sefate hãwã rahukemy. Deuxunidi ibutu hãwã rahurenyre ini tulerawiurore Ohomamy.
|
||||
\v 18 Tii boho Kasa hãwãmy rorenyõhyyrenyre, hãwãmy rorenyõhyyrenyre,Ekõ hãwãmy rorenyõhyyrenyre tasÿ wera ludu mahãdu wana rorenyõhyyrenyre.
|
||||
\v 19 Deuxu Tyhyhykÿ Juda mahãdu heka riwiòhenanyre tai tii boho hãwãlò mahãduiribi ròtare. Tahe bero wimyna bireki mahãdu heka riòlòdÿÿrenyõrenyre itewe terehekÿreny ijõdireki.
|
||||
\v 20 Juhule heka Moisesi rarybere Ebròõ hãwã Kalebe suu heka rarekremyra tamy riwiurònyre. Tii heka idi riòlòdÿÿnyre iny inataõ Anake riòre heka.
|
||||
\v 21 Tahe Jerusale hãwã-ki heka Jebusi mahãdu tai rasÿnymy roire myhÿ heka Benjami mahãdu riòlòdÿÿnyõhyyre. Taihyyle wiji heka rasÿnymy roirenyre Benjami mahãdu wana. Joje mahãdu heka Beteli hãwã mahãdu ribi rahaananyre.
|
||||
\v 22 Joje riòre woludu mahãdu heka Efarai mahãdu Manase mahãdu wana tule rare iny riòlòdÿÿnykemy. Beteli hãwã heka itxi rearenyre,Deuxu Tyhyhykÿ tamyreny riwiòhenanyre.
|
||||
\v 23 kia hãwã heka juhu rininirenyre loosòna. Tii boho Bede itxeredu riteònyrenyre kia hãwã-ò.
|
||||
\v 24 Bede itxeredu robire hãbu rohònyre-ò. Tii boho raryberenyre: —Timybo hãwã-txi ralore. Marybe ixiery ararubunyõtyhy.
|
||||
\v 25 Tai tii riteòsinyre ryy rare. Tii boho roirenyre hãwã-ò ibutumy sÿdu mahãdu rirubunyrenyre kia hãbu tamyreny riteòsinyre tamahãdu wanale rirubunyõhyyrenyre.
|
||||
\v 26 Kia hãbu iwitxira su-ò reurore Eteu su-ò tai hãwã ritoare idi loosònamy rininire. Wiji heka kia hãwã Loosònani rare. Kia mahãdu heka riteònyõhyyre.
|
||||
\v 27 Manase mahãdu heka myy riòlòdÿÿnyõhyyre: Betesÿ hãwã mahãdu, ijõ Tanake hãwã mahãdu, ijõ Dósÿ hãwã mahãdu, Ibeaõsÿ hãwã mahãdu, ijõ Mesidu hãwã mahãdu isÿ wera ludu mahãdu wana riteònyõhyyrenyre. Kananeu mahãdu heka taihyyle raremyhÿ.
|
||||
\v 28 israeli mahãdu rexirururenyreu tai kananeu mahãdu hekatuu rurureri tamyreny raõmysÿdÿÿnykremy tahe ibutu aõkõ riòlòdÿÿrenyre.
|
||||
\v 29 Efarai mahãdu heka kananeu mahãdu Jese hãwã-ki rasÿnymy roire riòlòdÿÿnyõhyyre tai idireny rasÿnymy roire.
|
||||
\v 30 Jebulõ mahãdu heka kiritò hãwã-ki rasÿnymy roire mahãdu Naalõ hãwã-ki rasÿnymy roire mahãdu heka riòlòdÿÿnyõhyyre tai idireny rasÿnymy roire tuu rurureri tamyreny raõmysÿdÿÿnykremy.
|
||||
\v 31 Ase mahãdu heka myy riòlòdÿÿnyõhyyre: Aco mahãdu, Sidõ mahãdu, Alabé mahãdu, Asibé mahãdu, Eba mahãdu, Aseka mahãdu, Eòbè mahãdu.
|
||||
\v 32 Ase mahãdu heka kananeu mahãdu wana taile rasÿnyrenyre, tii boho riòlòdÿÿnyõhyyrenyre-ki.
|
||||
\v 33 Nafitali mahãdu heka riòlòdÿÿnyõhyyre Beti semi hãwã tai rasÿnyre mahãdu,Beti Anati tai rasÿnyre mahãdu. kananeu mahãdu Nafitali mahãdu wana rasÿnyrenyre,ihÿre heka Nafitali mahãdu tuu rurureri tamyreny raõmysÿdÿÿnykremy.
|
||||
\v 34 Taheka Amoheu mahãdu Dã mahãdu-ò riteónyre hãwãlò-òrasÿnykemy tahe ixederamy rearenyre bede-ò.
|
||||
\v 35 Amoheu mahãdu heka roirenyre Eres hãwãlò-ò rasÿnykremy Asilõ hãwãlò-ò rasÿnykremy Saabi hãwãlò-ò rasÿnykremy tahe Joje mahãdu heka rabòdyra tai heka tamyreny raõmysÿdÿÿnykremy tuu rurureri.
|
||||
\v 36 Amoheu mahãdu su heka rare ityti bòrò iòwòna-di ribi Kua txi Sela su-ò ibòò-ò rakremy.
|
||||
\rem aut Isaque Ijooko
|
||||
\rem dat 2010
|
||||
\c 2
|
||||
\s1 Deuxu ÿju Boki hãwã-ò rare.
|
||||
\p
|
||||
\v 1 Xikau su ribi Boki ihinamy-su-ò Deuxu ÿju rare Isaeli mahãdu rarybekemy: Jiarÿ Egitu ribi aratarenyre tai anadydenyde suu alabiereny rewahinyre-ò tii boho wana retobinyra arixãwidÿÿnyõtyhy.
|
||||
\v 2 Jiarỹrarybere: Uritre kaa mahãdu wana witobidÿÿõmy isuriokoreny xiwena bibòhòbòhònyke.Warybe dori tetyhynyõte: Witxirale tewinyta.
|
||||
\v 3 Wiji dori aribireny ariteònyõtyhy aòludurenymy heka rare tulesỹisuriokoreny iwisÿdÿÿtere rarekre.
|
||||
\v 4 Deuxu ÿju rybe rahudi heka ibutu Isaeli mahãdu rahinyrenyre
|
||||
\v 5 tai kia suu Boki ihinamy raninirenyre. Idi heka xiwena riwahinyre Deuxu Tyhyhykÿ-ò. Josue rubu ijyy.
|
||||
\v 6 Itxoi mahãdu Josue riteònyre tasuureny-ò sÿmy.
|
||||
\v 7 Josue bedeule Isaeli mahãdu heka Deuxu rityhynyrenyre. Josue rurure, idihyyle Deuxu rityhynymy roirenyre Matuari mahãdu bedeu Deuxu aõwihikÿmy Isaeli mahãdu riwinyre robirenyre-ki, idihyy Isaeli mahãdu Deuxu rityhynyre.
|
||||
\v 8 Nu riòre, Josue Deuxu Tyhyhyky deòdu, heka 110 beòra-di rurure.
|
||||
\v 9 Tasuurenyki-le rituunyrenyre, Efarai Hãwãlòsu-ki Tximate Ere ini rare, Kasi bederatòò ibòò-ò ribi.
|
||||
\v 10 Ibutu kia bedeu rurure iriòrereny heka Deuxu ribi tõhõti rusare, ibutu Deuxu Isaeli mahãdu riwinyre tõhõti rusare. Deuxu Tyhyhyky Isaeli mahãdu rixãwidÿÿnyre
|
||||
\v 11 Kananeu suriokoreny heka isaeli mahãdu reàlàrenyre Deuxu-ò rexiòrarunyrenyre.
|
||||
\v 12 Tii boho heka Deuxu Tyhyhykỹrixãwidÿÿnyre tahe isỹwera ludu mahãdu isuriokorerenyle rààlàrenyre. Deuxu ilabiereny ririrenyre kia aõ wiwihikỹEgitu riwinyre. Tai dori Deuxu riteburedÿÿnyrenyre.
|
||||
\v 13 Tii boho heka Deuxu Tyhyhykỹrixãwidÿÿnyre tahe kananeu mahãdu isuriokorerenyle rààlàrenyre.
|
||||
\v 14 Tai heka Deuxu Tyhyhykỹreburetyhyre riwahinyre isỹwera ludu mahãdu-ò Isaeli mahãdu itxi reakremyra riwasinykremy. Iòludu mahãdu-ò riwahinyre. Tai dori rabòduõhyyra.
|
||||
\v 15 Raõbinanykemy itxi rearenyreu heka Deuxu riwiòhenanyõtyhy isirare tamyreny.
|
||||
\v 16 Tai dori Deuxu Isaeli mahãdu heka wahisidÿÿdu irurutere mahãdu ritare tii boho heka isaeli mahãdu ritarenyre iòludureny ribi iwasidureny ribi.
|
||||
\v 17 Ihÿre heka Isaeli mahãdu wahisidÿÿdu mahãdu ribuarenyre, Deuxu ribuarenyre tule surioko reàlàmy roiremyhÿ. Tybyreny heka Deuxu rybe mana riòbynyrenyre tii boho tahe rityhynyõtyhy.
|
||||
\v 18 Deuxu heka wahisidÿÿdu mahãdu isaeli mahãdu-ò ritamy raremyhỹawi heka Isaeli mahãdu roire Deuxu riwiòhenanyre. Iòlodureny ribi riteònyre Deuxu riwiòhenanymy wahisidÿỹbedeu. Deuxu riwotòenyre Isaeli mahãdu wetxumy roireu.
|
||||
\v 19 Taheka wahisidÿÿdu rurureu heka Isaeli mahãdu ixybyle rexiòrarunyrenyre ierena ibinamy roirenyre tybyreny riwinyre ribi. Surioko reàlàmy roiremyhỹibina binamy roire Deuxu ribi.
|
||||
\v 20 Tai dori Deuxu Tyhyhykỹreburetyhyre rarybere: Kaa mahãdu heka tarybe ribinanyrenyre talabiereny rarybere dori. Tii boho warybe rityhynyõtyhy
|
||||
\v 21 Ariteònyõtyhy isureny ribi kia mahãdu Josue bedeu reteònyreu dori.
|
||||
\v 22 Tai arierykre isaeli mahãdu warybe rityhynykeki ilabiereny rityhynyre wese.
|
||||
\v 23 Tai heka Deuxu wylemy riteònyõre kia mahãdu Josue bedeu riteònyre.
|
||||
\rem aut Isaque Ijooko
|
||||
\c 3
|
||||
\s1 Kanaasu-ki ririre mahãdu
|
||||
\p
|
||||
\v 1 Kanaasu-ki Deuxu Tyhyhykỹririre alore rieryõre mahãdu Isaeli mahãdu riurihikemy.
|
||||
\v 2 Rierynanyrenykemy Deuxu riwinyre kia tiu alore rieryõre mahãdu.
|
||||
\v 3 Kia heka rare ririre mahãdu: Filitxi hãwãsÿdu mahãdu, Kananeu mahãdu ibutumy,sidoni mahãdu, Eveu mahãdu Libanu hãwãlòmy rasÿnymy roire, Baa Emo hãwãlò ribi rasÿnymy roire Amate hãwãlò-ò.
|
||||
\v 4 Deuxu Tii boho ririrenyre riurihikemy Isaeli mahãdu Moisesi bedeywina riwahinyre-ò rityhynyrenykeki.
|
||||
\v 5 Tai heka Isaeli mahãdu kananeuy-ki rasÿnymy roiremyhÿ, Eteuy-ki rasÿnymy roiremyhÿ, Amoheuy-ki rasÿnymy roiremyhÿ, Beriseuy-ki rasÿnymy roiremyhÿ, Eveuy-ki rasÿnymy roiremyhÿ, Jebuseuy-ki rasÿnymy roiremyhÿ.
|
||||
\v 6 Tai tahe tii boho wana roire isuuriokoreny reàlàrenyre.
|
||||
\s1 Otonieli bedeu
|
||||
\v 7 Isaeli mahãdu Deuxu Tyhyhykỹribi tohõti rusare. Deuxu-ò rexiòrarunyrenyre Kananeu surioko reàlàrenyre.
|
||||
\v 8 Tai tahe Deuxu reburere Mesotania wedu heka Kusatai itxi reny reare rabòdunykemy Deuxu ririre. Tai heka Isaeli mahãdu wedumy debò inataõ reurò beòramy rexisÿnyre.
|
||||
\v 9 Idi heka Isaeli mahãdu Deuxu-ò rexitòenyre riwiòhenanykemy, Otonieli Deuxu ritare tii heka Kenasi riòremy Kalebe seriòredÿÿbò.
|
||||
\v 10 Deuxu Tyytybytyhy ridinodunyre Isaeli wedumy rarekemy. Otonieli alòre-ò rare Deuxu Tyytybytyhy riuhere Mesotania wedumy ròtakemy.
|
||||
\v 11 Irahudi heka awimy Isaeli mahãdu roire Otonieli quarenta beòramy bedeu.
|
||||
\s1 Euji bedeu
|
||||
\p
|
||||
\v 12 Otonieli rubusÿtybymy heka ixybyle Isaeli mahãdu rexiòrarunyre Deuxu-ò tai dori Moabe mahãdu iòlò rarurunykemy Deuxu riwinyre Isaeli mahãdu ratyre.
|
||||
\v 13 Tai heka Ekorõ rexibutunyre Amõ mahãdu wana,Amaleke mahãdu wana rexibutunyrenyre Isaeli mahãdu itxi rearenyre Jerikò hãwã-ò rimyrenyre Horeni hãwãmy inire.
|
||||
\v 14 Isaeli mahãdu Ekorõ heka rabòdunyre dezoito beòra bedeu.
|
||||
\v 15 Idi heka Isaeli mahãdu Deuxu-ò rexitòenyre riwiòhenanykemy, Tai Deuxu ijõ hãbuõ riteònyre. Euji Deuxu ritare Será riòre Benjami mahãdumy.Tii heka hywe weribi rare. Idi Isaeli mahãdu Euji riteònyre Moabe iòlò Ekorõ-ò riòwynykemy.
|
||||
\v 16 Tai heka Euji maudese uwetyamy riwinyre. Tii ruruwe tarexiòti-ò ritaare tatyy-di rirasirahananyre.
|
||||
\v 17 Euji rare Ekorõ-ò tii idenihikÿre.
|
||||
\v 18 Euji riòwynyre rahudi wydydu mahãdu riteònyre.
|
||||
\v 19 Idi tii rabuarere surioko roire-ò Sikasu iòhòre. Tii iòlò-ò rarybere: —Iòlò adee ararybekre wasimy. Tai Iòlò ibutumy iny iribi riteònyre.
|
||||
\v 20 Kia heto heka Iòlò heto sohojile rare, tai ielehyna heto rare. Euji tamy iòhòmy rehemynyre rarybere: —Deuxu rybe adee rare. Iòlò lamymy reare.
|
||||
\v 21 Tai tahe Euji tadebòhywewe ribi ruruwe ribi tadebò reare ritare maydese iòlò weryri wotxi rirytàre.
|
||||
\v 22 Iweryri-txi maydeò ralore iwe maydesedeò ritòbònyre Euji iòlòwe ribi ritaõre-ki. Maydese itisirure ròhònyra.
|
||||
\v 23 Irahudi heka Euji ijòtòbòna riratòbònyre hetokure (janela) ribi ròhònyra.
|
||||
\v 24 Euji rare ribi iòlò deòdu ritehemynyrenyre tahe ijòtòbòna iratòbòmy roire-ki iòlò ahira heto-ki roire sÿny rõhõtinyrenyre.
|
||||
\v 25 Irehemy riraòrenyre raraynyõre-ki irayna rimyrenyre riraynyre tai heka resemy roire iòlò rurumy.
|
||||
\v 26 Tii boho riraòmy roirenyreu heka euji rahenyre surioko roire-ò Sikasu ribi rare Seirásu-ò.
|
||||
\v 27 Taile ritehemynyreu Efarai Hãwãlò-ki heka budoini hãbu-òdi rurònyre Isaeli hãbu mahãdu-ò ròrenykemy. Tii idireny rare Hãwãlò rawo-ki.
|
||||
\v 28 Rarybere tamyreny: —Wahewomy bodoike! Deuxu aòludureny adeereny riwahinyre, Moabe ahãdu wahe. Tai tahe ihewomy Isaeli mahãdu rare Jodaõ beà-ki runymyhỹtai Moabe mahãdu teuròsòna riokròmy.
|
||||
\v 29 Tai heka rorenymyhÿrenyre debòwiò sõwereny Moabe sodado iruruterehekÿ,reburehekỹrirubunyrenyre debòwiò iòhòmy tiu rahenyõtyhy iny sohoji.
|
||||
\v 30 Kiamy heka Isaeli mahãdu rotare kia txu Moabe mahãdu rib. Tai heka awimy Isaeli mahãdusu-ki roire oitenta beòramy bedeu. Sãka bedeu.
|
||||
\v 31 Ijõ wedu heka Sãka rare Anate riòre. Seiscentos filitxi mahãdu sõwe rirubunyre hoju desehekÿ-di. Kiamy heka Isaeli mahãdu ritare.
|
||||
\rem dat 2010
|
||||
\rem aut Isaque Ijooko
|
||||
\c 4
|
||||
\s1 Debora Barake wana
|
||||
\p
|
||||
\v 1 Eude rubusÿtybymy heka ixybyle Isaeli mahãdu rexiòrarunyre Deuxu Tyhyhykÿ-ò.
|
||||
\v 2 Jabi, Kanaã iòlò rare tii iribireny rotaremy Deuxu ririre Isaeli mahãdu rexiòrarunyrenyre-ki. Jabi Aso hãwã wedu rare, ijõ Sisera sodado wedu Asarote Haujim-ki rasÿnymy raremyhÿ.
|
||||
\v 3 Jabi heka novisentu womati terehekỹijõdire. Tii Isaeli mahãdu ribinanymyhÿre iruxetòenyõhyyre riwotòenyõhyyre. Tai Isaeli mahãdu heka Deuxu Tyhyhykÿ-ò rexitòenyre riwiòhenanykremy.
|
||||
\v 4 Kia bedeu heka Debora Deuxu rybedumy rare tulesỹwahisidÿÿdumy rare.
|
||||
\v 5 Betel hãwã Hama hãwã wetya-ki horenihikỹ roire, Evarai hãwãlò bede-ki taile heka horenihikỹrawo-ki Debora runyre bede riòbitinykemy Isaeli mahãdu tamy doidenyde tii riòbitinykemy.
|
||||
\v 6 Barake, Abinoaõ riòre Heka Debora tamy ryryre Tii Navitali mahãdu suu-ki Kede hãwã-ki roire. Debora rarybere myy: —Deuxu Tyhyhykỹheka arateònyreri. Zebulo mahãdu, Navitali mahãdu ribi Debòwiò hãbu sõwe heka bidyke, Tabo bederatoò hãwã-ò.
|
||||
\v 7 Sisera sodado wedu heka adidyde Kison bero-ò awana rorenykemy. Tii tahe taterehekỹwomati-di tasodadu mahãdu wana kanake. Tahe Jiarỹheka botakemy ariwinykre.
|
||||
\v 8 Tai Barake Debora-ò rarybere: —Aõhebo wamynale manakeki. Kai maõkeki tahe jiarỹtule araõkre.
|
||||
\v 9 Tii rirawyònyre tamy: —Awire. Jikarỹawana krakre uritre animy aõkõmy iny rarybekre. Deuxu TyhyhykỹSisera riwahinykre hãwyy debò ribi. Idi heka Debora Barake wana Kede hãwã-ò roirenyre.
|
||||
\v 10 Tai Barake zebolõ ijoi, Navitali ijoi heka ributunyre Kede hãwã-ki. Debòwiò hãbu sõwe riheludunyre Debora tule tii wana rare.
|
||||
\v 11 Kia bedeu heka Keneu mahãdu Obabe ilabiereny rare Moisesi iriòre lany. Eber, keneu mahãdu rare tamahãdureny ribi rexitare. Tii taheto risÿnyre zaani òwòru iòhòmy Kede hãwã ribi ireheõre.
|
||||
\v 12 Barake Abinoaõ riòre Tabo bederatòò-ò raòwònyre Sisera-ò ribedeerynyrenyre.
|
||||
\v 13 Tii tawomati terehekỹnovisento sõwe diwyde taijoi ibutumy Asarote Haujim ribi Kisõ bero-ò didyde.
|
||||
\v 14 Tai heka Debora Barake-ò rarybere: —Wiji make, wiji dokuri Sisera ribi botakemy Deuxu Tyhyhykỹtuu riwinyke. Deuxu Tyhyhykỹawana rare. Tai heka Barake Tabo bederatòò ribi rubehere taijoi sõwehekÿ.
|
||||
\v 15 Barake taijoi sõwe rexitÿnynyreu Sisera sodadu mahãdu tawomati terehekỹwana heka ròreròrenyre Deuxu riwinyre. Tai Sisera tawomati terehekỹribi rexitare tatilemy rare.
|
||||
\v 16 Tai Barake Sisera sodadu mahãdu womati terehekÿ-ò ihemy reare Asarote Haujim suu-ò. Ibutu Sisera sodadu mahãdu heka rahurenyre rahenyõre iny sohoji.
|
||||
\v 17 Kia Sisera tatilemy rahenyre-ò Jael heto-ò, Ebe hãwyy, Keneu mahãdumy. Iu Jabi Azo iòlò heka Ebe mahãdu awimy wiwana roiremyhỹtai Sisera tamy rare.
|
||||
\v 18 Jael taheto ribi rohonyre sisera itxi reakemy Tamy rarybere: —Iòlò, maloke wahetoku-kò. Brebukõmy. Tai tii ralore idi Jael rihetynyre tyky uxehekÿ-di.
|
||||
\v 19 Tai Sisera tamy rexitòenyre: —Beõ wadee bidiwahinyke làhàmy. Bemomo dori riwasareri sõwemy. Tii butxi-ò rimyre bororeni huãsy riwahinyre tamy riõkemy. Idi ixybyle rihetynyre.
|
||||
\v 20 Tii rarybere: —Heto ijòtòbòna-ki matxike. Inyõ kydÿÿraxikeki inyõ kaki aõbo roireri heka tuu rybeõmyke.
|
||||
\v 21 Sisera sõwemy resirare tai tÿiterehekÿmy roire. Tai heka Jael ywimy ralore hãtena rimyre heto dena ribi irati rihetenyre iòru ribi rahewo rohònyre su-ò. Tii rurure.
|
||||
\v 22 Barake rehemynyreu Sisera rijekemy Jael itxi rohònyre tamy rarybere: —Manake karitekòsinykremy inyõ teijeteri. Tai Barake tii wana ralore idi robire Sisera rurumy roimyhÿre iratisirurekÿle.
|
||||
\v 23 Kia txu heka Kananeu mahãdu Jabim iòlò heka Isaeli mahãdu rotakemy Deuxu riwinyre.
|
||||
\v 24 Tii boho heka Jabim iòlò idihyy rorenyrenyre ierena rorenyrenyre rahurenykemy.
|
||||
\rem aut Ijeseberi
|
||||
\c 5
|
||||
\s1 Kia Debora Wiuna/Wikuna
|
||||
\p
|
||||
\v 1 Kua txuu Debora kia Baraki, Abinaõ riòre, rawiunyrenyre myy:
|
||||
\v 2 Deuxu Tyhyhykÿmy bekàlàbenyke! Israelita mahãdu rexikywinyrenyra resurenykremy, kia iny mahãdu tahe rexiwahinyrenyra rabedesarenymy! Deuxu Tyhyhykÿmy beàlàbenyke! Israelita mahãdu rexiywinyrenyra resurenykremy, kia iny mahãdu tahe rexiwahinyrenyra rabedesarenymy!
|
||||
\v 3 Bohokujabenyke Ikòlòku boho! Bohokujawibenyke hãwã wedu boho! Dikarỹwiku kariwokudÿkÿnykre kiata krawikunykre Deuxu Tyhyhykÿ-kò, Israeli Deuxu wahe! Boholabenyke Iòlò boho! Boholawibenyke hãwã wedu boho! Diarỹwiu ariwodÿÿnykre kiata arawiunykre Deuxu Tyhyhykÿ-ò, Israeli Deuxu wahe!
|
||||
\v 4 Deuxu Tyhyhykÿ, Seir hãwalò-ribi tanakòkunyteku, Edom bede-ribi tanateku, suu ramytàtàre, kia biku dòkade biku-ribi. kohe, sõemy biku nonoebe resere. Deuxu Tyhyhykÿ, Seir hãwalò-ribi tadòhònyteu, Edom bede-ribi tanateu, suu ramytàtàre, kia biu dòade biu-ribi. Kohe, sõemy biu nonoebe resere
|
||||
\v 5 Hãwalò mahãdu ramytàtàrenyre Deuxu Tyhyhykỹkokuki, Kia Sina Hãwalòhòkÿle ramytàtàre, Deuxu Tyhyhykỹkokuki, IsraeliDeuxu wahe Hãwalò mahãdu ramytàtàrenyre Deuxu Tyhyhykỹkoki, Kia Sina Hãwalòhòkÿle ramytàtàre, Deuxu Tyhyhykỹkoki, IsraeliDeuxu wahe.
|
||||
\v 6 Sangar txu-my rÿimyhỹbedeku, Anate ritxòre, Jael txu-my rÿimyhÿre, ryy tytymy roimyhÿ, kia tÿhimy nodu mahãdu rykòreana-di reakamy rÿimyhÿreny Sangar txu-my rÿimyhỹbedeu, Anate riòre, Jael txu-my rÿimyhÿre, ryy tytymy roimyhÿ, kia tÿhimy nodu mahãdu ryòreana-di reamy rÿimyhÿreny
|
||||
\v 7 Israelihãwaki inyno ratxikõhykymyhÿ; tiki boho inyhãkumy anokõ rekokuarenyre kiata kai, Debora tanate Israelibisenykremy. Israelihãwaki inyõ ratxiõhyymyhÿ; tii boho inyhomy aokõ rekoarenyre kiata kai, Debora tanate Israelibisenykremy
|
||||
\v 8 Israelita mahãdu iwitxiramy itÿmyramy suritxoko kÿnyxiweno ritakarenyra takÿnyxiwerenymy, kia tai tahe woku anobina nihikỹijõdire Hãwahãkÿki. Kia 40 mili hãbu mahãdu Israeliludu, ijõrenyno riwykõhykyrenyre debònano yda tõnorino Israelita mahãdu iwitxiramy itÿmyramy suritxoo ÿnyxiweõ ritarenyra taÿnyxiwerenymy, kia tai tahe wou aõbina nihikỹijõdire Hãwahãkÿki. Kia 40 mili hãbu mahãdu Israeli ludu, ijõrenyõ riwyõhyyrenyre debònaõ yda tõnorino!
|
||||
\v 9 Wawoku Israelisodadu wedu mahãdu-wana ratximyhÿ, iny mahãdu-wana rexixiwenyrenyre wabedesarenymy. Deuxu-my berinanybenyke! Wawo Israeli sodadu wedu mahãdu-wana ratximyhÿ, Iny mahãdu-wana rexixiwenyrenyre wabedesarenymy. Deuxu-my berinanybenyke
|
||||
\v 10 Kamy marybebenyke, kai boho tanymyhÿtenytemy buru kura tyre, ityre ryna-di, kia ati-my idi tòimyhÿtenytemy. Kamy marybebenyke, kai boho tanymyhÿtenytemy buru ura tyre,ityre ryna-di, kia ati-my idi tòimyhÿtenytemy.
|
||||
\v 11 Bohokujabenyke: iny mahãdu anoxaxa behãluku weruramy rÿirenyreri, kia raryberenyreri Deuxu Tyhyhykỹròtakaramy taitxoi mahãdu-di! Boholabenyke: iny mahãdu aõxaxa behãluu weruramy rÿirenyreri, kia raryberenyreri Deuxu Tyhyhyỹròtaramy taijoi mahãdu-di!
|
||||
\v 12 Bexilàmadÿkÿnyke Debora, bexilàmadÿkÿnyke! Bexilàmadÿkÿnyke! Mawikunyke wikuna-di! Bexilàmadÿkÿnyke breju mahãdu tebrejunytenyte!Bexilàmadÿÿnyke Debora, bexilàmadÿynyke! Bexilàmadÿÿnyke! Mawiunyke wiuna-di! Bexilàmadÿÿnyke breju mahãdu tebrejunytenyte!
|
||||
\v 13 Taita iny mahãduno ròtyhydÿkÿmyhÿrenyre ròirenyre tibedekibo iwedureny ratximyhÿ-kò, kia Deuxu Tyhyhykỹiny mahãdu tahe rexihumy ratximyhÿreny resurenykremy, kia ròirenyre Baraki wana witxi rekokuarenykremy. Taita iny mahãduõ ròtyhydÿÿmyhÿrenyre ròirenyre tibedekibo iwedureny ratximyhÿ-ò, kia Deuxu Tyhyhyỹiny mahãdu tahe rexihumy ratximyhÿreny resurenykremy, kia ròirenyre Baraki-wana witxi rekoarenykremy.
|
||||
\v 14 Tiki boho rakòkunyrenyre Efrai-ribi kia ròirenyre Amaleki bede-kò, kia Benjami itxoi mahãdu hewoku-txi. Kia Maki-ribi ròirenyre sodadu dinodu dekòdu dòidenyde. Tii boho ròho`nyrenyre Efrai-ribi kia ròirenyre Amaleki bede-ò, kia Benjami ijoi mahãdu hewo-txi. Kia Mai-ribi ròirenyre sodadu dinodu deòdu dòidenyde.
|
||||
\v 15 Isaka dinodu mahãdu ròirenyre Debora-wana. Kohe, Isaka itxoi mahãdu ròirenyre, Baraki tule ralere. Tiki boho ihewokurenymy ròirenyre Amaleki bedekòhòkÿle. Ka Rubeni itxoi boho tahe wii riwirarearenymy? ratximyhÿreny. Tikiboho sõemy wideke raryberenyre kiata ròirenykõhykyrenyre. Isaka dinodu mahãdu ròirenyre Debora-wana. Kohe, Isaka ijoi mahãdu ròirenyre, Baraki tule ralere. Tii boho iheworenymy ròirenyre bedeòhòkÿle. Ka Rubeni ijoi boho tahe wii riwirarearenymy ratximyhÿreny; tii boho sõemy widee raryberenyre kiata ròirenyõhyyrenyre.
|
||||
\v 16 Anoherekibo kuaki ratxirenykremy rexikywinyrenyre budoeni mahãdu-wana? Kia anobo budoeni dinodu mahãdu irà-kò rohokujarenykremy anobo? Kohe, Rubeni itxoi mahãdu wii riwirarearenymy rahitximyhÿreny. Tiki boho sõemy wideke raryberenyre kiata ròirenykõhykyrenyre. Aõherekibo kua-ki ratxirenykremy rexiywinyrenyre budoeni mahãdu-wana? Kia aõbo budoeni dinodu mahãdu irà-ò roholarenykremy aõbo? Kohe, Rubeni ijoi mahãdu wii riwirarearenymy rahitximyhÿreny. Tii boho sõemy widee raryberenyre kiata ròirenyõhykyrenyre.
|
||||
\v 17 Kade itxoi mahãdu Jordaõ beraku weribi ratxirenyre, ka Dã itxoi mahãdu asiykymy ratximyhÿreny. Aseri itxoi mahãdu tahe bera nihikỹbireki rexitxuhunyrenyre kia. Kia tahe kÿnyra weitxà-ki ratxirenyre. Kade ijoi mahãdu Jordaõ bero weribi ratxirenyre, ka Dã ijoi mahãdu asiyymy ratximyhÿreny. Aseri ijoi mahãdu tahe bera nihikỹbireki rexitxuhunyrenyre kia Kia tahe ÿnyra weijà-ki ratxirenyre.
|
||||
\v 18 Ka Zebulom itxoi mahãdu kia Natali (Naftali) itxoi mahãdu tahe ikòhãrumy taitxoi mahãdu-di anobinakile ratximyhÿreny. Ka Zebulom ijoi mahãdu kia Natali ijoi mahãdu tahe iòhãrumy taijoi mahãdu-di aõbinakile ratximyhÿreny.
|
||||
\v 19 Ikòlò mahãdu dòidenyde kia resurenyre Taanake bedeki, Mekido ahu bireki. Kanaỹikòlò boho resurenyre, kiata takòludu mahãdu-ribi riwyrenykõhykyrenyre mana rÿsỹkòtakòtano. Iòlò mahãdu dòidenyde kia resurenyre Taanake bedeki, Megido ahu bireki. Kanaỹiòlò boho resurenyre, kiata taòludu mahãdu-ribi riwyrenyõhyyrenyre mana rÿsỹòtaòtaõ.
|
||||
\v 20 Kia takina dokuri resurenyre: Kia raritxamyhÿrenyre wana-wana bikuwetyky-di, tiki boho resurenyre Sisera kòludumy. Kia taina dori resurenyre: Kia raritxamyhÿrenyre wana-wana biuwetyky-di, tii boho resurenyre Sisera òludumy.
|
||||
\v 21 Wakòludureny Kisom beraku esetere ridyrenyre Kisom beraku ehetxina. Waòludureny Kisom bero esetere ridyrenyre Kisom berau ehetxina.
|
||||
\v 22 Taita kawaru mahãdu rawakrytòrenyre kia rawakrytòrenyre suu rikamy ròirenyre tawaryhÿkÿ-di.Taita awaru mahãdu rawaytòrenyre kia rawaytòrenyre suu riamy ròirenyre tawaryhÿkÿ-di.
|
||||
\s1 Deuxu ÿju kamy rarybere:
|
||||
\v 23 "Bitxuhòbenyke Meroz hãwa", kamy rarybere Deuxu Tyhyhykỹÿju: — Bitxuhòbenyke, bitxuhòbenyke taisÿdureny mahãdu, kiemy dokuri tiki boho dòidenykõhykydenyde Deuxu Tyhyhykỹwikòhedÿkÿmy, kia dòidenykõhykydenyde sodadu wesemy tai ijesurenymy. "Bitxuhòbenyke Merosi hãwa", kamy rarybere Deuxu Tyhyhykỹÿju: —"Bitxuhòbenyke, bitxuhòbenyke taisÿdureny mahãdu, kiemy dori tii boho dòidenyõhyydenyde Deuxu Tyhyhykỹwiòhedÿÿmy, kia dòidenykõhykydenyde sodadu wesemy tai ijesurenymy.
|
||||
\v 24 Hãwyky hãwyky-ribi ibedesatyhymy ratximyhÿre Jaeli, Heberi hãwyky, Keneu wahe. Tiki heka ibedesatyhymy ratximyhÿre hãwyky hãwyky-ribi brekò hetoku ritxòreki Hãwyy hãwyy-ribi ibedesatyhymy ratximyhÿre Jaeli, Heberi hãwyy, Keneu wahe. Tii heka ibedesatyhymy ratximyhÿre hãwyy hãwyy-ribi breò heto riòreki.
|
||||
\v 25 Sisera be-my rexitòenyre, kiaremyta tiki broreni hukÿsyle tamy riwahinyre; Tamy broreni hukÿsy ehetxina diwyde Ikòlò bedekòwihikÿ-di. Sisera be-my rexitòenyre, kiaremyta tiki broreni huÿsyle tamy riwahinyre. Tamy broreni huÿsy ehetxina diwyde Iòlò bedeòwihikÿ-di.
|
||||
\v 26 Kòwòrukre rimyre tebòwykò-di kia ijõdita kòwòrudeseno rimyre. Òwòrukre rimyre tebòwyò-di kia ijõdita òwòrudeseõ rimyre.
|
||||
\v 27 Tiki tatikowomy raritxowyre, raritxowymy taita iti ratemy roimyhÿ. Kia iwatikòle tiki tatikòhumy resemy raritxowyre. Tiki tarubumy sukò raritxowyre. Tii tatiowomy rariowyre, rariowymy taita iti ratemy roimyhÿ. Kia iwatiòle tii tatiòhumy resemy rariowyre. Tii tarubumy suò rariowyre.
|
||||
\v 28 Siserase retehere tahetokurure-ribi; kia retehewire, hetokure-ribi kia rarybere: "Anoherekibo iityti hekòtyreny rarykorehenyreri kedehemynykemy? Anoherekibo ikawarureny kywimy raritxarenyreri?" Siserase retehere tahetorure-ribi; kia retehewire, hetorure-ribi kia rarybere: "Anoherekibo iityti hekòtyreny rarykorehenyreri kedehemynykemy? Anoherekibo ikawarureny kywimy raritxarenyreri?"
|
||||
\v 29 Ibikòwareny ibedekerytyhy rirawykònyrenyre, kia tiki ixybyle tuu rarybere ixideke sohojile: Ibiòwareny ibedeerytyhy rirawyònyrenyre, kia tii ixybyle tuu rarybere ixidee sohojile:
|
||||
\v 30 Tiki boho anohe-wana wimy rikywinyrenyreri anonanona riwyrenyreri: Sohoji yda inatxi ijadòkòma sodadu sohoji sohoji-kò, tykywihikỹSisera-kò kia tyky wimybròbrò Ikòlò hãwyky isanamy." Tiki boho anohe-wana wimy rikywinyrenyreri anonanona riwyrenyreri: Sohoji yda inatxi ijadòkòma sodadu sohoji sohoji-kò, tykywihikỹSisera-kò kia tyky wimybròbrò Ikòlò hãwyky isanamy."
|
||||
\v 31 Kawesemy tahe Deuxu Tyhyhykỹibutumy akòludu mahãdu rururenyre, kiaremyta abikòwa mahãdu raruderanyrenykre iruruteremy txuu ruku-di rokosomyhÿre wesemy. Kawesemy tahe Deuxu Tyhyhykỹibutumy aòludu mahãdu rururenyre, kiaremyta abiòwa mahãdu raruderanyrenykre iruruteremy txuu ru-di rokosomyhÿre wesemy. Kia hãwã awimy bede riere 40 wyramy
|
||||
\rem aut Isaque Ijooko
|
||||
\rem dat 2010
|
||||
\c 6
|
||||
\s1 Jideaõ ijyymy
|
||||
\p
|
||||
\v 1 Debò inatxi reurò beòra-di Isaeli mahãdu Midiã mahãdu riwedunyrenyre Deuxu Tyhyhykỹriwahinyre. Isaeli mahãdu heka Deuxu-ò rexiòrarunyrenyre-ki.
|
||||
\v 2 Midiã mahãdu heka iruruterehekỹrare iribireny tai Isaeli mahãdu rexiwomy roimyhÿre hãwãlò wotxi iwoku rehe-ki ijõ hãwãlò suu rexiwotyhyõlemy.
|
||||
\v 3 Isaeli mahãdu ritòbrònyrenyre heka Iòludureny Amaleke mahãdu, Midiã mahãdu, bede lyty rasÿnyre mahãdu wana itxirenyreamy roiremyhỹtòbrònareny riòròòròrenyre ixyby ixybyle ritòbrònyrenyreu.
|
||||
\v 4 Tii boho isuureny-ò reuròrenyre tai tahetoreny risÿnyrenyre Isaeli mahãdu tòbrònareny riworonyrenyre iraru weribi-ò Kasa suu iòhò-ò. Ibutumy rahurenyre ratxiõhyykemy. Awaru yla ylake aõkõ Brorenike aõkõ, budoinike aõkõ.
|
||||
\v 5 Tii boho taõna õnarenyle riwyrenyre, tabrorenireny tahetoreny riwyrenyre tysibrori sõwehekỹwese dori rare. Ikamelureny dori sõwere tule sõwehekỹtiu dori idi rariaõtyhy. Tii boho doidenyde suu rahukemy.
|
||||
\v 6 Isaeli mahãdu heka idireny rorenyõtyhy idireny riwinyõleõtyhy. Tai Isaeli mahãdu heka Deuxu Tyhyhyky-ò rexitòenyrenyre.
|
||||
\v 7 Midiã mahãdu òraruki Isaeli mahãdu rexitòenyre Deuxu-ò.
|
||||
\v 8 Tai tadeòdumy Deuxu riteònyre. Tamyreny rarybere: —Kaa wese heka Deuxu Tyhyhykỹrarybere Isaeli Deuxu: —Jiarỹheka aratare Ejitu suu ribi wetxu ribi aratare.
|
||||
\v 9 JiarỹEjitu mahãdu ribi aratare, kaa suu-ki awanareny ròrenyre mahãdu ribi aratare. Aòludureny ribi aratare, tii boho reteònyre isuureny heka adeereny rewahinyre dori.
|
||||
\v 10 Jiarÿhe rarybere Deuxu Tyhyhykỹwahe aDeuxurenymy rare. Adeereny rarybere uritre Amoheu mahãdu heka surioko deàlàrenyõmy. Kaa su-ki rasÿnymyhÿre mahãdu heka uritre surioko deàlàrenyõmy rarybere ihÿre heka taholaõ mahãtenyte.
|
||||
\v 11 Tai heka Deuxu ÿju nade òwòru nihikỹrawoki runyre Ofara su iòhòmy roire. Kia òwòru heka Joasi òwòru heka rare. Joasi Abiese mahãdu rare. Iriòre Jideaõ triku rihãtenymy roire wasilemy midiã mahãdu lau. Tii uva risyrusyrunymy hyna-ki roire.
|
||||
\v 12 Tai Deuxu Tyhyhykỹÿju heka rexitÿnynyre tamy rarybere: — Abrebutere heka tate. Deuxu Tyhyhykỹawana ratxireri.
|
||||
\v 13 Jideaõ rarybere: Deuxu Tyhyhykỹwawanareny ratximyhÿre-ki aõherekibo inydeereny tuu rotÿÿnyre. Titxirabo aõ wiwihikỹDeuxu Tyhyhykỹinylabiereny koki riwinyremy Egitu ribi iny boho ridyreu. Tii riwarirenyre Midiã mahãdureny-ò.
|
||||
\v 14 Tai heka Deuxu TyhyhykỹJideaõ-ò riteònyre: —Make arurutyhy-di Midiã mahãdu ribi Isaeli mahãdu bitakemy. Jiarÿle arateònyreri makemy.
|
||||
\v 15 Jideaõ rarybere tamy: —Wanyrÿ, timybo heka Isaeli mahãdu aritakemy. Wamahãdureny Manasé mahãdu ribi heka hãwãdu rare. Wamahãdu ribi heka aõhy aõkõ jiarỹrare.
|
||||
\v 16 Taheka Deuxu Tyhyhykỹtamy rarybere: —Kai heka tuu biwinyke Jiarÿle arawiòhenanykre. Kai ibutu midiã mahãdu bisorusorunyke hãbu sohojile wese.
|
||||
\v 17 Jideaõ rarybere: Kai inatyhy waki awimy tahate wana heka wadee aõ biteòsinyke.
|
||||
\v 18 Uritre heka noõmyke làhàmy juhu xiwe ariwahinyke adee. —Kakile ararikre adoosekremy. Deuxu rarybere.
|
||||
\v 19 Tai heka Jideaõ ralore taheto-ò. Watxini heka riheranyre, paõ debowiòmy iutxie wese ÿnyde di riwinyre. Tai heka rasÿna rihynyre idi watxiniỹheranawo-ki ritxiwire. Tai ibutu riwyre Deuxu Tyhyhykỹÿju-ò òwòru nihiỹrawoki tii riraòmy roire.
|
||||
\v 20 Tai heka ÿju tamy rarybere: —Kaa mana tyre-ki paõ, watxinide bitidike idi iỹityre bitxiwikre. Tai iwese rarybere Jideaõ riwinyre.
|
||||
\v 21 Idi heka ÿju hojudese tebò-ki roireri rityyterenyre txurò rawodÿÿnyre watxinide-ki, paõ-ki. Tai mana ribile heka heòty roore watxinide, paõ wana rawosire. tai ÿju iõmy reare.
|
||||
\v 22 Tai heka Jideaõ rieryre heka Deuxu Tyhyhykỹÿjumy rareki tii ruberu nihikÿre, tahe rarybere: —WaDeuxu! JiarỹKorihe raberura! Deuxu ÿjumy iòhòlemy rabira-ki!
|
||||
\v 23 Taheka Deuxu Tyhyhykỹtamy rarybere: — Brebuõmyke! Awimy matxike. Kai buruõtyhy!
|
||||
\v 24 Tai heka Jideaõ xiwena riwinyre Deuxu Tyhyhykÿ-ò. Tai xiwena rininire "Deuxu Tyhyhykỹheka Ywina rare". Kia xiwena heka Ofara suu-ki wiji roire Abiese mahãdu hãwã-ki.
|
||||
\v 25 Kia txu rumy heka Deuxu TyhyhykỹJideaõ-ò rarybere: —Boo broreni hãbu rebure bidyke ijõ broreni hãbu rebure debò inatxi reurò beòra-di bidyke. Tai boo Baali surioko beatyke tule ibire-ki roireri ijõ suriokotò idi beatyke.
|
||||
\v 26 Tai heka isurioko suratòòtyre-ki aDeuxu-ò xiwena biwinyke mana wibireki. Iribi heka ijõ broreni hãbu-di kia òwòru teatyta wana xiwena tyre-ki ibutumy bisõkre.
|
||||
\v 27 Jideaõ debòwiò tedeòdu ridyra. Iwese Deuxu Tyhyhykỹrarybere wese riwinyre. Tii ruulemy are hãwã mahãdu lau, tamahãdu lau heka ruulemy rare.
|
||||
\v 28 Idi tahe hãwã mahãdu rexixarenyreu heka Baali xiwena resemy roire tule ijõ brororeni hãbu rebure xiwena kia riwinyre tyre-ki risõmy roire.
|
||||
\v 29 Tahe widee raryberenyre: —Mobo tuu riwinyre. Rÿÿraxirenyre, tahe Jideaõmy raryberenyre, Joasi riòre.
|
||||
\v 30 Tai tii boho Joasi-ò raryberenyre: —Ariòre heka bididyke, tiihe ruruke. Tii Baali xiwena riatyra suriokotò reatyra dori.
|
||||
\v 31 Tahe Joasi rarybere tamyreny: —Surioko òraruki aõbohe wariòre birubunyke! Mobo wariòre rirubunyke heka txu kedeake koki rurulemy kodoike. Baali heka Deuxutyhy wana rare-ki heka tiile taruru-dile rexitake. Taxiwenadile riatymy roire dori.
|
||||
\v 32 Kia txu ribile heka Jideaõmy raninirenyre Jerubaali. "Baali taruru-dile rexitake. Taxiwenadile riatymy roire." Kia òraru-ki Joasimy Jideaõ tyby rarybere dori.
|
||||
\v 33 Irahudi heka Midiã mahãdu, Amaleke mahãdu, sulyty mahãdu wana rexibutunyrenyre Jorodaõ bero reuròrenyre Jeheli hawãlò rawetyy-ki rasÿnyrenyre.
|
||||
\v 34 Tai heka Deuxu TyhyhykỹTyytybytyhy heka Jideaõ ridinodunyre tii budoini hãbuò rurònyre, Abiese ijoi mahãdu heka tii wana ributunyre.
|
||||
\v 35 Jideaõ tule riteònyre rybedu mahãdu riòrykremy Manase mahãdu, Ase mahãdu, Sebulõ mahãdu, Nafitali mahãdu. Tii boho tule tii wana rexibutunyre.
|
||||
\v 36 Tai Jideaõ rarybere: — Deuxu, Kai heka tarybete biwauhekremy Isaeli mahãdu ritakemy.
|
||||
\v 37 Awire, taheka aritidike heka budoini sira taile triku rasurunyre-ò. Ruudiu heka kia budoini sira xobamy roikeki tahe irurawomy itytimy roikeki heka tai inatyhymy arieryke kai wadi biuhekre Isaeli mahãdu aratakemy.
|
||||
\v 38 Iwesele Jideaõ rarybere rotÿÿnyre. Ijõ txumy heka Jideaõ rexixare tai budoini sira tii riwexiwexinyre iribi heka bee riijiradÿÿnyre hyna-ò tai rÿxire.
|
||||
\v 39 Tai tii Deuxu-ò rexitòenyre: — Deuxu,wadee debureõmy. Tahe ixinamy ijõmy làhàmy arexitòenykre. Ixyby arexitòenykre budoini sira-di urihixinamy. Wiji heka budoini sira heka irubumy rÿikre iwerumy heka ixobamy rÿikre.
|
||||
\v 40 Deuxu heka kia rumy heka riwinyre. Budoini sira heka irubumy rÿire iwerumy heka ixobamy rÿire.
|
||||
\rem aut Isaque Ijooko
|
||||
\rem dat 2010
|
||||
\c 7
|
||||
\s1 Midiã Mahãdu Ribi Jideaõ Rotare
|
||||
\p
|
||||
\v 1 Jerubali, jideaõ heka ijõ ni rare, ijoi mahãdu wana ruumy Harode betutu-ò roirenyre taile ratxikemy. Midiã mahãdu suulyty-ki rasÿnymy roiremyhỹibòò-ò More hãwãlò iòhòmy.
|
||||
\v 2 Tai heka Deuxu TyhyhykỹJideaõ-ò rarybere: —Amahãdureny sõwere. Aõkõre warurudi-le botabenyke! Aõkõkeki araryberenyke warurureny-dile ijoi rotare! Deuxu rurudile aõkõ!
|
||||
\v 3 Aijoireny-ò marybeke myy: —"Mobo ruberukeki rooseke tasÿ-ò." Tai Jideaõ tamyreny rarybere tai tahe wawiò inatxi sõwe hãbu roosere. Rarira debowiò sõwemy.
|
||||
\v 4 Idi heka Deuxu TyhyhykỹJideaõ-ò rarybere: —Iny sõwetyhyre! Kia mahãdu bidyke bera-ò taile heka inyõ aribi aritakre raõkre mahãdu. Jiarỹararybekre Inyõ awana rakeki rake.Inyõ awana raõkeki raõtyhy.
|
||||
\v 5 Tai heka Jideão hãbu mahãdu ridyre bera-ò. Idi Deuxu Tyhyhykỹtamy rarybere: —Ibutumy hãbu mahãdu ijoròsa wese tòròtò-di bemy riõra mahãdu bitake tatiohu-di bemy riõre mahãdu bihitxinyke iribi.
|
||||
\v 6 Tresentumy hãbu sõwe bemy tòròtò-di riõre iuhe mahãdu tatiwohumy bemy riõrenyre.
|
||||
\v 7 Tai heka Deuxu Tyhyhyky Jideaõ-ò rarybere: —Kia tresentu hãbu sõwe-di arawiòhenanyrenykre midiã mahãdu ribi botabenykemy.Midiã mahãdu ribi arahedÿÿnykemy. Kia tatiwohumy bemy riõre mahãdu heka roosekremy marybeke.
|
||||
\v 8 Tai heka Jideaõ kia tatiwohumy bemy riõre mahãdu riteònyre tasÿreny-ò. Tahe tresentu hãbu mahãdu heka itxurònareny-di, irasÿnareny-di taile ririra. Taheka midiã mahãdu iribireny iraru-ò roire suulyty-ò.
|
||||
\v 9 Kia ruumy heka Deuxu TyhyhykỹJideaõ-ò rarybere: —Myike! Midiã mahãdu-ò itxi beake! Inatyhymy rotarenyra iribireny!
|
||||
\v 10 Inatyhymy taberuteri uri make ihetoreny-ò! Purá wana make adeòdu wana make.
|
||||
\v 11 Tai irybereny bololake bexirurudÿÿnykemy itxi beakemy. Tai heka Jideaõ Pura wana rubeherenyre midiã mahãdu heto iòhòtyhymy.
|
||||
\v 12 Iu heka Midiã mahãdu, Amaleke mahãdu, ixina ludu mahãdu suu lyty-ki roirenyre rasõwerenyre tai iwese tysibrori wese. Tii boho takamelureny-di rasõwerenyre ÿnyre ruxõmo wese rasõwerenyre.
|
||||
\v 13 Jideão rare Pura wana. Taile ritehemynyreu heka Jideaõ hãbu roholare tarasimy relyyre tabiòwako-ò. —Jiarỹrarasinyre sevada paõ rawerahoremy ralora iny hetoreny-ò tai iny heto itxi reare ritxiwire idi rarahorere suumy rexirahorere.
|
||||
\v 14 Tai heka ibiòwa rarybere: —Jiarÿhe rexierymy rare Jideaõ òraruki tuu arotÿÿnykre! Joasi riòre òraruki tuu arotÿÿnykre! Ibutu iny mahãdu Deuxu tamy riwahinyre iny sodadu ibutumy tamy riwahinyre.
|
||||
\v 15 Kiamy Jideaõ roholareu heka rieryre inatyhymy rotakremyra tai tatiwohumy reàlàre Deuxu-ò. Idi roosere taijoi-ò. Jideaõ taijoi-ò rarybere: —Myibenybenyke Deuxu Tyhyhykỹheka adeereny riwahinyre midia sodadu mahãdu-ò ebòreny-ò.
|
||||
\v 16 Tai Jideaõ inataõ ijoimy rexijoinyre kia tresentu iny sõwe. Iny sohoji sohoji-ò Jideaõ riwahinyre bodoini hãbukò jurònamy tule butxi heòty roomy riwahinyre tamyreny.
|
||||
\v 17 Tahe rarybere: —Wadi betehebenyke! Iny òludu iòhòmy arehemynykreu heka wawesemy biwinybenykre.
|
||||
\v 18 Jiarỹwamahãdu wana juròna aritxurònykreu heka kaiboho iwerumy matxibenykreu heka bitxurònybenymy byryke myy: Deuxu —ò! Jideaõ-ò!
|
||||
\v 19 Ruwetya iòhòmy heka sodadu mahãdu wii riwiurònymy bedeu Jideaõ sem iny mahãdu wana ritehemynyrenyre iòludureny heto iòhòmy. Tai heka rurònyrenyre butxi ribòhòrenyre.
|
||||
\v 20 Inataõ ijoimy rexijoinyre txuròna ritxurònyrenyre butxi ribòhònyrenyre. Tii boho hywe weribi-ki heòty rimyrenyre ruru weribi-ki juròna rimyrenyre ryryrenyre: "Deuxu òraruki! Jideaõ òraruki!
|
||||
\v 21 Iny sohoji sohoji tetxi-ki roire heto weryra-ki. Tai ibutu iòludu sodadu mahãdu ryrymy rahenyrenyre.
|
||||
\v 22 Tresentu hãbu sõwe Juròna rurònyrenyreu heka Deuxu riwinyre iòludu mahãdu wiki rojyrenykremy tamaurehereny-di. Tii boho heka rahenyrenyre Bete sita hãwã ribi Abeli Meòla hãwã-Ò Tabate iòhòmy.
|
||||
\v 23 Tai heka Nafitali mahãdu, Ase mahãdu, Manase inatxi mahãdumy tii boho riteònyrenyre itxireny reakremy tai heka irehenymy rearenyre.
|
||||
\v 24 Tai Jideaõ rybedu mahãdu riteònyre Efaraim hãwãlò rasÿnymy roire mahãdu-ò rieryrenykremy: — Budubehebedenyke Midiã mahãdu-ò itxi beabenykemy! Ibutu biyrybunykemy jordaõ berò-ò iribi heka Bete hara ribi-ò. Midiã mahãdu riteusòdÿÿõmykemy.
|
||||
\v 25 Tai Orede, Seebe rimyrenyre midiã wedumy rimyrenyre. Orede rirubunyrenyre tamana-kile Seebe tahe uva dena risyreri-ki rubunyrenyre. Midiã mahãdu idihyymy itxi rearenyre. rati Seede rati heka Jideaõ-ò ridyrenyre ibrura-ò Jordão bero-ki.
|
||||
\rem aut Isaque Ijooko
|
||||
\rem dat 2010
|
||||
\c 8
|
||||
\s1 Midiã Mahãdu Ituerenyre
|
||||
\p
|
||||
\v 1 Efarai ijoi mahãdu heka Jideaõ-ò rarybere: —Aõherekibo wadeereny tarybeõmahãte midiã mahãdu-ò mahukemy tateu. Aõherekibo tuu tewinyte. Tai heka sõwemy rajeijeirenyre Jideaõ tamyreny rarybeõre òraruki.
|
||||
\v 2 Tahe tii tamyreny rarybere: Midiã mahãdu-ò rewinyra aõ aõkõ heka rare. kai boho tahe waratyre tewinytenyte dori. Inyõ heka Efarai mahãdu heka iratyõre Abiezer ijoi mahãdu ribi.
|
||||
\v 3 Orebe Zeebe midiã wedu mahãdu heka Deuxu adeerenyle riwahinyre dori jiarỹrewinyra aõ aõkõ rare. Tai kia Jideaõ rybe òraruki heka ijoi mahãdu rexiywinyre.
|
||||
\v 4 Jideão tresentu hãbu wana Jordaõ bero-ò roirenyre idi reuròrenyre tii boho heka rewyserenyre ihÿre heka taòludu mahãdureny ihewomy roirenyra.
|
||||
\v 5 Idi heka Jideaõ Sukotxi hãwã mahãdu-ò rarybere: Iny boho heka midiã mahãdu heka Seba Samuna-ò itxi reareri ijoi heka rama risamy roirenyreri. Riroxikemy rururenyreri byrena tamyreny biwahinyke làhàmy.
|
||||
\v 6 Tahe Sokotxi wedu mahãdu heka rirawyònyrenyre: —Aõherekibo asodadureny-ò byremy ariwahinyrenykemy. Kai Seba Samuna wana temyõta dori.
|
||||
\v 7 Jideaõ rarybere: —Awire. Urile heka Seba Samuna wana Deuxu ijoi-ò riwahinykreu heka jiarỹadereny bederahy ede-di ariykakre dori.
|
||||
\v 8 Idi heka Jideão Penueli-ò rare tai irybe weselemy rarybere hãbu mahãdu-ò. Tahe Penueli ijoi heka iweselemy rarybere Sukotxi mahãdu rybe wese.
|
||||
\v 9 Taheka Jideaõ tamyreny rarybere: —Aroosekreu heka, awimy arosekremy watxireri, tai kaa tohe areatykre wahe.
|
||||
\v 10 Iu heka Seba Samuna tasodadu mahãdu wana Kako hãwã-ki ratxirenyre. Tii boho heka rauhenyrenyre waiyre hãbu mili sõwe,bederahy rasÿny mahãdu heka sentu vinte mili hãbu rurure.
|
||||
\v 11 Jideaõ heka riwerywerynyre bederahy ryy ribi, Noba Jokebea suu ribi tai awysele heka sodadu mahãdu itxi reare.
|
||||
\v 12 Seba Samuna Midiã wedu mahãdu wana rahenyrenyre. Taheka Jideaõ rimyrenyre tasodadureny-di.
|
||||
\v 13 Jideão Joasi riòre heka aõbina ribi roosere Here suu ribi.
|
||||
\v 14 Sukotxi hãwã-ki weryrybò Jideaõ rimyre tai tii tamy rorytinyre Sokotxi wedu mahãdu inirenyre. Taheka setenta e sete ini sõwe rare.
|
||||
\v 15 Tai Jideaõ Sukotxi hãbu mahãdu-ò rybemy rare: —kai boho heka õhõtireny itxi reare warybe tebuatenyteu aõbo. Kai boho tarybetenyte rasÿna-di biwawiòhenanyõkemy Seba Samuna remyõre-ki. Beteihinyhe wiji bedemy! kakÿnyhe roire tii boho!
|
||||
\v 16 Tai heka Sukotxi wedu mahãdu bederahy ede-di idireny riwotõmonyre.
|
||||
\v 17 Tule Penueli tohe heka reatyre kia hãwã hãbu mahãdu rirubunyre.
|
||||
\v 18 Iribi tahe Seba Samuna-ò tii rÿÿraxire. — Mowesele heka rare Tabo hãwã hãbu mahãdu terubunytenyte. Tii boho heka rarybere: —Awesele heka roire. Iòlò riòre mahãdu wese.
|
||||
\v 19 Tai Jideaõ rarybere: —Tii boho heka waseriòre mahãdu heka roire. Nadi riòre wahe. Inatyhymy ararybekre, waseriòre birubunyõbenykeki heka ararubunyrenyõtyhy!
|
||||
\v 20 Tai heka tariòre dela-ò rarybere: —Mÿike, birubunybenyke! Ihÿre heka weryrybò tamayrehe imyõlera. Tii ruberure itÿmyrare-ki.
|
||||
\v 21 Tai Seba Samuna Jideaõ-ó raryberenyre: —Kaile manake biwarubunybenykemy hãbutyhyle heka tuu riwinymyhÿre. Tai Seba Samuna heka Jideaõ rirubunyre ikamelureny tõhõreny heka ahãdu nohõ heka rimyre.
|
||||
\v 22 Tai Isaeli mahãdu tamy rarybere: Kai heka iny mahãdu Midiã mahãdu ribi tetate tai dori iny wedumy texiraohorete. Iribi heka ariòre wedumy rarekre iribi heka ariokore tule wedumy rarekre.
|
||||
\v 23 Jideaõ tamyreny rarybere: —Jiarỹaõkõ heka wedumy ararekre. Wariòre wedumy aõkõ rarekre. Deuxu Tyhyhykÿle awedurenymy rarekre.
|
||||
\v 24 Tahe rarybere: —Ihÿre heka arexitòenykre adeereny. Kai boho iny sohoji sohoji heka nohõti sanaõ bidiwahinybenyke inyõ totate ribi. Iu heka Midiã mahãdu nohõti sana nihikỹidi ratxirenyre womati tarÿrÿhakÿ-di.
|
||||
\v 25 Kia hãwã mahãdu heka raryberenyre: —Awire, ariwahinyrenykre. Tai tii boho tatyky webrò bede-ò ritidirenyre iny sohoji sohoji ityre-ò riteòtenyre nohõti sana midiã mahãdu ribi ritarenyre-ki.
|
||||
\v 26 Kia nohõti sana Jideaõ tamyreny rexitòenyre heka trinta iutxie iòhò heka rare. Ijõ heka tyky, aõriti, tykysò wihikỹmidiã mahãdu idi riuhere sõwe Jideaõ-ò riwahinyrenyre.
|
||||
\v 27 Kia womati tarÿrÿhakÿ-di heka Jideaõ suu ritxoo riwinyre Ofara ihãwã-ki ritidire. Tai heka Isaeli mahãdu Deuxu ririrenyre suu ritxoo ribi. Suu ritxoo reàlàmy roirenyre tai heka ibinamy Jideaõ mahãdu-ò rare.
|
||||
\v 28 Midiã mahãdu heka itxireny reaõre ixãwire dori. Quarenta beòra-di heka awimy roire ywina-di.
|
||||
\s1 Jideaõ rubu
|
||||
\p
|
||||
\v 29 Jideaõ tasÿ-ò roosere.
|
||||
\v 30 Tii iriòre setenta riòre sõwe, ihãwyy sõwere dori.
|
||||
\v 31 Tii tule Sike hãwã-ki ibiraludu ijõdire. Tii riòremy tamy riwahinyre. Tii heka Jideaõ rinire Abimeleke.
|
||||
\v 32 Jideaõ Joasi riòre heka matuarityhy-di rurure. Idi rituunyrenyre tyby bire-ki. Ofara hãwã-ki Abiezer mahãdu wahe.
|
||||
\v 33 Jideaõ rurure sÿtyby heka Isaeli mahãdu Deuxu ixyby ririreny. Kana mahãdu surioko heka reàlàrenyre . Baali Berite heka idi ralàrenyre ideuxurenymy.
|
||||
\v 34 Bede rehemy aõkõ Deuxu Tyhyhykỹreàlàrenyre Tii heka ibutu isÿwera ludu mahãdu ribi riwiòhenanyre rotakremy
|
||||
\v 35 Tule Jideaõ mahãdu-ò reàlàrenyõre tamyreny awityhymy riwinyre dori.
|
||||
\rem aut Isaque Ijooko
|
||||
\rem dat 2011
|
||||
\c 9
|
||||
\s1 Kia heka Abimeleke ijyy
|
||||
\p
|
||||
\v 1 Abimeleke iwitxira Siokei hãwã-ò rare tadiboho ijoi-di.
|
||||
\v 2 Tadi boho ijoi-ò rarybere: Sõwehekỹaõbo iny sohoji ada iny sohoji aõbo. Tai tahe tii boho rÿÿraxirenyre: Tibo adeeereny awire iny sohoji adinodureny rarekre ada debò inatxi sõwehekỹaõbo, jideão riòre mahãdu sõwe adinodureny rarekre. Abimeleke heka aijõrenytyhyle rare.
|
||||
\v 3 Ise boho ijoi heka raryberenyre tamyreny tai heka Abimeleke risÿnyrenyre ijoireny.
|
||||
\v 4 Tii boho tamy riwahinyrenyre nieru iribi tahe hãbu bina-ò riòwynyre rirubunykremy. Abimeleke-ò riwahinyre debò inataõ sõwe prata womati suu rioko ribi ritare.
|
||||
\v 5 Tyby hãwã tyby-ò hãbu rirubunyrenyre maná tyre-ki. Ofara hãwã-ki taseriòre boho setenta iseriòre rirubunyre Abileke. Iexi heka rirubunÿõre rahenyre dori.
|
||||
\v 6 Sikei ijoi ówóru rawoki heka Abimeleke tawedumy risÿnyre. Iólómy.
|
||||
\v 7 Iexi heka Jotaõ rarybere hãwãlò ribi: Sikei Ijoi Warybe Boholabenyke tai Deuxu arybereny roholareri. iny rybereny-ò:
|
||||
\v 8 tai Jotaõ rarybere: Ariwesenanyre:
|
||||
\v 9 Aribireny arexiwahinyõtyhy waryÿle adeereny ariwahinykre bederatyò rarybere.
|
||||
\v 10 ijõ bederatyò rarybere. Awedurenymy arareõtyhy. Waratyle adeereny ariwahinykre.
|
||||
\v 11 Tai òwòru mahãdu ijõò rarybere: Wawedurenymy mabeke.
|
||||
\v 12-13 Uvaò rarybere: Jiarỹawedurenymy aõkõ ararekre waruÿle adeereny ariwahinykre dori.
|
||||
\v 14 Tai heka hedeò raryberenyre: Wawedurenymy mabeke.
|
||||
\v 15 Hedeò rarybere tamyreny: Boidoibedenyke waòrawoki kia matxibenyõkeki arasõrenyke.
|
||||
\v 16 Jotaõ rarybere: Òbitimy aõbo tewinytenyte Abimeleke awedurenymy tesÿnytenyte. Jideaõ mahãdu awimy aõbo tewinytenyte.
|
||||
\v 17 Ohõtireny aõbo itxi reara waha adireny rorenymy raremyhỹrubu ribi aratarenyre
|
||||
\v 18 waha òludumy tatxitenyteri ihÿre. Kai boho heka iriòre boho terubunytenyte maná tyre-ki Abimeleke awedureny heka tesÿnytenyte wetxu mahãdu riòrehekỹaijoirenmy rare-ki wahe.
|
||||
\v 19 Awimy tii wana matxibenyke,Awimy tii awanareny ratxirenyke.
|
||||
\v 20 Kiakõkeki dori tii arasõrenyke Sikei hãwã Bete Milo hãwã wahe. kai boho tule Abimeleke bisõbenyke.
|
||||
\v 21 Tarybe rahudi heka rahenyre Beeri hãwã-ò taseriòre lau brebumy.
|
||||
\s1 Kaau heka teramy reare
|
||||
\v 22 Bede roimy rare heka inataõ beòradi Abimeleke Isaeli wedumy roire
|
||||
\v 23-24 Iribita wii raòludunyrenyre Abimeleke Sikei mahãdu wana kia taseriòre rirubunyrenyre setenta iserióre sõwe rirubunyrenyre.
|
||||
\v 25 Sikei ijoi mahãdu heka hãwãlò-ki roirenyra wasilemy ritosenyrenyre Abimeleke rirubunykremy. Ibutumy idi rariamyhỹtii boho iaõna riwymyhỹihàrilemy Abimeleke kiamy rieryre.
|
||||
\v 26 Ebede riòre Kaau heka inire Tii Sikei hãwã-ò rare kia mahãdu ibiòwamy rityhynyre
|
||||
\v 27 Tai riõrenyre tii wana ixena-ò suu rioko heto-ò rironyrenyre tai rybe binamy rexiryberenyre Abimele-di.
|
||||
\v 28 Kaau tamahãdu wana roirenykreu itxi beabenyke tamyreny rarybere: Aõherekibo kiaò wedu rurureri Abimeleke. Tii aõ aõkõ rare, Jideaõ riòre wahe. kaki heka hãbu ihõõre aõbo Sikei mahãdu-ki hãbu ihõõre aõbo. Sebu mahãdu heka Abimeleke riwedunykremy aõbo. Hamo heka iny labiereny mahãdule iny wedumy rarekemy
|
||||
\v 29 Iny labiereny tÿmyra mykeki rohònyke Abimeleke riteònyke. Myta rarybere.
|
||||
\v 30 Tai heka Sebu kia hãwã wedu ibinamy tai rahare Kaau rybemy
|
||||
\v 31 Abimeleke-ò inyõ riteònyre tamy rybemy: —Ebede riòre heka Kaau taseriòre boho wana teramy rekoamyhÿrenyre Sikei mahãdu wana.
|
||||
\v 32-33 tai Sebu tamy rarybere: Hãwã-lò-ò boibenyke tai ritòsenykemy Ruudi-le itxi beakeki ròrenykremy wasimy boibenyke hãwã-ò. Kaau tamahãdu wana roirenykreu itxi beabenyke
|
||||
\v 34 Tai heka Abimeleke ruudile heka rare wasimy iny rexiijoinyre inaubiòwa ijoimy.
|
||||
\v 35 Hãwã ijoi-ki Kaau tamahãdu wana roirenyreu Abimeleke rexiworenyre ribi rexitarenyre
|
||||
\v 36 Kaau tuu robirenyre tai Sebu-ò rarybere. Betehe iny hãwãlò-ò inyõ rubehereri. Kõre hãbu aõkõ rare hãwãlò ubòròròna rare Sebu rarybere.
|
||||
\v 37 Betehe inyhe inykoreny-kile hãbu rubehemy rareri. Kaau rarybere
|
||||
\v 38 Sebu tamy rarybere: Teseõnyteri tuu tarybeteri kiamy hãbumy rareri betehe inyhe tuu tarybeta. Tebuateri dori idireny. Myta borenykremy.
|
||||
\v 39 Tai Kaau Abimeleke itxi reare.
|
||||
\v 40 Abimeleke itxi reare Kaau iribi ròhònyre. Sõwe iny rawotõmõmy roire hãwã siryre ribi-ò.
|
||||
\v 41 Tai Abimeleke roosere Aruma Hãwã-ò. Sebu heka Kaau taseriòre boho riteònyre idita Sikei Hãwã-ò roosere.
|
||||
\v 42-43 Ijõ biurasòmy Abimeleke robire Sikei mahãdu taòwòrureny-ò roirenyreu raõmysÿdÿÿkremy tai ritòsemy runyremy itxi rearenyre rirubunyrenyre kia mahãdu juhule heka taijoi rirareare inataõ tai rexiworenyre ribi rohonyrenyre Sikei hãwã ijòtòbònasiruremy roirenyre.19
|
||||
\v 44 Abimeleke taijoi wana hãwã kia hãwã ijòtòbònasiruremy roire sikei mahãdu rirubunyrenyre ijõ ijoi heka òworu mahãdu rirubunyrenyre ibutumy.
|
||||
\v 45 Abimeleke hãwã-ki rorenyrenyre tatxu irehemy ibutu Sikei hãwã mahãdu rirubunyre ibutumy. Sikei hãwã rituere tai xaa bede-ò rejuxunyre.
|
||||
\v 46 Ijõ mahãdu Sikei Ówòna-ki roireri mahãdu Baali Berite suu rioko heto-ò rexiworenyre.
|
||||
\v 47 Abimeleke kia rieryre tahe hãwãlò-ò rare tai womati rimyre òwòru ruru riorore taaxiòti tyre-ò ritidire taijoi-ò rarybere butumy taaxioti tyre-ki riwykremy òwòru.
|
||||
\v 48 Irehenymy iijoi mahãdu riheludunyrenyre. Tii boho heka òwòru diwerunyde tai rexiwore mahãdu roireri heka riwery]unyre òwòru-di. Iribita heka òwòru-di ritoonyre ibutumy rahurenyre Hãbu, hãwyy risõrenyre Skei òwòna mahãdu risõrenyre mili hãbu hãwyy òsany.
|
||||
\v 50-52 Iribi tahe Tebe hãwã-ò rare tai kia mahãdu rihenyrenyre brebu lau tai heka òwòna roire rihenyrenyre rexiratòbònyrenyre ibutu biu-txi rexiworenyre. Tai Abimeleke ijòtòbòna-ò rare ritoonykemy.
|
||||
\v 53 Kiau heka hãwyyõ mana nihikỹheka itxi-di rehure iratitxi ribòhònyre.
|
||||
\v 54 Tai tii rarybere weryrybò-ò: —Wylemy waki bojyke amaurehedi hãwyy dori riwarubunyõhyyra. Tai weryrybò tamaurehedi rirubunyre.
|
||||
\v 55 Abimeleke rurureu heka Isaeli mahãdu tasÿreny-ò roroserenyre.
|
||||
\v 56 Abimeleke-òwy Deuxu riòwynyre tyby ibina riwinyre-ò taseriòre mahãdu rirubunyre-ò.
|
||||
\v 57 Kia Sikei mahãdu heka aõhõkÿmy rotÿÿnyrenyre Deuxu riòwynyre iwese Jideaõ riòre
|
||||
\rem aut Isaque Ijooko
|
||||
\rem dat 2011
|
||||
\c 10
|
||||
\s1 Tolá Jai Ijyymy
|
||||
\p
|
||||
\v 1 Abimeleke bedeu rahudi heka Tolá Puá riòre Dodo riokore Isaeli mahãdu riwiòhenanykemy nade. Issaka mahãdu rare Sami hãwã ludu rare Efrai Hãwãlò ludu wahe.
|
||||
\v 2 Tii heka wawiò inatxi reurò beòra-di heka Isaeli mahãdu wedumy rare. Rurusÿtybymy heka Sami hãwã-ki rituunyrenyre.
|
||||
\v 3 Tolá bedeu rahudi heka Jai Jilaede ludu heka Isaeli mahãdu wawiò inatxi reurò beòra-di Isaeli mahãdu wedumy rare.
|
||||
\v 4 Tii heka iriòre trintamy sõwe rare, tii boho ijumentoreny tule trinta sõwe rare tule trinta hãwã sõwe ihãwãreny rare. Kia hãwãreny Jai hãwãrenymy raninirenyre wiji.
|
||||
\v 5 Jair rurure rahudi heka Kamo hãwã-ki rituunyrenyre. Isaeli mahãdu Amo mahãdu rimyrenyre
|
||||
\v 6 Ixyby heka Isaeli mahãdu surioko reàlàrenyre: Cananau mahãdu surioko reàlàrenyre, Siria surioko, Sido surioko, Moabesurioko, Amo surioko, Filixiteu surioko reàlàrenyre. Deuxu ribi tohõti itxi reaõre.
|
||||
\v 7 Tai dori Deuxu yaranamy roire tai ririrenyre Filixiteu mahãdu debò-ki Amo mahãdu bebò-ki ririrenyre.
|
||||
\v 8 Tai dori waiyre inataõ beòra-di Isaeli mahãdu wedumy roirenyre ibutumy.
|
||||
\v 9 Amo Mahãdu tule itxireny reare Jordão bero ribi reuròrenyre idireny rorenykemy aõhõkÿmy risÿnyrenyre.
|
||||
\v 10 tai Isaeli mahãdu heka rexitòenyrenyre Deuxu-ò: —WaDeuxureny ararirenyre dori Kananeu surioko heka reàlàrenyre ako rexiòrarunyrenyre.
|
||||
\v 11 Deuxu heka tamyreny rirawyònyre: Egitu mahãdu atxireny reareu, Amoheu mahãdu atxireny reareu, Amo mahãdu atxireny reareu, filixiteu mahãdu atxireny reareu,
|
||||
\v 12 Sido mahãdu atxireny reareu,Amaleki mahãdu atxireny reareu, Mao mahãdu atxireny reareu wadee texitòenytenyte aratarenykemy jiarỹdori iribireny aratarenyre
|
||||
\v 13 iribi heka tiwaritenyte surioko ixyby teàlàtenyte tai dori arawiòhenanyõtyhy
|
||||
\v 14 Wiji dori asuriokoreny-ò bexitòenybenyke.
|
||||
\v 15 isaeli mahãdu heka raryberenyre: Inatyhymy adi rexiòrarunyrenyre taheka wiji biwawiòhenanyke kahyyle,làhàmy.
|
||||
\v 16 Isaeli mahãdu heka tasuriokoreny ibutumy idi rehure ibutumy Deuxu-ò reàlàrenyre. Tai Deuxu idireny riwotòenyrenyre sõwemy aõhõkÿmy rotÿÿrenyre dori.
|
||||
\v 17 Idita heka Amo ijoi mahãdu heka Mixipa Hãwã-Ki rohonyrenyre.
|
||||
\v 18 Tahe wii ritobinyrenyre inyõ Isaeli mahãdu Amo mahãdu ribi rotakeki heka Isaeli wedumy runyke
|
||||
\rem aut Isaque Ijooko
|
||||
\rem dat 2011
|
||||
\c 11
|
||||
\s1 Jefite ijyymy
|
||||
\p
|
||||
\v 1 Jefite heka jileade mahãdu rare. Irurudihikỹrare. Tyby heka Jileade inire, tadi heka aderana rare.
|
||||
\v 2 Jefite hãwyytyhy heka iriòredire tule. Iriòrereny heka Jefite-ò raryberenyre: —Wahãreny hõrõ heka botaõtyhy. Kai heka iny witxira riòredi tate.
|
||||
\v 3 Jefite taseriore ribi heka rahenyre Tobe hãwã-ò sÿmy rare. Tai heka ijoi bina bina tii wana roire tii boho wanale roirenyre.
|
||||
\v 4 Iribi tahe Amo mahãdu Isaeli mahãdu-ò rorenykemy roirenyre.
|
||||
\v 5 Tai Jileade wedu mahãdu Jefite òrysymy roirenyre Tobe hãwã-ò.
|
||||
\v 6 Tii boho raryberenyre: Wamynahe manake wawana marurunykemy Amo mahãdureny ribi, Isaeli mahãdu ritakemy.
|
||||
\v 7 Araeryrenyre waòludurenyreki waha heto heka tewaòlòdÿÿnytenyte wiji boheka wamy taruteri. Jefite rarybere tamyreny.
|
||||
\v 8 Araòrurenyre alore wedumy matxikemy Amo mahãdu weribi Isaeli mahãdu rotakemy. Jileade Mahãdu myta risÿnyre.
|
||||
\v 9 Tai Jefite tamyreny rarybere: Biwadybenykeki Amo mahãdumy rorenykemy Deuxudewikeki arotakeki heka awedurenymy aratxike. Awire aõbo.
|
||||
\v 10 Tii boho raryberenyre: Awire. Arybe-di aratxike. Deuxu roholareri.
|
||||
\v 11 Tai Jefite tii boho wana roirenyre,Jileade mahãdu iwedureny risÿnyre Jefite dori ibutu mahãdu koki ritÿnynyre kia rybemy wedumy rarekremy rotakakeki.
|
||||
\v 12 Tai Jefite rybedumy riteònyre Amo mahãdu Wedu-ò. Tii boho raryberenyre: Aõbo waòludurenymy toite. Aõherekibo wasureny-ò toite.
|
||||
\v 13 Amo iòlò rirawyònyre: —Isaeli mahãdu Ejitu ribi rooserenyreu wasu-di rahaananyre Ano bero ribi Jaboki, Jorodaõ berò-ò. Tai wiji jeijeiõmy ihudi matxibenyke.
|
||||
\v 14 Ijõ rybedu mahãdu heka Jefite riteònyre Amo iòlò rybemy:
|
||||
\v 15 Kiamy rybemy riteònyre: Amosu Moabesu aõkõ Isaeli mahãdu ritarenyre.
|
||||
\v 16 Isaeli mahãdu Ejitu ribi dexitadenydeu heka bedehy ribi doidenyde berosòhòkÿ-ò iribi Kadesu-ò roirenyre.
|
||||
\v 17 Tii boho rybedu mahãdu riteònyre Edon iòlòmy rybemy tii teramy reare. Tai iwesele rexitòenyrenyre Moabe iòlòmy tii tule teramy reare.
|
||||
\v 18 Tai tii boho bedehy ribi roirenyre. Edosu riwerynyrenyre, Moabesu riwerynyrenyre tai ritehemynyrenyre Moabesu ibrura iribi-ò tai Ano bero ribi reuròõrenyre Moabesuko ònanaòle.
|
||||
\v 19 Tai Isaeli mahãdu heka rybedu mahãdu riteònyre Seo Amoheu iòlòmy rybemy
|
||||
\v 20 Seo teramy reare taijoi-ò Jasasu-ò roirenyre Isaeli mahãdu-ò itxireny reare.
|
||||
\v 21 Tai dori Deuxu Tyhyhykỹheka Isaeli mahãdu rirurudÿÿnyre Seo ribi rotakemy taijoi boho wana. Kia heka Isaeli mahãdu ibutu Amoheusu ritare.
|
||||
\v 22 Amoheusu ibutumy ritarenyre Ano bero ribi iraru-ò, Jaboki bero-ò ibòò-ki, bedehy ribi bedebro-ò, Jordaõ bero bedebro-ò.
|
||||
\v 23 Kia wese dori Deuxu Tyhyhyky Amoheu mahãdu riteònyre tamahãdu ribi, Isaeli mahãdu wahe.
|
||||
\v 24 Tahe wiji bohe asu bimykemyreri aõboheka. Kemo asuriokoreny ibutumy adeereny riwahinyre-ki heka idi matxibenykemy. Tahe jiarỹboho heka ibutumy Deuxu Tyhyhykỹ inydeereny riwahinyre-ki aratxikre.
|
||||
\v 25 Balake ribi ratyre sÿny tahõtinyteri, Sipo riòre, Moabe iòlò juhu raremy. Isaeli mahãdu aõbo tii ribuare. Tii aõbo inydireny rorenyre aõbo.
|
||||
\v 26 Sõwe tresentumy beòra-di Hexibosu-ki, Ahoesu-ki Isaeli mahãdu rasÿnyre tai. Tule hãwã weribi-ki amo bero weijiti-ki rasÿnyre aõherekibo kia bedeu suu tahaananyõtenyte dori.
|
||||
\v 27 Kõre jiarỹibina aõkõ rewinyre adireny. kai bohole ibina tewiny mahãtenyte wadee alore tarumahÿtenyte-ki. Deuxu tyhyhykỹwahisidÿÿdule rare. Tii wijihekÿle rarybekre Amo mahãdu-ò ada Isaeli mahãdu-ò.
|
||||
\v 28 Jefite Kia rybemy roholare heka ihÿre Amo iòlòmy teramy reare.
|
||||
\v 29 Tai deuxu Tyhyhyky heka Jefite ridinodunyre tii Jileadesu ribi rare, Manasesu ribi rare Mixipasu-ò roosere iribi heka Amosu-ò rare
|
||||
\v 30 Tii Deuxu Tyhyhyky-ò rarybetyhyre: —Amo mahãdu ribi arotakeki heka inyõ juhu wakoki rÿikeki ariwahinykre xiwena-ò.
|
||||
\v 31 Arotakeki heka aroosekreu wasỹmahãdu juhu wakoki rÿikeki watxi reakeki arisõkre xiwena-ò adee.
|
||||
\v 32 Rare Jefite alore-ò bero txi reurore Amo mahãdu rorenykemy Deuxu Tyhyhykỹriwiòhenanyre.
|
||||
\v 33 Amo mahãdu ribi rotare Ahoesu ribi Minitesu-ò wawiò hãwã sõwe iribi rotare idihyy rorenyre Abeli Keramisu-ò. Iu Sõwemy iny rurure Amo mahãdu iribi Isaeli mahãdu rotare.
|
||||
\s1 Jefite riòre ijyy
|
||||
\v 34 Jefite Mixipa Hãwã tasÿ-ò roosereu heka, iriòre ijadòma reysamy tamy rare resemy rotoamy. Tiihyyle iriòrere
|
||||
\v 35 Jefite tuu robireu heka imasaruare sõwemy tatyky riykaykare tai rarybere: —Wariòre! Wawoki rubereremyreri! Aõherewe wariòre! Aõherewe wariòre kai burukre! JiarỹDeuxu-ò rarybere wese ariwinykremy watxireri! Aõherewe wariòre!
|
||||
\v 36 Waha, Deuxu-kò tarybeta korihe! Tuu biwinykre dokurihe! Deuxule arawikòhenanyre dokurihe! Amo mahãdu ribi totate dokurihe!
|
||||
\v 37 Urile bohe adeke karexitòenykre ixinamy jikarỹwabikòwa mahãdu wana hãwãlò-ki kraritxarenykremy inatxi ahãdumy karoburenykremy waritxòremy karobikõtyhy dokurihe!
|
||||
\v 38 Tai heka tyby riwahinyre inatxi ahãdumy. Tai tii tabiòwa mahãdu wana roburenymy roirenyre hãwãlò-ò inatxi ahãdumy iriòremy robiõtyhy dorihe!
|
||||
\v 39 Idi heka inatxi ahãdu rahudi roosere tyby-ò. iwesele rarybere riwinyre. Iriòre ijadòmatyhymy rurure. Tai iribi tahe hãwyy mahãdu inaubiowa txudi roburenyre, beòra beòradi Jefite riòremy, Jileade ludu mahãdu wahe.
|
||||
\v 40 Idi tahe beòra beòramy inaubiòwa txudi ibru ròhònyra Jebité kia Xileade hãwã ludu heka rare. Iriòre toènamy hawyy mahãdu ibrudi rarearenyre heka Jebité riòre ijadòmamy rurure noranakõhykyhe rurure, tai roburenyre.
|
||||
\c 12
|
||||
\s1 Jebite Efrarai ijyymy
|
||||
\p
|
||||
\v 1 Efraraim rorenykemy roirenyre tai heka Jebité-ò rarybere: —Aõherekibo kai Amo mahãdu-ò teate wadeereny tarybeõte awana rorenykemy. Kia òraruki heka asÿwoki matxikeu heka arisõrenykre.
|
||||
\v 2 Jiarỹwanahãdu wana Amo wana jeijei ijõdire. Adeereny rarybere tahe kai boho tewiòhenanyõtyhy.
|
||||
\v 3 Ta diri jiarỹ rare ixisohojilemy. Tai Deuxu Tyhyhykỹriwawiòhenanyre tahe aõherekibo wawanamy raõbinanykre.
|
||||
\v 4 Tai Jefite Jileade ijoi mahãdu wana Efarai mahãdu wana rorenyre tii boho rotareny. Kia wese riwinyrenyre Efarai rybe òraruki: —Kai boho heka Jileadesÿdu mahãdu Manasesÿdu mahãdu heka wamynareny toite. rurureu heka Jileade hãwã-kile rituunyre.
|
||||
\v 5-6 Efarai mahãdu sureny ribi reuròrenyõkemy heka Jileade mahãdu rybemy rarybere tamyrenyny myy: —Efarai mahãdu aõbo tate. Aõkõremy rarybekeki tahe tamyreny raryberenyre: —Xibolete marybeke. Rarybekeki Sibolete irybe isirareki tamy rare tahe rieryrenyre tai rimyrenyre taile bero ijòtikile rirubunyrenyre. iu heka sõwe Efarai mahãdu rururenyre. 42-my sõwe.
|
||||
\v 7 Jefite Jileade ludu heka debò sohoji beòra-di Isaeli mahãdu ridinodunyre, rurureu heka Jileade hãwã-kile rituunyre.
|
||||
\s1 Ibisa, Elõ, Abidõ ijyymy
|
||||
\p
|
||||
\v 8 Jefite bedeu ribi heka Ibisa Isaeli mahãdu dinodumy ralore.
|
||||
\v 9 Tii heka trinta riòre hãbu ijõdire tule trinta riòre hãwyy ijõdire. Tariòrereny hãbu riwahinyre iwitxira hãwã ludu wana roirenykremy tule iriòre hãwyy heka iwitxira hãwã ludu wana roirenykremy riwahinyre. Ibisa Isaeli mahãdu debò inatxi reurò beòra-di ridinodunyre.
|
||||
\v 10 Iribita rurure Bele hãwã-ki rituunyre.
|
||||
\v 11 Ibisa bedeu rahudi heka Isaeli mahãduElõ Sebulõ mahãdu heka debòwiò beòra-di ridinodunyre.
|
||||
\v 12 Tii rurureu heka Aijalõ hãwã rituunyre Sebulõsuki.
|
||||
\v 13 Elõ bedeu rahudi Isaeli mahãdu heka Abidõ ridinodunyre. Tii heka Ileu riòre rare. Bilatõ hãwã ludu.
|
||||
\v 14 Abidõ heka quarenta ìròre sõwe ijõdire iriokore heka trinta sõwe rare tii boho heka jumetu tyre-ki runyre. Abidõ debò inataõ beòradi ridinodunyre
|
||||
\v 15 Rrurureu heka Bilatõ hãwã-ki rituunyre, Efarai su-ki amaleke mahãdu hãwã su-ki.
|
||||
\rem dat 2011
|
||||
\c 13
|
||||
\s1 13 Sãsã ijyymy
|
||||
\p
|
||||
\v 1 Isaeli mahãdu heka ixibyle rexiòrarunyrenyre tai dori Filixiteu mahãdu-ò debò-ò quarenta beòra-di Deuxu riwahinyre aõhõkÿmy rotÿÿnykremy.
|
||||
\v 2 Tai hãbu ini Manoa rare tii heka Soa hãwã ludu rare Dã mahãdumy rare. Ihãwyy heka rariòrenyõhyyre.
|
||||
\v 3 Deuxu Tyhyhykỹÿju heka hãwyy-ò rarybere: —Kai ariòreõhyyte. Wiji heka bòtòmy tatxiteri mariorekre.
|
||||
\v 4 Vii momoõmyke, mona txuberere momoõmyke, rÿsÿna lau brebu irasÿõmykre.
|
||||
\v 5 Kai heka dori marioreke weryrymy. Tiu irade resuõmyke Deuxu hõrõ tii rarekre dori. Nasireumy tii rarekre Deuxu-ò rexitare dori. Deuxu ritare isewo ribi. Tii heka Isaeli mahãdu filixiteu ribi ritake.
|
||||
\v 6 Tai heka kia hãwyy tahãbu-ò rarybere: —Deuxu ÿju wadeke rarybere. Sõwemy wamasa rukare. Jikarỹtamy rykÿraxikõre tiribibo tiki nade tule inimy rykÿraxikõre dokuri.
|
||||
\v 7 Tahe tiki wadeke rarybere krabòtònykre wekyrymy kraritxòrenykre. Tiki rarybere wadeke vii kariõke anõkõ, rÿsÿna lau brebu karirakuxike anõkõ kuladu heka Deuxu hõrõtyhykylemy rarekre. Nasireumy tii rarekre.
|
||||
\v 8 Tai heka Manoa Deuxu-ò rexitòenyre: —WaDeuxu Tyhyhykỹadee arexitòenykre ixyby biditeònykre wadeereny arierykremy timybo rarekre uladu reakreu.
|
||||
\v 9 Deuxu riwahinyre taixitòedÿÿna iwesele rarybere wese: ÿju heka hãwyy-ò itxi reare Manoá tai ratxiõre.
|
||||
\v 10 Tai hãwyy wylemy raijiranyre tahãbu rybemy: —Kia ÿju heka juhu wadeke rarybere heka ixyby wadeke reakare.
|
||||
\v 11 Manoa rare itxeremy tai tamy rÿÿraxire: —Kai aõbo wahyy-ò aõbo tarybete Kohe - myy rarybere.
|
||||
\v 12 Tai Manoa rarybere: —Tiubo heka tuu kanyikre timybo uladu kanatxikre.
|
||||
\v 13 Deuxu ÿju tamy rarybere: —Ahãwyy-ò rarybere wese heka riwinyke.
|
||||
\v 14 Tii heka vii riõõtyhy, rÿsÿna lau brebu riroxiõkre. Iwese jiarỹrarybere tii riwinykre dori.
|
||||
\v 15-16 Manoa rieryõre Deuxu ÿjumy rareki tai dori tamy rarybere noõmyke, iróduõ ariribunykre biroxikremy. Tai ÿju tamy rarybere: —Aririkeki ariroxiõtyhy heka kai tuu biwinykeki heka Deuxu-ò xiwenamy kia iruduõ biwahinykre dori.
|
||||
\v 17 Tai Manoa tamy rarybere: —Mobo anire arieryrenykre wanohõtireny itxireakremy kia rotÿÿnykreu.
|
||||
\v 18 Aõherekibo wani bierykemy. Waniheka iny rieryõhyyre.
|
||||
\v 19 Tai heka Manoa watxini rimyre rirubunyre idi mana tyre-ki xiwenamy riwahinyre aõ rieryõhyyre-ò.
|
||||
\v 20 Xiwena ribi heòty roomyhÿreu heka Manoa tahãwyy wana Deuxu ÿjumy robirenyre heòtywo rojuxamy raòwònyre biu-ò. Tai heka tatiwotimy reserenyre hãbu tahãwyy wana bede-ò rexiratytioromy reserenyre.
|
||||
\v 21 Iribita heka tiu ÿjumy robiõhyyre. Tai Manoa rieryre Deuxu ÿju inatyhymy tii rare.
|
||||
\v 22 Iribi heka Manoa tahãwyy-ò rarybere: —Arururenykre Deuxumyhe ka dori rabirenyre.
|
||||
\v 23 Tai ihãwyy tamy rarybere: —Tiki riwarubunyrenykeki waxiwenareny dokuri rikòbynykõtyhy. Tiku wadekereny kia rybemy rarybekõtyhy.
|
||||
\v 24 Iribi tahe Manoa Hãwyy weryrymy rariòrenyre Sãsaõ raninire. Weryry raumynyre Deuxu deysanamy tamy riwahimyre.
|
||||
\v 25 Iumymy roireu heka Dã bederahy-ki roire tahe Deuxu Tyytybyhykỹridinodunymy rieryre.
|
||||
\rem aut Isaque Ijooko
|
||||
\rem dat 2011
|
||||
\c 14
|
||||
\s1 Sãsaõ hãwyy wana roire
|
||||
\p
|
||||
\v 1 Sãsaõ Txima hãwã heka rare hãwyymy robire tii Filixiteu mahãdu heka rare.
|
||||
\v 2 Tai tasÿ-ò roosere tyby ise-ò rarybere: —Jiarỹheka ijadòmamy rabire Txima hãwã. Tybyreny-ò bexitòenybenyke wadee tii wana aroikre dori.
|
||||
\v 3 Tahe tyby boho tamy rirawyònyrenyre: —Aõherekibo kai Filixiteu mahãdu kiay-ki hãwyymy teijeteri. Kia Filixiteu mahãdu heka notyky resykõdumy roire. Iny mahãduy-ki hãwyymy aõbo arahaõkre aõbohe. Tai tahe Sãsaõ rarybere: —Tiile wadeewire tii wana aroikre.
|
||||
\v 4 Taheka kiamy Deuxu Tyhyhykÿle ridinodunyre Filixiteu mahãdumy rahukemy. Kiabedeu heka Isaeli mahãdu Filixiteu mahãdu ribinanymy riwedunyre.
|
||||
\v 5 Tai tahe Sãsaõ Txima hãwã-ò tyby boho wana rare. Sãsaõ Uvaò sõwemy rÿireri idi rariareu heka halòe rebureri itxi reare
|
||||
\v 6 Tai Deuxu Tyytybytyhy tamy nade rirurudÿÿnyre tai Sãsaõ kia halòe rideykare tebódile. Tii heka kiamy relyyõre tyby boho-ò.
|
||||
\v 7 Sãsaõ Txima hãwã-ò rare ijadòma rybe-ò tii tamy awire.
|
||||
\v 8 Iribi txu heka tii roosere tamy tii wana roikemy. Ryy-di rariara idi rywesi-di rare halòe rijòbinyre kia rirubunyremy tai itxi reare tii rubumy roiremyhỹtaheka halòewou-txi òròpa tawe riwinyre tai bede riòtiinyre.
|
||||
\v 9 Tii tebó-di ritara òròpawy idi ritòmy rare. Tybyreny-ò rare tamyreny riwahinyre ritòrenykemy tii boho ritòrenyre ihÿre heka Sãsaõ tamyreny rarybeõra halòewou ribi kiamy ritare.
|
||||
\v 10 Sãsaõ tyby heka ijadòmasÿ-ò rare tai rÿsÿna sõwemy ròhònyre kia bedeu tuu reòarire weryrybò mahãdu hãwyy wana roikemy.
|
||||
\v 11 Kiamy Filixiteu mahãdu rieryrenyreu heka weryrybò sõwe didydenyde trintamy sõwe deysamy roire.
|
||||
\v 12-13 Tai Sãsaõ tamyreny rarybere: —Arudeòsananykre umyreny: —Warybemy ararybekre mobo rierykeki tyky tamy ariwahinykre. Mobo rierykreu tykyura trinta sõwe ariwahinykre tule trinta tyky òwyhykÿwiwi ariwahinykre. Mobo rieryke wadee rarybekre kaa deysana txu sõwe kaa semana rahudi kanarybekre wadee. Tai tii boho tamy rarybere: —Marybekehe! Aõbo heka rare!
|
||||
\v 14 Tai Sãsaõ rarybere tamyreny: "Aõròdu ribi rÿsÿna ròhònyre, ruruduhukỹribi ibreehekỹribi rohònyra." Myta rarybere Sãsaõ. Taheka inataõ txu ribi heka inyõ rieryõhyyre.
|
||||
\v 15 Tahe inaubiòwa txu-di heka Sãsaõ hãwyy-ò raryberenyre: Ahãbu-ò marybeke bierykremy aõbo raremy. Kiaõkeki heka amahãdu wana burukre, ahetoreny arisõrenykre dori. Urile dori riwawasinyrenykremy wadereny tarutenyteri!
|
||||
\v 16 Tai Sãsaõ hãwyy robumy rarybereri: —Walukutyhykõteri dokuri! ibinamy waki tahate dokuri. Kai wadeke tarybekõteri rudekòsanamy! Walukukõteri dokuri! Tai tii rarybere: —Jiarỹheka watybyreny relyyõre dori, waha, nadi-ò relyyõre dori timybo heka adee ararybekre.
|
||||
\v 17 Tii idihyymy robureri deysana txubiòwa-di. Idihyymy robureri tuuhyyle rarybere idi tahe debò inatxi reurò txu-di Sãsão ritÿnynyre rybemy tai ihãwyy tabiòwa mahãdu-ò rarybere.
|
||||
\v 18 Tai tahe kia semana itue koki heka kia weryrybò mahãdu Sãsaõ raryberenyre: "Aõbo heka bidi ribi ibreetyhyre kori rare? Aõbo heka halòe ribi teburetyhyre kori rare?" Tai Sãsaõ rarybere: —Kai boho wahãwyy tÿÿraxitenyõte-ki bieryõtyhy inyhe!
|
||||
\v 19 Tai heka Deuxu TyytybytyhywihikỹSãsaõ rirurudÿÿnyre tai tii rare Asikalõ hãwã-ò tai heka trinta hãbu sõwe rirubunyre itykyrenywihikỹheka diwyde weryrybò mahãdu-ò riwahinyre. Idi heka Sãsaõ tybysÿ-ò roosere reburetyhyre rarudeòsananymy òraruki.
|
||||
\v 20 Iu heka Sãsaõ hãwyy iwitxira hãbu-ò riwahinyrenyre.
|
||||
\rem aut Isaque Ijooko
|
||||
\rem dat 2011
|
||||
\c 15
|
||||
\s1 Filixiteu mahãdu ribi Sãsaõ rotare.
|
||||
\p
|
||||
\v 1 Iribi tahe triku risihe bedeu heka Sãsaõ tahãwyy-ò rare watxini tamy riwyre. Tai iriòre labie-ò rarybere: —Wahyy-ò rareri. Tahe ihãwyy tyby teramy reare
|
||||
\v 2 Tai rarybere: —Kai ykaramy tate sÿny rahõtinyre tai dori abiòwamy rewahinyre dori. Iseriòre dori iribi ruxeratyhyre tii wana matxike.
|
||||
\v 3 Wiji tahe adee ararybekre: —Wamy rybeõmykre Filixiteu mahãdu aõ ariwinykeki.
|
||||
\v 4 Idi heka tii rare ijòrò rimykemy iribi tahe trezentumy sõwe rimyre idi heka ijòrò nohewòru inatximy widee ritaare tõhewòrureny risõre.
|
||||
\v 5 kia ijòrò-di sõwe Filixiteu triku oworu risõre.Kia triku risihemy roireri sohojile aõkõ risõre triku ruhunyrerimy tule risõre. Tule ijõ olivaò sõwe risõmy rahure.
|
||||
\v 6 tai Filixiteu mahãdu raryberenyre: —Mobo kia riwinyre? Iribi tahe rieryrenyre Filisteu mahãdu Sãsaõle riwinyre-ki tai tiiboho heka ihãwyy tamahãdu wana irulemy risõrenyre.
|
||||
\v 7 Tai Sãsaõ rarybere: —Kia aõbo tewiny mahãtenyte dori wijile bohe tewaòwynyõta. Arixãwidinyõtyhy dori! Arielenÿõtyhy dori! Ariòwynyhyyhyyleke!
|
||||
\v 8 Idi heka Sãsaõ sõwe Filixiteu mahãdu rirubunyre iribi heka Etã manawo-ki runyre.
|
||||
\v 9 Iribi taheka Filixiteu mahãdu Juda hãwã-ki rasÿnymy roire Leí hãwã-ó rahurenyre.
|
||||
\v 10 Tai Juda mahãdu raryberenyre: —Aõherekibo kai boho wadireny itxi teata. Tii boho rirawyònyrenyre. Sãsaõ arimyrenykremy roireri iwesele tii wadeereny riwinyreri ariwinyrenykemy.
|
||||
\v 11 Tai heka Juda ijoi tres mili sõwe Etã manhakÿ-ò roirenyre tai raryberenyre Sãsaõ-ò: —Kai aõbo teeryõte Filixiteu mahãdule wamy rabòdudÿÿnyre.
|
||||
\v 12 Jiarỹboho araòrerenyre aratatanyrenykremy Filixiteu mahãdu-ò aradyrenykremy. Tahe Sãsaõ rarybere tamyreny: —Uritre warubudÿÿrenyõmykre.
|
||||
\v 13 Tii boho raryberenyre tamy: —Arirubunyrenyõtyhy. Urile aritatarenykre idi Filixiteu mahãdu-ò aradykre. Tai tii boho reryti tÿmyrahakỹinatximy sãsaõ ritatarenyre idi mana wo ribi rohònyrenyre.
|
||||
\v 14 Leí hãwã-ò ritehemynyrenyreu heka Filixiteu mahãdu rirajuamy tamy roireri iu heka Deuxu TyhyhykỹSãsaõ rirurudÿÿnyre tai tii reryti riorore iwese iboroxihikÿmy roire.
|
||||
\v 15 tai tii jumentu juraruti rimyre itxireny reare idi mili hãbu sõwe rirubunyre.
|
||||
\v 16 Tai iribi heka wiuna rawiunyrenyre: "Jumentu juraruti-di mili hãbu sõwe rerubunyre Jumentu juraruti-di iny umy raòdònyre."
|
||||
\v 17 Kia rahudi heka Sãsaõ juraryti idi rehure. Tai kiasumy Jumentu juraryti hãwãlòmy rininire.
|
||||
\v 18 Idi heka Sãsaõ sõwe bee risare tai Deuxu-ò rexitòenyre: —Kai aõbohe wadi tarurunyta wiji bohe rubu-ò biwahinykre aõbo wadee. Kia mahãdu notykyresykõdu-ò biwarikre aõbo arurukemy.
|
||||
\v 19 Tai heka Leí su-ki heka Deuxu hãloo-ki riare bee rohònyre iribi. Tai Sãsaõ bemy riõre iribi awimy ratxire. Kia besòròrò heka Ehakoremy raninire wijihyyle.
|
||||
\v 20 Wawiò beòra-di Sãsaõ ridinodunyre Isaeli mahãdu filixiteu mahãdu idireny roireu.
|
||||
\rem aut Isaque Ijooko
|
||||
\rem dat 2011
|
||||
\c 16
|
||||
\s1 Sãsã Dalila wana
|
||||
\p
|
||||
\v 1 Sãsaõ Kasa hãwã-ò rare.Tai heka aderanamy robire iribi heka tii wana roire.
|
||||
\v 2 Tai Kasa hãwã mahãdu rirurawonyrenyre ritosenymy roire ruuhyylemy hãwã ijõtób´na-ki roirenyre tii rohònykemy. Rybeõhyylemy roirenyre tii boho ixidee reserenyre: —txu kedeakreu heka tii arirubunykre.
|
||||
\v 3 Tahe Sãsaõ ruwetàle herimy roire iribi heka lamymy rÿire, róhónyra idi rare hãwã ijòtòbòna riukòra ijòtòbònati wana riukòra taaxiòti tyre-ò riwyra hãwãlò tyre-ò Heboro hãwã iutade-ò hãwãlò roire.
|
||||
\v 4 Idi tahe Sãsaõ hãwyy luure Dalila inire, tii heka hãwãlò wera woki rasÿnymy roire Seroke inire.
|
||||
\v 5 Iribi heka hãwã wedu tamy rybemy rare. Urile bierykre timybo Sãsaõ ruruduhukÿre. Timybo arimykemy iruru ituekemy. Kiamy bierykeki adee ariwahinyrenyke sohoji utxienamy ueremy womati urahakÿ!
|
||||
\v 6 Tai Dalila Sãsaõ-ò rarybere: —wadeke bitÿnynyke timybo heka aruruduhukÿ? Timybo heka aruru ituekemy? Iny aramykemy? Làhàmy wadeke bitÿnynyke!
|
||||
\v 7 Tai Sãsaõ tamy rarybere: —Inyõ debò inatxi reryti-di rarubuõlereri riwatatakeki hãbu ruruduõ wesemy ararekre.
|
||||
\v 8 Tai heka kia hãwã wedu mahãdu Dalila-ò reryti rarubuõlereri riwahinyrenyre tai tii Sãsaõ-ò ritatamyhÿre.
|
||||
\v 9 Iu heka hetowo-ki Hãbu retòsenymyhÿre riraòrenyreri. Tai Dalila ryryre tamy: —Sãsaõ bexiekre Filixiteu mahãdu adee rareri! Aõwesele heka tii rexilawere reryti heka iboroxi wesere. Tai dori Sãsaõ irurumy rieryõtyhy.
|
||||
\v 10 Tai Dalila tamy rarybere: —Kai heka tarakuiteri wadeke. Manarybeke heka timybo iny reryti-di aramykre heka, marybekewa!
|
||||
\v 11 Tai Sãsaõ tamy rarybere: —Inyõ reryti tÿmyra-di riwatatakeki hãbu ruruduõ wesemy ararekre.
|
||||
\v 12 Tai Dalila reryti tÿmyra-di Sãsaõ-ò ritatamyhÿre. Idi heka rryryre tamy: —Sãsaõ bexiekre Filixiteu mahãdu adee rareri! Ixytyre heka hetowo-ki Hãbu retòsenymyhÿre riraòrenyreri. Aõwesele heka Sãsaõ rexilawere reryti heka esõde wesere.
|
||||
\v 13 Tai Dalila tamy rarybere: —Kai heka Urile taruimyhÿte tiwabuateri! Manarybeke heka timybo iny reryti-di aramykre heka, marybekewa! Tai Sãsaõ tamy rarybere: —Kia warade iwerywerynykeki debò inatxi werydÿÿna radetaana bidekeki heka hãbu ruruduõ wesemy ararekre.
|
||||
\v 14 Tai Dalila ritÿidÿÿnyre iribi tahe irade riwerywerynyre iradetaaana ridera òwòru taana-di.Idi heka ryryre tamy: —Sãsaõ bexiekre!Filixiteu mahãdu adee rareri! Tai tii lamymy reare tarade ritare òwòru manahakÿle.
|
||||
\v 15 Tai Dalila tamy rarybere: —Timybo kai wadeke tarybe walukutyhyre ihÿre heka ruimy wadeke tarybe mahãte! Inatanohe tiwabonyte tahe! Wadeke taryubekõhykyte timybo rurudumy tate!
|
||||
\v 16 Idihyyhyymy tamy rarybere txuõtxuõlemy idihyyhyymy tamy rarybere inahatxi tahe riixiranyre
|
||||
\v 17 tai heka Sãsaõ inatyhymy tamy rarybere: —Warade heka resyõhyylemyhÿre. Waijirana txu ribi Deuxu — ò riwahinyrenyre Deuxu-ò ritare nasireumy jiarỹrare. Warade risykeki hãbu iruruõmy aratxikre.
|
||||
\v 18 Tai inatyhymy tii rarybere Dalila rieryre rarariawyre Filixiteu mahãdu — ó: —Boidoibedenyke! Inatyhytyhymy wiji ritÿnynyre dori! Tai tii boho rooserenyre nierumy diwydenyde.
|
||||
\v 19 Idi heka Dalila Tawyò-ki ritÿhidÿÿnyre. Hãbu-ò rarybere tii Sãsaõ radewery riorore.
|
||||
\v 20 Tai tiki ryryre: —Sãsaõ bexiekre!Filixiteu mahãdu adee rareri!tai tiki lamymy reare heka ixyby rexitakemy rohõtinyre. Tanokõ Sãsaõ rieryõre Deuxu tamy ririra dori.
|
||||
\v 21 Tai Filisteu mahãdu rimyrenyre heka irue ritoare. Kasa hãwã-ki ridyrenyre tai womati nihiÿ-di ritaatarenyre.Ròtena woki risÿnyrenyre tamyreny raõmysÿkremy.
|
||||
\v 22 Idi heka ixytyre irade raumynyre.
|
||||
\v 23 Iribi tahe Filixiteu mahãdu deysanamy rexiwinyrenyre Dakõ suu rioko reàlànyrenykremy taòludu nihiỹribi rotarenyre-ki. Rawiunyrenyre tasuriokoreny: "Wadeuxureny inydeereny heka Sãsaõ iny òludureny riwahinyre"
|
||||
\v 24 Filixiteu mahãdu Reysarenyre Sãsaõmy robirenyreu rawiunyrenyre Dakõ isuriokoreny wahe! "Iny debòreny heka Wadeuxureny riwahinyre inysuòludureny inyrubudÿÿdureny riwahinyre wadeereny!"
|
||||
\v 25 Deysarenyreu heka raryberenyre: —Rikiòryrenykre Sãsaõ rikiòryrenykre! Tai ròtenawo ribi ròhònyrenyre Sãsaõ sõwemy idi risinyrenyre. Sãsaõ hetoti inatxi wotyaki risÿnyrenyre tai.
|
||||
\v 26 Sãsaõ weryrybò tÿmyra dinodumy rariamy roire tai tii tamy rarybere: —Biwadyke hetoti inatxiwotyaki areximykemy arexiwelòrònykemy.
|
||||
\v 27 Tai iny sõwe sõwe ijõdire hãbu hãwyy sõwe sõwe ijõdire. Iryyre Filisteu wedu tai roire. Hãbu mahãdu heka inataõ mili sõwe tai roire hãwyy mahãdu ijõre sõwemy Sãsaõ idi risinyrenyre deysarenymy.
|
||||
\v 28 Idi tahe Sãsaõ Deuxu-ò rexitòenyre: —Waha Deuxu wadi õhõti beake. Ixybytyhyle heka rurunahakỹwadee bidiwahinyke. Ixinamy warue-di ariòwynytyhykre Filisteu mahãdu.
|
||||
\v 29 Tai heka hetoti manadu heka rirarutxinyre tamy debò-di ruruwe ribi ruruwewe ribi wii rirurudÿÿnyre tarurumy
|
||||
\v 30 Tai tii ryryre: —Ixinamy arurukre Filixiteu wana! Idi heka inatxi hetoti manadu tarurumy idi rehure tai surioko heto rejuxunyre Filixiteu wedu tyre-ki ibutumy iwo-ki iny tai roireri ityre-ki rejuxunyre. Tai dori Sãsaõ tarubutxumy sõwe iny rirubunyre iratyre ibededÿÿnana.
|
||||
\v 31 Tai Sãsaõ seriòre mahãdu iumy riòryre. Tii boho ridyrenyre Sora hãwã rituunyrenyre Etaoli hãwã-ki rituunyrenyre Manoà tyby kia bedeu.
|
||||
\rem aut Isaque Ijooko
|
||||
\rem dat 2011
|
||||
\c 17
|
||||
\p
|
||||
\v 1 Efarai hãwã-ki hãbu rasÿnyre
|
||||
\v 2 tadi-ò rarybere: —awomati ura tÿrÿrÿhÿkỹaribi riwyrenyreu heka debòwiò inatxi reròmy iutxie heka rare iu kai rybe binamy tarybete. Jiarỹarybe binamy raholare wiji aritÿnynykre adee. Jiarÿle aribi rawasinyre. Tai ise tamy rarybere Deuxu deysanamy matxikre.
|
||||
\v 3 Tai tadi-ò womati ura tÿrÿrÿhÿkỹixyby riwahinyre kia debòwiò inatxi reròmy iutxie. Tai ise tamy rarybere: —Rybe adeke rarybera heka kaa womati ura tÿrÿrÿhÿkÿ-di kòwòruritxoko kariwinykre Deuxu-ò warybe ixãwikemy.
|
||||
\v 4 Tai womati ura tÿrÿrÿhÿkỹsuriokodÿÿdu-ò riwahinyre tii òwòrurioko riwinyre idi tahe Mika heto risÿnyrenyre.
|
||||
\v 5 Tai Mika heto iyjamy riwinyre tule iwitxira surioko riwinyre, xiwena widÿÿna tyky riwinyre idi tahe tariòre risÿnyre surioko xiwena wahidÿÿnamy rarekemy.
|
||||
\v 6 Kia bedeu heka Isaeli mahãdu iòlò iwedumy ijõõre tai ibutumy tamywimy riwinyre.
|
||||
\v 7 Iu heka weryrybò Levi mahãdu heka Belê hãwã-ki rasÿnymyhÿre.
|
||||
\v 8 Tii Belê hãwã ribi rohònyre hãwã rijereu runykemy. Efarai Hãwãlò ribi rariareu heka Mika heto-ò rehemynyre.
|
||||
\v 9 Tai Mika tamy rÿÿraxire: —Tiribibo tateri. Tii rirawyònyre: —Jiarỹ heka Belê hãwã heka rare reijere hãwã tai arunykremy.
|
||||
\v 10 Mika tamy rarybere: —Wawana matxikre tai wadohodÿÿdumy matxikre aòwy heka rare womati ura tÿrÿrÿhÿkỹsentu e quinze iutxie adee ariwahinykre arÿsÿna atyky tule ariwahinykre adee beòra beòramy ariwahinykre.
|
||||
\v 11 Tai weryrybò Mika wana ratxikremy awimy rahare. Tii wana iriòre wesemy runyre.
|
||||
\v 12 Surioko wahisidÿÿdu kia weryrybò Mika ritare tii wana rasÿnyre.
|
||||
\v 13 Tai Mika rarybere: —Wiji heka Deuxu wadeewimy riwinykre Levi mahãdu wahisidÿÿdumy roire wasÿ-ki.
|
||||
\rem aut Isaque Ijooko
|
||||
\rem dat 2011
|
||||
\c 18
|
||||
\s1 Dã mahãdu ijyymy
|
||||
\p
|
||||
\v 1 Kia bedeu heka iòlò ihõõre Dã mahãdu-ki tii boho heka suu rijerenyre tai rasÿnmyykremy ihõrõreny. Tii boho heka isuureny ritarenyõre tamahãdureny wesemy.
|
||||
\v 2 Tai hãbu iryyremy ritarenyre tamahãduy ribi Sorá hãwã Sitao hãwã ribi bede itxeredu. Efarai Hãwã-ò roirenyre Mika heto-ò.
|
||||
\v 3 Mika hetowo-ki roirenyreu heka roholarenyre weryrybò Levi mahãdu. tamy rÿÿraxirenyre: —Aõherekibo kaki aõbo tewinyteri. Mobo Kaò anadyde.
|
||||
\v 4 —JiarỹMika xiwena wahidÿÿdu aratxikremy tii riwaòwynymyhÿre.
|
||||
\v 5 Tai bede-di itxeredu tamy raryberenyre: —Deuxu-ò bÿÿraxikre biurasòmy aõbo awimy aratxirenykremy.
|
||||
\v 6 Tai Weryrybò tamyreny rarybere: —Nohõtiureõmy Deuxu awanareny ratxikre.
|
||||
\v 7 Tai bede-di itxeredu heka Laisi hãwã-ò roirenyre. Tai ritehemynyrenyre heka tii boho obirenyre awimy kia hãwã mahãdu rasÿnymy roirenyre ibinamy inyõ tii wana ratxiõtyhy Sidoni mahãdu wana awimy robirenyre. Ywimynodumy roirenyre tai mõõ idirenyre rorenyõtyhy. Ibutu aõmy rururenyre ijõdire tai. Tii boho irehe Sidoni hãwã ribi roirenyre tule ijõ hãwã ribi irehemy.
|
||||
\v 8 Bede-di itxeredu Sitao hãwã Zora hãwã ribi rooserenyreu imahãdureny tamyreny rÿÿraxire aõbo robirenyre tai.
|
||||
\v 9 Tii boho rirawyònyrenyre: —Awi heka kia suu rare! Itxi reake! Wylemy itxi kedeaheny!
|
||||
\v 10 Tii boho heka tuu ruruõhyyre! Suu aritarenykre! Rieryõrenyre dori! Ibutu aõna õna tai ijõdire!Kia suheka Deuxu inydeereny riwahinymyhÿre dori!
|
||||
\v 11 Tai dori Dã mahãdu seissentu hãbu sõwe Sora hãwã Sitao hãwã ribi rexitarenyre rorenykemy.
|
||||
\v 12 Kiriate Searim hãwã bede broò-ò roirenyre Juda su-ki heka tÿinareny. Tai su heka Dã bederahymy rininirenyre. Dã bederahy
|
||||
\v 13 Iribi ta heka Efarai su-ò roirenyre Mika heto-ò.
|
||||
\v 14 Tai kia iryyre iny bede-di itxeredumy ritare juhu raryberenyre: —Kai boho teerytenyte kaa hetoõ surioko tai womati tÿrÿrÿhÿkỹijõdire. Ijõ suu rioko xiwena tyky ijõdire tule aõbo teerytenyte. Timybo rikiwinyrenyke.
|
||||
\v 15 Tai tii boho rironyrenyre Mika heto-ò idi heka weryrybò-ò rarybere Mika xiwena wahisidÿÿdu-ò raryberenyre.
|
||||
\v 16 Iu heka seisentu hãbu sõwe heka ijòtòbòna-ki riraòmyhÿrenyre tamyreny reakemy.
|
||||
\v 17 Tai kia bede-di itxeredu Mika heto-ò rironyrenyre rimyrenyre ibutumy surioko tule xiwena tyky riwyrenyre.
|
||||
\v 18 Mika xiwena wahidÿÿdu kiamy robireu heka rÿÿraxire: —Aõbo tewinytenyte.
|
||||
\v 19 Tii boho raryberenyre: —Yyrymy matxike, rybeõmyke! Wawanareny heka manahe wahisidÿÿdumy manake adee aõbo awire iny sõwereny xiwedÿÿdumy matxikemy aõbo.
|
||||
\v 20 Tai kia weryrybo heka awimy rahare iaonaonareny rimyre tai idireny rare.
|
||||
\v 21 Tii boho heka uladu mahãdu juhu ikoreny-ò risÿnyra idi iròdu mahãdu risÿnyre idita roirenyre.
|
||||
\v 22 Irehemy roirenyreu heka Mika sÿwera ludu mahãdu iherenymy reare rawyhyraronyrenyre
|
||||
\v 23 Kia Dã mahãdu roholarenyreu heka raryberenyre Mika-ò: —Aõhereribo! mobo inyherenymy rare!
|
||||
\v 24 —Kai boho heka wasurioko, waxiwena wahidÿÿdu tewytenyteri ihÿre tarybetenyteri aõhereribo wahe!
|
||||
\v 25 Tai Dã mahãdu raryberenyre: —Rybeõkeki rirubunyõtyhy! Marybekeki kai amahãdu wana ruruke.
|
||||
\v 26 Mika kiamy roholarau heka aõ riwinyõre rasõwerenyre dori. Tasÿreny-ò roosere.
|
||||
\v 27 Dã mahãdu heka Mika aõnõnareny riwyrenyre taxiwena wahidÿÿdu wana idi roirenyre Laisi hãwã-ò ywimynodu mahãdu-ò roirenyre. Kia mahãdu rirubunyrenyre hãwã risõrenyre.
|
||||
\v 28 inyõ tai riwiohenanyõtyhy irehere dori suhãwã ribi moõ tiu ritaõtyhy. Kia hãwã hãwalò rawo ki roire Bete Hobe inire. Taile heka Dã mahãdu tahetoreny riderenyre tasÿreny.
|
||||
\v 29 Tai raninirenyre Dã kia hãwãloradu imahãdu heka Jakò rare.
|
||||
\v 30 Taile heka Dã Mahãdu suriokoreny riwinyrenyre tamynyreny reàlànykremy. Jonata Jesõ riòre heka Moisesi riokore ixiwena wahidÿÿdumy risÿnyrenyre tii idireny rare isureny ribi ridyrenyreu.
|
||||
\v 31 Mika surioko heka idireny rarehyy Silò hãwã-ki Deuxu heto-ki.
|
||||
\rem aut Isaque Ijooko
|
||||
\rem dat 2011
|
||||
\c 19
|
||||
\s1 Levi mahãdu itÿibiòwa ijyy.
|
||||
\p
|
||||
\v 1 Kia bedeu heka Israeli mahãdu iòlò ihõõre, tai levi mahãdu heka tybysỹribi irehemy rare. Itÿibiòwa juhuu iòwyõlemy raõmysÿdÿÿmyhÿre.
|
||||
\v 2 Tii wana rorenyre tai Ixyby rokosere tybysỹBele-ò. Inaubiòwa ahãdu bede rijere tai.Iribi tahe rioryre kididykremy. Tii Efraĩ bederatòo hãwã rare itÿibiòwa heka Bele hãwã ludu rare.
|
||||
\v 3 Tai rare iòrysymy inatxi jumentu-di rioryre tadeòdu wana. Tybysÿ-ò rehemynyreu teysamy tai rahare tyby teysamy tai rahare tai rarekremy.
|
||||
\v 4 Inataõ txumy rarekre iheto-ki. Tai tii wana inataõ rumy riroxirenyre tai bede rijere. Tai tahe rexiywinyrenyre roirenykremy ijadóma tyby ritòenyrenyre: —Txoiny biroxibenyke iribita boikre.
|
||||
\v 5 Hãbu mahãdu tahe riroximy rynymyhÿre bemy riõmyhÿre. — Txiony ixyby ru sohoji bijebenyke. Hãbu rakemy riwisÿmyhÿre tyby ritòenymy txu sohoji riwykemy. Tai rarirenyre.
|
||||
\v 6 Ijõ txumy heka rudile roikemy tamy rarybere: —Txoiny aõnõ biraòke txioromy ta boikre ijadòma tyby rarybere. Tai riroxirenyre iny inatxi. Iribi heka rexiywinyrenyre
|
||||
\v 7-9 taõmysÿdÿÿdu boho wana tahe tyby rarybere: —Wiji bedelurureri ihÿrele aõbo boibenykre. Biurasò boibenykre asÿ-ò. Tahe ixyby tai ratxiõtyhy tatÿbiòwa wana rare tajumento boho wana. roirenyre taõmysÿdÿÿdu wana. —Aõherekibo rusohoji katxiõkre
|
||||
\v 10-12 Kaa Jebusi hãwã-ki teòdu rarybere bede dori rurunyra. (Jebus Jerusale hãwã rare) Tahe wedu rarybere: —Txoi iny rakaria riòre iny mahãdureny aõkõ ratxireri.
|
||||
\v 13 Txoiny ikamyhỹXibea-òtyhy kamyhỹada Rama hãwã-ò.
|
||||
\v 14 Hãwã txyatxi ròhònyra iribi roirenyra.
|
||||
\v 15 Iribi tahe txu ralora tamy ritehemynyre Benjami hãwa-ò.
|
||||
\v 16 Tai hãwã-ò rirònyrenyre runyre tahe inyõ tamy ryryõra iheto-ò rakremy.
|
||||
\v 17 Matuari tamy ryryre òwòru ribi dokesedeu tii Efrai bederatòò ludu rare. Matuari rÿÿraxire: —Aõludubo tate. Tiobo makre.
|
||||
\v 18 —Anade Bele ribi rokosereri efrarai-ò wasÿ-ò. Bele-ò rare rokosereri inyõ wadee tÿina riwahinyõhyyra.
|
||||
\v 19 —Wabyrenareny ijõdire,ibutumy.
|
||||
\v 20 Tahe matuari tamy rarybere: —Manake wahemy. Awimy wasÿ-ki matxibenyke.
|
||||
\v 21 Tai tii boho isÿ-ò rironyrenyre. Tai riroxirenyre, riõrenyre, iwareny risuhorenyre.
|
||||
\v 22 Awimy widee raryberenyre iu heka rirurawonyrenyre hãbu bina mahãdu matuari-ò ryryrenyre: —Hãbu awana ratxireri bidiòlòdÿÿnyke aõbinabina tamy ariwinykremy.
|
||||
\v 23 Tai matuari ahana-ò rare tamyreny rarybere: —Iwidÿÿõmy kia hãbu heka waijobisidÿÿdu heka rare. Itxÿteõmyhÿbenykre.
|
||||
\v 24 Txoiny wariòre ijadòma hãbu tÿibiòwa wana ahana-ò adidykre uritreta aõbinabina hãbu-ò widÿÿõmykre.
|
||||
\v 25 Tahe tiiboho heka nohõtitxure-ki tai tahe hãbu tatÿibiòwa ahana-ò didyde tamyreny riwahinyre. Tai tii boho raitxÿterenyre wii ribinabinarenyre rudile ririrenyre dori.
|
||||
\v 26 Rudile heka hãbu tÿibiòwa heka resere heto ijò-ki.
|
||||
\v 27 Txudeadeu heka tai roire. Hãbu rexiywinymy rakremy ratxireri-òle itÿbiòwamy ijo-ki roire.
|
||||
\v 28 Tamy rarybere: —Myike. Rakahe. Tahe rybeõmy roire tai rybeõlemy ritadire jumento tyre-ò idi rare tasÿ-ò.
|
||||
\v 29 Ritehemynyreu heka may-di tai riorore waò inatxi reuròmy riorore. Idi heka riwahiriwahinyre hãwã hãwãmy Isaeli mahãdu hitxi hitximy riwahinyre tatÿibiòwa umyreremy riwahinyre ibutu hãwã hãwãmy.
|
||||
\v 30 Tai ibutumy bede riòtiinyre widee raryberenyre: —aõherakibo tuu rerarenyre-ki aõbo. Juhu bedeu kÿnyhe tuu aõkõ rare. Wijile tuu ijoi robira. Timykrebo tahe! Mohõtinybeny tahe!
|
||||
\rem aut Isaque Ijooko
|
||||
\rem dat 2010
|
||||
\c 20
|
||||
\rem aut Wahisidỹỹdu Tyyriti
|
||||
\s1 Gibea mahãdu timybo riwinykremy
|
||||
\p
|
||||
\v 1 Tai dori Israeli mahãdu ibutumy rexibutuny Deuxu-txi tohõti reare-ki. Mispa hãwã-ki.
|
||||
\v 2 Ibutumy isaeli mahãdu hãwã wedu mahãdu ributunyrenyre quatrocentos hãbu sõwe, Deuxu rityhynyre mahãdu ributunyrenyre Loredu mahãdu ibutumy tai roire.
|
||||
\v 3 Benjami Mahãdu heka rieryre kia rotÿÿnyre taheka rierytyhykemz riwisÿnyre.
|
||||
\v 4 Wakoreny belyyke timybo ahãwyy rurure: Tai heka hãwyy hãbu tamyreny relyyre: —Benjami hãwã-ò adehemynyde rumy tai heka hãbu itxÿte mahãdu riwaweruranyre heto riwarubunykremy tahe watÿi biòwale rirubunyrenyre tai jiarỹriderorore rahude tahe hãwã hãwãmy riubÿtÿnyre Israeli mahãdu rihitxihitxinyre. Inysÿreny-ki ibina bina tii boho riwinyrenyre.
|
||||
\v 7 Israeli mahãdu iny bohole rikieryke timybo riwinykemy.
|
||||
\v 8 Iny bohole rooserenyõkre iny hetoreny-ò.
|
||||
\v 9 Hãbu mahãdu ratake Xibea mahãdu rahukemy.
|
||||
\v 10 Inyõ weribi ribi rake byrena-dile ijõ mahãdu heka Xibea mahãdu rahukemy.
|
||||
\v 11 Tai Isaeli mahãdu rexibutunyrenyre Xibea mahãdu rahukemy.
|
||||
\v 12 Tai heka rarybe rarybere ibina bina riwinyrenyre Xibea mahãdu.
|
||||
\v 13 Biteònybenyke ayreny ribi kia hãbu binabina mahãdu arirubunyrenykemy tai ibina bina arahurenykemy Isaeli mahãdu rarybere.Tahe Benjami mahãdu heka tamyreny roholaõhyyre.
|
||||
\v 14 Tii boho rexitarenyre hãwã ribi hãwã ribi Xibea-ò Isaeli mahãdu uhe-ò.
|
||||
\v 15 Tai ributunyrenyre tahãwãreny-ki 26000-my sõwe sodadu mahãdu. Xibea Mahãdu heka 600-my sõwe hãbu ributunyrenyre.
|
||||
\v 16 Tii boho heka hywe ribi tebòna rimyrenyre. Tii boho hywe ribi tamy rihynanyre riòbynyre rade sohoji ihÿrele.
|
||||
\v 17 Ijõ Isaeli mahãdu heka 400 mil sõwe rexibutunyrenyre soldadu Isaeli mahãdu ròrenykemy.
|
||||
\s1 Benjami mahãdu wana rorenykemy
|
||||
\v 18 Tai tahe Beteli hãwã-ò roirenyre tai rÿÿraxikremy Deuxu-ò: —Mobo tahe juhu rorenykre. Deuxu rirawyònyre: —Juda mahãdu heka juhu reake.
|
||||
\v 19 Ijõ ibiurasòmy Xibea Hãwã iòhòmy rahetonyrenyre.
|
||||
\v 20 Tai rexiywinyrenyre lamymy roirenyre hãwã koki rorenykremy.
|
||||
\v 21 Tai Benjami mahãdu heka tahãwãreny ribi rexitare txuu rexihukre koki heka dois mil isaeli mahãdu sodadu sõwe rirubunyrenyre tai.
|
||||
\v 22 Idi heka Isaeli mahãdu heka Deuxu-ò ixitòenamy roirenyre, rahinyrenyre txu raloreu. Idi ihi ixãwire heka rÿÿraxirenyre Deuxu-ò: Ixyby aõbo araõbinanyrenykre aõbo iny seriòre woludu mahãdu-ò. Tai Deuxu rarybere tamyreny: —Kohe. Tai reysarenyre idi heka tasodadureny lamymy rÿire rorenykremy.
|
||||
\v 23 Tai ixyby rorenyrenyre Isaeli mahãdu-ò.
|
||||
\v 24 Tai Benjami sodadu heka Xibea hãwã ribi rexitarenyre. Tai 18 mil-my sodadu sõwe rirubunyrenyre ijesydu mahãdu. Tai ibutu Isaeli mahãdu Beteli hãwã-ò roirenyre rahinyrenykremy. Tai heka renareherenyre xiwena Deuxu-ò riwahinyrenyre, Deuxu ixiwenareny risõre tai. Ywina xiwena heka riwahinyrenyre.
|
||||
\v 27 Tii boho rÿÿraxirenyre Deuxu-ò. Iu heka Deuxu òwòru wodÿỹheka ikyreny-kile ratxireri Beteli hãwã-ki.
|
||||
\v 28 Finea heka Araõ riokore heka òwòru wodÿỹitxeredu rare. Myy heka rÿÿraxirenyre: —Ixyby aõbo aroirenykre iny seriòre wana rorenykemy ada aõkõre aõbo. deuxu tamyreny rarybere: —Boibenykre. Biurasòmy botabenykemy ariwinykre.
|
||||
\v 29 Tai Isaeli mahãdu heka soldadu mahãduõ ixiwotemy riteònyrenyre tai Xibea hãwã diwerunydenyde.
|
||||
\v 30 Idi heka inataõ txumy Benjami Hãwã-ò itxi rearenyre idi heka tasodadureny lamymy rÿire rorenykremy Xibea Hãwã koki.
|
||||
\v 31 Benjami sodadu heka rexitarenyre tahãwã ribi, Beteli Hãwã ru-ki heka rirubunyrenyre, Xibea ry-ki rirubunyrenyre bederahy-ki tule. Trinta Isaeli hãbu sõwe rirubunyrenyre. Tai rexirybenyrenyre. Inyboho ixybyle rotarenyre juhu wesele. Tahe Isaeli mahãdu raryberenyre. Rokoserenyke tai tii boho hãwã ribi rohonyrenyre ryy-ò.
|
||||
\v 33 Tai heka Isaeli mahãdu rooserenyre Baali Tama hãwã-ò rexibutunyrenyre. Ijõ hãbu mahãdu Xibea hãwã riweruranyrenyre aõwesele ralorenyre.
|
||||
\v 34 Xibeá hãwã-ò sodadu debòwiò mili sõwe itxireare. Iteremy rorenyrenyre tarurudi kia sodadu mahãdu iruruterehekỹmy roire. Tahe Bejami mahãdu heka rixieryõhyyra dori.
|
||||
\v 35 Kia Deuxule tuu riwinyre. Bejami mahãdu heka Israeli mahãdu itxireakremy iribireny rotarenyre,Deuxule riwinyre. Vite sinku mili sem wana òludu mahãdu sõwe Israeli rirubunyre itxuu.
|
||||
\v 36 Iu heka Bejami mahãdu rotaõremy rieryre kiatxuu xiery.
|
||||
\s1 Israeli mahãdu rotadu heka rare
|
||||
\p Israeli mahãdu heka rooserenyre tiiboho tasodadu mahãdule rityhynyrenyre dori tii Jibeá su-ki rexiwomyroiremyhỹ tai.
|
||||
\v 37 Kia Israeli mahãdu sodadu heka wylemy raubỹtỹnyrenyre tai hãwã mahãdu rirubunyrenyre
|
||||
\v 38 Juhuu dori Israeli mahãdu tasoldadureny wii ritobinyrenyre wàdà hãwã-ki reakreu tahe itxi rearenykremy.
|
||||
\v 39 Tule Israeli mahãdu hãwã ribi iòhòmy roire heka tule hãwã-ò itxi reakremyra. Itxuu israeli mahãdu bejami mahãdu heka tirita Israeli sõwe rirubunyre. Tai ixidereny marybemy roire :_ Iribireny ixỹ rotare dori tahe irutaõmy!
|
||||
\v 40 Wàdà reareu heka Bejami mahãdu robireu ruberurenyre dori alore-kilemy roimyhỹre-ki tahe wàdà ihâwãrenyki roimy tai rieryrenyre ihãwãreny risõrerimy.
|
||||
\v 41 Iu heka Israeli mahãdu raijiranyre hãwã-ò tai Bejami mahãdu ruberunihikỹre rahurekremy rieryre.
|
||||
\v 42 Bejami mahãdu bedebrasa-òle rearenyre tahe rihenyõtyhy Israeli mahãdu itxireny reare, sodadu mahãdu tule rirurawonyrenyre, idi rahurenyre dori.
|
||||
\v 43 Israeli mahãdu taòludu mahãdu-ò ihemy reare Jibeá hãwã irehe ribi iherenymy rearenyre, ryy-kile itxirearenyre rirubunymyroire.
|
||||
\v 44 Bejami sodadu debòwiò debò inataõ mili sõwe rirubunyrenyre
|
||||
\v 45 Ijõ Bejami sodadu ijõ heka Rimo mana nihikỹ-òle rahenyrenyre tahe ryy-kile rirubunyrenyre. Iuhe mahãdu heka Israeli mahãdu ihemy reare tai inatxi mili sõwe rirubunyrenyre.
|
||||
\v 46 Viti sinku mili sõwe Bejami mahãdu sodadu ruruduhukỹ rurure itxuu
|
||||
\v 47 Sesentu hãbu mahãdu sõwe heka rahenyrenyre Rimo mana-ò. Taile heka inaubiòwa ahãdu bede rijere tai.
|
||||
\v 48 Bejami mahãdu iuhe tahe Israeli mahãdu itxi reare, hhãbu mahãdu rirubunyre, tohõreny tule ibutumy rahurenyre dori. Ihãwãreny, ihãwã isỹweraludu ibutumy risõrenyre rahurenyre ibutu
|
||||
\rem aut Isaque Ijooko
|
||||
\rem dat 2010
|
||||
\c 21
|
||||
\s1 Benjami mahãdu-ò Isaeli mahãdu hãwyy mahãdu derare.
|
||||
\p
|
||||
\v 1 Isaeli mahãdu Mixiba hãwã-ki Deuxu-ò rarybetyhyre: —Inyboho heka wariòrereny Benjami mahãdu ijoi-ò ariwahinyõtyhy wariòrereny.
|
||||
\v 2 Tahe Beteli hãwã Deuxu-ò reàlànykremy roirenyre Isaeli mahãdu txioro tyhymy tai heka riwotòenyrenyre rahinyrenyre, nihiÿmy rahinyrenyre:
|
||||
\v 3 Aõherewe wasÿreny ribi tii boho wana widee rewinyrenyra! taiki heka tii boho wana kawese roire. Timybo heka rare Deuxu Tyhyhykÿ! Timybo heka Isaeli Deuxu aratxirenykre!
|
||||
\v 4 Ijõ ibiurasò heka rudityhyle rexixarenyre idi mana xiwenamy riteòtenyre Deuxu-ò taheka tai risõrenytyhyre xiwenawihikÿ. Ywina xiwena wahe.
|
||||
\v 5 Isaeli mahãdu heka Deuxu-ò rÿÿraxirenyre Mobo Misiba-ki heka raõre iny wana Deuxu-ò reàlànykemy. Tii boho heka rarybere juhu inyõ roiõre-ki heka ruruke iny!
|
||||
\v 6 Isaeli mahãdu heka riwotònyrenyre Benjami mahãdu ribi: —Sohoji iny ribi rexihitxinyrenyre dori!
|
||||
\v 7 Juhule raryberenyre wariòrereny dori ihõõre tamyreny. Timybo wiji rikiwinyrenykre Deuxu-ò raryberenyre kawese. Timybo ariwinyrenykre.
|
||||
\v 8 Idi heka wii raryberenyre: —Mobo Misiba hãwã-ò Deuxu — ó reàlànykremy roiõra. Jabe Jileadi mahãdu heka roiõra, raryberenyre.
|
||||
\v 9 Iniõhyyrenyreri dori tai rieryrenyre Jabe Jileadi mahãdu heka roiõra Misiba-ò.
|
||||
\v 10 Tai wii ritobinyrenyre waò inatxi reurò mili hãbu iruruterehekỹsõwe riteònykremy. Idi raryberenyre: —Ibutumy Jabe Jileadi Hãwã birubunybenykre hãbu, hãwyy, uladu mahãdu birubunybenykre.
|
||||
\v 11 Ibutu hãbu, hãwyy birubunybenykre ijadòma mahãdu aõkõ.
|
||||
\v 12 Quatrocentumy heka ijadòma itxi rearenyre tai Jabe Jileade hãwã-ki. Tasuureny Silò-ò ridyrenyre Kanaã su-ki.
|
||||
\v 13 Tai ritobinyrenyre Himõ mana-ò riteònykremy rybedu mahãdu riixãwidÿÿnykremy.
|
||||
\v 14 Tai Benjami mahãdu ridyrenyre kia ijadòma mahãdu ihÿre heka ibutelere.
|
||||
\v 15 Riòbynyõlere dori. Isaeli mahãdu tabutumy aõkõ roire. Ibutulemy Deuxu wana ratxirenyreri.
|
||||
\v 16 Isaeli mahãdu raryberenyre: —Riòbynyõlera hãwyy mahãdu. Timybo ijoi tai rahakre hãwyy rasiranyreri.
|
||||
\v 17 Iny boho heka waò inatximy sõwe waijoireny rare. Timybo heka ariwinyrenykre Benjami mahãdu rahuõkremy.
|
||||
\v 18 Wariòre boho wana roiõtyhy raryberenyre taheka Benjami mahãdu rahuõkemy. Tii boho tariòrereny riwahinyõtyhy Deuxu-ò raryberenyre juhu.
|
||||
\v 19 Tai wii raryberenyre: —Silò lisina deysana heka iòhòmy roire Deuxu-ò tai reàlànykemy. (Silò hãwã heka iBoò-ò rare Libonia iraru ribi ryy tai roire Beteli ribi Sike hãwã-ò rake.)
|
||||
\v 20 Isaeli wedu mahãdu Benjami mahãdu-ò heka ritohonyre myy: —Uvaòy-ki heka bexiwobenyke ixena-ò resemy rareu bobibenykre
|
||||
\v 21 iu ijadòma Silò hãwã mahãdu uvaò iòhòmy rareu heka tai bidybenykre Benjami hãwã-ò.
|
||||
\v 22 Tyby mahãdu rijerenykreu heka araryberenykre: —"Ixinamy ratxikre heka Benjami mahãdu rahuõkemy. Kiakõ heka warybereny rityhynyõreri tule aõbina kÿdÿikre lau. Kai boho ariòrereny tewahinyõte dori tiibohole ridyrenyre."
|
||||
\v 23 Benjami mahãdu heka irybereny wese riwinyrenyre. Iny sohoji sohoji tahãwyymy ridyre tasureny-ò. Ihãwãreny heka ixyby riwinyrenyre taile rasÿnyrenyre.
|
||||
\v 24 Isaeli mahãdu tamahãdu-ò roosere tasureny-ò.
|
||||
\v 25 Kiau heka Wedu ijõõre Isaeli hãwã-ki. Inyõ tamy awimy riwinyre dori.
|
||||
\rem aut Isaque Ijooko
|
||||
\rem dat 2010
|
||||
|
|
@ -0,0 +1,96 @@
|
|||
\id RUT
|
||||
\ide UTF-8
|
||||
\rem aut Ijeseberi
|
||||
\h HUTXI - RUTE
|
||||
\toc1 HUTXI - RUTE
|
||||
\toc2 HUTXI - RUTE
|
||||
\toc3 rut
|
||||
\mt1 HUTXI - RUTE
|
||||
\c 1
|
||||
\p
|
||||
\v 1 Kia bedeu,Isaraeli wedumy aleerydu-di aõmysÿdÿÿdu riwedunymy raremyhỹibedeu tahe inihikÿmy ramasa reare kua hãwahãkÿ-ki. Iurenana heka hãbuõ Belẽ ludu Juda bedeki hãwãduõ, rare tahãwyy-wana. Kia inatxi iriòrereny ròirerenyre tiwese bedebo tai rasÿnyrenykremy, hãwahãkỹMoabi inire.
|
||||
\v 2 Hãbu heka Elimilei inire, kia ihãwyy tahe Noemi inire iriòre inatxi boho tahe Maliõ kia Kiliõ inirenyre. Kaboho heka Efrata sÿmahãdureny roire, iny mahãdu Juda Belẽ bireki, rahãwanymy ratximyhÿrenyre. Tii boho ròirenyre Moabi-ò kiata tai rahãwanymy roirenyremyhÿ.
|
||||
\v 3 Tiu bedeubo tahe Elimilei rurure, kia Noemi tahe tariòre inatxi boho wana rarirenyre.
|
||||
\v 4 Kiata Moabi hawa ijadòòma mahãdu wana hãwyy-my raòdònyrenyre ijõ heka Oraba inire ijõ tahe Hutxi inire. Kia debò ituè wyra riwyrenyre bedeu tai rahãwanymy roiremyhÿ.
|
||||
\v 5 Maliõ kia Kiliõ tule rurulerenyre. Noemi ixisohojile reare, iriòre boho ihoõmy kia ihãbu ihoõmy.
|
||||
\v 6 Tiu txumy Noemi bede rieryre Deuxu tyhyhykỹtasỹtaijoi mahãdu riwiòhenanyremy, sõemy alòbròna redena riwahinymyhÿ. Taita tii rexiywinyre rakremy Moabi-ribi tariòreriorese boho wana.
|
||||
\v 7 Tii boho ròhònyrenyre Juda bede-ò ròòserenykremy, kary-ki, tahe rehemynyreu,
|
||||
\v 8 Noemi rarybere tariòreriòrese boho deereny: —Makòkasebenyke adi hetoku-kò; Deuxu Tyhyhykỹadekerenywi riwinykre rarekre, iwese kaiboho awi toite rururenyre boho-kò wadeke tule.
|
||||
\v 9 Deuxu Tyhyhykỹbedesa adekereny riwahinykre iny sohojisohoji ahabureny witxira sÿki. Tahe ikobirarenyko ruore ritobinyrenyre rakremy Tikiboho roburenyre katxiteremy. Taita Noemi iribireny rakremy tariòreriòrese boho ribi iry. reny-ò ruòrenymy kiaremyta tii boho katxiterehekÿmy roburenyre.
|
||||
\v 10 Kiaremy raryberenyre: —Kõre! Ahelemy karòirenykre asÿmahadu-kò.
|
||||
\v 11 Ka tahe Noemi rirawyònyre: —Bibuareke waritxòreboho anoherekibo wahemy bòdòikemyreri?
|
||||
\v 12 Mawerynybenyke, waritxòreboho! Bòike dikarỹrasenaduny tyhymy rare habumy heriki, karexiwokuweseke harele ixyby herimy wiji rukumy irahudita kudukake waritxòre.
|
||||
\v 13 Tahe kai boho anobohe birakòbenyke ikumynareny? Herikõhyky anobohe birakòbenyke? Tiku tuke hakuanõkõ waritxòreboho! Wadeke he bederyrynatyhy rare aribireny, kiemy Deuxu debò waribikòtu reakara.
|
||||
\v 14 Kiata tii boho katxiterehekÿmy ixybyle roburenyre. Taita Òraba rakremy rexiywinyre tariòre lahi òbira-ò ruòmy kiata ròòsere tasÿreny mahãdu-ò. Ka Hutxi tahe rarire.
|
||||
\v 15 Noemi rarybere. — Beteheiku, ahãbu seritxòre hãwyky rabuarera tasÿreny mahãdu-kò ta Deuxureny-kò . Kai ihemy make.
|
||||
\v 16 Kiaremy Hutxi rirawyònyre: — Kõre wadi wisÿdÿkÿkõmy ixirisimy, ixihelududÿkỹixawikemy. Titxibo makre kralekre. Titxibo mahawanykre tai krahawanykre. Aitxoi waitxoi mykre. A Deuxu wa Deuxu mykre.
|
||||
\v 17 Titxibo burukre tai karurukre taile karukukre. Tukõkreki Deuxu riwalanõteremy ixenykre. Anowitxira riwahitxinykõtyhy rubu sohoji iny wiribi rihitxinykre.
|
||||
\v 18 Noemi tahe rieryre Hutxi inatyhymy ihemynomy risÿnyrerimy, aõmy ixyby rarybeõhyyre.
|
||||
\v 19 Kia tii boho ririranymy ròirenyre Belẽ òhòkÿle. Kia ritehemynyrenyreu tamy, hãwã ibutumy ruòremy reare iòrarureny-ki. Kia hãwyy mahãdu rÿÿraximy rÿimyhÿreny: —Kaa anobo Noemi rare?
|
||||
\v 20 Kiaremy tii rirawyònyre: — Noemimy wanidÿkÿrenykõmy, Maramy biwaninibeny, kiemy bederyry nihikỹwadeke riwahinyra Deuxu iruruterehekÿ.
|
||||
\v 21 Wadebò tÿximy karibi rare, anohakudianokõ deuxu riwabuarese dÿkÿnyreri; anoherekibo tahe Noemi wanikre, Deuxu waribikòtu rexisÿnyra. Tarurutere-di riwabederyrynyra.
|
||||
\v 22 Kia kawesemy heka Noemi dòòsede Moabi ribi, Hutxi wana iriòreriòrese.Tii boho ritehemynyrenyre Bele-ò, maixõmoni iride ròrarunyrerimy.
|
||||
\v 23 Kawesemy tahe Hutxi raõmysÿdÿÿnyre Boasi raõmysÿdÿÿdurenyre-wana, kia riarirenyre ihyy rexihure alòbròna rede. Kiata rasÿnymy raremyhỹtariòrelahi-wana.
|
||||
\c 2
|
||||
\p
|
||||
\v 1 Noemi isÿnõ ijõdire Boasi inire, kia heka iaõdi nihikỹrare kia ratyhydÿÿmy ratximyhÿre Tii heka Elimilei-sỹmahãdu rare —Noemi hãbu.
|
||||
\v 2 Tiu txumy Hutxi rarybere Noemi dee: —Kraiku alòbròna-kò ariximy, tibo iny wadeke ròwahikre lòbròna dejuxu kariarikre. Noemi rirawyònyre: —Make waritxòre,
|
||||
\v 3 Taita Hutxi rare oworu bede-ò kia rarity ratximyhỹaõmysÿdyÿdu mahãdu hewomy, riarimy ratximyhy alòbrònaty su-ò resemyhỹriarimyhÿ. Kia tahe tii Boasi oworutxi ralore, Elimilei sÿreny.
|
||||
\v 4 Ibedeu tahe Boasi dehemynyde Belẽ-ribi kia rarybere taaõmysÿdÿÿdureny boho-ò: — Deuxu tyhyhykỹawanareny ratxireri! —Deuxu tyhyhykỹtarybewiwi adee riwahiny! Noemi rirawyònyre.
|
||||
\v 5 Taita Boasi rÿÿraxire aõmysÿdÿÿdu mahãdu wedu-ò: —Mowe kua ijadòòma naderi?
|
||||
\v 6 Tii rirawyònyre: —Moabi hawa ludu kia Moabi-ribi nade Noemi–wana.
|
||||
\v 7 Tii wadee rexitòenyre rariakremy aõmysÿdÿÿdu mahãdu hewomy, kia alòbrònaty sutxi rariòwymyhÿre riarikremy kawesemy tahe ti raõmysÿdÿÿnyreri rudihikỹkia wijile urihimyòmy rexitxuhunyra rexielehynykremy bede rawo-txi.
|
||||
\v 8 Taita Boasi rarybere Hutxi dee: —Boholakre wariòre, uritre alòbrònaty ariximy noõmykre iwitxira alòbrònatxi, kakile atxikre kia maõmysÿdÿÿnykre waõmysÿdÿÿdureny bire-ki.
|
||||
\v 9 Boholawiwikre kia tiiboho-wana atxibenykre tibede-ki maixõmoni rikròrenyreki. Diarỹwarybe rewahinyra aõmysÿdÿÿdu mahãdu-ò adee aõmydÿÿõrenykremy. Kia tiu bemomo arasakreu, bemy biõkre kia aõmysÿdÿÿdu mahãdu riryrenykre raõkremy.
|
||||
\v 10 Taita Hutxi tatiòhumy resere, taòsÿny su-ò ridere kia rarybere: — Wawedu anoherekibo wadi tetehetyhyta, wadeke awirare, ikòrenykeki kiemy dikarỹhãwã witxira ludu rare reriki?
|
||||
\v 11 Boasi rirawyònyre: — Diarỹraholare ibutumy aõbo kai ariòre lahi dee tewinyte kia ahãbu rurure bedeuhyyle. Diarỹreeryre kai buu teritemy adi teritemy, kia ta tanate matxikremy iny mahãdu teeryõtenyte kyki matxikremy.
|
||||
\v 12 Kia Deuxu tyhyhykỹarawiòhenanykre ibutumy aõnaõna tewiny òwymy kia Isaraeli Deuxu adi retehekemy kai tanateu, kia adee inihikÿmy aõwiwi riwahinykre.
|
||||
\v 13 Hutxi rarybere Boasi dee: — Wawedu awimy wadi atxiteri. Tiwatekyrewedÿkÿnyteri anowiwihikÿlemy wadeke tarybeteri, kiemy dikarỹekòdu anokõ rare.
|
||||
\v 14 Txutye byrena bedeu, Boasi rarybere Hutxi dee: — Manake ka-ò, hina kyreõ bimymy mona besò-òbi tuunyke. Taita tii runyre aõmysÿdÿÿdu mahãdu weribi-txi, Boasi tamy riwahinyre maiõnode wòsi. Tii riyre, ihyy tahe rihydyre awire, kia ihãremy rohenyre.
|
||||
\v 15 Hutxi rexilamadÿÿnyreu ixyby rakremy aõwi ariximy, Boasi rarybere tadeòdurenydee: — Ixinamy tii maixõmoni raty riarikre rabutumy rÿimyhÿre ykyribi uritreta idi lisirenyõmyrenykre.
|
||||
\v 16 Kia maixõmoni raty ibutuna ribi bitalebenyke kiata biatybenyke tii su-ribi riarikremy. Kia uritre tamy siraõmy tamy debureõmy.
|
||||
\v 17 Kia wesemy tahe Hutxi maixõmoni raty riarire oworuki kia tahe txioromy ixawire. Irahudi tahe rihãtemyhỹmaixõmoni raty riarire, kia tahe wawiòribi iruyre urihina utxie iòhòmy rimyre
|
||||
\v 18 Mainõdeni rimymy ròòsere hãwa-ò kiata tariòre lahi-ò riteòsinyre tiwesebo riariremy. Tule tamy riwahinylere rÿsÿna txutyemy rohenyre uhe.
|
||||
\v 19 Tahe iriòre lahi tamy rÿÿraxire: —Tikibo alòbròna tearita wiji? Tikibo talanomysÿdÿkÿnyta? Deuxu rybewimy rarybekre, habu adeke rekòbyra-kò . Taita Hutxi relyyre Noemi-kò: raõmysÿdÿÿnyremy oworuki hãbu hõrõ-ki Boasi inire.
|
||||
\v 20 Kia Noemi rarybere: — Deuxu rybe wimy Boasi-kò rarybekre, kiemy awihyky riwinyre, irumahadu-kò tule rurure mahãdu-kò. Noemi tarybe ritõranyre: —Kia habu heka inysÿrenytyhyle rare iny-di ròrenyke rikòbynyre.
|
||||
\v 21 Taita Hutxi rarybere: —-Ihare tiki rarybera, ixinamy riki karalanõmysÿdÿkÿnykre tekòdu mahãdu wana, tikubo tòbròna rexihudihikÿle ixawikre.
|
||||
\v 22 Noemi rirawyònyre: —Awimy makre tekòdu mahãdu heki, waritxòre. Kiemy habu witxira lòbròna-kò malanõmysÿdÿkÿnykeki anakòbinanydenyke.
|
||||
\v 23 Kawesemy tahe Hutxi raõmysÿdÿÿnyre Boasi deòdu mahãdu wana kiata maixõmoni riarimy rare ihyyta aõwi ede ixawire. Kiata tariòre lahi-wana rasÿnymy raremyhÿ.
|
||||
\c 3
|
||||
\p
|
||||
\v 1 Tiu txuu Noemi rarybere Hutxi-ò: —Waritxòre, habumy adeke kararunykre adi ròrenykemy.
|
||||
\v 2 Boasi txi anõbo õhõti reaka, hbu adeke rekòbyra tekòdu mahãdu kykyki anõmysÿdÿkÿmy, iny-sÿreny anõbo rare? Kiaremy wiji rukumy tiki alòbrònaty risuhokre takoworokuki.
|
||||
\v 3 Bexisuhokre, bexilÿnyrenykre, atykywi-di bexitykynykre, irahudi makre tikibo Boasi ralanõmysÿdÿkÿnyreri-kò. Uritere ixitynyny dÿkÿkõmy tamy, tuhyky tamõmõ tabyre rahukre.
|
||||
\v 4 Tiki rõrõdi, iherina bikerykre, titxibo roikre tahe. Makre iwa biekre, ibire bexilidikre.Tiki kanarybekre anobo relekremy.
|
||||
\v 5 Hutxi rirawyònyre: —Arybemyna butumy kariwinykre. —Ibutumy kariwinykre anomybo wadeke tarybeteri mynamyna.
|
||||
\v 6 Kia tii rare tibedekibo alòbrònaty riterymyhÿ-ò kia ibutumy riwinyre timybo iriòrelahi tamy rarybere mynamy.
|
||||
\v 7 Kia Boasi rexihureu byre-ribi kia bemomo-ribi, kia urihimyòmy reysariorere kia rare tÿhimy tai alòbròna hawalò bireki-ò. Taita Hutxi nade ywityhytyhymy, kia riraynyre ihety iwabede-ribi kiata rexilidire tai.
|
||||
\v 8 Ruwetyau tahe tii isitere-ribile rexixare, runyre kia seems bede riòtiinyre hãwyytxi rearaki iwarawoki roireriki.
|
||||
\v 9 Tii ritÿÿraxinyre: —Mobo tate? —-Dikarỹekòdu Hutxi rare! rirawykònyre tiki wawedu kai heka wasÿrenytyhyle tate taiki wadireny bòrenyke rikòbynyreri.
|
||||
\v 10 Boasi rirawyònyre: —Kia Deuxu tarybewi adee riwahinykre, wariòre. Kai heka aityhymy òbitityhymy texideòsinyteri ariòrelabie sÿreny-ò kaa wiji tewinyteri kia ariòrelahi-ò tewinyte-ribi. Kiemy dori kai weryrybò teijekõte, iaõdire aõbo ityhyre aõbo yda iaõkõre aõbo.
|
||||
\v 11 Ka tahe wiji wariòre, uritre brebuõmykre. Ka hãwã hawa roireki ibutumy iny mahadu araeryre kai iny òbitimy nodu tatemy. Kia ibutumy ariwinykre aõmybo wadee bexitòenykre.
|
||||
\v 12 Inatyhymy diarỹasÿtyhyhykỹrare kia heka awedu rare. Kia-ribi tahe habuõ asÿtyhyle rare kia tahe waratyre asÿtyhymy ratximyhÿre.
|
||||
\v 13 Kai matxikre ruu adi rexihukre, kia rudiuta rikierykre txibo tii awedumy ratxikremy. Txibo tii adee reòbykre-wana aõhereri aõkõ; ka txibo aderakre-wana, tuu ariwinykre Deuxu Tyhyhykỹdee kia awedumy aratxikre. Ka tahe wiji boike kiata morõke ixybyle.
|
||||
\v 14 Rutxi tai rõrõre iwarawo bedeki. Kia bede turumyhÿ-wanawana, tii lamamy rÿire inyõ tuu robikelau, kia Boasi inyõ rieryõkemy ratximyhỹkia hãwyyõ kua-ò raramy.
|
||||
\v 15 Taita Boasi rarybere: —Bitake ayhyitxena kiata su-ò bitetekre. —-Tii ritetere, kia tii the iyhyitxena-ò ritxiwire waitue kilo utxiemy, kia riwiòhenanyre iaxiòti-ò ritidire. Tai Hutxi ròòsere hawa-ò.
|
||||
\v 16 Tii heto-ò rehemynyreu, kia iriòrelahi ritÿÿraxinyre: —Timyrabohe anonanona, waritxò —Hutxi ibutumy relyyre aõbo Boasi tamy riwinyremy. Kia iharemy rarybere:
|
||||
\v 17 Tiki tule wadeke riwahinyra alòbrònaty, myy rarybera: —Uritre asÿ-ò òkeseõmy aõ biwyõhyymy ariòrelahi dee.
|
||||
\v 18 Taita Noemi rarybere: —Wiji tahe waritxòre, kywimy bòrakokre, timybo rutÿkÿnykremy. Boasi tiku iixielehy dÿkÿkõna, rikòbitinykõ-di kabededÿkÿnana wiji.
|
||||
\c 4
|
||||
\p
|
||||
\v 1 Boasi rare ixilehydÿÿna rÿimyhÿre-ò kia hãwã ijò weribiki rÿimyhÿre kia runyre tai. Tamyole tahe rehemynyre Elimeke sÿtyhy wahe, kua Boasi tuu rarybere wahe. Kia Boasi tamy rarybere: —Wabiòwa, manake ka-ò kiata bunyke. Tii rare kiata runyre.
|
||||
\v 2 Taita Boasi rarariowyre debòituemy iny sõe aõnityhymy rÿimyhÿrenyre hãwã hawaki kia rarybere: —Budunybeny kaki. Tii boho runyrenyre.
|
||||
\v 3 Boasi rarybere tasÿ-ò: —Noemi dòòsede Moabi su-ribi kiata su-di ròhònykemyreri kia heka inysÿreny hõrõ rare Elimele.
|
||||
\v 4 Taita diarỹrexiywinyre widee rykarybekremy ka bededÿÿnanamy. Ka ka tahe wiji, txibo kai ixideewikre-wana, biõbranykre kaa suu inyninihikỹmahãdu rurenyki kia habu mahãdu kaki roruurenyreri rurenyki. Ka txibo terakre-wana, manaryke kiemy dori komy suu biõbranyke kia irahudi tahe diarÿkre. Habu rirawyònyre: — Diarỹariõbranykre suu.
|
||||
\v 5 Tai Boasi rarybere: —Txibo kia suu biõbranykre-wana Noemi-ribi, kia tule hãwyy-my boikre Hutxi-wana, Moabita wytese, kia suu rarekremy rubusỹmahãdu-ò.
|
||||
\v 6 Taita habu rirawyònyre: —Kaweseki tuu ariwinykemy watxireri suu õbradÿÿmy, kiemy dori timykibo wahõrõ adibinabinanyke. Kaile biuheke tuu idi biuhekemy atxiteri; diarỹtahe tuu ariwinyõkre.
|
||||
\v 7-8 Kaile suu biõbranyke. Ityhylemyta tawaube hety ritamy riwahinyre Boasi dee. (Juhuu Isaraeli bedeki, iny aõmy widee rarybemyhÿreu aõ õbramy yda taaõna tiwiuròsòdÿÿmy, iny sohoji riwahinymyhÿre iwitxira-ò tawaube heto.)
|
||||
\v 9 Tai Boasi rarybere iny ninihikỹmahadureny-ò kia ibutumy iny mahadureny-ò: —Wiji kai boho tetehewitenyteri kia diarỹreõbranyramy Noemi-ribi ibutumy aõ Elimele kia Kiliõ kia Maliõ hõrõ.
|
||||
\v 10 Tule hãwyy aroilekre Hutxi-wana Moabi, Maliõ wytese, kia iaõnareny ikiemy rÿimy rarekremy rubusỹmahadudeereny. Kawesemy Maliõni ikiemy nohõti itxi reamy rarekremy, kia ikiemy nohõti itxi reamy rarekre iny mahãdu ykyrenyki kia tahãwã hawa-ki. Wiji kai boho tetehewitenyteri kadi!
|
||||
\v 11 Ibutumy rirawyònyrenyre: —Kohe, diarỹinatyhymy adi itxeredureny roire. Kia iny ninihikỹmahãdu raryberenyre Boasi dee: —Deuxu Tyhyhykỹheka riwinyre kaa hãwyy, kia taheto-ò rareri, Hakeli wesemy kia Lia wesemy, kia sõemy uladu riwahinyrenyre Ijaò dee, kawesemy rexisÿnymy Haeli hawahawasemy. Kia kai aaõdimy ityhymy bunykre kia anidehedehemy‚ Ebrata bedeki. wesemy, Juda riòre kia Tamara-wana!
|
||||
\v 13 Taita Boasi ridyre Rutxi taheto-ò ihãwyymy runykremy. Tii òtaòta riwinyrenyre, kia Deuxu TyhyhykỹRutxi dee riwahinyre tarybewihikỹrabòtònykremy, kiata tii weryrymy rariòrenyre.
|
||||
\v 14 Kiata hãwyy mahãdu raryberenyre Noemi dee: — Deuxu awityhy rare wiji aritxokore adeke riwahinyreri adilòredumy! Kiemy ikunihe wekyry inidehedehemy rarekre Isaraeli-ki!
|
||||
\v 15 Kia wekyry arabedesanymy rarekre, asenaduna-di lòredumy! kiemy aritxokorese ritxòre rare, erina tyhy, tule debò inatxi aritxoreke ratyre awityhy rarekre.
|
||||
\v 16 Noemi weryry rimyre tawyòtyre kiata idi tarukimy ratximyhÿ.
|
||||
\v 17 Tuu robirenyre hãwyy mahãdu ibireludureny raryberenyre: — Reakara kuladuno Noemi-kò! Kòbede inire. Kiata Òbedemy rininirenyre. Iribi Òbede, Ijese tybymy runyre, tiki tasỹDavi Iòlò tyby rare.
|
||||
\v 18-22 Davi hÿÿna mahãdureny Beresi-ribi, kaa tiirenyre: Beers, Eserõ, Raõ, Aminadabi, Nasõ, Salama, Boasi, Òbede kia Ijese, Davi.
|
||||
|
|
@ -0,0 +1,628 @@
|
|||
\id 1SA
|
||||
\ide UTF-8
|
||||
\rem Miss. cc 9-16; c 17:14-39
|
||||
\h 1 Samueli
|
||||
\toc1 1 Samueli
|
||||
\toc2 1 Samueli
|
||||
\toc3 1sa
|
||||
\mt1 1 Samueli
|
||||
\c 1
|
||||
\p
|
||||
\v 1 Hãbuõ rare raremyhỹ Efrai mahãdu, Eokana heka inire, Rama hãwã bede-ki raremyhỹ Efrai hãwalò sõehekỹ bede-ki. Tii heka Jeroaõ riòre rare, Eliu riokore, Tou riòreriòre Zufe tahe about ilabierenyre.
|
||||
\v 2 Eokana heka inatxire ihãwyy, Ana ta Penina ijõre. Penina heka iriòre dire, Ana tairiòreõre.
|
||||
\v 3 Eokana heka wyra sohoji sohoji-di ramyhỹre tahãwã ribi Silò bede-ò ramyhỹre wedu nihikỹ-ò xiwe riwahinykremy. Hofni ta Fineia, Eli riòreboho. Deuxu wedunihikỹ, deòdumy roiremyhỹ, Silò bede-ki.
|
||||
\v 4 Ka Eokana raxiwe riwahinymyhỹre wana, ijõ bute riwahinymyhỹre Penina-ò ijõ tasỹ tariòre mahãdu-ò riwahinymyhỹre.
|
||||
\v 5 Ka Ana-ò tahe tii sõetyhymy riwahimyhỹre, Eokana sõemy tuu rerinanymy raremyhỹ, wedu nihikỹ uladu tamy riwahinykõmyhỹre hãrele.
|
||||
\v 6 Penina, Ana oludu heka sõemy riitxenanymy raremyhỹ idi rasinymy raremyhỹ, kiemy he wedunihikỹ uladu tamy riwahinyõhyky raremyhỹ.
|
||||
\v 7 Wyra iyhykõmy heka rutỹỹnymy raremyhỹ. Wedunihikỹ heto-ò roimyhỹrenyreu. Penina risiraradỹỹmyhỹre Ana, iòraru-ki tule urile robumyhỹre tule aõ wana riroxiõhyymyhỹre.
|
||||
\v 8 Tiu txuubo ihãbu Eokana tamy rỹỹraxire: —Ana, aõki wexe tabuteri? Aõherekibo teroxiõteri? Aõherekibo abedeeryryhyky ahãmyhỹte? Jiarỹ aõkõ aõbo adee awireri, debòitue uladu sõeky ribi? Ana uladumy rexitòenyre Deuxu-ò.
|
||||
\v 9 Tiu txuubo tahe Silò-ki ratximyhỹreny, tabyreny rahumy ratximyhỹreny. Eli, Deuxu deòdu, rynana-ki runymyhỹ, Deuxu heto ijò-ki.
|
||||
\v 10 Tahe ibedeeryrymy Ana rỹire, sõemy robumyhỹ, Deuxu wedu nihikỹ-ò rexitòenyre.
|
||||
\v 11 Tahe rarybere tu rybe mynamy riwinykremy: —Wedu rurutere nihikỹ, wadeke iku bedeteheke, ekòdu-kò! Wabede ryrykò taiku bedeteheke ta watxi õhõti reakakre! Ekòdu ribi nohõti lusa kõmykre! Wadeke kuladu biwahinykre wana, tikiemy aki rarekre tule irade rakroke anõkõre.
|
||||
\v 12 Ana txuu iyhykõmy wedu nihikỹ-ò rexitòenymy raremyhỹ, iòraru-ki Eli idi ixiraykydỹỹ riòrarunyre.
|
||||
\v 13 Idi retehere iryijeti rerabimyhỹmy, irybewodỹỹ rohonyke aõkõ. Tawo-ki Ana rexitòenymyhỹ, Eli idi iòdewarimy rõhõtinymyhỹ.
|
||||
\v 14 Rarybere: —Tiwese wexe aõde wàrimy bede biekre? Ixãwike mobo ribi!
|
||||
\v 15 —Anoherikibo, tii rirawyònyre, jikarỹ wakode wàrireri anokõ. Vinhomy kariõke anokõ bexibexi tule. Urile heka wabederyryreri ta rexitòenymy watxireri, wabede wokulemy heka wedu nihikỹ koku relykymy watxireri.
|
||||
\v 16 Wadi nohõtikõkmy hãwyky itxyte itxytemy nodumy. Kia wesemy rexitòenyreri kiemy jikarỹ wabederyry rare tule anohỹkỹhỹkỹmy dỹkỹdu rare!
|
||||
\v 17 Eli rarybere: —Make ixinamy. Israel Deuxu adee riwahinykre aõmybo texitòenyta!
|
||||
\v 18 Kiemyhe wedu nihikỹ ano wiwihikỹlemy wadi rõhõtinymyhỹre! Tii rirawyònyre. Ta rohonyre. Riroxire bederyry ribi ixãwimy ratximyhỹ.
|
||||
\s1 Samueli Jurana
|
||||
\v 19 Biurasò rudiu Eokana ta hãwyyboho wana Deuxu wedu nihikỹmy reàlàremyre. Irahudi ta tasỹ-ò riòkeserenyre Hama bede-ò. Eokana ta hãwyy tyy-ò resere Ana wahe, wedu nihikỹ ixitòtedỹỹna rirawyònyre.
|
||||
\v 20 Tahe rabotonyre, itxu òbitiu, reare weryry. Samuelimy rininire ta riòbitinyre: Ka kuladu Deuxu deke tuu rexitòenyra wedu nihikỹ-kò.
|
||||
\v 21 Eokana ta hãwyyboho wana Silò-ò roirenyre wedu nihikỹ dee xiwe riwahinyrenykremy wyra sohoji sohoji-di heka tuu riwinymyhỹre tule sỹ xiwe wihikỹ Deuxu dee tuu rarybere ijõre.
|
||||
\v 22 Ibedeu Ana raõre. Kiamy ta hãbu-ò rarybere: —Hukỹtò ribi ixãwi-di, idi krakre Deuxu hetoku-kò, tikiemy tai rarekremy.
|
||||
\v 23 Eokana rirawyònyre: —Tibo adeewimy ixinamy tuu biwinykre. Huỹtòdu ule iny wana ratxikre iribi tahe ixinamy rakre. Tuu wedu nihikỹ-ò tarybete mynamy, tuu biwinykre. Tahe Ana rarire tasỹ-kile tariòre rihuỹtònymy raremyhỹ.
|
||||
\v 24 Huỹtò ribi ixãwire-u, idi rare Silò bede-ò. Tule broreni hãbu ijõmy ixihemy ridyre inataõmy iwyra, ỹnyde deboitue kilo-my tule sỹ sohoji hynamy vinho. Samueli (Samuel) uladu tyhylemy ise idi rare wedu nihikỹ heto-ò Silò bede-ò.
|
||||
\v 25 Samueli tybyboho broreni rirubunyrenyre xiwemy tule uladu-di roirenyre Eli dee.
|
||||
\v 26 Ana rarybere: —Deuxu dekòdu, jikarỹ heka hãwyky wamy kaki tabite watxireri, Deuxu-kò rexitòenymy rỹimyhỹ-kò.
|
||||
\v 27 Jikarỹ kaa, kuladumy Deuxu wedu nihikỹ-kò, rexitòenyre watxireri tahe wadeke riwahinyre tuu rexitòenyre wahe.
|
||||
\v 28 Tai ki tahe idi ka rareri kuladu-di wedu nihikỹ deke. Tiwesebo irumy bede riekre, wedu nihikỹki hyky rarekre. Tahe taile tiiboho Deuxumy reàlàrenyre.
|
||||
\c 2
|
||||
\p
|
||||
\v 1 Tahe Ana kiamy rexitòenyre: —Deuxu wedu nihikỹ sõemy riwatekysanyra, warati rikywinyra kòraru-ki. Wijile wakòludu mahãdu-ki ratxuenyreri tule wadekysareri, Deuxu riwawikòhenanyra.
|
||||
\v 2 Moõ kòbitike anokõre Deuxu wese; ixyby deuxu witxira ijõkõre tiki sohojile rare, tule moõ iwese anokõ tikile iny riwikòhenanymyhỹre Deuxu sohojile.
|
||||
\v 3 Uritere rybe honadỹỹõmy tule rybe xiwedeõ-my. Deuxu wedu nihikỹ dori rierymyhỹre ibutumy iny anõbo riwinymyhỹre tiile tuu rarybere.
|
||||
\v 4 Sodadu tyhyhykỹ mahãdu wiji ranõkõra, sodadu ityhynõ mahãdu ta ihyhy-my rexirahòrera.
|
||||
\v 5 Juhuku hydymy roiremyhỹ ka wiji tahe rỹsỹnalemy rekoareri ka rama (ijra) mahãdu ta hydy-my wiji rỹireri. Hãwyky iritxòrenõ-my nodu wiji debò inatxi reuro-my rariòrenyra, ka iritxòre sõemy nodu ta wiji ihoõmy reara.
|
||||
\v 6 Deuxu wedu nihikỹ heka iny riyrubunymyhỹre tule umy riwahinymyhỹre tii heka iny rubu-ò riteònymyhỹre tasỹ iny iribi diòkesedỹỹnymyhỹde.
|
||||
\v 7 Tii iny riaõkõdỹỹnymyhỹre, tasỹ iny riityhydỹỹnymyhỹre, ijõ sỹ ribedetxinymyhỹre ijõ tasỹ ritamadỹỹnymyhỹre.
|
||||
\v 8 Deuxu iny iaõkõ-my nodu ritamadỹỹnymyhỹre su ribi tule iaõkõ ribi ritamadỹỹnymyhỹre aõhõkỹmydỹỹnana ribi. Iaõkõ mahãdu heka wedu nihikỹ bikòwa rare ryna wihikỹ-ò (risnykre). Su bededỹỹnana heka Deuxu hõrõ rare, wedu nihikỹ, tii heka tamyreny bede riwinyre.
|
||||
\v 9 Mobo òbitimy tamy ratximyhỹre tii iny-di taru-ki ratximyhỹre, òbitiõ mahãdu ta ixinamy bede luru-ki rỹimyhỹre, moõ heka taruruna-di ixiòbitimy ròtaõtyhy.
|
||||
\v 10 Deuxu òludu mahãdu ta, wedu nihikỹ rahurenykremy ihỹre, tii heka biu ribi kanakre ihudurenymy. Wedu nihikỹ heka ibutu hãwã hãwã mahãdumy rarybekre, tii heka iòlò dee ruru riwahinykre tule ritasadỹỹnykre kiemy dori tii ritare iòlò-my.
|
||||
\v 11 Tahe Eokana roosere tasỹ-ò Hama bede-ò uladu Samueli tahe rarire Silò bede-ki, Deuxu aõmysỹdỹỹna-ki, wedu nihikỹ, Eli wiòhedỹỹdumy. Eli riròreboho.
|
||||
\v 12 Xiwe-di aõmysỹdỹỹdu Eli riòreboho awiõrenyre tule Deuxu notxi ririõhyymyhỹrenyre wedu nihikỹ wahe. Iwese xiwe wedu mahãdu ixỹ-ò riwinymyhỹre wese tiiboho iny-ò tuu riwirenyõmyhỹre irybe sira dỹỹrenyre. Hãbuõ taxiwe riwahiny wana, xiwe-di aõmysỹdỹỹdu wiòhedỹỹdu tamy namyhỹde tesewaju inataõ-di. Ka wiji iròdude ruareri wanawana;
|
||||
\v 14 Heranawo-ò tesewa-di reamyhỹre, tiwesebo tesewa-di ritara xiwe-di aõmysỹdỹỹdu hõrõ-my relemyhỹre. Tu hyy hyy riwinymyhỹre Israel mahãduõ rawana Silò bede-ò taxiwe-di.
|
||||
\v 15 Iwe rookre koi, Eli riòreboho xiwe-di aõmysỹdỹỹdu deòdu riteònymyhỹre kiamy rarybemyhỹre mobo xiwe riwahinyreri: Ideyreõ wadee bidiwahinyke xiwe-di aõmysỹdỹỹdu ixidee riobiunykremy. Tii heto ahera-ò teòbyna, isòòle ta kedeòbykre.
|
||||
\v 16 Hãbu riwawyònykeki tahe myỹ: Txioini iwe komy roo, irahu-di ta ixideewimy bitakre, xiwe-di aõmysỹdỹỹdu wiòhedỹỹdu rarybere: Kõre. Wylemy iròdude bidiuwahinyke. Uri (kõyrbu) hỹỹnahãkỹlemy adiwyheny.
|
||||
\v 17 Kawesemy Eli riòreboho riwinymyhỹrenyre Deuxu, wedu nihikỹ-ò xiwe ramyhỹre. Iòrarureny tahe wedu nihikỹ dee lahimy reare.Samue Silò bede-ki.
|
||||
\v 18 Samueli Deuxu-ki (yrbu) raõmysỹdỹỹmy raremyhỹ. Uladu (yrbu) raremyhỹ, xiwe-di aõmysỹdỹỹdu tyy riuhemyhỹre.
|
||||
\v 19 Ise, Ana, wyra iyhykõ-my tyy tamy riwinymyhỹre ihãbu taxiwe-di wyra iyhykõ-my reamyhỹre iu ta tahãbu yhyramy idi ramyhỹre tyy-di.
|
||||
\v 20 Eli awimy Eokana ihãwyy wana tamyreny rarybemyhỹre kiamy: Deuxu wedu nihikỹ adee uladu riwahinykre Ana wana, tamy uladu tewahinyte deròwymy! Irabudixe tasỹ-ò riòkesemyhỹre.
|
||||
\v 21 Sõemy wedu nihikỹ Ana riwiòhenanyre, ixyby uladu tamy riwahinyre hãbu inataõ tule hãwyy inatxi. Samueli xe Deuxu, wedu nihikỹ aõmysỹdỹỹna-ki hyky raumynymy rare. Eli tariòreboho wana.
|
||||
\v 22 Eli ramatuarinykre. Tii ibutumy roholamyhỹre tariòreboho aõnaõna-ò israelita mahãdu-ò riwinymyhỹre-ò tulesỹ hãwyy mahãdu Deuxu heto-ki aõmysỹdỹỹdu mahãdu-ò raòtaòtamyhỹrenyre.
|
||||
\v 23 Kiamy Eli rarybere: Aõmy wexe tana aõnaõnanymyhỹtenyte? Ibutumy int mahãdu wadee narybemyhỹdenyde umyreny aõ aòtaòtale tadierymyhỹtenytemy.
|
||||
\v 24 Ixãwirenyke ini, wariòreboho! Deuxu wedu nihikỹ sỹ mahãdu umyreny rarybereri ibinamy brebunamy!
|
||||
\v 25 Inyõ wimy rolduukeki, wedu nihikỹ riwiòhenanyke. Ka inyõ Deuxu-my ròludukeki tahe mobo he rimiòhenanykre? Tyby rybe-ò roholarenyõhyyre, wedu nihikỹ xe irubudỹỹrenymy rexiraykynyre.
|
||||
\v 26 Samueli ywiywi-my raumynymy rare, sõemy wedu nihikỹ awimy tai rahamyhỹre iny mahãdu tule awimy tai rahamyhỹre. Deuxu rybe erydu Eli riòreboho-my roludure.
|
||||
\v 27 Deuxu rybe eryduõ Eli riemyhỹ Deuxu rybemy ramy rarybere, wedu nihikỹ wahe: Jiarỹ juhu mahãdu dee rexitynynyre iu bedeu Araõ tasỹrenyre wana Egito mahãdu deòdulemy roiremyhỹ iu.
|
||||
\v 28 Kai aõbo teeryte jiarỹ retaremy, Israel mahãdu kyribi, waxiwe-di aõmysỹdỹỹdumy uto-ki ratximyhỹrenykremy, roxõmyhỹrenykre tasỹ xiwe-di aõmysỹdỹỹdu tyy riuherenykre tai aratximyhỹkre-ò tule xiweõ tamyreny rewahinyra xiwe sõna ribi iwòsidỹỹ rabu wahe.
|
||||
\v 29 Aõhereki wexe aixiowijiteremy xiwe-ò atximyhỹtenyte tuu rarybere wadee relemyhỹkremy? Eli, aõherekibo heka ariòrebohole tetyhynymyhỹtenyte waribi, radenyrenykremy aõbo, xiwe wiwihikỹlemy riroximyhỹrenyre wasỹreny mahãdu wadee diwahinymyhỹde wahe?
|
||||
\v 30 Jiarỹ wedu nihikỹ, Israel mahãdu Deuxu, tamyreny juhuu rarybere ariòreriòreboho tiiemy wadee roirekre xiwe wedumy. Urile tahe wiji bededỹỹnana ixãwikre. Mobo riwatyhynykre tule arityhynykre, moobo wanotxi ririõkre tule tõtxi aririõtyhy.
|
||||
\v 31 Betehe ini! Bedehe tamy rehemynymy rareri iu ibutumy (ainy) tỹmyra mahãdu arihukre-ò tule busỹ mahãdu ijõreny matuari-ò rehemynyõtyhy.
|
||||
\v 32 Bede isiramy adee rohonykre tule sõemy mawaritikre Israela mahãdu dee aõ wiwihikỹ ariõkre-ò, urile tahe tiu inyõ asỹreny ribi matuari-ò rehemynyõtyhy.
|
||||
\v 33 Iny sohojiõ aririkre ariòreriòreõ, waxiwe wedumy. Urile tahe iruetàmy relekre tahedỹỹna riõnonykre. Iriòreriòre mahãdu rububina-my tarubu rahukre.
|
||||
\v 34 Ariòre Hofni Fineiaboho iny inatxi ituerenykre ixitxulemy uri idi mohõtinykrelemy aõmy rarybe wana inatyhymy rarybewahãre.
|
||||
\v 35 Iny sohoji inyõ xiwe wedumy awiõ aritakre ixidee, tii ibutumy wadee wimy riwinykre. Iriòreriòre tamy ariwahinykre tii tiiemy iòlò aõmysỹdỹỹdumy rarekre jiarỹ tuu retare.
|
||||
\v 36 Ijõ ariòreriòre mahãdu, irumy rarikre mahãdu rexitòenyrenykre nieru-my tule rỹsỹnamy rexitòenyrenykre wedu dee xiwe-di aõmysỹdỹỹdu wiòhedỹỹnamy irỹsỹnareny ijõdimy riroximy ratxirenykremy.
|
||||
\rem dat 2017
|
||||
\c 3
|
||||
\s1 Samueli dee Deuxu rexitỹnynyre
|
||||
\p
|
||||
\v 1 Samueli uladu ule Eli riwiòhenanymyhỹre Deuxu bededỹỹnana-ki wedu nihikỹ wahe. Iu bedeu ibutulemy rybe wedu nihikỹ ribi reamy raremyhỹ, tulesỹ rasi wesena ibutere ibedeu.
|
||||
\v 2 Tiu rumy Eli wahy ini raruetàre ta heto-ki rõrõmy roimyhỹu.
|
||||
\v 3 Samueli Deuxu heto-ki rõrõmy roimyhỹ, tai arka roimyhỹre-ki. Deuxu loosona toosolemy roimyhỹ.
|
||||
\v 4 Tahe Deuxu wedu nihikỹ tamy ryryre: —Samueli, Samueli! —Kakile watxireri! —Tii rirawyònyre.
|
||||
\v 5-8 Tii (raijranyre) Eli tai ratximyhỹ-ò tahe rarybere: —Kai we wadee taryta? Kakile watxireri. Eli rirawyònyre: —Adee aryryke aõkõre. Mata aherina-ò. Samueli roosere. Ixybyle Deuxu wedu nihikỹ ryryre Samueli dee. Taita uladu rỹire taherina ribi, rare Eli tai ratximyhỹ-ò tamy rarybere: —Kai we wadee taryta? Kakile watxireri. Eli ixyby tamy rarybere: —Adee aryryke aõkõre, wariòre. Mata aherina-ò. Samueli wedu nihikỹ rieryõhyymyhỹ tule wedu nihikỹ tamy rarybeõlere. Ixybysỹ wedu nihikỹ inataõna-di Samueli dee ryryre. Tiis sỹ ixybyle taherina ribi rỹire, ta rare Eli tai ratximyhỹ-ò tamy rarybere: —Kai we wadee taryta? Kakile watxireri? Tahe Eli xe rieryre wedu nihikỹ tamy ryryrerimy.
|
||||
\v 9 Tamy rarybere: —Bòòseta aherina-ò, ka ixyby adee kydyrykre wana, kiamy tamy marybekre: “Manarybeke, wedu nihikỹ, eòdu arybe-ò roholareri!” Samueli ròòsere taherina-ò.
|
||||
\v 10 Tahe wedu nihikỹ nade ta taile ratximyhỹ. Iwese, juhu tamy ryryre wesele, tamy ryryre: —Samueli, Samueli! —Manarybe, eòdu arybe-ò roholareri! — Samuel rirawyònyre.
|
||||
\v 11 Wedu nihikỹ rarybere: —Israel mahãdu aribreburenykre sõemy, tamy roholarenykre-u ibutumy ruberurenykre.
|
||||
\v 12 Itxu bede-u Eli-my adòludukre isỹreny bededỹỹnanamy rarybere, iòraru ribi ihyy ionanaòhòkỹle.
|
||||
\v 13 Kiamy jiarỹ rarybere asỹ mahãdu ibutumy aõhõkỹmy tikiemy (arisnymy) ararekre ariòreboho dori aõbinabinahakỹle wadee riwinymyhỹrenyre. Eli heka rierymyhỹre tuu ariwinykre, ihãrele tahe tariòreboho-ò rarybeõhyymyhỹre ixãwikemy.
|
||||
\v 14 Taiki tahe, inatyhymy ararybekre Eli sỹ mahãdu tiu budoeni hãlubu tule aõnaõnaõ iòrarureny nihikỹ risuhòõtyhy.
|
||||
\v 15 Samueli xe taherinakile roimyhỹ rudi-u. Irahudi xe rỹire ijõ riraynyre heto ijò. Eli ko relyyke lau sõemy ruberumyhỹ Deuxu tamy rarybere bededỹỹnanamy.
|
||||
\v 16 Eli xe tamy ryryre: —Samueli, wariòre! —Kakile watxireri! — Tii rirawyònyre.
|
||||
\v 17 —Aõmywe Deuxu adee rarybera? Eli rỹỹraxire. — Uritere aõ walau iwòteõmykre. Taiki ta Deuxu aõhõkỹmy sõemy (anasnykre) ka wako tuu butumy belyykõkre wana aõmybo adee raryberamy.
|
||||
\v 18 Taxe Samueli ibutumy iko tuu relyyre, aõ ilau riwoke aõkõre. Eli rarybere: —Tii Deuxu rare, wedu nihikỹ. Tii ixidee wimy timybo tuu riwinykre!
|
||||
\v 19 Samueli xe raumynyre. Wedu nihikỹ wana ratximyhỹ ibutumy aõmybo Samueli rarybemyhỹre riwinymyhỹre iu tuu rỹikremy.
|
||||
\v 20 Tahe Israel mahãdu ibutumy rieryrenyre Samueli Deuxu rybena tyhymy ratxirerimy.
|
||||
\v 21 Wedu nihikỹ tai hyy ratximyhỹ Silò bede-ki, tai Samueli dee aõnaõna riteòsinykremy tule tamy rarybekremy. Samueli rybe tahe ibutumy Israel mahãdu rityhynymyhỹre.
|
||||
\rem dat 2017
|
||||
\c 4
|
||||
\s1 Filiste mahãdu arka riwyrenyre.
|
||||
\p
|
||||
\v 1 Iu bedeu Israel mahãdu filisteu mahãdu wana raõbinanyrenyre. Israel mahãdu Ebeneze-ki rexibutunyrenyre, filisteu mahãdu tasỹ, Afeka-ki rexibutunyrenyre.
|
||||
\v 2 Filisteu mahãdu xe rironyrenyre aõbinamy. Ròtarenyre israelita mahãdu ribi, aõbina-ki sõemy ituerenyre inaubiowa mil bedeõmy sodadu ituere.
|
||||
\v 3 Ka rahenyre mahãdu ta ròòserenyre tai juhu rexibutunyrenyre-ò, Israel wedu mahãdu raryberenyre: —Aõherekibo heka Deuxu wedu nihikỹ fiisteu mahãdu iny ribireny ritarasadỹỹnyra wiji? Arka ta rikiòreny Silò-ò ka-ò iny kidiwydenykre, tai xiery wedu nihikỹ inykyrenyki kanatxikre iny rihedỹỹnyrenykre iny òludureny ribi.
|
||||
\v 4 Ta riteònyrenyre teòdureny Silò bede-ò arka òrysymy wedu nihikỹ hõrõ butu ratyre irurutere, tarynaki ratximyhỹre ỹju mahãdu wana. Hofni Fineia wana Eli riòreboho, arka heki doidenyde.
|
||||
\v 5 Arka rehemynyre-u, israelita mahãdu katxihikỹmy rirajuarenyre, su dori ramytàtàre.
|
||||
\v 6 Filisteu mahãdu roholareny-u irà-ò kiamy raryberenyre: Boholabenyke ini irà-ò Hebreu mahãdu tai roireri-ki. Aõbo tahe ka aõherabo? Ka arka wedu nihikỹ hõrõ tamy rehemynymy rieryrenyre-u.
|
||||
\v 7 Filisteu mahãdu sõemy ruberurenyre kiamy raryberenyre: —Deuxu ini israelita mahãdu-ò rehemynyra! Inyboho tahe! Tiu he aõ iwese rỹiõmyhỹre!
|
||||
\v 8 Inyboho tate! Mobo he iny rihedỹỹnyrenykre Deuxu rurutere nihikỹ ribi? Ka Deuxu heka egpicio mahãdu iròdu xõmo xõmo-di aõhõkỹmy risỹnyrenyre, bedetyahakỹki.
|
||||
\v 9 Filisteu mahãdu, bexiwodeburemybenykre! Hãbumy maõbinamybenykre kõmo aõbohe Hebreu mahãdu deòdumy rokoirekre, iwese tiiboho iny deòdurenymy ihỹrenyre wesemy. Hãbumy maõbinanybenykre!
|
||||
\v 10 Tahe filisteu mahãdu raõbinanyrenyre. Israelia mahãdu xe rabòdurenyre raòrunyrenyre tasỹreny-ò brebumy. Tahe sõemy ituerenyre: 30000-my iny sõe ituere israelita mahãdu. Filisteu mahãdu xe Deuxu arka riwyrenyre. Eli riòreboho ituerenyre Hofni Fineiaboho.
|
||||
\v 11 Filisteu mahãdu xe Deuxu arka riwyrenyre. Eli riòreboho ituerenyre Hofni Fineiaboho. Eli rure.
|
||||
\v 12 Hãbuõ Benjami mahãdu nahenyde (ijra-my) nade wou tai rỹimyhỹ ribi Silò hãwa-ò tahe rehemynyre ixitxuhukỹlemy. Tabederyry riteòsinykremy tii tatyy riykare bede-ò taradi roire.
|
||||
\v 13 Eli rynana tyre-ki runymyhỹ, ryribi iòhòlemy, roraòmy. Sõemy tii rõhõtiyremyhỹ arakamy. Ka hãbu wou bededỹỹnanamy relyyreu tahe, ibutumy iny mahãdu ruberurenyre tule rasỹbinarenyre.
|
||||
\v 14 Eli ibru-ò roholareu-u rỹỹraxire: —Aõwexe aõhereribo? Tahe hãbu rare Eli ko ijuumy.
|
||||
\v 15 Eli 98-my iwyra tulesỹ iruetàre.
|
||||
\v 16 Hãbu rarybere: —Jiarỹ heka wou ribi rare wijityhyle (ijra-my) ka-ò. —Aõherabo heka, wariòre? Eli rỹỹraxire.
|
||||
\v 17 Israel mahãdu filisteu mahãdu ribi raorunyra! — Ijyydu rirawyònyre. — Inihikỹmy heka iny ituerenyra, filisteu mahãdu xe arka riwyrenyra.
|
||||
\v 18 Ka arka-my roholareu, Eli rariòwyre rynana tyre ribi ta brò-ò, ijòtòbona bire-txi. Matuari tyhyre tule idenihikỹre. Iurenana tahe tòti rurure. Eli heka quarenta wyramy Israel mahãdu-di raõmysỹdỹỹnyre. Fineia hãwyy rurure bededỹỹnana.
|
||||
\v 19 Eli riokore se Fineia hãwyy, bòtòmyhỹ (ijra) iòhòmy. Deuxu arka iòludureny riwyreny rieryreu tule sỹ iriòre labie rubu tasỹ ihãbu rubumy tahe ramytxitxire ihyy iriòre rare.
|
||||
\v 20 Tahe rubumy rorenymyhỹ hãwyy mahãdu xiery riwiòhenanymyhỹ tamy rarybemyhỹreny: —Bexibrebuterenyke! Wekyry heka aritxorera. Tii tõtxi ririõhyyre tule rirawyònyõhyyre.
|
||||
\v 21 Uladu xe rininire Ikabo-my, riòbitinyre: *Wowydyna Israel ribi rohonyra. Kiamy rarybere, Deuxu arka wydyna-my tule sỹ tariòre labie rubumy tahãbu rubumy.
|
||||
\v 22 Tii rarybere: —Wokuwydyna Israel ribi rakòkunyra, Deuxu arka heka iny kòludureny riwyrenyra.
|
||||
\rem dat 2017
|
||||
\c 5
|
||||
\s1 Deuxu arka filisteu mahãdu su-ki.
|
||||
\p
|
||||
\v 1 Deuxu arka riwyrenyre rahudi, filisteu mahãdu Ebenee ribi riwyrenyre Asdode hãwa-ò.
|
||||
\v 2 Ta deuxureny Dagõ heto-ò ritidirenyre, ritxoo bire-ò.
|
||||
\v 3 Ijõ txuu, rudi-u, Asdode-ki hãwadu mahãsu Dagõ-my robirenyre rariòwymy taõmy resemy roimyhỹ-ò su-ki, arka ko-ò roimyhỹ. Tahe riwyrenyre ixybyle tena-ò.
|
||||
\v 4 Ijõ txuu, rudi-u, ixybylesỹ rariòwymy roimyhỹ arka bire-ki. Irati ta tera wiwana rarore, ijòtòbona rawo-ki resemy roimyhỹ; iumyleta awimy roimyhỹ.
|
||||
\v 5 Taiki heka Dagõ rybe erydu mahãdu tule ityhydỹỹdu Asdode mahãdu tiu tamy raõhyymyhỹre ibede-ò.
|
||||
\v 6 Tahe Deuxu wedu nihikỹ aõhỹkỹmy Asdode mahãdu (risnymy) raremyhỹ. Binanamy ritỹxinyrenyre ibiremy hãdu mahãdu tule.
|
||||
\v 7 Tuu robirenyreu-u kiamy raryberenyre: —Israel Deuxu inihe inyboho aõhỹkỹmy (risnymy) tule Dagõ iny deuxureny. Ixyby he Israel Deuxu arka kaki roiõkre.
|
||||
\v 8 Tahe teòdurenyõ riteònyrenyre iruyre filisteu wedu mahãdu dee rybemy tamy rỹỹraxirenyre: —Timy wexe Israel Deuxu arka (rkisnyrenykre)? —Gate hãwa-ò biwybenyke! — Tiiboho rirawyònyrenyre. Filisteu mahãdu xe idi roirenyre tamy.
|
||||
\v 9 Ka, arka tamy rehemynyre-u, Deuxu wedu nihikỹ aõhõkỹmy (risnyrenyre) tai hãwadu mahãdu tule brebumy rabinarenyre. Binana sỹ hãbu iaõkõmy nodu mahãdu-my rỹxire.
|
||||
\v 10 Tai tasỹ Ekrõ hãwa-ò arka-di roirenyre. Tamy arka rehemynyre-u, tai hãwadu mahãdu rirajuarenyre: —Israel Deuxu arka we ka-ò idi toiteri; iny hudurenymy he rururenyra!
|
||||
\v 11 Tahe teòdureny riteònyrenyre filisteu wedu mahãdu-ò rybemy: —Israel Deuxu arka-di boibenye iribi tadiwytenyte-ò, taita tiu iny ihudurenyõna iny sỹreny wana. Hãwã hãwamy rubu rohonyre, Deuxu aõhõkỹmy (rsnyrenyre).
|
||||
\v 12 Ka mobo ruruõre mahãdu ta sõemy binanamy rỹxirenyre, hãwaki sỹdu mahãdu irà biu òhòkỹle rehemynyre.
|
||||
\rem dat 2017
|
||||
\c 6
|
||||
\s1 Arka òkesena.
|
||||
\p
|
||||
\v 1 Debò-ò inatxi reurò ahãdu-my *arka bede riere filisteu mahãdu su-ki.
|
||||
\v 2 Tahe ta deuxureny xiwedi aõmysỹdỹỹdu-ò rarariòwyrenyre tule ta hàrireny-ò tahe tamyreny rỹỹraxirenyre:
|
||||
\v 3 Tiiboho rirawyònyrenyre: —Ka Israel Deuxu arka-di biòkesekre wana, iòferta kõmy idi norenoõmykre. Òfertaõ ihemy biteònybenykre aòrarureny òwydỹỹnamy. Ixiery ta beytebenykre tule bierybenykre aõ òrarukibo aõhõkỹmy (arasnyrenyrerimy).
|
||||
\v 4 Aõbo tahe òferta-my rakre? —Filisteu mahãdu rỹỹraxirenyre. Xiwe-di aõmysỹdỹỹdu mahãdu tulesỹ hàri mahãdu wana rirawyònyrenyre: —Iruyremy ouro relekre binana wesemy ta rateokre tulesỹ iruyre-my luwyty relekre ouro-di, filisteu mahãdu wedu myna mynamy. Iruyre wedu mahãdu heka tule binanana-my rỹxirenyra abinanareny wesenamy.
|
||||
\v 5 Binana wesemy biwinybenyke luwyty sỹ tulekre iny sureny ribinanyreri tahe Israel Deuxu dee rawahikre. Tai xiery heka aõhe wana aõhõkỹmy asỹdỹỹreny ixãwikre, adeuxureny tule asureny.
|
||||
\v 6 õhõtiõrenyre kie Egito egipcio mahãdu wese wahe? Wanohõti rusaõhyymyhỹre Deuxu aõhõkỹmy (risnyrenyre) ihyy xe riwahinyrenyre Egito ribi roirenyre.
|
||||
\v 7 Mykre: inatxi broreni rawykre kahòxaõ tiu ritusikõmyhỹre mahãduõ tahe rataarenykre kahòxa tỹmyra-ò wiwana. Iriòreboho ta uhuari wo-ò rahykre.
|
||||
\v 8 Tahe biwykre Deuxu wedu nihikỹ arka bitidikre kahòxa ro-ò. Tule kaxa arka bire-ò bidekre, ouro tuu biryrymy Israel Deuxu dee òferta wesemy aòrarureny òwydỹỹnamy. Tahe broreni kahòxa-di biteònybenykre ixinamy tiobo rakre ixideewimy.
|
||||
\v 9 Bodoholadenykre. Ka kahòxa òbitimy Bete-Seme hãwa-ò rakre wana, heka israelita Deuxu inydeereny bedebina (deteònude). Ka, tukõkre wana, tii aõkõ inydeereny diteònyde binana, iximynalemy nade.
|
||||
\v 10 Tahe filisteu mahãdu tuu riwinyrenyre xiwe-di aõmysỹdỹỹdu rybe mynamy tule sỹ ihàriremy rarybere mynamy: rimyrenyre inatxi broreni ta kahòxa-ò ritaarenyre iriòre tahe uhuari wo-ò rihynyrenyre.
|
||||
\v 11 Irahudi xe Deuxu Wedu Nihikỹ arka kahòxa ro-ò riruunyrenyre, tai luwyty ouro kaxa rỹireri-ò tasỹ ouro binana-my rikeitxenyrenyra bire-ò.
|
||||
\v 12 Tahe broreni òbitihikỹle rare Bete-Seme hãwa-ò, robumy rariamy roire, timy rexitiòranyõ hyy roire. Iruyre filisteu wedu mahãdu ihemy roirenyre ihyy Bete-Seme hãwã onana òhòkỹle ihemy ritehemynyre.
|
||||
\v 13 Bete-Seme mahãdu (trigo) rihemyhỹreny: Reteherenyre-u, lisitete ribile arka-my robirenyre sõemy reysarenyre.
|
||||
\v 14 Ka kahòxa broreni idi rare Josuè lòbròna òhòkỹle rehemynyre, iribi tasỹ Bete-Seme ribi raremy tasỹ, mana nihikỹ bire-ò ruhure. Tai hãwadu mahãdu kahòxa riòròròrenyre tule broreni rirubunyrenyre risõrenyre Deuxu wedu nihikỹ *xiwemy.
|
||||
\v 15 *Levita mahãdu xe wedu nihikỹ arka riwyrenyre tule kaxa ouro ryrysyna riwyrenyre mana nihikỹ tyre ritidirenyre. Iu txu bedeu Bete-Seme mahãdu wedu nihikỹ dee òferta wòsimy riteòsinyrenyre tule sỹ iròdu rubu.
|
||||
\v 16 Filisteu wedu mahãdu ibutumy tuu robirenyre ilemy ta ixitxulemy Ekrõ hãwa-ò riòkeserenyre.
|
||||
\v 17 Filisteu mahãdu iruyre bededỹỹnanamy ouro riteònyre Deuxu-ò, wedu nihikỹ-ò iruyre òferta-my taòrarureny òwydỹỹnamy sohoji sohoji hãwã hãwã deòsina: Asdode, Gasa, Askelõ, Gade tule Ekrõ.
|
||||
\v 18 Tulesỹ iruyre ouro luwytymy riteònyrenyre, hãwã wedu mynamy kiemy dori iruyremy filisteu hãwã wedu sõe, hãwã iruyre mahãdu heka iuhuari-di lehekỹmy roimyhỹre awimy hãwadu mahãdu ta iwerà-my rahãwanymy rỹimyhỹre. Josuè lòbròna, Bete-Seme ludu tyhy rare, Deuxu arka mana nihikỹ, iòraru-ki ta wedu nihikỹ rahurenykre. Iòraru-ki ta sõemy ixỹ mahãdu rasỹbinare Deuxu hãbu mahãdu rahure òraru-ki. (A arca na cidade de Jearim)
|
||||
\v 20 Bete-Seme-ki sỹdu mahãdu kiamy raryberenyre: —Mowe xe wedu nihikỹ dee rehemynykre, Deuxu kyny heka awi rare? Tiõtxihe rikiteònyrenykre kakỹny irehemy iny ribireny ratxikre?
|
||||
\v 21 Tahe teòdureny riteònyre Jearĩ mahãdu-ò: —Wedu nihikỹ arka filisteu mahãdu riwahinyreri. Ta bodoikre ka-ò arka dori biwybenykre.
|
||||
\c 7
|
||||
\p
|
||||
\v 1 Tahe hãbu mahãdu Jearĩ-ki hãwadu mahãdu ramy roirenyre tahe wedu nihikỹ arka riwyrenyre. Abinadabe heto-ò riderenyre, hãwalò-ki heka iheto rỹimyhỹre. Tahe ritarenyre, rihitxinyrenyre iriòre Eliaza idi tarukikremy. Samueli Israel mahãdu riwedunyre.
|
||||
\v 2 Arka xe Jearĩ mahãdu hãwa-ki rarire irehemy tai bede riijere, aõhe wana waitue wyra bedeõmy bede riere. Bede tai riere wana wana ta israelita mahãdu rexitòenymyhỹrenyre Deuxu, wedu nihikỹ-ò, ixiwiòhedỹỹrenymy.
|
||||
\v 3 Israel mahãdu dee Samueli raybere: —Ka inatyhymy Deuxu-ò biòkesekre wana, wedu nihikỹ-ò, ibutumy iwitxira deuxu-di ixiribireny behubenykre tule ahãdu deuxu-di behubenykre ityy tarasana tule. Inatyhyhykỹmy heka wedu nihikỹ dee bexiwahinybenykre tii sohojile bityhynybenykre. Tii heka filisteu mahãdu ribi arahedỹỹnyrenykre.
|
||||
\v 4 Tahe ibutumy su ritxoo deuxu-di rehurenyre israelita mahãdu tule ahãdu deuxu-di Deuxu sohojile rityhynyrenyre wedu nihikỹ wahe.
|
||||
\v 5 Tahe Samueli tamyreny rarybere Mispa hãwa-ò rexibutunyrenykremy. Tule tamyreny wedu nihikỹ-ò rexitòenykremy rarybere.
|
||||
\v 6 Tahe Mispa hãwa-ki xe rexibutunyrenyre. Bee riryrenyre ta ritxiwirenyre wedu nihikỹ xiwmy, renareherenyre txu sohojimy kiamy raryberenyre: —Inyboho òraruna riwinyrenyra Deuxu, wedu nihikỹ-ò. Mispa bede-ki xe Samueli rarybemyhỹre tule Israel mahãdu riwedunymyhỹre.
|
||||
\v 7 Ka filisteu mahãdu rieryrenyre-u israelita mahãdu Mispa bede-ki rexibutunymy, iruyre hãwã wedu mahãdu taijoi-di tamyreny aõbinamy rirahure filisteu mahãdu wahe. Ka israelita mahãdu rieryrenyre-u sõemy ruberurenyre.
|
||||
\v 8 Samueli dee raryberenyre: —Wedu nihikỹ dee bexitòenybeke ixitxuhudỹỹõmy, iny Deuxureny-ò filisteu mahãdu ribi iny rihedỹỹnyrenykremy bexitòenybekre.
|
||||
\v 9 Tahe Samueli budoeni rirubunyre butumy risõre Deuxu dee rirubunyre wedu nihikỹ-ò. Tamy rexitòenyre wedu nihikỹ-ò Israel mahãdu riwiòhenanykemy, ixitòedỹỹna rirawyònyre.
|
||||
\v 10 Samueli budoeni rubu mahãdu-ò. Ta wedu nihikỹ biu mytxi-di tamyreny tarurumy reare. Iòraruki ta tiiboho urile reòsa reòsa-my rekoare ihyy raòrunyrenyre.
|
||||
\v 11 Tahe israelita mahãdu Mispa hãwã ribi iheworenymy roire Bete-Ka hãwa-ò hokỹle ihemy ritehemynyre, tureny raòhòtemy idireny rare rywetua wetuamy.
|
||||
\v 12 Ta Samueli manõ rimyre, ritidire Mispa hãwã 100 hãwã ta rarybere: —Kaòhòkỹle he Deuxu wedu nihikỹ inyboho riwiòhenanyrenyra. Iòraru-ki tahe Ebeneze-my raninire.
|
||||
\v 13 Kiamy heka filisteu mahãdu tabre rahure, Deuxu wedu nihikỹmy heka riijerenyre isureny ribina binanyke lau Samueli irumy raremyhỹ wanawana.
|
||||
\v 14 Ibutumy hãwã hãwa-di filisteu mahãdu rahỹỹnanyrenyre mahãdu, Ekrõ hãwã ribi ihyy Gate òhòkỹle, ibutumy riwahinyrenyre Israel mahãdu-ò. Ròtarenyre òraru-ki ixyby israelita mahãdu tasureny riwyrenyre. Tulesỹ israelita mahãdu amuheu mahãdu wana wide rawooxirenyre.
|
||||
\v 15 Samueli irehemy bede riwyre Israel mahãdu wedu-my.
|
||||
\v 16 Wyra iyhykõmy tii ramyhỹre Betel-ò, Gilgal-ò Mispa tule kia hãwã mahãdumy heka aõnaõna riywinymyhỹre ibutu hãwã riteòsinymyhỹre.
|
||||
\v 17 Irahudi ta tasỹ-ò rooseremyhỹre ta hãwa-ò Hama bede-ò, tai tule wedu rare. Hama bede-ki Samueli xiwena riwinyre Deuxu wedu nihikỹ-ò.
|
||||
\rem dat 2017
|
||||
\c 8
|
||||
\p
|
||||
\v 1 Samueli ramatuarinyreu, tariòreboho rybedu-my rimyrenyre Israel mahãdu hãwa-ki.
|
||||
\v 2 Iriòredela heka Joeli inire, ihelỹỹna tasỹ, Abia inire. Berseba hãwa-ki heka wedu-my rybedu-my roiremyhỹ.
|
||||
\v 3 Tiiboho heka tyby wesemy aõkõ roiremyhỹ. Nieru tarasalemy raraykynymyhỹrenyre, nieru-ò le reòbymyhỹrenyre aõ òbiti weribiò riwinyõhyymyhỹrenyre.
|
||||
\v 4 Tai òraru-ki wedu Israel-my rỹimyhỹre mahãdu widee raryberenyre roirenyre Samueli-ò rybemy. Hama bede-ò.
|
||||
\v 5 Kiamy raryberenyre: —Bodoholakre! Kai heka ta matuarinymy tateri, ariòreboho heka awesemy aõkõ ihỹrenyre. Taiki heka, inyõ bitakre riwawedunyrenykremy, iwese ijõ hãwã mahãdu rỹimyhỹre wesemy.
|
||||
\v 6 Samueli tai awimhy rahaõhyyre ixiitòedỹỹnareny-ki. Iòraru-ki ta Deuxu wedu nihikỹ-ò rexitòenyre.
|
||||
\v 7 Kiamy rirawyònyre: —Ixỹ mahãdu ixitòena-ò beòbyke. Aribi sohoji aõkõ heka irehemy rekoara; jiarỹ waribi tule Iòlò-my watximyhỹre ribi.
|
||||
\v 8 Egito ribi nadidydenydeu hukỹle, waribi irehemy rekoare iwitxira deuxule rityhynyrenyre. Wiji tahe adee tuu riwinyrenyreri iwese wadee riwinyrenyre wesemy.
|
||||
\v 9 Tamy ta beòby ixiitòedỹỹnareny-ò. Urile tahe ibutumy ixỹ mahãdu biteòarinykre, tamyreny ywimy biòbitinykre timybo iòlò idireny ratxikre wahe.
|
||||
\v 10 Tahe Samueli ibutumy ixỹ mahãdu dee tuu rarybere wedu nihikỹ timybo tamy raryberemy.
|
||||
\v 11 Rarybere: —Iòlò heka myỹ adireny ratxikre: ariòrereny aribireny ridykre sodadumy rirònykremy; inyõ kahu woudu-my rỹimyhỹre-di ratxikre, ijõ tasỹ awarudikre tasỹ kahu komy (ijradu-my) rarekre.
|
||||
\v 12 Inoõ mil sodadu wedu-my ratxikre, inoõ tasỹ cinquenta sõe riwedunykre. Ariòrereny su-di raõmysỹdỹỹnykre, ta aõwi rihemyhỹkre tulesỹ debòna riwinyrenykre tasỹ tule kahu woudu riaõnaõnanykre.
|
||||
\v 13 Ariòrereny hãwyy mahãdu iòlò deròna riywinyrenykre tule raõmysỹdỹỹnyrenykre iheradu wesemy tulesỹ paõ widỹỹdu-my.
|
||||
\v 14 Aribireny su wihikỹ-di rahaỹnanykre, uva-di tule, bederaty-ò riòròòròkre ta taõmysỹdỹỹdu mahãdu dee riwahinykre
|
||||
\v 15 Sõemy rỹsỹna-di ratxikre uva tule, taõmysỹdỹỹdu mahãdu dee riwahinykre ijõ aõmysỹdỹỹdu dee tule.
|
||||
\v 16 Aõmysỹdỹỹdureny-di tule rahaỹnanykre, abrorenireny wihikỹ-di tule aburureny wihikỹ tamy aõmysỹdỹỹ riwinymy rarekre.
|
||||
\v 17 Abrorenirenyõ ixidee ritakre. Kaiboho ta teòdumy boibekre.
|
||||
\v 18 Ka tuu rỹikre-u, sõemy bobubenykre kaiboho iòlò ixidee tetatenyta òraru-ki, iòraru-ki ta Deuxu wedu nihikỹ arybereny-ò roholaõtyhy.
|
||||
\v 19 Ihãrele ta ixỹ mahãdu Samueli rybe-ò roholaõhyyre. Iribi òtuhukỹle, kiamy raryberenyre: —Tiu kõnare ini. Iòlò-my rekoarenyreri.
|
||||
\v 20 Iwese ijõ hãwã mahãdu rỹira wesemy: iòlò-my riwawedunyrenymy ratxikremy, wadireny wou-my ramyhỹkre ta araõbinanymyhỹrenykre.
|
||||
\v 21 Samueli ibutumy roholare aõmybo raryberenyre-ò ta rare ibutumy Deuxu ko tuu relyyre wedu nihikỹ-ò.
|
||||
\v 22 Tii rirawyònyre: —Biwinyke ixinamy aõmybo rekoareri. Iòlò-õ tamyreny biwahinykre. Tahe Samueli Israel mahãdu dee rarybere tasỹreny-ò riòkeserenykremy.
|
||||
\rem Missing cc 9-16
|
||||
\c 17
|
||||
\rem dat 2017
|
||||
\s1 Golia israelita mahãdu-my ralahajinanymyhỹ .
|
||||
\p
|
||||
\v 1 Filisteu mahãdu aõbinamy rexibutunyrenyre Socò bede-ki, Juda hãwa-ki. Rexibutunyrenyre sangrenta my nidu-ki Sokò Azeka wana wimy rawotyanyra-ki.
|
||||
\v 2 Sau israelita mahãdu wana rexibutunyrenyre, vale do carvalho-ki ta rexiywinyrenyre filisteu mahãdu wana raõbinanyrenykremy.
|
||||
\v 3 Filisteu mahãdu vale wyòna-ò hãwãlo roire-ò rexitxuhunyrenyre, israelita mahãdu tasỹ ijõ hãwalo iwyòna-ò roire-ki roimyhỹ.
|
||||
\v 4 Hãbu-õ Golia inire, Gate hãwã ludu, filisteu mahãdu butuna-ribi ròhònyre israelita mahãdu lahaji-my. Irariè inataõ metro iòhò-my.
|
||||
\v 5 Tule rati wotena riuhemyhỹre tasỹ aõbina tyy tule, sessenta quilo bede õmy heka iutxie.
|
||||
\v 6 Iti tule ihetydimy ihỹmyhỹ, tule sỹ tõnori-di tabrò-ki retyymy ihỹmyhỹ.
|
||||
\v 7 Itõnori heka inihikỹre, budehekỹre tulesỹ iutxiere, txuka heka womati rare aõhe wana debò inatxi reurò bede õmy ikilu. Sodaduõ heka tebònadi retyymy ramyhỹre.
|
||||
\v 8 Komy Golia nade, rexitxuhunyre ta ryryre israelita mahãdu-õ: —Aõhereki wexe kiakile atxitenyteri, uri tỹỹna tetxibutunytenymy? Jiarỹ heka filisteu mahãdu waterier, kaiboho tahe Sau deòdu atxitenyteri! Inyõ sohoji-õ tainihe wadee biditeònydeny wawana aõbina-my.
|
||||
\v 9 Ka waribi rotakre-wana riwarubunykre-wana, eòdurenymy boibekre.
|
||||
\v 10 Wiji he israelita mahãdu-my aralahajinanykre. Inyõ taini he wawana aõbina-my biditeònydenyke!
|
||||
\v 11 Ka Sau ta sodadu mahãdu-wana kawese-my roholarenyreu-u, sõemy ruberurenyre. Davi Sau Butunaki ratximyhỹ.
|
||||
\v 12 Davi heka Jessè riòre rare, Efrata mahãdu iòhòmy heka roimyhỹre. Jessè heka debò inataõ reurò-my iriòre sõe. Sau wedu-my raremyhỹ bede-u, Jessè matuari-my raremyhỹ.
|
||||
\v 13 Iriòre iumy mahãdu tainataõna-wana le roirenyre wou-my Sau hemy.
|
||||
\rem MISSING c17v v14-39
|
||||
\v 39 Taiki ta Davi ibutumy ixiribi ritare.
|
||||
\v 40 Tebòna rimyre ta iruyre mana wety lytywi riarire iwory ijà-ki ta ta taxaòla woò rihynyre. Tahe tabòdòi rimymy Golia-ò aõbina rare. Davi Golia rirubunyre.
|
||||
\v 41 Tahe, Golia filisteu mahãdu, Davi dee nariamy nade. Iwiòhedỹỹdu tebòna itxyydu ikomy nariamy nade. Ka Davi tyy-ò rehemynyre-u.
|
||||
\v 42 Idi Golia retehe nihikỹre urile idi (rsinyre) kiemy Davi jàre mahãdule rare òraru-ki tule weryrybo iruxera awimyle.
|
||||
\v 43 Ta kiamy Davi dee rarybere: —Kia heka aõmybo atxiteri? Ijòròsa wesemy aõbo wadi tahõtinyteri? Irahudi ta tadeuxureny-ò rexitòenyre Davi-my.
|
||||
\v 44 Tuu ralahajinanyre, kiamy rarybere: —Mana, aumy dori ariwahinykre nawii mahãdu dòmy iròdu mahãdu tule ararokre.
|
||||
\v 45 Davi rirawyònyre: —Kai heka debònadi wadee tateri, tõnori-di tule mayrehe-di. Ka jiarỹ tahe wedu nihikỹ ruruterehekỹ nidi adee rareri, israelita mahãdu Deuxu, ka tuu ta lahahinamy terihiwa.
|
||||
\v 46 Wji tyhyle Deuxu wedu nihikỹ wadebò-ò arawihinykre; aribi aròtakre ta arati arikrokre. Ta filisteu mahãdu sodadu ariwahinykre nawii dòmy tule iròdu tuu riroxikremy. Tahe butu hãwã hãwã rierykre Israel-ò mahãdu Deuxu ijõdire-my.
|
||||
\v 47 Ibutumy kaki rỹireri mahãdu tuu robikre tii debòna-my reaõhyymyhỹre tõnori-di taijoi rihedỹỹnyke ihoõre. Tii heka wou-ki ròtahyymyhỹre iurenana ta wadebòreny-ò ibutumy arawahinyrenykre.
|
||||
\v 48 Tahe Golias ixybyle nariamy nade Davi dee, tahe Davi tamy (raijranyre) filisteu mahãdu bede-ò, tii wana raõbinanykremy.
|
||||
\v 49 Tebò ta xaòla wou rirutàre, mana wety rimyre tahe idi rehire Golias dee. Tahe mana Golias òru ritòare, tii taòmy rariowyre su-ò.
|
||||
\v 50-51 Davi tamy (raijranyre), ira-ò rỹire Golias ra-ò, imayrehe iribi ritare ta rirubunyre, idile irati riòròre. Kiamy Davi Golias ribi ròtare mana wety dile. Ka filisteu mahãdu ityhydỹỹnareny rurumy tuu robirenyre-u, raòrarunyrenyre.
|
||||
\v 52 Taita Israel mahãdu sodadu ta Juda mahãdumy iheworenymy raòrunyrenyre, riirànymy idireny roire, ihyy Gate hãwã òhòkỹle ihemy roire ihyy Ekrõ bede-ò ihemy ritehemynyre. Filisteu mahãdu xe tabre rahure Saara~i rywetua wetya-my, Gate òhòkỹle rihetemynyre ihyy Ekrõ òhòkỹle rexitxuhunyrenyre.
|
||||
\v 53 Israelita mahãdu xe doosede filisteu mahãdu hewomy roire ribi iaõnaõnareny ibutumy riwyrenyre isỹranareny ribi.
|
||||
\v 54 Davi Golia rati riwyre idi rare Jerusalẽ bede-ò. Golias debòna xe ta welò wo-ò rirarenyre. Sau dee Davi rateòxidỹỹre.
|
||||
\v 55 Ka Davi Golias wana aõbina-my ròhònyre-u Sau tuu robire, rỹỹraxire Abner dee aõbinadu mahãdu weu-ò.: —Abner, mõwexe kua weryrybo ratxireri? —Wawedu, inatyhymy he adee ararybekre reryõrehe! —Abner rirawyònyre.
|
||||
\v 56 —Mabo ierysymy mõbo ratxireri-my! —Sau rarybere.
|
||||
\v 57 —Kiamy, Davi tasỹrana-ò roosere-u, Golia rirubunyre rahudi, Abner ridyre Sau dee. Golia rati-di ixikile Davi ratximyhỹ retyymy.
|
||||
\v 58 Sau rỹỹraxire: —Weryrybo, kai wexe mõriòre atxiteri? —Jiarỹ inihe Jessé riòre watxireri, Bele hãwã ludu! —Davi rirawyònyre.
|
||||
\c 18
|
||||
\p
|
||||
\v 1 Sau Davi wana tarybe rahurenyre. Jônatas, Sau riòre, sõemy Davi my reòarire iximy rerinanymyhỹre wese-my.
|
||||
\v 2 Iutxu bedeu Sau Davi ridyre taheto-ò tule ritòenyre tyby heto-ò ròòseke lau.
|
||||
\v 3 Jônatas Davi wana widee bede riywinyrenyre biòwa-my roirekre-my, kiemyhe Jonata sõemy Davi my reòarire.
|
||||
\v 4 Tatyy-di ratximyhỹ ritare ta Davi-ò riwahinyre. Tule tebòna riwahinyre, tõnori, waxiwahate ta weretysana my.
|
||||
\v 5 Davi awi hyylemy ramyhỹre bede bede-ki tiobo Sau riteònyre-di. Sau irè taõbinadu mahãdu hõrõ riywinyre. Ibutumy aõbinadu mahãdu tai awimy raharenyre, aõdỹỹxina xe ijõ mahãdu. Sau waritina.
|
||||
\v 6 Ka sodadu mahãdu ta heto-ò (diokse-my) diode bedeu Davi Golia rirubunymy rahudi, Israel hãwyy mahãdu ibutumy dirahude Sau wana witxi rekoakre-my. Teysamy rawiunymyhỹreny, resemyhỹreny tule ròtòkamyhỹreny.
|
||||
\v 7 Rexideysanymyhỹreny kiamy rawiunymyhũyreny: “Sau miu-my rirubunyra; Davi ta 10 miu-my rirubunyra.”
|
||||
\v 8 Sau tai ibinamy rahare. Sõemy reburere kiamy rarybere: —Wadee hãwyy mahãdu miulemy riõrenyra Davi dee ta iiykyre miu-my riõrenyra. Ama sohojile he rasiranyra wedu my runykre sohojile!
|
||||
\v 9 Iutxu bedeu he Sau Davi-ò ròhãru-my ratximyhỹ riòhãrunymyhỹ.
|
||||
\v 10 Ijõ txu bedeu, Sau dee tyytyby bina rehemynyre Deuxu deòdỹỹna, riòrarunyre itxỹte wese-my ta heto woki. Davi tamy ròtòkamyhỹ, iwese juhu tamy ròtòkamyhỹre wese-my, Sau tõnori-di tebò-ki runymyhỹ.
|
||||
\v 11 Tahe Sau kiamy rõhõtinyre: —Davi he heto weti-ò tõnori-di arirautekere. Ta tamy rehure tõnori-di, inatxi tamy idi rehure. Ka inatximy tamy idi rehureribi Davi tule rexiraòre.
|
||||
\v 12 Wedu nihikỹ Davi wana ratximyhỹ, Sau ribita ixãwire; iurenana ta, Sau Davi lau ruberumyhỹ.
|
||||
\v 13 Tahe Sau rexitare, miu sõe hãbu wedu-my rexirutàre. Davi sodadu mahãdu riwedunyre aõbina bedeu.
|
||||
\v 14 Aõtxile aõ riwiny-wana awihyy ròhònymyhỹre, kiemy he wedu nihikỹ tii wana ihỹmyhỹ.
|
||||
\v 15 Sau Davi aõnaõna-my robireu irè ilau ruberure.
|
||||
\v 16 Israel mahãdu ta Juda my mahãdu sõemy Davi ki awimy rahamyhỹrenyre kiemy teburere òraruki. Davi Sau riòre wana roire.
|
||||
\v 17 Tahe Sau Davi dee rarybere: —Ka he Merabi rare, wariòre dela. Adee ariwahinykre tii wana boikre-my, kai heka sodadu wodeburemy mabekre wadee awimy òbitimy Deuxu weribi maõbinanymy mabekre wedu nihikỹ-ò. Kiamy Sau rõhõtinyre filisteu mahãdu Davi my rerynykre tii xe iribi rexiixãwinyre irubudỹỹmy ratxireri ribi.
|
||||
\v 18 Davi rirawyònyre: —Jiarỹ heka mõbo watxireri wasỹreny heka Israel-my rỹireri ka-ò rareri bo heka wedu ralybykremy rareri?
|
||||
\v 19 Ka itxu-ò rehemynyre-u Merabe Davi wana roikre txu-ò, urile tahe hãbu Adrieo my nidu òhòkỹle riwahinyre, Meòla hãwã ludu-ò.
|
||||
\v 20 Urile tahe Mikao, Sau riòre-õ, Davi-my sõemy reòarire. Sau rieryre-u, sõemy reysare.
|
||||
\v 21 Tii rõhõtinyre: —Mikao ariwahinykre Davi wana roikremy, kakany iu irè irutaõkre filisteu mahãdu tuu rerynykre-my. Ixybylesỹ, Sau Davi dee, rarybere: —Kaihe waralybymykre.
|
||||
\v 22 Tii taijoi mahãdu riteònyre Davi dee raryberenykre-my kiamy ramy raryberenykre-my. —Wedu ibutumy taijoi mahãdu wana aki awimy rahamyhỹre. Awihe rare iriòre wana boike.
|
||||
\v 23 Tahe Davi dee raryberenyre, tii rirawyònyrenyre: —Wedu ralybymy arunykre he aõnityhyre jiarỹ wadee aõ dori waki ihoõre waõkõre.
|
||||
\v 24 Sau ko ijoi mahãdu relyyre timybo Davi tamyreny rarybera-my.
|
||||
\v 25 Kiamy tii rarybere Davi dee myy raryberenykre-my: —Wedu heka ama lemy adee riòwynyreri filisteu mahãdu 100 my rurukrelemy, iòludu mahãdu-`o aõbina rỹikre-my. Kiamy heka Sau bede riywinyre tai Davi irutaõ-my filisteu mahãdu tuu rerynykre-my.
|
||||
\v 26 Ijoi mahãdu Davi ko tuu relyyre aõmybo Sau rarybera-my, awimy tai tiii rahare wedu ralyby-my runykre-ki. Tiubo wiwana radònykre txu-my rarybe kõdile.
|
||||
\v 27 Davi ikokile taijoi mahãdu-wana roire ta 200-my filisteu mahãdu rirubunyrenyre. Tahe Davi filisteu mahãdu rubu hõrõ riwyre wedu dee tuu iko relyyre, iòraru-ki tahe iralyby-my runykre-myreri. Tahe Sau tariòre riwahinyre Mikao-my nidu Davi-wana roikre-my.
|
||||
\v 28 Sau tuu robire rieryre Davi wedu nihikỹ-wana ratxireri-my tule iriòre Mikao sõemy tuu reòarire.
|
||||
\v 29 Iòraru kita, irè Davi lau sõemy ruberure ihãrele tuu roludu-my raremyhỹ.
|
||||
\v 30 Filisteu mahãdu aõbinamy ròhòny-wana, Davi ròta hyy myhỹre Sau ijoi mahãdu ratyre iòraru-ki tahe tii irè ini bede bede-my reare ini dehedehe-my relere.
|
||||
\c 19
|
||||
\s1 Sau Davi hemy reamyhỹre.
|
||||
\p
|
||||
\v 1 Sau tariòre Jonata dee rarybere tule taijoi mahãdu-ò bede riywiny reri-my Davi rubu dỹỹmy. Urile tahe Jonata Davi biòwa rare.
|
||||
\v 2 Taiki tahe kiamy rarybere: —Waha arubudỹỹmy bede riywinyre. Biurasò rudiu bexiekre. Aõtxi tyhyhykỹle bexiwokre ta taile atxikre.
|
||||
\v 3 Waha bedetya-ki ariraòkre tikibo atxiteri bede-ki ta tamy ararybekre abedeỹỹnanamy. Ka aõbo arierykre-wana, anateòarinykre.
|
||||
\v 4 Tahe Jonata rarybere Davi-my awihyylemy Sau dee kiamy rarybere: —Waha, uritere Davi dee aõbina widỹỹõmykre, aõ dori ibina riwinykre aõkõre. Urile heka aõbo riwinyra ibutumy arawiòhenanyra sõemy.
|
||||
\v 5 Iòhãru-my heka tii rare Golia rubudỹỹmy rare bedeu; iòraru-ki xiery Deuxu wedu nihikỹ taruruterehekỹ-di inihikỹ-my Israel mahãdu ritarasana dỹỹnyre. Kai heka tuu tabite iu sõemy teysate. Kia tahe, aõherekibo tahe, waha, aõherekibo he hãbu aõhe rutỹỹny kõribi hikỹle tamy ibina biwinykre, aõ iòkõlemy Davi birubunykre?
|
||||
\v 6 Sau Jonata ixitòedỹỹna-ò, reòbyre wedu nihikỹ ni riuhere, Deuxu irumy nodu, Davi ruruõkre.
|
||||
\v 7 Tahe Jonata Davi-ò ryryre ta ibutumy iko relyyre. Kia tahe Sau irehemy bede riere tudòõmy, Davi xe ixyby tamy rare juhu raremyhỹ wese.
|
||||
\v 8 Ixybyle-sỹ wou ròhònyre filisteu mahãdu-wana. Tulesỹ Davi ixybyle tureny raòhòtere, ihyy raòrarunyrenyre.
|
||||
\v 9 Ijõ txuu ta tyytyby bina wedu nihikỹ deòdỹỹna Sau ritxỹtedỹỹnyre, ta heto-ki runymyhỹ, tõnori-di tebò-ki runymyhỹ, Davi taile ròtòkamy Lira-di runymyỹ.
|
||||
\v 10 Sau ixybyle Davi-ò tõnori-di reare heto weti-ò idi rirautekre-my, urile tahe tii rexiraòre, tõnori xe heto weti-ki rawawa-my rỹire. Tahe Davi (raijranyre) rahenyre iribi.
|
||||
\v 11 Iurulemy Sau hãbu mahãdu-õ riteònyre Davi heto-ò itxese-my, biuraso rudiu rirubunyrenykremy. Mikao, Davi hãwyy, tahãbu riteòarinyre: — Ka wiji rukumy mahenykõkre-wana, rukudi-ku burukre.
|
||||
\v 12 Tahe Davi janela-my ihãwyy riwayrytòdỹỹnyre, tii (raijranyre) rahenyre.
|
||||
\v 13 Taita he Mikaon su ritxoo heto-ki rỹimyhỹ rimyre ritidire herina-ò. Watxini tyydi rirahetynyre.
|
||||
\v 14 Ka Sau ijoi mahãdu Davi mynymy roire mahãdu, kiamy Mikao tamyreny rarybere iwebinadureri-my.
|
||||
\v 15 Sau ixybyle tamy roikremy tamyreny rarybere ixiòbitimy Davi-my robirenykre-my. —Davi bididydenykre ka-ò taherina tyreki arirubunykre-my! —Sau rarybere.
|
||||
\v 16 Tiiboho rirònyre hetowo-ò ta su ritxoo txile rekoare hernia tyreki watxini tyy irahety-my.
|
||||
\v 17 Tahe Sau Mikao dee rỹỹraxire: —Aõherekiwe kawesemy tiwabònyta waòludu warily tehedỹỹnyta? Tii rirawyònyre: —Kiamy tiki wadeke rarybera kariwikòhenany kõkre-wana riwarubunykre-my.
|
||||
\v 18 Davi rahenyre, Hama bede-ò rare ta Samueli-kò iximy relyyre ibutumy Sau aõbo tamy riwinyra-my. Irahudita tii rare Samueli-wana Deuxu rybemy rybedu heto-ò ta taixe ratximyhỹreny.
|
||||
\v 19 Sau irahudi rieryre Davi Deuxu rybemy rybedu heto-ki ratxireri-my Hama bede-ki.
|
||||
\v 20 Ta hãbu mahãdu-õ riteònyre rimyrenykremy. Ka tamy ritehemynyre-u, Deuxu rybemy rybedu mahãdu rexibutunymy rỹimyhỹ relyymyhỹreny, Samueli ta iwedumyhỹreny. Deuxu tyytyby Sau ijoi mahãdu-ì ralore, tule sỹ tiiboho iweserenyle ratximyhỹreny relyymy.
|
||||
\v 21 Sau rierynyreu, ixyby ijõ riteònyre inataõ kiehe, iwesele sỹ rutỹỹnyrenyre.
|
||||
\v 22 Tai tahe Sau xe rare ixiòbitimy Hama-ò. Ka hãluu nihikỹ-ò rehemynyre-u Seko hãwa-ò, rỹỹraxire tikibo Samueli Davi wana ratxireri-my, kiamy rirawyòrenyre Deuxu rybemy rybedu heto-ki ratxirenyreri-my.
|
||||
\v 23 Sau tamy rariamy rare wana wana, Deuxu tyytyby tule sỹ tamy rehemynyre, tule sỹ tii relyymy rare rariamy, ihyy Deuxu rybemy rybedu heto-ò rehemynyre.
|
||||
\v 24 Taita, tatyy ritaritare ta relyymy ratximyhỹ Samueli rukile. Ta su tyre (rexildire), tademy, txumy tu hyy bede riere rumy tule.
|
||||
\c 20
|
||||
\s1 Jonata Davi riwiòhenanyre.
|
||||
\p
|
||||
\v 1 Taita Davi ròhònyre Deuxu rybemy rybedu heto-ribi, Hama ribi ta rare Jonata tai ratximyhỹ-ò kiamy rarybere: —Aõwexe aõhe rewinyra? Aõbohe wabededỹỹnanareri? Aõbohe bu dee ibina rewinyra, iòraru-ki warubudỹỹmyreri?
|
||||
\v 2 Jonata rirawyònyre: —Deuxu rubu-ò arawahinyõtyhy! Waha wadee rarybemyhỹre aõbo riwinykre-my, awire aõbo da aõkõre aõbo. Tii walau riwòke aõkõre. Ture aõkõ dori!
|
||||
\v 3 Ta Davi rirawyònyre: —Buu rieryreri wamy teòarimyhỹte. Iurenana kiexe, kiamy rõhõtinyra aõmybo raraykynyreri bierykõkre-my, aõhõkỹmy butỹỹnyke lau. Jiarỹ inatyhymy ararybekre adee tule Deuxu nimy, wedu nihikỹ, waòhòmy he rare rubu-ò!
|
||||
\v 4 —Aõbo tahe ariwinykremy tahõtinyteri? — Jonata rỹỹraxire.
|
||||
\v 5 Davi rirawyònyre: —Biurasomy, ahãdu tỹmyra deysana rỹirerikre, tahe jiarỹ tai waõkre ihoõre arakre wedu byrena-ò. Ka, biwawahinykeki, arexiwokre bedero-ki ihyy ijõ biurasò ruuhukỹle anatxikre.
|
||||
\v 6 Ka buu waõmy wadi retehekre wana byrena bedeu, kiamy marybekre adee rexitòenyramy Belẽ-ò arakremy elelemy, kiemy wiji txumy rỹireri xiwena tai ròhònykre txu-my wyra sohoji-di riwinymyhỹrenyre ibutumy tasỹreny mahãdu wana.
|
||||
\v 7 Ka kiamy reburekre wana: “Awire bo”, iuhè awire bede wadee. Ka urile ruberekre wana, iuxe kai bierykre inatyhymy ibina-di raraykynyreri-my.
|
||||
\v 8 Wadee làhà aõkerỹbo biwinykre tu myna biwinykre wedu nihikỹ bededỹỹnana-my. Ka, jiarỹ bede òrarureri wana, kaile biwarubunykre! Aõherekibo rikihe bu-ò biwahinykre tuu riwinykre-my?
|
||||
\v 9 Txioini he tuu arõhõtinyke kiawese-my! — Jonata rirawyònyre. —Ka inatyhymy waha arubudỹỹmy ratxireri-my arieryre wana, arateòariny kõkemy aõbo wadi tahõtinyta?
|
||||
\v 10 Taita Davi rỹỹraxire: —Ka buu adeburehekỹle-my anarawyõnykre wana tahe, mõbo he riwateòarinykre?
|
||||
\v 11 Jonata rirawyònyre: —Mana wahemy, bolero-ò rakakre. Tiiboho roirenyre.
|
||||
\v 12 Ta Jonata Davi-ò rarybere: —Wedu nihikỹ, Israel mahãdu Deuxu, iny erysydukre. Biurasò-my ta ijõ biurasò-my, kawese bedeu, lỹỹraxi waha dee ariwinykre. Ka adee awimy ratxikre wana, Deuxu wedu nihikỹ ixina-my riwarubunykre arateòwariny kõkre wana, uritere wahedỹỹ õmykre! Wedu nihikỹ wana kyny atxikre, iwese waha wana raremyhỹ wese!
|
||||
\v 14 Ka wiji, ixybyle waru-my aratxikre-wana, awimy wadee matxikre, wedu nihikỹ inytyhy-di. Ka, arurukre-wana.
|
||||
\v 15 Wahãwyy boho-di awimy mabekre. Ka, aòludu wedu nihikỹ rahukre hãrele.
|
||||
\v 16 Kiemyhe iny wide bede tuu riywinyre (rkiixãwiny) õkremy iny bede ywina. Ka bixãwinykre wana, Deuxu sõemy aõhõkỹmy arasanykre.
|
||||
\v 17 Ixybyle sỹ Jonata Davi dee bede riywinyre, kiemyhe sõemy Davi-my reòwarire iximy rerinanymyhỹre wese.
|
||||
\v 18 Kiamy Davi rarybere: —Biurasòmy ahãdu tỹmyra deysana-my kynyikre, ka, kai tai manatxiõkre wana, atxu raritidỹỹkre.
|
||||
\v 19 Ijõ biurasou ixyby atxu raritidỹỹkre. Kiamy makre tai juhu texiwote-ò ta mana tai rỹireri webrò-ò mỹikre.
|
||||
\v 20 Tahe inataõ-my wydy-di arehukre, mana òdò rỹireri-ò adohotiranake wesemy.
|
||||
\v 21 Tahe wadeòdu-ò ararybekre riorykre-my. Ka tamy ararybekre wana: Uri beteheke ini, wyhy kaki tyhyhykỹle aribi rỹireri, “bimyta” —Kia heka adee bede awira-ki tuu ararybekre tamy, tahe kai bodohonykre. Deuxu nimy heka tuu rarybereri wedu nihikỹ rybemy, iòraruki heka aõ adee iòhãruke ihoõre.
|
||||
\v 22 Ka myy, tamy ararybekre wana: “Wyhy kanaòtyhyhykỹle aribi nỹide” iu tahe makre, wedu nihikỹ arateònyreri makremy.
|
||||
\v 23 Ka iny tuu wide bede riywinyre, wedu nihikỹ Deuxu iny riwiòhenanykre tikiemy rarekremy iny bede ywidỹỹna.
|
||||
\v 24 Tahe Davi rexiwore bedero-ki. Wedu Sau rehemynyre ahãdu tỹmyra deysana-ò.
|
||||
\v 25 Ta runyre taryna-ò riroxikre-my, heto weti bire-ò, Abner tasỹ ibire-ò runyre, ka Jonata tasỹ iwyòna-ò runyre. Ka Davi ryna xe ixiyhy lere.
|
||||
\v 26 Iu bedeu Sau aõmy rarybeõhyyre kiemy kiamy rõhõtinyre: Aõhe wana txibo aõhebo rutỹỹnyra, òbiti tyhy ta waki deusana-ò tii raõhyyra ixisurò-my.
|
||||
\v 27 Ijõ txuu, ahãdu deysana ixyby sỹ rỹire, Davi ryna ixiyrubule ixiyhymy rỹimyhỹ. Iu tahe Sau Jonata dee rỹỹraxire: —Aõhereki wexe Davi byre-my raõreri kai naõde tasỹ wiji tule raõhyyreri?
|
||||
\v 28 Jonata rirawyònyre: —Wadee tii rexitòenyra Bee-ò rakremy.
|
||||
\v 29 Kiamy tii wadee rarybere: Txioini Bele-ò arake wasỹreny mahãdu heka kua xiwena deusana riwinyrenyreri, waseriòre tarybe riwahinyreri arakeki riki heka awi rare. Ka wabiowa tyhykre wana, biwahinykre wasỹrenymy lobiximy arakremy. Jonata ixy rarybere: —Tai òraruki ta tii taryna-ki runyõreri byre-my.
|
||||
\v 30 Taita Sau sõemy reburere Jonata dee kiamy rarybere. —Hãwyy deywese riòrehekỹ! Wijihe araeryra Davi weribi-ò teurò tamy, ixỹru ixidee tewahinya adi dee tule!
|
||||
\v 31 Ka Davi irumy ratxikre wana, tiu wedu-my bunyõtyhy kabede-ki. Mata wylemy ta bididykre ka-ò rurukemy dori idi watxireri!
|
||||
\v 32 —Aõherekiwexe rurukre? — Jonata rỹỹraxire. — Aõbo heka riwinyra?
|
||||
\v 33 Ta Sau tõnori-di Jonata dee rehure irubudỹỹ-my iuxe Jonata rieryre inatyhymy tyby Davi rubudỹỹmy ratxirerimy.
|
||||
\v 34 Jonata iu rỹire byrena ribi reburemy iu bedeu aõ (rirsỹõhyyre) ahãdu tỹmyra deysana ixyby rỹire bedeu. Kiemy tii sõemy rabedewomy ratximyhỹ Sau Davi my ibinamy rarybemyhỹ òraru-ki.
|
||||
\v 35 Ijõ txuu ta tii rare bedero-ò Davi wana witxi reakremy, tuu widee bede riywinyrenyre-my weryryboõ ixihemy ridyre.
|
||||
\v 36 Chummy rarybere: —(Manaijranykre) ka wyhy-di arehukre òrysymy. Weryrybo (raijranyre), tahe Jonata rehure wyhy-di iratyre-txi resere.
|
||||
\v 37 Ka weryrybo wyhy itxi resere-ò rehemynyreu-u, Jonata kiamy ryryre: —Kanaõtyhyhykỹle wyhy aribi resera!
|
||||
\v 38 Ixitxuhudỹỹõmyta kiaki! Mariata wylemy! Weryrybo wyhy rimymy ta rare tawedu bire-ò.
|
||||
\v 39 Aõbo aõhebo rutỹỹnyreri rieryõlemy —Jonata sohojile Davi wana rierymyhỹ.
|
||||
\v 40 Take Jonata tebòna riwahinyre weryrybo dee tamy riwahinyre idi ixyby hãwa-ò ròòsekremy.
|
||||
\v 41 Weryrybo raremy rahudi, Davi mana hãwalo webrò ribi dòhònyde, su-ò ixidi rehure ta taòsany-di inataõmy su-ò reare. Irahudita wiry-ò ruòrenyre rahinyre tule Davi bede ryryhe inihikỹ rare Jonata ribi.
|
||||
\v 42 Tahe Jonata Davi dee rarybere: —Deuxu wana he matxikre! Wedu nihikỹ Deuxu tikiemy awana rarekre, jiarỹ, ariòreriòre, tule wariòreriòre, iny bede ywina tule tikiemy iny tuu wide rarybere. Tahe Davi rare ka Jogata tasỹ tahãwa-ò ròòsere.
|
||||
\c 21
|
||||
\s1 Davi Sau ribi rahenyre.
|
||||
\p
|
||||
\v 1 Davi rare Deuxu aõmysỹdỹỹdu dee rybemy Aimeleki wahe, Nobe bede-ò. Deuxu aõmysỹdỹỹdu Davi utede dòhònyde ramytatamy kiamy tateri?
|
||||
\v 2 Davi rirawyònyre: —Wedu aõmysỹdỹỹna rewinyreri. Kiamy tii wadee rarybena inyõ rieryke ihoõre aõbo tamy ariwinykre. Iòraru-ki tahe, waijoi mahãdu reteònyra tii boho wana wide bede reywinyrenyra-ò witxi arekoarenykre-my.
|
||||
\v 3 Tahe: aõbohe aki ijõdireri rỹsỹna? Iruyre paõ my wadee bidiwahinykre da kõmy aõbo aõtxile aõtxile aõbo aki ijõdireri.
|
||||
\v 4 Deuxu aõmysỹdỹỹdu rarybere: —Paõ hina ihoõre; Deuxu hõrõle ta rỹireri. Ixinamy biwykre, kiemy aijoi mahãdu aõ òhòkõmy irehemy bede riwyrenyra urenana hãwyy tyy-ò ixeõ-my.
|
||||
\v 5 Davi rirawyònyre: —Aõkõre hewa riwinyreke ihoõre. Aõtxi hãwyy-õ wana aratxirenyke tule ihoõre. Waijoi mahãdu òtaòta-ò dexiemy ihỹdenyde nadiòlònydenyde bede uhukỹle. Ka wiji aõ dỹỹxina awimy watxirenyreri!
|
||||
\v 6 Deuxu dee aõmysỹdỹỹdu xe paõ riwahinyre Davi dee kiemyhe paõ le tai rỹimyhỹ Deuxu dee riwahinyre sohojile, wedu nihikỹ wahe. Ka paõ he ritare wedu nihikỹ utò ribi ta ijõ teròwymy tamy ritidire.
|
||||
\v 7 Urile tahe Doegue tai ratximyhỹ, edonita mahãdu, Sau budoeni-di itxeredu mahãdu wedu, iu tai ratximyhỹ ta bededỹỹnana riwinykre-my Deuxu weribi-ò.
|
||||
\v 8 Davi rarybere Aimeleke-ò: —Mayrehe we aki ijõdire da tõnori aõbo wadee bidiwahinykemy: Wa mayrehe heka rewyõhyyreri aõ wadebònake aõkõ. Wedu bede ywidỹỹna òraru-ki, heka ele ele-my rareri.
|
||||
\v 9 Aimeleke rirawyònyre: —Golia mayrehe le roire, filisteu mahãdu hõrõ, (terbunyte) aõbina bedeu. Kia tyy webrò kile rỹireri, tyy-di ratỹtetỹte-my. Timybo kai biwykeki ixinamy biwyke. Tii sohojile kaki debònamy roireri. Davi rarybere: —Debòna witxira iratyre awi ihoõre. Bidiwahinyta wadee.
|
||||
\v 10 Tahe Davi ròhònyre, Sau ribi rahenyre, ta Akis riere, Gate hãwã wedu.
|
||||
\v 11 Hãbu ninihikỹ mahãdu Akis-ò raryberenyre: —Kiawe Davi aõkõ aõbo ratxireri, Israel mahãdu wedu. Ibededỹỹnanamy hãwyy mahãdu kiamy rawiunymyhỹreny resemyhỹreny bedeu: Sau miu lemy rirubunyra; Davi ta dez miu my rirubunyra!
|
||||
\v 12 Davi ruberure irybereny òraru-ki sõemy ruberure Akis lau.
|
||||
\v 13 Taikita, ibutu irureny de itxỹte wesemy (rexisnyre). Imynymy tamy rekoare-u, itxỹte esemy iu reare: hãwã ijòtòbona riyhe yhemyhỹ tule tarysybe rijadỹỹnymyhỹ.
|
||||
\v 14 Tai ta Akis taijoi mahãdu-ò rarybere: —Ka hãbu ini raitxỹtereri! Tiobo ka-ò tedỹtenyteri?
|
||||
\v 15 Itxỹte aõbo waki rasiranyreri òraru-ki aõbo wadee tedỹtenyteri waheto-ò, iitxỹte itxỹte-di itxere riwaojinymy aratxikre-my aõbo? Deuxu deòdu mahãdu rubuna.
|
||||
\c 22
|
||||
\p
|
||||
\v 1 Davi ròhònyre Gate hãwa-ribi ta rare hãluu tai rỹimyhỹ-ò Adulã hãwã iòhòmy. Ka iseriòre mahãdu ta isỹreny mahãdu uhe rieryrenyre-u tai ratxireri-my, roirenyre tai tii boho wana ratxirenykre-my.
|
||||
\v 2 Ka hãbu mahãdu ibededỹỹnana isiramy rỹireri mahãdu ta tewedỹỹna-di mahãdu, tule iny awimy rỹiõmyhỹre mahãdu roirenyre tamy, tahe Davi xe riwedunyrenyre. Quatrocento bede õmy hãbu sõe.
|
||||
\v 3 Tahe Davi iribi rare, Mispa-ò rare, Moabe bede-ò, ta ihãwã wedu-ò kiamy rarybere: —Txio làhà ini, waha nadi-wana ka-ò kodoike ta awana ratxirenykre kaki amau hukỹle xe anakre timybo Deuxu wadee rarybekre arieerykre uhukỹle aõbo wadee riwinykremy.
|
||||
\v 4 Davi xe tybyboho ririrenyre Moabe wedu rura-ki, taixe roiremyhỹ iwanawana xe Davi rexiwomy raremyhỹ awimy raremyhỹ.
|
||||
\v 5 Ka Deuxu deòdu Gade rare Davi tai ratximyhỹ-ò kiamy rarybere: —Kaki noõmykre. Juda su-ò ta makre wylemy ta maa. Tahe Davi iribi rare Eretxi bijiu-ò rare.
|
||||
\v 6 Sau Gibea-ki ihỹmyhỹ, hãwalo-ki, òwòru rawo-ki runymyhỹ, tõnori-di tebò-ki. Iijoi mahãdu idi rikyrawonymy. Ta iko relyyrenyre Davi taijoi mahãdu-wana kua-ki ratxirenyrerimy.
|
||||
\v 7 Tahe Sau taijoi mahãdu-ò rarybere: —Bodoholadenykre hãbu Benjami ludu mahãdu! Timybo he kaiboho tahõtinytenyteri, Davi dee aõbo he suu rawahikre alòbròna wamahãdu tule sỹ wedu-my aõbo runykre ijoi wedu-my?
|
||||
\v 8 Ièlèna aõbo heka wamy bede teywinyteri wamy òludu-my? Txioini heka iny-õ wako belyybenyke wariòre òbitihikỹle mama heka kua Davi wana widee reòbymy ratxireri. Inyõ wamy rõhõtiyre ho aõkõ. Davi my inyõ wadee rarybe ho aõkõ, waijoi mahãdu hukỹle warubudỹỹmy ratxireri wariòre òbitihikỹle heka wamy riòlududỹỹnyra!
|
||||
\v 9 Doegue, Edõ hãwã ludu, tai ratximyhỹ Sau ijoi-di ta kiamy rarybere: —Davi my jiarỹ rabire Aimeleke-ò rybemy rareu, Aitube riòre, Nobe bede-ki.
|
||||
\v 10 Aimeleke Deuxu dee rỹỹraxire wedu nihikỹ-ò, aõbo Davi riwinykre-my. Tule sỹ Davi dee rỹsỹna riwahinyre Golia mayrehe ijõre, filisteu mahãdu hõrõ.
|
||||
\v 11 Tai tahe Sai Aimeleke dee rarariòwyre isỹreny mahãdu-ò tule ibutumy, tule Deuxu deòdu roire Nobe bede-ki, tahe roire tamy tai ratximyhỹ-ò.
|
||||
\v 12 Sau Aimeleke dee rarybere: —Aimeleke, bodohola ini! —Ixinamy, manarybe! —tii rirawyònyre.
|
||||
\v 13 Sau rỹỹraxire: —Aõherekiwe aõhe Davi dee texibutunyta widee bede teywinytenyteri wamy maòludu benykre-my? Aõherekibo rỹsỹna tewahinyta ta mayrehe ta Deuxu-ò tỹỹraxita aõbo riwinykre-my? Tahe Davi wiji tawo rirahòrera wamy ròludureri amale riraòreri wadee reakre sohojile.
|
||||
\v 14 Aimeleke rirawyònyre: —Davi he hãbu òbiti rare aijoi mahãdu kia rỹireri kyribi! Tii heka aralyby ratxireri, aheto-di itxeredu mahãdu wedu tule ibutumy hãwã hãwã wedu mahãdu rityhynymyhỹre.
|
||||
\v 15 Kaa aõbo riki wijile tuu rỹỹraxireri Deuxu dee aõbo Davi riwinykre-my? Aõbo heka! Wamy ta aõmy rybeõmy tule wasỹreny mahãdu wana umy òludumy widee bede ariywinyrenyke aõkõre. Reeryõre heka ibededỹỹnana!
|
||||
\v 16 Tahe wedu rarybere: —Aimeleke, kai ta asỹreny mahãdu wana atuebenykre.
|
||||
\v 17 Taijoi mahãu-ò kiamy rarybere ibire-ki rỹimyhỹ mahãdu dee: —Deuxu-ò aõmysỹdỹỹdu mahãdu mahubenykre, wedu nihikỹ ijoi! Davi wana dori rexibutunyrenyra tule wadee raryberenyõ hyyra tii rahenyra-my, juhule arieryre-wana inihe awire. Iijoi mahãdu rexitòenyrenyre Deuxu-ò aõmysỹdỹỹdu mahãdu rubudỹỹ-ò wedu nihikỹ ijoi.
|
||||
\v 18 Taita Sau Doegue deele rarybere: —Kaile he birubunyke! Tahe Doegue rirubunyre. Iubedeu 85 my Deuxu-`o aõmysỹdỹỹdu ituere.
|
||||
\v 19 Tule sỹ Sau ijõ mahãdu Nobe-ki hãwadu mahãdu rubudỹỹmy riteranyre, Deuxu dee aõmysỹdỹỹdu mahãdu hãwa: hãbu hãwyy uladu uladu-xõmo, broreni, jumetu tule sỹ budoeni — butumy tabre rahure.
|
||||
\v 20 Ka Abiata, Aimeleke riòreõ, rahenyre tai Davi ratximyhỹ òhòkỹle rare.
|
||||
\v 21 Tii tuu relyyre Sau Deuxu, wedu nihikỹ aõmysỹdỹỹdu rahura-my.
|
||||
\v 22 Kiamy Davi Abiata dee rarybere: —Ijõ txuu, tai Doegue my rabireu-u, reeryre tii Sau-ko tuu ibutumy relyykre. Taiki tahe jiarỹ he bede òraruna asỹreny mahãdu itueraki.
|
||||
\v 23 Manata wawana matxikre brebuõmyta. Sau heka iny rubudỹỹmyreri, urile tahe wawana tateki tahenyta iòhãru-ribi.
|
||||
\c 23
|
||||
\s1 Davi Keila hãwã rihedỹỹnyre.
|
||||
\p
|
||||
\v 1 Filisteu mahãdu Keila hãwa-ò raõbinanyrerimy Davi rieryre tule trigo riwasinyrenyre ibutelemy riherenyre.
|
||||
\v 2 Tahe Deuxu, wedu nihikỹ-ò rỹỹraxire: —Ixinamy aõbo arakre filisteu-ò aõbinamy? —Kohe! —Wedu nihikỹ rirawyònyre. —Maõbinanykre ta Keila hãwã bihedỹỹnykre.
|
||||
\v 3 Urile tahe Davi ijoi mahãdu kiamy raryberenyre: —Jiarỹboho raberurenyreri Juda hãwa-ki aratxikrenykreki. Ka rokoikre-wana Keila-ò, (rkaõbinanyrenykre) filisteu mahãdu-ò!
|
||||
\v 4 Taita Davi ixyby Deuxu-ò rarybere, wedu nihikỹ-ò, tii rirawyònyre: —Make ixinamy Keila-ò ta maõbinanyke jiarỹ dori aratarasadỹỹnykre filisteu mahãdu ribi.
|
||||
\v 5 Tahe Davi taijoi mahãdu-wana roirenyre Keila-ò tahe filisteu mahãdu-ò raõbinanyrenyre. Sõemy rahurenyre tule ibrorenireny ridyrenyre. Kiamy Davi Keila-ki hãwadu mahãdu rihedỹỹnyrenyre.
|
||||
\v 6 Kaa Abiata, Aimeleki riòre, rahenyre ta rare Davi dee rexibutukremy Keila bede-ki, Deuxu dee aõmysỹdỹỹdu tyy riwymy rare.
|
||||
\v 7 Sau dee tuu rybe rỹire-u Davi Keila-ò raremy, kiamy rarybere: —Deuxu he Davi wadebò-ò riwahinyra. Hãwã òtitamy roimyhỹre-ò tii rara, iijòtòbona awi, tu tahe reara taitxenawo-my.
|
||||
\v 8 Tahe Sau taijoi mahãdu ributunyre raõbinanykremy Keila mahãdu-ò tule Davi iijoi mahãdu-wana riokrokremy tai.
|
||||
\v 9 Ka Davi rieryre-u Sau bededỹỹnana aõbinamy ratxirerimy, Deuxu deòdu-ò rarybere Abiata-ò: —Deuxu deòdu tyy-di ini manake Deuxu-ò dori rỹkỹỹraxirenykre.
|
||||
\v 10 Tahe Davi rarybere: —Wedu nihikỹ, Israel mahãdu Deuxu, jiarỹ, Davi eòdu, Sau bededỹỹnana reeryra Keila hãwã hudumy kanakremy ratxirerimy waòraru-ki.
|
||||
\v 11 Keila-ki hãwadu mahãdu aõbo Sau debò-ò riwawahinyrenykre? Sau aõbo inatyhymy kanakre, tuu raholaraki kynyhỹ? Wedu nihikỹ, Israel mahãdu Deuxu, adee arexitòenykre bidiwarawyònykremy! —Sau kanakre! — Wedu nihikỹ rirawyònyre.
|
||||
\v 12 Ka Keila-ki hãwadu mahãdu aõbo riwawohinyrenykre waijoi mahãdu wana Sau dee? Davi rỹỹraxire. —Kohe, arawahinyrenykre! — Wedu nihikỹ rirawyònyre.
|
||||
\v 13 Taje Davi taijoi mahãdu-wana — seissentos bede õmy — wylemy riòlònyre Keila ribi ta roire adohotalemy. Ka Xau rieryreu Davi rahenyramy Keila ribi, rexiixãwinyre rakre-ribi. Davi bedetyahakỹ-ki hãwalo hãwalo bede-ki.
|
||||
\v 14 Davi bedetyahakỹ hãwalo hãwalo bede-ki rexiwomy ratximyhỹ Zife iòhòmy. Sau iwo rexiery kõlemy txuu iyhykõmy riemyhỹre, tahe Deuxu ramy riwahinyõhyyre.
|
||||
\v 15 Davi xe ruberumỹ kiemy Sau rare irubudỹỹmy. Davi Oresa-ki bede riere, bedetyahakỹ Zife bire-ki roimyhỹre-ki.
|
||||
\v 16 Jonata rare tamy tai rii wana witxi reakremy ta Deuxu rityhynykremy tamy rarybere.
|
||||
\v 17 Kiamy Jonata rarybere: —Brebuõmykre. Waha, Sau, tiu aõhe (arasnyõtyhy) irutaõmy. Israel mahãdu wedumy heka bunykre, jiarỹ ta ahewoludu-my anatxikre. Waha heka tuu dierymyhỹde.
|
||||
\v 18 Tai, Deuxu ruò, wedu nihikỹ ruò, ixyby bede widee riywinyrenyre. Davi Osera-ki rarire, ka Jonata ta tasỹ-ò roosere.
|
||||
\v 19 Inyõ rare Zife hãwã ribi Gibea-ò ta Sau dee raryberenyre: —Davi wasurenykile rexiworeri, Oresa bede-ki, Akila-ki, Jesimo beà weribi.
|
||||
\v 20 Kiamy reeryrenyreri idi imynymy atxiteri-my. Mana ta waherenymy Davi adee ariwahinyrenykre.
|
||||
\v 21 Kiamy Sau rirawyònyrenyre: —Wedu nihikỹ arawiòhenanyrenykre wadee awi tewinytenyta òraru-ki!
|
||||
\v 22 Boita ta ixyby wako tuu bedelyydenykre. Bierywibenykre tikibo Davi ratxirerimy mõbo tuu tai robiramy. Tii riki heka inaõbo aõkõre iruta.
|
||||
\v 23 Tikibo ratxireri ta bierytyhykre tai rexiworeri iu manakre. Iu tahe aherenymy arakre, ka tai rare krewana, arimykre tule ibutumy Juda sumy ariekre.
|
||||
\v 24 Tahe ròòseerenyre Zife-ò, Sau komy. Davi taijoi mahãdu-wana mahaduõ bederohokỹ-ki rỹimyhỹ, Jesimõ beà weribi-ò.
|
||||
\v 25 Sau ta sodadu adu-wana Davi itxesemy roire. Ta Davi juhuhukỹle kierymy ratximyhỹ rare Maõ bedero-ò tai ratximyhỹ. Ka Sau rieryreu, rare ihewo-ribi.
|
||||
\v 26 Sau tasodadu mahãdu-wana ijõ weribi ratximyhỹreny. Tahe Sau lau aõ wesele riòlònyre isodadu mahãdu ribi tule, riokròmyhỹreny rimyrenykremy.
|
||||
\v 27 Iò tyhy tasỹ rybe wahi dinodu rehemynyre Ta Sau dee rarybere: —Wylemyhỹwa bòòseke! Filisteu mahãdu heka ahãwa-ò raõbinanyreri!
|
||||
\v 28 Tai ta Sau rexitxuhunyre Davi hewo-my (ijra) ta rare filisteu mahãdu-wana aõbinamy. Tai òraru-ki tahe kiamy raninire mana nihikỹ hena.
|
||||
\v 29 Davi iribi ròhònyre ta rare Gedi hãwã wihikỹ-ò iwory ijò-ò.
|
||||
\c 24
|
||||
\s1 Davi Sau rirubunyõre.
|
||||
\p
|
||||
\v 1 Ka Sau filisteu mahãdu-ò raõbinanymy rahudi, Davi-my ijyy rieryre Gedi bede-ki ratxirerimy iwory ijò iòhòmy.
|
||||
\v 2 Taita três miu sodadu-my Israel rivi ritare awi awi ta tiiboho wana roirenyre Davi itxese-my iijoi mahãdu txuòlòna weribi rierenyre.
|
||||
\v 3 Tah Sau rehemynyre hãluu-ò tai budoeni uhuari rỹimyhỹ-ò, ryy iòhòmy, ta tamy ralore tai awimy ixidee wimy ratxikremy. Urile tahe Davi tai taijoi mahãdu-wana ratximyhỹreny rexiwomy (ihtxihtxi-ki).
|
||||
\v 4 Taiki tahe kiamy Davi dee raryberenyre: —Kia inihe adee rarutaõra! Deuxu wedu nihikỹ kiamy rarybera aòludu adee riwahinykremy irahudi –xe ixidee wimy timybo kai idi mohõtinykre. Taita Davi ywiywimy rexilusinymy rare ihyy Sau tai ratximyhỹ òhòkỹle rehemynyre ta iyhy itxena ijàti riyrerenyre, rieryõhyyre tiubo riyrenyre.
|
||||
\v 5 Irahudi-xe Davi rõhõtinyre iyhy itxena ijàti rieyrenyre òraruki Sau yhy itxena.
|
||||
\v 6 Taita taijoi mahãdu-ò rarybere: —Deuxu wedu nihikỹ wa wedu-ò aõ bina ariwinyke-ò riwaijekre, kiemy dori tii wedu-my ritare! Txioini heka timy tamy aõhe arutỹỹny riòreke kiemy dori wedu nihikỹ tuu ritare ixỹ wedu-my rarekre-my.
|
||||
\v 7 Tu ta Davi taijoi mahãdu-my rahãynanyre Sau-ò aõbina-my rekoaõkre-my. Tahe Sau rỹire, hãluu-ribi ròhònyre ta rare.
|
||||
\v 8 Davi ihewo ribi ròhònyre ta ryryre: —Sau! Ixihewo-ò retehekre, ta Davi, rityhynymy tatiowomy resere su-ò taòmy roire.
|
||||
\v 9 Kiamy rarybere: —Aõhereki wexe iny mahãdu rybe tetyhynymyhỹte arubudỹỹmy watximyhỹremy?
|
||||
\v 10 Kai ixiòbiti-my heka wiji bierykre wijityhyle heka wedu nihikỹ wadebò-ò arawahinyra hãluu woki. Inyõ wadee rarybera ararubunykemy, tahe jiarỹ arubudỹỹ lau rexitòenyra. Kiamy taiki rarybera txioini heka tamy aõhe arutỹỹnyke, kiemy dori wedu nihikỹ ritare wedu-my rarekre-my.
|
||||
\v 11 Betehe ini, waha, ayhy itxena yre wadebò-ki roire! Jiarỹ heka reyrenyra, ararubunyke tahe ihoõre. Kia heka ama deòsina rare umy raòludu õmyhỹre deòsina, timy aõhe adee autỹỹnyke ihoõre. Jiarỹ heka nadierymyhỹde warubudỹỹ-my tadi waijemyhỹte-my, ihãreleta adee reaõra!
|
||||
\v 12 Tahe wedu nihikỹ he inymy rarybekre mõbo widi tuu ihỹre-my! Tii heka aõhebo (arasnykre) wamy tanaòludumyhỹte òraru-ki, kiamy jiarỹ he aõhe adee arutỹỹnyke ihoõre!
|
||||
\v 13 Kiamy rybe roimyhỹre: Aõ ibina heka ibina-ribi namyhỹde. Ka jiarỹ tahe timy aõ ibina ariwinyke ihoõre.
|
||||
\v 14 Idi taini bedeteheke Israel mahãdu wedu aõdibo irubudỹỹmy atxiteri-ò! Uri bedetehe ini aõbo riijereri-ò: ijòròsa rubu aõbo, ijòròsa tuburu aõbo!
|
||||
\v 15 Wedu nihikỹ he tuu rarybekre mõbo tuu widi ihỹremy. Tii heka wamy rarybekre, waweribi-ki aribi riwahedỹỹmykremy!
|
||||
\v 16 Davi tarybe rahure rahudi, Sau rarybere: —Kaityhy we atxiteri, wariòre Davi? Tahe Sau rahinyre.
|
||||
\v 17 Tahe Davi rarybere: —Kaihe òbitireri, jiarỹ tahe òbitiõre. Kai heka òbiti wadee tewinymyhỹte iwana jiarỹ aõbinabina-le adee rewinymyhỹre.
|
||||
\v 18 Wiji tyhyle teteòsinyta wadee awimy atximyhỹte, iurenana ta tiwarubunyõta, wedu nihikỹ ebòò riwawahinyra-u.
|
||||
\v 19 Inyõ aõbo rihike, taòludu rimy keribi, riteònyke rihedỹỹnyke aõbo riki? Wedu nihikỹ arawiòhenanykre awi tewinyta òraru-ki wiji!
|
||||
\v 20 Wijihe inatyhymy araeryra Israel mahãdu wedumy bunykremy ka wedu bededỹỹnana he ebòò rawahira wiji.
|
||||
\v 21 Wadee ta mana rybe inatyhymy wasỹrenyhe ihuduõmykre, wani tule itarasaõmykre wahaboho-di tule iribi nohõti lusaõmy.
|
||||
\v 22 Tahe Davi inatyhymy rarybere Sau dee: Tahe Sau tasỹ-ò ròòsere, Davi tasỹ taijoi mahãdu-wana ijõ hãwa-ò roirenyre.
|
||||
\c 25
|
||||
\s1 Samueli rubu bededỹỹnana.
|
||||
\p
|
||||
\v 1 Samueli rurure, ibutumy Israel mahãdu rexibuturenyre ta irubu-ò rahinyrenyre. Ta isỹ-ò rituunyrenyre, Hama bede-ò. Davi Abigail-wana Iỹtybymy ta Davi rare Parã bedero-ò.
|
||||
\v 2-3 Kalebe riokore-õ ratximyhỹ, Nabaò inire, Maõ hãwã ludu, Karmelo hãwa-ki awimy raremyhỹ. Tii heka ityhy nihikỹ rare. Três miu-my budoeni hãwyy sõe tulesỹ miu-my watxini hãwyy sõe. Ihãwyy heka Abigail inire. Tii heka iruxera rare tulesỹ ibedeeryre. Ka tii tahe ibina rare irybe hỹỹ hỹỹ Nabal Karmelo-ki ihỹmyhỹ, budoeni sira riòròmyhỹ.
|
||||
\v 4 Davi bedero-ki ihỹmyhỹ ta rieryre ibededỹỹnana.
|
||||
\v 5 Ta debòitue-my weryrybo riteònyre Karmelo-ò, Nabal dee rybemy ta irybemy tamy raryberenyre rirybemyrenyre rahudi.
|
||||
\v 6 Kai raryberenykre-my tamyreny rarybere: Wabiòwa, Davi tarybe wehityyna adee riwahinyreri, awilemy aõbo atxiteri-my, asỹreny ibutumy aõnaõna umy rỹirei-wana.
|
||||
\v 7 Tii umy roholara abudoeni sira teòròteri-my tulesỹ wadeereny rarybera abudeoni-di itxeredu mahãdu-wana watximyhỹrenymy ako arelyyrenykremy, aõ tamyreny ibina ariwinyrenykre ihoõre. Ka Karmelo bede-ki bede reijerenyra, txioini heka iaõnareny-õ ariwòrenyke.
|
||||
\v 8 Tamyreny taini myraxi, ako tuu relyyrenykre. Davi adee rexitòenyreri tule awimy làhà ini, aõtxile aõ wadeereny bidiwahinykre, eòdu mahãdu-ò tule Davi abiòwa-ò.
|
||||
\v 9 Tah Davi ijoi mahãdu roirenyre Nabal dee rybemy, Davi rybemy rybemy. Tahe riraomy ihỹmyhỹreny.
|
||||
\v 10 Ta Nabal rirawyònyrenyre: —Davi? Jessè riòre? Mota heka rare? Tiu tuu raholaõmyhỹre iniò! Wiji bedemy heka sõemy ini nahenymy nyimyhỹde tawedu ribi!
|
||||
\v 11 Wa paõ, wa bè ta iròdu reruunyra heka wadeòdu mahãdu-ò rerubunyra ka hãbu mahãdu-ò ariwahinyke ta ihoõre tule reeryõre tiribibo roireri!
|
||||
\v 12 Davi ijoi mahãdu ixybyle riòkeserenyre ta tuu relyyrenyre aõmybo Naba tamyreny rarybera-my.
|
||||
\v 13 Tahe Davi kiamy rarybere: —Amayrehereny awereysanareny-ò bitidibenykre! Ibutumy irybemy reòbyrenyre. Davi tule ta mayrehe rimyre ta roirenyre quatrocento bedeõmy ijoi sõe duzento-my tasỹ aõna-di itxeredu-my rarirenyre.
|
||||
\v 14 Nabal deòdu-õ Abigail-ò rarybere, Nabal hãwyy-ò: —Bedebe teeryteri? Davi taijoi mahãdu riteònyra irybemy rarybekremy wawedureny-ò ta awimy aõkõ riijerenyra ibinahãkỹle-my.
|
||||
\v 15 Tii mahãdu, heka awimy wadireny raremyhỹ; timy ibina wadeereny riwinyrenyke ihoõre, ka tai tiiboho wana bede reijerenyra, aõ waribireny riwòke ihoõre wahõrõreny.
|
||||
\v 16 Tiiboho sõemy riwaijemyhỹrenyre txu-my tule ru-my tu hyy hyy wadireny raremyhỹ budeoni-di wadeeny retehemyhỹrenyre.
|
||||
\v 17 Idi taini mohõtiny aõ ini timybo biwinyke. Kia hecka bede ibinakre wawedu-ò isỹ-ò tule ibutumy tamyreny. Tii heka hãbu ibina rare, moõ heka tamy rarybeõhyymyhỹre.
|
||||
\v 18 Taita Abigail 200-my paõ sõemy rimyre, inatxi hynamy vinho tỹxi, iruyre budoeni obiu, dezessete kilo-my trigo, cem-my uva bolo ta figo bolo duzento-my ibutumy jumeto tyre riòdònyre.
|
||||
\v 19 Kiamy teòdu mahãdu dee rarybere: —Wakokumy boike, jikarỹ ta ahewokurenymy krakre. Tahãbu dee aõmy rarybeõlemy.
|
||||
\v 20 Abigail rare ta jumetu tyre runymy rare, kia ole ta myỹ ruwyeruna (rysrara) hakỹ bede kita, Davi wana iutede rỹire taijoi mahãdu-wana, iutede roireri-ò.
|
||||
\v 21 Kiamy Davi rõhõtinymy nade: Aõhewe iòwykõhõkỹlemy aõbo hãbu aõnaõna-di retehera? Aõ ariwòrenykre ihoõre aõbo ihõrõ-my rỹireri, tahe riwaòwynykre rewiòhenanyra òwymy?
|
||||
\v 22 Deuxu he aõhõkỹ-my riwasinykre ka hãbu arihumy aribunyõkrewana txu (ijra) koki!
|
||||
\v 23 Ka Abigail Davi-my robire-u, aõwesele jumetu tyre ribi resere, tatiowomy tamy resere ta su-ò taòmy roire.
|
||||
\v 24 Itirawo-ò, kiamy tamy rarybere: —Txikokre làhà ikuni! Bodohokuja taiku warybe-kò! Jikarỹ heka bede kòrarureri!
|
||||
\v 25 Nabal-di ixinohõti dỹkỹkõmy, anõhekerybo làhà, anoki heka awikõre! Tiki heka inatyhy ini kiamy tu rybekre: Itxỹte rare-my! Jiarỹ heka tureny rabikõra wekyrybo mahãdu tetekònytenytamy.
|
||||
\v 26 Deuxu wedu nihikỹ heka aratòenyra akòludu mahãdu rubudỹkỹ laku. Katahe inatyhymy, adeke krarybekre tule wedu nihikỹ nimy, ibutumy akòludu mahãdu tasỹ mõbo adeke ibina riwinymyhỹre mahãdu anohõkỹmy rutỹkỹnyrenykre Nabal wesele.
|
||||
\v 27 Txikòta làhà iku kaa anonanona rewyreri-kò bekòbykre ta aitxoi mahãdu-kò biwahinykre.
|
||||
\v 28 Bixãwi dỹkỹnykre, anokerybo làhà, txibo anobo ibina rewinyra wana. Deuxu wedu nihikỹ wedu-my (arasnykre) tule aritxore ritxore mahãdu tule, iruru-di heka mabekre ta tiku anohe ỹkỹkõna ka bede biekre.
|
||||
\v 29 Kai inyno adeke anobinamy adeke reakakre-wana da arubudỹkỹmy anobo, aDeuxu, wedu nihikỹ, araijekre iwese hãbu ano wihikỹ ixideke rirarenymyhỹre wese-my. Ka umy dòdu mahãdu ta irehemy aribi idi rehukre, iwese hãbu manawety ta bodòi-kò ritidi-my idi rehumyhỹre wese idi rehukre.
|
||||
\v 30 Deuxu wedu nihikỹ ibutumy ano wiwihikỹ-my adeke rarybere tarybe mynamy riwinykre tule Israel mahãdu wedu-my bunykre.
|
||||
\v 31 Ka tuu rutỹkỹnykre-wana, uritere ixideke ixirahekõ-my, tule sỹ ano ikòkõmy inymy takòhòtete kòraru-ki kòraru-ki ixideke ixirahekõ-my, da kõmy anobo ixideke wilemy tuu tewinyte. Ka Deuxu wedu nihikỹ arawikòhenykre-wana. Waribi nohõti lusa kõmykre.
|
||||
\v 32 Davi kiamy rirawyònyre: —Wedu nihikỹ sohojile iny riwowudynymyhỹre, Israel mahãdu Deuxu, tii heka kaò arateònyreri wawana witxi beaker-my!
|
||||
\v 33 Txiòtòetuke wiji wadee tewinyta ainytyhy òraru-ki, ixãwira wiji rududỹỹmy rahõtinyra-ribi jiarỹ ixiòbitile heka tuu ariwinykre myra.
|
||||
\v 34 Deuxu wedu nihikỹ riwaijekre ibina adee ariwinykõkre-my! Wedu nihikỹ nimy adee tuu rarybereri, Israel mahãdu Deuxu nimy, Deuxu irumy nodu, ka, maelekõ ma wana ini wawana witxi beaker-my, biurasò rudiule ini heka Nabal ijoi tabre rahura, uladu dori ini ituera!
|
||||
\v 35 Tahe Davi tamy reòbyre aõnaõna diwyde-ò ta kiamy tamy rarybere: —Bòòseta ãsỹ-ò nohõtiyre kõmyta. Ibutumy adee aõtxile aõ ariwinykre.
|
||||
\v 36 Abigail xe roosere ta hãbu Nabal-ò, tasỹ-ki ratximyhỹ-ò, ta wedu wesemy deysana riwinymy ratximyhỹ. Iòde rawàrinymy ratximyhỹ tule teysa-my ihỹmyhỹ. Tahe aõmy iko relyyõhyyre. Ijõ biurasou ta.
|
||||
\v 37 Iyryna-u, ibutumy iko relyyre. Lisitere ribi leta aõheto rutỹỹnyre urile ramyre myrenyre.
|
||||
\v 38 Debòitue txudi ta, Deuxu xe inatyhymy aõhebo Nabal (risnyre) ihyy xe rurure.
|
||||
\v 39 Ka Davi Nabal rubu nina rieryre-u, kiamy rarybere: —Deuxu my beàlàke, wedu nihikỹmy! Tii heka waòwy ritidira Nabal-ò ibina wadee riwinyre òraru-ki. Kiamy teòdu rihedỹỹnyre ibina widỹỹ ribi. Wedu nihikỹ heka tuu Nabal-ò riwinyre iehehere òraru-ki. Tahe Davi Abigail dee tarybe riwahinyre tii wana roikemy.
|
||||
\v 40 Teòdu mahãdu roirenyre Karmelo-ò ta tamy raryberenyre: —Davi adee riwateònyrenyreri ihãwyy-my matxikre-my.
|
||||
\v 41 Tahe Abigail tatiowo-my resere, taòmy su-ò resere ta rarybere: —Jikarỹ he Davi dekòdu watxireri rexihumy watxireri tekòdu mahãdu wa karisuhokreko.
|
||||
\v 42 Tahe aõ wesele rỹimy reare ta jumetu tyre runyre. Iny iruyre-my teòduboho roire ihemy, Davi deòdu mahãdu wana axe roirenyre tahe ihãwyy-my xe runyre.
|
||||
\v 43 Davi heka Ainoã ihãwyyre, Jezreel mahãdu, ityreò tasỹ Abigail wanale roire.
|
||||
\v 44 Iu bedeu Sau tariòre Mikaò riwahinyre, Davi hãwyy-my runyre, Paòtxi, Lais riòre, Galĩ hãwã ludu.
|
||||
\c 26
|
||||
\s1 Ixybysỹ Davi Sau rihedỹỹnyre irubudỹỹ txiõ raremy.
|
||||
\p
|
||||
\v 1 Zife-ki hãwadu mahãdu-õ rare Gibea bede-ò ta Sau ko relyyrenyre Akila hãwalo bede-ki Davi rexiwomy ratxireri-my, Jesimõ hãwã wyòna-ki.
|
||||
\v 2 Ta Sau rare tamy Zife bede-ò inataõ miu-my sodadu ridyre awiawi Israel ribi riari-my idi rare Davi itxesemy.
|
||||
\v 3 Akila hãwalo-ki rexibutunyrenyre, Jesimõ wyòna-my. Davi iu bedero-ki ihỹmyhỹ ta tuu roholare Sau ihewo-my rareri-my.
|
||||
\v 4 Taita inyõ riteònyre ierysymy taxe rieryre Sau, inatyhymy, kuakile ratxireri-my.
|
||||
\v 5 Aõwesele rỹimy reare ta rare tamy ta itỹhinatxile rare Abner-wana, Ner riòre, isodadu wedu. Sau xe taile rõrõmy roimyhỹ, ka sodadu mahãdu ta iwerura-di reòtemy rõrõmy rỹimyhỹ.
|
||||
\v 6 Tahe Davi rỹỹraxire Aimeleki-ò Eteu mahãdu-ò Abner dee ijõre, Zeruia riòre Joabe seriòre heka rare: —Mowexe wahemy kanakre Xau tai ratỹhinanyreri-ò? —Jiarỹ arakre! —Abisai rirawyònyre.
|
||||
\v 7 Kiamy, rumyxe roire, Davi Abisai-wana tai Sau ratỹhinanymyhỹ-ò. Kiamy itxi rekoare ityarenyki rõrõmy roimyhỹmy, tatõnori ta su-ò ridemy rỹimyhỹ, tarararu bire-ki. Abner ta sodadu mahãdu-wana iwerura-di reòteny rõrõmy raòdònymyhỹ.
|
||||
\v 8 Ta Abner Davi-ò kiamy rarybere: —Wiji rumyhe Deuxu aòludu ebòò riwahinyra. Txiòta ini Sau itõnori-di òbitihikỹle tai arojy su-ò tõnori-di arirarytxynykre ta sohojihikỹlemy idi rỹikre. Inatxi-my tai rỹike ta aõkõre!
|
||||
\v 9 Ta Davi kiamy rirawyònyre: —Irubudỹỹõmykre, ka mõbo tamy reakre wana rirubunykre wana Deuxu wedu nihikỹ aõhõkỹmy (risnykre) tii dori wedumy ritare.
|
||||
\v 10 `Obiti heka Deuxu wedu nihikỹ rare irumy nodu, tii ta Sau rirubunykre, tiubo irubuna txu-ò rehemynykre-u, aõbina bedeõki!
|
||||
\v 11 Wedu nihikỹ he tamy riwaijekre tamy areakre lau itarasadu wahe wedu-my ritare! Ibehyna ta bidiwydeny itõnori ijõkre rokoirenyta.
|
||||
\v 12 Tahe Davi itõnori rimyre ta ibehyna ijõmy riwyre Sau rararuki rỹimyhỹ tahe Abisai wana rare iribireny. Moõ tureny robiõhyyre, tule aõhebo rutỹỹnyrenyre moõ rieryrenyõhyyre. Tule moõ rexixaõhyyre iu bedeu. Ibutumy rõrõmy raòdònymyhỹ wedu nihikỹ heka tuu ritỹhidỹỹnyrenyre.
|
||||
\v 13 Tahe Davi rare ijõ weribi-ò, hãwalo ratyy òhòkỹle rehemynyre, irehe wetòbòmy iribireny ihỹmyhỹreny.
|
||||
\v 14 Ta Abner dee ryryre ta Sau sodadu mahãdu dee ijõmy ryryre: —Abner, waira-ò aõbo taholateri? —Mowexe wedu-ò taryteri? — Abner tuu rỹỹraxire.
|
||||
\v 15 Kiamy Davi rirawyònyre: —Hãbu aõbo tate da aõkõre aõbo? Israel mahãdu sodadu tyhyhykỹ aõkõ aõbo tate? Aõherekibo tahe awedu teijekõta, wedu wahe? Wiji tyhyle inyõ kia-ò ralòra wedu rubudỹỹmy, awedu wahe.
|
||||
\v 16 Titxibo he aõta, Abner! Wedu nihikỹ nimy, Deuxu irumy nodu nimy, ibutumy kaiboho rubumy xiòby he toite, awedureny heka teijeõhyy tenyta, Deuxu wedu nihikỹ wedu-my riròtenyre wahe. Bohola taini! Titxibo he wedu tõnori rare? Titxibohe ibehyna ira raruki rỹireri rare?
|
||||
\v 17 Ta Xau Davi rybe rieryre tamy rỹỹraxire: —Davi, kaibe tate wariòre? —Kohe! —Davi rirawyònyre.
|
||||
\v 18 —Aõhereki wexe eòdu hemy ixybyhykỹle teamy atxiteri? Aõbohe ibina rewinymy ramyhỹre?
|
||||
\v 19 Wedu, bodohola taini adee ararybekre-ò. Ka Deuxu rybe-ki wamy toludu teri-wana, tii tawo rirahorekre aõhe-wana urile tamy riwahinykre. Ka, inywi mahãdule tuu riwinyra wana, Deuxu aõbina binahãkỹ-di ityrereny rehukre! Riwateònyrenyre Deuxu wedu nihikỹ su-ribi iwitxira su-ò tai iwitxira deuxu rityhymymyhỹrenyre kyò.
|
||||
\v 20 Uritere iwitxira hãwa-ki warubudỹỹõmykre iwitxira su-ki, Deuxu wedu nihikỹ ribi irehemy! Aõherekibo heka Israel mahãdu wedu kao rareri? Ijòròsa tuburu òrysymy aõbo rareri wawesena òrysymy? Aõherekibo heka wahemy deamyhỹde iwese nawii bederahy ludu raijemyhỹre wesemy?
|
||||
\v 21 Sau kiamy rirawyònyre: —Reòsara he. Bòòseta, wariòre Davi! Ixyby he tiu aõ ibina adee ariwinyõtyhy, wiji rumyhe inatyhymy tiwatyhynyta. Itxỹte wesemy he reara sõemy taiki reòsara!
|
||||
\v 22 Taikita Davi kiamy rarybere: —Betehe inimyhỹ atõnori roire, wedu. Aijoi mahãdu-õ ta iòrysymy biditeòny!
|
||||
\v 23 Deuxu wedu nihikỹ tamyreny riòwynykre awi mahãdu dee òbiti mahãdu-ò. Wijityhyle wadebòò arawahinyra, tahe tamy reaõra irubudỹỹmy Deuxu wedumy ritare wahe.
|
||||
\v 24 Iwese ka jiarỹ wiji aumy retyhynyra wese ta, wedu nihikỹ tule iwesele aõ isira ribi riwahedỹỹnymyhỹre!
|
||||
\v 25 Tahe Sau kiamy Davi rirawyònyre: —Deuxu he arawiòhenanykre, wariòre! Ibutumy aõbo biwinykre awihyylemy ròhònykre! Tahe Davi rare, Sau tasỹ tasỹ-ò ròòsere.
|
||||
\c 27
|
||||
\s1 Davi filisteu mahãdu wana.
|
||||
\p
|
||||
\v 1 Davi kiamy rõhõtinyre: —Tiutxumybo Sau riwarubunykre. Urile tahe mykre filisteu mahãdu bede-ò he arahenykre. Ixiery tahe Sau Israel mahãdu hãwã hãwamy waitxese ribi ixãwikre, iu tahe wadee iohãru ribi ixãwikre.
|
||||
\v 2 Tahe Davi taijoi seissento hãbu mahãdu wana roirenyre tai Akis, Maòki riòre, Gate hãwã wedu-ò.
|
||||
\v 3 Tahe Davi taijoi mahãdu wana Gate-ki ihỹmyhỹreny tai rasỹnyrenyre, tahãwyyboho wana. Davi tahãwyy inatxi wana tai ihỹmyhỹreny: Ainoã, Jezrel ludu, ta Abigail ijõ nire, Nabal wytese, Karmelo ludu.
|
||||
\v 4 Ka Sau rieryre-u Davi Gate-ò rahenyremy, ixãwire itxese ribi.
|
||||
\v 5 Kiamy Davi Akis-ò rarybere: —Ka kai wabiòwakre wana, hãwã iyjaõ wadee bidiwahinykre tai arahãwanykremy. Awana hãwã nihikỹ-ki arasỹnyke he ihoõre.
|
||||
\v 6 Tahe Akis Davi dee Ziklague hãwã tamy riwahinyre. Iòraruki ta wiji yrubu Juda wedu bedemy roimyhỹre.
|
||||
\v 7 Davi wyra sohoji ribi inaubiòwa ahãdumy rasỹnyre filisteu mahãdu su-ki.
|
||||
\v 8 Davi taijoi mahãdu wana gesurita mahãdu-ò aõbinamy reòarirenyre, girzita mahãdu, ta amalekita mahãdu ijõre delemy tai hãwadu mahãdu wahe. Beà ribi tamy raõbinanymyhỹre ta Egitu òhòkỹle rexitxuhunymyhỹrenyre.
|
||||
\v 9 Ibutumy hãbu mahãdumy raòhòlemyhỹrenyre hãwyy mahãdu tule tasỹ budoeni, broreni, ta jumetu, kamelo ta tyy my. Irahudi ta Davi Gate-ò ròòsemyhỹre.
|
||||
\v 10 Tahe Akis tamy rỹỹraximyhỹre: —Madee wexe wiji taõbinanyta? Kiamy Davi rirawyònymyhỹrebo. Juda beà weribi-ò raõbinany ramy, da Jerameel mahãdu-ò, da keneu mahãdu su-ò aõbo.
|
||||
\v 11 Ibutumy Davi hãbu rirubunymyhỹre ta hãwyy, inyõ Gate hãwa-ò ròòseke lau ijyymy aõbo taijoi mahãdu wana riwinymyhỹre. Davit u hyy hyy riwinymyraremyhỹ tai rahãwanyre bede-ki filisteu mahãdu su-ki.
|
||||
\v 12 Akis sõemy Davi rityhynymyhỹre ta kiamy rarybemyhỹre. —Iijoi òbitihikỹle aõhỹkymy risynymyhỹre, israelita mahãdu wahe, iòraru-ki tahe tiiemy wadee raõmysỹdỹỹmy rarekre.
|
||||
\c 28
|
||||
\p
|
||||
\v 1 Tiutxu bedeubo ta filisteu mahãdu wii ributunyrenyre taawarureny Israel mahãdu-ò raõbinanyrenykremy. Tahe Akis Davi dee rarybere: —Bierymy atxibekre kai ta aijoi mahãdu-wana waweribireny maõbinanybenykre.
|
||||
\v 2 Kekoxe! — Davi rirawyònyre. Tuu kaki wahãde wiòhedỹỹmy; wadi inihe betehekre timybo aõbo adiwinykre-di. —Awirebo he! —Akis rirawyònyre. Kai he tiiemy waitxesedumy mabekre. Sau urerarudu dee lỹỹraxi riwinyre.
|
||||
\v 3 Samueli rurure, iu bedeu israelita mahãdu ibutumy rasỹbinarenyre irubu-ò ta Hama hãwa-ò rituunyrenyre tai reare bede-ki. Sau hàri mahãdu ta urerarudu mahãdumy ibutumy Israel ribi riteònyre.
|
||||
\v 4 Filisteu mahãdu sodadu rexiwiutanyrenyre ta Sunẽ hãwã bire-ò rexibutunyrenyre.
|
||||
\v 5 Ka Sau filisteu mahãdu sodadumy robireu, sõemy ruberure.
|
||||
\v 6 Ta Deuxu-ò rỹỹraxire, wedu nihikỹ-ò, aõhebo rutỹỹnykremy. Urile tahe wedu nihikỹ rirawyònyõhyyre rasi bedeõke tule akõ Urĩ ke aõkõ, tule Deuxu rybena mahãdu-ò rarybeke aõkõ.
|
||||
\v 7 Taita Sau taijoi mahãdu-ò rarybere: —Hãwyy-õ ini biebenyke hàri-õ kỹnyhỹ, tamy dori arỹỹraxikre. Ẽdor bede-ki ijõ ratxireri! —tiiboho rirawyònyrenyre.
|
||||
\v 8 Ta Sau rexiòtaòtanyre, iwitxira-di rexityynyre. Ka, bede rurunyreu, rare hãwyy-ò rybemy iny inatxi hãbu ridyre ixihemy taijoi mahãdu-ribi. Kiamy tii rarybere: —Tyytyby-ò ini marybeke ta tuu wadee manarybekre aõbo kỹnyikremy. Ka hãbu niõmy ararybekre, ta kaixe ityytyby biòwòdỹỹnykre.
|
||||
\v 9 Kiamy hãwyy rirawyònyre: —Kai heka tekeryteri anobo Sau riwinyra: tiki heka rybe kerysyadu ta hàri my mahãdu ibutumy ritekònyra Israel-ribi. Anoherekibo tahe wadi atxiteri wabò wabò dỹkỹmy biwamymy karurukremy?
|
||||
\v 10 Taita Sau Deuxuni riuhemy rarybere, wedu nihikỹni: —Wedu nihikỹ nimy, Deuxu inimy nodu nimy, adee tuu ararybekre aõhe butỹỹnyke ihoõre tuu biwinykre-ki.
|
||||
\v 11 Tahe hãwyy rỹỹraxire: Mõbo tahe karikoku dỹkỹnykemyreri adeke? —Samueli! — tii rirawyònyre.
|
||||
\v 12 Ka hãwyy Samuelmy robireu, rirajuare ta kiamy Sau dee rarybere. —Anoherekiwe tiwabònyta? Sau bo heka kai atxiteri!
|
||||
\v 13 Brebuõmyke! — wedu rirawyònyre. —Aõmybo heka tabiteri? —Tyky tyby su ribi bikuko rakowonyrerimy rabireri! —Kawesemy tii rirawyònyre.
|
||||
\v 14 Timyreri bota? — Sau rỹỹraxire. —Matukari kie bikuko rakowonyreri! — tii rirawyònyre. —Ikumy ibutumy ritỹtetỹtenymy tyky-di. Tahe Sau rieryre Samueli raremy; tatiowomy resere tule taòmy su-ò roire, tyhy dỹỹ bededỹỹnanamy.
|
||||
\v 15 Tahe Samueli Sau dee kiamy rarybere: —Aõherekiwe wabina dỹỹmy tateri? Aõherekibo tiwaòkesedỹỹnyta? Kiamy Sau rirawyònyre: —Wadee kia bede inihiỹmy ibinareri! Filisteu mahãdu heka wadee aõbinamy ratxireri, tahe Deuxu he wiji riwarira. Timy riwarawyònyke aõkõ irybena mahãdu-o tule rasi bedeõke tule. Iòraru-ki tahe adee raryna wadee rimybo manarybekremy aõbo ariwinykremy.
|
||||
\v 16 Kiamy Samueli rarybere: Aõmybo heka wadee tarariòwyta, Deuxu wedu nihikỹ ararira-ki aõbo aòludumy rexirahorera?
|
||||
\v 17 Wedu nihikỹ tii tuu adee riwinyra, jiarỹ riwauheny, inatyhymy tuu rarybere riwinykremy: tii wedu aribi ritare ta iny witxira-ò riwahinyre, tii heka, Davi rare.
|
||||
\v 18 Kai heka wedu nihikỹ rybe tersiranyte tule sỹ amalekita mahãdu tehumy terubunyõke iaõnaõnareny tuu rỹimyhỹ wana. Iòraru-ki tahe wedu nihikỹ adee tuu wiji riwinyreri.
|
||||
\v 19 Tii heka arawahinykre filisteu mahãdu dee Israel mahãdu tule. Biurasou kai ta ariòreboho wana wawana manatxidenykre. Tule sỹ wedu nihikỹ Israel mahãdu sodadu riwahinykre filisteu mahãdu-ò.
|
||||
\v 20 Iu aõwesele Sau rariòwyre su-ò, brebumy Samueli kawesemy tamy rarybere òraru-ki. Iniru homy aõkõ ihỹmyhỹ kiemy iu bedeu aõ (rirsỹõhyy) ihỹmyhỹ rumy tule aõ (rirsỹõhyyre).
|
||||
\v 21 Hãwyy ibire-ò rehemynyre ta, tuu robire ruberumyhỹmy, kiamy tamy rarybere: —Rexibrebu tererenymy heka adeke rewinyra tuu wadeke texitòenyta wahe.
|
||||
\v 22 Ka wiji, anõkerỹbo, adeke karexitòenykre tamy bekòbykre: Txibo ikuni rỹsỹna buteno kadiwyke. Anono iku birỹsỹke akumy wahatenamy kakyny awimy makre.
|
||||
\v 23 Sau teralemy reare kialemy rarybe aõ rirỹsỹke riki aõkõre. Ta isodadu mahãdu tamy Irahudi xe tamy reòbyre. Su ribi xe rỹire ta kỹma tyre runyre.
|
||||
\v 24 Tahe hãwyy broreni riòre ridedỹỹnymy ratximyhỹre rirubunyre. Tule sỹ trigo buteõ riwyre, ta ridewinyre irahudi tahe baõmy riwinyre itari tatina õlemy.
|
||||
\v 25 Tahe rỹsỹna Sau dee riwyre isodadu mahãdu-ò tule, ta riroxirenyre. Irahudi xe irulemy roirenyre.
|
||||
\c 29
|
||||
\s1 Filisteu mahãdu Davi-ò reiòhãrunyrenyre.
|
||||
\p
|
||||
\v 1 Filisteu mahãdu taawarureny wana rexibutunyrenyre Afeka bede-ki. Iwana wana tasỹ, israelita mahãdu iworu Jezreel hãwã iòhòmy roimyhỹre-ò rexibutunyrenyre.
|
||||
\v 2 Filisteu wedu mahãdu iruyre-my sõereny roirenyre tamy resemy taawarureny tyreki 100 leterehemy rexiwinyrenyre iwokita mil-my sodadu sõe rare. Davi taijoi mahãdu-wana hewomy resemy doidenyde Akis-wana.
|
||||
\v 3 Taita filisteu sodadu mahãdu dinodu rỹỹraxirenyre: —Aõwexe Ebreu mahãdu kaki riwinyrenyreri? Kiamy Akis rirawyònyre: —Kia Davi ratxireri, Sau sodaduõ, Israel wedu. Wawana ratxireri irehemy bede riera kaki, Sau wana wimy ròludure bedeuhukỹle. Ka, iu dehemynyde bedeu aõ ibina riwinymy tuu arobike aõkõre awi hyy ihỹre.
|
||||
\v 4 Filisteu sodadu mahãdu wedu sõewmy reburerenyre Akis dee kiamy raryberenyre: —Kia hãbu ixybyle biòkesedỹỹnykre hãwã tamy tewahiny teo. Uritere iny kyrenytxi aõbinamy iròtedỹỹõmykre, timykibo inydeerenyle aõbinanmy kedeake. Taiki ire tawedu deewimy iny ijoirenymy kanaòhòtekre.
|
||||
\v 5 Ihãremy tasỹ, kia Davi, hãwyy mahãdu rawiunymy resemyhỹreny: Sau mil lemy rirubunyra; Davi ta dez mil-my rirubunyra!
|
||||
\v 6 Taikita Akis Davi dee ryryre ta tamy rarybere: —Wedu nihikỹ nimy, Deuxu irumy nodu nimy, kai he wadee òbiti tate taiki sõemy areysake ka waweribi maõbinany keki ka wou ròhònykremy ratxireri-ki. Aõki aki ibinamy arahãke heka ihoõre, iou tadehemyny teu turahyky. Ka ijõ wedu mahãdu ta aki awimy rahaõmyhỹre.
|
||||
\v 7 Mata aheto-ò awimy makre uritere ta aõhe aõmydỹỹõmy makre wedu mahãdu aki ibinamy rahake lau.
|
||||
\v 8 Kiamy Davi rirawyònyre: —Aõta heka ibina rewinyra? Kai heka aõki waki ibinamy tahaõhyyte iu ka-ò nadehemynyde bedeu turahykyka wahamyhỹde adee aõmysỹdỹỹ reòrarunyre bedeu. Aõherekibo tahe awana araõkre, wawedu atxiteri hãre tasỹ hãwã wedu atxiteri, aõherekibo tahe araõbinanyõkre aòludu mahãdu-wana?
|
||||
\v 9 Kiamy Akis rirawyònyre: —Jiarỹ reeryreri òbiti tate Deuxu ỹju wese. Urile tahe ijõ wedu mahãdu kiamy raryberenyra kai wakyreny-ki maõbinanyõkremy.
|
||||
\v 10 Tai tahe biurasò rudiu, kai ta Sau ririra mahãdu awana ratxireri mahãdu-wana tiiboho-wana waweribi-ki atxitenyteri boho-wana, rudihikỹ boibenykre wytyhylemy txuu ròhònykre koki.
|
||||
\v 11 Tahe, ijõ txuu-xe roirenyre, Davi taijoi mahãdu-wana rudihikỹle rutamanyrenyre riòkeserenyre ixybyle filisteu mahãdu hãwa-ò. Ka filisteu mahãdu tasỹ Jezreel hãwa-ò roirenyre.
|
||||
\c 30
|
||||
\rem dat 2017
|
||||
\s1 Amalekita mahãdu-ò aõbina ròhònyre.
|
||||
\p
|
||||
\v 1 Inatxi txu idireny rỹimy rahudi, Davi taijoi mahãdu-wana Ziklague-ò ritehemynyre, tahãwa-ò. Kuaki ratximyhỹ wawana ta, amalekita mahãdu Judà su-ò raõbinanyrenyre beà weribiò ta Ziklague hãwã risõrenyre. Risõrenyre hãwa.
|
||||
\v 2 Tule ihãwyyreny rihumy ridyrenyre. Moõ rirubunyrenyõ hyyrenyre, tahe roirenyre urile tahe breju wesemy ridyrenyre.
|
||||
\v 3 Davi taijoi mahãdu-wana tamy ritehemynyrenyre bedeu, hãwã loonamy robirenyre tule ihãwyy boho, iriòreboho butumy ridyrenyre.
|
||||
\v 4 Tai òraru-ki ta Davi taijoi mahãdu-wana rahinyrenyre uri aõkõ rexideywesemy renyre hidi.
|
||||
\v 5 Davi hãwyy iny inatxiboho, Ainoa, Jezreel, ludu ta Abigail, Nabal wytese, Karmelo hãwã ludu tule ridyrenyre.
|
||||
\v 6 Davi dee isiramy bede reare, iijoi mahãdu ibinamy ratximyhỹreny iriòrereny ridyrenyre òraruki, iòraruki irubudỹỹrenymy raryberenyre. Urile tahe wedu nihikỹ, Deuxu, brebutere tamyreny riwahinyre.
|
||||
\v 7 Deuxu deòdu Abiata my nidu-ò rarybere, Aimeleke riòre: —Deuxu deòdu tyy ini bidiwyke ka-ò Deuxu dee dori ijoi rỹỹraxikre. Tahe Abiata diwyde tamy.
|
||||
\v 8 Tahe Davi Deuxu dee rỹỹraxire, wedu nihikỹ-ò: —Aõwaxina aõbo ixy-ò aõbinamy rekoara mahãdu hewomy arakre? Tamyreny aõbo arehemynykre? Deuxu rirawyònyre: —Ixinamy iheworenymy makre. Tamyreny behemynykre tule iny karibi ridyra mahãdu bididydenykre iribireny.
|
||||
\v 9 Tahe Davi taijoi mahãdu wana roirenyre 600 hãbu sõemy, ka, Beso bero riòre-ò ritehemynyreu-u, ijõ ijoi mahãdu-õ ibutemy tai rarire.
|
||||
\v 10 Davi ihãrele rare ijõ mahãdu-wana 400 hãbu sõe-wana rare. Ka 200 my tasỹ rarirenyre aõnityhymy reyweserenyre bero riòre-di òhòrese isiramy idi rõhõtinyrenyre òraru-ki ta rarirenyre.
|
||||
\v 11 Davi ijoi mahãdu egipcio weryrybo-txi rekoarenyre bedero-ki ta Davi ridyre. Rỹsỹna tamy riwahinyrenyre, ta bee my.
|
||||
\v 12 Figo bolo ta uva bolo inatxi. Tii inataõ txu-my tasỹ inataõ rumy my heka bede riijere byreõmy tule bemomoke aõkõ. Ka, riroxire my rahudita, taumy ixyby rimyre.
|
||||
\v 13 Tahe Davi tamy rỹỹraxire: Mowe awedure? Tii mahãdu bo tate? —Jiarỹ inihe igipcio mahãdu rare tule jiarỹ amakelita mahãdu deòdu rare! —Tii rirawyònyre. — Wawedu kaki riwarira inataõ txu-my bede wadi rỹira kaki rawebinadunyra òraru-ki.
|
||||
\v 14 Keretxita hãwa-ò raõbinanyrenyra Judà beà weribi-ò ta Kalebe sỹ mahãdu su ijõra tule sỹ Ziklague hãwã resõrenyra ijõmy.
|
||||
\v 15 Tahe Davi tamy rỹỹraxire: —Wadi aõbo maleke amalekita mahãdu tai rỹireri-ò? —Kohe, tii rirawyònyre — wadee manarybekeki kỹnyhỹ biwarubunykõkremy Deuxuni biuhemy, tule wawedu-ò wawahidỹỹõkremy.
|
||||
\v 16 Tahe tii rare Davi-di. Amalekita mahãdu uberasamy rỹimyhỹ, riroximy, mynamy riõmy, tule rexideysanymy rỹimyhỹ aõnaõna sõemy filisteu mahãdu-ribi diwydenyde òraru-ki tule Judà hãwã ribi riwyrenyre.
|
||||
\v 17 Ijõ txuu rudihikỹ ta, Davi tamyreny raõbinanyrenyre ta aõbina-di idireny bede rurunyre. Timy ijõreny rahenyõhyyre, quattrocento weryrybo mahãdu lexe rihenyrenyre kamelo tyre roruure mahãdule.
|
||||
\v 18 Ka iny breju wesemy rirahure mahãdu Davi ibutumy rihedỹỹnyre, ihãwyyboho iny inatxi ikyrenykire, ixyby diòkesedỹỹnydenyde amalekita mahãdu ridyrenyre ribi.
|
||||
\v 19 Aõ rasiranyõhyyre: Ibutumy Davi iriòrereny riòkesedỹỹnyre taijoi mahãdu riòre tule sỹ aõnaõna ibutumy diwyde, inihikỹ iyja my, amalekita mahãdu riwyre-ribi.
|
||||
\v 20 Tulesỹ ibudoenireny didydenyde ibrorenireny tule. Tahe Davi ijoi mahãdu iiròdu-di tamy roirenyre kiamy raryberenyre: —Kaa iròdu mahãdu airòdumykre.
|
||||
\v 21 Tahe Davi roosere tai 200 hãbu mahãdu ihemy rirahuõre mahãdu tai rỹireri-ò rare ihewo-ki rarirenyre boho, Beso bero riòre-ki, sõemy reyweserenyre òraru-ki. Roirenyre Davi utede-my tule iijoi mahãdu wana. Davi xe tamyreny rehemynyre ta rirybenyrenyre.
|
||||
\v 22 Urile tahe iny bina mahãdu Davi hemy rare mahãdu kiamy raryberenyre. —Tiiboho inyherenymy ròiõlera; taikita, aõ tamyreny rawahiõhyykre kaa iny riwyrenyreriõ. Tahãwyyrenyle ridyrenykre tá tariòrerenyle ijõmy ridyrenykre irahudixe roirenykre.
|
||||
\v 23 Iòrarukita Davi kiamy rirawyònyre: —Waseriòreboho, uritere tuu iwidỹỹrenyõmykre Deuxu inydeereny riwahiny radi! Tii iny rihedỹỹnyrenyra tule iny ritarasadỹỹrenyra iny òludureny-ribi.
|
||||
\v 24 Moõ tamy reòbyke ihoõre iwese tarybetenyteriò! Ibutumy wiwesewesemy wimy rikiywinyrenykre: mobo hewo-ki rarira taaõnaõna-wana tule rotakre mobo raõbinanyra mahãdu wesele.
|
||||
\v 25 Davi tuu bede riywinyre. Wiji yrubu ibede riywinyre. Wiji yrubu ibede ywidỹỹna Israel-ki ratxi yrubumyhỹre.
|
||||
\v 26 Davi Ziclague-ò roosereu, ixidee ritare tahõrõ taòludu mahãdu-ribi diwydeõta tabiòwa mahãdu-ò riwahinyre Juda ludu mahãdu, kiamy irybe rare: —Kaa ahõrõrenymykre, Deuxu òludu mahãdu-ribi rewyrenyreri, wedu nihikỹ wahe.
|
||||
\v 27 Davi hãwã hãwã mahãdu-ò riwahinyre mahãdu hãwani: Beteò, Hama, Juda beà weribiò roimyhỹre, Jatxi.
|
||||
\v 28 Aroe, Xifmate, Estemoa.
|
||||
\v 29-31 Hakaò, Horma, Boraxã, Ataxe, Hebron; tulesỹ jerameelita mahãdu tá keneu mahãdu ijõre ka hãwã hãwã heka Davi taijoi mahãdu-wana ibutumy tuu rekoarenyre.
|
||||
\c 31
|
||||
\s1 Xau rurure bededỹỹnana tulesỹ iriòreboho ituerenyre.
|
||||
\p
|
||||
\v 1 Filisteu mahãdu raõbinanyrenyre israelita mahãdu-wana Gilboa hãwalo bede-ki. Sõemy israelita mahãdu ituere tai, iuhetarihenyrenyre.
|
||||
\v 2 Filisteu mahãdu Xau rikyrawomyrenyre iriòreboho tule tá Jonatas rirubunyrenyre, Abinadabe tá Malkijuamy, Xau riòreboho wahe.
|
||||
\v 3 Aõbina heka inihikỹmy ròhònyre Xau weruramy. Tii iòludu mahãdu riwyhynyre tá inihikỹmy rawotõmore.
|
||||
\v 4 Ta weryrybò tebòna-di retyymyhỹre-ò rarybere: —Amayrehe bitamy ixinamy waki bojymy biwarubunykre filisteu mahãdu riwarubunymy wadi (risinyke) lau. Urile tahe werybybo sõemy ruberumy ratximyhỹ òraruki ta tamy tuu riwinykõre. Iòraruki ta Sau tamayrehele rimymy ta ixidi ityre rehure.
|
||||
\v 5 Ka Sau rexirubunymy tuu robireu, weryrybo tule tamayrehe tyre ixidi rehure ta tii wana tyhy rurure.
|
||||
\v 6 Kiamy ituerenyre Sau, tariòre boho iny inataõ boho-wana, weryrybo tule ibutumy isodadu mahãdu ituerenyre.
|
||||
\v 7 Israelita mahãdu kua weribi Jezreel weribi rahãwanyre bedeu Jordaõ bero txuòlòna weribi tuu robirenyre israelita sodadu rihenyrenyremy. Kiemy Sau tariòre boho-wana ituerenyre, iòraruki ta tahãwã ririrenyre rihenyrenyre. Taita filisteu mahãdu tamy dirahude ta tai rahãwanyrenyre.
|
||||
\v 8 Ijõ txuu aõbina sỹtynymy ta, filisteu mahãdu diòkesedenyde rubu mahãdu aõnaõna wiwihikỹ iribireny ritakremy, tahe Sau rubu-txi rekoare tule iriòre boho iny inataõ rubu-txi ijõmy rekoare Gilboa hãwalò-ki rurumy raòdònymyhỹ.
|
||||
\v 9 Tahe Sau rati riòròrenyre tule iaõbinana tyy iribi ijõmy ritarenyre. Irahudi tahe taijõrenyõ ijyy-di riteònyrenyre tasureny-ò, rybewahi widi riteònyrenyre tasu ritxoo dee tule tasỹreny mahãdu-ò.
|
||||
\v 10 Sau debona ta tadeuxureny heto-ò riderenyre Astaròtximy nidu tule iumy Bete-Seã hãwã uhuariò ritaarenyre.
|
||||
\v 11 Kaa Jabe-ki sỹdu mahãdu rieryreu, Gileade hãwã ludu mahãdu, filisteu mahãdu Sau rubu-di rarỹỹnyrenyremy.
|
||||
\v 12 Hãbu debure tai hãwadu mahãdu rexibutunyrenymy ta ramaxanyremy rureherehe idireny rare ihyy Bete-Seã-ò ritehemynyre. Ritarenyre Sau rubu uhuari weti-ribi tule iriòre iny inataõ boho, ixyby irubureny-di riòkeserenyre Jabe hãwa-ò taixe risõrenyre.
|
||||
\v 13 Tahe iti ributunymy rituunyrenyre tahãwareny-ki, òwòru rawo-ki. Tule tiiboho debo inatxi txumy rehareherenyre.
|
||||
38
issues.txt
38
issues.txt
|
|
@ -1,5 +1,3 @@
|
|||
Issues generated 2022-06-10 from C:\DCS\Karajá\kpj_reg
|
||||
------------
|
||||
Upper case book title in GEN header/intro
|
||||
Upper case book title in GEN header/intro
|
||||
Upper case book title in GEN header/intro
|
||||
|
|
@ -12,6 +10,7 @@ Missing verse between: EXO 25:12 and EXO 25:14
|
|||
Missing verse between: EXO 26:24 and EXO 26:26
|
||||
Chapter should have 37 verses: EXO 26:26
|
||||
Missing verse between: EXO 39:37 and EXO 39:39
|
||||
Verse fragment: LEV 11:15
|
||||
Missing verse between: NUM 3:9 and NUM 3:11
|
||||
Empty verse: NUM 5:28
|
||||
Missing verse between: NUM 7:87 and NUM 7:89
|
||||
|
|
@ -24,3 +23,38 @@ Empty verse: NUM 29:40
|
|||
Missing verses between: NUM 31:35 and NUM 31:48
|
||||
Chapter should have 56 verses: NUM 33:37
|
||||
Empty verse: NUM 34:2
|
||||
No non-English book title for DEU
|
||||
Empty verse: DEU 4:41
|
||||
Empty verse: DEU 4:42
|
||||
Empty verse: DEU 4:48
|
||||
Verse fragment: DEU 5:19
|
||||
Verse fragment: DEU 14:14
|
||||
Missing verse between: DEU 16:17 and DEU 16:19
|
||||
Chapter should have 22 verses: DEU 18:9
|
||||
DEU should have 34 chapters but 18 chapters are found.
|
||||
Upper case book title in JOS header/intro
|
||||
Upper case book title in JOS header/intro
|
||||
Upper case book title in JOS header/intro
|
||||
Upper case book title in JOS header/intro
|
||||
Missing verse between: JOS 2:14 and JOS 2:16
|
||||
Missing verse between: JOS 7:6 and JOS 7:8
|
||||
Missing verse between: JOS 8:27 and JOS 8:29
|
||||
Missing verses between: JOS 16 and JOS 16:10
|
||||
Missing verse between: JOS 17:11 and JOS 17:13
|
||||
Missing verse between: JOS 24:9 and JOS 24:11
|
||||
Upper case book title in JDG header/intro
|
||||
Missing verse between: JDG 9:48 and JDG 9:50
|
||||
Missing verses between: JDG 20:4 and JDG 20:7
|
||||
Missing verses between: JDG 20:24 and JDG 20:27
|
||||
Missing verse between: JDG 20:31 and JDG 20:33
|
||||
Upper case book title in RUT header/intro
|
||||
Upper case book title in RUT header/intro
|
||||
Upper case book title in RUT header/intro
|
||||
Upper case book title in RUT header/intro
|
||||
Chapter should have 22 verses: RUT 1:23
|
||||
Missing verse between: RUT 4:11 and RUT 4:13
|
||||
Missing verse between: 1SA 2:12 and 1SA 2:14
|
||||
Missing verse between: 1SA 6:18 and 1SA 6:20
|
||||
Missing chapters before: 1SA 17
|
||||
Missing verses between: 1SA 17:13 and 1SA 17:39
|
||||
Missing verse between: 1SA 20:12 and 1SA 20:14
|
||||
|
|
|
|||
|
|
@ -24,8 +24,8 @@ dublin_core:
|
|||
creator: 'Unknown'
|
||||
relation: []
|
||||
publisher: 'Wycliffe Associates'
|
||||
issued: '2022-06-20'
|
||||
modified: '2022-06-20'
|
||||
issued: '2022-06-22'
|
||||
modified: '2022-06-22'
|
||||
version: '1.1'
|
||||
checking:
|
||||
checking_entity:
|
||||
|
|
@ -75,3 +75,24 @@ projects:
|
|||
sort: 6
|
||||
path: './06-JOS.usfm'
|
||||
categories: [ 'bible-ot' ]
|
||||
-
|
||||
title: 'Wahisidÿÿdu mahãdu tyyriti'
|
||||
versification: 'ufw'
|
||||
identifier: 'jdg'
|
||||
sort: 7
|
||||
path: './07-JDG.usfm'
|
||||
categories: [ 'bible-ot' ]
|
||||
-
|
||||
title: 'HUTXI - RUTE'
|
||||
versification: 'ufw'
|
||||
identifier: 'rut'
|
||||
sort: 8
|
||||
path: './08-RUT.usfm'
|
||||
categories: [ 'bible-ot' ]
|
||||
-
|
||||
title: '1 Samueli'
|
||||
versification: 'ufw'
|
||||
identifier: '1sa'
|
||||
sort: 9
|
||||
path: './09-1SA.usfm'
|
||||
categories: [ 'bible-ot' ]
|
||||
|
|
|
|||
|
|
@ -1,12 +1,17 @@
|
|||
# Karajá Bible conversion notes
|
||||
|
||||
## General
|
||||
|
||||
* Some book titles are upper case, some are title case. Should be consistent. Title case is generally preferred.
|
||||
* Corrected invalid usfm markers, missing spaces after verse numbers, and other USFM syntax issues.
|
||||
* changed \hd to \s or \s1
|
||||
* changed \aut fields to \rem aut ...
|
||||
* changed \dat fields to \rem dat ...
|
||||
|
||||
## Genesis
|
||||
|
||||
* _Part1.docx_ and _Updated_1.docx_ have almost identical Genesis content.
|
||||
* Assumed TYYRITI IÒRARUNA is the book title.
|
||||
* Corrected some usfm markers, missing spaces after verse numbers, and other issues.
|
||||
* changed \hd to \s
|
||||
* changed \aut and \dat fields to usfm remarks (\rem fields)
|
||||
* Added \q (poetry) markers where the text was quoted and clearly set off in the original, especially where the corresponding English verses are formatted for poetry.
|
||||
|
||||
## Exodus
|
||||
|
|
@ -73,3 +78,26 @@
|
|||
* Missing verses between: JOS 16 and JOS 16:10
|
||||
* Missing verse between: JOS 17:11 and JOS 17:13
|
||||
* Missing verse between: JOS 24:9 and JOS 24:11
|
||||
|
||||
## Judges
|
||||
|
||||
* There were some \hb markers as well as \hd markers in the text. I treated them both as level 1 section headings.
|
||||
* Between JDG 11:34 and 11:35 there is a phrase, "Tiihyyle iriòrere," which was preceded by a backslash. Not sure if it is supposed to be a section heading or part of 11:34. Left it as part of 11:34.
|
||||
* JDG 20:31 appears to be misnumbered as (a duplicate) verse 30. Fixed.
|
||||
* Missing verse between: JDG 9:48 and JDG 9:50
|
||||
* Missing verses between: JDG 20:4 and JDG 20:7
|
||||
* Missing verses between: JDG 20:24 and JDG 20:27
|
||||
* Missing verse between: JDG 20:31 and JDG 20:33
|
||||
|
||||
## Ruth
|
||||
|
||||
* Ruth 1 has 23 verses in this translation. Other versions only have 22 verses.
|
||||
* Missing verse between: RUT 4:11 and RUT 4:13
|
||||
|
||||
## 1 Samuel
|
||||
|
||||
* Missing chapters 9-16
|
||||
* Missing verse between: 1SA 2:12 and 1SA 2:14
|
||||
* Missing verse between: 1SA 6:18 and 1SA 6:20
|
||||
* Missing verses between: 1SA 17:13 and 1SA 17:39
|
||||
* Missing verse between: 1SA 20:12 and 1SA 20:14
|
||||
|
|
|
|||
Loading…
Reference in New Issue