knx-x-bajare_reg/53-1TH.usfm

\id 1TH
\ide UTF-8
\h 1 Tesalonika
\toc1 1 Tesalonika
\toc2 1 Tesalonika
\toc3 1th
\mt 1 Tesalonika
\c 1
\cl Pasal 1
\p
\v 1 Dari Paulus, Silwanus, ba Timotius untu' jemaat urakng-urakng Tesalonika nang ada kadaapm Jubata Apak ba kadaapm Jubata Yesus Karistus. Kasih karunia ba damai sejahtra ada ka kita'.
\p
\v 2 Kami sau ngucap sukur ka Jubata untu' kita samua, ba nyabut kita' ka daapm doa kami.
\v 3 Barang kami sau ingat pakarajaatn imannyu, usaha kasihnyu, ba katekunan pangarapatn nyu ka Jubata diri' Yesus Karistus ka adapatn Jubata Apak dirik
\p
\v 4 Kami nauan, hei kamaruk-kamaruk nang di ngasihi Jubata, kade Ia dah milih kao.
\v 5 Barang Injil nang kami baritaatn buke di sampeatn ka kao kahe bakata-kata maan, tapi ugak ba kakuatan Roh Kudus ba kapastian nang kokoh. Memang kao nauan, ayamae kami bakaraja ka samak nyu, barang untu' kao.
\v 6 Dan kao udah jaji panurut kami ba panurut Tuhan; daapm panindasan nang barat kao repo sidi udah narima firman nang dingarajaan di Roh Kudus koa,
\p
\v 7 sataruse kao udah jaji panutan untu' samua urakng nang picaya ka wilayah Makedonia ba Akhaya.
\v 8 Barang ka antara kao firman Tuhan babunyi buke kahe ka Makedonia ba Akhaya, tapi ka samua tampat udah tasiar kabar imannyu ka Jubata, barang koalah kami ina pararu agik matakatn ahe-ahe pun soal koa.
\v 9 Barang kabatne koa ngihan nang bacurita soal kami, aya mae kao nyambut kami, ba aya mae kao babalik dari berhala-berhala ka Jubata untu' ngalayani Jubata nang idup ba banar,
\v 10 dan untu' nunggu ka atangan Anak-E dari saruga, nang udah di mangkitatn-Dihe ka antara urakng mati, yakoa Yesus, nang nyalamatatn dirik dari ukuman nang atakng ana.
\c 2
\cl Pasal 2
\p
\v 1 Kita' babaro pun memang nauan, kamaruk-kamaruk, kade' ka atangan kami ka kita' nyian ina lah sia-sia.
\v 2 Tapi biarpun kami sanape e, aya nang kao nauan, udah di nyaci, di nganiaya ka Filipi, tapi karna pertolongan Jubata dirik, kami namu kabaranian untu maritaatn Injil Jubata ka kao ka daapm perjuangan nang barat.
\v 3 Barang nasehat kami ina lahir dari kasesatan atau dari maksud nang ina murni dan ina di campur ba tipu daaya.
\v 4 Sabalike, karna Jubata udah nganggap kami pantas untu micayaatn Injil ka kami, koalah makae kami bakata, buke untu ngarepoatna'k manusia, tapi untu ngarepoatn Jubata nang nguji ati dirik.
\p
\v 5 Jukut kami ina suah ba moot manis- hal koa kao nahuik- ba ina suah punya maksud dirajatn (rakus/loba) nang diam-diam- Jubata lah saksie-
\v 6 ugak ina suah kami ngago pujian ka manusia, baik dari kao, mao'k pun dari urakng-urakng lain, sakaipun kami bisa babuat ayakoa sabagai rasul-rasul Karistus.
\p
\v 7 Tapi kami babuat ramah ka antara kita'k, sama aya seko'k uwe'k nang mihara ba ngarawat anake.
\v 8 Yakoa lah kami, daapm kasih sayakng nang aya'k untu kao, buke kahe rela magiik Injil Jubata ba kao, tapi idup kami babaro pun ugak untu kao, soale kao kami ngasihi sidi.
\v 9 Barang kita'k masih ingat, kamaruk-kamaruk, ka usaha ba kapa' lalah kami. Samintara kami bakaraja siakng maam, biar ame jaji beban bagi sae pun ka antara kita'k, kami maritaatn Injil Jubata ka antara kita'k
\p
\v 10 Kao ba Jubata lah saksi, sidi saleh, adil, ina ba cacate kalakuan kami ka antara kita'k nang picaya.
\v 11 Kao nauan, yamae kami saparati apak ka anak-anake, udah nasehati'k kao ba nguatatn ati kitak sekok-sekok,
\v 12 ba minta sidi-sidi, supaya kitak idup sasuai ba kamaoan Jubata, nang nyarui kao ka daapm kerajaan ba kamulaian-Ne.
\p
\v 13 Koalah kami ina putus-putuse ugak ngucap sukur ka Jubata, barang kao udah narima firman Jubata nang kami maritaatn koa, buke jaji pakataatn manusia, tapi - memang sidi-sidi yakoa - sabagai firman atau pakataatn Jubata, nang bakaraja ugak ka daapm kao nang picaya.
\v 14 Barang kita'k kamaruk-kamaruk udah jaji panurut jemaat-jemaat Jubata ka Yudea. Jemaat-jemaat ka daapm Yesus Karistus, barang kao ugak udah menderita dari ayukng-ayukng sabangsa nyu sagala sesuatu nang kabatne derita dari urakng-urakng Yahudi.
\v 15 Bahkan urakng-urakng Yahudi koa udah munuh Tuhan Yesus ba na nabi ba nang udah ugak nyingsaraatn kami. Ahe nang gagas ka mata Jubata ina kabatne paduliatn ba samua manusia kabatne koa munsuhi,
\v 16 Barang kabatne mao'k ngalang-ngalangia kami maritaat na' firman ka bangsa-bangsa nang lain untu kasalamatan kabatne. Yakoalah kabatne tarus-tarusan nambahi dosa sampe ganap jumbalahe ba angkitn ukuman udah nimpa kabatne sasidie.
\p
\v 17 Tapi kami kamaruk-kamaruk nang saketika tapisah dari kao, jauh ka mata, tapi ina jauh ka ati, sidi-sidi ba karinduan nang ayak, udah barusaha untu atakng nabo'k kao.
\v 18 Barang kami udah baniat untu' atakng ka kao- aku Paulus, malahan labih dari sakai-, tapi ibalis dah nyagah kami.
\v 19 Barang sae gek pangarapan kami gek karepoatn kami gek mahkota kagagasatn kami ka adapatn Yesus, Tuhan dirik, pas waktu ka atangan-E, kade buke kao?
\v 20 Sidi, kaolah ka muliaan kami ba karepoatn kami.
\c 3
\cl Pasal 3
\p
\v 1 Kami ina bisa tahan agik, koalah kami naap kaputusan untu diapm babaro maan ka Atena.
\v 2 Lalu kami ngirim Timotius, ayukng nang bakaraja ba kami untu Jubata daapm pambaritaan Injil Karistus, untu nguatatn ati nyu ba nasehati kao ka daapm imannyu.
\v 3 Biar ame ada urakng nang goyang imane karna kasusahatn-kasusahatn nyian. Kao babaro nauan, kade dirik dinantuatn untu koa.
\v 4 Barang ugak waktu kami sirage ba kao, udah kami matakatn ka kao, kade dirik ana ngalami kasusahatn, Dan parihal koa aya nang kao nauan, udah kajadian.
\v 5 Koalah jajie, aku ina bisa tahan agik, udah ku ngiriman ia, biar aku nauan pakara imannyu, barang aku kuater kade-kade kao udah dinyobai di si pangoda ba kade usaha kami sia-sia.
\p
\v 6 Tapi angkitn, apas Timotius atakng umpat ka kao, ba ngicakng kabar nang ngembiraatn parihal imannyu ba kasihnyu, ba kade kao sau narohi'k kenang-kenangan nang baik atas kami ba mao'k batamua ba kami, aya kami pun ugak taniti maok batamua'k ba kao.
\v 7 Barang koalah ugak, kamaruk-kamaruk, daapm sagala kasasakatn ba kasusahatn kami jaji tahibur dinyu ba imannyu.
\v 8 Ampeatn kami idup agik, asal maan kao kuat badiri ka daapm Tuhan.
\v 9 Barang ucapan sukur ahe gek nang bisa kami sambahatn ka Jubata atas sagala sukacita, nang kami namuan karna kao, ka adapatn Jubata dirik?
\v 10 Siakng maam kami badoa sidi-sidi biar dirik bisa muha batamu muha ba nambahatn ahe nang masih kurang ka imannyu.
\p
\v 11 Kirae, Ia Jubata, Apak dirik, ba Yesus, Jubata dirik, mukaatn kami maraga ka kao.
\v 12 Ba kirae Tuhan nyajiatn kao batambah-tambah dan bakalimpahatn daapm kasih sekok urakng ba nang lain ba samua urakng, aya tolen kami ugak ngasihi kao.
\v 13 Kira'e Ia nguatatn atinyu supaya ina ba cacat dan kudus, ka adapatn Jubata Apak dirik, pas waktu kaatangan Yesus Tuhan dirik, ba samua urakng kudus-E.
\c 4
\cl Pasal 4
\p
\v 1 Ahire, kamaruk-kamaruk, kami minta ba nasehati kao daapm Jubata Yesus: Kao udah nangar dari kami ayamae kami harus idup supaya berkenan ka adapatn Jubata. Hal koa memang udah kao nuruti, tapi baiklah kao ngalakukan koa labih sidi-sidi agik.
\v 2 Kao nauan ugak patonjok-patonjok mae nang udah kami mareatn ka kao atas dama Jubata Yesus.
\v 3 Karna nyianlah kamaoan Jubata: kakudusatn nyu, yakoa biar kao nyauhi pancabulan,
\v 4 biar kao masing-masing naap sekok urakng nang bini jaji bini nyu babaro, ba idup ka daapm kakudusatn ba kahormatan,
\v 5 buke kadaapm kamaoan hawa nafsu, aya nang dah diminjawat di urakng-urakng nang ina kanal ka Jubata,
\v 6 dan biar daapm hal-hal nyian urakng ame minjawat kamaruk e jaji ina baik atau ugak ma baga ia. Jukut Jubata koa adalah pamaas dari samuae nyian, aya tolen nang udah kami matakatn ba nagasatn dee ka kao.
\v 7 Jubata nyaruk dirik buke minjawat ahe nang kotor, tapi ahe nang gagas.
\v 8 Barang koalah sae nang nolak nyian buke lah nolak manusia, tapi nolak Jubata nang udah mareatn ugak Roh-E nang kudus ka kao.
\p
\v 9 Parihal kasih pakamaruatn ina pararu di tulisatn ka kao, jukute kao babaro udah balajar kasih ngasihi dari Jubata.
\v 10 Hal koa kao ngalakukan ugak ka samua kamaruk ka saluruh wilayah Makedonia. Tapi kami nasehati' kao kamaruk-kamaruk biar kao labih sidi-sidi agik ngalakukan iya.
\p
\v 11 Ba anggaplah aya sote'k kahormatan untu idup tenang, untu ngurus pasoalan-pasoalan babaro ba karaja ba kokot tolen nang aya dah kami masanan ka kao,
\v 12 tarus kao idup jaji urakng nang sopan ka mata urakng luar ba ina bagantung ka kabatne koa.
\p
\v 13 Sataruse kami bai, kamaruk-kamaruk, kade kao ina nauan parihal kabatne nang mati, biar kao ame baduka gia aya urakng-urakng lain nang ina ada pangarapan.
\v 14 Barang kade dirik picaya, kade Yesus udah mati lalu bangkit agik, jadi dirik picaya ugak kade kabatne nang dah mati daapm Yesus mao di komoan di Jubata sirage ba IA.
\p
\v 15 Nyian kami matakatn ka kao ba firman Tuhan: dirik nang masih diapm sampe ka atangan Tuhan sakai-kai ina akan nohoik kabatne nang dah mati
\v 16 Barang pas waktu tanda di bare, pakoa pas waktu penghulu malaekat ngampak ba sangkakala Jubata ba bunyi, jadi Jubata babaro mao turutn dari saruga ba kabatne nang mati daapm Yesus Karistus nang paling doho bangkit;
\v 17 apas koa, dirik nang idup, nang masih diamp, mao diangkat barage-rage ba kabatne ka daapm rahu nyambut Jubata ka atas angit. Yakoalah dirik ana salama-lamae ada ba Jubata.
\v 18 Karna koa iburatnlah urakng-urakng lain ba pakataatn-pakataatn nyian.
\c 5
\cl Pasal 5
\p
\v 1 Tapi parihal zaman ba masa, kamaruk-kamaruk, ina pararu di tulisatn ka kao,
\v 2 barang kao babaro nauan batol, kade ari Jubata atakng aya pancuri waktu maam ari.
\v 3 Kade kabatne bakata: samuae tenang ba aman - lalu tiba-tiba kabatne koa di timpa kabinasaatn, aya tolen nang bini babuntikng kasakitatn mao' baranakka- kabatne pasti ina bisa lapas dari ukuman.
\p
\v 4 Tapi kao, kamaruk-kamaruk, kao ina idup ka daamp galap, lalu ari koa tiba-tiba ngatakngia kao aya pancuri,
\v 5 barang kita' samua koa kamuda'k-kamuda'k tarakng ba kamuda'k-kamuda'k siakng. Dirik bukelah urakng-urakng maam atau urakng-urakng kagelapan.
\v 6 Barang koa sabaikelah dirik ame tidur aya tolen urakng-urakng lain, tapi bajaga-jaga ba sadar lah.
\v 7 Jukut kabatne nang tidur, tidur waktu maam ba kabatne nang kamabuk, kamabuk waktu maam.
\v 8 Tapi dirik, nang adalah urakng-urakng siakng, baiklah dirik sadar, babaju basi iman ba kasih, ba tono'an songkok basi pangarapatn kasalamatan.
\p
\v 9 Barang Jubata ina natapatn dirik untu' di timpa ba ukuman, tapi untu namu napatatn kasalamatan daapm Yesus Karistus Jubata dirik koa,
\v 10 nang udah mati untu dirik, biar intah dirik bajaga-jaga, intah dirik tidur, dirik idup sama-sama ba Ia.
\v 11 Barang koa nasehati'klah dirik ba nang lain ba saling membangunlah kao aya tolen nang memang kao ngarajaan.
\p
\v 12 Kami minta ka kao, kamaru'k-kamaru'k, supaya kao menghormatik kabatne nang bakaraja karas ka antara kao, nang nagur ba mimpin kao daapm Jubata;
\v 13 ba ugak biar kao sidi-sidi nyunyukng kabatne daapm kasih karna karaja kabatne koa. Iduplah tarus daapm damai kao ba nang lain.
\p
\v 14 Kami ugak nasehatik kao, kamaruk-kamaruk, tagurlah kabatne nang idup ina tertib, iburatnlah nang tawar atie, panangan kabatne nang lamah, sabarlah ka samua urakng.
\v 15 Paratiatnlah, supaya ame ada urakng nang maas jahat ba jahat ugak, tapi usahakanlah salalu nang baik masing-masing kao ba samua urakng.
\p
\v 16 Basukacitalah salalu.
\v 17 Tataplah badoa.
\v 18 Ucapatn lah sukur daapm sagala hal, barang koalah nang dimaoan di Jubata ka daapm Karistus Yesus untu kao.
\p
\v 19 Amelah madaman Roh,
\v 20 ba amelah nganggap remeh nubuat-nubuat.
\v 21 Ujilah sagala sesuatu ba singii'klah nang baik.
\v 22 Jauhatnlah dirinyu dari sagala jenis kajahatan.
\p
\v 23 Mudahan Jubata damai sajahtra ngudusatn kao saluruhe dari dosa ba mudahan roh, sumangat, ba tubuhnyu tapihara sampurana ina ba cacat pas kaatangan Yesus Karistus, Jubata dirik.
\v 24 Ia nang nyarui' kao koa setia, Ia ugak ana nang ganapatn iya.
\p
\v 25 Kamaruk-kamaruk, doaatn lah kami.
\v 26 Sampeatnlah salam kami ka samua kamaruk ba cium nang kudus.
\v 27 Demi dama Jubata aku minta sidi-sidi ka kao, supaya surat nyian dibacaatn ka samua kamaruk-kamaruk.
\v 28 Kasih karunia Yesus Karistus, Tuhan Jubata dirik, nyaratai'k kao!