See in Reader
163 lines
14 KiB
Plaintext
163 lines
14 KiB
Plaintext
\id PHP
|
|
\ide UTF-8
|
|
\h FILIPI
|
|
\toc1 FILIPI
|
|
\toc2 FILIPI
|
|
\toc3 php
|
|
\mt FILIPI
|
|
\c 1
|
|
\cl Pasal 1
|
|
\s Salam wali Paulus mon Timotius
|
|
\p
|
|
\v 1 Wali Paulus mon Timotius, Hambana Yesus Kristus, el barana ngarkehe to Kudus el barana Kristus Yesus el enni el Filipi mon barana ngarkehe penilik jemaat mon majelis jemaat:
|
|
\p
|
|
\v 2 Papwonna Bramba Allah mon damai sejahtera wal omon lam Bramba Allah, Mbapan yitta, mon Mori Yesus Kristus el daganggu yoyo!
|
|
\s Trimkahin mon Hbango Paulus taguna jemaat el kota Filipi
|
|
\p
|
|
\v 3 Yaya kutrimkahiya Bramba Allahgu setiap mbakku apgim yemmi.
|
|
\v 4 Ebakku habango tagumi yemmi ngarkehe, yaya selalu mbakku habango wango sukacita
|
|
\v 5 or mbap ghilmereni el yoyo wongoko el lapdukin a Linya Bramba Allah sejak a loddo pertama prapongo henenne.
|
|
\v 6 Yaya ku yakin langtakani bahwa Diya el mengeke mban muleya pghil ndahha el bar yemmi, Diya waddi el lapdaha-daha prapongo a loddono Yesus Kristus.
|
|
\p
|
|
\v 7 Mengeke hepijana yoyo bakurahaya meredoka yiyo lahdapumu yoyo mono yoyo ngarakehe enni atodanga mono yayo papatamagagalu hebongoko yayo wogiphapa mon engdiaka Alinya, yoyo olepngiligu dolo dahha Abapa.
|
|
\v 8 Abapa didoka hakhiya pewenaka yayo baku bengngo yoyo ngara kehe dolo mnorono Yesus Kristus.
|
|
\p
|
|
\v 9 Yiya ahbagu tutuna pamnourumu helwungongo lamtobo-tobo, mono panghumu mono ngarakehe peghe;
|
|
\q1
|
|
\v 10 Hebongok yoyo ngalika pedeye payak el dahha; supaya polotomu luruh mono janaklege lodo Kristus; hebongok yoyo ngoleyo penebpedeyo payako elladaha;
|
|
\q1
|
|
\v 11 Mono panuhi menge wune-wune ella dahha “Emini wali Mori Yesus tutuna ahgenit guni ella barana Allah. Akrinya Paulus otini lapdukini Injil
|
|
\p
|
|
\v 12 Dungkabu-dungkabunggu, yaya penghini payak ella dadi ellyaya tutuna bukngadiya a Injil.
|
|
\v 13 Hebongoko ngarakehe pengawal istana mono ngarakehe atohieke penghini mono yayo ella tama galu tutuna Kristus.
|
|
\v 14 Lahwankongo dungkabuna ol imanonno mon al wani Bramba Allah orona mbagallugu taetu, mono helpgahwongo mbakpdukni linya Bramba Allah mono inraha kbohi.
|
|
\p
|
|
\v 15 Memang, enni atoyo mono lapdukini Kristus oro knorekono lapangadango, menge e wadini orono bengo dahha.
|
|
\v 16 Atoyo al benga pdaha el daha or engnga ati mnourono orono diya pegheni bahwa yaya apdogaka yiya bagi pembelaan Injil.
|
|
\v 17 Hebongoko al kabu atinga jandaha, apdahayaka orona plinghu pnuma, janaluruhho mono apngadana ngolek toboyo ahuhana amdegu yaya ella gallu.
|
|
\p
|
|
\v 18 Mengnge payaka ahhahlon? ellabaningi papangoya dahha, mono bengbolet apabebongko hgenne, Mori lapadukiniki, mono utaya yoyo mono egeya, mono yayo mono parohika ege.
|
|
\v 19 Ornak yayo kupeghenik pwaninya ahbamu olena Roh Kristus Yesus, payako aldadi buku lohongko.
|
|
\v 20 Hebongoko buku mononi ungolemekke apolotoyo, dahha ono mopirigu menge mati.
|
|
\v 21 Orona amopirigu Kristus mono matigu diduyaka pautunggu.
|
|
\v 22 Tapdimoko, yaya amopirigu yilpantogu, yayo jaku peghini.
|
|
\v 23 Yayo akndapigak antara duboyo pahpedegu taetu. Pahbeguku didiyaka mdalbanki a mopiro mon nomtobayaka Kristus, orna taetu rehipongodaha.
|
|
\v 24 Tapdimoko tagum yemmi, eng rehinak dahha yaya engen mopir poltonggu
|
|
\v 25 mon kuwaniki, yaya kupegheniki mon yaya lodo dengegimiki el bara yemmi ngarakehe majuwongo mon egeatimu mon wani.
|
|
\v 26 Neme baku bal hbalingoko el baramu, moko dahamu mono el tobo el Yesus kristus orodugunik yaya. Pahwubngoko mon engdikawuhini
|
|
\p
|
|
\v 27 Mengeke tanetu, mopirbaka el daha tutuna Injil kristus tanaka yaya baku emaga mon baku tokobokugu, neba in emeguku, yayo endikawuhini mono pahwungo mengdiya wani wali linya Bramba Allah.
|
|
\v 28 Ampaklokokini yoyo bapakbohigu enna gabamu, oronaka utaya tadana hepijana lakabalanga banghi oronona, dimoko lohongko banghi yoyo monatana utaya wali Tuhan.
|
|
\v 29 Hebongko Kristus yoyo bringblala indimoko neba wani yoyo, mono kridengeni Diya.
|
|
\v 30 Dididyaka arono yoyo danga pahdapamu al meredoka yoyo pap icomo al yaya baku hdapin, mon henenne yoyo paprongomu el bara yaya pahdapugu.
|
|
\c 2
|
|
\cl Pasal 2
|
|
\s Apngadang Mere A Kristus
|
|
\p
|
|
\v 1 Dadi, ebe aki lambramba Allah engnga hudorong pgahi, pomoya a manoworongo, Kbokel hungoto Bhiha, papnowrong, mono pdaha ati wongo.
|
|
\v 2 Pdah-Pdahabayaka suka Sukacitaku mono pahwuni ati pangada, ekehenge papnowrong el mere, pahwuniki el Roh mono engnga pahwuyo ptakki.
|
|
\v 3 Ampadaha papangubaba wali omo ambisi el Egois ato alede al walina tapdimok wal al daha ati, anggapbaka atoheke al rehe penting dari pada poltomu.
|
|
\v 4 Hongyemi ngarakehe akhara wahwumu apeghenehemu kanehimunik poltumangwumu monmbariwari taguna tohekke
|
|
\p
|
|
\v 5 Paklokko mbanik apngadamu antara yoyo, mengwadika ebbaenik orona Kristus Yesus.
|
|
\v 6 Mono, hedumonaka ewedingo rupa na Abramba Alla, njan tetengo kesertaan mon orona Abramba Alla ta'a netu mono ngara kehebaka pa-paya mono papghahingoyo.
|
|
\p
|
|
\v 7 kwalik wadinaniki, Diyo lahdapana poltonna mono njana peghepangungo mon lahmerewunaka ata a poltonna lah mere wunaka rup toyo.
|
|
\v 8 Dalam keadaan hengngo anene to piyo Diyo pahwobaniki poltonna mon wani prapanga mbamati, bahkan elmati elghaya pakdang.
|
|
\p
|
|
\v 9 Or alasan yiyo, Mori rehi pamdete Diyo mon woniki anugerah el baraNa ngarakehe ngara.
|
|
\v 10 Supaya el barana ngara Bram Yesus, setiap ahkunda bertelut baik el enni el lakramba, el enni pannu tana, maupun el kambu tana.
|
|
\v 11 Mon setiap lamma lamgaku bahwa Kristus Yesus diyaka Mori, bagi kemulian Bram All, sang mbapa!
|
|
\s Bram Alla lapghili el barada yitta
|
|
\p
|
|
\v 12 orona ta'a netu, baku lololedegim papmanoworgu, pirhenya yoyo ebe krohi mwango indi dimoko yaya baku brengegimi yemi, rerehi mongo henenne ebe njuku brengemi pghilini keselamatannimi yemi mono kambohi kndondoko.
|
|
\v 13 orona, Bramba Allah lapghili el baramu, baik ebe tangguni ebe benni mono tanggum epapghilimu payaka lamghenenge el Diya.
|
|
\p
|
|
\v 14 Peghili ngarakehebnikki ngarkehe anetu tanpa ambwongmbhuhongo
|
|
\v 15 Tanaka yoyo inni bercacat mon in hala, sebagai anna Bramba Allahel njanna hala el dutengnge em atudunnu mon em lakklege meng el sesat ayiyo, sehingga yoyo mgohok el diyo sebagai mgohok el pannu tana.
|
|
\v 16 Tarhmatibnikki el linnya mori amopiron tanaka pahi alod Kristus, yaya engngo alasan tanaka bermegah meng yaya njok playa dengwalingo sia-sia mono pghili paghahi jok sia-sia.
|
|
\p
|
|
\v 17 Sekalipun yaya mbuwogimi mono merekko cawo pap persembahanan di atas kurban mono pelayanan iman, yaya kudaha ate langtakka mono bersukacita yemmi ngara kehe.
|
|
\v 18 Demikian, wadi yoyo, mono alasan elmere mono daha ate monoengge ate mono ghica pahwugarkehebongok mono yaya. Paulus Laptumboni Timotius Mono Epafroditus
|
|
\p
|
|
\v 19 Dalam Tuhan Yesus, yaya kuyani mono mbuktumbuni Timatius el baragu supaya yaya ahibur waga ketika mbukronggoya alimmu tutungguyayo.
|
|
\v 20 Sebab yaya njuk pendeye atoyo heke hengo Diyo, mon el walu atini elwanyi kesejahtraanmu.
|
|
\v 21 Oronaka ato heke hanya repot orr banna wanyi tanggu knehen, inhambanimanki Kristus Yesus.
|
|
\v 22 Hengo yemmi el peghenik, Timotius hedungoko yoyo, laphundoni poltonna pawalina, Diya layan ngara keheni mon el ndaha wongo bapadukini Injil hengo ana lkede katapa hengo el barana Mbapana.
|
|
\v 23 Oron etu yaya kumonongo mon kuptumboni Diyo lecabaka menge yaya mbukpengeru mon payaka el dadi a nono.
|
|
\v 24 Yaya kuwanyi Bramba Allah bahwa yaya mbukknehengok mon bleworo otanga el baramu.
|
|
\p
|
|
\v 25 Tapi dimoko, yaya kupngadango mon kubewadingo patumbani Efaroditus el baramu. Diya didoyaka dungukambungu, ole pelayanan mon ole seperjuangan mon ndiwadi lapdukinno el barangu mono melayani pahbutungu.
|
|
\v 26 Orona, Diya heke manoworguni yoyo ngara kehe mono heke huhana atin orona yoyo rongoyo bahwa diya haddu.
|
|
\v 27 Memang, hitu diya haddu langtaka hohodi piyaka pahmati wana, tetapi Abramba Allah laphundoniki a manoworono el baramu mon indi dukka wanni el yoyo, melainkan el yaya wadi tanaka a dukacita ngu njana mkha-mkha.
|
|
\v 28 orona ta'a etu, kabalingoko s'makin bengo patumboni bali el baramu tanaka yoyo ngali engge ati ebe hele icce walika, mono el kurongoko kekwatirangu.
|
|
\v 29 Himbabaka Epafroditus elle Mori dikki banu engge ati mono pa'akani a toyo hengo Diyo.
|
|
\v 30 Oronaka diya lere dukinanki mati orona pghilina a Kristus; diya el leleniki a hungotono tangguna bana pheluni bantuan el indi ngali yoyo ebe woya el baranggu.
|
|
\c 3
|
|
\cl Pasal 3
|
|
\s Kristus Akwungeena
|
|
\p
|
|
\v 1 Lakdupun bakloled gummi, ndaha atibakka barana Mori. Yaya njan boto bakk turohoyo papangubakka el mere yoyo orr yiya bakk dagungnggu.
|
|
\p
|
|
\v 2 Dadango lahdapan bangga, dangang baradda toyo pgiling indaha mon dangang baradda diyo mon ropoyo poltoyo,
|
|
\v 3 meng yicca atoyo sunato wali atin, mon njanwani roh Allah, pneghin Yesus Kristus, mon njango monong el wani papangubaka ela hunda ngarkehe
|
|
\v 4 Indimok yaya elhannya ketini mon pamdeta wana. Dika enni toyo heke lapngadango mon banna hibaya pamdete wuna lahiriah, rehiwalik yaya:
|
|
\v 5 Yaya bakku sunat lodo kpanda poton, toyo Israel njan peghin, wali lapprono Benyamin, toyo Ibrani monno wangi pneghe Ibrani. turutoyo Hukum Taurat, yaya didoka toyo Farisi.
|
|
\v 6 Eldulo lah ghadda, yaya didoka pakriyo jemaat, mon eldulo ghene mon douwawa Hukum Taurat, yaya njan kliku.
|
|
\p
|
|
\v 7 Dimoko, ngar etu njan mon ulu utu ndengenik yaya, hanen webgukrugi orona Kristus.
|
|
\v 8 Hapinjana, ngar etu anggapo rugi bahmereni peghen Yesus Kristus, Moringgu, mon lam broyo rehi meng walinya wali papanguya. Tutumonanik Kristus, yaya bung ngarkeheke or ngarkehe hanen merebakka nguhduk! tanaka yaya ngali wani Kristus.
|
|
\v 9 Yaya tobokoya Kristus indiya ghenena mon pwalin poltonggu mon kungaliyo wali Hukum Taurat, tap njan emini el Imana Kristus diduyaka ghene wali Allah montoko Iman.
|
|
\v 10 Pirhannya ngali peghin diya lakwaha lapkedeya, mon pahwungo akrinya mon dadik merek diyo matiNa
|
|
\v 11 Tanaka lakdupun yaya ngaliwango kedde wali tomati.
|
|
\s Hgudikbaka Ebangguku Akwulonggu Surgawi
|
|
\p
|
|
\v 12 Mengeko, indiyo lapwalli yaya ngaliya ato ndaha langtakka, laphekeng yaya woloya tanaka yaya donggoloya pewenaka Kristus Yesus mon donggoloy yaya.
|
|
\v 13 Bak loledgimmi, yaya njakku hmerin mon yaya donggoloya. Dimoko, hwupinik papghilinggu: Yaya buloniki payaka elahngendunggu mon plinnyi diya payak lahdapanggu.
|
|
\v 14 Yaya engkrohinggu tutuna ngaliya walini, didoka pak wulana surgawi mon Bram Allah Yesus Kristus.
|
|
\p
|
|
\v 15 Mabik yicca el ndaha langtaka batapangaddani merewajok. Diki yoyo njana pngaddango duppongo, Allah el takkiyo el hennya elyoyo.
|
|
\v 16 Dimoko, mabik yicca pakrohiya mopir mon el ghene meng yicca keteniki.
|
|
\p
|
|
\v 17 Bakloled gimmi, montoyo pngandinggu mon hmotorin pndahini en toyo mopir el mere papngandini mon yoyo iccaya wali yamma.
|
|
\v 18 Menge, anni danga toyo mon mopir mon halla bapakuya Kristus. Tutun yiya, yaya mengeka engena bakku pneghini yoyo mon hanen yaya kupneghe widinni waimatanggu.
|
|
\v 19 Akdupun mopir diyo didokka njan ghene, oron Allah diyo didoka kabun diyo mon prekeyo diyo didoka lamekeyo. Papngadan diyo tutun pannutana.
|
|
\v 20 Dimok, nomtoyo Bramba Yesus yicca didoka enni surga, nggek yicca pdoubanuna magin ahghadda wali Juru Selamat, diduyaka Tuhan Yesus Kristus.
|
|
\v 21 Mon oo wungeni poltona lapnumma yicca aldadi merewidaka poltonani bihhana. Mon kwahana tuaya, Kristus almakkani ngandiya ngar etu amokonno.
|
|
\c 4
|
|
\cl Pasal 4
|
|
\s Pap ingotono Pahwuwani a Ati Mon Pahwuwani Apngada
|
|
\p
|
|
\v 1 Ornak taetu, mbaku loledegumi papnourugu mon pahbeguku, mon papdaha ati dengegu mon pap engge ati dengegu mon dede krohibaka el barana Bramba Allah.
|
|
\p
|
|
\v 2 Yaya, kukrelangtakagu el Euodia mon wandi Sintikhe tanaka mopir dahawongo el Bramba Allah.
|
|
\v 3 Ya, yaya kukre el baramu olkede dah atigu, tolong dondi yih warcoyo orna diya apghil dengega demi pelayanan Injil, mon olena Klemens mon hahwankongo ol pghilin, ah ngarada a turoihkhi el buku Mopir.
|
|
\p
|
|
\v 4 Daha ati krohibaka al barana Mori. Mon hel kutakwadigimi, daha ati baka!
|
|
\p
|
|
\v 5 Paklokbanki a dahana a atimu a pegheni ngarkehe atoyo. Mori al tukeka.
|
|
\v 6 Amkwatir tut papanguyak. tapdimoko, el ngarkehe pahbemu el barana Bramba Allah el lah bamu mon pakkremu meng ucapan syukur.
|
|
\v 7 Daha atina Bramba Allah el rehi ngarkeheya apeghemu lakkraghaya a atimu mon apngadamu el barana Yesus Kristus.
|
|
\p
|
|
\v 8 Akhirnya, bakku loledgimi, ngarkehe el ghenne, ngarkehe el mulia, ngarkehe el adil, ngarkehe suci, ngarkehe el daha, ngarkehe pap ege, ngarkehe el sempurna, ngarkehe pah patut e pap ege, pngadngarkehemnik tanetu.
|
|
\v 9 Payaka pahmengemu yoyo paknekum, mon phimbomu, prongomu mon pap icomo wal yaya, ghil ngarkehebaniki anetu, mok Bramba Allah pwalin adah ati didiyaka a dagung yoyo.
|
|
\s Paulus lah Trimkahiya el Barana a Toyo el Wango el Filipi
|
|
\p
|
|
\v 10 Yaya ku engge ati langtakka el barana Mori orono henenne, akhirnya woh baliganki apakharamu el yaya. Memang, sebelum yoyo inwopaya aperhatian el baragu, tetapi yoyo inngolpong klogo.
|
|
\v 11 Yaya kupnegheniki ataya netu in orowalgun yaya tengger kurogu, or yaya tngger knekugu tutwugu pa alolbak.
|
|
\v 12 Yaya kupeghin payaka a artin kurongo, mon yaya waddi kupeghin artin. Artin adangana papangubaka ngarbaka el janga, yaya kuknekpongo a mopiro pahing, payaka abahhu ato aklamba, payaka a mopiro adanga dingi, ato jang dingi.
|
|
\v 13 Yaya kungoleka pghilini ngarbak wal Diya al wongga pghiligu.
|
|
\p
|
|
\v 14 Tapdimoko, yemmi pdahha indaha mbengngo rugi dengenge.
|
|
\v 15 Yoyo waddi peghewadimi, jemaat Filipi, mon hitu akwungene pelayanan injil meng yaya mdalniki Wilayah Makedonia, janga jemaat al wawa habaghingo rugi dengega al wal woya mon himbaya kecuali yemmi.
|
|
\v 16 bahkan, hitu el Kota Tesalonika, yemmi al kirimga bantuan pahbutugu rehi wal hanen.
|
|
\v 17 Namun, indiya a bantuan taetu pakdabagu, melainkan yaya pakdabagu a wuana didiya pahbokolowana pap utumu.
|
|
\v 18 Yaya himbohikki hbaghir bokolo, bahkan a rehi. Yaya engarkeheni payaka pah butuhguk yaya or pah wommu mon pap kirimukku el baragu plindi Epafroditus pamwomu taetu dadniki pahrakkniki al daha, kurban al ghenne mon papdahawana a atina Bramba Allah.
|
|
\v 19 Bramba Allah gu laptutniki ngarbaka pahperlumu tutrotumu, al mulia wali Yesus Kristus.
|
|
\v 20 Muliaanon Bramba Allah mon Mbapad yica prapango moriwal-morwali. Amin.
|
|
\p
|
|
\v 21 Pdukmbanki a salam yamma el ngarkehe to Kudus al Yesus Kristus. Salam tagumu wal dungkabu seiman el baragu yaya a yiya.
|
|
\v 22 Ngarkehe a toyo hingiro apngandigu salam tagum yoyo, tagu knehena a toyo lapghili melayani el istana Kaisar.
|
|
\p
|
|
\v 23 Papwonna, wal Mori Yesus Kristus adagni a dewemu. Amin.
|