kpj_reg/05-DEU.usfm

\id DEU
\ide UTF-8
\h Deuteronomy
\toc1 Deuteronomy
\toc2 Deuteronomy
\toc3 deu
\mt1 Deuteronomy

\c 1
\s1 Komy Moisesi rarybere Jordaõ bederoki
\p
\v 1 Kaa tyyriti Moisesi sõwemy rarybere Israeli mahãdu boho-ò riwinyre bede aõ ijoõhõkỹki tii heka roiremyhỹ Jordaõ bero txuòlòna weribi roiremyhỹre. Israeli ratximyhỹreny Jordaõ bero bede-ki, Suve hãwã iòhòmy ijõ weribi-ki Barã hãwã roiremyhỹre, ijõ-ki Rové hãwã roiremyhỹre, Labã, Hajerotxi, Jisaabe.
\v 2 Sinai hãwãlò ribihikỹle kia Kades-Baneia Hãwãhỹhỹ ribi waò sohoji reuròmy bede riwyrenyre kia riwyteya deuròsòna Edõ bede-ki hãwãlòhokỹki.
\v 3 40 wyrau ahãdu kia riwyrenyre bededỹỹnana israeli mahãdu ròhònyrenyre Ejitu ribi. Kia sohoji txumy debò sohoji reurò ahãdumy Moisesi rarybere tamahãdu-ò kia Deuxu-diwahinyde ibutumy tamyreny rarybekemy.
\v 4 Kia tahe rỹire Moisesi Seõ ribi rotare roobymy, tii heka iny rurumyhỹre ióló rare, tii Hesibõ hãwã-ki rasỹnymy raremyhỹ, Oke, Basỹ ióló Axitarotxi rasỹnymy raremyhỹ Kia Ederei-ki.
\v 5 Tiubo Israeli mahãdu Moabe suki roiremyhỹ, kia Jordaõ txuòlòna bero weribi-ki, tahe Moisesi riòrarunyre tuu rybe tamahãdu-ò Deuxu bededỹỹnanamy. Moisesi rarybere:
\v 6 —Tiubo Sinai Hãwãlò-ki ratximyhỹreny irawotyhykile, tahe Deuxu iny Deuxureny kawesemy rarybere inydeereny: Kaiboho tai sõwemy kahãwãlòki bede teijetenyte
\v 7 Katahe wiji biòlònykre ka ribi biriranybenykre ka hãwãlòhòkỹ-ó rubuhohokỹ-ò weribi-ò bede-ò kia ibutumy bede bede-ki iòhòmy rỹira wahe tibo Jordaõ bero weribimy rỹimyhỹre wabe, kia hãwãlò weribi-ò kia Judá hãwãlò weribi ribi kia bede tamy resemyhỹmyhỹre kia Mejitehỹnio bero nihikỹ weribiwahe. Eusanareny biwinybenykre ibutumy asureny kanaỹ suu wahe kia Líbano hãwãlòòhỹkỹle wahe, tule bede tòteehekỹ weribi kia Eufaratxi bero nihiỹhỹohkỹle wahe, kia txuòlòna.
\v 8 Kia heka suu jiarỹ adeereny rewahinyreri, kia Deuxu Abraaõmy ròbyre, Isaki kia Jakò wana, kia juhuna ludu mahãdu ki ariwahinykre, suu tamyreny tule ariwahinykre iriokòreriokòre-ò. Tai tahe boibenyke bimybenyke beysabenyke iweribi.
\s1 Moisesi ritare tawiòdỹỹdumy
\v 9 Moisesi ixybyle rarybere tamahãdu-ò: —Tiubo tai ratximyhỹre Sinai hãwãlò rawotyhykile, jiarỹ rarybere adeereny: Jiarỹ ixisohojityhyle adireny arirònyõkre.
\v 10 Deuxu, iny Deuxureny  timybo riwinyre inydeereny ixiòlòdỹỹna wiji tahe taina biura wetyy wesemy ratximyhỹrenyre sõwemy.
\v 11 Aõbo tahe Deuxu Tii Deuxu ihetxina mahãdu Deuxureny, asõwerenykre tibo butu ribi mili bededỹỹnanamy asõwerenyre ibutu ribi ratximyhỹre wiji tii reàlàmyhỹre, tuu rarybere mana!
\v 12 Tahe timybohe jiarỹ aratxike ixisohojityhy ariòludunykre iutxietyhy ariywinykre ibutumy aõbo ibinabina ibutumy ibina rohònymyhỹre ayreny-ki wahe!
\v 13 Tai tahe iny sohoji sohoji aixỹjunareny bitabenyke hãbu bedeeryhykỹõ, ibedeerytyhy tamahãdu tamahãdu wedumy bitakre aijoi mahãdu yribi tai arisỹnykre awedurenymy rarekremy
\v 14 Moisesi ritõranyre: —kai boho terawyònytenyte: tuu wadeereny tarybete mana awimy ariwinyrenykre.
\v 15 Tai tahe remyre hãbu tyhyhykỹ iny sohoji sohoji Yribi wahe, hãbu bedeeryhykỹtyhy tule iaõerytyhyhykỹ, tahe resynyre awedurenymy. Ijõ hãbuõ tahe òludutyhymy hãbu sõwehekỹdi 1.000-my itxeredumy, ijõ tahe 100-my ijõ 50-my, ijõ debòwiòmy. Kia ribi tahe jiarỹ retare hãbu mahãdu Yribi hãbu òbiti iny sohoji sohoji Yribi.
\v 16 Kia txuutyhyle tahe aõhõkỹmydỹỹna hãkỹó ibutumy idi rehure bede binabina-ò kia ibutumy, ijõ hãbu inatxi Israeli mahãdu, ijõ hãbu Israeli mahãdu tule hãbu sohoji bede webròhòkỹ mahãdu imahãdurenyyki rasỹnymyhỹre wahe.
\v 17 Awimy òbitihikỹmy aõbo riwinykre riywinymyhỹre òbitimy. Biywinybenyke ibutumy wiwesehyyle hãbu óbiti wana wiwesehyyle tule hãbu ruruterehekỹmy rỹira. Brebuõmy inyõ lau, kia biwahinybenybenykre kaiboho bobibenykre sõwe kodoidenykre Deuxu ribi. Kia inyõ isiramy tai rahakeki kia adeereny bididybenyke wadee tahe tamy adiwahinykre bedebinahakỹ.
\v 18 Kia wesemy heka juhuu rewahinyure bededỹỹnana òbitihyymy kia tyhyna ibutumy aõbo kaiboho biwinymy boibekre.
\s1 Israel aõerysydutyhy kanaỹsu-ki
\v 19 Moisesi tule rarybere tamahãdu-ò: —Inyboho rityhynyrenyre Deuxu rybe ywina iny Deuxureny wahe, tahe roirenyre Sinai hãwãlò ribi. Kaiboho tabitenyte tii ibỹỹreny inyboho tiubo rokoirenykre rubu hãwãlò bede-ò. Iònanatxu tahe tamy inyboho ritehemynyre Kade Baneia hãwã-ò wahe.
\v 20 Kiaki tahe jiarỹ adeereny rarybere: Wiji tahe inyboho ratxirenyreri rubu hãwãlò bedeki wahe, kia suu iny Deuxureny inydeereny riwahinyre-ki wahe.
\v 21 Tai tahe boibenykre tahe asurenymy bimybenykre kia akoreny roire wahe aryrerenyki, Deuxu ribi wahe, tii Deuxu juhuludureny wahe,-diwahinyde. Breburenyõmy ilau tule brebutyhyrenyõmy.
\v 22 Tai tahe kaiboho ibutumy taditehemynytenyte wabireòtyhyle tahe tarybetenyte: Kia weseiny awire inykorenymy kadiwahinykremy inyõhãbuõinyworenymysuu kidiwahinydenykre kia tyhyna bedeeryna rydi rokoirenykre kia hãwãhakỹ ribi itxi rekoarenykre tai.
\v 23 Jiarỹ retyhynyrenyre iraykywydyna tahe retare waòinatxi  reurò hãbumy iny sohoji sohoji iyreny ribi.
\v 24 Tiiboho roirenyre kia hãwãlò bedeòhòkyle wahe tamy retehemynyre Esikou bede-ò wahe. Tuu robirenyre  ribi wahe aõ tai rỹire.
\v 25 Tiiboho-diòsedenyde,-diwydenyde bederatyõ kia itxi rekoarenyre ibede-ki. Tahe tuu relyyrenyre kia Deuxu suu riwahinyremy, iny Deuxureny riwahinyre inydeereny awihikỹmy.
\s1 Moisesi israel mahãdu derare
\v 26 Tahe kaiboho tetyhynytenyõte Deuxu Rybe ywina tamyhe asurenymy su tahõtinyõhyytenyte.
\v 27 Aõheki tai taritenyte uri hetoki tarybetenyte tuu. Kia Deuxu tahe raykaranyre inymyreny tiiboho-didydenyde Ejitu ribi rokòõnodỹỹnymy rokoirekremy tule rikituerenykre rubu binamy.
\v 28 Aõrewe kaa suu inyboho ritarenyre. Inyboho ruberurenyre tiubo inyoludureny raryberenyreu kaa mahãdu sỹdu sõwemyhe rexijuarenyre tule irurutererenyre iny iribireny tule ahãwãhãkỹreny ribi tiiboho sõwemy inihiỹtyhyrenyre biurawetyyòhòkỹle rehemynymy roiremyhỹre. Tule raryberenyre tai tuu robirenyre hãbu ixiòlòdỹỹhỹkỹmy.
\v 29 Tahe rerawyònyre: Idireny breburenyõmy ilau, brebuhukỹtyhy norenoõmy ilaureny.
\v 30 Tiu Deuxu iny Deuxureny, inydireny retehekre tule tii inyyrenyki ratxikre. Tii kidiwykre wesetyhyle tiubo tuu tabitenyte wesetyhyle Ejitu-ki ròhònyre wesetyhyle làhàna-di.
\v 31 Tule bede bede aõ tai ijõõhòkỹ-ki. Kai boho tuu tabitenyte timybo iny Deuxureny bede aõ tai ijõõhòkỹ-ò ridyrenyre, iny tyby ridymyhỹre wesetyhyle tariore, inydireny retehere tuhyy tiubo tamy inyboho kia bede-ò ritehemynyreukỹle kia bede-ò.
\v 32 Tahe kia hãrele kaiboho tetyhynyõhyytenyte, iny Deuxureny
\s1 Israeli mahãdu-ò aõhõkỹmydỹỹnanamy
\v 33 Tii heka aworeny-ki hyy ratximyhỹre kia heòty ritidimyhỹre bede lururuu, kia nonoe tasỹ txumy ritidimyhỹre. Tii heka riwinymy raremyhỹ deòsidỹỹnamy kaiboho titxibo uri asỹreny biywinybenykemy tule rydi betehemy rydi boimahãbenykemy.
\v 34 Arybereny Deuxu roholareu tahe kiamy ritidire
\v 35 Uritre kaa israeli bina bina mahãdu suu alabireny-ò rarybere ariwahinykre heka tiu rirònynytyhy kaa mahãdu wahe. Jiarỹle tuu ritidire dori. Su-ò tiu rironyõtyhy.
\v 36 Mytahe ararybekre Moma heka Kalebi Jevone riore heka ixiery su-ò rironyrenykre dori tamy ariwahinykre suwihikỹ tii taile ralokre idi rariakre tii dori Tawo ribile heka Deuxu rityhynyre.
\v 37 Tai Moisesi rarybere: —Deuxu tayaranadi wadee reare teramy reare jiarỹ araloõkremy suu-ò rarybere. Aòrarurenykile dori Deuxu watyre rehure tayaranadi.
\v 38 Tahe Josue awiòhedỹỹdu, Nu riòre suu-ò ralokre. Idi awimy matxibenykre tii heka Israeli mahãdu wana ralokre su-ò, tiile aradinodunyrenykre ritarenykremy.
\v 39 Juhu ariòrereny wetxumy ratxirenykremy tarybetenyte heka tiiboho su-ò rironyrenykre. Tamyreny kiasu ariwahinykre tiiboho taile rasỹnyrenykre tai.
\v 40 Katahe, wiji kaiboho tahe boòsebenyke bederahu ribile berosò ry-ò boibenykre!
\v 41 Tai tahe tarybetenyte:—Deuxu-ò raòrarunyrenyre tai araòwònyrenykre
\v 42 noõrenyõmyke tule aõhõkỹmydỹỹnana wotxi ròterenyõmy aõtxile kaibohoõ wahe jiarỹ dori awanareny aratxiõkre, tahe kia aòludureny ròtarenykre.
\v 43 Kia tahe kaiboho aõ wadee teteòsinyõhyytenyte ierysyna. wese aõkõ, tahe xiwede-di tỹxihikỹle ratximyhỹreny ritynynyrenyõre Deuxu òbitina, tahe Deuxu tamyreny rerire hãwãlò mahãdu-ò.
\v 44 Tai rubu mahãdu rasỹnyroiremyhỹmy rohònyrenyre aribireny hitximy, kia bidiy deburehekỹ wesemy. Kaiboho tahenytenyte, tahe rubu mahãdu roirenyre Edõsyòhòkỹle tahe rihurenyre Oma hãwã.
\v 45 Tai tahe kai boho boòsebenykre tuu reàlàrenyre tamy reixitòenyrenyre Deuxu riwiòhenanyrenykremy, tahe timy tamyreny aõ ritidiõhyyre timy rirawyònyke aõkõ.
\v 46 Iribi tahe kai boho sõwemy bede rijerenyre Kajiki.
\c 2
\p
\v 1 Moisesi rarybere tamahãduõ:—Tahe roirenyre tanonareny ritõranyrenyre kia aõ tai ijõõhokỹ weribi kia heka roimyhỹre bero tai rironyre weribi-ò. Deuxu heka wadee ritidire òbitina. Kia tahe sõwemy bede riwyre ririranyrenyre timy aõdi aõkõ roirenyre Edõ hãwãlò weribi-ò.
\v 2 Tahe Deuxu wadee rarybere:
\v 3 —Tahe kai bede sõwemy reijerenyre tule kaibohoteriranymy toitemãhã aõ iteòsidỹỹnyõhõkỹdi. Katahe wiji boibenykre bede tótee weribihikỹ-ò.
\v 4 Deuxu wadee riteosinyra tahe piary tamypreny rarybere: kaboho Edodi bekoabenykre tii aseriore woldu roerenyre Ejau riokoriokore wahe. Tiiboho sowemy ruberurenyre alaureny tahe urile bexiijehenykre.
\v 5 Uriteri kaiboho tamyreny rybirenyomy ijesumy. Kia wseki tahe pary tiu isureny yreo adeireny ariwahinyonytehy. Kia wseki tahe pary tiu isureny yreo adeireny ariwahinyonytehy. Kia Esau riorerioreo dori sewo rewahinyre toda suo wahe,
\v 6 Kaiboho ijodirakre rsyna obradyy irbireny tule bemy burubenykre tule.
\v 7 Ohotireny reakre Deuxu-txi, iny deuxureny-txi realatyhyre aobo ebutumy kaiboho tewnytenytemy. Tii tiu tõhõti rusao hyyre arbireny habu inatxiwamy teriranymy tortemaharbi kia ao tii ijoohoky sudi wahe. Tii heka soomuy araywi nyrenyre, ebutumy aomybo tarumy toitemaha riwahinymy adeereny raremyhy.
\v 8 Kawesemy heka inyboho edõdi ibutumy riròranyrenyre, ririrenyre ryy kia elatxio tule Ejion Jeber-di ramyhyre wahe kia rubu ahu beronihiky ry tule kia ryy ramyhyre Moabe aõ tai ijoohokỹ ry wahe.
\v 9 Deuxu tahe rarybere wadee: uritere Moabe mahãduõ aõ iwidỹỹrenyõmy kia dori Lò riòrerioreõ roire, tule tiiboho wana ijesurenyõmy. Tahe jiarỹ Ar hãwã ariõkre tamyreny tahe timyhe ijõ iyremy adeereny ariwahinyõtyhy isureny yreõ.
\v 10 Ihetxiu heka txuradỹỹna sõwetyhyre ixiòlòdỹỹhỹkỹ tule ruruterehekỹ, kia Emi inirenyre, Ar ki heka rasỹnymy roiremyhỹ. Tiiboho heka irarietyhyre Anaki wese, ijo ixiòlòdỹỹhỹkỹ ruradỹỹna.
\v 11 Anaki wese tyhyle tule Emi roiremyhỹ lobixinamy Hefai wese tyhyle; Moabe tahe raninimy Emimy raremyhỹ.
\v 12 Juhu bedeu tahe horeu Edõ-ki rasỹnymy raremyhỹ; tahe Ejau riòreriòre woludu ritarenyre iribi, tiiboho rahurenyre tahe tai isurenyki rasỹmy roiremyhỹ. Ejau riòreriòre woludu, mahãdu iwesetyhyle riwinyrenyre kia Israeli mahãdu riwinyrenyre kia iribi riwinyrenyre tahe tiubo Deuxu  isurenymy riwahinyre tasurenymy rimyrenykremy idi riywinyrenykre.
\v 13 Iribi tahe reuròrenyre Zereji bero-di, Deuxu tamyreny-diteònyde mynadi.
\v 14 Kia tahe hãbu umy sohoji weere debò inataõ kia Kade-Baneia ribi riòlònyrenyre ribi wahe. Tuhyy kia beòra roimyhỹre kia rỹireu Deuxu tamyreny ritidire ituerenykremy kia iriòreriòre woludu wahe kia tibo raumynymy rỹire rirahukre aõbinamy.
\v 15 Deuxu tahe iòludurenymy resure tahi rahurenyre timyhe ijõreny rohonyõhyyre ijõ sohoji israeli yribi uri heto-ki.
\v 16 Kia ibutumy hãbu mahãdu rubu roobymy.
\v 17 Tahe Deuxu wadee rarybere.
\v 18 —Makre wiji tyhyle Ar hãwã-di, kia Moabe ribihikỹdi.
\v 19 Tiubo behemykreu amonita hãwãõ, kia heka Lò riòreriòreõ roire, tahe tamyreny aõ widỹỹõmy, tule tiiboho wana ijesumy tamyreny aõ widỹỹõmy, tule tiiboho wana ijesumy nohotirenyõmy. Jiarỹ ariwahinykre tamyreny aõno su wahe tiu ariwahinyõtyhy adee timy isu reny yreõ.
\v 20 Kia bede heka raerymyhỹre tule kia Hefai su wahe, kia dori hãbu ixiòlòdỹỹhykỹ jurana heka juhuu rasỹnymy tai roiremyhỹ; amonita rininimy sãsunimy raremyhỹ.
\v 21 Sõwemy iribireny rohonymy rỹiramyhỹ, kia heka irariehekỹ roiremyhỹ tule iruruterehekỹ roire, anaki wese tyhyle. Deuxu rahure sãsumi mahãdu, tahe amonita ibederenyki rasỹnyrenyre tule tai rasỹnymy roiremyhỹ.
\v 22 Deuxu tai riwinyre kia Edõ mahãdu ruxetòena wesetyhyle tiiboho dori Ejau riòreriòre woludu riòre; tii rahure horeu mahãdu, kia tahe Edõ mahãdu rasỹnyrenyre isureny-ki wiji dori tai hyy rasỹnymy rorukumyhỹrenyre.
\v 23 Kreta riwinyrenyre wesetyhyle, tahe tiiboho riòlònyrenyre kreta bedebute-ribi, Avi hãwã mahãdu-ó raaõbinanyrenyre, ahu beronihikỹre mejitehỹneo weribiki, tahe roirenyre bede jutahaky weribi-o kia Gaza hãwãõhikỹle krete mahãdu tahe rexihurenyre tahe Avi mahãdu tai rasỹnyrenyre ihãwãrenyreki.
\v 24 Iribi tahe reuròrenyre Moabe-ò, Deuxu tahe rarybere: Tuhyy boibenyke ruruterehyy beurobenyke Amo bero-di tahe jiarỹ akireny aririkre tahe mahubenykre Seõ mahãdu, rubu wedu wahe, tai rasỹnymyhỹrenyre. Hesibõ hãwã-ki wahe. Besubenykre Seõ iòludurenymy tahe isureny bitabenykre.
\v 25 Tahe Deuxu wadee rarybere: —Wiji tahe jiarỹ ariwinykre aõbo ibutumy bedebedemy rỹira mahãdu-ò ijõdire brebu alau. Kai heka awi itỹnyhỹkỹmy mabekre, tiubo atyhynamy rarybekreu roholakre atyhynamy, tahe ibutumy ruberurenykre, kia tahe ramytatarenykre brebumy.
\s1 Israeli mahãdu Seõ wedu-ribi rotarenyre
\v 26 Moiseisi ritõranyre rarybere: —Kia aõ ijõõhõkõki kedemate ratximyhỹreny ribi rewahinyre inyõ rybehidỹỹdu kia bededinõdu riwykeki Seõ-ò, kia Hesibo hãw-ki rasỹnymyhỹre, riywinywihikỹmyhỹre awimy, kawese iaõdimy.
\v 27 Rexitòenyrenyre làhàmy ihãwãrenydi roirenykemy. Retidirenyre sohoji rydihyy roirenykemy, iribi ixitarasaõlemy;
\v 28 Tule kia remyrenyre byrena tule mona kia tuu rarurenyremyna. Kia ii sohoji aõmydỹỹnamy rarurenyre kia làhàmy ihãwãrenydi aroirenykemy.
\v 29 Kia jordaõ beroòhòkỹle aritehemynyrenykemy. Tahe reuròrenyrakre bero Deuxu su ròtenadi, iny Deuxureny wahe, inyboho riwahirenyre. Ejau riòreriòre, Edõ-ki hãwã-ki rasỹnymyhỹre, kia moabita mahãdu tule, Ar mahãdu tai rasỹnymyhỹre, tahe  inydeereny rewahinyre làhàmy isurenydi rokoirenykemy.
\v 30 Kia tahe isureny wedu Seõ riwahinyõhyyrenyre, tahe Deuxuhe, iny Deuxureny, riwinyre Seõ raberaruteremy ratxikemy tule ibinahakỹmy. Kawesemy heka Deuxu riwinyre inyboho iribireny rotarenykemy ihãwãreny wedu Seõ ribi wahe isureny ribi wahe, wiji bedemy inydeereny roimyhykemy.
\v 31 Tai tahe Deuxu wadee rarybere “Beteheke” jiarỹ heka adee ariwahinykre Seõ ribi botakre; aõwese tyhyle aõhõkỹmy bisỹnykre tahe asumy isuremy bimykre.
\v 32 Seõ tahe rohonyre taxoladu mahãdu wana rexirenykremy inyludurenymy inyhãwãreny Jasa hãwã òludumy.
\v 33 Kia Deuxu iny Deuxureny inydeereny riwahinyre tarasana, inyboho rotarenyre Seõ-ribi, iriòre boho-ribi tule ixoladu boho-ribi.
\v 34 Iribi tahe kia rotarenyre tule rehurenyre ibutumy ihãwãreny tule reruburenyre ibutumy hãbu mahãdu, hãwyy tule mahãdu tule uladu mahãdu. Inyõ sohoji heka rahenyõhyyre.
\v 35 Tahe ibrorenirenydi inyboho remyrenyre tule iaõmydỹỹnareny òwyhykỹdi kia ihãwãrenyki itxi rekoarenyre wahe.
\v 36 Tahe Deuxu, inyDeuxureny inydeerenyhe ritidire rokotarenykremy ibutumy hãwãhãwã ribi, kia Ahoe bedeuhukỹle wahe, tii heka Arano bero iòhòki roimyhỹre, kia Jileaji bedeòhòkỹle rehumymyhỹre inyboho rotarenyre ibutu hãwãhãwã ribi, kia iòtity rariehekỹ ijõdi hãrele wahe tule.
\v 37 Amo hãwã-ò tahe rerirenyre, tule jaboque bero hãwã weribi-ki roimyhỹreò aõhõkymy resỹnyrenyõre, tule hãwãlòhòkỹ kia bede toiõhyytenyte. Tule ijõ kia Deuxu, inyDeuxureny, inydeeny ritehire wahe.
\c 3
\s1 Israeli mahãdu rahurenyre Oki wedu wahe.
\p
\v 1 Moiseisi rexinoranyre: —Iribi rokoirenykre Basỹ bede weribi tii roimyhỹre bede tòteehekỹ weribi. Kia Oki, Basã wedu, rohonyre taxoladu mahãdu wana inywanareny resurenykremy Edrei hãwã oludumy.
\v 2 Tahe Deuxu wadee rarybere: —Brebuõmy jiarỹ dori adee ariwahinykre kia mahukre Oki mahãdu ixoladu mahãdu wana, tahe kai isuereny asumy bimykre. Kai sõwemy tarasanahakỹ-dikre kia seõ oludumy tesutenyte wese rubu mahãdu wedu wese, kia Hesibo hãwã-ki rasỹnymy roiremyhỹ.
\v 3 Deuxu iny Deuxureny, riwinyre iribireny raotarenykremy Oki ribi tule ixoladu mahãdu ribi, tahe inyboho rirubunyrenyre ibutumy timyhe ijõreny irumy rariõhyyre.
\v 4 Tule inyboho ròtarenyre ibutumy Arkobe hãwã ribi, Basỹ su heka roimyhỹre Oki-ò heka  \f +
\fqa Oki iòlòna heka  \f* resemyhỹre suu. Kia hãbu umy inataõmy hãwã heka ibutumy.
\v 5 Ibutumy heka òtity rariehekỹdi riwinyrenyre  \f +
\fqa rahurenyre  \f* tule ijòtòbòna wihikỹdi. Inyboho ròtarenyre tule sõemy Hãwã Hãwã tibo iòtityõmy  \f +
\fqa iòtytiõmy  \f* rỹira  \f +
\fqa roire  \f* ritarenyre.
\v 6 Inyboho rahurenyre tule rerubunyrenyre ibutumy hãbu mahãdu tule hãwyy mahãdu, uladu tulere, iwse inyboho Seõ-ò riwinyrenyre wesetyhyte aõbinahãkỹ iòludurenymyny resureny wesetyhyle, Hesibo wedu wahe.
\v 7 Tahe inyboho ibrorenirenydi rarirenyre  \f +
\fqa rewinyrenyre | remyrenyre  \f* tule iaõmydỹỹnarenydi tibo iòwyhykỹmy rỹira ihãwãrenyki itxi rekoarenyre wahe.
\v 8 Kawse heka rotarenyre juhu bdeu isureny inatxi wedureny ribi wahe kia ibdereny rubu ribi wahe kia Jordaõ txuòlòna weribihikiỹ weribi wahe, kia Armon bero bedeu kia Ermõ hãwãlò òhòkỹle wahe.
\v 9 Xidônios Ermõ hãwãlò rininimy Xiriõmy wahe tule rubu mahãdu tahe rininimy Xewimy.
\v 10 Retarenyre ibutumy hãwãhãwã bde ratòòhòkỹmy ibutumy Jilegi bdebde ribi tule Basỹ, kia Saòka hãwãhãwã bde ribi hikỹle tule Edrei, kia Basỹ txuòlòna weribi mahãdu ribi.
\v 11 Oke, Basỹ wedu, kia wedu ionanamy iruruterehekỹ raninimy hefaimy raremyhỹ. Itỹhina womatitybysira hakỹdi riwinyre inaubiòwa urihixinamy irehe iwebse tahe sohoji urihixina debò inataõ nihikỹmy kia urihixina heka tule widee riywinymy roiremyhỹ juhuu. Kia tỹhina heka Habà hãwãki riurehyymy roiremyhỹ, Armõ bde webròhòkỹki tule.
\v 12 Moiseisi ritõranyre: —Kia tasureny tnyna riwinyrenyre  \f +
\fqa remyrenyre  \f* ribi txuòlòna bero Jordaõ, rewahinyre Hubi ixỹju ixỹju tule Gaji kia ibdereny bde onanahãkyki Aroeki roimyhỹre, Arno bero bira bdeki, tule Gileaji hãwãlòhòkỹ bde iere-my, kia hãwãhãwã tule.
\v 13 Kia Mawaxe ixỹju txuramy tahe rewahinyre uihe Gileaji-ò tule ibutumy Basỹ bede-ò,  titxibo Oki wedu raremyhỹò, kia rare, Argobe suu rare. Kia suu ibutumy Basỹ bde ibutumy eryna rare kia suu Hefa~i wahe.
\v 14 Jai, heka Manase riòre riòre rare, kia ritare ibutumy Argobe bde kia rare, Basỹ kia Gesu tule Maaka bdebde-ò hòkỹle wahe. Tii ritidire tani hãwã-ò wahe, wiji dori tii raerymyhỹre Jai hãwãmy.
\v 15 Jiarỹ rewahinyre Gileagi bdeò Maki sỹ mahãdu-ò.
\v 16 Hubi ixỹju mahãdu-ò tule Gaji-ò rewahinyre suu kia juhu bdeuhukỹle wahe Gileaji bede-ò kia bde onana-ò ramahỹre-ò wahe Arno bero ramyhỹre òhòkỹle wahe; ieresyna tahe kia ityaki roimyhỹre. Tahe isureny roimyhỹre bde onanahãkỹki tahe ramyhỹre Jabuki òhòkỹle bero òhòkỹle wahe, kia roimyhỹre amonita suu ròtena weribihikỹki.
\v 17 Kia txu ròtena weribiò tahe isureny Jordaõ bero òhòkỹle ramyhỹre, kia Galileia ahu bdeuhukỹle wahe, kia bde iraru weribihikỹò, kia rubu beronihikỹ òhòkỹle wahe, tule bede ibòò weribihikỹò, kia Pisga hãwãlò òhòkỹle wahe, kia txuòlònaò.
\v 18 Kia wse-my heka rewahinyre Hubi ixỹju mahãdu-ò wahe tule Gaji kia txuramy tahe Manase ixỹju txuòlòna weribiò ywi-my: “Deuxu inydeuxureny, tahe riwahinyre kaa suu Jordaõ bero txuòlòna weribiò, kaiboho tahe biywinybenykre asurenymy. Wiji tahe hãbu mahãdu bimybenykre ebònareny tahe arawiòhenanyrenykre tahe biywibenykre asurenymy.
\v 19 Hãwyy mahãdu tahe, iladu mahãdu tule broreni jiaỹ reeryre kaiboho sõemy broreni ijõdirenyrenyremy —kaki matxibenyrakre ka hãwãki jiarỹ dori adeereny rewahinyre.
\v 20 Biwiòhenanybenyke kia awiòhedỹỹdureny kia tiiboho tasurenymy suu rimyrenykreu hukỹleta Deuxu, tamyreny kidiwahinykre Jordaõ bero txuròtena weribi roimyhỹre tai rasỹnyrenykrewy tai awimy awsereny kaiboho asurenyki tasỹnymyhỹtenyte wse. Tai tahe kaiboho biòòsebenykre tai masỹbenykremy jiarỹ adeereny rewahinyre kaa suu, Jordaõ txuòlòna wahe.
\v 21 Tule rarybere Josue dee tahe rarybere: “Kai tabite aõbo Deuxu riwinyremy inatxi awedurenyò, Xeõ tule Oki-ò. Iribi iwsetyhyle aõbo tii riwinyrakre kia wedu mahãdu-ò kia suu bdedỹỹnanamy kia kaiboho tamy bekoabenykre.
\v 22 Breburenyõmy ilaureny tii boreny dori, adeuxureny aknaijedenyrakre. Tahe kidiorarunykre tule kiditeòsinykre aruruterehekỹ tule arurunahãkỹ wadeewimy, kia eòdu mahãdu wana. Ijõ dori ijõõre iwitxira Deuxu wahe biu-ki kia bde-ki tule tue heka aõ ninikỹhykỹ tule awihikỹ tiu riwinyòtyhy kia kaiboho tewinytenyte wse.
\v 23 Kaa nohõwdynawihikỹ jiarỹ tule rexitòenyre adeuxureny-ò, kia Deuxu hãbunihikỹ-ò rarybere:
\v 24 Kia Deuxu hãbunihikỹ, kia Deuxu jiarỹ reeryre tii.
\v 25 Adee arexitòenykre kia wadee riwahinykemy Jordaõ bero-di areuròkemy idi aretehekemy su wihikỹdi tii ijõ weribi-ki roimyhỹre ibde heka awi rare hãwãlòhòkỹle rare tule Libano hãwãlò rare.
\v 26 Tahe aòrarurenykile heka Deuxu hãbunihikỹ wadireny ykaramy raremyhỹ wadee tahe riwarawyònaõhyyre waixitòedỹỹna. Iwitxirahakỹlemy tii rarybere: Ixãwira! Ararybeõtyhy tuu!
\v 27 Make Pisga hãwãlò-di iratyytyreribita bdeonanahãkỹdi betehekre tule bedeonanahãkỹ ibòò weribihikỹdi, tulesỹ txuòlòna weribihikỹdi tule txuròtena weribi-ò. Tahe betehekre ibutumy su-di, tahe uritere kai deuròsòõmykre Jordaõ bero-di.
\v 28 Josue dohodỹỹnaò boholakre; beysakre tule bexirurudỹỹnykre, tii heka Israel mahãdu wedu ratxikre kia suu ritare-di idi kaiboho tetehemahãtenyte.
\v 29 Tai tahe ixãwirenyre kia heka roimyhỹre Beti-Peo hãwã iòhòmy.
\c 4
\p
\v 1 Iribi tahe Moisesi rarybere Israel mahãdu-ò ywimy matxibenyke bdedỹỹnana mynamy ibutumy timybo jiarỹ rewahinyreri adeereny wiji, beysabenyke tule asureny-di beysabenyke Deuxu ruruterekỹ-ò, inydeuxureny wahe juhuludu-ò, riwahinykre heka adeereny.
\v 2 Tahe iijoidỹỹõmy bdedỹỹnana kia adeereny rewahinyre, iribi itararenyõmy rybeõ sohoji. Biyrubunybenyke ibutumy Deuxu riwahinyremyna, inydeuxureny wahe.
\v 3 kaiboho tyhyle heka tuu tabitenyte aõbo Deuxu ruruterehekỹ kia Peo hãwãlò iòhòmy riwinyre, timybo rirubunyre ibutumy iny mahãdu iny ijoireny tai tuu reàlàrenyre ideuxureny heka Bali rare.
\v 4 Tiiboho tahe ibitihyymy roiremyhỹ Deuxu dee, Deuxu ruruterehekỹ wahe, irulemy wiji ratximyhỹrenyre.
\v 5 Deuxu ruruterehekỹ wadeuxu, wadee riywinyre jiarỹ araerynanyre kia timybo bdedỹỹnaa roimyhỹremy tai tahe kaiboho biyrubunybenykre tiiboho dori asureny òraruki adeereny kanaaõbinanydenykre kia aijoirenyribile wahe.
\v 6 Tai tahe, boholabenyke awihikỹmy kia ibutumy bdedỹỹnana-ò wahe kawse heka ijõ mahãdu robirenykre kaiboho abdeeryhykỹmy tule abdeerytyhytyhyhykỹmy. Tiubo bdedỹỹna rybemy roholarenykreu tiiboho raryberenykre. Timybohe ibdeeryrenymy tule ibdeeryhykỹmy kia kamahãdu ijoi tyhyhykỹre roire.
\v 7 Ijõ heka ihoõre ijõ ijoi tyhyhykỹ ijõ ijõdire sohoji Deuxu ratximyhỹre aribireny iòhòmy aijoirenyribi kia Deuxu ruruterehekỹ iny deuxureny, kia inyribireny iòhòmy ratximyhỹre. Tii aõheki inyrybereny-ò roholarenymyhỹre ibutumy kia rexitòenymyhỹrenyre awiòhedỹỹnareny-ò.
\v 8 Ijõ aõbo ijõdire iwitxira ixỹju tyhyhykỹ kia ijõdire bededỹỹnana tule erydỹỹna ixiòbitimy timybo bdedỹỹna kia rewahinyreri adeereny rewahinyreri wiji?
\v 9 Tai tahe kia iòhãru rare kia òbitihikỹmy roirekre tiu heka tohotireny rusaõtyhy aõnaõnamy robirenyre ribi. Tu belyybenyke ariòrereny-ò tule ariokorereny-ò.
\v 10 Aõbo rohonyre Sinai hãwãlò-ki kia txuu kaiboho tai tatximyhỹtenyu Deuxu ruruterehekỹ tai ratximyhỹre iny Deuxureny wahe, tiubo tii wadee rarybere. “Bibutunybenyke ijoi mahãdu tai watxireriu aõmybo ararybekre-ò roholarenykremy, ionanau rieryrenykre tahe ramytatarenykre iumyreny ibutumy kia wse heka ariòrereny bierynanybenyke.
\v 11 Tai tahe kaiboho toitenyte tai tahe Sinai hãwãlò-ki matxibenykre, tahe inatyhyhykỹmy bdeluruhykỹdi rahetykre tule nonoe lybyhykỹdi. Hãwãlò ratyyki tahe ijõdire heòty, kia tahe adeereny irànareny biuwetyy òhòkỹle raòwonymy raremyhỹ.
\v 12-13 Kia txutye heòty roomyhỹu tahe Deuxu rarybere adeereny, kaiboho aõbo taholatenyte irybe-ò, tahe inyõ tuu robiõhyyrenyre; tahe urile arateòwarinyrenyre awihikỹbo awanareny riwinymy raremyhỹ tahe riwahinyre tibo debowiò-my bdedỹỹnana-diteònyde rityhynyre mahãdu-ò, iribi tahe riritinyre manadi itynymy roikremy inatxi-my.
\v 14 Kia ixitereribile tahe hãbutyhyhykỹ-diteònyde kia jiarỹ araerynanyrenykre bdedỹỹnanamy kia-diteònydeny adeereny tahe kaiboho biwinybenykre tuhyy su-ki tule kaiboho maaõbinanymy boibekre ixideewimy.
\v 15 Moisesi ritõranyre: —Tiubo Deuxu hãbutyhyhykỹ inydeuxureny rarybere adeereny heòty Sinai hãwãlò tya woribi, kaiboho timy tuu tabiõhyytenyte iwidỹỹnamy iny-ò dee. Tai tahe, bexiebenyke ijõdire ibutumy.
\v 16 Iwidỹỹõmy aõbinahãkỹ deòsidỹỹna bitynybenykemy tuu iwidỹỹrenyõmy aõtxile deosidỹỹna tibo aribiòtureny ratximyhỹre, tibo hãbu wse, hãwyy wse.
\v 17 Iròdu wse, nawii wse.
\v 18 Iròdu wse kia sumy ratiranymyhỹre, utura wse.
\v 19 Tahe tiubo reteherenyre biuwetyy-ò, tiu reseõmyhỹre txu-my deàlàna iyrenytxi, ahãdu aõbo tule taina aõbo tule. Tai tahe Deuxu hãbutyhyhykỹ inydeuxureny, txuu ritxuare wijuramy, ahãdu tule taina tulere tule ijõ mahãdu iny, tiiboho tuu reàlàrenykemy.
\v 20 Kaiboho dori iny toite Deuxu hãbutyhyhykỹ dori aratarenyre Egito-ribi, kia bse tòteehekỹ-ribi, kia dori ihõrõrenyhyy rare, timybo kia òbitihikỹ rare.
\v 21 Aõrarurenyki Deuxu hãbutyhyhykỹ wamy radònyre kia ritidire tiu jiarỹ bero Jordaõ-di areuròõkre-my, tule tiu aralòõtyhy suwihikỹ-ò Deuxu riwahinyre-ò, inydeuxureny wahe, inydeereny riwahinyreri.
\v 22 Jiarỹ heka tiu Jordaõ bero-di areuròòtyhy; kakityhyle arurukre. Tahe kaiboho beuròbenykre asureny wihikỹdi beysabenykremy.
\v 23 Bexiebenykre uritere nohõtilusarenyõmy kia Deuxu riwahinyre wihikỹ-ribi, inydeuxureny wahe, adeereny riwinyre ribi wahe. Bityhynybenyke ahõrõreny òbitimy uritere ewidỹỹrenyõmy aõtxile deòsidỹỹna deàlàna.
\v 24 Tai tahe Deuxu inydeuxureny heka heòty rare aõnaõna hududu wahe; tii heka iwitxira deàlàna tamy ijõõhyyre.
\v 25 Tahe inatyhymy beòrabeòra sõwemy ihetxina Kanaã su-ribi, tiubo kaiboho tai matuari-my toitemyhỹ tai ariòrerenyboho tai roiremyhỹ tule ariokorereny, aõbo ibina ewidỹỹrenyõmy aribirenyõtureny rỹira. Deuxu-ò ibina rỹira wahe kia heka òraruna binahãkỹ rare, tahe tii sõwemy umyreny radònykre.
\v 26 Tahe biuwetyy su-ò aryrykre tiiboho adireny itxiredumy ratxirenykre aòludurenymy; kia tetynymyhỹtenyte iwitxira, kaiboho bexihubenyrakre su-ribi tahe ahõrenymy adeereny rarekre kia Jordaõ bero weribi-ò. Kaiboho matxibenyrakre ibutemy bde biibenykre su-ki tahe aõwsele rahukre.
\v 27 Tahe hãbutyhyhykỹ Deuxu riubtỹnykre kia bedewebròwebrò iny-my, kia titxibo kaiboho ibutemy aru-my matxibenyrakre.
\v 28 Kia iny mahãdu kaiboho oworu ritxoomy deuxu-my òbitimy aõkõ beàlàbenykre tule mana ritxoomy beàlàbenykre, kia kanaõtyhy roholaõtyhy, riroxiõtyhy, reasỹnyõtyhy.
\v 29 Kaiboho biijebenyrakre Deuxu, adeuxureny reakre tahe araòryrenykre ibutumy telesõ tule ibutumy atyytybyreny.
\v 30 Kia biu-ò tiubo kaiboho isiratyhymy matxibenykreu, ibutumy tahe kia rỹikre tahe kaiboho ixyby bidiokesebenykre wana Deuxu dee inydeuxureny ritynyrenyre kia bdedỹỹnana.
\v 31 Tii heka riixawididỹỹnyõkre tii dori Deuxu aõbinabina òrysyna rare tahe tiu rihuõtyhy, tiu ritusanyõtyhy awihikỹ aõbo riwinyre iny koludurenymy rohonyre aõbo rityhynyre òbitimy.
\v 32 Ihetxina-di matyyritibenyke ibutumy juhu ihetxina ijyy iny widỹỹna. Mariabenyke ibutumy bdebde-di tahe myỹraxibenyke inyõ aõbo tuu robire tule aõbo roholare irybeõ aõbo juhuu rỹireu ijõ aõtxile awityhymy rỹira.
\v 33 Inatyhymy aõbo inyõ tuu roholare, tuu roholare-ribi kia sohoji Deuxu heòty tya woribi narybedemy, kia iru hyymy ratximyhỹre tuhyy, kia timybo rỹire adeereny?
\v 34 Inatyhymy aõbo kia sohoji Deuxu-my ratximyhỹre tii heka riywinyre iyrehoji Deuxu-my ratximyhỹre tii heka riywinyre iyreny-ribi ritakre-my sohoji iny iribireny tyhyle, iwsetyhyle Deuxu inydeuxureny riwinyre adeereny? Kaiboho tuu tabitenyte iwsetyhylemy taruruterehekỹ riteòsinyre-my tule taruruna; tuu robirenyre iwsetyhyle, kia aõbinahãkỹ tya-ki kia tahe sõwemy awihityhymy; aõbina-ribi kia riwinyre brebunahakỹ, aratarenyre kaiboho Egito-ribi.
\v 35 Deuxu tahe ririre kia kaiboho tuu bobibenykemy timybo ibutumy matxibenyke-my kia hãbu heka Deuxu rare, tiu heka tiu iwitxira Deuxu ratxiõtyhy, tii heka tuu ratximyhỹre.
\v 36 Araerynakre Deuxu heka rarybere biuwetyy-ribi, suu-ki tahe tii adeereny riteòsinykre heòty tarurumy, kia kaa heòty tya-ki adeereny rarybere.
\v 37 Deuxu sõwemy juhuludu luu tyhyre tai tahe aratarenyre kaiboho, tii ixiòbitilemy, taruruteremy, aratarenyre Egito-ribi.
\v 38 Iribi tahe rare aorenymy, iny mahãdu ritamy sõwemytyhymy dori rexijuarenyre tule sõwemy iruruteretyhyrenyre aribireny, kawsemy tahe adeereny riwahinyre kia iny mahãdu su, tai tahe wiji tasỹnymyhỹtenyte.
\v 39 —Bierybenyke wiji tiu heka ohõtireny rusaõtyhy iribi; Deuxu sohojihyyle heka biurawetyy-ki runymyhỹre tai tule kaa su-ki iwitxira Deuxu heka iwse ihoõre.
\v 40 Tai tahe ibutumy roholarenykre bdedỹỹnana adeereny rohonyre-ò jiarỹ heka adeereny rewahinyreri wiji. Kawesemy tahe kaiboho tule atomoranareny awimy raharenykre teysamy tule sõwemy bde riwyrenykre awimy kia suu Deuxu riwahinyreki, inydeuxureny wahe adeereny kia riwahinyre tuhyy boibekre-my kia inyõ ribi tibo yarana tai ijõõre. Kia aõtxile hãwãhãkỹ kamy rỹira-ribi kaa hãbu rỹirakre iitxeredudi-my tiu heka inyõ rirubunyõtyhy.
\v 41
\v 42
\v 43 Hubi iny-ribi Moisesi ritare Beje bdelytyhykỹ-ki wahe, tule hãwãlòhãwãlò-ki; Gaji iny-ribi, tii ritare Ramotxi, Gileagi bde-ribi, tule naxe kia txuòlòna weribi iny ritare Golỹ, kia Basỹ bde-ki.
\v 44 Moisesi tahe riwahinyre Israel mahãdu-ò Deuxu bdedỹỹna wahe:
\v 45 Kia bdedỹỹnana erysyna òbitimy, kia rare iribi tahe israelita mahãdu Egito-ribi rohonyrenyre.
\v 46 Tahe tamy ritehemynyrenyre kia Beti-Peo iòhòmy roimyhỹre-ò Jordaõ bero txuòlòna weribi-ò wahe. Xeò su heka kia rare amoheu wedu heka rare kia heka Hesbo-ki rasỹnymy raremyhỹ. Moisesi kia israelita rahurenyre Xeò mahãdu.
\v 47 Tasureny deysana tahe riywinyrenyre. Tahe riwinyrenyre wsetyhyle Ogue-ò, Basỹ wedu-ò. Kawsemy tahe israelita raaõbinanyrenyre tahe suu ixidee ritarenyre kia inatxi amoheu wedu kia Jordaõ bero txuòlòna weribi roimyhỹre.
\v 48
\v 49 …Jordaõ bero txuòlòna weribi roimyhỹre.  … no weribi …
\c 5
\p
\v 1 Moisesi riteònyre iny mahãdu wiirubutunykemy tule rarybere kawsemy: —Israel mahãdu boholabenyke òbitimy kia bdedỹỹnana-ò-diteònyde kia reteònyreri adeereny wiji. Bierybenykre kaa bdedỹỹnana tahe biwinybenyke ibutumy kia bityhynybenykemy.
\v 2 Kia Deuxu inydeuxureny riwinyre sohoji ruxerahakỹ inydeereny Sinai hãwãlò.
\v 3 Raõre inytybyreny wana kia aõbo riwinyre tii kia awihikỹ tahe rare inywanareny rare, ibutumy inywanareny wiji tahe inyboho kaki irumy ratximyhỹrenyre.
\v 4 Heòty tya-ribi kia hãwãlò-ki Deuxu rarybere adeereny biwinybenyke kia biwinybenyke.
\v 5 Kaiboho taberutenyte heòty lau tahe hãwãlò-ò raòwònyrenyõre; tai tahe jiarỹ tamy rexitidire kia Deuxu-ò tule adeereny. Tahe tu rarybere.
\v 6 Wasỹreny jiarỹ Deuxu, jiarỹ adeuxu rare. Jiarỹ Egito-ribi aratare, tai su-ki iòwyõmy taaõmysỹdỹỹ kai tatemyhỹ.
\v 7 Uritere ijõ deuxu-ò ityhydỹỹõmy; jiarỹ sohojihyyta biwatyhynymyhỹ.
\v 8 Iteòsidỹỹna-ò uritere iwidỹỹõmy aõtxile ijõ biu-ki rỹimyhỹre, tule bdemy rỹimyhỹre, tule berahatxiwomy rỹira.
\v 9 Uritere atiowotimy ixeõmy kia itxỹte kotxi, tule ityhydỹỹõmy, jiarỹle tahe, Deuxu hab~utyhy jiarỹ heka adeuxu rare uritere iwitxira deuxu-õ tyhydỹỹõmy. Jiarỹ tamy ariwahinykre aõhykỹmydỹỹna kia wamy radònymyhỹre mahãdu tule ariòreriòreny aõhykymy arisnykre tulesỹ ariokoreriokoreny tule ariokoreriokoreriòreriòre.
\v 10 Tahe jiarỹ wawi rare tibo waluutyhymy rỹira mahãdu warybebdedỹỹnana rityhynymyhỹre kia sõwemy ywityhymy reywinywyhỹre ariòreriòreny sõwetyhymy ijõ atomoranarenyboho-ò.
\v 11 Uritere wani iurerenyõny kia dori tyhyna ritaõtyhy, tahe jiarỹ Deuxutyhy rare, adeuxureny wahe, tahe jiarỹ aõhỹkỹmy arisnykre tibo wanimy riwatyhynyõmyhỹre mahãdu.
\v 12 Xabdo-txu biyrubunymyhỹ, kia heka yrubudỹỹwihikỹ sohoji rare, jiarỹ Deuxu aditeònyde wahe.
\v 13 Biwinymyhỹ ibutumy aaõmysỹdỹỹna ibutumy deboo sohoji txu.
\v 14 Kia deboinatxitxu tahe elehyna rare, awimy waki rahamyhỹre, adeuxu rare. Uritere ijõ aõtxile aõmysỹdỹỹna iwidỹỹõmy itxuu, kai aõkõre, ariòrereny hãbu aõkõre, tule ariòrereny hãwyy aõkõre, tule eòdureny aõkõre hãbu wahe, tule eòdureny hãwyymy rỹira aõkõre tule airòduiròdu aõkõre, tule iwitxira bdewebrorò mahãdu rỹira kia bexielehynyke, tule eòdureny rexielehynyrenykre.
\v 15 Ohõti itxi reakre kai iòwyòmy aõ tewinymy tatemyhỹ Egito-ki wadee wahe tahe jiarỹ Deuxu, adeuxu wahe, anatade iribi waruruteredile tule waruruterehekỹdi. Tai heka adee rewahinyreri Xabdotxu biyrubunymyhỹkemy.
\v 16 Bityhynyke buòsana tule adiòsana wawse, jiarỹ adeuxu, jiarỹ reywinyreri, kia adee wahe irumy bedeòrabeòra riijemy, ibutumy tamy boibenyke kaiboho su-ki tatximyhỹtenyte wahe aõbo adee rewahinyre.
\v 17 Rubudỹỹõmy.
\v 18 Iwitxira hãwyy-ò aõtaõmy (abireludu hãwyy)
\v 19 Wasiõmy.
\v 20 Itxeredu binahãkỹ aòludumy aõkõre.
\v 21 Uritere iwitxira hãbu hãwyydi òtamy ixinohõtiõmy aõ ijõ-di aõkõhyy iwitxira hãbu aõkõre; aheto, asureny, eòdureny, airòdureny aõtxile eaõnarenydi ixiruedỹỹõmy.
\v 22 Moisesi rarybere: —Kaa heka ibdedỹỹnanare kia Deuxu riwahire Israel mahãdu-ò kia tiubo tiiboho Sinai hãwãlòòra-ki ratximyhỹrenyu. Heòty tya wo-ki tule nonoeluruhukỹ ribi tahe narumyhỹde iteretyhymy tahe sohojihyy riwahinyre bdedỹỹnana ijõ iwitxira aõkõre. Irib tahe riritinyre inatxi itxerenamy manadi tahe wadee riwahinyre.
\v 23 Moisesi ritõranyre rarybere: —Heòty hãwãlòrariehekỹ ritoonymy raremyhỹ, kaiboho tamy taholatenyte rybewodỹỹ bdeluruhukỹ wotya-ribi rohonymyhỹre-ò. Tai tahe iwedureny tule hãbu oludumy rỹira mahãdu tamy ritehemynyrenyre ityyòtyhyle.
\v 24 Tahe wadee raryberenyre: Kai Deuxu, wadeuxureny, wadeereny teteòsitynyte aaõwityhyhykỹ tule kia arurutere tahe jiarỹboho roholarenyre arybe-ò heòty tya wo-ribi! Wiji tahe jiarỹboho rabirenyre aòrewe inatyhymy Deuxu raryberemyhỹre iny-ò tahe iruhyy ratximyhỹre.
\v 25 Tahe tuu raruõwyhỹrenyre timy iòrysymy ixyby tuu aratxirenykemy. Kaa heòty nihikỹkỹhe inyboho rahurenykre, tahe inyboho roholarenyre irybe wodỹỹ-ò Deuxu rybe-ò wahe, tiu heka inydeuxureny rubu-ò inyboho iwahidỹỹõna.
\v 26 Tiu heka raholaõre inyõõ ritõranykemy kia roholare rahudi, inyboho iwse roholarenyre wse, Deuxu irutyhyhykỹ heka rarybere heòty tya wo-ribi.
\v 27 Moisesi bodòòseke kaa hãwãlò-ò tule boholake aõmybo Deuxu rybemy adee rururerimy, iribi tahe manake tahe jiarỹboho ibutumy adee tuu arelyyrenykre ywi-my tahe ariyrubunyrenykre.
\v 28 Kai Deuxu taholate aõmybo kaiboho taholatenyte-ò tiubo tai toitemyhỹ-ò tai wawana tarybemy  tahe wadee tarybete: Jiarỹ raholare aõmybo tiiboho adee rarybere, ibutumy aõbo adee rarybere kia heka òbiti rare.
\v 29 Kia awi rare tiiboho tuhyy raraykywydynanymy ratximyhỹre, biwatyhynybenyke ibutumy wabdedỹỹnanamy! Kiawse ibutumy txuu òbitimy adeereny kia ariòreriòreny-ò wahe tuhyy.
\v 30 Make Moisesi biditeònyke kia iny mahãdu kodòòsekemy tauri hetoreny-ò.
\v 31 Kai tahe kaki marikre wawana matxikremy, tahe tuu adee ararybekre bdedỹỹnana ibutumy, iòraru-ribi ywi-my bdedỹỹnana. Reerynanyre ibutu-ò ionanamy kia tiiboho irybe riywinykemy ibutumy kaa bdedỹỹnana kaa su-ki kia jiarỹ adeereny rewahinyre tule tamyreny.
\v 32 Israel mahãdu biwinyke ibutumy biywinyke ibutumy bdedỹỹnana kia Deuxu, inydeuxureny inydee riwahinyre. Tii heka ariwinyõtyhy òbitimy Deuxu-diteònyde myna.
\v 33 Tiu heka rexiwitxiranyõtyhy tibo ryy adee riteòsinyre wahe. Kia wse heka ibutumy adeereny kodòidenykre awimy ibutumy kaiboho, kaiboho tahe sõwemy bde beòrabeòra biwybenykre kaa su-ki ibutumy aõnaõna ijõdikre.
\c 6
\p
\v 1 Moisesi rarybere tamahãdu-ò: —Kaa bdedỹỹnanahe rare naditeònyde kia Deuxu, inydeuxureny-diwahinyde jiarỹ araerynanykremy ibutumy adeereny. Tai tahe, boholabenykre bdedỹỹnana kaa su-ki tahe kaiboho birònybenykre tahe ibutumy aõbo bihòbenykre.
\v 2 Deuxu kotxi mamytatabenykre, inydeuxureny tule kaiboho ariòrereny tule ariokorereny bityhynybenyke ibutumy tuhyy bdedỹỹnana rybe ritidire kia jiarỹ adeereny rewahinyreri kiawse-ki tahe kaiboho sõwemy bde biwybenykre.
\v 3 Israel mahãdu bexiebenykre Deuxu rybe ywidỹỹna biywinyõbenyke lau. Tai tahe, Deuxu kiawse rarybere, inylabielabiereny Deuxu heka rare, ibutumy adeereny bdedỹỹna rỹikre awimy, kaiboho sõwemy bexijuabenykre ixyby. Kia suwihikỹki tule ityhymy tai matxibenyrakre.
\v 4 Boholake Israel mahãdu! Deuxu wahe sohojihyy Deuxumy ratximyhỹre, inydeuxureny wahe.
\v 5 Tai tahe, bityhyny Deuxu, inydeuxureny atelesowo-ribi sõwemy, atyytyby ibutumy kia ibutumy aruruna.
\v 6 Biyrubunybenyke tuhyy bdedỹỹnana rybe atelesowotxi kaa wiji jiarỹ adeereny rewahinyreri.
\v 7 Uritere irisirenyõmy erydỹỹna tahe biribenyke ariòreboho-ò. Ixybyle kaa bdedỹỹnana rybe-my marybeke aheto-ki tule titxibo aheto-ribi tatxiteriu tuu marybeke, tule tiubo aherinareny-ò tai tanytau tule tiubo aherinareny-ribi taitauytau.
\v 8 Bitaabenyke kaa bdedỹỹnana rybe aaxiòrenyõ kia aòrureny-ò, õhõtireny iribi rusarenykelau.
\v 9 Bòritidỹỹbenyke tarurumy aheto ijòtòbònareny-ò tule ahetoreny ijòtòbònahãkỹ-ò.
\v 10 Moisesi ritõranyre: —Deuxu, inydeuxureny, riywinyre kia inykorenymy Abraõ juhuludu-ò, Izaque tule Ijaò (Jacó) boho-ò kaa suu riwahinykre adeereny. Inatyhymy titxibo sohoji sunihikỹ roimyhỹre tule hãwãhãkỹ nieru sõwehekỹ, tahe iwidỹỹrenyõmy.
\v 11 Ihetorenyki sõwemy ijõdire aõnaõna òwynihikỹ kaiboho tebutunyõtenyte; hãluube, kaiboho teaõtenyte; bderatysò tule bderatyjyyrahakỹ kaiboho tetòbrònyõtenyte. Tiubo Deuxu aradyrenykre kia su-ò, kia tahe kaiboho arsỹnareny tai ijõdikre sõwemy.
\v 12 Tahe bexiebenykre Deuxu õhõtireny rusakelau, tii dori aratarenyre Egito-ribi tai iòwyõlemy taaõmỹdỹỹmy toitemyhỹ-ribi.
\v 13 Mamytatabenykre Deuxu kotxi, adeuxureny wahe, tamyhyy sohojile matxibenyke biywinybenyke ini sohojihyyle.
\v 14 Iwitxira deuxumy deàlàõmyreny, abireludu hãwã deuxu-my.
\v 15 Deuxu dori inydeuxureny rare, awanareny ratximyhỹre tule tu iwitxira deuxu rityhynyõmyhỹre. Kaiboho aõbo tuu beàlàbenykeki, Deuxu umyreny radònykre tuhyy kia tahe rahukre aõwsele kaiboho.
\v 16 Deuxu tyhydỹỹna inatyhy uritere irutàsàõmy adeuxu-ò, iwse tewinytenyte Maxa-ò tyhydỹỹna.
\v 17 Bityhynybenyke ywityhylemy bdedỹỹnana rybe ibutumy kia adeereny riwahinyre.
\v 18 Biwinybenyke kia Deuxu tai awimy rahamyhỹre òbitimy, kiawse tahe awityhymy adeereny ratxikre, tai tahe kaiboho birònybenykre tule asureny deysana wihikỹ biwinybenykre kia Deuxu dori ritxuhore alabielabiereny juhuludu.
\v 19 Tahe iwsetyhyle ritidire, tii ritakre ibutumy aòludureny awanareny resukre-ribi.
\v 20 Ariòreboho tahe rỹỹraxirenyrakre wijina bòdu mahãdu-ò: Aõherekibo kia Deuxu inydeuxureny, inydeereny kaa riwahinyre bdedỹỹna rybe wahe?
\v 21 Tai tahe kaiboho birawyònybenykre; Jiarỹboho juhuu Egito wedu-ò iòwyõmy aõ rewinymy roirewyhỹ, tahe Deuxu taruruterehekỹdi, inyboho-ditadenyde iribi.
\v 22 Inyboho robirenyre inyruerueny tyhydi kia aõbo awihikỹ riwinyre tule ijõ berebunahãkỹ kia Deuxu riwinyre egipcio òludumy tule iwedureny òludumy tule kia ibutumy hetonihikỹmy iny mahãdu raaõmysỹdỹỹnymyhỹre mahãdu.
\v 23 Deuxu heka inyboho Egito-ribi ritarenyre ka-ò kididykremy inyboho inydeere suu riwahinykremy, kia timybo juhuludu mahãdu-ò ritidire myna.
\v 24 Tii inydeereny-diwahinyde tyhydỹỹna ibutu dee kia bdedỹỹnana rybe wahe ilau ruberumyhỹre tuhyy Deuxu lau, inydeuxureny lau wahe. Kia rikiwinyrenykre wana, tii inyboho riyruburenykre ibutumy aõbinabina, kiawse riwinyre wiji tahe ibutumy tuhyy ratxirenykre awimy inydeereny.
\v 25 Rkexiòhãrurenymy inatyhymy rikitynyrenymy ibutumy bdedỹỹnana rybe wahe kia Deuxu, inydeuxureny inydeereny-diwahinyde, inyumyreny tahe umy riwahinykre tamy.
\c 7
\p
\v 1 Moisesi rarybere tamyreny: —Deuxu inydeuxureny riwinykre aõbo adeereny tahe birònybenykre su-ò tai tahe kaiboho ijõdire kia tahe tiile anatadenykre kia tiiboho wana kaiboho besubenykremy. Adeereny awikeki kynyhỹ awihikỹmy sõwemy Deuxu tahe rahukre debòinatxi reurò iny mahãdu tiiboho heka aõnityhymy rexijuajuamyhỹrenyre tule iruruteretyhyrenyre aribireny. Kaa heka tiibohore: hetiu mahãdu, girgaseu mahãdu, rubu mahãdu, cananeu mahãdu, perijeu mahãdu, heveu mahãdu kia jebuseu mahãdu.
\v 2 Deuxu tahe riwahinykre ka mahãdu ebòreny-ò, tahe kaiboho tule mahubenykre aõwsetyhyle. Uritere iwidỹỹrenyõmy beobenykre myna kia awimy tamyreny, iwotòemy idireny nohõtiõmy.
\v 3 Tiiboho wana herirenyõmy, kaiboho aõkõre ariòrereny hãbu aõkõre, tule ariòrereny hãwyy aõkõre.
\v 4 Ka mahãdu tuu riwinyrenykre timybo ariòrereny rexiywinyrenyke Deuxu-ò tuu reàlàrenykemy iwitxira Deuxu-my. Tai tahe Deuxu umyreny deòdumy ratxikre tule aknahudenykre aõwsetyhyle.
\v 5 Tai tahe behubenykre ka mahãdu biutxi, bibòhòbòhònybenykre ibutumy. Bali Deuxu-my ratximyhỹre wahe, biòròbenykre ideuxureny tmana rarie biworonybenyke teòsidỹỹna ibutumy.
\v 6 Tai tahe kaiboho heka Deuxu tarasamy tatximyhỹtenyte, inydeuxureny heka aratarenyre kia ibutumy iny su-ki rasỹnymyhỹre mahãdu ribi heka aratare kaiboho tamyhyy matxibenykremy.
\v 7 Deuxu heka aluure tahe aratare, kaiboho heka iribireny asõtyhyrenyre ibutumy iny mahãdu ribi inatyhymy kaiboho abuterenyre iny mahãdu ribi.
\v 8 Tahe Deuxu aluurenyre tarurumy tahe araterenyre Faraò ruruterehekỹ-ribi, Egito wedu wahe, tai kaiboho toitemyhỹ urile. Tii riwinyre ihetxina iny mahãdu-ò.
\v 9 Õhõtireny reake kia Deuxu inydeuxureny, Deuxu sohojihyy rare. Tii heka òbiti rare riyrubunymyhỹre tabdedỹỹnana wihikỹ. Tii inyluuhyymy ratximyhỹre inytomora wijina bòdu sõwemy, kia rityhynymyhỹre tule irybe riywinymyhỹre bdedỹỹnana rybe.
\v 10 Tahe aõhỹkỹmydỹỹna aõwsetyhy riteònymyhỹre tibo ibinamy rityhynymyhỹre. Tii raroorehenyõhyymyhỹre aõhykỹmydỹỹnana tule rahurenykre.
\v 11 Bityhynybenyke tahe, bdedỹỹnana rybe kia-diwahinyde wiji jiarỹ adee rewahinyre adeereny kia tahe biwinybenyke ibutumy aõbo adee rewahinyre.
\v 12 Kaiboho aõbo ywimy matxibenyke kaa bdedỹỹnana rybe bityhynybenyke ywityhymy Deuxu, inydeuxureny riywinyrakre atyhynatyhy tahe òwyhyymy ratxikre inatyhymy tuu ritidire kia ihetxina mahãdu-ò.
\v 13 Tii iluurakre, tule tuurakre, tahe riwinykre iwsele ixyby tuu ratxirenykre sõwemy kia sõwetyhymy. Tii adeereny kidiwahinykre sõwemy ariòrereny sõwemy bihebenykre lòbrònaraty, bderatysò tule lòbrònajyyra wse tule sõwemy tai broreni bitxuatxuabenykre tule budoeni. Deuxu adeereny riwahinykre ibutumy kia ruxetòenahãkỹ su-ò kia tii adee riwanykre, kia ywina adeewimy riwinyre iny ihetxina mahãdu-ò.
\v 14 Kaiboho heka luunatyhydi boibekre butu-ribi kia kaki bdebdemy rasỹnymy rỹimyhỹre-ribi. Ibutumy ariòrereny ijõdirakre, tule ibutumy airòdureny ijõdirakre tai sõwemy.
\v 15 Deuxu tahe idi retehekre kia ibutumy binana-ribi tiu heka aõhykỹdỹỹ riatyõtyhy kia binana binahãkỹ wahe kia egipcio mahãdu tahe aõhykỹmydỹỹnana itỹrereny reatyre, kaiboho teerytenyte. Iòludurenymy rare, tii-diteònyde kaa binana sõwemy tai tahe iny mahãdu-he umyreny radònykre.
\v 16 Mahubenykre ibutumy iny mahãdu kia Deuxu, inydeuxureny-ò riwahinyre ebòreny-ò. Iwotòemy idireny norenoõmy, tureny àlàõmy kia ideuxurenymy, kia heka adeereny iòrutyhyre rubu wahidỹỹna wse rare.
\v 17 Uritere idi nohõtirenyõmy: Ka mahãdu dori sõwetyhyrenyre inyribireny, timybohe inyboho rkahurenykre?
\v 18 Ulaureny breburenyõmny; ohõtireny itxi reake Deuxu, inydeuxureny riwinyre kia Egito wedu-ò iijoireny-ò tule.
\v 19 Ohõtireny itxi reake aõbinahãkỹtxi, kia sõwehekyỹtxi aõnaõnatxi brebunahãkỹtxi kia tuu tabitenyte iribi õhõtireny lusarenyõmy Deuxu taruruterehekỹdi inyboho ritarenyre Egito-ribi. Tahe Deuxu inydeuxureny riwinykre kaa tamyreny, moõ laubo kaiboho tarumyhỹtenyte iwsetyhyle aõbo riwinyre egipcio mahãdu-ò.
\v 20 Deuxu riwinykre tamyreny mahenybenykre ibinanamy tai tahe rahukre tibohe rahenykre tahe alaureny rexiworenykre.
\v 21 Tai tahe, ilaureny breburenyõmy awanareny dori Deuxu ratximyhỹre, inydeuxureny wahe, Deuxu heka irurutere rare tii heka brebuhãkỹ riwahinymyhỹre.
\v 22 Ibutebutemy heka tii ritakre iijoi mahãdu awanareny raaõbinanykremy. Kaiboho tahe mahubenyõkre ibutumy aõwsetyhyle. Kiawse biwinybenykeki, iròdu iròdu bderahyludutyhy rasõwekre, tahe iòtutyhymy tiiboho roirekre.
\v 23 Tahe Deuxu riwahinykre aòludureny ebòrenby-ò kia tahe akireny sõwemy yaranahãkỹ ratxikre, tahe tiibohe rexihurenykre.
\v 24 Deuxu tahe tule riwahinykre ebòreny-ò kaa iwedureny. Kaiboho birubunybenykre, tahe tiu inyõ heka rahetonyõtyhy.
\v 25 Bitoonybenyke ibutumy deòsidỹỹna kia ideuxureny wahe. Idi ruerenyõmy womatityrỹrỹhỹkỹ ura-di tule womatityrỹrỹhỹkỹdi ibotòrahakỹdi kia heka deòsidỹỹki ijõdire, iwanareny noõmy, kia dori adeereny iòhãrure rubu-ò nona dori rare. Tahe Deuxu, inydeuxureny reàlàkre aõtxile suritxoo kia heka ibina rare.
\v 26 Uritere iwydỹõmy suritxoo deàlànaõ ahetorenywo-ò, tyre-ki matxikre tule atyrerenyki ratxikre. Ibinatyhy tule radònyrenykre kia inatyhymy ateleso òhòkỹle tibo suritxoo deàlàna-ki tatxiwa ibinahãkỹ resekre bdebina.
\c 8
\p
\v 1 Moiseisi tamahãdu-ò rarybere: — Bexiebenyke bedỹỹnana rybe tyhydỹỹdu-ò wiji dori jiarỹ rewahinyreri adeereny, kaiboho eysamy tule asõerenymy ixyby matxibenykre, malòbenyke tahe asureny deysana heka Deuxu riywinyre tii heka riwahinyre juhuu iny ihetxina mahãdu-ò.
\v 2 Õhõtireny reake timy Deuxu arayrubunyrenymy adireny raremy kia bede aõ tai ijõõhõkỹdi kia inatxi umymy urihixinamy. Kia irehemy rariamy roire tuhyy, tahe Deuxu tuu rõhõtinyre tahe tamyreny ritidire timybohe ihỹdènydemy rexiywinymy da rityhynymy aõbo da aõkõre aõbo kia bededỹỹnana-diteònyde wahe.
\v 3 Ele tii tamyreny rana ijra-diteònyde iribi tahe tamyreny-diteònyde rỹsỹna irỹsỹnarenymy mana wahe, sohoji byrena timyhe kaiboho teeryõtenyre tule juhuludu mahãdu tule rieryõrenyre. Deuxu heka kia riwinyre rieryrenykemy iny dori ao baõ-di aõkõ irumy rỹikre, tahe ibutumy aõnaõna-di irumy rỹikre Deuxu heka tuu rarybere.
\v 4 Kia inyumy inatxi urihixinamy kaiboho atyyreny teuhètènyte tiu heka retybyõre, tule awareny tiu ratarinyõre.
\v 5 Bierymy matxibenyke kia Deuxu wahe, inydeuxureny wahe, tii risuhòmyhỹre iwese inytybyreny tariòre risuhòmyre wese.
\v 6 Bitynybenyke, tahe, kia bededỹỹnana-diteònyde wahe, beysabenyke aõ ritidire myna kia taerydỹyna kia brebu Deuxu-ò, adeuxureny wahe.
\v 7 Tahe tii riwykre suwihikỹ-ò wahe, bero sõwehekỹ-ò, tule bero riòreriòre-ò, iribi tahe bee reamyhỹre kia iwitxiò tahe bee rejuxunymyhỹre kia hãwãlò ribi tule.
\v 8 Su ribi heka maixõmoni sõwemy ròhònymyhỹre tule mona, bederaty sò, bederaty figo tule homỹ, bederaty jyyramy uri tule bidi.
\v 9 Kia sohoji su titxibo roimyhỹre tiu tai rỹsỹnamy iny reaõtyhy tule aõtxile aõnaõnamy kaibohe bekoabenyõtyhy, titxibo su sohoji roimyhỹre womati manahãkỹ tule kobre mina hãwãlò-ki roimyhỹre.
\v 10 Kaiboho ijõdire ibutumy rỹsỹna inyboho tuu rurumyhỹrenyre tahe Deuxu kedeàlàkre, inydeuxureny wahe, kia wihikỹ adeereny rewahinyre wahe.
\v 11 Iribi tiu õhõti rusaõtyhy Deuxu-ribi, inydeuxureny-ribi, bexiebenyke inatyhymy bededỹỹnanahãkỹ-diteònyde ribi bexihitxinyke lau ityhydỹỹ wahe tule ibededỹỹ rybe ribi, wiji dori jiarỹ adeereny rewahinyreri.
\v 12 Kua suu-ki kaiboho sõwemy rỹsỹna ijõdikre ixideewimy; ahetoreny biwinybenykre awimy, titxibo masỹnybenykreki wahe;
\v 13 Abròreni tule abròrenireny rexijuajuakre; kaiboho bibutunybenykre womati ura trỹrỹhỹkỹ tule womati sò trỹrỹhỹkỹ kia tahe iuhe ijõdikre.
\v 14 Tai tahe, bexiebenykre uritere xiwederenyõmy uritere Deuxu-ribi nohõti lusarenyõmy, inydeuxureny-ribi, tii dori inyboho ritarenyre Egito-ribi, tai urile aõ tewinymy toite mahã-ribi.
\v 15 Tii tahe riwyre kia inihiỹmy tule iòhãruhukỹmy bede aõ tai ijõõhỹkỹki, tai sõwemy hemylala luahiõhõkỹ ijõdire tule ituti bòrò ijõdire, titxibo bee ijõõhỹki wahe. Tahe bede aõ tai ijõõhõkỹki Deuxu riwinyre bee mana-ribi ròhònykremy, kai tuu biõbenykremy.
\v 16 Tahe adeereny riwahinyre mana birỹsỹbenykremy, kia sohoji rỹsỹna juhuludu mahãdu rieryõrenyre. Tii riwinyre tahe ibutumy tuu rõhõtiyre tyhyre tamy riwinykremy ityhydỹỹna ionanau tamy awihikỹ iribi riwahinykremy.
\v 17 Tai tahe, uritere tuu raykyõmy arurutereny kai ixinohõtidỹỹõmy tule aaõmysỹdỹỹdi kaiboho aõbo ijõdiremy tule atyhynarenydi.
\v 18 Deuxu-txi õhõtireny reake, inydeuxureny, tii heka adeereny ruru wahidỹỹdu nihikỹ rare tule adỹỹna. Kaiboho tuu tabitenyteri kiawese heka tii tahõrõwihikỹ rityhynymyhỹre tule aõbo riwinyre juhuludu mahãdu-ò.
\v 19 Tahe, kaiboho õhõtireny Deuxu-ribi rusakeki, beàlàbenykeki, tule iwitxira deuxu-ò naaõmysỹdỹỹnybenykeki, jiarỹ arateòarinyrenykre wiji dori inatyhymy kaiboho bituebenykre.
\v 20 Da bityhynyõbenykre-wana Deuxu, inydeuxureny, tai tahe kaiboho bituebenykre, iwese ibutumy aijoi ituerenykre Deuxu dori rahukre ibutu arurenyòle wahe.
\c 9
\p
\v 1 Moiseisi rarybere taijoi-ò: — Boholake Israel ijoi! Wiji kaiboho beuròbenykre jordaõ bero-di tahe kaiboho suu sohoji ixidee bimybenykre tii heka adeereny roikre kaiboho sõwemy asõwetyhyrenyre sõwemy aruridererenyre aribireny. Ihãwãreny heka inihiỹtyhyre heka otitydi rexiijemyhỹrenyre kia heka rehemynymyhỹre biuòhòkỹle.
\v 2 Kaiboho irybereny-ò taholatenyte anaki-my, tiiboho heka aõni rurutèrèhèkỹ-ribi òlò roire tiiboho heka kia su-ki rasỹnymyhỹrenyre, ibutumy rayryberenyre: “Moõ heka tiu iribireny rotaõtyhy anakiboho ribi wahe.
\v 3 Obitimy matxibenyke Deuxu-ò, inydexureny-ò wahe, rakre wiji aorenymy wahe heòty wesemy kia heka ibutumy riròrenykre. Tii kdòtadenykre tule kanahudenykre kaa mahãdu su wahe, kawese, Deuxu deewimy tuu riywinyre myna, kaiboho heka iribi bidiòhònybenykre tahe aõwesetyhyle mahubenykre.
\v 4 Tahe, iribi Deuxu, inydeuxureny, kua mahãdu ritare wana arurenyò, uritere tuu raykyrenyõmy iwese: “Deuxu dori inyboho ka-ò-didydenyde tii dori inydeereny kaa suu riwahinyre aõherekibo inyboho awihikỹrenyreki.” Iòru-ki aõkõ, tahe deuxu ritarenykre kamahãdu arurenyò aõhekibo tii dori dori ibinahãkỹtyhyre.
\v 5 Kaiboho tiu asurenymy suu bimybenyõtyhy aõherekibo kaiboho dori  awihikỹ toite tule obitihikỹ toite. Deuxu kamahãdu ritakre ibinahãkỹrenyreki, tule aõrekibo Deuxu, inydeuxureny, tuu rityhynykemy kia riywinyre kia ihetxina mahãdu-ò Abraõ-ò, Ijake tule Jako-ò.
\v 6 Tai tahe, òbitimy matxibenyke Deuxu dee tai tahe adeereny su wihikỹ kidiwahinykre aõ kaiboho awihikỹrenyrerimy aõkõ; imyna aõkõ, kaiboho heka iny ryberarutitèrèrenyre.
\v 7 Uritere õhõtireny lusarenyõmy kia bede aõ ijõõhõkỹki kaiboho aõnaõnamy ihkỹhkỹmy sõwemy Deuxu dee, tii heka deuxu dee, tii teburemy adeereny ratxikre. Tiubo Egito-ribi ròhònyrenyre reuhukỹle kia-ditehenydenydeu ka-ò, tahe kaiboho Deuxu òludumy tatxitenyte.
\v 8 Kaiboho tyhyle Xinai hãwãlò kaiboho tatỹỹnytenyte, tahe tii reburemy rare, tahe ihudu-my raraykynyre.
\v 9 Jiarỹ raòwònyre hãwãlò-ò Deuxu wana witxi areakre-my tule inatxi mana deòsidỹỹna, tai ritina wihikỹ riritinyre tii riwinyre awanareny. Tai hãwãlò-ki watxire iny inytxi umy txumy tule iny umy inatxi ru-my kia bede tai rewyre byreõmy, aõ bemy reõõhyy aõtxile.
\v 10 Deuxu tahe wadee riwahinyre inatxi mana deòsidỹỹna. Tii tyhyle riritinyre ityre-ò ibutumy kia aõbo tai roire wahe kia heòty tya woki, tiubo tai texibutunytenyteu hãwãlò òra-ki.
\v 11 Kia iny umy inatxi txu-my onanau Deuxu wadee riwahinyre inatxi deòsidỹỹna wihikỹ.
\v 12 Tahe tii wadee rarybere: “Bubeheke wylemy karibi tahe bodoosekre kia aijoireny kai tetate Egito-ribi, tahe tiiboho he òraruna riwinyrenyre ibina-my. Wytyhylemy biribenykre tahe boibenykre warybe myna tahe riwinyrenyre sohoji soritxoo womati tuu reàlàrenykemy.
\v 13 Jiarỹ reeryre Deuxu ritõranyremy kaboho heka tõhõtitarenyre.
\v 14 Tai tahe, waijeseõmyke adee dori ariywinõõtyhy, arihukre dori, kia wese tiu inyõ tõhõti reaõtyhy aõ tai ijõdiremy. Ariribireny, Moiseisi kia aoludurenyrenymy ròhònyrenyre-ò ariwinykre sohoji ijoi tyhyhykỹ kia sõwemy rurutèrèhèkỹ iribireny wahe.
\v 15 Moiseisi tahe ritõranyre. — Tahe jiarỹ hãwãlò-ribi rabuhere, kia heka inire heòty idi tahe raòwònymyhỹre. Wawana riwymyhỹre inatxi deòsidỹỹna mana, deòsidỹỹ wihikỹ wahe.
\v 16 Tiubo arehemynykreu adeereny iòhòmy, tai rabire Deuxu-ribi òtu ijõdiremy, inydeuxureny wahe tahe aõwesetyhyle tahõrõrenyririmy rekoarenyre ywi-my ratxirenyke wahe. Tahe rabire kia womati brorenimy kaibohole heka tewinytenyte tuu beàlàtakre.
\v 17 Tai tahe, arurenyòtyhyle, tahe mana deòsidỹỹnadi bede-txi rehure tahe rebòhònyre.
\v 18 Iribi tahe watiowotimy resere Deuxu kotxi, tai tahe watxire iny umy inatxi-my txuu iny umy inatxi rumy iòsana bedeò roimyhỹ. Kia iwesetyhyle ikotxi riwinyre, aõ rerỹsỹõhyyre aõmy reõõhyyre kia ibede-ki. Kia wese tahe aõherekibo kaiboho texiòrarunytenyte Deuxu kotxi, riwinyre aõbo tii tuukre.
\v 19 Jiarỹ heka raberure debure-ki deuxu lojina-ki; tii reburemy raremyhỹ, ihudurenymy rõhõtinyre. Tahe ixyby Deuxu reòbyre iny ixitòedỹỹnareny-ò.
\v 20 Tii teburemy ratximyhỹ Araõ dee kia tahe irubudỹỹmy rõhõtinyre; tai heka rexitòenyre tule Araõ weribi.
\v 21 Tahe remyre womati broreni, kia ibinahãkỹ wahe kia kaiboho tewinytenyte wahe, tai tahe heòty-ò idi rehure. Iribi tahe rebòhònyre wiàreàre xõmoxõmomy, ibutumy remoèmoènyre kia tõderuxõmo uramy rexirahorakremy tahe retare tõdeura xõmoxõmo beroriòre-ribi kia hãwãlò werawodi reamyhỹre.
\v 22 Kaiboho ibinahakỹmy tatỹỹnytenyte, ixyby, kia Deuxu-ò taykarananytenyte, Deuxu-ò wahe, Tabera-ki, Maxa-ki tule Kibrote-Ataawa-ki.
\v 23 Tule ibinahãkỹmy Kade-Barneia-ki, tiubo tii riteònyre suu tamy ratxikremy su deysana tamyreny riwahinymy raremyhỹ. Kaiboho Deuxu tetyhynoõtenyte, tahe dexiòkèsedỹỹnytenyte deuxu òludumy tahe texityhynyõtenyte abededỹỹnanareny.
\v 24 Kia txuuhukỹle heka jiarỹ reeryre, kaiboho toitenyte tuhyy ibinahãkỹmy Deuxu oludumy Deuxu wahe!
\v 25 Moiseisi rexinoranyre, rarybere: _Iny inatxi umy txu-my tule iny umy inatxi rumy tai watiowotimy resemy bede reijere, waòsana suõ rỹimy, Deuxu ruò wahe, tahe tii rarybere tuu rahurenykremy.
\v 26 Deuxu dee tahe kawesemy rexitòenyre. “Deuxu, waDeuxu! Adee rexitòenyreri uritere aijoi mahãdu ihuduõkremy, kia aijoi heka ixideewimy ritare, taruruteremy tule kia tarurutèrètyhydi ejito kiditakre.
\v 27 Õhõti reakre kia eòdureny bohotxi Abraõ wahe, Isaki tule Jakò tahe adeereny nohõti ta aõkõ rare, ibinahãkỹ tule orarunahãkỹ ka mahãdu-ó rare.
\v 28 Tahe, rexihurenykre aijoireny, ejipxiu mahãdu raryberenykre kia idyrenyòmykemy kia su-ò tamyreny tuu rarybere wahe, raryberenykre tule tamyreny raykarananykre tai tahe ridykre aõ tai ijõõhỹkỹò tai tahe rirubunykre.
\v 29 Tiiboho heka iijoi roire, aijoi heka ixideewimy ritare, kia ejito-ribi wahe ritakre taruruteremy kia tarurutèretyhydi wahe.
\c 10
\p
\v 1 Moiseisi rarybere taijoi-ò: — Kia aõ ròhònyre-ribi wahe Deuxu rarybere wadee: “Biòròke inatxi mana deòdỹỹna, kia juhuu tewinyte wesetyhyle, tule biwinykre òwòru heòty. Tahe manake witxi rkeakemy hãwãlò-ki.
\v 2 Tahe jiarỹ aroritikre deòsidỹỹna-ki kiamy tahe reritinyre tai kia kai tebòhònyte-ki. Iribi tahe òwòru heòty-ki bidekre.
\v 3 — Jiarỹ rewinyre òwòru akaxia heòty, tahe inatxi-my mana deòsidỹỹ reorare wiwesetyhyle tahe juhuu raòwònyre hãwãlò-ò, tii wana wahe.
\v 4 Kia Deuxu, iwesetyhyle juhuu txie ijõdire koki, riritinyre tai ityreki kia debowiò bededỹỹnana rybe, iwesetyhyle kia adee riwahinyre wesetyhyle kia adeereny heòty waro tyaworibi adeereny rarybere hãwãlò rariehekỹki wahe, kia txuu tahe kaiboho texibutunytenyte iruòtyhyle wahe. Deuxu tahe wade riwahinyre deòsidỹỹna.
\v 5 Jiarỹ rabehere hãwãlò-ribi kia iwesetyhyle riwinyre òbitimy, retidire deòsidỹỹna òwòru heòty-ò tai tahe tii tai rỹire.
\v 6 (israelita mahãdu tahe roirenyre Benê-Jasỹ hãluu-ribi tahe Mosera òh{òkỹle roirenyre. Tai tahe Araõ rurure taile rituunyrenyre tahe iriòrele teròwymy runyre Eliaza wahe tii heka iwedureny runyre.
\v 7 Iribi tahe iijoi rare Gudgoda-ò wahe tule Jotbata-ò wahe tai heka sõwe-my beriòreriòre ijõdire.
\v 8 Kia tahe wiòhedỹỹ tai ijõdire tahe Deuxu ritare ixideewimy Levi ijoi heka rare kia hãbu mahãdu ridyrenykemy iribireny òwòru heòty wihikỹ-ò wahe, tai xiwena wahidỹỹdumy ratxikremy tuu reàlàrenykemy tai deuxu dee wimy tamy ratxirenykemy. Tiiboho tahe tuhyy riwinymy roiremyhỹ ibutumy aõnaõna.
\v 9 Tai tahe Levi ijoi Kanaỹ-ki suo ritarenyõhyyre, iwese ijõ ijoi ritarenyre wese. Kia Deuxu inydee aõ ritidimyhỹre wese, aõ tahe ka mahãdu ritare tarurutèrèrenymy tahe tamy reòbymy tai tahe Deuxu deòdu-my roiremyhỹ.
\v 10 Tahe Moiseisi ritõranyre, tahe rarybere taijoi-ò: — Tai watxire iny umy inatxi txu-my hãwãlò-ki rewyre tule iny umy inatxi rumy rarewãhã kia iòruruule wahe. Tasỹ ixybyle Deuxu waixitòedỹỹna-ò reobyre rexihuõlere adeereny.
\v 11 Tahe-diteònyde kia jiarỹ òte idi aretehemy aratxiõte, tamy aralòkemy tule tamy deysana su-ò ariwahinykemy tii dori juhule rityhynyre ijõdõre juhule kia riwihinyre juhuludu mahãdu-ò wahe.
\v 12 Israeo mahãdu, boholabenyke aõmybo Deuxu ritidire adeereny. Tii rurure aõbo kaiboho taberutenyte biòbenyke ibutumy aõkõreny obitimy; umyreny rurure aluureny ratxikemy deysamy ibutumy atelesõreny-ò kia ibutumy atyytybyreny-ò.
\v 13 Bityhynybenyke ibutumy bededỹỹnana rybe ritidire Deuxu wiji tahe jiarỹ adeereny rewahinyreri, awi-my watxibenykemy.
\v 14 Kia irarietyhyhykỹ butu-ribi heka Deuxu hõrõ rare, Deuxu-ò heka, tiiboho heka tamy ratximyhỹrenyre aõbo tuu rỹimyhỹre wahe.
\v 15 Tahe tamywina heka juhuludu mahãdu-ò ahõrõreny-ò kia inihiỹ rare, ibutumy aijoi kaa bedebede-my rỹira tii ritare kaiboho, wiji dori kaiboho heka aratarenyre ixideewimy.
\v 16 — Tai tahe, obitimy matxibenyke Deuxu-ò riberarutitere-my ixidi nohõtirenyõmy.
\v 17 Kia Deuxu ribi, inydeuxureny, heka ibutu deuxu-ribi irarietyhymy ratximyhỹre tule hãbu wedu-my rỹimyhỹre-ribi. Tii heka inihiỹ rare, irurutere kia brebu riwahinymyhỹre. Tii wiwesewesele araywinymyhỹrenyre ibutumy kia tamy awiõre tamyreny bededỹỹnana biuahãkỹ-ò matxibenyke tamy ibinare.
\v 18 Tii heka riijemyhỹre tibo tyby, ise aõbo iribi rurumyhỹre riijemyhỹre tule tawytesenabededỹỹnana riijemyhỹre; tii iwitxira weribihikỹ luure kia iwanareny ratximyhỹrenyre tahe adeereny rỹsỹna ariwahinykre tule tyky.
\v 19 Iluurenymy matxibenyke kia iwitxira weribihikỹ, kaiboho dori iwira weribihikỹ-ki toitemyhỹ Ejito-ki.
\v 20 Beòbybenyke Deuxu-my, inydeuxureny, tahe tamyhyyle beàlàbenyke; tamy ywi matxibenyke inysohojihyy heka inimy biywinybenyke.
\v 21 Deuxu-le tahe bityhynybenyke; tii heka inyDeuxureny rare. Kaiboho tuu tabitenyte aruèrènytyhydi inihikỹmy tule brebunahãkỹ aõnaõna Deuxu heka riwinyre adeereny wimy.
\v 22 Tiubo juhuludu mahãdu roirenyre Ejitu-ò, sohojihyyle umy inataõ debowiò-my iny sõwe; kaa wiji tahe, Deuxu ruxetòena oraru-ki, iny Deuxureny oraru-ki tahe, kaiboho biuwetyy taina wese asõwereny toite.
\c 11
\p
\v 1 Moiseisi rarybere taijoi-ò: — Deuxu luumy, inydeuxureny bityhynybenyke tuhyy rubebededỹỹnana-ò, tule bededỹỹnana rybe-ò tule abededỹỹnana obitimy.
\v 2 Wiji tahe maraykynybenyke Deuxu rurutèrèhekỹ-ò kiawese tahe rieryrenyre tyhydỹỹ tarurumy tule tarurunahãkỹdi. Kaiboho toitenyte, ariòreboho aõkõ, tuu robirenyre kia rieryrenyre kia ibutumy.
\v 3 Õhõtireny reake aõwihikỹtxi ibutu-ribi aõbo Deuxu riwinyretxi Ejitu-ki Faraò oludu-my, Ejitu wedu wahe, kia ibutumy ioludurenymy ratxikremy.
\v 4 Kaiboho tabitenyte aõbo Deuxu riwinyremy kia ejipxiu soldado mahãdu tule iawararureny wana tule iaõbinareny ityti heòty, kia tiubo ahereny-ki watxiwãhãu. Kai Deuxu tewinyte kia bero aõdibo bero ionanaõ sòhòkỹ ityrereny resekemy kia rabòrònyrenykemy, kawesemy tahe tiiboho ituerenykre tuhyy ituemy roirekre.
\v 5 Kaiboho tabitenyte Deuxu riwinyremy bede aõ tai ihoõhõkỹki, roirenyre tuhyy kia bede-ò.
\v 6 Tule aõbo riwinyre kia Datỹ-ò tule Abiraõ-ò, Eliabi riòre boho-ò, Hubi ijoiõ rare. Ibutu ruò wahe suu rarayre tahe inatxi riõre, ibutumy tasỹreny-wana, isỹreny, iaõmysỹdỹỹdureny tule iiròdureny.
\v 7 Kaiboho tyhyle ibutumy tabitenyte kia Deuxu aõnihikỹ wihikỹ riwinyremy.
\v 8 Tai tahe, bitynybenyke ibutumy bededỹỹnana rybe wiji jiarỹ adeereny rewahinyreri ionana ityhytyhymy matxibenykemy tahe aõtaxina biaõbinanybenyke ti suobo tiiboho roirenyra-ò tahe isureny asurenymy idi beysabenyke.
\v 9 Kawesemy kaiboho tabitenyte sõwemy bede beòra-beòra suwihikỹki bede tewytenyte kia atyhynareny Deuxu riwinywihikỹre juhuludu mahãdu-ò tule ariòreriòrereny-ò atmoranareny-ò.
\v 10 Su heka adeereny rarikre aõ Ejito ijoi-ò aõkõ, tiribibo riòlònyrenyre, kua-ribi aõbo sumy, ròbròrenyre-ribi, kaiboho aõmysỹdỹỹmy tarutenyte sõwemy suu bimybenykemy wahe, kia lòbròna tasỹ weraki ritònymyhỹre wese.
\v 11 Tahe asurenyki kaiboho maaõinybenykre hãwãlò-ki tule bedeworyhykỹki, tai tiu buiõmy roiõtyhy.
\v 12 Deuxu, inyDeuxureny retemyhỹre su-di tiu tohõti rusaõtyhy, kia iòraru-ribi hikỹle kia bedeonanaòhòlỹle heka idi retehemyhỹre.
\v 13 Tai tahe, kaiboho bityhynybenykekile kynyhỹ bededỹỹnana rybe kia adeereny wiji rewahinyreri, aumyreny biywinybenyke Deuxu-ò inyDeuxureny-ò, tamy awimy matxibenyke ibutumy atelesõ tamy biwahinyke ibutumy atyytyby-wana.
\v 14 Tahe adee riwahinykre biu itxu rierymy obitimy, kia bedejutàtà biu wese tule noijasa biu wese. Kawesemy heka awimy kynyikre bederatyrèdènaki, bederatysò tule bederaty jyyrahakỹ tule.
\v 15 Tule broreni-di itxere kynyikre. Kaiboho ibutumy rỹsỹna ijõdikre aõmybo burubenykre.
\v 16 Bexiebenykre, uritere atelesõ iwahidỹỹõmy ruina-ò: Deuxu-ribi ixirareasadỹỹõmy tule iwitxira suritxoo deàlàõmy.
\v 17 Kia tiiboho riwinyrenyre wana, Deuxu sõwemy iy reakre adeereny tahe tiu adeereny biu kiditeònyõtyhy. Tai tahe su-ki aõ ròhònyõtyhy, iribi tahe ibutulemy bede biwybenykre tahe bexihubenykre kia suwihikỹ-ribi tii Deuxu heka kidiwahinykre adeereny.
\v 18 Õhõtireny ritinatxi reake tahe biyrubunybenyke atelesõreny-ò. Bitaabenyke kaa rybe wahidỹỹna wihikỹ aaxiòreny-ò tule aòruteny-ò õhõtireny rusarenykelau.
\v 19 Uritere nõhõtilusarenyõmy ierydỹỹ-ribi tahe ariòreboho-ò bierynanyhyy boibekre. Ixybyxybyle bededỹỹnana rybemy aheto-ki tule aõtxile aheto-ribi, tiubo aherina-ò boikreu tule tiubo myikreu.
\v 20 Bòritinybenykre aijòtobònareny ysehekỹ-ò tule aheto ròtena ijõtobònanihikỹ-ò.
\v 21 Kia wese kaiboho tule ariòreriòreny boho sõwemy bede riwyrenykre kaa su-ki kia tahe Deuxu riywinykre kia riwahinykre aòrenymy ihetxina mahãdu doidenyde-ò. Kia bede roiremyhỹreki, kaiboho bede sõwemy biwybenykre ka su-ki.
\v 22 Tai tahe, boholabenyke awimy kia bededỹỹna rybe-ò kia jiarỹ adeereny rewahinyre bityhynybenyke Deuxu, inydeuxureny, ibutumy ritidire kia bededỹỹnana-diteónyde kia ibutumy tii-wana matxibenyke.
\v 23 Kia tii riwinykeki, Deuxu ritakre ibutumy ixỹju òtaòta tahe kaiboho suu bimybenykre idi beysabenykre kia asurenymy roimyhỹre wahe ibutumy tamyreny kia sõwehekỹboho tule kia irutererenyhỹkỹ  kia atyrereny ratximyhỹrenyre.
\v 24 Inatyhymy aõbo aribireny ibutumy kia sudi ririranyrenyre aõbo juhu bedeu kia tai ihoõhỹkỹki bedeònana jutàtà weribi kia Libano hãwãlò, kia bedeònana tòteehekỹki juhuu Eufrate bero weribi, txuòlòna, kia meditehỹneo beronihikỹ tule txuròtena weribi.
\v 25 Kaiboho tiu bòỹnynobenyõtyhy, Deuxu dori, inyDeuxureny, reobykre timybo ritidikre myna riwinykre aõbo ibutumy iny mahãdu dee kia su-ki tahe eburemy matxibebenykre tamyreny.
\v 26 Moiseisi rarybere taijoi-ò: _Wiji aririkre tahe kaiboho bitabenykre tamyrenywikeki ywina yda yarana aõbo.
\v 27 Kaiboho tahe bitabenykre tyhyna kiaboho bityhynybenykre wana Deuxu rybe ywimy, kia inydeuxureny, kia rewahinyreri adeereny wiji;
\v 28 Kia aõbo bitabenykre ibinahãkỹ, kia kaiboho abededỹỹnana bitynybenykre wana, tahe riywinykre bededỹỹnana kia adeereny  jiarỹ rewahinyreri wiji tahe beàlàbenykre iwira deuxu-my kaiboho tiu tuu tabiõtenyte.
\v 29 Tiubo Deuxu suu ritakre tahe kaiboho aõnaõna ijõdikre tahe kaiboho belyybenykre ywinamy Gerizi hãwãlò-ki wahe Ebal hãwãlò-ki tahe ibinabina rỹikre.
\v 30 (Kaa inatxi hãwãlò tahe Kanaỹ su mahãdu-ki roikre, jordaõ bero txuròtena weribiò, jordaõ bede-ki, kia roimyhỹre Gilgao hãwã iòhòmy, kia sagrada Morè òwòru-ribi irehemy aõkõ.
\v 31 Wiji tahe kaiboho beuròbenykre Jordaõ bero-di kia suu asurenymy Deuxu riywinyre wahe, inyDeuxureny, adeereny riwahinynyreri. Tai tahe, kia suu ribinabinanyrenyre ribi tahe taisỹ riòrunyrenyre rasỹnyrenyre tai.
\v 32 Ijõdikre tahe bexiòhãrunybenykre bityhynybenykre kia ibutumy bededỹỹ rybe obitimy kia wiji jiarỹ adeereny rewahinyreri.
\c 12
\p
\v 1 Moiseisi rarybere taijoi-ò: — Kaa heka bededỹỹnana rare ka heka bededỹỹnana-diteònyde rare tai tahe kaiboho obitimy bitynybenykre bede beòbeòra-my tuhyy kia masỹbenykre su-ki Deuxu-wana, kia Deuxu inylabielabiereny deuxu rare, tahe riwahinykre adeereny.
\v 2 Iribi tahe ijoi mahãdu aritakre su-ribi, taruru-my ibutumy kia ihãwãreny-ribi tiiboho dori tadeuxurenymy reàlàmyhỹrenyre, hãwãlòratyyki tule òwòru òraki kia ubròròna riwahinymyhỹke.
\v 3 Bitxiwibenyke kia ihõrõreny, bibòhònybenyke txiàte txiàti txiàti ideuxureny Baao wahe, biarobenyke Deuxu Aserati tahe biwarobenyke ibutumy ityytyby, inyõ itxi tõhõti reake lau su Deuxu wahe kia ijoi mahãdu wahe.
\v 4 Uritere Deuxu-my deàlàõmy, iny Deuxureny wahe, kia tiiboho suritxoo Deuxu-my reàlàmyhỹrenyre wase.
\v 5 Kia isurenyki tahe sohoji ixỹju ijõdire, Deuxu tai ritakre bede tamy rasỹnyrenykremy tai tiiboho tuu reàlànykre. Kaiboho tahe tamy boibenykre.
\v 6 Tai tahe riwahinykre xiwemy iroduõ tahe rawasikre obiuna-ki tule riteòsinyrekre iwitxira xiweõ. Kia bede tahe kadiwykre debowiò irodu-irodu jura tahe ritarenykre, tahe riywinyrenykre kia tamy ritidire wahe, kia heka ixideewityhymy riwinyre broreni jurajura tule budoeni jurajura.
\v 7 Tai tahe, Deuxu-ò itxerenamy, inydeuxureny, kaiboho asỹreny-wana birobenykre irodudè xiwenamy roikre tahe eysamy matxibenykre aõherekibo Deuxu-he riywinyre ibutumy aõmysỹdỹỹnareny.
\v 8 Wiji dori iny sohoji sohoji riwinyre ideewimy; tahe tiubo tamy ritehemynykreu, kia wese aõkõ rỹikre.
\v 9 Kaiboho terònyõlemy toite kia Deuxu suu riwahinyre-ò inyDeuxureny, adeereny suu riwahinyre-ò tai su-ki matxibenykre awimy.
\v 10 Tiubo beuròbenykreu Jordaõ bero-di tahe biòrarunybeny tai sỹ kia Deuxu adeereny riwahinykre-ò wahe, tii tahe adireny retehekre aòlurenylau wahe, tahe kaiboho awimy tai boibekre.
\v 11 Tai tahe inyDeuxureny bede ritakre sỹna tai tahe tii-he awityhymy rahakre tamy tahe kaiboho biwybenykre ibutumy aõbo adeereny retidire, kia tahe, irodu tahe rawòsiwòxinykre obiuna-ki tule ijõ xiwe kia debowiò-my irodu jurajura kia ritakre wahe, tule riywiywinykre ibutumy kia Deuxu riwahinyre.
\v 12 Deuxu ruò tyhyle, inyDeuxureny, ibutumy reysatyhyrenykre: kaiboho, tule ariòrereny hãbu, ariòrereny hãwyy, tule eòdureny iòwyõmy raaõmysỹdỹỹnymyhỹre tule hãwyy iòwyõmy raaõmysỹdỹỹnymyhỹre tule levita mahãdu, tai ratxirenyreri-wana hãwãhãkỹki rasỹnymy tai rỹireri-wana tai tasỹnymyhỹtenyteki. Tiiboho tiu ritarenyõtyhy Kanaỹ su, kia iwese ijõ ixỹju ixỹju ritarenykre wese.
\v 13 Tai tahe, tiu xiwena riwahinyõtyhy aõtxile bede ixideewimy.
\v 14 Sohoji bede Deuxu ritakre suu iny sohoji ixỹju tai kaiboho biwanybenykre xiwena tahe ibutumy biwahinybenykre iwitxira aõmydỹỹna ijõdire reywinyre myna.
\v 15 Tahe, tiubo kaiboho iroduderòmy burubenykreu, birobenykre airodudereny aõtxile titxibo masỹnybenykre-ki. Kaiboho birobenykre irodudè sõwemy Deuxu wese, inyDeuxureny wese, adeereny riwahinykre-wana. Biròbenykre aõtaxina, kia birobenykre gazela-dè da budoe-dè aõbo
\v 16 Uritere irysỹõmy irodu hãlubu; hãlubu bede-txi rejuxunymyhỹre kynyhỹ, kia be wese.
\v 17 Kia xiwena Deuxu dee riwahinyre irỹsỹõmy kia titxibo kaiboho toitenyte su-ò sỹmy debowiò urihixina bederaty maixõmoni, tule mona besòhòkỹ tule uwerny; tahe juhutyhy broreni tule budoeni; òwydỹỹnamy riywinyre; òwydỹỹna heka ixideewimy riywinyre kia iwitxira òwydỹỹna ribi.
\v 18 Ibutumy xiwena boho kia kaiboho birỹsỹbenykre sohoji bede-ki hyyle Deuxu dee, inuDeuxureny riywinykre-ò wahe. Tai Deuxu ruòtyhyle ibutumy irodudè birobenykre xiwena: Kaiboho, ariòrereny hãbu tule ariòrereny hãwyy, tule eòdureny iòwyõmy raaõmysỹdỹỹnymyhỹre tule eòdureny hãwyy iòwyõmy raaõmysỹdỹỹnymyhỹre tule levita tai ratxirenyke-wana hãwã-ki rasỹnymy tai kaiboho tasỹnymyhỹtenyte wahe kia ibutumy reysarenykre aõrekibo Deuxu riyrubunywihikỹreki iaõmysỹdỹỹnareny ibutumy.
\v 19 Õhõtiteny reake levita boho teywinymy toitemyhỹtxi kia bnede beòra beòra tuhyy tewymy toimyhỹ kia kaiboho tasỹnymy su-ki toitemyhỹ.
\v 20 Deuxu, inyDeuxureny, rityhynykre abededỹỹnana tule ritarenykre asureny adeereny. Tai tahe ijõdirakre irodudè biromy boibekre tuhyy ixideewimy.
\v 21 Tahe, taile irehemy matxibenykre sỹ-ribi tai tahe Deuxu ritakre adeereny tii rityhynykremy, kaiboho matxibenyrakre biwinybenykre aõbo jiarỹ adeereny reywinyremyna; tai titxibo tasỹnymy tatxitenyteri-ò, aõtaxina birubunybenykre broreni hãwyy tule budoeni kia Deuxu adeereny riwahinykre wana tahe birobenykre ixideewimy idè.
\v 22 Ibutumy tii mahãdu, sõwemy tyramy ratxirenykre tule ijõ tyramy aõkõ ratxirenykre tule, aõtaxina rirorenykre kaa irodudè, kia iwese gazela-dè da budoe-dè aõbo.
\v 23 Tahe uritere hãlubu irỹsỹõmy, umy dori hãlubu yki rare, kaiboho uritere irỹsỹrenyõmy irodudè kia hãlubu dori umy-ki rare.
\v 24 Irỹsỹõmy hãlubu; bitxiwike hãlubu su-ò, kia be wese.
\v 25 Bityhynyke kia rybe tahe biwinyke timy Deuxu obitimy ritidikre, kia wese-ki tahe kaiboho tule juludu mahãdu teysamy roirekre.
\v 26 Aõnaõna awityhy Deuxu awi ritidire tahe ixinamy riwykre kia bede adee ritare-ò.
\v 27 Tai tahe deuxu widỹỹna obiuna riwinykre timybo riwahinyre myna irodu-irodu heka obitihymy roorenykre. Riwahinykre tule xiwenamy ijõ irodu-irodu; bitxibenykre hãlubu obiunatyre tahe birobenykre irodudè.
\v 28 Bityhynybenyke obitimy kia ibutumy bededỹỹna rybe kia jiarỹ adeereny rewahinyreri tahe biwinybenyke ibutumy aõbo Deuxu, inydeuxureny, awimy tai rahamyhỹre tule obitimy; kia wese-ki kaiboho tule juhuludu mahãdu tai awimy raharenykre tuhyy ratxirenykre.
\v 29 Moiseisi ritõranyra rarybere: _Deuxu, inyDeuxureny, kanahukre ijoi mahãdu sumy rỹira mahãdu tahe kaiboho aõhỹkỹmy bisỹnybenykre tahe adeereny ratxirenykre.
\v 30 Tahe, tiubo tai rasỹnymy ratxirenykre tai, iwese iryrysy aõkõre. Rybeõmy ideuxurenymy, ideuxurenytyhydỹỹõmy, tai tahe iohãrutyhyre rubuna rare.
\v 31 Ityhydỹỹrenyõmy Deuxu, inydeuxureny, kia iwesereny tule imahãdureny wese tadeuxureny rityhynyrenymyhỹre wese, tai heka tureny radònymyhỹre tule sõwemy ibutumy aõbo ka mahãdu riwinyrenymyhỹre deuxu dohodỹỹna butuna-ki. Tiiboho heka tamy hỹkỹle ritehemynyrenykre tamy riwahinyrenykre kia tadeuxureny-ò tule tariòrereny-ò hãbu-ò tule tariòrereny-ò hãwyy-ò tai tahe roorenykre xiwena obiuna-ki roimyhỹre rityhynymyhỹrenyreki.
\v 32 Bityhynybenyke ibutumy bededỹỹnana rybe kia jiarỹ adeereny rewahinyre, timy itõradỹỹmy timy aõ iribi ratamy aõkõ.
\c 13
\p
\v 1 Ayreriyki rexitanynymy ratxikeki atyarenyki deuxumy rybedu ijõ inyõ aõbo rasina riòbitinyke, rarybere kia rỹikre-my itxerenahãkỹ iwitxira aõmydỹỹna brebunahãkỹ  aõbo.
\v 2 Kia rỹikre wana aõbo kia tu heka rarybere, tai tahe riijekre ridykre tii rityhynykremy tule suritxoo-ò ratxikre-my kia kaiboho teeryõtenyte.
\v 3 Tahe uritere ywimy idiitxererenyõmy deuxumy rybedu tule kia inyõ rasi riòbitinymyhỹre aõbo ityhydỹỹõmy. Kia wese heka Deuxu, inydeuxureny, rakre adeereny aratyhynyrenykremy, umyreny robikremy, òbitimy tai tahe iurenymy sõwemy ratxikre tatelesõribi tule tatyytyby ribi.
\v 4 Marybebenykre Deuxu rybena bededỹỹnana, inydeuxureny ruberumyhỹre Deuxu lau, bityhynyke deuxu bededỹỹnana-diteònyde tamy biwahinyke itxerena ibutumy tii rarybere myna. Bityhynyke Deuxu sohojihyyle tamy matxihyyke tii wana matxike.
\v 5 Deuxumy rybedu ida rasina òbitidỹỹdu aõbo riijekeki ridyke tii dori Deuxu ribi òtu ratximyhỹre rurukre aõbo. Iribi tahe tii riijekre Deuxu wana aõkõ ratximyhỹre riijekre, Deuxu dori aratarenyre Ejitu bede ribi, tai toitemyhỹ urile iòwyõlemy taaõmysỹdỹỹmy  toitemyhỹ. Birubunybenykre kia deuxu-ò ratxiõmyhyrenyre òbitimy kiawese-ki tahe ritarenykre ibina imahãdureny yribi.
\v 6 Aõhe wana arehemynykre adeereny iòhòmy  tule aseriòrereny-ò, kia ariòrereny hãbuõ tule ariòrereny hãwyy-ò, tule ahãwyy erinareny-ò, tule abiowa wihiky-ò, riijemy iwasimy rỹira tahe ridykre iwitxira Deuxu rityhymyhỹre awesereny tule juhuludu mahãdu wese rityhynymy rỹiramyhỹ wese.
\v 7 Kaa iny tahe aõtaxina riijekre ridykre-my tii ritynykre-my iwitxira deuxu amahãdureny abireludureny kia aijoi irehemy rasỹnymy rỹimyhỹre, kia irehetyhymy rỹimyhỹre mahãdu.
\v 8 Tamy deòbyõmy kia iny-ò rotake lau, ijohonarenyõmy aõmybo tii rarybekre-ò: Ijõõre inydi wobru idi betekemy tule iijese aõkõre.
\v 9 Birubunyke iny mahãdu mana-di, bitabenyke sohoji mana, iribi tahe, ibutumy ijõ mahãdu ritarenykre mana tule.
\v 10 Kiawese-ki tahe kaiobo birubunybenyre iny mahãdu, iribi tahe riijekre aõbo kaiboho Deuxu ribi bexitabenykre, inydeuxureny, kia aratarenyre Ejitu-ribi, tai toitemyhỹ iòwyõmy taaõmysỹdỹỹnymy toitemyhỹ.
\v 11 Ibutumy Israeo mahãdu rieryrenykre aõbo rohonykre; ibutumy brebumy ratxirenykre, inyõ tai awimy riwinykre ijõ aõmydỹỹna ibina kia aijoireny yribi.
\v 12 Tiubo kaiboho tai masỹnymy matxibenykre kia hãwãhãkỹ Deuxu, inydeuxureny, riwahinykre adeereny tamy osyny kaiboho boholabenykre marybebenykre.
\v 13 Ijõ hãwãhãkỹ ribi hãbu binahãkỹ ridyrenyre tai sỹdu mahãdu Deuxu rityhynyrenykremy kaiboho dori tiu tetyynyõtenyte.
\v 14 Tai kaiboho ibutumy adeereny itxere rỹikre ywimy. Tai ijõdikre òbitimy, tii raòrarunyre wana kia ibinamy iyrenyki Israeo mahãdu yki riwinyre wana.
\v 15 Tai tahe kaiboho matxibebenykre birubunybenykre tõnoridi ibutumy tai rasỹnymyhỹre mahãdu hãwãkỹki. Tule birubunybenyke iròdu iròdu tule bihubenyke ihãwãreny.
\v 16 Iribi tahe bimybenykre ibutumy ia~iomydỹỹnareny iòwyhykỹmy rỹira itxi bekoabenykre wana, utàna-ki tahe biàdònybenykre tahe biwarorybenykre ibutumy tule hãwãhãkỹ, Deuxu-ò biwahinybenykre, inydeuxureny, sohojiòhòkỹle ributunykre iny binabinahãkytyhy wahe, tiu heka ixyby riwinyõtyhe heto tai tiu ibederenyki.
\v 17 Iyrubudỹỹrenyõmy tamyreny aõ kia bedebinatxi rote tahe mahubenykre. Kiawese Deuxu ritakre timybo tai yaramy ratxikre, tai ijõdikre adeereny wotòena. Deuxu ruxetòena ijõdikre, kia juhuludu mahãdu-ò riòbitinymy raremyhỹ, riwinykre adeereny arasõwenyrenykre.
\v 18 Deuxu, inydeuxureny, riwinykre kia kia kaiboho biwahinybenykre itxerena tahe ywimy biwinykre, kia bityhynykre ibutumy bededỹỹnana rybe kia jiarỹ rewahinyre adeereny kia kaiboho wiji aõ aõ tewinytenyte wana kua tahe tii awimy tai rahakre.
\c 14
\s1 Moiseisi taijoi-ò rarybere:
\p
\v 1 Kaiboho heka Deuxu riòre toite, inydeuxureny wahe, tai tahe, tiubo bobubenykre inyõ rubu-ò, ixierèsyrenyõmy, arati iwelyradỹỹõmy, kia iwese ijõ mahãdu riwinymyhỹre wese.
\v 2 Kaiboho heka Deuxu aijoi ritarenyre, inydeuxureny wahe; ibutumy aijoi mahãdu su-my rỹira tii heja ritare tamyhyyle ratxikremy.
\v 3 Aõ irỹsỹõmy kia ibinamy rỹira.
\v 4 Kaiboho aõtaxina biròbenyke irodudè bròrenidè kynyhỹ, budòeni, watxini.
\v 5 Budòe, gazela, korxo, watxini bederahymy rỹira, ỹtxilope, budòeni bederahymy rỹira tule gamo.
\v 6 Ibutumy kaa irodu-irodu tibo itàlà wiribi hitxi-my rỹira, tibo adi riromyhỹre tahe aõtaxina birỹsỹkre.
\v 7 Tahe ijõ iroduõ aõtxile aõtaxina birysỹkre, kia itàlà txuraõmy rỹira kia asiròdu kynyhỹ. Tai tahe, kamelo dè iroõmy, lebre tule, kuei bederahy ludu aõkõre, asi dori riromyhỹrenyre, tiibo itàlà jurarenyõre. Adeereny kaa irodu-irodu heka awiõre.
\v 8 Ixỹnidè uritere iroõmy, ixỹnidè adeereny heka awiõre tii dori itàlà jurare, tahe asi riroõmyhỹre. Uritere irỹsỹõmy aõtxile irodu-irodu ibirè ijraõmy tamy aderexiõmy tiubo burubenykeu.
\v 9 Kaiboho aõtaxina birỹsỹbenykre aõtxile utura kia barbatana tule iyjy ijõdire.
\v 10 Tahe uritere àtara iroõmy tibo barbatana tai ijõõre tule iyjy. Adeereny kia àtara heka awiõre.
\v 11 Kaiboho aõtaxina aõtxile nawii birobenyke awi dori rare.
\v 12 Tahe iròrenyõmy kaa nawii; akia, rara, akia beronikỹmy rỹira.
\v 13 Axore, mayrehe.
\v 14 Korvo.
\v 15 Useheweni, abotò, notxie, nawiihikỹ.
\v 16 Moxo, ibi, gralia.
\v 17 Pelikano, abutre, korvo, beronikỹ ludu.
\v 18 Xegõia, wari tule, popa; tule tyrehe.
\v 19 Ibutumy aõxomoxomo itiõ kia ruòmyhỹre kia heka awiõre, kaiboho uritere kamelo irõõmy.
\v 20 Tahe aõtaxina birỹsỹbenyke aõxomoxomo kia heka awi rare.
\v 21 Irỹsỹõmy aõtxile irodu kia dori rubu riwahinyke. Kaiboho aõtaxina biwahinybenyke irodu kia bede webrò mahãdu-ò ahãwãrenymy rasỹmy rỹira ayrenyki tahe kaiboho aõtaxina ijõ bede webrò mahãduõ-di bohonybenyke. Tahe kaiboho uritere irỹsỹrenyõmy, Deuxu dori araterenyre, inydeuxureny wahe. — Ihiradỹỹrenyõmy sohoji watxiwi kia sohoji budòeni iyja kia tadi huỹsỹ ritomyhỹre wahe.
\v 22 Beòra beòra-my ibutumy biutanybenyke sohoji debowiò urihixina riywinymyhỹre wahe.
\v 23 Biwibenyke Deuxu suu riywinyreò, inydeuxureny-ò, kia ritare tamy tyhymy ratxikemy. Tai, Deuxu ruò tyhyle, mydeuxureny, birỹsỹbenykre debowiò urihixina bederaty, tule mona bèsò tule uwerny tule ijõ broreni juhu ijra tule budòeni. Biwinybenyke kia tii rierykremy Deuxu-ò hyy ratxikremy tuhyy.
\v 24 Tahe, kia suu deàlàna irehemy roikre, kia heka ihoõkre iwdy tamy aõkõre debowiò urihixina Deuxu ywisidỹỹna tahe Deuxu riywinyre.
\v 25 Tahe biwinyke kia; bohonyke kia txuramy ywisidỹỹna, biwyke iubeweri kia tyhydỹỹna bede-ò kia Deuxu tai aratare-wana.
\v 26 Tai tahe biwybenykre ibutumy aõbo ixideewimy birỹsỹkre; brorenidè ida budoeni aõbo, mona bèsò, mona bexibexi kia aõtxile ijõ iwitxira ixideewimy. Tai tahe, Deuxu ruò tyhyle, inydeuxureny, kaiboho asỹreny-wana birỹsỹbenykre kia aõnaõna kia ixideewimy.
\v 27 Tai tahe urite nohõti lusaõmy levita mahãdu tai rasỹnymyhỹrenyre tai hãwãhãkỹki ahãwãrenyki. Tiiboho heka aõ ritarenyõtyhy Kanaỹ suki, kia ijõ iny mahãdu wese.
\v 28 Inataõ inataõ-my beòra-my tahe ributunyrenyre kia debowiò urihixina riywinyre kia beòra-my biyrubunybenyke kia hãwã-ki tai kaiboho tasỹnymyhỹtenyteki.
\v 29 Kaa rỹsỹna heka levita mahãdu-ò rare, tiiboho isureny ixiòbiti ijõõrenyre dori; tule bede webrò mahãdu tulere, orfaõ tule wytese mahãdu tai rasỹnymyhỹrenyre ahãwãrenyki. Kawese ibutumy tiiboho ijõdirenykre ibutumy rỹsỹnamy tarumyhỹtenyte wahe. Biwinybenyke kia Deuxu-ò, inydeuxureny, arayrubunyrenykre ibutumy aaõmysỹdỹỹnareny.
\c 15
\p
\v 1 Moiseisi rarybere tai ijoi-ò: — Deboina, deboinatxi reuromy beòra ibutumy moõbo widee rawatxityynymyhỹre tahe riixawdinykre.
\v 2 Kia tahe relekre kawesemy: Inyõ aõbo iubeweri rihuòterewana Israeo mahãdu ritmonykre teve. Tii iòwydỹỹna tiu riwinyõtyhy, iribi tahe Deuxu riwinykre kia teve ritmonyramy.
\v 3 Kaiboho aõtaxina biwinykre kia bedewebrò mahãdu-ò tahe biòwynybenyke, tahe bitmonybenyke tevereny kia israelita mahãdu.
\v 4 Deuxu, inydeuxureny, tahe riyrubunyrenykre tyhymy su-ki tahe adeereny riwahinykre. Tai tahe, aõ tuò rỹiõtyhy israelita hãwãdu bohoki.
\v 5 Kia ibutumy tamyreny itxerena kia Deuxu riywinykre tule rityhynyrenykre kia ibutumy bededỹỹnana wiji jiarỹ wiji rewahinyreri adeereny.
\v 6 Ixideewimy tuu ritidire Deuxu riyrubunykre: Kaiboho bihuòtebenykre iny sõwehekỹ, tahe uritere huòteõmy inyõ-ribi; ijõdikre ihõrõrenymy sõwemy ityrereny, tule aõ iwesereny tuu iwidỹỹ ijõõkre.
\v 7 Tai israelita-ki sohoji ijõdikre wana hãwãdu aõtxile hãwãhãkỹki tahe Deuxu, inydeuxureny, arawahinyrenykre adeereny, ijõdire ruxetòena tamyreny tule wiòhedỹỹna.
\v 8 Arururenydimy matxibenyke tahe bihuòtebenyke ibutumy aiubewerireny tuu rururenykeki.
\v 9 Kiawese rỹikeki tiubo iòhòmy ratxikeki debo inatxi reuro-my beòra, beòra tewytenyte-wana tahe ewereny ritmonykre, kai òsyny taraykynyõhyyte tule taruõhyyte iwiòhedỹỹrenymy. Bexilòhòrarieke kia ibina-my rayky tahe biwiòhenanyke israelita ijoi; aõkõre, tii rirajuakre Deuxu-ò aòludurenymy, tai tahe kai bedeòrarukre òraruna-ki.
\v 10 Ixidee iwahidỹỹõmy bedewona atelesõ-ò, tahe arurutereremy matxike tamy; kawesemy Deuxu, inydeuxureny, riyrubunykre ibutumy aõbo kai biywinykre ibutumy biwinykremy.
\v 11 Tuhyy ijõdikre hãwãdu mahãdu-ò tuu rururenykre iyrenyribi, tai tahe jiarỹ ariywinykre adeereny tahe aruruteremy tawyreny matxikre ibutu-ò.
\v 12 Israelita-ò sohoji ratxikeki, hãbu aõbo ida hãwyy aõbo, adee ijohonamy iòwyõmy raaõmysỹdỹỹnymy rarekemy, tii tahe eòdu-my ratxikre iòwyõmy raaõmysỹdỹỹnykre debo sohoji reuro beòra-my riwykre; debo inatxi reuro beòra-my tahe adee riwahinykre tyhyna;
\v 13 Tahe, tiubo tii rakreu, iteòdỹỹõmy aõ, adee aõ riwahinyõ-ribi iteòdỹỹõmy.
\v 14 Aruruleremy matxike tule biwahinyke awihikỹ kia Deuxu atyre ritxire wahe. Kia riwahinyre budoeni-ò, aõratyraty-ò tule mona besòhòkỹ-ò.
\v 15 Ohõti kai itxi reake iòwyõmy taaõmysỹdỹỹnymy tatemyhỹ Ejitu-ki tahe Deuxu, inydeuxureny, anatade iribi. Tai tahe jiarỹ rewahinyreri adee kaa ywina adee wiji.
\v 16 Tai òsyny iòwyõmy aõmysỹdỹỹ òsyny adee sõwemy awityhyre tule asỹreny-ò tule tai awimy aheto woludu rahamyhỹrenyre, iribi noderamy reoamyhỹrenyre.
\v 17 Kawese-ki tahe kaiboho bidybenyke aheto ijo-ò tahe tohõti birubenyke nohõti rurenadi. Tai tahe tii aaõsỹdỹỹdumy iòwyõmy tuhyy ratxikre. Biwinyke iwesetyhyle ixideewimy iòwyõmy raaõmysỹdỹỹnymy rareke.
\v 18 Urite tamy aõmy nohõtiõmy tiubo kai tuu burukreu tamy tyhyna biwahinykre eòdu iòwyõmy raaõmysỹdỹỹnymyhỹre. Ionanau tahe, tii ratire aaõmysỹdỹỹdumy debo sohoji reuro beòra-my, iweare beòra-my tahe biòwynykemy tahe rurumy rare tii dori eòdutyhymy rare. Biwinyke aõbo jiarỹ reteònyre myna, tai tahe Deuxu arayrubunykre ibutumy aõbo biwinykre.
\v 19 Broreni jura jura iòraru tahe tule budoeni jura, hãbu-my ruakeki, Deuxu-ò ratxikre, inydeuxureny-ò. Tai tahe iureõmy aõmysỹdỹỹna kaa broreni jura tule ityy iàresyõmy kaa budoeni tyy.
\v 20 Ibutumy beòra beòra bidyke kaa irodu-irodu kia Deuxu bede wihikỹ ritare-ò, Deuxu heka, tai, Deuxu ruò tyhyle, kaiboho tule asỹreny wana biròbenykre idereny.
\v 21 Tahe, ijõ iroduõ ibinamy iyreny-ki ratxikeki, iruesu-my aõbo, itiàremy aõbo, aõtxile aõbo tai aõ tai ibinamy, Deuxu-ò xiwenamy rawahikre ijõõre.
\v 22 Kaa irodudè tahe aõtaxina dòmy reakre heto-ki; kaiboho ibutumy, aõtaxina ide heka awityhyre tule ijõ awityhyõre, aõtaxina, birobenykre kaa irodude aõtaxina irodude aõbo ibinakeki birobenyke gazelade aõbo budoede aõbo.
\v 23 Tai tahe irỹsỹõmy hãlubuõ; bitxiwike hãlubu suò, kia bee wese.
\c 16
\p
\v 1 Moiseisi rarybere taijoi-ò: — Beysabenyke biwinybenyke pascoa worana bedehesi Deuxu deewimy, abibe ahãduu, kia kaa ruu tahe Deuxu, inydeuxureny, aratarenyre Ejitu-ribi.
\v 2 Boibenyke Deuxu suõ adeereny riwahinyre-ò tahe tuu beàlàbenykre tai tahe riwahinykre xiwena iroduõ tamy tu heka tabudoeni yribi ritare tule tabroreni yribi ritare pascoa worana bedehesi-ò.
\v 3 Tuhyy xemana bededeysana-u tahe pão tauriwana raurinymyhỹre uritere irỹsỹõmy; birỹsỹkre kia paõ iuriõmy relemyhỹrele birỹsỹkre, kia heka kawese rare tahe paõ teytenyte tiubo Ejitu rotena-ribi teòlònytenyteu. Kaa heka paõ, ini “paõ aõhỹkỹmydỹỹnana” tahe kaiboho aõtaxina biybenykre bededeysana bedeu, tahe tiu õhõtireny rusaõtyhy itxu-ribi tiubo Ejitu-ribi tadiòlònyteu.
\v 4 Debo inatxi reuro tuhyy bededỹỹnana deysana-u heka uritere inyõ ibutumy bedewebrò mahãdu taheto-ki paõ uridi taheto-ki noomykre. Tahe iroduõ rurukeki kia bededỹỹnana deysana oraruhe idi aõtaxina birobenykre iru-my uritere iuhedỹỹrenyõmykre.
\v 5-6 Kia irodu-irodu rawahinyre xiwenamy worana bedehesiò ixinamy rurukre sohoji bedekihyyle, kia heka, Deuxu ritare sỹỹ taile tahe deàlàna rỹire, inydeuxureny wahe. Aõtxile su-my sỹỹ rỹire-ki tahe Deuxu riwahinyreri, kaiboho birubunybenykre irodu. Birubunybenykre txu iribi namyhỹdeò, kia txu erysynau heka Ejitu-ribi kaiboho tadòhònytenyte.
\v 7 Bihiranybenyke tahe birỹsỹbenyke irodude kia sohoji sỹỹ ritare kihyyle Deuxu-my beàlàbenyke kia rudiu tahe bodòòsebenyke ahetorenyò.
\v 8 Debo sohoji reuro-ki tahe aõtaxina birỹsỹbenyke paõ iuriõmy rỹire kia debo inatxi reuro txuu ijõdikre sohoji butuna tyhy Deuxu deewimy, inydeuxureny wahe kia txuu tahe kaiboho uritere aõmysỹdỹỹrenyõmy.
\v 9 Debo inatxi xemana iribi tahe biòrarunybenykre maixomoni sirede.
\v 10 Beysabenyke bederaty rededi, Deuxu heka riwahinyre, inydeuxureny wahe. Biwahinybenyke tamy aõbo adeerenywimy tuu ritidiremynamy tahe tamy ywina biwahinyke kia Deuxu adee riwahinykeki.
\v 11 Deuxu ruòtyhyle, kia bede adee ritare-wana tahe tawy beàlàke, ibutumy tai besebenykre tule beysabenykre; kaiboho, tule ariòrereny hãbu tule ariòrereny hãwyy, tule eòdureny iòwyõmy raaõmysỹdỹỹnymyhỹre tule levita, kia bedewebrò mahãdu, órfão tule wytese tai rasỹnymyhỹrenyre hãwãhãkỹki titxibo kaiboho tatximyhỹtenyte.
\v 12 Ohõtireny lusaõmy kaiboho iòwyõmy taaõmysỹdỹỹnymy toite mahã-ribi Ejitu-ki; bityhynybenyke ionanau kaa bededỹỹnana rybe.
\v 13 Iribi maixomoni hitxihitxidỹỹ-ribi tule biruỹnyke bederatysò, beysabenyke tule besebenyke ixena heto-ki debo inatxi reuro txu-my.
\v 14 Ibutumy besebenyke deysatyhymy: Kaiboho, ariòrereny hãbuboho tule ariòrereny hãwyyboho, tule eòdureny iòwyõmy raaõmysỹdỹỹnymyhỹre mahãdu hãbu tule eòdureny hãwyy iòwyõmy raaõmysỹdỹỹnymyhỹre mahãdu tule levita mahãdu, tule bedewebrò mahãdu, tule órfão kia wytese mahãdu kia hãwãhãkỹmy rasỹnymyhỹrenyre titxibo kaiboho tasỹnymyhỹtenyteki.
\v 15 Beysabenyke debo inatxi reuro txu-my Deuxu deewimy, inyDeuxureny, kia bede riywinyre adeereny tahe tuu beàlàbenyke. Eysamy matxibenyke eysatyhymy, iribi tahe Deuxu adeereny kidiwahinykre ao rede wihikỹ tahe bitynykre ibutumy aõbo kaiboho tewinytenyte.
\v 16 Kia heka inataõ-my bededỹỹnana kia ibutumy hãbu israelita mahãdu rexideòsinyrenykre Deuxu ru-ò tyhyle kia bede tii ritarekile tahe tuu beàlàbenykre worana bedehe ixena, aõnaõna redena bededỹỹnana deysana tule ixena deysana. Tiu heka inyõ ao riwyõtyhy Deuxudee riwowydynykemy.
\v 17 Tahe iny sohoji sohojihe riwinykre tahõrõ kia rybe myna tahe tamy ywinahãkỹ Deuxu, inydeuxureny kia riwahinykeki, kaiboho tahe bitabenykre ywidỹỹdu tule ijõ hãbunihikỹ iny sohoji sohoji-ò ratxikre-my. Tiiboho tahe riijerenykre ibutumy aõnaõna ijesesenaò òbitityhynaò.
\v 19 Òbitiõmy ratxirenyõkre tabedỹỹnana-ki sõwemy; riywinyrenykre ibutumy wiwesehyyle tahe xuborno-ò reòbyõtyhy. Xuborno heka arue tamy matxike kia sõwemy riwahinykre òbitiõmy.
\v 20 Òbitimy matxike; òbitimy matxike tuhyy òbitityhymy ibutu dee eysamy tahe asu-my suu bimyke Deuxu dee: Wimy, inydeuxureny, tahe adeereny riwahinyreri.
\v 21 Moiseisi rexinoranyre rarybere: — Tiubo kaiboho biwinybenykreu obiunaõ deàlàna-my Deuxu-ò, tahe Deuxu, tiú ritidiõtyhy tamyreny iòhòmy sohoji òwòru Asera Deuxu.
\v 22 Sohoji urihixina urihixina Deuxu Baao. Deuxu, inydeuxureny, ibinamy kaa aõmy rỹimyhỹre turumy.
\c 17
\p
\v 1 Iwahidỹỹõmy xiwena Deuxu-ò inydeuxureny-ò, broreni hãbu tule kia sohoji budoeni kia ibinana tai ijõdire, Deuxu tahe ibinamy tai rahamyhỹre.
\v 2 Isiratyhyre, kia hãwãhãkỹ aõtxile Deuxu, inydeuxureny, arawahinyrenykre tamyreny, sohoji hãbu tule sohoji hãwyy Deuxu-ò rexiòrarunymyhỹre tahe riaròmyhỹre kia awi riwinymyhỹre tamy.
\v 3 Kia tahe, beàlàke iwitxira deuxu-my, txu-ò aõbo, ahãdu-ò aõbo, taina aõbo, rityhynyõhyymyhỹre kia Deuxu bededỹỹnana rybe.
\v 4 Rieryrenykeki inyõ aõbo riwinyrerimy kia, biijeke ibededỹỹnana ywityhymy. Kia inatyhymy riwinyremy, kia aõ, tahe oraruna riwinyre ibinatyhymy Israel mahãdu tyaki.
\v 5 Bidyke iny orarudu, aõtxile hãbu aõbo, kia hãwyy aõbo, hãwãhãkỹ-ribi irehemy tahe birubunybenyke mana-di.
\v 6 Tahe ijõdikre awi rare inatxi iòbidỹỹdu kia sohoji iny ralokre rubu-ò; inyõ rurukre tii aõbo sohoji obitidỹỹna ijõdikre.
\v 7 Iòbitidỹỹdu tahe ratxikre sohoji tahe behubenykre manadi tibo aõhỹkỹ-ò rare, iribi ibutumy tule ijõ mahãdu rehurenykre manadi tule. Birubunybenykre kaa iny tai tahe kawese bitabenykre iny bina iyreny-ribi kia imahãdu yribi.
\v 8 Aõtaxina rỹikre kia tahe rexitynynykre hãwãhãkỹki kia aõ isirahakỹtyhyre, aõywidỹỹdu tiu ao riywinyõtyhy aowaxina he kia ao ibina bròmy ratxikre bedebina-ki, kia suòraruki aõbo, kia aõbina oraru-ki aõbo, kia ijõ aõtxile aõbo ibina oraru-ki aõbo. Tiubo kia rỹikreu, kia tahe rakre titxibo suu Deuxu tamy riwahinyreò, Deuxu, tamy tahe beàlàke.
\v 9 Biteòsinyke aõbo ioraru kia levita deòdu-ò tule aõywidỹỹdu-ò kia aõ riywinyreri wana kia juhu bedeu. Tiiboho riijerenykre òbiti kia aõbo riwinyre tahe riwahinykre ionanatyhy.
\v 10 Kaiboho biwinybenykre ibutumy aõbo tiiboho-diteònyde rityhynymy ibutumy kia iaõna aõna riwinyre.
\v 11 Beòbybenyke ionanareny-ò, marybebenyke marybebenyke awidỹỹnareny bityhynybenyke ywimy ibededỹỹnana kia tamyreny riwahinyrenyre.
\v 12 Tahe, ijõdikeki inyõ tahe xiwedemy, tahe timy ityhydỹỹmy ionanareny-ò kia teòdureny-ò kia tule aõywisidỹỹdu-ò, kaa aõtxile tahe rurukre aõbo tai tahe kaiboho bitabenykre ibina imahãdureny yribi Israel mahãdu yribi.
\v 13 Tiubo rieryrenykreu kia rỹikreu, ibutumy rỹikre brebu, tule inyõ riwinykre iwesetyhyle aõnaõna.
\v 14 Iribi kaiboho terònytenyte su-ò kia Deuxu, inydeuxureny, kaa adeereny riwahinyreri tahe asurenydi teysatenyte iribi tahe kaiboho tai tasỹnytenyteu tiubo, kaiboho bitabenykre sohoji hãwã wedu tii hãwã-di retekremy, iwese ijõ hãwã wedu iòhòmy rỹimyhỹre wese.
\v 15 Kia hãbu ritarenyre kia Deuxu-ò ratxikre, kia wedu wahe. Bedewebrò mahãdu tahe aõkõre; israelita sohojihyyle tahe awire Deuxu deewimy wedu-my ritakre.
\v 16 Kia hãwã wedu tahe awaru sõwemy tai ijõõkre ixoludumy tule hãbu mahãdu riteònyke aõkõre kia Ejitu-ò awaru õbradỹỹmy, Deuxu heka tiu aõkõ adeereny rarybere kia tiu bòòsebenyõtyhy Ejitu-ò.
\v 17 Hãwã wedu uritere hãwyy, sõwehekỹmy tai ijõõkre, tai kiawese-ki tahe bidybenykre bihubenykre Deuxu-ò. Tule ibutudỹỹrenyõmykre womati trỹrỹhỹkỹ, tule womati ura trỹrỹhỹkỹ sõwemy aõkõre.
\v 18 Tiubo hãwã wedu hãwã-di itxere riòrunykreu, kiditeònykre riwinykre sohoji ityytyby bededỹỹnana rybe Deuxu tyyriti-ki rayrubumy roire kia deòdu levita boho-ki.
\v 19 Tii uritere tai kia ityytyby tule ibutumy aumydi rirana rybe riwykre, tahe bierykre Deuxumy brebu, inydeuxureny, bityhynymy tuhyy matxikre obitimy, ibutumy bededỹỹnana rybe kia ibutumy bededỹỹnana.
\v 20 Kia biwinykeki kia, tii aõmy raraykynyke ijõõre kia ijõ mahãdu wese aõkõre tahe ritynykre obitimy ibutumy bededỹỹnana rybe. Kiawese tahe tai ratxikre sõwemy beòra tai riijekre, kia tahe iriòreriòreõ tahe hãwã wedu-my runykre Israel wedu-my tai sõwemy bede riwykre.
\c 18
\p
\v 1 Moiseisi rarybere taijoi-ò: — Levi mahãdu ao ritarenyõhyykre suu Kanaỹ-ki, ijõ mahãdu iny wese. Tai tahe, levita mahãdu deòdu ritarenykre tahõreny kia tamy riwahire oraruki Deuxu-ò.
\v 2 Tiiboho tahe suu tamyreny ijõõkre, Deuxu deewimy tii tuu ritidire, kia ijõ iny tahe tahõrõrenymy hãbu mahãdu tahe tuu robirenyre Deuxu deòdu-my.
\v 3 Tiubo inyõ riwahinykre broreni hãbu tule kia budoeni xiwenamy Deuxu-ò, deòdu mahãdu tahe ritarenykre tỹina ioludu, ixỹ juraru tule kia buxo.
\v 4 Ritarenykre tule aõbo kia aõbo tamy riwahinyre kia tamy riywinyre juhuu, bederaty maixomoni, mona besò, uweryny, tule isirasira.
\v 5 Iribi tahe Deuxu, inydeuxureny, ritare ibutumy iny mahãdu yribi kia Israel mahãdu yribi tamyreny ratxikemy tule itomoranarenymy tamy teòdurenymy ratxikre tuhyy.
\v 6 Kia sohoji levita tai rasỹnymy ratxikeki Israel hãwã-ki tai awimy rakeki kia bede ritare-ò deàlàmy Deuxunimy, kia aõtaxina rakre tiubo ixideewimy.
\v 7 Tii tamy reobykre deòdu wesemy Deuxu-ò, inydeuxureny, riwinymyhỹre wese kia levita mahãdu-ò tai ratximyhỹrenyre wahe.
\v 8 Tahe ritarenykre iwesetyhyle sõwetyhymy aõnaõna rỹsỹna kia ijõ aõmysỹdỹỹdu ritarenyre, iribi tahe, ijõdikre ibutumy tai ratxikre aõbo asỹ mahãdu tai rahakre.
\v 9 Tiubo kaiboho asureny-my suu bimybenykreu Deuxu, inydeuxureny, adeereny riwahinyreri, tahe iryrysyrenyõmy ihõrõrenytyhy ybi-my imahãdureny tai roire.