kod_reg/45-ACT.usfm

\id ACT
\ide UTF-8
\h Pangadada Eh Rasul
\toc1 Pangadada Eh Rasul
\toc2 Pangadada Eh Rasul
\toc3 act
\mt Pangadada Eh Rasul
\c 1
\cl Pasal 1
\s Yesus Detengngo El Sorga monno Lapprahinni Emmeni Dewa Mbihana
\p
\v 1 Elhuroto dollo dolli turohonggunik, Teofilus, monngarkehe el Yesus pakwungoni plaku mon paknekin,
\v 2 ndukin alodo Akeketoyo, mennge Adiyo elwongngo prete, wallila el Dewa Mbihanna, ngarrakehe rasul-rasul Eh pahpenden.
\v 3 Ngarrakehe yemmi, Adiyo weddi laphundoni apoltonna amenge mbanna kariyo, mon hekdangada abukti, monno laphundonni alpoltonna elbarrada amdenna potto kabullu lodo mbanna paneghin tandakuwahanna Bramba Allah.
\v 4 Tenggerenna mbahpolong ngarrakehe, Diyo laptumbodik ngarrakehe tanna amdalin a Yerusalem, ndimoko magin aprahin a Mbapa, mon ebtakinna “Yemmi rongngoyo Ebtakinggu,
\v 5 atu Yohanes lap ihwongo waiyo, monno yoyo ab ihwagu Ndewa Mbihanna, inmdeyo walli henenne prapanga em.”
\s Yesus Aketetoyoka el Sorga
\p
\v 6 dikibwengoko, monno ngarrakehe mbamkaha, ngarrakehe aklierin Adiyo, “Mori, monwaktunnanik hennene Yoyo mbubdahaya tandakuwahaMu e Israel?”
\p
\v 7 Adiyo eltakki nandik, “Indihakumundi eh peghewamunni atutun jammu monno ebdondukkanna ebdoltakkin e Mbpa enna Kuwahan.
\v 8 Ndimoko, emyemmi himbaya kuwahanna mbanna mburu a Ndewa Mbihanna el emeni el poltommu monno yemmi kubtuguhgimmiki ngandiya alinggu monno ngarranggu el Yerusalem, el Yudea, monno Samaria lundulapa elhuputana.”
\p
\v 9 Monno, mengeke mbantakkiyo ngarra abyiyo, tengger hadapananni, Adiyo mbanna deteng habolong el mahhulolo monno mueheng ellahdapadda.
\v 10 Mengeke, monno tenggeren mbakngara kramba, tenggerenakka Mbanna Otin, harrabnik, hendi attonduyo hakmbani eltakka khihi kakang eldende ellakrahad,
\v 11 monno eltakki, “Hei ngarkehe toyo Galilea, penne ebbudende monno mbukku harrani ella kramba? Yesus, elndeteng walli el mbarrammu otinni Surga monno emme elmballiyo el mbarramu monno elmere wejokka eb iceya Mbanna otinni el Surga.” Elpende Lahtoyo Rasul Mbaru
\p
\v 12 Mengeke taetu, ngarrakehe diyo a mbali el Yerusalem walli eyo el bukit Zaitun, el mbarrana a Yerusalem, amlonna merrek appattah lokon a Sabat.
\v 13 Monno ngarrakehe diyo mbatama, ngarrakehe diyo adetengngo elruang pannuna, ebdoddah diyo. Petrus, monno Yohanes, monno Yakobus, monno Andreas, Filipus, monno Tomas, Bartolomeus, monno Matius, Yakobus ananna Alfeus, monno Simon atoyo Zelot, monno Yudas ananna Yakobus.
\p
\v 14 Ngarrakehe diyo ahwutakki jannawolong ndukkanna ebah mbango ennngendi ehrawi coyo monno Maria, amamanna Yesus, monno eh ndungkambunna Yesus.
\p
\v 15 Enna ihloddo-ihloddo atu, Petrus eldende elbarrana ehndungkambunna lahwu ati wango (atondanga lahngahu ndukbulu andanganna), monno eltakki,
\v 16 “Ndungkambu, Hurroto Mbiha engngapadukin, ebtakkinna a Ndewa Mbihana elghombanna Daud tutunna Yudas, elndadi lakpalinni atondanga el ndogollo Yesus
\v 17 Monnoeme, diyo wattubaghiyo elbarrada yita monno ngoleyo atungguho yiyo.
\p
\v 18 hennenne, yatoyo elkahi lahbatu atana walli ennya hahillon paghilling indaha, mokko labuluku aktakkunna mban golleng, apoltonna elberrek, monno ngarkehe ihikambun lamwewerongko.
\v 19 Monno, ngarrakehe apeghennik atondanga eldolla el Yerusalem makka atanah apngarranikki 'Tanah Rutto'
\v 20 Monno, lamturohok el huroto Mazmur: 'Hobmbanak ebdollondono ebjanna puni, monno hobbanaka anonno ebjanga atoyo alodin,' \rq Mazmur 69:26 \rq* monno, 'Hobannak atoheke eldekeyo ebdollodon.' \rq Mazmur 109:8 \rq*
\p
\v 21 Mokko henen, lahtoyo walli elyemmi el engen pahbolong engngenda elyitto eb engena a Tuhan Yesus mbanna tama monno loho walli elyito,
\v 22 lakwungonik Yohanes mbanna ipwango wibahana lundulappa loddono mbakeketoyo walli elyitto, lahtoyo walli elyemmi engnge ngandimmuni aliyo tutun Mbanna detongngo ndengngede yico.”
\p
\v 23 Mengeke, labtumbondik nduhtoyo, en Yusuf ebpakawullongo Barsabas, monno pakwullongo Yustus, monno Matias.
\v 24 ahmurrinnya, ndiyo ngarrakehe ahbayang, “Yoyo, Mori ndikki elpegheni atinnya ngarkehe atoyo. Phundobgammaniki garraniki pahpedeMu walli to nduyo,
\v 25 monno elhimbaya apwede mono papketeng rasul, walli el Yudas el hekero laotu ellabdonna meng wuna.”
\v 26 Ahmurrinnya, ngarra kehe Rasul ametungngoko watuhpede elbarrada monno ghennengoko ehpede Matias moko diyo pahbaghika elhakbuluiha rasul.
\c 2
\cl Pasal 2
\s Emmini Ndewa Mbihana
\p
\v 1 Mbanna nduki loddona Pentakosta, ngarrakehediyo endipahwungo pdopakwongik.
\v 2 Monno, wekghaddaka mba rongngoyo walli lakramba, punninya mereke pring mbokollo, monno punninya ahgonnopih ngarrakehe a ihinya umma ellondo.
\v 3 Monno, elhundukka elbarada mere lam api lamweworong monno elrondokko elbara ngarrakehe.
\v 4 Mengeke, bannu kehendiki Ndewa Mbiha monno akwungoniki hahaptakki.
\p
\v 5 Atuloddono, enni atondanga Yahudi el ndoyo el Yerusalem, atondaha ati walli ellah kalli mbatu ndanga el enni kambukaramba.
\v 6 Monno, ebrongoyo apuninya, enne atomkaha ngarrakehe emmendi monno mangorohoko orrona ebba tenggerena ngarrakehe mbap panegheng kneheng.
\v 7 Ngarrakehe ndiyo mangoroho monno apnegheng, “Monno ngarrakehe ndiyo apnegheng in toyo Galilea?
\v 8 Monno, monpene ndi mbatta rongohi mbapndegheng wango habndeghende walii el padondin?
\v 9 Atonga Partia, monno Media, monno Elam, monno tollondo el Mesopotamia, Yudea, monno Kapadokia, Pontus monno Asia.
\v 10 Frigia monno Pamfilia, Mesir, monno ngarrakehe kallibatu Libia elbarrani Kirene, monno ehtoyo emmendi walli el Roma, eh todanga Yahudi monno ngarrakehe ahtoyo Agama Yahudi,
\v 11 atoyo ndanga Kreta monno Arab. Yitto rongngohi ndiyo mbapdegheng wango abdegheng yitco tutuunda ahadanna elbollo Maramba Allah.”
\v 12 Monno, ndiyo ngarrakehe amngorohoko mbahnap takkida, “Payakka awalli ngarkehe yiya?”
\v 13 Ndimoko atoheke, amadit ngarrakehe mon atakki, “a ndiyo ngarrakehe amabukka walli orro inu anggur.” Petrus lahdegheng elbarra todanga
\p
\v 14 Ndimoko, Petrus eldende engendi hakbulu iha toyo rasul, lahkotaya akpoklinnya monno lapdegheng elbarrada ngarkehe, “Hai yemmi ngarkehe to Yahudi monno ngarrakehe el londo el Yerusalem, tan peghmbaniki monno ktanga mbaka ebtakinggu.
\v 15 Ndidoka, ngarrakehe atoyo eljanna mabukka, ebpapngaddamu henenne mbujammu tallu,
\v 16 ndidoyaka ebtakinna Nabi Yoel:
\q1
\v 17 'Monno, enna loddo ndanga elndadi, Maramba Allah lapdegheng: Ndidokka Yayo el wonggu Ndewa Mbihanggu el todanga langtakka. Monno, eh ananga kbanimmu monno anawaricommu ndidohiki abdegheng, monno anna halkede ndidohiki a iciya, monno a tomtuyo ndanga elbarramu ndidokka amangganipi ndanga.
\q1
\v 18 mokko, elbarrada atang-Gu ngarrakehe kbani monno atang-Gu warcoyo enna loddo ndanga-ndanga, Yayo ndoyakka el wondi Ndewa Mbiha-Gu, monno ndiyo ngarrakehe ngandiyo linggu monno ngarang-Gu.
\q1
\v 19 Monno, Yayo ndikki laphundonni pamngoroh engeng wali lakramba, elpannunna, monno pamngoroh ndenngengo el pauntanna, eldowawa, rutta, monno a api, monno mahhu lolo.
\q1
\v 20 Aloddo appliheknik walli ellakpandu monno a wulla eldadika rutta, inlodopnani Morri elbokollo monno el Mulia a emin.
\q1
\v 21 Monno el ndadi, mbahtoyo el lakwulloni a ngarrana Morri ndidoyaka lahlamat.” \rq Yoel 2:28-32 \rq*
\p
\v 22 Hai toyo Israel, rongngoyo yiya ebtakki. Yesus, toyo Nazaret, lahtoyo el enni elbarrammu walli ella Maramba Allah monno pamngoroh engengo, lapdadiya pamngoroh ndengengo, monno mengeke Maramba Allah laphundoni elbarramu e Ndiyo, elmerek elpoltommu ebpeghum.
\v 23 yiya Yesus, eb pahrakango ehmengnge papngadanga monno pahpendenne monno ehpeghenne Maramba Allah ahmurinnya, yoyo lahmatiya wango salib monno wango limma tondanga indaha.
\v 24 Ndimokko, Maramba Allah el keketoyo-Ndiyo, monno laphallayaka Morii walli ella kriyo monno janna hadinni Ndiyo akkwuaha ndanni ennamati.
\v 25 Ndimokko, Daud mengeke mbanna takkiyo tutunna Yesus, 'Yayo kuicaya Morri ella enganna lahdapanggu, mokko Ndiyo el enni lahbelli kwananggu ndidoyaka yaya ebjappa geddewanggu.
\q1
\v 26 Ndinomokko etu, eb enggewana a atinggu, monno a lammanggu papenggewana. a poltonggu weddi enni eldodollo lapghahhi.
\q1
\v 27 mokko Yoyo inmdalganni a ndewa hamoghunggu pannu tana tomati, ato phallagamma tokudussum-Mu icaya amati jangawallinya.
\q1
\v 28 Yoyo mengeke mbutakkiganni alarra mopirra. Yoyo ndika elwonggo bannu engge walli ella barra-Mu.
\p
\v 29 Ngarrakehe ndungkambbugu, yaya ellapnegheng elbarramu monno kuwanni tutunna mbapa ambu nuhinja, Daud, monno ndiya elmati monno ebtonnongo, monno ahondinnya epannyi lundulappa hennene loddonno.
\v 30 Ndidokka, mokko ndidoyakka ellahtoyo nabi monno elpeghenni Morri ellaprahingngo monno elhorro mbarrana tanna londonni lah iha aketurunnano a Daud ellpannu padolondonna.
\v 31 Mokko henenne, Daud ndikki el icaya ahmurinnya, ndiyo eltakki tutunna adetonno Kristus mbanna: 'Ndiyo janna mdallanda el pannu tana tomati, monno Polton-Na janna icaya amuahanna.' \rq Mzm 16:10 \rq*
\v 32 Ndidoyaka yiyo Yesus papketetonno Maramba Allah monno yamma ngarrakehe ndoyaka elngandiyo tutunna ngarrakehe.
\v 33 Mokko ndidokka, mengeke mapamdeteyo alimma kawanana Maramba Allah monno elhimbaya aprahing walli ella Mbapa tutunna Ndewa Mbihanna, Ndiyo mengeke mbanna mburrinni, elndaha eb icaya monno eb rongngo.
\v 34 Ndimokko, Daud janna ndetengngo el Surga, ndidokka ndiyo kneheng eltakki,” Morri lapnegheng elbarragu mbrambagu, 'Lodobakka elalak kwananggu,
\q1
\v 35 lundulappa Yayo ellapdahaya ngarrakehe gabbam-Mu padondekenna awitum-Mu.”' \rq Mzm. 110:1 \rq*
\p
\v 36 “Ndidokka hennene, hobadakka eh umma Israel apeghinni topinjoni mbanna Maramba Allah mengeke mbanna pandadiya Tuhan monno Kristus, ndidoyaka Yesus papmengemu tereng elsalib.”
\p
\v 37 Monno ndiyo ngarrakehe mbarongngoyo tutunna yiya, lamdokrongoko a atitnya, mengeke atikinanniki Petrus monno ngarrakehe eh rasul, “Ndungkambu, payakka papghilim yamma?”
\p
\v 38 Mengeke, Petrus lapnegheko elbarada, “Maghillabaka monno iphayabaka apoltommu ihto-ihto elngaranna Kristus Yesus tutunna adoku dangngamu, monno yoyo himba mbaka Ndewa Mbihanna.
\v 39 Ndidokka, yiya aprahing tutunna apoltummu, monno ngarakehe eh anammu, monno tutunna ngarrakehe atodanga ella lambro, eldanga pakwulla Mori Maramba Allah ngarrakehe yita.”
\p
\v 40 Monno, hekdangana ebtakkinna, Petrus eltakki topinjaya monno lakwullondi elbarrada, wenaka, “Pahlamtoyo apoltommu walli ella adonna laklengga yiya!”
\v 41 Atodanga elhibaya ebtakinna Petrus ndiyoka epap iha monno enna lodonna lomtombo adangadda tallu rataya atoyo. akwonginnya atoyo elwani Mori
\p
\v 42 Ndiyo ngarrakehe atekunno mbakneke elbarrana rasul-rasul monno mbakwongi, eba pikoyo a roti, monno mbah mbayang.
\p
\v 43 Monno, enna akbohi enniki elpoltotda, monno hekndangana el pamgoroh ndengeng monno hekdangada atandana papndahada eh rasul.
\v 44 Ngarrakehe elwani monno lakwongi enge monno eldonni ngarrakehe akwongi.
\v 45 Mengeke, ngarrakehe ahmahinniki ebdodda, ahmurinnya ahmbaghinniki ngarrakehe atodanga montoko ehperlunna mbahtoyo.
\v 46 ihlodo, mbanna pahwungo atitda ngarrakehe akwongi el Baitonno Maramba Allah monno ahmbaghing roti nunduya a umma. Ngarrakehe ndiyo ahimbaya muyo monno engge ati monno wallu atinni,
\v 47 monno pamplunguya Morri Maramba Allah, monno pahbenyanik ngarrakehe atoyo ndanga. monno ndelloko-ndelloko Morri eltombohiki a ndangada, enna toyo pahlamatot.
\c 3
\cl Pasal 3
\s Petrus Laptonggoho tohaddu kliku
\p
\v 1 Atu a loddono, Petrus monno Yohanes otindi elbaitonno Maramba Allah enna awaktunna pahmbawongo, taetu jammu mbanda iha.
\v 2 Mengeke, lahtoyo akbani lakliku walli ella kambunna a innyana mbaholoyo.
\v 3 Ndelloko molong ngarrakehe ndiyo a mbondolloyo elmbinnyana a Baitonno Maramba Allah elngarrango Mbinnya Ndaha ebdopakrengngo knurru elbarrana atoyo eltamma el Baitonno
\v 4 Mengeke, Petrus, monno Yohanes, engniyaka monno lapnegheng, “icebgamkah yamma.”
\v 5 A tokkliku lakharaniki Petrus monno Yohanes, monno pahbennya engngo ebwonna Petrus Monno Yohanes.
\v 6 Ndimoko, Petrus apnegheng, “Yayo jango Perak monno dokko, ndimoko el engngo kuwongguniki. Elbarrana ngarranna Kristus Yesus atoyo Nazaret, keddebakka monno halokko mbakka!”
\v 7 Ahmurinnya, Petrus eltaraniki elim kwannana ato kliku. Monno langngangaka paghahi.
\v 8 monno laklohokok, ndiyo eldedeke monno lahlokok. Mengeke, eltamaka elbaitonno Maramba Allah lambrengedikki Petrus monno Yohanes, monno tenggere halokok, monno laklohokok, monno pamlanguya Maramba Allah.
\v 9 Atodanga el icaya lahloko monno pamlanguya Maramba Allah,
\v 10 monno ndiyo ngarkehe apeghinni monno ndidoyaka atoyo el lodo el Binnya Ndaha Ummana Maramba Allah monno kareyo anknurru. Ndiyo ngarrakehe a bannundi raha pamngoroh ndengengo el ndadi elbarra poltonna atokkliku. Petrus eltakkinanniki atodanga.
\p
\v 11 Montenggeren mbanna tarrani Petrus monno Yohanes, ngarrakehe atoyo laplayo elbarrana letepamba ebtakki Letepamba Salomo, monno raha pamngorroho ndengengoyo.
\v 12 Mengeke, mbanna icaya Petrus, ndiyo eltakkinani atodanga, “hai to Israel, monno penne ebbumngorroh engeni henenne eldadi monno penne bukharagam yamma mban merrelolo akwaham yamma kneheng, yamma elpahlokkinni yiyo atoyo kliku?
\v 13 Maramba Allah Abraham, monno Ishak, monno Yakub, Maramba Allah ambu nuhinnya yitca mengeke mbanna pamlunguya atan-Na, Yesus epap krakummu monno jabhimbamu lahdapanna Pilatus ebanna wotohhoyo tanna pahalla wani-Ndiyo.
\v 14 Ndidomoko, yemmi el janna himbaya el Kudus monno el ghenne, monno yemmi lakreyo toptebe paphalla elbarramu,
\v 15 monno yemmi elwunuya El wonggimi Mopirra, papkeketonno Morri Maramba Allah walli ella toumati. Tutunna yiyo, yamma ndika ella icaya.
\v 16 Monno el atiwamma elbarra ngarra-Na, ndidoyaka ngarrana Yesus, elwonni paghahi enna kabani eb icamu monno eh peghemmu. Monno, atiwannya ella emmini elbarrana Ndiyo elwonni ndaha sempurna enna kabani ellah ndapum ngarrakehe.
\p
\v 17 Henenne, ndungkambugu, kupeghegimmi yemmi ebbihgudik ebjaha peghemmu mereke pahgudikkonno ngarrakehe ahtopeghummu.
\v 18 Ndimokko, paptakkinna Maramba Allah elbarrada ngarrakehe eh nabi monno Kristus el lakkriyo, mengeke mban-Na pannukin.
\v 19 Mokko ndidokka atu, dukkabaka monno kwalikbaka mokko adohummu lamhalingoko,
\v 20 menge engge atimmu emmini walli eyo elbarrana Mori, monno mengeke Ndiyo laptumboni Kristus ellap engeniyo elbarramu, ndidoyaka Yesus,
\v 21 ebhimbana a Surga ndukinni a waktunna ahmengendi ngarrakehe ebmengena paptakkinna Maramba Allah elbarrada ngarrakehe eh nabi-Nya el kudus atu ullu.
\v 22 Ebtakkinna Musa, Morri Maramba Allah el keketoyo elbarramu lahtoyo a nabi elmereyo a ndungkambummu. Yemmi el rongngoyo ngarrakehe ebtakinna elbarramu.
\v 23 Monno eldadi, el ndewa, el jarongoyo nabi ndika pahmengeke walli ella bangsa.'
\v 24 Monno, ngarrakehe eh nabi el menge mbanna penegheng, lakwungonni Samuel monno ngarrakehe el menge lapdukinni henenne ngarkehe loddo.
\v 25 Yemmi ndoyaka a keturunonno walli ngarrakehe eh nabi walli ella paprahinnya Maramba Allah tanggunna ambu nohimmu, ebtakkinna elbarranna Abraham,' elwinimu, ngarrakehe aketurunanna elpannutana elhimbaya aknuru.'
\v 26 Maramba Allah, mengeke mbanna keketoyo atan-Nya, ellapangandini ulluni elbarramu tanna wongguni aknuru monno ngarrakehe atoyo elbarramu lakwalik walli el janna ndaha.”
\c 4
\cl Pasal 4
\s Rasul-Rasul monno Mahkamah Agama Yahudi
\p
\v 1 ndika Petrus monno Yohanes eltakkinandi atodanga, emebagimmiki elbarrada ngarakehe Imam, elkandiya Baitonno Maramba Allah, monno atoyo Saduki,
\v 2 ndika hakbanida mokko ndiyo paknekin atodanga monno lapdukinni tutunna adetonna Yesus walli eltomati.
\v 3 mengeke, ndiyo ngarrakehe adogolloyo Petrus monno Yohanes monno abtamminni elgallu ndukinni loddo kduna e mbanna hudongo.
\v 4 Ndimokko, ndanga walli eldiyo el rongngoyo ebtakkido eh rasul monno waniki, monno hekdangadakka hakbani elbarrada monkira-kira limmarataya atoyo.
\p
\v 5 Adellokonno, ngarrakehe eh topneghe, tomlupu, monno ahli-ahli Taurat amkaha habollongngo el Yerusalem,
\v 6 ahboldengendi Imam Bokollo Hanas, monno Kayafas, Yohanes, Aleksander, monno ngarrakehe atodanga walli ella barrollena Imam Bokollo.
\v 7 Monno ngarrakehe ndiyo mbalantaya Petrus monno Yohanes ellalapduna, aklerinniki, “Apkuahaka epwamu monno garra ngarrananiki ebpaplakum henenne?”
\p
\v 8 Mengeke, Petrus a bannuniki a Ndewa Mbihanna, monlapneghengoko elbarrada, “Ngarrakehe lapreteyo Bangsa monno eh tomlupu,
\v 9 ndika yamma mbam prehih yalodono atutunna paplakuda eldaha monno ehmenge paplakudanni atoyo lahmalli yiyo, pakwanyaka epaptonggoh wana?
\v 10 Inpewalinnya e yemmi ngarrakehe monno atoyo Israel monno ngarranna Kristus Yesus, to Nazaret, epap terummu elsalib, epap keketonno Maramba Allah walli ella tomati, yiyo toyo eldede lahdapammu jannu haddu.
\v 11 Yesus ndodayaka: 'Watu papjaha bemmi yemmi, tukongo pakedde umma, ella ndadi Watu Penjuru.' \rq Maz 118:22 \rq*
\v 12 Monno, janga keselamatan el enni eltoheke monno janga ngarra heke yila kambukaramba ebwonna elbarrana atopiya el ngarranni ebngole ngoyo pahlamat wongo.”
\p
\v 13 Mba icaya ngarrakehe ambraninya Petrus monno Yohanes monno apeghin ngarrakehe ndidoyaka ato ndanga eljanna peghe monno el awam, ndidohiki eppamngoroh wada monno akwungoniki aknekeyo monno atoduyo aperna mbamma marengnge ni Yesus.
\v 14 Monno, mengeke mba icaya atoyo eltonggoho enniki eldede lakrahan Petrus monno Yohanes, ngarrakehe ndiyo japtadungoko.
\v 15 Ndimokko, monno ngarrakehe ndiyo apreteya Petrus monno Yohanes monno tanna amdallini Sanhendrin, ngarrakehe ndiyo amkaha,
\v 16 monno atakiyo, “Payaka yica paplakudanni eh toduyo henen? Ndimokko, antanda pamngoroh ndengengoyo eldadi elbarrada ndiyo ngarrakehe monno elhetopinjana eltodanga el londo el Yerusalem, monno yica janna ndadi aboletoyo.
\v 17 Ndimokko, el henenne ambahelwungongo mban egher elbarrana atodanga, mabikki yica tat pakbohihi ngarrakehe ndiyo tanna amba paneghen elbarrana garrabniki atoyo.”
\p
\v 18 Ahmurinnya, ngarrakehe ndiyo akwulloni Petrus monno Yohanes, mengeke laptumbodiki ehtoduyo tanna ambapaneghen ato ambapaknekeng tutunna ngarrana Yesus.
\v 19 Ndimokko, Petrus monno Yohanes awolohoyo ebtakkida ngarrakehe ndiyo,” wotoh mbakayaka, geni elghenne el enni pahbennya Maramba Allah, mokko mam rongngoyoko el rehi ghenne walli ella Maramba Allah?
\v 20 Ndidomokko, yamma janna ndadi ndika atakkiya eb icema monno eb rongngomo.”
\v 21 Mokko, ndiyaka ndiyo ngarrakehe ellakrohi pakbohiya Petrus monno Yohanes, ndika laphallaya rasul-rasul mba otindi, mengeke jatoboko alarana ebhukum wadindi eh toduyo eldanga ndoka atoyo elpam languya Maramba Allah ebhennya el dadi.
\v 22 Ndidokka, enna toyo elwonngo atandana ebtonggoho wana elndadi, a umuronno potto kabullu ndoyo. Petrus monno Yohanes elmbali elndungkambunna lahwu atiwayo.
\p
\v 23 Mengeke mbap hallaya, Petrsu monno Yohanes a otindi elbarada olkeden monno abneghinni ngarrakehe ebtakinna ngarrakehe Imam monno eh tomplupu el ndiyo.
\v 24 Monno, ngarrakehe olkededda arongngoyo, ndiyo ahkotta kapoklitja elbarrana Maramba Allah ahwu ati monno ahwu takki, “O Morri, Yodokka lapdadiya akramba, atana, wemahhi, monno ngarrakehe a ihinnya,
\v 25 eltakki leweto Ndewa Mbiha, leweto elghobana atam-Mu, Daud, ambuh nuhim yamma, 'monno penna ngarrakehe bangsa heken mbanna mbani, monno atodanga mbanna harrani eljango wallinya?
\q1
\v 26 Raja-raja elpannu tana lahdiya, monno ngarrakehe akwuahaya amkaha ngarrakehe, agabbani Mori monno agabbani ebwonna kwuahan-Na.' \rq Mzm. 2:1-2 \rq*
\v 27 Ndimokko, yilla el kota yiyo lamkaha ngarrakehe monno gabbani Yesus, atam-Mu el Mbiha, eb wommu Kwuaha, monno Herodes monno Pontius Pilatus, ngarrakehe bangsa-bangsa heke, monno ngarrakehe atoyo Israel,
\v 28 monno aplakuya ngarrakehe walli ella limma-Mu monno ehrenca-mu papdadimmu ahmurinnya.
\v 29 Monno hennene, Mori, icebaka ngarrakehe abpa ancamanno ngarrakehe ndiyo monno wobagammaka atam-Mu paghahi monno mam takki wanni alim-Mu monno wobagamaka abrani,
\v 30 atenggerenna Yoyo mbupaldengoyo alimma-MU ebtonggoho monno atanda-tandapamngoroh ndengengo eldadi elbarama atam-Mu el Mbiha, Yesus.”
\p
\v 31 Monno, menge mbahbango, lamgedengoko ebdollondodo ngarrakehe monno ndiyo ngarrakehe abannundiki Ndewa Mbiha, monno abranika a mbap padukinniki alinnya Maramba Allah. Amopirronno atoyo apercaya
\p
\v 32 Monno, amkahaka ngarrakehe elwani monno pahwungoko ati monno a ndewada. jango mbahtoyo eltakki monno ngarrakehe ehbarangodo ndidoyaka ehdoda, ndimokko ndodadiki ngarrakehe.
\v 33 Menge, akwuaha elbokollo walli ella rasul-rasul awongngo kesaksiannodo tutunna ndetonno Tuhan Yesus monno anugrahonno el bokollo elbarrada ndiyo ngarrakehe.
\v 34 Jango mbahtoyo elkurongo walli elbarrada ngarrakehe atoyo eldongo atanna ato a ummada, ellahmahang, monno elngandiya awallinya pahmahang,
\v 35 menge abondoloyo el wititnya ngarrakehe rasul, monno abaghiya ngarrakehe mbahtoyo ehperluda.
\p
\v 36 Hewedingo Yusuf, atoyo Lewi, aketurunonno Siprus, ella pakwullongo walli ella rasul, Barnabas, ndidoyaka 'anak paphiburwongo',
\v 37 ellahmahinni atanna ebdonna ella ngandiya awallinya ella witinnya ngarrakehe rasul
\c 5
\cl Pasal 5
\s Ananias monno Safira akabanni Ndewa Mbihana Mori
\p
\v 1 Ndimokko, enni lahtoyo akbani ngarrana Ananias, olenne arwennya, Safira, lahmahinni atanna.
\v 2 Monno, ehpeghenna arwennya, Ananias eltahanni lahwadikong awallinya atana pahmahada kneheng, monno hodipimoko papngandinya, elbarrada witinnya ngarrakehe eh rasul.
\v 3 Ndimoko, Petrus eltakkiya,” Ananias, penna am brapu elpannuya a atimmu ndika elbolette wamunni Ndewa Mbihanna monno tuahanni akwadikongo wallinya atanah?
\v 4 Eb induhmahapanni, endudomemamunni pahkuahanmunni? monpenna mbukpangadani paplakummmu yiya el atimmu? Yoyo enduhmoletemunni atoyo piya, ndimokko elbarrada Maramba Allah.”
\v 5 Menge, monno ebrongngoyo ebtakkinggu, Ananias lakbutukku monno elmatikka. Mokko
\p
\v 7 Amurinnya, enna lodonna enna jammu tallu, el emmini arwennya Ananias, ndimokko ndiyo janna peghenni eldadi,
\v 8 Monno, Petrus eltakkinanni,” takgibganni, pirriya adangana awalinya tana ebpahmahummu?” Monno, Safira eltakiyaka, “Ya, henyodaka netu.”
\p
\v 9 Mengeke Petrus eltakinnanik, “monpena yoyo monno alaghimmu monppahwungo takki eb kabanni Ndewa Mbihanna Mori? Icabaka, oruwitija atoyo elmenge toninyi alaghummu epani ellahdapanna mbinnya monno hennene yoyo weddi adottogukku angandigu ellak kdellek.”
\v 10 Radangoko, mbanna kabuktu Safira elwitinnya Petrus monno matikka. menge eh toyo amuda tama, a icayaka Safira mbanna mati, menge ndiyo ngarrakehe adottayaka angandiya ellak lakdelek monno a tononiki elbarana a laghinna.
\v 11 menge, eldadika akbohi lantakkaka elbarrada ajemaat monno ngarrakehe atodanga elrongoyo eldadi. Atanda-tandanna pamngoroh ndengengoyo walle ella Maramba Allah
\p
\v 12 Hekdangada atanda pamngoroh ndengengoyo eldadi elbarana atodanga paplewetonno ellimmada ngarrakehe rasul monno ngarrakehe ndiyo pahwungo atitja el endi el balbinnya Salomo.
\v 13 Janga mbahtoyo ellambranini apoltonna pahbolongwuda elbarada ngarrakehe ndiyo, ndimokko ngarrakehe atoyo abprekuhiki ndiyo ngarrakehe.
\v 14 Monno, hekdangadaka atoyo elnomotihi elwani Mori, hekdangada, akbani monno warcoyo.
\v 15 Ndidokka, ngarrakehe ndiyo aholoyo ngarrakehe eh tohaddu ellara ndanga monno pamdurindi elpannu raka monno elkasur jerami montana mbanna eminni Petrus, etuhodi mbanna ngoleya abayangannono elghenne wadi ehtohaddu.
\v 16 Menge, ennya atodanga walli ella kota-kota elbarana Yerusalem emi kehendi, monno angandihi ehtohaddu monno atammandi ndewa endaha. Ndiyo ngarrakehe laptonggohohik. Ngarrakehe eh Rasul adolgollohiki
\p
\v 17 Ndimokko, ngarrakehe Imam bokollo a kedde, am rengnge engendi eh ollena, toyo Saduki, monno ndiyo ambannuhiki knorek ati.
\v 18 Ndiyo ngarrakehe adonggollihi eh rasul monno abtamindi elgallu todanga.
\v 19 Ndidomokko, enna hudanna, enni lahtoyo Malaikatonno Mori elbungkereya ngarrakehe eh mbinnyanna gallu, elngandihiki lakdellek, monno eltakkiyakka,
\v 20 “Cibaka, dedenbaka, monno padukimbanniki ngarrakehe atoyo el Baitonno Mori Maramba Allah tutunna linnya Mori tutunna alara mopir henenne.”
\v 21 Monno, menge mbarongoyo, eban momollo, ndiyo ngarrakehe atamakka el Baitonno Maramba Allah monno amulai mbapakneken. Monno Imam Bokollo monno atodanga eldukikka pamrandangaka, ndiyo ngarrakehe amkaha ella Sanhendrin monno ngarrakehe ehmajelis tomlupu Israel, menge laptumbodiki atoyo ella gallu monno ella ngandihiki eh rasul-rasul ladapinndi ngarrakehe ndiyo.
\v 22 Ndimoko, ngarrakehe atoyo paptumbongo adukikka, ngarrakehe ndiyo jatobokhiki eh toduya rasul el endi elgallu. Menge, a balihiki monno wongngo laporonnodo,
\v 23 monno atakki, “Yamma jamdukindi elgallu lamkuhi monno ngarrakehe atokandiya agallu adende elbalmbinnya, ndimoko yamma mbam bungkereya, monno yamma jamma tobokihi mbatoyo pangngu eldodollo.”
\v 24 Monno, ellaklakpala elkandiya a Baitonno Maramba Allah monno ngarrakehe Imam enna rongngoyo ebtakinna, ngarrakehe ndiyo amngorohoko mba icaya ngarrakehe eh rasul monno mungklerengoko penne ndidadinnya pamngoroh engengo.
\v 25 Menge, emminiki lahtoyo monno eltakkidandiki ndiyo ngarrakehe, “Icebaka! Ngarrakehe atoyo paptamamu ella gallu tenggeredakka mbandende el Baitonno monno paknenikki atodanga lantakka.”
\v 26 Mengeke, akpala elkandiya a Baitonno Maramba Allah monno ngarrakehe topdagangnga otindi monno ngandiya eh rasul-rasul, ndimokko jabwangoyo mbrumbukku mokko ngarrakehe akbohikki mbagheghuhi watu walli ella todanga.
\p
\v 27 Mokko ndiyo ngarrakehe angandiyaka Petrus monno Yohanes, ndiyo ngarrakehe angandiyaka ellahdapan Sanhedrin. Menge, Imam Mbokollo laklerindi ndiyo ngarrakehe,
\v 28 Wennaka, “Yamma mengeke eblarangngunggu kras tanna jawongo elpakneken elbarana ngara-Na, ndimokko yemmi elpanuya Yerusalem monno ebpaknekumundi monno yemmi elbengo holoyo aruttana atoheke elbarrama yamma.”
\p
\v 29 Ndimokko, Petrus monno ngarrakehe eh rasul awolohoyo, “Yamma rehi rongoyo Maramba Allah walli ellatopiya.
\v 30 Maramba Allah ambu nuhinda elmenge mbanna akeketoyo Yesus, epap pahmatimmu monno paptarengo el ghayo salib.
\v 31 Maramba Allah el pamdeteyaka Ndiyo ella limma kawananna eldadi Pemimpindinno monno ella wonda slamato monno pam ghillaya wani Israel monno ella halindani adohondo ngarrakehe.
\v 32 Monno, yamma ndoyaka ella icaya walli ella ngarrakehe, monno ndidokka Ndewa Mbihana, ella menge papwonna Maramba Allah elbarrada ngarrakehe atoyo ndanga ella wani a preten-Na.”
\p
\v 33 Menge ndiyo ngarrakehe mbarongngoyo atutunna, a atitja lamdokorrongo monno mbengoko wunuya ngarrakehe eh rasul.
\v 34 Ndimokko, enna lahtoyo ato Farisi elngarango Gamaliel, ndiyo guru Taurat pap akango ngarrakehe atodanga, eldende lahdapanna Sanhedrin monno laptumbungo monno ngarrakehe eh rasul aloho ella ladellek.
\v 35 Mengeke, ndiyo lapneghengoko elbarrada, “Hai ngarrakehe atodanga Israel, harrabaniki kehenni payaka paplakummuni yiya atoyo ndanga hennenne.
\v 36 Ndimokko, etu loddono lampalanganga, Teudas eldetengngo, lamngakunni apoltonna topentingngoyo monno enni apoto kabullu ngahuya atoyo ellah lahbolong elbarrana, Ndimokko, ndiyo awunuyaka monno ngarrakehe anomotoyo amberaka, ndukingo ebjango anomotoyo.
\v 37 Langangoko Teudas, Yudas walli ella Galilea el detongoko, alodono eb sensus, monno eltinguhiki eh todanga monno nomotoyo. Ndiyo weddi awunuyaka monno eh todanga elnomotoyo amberaka.
\v 38 Mokko henenne, yiya kasusso henenne, ku apinggu ngarrakehe yemmi: Marondi ngarrakehe yiyo atoyo monno paklokombandiki. Ndimokko, eb engoko eb kambu atinnya walli ella topiya, janna ndadi aberhasillonno.
\v 39 Ndika, yiyo arencana eb walli ennyaka walli ella Maramba Allah, mokko yoyo indimakkani eb buhandinni. Mokko, yemmi tenggerennaka ebbum gabani Maramba Allah.”
\v 40 Ngarrakehe ndiyo anomotoyo enna a apinna Gamaliel. Mengeke, monno mbakwullindi ehtonduyo eh rasullo, ngarrakehe ndiyo apalluhi eh toduyo ngarrakehe rasul tanna amba paneghengo elngaranna Yesus, menge abphallahiki.
\v 41 Ndidoyaka, eh rasul-rasul a otindiki walli ella lahdapada Sanhedrin monno engge atitja ndidokka pap apija akrinnya walli ella ngaran-Na.
\v 42 Monno, dellokko-delloko, endi el Baitonno Maramba Allah monno otindi el umma monno umma, jadukongo mbapaknekinni monno mbapapnukinni a Injil monno Yesus ndidoyaka Kristus.
\c 6
\cl Pasal 6
\s Pitu Toyo Ehpende tutunna Pelayanan Khusus
\p
\v 1 Enna loddo ndangana, a dangada eh muridconno amtombo, ahngurukuda ellwalingo ella toyo danga Helenis lahdapada atoyo danga Ibrani topinja ndimokko eh warcoyo janga laghitja ablihekdiki walli ella wongngo muyo delloko-delloko.
\v 2 Mokko, eh hakbullu nduyo a rasullo akwullundiki ngarrakehe murid monno eltakkinandiki,” Janna ghenne elbarrama yamma ebbu indiwani linnya Mori atutunna apelayananna ella meja.
\v 3 Ndidokka, ngarrakehe ndungkambu, pende mbahiki eh topitu walli ella barramu elhetopinjana ndahana, elbannuni Ndewa Mbihanna monno engnga hikmat, epapkotama tutunna yiya atugasa.
\v 4 Hennyaka, yamma mamkrohika ah mbayango monno mam padukinni a linnya Mori.”
\p
\v 5 Ebtakinna netu pap ndaha ati ndengengoyo atodanga. Monno, ndiyo ngarrakehe apendeke Stefanus, toyo pahbanungo atiwayo monno Ndewa Mbiha, monno Filipus, Prokhorus, Nikanor, Timon, Parmenas, dan Nikolaus, monno proselit walli ella Antiokhia.
\v 6 Ndiyo ngarrakehe endilahdapat eh rasul ngarrakehe, monno menge mbahbayang, ngarrakehe rasul awotidinki limma eh topitu toyo.
\p
\v 7 Linnya Mori Maramba Allah engenna mbanna hobborong ella Yerusalem eltomboh ndanga, Monno, ellakklompok imam bokollo a bengoko atiwango. Adogolloyo Stefanus
\p
\v 8 Monno, Stefanus, a mbannuni ndewa mbihanna monno kuahanna, epap dadinnya pamngoroho ndengengoyo eldadi elbarrana atodanga.
\v 9 Ndimokko, endi ehpira atoyo walli ella Sinagoge ebtakki atoyo Libertini, monno atoyo Kirene monno atoyo Aleksandria, monno a pirratoyo walli ella Kilikia monno Asia, akede monno gabbani Stefanus.
\v 10 Ndimokko, ndiyo ngarrakehe janga elmampu mba gabbani apeghen monno Ndewa Mbihana ella Stefanus eltakkinanni.
\v 11 menge, akdannaka ndiyo ngarrakehe monno anummayaka apirra toyo monno etakkiyaka, “Yamma mengeke mbam rongoyo yiya toyo mbanna takkiya eljanna daha ellalahdapan Musa monno ella maramba Allah!”
\v 12 Monno, ndiyo ngarrakehe awonni paghahhi eh todanga, ehtom lupu, monno ngarrakehe ahli Taurat, mengeke otidinki ella Stefanus, monno dogolloyaka, mengeke a ngandiyaka ella Sanhedrin.
\v 13 Ndiyo ngarrakehe otindi ella lahdapad ngarrakehe saksi mbolete ella takkiya,” Yiya atoyo janna ndukongo mbanna paneghen monno lamlawanna yiya lapdoyo ella mbiha monno Hukum Taurat.
\v 14 Ndidokka, yamma mengeke mbamma rongoyo ndiyo mbanna takkiya monno Yesus walli ella Nazaret ndikka lahmoyo yiya pandoyo monno laphekinni a adatonno yita walli ella Musa.”
\v 15 Monno, mbakharranni a rupanna Stefanus, ngarrakehe atoyo ella londo Sanhedrin el iccaya rupa mailakat.
\c 7
\cl Pasal 7
\s Eldaganni Apoltonna Stefanus
\p
\v 1 Ahmurinnya, Imam Bokollo atakkinanniki, Penna elheppinjana?”
\v 2 Monno, Stefanus eltakkiyaka, Ndungkambu ngarrakehe monno Mbapa-mbapa, rongngogo yaya. Maramba Allah ella Mahamulia elhunda ella ambu nuhinda, Abraham, eb ewani ella Mesopotamia, eb janna epani ella Haran,
\v 3 monno eltakkinandiki 'Cibaka eltanamu monno walli ella ndungkambummu, menge emewalimabamuku eltana monno kubhundogunniki elbarramu.'
\v 4 Mengeke, Abraham lamdalaniki a tana toyo Kasdim monno eldoyo ella Haran. Monno walli nonno, mbanna mati a mbapanna, Maramba Allah laptumboniki diki walli ella tana, ebdolondummu hennene.
\v 5 Ndika, Maramba Allah janna wongo warisan elbarrana, monno janna wonni antana hodipangngu, ndimokko ella laprahingngo ella wongngo keturunana muriwali-muriwali, tenggerejapongngoko an anana.
\v 6 Ndidonomoko, Maramba Allah eltakki henyaniki, monno ellak kataddina a dadi eldadi to eminni eltana toyo monno ndiyo ngarrakehe pap atang monno pap wende ella potto ngahu ndoyo.
\v 7 Ndimokko, Yaya el rotehi bangsa epap atanga ndiyo ngarrakehe, 'Wena Maramba Allah,' Monno, menge ta etu ndiyo ndika loho walli ella nonno monno habayang elbara-Gu yiyo lapdoyo.'
\v 8 Mengeke, Maramba Allah elwonniki Abrahamma prahingngo sunat, mokko Abraham eldadika mbapanna Ishak monno elsunatyaka ebanna umurrongo pandapotto lodo, monno Ishak eldadika mbapanna Yakub, monno Yakub, el hakbulu nduyo ambu.
\p
\v 9 Orro knoreknanni Yusuf, mbapa ambu nuhinnda yica lahmahindi el Mesir. Ndimokko, Maramba Allah eldaginni Yusuf,
\v 10 monno lahlamatoyo walli ella kriyo, monno elwonniki pamnoworrongngo jappa ukur monno japkira monno apeghe enna lahdapanna Firaun, a Raja Mesir, ellapdadiya akpalana Mesir monno ngarrakehe istananna.
\v 11 Enna lodono, eldadika aklamba ella Mesir monno Kanaan, menge eldadika akriyo bokollo, ella ambu nuhidda yica monno indi ngole pahmuyo.
\p
\v 12 Ndimokko, menge Yakub mbanna rongngoyo monno engngo gandum ella Mesir, ndiyo laptumbodiki eh ambu nuhinda yica otindi ononno lakwungoniki.
\v 13 Enna mbanna lahmatang abduna, Yusuf laphunniki apoltonna elbarrana ngarrakehe eh ndungkambunna, monno eh mbarra ollehna Yusuf eldahaka elbarana Firaun.
\v 14 Menge, Yusuf lappangandingo liyo monno lakwuloni Yakub, a mbapanna, monno ngarrakehe ndungkambunna, ngarrakehe 75 paltodda.
\v 15 Mokko, elburuka Yakub el Mesir monno ndiyo elmatikka ononno, ndiyo monno ambu nuhinja yica.
\v 16 Walli eja, ndiyo ngarrakehe ap dikindiki ella Sikhem monno a pamdurundiki ellah hondinya Abraham a kahiyaka enna walinya ndingi walli ella walinya eh annanna Hemor el Sikhem.
\p
\v 17 Ndimokko, mbanna tukkaka enna loddo paprahingngo, eh menge Maramba Allah pap takinna elbarrana Abraham, enna bangsa lamtombo ndangada monno ella rehiya ndangada walli ella Mesir,
\v 18 ndukinni enna raja heka el ndetengngo ella pannuna Mesir, eljanna peghenni tutunna Yusuf.
\v 19 Enna Raja lamgunnoni a bangsanda yica monno akwotinni ambu nuhinda yica monno aphahandi hankede akpattindi annalakede rara ndiyo ngarrakehe ella janna matahanga mopirra.
\v 20 Enna loddono, Musa el ndadika monno ndiyo hekdahana elmatanna Maramba Allah. Monno, Musa akraghayaka el ummana mbapanna tallu wulla.
\v 21 Monno, enna mbakpattini, enna ana warconna Firaun eldekeya monno lakraghayaka lundulappa mbanna mbokollo monno mereke eb anaknehenani.
\v 22 Mokko, Musa a paknekenniki ella lapdonna a toyo peghe ella Mesir monno ndiyo ndika lakwuaha ellap pneghen monno ella hadanna.
\p
\v 23 Ndimokko, mbanna tutu a umurronno Musa potto kabullu ndoyo, el hundakka walli atinnya monno lammatandi eh ndungkambunna ngarrakehe, ella kattajadinna Israel.
\v 24 Monno, menge mba icaya lahtoyo walli ella ndiyo ngarrakehe aplakundiki janna ghenne walli ella toyo Mesir, Musa ella emminiki mibelahi ngarrakehe atoyo pakwotengo paghili monno ella wolohohi eh toyo papwunu menge lahmatihiki eh toyo Mesir.
\v 25 Musa lapngaddadinki eh ndungkambunna ngarrakehe ella peghe monno Maramba Allah el wondiki halammato walli ella poltonna Musa, ndimokko ndiyo ngarrakehe japeghenni.
\v 26 Enna lodonno, Musa ella otinni eltoyo Israel eltenggero abdonggolong, monno ndiyo ellbengo pa apindi tanna jahpallungo, menge lapneghengoko,' Hai, monno penna merewongo indipadungkambungo, penna yemmi mbuhadduwumi?'
\v 27 Ndimokko, enna toyo laphaduwuna ellapdikinni Musa ella krahanna monno lapneghen,' monno garranggu yoyo elmerewongo tokkwaha gamma yamma?
\v 28 Monno penna yoyo bengo wunugamma yamma mere ebwunihi toyo Israel wimolo?'
\v 29 Elrongngoyoko ebtakinna atoyo, Musa laplayaka monno enniki el tanan Midian. Enonno, ndiyo mbapanandiki eh to nduyo halkebani.
\p
\v 30 Menge pahika potto kabullu ndoyo, enna lahtoyo malaikat laphunda wunaka elbarana Musa ellam mradda niala ella leten Sinai, ella lamma api eltarra dolo.
\v 31 Enna Musa mbanna iceya, ndiyo lamngorohoko mbanna iceya henyani. Monno, enna tukaya harrapandaha wani, emminiki akpokolinnya Morri,
\v 32 'Yaya ndoyaka Maramba Allah Ishak, monno Maramba Allah Yakub.' menge Musa lakdandaka kbohi monno janna brani harrapandahinni.
\v 33 Mengeke, Morri eltakkinanniki, 'pahallamaka eh koppowitummu walli ella witimu enna nana padondedemu ndidoyaka tanna mbiha.
\v 34 Yaya hettopinjana mbaku iceya krinna enna umatung-Gu ella enni el Mesir monno mengeke mbaku rongngohi iha-ihada ngarrakehe. Yaya menge mbaku mburu pahlamatihi ndiyo ngarrakehe. Monno henenne mabika, Yaya laptumbonggu ella Mesir.'
\p
\v 35 Musa, ella menge patolakado ndiyo monno lapneghen, 'Garraniki a wonggu kwuaha monno topprehe ella poltomma yamma?' Ndiyo ndidoyaka a toyo paptumbana Maramba Allah tutunna eldadi, enna kwuahanna monno pahlamatoyo, walli ella limmana malaikata ella laphundawuna poltonna ella barrana tarra.
\v 36 Yiya a toyo ella ngandihi lohho, pamrengeni padadi pamngoroho ndengengoyo monno atanda-tanda ajaib eltanna Mesir, monno el wemahi ndorongo, monno ella lambrada niala potto kabullu ndoyo.
\v 37 Musa ndoyaka eltakkinanni a bangsa Israel,' Maramba Allah ella keketughu lahtoyo a nabi ella merengga yaya walli ella ndungkambummu.'
\v 38 ndidoyaka yiya atoyo ella enni elbarana ajemaata ella marada niala ollena a malaikata ellap negheng ella pannu letenne Sinai. monno enna olengo ambu nuhinda yica, monno ndiyo elhimbaya linnya elmopir papwodanda yica.
\p
\v 39 Ambu nuhinda yica eljanna himbaya ebtakkina Musa, ndimokko eldikika monno elbalika el Mesir walli ella atija,
\v 40 enna takiyaka elbaranda Harun, 'Padahammanggamaka ndewa-ndewa ellah loko ellahdapamma tutunna yiya Musa, ella ngandigamma lohho walli ella tanna Mesir, yamma jamma peghenni eldadi elpoltonna.'
\v 41 Enna lodona, ndiyo ngarrakehe apdahaka mbipatung ana lembu, monno wonniki persembahannonno elbarana berhalada, menge engge engeniki enna papghilija ehlimmada.
\v 42 Ndimoko, Maramba Allah lamdallindiki walli ella ndiyo monno laphallahiki mapamlanguya ennatentara kramba, elmereke lamturoho ella buku mbihana ngarra eh nabi, 'Penakah yoyo ebngandiya elbarra-Gu enna akhranga paptebe monno pahrakummu enna la potto kabullu ndoyo ella marada niala, hai toyo Israel?
\q1
\v 43 Yemmi elngandiya anna kombongono Molokh monno madunna ndewamu, Refan, akhaltoyo papdahamu monno sembaya, monno Yaya kupattigukku ellah balinya henenna Babel.' \rq Am. 5:25-27 \rq*
\p
\v 44 Ambu nuhinja yica engnga ummada ella marada niala, mereke epaptumbana Mori Maramba Allah elbarana Musa, tanna lapdahaya elmere rupana eb icana.
\v 45 mengeke mbanna himbaya enna umma, ambu nuhinda elngandiyaka monno eltamaka ndungnga Yosua, enna lodonna mbaka karebaya atanada ndiyo walli ella bangsa-bangsa heka, eh menge papdikinnya Maramba Allah walli ella lahdapadda ambu nuhinda yica, ndukinni enna sammanonno Daud.
\v 46 Daud ella ngoleko pamnoworonna walli ella Maramba Allah monno lakreyo ngolewongo padolondono enna Maramba Allah Yakub.
\v 47 Ndimoko, Salomono ellapkedeya enna umma-Na Ndiyo.
\p
\v 48 Ndimoko, Enna Lamdete janna ndoyo ella umma papdahana atoyo piya, ebtakinna enna nabi,
\q1
\v 49 Akramba ndidoyaka atahta-Gu monno pannu tana ndidoyaka padon dekenna awiting-Gu. appa Ummayaka ehbemmu pakdeya tanggu-Gu Yaya?' Lapneghengoko Maramba Allah,' ato, ndiyaka epapdonggu hangahungg-Gu?
\q1
\v 50 monno indilimagundi Yaya lapdahaya ngarrakehe yiya?' \rq Yesaya 66:1-2 \rq*
\p
\v 51 Hai, yemmi toyo ndanga ella tonggoro katakku, wango ati monno roktillu ebjappa sunat, yemmi engemi eb gabbani Ndewa Mbihanna, mereke epap plakunna ambu nuhimmu!
\v 52 Ngarrakehe eh Nabi ebjappa pakriya walli ella ambu nuhimmu? Monno, ndiyo ngarrakehe awunuhi ngarrakehe atoyo ebjanna ummumpani tutu emini Enna Elle Ghenne, ella hennenne ella menge padadiya apoltommu knehengo ella padenja monno ella wunu.
\v 53 Yemmi, ella menge himbaya ahukum Taurat elmereke ebhimbada ngarrakehe malaikat, ndimoko yemmi indi daganni!” Stefanus A wunuya
\p
\v 54 Menge ndiyo ngarrakehe rongoyo tutunna yiya, atija ndiyo ngarrakehe lamdakurongngo monno pamghilur wunganduda ndiyo ngarrakehe ellahladapanna Stefanus.
\v 55 Ndimoko, Stefanus a bannuniki Ndewa Mbihanna lakharaniki ella lakramba monno ella iceyaka ndahana Maramba Allah, monno Yesus ella dende lakwannanna Maramba Allah.
\v 56 Stefanus lapneghen, “Rongngoyo! Yaya ella iceya akramba lamwuke monno Anna Topiya ella dende ella lakwannanna Maramba Allah.”
\p
\v 57 Ndimokko, ndiyo ngarrakehe akyokongo wahhi lantakka, monno atodi roktilluda ndiyo, menge a pahwungo gabbani Stefanus.
\v 58 menge, ndiyo ngarrakehe atinguka ngandiya lakdellek walli ella Kota monno amulaika gheghuya wango watu. Mengeke, ngarrakehe a iceya wango mata a halliniki akhihinya ndiyo ngarrakehe ella witinya lahtoyo enna apemuda ella ngarango Saulus.
\v 59 Monno, ndiyo ngarrakehe appaluya Stefanus ella lakyokong monno lapneghen,” Mori Yesus, himbaganni ndewanggu.”
\v 60 Mengeke, mbanna tokkondi ehkundana, ndiyo lakwullongo wahhika, “Mori, ambawonggani yiya adohodo ndiyo ngarrakehe!” Monno, mengeke mbanna takkiya, ndiyo ella matikka.
\c 8
\cl Pasal 8
\p
\v 1 Monno, Saulus waddi el lastujuyaka ebwunuya Stefanus. Saulus ella wunu kehehiki ehjemaato el Yerusalem enna lodonno, habereng bokollo eldadi elbarana jemaato el Yerusalem, monno ndiyo ngarrakehe amhoborong ella kalli batu Yudea monno Samaria, hadaja eh rasul ngarrakehe.
\v 2 Eh toyo a ndaha atonnoniki Stefanus monno enniki akabebe ati bokollo elbarada.
\v 3 Ndimokko, Saulus ella bengo hamengendi ngarrakehe ajemato walli ella ngarrakehe umma. Ndiyo ella tinguhi ngarrakehe hakbani monno ehwarcoyo, menge ella pahrakandiki ella gallu. Filipus Lapdukinni enna Injil el Samaria.
\p
\v 4 Menge, ndiyo ngarrakehe amhobborongoko monno enna aklilingniki monno abnukinni enna Injili.
\p
\v 5 Filipus elburu ella Kota monno el Samaria monno lapdukinniki liyo tutunna Kristus.
\v 6 Monno, atodanga elpahwungo atinnya payaka ebtakinna Filipus e ndiyo ngarrakehe arongoyo monno a iceya atanda-tandana ella pamngoroho ndengengoyo el dadi.
\v 7 Ndimoko, ndewa-ndewa indaha enna lohho walli ella atodanga ebwalinya ndewa indaha, monno akyokongoko wahingoko, menge atodanga elndanga atokliku monno lakdeku ebtonggoho.
\v 8 Ndidoyaka, enniki enna engge ati bokollo ella kota.
\p
\v 9 Ndimoko, enni akbani elngarango Simon enna ahmurinnya laplakuya asihir ella kota monno abekeheni atodanga ella Samaria, monno ella takkiya apoltonna tobokollo.
\v 10 Ngarrakehe atodanga, walli laktappa lundulappa ato bokollo, lapneghen, “Yiya atoyo ndidoyaka akwahana Maramba Allah ebtakki 'Bokollo'.”
\v 11 Mokko, ndiyo ngarrakehe akharra liheking monno amandeka ndiyo mabdahaya pamgoroho ndengengoyo enna sihironno.
\v 12 Ndimokko, menge ngarrakehe atoyo ella wani Filipus ellapdukinni enna Injil tutunna atokkona Maramba Allah monno ngarrana Kristus Yesus, ndiyo ngarrakehe ab ihohiki, lakbani monno rawicoyo.
\v 13 Ndimokko, Simon kneheng ella wani monno menge mbap ihaya, ndiyo krohing ella enni elbarana Filipus, monno ndika mbanna iceya hekdanganna enna mujizata monno enna atanda-tandana ella pamngoroho ndengengoya eldadi.
\p
\v 14 Enna loddona, ehrasul-rasul ella Yerusalem arongoya ndidoka enna atodanga Samaria menge mba himbaya alinnya Mori Maramba Allah, ndiyo ngarrakehe abtumboniki Petrus monno Yohanes elbarada atodanga enonno,
\v 15 ella emeni monno lahbango tutuda ndiyo ngarrakehe tanna ndiyo ahimbaya Ndewa Mbihanna.
\v 16 Ndika, Ndewa Mbihanna janna mburupongo elbarana lahtoyo walli ella ndiyo ngarrakehe, ndiyo ngarrakehe menge mbap ihohi elbarra ngarrana Tuhan Yesus.
\v 17 Menge, Petrus monno Yohanes akobokngoko limma ella pannu katakkuda ndiyo monno ndiyo ngarrakehe himbayaka Ndewa Mbiha.
\p
\v 18 Ndika Simon iceya enni Ndewa Mbiha ella wongo lewato akobokong limmada ehrasul-rasul, Simon eltoworindi ndingi elbarada ehrasul-rasul ngarrakehe,
\v 19 menge atakkiyaka, “Wonggamani akwuaha yiyo menge ngarratoyo papkobokongo limmanggu ella himbayaka Ndewa Mbiha.”
\p
\v 20 Ndimokko, Petrus eltakinaniki Simon,” ebnika andingimu netu mbinasa engeni apoltommu ndika yoyo abngadamu ngole wani akarunia walli ella Maramba Allah wango ndingi!
\v 21 Yemmi jango tanggumi ato hakamu ella dodollo enna atimmu janna luruho ellahdapanna Maramba Allah.
\v 22 Ndika, dukabaka walli ella janna ndaha yiya monno hababingoko ella barrana Mori tanna ella wonggu bengo walli ella atimmu monno amnoworonggu.
\v 23 Ndika, yaya iceya monno yemmi yinni ella atimmu dodolo ella paddu monno ella laptanna janna ndaha.”
\p
\v 24 Ndimokko, Simon ella wolohoyo monno eltakiyaka, “Habanggo yaya elbarrana Mori monno epaptakimmu yoyo janna mbaliya ella yaya.”
\p
\v 25 Mokko, menge Petrus monno Yohanes enna abnukinni topinjoni monno linnya Morri, ndiyo ngarrakehe abalihiki ella Yerusalem monno abnukinni a injili eldanga dehe atoyo Samaria. Filipus lap ihaya Atoyo Etiopia
\p
\v 26 Ahmurinnya, malaikatanno Mori lapneghengoko elbarrana Filipus wenaka, “Kedde mbaka monno otubangguku ella Selatan, ellara pahburunna walli ella Yerusalem laotu ella Gaza. Alarra ndidoyaka alarra ella jango tonna.”
\v 27 Filipus ella kedde monno otinniki. Monno, ella hunda lahtoyo Etiopia, ndidohiki sida-sida walli ella tobokollo ella pengadilan Sri Kandake, Ratu tokkona Etiopia. Ndiyo ella lakwuahihi ngarrakehe enna hartanna mintokko. Ndiyo ella emini ella Yerusalem monno lahbango,
\v 28 monno tenggerena mbanna mbaliya, tenggere lodonna ella krete monno ella baca kitabponno Nabi Yesaya
\v 29 Menge, Ndewa Mbiha lapneghengoko ella barrana Filipus, "
\v 30 Mokko, Filipus laplayo ella Krete monno ella rongoya enna toyo tenggerena mbanna mbacaya kitab Nabi Yesaya. Filipus laklerenniki, “Payaka ehpeghummu epahbacum tuan?”
\p
\v 31 Monno, enna toyo lapwolohoko, “Penna yaya mbanna ndadi, ndimokko lahtoyo ella lap apinggo?” Mokko, ndiyo ella kwulloni Filipus tanna eldetongo nonno ellondo engeni.
\v 32 Enna lodonna, lahwadikongo walli ella Kitab Suci eltenggeren pahbacanna ndiyo ndidoyaka yiya, “Ndiyo papngandi elmereka anna domba papngandi ella papdobteba, monno mereka anna domba ebjappa guti logenna lakbanga ndidoyaka Ndiyo janna mbungkereya aghobanna.
\q1
\v 33 Ebtenggeren hapandijanni Ndiyo, ellajanna adillo akrebananni walli ella Ndiyo. Garraniki ella ngoleya lapneghenni atutunna kataddi ndadi-Nya? Ndika, amopironno Ndiyo menge mbakka krebaya walli ella pannu tanna.” \rq Yes. 53:7-8 \rq*
\p
\v 34 Ahmurinnya, sida-sida enna awolohoyo monno atakinanniki Filipus, “Yaya lakreyo elbarramu, tutunna garraniki enna nabi eltakiya yiya, tutunna apoltonna kneheng ato tutunna toheke?”
\v 35 Menge, Filipus elbungkere aghobanna, monno ella lakwunniki abacaya yiya Akitab Suci, ndiyo ella kotbah tutunna Yesus elpoltonna.
\p
\v 36 Monno, ediyo mba otindi ahlokinni alarra, ndiyo nduki ellapdoyo menge wennya, monno sida-sida eltakiyaka,” icabaka, engngo, weyo! Payaka laphalangonggo ebbakku paihanggu?”
\v 37 [Menge, Filipus eltakiya,” ebwajonggo tuan mokko wali lakkiatingmu, mabika tuan.” Menge, ndiyo elwolohoko monno eltakiyaka, “Yaya kuwaniki Kristus Yesus ndidoyaka Ananna Maramba Allah.”]
\p
\v 38 Ahmurinnya, sida-sida lapretehi kereta tanna lapdendeya. Monno, ndiyo toduyo aburuka elweyo, Filipus monno Sida-sida, menge Filipus lap ihohiki.
\v 39 Mengeke ndiyo toduyo mbaloho walli ella weyo, Ndewa Mbihanna Mori ella enniki elbarana Filipus monno el otniki, monno sida-sida ja iceya wallika, menge ahloko krohika monno engge atika.
\v 40 Ndimoko, Filipus eldukinni apoltonna enni ella Asdod, monno ebhennya ndiyo mbanna langani akawasanno, ndiyo lapdukinni a Injillo el ngarrakehe kota lundulappa el Kaisarea.
\c 9
\cl Pasal 9
\s Saulus Elnomotoko Yesus
\p
\v 1 Ndimoko, Saulus, engena mbanna pahlokoyo indaha monno elwunihi ehmuritonno Mori, otinni lahdapanna Imam bokollo,
\v 2 monno lakreyo huroto walli eldiyo, epahdapanna elbarada Sinagoge-sinagoge el Damsyik nebhenyaka ndiyo mbanna tobokihi garraniki elwani lara netu, ebaka kabanihi monno ebrawicohi, ndiyo elngandihiki ngarrakehe laptannahi el Yerusalem.
\p
\v 3 Ebtenggere halokonno ndiyo, ndiyo heluwungongo mbanna tukka el Damsyik, monno randangoko mbanna loho akgheghekonno walli elakramba lamhoborong monno lakkelilingini.
\v 4 Menge, ndiyo lakbutukuka eltana monno elrongoyo alinnya elapneghen elbarrana, Saulus, Saulus pena yoyo eb pakriga Yaya?”
\p
\v 5 Saulus lakrerengngo, “Garranggu Yoyo, Morin?” Monno, ndiyo eltakkiyaka,” Yaya doyaka Yesus, epakrimu.
\v 6 Ndimokko, kedebaka monno tamabaka el kota, monno yemmi atakigiminiki payaka epap ghillummu.”
\p
\v 7 Ngarrakehe atodanga el otinni ollena Saulus eldede jango ebtakinna menge mbanna rongoya alinnya, ndika jango eb iceda.
\v 8 Saulus eldede walli eltana, monno el ice ndomoko matanna, ndiyo janna icepongo matanna. Mokko, ngarrakehe atoyo atarraniki enna limmana monno ngandiyaka tama el Damsyik.
\v 9 Monno, talluya aloddo, Saulus ebjanna pekengo mbanna ice monno wedi janna pekengo mbanna muyo ato inu.
\p
\v 10 Enna lodona, enni lahtoyo anmuriti el Damsyik, ngarrana Ananias. Morri lapneghengoko elbarrana eldolono eb icenna, “Ananias!” Mokko, Ananias elapwoloho, “yiga yaya, Morri.”
\p
\v 11 Menge, Morri elapneghengoko elbarana, “Kedde monno otu mbaguku ellara ebtakki Lara Luruho, monno el ummana Yudas, kadababaka atoyo Tarsus elngarrango Saulus menge, icebaka, netu atoyo tenggere hambanya,
\v 12 monno ndiyo menge mbanna ngoleya enne manurrani ella lahtoyo el ngarango Ananias el emini monno elkobokonni limma ella pannuna tanna ndiyo eldadi mbanna ice wali.”
\p
\v 13 Ndimoko, Ananias elwolohoko, “Morri, yaya ndoyaka elrongoya walli todanga tutunna yiya atoyo, hekdangana eljanna ndaha papghillina ndiyo elbarada atoyo Kudussum-Mu el Yerusalem,
\v 14 monno yiya ndiyo engngo kwuahanna walli ella imam-imam katakku enna aptannahiki ngarrakehe atoyo danga ellakwulloniki a ngaram-Mu.”
\p
\v 15 Ndimoko, Morri eltakidikki elbarada, “Otobagimmiki ndika yaya toyo ndidoyaka ehpendegu tanna elngandiyaka ngarang-Gu elahdapanna bangsa-bangsa hekenna, monno ngarrakehe a tokko, monno bangsa Israel.
\v 16 Ndimoko, Yaya ndika laphundonni elbarana hekdangana ndiyo engnge ndidokka akriyo tutunna a ngarrang-Gu.”
\p
\v 17 Mokko, Ananias lahlokyak monno eltama el ummana, monno mengeke mbanna kombokonni a limmana ellaktakunna Saulus, Maramba Yesus, ella laphundawunna elpoltommu ella larra pahlokummu wimolo, mengeke mbanna patumbaga yaya tanna yoyo icewani monno bannu wongo Ndewa Mbiha.”
\v 18 Menge, randangoko, mereke ri igha lakbutuku walli ella matanna monno ndiyo el ice walika. Ahmurinnya, ndiyo el keddeka monno ab ihayaka. Saulus lakwungoko ngandiya Linnya tutunna Yesus
\p
\v 19 Monno, menge ebmuyo, Saulus wonniki paghahi. Ndiyo ellam rengngendiki eh murit-murittonno el Damsyik en pirraya lodo.
\v 20 Monno, lecca ndiyo mbanna padukinni linnya Yesus el umma mbiha monno eltakiyaka,” Yesus ndoyaka Annana Maramba Allah.”
\p
\v 21 Ngarrakehe atoyo elrongoyo monno pamngoroh engngengoyo monno laptakika, “Indiyaka ndiyo yiya el enni el Yerusalem elwunuhi ndiyo ebtaki ngarra monno elmenge mbanna eminni yiya monno ehbeja mbanna ndiyo ngarrakehe el hadanna paptanna lahdapadda eh imam-imam kpalla?”
\p
\v 22 Ndimoko, Saulus eldadi engpaghahinna monno pahbingung engennani atoyo Yahudi eldoyo el Damsyik wango buktinna ebhenyaka Yesus ndidoyaka Kristus. Saulus eloloho walli ella lahwadikongngo atoyo Yahudi
\p
\v 23 Menge mbantutu pirraya loddo, ngarrakehe atoyo Yahudi apwacakki engeke tutunna wunuya Saulus,
\v 24 ndimokko apwacakida dolli peghenaniki Saulus. Ngarrakehe ndiyo adaganniki eh binnya tama loddo monno hudda tanna ndiyo ngole wanni hamatiya.
\v 25 Ndika, ehmuriconno Saulus elngandiya enna hudanna monno lahburrinni walli ella gallu elwangi panokotongo limma monno wango anna kapepe. Saulus enni el Yerusalem
\p
\v 26 Ndidokka Saulus elduki el Yerusalem, ndiyo elkabinni habolong ella muriconno. Ndika, ndiyo ngarrakehe akbohinniki apoltonna orronakka ebcawani ndiyo ebmuriconno.
\v 27 Ndimoko, Bernabas amrengeke dung Saulus monno elngandiyaka elbarana eh rasul, menge lapneghengoko elbarada ndiyo ngarrakehe ndiyo el icaya Morri ellara ndanga, monno Morri menge mbanna takkiya elbarada, monno ndiyo lambrani mbanna pneghengo elngarrana Yesus el Damsyik.
\p
\v 28 Monno, Saulus lamrengendi ndiyo ngarrakehe eban tamma monno loho walli ella Yerusalem tenggerena mbapneghen batakki ngarrana Miorri.
\v 29 Ndiyo eltakkiya monno haberre-berenge engendi atoyo Helenis, ndimoko ndiyo ngarrakehe bengo wunuya.
\v 30 Ndika ndungkambu olle atiwango tatpeghenni yiya, ndiyo a ngandiya el Kaisarea monno laptumboni el Tarsus.
\p
\v 31 Ndimoko, ngarrakehe jemaato el Yudea, monno Galilea, monno Samaria elngoleya engge ate monno helu wungongo amtombo. Monno akbohinni Miori monno ella wongo engge ate Ndewa Mbihana, ndiyo ngarrakehe engena mbamtombo ndanga. Petrus enni ella kota Lida monno kota Yope
\p
\v 32 monno hitu, Petrus lakninik ngar mbak kalbatu, ndiyo wedhi tanga to mbokohi ngara to mbiha el enyi Lida.
\v 33 A Nonno, ndiyo ndukiniki a toyo el ngarango Eneas, tenggernak mban maduru el lapdom nduruna emdennya pandapoto donna mbanna kliku.
\v 34 Menge, Petrus lapneghen elbarrana, “Eneas, Kristus Yesus ellaptonggohughu. Keddebaka monno pandahabahiki pamdurum!” Monno, randangoko nenne, mbanna kede Eneas.
\v 35 Mokko, ngarrakehe atoyo el enni Lida monno Saron el iceya monno ngarrakehe awaniki Miori.
\p
\v 36 Eme pahdapang, el Yope, enni lahtoyo muriti rawicoyo elngarango Tabita, epaptakki Dorkas. Ndiyo eldaha papngandinya monno hekka mbenya wongo knuru.
\v 37 Enna loddo ndanga eldadikka, ndiyo elhaddu monno elmatika. Menge, enna atodanga elmenge paihaya, ndiyo ngarrakehe pamduruniki eldonete.
\v 38 Monno mbahparangko Lida monno Yope, ehmuriconno, menge Mbarongoya Petrus onni nonno, abtumboni ndutoyo otindi el Petrus monno akreyo elbarrana, “Amtundaya eb otuwamu ellap domyamma!”
\v 39 Mokko, Petrus elkede monno otinni lamrengeni ndiyo ngarrakehe. Monno, ndiyo elduki, ndiyo ngarrakehe ngandiya Petrus el korro pannuna. ngarrakehe eh tokwinnya a dede ellah krahanna Petrus monno aho, menge aphundoni tunik-tunik monno hakhihhija ahwadikong ebbiahada mbataya eb enni DOrkas enna lodo eb epanyi ollede ndiyo.
\v 40 Ndimokko, Petrus laptumbodi ndiyo ngarrakehe aloho, menge enna lehukongo kunda monno ahbango. Ahmurinnya, ndiyo akharani akmatinnya Tabita monno ndiyo lapneghen “Tabita, keddebaka!” Menge, enna awarcoyo elbungkerek amatana monno el iceyaka Petrus, ndiyo ellodo.
\v 41 Mokko, Petrus lap ulluka alimmana elbarana monno abantuya dende. Ahmurinnya, mon lak wulondikki antoyo ndaha mon ehwercoyo kwinnya, laphundonik mon Tabita elmopir.
\v 42 Monno, palndadi hitu lamwewerong el ngarkehel Yope, monno ndanga toyo el wani maramba Miori.
\v 43 Mokko, Petrus mbanna ndoyo rakana madenya el Yope a olena atoyo el ngarang Simon, attoyo klicca
\c 10
\cl Pasal 10
\s Petrus monno Kornelius
\p
\v 1 Eme pahdapang, el Kaisarea, enni lahtoyo el ngarango Kornelius, Perwira wedanni ebatakiya walli ella Italia,
\v 2 atoyo el ghenne monno lakbohinni enna Maramba Allah, hewedinaka eltodanga el enni el ummana, monno elwondiki hekdangana aknuru ebwonani atoyo ndanga monno engeda mbah habango elbarana Maramba Allah.
\v 3 Enna momolonno, enna loddo pahi jam mbanda iha, ndiyo el iceya ndahana epam manuruna, elah toyo a malaikta Maramba Allah el emini monno eltakiya elbarana, “Kornelius!”
\p
\v 4 Menge, ndiyo lakharani a malaikat monno lakbohinni monno eltakkiyaka, “Payaka yiyi, Mramba?” Monno, lapneghengoko elbarana, “enna habammu monno epapwommu eldetengo elbarana Miori Maramba Allah.
\v 5 Henenne, Patumbobundiki ngarrakehe atoyo ndanga el Yope monno kawullondi ellahtoyo elngarango Simon, epap paptakki wedi Petrus,
\v 6 ndiyo eldoyo engendi atoyo wihiko kallulla elgarango Simon, enni ummana elbarana wemahi.”
\v 7 Enna malaikat lapneghen elbarana otniki, Kornelius lakwulloni eh toduyo papwede monno lahtoyo aprajurito eldaha hadanna wali ella atodanga el enni krohinni lapghili elbarana ndiyo,
\v 8 monno menge mbanna takki jahaya ngarrakehe appa etu elbarada ndiyo ngarrakehe, ndiyo laptumbondi el Yope.
\p
\v 9 Merehe lodonna, ndiyo ngarrakehe tenggereda endi ahloko monno atukkayaka enna kota, Petrus eldetengo elpannu umma, enna jammu nommo, tanna habango.
\v 10 Menge, ndiyo laklamba monno elbengo muyo, ndimokko ngarrakehe atoyo tenggerena mbanna hadiyo muyo, Petrus elngoleya amanurra,
\v 11 monno ndiyo el iceya akramba mbanna kmungkere monno enni elmereya kamba hekbelleken elburu monno lam gholloro walli ella potonna akbihunna ndukingo eltanah.
\v 12 Eldollona, enni ngarrakehe ah ranga pakpotong gango watinnya, monno ngarrakehe akranga elpannu tana, monno ngarrakehe akkhilla illa lapringi
\v 13 Ahmurinnya, emminiki akpokliyo monno eltakiyaka elbarana, “Keddebaka, Petrus, dakurbaka monno mubaka!”
\p
\v 14 Ndimokko, Petrus eltakiyaka, “Joddo, Miori. Ndika, yaya indakka mbakku muyo payaka el mbarri ato elharri.”
\p
\v 15 Monno, enna akpokliyo lapneghewalingoko elbarana enna apduana, “Payaka papdadinnya Miori Maramba Allah eldaha, ambutakiya elbarri.”
\v 16 Enna yiyo padallungo mbanna ndadi, monno elradango ngarrakehe mbanna ndetengo ellak kramba.
\v 17 Enna lodonno, tenggerenna Petrus mbanna mbingungo apngadanga payaka a artinya eb icana enne, a hundaka enna atoyo hekdangana paptumbana Kornelius ebtenggerenna mbakdabaya a ummana Simon, monno a dede ellahdapan a mbinnya,
\v 18 monno tenggered mbakwulloni, ndiyo ngarrakehe aklerin penne enni Petrusso, ella londo nonno.
\p
\v 19 Tenggeren Petrus mbanna pangadani eb icena, Ndewa Mbihana lapneghen elbarana, “Icebaka, endi ehto tallu atoyo kabani tenggeret mbakdabagu.
\v 20 Keddebaka monno mburubaka, otubamuku mrengendi ndiyo ngarrakehe monno amragundi enne Yayo ellaptumbondi ndiyo.”
\v 21 Menge, Petrus elburuka elbarada ehtodanga monno lapneghengoko, “Icebaka, yadoyaka atoyo pakdabamu. payaka tutunna eb emwamu?”
\p
\v 22 Abneghengoko, “Kornelius, perwiraya, toyo ghenne monno lakbohinni Maramba Allah, monno todahaya walli ella bangsa Yahudi, mengeke mbanna pa apingo a malaikat mbiha laptumbondi otindi el ummana monno rongoyo ebtakimu.”
\v 23 Petrus ella undangindi ndiyo ngarrakehe tama monno wondi ndiyo padonga nenne. Mereho lodona, ndiyo elkede monno el otinni mrengendi, monno ehdungkambuna atiwanya walli el Yope a olenna.
\v 24 Ndelokonno walinya, ndiyo ngarrakehe atama el Kaisarea. Kornelius lahmagangoko monno elkahahi ndungkambunna menge eh olkedenna atukka.
\p
\v 25 Ebanna tama Petrus, laptobboko, menge elberlutut elwitinya Petrus monno laktambanni.
\v 26 Ndimoko, Petrus lahbantuya dede monno lapneghen, “Keddebaka! Yaya tobiahangga.”
\v 27 Petrus tenggeren pneghe engenani Kornelius, Petrus eltamaka eldodolo monno elngolehiki ehtodanga amkaha.
\v 28 Menge, Petrus lapneghengoko elbarada, “Yemmi ngarrakehe peghinni monno jahbenya Yahudi enna akwongi engendi enne toyo in Yahudi, ndika Maramba Allah mengeke mbanna phundoni elbaranggu monno yaya jakku takiya garraniki elpadu monno enne eljadaha.
\v 29 Ndidoyaka, yaya jakku wawa yemmi ptumbangga emengge. Ndika, yaya kuklerimgimi payaka tutunna ebaka wullangga yaya?”
\p
\v 30 Monno, Kornelius lapneghengoko,” potto lodonaka lundulapa hennene jamuna, enna jammu mbanda ihanna, yaya tenggero habanggu el ummonggu, monno icebaka, enni lahtoyo eldende lahdapanggu eltaya khihi meredoko.
\v 31 Menge, lapneghen, 'Kornelius, enna ahbamu a rongogunniki monno enna knurummu mengeke mbanna apiya Maramba Allah.
\v 32 Ndidoyaka henenne, patumbokniki el Yope monno takkibnanki Simon elngarango Petrus tal emini. Ndiyo ennyi el ummana Simon, eltukongo wihiko klulla, elhinga wemiahi.'
\v 33 Ndidoka, yaya laptumbungo toyo elbaramu, monno yoyo eldaha ati bengo emini. Henenne, yica ngarrakehe el enni yiya, lahdapanna Maramba Allah, tat rongoyo ngarrakehe apretenna elbarramu walli ella Miori.” Petrus Lapdukinni a Injillo el Ummana Kornelius
\p
\v 34 Menge, Petrus elbungkereya a ghobana monno lapneghen, “Hennenne, yaya hetopinjana mbakku peghenni Miori Maramba Allah janna bengo plihekinni.
\v 35 Ndimoko, el bangsa, enna toyo lakbohinni Ndiyo monno lapghilini payak el ghenne, ehbennya Miorri.
\v 36 Linnya Miorri Maramba Allah papdukingo ella bangsa Israel ngandiya liya ndaha engge deta walli ella Kristus Yesus, Ndidoyaka Miorri walli ella panuna ngarrakehe.
\v 37 Yemmi knehengo elpeghenni eldadi el Yudea ngarrakehe, walli ella Galilea, menge ab iha walli ella Yohanes papdukinni,
\v 38 Yemmi peghinni Yesus, toyo Nazaret, penwenanni Maramba Allah mbanna Mbihaya wani Ndewa Mbihana monno kwuahanna. Ndiyo otinni laklilinginni lapghilinni a ndaha monno laptonggoho ngarrakehe atoyo elhaddu pakriya a marapu indaha monno etinni Miorri Maramba Allah elpoltonna.
\v 39 Yamma ndoyaka el iceya payaka epap menge plakunna Yesus, el kalbatu toyo Yahudi monno el Yerusalem. Ndidohiki awunuya Yesus enna laterenniki elpannu ghayo Salib.
\v 40 Ndimoko, Maramba Allah lapkedeya ellodo ktallluna monno wonniki loddo Ndiyo tanna laphundoni apoltonna,
\v 41 in ngarrakehe atoyo, ndimoko el yamma, el ngarra kehe hakhiya pahpenden a Maramba Allah ahmurrinnya, el muyo monno el inu habolong menge mbanna detengngo walli ella tomati.
\v 42 Monno, Ndiyo lapreteh gammaka yamma tutunna ngarrakedek eltoyo ndanga monno hakhiya topinjani eb hetopinjana Ndidoyaka Miorri Maramba Allah pahkotanna Hakimmo tutunna tomopiro monno atomati.
\v 43 El Ndiyo, ngarrakehe a nabi elhakhiya monno el wani el dodolon-No monno elhimbaya abhingurru ndoho walli ella ngara-Na.” Maramba Allah laphundoniki Ebdiya Elhimbaya ngarrakehe Atoyo
\p
\v 44 Tenggeren Petrus mbanna paneghengngo, Ndewa Mbihanna elburu elpannuna ngarrakehe el rongoyo a linnya.
\v 45 Monno, ngarrakehe atoyo el wani monno elsunata el emini lahbolong el Petrus, pamngoroho ndengengoyo tutunna Ndewa Mbihannapahburunna, enna ngarrakehe a bangsa.
\v 46 Ndimoko, ngarrakehe arongoyaka atoyo tenggeren mbanna pneghen eldodolo ngarrakehe a bahasa monno pamlanguya Miorri Maramba Allah. Menge, Petrus lapneghengoko,
\v 47 “Indimoko janga atoyo eldukingo hadangga yaya tutunna mbakku paihohi atoyo monno ngarrakehe atoyo ahimbaya Ndewa Mbihanna elmerenda yica?”
\v 48 Monno, Petrus lapreteka ndiyo ngarrakehe tanna ab ihwongo el dodolonno Ngarrana Kristus Yesus. Ahmurinnya, ngarrakehe atoyo akreyo Petrus eldoyo engendi ndiyo elpiraya loddo
\c 11
\cl Pasal 11
\s Petrus Elballika El Yerusalem
\p
\v 1 Tenggerenna ngarrakehe eh rasul monno ehdungkambunna kehena el atiwango el enni el Yudea a rongoya monno atoyo ngarrakehe el Yahudi monno mengeke mba himbaya alinya Miorri Maramba Allah.
\v 2-3 Ndidoka taetu, tenggeren Petrus mbanna detengo el Yerusalem ngarrakehe atoyo elbersunat monno hanaptakkida ngarrakehe, eltakiyaka, “Yemmi otugimmi elbarrada atodanga eljanna bersunat monno muyo engendi ngarrakehe.”
\p
\v 4 Ndidomoko, Petrus lakwungoni ap apingngo elteeratur elbarada ndiyo ngarrakehe, eltakkiya,
\v 5 “Yaya tenggero habango el kota Yope, monno tenggeren inpeghewungo, yaya el iceya lapninyawuna, enna elmereya kamba belleke elburru, el lamwalungo pakpotongo walli ella lakramba, monno enna kamba eltukangga yaya.
\v 6 Menge yaya mbakku kharranni, yaya ella lakharpandahani monno icehi ngarra hah ranga pakpotogango witija elpannu tana, hah ranga uta, menge hah ranga ahloko wongo kambudda, monno ngarrakehe hakhilla ella lapringi.
\v 7 Yaya weddi elrongoyo enna akpokliyo lapneghen elbaranggu, 'Keddebaka, Petrus, ropobaka monno mubaka!'
\v 8 Ndimoko, yaya kutakkiya, 'Joddo, Miorri. Ndika, janga ella harri monno ella indaha eltama elghobba ndollonggu.'
\v 9 Ndidonomoko, enna akpokliyo elwolohoyo lapdungoko walli ella lakramba, 'Payaka papndahana Maramba Allah, amkorroyo takiya harri!'
\v 10 Yiya ebtakkinna lapdollungoko, menge ngarrakehe eltinguka mbialliya lakramba.
\v 11 Icebaka, atuweddi, endi ehtotallu toyo paptumbuongo elbaranggu emmindi el ummagu, walli ella Kaisarea.
\v 12 Ahmurinnya, Ndewa Mbihanna eltakigandi tanna otu engendi ndiyo monno inni ragundi. Ehtonommo ndungkambuna atiwayo weddi otindi engega yaya monno yamma eltamma el ummana atoyo.
\v 13 Menge, ndiyo lapdukinni elbarama yamma penewena ndiyo mbanna menge iceya enna Malaikata eldede el umma monno lapneghen, 'ptumbobniki atoyo otinni el Yope monno krebayaka Simon epaptaki Petrus el emmini yiyo,
\v 14 monno ndiyo eltakiya apesanno elbarramu monno walli ennya el yemmi pahlamatongngo, yemmi monno ngarrakehe atoyo ellodo el ummomu.'
\v 15 Tenggeren yaya mbakku kwungoni atakki, Ndewa Mbihana elburu elbarrada ndiyo ngarrakehe, elmereke akwungana eldadi elyica.
\v 16 Monno, yaya el apiya ebtakina Miorri, Ndiyo mbanna takkiya, 'Yohanes lap ihahi wango waiyo, ndimoko yemmi ndika pap iha wango Ndewa Mbiha.'
\v 17 Ndika, ebdika Maramba Allah elwongngo Knuru elmere elbarrada ndiyo ngarrakehe monno Ndiyo elwonda yica menge mbata wani elbarana Miorri Yesus Kristus, garaga yaya ndika yaya elhandini Maramba Allah?”
\p
\v 18 Ebhenyaka ndiyo ngarrakehe mba rongoyo atutunna, ndiyo ngarrakehe akdannaka monno pamlanguya Maramba Allah monno takkiya “Ebhenyaka, Maramba Allah weddi menge mbanna wongngo elbarada atodanga indi Yahudi am ghilla monno lahdapanna mopir.” Injillo ndukingo ella Antiokhia
\p
\v 19 Ahmurinnya, ngarrakehe atoyo abheghekehe oro kriya eldadi elbarana lahdapanna Stefanus, lahbaghingngo lundulappa ella Fenisia, Siprus, monno Antiokhia, monno japnukinniki alinnya Miorri elbarana atoyo ndipika atoyo Yahudi.
\v 20 Ndimoko, enni enna lahwadikongo atoyo walli ella ndiyo, ndidohiki atoyo Siprus monno Kirene, el emini ella Antiokhia monno lapneghindi elbarada atoyo Helenis, tenggered mbap ndukinni tutunna Miorri Yesus.
\v 21 Alimmana Miorri eldagindi ndiyo ngarrakehe, enna ndangada atoyo elwani monno lamwaliko elbarana Miorri.
\p
\v 22 Aliya tutuna ndiyo ngarrakehe elduki el roktiluda jemaat el Yerusalem, monno ndiyo ngarrakehe paptumbana Barnabas el Antiokhia.
\v 23 Ebhenyaka Barnabas mbanna duki monno el iceya pamnoworonno Maramba Allah, ndiyo el engge ati monno lap apindi ndiyo ngarrakehe tanna engdiyo elbarana Miorri wango ati lapghahi.
\v 24 Ebhenyaka Barnabas ndidoyaka atoyo eldaha, elbannu Ndewa Mbihana monno atiwaya, enna atodanga papngandinya elbarana Miorri.
\p
\v 25 Ahmurrinnya, Barnabas otinni el Tarsus tanna lakdabaya Saulus.
\v 26 Monno, menge mbanna tobokoyo, ndiyo elngandiya el antiokhia. amdennya hadonna, ndiyo ngarrakehe abtobokongo el Jemaata monno papnekinni atodanga. Monno, el Antiokhia, ehanna muricono akwungana ndidohiki “ato Kristen.”
\p
\v 27 Enna lodo ndanga, ehpircoyo a nabi burru walli el Yerusalem a emindi el Antiokhia.
\v 28 Enna lahtoyo walli ndiyo ngarrakehe elngarango Agabus, eldede monno lamnurraya walli ndewa monno eldadi aklamba lantaka el ngarrakehe pannutana. Monno, aklamba enna mbanna dadi enna masa mbanna prete Klaudius.
\v 29 Monno, ngarrakehe muriconno awotohoyo tanna angandiya enna asumbanganno, ebdomampuda ndiyo ngarrakehe, elbarada ndungkambuda attiwada eldoyo el Yudea.
\v 30 Monno, ewedindi aplakuya, abngandingo asumbanganno elbarada ehtomtuyo walli ella limana Barnabas monno Saulus.
\c 12
\cl Pasal 12
\s Yakobus A wunuya monno Petrus Papnonggolla Herodes
\p
\v 1 Enna lodona, Tokko Herodes lahkotaya alimmana elpannuna atoyo walli ella jemaato tanna pakriyo ndiyo ngarrakehe.
\v 2 Ndiyo elwunuya Yakobus, a ndungkambuna Yohanes, wango habanda.
\v 3 Ebhenyaka Herodes mbanna iceya papdahana ehbenyaniki a atinya ngarrakehe toyo Yahudi, ndiyo pakrohiya adonggolo Petrus weddi. Eldadi enna lodo Ndaha Roti Janna Pakpena.
\v 4 Menge mbanna donggoloyo Petrus, ndiyo laptamaniki el gallu dolo monno pakrakaniki ella poto aprajuriti tanna adaganni, monno menge Paskah, angandiya elahdapanna atodanga.
\v 5 Monno, Petrus atahanni el gallu ndollo, ndimoko ahbayangngo krohingngo eh jemaatonno Petrus lahdapanna Maramba Allah. Malaikato Miorri laphallayaka Petrus walli ella gallu
\p
\v 6 Enna Hudanna, Herodes elngandiya Petrus elak kdelek, Petrus tenggere mdurunna ella barada enna Prajurit ehtoduyo, abtannaya wango dubuyo rantai, monno ehtokandi lahdapanna mbinnya tenggeren mbadaginni agallu.
\v 7 Monno, icebak, lahtoyo amalaikatonno Miorri eldede elbarana Petrus monno acahaya ellamgohoko elgallu dollo, menge enna malaikato elpallu akrahanna Petrus monno lapkedeya, menge lapneghengoko, “Lecabaka kedde!” Monno, ehrantai amhalingoko walli ellimana Petrus.
\v 8 Menge, Malaikato lapneghengoko elbarana, “Patanna mbaka amegemmu monno tabahiki ekopwitummu.” Monno, ndiyo laplakukka henyanik. Ahmurrinnya, ndiyo lapneghen elbarana, “Tabayaka enna Jubah monno nomotbanggakh yaya!”
\v 9 Menge, Petrus lohoko monno elnomotoko a malaikato. Ndiyo janna peghen mbanna payaka eldadi papdadinnya a malaikato caya, ndika papngadana ndiyo eb icanna paphunduwumnanniki.
\v 10 Ebtenggeren langngadandi eh tokandi ak ikhana monno kduna, ndiyo ngarrakehe ndukika el mbinnya tamma mbahi lahdapango elkota. Enna mbinnya lambumkerre mengwuna elbaradah, menge ndiyo ngarrakehe alohoko monno ahlokoko nduki ella annakhiku larra, monno radangoko malaikato mbanna mandalanni Petrus.
\p
\v 11 Ebhenyaka Petrus mbanna apiya eldadi elpoltonna, ndiyo lapneghengoko, “Henenne, yaya hetopinjana mbakku peghenni Miorri mbanna ptumboni Malaikatonno monno pahlamatonggo yaya walli ella limmana Herodes monno walli ella ngarrakehe pahbennya atodanga Yahudi.”
\p
\v 12 Menge Petrus mbanna apiya, ndiyo otinniki el ummana Maria, innyana Yohanes epaptaki Markus, ebtenggeren atodangan mbanna makahha monno ahbango.
\v 13 Ebhenyaka Petrus mbanna tendunni a mbinnya tamma, lahtoyo rawicoyo lapghilli elngarango Rode eminni elbungkerraya a mbinnya.
\v 14 Menge mbanna peghenni akpoklinnya Petrus, monno hek enggenna ndiyo janna mbungkereka a mbinnya, ndimoko laplayaka eldodolonno monno eltakidandi eb enni Petrus tengger dedenna el lahdapanna mbinnya tamma.
\v 15 Ndiyo ngarrakehe atakinanni Rode, “Yoyo indighenne!” Ndimoko, Rode engenna mban takki henyanni, monno ndiyo ngarrakehe engtakidandi, “ndidoyaka enna malaikatonno.”
\p
\v 16 Ebhennyaka, Petrus engena mbanna tendunni, monno ndiyo ngarrakehe abungkerenni mbinnya, menge iceyaka Petrus, ndiyo ngarrakehe arandangoko.
\v 17 Ndimoko, menge Petrus mbanna wongo isyaratanna wango limma tanna kdanna wong wena, ndiyo eltakidandi elbarada ndiyo penwenaka Miorri menge mbanna palohoyo walli elgallu. Monno, ndiyo lapneghengoko,” Takkidandi yiya elbarada Yakobus monno elbarada ehdungkambu atiwayo.” Menge, ndiyo otikniki lapdoheke.
\p
\v 18 Enna dinjirlodono, eldadika enna ahbereng bokollong ellahdapadda enna happrajuritti tutunna eldadi elbarana Petrus. Tutu matinnya Herodes
\p
\v 19 Ebhenyanka Herodes mbanna kadabaya Petrus monno janna tobokoyo, ndiyo lapreheya ngarrakehe todagangnga monno elwondi prete tanna ndiyo ngarrakehe awunuya. Menge, Herodes elburru walli Yudea laotu el Kaisarea monno eldoka anonno.
\v 20 Hitu, Herodes tokko mbaninya ngarrakehe atodanga Tirus monno Sidon, menge apahwungoko, ndiyo ngarrakehe otindi lahdapanna Herodes, monno mengeke balekeya Blastus, eltukang uruhoyo a ummana tokko, ndiyo ngarrakehe akreyo tanna damebaka tutunna enna akalbatuda ngolewongo anmuyo walli ella Herodes.
\p
\v 21 Enna lodonna paptakida, Herodes eltakka khihi tokkona, ellodo eltokona pengadilanno, monno lapdukinni atakki ellahdapadda ndiyo ngarrakehe.
\v 22 Enna toktappa engena mbanna kyokongngo, “ndidoyaka akpoklinnya allah, indi topiya!”
\v 23 Radangoko, lahtoyo Malaikatonno Miorri lakpokonni monno ndiyo janna wonniki pamlanguya a Maramba Allah monno ndiyo amuniki katinjollo, menge matika.
\p
\v 24 Ndimoko, linnya Miorri engana mbanna bukullo langtakka.
\p
\v 25 Menge, Barnabas monno Saulus abalihi walli ella Yerusalem menge ndiyo ngarrakehe ahmengeni apelayanannodo ngarrakehe, tenggered balekeya Yohanes epaptaki Markus.
\c 13
\cl Pasal 13
\s Papghilin Kneheng tutunna Barnabas monno Saulus
\p
\v 1 Em pahdapang, enni lapduna jemaato Antiokhia, nabi-nabi monno topahkolongo, ndidoyaka Barnabas, Simeon ebtakida Niger, Lukius walli ella Kirene, Menahem pahbokollo engena Herodes, a tokko enna wilayada, monno Saulus.
\v 2 Tenggereda ngarrakehe atodanga mbanna habango elbarana Miorri monno berpuasa, Ndewa Mbihanna eltakkiya, “Plihekeganni Barnabas monno Saulus tanna kubwendeya tanggunna Yaya tanna lakwullondi ndiyo ngarrakehe.”
\p
\v 3 Ahmurinnya, menge ndiyo ngarrakehe berpuasa monno ah bango, menge akombokondi limma elpannu katakkuna Barnabas monno Saulus, ndiyo ngarrakehe apptumbondi ehtoduyo otindi. Barnabas monno Saulus el kalbatu Siprus
\p
\v 4 Monno, mengeke mbap ptumboni otindi Ndewa Mbihanna, Barnabas monno Saulus burru ella Seleukia, monno walli ella nonno ndiyo ngarrakehe otindi el Siprus.
\v 5 Eba duki ella Salamis, ndiyo ngarrakehe abdukinni linnya Miorri Maramba Allah ella Umma mbihanna ato Yahudi, menge ndiyo ngarrakehe a ngandiyaka Yohanes topapwendeda ndiyo ngarrakehe.
\p
\v 6 Monno ndiyo ngarrakehe otindi ahlokinni ngarrakehe apulau ella Pafos, ndiyo ngarrakehe a ngoleya lahtoyo totang morro. lahtoyo nabi khelle Yahudi, el ngarango Baryesus.
\v 7 ndiyo a olenna Prokonsul Sergius Paulus, enna lahtoyo elpeghe, lakreya Barnabas monno Saulus emini elbarana monno mbengo rongoyo Alinya Maramba Allah.
\v 8 Ndimokko, Elimas, atotang morro, ebhenyaka ngarrana paptakkiya, elgabani Barnabas monno Saulus, monno aghahini bapherinni Prokonsul walli ella atiwanya.
\v 9 Ndimoko, Saulus, epahpeghenngo Paulus, abunnuni Ndewa Mbihana, lakharani Elimas,
\v 10 monno lapnegheng, “Hai yoyo, elbanuni moleto monno ngarrakehe indaha, yoyo ndoyaka am prapu bokol, yoyo ndoyaka elmuhinni ngarrakehe el ghenne, inbengo yoyo dukka paklegeya lara Miorri el luruho?
\v 11 Hennene, icebaka, Limmana Miorri el emini elbaramu monno yoyo ellakburra monno indi iceka alodo en pirriya lodonno.” Monno radangoko, amahulolo monno akapanduna elburru elpannuna monno ndiyo otinni laklilinginni lakdabaya atoyo tanna el olengo alimmana.
\v 12 Menge, Prokonsul netu el waniki ebanna iceya payaka eldadi monno ndiyo el benni ap apingo walli ella Miorri. Paulus monno Barnabas otindi elkota Antiokhia el kalbatu Pisidia
\p
\v 13 Eme lahdapanna, Paulus monno atodanga el olengo mbahloko walli ella Pafos dukingo ella Perga, ella Pamfilia, ndimoko Yohanes lamdalaniki ndiyo ngarrakehe monno elbaliya el Yerusalem.
\v 14 Ndimokko, Saulus monno Barnabas pakrohiya ahlokona walli ella Perga monno lundulappa ebduki el Antiokhia, el Pisidia. Monno, enna lodo sabat, ndiyo ngarrakehe otindi el umma mbihada monno alodo nonno.
\v 15 mengeke mba bacaya Hukum Taurat monno huroto ngarrakehe eh nabi, haktakkuda eh umma mbiha abtumbungo toyo eltakidandi eh toduyo rasul,” Ndungkambu ngarrakehe, ebhenyaka yoyo ebdonni apneghen eldaha tangguna atodanga, takkibdandiki.”
\p
\v 16 Monno, Paulus eldede monno elwongo isyaratanna wango limmana monno eltakiyaka, “Yemmi toyo ndanga Israel monno yemmi lakbohinni Maramba Allah, rongoya!
\v 17 Maramba Allah Bangsa Israel yiya menge mbanna pendeya ambunuhinda monno pamneteka abangsanda yica ebadoyo eltana Mesir monno alimanna lamkekete, ndiyo elngandihi loho walli ella nonno.
\v 18 Enna madenya potto kabullu doyo, ndiyo mbanna maloyo atinya walli elhadanna ndiyo ngarrakehe el lamrada niala.
\v 19 Monno, mengeke ndiyo mbanna mberehi eh pitu bangsa eltana Kanaan, ndiyo elwonni pandoyo enna tanah.
\p
\v 20 Eldadi ngarrakehe amdenya 450 ndoyo. Mengeke, Maramba pakrakanniki elbarada elhakim ngarrakehe lundulappa enna Nabi Samuel.
\v 21 Ahmurinnya, ndiyo ngarrakehe akreyo enna tokko, monno Maramba Allah elwonni ndiyo ngarrakehe Saul, ana kabani Kish, atoyo walli ella kalbatu Benyamin, enna madenya pottokabullu ndoyo.
\v 22 Mengeke Maramba Allah lapdikinniki Saul, Maramba Allah elkeketoyo Daud eldadi tokkodo ndiyo ngarrakehe, el tutunna Maramba Allah menge mbanna hakhiya monno lapneghen,' Yaya mengeke mbakkutobokoya Daud, ana kabaninya Isai, atoyo el ghenne el ating-Gu, ellaplakuya eh beng-Gu.'
\v 23 Walli ella yila toyo, Maramba Allah, elmereke paprahin-Nya, elngandiya lahdapada Israel lahtoyo enna Pahlamatondo, ndidoyaka Yesus.
\v 24 Ebjanna ndukipongngo Yesus, Yohanes mengeke mbanna padukinni memeni tutunna ab ihaya atoyo ellam ghilla ngarrakehe ella Israel.
\v 25 Monno, tenggeren Yohanes mbanna hamengendi eh tugohonno, ndiyo lapneghen krohingo,' Yoyo garrangga yaya ndi? Yaya indi Ndiya. Ndimoko, icebaka, lahtoyo emini menge yaya, kopwitinnya elwitin-Nya yaya janna mbakku halinyandi.'
\p
\v 26 Ngarrakehe ndungkambu, enna eh ananna abar olena Abraham monno atodanga walli ella yemmi lahbohinni Maramba Allah, yica ngarrakehe aliya pahlamata nengengo eldukinda.
\v 27 Ndika, ndiyo ngarrakehe eldoyo el Yerusalem monno ngarrakehe elngandihi ndiyo, el janna peghenni Ndiyo monno janna pahamminni ebtakinna eh nabi, eh bacada enna lodo sabata, menge lapdukinni ebtakida eh nabi netu monno enna hukummuni Yesus.
\v 28 Monno, ebhenyaka ndiyo ngarrakehe ebjanna tobokinni alasanna payaka tanna hukum wani ndukingo mati, ndiyo ngarrakehe akreyo Pilatus tanna ahmatiya Ndiyo.
\v 29 Monno, ndika ndiyo ngarrakehe bapdukinni ngarrakehe elam turoho tutunna Ndiya, ndiyo ngarrakehe ahburrinni walli ella ghayo Salib monno pamdurinni elhodinya
\v 30 Ndimoko, Maramba Allah elkeketoyo Ndiyo walli ella tomati,
\v 31 monno ella pirraya lodo ndanga, Yesus laphundawuna elbarada ehtodanga el olle engendi walli ella Galilea ndukingo el Yerusalem, el henenne eldadi hakhiya tutun-Na elbarana bangsa yiya.
\v 32 Monno, yamma elngandigu liya njaha pap prahinnya Maramba Allah walli ella ambunuhinja yica,
\v 33 monno Maramba Allah mengeke mbanna ukinni apprahinnya elbarada yica, eh anada ndiyo, ella keketoyo Yesus, mereke elamturoho elhuroto Mazmur kataddinya duyo: 'Yoyo ndoyaka a Ana-Gu. Yiya lodo, Yaya ndoyaka Pah mbapum-Mu.' \rq Mazmur 2:7 \rq*
\v 34 Tutunna Maramba Allah el keketoyo Yesus walli ella tomati, janna mbali walika ella janga, Maramba Allah eltakkiyaka,' Yaya elwonggu knurru eldaha mbiha monno papwangoyo, ebwodani a Daud.' \rq Yesaya 55:3 \rq*
\v 35 Ebhenyonaka, ndiyo weddi eltakiya el Mazmur hekenne,' Yoyo indipahallaya Atoyo Mbiha-Mu iceya ahmengena.' \rq Mazmur 16:10 \rq*
\v 36 Ndimoko, Daud, mengeke mbanna appindi ehmurriwialinya enna ehbennya Maramba Alla, menge matika, monno pamduruya elbarada ambunuhinnya, menge a iceya ahmengena,
\v 37 Ndika Yesus pap keketonno Maramba Allah walli ella tomati, ja iceya ahmengena.
\v 38 Ebhenyaka, tanna peghebanniki yoyo, ndungkambu, elbarana Ndiyo ndidoka padowalinya pamhaliwana adohondo ndanga elbarammu,
\v 39 monno walli en-Nya, ngarrakehe enna toyo elwani aphallahi walli ella ngar ap eme, enna walli enna yemmi janna ndadi aphallagimmi walli ella hukum Taurat Musa.
\v 40 Ndika, ndangawubongoko tanna payaka ebtakinna el huroto ngarra ehnabi janna ndadi elbarammu:
\q1
\v 41 'Icebaka, yoyo topnene! Randabongoko monno mueheng mbongoko, enne Yaya lap plakuya apghili enna dommu, enna apghili eb jabwamu, monno ap ebanniki lahtoyo eltakigunni elbarammu.” \rq Habakuk 1:5 \rq*
\p
\v 42 Tenggeren Paulus monno Barnabas ella lohho, atodanga lakreyo tanna ndiyo ngarrakehe apdukinni linnya enna loddo Sabat wali.
\v 43 menge mbam kaha ella umma mbiha, ndanga atoyo Yahudi monno ngarrakehe proselit ella lakbohinni Miorri monno elnomotoyo Paulus monno Barnabas, ellapneghen elbarada monno ella tulorindi ndiyo ngarrakehe tanna adokrohingngo eldolonno am manoworonno Maramba Allah.
\p
\v 44 Enna lodonno Sabat walinnya, hodipika ngarrakehe atoyo elkota mbanna makaha tanna arongoyo linya Miorri.
\v 45 Ndimoko, ebhenyaka atoyo Yahudi el iceya hekraminnya, ndiyo ngarrakehe abannundi knorek ati monno akwuniki apgabanga elbarana Paulus monno apnenewudaka.
\v 46 Menge, Paulus monno Barnabas elwolohoyo mbrani monno lapneghengoko,” Yiya elmbanningo alinya Maramba Allah ndipingoko elduki ullu elbarammu. Ndimoko yemmi indihimbaya monno anggapniki apoltommu janna ndadi enomuni mopirro hallu ndewa, icebaka, yamma elbali elbarada bangsa-bangsa hekenna.
\v 47 Ndika, henyaka Miorri mbanna wongngo pretena elbaramma yamma:' Yaya menge mbakku padadigu magohoko ella bangsa-bangsa hekenna tanna yemmi dadi ebngandiya amopirro hallu ndewa lundulapa elhupu tanna.” \rq Yesaya 49:6 \rq*
\p
\v 48 Enna atodanga eljanna Yahudi arongoyo tutunan yiya, ndiyo engge ati monno paplunguya linnya Miorri. Monno, ndangada mengeke ebpeghenni tutunna amopirro hallu ndewa, enna waniki.
\p
\v 49 Monno, linnya Miorri lamhobborongngoko elkalbatu nonno.
\v 50 Ndimoko, atodanga Yahudi apnumwuda eh rawicoyo ndaha ella terhormato monno atodanga elmbanningo el kota, monno apamdeteyo akriyo elbarana Paulus monno Barnabas, monno ahokoyo ehtoduyo aloho walli ella kalbatu padodukana ndiyo.
\v 51 Ndika, tenggeren ahomboyo akromboko elwitija ndiyo ngarrakehe ellahdapada atodanga Yahudi enonno, Paulus monno Barnabas a otindi ella Ikonium.
\v 52 Monno, ngarrakehe muriconno abannundiki engge ati monno Ndewa Mbihana.
\c 14
\cl Pasal 14
\s Paulus monno Barnabas endi elkota Ikonium
\p
\v 1 Monno, eldadika, el Ikonium, Paulus monno Barnabas atama engeke el umma Mbihana atoyo Yahudi monno apneghengoko henyaka monno am ptomboko ndanga atoyo, atoyo Yahudi monno atoyo Yunani, el wani.
\v 2 Ndimoko, atodanga Yahudi el janna wani apnummaka atodanga el indi Yahudiya monno apruhohi apngadada ndiyo agabamdi atoyo elwani.
\v 3 Monno, ndiyo enna adokka anonno enna amdeya monno engana mbap pnegheno brani el tutunna Miorri, elwonngngo haksiya tutunna aliya pamnoworron-No, menge elwongo tanda-tandana pamngoroh dengangoyo eldadi walli ella limmada ndiyo ngarrakehe.
\v 4 Ndimokko, atodanga elkota nonno ahmbaghingngo, ahwadikongngo endi elbarada atodanga Yahudi monno ahwadingngo endi ella mbarada eh rasul.
\p
\v 5 Ebhenyaka a usaha papdaha, ndahaka enna atodanga indi Yahudi ato atodanga Yahudi, monno enna ngarrakehe pemimpinodo ndiyo, tanna pakrihi monno a gheghuhi ngarrakehe eh rasul wango watu,
\v 6 menge Paulus monno Barnabas apeghendi monno aplaka ella Listra monno ella Derbe, elkota ella Likaonia, monno ella kabllibatu elbarana.
\v 7 Monno, ennonno, ndiyo ngarrakeje angeda mbap ndukinni a Injillo. Paulus el kota Listra monno elkota Derbe
\p
\v 8 Ella Listra, enni lahtoyo tenggere loddonno monno lahmalli awitinya, lakliku walli ella kambuna innyana monno janna halokopongo.
\v 9 Enna atoyo tenggeren mbanna rongoyo Paulus ebtenggero paneghen, menge Paulus mbanna kaharanni monno ella iceya monno enna engo atiwanya tanna tonggohowongo wena.
\v 10 Paulus eltakkinanni wango akpoliyo elbokollo, “Dedebaka luruh wani awitimmu.” Menge, enna atoyo laklohokoko monno enne elmuleka haloko.
\v 11 Enna atodanga mbanna iceya papdahanna Paulus, ndiyo ngarrakehe aplohoko takki wango pneghen Likaonia, “Ngarrakehe Dewa mengeke mbaburru ehlimada ellapduna yica ellaprupwuna topiya!”
\v 12 Atodanga nenne paptakki Barnabas mereke Zeus monno Paulus mereke Hermes henyaka ndiyo ellapdukinni takki.
\v 13 Imam Dewa Zeus, ella Kuillonno enni laknellek kota, el ngandiya anna lembu ghobbo monno anna bunga elmbinya tamana a kota. Ndiyo monno atodanga bengo wongo persembahanna kurbanna elbarana Paulus monno Barnabas.
\p
\v 14 Ndimoko, ebhenyaka enne rasul Barnabs monno rasul Paulus mbanna rongoyo tutunna, ndiyo ngarrakehe aterikoyo akhihida ndiyo monno aplaka tama el lapduda atodanga, monno akyokongoko,
\v 15 monno atakiyaka,” Ndungkambu ngarrakehe, penna yemmi ebhemmigamma yama? Yamma weddi topigamma mereke yemmi monno ngandiya liya ndaha elbaramu tanna yemmi kwaliko walli ella janna ndaha monno ebaka elbarana Maramba Allah elmopiro, ella lapdadiya akramba, monno atanna, monno awemahi, monno ngarrakehe el enni eldodolonno.
\v 16 Atu walla murinnya, ndiyo laphallahi ngarrakehe a bangsa lahloko mengewuna knehengngo.
\v 17 Ndimoko, ndiyo janna pahallaya apolton-Na ebjanga hakhiya. Ebhenyaka, ndiyo laplakuyaka eldaha monno elwonniki urra wali lakramba monno wulla wuyo ella papndaha atija monno pahmuyo monno engge atiya.”
\v 18 Hejobodaka ebtakiya ngarrakehe, ndiyo ngarrakehe huha apdukodanni atodanga elwongngo persembahanno kurbanno tutunna ndiyo.
\p
\v 19 Ndimoko, atodanga Yahudi emindi walli ella Antiokhia monno Ikonium, monno mengeke mbalekeya atodanga, tanna ndiyo ngarrakehe agheghuya watu Paulus monno angandiya lohho ellakneleko kota papngada elmatika Paulus.
\v 20 Ndimoko, ehmuriconno aklilingini Paulus, ndiyo eldede monno elbaliya tama elkota. Enna lodowalinya, ndiyo otiniki marengendi Barnabas el Derbe, mbalihi elkota Antiokhia elkalbatu Siria
\p
\v 21 Mengeke ndiyo ngarrakehe mba ndukinni a Injillo el kota monno mengeke mbap pamdangani a murico, ndiyo ngarrakehe awalihi el Listra, monno el Ikonium, monno el Antiokhia,
\v 22 tengered mbap ghahi eh ndewada eh muriconno, elwonni paghahi ndiyo ngarrakehe tanna atekunno el atiwaja, monno atkiya ebhenya yica mbata tamma ella Kerajaannono Maramba Allah walli ella lakriyo.
\v 23 Tenggeren Paulus monno Barnabas mbanna pahundoni elbarda penatua ngarrakehe ndiyo ella barada jemato, menge mbahbayango monno mbapuaha, ndiyo ngarrakehe pakrakanniki elbarada penatua elladapanna Miorri, elbaran-Na ndiyo ngarrakehe menge mbawani.
\p
\v 24 Ahmurinnya, ndiyo ngarrakehe alangani Pisidia monno aduki ella Pamfilia.
\v 25 Menge, tenggeren ndiyo ngarrakehe mba burru ella Atalia.
\v 26 Walli eja nonno, ndiyo mba otindi ella Antiokhia, padoda ndiyo ngarrakehe menge pakrakinni elbarana Maramba Allah tanna apghilli pahmengede.
\p
\v 27 Tenggered ndiyo mba duki monno amkaha engendi ehjemaato, ndiyo ngarrakehe atakki keheya apap ndadinnya Maramba Allah elbarada ndiyo ngarrakehe monno penwenaka ndiyo mmbanna menge mbungkereya mbinnya atiwaja enna bangsa-bangsa heken.
\v 28 Monno, ndiyo ngarrakehe adoyo engendi ehmuriconno lamdeya.
\c 15
\cl Pasal 15
\s Amkaha elkota Yerusalem
\p
\v 1 Ahmurinya, enna akwadikongo atoyo burru walli ella Yudea monno paknekindi eh ndungkambuda atiwaja,” Ebhenyaka yemmi japa sunato elmere adatonno Musa, yemmi indi dadi pahlamataghimmi.”
\v 2 Menge, eldadika ahmerengandungo ella bokollo enna Paulus Monno Barnabas monno ngarrakehe atoyo el endi, ndiyo ngarrakehe awotohoko tanna Paulus monno Barnabas, monno ehpircoyo walli ella ndiyo, tanna detengo el Yerusalem tanna atobokoyo eh rasul monno ngarrakehe eh penatua apghenni enna masala.
\p
\v 3 Monno, mengeke mba lataya eldodolonno elarra eh jemaato, ndiyo ngarrakehe alangani Fenisia monno Samaria tengered mbap neghengo tututnna akwalikonno abangsa -bangsa hekenna, monno enetu pap engge ati engengoyo eldungkambu atiwayo.
\v 4 Tengered ndiyo mba duki el Yerusalem, ndiyo ngarrakehe ahimbohi a jemaato ngarrakehe, eh rasul, monno eh penatua, menge ndiyo ngarrakehe atakiya tutunna ngarrakehe epap dadinna Maramba Allah walli eldiyo ngarrakehe.
\v 5 Ndimoko, enna atoyo lahwakongngo walli ella golongan Farisi elmenge mbanna wani eldede monno eltakiya, “Elmbaningo tanna elsunata ndiyo ngarrakehe monno tanna apreteya ndiyo ngarrakehe monno anomotoyo ahukum Musa!”
\p
\v 6 Ehrasul monno Penatua aptobokongo enge tanna apneghenni enna masala yiya.
\v 7 Menge mbah merengandungo lamloyo ononno, Petrus eldede monno lapneghen elbarada ndiyo ngarrakehe, “Ndungkambu, yemmi peghinni atu doyo Maramba Allah mengeke mbanna pandahaya papede elbarammu monno walli ella ghobonggu, bangsa-bangsa hekenna elrongoyo liya injillo monno awaniki.
\v 8 Monno, Maramba Allah, elpeghenni a atinya atopiya, el menge hakhiya elbarada ndiyo ngarrakehe papwonngo Ndewa Mbihana elbarada, mereke eldadi paplakun-Na el yica,
\v 9 monno Ndiyo janna plihekinni elbarada yica monno ndiyo ngarrakehe, mengeke Ndiyo mbanna mbihaya attitja ndiyo walli ella atiwaja
\v 10 Hennenne, penne yemmi ebkabinni Maramba Allah ebbondoloyo akuk elboto elkoko ehmurico eldaha, ambunuhinja ato yica, janna perna mbanna makanga holihi?
\v 11 Ndimoko, yica wani monno yica pahlamatanna walli ella anugrahanna Miorri Yesus, mereke ndiyo ngarrakehe weddi.”
\p
\v 12 Ahmurinya, ngarrakehe amkaha atoyo akdanna monno rongoyo Barnabas monno Paulus, tenggerena ehto duyo rasul eltakiya ngarrakehe tandana monno amujizato menge papdadinya Maramba Allah walli ella ndiyo ngarrakehe ella bangsa-bangsa hekenna.
\v 13 Menge ndiyo ngarrakehe adukkaka apnegheng, Yakobus elwoloyo, “ndungkambu, rongngogo yaya.
\v 14 Simon menge mbanna wongo takki penne wennaka Maramba Allah walli enna akwungana mbanna kaharani enna bangsa-bangsa heken, tanna adekeyo walli ella bangsa nenne tutunna a umato elngaran-Na.
\v 15 Etabkida ngarrakehe eh nabi apahwungoko, mereke elamturoho,
\q1
\v 16 Mengeke yiya, Yaya emme mbalingga, monno kubkedaya mbaliya Kemah Daud elbappa. Yaya kubkedeya mbialiya enna ngarrakehe, monno Yaya kubgalluya,
\q1
\v 17 tanna umato atoyo eldopongo lakdabaya Miorri, monno ngarrakehe bangsa hekenno akwollondi walli ella ngarang-Gu, ella plakuya ngarrakehe yiya,' linya Maramba Allah, epaplakukehena yiya, \rq Amos 9: 11-12 \rq*
\q1
\v 18 mengeke ebpeghenni walli ella akwungana. \rq Yesaya 45:21 \rq*
\p
\v 19 Menge, yaya yini paptakinggu henenne yica tata jappa huhaya atodanga wali ella bangsa-bangsa hekenne el menge lakwaliko elbarana Maramba Allah.
\v 20 Ndimoko, yica tata turohoyo elbarada ndiyo ngarrakehe tanna amronni apoltodda walli ella doho ndanga monno marapu, monno walli ella doho seksual, menge walli ella payaka eldadi papkelehe, monno walli ella rutta.
\v 21 Ebhenyakaa, wallmurinya atu ullu, Musa mengeke mbanna donni, enna ahwadikong eh kota, atodanga menge mbanna padukinni monno abacaka el umma mbihana enna sabato.” Huroto ellahdapadda ato elwani indi Yahudihi
\p
\v 22 Menge, apngadani ndaha walli ella eh rasul, monno penatua, monno ngarrakehe eh jemaato, apendehi atodanga walli ella atoyo pap ptumbongo ella Antiokhia olena Paulus monno Barnabas. Ndiyo ngarrakehe aptumboni Yudas epaptakki Barsabas, monno Silas, eh ngarrakehe pemimpinno walli ella ndungkambu atiwayo,
\v 23 monno ndiyo ngarrakehe aturoho huroto wango limmada ndiyo ngarrakehe, henyonaka: “Walli ella eh rasul-rasul monno penatua-penatua, ndungkambu atiwmu, elbarada ngarrakehe ndungkambummu indi Yahudihi ella Antiokhia, monno Siria, monno Kilikia, Salam!
\pi
\v 24 Menge yamma mengeke mbamma rongoyo monno enna ahwadikongo atoyo walli ella yamma, elbarada ndiyo yamma jamma wondi prete, menge mbamma gangguhi walli epap negheda ndiyo enna pamkede wana apngadamu,
\v 25 hennya yiya papngada ndahangoyo walli ella yamma, menge mba pahwungo, tanna apendeya atodanga monno tanna aptumbondi ndiyo elbarammu engendi eh ndungkambu m yamma enna pamnoworongo, Barnabas monno Paulus,
\v 26 ella pakrakinni amopironno el ngaranna Miorri, Kristus Yesus.
\v 27 Ebhenyaka henenne, yamma mbapatumbondiki Yudas monno Silas, ndiyo mengngewuyo latakkiya langngani tutunna ngar ap etu.
\v 28 Monno, rehijaha eb enni Ndewa Mbihanna monno walli elyamma tanna mbammama mbotiya elboto elpannumu elrehi boto walli ella perluyo yiya,
\q1
\v 29 mbanna yemmi lamroyo apoltommu walli elle menge persembahannonno ella berhala, monno walli elrutto, monno payaka walli ella mati paphekele, monno walli ella doho indaha. Ebdaganniki apoltommu knehengngo wallli eljanna ndaha, yemmi laplakuya eldaha. Lundulappa bapdukinngo.”
\p
\v 30 Menge ndiyo ngarrakehe mbakreyo mbali, ndiyo ngarrakehe a burru ella Antiokhia, monno mengeke mbakahahi eh jemaato, ndiyo ngarrakehe pakrakinniki ahuroto.
\v 31 Eh todaganga elwani pahbacada, ndiyo ngarrakehe engge ati mbanna mbaphiburwuda.
\v 32 Yudas monno Silas, enne ndiyo ngarrakehe knehengo ndidoyaka nabi, lapdiyoko monno lapghahindi ehdungkambu atiwanya menge ebtakida.
\v 33 Monno, mengeke ndiyo ngarrakehe edoyo enonnono tanna enna waktunana ahwakengngo, atodanga elwani etu aphallahi ndiyo tanna a mbali engge ati elbarada atodanga pahmenge paptumbongo ndiyo ngarrakehe.
\v 34 [Ndimoko, rehijaha wena Silas tanna endiyo adoyo ennonno.]
\p
\v 35 Ndimoko, Paulus monno Barnabas andoyo ella Antiokhia, tenggeren paknekengngo linnya Miorri olendi ehtodanga hekenne weddi. Paulus monno Barnabas apheghe
\p
\v 36 Enne pirraya loddo, Paulus lapnegheng elbarada Barnabas, “Ayo yica tatmbali monno tatdukindi ehdungkambunda atiwayo elkota, epapdoyo papnukingngoyo linnya Miorri tanna iceya penwenna keadaannonno ndiyo ngarrakehe.”
\v 37 Barnabas elbengo lekeya weddi Yohanes lakwolloni Markus.
\v 38 Ndimoko, Paulus lapngadani monno janna hennya paplekeya atoyo tutpamdalangihi ndiyo el Pamfilia monno indi otu engendi ndiyo ngarrakehe papghiling.
\v 39 Ndika, eldadika ahmerengandungo ellakki monno ndiyo ngarrakehe aphegheka ihto-ihto. Barnabas elngandi olenni Markus monno amrengnge elkalbatu Siprus,
\v 40 Ndimoko Paulus elpendeya Silas monno otinni, mengeke pakrakinni walli ella eh ndungkambuda atiwaja walli ella anugrahan Miorri.
\v 41 Monno, ndiyo el langngani Siria monno Kilikia tenggered mabpa dendeya ehjemaato.
\c 16
\cl Pasal 16
\s Timotius El olenni Paulus monno Silas
\p
\v 1 Paulus weddi el emenni el Derbe monno Listra. Monno, icebaka enni lahtoyo muriconno ennonno, ngarana Timotius, ana walli ella lahtoyo warecoyo Yahudi el menge wanni, ndimoko a bapanna walli ella toyo Yunani.
\v 2 Ndiyo apeghenni ndaha eh ndungkambu atiwayo el Listra monno Ikonium.
\v 3 Paulus elbengo Timotius otinni engeni, monno ndiyo el lekeya monno tanna sunataya walli atoyo Yahudi eldoyo elkalbatu nonno. Ndika, ndiyo ngarrakehe apeghenni monno a mbapanna walli ella Yunani.
\v 4 Tenggered ndiyo ngarrakehe mbah loko langngani eh kotadanga, ndiyo apdukinni ketentuan-ketentuan tutunnna atoyo elwani tanna awani, eh menge papwotoho eh rasul ngarrakehe monno eh penatua el enni el Yerusalem.
\v 5 Monno, eh jemaato papdende eldodolo walli atiwayo monno ajumladdo ndiyo lamtumbo ndeloko-ndeloko. Maramba Allah lakwulloni Paulus el Makedonia
\p
\v 6 Menge, ndiyo ngarrakehe otindi alangandi awilayah Frigia monno Galatia menge ahadinni walli Ndewa Mbihana tanna atkkiya linnya el Asia.
\v 7 ebaduki el Misia, ndiyo ngarrakehe a berusaha otindi el Bitinia, ndimoko Ndewa Yesus janna bengngo ndiyo ngarrakehe.
\v 8 Monno, menge mbalangani Misia, ndiyo aburru el Troas.
\v 9 Enna pamnurrada elhunda elbarana Paulus enna hudanna. Lahtoyo walli el Makedonia tenggere dededa monno akreyo elbarana, wenaka,”
\v 10 Menge Paulus mbanna Iceya amnurrana etu, yamma berusaha tanna malewer otu el Makedonia, menge pahwunniki ebhennya Maramba Allah menge mbakwullagamma yamma tanna mbampadukinni a Injillo elbarada ndiyo ngarrakehe.
\s Amghiliana Lidia
\p
\v 11 Ebhenyaka, menge mbakalete kapallo walli ella Troas, yamma langangaka el Samotrake, monno enna loddona otu el Neapolis,
\v 12 monno walli eja el Filipi, a kota ullu walli ella kalbatu Makedonia monno lahwuya kota jajahannonno Roma. Yamma eldoyo elkota pirraya alodo.
\p
\v 13 Menge, enna loddo Sabato, yamma otugamma ellaknellek mbinnya tamma kota laotu ella tillu lokoweyo, lapdoyo enne yamma mbamma pangadanga tanna ennonno engo pandoyo hambango. Monno, yamma lodo monno mamma pangheng engendi ehrawicoyo eltenggeren mbamkaha.
\v 14 Lahtoyo waricoyo elngarango Lidia, walli elkota Tiatira, lahmahango kamba ungu pamlanguwongoyo Maramba Allah. Miorri elbungkereya atinya tanna lakharanga payaka Paulus paptakinna.
\v 15 Monno, menge Lidia monno ngarrakehe atodanga eldoyo el ummana lap ihohiki, ndiyo lakreyo elbarama yamma, wenaka,” Henyaka yoyo eb anggapangga yaya elwani lapghahi elbarana Miorri, eme mbamuku el ummanggu monno ndobaka ennonno.” Monno, ndiyo laphahagamma yamma. Paulus monno Silas el Gallu
\p
\v 16 Tenggeren, yamma mbamma otugamma el lapdoyo pahbango, lahtoyo a ata warcoyo, eldongo ndewa pamnurruwongo eltobokogamma yamma. Ndiyo elngandi utudanga elbarana abohonno walli ella lamnurrana.
\v 17 Enna warcoyo elnomotoyo Paulus monno yamma mamma kyokongoko, “Yiya atodanga atanna Maramba Allah lamdete akwuahanna, ellapdukinni lara pahlamatowamu!”
\v 18 Ndiyo lakrohi aplakuya pirraya alodo. Paulus, elbani langtakka, lakwaliko monno lapneghengoko elbarana enne ndewa, “Yaya kupretenggu yoyo elngarana Kristus Yesus lohobaka walli ella ndiyo!” mengeke, enne ndewa lohhoko, nenne waddi.
\p
\v 19 Ndimoko, ngarrakehe eh bohonno iceya mbanna bengo ndiyo ngarrakehe wonni utu jangako, ngarrakehe adogolloko Paulus monno Silas, monno atinguka ngandiya ellap doyo umummo lahdapada enna kwuahaya.
\v 20 Monno, tengeren ndiyo mba ngandiya Paulus monno elbarada Hakim-hakim katakku, ndiyo ngarrakehe apneghengoko, “Yiya atoyo ndidohiki atoyo Yahudi monno tenggered mbap kacoyo yiya kotanda yica.
\v 21 Ndiyo ngarrakehe papkenniki a adatto el janna ghenne elbaranda yica himbaya ato plakuya mereke toyo Roma.”
\v 22 atodanga elkedde kehe a gabbani Paulus monno Silas monno ngarrakehe eh hakim kota atirrokoyo hakhihida Paulus monno Silas, monno apretehiki ndiyo tanna paluhi ehtoduyo wandi tokko.
\v 23 Mengeke engepadda mbapaluhi Paulus monno Silas wango danga palu, ndiyo ngarrakehe agheghuhi elgallu ndollo monno apretihi el kattakku gallu tanna Paulus monno Silas adagindi ketattindi.
\v 24 Mengeke mba himbahi pretetda, ehhakkatakku gallu aptammadikki Paulus monno Silas el gallu ndollo monno aptannihi ehwitija ndiyo wango blenggu.
\p
\v 25 Enna kira-kira amdehudda, Paulus monno Silas tenggero habaja monno alodo lodonni Maramba Allah, monno eh toyo el gallu dollo weddi arongohi ndiyo.
\v 26 Menge, radangoko eldadi agempa elbokollo monno apondahi lamgedengoko. Monno, radangoko ngarrakehe eh mbinnya monno enna blenggu ngarrakehe atoyo elgallu ndolo mbanna phallingo.
\v 27 Enna Katakku gallu elkedde monno el iceyaka eh mbinya ngarrakehe a gallu am mbungkereke, ndiyo elkahukyaka a mbanda monno hodipika papwunu wuwanna enna poltonna ndiyo lapngadani ngarrakehe eh toyo gallu aplaka ngarrakeheke.
\v 28 Ndimoko, Paulus lakyokon wahingoko, “Ambu mbahayanni apoltommu monno yamma yigamma yiyo!”
\p
\v 29 Ahmurrinya, akkatakku gallu lakreka lampu monno laplaka tama, menge tenggeren mbanna kadandaka, ndiyo ella sujutokko ellahdapanna Paulus monno Silas.
\v 30 Mengeke netu, ndiyo elngandihiki ellaknellek monno lapneghengoko, “Mboho-mboho, payaka paplakunggu tanna kuhlamatawango?”
\p
\v 31 Monno, ndiyo awolohoko, “Wabiniki elngaranna Miorri Yesus monno yoyo ahlamatgukku, yoyo monno ngarrakehe atodanga el enni el ummamu.”
\v 32 Ahmurrinnya, Paulus monno Silas apdukinni Linnya Miorri elbarada haktakku gallu monno ngarrakehe eh toyo el enni dollono ummada.
\v 33 Mengeke, ndiyo elngandihi Paulus monno Silas, enne hudana, monno enna alokihi hamnughada ndiyo ngarrakehe, menge ndiyo monno el bara olena leceka ab ihohi.
\v 34 Ahmurrinnya, aktakku gallu angandihi Paulus monno Silas el ummana monno awondiki muyo. Monno, ndiyo hek engge atija, menge ndiyo ngarrakehe atoyo el endi el ummana a waniki Maramba Allah.
\p
\v 35 Ndimoko, enne ndijoro lodona, eh hakim-hakim kota aptumbondi enna hakpliha, monno apneghengoko, “Pahallabahiki enna nahtoyo!”
\p
\v 36 Monno, aktakku gallu lapdukinni elbarana Paulus, eltakkiyaka, “Hakim-hakim kota menge laptumbondi tanna aphalanggu. Ndidoka nene, pahallabahiki hennene monno otubaguku ella engge ati!”
\p
\v 37 Ndimoko, Paulus lapneghengoko elbarada ndiyo, “Atodanga el menge pallugamma yamma ellahdapanna el umummo, janna maranda, atodanga ndidoyaka atoyo elnegara Roma, monno abetugammaka elgallu ndollo. Menge, penne hennene ndiyo mbaplohogamma hiwenge? Joddo! Hobadaka ndiyo kneheng a emmendi monno aplohoghamma yamma.”
\p
\v 38 Enna hapliha apdukinni ebtakida elbarada enne hakim-hakim kota. Ndiyo ngarrakehe akbohinni mbarongoko Paulus monno Silas ebtohi walli ella Roma.
\v 39 Monno, ndiyo ngarrakehe emindi monno akreyo maaf ella barada Paulus monno Silas. Mengeke ndiyo ngarrakehe mbaplohohi Paulus monno Silas, ndiyo akreyo tanna ehtoduyo amdallani enna Kota.
\v 40 Menge, ndiyo ngarrakehe alohho walli el gallu monno tamma el ummana Lidia, monno ndika ndiyo ngarrakehe a iceya eh ndungkambuna atiwango, Paulus monno Silas apghandiki eh atija ndiyo, menge a otindiki.
\c 17
\cl Pasal 17
\s Paulus monno Silas el Kota Tesalonika
\p
\v 1 Enna lodopahdapango, enne Paulus monno Silas menge mbalangi Amfipolis monno Apolonia, ndiyo adukika el Tesalonika, el engo umma mbihanna Yahudi.
\v 2 Menge, enne mbiahana Paulus, ndiyo eltama elbarada, monno enna tallu lodo sabat apneghengoko ndiyo walli ella Huroto Mbiha,
\v 3 tenggeren mbatakiya monno awondi bukti ebhenya Kristus tanna lakriyo monno eldetengo walli eltomati, enne atakkiya, “Yiya Yesus, el tenggeren patdukinggu elbarammu, ndidoyaka Kritsus.”
\v 4 Menge, enna ahwadingoko walli ndiyo ngarrakehe wondi paghahi monno ahbolong engendi Paulus monno Silas, olendi ehtodanga Yunani akbohinni Maramba Allah monno indihodipidandi eh warcoyo dol oro.
\p
\v 5 Ndimoko, atoyo Yahudi aknoreke ati monno alekihiki enna pirra coyo indaha enne tukongo haloko ellapdo umummo, ndiyo ngarrakehe a kahahiki atodanga monno apndahaka indaha elkota, menge a serangniki enne ummana Yason tenggered mbakdabaya Paulus monno Silas tanna angandihya aloho el todanga.
\v 6 Tenggered ndiyo mbatobokoyo Paulus monno Silas, ndiyo atinguya Yason monno eh pirracoyo ehndungkambu atiwayo ellahdapada ehtobokollo kota, menge akyokongo,” Yiya atoyo, abkacaucoyo adunia, menge a emindi yiya.
\v 7 Monno, Yason ahimbaya ndiyo ngarrakehe, monno ndiyo ngarrakehe aplakuya gabbani Hukum Kaisar monno atikaya enni tokko, ndidoyaka Yesus.”
\p
\v 8 Atodanga monno ngarrakehe tobokollo el kota akbohiki mbarongoyo tutunna netu.
\v 9 Monno, mengeke ndiyo ngarrakehe ahimbaya enna jaminanno walli Yason monno enna akweadingo, atodanga aphallahiki. Paulus monno Silas Otindi el Kota Berea
\p
\v 10 Ndungkambu Atiwayo leca aptumboni Paulus monno Silas, enna hudana, el Berea, monno tenggered ndiyo mbaduki, ndiyo a otindi el umma mbihana ato Yahudi.
\v 11 Ato Yahudi ennonno rehijaha ati walli ella atodanga el Tesalonika monno ndiyo ngarrakehe ahimbaya alinya Miorri enna semangata lantak, monno tengered mbakaharani enna Hurotu Mbiha ndeloko-ndeloko tanna apeghewani elghenne.
\v 12 Ebhenyaka, ndanga wali ndiyo awani, termasuko enna warcoyo monno kabani Yunani eldoro orro eljanna ndanga.
\v 13 Ebhenyaka, enna atodanga Yahudi el Tesalonika apegehinni mbanna linnya Maramba Allah ebtakkida Paulus el Berea, ndiyo ngarrakehe weddi a otindi el Berea tanna akedindi monno tanna jakdanna atija atodanga.
\v 14 Menge, alecaka, eh ndungkambun atiwayo aptumbonni Paulus otinni duki ella wemahi, ndimoko Silas monno Timotius engdoda enenne.
\v 15 Atodanga el olenna Paulus angandiya nduki ella Atena, monno menege mbahimbaya liya walli Paulus tanna Silas monno Timotius lecca a emindi, ndiyo ngarrakehe Otindi. Paulus el kota Atena
\p
\v 16 Tenggeren Paulus mbanna magandi ndiyo walli ella Atena, ndewanna elrahaya huha elpoltonna mbanna icehi elkota mabannu mbipatung berhala.
\v 17 Ndidoka, ndiyo paptukarra wana pangadanga el umma mbiha eh todanga walli ella bangsa hekenne lahbohinni Maramba Allah, monno eldonna a umummo, ndelokonno, eb endi atodanga nenne.
\v 18 Ehpirra coyo topeghe pangadanga walli klompok Epikuros monno Stoa waddi apnegheng engeni. Monno, ehpircoyo atakiyaka,” Payaka ebtakinna toboleto yiya?” Enna ahwadikong etakkiyaka, “Henyaka, ndiyo henenne ndidoyaka lahtoyo lapdukindi ehlija eh ndewa jahpegheng,” mbanna ndiyo lapdukinni alinya Yesus monno enna amkeketonno.
\v 19 Menge, ndiyo ngarrakehe alekihi monno angandihi ella Areopagus, monno tenggeren Mbapnegheng, “Ndadi yamma mbampeghinni ehpakneken elbaru payaka elyoyo papdukimmu?
\v 20 Ndika, yoyo tenggeren ebngandihi enna ahwadingoko pamngoroh ndengengo roktillum yamma. Yamma mbengo peghinni payaka ehmaksudtummu tutunna ngarrakehe ab etu.”
\v 21 (Enna netu, ngarrakehe atoyo Atena monno atodanga jahpeghen enna adoyo ennonno elbiahani hamengeni awaktuda ndiyo ngarrakehe monno japlakuya payaka ebtakida monno arongoyo elbaru.)
\p
\v 22 Ndika, Paulus eldende elapduda Areopagus monno eltakiyaka,” Hai atodanga Atena, yaya lakharani ngarkehe ap etu monno yemmi tokko agamamim.
\v 23 Ndimoko, enne yaya tenggeren mbakku klilingini monno kuharani eh papsembahbammi, yaya weddi kutobokoyo enna lahwuyo a altara lamturuho yiya, 'ELBARANA ALLAH JAHAPEGHENG.' Ebhenyaka, payaka yemmi papsembahmbammi eb indi peghenni, ndidoyaka ebtakinggu elbaramu.
\v 24 Maramba Allah lapdadiya apannu tana monno ngarrakehe el enni eldolonno, mbanna Ndiyo ndidoyaka Miorri akramba monno apannutana, janna ndoyo el ndodollon enne hakreke papdahana limma topiya,
\v 25 ndiyo weddi janna layanni walli ella limana topiya, ndiyo ranggaka benyani enne hodi walli el Ndiyo kneheng monno awonni elbarada apgarrabaniki elmopirro, monno ahungoto, monno ngarkehe ap etu.
\v 26 Monno, Ndiyo lapdadiya, walli ellahtoyo, ngarrakehe abangsa umata topiya tanna adoyo el pannu tanna yiya, menge eb engdihi musim-musimmo monno ebdodukkana ebdomopirroddo ndiyo,
\v 27 tanna ndiyo akdabahi Maramba Allah, monno ebhenyaka ndiyo ngarrakehe angoleya atodoyo monno atobokoyo Miorri ebhennya Ndiyo janna maroyo walli ella yica ngarrakehe.
\q1
\v 28 Nimoko, eldolonno Ndiyo, yica mopirro, ahguniki, monno enni. \rq Ayub 12:10 \rq* Merek weddi pujangga-pujanggamu kneheng eltaki, 'Ebyica weddi henenne ndidoyaka walmurin-Nya.'
\v 29 Ebhenyaka, yica ndidoka walmurinnya Maramba Allah, yica ndika janna pangadani monno keadaannonno Ilahi mereke ndoka, ato Perak, ato watu, lahmeremwuna papdadinnya walli ella papghilinna monno papngadana topiya.
\v 30 Ebhenyonaka, menge mbaphallahi enne loddo pakbangnga angengoya, hennene Maramba Allah atakiya ngarrakeheni enna atoyo ndanga ebdongarrakehen tanna lamghilla,
\v 31 mbanna Ndiyo menge mbanna pendeya enna loddo monno ndiyo tanna elhakimini patannu tana eldolonnono elghenne walli ella lahtoyo elmenge pahpende-Na, menge Ndiyo elwonni buktinno elbarana ngarrakehe atodanga elkeketoyo Atoyo netu walli ella tomati.”
\p
\v 32 Monno, ndiyo ngarrakehe arongoyo tutunna a Ndetonno walli ella tomati, enna pirracoyo ellakwungoni neneya, ndimoko enne ahwadingoko atakiyaka,” Yamma mbengo rongogum yemmi tutunna yiya.”
\v 33 Mokko, Paulus otinni walli ella lapduda ndiyo ngarrakehe.
\v 34 Ndimokko, enna ahwadikongo atoyo ahbolongoko elbarana monno enne waniki, ewedinni Dionisius, olenna Areopagus, monno lahtoyo warcoyo elngarango Damaris, monno enna ahwadikongo atoheke el oleda ndiyo.
\c 18
\cl Pasal 18
\s Paulus el Kota Korintus
\p
\v 1 Mengeke ta etu, Paulus lamdalaniki Atena monno otiniki el Korintus.
\v 2 Monno, Paulus eldukidikki atoyo Yahudi elngarango Akwila, walmurinya Pontus, mbudukinnya walli ella Italia merengendi arwennya, Priskila, karna Klaudius menge mbanna preteya ngarrakehe atoyo Yahudi madalanni Roma. Paulus el eminni elbarada ndiyo ngarrakehe,
\v 3 monno karna ndiyo ngarrakehe engo pakghilija elmereke, Paulus eldo engendi monno lapghili engendi ndiyo pandaha kombongo.
\v 4 Monno, Paulus el wongngo pangadanga el umma mbihana ndeloko-ndeloko loddo Sabat monno elberusaha tanna apghahhi atodanga Yahudi monno Yunani.
\p
\v 5 Ndimoko, enne Silas monno Timotius aburru walli ella Makedonia, Paulus lakwungoni pahrakinni apoltonna tanna lapdukinni alinnya Miorri, tenggeren mbanna hakhiya topinja elbarada atodanga Yahudi mbanna Yesus ndidoyaka Kristus.
\v 6 Ndimoko, enne ndiyo ngarrakehe agabani monno atolonni Paulus, ndiyo laphallihi hakhihinya monno lapneghengoko elbarada, “Ruttumo enni ella kattakumu mengwumu! Yaya kuhinguru. Kwungana henenne monno landulappa eme, yaya ku otungga elbarada eh bangsa-bangsa heken.”
\v 7 Ahmurinnya, ndiyo lamdallanniki abdonna monno el otinikki el ummana el ngarango Titus Yustus, enna toyo indi Yahudiya laktambani Maramba Allah, el ummana enni lahbalinya Umma mbiha.
\v 8 Krispus, katakku Umma mbiha, elwaniki el Miorri monno ngarrakehe atodanga eldoyo el ummana, monno atodanga Korintus el mengeke mbanna rongoyo Paulus elwaniki monno ab ihohiki.
\p
\v 9 Menge, Miorri lapneghengoko elbarana Paulus enne hudana walli papicena,” Ambu kabohi, ndimoko engebamuku mubnegheng monno ambuhiwemu,
\v 10 karna Yaya engenggengge elbaramu monno jango lahtoyo elgabbagu tanna pakrighu yoyo karna endi eh umatang-Gu hekdangada yiya elkota.”
\v 11 Mokko, Paulus eldoyo ennonno lahdoyo numwulla, tenggeren mbanna pakneken linnya Maramba Allah elbarada ndiyo. Paulus lahdapanna Galio
\p
\v 12 Ndimoko, enne Galio elah ndadi prokonsul Akhaya, atodanga Yahudi enne pahwungo ati akedde gabbani Paulus monno a ngandiya ellah lahdapanna krohi pengadilanno,
\v 13 monno atkiayaka, “Yiya toyo tenggeren mbapengaruhi atodanga tanna aktambani Maramba Allah elgabani hukum Taurat.”
\p
\v 14 Ndimoko, enne Paulus hodipika epambungkerwana aghobana, Galio lapngehengoko elbarada atodanga Yahudi, “Enna yiya ndidoyaka enna masala langgaroyo ato indaha lantakka, hai toyo Yahudi, yaya patutu mbaku tangunggunni enna masalamu ebtakimmu.
\v 15 Ndimoko, ebdiyaka yiya masala tutunna ebtakimu, monno eh ngara nanga, monno enna hukummu knehengmu, uruhmbayaka apoltommu knehengmu. Yaya jakku wawa ndadi hakim tutunna yiya masala.”
\p
\v 16 Menge, Galio el hokohiki ndiyo ngarrakehe walli ella ruangannono pengadilan.
\v 17 Mengeke ta etu, ndiyo ngarrakehe adogolloko Sostenes, katakuna umma mbiha, monno apaluka ellah lahdapanna ruanganno pengadilan. Ndimoko, Galio janna kahariniki tutunna nenne. Paulus elbalika Kota Antiokhia
\p
\v 18 Mengeke ta etu, Paulus eldoka pirralodo, menge lakreka mbali engendi eh ndungkambuna atiwanya monno otindi el Siria, olena Priskilla monno Akwila. el Kengkrea, Paulus mengeke mbanna gutiya alogenna karna ndiyo mengeke mbanna pandaha parahingngo.
\v 19 Ahmurinya, ndiyo adukika el Efesus monno Paulus lamdalaniki Priskila monno Akwila anonno, ndimoko ndiyo knehen eltama el umma mbiha monno lahmbaghingoko pangadanga el toyo Yahudi.
\v 20 Ebtenggeren ndiyo ngarrakehe mbareyo Paulus tanna eldoyo lamdeyo, Paulus janna wawa,
\v 21 ndimoko lakreyo elbarada mbali monno lapneghengoko, “Yaya eme mbialingga elbarammu mbanna wonggo kesempatanno Maramba Allah.” Monno, ndiyo el otiniki walli ella Efesus
\p
\v 22 Mengeke ndiyo mbanna mburu el Kaisarea, ndiyo eldetengo monno elwondi salam elbarada jemaato, menge elburru el Antiokhia.
\v 23 Monno, mengeke mbanna hamengeni pirra lodo enonno, ndiyo lamdallaniki abdona monno laklilingniki lahwuyo abdoyo la otu labdoheke elkalbatu Galatia monno Frigia, tenggeren mbanna wondi paghahi eh muriconno. Apolos el kota Efesus monno el kota Korintus
\p
\v 24 Enna lodonna, enni atoyo Yahudi elngarango Apolos, walmurinnya Aleksandria, eminni el Efesus. Ndiyo ndidoyaka lahtoyo tokollo elpeghe monno eldicoko elhuroto mbiha.
\v 25 Yiya atodanga mengeke mbanna paknekindi tutunna alaranda Miorri monno lahmangata el ndewana. Ndiyo lapneghengoko monno pakendi pendelangtakaya tutunna Yesus, ndimoko ndiyo dukpegenaniki tutu pah ihana Yohanes.
\v 26 Ndiyo lakwungoni apnegheng brubuk el umma mbiha, ndimokko en Priskila monno Akwila arongoya, ndiyo ngarrakehe atinguya ella lakrahan monno elwonni pangadanga elbarana laranna Maramba Allah lamlewere.
\v 27 Monno, enne Apolos el mbengo langani el Akhaya, ndungkambu atiwayo lapghani monno el turohoyo elbarada eh muriconno tanna elhimbaya patta eminni. Enna mbanna duki ndiyo, ndiyo ndanga mbanna bantundi ndiyo ngarrakehe walli ella pamnoworonno el wanniki,
\v 28 karna ndiyo eltonggoro mbanna gabbani atodanga Yahudi elladapanna umummo, tenggeren mbanna pahundonni Huroto Mbiha monno Kristus ndidoyaka Yesus.
\c 19
\cl Pasal 19
\s Paulus el Kota Efesus
\p
\v 1 Enne yiya eldadi, tenggeren Apolos enni el Korintus, Paulus el langani enna kalbatu ndolo monno lundulapa el Efesus. Ennonno, ndiyo eldukinni ahwadinkongo ehmuriconno.
\v 2 Paulus lapnegheng elbarada ndiyo ngarrakehe, “Payaka yemmi himbaya Ndewa Mbihana enne yemmi menge ebwani?” Ndiyo awolohoyo, Indihennya, monno yamma jamma perna mbam rongoyo enni Ndewa Mbiha.”
\p
\v 3 Menge, Paulus lapnegheng, “El dodolonno payaka, ahmurinnya, yemmi ab ihogimmi?” Awolohoyo ndiyo, “Edodolon ab ihona Yohanes.”
\p
\v 4 Paulus lapneghen, “Yohanes lap ihohiki wangi web iho lamghilla, menge lapdukinni atodanga tanna el wani elbarana lahtoyo el emini menge ndiyo, ndidoyaka Yesus.”
\p
\v 5 Mengeke ndiyo ngarrakehe mba rongoyo tutunna yiya, ndiyo ngarrakehe ab ihohi elbar ngarana Miorri Yesus.
\v 6 Ahmurinnya, tenggeren Paulus mbanna menge kombokongngo limana eltakkuda ndiyo, Ndewa Mbihana eminni el pannuda ndiyo, menge ndiyo akwungoni atakki enne apnegheng monno apdahaka.
\v 7 Ndiyo ngarrakehe adangada henyaka hakbullu nduda atoyo kabani.
\p
\v 8 Moko, Paulus eltamaka el umma mbiha monno atakkiyaka wango brumbuk enne amdennya tallu wulla, tenggeren mba tukorongngo pangada monno wondi paghahi eldiyo tutunna Kerajaannonno Maramba Allah.
\v 9 Ndimokko, enne pirraya atoyo laptonggorohi eh atija monno jahimbaya ati waja, tenggeren mbatakkiya tutunna el indaha tutunna Alarra enne lahdapanna atodanga, Paulus lamdalinni ndiyo ngarrakehe monno el lekihi eh muriconno otindi, tenggeren mba pahelung pangadanga ndeloko-ndelokonno ellah lahkolo Tiranus.
\v 10 Tutunna yiya engena mbanna haloko enna mandennya duyo doyo hennyaka ngarrakehe atodanga el doyo el Asia arongoyo linnya Miorri, enne todanga Yahudi ato atodanga Yunani. Eh ananna Skewa
\p
\v 11 Maramba laplakuya eldanga Mujizato enne pamngoroho ndengengoyo walli ella limana Paulus,
\v 12 enna hapu limmana ato celemek elperna tondoyo klunlana Paulus elngandiya elbarada tohadu, mokko enna haduda ndiyo ngarrakehe el mohengoko monno ndewa indahada lohoko walli el ndiyo.
\p
\v 13 Nimoko, enne pirracoyo tophoko marapu Yahudi ellahloko klilinngindi elusaha takkiya ngarana Miorri Yesus elbarada atodanga papghenne ndewa indaha tenggero mbanna takki, “Yaya kuhorunggu yemmi elngarana Yesus papdukinnya Paulus!”
\v 14 Pituya anna kabanina Skewa, lahtoyo imam bokollo Yahudi, ellaplakuya.
\p
\v 15 Ndimoko, ndewa indaha elwolohoyo monno eltakiya elbarada ndiyo, “Yaya kudammani monno kupeghenni tutunna Paulus, ndika garranggu yoyo?”
\p
\v 16 Menge, atoyo ella paptamangngo ndewa indaha laklohokok elbarada ndiyo, monno ellak kwuahahiki ngarrakehe ndiyo, monno lapkalahiki ndiyo ngarrakehe monno nebhenya ndiyo mbanna palayo poltonna walli ella umma netu walli ella laklolonno monno lamnugha.
\v 17 Tutuanna yiya elpeghenni ngarrakehe atodanga el Efesus, atodanga Yahudi ato atodanga Yunani. Monno, ndiyo ngarrakehe akbohika monno elngaranna Miorri Yesus engene mba pamlanguya.
\v 18 Adanga walli ella barrada ndiyo eldadi wanni engdiyo mba emindi, tenggeren mbawani monno abdukinni ngarrakehe papghilija ndiyo ngarrakehe.
\v 19 Menge, ndanga walli el ndiyo aperna mbaplakuya asihir, akahahi en huroto ndangada ndiyo monno atunnihi lahdapadda atodanga. Monno, ndiyo ngarrakehe abaghihi awallida eh huroto ndukingo 50.000 kdiduk peraka.
\v 20 Menge, linnya Miorri engenna mbanna mbukullo monno lakwuahaya. Paulus mbanna rencananni Enna ahlokonno
\p
\v 21 Mengeke ngarkehe ap etu, eldolonno Ndewa, Paulus el mbengngo otinni el Yerusalem menge ndiyo mbanna langani Makedonia monno Akhaya, monno lapneghen, “Mengeke yaya eb engga anonno, yaya el iceya Roma.”
\v 22 Monno, mengeke mbap ptumbondi eh toduyo a otindi melayani el Makedonia, ndidohiki Timotius monno Erastus, ndiyo kneheng a ndoyo pirraya alodo el Asia. Demetrius Laphundoni Pahmereng Engngengoyo el kota Efesus
\p
\v 23 Enna lodonno, ennonno eldadi ahmerengngo el janna katappa ellara.
\v 24 Ndika, enni atoyo el ngarrango Demetrius, lahtoyo top ndaha perak, ellapdaha kuil-kuil perak Dewi Artemis, el wongngo padongolewongoyo eljanna hodipiya eltukongo.
\v 25 Eh tukongo en amkaha engendi eh topghilli ella bidangado elmere monno apnegheng, “Ndungkambu ngarrakehe, yemmi peghinni mbanna ndahana yica walli ennya ella perusahanno yiya.
\v 26 Menge, yemmi iceya monno rongoya mbanna, indiwani el Efesus ndimoko ngarrakehe ella Asia, Paulus mengeke mbanna paghahi monno lapdaha ngarrakehe atodanga lakwaliko monno atakiya allah papdahanna atopiya indiwalli ennya lam Maramba Allah.
\v 27 Henenne yiya elbahaya indi hemonoko enna usahanna yica mbanna kabuttuku walli ella inkriya, ndimoko weddi Dewi Artemis ella agungngo janna hodipiya patta mbaghinnya, monno ndiyo, ella sembah ngarrakehe Asia monno a pannu tana, elmuehengngo a ndahanna.”
\p
\v 28 Ndika ndiyo ngarrakehe arongoya atutunna, ndiyo ngarrakehe hekbanija monno akyokongngoko, “Mbokollo Artemis, dewi atoyo Efesus!”
\v 29 Mengeke, a kota a bannuhiki haberengngo monno ndiyo ngarrakehe amlewerro otindi marengnge el umma kesenian tenggeren mba tinguya Gayus monno Aristarkhus, ato Makedonia el ndidoyaka olkede halokonna Paulus.
\v 30 Ndimoko, enne Paulus elbengo otinni el tamma ellap ndunna atodanga, ngarrakehe eh muriconno jap pahallahiki.
\v 31 Monno, eh pirracoyo tobokollo Asia el olkedenna apngandini liya elbarana pandabalinni mbanna takkiya elbaranna tanna janna pakrakinni apoltonna elumma kesenianno.
\v 32 Mokko, enna ahwadikongngo akyokongngoko tutunna hodi wali ella lahwadikongngo, mbanna amkahada el enni dolonno ahberengngo monno ahwadikongngo walli ella ndiyo japeghinni payaka enna alasannonno ndiyo pamkahawada.
\v 33 Enna akwadikongngo atodanga apahwunniki Aleksander monno atodanga Yahudi menge mba tundorin elahdapanna, monno Aleksander el wongngo tandanna wango limmana, ndiyo abengngo olenni lahdapanna atodanga.
\v 34 Ndimoko, ndiyo ngarrakehe apeghinni mbanna Aleksander ndidoyaka ato Yahudi, enna amdennya dubuya enna jammu, ndiyo ngarrakehe akyokongok pahwunga lija, “Mbokolloko Artemis dewi atoyo Efesus!”
\p
\v 35 Mengeke Panitera Kota mbanna pakdannahi atodanga, ndiyo lapnegheng, “Hai ngarrakehe atodanga Efesus, garraniki atoyo elpeghinni el walli ella Kota Efesus ndidoyaka elkadiya kuil Dewi Artemis el agung monno el burru walli lakramba?
\v 36 Ndika, ngarrakehe ap etu janna ndadi indi gabbani.
\v 37 Ndimoko, yemmi menge abngandihi atodanga el emindi yiya, el janna krebe kuil ato el ollokoyo a dewinja yica.
\v 38 Ebdimoko, eb Demetrius monno eh tukongo amrengnge engenni elmenge klanlun elbarana lahtoyo, abungkereka enna pengadilanno monno prokonsul. pawalindiki ndiyo ngarrakehe mba gabbani enne lahtoyo.
\v 39 Ndimoko, en yemmi eb bengo ngarrakehe ap etu, el dadi pahmengengo eldolonno enna prehe walli ella hukummonno.
\v 40 Ndimoko, yica el endi elbahaya tutunna mbapdonnanni enna habereng yiya loddono el jango oronna eb hewana tutunna enne ahberengngo.”
\v 41 Mengeke ndiyo mbatakkiya tutunna yiya, ndiyo pakballaniki enna akwongija atodanga.
\c 20
\cl Pasal 20
\s Paulus Otinni Negara Makedonia monno Negara Yunani
\p
\v 1 Mengeke enna ahberengo mbanna kballanga, Paulus lakwullondiki ngarrakehe eh muriconno, monno menge elwondi paghahi ndiyo ngarrakehe, ndiyo lakreyo mbali elbarada ndiyo monno otindi el Makedonia.
\v 2 Mengeke ndiyo mbanna nonekinni ngarrakehe enna wilayah ennonno monno elwondi pa apingngo, ndiyo eldukki el Yunani.
\v 3 Monno, ennonno Paulus eldoyo amdenya 3 wulla. Ngarrakehe ato Yahudi apdaha lidboleto tutun gabbadanni enne mba bengngo otindi el Siria, ndiyo elwotohoyo tutu mbalija el Makedonia.
\v 4 Paulus a olinni walli ella Sopater walli ella Berea, ananna Pirus, walli Aristarkhus monno Sekundus, walli ella Tesalonika, monno Gayus walli ella Derbe, monno Timotius, monno Tihikus monno Trofimus walli ella Asia.
\v 5 Ndiyo ngarrakehe otindi ulindi monno tenggeren magagamma yamma ella Troas,
\v 6 ndimoko yamma lahloko walli ella Filipi enna mbanna langanga Loddo Mbokollo enne Roti unnanna, monno yamma mbamndoyo emdennya 7 loddo.
\s Lahmatanna Paulus ella Terakhirro el Kota Troas
\p
\v 7 Enna lodo ikhiana lodo padduna, en yamma tenggeren mbam kaha engnge tutunna ahmaghingngo roti, Paulus lapneghengngoko elbarada ndiyo ngarrakehe tanna otindi enna loddo pahdapadda, monno ndiyo pamlonni linnya lundulapa klorrohuda.
\v 8 Enni el ndanga kwarru el pannuna, ebdomma yamma mbamkaha.
\v 9 Monno, ennonno enni en pemuda el ngarango Eutikhus tenggeren mbanna loddona el jendela monno tenggeren manna mandurru hotunna. Menge, tenggeren Paulus lakrohika mbanna panegheng enna ndenya langtakka, ndiyo helwungongo mbanna manduru monno lakbuktu walli ella lahmene aktallu monno ahkottaya tenggeren mbanna mere tomati.
\v 10 Ndimoko, Paulus elburru menge kogolloyo apoltonna elpannuna, monno eldopoya, monno lapnegheng, “Amwihoko enna ndewanna epanniki alara mopirronno elpoltonna.”
\v 11 Eban ndeteng habaling Paulus, mengnge lahbaghingngo roti monno amuniki, ndiyo lapneghengoko elbarada enna waktunna lamdeya, ndukingngo mommollo. Mengeke taetu, ndiyo ellahlokoko.
\v 12 Ndiyo ngarrakehe angandiya a pemuda el mbaliya ella larra mopirronno monno elrahaya elterhibur. Ahlokonno Walli Ella Kota Troas laotu elkota Miletus
\p
\v 13 Ndimoko, menge mba otindi enna ulu elkapalla, yamma otindi el Asos en a bengngo ledekeya Paulus enna nonno monno kambu atinni henyonaka, ndiyo knehengngo a bengngo otindi ennonno wango haloko witi.
\v 14 Monno, en ndiyo mbanna latobokogamma yamma el Asos, yamma ladekeya, menge otu el Metilene.
\v 15 Menge mba otindi en nonno, yamma ndukinni enna lodonna el Khios. Enna lodowalinnya, yamma mam tukkaya Samos, monno enna lodonna yamma nduki el Miletus.
\v 16 Mbanna, Paulus menge mban wotohoyo tutu otu el Efesus tanna ndiyo jahmengngeni enna waktunna el Asia en ndiyo mba bengngo malewer nduki el Yerusalem, ebhejonna, enna lodo Pentakosta. Paulus Lapnegheng elbarana Penatua Efesus
\p
\v 17 Walli ella Miletus, Palus laptumbungo toyo otinni el Efesus monno laptumbondi ngarrakehe penatua el jemaato emindi elbarana.
\v 18 Monno, ndiyo garrakehe emindikki elbarana, ndiyo lapnegheng elbarada ndiyo ngarrakehe, “Yemmi kneheng elpeghin, pen wennaka yaya mbakku mopirro elbarammu enna loddanga, walli loddo ihana ebakku dekinni yiya Asia,
\v 19 tenggeren bakku pahlokoya linnya Miorri walli ella lak lak etinggu, monno wango weimata, monno enne abkabannna mopir eb himbanggu walli ella pahmoletonno atodanga el Yahudi,
\v 20 penwennaka yaya mbakku tahanni apoltonggu tutunna bakku panukinni elbarammu ngarrakehe ap etu ebwango monno paknekunggu ella lahdapammu el umummu monno walli ella umma ndanga,
\v 21 hetopinjanna wongngo kesaksian, ella barada atodanga Yahudi ato atodanga Yunani, tutunna amghilla elbarrana Maramba Allah monno patta atiwangoyo elbarana Miorinda yica, Yesus Kristus.
\v 22 Monno hennenne, icebaka, enna aptannanna enne Ndewa Mbiha, yaya tenggeren ella lara lahlokunggu el Yerusalem, ebjakku peghinni payaka el ndadi elbaranggu ennonno,
\v 23 Ndiwalimokko enna Ndewa Mbiha el hakhiya hettopinjanna el kota ndanga elbaranggu mbanna elgallu monno enna kriya el menge lahmagangnga elbaragu.
\v 24 Ndimoko, yaya jakku pangadanni el mopirrunggu lapwalli ihi elpoltonggu ebhewanggu tanna kuhmengenni atuguhunggu monno pahlokogunni yaya ebhimbanggu walli Miorri Yesus, ndidoyaka tanna hakhiya hetopinjana tutunna en Injillo walli ella Maramba Allah.
\p
\v 25 Monno hennenne, icebaka, yaya peghinni mbanna janna enni elbarammu, yaya elbarammu laklilinginni apdukinni enne kerajannonno, a iceya a rupanggu waddi.
\v 26 Ebhenyaka, yaya kuhakhiya elbarammu yiya loddona mbanna yaya janna hala enna ruttommu ngarrakehe.
\v 27 Ndimoko, yaya jakku tahanni apoltonggu tutunna apdukinni lin-Nya elbarrammu ngarrakehe enna ebkambu atinnya Maramba Allah.
\v 28 Daganni apoltommu kneheng monno ngarrakehe eh olenda, elpannuna Ndewa Mbihanna mengeke mbanna padadiya apoltommu tukongo dagangnga tanna daghihi eh jemaata Maramba Allah, el menge Ndiyo mbanna ngoleya enna rutta kneheng-Na
\v 29 Yaya peghinni mbakku otangga, ngarrakehe serigala ikullo a emindi elbarammu, janna manoworongngo eh olenne.
\v 30 Monno, walli elbarrammu yemmi kneheng el ndetongngo atodanga lapnegheng tutunna ngarrakehe paklenggeya tututinguya amuriconno walli ella ndiyo ngarrakehe.
\v 31 Ebhenyonaka hennenne, danggawungoko, tenggere apiya enna ndinjor loddo monno ahudanna, amdennya 3 ndoyo, yaya jakku dukka mbakku apinggimmi yemmi ngarrakehe wango wemata.
\p
\v 32 Monno henenne, yaya pakrakinni yemmi elbarana Miori monno ella linnya Miorri el makanga pakedeghu yoyo monno awonggu warisanno walli ella baranna ngarrakehe atodanga pah mbiha.
\v 33 Yaya jakku mbengngo perak, ato emas, ato appagarrakhihi mbannanniki.
\v 34 Yemmi kneheng elpeghinni mbanna yiya alimma melayani ehperlunna monno ndiyo ngarrakehe olegundi.
\v 35 Elngarrakehe ap etu, yaya laphundonni elbaranggu mbanna paghili tonggoro mereke pattanna yiya, yica engdika mbata mbantuwunda el toh malli monno enne ap apingngo eb takkinna Miori Yesus, mbanna ndiyo kneheng ebtakinna, “Rehi Engge ati wongngo walli ella paphimba.”
\p
\v 36 Monno, en ndiyo menge mban takiya ngarrakehe ap etu, ndiyo elberlutut monno lahbango engendi ndiyo ngarrakehe.
\p
\v 37 Mengeke, endi hekndangada ahoyo walli ella ndiyo ngarrakehe monno ndiyo ngarrakehe adopoko akokonna Paulus, monno a udokoyo,
\v 38 ndiyo ngarrakehe ak mbeb ati, el uluka walli el ebtakinna ndiyo monno ndiyo ja iceya a rupanna. Mengeke, ndiyo a olenni Paulus otu el kapalla.
\c 21
\cl Pasal 21
\s Paulus el Otinni el Kota Yerusalem
\p
\v 1 Mengeke yamma pahegheka walli ella ndiyo ngarrakehe monno mengeke mbahloko, yamma langangaka laotu el Kos, monno loddona wali laotu el Rodos, monno walli enonno laotu el Patara,
\v 2 Mengeke yamma mbamtoboko enne kapallo el langanga el Fenisia, yamma ndetongngo el kapalla monno haloko.
\v 3 Enne yamma mengeke mbamma iceya Siprus, yamma mamma langanni ella mbelli kleyo monno engdiyo mbamma haloko el Siria, menge burruka el Tirus karna enna kapallo lahburungo pahmotinya.
\v 4 Mengeke mbamma tobokohi eh muriconno, yamma ndoyo enonno enne amdennya pitu loddo. Monno, walli ella Ndewa Mbiha, ndiyo ngarrakehe engeda mba apinni Paulus tanna janna ndetongngo el Yerusalem.
\v 5 Enna waktunna yamma ennonno mengeyaka, yamma mamma halokoko monno mamma krohika ahlokom yamma. Ndiyo ngarrakehe, am rengendi eh arweja monno eh anannada, alatanggamma lundulapa ellak knellekonno enna kota. mengeke, mba berlututo el wemahi monno ah mbango,
\v 6 yamma kreyo mbali elbarada. Mengeke, yamma ndetongngo el kapal monno ndiyo a mbalika el ummada.
\p
\v 7 Mengeke yamma mbamma hamengenni alarra walli ella Tirus, yamma dukikka el Ptolemais, monno yamma lapneghe engendi eh ndungkambu atiwayo, monno ndoyo engendi ndiyo ngarrakehe amdennya hawuloddo.
\v 8 Enna lodowalinnya, yamma otugammaka monno otu el Kaisarea, menge tamma el ummana Penginjil Filipus, ndidoyaka lahtoyo walli ella pitu toyo, menge ado engnge.
\v 9 Ndiyo endi eh potto anna japalaghipongngo ella ndaha nubuatanna.
\v 10 Tenggeren yamma eb enggamma ebpirraya aloddo, lahtoyo nabi elngarrango Agabus burru walli ella Yudea.
\v 11 Menge, ebwalli enggamma yamma, ndiyo eldekeya aptanna menggenna Paulus monno laptanna limmana monno eh witi mengwuna, menge lapneghengoko, “Ndidoyaka el Ndewa Mbiha ebtakkinna, Ebhennya yiya atodanga Yahudi el Yerusalem ndika laptanaya atoyo el engngo patanna menggena yiya monno elpahrakinni el limmanna bangsa-bangsa heken.”
\p
\v 12 Ebhenyaka yamma mbamma rongoyo tutunna netu, yamma monno atodanga eldoyo ennono akreya Paulus tanna janna ndetongngo el Yerusalem.
\v 13 Ahmurinnya, Paulus elwolohoyo,” payaka papdahammu, ebhoyo monno mbuh ruhaya a atinggu? Ndika, yaya kudiya, innimoko mabtannaya, ebhenyaka waddi tutu matinnya el Yerusalem walli ella ngarranna Miori Yesus.”
\p
\v 14 Monno, karna Paulus janna ndadi awaninyi, yamma hiwemma monno mam takiyaka,” Paklokombanniki eh bennya Miori el ndadi.”
\p
\v 15 Menge enna lodo ndanga, yamma lahdiya monno mrengnge el Yerusalem.
\v 16 Enna akwadikongngo muritco walli Kaisarea waddi otu engendi yamma, tenggeren mbam ngandiya el ummana Manason, Aato Siprus, lahtoyo muriconno walli akwunganna, epapdo engema yamma. Paulus lamatinni Yakobus
\p
\v 17 Mengeke yamma mbam duki el Yerusalem, eh ndungkambu atiwama mbam himbohi wango engge ati.
\v 18 Menge, enna lodo walinnya, Paulus el otu engegamma yamma lamatin Yakobus, monno ngarrakehe eh penatua emindi.
\v 19 Mengeke mbapdukinni asalamma elbarada ndiyo, Paulus lakwungoni mban takkiya lahwu wuanna tutunna papmengenna papdahanna Maramba Allah elbarada bangsa-bangsa hekenna walli ella pelayannanna
\v 20 Monno, enna ndiyo ngarrakehe mban rongoya, ndiyo ngarrakehe pamlanguya Maramba Allah. Mengeke, ndiyo ap neghengoko elbarana Paulus, Icebaka, ndungkambu, pirraya aratanna atoyo walli ella atodanga Yahudi ennonno elwanni monno ndiyo ngarrakehe paghahi el Hukum Taurat,
\v 21 monno ndiyo mengeke mbatakkiya tutun ndiyo, ndidoyaka yoyo paknekinni ngarrakehe ato Yahudi walli ella bangsa hekenna tanna elheker walli hukumonno Musa, tenggeren mbapdukinni ndiyo tanna elsunata eh ananna ndiyo ngarrakehe ato ahloko wango adat istiadatttan yica.
\v 22 Menge, payaka paplakunda yica? ndiyo ngarrakehe enge rongodandi monno yoyo eb ememmu.
\v 23 Ebhenyaka hennenne, ebdahabaka payaka en yamma ebtakkimma elbarammu. Enni potto toyo walli ella yamma el enni elngandi nazar,
\v 24 Ngandihi ndiyo monno pah mbihabaka apoltommu olindi ndiyo ngarrakehe, mengeke baghir mbongoko wallija ndiyo ngarrakehe tanna angole wongo guti longgeda. Ebhenyaka, ngarrakehe atodanga enge peghedanni monno ebtakinna boleto tutunna ebtakinna ndiyo elbarada tutunna yoyo, ndimoko yoyo knehengngo elmopirro elbarana Hukum Taurat.
\v 25 Ndimoko, tutunna bangsa heken elwaniki, yamma mengeke mbam turuho huroto monno mam wotohoyo ebhejaka ndiyo mbam mdalinni walli ella lakbiya ebmengnge persembahanno elbarada berhala ngarrakehe, monno walli ella rutta, monno walli ella payaka epap kelehe, monno walli ella doho ndanga indaha.'” 
\s A ndonggoloya Paulus
\p
\v 26 Ahmurrinnya, Paulus el ngandihi atodanga, menge lodowalinnya, mengeke ndiyo mbanna mbihaya apoltonna monno ndiyo ngarrakehe, ndiyo eltama el ummahanna Maramba Allah monno atakkiyaka enna waktunna pahmbihaya monno ahmengenna tutu kurban persembahanno papwoda ngarrakehe ndiyo.
\p
\v 27 Eb hodipika patutuwana pituloddo, atodanga Yahudi walli ella Asia, menge mba iceya Paulus el dolonno umma mbihanna Maramba Allah, eltakkinandi atodanga tanna ndonggoloya Paulus,
\v 28 tenggere kyokodo, “hai ato Israel, tolong! Yiya atoyo ndiki elpaknekendi eh todanga monno agabbada abangsanda yica, monno Hukum Taurat, monno yiyo apdoyo, monno yiya apdoyo. Monno enge rehinnya, ndiyo mbanna ngandiya atodanga Yunani el dolonno umma mbihanna Maramba Allah monno mengeke mbah mbihaya yiya apdoyo!”
\v 29 Ndimoko, ebhewalinnya ndiyo ngarrakehe mengeke mba iceya Trofimus, ato Efesus, el olindi elkota monno Paulus mengeke mba ngandiya el umma mbihanna Maramba Allah.
\p
\v 30 Ahmurrinnya, ngarrakehe a kota el gempar monno atodanga el emindi amkaha. Ndiyo ngarrakehe adonggoloya Paulus monno atinguya ella lakdellek walli ella umma mbihanna Maramba Allah, menge eh mbinnyana umma mbihanna Maramba Allah amlewer todiya.
\v 31 Tenggeren ndiyo ngarrakehe mba usahaya tanna wunuya, ndukika alaporanno elbaranna akpala Pasukan Roma mbanna ngarrakehe Yerusalem tenggeren mbanna habereng.
\v 32 Enna lodonna wadi, ndiyo el ngandiya ngarrakehe ap prajurit monno ngarrakehe perwira, menge aplayo burru elbarada. Monno, enna atodanga a iceya akpala pasukan monno ngarrakehe apprajurito, ndiyo adukaka mba paluya Paulus.
\v 33 Menge ta etu, akpala pasukan atukkayaka Paulus monno adonggoloya, menge appreteya tanna Paulus aptannaya wango ndubuyo rantai bhahi. Menge, ndiyo akwungoni klerinni garraniki Paulus monno payaka paplakunna ndiyo.
\v 34 Ndimokko, enna ahkwadikongngo atodanga lakyokongngo monno lahwadikongngo. Monno, ndika ndiyo jangoleyo peghinni hepinjanna enna ahberengngo.
\v 35 Ndika ndiyo eldukinni enne witiletenne, Paulus aholoyo eh muriconno eb hekdangada akwonginnya atodanga,
\v 36 Ebhenyaka, atodanga lapnommoto krohingngo ndiyo ngarrakehe, tenggere kyokoddo, “pandikibanniki ndiyo!”
\p
\v 37 Tenggeren Paulus mbanna ngandiya el pandopakwongija, Paulus lapneghengongoko elbarada haktakku pasukanno, “Monno, aktakku pasukanno abwolohoko,” Yemmi peghe ellapnegeheng Yunani?
\v 38 Ebhenyaka, yemmi indito Mesir gimmi enne pirriya loddonna elhunda enna ahberengngo monno elngandihi eh potto rata atoyo lapwunu ellam bradda niala?”
\p
\v 39 Ndimoko, Paulus lapneghen,” Yaya ndoyaka ato Yahudi walli el Tarsus, Kilikia, lahtoyo walli ella kota mbanningo. Yaya lakreyo, woddonggo tanna kupnegheng elbaranna atodanga.”
\p
\v 40 Monno, tenggeren aktakku pasukanno mbanna wongngo loddo, Paulus eldende elwitilete monno elwongngo tandanna elbarada atodanga wango limmanna. Menge, tenggeren enna hadanna mbanna menge wango paneghen Ibrani monno eltakki.
\c 22
\cl Pasal 22
\s Paulus Lapneghenni Amghillanna
\p
\v 1 “Ndungkambu ngarrakehe monno Mbapak-mbapak, rongoyo ebtakkingngu hennenne elbarammu.”
\v 2 Monno, tenggeren ndiyo ngarrakehe mba rongngoyo enne Paulus mbakwullinni ndiyo ngarrakehe wango pnegheng Ibrani, ndiyo ngarrakehe hiwedakka, monno Paulus lapneghengoko,
\v 3 “Yaya ndoyaka ato Yahudi, eldadi el Tarsus, Kilikia, ndimoko pahbokollonggo yilla kota, paknekengga el Gamaliel hekka kettatanna mereka hukummonno ambu nuhinja yica, monno eldadi paghahi elbaranna Maramba Allah, mereka yemmi ngarrakehe yiya aloddonna.
\v 4 Yaya lakriya yiya lundulappa ebmati, aptanna monno aptammandi ndiyo ngarrakehe, enna hakbani monno eh rawicoyo, otindi elgallu dolo,
\v 5 merek waddi eh Imam bokollo monno ngarrakehe majelis penatua hakhiya elbaranggu. Walli ella ndiyo ngarrakehe yaya elhimbaya eh hurotto tanna ngarrakehe ndungkambu el Damsyik monno a otindi aptannahi ndiyo ngarrakehe el endi nonno el Yerusalem tanna ehtotamma elgallu paphukummo.
\p
\v 6 Mokko, eldadika, tenggeren yaya eb etungga ellara monno hodipika ebdukki el Damsyik, enna dinjorro lodonna, randangoko enna cahaya mbanna magohoko walli ella lakramba mbanna klilingngonggo.
\v 7 Yaya kukwodo eltana monno kurongngoyo akpokliyo ellapnegheng elbaranggu, 'Saulus, Salus, penne yoyo ebhemmunggu Yaya?'
\v 8 Monno, yaya elwolohoyo, 'Garranggu Yoyo, Morri?' Menge, ndiyo lapneghengoko elbaranggu,' Yaya ndoyaka Yesus walli ella Nazaret, eb tenggerum yoyo eb pakringga.'
\v 9 Ngarrakehe atodanga mbanna olengga iceya amgohoko, ndimoko peghenni akpoklinya Atoyo eltenggeren mbanna panegheng elbaranggu.
\v 10 Monno, yaya kubpnegheng,' Payaka el engdiya yaya paplakungngu, Morri?' Monno, Miorri elwolohonggo yaya, 'Dende monno otu mbammuku el Damsyik, monno ennono, yoyo kutakkigunniki ngarrakehe el engdiya tanna yoyo plakuya.'
\v 11 Monno, tenggeren yaya eb jakku iceka eb enni kemuliannonno amgohokko, yaya a tuntunnonggo walli ellah atodanga amrengngengge monno tamma el Damsyik.”
\p
\v 12 Ahmurinnya, enni lahtoyo elngarango Ananias, atoyo el ndaha walli ella Hukum Taurat, monno apeghe ndahani walli ella todanga Yahudi eldoyo enono,
\v 13 el eminni elbaranggu, monno menge eldende ellakrahanggu, ndiyo lapneghengngoko, 'Nduyo Saulus, icebaka!' Menge, enne mema waddi, yaya kuiceya waddi monno iceya ndiyo.
\v 14 Monno, ndiyo lapneghengoko, 'Maramba Allah ambu nuhinja yica lap engndighu tanna peghinni eh mben-Nya monno eb iceya el ghenna, menge eb rongoya akpoklinnya walli ella ghoba-Na,
\v 15 ebhenyaka yemmi eldadi hakhiya walli ella Ndiyo tutunna ngarrakehe atodanga tanna payaka ebmenge iceda monno eb rongoda.
\v 16 Monno, hennenne penne yemmi eb tundaya? Keddebaka monno pakrakabanniki apoltommu paihabaka, menge pahingurbayaka eh dohummu monno kwulibuniki angaran-Na.”
\p
\v 17 “Tenggeren yaya mbakku mbali laotu el Yerusalem monno tenggeren ahmbango el Umma Mbihana Maramba Allah, akwuahangga Ndewa Mbihanna,
\v 18 monno yaya iceya Ndiyo mbanna panegheng elbaranggu, 'Leccebaka monno malewerbaka aloho walli ella Yerusalem karna ndiyo ngarrakehe jahimbaya hakhimmu tutunna Yaya.'
\v 19 Menge, yaya kubnegheng, 'Miorri, ndiyoa ngarrakehe apeghinni monno yaya aptamindi elgallu monno patannahi ndiyo garrakehe elwanni Miori walli ella umma mbiha lahwuyo monno enna ahwadikongngo.
\v 20 Ahmurinnya, tenggeren aruta hakhim-Mu, Stefanus, mbaktominni, yaya knehengngo tenggeren mbakku dende enonno, kustujuya, monno kudangginni hakhihija atodanga elwunuya.'
\v 21 Mengeke taetu, Yesus eltakiyaka elbaranggu, 'Otubamukku! Henyaka, yaya laptumbonggu yoyo maroyo elbarana bangsa-bangsa hekenne.'”
\p
\v 22 Atodanga arongoyo Paulus lundulappa mbanna takkiya yiya hennenne. Menge taetu, ndiyo ngarrakehe apneghengoko henyaka, “Dikabaka atohengngo netu walli pannu tanna karna ndiyo janna henya mbanna mopir!”
\v 23 Menge, tenggeren ndiyo mbanna kyokongo, monno el gheghunni a jubah ndiyo, monno ahobborinni akromboko el pannu udara,
\v 24 aktakku pasukan appretekke tanna Paulus a ngandiya el markas, tenggeren mbanna takiya Paulus tanna aprehaya monno apalluya tanna ngole wongo hadanna penne apatta kyokonno gabbani ndiyo taetu.
\v 25 Ebhenyaka, tenggeren ndiyo ngarrakehe menge mbaptannaya wango klorro klulla, Paulus lapneghengoko el perwira eldende elbarana, “Payaka ebhewamuni ebpaluya enna atoyo walli ella toyo negara Roma monno indi adiliya?”
\p
\v 26 Tenggeren perwira mbanna rongoya, ndiyo otinni elbarrana aktakku pasukan monno atkinaniki, wenaka,” Payaka yemmi paplakummi? Yiya atoyo walli ella wargar negara Roma.”
\p
\v 27 Mokko, aktakku pasukanno emindi monno atakki elbarana Paulus, “Takiganni, payaka yoyo lahtoyo to negara Roma?” Monno, Paulus lapneghengoko, “Ya”
\p
\v 28 Aktakku pasukan elwolohoyaka, “Yaya elngoleyaka enna warga negara yiya eldanga engenni a ndingi bokollo.” Monno, Paulus eltakiyaka, “Ndimoko, yaya warga negara ordadiyingga yiyo.”
\p
\v 29 Mokko, atodanga ellappreheya Paulus lamlewer amdalanani monno aktakku pasukan lakbohika tenggeren ndiyo mbanna peghinni Paulus ndidokka atoyo negara Roma monno ndiyo menge mbaptannaya. Paulus Lapnegheng wango Pemimpin Yahudi
\p
\v 30 Ndimoko, enne loddo walinnya, karna aktakku pasukanno elbengo peghinni hadanna elhettopinjana penne pattanna Paulus mba tuduya ato Yahudi, ndiyo laphallayaka Paulus monno lappretehiki eh imam-imam katakku monno ngarrakehe Sanhendrin tanna amkaha, menge ndiyo elngandiya Paulus mburu monno pahdapanni el lapdunna ndiyo ngarrakehe.
\c 23
\cl Pasal 23
\p
\v 1 Paulus lakharranni Sanhedrin monno lapneghengoko, “Mbakku ndungkambunggumi, yaya mengeke mbakku halokinni amopirrunggu walli atinni eldaha lahdapanna Maramba Allah lundulappa yiya loddona.”
\v 2 Menge, Imam Bokollo Ananias lappretehiki atodanga tanna dende elbarana Paulus tanna akpokonni aghobanna Paulus.
\v 3 Ahmurinnya, Paulus lapneghengoko elbarana, “Maramba Allah akopokughu yoyo, hai yemmi atembokko epap cete kakangngo! Payaka yemmi loddo tanna menghakimi wangga yaya walli ella Hukum Taurat, ndimoko gabbani hukum etu monno patumbondi koppokonggo yaya?”
\p
\v 4 Atodanga eldende elbarana lapneghengoko, “Payaka yemmi ebhinaya Imam Bokolonno Maramba Allah?”
\p
\v 5 Ahmurinya, Paulus lapneghengoko, “Yaya jakku peghinni, ndungkambu, monno ndiyo ndidoyaka Imam Bokollo. Ebhenyaka, lamturuho, 'Ambutakkiya yemmi eljanna ndaha tutunna lahtoyo pemimpinno a bangsamu.'”
\p
\v 6 Ndimoko, tenggeren Paulus mbanna peghenni ebhenya lahwadikongngo ato Saduki monno tohekenna ndidohiki ato Farisi, Paulus lapnegheng eldolonno Sanhedrin, “Ndungkambu, yaya ndoyaka ato Farisi, ananna to Farisi. Yaya tenggeren mba adilangga walli ella pahbenya monno akeketonno ato mati!”
\p
\v 7 Tenggeren Paulus mbanna takkiya yiya, elhunda ahallapangandanga walli eltodanga Farisi monno atodanga Saduki, monno akwonginya ato mbanna habaghingo.
\v 8 Ndimoko, todanga Saduki eltakki mbanna jango eldetengngo, jango malaikato, monno jango ndewa mbiha, ndimoko ato Farisi elwani netu ngarrakehe.
\v 9 Mokko, eldadika akwihoko elbokollo monno enna ahwadikongngo ahli Taurat walli Lakklompok Farisi dende monno agabbani kras, “Yamma jamma tobboko hodingngo elhalla yiya atoyo. Penwengoko eb enniki ndewa ato malaikato elmenge paneghengngo elbaranna?”
\p
\v 10 Mengeke, tenggeren mbah merengandungngo elbokollo, aktakku pasukanno lakbohinni Paulus elpakrabikonno walli eltodanga, menge lapretehiki happrujurit ngarrakehe tanna aburru monno adekeya Paulus walli ella lapndunna ndiyo ngarrakehe pahahanni, monno a ngandiya el markas.
\p
\v 11 Enna hudda walinnya, Miorri eldendeka elakrahanna Paulus monno lapneghengoko, “Paghahinni atimmu karna yoyo mengeke eb hakhiya hetotopinjanna tutunna Yaya el Yerusalem, ebhenyaka yoyo eb hakhiya el Roma.” Kambu ati Wunuya Paulus
\p
\v 12 Tenggeren ndinjor loddo, atodanga Yahudi amkaha pandaha liboleto monno patannaya apoltoda ndiyo knehengo arohorro tanna amuyo ato a inu payaka elduki ndiyo wunuya Paulus.
\v 13 Endi walli ella potto kabuluya atoyo lapdaha hada mboleto yiya.
\v 14 Ndiyo ngarrakehe otindi elbarada imam-imam katakku monno tomlupu, menge apneghengoko, “Yamma mengeke mbamma patanna apoltom yamma knehengngo prahingngo tanna indi leyo lundulappa mbamma wunuya Paulus.
\v 15 Henenne, eb walli enyaka, yoyo, mrengendi Sanhedrin, takidandi hakpalla pasukanno tanna ngandiya burru elbarammu, monno merebaka yoyo ebwotohoyo enna perkara rehi pendeya wadi monno yamma handiyo tanna wunuya ebjanna ndukipongngo yiya lapdoyo.
\p
\v 16 Ndimoko, anna kabani walli ella ndungkambu warconna Paulus elrongo tutunna adonggolodani, menge ndiyo el otinni monno eltama el markas, monno eltakinnani Paulus.
\v 17 Paulus lakwullindi lahtoyo perwira monno eltakiyaka, “Ngandibaka yiya ana Muda hennene elbarada hakpalla pasukanno karna ndiyo engngo pahbenya takki elbarada.”
\v 18 Mokko, enna perwira elngandiyaka elbarana akpalla pasukanno monno lapnegheng,” Paulus, totamma elgallu, lakwulangga monno lakrengga tanna ngandiya anna muda yiya elbarammu karna ndiyo eldonga hodi abtakkina elbarammu.”
\p
\v 19 Akpalla pasukanno eltaranni limma alkede mone, eltinguya ellakrahanna, monno lakwungoni aklerinni alkede mone, “Payaka paplopurummu elbaranggu?”
\p
\v 20 Menge, ndiyo elwolohoyo, “Atodanga Yahudi mengeke mba pahwungo akreyo elbaramu tanna elngandiya Paulus burru el Sanhedrin merehe, merebaka ndiyo ngarrakehe mbaklerinni hodi eltopinja tutunna ndiyo.
\v 21 Ndika, amburongohi ndiyo ngarrakehe karna enni elrehi walli elpotto kabullu toyo walli ella tenggeren mbahadanni Paulus, elhorro tanna indimuyo ato indi inu lundulapa ndiyo mbawunuya Paulus. Monno henenne, ndiyo ngarrakehe mengeke mbah ndiyo monno tenggeren mba maganni patta setujummu.”
\p
\v 22 Mokko, akpalla pasukanno laptumboni alkede mone otinni, tenggeren mbawonni liya elbaranna, “ambu takinnanni abgarrabaniki en yoyo ebmenge takkigandi tutunna ngarrakehe abyiya.” Paulus Abngandinniki el Kota Kaisarea
\p
\v 23 Ahmurinnya, akpalla pasukanno lakwullondiki ehtoduyo perwira monno eltakidandi, “Handibaka dungahu ap prajurito el engngo mbandilo, tanna el otindi el Kaisarea, enna jam tallu yiya hudanna.
\v 24 pahdibaka ahranga tanna lakleteya Paulus monno ngandiyaka ndiyo tanna el amanno elbarana Feliks, enna gubernur.”
\v 25 Mengeke, ndiyo elturohoko enna huroto, yiya elmereka:
\v 26 Walli ella Klaudius Lisias. Elbaranna Gubernur Feliks elmulia. Salam,
\pi
\v 27 Atoyo yiya ebdonggoloda atoyo Yahudi monno hodipika ebwunuwadinni ndiyo ngarrakehe ebtenggeren yaya mbakku emengga marengngendi eh haprajurito monno pahlamatanni, menge apeghenni mbanna ndiyo ndidoyaka lahtoyo warga negra Roma.
\v 28 Karna yaya mbengo peghinni payaka tutunna ndiyo mba tuduya, yaya elngandiya burru elbarana Sanhedrin ndiyo ngarrakehe.
\v 29 Yaya eltobokoyo mbanna ndiyo a tuduya enna masala tutunna Hukum Taurat ndiyo ngarrakehe, ndimoko jango tutunna payaka ebhewana hukumanno mati ato elgallu.
\v 30 Tenggeren mbapdukinni elbaranggu mbanna enni pahwumoletotdo patta gabbani yiya atoyo, yaya lecca pretehi ngarrakehe penuduh tanna takkiya tuntunanno ndiyo ngarrakehe elbaranna lahdapummu.
\p
\v 31 Mokko, ngarrakehe hap prajurito, henyaka ap preteda ndiyo, a dekeya Paulus monno angandiya enna hudanna el Antipatris.
\v 32 Enna loddo walinnya, ndiyo ngarrakehe aphallahi eh jokki ndara tanna otu engendi, menge ndiyo ngarrakehe a mbalihi el markas.
\v 33 Tenggeren ndiyo ngarrakehe adukika el Kaisarea monno ap dukinni huroto elbaranna gubernur, ndiyo ngarrakehe lahdapanni Paulus elbaranna.
\v 34 Mengeke gubernur mbanna bacaya huroto, ndiyo laklerinni walli elwilayanna ebdowalinnya Paulus. Monno, tenggeren ndiyo mbanna peghinni ebhenya Paulus walli enya ella Kilikia,
\v 35 ndiyo eltakki, " Yaya elrongngoghu menge
\c 24
\cl Pasal 24
\s Takkidikijakanna Ato Yahudi Tutunna Paulus
\p
\v 1 Limma lodonna, Imam Bokollo Ananias burru engendi eh tomtuyo amplupu monno lahtoyo pengara elngarrana Tertulus. Ndiyo ngarrakehe akreyo tuntutanno lahdapan Paulus elbaranna Gubernur.
\v 2 Menge Paulus akwulloni, Tertulus lakwungoni takkidikijaka wenaka, “Ebhenyaka walli ella Tuan, yamma el engena rahaya engge ate monno ngarrakehe el laphekeng eldadi yila bangsa walli ella peghenna Tuan,
\v 3 yamma elhimbaya ngarrakehe pattanna monno el ngarrakehe apdoyo mbannu raha syukurro ella Mulia Feliks.
\v 4 Ndimoko, tanna janna mengeya waktunna, yaya lakreyo atimmu tanna rongngogamma yamma hodipimoko.
\v 5 Ndika, yamma menge mbam tobbokoyo yiya atoyo walli ella lahtoyo lapruhaya, ellap dadiya indaha ella eltodanga Yahudi el pannu tanna ngarrakehe. Monno, ndiyo ndidoyaka pemimpinnon sekte Nasrani.
\v 6 Ndiyo henyonaka mbanna usahaya ahmbihaya Umma mbihana Maramba Allah sehingga yamma mamma ndonggoloya. [Yamma bengo adiliyo elmereka patta hukummonno yamma.
\v 7 Ndimokko, Lisias, akpalla pasukanno, emindi menge akrebaya walli ella limmama yamma wango kras,
\v 8 tenggeren mba pretehi atodanga ella takkidikijaka tanna emindi lahdapammu yoyo.] Wango prehihi ehpoltoda knehengngo, yoyo elngole peghinni walli ella ngarrakehe tutum yamma takkidikijaka elbarana.”
\v 9 Atodanga Yahudi waddi apahwungo takkidikkijakka monno tenggered mbap ghahinni ngarrakehe el ghenne. Ahbelenna Paulus ellah Dapanna Feliks
\p
\v 10 Tenggeren gubernur mbanna wongngo tandanna elbarana Paulus tanna lapneghengngo, Paulus elwolohoyo, “Mengeke yaya mbakku peghinni ihdo-ihdoyo enne yoyo mengeke ebdadi hakimmo yila ella bangsa, yaya engge ati mbakku belaya apoltonggu.
\v 11 Yoyo mengeke ebbu peghinni eb hennya janna rehi walli ella hakbullu nduyo loddo lampalanganga yaya kudetengngo el Yerusalem tanna habango.
\v 12 Ndiyo ngarrakehe jah ndakka mbatobokongngo yaya tenggeren mbahkabanga garrabaniki ato el paknuhuk eltodanga, el umma mbihana Maramba Allah, eh umma mbiha, eldolonno kota.
\v 13 Ndiyo ngarrakehe waddi japekinni mba wongngo buktinni elbarrammu payaka ndiyo ngarrakehe paptududa elbaranggu hennene.
\p
\v 14 Ndimoko, yaya kumngaku elbarammu, monno ebhenyaka enna lara netu, ebtakida lahwuyo sekte, yaya lahbango elbaranna Maramba Allada eh ambu nuhinja yicca, monno wanni ngarrakehe ab etu elmere Hukummo monno lamturoho el huroto ngarrakehe eh nabi,
\v 15 tenggeren mbamma taya harapanna elbarana Maramba Allah, epahmagadda ndiyo waddi, monno eb enni edetenna, ndahananni atoyo el ghenne monno eljanna ghenne.
\v 16 Ebhennya yiya, yaya kuusahaya tanna lakraghaya atinnya elhetopinjanna, eldaha lahdapanna Maramba Allah monno topiya.
\p
\v 17 Hennenne, mengeke pirraya ndoyo, yaya emmengga tanna ngandiya aknuru walli ella bangsanggu monno tanna elwongngo persembahanno.
\v 18 Tenggeren yaya mbakku pahgudikoyo, ndiyo atobokongngo yaya, mengeke yaya ab ihangga el umma mbihana Maramba Allah, janna kwongi atoyo ato ahmbereng. Ndimoko, ennono, pirraya ato Yahudi walli ella Asia.
\v 19 Ndipimoko, ndiyo ngarrakehe el enni lahdapammu monno el takijikjakka, ebhepinnaka ndiyo ngarrakehe adonnni ebgabwanangga yaya.
\v 20 Ato, hobadaka atodanga aknehengngo atakidandi paplanggarado payaka ebtobokodo ndiyo ngarrakehe eb tenggeren yaya mbakku dende lahdapanna Sanhedrin,
\v 21 hananya elahwuyo paptakinggu wango kyokongngo monno dende elbarada ndiyo ngarrakehe,' Ebhenyaka am keketonno walli eltomati, yaya enna hakiminggi ellahdapammu yiya lodonno.”
\p
\v 22 Ndimoko Feliks, el donni apeghe elghenne tutunna alara netu, atundaya enna masalah monno atakkiya, “Ebhenyaka Lisias, akpalla pasukanno, burru, yaya ella wotohoyo enna masalammu.”
\v 23 Ahmurinnya, Feliks laprethiki eh perwira tanna Paulus eng donna elgallu, ndimoko walli ella lahlewe monno janna hadanni eh olkedenna tanna enna layani ndiyo. Paulus Lapnegheng tutu ati wanya ella Kristus
\p
\v 24 Mengeke elpiraya lodo, Feliks el emindi ndung ariweja, Drusila, ndidoyaka ato Yahudi monno aptumbonni Paulus emindi monno rongngoya Paulus ebtakinna tutunna atiwanya elbarana Yesus Kristus.
\v 25 Mengeke, tenggeren Paulus mbanna pahelungo pangadanga tutuna elghenne, enne daganni apoltoyo, monno enna penghakimanno el eminni pahdapangngo, Feliks lakbohika monno lapneghengngoko, “Otubangguku hennene. Tenggeren yaya mbakku ngoleya kesempatanno, yaya lakwulonggu.”
\v 26 Enna loddonna elmere, Feliks pahbenya tanna Paulus elwondi ndingi. Ebhenyaka, Feliks engena mbanna ptumbonni Paulus emindi monno abneghengngoko engendi.
\p
\v 27 Ndimoko, mengeke eh nduyo ndoyo lahmenge, Perkius Festus abhelunni Feliks. enna abengngo enggehi atodanga Yahudi, Feliks aphallayaka Paulus elgallu ndolo.
\c 25
\cl Pasal 25
\s Paulus Lakreyo Otu Lahdapanna Kaisar
\p
\v 1 Tallu lodo walinnya, Festus elduki el Provinsi, menge ndiyo otinni walli Kaisarea el Yerusalem.
\v 2 Imam-imam kpalla monno ngarrakehe aktakku Yahudi agabbani Paulus, monno ndiyo ngarrakehe aphahani Festus,
\v 3 tenggeren mbakreyo ihi atinnya elbarada ndiyo ngarrakehe aptumbondi atodanga ngandiya Paulus el Yerusalem, menge ndiyo ngarrakehe akambu atinni eljanna ndaha tanna awunuya Paulus ellapduna alarra.
\v 4 Lapwoloho Festus monno Paulus engdiya mbanna amtahanga el Kaisarea monno mbanna ndiyo knehengo el eminni ennono lecca.
\v 5 ", wenaka, “Hobanaka ngarrakehe aktakku elbarammu yemmi burru ennono olengggu, monno eb engoko hodi walli ella lahtoyo yemmi, hobanaka ndiyo ngarrakehe lakreyo pahahango lahdapada ndiyo ngarrakehe.”
\p
\v 6 Menge Festus eldoyo elbarada ndiyo ngarrakehe janna rehi walli ella panda poto ato hakbululoddo, ndiyo elbaliya ella Kaisarea. Menge, mereh alodono, ndiyo lodo ellak krohi pengandilanno monno lapretehi tanna ngandiya Paulus ella lahdapadda.
\v 7 Tenggeren Paulus dukikka, atodanga Yahudi el burru walli ella Yerusalem adende akleleya, monno akreyo tuduhan mboleto gabbani Paulus, eb jappa makkada mbaphundoni abuktinna.
\v 8 Tenggeren netu, Paulus lapdukinni pembelaannono, “Yaya jakku paghilinni elhalla pabaka enna apgabbanga, el Hukum Taurat Yahudi, Umma Mbihanna Maramba Allah, ato Kaisar.”
\p
\v 9 Ndimoko, eb bengoko pandahaya a atinnya atodanga Yahudi, Festus lapneghengoko elbarana Paulus, “Payaka yemmi elbengo ndetengo el Yerusalem monno a adiligimmi lahdapanggu walli ella takkidikkijakada yiya?”
\p
\v 10 Ndimokko, Paulus lapneghengo, “Yaya tenggeren mbakku dende lahdapanna enna pengadilan Kaisar, ebdonna yaya mba adililonggo. Yaya jakku halla payaka ellahdapadda atodanga Yahudi mereke yemmi knehengo elpeghe.
\v 11 Ebhenyaka, yaya elhalla monno lapghilinni el janna ghenne elghenneke mbahukumonggo mati, yaya indi kabanni palaya apoltoyo walli ellah hukumanno mati. Ndimoko, ebhenyaka limoleto walli ella ndiyo ngarrakehe ellahdapanggu janna ghenne, indi engngo lahtoyo eldadi pahrakongngo elyaya lahdapadda ndiyo ngarrakehe. Mokko, yaya lakreyo ndetengngo banding el Kaisar.”
\p
\v 12 Ahmurinnya, menge Festus elrunding engenni Sanhedrin, ndiyo elwolohoyo, “Yemmi mengeke ebdetengo elbanding elbatrana Kaisar, mokko elbarana Kaisar yemmi enge otugummi.” Festus laklerengo elbarana Raja Agripa Tutunna Paulus
\p
\v 13 Mengeke elpiriya alodo el langanga, Raja Agripa monno Bernike elduki el Kaisarea tutunna awonna pa akango elbarana Festus.
\v 14 Tenggeren ndiyo ngarrakehe andoyo ennonno elpiraya loddo, Festus eltakiya tutunna kasussonno Paulus elbarana raja, wenaka, “Enni lahtoyo eldoyo mereke totamma elgallu el Feliks.
\v 15 Ebhenyaka yaya engga el Yerusalem, imam-imam kpalla monno eh tommo tuyo Yahudi apdukinni aliyo abgabanga monno akreyo ndiyo hukumminni.
\v 16 Yaya elwolohoyo ndiyo ngarrakehe mbanna indihennya ehbiahango enna atoyo Roma tutunna pakrakanni lahtoyo sebelommo mbatuduya ebtobokongngo el toptudu, arupanna monno arupanna, monno ndiyo awonni kesempatanno tanna lapdaha pembelaanno ellahdapanna atuduhanno anetu.
\v 17 Mokko, tenggered ndiyo mba emindi amkaha yiya, yaya jakki tundaya yiya kasusso, ndimoko mereh alodonno, yaya lodo el lakrohi pengadilanno monno lappretehi tanna atoyo netu angandiya lahdapanggu.
\v 18 Ndimoko ngarrakehe atotuduh eldende, ndiyo ngarrakehe jappandukinni atuduhanno el indaha mereke eh pahabayanggu.
\v 19 Ndimoko, ndiyo ngarrakehe ndipimoko ebdodda hodi pappa wangoyo atoyo tutunna a agamada ndiyo ngarrakehe knehengo elngaranna Yesus, elmati, monno Paulus lap ghahinni mbanna ndiyo mopirro.
\v 20 Ebhenyaka yaya bingungngo penwengoko mbakku pareheya ngarrakehe yiyo, yaya kuklerengngo payaka ndiyo ehbennya otinni el Yerusalem monno a adiliya ennono tanna a kasusso yiya.
\v 21 Ndimoko, Tenggeren Paulus mbanna detengo elbanding tanna atahanni monno amaganni ebwotohonno Kaisar, yaya lapretehi tanna ndiyo engtahadani lundulappa mbap pangandini elbaranna Kaisar.”
\p
\v 22 Mengeke, Agripa lapnegehen elbarana Festus, “Yaya waddi bengngo rongngoyo ndiyo knehengngo.” "Mereho," Festus lapneghengoko, “Yoyo engnge rongngomunni.”
\p
\v 23 Moko, enna lodona pahdapanna, Agripa monno Bernike eminni ella ngarrakehe ndahanna monno eltama elruang pengadilanno mrengnge ngarrakehe pasukanno militer monno ngarrakehe aktakkunna kota netu. Ahmurinnya, mereke appretenna Festus, Paulus a ngandiya tama.
\v 24 Festus lapnegheng, “Raja Agripa monno ngarrakehe el enni el olenggamma yamma yiya. Icabaka yiya atoyo, epak rennya ngarrakehe atoyo Yahudi elbaranggu, elndaha el enni el Yerusalem monno el enni yiya, wango kyokongngo monno yiya atoyo janna ndadi amopironno ndeyo.
\v 25 Ndimoko, yaya tobokoyo mbanna ndiyo janna plakuya payaka elmere hukumanno mati. Monno, ndiyo eldetengngo banding elbarana El Mulia, yaya elwotohoyo tanna abngandinni elbaranna Kaisar.
\v 26 Ndimoko, yaya jango papndonggu elpasti papturoho elbarana ndiyo. Ebhenyaka hennenne, yaya mengeke mbakku ngandiya yiya atoyo lahdapammu ngarrakehe, monno waddi lahdapammu yoyo, Raja Agripa. Ebhenyaka ta anetu, mengeke mbakku preheya yiya el enni, yaya enni hodi papturohunggu.
\v 27 Ndika, eb janna tamaka el akallonggu tanna pangandini lahtoyo elgallu eb indi engoyo tuduhannono ella jelasso elbarana.”
\c 26
\cl Pasal 26
\s Paulus Lahdapanna Raja Agripa
\p
\v 1 Moko, Agripa lapneghengoko elbarana Paulus, “Yoyo papwongngo izinno paneghengo tutunna ahbelaya apoltoyo.” Ahmurinnya, Paulus lapgholoroya alimmana monno lapneghenni enna pembelaannonno.
\v 2-3 “Ebhenyaka ngarrakehe ap etu paptuduh elbaranggu walli ella atodanga Yahudi, yaya kuanggapayo apoltonggu janna knurupongngo, Raja Agripa, ebhenyaka yaya eltakiya pembelaannunggu ellahdapammu yiya loddonno, khusus el yoyo ndidoyaka atoyo elghenne peghinni ngarrakehe ap etu eh biahangngo monno enna masalanno ngarrakehe ato Yahudi. Ebhenyaka netu, yaya lakreyo elbarammu tanna rongngoga yaya wango sabar.
\p
\v 4 Ngarrakehe ato Yahudi peghinni patta mopirronggu walli ella mbakku elkedemone, walli ella mbakku hamengenni mopironggu ellapnuna bangsanggu yaya el Yerusalem.
\v 5 Ebhenyaka mengeya lamdeyo ndiyo ngarrakehe apeghinni tutunna apoltonggu yaya, ndika ehbeja, ndiyo ngarrakehe hakhiya mbanna mopironggu yaya mbanna mereke enna paknekenne enna klompok lakras walli ella agamanda yica, yaya mopirro mereke to Farisi.
\v 6 Monno hennenne, yaya knehengngo el enni yiya tanna adilinggi tutunna enna pahbengngo monno paprahingngo epap dadinnya Maramba Allah elbarana ambu nuhinja yica.
\v 7 Paprahingngo ndidoyaka enna pap harapappo walli ella hakbulu nduyo enna suku bangsanda yica eldukingngo, tenggered ndiyo mbak woddo elbarana Maramba Allah hetopinjanna dinjor lodo monno mbanna hudongo. Monno, ebhenyaka enna papharapadno monno yini paptuduna walli ella atodanga Yahudi, ya Raja.
\v 8 Monno penhen yemmi eb anggapo mustahil mbanna Maramba Allah mbanna pakeketoyo ato mati?
\p
\v 9 Ebhenyaka ta etu, yaya knehengngo lap ngadani mbanna yaya elharusso plakuya eldanga eljanna benni a ngarana Yesus walli ella Nazaret.
\v 10 Monno, ndidoyaka el yaya paplakunggu el Yerusalem. Yaya jakku bengo patammandi atodanga elkudus elgallu ndolonno, mengeke mbakku himbaya hakkunggu walli ella imam-imam kpalla, ndimoko waddi enne ndiyo ngarrakehe mbahukumundi mati, yaya lahtujuya.
\v 11 Menge, yaya engenna mbakku hukummundi ndiyo ngarrakehe ella ummba mbihanna monno kuberusahaya pahahanni ndiyo ngarrakehe tanna neneya. Monno, walli ellah abaninnya hekbokollonna lahdapadda ndiyo ngarrakehe, yaya elpakrihi ndiyo ngarrakehe, bahkan lundulappa elkota asing.” Paulus Elceritra tutunna aktobokodda ndung Yesus
\p
\v 12 Tanna enna maksudtonno waddi, yaya tenggeren engga el larra laotu el Damsyik, el engngo hakkana monno laptuguhondo walli ella imam-imam kpalla.
\v 13 Enna dinjor loddona, ya Raja, lapdunna enna larra, yaya iceya enni amgohoko walli ella lakramba, elrehi amgohokonno walli ella mata lodo, enna mbanna mgohoko laklilingngonggo monno atodanga lahloko engngengga.
\v 14 Mengeke, tenggeren yamma ngarrakehe mbamma ndobinni atana, yaya kurongngoyo enna akpokliyo eltakkiganni wango paneghe Ibrani, 'Saulus, Saulus, monpenna yoyo ebpakriga Yaya? huha yoyo tanna tandaya enna rahanna.'
\v 15 Mengeke yaya kuklerin, 'Garranggu Yoyo, Morri?' Ahmurinnya, Miorri lapwohoko, 'Yaya Yesus, ebtenggeren mbu pakriya.
\v 16 Ndimoko, keddebaka monno dendebaka wango witimmu. Ebhenyaka, Yaya mengeke mbakku phundonni apoltonggu elbarammu ndidoyaka pahdapangoyo yiya, tanna engdighu yoyo ebpelayanunggu monno hakhiya ebmenge eb icemmu, indidiwani tutunna yiya garrakehe paphundonggu elbarammu.
\v 17 Yaya ndoyaka elpahlamatunggu walli ella bangsa yiya monno walli ella bangsa-bangsa hekenna, el ndiyo ngarrakehe yaya laptumbonggu,
\v 18 tanna mbukereya amatatda ndiyo ngarrakehe tanna ndiyo ngarrakehe akwaliko walli ellakpandu laotu lamgohoko monno walli lakwuahanna amrapu indaha elbarana Maramba Allah tanna ndiyo ngarrakehe ahimbaya pengampunan eh ndoho ndanga monno himbaya tanggunna walli ella todanga epahmenge papkudusso walli ella atiwaja elbarang-Gu.”
\s Paulus Eltakkijahaya Tutunna Papghilinnya
\p
\v 19 “Mokko, Raja Agripa, yaya indi perna mbakku wanni payaka pap icemmu el surgawi etu,
\v 20 ndimoko, enna akwungana, yaya lapdukinni elbarada ndiyo el enni el Damsyik, mengeke el Yerusalem monno el ngarrakehe wilayah Yudea, waddi elbangsa-bangsa hekenna, mbanna ndiyo ngarrakehe tanna amghilla monno akwaliko elbarana Maramba Allah, monno applakuya enna ndaha ngarrakehe ap etu elmere amghilada ndiyo.
\v 21 Ndidoyaka, atodanga Yahudi ebdonggolunggu el Umma Mbihana Maramba Allah monno enna berusahaya wunungga.
\v 22 Lundulappa yiya loddona, yaya mengeke mbakku himbaya enna aptolongonno walli ella Maramba Allah tanna yaya kudende yiya monno kuhakhiya, elbaranna atodanga laktappa ato atobokollo monno jakku takki heke laphekenna, kecuali payaka ebtakinna walli ella ngarrakehe a nabi monno Musa tutunna eldadi,
\v 23 mbanna Kristus engkrina monno mbanna wango alasanno eldadi akwunganna mbanna detengngo walli ella tomati, Ndiyo el ngandiya aliya mgohoko, baik elbarada atodanga Yahudi ato elbaranna bangsa hekenna.” 
\s Paulus elberusaha Pwani Agripa
\p
\v 24 Tenggeren Paulus mbanna padukinni tutunna ngarrakehe ap etu ella mbanna mbelaya, Festus eltakiyaka wango akpokliya elbokollo, “Paulus, yoyo angngaka! Enna apeghemmu elhekdangana ndidoka ebjapa waraswamu.”
\p
\v 25 Ndimoko, lapwolohoko Paulus, “El Mulia Festus, yaya jakku angnga, ndimoko yaya kubdukinni el ghenne monno ebtakinggu eltama ellapngadanga.
\v 26 Ndika, Raja peghinni ngarrakehe ap etu monno elbarana yaya waddi ebdotakkinggu wango brani. Ndika, yaya kubghahinni mbanna jango lahtoyo el enni walli ella tutunna ngarrakehe apyiya el loloho walli ella perhatianno karna yiya janna ndadi ellapdoyo lakwatiki.
\v 27 Raja Agripa, payaka yoyo ebwamu el ngarrakehe nabi? Yaya kupeghunggu papwamu.”
\p
\v 28 Raja Agripa eltakiyaka el Paulus, “Eltuka waktunna ellaktudillo, yoyo mengeke ebyakinnonggo yaya tanna ndadi to Kristen.”
\p
\v 29 Mengeke, lapwolohoko Paulus,” Yaya lakreyo elbarana Maramba Allah tanna lecca ato lambato, indiwongo yoyo, ndimoko waddi ngarrakehe atoyo elrongngonggo yiya loddono, eldadi mereya apoltonggu, kecuali yiya ehrantai.”
\p
\v 30 Ahmurinnya, raja eldendeka. Henyaka waddi gubernur Bernike, monno ngarrakehe atoyo ellondo engendi ndiyo ngarrakehe.
\v 31 Mengeke, tenggeren ndiyo mbamdallanni enna ruanganno, ndiyo apneghengoko lahtoyo monno lahwadikongngo, “Atoyo yiya janna plakuya payaka elpantasso bandinginni enna hukuman mati ato elgallu.”
\v 32 Mokko, Agripa lapnegheng elbaranna Festus, “Yiya atoyo mengeke mbaplohohi ebhenjaka ndiyo mbadeteng elbanding elbarana Kaisar.”
\c 27
\cl Pasal 27
\s Paulus Lahloko el Kota Roma
\p
\v 1 Mengeke mbanna wotohoyo ebhenya yamma mbamma haloko el Italia, ndiyo ngarrakehe pakrakanniki Paulus monno enna ahwadikongngo totamma elgallu elbaranna lahtoyo perwira pasukan agustan, elgarangngo Yulius.
\v 2 Yamma ndetengngo el Kapallo walli ella Adramitium el lecca mbanna haloko laotu elpelabuhan ndanga el wemahi Asia. Yamma mbamma haloko a olemma Aristarkhus, toyo Makedonia walli ella Tesalonika.
\v 3 Enna lodo walinnya, yamma mbamma ndukika el Sidon. Yulius monno Paulus eldaha ap olkededa pakharrawuda monno elwonni Paulus ellamatindi eh olkedena monno a uruho payaka ehperluna Paulus.
\v 4 walli onno, yamma otugammaka monno haloko nomotoyo Siprus karna apringi elgabbani eplaotung.
\v 5 Mengeke yamma mbamma haloko langani awemahi enna amlonna wemahi Kilikia monno Pamfilia, yamma ndukika el Mira el Likia.
\v 6 Onnonno, enna perwira eltoboko lahwuyo a kapallo walli ella Aleksandria eltenggeren mbanna laotunna el Italia, moko ndiyo lapdikingamma yamma el kapal netu.
\p
\v 7 Yamma mbamma haloko lambat hodi elpiraya lodo, monno mamma huhah lantakka mbamma nduki el Knidus. Karna apringi janna ndadi engngeni yamma eb otunggamma rehi maroyo, yamma haloko nomotoyo wemahi Kreta el laotu tanjung Salmone.
\v 8 Yamma lahloko langngani tanjung monno huha langtakka monno nduki ellahwuyo apdoyo elngarango Pelabuhan Indah, el onni elbarana Kota Lasea.
\p
\v 9 Karna yamma mamma peghinni elmuehengngo eldanga waktunna, monno hennenne, ahlokonno el wemahi elbahaya karna masa puahannani ato Yahudi ellangngangaka, Paulus lap apindi ndiyo ngarrakehe,
\v 10 monno lapnegheng elbarada ndiyo ngarrakehe, “Ndungkambu ngarrakehe, yaya iceya mbanna haloko yiya andaganni enna aruhanna monno enna rugi bokolo, indimoko ehmotinnya monno akapallonno, ndimoko waddi enna hungotondo yica.”
\v 11 Ndimoko, perwira netu elrehi wani elbarana nahkoda monno elmorinnya akapallo walli ella ebtakinna Paulus.
\v 12 Karna janna ndaha ebdoyo el pelabuhan enna wulla mringi, enna ahwadikongngo atodanga elpahwungo tanna otu haloko walli ella nonno monno ebhejaka ndiyo eldadi ebdukini Feniks, lahwuyo pelabuhanno el Kreta, el lahdapanna laotu el barat daya monno el barat wemahi, monno eldoyo enonno enna wulla mringi. Apringi lapghahi langtakka eldukinni akapallonno Paulus
\p
\v 13 Tenggeren apringi mbanna spoghi walli ella selatan, ndiyo ngarrakehe apngadanni mbanna ndiyo mengeke dukinni eppa kambu atitja. Ebhenyaka netu, ndiyo ngarrakehe atinguya enna jangkarro monno ahlokokoka el wemahi Kreta.
\v 14 Ndimoko, janna ndeya ahmurinnya, apringi mereka topan, ebtakki Euroklidon, lapringi walli ella pulau netu.
\v 15 Tenggeren a kapallommo yamma mbataya pringi monno janna makangoko mbanna hadapanni wiguronno, yamma mamma ndukkaka monno mamma pahallaya akapallommo yamma lamgedengoko.
\v 16 Tenggeren yamma mbamma haguniko langngani a pulau katappa elngarangngo Kauda, hekhuhanna yamma mbamma berhasillo mbamma wandi enna sekoci kapallommo yamma.
\v 17 Mengeke elngandiya a kapallo mbanna tinguhi sekodi elpannu kapallo, ndiyo ngarrakehe awango klorro penolongngo tanna lapghahi akapallo. Karna ndiyo akbohi lahangga ella Sirtis, ndiyo ahburindi eh alat ngarrakehenne akapallo sehinnga aphallahiki enna ehkapallodo ndiyo amgedengngo.
\v 18 Enna loddo walinnya, karna yamma akedegamma pringi badai elpahbohingoyo langtakka, atodanga akwungoniki akpattingo pahboti elkapallo.
\v 19 Monno, enna loddo ktalluna, ndiyo ngarrakehe akpatingoko alat ngarrakehe walli ella limma mengwuda kneheng.
\v 20 Karna mataloddo ato hamdunna jahundaka elpiraya loddo monno abadai janna katappaka elbaramma yamma, elmuehengoko enna harapannommo yamma tanna ahlamatagamma.
\p
\v 21 Karna hekdanganna atoyo elmengeke mbanna otinni amdennya monno jango anmuyo, Paulus eldende ellapduda ndiyo ngarrakehe monno lapneghengoko, “ndungkambu ngarrakehe, ebdipimoko yemmi elnomotoyo ebtakinggu monno indihaloko walli ella Kreta prapangngo indidukini enna hengo nenne angoleyo ruhanna monno aruginja hennene.
\v 22 Ndimoko henenne, yaya kutulorrunggimmi yemmi tanna engdiyo ebtabah karna elbarammu jango elmuehengngo ahungngotonno, kecuali muehengngo ankapallo.
\v 23 Ndika, enna hudanna, enni amalaikattonno Maramba Allah, eldongga yaya monno yaya pakwodunggu, eldende lahdapanggu,
\v 24 tenggeren mbakku panegheng, 'Ambukabohi, Paulus. Monno, icebaka, Maramba Allah mengeke pamnoworongngo elbarammu monno ngarrakehe atodanga ella lahko engngenggu.'
\v 25 Ebhenyaka, ndungkambu ngarrakehe, paghahinni a atimmu karna yaya wani enna Maramba Alla mbanna ngarrakehe eldadi mereke mbanna takkiganni elbaranggu.
\v 26 Ndimoko, yicca egnge terdamparando el lahwuyo a pulau.”
\p
\v 27 Ndimoko, enna huda hakbullu potonna, tenggeren yamma mbamma magedengo enna amlonna a wemahi Adria, amdennya hudanna, ngarrakehe awak kapallo akambu atingngo mbanna ndiyo ngarrakehe tenggered mbatukaya apannu tanna.
\v 28 Ndiyo ngarrakehe ahorongoko watu kambu atingo monno atobokoyoka amdattunna aweyo ndukku buluya depa. Tenggereda, ndiyo ngarrakehe mbakambu atinnni monno apeghenni amdattunna hakbullu limaya depa.
\v 29 Karna yamma kabohi ndoyo elwatu karang, ndiyo ngarrakehe ahburinni pottoya enna jangkarro walli ella buritan monno ahbango tanna loddo leccabaka mbanna dinjorrolodo.
\v 30 Ndimokko, tenggered ehpirracoyo awak kapallo mba berusahaya tanna aplayo ehpoltotda walli ella kapallo monno mengeke mbah burunni sekoci elwemahi monno moleto mburrinni ajangkarro walli ella haluanno,
\v 31 Paul lapneghengoko elbarada perwira monno aprajuritonno,” Ebhenyaka atodanga hennenne jadoyo eldodolonno akapallo, yoyo indingoleyo ahlamata.”
\v 32 Mengeke taetu, ngarrakehe aprajurito aktarrihi enne haklorro sekoci monno aphallahiki elwemahi.
\p
\v 33 Tenggeren fajar mbanna duki, Paulus lakrejiki ndiyo ngarrakehe tanna adekihi enna ahwadikongngo ehmuyo, monno apneghengoko, “Yiya loddona ndidoyaka loddo hakbulu potto yoyo mbanna krohi emmu ella lamrandinya monno atahangngo klamba karna indimuyo mempangngu.
\v 34 Karna, yaya kukreyo tanna adeke walli ella pirraya pahmuyo tanggunna pahlamatawammu. Ndika, jango lahkayo alongge elmuehengngo walli elbarammu yoyo.”
\v 35 Mengeke mbanna takiya netu, Paulus eldekeya a roti monno lahbangoko elbaranna Maramba Alla lahdapadda ndiyo ngarrakehe, monno elmberihi eh roti, monno lakwungoni amuyo.
\v 36 Mokko, ndiyo ngarrakehe apghahindi atitja monno ndiyo ngarrakehe knehengo amuyo.
\v 37 Adangada yamma ngarrakehe el endi nonno eldolonno akapalo 276 toyo.
\v 38 Mengeke ebmuyo dukingngo mbahu, ndiyo ngarrakehe paleweka akapallo monno aletengngo gandum elwemahi. Kapal el Moho monno Ngarrakehe Penumpang Ahlamato
\p
\v 39 Tenggeren mbanna dinjor loddo, ndiyo ngarrakehe japeghenni eb enni apannu tanna, ndimoko ndiyo ngarrakehe akharraniki lahwuyo ateluko elwemahi, ebdodda ndiyo awotohoko tanna abdikinni akapallo ennonno mbanna ndadi doyo.
\v 40 Moko, mengeke mba gheghunni a jangkarro, ndiyo ngarrakehe amdalanniki el wemahi ndolonno, monno enna waktunna elmereke, aphallahiki haklorro kemudi monno adetengngo layarro el lahrannya ahdapanna akapallo tanna apringi engnge ngandijandi ndiyo ngarrakehe elwemahi.
\v 41 Ndimoko, akapallo eltobokoyo akarang ebdopap tobbokoda eldubuyo wemahi sehingga eldende akapallo. Haluan akapallo elpakangngo monno janna ndadi ahkudikonno, tenggeren buritonno akapallo mbanna moho karna laptaya abannu.
\p
\v 42 Ngarrakehe hakprajurito engngo apkambu atija tanna wunuya ngarrakehe totamma elgallu tanna jango toyo elngani monno laplaya apoltonna.
\v 43 Ndimoko, netu perwira, elbengngo tanna pahlamatahi Paulus, ahandanni enna ebkambu atitja. Ndiyo lapretehi tanna atodanga eldadi mbanna ngani tanna aklohoko ulu walli ella kapallo monno laotutda elpannu tanna.
\v 44 Monno, akrehidja endi elpannu kapamballo, ewedinni el wango alat hekenna walli ella kapallo. Moko henyaka, ngarrakehe atoyo eldukikka elpannu tana monno halamato.
\c 28
\cl Pasal 28
\s Paulus el Pulau Malta
\p
\v 1 Mengeke yamma mbamma langanni halamato, yamma el peghinni mbanna enna pulau ebtakki Malta.
\v 2 Enna to asli pulau laphundonni ndaha atidja langtakkada. Ndika, ndiyo ngarrakehe aplerukko api monno ahimbagamma yamma ngarrakehe karna enna akwungana mbanna urra monno udara mbanna mringi.
\v 3 Tenggeren Paulus mbanna kahahi enna hakranggada monno ambolohi elpannu api, lah iha amlologho mbani elloho karna hekbonohonno menge paklele wunaka ellimana Paulus.
\v 4 Tenggered eh tolodo asli iceya hahranga mbani mbamterengo ellimana Paulus, ndiyo ahwadikongngo apneghengoko engendiki ehtoheke wadi, “Jappa ragu walingoko, yiya atoyo ndidoyaka topwunu. Hejomonoka ndiyo mbana halamato walli elwemahi, enna keadilanno janna pahhalaya amopirro.”
\v 5 Ndimoko, Paulus laphalahi enna hahrangnga mbani el api ndolo monno ndiyo janna manugha memepangngu.
\v 6 Atodanga ellappangadani Paulus elbakka ato lakbutuku monno elmatika weda. Ndimoko, menge ndiyo amdennya mbanna magangnga monno janna iceya hodi elhala eldadi elbarana, ndiyo laphekangoko apngadana monno eltakiyaka mbanna Paulus ndidoyaka a dewa.
\p
\v 7 Enna pahdapangngo, elsekitarronno apdoyo, enni tanna adonna akpalla nena Pulau elngarango Publius, elhimbagamma yamma monno eljamunggama hekdahana eltaluya loddo.
\v 8 Enna waktunna, mbapanna Publius lamdurru ellapdommo ndurrungngo karna lamrendukko monno elhoborrongngo. Paulus el emini lamatanna monno lahbani, menge elmboti limanna ellaktakkuna enna atoyo monno eltonggohoko.
\v 9 Mengeke eldadi, atodanga ahwadikongngo el pulau wadi eltenggere hadduda emewadiki el Paulus monno laptonggohohiki.
\v 10 Ndiyo ngarrakehe wadi hekpa akadanggammaka yamma monno tenggeren yamma mbamma handiyo haloko, ndiyo ngarrakehe ahdihiki epahbutumma yamma. Paulus Laotunna el Kota Roma
\p
\v 11 Mengeke tallu wulla lampalangnganga, yamma mbamma halokoko elkapalla walli ella Aleksandria, ellahloko el pulau amdennya wulla mringi elwango Dioskuri enna lambangngonno.
\v 12 Mengeke mbanna nduki el Sirakusa, yamma ndoyo nonno tallu lodo.
\v 13 Walli nyonno, yamma haloko laotu elwemahi monno nduki el Regium. Mereho lodona, apringi selatan laprupungo, monno enna loddowalinya, yamma nduki el Putioli.
\v 14 Enonno, yamma mbamma tobokihi ehndungkambu atiwayo monno tanna adoyo engendi ndiyo ngarrakehe selama pitu loddo. Menge, yamma otunggamaka el Roma.
\v 15 Monno, eh ndungkambu atiwayo enonno, tenggered mbarongngogamma tutunna yamma, emenggama enonno lundulappa el Forum Apius monno Tres Taberne tanna atobokogamma yamma. Enna Paulus icehi ndiyo ngarrakehe, ndiyo elbersyukurro elbarana Maramba Allah monno atinnya lapghahi. Paulus el Kota Roma
\p
\v 16 Tenggeren yamma mbamma nduki el Roma, Paulus apaklokinni tanna eldoyo knehengngo, engendi enna aprajurito lahtoyo elkawalloyo.
\p
\v 17 Tallu loddo walinnya, Paulus elkahahiki akpalla Yahudi ellapdoyo, monno mengeke ndiyo ngarrakehe amkahaka, ndiyo eltakika elbarada ndiyo, “Ndungkambunna, hejomonoka yaya jakku plakuya payaka elgabani bangsanda yica ato adatondo eh ambunuhinja yica, ndimoko yaya pakrakandiki mereke totamma elgallu walli ella Yerusalem elbara limmana atodanga Roma.
\v 18 Tenggered ndiyo ngarrakehe mengeke mbapprehengga, ndiyo ngarrakehe bengngo phallangga yaya karna jango alasanno tanna hukumanno matngga yaya.
\v 19 Ndimoko, karna atodanga Yahudi jawawa, yaya mboto atika ndetengngo banding elbarana Kaisar, indi engngo wallinya yaya eb engngo tuduhanno tanna gabbani bangsanggu.
\v 20 Ndika, ndidoyaka ebhewana, yaya mengeke mbakku kreyo tanna icenggu monno apnegheng elbarammu karna yaya paptanna wango yiya rantai tutunna eh monnona Israel.”
\p
\v 21 Mengeke, ndiyo ngarrakehe lapnegheng elbarana Paulus, “Yamma indihimbaya huroto tutummu walli ella Yudea monno jango lah iha walli ndungkambu atiwayo el eminni yiya tanna elwongngo liya ato eltakiyaka hodi eljanna ndaha tutummu.
\v 22 Ndimoko, yamma mbengngo rongngoyo walli ella yoyo payaka ebtakimmu karna tutunna sekte yiya, yamma peghinni mbanna enni atodanga elgabbani.”
\p
\v 23 Tenggeren ndiyo ngarrakehe mengeke mbanna pendeya lahloddo tanna Paulus, ndiyo ngarrakehe emindi elbarana Paulus ellapdoyo pamdurungngo, marengngendi lahwuyo rombonganno atodanga. Walli kaphudda lundulappa hudanna, Paulus eltakkijahaya elbarada ndiyo ngarrakehe tutu hakhiya tutunna Kerajaannono Maramba Allah monno berusaha paghahinni ndiyo ngarrakehe tutunna Yesus, ndahanna walli ella Hukum Taurat Musa, ato enna hurotonno ngarrakehe eh nabi.
\v 24 Enna ahwadikongngo atoyo eldadi apghahinna walli ella payaka ebtakinna Paulus, ndimoko enna ahwadikongngo jabenni tutu wanni.
\v 25 Tenggeren ndiyo ngarrakehe jabenni lahwadikongngo atoyo, ndiyo ngarrakehe otindi mengeke Paulus mbantakiya yiya ebtakinna, “Henyaka mbanna nghenne payaka ebtakinna Ndewa Mbihana elbarana ambu nuhimmu walli ella Nabi Yesaya,
\q1
\v 26 'Otinni elbarana yiya bangsa monno takibananniki: Yemmi elrongoyo, ndimoko janna pernah mbanna peghenni, monno yemmi el iceya, ndimoko indipernah eb mengertinni.
\q1
\v 27 Ndika, a atinnya yiya bangsa mengeke mbanna tebe monno enna roktillu mboto mbanna rongngoyo. Ndiyo ngarrakehe mengeke mbanna todiya amatanna. Tanna, amba iceya wango matatda ndiyo ngarrakehe, rongngoyo wango roktilluda ndiyo, mam peghinni wango atitja ndiyo ngarrakehe monno akwalikokok. Ahmurinnya, Yaya laptonggohohi ndiyo ngarrakehe.' \rq Yesaya 6:9-10 \rq*
\p
\v 28 Karna netu, hombanaka tutunna yiya yemmi pahpeghimmi mbanna ahlamato walli ella Maramba Allah mengeke mbanna takkiya elbarada bangsa-bangsa hekenna monno ndiyo ngarrakehe arongoyaka.”
\v 29 [Mengeke Paulus lapdukinni ebtakinna netu, ngarrakehe atodanga Yahudi otinni wango ndanga enna aphekenna apngadanga walli ella ndiyo ngarrakehe.]
\p
\v 30 Paulus eldoyo amdennya nduyo andoyo eb enni el umma pakhewenna kneheng monno el himbaya ngarrakehe atodanga el eminni elbarana,
\v 31 tenggeren mbanna padukinni liyo Kerajaannonno Maramba Allah monno paknekenni tutunna Miorri Yesus Kristus wango mbannu branni monno jango halangannono ngar ap etu. \rq ayt. co/Kis \rq*