See in Reader
172 lines
17 KiB
Plaintext
172 lines
17 KiB
Plaintext
\id 1PE
|
|
\ide UTF-8
|
|
\h 1 PETRUS
|
|
\toc1 1 PETRUS
|
|
\toc2 1 PETRUS
|
|
\toc3 1pe
|
|
\mt 1 PETRUS
|
|
\c 1
|
|
\cl Pasal 1
|
|
\p
|
|
\v 1 Wal Petrus, to rasul Bram yesus kristus, el barana toyo el lodo mere toyo mdeiya, elam hoborong el wilayah Pontus, Galatia, Kapadokia, Asia, mon Bitinia; epah pede
|
|
\v 2 Hitu kwungana or Allah Bapa plinnye pengudusan ol Roh tangu ngaliwongo mopir e mbum wango el barana Kristus Yesus mon ngole wongo pahhiking rutuaNa: Kiranya knuru knangga mon dahha ati bannu el baramu!
|
|
\s Empah manganga mopir
|
|
\p
|
|
\v 3 Pap enge Bram Allah mon Bapa walli omo Mori yicca Bram Yesus Kristus, el lahmungu el lak knuru knangga-Na el hek bokolon, mengeke mban pdadi mbalidak yicca el p ah monnongo el mopir plinya kedena Kristus Yesus wal to mati,
|
|
\v 4 mon tanguni haka dhoy pusaka el jan hal iole, jan ngole pruhaya, mon jan ngole melle; epah mbondolo el surga tangum yoyo,
|
|
\v 5 yaitu yoyo epah pdangang or kwuahana Bram Allah plin iman keselamatan el pahdina phudoni el lakdupu loddo.
|
|
\v 6 Barana yiyo yoyo eng ati langtakka, sekalipun tang sementara waktu, jika ep perluyo, yoyo harus kriyo hekdangana phehekanga pkabang
|
|
\v 7 prapongo imanmu el rehi falli wal eiya doka el jan dahha, sekalipun mengeka mba kabin or api, terbukti murni mon manghahilon ep engengu, kemuliaan, mon paakini pahi loddona mbanna phunda wuna Bram Yesus Kristus.
|
|
\p
|
|
\v 8 Yoyo in perna pong mbu iceya Diya, tapi yoyo noworin Diya, mon meskipun henenne yoyo in iceya Diya, tapi yoyo wamnik baran Diyo. yoyo mgolor wang dahha ati e pap japtakki mon el pannuya kemuliaan,
|
|
\v 9 Karna kdupuna wal tujuan imanmu tengger kdapin, yaitu keselamatan dewamu.
|
|
\p
|
|
\v 10 tutuna keselamatan yiyo, ngarakehe nabi epah pdahana knuru knangga el ndonni etu mengeke mbapprehey mon mbakknekey mon hekpat knudy.
|
|
\v 11 Diyo ngarakehe kdabba peghin tutuna ngarani mon piripnaka a waktu e pah maksud el Roh Kristus el enni al polto diyo ketika Diya epapdahana el lakkrina Kristus mon kemuliaan el emin em mban mengnge yiyo.
|
|
\p
|
|
\v 12 Barana ngarakehe nabi etu pakharananki bahwa diyo ngarakehe in melayani knehe waldanki polto knehed, tetapi melayaniguk yoyo el barana ngarakehe yiyo el epah mengge papduking el baramu plinnyi el toyo el lapdukini injil el baramu wango Roh Kudus epap ptubongo walli omo surga; hennya netu didiyaka epah bellangtakka da hakhinyi ngarakehe malaikat.
|
|
\p
|
|
\v 13 ornak taanetu, pdimnik pgadanga mon dangag, pakrakbaniki ngarakehe empah mangum el brana anugerah el eme wongguniki el baramu saat Kristus Yesus mban phudoni.
|
|
\v 14 sebagai an kede el taat, hobonggok wani nafsu indahamu ketika hitu yoyo tengger mopirpum el barana ak mbangamu,
|
|
\v 15 tetapi kudus baka walli eiya ngarakehe hadamu el jan daha, mere bayaka Abramba Allah el lakwulongu al Kudus.
|
|
\v 16 ornakka anni lamturoho, “Kudus mbak yoyo ornak Yaya kudus.”
|
|
\p
|
|
\v 17 Mon, jika yoyo mbuk wulonik Diyo sebagai Bapa, yaitu Diya el menghakimi ngarakehe atoyo sesuai papdahada tanpa lah pliheki, mopir baka raha kabohi selama yoyo mbu eppianguk sebagai toyo asing;
|
|
\v 18 Pegheni bahwa yoyo mengeke mba tebusung walli hada mopirum el hali ole, epap warisumu yoyo walli omo ambu nuhummu, in wango doko rara,
|
|
\v 19 melainkan wango rutta Kristus el mulia, rutta An anbembe el jan kdiriokon mon el sempurna.
|
|
\v 20 ornaka, Kristus mengeke mba pilung sebelum pannu tana mban pdahaya, tetapi Diya mbu icenanni pada zaman mengge yiyo tutumu yoyo.
|
|
\v 21 Melalui Diya, yoyo kabalingok wani Abram Allah; yaitu Bram Allah elap kedeya Diya walli omo to mati mon Bram Allah el wonni kemuliaan barana Diya, tanaka iman monno mangum yoyo didiyaka el barana Bram Allah.
|
|
\p
|
|
\v 22 ornak yoyo mengeke mbu murni dewamu el barana ketaatan monno kebenaran pranga mbu ngoley pamnowrong ol lolede el tulus, tanaka mabika saling pamnowrong wungo dengan sungguh wali omo atimu el hetopinjana,
|
|
\v 23 ornak yoyo mengeke mbab dadi bialiguk, in wali omon wini el ngole mati, melainkan wali omo wini el jan ngole mati, yaitu melalui firmanan Bram Allah el mopir monno doyyo krohi.
|
|
\v 24 Kitab suci lap pnegheng, “Ngarakehe el mopir didiya al mereya rummba, mon ngarakehe kemuliaannya merek bunga rummba; Rummba melle mon bunga marru marutuk,
|
|
\q2
|
|
\v 25 tetapi linya ngaran mori en dika mbanna doyyo krohi.” \rq Yesaya 40:6-8 \rq* Monno, linya anetu didiyaka Injil epah duking el baramu.
|
|
\c 2
|
|
\cl Pasal 2
|
|
\s Watu el Mopir mon Bangsa el Kudus
|
|
\p
|
|
\v 1 Ornak taanetu, letngarkehebniki kebencian, ngarkehe abolet, ngarkehe munafik, ngarkehe aknorek ati, mon ngarkehe etu jan dahha.
|
|
\v 2 Merbaka etu kede el bmudadi, tanaka yoyo bebaniki susu rohani el murni tanaka yoyo mtuwongo el barana mopir bringi jewa,
|
|
\v 3 jika yoyo mengeke bmu rahlangtakaya bahwa Miori netu dahha.
|
|
\p
|
|
\v 4 Pahi yoyo emung el barana Kristus, Watu Mopir epap tolkad topiyo, tapdimoko epah pilin Bram Allah mon epapap anggapon lapfalli langtakka taguNa,
|
|
\v 5 Yoyo waddi merko watu mopir, epap kedde merko umma rohani, imamat el kudus taguna pahrakni kurban rohani elam mhenenge el barana Bram Yesus Kristus.
|
|
\v 6 Ornak Hurto mbihha bman pneghengok, “Icepgak, Yaya bmuk wotiya watu el Sion, Watu papfango epah pilin mon el mulia, mon ngara lolbanki el waNi jah mekey.” \rq Yesaya 28:16 \rq*
|
|
\v 7 Jadi, watu taanetu mulia tangum yoyo el wani, mon tanguna el jan wani, “Watu epap japhimbiana toyo tukang, Lakbalingok watu papfango,” \rq Mazmur 118:22 \rq*
|
|
\v 8 mon lakbalingok, “watu mungpapneghewongo, mon epap karang ep ngole wana pduk knabuwana toyo. \rq Yesaya 8:14 \rq* Diyo tersandung orna ebjan wani Firman. Didiyaka lara epah paptuddandni tanguda diyo.
|
|
\p
|
|
\v 9 Tapdimoko, yo dnuyaka bangsa epah pili, imamat el rajani, bangsa el kudus, umat pnonna Bram Allah kneheng tanaka yoyo ngole pneghini adahhaNa, enna kwulongu yoyo lohho walli lakpandu ndapang el lamgohKon el hetopinjana.
|
|
\q1
|
|
\v 10 “Anatu, yoyo in umat Bram Allah, tap henenne yoyo umat dnangku Bram Allah. Natu, yoyo in himbiaya pamnowron, tetapi hanenne yoyo himbiayaka pamnowrono Bram Allah.” \rq Hosea 2:23 \rq*
|
|
\s Pahlokbanki Mopirumu el dahha tanguna kemuliannon Bram Allah
|
|
\p
|
|
\v 11 Bmuk loledgimmi epamnowrunggu, yaya kubenggo paapunggu yoyo el bmu emum el pannu tana yiyo tangungumu yoyo wal keinginan hawa nafsu pannu tana el ngabani adewum.
|
|
\v 12 Dangini hadamu el dahha en barana toyo el jan wani tanaka eme diyo bma takiya el jan hennya ejapappdahamu, diyo ngole iceya pappdahamu el dahha, mon ap engek Bram Allah pahi aloddo pahburu wana akwuahan.
|
|
\s Harus el Barana Akwuaha
|
|
\p
|
|
\v 13 Tutna ngaran Miori, wabnik ngar aprete epap pappdahana topiyo, baik el barana raja el rehi akwuahan,
|
|
\v 14 atau enne gubernur epap utuson raja tanguna hukmin toyo el lappdahha in dahha mon apprekuya toyo el lappdahha dahha.
|
|
\v 15 Ornak, hewejonaka pahbennya Bram Allah: ebappdahha dahha, yoyo in peghini epap japah peghena toyo elakbangga.
|
|
\v 16 Mopirbaka merto el merdeka, tapdimoko amwadamniki kemerdekaanmu netu sebagai padahha in dahha. Sebaliknyak, mopirbaka mere hamba Bram Allah.
|
|
\v 17 Paak ngarkeheni toyo. Mnowworbanki loled seimanum, kbohbanki Bram Allah, mon paakbanki raja.
|
|
\s Akrina Kristus sebagai teladan mopir
|
|
\p
|
|
\v 18 Hamba-hamba, kawodbaniki el barana morum mon paakin. Mon indukwedinannki diyo el lappdaha dahha mon lahmaghuwuna, merwejokka el barana diyo el jan adil.
|
|
\v 19 Ornak merko kasih karunia, ebhenyaka akwalkon el Lambram Allah, toyo lamptahanga el lakkriya orna in jan adil.
|
|
\v 20 Ornak, payaka wallimu eb bmu kwodni yoyo himbiaya apalu orna pdahamu doho? Tapdimoko, yoyo bmu kriya or pdahamu dahha mon yoyo himbiaya wango kwodni, tindaknum anetu lamghenenge el barana Bram Allah.
|
|
\v 21 Ornak, tanguna netu yoyo kwulonguk, orna Kristus waddi mengeke bman kriya tangum yoyo mon Diya lamdalnik hada dahhana tanaka yoyo nomtoy hadan Diya.
|
|
\q1
|
|
\v 22 Diya jan pdahha doho, mon etu abolet jani el ghobaNa. \rq Yesaya 53:9 \rq*
|
|
\v 23 Ketika Diya bma olkoy, Diya jan wolhoy; ketika Diya bman kriya, Diya jan bani tetapi pahrakmaniki PoltonNa el barana Bram Allah el hakimini wango adil.
|
|
\v 24 Diya mengeke bman tanguni adohon yicca el poltona el khapakdanga tanaka yicca mati lah dapan doho, mono mopir oronno ghenene. Oleh bilur- bilur-Nya, yoyo aptonggohonggukku.
|
|
\v 25 Hitu, yoyo mere kwibi el lakkrohi el janga pahpeghemu, tap henenne yoyo mengeke bmu walik el barana Sang Gembala mon adang adewum.
|
|
\c 3
|
|
\cl Pasal 3
|
|
\s hada ngar langhi mon ngar arweiya
|
|
\p
|
|
\v 1 merewajokka, hai arweiya, kwodbanki laghum. sebab el antara diyo engga el jan wani Firman, diyo el tolok or hadan arweinya tanpa bman pnegheng
|
|
\v 2 sebab diyo iceya pirriaya murnin mon apakkin ahadum.
|
|
\v 3 Ampaklokdamniki amidahamu walli omo hiasan lakdelek, misalnya wali laklip longe, taya perhiasan doko, atau taya krew ellap walli.
|
|
\v 4 sebaliknya, hendaklah amindahamu walli omon el walli atimu, yaitu amidahamu el jan ngole melle, el wal omon omo roh el laphalukwuna mon el hiwuna. Didiyaka el lapfalli el mata Bram Allah.
|
|
\p
|
|
\v 5 Ornak, merwejokka warcoyo el kudus hitu ulu, el pahrakini empah mangana diyo el barana Bram Allah, mongmindahhaya poltonna diyo; yaitu kwodin el barana alaghid diyo.
|
|
\v 6 Merwejokka Sara wani alaghid, Abraham, mon la kwuloni 'tuan'. Yoduyaka anan Sara jika yoyo bmu pdahha dahha mon jak kwahagu raha kbohi ketika bmupdah.
|
|
\p
|
|
\v 7 Merwejokka yoyo, hai laghi, mopir enggeni arwemu wango peghemu ornak diyo kaum ella lemah. Paakbaniki diyo mere ahli waris eb himbiaya mopir jang walina tanaka ahmbamu jana mherung.
|
|
\s Kriyo Ormbab Pdahha Ghenne
|
|
\p
|
|
\v 8 Tanaka emme kadupunno, tanaka yemmi ngarakehhe egga pahwungo pgadanga, pamnowrong wongo, mnowrong lolede, ati ellamhaluk, mon ampreh ati wungo.
|
|
\v 9 Amwoldamoko indahha mon indahha, atau ptolo mon ptol. Sebaliknya, yoyo berkati mbaka ordunuanik taanetu yoyo pakwulwagung, yaitu tanaka hak wani aknuru kn angga.
|
|
\v 10 Ornak hurtombiha bman pneghengok, “Ngaraniki al beni mopiro, mon benggo iceya loddo el dahha, diya harus dangini lammana wali el jan dahha, mono rowiwina walli eiya pneng bolet.
|
|
\q1
|
|
\v 11 Diweddi harus pambroni poltona wal eiya el jan dahha mon pdahabaka el dah. mon diya kdababaka damai, mon berusaha kloloi.
|
|
\q1
|
|
\v 12 Ornak, matan Mori labptatini toyo el nghen, mon roktiluNa ronggoya ahbani diyo. Tapdimoko, aruppuana Mori ella banini toyo ellapdaha indahha.” \rq Mazmur 34:13-17 \rq*
|
|
\p
|
|
\v 13 Ngaraniki ella paklenunggu jika yoyo rajin pdahha dahha?
|
|
\v 14 Tapdimoko, ebnekluka yoyo harus kriya tutuna akebenaran, mak yoyo ahberkatiguk. “amkbohidamoko mon amkdandaka damoko ella barana diyo ellap pdahanggu kriyo.”
|
|
\v 15 Tapdimoko, kudusbaka Kristus sebagai Mori el atimu! hdibaka taguna awolhon el barana ellaphahagu tutuna empahmagumu eyoyo papndommu,
|
|
\v 16 Tapdimoko pghilibaniki anetu wangio phalukwungo mon paakin, mon ndobaniki atimu ella hingir tanaka yoyo mba takiya epap japap pdahamu, toyo ella knorikinni amopirumu el dahha el barana Kritus Yesus lak balingok mekke.
|
|
\p
|
|
\v 17 Ornak, rehpong dahha kriya orna mbapdahha, jika anetu dik pah benya Bramba Allah, dari pada kriya ornak mbapdahaya jan ndahha.
|
|
\v 18 Ornak Kristus waddi mengeke mban kriya ornak adohon, mbahmihiongo tangguna ngara kehhe toyo, alghene mati tangguna al jan ghene, tanaka Diya nguele ngandina yicca el barana Bram Allah. Ah mati secara p'icca mata tapdimok ah mopiroi el barana Roh.
|
|
\v 19 Elbarana Roh, Diya weddi otini mon lap pghilini pdukinni el barana roh al gallu,
|
|
\v 20 diduyaka diyo natu el jan wani ketika Bram Allah bman sabar pong bman mangini diyo emme zamnon Nuh, tenggeren Nuh bman pdahaya prahu mbokolono. wallap prahu netu, jan ndanga, yaitu panpoto to pimdak, epah slamaton wal eiya air bah.
|
|
\v 21 Air bah netu melambangkan baptisan hanenne elahlamatung. Permandi anetu intutu wal nanni phingiroyo al kotro el ihi tap dimokko merupakan permohonan el barana Bram Allah tangguna ati wan el hetopijana melalui kedene Bram Yesus Kristus,
|
|
\v 22 yaitu Diya el henenne mengeke bman ndetengo el surga mon ella krah kwanan Bram Allah; mengeke ta'anetu ngara kehhe malekata, topemrenta, mon tokwuaha amwangiok el baraNa.
|
|
\c 4
|
|
\cl Pasal 4
|
|
\s Mopir el Baru Wal enya Roh
|
|
\p
|
|
\v 1 Ornak Akristus mengeke bman kriya secara p'icca mata, heweimuk yoyo ktopo ktaka wabnikki poltomu apngadamu el mere, ornak atoyo el menge bman rahaya ak kriya secara p'icca mata mengeke bman dukongo pdahdoho.
|
|
\v 2 tanaka ah lokini amopir yilahwadconggo al pannu tanah yiyo, diya jan nomot walika pah benya topiya, melainkan epah benya Bram Allah.
|
|
\v 3 Onak taanetu dukobngokko hitu yoyo bmuplakuya ahandana toyo el jan peghini Bram Allah; mopir el barana hawa nafsu, mabuko, pesta lebrong, mono penyembahan berhala al bannu kekejian.
|
|
\p
|
|
\v 4 Hanenne, diyo ah heran langtak ketika bma nguelunggu bahwa yoyo innomot walikka indahha epap pghilid diyo. Ornakka tanetu, diya atakiyaka el jan hennya tutumu yoyo.
|
|
\v 5 Tapdimokko, diyo awondi Tanggung jawab el baran Diya el hukminni atoyo al mopir mon el mati.
|
|
\v 6 Tanggudunanki alasan yiyo, Injil pnegnanni el barana toyo el henenne mengeke bman mati meskipun diyo mengeke bmahakimiya el pannu tana yiyo hmerni stanron topiyo, tetapi diyo mopir secara roh menurut ukurnon Bram Allah.
|
|
\s Wabniki Karuniamu tangguna Melayani
|
|
\p
|
|
\v 7 Akdupun ngar kehhe netu al tukaka. ornak tanetu, ndangwubmukku tanaka nguelwongo hbangio.
|
|
\v 8 El panun ngarkehhe netu, enge pamnowrong Wungo wangio klak ati ornak amnowron al to'ndi ndanga langtakka doho.
|
|
\v 9 Phundobbaniki haddahamu el dahha elah ihhia mon lah wadciong mon in hmalli.
|
|
\v 10 Ornak ngar kehhe toyo mengeke bman himbiaya karunia, wabniki netu tangguna melayani lah ihhia mon lah wadciong sebagai pelayanan el ndahha al panuna lap hehekengngo karunia wali lam Bram Allah:
|
|
\v 11 Ngarni elap pneghenge sebagai toyo elap ndukinni linnya Bram Allah; mon ngaranik el melayani, baiklah diya melayani wangio pghahhi ellam Bram Allah epap wonna tanaka el barana netu ngara kehhe, Bram Allah ap enggey melalui Bram Yesus Kristus. tanggun diyo ngarkehhe engdete mon kwuaha prapongo mor wiali mor wiali. Amin.
|
|
\s Kriya sebagai Nomot Kristus
|
|
\p
|
|
\v 12 Bmuk lolendgimi epamnowrunggu, amrandamngoko emma api lapkabanga el emini kabung yoyo, seolah olah sesuatu el aneh el ndadi el poltommu yoyo.
|
|
\v 13 Tapdimoko, eng ati mbaka ornak yoyo nomot dneke tanggumu el barana krina Kristus prapongo yoyo waddi dah ati mon eng ati pahi eme loddono kemuliaanon Bram Allah bmaphudoni.
|
|
\v 14
|
|
\v 15 Tapdimoko, am ejiamngokko el antar yoyo elak kriya tutu hmati ol tonna, kednu, lap pdahha in ndahha, atau etu toyo el bengia hblowuna el tanggu to hieke.
|
|
\v 16 Tapdimoko, ngar wadpiangunik ellak kriya tutu to kristen, ammekndamoko, sebaliknya hendaklah diya p'eng deteya Bram Allah ornak bman pneghennya netu.
|
|
\v 17 Pahkia waktunna penghakimanna el mulekkia walli keluarga Bram Allah. Mon, jika penghakimanon Bram Allah el mulekkia wal eiya el yicca, penwanaka mopir toyo el jan wani Injil lon Bram Allah?
|
|
\q1
|
|
\v 18 en to saleh paungmono sulit mong slamat nday, penwanaka toyo jahata mon toyo berdoho? \rq Amsal 11:31 \rq*
|
|
\p
|
|
\v 19 Ornak netu, paklokbanki diyo bman kriya tutna Bram Allah, mon pah raknikki adewena el barana Pencipta el setia, mon lakrohi plakuya payak el ngen.
|
|
\c 5
|
|
\cl Pasal 5
|
|
\s Ndangha bahki hak Wimbi Bembena Bram Allah
|
|
\p
|
|
\v 1 Ornak tanetu, sebagai sesama penatua mon hakhi mata akkrina Kristus, mon waddi sebagai toyo el nomtoyo al ndeke taguna el barana engmdetena apap hunduana, yaya kudorngini para penatua el enni el baramu yoyo:
|
|
\v 2 Ndanga banki ankwimbiembena Bram Allah el enni el baramu! am orphaha mngoiko, tetapi rela, merwajioyaka epah bennya Bram Allah; am plaku ndamokko taguna nguelwongo utu el jan ndah, tetapi orhdimu.
|
|
\v 3 am bertindak ndamoko sebagai to kwuaha el barana toyo pah percaya el barana tangjapum, tetapi ndadi mbaka pnomtono to ndanga netu.
|
|
\v 4 Menge neme, ketika neme Sang Gembala hetopijiana emini, yoyo himnbiaka mohkota kemuliaan el jan hmengenge.
|
|
\p
|
|
\v 5 Merwajoka yoyo, al rehi m'tuyu, ktagubnikki enne amorimu; mono hendaklah yoyo ngara kehhe taguni kerenndahan hati, ellah toyo mon ngara kehhe karna: Bramba Allah al menentang enne toyo le'nde, tetapi al wonni knuru enne toyo alla renda hati. \rq Amsal 3:34 \rq*
|
|
\v 6 Sebab itu, pak'babwubmukku el kabu limiana Bram Allah el bannu kuaha. Tanaka, apam'ndetewagu yoyo en lodono.
|
|
\v 7 Pahrak ngar kehhe m'nikki epap ngadamu ela Bram Allah karna Diyo ella kragung yoyo.
|
|
\p
|
|
\v 8 Waspadalah mon ndangang! Muhummu, ambrapu, bahloko nguede nguede mere singa el mengaum, lakdaba mangsa taguna pak'bolono.
|
|
\v 9 Gababnikki ambrapu! dede h'mondo wubmuku el imanmu karna yoyo pengheni bahwa ngar keh pannu tuana, h'dungkabumu seimanmu waddi atangguni waddini akriya eyoy pap damamu.
|
|
\p
|
|
\v 10 Mon, mengeke yoyo bukriya untuk sementara waktu, Bram Allah pdowalina ngarakehe am mnowor jang walina el mengge bman kwulongu tanguna nomot ndeke tanguna el engdeten-Nya el kekal el barana Kristus el paknaghangu mon lahmondoni, mon lahkottougu yoyo.
|
|
\v 11 Tanggu ndunuaniki Diyo, akwuahan tangguna morwiali morwiali. Amin!
|
|
\s Salam penutup
|
|
\p
|
|
\v 12 Yayo turuoho huruoto singkat yiyo el yoy wali Silwanus, epah penghegu sebagai dungkabunggu seiman el hepidpanggun. Yaya benggi wonggu hmangat mono hakhiy el yo'o, bahwa yiyo diduyaka aknuru el dahha wali ellaBram Allah. Dede h'mondo wub'mukku taanetu laknur.
|
|
\p
|
|
\v 13 Jemaat el enyi el Babilonia, mon umat pah pede wadinani Bram Allah, ap dukiguni salamma el baramu. Markus, anunggu, ella Kristus mon apdukwadiguni salam tanggumu.
|
|
\v 14 wobuadikki salam htoyo mon hahwadkiong dengan ciuman kasih. Damai sejahtera tanggu ngar kehhe al enyi ella Kristus. Amin.
|