kod_reg/53-1TH.usfm

\id 1TH
\ide UTF-8
\h 1 TESALONIKA
\toc1 1 TESALONIKA
\toc2 1 TESALONIKA
\toc3 1th
\mt 1 TESALONIKA
\c 1
\cl Pasal 1
\s Salam mon ucapan Syukur Paulus
\p
\v 1 Wali Paulus, Silwanus, mon Timotius taguna a jemaat el Tesalonika, el enni ella Allah Mbapa mon ella Mori Yesus Kristus. Pamwouron mon damai engkrohin el baramu.
\p
\v 2 Yamma engkrohingo mba mengucap syukur el Bramba Allah tagumi yemmi ngarkehe, mon takigim yemmi el lah mhbam yamma,
\v 3 enga ab apiya apghilli dewa, usaha pamnourong, mon pgahinga pahmagum al mbarana Morid yitta, Bramba Yesus kristus, al bar Bramba Allah mon Mbapad yitta.
\p
\v 4 Bukloledgimi pamnouron Bramba Allah, peghebaniki bahwa Bramba Allah apedgim yemmi.
\v 5 Orna, a injillo* yamma jam emgamka el mbaramu el lapnegmok, tapdi wadimoko el Kuahana, el Roh Kudus*, mon walangtakani; seperti yemmi pah peghemi el toyo seperti payaka yamma netu el bar yemmi, tutuna aboton yemmi.
\v 6 yemmi mengeke kbal ngoko toyo el nomtgam yamma mon Mori orna yemmi himbayaka a Linya el ndanga kriya mon suka cita wal Roh Kudus,
\p
\v 7 tanaka yemmi kbal ngoko nomto ngarkehe atoyo al wani el Mekadonia mon Akhaya.
\v 8 Orna, wal omomu Linya Mori bergema indiwadimoko el Makedonia mon el Akhaya, melainkan wandi ellah wupdo-wupdoyo, imanmu bar Bramba Allah mengeke ban hanggma-hanggma tanaka yamma jam hel takwalik.
\v 9 Orna, ndiwanwuyo el lapnegheni el bar yamma, penwemki yemmi am magam yamma, bwalkoko el bar Bramba Allah wal jandaha taguna layani Bramba Allah el mopro mon ghen,
\v 10 mon taguna ebmagini ban emini Anana wal surga, mon Diya el kedeke wal tomati, yaitu Bramba Yesus, ellah hlamtodo yitta wal murka el emin.
\c 2
\cl Pasal 2
\s Apghilin Paulus el bar Jemaat el Tesalonika
\p
\v 1 Bukloledgimi, yemmi peghewadini bahwa bam em gam yamma el baramu jan sia-sia.
\v 2 walaupun yamma bam kriya atu, seperti yemmi pah peghemi, apakrimaga mon a numaga el Filipi, yamma engnga keberanian el bar Bramba Allah el baramu el parduyo a dangana agabani.
\v 3 Orna, ap apim yamma jan wal omono el jan daha, el jan murni, ato wal kepalsuan,
\v 4 tapdimoko pene wem yamma bah tujugam Bramba Allah taguna pketnik Injil, meng yamma bam neghenge, intagunani atoya, melainkan taguna el lamghenenge el lam Bramba Allah el ujigam a atim.
\p
\v 5 yamma jam perna mab emgama mon pdahani takki, seperti yemmi pahpeghemik, ato mon apprete tagunna keserakahan -- Bramba Allah didiyaka saksim yamma.
\v 6 Yamma waddi jamkdabaya angara walli toyo, baik walli yoyo maupun walli toy heke, meskipun mbam rasul-rasul kristus, yamma ngoellek phahani walli yemmi.
\p
\v 7 Hewedunaka, yamma ahadam lemah lembut el bar yemmi, hewedunaka innya men urhoyo a anan knehen.
\v 8 Menge, pamnourungu el bokolo el baramu, yamma belangtanga wogimi yemmi indimoko a Injil Bramba Allah, melainkan amopir wedimma yamma ornak yemmi pamnouro langtakama yamma.
\v 9 Ornak, yoyo apiya, lolede, usaha mon appeghil laktakama yamma, penewemaka yamma bam pghili hudongo mon lodongo tanaka yamma jan dadi beban tagumi yemmi tegheren yamma bam takiya Injil* Bramba Allah el baramu.
\p
\v 10 Yemmi didiya hakkhiya, mon Bramba Allah wadi, betapa suci, ghenene, mon jan kdiroko a moprom yamma el wal yemmi el lamwango.
\v 11 seperti yoyo pah peghemu, yamma pap apgimi, lap egim, ptubogim yemmi ngarkehe, seperti mbapa el bar ana wanwuana,
\v 12 tanaka yemmi mopiro mereya khenkono Bramba Allah, el lakwulogu el kerejaan mon kemulian knehen Bramba Allah.
\p
\v 13 yamma wadi enga bam bersyukur ellam Bramba Allah taguna yiya hal, bahwa ketika yemmi ab himbaya Linya Bramba Allah, yemmi paprongomu wal yamma, yemmi ab himbaya in wal omnanni apneghene toyo, melainkan penewenaka el hepidpanguna, didiyaka netu apneghena Bramba Allah, el tegheren ban pghili al bar yemmi, toyo el wango.
\v 14 Lolede, yoyo mengeke dadika a toyo el pnomtono a jemaaton Bramba Allah el Bramba Yesus Kristus el enni Yudea ornak yemmi taetu ngolewadiyaka akkriya el mere, el wal omoni a toyo ol bangsa wanwumu, hewadinaka diya papdamada wal toyo Yahudi
\v 15 el lah matiya Mori Bramba Yesus mon ngarkehe nabi, mengeke apdikgam yamma. Diya jan mghenenge el lam Bramba Allah mon muhnik ngarkehe toyo.
\v 16 Diya hangam yamma bama pnegheni el toyo jan Yahudi tanaka diya ngolewongo bahlamtih. Hewadunaka diya ba engena bam dahaya dohon diya, tapdimoko banin Bramba Allah el buruka el barana diya.
\s Pahbenyaka Paulus lamatabealin a toyo el Tesalonika
\p
\v 17 lolede, mengeke taguna henenne lodono yamma apheg gammaka wal yemmi secara ica wango mata, in secara roh yamma pangadda krohgim mon kubenga ich krohiya a rupomu.
\v 18 Ornak, yamma benga otugama el baramu, bahkan yaya, Paulus, engkrohika, tapdimoko brapu bokolo hadagam yamma.
\v 19 Ornak, garaniki pahdapugu, dah ati, ato mahkota pap egam yamma ellah hdapan Mori Bramba Yesus el emini? In yoyo?
\v 20 Yoyo diyaka kemulian mon dah ati yamma.
\c 3
\cl Pasal 3
\s Kabar daha wali Timotius tutuna toyo el Tesalonika
\p
\v 1 Ornak tanetu, ketika yamma jam tahaniki, yamma mamwothoyo tanaka lod knehe wongo el Atena,
\v 2 mon ptuboniki Timotius, loledeme yamma mon pelayanon Bramba Allah, mon ol pghilim yamma el Injil Kristus, el baramu taguna pghahini mon ap apinggu el mer wadoka el iman myo,
\v 3 tanaka ja alongo htoyo eh pahmakana kriya tanetu. Ornak, yoyo peghewadini bahwa yicca memwadiyaka paptutnain taguna netu.
\v 4 Bahkan, ketika yamma oldengegimi yemmi, yamma engkrohika bam takiya el baramu bahwa yicca rahkrohiya akkriya, mon didiya el dadi merdokka yoyo pahpeghemu.
\v 5 Tanaka wa anetu, ketika yaya joktahanik, yaya ptubonik tanaka peghe wani imannum yo. Yaya kukbohi, bana bi penggoda ban pgoddguku mon a beghelem yamma al hal olok.
\p
\v 6 Tanaka, henenne, Timotius el balika el barama yamma wal lapdomma, mon mengeke linya el daha tutuna iman mon pamnourumu taguna yamma, bahwa yoyo engena ban bodoloyo kenangan el daha meng yamma pngadaniki taguna bap icegam yamma, merwoddok yamma waddi bam pngadaniki taguna bam icegum yemmi.
\v 7 Ornak tanetu, lolede, ngarkehebaka ahuha mon akkriya yiya, yamma mam egeke orum yoyo plinyi al imannumyo.
\v 8 Henenne, yamma mammoprioko neb yoyo ab pden pdaha el Mori.
\v 9 Ornak, ucapan syukur payaka papngolmak yamma pahrakin el lam Bramba Allah orim yemmi, meng phel ngarkeheni dah atim yamma papraham el lah dapan Bramba Allah oron yoyo?
\v 10 hud mon loddo yamma bam hbango wango wal ati langtaka tagum yamma ngolewongo eme neb tobkwalgim yemmi, mon ngolewongo pahwuni payaka el kurongo mon el imanum.
\p
\v 11 henene, paklokbanki Bramba Allah mon Mbapa kneheng, mon Bramba Yesus, Mori yicca, el ndagam a laram yamma el bar yoyo.
\v 12 Meng Mori apdahagu yoyo mtuyo mon danga el pamnourong bahtotogimi, mon ngarkehe toyo, merdokka yamma papdahama el baramu.
\v 13 Meng Mori lah mondoni atimi mon jan kdiroko el suci el bar Bramba Allah mon Mbapad yicca em ban emini Morid yicca, Bramba Yesus, ol toyo Kuduson.
\c 4
\cl Pasal 4
\s Mopiro Ellam Ghenenge Lam Bramba Allah
\p
\v 1 Meng, a lolede, yamma kraiya mon ap apimmu el Mori Bramba Yesus tanaka el hennyaka pah mengphibiomu wali yamma tutunna penewemuk yoyo engdiya amopirro mon lamghenenge lam Bramba Allah, pghil banikki anetu elrehi wali.
\v 2 Ornaka, yoyo peghewadini paptumbongo payak yamma papdukmakka el yemmi nomtoyo akkwuahanna Mori Bramba Yesus.
\v 3 Ornak, yiya didiyaka pahbennyaka Bramba Allah: a kudusumu, bahwa yoyo angdika pambrowumuk wal jan daha;
\v 4 bahwa yoyo peghe wanwuni penwemki kuahaya polto wanwumi el kudus mon pa akin,
\v 5 indiya wal pahbenya al bannu jandaha merdokka a toyo jan pegheni Bramba Allah,
\v 6 tanaka jawongo bah toyo loklokini mon al boltini loleden el hal netu. Ornak, Mori didiyaka al wolhoi ngarkehe netu, hewadonaka yamma paptakigu etu mon yamma pa apin wango wal atim el yemmi.
\v 7 Bramba Allah akwulada yicca in tagunanni jankuduso, tap tagunanni a kudus.
\v 8 Ornak tanetu, garlolnikki el jan himbiaya paptakina ayiya, in tolakwalgunni to pi, tapi al tolkoy Bramba Allah, al woyyo Roh kuduson al baramu.
\p
\v 9 Tapdimoko, tutuna pamnourongo lolede, yoyo in bengnga oltomu tangguna ab turohoyo tagumu yoyo ornak yoknehengo mengeke batakiguni Bramba Allah taguna pamnourong wungo.
\v 10 Bahkan, yoyo mengeke bupghilini ngarakehe lolede el enni el Makedonia. Tap dimoko, lolede, yamma kre langtakagimi yemmi wali ati tanaka yoyo pghilini rehi wali,
\p
\v 11 mon kdabalangtakabaka taguna a mopiro tanak kdanawongo, uruh baka a tagu wan wumu, mon pghilbanki wani alim mengwumu, merewedokka yamma pap takima elbaramu,
\v 12 tanak yoyo ngolewongo bahlokin a mopiro el lamghenenge el lahdapan to janwangi mon jan kurongo papangubak.
\s Ban emini Mori
\p
\v 13 lolede, yamma jam wawa yemmi in peghini tutuna a toyo el mati tanaka yoyo in huhwongo mereka a toyo el janga pahdapan.
\v 14 Ornak, jika yicca wani bahwa Bramba Yesus el matik mon el kedeke hbalingok, yita wadi wani bahwa Bramba Allah a kahahik diya amati el lam Bramba Yesus ol dengeniki Bramba Yesus.
\p
\v 15 Yamma mam pnegheniki hall netu el baramu wango Linya Mori, bahwa yicca el mopirpong, el epiada prapang ban emin Mori, jan ulid diya al mati ullu.
\v 16 Mori kneheng el buru wal Surga mon lapnegheng, poklia wal penghulu Malaikat, mon poklia tropet Bramba Allah, mon toyo el mati bar Kristus didiyaka el ked ulu.
\v 17 mengeke, yicca el mopirpongo, el yipadda, mok brengdengeniki diya el lak kramba tanaka toboko wani Mori el lapringi, mon tanaka yicca brengkrohi wani Mori.
\v 18 Ornak taetu, pamgolor badanik atidda bah to togimi wango peghengo yiya.
\c 5
\cl Pasal 5
\s Hdibaka taguna Ban emin Mori
\p
\v 1 Henenne, lolede, tutuna a lodono mon a donno, jan perlu turoho el baramu.
\v 2 Ornak, yoyo wawuyo el peghe pidpanguni alodono Mori ban emini merko tokedu ban wango hudongo.
\v 3 ketika toyo ban pneghengo, “Damai mon aman,” radangoko a mati ban otini el baramu, merwadoka waddu warcoyo pa ana, mon diya jan ngolek lolhoyo poltona.
\p
\v 4 Namun, lolede, yoyo in mopiro el lakpaddu tanaka loddo netu el emniki el baramu merko tokedu.
\v 5 Yemmi ngarkehe didiyaka ana mgohok mon ana loddo. Yicca in wal omodo el hudongo ato lakpaddu.
\v 6 Ornak tanetu, yicca am duru merya toheke, tetapi mabika yicca dangwuda mon waspada.
\v 7 Toyo lamduru, mduru wango hudongo mon toyo el mabuk, meng mabuk ban huddongo.
\v 8 Namun, ornak yicca didiyaka ana didjorlodo, mak yicca tat sadar, taya khihi bahi imman mon kasih, mon taiya ketopong pahdapang a mopir bringjewa.
\p
\v 9 Bramba Allah jan engen bar yicca taguna ebraha bani, tapi tagunani ebngoleya bringjewa melalui Morid yicca, Bramba Yesus Kristus,
\v 10 el mati taguna yicca tanaka yicca, entah badagida ataupun tegher mdurudo, ngoleko engedengeni Bramba Yesus.
\v 11 Ornak taetu, pagahhiwummiki bah to togimi mon pakedde wumi, merdoka henenne papghilmik.
\s Ap apmurin mon Salam
\p
\v 12 Lolede, yamma krelangtakagimi yemmi tanaka pa akindi diya ellapghili el bar yemmi, mon edanggimi yemmi el bar Mori, mon ellap apgimi yemmi.
\v 13 Pa aklang takabniki diya el kasih or pghilid diya. Mopirbaka el damai bah totogimi.
\p
\v 14 Yamma dorong langtakagim yemmi, olede, paapbanki diya el mopirro degere, pgahhimdadki atid diya ellak ktap ati, bantuni ellahmalli, mon blo atingarkehemni a toyo.
\v 15 Kharbahamniki tanaka jawongo toyo el wolhoyo el jan daha, melainkan enge bapdahaya el daha el baramu mon taguna ngarkehe toyo.
\p
\v 16 enge ba bersukacita!
\v 17 engkrohi bahbango!
\v 18 mengucap syukur papangubaka. Ornak, didiyaka pahbenyaka Bramba Allah tagumu elbarana Kristus Yesus.
\p
\v 19 Ampadaya a dewe!*
\v 20 Amkharani apneghe ban Ktapa!*
\v 21 uji ngarhekebaka! Tarabniki el daha!
\v 22 Pambrowumku wal ngarkehe el jan daha!
\p
\v 23 Semoga, damai sejahtron Bramba Allah a kudus gimi yemmi ngarkehe. Kiranya dewe, hmogho, mon poltomu a dangikroh ngarkehegimi, jankdiroko pahi ban emini Morid yicca, Kristus Yesus.
\v 24 Bramba Yesus akwulogu yoyo didiyaka el setia, Bramba Yesus pasti laopghilini.
\p
\v 25 Lolede, hbawaddimgam taguma yamma!
\v 26 Wobiniki salam ngarkehe loledemu mon udoko kudus.
\v 27 Yaya kukrelangtakagimi demi ngarana Mori, taguna ab bacaya huroto yiya el barana lolede anonno.
\v 28 Papnouron Morid Yicca, Kritus Yesus, engena el baramu.