knx-x-bajare_reg/55-1TI.usfm

\id 1TI
\ide UTF-8
\h 1 Timotius
\toc1 1 Timotius
\toc2 1 Timotius
\toc3 1ti
\mt 1 Timotius
\c 1
\cl Pasal 1
\p
\v 1 Dari Paulus, rasul Jubata Karistus Yesus manurut parentah Jubata Panampa, Juruslamat diri' ba Jubata Karistus Yesus, nang jaji dasar pangarapatn diri'.
\p
\v 2 Untuk Timotius, anakku nang sah ka daamp iman: kasih karunia, rahmat man damai sajahtera umpat ka Jubata Panampa Apa'k diri' ba Karistus Yesus, Jubata diri' nyaratai kao.
\p
\v 3 Waktu koa pas aku narusatn pa'jaa'nanku ka binua Makedonia, aku udah nyuruh kao biar kao diaamp ka Efesus bisa nasehati urakng-urakng tatantu ka koa, biar mereka ame ngajaratn ajaran nang lain.
\v 4 ataupun sibuk curita ba tutur nang inak putus-putus, nang minjawat masalah kahe, buke kasalamatan idup tertip nang di mare Jubata Panampa ka daamp iman diri'
\v 5 Tujuan nasehat koa ialah kasih nang timu dari daamp ati nang suci, dari ati nurani nang murni ba dari iman nang tulus ikhlas.
\p
\v 6 tapi ada ugak urakng nang inak sampe ka tujuan koa nang sasat ka daamp omongan nang sia-sia.
\v 7 mereka koa maok jajia'k pangajar hukum Taurat padahal mereka inak ngarati ahe pokok-pokok nang mutlak ba pasti nang mereka madahatn.
\p
\v 8 diri' nauan bahwa hukum Taurat koa baik kade tapat pangunaane.
\v 9 maka dengan ka sadaratn bahwa hukum Taurat koa buke lah bagi urakng nang banar tapi bagi urakng nang durhaka, urakng nang kejam, bagi urakng nang jahat, bagi urakng duniawi, bagi urakng inak ba agama, bagi pamunuh apak, bagi nang pamunuh uwe'k, bagi urakng nang pamunuh,
\v 10 bagi urakng nang cabul ba pamabayak, bagi pancolek, bagi urakng pangalok, bagi urakng makatn sumpah dan sataruse sagala sasuatu nang ba tantangan ajaran nang sehat.
\v 11 nang sasuai ba Injil dari Jubata Panampa nang Mulia ba maha bahagia, saparati nang di micayaatn ka aku.
\p
\v 12 aku ba sukur ka Ia, nang nguatatn aku, ya koa Kristus Yesus Jubata diri', maka koa Ia nganggap aku setia ba micayaatn palayanan nyian ka aku-
\v 13 aku nang tadie urakng penghujat ba pa nganiaya ba ganas, tapi aku di ngasihi'k E, jukut samuae koa udah ku ngarajaan tanpa pangatahuan ka luar dari iman.
\v 14 Malah kasih karunia Jubata diri' di mare ba limpahatn ne ka aku daamp iman ba kasih.
\p
\v 15 Pakataatn nyian banar ba patut di tarima' sapanuhe: “Karistus Yesus atakng ka dunia nyian untuk nyalamatatn urakng nang ba dosa", ka antara mereka koa akulah nang paling ba dosa.
\v 16 Tapi sabab koa aku di ngasihi'k, biar ka daamp diri'k ku nyian, jaji urakng nang paling ba dosa, Jubata Yesus Karistus nunjukatn ka sabaratn Ne. maka koa aku jaji contoh bagi mereka nang picayak ka Ia lalu namu idup nang kekal.
\v 17 Hormat ba kemuliaan sampe salama-lamae bagi Raja sagala zaman, Allah nang kekal, nang inak ka teeatn, nang esa! Amin
\p
\v 18 Tugas nyian ku mareatn ka kao Timotius anakku, sasuai ba ahe nang udah di nubuattant ka diri'k nyu, biar di kuatatn ba nubuat koa kao ngusahaatn pajuangan nang baik di saratai iman ba ati nurani nang murni.
\v 19 ada sagahe urakng udah nolak ati nurani nang murni koa, maka koa kandaslah iman mereka,
\v 20 ka antarae Himeneus ba Aleksander, nang udah ku nyarahatn ka iblis, biar jara'k mereka koa menghujat.
\c 2
\cl Pasal 2
\p
\v 1 Pertama-tama aku nasehati: naikkatnlah pa mohonan, ba doa syafaat ba ngucapatn sukur untuk samua urakng,
\v 2 untuk na raja-raja, ba samua pamarentah, biar diri'k bisa idup tanang ba tentram daamp sagala ka salehant ba ka hormatan.
\v 3 koalah nang baik ba nang ba kenan ka adapant Jubata Panampa, Jurusalamat diri'k,
\v 4 nang mao' samua urakng bisa disalamatant biar namu pangatahuan ba kabanaratn.
\v 5 Sabab Allah koa esa maka esa ugak Ia nang jaji pangantara antara Allah ba manusia, yakoa manusia Yesus Karistus,
\v 6 nang udah nyarahatn diri' E jaji tebusan untuk samua manusia. koalah ka saksiatn pada waktu nang di nantuatn.
\v 7 untuk ka saksiatn koalah aku udah di natapatn jaji pambarita ba rasul - ba jaji pangajar urakng-urakng buke Yahudi, ka daamp iman ba ka banaratn.
\p
\v 8 Maka koa aku mao', biar di mae-mae urakng nang laki ba doa nadahatn kokot nang suci, inak bera ba inak ba salisih.
\p
\v 9 yakoa ugak nang bini, biarlah ia ba rias nang pantas, sopan ba sederhana, bu'uke ame di pi'it-pi'it, ame make amas atau mutiara ataupun make pakean nang maha-maha.
\v 10 Tapi biarlah ia ba rias ba kalakuan nang baik, aya nang pantas bagi nang bini ba ibadah.
\p
\v 11 Saharuse nang bini ma diaman dirie ba narima pangajaratn nang patuh.
\v 12 aku inak ngijinan nag bini ngajar ba inak ngijinane marentah nang laki; biarlai ia ma diaman dirie.
\v 13 Jukut Adam nang doho'k di nyajiatn, aka koa baru'klah Hawa.
\v 14 buke Adam uga' nang doho'k tergoda tapi nang bini koa nang doho'k tergoda lalu jantu' ka daamp dosa.
\v 15 Tapi nang bini akan di salamatant jukut maranakatn anak, asal ia tekun ka daamp iman ba kasih ba pengudusan ba sagala ka sederhanaan.
\c 3
\cl Pasal 3
\p
\v 1 Banarlah pakataatn nyian: “urakng nang mao' nuduki jabatan pangurus jemaat nang mao'an pakarajaatn nang gagas.”
\v 2 maka koa pangurus jemaat haruslah urakng nang inak ba cacat cela, aki dari seko' bini, bisa nahan diri'e, bijaksana, baradat, suka mare tumpangan, pintar ngajari urakng.
\v 3 buke panyocok, buke pamera malah bisa ngarataatn, buke amba duit
\v 4 saurakng kapala kaluarga nang baik, di segani ba di hormati anak-anakke,
\v 5 kade ia inak bisa ngapalai' kaluargae babaro, ayamae ia bisa ngurus jemaat Jubata Allah?
\p
\v 6 Amelah ia urakng nang baru' uga' ba tobat, biar ame ia jaji sombong lalu kana ukuman iblis.
\v 7 ia uga'k urakng nang ba dama baik ka luar jemaat, biar ame ia di pakara urakng ana lalu jantu'k ka daamp dosa.
\p
\v 8 Aya koa uga' diakon-diakon haruslah urakng nang terhormat, ina' ba cabang jiah, ina' suka nyocok anggur, ina' tama'ah (serakah),
\v 9 tapi urakng nang mihara rahasia iman ka daamp ati nuranie nang suci.
\v 10 mereka koa uga' harus di uji doho', baru' di tatapatn ka daamp palayanan koa kade' batol mereka inak ba cacat.
\p
\v 11 Ayakoa uga' nang bini-bini ka koa haruslah urakng nang terhormat, ina' pa nyabungan, biarlah mampu nahan diri'e ba bisa di picaya ka daamp sagala hal.
\p
\v 12 Diakon biarlah aki dari seko' bini ba ngurus anak-anak ba kaluargae baik-baik.
\v 13 soale mereka nang ngalayani baik-baik namu ka dudukatn nang baik ka daamp iman ka Jubata Karistus Yesus bisa bebas ba saksi.
\p
\v 14 Samuae koa ku nulisatn ka kao, sabanare ka maoanku koa bisa ngatakngi kao.
\v 15 jaji kade aku nape atakng, kao udah nauan ayamae urakng idup nang udah jaji kaluaga Jubata Allah, yakoa jemaat umpat ka Jubata Allah nang idup, tihakng panopakng ba alas ka banaratn.
\v 16 Maka sabanare agunglah rahasia sambayang diri': “Ia nang udah minjawat diri'E aya manusia, di banaratn ka daamp Roh; nang nee'atn diri'E ka malaikat-malaikat, di maritaatn ka antara bangsa-bangsa nang ina' nganal Jubata Allah; nang di picayaik ka daamp dunia, di ngangkat dari kemuliaan.
\c 4
\cl Pasal 4
\p
\v 1 Tapi Roh sidi tagas ngataatn kade waktu-waktu ana, ada urakng nang murtad lalu ngikuti roh-roh panyasat ba ajaratn setan-setan
\v 2 oleh kana tipu daya pangalok-pangalok nang ati nuranie make cap mereka.
\v 3 Mereka koa mai'an urakng panganten, ngalarang urakng makatn makanan nang di nyiptaatn Jubata Allah biar pangucapatn syukur di makatn urakng nang picayak ba nang kanal kabanaratn.
\v 4 Padahal ahe nang di nyiptaatn Jubata Allah koa baik samua ina' ada sete' pun nang di haramkan, kade samuae koa di tarima dengan ucapatn sukur,
\v 5 jukut samuae koa dah di ngudusatn oleh Firman Jubata Allah ba oleh doa.
\p
\v 6 Kade sau ngingat'tant pakara-pakara koa ka kamaru' page diri', kao bisa jaji palayan Jubata Karistus Yesus nang baik, ba pintar daa'mp pakara-pakara dasar iman diri' daa'mp ajaratn sehat nang kao nuna'an salama nyian.
\v 7 Tapi jauhi tahiul ba curita ene'-ene' tuha. Latihlah dirik'nyu ba ibadah.
\v 8 Latihan badan ta batas gunae, tapi ibadah koa baguna ka daa'mp samua hal, jukut ngicakng janji, baik idup angkin gek idup nang ka ana'e.
\v 9 Pakataatn nyian banar ba patut di tarima' sa panuhe.
\v 10 Koala sabab pe diri' susah payah ba juangk, jukut diri' narohatn harapan diri' ka Jubata Allah nang idup, Jurusalamat samua manusia, tarutama mereka nang picayak koa.
\p
\v 11 Baritaa'tn lah ba ajaratn lah samua'e koa.
\v 12 Ame seko' pun ngangap kao babah jukut kao muda'. Jajilah contoh teladan ka urakng-urakng nang picayak, daa'mp pa kataa'nt nyu, daa'mp kalakuannyu, ka daa'mp kasih nyu, ka daa'mp ka setiaannyu ba ka daa'mp ka suciatn nyu.
\v 13 Samintara koa, sa sampe aku atakng rajin-rajinlah maca kitab-kitab Suci, daa'mp mambangun ba daa'mp ngajar.
\v 14 Ame lalai daa'mp ngunaan karunia nang ada ka kao, nang udah di mareatn ka kao oleh nubuat ba panumpangan kokot sidang penatua.
\v 15 Paratiatnlah samua'e koa, iduplah ka daa'mp'e biar kamajuatnnyu koa ka teeatn nyata ka samua urakng.
\v 16 Awasilah diri' nyu babaro ba awasi uga' pangajaratnyu. Sidi-sidilah daa'mp samuae koa, jukut kade ba kalakuan aya koa kao bisa nyalamatatn diri'nyu ba samua urakng nang nagaratn kao.
\c 5
\cl Pasal 5
\p
\v 1 Amelah kao karas ka urakng tuha, tapi tagurlah ia aya' apa'k. Tagurlah urakng-urangk muda' aya adi' ba radi'nyu,
\v 2 nang bini-bini tuha aya uwe' nyu ba nang bini-bini muda' aya adi'nyu nang sidi murni.
\p
\v 3 Hormati uga' janda-janda nang batol-batol janda.
\v 4 Tapi kade ada seko' janda nang ba anak gek ucu', biarlah mereka koa pertama-tama balajar berbakti ka kaum kaluargae sandiri' ba malas budi urakng tuha ba ene'-ene'e, jukut koa nang gagas ka Jubata Allah.
\v 5 Kade ada seko' janda nang banar-banar janda, nang di nigaatn babaroe, nang narohatn harapane ka Jubata Allah, bertekun ka daa'mp pamohonan doa siakng ba maa'm.
\v 6 tapi janda nang idup mewah ba idup balabih-labihatn, ia dah mati sa agik idup,
\v 7 Paringatilah pakara-pakara koa ka janda-janda koa biar mereka idup inak ba cacat cela.
\v 8 Tapi kade ada seko' urakng nang ina' mihara page waris'e apalagi' sa insi' rumahe, urakng koa murtad ba labih jahat agi' dari pada urakng nang ina' ba iman.
\p
\v 9 Nang di daftaratn janda koa, mereka nang ba umur kurang labih anam puluh tahutn, ba kahe sakai panganten.
\v 10 Kade ta bukti pakarajaane baik, aya ngahoan kamuda' mare tumpangan, nyasah paha page waris'e nang sa iman, nolong urakng nang idupe ka susahatn, poko'e mereka magunaan samua ka sempatan koa untuk babuat baik.
\p
\v 11 Amelah daftaratn janda-janda muda'. Jukut kade' mereka di gairahatn mo panganten agi' koa nang bisa minjawat'e jauh ba Jubata Karistus.
\v 12 kade ngianati kesetiaan mereka nang awale ka Ia, mereka koa bisa ngatangan ukuman ka diri'e sandiri'.
\v 13 Kade pun mereka koa kaluar masok ka rumah urakng, mereka koa dah biasa malas-malas kahe, buke' kahe pamalas tapi uga' baleter ba nyampuri' soal urakng lain ba ngataatn hal-hal nang ina' pantas.
\v 14 Maka'e aku mao' biar janda-janda muda' koa panganten agi', namu anak, mimpin rumah tangga'e biar ame sampe mare alasan ka munsuh nang bisa muru'katn dama diri'.
\v 15 jukut sagahe eko' ada janda nang ta sasat nunaan iblis.
\p
\v 16 Kade ada seko' nang laki gek nang bini nang picaya' namu anggota kaluarga nang janda, maka ia mantu' mereka biar mereka ame sampe jaji beban bagi jemaat. Ayakoalah jemaat bisa mantu' mereka nang batol-batol janda.
\p
\v 17 Penatua-penatua nang baik ba pamimpin'e patut di hormati' dua kali lipat, terutama mereka nang susah payah kotbah ba ngajar.
\v 18 Buke' ge kitab suci ba kata: “Amelah kao mampaamp moot sapi nang ba garet,” ba agi' “saurakng pakaraja pantas narima upahe.”
\p
\v 19 Amelah kao narima tuduhatn atas penatua kacuali kade ada ba dua gek ba tiga saksi.
\v 20 mereka nang ba buat dosa haruslah kao tagur ka muha samua urakng biar nang lain pun gai'
\p
\v 21 Ka adapant Jubata Allah ba Karistus Yesus ba malaikat-malaikat pilihan'E kumasaatn sidi ka kao: dangaratnlah patunjuk nyian ame ba buruk sangka ba tindaklah ka daamp sasuatu ame sampe barat sabalah.
\p
\v 22 Aemlah kao babakant nadahatn kokot ka atas kapala urakng ba amelah ikut-ikutan ka daa'mp dosa urakng, jagalah kemurnian diri'nyu.
\p
\v 23 Ame agi' kao kahe nyocok aik' putih tapi tamahi' sadikit anggur, jukut pencernaannyu sadikit taganggu' ba tubuhnyu suka lamah.
\p
\v 24 Dosa sangahe urakng ka teeatn, seakan-akan ngadohoi'k mereka ampus ka pengadilan, tapi ada dosa sagahe eko' urakng ana baru' nyata ka teeatn.
\v 25 Ayakoa uga' kalakuan baik koa bijak kateeatn, soale yakoa ina' bisa di taporatn.
\c 6
\cl Pasal 6
\p
\v 1 Samua urakng nanggong beban perbudakan makae hendaklah nganggap tuan mereka pantas namu kehormatan, biar dama Jubata Allah ba ajaratn diri' inak di caci urakng.
\v 2 Kade tuan mereka urakng nang picaya', amelah ia ina' di segani' jukut masih sakamaruatn ka daa'mp Karistus, tapi biarlah ia dilayani mereka lebih baik agi', jukut tuan mereka nang narima barakat pelayanan koa adalah kamaru' nang picaya' ba nang terkasih. Ajaratnlah ba nasehatilah samuae nyia.
\p
\v 3 Kade seko' ada ngajaratn ajaran lain ba ina' nurut pa kataatn nang sehat yakoa pakataatn Jubata diri' Yesus Karistus ba inak nuruti ajaran nang sasuai ba ibadah diri',
\v 4 ia koa urakng nang balaga' nauan padahal ina' nauan ahe-ahe, panyakite koa ngaggo'-ngaggo' pakara ba basilat jiah, nang minjawat dangki, cidera, pitnah, curiga,
\v 5 percekcokan antara urakng nang ina' agi' ba pikiran sehat ba nang ka idupant kabanaratn, nang ngira ibadah koa sumber ka untungan.
\p
\v 6 Memang ibadah koa kade di saratai rasa cukup, mare kauntungan nang ayak,'
\v 7 maka diri' ina' ngicang' ahe pun ka dunia nyian ba diri' pun ina' ngicangk ahe-ahe pun kade diri ka luar.
\v 8 Asal ada makanan ba pakean, cukuplah.
\v 9 Tapi mereka nang mao' kaya jantu' ka daa'mp pancobaan, ka daa'mp jerat ba kadaa'mp saganap nafsu nang ampa' ba nang nyilakai, nang nigaaman manusia ka daa'mp karuntuhatn ba kabinasaatn.
\v 10 Panyabab akar sagala ka jahatant koa cinta ka duit. jukut akibat nalama' duitlah sagahe urakng udah nyimpang dari iman ba nyiksa diri'e ba macam-macam duka.
\p
\v 11 Tapi kao hai manusia Jubata Allah, jauhilah samuae koa, teleh lah kaadilan, ibadah, kesetiaan, kasabaratn, ba kalamutant.
\v 12 Batandinglah ka daa'mp patandingan iman nang banar ba rabutlah iman nang banar ba idup nang kekal. Makae koa kao di nyaru', ba udah kao janjiatn janji nang banar ka muha manyak saksi.
\v 13 Ka adapant Jubata Allah nang mare idup ka sagala sasuatu ba ka adapant Jubata Yesus Karistus nang udah janjiatn janji nang banar ka muha Pontius Pilatus, ku ngampakatn ka kao.
\v 14 Turutilah parentah nyian, ina' ba cacat ba ina' ba cela, sampe saat Jubata diri' Yesus Karistus nang matakatn diri'E.
\v 15 Yakoa waktu nang udah di natuatn panguasa nang seko-seko'e ba barinsi ka bahagiaatn, Raja ka atas raja, Tuan ka atas tuan.
\v 16 Ia koalah seko'-seko'e nang ina' kalah ka maut, ba diamp ka daamp tarakng nang ina' ta samaki'. Seko urakng pun ina' suah nee' Ia memang manusia ina' bisa nee' Ia. Untu'E lah hormat ba kakuasaan nang kekal! Amin.
\p
\v 17 ingatilah urakng-urakng kaya ka dunia nyian biar mereka ame tinggi ati ba ame ba arap ka sagala sasuatu nang inak tantu aya kakayaatn koa. melainkan ka Jubata Allah nang daa'mp kakayaatn'E mare ka diri' sagala sasuatu untuk di nikmati.
\v 18 Ingatatnlah mereka koa ba buat baik, nang jaji kaya dengan kebajika, suka mare ba bagi
\v 19 maka ayakoalah ngomoan sasuatu harta dasar nang baik untu' diri'e ana waktu nan ka anae untuk' mencapai idup nang sabanare.
\p
\v 20 Hai Timotius, piharalah ahe nang di micayaant ka kao. Elaantlah omongan nang kosong ba nang inak suci ba pertentangan-pertentangan nang ba asal dari ahe nang di nyabut pangatahuan,
\v 21 jukut ada sagahe urakng nang ngajaratn'e makae iyakoa dah nyimpang dari iman. Kasih karunia nyaratai kao!