kod_reg/46-ROM.usfm

640 lines
63 KiB
Plaintext

\id ROM
\ide UTF-8
\h ROMA
\toc1 ROMA
\toc2 ROMA
\toc3 rom
\mt ROMA
\c 1
\cl Pasal 1
\p
\v 1 Paulus, witlim Bram Yesus Kristus, epakwulongo kabalingo Rasul mon ptangu knehedani Injil Bram Allah;
\p
\v 2 Epdol mengena Bram Allah mban prahini eb jan dol hepianak melalui nabi-nabi-Na el barana Hurto Mbihhana
\v 3 tutun Anana, elle menurut mbina dadi wal wuwalana Daud,
\v 4 mon ebab phundoni sebagai An Bram Allah elak kwuaha melalui akedene el antara to mati menurut Roh Kekudusan, yaitu Kristus Yesus, Mori yicca.
\p
\v 5 Melalui Diya, yamma himbiaya aknuru knangga mon jabatan kerasulan taguna ngandiya ketaatan iman el barana ngar bangsa in Yahudi tutuna a ngara-Na
\v 6 termasuk yoyo epap kwulana taguna kbalingo milik Kristus Yesus.
\p
\v 7 Barami yemmi ngara kehe el anggimi el Roma, epamnoworono Bram Allah, mon epakwulongo kbalingo to kudus: Aknuru knangnga mon damai sejahtera tagumu wal Lambram Allah, Bapa yicca, mon wal Mori Yesus Kristus!
\s Paulus Benggo Lamatini Jemaat el Roma
\p
\v 8 Akwungana, yaya kutrima kahiyo Bram Allah ngu melalui Kristus Yesus el barami yemmi ngara kehe ornaka a imnummu mengeke mba phundoni ngar keh pannu tana.
\v 9 ornak, Bram Allah, epap layanigu wango roh el barana Injil Ana-Na, menjadi hakhinggu bahwa yaya jakku bulongim yem ngarkeh;
\v 10 Eb bakku hmbangio, yaya engenga mbuk kreyya tanaka pirhennya henenne, or be atina Bram Allah akhirnya yaya berhahilok mimiatgim.
\v 11 Yaya belangtakanga tobokgimmi tanaka yaya ngali wongo suatu karunia rohani taguna pgahingimmi,
\v 12 didoyaka tanaka yicca ngali pgahhi bersama-sama or iman mangwungo, baik imnummu maupun imnunggu.
\p
\v 13 Lolede, yaya benggo yemmi peghini bahwa yaya dolkambu ati mem nguk untuk mimiatgim, tetapi prapongo henenne epiongok lamhambat, tanaka yaya weddi gutiya hahil gutimu wal antara yemmi sebagaimana wal antara bangsa-bangsa el in Yahudi lainnya.
\p
\v 14 Yaya phaghi el barana to Yunani mon el barana to barbar, el mang mgan ati maupun barana to kbangga.
\v 15 Or dunuanik anetu, yaya belangtakwangu pdukin Li Bram Allah el barami yemmi to Roma.
\p
\v 16 Yaya jakku mek dengeni a Injil, ornaka a Injil diduyaka kuahana Ambram Allah taguda keselamatan ngarra toyo el wani; akwungana taguna to Yahudi, meng weddi taguna ato Yunani.
\v 17 Orana ndodolona, Kebenaran Bram Allah laphundoni wali el iman, merdok elamturoho: "atoyo el ghana el mopiro oro iman."
\s Abanina Bram Allah terhadap Atoyo elapdaha Doho
\p
\v 18 ornak, abanina Bram Allah laphundoni wali iomo Surga barana toyo elapdaha ngara in'dah el nokoni kebenaran wango papdahada diyo.
\v 19 ornak ta'a netu, payak epap peghena tutuna Bram Allah mengeke mban jelas tanguda ngara diyo orna Bram Allah dol pdodok nanki el ndiyo.
\p
\v 20 Memang, hitu pannu tana mba pdahaya, hadana Bram Allah ep jap ngole icceya, yaitu kwuaha-Na el kekal mon hadana el ilahi-Na, mengeke ic jelasoy untuk peghini melalui tutuna epapdaha-Na prapongo diyo ja ngole berdalih.
\v 21 tapdimoko, pirhebaddaka diyo mba pegheni Ambram Allah, diyo jap pa'akini sebagai Bram Allah ato bersyukur el bara-Na; hewejodaka, apgadada diyo jan berguna mon atida elakbangga kbalingoko kpandu.
\v 22 Diyo lapgadani apoltonna peghe langtakka, tetapi kbalingok mbangga,
\v 23 mon tukorini kemuliaannon Bram Allah el jan nodo wango gomboro topiyo el nghen, khilla, hranga el pakpotong witina, ato hranga el lahlokowongo kabuna.
\p
\v 24 ornak ta'a netu, Bram Allah pahraknanki diyo epahbe atin diyo bengngo numma prapongo diyo mung mnumwudaka el antara diyo kneheng.
\v 25 ornak, diyo apdeluniki a ghanana Bram Allah wango boleton, mon akwodo ktabani epap pdahada, in ndi wialik enna apdahahi epap kwodo ktaba'nda, p'engdete bayaka enne apdahangimmi pranpongo morwiali-morwiali. Amin!
\p
\v 26 Ornak ta'a netu, Bram Allah diyo el barana nafsu-nafsu el hina, ornak rawicoyo apdelnik el hapu mono el jan hapu.
\v 27 hewad'donaka hakbani, diyo, lamdalaniki ahubungan el hapu or rawicoyo, tetapi leruko el nafsu terhadap ihto mon lahtoyo; kabani mon kabani apghiliniki epah mek engenge; mon el poltodda diyo ahimbiaya ahukuman walina adoho papdahada diyo.
\p
\v 28 mono, oronaka ndiyo njana bengo mengakuni Ambramba Allah el peghen ndiya, maka Ambramba Allah el pahrakaniki ndiya lahdapango lapngadana el bobrok tanaka ndiya lapndahaka hal-hal el heppindi panguna njana ndika papndahana.
\v 29 Diyo abanunik ngarbaka etu jan ghen, in'dah, kwaha brapu, mon hmuhung; mon bannungoko knorek ati, hmati, hmerngandungo, boleto, mon kedengkian; diyo didihiki to'pnumma,
\v 30 Takiya el jan hennya, muhini Bram Allah, kaharo, pneg rehi, ghob mbokolo, to'toboko indah, in ta'atoy to mtuyo,
\v 31 kbangga, in setia, jango perasaan, mon mrubuk.
\v 32 Mon, pirhebanaka diyo mba peghini a peraturnon Bram Allah lapneghengo bahwa toyo elapghilini anetu pantas mati, diyo induk wedimnanki tetapi weddi dukgini toyo pghilini hal-hal netu.
\c 2
\cl Pasal 2
\s Paklokbaniki Bram Allah elakbalingon Hakim
\p
\v 1 Orona netu, yoyo in ngali berdalih wiali, hei to'pi, gara lolobaniki el hakimiya to heke, ketika yoyo mbu hakimiya diyo, yoweddi hukmini apoltommu; ornak yoyo weddi el hakimiya pghili weddi el merek anetu.
\v 2 yicca pegheni bahwa penghakiman Bram Allah pakbutukniki el adil wango barana ngar toyo elapghilini hal-hal netu.
\v 3 Tapdimoko, apakah yoyo mbu pgadani ngole lohongo wal penghakiman Bram Allah, hei to'pi, yaitu yoyo el hakimiya diyo elap pghilidi hal-hal netu, tetapi weddi pglihi hal-hal el mere?
\v 4 Ato, apakah yoyo pgad klewini arot mil ati-Na, blo ati-Na, mon kelapangan ati-Na wangio in peghini bahwa kebaikkan Bram Allah bertujuan untuk memimpinung yoyo el barana pertobatan?
\p
\v 5 tapdimoko, orona a hadda tonggoro ktakumu mono atimu el jan bengngo bertobat, yoyo tenggere bondolo murka el polto mangu wumu taguna a'loddo kemurkaan ketika penghakiman el ghen wal Lambram Allah mban phundoni.
\v 6 Diya neme wolnanni ngarkeh toyo sesuai epapdaha:
\v 7 didoyaka a mopir jango dukana el barada diyo el wango ketekunan pdaha dah eban kdabaya kemuliaan mon ap'akang,
\v 8 Tetapi murka mono abanina el barana diyo elah penting knewuna mon diyo el jan taatoy kebenaran, tetapi al'nomtoy el jan ghen.
\v 9 Enggio kriya mon ahuhana ngarkeh dewana toyo elapdaha in'dah, rereh'mong to Yahudi mon to Yunani.
\v 10 Dimoko, kemuliaan, ap'akanga, mon damai sejatera tangunanni ngarkeh toyo elapdah dah, rereh'mong to Yahudi mon to Yunani.
\v 11 Ornak, Bram Allah jan pedeya atoyo.
\p
\v 12 taguna atoyo elapdaha dosa tanpa peghini Hukum Taurat, diyo neme hal'iole tanpa Hukum Taurat. dimoko, toyo elapdaha doh enniki el Hukum Taurat ahakimiyaka berdasarkan Hukum Taurat.
\v 13 Ornaka, indi ndiya toka'ktanga Hukum Taurat epap ghananga lahdapana Bram Allah, tetapi atoyo elapghili epap'phudananni ghen.
\v 14 Ornaka, ketika to in Yahudi el jan mang Hukum Taurat pahlokini secara alami payak epaptuntuton Hukum Taurat, maka diyo, el jan engngio Hukum Taurat, diduyaka Hukum Taurat taguda diyo kneheng.
\v 15 Hal yiya lapdodokini bahwa perbuatan Hukum Taurat netu lamturoho el atida diyo, nurani diyo wongngo hakhiynya, mon pgadada diyo mung pdowuda ato mung mbelewuda,
\v 16 pahi a loddo Ambramba Allah menghakimiya apgadada to'pi elambuningo melalui Bram Yesus Kristus sesuai a Injil.
\p
\v 17 Tapdimoko, jika yoyo nebbe takiya a poltommu to Yahudi mon lamterngoko el Hukum Taurat, serta enge el barana Bram Allah,
\v 18 peghini epah ben-Na, stujini payak el dah, epah mengena ajar nguni mengenai Hukum Taurat
\v 19 mon monobniki bahwa poltommu diduyaka penuntut taguda diyo el enni lak'pandu,
\v 20 pengajar taguda toyo elak'bangnga, guru taguda toyo el jan dewasa, ornak engngio perwujudan peghe mon kebenaran el barana Hukum Taurat,
\v 21 maka hei yoyo el paknekenge to heke, pene yoyo in paknekini a polto mangwumu? Yoyo el paknekidi ngara ndiyo tanaka am ke'ndu, tidakah yoyo ke'ndu?
\v 22 Yoyo el herungo toyo am'mga engnge arwe olum klaghi olum, tidakkah yoyo mgaya? Yoyo el jijik terhadap kwodini ambrapu, tidakkah yoyo krebeya um brapu?
\v 23 Yoyo el engge terhadap Hukum Taurat justru hmekemoko Bram Allah wango langgani a hukmo-No!
\v 24 Ornaka, henyya elamturoho: "Ngaran Bram Allah apruhaya el antara bangsa-bangsa heke orum yoyo."
\p
\v 25 Sunat memang mang nilai jika yoyo wani Hukum Taurat, tetapi jika yoyo to langgani Hukum Taurat, maka sunatummu menjadi in bersunat.
\v 26 Jadi, jika el jan bersunat laplakuya apretena el Hukum Taurat, bukankah el jan sunat netu baghiya sebagai to sunat
\v 27 Mon, tidakkah to el jan secara p'icce mata, jika diya plakuya Hukum Taurat, bersunat neme dik alhakimungu yoyo, toyo el meskipun angngio Hukum Taurat, mon bersunat, tetapi weddi langgani hukum?
\p
\v 28 Ornak, epaptakki Yahudi sejati in'diya toyo epap icca lakdelekon, mon sunat el hetopinjana bukanlah sunat kbiya.
\v 29 Toyo Yahudi sejati didiyaka atoyo el batinon el hetopinjana, mon sunat el hetopinjana didiyaka sunat elaplakuy atin, el pahlokona oleh Roh, in'ndia hukum lamturoho. P'enge terhadap toyo mere ayiyo in wal iomon, topiyo, tetapi wal Lambram Allah kneheng.
\c 3
\cl Pasal 3
\p
\v 1 Dikki ebbe henyaka, apakah a reh'nak to Yahudi? Ato, payak p'utuna mba bersunat?
\v 2 Ndanga langtakka, manghuruna; terutama, el barada diyo el wani Linnya Bram Allah.
\v 3 Menge, jika pipircoyo el jan wani, apakah in mwanya diyo hbatoloya kesetiannon Bram Allah?
\v 4 Sama sekali jo'ndo! Bram Allah diduyaka benar sekalipun ngarra atoyo mba boleto Mere elam mturoho: "Yoyo hundaka a'ghene-Mu, mon yoyo neme tolo jika topiyo menghakimi-Mu. \f + \ft Mazmur 51:6 \f*
\p
\v 5 Tapdimoko, jika in ghenemnanki yicca justru pdodokmunik aghenena Bram Allah, payak e'harus yicca ptakidak? Ndadi'ndoyyo yicca takki bahwa Bram Allah wango jan adil mengeke mba hukmon yicca? (Yaya kupneghe hengguku sebagai topiyo)
\v 6 Sama sekali jo'ndo! neb henyaka penwanaka Bram Allah mban ngole hakimiya apannu tana?
\p
\v 7 Tapdimoko, jika melalui aboletungngu, kebenarnon Bram Allah hel memuliakan-Nya, pen yaya eng hakimangak sebagai to pendoho?
\v 8 Mon, (henyya pipircoyo epap ptakida el jan hennya eme yamma) Pe'in takibaka, "Mabika, yicca pghili el jan dah tanaka el dah hundawongo wal iomo in'dah netu." Diyo elapneghe hennya netu pantas hukmin!
\s Ngar Toyo Akwuahiki Doho
\p
\v 9 Meng Payak? Apakah yicca reh dah wal to hieke? Sama sekali jo'ndo! ornak, yamma dol mengemaka eb in'dol hepianak bahwa baik to Yahudi maupun to in Yahudi, andiki el doho.
\v 10 Hennya Elamturoho, "Jango mbah ih toyo elapdaha benar.
\q1
\v 11 njango mali htoyo el manga pangadana. njango mali htoyo lakdabaya Ambramba Allah.
\q1
\v 12 ngraa kehe a toyo mengeke mba kabendedakka wali el Ndiya, ngara ndiya mere keheke njango papwawongihi. njango mali htoyo el rawing ndaha, indi mali htoyo.
\q1
\v 13 "akambokerodo ngara ndiya hengo ngoko hondi el menganga, lammadda ngara ndiya merayu-rayu, raacun blologho enyi el kambu rowiwida ngara ndiya."
\q1
\v 14 "ghobada ngara ndiya banuka pweli mono apaduna."
\q1
\v 15 "witida ngara ndiya patobo dengeni ruta.
\q2
\v 16 ahuhada mono mohoda enyi el larada ngara ndiya.
\q1
\v 17 mono, ngara ndiyanja pegheni pirhenya mopir el damai."
\q1
\v 18 "kambohini Ambramba Allah njani el oro mata ngara ndiya."
\p
\v 19 henena yica pegheniki bahwa pa'a lolombakka papnegheda hukum taurat, paptangu ngoyongara ndiya el enyi el kambu hukum taurat tanaka lamtoddi bakka ngara ghoba, mono a panu tana anyi el kambu hakhinya Ambramba Allah.
\v 20 njango to piya tutu papghenenge lahdapana Ambramba Allah dikki apghillini hukum taurat oronaka justru nebbe monotoyo hukum taurat ta'a netu emmini pengenalan dosa.
\p
\v 21 tapi dimoko henene, tanpa hukum taurat, a ghenene Ambramba Allah dolli pnyatada ngoyoko, mono hakhiniki monotoyo kitab taurat mono para nabi.
\v 22 bahkan, aghenena Ambramba Allah monotoyo iman Kristus Yesus paptangngu ngoyo ngara el njana waingo, oronaka njango paphekeng;
\v 23 orona ngara atoyo dolli berdosa dakka mono dolli mohenaka a kemuliaan nono Ambramba Allah,
\v 24 mono pgheneniki orona a manoworono njango walina monotoyo a penebusan el Yesus Kristus;
\v 25 papdolli pnyatana secara terbuka hebongoko alara bolo el rut ndolono monotoyo a iman. pata hengo ayiyi phundonyi keadilan nono, oro blo atina, Ambramba Allah el paklokniki dosa-dosa el dolli dadi uluna.
\v 26 pata hewadingo a netu pahmaksud wadina tanaka padodokwani a keadilan nono tangguna a loddo henene tanaka ndiya terbukti ghana mono pg hana dengengoyo atoyo el beriman Lambaramba Yesus.
\p
\v 27 dikki gekenaka a ndahana poltonda yica? mengeke mbapadikini! oro hukum payaka? oro hukum papndahada yica? njodo, tapi oro hukum iman.
\v 28 oronaka ta'a netu, ayi doyaka papwandi yica, oronaka ato piya pgheneniki lahdapana Ambramba Allah monotoyo a iman, indi wali papndahanani ebe monotoko a hukum taurat.
\p
\v 29 ato, pepene Ambramba Allah dimoko mba Bramba Allah tangguna a bangsa Yahudi? indi diwadi didoyaka Ambramba Allah tangguna a bangsa indi Yahudi? o'oh! tangguna a bangsa indi Yahudi waddi,
\v 30 oronaka Abramba Allah ta'a netu hawupini mono Ndiya engnge peghenanki a toyo el bersunat oro iman, mono el njana bersunat monotoyo a iman.
\v 31 dikki, penaka yamma njangoko hukum taurat monotoyo iman? hamimihongo njodo! akwalikono, yamma justru hmondoni hukum taurat.
\c 4
\cl Pasal 4
\s Teladan Abraham
\p
\v 1 Jadi, payaka yicca epaptakidanki tutuna Abraham, Bapa wuwalada yicca menurut mbina?
\v 2 ornaka jika Abraham dibenarkan melalui perbuatnon, diya anggio alasnon untuk enge, tetapi in hadapnon Bram Allah.
\v 3 Ornak, payak epaptakina Hurto Mbih? "Abraham wani Mori mon Mori al baghinani hal netu el barana sebagai kebenaran."
\p
\v 4 Toyo elapghili, upah epapwodani diyo in hadiah, melainkan haknanni diyo.
\v 5 Mon, diyo el jan pghili, tetapi wani Bram Allah elapgheneya toyo fasik, imnon a baghinani suatu kebenaran.
\v 6 Bahkan Daud waddi takiya betapa diberkatinya seseorang ketika Bram Allah mba baghinani kebenaran el barana tanpa mba gharanani hal-hal epapdaha:
\q1
\v 7 "Bring blala atoyo enna ahalana a'ampuni'ndandi, mon ena a'dohoda atod'ndanni.
\q1
\v 8 Bring blala atoyo enna adohona ja mbaghidadi or Mori!" \f + \ft Mazmur 32:1-2 \f*
\p
\v 9 Apakah aknuru knagnga yiyo tagumananki toyo el sunat? Ataukah tagu wedinanni atoyo el jan sunat? Ornak yamma mengeke mban takiya bahwa "Iman Abraham abaghinanni sebagai kebenaran."
\v 10 Meng, penwananki anetu mba baghinanni? Eb jan sunat pong ato dol mengenak mban sunat? jan mengepong diya mban sunat, melainkan diya jan sunat pong.
\v 11 Abraham himbaya a tanda sunat sebagai meterai kebenaran iman sebelum diya mban sunat tanaka diya menjadi bapa taguda ngarkehe atoyo el wani jan bersunat sehingga kebenaran netu a'baghinanni el barada diyo;
\v 12 sekaligus menjadi bapa taguda atoyo el sunat mon in dukamnanki toyo el sunat tetapi weddi hloko el barana iman epdolinnya bapan yicca, Abraham, eb ja sunat.
\s Abraham Himbiaya Aprahina Bram Allah Melalui Imno
\p
\v 13 Aprahina el barana Abraham mon el barana wuwallana bahwa diyo neme ndo keheni apannu tana tidak akan dipenuhi melalui Hukum Taurat, tetapi melalui kebenaran iman.
\v 14 Ornak, jika diyo el wal iomon Hukum Taurat dapat menjadi ahli waris, maka a'iman menjadi sia-sia mon aprahin Bram Allah mbataloy;
\v 15 Ornak Hukum Taurat mendatangkan murka, tetapi eb jangok Hukum Taurat, maka di situ weddi jango pelanggaran.
\p
\v 16 Yiyodidiyaka penak aprahi anetu wal iomo wana iman, tanaka aprahi anetu berdasarkan kasih karunia sehingga aprahi anetu weddi duki el barana ngarkeh wuwallana Abraham; in'duk kamnanki wal Hukum Taurat, tetapi weddi wal iomo wedina iman Abraham, epah bapan yic ngarkeh,
\v 17 (hennya elamturoho "Yaya kupakbalngukku bapa taguda bangsa ndanga") el barana Bram Allah e diya pah percaya, yaitu Bram Allah el wondi mopir el barana to muati mon el takiya sesuatu el jan apianik menjadi enni.
\p
\v 18 Epah manganna el barana hmangana diya wani, sehingga diya ndadi menjadi bapa wal ngarkeh bangsa sesuai wango epdol mengena takiya, "Maka ndadi pinjaka awuwallamu."
\v 19 Mon, wango jan hmalli el barana iman, meskipun diya peghini apoltonna hodpik hmatiwiana orna a umrono kira-kira 100 adonna man amohon Sara weddi matik;
\v 20 diya jan mgedeng terhadap prahina Bram Allah or ketidakpercayaan. hewejonaka, imnonno apghahiddani sehingga diya wonddi kemuliaan taguna Bram Allah,
\v 21 mon rah yakin bahwa Bram Allah lakwuaha mban pghilini epaprahidan-Ni.
\v 22 Or dunuanik anetu, imnon "abaghidanni sebagai kebenaran."
\v 23 Dimoko, hal netu in'dukamnanki tutuna kepentingan Abraham,
\v 24 tetapi yic weddi. Hal netu abaghinanni el barana diyo el wani Diya elap pkedeya Bram Yesus Mori yicca, wal antara to mati.
\v 25 Yaitu, Bram Yesus epahrakanga untuk mati orna adohod yicca, mon epapkede tutuda yicca.
\c 5
\cl Pasal 5
\s Atopiyo Pheneya Bram Allah or Pengurbanan Bram Yesus Kristus
\p
\v 1 Ornaka ta'a netu, or yicca mba pghenedaka or iman, maka yicca mengeke berdamai engeni Bram Allah melalui Mori yicca Kristus Yesus;
\v 2 Melalui Diya, yicca engio lar tama munuju iman el barana anugerah Bram Allah en hanen menjadi dasar yicca dede, mon yicca enge el barana pengharapan kemuliaan Bram Allah.
\v 3 In'duk wedinanni anetu, yicca weddi enge el barana kriya epap rahada yicca peghini bahwa akriya yiyo hahliong pgahhi,
\v 4 ketekunan hahliong hada el tahanga uji, mon hada el tahanga uji hahliong pengharapan,
\v 5 mon pengharapan jan pkecewada, ornak amnowron Bram Allah mengek mban buridanni el atid yicca melalui Roh Kudus epah mengeke mba wondani el yicca.
\p
\v 6 Ketika yicca tenggere hmalli, Kristus mati untuk toyo el durhaka pada saat el tepat.
\v 7 Orna, rendepina angio el wawa mati taguna atoyo el ghen, meskipun mungkin awedomongok toyo el wawa mati untuk toyo el dah.
\v 8 Dimoko, Bram Allah laphudonik amnowro-No el barada yicca, bahwa ketika yicca tengger dohpadak, Kristus mati tangun yicca.
\p
\v 9 Reh wal anetu, dibenarkan orona arutua-Na, yicca neme ah'slamton wal murka Bram Allah melalui Diya.
\v 10 Ornak, ketika yicca tengger hmuhung Bram Allah, yicca mengeke mbah mbolod Bram Allah melalui amatin a'ana-Na, rereh mong henenne ornak yicca mengeka mba boloda oro-Na. Mon kenyataan bahwa henenne yicca mengeke damai enggeni Bram Allah, maka yicca weddi pasti a'slamton melalui mopiron-No.
\v 11 In'dukamnanki, yicca weddi bermegah el barana Bram Allah melalui Mori yicca Bram Yesus Kristus, epdolin-Nya yicca hanenne himbiaya pendamainon Bram Allah.
\p
\v 12 Orna tanetu, mere doho el dol tama el pannu tana yiyo melalui lah'ihha toyo mon maut mon melalui doho, hewejonaka maut mban hoboroong ngarkeh atoyo orna ngar ngarkehe dol berdohonaka
\v 13 Ornak, adoho dol anniki el pannu sebelum Hukum Taurat Musa enni, tetapi adoho jan baghiya Bram Allah selama japin a HukumTaurat.
\v 14 Dimoko merwejokka, a maut lakwuaha sejak zaman Adam prapongo Musa, bahkan el barana atoyo el jan plakuya adoho merdoyaka epapghilin Adam, ene diduyaka ah'moghon wal Diya el neme emin.
\p
\v 15 Tapdimoko, pahwonna walla Bram Allah netu jan sebanding adoho, ornak, jika or dohonanni lahtoyo, ndanga atoyo el mati, maka terlebih karunia wal Lambram Allah mon pahwonna melalui karunia lah Toyo netu, yaitu Kristus Yesus.
\v 16 Mon, anugerah jan mere akibat wal dohon lah toyo netu. Ornak penghakiman atas suatu pelanggaran akan ngandi hukuman, tetapi anugerah atas to ndanga ngandi pembenaran.
\v 17 Jika or dohmananki lah toyo, maka maut lakwuahaya lah toyo anetu, rereh wialmong atoyo el himbiaya kelimpahan anugerah mon karunia kebenaran neme memerintah el mopiron melalui lah toyo netu, yaitu Kristus Yesus!
\p
\v 18 Jadi, merek eblinyyiki lah wuyo pelanggaran ngarkeh toyo himbiaya hukuman, merwedoyaka oron lah wuyo papdaha el ghen ngarkeh toyo himbiaya mopir pembenaran.
\v 19 Oron in'wanya lah toyo, ndangak toyo menjadi pendosa. Tapdimoko, or wanya lah toyo, ndanga toyo pah benara.
\v 20 Hukum Taurat tobokaya tanaka doho hel ndanga. Tapdimoko, elapdonna doho meningkat, anugerah Bram Allah semakin berlimpah-limpah,
\v 21 tanaka mere adoho mban kwuaha el maut, kasih karunia weddi lakwuaha melalui kebenaran el keti tarani mopir jang dukkana el barana Kristus Yesus Mori yicca.
\c 6
\cl Pasal 6
\s Mati terhadap Doho mon Mopir el barana Kristus
\p
\v 1-2 Jadi apakah yicca harus ptakidak? Apakah yicca eng krohi pdah doho tanaka anugerah semakin berlimpah? Tentu saja jo'ndo! Penwadak yicca el dol mati or doho eng mopir el barana?
\v 3 Ato tidakah yoyo peghini bahwa yic ngarkeh el dol permandi el barana Bram Yesus Kristus mengeke mba permandina el mati-Na?
\v 4 Ornak ta'a netu, yicca mengeke mba kubur p'oldani Diya pahi alod mba permandida el barana mati-Na; tanaka merwani Bram Yesus mban kedde wal antara to mati melalui kemulian Bapa, yic weddi ndadi mbah hloko el barana pembaharuan mopir.
\p
\v 5 Ornak, jika yicca mengeke mba pahwuda oro-Na el barana keserupaan mati-Na, yicca pasti weddi apahwuda el barana ked'nde-Na.
\v 6 Yicca pegheni bahwa to'pi m'deynya yicca mengeke mba salib p'ole engngene Kristus mon polto doho yicca ja mengeday prapongo yicca in p'ata wuwongo el barana adoho.
\v 7 Ornak, ngarra atoyo el dol matina, diya mengeke mbah bemhih wal doho.
\p
\v 8 Henenne, jika yicca mati el barana Kristus, yicca percaya bahwa yicca weddi mopir engeni Diya.
\v 9 Yicca pegheni bahwa Kristus el mengeke mba p'kedeya wal antara to mati jan hel mati wialik; maut jan hel kwuahak Diya.
\v 10 Orna, tut mati-Na, Diya mati terhadap doh mihhingo untuk selamanya, tetapi tut mopiro-No netu, Diya mopir untuk Bram Allah.
\v 11 Hewaddonaka apol tommu, yoyo harus sadarini bahwa apoltommu mengeke mati terhadap doho, mon mopir untuk Bram Allah el barana Kristus Yesus.
\p
\v 12 Ornak ta'a netu, am paklokini adoho lakwuahaya poltommu el fana sehingga yoyo taatoy keinginanno.
\v 13 Mon, am pahkrak wedini anggota-anggota poltommu el doho sebagai alat in'dah. Tapdimoko, pahkrakbanki apoltommu el barana Bram Allah sebagai el mopir wal antara el mati, mon anggota-anggota poltommu sebagai alat kebenaran Bram Allah.
\v 14 Ornak, dosa jan hel kwuaha walik apoltommu orna yoyo in mopir el Hukum Taurat tetapi anguku el anugerah.
\p
\v 15 Jadi, payak el harus yicca papghilidak? Apakah yicca eng pdahapdaka doho orna yicca in mopirok el Hukum Taurat, tetapi di bawah anugerah? Tentu saja jo'ndo!
\v 16 Yoyo pasti peghini bahwa ketika yoyo mbu pahkrakini apoltommu sebagai budak el taatoy el barana sesuatu ato seseorang, yoyo menjadi ata netu; baik el barana adoho el memimpinung menuju maut, ato el barana ketaatan el memimpinung menuju kebenaran.
\v 17 tapi dimoko, utu bakka el barana Bramba Allah bahwa yodduyaka etu hitu ata dosa, henene kabalingoko ktanggu walli atin lahdapango ihina paknekedda papdolli pakneke danggu yoyo,
\v 18 mono orom yoyo dolli phalad gu wali dosa, yoyo kabalingoko ata ghene.
\p
\v 19 yaya kupneghengo waingo istilah to piya orana ahamalina akbimu. orona, meredokka atu hitu yoyo pahrakkani anggota-anggota mu hengo ata kenajisan mono kejahatan el lap oro el kejahatan el rehi broyo, henene pahrak baniki anggota -anggota mu ata ghene el huppunu el barana bihha.
\v 20 orona, yoyo ebe eng pamu mbu kabalingo ata dosa, yoyo bebas soko wali el ghene.
\v 21 dimoko, payaka paputumuku nebbe ngaliya hal-hal pahmekke dengemu netu? orona, akhir wali el ngarra netu didoyaka kmati.
\v 22 dimoko henene, mengeke mbah bebas soyo wali el dosa mono dolli pa ata daniki oro Bramba Allah, yoyo paole ngoko wuyu el pannu kesucian mono akhirnya didoyaka mopir njango dukkana.
\v 23 orona walina a dosa didoyaka akmati, tapi aknuruna Ambramba Allah didoyaka a mopir njango dukkana el Yesus Kristus, Morind yicca.
\c 7
\cl Pasal 7
\p
\v 1 apakah yoyo indi pegheni, hei bakku dughu diccogimmi (orona yaya kupneghenge el ndiya el pegheni hukum taurat), bahwa hukum taurat lak kuaha el pannu poltonna bahtoyo nebbe tenggere mopir panaka a toyo ta'a netu?
\v 2 Orona ta'a netu doyaka, rawicoyo el nikah laptanana secara hukum lahdapango el laghina ebe tenggere mopirono; tapi dimoko mbana matika a laghina, ndiya ahbebehoko wali el hukum pernikahan.
\v 3 dadi, nebbe rawicoyaka ta'a netu kabalingo arweyo kabani heke nebbe tengere mopir panaka a laghina, ndiya apngara niki pezina, tapi mbana matika a laghina, ndiya bebehoko wali hukum tanaka ndiya njapa ngaraniki pezina nebbe nikah dengengoko kabani heke.
\p
\v 4 orona ta'a netu, dungu kambungu, yo waddi dolli matimuku tangguna a hukum taurat monotoyo akbinna ak Kristus tanaka yoyo kabalingoko tanggu to heke, didoyaka ndiya papdolli pakeddeda wali el matina sehingga yicca ngali wu hahilo tangguna Bramba Allah.
\v 5 orona, Ndiya mbana mopir pongoko el lakbinna, hawa nafsu dosa diransang oro hukum taurat lapghili el pil to dollo yicca tanaka hahil wongo wuna tangguna kmati.
\v 6 tapi dimoko, henene yicca dolli habebedandakka wali el hukum taurat, dolli matika lahdapango payaka el ulu membelenggu yicca mengeke yicca henene wondi monotoyo a Roh baru, indi monotoyo hukum mndeya el lamturoho.
\p
\v 7 dikki ebe henyaka, payaka papenge takindakka yicca? pepenna a hukum taurat ta'a netu dosa ya? hmimihongo njoddo! heddunaka, yaya jakku peghe memini a dosa likkana ebe monotoyo hukum taurat, orona yaya jukku pegheni a artina wali benni tanggu to heke a hukum taurat ebe njana takiyaka, "amba be'amniki."
\v 8 tapi dimoko, dosa el dekke kesempatan monotoyo apretena ta'a netu tanaka hahil wongo mangana huruna pahbenggu wali el pol tonggu; orona ebe njaniki hukum taurat dosa enge matinaka.
\v 9 atu ulu yaya kumopiro tanpa hukum taurat, tapi nebbe mbana emmini hukum ta'a netu, dosa lakbalingoko mopiro mono yaya matika;
\v 10 mono prete ayiya, el hepindi pangnguna ngandiya lahdapango el mopir, justru dangganga lahdapango el lakmati.
\v 11 orona, dosa el dekke kesempatan monotoyo hukum ta'a netu tanaka mbolet mono hmatinga.
\p
\v 12 dikki hukum taurat ta'a netu didoyaka mbiha, mono hukum ta'a netu mbiha, ghana mono ndaha.
\v 13 dikki ebe henyaka, pe el ndaha ta'a netu emmedengeniki mati el yaya? hmimihongo njoddo! dosa duyaka el hahil ngo kmati gu monotoyo payaka el ndaha tanaka el nyata bahwa dosa didoyaka dosa, mono monotoyo hukum ta'a netu dosa heluwung ngoko hunda a dosa na.
\s Angabana el poltodda yicca
\p
\v 14 orona yicca pegheni bahwa hukum taurat laphadda rohani ningi, tapi yaya kuphadda jasmani, pahmahanga el kambu dosa.
\v 15 orona, yaya njukku pegheni payaka papndahangu orona yaya njukku pndaha pata pahbengu, yaya kupndaha wali moko pata pahmuhungu.
\v 16 tapi dimoko, yaya nebbe bakku pndahaka suatu hal papnjapa bengu pndaha, yaya ku wawiniki bahwa hukum taurat ta'a netu ndaha.
\v 17 dikki henene, indi ya walika el lapndahaya, tapi a dosa el mopiro el ndolo gu.
\v 18 orona, yaya kupegheni bahwa njango patana el ndaha el mopiro el ndodolongu, didoyaka el dolona akbingu, orona kehendak ta'a netu anyi el pol tonggu, tapi dimoko tangguna pndaha el ndaha ta'a netu njoddo.
\v 19 orona, yaya njukku pndaha papndahamu el ndaha papngaddagu, tapi dimoko yaya kupndaha pata el bokkol, pnjappa ngadangu!
\v 20 dikki, yaya bakku pndahaka pata pnjapap ngadangu, anetu indi ya waliyaka lapndahaya, tapi dimoko el mopir el ndolo gu yaya.
\p
\v 21 dikki, yaya kutobokoyo ahukum mon ayi, didoyaka: yaya bakku bengo pndaha el ndaha, abokkolo yi waddini papole gu.
\v 22 orona, yaya kubenyi a hukum mono Ambramba Allah el ihi ndolo gu,
\v 23 tapi dimoko yaya ku icceye hukum heke el polto dolo gu berjuang ngabani hukum akal budi gu mono menawan gu el hukum dosa el anyi el polto dolo gu.
\p
\v 24 yaya to celaka! garaniki el lahmopir rongo yaya wali el lakmati gu ayi?
\v 25 syukur lahdapango lam Bramba Allah monotoyo Morind yicca, Kristus Yesus!
\v 26 dadi, dengeni ayiya akal budi gu yaya kuwondi hukum mon Bramba Allah, tapi dimoko apoltonggu yaya el wondi hukum dosa.
\c 8
\cl Pasal 8
\p
\v 1 orona ta'a netu, henene nja wali ngoko penghukum tangguna a toyo el anyi el Yesus Kristus dolo.
\v 2 orona, hukum Roh mopir el dolona Yesus Kristus dolli habebeh dangguku yoyo wali hukum dosa mono kmati.
\v 3 orona, payaka papnjapa ngali pamu dekeya oro pahmalli danyi orona kabiya, Ambramba Allah dolli pndaha nanki patan ptumboni a Ana mangu wuna tanaka kabalingo mere dengeni to piya el berdosa mono madughu dengeni a dosa, ndiya el hukum niki dosa el lakbi dolo,
\v 4 tanaka tuntut toyo hukum taurat apanuyaka el yicca el njana mopiro monotoyo akbi, tapi monotoyo Roh.
\p
\v 5 orona ndiya el mopiri monotoyo akbiya, pangadani el laphadda kabingo, tapi ndiyo el mopiro monotoyo Roh, lapngadani el laphadda Roh.
\v 6 orona apngadanga paoroni apngadammu lahdapango lakbiya didoyaka akmati, tapi apngadanga paoroni lahdapango el Roh didoyaka a mopir mono damai sejahtera.
\v 7 orona apngdanga lahdapango lakbiya ngabani Abramba Allah; orona ndiya njana ktanggungu lahdapango hukum Bramba Allah, bahkan njana ngali dekeya.
\v 8 mono, ndiya el mopir el lakbiya dolo njana ngali gheneya el lam Bramba Allah.
\p
\v 9 tapi dimoko ebbe hewalina, yoyo indi mopir el lakbiya dolo, tapi el Roh dolo nebbe Roh Bramba Allah memeyaka el doyyo el yoyo. orona, nebbe mbah toyo el njana ngali Roh Kristus, ndiya indi dou walinanyi.
\v 10 tapi dimoko, pongo wemu apol tommu mbana mati oro dosa, tapi a Roh mopir oro ghenene.
\v 11 domoko, nebbe ndiyaka a Roh el lapkeddeya Ambramba Yesus wali lakmatina doyyo el dolomu, Ndiya lapkeddeya Yesus Kristus wali lakmati waddinael wonyi mopiro apol tommu el fana monotoyo a Roh el doyyo el dolomu yo.
\p
\v 12 dikki, dughu diccongu, yicca doyaka a toyo el utu, tapi indidiya lahdapango lakbiya, tanaka mopir monotoyo akbiya.
\v 13 orona, yoyo nebbe mopiro monotoyaka akbiya, yoyo eng matimuku, tapi nebbe oro Roh yaka yoyo mbuh matiyaka a hadda pol tommu, yoyo eng mopir muku.
\p
\v 14 orona, ngarra atoyo papdanganga oro Roh Bramba Allah didoyaka anana a Bramba Allah.
\v 15 orona, yoyo indi himbaya a roh paata waddi el laporo dengeni akbohi, tapi yoyo dolli himbayaka a Roh el keketungu yoyo kabalingo anana Abramba Allah, el monotoyo a Roh ta'a netu berseru, "Abba, mbapa!"
\v 16 Roh mangu wuna ta'a netu el hakhi dengeniki roh yicca bahwa yicca doyaka anana Ambramba Allah,
\v 17 mono ebbe yicca doyaka anana, yicca waddoyaka el heluya, aheluya Ambramba Allah, mono ole helu dengeni Kristus; yicca ebbe hepindi pangunaka ole kri dengeni Ndiya, yicca waddi enge mulia dandakka ole dengeni Ndiya.
\p
\v 18 orona, yaya angga bahwa akriya ebbe henya nene ayiya njana ngali hamende dengeni kemuliaan papnyatada lahdapango el yicca.
\v 19 orona, ngarra papdadimu amangga-mangga dengeniki amanoworodo ebbe pnyatani anana Amramba Allah.
\v 20 orona, ngarra papdadina dolli katanggudaka lahdapango kesia-siaan, indi monotoyo pahbe ati manguwuna, tapi monotoyo pahbe atina Ndiya menaklukannya, el pannu dahar monongo,
\v 21 tanaka ngarra papdadina ta'a netu mangu wuyu he merdekeyaka wali pap atanga hangga el kemerdekaan anana Ambramba Allah el bannu kemuliaan.
\p
\v 22 orona yicca pegheni bahwa ngarra papdadina brandakka mengerang mono kri haddu pa'ana dukingi henene.
\v 23 mono indi diwamniki ayiyi, tapi yicca mangu wuyu waddi el himbaya awu uluna a Roh el mengerang el polto mangu wuda yicca, sambil mangani pahkotadani hengo ana, didoyaka penebusan poltodda yicca.
\v 24 orona, yicca pahlamat todda pahmon dolong. tapi dimoko, pahmonono papicca indi diwalika pahmonongo, orona ngarani el monongo sesuatu papiccana?
\v 25 tapi dimoko, yicca mbata mononiki payaka papnjapa iccanda yicca, manggani dikki atehenini.
\p
\v 26 hewaddunaka, a Roh el tulupondo yicca el lahmallind yicca; orona yicca njata pegheni pene el henya yicca mbata hambayanga, tapi a Roh mangu wuyu el bersafaat lummundu yicca dikki erang-erangan emjapa takki.
\v 27 mono, Ndiya el lahlidikkoyo ati pegheni payaka a kambu atina a Roh ta'a netu, orona Ndiya bersafaat tangguna a to bihha monotoyo pahbenya Ambramba Allah.
\p
\v 28 mono, yicca pegheni bahwa ngarra papghili kehenda papndaha dengenani atoyo el lamnoworoni Ambramba Allah, didoyaka ngarra ndiya pakwulongo monotoyo papkambu atina Ambramba Allah.
\v 29 orona, ngarra ndiya pap dolli peghena wali akwungana tanaka kabalingo hrupa dengeni a gomboron a anana, tanaka ndiya kabalingo kawukku wali dangada a dungu kambuna.
\v 30 ngarra ndiya pap takkida wali akwungana, didokka pakwulongo; mono ndiya pakwulana, apghananiki; mono ndiya papghanada, didokka pah mulia da.
\p
\v 31 dikki, payaka pap eng takki dakka tutuna ngara ayiya? Ambramba Allah enggen el mbaranda yicca, nggaraniki el nggabanda yicca?
\v 32 Ndiya el njana manoworoni Ana mangu wuna, tapi pahraka nanki tangguna yicca ngara kehe, pena pata dadina Diya mbanna brengdengeni Diya jawonni anetu tanguna yicca?
\v 33 Ngaraniki el lapdonani a toyo pahpedene a Ambramba Allah? Ambramba Allah lapgheneni diyo.
\v 34 ngaraniki el wongo hukuman? Yesus Kristus el dolli mati naka, bahkan el dolli kedena wali el matina, lodo lakraha kawanana Bramba Allah tanaka bersafaat tanguna yicca.
\v 35 Ngaraniki el laphegheda yicca wali lamnowrono a Kristus? ndiko aphahanga, ato ahuha, ato apakrighu, ato malungu, ato paklolonghu, ato mruhongo, ato lakina?
\p
\v 36 Hedunaka el enyi lam turoho, "Tutum Yoyo, yamma ainggamaka el kriya el njanga dukkana; yamma apngadagamaka hengo bembe epap propo."
\p
\v 37 Tapdimoko, el barana ngara kehena ayiyo, yicca rehi walli to tolo oro diya lamnoworondo yicca.
\v 38 Orona, yaya amonongaka bahwa indi kmatiya ato mopiro, indi diwadiya malaikat-malaikat ato pembrenta-pemrenta, in diwadiya tutunu henene ato el emminyi, akkuaha,
\v 39 indi wadiya el enyi el dodeta ato el dowawa, ato papndaha hekena, mampu pheghehi yicca walli lamnoworono Ambramba Allah, el enyi el Yesus Kristus, Morind yicca.
\c 9
\cl Pasal 9
\s Umat Pahpedena Ambramba Allah
\p
\v 1 Yaya ku takiya aghenena el lak Kristus, yaya njuku bolet, mono linya ati gu ole ngoko hakhiya dengeni Roh Kudus,
\v 2 Bahwa ahuha heke bokolono mono el huha trohi ngoko el ati dolono.
\v 3 Orona, yaya kumonongo tanaka a polto gu ahabolangga, pheghe wali el lambramba Allah tutuna lolede gu, ole bangsa gu hengo jasmani
\v 4 Didoyaka to Israel; el ndonyi hak tanaka hkotwanyi kabalingo Anana Bramba Allah, himbaya Kemuliaan, perjanjian-perjanjian, himbaya papwonna hukum taurat, ibadah, mono paprahina.
\v 5 didoyaka muri wali muri wali mbapana ambu nuhi, mono wali el didoyaka Kristus apdadiya monotoyo akbi, diya didoyaka Mori el panu ngara kehe mono papreku muri wali-muri wali. Amin!
\p
\v 6 tapi dimoko, a linya Ambramba Allah njana gagal. orona, indi hekehena atoyo el wali omona el israel didoyaka to Israel,
\v 7 mono indi hekehena keturunan Abraham didoyaka anana, tapi "epap taki keturunan numu didoyaka el wali Ishak."
\v 8 Hal hengo ayiya bahwa indi lakeda hengo kabiya pahbaghi hengo anana Ambramba Allah, melainkan lakeda paprahi pimngoko pahbaghi hengo keturunan.
\v 9 orona, ayi duyaka papneghena aprahina ta'a netu: "didoyaka a loddona yaya bakku emenga, mono Sara eng engngoko ana kabanina."
\p
\v 10 indi diwaddi moko ayiya, tapi mbana pakambu wongo Ribka wali lahtoyo, didoyaka a Ishak, ambu nuhinda yicca.
\p
\v 11 Orona, ebbe njap pa'ana pandikki ta hala kede mono nja paghili pongo hadda daha ato indaha, tanaka tujuan non Ambramba Allah tutuna pahpeden apghahiniki ind oronani papndahana tapi oro diya el lakwolongo,
\v 12 atakinaki el Ribka, "ana bondina enge layan nanki a arina."
\v 13 heddunaka el enyi lamturoho, "yaya kumnowrini Yakub, tapi yaya kumuhini Esau."
\p
\v 14 dikki, payaka pap benya takiya yicca? pena Ambramba Allah njana pende mori? njana hadakka!
\v 15 orona diya el takiyaka el Musa, "yaya kubengo monoworongo ngarani el bengo himbaya amnoworungu, mono yaya ku mila ati ngaraniki yaya pah mila ati denge gu."
\v 16 dikki, a pata hengo a netu njana bengo mtereng ato pghili boto a to piya, tapi el lam Bramba Allah lap dodokini a milana.
\v 17 orona, Hurot bihha lapneghe ngoko lahdapango el Firaun: "orona didoyaka a yiya a okolono yaya ku hkotonggu tanaka yaya papdodok kugu akuaha gu el baramu, mono tanaka a Ngara gu pdukini ngara el panu tana."
\v 18 dikki, Ambramba Allah lamnowrin ngara bara lolobanik epap benya, mono ptonggornani a atina ngara lolobaniki pah benya.
\p
\v 19 dikki, yoyo enge paneghe muku el yaya: "pene Diya ebbe enge phala ngoyo? orona, ngaraniki ngali ngabani Pahbenya?"
\v 20 hewaddunaka, gara gu yoyo, hei to piya, yoyo nebbe ptarang el barana Bramba Allah? el lapndaha lapneghenge el barana el lapndahaya, "pene bu pndaha yoyo bu pndaha ga yaya hengo ayiya?"
\v 21 pene lapndaha ghura tana njanga tangguna el tana rara; tanaka pndaha wongo wali lakbolok tana el mere pndallu epapwawongo el bihha, mono pndallu heke epap waingo tangguna el lapghili hala?
\p
\v 22 pene wengoko nebba Bramba Alla yaka, pirhebanaka pahbenya lapdodokin a banina mono laphundoniki a kuahana, dolli tanggu nanki a blo ati el bokol lahdapango el lapdallu a banina papdolli hdidakka tanaka mati?
\v 23 Diya mbana henya tanaka phunda wanyi a rotona a Bihhana el panu pndallu a mnoworon, papdolli hndinya tangguna a Bihhana,
\v 24 didokka yicca, epakwulana, indimoko wali el to Yahudi, tapi diwadimoko wali el Bangsa-bangsa heke.
\v 25 hedunaka epap dukkina a linya el huroto Hosea: "Ngara diya pnjap umat tungu, ku taki wadidandikki umat tugu. mono pnjapap mnowor rugu, ku taki wadiniki ku takiwadindikki mnoworiny."
\q1
\v 26 mono, "el lapdonna Ambramba Allah takiyaka el dolli langngana: 'yoyo indumat ngu gu, el lapdongo ta'a netu diyo enge taki nanki Ana Bramba Alla el mopir."
\f + \ft Hosea \f*
\v 27 mono Yesaya el honiki Israel: "pirhebanaka a dangada halkede Israel mere hla el we mahi, tapi dimoko krehi moddikki diyo pahmopir,
\q1
\v 28 orona Mori lapghilini a linya el panu tana, el ndaha mono la'etunaka."
\v 29 mere dokka pap nurrana a Yesaya: "Mori el morini a tana mono akramba njana mndalanda yicca wu wala, yicca dolli mere daka Sodom mono meredengeni Gomora."
\p
\v 30 Dikki, payaka paptakindakka yicca? bahwa a bangsa-bangsa ind Yahudi el njana monotoyo a ghana, didoyaka a ghana wali el ati wadi;
\v 31 tapi dimoko, bangsa Israel el wuhin a ghanana a hukum taurat el njana dukkini a hukum ta'a netu?
\v 32 penek? oronaka ngara diya nja monotoyo a ati wanya, tapi dimoko papghilida. ngara diyo a hukka handa dikki.
\v 33 heddunaka el anyi lamturoho: "iccebakka, yaya el hepinpanguna bakku taya a watu lahwuyu el sion watu el heke tonggorono laphandanga, mono garaniki el wanyi Diya maka jakku hameke."
\c 10
\cl Pasal 10
\s Pangolewangoyo Amopiro Dukkamnanki Ati waingo el Yesus Kristus
\p
\v 1 bakku lolede gumi, pahbenya ati gu mono ahambayanggu el barana a Bramba Alla tanaka yemmi didoyaka tanaka yemmi ahmopir gim.
\v 2 oronaka, yaya ngali hakhiya tutuna diyo bahwa diyo lahghadda lahdapango elam Bramba Alla, tapi njana gheneni el peghe el ghana.
\v 3 oronaka, diyo nja pegheni a ghenene Ambramba Alla mono a wuhuni pndedeya a gheneda dimanguwu, diyo nja ktanggungu lahdapango el ghanan Ambramba Alla.
\v 4 orona, a Kristus didoyaka a banuna hukum taurat el lakbalingo ghana ngara atoyo el wanyi.
\p
\v 5 Musa el turoho yaka tutuna a ghene wali el hukum taurat, bahwa a toyo lapghilini aghene el monotoyo a hukum el mopiroko oron.
\v 6 tapi dimoko, a ghene el wali enya el ati wajja lapneghe henyaka, "amba peneghe amngoko el ati dolomu, garaniki el detengo el Surga? artina, tanaka ngandiya Kristus buru.
\v 7 ato ngaraniki el buru el lakhobba kmati? Kristus detengo wali el to mati
\p
\v 8 tapi dimoko, payaka pap takina? "a linya anyi el baramu, didoyaka el ghobbamu mono el ati dolomu." didoyaka paptakina ati wango papdukkima yamma.
\v 9 dikki ebbe diyaka a ghobamu yoyo lapnandini bahwa ebbe didoyaka Bramba Yesus Morind yicca, mono yaya ku wanyi el ati dolo gu bahwa Bramba Alla lapkedeyaka Diya wali el to mati, toyo lakbalingoko mopir.
\v 10 orona ati, a toyo kabalingo wanyi moko lapoleng ghana; mono dikki aghoba, a toyo lapnandini maka el kolengoko mopir.
\p
\v 11 orona huroto bihha lapneghenge, "gara lolobaniki el wanyi Diya jahdakka bahmekeya."
\v 12 orona, njana pahekeng wali el to Yahudi mono to Yunani; Mori lahwuyu didoyaka el panu ngara kehe, lapdukki-duking ngo a roto ngara a toyo lakwuloni Diya.
\v 13 orona," ngara a toyo lakwuloni el ngarana Mori el lah ahamopiryaka."
\p
\v 14 tapi dimoko, penewedakka ngara diya bakawuloni el barana Diya papnjah waipdak? mono, penewedakka pata wadanni Diya njaha dakka pongo mba rongngoyo? mono, penewedakka mba rongngoyo, nebbe njango lapdukkini?
\v 15 mono, penewedakka a pata padukki danni, nebbe nja ptumbondi? hedunaka el anyi lamturoho: "pabangoko a ndahana hakbani diyo el emmini ngandiya lindaha!"
\p
\v 16 dimoko, indhe ngara kehena a toyo manganga lindaha didokka a oron a Nabi Yesaya lapneghenge, "Mori, ngaraniki el dolli wagu lahdapango a liya papdolli rongona wali el yamma?"
\v 17 didokka, a ati wanja el hunda wali paprongondo, mono paprongondo wali el linya a Kristus.
\p
\v 18 tapi yaya kuklerenge, "pene a toyo ta'a netu nja rongo?" notong eng rongoda orona, "a linya diyo dukki ngara el panu tana, mono a penegheda diyo dukki el hupu tana."
\v 19 dimoko, yaya ku takiyaka, "pene a bangsa Israel njana pegheni?" akwungana, Musa lapneghe ngoko, yaya kupkedeyaka aknorekmu lahdapango el diyo el indbangsa, mono lapkedeyaka abanina lahdapango el bangsa lakbanga."
\v 20 mono dikki a branina, a Yesaya lapneghe ngoko: "Yaya a tobokgaka oroda diyo nja kadabanga Yaya; Yaya kuphundaniki a polto gu el barada diyo el njana klier ga tutu gu Yaya,
\v 21 tapi dimoko, tutun a bangsa Israel Diya lapneghe ngoko, "padini a loddo Yaya bakku panokotin a limma gu lahdapango el bangsa el njana ktangguni mono laptarang."
\c 11
\cl Pasal 11
\s Bramba Allah jan mbulloni Umat-Ton
\p
\v 1 Maka yaya kuklierniki, "Apakah am Bramba Allah njana himbayaka umatono?" njah ndak pangupong! oronaka, ya manguwu wadiya to Israel, wu walana a Abraham, wal laprono Benyamin.
\v 2 Bramba Allah jana tundahi wu walan-Na, pah pede-Na wali akwungana. pepinjon yemmi indpegheni payaka paptakina huroto bihha tutuna Elia, hit diy mbana pwolin Israel el barana Bramba Allah?
\v 3 "Mori, ngara diya mengeka mbah matih hi nabi-nabimu, ngara diyo mengeke mbah pruhaya a mezbah mu, mono yak nehe pingoko el mopir, diyo bengoko hatinga yaya."
\v 4 tapdimoko, payaka a wolohna el bihha papwo dani diyo? "Yaya kupaklok paniki 7.000 toyo tanggung, el njana hndaka mbana ktamba kawodo lahdapango el dewa Baal."
\p
\v 5 hewadunaka henene ayiya, anyi lahwuyu krehi pahpededa monotoyo aknuru.
\v 6 tapdimoko, dikki montoyo aknurun, maka ind monot walika papghilina, orona nebbe henyaka aknurun njan helu kabali walingoko knuru.
\p
\v 7 menge penewenak? Bangsa Israel paoleni payaka pakdabana, tapi ngara diyo epahpede hedunaka papolewanani, tengerenaka hahwadikongo baptonggoroya a atida.
\v 8 hedunaka al lamturoho: "Ambramba Allah wondi roh mombor mata, mata el njana icca, mono roktilu el njana rongo, prapanga ayi aloddono."
\v 9 mono wedunaka a Daud: "paklok baniki meja perjamuan ngara diyo kabalingo hirra mono ktedhe, kabalingo watu phandanga, mono deluna tangguda.
\q1
\v 10 paklok baniki ngara diy ba pakpanduhi tanaka nja icce wongo, mono akhokida apakbukuka trohnik."
\p
\v 11 hebongok, ya kuklereng, pepinjanaka ngara diy ahukohik tanaka a goleng? appebnaka njodo! tapdimok, oro dorotumi ngara yemmi, a mopiro dolli emniki el barana a bangsa-bangsa ind Yahudi, tanaka aknurek wongo ngara diy.
\v 12 orona, ahada papndahada el njana daha kabalingoko roto tangguna apanu tana, mono a indhahilod diy kabalingoko roto tangguna a bangsa-bangsa ind Yahudi, maka rehika el ndahada diy!
\p
\v 13 henene yaya kup neghenge el baramu, hei bangsa-bangsa ind Yahudi, oro ya duyaka a rasul tangguna a bangsa-bangsa indi yahudiya, yaya kuh bihhayaka papghili gu,
\v 14 tanaka yaya ngoel wongo paknuerkihi hlolede gu, mono hmopirihi pipircayo wali el diy.
\v 15 orona, aptundada diyo didoyaka apndahaya el panu tana, pepinjana artina ahimbaya diy heken wali el mopir wali el to mati?
\v 16 akbaba lakwungana el bihha, ngara akerono didoyaka a bihha. mono amuna didoyaka el bihha, maka hakhangana a bihha waddi.
\p
\v 17 tapdimok, pipiriya akhangana pap dolli pulokdakka, mono yoyo, el bukul mangu wunaka pahpokoro wali el diy mono monotoko ngali tangguna wali el amuna mono rohuk gha zaitun ta'a netu,
\v 18 amba kabali amngoko lende lahdapango lakhangan ta'a netu. tapi dimoko yoyo nebbe lendeke, apibaka ind yoyo el tahani a amunu, tapi a amunu el taha gu yoyo.
\v 19 notong yoyo eng takimuku," hakhangan ta'a netu a pulokoya tanaka yaya ngali ba pokoroyo."
\v 20 ta'a netu ghana! diy pulokyaka orona a indi mwanyadiy, tapi yoyo dede dit dokka atiwami. am len damko, dimok kbohibanik
\v 21 dik hebongo Am Bramba Alla jan mnowordik sak khangad el el hecopinjono, Di wedi jan mnoworgim ngar yemmi.
\p
\v 22 ornak ataya enetu, ptatini aghenene mon Abanimbokolon Abram Allah; en barami ngar yemmi eng ktngar yemmi wedi dik yemmi jodo kwehan Bramba Allah tutu ktok hbali dagiimi nga
\v 23 Hebongok bak loledegimi, ya jakwawa yemmi indi pengni arahina hanene. tanaka yoy ampnggad mengwumu peghe meng wugun ambwemu. hebongok hada tongoro ktaku mengeka badimbaya hewadikongo kbokel istrael lundu lappbak bantutuni kbokel heke banduki.
\v 24 hebongok henene, hejonaka lamturoho, el bokorghim wali tukil kloro eme donni wli sion, mon Diya eng hikkolodonani ahada indaha yakup.
\p
\v 25 Ornak, mbuk loledgimmi yaya jankku wawung yoyo in peghini arahiya ayiyo tanaka yoyo am anggap wumumu bijaksana, bahwa had ptaddu ktakumu mengeke mba ndimbiay sebagian bangsa Israel sampai penggenapan bangsa-bangsa heke tiba.
\v 26 Wango hennya ayiyo, ngarkeh to Israel a'slamatihik, hennya elamturoho, "Penebus neme emin wal Sion, mon Diya neme pambroniki kefasikan wal Yakub.
\q1
\v 27 Mon yiyo didiyaka aprahi-Gu mon diyo, ketika yaya mbak-Ku kotuananni adohod diyo."
\p
\v 28 Menurut Injilon, diyo muhu demi yoyo, tetapi menurut pedena, diyo didihiki atoyo epamnowor demi ambu knuhid diyo.
\v 29 Ornak anugerah mon akwulana Bram Allah jan ngali mbataloya.
\v 30 Ornak, merek hitu yoyo in taatoy Bram Allah, tetapi henenne mengeke himbiaya amnowor or in taatod diyo;
\v 31 merwejokka diyo henenne ja taat tanaka orna amnowron Bram Allah el mengeke mban phundoni el baramu diyo weddi neme ngole wediya amnowor.
\v 32 Ornak, Bram Allah mengeke mban takehehi diyo el ketidaktaatan tanaka Diya ngole wongo phuddoni amnowro-Na el barana ngarkehe atoyo.
\s Pujian Taguna Bram Allah
\p
\v 33 Oh, alangkah dodolona arotana mon kebijaksanaan mon peghena Bram Allah! Betapa in peghini mba slidikoya akeputusnon-Na mon in peghe pgadolini alara-Na!
\q1
\v 34 "Ornak, ngarra liolniki el peghini apgadana Mori? Ato, ngarra liolnik el ngole wonni Diya p'apini?
\q1
\v 35 "Ato, ngarra liolnik el perna wonni sesuatu el bara-Na jan dol hepianak, mon harus wolnanni el bara-Na?
\p
\v 36 Ornak ngarkeh wal iomon Diya, mon oron Diya, mon barana Diya. taguna Diya kemuliaan prapongo mori wiali-mori wiali! Amin.
\c 12
\cl Pasal 12
\s Wobananki Amopirmu ella Bramba Allah
\p
\v 1 netu, oro pamnowrono Abramba Allah, yaya el hudoro gu yoyo, bakku lolede gimi, tanaka yoyo pahrakni poltomu hengo pahrakanga el mopir, el bihha mono labghenenge lam Bramba Allah; didoyaka akwodo aktamba mu el hepindi panguna.
\v 2 amba mere enge amniki a panu tana, tapi pahekbaniki ahadda mu, tanaka yoyo hamende wanyi payaka pahbenya Ambramba Allah; payaka el ndaha, lamghenenge lam Bramba Allah, mono el ndaha.
\p
\v 3 orona, nebbe monotoyaka aknuru papwonanga, yaya ku takidani ngara a toyo wali el yoyo tanaka amba pangada amngoko ngara baka el rehi mdete walingo papngadanga, tanaka pangada hingirongo monotoko a bokolo a ati wanja papwo danda Ambramba Allah.
\v 4 mere bakka a poltomu, yicca heke dangana akbokelond, tapi mbah to to nja ngali tanggu papghilina el mere.
\v 5 hewadunakka yicca, pirhebanaka ba danga, tapi hwu pini a ihi el lak Kristus. mono, ngara kehe yicca didokka akbokelda hahwadikongo.
\p
\v 6 yicca manga knurunda laphek-hekeng ebbe monotokko amnowor papwonna el yicca. nebbe here yaka, dahaka yicca mbata pghilinimonotoyo a tangguda ati wanja yicca.
\v 7 nebbe mbata layan ko, ndahaka diya layan nok, ato ebe pakneke ngoko, dahaka diya pakneke ngoko.
\v 8 ato wonni paghahi, wongo ebe wengoko, dahaka diya el wobongoko haramba ati, nebbe yokka lapdandanga, dahaka yoyo danda pndahabniki, nebba pahundoniki a mnowormu, daha pghili daha ati baniki.
\p
\v 9 enge hebamniki amnoworumu indpakhelemuni. muhubaniki el njana daha, mono tarabniki el daha.
\v 10 pamnowor wubmik yemi laploledenge mono tanaka ptaulu wubmiki bipaaka wumi,
\v 11 amba lahmali amoko amnunamu, leruk baka yoyo roh mono layan baniki Mori.
\v 12 daha ati bakka wali pahmonommu, tahabngoko wali el lakrimu, mono kawodo katamba baka el barana!
\v 13 monot bakka deke tanggumu patutubaniki pahperluda to bihha, wuhbaniki phundoni a daha atimu.
\p
\v 14 pamringi malala baka diyo el pakringu yoyo, pamringi palala baka amba habolani!
\v 15 ege dengebniki ngara diyo el ege, mono ho engebdiki ngara diyo el ho.
\v 16 pngadabniki payaka el mere ngara etu. amba pngada amngoko el rehi madete, tapi hmotproni baniki el toyo papngadanga lahdapango el to njap papakang. amba pangada amniki a pol tommu mnundu!
\v 17 amba ta amniki deluna a toyo el lapndaha njana daha. pghili baniki el daha lahdapana ngra a toyo.
\v 18 dikki notongo, a netu lamtereng el baramu, mopir bolo dengebniki ngara a toyo.
\p
\v 19 baku lolede gumi pamnowor gu, amba yo mangu wu wadimoko lakreya delu heng, tapi wo baniki padongo a banina Ambramba Allah. orona anyi lamturoho, "tanyi deluna hak guni Yaya, Ya duyaka el tanyi deluna," linya Mori.
\v 20 "tapi dimoko, mbana klambaka a muhumu, wobaniki diya mu, mono mbana mdokka a muhumu, wobaniki weya. maka buhemuku netu, yoyo lapdimbi-dimbongoko a blanga api el panu katakuna."
\v 21 amba kalah amoko lahdapango el njana daha, tapi pklabaka el njana daha wanyi el daha.
\c 13
\cl Pasal 13
\s Taatoyo aperaturanon Pemrenta
\p
\v 1 Hebongoko ngar toyo wani pemrenta ena kwahaya ornak jango pemerenta el jan wal iomon Lambram Allah, Mon ndiyo paptetedani or Bram Allah.
\v 2 Ornak ta'anetu, garliolbaniki el ngabani pemrenta, diya ngabaniki apretena Bram Allah, mon ndiyo el ngabani maka mendatangkan hukuman el poltonna.
\v 3 Ornak, pemrenta jan pakbohiya toyo elapdahaya dahha, tetapi enne atoyo elapdahaya indah. B'endongngo yoyo mopiro janga erah kbohi el barana pemrenta? Pghilibaniki payak el ndaha mon yoyo neme nguele preku walli diya
\v 4-5 Ornak ndiyo ndidihiki witlim Bram Allah tuguna adah atimu. Tapdimoko, jika yoyo mbuk pghiliniki payak el jan dah, kbohibaka in ndia tutun pemrenta ptarwana. Diyo ndidihiki witlim Bram Allah, penuntut balas el pahlokini abanina Bram Allah el barada to elapdah indah. Ornak taanetu, yoyo harus wani, indukamnanki or banina Bram Allah, tetapi weddi or klaki ati.
\p
\v 6 Ndidiyaka orna netu yoyo weddi banghirong wektakku, ornak ndiyo didihiki pelayan Bram Allah ela pahrakini apoltonna taguna tutuna anetu.
\v 7 wobaniki ngar kehhe payak epap bemmu woni; wektakku barana el berhak hembiya wektakku, ktakku pahangga ella berhak himbiaya ktakku pahang, rah kbohibaka el berhak himbiaya rah kbohi mon p'aka mbaniki el berhak himbaya ap akang.
\s Mnowrong To Hieke Ndiduyaka Hukum el Ulu
\p
\v 8 Amphaghi ndamoko papanguyak ela barana ngar panggunik, mnowor mbanki lah toyo mon lah wandkiong ornak toyo elam mnowrini ol tonna mengeke mbah pahini a Hukum Taurat
\v 9 Ornak, am lingngo am ndakro ol tommu, am mung benggo do olum," mon eb engiok pret heke ngar keh anetu mengeke ba'ekeheni yiyo, "Mnowor baniki oltommu merbaka mbunowrini apolto mangwumu."
\v 10 Mnowor netu in pdah indah el ol topimu. Ornak netu amnowor ndiduyaka Hukum Taurat.
\p
\v 11 Merwajokka, yoyo peghini alod pkedewamu walli lamduru; Ornak hanenne keselamatan rehik tukka dari pada hitu yicca akwung wangoyo
\v 12 Huduongo lah mengngek mon aloddo ela tukuaka, ornak ta'anetu mabika yicca letbaniki had kpandu mon tondo tebeni nambu tarani amgohok.
\v 13 Mabika yicca mopir wango sopan merbaka mban lod, in eyyo el barana pesta lebrong mon mabuk, in pdahaya mga engeni ked ktap meng hawa nafsu, mon in hmerngandungu toyo meng weddi am knuerek ati.
\v 14 Tapdimoko, tabayaka Mori Bram Yesus Kristus, mon am urhoy poltommu taguna pgad mangwumu.
\c 14
\cl Pasal 14
\s Ampngad Wumu Rehi daha Wali Lolendumu
\p
\v 1 Himbiabaka toyo elah malli ati wani, tetapi in untuk kyakin payak en pah peghenak.
\v 2 Enni toyo elapgadwunu bahwa ndiya ndadi mban mu ngar kehheni etu mu, tetapi enne toyo lah malli ati wani dukananki mu roghe.
\v 3 Toyo el muyu am nummuaya atoyo el jan muyo, mono toyo el njan mu am hukumuni atoyo el muyu, ornak Bram Allah mengeke mba himbiaya ndiyo.
\v 4 Ngaraguk yoyo sehingga hukumuni at olum? Baik dede ataupun gogolnanni, netu urnanni mori. Mon, diya neme dede orna Mori sanggup pdedeya.
\p
\v 5 Anni toyo ellapngadani lah lod rehi falli daripada aloddo ndanga, sementara lahwadkiong toyo lapgadani ngarkeh lod merek. ngar toyo harus benar-benar yakini barana ati knehen.
\v 6 Diyo el rehi faliya alod papgada reh falli, falibnanki taguna Mori. Mon, diyo el muyo mubaka tagunani Mori ornak diya mengucap syukur el barana Bram Allah. Merwejokka diyo el jan muyo, diyo jan muyo taguna Mori mon mengucap syukur el barana Bram Allah.
\p
\v 7 Ornak, janga mbah ihtoweiawang wal yicca el mopir tangu polto kneheng, mon janga mbah ihtoweiawang el mati tangu kneheng.
\v 8 Ornak, jika yicca mopir, yicca mopir taguna Mori, ato jika yicca mati tagunani Mori. Jadi, baik yicca mopir ato mati, yicca adalah milik Mori.
\p
\v 9 Ornak ndiduyaka netu Kristus mati mon kende, tanaka Ndiya menjadi Mori, baik to mati maupun to mopir.
\p
\v 10 Tapdimokko, pen yoyo mbu hakimi lolendemu? Ato, pen yoyo mbu pgad hlewini lolendumu mon pandiya? Ornak, yicca ngar kehhe neme ndede hdapin pdona prehenne Bram Allah.
\p
\v 11 Ornak enyi lamturuoho, "Ornak Yaya mopir wongo, Linya Mori, ngarra kunda neme akwodang el bara-Gu, mon ngar hlamma neme ngaku el barana Bram Allah." \f + \ft Yesaya 45:23 \f*
\v 12 Jadi, ngar yicca neme wonguoko tanggung jawab tutun apolto knehend yicca el barana Bram Allah.
\s Amkdabani Atohieke pah Hberdoho Wana
\p
\v 13 Ornak netu, yicca ammung hakimi wungu, tetapi reh pong ndaha mba pghil pgahhi tangguna ammung ptawungo menghalang tangguna loledend yicca.
\v 14 Yaya peghin mon mengeke mba pgahhinga el barana Mori Bram Yesus bahwa jango sesuatu pun el najis wal hal netu kneheng, tetapi taguna toyo elapgadani bahwa ngar sesuatu didiyaka najis, maka hal netu najis taguna hdi knehengg.
\p
\v 15 Tapdimoko, jika ati loledemu mnughaka orna sesuatu eyoyo pahmumu, yoyo in mopirok sesuai mnowor. Yoyo amphalioley diya wango muyo anetu, orna Kristus weddi mengeke mban mati taguna.
\v 16 ornak netu, ampakloki payak epap anggapum dahha pakbalini sesuatu el jan dah.
\v 17 Ornak kerajaan Bram Allah intut muyo mon inu, tetapi tutuna kebenaran, damai sejahtera, mon eng ati el barana Roh Kudus.
\v 18 Ornak ngarpangubniki el melayani Kristus wango cara hengga yiyo lam mghenenga Lambram Allah, mon enne ap'akiy topiyo.
\p
\v 19 Jadi, mabika yicca woloya hal-hal el em engenge damai sejahtera mon elap pked toyo mbah ihtoyo.
\v 20 Am pruhuaya ap'ghilina Bram Allah hanya or muyo! ngarkehebaka etu jan dah, tetapi jahatoko taguna toyo el muyo mon lapdahaya to hieke berdoho.
\v 21 Rehpong dah in mu mbiya ato inu we anggur, ato pghilini hal heke el ngole menyebabkan loledemu knabu engngeni indah.
\p
\v 22 Rahkipdahabniki epap pdommu taguna polto knehum elah dapan Bram Allah. Mbrig blal baka toyo el jan hakimiya polto knehen barana payak epap anggapon dah.
\v 23 Tapdimoko, toyo el jan kdanna pgadana neme ahukmin jika diya mban muku, orna diya mban muyo jan dahrong imnon; mon ngarbak etu jan wal iomon el iman diduyaka berdoho.
\c 15
\cl Pasal 15
\s Tolongini Lolendemu Tanaka Rehi Wong Pghahi el atiwamu
\p
\v 1 Jadi, yicca elapgahi harus tangguni enne toyo el njan pgahi, monno in p'enge kneheya poltoy.
\v 2 Hebiongok ngara toyo el baranda yicca lam ghenenge el uelle tutunu ndahana, tanaka pked wani rohani.
\v 3 Ornak, Kristus jan p'enge knehey polton-Na mengwunu, tap enyi lamturuoho, "Apneghe pnumuon ndiya, el nummuong-Gu, mengeke mban enyi el poltong-Gu."
\v 4 Ornak, papanguyak elam turuoho hit ulu mengeke mba turuohoy tangguno knek wong yicca tanaka pwalinya apgahhi monno mgolor ati epap wonna Hurtom Mbihha, yica nguelle wongo pahmangang.
\v 5 Semoga Bram Allah, pwal iomnan amlo ati monno mgolor wongguni taguna ngueleya mopir el barana pahwungo ati lahtoyo mon lah wandkiong mereya Bram Yesus Kristus,
\v 6 sehingga wangio brand ati mon pah bolini ah wara yoyo p'engge detey Bram Allah Bapa Mori yicca Bram Yesus Kristus.
\v 7 Ornak netu, himbiabak lah toyo mon lah wadkiong, mere Kristus weddi himbiada yicca tutuna akemuliannon Bram Allah.
\v 8 Yaya kutakki nguni el baramu bahwa Kristus lakbalingoko to pghil tangguna toyo el bersunat tutunu anghenene Bram Allah, yaitu taguna pghah wani aprahin epap wonnua ambu nuhi yicca,
\v 9 monno taguna bangsa-bangsa ind Yahudi tanaka ndiya p'engge detey Bram Allah atas papnowron-No. Mere elam mturoho, "ornak netu, yaya neme engdete-Gu el antara bangsa-bangsa el in Yahudi; mon yaya neme lodni Mazmur taguna ngara-Mu." \f + \ft Mazmur 18:50 \f*
\v 10 Mon apnegewedina, "Engge ati mbaka hei bangsa bangsa, mreng ndengeni umatton Bram Allah!" \f + \ft Ulangan 32:43 \f*
\v 11 Mon wandi, "Preke mbaka Mori hei ngar bangsa! Paklokbaniki ngara toyo prekey Mori." \f + \ft Mazmur 117:1 \f*
\v 12 Mon, Yesaya lapneghe walingok, "Neme emini wali wu wallana Isai, mon Ndiya a kedeke pretih bangsa-bangsa, mon el barada Ndiya, bangsa-bangsa amangnik." \f + \ft Yesaya 11:10 \f*
\p
\v 13 Kiranya Bram Allah sumber pahmonnongo ptut ngarkeheni eng ati el ati wamu tanaka yoyo lam kah wongo epah mon nongo ellakwuahan Roh Mbih.
\s Pelayanan Paulus el Barana To in Yahudi
\p
\v 14 Mbuk lolendegimmi, yaya poltonggu apgahiga tutumu yoyo, bahwa yoyo el bannu ndah, ngarkehe peghe, monno el sanggup pa'api wumi.
\v 15 Tap ndimokko, yaya mengngeke turoho wango brani langtakka el baramu tutuda pipiriaya ellap dumlong yiy taguna apihbialwagunggu, ornak Aknuru mengeke Bram Allah mban wongani el baragu,
\v 16 Yaya kbalingok witlimiana Bram Yesus Kristus Tanguda bangsa-bangsa el in Yahudi sebagai imam Li Bram Allah, prapongo bangsa-bangsa in Yahudi wonni taguna Bram Allah elam ghenege, epap kuduson Roh Mbih.
\p
\v 17 Ndinduyaka netu oron, el barana Bram Yesus Kristus, yaya ndadi buk engge mengenai hal epap ndahanggu tutun Bram Allah.
\v 18 Ornak, yaya jakku brani pneghini mengenai sesuatu el hekeng, kecuali epah mengena Kristus pghilini melalui yaya, untuk pdahaya bangsa-bangsa in Yahudi mwango or pneghe mon epapdaha,
\v 19 Melalui kwuaha tanda-tanda mon pamgorhong, melalui Kwuahana Roh prapongo wal kota Yerusalem mon el barada mon prapongo dudika el Ilirikum, yaya mengeke mbuk pneg ngarkeheni Alinnya Kristus.
\v 20 Merwejokka yaya pgahhi taguna pdukini Linnya elapdona Kristus epjapah pegpong tanaka yaya ampkedenga el pannu na dahro epdol mengena tohieke pdahaya.
\v 21 Enni lamturoho, "Ndiyo el jan wu himbiaya Alinnya tutun Diya aneme icceya, enna nja hdakka himbiaya mon diyo el jan wu ronggoya neme appa peghin. \f + \ft Yesaya 52:15 \f*
\s Kambu atina Paulus Otlamatini Kota Roma
\p
\v 22 Yiyadidiyaka orona yaya sering kali mhandang tutun lammatung yoyo.
\p
\v 23 Tapdimoko hanenne, karna jangoko tempat yil daerah, mon ornak yaya dol mdeguku mbuk benggo lamatuggu yoyo,
\v 24 maka ketika yaya otang ella Spanyol, yaya kuberharap nguele liy mon tombokung yoyo sehingga yoyo nguele batungga onon, meng uluk yaya mbab p'eng ati bersamamu sesaat.
\p
\v 25 Tapdimoko henenne, yaya otgak el kota Yerusalem untuk melayanihi to kudus,
\v 26 Ornak Makedonia mon Akhaya wango mgolor ati wonni sumbangan barada a toyo kriya el antara toyo kudus el Yerusalem baranda to
\v 27 Diyo mgolor ati langtakka mban pghilini, ornak anetu memang kewajibandanni diyo. Ornak jika bangsa-bangsa in Yahudi mengeke himbiaya bagian el hal-hal rohani pnonna to Yahudi, maka diweddi harus melayaniyo to Yahudi barana epah perluna abina diyo.
\v 28 Ornak netu, ketika yaya mbuk mengngeyak tunghung yiyo mon tadaya hahillion yiyo el barada diyo, yaya neme kuotang ela Spanyol linnyi kotamu.
\p
\v 29 Yaya kupeghini bahwa ketika yaya mbuk lamatgimmi, yaya neme emang bregenge bannu berkat Kristus.
\p
\v 30 Hanenne, yaya kukrey el baramu, loled, tutun Mori yicca Bram Yesus Kristus mon tutun kasih Roh, tutun bergumul engenga yaya mhbangio el barana Bram Allah taguna poltonggu yaya,
\v 31 tanaka yaya ap hallangga toyo Yudea el jan mwangio, mon tanaka pelayanunggu tanguda Yerusalem lam mghenenge tanguda to kudus.
\v 32 Mon, tanaka or kehendak Bram Allah yaya ngole wongo emung el baramu wango sukacita, prapongo ngole kesegaran el antara yoyo.
\v 33 Kiranya damai sejahtera Bram Allah dangungu yoyo. Amin.
\c 16
\cl Pasal 16
\s Salam Monno Liyya Pahbalino Paulus
\p
\v 1 Yaya kupahrakngunki albarana Febe, alolended yica didoyaka atoyo pelayanan jemaat el Kengkrea.
\v 2 Himbiabakka ndia albarana Mori. Monno elhettopinjana atoyo Mbih alwanyi. Tolongnbanik ndia pa alonbakka pah perluna walil yoyo. Ornakka laknehengo alwonggo bantuan taguna atoyo nduanga monno tungngu mangwun.
\p
\v 3 Pndukindonyi alinggu ella Priskila monno Akwila, olkiende pghili ngundi elbarana Kristus Yesus.
\v 4 el tayya ahungotono ndio tangnguna ammopirrunggu yaya. tangund ndio indukwandinangga yaya, el mengucap syukur tapi ndiwendi mokko ngarbakka jemaat el Yahudi.
\v 5 pndukindonduanyi alinggu hamnbiongko jemaat el umuanda. p'ndukindoduandi aliya el barana Epenetus epap nowrunggu, ndiduyaka ndiduyaka atoyo akwungnguana el Asia epap himb Kristus.
\v 6 salamdannyi Maria el ndumengena nbanpghili tanggumu yoyo.
\v 7 Salamndani Andronikus monno Yunias, alolende elapdonggu hewedibngokko h'oltamungngu el ngallu ngarkehenbakka rasul, mengwenyi el enyi papronggo albarana Kristus mjuknepong yaya.
\p
\v 8 Salamndani Ampliatus, eppamnourunggu elnbarana Mori.
\v 9 Salamndanyi Urbanus, olkiendende sepelayananndanyi yica el barana Kristus.
\v 10 Salamndanyi Apeles, elheppindpanguno eltahanga elbarana Kristus. P'ndukiwendinganyi asalmunggu ngarkehenbakka elolbarana Aristobulus.
\v 11 npdukganyi asalmunggu el Herodion, lollende olopdonggu. Salamndani ngarkehekkba h'olbarana Narkisus, el anyi albarana Mori.
\v 12 P'ndukinganyi asalmungngu ellah Trifena monno Trifosa, el lapghili boto albarana Mori. Monno, mbara Persis empammnourungg, meng wenyi a'inyolanndia inyawandongguniki yaya.
\v 13 Salam wendindanyi Rufus, atoyo pahpendenne Mori, meng wendi a'inyolanndia inyawandongguniki yaya.
\p
\v 14 Salamndani Asinkritus, Flegon, Hermes, Patrobas, Hermas, monno hloledungg el uel langga ngarkehenge ndio.
\v 15 Salamndanyi Filologus monno Yulia, Nereus monno hlolenden, mengwenyi Olimpas, monno ngarbakka atoyo elbihha ellamrengngendi ngarkehhe.
\v 16 Wonbuandi salam ngarkehhe monno p'nduokongo albihha. ngarbakka jemaat Kristus alapndukinyi asalamma elbarana.
\p
\v 17 Hanenne yaya kundungku yoyo, mbuklolonddgimmi, monno ndangi ngarkehembongko lakwungngonyi ammhengerro monno elnjanhenya apreten prapango ebanjahmungngo eppap himboumu yoyo, monno mronbuaeniki ndio.
\v 18 ornakka atoyo nyanmerke alwanyi Mori Yesus Kristus yica, tapi ndia lapplaku mokko pahhanbenyi ndia mangwu. monno apneghene el ndahha monno hapnenengehndo papneghepde tanda ndia abueltinyi a'atino atoyo el njapaptayya lapngadang.
\v 19 ornakka amwamu yoyo peengkehengoko ngarbaka atoyo duang. ornakka, anetu yaya ku enggeatindengenggu yoyo. Tapi, yaya kubengngo yoyo penghinyi tangguno jinyil ndahha monno alhinguro monno el njadahha.
\p
\v 20 Ambramba Alla didoaka pwali andaha ati elradangga apatndukin ella plohoyo amrapu bokol alkambu witum, aknurknangga Yesus, Mori yica, ellatuluguatand.
\p
\v 21 Timotius, uelkiende pap ghilidengengundi, ellapdukini asalam tanggumu yoyo, monno wadndi wali Lukius, Yason, monno Sosipater, lolede olpdonggu.
\p
\v 22 Yaya Tertius, el turuohoyo ahuruoto yiy, pdukigani asalamunggu elbarana Mori.
\p
\v 23 Gayus, alkombonyi alimana elyaya, monno ngar bakka el jemaat, monno lap pndukinyi asalam elbaramu. Erastus, bendahara kota, monno Kwartus lolede yicca, lapndukinyi asalam alyoyo.
\v 24 (knuru knangga Yesus Kristus, Mori yicca, ella ndanga krohung yoyo ngar kehhe! Amin.)
\p
\v 25 Tangguna Ndiya elsangguppoyo yoyo ellamungu Injil pap ngandigu monno pap takigu tutuno Yesus Kristus, monno ellah mungo, monno wukeya arahiya pahbuning walibongoko moriwali-moriwali.
\v 26 tap hanene kuphundonggunikki walina huruoto mbihh nabi ella mungo pap retana mbram Allah elmoriwali-moriwali monno pegini ngarbakka ahwukpdoy tanaka takiya linya geke amwanyi atiwamu.
\v 27 albarana lahwupiya mbram Allah ellahbanungo peghe linya Kristus Yesus; enggepdetey prapongo ngarbakka moriwali-moriwali! Amin.