See in Reader
81 lines
6.7 KiB
Plaintext
81 lines
6.7 KiB
Plaintext
\id TIT
|
|
\ide UTF-8
|
|
\h TITUS
|
|
\toc1 TITUS
|
|
\toc2 TITUS
|
|
\toc3 tit
|
|
\mt TITUS
|
|
\c 1
|
|
\cl Pasal 1
|
|
\s Salam tagun Titus
|
|
\p
|
|
\v 1 Wali Paulus, atana Bramba Allah mon Rasul Kristus Bramba Yesus, epaptumbana demi imannono atoyo pahpedena Bramba Allah mon alghene apretih barana toyo alghene
|
|
\v 2 tanaka ngarkehe toyo alngoleya pahdapan amopiro morwiali-morwiali, epaprahinaka wal atu Bramba Allah el jan takiya el janhetopijana.
|
|
\v 3 Pahi lodono Bramba Yesus, Bramba Yesus mengeke ban takiya Linya Bramba Allah lapplinyi ban takiya mengeke bawani baragu sesuai eb paptakina Bramba Allah, Juru Selamattod yicca
|
|
\p
|
|
\v 4 Bar Titus, ana el sah el iman yicca. Pamnouron mon damai sejahtera wali Bramba Allah, Bapa, mon Bramba Yesus Kristus, Juru Selamattod yicca.
|
|
\s Tugas-Tugasono Titus taguna ebpede Penatua el Kreta
|
|
\p
|
|
\v 5 Orna alasan yiya yaya kumdalgimki el Kreta, yaitu tanaka yemmi ngolewongo payaka ep atur mon pdete penatua-penatua el setiap kota, merwadoka epaptakigu el bar yemmi.
|
|
\v 6 Diya harus toyo el jan kdiroko, laghi wali toyo arweya, eng ananna el lamwango, mon inpdonni or mopiro el jan daha ato tonggor ktaku.
|
|
\v 7 Orank, lahtoyo meng jemaat haruslah toyo el jan kdiroko tanaka lapghili bar Bramba Allah, jan lede, jan leca ban bani, in toyo mabuk, jan benga hpalung, mon jan kdab wanwuna utu.
|
|
\v 8 Hewadonoka, benga wonga el tona, albenyi payaka el daha, el peghe, jan phala oltona, ghene, mon ngole kwahaya polto wanwuna.
|
|
\v 9 Diya el keti langtakani abneghe el ngole eb wani, mereloldiyaka ne paknikin, sehingga diya ngoleka wonni pa apini menurut paknekini el ghene mon takinanni ngarkehe toyo el lak kiyakin.
|
|
\p
|
|
\v 10 Ornak, danga toyo el tonggor ktaku, benga pneghe rehi, mon tipu, khusus toyo el wali omono el bar toyo el sunat.
|
|
\v 11 Diya pantas todidaddi ghobada ornak diya laphuhaya toyo e ihi umma ban paknekini hal-hal el seharusnya jandiya diya pakneknak, el justru ngandi hal epah mekwongo.
|
|
\v 12 Bah toni wali diya, yaitu nabi diya wanwuyo, lapnegngo, "Dasar toyo Kreta mbuelet, merko hranga el bani, mon tukanga muyo el degere."
|
|
\v 13 Kesaksian yiya al ghene. Ortaetu, takibdanki diya wango pgahhi tanaka diya dadiwongo ndaha el iman.
|
|
\v 14 Amkharani ngarkedek toyo Yahudi mon pretene atoyo el jan himbaya al ghene.
|
|
\p
|
|
\v 15 Taguna el murni, ngarkehe didiyaka el murni. tapdimoko, taguna diya el lakdiroko mon janwango, janga bahto panguya el murni ornak baik pangada maupun atid diya akdiroko.
|
|
\v 16 Diya amngaku pegheni Bramba Allah, tapi ebpapdahada diya menyangkoloya Bramba Allah. Diya netu pahmutdengengoyo, janmwango, mon jan sanggup ban pghilini papangubaka el daha.
|
|
\c 2
|
|
\cl Pasal 2
|
|
\s Paknekenge el Ghene
|
|
\p
|
|
\v 1 Tapdimoko, yoyo, paknekbanki hal-hal el sesuai e paknekenge el daha.
|
|
\v 2 Kbani el rehi blupu harus ngole mtahanga, paphormat, kwahaya polto wanwungo, serta daha iman, el pamnourong, mon el pgahikrohing.
|
|
\p
|
|
\v 3 Warcoyo-warcoyo el rehi blupu harus thudoni hada el ghene, inpneghewongo ngar toyo ato ata anggur, tapi harus paknekini payaka el ghene
|
|
\v 4 Nebhengoko netu, diya ngoleke pa apindi warcoyo-warcoyo jan blupu tanaka mnouworwadi laghid, mnouridi anada,
|
|
\v 5 kwahawadi poltoda, ghenne, urhuwadi tagu ummada, ramah, mon wani alaghina, tanaka Linya Bramba jan hal oleka.
|
|
\p
|
|
\v 6 Hewadonaka, pa apidi toyo jan blupupongo tanaka kwahanai polto wanwuana.
|
|
\v 7 Ngarkehe baka hal, dadibaka poltomu teladan el papghilingi el daha. Ebpaknekini phudomniki hada el daha, kehormatan,
|
|
\v 8 apneghenge el daha jan diroko tanaka ngarkehe muhu mokko mekeke ornak jan ngole ban pnegheni el jan ghene tutuna yicca.
|
|
\p
|
|
\v 9 Ata harus wani tuan diya ngarkehe papangubaka, usaha baka pdaha dadi atid, mon in mlawang.
|
|
\v 10 Amkedu damaka, tapi phud domniki bahwa yoyo ngole ebketidi tanaka ngarkehe netu diya memuliakan paknekene Bramba Alla, Juru Selamatod yicca.
|
|
\p
|
|
\v 11 Ornak, papnourono Bramba Allah el ngandiya ahlamata mengeke ban phudoni ngarkehe toyo,
|
|
\v 12 tanaka mampu wongo yicca inhibwani hal-hal eljna ghene ataupun papngadanak yilpannu tana sehingga yicca ngoleka mopir kwahaya polto wanwungo, inphala oltoyo, mon ghene yiya hennenne pahdapang,
|
|
\v 13 sementara yicca magini pahdapad el banu berkat, yaitu el emini el banu kemuliaan wali Bramba El Bolokolangtaka, mon Juru Selamatod yicca, Kristus Yesus.
|
|
\v 14 Bramba Yesus el woyaka poltona tagun yicca tanaka baghir wani yicca wali ngarkehe papdahada el jandaha mon tanaka suci wani poltonna, suatu umat pahpedene el engkrohina ban pghilini ahada el daha.
|
|
\p
|
|
\v 15 Paknekbanki ngarkehe yiya. Pa apidi mon tegurbahki mon wango wal ihi. janga toyo el lahburugu yoyo
|
|
\c 3
|
|
\cl Pasal 3
|
|
\s Hennya Mopir el Ghene
|
|
\p
|
|
\v 1 Pa apban ngarkehe atoyo tanaka awa wani apneghene mon kwaha, mwango mon siap pghilini ngarkehe hada el daha,
|
|
\v 2 jan takiya el jan henya garpangubnik, jan hpalung, dah ati, meng hepid panguna ahadana ban ma aluh ngarkehe baka atoyo.
|
|
\p
|
|
\v 3 Ornaka, yicca atu waddi kbangnga, in mwango, konklene, ap atdaka ngarkehe pahbejaka mon papdah wadaka, mopiro el lakpaddu mon knuerek, amuhuda mon muhwudaka.
|
|
\v 4 Tapdimoko, ketika dah atina mon pamnourono Bramba Allah, Juru Selamattod yicca, baphudoni,
|
|
\v 5 Bramba Allah ahlamdak yicca, indimoko bapdaha elghene yicca paoghildaka, tap or pamnourono Bramba Allah plinyi adadi hbali mon ahbaruna Roh Kudus,
|
|
\v 6 e Bramba Allah pahwodaka el bar yicca meng inkurongo plinyiki ellak Kristus Bramba Yesus, Juru Selamatod yicca.
|
|
\v 7 Jadi, mengeke mba pghenegimi or pamnourono Bramba Allah, yicca dadika tagudani sesuai epahdapanga enne amopiro el morwiali-morwiali.
|
|
\v 8 Yiya apneghenge el ghen pidpanguna. Tutuna hal yiya yoyo peghepipangunik tanaka ngarkehe atoyo el wani Bramba Allah ngolewongo pgahhi eb bapghili ehada el daha. Hal-hal yiya daha mon mengwalina taguna ngarkehe toyo.
|
|
\p
|
|
\v 9 Tapdimok, erbanki pneghe wolhowungo, am ptudu-tudungo, phegwungo, mon hpalunga el lak kbangnga tutuna Hukum Taurat or hal netu janga mwango mon hal olok.
|
|
\v 10 Taguna atoyo el lapwolongo mon paphegwongo, pa apini diya hmihong ato pdungo, mengeke taetu brobaniki diya.
|
|
\v 11 Ornak yoyo peghe wadini toyo al henya netu mengeke bakhodini klene mon banuniki doho, diya lakdam wanwuanak idaha el pannu tonna.
|
|
\s petunjuk terakhir mon salam
|
|
\p
|
|
\v 12 Setelah yaya bak ptuboni Artemas ato Tikhikus el baramu, usaha baka emgimi el baragu elNikopolis ornak yaya mengeke memutuskan tanaka lodowongo anonno selama ban weurongo nam.
|
|
\v 13 Perhenya pgahina tenagamu, bantuni Zenas, a ahli hukum netu, mon Apolos al emini el lara tanaka ngarkehe atoyo jan mkurongo papangubaka.
|
|
\v 14 Haruslah atoda yicca pgahi langtakanga kneke ebapghili papghilida el daha tanaka ngarkehe atoyo ngolewongo ban ptutini ngarkehe pahbutuna ihlodo-ihlodomon jan mopiro eb jan berubah pongo.
|
|
\p
|
|
\v 15 ngarkehe atoyo al enni el baragu apdukini salam tagumi yemmi. Pdukgani salam bar ngarkehe atoyo papnourom yamma el iman. Pamnourongo engkrohina el barami yemmi ngarkehe
|