See in Reader
186 lines
16 KiB
Plaintext
186 lines
16 KiB
Plaintext
\id 1TI
|
|
\ide UTF-8
|
|
\h TIMOTIUS
|
|
\toc1 TIMOTIUS
|
|
\toc2 TIMOTIUS
|
|
\toc3 1ti
|
|
\mt TIMOTIUS
|
|
\c 1
|
|
\cl Pasal 1
|
|
\s Salam Tanguna Timotius
|
|
\p
|
|
\v 1 Wal Paulus, elak baling rasul Bram Yesus Kristus orna apreten Bram Allah, juru selamat yicca, mon Bram Yesus Kristus, pharapon yicca.
|
|
\p
|
|
\v 2 Tanguna Timotius, ana el sah barana iman. Aknuru knangga, amnowro, mon damai sejahtera wal Lambram Allah bapa yicca mon Bram Yesus Kristus, Mori yicca.
|
|
\s Peringatan ngabani paknekeng jan ghenne
|
|
\p
|
|
\v 3 Merwejokka yaya mbuk kreyo el baramu ketika yaya mbuk otang el Makedonia, engdibaka mbu doyyo el Efesus tanaka yoyo ngole paapin toyo tanaka diyo japakneke wani aprete hekeng,
|
|
\v 4 atau pahwunik apgadada diyo el barana pneghe etu jan hennya mon silsilah-silsilah el jan anggo dukana. Netu justru mendatangkan perdebatan,
|
|
\v 5 Tapdimoko, tujuan wal aprete netu didiyaka pamnowrong el wal omon hati el murni, nurani el dahha, prapongo iman el tulus.
|
|
\p
|
|
\v 6 pipircoyo mengeke mban broyo wal tujuan yiyo mon tersesat barana pembicaraan el haliole.
|
|
\v 7 Diyo bengga kbaling ahli Hukum Taurat, tapdimoko jan peghin payak ediyo papneghed atau hal hal epap wadi diyo.
|
|
\p
|
|
\v 8 Tapdimoko, yicca peghin Hukum Taurat netu dahha jika toyo mban pakiya penwadanki,
|
|
\v 9 Wango kesadarnon bahwa Hukum Taurat in pdahaya tanguna toyo el benar, melainkan tanguna el langgani aprete mon el ngabani, toyo indah mon to berdoho, toyo el jan kudus mon to pannu tana, diyo elah matiya bapana mon mamana, didiyaka to mati toyo,
|
|
\v 10 Toyo asusila elap pdahha doho seksual, homoseksual, to buning, to bolet, hakhi el jan hennya, mon ngarwadpanggunik el ngabani paknekeng el dahha,
|
|
\v 11 Yaitu paknekeng Injil el mulia wal Lambram Allah pwali omon Berkat, el menge paptangudang el baragu.
|
|
\s Ucapan Syukur Paulus atas Rahmat Allah
|
|
\p
|
|
\v 12 Yaya bersyukur el barana Diya el menge mban pghahinga, yaitu Bram Yesus Kristus, Mori yicca, orna Diya mban anggapong yaya setia mban pahrakgani barana pelayan yiyo.
|
|
\v 13 Walaupun hitu yaya to penghujat, penganiaya, mon to el kejam, tapdimoko yaya himbeayak amnowron orna hitu yaya mbuk pghilin tanpa peghi mon in wani.
|
|
\v 14 Mori wonganik aknuru knangga el melimpah, bersama iman mon amnowron barana Bram Yesus Kristus.
|
|
\p
|
|
\v 15 Apnegheng yiyo ngole wani mon layak himbiaya ngarkeheya bahwa Bram Yesus Kristus emin el pannu tana tanguna hlamtoy to berdoho; el barada diyo, yadiyaka el paling berdoho.
|
|
\v 16 Tanguna alasan yiyo, yaya ngole mnowor, yaitu tanaka el baragu, toyo el paling berdoho yiyo, Bram Yesus Kristus menunjukkan blo atin-Na el sempurna sebagai contoh tanguna diyo el wani barana Diyo untuk ngolewani mopir bring jewa.
|
|
\v 17 Tanguna Raja atas ngarakehe zaman, el kekal, mon ebjap icca, satu satunya Bram Allah, paakang mon engdete sampai selama lamanya. Amin.
|
|
\p
|
|
\v 18 Aprete yiyo kuwongunik el baramu, Timotius, anagu, sesuai nubuatan el pernah mba wonguni tutum yoy, mon wango nubuatan netu pgahhi lobniki el barana dahha,
|
|
\v 19 Sambil tarani iman mon ati nuraniel dahha. pirayak toyo mengeke mban tolkoy pghilin netu pranpongo kandasok imanon diyo.
|
|
\v 20 El barana didiyaka Himeneus mon Aleksandaer, epah mengengu pahrakin el barana brapu tanaka diyo akneke tanguna jamenghujat.
|
|
\c 2
|
|
\cl Pasal 2
|
|
\s Hbahngoko Tanguna Ngarkehe Toyo
|
|
\p
|
|
\v 1 Pertama-tama, yaya kupapung tanguna kdeteng pakremu, doa, doa syafaat, mon ucapan syukur tanguna ngarkehe toyo,
|
|
\v 2 Tanguna raja-raja, mon ngarkehe toyo el lodoel pemrenta tanaka yicca ngole hlokin mopir el lakdanna mon damai el barana ngarkehe kesalehan mon kehormatan.
|
|
\v 3 Hennya yiyo dahha mon lam ghenenga el barana Bram Allah, juru selamat yicca,
|
|
\v 4 Elap pgadani ngarkeh toyo slamatoy mon prapongo barana peghe tutuna kebenaran.
|
|
\v 5 Ornak, whupimnik Bram Allah mon whupimnik elapdukdanki antara Bram Allah mon topiyo, yaitu topiyo Bram Yesus Kristus,
|
|
\v 6 el menge mban woyya poltan-Na tanguna tebusan ngarkeh atoyo. Hakhiya yiyo phundoni neme pahi loddona epaptuddanan-Ni.
|
|
\v 7 Tanguna yiyodiyaka, yaya paptuddanni sebagai penghotbah mon rasul- yaya kupnegheni el nghen, yaya jakku bolet -- mon sebagai guru el barana iman mon kebenaran tanguda bangsa bangsa heke.
|
|
\s Hadada Hakbani mon warcoyo el barana Ibadah Jemaat
|
|
\p
|
|
\v 8 Ornak taanetu, yaya kubenggo Kabani el ngarkehe pdoyyo bhango sambil khotaya limmeada el kudus tanpa bani mon pdongolong.
|
|
\p
|
|
\v 9 Merwejokka, yaya kubenggo warcoyo taya krewe el pantas, bannu sopan mon paakang polto. Perhiasan indiwaliy luoge epap ptanna, wango doko rara, ato pakaian lapfalli,
|
|
\v 10 melainkan pappdahamu el dahha sebagaimana warcoyo el engga kesalehanon
|
|
\p
|
|
\v 11 Warcyo harus kneke wango hiwiena el barana ngarkehe ketaatan.
|
|
\v 12 Tapdimoko, yaya jakku ijinin warcoyo paknekeng ato prete kabani. Tapdimoko, warcoyo harus hiwiena
|
|
\v 13 Ornak Adam papdaha pertama, meng ap Hawa,
|
|
\v 14 mon in Adammoy epap boltong, melainkan warcoyo epap boletong mon lakbutuku el doh.
|
|
\v 15 Tapdimoko, warcoyo engdika selamatoy melalui ndadina anan jika diyo eng mba mopir el barana iman, amnowro, mon kekudusan wango paakang polto.
|
|
\c 3
|
|
\cl Pasal 3
|
|
\s Syarat Syaratono penilik jemaat
|
|
\p
|
|
\v 1 Apnegheng yiyo nghen, “jika toyo mban bengioko jabatan penilik jemaat, diya albenngo pghili el dahha.”
|
|
\v 2 Ornak taanetu, penilik jemaat harus toyo el jan paknunyo, laghi walli lah ihha arwennya, peghe kwuahay polto mangwuya, ap akini, benga wogngo, mon terampil mengajar,
|
|
\v 3 In toyo inuya, in toyo el kaharo melainkan toyo elapphaluk wuna, etu jan bengga mhu hung, mon in toyo el cinta dingi.
|
|
\v 4 Diya harus penghe urhoy tang umuana dengan baik mon dangini anan tan amwango mon ewongo raha paakang.
|
|
\v 5 Ornak, jika diya jan peng bman urhoy tang umuana, penwanak diya neme bman urhoy jematton Bram Allah?
|
|
\p
|
|
\v 6 Amdidamoko toyo bmu tobaton tanaka diya am lede wongo mon laknabu el hukumanon ambrapu.
|
|
\v 7 Tomwedika, diya harus toyo enhadana el dahha el antara toyo lakdelek tanak diya jan knabuwongo el barana bma hinay mon penghen ambrapu.
|
|
\s Syartono Majelis Jemaat
|
|
\p
|
|
\v 8 Merwejokka diaken, diya harus toyo epap akang, jan blolamma, jan inu anggur, mon jan kdaba utu el jan jujur.
|
|
\v 9 Diyo harus bisa dango rahiya kebenaran iman wango ati mbihha el hingir.
|
|
\v 10 Diyo waddi harus kab ulin mon neb bman hundaka jan bercela diyo el dadi bman melayani sebagai diaken.
|
|
\p
|
|
\v 11 Merwejokka arweiya diaken, diya harus toyo epap akang, in to bolet, tetapi ngole kwuahay poltonna mon el ngole wani ngarakehe netu.
|
|
\p
|
|
\v 12 Diaken harus ihha arweinya atau laghina, dadi bman autrihi anana mon tang umuana bman autro pdahaya.
|
|
\v 13 Ornak, diyo el mengeka bman melayani sebagai diaken dengan baik neme ngole paakangga taguna polto mangwuna mon keyakinan el mbokolo akan imannya el barana Bram Yesus Kristus.
|
|
\s Rahasia Kesalehan Yicca
|
|
\p
|
|
\v 14 Yaya kuharapa kubisa lecca bmuk otung el baramu, tapdimoko yaya turohoya tutuna yiyo el baramu yoyo tanaka
|
|
\v 15 Seandainya yaya bmuk lambatok, yoyo mengeka bmu peghini penwan diya harus mopir el umuana Bram Allah el mopir, ghaya pduhendenge, mon dahron wal kebenaran.
|
|
\v 16 Yicca ngakuni pirhennya mbokolona rahiya kesalehan anetu: “Diya, phundoni el barana biya, epah benara orna Roh, eppap iceda malekat, epappnegheng el antara bangsa bangsa, epah wango el pannu tana, kotuaya el barana kemuliaan.”
|
|
\c 4
|
|
\cl Pasal 4
|
|
\s kutakki memgiminik tutuna Toyo etu ngandi indahha
|
|
\p
|
|
\v 1 Roh lappneghengo wango jelas bahwa pah loddo terakhir, lahwadnita toyo neme lamdalnik imanon mon pahrakakwunak el barana roh roh indahha mon preten ambrapu.
|
|
\v 2 Diyo apengaruhik or hadda indahana toyo el ngandi indahha enne atin mengeka bma bonhoy mbahhi bonoh.
|
|
\v 3 Diyo herin toyo amplaghi amdeke warcoyo mon heri waddini toyo muyo mupappdahana Bram Allah, nepimko himwabniki wango ucapan syukur enne toyo el wani mon el penghini kebenaran.
|
|
\v 4 Ornak, ngarkehe pappdahana Bram Allah netu dahha mon jango elap pghenne ebhim wani wango ucapan syukur,
|
|
\v 5 Ornak ngarkehe netu al kudus wango linya Bram Allah mon sembayang.
|
|
\p
|
|
\v 6 Hennya yiyo bmu pakneknanik el barana loled seimanum, yoyo kbalingoko pelayan Bram Yesus Kristus el dahha, merwejoka hitu yoyo mengeka bma pakknekungu wango pneghe iman mon prete sehat epah mengemu yoyo nomtoy.
|
|
\v 7 Pambrobaniki etu appneghengo etu jan hennya, mon pakknekbanki apoltommu el mopir el nghen.
|
|
\v 8 Pakknek jasmani mang wothon, tapdimoko el ghenne lamghenenge el barana ngarkehe orna ngarkehe anetu enga janjin tanguna mopir henenne mon mopir empahdapang.
|
|
\v 9 Appnegheng yiyo ngole wani mon layak waddi ebhimbiaya ngarkeheya.
|
|
\v 10 ornak taanetu, yicca pghil pghahhi mon ngole wani. orna, yicca bondoloya payak epahdapang el barana Bram Allah el mopir, didiyaka plinnya mopir bring jewa ngarkehe topiyo, rerehmong toyo el wani.
|
|
\p
|
|
\v 11 Pret bmananki mon pakknekbanannki hal hal yiyo.
|
|
\v 12 janga bmah toyo el lahburung yoyo karna yoyo bmu kedepong, tetapi jadilah teladan tanguna toyo el wani papneghemu, hadamu, pamnowrumu, iman, mon inpdahamu indahha.
|
|
\v 13 Prapongo yaya embmuk emang, pghahibaka bmu bacaya hurto bhihha, ebmu apingo, mon ebmu pakkneng.
|
|
\v 14 Amphal oleya karunia rohani el enni el baramu, epapwodangu plinnyi papdahana dewan penatua el lahkotta limmiana el pannu takumu.
|
|
\v 15 Pghil bmanki hal hal yiyo wango rajin, wongarkehebaka poltommu tanguna pghili yiyo tanaka ngarkehe toyo ngole iceya kemajuannum yoyo.
|
|
\v 16 Ngharpdahani merwejokka yoyo mopir mon payak epakknekmuk. Walangtakabniki el barana diya karna ebabpdahha hennya yiyo yoyo neme selamattoy, baik polto mangwumu yoyo maupun diyo el rongoya ajarnumu.
|
|
\c 5
|
|
\cl Pasal 5
|
|
\s Hada eb Tengur Oltoy
|
|
\p
|
|
\v 1 Am tenguroyo kabani el rehi ptuyo wango pghahhi, tapdimoko merbanki diya merbak bapa, mon merbanki halked mone merbak loledin.
|
|
\v 2 Merbanki warcoyo el rehi ptuyo merbak mamgih, mon halked minnya merbak anminnyomuywango bannu kesucian.
|
|
\s Tutuna janda
|
|
\p
|
|
\v 3 Paakini janda janda el hepinpangguna janda.
|
|
\v 4 Tapdimoko, jika janda eb angoko anana ato ambuna, ndidihiki el pertama-tama harus kneke ptujukin whago el barana ngarkeh ih ummana. Hennya netu, diyo mengeke wolhoy budi barana orptudo diyo, ornak hennya yiyo ghenege elam Bram Allah.
|
|
\v 5 Hebongoko janda el hepinpanguna janda mon mopir kneheng, diya harus pahrakni harapnon el barana Bram Allah mon engkrohi mban kreya mon bango lod mon hud.
|
|
\v 6 Tapdimoko, janda el mopir hanya phaliole iolehmih, diya mengeke mban mati walaupun diya tengger mopirpan.
|
|
\v 7 Pret wadimdanki tutuna yiyo el barada jemaat tanaka diyo jabercela.
|
|
\v 8 Tapdimoko, jika mbah toyo jankraghaya hakluargon, rerehmong hakluarga tatukkana, berarti diya mengeke menyangkaloy imanonmon diya rehko indahha wal toyo el jan wani.
|
|
\p
|
|
\v 9 janda epap whoti dipimhik warcoyo el umrong el paling kurrongo nomkbulu doyyo, el arweya wallah ihha laghin,
|
|
\v 10 mon epah pegheng orna hadana el dah, yaitu paptuhi hakedne, el mung wongga, mon mung lokih witin toyo el kudus, tolgin toyo el tengger suliton mon el laktangguni ngar papghilin el dahha.
|
|
\p
|
|
\v 11 Tapdimoko, janda el rehi muda am wotidamok, orna jika hasrat seksual membuat diyo broyo wal Lak Kristus, diyo benggo plaghi wiali.
|
|
\v 12 henya yiyo emengeni hukuman orna diyo mengeke mban boletin paprah pertama epap pdaha jan hepianak.
|
|
\v 13 Elak beden netu, diyo mulekka bhi iahak mnukongo, ot klilngin walah bungga umma mon ot um heke. Indiknehe wedimok anetu, diyo wed pneghengok olton mon lahbolo wunnak epap urhod tohieke, takika epap japptakina toyo.
|
|
\v 14 jadi, yaya benggo tanaka janda-janda muda plaghi wiali, mon paana, mon urhoy tang ummuana tanaka jango kesempatan tanguna lawanon untuk mencela diyo.
|
|
\v 15 Ornak, pirriayak atoyo mengeke mban bali biali nomtoy ambrapu.
|
|
\p
|
|
\v 16 eb enggoko thoyo warcoyo wani el engga kluarga el janda, paklokbin diyo kraghaya janda-janda netu prapongo gereja in bebanin, mon gereja ngole bantun janda-janda lahwadcong el hepinpangguna bengga bantu.
|
|
\s Tutuna Penatua mon Hal Hal Lahwadcong
|
|
\p
|
|
\v 17 Penatua-penatua el urho pdahahi layak himbiaya paakang pdu lipat, rerehmong diyo elap pghili pghahhi el barana pneghin linya Bram Allah mon pakkneken.
|
|
\v 18 Ornak, Hurto Bhihha lappnegheng, “Am memberangus mulut lembu el tengger klilinginan akmengehe,” mon “topghili manghakan ngole wallina.”
|
|
\p
|
|
\v 19 Amhimdamok mba pdonggu el paknabuwamu el barana penatua kecuali ebdahar wanik bukti wal toduya ato totallu hakhiy.
|
|
\v 20 Diyo elap pdaha doho harus teguroy elah dapan ngarkeh toyotanaka elah wadcong akbohi pdah doho.
|
|
\p
|
|
\v 21 Elah dapan Bram Allah, Bram Yesus Kristus, mon para malaikat epah pili, yaya kutakmemguy yoyo wango hepinpangguna tanaka nomtoy petunjuk yiyo tanpa berprasangka ato pede mnowor.
|
|
\p
|
|
\v 22 Am terlalu letca pdibioni limmia el barana garwedpeagudnik ato nomot ndeke tangu el barana dohona tohieka. dangbanki tanaka poltommu eng mban suci.
|
|
\p
|
|
\v 23 Amdukpinanki inu we kiakang, tapdimoko wawedingo hodi we anggur tanguna akabum mon ihum el hohodiy haddu.
|
|
\p
|
|
\v 24 Doho wal lahwadcong toyo itlangtakayak prapongo adangini diyoel barana pengadilan. Tapdimoko, doho lahwadcong toyo neme apiceya.
|
|
\v 25 Merwejokka engga papdahana dahha el jelas iceya. Tapdimoko papdaha dahha epap jap icca wadpianggu, jan krohi wial in iceya.
|
|
\c 6
|
|
\cl Pasal 6
|
|
\s Petunjuk Rerehmong Para Ata
|
|
\p
|
|
\v 1 Ngarkehe toyo el tanguni beban sebagai ata haruslah anggapoy morin sebagai to el pantas ngole ngarkeheya paakang tanaka ngaran Bram Allah mon paknekeng yicca in cela.
|
|
\v 2 Hebiongko para ata enne morin to wango Bram Allah, am pkurdamnik rah paakang el barana diyo ornak diyo ndidiyaka loled seimanum. Merwejokka, para ata harus melayani morin wango rehi dah wiali ornak el himbiaya aknuru knangga pelayanan ndidiyaka toyo el wani Linya Bram Allah mon el diyo amnowri. Paknek mbanki mon paapin henya yiyo el barada diyo.
|
|
\s Tutuna Ajaran Heke mon cinta Dingi
|
|
\p
|
|
\v 3 Neb engyoko toyo el paknekeng ajaran hekeng el jan mere papneghen el ghen walla Mori yicca Kristus Bram Yesus mon jan mere ajaran kesalehan,
|
|
\v 4 diya ndidiyaka pembual mon jan peghin. Diya hanya tertarik manai or perbantahan el jan sehat, el dukamnannik ptading pnegheng elap pkedenge knorek ati,
|
|
\v 5 prapongo eng krohin ahmhung el antara toyo enne apgadana mengeke mban ruhha mon tolkoy el ghen, e mban pgadani bahwa kesalehan ndidiyaka apatan tanguna pdo ngole wongo utu.
|
|
\p
|
|
\v 6 Tapdimoko, kesalehan elah bolong raha dukongo wonggo manfaat el bokolo.
|
|
\v 7 Ornak yicca in ngandi papaya ketika eb tama el pannu tana mon weddi in bisa ngandi papaya ketika eb lohho wal pannu tana yiyo.
|
|
\v 8 Neb engioko muyo mon krewe yicca akan rahay pahgiok.
|
|
\v 9 Toyo el benggo roto knabu el barana pencobaan mon jebakan, prapongo manghurun nafsu el lakbangga mon knabuk el indahha mon haliolek.
|
|
\v 10 Ornak, benni adingi ndidiyaka pongeana wal ngarkeh indahha. Toyo elakdaba langtakka dingi mengeke mban bronni imanon mon lapphuhayak apolto knehenorna manghuru epprahan.
|
|
\s Beberapa Hal el Harus Pap Apum
|
|
\p
|
|
\v 11 Tapdimoko, yoyo sebagai topiyo wal Lam Bram Allah, pambrobuanik apoltommu wal ngarkeh anetu. Wolbayka el ghen, kesalehan, iman, amnowor, amnudu, mon amhaluk.
|
|
\v 12 Pghahibniki el barana pghahina imanum el dahha mon tarlangtakabniki mopir bringi jewa tanguna epak kwul wangung yoyo ketika yoyo mbu wonggo mgaku el dah elah dapan danga hakhiya.
|
|
\v 13 El barana Bram Allah el wo ngarkehegunni amopir mon el barana Bram Yesus Kristus el wongngu pengakuan el dah ketika ebu dapin Pontius Pilatus, yaya kuppretung yoyo,
|
|
\v 14 Pirhennya yoyo mbu hlokin apprete yiyo in kdirioko mon bercela prapongo mban emin Mori yicca Kristus Bram Yesus.
|
|
\v 15 Pahi alodono epap ptudnani, Diya laphudoni poltonNa sebagai ih pini elak kwuha, Raja, mon Mori wal ngarkeh mori.
|
|
\v 16 Ndidiya elah ihha el kekal, el doyyo el barana amghohok ep jap duking, ja mbah towaddi piangungu el icceya ato el ngole icceya Diya. Tangun Diya ngarkehhe apa kang mon akwuaha el kekal! Amin.
|
|
\p
|
|
\v 17 Sementara netu, pret bahki to roto el zaman yiyo tanaka am lede ato pahrakni pgadana el roton el jan pasti, tetapi pahrakbanki apgadamu elam Bram Allah, el wango bannu dhi ngarkehe tangun yicca untuk nikmati.
|
|
\v 18 Pret bahki diyo tanaka appdah dah, mon roto el barana pdah dah, toyo el mil ati, mon dhi bhaghing.
|
|
\v 19 Hennya anetu diyo akahaka pote tangud diyo kneheng sebagai dahro el dah tanguna em pahdapong prapongo diyo mba ngole tarrani amopiro el hetopinjana.
|
|
\p
|
|
\v 20 Timotius, dang banki payak epap ptetdnangngu el baramu. Brobaniki pnehng pannu tana mon pneghe kaboloko prapongo ptadingo el hala et paptakki “peghe,”
|
|
\v 21 el wango mgaku, iman pircoyaka elam broyyo. Aknuru knangga etin el baramu.
|