knx-x-bajare_reg/56-2TI.usfm.orig

\id 2TI
\ide UTF-8
\h 2 Timotius
\toc1 2 Timotius
\toc2 2 Timotius
\toc3 2ti
\mt 2 Timotius
\c 1
\cl Pasal 1
\p
\v 1 Dari Paulus, rasul Yesus Karistus oleh kamaoan Jubata untu' maritaatn janji parihal idup daapm Karistus Yesus,
\p
\v 2 untu' Timotius, anakku nang ku ngasihi'k: kasih karunia, rahmat ba damai sajahtra dari Jubata ba Karistus Yesus, Tuhan diri'k, nyaratai kao.
\p
\v 3 Aku ngucap sukur ka Jubata, nang ku ngalayani'k ba ati nurani nang murni aya nang di mabuat ene'k moyangku. Ba sau aku ngingat kao daapm pamohonanku, baik siakng ge'k pun maam.
\v 4 Ba kade'k aku takanang ka ai'k matanyu nang kao netepatn koa, aku mao'k sidi nee'k kao agi'k biar panuh kasukaanku.
\v 5 Barang aku taringat ka imannyu nang tulus iklas, yakoa iman nang doho'k idup ka daapm eneknyu Lois ba ka daapm uwe'knyu Eunike ba nang aku yakin idup uga'k ka daapm diri'knyu.
\v 6 Barang koalah ku ngingati'k kao untu' ngobaratn karunia Jubata nang ada ka kao di panumpangan kokotku ka atasnyu.
\v 7 Barang Jubata mareatn ka diri'k buke' roh gai'k, tapi roh nang mangkitatn kakuatan, kasih ba katertipan.
\p
\v 8 Jadi amelah supe'k basaksi tentang Tuhan diri'k ba amelah supe'k karna aku, urakng nang dingukum karna Ia, tapi ikutlah menderita untu' Injil oleh kakuatan Jubata.
\v 9 Ia lah nang nyalamatatn diri'k ba nang nyarui'k diri'k ba dama nang kudus, buke' badasarkan perbuatan diri'k, tapi badasarkan maksut ba kasih karunia-E, nang udah dingaruniakanka diri'k daapm Karistus Yesus sanape'k pamulaan jaman
\v 10 ba nang ampeatn dinyatakan di kaatangan Juruselamat diri'k Yesus Karistus nang di Injil udah matahatn kuasa maut ba ngatangan idup nang ina'k bisa binasa.
\p
\v 11 Untu' Injil nyianlah aku udah dinatapatn jaji pambarita, jaji rasul, ba jaji guru.
\v 12 Barang koalah aku ngarasaatn penderitaan samua nyian, tapi aku ina' supe'k; barang aku nauan ka sae aku picaya'k ba aku yakin kade' Ia bakuasa miharaatn ahe nang udah Ia micayatn ka aku sampe ka ari Tuhan.
\p
\v 13 Singiiklah sagala sasuatu nang udah kao nangar dari aku untu' jaji contoh ajaran nang sehat ba pabuatlah koa daapm iman ba kasih daapm Yesus Karistus.
\v 14 Piharalah harta nang gagas, nang udah dimicayaatn Dihe ka diri'k, di Roh Kudus nang diapm ka daapm diri'k.
\p
\v 15 Kao nauan kade'k samua kabatnne nang ka daerah Asia Ene'k bapaling dari aku; termasuk Figelus ba Hermogenes.
\v 16 Jubata kira'k e ngaruniaatn barakat-Te ka kaluarga Onesiforus nang udah baulang-ulang nyagaratn atiku. Ia ina'k supe'k namui'k aku ka daapm pinjara.
\v 17 Sawaktu ka Roma, ia barusaha ngagui'k aku ba udah namui'k aku.
\v 18 Kira'e Jubata nojokatn barakat-Te ka ia ka ari-E ana. Manyak sidi palayanan nang ia mabuat ka Efesus kao labih nauan koa dari pada aku.
\c 2
\cl Pasal 2
\p
\v 1 Untu' koalah, o anakku, jajilah kuat daapm kasih karunia Yesus Karistus.
\v 2 Ahe nang udah kao nangar dari aku kaadapatn manyak saksi, picayaatnlah koa ka urakng-urakng nang bisa dipicayai'k, nang gagas ugak ngajari'k urakng lain.
\v 3 Turutlah menderita jaji prajurit nang baik dari Yesus Karistus.
\v 4 Seko'k prajurit nang agi'k bajuang ina'k mikiratn diri'k e ka parihal kaiduapatn ne, ayakoa biar ia bisa gagas kaadapatn komandanne.
\v 5 Olahragawan kahe bisa namuan mahkota sebagai juara, kade'k ia batanding sasuai ba paraturan-paraturan olahraga.
\v 6 Petani nang bakaraja karas haruslah nang doho'k nikmati'k asil karajae.
\v 7 Paratiatnlah ahe nang kungataatn; Tuhan akan mareatn kakao pangatahuan daapm sagala hal.
\p
\v 8 Ingatlah nyian: Yesus Karistus, nang udah bangkit dari antara urakng mati, nang udah dimaranakatn sebagai katurunan Daut, koalah nang ku maritaatn daapm Injilku.
\v 9 Karna pambaritaan Injil nyianlah aku menderita, malah dingarante aya panjahat, tapi firman pakataatn Jubata ina tarante.
\v 10 Karna koa aku sabar nanggong samua e koa untu' urakng-urakng pilihan Jubata, biar kabatnne uga'k namu kasalamatn daapm Yesus karistus ba kamuliaan nang kekal.
\p
\v 11 Banarlah pakataatn nyian: "Kade'k diri'k mati ba Ia, diri'k pun akan idup ba Ia;
\q1
\v 12 kade'k diri'k setia, diri'k pun akan turut mamarentah ba Ia; kade'k diri'k nyangkal Ia, Ia pun akan nyangkal diri'k;
\q1
\v 13 kade'k diri'k ina'k setia, Ia tatap setia, barang Ia ina'k bisa masangkaatn diri'k-E."
\p
\v 14 Ingattatnlah ba pasananlah samua koa sidi-sidi ka kabatnne ka adapatn Jubata, biar ame kabatnne koa basilat kata, barang hal koa sama sakai ina'k baguna, malah ngacauatn urakng nang nangar ia.
\v 15 Usahaatnlah supaya kao layak kaadapatn Jubata sebagai urakng nang bakaraja ina'k usah supe'k, nang batarus tarang maritaatn pakataan kabanaran koa.
\p
\v 16 Tapi hindari'klah omogan nang kosong ba nang ina suci nang kahe nambah kafasikatn.
\v 17 Pakataatn kabatnne manjalar aya panyakit kanker. Kaantara kabatnne termasuk Himeneus ba Filetus,
\v 18 nang udah nyimpang dari kabanaran kabatnne ngajaratn kade'k kabangkitan diri'k udah tajaji nang aya koa udah ngarusak iman sabagian urakng.
\p
\v 19 Tapi dasar nang di narohatn Jubata koa kuat ba materaie ialah: "Tuhan nganal sae kapunyaan-Ne" ba "Satiap urakng nang nyabut dama Tuhan haruslah ningaatn kajahatan."
\p
\v 20 Daapm rumah nang aya'k buke kahe ada parabot dari amas ba perak, tapi dari kayu ba tanah uga'k; nang pertama di pake untu'k maksut nang mulia ba nang tarahir untu'k maksut nang kurang mulia.
\v 21 Kade'k urakng nyuciatn diri'k e dari hal-hal nang jahat, ia akan jaji parabot rumah untu'k maksut nang mulia, ia dingudusatn, dinee'k pantas untu'k di pake di tuanne ba dinyiapatn untu'k satiap pakarajaan nang mulia.
\p
\v 22 Barang koa jauhi'klah napsu urakng muda'k, tapi pabuatlah kaadilan, kasetiaan, kasih ba damai ba sama-samaa ba kabatnne nang basaru'k ka Jubata ba ati nang murni.
\v 23 Hindari'klah soal-soal nang di ngago'k-ngago'k, nang bodo ba nang ina'k pantas. Kao nauan kade'k soal-soal koa nimuan patangkaratn,
\v 24 sedangkan seorang hamba Tuhan ina'k muih batangkar, tapi harus ramah ka samua urakng. Ia harus sanggup ngajar, sabar
\v 25 ba lamah lamut bisa nuntun urakng nang suka malawan, barang mungkin Jubata mare'k kasempatan ka kabatnne untu'k batobat ba mimpin kabatnne sampe kabatnne nganal kabanaran,
\v 26 karna koa kabatnne jaji sadar agi'k, barang talapas dari parangkap Ibalis nang udah ngikat kabatnne ka daapm kamaoan ne.
\c 3
\cl Pasal 3
\p
\v 1 Tautanlah kade' ka ari-ari dudi ana akan atakng masa sumput.
\v 2 Manusia kahe akan sayakng ka diri'k e babaro ba jaji amba duit. pangalok ba akan nyombongan diri'k e, kabatnne akan jaji panuduh, kabatn ne akan malawan ka urakng tuha ba ina'k nauan batarima'k kasih, ina'k maduliatn agama,
\v 3 ina nauan mengasihi'k, bai' badamai, suka majahat urakng, ina' bisa nahan diri'k e, garang, ina'k suka nang baik,
\v 4 suka berhianat, ina'k bapikir panyakng, balagak naun, labih nuruti'k hawa napsu dari pada nuruti'k Tuhan.
\v 5 Kateeatnne kabatnne aya majaanan ibadahhe, tapi sabanare kabatnne ina'k picaya ka kakuatanne. Jauhi'klah urakng yakoa!
\p
\v 6 Barang kaantara kabatnne ada urakng-urakng nang nyalundup ka rumah urakng lain ba menjerat nang bini-bini nang lamah nang badosa ba nang dinguasai'k di bamacam-macam napsu,
\v 7 nang biarpun sau mao'k diajar, tapi ina'k suah nganal kabanaran.
\v 8 Sama aya Yanes ba Yambres nantakng Musa, yakoa uga'klah kabatnne nantakng kabanaran. Akal kabatnne bobrok ba iman kabatnne ina' tahan uji.
\v 9 Tapi udah pasti kabatnne ina' akan labih maju, barang aya tolen Yanes ba Yambres, kabodoatn kabatnne pun akan nyata ka samua urakng.
\p
\v 10 Tapi kao udah nuruti'k ajaranku, cara idupku, pendirianku, imanku, kasabaranku, kasihku, katekunanku.
\v 11 Kao udah ikut menderita penganiayaan ba singsara aya nang udah ku derita ka Antiokia ba ka Ikonium ba ka Listra. Samua panganiayaan koa ku nagaratn ba Jubata udah ngalapasatn aku dari pada koa.
\v 12 Memang satiap urakng nang mao'k idup baibadah ka daapm Karistus Yesus akan menderita aniaya,
\v 13 sedangkan urakng jahat ba panipu akan batambah jahat, kabatnne nyasattatn ba disasatantn.
\p
\v 14 Tapi haruslah kao tatap basinggi'k ba ka kabanaran nang udah kao narima'k ba nang kao yakini', ba sau ngingat urakng nang udah ngajaratn ia ka kao.
\v 15 Ingatlah uga'k kade' dari enek kao udah nauan Kitap Suci nang bisa mare'k pangatahuan ba nuntun kao ka kasalamatan iman ka Yesus Karistus.
\v 16 Sagala tulisan nang dimareatn di Jubata memang bauna untu' ngajar, untu' matakatn kasalahan, untu' maiki'k kalakuan ba untu' nidik urakng daapm kabanaran.
\v 17 Karna yakoa tiap-tiap manusia kapunyaan Jubata diperlengkapi untu' satiap perbuatan baik.
\c 4
\cl Pasal 4
\p
\v 1 Kaadapatn Jubataba Yesus Karistus nang akan ngakimi' urakng nang idup ba nang mati, aku bapasatn sidi-sidi ka kao demi Kahadiran-Ne ba demi Karajaan-Ne:
\v 2 Baritaatnlah firman, siap sedialah baik gek ina' baik waktu e, padahatnlah ahe nang salah, tagurlah ba nasihati'klah ba kasabaran ba pangajaran.
\p
\v 3 Barang akan atakng waktu e, urakng ina' bisa agi'k narima'k ajaran sehat, tapi kabatnne akan ngomoan guru-guru sasuai kamaoanne untu' muasatn tarenyekngnge.
\v 4 Kabatnne akan malekatn tarenyekngnge dari kabanaran ba muka ia untu curita dongeng.
\v 5 Tapi kuasai'klah diri'k nyu daapm sagala hal, sabarlah menderita, baritaatnlah Injil ba tunaiatnlah tugas palayanannyu!
\p
\v 6 Kade'k soal diri'kku, darahku udah mulai ta tumpah untu jaji persembahan ba waktu kamatian ku udah samak.
\v 7 Aku udah ngakiri'k pertandingan nang baik, aku udah nyampe ka garis ahir ba aku udah mihara iman.
\v 8 Ampeatn udah tersedia untu' ku mahkota kabanaran nang udah dingaruniakan ka aku di Tuhan, Hakim nang adil, ka ari-E; tapi buke' kahe ka aku, tapi uga'k ka samua urakng nang ngarinduatn ka atangan-Ne.
\p
\v 9 Barusahalah biar bijak atakng ka aku,
\v 10 barang Demas udah nyintai'k dunia nyian ba ningaatn aku. Ia udah barangkat ka Tesalonika. Krekes udah ampus ka Galatia ba Titus ka Dalmatia.
\v 11 Kahe Lukas nang diapm ba aku. Jemputlah Markus ba icaknglah ia kadian, barang palayananne penting bagiku.
\v 12 Tikhikus udah ku ngirim ka Efesus.
\p
\v 13 Kade' kao ka dian icakng ugak jubah nang ku ningaatn ka Troas ka rumah Karpus ba kitap-kitapku ugak, terutama perkamen koa.
\p
\v 14 Aleksander, tukang timaga koa, udah manyak babuat kajahatan ka aku. Tuhan akan maas sasuai pabuatanne.
\v 15 Haruslah kao uga'k waspada ka ia, barang ia nantakng sidi ajaran diri'k.
\p
\v 16 Ka pembelaan ku nang doho'k ina' seko' urakng pun nolong aku, samuae ningaatn aku- kira e samua koa ina' ditanggongan ka atas kabatnne koa-,
\v 17 tapi Jubata udah ngayukngi aku ba nguatatn aku, biar ba parantara aku Injil dibaritaatn sapanuhe ba samua urakng buke' Yahudi nangaratn ia. Untu koa aku akan lapas dari moot singa.
\v 18 Ba Jubata akan ngalapasatn aku dari satiap usaha nang jahat. Ia akan nyalamatatn aku, biar aku taama'k ka daapm karajaan-ne ka saruga. Untu' Ia-lah kamuliaan salama-lamae! Amin.
\p
\v 19 Salam ka Priska ba Akwila ba ka kaluarga Onesiforus.
\v 20 Erastus diapm ka korintus ba Trofimus ku ningaatn daapm kaadaan sakit ka Miletus.
\v 21 Barusahalah ka dian sanape munsim dingi. Salam dari Ebulus ba Pudes ba Linus ba Klaudia ba dari samua saudara.
\p
\v 22 Tuhan nyaratai' rohnyu. Kasih karunia-E nyaratai kao!