knx-x-bajare_reg/50-EPH.usfm

\id EPH
\ide UTF-8
\h Efesus
\toc1 Efesus
\toc2 Efesus
\toc3 eph
\mt Efesus
\c 1
\cl Pasal 1
\p
\v 1 Paulus, rasul Yesus Karistus malalui' kainginan Jubata Panampa', ka kabatne nang di misahatn untuk Jubata Panampa' ka Efesus nang satia basama Yesus Karistus.
\p
\v 2 Kirae anugerah ba damai sejahtera dari Jubata Panampa' diri' ba Jubata Yesus Karistus salalu ada ba kita'.
\p
\v 3 Kirae Jubata Panampa' ba apa' Jubata diri' Yesus Karistus di fuji. soale Jubata Panampa'lah nang udah marakati' diri' dari samua barakat rohani ka subayatn ka daapm Karistus.
\v 4 Sanape' dunia dinyiptaatn Jubata Panampa' udah milih diri' nang picaya' ka daapm Karistus. Ia udah milih diri' biar diri' bisa jaji kudus ba ina cacat ka adapatn-Ne.
\v 5 Ka daapm kasih, Jubata Panampa' udah nakdiratn diri' untuk diadopsi jaji anak - anak-Ke malalui' Yesus Karistus. Ia udah ngalakukan nyian soale Ia bakenan untuk ngalakuan ahe nang Ia kahendaki.
\v 6 Sahingga Jubata Panampa' koa di sambah untuk kamuliaan anugerah-E. Nyianlah nang udah Ia mareatn sacara cuma - cuma ka diri' malalui' putra-E nang terkasih.
\p
\v 7 Sabab ka daapm putera-E, diri' namu panabusatn malalui' darah-E, yakoa pangampunan dosa - dosa, diri' namu nyian sabab kakayaatn anugerah-E.
\v 8 Ia nyajiatn anugerah koa balimpah ka diri' ka daapm samua hikmat ba pangartian.
\v 9 Juabta Panampa' minjawat diri' biar nahui' kabanaratn nang ina' kateatn dari rancana-E, sasuai kamao'an-Ne nang udah Ia neatn malalui' Karistus.
\v 10 Saat waktue udah diganapi'untuk nyalasaiatn rancana-E. Jubata Panampa' mao' nyatuatn samua nang ka daapm subayat ba nang ka dunia ba komo' ba Karistus.
\p
\v 11 Ka daapm Karistus diri' udah di milih ba dinatapatn sanape'e sabagai warisan Jubata Panampa'. Nyian sasuai ba rencana dari Ia nang malakukan samuae sasuai ba maksud ba tujuan-Ne.
\v 12 Jubata Panampa' malakukan hal nyian biar diri' muih idup untuk mamuji kamuliaan-Ne. Diri adalah nang pertama miliki' kayakinan ka Karistus.
\v 13 Ka Karistus, kao uga', waktu kao udah nangar pakatatn kabanaratn, Injil kasalamatan, Kao udah picaya' ka Ia nang di materaiatn ba Roh Kudus nang udah di nyanjiatn.
\v 14 nang adalah jaminan warisan diri' sampe kapamilikatn udah di namu sabagai pujian kamulian-Ne.
\p
\v 15 Sabab koalah, dari partama kali aku nangar soal imannyu ka Jubata Yesus ba soal kasihnyu ka samua urakng nang di misahatn untuk Ia.
\v 16 aku ina' baranti -barantie batarima kasih ka Jubata Panampa' untuk kita' daapm doa aku salalu nyabutatn dama - dama kita'
\v 17 Aku badoa kade' Jubata Panampa' diri' Jubata Yesus Karistus, Apa' kamuliaan, marei' ka Roh kabijaksanaan ba nubuat tentang pangatahuan-Ne.
\v 18 Aku badoa biar mata atinyu jaji carah ka kao, biar nahui' ahe nang minjawat diri jaji yaken ka panggilan diri' ba kakayatn kamuliaan warisan-Ne ka antara umat kudus Jubata Panampa'.
\v 19 Aku badoa biar kita' nahui' kamegahan kuasa-E nang luar biasa ka diri' nang picaya'. Kamegahan nyian badasarkan pakarajaatn dari kakuatan kuasa-E.
\v 20 Nyianlah kuasa nang bakaraja ka Karistus waktu Jubata Panampa' mangkitatn Ia dari kamatiatn ba madudukatn Ia ka sisi kanan-Ne ka Subayatn.
\v 21 Ia nudukatn Karistus ka atas samua paraturan, wewenang, kakuasaan, pamarentahan. ba satiap dama nang di sabutatn. Ia nudukatn Karistus bukenya masae nang angkitn saja', tapi masa nang dah anae uga'.
\v 22 Jubata Panampa' udah muangan samuae ka babah paha Karistus ba nyajiatn Ia sabagai kapala atas samua hal daapm jamaat.
\v 23 Jamaat koalah sabagai tubuh-He, kabainsiatn-Ne nang nginsii' samua hal-hal ba cara sandiri'.
\c 2
\cl Pasal 2
\p
\v 1 Aya kao dee, udah mati malanggar ba badosa.
\v 2 Sabab koalah kao paranah idup manurut aturan duniawi. Kao idup manurut panguasa otoritas dari angin. Koalah roh nang bakuasa ka anak-anak doraka.
\v 3 Diri paranah ada uga' ka urakng - urakng nang ina' picaya' koa. diri' batindak sasuai kamaoan ibalis nang ada ka dagen diri'. diri' batindak atas kamaoan dagen ba pikiran jahat. diri' anak katurunan pamera aya nang lain.
\p
\v 4 Tapi Jubata Panampa' kaya ba bapangasihatn-Ne sabab kasih-E nang aya' udah ngasishi diri'.
\v 5 Waktu diri' mati sabab palanggaran-palanggaran, Ia udah maba diri' ka kaidupatn nang barahu basama Karistus, sabab anugerah kao di slamatatn.
\v 6 Jubata Pananmpa' mangkitatn diri' barage - rage, ba nudukatn diri' barage - rage ka subayatn ba Yesus Karistus.
\v 7 Biar waktu nang ana Ia mao' neeatn kakayaatn barakat-Te nang ina' taetong, nang Ia neeatn kabaikatn-Ne ka diri' basama Yesus Karistus.
\p
\v 8 Kahe anugerah kao udah dislamatatn malalui iman. Dan nyian buke' atakng umpat ka diri'. Nyian adalah hadiah umpat ka Jubata Panampa'.
\v 9 buke umpat ka pakarajaatn - pakarajaatn biar ina' saurakngpun nang jaji sombong.
\v 10 Soale diri' Jubata Panampa' nang minjawat diri', dinyiptaatn basama Yesus Karistus untuk majaanan pakarajaan - pakarajaan baik, dari dee Jubata panampa' udah barencana ka diri' bajaatn ba barage ia.
\p
\v 11 Sabab koa ingatlah kade kao dee buke'lah urakng Yahudi sacara dagen. Kao disabut “ina' babaak" ja kabatne nang “babaak” sacara dagen buatan kokot manusia.
\v 12 Soale waktu koa udah tapisah dari Karistus. Kao urakng - urakng asing ka bangsa Israel. Kao urakng - urakng asing sasuai janji daapm parsatujuan. Kao ina ba kapastian masa depan. Kao tanpa Jubata Panampa' ka dunia.
\v 13 Tapi angkitn basama Yesus Karistus, kao nang dee jauh dari Jubata Panampa' udah dinyamakatn ka Jubata Panampa' sabab darah Yesus Karistus.
\p
\v 14 Sabab Ia adalah damai diri'. Ia nyajiatn nang dua jaji sote'. sabab dagen-Ne ia udah ngancuratn tembok pamisah nang misahatn diri' yaitu pamusuhatn.
\v 15 Soale ia udah musnahahtn ukum Taurat ba paraturan - paraturan biar Ia bisa nyiptaatn manusia barahu ka daapm diri'E. Ia minjawat damai.
\v 16 Karistus damaiatn kadua bangsa jaji sote' tubuh ka Jubata Panampa' malalui' salib, matiatn pamusuhatn.
\v 17 Yesus atakng memproklamasiatn damai bagi kao nang jauh lalu damai bagi kabatne nang samak.
\v 18 Sabab malalui Yesus diri' samua ada maraga taama' daapm sote' Roh ka Apa'
\p
\v 19 Jaji kao urakng - urakng buke' Yahudi buke' agi salaku urakng - urang nang ina' kanal urakng -urakng asing. malainkan sasama warga ba kabatne nang udah dimisahatn untuk Jubata Pananmpa' lalu jaji kaluarga Jubata Panampa'.
\v 20 Kao udah dimangun ka atas dasar rasul - rasul ba para nabi - nabi. Karistus Yesus sandiri' salaku batu panjuru.
\v 21 Kadaap Ia saluruh bangunan cocok ba nang lainne lalu ba tumbuh salaku Bait Jubata Panampa' ka daapm Jubata.
\v 22 Ka Ialah kao uga' udah dimangun basama salaku tampat kadiaman Jubata ka daapm Roh.
\c 3
\cl Pasal 3
\p
\v 1 Oleh karana koa aku, Paulus, urakng nang diminjara sabab Karistus Yesus salaku urakng - urakng buke' Yahudi.
\v 2 Kade' kao udah nangar masalah pangalolaan kasih karunia dari Jubata Panampa' nang udah dimareatn ka aku karana kao.
\v 3 badasaratn Wahyu nang udah dineeatn ka aku, kabanaratn nang dinaporatn nang udah dinulisatn sacara singkat daapm surat nang lain.
\v 4 Pada waktu kao maca hal nyian, kao pasti bisa ngarati pandanganku daapm hal nyian masalah kabanaratn nang batapor tantang Karistus.
\v 5 Ka ganarasi - ganarasi umat nang lain ina' dikanal, tapi nang angkitn udah dimebasatn Roh ka para Rasul ba para Nabi-E nang kudus.
\v 6 Kabanaratn nang batapor nyian bahwa urakng - urakng buke' Yahudi adalah ayukng pawaris ba anggota dari tubuh ba namu bagiatn parjanjian daapm KaristusYesus malalui' pambaritaan Injil.
\p
\v 7 Oleh sabab koa aku udah jaji palayan sabagai anugerah pamareatn Jubata Panampa' ka aku malalui' kuasa-E.
\v 8 Jubata Panampa' mare' anugerah nyian ka aku, biarpun akulah nang paling hina daripada kabatne nang udah namu bagiatn dari Jubata Panampa' untuk ngabaratn Injil ka urakng - urakng buke' Yahudi dari kakayaatn Karistus nang ina' taetong,
\v 9 lalu ngicakng satiap urakng ka daapm nang tarakng ba ngabaratn ka kabatne tantang rahasia rancana Jubata Panampa'. nyianlah rancana bahwa Jubata Panampa' nang udah batapor koa dari sanape'e, nang ngiptaatn sagala - galae.
\v 10 Tujuan mabai' satiap urakng ka daapm tarakng adalah malaui' paraturan - paraturan ba kakuasaan ka daapm subayatn bisa di tahui' manyak carae sacara alami badasaratn hikmat Jubata Panampa'.
\v 11 Badasaratn rancana kakal nang udah dinyampuranaatn ka daapm Yesus Karistus Jubata diri'.
\v 12 Sabab ka daapm karistus diri' udah bisa jajai barani ada maraga ba kayakinan panuh oleh iman diri' ka daapm Ia.
\v 13 Oleh sabab koa aku minta ka kao ame marasa enek ati sabab pandaritaanku untuk kao. nang mae adalah untuk kamuliaannyu.
\p
\v 14 Sabab hal nyian aku basujud ka apa',
\v 15 nang dama-E ka adapatn katurunan daapm subayatn ba ka atas bumi aku sabutatn.
\v 16 Aku badoa kirae Ia mare karunia ka kao atas dasar kakayaatn kamuliaan-Ne, untuk nguatatn kuasa malalui' Roh-E nang ada kadaapmnyu.
\v 17 Aku badoa agar Karistus idup kadaapm atinyu malalui' iman, biar kao jaji ba akar ba tumuh basama kasih-E.
\v 18 samoga kao ada kakuatan biar kao bisa ngarati, basamua urakng nang picaya' sidi luas, panyakng, tingi ba daapm.
\v 19 biar kao bisa nahui' kasih Karistus koa, nang malalui' pangatahuan, biar kao bisa di panuhi' kamuliaan Jubata Panampa'.
\p
\v 20 Bagi Ialah nang sanggup majaanan samuee jauh malampaui' nang diri' mnta' atau pikiratn nang badasaratn kuasa-E nang bakaraja kadaapm diri'.
\v 21 Bagi Ialah kamuliaan daapm jemaat kadaapm Karistus Yesus dari sagala ganarasi sampe ba salama- lamae. Amin.
\c 4
\cl Pasal 4
\p
\v 1 Aku sabab koa, salaku urakng nang dipinjaraatn bagi Jubata, aku nyorong kao biar idup ka daapm idup nang ba kenan badasaratn panggilan nang ayamae Jubata Panampa' nyaru' kao.
\v 2 Iduplah ba karandahan ati ba kalamah lambutan, ba kasabaratn, tarimalah sote ba nang lain daapm kasih.
\v 3 Barusahahalah sakuat tanaga nyaga parsatuan daapm Roh daapm ikatan daapm kasih.
\v 4 Adalah sote' tubuh ba sote Roh, ayamae kao udah disaru' daapm sote' kayakinan, pangarapatn ba panggilan nyu.
\v 5 Ba kadaapm sote' Jubata, sote iman, sote' baptisan.
\v 6 Kahe sote' Jubata Panampa' ba Apa' dari samua nang ka atas ba samua ka daapm samua.
\p
\v 7 Ka satiap diri' udah dimare' sasuatu karunia badasaratn ukuran dari pamareatn Karistus.
\v 8 Aya firman Jubata bakata “pada waktu Ia naik ka tampat tingi, Ia ngicakng para tawanan ka daapm panawanan lalu Ia mareatn pamareatn - pamareatn ka manusia.”
\p
\v 9 Ahe arti “Ia naik" kacuali uga' Ia turutn ka daapm bagian bumi nang paling babah.
\v 10 Ia nang udah turutn adalah paribadi nang sama uga' udah jauh naik ka atas subayatn, Ia pasti mamanuhi' sagala - galae.
\v 11 Karistus udah mare sangahe untuk jaji Rasul, sangahe nang jaji Nabi, sangahe sabagai panginjil, ba sangahe jaji gambala ba pangajar.
\v 12 Ia udah mareatn tanggung jawape nyian untuk ngalengkapi urakng - urakng kudus-E untuk pakarajaan palayanan untuk mamabangun tubuh Karistus.
\v 13 Ia tarus mangun tubuh-E, biar diri' jaji satu kasatuan iman ba pangatahuan tantang Anak Jubata sampe diri' jaji dewasa lalu uga' sampe ka ukuran kapanuhan Karistus.
\p
\v 14 Karistus mambangun diri' biar diri ina aya kamuda' nang tarombang - ambing di galombang, lalu kana icakng rupa - rupa angin pangajaratn ba pamainan palsu urakng - urakng licik ba tipu muslihat kabatne.
\v 15 Sabalike kuat mampaut ka kabanaratn daapm kasih diri'e batumuh ka sagala cara ka daapm Ia nang adalah kapala iyakoa Karistus.
\v 16 Karistus mambangun saluruh tubuh lalu di jajiatn utuh ba dinyatuatn dari satiap dukungan, pangikat, pada waktu satiap dukungan bakaraja sama, maka minjawat tubuh batumuh aka' koa tabantuk babaro kadaapm kasih.
\p
\v 17 Sabab koa, aku bakata koa ina' agi' sarupa idup urakng - urakng buke' Yahudi daapm kasia - siatn pikiran kabatne.
\v 18 Kabatne jaji galap kadaapm pangartian tarasing dari idup parsekutuan ba Jubata sabab kabodohan nang ada kadaapm kabatne ba kataguhatn ati kabatne.
\v 19 Parasaan kabatne jaji tumpu lalu kabatne nyarahatn diri'e ka hawa napsu, lalu kabatne ada nang sataruse maratekatn satiap janis kanajisan.
\v 20 Namun nyian buke'lah ayamae nang kao palajari' tentang Karistus.
\p
\v 21 Aku mao'e kao nangar tentang Karistus lalu udah di ngajaratn kadaapm Ia sabagai sasuatu kabanaratn kadaapm Yesus.
\v 22 Kao di ajar biar mukai' ahe nang jaji milik cara idup nang dee, untuk mukai' manusia lama. Koalah manusia lama nang dingarusakatn, sabab kainginan nang nipua'.
\v 23 Kao dingajar untuk dimarahui' kadaapm Roh ba pikiran - pikirannyu.
\v 24 Untuk makeatn manusia barahu nang di ngiptaatn sasuai gambar Jubata Panampa' kadaapm kabanaratn ba nang kudus.
\p
\v 25 Sabab koa buaknglah dusta, bakatalah nang batol ka seko' ba nang laine, soale diri' sote' anggota ba nang laine.
\v 26 Muih bera tapi sampe minjawat badosa, ame miaratn mata ari tingaapm lalu kao masih uga' bera.
\v 27 Ame minjawat tampat ka si jahat.
\v 28 Kabatne nang pamancuri ame agi' jaji pancuri, ia arus bakaraja sapanuh atie ba kokote, biar ia bisa ba bagi ba nang paralu.
\p
\v 29 Ame ada pakataatn nang ngarugiatn nang muok umpat ka mootnyu, aruslah pakataatn nang baguna untuk saling mambangun aya nang di paraluatn kabatne, untuk mareatn anugerah ka kabatne nang nangaratn.
\v 30 Lalu amelah ngaduaatn Roh kudus Jubata Panampa', nang udah mameteraiatn kao untuk jaji panabusatn.
\v 31 Buaknglah sagala nang pahit, kagusaratn, pamera, patangkaratn, lalu panghinaan soale koa samua umpat ka si jahat.
\v 32 Jajilah baik ka samua urakng, lamah lambut, suka ngamponi' dari seko' ba ka nang laine, ayamae Jubata Panampa' kadaapm Karistus udah ngamponi kao.
\c 5
\cl Pasal 5
\p
\v 1 Sabab koa jajilah nang panurut ka Jubata Panampa', jaji anak-Ke nang Ia kasihi'.
\v 2 Lalu iduplah ka daapm kasih, ayamae Karistus ngasihi' diri' nang udah ngorbanan Diri'e untu' diri', sasuatu parsambahan nang babau mangat lalu untu' korban bagi Jubata Panampa'.
\p
\v 3 Tapi parbuatan nang cabul ba sarakah ina' disaranan ada ka antara kita' ayamae nang saharuse bagi urakng picaya'.
\v 4 Ayakoa uga' pakataatn nang kotor, nang kosong ba nang sambarono-- samua koa ina' pantas. Sabalike aruslah ada ucapan syukur.
\v 5 Katahui'lah ina' ada urakng sundal, urakng pangalok, atao urakng sarakah,-- artie panyambah bahala-- nang namu warisan ka daapm karajaan Karistus ba Jubata Panampa.
\p
\v 6 Ame ada nang seko'pun nang nipu kao ba kata- katae nang kosong. Sabab hal - hal nyian ngatangan minjawat Jubata bera ka anak - anake nang ina' taat.
\v 7 Sabab koa, amelah jaji bagian dari kabatne.
\v 8 Sabab kao dee barada ka dunia nang galap, tapi kao angkitn barada ka daapm nang tarakng Jubata. Jaji bajaatnlah salaku anak - anak nang tarakng,
\v 9 (sabab buah dari nang tarakng adalah samua kabaikatn, kaadilan ba kabanaratn)
\v 10 lalu tojokatnlah ahe nang nyanangan ati Jubata.
\v 11 Amelah ikut - ikutan ka nang parbuatan nang itapm. Tapi sabalike bukalah parbuatan - parbuatan koa.
\v 12 Sabab nyupei' ahe agi mao' disabutatn hal - hal nang kabatne karajaan sacara rahasia.
\v 13 Samua nang tarakng mukaatn, jaji nyata. Sabab tarakng narakngi' samuae koa.
\v 14 Sabab ada tatulis" Umpatlah kao nang masih tidur, lalu bangkitlah dari kamatian, lalu Karistus basinar ka atas nyu.”
\p
\v 15 Maka koa ati -atilah daapm idup amelah aya urakng -urakng nang bodoh tapi jadilah urakng nang bijaksana.
\v 16 Pagunaanlah waktu nang ada sabab ari-ari nyian adalah jahat.
\v 17 Maka koa, amelah bodo, tapi barusahahalah mahami' kainginan Jubata.
\v 18 Lalu amelah kamabuk gara-gara anggor, sabab koa ngancuratn idup diri'. Sabaike insi'lah ba Roh Kudus,
\v 19 bakatalah ba nang lainne ba Mazmur, puji - pujian ba lagu - lagu rohani, badendanglah lalu pujilah ba saluruh daapm atinyu ka Jubata.
\v 20 Salalulah ba syukur daapm samua hal ka daapm dama Jubata Yesus Karistus ba ka Jubata Panampa' diri'.
\p
\v 21 ngogo'lah diri'nyu ka nang lainne lalu batabe' nampa ka Jubata Yesus.
\p
\v 22 Nang bini tunduklah ka akinyu, aya diri' ka Jubata.
\v 23 Sabab akinyu adalah kapala dari bini, aya Karistus uga' adahlah kapala ka jamaat, lalu Karistus sandiri' adalah panyalamat dari tubuh.
\v 24 Tapi aya jamaat tunduk ka Karistus, yakoa uga' bini arus tunduk ka lakie daapm sagala ahepun.
\p
\v 25 Para nang laki nang udah ba kaluarga, kasihi'lah bininyu, aya Karistus nang udah ngasihi' jamaat nang udah mareatn diri'E untuk jamaat.
\v 26 Karistus udah mareatn diri'E untuk jamaat biar Ia nyajiatn jamaat Kudus, aka' nyasah jamaat ba ai' ba firman uga'.
\v 27 Biar ayanyian Ia nampatatn jamaat nang mulia, tanpa cacat atau karepot atau hal - hal lain samacam koa, tapi nyajiatn diri' suci tanpa kasalahan.
\p
\v 28 Ba cara nang sabaya, laki sahahruse nyayakngi' binie aya ia nyayakngi' diri'e. Ia nang nyayankngi' binie, sabaya aya ia nyayakngi' diri'e sandiri'.
\v 29 Sabab ina' ada urakng seko'pun nang banci ka diri'e sandiri', malahan ia sayakngi' ba ia rawat, sama aya Karistus uga' nyayakngi' jamaat.
\v 30 sabab diri' adalalah anggota tubuhE.
\v 31 Maka koa nang laki pasti ningaatn apa' ba uwe'e lalu basatu ba binie, sabab dua pasti jaji sete' dagen.
\v 32 Nyianlah kabanaran sidi aya' nang batapor-- tapi aku bakata masalah Karistus ba jamaate.
\v 33 Walaupun, kao arus nyayangi' bininyu aya kao nyayangi' dirinyu, lalu bini arus manghormati' akie.
\c 6
\cl Pasal 6
\p
\v 1 Anak-anak taatlah ka urakng tuhanyu daapm Jubata, sabab hal nyianlah adalah banar.
\v 2 “Hormatilah apa'nyu ba uwe'nyu" (nyian adalah parentah partama dari pajajanjian),
\v 3 nang koa adalah baik baginyu lalu kao pasti idup lama ka dunia.”
\p
\v 4 Apa', amelah minjawat ati anaknyu jaji bera. sabalike, didiklah kabatne sacara disipilin ba patunjuk - patunjuk dari Juabata.
\p
\v 5 Para amba - amba, jajilah urakng nang taat ka tuannyu, rasa hormatnyu nang tingi ba rasa gangatar, kadaapm kajujuran ka atnyu. Sama ayamae kao taat ka Jubata Karistus.
\v 6 Buke kahe nyenangan atie waktu kabatne parhatian ka kao. Tapi aya amba Karistus. Babuatlah sasuai kamaoan Jubata kadaap atinyu.
\v 7 Layanilah sapanuh atinyu, sarupa kao malayani Jubata, buke' aya kao malayani manusia.
\v 8 kao paralu nahui' ahepun parbuatan nang baik ka urakng lain, ia pasti narima' panghargaan dari Jubata, ahe ge' ia jaji amba mao'pun ia urakng nang merdeka.
\p
\v 9 Tuan - tuan, pinjawatatlah hal nang sama ka amba-ambanyu tanpa ngamcam kabatne. ingatlah tuannyu ba tuan kabatne nang ada kadaapm kasaroga. Kao nahui' kade' Ia ina' nee' muha.
\p
\v 10 Akhire jajilah nang kuat kadaapm Jubata ba daapm kakuatan kuasaE.
\v 11 Pakelah saluruh kakuatan Jubata Panampa", biar kao bisa batahan malawan tipu muslihate ibalis.
\v 12 Sabab pajuangan diri' buke'lah malawan dagen ba darah. Sabalike malawan pamarenta-pamarentah ba panguasa- panguasa dunia galap, malawan roh-roh jahat ka udara.
\v 13 Makakoa pakelah saluruh palengkapan sinjata dari Jubata Panampa'. biar kao bisa badiri kuat malawan si jahat pada masa nang jahat nyian, lalu pajaananlah samuae lalu tatap badiri kuat.
\p
\v 14 Sabab koa tataplah badiri tagap, Pakelah ikat pinggang kabanaratn ba bajulah anti parakng ka adilan.
\v 15 Lalu untuk ngalasi' pahanyu, pakelah kasot karelaan nang neeatn Injil damai sajahtera.
\v 16 Baik daapm ngadapi' ahepun pakelah jabakng iman, jaji ayanyian kao bisa nangkis panah dari si jahat.
\v 17 Lalu pakelah baju lapis baja ba mando roh, nang adalah firman Jubata Panampa'.
\v 18 Daapm sagala doa ba pamohonan, badoalah satiap waktu daapm roh. Ba pikiran nyian, bajaga-jagalah salalu ka daapm doanyu koa nang ina' putus-putuse pamohonan untuk samua urakng nang picaya'.
\p
\v 19 lalu badoalah untuk ku, biar pasatn dbare ka aku, waktu aku muka' mootku. Badoa biar aku di karuniai' pakataatn nang banar biar ba kabaranianku maritaatn rahasia injil.
\v 20 Sabab aku adalah utusan nang diminjaraatn, biar ba kabaranian aku matakatn iya ayamae aku bakata.
\p
\v 21 Tikhikus, saudaraku nang kukasihi' palayan nang satia ka daapm Jubata, nang marea' nahui' ka kita' samuae.
\v 22 Aku ngirim ia ka kita untuk satiap tujuan nyian, biar kita' nahui' samua pakara kami, biar ia ngiburatn atinyu.
\p
\v 23 Kirae damai sajahtera ka kamaru'-kamaru', kasih ba iman dari Jubata Panampa' ba Jubata Yesus Karistus.
\v 24 Kirae anugerah bagi samua urakng nang ngasihi' Jubata Yesus Karistus ba kasih nang ina paranah binasa.