knx-x-bajare_reg/52-COL.usfm

\id COL
\ide UTF-8
\h Kolose
\toc1 Kolose
\toc2 Kolose
\toc3 col
\mt Kolose
\c 1
\cl Pasal 1
\p
\v 1 Paulus, ia seorang rasul Yesus Karistus sasuai kahandak Jubata Panampa', ba Timotius kamaru' diri'.
\p
\v 2 Ka urakng - urakng picaya' ba kamaru' - kamaru' saiman ka daapm Karistus nang barada ka Kolose. Kirae anugerah nonoi' kao, ba damai sajahtra umpat ka Jubata Panampa' Apa' diri'. ba Tuhan diri' Yesus Karistus, Amin.
\p
\v 3 Kami basyukur ka Jubata Panampa', Apa' dari Jubata Yesus Karistus, ba kami salalu satia bado'a untuknyu.
\v 4 Kami udah nangar tentang iman nyu ka Yesus Karistus ba tentang kasih nang kao miliki' ka samua nang jauh dari Jubata Panampa'.
\v 5 Kao miliki' kasih nyian sabab pangarapatn taguh nang dinyadiaatn ka kao umpat ka subayatn. Kao nangar pangarapatn taguh nyian sanapee daapm firman kabanaratn, iyakoa Injil,
\v 6 nang udah atakng ka kao. Injil nyian babuah, tumuh ka saluruh dunia. nian tajajdi daapm diri'nyu mulai' waktu ari kao nangar iya ba maajari' tentang anugrah Jubata Panampa' ka daapm kabanaratn.
\v 7 Nyian adalah Injil nang udah kao palajari umpat ka Efapras, ayukng sapalayanan diri' nang takasih. saorakng amba nang satia dari Karistus sabagai wakel kami.
\v 8 Efapras udah minjawat kami mahami' kasihnyu daapm Roh.
\p
\v 9 Sabab kasih koa, dari ari kami nangar iya kami ina' paranah baranti badoa untuk nyu. Kami tarus mohon biar kao dipanuhi' pangatahuan atas kahendakE daapm sagala hikmat ba pamahaman nang banar.
\v 10 Kami tarus badoa biar kao bisa bajaatn nang baik untuk Jubata ba cara nang udah Ia nyuruhatn. Kami tarus badoa biar kao babuah daapm satiap parbuatan baik ba biar kao tumuh daapm pangatahuan tentang Jubata Panampa'.
\v 11 Kami doaatn biar kao dikuatatn daapm sagala kamampuan manurut kuasa kamuliaanNe daapm katakunan ba kasabaran.
\v 12 Kami badoa biar kao basukacita basyukur ka Apa', nang udah minjawat kao mampu untuk naap bagiatn ahli waris dari urakng - urakng nang picaya' kadaapm tarakng. \f + ("nang udaah minjawat diri' bisa miliki' bagiatn").\f*
\v 13 Ia udah nyalamatatn diri' dari kuasa kagalapan ba mindahatn diri' kadaapm karajaan AnakE nang takasih.
\v 14 Daapm PutraE diri' namu panabusatn, sabagai pangampunan dosa. \f + ('Daapm AnakEdiri' namu panabusatn malalui' darahe, pangampunan dosa - dosa).\f*
\p
\v 15 Sabagai Putra, Ia adalah gambar Jubata Panampa' nang ina' kateeatn. Ia adalah nang partama dari sagala ciptaatn.
\v 16 Sabab Dihe sagala hal di nyiptaatn, baik nang ka subayatn mao'pun nang ka bumi. nang kateeatn mao'pun nang ina' kateeatn. Baik karajaan pamarentah atau kakuasaan, samua hal dinyiptaatn dihe untukE.
\v 17 Ia udah ada sanape sagalae, ba kadaapmE sagala sasuatu Ia kuasai'.
\v 18 Ia adalah kapala dari tubuh, yakoa jemaat. Ia adalah nang mula - mula ba nang partama dari antara nang udah mati. Jadi Ia nang posisi partama ka antara sagalae.
\v 19 Sabab Jubata Panampa' bakenan biar samua kuasae idup kadaapmE.
\v 20 Ba damaiatn sagalae untuk diri'E malalui' PutraE. Jubata Panampa' minjawat padamaian ba sagalae malaui' darahR ka kayu salib. Jubata Panampa' damaiatn sasuatu ba diri'E, baik sagal hal nang ada ka bumi mao'pun sagala hal nang ada ka subayatn.
\p
\v 21 Kao uga, kamie - kamie ana, adallah urakng - urakng asing bagi Jubata Panampa' bisa jaji musuhE daapm pikiran ba pabuatan-pabuatan nang jahatnyu.
\v 22 Tapi angkitn Ia udah damaiatn kao ba tubuhE malaui' kamatiatn-Ne. Ia babuat ayanyian biar diri'nyu kudus, ina' bacela lalu bakenan kaadapatn-Ne.
\v 23 Kade' kao tarus baiman. tatap tangguh ba kuat, ina' goyah dari pangarapatn nang kuat ka Injil nang udah kao nangar. Nyian adalah injil nang di baritaatn ka samua urakng nang dinyiptaatn ka babah angit. Nyian lah injil nang, aku Paulus, manjadi saorang amba.
\p
\v 24 Angkitn aku basukacita daapm pandaritaanku demi kao. Lalu aku dinginsii' daapm tubuhku ahe nang kurang daaapm panganalan ka Kristus demi tubuhE, yakoa jemaat.
\v 25 Dari jemaat nyianlah aku saorang amba, manurut tanggungjawab nang Jubata Panampa' marei' untuk kao, untuk nyukupi' firman Jubata Panampa'.
\v 26 Nyianlah kabanaran nang rahasia nang ina' ditahui' salama barabad - abad ba salama turun - tamurun. Tapi angkitn udah dinyingkapatn bagi kabatne nang picaya' ka-Ia.
\v 27 Ka kabatnelah Jubata panampa' mao' mare' nauan kakayaan dari kamuliaan kabanaran rahasia nyian ka antara urakng - ueakng buke' Yahudi. Yakoa sabab Karistus ada kadaapm diri'nyu, ba kayakinan nang mulia nang ataknga' ana.
\v 28 Nyianlah Ia nang kami baritaatn. kami ngingati' samua urakng, kami ngajar satiap urakng uga' ba samua hikmat kami, sahingga bisa ngicakng satiap urakng sacara utuh ka karistus.
\v 29 Untuk nyianlah aku bakaraja karas bajuang sasuai ba kakuatan- Ne nang bakaraja basamaku ba samua kuasa-E.
\c 2
\cl Pasal 2
\p
\v 1 Aku mao' kao nahui' sangahe aya' pajuanganku nang udah aku parbuat untuknyu, untuk kabatne ka Laodikia, ba untuk kabatne nang nape' nee' muhaku sacara langsung.
\v 2 Aku barusaha biar ati kabatne tasorong ba ngicakng kabatne basama - sama daapm kasih ba daapm samua kakayaatn ba jaminan rahasia kabaratn Jubata Panampa', yakoa Karistus.
\v 3 Ka Ialah batapor samua harta ba hikmat ba pangatahuan.
\p
\v 4 Aku ngataatn hal nyian ka kao biar ina' ada saorangpun nipu kao ba kata-kata kabatne nang mayakinkan.
\v 5 Biarpun aku ina' basama - sama kao sacara jasmani, aku tatap basama - sama kao daapm Roh. Aku repo nee' baik parbuatannyu ba kuate imannyu basama Karistus.
\p
\v 6 Saparati kao nang udah narima' Jubata karistus, bajaatnlah ba Ia,
\v 7 Baakar kuatlah ka Ia, di mangun ka atasE, di taguhatn ka daapm iman nang udah di ajaratn ka kao, balimpah - limpahlah ba syukur.
\p
\v 8 Tee'lah kade ina' seko' urakngpun nang bisa manjaratnyu malaui' filsapat ba tipu dayae nang kosong nang adalah asil dari adat - istiadat manusia, nang sasuai ba unsur - unsur nang barasal dari dunia, nang ina' sasuai ba Karistus.
\v 9 Sabab ka Ialah badiapm saluruh kasampurnaan kajasmanian Jubata Panampa'.
\v 10 kao udah di insi' ka daapm Ia. Ia adalah kapala dari sagala kakuatan ba kakuasaan.
\p
\v 11 Ka daapmE, kao udah dimaak, babaak nang buke dimajaan manusia, malainkan babaak kadaapm Jubata Panampa'.
\v 12 Kao udah dinyubur ba Ia kadaapm baptisan, Kadaapme kao di bangkitatn oleh iman ba Kuasa Jubata Panampa', nang mangkitatn Ia dari antara urakng mati.
\p
\v 13 Lalu kade' kao mati sabab palanggaran - palanggaran ba ina' b baak sacara jasmani, Ia minjawatnyu idup basama ba ia ba samua ngamponi palanggaran diri'. Ba ngamponi samua palanggarannyu.
\v 14 Ia ngamponi samua dosa - dosa nang tatulis ba paraturan - paraturan nang ngalawan diri'. Ia ngapusatn koa samua ba makuatn iya ka kayu salib.
\v 15 Ia ngapusatn sagala kakuatan ba ka kuasaan. Ia sacara tabuka' nojokatn ka kabatne atas kamanganan-Ne malaui' kayu salib.
\p
\v 16 Maka dari koa, ame biaratn seko' urakngpun mangakimi'nyu daapm hal makanan maopun cocokatn nyu, atau masalah ari raya atau buatn barahu, atau masalah ari sabat.
\v 17 Samua nyian adalah bayangan dari sasuatu nang anae, tapi akekate adalah Karistus.
\v 18 Amelah ada urakng mangakimi kao lalu kao kaluar dari anugerah nang kao tarima' iyakoa kabatne nang pura' - pura' ngarendahatn diri'e lalu mamuja para malaekat. Saparati urakng nang taama' ka sasuatu nang udah ia nee' lalu jadi sombong malaui' pikiran kadaginganne.
\v 19 Ia ina mampaut ka kapala. Dari kapala koalah saluruh tubuh ba roas - roase ba ensel - ensele tahubung jaji sote'; koa batumuh ba patumbuhatn nang dimare'i' Jubata Panampa'.
\p
\v 20 Kade' kao udah mati basama - sama ba Karistus ka parinsip - parisip dunia nyian, ngahe kao idup manurut kamaoan dunia.”
\v 21 Ame di jamah, ame di cacapi' ame di santuh"?
\v 22 Samua hal nyian diminjawat untuk kacurangan, badasaratn parentah - parentah ba pangajaratn dari manusia.
\v 23 Aturan - aturan nyian miliki' kabijaksanaan nang dibuat - buat. Tapi kabatne ina' milik' nilai nang bisa malawan kasenangan nang umpat ka kadaginan.
\c 3
\cl Pasal 3
\p
\v 1 Kade ana Jubata Panampa' mangkitatn kao Barage Karistus, gago'lah hal - hal ka atas, tampat Karistus duduk ka sabalah kanan Jubata Panampa'.
\v 2 Bapikirlah tentang hal - hal nang ka atas, buke' hal - hal nang ka bumi.
\v 3 Sabab kao udah mati, ba idup batapor ka Kristus daapm Jubata.
\v 4 Waktu Karistus nyata, daapm idupnyu, maka kao nyata uga' basama Iya daapm kamuliaan. \f + [sangahe versi di maca] ["Saat Karistus tiba, sae idup diri', maka kao uga akan muok basama iya daapm kamuliaan.”]\f*
\p
\v 5 Kamudian matiatnlah hal - hal duniawi--- pacabulan, kanajisatn, hawa napsu, kainginan jahat, ba sarakah sama dengan panyambahan barhala.
\v 6 Samua nyian ngatangan murka Jubata Panampa' ka anak - anake nang ina' taat. \f + [sangahe versi dimaca] [" untuk hal - hal nyianlah murka Jubata Panampa' jaji atakng.”].\f*
\p
\v 7 Daapm hal nyian kao uga paranah bajaatn basamae waktu kao idup basama kabatne.
\v 8 Tapi angkitn kao udah dimarasehatn daapm hal - hal nyian---murka, pamera, kajahatatn, garigisatn, fitnah, ba kata - kata kotor nang muok umpat ka mootnyu.
\v 9 Ame pangalok ba nang laine, sabab kao udah dinaap umpat ka manusia lama ba kalakuanne.
\v 10 Kao udah makeatn manusia barahu, nang dimarahui' dappm pangatahuan sasuai ka gambar nang nyiptaatn iya.
\v 11 Daapm pangatahuan nyian, ina ada urakng YUnani ba urakng Yahudi, urakng babaak ba ina' babaak, urakng Barbar, urakng Skit, budak, urakng merdeka, tapi karistus adalah sagalae ba kadaapm samuee.
\p
\v 12 Lau pakelah, sababgai urakng pilihan Jubata Panampa', nang kudus ba dikasihi, pakelah murah ati, kabaikatn, karendahan ati, kalamahlembutan, ba kasabaratn.
\v 13 Tanggongan lah seko ba nang lainne. Kasihi'lah nang lainne uga', kade' ada urakng nang ngeluh ka nang lainne, amponi'lah ayamae Jubata ngamponi' kao.
\v 14 Ka atas samuee koa, miliki'lah kasih, nang adalah pangikat dari kasampurnaan.
\v 15 Biarlah damai Karistus mamerntah daapm atinyu. Sabab damai nyianlah nang nyaru' kao daapm sote' tubuh ba basyukurlah.
\p
\v 16 Biarlah pakataatn Karistus diapm ka daapmnyu ba sagala kakayaanNe. Ba saluruh kabijaksanaan ba nasehatilah satu ba nang lainne ba mazmur puji-pujian uga nyanyian rohani. banyanyilah ucapan syukur daapm atinyu ka Jubata Panampa'.
\v 17 Ba ahepun nang kao karajaan, daapm pakataatn atau parbuatan, lakukan koa daapm nama Jubata Yesus. Mangucap syukur ka Jubata Panampa' Apa' diri' malaui' Ia.
\p
\v 18 Bini-bini tunduklah ka akinyu, ayamae mestie daapm Jubata.
\p
\v 19 Aki - aki kasihi'lah bini- bininyu, ba ame minjawat kapahitatn ka kabatne.
\p
\v 20 Anak - anak, taatlah ka urakng tuhanyu daapm sagala hal, sabab koa nyenangan ati Jubata.
\p
\v 21 Apa' - apa' amelah nimbulatn sakit ati ka na' anak - anaknyu, biar kabatne ina sakit ati.
\p
\v 22 Amba - amba taatlah ka tuannyu daapm sagala hal, buke' kahe nyenangan ia waktu tuannyu nee' kao, tapi arus sapanuh ati. Gai'lah ka JUbata.
\v 23 Ahepun nang kao karajaan, lakukan ba saganap jiwanyu saparati untuk Jubata, buke' untuk manusia.
\v 24 Kao nahui' kade' kao mao' narima' upah nang udah di nyanjiatn iyakoa harta warisan umpat ka Jubata. Harta warisan umpat ka Jubata Karistus nang kao layani.
\v 25 Untuk satiap urakng nang ina' banar pasti narima' ukuman dari nang ina' banar nang ia lakukan ina' pandang bulu.
\c 4
\cl Pasal 4
\p
\v 1 Tuan - tuan, pinjawatlah amba - ambanyu baik ba adil. Kao nahui' kade' kao uga' milikituan ka subayatn.
\p
\v 2 Tataplah tekun daapm doa. ame lupa' ba jaga - jagalah sambil mangucap syukur.
\v 3 Badoalah uga' untuk kami, sahingga Jubata Panampa' mukaatn pintu untuk satiap pakataatn, untuk maritaatn tentang rahasia kabanaratn Kristus. Sabab koalah, aku angkitn di balenggu.
\v 4 Badoa kirae aku bisa minjawat samuae jalas, sabab aku arus bakata.
\p
\v 5 Bajaatnlah kadaapm hokmat ka urakng -urakng luar, ba pakelah waktu nang ada.
\v 6 Biarlah pakataatnnyu salalu dinginsi' ba kasih karunia. Biarlah kabatne di ngare'i', sahingga kao nahui' ayamae saharuse kao nyawab satiap urakng.
\p
\v 7 Adapun hal - hal nang basangkut ka aku, Tikhikus mare' nauan iya ka kao. Ia adalah kamaru' diri' nang takasih, saorang amba nang satia, ayukng sapalayanan daapm Jubata.
\v 8 Aku ngirim ia ka kao maksute, biar kao nahui' hal - hal tentang kami, sahingga ia bisa nguatatn atinyu. \f + [sangahe versi lama di maca]["Aku ngirim ia untuk nyian, sabab ia nang nahui'sagala parmasalahannyu, ia nang nguatatn na' atinyu.”]\f*
\v 9 Aku ngirim ia ba sama Onesimus, kamaru' nang takasih ba satia, ka antaranyu, Kabatne nang mao' maritaatn ka samua nang tajadi kadian.
\p
\v 10 Aristarkus ayukngku ka pinjara, ngirim salam ka kao ayakoa uga' Markus Sapupu Barnabas (ba sae aja' nang narima pasatn nyian; Kade' ia atakng ka kao, tarima'lah ia),
\v 11 Ba Yesus uga nang di saru' Yustus. Kahe katiga urakng nyianlah ka antara samua urakng - urakng nang babaak nang bakaraja ba aku untuk karajaan Jubata Panampa'. Kabatne udah jaji pangibur bagiku.
\p
\v 12 Salam umpat ka Epafras untuknyu. Ia adalah salah satu dari antara kao ba seko' amba Karistus Yesus. a salalu bakaraja karas untuknyu kadaapm doa, biar kao tatap teguh ba sapanuhe diyakinan ka samua kamaoan Jubata Panampa'.
\v 13 Aku basaksi untuk ia, sabab ia udah bakaraja karas untuknyu, untuk samua urakng nang ada ka Laodikia, ba nang ada uga' ka Hierapolis.
\v 14 Salam ka kao sakalian nang takasih tabib Lukas ba Demas.
\p
\v 15 Salam ka kamaru' - kamaru' nang ka Laodikia, Nimfa, ba jemaat uga nang ada ka rumahe.
\v 16 Waktu surat nyian dibacaatn ka kao, kao uga arus maca surat nang aku tujuatn ka jemaat Laodikia.
\v 17 Kataatn ka Arkhipus,” Paratiatnlah palayanan nang udah kao tarima' umpat ka Jubata, sabab kao arus majaanan samuee koa.”
\p
\v 18 Salam nyian umpat ka kokotku sandiri' --- Paulus, ingatlah balengguku. Samoga kasih karunia nono'i' kao.