See in Reader
154 lines
13 KiB
Plaintext
154 lines
13 KiB
Plaintext
\id COL
|
|
\ide UTF-8
|
|
\h KOLOSE
|
|
\toc1 KOLOSE
|
|
\toc2 KOLOSE
|
|
\toc3 col
|
|
\mt KOLOSE
|
|
\c 1
|
|
\cl Pasal 1
|
|
\s Lhiya Papangandinga Wali Paulus.
|
|
\p
|
|
\v 1 Wali Paulus manna keteng kasulono Yesus Kristus orona papkambu atena Mori, manna wali Timotius dungkambu yita.
|
|
\p
|
|
\v 2 Tangguna atoyo hingrro. Manna dungkambunda lahwuati pida, mengge camnudu ella barana Kristus el Kolose, kanuru atagumu monno maringi malala wali Allah Bapa yita Cbayangod Monno Krimkahina Paulus
|
|
\p
|
|
\v 3 Tenggeren habayang tanggumu yama engena mamkrimkahiya abapa Bramba Alla, abapana amorinda yica Yesus Kristus.
|
|
\v 4 Aronaka yama memronggokhimi tutuna atiwamu ella barrana Yesus Kristus manna amnawarona papketim ngara yemi tanguna atoyo mopir hingir.
|
|
\v 5 Atiwamu monno amnoworetu chunda oronaka amonnongo eppa hdina thagumu ella surga, eprongomi yemi ella libhihha wali horoto bhiha.
|
|
\v 6 Ahuroto bhiha eldukika ella barami monno dukika lundu cappa otu hupu tana, manna huroto biha, iyiya, manna krohi banna wuya, manna banna mwewerrongo, elmere. wejokka ella di ella brami yemi, kede rongomi Yemi manna peghenni, papwona Allah orana ammaghana manna amnotong.
|
|
\v 7 Yemi, mengeke bikknekeyo atutuna ayiyo wali epapras, ole blokoma yama heke noworo nge mengeke ella ngandi alinya Yesus hekemanuduna tanggumi yemi.
|
|
\v 8 Dhiya capdukini aliya ella barama yama, tutuna amnaworroni tanggu dewe.
|
|
\p
|
|
\v 9 Oronaka ataya akkwunga longomani iyiya alodona, yamma indi hadakka mbamma hngahuwali lahbayang tagu yemi, mono mori tanaka awogimi peghe manna pegheni papkabu atina ella barrana, ngara amblela manna mghanna tutuna lbiha manna lhimading.
|
|
\v 10 Mengeka ataya, yemi ngoleka amopir, manna alara lamghananga ella barrana lahdapango Mori, lamghananga ngarra etu, manna pupuni hahilon ngarra etu beka papghilinda eldaha, manna bukul apngada daha ella Mori.
|
|
\v 11 Tanaka Yemi, pghahi wongo, manna ngole wawedini mondonga ella heppinjono monno ngole wani awalini asabarimi manna enge wana amgolor.
|
|
\v 12 Trimkahi bayaka Bapa lappa dadi ghimi yemi manna lappa tutugimiakatadina manna phimwani atagumi ella barana ngarpethobihha ella enni lamgohko.
|
|
\v 13 Diya bokor taka yica walli lakpandu manna lapediki jaka ella barrana anan pamnoworono.
|
|
\v 14 Ella barrana diya yica tata ngole manna akotortaka, monno noleka ambringi mlala, oro hallamanna dokunda.
|
|
\s Kristus Dika Lakwunga Pduki Wali Papangubaka
|
|
\p
|
|
\v 15 Diya didokka agambron. ambramba Allah, ep japicodo, elladadi ulu. wali ngara papdadin.
|
|
\v 16 Tutun oron diya, ngarra etu papangubbaka ella enni surga, monno ella enni ponutana papadadina, eppa ica monno eppa jappa ica krehi tokko, kuaha, pemerenta mengnge monno keteng kuaha. ngarpetubak lapdadi wali diya manna tagu wedinani diya.
|
|
\v 17 Diya doli enni, nebe jabniki ngarpetu, manno ngarp etubaka lnandiya engengenani ella barrana Diya.
|
|
\v 18 Diya ktakuna wali poletonda, monno ngarra ajemaaton, dhiwedi wali lakwunga, manna el, papnguya.
|
|
\v 19 oronaka, ambaramba Alla, ella beni ngara phma ngele elle enni barana.
|
|
\v 20 Leweto barana, ngarpaetubaka, bolowari, apalotona, elyeni ponnuta monno elleni monno eleni surga. Didokka bolowaniarutana manna akbina. elghaya paphebelongo.
|
|
\p
|
|
\v 21 Yemi etu too, heke ghemi, muhuni ambramba Allah arrona apngada knehim, manna plakuya ngarra pghiilini jandaha.
|
|
\v 22 Henne yemi apdami wainginiki polotona Yesus Kristus lewt matin. monno pahrakagumki gabnga hetu mnahu-Mnahu, helu tunu jana kotoro, heke hingirom ella barana Ambramba Alla.
|
|
\v 23 Engnge hamondoniki datiwami, pghahaminiki, monno hmodoni, tanaka amba godoka, amonongo! wali woroto bhiha eprongoni yemi. Mengenge papwala ngara papdadina yipapkobokono Akramba, manna orunggu yaya, Paulus orona pelayan.
|
|
\s Papweden Paulus Ella Jemaat
|
|
\p
|
|
\v 24 Henene, yaya kumngoloroko oro krigu torom yemi, oronakha akbighu paptutu weguni ella barami toronaka krina Kristus tutuna jemaat.
|
|
\v 25 Yaya kbaling pelayan Jemaat pnata pelayanna wali lambramba Alla, Ambramba Alla tantutuwani.
|
|
\v 26 Yiya didoyaka elrahina lambuning wali ella langanga manna ota langanga monno wolorono. etu wolorona toronaka henene. mengenge babphundani tutun atoyo ahingiron.
|
|
\v 27 Ambramba Alla bengo phudonri ella barami yemi. Toronaka arotona rahiya amramba Alla ella baranna bangsa-bangsa heke, oronaka kristus enni ella barani yemi. didoka amanonga wali bihana.
|
|
\v 28 Yama mampwalini tutun diya, tanaka mamteguroyo manna mampaknekeni ngarpatoyo, wali ngarra amblela manna mghanna tanaka yamma mamngali wongo monmamngandi atoyo tanna lamtuya ella barana Kristus.
|
|
\v 29 Ngandidoyaka otaya yaya wedi huha, langangataka, toronaka lakwahana lapghahi ella baragu yaya.
|
|
\c 2
|
|
\cl Pasal 2
|
|
\p
|
|
\v 1 Habingko, yaya bangio yoyo peghini penwena boton mon pghani mon yaya kublakuya el yoyo, mon diyo anni Laodikia, mon ngara toyo el njan wuperna pong tobokoya ruponggu.
|
|
\v 2 Tutunggu tanaka atin diyo pomaya mon pahwuni pamnoworon dimokdiya tarani ngara roto pwalina wali kraghaya mon peghini wali rahini bramba Allah, didoku Kristus kneheng.
|
|
\v 3 Doudulo diyo, bhbunini ngara roto wali peghe pngaddana.
|
|
\p
|
|
\v 4 Yaya paptakinggu yiyo njiawan go angngi toyo mon buelet pgabani mon rongngo altama bapngadani.
|
|
\v 5 Meng, hawiddibngoko poltomu alinggu njan anni lamrenggu, mon yaya lamrengenggu barana bihhana, mon yaya ndaha ati iccenggu haddamu el ndaha dende, atiwamu barana Kristus.
|
|
\s Pakrohiya Nomtoyo Kristus Yesus
|
|
\p
|
|
\v 6 Habiongko, or yoyo alhimbaya Yesus Kristus diduyaka Mori, mopir krohing barana Diyo,
|
|
\v 7 Amuna lapkedeya poltomu el Diya, engdedemu penwenaka bapabnekunggu yoyo, mon mangana hurun trimkahiyo.
|
|
\p
|
|
\v 8 Dagango, tanaka njiango anni toyo halngadinggu yoyo mon njiang pneghen ghene mon lapdenjionggu, mon pwalina papngandina toyo meng ndaharon bihhana pannutana, mon indiyo haddana Kristus.
|
|
\v 9 Meng, barana diyo tatknagha ngarkehe abanuna kwahana, mon mopir papndahana bihhana.
|
|
\v 10 Yoyo aldadi bannuna barana Diya, mon didokka aktakkuna dodeta ngara pemrenta mon lakkwahaya.
|
|
\p
|
|
\v 11 Mon diyo, yoyo mban sunatanggu mon indimyaka sunat lapghili limmana toyo dimok sunat mban ghilin Kristus, mban ktariya kbina el hala.
|
|
\v 12 Mon permandi, yoyo tono dengengguk elak Kristus, mon lap kedde dengeniki diya liyya elhadamu mon kwahana Allah mon lapkeddeyak diyo walli tomati.
|
|
\p
|
|
\v 13 Habiongko banna ulu matimu ngar phalamu mon kbimu njan sunat, Allah ap ndahanggu mopiro dengeni mon Diya mengeka banna oo am nggehin phalam yamma.
|
|
\v 14 Mon oo, banna hbatloyo haghin mon pretene lakrailoloyo mon handinnyi hubungnon Allah mon yicca. Diyo dekeya mon akuya eldodete mbapakuya.
|
|
\v 15 Diyo wukkeya ngar pemrenta mon lakkwahaya, meng dadiko diyo lahmekeyaka olen ornaka bantoloko el dodete bapakuya.
|
|
\s Ammontoyo Prete-Pretena Papdahana Toyo
|
|
\p
|
|
\v 16 Ornaknetu, ampalokin bahtoyo wajawango amphalawumu yoyo el halla muyo mon innu ato loddo agama, ramin wulla buenni ato loddo Sabat.
|
|
\v 17 Ngarkehe netu hamnyak ninyano tutuna banna emini, mon njiangi hahilono hapinja panguna didoka Kristus.
|
|
\v 18 Ampalokin toyo banna daha ati mon ati papwani njan hatupinja papwani mon hmalekat-hmalekat prehenggu yoyo. Diyo didokka toyo-toyo albengio icca pdahaya meng lapdahaka pngadang diyo pamdete wudda orona preten pannutana.
|
|
\v 19 Toyo njan hatupinjana njan tarapdahani aktakuna. Aktakuna diduyaka alkete ngarkeheni poltoyo, ngarbakka poltoyo pahwungo el riyya mon kbahhu, ngar etu lamtuyo mon lamtuka wali Bramba Allah.
|
|
\p
|
|
\v 20 Dika bamrengeni Kristus yoyo elmati papretena topiyo pannutana, pene banpdalin yoyo epiong yoyo paptaru pannutana, mokin pretena merekka:
|
|
\v 21 “Ambadangini, cicpi, amba tudikoyo?”
|
|
\v 22 Apreten yiyo mon lihloroh banmontoyo or pretena netu papdahamnaniki pap pretena mon paknekeno toyo.
|
|
\v 23 Pretena meredokku netu banna iccaya lihloro mon lamdete ibadah dopamkah kehengo mon pakbawungo njan hanya mbapakriyo poltonna. Habiongko, ngarkehe netu njiangok walina mon dimoko tagun poltona.
|
|
\c 3
|
|
\cl Pasal 3
|
|
\s Mopiro Mbaru ella barana Kristus
|
|
\p
|
|
\v 1 Dika yemi apkede hbolo engengemkhi Kristus kdababaka eleni el doo dete, padonna barana Kristus, manna lodobaka lakakwana am bramba Allah.
|
|
\v 2 Pngandabinikki elleni eldodete, endidiya el yenni yila panu tana.
|
|
\v 3 Oronaka yemi doli matemiki mono amopirimi lambunning ella barang Kristus manna Allah.
|
|
\v 4 Mengnge Kristus didoyaka amopirumu maklaphu doni ella poltonna, yemi yemi wedhi lapphudadoggimi abihana monna amadina Dhiya.
|
|
\p
|
|
\v 5 Tanaka atoyo, mati baka ahada panutana ella walingngo hada panutanamu, etu percabulan, akotoromu, hawanapsu, papngadumu eljanna ndaha, monno akdadakamu, mono akwodo ktabamu mrapu.
|
|
\v 6 Hada ndodaniki, pahbutu atiwena ambramba Allah emme phadapang.
|
|
\p
|
|
\v 7 Atu hitu, yemi wedi pghili pankhi tenggeren epmopir pongko eldoloha.
|
|
\v 8 Mengngeka henene, phalalabaka ngarpetu: ambani, amhuhurumu, ahmuhumu, apnumamu, mono apnghe kotoro walaa, rowiwimu.
|
|
\v 9 Ambubolet dhamokoko oronaka yemi mengngeka bhimdalani amopir too dhemi manna lablongoko ngarra papghilimu.
|
|
\v 10 Tabayaka atoo baramu, engnge pakrohibaya ella lapngadamu lamranda arupana wali lapdadiya.
|
|
\v 11 hebongok henene yiyi jangaka too yunani manna too Yahudi toyo papsunata manna toyo jappa sunata, too barbar atoo skit atha, atoo Mori diakha Kristus didoyaka ngarpetu kehebak, ella enni dolongo.
|
|
\s Mopir Boruengeni ngarra Aole Toyo
|
|
\p
|
|
\v 12 Diaka, Hebangoko atoyo pahpnena Ambramba Allah, ella bhiha manna epamnoworon, ketebaniki yemi amnowor, kerahmahan, kwawa ati, ndaha pngandi, mono mloati.
|
|
\v 13 Mngolor engeniki ngara a ole tomu monno woni dikijara a ole tomu ebanepangu kungoko, ephahalana ella barami. merewedika Mori yica banna wonda diki jarra. hewedingo yemi. tanaka wowedini dikijara. ngara ole topimi.
|
|
\v 14 Elpanuna ngarp etu, ketebaniki amnowor, tanaka ketebaniki ella hingir manna lbihha.
|
|
\v 15 Tanaka ambringi mlala lamturoho atimi manna hejonaka pakwulla wadigimi tanaka pahwu engeni polotona, manna trimkahiya.
|
|
\p
|
|
\v 16 Tanaka paya paptakina Kristus tanna lamwokongo ella barrami lundu lappa banna pngalolungo. tanaka ngarpadella monno amghannami yemi pakanekewani ngarra atoyo. manna paapini manna pnogoni ngarpatoyo, lodoni amasmur, ngarra lodo pujian ngarra lodo rohani, ngarra paetu baka mamkrimkahi ella atidolo elbarana Alla.
|
|
\v 17 Papangubaka yemi papghilimi wali ella takkimi manna papghilimi, plaku bayaka, ngarra pa etu ella ngarrana ambramba Yesus. Lundu lappa bukka krimkahiya ella barrana Allah Bapa ella liya eldhiya.
|
|
\s Mopirro Ella Baru Eltanggu Umma
|
|
\p
|
|
\v 18 Ariweya, mokoni alaghimu penewena elhecopinjana ella Tuhan.
|
|
\p
|
|
\v 19 Yemi laghi monoworin ariwemu monno ambi kahardami diki elbarrada ngara dhiya.
|
|
\p
|
|
\v 20 Yemi ngarra lkede, ktangaya bapamu manna inyamu wali papangu baka ngara etubaka tanaka ndaha wungo atena. ella barana Tuhan.
|
|
\p
|
|
\v 21 Yemmi ngarra hbapa, wolohi anamu monno ambubani, tanaka amba akkariya lapngadanga.
|
|
\p
|
|
\v 22 Yemi ata papwede, mambi ella barana amorimu ella yini lpannu tana ngarra etupapanguya. philini ambi dhimoko pahi baicoghu manna adaha wongo detina thapi orona banna lurru atimu manna kbohini ambramba Allahmu.
|
|
\v 23 Papangubaka yemi papdekemi, manna pluruh bayaka atimu ella Tuhan indi tagunani atoyo phiya panu tana.
|
|
\v 24 Sepyemi phegheni walingo Tuhan yemi engnge ptimbadomuni ategumu manna awelina Kristus Tuhan enne tenggeren yemi paplayanimi.
|
|
\v 25 Oronaka, atoyo ella laphili hala engnge hibiya awalahana tutu halada epphaghilida monno janga ella. enni paphikolongo.
|
|
\c 4
|
|
\cl Pasal 4
|
|
\p
|
|
\v 1 Morin, pdahabaka a atamu el ghen mon adil or yol peghin bahwa eng morin Surga.
|
|
\s Ngarbak etu el Papghiling
|
|
\p
|
|
\v 2 Ktanggulobngok hbango, mon dangang mon mengucap syukur.
|
|
\v 3 Hbawaddigam tagum yamma tanaka Bramba Allah el wukwongo binya taguna Linya Bramba Allah tanaka yamma pahlokwabnik rahina Bramba Allah orna netu paptamwagu el gallu.
|
|
\v 4 Hbabngoko tanaka yaya ngolewani mbaku lapdukini elghen penewenaka bakku takinanni.
|
|
\p
|
|
\v 5 Ahada al daha el bara toyo heke mon wani kesempatan el ndaha.
|
|
\v 6 Panguwemu apneghemu ban bannu mnowor dibumbui garam, tanak yoyo peghewani penewenaka ban wolhoyo ngarakehe toyo.
|
|
\s A liya wali Paulus mon Atoyo a olen Diya
|
|
\p
|
|
\v 7 Tikhikus mon lapneghini ngarabaka liya tutung yaya. Diya Diduyaka ndungkabu seimanon yica papnowron, pelayanan mon setia, olekedpghili el Mori.
|
|
\v 8 Yaya kubtumboniki el baramu tanaka apeghe wani amopiromo mon tanaka Diya golewongo pahmondoni atim yamma.
|
|
\v 9 Diya emdengenik Onesimus, dungkabu seiman yitta el setia mon pamnowron, lah toyo wal eiya el yemmi. Diyo eme atakiya el baramu ngarkehe payak al dadi yiyo.
|
|
\p
|
|
\v 10 Olkede gallugu, Aristarkhus, ngandiguk liya tangum yoyo, hewedina Markus, anbinyana Barnabas, el tutuna diya yoyo el himbaya petunjuk; himbabaka diya emban emin el baramu.
|
|
\v 11 Wadi liya wal omo Bramba Yesus, e nbuk wuloni Yustus. Olto pelayanan gu taguna kerajaan Bramba Allah, dipimhik yidiya el wal omon olle tosunat, mon e diya ndadi lampomo alyaya.
|
|
\p
|
|
\v 12 Epafras, ndungkabu seimanmu hamba, Kristus Yesus, menge wadi lapngandi salam tagum yoyo. Diya wadi engena mban hbagu tagum yoyo tanaka yoyo engena mbu yakinlangtakani el ngarkehe kehendakon Bramba Allah.
|
|
\v 13 Yaya ngole mbawogimi kesaksian penewenaka diya mba kriya tagum yemmi mon taguna a toyo el enni Laodikia mon Hierapolis.
|
|
\v 14 Lukas, dokter el pamnourong, mon Demas lapngandigu liya tagumi yoyo.
|
|
\p
|
|
\v 15 Pdukganni a linggu el bar lolede seiman el Laodikia, mon el barana Nimfa mon jemaat al enni el ummana.
|
|
\v 16 Setelah yi huroto ab bacaya el baramu, bacawadimnanki el barada jemaat Laodikia.
|
|
\v 17 Pnegwadimnanki barana Arkhipus, “harpdahamniki tanaka yoyo meng wani tugas pelayanan e pah mengemu mbu himbaya wal omo el Mori.
|
|
\p
|
|
\v 18 Yaya, Paulus, turohoyo a salam yiyo wango lim wanwuyo. Apbayaka e belenggu papnouron Bramba Allah aldaguk yoyo.
|