knx-x-bajare_reg/51-PHP.usfm

\id PHP
\ide UTF-8
\h Filipi
\toc1 Filipi
\toc2 Filipi
\toc3 php
\mt Filipi
\c 1
\cl Pasal 1
\p
\v 1 Umpat ka Paulus ba Timotus, Palayan-palayan Jubata Yesus Karistus, ka samua uarkng nang kudus daamp Jubata Yesus Karistus ka Filipi, ba na'k panatua jemaat ba diakon.
\p
\v 2 Kasih karunia ba damai sejahtera dari Jubata Panampa, Apa'k diri'k ba Jubata Yesus Karistus nyaratai'k diri'k samua.
\p
\v 3 Aku ngucapatn sukur ka Jubata Panampa ku, satiap kai aku ngingatatn kita'k.
\v 4 Dan satiap kai aku ba doa untok kita'k samua, aku salalu ba doa daamp suka cita.
\v 5 Aku ngucapatn sukur ka Jubata Panampaku jukute persekutuannyu daamp Barita Injil mulai dari ari nang dohok sampe ari nyian.
\v 6 Akan hal nyian aku yakin sapanuhhe, yakoa Ia, nang mulai pakarajaatn nang baikka antara kita'k, akan narusatnne ka sampe ka akhire pada ari ka matiat Jubata Yesus Karistus.
\p
\v 7 Memang udah sapatutte aku ba pikir ayakoa ka kita'k samua, jukut kita'k koa ada ka daamp atiku, maka koa kita'k samua lalu namu bagian daamp kasih karunia nang dimareatn ka aku, baik waktu aku ka pinjara, gek waktu aku membela ba naguhatn Barita Injil.
\v 8 Soalle Jubata Panampa koa saksiku kade aku ba kasih mesra Jubata Yesus Karistus ina'k batah ka kita'k samuae.
\p
\v 9 Dan nyianlah doaku, semoga kasihnyu makin malimpah ka daamp pangatatahuan nang banarba daamp sagala macam pangaratiatn,
\q1
\v 10 lalu kao bisa milih nang baik, biar kao suci ina'k ba cacat waktu ari Karistus,
\q1
\v 11 barinsi'k buah kabanaratn nang di ngajarat Jubata Yesus Karistus untok muliaatn ba muji Jubata Panampa.
\p
\v 12 Aku maoo'k, kamaruk-kamaruk, biar kao nauan, kade ahe nang ta jadi ka aku nyian justru udah minjawat kamajuatn Injil.
\v 13 Makae udah jelas ka samua urakng istana ba samua urakng lain, kade aku di minjara karena Karistus.
\v 14 Lalu kamanyakatn kamaruk daamp Jubata Yesus udah namu kapicayaatn gara-gara aku diminjara biar batambah barani ba kata-kata tentang Firman Jubata Panampa ina'k ada rasa gai'k.
\p
\v 15 Ada uga'k urakng nang maritaatn Karistus jukut dangki ba basalisih, tapi ada ugak nang maritaatn-Ne ba maksud maik.
\v 16 Mereka nyian maritaatn Karistus jukute kasih, soale mereka nauan, kade aku ka dian untok mela Ijil,
\v 17 tapi nang lain jukute ada kepentingan babaro ba maksud ina'k iklas, sangkae kade aya koa mereka muat beban ku makin barat ka daamp pinjara.
\p
\v 18 Tapi ina'k diahe, jukut ayamae pun uga'k, Karistus di maritaatn, baik ba maksud palsu gek ba maksud jujur. Tentang koa aku basukacita. Tarus aku tatap ba suka cita,
\v 19 soale aku nauan, kade'k udah samuae nyian koalah kasalamatatn ku oleh doanyu ba pertolongan Roh Yesus Karistus.
\v 20 Soale nang miah ku ngarinduatn ba ku ngarapatn koa kade aku ina'k bisa supe, tapi aya nang dee, ayakoa ugak angkitn, Karistus udah nyata dimuliaatn ka daamp tubuhku, baik ka idupku gek ka matiku.
\v 21 Soale bagiku idup adalah Karistus kade mati adalah kauntungan.
\v 22 Tapi kade aku arus idup ka dunia nyian, koa baarti bagiku bakaraja mareaatn buah. Jaji mae nang arus aku pilih, aku ina'k nauan.
\v 23 Aku di desak dari dua pihak: aku maoo'k ampus ba diamp ba sama-sama Karistus-koa memang jauh labih baik;
\v 24 tapi lebih pararu ba diamp ka dunia nyian karena kao.
\v 25 Ba kadaamp kayakinan nyian nauanlah aku: aku bisa diamp ba aku bisa ba sama-sama agi'k ba kita'k samuae biar kita'k makin maju ba sukacita ka daamp iman.
\v 26 lalu kamegahannyu daamp Karistus Yesus makin batambah karena aku, seandaie aku muakng ka kita'k.
\p
\v 27 Kahe, biarlah idupnyu sasuai ba Injil Karistus, biar kade aku atakng aku nee, ba kade aku ina'k atakng aku nagar, kade kao badiri daamp sege roh, ba sehat sa ati sa jiwa ba juang ka iman nang muookdari Barita Injil.
\v 28 ba ina'k di gai'ik sadikit pun di lawannyu. Baginyu mereka samuae koa adalah tanda kabinasaatn, tapi baginyu tanda kasalamatatn, koa ataknge dari Jubata Panampa.
\v 29 Sabab kade kao dikaruniaatn buke kahe untok picayak ka Karistus, tapi ugak mandarita untok Ia,
\v 30 daamp pergumulan nang sama aya nang dee kao nee ka aku, ba nang angkitn kao nagar tentang aku.
\c 2
\cl Pasal 2
\p
\v 1 Jaji kade daamp karistus ada nasehat, ada pangiburatn kasih, ada persekutuan Roh, ada kasih mesra ba belas kasihatn,
\v 2 makae koa sampuranaatn sukacitaku ba hal nyian: biarlah kao sa ati sa pikir, ka daamp sete kasih, sete jiwa, sete tujuan,
\v 3 sabab ina'k ngago'k ka pantinganba baro gek puji-pujian nang sia-sia. Sabalikke biarlah ba rendah ati nang sa urakng nganggap nang lain lebih utama dari pada diri'k e ba baro;
\v 4 makae koa amelah tiap-tiap urakng kahe maratiatn ka pentinganne babaro, tapi kapantingan urakng lain uga'k.
\p
\v 5 Biarlah kao ka daamp idupnyu ba sama, narohi'k pikiran ba parasaan nang ada uga'k ka daamp Jubata Yesus Karistus,
\v 6 nang biarpun ka daamp rupa Jubata Panampa, ina'k ngangap sabaya ba Jubata Panampa aya nook diri'k nang harus dipertahankan,
\p
\v 7 tapi udah ngosongan diri'k-E babaro, ba naap rupa toleh amba, jaji tolen sabaya ba manusia.
\v 8 ba daamp kadaamp ka adaan jaji manusia, Ia udah ngarendahatn diri'k-E ba taat sampe mati bahkan sampe mati ka atas kayu salib.
\p
\v 9 Koalah sababpe jubata Panampa miah ningiatn Ia ba ngaruniaatn ka-Ia dama ka atas sagala dama,
\v 10 biar ka daamp dama Yesus balipat tuut sagala nang ada ka angit ba nang ada ka babah bumi,
\v 11 ba sagala jiah ngakok: "Yesus Karistus adalah Jubata," bagi kamuliaatn Jubata Panampa, Apa'k.
\p
\v 12 Oi kamaruk-kamaruk nang ku kasihi, kao salalu taat; makae koa tataplah karajaan kaselamatannyu ba gaik ba genta, buke kahe waktu aku masih ada, tapi terlebih pula angkint waktu aku ina'k ada.
\v 13 maka koalah Jubata Panampalah nang ngarajaan ka daamp kao baik kamaoan gek pakarajaantnnuruti ka relaan-Ne.
\p
\v 14 Karajaanlah sagala sasuatu ina'k bebe-bebe ba inak ba bantah-bantah,
\v 15 biar kao ina'k ba aib ba ina'k ba noda, jaji anak-anak Jubata Panampa nang ina'k ba cela ka tangah-tangah angkatan nang bengkok atie ba nang sasat nyian, sehingga kao ba cahaya ka antara mereka nang aya bintakng-bintakng ka dunia.
\v 16 sambi nyinggik ka firman ka idupatn, biar aku bisa bermegah waktu ari Karistu, bahwa aku inak toa'k-toa'k balomba'k ba iank paracuma ba susah-susah.
\p
\v 17 Tapi biar sakaipun darahku dinontongan ka korban ba ibadah imannyu, aku ba sukacita dan aku ba sukacita ba kit'k samuae.
\v 18 Yakoa uga'k kao arus ba sukacita lalu basukacitalah ba aku.
\p
\v 19 Tapi ka daamp Jubata Yesus Karistus ku ba arap bijak ngiriman Timotius ka kita'k, biar tanang uga'k atiku oleh kabar tentang hal ihwalnyu.
\v 20 kade ina'k ada urakng nang ka aku, nang sa ati sa pikir ba aku nang ba sunguh-sunguh maratiatn ka pantingan nyu,
\v 21 sabab samuae koa ngangok ka pantingan diri'ke babaro, buke kapentingan Karistus Yesus.
\v 22 Kao nauan kade kasetiaan udah tauji ba hahwa ia udah nolong aku ka daamp palayanan Injil sama aya anak nolong apa'k e.
\v 23 ialah nang ku nagrapatn sacapate, dah ka teeatn ka aku ayamae jaatn pakaraku;
\v 24 tapi ka daamp Jubata aku picayak bahwa akupun mo'k bijak atakng.
\p
\v 25 Samintara koa aku anggap pararu ngiriman Efaprodituska kita'k, ya koa kamaruk ku ba ayukng sa karaja ba ayukng sa perjuanganku, nang kita'k ngirim ngalayani ka pararuatnku.
\v 26 Soale ia ina'k sidi batah ka kita'k samuae ba susah ugak atie, soale kita'k nangar kade ia rongkok.
\v 27 Memang banar ia rongkok bahkan amper mati, tapi Jubata Panampa Kasih ka ia, buke kahe ia tapi aku ugakbiar ka susahaatn ku ina'k ba tambah-tambah.
\v 28 Koalah sebabpe ku mijaki'k ngiriman ia, biar kade kita'k nee ia kita'k labih ba suka cita maka bakuranglah duka cita ku.
\v 29 Jaji sambutlah iaka daamp Jubata Yesus ba sukacita tarus hormati urakng-urakng aya ia koa.
\v 30 Jukute gara-gara bakaraja jaji palayan Karistus ia amper mati ba bataroh nyawa nyukupi ahe nang kurang daamp palayanannyu ka aku.
\c 3
\cl Pasal 3
\p
\v 1 Akhire, kamaruk-kamaruk ku, ba repoatlah kita'k ka daam Jubata Yesus Karistus. Nulisatn hal nyian agi'k ka kita'k inak'k lah barat bagiku ba mare ka pastiatn ka kita'k.
\p
\v 2 Ati-atilah ka asu'k-asu'k, ati-atilah ka pakaraja-pakaraja nang jahat, ati-atilah ka pamaak-pamaak nang palsu,
\v 3 jukute kita'k koalah urakng nang ba baak, nang sambayangdi Roh Jubata Panampa, ba megah ka daamp Yesus Karistusba inak narohatn picayak ka hal-hal dunia.
\v 4 Sakaipun aku ada uga'k alasan picayak ka hal-hal dunia. Kade ada urakng lain nang nyangka kade bisa narohatn picayak eka hal-hal dunia aku ahe agik:
\v 5 dimaak ari ka lapan, dari bangsa Israel, suku Benyamin, urakng Ibrani asli, tentang pendirian ka ukum Taurat aku urakng Farisi,
\v 6 tentang karajaan aku panganiaya jemaat, tentang kabanaratn daam naati ukum Taurat aku ian'k ba cacat.   
\p
\v 7 Tapi ahe nang dohok ku anggap kauntung ka aku, angkitn ku anggap karugiatn soale Karistus.
\v 8 Malahan sagalae koa ku anggap rugi, soale panganalatn akan Yesus Karistus, Jubataku, labih mulia dari pada samuae. Makae koa Ialah aku udah ngalapasatn samuae koa ba ku nganggappe raho, biar aku namu Karistus,
\v 9 Ba ada ka daamp Ia buke ba kabanaratn ku babaro tapi naati ukum Taurat, tapi ba kabanaratn kapicayaatn ka Karistus, yakoa Kabanarat Jubata Panampa anugrahatn ba dasartn kapicayaatn.
\v 10 Nang ku maoan adalah nganal Ia bakuasa kabangkitatn-Ne ba persekutuan daamp pandaritaatn-Ne, dimae aku jaji sarupa ba Ia daamp kamatiatn-Ne,
\v 11 biar aku akhire namu kabangkitatn dari antara urakng mati.
\p
\v 12 Buke ba saolah-olah aku udah namu hal nyian lalu dah sampurana, tapi aku barusah neleh ia, kade-kade aku bisa bisa ugak naappe, jukute aku ugak udah di nagkap gara-gara Karistus Yesus.
\v 13 Kamaruk-kamaruk, aku babaro inak nganggap, kade aku udah naappe. tapi nyian nang ku nglakukan: aku ngaupaatn ahe nang udah ada ka tomokngku ba ngarahatn diriku kaahe nang ada ka adapant ku,
\v 14 ba teleh ka tujuan biar namu adiah, yakoa panggilan sorgawi dari Jubata Panampa ka daamp Karistus Yesus.
\p
\v 15 Makae koa ije'klah diri'k, nang sampurana, bapikir ayakoa. Ba kade lain pikirannyu tentang salah satu hal, hal koa akan dinyataatn Jubata Panampa ugak ka kao.
\v 16 Tapi baiklah tingkat pangaratiatn nang udah diri'k namu diri'k lanjutatan nurut maraga nang diri'k majaatni.
\v 17 Kamaruk-kamaruk, turutilah contohku ba paratiatnlah mereka, nang idup sama aya kami nang udah jaji contohnyu.
\v 18 Jukute, aya nang udah suah ku ngataatn ka kao, ba nang ku nyataatn pula angkitn sampe nagis, manyak urakng nang idup ba musuhatn ba salib Karistus.
\v 19 kaudahatnne mereka koa adalah kabinasaatn, Jubata mereka koa adalah parut mereka, kamuliaatn mereka koa adalah aib mereka, pikiran mereka koa kahe samata-mata tatuju ka pakara dunia.
\v 20 Soale kawarganegaraatn diri'k adalah ka daamp saruga, ba dikoa uga'k diri'k ngantiatn Jubata Yesus Karistus nang jaji Jurussalamat,
\v 21 nang bisa ngubah tubuh diri'k nang hina nyian, biar sarupa ba tubuh-He nang mulia, nuruti kuasa-E nang bisa ngalahatn sagala sasuatu ka diri-E.
\c 4
\cl Pasal 4
\p
\v 1 Makae koa, kamaruk-kamarukku; nang ku kasihi ba nang k rinduatn, sukacitaku, ba mahkitaku, badirilah kuat-kuat ka daamp Jubata, hoi kamaruk-kamaruk nang aku kasihik!
\p
\v 2 Eodia kunasehati ba Sintikhe kunasehati, biar sa ati sa pikir ka daam Jubata Yesus.
\v 3 Bahkan, kumintak ka kao ugak, Sunsugos ayukngku nang setia; tolonglah mereka. Soale mereka koa dah berjuang ba aku kadaamp pakara Injil. sabaya-baya ba Klemens ba ayukng-ayukngku sa karaja nang lain, nang dama-dame nang ada ta tulis kadaamp kitab kaudupatn.
\p
\v 4 Basukacitalah salalu kadaamp Jubata Yesus! Sakai agik ku kataatn: ba sukacitalah!
\p
\v 5 Biarlah kabaikatn atinyu dinauan samua urakng. Jubata udah samak!
\v 6 Aelah kirae kao uwater tentang ahe pun ugak, tapi nyataatn kadaamp sagala hal ka maoannyu koa ka Jubata Panampa ka daamp doa ba permohonannyu ba ucapatn sukur.
\v 7 Damai Sajahterah Jubata Panampa, nang nguatnni sagala akal, ia nang mihara ati ba pikirannyu ka daamp Yesus Karistus.
\p
\v 8 Jaji akhire, kamaruk-kamaruk, samua nang banar samua nang mulia, samua nang adil, samua nang suci, samua nang manse, samua nang nyaman didangar, samua nang dinyabut kabajikan ba patut di puji, pikiratnlah samuae koa.
\v 9 Ba ahe nang udah kao malajari ba ahe nang udah kao narima, ba ahe nang udah kao nagar, ba baahe nang udah kao neek ka aku, karajaanlah koa. Maka Jubata Panampa sumber damai sejahtera akan nyaratai kao.
\p
\v 10 Aku miah ba sukacita ka daamp Jubata Yesus, bahawa akhire pikirannyu ba parasaannyu idup agik untok aku. Memang ada hane paratiannyu, tapi ina'k ada kasempatan ka kao.
\v 11 Nang kungataatn nyian bukelah kakurangan, soale aku udah balajar nyukupi diriku ka daam tiap kaadaan.
\v 12 Aku nauan uga'k ahe koa kauwateratn ba aku nauan ahe koa kalimpahatn. Daamp sagala hal ba daamp sagala pakara ina'k ada sege'k pun nang rahasia ka aku; baik daamp ka kanyangan, gek kadaamp kaaparatn, baik daamp hal ka kalimpahatn gek ka daamp hal kakurangan.
\v 13 Sagala pakara bisa kutanggong ka daamp Ia nang mare kakuatatn ka aku.
\p
\v 14 Tapi baik uga'k pambuatatnnyu, kade kao udah baap bagian ka daamp kasusahatnku.
\v 15 Kao babaro nauan uga'k, hoi urakng-urakng Filipi; waktu koa aku baru uga'k maritaatn Injil, waktu aku barangkat umpat ka Makedonia, ina'k ada seko jemaat pun nang ngadaatn paretongan utakng piutakng ka aku salain ka kao.
\v 16 Makae ka Tesalonika pun kao udah sakai dukai ngiriman bantuan ka aku.
\v 17 Tapi nang ku nomor satuatn bukelah pamareatn koa, tapi buahhe, nang siak ngayatn ka untungannyu.
\v 18 Angitn aku udah narima samua nang parau umpat ka kao, malahan labih dari koa. Aku ba kalimpahatn, soale aku udah narima kirimannyu umpat ka Epafroditus, sete persembahan nang babau mangat, sete korban nang di sukai ba nang berkenan ka Jubata Panampa.
\v 19 Jubata Panampa ku mao'k nyukupatn sagala kapararuatnku nuruti kakayaatn ba kamuliaatn-Ne ka daamp Karistus Yesus.
\v 20 Dimuliaatnla Jubata Panampa ba Apa'k diri'k salama-lamae. Amin.
\p
\v 21 Sampeatnlah salamku ka tiap-tiap urakng nang kudus ka daamp Yesus Karistus.
\v 22 Salam ka kita'k dari samua urakng kudus, khusus se dari mereka nang ka istana kaisar.
\p
\v 23 kasih karunia Jubata Yesus Karistus nyaratai sumangatnyu!